ལྷ་དབང་ཕྱུག་གིས་ཚོགས་བདག་ལ་གནང་བའི་ས་མུ་དྲ་ཕ་ལའི་སྦྱོར་བ་ཁ་བསྒྱུར་དང་བཅས་པ།
ལྷ་དབང་ཕྱུག་གིས་ཚོགས་བདག་ལ་གནང་བའི་ས་མུ་དྲ་ཕ་ལའི་སྦྱོར་བ་ཁ་བསྒྱུར་དང་བཅས་པ་ནི། དེ་ཡང་ཐོག་མར་ས་མུ་དྲ་ཕ་ལ་མང་ཉུང་ཅི་རིགས་པ་རྫ་སྣོད་གཙང་མར་བླུག་ལ་ཞག་བདུན་གྱི་བར་རའི་ཆུས་སྤངས་ཏེ་ཁུ་བ་ཕོ། །དེ་གྲིབ་བསྐམས་བྱས་ལ་ཞ་ཐག་ཆོད་པ་དང༌། སླར་ཡང་བའི་ཆུས་ཞག་བདུན། བངྒ་རའི་ཁུ་བས་ཞག་བདུན། ནི་ར་གུཎྜའི་ཁུ་བས་ཞག་བཞི། ད་དྷུ་རའི་ཁུ་བས་ཞག་གསུམ། འབྲས་ཆུ་སྐྱུར་མོས་ཞག་གཅིག་རྣམས་སྤངས་སྐེམས་གོང་ལྟར་རིམ་བཞིན་བྱས་ལ། དེ་ནས་ཞིབ་པར་བཏགས་ལ་ཐུན་ཚད་ཉིས་འགྱུར་ཙམ་རེ་ནི་ར་གུཎྜའི་ཁུ་བས་རྟ་བྱས་བཏང་བས་མཛེ་རིགས་བརྒྱད་གང་གིས་ན་ཡང་རྩ་བ་ནས་ཐོན་ཞིང་ཁོང་སྐྲན་དང་ཡན་ལག་ཁོལ་བུར་སྐྲངས་པ་ཞི་བར་འགྱུར་རོ། །རའི་ཆུས་རྟ་བྱས་ཁོང་དུ་བཏང་ཞིང་དཔྲལ་བར་བྱུགས་ན་མགོ་བོ་ན་བ་ལ་ཕན་ནོ། །རའི་ཆུར་བརྡར་ཏེ་མིག་ལ་བྱུགས་ན་ལིང་ཏོག་མེད་པར་འགྱུར་རོ། །ཤེལ་དཀར་དང་མཉམ་དུ་བཏང་ན་བུད་མེད་བུ་བཙས་པའི་བང་ཚད་སེལ་བར་འགྱུར་རོ། །རའི་ཆུས་རྟ་བྱས་བཏང་ན་མཁྲིས་པའི་ནད་ཐམས་ཅད་ཞི་བར་འགྱུར་རོ། །བའི་དར་བ་དང་མཉམ་དུ་བཏང་ན་ཕོ་བ་ན་ཞིང་སྤོས་
ན་སེལ་བར་འགྱུར་རོ། །ཨ་ཛ་ཝ་ན་དང་མཉམ་དུ་ཟོས་ན་དུག་རིགས་མཐའ་དག་ལ་ཕན་ནོ། །ཧིངྒུ་དང་མཉམ་དུ་ཟོས་ན་སྲིན་ནད་ཞི་བར་འགྱུར་རོ། །ཧ་རི་ཏལ་བཏུལ་མ་དང་མཉམ་དུ་ཟོས་ན་མཛེ་དཀར་པོ་ཐོན་པར་འགྱུར་ཞིང་རྨ་གསར་རྙིང་ཐམས་ཅད་ལ་ཕན་ནོ། །ནི་མྦུའི་ཁུ་བས་རྟ་བྱས་བཏང་ན་ཕོ་བའི་གཟེར་ཞི་ལ་ལ་ཕུད་བར་འགྱུར་རོ། །ནིམྦུའི་འབྲུ་དང་མཉམ་དུ་ཤིང་ཀུན་བཏང་ན་མཁྲིས་པའི་ནད་ཐམས་ཅད་ལ་ཕན་ནོ། བ་བ་ལ། ཧ་ལ་དྷི་དང་མཉམ་དུ་བཏང་ཀྱང་ཕན་ཡོན་གོང་དང་འདྲ། རའི་ཆུས་རྟ་བྱས་བཏང་ན་ལུས་སྟོབས་ཆེ་ཞིང་མདངས་དང་ལྡན་པར་འགྱུར་རོ། །ཀུངྐུ་མའི་ཁུ་བ་དང་མཉམ་དུ་བཏང་ན་སྐྱ་རྦབ་ལ་ཕན་ནོ། །ཡང་གུར་གུམ་གྱི་ཁུ་བས་རྟ་བྱས་ཁོང་དུ་བཏང་ཞིང་རྣ་བར་ཡང་བླུག་ན་རྣ་བ་འོན་སྒ་སེར་པས་ཐོས་པར་འགྱུར་རོ། །རའི་ཆུ་ལ་བརྡར་ནས་མིག་ལ་བྱུགས་ན་སྲོད་ལོང་སེལ་ལོ། །རའི་ཆུས་རྟ་བྱས་བཏང་ན་དབུགས་གུར་གུམ་སྟོད་དུ་འཚངས་པ་སེལ་ལོ། །ནི་ར་གུཎྛའི་ཁུ་བས་རྟ་བྱས་ཟོས་ན་བུད་མེད་དབང་དུ་འདུས་སོ། །སྦྲང་རྩི་དང་མཉམ་དུ་བཏང་ན་ལྕེའི་དོག་སེལ་ལོ། །ཀོ་ཅི་ལ་འབྲས་ཙམ་རེ་དང་མཉམ་དུ་བཏང་ན་སྐྲ་རྒྱ་སྨ་ར་སོགས་དཀར་པོར་སོང་བ་སླར་ཡང་ནག་པོར་འགྱུར་རོ། །ནི་ར་གུཎྜའི་ཁུང་དང་མཉམ་དུ་ཟོས་ན་སྐྱ་རྦབ་སེལ་བར་འགྱུར་ཞིང་ཆུ་ནད་ཚ་གྲང་གང་ལ་ཡང་ཕན་ནོ། །ཧ་ལ་དྷི་དང་མཉམ་དུ་བཏང་ན་ཁྲག་མཁྲིས་ཀྱི་ནད་ཞི་བར་བྱེད་དོ། །ཧ་ལ་དྷི་དང་མཉམ་དུ་བ་མར་ལ་སྦྱར་ནས་ལྦ་བ་ལ་བྱུགས་ན་སྐེམ་པར་འགྱུར་རོ། ཁ་མདོག་གཅིག་མའི་མར་ལ་སྦྱར་ནས་མིག་ལ་བྱུགས་ན་འདྲེ་གདོན་གང་གིས་ཀྱང་གནོད་པ་མི་འབྱུང་ངོ༌། །ཏིལ་མར་ལ་སྦྱར་སྒ་སེར་ནས་མིག་ལ་བྱུགས་ན་མིག་གི་ནད་ཐམས་ཅད་ལ་ཕན་སྒ་སེར་ཞིང་གསལ་བར་འགྱུར་རོ། །ནི་ར་གུཎྜའི་ཁུ་བར་སྦྱར་ལ་སྣར་བླུག་ན་ཡམས་མགོ་ཕྱེད་ན་བ་སེལ་ལོ། །བ་དར་གྱིས་རྟ་བྱས་བཏང་ན་དམུ་རྫིངས་ཀྱི་ནད་སེལ་ལོ། །ཏུ་ལ་སེ་ཀ་ཏུ་ལ་སེའི་མི་ཏོག་པ་ཏ་དང་མཉམ་དུ་ཟོས་ན་ཚ་བའི་ནད་ཐམས་ཅད་སེལ་ལོ། །ཙ་ར་ཙི་རི་དང་མཉམ་དུ་ཟོས་ན་སྟོབས་གླང་པོ་དང་མཉམ་པར་
འགྱུར་རོ། །ཀ་རོ་དྷ། རངྒ་ནི། བཻ་རི་གསུམ་གྱི་ཁུ་བ་ཞོ་བཞི་རེ་དང་མཉམ་དུ་ཟོས་ན་དངས་མ་འཕེལ་ཞིང་ལུས་སྟོབས་ཆེ་ལ་མདངས་གསལ་ཞིང་གཞོན་ཤ་ཆགས་པ་སོགས་ཕན་ཡོན་དཔག་ཏུ་མེད་དོ། །དེ་རྣམས་ནི་ས་མུ་དྲ་ཕ་ལ་ཁ་སྒྱུར་དང་བཅས་པའོ། །བྷངྒ་ར། སཾ་བྷ་ལུའི་འབྲས་བུ། ལོ་མ། གུརྩ། ཧ་རི་ཏ་ཀེ། བ་ཡི་ར། ཨམྦ་ལ། ཙི་ཏའི་འདྲུ། ཤུན་པ་རྣམས་སོ་སོར་ཞོ་དྲུག་ཅུ་རེ་གཉིས་ར། ནག་རི་མུ་ས་རི་ཞོ་ལྔ་བཅུ་ང་དགུ། ཙ་ཀ་བ་ཛ་གཞོ་ཉི་ཤུ་རྩ་དྲུག །དཱ་ལི་ཙི་ནི་ཞོ་བཅོ་ལྔ་རྣམས་ཞིབ་པར་བཏགས་ལ། བུ་རམ་ཞོ་དྲུག་བརྒྱ་དང་མཉམ་དུ་འདྲེས་པར་ལི་ཁྲི་ཨ་རུ་ར་བ་རུ་ར་སྐྱུ་རུ་ར་སྣུར་ལ་ལེགས་པར་འདྲེས་པ་དང་རིལ་བུ་སུམ་བརྒྱ་བསྒྲིལ་ལ། དེ་ནས་སྔ་དྲོ་ཟས་གང་ཡང་མ་ཟོས་པའི་སྔོན་དུ་རིལ་བུ་རེ་ཉིན་ལྟར་གྱིས་ཟླ་བ་ཤིང་ཚ་གཅིག་གི་བར་ཟོས་ན་ཁོག་ནང་གི་ནད་ཐམས་ཅད་ཞི་བར་འགྱུར་ལ། ཟླ་བ་གཉིས་ཀྱི་བར་དུ་ཟོས་ན་ལུས་ཡང་བར་འགྱུར་རོ། །ཟླ་བ་གསུམ་གྱི་བར་དུ་ཟོས་ན་མདངས་གསལ། ཟླ་བ་བཞིའི་བར་དུ་ཟོས་ན་སྟོབས་འཕེལ། ཟླ་བ་ལྔའི་བར་དུ་ཟོས་ན་སྐྲ་དཀར་པོར་སོང་བ་སྐྲ་ནག་པོར་འགྱུར། ཟླ་བ་དྲུག་གི་བར་དུ་ཟོས་ན་ལུས་རྒྱགས་པར་འགྱུར། ཟླ་བ་བདུན་གྱི་བར་དུ་ཟོས་ན་གླ་བའི་མིག་ལྟར་གསལ་བར་འགྱུར་ལ། ཟླ་བ་བརྒྱད་ཀྱི་བར་དུ་ཟོས་ན་སེམས་དྲན་པ་གསལ་ཞིང་སྔར་བརྗེད་པ་རྣམས་ཀྱང་དྲན་པར་འགྱུར་རོ། །ཟླ་བ་དགུའི་བར་དུ་ཟོས་ན་རྒྱང་རིང་པོ་ཡང་མིག་གིས་མཐོང་བར་འགྱུར་རོ། །ཟླ་བ་བཅུའི་བར་དུ་ཟོས་ན་ས་འོག་གི་གཏེར་མང་པོ་རྙེད་པར་འགྱུར་བ་སོགས་ཡོན་ཏན་མཐའ་ཡས་སོ། །ཧ་རི་ཏ་ཀེ། བ་ཡི་ར། ཨམྦ་ལ། ཙ་ཀ་བ་ཌ། ཙ་ར་ཙི་རི། གུརྩ། བྷངྒ་ར་རྣམས་སོ་སོ་ནས་སྲང་བཅོ་ལྔ་རེ། སཛྫྷ་ཁར་དང་ལུ་ཧ་ཙུརྞ་གཉིས་ཞོ་བཅུ་གཉིས་རེ། ཏེ་ཛ་བ་ལ་ཞོ་གསུམ། སིམྦ་རི་༌༌༌མ་ནུ་རྟ་རྐང་ཞོ་བཞི་རྣམས་ཞིབ་པར་བཏགས་ལ་བུ་རམ་རྙིང་པ་སྲང་དྲུག་ཅུ་དང༌། ཨ་རུ་ར་བ་རུ་ར་སྐྱུ་རུ་ར་ཐལ་དཀར་རྡོ་རྗེ་མཉམ་དུ་སྣུར་ལ་ལེགས་ལི་ཁྲི་པར་འདྲེས་པ་དང་རིལ་བུ་སུམ་བརྒྱ་བསྒྲིལ་ཟི་ཚ་ལ་དེ་ནས་སྔ་དྲོ་ལྟོ་ལྕགས་ཕྱེ་སྟོང་ལ་རིལ་བུ་རེ་ཉིན་ལྟར་གྱིས་ཟླ་བ་གཅིག་གི།
བར་ཟོས་པས་ཁོང་ནང་གི་ནད་དང་མི་གཙང་བ་མཐའ་དག་དབྱུང་སྟེ་ལུས་ཤེལ་གོང་ལྟར་འགྱུར་རོ། །ཟླ་བ་གཉིས་ཀྱི་བར་ཟོས་ན་མདངས་གསལ་བར་འགྱུར། ཟླ་བ་གསུམ་གྱི་བར་དུ་ཟོས་ན་ལུས་སྟོབས་དང་ལྡན་པར་འགྱུར་རོ། །ཟླ་བ་བཞིའི་བར་དུ་ཟོས་ན་བད་ཀན་གྱི་ནད་ཐམས་ཅད་རྩ་བ་ནས་ཐོན་པར་འགྱུར་རོ། །ཟླ་བ་ལྔའི་བར་དུ་ཟོས་ན་སྐྲ་དང་ཁ་སྤུ་དཀར་པོར་སོང་བ་སླར་ནག་པོར་འགྱུར་རོ། །ཟླ་བ་དྲུག་གི་བར་དུ་ཟོས་ན་སོ་དོན་པ་སླར་སྐྱེ་བར་འགྱུར་རོ། །ཟླ་བ་བདུན་གྱི་བར་དུ་ཟོས་ན་མིག་ཤིན་ཏུ་གསལ་ཞིང་རྒྱང་རིང་པོ་འང་མཐོང་བར་འགྱུར་རོ། །ཟླ་བ་བརྒྱད་ཀྱི་བར་དུ་ཟོས་ན་མཛེའི་རིགས་ཐམས་ཅད་རྩ་བ་ནས་ཐོན་པར་འགྱུར་རོ། །ཟླ་བ་དགུའི་བར་དུ་ཟོས་ན་དངས་མ་ཤིན་ཏུ་འཕེལ་ཞིང་ལུས་གཟི་བརྗིད་དང་ལྡན་ལ་འདོད་པའང་ཅི་འདོད་སྤྱོད་ནུས་པར་འགྱུར་རོ། །ཟླ་བ་བཅུའི་བར་དུ་ཟོས་ན་མངོན་པར་ཤེས་པ་ཐོགས་མེད་འབྱུང་བ་སོགས་ཕན་ཡོན་བསམ་པའི་རབ་ལས་འདས་སོ། །པ་ལག་ཤ་ལ་བརྟེན་པའི་མན་ངག་ཁྱད་པར་ཅན་ཀུན་ལ་མེད་པའི་ཁྱད་ཆོས། སློབ་དཔོན་ཧ་རི་ཧ་རི་བྷ་ཙིའི་གདམས་པ་ཟབ་མོ་ནི། པ་ལ་ཤ་བ་ཛེའི་སྣུམ་ལེགས་པར་བཏོན་ལ། སྣུམ་སེ་བ་ཕྱེད། སྦྲང་རྩི་སེ་བ་ཕྱེད་གཉིས། བ་མར་སེ་བ་དོ་སྟེ་ཡོངས་སྒྲིལ་སེ་བ་བཞིའི་རྩིས་རེ་གྲངས་ལྟར་ཆགས་རྒྱུན་དུ་ཟོས་ན་ཉིན་མོའང་སྐར་མ་ཐམས་ཅད་མཐོང༌། ཚེ་རིང་ཐུང་ལྷ་དང་མཉམ། གཞན་གྱིས་མཐོང་ན་བ་ལ་ཤའི་འབྲུ་ལུས་ཤིན་ཏུ་རིང་ཞིང་སྦོམ་པ་བློས་མི་འཁྱུད་པ་ཙམ་དུ་མཐོང༌། གཟི་བརྗིད་ཉི་མ་དང་མཉམ་པས་གཞན་གྱིས་གླགས་ལྟ་བར་མི་ནུས། ལུས་མཛེས་ཤིང་བལྟ་ན་སྡུག་པ་འདོད་ལྷ་དང་མཉམ། གང་འདོད་དུ་བསམ་པ་ཙམ་གྱིས་སླེབ། གློ་གྲོས་ཕུར་བུ་དང་མཉམ། གང་སྨྲས་ཀུན་གྱིས་བདེན་པར་འཛིན་ཞིང་ཉན་བ་དགའ་བྱེད་དཔའ་བོ་དང་མཚུངས། ལུས་ལ་གཞན་གང་གིས་ཀྱང་གནོད་པས་མི་ཚུགས། རང་ཉིད་ལུས་འདོར་བར་འདོད་ན་མ་གཏོགས་སྟོབས་རྩལ་དང་ལྡན་པར་བསྐལ་བ་གྲངས་མེད་ཀྱི་བར་དུ་གནས་པར་འགྱུར། ཡང་ཐོ་རངས་གོང་བཞིན་ལ། ཕྱི་དྲོ་པ་ལ་ཤའི་རྩ་བ། །
ཤིང། ལོ་མ། མེ་ཏོག །འབྲས་བུ་ལྔ་ཆ་མཉམ་ཞིབ་པར་བཏགས་པ་སེ་བ་བཞི། བ་མར་དང་སྦྲང་རྩི་སེ་བ་དོ་རེ་བཅས་ཟོས་ན་ས་གཞིར་རྐང་པ་ཁྲུ་གང་ཙམ་མ་རེག་པར་བར་སྣང་ལ་འགྲོ། །ལྕགས་ས་དང་ཟངས་མེ་ལ་བསྲེགས་པར་དྲི་ཆུ་བྲན་ན་གསེར་དུ་འགྱུར། ལུས་ལ་གྲིབ་མ་མ་འབྱུང་བ་སོགས་ཡོན་ཏན་དཔག་ཏུ་མེད་པ་ཐོབ། ད་ཡང་ཐོག་མར་སྨན་བཏང་ནས་ལོ་བཅུ་གཉིས་ཚུན་གོང་གི་རྟགས་དེ་རྣམས་རྫོགས་པར་རིམ་ཅན་དུ་འབྱུང་ངོ༌། །ཐོག་མ་སྨན་སྦྱོར་བ་དང་ཟ་བ་གཉིས་ཀ་གཟའ་སྐར་ལེགས་པ་ལ་བྱེད་དོ། །ནད་གསར་རྙིང་ཆ་གྲང་གང་ལའང་སྦྱོངས་འགྲོ་བའི་རིགས་ལ་གཏོང་ན། བི་ད་ར་ཞིབ་པར་བཏགས་ལ་ཞོ་གསུམ་ཆུ་སྐོལ་གྱིས་ཕུལ་ལ་བཏང་ནས་ལུས་མ་འཁྱགས་པ་བྱས། དེ་ནས་མ་དག་པར་ཆུ་སྐོལ་གྱིས་ལྕག་རིམ་བཞིན་རྒྱབ་ལ་གཅོད་མཚམས་སུ་སླེབ་པ་དང་རྐང་ལག་ཆུ་གྲང་མོས་བཀྲུས་པར་ཆོད་ལ། རྗེས་ཀྱི་ཟས་སྤྱོད་སོགས་སྦྱོང་སྤྱི་དང་འདྲའོ། །ཨ་ཛ་མོ་ད། ཙི་ཏ། མ་རི་ཙི། པིཔྤ་ལ། བ་ཡི་བི་རངྒ། དེ་བ་ད་རུ། སནྡྷ་ལོ་ཎ། པིཔྤ་ལ་ཀ་མུ་ལ་ཤུཎྛི། སི་ལ་ཛ་ཏ་རྣམས་སྲང་རེ། ཧ་རི་ཏ་ཀ་སྲང་ལྔ་རྣམས་ཞིབ་པར་བཏགས་ལ་བུ་རམ་སྲང་བཅོ་ལྔས་རྟ་བྱས་རིལ་བུ་སྐྱུ་རུ་ར་ཙམ་སྒྲིལ་ལ་ཆུ་སྐོལ་བཞི་ཆ་བསྡུས་པ་ཙམ་དབྱི་མོང་གྱིས་ཕུལ་ཕོ་རིས་དྲོད་སྨན་བྱི་ཐང་ཀ་ཤུག་པ་རྒྱམ་ཚ་པི་པི་ལིང་གི་རྩ་བ་ལྒ་ནས་ཐོ་རངས་བཏང་བས་ཕོ་བ་མི་བདེ་བ། ཨ་རུ་ར་ཚད་པ། བད་ཀན། རླུང་སྐྲན། སྲིན་ནད། གཞུང་འབྲུམ་ལྟེ་བའི་རླུང་གཟེར། ཚགས་ཚིགས་ན་བ། ཕོ་བ་སྤོས་འཁྲོག །ཁ་དྲི་མི་ཞིམ་པ། རླུང་གི་རིགས། འདུས་པ་རྣམས་ལ་མཆོག་ཏུ་ཕན་ཞིང་དང་ཁ་འབྱེད་པར་འགྱུར་རོ། །ཀ་ཀ་ཛཾ་གིའི་རྩ་བ་ནད་པའི་ཆུ་ལ་བརྡར་ནས་རྨ་གང་ཡོད་ལ་བྱུགས་པས་མདའ་གྲི་ཕོག་པ་སོགས་མ་གསར་རྙིང་ཀུན་བསོས་ཤིང་ཁྲག་ཀྱང་ཆད་དོ། །ཁྱི་སྨྱོ་བ་དང་མ་སྨྱོ་བ་གང་གིས་རྨུགས་ཀྱང༌། ཙ་ར་ཙི་རིའི་ལོ་མ་ཕྱེད་དང་གསུམ། བུ་རམ་བ་རུ་ར་ཙམ་དེ་དང་མཉམ་དུ་ཁོང་དུ་བཏང་ཞིང༌། ལོ་མ་ཆུར་བརྡར་བ་རྨ་ཁར་ཡང་བྱུགས་པས་རྨ་མྱུར་དུ་བསོས་ཞིང་ཁྱི་དུག་གི་གནོད་པ་ཡང་མི་འབྱུང་ངོ༌། །གཤའ་
དཀར། རྒྱ་མཚལ། ལྷང་ཚེར། ཟངས། ལྕགས་སོགས། འདུལ་ཐབས་ལས། གཤའ་དཀར་འདུལ་ལུགས་ནི། ཆང་ཞོ་བཅུ་བཞུ་བའི་ནང་དུ་དངུལ་ཆུ་ཞོ། །ས་པ་དང་རྫའི་སྤར་བུ་ལྟ་བུ་ཁེབས་ལྡན་གྱི་ནང་ཚྭ་ཞིབ་མོས་བརྒྱངས་པའི་དཀྱིལ་དུ་བཅུག་ནས་ཁ་ལེགས་པར་བཅད། གཤའ་དཀར་ལ་སོགས་པ་བཏུལ་མ་འདི་རྣམས་སྨན་སྦྱོར་གང་དང་གང་གི་སྐབས་སུ་དེ་དང་དེ་བཏུལ་དགོས་པ་བྱུང་ན་སོ་སོའི་ཁ་སྒྱུར་རྣམས་དོར་ཏེ་བཏགས་པར་X ཐུག་ནས་ཕྱེད་ཙམ་གྱིས་གཏུམས། དེ་ནས་ས་དོང་ཁྲུ་གང་ཙམ་ཞིག་བྲུས་ལ་རའི་རིལ་མས་བཀང་བའི་དཀྱིལ་དུ་བཅུག །དེ་ལ་མེ་སྦར་ཏེ་མེ་མ་ཡལ་ཙམ་ལ་སླར་ཡང་རིལ་མ་བསྣན་ཏེ་ཞག་གསུམ་གྱི་X X X X བའི་ཁུ་བ་སྲང་ལྔ་དང་མཉམ་དུ་བླུགས་ལ་ཁ་ལེགས་པར་བསྡམས་ནས་ཁ་མཚམས་འཇིམ་པས་བྱུགས་ལ་རླུང་མི་འགྲོ་བར་བྱས་ཏེ་ཉིན་ཕྱེད་ཙམ་གྱི་བར་ཤིང་གི་མེ་མཚམས་མ་ཆད་པར་བཏང༌། དེ་ནས་བཏོན་ལ་གྲང་ཐག་ཆོད་ཐོག་རྡོ་གཞོང་གི་ནང་དུ་ཞིབ་པར་བཏགས། ཐོག་མར་གྲོ་ཙམ་རེ་དང༌། དེ་ནས་སྲན་མ་ཙམ་རེ་ཛཱ་ཏིའི་བཞི་ཆ་རེ་དང་མཉམ་དུ་བཏང་ན་ལུས་སྟོབས་འཕེལ། དང་ཁ་བདེ། གཞོན་ཤ་ཆགས་པ་སོགས་ཡོན་ཏན་མཐའ་ཡས་པ་འབྱུང་ངོ༌། །རྒྱ་མཚལ་འདུལ་ཐབས་ནི། སིངྒ་ར་ཕ་སྲང་དོ་བིལ་བའི་འབྲས་བུའི་ཁ་ནས་མཐེབ་གང་ཙམ་མ་ཆགས་པ་སྒོར་བའི་ནང་དུ་བླུག །དེ་ནས་སྒོར་བ་དེས་ཁ་བཅད། རས་བརྡུངས་པ་བསྲེས་པའི་འཇིམ་པ་སྦྱིན་པོའི་སྲབ་མཐུག་ནས་གང་ཙམ་གྱིས་གཏུམས། དེ་ནས་ས་དོང་བྲུས་ལ་རའི་རིལ་མའི་ནང་ན་མེ་གཏོང་ལུགས་ཡུན་ཚད་སོགས་རྒྱ་མཚལ་གོང་བཞིན་ཚར་བ་དང་བཏོན། འཇིམ་པ་ལ་སོགས་གང་ལེགས་པར་བྱས་རྗེས་རྒྱ་མཚལ་བིལ་བ་དང་དབྱེར་མེད་སོང་བ་དེ་རྡོ་གཞོང་གི་ནང་དུ་ལེགས་པར་སྣུར་ལ་སྲན་མ་ཙམ་རེ་ལི་ཤི་རྡོག་བཞི་ཙམ་བཏགས་པ་དང་མཉམ་དུ་བཏང་ཀྱང་ཡོན་ཏན་གོང་དང་འདྲའོ། །ལྷང་ཚེར་འདུལ་ཐབས་ནི། ཨ་བྷ་༌༌༌ལྷང་ཚེར་ཀ་སྲང་ལྔ། སྣུམ་བཏོན་པའི་རོ་མ་བ་ཆུ་སྲང་བཅུ་དང་མཉམ་དུ་ལེགས་པར་བརྡུངས་ཏེ་སྲབ་མཐུག་བག་ལེབ་ཙམ་
བྱས་ལ་སྐམ་ཐག་ཆོད་པ་དང་གཅི་བའི་མེའི་དཀྱིལ་དུ་ཉིན་ཕྱེད་ཙམ་གྱི་བར་བསྲེགས། དེ་ནས་བཏོན་ལ་གྲང་ཐག་ཆོད་པ་དང་གི་ལ་ཀོ་ཊིའི་ཁུ་བ་དང་མཉམ་དུ་རྡོ་གཞོང་ནང་དུ་ཉིན་གཅིག་གི་རིང་བརྡར་ཏེ་སླར་ཡང་སྲབ་མཐུག་བག་ལེབ་ཙམ་བཟོས། དེ་སྐམ་ཐག་ཆོད་པ་དང་གོང་བཞིན་གཅི་བའི་མེ་ནང་དུ་ཉིན་ཕྱེད་ཀྱི་བར་བསྲེགས། མ་ཧེ་རིའི་ཁུ་བས་ཉིན་གཅིག་གི་བར་ཉེད་པ་དང་བག་ལེབ་ཙམ་བཅོས་ནས་གཅི་བའི་མེར་བསྲེགས་པ་སོགས་སྔར་བཞིན་བྱས། བན་བུ་ཋིའི་ཁུ་བ་དང་མཉམ་དུ་ཉེད་པ་སོགས་གཞན་མ་གོང་དང་འདྲ་བ་ལ་གཅི་བའི་མེ་ནང་དུ་ཉིན་གཅིག་གི་བར་བསྲེགས་ལ། དེ་ནས་གྲང་ཐག་ཆོད་པ་དང་བཏོན་ལ་རྡོ་གཞོང་ནང་དུ་ཞིབ་པར་བཏགས་ལ་རས་ལ་བཙགས། དེ་ནས་འབྲས་ཙམ་རེ་ལི་ཤི་བཞི་ཙམ་བརྡུངས་པའི་ཕྱེ་མ་དང་མཉམ་དུ་བཏང་བས་ལུས་རྒྱགས་པ། བརྟན་པ། གཟི་མདངས་ཆེ་བ། རྒས་སྲ་བ། འདོད་པ་སྤྱོད་ནུས་པ་སོགས་སྟོབས་བསྐྱེད་ཀུན་གྱི་མཆོག་ཏུ་འགྱུར་རོ། །ཟངས་འདུལ་ཐབས་ནི། ཏམྦ་མང་ཉུང་ཇི་ལྟར་འདོད་པ་སྦྲང་གཤོག་ལེགས་པར་འཐེན་ཏེ་མེར་བསྲེགས། དེ་སྣུམ་གྱི་དཀྱིལ་དུ་བཅུག །ཡང་མེར་བསྲེགས། སྣུམ་ནང་དུ་འཇུག་པ་སོགས་ལན་བདུན་གྱི་བར་བྱས། དེ་བཞིན་དུ་རིམ་པ་ལྟར། དར་བ། བའི་ཆུ། བའི་ཞོ་སྟར་བུའི་ཁུ་བ་རྣམས་ལན་བདུན་ཟངས་རེ་བྱས་རྗེས། དེ་ནས་རྫ་སྣོད་དུ་རའི་ཆུ་ཟངས་མང་ཉུང་དང་བསྟུན་པའི་སྣོད་ཀྱི་ཕྱེད་ཙམ་གང་བ་བླུག་ལ་མེ་བཏང་སྟེ། ཆུ་དེ་སྐམ་ཐག་ཆོད་པ་དང་ཆུ་གཙང་མས་ལེགས་པར་བཀྲུས། དེ་ནས་དངུལ་ཆུ་ཟངས་ལེབ་གང་ཡོད་ཀྱི་ཕྱི་ནང་ཚང་མར་མདོག་དཀར་པོར་མ་སོང་བར་བྱུགས། དེ་སྟེང་བྷངྒ་རིའི་ཁུ་བ་ལེགས་པར་བྱུགས། དེ་ནས་ཟངས་དང་ལྗིད་མཉམ་པའི་མུ་ཟི་སེར་པོ་བཏགས་པ་ཟངས་བརྩེགས་པའི་སྲུབས་ལ་ཁོད་སྙོམས་ཡོད་པ་བྱས་ནས་ཁོག་མ་གསར་པའི་ནང་དུ་བཅུག། ཁོག་མའི་ཁ་དམ་པར་བཅད་དེ་ཁ་མཚམས་འཇིམ་པས་གཏུམས་ནས་རླུང་མི་འགྲོ་བར་བྱ། དེ་ལྕགས་སྒྱེད་ལྟ་བུའི་སྟེང་དུ་བཞག་ནས་ཉིན་གཉིས་དང་མཚན་གཅིག་གི་བར་མེ་མཚམས་མཆད་པར་བཏང༌། དེ་ཡང་ཉིན་དང་པོ་ལ་མེ་ཅུང་ཟད་ཆུང་བ་བཏང༌། ཉིན་མཚན་
ཕྱི་མ་གཉིས་ལ་ཤིན་ཏུ་ཚ་བ་བཏང༌། དེ་ནས་གྲང་ཐག་ཆོད་པ་དང་རས་ཀྱི་ཁུད་དུ་གཏུམས་ནས་ཆུ་གཙང་མར་འཇུག་འདོན་ཐེངས་ལྔ་ཙམ་བྱས། དེ་རྗེས་སྐམ་ཐག་ཆོད་པ་དང་རྡོ་གཞོང་དུ་ཞིབ་པར་བཏགས། དེ་ནས་འབྲས་ཙམ་རེ་ནམ་ཟླ་གྲང་དུས་ལི་ཤི་དང༌། དྲོ་དུས་ཀ་ཀོ་ལ་དང་མཉམ་དུ་བཏང་བས་ཕོ་བའི་མེ་དྲོད་ཆེས་ཆེར་བསྐྱེད་དེ་ཟས་གང་ཟོས་ཀྱང་འཕྲལ་དུ་འཇུ་བས་དང་ཁ་ཤིན་ཏུ་བདེ་ལ་ལུས་གཟི་མདངས་དང་སྟོབས་རྩལ་ཆེ་ཞིང་གཞོན་ཤ་ཆགས་པ་སོགས་ཡོན་ཏན་དཔག་ཏུ་མེད་པ་འབྱུང་ངོ༌། །ལྕགས་འདུལ་ལུགས་ནི། ལུ་ཧ་མང་ཉུང་ཇི་ལྟར་འདོད་པ་སྲབ་འཐུག་ནས་ཕྱེད་ཙམ་བརྡུངས་པ་སོར་བཞི་གྲུ་བཞི་ཙམ་པ་བཅོས། དེ་རྫ་སྣོད་ཀྱི་ནང་དུ་བི་ས་ཁ་པ་རིའི་ཁུ་བ་དང་མཉམ་དུ་བླུག་ལ་ཉི་མ་གང་ཚ་སར་ཞག་ཉི་ཤུའི་བར་ཁུ་བ་སྐམ་རིམ་བཞིན་བླུག་ནས་བཞག །ཞག་གྲངས་ཐེམ་པ་དང་བཏོན་ལ་སླར་ཡང་གོང་ལྕགས་བཞིན་ལ་ཕུག་བཙིར་བའི་ཁུ་བ་དང་མཉམ་དུ་ཞག་ཉི་ཤུའི་བར་བཞག །དེ་ནས་བཏོན་ལ་སོལ་བའི་མེ་ནང་དུ་སྐམ་པས་བཟུང་ལ་དམར་པོར་ཚིག་པ་དང་བའི་ཆུའི་ནང་དུ་བཅུག །སླར་ཡང་སྲེག་འཇུག་གོང་བཞིན་ལན་ལྔའི་བར་བྱས་ལ། དེ་ནས་རྡོ་གཞོང་ནང་དུ་ཞིབ་པར་བཏགས་ལ་ནས་ཙམ་རེ་ནམ་ཟླ་གྲོང་དུས་ལྒ་དང༌། དྲོ་དུས་ཀ་ཀོ་ལ་དང་མཉམ་དུ་ཟོས་པས་དངས་མ་འཕེལ་ཞིང་ལུས་སྟོབས་བསྐྱེད་ལ། མུ་ས་བ་ར་དང་མཉམ་དུ་ཟོས་ན་དམུ་རྫིངས་དང་སྐྱ་རྦབ་སེལ། ཨ་ཀ་ར་ཀ་དང་ལ་བངྒ་ཆ་མཉམ་བཏགས་པ་སེ་བ་ཕྱེད་དོ་དང༌། གོང་གི་ལྕགས་ཕྱེ་སེ་བ་ཕྱེད་བཅས་བཏང་ན་དང་ཁ་མི་བདེ་བ། གློ། །མིག་སེར་རྣམས་ལ་ཕན་ནོ། ཞ་ཉེ་ནག་པོ་འདུལ་ཐབས་ནི། ཤི་ཤ་མང་ཉུང་ཇི་ལྟར་འདོད་པ་སྲབ་མཐུག་རས་ཙམ་བརྡུངས་པ་སེན་མོ་ཙམ་དུ་གཏུབས། ལི་ཤི་དེ་དང་ལྗིད་མཉམ་པའི་པིཔྤ་ལ་དང་མཉམ་དུ་རྡོ་གཞོང་ནང་དུ་ཉིན་གཉིས་ཀྱི་བར་སྐམ་ཉེད་ཞིབ་པར་བྱས། དེ་ནས་རས་ལ་བཙགས་པ་སེ་བ་ཕྱེད་ཤེལ་དཀར་དང་ལི་ཤི་ཆ་མཉམ་ཞ་ཉེ་ནག་པོ་དུ་བཏགས་པ་ཞོ་རེ་དང་མཉམ་དུ་བཏང་ན། ལུས་ཤིན་ཏུ་རིད་ཅིང་ཤེད་མེད་པ་སོགས་ལ་མདངས་དང་ལུས་དྲོད་སྨན་སྟོབས་མཆོག་
ཏུ་བཟང་བར་འགྱུར་རོ། །གཤའ་ཚེ་འདུལ་ཐབས་ནི། ས་ཏ་ཇི་ལྟར་འདོད་པ་ལྕགས་སྣོད་དུ་བཞུ་བ་དེ་དང་ལྗིད་མཉམ་པའི་བཀུ་ཙི་ཞིབ་པར་བཏགས་པ་ཐུག་ཐལ་ལྟར་འདེབས་ཤིང་དཀྲུག །དེ་ལེགས་པར་འདྲེས་ནས་ནས་བངས་པ་དང་རྡོ་གཞོང་ནང་དུ་ཞིབ་པར་བཏགས་ལ་རས་ལ་བཙགས་པ་སེ་བ་ཕྱེད་ཤེལ་དཀར་དང་ཀ་ཀོ་ལ་ཆ་མཉམ་གཤའ་ཚེ་དུ་བཏགས་པ་སེ་བ་བཞི་དང་མཉམ་དུ་བཏང་ན་ཚ་བའི་ནད་རིགས་ཐམས་ཅད་ལ་ཕན་ནོ། །བབ་ལ་འདུལ་ཐབས་ནི། ཧ་རི་ཏ་ལ་ཏ་བ་ཀི་སྲང་ཉི་ཤུ་ཞིབ་པར་བཏགས་ལ་རས་ལ་གཏུམས་ཁོག་མར་གོང་གི་འབྲས་ཆུ་སྐྱུར་མོའི་ནང་དུ་བཅུག་ལ་རས་ཁོག་མའི་མཐིལ་ལམ་རེག་པའི་ངོས་རས་ཐུམ་ཆུ་དཀྱིལ་དུ་ཡོང་བའི་ཐི་གུ་རི་ཐུང་འཚམ་པ་བཏགས་པའི་ཤིང་ཚག་ཁོག་མའི་ཁར་འཇོག །ཁོག་མ་ལྕགས་སྒྱེད་ལྟ་བུའི་སྟེང་དུ། བབ་ལ་བཅག་ན་ཅིག་པུ་ལྟར་ཤུན་པ་འབྱེ་རྒྱུ་ཡོད་པ་ཞིག་ཡོད་བཞག་ནས་མེ་ཉིན་ཕྱེད་ཀྱི་རིང་བར་མ་ཆད་པར་བཏང༌། དེ་ནས་བཏོན་ལ་རྡོ་གཞོང་ནང་དུ་ཨ་ཛྱ་པ་ལ་སྲང་དོ་དང་མཉམ་རས་ཤིང་གི་རྩ་བས་ཁུ་བ་བྱས་ལ་ཉིན་གསུམ་གྱི་བར་དུ་སྣུར། དེ་བཞིན་དུ་པ་ལ་ཤའི་ཁུ་བ། བངྒ་རིའི་ཁུ་བ། ད་དྷུ་རའི་ཁུ་བ། ཀུ་ཧ་ཌའི་ཁུ་བ། བ་ཊ་ཀུ་ཨིའི་ཁུ་བ་རྣམས་ཀྱིས་རིམ་པ་བཞིན་ཉིན་གསུམ་རེའི་བར་སྣུར་ལ། དེ་ནས་སྲབ་འཐུག་བག་ལོ་ཙམ་བྱས་ལ་སྐམ། དེ་ནས་ཁོག་མའི་ནང་དུ་པ་ལ་ཤ་བརྡར་བའི་ཕྱེ་མས་ཁོག་མའི་ཕྱེད་བརྒྱངས་པའི་སྟེང་དུ་བཞག །དེ་སྟེང་དུ་ཡང་ཤིང་ཕྱེ་ཁེངས་པར་བླུག་ལ་ཁ་གཅོད་ལེགས་པར་འགྲིག་པའི་མཚམས་འཇིམ་པས་གཏུམས་ནས་རླུང་མི་འཆོར་བ་བྱས། དེ་ལྕགས་སྒྱེད་ཀྱི་སྟེང་དུ་བཞག་ལ་ཐོག་མར་ཉིན་ཕྱེད་ཀྱི་བར་མེ་ཆུང་བ་རྟ་མ་ཆད་ཙམ་རེ་བཏང༌། དེ་ནས་ཉིན་ཕྱེད་ཀྱི་བར་དེ་ལས་ཆེ་ཙམ་བཏང༌། དེ་ནས་ཉིན་མཚན་གཉིས་ཀྱི་རིང་མེ་ཤིན་ཏུ་ཚ་བ་བཏང༌། དེ་ནས་གྲང་ཐག་ཆོད་པ་དང་བཏོན་ལ་རྡོ་གཞོང་གི་ནང་དུ་ཞིབ་པར་བཏགས་ལ་རས་ལ་བཙགས་པ་སེ་བ་ཕྱེད་དང་ཧླ་དྷི་ལྒ་སེར་ཞོ་དོ་དང་མཉམ་དུ་ཟོས་ན་ཁྲག་མཁྲིས་ཀྱི་ནད་སེལ་ལོ། །བ་ཡི་བི་བྱི་ཐང་ཀ་རངྒ་ཞོ་གང་ཧ་ལ་དྷི་ཞོ་དོ་བཅས་ཞག་ཉི་ཤུ་རྩ་གཅིག་གི་རིང་ཟོས་ན་སྐོམ་པའི་ནད་སེལ་བར་འགྱུར་རོ། །ཙ་ར་ཙི་རིའི་
ཐང་ཆུ་ཞོ་ལྔ་དང་སེནྡྷ་ལོ་ཎ་ཞོ་གང་བཅས་པ་ཟླ་གཅིག་ཞག་བཅུ་དགུའི་བར་ཟོས་ན་མཛེ་དཀར་པོའི་རིགས་རྩ་བ་ནས་ཐོན་ནོ། པིཔྤ་ལ་ཞོ་དོ་དང་ཨ་ཇ་ཝ་ཎ་ཞོ་ལྔ་བཅས་པ་ཞག་གྲངས་གོང་འདྲ་ཟོས་ན་པགས་ནད་ཤུ་འགྲམ་སོགས་སེལ་ལོ། །བ་ཀུ་ཙི་དང་ན་གི་ཞོ་གསུམ་རེ་བཅས་པ་ཟླ་གཅིག་ཞག་བཅུ་དགུའི་རྒྱམ་ཚ་བར་ཟོས་ན་མཛེ་ནག་པོའི་རིགས་རྩ་བ་ནས་ཐོན་ནོ། །ཇ་ཡ་བ་ཏྲི་དང་ཁུ་ར་ས་ཨ་ཛ་ཝ་ནི་ཞོ་རེ་བཅས་པ་དྲོད་སྨན་ལ་ལ་ཕུད་ཞག་གྲངས་གོང་འདྲ་ཟོས་ན་ཤ་བཀྲའི་ནད་སལ་ལོ། །ནི་ར་གུཎྜིའི་ཁུ་བ་ཞོ་གསུམ། ལ་བངྒ་ཞོ་ལྔ་དང་བཅས་པ་ཟླ་བ་གཅིག་ཞག་བཅུ་དགུའི་བར་ཟོས་ན་མཛེས་སོར་མོ་གུམ་པ་དང་ཡན་ལག་ཞ་བ་སོགས་སོས་སོ། །ཇ་ཏིའི་མེ་ཏོག་ལ་ལ་ཕུག་ཆུང་བ་ཤྭེ་ཏ་སུ་བ་རི་དང་མ་རི་ཙི་ཞོ་རེ་བཅས་པ་ཞག་གྲངས་གོང་འདྲ་ཟོས་ན་ཁྲག་ལ་བརྟེན་པའི་མཛེ་ལ་ཕན་ནོ། །པིཔྤ་ལའི་པགས་པ་དང་ཇ་ལི་ཤི་མུ་ནིའི་པགས་པ་ཞོ་གསུམ་རེ་བཅས་པ་ཟླ་གཅིག་ཞག་བཅུ་དགུའི་བར་ཟོས་ན་མཛེས་སོར་མོ་འམ་ཡན་ལག་ཆད་པ་དང༌། སྣ་ཆད་པ་ཞོམ་གོ་ཡུ་བཅག་ན་ཁ་དོག་དཀར་པོ་ཡོད་པ་ཕོ་རིས་པ་སོགས་སོས་སོ། །པ་ལ་ལོ་ཙ་ཎ་དང་པ་ན་ཞོ་རེ་བཅས་པ་ཞག་དྲོད་སྨན་གྲངས་གོང་བཞིན་ཟོས་ན་རླུང་ལ་བརྟེན་པའི་ཡན་ལག་ཞ་གྲུམ། གྲང་བ་སོགས་བསོས་པར་འགྱུར་རོ། །སྦྲང་རྩི་དང་མཉམ་དུ་ཞག་བཅུ་བཞིའི་བར་ཟོས་ན་འདུས་པའི་ནད་སེལ་ལོ། །ལ་ཝངྒ་སེ་བ་བཞི་དང་མཉམ་དུ་ཞག་གྲངས་གོང་འདྲ་ཟོས་ན་བསེ་དུག་གི་ནད་སེལ་ལོ། །པིཔྤ་ལ་དང་སེནྡྷ་ལོ་ན་ཞོ་རེ། ལ་ཝངྒ་ཞོ་དོ་དང་བཅས་ཟླ་བ་གཅིག་ཞག་བཅུ་དགུའི་བར་ཟོས་ན་དམུ་རྫིངས་ཀྱི་ནད་ཐམས་ཅད་སེལ་བར་འགྱུར་རོ། །ཀེ་ལའི་ཁུ་བ། པིཔྤ་ལ། གུ་ར་གསུམ་ཞོ་དོ་དང་ལི་ཤི་བཅས་པ་ཞག་གྲངས་གོང་བཞིན་ཟོས་ན་མགོ་གཟེར་གྱི་ནད་སེལ་ལོ། །ཤུཎྛི་དང་ཨ་ས་གནྡྷ་དྲོད་སྨན་རྒྱ་ཚཞོ་རེ་དང་བཅས་ལི་ཤི་བ་ཞག་ཉི་ཤུ་རྩ་གཅིག་གི་བར་ཟོས་ན་ཁོང་ནང་གི་རླུང་སྐྲན་ཞི་བར་འགྱུར་རོ། །ཛ་ལ་ཀུམྦི་ཞོ་གསུམ། ཧིར་བིའི་ཁུ་བ་ཞོ་གང་དྲོད་སྨན་ཐུར་མ་དང་བཅས་པ་ཟླ་གཅིག་གམ་ཞག་བཅུ་དགུའི་བར་དུ་ཟོས་ན་མཛེ་རིགས་ཐམས་ཅད་རྩ་བ་ནས་ཐོན་ནོ། །ལྒ་བ་སྤྲུ་བ་།པིཔྤ་ལ་༌༌༌དྲོད་སྨན་དང་ད་དྷུ་རའི་༌༌༌ཐང་ཕྲོམ་ཁུ་བ་ཞོ་རེ། པན་
དུམ་ཙམ་དང་བཅས་པ་ཞག་ཉི་ཤུ་རྩ་གཅིག་གི་བར་དུ་ཟོས་ན་སྒྲགས་པ་དང་འབྱིན་པ་སེལ་ལོ། །ཨེ་རཎྜའི་རྩ་བ་དང་ཡི་བི་རངྒ་ཞོ་དོ་རེ། ཛ་ཡེ་ཕ་ལ་ཞོ་གང་དང་བཅས་པ་ཉིན་བཅུ་བཞིའི་བར་ཟོས་ན་སྲིན་ནད་རྩ་བ་ནས་འབྱིན་ནོ། །ན་ག་ད་བ་ནིའི་རྩ་བ། ཀ་པ་ཛ། ཤུཎྛི་གསུམ་ཞོ་དོ་ར་དང་བཅས་པ་ཟླ་གཅིག་ཞག་བཅུ་དགུའི་བར་ཟོས་ན་རྩ་འདར་གྱི་ནད་སེལ་ལོ། །བངྒ་ནའི་ཁུ་བ་ཞོ་དནྜ་བྱི་ཐང་དོ་དང་མཉམ་དུ་ཛཱ་ཏི་ཞག་ཉི་ཤུ་རྩ་གཅིག་གི་བར་ཟོས་ན་སྣའི་ནད་སེལ་ལོ། །ཏི་ཏ་བ་རོ་ལའི་ཁུ་བ་ཞོ་དོ། །རངྒ་ནིའི་ཁུ་བ་ཞོ་དྲུག་དང་བཅས་པ་ཉིན་ལྒ་བཅུ་བཞིའི་བར་ཟོས་ན་མཚན་བར་རྡོལ་བའི་ནད་སེལ་ལོ། །ནིམྦིའི་པགས་པ་ཞོ་དོ། །ཨ་ཛ་ཝ་ནི་ཞོ་བརྒྱད་དང་བཅས་པ་ཞག་ཉེར་གཅིག་གི་བར་བཏང་ན་གཞང་འབྲུམ་གྱི་ནད་སེལ་ལོ། །པིཔྤ་ལའི་ཁུ་བ་ཞོ་དོ་དང་མཉམ་གསེར་མེ་དུ་ཟོས་ན་མྲི་གིའི་ནད་སེལ་ལོ། །ཙ་ར་ཙི་རིའི་ཁུ་བ་དང༌། ཤུཎྛི་ཞོ་གསུམ་རེ་དང་བཅས་པ་ཞག་ཉི་ཤུ་རྩ་གཅིག་གི་པར་ཟོས་ན་ཟ་ཕྲུག་གི་ནད་སེལ་ལོ། །ལ་ལ་ཕུད་སྦྲང་རྩི་དང་རངྒ་ནི་ཞོ་གསུམ་རེ་དང་བཅས་པ་ཞག་ཉི་ཤུ་རྩ་གཅིག་གི་བར་ཟོས་ཀྱང་ཕན་ཡོན་གོང་དང་འདྲའོ། །དེ་རྣམས་ནི་བབ་ལ་བཏུལ་མ་ཁ་བསྒྱུར་དང་བཅས་པའི་ཕན་ཡོན་ཏེ། སྨན་དེ་ལྒ རྣམས་གཏོང་རིང་རོ་སྐྱུར་བ་དང་ལ་བུག་མི་བཟའ། ཁྱད་པར་མཛེ་ནད་ཀྱི་རིགས་ལ་གཏོང་སྐབས་ཟས་གང་ལ་འང་ཚ་བསྲུང་དགོས་སོ། །གཤའ་དཀར་རམ་ཞ་ཉེ་དཀར་པོ་འདུལ་ལུགས་ནི། གཤའ་དཀར་རངྒ་སྲང་ཕྱེད་གསུམ་སྲབ་མཐུག་ཤོག་བུ་ཙམ་བརྡུངས་པ་སེན་མོ་ཙམ་དུ་གཏུབས། ཨ་ཛ་ཝ་ནི་དང་བེ་ཌ་ཧ་གཉིས་སྲང་ཉི་ཤུ་རེ་སོ་སོར་ཞིབ་པར་བཏགས་ལ་གཅི་བ་ཁྲུ་གང་གྲུ་བཞི་ཙམ་བརྩེགས་པའི་སྟེང་དུ་རས་བཏིང༌། དེ་སྟེང་གོང་གི་ལ་ལ་ཕུད་ཀྱི་ཕྱེ་མའི་ཕྱེད་སྙོམས་པར་བརྡལ་དེ་སྟེང་བ་རུ་རའི་ཕྱེ་མའི་ཕྱེད་སྙོམས་པར་བཏིང༌། དེ་སྟེང་གོང་གི་ཞ་ཉེ་དཀར་པོ་བཀྲམ། ལ་ལ་ཕུད་དེ་སྟེང་བ་ཏུར་ལ་ལ་ཕུད་ཀྱི་ཕྱི་མ་ཕྱེད་པོ་བརྡལ། དེ་སྟེང་བ་རུ་རའི་ཕྱེ་མ་ཕྱེད་པོ་བརྡལ་ལ་གཅི་བའི་མེ་སྦར་ཏེ་མེ་མ་ཡལ་བར་བཞག །གྲང་ཐག་ཆོད་པ་དང་ཞ་ཉེ་དཀར་པོ་རྣམས་སྒྲུགས་ལ་རྡོ་གཞོང་དུ་ཞིབ་པར་བཏགས་ཏེ་རས་ལ་བཙགས་པ་སེ་བ་གང༌། ཨེ་ལ་ཡ་ཙི་སེ་བ་གང་དང་ཤེལ་
དཀར་ཞོ་གང་བཅས་ཟླ་བ་གཅིག་གི་བར་བཏང་ན་ལུས་རྒྱགས་པ། བརྟན་པ། གཟི་མདངས་ཆེ་བ། ཡང་བ། རྒས་ཁ་སྲ་བ་སོགས་ཡོན་ཏན་དཔག་ཏུ་མེད་ཅིང་སྟོབས་བསྐྱེད་ཀྱི་མཆོག་ཏུ་འགྱུར་རོ། །དེ་ལྟར་སློབ་དཔོན་ཀུན་ཕན་བདུད་རྩི་བྱིན་གྱིས་མཛད་པའི་ཚངས་པའི་རིག་བྱེད་རྒྱ་མཚོའི་ཡན་ལག་འཛིན་པ་གཡོ་བ་ཅན་དང༌། ལྷ་དབང་ཕྱུག་གིས་ཚོགས་བདག་ལ་གནང་བའི་ས་མུ་དྲ་ཕ་ལའི་སྦྱོར་བ་སོགས་ཟུར་བསྐོལ་ཟབ་གནད་ཅན་སྣ་ཚོགས་དང་བཅས་སྦྱོར་བ་ཁ་བསྒྱུར་སྡོམ་པ་སུམ་བརྒྱར་ཉེ་བའི་བསྟན་བཅོས་འདི་ནི། དུས་གསུམ་རྒྱལ་བ་ཀུན་གྱི་མཁྱེན་བརྩེ་ནུས་བའི་སྤྱི་གཟུགས་རྒྱལ་བའི་དབང་པོ་ཐམས་ཅད་མཁྱེན་གཟིགས་ཆེན་པོའི་བླའི་སྨན་པ། དེང་དུས་བསིལ་ལྡན་གྱི་ལྗོངས་འདིར་གསོ་བ་རིག་པའི་རིང་ལུགས་འཛིན་པ་ལ་འགྲན་པའི་ཟླ་ཐམས་ཅད་དང་བྲལ་བ་ཡར་སྟོད་དར་མོ་སྨན་རམས་པ་བློ་བཟང་ཆོས་གྲགས་ཀྱིས་འདི་ལྟར་སྒྱུར་ཅིག་ཞེས་བཀའ་སྩལ་ཨུཏྤ་ལའི་ཆུན་པོ་ཐོད་དུ་བཅིངས་ཏེ་འཕགས་ཡུལ་མ་ཐུ་རར་རྒྱལ་རིགས་མཆོག་གི་རིགས་ལས་ཚེའི་རིག་བྱེད་འཛིན་པར་གུ་ནཱ་ཐ་དང༌། གཙང་སྟོད་འདར་གྱི་སྐད་གཉིས་པ་ངག་དབང་ཕུན་ཚོགས་ལྷུན་གྲུབ་ཀྱིས་རབ་བྱུང་བཅུ་གཅིག་པའི་ནང་གི་དོན་འགྲུབ་ཅེས་པ་ས་ལུག་ནག་པས་ཉ་བའི་ཡར་ཚེས་དགེ་བར་ཕུན་ཚོགས་ལུགས་བརྒྱའི་མདུན་ས་ཕོ་བྲང་ཆེན་པོ་པོ་ཏ་ལར་བསྒྱུར་ཅིང་ཞུས་ཏེ་གཏན་ལ་ཕབ་པའི་ཡི་གེ་པ་ནི་ཉང་སྟོད་པ་འཇམ་དབྱངས་དབང་པོས་བགྱིས་པ་འདིས་ཀྱང་འགྲོ་བ་མང་པོ་ལ་ཕན་པར་གྱུར་ཅིག །ཤུ་བྷ་མསྟུ་སརྦ་ཛ་ག་ཏཾ།། །།