མགོན་པོ་གསང་སྒྲུབ་ལྷ་དགུ་སོགས་རྗེས་གནང་འགའ་ཞིག་གི་བརྒྱུད་ལུགས།
མགོན་པོ་གསང་སྒྲུབ་ལྷ་དགུའི་རྗེས་གནང་གི་བརྒྱུད་པ་ནི། འཇམ་དབྱངས་མཁྱེན་བརྩེ་ཡན་ཁྲོ་བཅུ་ལྟར་ལ། དེ་ནས་མཁན་ཆེན་བསླབ་གསུམ་རྒྱལ་མཚན། རྡོ་རྗེ་འཆང་དབང་ཕྱུག་རབ་བརྟན་
མན་གོང་ལྟར་རོ། །ལྷག་བསམ་རབ་དཀར་གྱི་དྲི་ལན་དུ་འདིའི་བརྒྱུད་པ་འཁྲིད་ཀྱི་བརྒྱུད་པ་དང་གཅིག་པའི་ཕྱོགས་མཛད་འདུག་ཀྱང་ཅུང་ཟད་ཐུགས་སྣང་ལ་མ་ངེས་པ་ཞིག་བྱུང་བར་སེམས་སོ། །དུད་སོལ་མའི་ཕྱི་སྒྲུབ་ཐུན་མོང་བའི་རྗེས་གནང་གྱི་བརྒྱུད་པ་ནི། རྒྱལ་བ་རྡོ་རྗེ་འཆང་། གསང་བདག་ཕྱག་ན་རྡོ་རྗེ། སློབ་དཔོན་འཕགས་པ་ཀླུ་སྒྲུབ། ལུས་མེད་ཡེ་ཤེས་མཁའ་འགྲོ། གྲུབ་ཆེན་ཏཻ་ལོ་པ། པཎ་ཆེན་ནཱ་རོ་པ། མངའ་བདག་མར་པ་ལོ་ཙཱ། རྔོག་ཆོས་སྐུ་རྡོ་རྗེ། མདོ་སྡེ་ཡང་ཟེར། རྔོག་ཞེ་སྡང་རྡོ་རྗེ། རྔོག་ཐོགས་མེད་གྲགས། རྒྱལ་ཚ་ར་མོ། རྔོག་ཀུན་དགའ་རྡོ་རྗེ། རྔོག་གཟི་བརྗིད་གྲགས། རྔོག་རིན་ཅེན་བཟང་པོ། རྔོག་ཆོས་ཀྱི་རྒྱལ་མཚན། རྔོག་དོན་གྲུབ་དཔལ། རྔོག་བྱང་ཆུབ་དཔལ། རྔོག་ཁྲ་ཚང་པ་བསོད་ནམས་དོན་གྲུབ། རྔོག་ཤཱཀྱ་དོན་གྲུབ། རྔོག་ཐར་གླིང་པ་བསོད་ནམས་ལྷུན་པོ། དེ་སྲས་རྔོག་སྟོན་བསོད་ནམས་བསྟན་འཛིན། རྡོ་རྗེ་འཆང་ཚར་པ་ཆོས་རྗེ། ཐམས་ཅད་མཁྱེན་པ་མཁྱེན་བརྩེའི་དབང་ཕྱུག །གྲུབ་པ་མཆོག་གི་དེད་དཔོན་བསོད་ནམས་ཆོས་འཕེལ། རིགས་ཀུན་བདག་པོ་དབང་ཕྱུག་རབ་བརྟན། མཁན་ཆེན་ཞ་ལུ་པ་ཁྱབ་བདག་རིན་ཅེན་བསོད་ནམས་མཆོག་གྲུབ། དེས་བདག་ཟ་ཧོར་བནྡེ་ལའོ། །ཡང་ན་རིན་ཅེན་བཟང་པོ་ནས། རིན་ཅེན་དཔལ། དཔལ་གྱི་རྡོ་རྗེ། སློབ་དཔོན་བཟང་པོ་དཔལ། རྔོག་བྱང་ཆུབ་དཔལ་མན་འདྲ། ཡང་ན་རིན་ཅེན་བཟང་པོ་ནས། སངས་རྒྱས་སེང་གེ །བཙུན་པ་དཔལ་གྱི་རྡོ་རྗེ་མན་འདྲ། ཡང་ན་རྒྱལ་ཚ་ར་མོ་ནས། སློབ་དཔོན་ལྕམ་མེ། སློབ་དཔོན་ནམ་མཁའ་དབང་ཕྱུག །ཀུན་དགའ་དབང་ཕྱུག་
རིན་ཅེན་དཔལ། གྲགས་པ་རྒྱལ་མཚན། ཀུན་དགའ་བློ་གྲོས། ཀུན་དགའ་བཟང་པོ། རྔོག་བསོད་ནམས་དོན་གྲུབ་མན་འདྲ། ཡང་ན་རྡོ་རྗེ་འཆང་། བྲམ་ཟེ་ཆེན་པོ་ས་ར་ཧ་པ། མགོན་པོ་ཀླུ་སྒྲུབ། ཌཱ་ཀི་མ་སྐལ་པ་བཟང་མོ། སློབ་དཔོན་པ་ལ་པ། བཞི་ག་ལ་ཏཻ་ལོ་པས་གསན་པ་མན་སྔར་བཞིན་ནོ། །གསུང་སྒྲུབ་རྗེས་གནང་ཐུན་མོང་མ་ཡིན་པ་ནན་ཆགས་མར་གྲགས་པ་དང་ལུང་ཡོངས་རྫོགས་ཀྱི་བརྒྱུད་པ་ནི། རྗེ་དབང་ཕྱུག་རབ་བརྟན་ནས། ཀུན་མཁྱེན་མགོན་པོ་བསོད་ནམས་མཆོག་ལྡན། ཟུར་རྡོ་རྗེ་འཆང་ཆོས་དབྱིངས་རང་གྲོལ། དེས་བདག་ལའོ། །འདི་ལ་གསང་སྒྲུབ་ལྷ་མོ་ཉི་ཤུའི་རྗེས་གནང་ཞེས་པ་ཞིག་ཚར་ཆེན་གྱིས་གསན་འདུག་ཀྱང་ཐམས་ཅད་མཁྱེན་པ་མཁྱེན་བརྩེའི་དབང་ཕྱུག་གི་གསན་ཡིག་ན་མི་འདུག་པ་རྒྱུན་ཆད་པ་ཡིན་ནམ་སྙམ། སླར་ཡང་ཁུངས་བཙུན་པ་ཞིག་རྙེད་ན་ཞུ་བར་རིགས་ཤིང་ལ་ལ་དག་རྡོག་དཀྱིལ་བདུན་གྱི་ནང་ཚན་འཇམ་དཔལ་གསང་ལྡན་གྱི་ཚབ་ཏུ་ལྷ་མོ་འདི་ལ་དཀྱིལ་འཁོར་སྒོ་རྫོགས་དང་དབང་བཞི་སོགས་བློས་བྱས་ཀྱི་ཆོ་ག་འདུག་པ་ལྟ་བུའི་རིགས་ནི་མ་ཐོབ་པ་རང་གན་གཙང་བར་སྣང་ངོ་། །ཕྱིའི་ལས་མཁན་གཅེར་བུ་ཟངས་གྲི་ཅན་གྱི་རྗེས་གནང་ནི། འཕགས་པ་རིན་པོ་ཆེ་ཡན་ཞལ་ངོ་ནང་བརྒྱུད་ལ། དེ་ནས་དོ་པ་སྟོན་ཚུལ། རྒྱལ་ཚ་ཆོས་ཀྱི་དབང་ཕྱུག །མཁས་པ་ཡོན་ཏན་ཁྲི། དྲིན་ཅན་སེང་གེ་བཟང་པོ། རྣལ་འབྱོར་དབང་ཕྱུག་སེང་གེ་རྒྱལ་མཚན། མཁན་ཆེན་བསོད་ནམས་རྒྱལ་བ་མཆོག་དབྱངས་འཇམ་དབྱངས་ནམ་མཁའ་རྒྱལ་མཚན། གཅེན་རྒྱ་དཀར་ཤེས་རབ་རྒྱལ་མཚན། འབུམ་རབ་འབྱམས་པ་ཆོས་ཀྱི་དོན་གྲུབ། པཎ་ཆེན་འབུམ་ཕྲག་གསུམ་པའང་ཟེར། མཁས་
པའི་དབང་བོ་རཏྣ་ཤྲཱི་ལ། ཆོས་རྗེ་ཚུལ་ཁྲིམས་པའང་ཟེར། རྗེ་སྒོ་རུམ་པ་ཆེན་པོ། རྡོ་རྗེ་འཆང་ཚར་པ་ཆོས་རྗེ། ཡབ་སྲས་གཉིས་པ་འཇམ་དབྱངས་མཁྱེན་བརྩེ། དེ་ལ་རྗེ་བསླབ་གསུམ་པ་དང་རྟ་ར་བ་གཉིས་གས་གསན། ཡབ་སྲས་བཞི་ག་ལ་རྡོ་རྗེ་འཆང་དབང་ཕྱུག་རབ་བརྟན། ཁྱབ་བདག་ཞ་ལུ་པ་ཆེན་པོ། དེས་བདག་ཟ་ཧོར་བནྡེ་ལའོ། །ཡང་ན་རྗེ་ས་ཆེན་ནས། བླ་ཆེན་ཡར་སྒོམ་སེ་བོ། རྒྱལ་ཚ་ལུང་མང་པོ་མན་འདྲ། ཡང་ན་རྗེ་བཙུན་ས་ཆེན་ནས། འགོས་སྟོན་ཚར་སྒང་པ། དགེ་བཤེས་མི་གཡོ་བ། གཤེན་སྒོམ་བླ་མ་དཔལ། སློབ་དཔོན་ཤེས་རབ་བླ་མ། དམ་པ་ཀུན་དགའ་གྲགས། དགའ་ལྡན་པ་ཀུན་དགའ་བསོད་ནམས། གན་པ་རིན་ཅེན་རྒྱལ་མཚན། ཆོས་རྗེ་བླ་མ་དམ་པ། ཡར་ཀླུངས་པ་སེང་གེ་རྒྱལ་མཚན་མན་འདྲ། ཡང་ན་རྗེ་ས་པཎ་ནས། མདོ་ཁམས་ཀྱི་རྟ་རྒེ་བླ་མ་དཔལ། སློབ་དཔོན་ཤེས་རབ་བླ་མ་མན་འདྲ། ལུགས་གཅིག་ལ་རྡོ་རྗེ་འཆང་། བྲམ་ཟེ་མཆོག་སྲེད། བཛྲ་པཱ་ཎི། ཀུ་ཀུ་རི་པ། ནག་པོ་རོ་འཛིན། གྱི་ལྗང་ལོ་ཙཱ་བ། མལ་ལོ་ཙཱ་བ། ས་ཆེན་མན་འདྲ། ནང་གི་ལས་མཁན་འཇམ་དབྱངས་མཁྱེན་བརྩེས་ཚར་ཆེན་ལ་གསན་པའི་བརྒྱུད་པར་ལས་མཁན་ཕྱི་ནང་གཉིས་བརྒྱུད་པ་གཅིག་ཏུ་བགྲངས་ཤིང་། སྒོ་རུམ་པར་གསན་པ་དེར་མི་གཅིག་པར་བགྲངས་འདུག་པ་འདིར་གཉིས་ཀའི་དོན་ལ་དཔྱད་ནས་གསལ་བར་བགྱིས་ཡོད་དོ། །བེར་ནག་ཟངས་གྲི་ཅན་གྱི་རྗེས་གནང་གི་བརྒྱུད་པ་ནི། འགོས་སྟོན་ཚར་སྒང་པ་དང་རྟ་རྒེ་བླ་མ་ཡོད་པ་སོར་གནས་ཀྱི། རྡོ་རྗེ་འཆང་དབང་ཕྱུག་རབ་བརྟན་ནས། ཁྱབ་བདག་མགོན་པོ་བསོད་ནམས་མཆོག་ལྡན། ཀུན་མཁྱེན་ཆོས་དབྱིངས་རང་གྲོལ་དེས་བདག་ལའོ། །གསང་བའི་ལས་མཁན་
པུ་ཏྲ་མིང་སྲིང་ཕྱི་ནོར་སྲུང་གནོད་སྦྱིན་ཕོ་མོའི་ཚུལ་དང་། ནང་གསང་བ་གཤིན་རྗེ་ཕོ་མོའི་ཚུལ་དུ་སྒྲུབ་པའི་རྗེས་གནང་དང་ལྷའི་རྟགས་ཡོད་པའི་ལུང་བརྒྱུད་ལ་རྒྱ་གར་གྱི་གཏེར་མ་དང་བོད་ཀྱི་གཏེར་མ་གཉིས་ལས་དང་པོ་ནི། རྡོ་རྗེ་འཆང་། འཕགས་པ་ཀླུ་སྒྲུབ། ཨོ་རྒྱན་ཆེན་པོ། པཎ་གྲུབ་དྷརྨ་པཱ་ལ། ལོ་ཆེན་རིན་ཅེན་བཟང་པོ། བྲག་སྟེང་པ་ཡོན་ཏན་ཚུལ་ཁྲིམས། ལོ་རྒྱུས་ན་གོ་རུབ་རིན་ཅེན་བསོད་ནམས་ཞེས་པ་སྐུ་ཚེའི་སྟོད་རབ་བྱུང་གི་མཚན་དང་སྐུ་ཚེ་སྨད་ལ་དཀར་ཆས་སུ་གྱུར་བའི་མཚན་ལ་འདི་ལྟར་གྲགས་པས་ཐ་དད་དུ་མི་བཞེད་དོ། །དེ་ལ་མལ་ལོ་ཙཱ་བ་དང་འབྲོམ་ཇོ་སྲས་ཞང་གིས་གསན། གཉིས་ཀ་ལ་ས་སྐྱ་པ་ཆེན་པོ། དེ་ནས་རྗེ་བཙུན་སྐུ་མཆེད། ཆོས་རྗེ་ཁུ་དབོན། སྒ་ཨཱ་ནན་དམ་པ། དགའ་ལྡན་པ་ཀུན་བསོད། གན་པ་རིན་རྒྱན། བླ་མ་དམ་པ་མན་ཞལ་ངོ་བརྒྱུད་པ་སོར་གནས་བཞིན་རྡོ་རྗེ་འཆང་ཆོས་དབྱིངས་རང་གྲོལ་ལ་ཞུས་སོ། །ཡང་ན་འཕགས་པ་ནས། ཞང་སྟོན་པ། བྲག་ཕུག་པ། བླ་མ་དམ་པ་མན་འདྲ། ཡང་ན་རྗེ་བཙུན་ཡབ་སྲས་དང་དོ་པ་ལས་བརྒྱུད་ནས་ཡར་ཀླུངས་པའི་ཞལ་ངོ་ནང་བརྒྱུད་ཀྱི་ཡབ་འཇམ་དབྱངས་ཆེན་པོར་བཀའ་བབས་པ་ཡང་སྔར་དང་འདྲ། ཡང་ན་བླ་མ་དམ་པ་ནས། ཡར་ཀླུངས་པ་མན་འདྲ། ཡང་རྗེས་གནང་གི་བརྒྱུད་ལུགས་གཅིག་ནི། རྡོ་རྗེ་འཆང་དབང་ཕྱུག་རབ་བརྟན་ནས། ཁྱབ་བདག་ཞ་ལུ་པ་རིན་ཅེན་བསོད་ནམས་མཆོག་གྲུབ། དེས་བདག་ལའོ། །རྫོང་ལུགས་ཀྱི་རྗེས་གནང་ཁོ་ནའི་བརྒྱུད་པ་ནི། བླ་མ་དམ་པ་ནས། བླ་མ་དཔལ་ལྡན་ཚུལ་ཁྲིམས། བླ་མ་བུདྡྷ་ཤྲཱི། མཁས་གྲུབ་ཆོས་ཀྱི་རྒྱལ་མཚན། འཇམ་དབྱངས་བསོད་ནམས་རྒྱལ་མཚན། མུས་སྲས་པ་རྡོ་རྗེ་རྒྱལ་མཚན་མན་གོང་ལྟར་རོ། །