དུར་ཁྲོད་ལྷ་མོའི་བསྐང་བསྡུས་བཞུགས་སོ།།

བྷྱོཿ དུར་ཁྲོད་གནས་ཉུལ་མཁའ་འགྲོ་ཀུན་གྱི་གཙོ། །མི་སྡུག་སྲིན་པོའི་གཟུགས་འཆང་ངན་ནེ་མ། །འབུམ་ཕྲག་ཡངས་བའི་མཁའ་འགྲོ་འཁོར་བཅས་ལ། །ཕྱི་ནང་གསང་བ་མཆོད་པའི་དམ་རྫས་ནི། །ཀུན་བཟང་མཆོད་པའི་སྤྲིན་ལྟར་འཕྲོ་བ་འདིས། །ལྷ་མོ་འཁོར་བཅས་ཐུགས་དམ་བསྐང་གྱུར་ནས། །བདག་ཅག་བྱང་ཆུབ་སྒྲུབ་པའི་གང་ཟག་ལ། །མི་དང་མི་མིན་འབྱུང་པོའི་འཚེ་བ་རྣམས། །ཀ་དག་ཆོས་ཀྱི་དབྱིངས་སུ་ཞི་བར་མཛོད། །ཅེས་པ་ཡང་ཡ་གྲོང་ལྷ་རྗེ་པདྨ་ཆོས་འཕེལ་ནས་བསྐུལ་ངོར་རྫོགས་སྤྲུལ་ལྔ་པ་ཐུབ་བསྟན་ཆོས་ཀྱི་རྡོ་རྗེས་སོ། །