མཐའ་རྟེན་བསྡུས་པ།
ཧཱུྃ་ཧྲཱིཿ སྲིད་ཞིའི་བསོད་ནམས་དཔལ་ལས་རང་ཤར་བའི། །ངོ་མཚར་ཕུལ་བྱུང་རྒྱལ་སྲིད་རིན་ཆེན་བདུན། །སློབ་བུ་ཁྱོད་ལ་མངའ་གསོལ་དབང་བསྐུར་བས། །ཆོས་ཀྱི་འཁོར་ལོས་བསྒྱུར་རྒྱལ་སྲིད་ཐོབ་ཤོག །ཨོཾ་སཔྟ་མ་ཧཱ་རཏྣ་ཨ་བྷི་ཥིཉྩ་མཾ། ཧཱུྃ་ཧྲཱིཿ འགྲོ་བའི་ཚོགས་གཉིས་སྤེལ་ཕྱིར་ཡོན་ཕུལ་བ། །དོན་རྣམས་གྲུབ་པས་བྱིན་རླབས་རྫས་མཆོག་བརྒྱད། །དེང་འདིར་རིགས་ཀྱི་བུ་ལ་མངའ་གསོལ་བས། །སྲིད་ཞིའི་དཔལ་ཡོན་ཕུན་ཚོགས་དབང་ཐོབ་ཤོག །མངྒ་ལ་ཨཥྚ་དྲ་བྱ་ཨ་བྷི་ཥིཉྩ་མཾ། ཧཱུྃ་ཧྲཱིཿ ཐུབ་པའི་དབང་པོའི་སྐུ་ཡི་ཆ་ཤས་ལས། །ལེགས་སྤྲུལ་བཀྲ་ཤིས་རྟགས་བརྒྱད་དགེ་མཚན་གྱིས། །དེང་འདིར་སྐལ་ལྡན་བུ་ལ་དབང་བསྐུར་བས། །བླ་མེད་མཚན་དཔེ་རྫོགས་པའིསྐུ་ཐོབ་ཤོག །མངྒ་ལ་ཨཥྚ་ཨཾ་ཀ་ཨ་བྷི་ཥིཉྩ་མཾ།