དཔྱལ་བྲག་བསྐང་བསྡུས་དཔག་བསམ་ལྗོན་ཤིང་བཞུགས།

ཧཱུྃ། ལྕམ་མོ་ཆེན་མོ་སྨན་བཙུན་གཞོན་ནུ་མ། །མིང་པོ་ལྷ་ཡི་དགེ་བསྙེན་དྲག་རྩལ་ཅན། །འཁོར་བཅས་དམ་རྫས་མཆོད་པ་འདི་བཞེས་ལ། །ཐུགས་དམ་བསྐང་ལ་ཕྲིན་ལས་སྡོང་གྲོགས་མཛོད། །ཅེས་པ་འདི་ཡང་རྫོགས་སྤྲུལ་ལྔ་པས་སོ། །

དུར་ཁྲོད་ལྷ་མོའི་བསྐང་བསྡུས་མ་མོ་དགྱེས་པའི་གླུ་དབྱངས་བཞུགས་སོ། །

བྷྱོཿ དུར་ཁྲོད་མ་མོ་ཞིང་སྐྱོང་ཀུན་གྱི་གཙོ། །འབུམ་ཕྲག་ཡངས་པའི་མཁའ་འགྲོ་འཁོར་དང་བཅས། །སྨན་གཏོར་རཀྟའི་མཆོད་པ་འདི་བཞེས་ལ། །ཐུགས་དམ་བསྐང་ལ་ཕྲིན་ལས་མྱུར་དུ་སྒྲུབས། །རྫོགས་སྤྲུལ་ལྔ་པས་སོ། །