དཀོན་མཆོག་གསུམ་གྱི་བཀྲ་ཤིས་ཀྱི་ཚིགས་སུ་བཅད་པ།
― DTG207_Page_0699 ―
[མ་དཔེ་གཟིགས་ན་འདིར་གནོན།]
རྒྱ་གར་སྐད་དུ། རཏྣ་ཏྲི་སྭ་སྟི་གཱ་ཐཱ། བོད་སྐད་དུ། དཀོན་མཆོག་གསུམ་གྱི་བཀྲ་ཤིས་ཀྱི་ཚིགས་སུ་བཅད་པ། དཀོན་མཆོག་གསུམ་ལ་ཕྱག་འཚལ་ལོ། །བདེ་གཤེགས་རྒྱལ་བ་གང་གི་མཐུ་ཉིད་ཀྱིས། ལེགས་པའི་འཁོར་ལོས་སྒྱུར་རྒྱལ་ལས་བྱུང་བའི། །སྐུ་གསུམ་མངོན་པར་མཐོ་བའི་བཀྲ་ཤིས་གང༌། །བཀྲ་ཤིས་དེས་ཀྱང་དེང་འདིར་བདེ་ལེགས་ཤོག །ཞི་བ་ཆགས་མེད་དམ་ཆོས་ནོར་བུ་འདྲ། །ལེགས་པར་བཤད་པ་ལས་བྱུང་བཀྲ་ཤིས་དང༌། །བདུད་རྩི་ལྟ་བུར་གསུངས་པའི་བཀྲ་ཤིས་གང༌། །བཀྲ་ཤིས་དེས་ཀྱང་དེང་འདིར་བདེ་ལེགས་ཤོག །ཐུགས་རྗེ་ཆེ་ལས་མངོན་བྱུང་བྱང་ཆུབ་སེམས། །མངོན་པར་མཐོ་བ་འཁོར་བའི་ས་རབ་ནོན། །སྟོབས་ལྡན་དགེ་འདུན་དག་གི་བཀྲ་ཤིས་གང༌། །བཀྲ་ཤིས་དེས་ཀྱང་དེང་འདིར་བདེ་ལེགས་ཤོག །དཀོན་མཆོག་གསུམ་གྱི་བཀྲ་ཤིས་ཀྱི་ཚིགས་སུ་བཅད་པ་རྫོགས་སོ།། །།