ཉམས་སྣང་སྒྱུ་མའི་རྒྱང་གླུ་ཞེས་བྱ་བ་བཞུགས་སོ།།

ན་མོ་གུ་རུ། ང་རྣལ་འབྱོར་གྱི་ཉམས་ལ་འདི་ལྟར་སྣང་། །སྣང་བའི་ཡུལ་རྣམ་སྒྱུ་མ་འདྲ། །སྣང་ཙམ་ལས་དངོས་པོ་འགའ་ཡང་མེད། །སྒྲོ་བཏགས་ཀྱི་སྒྲ་ཚིག་བྲག་ཆ་འདྲ། །འདྲ་ཙམ་ལས་མཚན་མ་རྡུལ་ཙམ་མེད། །དྲན་རྟོག་གི་འཆར་སྒོ་ན་བུན་འདྲ། །འདྲ་ཙམ་ལས་སྐྱེ་འགགས་ཅི་ཡང་མེད། །འཁོར་འདས་ཀྱི་བྱེ་བྲག་གར་འཆམ་འདྲ། །རྣམ་འགྱུར་ལས་དབྱེ་བ་འགའ་ཙམ་མེད། །ཆགས་སྡང་གི་རྣམ་རྟོག་རྐུན་མ་འདྲ། །གཅིག་པུ་ལ་གཉིས་ཆོས་གང་ཡང་མེད། །མཚན་མའི་ངོ་བོ་ཆ་ཙམ་མེད། །རྣལ་འབྱོར་ང་སྒྱུ་མའི་མཁན་པོ་འདྲ། །སྣང་ཡུལ་ལ་འཛིན་ཞེན་རང་བཞིན་བྲལ། །རྟོགས་བྱའི་ཆོས་ཉིད་ནམ་མཁའ་འདྲ། །བློས་བཟུང་གི་གཏད་སོ་རྡུལ་ཙམ་མེད། །མཆེད་གྲོགས་ཀུན་ཚོང་དུས་ཀྱི་མགྲོན་པོ་འདྲ། །གར་འགྲོ་དང་འདི་བྱེད་ཏིག་ཏིག་མེད། །མེད་སྣང་དུ་ཤར་བ་སྒྱུ་མའི་གླུ། །རང་གར་ཞིག་ཀོང་པོའི་ཡུལ་དུ་བླང་། །མདྒ་ལཾ། །