གླིང་པ་རྣམ་གསུམ་གསོལ་འདེབས།
༄༅། གླིང་པ་རྣམ་གསུམ་གྱི་གསོལ་འདེབས་ནི། འགྲོ༵་མགོ༵ན་པདྨའི་ཐུགས་རྗེའི་འོད་ཟེར་ལས། །ལུ༵ང་དང་རི༵ག་པའི་རྩལ་ཆེན་རབ་རྫོགས་ནས། །རྣམ་གྲོལ་རིན་ཆེན་གླི༵ང་དུ་འགྲོ་བ་ཀུན། །སྒྲོལ་བ༵འི་དེད་དཔོན་མཆོག་ལ་གསོལ་བ་འདེབས།། ༧ རི༵ག་འཛི༵ན་གྲུབ་བརྒྱའི་གཙོ་བོ་པད་འབྱུང་གིས། །གས༵ང་སྔ༵གས་བསྟན་པའི་བདག་པོར་མངའ་གསོལ་ནས། །འཛམ་གླི༵ང་མཁས་པ་ཡོངས་ཀྱིས་བསྔགས་པ༵འི་གནས། །གཏེར་ཆེན་འགྲོ་བའི་མགོན་ལ་གསོལ་བ་འདེབས།། ༧ རྒྱལ་དབང་པདྨ་ཡབ་ཡུམ་བྱིན་རླབས་ལས། །མངོན་བྱུང་བས༵མ་གཏ༵ན་ཟབ་མོའི་དེ་ཉིད་མཐོང་། །ཡེ༵་ཤེ༵ས་གཟིགས་པའི་དགོངས་གཏེར་མཛོད་འཆང་བ། །ཐར་གླི༵ང་དེད་དཔོན་དམ་པར་གསོལ་བ་འདེབས།། ཞེས་པ་འདི་ཡང་མགོ་སྤྲུལ་བས་སོ།།