མ་མགོན་གསོལ་མཆོད་ཉུང་བསྡུས།

༈ མ་མགོན་གསོལ་མཆོད་ཉུང་བསྡུས་བཞུགས་སོ། བྷྱོཿ སྔགས་ཀྱི་སྲུང་མ་མ་མོ་རལ་གཅིག་མ། །དཔལ་མགོན་མ་ནིང་རྡོར་ལེགས་ར་ཧུ་ལ། །དུར་ཁྲོད་ལྷ་མོ་འཁོར་དང་བཅས་པ་རྣམས། །འཁོར་བཅས་མཐུན་པའི་དམ་རྫས་འདི་བཞེས་ལ། །ཇི་ལྟར་བཅོལ་བའི་ཕྲིན་ལས་འགྲུབ་པར་མཛོད། །ཅེས་པ་འདི་ནི་ཀ་ཁོ་གནས་སོགས་དགོན་པའི་འདུས་སྡེ་རྣམས་ལ་སྙིང་ཐིག་དབང་ཆོས་སྐྱོང་རྣམས་ཀྱི་སྲོག་གཏད་དང་བཅས་པ་བསྐུལ་བའི་སྐབས། བེར་ཚད་ཚུལ་ཁྲིམས་རིན་ཆེན་བཅས་དོན་གཉེར་ཅན་འགས་བསྐུལ་ངོར་རྫོགས་སྤྲུལ་ལྔ་པ་ཐུབ་བསྟན་ཆོས་ཀྱི་རྡོ་རྗེས་བྲིས་པའོ། །