རྡོ་རྗེ་སྡེར་མོའི་བསང་བསྡུས།

༄༅། རྡོ་རྗེ་སྡེར་མོའི་བསང་བསྡུས་བཞུགས། ཏཱཾ། རབ་འབྱམས་རྒྱལ་ཀུན་ཡུམ་གཅིག་རྗེ་བཙུན་མ། །དགྲ་རྐུན་འཇོམས་མཛད་དཔའ་མོ་འཇིགས་སྒྲོལ་མ། །རྡོ་རྗེ་སྡེར་མོ་མཁྱེན་བརྩེའི་དཔལ་ལྡན་མ། །ཉི་ཤུ་རྩ་གཅིག་འཕགས་མའི་ཚོགས་བཅས་བསང་། །བསང་དུད་འདོད་འབྱུང་བདུད་རྩིའི་སྤྲིན་ཕུང་གིས། །ཐུགས་རྒྱུད་ཟག་མེད་དགའ་བདེས་རབ་གང་ནས། །རྣམ་བཞིའི་ཕྲིན་ལས་གང་བརྩམས་མྱུར་འགྲུབ་ཅིང་། །གཏན་བདེ་རྒྱལ་བའི་ལམ་བཟང་རྙེད་མཛད་གསོལ།། ཞེས་པའང་མགོ་སྤྲུལ་གྱིས་བྲིས་པའོ།།