སྔགས་བདག་སྡེ་དཔོན་སུམ་ཅུའི་བསྐུལ་བ་ནི།

ཧཱུྃ། སྔོན་ཚེ་དཔལ་ཆེན་སྤྱན་སྔ་རུ། །ཇི་ལྟར་ཁས་བླངས་ཞལ་བཞེས་པའི། །སྔགས་བདག་སྡེ་དཔོན་སུམ་ཅུ་པོ། །ཁྱེད་རྣམས་ཐུགས་དམ་དུས་ལ་བབས། །དམར་གྱི་གཏོར་མ་འདི་བཞེས་ལ། །སངས་རྒྱས་བསྟན་པ་སྲུང་བ་དང་། །རྣལ་འབྱོར་བུ་བཞིན་སྐྱོང་བར་མཛོད། །དམིགས་པའི་ཡུལ་གྱུར་དགྲ་བོ་རྣམས། །ལོ་ཟླ་ཙམ་ཡང་མ་བཞག་ལ། །ཕོ་རྒྱུད་རྩད་ནས་ཆོད་ལ་ཤོག །མོ་རྒྱུད་མངལ་ནས་སྐོམ་ལ་ཤོག །བདུན་རྒྱུད་རྩད་ནས་ཆོད་ལ་ཤོག །ཇི་ལྟར་བཅོལ་བའི་ཕྲིན་ལས་ཀུན། །ཐོགས་པ་མེད་པར་འགྲུབ་པར་མཛོད། །རྫོགས་སྤྲུལ་ལྔ་པས་སོ། །