རྡོ་རྗེ་གཡུ་སྒྲོན་མའི་གསོལ་བསྡུས་བཞུགས།།

ཀྱཻ། མདུན་དུ་གངས་རི་སྐྱེད་ཚལ་རྒྱས་པའི་དབུས། །རིན་ཆེན་ཁང་བཟང་རཏྣའི་ཁྲི་སྟེང་དུ། །རྒྱལ་བའི་ཡུམ་ཆེན་རྡོ་རྗེ་གཡུ་སྒྲོན་མ། །སྟོན་ཟླ་གསར་བའི་ལང་ཚོའི་དཔལ་སྟེར་ཅན། །ཕྱག་གཡས་ནོར་བུ་དངུལ་དཀར་མེ་ལོང་འཛིན། །དར་དཀར་ན་བཟའ་རིན་ཆེན་སྣ་ཚོགས་བརྒྱན། །ཞབས་གཉིས་མཉམ་པའི་སྟབས་ཀྱིས་མཛེས་པར་བཞེངས། །ཕྱོགས་བཞིར་མཆེད་བཞི་གཙོ་མོ་ཉིད་དང་མཚུངས། །ཀུན་ཀྱང་བཅུ་དྲུག་གཞོན་ནུའི་ན་ཚོད་ཅན། །སྒེག་ཅིང་མཛེས་འཛུམ་དགྱེས་པའི་ཚུལ་དུ་བཞུགས། །མཆོད་པའི་གནས་འདིར་སྤྱན་འདྲེན་གཤེགས་སུ་གསོལ། །འདོད་ཡོན་རྣམ་ལྔ་བཀྲ་ཤིས་རྫས་རྟགས་བརྒྱད། །རྒྱལ་སྲིད་བདུན་དང་རྡོ་རྗེའི་ལྷ་མོའི་ཚོགས། །སྨན་དང་རཀྟ་བ་ལིང་གཏོར་མའི་ཚོགས། །ཕྱི་ནང་གསང་བའི་མཆོད་པ་བླ་ན་མེད། །ནམ་མཁའ་མཛོད་ཀྱི་འཁོར་ལོར་འབུལ་ལགས་ན། །དགྱེས་པར་བཞེས་ལ་ཕྲིན་ལས་འགྲུབ་པར་མཛོད། །རྫོགས་སྤྲུལ་ལྔ་པས་སོ། །