ལྷ་བཙན་ཆེན་པོའི་བསྐུལ་བ་ནི།

ཧཱུྃ། ལྷ་བཙན་ཆེན་པོ་ཇོ་བོ་རྡོ་རྗེ་འབར། །བཙན་རྒོད་ཆེན་པོ་མཆེད་བདུན་འཁོར་དང་བཅས། །ཤ་ཁྲག་དམར་གྱི་གཏོར་མ་འདི་བཞེས་ལ། །ཁྱོད་ཀྱི་དམ་ཚིག་ཐུགས་དམ་དུས་ལ་བབ། །དམ་ཉམས་དགྲ་བོ་ལས་ངན་སྡིག་ཅན་ལ། །མ་རུངས་ལྟས་ངན་ཆོ་འཕྲུལ་སྣ་ཚོགས་ཐོང་། །འགོ་བའི་ལྷ་དང་བརྟན་པའི་ཡུལ་དང་ཕྲོལ། །མཛའ་བཤེས་གྲོགས་དང་ལོངས་སྤྱོད་ནོར་དང་ཕྲོལ། །དཀོན་པའི་ཚེ་སྲོག་མྱུར་དུ་ཆོད་ལ་ཤོག །དམ་ཉམས་དགྲ་བོའི་ཤ་ཟོ་ཁྲག་ལ་འཐུང་། །དོན་སྙིང་ནང་རོལ་མ་ལུས་ཞལ་དུ་སྟོབས། །ཐུགས་དམ་དུས་ལ་བབ་པོ་ས་མ་ཡ། །བདག་གི་ལས་ཀྱི་འབྲས་བུ་མཆིས་པར་མཛོད། །ཅེས་པ་འདི་ཡང་རྫོགས་སྤྲུལ་ལྔ་པས་སྨྲས་པ་དགེ །