རྡོ་གྲུབ་མཆོག་སྤྲུལ་ངོས་འཛིན་བརྡ་ལུང་།།
རིགས་ཀུན་ཁྱབ་བདག་རྡོ་རྗེ་སློབ་དཔོན་གྱི། །སྤྲུལ་གཞི་རྔ་ཡབ་དཔལ་གྱི་རི་བོ་དང་། །དབུས་འགྱུར་ལོངས་སྐུའི་ཞིང་ཁམས་ཆེན་པོ་རུ། །སྐུ་གསུང་ཐུགས་དང་ཡོན་ཏན་སྤྲུལ་པ་བཞི། །ཁྱད་པར་ཕྲིན་ལས་སྤྲུལ་བའི་ཟློས་གར་ནི། །དགོན་གནས་དེ་ཡི་གཤིན་རྗེར་ཕྱོགས་པའི་སར། །རིན་ཆེན་ལྗོན་ཤིང་བྲག་རི་འཛོམས་པའི་གནས། །ཐབས་ཤེས་ཀ་དང་ད་ཡི་མིང་ཅན་ལས། །རིགས་ལྡན་ཁྱེའུ་མེ་ཡོས་ལོ་པ་ཡིས། །བསྟན་དང་འགྲོ་ལ་སྨན་པའི་བལྟས་བཟང་འབྱུང་། །དེ་ལྟར་དད་ལྡན་གཞན་གྱིས་བསྐུལ་བའི་ངོར། །རྫོགས་སྤྲུལ་ལྔ་པ་དྷརྨ་བཛྲ་གྱིས། །རང་སེམས་འཁྲུལ་བའི་བློ་ལ་གང་དྲན་བྲིས། །དགེ་ལེགས་སྣང་བས་ས་སྟེང་ཁྱབ་གྱུར་ཅིག །