ཛམ་ལྷ་དཀར་པོ་འབྲུག་གཞོན་ལྷ་ལྔ་མའི་རྗེས་གནང་སོགས་རྫོགས་པར་ནོས་པའི་ལུང་བརྒྱུད་པ།
ཤེའུ་ལོ་ཙཱ་བའི་ཡི་གེའི་སྟེང་ནས་ནོར་ཅན་གྱི་རིགས་ཇོ་བོ་ལུགས་ཀྱི་ཛམ་ལྷ་དཀར་པོ་འབྲུག་གཞོན་ལྷ་ལྔ་མའི་རྗེས་གནང་། ལུང་ལ། ཕྱི་ཆུ་སྦྱིན་ལ་བརྟེན་ནས་བསྒྲུབ་པ། ནང་གཏོར་མ་ལ་བརྟེན་ནས་སྒྲུབ་པ། གསང་བ་གའུ་ལ་བརྟེན་ནས་བསྒྲུབ་པ། ཐུགས་རྗེ་ཆེན་པོས་སྤྱན་ནས་ཛམ་ལ་སྤྲུལ་ཏེ་ཇོ་བོ་ལ་གནང་བའི་
ལོ་རྒྱུས། རྗེས་གནང་གི་ཡི་གེ །བསྟོད་པ་སྤྱན་རས་གཟིགས་དབང་མ། ཤེའུ་ལོ་ཙཱ་བ་ཀུན་དགའ་ཆོས་དབང་གིས་མཛད་པའི་སྒོམ་བཟླས་རྗེས་གནང་བྱེད་ཚུལ་བཅས་རྫོགས་པར་ནོས་པའི་བརྒྱུད་པ་ནི། འཕགས་པ་སྤྱན་རས་གཟིགས། ཇོ་བོ་ཆེན་པོ་ཨ་ཏི་ཤ །རྒྱ་བརྩོན་འགྲུས་སེང་གེ །ནག་ཚོ་ལོ་ཙཱ་བ་ཚུལ་ཁྲིམས་རྒྱལ་བ། འབྲོམ་སྟོན་ཆོས་ཀྱི་རྒྱལ་པོ། བཤེས་གཉེན་པོ་ཏོ་བ། དགེ་བཤེས་ཤ་ར་བ། སྐྱོ་སྟོན་སྨོན་ལམ་ཚུལ་ཁྲིམས། སྤྱན་ལྔ་བསོད་ནམས་འཕེལ། དཀའ་བཅུ་པ་གཞོན་ནུ་སེང་གེ །སྲིབས་རི་བ་གཞོན་ནུ་རྒྱལ་མཚན། ལྷ་ཕུག་པ་རིན་ཅེན་འོད་ཟེར། བླ་མ་དཔལ་ལྡན་གྲུབ་པ། རིན་པོ་ཆེ་སངས་རྒྱས་འོད་ཟེར། ས་སྐྱའི་གསན་ཡིག་ན་མི་གསལ་ཡང་ལོ་པ་སྤྱན་སྔའི་གསན་ཡིག་ཏུ་བར་འདིར་བླ་མ་ཁ་ཤས་མ་རྙེད་ཚུལ་འདུག །སྤྱན་སྔ་བསོད་ནམས་ལྷའི་དབང་པོ། སྤྱན་སྔ་ངག་དབང་ཆོས་གྲགས་རྒྱལ་མཚན། ཤེའུ་ལོ་ཙཱ་བ་བྱམས་པ་ཀུན་དགའ་ཆོས་གྲགས། བླ་མ་ནམ་མཁའ་ཆོས་དར། ཆོས་ཀྱི་སྤྱན་ལྡན་ལོ་པ་སྤྱན་སྔ་ཀུན་དགའ་དོན་གྲུབ། ས་ཆེན་ངག་དབང་ཀུན་དགའ་བསོད་ནམས། འཇམ་དཔལ་རྡོ་རྗེ་བསོད་ནམས་དབང་ཕྱུག །ཁྱབ་བདག་ཞ་ལུ་པ་རིན་ཅེན་བསོད་ནམས་མཆོག་གྲུབ། དེས་བདག་ཟ་ཧོར་བནྡེ་ལའོ། །ཡང་ཤེའུ་པའི་ཡིག་ཆ་མ་གཏོགས་པའི་རྗེས་གནང་དང་ལུང་བརྒྱུད་ལུགས་གཅིག་ནི། འབྲོམ་སྟོན་ཆོས་ཀྱི་རྒྱལ་པོ་ཡན་གོང་ལྟར་ལ། དེ་ནས་བླ་མ་བློ་ལྡན་པ། གྲོ་ལུང་པ་བློ་གྲོས་འབྱུང་གནས། གདན་ས་པ་གྲུ་མི། བླ་མ་བསོད་ནམས་འབྱུང་གནས། རྗེ་ཟངས་ཆེན་པ། བླ་མ་ཆོས་སྒང་པ། གྲུབ་ཆེན་རི་ཁྲོད་པ། དྭགས་པོ་པཎ་ཆེན་བཀྲ་ཤིས་རྣམ་རྒྱལ། རྗེ་སངས་རྒྱས་
བསམ་གྲུབ། ཆོས་རྗེ་ཕྱོགས་ལས་རྣམ་རྒྱལ། རྡོ་རྗེ་འཆང་ཚར་པ་ཆོས་རྗེ། རྗེ་ཆོས་དཔལ་བཟང་། སྔགས་འཆང་དཀོན་ཅོག་ལེགས་པ། སྒྲུབ་ཁང་པ་དཔལ་ལྡན་དོན་གྲུབ། ཐར་རྩེ་པ་ནམ་མཁའ་སངས་རྒྱས། རྡོ་རྗེ་འཆང་མགོན་པོ་བསོད་ནམས་མཆོག་ལྡན། བླ་མ་འཇམ་དབྱངས་རྒྱལ་མཚན། ཁྱབ་བདག་ཁྲ་ཚང་པ་ཆེན་པོ་བློ་མཆོག་རྡོ་རྗེ། དེས་བདག་ཟ་ཧོར་བནྡེ་ལའོ། །འཕགས་པ་ཛམྦྷ་ལ་སེར་པོ་ཞལ་གཅིག་ཕྱག་གཉིས་པའི་རྗེས་གནང་དམ་པའི་ཕྱག་བཞེས་ལྟར་ཐོབ་པའི་བརྒྱུད་པ་ནི། སངས་རྒྱས། བཛྲ་པཱ་ཎི། ཛེ་ཏཱ་རི། ཨ་ཤྭ་ཀ་ཤྲཱི། ཨ་མོ་གྷ་བཛྲ། བ་རི་ལོ་ཙཱ་བ་རིན་ཅེན་གྲགས། རྗེ་བརྩེ་བ་ཆེན་པོ། སློབ་དཔོན་རིན་པོ་ཆེ། རྗེ་བཙུན་རིན་པོ་ཆེ། ཆོས་རྗེ་པཎྜི་ཏ། ཆོས་ཀྱི་རྒྱལ་པོ་འཕགས་པ། ཚོགས་སྒོམ་ཀུན་དགའ་དཔལ། ཉན་ཆེན་བསོད་ནམས་བརྟན་པ། བླ་མ་བསོད་ནམས་སྐྱབས། སྔགས་འཆང་གཟུངས་ཀྱི་དཔལ་བ། ཆོས་རྗེ་དཔལ་ལྡན་ཚུལ་ཁྲིམས། ཤར་པ་ཡེ་ཤེས་རྒྱལ་མཚན། རྗེ་ཀུན་དགའ་བཟང་པོ། མཁས་གྲུབ་དཔལ་ལྡན་རྡོ་རྗེ། གོ་རམ་པ་བསོད་ནམས་སེང་གེ །རྗེ་བཙུན་སྒོ་རུམ་པ་ཆེན་པོ། ཀུན་མཁྱེན་མཁྱེན་བརྩེའི་དབང་ཕྱུག །གྲུབ་མཆོག་དབང་ཕྱུག་རབ་བརྟན། བསྟན་པའི་མངའ་བདག་མགོན་པོ་བསོད་ནམས་མཆོག་ལྡན། ཟུར་ཐམས་ཅད་མཁྱེན་པ་ཆོས་དབྱིངས་རང་གྲོལ། དེས་བདག་ཟ་ཧོར་བནྡེ་ལའོ། །ཡང་ན་འཕགས་པ་ནས། བླ་མ་བསོད་ནམས་དབང་ཕྱུག །བླ་མ་རིན་ཅེན་དཔལ། བླ་མ་གཞོན་ནུ། མཁན་ཆེན་བྱང་སེང་བ། ཤར་ཆེན་ཡེ་ཤེས་རྒྱལ་མཚན་མན་འདྲ། ཛམྦྷ་ལ་ནག་པོ་ཞལ་གཅིག་
ཕྱག་གཉིས་པའི་རྗེས་གནང་ཐོབ་པའི་བརྒྱུད་པའང་བཤད་མ་ཐག་པ་བཞིན་ནོ། །