གཏེར་སྲུང 
་ལྡང་ལྷའི་བསང་མཆོད།
ཧཱུྃ། སྔོན་ཚེ་པདྨ་འབྱུང་གནས་སྤྱན་སྔ་རུ། །ཟབ་གཏེར་སྐྱོང་བར་ཞལ་བཞེས་ཐ་ཚིག་ཅན། །ལྷ་ཡི་དགེ་བསྙེན་རྡོ་རྗེ་དྲག་པོ་རྩལ། །འཁོར་བཅས་འདིར་གཤེགས་གུས་པས་ཕྱག་འཚལ་ལོ། །རྃ་ལས་སྐྱེས་པའི་འབར་བའི་མེ་ནང་དུ། །ཤིང་སྣ་སྨན་སྣ་དར་ཟབ་རིན་ཆེན་ལྔ། །བསྲེགས་པའི་དུད་སྤྲིན་བར་སྣང་གང་བ་འདིས། །དགེ་བསྙེན་འཁོར་བཅས་བསང་ཞིང་མཆོད་པའི་མཐུས། །སྔོན་ཚེ་དཔལ་ཆེན་སྤྱན་སྔར་ཁས་བླང་བཞིན། །པདྨའི་ཟབ་གཏེར་གཉན་པོ་བསྲུང་བ་དང་། །བསྟན་པའི་ཉི་མ་ཕྱོགས་བཅུར་དར་ཞིང་རྒྱས། །གང་ལ་བར་དུ་གཅོད་པའི་དགྲ་དང་བགེགས། །མཐའ་དམག་དུས་ཀྱི་འཁྲུགས་པ་ཞི་བ་དང་། །ལོ་ཕྱུགས་ལེགས་ཤིང་འབྲུ་རྣམས་འཕེལ་ཞིང་རྒྱས། །བདེ་སྐྱིད་རྫོགས་ལྡན་དཔལ་ལ་སྤྱོད་པར་ཤོག །རྫོགས་སྤྲུལ་ལྔ་པས་སོ། །