ཧཱུྃ། ཆོས་ཉིད་དབྱིངས་ལས་་་་
ཧཱུྃ། ཆོས་ཉིད་དབྱིངས་ལས་བཞེངས་པ་ཡིས། །བསྟན་སྲུང་དམ་ཅན་རྒྱ་མཚོའི་ཚོགས། །ཐུགས་རྗེ་བརྩེ་བས་རྗེས་དགོངས་ལ། །རྣལ་འབྱོར་བདག་ཅག་འཁོར་བཅས་ཀྱི། །དམ་རྫས་མཐུན་པའི་གཏོར་མ་དང་། །ཇ་ཆུང་འོ་སྐོལ་བཏུང་བའི་རིགས། །ཕུད་དང་རཀྟའི་རྒྱ་མཚོ་བསྐྱིལ། །མཆོད་ཅིང་བསྟོད་པའི་བྱིན་རླབས་ཀྱིས། །མི་མཐུན་གནོད་པ་ཀུན་ཞི་ནས། །མཐུན་རྐྱེན་ཆོས་དང་མཐུན་པ་ཡི། །བསམ་དོན་ཡིད་བཞིན་འགྲུབ་པར་མཛོད། །ཅེས་པ་འདི་ཡང་འཇམ་དབྱངས་མཁྱེན་བརྩེའི་དབང་པོའི་ཐུགས་སྤྲུལ་གུ་རུ་ཚེ་དབང་ནས་ཆོས་སྐྱོང་སྤྱི་ཡི་གསོལ་བསྡུས་འདི་ལྟར་དགོས་ཞེས་བསྐུལ་ངོར་རྫོགས་སྤྲུལ་ལྔ་བས་བྲིས་པ་དགེའོ། །