གོང་དཀར་ལུགས་ཀྱི་རྗེས་གནང་གི་བརྒྱུད་པ་སོགས་ལུང་བརྒྱུད་འགའ་ཞིག །
གོང་དཀར་ལུགས་ཀྱི་རྗེས་གནང་གི་བརྒྱུད་པ་ནི། བླ་མ་དམ་པ་ནས། བླ་མ་བསོད་ནམས་འོད་ཟེར། བླ་མ་དཔལ་ལྡན་ལེགས་དབང་། བྲག་ཐོག་པ་བསོད་ནམས་བཟང་པོ། ཀུན་མཁྱེན་རྡོ་རྗེ་གདན་པ། རྒྱ་སྟོན་བྱང་ཆུབ་དབང་རྒྱལ། ཡངས་པ་ཅན་པ་ཤཱཀྱ་ཀུན་དགའ། ཀུན་བཟང་རྩེ་པ་དབང་ཕྱུག་རྒྱལ་མཚན། ཉི་མ་གླིང་པ་ཚུལ་ཁྲིམས་བཀྲ་ཤིས། ཁྱབ་བདག་ཞ་ལུ་པ་ཆེན་པོ། དེས་བདག་ལའོ། །བོད་ཀྱི་གཏེར་མའི་བརྒྱུད་པ་ལྟར་ན། ཨོ་རྒྱན་ཆེན་པོ་ནས། ཇོ་མོ་འཚོ་རྒྱལ་མངའ་བདག་ཁྲི་སྲོང་ལྡེ་བཙན། ལྷ་བཙུན་བྱང་ཆུབ་འོད། ལོ་ཙཱ་བ་རིན་ཅེན་བཟང་པོ་མན་སྔར་བཞིན་ནོ། །རུ་མཚོན་གྱི་ལས་མཁན་བྲན་བདུད་གཤིན་རྗེ་ནག་པོའི་ཐུན་མོང་བའི་རྗེས་གནང་གི་བརྒྱུད་པ་ནི། ས་པཎ་ཡན་ཞལ་ངོ་ནང་བརྒྱུད་ལྟར་ལ། དེ་ནས་དོ་པ་སྟོན་ཚུལ། རྒྱལ་ཚ་ལུང་མང་པོ་ཆོས་ཀྱི་དབང་ཕྱུག །མཁས་པ་ཡོན་ཏན་ཁྲི། མཁན་ཆེན་སེང་གེ་བཟང་པོ། ཡར་ཀླུངས་པ་སེང་གེ་རྒྱལ་མཚན། ཚེམ་བུ་བ་དཔལ་ལྡན་བློ་གྲོས། དམར་སྟོན་རྒྱལ་མཚན་འོད་ཟེར། དཔལ་ལྡན་ཀུན་བཟང་རྩེ་པ་བསོད་ནམས་རྒྱལ་མཚན། ཏེའུ་ར་པ་ཆག་ལོ་རིན་ཅེན་ཆོས་རྒྱལ། འཇམ་དབྱངས་ས་སྐྱ་ལོ་ཙཱ་བ། རྗེ་བཙུན་སྒོ་རུམ་པ་ཀུན་དགའ་ལེགས་པ། རྡོ་རྗེ་འཆང་ཚར་པ་ཆོས་རྗེ། འཇམ་དབྱངས་མཁྱེན་བརྩེ། དེ་ལ་བསླབ་གསུམ་རྗེ་དང་རྟ་ར་བ་གཉིས་ཀྱིས་གསན་གཉིས་ཀ་ལ་རྗེ་དབང་རབ། དེ་ནས་ཁྱབ་བདག་བཀའ་འགྱུར་བ། ཟུར་ཐམས་ཅད་མཁྱེན་པ། དེས་བདག་ལའོ། །བྲན་བདུད་ཀྱི་རྗེས་གནང་ཐུན་མོང་མ་ཡིན་པ་ནི། ཡར་ཀླུངས་པ་སེང་གེ་རྒྱལ་མཚན་ནས། འཇམ་དབྱངས་བསོད་ནམས་རྒྱལ་མཆོག །འཇམ་དབྱངས་
ནམ་མཁའ་རྒྱལ་མཚན། རྒྱ་དཀར་ཤེས་རབ་རྒྱལ་མཚན། འབུམ་ཕྲག་གསུམ་པ་བྱམས་པ་ཆོས་ཀྱི་དོན་གྲུབ། ཆོས་རྗེ་ཚུལ་ཁྲིམས་པ། རྡོ་རྗེ་འཆང་ཚར་པ་མན་འདྲ། ཡང་ན་རྡོ་རྗེ་འཆང་། བྲམ་ཟེ་མཆོག་སྲེད། བཛྲ་པ་ཎི། ཀུ་ཀུ་རི་པ། དུར་ཁྲོད་ནག་པོ་རོ་འཛིན། གྱི་ལྗང་ལོ་ཙཱ་བ་དབུ་དཀར། མལ་ལོ་བློ་གྲོས་གྲགས། རྗེ་བཙུན་ས་སྐྱ་པ་ཆེན་པོ། བླ་ཆེན་ཡར་སྒོམ་སེ་བོ། དོ་པ་སྟོན་ཚུལ་མན་འདྲ། ཡང་ན་ས་ཆེན་ནས། ཞང་མངའ་རིས་པ། དགེ་བསྙེན་སྲས་མཆོག་མགོན། དོལ་པོ་འབྱུང་གནས་པ། རྒྱ་སྒོམ་ཚུལ་ཁྲིམས་གྲགས། བླ་མ་དོ་པ་སྟོན་ཚུལ་མན་འདྲ། དེ་ཡང་གོང་གི་རྩ་བའི་རྟགས་བཞི་རྒྱག་པའི་དགོས་པ་ནི། ཇི་སྐད་དུ། དེ་དག་ལས་འོངས་སོ་སོའི་ངོས་འཛིན་ནི། ངོར་ལུགས་ཡི་གེ་ཨེ་ཡི་རྟགས་ཀྱིས་མཚན། རྡོ་རྗེ་གདན་པ་ལས་བྱུང་རྡོ་རྗེའི་རྒྱ། །མུས་སྲད་པ་ནི་ཡི་གེ་མུ་ཡི་རྒྱ། བདག་ཆེན་རྡོ་རྗེ་འཆང་དབང་ལས་བརྒྱུད་པའི། །རྩ་བའི་ཡི་གེར་མཆོད་རྟེན་རྒྱ་ཡིས་མཛེས། ཐོར་བུ་གཞན་དག་མཆན་བུ་བཏབ་པས་ཤེས། །ཞེས་གསུངས་པའི་གོང་དུ་ངོས་མ་ཟིན་པའི་མེ་འབར་ཁ་སྐོང་། གྱི་ལྗང་གསུམ་ལ་རྟགས་མེད་པ་འགའ་ཞིག་བྱུང་བ་རྣམས་མཆན་བུ་འགྲོལ་རྒྱུ་ཡི་གེ་ངོ་མ་མ་མཐོང་བས་རེ་ཞིག་བཏང་སྙོམས་སུ་བཞག་ལ། སེར་པོད་ནས། ཤཱ་ས་ན་མཆན་བུས་བཀྲལ་བ་དབང་ལོའི་ཞུས་དག་མ། ཉ་ག་གསུམ་ལ་ཟོར་གྱི་གསད་པ་ཞེས་ཡོད་པའི་ཟོར་ལས། པུ་པྲའི་བསྟོད་པ་དཔལ་ལྡན་མ་ཧཱ་ཀཱ་ལ་མ། འཁོར་བཅས་ཀྱི་རྗེས་གནང་ཞེས་པ་ཞང་གེ་ཟིན་བྲིས་སུ་གྲགས་པའི་འདྲ་མིན་མཇུག་ན་ཁ་རུ་མི་དབྱུང་བྱ་བ་དང་ཐུན་མོང་མ་ཡིན་པ་ཞེས་ཡོད་པའི་ལེ་ཚན་གཉིས་དང་བཅས་པ། རྫོང་ཆུང་པའི་
ཐུགས་དམ་མན་ངག་པོ་ཏི་ནས། རྫས་དགྲམ་བཟླས་གསད་གསུམ་གྱི་ཐོ། གོང་དང་གཅིག་པའི་ཟོར་ལས། འཁོར་གྱི་ལྟས་ངན་དབབ་པ་ལས་བྱེད་མོན་བུའི་མན་ངག །རྫོང་པོད་དཀར་ཆག་ན། འདི་ལས་བྱེད་མོན་པུའི་མན་ངག་སྐབས་སུ་གསལ་གསུང་པ་དོན་ཊཱི་ཀ་གི་ནང་ན་ཡོད་པར་གསུངས་ཀྱང་དེར་མི་གསལ་ལ། སྙན་བརྒྱུད་ཀྱི་ཕྱིར་གཏོང་བ་དང་བཤན་པ་རོ་འཁུར་གཉིས་ནི་མི་འདུག །གཏོར་མ་གསུམ་གྱི་མན་ངག་ཅེས་པ་གཤམ་ན་དགྲ་ནག་དང་བདེ་མཆོག་ནས་གསུངས་པའི་ཤེས་བྱེད་ཡོད་པ་གཅིག་རྣམས་རང་ལུགས་བེའུ་བུམ་རྣམས་དང་ངོ་ཡེ་མ་འཕྲོད་པ་སླར་ཡང་དཔྱད་པར་བྱའོ། །དེ་ཡང་དཔལ་གསང་བ་འདུས་པའི་རྩ་རྒྱུད་ལེའུ་བཅུ་བདུན་པ་ལས། དྲག་པོ་མི་སྡུག་ཁྲོས་པ་ནི། །ཨུཏྤལ་སྔོན་པོའི་ཁ་དོག་འདྲ། །ཕྱག་བཞི་པ་ནི་ཆོ་ག་ཡི། ཕྱག་ན་ཐོད་པ་བསྣམས་པར་སྒོམ། ཞེས་དངོས་སུ་བསྟན་ཅིང་། དཔལ་འཁོར་ལོ་སྡོམ་པའི་བཤད་རྒྱུད་ལས་ཀྱང་གསལ་བར་བསྟན་པའི་སྟོབས་འཕྲོག་ནག་པོ་ཆེན་པོ་གདོང་བཞི་པའམ་དྲག་པོ་གཟི་ལྡན་དབང་ཕྱུག་ཏུ་གྲགས་པ་འདི་ཉིད། རྡོ་རྗེ་འཆང་ཚར་པ་ཆོས་རྗེས། །དེ་ལྟར་རྒྱལ་བའི་དྲི་མེད་རྒྱུད་སྡེ་ལས། །གསུང་པའི་བསྟན་སྲུང་ཀུན་གྱི་མཆོག་གྱུར་པ། །དྲག་ཤུལ་མཐུ་ལྡན་སྟོབས་འཕྲོག་ནག་པོ་ཞེས། །རྒྱ་བོད་མཁས་གྲུབ་ཀུན་ལ་རླུང་ལྟར་གྲགས། །ཞེས་པ་ལྟར་འཕགས་པའི་ཡུལ་དུ་སངས་རྒྱས་གཉིས་པ་ཀླུ་སྒྲུབ་ཞབས། བསོད་སྙོམས་པ་ཆེན་པོ་ཏ་ཐ་ག་ཏ་རཀྵེ་྄ཏྲ། པཎྜི་ཏ་འབུམ་ཕྲག་གསུམ་པ། རི་སུལ་གྱི་རྣལ་འབྱོར་མ་ཀུ་སཱ་ལི་ཆེན་མོ་སོགས་པཎ་གྲུབ་དུ་མའི་ཆོས་སྐྱོང་གི་གཙོ་བོ་མཛད་ཅིང་། བོད་ཡུལ་འདིར་གཉན་ལོ་ཙཱ་བ་དར་
མ་གྲགས་ཀྱིས་གདན་དྲངས་སྲུང་མ་བརྒྱ་རྩ་ཙམ་གྱི་ནང་ནས་གཙོ་བོར་བཟུང་། བསྟན་པའི་མངའ་བདག་རྗེ་བཙུན་ས་སྐྱ་པ་ཡབ་སྲས་ལ་བཀའ་བབས་བསྟན་སྲུངས་མགོན་པོ་ཆེ་ཆུང་གཉིས་སུ་དབྱེ་བའི་ཆུང་བར་གྲགས་ཤིང་ཤིན་ཏུ་རྩུབ་འགྱུར་ཆེ་ཞིང་གཉན་ཆ་ཆེ་བས་བཀའ་ཆེས་དམ་པར་མཛད། ཁྱད་པར་སྦས་པའི་མགོན་པོ་ལ་རིགས་མང་དུ་ཡོད་པའི་ནང་ནས་སྦས་པའི་མགོན་པོའམ་དམ་ཚིག་གི་མགོན་པོ་ཡིན་པས་ཞལ་བཞི་ཡོངས་རྫོགས་ཀྱི་སྐུ་གཟུགས་བྲིས་འབུར་སོགས་ཀྱང་མི་བཞེད་ཞིང་རེ་གཉིས་བྱུང་བ་དག་ཀྱང་ཁྱབ་གདལ་དེང་སང་འདིའི་སྐུ་འདྲི་བ་དང་སྟོན་པ་སོགས་བག་མེད་དུ་བྱེད་པ་རྣམས་ནི་འདི་དག་རྣ་བས་མ་ཐོས་ཤིང་ཚུབ་འགྱུར་མི་འབྱུང་བ་སོགས་ཀྱང་ཆོས་སྐྱོང་ཡེ་མ་འཁོར་བའི་རྟགས་སོ། །དུ་ཡེ་མི་སྟོན་པ་སོགས་དམ་ཚིག་ཆེ་ཕྲ་ཀུན་ལ་གཅེས་པར་མཛད་པ་སྨིན་གྲོལ་གདམས་པའི་གནད་མཐའ་དག་མ་ཉམས་པ་སྙན་བརྒྱུད་མཁའ་འགྲོའི་ཁ་རླང་ཐུལ་ལེ་བ་ཐོས་བསམ་གྱིས་གཏན་ལ་འབེབས་པར་སྙན་བརྒྱུད་དང་པོ་བྱིན་རླབས་རྗེས་གནང་། གཉིས་པ་གདམས་པ་དངོས་གཞི། གསུམ་པ་བླ་མ་དང་མཁའ་འགྲོ་ཆོས་སྐྱོང་ལོངས་སྤྱོད་ཀྱི་མཉེས་པར་བྱ་བ་ལ་བརྟེན་ནས་སྙན་བརྒྱུད་བཞི་པའི་རྟེན་འབྲེལ་ཤུགས་ལ་འགྲིག་པ་སོགས་ཁུངས་བཙུན་གྱི་ཡིག་ཆ་མང་པོ་ལས་འབྱུང་བ་ལྟར་རམ། ཡང་ན་ཚར་པ་རྡོ་རྗེ་འཆང་གིས། དེ་ཡང་ཐོག་མར་ཚོགས་ཀྱི་འཁོར་ལོ་དང་། །རིན་ཅེན་གསེར་གྱི་མཎྜལ་ལ་སོགས་པ། །སྙན་བརྒྱུད་དང་པོའི་རྟེན་འབྲེལ་ཀུན་བསྒྲིགས་ནས། །སྙན་བརྒྱུད་གཉིས་པ་བྱིན་རླབས་རྗེས་གནང་སྦྱིན། །སྙན་བརྒྱུད་གསུམ་པ་གདམས་པའི་དངོས་གཞི་འདི། །བཀླག་ལུང་མིན་པར་ལག་ལེན་དམར་འཁྲིད་དུ། །བྱིན་པས་སྙན་བརྒྱུད་བཞི་པ་
ཤུགས་ལ་འབྱུང་། །ཞེས་པ་ལྟར་རྡོ་རྗེ་སློབ་དཔོན་མཉེས་པ་དངོས་གྲུབ་རྩ་བ་དང་ཤིན་ཏུ་བཀའ་གཉན་པའི་ཟབ་ཆོས་རྣམས་ལ་དཔོན་སློབ་གཉིས་ཀས་ཚོགས་དང་བསྐང་བཤགས་སོགས་ཀྱི་སྒོ་ནས་མཁའ་འགྲོ་སྲུང་མ་རྣམས་ཀྱི་ཉམས་ཆགས་སྐོང་ཞིང་བཀའ་རྒྱ་བཀྲོལ་ཏེ་གནང་བ་ཞུ་བ་མ་བྱས་ན་འཕྲལ་འཚུབ་མཐར་མི་ཤེས་པ་སོགས་འབྱུང་བས་ལྷ་འདོད་ཡོན་ལ་ལོངས་སྤྱོད་པ་ལྟ་བུ་སྙན་བརྒྱུད་དང་པོར་བྱས་ཏེ། གཉིས་པ་ཆུ་བོ་གངྒཱའི་རྒྱུན་ལྟ་བུ། གསུམ་པ་གསེར་འགྱུར་གྱི་རྩི་ལྟ་བུ། བཞི་པ་ཆོས་ལ་ཡིད་ཆེས་ཀྱི་མོས་གུས་རྙེད་པ་གཞོན་ནུའི་དགའ་བ་ལྟ་བུའི་གོ་རིམ་སྟེ། དེ་ཡང་བཤད་ཚུལ་གཉིས་པོ་གང་བྱས་ཀྱང་གོ་རིམ་ཙམ་ལས་དོན་ལ་ཁྱད་མེད་ནའང་ཕྱི་མའི་རྗེས་སུ་འབྲངས་ཏེ་སྙན་བརྒྱུད་དང་པོའི་རྟེན་འབྲེལ་བསྒྲིག་པ་སྔོན་དུ་འགྲོ་བའི་སྙན་བརྒྱུད་གཉིས་པ་རྗེས་གནང་དང་གསུམ་པ་གདམས་པའི་དངོས་གཞི་གཉིས། དང་པོ་ལ། གཉན་ལོའི་གནད་ཡིག་དང་དགའ་ལྡན་པ་ཀུན་བསོད་ཀྱི་ཡི་གེ་དང་ཚར་ཆེན་ཆོས་ཀྱི་རྒྱལ་པོས་མཛད་པའི་རྗེས་གནང་གི་ཡི་གེ་དངོས་གྲུབ་རྒྱ་མཚོ་དང་བརྒྱུད་པའི་ཕྱག་ལེན་ལ་བརྟེན་ནས་བསྙེན་དུས་ཀྱི་མགོན་པོའི་རྗེས་གནང་། ཕོ་ཉ་མྱུར་མགྱོག་དང་རྗེས་གནང་གི་ཡི་གེ་གོང་མ་རྣམས་ལ་བརྟེན་ནས་སྒྲུབ་དུས་ཐུན་མོང་པའི་རྗེས་གནང་། ཡི་གེ་དེ་གཉིས་དང་རྡོ་རྗེ་འཆང་ཚར་པ་ཆོས་རྗེས་མཛད་པའི་བཀའ་རྒྱ་མ་ལ་བརྟེན་ནས་སྒྲུབ་དུས་ཀྱི་རྗེས་གནང་ཐུན་མོང་མ་ཡིན་པ། རྗེས་གནང་གི་ཡི་གེ །གོང་མ་དང་མཐོང་བརྒྱུད་ཀྱི་ཕྱག་ལེན་དབྲི་སྣོན་ལྟར་ལས་སྦྱོར་གྱི་མགོན་པོའམ་པཎྜི་ཏ་འབུམ་ཕྲག་གསུམ་པ་ལུགས་ཀྱི་དཔལ་མགོན་གདོང་བརྙན་ཅན་དུ་གྲགས་པའི་རྗེས་གནང་
དངོས་གྲུབ་རྒྱ་མཚོ་དང་གསང་བ་ཐུན་མོང་མ་ཡིན་པའི་རྗེས་གནང་གི་ཡི་གེ་དང་ཕྱག་ལེན་གསུང་རྒྱུན་ལྟར་གསང་འཁྲིད་ཀྱི་རྗེས་གནང་། ལས་བཞིའི་རྗེས་གནང་ལ་འཇམ་དབྱངས་མཁྱེན་བརྩེས་མཛད་པའི་ཡི་གེ་ལ་བརྟེན་ནས་དཀར་པོ་ཚེ་འཕེལ་ཐུན་མོང་མ་ཡིན་པའི་རྗེས་གནང་དཀར་ཆག་ན་བཞུགས་པའི་ལས་བཞིའི་མངོན་རྟོགས་རྗེས་གནང་ཡིག་ཆུང་དངོས་གྲུབ་རྒྱ་མཚོ། གསུང་རྒྱུན་ཕྱག་ལེན་ལྟར་གཡས་ཞལ་དཀར་པོ་ལས་བྱུང་བའི་དཀར་པོ་ཚེ་འཕེལ་ཐུན་མོང་བའི་རྗེས་གནང་། སྟེང་ཞལ་དུད་ཁ་ལས་བྱུང་བའི་སེར་པོ་རྒྱས་བྱེད་ལྷ་དགུའི་རྗེས་གནང་། སེར་པོ་རྒྱས་བྱེད་ལྷ་ལྔའི་རྗེས་གནང་། གཡོན་ཞལ་དམར་པོ་ལས་བྱུང་བའི་དམར་པོ་དབང་སྡུད་ཀྱི་རྗེས་གནང་། རྩ་ཞལ་མཐིང་ནག་ལས་བྱུང་བའི་ནག་པོ་དགྲ་བགེགས་སྒྲོལ་བའི་རྗེས་གནང་། དངོས་གྲུབ་རྒྱ་མཚོའི་ཡི་གེ་དང་མཐོང་བརྒྱུད་ཀྱི་ཕྱག་ལེན་དབྲི་སྣོན་ལ་བརྟེན་ནས་ཤི་ས་བསྟན་པའི་རྗེས་གནང་། འདི་ལ་གདོང་གས་མ་དང་བརྩེགས་ཞལ་མར་གྲགས། ཡིག་ཆ་དངོས་གཞི་དང་ཚར་ཆེན་གྱི་ཟིན་ཐོ་ལ་བརྟེན་ནས་གནད་དབབ་ཀྱི་མགོན་པོ་ནང་གཤིན་རྗེ་ལྟར་སྒྲུབ་པའི་རྗེས་གནང་། ཐམས་ཅད་མཁྱེན་པ་མཁྱེན་བརྩེའི་ཟིན་ཐོ་ལྟར་ཁྱུང་ཞལ་ཅན་མ་དམག་དཔོན་མགོན་པོའི་རྗེས་གནང་། རྗེ་ནམ་མཁའ་ཆོས་དཔལ་གྱི་ཡི་གེའི་སྟེང་ནས་ཡེ་ཤེས་ཀྱི་མགོན་པོ་སེང་གེ་ནག་པོའི་རྗེས་གནང་། རྡོ་རྗེ་འཆང་ཚར་པ་ཆོས་རྗེའི་ཟིན་ཐོ་ལ་བརྟེན་ནས་གསུང་ངག་གསེར་ཆོས་བཅུ་གསུམ། མགོན་པོ་སོགས་སློབ་བཤད་གདམས་པ་ཕལ་ཆེར་རྫོགས་མཐར་བསྟན་པ་གཏད་པའི་ཚུལ་གྱིས་བྲམ་ཟེ་ནག་པོའི་སྔགས་གཏད་དང་བཅས་པ་རྣམས་ནོས། གཉིས་པ་སྙན་བརྒྱུད་གསུམ་པ་གདམས་པའི་
དངོས་གཞི་ལ། མན་ངག་གསེར་འགྱུར་གྱི་རྩི་ལྟ་བུ་ཉམས་འཁྲིད། ཕྱག་བཞེས་མན་ངག་རྒྱབ་རྟེན་ལུང་དང་བཅས་པ་གཉིས། དང་པོ་ལ། ཐོག་མར་རྡོ་རྗེ་འཆང་ཚར་པ་ཆོས་རྗེས་མཛད་པའི་ཚེ་སྒྲུབ་བསྲུང་འཁོར་རྒྱུན་གྱི་ཉམས་ལེན་མར་གྲགས་པའི་ཡི་གེ་དང་ཞལ་ཤེས་ལ་བརྟེན་ཅིང་སྔོན་འགྲོ་གསང་འཁྲིད་ནས་ཁ་བསྐངས་ཏེ་ཕྱི་ནང་གི་བསྲུང་འཁོར་འཆི་མེད་སྒྲུབ་པ་ཞར་བྱུང་ཟློག་པ་དང་བཅས་པའི་ཕྱིའི་ཉམས་འཁྲིད་ཟབ་མོ། འདི་བྱིན་རླབས་ཀྱི་ཚན་ཁ་ཤིན་ཏུ་ཆེ་བས་བླ་མ་གཉན་ལོ་ཙཱ་བ་དར་མ་གྲགས་ཀྱིས་དགུང་ལོ་བརྒྱ་དང་ལྔ་བཅུ་བཞུགས་པའང་མན་ངག་འདི་གཉིས་ཀྱི་ཆེ་བ་ཡིན་པར་སྣང་ངོ་། །རྡོ་རྗེ་འཆང་ཚར་པ་ཆོས་རྗེས་མཛད་པའི་འཁྲིད་ཡིག་ཟུང་འཇུག་རྣམ་པར་རོལ་པ་བདུད་སྡེ་འཇོམས་པའི་བཤན་པ་ཆེན་པོ་ལ་གཞི་བྱས། ལྷན་ཐབས་ཡིག་ཆུང་ཟིན་བྲིས་ཞལ་ཤེས་དང་བཅས་པས་བརྒྱན་ནས། སྔོན་འགྲོ་སྐྱབས་སེམས། ཡིག་བརྒྱ། བླ་མའི་རྣལ་འབྱོར། མཎྜལ་དང་བཅས་པའི་འཁྲིད། དངོས་གཞི་འཁོར་ལོ་བཞི་ལ་བརྟེན་པའི་བསྙེན་པ། འཁོར་ལོ་བཞི་ལྡན་གྱི་སྒྲུབ་པ། ཐུན་མོང་དང་ཐུན་མོང་མ་ཡིན་པའི་ལས་སྦྱོར། ཞར་བྱུང་མ་འགྲུབ་སྤོགས་ཆོག་གི་ངོ་སྤྲོད་དང་བཅས་ཏེ་སྔོན་འགྲོ་དངོས་གཞི་རྗེས་གསུམ་ཚང་བའི་ཉམས་ལེན་ལ་བརྟེན་ནས་རྡོ་རྗེའི་ལུས་ལ་གནད་དུ་བསྣུན་པའི་གནད་ཀྱིས་གཟུང་འཛིན་གྱི་རྩ་མདུད་རྣམས་གྲོལ་ནས་ཅིར་སྣང་བདེ་ཆེན་དུ་ཤར་ཏེ་ཚེ་འདིར་ཟུང་འཇུག་རྡོ་རྗེ་འཆང་གི་གོ་འཕང་མངོན་དུ་བྱེད་ནུས་པའི་གསང་འཁྲིད་ཀྱི་ཉམས་འཁྲིད་
ཟབ་མོ་ཞག་ཉི་ཤུ་སྐོར་གྱི་བར་དང་ཞིང་སྐྱོང་དབང་པོ་འཁོར་བཅས་བྱང་ཆུབ་མ་ཐོབ་ཀྱི་བར་དུ་རང་གི་སྙིང་དབུས་སུ་འབྲལ་མེད་དུ་བཞུགས་ནས་མཆོག་ཐུན་གྱི་དངོས་གྲུབ་མ་ལུས་པ་སྩོལ་བའི་དམར་འཁྲིད་དཔལ་ལྡན་ས་སྐྱ་བའི་གདུང་བརྒྱུད་ཁོ་ན་ལ་ཆིག་བརྒྱུད་དུ་བཞུགས་པའི་ཉམས་འཁྲིད་ཟབ་མོ་སྨིན་རྒྱས་སུ་ལེགས་པར་ནོས། །གཉིས་པ་ཕྱག་བཞེས་མན་ངག་རྒྱབ་བརྟེན་ལུང་དང་བཅས་པ་ལ། དཀར་ཆག་གིས་ཟིན་པའི་སྐོར་དང་། མ་ཟིན་པའི་སྐོར་ཏེ་གཉིས། དང་པོ་ནི། ཚར་ཆེན་ཆོས་ཀྱི་རྒྱལ་པོས་མཛད་པའི་དཔལ་རྡོ་རྗེ་ནག་པོ་ཆེན་པོ་གདོང་བཞི་པའི་ཆོས་སྐོར་གྱི་དཀར་ཆག་གསུང་རྒྱུན་པདྨའི་སྲད་བུར་བརྒྱུས་པའི་ཟབ་དོན་ནོར་བུའི་དོ་ཤལ། དེ་ལས་གསུངས་པའི་ཆོས་སྡེའི་རྣམ་གྲངས་པཎྜི་ཏ་འབུམ་ཕྲག་གསུམ་པ་ནས་བརྒྱུད་པ། །ཤྲཱི་པཎྚི་ཏ་ཏ་ཐཱ་ག་ཏ་རཀྵི་ཏ་ནས་བརྒྱུད་པ། ཁར་སཱ་པཱ་ཎིའི་རི་སུལ་གྱི་རྣལ་འབྱོར་མ་ཀུ་སཱ་ལི་ཆེན་མོ་ནས་བརྒྱུད་པ་དང་གསུམ། དང་པོ་ལ། འགོར་སྐད་ཤན་སྦྱར་དང་དཔལ་མགོན་པོ་ནག་པོ་ལ་ཕྱག་འཚལ་ལོ། །འཇིགས་པའི་ཚོགས་རྣམས་འཇིགས་བྱེད་པའི། །ནག་པོ་དེ་ལ་ཕྱག་འཚལ་ནས། ཞེས་ཡོད་པའི་མགོན་པོ་གདོང་བརྙན་ཅན་ནམ་ལས་སྦྱོར་གྱི་མགོན་པོར་གྲགས་པ་གླང་གདོང་ཕྱག་དྲུག་པའི་སྒྲུབ་༼གློ༽༼ཕ༽༼ཉ༽ཐབས་ཀྱི་རྩ་བའི་རྒྱ་གཞུང་སློབ་དཔོན་ཀླུ་སྒྲུབ་སྙིང་པོས་མཛད་པ་པཎྚི་ཏ་འབུམ་ཕྲག་གསུམ་པ་དང་ལོ་ཙཱ་བ་གཉན་དར་མ་གྲགས་ཀྱིས་བསྒྱུར་བ། རྒྱ་གཞུང་གི་འགྲེལ་པ་དྲི་མེད་དོན་གསལ་
དགེ་བཤེས་དགེ་བ་རྒྱལ་མཚན་གྱིས་བསྐུལ་ནས་མདོ་སྟོད་པ་འཇམ་དབྱངས་རྒྱལ་མཚན་གྱིས་ཉང་བྲག་དགའ་ལྡན་དགོན་དུ་མཛད་པ། འགོར་ཏཱ་ར་ན་མོ་དཔལ་གདོང་བཞི་པའི་མངོན་རྟོགས་ཀྱི་མན་ངག་༼གློ༽པཎྚི་ཏ་འབུམ་ཕྲག་གསུམ་པའི་ཞལ་གདམས་མཐར་ཐུག་པ་ནི་ཞེས་ཡོད་པའི་གཙོ་འཁོར་ལྔའི་མངོན་རྟོགས་གོང་དཀར་བའི་གླེགས་བམ་ན་དོན་གཅིག་པ་ཚིག་འདྲ་མིན་རྒྱས་བསྡུས་༼ཉི༽ཅུང་ཟད་ཡོད་པ་ཞིག་འདུག །ཆུང་ངུ་བླ་མ་གོང་མས་མཛད་པ་དེར་རྟོགས་པར་བྱའོའི་མཐའ་ཅན། འགོར་དཀོན་ཅོག་གསུམ་ལ་ཕྱག་འཚལ་ལོ་རང་སྐད་ཅིག་གིས་ཧཱུྃ་མཐིང་ནག་ཏུ་གྱུར་པ་ལས་འོད་ཟེར་འཕྲོས། ཞེས་ཡོད་པའི་གཏོར་ཆོག་གི་ཡི་གེ་གོང་མས་མཛད་པ་དེ་ཝི་སིདྡྷི་ཞེས་ཉེར་གཅིག་གམ་གསུམ་ལ་སོགས་པས་དབུལ་ལོའི་མཐའ་ཅན། འགོར་ཚངས་པ་སེར་པོ་ངང་པ་བཞོན་ཞེས་ཡོད་པའི་འཁོར་མང་གི་མངོན་རྟོགས་ཚིགས་བཅད་མ་གོང་མས་མཛད་པ་བཀའ་ཉན་གསུང་གཏོད་ལས་བྱེད་ཚུལ་དུ་བསམ་གྱི་མཐའ་ཅན། ཐམས་ཅད་མཁྱེན་པ་བསོད་ནམས་རྒྱ་མཚོས་ཞལ་བཀོད་གནང་ནས་སྨན་ཐང་བློ་བཟང་པས་བྲིས་པའི་འཁོར་མང་གི་ཞལ་ཐང་དེ་ཡང་གཞི་འདི་ལ་བརྟེན་ནས་རྒྱས་སུ་བཏང་བར་མངོན། ལས་སྦྱོར་གྱི་གསལ་བྱེད་ལས་ཀྱི་ཤམ་བུ་བརྒྱད་༼གློ༽༼ཉི༽པ་ཞེས་པ་གསད་པའི་ལས། མཛེ་གཏོང་བ། རབས་གཅོད་པ་ཞིང་ལ་ལོ་མི་སྐྱེ་བ། རིམས་ནད་གཏོང་བ། གྲོང་ཁྱེར་དཀྲུགས་པ། གྲོང་བཤིག་པ། བསྐྲད་པ། སྨྱོ་བར་བྱེད་པ། འདི་གཉིས་ལྷག་པ་འདྲ་ཞིག་བྱུང་ཡང་གོང་གི་ཁོངས་སུ་བསྡུས་སམ་སྙམ། དབང་དུ་བྱེད་པ་རྣམས་གཉན་ལོས་མཛད་པ། འདི་ཡན་གྱི་གླང་གདོང་
མའི་སྐོར་རྫོགས་ནས་ཞར་བྱུང་འགོར་དཔལ་ཕྱག་ན་རྡོ་རྗེ་ལ་ཕྱག་འཚལ་ལོ། །སངས་རྒྱས་བསྟན་པ་བསྲུང་བའི་ཕྱིར། །དཔལ་ལྡན་མགོན་པོ་ཞལ་བཞི་པའི། །གསེར་གྱི་སྤུ་གྲིའི་ལག་ལེན་འདྲི། །ཞེས་ཡོད་པའི་དཔལ་མགོན་ཁྱུང་ཞལ་ཅན་ནམ་དམག་དཔོན་མགོན་པོའི་སྒྲུབ་ཐབས་ལག་ལེན་གཞུང་ནས་དྲིལ་ནས་བཏུས། སྔགས་འཆང་བསྟན་པ་བསྲུང་བར་ཤོག་གི་མཐའ་ཅན་རྣམས། གཉིས་པ་ཤྲཱི་པཎྜི་ཏ་ཏ་ཐཱ་ག་ཏ་རཀྵི་ཏ་ནས་བརྒྱུད་པ་ལ། འགོར་རྒྱ་སྐད་དང་ཞལ་བཞི་པའི་དམ་ཚིག་དངོས་གྲུབ་སྒྲུབ་པའི་ཐབས་ཞེས་ཡོད་པའི་རྩ་བའི་སྒྲུབ་༼ཨེ༽༼སྒོ༽༼གློ༽༼ཉི༽ཐབས་རྫོང་པོད་ནའང་ཡོད། ཏ་ཐཱ་ག་ཏ་རཀྵི་ཏས་མཛད་པའི་བདག་མདུན་མགོན་པོ་ཞལ་ཁྲ་ཅན་ནམ་སྒྲུབ་དུས་ཀྱི་མགོན་པོར་གྲགས་ཤིང་། དེང་སང་ཡོངས་གྲགས་སྒྲུབ་དུས་ཀྱི་མགོན་པོ་ཞལ་གཡས་གཡོན་མཐིང་ནག་ཏུ་བྱེད་པའི་ཡི་གེ་འགའ་ཞིག་འདུག་ཀྱང་ཚར་ལུགས་ལ་སྒྲུབ་དུས་ཀྱང་ཞལ་ཁྲ་ཅན་དུ་མཛད་པ་གཞུང་འདིའི་གནད་འགག་གཙོ་བོར་སྟོན་པར་སྣང་། རྒྱ་གཞུང་རྩོམ་པ་པོ་རང་ཉིད་དང་གཉན་ལོ་ཙཱ་བ་དར་མ་གྲགས་ཀྱིས་བསྒྱུར་བ། གཞུང་ཆུང་འདི་ལ་འཕྲིན་ལས་རྣམ་བཞི་བྱེ་བྲག་ཏུ་སྒྲུབ་ཚུལ་གྱི་གནད་འགག་ཀྱང་ཟུར་ཙམ་བསྟན་འདུག་ཅིང་། རྡོ་རྗེ་འཆང་ཚར་པ་ཆོས་རྗེས་གསང་སྒྲུབ་གསལ་བྱེད་སྙིང་ཐིག་གི་སྐབས་རྒྱ་གཞུང་ལས་བཤད་ཚུལ་གྱི་རྩ་བའང་གཞུང་འདི་ལ་བརྟེན་པ་ཡིན་ནོ། །འགོར་རྒྱ་གར་གྱི་ཡུལ་དུ་ཆུ་བོ་གངྒཱ་དང་ཉི་མ་ཕྱེད་དང་གཉིས་ཙམ་ཡོད་པའི་གྲོང་ཆུང་ངུའི་འགྲམ་ཞིག་ན་ཞེས་ཡོད་པའི་གཉན་ལོས་མཛད་པའི་པཎྜི་ཏ་མཇལ་ཚུལ་གྱི་ལོ་རྒྱུས་ཉུང་ངུ་དང་སྦྲེལ་བའི་༼གློ༽སྒྲུབ་ཐབས་རྫོང་པོད་ནའང་ཡོད། ཀྱི་རིམ་པ་བསྙེན་པ་དང་
ལས་སྦྱོར་སྟོན་པ་ཟླ་བ་གཅིག་གིས་ལས་རྣམས་འགྲུབ་བོ་ཏ་ཐཱ་ག་ཏ་རཀྵི་ཏས་གཉན་ལ་འོའི་མཐའ་ཅན་རྣམས། ཕལ་ཆེར་སྙན་བརྒྱུད་ཀྱི་ཞལ་བཞེས་ལ་རག་ལས་ཞེས་དཀར་ཆག་ན་སྣང་བས་ཡི་གེ་འདི་ལས་མང་བ་ཞིག་ཐོག་མ་ནས་མེད་ཚོད་དུ་འདུག །གསུམ་པ་ཁཪྶཱ་པཱ་ཎིའི་རི་སུལ་གྱི་རྣལ་འབྱོར་མ་ཀུ་སཱ་ལི་ཆེན་མོ་ལས་བརྒྱུད་པ་ལ། ཟབ་ཅིང་རྒྱ་ཆེ་བ་ཕྱིའི་སྒྲུབ་བསྐོར། རྡོ་རྗེའི་ལུས་ལ་གནད་དུ་བསྣུན་པ་གསང་བའམ་ནང་གི་མན་ངག །སྙིང་ནང་གི་ཁྲག་ལྟ་བུ་ཁྱད་པར་གྱི་མན་ངག་དང་གསུམ། དང་པོ་ལ། ཡིད་ཆེས་ཤིང་ཁུངས་བཙུན་པ་ལོ་རྒྱུས་ཀྱི་ཡི་གེ །ནུས་ལྡན་དུ་བྱ་བ་རྗེས་གནང་གི་ཡི་གེ །རྩ་བར་གྱུར་པ་བསྙེན་སྒྲུབ་ལས་གསུམ་གྱི་ཡི་གེ །གསལ་བྱེད་དུ་གྱུར་པ་ལྷན་ཐབས་སམ་ཡན་ལག་གི་ཡི་གེ །འཕྲལ་དུ་ཉེ་བར་མཁོ་བ་གཏོར་ཆོག་དང་བསྐང་བ་བསྟོད་བསྐུལ་གྱི་ཡི་གེ་དང་ལྔ། དང་པོ་ལ། འགོར་ན་མོ་གུ་རུ་མན་ངག་འདིའི་བརྒྱུད་པའི་ལོ་རྒྱུས་ནི་ཡང་དག་པར་རྫོགས་པའི་སངས་རྒྱས་རྡོ་རྗེ་འཆང་ཞེས་ཡོད་པའི་ལོ་རྒྱུས་ཀྱི་ཡི་གེ་ས་ཆེན་གྱིས་མཛད་པ་བོན་པོ་ཕོ་མོ་འདྲེས་པ་ལྔ་བཅུ་ཙམ་ཆོས་སྐྱོང་གི་ནུས་པས་བསད་ཟེར་རོའི་མཐའ་ཅན། འདིའི་ནང་དུ་ཁའུ་པར་རྗེ་བཙུན་ས་སྐྱ་པས་ཞུས་ཟེར་བ་ལྟར་ན་ཚིག་གཅིག་གཉིས་སླར་བསྣན་པ་འདྲའོ། །འགོར་བརྒྱུད་པའི་བླ་མ་རྣམས་ལ་ཕྱག་འཚལ་ལོ་བཀའ་སྲུང་འདིའི་ལོ་རྒྱུས་ནི་བླ་མ་རྡོ་རྗེ་གདན་པ་ལ་ཞེས་ཡོད་པའི་ལོ་རྒྱུས་༼ཉི༽ཀྱི་ཡི་གེ་རྒྱས་པ་འཕགས་པས་མཛད་པ་མངའ་བདག་ཀྱང་དེའུ་གྲོང་བློན་པོ་ལ་ལ་ཡང་ཤི་སྐད་ཀྱི་མཐའ་ཅན་ཞར་བྱུང་བླ་བརྒྱུད་དང་བཅས་པ། གཉིས་པ་ནུས་ལྡན་དུ་བྱ་བ་རྗེས་གནང་གི་
ཡི་གེ་ལ། འགོར་ཨོཾ་སཱ་སྟི་སིདྡྷཾ་ནག་པོ་ཆེན་པོའི་ལུང་སྦྱིན་པ་ནི་འབྱོར་ན་ཚོགས་ཀྱི་འཁོར་ལོའི་རྟིང་ལ་བྱ་༼སྒོ༽ཞེས་ཡོད་པའི་ནག་པོ་ཆེན་པོའི་རྗེས་གནང་གཉན་ལོ་ཙཱ་བས་མཛད་པ་གདམས་པ་འོའི་མཐའ་ཅན། རྫོང་པོད་ནའང་ཡོད། འགོར་བླ་མ་དང་ཏཱ་ར་ལ་ན་མོ་ནག་པོ་ཆེན་པོ་ཞལ་བཞི་པའི་རྗེས་གནང་ལ་གསུམ་སྟེ་ཞེས་ཡོད་པའི་རྗེས་གནང་གི་ཡི་གེ་ཁའུ་པས་མཛད་པ་སྨོན་ལམ་གདབ་པོ་ཞལ་བཞི་པའི་རྗེས་གནང་རྫོགས་སོའི་མཐའ་ཅན། འགོར་ན་མོ་གུ་རུ་དབང་ཐོབ་ཅིང་དམ་ཚིག་མ་ཉམས་པས་འདིའི་རྗེས་གནང་དང་བཀའ་ལུང་ཐོབ་ཅིང་ཞེས་ཡོད་པའི་རྗེས་གནང་གི་ཡི་གེ་ས་ཆེན་གྱིས་མཛད་པ་སྨོན་ལམ་གདབ་བཀྲ་ཤིས་བྱའོའི་མཐའ་ཅན། འགོར་ཏཱ་ར་ལ་ན་མོ་འདིའི་རྗེས་གནང་ལ་དོན་གསུམ་སྟེ་སྦྱོར་བ་དངོས་གཞི་རྗེས་སོ་ཞེས་ཡོད་པའི་རྗེས་གནང་༼ཨེ༽༼སྒོ༽༼གློ༽གསལ་བ་རྫོང་པོད་ན་མཆན་མི་འདུག །དོན་དེ་གཉེར་བ་འགས་ཡང་ཡང་གསོལ་བ་བཏབ་པའི་ངོར་རྣལ་འབྱོར་པ་གྲགས་པ་རྒྱལ་མཚན་གྱིས་བྲིས་པ། འགོར་ཨོཾ་སྭ་སྟི་སྲིད་གསུམ་དབང་སྒྱུར་དཔལ་ལྡན་ནག་པོ་ཆེ་ཞེས་ཡོད་པའི་རྗེས་གནང་ཤིན་ཏུ་རྒྱས་པ་ནག་པོ་འགྲོ་ཤེས་༼ཉི༽ཞེས་པ་དཔང་པོར་ནག་པོ་ཆེན་པོ་བཞུགས་པ་འདི་རང་གི་བླ་མས་རྗེས་སུ་གནང་ནས་བཀས་བསྐུལ་ཞིང་གྲོགས་མཆེད་དམ་པའི་གསུང་གི་ངོར་རྗེ་བཙུན་པའི་ཡི་གེའི་སྟེང་དུ་འཕགས་པའི་ཕྱག་ལེན་དང་ཞང་ཁུ་དབོན་ལས་བརྒྱུད་དེ་བླ་མ་དམ་པ་བསོད་ནམས་རྒྱལ་མཚན་གྱི་ཕྱག་བཞེས་ལྟར་ཡར་ཀླུངས་པ་སེང་གེ་རྒྱལ་མཚན་གྱིས་ཀླུའི་དགོན་པར་མཛད་པ། དེས་སློབ་མས་བསྐུལ་བའི་ངོར་མཛད་པའི་འགོར་དཔལ་ཞལ་བཞི་པའི་རྗེས་གནང་ཐུན་མོང་མ་ཡིན་པ་ལ་
ཞེས་ཡོད་པའི་གྲི་སྙིང་བླ་རྡོ་སྲོག་འཁོར་ཕྱག་མཚན་རྣམས་ཀྱི་རྗེས་གནང་གི་ཡི་གེ་རྣམས། གསུམ་པ་རྩ་བར་གྱུར་པ་བསྙེན་སྒྲུབ་ལས་གསུམ་གྱི་ཡི་གེ་ལ། ཀུན་གྱི་རྩ་བ་རི་སུལ་གྱི་རྣལ་འབྱོར་མས་མཛད་པའི་སྒྲུབ་༼སྒོ༽༼གློ༽༼ཉི༽ཐབས་མཚན་བཤད་དུ་གྲགས་པའི་ཡི་གེ །རྫོང་ཆུང་པའི་དེར་འགྲོ་བའི་ལམ་དུ་ཨན་དྷ་མུ་ཤར་བཅུག་ལ་སྦའོ་ཡན་ལས་མི་འདུག་ཅིང་གོང་དཀར་བའི་གླེགས་བམ་ན་དེའི་མཇུག་ཏུ་གྲོང་ཁྱེར་བསྐྱོད་པ་དང་སྔགས་ཐུང་བྲིས་པ་གཅིག་དང་ཡང་དངོས་དཀྱུས་དང་མཐུན་པ་ལ་ཏ་ཐཱ་ག་ཏ་རཀྵི་ཏའི་ལུགས་ཀྱི་ལོ་རྒྱུས་སྒྲུབ་ཐབས་གཉན་གྱི་ལོ་རྒྱུས་སྒྲུབ་ཐབས་གཉན་གྱིས་མཛད་པ་དེའི་ལོ་རྒྱུས་ཆུ་བོ་གངྒཱ་ཞེས་སོགས་ཡོད་པ་འཇུག་ན་བཏགས་བས་བསྲེས་པ་ཞིག་ཀྱང་སྣང་ངོ་། །གཞུང་དེ་ལ་བརྟེན་ནས་བསྙེན་སྒྲུབ་ཞར་བྱུང་མནན་པ་དང་བཅས་པ་འགོར་མ་ཧཱ་ཀཱ་༼སྒོ༽༼གློ༽ལའི་མན་ངག་ལ་བསྙེན་སྒྲུབ་གཉིས་ལས་ཞེས་ཡོད་པ་གཉན་ལོའི་ཨུ་པ་དེ་ཤ་འོའི་མཐའ་ཅན། གཉན་ལོས་མཛད་པའི་ཆོས་སྐྱོང་གི་གནས་ཀྱི་ཡིག་ཆུང་༼སྒོ༽༼གློ༽ཞེས་པ་བསྙེན་པ། སྒྲུབ་པ། གསད་པ། ལས་སྦྱོར་དང་བཅས་པ་ཞལ་གྱི་གདམས་རྫོང་པོད་ནའང་ཡོད། པ་འདི་མི་ལ་མ་སྤེལ་རྣམ་སྨིན་ཆེའོ་གསུང་བའི་མཐའ་ཅན། མགོན་པོ་སྒྲུབ་དུས་ཀྱི་ལས་ཁྲིགས་རྫོང་པོད་ནའང་ཡོད། ༼སྒོ༽བླ་མ་ཁའུ་པ་ཆེན་པོས་མཛད་པ་སྙིང་ཕྱུང་རིགས་བརྒྱུད་རྩད་ནས་ཆོད་ཅེས་བརྗོད་དོའི་མཐའ་ཅན། འགོར་མ་ཧཱ་ཀཱ་ལ་ཙ་ཏུརྨུ་ཁ་ཨུ་པ་དེ་ཤ་ཞེས་ཡོད་པའི་མགོན་པོ་སྒྲུབ་༼ཨེ༽༼སྒོ༽༼གློ༽དུས་ཀྱི་ལས་ཁྲིགས་གསལ་རྫོང་པོད་ནའང་ཡོད། བྱེད་ས་ཆེན་གྱིས་མཛད་པ་དེའི་སྙིང་ག་བསྣུན་པར་བྱ་འོའི་མཐའ་ཅན། ཁའུ་པས་མཛད་པའི་ལས་ཁྲིགས་ཀྱི་གསལ་༼ཨེ༽༼སྒོ༽༼ཕ༽བྱེད་འགོར་བླ་མ་མགོན་
པོ་ནག་པོ་ཆེན་པོ་ལ་ཕྱག་འཚལ་ལོ་མགོན་པོ་སྒྲུབ་དུས་ཀྱི་ལས་ཁྲིགས་ལ་གསུམ་ཞེས་ཡོད་པའི་ཡི་རྫོང་པོད་ན་ལས་ཁྲིགས་ཆེན་པོ་ཞེས་པ་ལས་མཛད་པ་མི་གསལ། གེ་སྔགས་འཆང་གཟུངས་པས་མཛད་པ་དགྲ་ན་བ་དང་འཆི་བ་ལ་སོགས་པའི་ལས་ངེས་པར་འགྲུབ་བོ་ས་མ་པ་ཐ་མིའི་མཐའ་ཅན། འགོར་བླ་མ་དམ་པའི་ཞབས་ལ་ཕྱག་འཚལ་ལོ་དཔལ་ལྡན་ནག་པོ་ཆེན་པོ་གདོང་བཞི་པ་བསྙེན་ཅིང་སྒྲུབ་པར་འདོད་པས་ཞེས་ཡོད་པའི་བསྙེན་སྒྲུབ་༼ཨེ༽༼ཉི༽ལས་གསུམ་གྱི་སྒྲུབ་ཐབས་ནག་པོ་འགྲོ་ཤེས་དགའ་ལྡན་པ་ཀུན་བསོད་ཀྱིས་མཛད་པ་སྒྲུབ་པ་དང་ལས་སྦྱོར་གྱི་ཡིག་ཆུང་མི་སྤེལ་གསང་བར་བྱའོའི་མཐའ་ཅན། རྫོང་པོད་ན་འདི་གཟུངས་པའི་ནག་འགྲོས་སུ་ངོས་བཟུང་། རྣམ་གསུམ་ལག་ལེན་གསལ་བྱེད་ཞལ་ནས་སྙན་དུ་བརྒྱུད་པའི་ལག་ལེན་དམར་འཁྲིད་མཐོང་ཆོག་བླ་མ་དམ་པ་བསོད་ནམས་རྒྱལ་མཚན་གྱི་གསུང་བཞིན་བསོད་ནམས་གྲགས་པ་དཔལ་བཟང་པོས་ཡོན་ཏན་དུ་མས་མངོན་པར་མཐོ་བའི་བློ་གྲོས་རྒྱལ་མཚན་གྱིས་བསྐལ་བ་ལ་བརྟེན་ནས་ཟིན་བྲིས་སུ་བཀོད་པ། བསྙེན་པའི་གོ་རིམ་གནད་དོན་སྙན་བརྒྱུད་བདུད་རྩིའི་སྐྱེས་འཕྲེང་རྣལ་འབྱོར་དབང་ཕྱུག་ཡར་ཀླུངས་པས་དད་ལྡན་སློབ་མའི་ཞལ་ངོར་སྦྱར་བ། དེས་མཛད་པའི་འགོར་ཏཱ་ར་ན་མ་དཔལ་མགོན་ཙ་ཏུརྨུ་ཁའི་བསྙེན་པ་བྱ་བར་འདོད་པས་ཞེས་ཡོད་པའི་བཟླས་པ་དང་གེགས་སེལ་གྱི་མན་ངག་སྙན་བརྒྱུད་གསེར་ཆོས་མཐར་ཐུག །དེས་མཛད་པའི་འགོར་བླ་མ་མཆོག་དང་ཆོས་སྐྱོང་ལ། །ལུས་ངག་ཡིད་གསུམ་གུས་བཏུད་ནས་ཞེས་ཡོད་པའི་བསྙེན་སྒྲུབ་ལས་གསུམ་སྤོགས་ཆོག་ཤི་ས་བསྟན་པ་དང་བཅས་པའི་མངོན་རྟོགས་གསལ་བྱེད་གནད་ཀྱི་ཞལ་
གདམས་མཐར་ཐུག་སྙན་ནས་སྙན་དུ་བརྒྱུད་པའི་གསེར་ཆོས་མཆོག་ཏུ་གྱུར་བའི་མཁའ་འགྲོའི་སྙིང་ཁྲག །དེས་མཛད་པའི་དཔལ་གདོང་བཞི་པའི་གཏོར་མ་བཅའ་ཐབས་ཀྱི་སྙན་བརྒྱུད་སྙིང་གི་ཁྲག་ཐིག་ལྟ་བུ། དེས་མཛད་པའི་འགོར་བླ་མ་ཡི་དམ་བསྟན་སྐྱོང་ལ། །སྒོ་གསུམ་གུས་པས་ཕྱག་འཚལ་ནས་ཞེས་ཡོད་པའི་ལས་རབ་འབྱམས་དང་གསད་བསྐྲད་ཀྱི་འཁོར་ལོའི་ཞལ་གདམས་ཆིག་བརྒྱུད་མ་སྙིང་ནང་གི་ཁྲག་ལྟ་བུ། དེས་མཛད་པའི་འགོར་སངས་རྒྱས་ཀུན་དངོས་བླ་མ་དང་ཞེས་ཡོད་པའི་བྱེ་བྲག་ཏུ་གསད་ལས་ཀྱི་འཁོར་ལོའི་མན་ངག་མཁའ་འགྲོའི་ཁ་རླངས་ཅན་དུ་གྲགས་པ་རྣོ་མྱུར་སྤུ་གྲི་རེག་ཆོང་དང་འདྲ་བའི་མན་ངག་སྙན་བརྒྱུད་མཐར་ཐུག །དེས་མཛད་པའི་འགོར་བླ་མ་མཆོག་དང་ལྷ་མཆོག་ལ་ཞེས་ཡོད་པའི་འཁྲུལ་འཁོར་བལྟབ་ཅིང་སྦ་བ་སོགས་མནན་པའི་མན་ངག་མཐར་འདོན་ཐབས་དང་བཅས་པ་སྙན་བརྒྱུད་སྦས་དོན་གསལ་བ། ཡར་ཀླུངས་པའི་གསུང་འདི་རྣམས་ཕྱི་སྒྲུབ་ལ་ལྟོས་པའི་བཀའ་རྒྱ་དམ་པས་མང་བ་ལ་མི་སྟོན་པའི་གྲས། བསྙེན་སྒྲུབ་ལས་གསུམ་གྱི་སྒྲུབ་ཐབས་རྟ་བདུན་རྒྱལ་པོ་ཞེས་བྱ་བ་མདོ་སྟོད་པ་འཇམ་དབྱངས་རྒྱལ་མཚན་གྱིས་མཛད་པ། དེ་སྐོར་གྱི་ཡིག་ཆུང་བཞི་ཞེས་པ་པྲཛྙ་ཕ་ལའི་གསུང་བཞིན་བྲིས་པའི་ས་ཆེན་ཀུན་དགའ་སྙིང་པོའི་མན་ངག་གནད་བརྒྱད་པའི་ངོས་འཛིན་དང་། ཆོས་ཚན་བཞིའི་སྐབས་འདི་གཉིས་སོ་སོར་འདྲེན། མ་ཆག་པའི་གནད་གཉིས་སྟོན་པའི་ཞལ་བཞི་པའི་སྲོག་སྙིང་གནད་གྱི་མན་ངག་སྙིང་དང་འདྲ་བ་མདོ་སྟོད་པ་འཇམ་དབྱངས་ཀྱིས་དྭགས་ལྷ་སྒམ་པོར་སྦྱར་བ། དཔལ་མགོན་གདོང་བཞི་པའི་མནན་པ་དང་སྲོག་
གི་ཞལ་གདམས་འི་མཐའ་ཅན། འགོར་ཆོས་སྐྱོང་གི་རྟེན་གྱི་འཁོར་ལོ་ནི་དབང་པོ་དར་མ་གྲིར་ཤི་བ་ཞེས་ཡོད་པ་གྲུབ་པ་དཔལ་གྱིས་ཡི་གེར་བཀོད་པ་རྣམས། བཞི་པ་གསལ་བྱེད་དུ་གྱུར་པ་ལྷན་ཐབས་སམ་ཡན་ལག་གི་ཡི་གེ་ལ། སྤྱིའི་ལྷན་ཐབས་བྱེ་བྲག་གི་ལྷན་ཐབས། ལས་ཕྲན་བུའི་མན་ངག་དང་གསུམ། དང་པོ་ལ། སྲོག་འཕྲོག་པ། བཅིང་བ། ཁྱི་ལྟར་འཁྲིད་པ། སྔ་ཕྱི་གཉིས་མི་འཁྲེན་པ་རྩལ་འགྲན་པ་སྟེ་ཞལ་གྱི་གདམས་༼ཨོ༽༼སྒོ༽༼གློ༽༼༽པ་དོན་ལྔ་རྫོང་པོད་ན་ཡོད་པ་དེར་མི་སྤེལ་བའི་བཀའ་རྒྱ་ཡོད་དོ་ཡན་ལས་མེད། མ་ཤཱཀྱའི་དགེ་སློང་གཉན་གྱི་ཨུ་པ་དེ་ཤ །ལྟ་བ། དམ་ཚིག །མཐུན་རྫས་སྔགས། འཁུ་ལྡོག་མི་འབྱུང་བ། ཤི་ས་བསྟན་པ་སྟེ་ཟབ་པའི་གནད་དྲུག་གི་གདམས་པ་མཆན་བུ་དང་བཅས་པ་རི་སུལ་གྱི་རྣལ་འབྱོར་མའི་མན་ངག་གཉན་གྱི་གསུང་། དེའི་གསལ་བྱེད་གདམས་འདི་ལ་དོན་དྲུག་སྟེ་ཞེས་རྫོང་པོད་ན་ཡོད་པ་དེར་སྐད་ངན་ཙེ་རེ་འོང་ངོ་ཡན་ལས་མི་འདུག །ཡོད་པའི་བླ་མ་༼ཨེ༽༼སྒོ༽༼གློ༽༼ཉི༽གཉན་གྱི་ཉེ་གནས་དར་མ་སེང་གེ་ལ་གནང་བ་སྲོད་ཐུན་ལ་གཏོར་མ་མེད་དུ་མི་རུང་ངོའི་མཐའ་ཅན། མགོན་པོ་ལ་ཕ་ལྟར་བཀུར་ཞིང་ལྷ་མོ་ལ་སྲིང་ལྟར་དུངས་པའི་མན་རྫོང་པོད་ནའང་ཡོད། ༼ཨེ༽༼སྒོ༽༼ཉི༽ངག་བློས་ཁེལ་བ་ནི་འགོ་བའི་གནད་ཡིན་ནོའི་མཐའ་ཅན། ཁྱད་པར་གྱི་དམ་ཚིག་༼གློ༽གི་ཡི་གེ་ཤིན་ཏུ་གསང་བར་བྱ་བ་རྣམས་ཡིན་ནོའི་མཐའ་ཅན་རྫོང་པོད་ནའང་ཡོད། འཁོན་ནག་ཟས་སུ་ཟ་བའི་གདམས་ངག་༼སྒོ༽༼ཉི༽སློབ་དཔོན་པདྨ་འབྱུང་གནས་ཀྱིས་མཛད་པ་རྫོགས་བྱང་གི་མཐའ་ཅན། འདི་རྫོང་པོད་ན་ཡོད་ངོར་པའི་དེར་ཀླུ་སྒྲུབ་ནས་བརྒྱུད་པ་ཞིག་འདུག་པ་འདི་དང་མི་མཐུན། གོང་དཀར་བའི་གླེགས་བམ་དུ།
སློབ་དཔོན་པདྨས་མཛད་པའི་ཁ་གསལ་མི་འདུག །འགོར་དཔལ་མ་ཧཱ་ཀཱ་ལ་ལ་ཕྱག་འཚལ་ལོ་ཉམས་ཆགས་སམ་འཆི་ལྟས་བྱུང་བའམ་ཆགས་ཆེ་བའི་དུས་སུ་གཏོར་སྐྱོང་བྱེད་པར་འདོད་ན་མཎྜལ་ཞེས་ཡོད་པའི་ཉམས་ཆགས་༼ཨེ༽༼སྒོ༽༼གློ༽བཀང་བའི་ཡི་གེ་བསྡུས་རྫོང་པོད་ནའང་ཡོད། པ་བསྐང་བཤགས་ཆོ་ག་འོའི་མཐའ་ཅན་གཉན་གྱིས་མཛད་པ། དེས་མཛད་པའི་དཔལ་མ་ཧཱ་ཀཱ་ལ་ལ་ཕྱག་འཚལ་ལོ་རྣལ་འབྱོར་པ་ལ་ཉམས་ཆགས་སམ་འཆི་ལྟས་བྱུང་བའམ་ཆགས་ཆེ་བའི་དུས་སུ་༼ཉེ༽གཏོར་སྐྱོང་བྱེད་པར་འདོད་ན་ནང་དུ་གཏོར་མ་ཞེས་ཡོད་པའི་ཉམས་ཆགས་བཀང་བའི་ཡི་གེ་རྒྱས་པ་གདམས་ངག་འི་མཐའ་ཅན། འགོར་འདིའི་དམ་ཚིག་གསོ་བ་ནི་ཞེས་ཡོད་པའི་ཁའུ་པས་མཛད་པའི་དམ་ཚིག་གསོ་བའི་པདྨ་༼ཨེ༽༼སྒོ༽༼གློ༽ཁ་སྦྱོར་གྱི་ཡི་གེ་བསྡུས་རྫོང་པོད་ནའང་ཡོད། པ་བླ་མ་གནམ་ཁའུ་པ་གསུང་འི་མཐའ་ཅན། དེས་མཛད་པའི་འགོར་བླ་མ་དམ་པ་དང་ནག་པོ་གདོང་བཞི་པ་ལ་ན་མོ་ཆོས་སྐྱོང་འདི་བསྟེན་པ་ན་༼ཉི༽ཞེས་ཡོད་པའི་པདྨ་ཁ་སྦྱོར་གྱི་ཡི་གེ་རྒྱས་པ་གནམ་ཁའུ་པའི་གདམས་པ་ས་མ་བ་ཐའི་མཐའ་ཅན། འགོར་ནག་པོ་ཆེན་པོ་ལ་ཕྱག་འཚལ་ལོ་མགོན་པོའི་གསང་བ་བྱེད་པར་འདོད་པས་ཞེས་ཡོད་པ་༼ཨེ༽༼སྒོ༽༼གློ༽༼ཉེ༽གསང་བའི་ཆོ་ག་འདི་དཀར་ཆག་ན་མི་གསལ་རྫོང་པོད་ན་ཡོད། །འོའི་མཐའ་ཅན་རྣམས། གཉིས་པ་བྱེ་བྲག་གི་ལྷན་ཐབས་ལ། སྔོན་འགྲོ་རྟེན་གྱི་སྐབས་སུ་འགོར་ཏཱ་ར་ན་མོ་མ་ཧཱ་ཀཱ་ལའི་རྟེན་བཅའ་བ་ནི་ཕྱི་རྟེན་དུ་གཡག་ནག་ཅེས་ཡོད་པའི་ཕྱི་ནང་༼ཨེ༽༼སྒོ༽༼གློ༽གསང་བ་དེ་ཁོ་ན་ཉིད་དང་
བཅས་པའི་རྟེན་བཅའ་བའི་ཡི་རྫོང་པོད་ནའང་ཡོད། གེ་ཤཱཀྱའི་དགེ་སློང་གཉན་གྱིས་མཛད་པའི་ཨུ་པ་དེ་ཤ་སུ་ཐོད་ཐོད་ལ་བསྟན་པར་མི་བྱའོའི་མཐའ་ཅན། འགོར་མ་ཧཱ་ཀཱ་ལའི་རྟེན་བཅའ་བ་ནི་རྡོ་ནག་པོ་སྨུག་པོའམ་ཞེས་ཡོད་པའི་ནང་རྟེན་བླ་རྡོ་བཅའ་བའི་ཡི་གེ་བསྡུས་རྫོང་པོད་ནའང་ཡོད། པ་གཉན་ལོའི་གསུང་བཅུ་བཞི་ལ་མ་ཆག་པ་གོང་བཞིན་བྱ་འོའི་མཐའ་ཅན། དེའི་གསུང་འགོར་རྡོ་རྗེ་ནག་པོ་ཆེན་པོའི་རྟེན་བཅའ་བ་ནི་བྱང་ཤར་རམ་ཤར་ལྷོ་ནས་ཞེས་ཡོད་པའི་ནང་རྟེན་བླ་རྡོ་བཅའ་བའི་ཡི་གེ་རྒྱས་པ་གཏོར་མའང་གྲུབ་ན་བཟང་ངོ་། །བླ་མ་གཉན་ལོ་ཙཱ་བའི་མན་ངག་འི་མཐའ་ཅན། གསང་རྟེན་གྱི་སྐབས་སུ་འགོར་རྟེན་བཅའ་ཐབས་ལ་གྲི་སྙིང་འཁོར་ལོ་ཞེས་ཡོད་པའི་གཏུམ་པོ་རང་༼སྒོ༽༼གློ༽བསྲུང་གི་འཁོར་ལོ་འདྲི་ཚུལ་རྟེན་བཅའ་ཐབས་སོའི་མཐའ་ཅན། འདི་གཉིས་གཅིག་ཏུ་བྱེད་ན་མ་གཏོགས་སོ་སོར་བྱེད་ཚེ་དཀར་ཆག་ཏུ་གཅིག་མི་གསལ་བས་ཞར་བྱུང་ཡིན་ནམ་སྙམ། འགོར་གཏུམ་པོ་རྫོང་པོད་ནའང་ཡོད། བསྲུང་བའི་འཁོར་ལོ་དང་ཞེས་ཡོད་པའི་གསལ་༼སྒོ༽༼གློ༽བྱེད་གསེར་སྲང་བཞི་ཕུལ་ཞེས་གྲགས་སོའི་མཐའ་ཅན། འགོར་འདིའི་གནད་ལ་བླ་མ་ཆོས་རྗེ་བདག་གིས་བླ་མ་ལགས་ནའང་ཞེས་ཡོད་པའི་རང་༼ཨེ༽༼སྒོ༽བསྲུང་འཁོར་ལོ་ཐུན་མོང་མ་ཡིན་པའི་མན་ངག་དཔལ་མགོན་ཁྱོད་ལ་མཐོལ་ལོ་བཤགས་ཀྱི་མཐའ་ཅན། རྫོང་པོད་ནའང་བཞུགས། དེའི་བྲི་ཡིག་འགོར་བསྲུང་འཁོར་ལ་མུ་ཁྱུད་ཕྱི་ནང་༼སྒོ༽གཉིས་ཞེས་ཡོད་པའི་ཨུ་པ་དེ་ཤ་འོའི་མཐའ་ཅན། དེའི་སྔགས་བྱང་གྲོང་ཁྱེར་བསྐྱོད་པ་དང་སྔགས་རིང་གི་མཚམས་༼སྒོ༽མཚམས་སུ་འདྲི་ལུགས་ཀྱི་གསལ་བྱེད་རྫོང་པོད་ནའང་
ཡོད། ཡོད་པ་ཐམས་ཅད་གཡས་སྐོར་དུ་འདྲི་འོའི་མཐའ་ཅན། འགོར་བླ་མ་དམ་པའི་ཞབས་ལ་ཕྱག་འཚལ་ལོ་རྟེན་གྱི་འཁོར་ལོ་བྱ་བར་འདོད་ན་ཞེས་ཡོད་པའི་རྟེན་འཁོར་འདྲི་ཚུལ་༼ཨེ༽༼སྒོ༽༼གློ༽རྒྱས་པ་རྣམ་པར་བརྒྱན་ནོ་དྷ་ར་ཎིའི་མཐའ་ཅན། རྟེན་གྱི་འཁོར་ལོ་རབ་ཏུ་གནས་པ་རྟེན་འབྲེལ་གྱིས་རྟེན་ལ་ཐིམ་སམ་མོའི་མཐའ་ཅན། འགོར་དྷརྨ་པཱ་ལ་ཙ་ཏུརྨུ་ཁའི་རྟེན་བཅའ་བ་ནི་ཞེས་ཡོད་པའི་རྟེན་གྱི་ཡི་གེ་༼ཉི༽རྒྱལ་ཚ་ལུང་མང་པོས་མཛད་པ་དྷརྨ་ཤྭ་རས་བརྗེད་ཐོར་བྲིས་པ་དེ་བྱུང་དགེ་བ་སངས་རྒྱས་བསྔོ་ཞེས་པའི་མཐའ་ཅན། གོང་དཀར་བའི་གླེགས་བམ་ན་གཏོར་མ་ཕུལ་བས་འགྲུབ་པོ་ཡན་དང་མངོན་སྤྱོད་གསང་ལས་སྒྲུབ་ན་མན་སོ་སོར་བྱས་ཤིང་མཛད་བྱང་ཡང་མི་གསལ། འགོར་བླ་མ་དང་དཔལ་ནག་པོ་ཆེན་པོ་ལ་ཕྱག་འཚལ་ལོ་གནོད་པ་བསྲུང་བ་དང་ཞེས་ཡོད་པའི་རང་༼ཉི༽བསྲུང་ཆེན་མོ་ལིང་ཚེ་ཉི་ཤུ་པའི་བྲི་ཡིག་བླ་མ་ཆོས་ཀྱི་རྒྱལ་པོ་འཕགས་པ་རིན་པོ་ཆེ་ནས་ཞང་དཀོན་ཅོག་དཔལ་ལ་གནང་བ་ནམ་མཁའི་མཚན་ཅན་གྱི་ཕྱག་བྲིས་ལས་བཤུས་སོའི་མཐའ་ཅན། མཆོད་པའི་སྐབས་སུ་འགོར་རྟེན་གྱི་མདུན་དུ་མཆོད་གཏོར་དང་ཞེས་ཡོད་པའི་མེ་ཏོག་༼སྒོ༽གཞི་སྦྱོར་གྱི་ཡི་གེ་གཉན་ལོས་མཛད་པ་རྒྱུད་འཇམ་བཞི་སྦྱོར་མན་ངག་གོའི་མཐའ་ཅན། རྫོང་པོད་ན་ཤ་ཚིལ་ལ་སོགས་པའོ་ཡན་མེད་ཅིང་ནིར་མ་ཕུ་ལན་རྩན་ནས་མདུན་རྒྱབ་གཉིས་སུ་བཞག་གསུང་པ་ཡན་སྔགས་ཐིམས་ཀྱི་གཤམ་ན་བྲིས་ཤིང་། བཟླས་ལུང་གི་མེ་ཏོག་ནས་བཞི་སྦྱོར་མན་ངག་གོའི་བར་ཆོས་ཚན་འོག་མ་འདིའི་རྗེས་སུ་ཆོས་ཚན་གཅིག་ཏུ་བཞུགས་འདུག །དེས་མཛད་པའི་གོང་གི་གསལ་བྱེད་འགོར་ཏཱ་ར་ན་མ་ལུང་རྗེས་སུ་ནོད་
པའི་པུཥྤེ་ཞེས་ཡོད་༼སྒོ༽༼གློ༽པའི་བ་ལིང་གོང་དཀར་བའི་གླེགས་བམ་དུ་དངོས་གཞི་འདི་ག་ལ་ཆིག་ཟུར་ཅུང་ཟད་མི་འདྲ་༼ཉི༽བ་མཆན་རྣམས་དཀྱུས་སུ་བཅུག་པའི་སྔོན་དུ་འོག་གི་སྤོས་སྦྱོར་མི་གྲིར་ཤི་བའི་ཤ་ལ་གཞི་བྱས་པ་མན་བསྣན་པ་ཞིག་འདུག་པ་ཕན་ཚུན་འདྲེས་པས་ཡིག་སྐྱོན་འབྱམས་པ་འདྲ། །གི་མེ་ཏོག་རྙིང་པའི་ཨུ་པ་དེ་ཤ་འོའི་མཐའ་ཅན། རྫོང་པོད་ནའང་ཡོད། དེས་མཛད་པའི་འགོར་མཆོད་པའི་སྤོས་སྦྱོར་ཆོ་ག་ནི་ཞེས་ཡོད་པའི་མགོན་པོའི་སྤོས་སྦྱོར་གྱི་མན་༼ཨེ༽༼གློ༽༼ཉི༽ངག་ལུས་སྦྲིད་པ་ལ་སོགས་པའི་རྟགས་འབྱུང་ངོའི་མཐའ་ཅན། ངོར་ལུགས་ལ་ལེ་ཚན་གཉིས་པོ་གོ་རིམ་སློག་འདུག་ཅིང་གོང་དཀར་བའི་གླེགས་བུམ་དུའང་དེ་ལྟར་སྣང་། གཏོར་མའི་སྐབས་སུ་དེས་མཛད་པའི་འགོར་བླ་མ་གཉན་ལོའི་ཞལ་༼གློ༽གདམས་གཏོར་མ་གཤོམ་དུས་ཞེས་ཡོད་པའི་གཏོར་མ་བཅའ་ཐབས་ཀྱི་ཡི་གེ་རྒྱུན་གྱི་ཐུན་མཚམས་སོའི་མཐའ་ཅན། རྫོང་པོད་ནའང་ཡོད། དེས་མཛད་པའི་འགོར་ཡར་ངོའི་བརྒྱད་དང་མར་ངོའི་བརྒྱད་ལ་ཞེས་༼གློ༽ཡོད་པའི་གཏོར་མ་གཏོང་ཐབས་ཀྱི་ཡི་གེ་ཡུམ་ལ་སྔགས་འོག་མས་དབུལ་ལ་ནང་པར་གཏང་ངོའི་མཐའ་ཅན། འགོར་བླ་མ་དམ་པ་ལ་ན་མོ་རྟག་གཏོར་མན་ངག་དམ་པ་ནི། ཞེས་ཡོད་པའི་རྟག་གཏོར་གྱི་མན་ངག་ཚིགས་བཅད་མ་གསང་ཞིང་སྦ་བ་ཉིད་དུ་བྱ་ཞེས་པའི་མཐའ་ཅན། འགོར་འདིའི་མདུན་ན་ལྕགས་སྣོད་གྲུ་གསུམ་ཞེས་ཡོད་པའི་དྲག་པོའི་གཏོར་མའི་མན་ངག་གསང་ངོ་མ་སྤེལ་ཞིག་གི་མཐའ་ཅན། འདི་དཀར་ཆག་ན་མི་གསལ་བ་གོང་གི་འཕྲོས་ཡིན་ནམ་སྙམ། དངོས་གཞི་བསྙེན་པའི་སྐབས་སུ་སྔགས་བྱང་ལ། གྲོང་ཁྱེར་བསྐྱོད་པ། སྔགས་རིང་། སྔགས་ཐུང་། འཁོར་ལོའི་སྔགས་
སྦྲགས་སྒྲུབ་སོ་སོར་ཕྲལ་བ་རྣམས་ཀྱི་སྔགས་འཕྲེང་མཆན་བུར་བཅས་པ་༼སྒོ༽༼གློ༽སྔགས་བཏུའི་གཞུང་དང་ཐེམས་ཡིག་ས་པཎ་གྱི་ཕྱག་བྲིས་དང་མཐུན་པར་བླ་མའི་གསུང་རྒྱུན་བཞིན་སྔགས་འཆང་མ་ཏིས་ཞུས་དག་པ་སྔགས་རིང་མཆན་བུར་བཅས་པ་༼སྒོ༽༼ཉི༽སྔར་གྱི་དཔེ་རྙིང་དག་པ་དང་ཐེམས་ཡིག་ནས་བྱུང་བ། སྔགས་རིང་མཆན་བུར་བཅས་པ་པཎ་ཆེན་ནགས་རིན་གྱིས་ཞུས་དག་པ་དེའི་ཞལ་སློབ་པུ་ཎྱ་བི་ཛ་ཡ་ཨིནྡྲ་སི་ནས་སླར་ཡང་ཞུས་དག་པ། པཎ་ཆེན་བྱམས་པ་གླིང་པའི་མཚན། སྔགས་བྱང་གསུམ་པོ་དཀར་ཆག་ཏུ་སྔགས་བྱང་ཞེས་པ་ལས་སོ་སོའི་གསལ་ཁ་མི་འདུག །འགོར་ཨོཾ་སྭསྟི་སིདྡྷཾ་དཔལ་ནག་པོ་ཆེན་པོའི་སྔགས་ཐེམས་བསྟན་པ་ལ་ཞེས་ཡོད་པའི་སྔགས་ཀྱི་ཐེམས་༼ཨེ༽༼སྒོ༽༼གློ༽༼ཉི༽ཡིག་ཞིབ་མོ་འདི་རྣམས་ཤིན་ཏུ་གཅེས་པས་མཁས་པ་གལ་ཆེ་ས་མ་པ་ཐ་མིའི་མཐའ་ཅན། རྫོང་པོད་ནའང་ཡོད། འགོར་བླ་མ་ལ་ན་མོ་སྔགས་ཀྱི་ཐེམས་ཡིག་ལ་འབྲུ་བྱ་བ་ཚེག་བར་བགྲང་ཞེས་ཡོད་པའི་སྔགས་ཀྱི་ཐེམས་ཡིག་གསལ་བྱེད་འདི་ངོར་ལུགས་ལ་སྟོད་སྨད་གཉིས་ཡོད་པའི་དཀྱིལ་མ་ཚང་བ་ཞིག་འདུག །བདག་ཆེན་རིན་པོ་ཆེ་བློ་གྲོས་རྒྱལ་མཚན་དཔལ་བཟང་པོས་མཛད་པ་བླ་མའི་མན་ངག་གི་རྗེས་སུ་འབྲང་པ་གལ་ཆེ་འོའི་མཐའ་ཅན། གཉན་ལོས་མཛད་པའི་སྔགས་ཀྱི་༼ཨེ༽༼སྒོ༽༼གློ༽༼ཉི༽གནད་ལས་སོ་སོའི་སྔགས་དག་པར་བཟླས་སོའི་མཐའ་ཅན། །ངོར་ལུགས་ལ་ཤི་ས་བསྟན་པ་དང་སྦྲེལ་འདུག་རྫོང་པོད་ནའང་ཡོད། འགོར་རྡོ་རྗེ་འཆང་དབང་དཔལ་ལྡན་ཧེ་རུ་ཀ་ཞེས་ཡོད་པའི་སྔགས་ཀྱི་ཐེམས་ཡིག་དང་སྤེལ་ཚིག་ཐོར་བུ་བ་དར་ནག་ལ་བཏགས་ཏེ་གཡབ་
བོའི་མཐའ་ཅན། འགོར་བླ་མ་དམ་པ་རྣམས་ལ་ཕྱག་འཚལ་ལོ་དཔལ་མགོན་པོ་གདོང་བཞི་པའི་བསྙེན་སྒྲུབ་ཅེས་ཡོད་པའི་ཐུན་མོང་གི་བསྙེན་པའི་ཡི་གེ་འཕགས་པས་མཛད་པ་དབང་དུ་འདུས་པ་རྡོ་རྗེ་གུར་ལས་གསུངས་སོའི་མཐའ་ཅན། རྫོང་པོད་ནའང་ཡོད། དེས་མཛད་པའི་ཐུན་མོང་མ་ཡིན་པའི་བསྙེན་པའི་ཡི་གེ་ཤོག་དྲིལ་བཀའ་རྒྱ་མའི་གདམས་པ། འདི་ལ་གསང་སྒྲུབ་ཀྱང་ཟེར། སྒྲུབ་པའི་སྐབས་སུ་འགོར་རྗེ་བཙུན་གྱི་ཞལ་ནས་སྤྱིར་སྒྲུབ་པ་མི་དགོས་གསུང་ཞིང་ཡོད་པའི་སྒྲུབ་པའི་༼གློ༽༼ཉི༽གནད་རྗེ་བཙུན་གསུང་རྒྱུན་ཤིན་ཏུ་བཀའ་དམ་པར་མཛད་དོའི་མཐའ་ཅན། རྫོང་པོད་ན་འདིའི་ནང་གི་གློ་བུར་ལས་བཅོས་དེ་ཆོས་ཚན་ལོགས་སུ་མཛད་ཅིང་གོང་དཀར་གྱི་གླེགས་བམ་ན་ལིང་ཚེ་ཉི་ཤུ་པའི་བྲི་ཡིག་གཅིག་དང་སྦྲེལ་པ་གློ་བུར་ལས་བཅོས་མན་མེད་པ་ཞིག་འདུག །འགོར་ལས་སྦྱོར་ལིང་ག་ལ་ཐུན་རྣམས་ཞེ་སྡང་འབར་བའི་ཞེས་ཡོད་༼ཨེ༽པའི་སྒྲུབ་པའི་རྟགས་ཀྱི་ཡི་གེ་གོས་རྡེབ་དམོད་མོ་བརྗོད་པའི་མཐའ་ཅན། རྫོང་པོད་ནའང་ཡོད། ངོར་ལུགས་ལ་འདི་ས་ཆེན་གྱིས་མཛད་པའི་སྒྲུབ་ཁྲིགས་དང་སྦྲེལ་འདུག །འགོར་བྱ་རོག་མི་འཁོར་ཉམས་གྲིབ་ཆེ་ཞེས་ཡོད་༼ཨེ༽༼ཉི༽པའི་གཏོར་ལེན་བྱ་རོག་བརྟག་པ་ཚིག་རྐང་དྲུག་མ་སྒྲུབ་པར་བསྐྱར་གྱི་མཐའ་ཅན། རྫོང་པོད་ནའང་ཡོད། ངོར་ལུགས་ལ་འདི་གོང་གི་རྟགས་ཡིག་དང་མཉམ་དུ་བྲིས་ཤིང་། གོང་དཀར་གྱི་གླེགས་བམ་དུ་ཅུང་ཟད་འདྲ་མིན་སྣང་། འགོར་ཏཱ་ར་ན་མོ་སྒྲུབ་པ་པོ་དག་གི་ཞལ་བཞི་པའི་འཁུ་ལྡོག་དང་ཞེས་ཡོད་པའི་འཁུ་༼སྒོ༽༼གློ༽ལྡོག་དང་ཆོ་འཕྲུལ་མི་འབྱུང་ཞིང་ལས་མྱུར་དུ་སྒྲུབ་པའི་ཡི་གེ་བསམས་པ་ནི་མན་ངག་དམ་པར་གསུངས་སོ་འདི་སྤེལ་བ་ནི་ཉིན་མོའི་སྐར་མ་ཙམ་
མོའི་མཐའ་ཅན། འགོར་རྩ་བའི་འཁོར་ལོ་ནི་རྩིབས་དྲུག་ཅེས་ཡོད་པའི་རྩ་བ་༼ཨེ༽༼སྒོ༽དང་གནད་འབེབས་དང་ལས་ཚོགས་ཀྱི་འཁོར་ལོའི་ཞལ་གདམས་སྡིག་པའི་ས་བོན་བྱེད་པས་གསང་ངོའི་མཐའ་ཅན། འདི་རྫོང་པོད་ནའང་ཡོད་ངོར་ལུགས་ལ་འདི་ཁའི་ནང་གི་རབ་གནས་དེ་ཟུར་དུ་ངོས་འཛིན་མཛད་པ་ཡིན། འགོར་ཐུན་མོང་མ་ཡིན་པའི་གདམས་པ་འདི་ཡིན་ཏེ་ཞེས་ཡོད་པའི་འཁོར་ལོ་དང་ལིང་ཚེ་དང་ལིང་གའི་༼སྒོ༽༼གློ༽ཞལ་ཤེས་རྣམ་སྨིན་ཆེ་བས་གཞན་ལ་མ་སྤེལ་གསང་བར་བྱ་བོའི་མཐའ་ཅན། འདི་རྫོང་པོད་ནའང་བཞུགས་ཤིང་འཁོར་ལོ་དང་ལིང་གའི་ཞལ་གདམས་ཆོས་ཚན་ལོགས་སུ་མཛད་འདུག །འགོར་མན་ངག་འདིའི་འཁོར་ལོ་བྲི་བར་འདོད་ན་ཞེས་ཡོད་པའི་འཁོར་ལོའི་བྲི་ཐབས་འདི་གོང་དཀར་བའི་གླེགས་བམ་དུ་ཉིས་ལྡབ་འདུག །༼སྒོ༽༼ཉི༽གང་བསྒོ་བ་དེ་ངེས་པར་འགྲུབ་གསུང་བའི་མཐའ་ཅན། རྫོང་པོད་ནའང་ཡོད། འགོར་ས་ཨི་ཡཾ་ཡོད་པའི་འཁོར་ལོའི་སྔགས་བྱང་༼སྒོ༽ཙཀྲ་ལ་བྲི་གསུང་ངོའི་མཐའ་ཅན། འགོར་འཁོར་ལོའི་སྐབས་སུ་རྩིབས་དྲུག་དང་ཞེས་ཡོད་༼སྒོ༽པའི་འཁོར་ལོའི་སྔགས་བཀོད་ཚུལ་སྔགས་རིང་རྫོགས་པར་བྲི་གསུང་ངོའི་མཐའ་ཅན། རྫོང་པོད་ནའང་ཡོད། བསྙེན་སྒྲུབ། སྲིའུ། ཤཱ་བཟློག །གཏད་ལིང་། གཏོར་ལིང་། རྟ་ཕྱུགས་གསོད་པ་སོགས་ལས་ཚོགས་འགའ་ཟུང་གི་འཁོར་ལོའི་མན་ངག་དེ་རྗེས་ལིང་ག་ལ་འོའི་མཐའ་ཅན། འདི་རྫོང་པོད་ནའང་བཞུགས་ཤིང་ཡང་གསང་ཐུགས་ཀྱི་ཉིང་ཁུ་ཟེར། ལས་སྦྱོར་སྐབས་སུ་འགོར་བླ་མ་དམ་པའི་ཞབས་ལ་ཕྱག་འཚལ་ལོ་མ་ཧཱ་ཀཱ་ལའི་གསང་སྔགས་༼ཨེ༽༼སྒོ༽༼ཉི༽ཐུང་བ་ཞེས་ཡོད་པ་རྫོགས་སོའི་མཐའ་ཅན། འགོར་གསང་སྔགས་རིང་བ་ནི་
ཞེས་ཡོད་༼ཨེ༽༼སྒོ༽༼ཉི༽པ་ཙ་ཏུརྨུ་ཁ་ས་མ་ཡ་ཧཱུྃ་ཕཊ་བཀའ་རྒྱས་གདབ་པོའི་མཐའ་ཅན། འགོར་ཁ་སྦྱོར་དབྱེ་བའི་མན་ངག་ནི་རང་ཡི་དམ་ལྷ་ཞེས་ཡོད་པའི་ཁ་སྦྱོར་དབྱེ་བ་བཞིའི་མན་ངག་༼ཨེ༽༼སྒོ༽༼གློ༽ཟབ་མོ་དམ་དུ་སྦའོ་འདི་ནི་རབ་ཏུ་གསང་བའི་གནས་སོའི་མཐའ་རྫོང་པོད་ནའང་ཡོད། ཅན། འགོར་ལས་སྦྱོར་གྱི་ཚེ་ལིང་ག་ཞེས་ཡོད་པའི་ལས་སྦྱོར་གྱི་ཡིག་ཆུང་༼གློ༽ལིང་ཚེ་བཅོ་ལྔ་པ་སྔགས་ཅན་བཅུག་པར་བྱའོའི་མཐའ་ཅན། རྫོང་པོད་ནའང་ཡོད། འགོར་མངོན་སྤྱོད་གསད་ལས་སྒྲུབ་ན་འཁོར་ལོ་ཞེས་ཡོད་པའི་མངོན་སྤྱོད་གསད་ལས་ཀྱི་ཡིག་ཆུང་གསང་སྔགས་རྣམ་པ་གཅིག་པས་ཟབ་བོའི་མཐའ་ཅན། གོང་དཀར་བའི་གླེགས་བམ་དུ་མི་མ་ཡིན་དབང་༼ཉི༽དུ་བྱ་བ་ཡོད་གསུང་བ་ཡན་མཐུན་པ་ལ་དེ་ནས་མཇུག་མི་གཅིག་པ་མཐར་ནུས་མཐུ་མི་ཡོང་ཐེ་ཚོམ་མེད་དོ་ཟེར་བ་སྣང་། འགོར་ནག་པོ་ཆེན་པོའི་སྒོང་ཟོར་ཞེས་ཡོད་པའི་སྒོང་ཟོར་གྱི་ཡི་གེ་བསྡུས་༼ཨེ༽༼སྒོ༽༼གློ༽༼ཉི༽པ་ལས་ཀྱི་མཐར་ཐུག་བླ་མ་གཉན་གྱི་མན་ངག་འི་མཐའ་ཅན། རྫོང་པོད་ནའང་ཡོད་གོང་དཀར་བའི་གླེགས་བམ་ན་མཆན་དཀྱུས་ལ་ཤོར་འདུག །སྒོང་ཟོར་གྱི་ཡི་གེ་རྒྱས་པ་ལྡོང་སྟོན་ཐིག་ལེ་འབར་ནས་བརྒྱུད་པའི་མན་ངག་དམོད་མོ་བྱ་འོའི་མཐའ་ཅན། འགོར་འཕང་བ་ཁྱུ་མཆོག་ཅེས་ཡོད་པའི་རྭ་ཟོར་གྱི་ཡི་གེ་འབྲིང་པོ་ཡིན་བླ་མ་༼ཨེ༽༼སྒོ༽༼གློ༽༼ཉི༽གཉན་གྱི་ཨུ་པ་དེ་ཤ་བོའི་མཐའ་ཅན། རྫོང་པོད་ནའང་ཡོད། འགོར་ཏཱ་ར་ལ་ན་མོ་ལས་སྦྱོར་གྱི་མཐར་སྦྱིན་སྲེག་བྱེད་པར་འདོད་ན་ཐབ་ཁྲུ་གང་བྲུས་༼ཉི༽པའམ་ཞེས་ཡོད་པའི་ལས་མཐའི་སྦྱིན་སྲེག་གི་ཡི་གེ་རྒྱས་པ་གོང་མས་མཛད་པ་དྲག་པོའི་ལས་མཐར་བྱ་འོའི་མཐའ་ཅན། འགོར་ལས་མཐའི་སྦྱིན་སྲེག་བྱེད་པར་འདོད་པས་འབྲུབ་ཁུང་ཁྲུ་གང་པ་བརྩིགས་པའི་
ཕྱི་ཞེས་ཡོད་པའི་སྦྱིན་སྲེག་གི་ཡི་གེ་བསྡུས་༼ཨེ༽༼སྒོ༽༼གློ༽པ་སྔགས་འཆང་གཟུངས་ཀྱི་དཔལ་བས་མཛད་པ་ནག་པོ་ཆེན་པོའི་སྦྱིན་སྲེག་གི་ཆོ་ག་འི་མཐའ་ཅན། རྫོང་པོད་ནའང་ཡོད། འགོར་ཧོ་དཔལ་ནག་པོ་ཆེན་པོ་གདོང་བཞི་པའི་མགོན་པོ་གཙུག་ལག་ཁང་གི་སྲུང་མ་ཞེས་ཡོད་པའི་ཁ་སྦྱོར་དབྱེ་བའི་དམོད་བསྐུལ་༼ཨེ༽༼སྒོ༽དཔལ་མགོན་གདོང་བཞི་པའི་དམོད་བསྐུལ་འི་མཐའ་ཅན། ངོར་རྫོང་མཐུན་པར་འགོར་ཡོན་ཏན་མྱུར་རྫོགས་དངོས་གྲུབ་མངའ་བའི་ལྷ་ཞེས་པའི་ཤླཽ་ཀ་གསུམ་དང་ཚིག་གཅིག་རྣམས་འཐོལ་འདུག །གོང་དཀར་བའི་གླེགས་བམ་ན་སྟོད་མེད་པའི་སྨད་༼ཉི༽ཀྱི་ཁྱད་པར་ཁ་སྦྱོར་དབྱེ་བའི་དུས་ཞེས་པ་མན་སྣང་། སྤོགས་ཆོག་གི་སྐབས་སུ་འགོར་མ་ཧཱ་ཀཱ་ལ་ལ་ན་མོ་དང་པོར་ཆོས་ཐམས་ཅད་སྟོང་པར་བསྒོམ་ཞེས་ཡོད་པའི་མ་འཆུན་ན་རང་ཉིད་ཞལ་བཞི་པ་ན་བསྐྱེད་པའི་མན་ངག་ཨཀྵོ་བྷྱས་དབུ་བརྒྱན་ནོའི་མཐའ་ཅན། རྫོང་པོད་ནའང་ཡོད། འགོར་བདག་ཉིད་ཡེ་ཤེས་ཀྱི་མགོན་པོ་གདོང་བཞི་པ་ཇི་ལྟ་བ་བཞིན་དུ་སྒོམ་ཞེས་ཡོད་པའི་རྩ་དབུ་མ་ཆོས་འབྱུང་དང་བཅས་༼ཨེ༽༼ཉི༽པའི་གནད་དབབ་རྩུབ་པས་ཚོད་བླང་གིན་བྱའོ་གར་ཐོད་ཐོད་དུ་མི་བྱ་གདམས་ངག་ཡིན་ནོའི་མཐའ་ཅན། གོང་དཀར་པའི་གླེགས་བམ་དུ་མགོན་པོ་མདུན་དང་རྩ་ནང་དུ་བསྒོམ་པ་མན་ངག་ཚན་པ་གཉིས་སུ་བྲིས་འདུག །འགོར་ལས་མི་བྱེད་ན་ཤི་ས་བསྟན་པ་ནི་ཞེས་ཡོད་པའི་ཤི་ས་བསྟན་པའི་མན་༼ཨེ༽༼སྒོ༽༼གློ༽ངག་འདི་ཤིན་ཏུ་རྡུགས་ན་བྱ་ཞིང་གར་ཐོད་ཐོད་དུ་མི་རུང་ངོའི་མཐའ་ཅན་རྣམས། རྫོང་པོད་ནའང་ཡོད། གསུམ་པ་ཕྲན་བུའི་སྐོར་ལ། འགོར་དཔལ་གདོང་བཞི་པ་ལ་ཕྱག་འཚལ་ལོ་
ཆོས་སྐྱོང་ལ་གཙུག་ལག་ཁང་ཞེས་ཡོད་པའི་མགོན་པོ་ལ་གཙུག་༼ཨེ༽༼སྒོ༽༼གློ༽༼ཉི༽ལག་ཁང་གཏོད་པའི་ཆོ་ག་རྫོང་པོད་ནའང་ཡོད། གཏོར་མ་ལྔ་ལ་སོགས་པ་རྒྱས་པར་བྱ་འོའི་མཐའ་ཅན། ངོར་ལུགས་དང་གོང་དཀར་བའི་གླེགས་བམ་དུ་འདི་ཉིད་ཆོས་ཚན་གཅིག་ཏུ་སྦྲེལ་འདུག །དེའི་གསལ་བྱེད་འགོར་གཙུག་ལག་༼ཨེ༽༼སྒོ༽༼གློ༽༼ཉི༽ཁང་གི་རྟེན་མཆོད་དང་ཞེས་ཡོད་པའི་ལྕགས་པར་མ་ལའང་འདི་བཞིན་བྱ་བ་ཡིན་ནོ་གཙུག་ལག་ཁང་གཏད་པའི་ཆོ་ག་འོའི་མཐའ་ཅན། རྫོང་པོད་ནའང་ཡོད། འགོར་དཔལ་མགོན་གདོང་བཞི་པ་འཁོར་དང་བཅས་པ་ལ་ཕྱག་འཚལ་ལོ་མགོན་པོ་ལ་རང་དང་སློབ་མ་ཞེས་ཡོད་པའི་རང་དང་སློབ་༼ཨེ༽༼སྒོ༽༼གློ༽མ་གཏོད་པའི་ཡི་གེ་ཐུགས་དམ་མ་གཡེལ་ཅིག་ཅེས་གསོལ་བ་གདབ་པོའི་མཐའ་ཅན། འགོར་ནག་པོ་ཆེན་པོ་ལ་ཕྱག་འཚལ་ལོ་གནས་དང་མལ་ཆ་དང་ཞེས་ཡོད་པའི་རྫས་དང་ཡོ་བྱད་༼ཨེ༽༼སྒོ༽༼གློ༽བསྲུང་བའི་ཡི་གེ་མཆོད་གཏོར་ལ་བརྩོན་པར་བྱའོ་གནས་མལ་དང་ནོར་རྫས་བསྲུང་བའི་ཆོ་ག་འོའི་མཐའ་ཅན། རྫོང་པོད་ནའང་ཡོད། འགོར་ནོར་ལ་ངན་གྱི་གདམས་པ་ནི་ཞེས་ཡོད་པའི་ནོར་༼སྒོ༽གྱི་རྗེས་སུ་འབྲང་བའི་མན་ངག་མིས་མི་མཐོང་བར་སྦས་ན་འགྲུབ་བོའི་མཐའ་ཅན། འགོར་སྲིའུ་གསོ་ན་ཁམ་ཕོར་སོ་མ་གཏང་བ་ཞེས་ཡོད་པའི་སྲིའུ་གསོ་བའི་འཁོར་ལོའི་མན་ངག་༼ཨེ༽༼སྒོ༽༼ཉི༽མ་ཧཱ་ཀཱ་ལའི་ལས་ཀྱི་མན་ངག་གོའི་མཐའ་ཅན། རྫོང་པོད་ནའང་ཡོད། འགོར་འདིའི་ཐུན་མོང་མ་ཡིན་པའི་ལས་ཁ་ཚར་ཞིག་བསྟན་ཏེ་ཞེས་ཡོད་པའི་སྲིའུ་གསོ་བ་བྲམ་ཟེ་ཁ་སྤུ་ཅན་གྱི་གདམས་པ་ཐུགས་དམ་དཔང་དུ་བཞག་སྟེ་དམ་བཅས་པ་འོའི་
མཐའ་ཅན། འགོར་ཏྭ་ར་ན་མ་ནག་པོ་ཆེན་པོ་ཡིད་བཞིན་ནོར་བུ་ཞེས་ཡོད་པའི་ནོར་སྒྲུབ་ཡིད་བཞིན་ནོར་བུའི་མན་ངག་༼ཨེ༽༼སྒོ༽༼གློ༽༼ཉི༽ཀུན་ལ་ཁ་ལོ་སྒྱུར་བ་ཡོད་གཉན་ལོ་ཙཱ་བའི་གདམས་པའི་མན་ངག་འི་མཐའ་ཅན། རྫོང་པོད་ནའང་ཡོད། འགོར་ཁམས་གསུམ་དབང་དུ་སྡུད་པའི་ལས་ཞེས་ཡོད་པའི་དབང་སྡུད་གྲི་ལག་༼ཨེ༽༼སྒོ༽༼གློ༽༼ཉི༽གཡོབ་པ་དར་ཐོགས་ཀྱི་མན་ངག་རྗེས་ལ་སྔགས་ཐུང་ཉེར་གཅིག་བཟླས་སོ་ཤིན་ཏུ་གསང་བ་གལ་ཆེ་བོའི་མཐའ་ཅན། འགོར་ནག་པོ་ཆེན་པོས་བསྒྲུབ་བྱ་ཞེས་ཡོད་པའི་རྫས་རྣམས་སྐད་ཤན་སྦྱར་བའི་བསྒྲུབ་བྱ་དབང་༼ཨེ༽༼སྒོ༽༼གློ༽༼ཉི༽དུ་བྱ་བ་ངེས་པར་འོང་ངོ་བླ་མ་གཉན་གྱི་མན་ངག་འི་མཐའ་ཅན། རྫོང་པོད་ནའང་ཡོད། འདོད་ཡོན་ལྔ་ལ་བརྟེན་ནས་སྤྱོད་ལམ་༼ཨེ༽༼སྒོ༽༼གློ༽དབང་དུ་བྱ་བའི་ཆོ་ག་རྫོགས་བྱང་གི་མཐའ་ཅན། སེང་ཕུར་ལ་བརྟེན་པའི་གཏུམ་པོའི་ཤྭ་༼ཨེ༽༼སྒོ༽༼གློ༽༼ཉི༽བཟློག་དེ་འདྲ་གཅིག་ནས་ལྔའི་བར་གྱིས་བཟློག་གི་མཐའ་ཅན། རྫོང་པོད་ནའང་ཡོད། འགོར་མ་ཧཱ་ཀཱ་ལ་ཙ་ཏུ་རྨུ་ཁ་ཡེ་ཞིང་སྐྱོང་འདིའི་སྒོ་ནས་ཞེས་ཡོད་པའི་དགྲ་༼ཨེ༽༼སྒོ༽༼གློ༽༼ཉི༽ལ་ལྟས་ངན་གཏོང་བའི་མན་ངག་ཆིག་བརྒྱུད་མ་བཀའ་རྒྱ་འོའི་མཐའ་ཅན། བྱ་འུག་རྟ་ནག་གི་རྫས་དང་ཕག་ཐོད་ལ་བརྟེན་ནས་ཆོ་འཕྲུལ་༼སྒོ༽དབབ་པའི་མན་རྫོང་པོད་ནའང་ཡོད། ངག་ཨ་མུ་ཀའི་ཐེམས་འོག་ཏུ་གཞུག་གོ་བླ་མ་གཉན་གྱི་གདམས་ངག་འི་མཐའ་ཅན། འགོར་དཔལ་མགོན་པོ་ལ་ཕྱག་འཚལ་ལོ་ནག་པོའི་ལས་གང་གི་ཞེས་ཡོད་པའི་དགྲ་བོ་ཆམ་ལ་འབེབས་པའི་རྫས་སྦྱོར་གྱི་མན་ངག་གཞན་ལས་ཁྱད་འཕགས་འི་མཐའ་ཅན། འགོར་ཏཱ་ར་ན་མོ་གྲོང་ཁྱེར་བསྐྱོད་པའི་སྔགས་ལ་ཞེས་ཡོད་
པའི་བསྐྲད་པའི་ལས་མཐར་༼ཨེ༽༼སྒོ༽༼གློ༽༼ཉི༽ཐུག་ཡིན་གྱི་མཐའ་ཅན། རྫོང་པོད་ནའང་ཡོད། དེའི་ཞལ་ཤེས་༼ཨེ༽༼སྒོ༽༼གློ༽དམིགས་པའི་འཁོར་ལོ་དྲི་མར་བཅས་སོགས་ཚིག་རྐང་དྲུག་ཆོས་ཚན་འདི་གཉིས་དཀར་ཆག་ན་གཅིག་ཏུ་བསྡོམས་པ་དང་། རྫོང་པོད་ནའང་ཡོད། ཞལ་ངོར་པའི་བར་འདིར་བསྐྲད་འཁོར་འདྲི་ཚུལ་ཞིག་འདུག །ཤེས་ནི་ཤ་༼ཨེ༽༼སྒོ༽༼གློ༽ཤུན་ལ་ཞེས་སོགས་འཁོར་དུ་མི་གཞུག་པའི་མཐའ་ཅན། འགོར་ངག་གནོན་པར་འདོད་ན་ཞེས་ཡོད་པའི་ངག་མནན་༼ཨེ༽༼སྒོ༽༼ཉི༽པའི་ལས་མཐར་ཐུག་གཉན་གྱི་གདམས་ངག་འི་མཐའ་ཅན། རྫོང་པོད་ནའང་ཡོད། མ་ཧཱ་ཀཱ་ལ་ལ་བརྟེན་ནས་འདྲེ་བཙན་ཐབས་སུ་མནན་༼ཨེ༽༼སྒོ༽༼གློ༽པ་བཟླས་པ་མི་དགོས་བཙན་ཐབས་སུ་གནོན་པའི་མན་ངག་འི་མཐའ་ཅན། ངོར་ལུགས་ལ་སྒབ་འདྲེ་གནོན་ཐབས་ཞེས་སྣང་བ་ནོར་བར་འདུག་གོ །དེའི་གསལ་བྱེད་༼ཉི༽འགོར་ཙ་ཏུརྨུ་ཁ་ལ་ན་མོ་དེའི་བཀའ་སྡོད་མ་ཧཱ་ཀཱ་ལ་ཞེས་ཡོད་པ་སྔགས་བཟླ་ཞིང་ས་བཅག་གོའི་མཐའ་ཅན་རྣམས། འདི་དཀར་ཆག་ན་མི་གསལ་བས་གོང་གི་འཕྲོས་སུ་གཏོགས་སམ་སྙམ། ལྔ་པ་འཕྲལ་དུ་ཉེ་བར་མཁོ་བ་གཏོར་ཆོག་དང་བཀང་བ་བསྟོད་བསྐུལ་གྱི་སྐོར་ལ། གཏོར་ཆོག །བཀང་བ། བསྟོད་བསྐུལ་དང་གསུམ། དང་པོ་ལ། འགོར་ཏཱ་ར་ན་མོ་དཔལ་གདོང་བཞི་པའི་མགོན་པོ་མཆོད་པ་ནི་ལྕགས་ཀྱི་སྣོད་དུ་ཞེས་ཡོད་པའི་མཆོད་པའི་ཆོ་ག་གཉན་གྱིས་ཉེ་གནས་དར་མ་སེང་གེ་ལ་བྱིན་པ་རྫོགས་སོའི་མཐའ་ཅན། རྫོང་པོད་ནའང་ཡོད། དེའི་ཁ་སྐོང་འགོར་འདི་སྒྲུབ་གང་ཟག་དེས་ཞེས་ཡོད་པའི་མཆོད། གོང་དཀར་བའི་གླེགས་བམ་ན་བླ་མ་གཉན་ལ་དབུས་ཕྲུག་ཕུར་པ་དར་གྱིས་ཞུས་ཟེར་བ་སྣང་། ཚུལ་༼ཉི༽དང་བསྟོད་པ་མི་རྟོག་དབྱིངས་
ལས་མ་དང་བཅས་པ་གཏོར་མ་དགྲ་ཕྱོགས་སུ་གཏོང་ངོ་དགེ་སློང་གཉན་གྱི་གདམས་ངག་གོའི་མཐའ་ཅན། འགོར་ན་མོ་གུ་རུ་ཡི་དམ་གང་བྱེད་དུ་བསམས་ལ་མདུན་དུ་རྡོའི་མཎྜལ་ཞེས་ཡོད་པའི་མངོན་རྟོགས་དང་སྔགས་རིང་བསྟན་པ་དྷརྨཱ་པཱ་ལ་ཨུ་པ་དེ་ཤ་འི་མཐའ་ཅན། འདི་དཀར་ཆག་ན་མི་གསལ་རྫོང་པོད་ན་གཙོ་འཁོར་གསུམ་པའི་སྒྲུབ་ཐབས་ཟེར། འགོར་ཨོཾ་སྭསྟི་སིདྡྷཾ་བླ་མ་དམ་པའི་ཞབས་ལ་ཕྱག་འཚལ་ལོ་དཔལ་མགོན་གདོང་བཞི་པ་ཡབ་ཡུམ་གྱི་ཞེས་ཡོད་པའི་གཏོར་ཆོག་བླ་མ་ཁའུ་པས་མཛད་པ་མགོན་པོ་ཞལ་གཟིགས་ནས་བསྟོད་པའོའི་མཐའ་ཅན། རྫོང་པོད་ནའང་ཡོད། འགོར་བླ་མ་དམ་པའི་ཞབས་ལ་ཕྱག་འཚལ་ལོ་འདི་བསྒྲུབ་པར་འདོད་པས་ཞེས་ཡོད་པའི་གཏོར་ཆོག་༼ཉི༽ས་ཆེན་གྱིས་མཛད་པ་དངོས་གྲུབ་ཅི་འདོད་གྱི་ཕྲིན་ལས་བཅོལ་གསུང་ངོའི་མཐའ་ཅན། དཔལ་མགོན་གདོང་བཞི་པ་འཁོར་དང་བཅས་པ་ལ་མཆོད་གཏོར་འབུལ་བའི་ཆོ་ག་རྡོ་རྗེ་འཛིན་པ་འཕགས་པས་དཔལ་ས་སྐྱར་བྲིས་པ་རྫོགས་སོའི་མཐའ་ཅན། འདི་གོང་དཀར་བའི་གླེགས་བམ་ན་དངོས་གཞི་འདི་ཁ་ཡིན་པ་ལ་སླ་བཅོས་གྱི་མངོན་༼ཉི༽རྟོགས་སོགས་ཞེས་སོགས་ལས་ཚང་བར་མ་བྲིས་ཤིང་གཏོར་མ་གཙང་སར་གཏོང་ངོ་ཡན་ལས་མཛད་བྱང་མེད་པ་མཇུག་ཏུ་གཏོར་མ་བཅའ་གཏོང་བཀྲ་རྟགས་སྔགས་རིང་གི་འདོར་ལེན་སོགས་བྲིས་པ་ཞིག་སྣང་ངོ་། །སྟོབས་འཕྲོག་ནག་པོ་མཉེས་པར་བྱེད་པའི་མངོན་རྟོགས་སམ་གཏོར་ཆོག་བླ་མའི་གསུང་བཞིན་དམར་ཆོས་ཀྱི་རྒྱལ་པོས་བསྡེབས་པ། འགོར་བླ་མ་རྣམས་ལ་ཕྱག་འཚལ་ལོ་དཔལ་མགོན་ཞལ་བཞི་པའི་གཏོར་ཆེན་བྱེད་པར་འདོད་པས་
ཞེས་ཡོད་པའི་དྲག་༼ཉི༽པོའི་གཏོར་ཆེན་གྱི་མན་གོང་དཀར་བའི་གླེགས་བམ་ན་ཚང་བ་གཅིག་དང་བསྐལ་མེ་མ་མན་མེད་པ་ཞིག་དང་བཅས་འདུག །ངག་ཡར་ཀླུངས་པ་སེང་གེ་རྒྱལ་མཚན་གྱིས་མཛད་པ་སུ་ལ་ཡང་མི་སྦྱིན་ནོ་ཞེས་བརྒྱུད་པ་རྣམས་གསུང་ངོའི་མཐའ་ཅན། འདིའི་གཤམ་ན་སེང་གེ་རྒྱལ་མཚན་གྱིས་ཀླུའི་དགོན་པར་ཞུས་དག་བགྱིས་ཟེར་བ་ལས་མཛད་བྱང་མི་འདུག །དེའི་ཕྱག་ལེན་གཏོར་ཟློག་ལྷན་ཐབས་བདག་ཆེན་ངག་གི་དབང་ཕྱུག་གི་བཀས་བསྐུལ་བ་ལ་བརྟེན་ནས་རྗེ་བཙུན་རྡོ་རིང་པ་ཆེན་པོས་ཁའུ་བྲག་རྫོང་དུ་མཛད་པ་རྣམས། གཉིས་པ་བཀང་བ་ལ། དམ་རྫས་ཀྱི་བཀང་བ་ཁྱེད་མཐུན་མ་༼ཨེ༽༼སྒོ༽༼གློ༽༼ཉི༽སྤྱན་འདྲེན་ལྷ་མཆོག་མ་དང་བཅས་གོང་དཀར་བའི་གླེགས་བམ་དུ་ཚིག་ཟུར་མི་འདྲ་བ་ཅུང་ཟད་སྣང་ཞིང་ལྷ་མཆོག་མ་ཧཱ་ཀཱ་ལ་མན་གྱི་སྤྱན་འདྲེན་རྣམས་ལྷག་པོར་འདུག་གོ །པ་གཉན་ལོས་མཛད་པ། རྫོང་པོད་ནའང་ཡོད། དེས་མཛད་པའི་ཕྱག་མཚན་བཅའ་ཐབས་༼ཨེ༽༼སྒོ༽༼གློ༽༼ཉི༽དང་འབུལ་བའི་ཚིགས་བཅད་སྟོབས་ཆེན་ཤུགས་དྲག་མ། ཁའུ་པས་མཛད་པའི་གཏོར་༼ཨེ༽༼གློ༽༼ཉི༽བཀང་། དུར་ཁྲོད་གནད་བརྒྱད་མ། སྟོབས་འཕྲོག་ནག་པོའི་གསང་༼སྒོ༽༼གློ༽༼ཉི༽མདོས་མགོན་པོ་ཉིད་ཀྱིས་བླ་མ་ཁའུ་པ་ལ་དངོས་སུ་གནང་བ་རྣམས། རྫོང་པོད་ནའང་ཡོད། གསུམ་པ་བསྟོད་བསྐུལ་ལ། སློབ་དཔོན་ཀླུ་སྒྲུབ་ཀྱིས་མཛད་པའི་བསྟོད་པ་སྲིན་གཟུཊ་མ། སངས་རྒྱས་ཡེ་ཤེས་ཞབས་ཀྱིས་མཛད་པའི་བསྟོད་པ་སྲིན་པོའི་གཟུགས་ཅན་མ། བྲམ་ཟེ་རིན་ཅེན་རྡོ་རྗེས་མཛད་པའི་བསྟོད་པ་༼སྒོ༽༼ཉི༽དཔལ་ལྡན་མགོན་པོ་ཤོ་ལོ་ཀ་ཉི་ཤུ་པ་གཉན་ལོ་ཙཱ་བས་བསྒྱུར་བ། རི་སུལ་གྱི་རྣལ་འབྱོར་མས་མཛད་པའི་བསྟོད་པ་
༼སྒོ༽མི་རྟོག་དབྱིངས་ལས་མ། བླ་མ་གཉན་ལོ་ཙཱ་བས་མཛད་པའི་བསྟོད་པ་པཾ་༼ཨེ༽༼སྒོ༽༼ཉི༽པད་རཾ་ཉི་མ། དེང་སང་འདི་དང་ཡུམ་གྱི་བསྟོད་པ་གཡས་ཕྱོགས་མ་གཉིས་སོར་སོར་བྲིས་པ་མང་ཡང་འདི་ཁའི་མུར་འཐུད་ནས་མཛད་བྱང་བྲིས་འདུག་གོ །ཁའུ་པས་མགོན་པོ་ཞལ་དངོས་སུ་གཟིགས་༼ཨེ༽༼སྒོ༽༼ཉི༽དུས་བསྟོད་པ་རྡོ་རྗེ་འཆང་དབང་མ། བཀང་བསྟོད་ལ་ལར་འདི་དང་ཁྱད་བཞུགས་མ་གཉིས་ཁ་ཕྲལ་ནས་བྲིས་པ་ཡོད་འདུག་ཀྱང་དོན་དུ་འདི་ཁའི་འཕྲོས་ཡིན། མལ་ལོ་ཙཱ་བས་རྨི་ལམ་དུ་མགོན་པོ་ཞལ་གཟིགས་དུས་བསྟོད་པ་ཞི་རྒྱས་དབང་དྲག་མ། ས་ཆེན་གྱིས་བསྟོད་པ་༼སྒོ༽༼ཉི༽འཇིགས་བྱེད་དཔའ་བོ་མ། ས་པཎ་གྱིས་ས་སྐྱར་མཛད་པའི་བསྟོད་པ་༼སྒོ༽༼ཉི༽དཔལ་ལྡན་དབང་ལྡན་མ། རྫོང་པོད་ནའང་ཡོད། འཕགས་པ་རིན་པོ་ཆེས་ཤིང་ཀུན་ཏུ་མཛད་པའི་བསྟོད་པ་༼སྒོ༽༼ཉི༽སངས་རྒྱས་གཅིག་བསྡུད་མ། འདིའི་རྗེས་སུ་དམ་པ་ཀུན་དགའ་གྲགས་ཀྱིས་མཛད་པའི་བསྟོད་པ་ཞིག་ཡོད་འདུག་པ་མ་ཐོབ། ཆོས་རྗེ་བླ་མ་དམ་པས་མཛད་པའི་བསྟོད་པ་༼ཉི༽སྟོང་ཉིད་སྙིང་རྗེ་མ། དེས་མཛད་པའི་བསྟོད་པ་སྲིད་གསུམ་༼སྒོ༽༼ཉི༽དབང་སྒྱུར་མ། གཏོར་ཆོག་བསྟོད་བསྐུལ་དང་བཅས་པ་ཞེས་མཛད་བྱང་ན་འདུག །འཇམ་དབྱངས་གྲགས་པས་མཛད་པའི་བསྟོད་པ་བདེ་ཆེན་དུར་ཁྲོད་མ། དམར་ཆོས་ཀྱི་རྒྱལ་པོས་བསྟོད་པ་དཔལ་ལྡན་མ་ཧཱ་ཀཱ་ལ་མ། འཇམ་དབྱངས་འཁོན་སྟོན་གྱིས་ཆུ་བཟང་དབེན་གནས་སུ་མཛད་པའི་བསྟོད་པ་རྒྱལ་བ་ཀུན་གྱི་མ། བཀྲ་ཤིས་དོན་གྲུབ་ཀྱིས་བསྟོད་པའི་དུས་གསུམ་སངས་རྒྱས་མ། དྷརྨཱ་ཤྲཱི་བྷ་དྲས་སྲོན་ལུང་བསམ་གཏན་རྫོང་དུ་སྦྱར་བའི་བསྟོད་པ་ཁྱོད་ཐུགས་ཞི་བ་མ། མཁན་ཆེན་གནས་དྲུག་པས་མཛད་པའི་བསྟོད་པ་མཐུ་ཆེན་
༼གློ༽༼ཉི༽སྡང་དགྲ་མ། བྷྱ་ཝན་ཡོན་ཏན་བློ་གྲོས་ཀྱིས་མཛད་པའི་རྩ་སྔགས་ཀྱི་དོན་བསྟོད་དུས་མཚན་ཆེན་པོ་མ། སྔགས་འཆང་གཟུངས་པས་ས་སྐྱར་མཛད་པའི་བསྟོད་པ་སྐུ་༼སྒོ༽༼ཉི༽གསུམ་མངོན་གྱུར་མ། རྫོང་པོད་ནའང་ཡོད། དེས་མཛད་པའི་ཐུན་༼སྒོ༽གསུམ་བསྟེན་ཅིང་མ། ཆོས་རྗེ་བཟང་པོ་རྒྱལ་མཚན་པར་ཆོས་སྐྱོང་གིས་རྨི་ལམ་དུ་བསྐུལ་ནས་ཁའུ་སྐྱེས་ལྷས་སུ་མཛད་པའི་བསྟོད་པ་ཧ་ཧ་དགོད་པ་མ། ཤྲཱི་མཱ་ན་བྷ་དྲས་རྩ་སྔགས་དང་མཐུན་པར་རིན་ཆེན་སྒང་མགོན་ཁང་དུ་བསྟོད་པ་ཆོས་དབྱིངས་མཐིང་ནག་མ། བཟང་པོའི་མཐའ་ཅན་གྱིས་རིན་ཆེན་སྒང་བླ་བྲང་དུ་བསྟོད་པའི་ལྷ་ཆེན་ཐུགས་ཀྱི་མ། ཞལ་བཞི་པས་བསྐུལ་ནས་སྦས་པའི་རྣལ་འབྱོར་ཟུར་ཤཱཀྱ་དཔལ་གྱིས་མཛད་པའི་བསྟོད་པ་རབ་འཇིགས་དུར་ཁྲོད་མ། རྫོང་པོད་ནའང་ཡོད། གཉན་ལོས་མཛད་པའི་རྩ་སྔགས་ཀྱི་དྲག་༼ཉི༽བསྐུལ་ནག་པོ་ཆེན་པོ་མ། དེས་མཛད་པའི་བསྟོད་བསྐུལ་༼སྒོ༽༼གློ༽མངོན་སྤྱོད་རོལ་པ་ལོ་རྒྱུས་དང་བཅས་པ། དེས་མཛད་པའི་བསྟོད་བསྐུལ་༼སྒོ༽ལས་ཀྱི་རྒྱལ་པོ་ཚིགས་བཅད་དཔལ་ལྡན་མགོན་པོ་མ་ལོ་རྒྱུས་དང་བཅས་པ། དེས་མཛད་པའི་བསྐུལ་༼ཉི༽ལེགས་ལྡན་ནག་པོ་མ། འདི་དཀར་ཆག་ན་མི་གསལ་བ་གོང་གི་བསྟོད་བསྐུལ་གྱི་སྡེབས་སུ་འགྲོ་རྒྱུ་ཡིན་ནམ་བརྟག །དེས་མཛད་པའི་དམོད་བསྐུལ་ལས་ཀྱི་རྒྱལ་པོ་ཞེས་པ་ཚིག་ལྷུག་དཔལ་ལྡན་ནག་པོ་མ། ཁའུ་པས་མཛད་པའི་དམོད་བསྐུལ་ལོ་སྟོན་ཐིག་ལེ་ལ་གནང་བ་ཚིག་ལྷུག་དཔལ་ལྡན་མ་ཧཱ་ཀཱ་ལ་མ་རྣམས། དཀར་ཆག་ཏུ། སྙན་བརྒྱུད་ཁྲག་མཚོའི་ལྗོངས་ནས་འོང་། །མངོན་སྤྱོད་སྦྲུལ་གདུག་ཁ་རླངས་ཅན། །སྲོག་གི་མཐར་བྱེད་
འདི་མཐོང་ཚེ། །བསྟན་དང་བསྟན་འཛིན་ལ་འཁུབ་བའི། །མི་དང་མི་མིན་གང་ཅིའང་རུང་། །བག་ཡོད་དུས་ལ་བབ་མིན་ནམ། ཞེས་གསུངས་པར་དཔགས་ན་ཕྱི་སྒྲུབ་ཡིན་པ་རྒྱུ་མཚན་དུ་བྱས་ནས་སྣོད་མ་བརྟགས་པར་བབ་ཅོལ་དུ་འཆད་པའང་མི་རུང་བར་མངོན་ནོ། །གཉིས་པ་ནང་རྡོ་རྗེའི་ལུས་ལ་གནད་དུ་བསྣུན་པ་གསང་བའི་མན་ངག་ལ། རྩ་བའི་ཡི་གེ་ཚིགས་བཅད་མ་༼གློ༽བླ་མའི་མན་ངག་བཞིན་གབ་དཀྲུགས་མེད་པར་དམ་པ་ཀུན་དགའ་གྲགས་ཀྱིས་མཛད་པ། ཡིག་རྙིང་འདི་ལྟ་བུ་ཡོད་པ་མིག་དང་རྣ་བའི་ཡུལ་དུ་མ་གྱུར་པར་རྟག་བརྟན་སྤྲུལ་སྐུ་ཀུན་དགའ་སྙིང་པོས་ཚར་ཆེན་གྱི་གུར་མགོན་གྱི་འཁྲིད་ལ་དཔེ་བླངས་པའི་རང་བཟོ་ཡིན་ཞེས་ངན་སྨྲས་ཀྱི་ཐན་སྐད་ཕྱོགས་བརྒྱར་སྒྲོག་པ་ནི་རང་གི་ནང་ཆ་གསལ་བར་སྟོན་པའོ། །གསང་སྒྲུབ་ཀྱི་འཁྲིད་གཞུང་ངམ་མན་ངག་ཐུན་མོང་མ་ཡིན་པ་སྙན་ནས་སྙན་དུ་བརྒྱུད་པ་ཀ་ཞ་དཀའ་བཅུ་དང་རོང་པོ་དཀའ་བཅུ་སོགས་དགེ་བའི་བཤེས་གཉེན་དུ་མས་བསྐུལ་བ་ལ་བརྟེན་ནས་མཚུངས་མེད་སྐྱེས་མཆོག་རྒྱལ་མཚན་གྱིས་མཛད་པ། གསང་བའི་འཁྲིད་ཡིག་ཟུང་འཇུག་རྣམ་པར་རོལ་པ་བདུད་སྡེ་འཇོམས་པའི་བཤན་པ་ཆེན་པོ་ཞེས་བྱ་བ་མདོ་ཁམས་ལྷོ་ཕྱོགས་པ་དབོན་ཆེན་ཆོས་རྒྱལ་མཚན་དང་བླ་མ་གྲགས་པ་རྒྱལ་མཚན་སོགས་ཀྱིས་བསྐུལ་ནས་རྡོ་རྗེ་འཆང་ཚར་པ་ཆོས་རྗེས་དཔལ་ས་སྐྱའི་གཙུག་ལག་ཁང་དུ་མཛད་པ། དེས་ཁའུ་བྲག་རྫོང་ནག་པོའི་དུ་འདྲེན་གྱི་ཕོ་བྲང་སུམ་ཅུ་རྩ་གསུམ་གྱི་བསམ་གཏན་ཁང་བུར་མཛད་པའི་བརྒྱུད་འདེབསསྨོན་ལམ་དང་བཅས་པ་རྒྱལ་བ་ཀུན་དངོས་མ་རྣམས་
འདི་སྐོར་ནི་གཙོ་བོར་མཆོག་གི་དངོས་གྲུབ་ཟུང་འཇུག་གི་གོ་འཕང་སྒྲུབ་པའི་གསང་ལམ་ཟབ་མོ་ཡིན་པས། དཀར་ཆག་ཏུ། ལྷན་སྐྱེས་རྡོ་རྗེ་ལུས་ཀྱི་ཞིང་སྐྱོང་ཆེ། །བདེ་ཆེན་འོད་སྟོང་འབར་བའི་འཛུམ་ཞལ་ལ། །རྣལ་འབྱོར་ཡིད་ཀྱི་དགའ་མ་ཇི་བཞིན་དུ། །འབྲལ་མེད་རྩེ་དགས་རོལ་འདི་ངོ་མཚར་རྨད། །ཨེ་མ་ཚེ་འདིའི་ཆོས་བརྒྱད་ཀུན་དོར་ནས། །གཅིག་པུ་དབེན་པའི་ནགས་ཀྱི་སྨན་ལྗོངས་སུ། །རྒྱལ་བའི་ཐུགས་བཅུད་རིམ་གཉིས་བདུད་རྩིའི་རོ། མྱང་བའི་སྤྱོད་ཚུལ་དེ་ལ་སྙིང་ནས་སྤྲོ། ཞེས་པ་རྡོ་རྗེའི་གསུང་བླ་ན་མེད་པ་ཡིན་ལ། ཞར་བྱུང་དུ་ལས་བཞི་ག་དང་ཁྱད་པར་མངོན་སྤྱོད་ཀྱི་ལས་སྤྲོས་པ་ལ་མ་བལྟོས་པར་འབད་མེད་དུ་འགྲུབ་པས། ཨེ་དབྱིངས་སྡེ་བརྒྱད་དབུས་སུ་བསྒྲུབ་བྱའི་གཟུགས། །ལུས་ལ་ཞིང་སྐྱོང་བཀོད་པའི་འཁྲུལ་འཁོར་གྱིས། །རྩ་འབྲལ་ཁམས་གསོལ་རྣམ་ཤེས་འཕྲོག་པ་ཡི། །ཞེས་དགྲ་བོ་རྣམས་རིང་པོར་མི་ཐོགས་པར་མི་བསྐྱོད་བའི་ཞིང་དུ་སྐྱེས་པའི་ཟབ་གནད་ཀྱང་ཤིན་ཏུ་ཆེའོ། །གསུམ་པ་སྙིང་ནང་གི་ཁྲག་ལྟ་བུ་ཁྱད་པར་གྱི་མན་ངག་ལ། རི་སུལ་གྱི་རྣལ་འབྱོར་མས་བླ་མ་གཉན་ལ་གདམས་པའི་ཐུན་མོང་མ་ཡིན་པའི་ཤོག་དྲིལ་ཉེར་གཅིག །དེ་ལས་ཟབ་པའི་ཡིག་ཆུང་དང་གཉིས། དང་པོ་ལ། འགོར་བླ་མ་རྡོ་རྗེ་འཆང་དབང་དང་ཞེས་ཡོད་པའི་བསྲུང་བཟློག་གསད་མནན་ཚེ་སྒྲུབ་དང་བཅས་༼ལྡོང༽པའི་ཤོག་དྲིལ་གཏོར་མདོས་མན་ངག་རྫོགས་སོའི་མཐའ་ཅན། འགོར་དཔལ་ལྡན་བླ་མ་དམ་པ་དང་ཞེས་ཡོད་པའི་རྟེན་གསུམ། གནད་འབེབས། བསྙེན་པ། ལས་སྦྱོར། རྟགས། སྲེག་མནན་༼ཨེ༽༼སྒོ༽རྣམས་སྟོན་པ་སྦས་ཏེ་འཛམ་གླིང་དུ་མ་གྲགས་པ་
སྙིང་ནང་གི་ཁྲག་ལྟ་བུའི་ཤོག་དྲིལ། འགོར་ཆོས་སྐྱོང་ཞི་བར་ཞེས་ཡོད་པའི་བསྙེན་དུས་ཀྱི་མགོན་པོ་ལ་བརྟེན་པའི་ཆོས་སྐྱོང་ཞི་བ་ནོར་དུ་སྒྲུབ་པའི་ཤོག་དྲིལ་སྒྲུབ་ལུགས་ཡིན་ནོ་རྫོགས་སོའི་མཐའ་ཅན། འགོར་བུདྡྷ་ཡ་ཤྲཱི་པ་ཤཾ་ཀུ་རུ་ཞེས་ཡོད་པའི་ཞལ་གཅིག་ཕྱག་གཉིས་པ་མ་ཧེ་གདན་ལ་བཞུགས་པ་ནང་ཙིཏྟ་ལ་བརྟེན་ནས་ཞལ་དངོས་སུ་བལྟ་བའི་ཤོག་དྲིལ་རྫོགས་སོའི་མཐའ་ཅན། འགོར་དཔལ་མགོན་པོ་གདོང་བཞི་པ་བསྒྲུབ་པ་ལ་ཞེས་ཡོད་པའི་ཕྱིའི་སྒབ་འདྲེ་བདུད་མོ་ཤིནྟཾ་རོ་ཟན་མ་གནོན་པ་འབྲུག་མགོ་ཅན་གྱི་ཤོག་དྲིལ། འགོར་བྱད་མའི་ངག་མནན་པ་ནི་ཞེས་ཡོད་པའི་ནང་གི་མལ་འོག་བསྲུང་བ་བྱད་མའི་ངག་གནོན་པའི་ཤོག་དྲིལ། འགོར་མན་ངག་འདིའི་ཞལ་གདམས་ནི་ཞེས་ཡོད་པའི་གསང་བ་རང་སྲོག་རྟེན་གྱི་འཁོར་ལོ་ཁ་སྦྱོར་ཤོག་དྲིལ་ཞར་བྱུང་དུ་དམ་ཚིག །ཁུ་ལྡོག །འཆིང་བ། གཉེན་པོ། རིག་སྔགས་གོ་ལྡོག་རྣམས་ཀྱང་ཟུར་ཙམ་བསྟན་པ་ཙ་ཀྲའི་གདམས་པ་འི་མཐའ་ཅན། འཁོར་བསྲུང་ཞིང་མི་འཁུ་མི་ལྡོག་པའི་འཁོར་ལོའི་ཤོག་དྲིལ་འི་མཐའ་ཅན། འགོར་ཡུམ་ཆེན་ཁྲོས་མའི་ཞལ་གདམས་ལ་དང་པོ་རྫས་གསག་པ་ནི་ཞེས་ཡོད་པའི་ཡུམ་ཆེན་ཁྲོས་མའི་ཤོག་དྲིལ་༼ཨེ༽༼སྒོ༽དམ་ཚིག་མེད་པ་ལ་གསང་བར་བྱའོའི་མཐའ་ཅན། རྫོང་པོད་ནའང་ཡོད། བུམ་པ་ལ་བརྟེན་ནས་ནག་པོ་ཆེན་པོའི་འཆི་མེད་༼གློ༽ཚེ་སྒྲུབ་ཀྱི་ཤོག་དྲིལ་བླ་མ་པེན་ཏ་པས་ལུང་བསྟན་ཐོབ་ནས་བསྒྲུབས་པས་ལོ་ཕྱེད་དང་ཉིས་བརྒྱ་བཞུགས་པའི་ཆེ་བ་ཅན། རྫས་སྔགས་འཁོར་ལོ་གསུམ་ལ་བརྟེན་པའི་ནག་པོ་ཆེན་པོའི་དགོས་འདོད་ནོར་བུ་
གྲུབ་པའི་བསྟོད་ཤོག་དྲིལ་ས་མ་པ་ཐའི་མཐའ་ཅན། རྫས་སྔགས་སྲོག་འཁོར་གསུམ་ལ་བརྟེན་པའི་སྐུ་དངོས་སུ་བལྟ་བའི་ཤོག་དྲིལ་འི་མཐའ་རྟེན་སྙིང་གི་རྒྱ་ཅན། རྫས་སྔགས་ལྷ་སྒོམ་པ་གསུམ་ལ་བརྟེན་པའི་༼གློ༽ནག་པོ་ཆེན་པོའི་ཆོ་འཕྲུལ་ལྟས་ངན་དབབ་པའི་ཤོག་དྲིལ་གཏང་བ་འི་མཐའ་ཅན། རྫས་སྔགས་འཁོར་ལོ་གསུམ་ལ་བརྟེན་ནས་ནག་པོ་ཆེན་པོས་དགྲ་སྲོག་མྱུར་དུ་གཅོད་པའི་སྲོག་རྩ་རྣོན་པོའི་ཤོག་དྲིལ་གཞན་ལ་སྤེལ་ན་བཀའ་ཆད་འབྱུང་ས་མ་པ་ཐ་མིའི་མཐའ་ཅན། རྫས་སྔགས་བཅའ་གཞི་གསུམ་ལ་བརྟེན་ནས་ནག་པོ་ཆེན་པོས་དགྲ་མཁར་རྨང་ནས་སྒྱེལ་༼རྡོ་རྗེ༽པ་ནག་པོ་ཁར་སྐྱེལ་གྱི་ཤོག་དྲིལ་མཁར་བཤིག་པའི་སྤུ་གྲི་ནག་པོ་ཞེས་བྱ་བ་ས་མ་པ་ཐའི་མཐའ་ཅན། རྫས་དང་སྔགས་ཀྱི་བཟླ་ཐབས་ལ་བརྟེན་ནས་སེར་བ་དབབ་པ་གདོང་བཞི་པའི་སྤུ་གྲི་ངར་མའི་ཤོག་དྲིལ་བཅོལ་བསྐུལ་གཞུང་དང་མཐུན་ནོའི་མཐའ་ཅན། འགོར་བླ་མ་དམ་པ་རྣམས་ལ་ཕྱག་འཚལ་ལོ་ནག་པོ་འཇིགས་པར་བྱེད་པ་ཡི་ཞེས་ཡོད་པའི་རྫས་སྔགས་གཉིས་ལ་བརྟེན་ནས་ཞིང་སེལ་འཇུག་པ་སྤུ་གྲི་སོ་འདེབས་སོ་སོའི་མཐའ་ཅན་གྱི་ཤོག་དྲིལ། འགོར་བླ་མ་དམ་པ་རྣམས་ལ་ཕྱག་འཚལ་ལོ་ཆོས་སྐྱོང་གི་བསྙེན་པ་བྱས་པས་ཅུང་ཞིག་རྩུབ་ནས་ཞེས་ཡོད་པའི་ཙ་ཏུརྨུ་ཁ་བཅུན་ཐབས་ཉི་ཟླ་ཅན་གྱི་ཤོག་དྲིལ་གནད་ལ་དབབ་པའི་གདམས་པ་རྫོགས་བྱང་གི་མཐའ་ཅན། འགོར་ལྷ་མོ་ནག་མོའི་ཞལ་གདམས་ཞེས་ཡོད་པའི་གནད་ལ་༼ལྡོང༽༼སྒོ༽༼གློ༽དབབ་པ་ལྷ་མོ་ནག་མོའི་ཤོག་དྲིལ་ཏིང་འཛིན་ཞལ་ཤེས་ལེགས་པར་ཐུགས་ལ་ཆོངས་ཀྱི་མཐའ་ཅན། འདི་ལ་དཔལ་མགོན་གདོང་བཞི་པའི་མན་ངག་ཅེས་པ་གོང་གི་གསལ་བྱེད་འདྲ་བ་གཅིག་ན་མོ་གུ་རུ་
གཉིས་པ་བགྱིས་སོ་ཞེས་དང་ཨ་མ་ར་ཞེས་པ་ཡོད་པ་གཅིག་དང་བཅས་པའི་ནང་གསེས་ཆོས་ཚན་བཞིར་དབྱེ་བ་འདྲ་ཞིག་འདུག་ཀྱང་དཀར་ཆག་ཏུ་སྡོམས་པར་སྣང་ངོ་། །རྫོང་པོད་ནའང་བཞུགས། གོང་དཀར་བའི་གླེགས་བམ་ནང་གསེས་བཞིའི་གཉིས་པ་འགོར་ཏཱ་ར་ན་མོ་དཔལ་༼ཉི༽མགོན་གདོང་བཞི་པ་ཞེས་དང་མཇུག་ཏུ་ཆོས་རྗེ་རིན་པོ་ཆེ་བསོད་ནམས་ལ་བརྒྱུད་ཟེར་བ་དེ་སྣང་། འགོར་དཔལ་མགོན་ནག་པོ་ཆེན་པོ་མ་འཆུན་ན། ཞེས་ཡོད་པའི་མ་འཆུན་འཁུ་ལྡོག་བྱེད་ན་མནན་པའི་ཤོག་དྲིལ་ས་མ་པ་ཐ་མིའི་མཐའ་ཅན། འགོར་དཔལ་ནག་པོ་ཆེན་པོ་གདོང་བཞི་པ་དགྲ་བོ་ལ་འགྲོ་མ་ཉན་ཅིང་ཞེས་ཡོད་པའི་ལས་བྱེད་༼གློ༽དུ་མི་འདོད་ན་ཨར་གཏད་ཀྱི་ཤོག་དྲིལ་ཤིན་ཏུ་སྦས་པའོ་མཐའ་ཅན་རྣམས་དུས་གཅིག་ལ་མང་པོར་མི་སྤེལ་བའི་ཆིག་བརྒྱུད་གྲས། ཤོག་དྲིལ་དང་པོའི་གསལ་བྱེད་འགོར་བླ་མ་དང་དཔལ་ལྡན་མགོན་པོ་ལ་ཕྱག་འཚལ་ལོ་རྗེ་བཙུན་ཀུ་ས་ལི་ཞེས་ཡོད་པ་རྗེ་བཙུན་༼དབང༽༼ཁྲ༽རྡོ་རིང་པ་ཆེན་པོས་མཛད་པ་ཟློག་པ་སོགས་གཞན་དུ་ཤེས་སོའི་མཐའ་ཅན། ཤོག་དྲིལ་དང་པོའི་རྒྱུན་གྱི་ཉམས་ལེན་ངག་འདོན་གསལ་བར་བཀོད་པ་རྡོ་རྗེ་འཆང་ཚར་པ་ཆོས་རྗེས་མཛད་པ་རྣམས། གཉིས་པ་དེ་ལས་ཟབ་པའི་ཡིག་ཆུང་ལ། ཙ་ཏུརྨུ་ཁ་དཀར་པོ་ཚེ་འཕེལ་གྱི་སྒྲུབ་༼ལྡོང༽༼རྡོ་རྗེ༽ཐབས་ཞར་བྱུང་རྗེས་གནང་གི་ཡིག་ཆུང་དང་བཅས་པ་སྙན་བརྒྱུད་ཡི་གེར་བཀོད་པ་བཀའ་རྒྱ་འི་མཐའ་ཅན་འགོར་གཉིས་པ་རྣལ་འབྱོར་པ་ནོར་སྤེལ་༼ལྡོང༽༼རྡོ་རྗེ༽ན་ཞེས་ཡོད་པའི་སེར་པོ་རྒྱས་པའི་ཡི་གེ །འགོར་གསུམ་པ་དགྲ་བགེགས་སྒྲོལ་ན་ཞེས་ཡོད་པའི་ནག་པོ་དགྲ་བགེགས་སྒྲོལ་བའི་ཡི་གེ་ཞལ་དུ་༼ལྡོང༽༼རྡོ་རྗེ༽གསོལ་བར་བསམ་མོའི་མཐའ་
ཅན། འགོར་བཞི་པ་དམིགས་བྱ་དབང་དུ་བསྡུ་༼ལྡོང༽༼རྡོ་རྗ༽ན་ཞེས་ཡོད་པའི་དམར་པོ་དབང་སྡུད་ཀྱི་ཡི་གེ །འགོར་ཏཱ་ར་ལ་ན་མོ་མགོན་པོ་དཀར་སེར་དམར་ནག་ཅེས་ཡོད་པའི་ལས་༼ལྡོང༽༼རྡོ་རྗེ༽བཞི་མགོན་པོའི་མངོན་རྟོགས་ཀྱི་གསལ་བྱེད་ཨུ་པ་དེ་ཤ་གསང་བར་བྱའོ་མཐའ་ཅན། མགོན་པོ་སེར་པོའི་བྱིན་རླབས་ཀྱི་ཡིག་༼ལྡོང༽༼རྡོ་རྗེ༽ཆུང་ཙིཏྟའི་དཀྱིལ་དུ་སྦས་སོ་ས་མ་པ་ཐ་མིའི་མཐའ་ཅན། ལས་བཞི་མགོན་པོའི་སྒྲུབ་ཐབས་ཏཱ་མིང་རྒྱལ་པོ་ཆེན་པོའི་བཀས་བསྐུལ་བ་ལྟར་ཐེག་ཆེན་ཆོས་ཀྱི་རྒྱལ་པོས་ཕོ་བྲང་ཏྭའི་ཏུའི་ཧྭོའི་སྡེ་ཆེན་པོར་སྦྱར་བ། མགོན་པོ་ཞལ་བཞི་པ་དཀར་པོའི་ཚེ་སྒྲུབ་ཟླ་བའི་ཆུ་རྒྱུན་༼ལྡོང༽རྡོ་རྗེ་ཚར་པ་ཆོས་རྗེས་མཛད་པ། དེས་མཛད་པའི་བརྒྱུད་པའི་གསོལ་འདེབས་རྡོ་རྗེ་འཆང་དབང་མ། རི་སུལ་གྱི་རྣལ་འབྱོར་མ་ཀུ་སཱ་ལི་ཆེན་མོས་གཉན་ལོ་བོད་དུ་འབྱོན་ཁར་འགྲོ་ཆོས་སུ་གནང་བའི་བྲམ་༼རྡོ་རྗེ༽ཟེ་དམོད་པའི་སྲོག་མཐུ་འདི་ཕྱི་བྲམ་ཟེ་ལྟར་སྒྲུབ་པའི་མན་ངག་ཡིན་ནམ་སྙམ། དགྲ་བོའི་སྲོག་གི་བཤན་པ་དམར་པོ་སྙིང་ཁྲག་ཐང་ལ་འཕོ་ཞིང་ས་མཱ་ཡ་ན་ར་སྐན་གྱི་མཐའ་ཅན། ངན་སྔགས་དགྲ་སྲོག་གི་སྤུ་གྲི་དམར་པོ་ཡང་ཟེར། ལམ་བར་གྱི་ཆོམ་རྐུན་བརྟག་པའི་ཕྱིར་དུ་གདོང་བཞི་པའི་བཀའ་སྡོད་དྲང་སྲོང་ནག་པོའི་བྲ་སེ་ན་དབབ་པའི་མན་ངག་མཁར་ནག་དགེ་བཤེས་ནས་བརྒྱུད་པ་ཤིན་ཏུ་གསང་བ་གལ་ཆེ་འོའི་མཐའ་ཅན། དེའི་ཞལ་ཤེས་སྙིང་གི་དཀྱིལ་དུ་ཆོངས་ཀྱི་མཐའ་ཅན། བླ་མ་གཉན་བོད་དུ་བྱོན་ཁར་མགོན་པོས་ལུང་བསྟན་པ་ལ་བརྟེན་ནས་ཞུས་པའི་ཙ་ཏུརྨུ་ཁའི་ཆོ་འཕྲུལ་༼རྡོ་རྗེ༽ཐན་འགྱེད་གཉན་གྱི་མགུལ་ཁུག་མར་གྲགས་པ་ཆིག་བརྒྱུད་སྙིང་གི་དུམ་བུ་དཀའ་རྒྱ་དང་བཅས་པ་འི་མཐའ་ཅན། འགོར་ཌཱ་ཀི་མ་བཞི་ཞེས་ཡོད་པའི་
ཡུམ་ཆེན་བཞིའི་ཐན་༼རྡོ་རྗེ༽འགྱེད་གཉན་གྱི་མགུལ་ཁུག་བཀའ་རྒྱ་མ་ས་མ་པ་ཐ་མི་ཐིའི་མཐའ་ཅན། འགོར་ཏྭ་ར་ན་མོ་རྣལ་འབྱོར་པ་མཚན་མ་ཐོབ་ནས་ཞེས་ཡོད་པའི་གཉན་༼རྡོ་རྗེ།དགའ་འཁྱིལ༽མགོན་གྱི་པར་བུའི་ཆོ་གའི་མན་ངག་ཞལ་གདམས་བཀའ་རྒྱ་མི་འི་མཐའ་ཅན། འགོར་ཏཱ་ར་ན་མ་མགོན་པོའི་ནོར་སྒྲུབ་ནི་ཞེས་ཡོད་པའི་གཉན་མགོན་ལྷ་དགུའི་སྒྲུབ་༼རྡོ་རྗེ༽ཐབས་ཐུན་མོང་མ་ཡིན་པ་སྙན་བརྒྱུད་ཀུན་ལ་མ་གྲགས་པའི་སྙིང་ནང་གི་ཁྲག་ལྟ་བུ་ཤིན་ཏུ་གསང་རྒྱའི་མཐའ་ཅན། འགོར་ཏཱ་ར་ན་མོ་རྫས་ཀྱི་སྦྱོར་བ་ཞེས་ཡོད་པའི་རྫས་ཀྱི་སྒོ་ནས་དགྲ་གསོད་པའི་ལས་སྦྱོར་བླ་མའི་ཞལ་ལས་ཤེས་སོ་ས་མ་པ་ཐའི་མཐའ་ཅན། འགོར་ཏཱ་ར་ན་མོ་གཏད་བྱ་བ་ནི་ཞེས་ཡོད་པའི་རྡོ་ནག་༼རྡོ་རྗེ༽ཡིག་དམར་གྱི་སྒྲུབ་མཐུ་གསེར་ཞོ་རེའི་བཀའ་རྒྱ་ཡོད་པ་ས་མ་པ་ཐ་མི་ཐིའི་མཐའ་ཅན། འགོར་ཁང་སེལ་ཞིང་སེལ་ལ་ཞེས་ཡོད་པའི་ཁང་སེལ་ནག་པོ་ཟླ་ཕྱེད་ཚུན་ལ་འཇིག་པ་སྭ་ཧཱ་སྔགས་སོ་འི་མཐའ་ཅན། འགོར་ཞལ་བཞི་པའི་མན་ངག་ལ་དགྲ་གློ་བུར་ཞེས་ཡོད་པའི་དགྲ་བོ་ཟླ་བ་གཅིག་ལ་གསོད་པ་༼གློ༽མཛེ་བོ་ནག་པོའི་མན་ངག་འདི་ཀ་ལ་གསོད་འི་མཐའ་ཅན། དགྲ་བོ་ཀླུ་ལ་གཏོད་པ་རེག་པས་ཆོག་པ་དྲག་པོའི་བཙན་དུག་གཏད་ཁྲམ་གྱི་ཡང་སྙིང་གཉན་གྱི་ནཱ་ག་སྟོབས་འཕྲོག་ཏུ་གྲགས་པ། འགོར་ན་མོ་གུ་རུ་མོན་པ་ཞེས་ཡོད་པའི་མོན་པ་ནག་པོ་ནོར་བཤེར་གྱི་འདི་བརྩེགས་ཞལ་གྱི་ལས་ཚོགས། མན་ངག་རྒྱ་གར་ནས་བོད་དུ་བྱོན་པ་ལ་འདི་ལས་ཟབ་པ་མེད་དོ་རྟགས་ཐོན་ཐོན་པ་ཡིད་ཆེས་པར་གྱིས་ཤིག་གི་མཐའ་ཅན། དར་ལུང་གི་བྲག་སྤྲེའུ་དམར་འཛིང་འདྲ་བའི་རྨང་དུ་བླ་མ་གཉན་གྱིས་སྦས་པ་ཁའུ་པས་བཏོན་པའི་ཟངས་
ཁབ་དམར་པོའི་གསད་ལས་ཁར་ལྕེ་མྱུག་གེ་བྱའོ་མཐའ་ཅན། གདོང་བརྙན་ཅན་ལ་བརྟེན་པ། འགོར་དཔལ་རྗེ་བཙུན་སྟོབས་འཕྲོག་ནག་པོ་ལ་ཕྱག་འཚལ་ལོ་བླ་མ་གཉན་ལོ་ཙཱ་བ་ཞེས་ཡོད་པའི་སྲེག་བྱེད་མེའི་སྦྱོར་བ་བླ་མ་ཁའུ་ཆེན་པོའི་གསུང་བཞིན་ཡི་གེར་བཀོད་པ་ལ། ནག་པོ་ཆེན་པོས་བཟོད་པར་མཛོད་ཅིག་ས་མ་པ་ཐ་མི་ཐིའི་མཐའ་ཅན། འགོར་ཨོཾ་སྭ་སྟི་སིདྡྷཾ་དཔལ་མགོན་པོ་ཞལ་བཞི་པའི་ཞལ་གྱི་གདམས་པ་བསྟན་པ་ནི་ཞེས་ཡོད་པའི་བཙུན་པའི་མཐར་ཐུག་སྡིག་པ་ནག་པོའི་འཁྲུལ་འཁོར་གྱི་ལས་ཚོགས་གཙོ་འཁོར་གསུམ་བསྒོམ་མོའི་མཐའ་ཅན་རྣམས། གཞན་ཡང་གདོང་བཞི་པའི་སྒོ་ནས་སྲིའུ་གསོ་བ་རྒྱུད་རིན་ཅན་སྤུངས་རྒྱན་གྱི་གདམས་པ་མངལ་བསྲུང་བའི་ཆོ་གའོའི་མཐའ་ཅན། བུ་འཚོལ་བའི་མན་ངག་༼ལྡོང༽༼ཉི༽ལྟས་ཀྱི་ལེའུའོའི་མཐའ་ཅན། མངལ་བསྲུང་བའི་གདམས་༼ལྡོང༽༼ཉི༽པ་དབང་ཕྱུག་དང་པདྨ་ལ་བརྟེན་པ་གཉན་གྱི་ཨུ་པ་དེ་ཤའི་མཐའ་ཅན། མ་ཧཱ་ཀཱ་ལའི་སྐུ་གཟུགས་༼ཉི༽ལ་བརྟེན་ནས་སྲིའུ་གསོ་བ། འགོར་ཏཱ་ར་ན་མོ་ཞལ་བཞི་པའི་སྒོ་ནས་སྲིད་མེད་པ་སྲིད་དང་ཕྲད་པ་འདི་ལ་གསུམ་སྟེ་ཞེས་ཡོད་པའི་སྲིད་མེད་པ་འཚོལ་བ་ལུང་སྐམ་ཆུ་འབེབས། ཀླུང་ལོག་བུ་མོར་འོང་བས་སྲིད་པ་ལྟེ་བ་བསྒྱུར་བ། ཡོད་པ་གསོ་བའི་གདམས་པ་རྣམས་ཀྱི་ཡི་གེ་བླ་མ་གཉན་གྱིས་མཛད་པ་བཀའ་རྒྱ་མ། འགོར་ཏཱ་ར་ན་མོ་ནག་པོ་ཆེན་པོའི་སྒོ་ནས་ཆུང་སྲི་ཞེས་ཡོད་པའི་ཆུང་སྲི་འདུལ་༼ཉི༽བ་གཉན་ལོའི་མན་ངག་འི་མཐའ་ཅན། དཀར་ཆག་ན་འདི་གོང་མའི་ཁོངས་སུ་བསྡུས་པ་ལས་ཟུར་དུ་མེད། ཞལ་གདམས་སྙིང་གི་དུམ་བུར་གྲགས་པའི་ནང་
ཚན་ལ་འགོར་ཏྭ་ར་ན་མོ་ཙ་ཏུརྨུ་ཁའི་ཞལ་གདམས་སྙིང་གི་དུམ་བུ་ཞེས་ཡོད་པའི་སྤུ་གྲི་སོ་འདེབས་ཀྱི་གདམས་༼ལྡོང༽པ་རྣལ་འབྱོར་དབང་ཕྱུག་ཡར་ཀླུངས་པའི་ཟབ་ཆོས་གཞན་ལ་མི་སྟོན་པའི་བཀའ་རྒྱ་དམ་པོ་ཡོད་དོའི་མཐའ་ཅན་འགོར་ཏྭ་ར་ན་མོ་ཙ་ཏུརྨུ་ཁའི་རང་བསྲུང་གནད་ཀྱི་འཁོར་ལོ་ཞེས་ཡོད་པའི་རང་བསྲུང་ཕྲ་མོ་ཡིད་བཞིན་འཁོར་ལོའི་ཞལ་གདམས་གཅིག་ལས་མང་བ་ལ་མི་སྤེལ་གསུང་ངོའི་མཐའ་ཅན། འགོར་ན་མོ་བླ་མའི་ཞལ་ནས་སྤྱིར་འདི་ལ་ཞེས་ཡོད་པའི་རྟེན་གྱི་ཞལ་གདམས་ཕྱི་ནང་གཉིས་ཀ་ལ་རྩུབ་གསུང་ངོའི་མཐའ་ཅན། འགོར་ན་མ་གཏོར་མ་བཞི་ཞེས་ཡོད་པའི་གཏོར་མའི་ཞལ་གདམས་མཐའ་ཡས་པ་བྱ་འོའི་མཐའ་ཅན། འགོར་བླ་མ་དང་མ་ཧཱ་ཀཱ་ལ་ལ་ན་མོ་སྙིང་དང་འདྲ་བའི་སློབ་མ་གཅིག་ཅེས་ཡོད་པའི་སྔགས་ཀྱི་ཞལ་གདམས་སྔགས་སྒྲིགས་ས་མ་པ་ཐའི་མཐའ་ཅན། འགོར་ཤྲཱི་མ་ཧཱ་ཀཱ་ལ་པུ་ཛེ་ཏ་ཞེས་ཡོད་པའི་སྔགས་ཀྱི་ཞལ་གདམས་རྣམ་འགྱུར་འདི་ཚེ་བག་ཐུང་བ་ཡིན་ནོའི་མཐའ་ཅན། དཀར་ཆག་ན་འདི་གོང་གི་ཁོངས་སུ་བསྡུས་པ་ལས་ཟུར་ན་མི་གསལ། དགྲ་བགེགས་གསད་པ། གཞན་བསྲུང་བ། རང་བསྲུང་བའི་འཁོར་ལོའི་ཞལ་གདམས་རྡོ་རྗེ་འཛིན་པ་ཤྲཱི་ཝ་ན་མ་ཏིས་བསམ་གླིང་དགོན་པར་བྲིས་པ། དེའི་ཞར་བྱུང་འགོར་བླ་མའི་ཞལ་ནས་བོད་རྦད་གསད་གསུམ་ཞེས་ཡོད་པའི་རང་བསྲུང་གི་ཡི་གེ་མན་ངག་དངོས་སུ་བཀོད་པ་འོའི་མཐའ་ཅན་རྣམས། འདི་དཀར་ཆག་ན་མི་གསལ་བ་གོང་མའི་ཁོངས་སུ་བསྡུས་སམ་སྙམ། དེ་ཡང་དཀར་ཆག་ཏུ། སྔོན་ཆད་གངས་རིའི་ལྗོངས་འདིར་མ་གྲགས་པ། །སྔོན་གྱི་མཁས་གྲུབ་གཉན་ལོའི་ཐུགས་བཅུད་འདི། །བདག་གིས་འདྲེན་མཆོག་ཀུན་སྤངས་ཆོས་རྗེ་ལས། །གཞན་ན་
ཡོད་མེད་གཟུ་བོའི་བློས་ལྟོས་ཤིག །འདི་ལྟའི་མན་ངག་སྙིང་ཁྲག་ཞུན་མ་འདི། སྤེལ་བའི་གནས་མེད་བསེ་བྲག་དམར་པོར་སྦོས། །ཅིས་ཀྱང་སྤེལ་ན་སྣོད་ལྡན་གཅིག་ཉིད་ལ། །བཀའ་རྒྱ་ཐོབ་ལ་མགོན་པོ་དཔང་དུ་ཚུགས། ཞེས་འབྱུང་བ་ལྟར་ས་བཅད་གསུམ་པའི་སྐོར་འདི་ཁའུ་བྲག་རྫོང་པའི་བརྒྱུད་འཛིན་རྣམས་ལས་ཀུན་ལ་མ་གྲགས་པའི་ཟབ་ཅིང་གཉན་པས་སྣོད་དང་ལྡན་ངེས་ལ་ཆོས་སྐྱོང་དཔང་དུ་བཙུགས་ནས་སྟོན་དགོས་པའི་ཚུལ་འདི་སྙིང་གི་དཔལ་བེའུར་བཅང་བར་བྱའོ། །ཞར་བྱུང་དཔེ་རིས་ཀྱི་སྐོར་ལ། གཏུམ་པོ་རང་བསྲུང་གི་འཁོར་ལོ་རྩིབས་དྲུག་པ། ཆུང་བ་གྲི་གུག་མ། འོག་གི་འཁོར་བསྲུང་བའི་དཔེ་རིས་ཀྱང་དབྱིངས་འདི་ཁ་ལ་དྲི་ཚུལ་གྱི་ཁྱད་པར་ཅུང་ཟད་ཡོད། རང་བསྲུང་ཕྲ་མོ་ཡིད་བཞིན་འཁོར་ལོའི་དཔེ་རིས་རྒྱས་འབྲིང་བསྡུས་གསུམ། འདི་གསུམ་གྱི་དབྱེ་བ་ཞལ་ལས་ཤེས་དགོས། དཀར་ཆག་ན། རང་བསྲུང་འཁོར་ལོ་ཆེ་ཆུང་གསུམ་གསུངས་པའི་ཆུང་བ་ཤོག་དྲིལ་ཉེར་གཅིག་གི་ཁུ་ལྡོག་བསྲུང་བའི་རང་བསྲུང་འཁོར་ལོ་གྲི་ཐོད་མའམ་སྐུ་གསུང་ཐུགས་འཁོར་དུ་གྲགས་པ། ཞལ་བཞི་ཡོངས་སུ་རྫོགས་པའི་རང་བསྲུང་ཡང་ཟེར། གཏུམ་པོའི་སྒོ་ནས་མི་མ་ཡིན་དྲག་པོ་བསྲུང་བའི་འཁོར་ལོ། འཁོར་བསྲུང་བའི་གྲི་གུག་ཅན། ཤོག་དྲིལ་ཉེར་གཅིག་གི་གསང་བ་རང་སྲོག་རྟེན་གྱི་འཁོར་ལོ་རྩིབས་དྲུག་ཁ་སྦྱོར་ལུས་དང་གྲིབ་མ་བཞིན་འགྲོགས་པ། ཡི་གེ་རྙིང་པ་ལས་བྱུང་བའི་གསད་པའི་འཁོར་ལོ་ལིང་ཚེ་ཉི་ཤུ་པ་དང་། བཅོ་ལྔ་པ། དམར་གྱི་བཞེད་པ་གཅིག །ལིང་ཚེ་རྐྱང་པ་བཅོ་ལྔ་པ་དང་། ཉི་ཤུ་པ། ལིང་ག་འཁོར་ལོ་ཅན། ལིང་ག་ལིང་ཚེ་ཅན་འཁོར་ལོ་ཡོད་མེད་གཉིས། ཆོས་རྗ་ེས་པཎ་ལ་མགོན་པོ་ཉིད་ཀྱིས་གདམས་པའི་ལིང་ཚེ་ཉི་ཤུ་པ་དང་བཅོ་ལྔ་
པ། དེའི་བཞད་པའི་རང་བསྲུང་འཁོར་ལོ་ལིང་ཚེ་ཉི་ཤུ་པ་དང་བཅོ་ལྔ་པ། དེའི་བཞེད་པའི་ལིང་ག་འཁོར་ལོ་ཅན་གཉིས། དེའི་བཞེད་པའི་ལིང་ཚེ་རྐྱང་པ་གཉིས། དེའི་བཞེད་པའི་ལིང་ག་ལིང་ཚེ་ཅན་གཉིས། གཞན་ཡང་གོང་དང་ཅུང་ཟད་མི་འདྲ་བའི་ལིང་ཚེ་ཉི་ཤུ་པ་གཏོར་མ་ལ་འཛུགས་རྒྱུའི་འཁོར་ལོ་རྩིབས་དྲུག་པ། ལིང་ག་སྔགས་བཀོད་ལུགས་མི་འདྲ་བ་གཉིས་དང་སྔགས་མེད་གཅིག །རྡོ་ནག་མཎྜལ་མཆོད་གཏོར་དང་བཅས་པའི་ཤོམ། ཕྱག་མཚན། ལས་ཁུང་། རྡོ་ཟོར། རྭ་ཟོར་མདའ་ཟོར། ཐུན་ཁུངས། རློན་ཐུན། སྦྱིན་སྲེག་གི་ཐབ་ཁུང་མི་འདྲ་བ་གཉིས། རྫའི་ཨན་དྷ་མུ་ཤ །ལ་ཆའི་ཨནཱ་དྷཱ་མུ་ཤ །འབྲུ་ནག་གི་སྡིག་པ། སྒབ་འདྲེ་འབྲུག་མགོ་ཅན་གྱི་མནན་འཁོར། མལ་འོག་བསྲུང་བའི་ངག་མནན་འཁོར་ལོ། མ་ཧཱ་བ་ལ། དེའི་རྒྱབ་ཡིག །ལིང་ག །རྒྱ་གྲམ། གླང་དམར་གྱི་རྭ། ཚེ་སྒྲུབ་ཀྱི་བཅའ་གཞིའི་མཆོད་རྟེན། ནོར་སྒྲུབ་ཀྱི་བུམ་པ། དབང་སྡུད་གྲི་ལག །ལམ་བསྲུང་གི་རྡེའུ་དང་རྡོ་རྗེ་རྒྱ་གྲམ་རྩེ་མོར་ཕྱག་མཚན་དང་བཅས་པ། ཤྭ་ཟློག་ཕུར་ཐོད། བྱ་རོག་བསྐྲད་འཁོར་གྱི་འཁོར་ལོའི་ལིང་ག་དང་། བྱ་རོག་གི་གཟུགས། མ་ཆུན་སྤྲེའུའི་འཁོར་ལོ། ལྷ་མོ་ནག་མོའི་དཔེ། མངལ་བསྲུང་པདྨའི་ཕོ་འཁོར་མོ་འཁོར་དབང་ཕྱུག་གི་གཟུགས། ནཱ་ག་སྟོབས་འཕྲོག་གི་ལིང་ག །སྭ་ཙྪ། བུམ་པ། རྒྱ་གྲམ། ཡང་ལིང་ག་འཁོར་ལོ་ཅན་ལུགས་གཅིག །ཀླུ་སྒྲུབ་རྒྱ་གཞུང་གི་ཤམ་བུ་བརྒྱད་པའི་དཀྱིལ་འཁོར་ལིང་ག །ཐུན་སྣོད་དང་བཅས་པ། ནམ་མཁའ། རྒྱང་བུ། མདའ་འཕང་། ཕོ་གདོང་མོ་གདོང་། རི་རབ་གླིང་བཞི། གདུགས་སོགས་མདོས་ཀྱི་ཆ་ལག་རྣམས། གཞན་ཡང་དཔེ་རིས་རྙིང་པ་ན་མེད་པའི་མགོན་པོ་ཆེ་ཆུང་གི་དམ་རྫས་རྒྱན་
གྱི་གཏོར་མ། དཔལ་གྱི་ཞལ་ཟས། ཛམྦུ་ཏི་བ། བཤོས་བུ་དམར་ནག །གུར་གྱི་བསྙེན་སྒྲུབ་རྗེས་གནང་གི་གཏོར་དཔེ། དུད་སོལ་མའི་གཏོར་མ། ཞལ་གྱི་དམ་ཚིག་བཀང་སོ་དང་རྟག་གཏོར། པུ་ཏྲའི་གཏོར་མ། བེག་རྩེའི་གཏོར་མ། གཞི་བདག་གཏོར་མ། དམར་ཆེན་གཏོར་མ། མགོན་པོ་ཆེ་ཆུང་གི་གཏོར་མའི་དར་གུར། ཟངས་གྲི་ཅན་གྱི་ཟོར་གཏོར། ཞལ་གྱི་གཏོར་ཆེན་གྱི་དཔེ་རྣམས་རྡོ་རྗེ་འཆང་མགོན་པོ་བསོད་ནམས་མཆོག་ལྡན་གྱི་ཞལ་བཀོད་མ། གཉིས་པ་དཀར་ཆག་གིས་མ་ཟིན་པའི་སྐོར་ལ། ཕྱི་སྒྲུབ་དང་ཁྱད་པར་གྱི་མན་ངག་ལ་མཁོ་བའི་སྐོར། གསང་སྒྲུབ་ཀྱི་སྐོར། ཕྱི་སྒྲུབ་ཀྱི་སྙིང་པོར་གྱུར་པ་ཟབ་པ་ལས་ཀྱང་ཆེས་ཟབ་པའི་སྙིང་ཐིག་ཧ་ལ་ནག་པོའི་སྐོར་དང་གསུམ། དང་པོ་ལ། འགོར་གདོང་བརྙན་ཅན་ལ་གཏོར་མ་འབུལ་ན་པཾ་ལས་པདྨ་རཾ་ལས་ཉི་མའི་དཀྱིལ་འཁོར་གྱི་སྟེང་དུ་བཟས་པ་བསྒྱེལ་ཞེས་ཡོད་པའི་གླང་༼འབུམ༽གདོང་ཕྱག་དྲུག་པའི་གཏོར་འབུལ་ཨེ་ཀ་ཛ་ཊི་ཧཱུྃ་ཕཊ་ཅེས་པའོ་འི་མཐའ་ཅན། འགོར་ཨོཾ་སྭསྟི་བླ་མ་དང་མ་ཧཱ་ཀཱ་ལ་ལ་ཕྱག་འཚལ་ལོ་འཇིགས་པའི་ཚོགས་རྣམས་འཇོམས་མཛད་པ་ཞེས་སོགས་ཀྱི་མཆོད་བརྗོད་ཤླཽ་ཀ་གཉིས་མདོ་སྟོད་པ་འཇམ་དབྱངས་རྒྱལ་མཚན་གྱིས་མཛད་པའི་འགྲེལ་པ་དྲི་མེད་དོན་གསལ་ཇི་ལྟ་བ་ལ་དེ་ནས་སློབ་དཔོན་ཀླུ་སྒྲུབ་ཀྱིས་མཛད་པའི་རྒྱ་གཞུང་ལ་དཔང་པོ་བྱས་ཞེས་ཡོད་པའི་གདོང་༼འབུམ༽བརྙན་ཅན་གྱི་བསྙེན་པའི་ཡི་གེ་འཕགས་པ་ཀླུ་སྒྲུབ་སྙིང་པོའི་རྒྱ་གཞུང་ལྟར་བསྙེན་པའི་ཆོ་ག་འོའི་མཐའ་ཅན། ཐམས་ཅད་མཁྱེན་པ་བསོད་ནམས་རྒྱ་མཚོས་བསྐུལ་ནས་ཚར་ཆེན་ཆོས་ཀྱི་རྒྱལ་པོས་མཛད་པའི་ཞིང་སྐྱོང་སྟོབས་འཕྲོག་གདོང་བཞི་པ་ལས་སྦྱོར་གྱི་མགོན་པོ་གདོང་བརྙན་ཅན་འཁོར་
མང་དང་བཅས་པ་ལ་བསྟོད་ཅིང་༼དབང༽འཕྲིན་ལས་གསོལ་བ་བདུད་དགྲའི་སྲོག་འཕྲོག་དམ་ཉམས་ཀྱི་ཙིཏྟ་དམར་འབྱིན། འགོར་བླ་མ་དམ་ཅན་སྲུང་མའི་ཚོགས་ལ་ཕྱག་འཚལ་ལོ། ཤེས་བྱ་ཀུན་ལ་བློ་གྲོས་རབ་རྒྱས་ཤིང་ཞེས་ཡོད་པའི་གདོང་བཞི་པའི་ལོ་རྒྱུས་དཀར་ཆག་བསྐྱེད་ཆོག་མི་འདྲ་བའི་ཁྱད་པར་མཁའ་འགྲོ་འཁུ་ལྡོག་སྤོང་བ་དང་བཅས་སྟོན་པའི་ཡི་གེ་བདག་ཆེན་རྡོ་རྗེ་འཆང་བློ་གྲོས་རྒྱལ་མཚན་གྱིས་མཛད་པ་མངོན་སུམ་ཉིད་དུ་གྲུབ་པའི་ལས་མཛོད་ཅིག་གི་མཐའ་ཅན། འདི་འགོའི་མཆོད་བརྗོད་ལ་བདག་ཆེན་རྗེའི་མཚན་སྤེལ་ཡོད་པ་དེ་རྡོ་རིང་རིན་པོ་ཆེའི་གསུང་ཡིན་པ་འདྲ་ཞེས་ཡིག་ཆར་སྣང་ངོ་། །འགོར་རྡོ་རྗེ་འཆང་དབང་རྩ་བའི་བླ་མ་དང་ཞེས་ཡོད་པའི་རྒྱུད་འདེབས་༼གླང༽༼ཁྲ༽ཀྱི་ལོ་རྒྱུས་ཟུང་ལྡན་གྱི་རྒྱན་དང་བཅས་པ་བདུད་རྩིའི་འོད་ཅན་ཞེས་བྱ་བ་རྡོ་རྗེ་འཆང་ཚར་པ་བློ་གསལ་རྒྱ་མཚོས་ཁའུ་བྲག་རྫོང་ནག་པོར་མཛད་པ། དེས་མདོ་ཁམས་པ་དབོན་པོ་དཔལ་གྲུབ་དང་བསོད་ནམས་མཆོག་གྲུབ་གཉིས་ཀྱིས་བསྐུལ་བ་ལྟར་ན་ལནྡར་༼ལྡོང༽མཛད་པའི་རྡོ་རྗེ་ནག་པོ་ཆེན་པོ་སྟོབས་འཕྲོག་དབང་པོ་གདོང་བཞི་པ་འཁོར་བཅས་ཀྱི་རྗེས་གནང་དངོས་གྲུབ་རྒྱ་མཚོ། བསྐུལ་བ་པོ་དང་མཛད་པོ་གོང་ལྟར་གྱི་དཔལ་སྟོབས་འཕྲོག་དབང་པོ་གདོང་བཞི་པ་སྒྲུབ་༼ཏ༽དུས་ཀྱི་ཐུན་མོང་མ་ཡིན་པའི་རྗེས་གནང་ཆིག་བརྒྱུད་གསེར་ཆོས་ཀྱི་ཡིག་ཆུང་། སྒྲུབ་དུས་ཀྱི་མགོན་པོ་ཞལ་ཁྲ་ཅན་གྱི་རྗེས་གནང་གི་ཁོག་ཕུབ་བསྙེན་དུས་སྒྲུབ་དུས་ཐུན་མོང་མ་ཡིན་པ། དཀར་པོ་ཚེ་འཕེལ་ཐུན་མོང་མ་ཡིན་པ། དམར་པོ་དབང་སྡུད། སེར་པོ་རྒྱས་བྱེད་ལྷ་དགུ །སྔོན་པོ་བགེགས་འཇོམས་དང་བཅས་པ་རྣམས་ཀྱི་ཐོ་ཡིག་༼ངག༽མུན་སེལ་སྒྲོན་མེ་ཞེས་
བྱ་བ་ཐམས་ཅད་མཁྱེན་པ་ངག་དབང་ཆོས་གྲགས་ཀྱིས་མཛད་པ། དེས་རྩེ་གདོང་ཕྱོགས་ལས་རྣམ་པར་རྒྱལ་བའི་ཆོས་གྲྭར་མཛད་པའི་དཔལ་མགོན་གདོང་བརྙན་༼འབུམ༽༼ངག༽ཅན་གྱི་རྗེས་གནང་གོ་བདེ་བཀླག་ཆོག་ཏུ་བཀོད་པ། འགོར་ཏཱ་ར་ན་མོ་འདི་ཆིག་བརྒྱུད་མ་གཏོགས་ཡེ་མི་བྱེད་དོ་ཞེས་ཡོད་པའི་གནད་དབབ་༼ཨཱ༽ཀྱི་མགོན་པོ་ནང་གཤིན་རྗེ་ལྟར་སྒྲུབ་པའི་མངོན་རྟོགས་རྗེས་གནང་གི་ཡི་གེ་དཀྱུས་དང་འདྲའོའི་མཐའ་ཅན་ཚར་ཆེན་གྱི་གསུང་། དེའི་གསུང་འགོར་ཏཱ་ར་ན་མ་བྲམ་ཟེ་མངགས་པའམ་བྲན་དུ་གཏད་པ་ཞེས་ཡོད་པའི་བྲམ་ཟེ་ནག་པོ་མངགས་གཏད་ཀྱི་རྗེས་༼བྲཾ༽གནང་འཆོལ་པར་སྤྱད་ན་དམ་ཚིག་ཉེས་པ་ཆེན་པོར་འགྱུར་དེ་བས་གསང་ཞིང་སྦ་བར་བྱ་འོའི་མཐའ་ཅན། འགོར་ཨོཾ་སྭ་སྟི་རྡོ་ནག་པོ་མི་གཅིག་གིས་ཐེག་མི་ཐེག་ཅིག་ཅེས་ཡོད་པའི་སྒྲུབ་དུས་ཀྱི་ལས་ཁྲིགས་གསལ་བྱེད་ཀྱི་ཡི་གེ་རྙིང་པ་ཞེས་སྤེལ་བ་ནི་མན་ངག་དམ་པའོའི་མཐའ་ཅན། དཔལ་མགོན་གདོང་བཞི་པའི་གཏོར་མ་ཞི་བ་དམ་ཚིག་བསྐང་བའི་གཏོར་སྐྱོང་དང་གཏོར་མའི་ལས་ཙམ་གྱིས་དགྲ་བགེགས་འདུལ་བའི་ཚེ་བྱ་བ་དྲག་པོ་གཏོར་ཆེན་གྱི་ཚུལ་ལྷན་ཅིག་ཏུ་གསལ་བར་སྟོན་པའི་ཆོ་ག་གནམ་ལྕགས་༼རྡོ་རྗེ༽འབར་བ་ཞེས་བྱ་བ་མཐུ་སྟོབས་གྱི་དབང་ཕྱུག་དཔལ་རྡོ་རྗེ་གདན་པ་ཀུན་དགའ་རྣམ་རྒྱལ་གྱིས་མཛད་པ། འགོར་ཨོཾ་སྭ་སྟི་དཔལ་ལྡན་ས་སྐྱ་པའི་བསྟན་འཛིན་ཐམས་ཅད་ཀྱི་གཙུག་རྒྱན་ཞེས་ཡོད་པའི་ཞལ་བཞི་པའི་དམ་ཚིག་བསྐང་གསོ་རྡོ་རྗེ་འཆང་ཚར་པ་ཆོས་རྗེའི་གསུང་༼ཀུ༽རྒྱུན་ཕྱག་ལེན་ལྟར་མཁན་ཆེན་གཞོན་ནུ་བློ་གྲོས་ཀྱིས་ཟིན་བྲིས་སུ་མཛད་པ་ནག་པོ་ཆེན་པོ་མཆེ་བ་ཅན་སོགས་ཀྱི་བསྐུལ་བྱའི་མཐའ་ཅན། འགོར་ཨ་མྲི་ཏས་བསངས་སྭ་བྷཱ་ཝས་སྦྱངས་
ཞེས་ཡོད་པའི་རྡོ་རྗེ་ནག་པོ་ཆེན་པོ་སྟོབས་འཕྲོག་དབང་པོའི་གཏོར་མ་དྲག་པོའི་ཆོག་༼རྡོ་རྗེ༽བསྒྲིགས་ཚར་ཆེན་ཆོས་ཀྱི་རྒྱལ་པོའི་ཞལ་སྔ་ནས་ཀྱིས་མཛད་པ་གནོད་བྱེད་ཚར་བཅད་པར་བསམ་མོའི་མཐའ་ཅན། དཔལ་མགོན་གདོང་བཞི་པའི་གཏོར་ཆེན་གྱི་༼རྡོ་རྗེ༽འཆམ་ཡིག་ཐུ་བཙུན་ཐམས་ཅད་མཁྱེན་པ་ཀུན་དགའ་རྣམ་རྒྱལ་གྱིས་མཛད་པ། དེས་མཛད་པའི་གཏོར་ཆེན་གྱི་རྔ་བརྡུང་བསྟན་པ་ནི་ཞེས་ཡོད་པའི་གཏོར་ཆེན་འཆམ་༼རྡོ་རྗེ༽ཡིག་གི་ཞལ་ཤེས་མཐར་དགུ་བརྡུང་འབའ་ཞིག་གིས་སྡུད་དོའི་མཐའ་ཅན། དཔལ་མགོན་ཁྱུང་ཞལ་ཅན་གྱི་རྗེས་གནང་༼ཤཱི༽གི་ཡི་གེ་ལས་སྦྱོར་གྱི་མགོན་པོར་བཏགས་གསུང་ངོའི་མཐའ་ཅན། དཔལ་མགོན་སེང་གེ་ནག་པོའི་གཏོར་ཆོག་༼བཛྲ༽ལས་དང་པོ་བ་འགའ་དང་རང་གི་རྒྱུན་གཏོར་གྱི་ཕྱིར་ཕུན་ཚོགས་གླིང་དུ་བྲིས་པ། དེའི་རྗེས་གནང་འགོར་༼བཛྲ༽མཁྱེན་བརྩེའི་འོད་ཟེར་སྟོང་འཕྲོས་པས་ཞེས་ཡོད་པ་ག་ག་ན་དྷརྨ་ཤྲཱིས་བྲིས་པ། འགོར་དཔལ་མགོན་གདོང་བཞི་པའི་བསྲུང་༼དབང༽༼ས༽༼གླང༽༼ཁྲ༽འཁོར་ཚེ་སྒྲུབ་ཅེས་ཡོད་པའི་ཡི་གེ་རིན་པོ་ཆེ་རྟ་ར་པའི་གསུང་ལ་རྡོ་རྗེ་འཆང་དབང་ཕྱུག་རབ་བརྟན་གྱིས་རེག་ཟིག་མཛད་པ་དེ་མ་གཏོགས་རྒྱུན་ཁྱེར་ཇི་ལྟ་བས་འཁྲིད་མཛད་ཀྱི་འདུག་གོའི་མཐའ་ཅན། ས་སྐྱ་ཁྲི་ཆེན་ངག་དབང་ཀུན་དགའ་བསོད་ནམས་ཀྱིས་མཛད་པའི་བསྲུང་༼མུས༽འཁོར་ཚེ་སྒྲུབ་ཀྱི་ཡི་གེ་བདུད་རྩི་འགུགས་པའི་ལྕགས་ཀྱུ། གཉིས་པ་གསུང་གི་མགོན་པོ་དམར་པོའི་ཉམས་ལེན་སྙན་བརྒྱུད་ཟབ་མོའི་བདུད་རྩི་རྣལ་འབྱོར་༼ལྡོང༽༼དབང༽༼ས༽༼གླང༽༼ཁྲ༽དབང་ཕྱུག་ཡར་ཀླུངས་པས་མཛད་པ་ཆོས་བདག་ཞིང་སྐྱོང་མཁའ་འགྲོར་གཏད་པའི་མཐའ་ཅན། དེས་མཛད་པའི་རྒྱས་པ་གཙོ་འཁོར་དགུའི་
འཁྲིད་གཞན་ལ་མེད་པའི་ཁྱད་ཆོས་བླ་མ་དམ་པའི་བཀའ་༼ལྡོང༽༼དབང༽༼ས༽༼གླང༽༼ཁྲ༽དང་བཤེས་གཉེན་དམ་པ་འགའི་ངོར་བཀོད་པ་ཆོས་བདག་ཞིང་སྐྱོང་མཁའ་འགྲོར་གཏད་པའི་མཐའ་ཅན། དེས་མཛད་པའི་གསུམ་པ་རྒྱས་པའི་ལས་སྒྲུབ་ན་ཡོན་ཏན་གྱི་མགོན་པོ་སེར་པོ་ལྷ་ལྔའི་ཉམས་ལེན་བརྒྱུད་པ་བཟང་ལྡན་༼ལྡོང༽༼དབང༽༼ས༽༼གླང༽༼ཁྲ༽ས་སྐྱ་པའི་སྙན་བརྒྱུད་ཟབ་མོའི་གདམས་པ་ཆོས་བདག་ཞིང་སྐྱོང་མཁའ་འགྲོར་གཏད་པའི་མཐའ་ཅན། སྐུ་སྐྱེ་རིན་པོ་ཆེ་བསོད་ནམས་ཡེ་ཤེས་དབང་པོས་བསྐུལ་བ་ལ་བརྟེན་ནས་ཐམས་ཅད་མཁྱེན་པ་བསོད་ནམས་རྒྱ་མཚོས་བྱང་ཕྱོགས་ཐེག་ཆེན་ཆོས་འཁོར་གླིང་དུ་མཛད་༼ཕ༽པའི་ཞལ་བཞི་པ་དཀར་པོའི་ཚེ་སྒྲུབ་ཀྱི་ཡི་གེ་ཟླ་བའི་ཆུ་རྒྱུན་གྱི་སྙིང་པོ་བསྡུས་པ། རྡོ་རྗེ་འཆང་ཚར་པ་ཆོས་རྗེས་མཛད་པའི་བླ་རྡོ་བཅའ་བའི་ཐབས། ༼ལྡོང༽མན་ངག་གིས་རྣམ་པར་བརྒྱན་པ་དེས་མཛད་པའི་ཆུ་བོ་གངྒཱ་ཡང་གྱེན་ལ་ངེས་པར་ལྡོག་ནུས་པའི་ཤྭ་ཟློག་གི་མན་ངག་རྗེ་བཙུན་ཀུན་སྤངས་༼ལྡོང༽༼ས༽༼གླང༽༼ཁྲ༽ཆེན་པོའི་གསུང་གི་ཉིང་ཁུ་འགྲོ་དོན་དཔག་ཡས་ས་སྟེང་ཁྱབ་པར་ཤོག་གི་མཐའ་ཅན། བླ་མ་གསེར་གླིང་པའི་མན་ངག་རྒྱ་གར་ཁྲག་འཐུང་ནག་པོ་ལ་ཞུས་པ་སྲོག་མེ་ཁབ་༼ས༽མ་གསེར་སྲང་བདུན་མའི་ཡོན་ཏན་ཡར་ཀླུངས་པའི་ཕྱག་དཔེ་ལས་བཤུས་པ། དཔལ་མགོན་གདོང་བཞི་པའི་ཐབས་བཟློག་བརྩི་བའི་མན་ངག་༼ས༽རྡོ་རྗེ་འཆང་དབང་ཕྱུག་རབ་བརྟན་གྱིས་མཛད་པ། འགོར་ན་མ་ཙ་ཏུརྨུ་ཁ་འགབ་ཆད་དང་གཞོགས་དྲུད་དང་ཞེས་ཡོད་པའི་དཔལ་འབར་གྱི་མེ་བཀྲ་བརྟག་པ་ཁའུ་པས་གནང་བའི་མཐའ་ཅན། འགོར་སྐྱབས་མེད་སྐྱོབ་པ་རྣམས་ལ་ཕྱག་འཚལ་ལོ་སྒྲུབ་པའི་ཁང་པ་དབེན་པ་རུ་ཞེས་ཡོད་པའི་མེ་བཀྲ་དང་དུ་བ་བརྟག་པ་ཞལ་ལས་ཤེས་པར་བྱའོའི་
་མཐའ་ཅན། འགོར་ཏྭ་ར་ན་མོ་མེ་བཀྲ་འདི་ལ་བཟང་པོའི་རྟགས་བཞི་ཞེས་ཡོད་པའི་མེ་བཀྲ་བརྟག་པ་མངོན་ཤེས་སུ་འགྱུར་རོའི་མཐའ་ཅན། དཔལ་འབར་༼དབང༽བཀྲ་རྟགས། བ་ལིང་བཀྲ་༼དབང༽རྟགས་རྣམས། གཉིས་པ་གསང་སྒྲུབ་ཀྱི་སྐོར་ལ། དཔལ་མ་ཧཱ་ཀཱ་ལ་ཞལ་བཞི་པའི་གསང་སྒྲུབ་ཀྱི་རྣམ་གཞག་གསལ་བར་བྱེད་པ་སྙིང་གི་ཡང་ཐིག་ཅེས་༼ས༽༼གླང༽༼ཁྲ༽བྱ་བ་རྡོ་རྗེ་འཆང་ཚར་ཆེན་བློ་གསལ་རྒྱ་མཚོས་ཁའུ་བྲག་རྫོང་ནག་པོའི་རུ་འདྲེན་གྱི་ཕོ་བྲང་སུམ་ཅུ་རྩ་གསུམ་དུ་མཛད་པ། དེས་མདོ་ཁམས་པ་ལྕགས་སྒོམ་ཆོས་རྗེའི་གསུང་ཇི་ལྟ་བ་བཞིན་༼གླང༽མཛད་པའི་འགོར་བླ་མ་མཆོག་དང་ཡི་དམ་ལྷ་ཞེས་ཡོད་པའི་གསང་བ་ཐུན་མོང་མ་ཡིན་པའི་རྗེས་གནང་གི་ཐོ། དེས་མཛད་པའི་ཞིང་སྐྱོང་གདོང་བཞི་པའི་གསང་འཁྲིད་ཀྱི་སྔོན་འགྲོ་རྣམ་པ་བཞིའི་འཁྲིད་ཉམས་ལེན་གྱི་སྙིང་པོ་དྲིལ་བ་ཡིན་ནོའི་མཐའ་ཅན། ལྕགས་སྒོམ་ཆོས་རྗེའི་གསུང་བཞིན་དེས་དམ་པའི་གསུང་ངོར་བྲིས་༼གླང༽པའི་ཞིང་སྐྱོང་དབང་པོའི་གསང་འཁྲིད་ཀྱི་སྐབས་སུ་འཁོར་ལོ་བཞི་ལ་བརྟེན་པའི་ལས་སྦྱོར་གྱི་གདམས་པ་སྙན་བརྒྱུད་མ། གོང་གི་འཕྲོས་འགོར་གསུམ་པ་ཙིཏྟ་དྷརྨ་ཙཀྲ་ཞེས་ཡོད་པའི་ཆེས་ཟབ་༼གླང༽༼ས༽༼ཁྲ༽ཡང་གསང་སྙིང་ག་ཆོས་ཀྱི་འཁོར་ལོའི་ལས་སྦྱོར་གྱི་ཡི་གེ་རྟགས་མྱུར་དུ་འབྱུང་བ་ནི་ངེས་པའོའི་མཐའ་ཅན། འདི་གཉིས་ཅུང་ཟད་འདྲ་མིན་འདུ།ལུང་ནི་གཉི་ག་མནོས་ལ་ཕྱི་མ་ལེགས་པར་མངོན། འགོར་གསུམ་པ་ལས་སྦྱོར་ལ་ཐུན་མོང་དང་ཐུན་མོང་མ་ཡིན་པ་ཞེས་ཡོད་པའི་སྙིང་ག་༼གླང༽༼ས༽༼ཁྲ༽ཆོས་ཀྱི་འཁོར་ལོའི་ལས་སྦྱོར་སྙན་བརྒྱུད་ཞལ་ཤེས་ཁོ་ན་ཡིན་གྱི་མཐའ་ཅན། བསྙེན་སྒྲུབ་ལས་གསུམ་༼གླང༽གྱི་ཕྱི་མའི་ཡང་ཡིག །འགོར་ལྷ་མོ་ནག་མོའི་གདམས་པ་ནི་རང་ཉིད་སྒྲུབ་པའི་
དུས་ཀྱི་མགོན་པོ་ཞེས་ཡོད་པའི་ལས་སྦྱོར་སྤོགས་ཆོག་གི་དུས་སུ་ཉེ་བར་མཁོ་བའི་ལྷ་མོ་ནག་མོའི་གནད་འབེབས་ཤོག་དྲིལ་གྱི་གནད་འབེབས་ལས་ཁྱད་པར་དུ་གྱུར་བའི་ཟབ་ཁྱད་ཅན་ཚར་ཆེན་ཆོས་ཀྱི་རྒྱལ་པོའི་གསུང་རྒྱུན་གཞན་དུ་མ་འཁྱར་བ་མཛོད་ཅེས་བཀའ་བསྒོ་ཡོད་དོའི་མཐའ་ཅན། ཆབ་མདོ་བྱམས་པ་གླིང་གི་གདན་ས་པ་བ་སོ་སྤྲུལ་སྐུ་ལྷ་དབང་ཆོས་ཀྱི་རྒྱལ་མཚན་གྱིས་བསྐུལ་བ་ལ་བརྟེན་ནས་ཐམས་ཅད་མཁྱེན་པ་བསོད་ནམས་རྒྱ་མཚོས་རྫ་ངོམ་ཆབ་མདོའི་སྒར་ཐོག་ཏུ་མཛད་པའི་གསང་འཁྲིད་དངོས་༼ཕ༽གྲུབ་ཀྱི་སྙེ་མ་ཞེས་བྱ་བ་ཟུང་འཇུག་རྣམ་རོལ་ལས་ཉེ་བར་བསྡུས་པ། ཟབ་ཆོས་འདི་ཉིད་འཆད་པ་ལ་མེད་དུ་མི་རུང་བའི་སྙིང་ནང་གི་ཁྲག་ལྟ་བུའི་འཁྲིད་ཡིག་༼གླང༽རྡོ་རྗེ་འཆང་དབང་ཕྱུག་རབ་བརྟན་གྱིས་ཟིན་བྲིས་སུ་མཛད་པ། འདི་ཉིད་མཐུ་སྟོབས་ཀྱི་དབང་ཕྱུག་དགོན་གསར་བ་བསོད་ནམས་ཆོས་འཕེལ་གྱི་བཀའ་དྲིན་ལ་བརྟེན་པའི་རྒྱུ་མཚན་གྱིས། མཇུག་ཏུ། རྒྱལ་བ་ཀུན་དངོས་ཁྱབ་བདག་རྡོ་རྗེ་འཆང་། །རིགས་བརྒྱའི་འཁོར་ལོས་བསྒྱུར་བའི་ཟློས་གར་གྱིས། །དེང་འདིར་སྐྱེ་རྒུའི་དོན་སླད་བཤེས་གཉེན་སྐུ། །ཕ་རྒོད་སྐུ་དྲིན་དབང་པོ་དགོན་གསར་བ། །མགོན་དེའི་གསུང་གི་གསང་བ་མི་ཟད་པ། །ཟབ་རྒྱས་སྙན་བརྒྱུད་བདུད་རྩིའི་རྒྱ་མཚོ་ལས། །དད་གུས་སྙིམ་པའི་བཅུད་ཀྱིས་བསྡུས་པ་འདི། །སྐལ་བཟང་སྙིང་ལ་གྲུབ་པའི་དགའ་སྟོན་སྤེལ། ཞེས་པའང་སྣང་ངོ་། །འགོར་བཅོམ་ལྡན་འདས་དཔལ་རྡོ་རྗེ་སེམས་དཔའ་ཞེས་ཡོད་པའི་གསང་འཁྲིད་ཀྱི་ཟིན་བྲིས་༼ཞ༽མཁན་ཆེན་ཞ་ལུ་པ་རྡོ་རྗེ་འཆང་རིན་ཆེན་བསོད་ནམས་མཆོག་གྲུབ་ཀྱིས་མཛད་པ་ཡིག་ཆུང་ལྟར་གསུང་གིན་འདུག་གོའི་མཐའ་ཅན་རྣམས། གསུམ་པ་ཕྱི་སྒྲུབ་ཀུན་གྱི་སྙིང་པོར་གྱུར་པ་ཟབ་པ་ལས་ཀྱང་ཆེས་ཟབ་
པའི་སྙིང་ཐིག་ཧ་ལ་ནག་པོའི་སྐོར་ནི། ཕྱི་བྲམ་ཟེ་ལྟར་སྒྲུབ་པ། ནང་ཞིང་སྐྱོང་གཟི་ལྡན་དབང་ཕྱུག་གི་སྒྲུབ་པ། གསང་བ་སྟོབས་འཕྲོག་ནག་པོར་སྒྲུབ་པ་གསུམ་ལས་ཕྱི་མ་སྟེ། གོང་གི་ཕྱི་སྒྲུབ་དང་ཁྱད་པར་གྱི་མན་ངག་རྣམས་སུ་གབ་སྦས་ཐོར་བུ་བཞུགས་པས་ཤེས་རློམ་ཅན་དག་མན་ངག་གི་ཁོག་སྒྲིག་མི་ཤེས་པས་དཔེ་མཐོང་བས་ཕྱོགས་ཙམ་ཡང་མི་རྟོགས་པའི་ཕྱིར་སྙན་བརྒྱུད་ཀྱི་གདམས་པ་ཟབ་མོ་དང་ལྡན་པའི་རྡོ་རྗེ་སློབ་དཔོན་གྱི་གསུང་རྒྱུན་ཞལ་ཤེས་ཕྱག་འཁྲི་ཁོ་ན་ལ་བལྟོས་དགོས་པས། རྗེ་བཙུན་ཀུན་སྤངས་རྡོ་རིང་པ་ཆེན་པོ་ཡན་ཆད་དུ་ཡི་གེར་གསལ་བར་བཀོད་པ་མེད་འདུག་ནའང་། སྙིགས་མ་ལྔ་ཆེས་ཆེར་བདོ་ཞིང་བདུད་རིགས་སྙིང་ལ་ཞུགས་པའི་སྐྱེ་བོ་མི་བསྲུན་པ་དག་གི་རྣམ་པར་འཚེ་བ་བསྲུང་བ་ལ་ཇི་སྐད་དུ། འཕགས་པའི་ཡུལ་དང་གངས་རིའི་ལྗོངས་འདི་ན། །བསྟན་པ་བསྲུང་བའི་ཆོས་སྐྱོང་བགྲང་ཡས་ཀྱང་། །ཁྲོ་ཞིང་འཁྲུག་ལ་གཉན་ཞིང་མྱུར་བ་ནི། །ཡོངས་སུ་གྲགས་པ་སྟོབས་འཕྲོག་དབང་པོ་ཡིན། །ཞེས་ཆེས་ཁྱད་པར་དུ་འཕགས་པའི་གདམས་སྐོར་རྣམས་མེད་དུ་མི་རུང་བ་ལྟ་བུ་ཡིན་ནའང་། ཀྭ་ཡེ་ད་ནི་ལང་ཚོ་མཐོན་པོར་སོང་། ཁ་བའི་ཁྲོད་ན་འདི་འདྲ་ཤེས་པ་མེད། །ག་ལེ་སྤེལ་ཀྱང་ནུབ་པར་གྱུར་དོགས་ནས། །ང་ཡིས་འདི་ནི་ཡི་གེར་གསལ་བར་བྲིས། །ཞེས་བསྟན་པ་རིན་པོ་ཆེའི་བཙས་སུ་འཁྲུགས་བསྡེབས་སུ་མཛད་པ་ཤིན་ཏུ་རྣོ་བ་རེག་ཐབས་མེད་པ་ལྟ་བུ་ནས། དེ་ལྟར་འདི་ནི་སྲོག་འཕྲོག་ཧ་ལའི་དུག །བསྟན་དགྲའི་ཀླད་འགེམས་གཤིན་རྗེའི་དབྱུག་པ་སྟེ། །རྣལ་འབྱོར་སྒོས་དགྲའི་
སྙིང་འབྱིན་བཤན་པ་ཆེ། །གང་ལའང་ཐོགས་མེད་གནམ་ལྕགས་འབར་བའི་མཚོན། །ས་སྐྱའི་རྗེ་བཙུན་ཐུགས་ཀྱི་གཅེས་པའི་ནོར། །ཀུན་སྤངས་ཆོས་རྗེའི་ཞལ་གྱི་བདུད་རྩིའི་བཅུད། །སངས་རྒྱས་བསྟན་པ་བསྲུང་བའི་མཚོན་ཆའི་མཆོག །རྣལ་འབྱོར་གཡུལ་ལས་རྒྱལ་བའི་དཔའ་བོའི་ཆོས། །ཞེས་དགའ་རབ་དབང་ཕྱུག་སྡེ་དང་བཅས་པ་ལས་རྣམ་པར་རྒྱལ་བའི་གོ་མཚོན་ཡིན་ལ། དེ་ཡང་དགོས་པའི་གཙོ་བོ། གང་འདི་ཐུབ་བསྟན་འཇིག་ལ་ཐུག་པའམ། །རྣལ་འབྱོར་ཁ་ཞན་སྐྱབས་དང་བྲལ་གྱུར་ནས། ཁ་དྲག་དཔུང་གིས་བསྡིགས་ཤིང་གནོད་པའི་ཚེ། །མཚོན་འདི་ཕྱུང་ལ་སྡིག་ཅན་ཆོས་དབྱིངས་སྐྱོལ། །ཞེས་བསྟན་པའི་སྤྱི་དགྲ་དང་རྣལ་འབྱོར་བྱང་ཆུབ་སྒྲུབ་པའི་སྒོས་དགྲ་བསྒྲལ་བ་ལ་དགོངས་ནས་མཛད་པ་ཡིན་པས། དེ་ལ་མ་ཡིག་དང་བུ་ཡིག་གཉིས། དང་པོ་ནི་དཔལ་མགོན་ཞིང་སྐྱོང་ནག་པོ་ཆེན་པོ་དགྲ་བོའི་སྟོབས་འཕྲོག་གདོང་བཞི་པའི་སྒྲུབ་ཐབས་ཐུན་མོང་མ་ཡིན་པ་གསང་བ་ལས་ཀྱང་ཆེས་གསང་བ་སྙིང་ཐིག་ཧ་ལ་ནག་པོའི་བེ་བུམ་ཞེས་བྱ་བ། འདི་ཉིད་ཀྱི་ལུང་གནང་བའི་དུས་མགོན་པོའི་བྲིས་འབུར་གྱི་སྐུ་བྱིན་རླབས་ཅན་གྱི་དྲུང་དུ་མཆོད་གཏོར་དང་བཅས་ཏེ་སྤྱིར་ལས་འབྲས་ལ་འཛེམ་ཞིང་བསྟན་པ་རིན་པོ་ཆེ་གཅེས་སྤྲས་དང་། ཁྱད་པ་ན་དཔལ་ལྡན་ས་སྐྱ་པའི་བསྟན་པ་དྲི་མ་མེད་པ་སྤྱི་དང་། ཡང་སྒོས་གསང་ཆེན་སློབ་བཤད་པའི་རིང་ལུགས་ལ་གཅེས་པར་འཛིན་ཞིང་། སྣོད་ལྡན་ལ་ཚིག་བརྒྱུད་ལས་མང་པོར་མི་སྤེལ་བ་སོགས་མགོན་པོ་དཔང་དུ་བཙུགས་པའི་དམ་སྒྲག་ཅིང་། འཆོལ་པར་སྦྱོར་པ་རྣམས་གནོད་སྦྱིན་བེག་ཙེ་
ལྕམ་དྲལ་གྱིས་སྙིང་ཁྲག་འཐུང་བའི་བཀའ་རྒྱ་ཤིན་ཏུ་དམ་པ། དུས་དེར་ཆོས་ཀྱི་ཡོན་ལ་གསེར་སྲང་གང་ངམ་ཡང་ན་དེ་རི་བའི་དངོས་པོ་འབུལ་བ་སོགས་ཀྱི་ཕྱག་ལེན་དེང་སང་གི་བར་དུའང་མ་ནུབ་པར་ཡོད་པས་དཔེ་ཙམ་མཐོང་བས་ཉམས་སུ་ལེན་པ། རྐུ་ཐབས་སུ་བྱེད་པ། ས་སྐྱ་པའི་བསྟན་པ་སྤྱི་སྒེར་ལ་གཅེས་པར་འཛིན་པ་ལྟ་ཞོག་གནོད་པ་ལྷུར་ལེན་བཞིན་དུ་ཚུལ་འདི་དོན་དུ་གཉེར་བ་རྣམས་ནི་ས་བོན་མེས་ཚིག་པ་ལ་སོ་ནམ་འབད་པ་ལྷུར་ལེན་པ་དང་། བཙན་དུག་ལ་རྗེན་ཟས་བྱེད་པ་དང་མཚུངས་པས་བག་ཡོད་པར་བྱ་བ་ནི་གནད་དམ་པའོ། །གཉིས་པ་བུ་ཡིག་ནི། གོང་གི་མ་ཡིག་གི་བེའུ་བུམ་མིའི་ལུས་ཀྱི་ཕྱིའི་དབྱིབས་ལྟ་བུ་ལ་སྟོད་སྨད་བར་གསུམ་གྱི་ཟབ་གནད་དོན་སྣོད་དང་དབང་པོ་ལྟ་བུ་རྣམས་ལོགས་སུ་གབ་པ་ཡིན་ལ། དེའི་རྒྱུ་མཚན་ནི། ཚེ་འདིའི་འདོད་པ་ཕྲ་མོ་ཙམ་གྱི་ཕྱིར། །དྲག་པོའི་ལས་སྦྱོར་བྱུང་རྒྱལ་རྩོམ་བྱེད་ཅིང་། །ཆོས་ལ་བརྟེན་ནས་སྡིག་ཆེན་གསོག་པ་ཡི། །བླུན་པོ་ཞེ་སྡང་ཅན་དེའང་འདིའི་སྣོད་མིན། །སྡིག་ཅན་མི་དཔོན་སྟོབས་ལྡན་ཁྱིམ་ནང་དུ། །ལས་སྦྱོར་དྲག་པོས་ལྟོ་གོས་འཚོལ་བྱེད་ཅིང་། །ལས་འབྲས་རྒྱབ་བསྒྱུར་མཐུ་སྟོབས་ཆེན་པོར་རློམ། དམྱལ་བའི་བུད་ཤིང་ཆོས་འདིའི་སྣོད་མ་ཡིན། །ཞེས་པའི་གང་ཟག་གི་ལག་ཏུ་སོན་ཚེ་སྤྲེའུ་ལ་སྒྲོན་མེ་བསྐུར་བ་བཞིན་ཐམས་ཅད་ཕུང་ལ་སྦྱོར་བའི་དགག་བྱ་དང་དགོས་པ་ལ་དགོངས་པ་ཡིན་པས་བུ་ཡིག་གི་སྐོར་ལ།མཱ་རིའི་༡ ལག་ལེན་དེ་འཁོར་གསལ་༢ བྱེད་དང་། མལ་
བསྲུང་ཟློག་༣ ཟབ་ཙ་ཀྲའི་བྲི་༤ ཡིག་བཅས། །གཏའ་རུ་སྲོ་༥ བཟུང་ཁ་སྦྱོར་དེའི་གསལ་༦ བྱེད། །ཡིད་བཞིན་༧ ལ་འཁོར་ལོ་ཙའི་སྒྲོས་རྙིང་གི །ཙཀྲ་༨ ༼གླང༽མཁའ་༩ མིག་༼གླང༽མངའ་ཟུགས་༡༠ ༼གླང༽ལིང་ཚེ་རྙིང་། །འཁོར་༡༡ ༼གླང༽ཅན་ལིང་ཅན་༡༢ སྔགས་༼གླང༽ཅན་༡༣ རྐྱང་༼གླང༽གཟུགས་༡༤ ༼གླང༽བཞི། །པཎྜུ་ར་ཡི་མཁས་པའི་བཞེད་ཚུལ་༡༥ གཅིག་༼གླང༽། །ཙཎྜའི་ཙཀྲ་༡༦ དེ་ཡི་ལག་༡༧ལེན་བཅས། །རྡོ་རྗེ་གྲི་གུག་༡༨ དངོས་སྐུའི་བསྲུང་༡༩ བ་དང་། །མི་མིན་༢༠ རཀྵི་ཏ་དང་བ་༢༡ ལིཾ་གཟུངས། །སྤུ་གྲི་སོ་འདེབས་༢༢ མནྟ་ལུགས་༢༣ ལྡོག་དང་། །རལ་གྲི་རྟགས་ཅན་ལས་བཤུས་རྣམ་དག་༢༤ སྔགས། །ཉི་ཟླ་ཅན་༢༥ དང་དེ་ཝཱི་ཀཱ་༢༦ ལི་མ། །མནན་༢༧ པ་དུར་རྡོ་མནྟྲའི་༢༨ རི་མོ་ཅན། །བྲི་ཡིག་ལག་༢༩ ལེན་༼གླང༽༼ས༽༼ཁྲ༽གསལ་བྱེད་ཞལ་༣༠ ཤེས་༼གླང༽༼ས༽༼ཁྲ༽དང་། །དྲག་༣༡ གཏད་༼གླང༽༼ས༽༼ཁྲ༽གཟུགས་༣༢ བསྣུན་༼གླང༽༼ས༽༼ཁྲ༽རྟེན་༣༣ བྲབ༼གླང༽༼ས༽༼ཁྲ༽སྤྲེའུ་༣༤ ༼གླང༽༼ས༽༼ཁྲ༽དང་། །བཅུན་༣༥ ༼གླང༽༼ས༽༼ཁྲ༽འཁོར་ཀ་༣༦ པཱ༼གླང༽༼ས༽༼ཁྲ༽ལ་དང་། གནད་འཁོར་༣༧ ༼གླང༽༼ས༽༼ཁྲ༽ལོ། །གནད་དབབ་ཤི་སའི་ཚད་༣༨ འཛིན་མཚམས་སྦྱོར་༣༩ ༼གླང༽༼ས༽༼ཁྲ༽དང་། །འཇམ་མགོན་ས་སྐྱའི་ཆོས་ཀྱི་ཁྲིར་བཞུགས་པའི། ངག་དབང་ཀུན་དགའ་བསོད་ནམས་གྲགས་པ་ཡིས། །ཁྱབ་བདག་དབང་ཕྱུག་རབ་བརྟན་ཞབས་བསྟེན་ནས། །ཡབ་ཆོས་གསན་ཚེ་འདི་དང་གསང་སྒྲུབ་ཟུང་། །དཀར་༤༠ ༼ས༽ཆ་ཞིང་སྐྱོང་དགྱེས་པའི་མཆོད་རྫས་ཀྱིས། །མཐའ་རྟེན་ཁོ་བོའི་སྙིང་དབུས་བུམ་པར་བལྟམས། །ཞེས་གྲངས་ཙམ་འགོད་པ་ལས་གསལ་བར་མི་འདྲ་བ་ནི། འདི་ནི་ལྷོ་བལ་གསེར་གྱིས་གནོངས་པ་ལྟར། །ཡོད་ཅེས་མི་སྨྲ་ཤིན་ཏུ་གསང་ཞིང་སྦ། །སྦས་ཀྱང་ཤེས་ན་ཁྱི་དང་གློ་བ་ནི། །ཕྲད་ལྟར་མི་བྱ་རིམ་
གྱིས་བརྟགས་བྱས་ཏེ། །སྐལ་བཟང་སྣོད་དང་ལྡན་པའི་བུ་མཆོག་ལ། །ཆིག་བརྒྱུད་ཁོ་ནར་བྱིན་ལ་རྒྱས་གདབ་བྱ། ཞེས་པའི་དོན་སྙིང་གི་དཔལ་བེའུར་བཅང་དགོས་པས་ཞིབ་ཆ་མཐའ་དག་ཡིད་ལ་རི་མོར་འདྲི་བ་དང་། གལ་ཏེ་བརྗེད་ངས་ཀྱིས་འཇིགས་ན་ཐོ་གསལ་པོ་བྲིས་ནས་གུད་དུ་བཅང་པ་ལས་ཐོ་ཡིག་ཡོངས་གྲགས་སུའང་རྒྱས་པར་མི་འདྲི་བ་ཕྱག་ལེན་ནོ། །ད་ལྟར་ཆོས་སྐོར་རྣམས་ཡོངས་སུ་རྫོགས་པར་ནོས་པ་ལས་བསྙེན་དུས་ཀྱི་རྗེས་གནང་། རི་སུལ་གྱི་རྣལ་འབྱོར་མ་ནས་བརྒྱུད་པའི་ས་བཅད་དང་པོ་ཕྱི་སྒྲུབ་སྐོར་དང་ས་བཅད་གསུམ་པ་སྙིང་ནང་གི་ཁྲག་ལྟ་བུ་ཁྱད་པར་གྱི་མན་ངག་རྣམས་ལས་ཤོག་དྲིལ་དང་པོའི་གསལ་བྱེད་རྗེ་བཙུན་རྡོ་རིང་པས་མཛད་པ་མ་གཏོགས་པ་ཡོངས་རྫོགས། དཀར་ཆག་གིས་མ་ཟིན་པའི་ས་བཅད་དང་པོའི་ལྡོང་གཡུང་དྲུང་ལྷན་ཅིག་པའི་རྟགས་ཅན་དང་རྟགས་གང་ཡང་མེད་པ་རྣམས་དང་བཅས་པའི་ལུང་གི་བརྒྱུད་པ་ནི། རྡོ་རྗེ་འཆང་། འཕགས་མཆོག་ཀླུ་སྒྲུབ་ཞབས། གྲུབ་ཆེན་བ་ལིངྟ་པ། སློབ་དཔོན་སངས་རྒྱས་ཡེ་ཤེས་ཞབས་མར་མེ་མཛད་བཟང་པོ། དཔལ་བདེ་བའི་ཞབས། བི་མཱ་ལ་གུཔྟ། རཏྣ་ཀཱིརྟི། རཏྣ་བཛྲ། རི་སུལ་གྱི་རྣལ་འབྱོར་མ། གཉན་ལོ་ཙཱ་བ་དར་མ་གྲགས། གནམ་ཁའུ་པ་དར་མ་རྒྱལ་མཚན། རྗེ་བཙུན་བརྩེ་བ་ཆེན་པོ། སློབ་དཔོན་བསོད་ནམས་རྩེ་མོ། རྗེ་བཙུན་གྲགས་པ་རྒྱལ་མཚན། ཆོས་རྗེས་ས་སྐྱ་པཎྜི་ཏ། འགྲོ་བའི་མགོན་པོ་
ཆོས་རྒྱལ་འཕགས་པ། ཞང་དཀོན་མཆོག་དཔལ། གྲུབ་ཆེན་བྲག་ཕུག 
་པ་བསོད་ནམས་དཔལ། བླ་མ་དམ་པ་བསོད་ནམས་རྒྱལ་མཚན། བླ་ཆེན་ཀུན་དགའ་རྒྱལ་མཚན།
ཡབ་འཇམ་དབྱངས་ཆོས་རྗེ་ནམ་མཁའ་རྒྱལ་མཚན། བདག་ཆེན་རྡོ་རྗེ་འཆང་བློ་གྲོས་རྒྱལ་མཚན། རྗེ་བཙུན་ཀུན་སྤངས་རྡོ་རིང་པ་ཆེན་པོ། རྡོ་རྗེ་འཆང་ཚར་པ་ཆོས་རྗེ། ཐམས་ཅད་མཁྱེན་པ་མཁྱེན་བརྩེའི་དབང་ཕྱུག །མཐུ་སྟོབས་ཀྱི་དབང་ཕྱུག་བསོད་ནམས་ཆོས་འཕེལ། རྡོ་རྗེ་འཆང་དབང་ཕྱུག་རབ་བརྟན། རིགས་ཀུན་བདག་པོ་མགོན་པོ་བསོད་ནམས་མཆོག་ལྡན། ཟུར་ཐམས་ཅད་མཁྱེན་པ་ཆོས་དབྱིངས་རང་གྲོལ། དེས་བདག་ཟ་ཧོར་བནྡེ་ལ་ཕྱག་ལེན་ཞལ་ཤེས་དམར་ཁྲིད་དང་བཅས་པ་ལེགས་པར་སྩལ། ཕྱི་སྒྲུབ་ཀྱི་རྗེས་གནང་། དཀར་ཆག་གི་ས་གཅད་དང་པོ་ཡོངས་རྫོགས། གསུམ་པའི་ནང་གི་ལྡོང་གི་རྟགས་ཡོད་པ། དཀར་ཆག་གིས་མ་ཟིན་པའི་ས་བཅད་དང་པོའི་ལྡོང་གཡུ་དྲུང་ཅན་དང་བཅས་པའི་ལུང་གི་བརྒྱུད་པ་ལུགས་གཅིག་ནི། བླ་མ་དམ་པ་བསོད་ནམས་རྒྱལ་མཚན་ནས། རྣལ་འབྱོར་དབང་ཕྱུག་ཡར་ཀླུངས་པ་སེང་གེ་རྒྱལ་མཚན། འཇམ་དབྱངས་རྒྱལ་བ་མཆོག་དབྱངས། བདག་ཆེན་འཇམ་དབྱངས་ཆོས་རྗེ་མན་གོང་བཞིན་ནོ། །ཡང་རྗེས་གནང་དང་ས་བཅད་དང་པོའི་ལུང་བརྒྱུད་ལུགས་གཅིག་ནི། བླ་ཆེན་ཀུན་དགའ་རྒྱལ་མཚན་ནས། བདག་པོ་ཞ་ལུ་པ་བསོད་ནམས་རྒྱལ་མཚན། རྗེ་བཙུན་གྲོལ་མཆོག་གི་གསན་ཡིག་ན་བདག་ཆེན་རྡོ་རྗེ་འཆང་གི་རྗེས་ལ་བདག་པོ་ཞ་ལུ་པ་འདུག་པ་ནི་ཁུ་དཔོན་ལུགས་ལྡོག་ཏུ་སོང་བའི་འཁྲུལ་གཞི་ཅན་ནོ། །པཎ་ཆེན་ཤཱཀྱ་མཆོག་ལྡན། རྗེ་བཙུན་རྡོ་རིང་པ་མན་གོང་ལྟར། ཨེའི་རྟགས་ཡོད་པ་ཐམས་ཅད་ཀྱི་ལུང་བརྒྱུད་ནི། བླ་མ་དམ་པ་ནས། ཤར་ཆེན་ཡེ་ཤེས་རྒྱལ་མཚན། རྡོ་རྗེ་འཆང་ཀུན་དགའ་བཟང་པོ། བཞི་ཐོག་པ་བདག་ཆེན་ཀུན་དགའ་དབང་ཕྱུག །བདག་ཆེན་རྡོ་རྗེ་འཆང་མན་གོང་ལྟར།
ཡང་རྗེས་གནང་དང་སྒོའི་རྟགས་ཡོད་པའི་ལུང་བརྒྱུད་ནི། རྗེ་བཙུན་རྡོ་རིང་པ་ཡན་གོང་ལྟར་ནས། རྗེ་བཙུན་སྒོ་རུམ་པ་ཀུན་དགའ་ལེགས་པའི་འབྱུང་གནས། ཐམས་ཅད་མཁྱེན་པ་མཁྱེན་བརྩེའི་དབང་ཕྱུག་མན་འདྲ། ཡང་སྒོའི་རྟགས་ཅན་གྱི་ལུང་བརྒྱུད་ལུགས་གཅིག་ནི། བདག་ཆེན་རྡོ་རྗེ་འཆང་ནས། མཁན་ཆེན་དཀོན་མཆོག་ཚུལ་ཁྲིམས། རྗེ་བཙུན་སྒོ་རུམ་པ་མན་འདྲ། རྡོ་རྗེ་རྐྱང་པའི་ལུང་གི་བརྒྱུད་པ་ནི། འཕགས་པ་རིན་པོ་ཆེ་ནས། བླ་ཆེན་རོང་པ། བླ་མ་ཤེས་རབ་སེང་གེ །བླ་མ་བསོད་ནམས་ལྷུན་གྲུབ། བླ་མ་ངག་གི་དབང་ཕྱུག །བླ་མ་དཔལ་ལྡན་ལེགས་དབང་། བྲག་ཐོག་པ་བསོད་ནམས་བཟང་པོ། ཀུན་མཁྱེན་རྡོ་རྗེ་གདན་པ། ཐུགས་སྲས་ཀུན་དགའ་རྒྱལ་པོ། མཐུ་ཆེན་ཚེ་དབང་བཀྲ་ཤིས། རྡོ་རྗེ་འཆང་ཚར་བ་ཆོས་རྗེ་མན་གོང་ལྟར་རོ། །རྡོ་རྗེ་གཡུ་དྲུང་ཅན་གྱི་ལུང་བརྒྱུད་ལུགས་གཅིག་ནི། གཉན་ལོ་ནས། གཤོང་མའི་སྔགས་བན་གེ་རད། རྟོགས་ལྡན་མཚོ་དཀར་བ། འདིས་དགུང་ལོ་ཕྱེད་ཉིས་བརྒྱ་ཙམ་བཞུགས་པས་སྐུ་ཚེའི་སྟོད་ལ་སྔགས་བན་དང་མཇལ། སྐུ་ཚེའི་སྨད་ལ་སྤྱན་སྔ་དང་མཇལ་ཟེར་བ་རྡོ་རྗེ་གདན་པ་དང་འཇམ་དབྱངས་མཁྱེན་བརྩེའི་གསན་ཡིག་ན་འདུག་ཅིང་། རྗེ་གྲོལ་མཆོག་གིས་སྔགས་བན་ཚེ་རིང་པོ་ཞེས་སྔགས་པ་གེ་རང་སྐུ་ཚེ་རིང་པོ་བྱུང་བར་བཞེད་པ་ནི་ཅུང་ཟད་འཁྲུལ་གཞི་བྱུང་བར་སྣང་། ཐེལ་སྤྱན་སྔ་བསོད་ནམས་གྲགས་པ། རིན་པོ་ཆེ་ཚལ་མིན་པ། རིན་པོ་ཆེ་སེང་གེ་དཔལ་བ། བྲག་ཐོག་ཆོས་རྗེ་མན་འདྲ། འདི་སྐོར་ལ་བརྒྱུད་ཚུལ་ཟུར་པ་འདི་འདྲ་ཞིག་ཡོད་ནའང་དེ་རྒྱུ་མཚན་དུ་བྱས་ནས་རྗེ་བཙུན་གོང་མ་ནས་མ་བརྒྱུད་པར་འདོད་པ་ནི་ལོག་རྟོག་གོ །
རྡོ་རྗེ་དགའ་འཁྱིལ་ཅན་གྱི་ལུང་བརྒྱུད་གཅིག་ནི། ཁའུ་པ་ནས། སློབ་དཔོན་གོ་ཆ། དམ་པ་དེ་སྐྱེས། གྲུ་རྡོ་རྗེ་སེང་གེ །བཅོམ་ལྡན་རལ་གྲི །སྐྱི་སྟོན་གྲགས་པ་རྒྱལ་མཚན། ཀུན་མཁྱེན་ཇོ་མོ་ནང་པ་ཆེན་པོ། ཉ་དབོན་ཀུན་དགའ་དཔལ། རྗེ་ལུང་རིག་པ་མཁན་ཆེན་སེང་གེ་དཔལ། བྲག་ཐོག་པ་ཆེན་པོའི་མན་འདྲ། གློའི་རྟགས་གཡུང་དྲུང་ཡོད་མེད་ཐམས་ཅད་ཀྱི་ལུང་བརྒྱུད་ནི། རྡོ་རིང་རིན་པོ་ཆེ་ནས། རྗེ་བཙུན་ཀུན་དགའ་གྲོལ་མཆོག །ཀུན་མཁྱེན་མཁྱེན་བརྩེའི་དབང་ཕྱུག་མན་སྔར་བཞིན་ནོ། །གློ་གཡུང་དྲུང་ཅན་གྱི་ལུང་བརྒྱུད་ལུགས་གཅིག་ནི། པཎ་ཆེན་ཤཱཀྱ་མཆོག་ལྡན། ལྕང་ལུང་པ་གཞོན་ནུ་ཆོས་གྲུབ། རྗེ་བཙུན་གྲོལ་མཆོག་མན་འདྲ། ཀུའི་རྟགས་ཡོད་པའི་བརྒྱུད་པ་ནི། ཚར་ཆེན་ནས། གཉན་སྟོན་སྤྲུལ་པའི་ཟློས་གར་གཞོན་ནུ་བློ་གྲོས། རྡོ་རྗེ་འཆང་དབང་རབ། ཁྱབ་བདག་བཀའ་འགྱུར་པ། ཟུར་རྩ་བའི་བླ་མ། དེས་བདག་གོ །དབང་གི་རྟགས་ཡོད་བའི་བརྒྱུད་པ་ནི། ཚར་ཆེན་ནས། རྡོ་རྗེ་འཆང་དབང་ཕྱུག་རབ་བརྟན། ཁྱབ་བདག་ཞ་ལུ་པ། དེས་བདག་ལའོ། ངག་གི་རྟགས་ཡོད་པའི་བརྒྱུད་པ་ནི། རྗེ་དབང་རབ་ནས། མཁན་ཆེན་ངག་དབང་ཆོས་གྲགས། ས་སྐྱ་པ་ཀུན་དགའ་བསོད་ནམས། དེས་སྲས་བསོད་ནམས་དབང་ཕྱུག །ཁྱབ་བདག་ཞ་ལུ་པ། དེས་བདག་ལའོ། །མུས་ཀྱི་རྟགས་ཡོད་པའི་བརྒྱུད་པ་ནི། ངོར་པ་རྡོ་རྗེ་འཆང་། མུས་ཆེན་སེམས་དཔའ་ཆེན་པོ། འཇམ་དབྱངས་དཀོན་ཅོག་རྒྱ་མཚོ། མུས་ཆེན་སངས་རྒྱས་རྒྱལ་མཚན། ཁྲི་ཆེན་ཀུན་དགའ་བསོད་ནམས་མན་གོང་ལྟར་རོ། །ཉི་གཡུང་དྲུང་ཅན་གྱི་ལུང་བརྒྱུད་ནི། འཇམ་དབྱངས་བསོད་
ནམས་རྒྱལ་བ་མཆོག་ནས། བྲག་ཐོག་པ་བསོད་ནམས་བཟང་པོ། ཀུན་མཁྱེན་རྡོ་རྗེ་གདན་པ། འཇམ་དབྱངས་བྱང་ཆུབ་དབང་རྒྱལ། ཡོངས་འཛིན་ཤཱཀྱ་ཀུན་དགའ། བླ་མ་ཡེ་ཤེས་དབང་པོ། བླ་མ་བཛྲ་མ་ཏི། ཉི་མ་གླིང་པ་ཚུལ་ཁྲིམས་བཀྲ་ཤིས། དེ་གཉིས་ཀ་ལ་པཎ་ཆེན་ཀུན་བཟང་རྩེ་པས་གསན། དེ་ལ་ཞ་ལུ་པ་མཁན་ཆེན་རིན་ཆེན་བསོད་ནམས་མཆོག་གྲུབ། དེས་བདག་ལའོ། །ཉི་དགའ་འཁྱིལ་ཡོད་པ་དང་། མགོན་པོ་གདོང་བཞི་ཆོས་ཚན་བཞི་པོ་འདི་ཚར་པོད་རྫོང་པོད་གཉིས་ན་ཚིག་ཞུས་དག་ཕེར་བ་མ་བྱུང་ཡང་ཡིག་རྙིང་ཞིག་ཡིན་ནམ་སྙམ། པའི་བསྙེན་སྒྲུབ་གསད་གསུམ་གྱི་ལས་ཁྲིགས་གོས་བརྡབ་དམོད་མོ་བརྗོད་དོའི་མཐའ་ཅན། འགོར་དེ་ནས་སྔགས་རིང་བརྒྱ་རྩ་བརྒྱད་ཡོད་པའི་གཏོར་མ་གཏོང་བ། སྔགས་བཟླ་བ། གཏད་དང་འཁོར་ལོ་བྲིས་ཐབས་ཐོར་བུ་ཡོད་པ་རྫོགས་པར་བྲི་པོའི་མཐའ་ཅན། གསང་བའི་ལས་སྦྱོར་འདི་ཡིས་འགྲུབ་ཨ་མི་ཀྱི་ཟེར་བའི་གདམས་པ། འགོར་ཏཱ་ར་ན་མོ་བླ་མའི་ཞབས་ལ་ཕྱག་འཚལ་ལོ་དཔལ་ནག་པོ་ཆེན་པོ་གདོང་བཞི་པ་བསྙེན་ཅིང་སྒྲུབ་པར་འདོད་པས་ཞེས་ཡོད་པའི་ཕྱི་ནང་གསང་བའི་རྟེན་བཅའ་ལུགས་དང་མངོན་རྟོགས་གཙོ་བོར་སྟོན་པ་མཇུག་ཏུ་བརྒྱུད་པའི་དམ་བསྒྲགས་དང་ཕྲིན་ལས་བཅོལ་ལོའི་མཐའ་ཅན་རྣམས་ཀྱི་བརྒྱུད་པ་ནི། རྡོ་རྗེ་གདན་པ་ཡན་མཐའ་མ་ཆོད། དེ་མན་གོང་དང་འདྲ། འགོར་ཤྲཱི་མ་ཧཱ་ཀཱ་ལ་ན་མོ་བསྟན་ལ་སྡང་བའི་དམ་ཉམས་རྣམས་ཞེས་ཡོད་པའི་རོ་སྒྱེད་གསུམ་གྱི་སྟེང་དུ་སླ་ང་བཙུགས་པའི་ཐན་འགྱེད་ཀྱི་བརྒྱུད་པ་ནི། རྡོ་རྗེ་གཡུང་དྲུང་ཅན་གྱི་ལུང་བརྒྱུད་ཟུར་པ་དང་མཐུན། ཉི་རྐྱང་
པའི་རྟགས་ཡོད་རྣམས་དང་ཤྲཱི་བྷ་དྲས་མཛད་པའི་བསྟོད་པ་རྒྱལ་ཀུན་ཐུགས་སྤྲུལ་མའི་བརྒྱུད་པ་ནི། རྡོ་རྗེ་གདན་པ་ཡན་རྡོ་རྗེ་རྐྱང་པའི་ལུང་བརྒྱུད་ལྟར་ལ། དེ་ནས་འཇམ་དབྱངས་བྱང་ཆུབ་དབང་རྒྱལ་མན་ཉིད་གཡུང་དྲུང་དང་གཅིག་གོ །དཀར་ཆག་གིས་མ་ཟིན་པའི་ས་བཅད་གསུམ་པ་ཧ་ལ་ནག་པོ་མ་ཡིག་བུ་ཡིག་རྟགས་མེད་རྣམས་ཀྱི་ལུང་མན་ངག་ཕྱག་འཁྲིད་དང་བཅས་པའི་བརྒྱུད་པ་ནི། ཚར་ཆེན་ཆོས་ཀྱི་རྒྱལ་པོ་ནས། དྲུང་ཡིག་བྱམས་པ་དོན་གྲུབ། རྡོ་རྗེ་འཆང་དབང་ཕྱུག་རབ་བརྟན། འཇམ་མགོན་བསོད་ནམས་མཆོག་ལྡན། ཀུན་མཁྱེན་ཆོས་དབྱིངས་རང་གྲོལ། དེས་བདག་ལའོ། །དེ་ཡང་ཚར་ཆེན་ཆོས་ཀྱི་རྒྱལ་པོས་ཆེད་གཉེར་དུ་འཇམ་དབྱངས་མཁྱེན་བརྩེའི་དབང་ཕྱུག་ལ་གནང་། མཁྱེན་བརྩེའི་ཞབས་ལས་འཕྲོ་གླིང་པའི་ལུང་བསྟན་དུ། ལང་འགྲོའི་སྤྲུལ་པ་བཀའ་གཏེར་བདག་པོ་ནི༔ མཁྱེན་བརྩེའི་མིང་ཅན་རིག་གནས་ལྔར་མཁས་པ༔ གཙང་ཕྱོགས་འདི་ནས་འཁོན་གྱི་ཐོག་མ་འབྱུང་༔ དེ་ལ་གདམས་པ་གཏད་ན་བསྟན་པ་འཕེལ༔ ཞེས་པའི་ལུང་བསྟན་ལྟར་གཏེར་སྟོན་དང་ཆོས་བདག་རྟེན་འབྲེལ་འགྲིག་ན་སྐུ་ཚེ་མཐར་ཕྱིན་རྒྱུ་ལ་དབུས་གཙང་ས་ཐག་རིངས་པས་གཏེར་སྟོན་གིས་ལུང་བསྟན་ཡུལ་གྱི་གང་ཟག་ངོ་མ་འཕྲོད་པར་འགྱངས་པའི་སྐྱོན་གྱིས་གཞན་ལ་མ་གནང་བའི་ངང་དུ། གསུང་ལས། འདི་ནས་འཕོས་ནས་བྱང་ཕྱོགས་ལྕང་ལོ་ཅན། ཞིང་དེར་ཕན་ན་དྲུང་དུ་ངེས་པར་འགྲོ། དེ་ནས་ཨོ་རྒྱན་ཟངས་མདོག་དཔལ་གྱི་རིར། །སྐྱེ་བའི་རྟེན་འབྲེལ་སྒྲིག་ལ་གསོལ་བ་འདེབས། ཞེས་ཞལ་གྱིས་འཆེས་པ་ལྟར་དགུང་ལོ་ཞེ་དྲུག་པར་ལྕང་ལོ་ཅན་གྱི་ཞིང་ཁམས་
སུ་གཤེགས་པས་ཆེས་རྒྱུན་ཆད་པར་ཐུག །རྡོ་རྗེ་འཆང་དབང་ཕྱུག་རབ་བརྟན་གྱིས་སྤྱན་ལྔ་རིན་པོ་ཆེ་མི་ཕམ་ཆོས་ཀྱི་རྒྱ་མཚོ་བཞུགས་སུ་རེ་ནས་དབུས་ཕྱོགས་སུ་རྩད་གཅོད་ལ་ཕེབས་ཚེ་སྤྱན་ལྔའི་གསུངས་རིན་པོ་ཆེ་བོད་མཁར་བ་རང་གིས་ཀྱང་གསན་མ་ཐུབ་ཚུལ་བྱུང་བ་ནས། འདི་སྐོར་ཐུགས་རྩོམ་གྱི་ལྗགས་དཔོད་གནང་བའི་དྲུང་ཡིག་བྱམས་པ་དོན་གྲུབ་ཀྱིས་ཚིག་གཅིག་ཀྱང་མ་ལུས་པ་གུས་པ་ཆེན་པོའི་སྒོ་ནས་གསན་འདུག་པར་བརྟེན། སྟོབས་འཕྲོག་དབང་པོར་བརྟག་པ་ཕུལ་བ་དེ་ཡང་ལེགས་པའི་མཚན་མ་གསལ་པོ་བྱུང་བས་དྲུང་ཡིག་པར་གསན་པ་ཡིན་པས་འདི་སྐོར་ལ་རྗེ་བྱམས་པ་དོན་གྲུབ་བརྒྱུད་པར་མ་བཞུགས་པའི་ལུང་བྱེད་པ་མཐའ་དག་མོ་གཤམ་གྱི་བུ་ལྟར་གཞན་འདྲིད་པའི་ཕྱིར་དུ་ཚུལ་འཆོས་པ་ཁོ་ནའོ། །ཧ་ལ་ནག་པོའི་མ་ཡིག་ཚར་ཆེན་ཆོས་ཀྱི་རྒྱལ་པོའི་ངོས་མ་མགོ་ཐོག་ཏུ་བཞག་པའི་བཀའ་བསྒོ་རྒྱས་པ་དང་བསྙེན་སྒྲུབ་ལས་སྦྱོར་འཁོར་ལོའི་ཕྱག་ལེན་ཤིན་ཏུ་ཞིབ་ཅིང་མཐའ་ཆོད་པ་རྡོ་རྗེ་འཆང་མགོན་པོ་བསོད་ནམས་མཆོག་ལྡན་གྱི་དྲུང་དུའང་ནོས་སོ། །ཡང་རྗེས་གནང་ཁེ་རྐྱང་གི་བརྒྱུད་པ་ནི། རྗེ་ས་པཎ་ནས། ནུབ་པ་རིགས་འཛིན་གྲགས། ཤར་པ་ཤེས་རབ་འབྱུང་གནས། ཤར་པ་རྡོ་རྗེ་འོད་ཟེར། ཤར་པ་ཡེ་ཤེས་རྒྱལ་མཚན། གུ་རུ་དཀོན་མཆོག་རྒྱལ་མཚན། བག་སྟོན་གཞོན་ནུ་ཚུལ་ཁྲིམས། བླ་མ་རྡོ་རྗེ་སེང་གེ །མཁན་ཆེན་བཅུ་པ། ཆོས་རྗེ་པཎྜི་ཏ། རྩེས་དང་དགེ་འཕེལ་བ་བསོད་ནམས་བློ་གྲོས། རྗེ་རྡོ་རིང་པ། དེ་ལ་རྗེ་བཙུན་སྒོ་རུམ་པ་དང་ཚར་ཆེན་གཉིས་ཀྱིས་གསན། གཉིས་ཀ་ལ་འཇམ་དབྱངས་མཁྱེན་བརྩེས་གསན་པ་མན་སྔར་ལྟར་རོ།
ཡང་ན་ཞང་དཀོན་མཆོག་དཔལ་ནས། དགོན་པ་བསོད་ནམས་འབུམ། བག་སྟོན་གཞོན་ཚུལ་མན་འདྲ། ཡང་ན་ཆོས་རྗེ་བླ་མ་དམ་པ་ནས། བདག་ཆེན་ཀུན་དགའ་རིན་ཆེན་རྒྱལ་མཚན་དཔལ་བཟང་པོ། བདག་པོ་བླ་མ། ཆོས་རྗེ་པཎྜི་ཏ་མན་འདྲ། ཡང་ན་བླ་མ་དམ་པ་ནས། གུང་ཐང་པ་སེང་གེ་དཔལ་ལྡན་འོད་མཛེས་བཟང་པོ། བླ་མ་པཎྜི་ཏ་མན་འདྲ། ཡང་ན་བཞི་ཐོག་པ་ཀུན་དགའ་རིན་ཆེན་ནས། བཞི་ཐོག་པ་བློ་གྲོས་རྒྱལ་མཚན། ཆོས་རྗེ་དགེ་བ་རྒྱལ་མཚན། གྲ་ཐང་པ་ཤེས་རབ་ཟླ་བའི་དབང་པོ། རྗེ་བཙུན་རྡོ་རིང་པ་ཆེན་པོ་མན་སྔར་དང་འདྲ། ཡང་ན་བདག་ཆེན་ཞ་ལུ་པ་ནས། ཆོས་རྗེ་རྒྱལ་མཚན་དཔལ་བཟང་། བྱ་འགྱུར་བ་བསོད་ནམས་སེང་གེ །རྗེ་རྡོ་རིང་པ་མན་འདྲ། ཡང་ན་ཆོས་རྗེ་བླ་མ་ནས། རི་ཁྲོད་པ་བློ་གྲོས་བརྟན་པ། དེ་གཉིས་ཀ་ལ་ཆོས་རྗེ་དཔལ་ལྡན་ཚུལ་ཁྲིམས། རིམ་བཞིན་ཤར་ཆེན་ཡེ་ཤེས་རྒྱལ་མཚན། རྡོ་རྗེ་འཆང་ཀུན་དགའ་བཟང་པོ། མཁས་གྲུབ་དཔལ་ལྡན་རྡོ་རྗེ་བྱ་གྱུར་པ་བསོད་ནམས་སེང་གེ་མན་འདྲ། ཡང་ན་ངོར་ཆེན་ཆོས་རྗེ་བསོད་ནམས་དབང་ཕྱུག །རྒྱལ་ཚབ་ཀུན་དབང་། སློབ་དཔོན་བསོད་ནམས་སངས་རྒྱས། མཁས་གྲུབ་གུང་རུ་ཤེར་བཟང་བཞི་གས་གསན། བཞི་ག་ལ་ཀུན་སྤངས་ཆེན་པོས་གསན་པ་མན་འདྲ། ཡང་རྡོ་རྗེ་འཆང་ཚར་པ་ཆོས་རྗེ། འཇམ་དབྱངས་མཁྱེན་བརྩེའི་དབང་ཕྱུག །གཉིས་ཀ་ལ་མཁན་ཆེན་བསླབ་གསུམ་རྒྱལ་མཚན་དང་རྟ་ར་བ་གཉིས་ཀྱིས་གསན། ཡབ་སྲས་བཞི་ཀ་ལ་རྡོ་རྗེ་འཆང་དབང་རབ་ཀྱིས་གསན་ནོ། །སྒྲུབ་དུས་ཀྱི་མགོན་པོའི་རྗེས་གནང་ཐུན་མོང་དང་ཐུན་མོང་མ་ཡིན་པ་དང་། ཏ་ཐཱ་ག་ཏ་རཀྴི་ཏ་ནས་བརྒྱུད་པའི་སྒྲུབ་
སྐོར་དང་དཀར་ཆག་གིས་མ་ཟིན་པའི་ས་བཅད་དང་པོའི་ཏའི་རྟགས་ཅན་དང་བཅས་པའི་ལུང་བརྒྱུད་ནི། རྡོ་རྗེ་འཆང་། ཀླུ་སྒྲུབ། བཱ་ལིང་ཏ་པ། སངས་རྒྱས་ཡེ་ཤེས། མར་མེ་མཛད། དཔལ་བདེ་བ། བི་མཱ་ལ་གུཔྟ། རིན་ཆེན་རྣམ་གཉིས། ཤྲཱི་པཎྜི་ཏ་ཏ་ཐཱ་ག་ཏཀྵི་ཏ། གཉན་ལོ་མན་གདུང་བརྒྱུད་བརྒྱུད་པ་དང་། རྣལ་འབྱོར་དབང་ཕྱུག་ཡར་ཀླུངས་པ་ནས་བརྒྱུད་པ་གཉིས་རྟ་ར་བ་བཞུགས་པ་དང་འདྲ། སྒྲུབ་དུས་ཀྱི་ཐུན་མོང་མ་ཡིན་པའི་རྗེས་གནང་བརྒྱུད་ལུགས་གཅིག་ནི། འཕགས་པ་རིན་པོ་ཆེ། དམ་པ་ཀུན་དགའ་གྲགས། བརྒྱུད་ལུགས་འདི་ལོ་པ་སྤྱན་སྔའི་གསན་ཡིག་ན་སྣང་། བླ་མ་བདག་ཉིད་ཆེན་པོ། ཆོས་རྗེ་བླ་མ་དམ་པ་མན་འདྲ། ཡང་ན་བླ་མ་དམ་པ་ནས། བདག་ཆེན་ཀུན་དགའ་རིན་ཅེན། གཞི་ཐོག་པ་བློ་གྲོས་རྒྱལ་མཚན། ཆོས་རྗེ་དགེ་བ་རྒྱལ་མཚན། གྲ་ཐང་པ་ཤེས་རབ་ཟླ་བ། རྗེ་རྡོ་རིང་པ་མན་འདྲ། ཡང་སྒྲུབ་དུས་ཀྱི་མགོན་པོའི་རྗེས་གནང་ཐུན་མོང་བའི་བརྒྱུད་པ་གཅིག་ནི། རྡོ་རྗེ་འཆང་དབང་ཕྱུག་རབ་བརྟན་ནས། མཁན་ཆེན་ཞ་ལུ་པ་ཆེན་པོ། དེས་བདག་གོ །ཡང་ན་ཚར་ཆེན་ནས། རིན་པོ་ཆེ་བོད་མཁར་བ་མཻ་ཏྲེ་དོན་གྲུབ་རྒྱལ་མཚན། སྤྱན་ལྔ་མི་ཕམ་ཆོས་ཀྱི་རྒྱ་མཚོ། སྐྱེད་ཚལ་མཁན་པོ་ཐར་པ་བཟང་པོ། མཁན་ཆེན་ཞ་ལུ་པ་མན་འདྲ། གོང་དཀར་ལུགས་ཀྱི་སྒྲུབ་དུས་མགོན་པོ་གཙོ་འཁོར་ལྔ་པའི་རྗེས་གནང་གི་བརྒྱུད་པ་ནི། འཕགས་པ་རིན་པོ་ཆེ་ནས། ཚོགས་སྒོམ་ཀུན་དགའ་དཔལ། ཉན་ཆེན་བསོད་ནམས་བསྟན་པ། རྗེ་བྲག་ཕུག་པ། དྲུང་ཆོས་རྗེ་བ། བཞི་ཐོག་པ་ཀུན་དགའ་རིན་ཆེན། བདག་ཆེན་གྲགས་པ་བློ་གྲོས། མཁན་ཆེན་སེང་གེ་དཔལ་
བ། བྲག་ཐོག་པ་བསོད་ནམས་བཟང་པོ། མཐུ་ཆེན་འཇིགས་མེད་དཔའ་བོ། རྒྱ་སྟོན་བྱང་ཆུབ་དབང་རྒྱལ། ཡངས་ཅན་ཤཱཀྱ་ཀུན་དགའ། ཀུན་བཟང་དབང་ཕྱུག་རྒྱལ་མཚན། ཉི་མ་གླིང་པ་ཚུལ་ཁྲིམས་བཀྲ་ཤིས། ཁྱབ་བདག་ཞ་ལུ་པ་ཆེན་པོ། དེས་བདག་ལའོ། །སྒྲུབ་དུས་དམ་ཅན་རྒྱ་མཚོས་བསྐོར་བའི་རྗེས་གནང་གི་བརྒྱུད་པ་ནི། ཀུན་བཟང་རྩེ་པ་དབང་ཕྱུག་རྒྱལ་མཚན་ཡན་གོང་ལྟར་ལ། དེ་ནས་ཀུན་བཟང་རྩེ་པ་བསོད་ནམས་མཆོག་ལྡན། མཁན་ཆེན་ཞ་ལུ་པ། དེས་བདག་ལའོ། །ལས་སྦྱོར་གྱི་མགོན་པོ་གདོང་བརྙན་ཅན་གྱི་རྗེས་གནང་གི་བརྒྱུད་པ་ནི། རྡོ་རྗེ་འཆང་། ན་གྭ་རྫུ་ན། གཏོར་མ་པ། ཛྙཱ་ན་པཱ་ད། དཱི་པཾ་ཀཱ་ར་བྷ་དྲ། ཤྲཱི་སུ་ཁཱ་པཱ་ད། བི་མ་ལ་གུཔྟ། རཏྣ་རྣམ་གཉིས། པཎྜི་ཏ་འབུམ་ཕྲག་གསུམ་པ། གཉན་ལོ་ནས་ཚར་ཆེན་ཡན་གདུང་བརྒྱུད་བརྒྱུད་པ་དང་ཡར་ཀླུངས་པ་བརྒྱུད་པ་གཉིས་རྟ་ར་བ་བཞུགས་པ་ལྟར་ལ། དེ་ནས་བོད་མཁར་བ་མཻ་ཏྲི་དོན་གྲུབ་རྒྱལ་མཚན། སྤྱན་ལྔ་མི་ཕམ་ཆོས་ཀྱི་རྒྱ་མཚོ། རྡོ་རྗེ་འཆང་དབང་ཕྱུག་རབ་བརྟན། ཁྱབ་བདག་མགོན་པོ་བསོད་ནམས། རྗེ་ཆོས་དབྱིངས་རང་གྲོལ། དེས་བདག་ལའོ། །ཡང་ན་འཕགས་པ་ཡན་གོང་ལྟར་ནས། ལོ་ཙཱ་བ་མཆོག་ལྡན། བླ་མ་དཔལ་ལྡན་སེང་གེ །ཆོས་རྗེ་དྷརྨཱ་ཀཱིརྟི། ཆོས་རྗེ་བློ་བཟང་པ། ཉ་དབོན་ཀུན་དཔའ་དཔལ། བླ་མ་ལུང་རིག་རྒྱ་མཚོ། མཁན་ཆེན་སེང་གེ་དཔལ། བྲག་ཐོག་བསོད་ནམས་བཟང་པོ། མཐུ་ཆེན་འཇིགས་མེད་དཔའ་བོ། མུས་ཆེན་རྣམ་རྒྱལ་དཔལ་བཟང་། ཐུགས་སྲས་ཀུན་དགའ་རྒྱལ་བོ། འབྲས་སྤུངས་པ་ཚེ་དབང་བཀྲ་ཤིས། རྡོ་རྗེ་འཆང་ཚར་པ་ཆོས་རྗེ་མན་འདྲ། ཡང་ན་ཀུན་མཁྱེན་རྡོ་རྗེ་གདན་པ་ནས། འཇམ་དབྱངས་
མཁྱེན་བརྩེའི་གསན་ཡིག་ན་འཁོར་ཞལ་གྱི་རྗེས་གནང་ཞེས་ལོགས་སུ་བགྲངས་འདུག་པ་གདོང་བརྙན་ཅན་པས་ཟུར་པ་མེད་ཀྱང་ལོ་མཆོག་པ་ཡོད་པའི་བརྒྱུད་པའི་སྐབས་གདོང་བརྙན་ཅན་དང་ལས་བཞི་ལྷན་དུ་གྲངས་པའི་དབང་གིས་སོ་སོར་ཕྱེ་བར་སྣང་ངོ་། །མདོ་ཁམས་པ་ཡོན་ཏན་རྒྱ་མཚོ། འབྲས་སྤུངས་པ་ཚེ་དབང་བཀྲ་ཤིས་མན་འདྲ། ཡང་ན་ས་པཎ་ནས། ཚོགས་སྒོམ་པ། ཉན་ཆེན་པོ། ན་བཟའ་བ། དཔལ་ལྡན་བླ་མ་དམ་པ། བཞི་ཐོག་པ་ཀུན་དགའ་རིན་ཆེན། གཅུང་གྲགས་པ་བློ་གྲོས། མཁན་ཆེན་སེང་གེ་དཔལ་མན་འདྲ། ཡང་ན་བདག་པོ་ཀུན་རིན་པ་ནས། བདག་ཆེན་བློ་གྲོས་པ། ཆོས་རྗེ་དགེ་བ་རྒྱལ་མཚན། རྗེ་ཟླ་བ་ཤེས་རབ། རྡོ་རིང་པ་མན་འདྲ། ཡང་རྗེ་རྡོ་རྗེ་གདན་པའི་གསན་ཡིག་ལྟར་ན། རྡོ་རྗེ་འཆང་། ཡེ་ཤེས་ཀྱི་མཁའ་འགྲོ་མ། གཉན་ལོ་ཙཱ་བ་མན་འདྲ། འདི་ཉེ་བརྒྱུད་ཡིན་པ་འདྲ་ཞིང་འཇམ་དབྱངས་མཁྱེན་བརྩེའི་གསན་ཡིག་གི་ཚར་ལུགས་ནས་བརྒྱུད་པའི་སྐབས་རིང་བརྒྱུད་དང་གོང་དཀར་བ་ལུགས་ཀྱི་གསན་ཡིག་སྐབས་གསན་ཡིག་རྒྱ་མཚོ་སོར་བཞག་བགྲངས་འདུག་པ་རྒྱས་བསྡུས་སུ་མངོན། པཎྜི་ཏ་འབུམ་ཕྲག་གསུམ་པ་ནས་བརྒྱུད་པའི་ཆོས་སྐོར་དང་དཀར་ཆག་གིས་མ་ཟིན་པའི་འབུམ་གྱི་རྟགས་ཡོད་པའི་ལུང་བརྒྱུད་ནི། ཚར་ཆེན་ཡན་ཞལ་ངོ་ནང་བརྒྱུད་དང་ཡར་ཀླུངས་པ་ནས་བརྒྱུད་པ་རྟ་ར་བ་བཞུགས་པ་ནས། མཁྱེན་བརྩེའི་ཞབས། རྟ་ར་བ། རྗེ་དབང་རབ་མན་འདྲ། ནང་ཞིང་སྐྱོང་ལྟར་སྒྲུབ་པའམ་གསང་སྒྲུབ་ཀྱི་རྗེས་གནང་ནི། འཕགས་པ་རིན་པོ་ཆེ་ཡན་བསྙེན་དུས་ཀྱི་རྗེས་གནང་ལྟར་ལ། དེ་ནས་དམ་པ་ཀུན་དགའ་གྲགས། བླ་མ་བདག་ཉིད་ཆེན་པོ། བླ་མ་དམ་པ་
བསོད་ནམས་རྒྱལ་མཚན། སྔགས་འཆང་གཟུངས་ཀྱི་དཔལ་བ། ཆོས་རྗེ་བཟང་པོ་རྒྱལ་མཚན། མཁས་གྲུབ་དགེ་བ་རྒྱལ་མཚན། ཆོས་རྗེ་སངས་རྒྱས་མཆོག །མཚུངས་མེད་སྐྱེས་མཆོག་རྒྱལ་མཚན། མདོ་ཁམས་པ་ལྕགས་མོ་བཀྲ་ཤིས་སེང་གེ །འདིས་གདན་ཐོག་གཅིག་ཏུ་སྔགས་ཐུང་འབུམ་ཕྲག་བརྒྱ་སོང་ཞིང་ཞལ་དངོས་སུ་གཟིགས་པ་ཡིན་ནོ། །རྡོ་རྗེ་འཆང་ཚར་པ་ཆོས་རྗེ། ཀུན་མཁྱེན་མཁྱེན་བརྩེའི་དབང་ཕྱུག །རྟ་ར་བ་བསོད་ནམས་ཆོས་འཕེལ། རྡོ་རྗེ་འཆང་དབང་རབ། འཇམ་མགོན་བསོད་ནམས་མཆོག་ལྡན། དེས་བདག་ལའོ། །ཕྱི་ནང་གི་བསྲུང་འཁོར་འཆི་མེད་སྒྲུབ་པ་ཞར་བྱུང་ཟློག་པ་དང་བཅས་པའི་ཕྱིའི་ཉམས་འཁྲིད། གསང་འཁྲིད་ཀྱི་ཉམས་ཁྲིད་ཟབ་མོ། རི་སུལ་གྱི་རྣལ་འབྱོར་མ་ནས་བརྒྱུད་པའི་ས་བཅད་གཉིས་པའི་སྐོར། དཀར་ཆག་གིས་མ་ཟིན་པའི་ས་བཅད་གཉིས་པའི་རྟགས་གང་ཡང་མེད་པ་རྣམས་ཀྱི་ལུང་གི་བརྒྱུད་པ་ནི། རྗེ་བཀའ་འགྱུར་བ་ཡན་གོང་ལྟར་ནས། ཟུར་རྩ་བའི་བླ་མ། དེས་བདག་ལའོ། །གསང་འཁྲིད་ཡིག་རྙིང་གི་བརྒྱུད་པ་ལུགས་གཅིག་ལ་བླ་མ་དམ་པ་བསོད་ནམས་རྒྱལ་མཚན་ནས། ཡར་ཀླུངས་པ་སེང་གེ་རྒྱལ་མཚན། གཡག་ཕྲུག་བསྟན་པའི་ཉི་མ། རོང་སྟོན་ཤེས་བྱ་ཀུན་རིག །རྗེ་དགེ་བ་རྒྱལ་མཚན་མན་འདྲ། ཡང་བསྲུང་འཁོར་ཚེ་སྒྲུབ་ཀྱི་འཁྲིད་ནི། ལྕགས་བཀྲ་ཤིས་སེང་གེ་ནས། ཁམས་སྟོན་བསོད་ནམས་དོན་གྲུབ། རྡོ་རྗེ་འཆང་ཚར་པ་མན་འདྲ། གླང་གི་རྟགས་ཡོད་དོ་ཅོག་གི་ལུང་བརྒྱུད་ནི། རྡོ་རྗེ་འཆང་དབང་ཕྱུག་རབ་བརྟན་ནས། གླང་བུ་ཆོས་རྗེ་འཇམ་དབྱངས་ཆོས་སྐྱོང་དབང་ཕྱུག །ཁྱབ་བདག་ཞ་ལུ་པ་ཆེན་པོ། དེས་བདག་ལའོ། །