རྩ་བརྟག་ཅིང་གཏན་ལ་འབེབས་པའི་རབ་ཏུ་དབྱེ་བ།
སྦྱིན་པའི་དབང་པོ།
།།པྲི་ཡཾ་ཀུ་དང༌། ཀ་ཀོ་ལ་དང༌། ཤུ་དག་དང༌། རུ་རྟ་དང༌། ཡུངས་ཀར་དཀར་པོ་དང༌། ནཱ་ག་པུཥྤ་དང༌། སྤོས་དཀར་རྣམས་ཀྱི་བདུག་པ་བྱས་ན་མྱུར་དུ་ཚོང་འབྱུང་བར་འགྱུར་རོ། །སྒོག་པ་ཟོས་ན་ཨ་རུ་དང༌། ཀུ་ཊ་བཏགས་ན་དྲི་མ་མེད་པར་འགྱུར་རོ། །ཆང་བཏུངས་ནས་དུརྦ་བཏགས་ན་དྲི་མ་མེད་པར་འགྱུར་རོ། །པ་རོ་ལཱིའི་ཁུ་བ་བཏབ་ན་ཆང་དཀར་པོར་འགྱུར་རོ། །ཡང༌། སོ་སོ་བཱི་ར་བཏབ་ན་རང་བཞིན་དུ་གནས་པར་འགྱུར་རོ། །ཀཱ་ར་སུམ་ཁ་དཀར་པོའི་རྩ་བ་དང་རྨ་བྱའི་གཟུག་ཕུད་ཀྱི་རྩ་བ་དང༌། གཞན་གྱིས་མི་ཐུབ་པ་དཀར་པོའི་རྩ་བ་རྣམས་གཅིག་ཏུ་བྱས་ནས་བཏགས་ཏེ་གྲིབ་མ་ལ་བསྐམས་པའི་རིལ་བུ་ཁར་བཅུག་ཅིང༌། ལུས་ལ་བྱུག་པ་བྱས་ན་གཡུལ་ལས་མཚོན་ཆ་བཟློག་པར་བྱེད་དོ། །སྐྱུ་རུ་རའི་རྩ་བ་དང༌། མེ་ཏོག་ཕྱུང་ནས་ཁར་བཅུག་ན་གཡུལ་ལས་མཚོན་ཆ་རེངས་པར་བྱེད་དོ། །ཨུ་དྡྷདྡྷག་ལྀ་ཏཾ་བ་ནཱ་ནི་སིཀྟ་མྲྀཏྟི་ཀཱཾ་གྲྀ་ཧྱ་དཀྟོ་ད་ར་མ་དྷྱེ་པྲཀཱི་སྱ་ཡ་ཏ་གྲྀ་ཧ་ཕཊ་ལ་སྠཱ་ཡེཏ། ཏ་ཏྲ་ཨིཥྨི་ཀཱ་ཡ་ཏནྟི། ཙ་ཏུརད་ཤྱཱཾ། བ་ཧུ་བཱ་ར་བྲིཀྵ་སྱ་དཀྵི་ཎ་སཱ་ཁཱཾ་གྲྀ་ཧྱ་ཀ་ར་ཡི་ཏྭཱ་ཤྲིརྒ་མ་ཏཱིཤྨ་ཤ་དགྣི། ཏཱཏྤི་ཏཾ། ཕུག་རོན་གྱི་བྲུན་དང༌། ལྷ་མ་བུ་ཆུ་གཤེར་གྱི་ཆུ་དང༌། གུ་གུལ་དང༌། ཤིང་ཚ་དང༌། ན་གི་དང༌། རུ་རྟ་དང༌། ག་ན་ཀའི་ས་བོན་དང༌། འདི་དག་གིས་བདུགས་པའི་རིལ་བུ་སྦྱར་ཏེ། བདུག་སྤོས་འདིས་རྙེད་པ་དང་བཅས་པའི་ཚོང་འགྱུར་བར་འགྱུར་རོ། །སྔགས་ནི་འདིའོ། །ཨོཾ་ན་མོ་ཙཎྜ་ཀུ་ཥ་ཀུ་རུ་ཀུ་རུ་སྭཱ་ཧཱ། །འདི་ནི་བྱམས་པ་གླིང་གི་གཟིམས་ཁང་དུ་རྒྱ་དཔེ་བཞུགས་པ་ལས་ཆོས་རྗེ་རིན་པོ་ཆེ་ངག་གི་དབང་ཕྱུག་བསོད་ནམས་རྣམ་རྒྱལ་དཔལ་བཟང་པོའི་བཀའ་བཞིན་དུ། ཞ་ལུ་ལོ་ཙཱ་བ་དགེ་སློང་ཆོས་སྐྱོང་བཟང་པོས་རྒྱ་དཔེ་བཞིན་ཇི་ལྟར་གོ་བ་རྣམས་བསྒྱུར་བའོ།། །།བླ་མ་
དང་སངས་རྒྱས་སྨན་གྱི་བླ་དྲང་སྲོང་ཚེའི་རིག་བྱེད་འཛིན་པ་རྣམས་ལ་ཕྱག་འཚལ་ལོ། །ཐོག་མར་ནད་ཀྱི་མཚན་ཉིད་བརྟག་པ་ནི། །ཕོ་བའི་ནད་རྣམས་རླུང་ལ་བརྟེན། སེམས་འཁྲུལ་པ་དང་ཟ་ཟིར་འབྱུང་བ་མཁྲིས་པ་ལ་བརྟེན། རང་བཞིན་གྱིས་འཁྲུལ་པ་བད་ཀན་ལ་བརྟེན། ཚད་པ་མ་འཇུ་བ་ལ་བརྟེན། རླུང་གི་ཚད་པའི་ནད་ཡུན་གྱི་ཚད་ཞག་བདུན། མཁྲིས་ཚད་ཞག་བཅུ། བད་ཀན་ཚད་བ་ཞག་བཅུ་གཉིས། རླུང་ཚད་ཀྱི་བརྟག་པ་ནི། ཚིགས་རྣམས་བརྡུངས་པ་ལྟ་བུར་ན། གཡལ་སྟོང་འབྱུང་ཞིང་བྱ་སྙོང་བྱེད་སྙིང་འདོད། གྲང་ཤུམ་ཤིན་ཏུ་ཆེ། ལུས་ཀྱི་བ་སྤུ་ལྡང༌། མགོ་དང་ཆུ་རྒྱུས་རྩིབ་ལོགས་མུར་གོང་རྐང་མཐིལ་རྣམས་ལྷག་པར་ན། སྒྲེག་པ་ཡང་ཡང་འབྱུང༌། རྣ་བ་འོན། ཁ་ལ་རོ་བསྐ། མིག་དང་སེན་མོ་ཤིན་ཏུ་དམར། ལུས་ལ་རྡུལ་འབྱུང༌། དེ་རྣམས་ཚང་བ་འམ་ཤས་ཆེན་ངེས་པར་རླུང་དང་ལྡན་པའོ། །རྟགས་དེ་རྣམས་ཤས་ཆེ་ཞིང་རྩར་མཁྲིས་པ་དང་བད་ཀན་གཉིས་ཀ་འདུག་ན་འདུས་པའི་རྟགས་སོ། །མཁྲིས་ཚད་ཀྱི་རྟགས་ལ། ཆུ་ཡང་ཡང་འཚག་སྙིང་འདོད་ཅིང་བཙགས་ཚེ་ན་ཟུག་ཀྱང་ཅུང་ཟད་འབྱུང༌། ལུས་དྲོད་ཤིན་ཏུ་ཆེ། མཆུ་སྐམ། ཁའི་ནང་དང་ལྕེ་སོགས་ལ་ཐོར་པ་ཆུང་ངུ་མང་དུ་འབྱུང༌། སྣ་ཁྲག་འབབ། མིག་མནན་པ་ལྟ་བུ་འདེགས་དཀའ། གོས་གོན་འབུད་བྱེད་སྙིང་འདོད། མིག་དང་སེན་མོ་མདོག་སེར། ཁ་ནས་དྲི་ངན་པ་འབྱུང༌། ཁར་རོ་ཁ། དེ་རྣམས་ཚང་བ་འམ་ཤས་ཆེ་ན་མཁྲིས་པ་ལྡན་པའོ། །རྟགས་འདི་རྣམས་ཤས་ཆེ་ཞིང་རྩར་རླུང་རྩ་དང་བད་ཀན་གཉིས་ཀ་འདུག་ན་འདུས་བའི་ནད་ཀྱི་རྟགས་སོ། །བད་ཀན་གྱི་རྟགས་ལ། ལུས་དང་ཤེས་པ་ལྕི་བས་གང་ཡང་བྱེད་མི་འདོད་པ། དང་ཁ་འགགས་ཤིང་ཟས་གང་ལའང་བྲོ་བ་མེད། མིག་མནན་པ་ལྟ་བུར་ལྕི་བ། ལུས་རྩེ་བ་ཡང་བྱེད། ལུས་ལ་དྲོད་ཅུང་ཟད་ཡོད་པ། སེམས་རྩ་འཁྲུག །ཉལ་སྙིང་འདོད། ཁ་ལ་རོ་སྐྱུར། མཆིལ་མ་མང་དུ་འབྱུང་ཞིང་སྐྱུར་དགོས་པ། ལུས་མདོག་མདངས་མེད་ཐལ་ཁ་དང་ཚི་ཆེ། མིག་དང་སེན་མོའི་མདོག་
ལྗང༌། དེ་རྣམས་ཚང་བའམ་ཤས་ཆེ་ན་བད་ཀན་ཡིན་ཞིང༌། གོང་གི་རྟགས་རྣམས་ཕལ་ཆེར་ཚང་ལ་རྩར་རླུང་དང་མཁྲིས་པ་གཉིས་ཀ་ལྡན་པ་འདུས་པའི་རྟགས་སོ། །གཞན་ཡང་འདུས་པའི་རྟགས་ལ་གཏམ་ཆལ་ཆོལ་སྨྲ། གཉིད་ཆེ། མིག་དམར་ཞིང་མཆི་མ་འཛག །ལྕེ་འགགས་སོ། །ནད་གློ་བུར་བའི་རྟགས་ལ། མིག་མདོངས་ནས་བལྟ་ནན་ཆེ་ཞིང་གཡོ་འགུལ་ཉུང༌། ལུས་སྡོད་མི་ཚུགས་སོ། །དེ་ལྟར་རྟགས་དང་རྩ་མཐུན་ན་རྐྱང་པ་དང༌། དཔེར་ན་རླུང་གི་རྟགས་ལ་མཁྲིས་པའི་རྩ། མཁྲིས་པའི་རྟགས་ལ་རླུང་གི་རྩ་ལྟ་བུ་འདུག་ན་མཁྲིས་རླུང་སྟེ་དེས་རིགས་བསྒྲེས་ཏེ་ཤེས་པར་བྱའོ། །རྩ་ལ་བརྟག་པ་ལ། རྩ་བ་རླུང་མཁྲིས་བད་ཀན་གསུམ་གྱི་རྩ། དེ་ལས་གྱེས་པ་བཅུ་བཞི་སྟེ། རླུང་གི་གནས་སུ་རླུང༌། མཁྲིས་པ། བད་ཀན་དང་ཉེ་བའི་རླུང༌། མཁྲིས་པའི་གནས་སུ་མཁྲིས་པ། རླུང༌། བད་ཀན། བད་ཀན་དང་ཉེ་བའི་མཁྲིས་པ། བད་ཀན་གྱི་གནས་སུ་བད་ཀན། རླུང༌། མཁྲིས་པ། མཁྲིས་པ་དང་ཉེ་བའི་བད་ཀན་ཏེ་བཅུ་གཉིས། གསུམ་གའི་གནས་སུ་རྒྱུ་བའི་ཁྲག་དང་ཆུའི་རྩ་སྟེ་བཅུ་བཞིའོ། །དེ་ལ་རླུང་གི་རྩ་ནི་སྦོམ་ལ་མགྱོགས། མཁྲིས་པའི་རྩ་ནི་གྲིམས་ལ་མགྱོགས། བད་ཀན་གྱི་རྩ་ནི་ལྷོད་ལ་ད་ལ་བ་ཡིན་ལ། དེ་ཡང་ཞོགས་པ་ལུས་མ་འཁྲུགས་ཤིང་ཟས་གང་ཡང་མ་ཟོས་གོང་དུ་བལྟ་སྟེ་མཁྲིག་མའི་གཉེར་མ་དང་པོ་ནས་རིམ་བཞིན་ནམ་མཁའ། རླུང༌། མེ། ཆུ། ས་ལྔ་ལས་ནམ་མཁའ་དང་སའི་གནས་པོར་བའི་རླུང་མེ་ཆུ་གསུམ་གྱི་གནས་མཚོན་ཀན་ཆག་གསུམ་གྱི་འོག་ཏུ་རིམ་པ་ལྟར་རླུང་མཁྲིས་བད་ཀན་གསུམ་གྱི་གནས་སུ་བཟུང་ལ། རླུང་གནས་རང་གི་རླུང༌། མཁྲིས་པའི་གནས་ཀྱི་རླུང༌། བད་ཀན་གྱི་གནས་གྱི་རླུང་གསུམ། དེ་ཡང་རླུང་གནས་རང་གི་རླུང་རྩ་སརྦ་སྦྲུལ་གྱི་འགྲོས་ལྟ་བུར་འཕར། མཁྲིས་གནས་ཀྱི་རླུང་བྷ་ཨི་པ་བྱ་རོག་གི་འགྲོས་ལྟར་འཕར། བད་ཀན་གནས་ཀྱི་རླུང་རྨ་མཡཱུ་རབྱའི་འགྲོས་ལྟར་འཕར། དེ་བཞིན་དུ་མཁྲིས་གནས་རང་གི་མཁྲིས་རྩ་ལ་བ༌༌༌སྲེག་
པ་འཕུར་བ་ལྟར་འཕར། རླུང་གནས་ཀྱི་མཁྲིས་རྩ་ཤིག་གི་འགྲོས་ལྟར་འཕར། བད་ཀན་གནས་ཀྱི་མཁྲིས་རྩ་འབབ་ཆུ་ལྟར་འཕར་བ། བད་ཀན་རང་གནས་ཀྱི་རྩ་ངང་པའི་རྒྱལ་པོའི་འགྲོས་ལྟར་འཕར། རླུང་གནས་ཀྱི་བད་ཀན་གྱི་རྩ་སྲིན་འབུ་པདྨ་ཅན་གྱི་འགྲོས་ལྟར་འཕར། མཁྲིས་གནས་ཀྱི་བད་ཀན་གྱི་རྩ་སྦལ་བའི་འགྲོས་ཛུཾལྟར་འཕར། ཁྲག་ལའང་གསུམ་སྟེ་རླུང་པཱ་ཎི་གནས་ཀྱི་ཁྲག་རྩ་ཉའི་འགྲོས་ལྟར་འཕར། ཧཾ་ས་རཱ་ཛ་མཁྲིས་གནས་ཀྱི་ཁྲག་རྩ་བྱེའུའི་སྐད་ལྟར་འཕར། ཛོ་ལུ་ཀ་བད་ཀན་གནས་ཀྱི་ཁྲག་རྩ་ཕུ་རོན་གྱི་འགྲོས་ལྟར་འཕར། ཆུ་ལ་མཎྜུ་ཀ་གཉིས་ཏེ་རླུང་གནས་དང་མཁྲིས་གནས་ཀྱི་ཆུའི་རྩ་རྟའི་འགྲོས་ལྟར་འཕར། བད་ཀན་མ་ཚ་ལི་གནས་ཀྱི་གནས་ཀྱི་ཆུའི་རྩ་ཁྱིམ་བྱའི་འགྲོས་ལྟར་འཕར་ལ། རླུང་ཅི་རི་གི་གནས་སུ་སྦྲུལ་གྱི་འགྲོས་ལྟར་འཕར་ན་རང་གནས་སུ་རང་ཀ་བཱུ་ཏྲ། །འགྲོས་ཏེ་ནད་མེད་ཀྱི་རྩ། སྲེག་པའི་འགྲོས་ལྟར་འཕར་ན་མཁྲིས་རླུང་གི་ནད་ཚན་རེ་ཝ་ཆེ་ཞིང་བཅོས་དཀའ། ཆུའི་འགྲོས་ལྟར་འཕར་ན་འབྲིང༌། ཀུཀྵུ་ཊི་ཤིག་གི་འགྲོས་ལྟར་འཕར་ན་མཁྲིས་རླུང་ཡིན་ཀྱང་ཚན་ཆུང་ལ་བཅོས་སླ། གོ་རིམ་དེ་བཞིན་ངང་བའི་རྒྱལ་པོ་སྦལ་པ་སྲིན་བུ་པདྨ་ཅན་གྱི་འགྲོས་ལྟར་འཕར་ན་པད་རླུང་ཆེ་འབྲིང་ཆུང་གསུམ། ཉའི་འགྲོས་ལྟར་འཕར་ན་ཁྲག་རླུང་ཡིན་ཀྱང་ཚན་ཆུང༌། བྱེའུ་ལྟར་འཕར་ན་ཁྲག་རླུང་འབྲིང་པོ། ཕུག་རོན་ལྟར་འཕར་ན་ཁྲག་རླུང་གི་ནད་བབས་ལྕི། དེ་བཞིན་དུ་རྟའི་འགྲོས་ལྟར་འཕར་ན་རླུང་གི་ཆུ་གསོ་སླ། ཁྱིམ་བྱའི་འགྲོས་ལྟར་འཕར་ན་གཞི་ཆེ། མཁྲིས་པའི་གནས་སུ་སྲེག་པ་འཕུར་བ་ལྟར་འཕར་ན་རང་གནས་སུ་རང་སྟེ་ནད་མེད་ཀྱི་རྩ། སྦྲུལ་དང་རྨ་བྱའི་འགྲོས་བྱ་རོག་གི་སྐད་གསུམ་རིམ་པ་ལྟར་མཁྲིས་རླུང་ཆེ་འབྲིང་ཆུང་གསུམ། ངང་པའི་རྒྱལ་པོ་སྲིན་འབུ་པདྨ་ཅན། སྦལ་པ་གསུམ་གྱི་འགྲོས་ལྟར་འཕར་ན་བད་མཁྲིས་ཆེ་འབྲིང་ཆུང་གསུམ། བྱིའུའི་སྐད་ལྟར་འཕར་ན་ཁྲག་མཁྲིས་ཆུང་ངུ༌། ཉ་དང་ཁྱིམ་བྱའི་འགྲོས་ལྟར་འཕར་ན་ཁྲག་མཁྲིས་ཚན་ཆེ། རྟའི་འགྲོས་ལྟར་འཕར་ན་ཆུ་
དང་མཁྲིས་པ་གཞི་ཆུང༌། ཁྱིམ་བྱའི་འགྲོས་ལྟར་འཕར་ན་གཞི་ཆེ། བད་ཀན་གྱི་གནས་སུ་ངང་པའི་རྒྱལ་པོའི་འགྲོས་ལྟར་འཕར་ན་རང་གནས་སུ་རང་སྟེ་ནད་མེད། སྦྲུལ་དང་བྱ་རོག་རྨ་བྱ་གསུམ་རིམ་པ་ལྟར་བད་རླུང་ཆེ་འབྲིང་ཆུང་གསུམ། སྲེག་པ་ཤིག་ཆུ་གསུམ་བད་མཁྲིས་ཆེ་འབྲིང་ཆུང་གསུམ། ཉ་བྱིའུ་ཕུག་རོན་གསུམ་བད་ཁྲག་ཆེ་འབྲིང་ཆུང་གསུམ། རྟའི་འགྲོས་ལྟར་འཕར་ན་ཆུ་དང་བད་ཀན་ཤས་ཆེ། ཁྱིམ་བྱའི་འགྲོས་ལྟར་འཕར་ན་ཆུ་དང་བད་ཀན་ཡིན་ཀྱང་ཤས་ཆུང་ངོ༌། དེ་ཡང་མཚོན་གྱི་མས་སྣེར་མཁྲིས་རྩ་དང༌། དཀན་གྱི་ཡས་སྣེར་རླུང་རྩ། དཀན་གྱི་མས་སྣེར་བད་ཀན་གྱི་རྩ་དང༌། ཆག་གི་ཡས་སྣེར་མཁྲིས་པའི་རྩ་འཕར་ན་ཉེ་བའི་གནས་ཡིན་པས་སྐྱོན་ཆུང་ངོ༌། །རླུང་གི་གནས་སུ་མཁྲིས་རྩ་ཤིག་གི་འགྲོས་ལྟར་འཕར་ན་རླུང་མཁྲིས་ཡིན་ཀྱང་བཅོས་ན་མྱུར་དུ་བདེ་ཞིང་མ་བཅོས་ཀྱང་འཚོའོ། །རླུང་གནས་སུ་བད་ཀན་གྱི་རྩ་སྲིན་བུ་པདྨ་ཅན་གྱི་འགྲེས་ལྟར་འཕར་ན་མགོ་ན། གློ་དགོག་པ་སོགས་འབྱུང་ཞིང་སྐྱོན་ཆུང་ཡང་མ་བཅོས་ན་ངང་པའི་རྒྱལ་པོའི་འགྲོས་ལྟར་སོང་དོགས་པའི་ཉེན་ཡོད་དོ། །འབྲལ་དུ་ནད་ཟུག་གཟེར་ཆེ་ཡང་རླུང་གི་གནས་སུ་ཁྲག་གི་རྩཉའི་འགྲོས་ལྟར་འཕར་ན་བཅོས་ཀྱང་མྱུར་དུ་བདེ་ཞིང་མ་བཅོས་ཀྱང་མི་རིང་བར་འཚོ་བའོ། །རླུང་གི་གནས་སུ་ཆུའི་རྩ་རྟའི་འགྲོས་ལྟ་བུ་འཕར་ན་དབུགས་ཁ་མི་བདེ་བ། མིག་དམར་ཞིང་མིག་འདག་མང་བ་སོགས་འབྱུང༌། མཁྲིས་པའི་གནས་སུ་རླུང་རྩ་བྱ་རོག་གི་འགྲོས་ལྟར་འཕར་ན་ཁ་སྐམ་སྐོམ་དད་ཆེ། ཚགས་ཚིགས་སོགས་ཁོལ་བུར་ན་ཡང་གསོ་སླ། མཁྲིས་པའི་གནས་སུ་བད་ཀན་གྱི་རྩ་སྦལ་པའི་འགྲོས་ལྟར་འཕར་ན་མགོ་བོ་ན། ཁ་ནས་མཆི་ལ་མ་ཡང་ཡང་འབོ་དགོས་ཤིང་མཁྲིས་པའང་ཅུང་ཟད་སྐྱུག་གོ །མཁྲིས་པའི་གནས་སུ་ཁྲག་གི་རྩ་བྱིའུའི་སྐད་ལྟར་འཕར་ན་ལུས་ལ་རྩེ་ཡས་བྱེད་ཅི་ནས་ཁྲག་ཅུང་ཟད་འཛག་པ་དང༌། ཐོར་བ་ཆུང་ངུ་འབྱུང༌། མིག་གི་
མདངས་དམར་སེར་དུ་འོང་ངོ༌། །མཁྲིས་པའི་གནས་སུ་ཆུའི་རྩ་རྟའི་འགྲོས་ལྟ་བུར་འཕར་ན་དངས་མ་འཛག །ལུས་འཁྱོམས་ཤིང་འཁོར། མིག་ན་ཞིང་མིག་ཆུ་འཛག་གོ །བད་ཀན་གྱི་གནས་སུ་རླུང་གི་རྩ་རྨ་བྱའི་འགྲོས་ལྟར་འཕར་ན་ལུས་གྲང་ཤུམ་བྱེད་ཅིང་རྐང་ལག་གི་མགོ་དྲོད་མེད། མདོག་སྣུམ། ཞག་ཆུང་ཞིང་སྐྱ་ཐལཕོ་བ་སྦོས་པ་དང་འཁྲོག་པ་འབྱུང་ངོ༌། །བད་ཀན་གྱི་གནས་སུ་མཁྲིས་པའི་རྩ་འབབ་ཆུའི་འགྲོས་ལྟར་འཕར་ན་གློ་དགོག །བྲང་ཚ། འགྲིམ་ཞིང་དབུགས་མི་བདེ། བད་ཀན་གྱི་གནས་སུ་ཁྲག་གི་རྩ་ཕུག་རོན་གྱི་འགྲོས་ལྟར་འཕར་ན་ལུས་དྲོད་ཆེ། རྡུལ་འབབ། འོག་སྒོར་ཁྲག་ཅུང་ཟད་འཛག །འཕོངས་ལུག་པ་སོགས་འབྱུང༌། བད་ཀན་གྱི་གནས་སུ་རྩ་ཁྱིམ་བྱའི་འགྲོས་ལྟར་འཕར་ན་ཚིགས་ན་ཞིང་ཅུང་ཟད་སྐྲངས་པ། ལུས་ཀྱི་མདངས་མི་གསལ་ཞིང་ཚི་ཆེ། ལུས་དྲི་མི་ཞིམ་མོ། །རླུང་གི་གནས་སུ་མཁྲིས་པའི་རྩ་སྲེག་པ་འཕུར་བ་ལྟ་བུར་འཕར་ན། དངས་མ་འཛག །རྐེད་པ་ན། ལུས་དྲོད་ཆེ། ལུས་ལས་རྡུལ་མང་དུ་འཛག །ལུས་གྱོང༌། མཁྲིས་པ་སྐྱུག །མིག་སེར། ཆུ་སེར་པོར་འབབ་པ་སོགས་འབྱུང་ཞིང་འདི་ནི་མཁྲིས་རླུང་གི་གཙོ་བོ་སྟེ་བཅོས་ལ་བཟབ་བོ། །རླུང་གི་ས་རུ་མཁྲིས་པའི་རླུང་གི་རྩ་བྱ་རོག་གི་འགྲོས་ལྟ་བུར་འཕར་ན། ལུས་བརྡུངས་པ་ལྟར་ན། ཕོ་བ་སྦོས། རྣ་བ་འོན། ལུས་ལ་ཐོར་པ་དང་ཤུ་བ་སོགས་འབྱུང་ངོ༌། །རླུང་གི་གནས་སུ་མཁྲིས་པའི་བད་ཀན་གྱི་རྩ་སྦལ་པའི་འགྲོས་ལྟར་འཕར་ན། ལུས་འདར་ཞིང་གཡོ། གོས་གོན་མི་འདོད། ཅུང་ཟད་འཐུར་དུ་འཁྲུ། བྱ་སྙོང་དང༌། གཡལ་སྟོང་བྱེད། ཕོ་བ་འཁྲོགས་པ་སོགས་འབྱུང༌། རླུང་གི་གནས་སུ་མཁྲིས་པའི་ཁྲག་གི་རྩ་བྱིའུའི་འགྲོས་ལྟར་འཕར་ན། ལུས་ལ་ཟ་ཕྲུག་བྱེད། ཚགས་ཚིགས་དང་མགོ་བོ་ན། མིག་ན་བ་སོགས་འབྱུང༌། རླུང་གི་གནས་སུ་མཁྲིས་པའི་ཆུའི་རྩ་རྟའི་འགྲོས་ལྟར་འཕར་ན། སོ་རྙིལ་སྐྲངས་ཤིང་ཆུ་སེར་དང་ཁྲག་འབྱུང༌། མཁྲིས་ཚད་བསྐྱེད། དབུགས་
མི་བདེ། གཉིད་ཆེ། ལུས་ལྕི་བ་སོགས་འབྱུང་ངོ༌། །རླུང་གི་གནས་སུ་བད་ཀན་གྱི་རྩ་ངང་པའི་རྒྱལ་པོའི་འགྲོས་ལྟར་འཕར་ན་ལུས་བརྡུངས་ཤིང་གཅུས་པ་ལྟར་ན། མགོ་བོ་འཁོར། དང་ཁ་འགགས། ལུས་ཁོལ་བུར་ན། ཆུ་གཏོང་དཀའ་བ་སོགས་འབྱུང་ཞིང་འདི་ནི་བད་རླུང་གི་གཙོ་བོ་སྟེ་བཅོས་ལ་བཟབ་བོ། །རླུང་གི་གནས་སུ་བད་ཀན་གྱི་རླུང་གི་རྩ་རྨ་བྱའི་འགྲོས་ལྟར་འཕར་ན་ཕོ་བ་གཅུས་པ་ལྟར་ན། རྩ་གཏོང་དཀའ། རྐེད་པ་དང་ཆུ་རྒྱུས་ན། རླུང་སྐྲན་སོགས་འབྱུང་ངོ༌། །རླུང་གི་གནས་སུ་བད་ཀན་གྱི་མཁྲིས་པའི་རྩ་འབབ་ཆུའི་འགྲོས་ལྟར་འཕར་ན་བྲང་ཚ། གྲང་བསིལ་ཆེ། ཁ་སྐོམ། མིག་དང་སེན་མོའི་མདོག་ལྗང་ཁུར་སྣང་བ། དངས་མ་འཛག་པ་སོགས་འབྱུང་ངོ༌། །རླུང་གི་གནས་སུ་བད་ཀན་གྱི་ཁྲག་གི་རྩ་ཕུག་རོན་གྱི་འགྲོས་ལྟར་འཕར་ན། རྡུལ་འཛག །ཤུ་བ་དང་ཐོར་པ་འོང༌། །མིག་དམར་ཞིང་འབྱེད་འཛུམས་ཉུང་བ་སོགས་འབྱུང་ངོ༌། །རླུང་གི་གནས་སུ་བད་ཀན་གྱི་ཆུའི་རྩ་ཁྱིམ་བྱའི་འགྲོས་ལྟར་འཕར་ན་མིག་འགྲིབ། པགས་པ་གྱོང༌། ཆུ་གསོག་འབྱུང༌། རྩ་འབུར་མོར་དོད། ཟ་འཕྲུག་ལོང་ཞིང་བྲད་པ་དང་ཆུ་སེར་འཛག །ཕོ་བར་སྲིན་འབུ་འཕེལ་བ་སོགས་འབྱུང་ངོ༌། །མཁྲིས་གནས་སུ་རླུང་གི་རྩ་སྦྲུལ་ལྟ་བུར་འཕར་ན། ལུས་ཀྱི་ཚགས་ཚིགས་བརྡུངས་པ་ལྟར་ན། ཆུ་འཚག་དཀའ་ཞིང་ཟུག་ཆེ། ཁ་སྐོམ་ཞིང་ཐོར་པ་མང༌། གྲང་བསིལ་ཆེ། སྐོམ་དང་ཆེ། ཕོ་བ་ན་བ་སོགས་འབྱུང་ཞིང་འདི་ནི་མཁྲིས་རླུང་གཙོ་བོ་སྟེ་བཅོས་ལ་བཟབ་པ་གཅེས། མཁྲིས་གནས་སུ་རླུང་གི་མཁྲིས་པའི་རྩ་ཤིག་གི་འགྲོས་ལྟར་འཕར་ན། ཚད་པ་བསྐྱེད། ལུས་སྐམ་ཞིང་དྲོད་ཆེ། མིག་མི་གསལ། ཁ་རླུངས་དང་རྐང་མཐིལ་དྲོད་ཆེ་བ་སོགས་འབྱུང༌། མཁྲིས་གནས་སུ་རླུང་གི་བད་ཀན་གྱི་རྩ་སྲིན་བུ་པད་མ་ཅན་ལྟར་འཕར་ན། སྤྱི་བོ་ན། ལེ་ལོ་དང་གཉིད་ཆེ། མཆིལ་མ་མང༌། ཁར་རོ་ཁ་བ་
སོགས་འབྱུང་ངོ༌། །མཁྲིས་གནས་སུ་རླུང་གི་ཁྲག་རྩ་ཉའི་འགྲོས་ལྟར་འཕར་ན། ལུས་མདོག་དམར་ཞིང་བ་སྤུའི་བུ་ག་ནས་ཁྲག་ཀྱང་ཅུང་ཟད་འཇག །མིག་ཆུ་མང་བ་སོགས་འབྱུང་ངོ༌། །མཁྲིས་གནས་སུ་རླུང་གི་རྩ་རྟའི་འགྲོས་ལྟར་འཕར་ན། ཕོ་བ་སྤོས། ཡན་ལག་སྐམ་ཞིང་ཚིགས་དང་གདོང་སྐྲངས། དྲི་ཆུ་ཁྲག་ལྟར་བབ་པ་སོགས་འབྱུང༌། མཁྲིས་གནས་སུ་བད་ཀན་གྱི་རྩ་ངང་པའི་རྒྱལ་པོའི་འགྲོས་ལྟར་འཕར་ན་ཁར་རོ་མངར། ཁོང་དུ་སྲིན་འབུ་འཕེལ། ཁོག་པར་ཟོ་བའི་ཞོ་དྲག་ཆགས་པ་ལྟ་བུ་འབྱུང་ངོ༌། །ལུས་ཀྱི་གཏིང་དྲོད་ཅུང་ཟད་ཆེ་ཞིང་ཚགས་ཚིགས་སོགས་ཁོལ་བུར་ན། མཁྲིས་སྐྲན་འཆའ་བ་སོགས་འབྱུང་སྟེ་བད་མཁྲིས་ཀྱི་གཙོ་བོ་ཡིན་པས་བཅོས་ལ་གཟབ་པ་གཅེས་སོ། །མཁྲིས་པའི་གནས་སུ་བད་ཀན་གྱི་རླུང་གི་རྩ་རྨ་བྱའི་འགྲོས་ལྟར་འཕར་ན། ཉིན་རེས་འཇོག་ཏུ་ན། ལུས་ལ་རྡུལ་འབྱུང་ཞིང་དྲི་མི་ཞིམ། མིག་གི་མདངས་དཀར་པོར་འགྲོ། །མཆིལ་མ་མང་བ་སོགས་འབྱུང༌། མཁྲིས་པའི་གནས་སུ་བད་ཀན་གྱི་མཁྲིས་རྩ་ཆུའི་འགྲོས་ལྟ་བུར་འཕར་ན། གཉིད་ཆེ། ལྕེ་འགས། ལུས་གྱོང༌། ཁྲག་ཅུང་ཟད་སྐྱུག་པ་སོགས་འབྱུང་ངོ༌། །མཁྲིས་པའི་གནས་སུ་བད་ཀན་གྱི་ཁྲག་རྩ་ཕུག་རོན་གྱི་འགྲོས་ལྟར་འཕར་ན། སྣ་ཁྲག་འབབ། ཁྲག་སྐྲན་འཆའ། ལྟེ་བ་གཅུ་ཞིང་གཟེར། མེ་ལྕེ་འཁོར་ལོ་འབྱུང༌། མཁྲིས་པའི་གནས་སུ་བད་ཀན་གྱི་ཆུའི་རྩ་ཁྱིམ་བྱའི་འགྲོས་ལྟ་བུར་འཕར་ན། དང་ཁ་མི་བདེ། མེ་དྲོད་འཆོར། མ་འཇུ་བའི་ནད་དང་འགྲོ་འདུག་དཀའ་བ་སོགས་འབྱུང༌། བད་ཀན་གྱི་གནས་སུ་རླུང་གི་རྩ་སྦྲུལ་གྱི་འགྲོས་ལྟར་འཕར་ན། རྐང་པ་ན། འགྲིམས། ཁ་དྲི་མི་ཞིམ། མགོ་བོ་འཁོར། ཆུའི་མདོག་སེར་བ་སོགས་འབྱུང་སྟེ་འདི་ནི་བད་རླུང་གི་རྩ་བ་ཡིན་པས་གཟབ་བར་བཅོས། བད་ཀན་གྱི་གནས་ས་རླུང་གི་མཁྲིས་རྩ་ཤིག་གི་འགྲོས་ལྟར་འཕར་ན། དངས་མ་འཛག་
ལུས་སྟོབས་ཉམས། ངས་ཆད་པ་སོགས་འབྱུང༌། བད་ཀན་གྱི་གནས་སུ་རླུང་གི་བད་ཀན་གྱི་རྩ་སྲིན་བུ་པད་མ་ཅན་གྱི་འགྲོས་ལྟར་འཕར་ན། བེ་སྣབས་སྐྱུག་ཅིང་གློ་ཆེ། སྐྱ་རྦབ་དང་མིག་འདག་མང་བ་སོགས་འབྱུང་ངོ༌། བད་ཀན་གྱི་གནས་སུ་རླུང་གི་ཁྲག་གི་རྩ་ཉའི་འགྲོས་ལྟར་འཕར་ན། ཕོ་བ་འཁྲོག་ཅིང་ན། དངས་མ་སྐམས་པས་ལུས་སྟོབས་ཉམས། སྲོད་ལོང་འབྱུང༌། ཉིན་རེ་མོས་ཀྱིས་ན་བའོ། །བད་ཀན་གྱི་གནས་སུ་རླུང་གི་ཆུའི་རྩ་རྟའི་འགྲོས་ལྟར་འཕར་ན། པགས་ནད་ཁོལ་བུ་ན་བ་སེན་མོ་བཏབ་ཀྱང་རེག་པ་མི་ཚོར་བ། ཡན་ལག་སྐམ། དངས་མ་འཛག །ལུས་མགོ་མཇུག་ཐམས་ཅད་ན་བ་སོགས་འབྱུང༌། བད་ཀན་གྱི་གནས་སུ་མཁྲིས་པའི་རྩ་སྲེག་པ་འཕུར་བ་ལྟར་འཕར་ན། ཉལ་ན་ལྡང་འདོད། ལྡང་ན་ཉལ་འདོད། ཟས་སྐོམ་མི་འདོད་པ་དང་ཆུ་སྐྱུར་སྐྱུག །ལུས་དྲོད་ཆེ་བ་སོགས་འབྱུང་སྟེ། འདི་ཡང་བད་མཁྲིས་གྱི་གཙོ་བོ་ཡིན་པས་བཅོས་ལ་བཟབ། བད་ཀན་གྱི་གནས་སུ་མཁྲིས་པའི་རླུང་རྩ་བྱ་རོག་གི་འགྲོས་ལྟར་འཕར་ན། གསུས་པ་སྦོ། མས་རླུང་གྱེན་དུ་ལྡོག །གཞང་འབྲུམ་འོང་བ་སོགས་འབྱུང༌། བད་ཀན་གྱི་གནས་སུ་མཁྲིས་པའི་བད་ཀན་གྱི་རྩ་སྦལ་པའི་འགྲོས་ལྟར་འཕར་ན། ཁྲག་འགྲིམས། བེ་སྣབས་སྐྱུགས། ལུས་དྲི་མི་ཞིམ་པ་སོགས་འབྱུང༌། བད་ཀན་གྱི་གནས་སུ་མཁྲིས་པའི་ཁྲག་གི་རྩ་བྱིའུའི་སྐད་ལྟར་འཕར་ན། ཆུ་སོགས་འབྱུང༌། བྲང་ཚ། རྩི་བ་ལོགས་དང་མཆིན་པ་ན། དང་ཁ་མི་བདེ་ཞིང་ཟས་མི་འཇུ་བ་སོགས་འབྱུང༌། བད་ཀན་གྱི་གནས་སུ་མཁྲིས་པའི་ཆུའི་རྩ་རྟའི་འགྲོས་ལྟར་འཕར་ན། མིག་
ཀྱོང་དུ་རྡིབ། ཆུས་ལུས་སྐྲངས། ཁ་འགྲིག །ཚིགས་རེ་མོས་སུ་ན་བ་སོགས་འབྱུང་ངོ༌། །མཁྲིས་པའི་གནས་སུ་མཁྲིས་པར་ང་གི་རྩ་སྦལ་པའི་འགྲོས་དང་ཁྲག་རྩ་བྱེའུའི་སྐད་ལྟར་དང༌། རླུང་གི་མཁྲིས་རྩ་ཤིག་གི་འགྲོས་གསུམ་རེས་འཇོག་ཏུ་འཕར་ན་འདུས་པ་སྟེ་ཁ་སྐོམ་ཞིང་འགྲིག །སྐོམ་དད་ཆེ། ལུས་ལྕི། ཤེས་པ་མི་གསལ་ན་དེ་ནི་མྱུར་དུ་འཆི་ཞིང་མི་འཚོའོ། །བད་ཀན་གྱི་གནས་སུ་བད་ཀན་རང་གི་རྩ་ངང་པའི་རྒྱལ་པོའི་འགྲོས་དང་རླུང་གི་མཁྲིས་རྩ་ཤིག་གི་འགྲོས་སོ། །མཁྲིས་པའི་བད་ཀན་གྱི་རྩ་སྦལ་པའི་འགྲོས་གསུམ་རེས་འཇོག་དུ་འབར་ན། དེ་ཡང་ནད་གསུམ་འདུས་པ་སྟེ་མི་འཚོའོ། །ལུས་འཁྲུ་བ། སྐྱུགས་པ། མགོ་དང་ཚགས་ཚིགས་ན་བ། སོ་དང་ལྕེ་ནག་པོར་སོང་བ། ཕོ་བ་དང་སྟོད་ལ་གཟེར་བ་སོགས་ནད་རླུང་མཁྲིས་བད་ཀན་གསུམ་གའི་རྟགས་ཚང་ཞིང༌། རླུང་གི་གནས་སུ་བད་ཀན་གྱི་རྩ་ངང་པའི་རྒྱལ་པོའི་འགྲོས་ལྟར་འཕར་ན། དེ་ནི་ངེས་པར་མི་འཚོའོ། །རླུང་མཁྲིས་བད་ཀན་གསུམ་ཀའི་གནས་སུ་འགྲོས་རྣམས་ངེས་མེད་སྣ་ཚོགས་སུ་རྒྱུ་ན་ནད་ཡུན་རིང་ཞིང་འཚོ་བར་མི་འགྱུར་རོ། །རླུང་གི་གནས་སུ་རླུང་དང༌། མཁྲིས་པའི་གནས་སུ་འང་རླུང་རྩ་འཕར་ན་མ་འཇུ་བའི་ནད་སྟེ་གསོ་སླའོ། །དེ་ལྟར་རྩའི་དབྱེ་བ་རྣམས་མ་ནོར་བར་གཏན་ལ་ཕབ་སྟེ་ནང་གང་ཡིན་ངོས་ཟིན་པ་དང༌། དེའི་སྨན་དང་སྤྱོད་ལམ་རྣམས་བྱ་བ་ནི་གནད་དོ། །ཞེས་དྲང་སྲོང་ཆེན་པོ་ད་ནནྡྲ་སྟེ་སྦྱིན་པའི་དབང་པོས་མཛད་པའི་རྩ་བརྟག་ཅིང་གཏན་ལ་འབེབས་པའི་རབ་ཏུ་དབྱེ་བ་རྫོགས་སོ།། །།