ཀླུ་མོ་གཟི་འབར་མའི་བསྐང་བ་བཞུགས་སོ།།

ཧཱུྃ། རྒྱ་མཚོ་ཆེན་པོའི་ཀློང་དཀྱིལ་ནས། །ཀླུ་རྒྱལ་དུང་སྐྱོང་སྲས་མོ་ཆེ། །ཀླུ་མོ་ཆེན་མོ་གཟི་འབར་མ། །ཀླུ་སྨན་འབུམ་གྱི་འཁོར་དང་བཅས། །བསྐང་བའི་གནས་འདི་གཤེགས་སུ་གསོལ། །ཕྱི་མཆོད་རིན་ཆེན་རྣམ་པ་ལྔ། །ནང་མཆོད་དཀར་གསུམ་མངར་གསུམ་རིགས། །གསང་མཆོད་བྷ་ལིང་རྒྱན་དང་ལྡན། །གསེར་སྐྱེམས་དར་ཟབ་སྣ་ཚོགས་པ། །ཤེལ་ཚིག་ཁྲི་དཀར་སྟོད་ནག་དང་། །ཀླུ་རྟ་རྒྱན་ལྡན་ལ་སོགས་བའི། །གཟུགས་འགྲོས་མཐུན་རྫས་སྣ་ཚོགས་པས། །ཐུགས་དམ་གཉན་པོ་བསྐང་ནས་ཀྱང་། །རྣལ་འབྱོར་བསམ་པ་ཡིད་བཞིན་འགྲུབ། །འདོད་དགུའི་དངོས་གྲུབ་སྩལ་དུ་གསོལ། །ཅེས་པ་འདི་ཡང་རྫོགས་སྤྲུལ་ལྔ་པས་སོ།