དུས་ཀྱི་བྱེ་བྲག
གཉིས་པ་དུས་ཀྱི་བྱེ་བྲག་བསྟན་པ་ནི། ཀློང་གསལ་ལས། དབྱར་མ་སྟོན་དང་དགུན་ཆུང་དཔྱིད་ཀྱི་དུས། །ཟེར་གཉིས་དུས་ནི་མཆོག་ཏུ་བཤད་པ་ཡིན། ཞེས་པ་ལྟར། དཔྱིད་རྩི་ཤིང་དང་ལོ་འདབ་མེ་ཏོག་གསར་དུ་སྐྱེ་ཞིང་ཁ་འབུས་པའི་དུས་སུ་ཡོན་ཏན་དང་རྟོགས་པ་གསར་དུ་སྐྱེ་ཞིང་། སྟོན་འབྲས་བུ་སྨིན་པ་དང་འབྲུ་བཅུད་སྡུད་པའི་དུས་སུ་སྒྲུབ་པའི་འབྲས་བུ་འགྲུབ་པ་དང་སྙིང་པོའི་དོན་རྟོགས་སླ་ལ། དགུན་བུ་ཆུང་བསིལ་དྲོད་སྙོམ་དུས་ཁམས་བདེ་ཞིང་སྒོམ་སྙིང་འདོད། ཟེར་གཉིས་ཏེ། སྔ་དྲོ་ཉི་མ་རི་རྩེར་ཤར་བ་དང་། ཕྱི་དྲོ་ནུབ་ཁའི་དུས་གཉིས་སུ་མངོན་སུམ་གསལ་ཞིང་འཆར་སྣང་རྒྱས་པས་བཟང་ཞིང་། དེ་ཡང་ངོ་སྤྲོད་པ་ལ་གལ་ཆེ་བ་དང་། དུས་གནད་དང་ལྡན་པའི་ཕན་ཡོན་དང་། མི་ལྡ ན་པའི་སྐྱོན་རྣམས་ཀྱང་། སྔ་མ་ལས། ངོ་སྤྲོད་དུས་ཀྱི་ཁྱད་པར་ཕྱིར། །མཁས་པས་དུས་གནད་བཙལ་བར་བྱ། ཞེས་དང་། ངོ་སྤྲོད་འཇོག་ཅིང་ཉམས་སྣང་གོང་དུ་འཕེལ། ཞེས་དང་། མཁས་པས་དུས་གནད་བརྟེན་པར་མ་བྱས་ན། །ངོ་བོ་འགག་ཅིང་ཉམས་ཀྱི་འཕེལ་དང་བྲལ། ཞེས་གསུངས་སོ།།