དྲེགས་པའི་སྡེ་དཔོན་སུམ་ཅུའི་བསྐང་བ་བཞུགས་སོ།།
ཧཱུྃ། སྔོན་ཚེ་དཔལ་ཆེན་ཧེ་རུ་ཀའི། །སྤྱན་སྔར་ཁས་བླངས་ཞལ་བཞེས་པའི། །དྲེགས་པའི་སྡེ་དཔོན་སུམ་ཅུ་པོ། །སོ་སོའི་གཡོག་འཁོར་དཔུང་དང་བཅས། །བསྐང་བའི་གནས་འདིར་གཤེགས་སུ་གསོལ། །རང་རང་དགྱེས་པའི་གདན་ལ་བཞུགས། །སོ་སོའི་མཐུན་རྫས་བརྟེན་རྫས་དང་། །བསྐང་རྫས་སྒྲུབ་རྫས་ཇི་སྙེད་ཀུན། །དངོས་སུ་བཤམས་དང་ཡིད་ཀྱིས་སྤྲུལ། །རབ་འབྱམས་ནམ་མཁའ་གང་བ་རུ། །གུས་པའི་བློ་ཡིས་འབུལ་ལགས་ན། །དགྱེས་པའི་ཚུལ་གྱིས་བཞེས་ནས་ཀྱང་། །ཐུགས་དམ་བསྐང་ལ་རྐྱེན་དབང་བཟློག །བཅོལ་བའི་ཕྲིན་ལས་འགྲུབ་པར་མཛོད། །རྫོགས་སྤྲུལ་ལྔ་པས་སོ། །