སྤྱི་བཀའ་བརྒྱ་རྩའི་རྗེས་གནང་ཇི་ལྟར་ནོས་པའི་སྐོར།
༈ །གཉིས་པ་སྤྱི་བཀའ་ལ། གནས་ལྔ་ཡོངས་སུ་རྫོགས་པའི་པཎྜི་ཏ་མཁས་ཤིང་གྲུབ་པའི་དབང་ཕྱུག་ཨ་བྷ་ཡཱ་ཀ་ར་གུཔྟ་ཞེས་འཇིགས་མེད་འབྱུང་གནས་སྦས་པར་གྲགས་པ་ཨིནྡྲ་ཨུ་ལིའི་གཙུག་ལག་ཁང་དུ་ཐོས་བསམ་སྒོམ་གསུམ་གྱི་བསྟན་པ་སྤེལ་བའི་ཚེ་ཡེ་ཤེས་ཀྱི་མཁའ་འགྲོ་མ་བུད་མེད་བ་གླང་ཤ་བའི་རིགས་སུ་སྤྲུལ་ནས་ཤ་ཆང་བྱིན་པ་ཕྱིར་སློག་པའི་རྟེན་འབྲེལ་གྱིས་སྐུ་ཚེ་དེ་ལ་མཆོག་གི་དངོས་གྲུབ་མ་ཐོབ་ཀྱང་འགྱོད་བཤགས་ཀྱིས་གསོལ་བ་བཏབ་
པའི་ཚེ་སྒྲིབ་སྦྱོང་དུ་སྔགས་ཀྱི་མན་ངག་དུ་མ་དང་ཁྱད་པར་སམྦུ་ཊིའི་འགྲེལ་པ་རྒྱས་པ་གཅིག །གདུལ་བྱ་རྣམས་ཀྱི་འཇུག་སྒོ་རྒྱུད་སྡེ་བཞིའི་ཆོ་ག་རྒྱས་པ་དང་དེའི་ལྷའི་ཚོགས་རྣམས་ཀྱི་རྗེས་སུ་གནང་བའི་ཆོ་ག་ལོ་རྒྱུས་གཅིག་ལ་མ་ཧཱ་བོ་དྷིས་ལུང་བསྟན་ཡང་ཟེར། རྩོམས་ཤིག་པར་ལུང་བསྟན་ཞིང་དབུགས་ཕྱུང་བ་ལ་བརྟེན་ནས་རྒྱུད་སྡེ་སྤྱིའི་དགོངས་འགྲེེལ་དུ་འགྱུར་བའི་འཕྲེང་བ་སྐོར་གསུམ་གྱི་ཡིག་ཆ་མཛད་ཅིང་། འདི་ལ་གཙོ་བོ་འཕོ་བའི་དབང་དུ་བྱས་ན་དཀྱིལ་འཁོར་ལྔ་སྟོང་བརྒྱད་བརྒྱ་བཅུ་བདུན། རྩ་བའི་ལྷའི་དཀྱིལ་འཁོར་གྱི་དབྱེ་བ་ཉིས་སྟོང་དང་དྲུག་བརྒྱ་ང་བདུན། དེ་རྣམས་གཙོ་བོའི་རིགས་སོ་སོའི་དབང་དུ་བྱས་པ་རྩ་བའི་དཀྱིལ་འཁོར་ཉེར་བརྒྱད། དེ་ལས་སྤྲོས་པ་ཞེ་གཉིས། དེ་ལས་སྤྲོས་པ་ང་ལྔ་རྣམས་ཚད་ཐུབ་ཀྱི་མཁས་པ་ཡོངས་ལ་གྲགས་ཤིང་། རྡོ་རྗེ་འཆང་སྔགས་རམ་པ་ཞེ་བཞི། ཞེ་བདུན། དྲུག་ཅུ་རེ་གསུམ་དུ་ཕྱེ་བ་ཡོད་གསུང་བ་གྲགས་ཆུང་ཡང་ཁོང་པ་ཚད་ཐུབ་ཀྱི་རྡོ་རྗེ་སློབ་དཔོན་ཆེན་པོ་ཡིན པས་ཁུངས་དང་འབྲེལ་བར་ངེས། ལ་ལ་དག་འཕྲེང་བ་མཁན་པོས་དཀྱིལ་འཁོར་རྣམས་བླ་མེད་ལས་རྒྱུད་སྡེ་སོ་སོར་མ་ཕྱེ་ཞིང་། རྒྱ་གར་དུ་ཕྱག་ལེན་ལའང་དེ་ལྟར་མཛད། བོད་དུ་ཁ་ཆེ་པཎ་ཆེན་ལ་རྗེ་བཙུན་མ་སྒྲོལ་མས་བོད་རྟོག་པ་མང་བས་སོ་སོའི་ལུགས་བཞིན་བསྐུར་གསུངས་པས་མངའ་རིས་སུ་དབང་བསྐུར་དེ་ལྟར་མཛད། ཕོ་བྲང་སྣེའུ་གདོང་རྩེ་དང་དྲང་སྲོང་སྲིན་པོ་རིར་ཡང་དེ་བཞིན་བསྐུར་ཞེས་གླེང་བ་དང་། རྒྱ་གཞུང་དུ་འདུས་པ་གཉིས་ཀྱི་རྗེས་སུ་སམྦུ་ཊི་རྡོར་སེམས་དང་རྣལ་འབྱོར་ནམ་མཁའི་ཡུམ་བཀའ་ཡེ་ཤེས་མཁའ་འགྲོ་འདུག་པ་སོགས་གོ་རིམ་འཁྲུགས་པར་སྣང་བ་དེ་ག་
སློབ་དཔོན་གྱི་བཞེད་པར་བཟུང་ནས་ཡིག་ཆ་ཚོར་འདྲིལ་ཞིང་བསྐུར་བ་དང་། འདི་པའི་ལུགས་ཀྱི་གསང་འདུས་འཇམ་རྡོར་གྱི་དབང་གིས་ཡེ་ཤེས་ཞབས་ལུགས་ཀྱི་གོ་གཅོད་པ། ལ་ལ་འཕྲེང་བའི་དུས་འཁོར་ལ་བྱིས་པ་འཇུག་པའི་དབང་བདུན་སོགས་ཟུར་བཀའ་བསྐུར་བ། ཞྭ་དམར་པ་དྲུག་པས་གདན་ས་འཐིལ་དུ་ཐིག་ཚོན་གྱི་ཆོ་ག་དང་སྟ་གོན་གང་ཡང་མེད་པར་རྡུལ་ཚོན་གྱིས་བྲི་ཐུབ་པ་ཉིད་གཙོ་བོར་བཟུང་སྟེ་བསྐུར་བ་སོགས་སྣ་ཚོགས་བྱུང་ཡང་ཨ་བྷ་ཡས་རྣལ་འབྱོར་རྫོགས་འཕྲེང་གི་སྐབས་རྒྱུད་སྡེ་ལ་གོ་རིམ་ངེས་མེད་དུ་བསྒྲིགས་པ་དང་། རྡོ་རྗེ་འཕྲེང་བར་བླ་མེད་ལས་རྒྱུད་སྡེ་གཞན་གྱི་ཕྱག་ལེན་གསལ་བར་མི་གསུང་བར་ནི་རྡོ་རྗེ་ཐེག་པའི་ཆོས་ཚུལ་ཁོང་དུ་ཆུད་པའི་རྡོ་རྗེ་སློབ་དཔོན་ཞིག་གིས་མཐོང་བརྒྱུད་ཀྱི་ཕྱག་ལེན་དང་མན་ངག་ལ་བརྟེན་ནས་འཐོར་བ་བསྡུས། འཁྲུགས་པ་བསྡེབས། མི་གསལ་བ་རྣམས་གསལ་བར་བྱས་ནས་རྒྱུད་སྡེ་རྣམས་སོ་སོར་ཕྱེ། དཀྱིལ་འཁོར་གྱི་ཕྱག་ལེན་ཡང་དེ་ལྟར་མཛད་པའི་དབང་དུ་བྱས་ནས་གབ་དཀྲུགས་སུ་མཛད་པ་ཡིན་ལ། དེའི་རྒྱུ་མཚན་ཡང་ནག་པོ་འགྲོ་ཤེས་ལྟ་བུར་བྲིས་ན་སྙིགས་མའི་དུས་འདིར་ཚེ་འདིའི་ལྟོ་རྒྱབ་དང་སྙན་གྲགས་ཀྱི་ཆེད་དུ་དབང་གི་རྒྱུན་མེད་པར་བསྐུར་བ་སོགས་རང་གཞན་མང་པོ་ཕུང་ལ་སྦྱོར་བའི་དགག་བྱ་དང་དགོས་པར་དགོངས་པ་ཡིན་གྱི། དངོས་སུ་མ་བསྟན་པ་ཙམ་ལ་རྒྱུ་མཚན་དུ་བྱེད་ན། རྒྱུད་སྡེ་ཕལ་ཆེར་ན་དབང་བཞི་པ་སྦས་ནས་མ་བསྟན་པས་བླ་མེད་ཀྱི་སྐབས་དབང་གསུམ་ལས་མེད་དོ་ཞེས་སྐད་གདངས་མཐོན་པོར་སྒྲོག་པར་བྱེད་དམ། ཁ་ཆེ་པཎ་ཆེན་ལ་སྒྲོལ་མའི་ལུང་
བསྟན་བྱུང་ཚུལ་ལོ་རྒྱུས་ཁུངས་མ་ཡིན་ཚེ་རྒྱ་གར་དུ་སློབ་དཔོན་འཇིགས་མེད་ཞབས་ལ་ཡི་དམ་གྱི་ལྷའི་གནང་བ་ཐོབ་ནས་དཀྱིལ་འཁོར་ཞེ་གཉིས་བླ་མེད་དུ་བཀྲལ་བ་བོད་དུ་མ་བྱོན་སངས་རྒྱས་གསུམ་པས་གདུལ་བྱའི་དབང་གིས་རྒྱུད་སྡེ་སོ་སོར་བསྐུར་བས་ཀྱང་བོད་ཀྱི་ཡུལ་འདིར་དེ་ལྟར་བྱ་དགོས་པའི་སྒྲུབ་བྱེད་རྣམ་དག་ཏུ་སོང་བས་དྭགས་བརྒྱུད་པ་སོགས་སྔགས་ལ་རྩིང་པོར་སྤྱོད་པ་རྣམས་བག་ཡོད་པར་མཛད་རིགས་སམ་སྙམ། ཡང་པཎ་ཆེན་ནགས་ཀྱི་རིན་ཅེན་གྱིས་དཀྱིལ་འཁོར་ཐམས་ཅད་བླ་མེད་དུ་བཀྲལ་བ་བཞི་བཅུ་ཞེ་ལྔར་ནུབ་དང་པོ་འཇམ་རྡོར་གྱི་སྐབས་སུ་ས་ཆོག་ཡན་འཕྲེང་བ་ནས་ཇི་ལྟར་འབྱུང་བ་བཞིན་མཛད། ནུབ་གཉིས་པ་ནས་དཀྱིལ་འཁོར་རེ་རེ་བཞིན་བདག་བསྐྱེད་སྟ་གོན་གསུམ་དཀྱིལ་འཁོར་བྲིས་སྒྲུབ་སོགས་རྫོགས་པར་མཛད་ཚུལ་ལོ་རྒྱུས་ཀྱི་ཡི་གེ་དང་ཀུན་མཁྱེན་རྡོ་རྗེ་གདན་པའི་གསན་ཡིག་ཏུ་སྣང་བ་ལྟར་ན་པཎ་ཆེན་ནགས་རིན་དེ་གྲུབ་པའི་གོ་འཕང་མཐོན་པོར་གཤེགས་པ་ཞིག་ཡིན་འདུག་པས་རྣལ་འབྱོར་དབང་ཕྱུག་བིར་ཝ་པས་རྣམ་འཇོམས་བླ་མེད་དུ་བཀྲལ་བ་དང་མཐུན་པ་ཞིག་ཡིན་ཤས་ཆེ་ཡང་ལས་དང་པོ་པ་རྣམས་ཀྱིས་སྤྱོད་ཡུལ་དུ་མ་མངོན་ཞིང་ནུབ་རེ་བཞིན་སའི་ཆོ་ག་དོར་བ་མ་གཏོགས་སྟ་གོན་དང་ཐིག་ཚོན་རྣམས་ངེས་པར་མཛད་འདུག་པས། དེ་དག་གང་ཡང་མེད་པར་རྡུལ་མཚོན་དང་རས་བྲིས་ལ་བརྟེན་པ་ནི་བཞད་གད་ཀྱི་གནས་ཁོ་ནའོ། །དཀྱིལ་འཁོར་ཞེ་གཉིས་ཀྱི་ཟུར་བཀའ་ཨ་བྷ་ཡས་གསན་པའི་རྒྱུན་བོད་དུ་མེད་པ་ལོ་རྒྱུས་ཁུངས་མ་རྣམས་ལས་བཤད་ལ། འཕྲེང་བ་ནི་སྤྱི་བཀའི་དབང་དུ་བྱས་ནས་དབང་ཆོག་གཅིག་ལ་ཁ་བསྒྱུར་བ་ཡིན་ཞིང་
ཟུར་བཀའ་རྣམས་ལ་སོ་སོའི་ལུགས་ཀྱི་དབང་ཆོག་མི་འདྲ་བ་ཡོད་པ་དང་མངོན་རྟོགས་ཀྱང་འདིར་རྫུས་སྐྱེས་སྦྱོང་བྱེད་དང་གཞན་རྣམས་སུ་མངལ་སྐྱེས་དང་སྒོང་སྐྱེས་སྦྱོང་བྱེད་ཀྱི་རྒྱས་བསྡུས་ཀྱང་མི་འདྲ། འདིར་བླ་མ་བརྒྱུད་པའང་རྣལ་འབྱོར་མ་དང་ཨ་བྷ་ཡའི་བར་དུ་གཞན་བརྒྱུད་མི་དགོས་ཤིང་གཞན་རྣམས་ལ་སོ་སོའི་བརྒྱུད་ཚུལ་འདོད་དགོས་པས་ལྷའི་མཚན་ཙམ་གཅིག་པ་རྒྱུ་མཚན་དུ་བྱས་ནས་ཕན་ཚུན་གཅིག་གོ་གཅིག་གིས་གཅོད་པ་ནི་རྒྱུད་སྡེའི་ཕྱོགས་ལ་རྣམ་པར་མི་མཁས་པའི་རང་མཚང་དང་། ལ་ལ་མཁོ་ཆེ་བ་རྒྱུ་མཚན་དུ་བྱས་ནས་དགྲ་ནག་གི་ཚབ་ལ་འཇིགས་བྱེད་བསྐུར་བ་སོགས་འཕྲེང་བ་མཁན་པོའི་གསུང་རབ་ལས་རིང་དུ་གྱུར་པའོ། །ས་བཟང་མ་ཏི་པཎ་ཆེན་ཡན་ལ་རྡོ་རྗེ་འཕྲེང་བ་ལས་མ་དར་ནའང་པཎྜི་ཏ་དཪྤན་ཨཱ་ཙཪྻ་ཞེས་འགྲོ་བའི་མེ་ལོང་དུ་གྲགས་པ་དེས་ལ་ལཱི་ཏ་བཛྲ་སོགས་མཁས་གྲུབ་མང་པོ་ལ་བརྟེན་ནས་གསང་སྔགས་ཀྱི་སྒྲོ་འདོགས་བཅད། རྡོ་རྗེ་རྣལ་འབྱོར་མས་དངོས་སུ་བྱིན་གྱིས་བརླབས། མཆོག་གི་དངོས་གྲུབ་བརྙེས། ཚེམས་ལན་ཉི་ཤུ་བརྗེས་ཤིང་དགུང་ལོ་སྟོང་དང་ཉིས་བརྒྱ་བཞུགས་པ་དེས་འཕྲེང་བསྐོར་གསུམ་དུ་གསལ་བ་དེ་དོན་སོར་བཞག་ཐོག་བདེ་ལེགས་སུ་བྱེད་པའི་དཀྱིལ་འཁོར་གསུམ། སངས་རྒྱས་ཀྱི་སྐུ་གཟུགས་ཀྱི་ཚད། མཚན་དཔེའི་ངོས་འཛིན་སོགས་ལྷག་ཁ་ཡར་དང་བཅས་པ་བསྣན་པའི་རྡོ་རྗེ་སློབ་དཔོན་གྱི་བྱ་བའི་ཆོ་ག་ཀྲྀ་ཡ་ས་མུ་ཙྪ་ཞེས་སྒྲུབ་དཀྱིལ་ཡན་ལག་དང་བཅས་པ་དོན་ཚན་དྲུག་ཅུ་རྩ་བཞིའི་སྒོ་ནས་སྟོན་པའི་བསྟན་བཅོས་ཆེན་པོ་ཞིག་མཛད་པ་འཕགས་པའི་ཡུལ་
དུ་དར་རྒྱས་ཤིན་ཏུ་ཆེ་ཞིང་། བོད་འདིར་ཐོག་མར་རྒྱ་དཔེ་ཞིག་བལ་པོའི་ཚོང་པའི་ལག་ནས་དཔལ་ལྡན་བླ་མ་དམ་པའི་གཅེན་འཇམ་དབྱངས་དོན་ཡོད་རྒྱལ་མཚན་གྱི་ཕྱག་ཏུ་བྱུང་། དེ་ལ་བརྟེན་ནས་ཀུན་སྤངས་ཆོས་གྲགས་དཔལ་བཟང་གིས་བདག་རྐྱེན་མཛད་ནས་བི་ཀ་མཱ་ལ་ཤཱི་ལའི་པཎྜི་ཏ་ཆེན་པོ་མཉྫུ་ཤྲཱི་དང་ས་བཟང་ལོ་ཙཱ་བ་བློ་གྲོས་རྒྱལ་མཚན་གྱིས་བསྒྱུར་ཀྱང་ཆོས་ཀྱི་རྒྱུན་མེད་པ་ལ། མངའ་རིས་པ་རྡོ་རྗེ་དཔལ་གྱིས་བལ་ཡུལ་ཡེ་རང་དུ་ཀྲྀ་ཡ་ས་མུཙྪའི་དབང་ཞུས་པའི་གཏམ་ཐོས་པའི་རྐྱེན་གྱིས་ས་བཟང་འཕགས་པ་གཞོན་ནུ་བློ་གྲོས་ཀྱིས་པཎྜི་ཏ་མ་ཧཱ་བོ་དྷི་ལ་དབང་ལུང་རྫོགས་པར་གསན། དེ་ནས་འཕྲེང་བ་དང་ཀྲྀ་ཡ་གཉིས་དབང་གི་ཆུ་བོ་གཅིག་འདྲེས་སུ་གྱུར་པའི་དཀྱིལ་འཁོར་བཞི་བཅུ་རྩ་ལྔ་རས་བྲིས་ཀྱི་དཀྱིལ་འཁོར་དུ་ཐར་རྩེ་ནམ་མཁའ་དཔལ་བཟང་གིས་མཛད་པའི་རྡོ་རྗེ་འཕྲེང་བའི་སྒྲུབ་དཀྱིལ་སྦྲགས་པ་རྡོར་འཕྲེང་མཛེས་རྒྱན་གྱི་སྟེང་ནས་སྟ་གོན་གསུམ་སྒྲུབ་མཆོད་སོགས་དམ་པའི་ཕྱག་ལེན་འཁྲུལ་མེད་དང་དབང་གི་སྐབས་ཀྱང་དཀྱིལ་འཁོར་མང་མར་འཕྲེང་བའི་སྟེང་དུ་ཀྲྀ་ཡའི་སྒོས་ཆོས་ཁ་ཡར་བསྣན་པའི་ཕྱག་ལེན་རྒྱས་པ། དུས་འཁོར་ལྷ་གྲངས་མངས་པའི་དཀྱིལ་འཁོར་སྒྲུབ་མཆོད་ཡུན་རིང་བར་བརྟེན་འཕྲེང་རྐྱང་གི་ཕྱག་ལེན་བསྡུས་ཤོས་འཁོར་ལོ་སྒྱུར་དྲུག་ལ་ཀྲྀ་ཡའི་སྒོས་ཆོས་ཕྲ་མོ་རྣམས་ཀྱང་བསྣན་པའི་ཕྱག་ལེན་ཤིན་ཏུ་རྒྱས་པ་ཐོབ་པར། དཔལ་གསང་བ་འདུས་པའི་རྒྱུད་ལས་གསུངས་པའི་མི་བསྐྱོད་པའི་རིགས་གསང་འདུས་འཇམ་རྡོར་ལྷ་བཅུ་དགུ་དཔལ་གསང་བ་འདུས་པ་མི་བསྐྱོད་རྡོ་རྗེ་ལྷ་སོ་གཉིས། རྣམ་སྣང་སྒྱུ་
དྲའི་རྒྱུད་སློབ་དཔོན་ཀུན་སྙིང་དང་བི་ཤཱ་མི་ཏྲས་རྣམ་སྣང་སྒྱུ་དྲ་གསང་འདུས་ཀྱི་རྒྱུད་ཕྱི་མའི་ཕྱི་མར་བཤད། སློབ་དཔོན་ཟླ་བ་གྲགས་པས་ཀྱང་དོན་གྱིས་གསང་འདུས་དང་ཕྱོགས་མཐུན་པར་བཞེད། རྡོ་རྗེ་འཆང་སྔགས་རམ་པ་བླ་མེད་དང་རྣལ་འབྱོར་རྒྱུད་དུ་བྱེད་པའི་ལུགས་གཉིས་སྣང་ཞེས་ཐེ་ཚོམ་དུ་མཛད་དོ། །ལ་བརྟེན་པའི་འཇམ་དཔལ་རྡོ་རྗེ་ལྷ་ཞེ་གསུམ། རྩ་བའི་རྒྱུད་གཤིན་རྗེ་དགྲ་ནག་གི་རྒྱུད་ལ་བརྟེན་པའི་རྣམ་སྣང་གི་རིགས་འཇམ་དཔལ་གཤིན་རྗེ་གཤེད་ལྷ་བཅུ་གསུམ་སྟེ་ཕ་རྒྱུད་བཞི། བརྟག་པ་གཉིས་པ་ནས་གསུངས་པའི་ཧེ་རུ་ཀའི་རིགས་ཀྱི་དཔལ་དགྱེས་པ་རྡོ་རྗེ་ཐོད་པ་ཅན་ཞལ་བརྒྱད་ཕྱག་བཅུ་དྲུག་པ་ལྷ་དགུ། ཐུགས་རྡོ་རྗེ་ཞལ་གསུམ་ཕྱག་དྲུག་པ་ལྷ་དགུ། གསུང་རྡོ་རྗེ་ཞལ་གཅིག་ཕྱག་བཞི་པ་ལྷ་དགུ། སྐུ་རྡོ་རྗེ་ཞལ་གཅིག་ཕྱག་གཉིས་པ་ལྷ་དགུ། མཁའ་འགྲོ་མ་རྡོ་རྗེ་གུར་གྱི་རྒྱུད་ལས་གསུངས་པའི་མཁའ་འགྲོ་ལྔ་རིགས་བསྡུས་པ་ལྷ་ལྔ་བཅུ་རྩ་གསུམ། སམྦུ་ཊིའི་རྒྱུད་ནས་གསུངས་པའི་བདག་མེད་ལྷ་མོ་ཉེར་གསུམ། བརྟག་གཉིས་ནས་གསུངས་པའི་བདག་མེད་ལྷ་མོ་བཅོ་ལྔ། ཡང་རྒྱུད་དེ་ཉིད་ལས་གསུངས་པའི་ཀུ་རུ་ཀུ་ལླེ་ལྷ་བཅོ་ལྔ། མཁའ་འགྲོ་མ་རྡོ་རྗེ་གུར་ནས་བཤད་པའི་རྡོ་རྗེ་སྒྲོལ་མ་ལྷ་བཅུ་གསུམ། རྡོ་རྗེ་འཆང་སྔགས་རམ་པ་བྱ་རྒྱུད་དུ་བཞེད། སམྦུ་ཊི་ནས་གསུངས་པའི་སྙིང་པོ་ཀྱེ་རྡོ་རྗེ་མཚོན་ཆ་ཅན་ཞལ་བརྒྱད་ཕྱག་བཅུ་དྲུག་པ་ལྷ་བཅུ་བདུན། ཐུགས་རྡོ་རྗེ་ཞལ་གསུམ་ཕྱག་དྲུག་པ་ལྷ་བཅུ་བདུན། གསུང་རྡོ་རྗེ་ཞལ་གཅིག་ཕྱག་བཞི་པ་ལྷ་བཅུ་བདུན། སྐུ་རྡོ་རྗེ་ཞལ་གཅིག་ཕྱག་གཉིས་པ་ལྷ་བཅུ་བདུན་རྣམས་གཉིས་མེད་ཀྱི་རྒྱུད། སམྦུ་ཊི་ནས་གསུངས་པའི་བདེ་མཆོག་རྡོ་རྗེ་སེམས་དཔའ་
ལྷ་སོ་བདུན། བདེ་མཆོག་རྩ་བའི་རྒྱུད་ནས་གསུངས་པའི་འཁོར་ལོ་སྡོམ་པ་ཞལ་བཞི་ཕྱག་བཅུ་གཉིས་པ་ལྷ་དྲུག་ཅུ་རྩ་གཉིས། བདེ་མཆོག་སྔོན་པོ་ཞལ་གཅིག་ཕྱག་གཉིས་པ་ལྷ་དྲུག་ཅུ་རྩ་གཉིས། བདེ་མཆོག་སེར་པོ་ཞལ་གཅིག་ཕྱག་གཉིས་པ་ལྷ་དྲུག་ཅུ་རྩ་གཉིས། ཕག་མོ་དམར་མོ་ལྷ་སུམ་ཅུ་རྩ་བདུན། ཕག་མོ་སྔོན་མོ་ལྷ་སོ་བདུན། ཕག་མོ་སེར་མོ་ལྷ་སོ་བདུན། ཨ་བྷི་དྷཱ་ན་ལས་གསུངས་པའི་ཧཱུྃ་མཛད་ཁྲོ་བོ་བཅུ་གཅིག་འདི་བདེ་མཆོག་ཁྲོ་བོ་རྡོར་སེམས་སུ་ཨ་བྷ་ཡ་བཞེད་དོ། །ཡང་རྒྱུད་དེ་ཉིད་ལས་གསུངས་པའི་བདེ་མཆོག་འཁོར་ལོ་སྒྱུར་དྲུག་ལྷ་བདུན་ཅུ་རྩ་གཉིས། རྡོ་རྗེ་བདུད་རྩིའི་རྒྱུད་ལ་བརྟེན་ནས་རྡོ་རྗེ་ཉི་མའི་རིགས་ཀྱི་རྡོ་རྗེ་བདུད་རྩི་ལྷ་ཉེར་གཅིག །བདུད་རྩི་ཧཱུྃ་མཛད་ལྷ་ཉེར་དགུ་བདུད་རྩི་ཁྲོ་བོ་ལྷ་ཉེར་གཅིག་བདུད་རྩི་འཁྱིལ་པ་ལྷ་བཅུ་གསུམ། ཧེ་རུ་ཀའི་རིགས་སངས་རྒྱས་ཐོད་པ་ལྷ་ཉི་ཤུ་རྩ་ལྔ། སངས་རྒྱས་ཐོད་པ་ལྷ་དགུ། །མ་ཡའི་རྒྱུད་ཆུང་ལ་བརྟེན་པའི་མ་ཧཱ་མ་ཡ་ལྷ་ལྔ། གདན་བཞིའམ་རྒྱུད་གསེར་གྱི་ཆར་པ་ནས་བཤད་པའི་རྣམ་སྣང་གི་རིགས་རྣལ་འབྱོར་ནམ་མཁའ་ལྷ་ལྔ་བཅུ་རྩ་བརྒྱད། དེའི་ཡུམ་བཀའ་ཡེ་ཤེས་མཁའ་འགྲོ་ལྷ་བཅུ་གསུམ་རྣམས་བདེ་མཆོག་གི་ཕྱོགས་སུ་གཏོགས་པའམ་རྣལ་འབྱོར་མ་རྒྱུད། སྔོན་བྱུང་དྲང་སྲོང་ཉི་མའི་ཤིང་རྟ་སོགས་དྲང་སྲོང་བྱེ་བ་ཕྲག་ཕྱེད་དང་བཞི་འདུལ་བའི་དོན་དུ་གསུངས་པ་དཔལ་དུས་ཀྱི་འཁོར་ལོའི་རྒྱུད་ལ་བརྟེན་ནས་སྐུ་གསུང་ཐུགས་ཡོངས་སུ་རྫོགས་པ་ལྷ་དྲུག་བརྒྱ་སུམ་ཅུ་རྩ་བཞི། འཇམ་དབྱངས་མཁྱེན་བརྩེའི་གསན་ཡིག་ན་སྟོང་དང་བཞི་བརྒྱ། སྔགས་རམ་པའི་གསན་ཡིག་ན་དྲུག་བརྒྱ་ཉེར་དྲུག་ཅེས་སྣང་ངོ་། །ཕ་རྒྱུད་མ་
རྒྱུད་གཉིས་སུ་ཕྱེ་ན་དགྱེས་རྡོར་ནས་འདིའི་བར་མ་རྒྱུད་དུ་བསྡུས་ཀྱང་འཐད་དོ། །དེ་ཉིད་འདུས་པའི་རྒྱུད་ལས་གསུངས་པའི་ཐབས་གཙོ་བོར་སྟོན་པ་རྡོ་རྗེ་དབྱིངས་ལྷ་ལྔ་བཅུ་རྩ་གསུམ། ངན་སོང་སྦྱོང་རྒྱུད་དང་བརྟག་པ་ཕྱོགས་གཅིག་ལ་བརྟེན་པའི་གཙུག་དགུ་ལྷ་སུམ་ཅུ་རྩ་བདུན། སྒྱུ་དྲའི་རྒྱུད་དང་འཇམ་དཔལ་གྲགས་པའི་མཚན་བརྗོད་ཀྱི་འགྲེལ་པ་ལ་བརྟེན་ནས་ཤེས་རབ་གཙོ་བོར་སྟོན་པ་ཆོས་དབྱིངས་གསུང་དབང་ལྷ་ཉིས་བརྒྱ་ཉེར་གཅིག་སྟེ་རྣལ་འབྱོར་རྒྱུད། རྩ་བཤད་འཕྲོས་པ་ཆ་མཐུན་པ་ཡན་ལག་གི་རྒྱུད་ལྔའི་ནང་ནས་ཡན་ལག་གི་རྒྱུད་དམ་རྡོར་དབྱིངས་དང་ཆ་མཐུན་པའི་རྒྱུད་དུ་བཤད་ཅིང་དེ་བཞིན་གཤེགས་པའི་རིགས་སུ་ངོས་འཛིན་པར་སྣང་ངོ་། །འབྱུང་པོ་འདུལ་བྱེད་ཀྱི་རྒྱུད་ལ་བརྟེན་པའི་རྡོ་རྗེའི་རིགས་གསང་བའི་བདག་པོ་འབྱུང་པོ་འདུལ་བྱེད་ལྷ་སོ་གསུམ་པ་སྤྱོད་རྒྱུད། རྗེ་བཙུན་བཙོང་ཁ་པའི་གསན་ཡིག་ན་བྱ་རྒྱུད་གསུམ། ཡོ་ག་གསུམ་ཞེས་འདུག་པས་བྱ་རྒྱུད་དུ་བཞེད་པ་འདྲའོ། །དེ་བཞིན་གཤེགས་པའི་རིགས་ཀྱི་ཡུམ་འོད་ཟེར་ཅན་མ་ལྷ་ཉི་ཤུ་རྩ་ལྔ། གཟུངས་གྲ་ལྔ་ལྷ་བཅུ་གསུམ། འདི་ཡན་གྱིས་འཕྲེང་རྐྱང་གི་དཀྱིལ་འཁོར་ཞེ་གཉིས་ཚང་། ཀྲྀ་ཡ་ནས་གསུངས་པའི་བདེ་ལེགས་སུ་བྱེད་པའི་དཀྱིལ་འཁོར་གསུམ་ཞེས་པ་ནོར་རྒྱུན་མའི་རྟོག་ཆུང་ལ་བརྟེན་པའི་དེ་བཞིན་གཤེགས་པའི་རིགས་ཀྱི་གནས་གཙང་མའི་ལྷ་ནོར་རྒྱུན་ལ་ལྷ་བཅུ་དགུ་གཟའ་ཡུམ་གྱི་རྟོག་པ་ལས་གསུངས་པའི་རིགས་བྱེད་མ་ནུབ་བྱང་གི་གྲར་བཞུགས་པ་དཀྱིལ་འཁོར་གྱི་གཙོ་བོར་བྱས་པའི་གཟའ་ཡུམ་ལྷ་ཞེ་དྲུག་གམ་ལྔ་བཅུ། དེ་བཞིན་གཤེགས་པའི་རིགས་ཀྱི་གཙུག་ཏོར་རྣམ་རྒྱལ་མ་ལྷ་སུམ་ཅུ་རྩ་གསུམ་སྟེ་བྱ་རྒྱུད་ཀྱི་དཀྱིལ་འཁོར་ལྔ་དང་བཅས་
པ་རྣམས་ཀྱི་དབང་ལེགས་པར་ཐོབ་པའི་རྡོ་རྗེ་འཕྲེང་བ་དཀྱིལ་འཁོར་བཞི་བཅུ་རྩ་གཉིས་ཀྱི་བརྒྱུད་པ་ནི་བཛྲ་དྷ་རཿ རྡོ་རྗེ་འཆང་། ཛྙཱ་ན་ཊཱཀི་ནཱི། ཡེ་ཤེས་ཀྱི་མཁའ་འགྲོ་མ། ཨཱ་ཙཪྻ་ཨ་བྷ་ཡཱ་ཀ་ར་གུ པྟཿ སློབ་དཔོན་འཇིགས་མེད་འབྱུང་གནས་སྦས་པ། པཎྜི་ཏ་ཨ་ནུ་ས་མ་རཀྵི་ཏཿ མཁས་པ་དཔེ་མེད་བསྲུང་བ། མ་ཧཱ་པཎྜི་ཏ་བི་བྷཀྵ་ཏ་དེཝཿ མཁས་པ་ཆེན་པོ་རྣམ་བཤད་ལྷ། མ་ཧཱ་པཎྜི་ཏ་ཤཱཀྱ་ཤྲཱི་བྷ་དྲཿ མཁས་པ་ཆེན་པོ་ཤཱཀྱ་དཔལ་བཟང་པོ། ཨ་ཝ་ནཔྟི་ཀ་བྷཱུ་མི་ཤྲཱིཿ དབོན་ཆུང་ས་གཞིའི་དཔལ། ཏ་སྱ་པུ་ཏྲ་བི་མཱ་ལ་ཤྲཱི་བྷ་དྲཿ དེའི་སྲས་དྲི་མེད་དཔལ་བཟང་། མང་མཁར་ལོ་ཀ་ཙཀྵུ་བོ་དྷི་སིདྷཿ མང་མཁར་འཇིག་རྟེན་མིག་བྱང་ཆུབ་སེང་གེ །སྐྱི་ཤཱསྟ་ཀཱིརྟི་དྷཱ་ཛཿ སྐྱི་སྟོན་གྲགས་པ་རྒྱལ་མཚན། དོལ་པོ་སརྦ་ཛྙ་པྲ་ཛྙཱ་དྷྭ་ཛཿ དོལ་པོ་ཀུན་མཁྱེན་ཤེས་རབ་རྒྱལ་མཚན། མཁྱེན་བརྩེ་ཐར་རྩེ་སྒྲུབ་ཁང་གསུམ་གྱི་གསན་ཡིག་ན་བིཀྵར་མཁྱེན་ཤེས་རབ་རྒྱལ་མཚན། གསན་ཡིག་ན་བིཀྵར་དེ་ཝ་དང་ཐར་རྩེ་སངས་རྒྱས་སེང་གེར་གསན་པ་དང་ཤར་བའི་གསན་ཡིག་ན་རྣམ་གྲགས་ལྷ་ཟེར་བ་འདུག་ཅིང་སྔགས་རམ་པའི་གསན་ཡིག་ན་བི་ཁྱ་དེ་ཝ་སྟེ་རྣམ་བཤད་ལྷ་ཞེས་སྣང་བ་སོགས་མི་མཐུན་ཙམ་ཁ་ཡར་བྱུང་བ་སླར་ཡང་བརྟག་གོ །ས་བཟང་མ་ཧཱ་པཎྜི་ཏ་མ་ཏི་དྷཱ་ཛ། ས་བཟང་པཎ་ཆེན་བློ་གྲོས་རྒྱལ་མཚན། ས་བཟང་ཨཱཪྻ་ཀུ་མཱ་ར་མ་ཏིཿ ས་བཟང་འཕགས་པ་གཞོན་ནུ་བློ་གྲོས། བཛྲ་དྷར་ཨ་ནནྡ་བྷ་དྲཿ རྡོ་རྗེ་འཆང་ཀུན་དགའ་བཟང་པོ། བོ་དྷི་ས་ཏྭ་མ་ཏི་རཏྣཿ བྱང་ཆུབ་སེམས་དཔའ་བློ་གྲོས་རིན་ཅེན། མཉྫུ་གྷོ་ཥ་བུདྷ་རཏྣཿ འཇམ་དབྱངས་སངས་རྒྱས་རིན་ཅེན། ཛིཾ་ན་པ་ར་མ་དེ་ཝ་སིདྷཿ རྒྱལ་བ་ལྷ་མཆོག་སེང་གེ །མྲྀ་དུ་སྭ་ར་རཏྣ་ནི་རཱ་བྷོ་གཿ འཇམ་དབྱངས་དཀོན་ཅོག་ལྷུན་གྲུབ། མོཀྵཱ་གྲ་པཊུ་སིདྡྷ་ག་ག་ན་ཤྲཱི་བྷ་དྲཿ ཐར་རྩེ་བ་མཁས་གྲུབ་ནམ་མཁའ་དཔལ་བཟང་།
བྷཱུ་མི་པཎྜུ་ཀ་མཉྫུ་གྷོ་ཥ་ཨཱ་ནནྡ་པུ་ཎྱ་ནི་རཱ་བྷོ་ག་མཾ་ག་ལ་ཀཱིརྟི་དྷྭ་ཛཿ ས་སྐྱ་པ་འཇམ་དབྱངས་ཀུན་དགའ་བསོད་ནམས་ལྷུན་གྲུབ་བཀྲ་ཤིས་གྲགས་པ་རྒྱལ་མཚན། མ་ཧཱ་པཎྜི་ཏ་ཝཱ་གིནྡྲ་དྷརྨཱ་ཀཱིརྟིཿ མཁས་པ་ཆེན་པོ་ངག་དབང་ཆོས་གྲགས། པྲ་བྷུ་བཛྲ་ས་ཏཱ་ནཱ་ཐ་པུ་ཎྱོ་ཏྟ་མ་བཤྴཱ་ས་ན་སྱ་དྷྭ་ཛ་ཤྲཱི་བྷ་དྲཿ ཁྱབ་བདག་རྡོ་རྗེ་སེམས་དཔའ་མགོན་པོ་བསོད་ནམས་མཆོག་ལྡན་བསྟན་པའི་རྒྱལ་མཚན་དཔལ་བཟང་པོ། ཏེ་ནཱསྨ་ཏྶ་ཧོ་ར་གོ་མིཾ་ཀུ་ཊི་པོ་ཊ་ལ་སྱ་སྭཱ་བྷ་ཝ་དཱཪྻ་ལོ་ཀེ་ཤྭ་ར་སྱ་གནྡྷོ་ལེ྅ཡཙྪ་དཿ དེས་བདག་ཟ་ཧོར་བནྡེ་ལ་ཕོ་བྲང་པོ་ཏ་ལའི་རང་བྱུང་འཕགས་པ་འཇིག་རྟེན་དབང་ཕྱུག་གི་གཙུག་ལག་ཁང་དུ་སྩལ་ཏོ། །བཱ་རཏྣ་ནི་རཱ་བྷོ་གཱ་ཏཿ ཡང་ན་དཀོན་ཅོག་ལྷུན་གྲུབ་ནས། པཱུརྦ་གྲྀ་ཧ་པྲཛྙ་དྷཱ་ཛཿ ཤར་ཁང་པ་ཤེས་རབ་རྒྱལ་མཚན། མོཀྵཱ་གྲ་པ་ནི་ཤྩ་ས་མཱ་ནཿ ཐར་རྩེ་པ་མན་འདྲ། ཙ་པ་ར་མ་དེ་ཝ་སིདྷཱུ་ཏྲ། ཡང་ན་ལྷ་མཆོག་སེང་གེ་ནས། པཱུརྦ་གྲྀ་ཧ་ནི་ཤྩ་ས་མཱ་ནཿ ཤར་ཁང་པ་མན་འདྲ། བཱ་རཏྣ་ནི་རཱ་བྷོ་གཱ་ཏཿ ཡང་ན་དཀོན་ཅོག་ལྷུན་གྲུབ་ནས། སྭ་མི་བུདྡྷ་སིདྷཿ རྗེ་སངས་རྒྱས་སེང་གེ །མོཀྵཱ་གྲ་པ་ནི་ཤྩ་ས་མཱ་ནཿ ཐར་རྩེ་བ་མན་འདྲ། བི་བྷཱ་ཥ་ཨ་བྷ་ཡཱ་ཀ་རཱཏ྄ཿ ཡང་ན་འཇིག་མེད་འབྱུང་གནས་ནས། ཐར་རྩེ་བའི་གསན་ཡིག་ན་དཀྱིལ་འཁོར་ང་ལྔར་ཕྱེ་བའི་བརྒྱུད་པར་མཛད་འདུག་ཀྱང་མཁྱེན་བརྩེ་དང་སྔགས་རམ་པའི་གསན་ཡིག་སོར་བཞག་བྲིས་པ་ཡིན། སུ་ཙཱ་རཱ་ཀ་ར་གུཔྟཿ ལེགས་སྤྱོད་འབྱུང་གནས་སྦས་པ། ཤུབྷ་ཀ་ར་གུཔྟཿ དགེ་བྱེད་སྦས་པ། རཏྣ་རཀྵི་ཏཿ རིན་ཅེན་བསྲུང་བ། མ་ཏུ་ལ་ལོཙྪ་སིདྡྷ་ཤྲཱིཿ ཞང་འཇིག་རྟེན་དུ་སྒྲོགས་པ་གྲུབ་པ་དཔལ། ཁམས་པ་ཤཱཀྱ་བཛྲཿ ཁམས་པ་ཤཱཀྱ་རྡོ་རྗེ། མ་དྷྱ་བུདྡྷ་ལཀྵཿ དབུས་པ་སངས་རྒྱས་འབུམ། ལོ་ཀ་ཙཀྵུ་ཨུཏྟ་མ་བཱཾཿ འཇིག་རྟེན་མིག་མཆོག་ལྡན། སྐྱི་ཤཱསྟ་ནི་ཤྩས་མཱ་ནཿ སྐྱི་སྟོན་
མན་འདྲ། ཙ་ཨ་བྷ་ཡཱ་ཀ་རཱཏཿ ཡང་ན་འཇིགས་མེད་འབྱུང་གནས་ནས། ན་ཡ་ཀཿ འདྲེན་པ། ད་ཤ་བ་ལ་ཤྲཱིཿ སྟོབས་བཅུའི་དཔལ། བི་བྷཀྵ་ཏ་དེ་ཝ་ནིཤྩ་ས་མཱ་ནཿ རྣམ་བཤད་ལྷ་མན་འདྲ། བཱ་པཎྜི་ཏ་ཤཱཀྱ་ཤྲཱི་ཡཿ ཡང་ན་མཁས་པ་ཤཱཀྱ་དཔལ་ནས། གླན་བ་སོ་བཿ གླན་བ་སོ་བ། གཉག་བཛྲ་དྷ་རཿ གཉག་རྡོ་རྗེ་འཛིན་པ། ཁམས་ཤཱསྟ་ལྷོ་ཚད་པ་རཏྣ་རཏྣཿ ཁམས་སྟོན་ལྷོ་ཚད་པ་དཀོན་ཅོག་རིན་ཅེན། ལོ་ཀ་ཙཀྵུ་ཨུཏྟ་མཱཾ་ནིཤྩ་ས་མཱ་ནཿ འཇིག་རྟེན་མིག་མཆོག་ལྡན་པ་མན་འདྲ། བཱ་པཉྩ་མཎྜལ་པཉྩ་ད་ཤི་ཀ་མཱ་ལེ། ཡང་དཀྱིལ་འཁོར་ལྔ་བཅུ་རྩ་ལྔར་ཕྱེ་བའི་བརྒྱུད་པ་ནི། མཁའ་འགྲོ་ལྔ་འཁོར་ལོ་སྒྱུར་བ་དྲུག་བསྲུང་བ་ལྔ་རྣམས་སོ་སོར་ཕྱེ་བས་ང་ལྔ། ཨ་བྷ་ཡཱ་ཀ་རཿ འཇིགས་མེད་འབྱུང་གནས། ཤཱཀྱ་རཀྵི་ཏཿ ཤཱཀྱ་བསྲུང་བ། གོ་ཏཾ་གུ་རུཿ གོ་ཏཾ་བླ་མ། བི་བྷཱུ་ཏི་ཙནྡྲཿ གྲགས་འབྱོར་ཟླ་བ། གོ་དེ་ཝ་ཤྲཱིཿ ས་ལྷའི་དཔལ། ཀྵནྟི་ཤྲཱིཿ བཟོད་པ་དཔལ། པཎྜི་ཏ་བུདྡྷ་ཤྲཱིཿ མཁས་པ་སངས་རྒྱས་དཔལ། པཎྜི་ཏ་ནཱ་ཐཿ མཁས་པ་མགོན་པོ། སྐྱི་ཤཱསྟ་ནི་ཤྩ་ས་མཱནཿ སྐྱི་སྟོན་མན་འདྲ། ཙ་མཎྜ་ལཱཥྚ་བིཾ་ཤཏྶ་མ་ཧ་ར་མཱ་ལེཿ ཡང་ན་དཀྱིལ་འཁོར་ཉེར་བརྒྱད་དུ་བསྡུས་པའི་
བརྒྱུད་པ་ནི། ཀྱེ་རྡོར་ལྷ་དགུ་མ་བཞི་དང་བཅུ་བདུན་མ་བཞི་བདག་མེད་མ་གཉིས་བདེ་མཆོག་གསུམ 
་ཕག་མོ་གསུམ་བདུད་རྩི་བཞི་རྣམས་རེ་རེ་བསྡུས་སོ། །པཎྜི་ཏ་ཤཱཀྱ་ཤྲཱི་ཡཿ མཁས་པ་ཤཱཀྱ་དཔལ་ནས། དཀྵི་ཎ་སརྦ་ཛྙཿ ལྷོ་པ་ཐམས་ཅད་མཁྱེན་པ། དེ་ཝ་གྲྀ་ཧ་ཤུཀླཿ ལྷ་ཁང་ཀ་རུ་བ། ཡར་ཀླུངས་པ་བྷ་ག་ཝཱ་ན་ཁཌྒ་སྱཿ ཡར་ཀླུངས་པ་བཅོམ་ལྡན་རལ་གྲི། བྷ་ཏྲ་པྲཛྙཱ་པྲ་ཎི་དྷིཿ གཅུང་པོ་ཤེས་རབ་སྨོན་ལམ། གུ་རུ་བོ་དྷི་སིདྷ་ནི་ཤྩ་ས་མཱ་ནཿ བླ་མ་བྱང་ཆུབ་སེང་གེ་མན་འདྲ། བཱ་བི་མཱ་ལ་ཤྲཱི་ཡཿ ཡང་ན་དྲི་མེད་དཔལ་ནས།
ལོ་ཀ་ཙཀྵུ་མ་ཏི་སྠི་རཿ འཇིག་རྟེན་གྱི་མིག་བློ་གྲོས་བརྟན་པ། བོ་དྷི་སིདྷ་ནི་ཤྩ་ས་མཱ་ནཿ བྱང་ཆུབ་སེང་གེ་མན་འདྲ། མ་ཧཱ་པཎྜི་ཏ་དཪྤ་ཎ་ཨཱ་ཙཪྻ་སྱ་ནེ་མ་ཏ་ཀྲྀ་ཡ་ས་མུཙྪ་ནཱཾ་མཎྜལ་པཉྩ་མ་ཙ་ཏུ་རིཾ་ཤ་དཱཾ་མཱ་ལེ། མཁས་པ་ཆེན་པོ་སློབ་དཔོན་འགྲོ་བའི་མེ་ལོང་ལུགས་ཀྱི་བྱ་བ་ཡང་དག་པར་བསྡུས་པའི་དཀྱིལ་འཁོར་ཞེ་ལྔའི་བརྒྱུད་པ་ནི། བཛྲ་དྷ་རཿ རྡོ་རྗེ་འཆང་། ཛྙཱ་ན་ཌཱ་ཀི་ནཱིཿ ཡེ་ཤེས་ཀྱི་མཁའ་འགྲོ་མ། པཎྜི་ཏ་དཪྤ་ཎ་ཨཱ་ཙཪྻཿ སློབ་དཔོན་མཁས་པ་འགྲོ་བའི་མེ་ལོང་། འཕགས་པ་རིན་པོ་ཆེའི་གསན་ཡིག་ན་འདིའི་སྔོན་དུ་ཨ་བྷ་ཡ་དང་དཔེ་མེད་བསྲུང་གཉིས་འདུག་པས་ཆད་དམ་ཞེས་ཐར་རྩེ་དང་ཤར་པའི་གསན་ཡིག་ཏུ་བྱུང་བ་བགྲང་ཀྱང་ཁུངས་མི་བཙུན་པ་མ་ཡིན་ལ། ལོ་རྒྱུས་ལྟར་ན་ཕག་མོ་ལ་དཪྤ་ཎ་རང་གིས་ཐུག་པས་ཆད་སྐྱོན་མི་འབྱུང་ཞིང་ཨ་བྷ་ཡ་དང་དཪྤ་ཎ་གཉིས་ཕར་སློབ་ཚུར་སློབ་ཡིན་པའི་ལོ་རྒྱུས་ལྟར་ན་དཔེ་མེད་གསུངས་མི་དགོས་པ་འདྲའོ། །ས་མནྟ་བྷ་དྲཿ ཀུན་ཏུ་བཟང་པོ། ཛྙཱ་ན་ཛྱོ་ཏེཿ ཡེ་ཤེས་ཀྱི་གློག །ཤྲཱི་ཧཱ་ནུ་མནྟཿ དཔལ་མྱུར་བའི་མཐའ། ཐར་རྩེ་པའི་གསན་ཡིག་ན་དཔལ་ཡིད་ཀྱི་འགྲམ་པ་དང་སྔགས་རམ་པའི་དེར་དཔལ་གཞན་ལ་ཕན་ཞེས་པར་བསྒྱུར་འདུག་པ་དཔྱད། ཤྲཱི་མཉྫུ་བྷ་དྲཿ འཇམ་དཔལ་བཟང་པོ། ཤྲཱི་བྷ་དྲཿདཔལ་བཟང་། དྷརྨཱ་ཛྱོ་ཏི་བྷ་དྲཿ ཆོས་ཀྱི་གློག་བཟང་། མ་ན་ཛཱི་ཝ་བྷ་དྲཿ ཡིད་འཚོ་བ་བཟང་པོ། གོ་ཏཾ་ཤྲཱི་བྷ་དྲཿ ངག་གི་དཔལ་བཟང་། ཤྲཱི་བི་ཛ་ཡ་བྷ་དྲཿ དཔལ་རྣམ་རྒྱལ་བཟང་པོ། ཤྲཱི་མ་ད་ན་བྷ་དྲ་པཱ་དཿ དཔལ་མྱོས་བྱེད་བཟང་པོའི་ཞབས། ཤྲཱི་ལཀྵྨི་བྷ་དྲ་པཱ་དཿ དཔལ་ཕུན་ཚོགས་བཟང་པོའི་ཞབས། ག་ག་ན་བྷ་དྲཿ ནམ་མཁའ་བཟང་པོ། ཨུ་ད་ཀ་ཛཱི་ཝ་བྷ་དྲཿ ཆུའི་འཚོ་བ་བཟང་པོ། ཤྲཱི་ཧརྵ་བྷ་དྲ་པཱ་ད། དཔལ་འཕྲོག་བྱེད་བཟང་པོའི་ཞབས། བྷ་ག་ཝཏྦྷ་དྲཿ སྐལ་ལྡན་བཟང་པོ། ཛ་ག་ཏ་ཨཱ་ནནྡ་ཛཱི་ཝ་བྷ་དྲཿ སྐྱེ་རྒུ་ཀུན་དགའི་འཚོ་བ་བཟང་པོ། ཏསྱ་པུ་ཏྲ་མ་ཧཱ་བོ་དྷིཿ དེའི་སྲས་བྱང་ཆུབ་ཆེན་པོ། ས་བཟང་ཨཱཪྻ་ཀུ་མཱ་ར་མ་ཏི་ནིཥྩ་ས་མཱ་ནཿ ས་བཟང་འཕགས་པ་གཞོན་ནུ་བློ་གྲོས་མན་འདྲཿ
མེ་གླང་ཟླ་བ་བཅུ་གཅིག་པའི་དགུན་ཉི་མ་ཐུང་ཞིང་བསིལ་ངད་ཆེ་བ་དང་ཉིན་མོའི་རིང་ཕལ་ཆེར་རྒྱལ་བ་བཙོང་ཁ་པ་ཆེན་པོའི་གསུང་རབ་ཀྱི་ལྗགས་ལུང་སོགས་ཀྱིས་ཐུགས་ལོང་ཆུང་བའི་སྒྲུབ་མཆོད་སོགས་ཞིབ་ཞིབ་གནང་ལོང་བྱུང་མ་སོང་བའི་སྟེང་། དཀྱིལ་འཁོར་ཉི་ཤུ་རྩ་གཉིས་ཙམ་ཞིག་ལ་དཀྱིལ་འཁོར་ཞེ་གཉིས་ཚང་བའི་དབང་དུ་བཏང་བའི་རྡོ་རྗེ་འཕྲེང་བའི་དབང་ཞིག་མཁན་པོ་རིན་པོ་ཆེ་བློ་བཟང་ཆོས་ཀྱི་རྒྱལ་མཚན་ལ་ནོས་པ་འཕགས་ཆེན་དམ་པ་རྣམས་དག་པ་ཡེ་ཤེས་ཀྱི་སྣང་བས་རྟག་ཏུ་འབྱམ་ཀླས་པས་ཀུན་རྫོབ་ཀྱི་རྩོལ་བྱས་ལ་མ་ལྟོས་མོད། ཕ་དམ་པས་ངའི་གདམས་པ་འདི་ང་དང་འདྲ་བ་ཞིག་གིས་ཉམས་སུ་བླངས་ན་ལག་ཏུ་ཁེལ་གསུང་པ་ལྟར་སྤང་རྟོགས་ཀྱི་ཡོན་ཏན་དེ་ལྡན་ཞིག་གིས་དབང་ཐོབ་པར་འགྲོ་ཤས་ཆེ་ཡང་ཚུར་མཐོང་བྱིས་པའི་ངང་ཚུལ་ཅན་རྣམས་ཀྱིས་ཐོབ་པར་རློམ་ཡང་། སྡོམ་གསུམ་དུ། ཆོ་ག་ཅུང་ཟད་ཉམས་པ་ལ། ཆོ་ག་ཆགས་པར་མ་གསུངས་ན། ཆོ་ག་ཕལ་ཆེར་ཉམས་པ་ལ། །ཆོ་ག་ཆགས་པར་འགྱུར་རི་སྐན། །ཞེས་པ་ལྟར་བདག་འདྲ་དམན་པའི་རིགས་ཀྱི་བློར་ཆུད་དཀའ་བ་ནས་བརྒྱུད་པ་ཞིབ་མ་དཔྱད། དཔྱོད་པར་ཤར་ཚེ་བཀའ་འབུམ་དུ་བརྒྱུད་འདེབས་འདུག་པ་དེ་བཞིན་གཤེགས་པས་གདུལ་བྱ་འགའ་ཞིག་ལ་གང་ཟག་གིས་བདག་ཡོད་པར་བསྟན་པ་བཞིན་འགྲོ་བའི་སྣང་ངོར་གསུངས་པ་མ་གཏོགས་ངེས་དོན་ཐམས་ཅད་མཁྱེན་པ་ཡོན་ཏན་རྒྱ་མཚོས་འཕྲེང་བའི་སྙན་གསན་ཕུལ་བར་སྔར་ཕན་ཚང་བ་ཞིག་མ་ཐོབ། སླར་རྩོལ་བ་བྱས་ནས་ལོ་གསུམ་གྱི་ཁོངས་སུ་འབུལ་བར་ཞལ་གྱིས་འཆེས་པ་རྗེ་ཉིད་ཀྱི་མཆོད་དཔོན་ཨོ་ལོ་སྲས་པོ་དང་གྲོགས་པོ་ནང་པའི་དགེ་
སློང་ངག་དབང་ཆོས་རྒྱལ་སོགས་དུས་དེའི་གྲྭ་རྒན་ཕལ་ཆེར་གྱིས་གླེང་ཞིང་། རབ་འབྱམས་པ་བསོད་ནམས་གྲགས་པས་ཇོ་ནང་སྤྲུལ་སྐུར་ཞུས་ནས་ཕུལ་ལམ། ཡང་ན་ཟུར་བཀའ་གསན་རིགས་དེ་གས་གོ་བཅད་འཕྲོས་རྣམས་ཁ་བསྐངས་ཞེས་དོགས་གནས་གཉིས་སུ་བྱེད་པར་སྣང་ངོ་། །སྒྲུབ་ཐབས་རྣལ་འབྱོར་རྫོགས་པའི་འཕྲེང་བ། དཀྱིལ་འཁོར་གྱི་ཆོ་ག་རྡོ་རྗེའི་འཕྲེང་བ། སྦྱིན་སྲེག་འོད་ཀྱི་སྙེ་མ་ གསུམ་གྱི་ལུང་ནོས་པའི་བརྒྱུད ་པ་ནི། ཨ་བྷ་ཡཱ་ཀ་ར། ཨ་ནུ་ས་མ་རཀྵི་ཏ། རྣམ་པར་གྲགས་པའི་ལྷ། པཎ་ཆེན་ཤཱཀྱ་ཤྲཱི། དབོན་ཆུང་བྷཱུ་མི་ཤྲཱི། དེ་སྲས་བི་མཱ་ལ་ཤྲཱི། མང་མཁར་ལོ་ཙཱ་བ་བྱང་ཆུབ་སེང་གེ །སྐྱི་སྟོན་གྲགས་པ་རྒྱལ་མཚན། ཀུན་མཁྱེན་དོལ་པོ་བ། མ་ཏི་པཎ་ཆེན། ས་བཟང་འཕགས་པ། ངོར་ཆེན། མཁས་གྲུབ་དཔལ་ལྡན་རྡོ་རྗེ། བྱ་འགྱུར་བ་བསོད་ནམས་སེང་གེ །ཆོས་རྗེ་རྡོ་རྗེ་སེང་གེ །མཁས་གྲུབ་ཤཱཀྱ་འོད་ཟེར། རྗེ་སངས་རྒྱས་སེང་གེ །བྲང་ཏི་ནམ་མཁའ་དཔལ་བཟང་། དེ་དབོན་ནམ་མཁའ་སངས་རྒྱས། ཁྱབ་བདག་བཀའ་འགྱུར་བ་ཆེན་མོ། རྡོ་རྗེ་འཆང་ཞ་ལུ་པ་རིན་ཅེན་བསོད་ནམས་མཆོག་གྲུབ། དེས་བདག་ལའོ། །ཡང་ན་འཇིགས་མེད་འབྱུང་གནས། ལེགས་སྤྱོད་འབྱུང་གནས། དགེ་བྱེད་སྦས་པ། རིན་ཅེན་འཚོ་བ། ཞང་གྲུབ་པ་དཔལ། ས་ཕུག་པ་ཤཱཀྱ་རྡོ་རྗེ། དབུས་པ་སངས་རྒྱས་འབུམ། མཆོག་ལྡན་ལེགས་པའི་བློ་གྲོས། སྐྱི་སྟོན་གྲགས་རྒྱལ་མན་འདྲའོ། །རྒྱུད་སྡེ་རིན་པོ་ཆེ་རྣམས་སུ་ལྷ་དཔའ་བོ་གཅིག་པ་སོགས་སྒྲུབ་ཐབས་མང་པོ་གསུངས་པ་རྣམས་སངས་རྒྱས་གཉིས་པ་ཀླུ་སྒྲུབ་ཞབས་ཀྱིས་མཚོན་པའི་པཎ་གྲུབ་
དུ་མས་སྒྲུབ་ཐབས་ཆུང་ངུ་མང་དུ་མཛད་པ་ཐོར་བུ་རྣམས་པཎ་གྲུབ་ཚད་ལྡན་གྱིས་ཕྱོགས་གཅིག་ཏུ་བསྡུས་པའི་སྒྲུབ་ཐབས་བསྡུས་པ་ཞེས་པ་རྒྱས་བསྡུས་ཀྱི་བསྡུས་པ་མིན་ཡང་བྱ་བ་མང་པོ་ཕྱོགས་གཅིག་ཏུ་བསྡུས་པས་དེ་ལྟར་གྲགས་ཤིང་། བླ་མ་བཻ་རོ་ཙ་ན་རཀྵི་ཏ་དང་བྷ་བྱང་ཆུབ་སེམས་དཔའ་སོགས་ལ་བ་རི་ལོ་ཙཱ་བས་སྒྲུབ་ཐབས་མི་འདྲ་བ་སྟོང་རྩ་གསན་པའི་ནང་ནས་ཟབ་ཅིང་ཐུགས་གཙིགས་ཆེ་བ་དགུ་བཅུ་གོ་དྲུག་ཕྱོགས་གཅིག་ཏུ་བསྡེབས་པའི་སྒྲུབ་ཐབས་ཀུན་ལས་བཏུས་སམ་བརྒྱ་རྩ་ཞེས་པ་བོད་འདིར་འགྱུར་བའི་བསྡུས་པ་དང་། པ་ཚབ་ཉི་མ་གྲགས་ཀྱིས་བསྒྱུར་བའི་སྒྲུབ་ཐབས་ཕྱེད་དང་ཉིས་བརྒྱ་པ་འབྲིང་པོ། རྡོ་རྗེ་གདན་གྱི་མ་ཧཱ་བོ་དྷི་ལས་གནང་བ་ཐོབ་ཅིང་རྡོ་རྗེ་རྣལ་འབྱོར་མས་ལུང་བསྟན་པ་ལ་བརྟེན་ནས་པཎ་ཆེན་འཇིགས་མེད་འབྱུང་གནས་ཀྱིས་ཕྱོགས་གཅིག་ཏུ་བསྒྲིགས་པ་གདན་ས་ཆེན་པོ་དཔལ་ལྡན་ས་སྐྱར་འགྲོ་བའི་མགོན་པོ་ཆོས་ཀྱི་རྒྱལ་པོ་འཕགས་པ་རིན་པོ་ཆེའི་བཀས་བསྐུལ་ནས་ཡར་ཀླུངས་པ་གྲགས་པ་རྒྱལ་མཚན་གྱིས་བསྒྱུར་བའི་སྒྲུབ་ཐབས་ཉིས་བརྒྱ་དང་བཞི་བཅུ་ཞེ་གཉིས་བཞུགས་པ་རྒྱས་པའམ་རྒྱ་མཚོར་གྲགས་པ་རྣམས་ལས་ཕྱི་མ་ནི་ཚར་ཆེན་ཆོས་ཀྱི་རྒྱལ་པོའི་གསུང་རྒྱུན་ཐམས་ཅད་མཁྱེན་པ་མཁྱེན་བརྩེའི་ཞབས་ཀྱིས་ཟིན་བྲིས་སུ་མཛད་པའི་བཀླགས་པས་དོན་གྲུབ་ཀྱི་སྟེང་ནས་རྗེས་གནང་དང་། རྒྱ་གཞུང་གི་ལུང་ཡོངས་རྫོགས་ནོས་པར་གོང་དཀར་བའི་གསན་ཡིག་དང་རྒྱ་གཞུང་གཉིས་གོ་རིམ་ཞུས་དག་ཕེར་ཞིང་། ངོར་ཆེན། མཁྱེན་བརྩེ། ཐར་རྩེ། ཤར་བ། རྗེ་བཀའ་འགྱུར་བའི་གསན་ཡིག་རྣམས་སུ་རྒྱུད་སྡེའི་གོ་རིམ་ཕྱེ་བ་དང་། ལ་ལར་དེར་མ་ལྟོས་པའི་གོ་རིམ་མི་
མཐུན་པའང་འདུག །བཀླགས་པས་དོན་གྲུབ་དང་རིན་ཅེན་སྒྲོན་མེ་གཉིས་ནའང་གོ་རིམ་དང་གྲངས་མང་ཉུང་ཅུང་ཟད་བྱུང་ལ། འདིར་ཆོས་སྡེའི་གོ་རིམ་རྒྱ་གཞུང་སོར་བཞག་དང་། ལག་ལེན་གྱི་དུས་གོ་རིམ་འཁྲུགས་བསྡེབས་བྱས་ཆོག་པའི་རྗེས་གནང་ཡོད་མེད་དང་བླ་མེད་གང་ཡིན་མཆན་བུས་བཀྲོལ་ཏེ་བཀོད་པ་ལ། དམ་ཚིག་གསུམ་བཀོད་པའི་རྒྱལ་པོའི་སྒྲུབ་ཐབས་པཎྜི་ཏ་ཀུ་མུ་ཏ་འབྱུང་བའི་བློ་གྲོས་ཞབས་ཀྱིས་མཛད་པ། འདི་གཉིས་ལ་ལྷ་སྔགས་མི་གསལ་བ་འཇམ་དཔལ་རྩ་རྒྱུད་ནས་ཁ་བསྐངས་པའི་རྗེས་གནང་མཛད་སྲོལ་བྱུང་འདུག་ཀྱང་དེང་སང་ལུང་ལས་རྗེས་གནང་མེད་དོ། །དེའི་སྒྲུབ་ཐབས་རིན་ཅེན་འབྱུང་གནས་སྦས་པའི་ཞབས་ཀྱིས་མཛད་པ། རྗེ་བཙུན་རྡོ་རྗེ་གདན་གཙོ་འཁོར་གསུམ་པའི་སྒྲུབ་ཐབས་མན་ངག་གི་ཆོ་ག་འདི་གསུམ་བསྡོམས་པར་རྗེས་གནང་གཅིག །ཡང་དེའི་སྒྲུབ་ཐབས་མི་འདྲ་བ་གཉིས། འཕགས་པ་ཡི་གེ་དྲུག་པ་རིག་པ་ཆེན་པོ་དཀར་པོ་ཕྱག་བཞི་པ་གཙོ་འཁོར་གསུམ་པའི་སྒྲུབ་ཐབས་དཔལ་ལྡན་ལྷན་ཅིག་སྐྱེས་པའི་རོལ་པས་མཛད་པ། རྗེས་གནང་ཡོད། ཟ་མ་ཏོག་བཀོད་པའི་མན་ངག་གིས་མཛད་པའི་དཔལ་ལྡན་འཇིག་རྟེན་མགོན་པོ་དཀར་པོ་ཕྱག་བཞི་པའི་སྒྲུབ་ཐབས། མགོ་མཇུག་གཉིས་ན་ཡི་གེ་དྲུག་པའི་སྒྲུབ་ཐབས་ཟེར་བ་དང་མངོན་རྟོགས་ཀྱི་འགོར་དཔལ་ལྡན་འཇིག་རྟེན་མགོན་ཞེས་པ་སྣང་རྗེས་གནང་ཡང་ཡོད། དཔལ་ལྡན་འཇིག་རྟེན་མགོན་པོ་དཀར་པོ་ཕྱག་བཞི་པའི་སྒྲུབ་ཐབས། འཇིག་རྟེན་མགོན་པོ་པདྨ་དབང་བྱེད་ཀྱང་ཟེར་རྗེས་གནང་ཡོད། འཕགས་པ་ཡི་གེ་དྲུག་པའི་རིགས་སྔགས་ཆེན་པོ་རྗེ་བཙུན་འཇིག་རྟེན་དབང་ཕྱུག་གི་མན་ངག་རྒྱ་ཆེན་བརྒྱུད་པའི་སྒྲུབ་ཐབས་ཀྱི་ཆོ་ག་ཞེས་པ་ཡི་གེ་དྲུག་པ་
ཕྱག་བཞི་པ་དཀར་པོ་གཙོ་འཁོར་གསུམ་པའི་སྒྲུབ་ཐབས། རྗེས་གནང་ཡོད། རྣམ་སྣང་མངོན་བྱང་ནས་བཤད་པའི་འཕགས་པ་འཇིག་རྟེན་དབང་ཕྱུག་ཁ་སཪྤཱ་ཎི་དཀར་པོ་ཕྱག་གཉིས་པའི་ལྷ་ལྔའི་སྒྲུབ་ཐབས་སློབ་དཔོན་རྙོག་པ་མེད་པས་མཛད་པ། འདི་ནས་ཨ་ནུ་སམ་རཀྵི་ཏས་མཛད་པའི་བར་གྱི་བཞི་པོར་རྗེས་གནང་གཅིག །པོ་ཏ་ལ་ཀེ་ཁ་སཪྤཱ་ཎི་ལྷ་ལྔའི་སྒྲུབ་ཐབས་པདྨ་འབྱུང་གནས་བློ་གྲོས་ཞབས་ཀྱིས་མཛད་པ། སློབ་དཔོན་དགེ་བྱེད་ཀྱིས་མཛད་པའི་ཁ་སཪྤཱ་ཎི་ལྷ་ལྔའི་སྒྲུབ་ཐབས། གསན་ཡིག་གཞན་ཚོར་བདེ་བྱེད་ཟེར་བ་འདུག །རྒྱ་གཞུང་དང་གོང་དཀར་བའི་གསན་ཡིག་ན་དཀྱུས་ལྟར་བྱུང་ངོ་། །དཔལ་ལྡན་མཁའ་སྤྱོད་འཇིག་རྟེན་དབང་ཕྱུག་ལྷ་ལྔའི་སྒྲུབ་ཐབས་ཨ་ནུ་ས་མ་རཀྵི་ཏས་ཅུང་ཟད་རྒྱས་པར་མཛད། དཔལ་ལྡན་མཁའ་སྤྱོད་ཁ་སཪྤཱ་ཎི་དཀར་པོ་ཕྱག་གཉིས་པ་ལྷ་བཅུ་གསུམ་གྱི་སྒྲུབ་ཐབས། རྗེས་གནང་ཡོད། སེང་གེ་སྒྲའི་སྒྲུབ་ཐབས་འདི་དང་གནས་འབྱུང་བའི་སྒྲུབ་ཐབས་གསུམ་སྟེ་བཞི་བསྡོམས་པར་རྗེས་གནང་གཅིག །པཎྜི་ཏ་ཨ་ཝ་དྷཱུ་ཏི་དཔལ་ལྡན་གཉིས་མེད་རྡོ་རྗེའི་ཞབས་ཀྱིས་མཛད་པ། གསན་ཡིག་ཕལ་ཆེར་ན་འཇིགས་མེད་རྡོ་རྗེ་ཞེས་འདུག་ཀྱང་རྒྱ་གཞུང་བཀླགས་པས་དོན་གྲུབ་གོང་དཀར་བའི་གསན་ཡིག་བཅས་པར་དཀྱུས་ལྟར་སྣང་ངོ་། །འཇིག་རྟེན་མགོན་པོ་དཀར་པོ་ཕྱག་གཉིས་པ་གཙོ་འཁོར་གསུམ་པའི་སྒྲུབ་ཐབས། རྗེས་གནང་ཡོད། རིན་ཅེན་སྒྲོན་མེར་འཇིག་རྟེན་དབང་ཕྱུག་ཟེར་རྒྱ་གཞུང་དང་གསན་ཡིག་མཐུན་པར་དཀྱུས་ལྟར་བྱུང་། འཇིག་རྟེན་དབང་ཕྱུག་དཀར་པོ་ཕྱག་གཉིས་གཙོ་རྐྱང་གི་སྒྲུབ་ཐབས། རྗེས་གནང་ཡོད། སེང་གེ་སྒྲའི་སྒྲུབ་ཐབས། འཕགས་པ་སེང་གེ་སྒྲའི་སྒྲུབ་ཐབས། དཔལ་ལྡན་སེང་གེ་སྒྲའི་སྒྲུབ་ཐབས། འཇིག་རྟེན་དབང་ཕྱུག །ཧ་ལ་ཧ་ལ་དཀར་པོ་ཞལ་གསུམ་ཕྱག་དྲུག་
པ་གཙོ་འཁོར་གཉིས་པའི་སྒྲུབ་ཐབས། འདི་གཉིས་ཐུན་མོང་དུ་རྗེས་གནང་གཅིག་རིན་ཅེན་སྒྲོན་མེར་ཕྱི་མ་གཙོ་རྐྱང་གི་དབང་དུ་བྱས་ཏེ་ཁ་ཕྲལ་ནས་སོ་སོར་རྗེས་གནང་འདུག །ཡང་དེའི་སྒྲུབ་ཐབས་སློབ་དཔོན་ལྷན་ཅིག་སྐྱེས་པའི་རོལ་པས་མཛད་པ། རྡོ་རྗེ་ཆོས་དཀར་པོ་ཞལ་གསུམ་ཕྱག་དྲུག་པ་ཡབ་ཡུམ་གཉིས་ཀྱི་སྒྲུབ་ཐབས་ཆོ་ག་བསྡུས་པ། རྗེས་གནང་ཡོད། འཇིག་རྟེན་མགོན་པོ་པདྨ་གར་གྱི་དབང་ཕྱུག་དམར་པོ་ཕྱག་གཉིས་པ་ལྷ་དགུའི་སྒྲུབ་ཐབས་རྫོགས་པའི་སངས་རྒྱས་ཀྱིས་གསུངས་པ། རྗེས་གནང་ཡོད། པདྨ་གར་གྱི་དབང་ཕྱུག་དམར་པོ་ཕྱག་བཅོ་བརྒྱད་པ་ལྷ་ལྔའི་སྒྲུབ་ཐབས། རྗེས་གནང་ཡོད། ཧ་རི་ཧ་རི་ལ་ཞོན་པར་གྱུར་པ་དཀར་པོ་ཕྱག་དྲུག་པའི་སྒྲུབ་ཐབས། འདི་གཉིས་བསྡོམས་པ་རྗེས་གནང་གཅིག །ཡང་དེའི་སྒྲུབ་ཐབས་རྫོགས་པའི་སངས་རྒྱས་ཀྱིས་གསུངས་པ། ཨཽ་ཌི་ཡ་ནའི་རིམ་པའི་འཇིག་རྟེན་གསུམ་པོ་དབང་དུ་བྱེད་པའི་འཇིག་རྟེན་དབང་ཕྱུག་དམར་པོ་ཕྱག་གཉིས་པའི་སྒྲུབ་ཐབས་ས་ར་ཧའི་ཞབས་ཀྱིས་མཛད་པ། འདི་གཉིས་བསྡོམས་པར་རྗེས་གནང་གཅིག །དེའི་སྒྲུབ་ཐབས་ཨཽ་ཌི་ཡ་ན་ནས་བྱུང་ཞིང་ས་ར་ཧའི་ཞབས་ཀྱིས་གདན་དྲངས་པ། འཇིག་རྟེན་དབང་ཕྱུག་དམར་པོ་ཕྱག་བཞི་པ་ལྷ་གསུམ་པའི་སྒྲུབ་ཐབས། རྗེས་གནང་ཡོད། འཇིག་རྟེན་དབང་ཕྱུག་གིས་ལྷག་པར་དབང་དུ་བྱ་བའི་སྤྱན་རས་གཟིགས་དམར་པོ་ཕྱག་གཉིས་པའི་སྒྲུབ་ཐབས། རྗེས་གནང་ཡོད། གསང་བ་བསམ་གྱིས་མི་ཁྱབ་པའི་རྗེས་སུ་འབྲངས་པའི་འཕགས་པ་སྤྱན་རས་གཟིགས་མགྲིན་པ་སྔོན་པོ་ཅན་སེར་པོ་ཕྱག་གཉིས་པའི་སྒྲུབ་ཐབས། རྗེས་གནང་ཡོད། སྒྱུ་འཕྲུལ་དྲ་བའི་རིམ་པའི་འཕགས་པ་སྤྱན་རས་གཟིགས་དབང་
ཕྱུག་ནག་པོ་ཞལ་ལྔ་ཕྱག་བཅུ་གཉིས་པའི་སྒྲུབ་ཐབས། རྗེས་གནང་ཡོད། ཤེས་རབ་བསྐྱེད་པ་པདྨའི་ཕྱག་གི་གཟུངས། འདི་གཉིས་ལ་ལུང་ལས་རྗེས་གནང་མེད། ཉེ་བར་སྤྱོད་པ་དང་བཅས་པ་སྲན་མ་མ་ཥའི་ཞལ་གྱི་གཟུངས། སྤྱན་རས་གཟིགས་དབང་ཕྱུག་དོན་ཡོད་ཞགས་པ་དཀར་པོ་ཕྱག་དྲུག་པ་ལྷ་ལྔའི་སྒྲུབ་ཐབས། རྗེས་གནང་ཡོད། ངོར་གོང་དཀར་བ་མཁྱེན་བརྩེ། ཐར་རྩེ། ཤར་པ་ལྔའི་གསན་ཡིག་མཁྱེན་བརྩེའི་བཀླགས་པས་དོན་གྲུབ། རྒྱ་གཞུང་རྣམས་མཐུན་པར་བར་འདིར་སྒྲུབ་ཐབས་གཞན་མི་འདུག་ཀྱང་ཐར་རྩེ་བས་མཛད་པའི་རྗེས་གནང་གི་ཆོ་ག་རིན་པོ་ཆེ་སྒྲོན་མེར་དོན་ཞབས་ཕྱག་བཅུ་པ། དྲུག་པ། བཞི་པ་རྣམས་གོང་གི་སྒྲུབ་ཐབས་ཀྱི་ཚིག་གིས་ཟིན་འདུག་པས་སྤེལ་བ་འདྲ་ཡང་རྗེས་གནང་ཟུར་དུ་དགོས་མི་དགོས་དཔྱད་དོ། །འཇིག་རྟེན་གསུམ་པོ་དབང་དུ་བྱེད་པ་འཕགས་པ་བྷུགྨ་དམར་མོ་ཕྱག་གཉིས་པ་ལྷ་ལྔའི་སྒྲུབ་ཐབས་སློབ་དཔོན་ཤཱུནྱ་ཏ་ས་མ་དྷི་བཛྲ་པཱ་དའི་ཞབས་ཀྱིས་མཛད་པ། རྗེས་གནང་ཡོད། དཔལ་ལྡན་འཇིག་རྟེན་མགོན་པོའམ་འཇིག་རྟེན་དབང་ཕྱུག་གི་སྒྲུབ་ཐབས། འཁོར་མེད་པ་མ་གཏོགས་ཞལ་ཕྱག་བྷུག་མ་དང་འདྲ་རིན་པོ་ཆེ་སྒྲོན་མེར་རྗེས་གནང་གོང་གིས་ཐུས་པ་ལས་ཟུར་དུ་མེད། འཇམ་དབྱངས་བསྟན་པའི་འཁོར་ལོ་སེར་པོ་ཕྱག་གཉིས་པའི་སྒྲུབ་ཐབས་སློབ་དཔོན་བྷ་ཝ་སྐནྡྷས་མཛད་པ། འདི་གཉིས་ལ་རྗེས་གནང་གཅིག །དེའི་སྒྲུབ་ཐབས་ཚིག་ལྷུག་མ། འཇམ་དཔལ་སེང་གེའི་སྒྲ་སེར་པོ་ཕྱག་གཉིས་པ་ལྷ་བཅུ་གཅིག་གི་སྒྲུབ་ཐབས། རྗེས་གནང་ཡོད། འཇམ་དབྱངས་ངག་གི་རྒྱལ་པོ་དམར་སེར་ཕྱག་གཉིས་ཀྱི་སྒྲུབ་ཐབས་པཎྜི་ཏ་དཔལ་ལྡན་ཡིད་བཞིན་ནོར་བུ་སྦྱིན་པས་མཛད་པ། འདི་གཉིས་དང་འོག་ནས་འབྱུང་བའི་ཡི་གེ་གཅིག་མའི་རབ་ཏུ་སྦྱོར་བ་ལ་རྗེས་གནང་གཅིག །ཡང་དེའི་སྒྲུབ་ཐབས་རྡོ་རྗེ་རྣལ་འབྱོར་མས་གསུངས་པ། སེང་
གེའི་གདན་ལ་བཞུགས་པའི་ངག་གི་རྒྱལ་པོ་ཞེས་བྱ་བ་དམར་སེར་ཕྱག་གཉིས་པའི་སྒྲུབ་ཐབས། འདི་གཉིས་བསྡོམས་པར་རྗེས་གནང་གཅིག་མཛད་ལ་རིན་ཅེན་སྒྲོན་མེར་འདི་གཉིས་སོ་སོར་ཕྲལ་བའི་ཕྱི་མ་འདི་ངག་གི་རྒྱལ་པོ་གོང་མ་གཉིས་ཀྱི་སྟེང་དུ་བསྣན་ནས་མཛད་འདུག་པ་དོན་གྱི་རྗེས་གནང་ལ་མང་ཉུང་མ་བྱུང་ཡང་སྔགས་ཝཱ་གཱི་ཤྭ་ར་དང་ཝརྞ་སཾ་གྱི་ཁྱད་འདུག་པས་བཀླགས་པས་དོན་གྲུབ་ལུགས་འཐད་པར་སྣང་། ཡང་ངག་གི་རྒྱལ་པོ་སེང་གེའི་གདན་ལ་བཞུགས་པ་འཇམ་དཔལ་དབྱངས་ཀྱི་སྒྲུབ་ཐབས། འཕགས་པ་འཇམ་དཔལ་ངག་གི་རྒྱལ་པོ་གསེར་ཞུན་ཕྱག་གཉིས་པ་གཙོ་འཁོར་གཉིས་པའི་སྒྲུབ་ཐབས། རྗེས་གནང་ཡོད། ངག་གི་རྒྱལ་པོ་སེར་པོ་ཕྱག་གཉིས་པ་ལྷ་གསུམ་མའི་སྒྲུབ་ཐབས། རྗེས་གནང་ཡོད། ཤེས་རབ་འཕེལ་བའི་གཏེར་ངག་གི་རྒྱལ་པོ་ལྷ་གསུམ་མའི་སྒྲུབ་ཐབས་པཎྜི་ཏ་འཕྲོག་བྱེད་འཇོམས་པས་མཛད་པ། རྗེས་གནང་ཡོད། ཡིད་བཞིན་ནོར་བུ་སྦྱིན་དང་ཞལ་ཕྱག་མཐུན། བཅོམ་ལྡན་འདས་ཀྱི་ཆོ་ག་འདི་མཁས་པས་སྤྱོད་ལམ་གཙང་མ་ཕུན་སུམ་ཚོགས་པས་འབུམ་ཕྲག་བདུན་བཟླ་བར་གསུངས་པའི་ངག་གི་རྒྱལ་པོ་གསེར་བཙོ་མའི་མདོག་ཅན་ཕྱག་གཉིས་པའི་སྒྲུབ་ཐབས། རྗེས་གནང་ཡོད། ཨ་ར་པ་ཙ་ན་དཀར་པོ་ཕྱག་གཉིས་པ་ལྷ་ལྔའི་སྒྲུབ་ཐབས་སློབ་དཔོན་མི་ཕམ་བཤེས་གཉེན་གྱིས་མཛད་པ། འདི་གཉིས་བསྡོམས་པར་རྗེས་གནང་གཅིག །ཡང་དེའི་སྒྲུབ་ཐབས་ཚིག་ལྷུག་པ། རྗེ་བཙུན་འཕགས་པ་འཇམ་དཔལ་སྒོམ་པའི་མན་ངག་ཅེས་པ་ཨ་ར་པ་ཙ་ན་དམར་པོ་ཕྱག་གཉིས་པ་ལྷ་ལྔའི་སྒྲུབ་ཐབས། རྗེས་གནང་ཡོད། འཕྲལ་དུ་ཉམས་སུ་མྱོང་བའི་ཨ་ར་པ་ཙ་ན་དཀར་པོ་ཕྱག་གཉིས་པ་གཙོ་འཁོར་ལྔའི་སྒྲུབ་
ཐབས། རྗེས་གནང་ཡོད། འཇམ་དཔལ་དཀར་པོ་ལྷ་ལྔའི་སྒྲུབ་ཐབས་ཚིགས་བཅད་མ། འདི་ལ་ལུང་ལས་རྗེས་གནང་མེད། གསན་ཡིག་ཕལ་ཆེར་ན་འཇམ་དཔལ་གྱི་སྒྲུབ་ཐབས་ཞེས་སྣང་ལ་གོང་དཀར་བའི་གསན་ཡིག་དང་རྗེས་གནང་གི་ཡིག་ཆ་གཉིས་ན་མི་གསལ་ལོ། །གུར་ནས་གསུངས་པའི་ཡན་ལག་མེད་པའི་རྡོ་རྗེ་སེར་པོ་ཕྱག་དྲུག་པའི་སྒྲུབ་ཐབས། འདི་གཉིས་བསྡོམས་པར་རྗེས་གནང་གཅིག །ཡང་འཇམ་དཔལ་ཡན་ལག་མེད་པའི་རྡོ་རྗེའི་སྒྲུབ་ཐབས། ཆོས་དབྱིངས་ངག་གི་དབང་ཕྱུག་དཀར་པོ་ཞལ་བཞི་ཕྱག་བརྒྱད་པའི་སྒྲུབ་ཐབས། རྗེས་གནང་ཡོད། ཆོས་ཀྱི་དབྱིངས་ངག་གི་དབང་ཕྱུག་དམར་པོ་ཞལ་བཞི་ཕྱག་བརྒྱད་པའི་སྒྲུབ་ཐབས་ཀྱི་དབང་དུ་བྱ་བའི་ཆོ་ག །རྗེས་གནང་ཡོད། སེམས་ཅན་ཐམས་ཅད་དབང་དུ་བྱེད་པའི་ཏིང་ངེ་འཛིན། ལུང་ལས་རྗེས་གནང་མེད། ཆོས་ཀྱི་རྗེས་སུ་འབྲང་བ་འདི་དང་ཆོས་ཀྱི་ཏིང་ངེ་འཛིན་གྱིས་མཚོན་པ་ཆོས་དབྱིངས་ངག་གི་དབང་ཕྱུག་དཀར་པོའི་སྒྲུབ་ཐབས། རྗེས་གནང་ཡོད། འདི་རིན་ཅེན་སྒྲོན་མེར་ཆོས་དབྱིངས་གསུངས་དབང་དཀར་པོ་དང་བཀླགས་པས་དོན་གྲུབ་ཏུ་ཆོས་ཀྱི་དུང་གི་ཏིང་ངེ་འཛིན་ཞེས་སྣང་ཡང་དོན་གཅིག་གསན་ཡིག་ཚོར་ཆོས་དབྱིངས་གསུང་དབང་གི་སྒྲུབ་ཐབས་ཞེས་སྤམ་མེ་བ་ལས་གསལ་ཁ་མི་འདུག་འོག་གི་ཆོས་ཀྱི་དུང་གི་ཏིང་ངེ་འཛིན་གྱི་འཇམ་དཔལ་རྗེས་གནང་ཡང་འདི་ཀས་གོ་ཆོད་པར་མཛད། ཨ་ར་པ་ཙ་ན་དཀར་པོ་ཕྱག་གཉིས་པའི་སྒྲུབ་ཐབས། རིན་ཅེན་སྒྲོན་མེར་འདི་གཉིས་ལ་རྗེས་གནང་གཅིག་མཛད་འདུག་པ་མངོན་རྟོགས་མི་འདྲ་ཞིང་། བཀླགས་པས་དོན་གྲུབ་ཏུ་གོང་མར་ཨ་ར་པ་ཙ་ན་སྔོན་མ་རྣམས་ཀྱི་རྗེས་གནང་གི་མཐུས་ཤིང་ཕྱི་མ་དང་འོག་ནས་འབྱུང་བའི་ངག་གི་རྒྱལ་པོ་བསྡོམས་པར་རྗེས་གནང་གཅིག་མཛད། ངག་གི་རྒྱལ་པོ་དམར་པོ་ཕྱག་གཉིས་པའི་སྒྲུབ་ཐབས། འཇམ་དཔལ་
དབྱངས་དཔའ་བོ་གཅིག་སྒྲུབ་དཀར་པོ་ཕྱག་གཉིས་པའི་སྒྲུབ་ཐབས། འདི་དང་འོག་ནས་འབྱུང་བའི་གཅིག་སྒྲུབ་གཉིས་ཏེ་གསུམ་བསྡོམས་པར་རྗེས་གནང་གཅིག །ངག་གི་དབང་ཕྱུག་དམར་པོ་ཕྱག་གཉིས་པའི་སྒྲུབ་ཐབས། རིན་ཅེན་སྒྲོན་མེར་འདི་ལ་རྗེས་གནང་ཟུར་དུ་མཛད་ཀྱང་གོང་གི་ངག་གི་རྒྱལ་པོ་དང་གཅིག །འཕགས་པ་འཇམ་དཔལ་རྒྱལ་པོ་ཆེན་པོ་རོལ་པ་སེར་པོ་ཕྱག་གཉིས་པའི་སྒྲུབ་ཐབས། འདི་གཉིས་བསྡོམས་པར་རྗེས་གནང་གཅིག །ཡང་རྒྱལ་པོ་རོལ་པ་འཇམ་དཔལ་གྱི་སྒྲུབ་ཐབས། འཕགས་པ་འཇམ་པའི་རྡོ་རྗེ་དཔའ་བོ་གཅིག་ཏུ་སྒྲུབ་པའི་སྒྲུབ་ཐབས། བུང་བ་མྱོས་དམར་པོ་ཞལ་གསུམ་ཕྱག་དྲུག་པའི་སྒྲུབ་ཐབས་རིན་ཅེན་མྱུ་གུས་མཛད་པ། ལྷག་པར་དབང་དུ་བྱེད་པ་དམར་པོ་ཕྱག་དྲུག་པའི་སྒྲུབ་ཐབས་སློབ་དཔོན་དགེ་བ་བྱེད་པས་མཛད་པ། འཇམ་དཔལ་དམར་པོ་ཞལ་གསུམ་ཕྱག་དྲུག་པའི་སྒྲུབ་ཐབས། འདི་དང་གོང་དུ་སོང་མ་ཐག་པ་གཉིས་བསྡོམས་པའི་གསུམ་ལ་རྗེས་གནང་གཅིག །རིག་པ་འཛིན་པའི་སྡེ་སྣོད་ལས་བྱུང་བ་བསྡུས་པའི་འཇམ་དཔལ་དཀར་པོ་ཕྱག་གཉིས་པའི་སྒྲུབ་ཐབས། འདི་གཉིས་ལ་རྗེས་གནང་གཅིག་མཛད་ཅིང་སྒྲུབ་ཐབས་གསུམ་ཞེས་པ་སྣང་ཡང་རྒྱ་གཞུང་དང་གསན་ཡིག་ཚོར་གཉིས་ལས་མི་འདུག་པས་ཡིག་སྐྱོན་བྱུང་འདྲ། ཡང་རིག་པ་འཛིན་པའི་སྡེ་སྣོད་སོ་སོ་ནས་བསྡུས་པའི་འཇམ་དཔལ་གྱི་སྒྲུབ་ཐབས། ཤེས་རབ་འཕེལ་དཀར་པོ་ཕྱག་གཉིས་པའི་ཆོ་ག །འདི་ལ་རྗེས་གནང་ལོགས་སུ་ཡོད། རིན་ཅེན་སྒྲོན་མེར་གོང་གི་རྗེས་གནང་གིས་མཐུས་པ་མཛད་འདུག །མཚན་ཡང་དག་པར་བརྗོད་པའི་མན་ངག་ཤེས་རབ་འཁོར་ལོའི་དངོས་གྲུབ་མཆོག་ཐོབ་པ་དཀར་པོ་ཕྱག་གཉིས་པའི་སྒྲུབ་ཐབས། རིན་ཅེན་སྒྲོན་མེར་མཚན་བསྟོད་
ཅེས་པའི་མིང་འདོགས་མཛད་འདུག །རྗེས་གནང་ཡོད། ཆོས་ཀྱི་དུང་གི་ཏིང་ངེ་འཛིན་གྱི་འཇམ་དཔལ་གྱི་སྒྲུབ་ཐབས། མཚན་ཡང་དག་པར་བརྗོད་པའི་འཇམ་དཔལ་དམར་པོ་ཞལ་གསུམ་ཕྱག་བཞི་པའི་སྒྲུབ་ཐབས། རྗེས་གནང་ཡོད། འཇམ་པའི་རྡོ་རྗེ་དམར་སེར་ཞལ་གསུམ་ཕྱག་དྲུག་པའི་སྒྲུབ་ཐབས། རྗེས་གནང་ཡོད། ཡི་གེ་གཅིག་པའི་རབ་ཏུ་སྦྱོར་བ། ཞལ་ཕྱག་ཡིད་བཞིན་ནོར་བུ་བྱིན་གྱིས་མཛད་པ་དང་གཅིག །གཏུམ་མོ་ཆེན་པོ་སྔོན་པོ་ཕྱག་གཉིས་པའི་སྒྲུབ་ཐབས་ཆོ་ག་དང་བཅས་པ་སློབ་དཔོན་འོད་ཟེར་འབྱུང་གནས་གྲགས་པས་མཛད་པ། གསན་ཡིག་ཕལ་ཆེར་འབྱུང་གནས་སྦས་པ་ཞེས་སྣང་ལ་རྒྱ་གཞུང་དང་གོང་དཀར་བའི་གསན་ཡིག་ན་དཀྱུས་ལྟར་བྱུང་། ཡང་གཏུམ་པོ་ཆེན་པོའི་སྒྲུབ་ཐབས་གསུམ། འདི་བཞི་བསྡོམས་པར་རྗེས་གནང་གཅིག་མཛད་ཐར་རྩེ་དང་ཤར་བའི་གསན་ཡིག་ན་གསུམ་ལས་མི་འདུག་པ་ཆད་འདྲ། འཕགས་མ་སེང་ལྡེང་ནགས་ཀྱི་སྒྲོལ་མ་གཙོ་འཁོར་གསུམ་མའི་སྒྲུབ་ཐབས་རྫོགས་པའི་སངས་རྒྱས་ཀྱིས་གསུངས་པ། རྗེས་གནང་ཡོད། སྒྲོལ་མ་ཆེན་མོ་སྔོན་མོ་ཕྱག་གཉིས་མའི་སྒྲུབ་ཐབས། འདི་དང་འོག་གི་དབང་བྱེད་སྒྲོལ་མ་གཉིས་ཐུན་མོང་དུ་རྗེས་གནང་གཅིག །མཆོག་སྦྱིན་སྒྲོལ་མ་ལྗང་གུ་ཕྱག་གཉིས་མ་ལྷ་ལྔའི་སྒྲུབ་ཐབས། རྗེས་གནང་ཡོད། དབང་དུ་བྱེད་པའི་སྒྲོལ་མ་ཕྱག་གཉིས་མའི་སྒྲུབ་ཐབས་སློབ་དཔོན་རྡོ་རྗེ་མྱུ་གུས་མཛད་པ། བཀླགས་པས་དོན་གྲུབ་ཏུ་རྟག་པའི་རྡོ་རྗེ་ཞེས་སྣང་བས་བརྟག །རྡོ་རྗེ་སྒྲོལ་མ་སེར་མོ་ཞལ་བཞི་ཕྱག་བརྒྱད་མ་ལྷ་བཅུ་གཅིག་གི་སྒྲུབ་ཐབས་གཉིས། འདི་གཉིས་དང་འོག་གི་ཆོས་འབྱུང་བློ་གྲོས་དང་རིན་ཅེན་འབྱུང་གནས་བཞི་བས་མཛད་པ་བསྡོམས་པའི་བཞི་ལ་རྗེས་གནང་གཅིག །སློབ་དཔོན་འཕགས་པ་ཀླུ་སྒྲུབ་ཀྱིས་མཛད་པའི་རྡོ་རྗེ་སྒྲོལ་མ་དཀར་པོ་ཕྱག་གཉིས་མ་གཙོ་རྐྱང་
གི་སྒྲུབ་ཐབས། རྗེས་གནང་ཡོད། པཎྜི་ཏ་ཆེན་པོ་ཆོས་འབྱུང་བློ་གྲོས་ཀྱིས་མཛད་པའི་རྡོ་རྗེ་སྒྲོལ་མའི་སྒྲུབ་ཐབས། ཡང་དེའི་སྒྲུབ་ཐབས་པཎྜི་ཏ་ཆེན་པོ་རིན་ཅེན་འབྱུང་གནས་བཞི་བའི་ཞབས་ཀྱིས་མཛད་པ། རྡོ་རྗེ་སྒྲོལ་མ་ལྗང་གུ་ཕྱག་གཉིས་མ་གཙོ་འཁོར་ལྔ་པའི་སྒྲུབ་ཐབས་པཎྜི་ཏ་ཆེན་པོ་དཔེ་མེད་བསྲུང་གིས་མཛད་པ། ལུང་ལས་རྗེས་གནང་ཟུར་པ་མེད། རིན་ཅེན་སྒྲོན་མེར་ཡང་མི་སྣང་། འཕགས་མ་འཇིགས་པ་ཆེན་པོ་བརྒྱད་ལས་སྐྱོབ་པ་ལྗང་གུ་ཕྱག་གཉིས་མ་གཙོ་འཁོར་དགུ་མའི་སྒྲུབ་ཐབས། རྗེས་གནང་ཡོད། རྒྱ་ནག་རིམ་པའི་འཕགས་མ་སྒྲོལ་མ་ནག་པོ་ཕྱག་བཞིའི་སྒྲུབ་ཐབས། འདི་གཉིས་བསྡོམས་པར་རྗེས་གནང་གཅིག །ཡང་རྒྱ་ནག་ཆེན་མོའི་རིམ་པའི་འཕགས་མ་སྒྲོལ་མའི་སྒྲུབ་ཐབས་སློབ་དཔོན་རྟག་པའི་རྡོ་རྗེས་མཛད་པ། འཆི་བ་བླུ་བའི་སྒྲོལ་མ་དཀར་མོ་ཕྱག་གཉིས་མའི་སྒྲུབ་ཐབས། འདི་གཉིས་དང་འོག་གི་འཆི་བ་བླུ་བའི་སྒྲོལ་མ་བསྡོམས་པའི་གསུམ་ལ་རྗེས་གནང་གཅིག །ཡང་འཆི་བ་བསླུ་བའམ་འཇོམས་པའི་སྒྲོལ་མ་དཀར་མོའི་སྒྲུབ་ཐབས་སློབ་དཔོན་ངག་གི་གྲགས་པའི་སློབ་མ་ཐུ་བོས་མཛད་པ། སྒྲོལ་མ་དཀར་མོ་ཕྱག་བཞི་མ་གཙོ་འཁོར་གསུམ་པའི་སྒྲུབ་ཐབས་སློབ་དཔོན་ཡིད་བཞིན་ནོར་བུའི་རྒྱལ་པོས་མཛད་པ། རྗེས་གནང་ཡོད། སྒྲོལ་མ་དཀར་མོ་ཕྱག་དྲུག་པ་གཙོ་རྐྱང་གི་སྒྲུབ་ཐབས། རྗེས་གནང་ཡོད། འཕགས་མ་སྒྲོལ་མ་དུག་སེལ་དཀར་མོ་ཕྱག་བཞི་མའི་སྒྲུབ་ཐབས། རྗེས་གནང་ཡོད། སྒྲོལ་མ་ནོར་སྦྱིན་ལྗང་སྔོན་ཕྱག་བཞི་མ་ལྷ་བཅུ་གསུམ་གྱི་སྒྲུབ་ཐབས། རྗེས་གནང་ཡོད། འོད་དཔག་མེད་ཀྱི་སྙིང་པོའི་རྒྱུད་ལས་བཅོམ་ལྡན་འདས་འཕགས་མ་སྒྲོལ་མའི་རྟོག་པ། ལུང་
ལས་རྗེས་གནང་མེད། ངན་སོང་ལས་སྒྲོལ་བའི་སྒྲོལ་མ་སྔོ་ལྗང་ཞལ་གཅིག་ཕྱག་བཞི་མའི་སྒྲུབ་ཐབས། རྗེས་གནང་ཡོད། འཆི་བ་བསླུ་བའི་མན་ངག་གི་སྒྲོལ་མའི་སྒྲུབ་ཐབས། སྣ་ཚོགས་ཡུམ་དཀར་མོ་ཕྱག་གཉིས་མའི་སྒྲུབ་ཐབས། རྗེས་གནང་ཡོད། དོན་ཐམས་ཅད་རབ་ཏུ་སྦྱིན་པའི་སྒྲོལ་མ་གསེར་མདོག་ཞལ་བརྒྱད་ཕྱག་བཅུ་དྲུག་པའི་སྒྲུབ་ཐབས། རྗེས་གནང་ཡོད། སྒྲོལ་མ་དམར་མོ་ཕྱག་བཞི་མར་སྟོན་པ་རྗེ་བཙུན་འཕགས་མ་སྒྲོལ་མའི་ཆོ་གའམ་གཟུངས། འཕགས་མ་དུག་སེལ་མ་སེར་མོ་ཞལ་གསུམ་ཕྱག་དྲུག་མའི་སྒྲུབ་ཐབས། འདི་ཡང་འོག་མའི་ཁོངས་སུ་འདུ་བ་ལས་རྗེས་གནང་ཟུར་དུ་མ་མཛད། དེའི་གཟུངས། འདི་ནས་དུག་སེལ་མའི་རྟོག་པའི་བར་གྱི་བཞི་ལ་རྗེས་གནང་གཅིག་མཛད། རིན་ཅེན་སྒྲོན་མེར་རྟོག་པའི་ལྷ་སྐུ་མདོག་ལྗང་གུ་དང་ཕྱག་མཚན་མི་གཅིག་པས་རྗེས་གནང་ཟུར་དུ་མཛད་འདུག་པ་འཐད་ཅིང་རིག་སྔགས་ཆེན་མོ་ལ་ལུང་ལས་རྗེས་གནང་མེད་ཅེས་གསུང་ངོ་། །ཡང་དུག་སེལ་བའི་སྒྲུབ་ཐབས། དུག་སེལ་མའི་རིག་སྔགས་ཆེན་མོ། འཕགས་མ་དུག་སེལ་མའི་རྟོག་པ། འཕགས་པ་ཛམ་གུ་ལའི་སྒྲུབ་ཐབས་ཞེས་པའི་དུག་སེལ་མ་དཀར་མོ་ཕྱག་བཞི་མའི་སྒྲུབ་ཐབས། ལུང་ལས་རྗེས་གནང་མེད། རིན་ཅེན་སྒྲོན་མེར་ནི་རྗེས་གནང་ཟུར་དུ་མཛད་འདུག་གོ །འོད་ཟེར་འབར་ཞིང་མཆེ་བ་གཙིགས་པའི་རལ་གཅིག་མ་ནག་མོ་ཞལ་བཅུ་གཉིས་ཕྱག་ཉེར་བཞི་མའི་སྒྲུབ་ཐབས། རྗེས་གནང་ཡོད། རལ་གཅིག་མ་ཕྱག་བཞི་མའི་སྒྲུབ་ཐབས་གྲུབ་པ། འདི་གསུམ་ལ་རྒྱ་ནག་ཆེན་མོའི་སྒྲོལ་མའི་རྗེས་གནང་གིས་ཐུས་པར་མཛད། རིན་ཅེན་སྒྲོན་མེར་གསུམ་པོ་དྲིལ་བར་རྗེས་གནང་གཅིག་འདུག །འཕགས་མ་རལ་གཅིག་མའི་སྒྲུབ་ཐབས་ལེ་ཚན་གཉིས། འཕགས་པ་ཀླུ་སྒྲུབ་ཞབས་ཀྱིས་བོད་ནས་སྤྱན་དྲངས་པའི་
རལ་གཅིག་མ་ནག་མོ་ཕྱག་གཉིས་མའི་སྒྲུབ་ཐབས། འདི་ལ་ནང་གསེས་ཀྱི་ཕྱག་བཞི་མ་དང་ཕྱག་བརྒྱད་མའང་བྱུང་བས་སོ་སོར་རྗེས་གནང་ཡོད། རིན་ཅེན་སྒྲོན་མེར་ཕྱག་བརྒྱད་མ་ལས་གཞན་གསལ་ཁ་མེད། རྡོ་རྗེ་གུར་ནས་གསུངས་པའི་ཙུནྡྷ་དཀར་མོ་ཕྱག་བཞི་མའི་སྒྲུབ་ཐབས་གསུམ། གསུམ་ག་བསྡོམས་པར་རྗེས་གནང་གཅིག །རྟོག་པ་ལས་གསུངས་པའི་འོད་ཟེར་ཅན་དཀར་མོ་ཞལ་ལྔ་ཕྱག་བཅུ་མ་གཙོ་འཁོར་ལྔའི་སྒྲུབ་ཐབས། འདི་དང་འོག་གི་དཀར་མོ་ཕྱག་བཅུ་མ་བསྡོམས་པར་རྗེས་གནང་གཅིག །མྱ་ངན་མེད་པའི་ཤིང་གི་འོད་ཟེར་ཅན་སེར་མོ་ཕྱག་གཉིས་མའི་སྒྲུབ་ཐབས། འདི་དང་འོག་གི་མྱ་ངན་མེད་པའི་སེར་མོ་ཕྱག་གཉིས་བཅས་པར་རྗེས་གནང་གཅིག །རྟོག་པ་ལས་གསུངས་པའི་འོད་ཟེར་ཅན་སེར་མོ་ཞལ་གསུམ་ཕྱག་བརྒྱད་མ་ལྷ་ལྔའི་སྒྲུབ་ཐབས། འདི་དང་འོག་གི་ཕྱག་བརྒྱད་མ་ལྷ་ལྔ་མ་གཉིས་བསྡོམས་པའི་གསུམ་ལ་རྗེས་གནང་གཅིག །རིན་ཅེན་སྒྲོན་མེར་ལྷ་ལྔ་མ་ལེ་ཚན་བཞི་བྱུང་ཡང་རྒྱ་གཞུང་ན་མི་གསལ་བས་ནོར་རམ་དཔྱད། རྟོག་པ་ལས་གསུངས་པའི་འོད་ཟེར་ཅན་དཀར་མོ་ཞལ་ལྔ་ཕྱག་བཅུ་མའི་སྒྲུབ་ཐབས། རྡོ་རྗེ་དབྱིངས་ཀྱི་དབང་ཕྱུག་མ་འོད་ཟེར་ཅན་དམར་མོ་ཞལ་དྲུག་ཕྱག་བཅུ་གཉིས་མ་གཙོ་འཁོར་གཉིས་ཀྱི་སྒྲུབ་ཐབས། འདི་དང་འོག་གི་འོད་ཟེར་ཅན་དམར་མོ་ཞལ་དྲུག་ཕྱག་བཅུ་གཉིས་བསྡོམས་པར་རྗེས་གནང་གཅིག །འོད་ཟེར་ཅན་སེར་མོ་ཞལ་གསུམ་ཕྱག་བརྒྱད་མ་ལྷ་ལྔའི་སྒྲུབ་ཐབས། ཨཽ་ཌི་ཡ་ནའི་འོད་ཟེར་ཅན་དམར་མོ་ཞལ་དྲུག་ཕྱག་བཅུ་གཉིས་མའི་སྒྲུབ་ཐབས། འདི་གཉིས་དང་རང་བྱིན་གྱིས་བརླབ་པའི་འོད་ཟེར་ཅན་ཐེ་བའི་གསུམ་ལ་རྗེས་གནང་གཅིག་མཛད་པ། རིན་ཅེན་སྒྲོན་མེར་གསུམ་ཀ་གོང་གི་རྡོ་རྗེ་དབྱིངས་ཀྱི་དབང་ཕྱུག་མའི་འོད་ཟེར་ཅན་གྱི་སྡེབས་སུ་བགྲངས་འདུག །ཡང་དེའི་སྒྲུབ་ཐབས་སློབ་དཔོན་
ལྷན་ཅིག་སྐྱེས་པའི་རོལ་པས་མཛད། ཡང་ཨཽ་ཌི་ཡ་ནའི་རང་བྱིན་གྱིས་བརླབ་པའི་རིམ་པའི་འོད་ཟེར་ཅན་གྱི་སྒྲུབ་ཐབས། མྱ་ངན་མེད་པའི་འོད་ཟེར་ཅན་སེར་མོ་ཕྱག་གཉིས་མའི་སྒྲུབ་ཐབས། རྟོག་པ་ལས་གསུངས་པའི་འོད་ཟེར་ཅན་སེར་མོ་ཞལ་གསུམ་ཕྱག་བརྒྱད་མ་ལྷ་ལྔ་མའི་སྒྲུབ་ཐབས་སློབ་དཔོན་སྙིང་པོའི་ཞབས་ཀྱིས་མཛད་པ། འོད་ཟེར་ཅན་དམར་མོ་ཞལ་དྲུག་ཕྱག་བཅུ་གཉིས་མའི་སྒྲུབ་ཐབས། གོང་གི་རྡོ་རྗེ་དབྱིངས་ཀྱི་དབང་ཕྱུག་མའི་འོད་ཟེར་གྱི་རྗེས་གནང་གི་ཐུས། འོད་ཟེར་ཅན་པི་ཙུ་བ་ཞལ་གསུམ་ཕྱག་བརྒྱད་མའི་སྒྲུབ་ཐབས། ཐར་རྩེ་དང་ཤར་པའི་གསན་ཡིག་པི་ཙུ་མ་ཞེས་བྱུང་ཡང་གཞན་རྣམས་མཐུན་པར་དཀྱུས་བཞིན་བྱུང་། རྗེས་གནང་ཡོད། ཁྲོ་མོ་ཆེན་མོ་འོད་ཟེར་ཅན་སེར་མོ་ཞལ་གསུམ་ཕྱག་བཅུ་གཉིས་པ་གཙོ་འཁོར་གཉིས་མའི་སྒྲུབ་ཐབས། རྒྱ་གཞུང་ན་སྐུ་མདོག་འདི་ལྟར་འདུག་ཀྱང་བཀླགས་པས་དོན་གྲུབ་དང་རིན་ཅེན་སྒྲོན་མེར་དམར་མོ་ཞེས་བྱུང་བ་བརྟག །རྗེས་གནང་ཡོད། འོད་ཟེར་ཅན་གྱི་སྒྲུབ་ཐབས་མདོར་བསྡུས་པ། འདི་གཉིས་ལ་རྗེས་གནང་ཟུར་བ་མི་དགོས། དེའི་གཟུངས་བཀླགས་པའི་མན་ངག །རི་ཁྲོད་ལོ་མ་གྱོན་མ་སེར་མོ་ཞལ་གསུམ་ཕྱག་དྲུག་པའི་སྒྲུབ་ཐབས། རྗེས་གནང་ཡོད། ལོ་གྱོན་མ་ལྗང་གུ་ཞལ་གསུམ་ཕྱག་དྲུག་མའི་སྒྲུབ་ཐབས། རྗེས་གནང་ཡོད། འཕགས་མ་རི་ཁྲོད་ལོ་མ་གྱོན་མ་ཅན་གྱི་གཟུངས། འདི་ལ་ལུང་ལས་རྗེས་གནང་མེད། ཤེས་རབ་ཀྱི་ཕ་རོལ་དུ་ཕྱིན་པ་དཀར་མོ་ཕྱག་གཉིས་མའི་སྒྲུབ་ཐབས། འདི་དང་གཤམ་གྱི་ཤེར་ཕྱིན་དཀར་མོ་གཉིས་ཏེ་གསུམ་བསྡོམས་པར་རྗེས་གནང་གཅིག །ཤེས་རབ་ཀྱི་ཕ་རོལ་དུ་ཕྱིན་པ་སེར་མོ་ཕྱག་གཉིས་མའི་སྒྲུབ་ཐབས། རྒྱ་གཞུང་དང་གསན་ཡིག་རྣམས་མཐུན་
པར་གསུམ་བྱུང་བས་བཀླགས་པས་དོན་གྲུབ་ཏུ་གཉིས་ཟེར་བ་ཡིག་ནོར་བྱུང་འདྲ། གང་ལྟར་གསུམ་པོ་བསྡོམས་པར་རྗེས་གནང་གཅིག་གིས་ཆོག །རིན་ཅེན་སྒྲོན་མེར་ཕྱག་མཚན་སོགས་ཅུང་ཟད་མི་འདྲ་བ་ཕྱེ་བའི་དྲུག་བྱུང་། དེའི་སྒྲུབ་ཐབས་མདོར་བསྡུས་པ། ཤེས་རབ་ཀྱི་ཕ་རོལ་དུ་ཕྱིན་པ་དཀར་མོ་ཞལ་གཅིག་ཕྱག་གཉིས་མའི་སྒྲུབ་ཐབས་སློབ་དཔོན་དགེ་འདུན་བྱིན་གྱི་བུས་མཛད་པ། ཡང་དེའི་སྒྲུབ་ཐབས་པཎྜི་ཏ་དཔལ་ལྡན་པདྨ་འཕེལ་གྱི་ཞབས་ཀྱིས་མཛད་པ། ཡང་གསེར་མདོག་ཅན་གྱི་ཤེས་རབ་ཀྱི་ཕ་རོལ་དུ་ཕྱིན་པ་ཕྱག་བཞི་མའི་སྒྲུབ་ཐབས། འདི་དང་འོག་གིས་གསེར་མདོག་ཅན་གཉིས་ཏེ་གསུམ་བསྡོམས་པར་རྗེས་གནང་གཅིག་རིན་ཅེན་སྒྲོན་མེར་གཉིས་ལས་མི་འདུག་པ་གཅིག་གོང་གི་ཤེར་ཕྱིན་སེར་མོའི་ཟླར་དྲངས་འདྲ། ཤེས་རབ་ཀྱི་ཕ་རོལ་དུ་ཕྱིན་པ་སེར་མོ་ཕྱག་གཉིས་མའི་སྒྲུབ་ཐབས། འདི་གོང་གི་ཤེར་ཕྱིན་སེར་མའི་རྗེས་གནང་གིས་ཐུས། གསེར་མདོག་ཅན་གྱི་ཤེས་རབ་ཀྱི་ཕ་རོལ་དུ་ཕྱིན་པ་ཕྱག་བཞི་མའི་སྒྲུབ་ཐབས། ཡང་དེའི་སྒྲུབ་ཐབས་སློབ་དཔོན་འཕགས་པ་ཐོགས་མེད་ཀྱིས་མཛད་པ། དགྲ་ནག་ནས་གསུངས་པའི་འཕགས་མ་རྡོ་རྗེ་དབྱངས་ཅན་མ་དམར་མོ་ཞལ་གསུམ་ཕྱག་དྲུག་མའི་སྒྲུབ་ཐབས་སློབ་དཔོན་དཔལ་འཛིན་གྱིས་མཛད་པ། འདི་དང་འོག་ནས་འབྱུང་བའི་རྡོ་རྗེ་དབྱངས་ཅན་མ་དམར་མོ་ཞལ་གསུམ་ཕྱག་དྲུག་མ་དང་གཤིན་རྗེ་ནག་པོའི་རྒྱུད་ལས་བྱུང་བ་སྟེ་གསུམ་བསྡོམས་པར་རྗེས་གནང་གཅིག །དབྱངས་ཅན་མ་ཆེན་མོ་དཀར་མོ་ཕྱག་གཉིས་མའི་གཙོ་འཁོར་ལྔ་པའི་སྒྲུབ་ཐབས། རྗེས་གནང་ཡོད། རྡོ་རྗེ་དབྱངས་ཅན་མ་དམར་མོ་ཞལ་གསུམ་ཕྱག་དྲུག་མའི་སྒྲུབ་ཐབས། རྡོ་རྗེ་དབྱངས་ཅན་མ་དཀར་མོ་ཕྱག་གཉིས་མའི་སྒྲུབ་ཐབས་དགེ་སློང་ཡིད་
ཀྱི་ཤིང་རྟ་སྐྱོང་བས་མཛད་པ། འདི་དང་པི་ཝཾ་མའི་འོག་གི་ཕྱག་གཉིས་མ་བསྡོམས་པར་རྗེས་གནང་གཅིག །རྡོ་རྗེ་པི་ཝཾ་དབྱངས་ཅན་མ་དཀར་མོ་ཕྱག་གཉིས་མའི་སྒྲུབ་ཐབས། རྗེས་གནང་ཡོད། རྡོ་རྗེ་དབྱངས་ཅན་མ་དཀར་མོ་ཕྱག་གཉིས་མའི་སྒྲུབ་ཐབས། གཤིན་རྗེ་ནག་པོའི་རྒྱུད་ལས་བྱུང་བའི་རྡོ་རྗེ་དབྱངས་ཅན་མ་དམར་མོ་ཞལ་གསུམ་ཕྱག་དྲུག་མའི་སྒྲུབ་ཐབས། དབྱངས་ཅན་མ་དཀར་མོ་ཕྱག་གཉིས་མ་རྡོ་རྗེ་བཞིའི་རིམ་པའི་སྒྲུབ་ཐབས། རྗེས་གནང་ཡོད། ཁྲོ་གཉེར་ཅན་སེར་མོ་ཕྱག་བཞི་མའི་སྒྲུབ་ཐབས་གཉིས། གཉིས་ཀ་ཐུན་མོང་དུ་རྗེས་གནང་གཅིག་མཛད། སྒྲོལ་མའི་རྟོག་པ་ལས་བྱུང་བའི་ཀུ་རུ་ཀུལླེ་དམར་མོ་ཕྱག་བཞི་མའི་སྒྲུབ་ཐབས། འདི་དང་གཤམ་གྱི་བཞི་བཅས་པའི་ལྔ་ལ་རྗེས་གནང་གཅིག་མཛད། རིན་ཅེན་སྒྲོན་མེར་འོག་ནས་འབྱུང་བའི་རྟོག་པ་ལས་གསུངས་པའི་ཀུ་རུ་ཀུལླེ་ཡང་བསྣན་པའི་དྲུག་ལ་རྗེས་གནང་གཅིག་མཛད་འདུག །ཡང་སྒྲོལ་མའི་རྟོག་པ་ལས་བྱུང་བའི་ལྷུག་པའི་རིག་བྱེད་མའི་སྒྲུབ་ཐབས་སློབ་དཔོན་འཕགས་པ་ཀླུ་སྒྲུབ་ཀྱིས་མཛད་པ། ཡང་ཀུ་རུ་ཀུལླེའི་དབང་དུ་བྱེད་པའི་མན་ངག་ཡང་རིག་བྱེད་མའི་སྒྲུབ་ཐབས། ཡང་དཔལ་ལྡན་འཕགས་མ་རིག་བྱེད་མའི་སྒྲུབ་ཐབས། ཨཽ་ཌི་ཡཱ་ན་ནས་བྱུང་བ་རིག་བྱེད་མ་ཕྱག་བཞི་མའི་སྒྲུབ་ཐབས། འདི་ནས་སྙན་ངག་མཁན་ཆེན་པོ་བརྩེ་བ་ཅན་གྱིས་མཛད་པའི་བར་གྱི་བཞི་བསྡོམས་པར་རྗེས་གནང་གཅིག །ཡང་ཀྱེ་རྡོ་རྗེའི་རྒྱུད་ལས་རང་བྱིན་གྱིས་བརླབ་པའི་རིམ་པའི་རིག་བྱེད་མའི་སྒྲུབ་ཐབས་ལྷན་ཅིག་སྐྱེས་པའི་རོལ་པས་མཛད། ཡང་ཀྱེ་རྡོ་རྗེའི་རིམ་པ་ལས་ཀུ་རུ་ཀུལླེ་རིག་བྱེད་མའི་སྒྲུབ་ཐབས། ཡང་ཀུ་རུ་ཀུལླེའི་སྒྲུབ་ཐབས་ཀྱེ་རྡོ་རྗེའི་རྒྱུད་ལས་བྱུང་བ་སྙན་ངག་མཁན་ཆེན་པོ་བརྩེ་བ་ཅན་ཞེས་པས་ཚིགས་སུ་བཅད་དེ་བསྡེབས་པ་
རྗེ་བཙུན་ཀུ་རུ་ཀུལླེ་ཕྱག་དྲུག་མའི་སྒྲུབ་ཐབས། འདི་གཉིས་ལ་རྗེས་གནང་གཅིག །རིག་བྱེད་མ་ཕྱག་དྲུག་མའི་སྒྲུབ་ཐབས། ཀུ་རུ་ཀུལླེ་ཕྱག་བརྒྱད་མ་ལྷ་བཅུ་གསུམ་མའི་སྒྲུབ་ཐབས་ཨིནྡྲ་བྷཱུ་ཏིའི་ཞབས་ཀྱིས་མཛད་པ། རྗེས་གནང་ཡོད། སྔགས་པ་དང་བུད་མེད་དབང་དུ་བྱེད་པ་ཀུ་རུ་ཀུལླིའི་སྒྲུབ་ཐབས། འདི་གཉིས་ལ་ལུང་ལ་རྗེས་གནང་ཟུར་པ་མེད། རིག་བྱེད་མའི་མན་ངག་གི་རིམ་པ། ཀུ་རུ་ཀུལླེ་དཀར་མོ་ཕྱག་གཉིས་མའི་སྒྲུབ་ཐབས། རྗེས་གནང་ཡོད། དཔལ་ལྡན་སྒྱུ་འཕྲུལ་དྲ་བ་རྣལ་འབྱོར་གྱི་རྒྱུད་ཆེན་པོ་སྟོང་ཕྲག་བཅུ་དྲུག་པ་ལས་བྱུང་བའི་ཀུ་རུ་ཀུལླེ་དཀར་མོ་ཕྱག་དྲུག་མའི་སྒྲུབ་ཐབས་སློབ་དཔོན་ནག་པོའི་ཞབས་ཀྱིས་མཛད་པ། རྗེས་གནང་ཡོད། ཀུ་རུ་ཀུལླེ་དམར་མོ་འདིར་རྗེས་གནང་མཛད། རིན་ཅེན་སྒྲོན་མེར་མི་གསལ། ཕྱག་བཞི་མ་རིའི་ཕུག་ན་བཞུགས་པའི་སྒྲུབ་ཐབས། མཁྱེན་བརྩེ། ཐར་རྩེ། ཤར་པ་རྣམས་ཀྱི་གསན་ཡིག་ན་འདི་གཉིས་མི་འདུག་པ་ཆད་འདྲ། རྟོག་པ་ལས་གསུངས་པའི་ཀུ་རུ་ཀུལླེ་ཕྱག་བཞི་མའི་སྒྲུབ་ཐབས། འདི་གཉིས་ལ་རྗེས་གནང་ཟུར་དུ་མེད། ཀུ་རུ་ཀུལླེའི་ལས་རབ་ཏུ་རྐྱང་པའི་སྦྱོར་བ། གཙུག་ཏོར་རྣམ་པར་རྒྱལ་མ་གཙོ་རྐྱང་གི་སྒྲུབ་ཐབས། རྗེས་གནང་ཡོད། འཕགས་པ་གཞན་གྱིས་མི་ཐུབ་པ་གདུགས་དཀར་མོ་ཅན་ཞལ་གསུམ་ཕྱག་དྲུག་མའི་སྒྲུབ་ཐབས། རྗེས་གནང་ཡོད། རྡོ་རྗེ་ཙརྩི་ཀ་དམར་མོ་ཕྱག་དྲུག་མའི་སྒྲུབ་ཐབས། རྗེས་གནང་ཡོད། སྒྱུ་འཕྲུལ་དྲ་བ་ལས་གསུངས་པའི་སོ་སོ་འབྲང་མ་ཆེན་མོ་སེར་མོ་ཞལ་བཞི་ཕྱག་བརྒྱད་མའི་སྒྲུབ་ཐབས་ལེ་ཚན་གསུམ། འདི་གསུམ་ཐུན་མོང་དུ་རྗེས་གནང་གཅིག་རྨ་བྱ་ཆེན་མོའི་སྒྲུབ་ཐབས། རྗེས་གནང་ཡོད། མཁྱེན་བརྩེ། ཐར་རྩེ། ཤར་པ་གསུམ་གྱི་གསན་ཡིག་གྲ་ལྔའི་གོ་རིམ་དཀྱུས་དང་མི་མཐུན་ཙམ་འདུག །འཕགས་མ་
སྟོང་ཆེན་རབ་ཏུ་འཇོམས་པའི་སྒྲུབ་ཐབས། རྗེས་གནང་ཡོད། འཕགས་མ་གསང་སྔགས་ཆེན་མོ་རྗེས་སུ་འཛིན་པའི་སྒྲུབ་ཐབས། རྗེས་གནང་ཡོད། འཕགས་མ་བསིལ་བའི་ཚལ་ཞེས་བྱ་བའི་སྒྲུབ་ཐབས། རྗེས་གནང་ཡོད། ལྷ་མོ་ལྔའི་སྒྲུབ་ཐབས་མདོར་བསྟན་པ། རྗེས་གནང་ཟུར་དུ་དགོས་ཀྱང་རྒྱུན་ཆད། རིན་ཅེན་སྒྲོན་མེར་འདི་དངསེར་མོ་ཞལ་གསུམ་ཕྱག་དྲུག་མ་ལྷ་ལྔ་སོ་སོར་རྗེས་གནང་ཡོད་ཚུལ་འདུག་ཀྱང་རྒྱ་གཞུང་གསན་ཡིག་བཀླགས་པས་དོན་གྲུབ་རྣམས་མཐུན་པར་མ་བྱུང་བས་བརྟག །ཕྱིར་བཟློག་པ་ཆེན་མོ་ཕྱག་དྲུག་པའི་སྒྲུབ་ཐབས། རྗེས་གནང་ཡོད། རྒྱལ་མཚན་རྩེ་མོའི་དཔུང་རྒྱན་ནག་མོ་ཞལ་གསུམ་ཕྱག་གཉིས་མའི་སྒྲུབ་ཐབས། རྗེས་གནང་ཡོད། གཞན་གྱིས་མི་ཐུབ་པ་སེར་མོ་ཕྱག་གཉིས་མའི་སྒྲུབ་ཐབས། རྗེས་གནང་ཡོད། རྡོ་རྗེ་གནྡྷ་རི་ནག་མོ་ཞལ་དྲུག་ཕྱག་བཅུ་གཉིས་མའི་སྒྲུབ་ཐབས་ལེ་ཚན་གཉིས། གཉིས་ཀ་ཐུན་མོང་དུ་རྗེས་གནང་གཅིག །བསྲུང་བ་ལྔའི་ཆོ་ག །རྗེས་གནང་ཡོད། རྡོ་རྗེ་ལྕགས་སྒྲོག་མ་ཞལ་གསུམ་ཕྱག་དྲུག་མའི་སྒྲུབ་ཐབས། རྗེས་གནང་ཡོད། རྡོ་རྗེ་ལྕགས་སྒྲོག་ཞལ་གསུམ་ཕྱག་བརྒྱད་མའི་སྒྲུབ་ཐབས། འདི་གཉིས་ལ་རྗེས་གནང་གཅིག །ཡང་དེའི་སྒྲུབ་ཐབས་ཀྱི་ཆོ་ག་རྒྱལ་མཚན་རྩེ་མོའི་དཔུང་རྒྱན། རྗེས་གནང་ཡོད། སེར་མོ་ཞལ་བཞི་ཕྱག་བཞི་མའི་སྒྲུབ་ཐབས་པཎྜི་ཏ་ཆོས་ཀྱི་འབྱུང་གནས་བློ་གྲོས་ཀྱིས་མཛད་པ། གསན་ཡིག་ཕལ་ཆེར་དང་བཀླགས་པས་དོན་གྲུབ་ན་སྒྲུབ་ཐབས་གཅིག་ལས་མི་གསལ་ཡང་རྒྱ་གཞུང་དང་གོང་དཀར་གསན་ཡིག་རིན་ཅེན་སྒྲོན་མེ་རྣམས་ན་གཉིས་ཀ་སྣང་ཞིང་རྗེས་གནང་གཅིག་གིས་ཐུས་པ་མཛད། འཕགས་མ་གཙུག་ཏོར་རྣམ་པར་རྒྱལ་མ་ལྷ་དགུའི་སྒྲུབ་ཐབས་ཚིགས་བཅད་ལྷུག་གཉིས། ནོར་རྒྱུན་མ་སེར་མོ་ཕྱག་གཉིས་མ་ལྷ་ལྔའི་སྒྲུབ་ཐབས། རྗེས་གནང་ཡོད། གུར་ནས་གསུངས་
པའི་ནོར་རྒྱུན་མ་གཙོ་རྐྱང་གི་སྒྲུབ་ཐབས་གཉིས། གཉིས་ཀ་ལ་རྗེས་གནང་གཅིག །དེའི་གཟུངས་ཀྱི་མན་ངག །ལུང་ལས་རྗེས་གནང་མེད། རྡོ་རྗེ་ཕག་མོ་ལྷ་ལྔའི་སྒྲུབ་ཐབས་པཎྜི་ཏ་ཆེན་པོ་ཨ་ཝ་དྷཱུ་ཏི་བ་དཔལ་ལྡན་གཉིས་མེད་རྡོ་རྗེའི་ཞབས་ཀྱིས་མཛད་པ། རྗེས་གནང་ཡོད། བླ་མེད་དུ་གཏོགས་བཀླགས་པས་དོན་གྲུབ་ཏུ་མཻ་ཏྲི་པས་མཛད་ཅེས་སྣང་། ཕག་དཀར་ཤེས་རབ་སྣང་བའི་སྒྲུབ་ཐབས་སློབ་དཔོན་ཀོངྐ་སྦྱིན་གྱིས་མཛད་པ། བླ་མེད་དུ་གཏོགས་རྗེས་གནང་ཡོད། རྡོ་རྗེ་ཕག་མོ་དབང་དུ་བྱ་བའི་ཆོ་ག །ལུང་ལས་རྗེས་གནང་མེད་ལ་བླ་མེད་དུ་གཏོགས། དཔལ་རྡོ་རྗེ་ཕག་མོའི་རྟོག་པ་དོན་ཐམས་ཅད་འགྲུབ་པ་དང་། བླ་མེད་དུ་གཏོགས་གཉིས་ཀ་ཐུན་མོང་དུ་རྗེས་གནང་གཅིག་མཛད་ཅིང་། རྗེ་མཁྱེན་བརྩེའི་གསན་ཡིག་དང་བཀླགས་པས་དོན་གྲུབ་ཏུ་ལྷ་མོ་སྒྱུ་མ་ཆེན་མོའི་དུར་ཁྲོད་ཅེས་པ་ཡན་རྟོག་པ་དང་དེ་མན་སྒྲུབ་ཐབས་སུ་དབྱེ་བ་ཡིན་འདུག །གོང་དཀར་བ་སོགས་གསན་ཡིག་ཕལ་ཆེར་དུ་སོ་སོར་མ་དབྱེ་བར་གཅིག་ཏུ་བྲིས་འདུག་གོ །དེའི་ཕག་དམར་ཕྱག་བཞི་མ་ལྷ་ལྔའི་སྒྲུབ་ཐབས། རྣམ་སྣང་སྒྱུ་དྲ་ནས་གསུངས་པའི་རྗེ་བཙུན་བྱམས་པ་ཞལ་གསུམ་ཕྱག་དྲུག་པའི་སྒྲུབ་ཐབས་གཉིས། གཉིས་ཀ་ཐུན་མོང་དུ་རྗེས་གནང་གཅིག །ཛམྦྷ་ལ་ནག་པོ་ཞལ་གཅིག་ཕྱག་གཉིས་པ་ཨུ་ཙུཥྨའི་སྒྲུབ་ཐབས་པཎྜི་ཏ་ཆེན་པོ་འཇིགས་མེད་འབྱུང་གནས་སྦས་པས་མཛད་པ། རྗེས་གནང་ཡོད། ཛམ་སེར་གནོད་སྦྱིན་ཕོ་དགུ་མོ་དགུ་ཡབ་ཡུམ་གཅིག་ཏུ་བསྡོམས་པ་ལྷ་དགུའི་སྒྲུབ་ཐབས། རྗེས་གནང་ཡོད། ནོར་རྒྱུན་མ་གཙོ་འཁོར་ལ་ཡབ་རྣམས་ལུས་དཀྱིལ་གྱི་ཚུལ་དུ་བཀོད་པའི་ཛམ་སེར་ལྷ་མང་གི་སྒྲུབ་ཐབས། འདི་དང་འོག་ནས་འབྱུང་བའི་གཅིག་སྟེ་གཉིས་བསྡོམས་པར་རྗེས་གནང་གཅིག །ཛམ་སེར་ཞལ་གསུམ་ཕྱག་དྲུག་པའི་སྒྲུབ་
ཐབས། རྗེས་གནང་ཡོད། ཛམ་སེར་ཞལ་གཅིག་ཕྱག་གཉིས་པའི་སྒྲུབ་ཐབས་སློབ་དཔོན་ཆེན་པོ་ཙནྡྲ་གོ་མིས་མཛད་པ། འདི་གཉིས་རྗེས་གནང་གཅིག །ཡང་ཛམྦྷའི་སྒྲུབ་ཐབས་མདོར་བསྡུས་པ། ནོར་རྒྱུན་མ་གཙོ་འཁོར་ལ་ཡབ་རྣམས་ལུས་དཀྱིལ་གྱི་ཚུལ་དུ་བཀོད་པའི་ཛམ་སེར་ལྷ་མང་གི་སྒྲུབ་ཐབས། ཛམྦྷ་ལ་ལ་ཆུ་རྒྱུན་འབུལ་བའི་མན་ངག་ནང་གསེས་སུ་ལེ་ཚན་གསུམ་ཡོད་པ། ལུང་ལས་རྗེས་གནང་མེད། རྟ་མགྲིན་དམར་པོ་ཞལ་གསུམ་ཕྱག་བརྒྱད་པའི་སྒྲུབ་ཐབས་ཙནྡྲ་གོ་མིས་མཛད་པ། རྗེས་གནང་ཡོད། རྟོག་པ་བདུན་པ་ལས་གསུངས་པའི་རྟ་མགྲིན་ཕྱག་གཉིས་པའི་སྒྲུབ་ཐབས། རྗེས་གནང་ཡོད། རྒྱུད་ཀྱི་སྙིང་པོ་ཕྱི་མའི་རྟ་མགྲིན་ཞལ་གསུམ་ཕྱག་བརྒྱད་ལྷ་ལྔ་པའི་སྒྲུབ་ཐབས་པཎྜི་ཏ་ཤྲཱིདྡྷ་ཀ་རས་མཛད་པ། རྗེས་གནང་ཡོད། འཇིག་རྟེན་གསུམ་རྒྱལ་ཞལ་བཞི་ཕྱག་བརྒྱད་པའི་སྒྲུབ་ཐབས། རྗེས་གནང་ཡོད། རྡོ་རྗེ་མེ་དང་ཉི་མ་འབར་བ་མཐིང་ཁ་ཞལ་བཞི་ཕྱག་བརྒྱད་པའི་སྒྲུབ་ཐབས། རྗེས་གནང་ཡོད། རྡོ་རྗེ་རྟ་མཆོག་དམར་པོ་ཞལ་བཞི་ཕྱག་བརྒྱད་པའི་སྒྲུབ་ཐབས། རྗེས་གནང་ཡོད། འཕགས་པ་གཤིན་རྗེ་གཤེད་དམར་པོ་ཞལ་གཅིག་ཕྱག་གཉིས་པའི་སྒྲུབ་ཐབས། བླ་མེད་ཡིན་རྗེས་གནང་ཡོད། གཤིན་རྗེ་གཤེད་ནག་པོ་ཕྱག་གཉིས་པའི་སྒྲུབ་ཐབས་གཉིས། བླ་མེད་ཡིན་ལ་གཉིས་ཀ་བསྡོམས་པར་རྗེས་གནང་གཅིག །གཤིན་རྗེ་གཤེད་དགྲ་ནག་པོའི་སྒྲུབ་ཐབས། འདི་གཉིས་ལ་རྗེས་གནང་གཅིག་མཛད་བླ་མེད་ཡིན། གཤིན་རྗེ་མཐར་བྱེད་ཞལ་གསུམ་ཕྱག་དྲུག་པའི་སྒྲུབ་ཐབས། གཤིན་རྗེ་མཐར་བྱེད་གདོང་དྲུག་པའི་སྒྲུབ་ཐབས། བླ་མེད་ཡིན་རྗེས་གནང་ཡོད། ངོར་ཆེན་དང་གོང་དཀར་བའི་གསན་ཡིག་ན་གདོང་དྲུག་ཅེས་པའི་གསལ་ཁ་མི་འདུག་ཀྱང་རྗེས་གནང་གི་ཡིག་ཆ་གཉིས་དང་རྗེ་མཁྱེན་བརྩེའི་གསན་
ཡིག་ན་གསལ་ལོ། །བགེགས་མཐར་བྱེད་ནག་པོ་ཕྱག་གཉིས་པའི་སྒྲུབ་ཐབས། རྗེས་གནང་ཡོད། ཧཱུྃ་མཛད་ནག་པོ་ཕྱག་གཉིས་པའི་སྒྲུབ་ཐབས། རྗེས་གནང་ཡོད། སྟོབས་པོ་ཆེ་དམར་པོ་ཕྱག་བཞི་པའི་སྒྲུབ་ཐབས། རྗེས་གནང་ཡོད། ཧེ་རུ་ཀ་སྔོན་པོ་ཕྱག་གཉིས་པ་དཔའ་གཅིག་གི་སྒྲུབ་ཐབས། བླ་མེད་ཡིན་རྗེས་གནང་ཡོད། དགྱེས་རྡོར་སྔོན་པོ་ཕྱག་གཉིས་པ་ཡུམ་བཅས་ཀྱི་སྒྲུབ་ཐབས་ཏཱ་ར་ཤྲཱིས་མཛད་པ། བླ་མེད་ཡིན་རྗེས་གནང་ཡོད། བདག་མེད་མ་རྐྱང་པའི་སྒྲུབ་ངོར་གོང་དཀར་མཁྱེན་བརྩེ་ཐར་རྩེ་ཤར་པ་ལྔའི་གསན་ཡིག་དང་བཀླགས་པས་དོན་གྲུབ་ན་འདི་མིན་པའི་ཤཱཀྱ་བཤེས་གཉེན་གྱིས་མཛད་པའི་སྟོབས་པོ་ཆེའི་སྒྲུབ་ཐབས་ཤིག་ཡོད་ཚུལ་བྱུང་ཡང་རྒྱ་གཞུང་དང་རིན་ཅེན་སྒྲོན་མེ་གཉིས་ན་མི་སྣང་། ཐབས་ལེ་ཚན་གཉིས། བླ་མེད་ཡིན་གཉིས་ཀ་ལ་རྗེས་གནང་གཅིག་མཛད། དཔལ་ལྡན་འབྱུང་པོ་འདུལ་བྱེད་ཀྱི་སྒྲུབ་ཐབས་མདོར་བསྡུས་པ། གཉིས་ཀ་བླ་མེད་གཏོགས་ཤིང་རྗེས་གནང་གཅིག་དེའི་སྒྲུབ་ཐབས་དམ་པ་ཐམས་ཅད་འདྲེན་པའི་འཇིག་རྟེན་གསུམ་གྱི་རྡོ་རྗེ་མཛད་པ། ནག་པོ་གུར་གྱི་མགོན་པོའི་སྒྲུབ་ཐབས། བླ་མེད་དུ་གཏོགས་རྗེས་གནང་ཡོད། རྒྱ་གཞུང་རིན་ཅེན་སྒྲོན་མ་གསན་ཡིག་རྣམས་མཐུན་པར་སྒྲུབ་ཐབས་གཉིས་ཀྱི་གསལ་ཁ་མ་བྱུང་བས་བཀླགས་པས་དོན་གྲུབ་ཏུ་གཉིས་བྱུང་བ་ཡི་གེ་ནོར་བ་འདྲ། དཔལ་ལྡན་ནག་པོ་ཆེན་པོ་ཕྱག་བཞི་པའི་སྒྲུབ་བླ་མེད་དུ་གཏོགས་རྗེས་གནང་ཡོད། ཐབས་དང་བཅས་པ་རྣམས་ཀྱི་རྗེས་གནང་དང་ལུང་ལེགས་པར་ནོས་པའི་བརྒྱུད་པ་ནི། རྡོ་རྗེ་འཆང་། རྡོ་རྗེ་ཕག་མོ། སློབ་དཔོན་ཨ་བྷ་ཡཱ་ཀ་གུཔྟ། ཤུབྷཱ་ཛ་ཏི་གུཔྟ། རཏྣ་རཀྵི་ཏ། གཽ་ཏཾ་ཤྲཱི། པཎྜི་ཏ་ཀཱིརྟི་ཙནྡྲ། ཡར་ཀླུངས་ལོ་ཙཱ་བ་གྲགས་པ་རྒྱལ་མཚན། བླ་མ་རྒྱལ་མཚན་རིན་ཅེན། གར་ཐིག་པ་བསོད་ནམས་རྒྱལ་
མཚན། དཀའ་བཅུ་པ་གཞོན་ནུ་སེང་གེ །བླ་མ་མགོན་པོ་འབུམ། ཆོས་རྗེ་དཔལ་ལྡན་ཚུལ་ཁྲིམས། ཤར་ཆེན་ཡེ་ཤེས་རྒྱལ་མཚན། རྡོ་རྗེ་འཆང་ཀུན་དགའ་བཟང་པོ། མུས་ཆེན་སེམས་དཔའ་ཆེན་པོ་དཀོན་ཅོག་རྒྱལ་མཚན། ཀུན་མཁྱེན་གོ་རམ་པ་ཆེན་པོ་བསོད་ནམས་སེང་གེ་ཡོངས་འཛིན་དཀོན་ཅོག་འཕེལ། རྒྱལ་བ་ལྷ་མཆོག་སེང་གེ །རྗེ་སངས་རྒྱས་སེང་གེ །ཐར་རྩེ་པཎ་ཆེན་ནམ་མཁའ་དཔལ་བཟང་། དེ་དབོན་ནམ་མཁའ་སངས་རྒྱས། རིགས་ཀུན་བདག་པོ་མགོན་པོ་བསོད་ནམས་མཆོག་ལྡན། ཟུར་ཐམས་ཅད་མཁྱེན་པ་ཆོས་དབྱིངས་རང་གྲོལ། དེས་བདག་ཟ་ཧོར་བནྡེ་ལའོ། །ཡང་ན་མུས་ཆེན་ནས། ཡོངས་འཛིན་དཀོན་ཅོག་འཕེལ་མན་འདྲ། ཡང་ན་ངོར་ཆེན་ནས། འཇམ་དབྱངས་ཤེས་རབ་རྒྱ་མཚོ། དཀོན་ཅོག་འཕེལ་མན་གོང་ལྟར་རོ། །ཡང་ན་ངོར་ཆེན་ནས། མཁས་གྲུབ་དཔལ་ལྡན་རྡོ་རྗེ། ཡོངས་འཛིན་དཀོན་ཅོག་ཆོས་འཕེལ་མན་འདྲ། ཡང་ན་ལོ་ཙཱ་བ་གྲགས་པ་རྒྱལ་མཚན་ནས། རོང་པ་ཤེས་རབ་སེང་གེ །དེ་གཉིས་ཀ་ལ་བག་སྟོན་གཞོན་ནུ་ཚུལ་ཁྲིམས་ཀྱིས་གསན། དེ་ནས་མཁན་ཆེན་ཤེས་རབ་རྡོ་རྗེ། བླ་མ་གྲགས་པ་འོད་ཟེར། རྗེ་གྲགས་པ་རིན་ཅེན། བླ་མ་ནམ་མཁའ་ཚུལ་ཁྲིམས། མཚུངས་མེད་གྲགས་པ་དཔལ་བཟང་། དམར་སྟོན་ཤཱཀྱ་བཟང་པོ། མར་སྟོན་ཚུལ་ཁྲིམས་རིན་ཅེན། རྡོ་རྗེ་འཆང་སྔགས་རམ་པ་དགེ་འདུན་ཀུན་དགའ་བཀྲ་ཤིས། ཐམས་ཅད་མཁྱེན་པ་བསོད་ནམས་རྒྱ་མཚོ། བྲག་དགོན་སྤྱན་མངའ་གཞོན་ནུ་ཆོས་དཔལ་བཟང་པོ། རྡོ་རྗེ་འཆང་ཕ་བོང་ཁ་པ་དཔལ་འབྱོར་ལྷུན་གྲུབ། ཟུར་ཐམས་ཅད་མཁྱེན་པ་ཆོས་དབྱིངས་རང་གྲོལ། དེས་བདག་ལ་སྩལ་ཏོ། །ཚར་ཆེན་གྱི་གསུང་
འཇམ་དབྱངས་མཁྱེན་བརྩེས་ཟིན་བྲིས་སུ་མཛད་པ་བཀླགས་པས་དོན་གྲུབ་ཀྱི་ལུང་ནི། མཁས་གྲུབ་དཔལ་ལྡན་རྡོ་རྗེ་ཡན་གོང་ལྟར་ལ། དེ་ནས་བྱ་འགྱུར་རིན་པོ་ཆེ་བསོད་ནམས་སེང་གེ །འགོས་སྟོན་རྡོ་རྗེ་སེང་གེ་མཁན་ཆེན་ཐམས་ཅད་མཁྱེན་པ་ཚར་པ་ཆོས་རྗེ། ཀུན་མཁྱེན་མཁྱེན་བརྩེའི་དབང་ཕྱུག །རྡོ་རྗེ་འཆང་དབང་ཕྱུག་རབ་བརྟན། འཇམ་མགོན་བསོད་ནམས་མཆོག་ལྡན་མན་གོང་བཞིན་ནོ།