ཐམས་ཅད་མཁྱེན་པ་དགེ་འདུན་རྒྱ་མཚོའི་བཀའ་འབུམ་གྱི་སྐོར།
ཐམས་ཅད་མཁྱེན་པ་དགེ་འདུན་རྒྱ་མཚོའི་བཀའ་འབུམ་གྱི་སྐོར་ལ། ཀུན་འཛིན་ཞེས་པ་ས་ཕོ་བྱི་ལོ་ཡན་གྱི་རང་ཉིད་ཀྱི་རྣམ་པར་ཐར་པ། ཡབ་ཆོས་རྗེ་ཀུན་དགའ་རྒྱལ་མཚན་གྱི་རྣམ་ཐར་ནོར་བུའི་ཐེམ་སྐས། བླ་མའི་བསྟོད་ཚོགས་ལ་ཇོ་བོ་རྗེ་ལ་བསྟོད་པ་སྣང་བ་མཐའ་ཡས་མ། འབྲོམ་ལ་བསྟོད་པ་ལྷར་བཅས་མ། དེ་ལ་བསྟོད་པ་རབ་འབྱམས་ཕྱོགས་བཅུ་མ། ཆོས་ཀྱི་རྒྱལ་པོ་བཙོང་
ཁ་པ་ཆེན་པོར་བསྟོད་པ་བྱིན་རླབས་ཀྱི་འདོད་འཇོ། དེ་ཉིད་ལ་བསྔགས་པ་ལྷའི་རྔ་བོ་ཆེའི་སྒྲ་དབྱངས། མགོན་པོ་ཀླུ་སྒྲུབ་ལ་བསྟོད་པ་མཆོག་ཏུ་དང་བའི་སྒྲ་དབྱངས། དཔལ་རི་ཁྲོད་ཞབས་ལ་བསྟོད་པ་ཇི་སྙེད་ཆོས་ཀུན་མ། རྒྱལ་སྲས་ཞི་བ་ལྷར་བསྟོད་པ་པདྨ་དཀར་པོའི་ཆུན་པོ། མཁས་གྲུབ་དགེ་ལེགས་དཔལ་བཟང་ལ་བསྟོད་པ་ལྷར་བཅས་མ། ཐམས་ཅད་མཁྱེན་པ་དགེ་འདུན་གྲུབ་ལ་བསྟོད་པ་མཆོད་སྤྲིན་རྒྱ་མཚོ། གནས་རྙིང་ཆོས་རྗེ་ཀུན་དགའ་བདེ་ལེགས་ལ་བསྟོད་པ་འཇིག་རྟེན་དབང་ཕྱུག་མ། དེ་ཉིད་ལ་བསྟོད་པ་ཆགས་མལ་ནས་དབོན་པོ་ཨ་ཛམ་པས་བསྐུལ་བ། དེ་ཉིད་ལ་བསྟོད་པ་ས་བཅུའི་དབང་ཕྱུག་མ། མཁས་གྲུབ་ཆེན་པོ་ནོར་བཟང་རྒྱ་མཚོ་ལ་བསྟོད་པ་དངོས་གྲུབ་གཉིས་ཀྱི་བང་མཛོད། འབྲས་སྤུངས་ཆོས་རྗེ་འཇམ་དབྱངས་དགའ་བའི་བློ་གྲོས་ལ་བསྟོད་པ་མུ་ཏིག་གི་འཕྲེང་བ། དེའི་བསྟོད་པ་མཁས་པའི་མགུལ་རྒྱན། ཡབ་རྡོ་རྗེ་འཆང་ཀུན་དགའ་རྒྱལ་མཚན་ལ་བསྟོད་པ་རྒྱལ་ཀུན་མཁྱེན་བརྩེ་མ། ཐོན་པ་མཁས་བཙུན་ཡོན་ཏན་རྒྱ་མཚོ་ལ་བསྟོད་པ་མཁས་བཙུན་ཀུན་གཙུགས། བཀྲ་ཤིས་ལྷུན་པོའི་པཎ་ཆེན་ལུང་རིག་རྒྱ་མཚོ་ལ་བསྟོད་པ་བྱིན་རླབས་བང་མཛོད། སེ་ར་ཆོས་རྗེ་གཉལ་སྟོན་དཔལ་འབྱོར་ལྷུན་གྲུབ་ལ་བསྟོད་པ་དད་པའི་ལྕགས་ཀྱུ། བར་མི་དགེ་སློང་རྡོ་རྗེ་རྒྱལ་མཚན་གྱི་ངོར་མཛད་པའི་བདག་བསྟོད་རབ་དཀར་དགེ་ཚོགས་མ། བདག་བསྟོད་རྣམ་དཀར་དགེ་ཚོགས་མ། ཆོས་རྒྱལ་རིགས་ལྡན་རྣམས་ཀྱི་བསྟོད་པ་རབ་འབྱམས་རྒྱལ་ཀུན་མ། མགོན་པོ་ཕྱག་དྲུག་པའི་བརྒྱུད་འདེབས་ཁ་སྦྱོར་བདུན་ལྡན་མ། བདེ་མཆོག་དྲིལ་བུ་པའི་བརྒྱུད་འདེབས་ཤེས་བྱའི་འཁོར་ལོ་མ། ལཱུ་
ཧི་པའི་བརྒྱུད་འདེབས་མ་ལུས་རྒྱལ་བ་མ། གནས་བརྟན་རྡོ་རྗེ་རྒྱལ་མཚན་གྱིས་ཞུས་པའི་འཇིགས་བྱེད་བཅུ་གསུམ་མའི་བརྒྱུད་འདེབས། འོལ་ཁ་ས་སྐྱོང་ཨ་མོ་གྷའི་ཐུགས་དམ་དུ་གནང་བའི་ལྔ་བརྒྱའི་གཙུག་རྒྱན་མ། ཐེལ་གདན་རབས་བཀའ་བརྒྱུད་ཀྱི་གསོལ་འདེབས་སྒྲིབ་བྲལ་ལྷན་སྐྱེས་མ། སྙིང་པོ་དོན་གསུམ་གྱི་བརྒྱུད་འདེབས་མཚན་དཔེའི་ཆ་ཤས་མ། འཕགས་པ་རྒྱལ་མཚན་གྱི་ངོར་གནང་པའི་གསོལ་འདེབས་རྒྱལ་ཀུན་མཁྱེན་བརྩེ་མ། མགོན་པོ་སྙིང་ཞུགས་འཕོ་བ་དང་བཅས་པ་ཐུན་མོང་མ་ཡིན་པའི་བརྒྱུད་འདེབས་མཁའ་སྤྱོད་དུ་འཁྲིད་པའི་ཕོ་ཉ། དབེན་ས་སངས་རྒྱས་དཔལ་འཛོམ་གྱི་ངོར་གནང་བའི་ཕྱག་དྲུག་པའི་བརྒྱུད་འདེབས་སྐུ་བཞིའི་བདག་ཉིད་མ། སྔགས་འཆང་ནམ་མཁའ་རྣམ་རྒྱལ་གྱི་ངོར་གནང་བའི་ཞལ་བཞི་པའི་བརྒྱུད་འདེབས་རྡོ་རྗེ་འཆང་དངོས་མ། ནང་སོ་སྐྱ་རྒྱལ་དབང་པོའི་ངོར་མཛད་པའི་ཤ་བ་རི་པ་ལུགས་ཀྱི་ཞལ་བཞིའི་བརྒྱུད་འདེབས་བྱིན་རླབས་བང་མཛོད། སྤྱོད་ཡུལ་བརྒྱུད་འདེབས། བླ་མ་སྣ་ཚོགས་བསྡུས་པའི་གསོལ་འདེབས་བྱ་ཆོས་རིན་པོ་ཆེའི་འཕྲེང་བ། དཔོན་ས་རབ་གསལ་མའི་ངོར་གནང་བའི་གསོལ་འདེབས་ལྷུན་གྲུབ་བདེ་ཆེན་མ། ས་བ་གྲུ་པའི་ཆོས་མཛད་མས་ཞུས་པའི་གསོལ་འདེབས་དུས་གསུམ་རྒྱལ་ཀུན་མ། བླ་མ་ཡི་དམ་སྣ་ཚོགས་ཀྱི་གསོལ་འདེབས་སྟོན་པ་མཉམ་མེད་མ། རྒྱལ་སྲས་སྐུ་མཆེད་གསུམ་དང་ཚེ་རིང་མཆེད་ལྔར་གསོལ་འདེབས་སྤྱན་རས་གཟིགས་དབང་མ། བླ་མ་སྤྱི་ལ་གསོལ་འདེབས་བྱིན་རླབས་མྱུར་འཇུག །རང་གང་མོས་ཀྱི་བླ་མར་གསོལ་བ་འདེབས་པ་དུས་གསུམ་རྒྱལ་བ་མ། གདན་ས་རི་བོ་དགའ་ལྡན་གྱི་བླ་
བརྒྱུད་གསོལ་འདེབས་རྒྱལ་ཀུན་མ། རྗེ་མི་ལར་བསྟོད་པ་བརྒྱ་ཕྲག་དཀའ་བ་མ། བོ་དོང་ཕྱོགས་ལས་རྣམ་རྒྱལ་ལ་བསྟོད་པ་སྐལ་ལྡན་ཤིང་རྟ་མ། འཇམ་དབྱངས་མཆོག་ལྷ་འོད་ཟེར་ལ་བསྟོད་པ་མི་དམན་བློ་གྲོས་མ། དེ་ཉིད་ལ་བསྟོད་པ་མཆོག་ཟབ་མ། འདར་སྟོན་བློ་བཟང་གྲགས་པར་བསྟོད་པ་རབ་འབྱམས་རྒྱལ་བ་མ། རབ་འབྱམས་པ་ཆོས་གྲགས་ཀྱིས་བསྐུལ་བའི་ཆོས་རྒྱལ་མ། རྗེ་ཆོས་སྐྱོང་རྒྱ་མཚོར་བསྟོད་པ་གཞན་དང་མི་མཉམ་མ། མ་གཅིག་ལབ་སྒྲོལ་ལ་བསྟོད་པ་དུས་གསུམ་རྒྱལ་བ་མ། དེ་ལ་བསྟོད་པ་དུས་གསུམ་མ། སེ་ར་ཆོས་རྗེ་དོན་ཡོད་པའི་བསྟོད་པ་མང་ཐོས་རིན་ཅེན་མ། མཛོ་མོ་མཁར་དབོན་པོ་བསོད་ནམས་ཀྱི་ངོར་མཛད་པའི་སེ་ར་རྗེ་བཙུན་པའི་བསྟོད་པ། ཉི་ལྡིང་ཆོས་རྗེ་དཔལ་ལྡན་འོད་ཟེར་གྱི་བསྟོད་པ་དང་རབ་འབྱམས་རྒྱལ་བ་མ། བརྒྱུད་འཛིན་ཆེན་པོ་ཚུལ་ཁྲིམས་བཟང་པོའི་བསྟོད་པ་རྣམ་དག་ཚུལ་ཁྲིམས་མ། མཁན་ཆེན་ངག་དབང་པའི་བསྟོད་པ་སྐལ་བཟང་མ། མཁས་གྲུབ་ནོར་བཟང་པའི་བསྟོད་པ་མཐའ་བྲལ་མ། ཆོས་རྗེ་རྗེ་དབོན་གྱི་བསྟོད་པ་བློ་བཟང་གསུང་རབ་མ། འདར་སྟོན་བློ་བཟང་གྲགས་པར་བསྟོད་པ་བློ་བཟང་དཀྱིལ་འཁོར་མ། ཆ་དཀར་ཆོས་རྗེ་དོན་གྲུབ་ལ་བསྟོད་པ་མདོ་རྒྱུད་མ། དྭགས་པོ་གྲྭ་ཚང་གི་སློབ་དཔོན་ཆོས་དཔལ་ལ་བསྟོད་པ་མི་ཕམ་མ། སློབ་དཔོན་ཤེས་རབ་འཕེལ་ལ་བསྟོད་པ་མདོ་སྔགས་མ། དེ་ལ་བསྟོད་པ་གསུང་རབ་མ། མཚན་སྒྲོག་མཁན་བརྒྱུད་ལ་བསྟོད་པ་ཚོགས་གཉིས་རིན་ཅེན་མ། དྲུང་ཆེན་ལེགས་བཟང་ལ་བསྟོད་པ་སྔོན་བསགས་མ། གླིང་སྨད་ལྷ་དབང་དཔལ་འབྱོར་ལ་བསྟོད་པ་ཐུབ་བསྟན་མ། ཚོགས་མཁན་ཅན་གྲགས་པ་རྒྱལ་
མཚན་གྱི་བསྟོད་པ་རྣམ་དག་མ། སྤྱན་གཡས་མཁན་ཆེན་བཀྲ་ཤིས་ལེགས་པར་བསྟོད་པ་བཀྲས་ལེགས་མ། མཁས་པ་སངས་རྒྱས་དཔལ་ལ་བསྟོད་པ་དུས་གསུམ་རྒྱལ་བ་མ། ས་སྐྱོང་ཆོས་ཀྱི་རྒྱལ་པོ་ལྷ་དབང་རྒྱ་མཚོར་བསྟོད་པ་ལེགས་སྤྱད་མ། བྱམས་པ་རྒྱལ་མཚན་གྱིས་བསྐུལ་བའི་སྔོན་བསགས་ཚོགས་གཉིས་མ། བཤེས་གཉེན་བསྟན་པའི་རྒྱལ་མཚན་གྱི་བསྟོད་པ་ཕུལ་བྱུང་མ། ཆོས་སྨྲ་བ་དཔལ་འབྱོར་བཟང་པོའི་བསྟོད་པ་གཞུང་ལུགས་མ། རྗེ་བློ་གྲོས་བཟང་པོའི་བསྟོད་པ་དཔལ་ལྡན་མ། ཆོས་སྨྲ་བ་བློ་གྲོས་རྒྱ་མཚོའི་བསྟོད་པ་གང་བློ་མ། ལས་ཆེན་ཀུན་རྒྱལ་བའི་བསྟོད་པ་ཕུལ་བྱུང་མ། བཀའ་འབངས་འགས་བསྐུལ་བའི་མཁྱེན་སྤྱན་མ། གུང་རུ་གཞོན་ནུ་བྱང་ཆུབ་ཀྱིས་གསོལ་འདེབས་ཕུལ་བྱུང་མ། སློབ་དཔོན་ལེགས་བཤད་གླིང་པའི་གསོལ་འདེབས་བྱམས་པ་མ། ལམ་རིམ་ཚུལ་བཟང་པར་བསྟོད་པ་རྣམ་དག་མ། བྱིང་བསམ་གཏན་རྩེའི་བླ་མ་ནམ་མཁའ་བཟང་པོའི་བསྟོད་པ་མདོ་སྔགས་མ། སྐྱེ་མཆོག་ཤེལ་བྲག་པར་བསྟོད་པ་དུས་གསུམ་རྒྱལ་བ་མ་རྣམས། སངས་རྒྱས་བྱང་སེམས་ཀྱི་བསྟོད་ཚོགས་ལ། རྒྱལ་བ་ཤཱཀྱ་ཐུབ་པར་བསྟོད་པ་ཟླ་མཛེས་མ། སྨན་བླར་བསྟོད་པ་རབ་བརྗིད་མ། འོད་དཔག་མེད་ལ་བསྟོད་པ་ཡིད་འཕྲོག་མ། བྱམས་པར་བསྟོད་པ་རྒྱལ་ཀུན་མ། དེའི་བསྟོད་པ་གསེར་རི་མ། དེའི་བསྟོད་པ་བདེ་ཆེན་ལྷུན་གྲུབ་མ། འཇམ་དབྱངས་ཀྱི་བསྟོད་པ་པད་དམར་རྒྱུ་སྐར་མ། དེ་ལ་བསྟོད་པ་བློ་གྲོས་ཀྱི་སྣང་བ་སྐྱེད་བྱེད། དེ་ལ་བསྟོད་པ་ཉིན་བྱེད་མ། དེ་ལ་བསྟོད་པ་འཇམ་དབྱངས་བཞད་པའི་དཔལ། འཇམ་དཀར་ལ་བསྟོད་པ་
རང་བཞིན་རྣམ་དག་མ། དེ་ལ་བསྟོད་པ་བུང་བའི་གླུ་དབྱངས་མ། འཇམ་དབྱངས་དམར་སེར་ལ་བསྟོད་པ་རབ་མཛེས་མ། སྤྱན་རས་གཟིགས་ལ་བསྟོད་པ་ཕན་བདེའི་འབྱུང་གནས་མ། དེ་ལ་བསྟོད་པ་རྒྱལ་ཀུན་ཐུགས་རྗེ་མ། བདེ་མཆོག་ལ་བསྟོད་པ་དཔལ་ལྡན་ལྷན་སྐྱེས་མ། འཇིགས་བྱེད་ལ་བསྟོད་པ་ཚངས་པའི་བུ་མོའི་གླུ་དབྱངས། རྟ་མགྲིན་ལྕགས་རལ་ཅན་ལ་བསྟོད་པ་མི་མཐུན་ཕྱོགས་ལས་རྒྱལ་བའི་སྒྲ་དབྱངས། སྒྲོལ་དཀར་ལ་བསྟོད་པ་བསམ་འཕེལ་དབང་གི་རྒྱལ་པོ། དེའི་བསྟོད་པ་པད་དཀར་མ། དབྱངས་ཅན་མའི་བསྟོད་པ་ཤེས་རབ་གསལ་བྱེད། དེའི་བསྟོད་པ་ཡིད་ཀྱི་ལྕགས་ཀྱུ། དེ་ལ་བསྟོད་པ་དོན་རྒྱན་གྱི་དཔེ་རབ་ཏུ་གསལ་བར་བྱེད་པ། རིག་བྱེད་མ་ཕྱི་སྒྲུབ་ལ་བསྟོད་པ་རྒྱལ་ཀུན་མ། གསང་སྒྲུབ་ལ་བསྟོད་པ་མ་ལུས་རྒྱལ་བ་མ། སེང་ལྡེང་ནགས་སྒྲོལ་གྱི་བསྟོད་པ་དུས་གསུམ་རྒྱལ་བ་མ། རྡོ་རྗེ་རྣལ་འབྱོར་མའི་བསྟོད་པ་མཁའ་སྤྱོད་དུ་འགྲོ་བའི་མྱུར་ལམ། དབྱངས་ཅན་མར་བསྟོད་པ་ལྷ་མོའི་ཐུགས་འགུགས་པའི་ལྕགས་ཀྱུ། དེ་ཉིད་ལ་བསྟོད་པ་སྟོང་ཕྲག་ཉི་མ་མ། གྲུབ་པའི་དབང་ཕྱུག་སེ་བ་ཆོས་བཟང་ཉི་མའི་ངོར་མཛད་པའི་འཇམ་དཀར་ལ་བསྟོད་པ། ཁྲ་འབྲུག་སྒྲོལ་མར་བསྟོད་པ་འབུམ་ཕྲག་ཉི་འོད་མ་རྣམས། ཞལ་གདམས་མགུར་མའི་སྐོར་ལ། དགུང་ལོ་ལྔ་དྲུག་ཙམ་གྱི་དུས་གསུངས་པའི་རྒྱལ་མཚན་ཏོག་གི་ཡིད་བཞིན་ནོར་བུ། རང་གི་རྟོགས་པ་བརྗོད་པ་འཇིག་རྟེན་མངོན་པར་དགའ་བའི་ཟློས་གར། ཀ་མད་སུམ་ཅུར་གྲགས་པའི་ཀྭ་ཡེ་སྲིད་འཁྱམས་མ། ཀཱ་ཤིའི་མདོག་ལྟར་མ། ན་སོ་རྣམ་སྲས་དང་བསོད་རྒྱལ་བ་གཉིས་ལ་གནང་བའི་
ཡར་ཀླུངས་ཀྱི་ལུང་བཤད་དག་མཁའ་མ། རྗེ་ཉིད་ཀྱིས་དྭགས་ཡུལ་དུ་འགྲོ་དོན་མཛད་ཚུལ་ཆོས་དབྱངས་སུ་བྱས་པ་ཞིག་ཤེས་དགོས་ཞེས་གྲུམ་མདའ་ནང་སོ་བསོད་ནམས་ལེགས་པ་དང་ནོར་བཟང་གསོལ་ཇ་པ་གཉིས་ཀྱིས་བསྐུལ་ནས་གནང་བ། ཁྲ་འབྲུག་ཏུ་རྗེ་བཙུན་བཙོང་ཁ་པ་ཞལ་གཟིགས་དུས་གནང་བའི་ཐུགས་རྒྱལ་བ་མ། ཆོས་མཛད་སྐྱ་བོ་ལ་གདམས་པ་དབྱིངས་རང་བཞིན་མ། ཉེ་གནས་འཇམ་དཔལ་གྲགས་པ་ལ་གདམས་པ། དྲུང་གནས་གསུང་རབ་རྒྱ་མཚོར་གདམས་པ་ལྔ་བརྒྱའི་གཙུག་རྒྱན་མ། དེ་ལ་གདམས་པ་རྡོ་རྗེ་འཆང་དབང་མ། དེ་ལ་གདམས་པ་རིགས་ཀུན་མ། ཆོས་མཛད་སེང་གེ་རྒྱ་མཚོར་གདམས་པ་དངོས་གྲུབ་རྩ་བ་མ། གཟིམས་གཡོག་པ་ཆོས་འབྱོར་རྒྱ་མཚོར་གདམས་པ་སྤྱི་གཙུག་ཉི་ཟླ་མ། ཆོས་སྙིང་ནས་བྱེད་འདོད་ཀྱི་བཤེས་གཉེན་ལ་གདམས་པ་ཐུགས་བདེ་ཆེན་མ། ཆོས་མཛད་ཀུན་སྤངས་རྟ་མཆོག་དཔལ་བཟང་ལ་གདམས་པ་དུས་གསུམ་རྒྱལ་བ་མ། རྒྱལ་མཚན་དཔལ་ལ་གནང་བའི་ལྟ་ཁྲིད་ཚིགས་བཅད་འཇམ་དབྱངས་མ། དྲུང་བཟང་པ་ལ་གནང་བའི་བརྒྱུད་པ་ཇོ་བོ་ཡབ་སྲས་མ། མཁས་གྲུབ་ནོར་བཟང་རྒྱ་མཚོ་དྲན་པའི་མོད་ལ་གསུངས་པའི་མཐོ་ཀཻ་ལ་ཤ །གསུང་མགུར་སྐྱབས་གནས་མཆོག་གསུམ་མ། ཆོས་སྐུ་ཨ་ལེ་མ། བཀྲ་ཤིས་ལྷུན་པོར་གདན་འདྲེན་བྱུང་སྐབས་བཤོལ་འདེབས་སུ་འོལ་ཁ་ནས་ནང་སོ་ཆོས་རྗེས་གསུངས་པ་དང་འདི་ལ་ལུང་མཛད་ཀྱང་རྒྱུན་མེད་པ་འདྲའོ། །དེའི་ལན་བཀའ་མདོ་རྒྱུད་མ། བྱང་སེམས་རྒྱལ་མོའི་ངོར་གནང་བའི་ལྟ་བས་མི་ངོམས་མ། སྔགས་ཀྱི་ཉམས་ལེན་གྱི་སྡོམ་རྡོ་རྗེའི་གླུ་དབྱངས། གཟིམས་གཡོག་པ་རྒྱལ་བའི་
དབང་པོར་གདམས་པ་དངོས་གྲུབ་རྩ་བ་མ། འོལ་ཁ་སྟག་རྩེར་གནང་བའི་མགུར་སྐྱབས་ཐེག་མཆོག་མ། གསུང་མགུར་བསླུ་མེད་དཀོན་ཅོག་མ། རང་གི་སློབ་མ་འདུ་འཛི་ལ་སྐྱོ་ནས་དབེན་པ་ཚུལ་བཞིན་བསྟེན་པའི་དགེ་སློང་བློ་གྲོས་ཚུལ་ཁྲིམས་ལ་གདམས་པ་རྣམས། འཁྲིད་ཀྱི་སྐོར་ལ་རྒྱ་དབོན་པ་དོན་གྲུབ་དཔལ་ལྡན་ལ་གནང་བའི་བླ་མའི་རྣལ་འབྱོར། བླ་མའི་རྣལ་འབྱོར་གོ་སླ་བར་བཀོད་པ། རྡོ་རྗེ་སློབ་དཔོན་ཚུལ་བཞིན་དུ་མཆོད་པའི་ཆོ་ག་དངོས་གྲུབ་མ་ལུས་པའི་འབྱུང་གནས། ཟབ་ལམ་ནི་གུ་ཆོས་དྲུག་གི་འཁྲིད་ཡིག་ཡེ་ཤེས་མཁའ་འགྲོའི་ཞལ་ལུང་། ཡང་དེའི་འཁྲིད་ཡིག་མདོར་བསྡུས་གནད་དོན་གསལ་བའི་མེ་ལོང་། སྙིང་པོ་དོན་གསུམ་གྱི་དམིགས་རིམ་དགའ་ལྡན་བགྲོད་པའི་ཐེམ་སྐས། ནི་གུའི་འབྲས་བུ་མཁའ་སྤྱོད་དཀར་དམར་གྱི་ནང་ཚན་མཁའ་སྤྱོད་དཀར་མོའི་འཕོ་བ། མགོན་པོ་སྙིང་ཞུགས་ཀྱི་འཕོ་བ་མཁའ་སྤྱོད་གསུམ་སྒྲིལ་གྱི་གདམས་པ་གཞན་དང་ཐུན་མོང་མ་ཡིན་པ། ཟབ་མོ་དབུ་མའི་ལྟ་བ་གཏན་ལ་དབབ་པ་ཐར་འདོད་ཀྱི་འཇུག་ངོགས། ལྟ་འཁྲིད་ཉམས་སུ་ལེན་ཚུལ་མདོར་བསྡུས་སྙིང་གི་མུན་སེལ་བསམ་གྲུབ་དཔལ་བཟང་གི་ཉམས་ལེན་དུ་གསུངས་པའི་ལྟ་འཁྲིད། དགེ་ལེགས་རྒྱ་མཚོའི་ཉམས་ལེན་དུ་གསུངས་པའི་ལྟ་འཁྲིད། རི་ཁྲོད་ལ་གནས་པའི་བསམ་གཏན་པའི་ངོར་མཛད་པའི་ལྟ་འཁྲིད་ཚིགས་བཅད་མ། བྱང་སེམས་ཆེན་མོ་དཔལ་ལྡན་ནོར་འཛིན་སྒྲོལ་མའི་ཐུགས་དམ་དུ་མཛད་པའི་ལྟ་འཁྲིད། རྡོ་རྗེ་རྒྱལ་མཚན་གྱི་ངོར་མཛད་པའི་གསང་བ་འདུས་པ་དཀའ་གནས། དྲུང་གནས་ཀུན་དགའ་དབང་མོའི་ངོར་མཛད་པའི་བྱང་ཆུབ་ཀྱི་སེམས་བསྒོམ་ཚུལ། རྒྱལ་མཚན་དཔལ་གྱི་ངོར་མཛད་པའི་ཚེམ་བུ་ལུགས་
ཀྱི་དམར་འཁྲིད་ཚིགས་བཅད་མ། གཅོད་ཀྱི་རྩ་ཚིག་མདོར་བསྡུས་པ་རྣམས། མཚན་ཡང་དག་པར་བརྗོད་པའི་རྒྱ་ཆེར་བཤད་པ་རྡོ་རྗེའི་རྣལ་འབྱོར་གྱི་དེ་ཁོ་ན་ཉིད་སྣང་བར་བྱེད་པའི་ཉི་མ་ཆེན་པོ། དཔལ་གསང་བ་འདུས་པའི་ལམ་རིམ་པ་གཉིས་ལས་བསྐྱེད་རིམ་གྱི་ཚུལ་ལ་སློབ་ཚུལ་མཁན་རིན་པོ་ཆེ་དགེ་འདུན་རྒྱ་མཚོ་དཔལ་བཟང་པོའི་གསུང་ཇི་ལྟ་བ་བཞིན་དགེ་སློང་བྷ་དྲ་རཏྣས་ཟིན་བྲིས་སུ་བཀོད་པ་ལྗགས་ཞུས་མཛད་པ། དཔལ་རྡོ་རྗེ་འཇིགས་བྱེད་ཀྱི་རིམ་པ་དང་པོའི་ལམ་ལ་སློབ་པའི་ཚུལ་ལ་བསྐྱེད་རིམ་གསལ་བའི་སྒྲོན་མེ། ཟབ་ལམ་ནཱ་རོ་ཆོས་དྲུག་གི་དམིགས་རིམ་ཡེ་ཤེས་མཁའ་འགྲོའི་ཞལ་ལུང་། བདེ་མཆོག་དྲིལ་བུ་ལྷ་ལྔའི་སྒྲུབ་ཐབས་དངོས་གྲུབ་ཀྱི་བང་མཛོད། དེའི་ཞི་བའི་སྦྱིན་སྲེག་ནང་སོ་དོན་གྲུབ་མགོན་པོས་བསྐུལ་ནས་མཛད་པ། བདག་མོ་སངས་རྒྱས་དཔལ་འཛོམ་གྱིས་ཐོག་དྲངས་པར་ཟིན་ཐུན་དུ་གནང་བའི་བདེ་མཆོག་དྲིལ་བུ་ལུས་དཀྱིལ་གྱི་བསྐྱེད་པའི་རིམ་པ་ལ་སློབ་ཚུལ་སྡེ་སྣོད་འཛིན་པ་ཡོན་ཏན་མཆོག་གིས་ཟིན་བྲིས་སུ་མཛད་པར་ལྗགས་ཞུས་དང་འགོར་མཆོད་བརྗོད་ཤློ་ཀ་གཅིག་ལྗགས་རྩོམ་མཛད་པ། དཔལ་འཁོར་ལོ་སྡོམ་པ་ལཱུ་ཧི་པ་ལུགས་ཀྱི་རིམ་པ་དང་པོའི་ལམ་ལ་སློབ་པའི་ཚུལ་འདོད་འཇོའི་སྙིང་པོ། གྲུབ་ཆེན་དྲིལ་བུ་ཞབས་ཀྱི་ལུགས་ཀྱི་དཔལ་འཁོར་ལོ་སྡོམ་པའི་རྫོགས་རིམ་རིམ་པ་ལྔའི་གནད་དོན་གསལ་བར་བྱེད་པ་ཉི་མའི་འོད་ཟེར། ཡི་དམ་སྒྲུབ་སྐོར་དང་རྗེས་གནང་ལ། གུ་རུ་ཞི་བའི་སྒོམ་བཟླས་ཉམས་སུ་ལེན་ཚུལ། བླ་མ་དྲག་པོའི་ཐུགས་སྒྲུབ་གཏེར་ཁ་གོང་མའི་ལུགས་ཀྱི་སྒྲུབ་ཐབས་མདོར་བསྡུས་པ། དེའི་གཏོར་མར་བརྟེན་པའི་རྗེས་
གནང་མདོར་བསྡུས། འདི་གསུམ་ལ་མཛད་བྱང་ཡང་མི་འདུག་ཅིང་གསར་མའི་རིགས་འགྲེ་ལས་རྙིང་མའི་བརྡ་ཆད་ཆགས་པ་ཞིག་མི་སྣང་བས་སྔར་འགྱུར་གྱི་སྒྲུབ་སྐོར་གསར་མ་ཕྱོགས་ནས་མཛད་པ་ཕལ་ཆེར་མ་འདྲིས་པའི་དབང་གིས་རང་བཟོ་ཁོ་ན་ལས་འོས་མ་མཆིས་ནའང་ཐམས་ཅད་མཁྱེན་པ་དགེ་འདུན་རྒྱ་མཚོའི་ཡབ་མེས་རྣམས་སྔགས་རྙིང་མའི་ལམ་ལ་བརྟེན་ནས་གྲུབ་བརྙེས་ཤ་སྟག་ཏུ་བྱོན་ཞིང་ཡབ་ཆོས་རྗེ་ལ་གསན་བསམ་ཡང་ཚད་ལྡན་མཛད་འདུག་པས་རྗེས་འཇུག་གཅིག་གིས་གསུང་སྒྲོས་མ་ཟིན་པར་བྲིས་པ་ཞིག་ཡིན་པ་འདྲ་བས་ལུང་རྒྱུད་ཡང་ཡོད་པར་མ་མངོན་ནོ། །པདྨ་དབང་ཆེན་ཡང་གསང་ཁྲོས་པའི་སྒྲུབ་ཐབས་འཕྲིན་ལས་བཞིའི་བང་མཛོད། རྟ་མགྲིན་སྐྱེར་སྒང་ལུགས་ཀྱི་རྗེས་གནང་བྱ་ཚུལ། དེའི་མངོན་རྟོགས་རྡོ་རྗེ་རྒྱལ་མཚན་གྱི་ངོར་མཛད་པ། དཀའ་བཅུ་པ་རྒྱལ་བའི་དབང་པོས་བསྐུལ་བའི་མི་གཡོ་བ་སྔོན་པོའི་སྒྲུབ་ཐབས། སྤྱན་རས་གཟིགས་ཕྱག་བཞི་པ་དང་བཅུ་གཅིག་ཞལ་གང་ལའང་སྦྱར་ཆོག་པའི་རྗེས་གནང་བྱ་ཚུལ་དཔལ་ལྡན་འབྲས་སྤུངས་སུ་མཛད་པ། འཇམ་དབྱངས་དཀར་པོའི་སྒྲུབ་ཐབས་མཛད་བྱང་མི་འདུག་པས་གསུང་རྒྱུན་ཟིན་བྲིས་མ་ཞིག་ཡིན་འདྲ། རྡོ་རྗེ་རྣལ་འབྱོར་མ་ཕག་དཀར་ཤེས་རབ་གསལ་བྱེད་ཀྱི་སྒྲུབ་ཐབས་ཡིད་ཀྱི་མུན་སེལ། ཡེ་ཤེས་ཁྱུང་ཁྲའི་སྒྲུབ་ཐབས། དེའི་རྗེས་གནང་བྱ་ཚུལ་ཆོས་རྗེ་རྗེ་བཙུན་པས་བསྐུལ་པ། སྒྲོལ་དཀར་ཡིད་བཞིན་འཁོར་ལོའི་སྒྲུབ་ཐབས་མཁས་གྲུབ་ནོར་བཟང་རྒྱ་མཚོའི་གསུང་བཞིན་བཀོད་པ། དེའི་རྗེས་གནང་བྱ་ཚུལ་ཡང་དགོན་གདན་ས་པ་སྤྱན་སྔ་ངག་དབང་རྒྱ་མཚོའི་གསུང་གིས་བསྐུལ་བ། ཆོས་རྒྱལ་ཆེན་པོ་རིན་
ཅེན་ཀུན་དགའ་ཆོས་སྐྱོང་གྲགས་པ་རྣམ་རྒྱལ་དཔལ་བཟང་གི་གསུང་གིས་བསྐུལ་བའི་དབྱངས་ཅན་མ་དཀར་མོའི་སྒྲུབ་ཐབས། མི་གཡོ་བ་དཀར་པོའི་སྒྲུབ་ཐབས་རྣམ་སྲས་ལྷ་རྩེར་བཀོད་པ། འཇམ་དབྱངས་ཆོས་སྐོར་ལས་བྱུང་བའི་བདེ་མཆོག་དཀར་པོའི་སྒོ་ནས་ཚེ་བསྲིང་བའི་མན་ངག །ཆོས་རྗེ་དགེ་ལེགས་རྣམ་རྒྱལ་བའི་གསུང་གིས་བསྐུལ་བའི་མ་གཅིག་གྲུབ་པའི་རྒྱལ་མོའི་ལུགས་ཀྱི་ལྷ་གཅིག་བུམ་གཅིག་གི་སྒོ་ནས་རང་གཞན་གྱི་དོན་བྱ་ཐབས། ས་སྐྱོང་ཨ་མོ་གྷ་རྡོ་རྗེ་རྣམ་རྒྱལ་གྱི་ཐུགས་དམ་སྤེལ་བའི་སླད་དུ་མཛད་པའི་རྟ་མགྲིན་ལྕགས་རལ་ཅན་གྱི་སྒྲུབ་ཐབས། ཚོགས་བདག་དམར་པོའི་གཏོར་འབུལ། སྡེ་སྣོད་འཛིན་པ་སཾ་གྷའི་མིང་ཅན་གྱིས་བསྐུལ་བའི་མགོན་དཀར་ཡིད་བཞིན་ནོར་བུའི་སྒྲུབ་ཐབས། མགོན་པོ་ཕྱག་དྲུག་པའི་དབང་བཞི་བྱིན་རླབས་ཀྱི་ཚུལ་དུ་བསྐུར་ཐབས་མགོན་པོ་ཐུགས་བསྐྱེད་པའི་ལོ་རྒྱུས་དང་བཅས་པ། དཔལ་ལྡན་དམག་ཟོར་རྒྱལ་མོའི་རྗེས་གནང་དོན་གཉེར་ཅན་ལ་ཕན་པའི་སླད་དུ་མཛད་པ། སྨེ་བརྩེགས་དུད་ཁའི་མངོན་རྟོགས་འོལ་ཁ་རྩེར་མཛད་པ། ཡི་དམ་སྤྱི་འགྲོའི་རྗེས་གནང་བྱ་ཚུལ། བསྟན་འཛིན་ཆེན་པོ་འགའ་ཞིག་གི་ངོར་མཛད་པའི་ཡི་གེ་དྲུག་པའི་བཟླས་ལུང་། ཆོས་སྐྱོང་ལྕམ་སྲིང་གི་རྗེས་གནང་བྱ་ཚུལ་རྣམས། ཀླུ་འབུམ་དཀའ་བཅུ་སཾ་གྷའི་མིང་ཅན་གྱིས་བསྐུལ་བའི་སྨྱུང་བར་གནས་པའི་ཆོ་ག་དགེ་སློང་མ་དཔལ་མོའི་ལུགས་བཞིན་ཉམས་སུ་ལེན་ཚུལ། རབ་ཏུ་གནས་པའི་ཆོ་ག་འབྲིང་པོ་བཀྲ་ཤིས་སྙེ་མ། གནས་བརྟན་ཕྱག་མཆོད། རྣལ་འབྱོར་གྱི་དབང་ཕྱུག་བློ་གྲོས་སྦས་པའི་ཉམས་མགུར་རྒྱལ་བ་ཀུན་འདུས་མའི་འགྲེལ་པ། བཅུད་ལེན་གྱི་གདམས་
པ་རིམ་པ་ལྔ། བྱང་སེམས་ཆེན་མོ་རྒྱལ་མོ་བུ་ཁྲིད་ཀྱི་ཐུགས་དམ་དུ་མཛད་པའི་དཀར་གཏོར་དང་བརྒྱ་རྩའི་རིམ་པ། དྲང་བ་དང་ངེས་པའི་དོན་རྣམ་པར་འབྱེད་པ་ལེགས་པར་བཤད་པའི་སྙིང་པོའི་དགོངས་པའི་དོན་རབ་ཏུ་གསལ་བར་བྱེད་པའི་སྒྲོན་མེ། དབུ་མ་ལ་འཇུག་པའི་རྣམ་བཤད་དགོངས་པ་རབ་ཏུ་གསལ་བའི་རྒྱན། སྟོང་ཉིད་བདུན་ཅུ་པའི་རྣམ་བཤད་དབུ་མའི་ལམ་རབ་ཏུ་གསལ་བར་བྱེད་པའི་སྒྲོན་མེ། ཟབ་མོ་རྟེན་ཅིང་འབྲེལ་བར་འབྱུང་བ་གསུངས་པའི་སྒོ་ནས་བསྟོད་པ་ལེགས་བཤད་སྙིང་པོའི་ཚིག་དོན་བཤད་པ་བླ་ན་མེད་པའི་འཇུག་ངོགས། ཕྱག་འཚལ་སྒྲོལ་མ་ཉེར་གཅིག་གི་རྣམ་བཤད་རྒྱལ་མཚན་ལྷུན་པོའི་དབེན་གནས་སུ་མཛད་པ། སྨོན་གྲོང་ནང་སོ་ཆོས་མཛད་པས་བསྐུལ་བའི་ཇ་མཆོད་རྩ་འགྲེལ། མཆོད་ཡར་ཚོགས་གཉིས་གསེར་འཛིན་མ། གྲུབ་མཐའི་རྣམ་གཞག་གྲུབ་མཐའ་རྒྱ་མཚོར་འཇུག་པའི་གྲུ་རྫིངས། དཀར་ཆག་སྙན་ངག་ལ། རྒྱལ་བའི་བསྟན་པ་དར་ཞིང་རྒྱས་པའི་ཆེད་དུ་མཛད་པའི་སྨོན་ལམ་ཤིས་བརྗོད་ཕུན་ཚོགས་འཆར་ཀ་མ། འབྲོག་རི་བོ་དགའ་ལྡན་རྣམ་པར་རྒྱལ་བའི་གླིང་གི་བསྟོད་པ་འཇམ་དབྱངས་གཞོན་ནུ་མ། ཆོས་འཁོར་རྒྱལ་མི་འགྱུར་ལྷུན་གྱིས་གྲུབ་པའི་གནས་ཀྱི་བཀོད་པ་མདོ་ཙམ་བརྗོད་པ་ས་གཞི་པདྨ་འདབ་བརྒྱད་མ། གོང་མ་ཆོས་རྒྱལ་ཆེན་པོའི་ལུང་གིས་ནང་སོ་འཕྱོས་པས་ཡར་ཀླུངས་དགོན་ཐང་གི་མཆོད་རྟེན་ཆེན་མོའི་ཞིག་གསོས་གསེར་ཟངས་ཀྱི་གདུགས་ཏོག་ཆར་ཁེབ་རྣམས་བསྒྲུབས་པའི་སྨོན་ལམ་བཀྲ་ཤིས་ཀྱི་ཚིགས་བཅད་བདེ་ཆེན་ཆོས་སྐུ་མ། ནང་སོ་སྐྱ་རྒྱལ་དབང་པོས་འཕྱོས་བྱ་འདབས་གཞིས་ཀར་གསུང་རབ་བཞེངས་
པའི་དཀར་ཆག་སྐུ་གསུམ་མི་ཟད་མ། ཡང་བྱ་འདབས་སུ་སྨན་བླ་བདེ་གཤེགས་བརྒྱད་ཀྱི་ཐང་ཀ་བཞེངས་པའི་དཀར་ཆག་མགོན་ཚེ་མ། དབུ་རུ་ཐར་རྒྱས་སུ་ཉིས་ཁྲིའི་ཞབས་དུམ་བཞེངས་པའི་དཀར་ཆག་ས་གསུམ་མ། འཕྱོས་བྱ་འདབས་ནས་སྦྱིན་བདག་མཛད་པའི་ཆོས་འཁོར་རྒྱལ་གྱི་གནས་བཀོད་སྐུ་འདྲ་རིན་པོ་ཆེ་བཞེངས་པའི་སྨོན་ལམ་དཀར་ཆག་གང་དུ་མ། བདག་མོ་སངས་རྒྱས་དཔལ་འཛོམ་གྱིས་སྐྱོར་མོ་ལུང་དུ་བཀའ་འགྱུར་རོ་ཅོག་གསེར་དངུལ་ལས་བཞེངས་པའི་དཀར་ཆག་སྨོན་ལམ་རང་བཞིན་རྣམ་དག་མ། ལྡན་ནས་ཡོན་བདག་ཨ་ལྷས་བཀའ་གདམས་གླེགས་བམ་བཞེངས་པའི་དཀར་ཆག་སྨོན་ལམ་ལོག་རྟོག་རླུང་གིས་མི་གཡོ་མ། རྩེས་དང་ལྕང་རྒྱབ་སྦུས་ཁྱིམ་པས་གསུང་རབ་བཞེངས་པའི་དཀར་ཆག་སྨོན་ལམ་བསོད་ནམས་བརྒྱ་པ། ཐོན་དགའ་ལྡན་རྩེར་ནང་སོ་ཕྱག་རྡོར་མགོན་པོ་སྐུ་མཆེད་ཁུ་དབོན་རྡོ་རྗེ་བུ་ཁྲིད་རྣམས་ཀྱིས་ཤེར་ཕྱིན་སྟོང་ཕྲག་བརྒྱ་པ་བཞེངས་པའི་དཀར་ཆག་བཀྲ་ཤིས་གླུ་དབྱངས། འོལ་ཁ་བས་རྒྱལ་བ་སེང་གེའི་ང་རོའི་སྐུ་ཐང་བཞེངས་པའི་དཀར་ཆག་སྔོན་བྱུང་མ། ས་སྐྱོང་ཨ་མོ་གྷ་རྡོ་རྗེ་རྣམ་རྒྱལ་གྱིས་རྒྱལ་བྱེད་ཚལ་དང་མ་ག་དྷ་བཟང་མོའི་རྟོགས་བརྗོད་བཞེངས་པའི་དཀར་ཆག་གང་གི་ཞབས་སེན་མ། ཉི་ལྡིང་ཆོས་རྗེ་བསོད་ནམས་གྲགས་པས་བཀའ་གདམས་གསར་རྙིང་གི་ཆོས་འབྱུང་ཡིད་ཀྱི་མཛེས་རྒྱན་བསྒྲིགས་པའི་དཀར་ཆག་ཆེ་བརྗོད་གདེངས་ཅན་བདག་པོ་མ། འབུལ་དཔོན་སྨོན་ལམ་ཤེས་རབ་ཀྱིས་བླ་མའི་སྐུ་གཟུགས་བཞེངས་པའི་སྨོན་ལམ་ཡང་དག་ལམ་སྟོན་མ། རྣམ་སྲས་ལྷ་རྩེ་ནས་བདག་མོ་
སངས་རྒྱས་དཔལ་འཛོམ་གྱིས་དཔལ་ལྡན་འབྲས་སྤུངས་ཀྱི་བྱམས་སྨོན་མཆོད་ཐེབས་གསར་སྦྱོར་མཛད་པའི་དེབ་ཀྱི་འགོ་བརྗོད་གང་ཡང་དྲེགས་ལྡན་མ། འཕྱོས་བྱ་འདབས་གཞིས་ཀ་ནས་རྒྱལ་གྱི་བྱམས་པར་གོས་འཕན་ཕུལ་བའི་སྨོན་ལམ་ཨ་ཏི་ཤ །རྫིང་ངུར་བསྟན་པའི་སྦྱིན་བདག་དཔོན་བཀྲས་པ་ཁུ་དབོན་གྱིས་བཀའ་འགྱུར་དང་བསྟན་འགྱུར་ཡོངས་རྫོགས་བཞེངས་པའི་དཀར་ཆག་སྨོན་ལམ་རང་བཞིན་རྣམ་དག་མ། འོལ་ཁ་སྟག་རྩེ་ནས་མཚན་བརྗོད་ཊཱིཀ་ཆེན་གྱི་པར་བཞེངས་པའི་པར་བྱང་རྣམ་ཀུན་མ། འོལ་ཁ་ནས་ནོར་འཛིན་བདག་མོ་བཀྲ་ཤིས་བུ་འདྲེན་གྱིས་རྒྱལ་དུ་གསེར་གྱི་མཎྜལ་ཕུལ་བའི་ཁ་བྱང་སྨོན་ལམ་རྒྱལ་བའི་རྒྱལ་ཚབ་མ། དེས་གཡུའི་མཎྜལ་ཕུལ་བའི་ཁ་བྱང་སྨོན་ལམ་དགའ་ལྡན་མ། དེས་རྫིང་ཕྱིར་གཡུའི་མཎྜལ་ཕུལ་བའི་ཁ་བྱང་སྨོན་ལམ་དགའ་ལྡན་གཉིས་པ་མ། སྤེལ་སྐྱ་བ་རྡོ་རྗེ་རྒྱལ་མཚན་གྱིས་བྱམས་པའི་སྐུ་བཞེངས་པའི་སྨོན་ལམ་ངོ་མཚར་མ། སྨོན་ལམ་བྱམས་མགོན་ཐུགས་རྗེ་མ། འཕྱོངས་རྒྱས་ནས་མགྲོན་གཉེར་དཔོན་ལྷག་བསམ་གྱིས་རྒྱལ་དུ་འཕན་ཕུལ་བའི་སྨོན་ལམ་ཕུན་ཚོགས་མ། དེས་རང་ཁྱིམ་དུ་ལྡེབས་རིས་བྲིས་པའི་དཀར་ཆག་རིན་ཅེན་རྡུལ་བརྩེགས་མ། སྡེ་པ་འོལ་ཁ་པས་རྒྱལ་བྱམས་ཆེན་ལ་ཕུལ་བའི་སྙན་དར་ཞལ་བྱང་མ་ཕམ་མ། དེས་རྗེ་བཙུན་བཙོང་ཁ་པའི་སྐུ་བརྙན་ལ་ཕུལ་བའི་སྙན་དར་ཁ་བྱང་རྡོ་རྗེ་འཆང་དངོས་མ། དེས་སྐུ་འདྲ་རིན་པོ་ཆེར་ཕུལ་བའི་སྙན་དར་ཁ་ཡིག་ངོ་མཚར་མ། དེས་དཔལ་ལྡན་དམག་ཟོར་མར་ཕུལ་བའི་སྙན་དར་ཁ་བྱང་དུས་གསུམ་རྒྱལ་བ་མ། དེས་ལྷ་མོའི་བླ་མཚོར་ཕུལ་བའི་དར་ལྕོག་ཁ་བྱང་རྒྱལ་བའི་སྤྱན་སྔ་མ།
འོལ་ཁ་ནང་སོ་སྐུ་གཞོན་པ་རྒྱལ་དུ་སྙན་ངག་གསན་པར་བྱོན་དུས་རྗེ་བཙུན་བྱམས་པར་ཕུལ་བའི་སྙན་ཤལ་ཁ་ཡིག་མི་ཕམ་མ། དེས་དམག་ཟོར་མར་མདའ་དར་ཕུལ་བའི་ཁ་བྱང་ཁམས་གསུམ་དབང་བསྒྱུར་མ། ནང་སོ་འཕྱོས་པས་རྒྱལ་བ་བཙོང་ཁ་པའི་སྐུ་བརྙན་བཞེངས་པའི་ནང་རྟེན་བཞུགས་ཚུལ་གྱི་དཀར་ཆག་གི་ཐོག་མཐའ་གཉིས་ཀྱི་ཚིགས་བཅད་བློ་བཟང་མཁྱེན་བརྩེ་མ། བྱམས་པའི་སྙན་དར་ཁ་བྱང་མི་ཕམ་ཆོས་རྒྱལ་མ། དཔལ་ལྡན་འབྲས་སྤུངས་སུ་འདོད་ཁམས་དབང་ཕྱུག་མའི་སྐུ་བརྙན་ལོགས་རིས་སུ་བཞེངས་པའི་དཀར་ཆག་རྣམས། དགེ་སློང་གི་བསླབ་བྱ་ལག་ལེན་གསལ་བའི་སྒྲོན་མེ། སྨོན་ལམ་བདུན་ཅུ་པའི་ཚིག་དོན་བཤད་པ་རྒྱལ་སྲས་འཇུག་ངོགས། གཏོར་ཆོག་བསྐོར་གསོལ་གྱི་སྐོར་ལ། དཔལ་ལྡན་འདོད་ཁམས་དབང་ཕྱུག་མའི་སྒྲུབ་ཐབས་ངག་ཏུ་འདོན་བདེ་བ་གཙོ་བོར་བརྗོད་པ་སྒྲུབ་ཐབས་རྒྱས་པར་གྲགས་པ། རྡོ་རྗེ་ནག་པོ་ཆེན་པོ་བྱ་རོག་མཚན་ཅན་ལ་མཆོད་གཏོར་འབུལ་བའི་ཆོ་ག་འཕྲིན་ལས་བཞིའི་བང་མཛོད། ཆོས་སྐྱོང་བཞི་སྦྲགས་ཀྱི་གཏོར་འབུལ་གྱི་རིམ་པ་བདུད་དཔུང་འཇོམས་པ། ཕྱག་བཞི་པའི་གཏོར་འབུལ་མཁའ་སྤྱོད་མ། མགོན་པོ་བེང 
་གི་བསྟོད་པ་རང་བཞིན་རྣམ་དག་མ། རྒྱལ་པོ་ཆེན་པོ་རྣམ་ཐོས་སྲས་ལ་མཆོད་གཏོར་འབུལ་བ་དངོས་གྲུབ་ཀྱི་བང་མཛོད། དེའི་སྒྲུབ་ཐབས་བསམ་འཕེལ་དབང་གི་རྒྱལ་པོ། མགོན་པོ་ཞལ་གྱི་གཏོར་ཆོག་དངོས་གྲུབ་འདོད་འཇོ། དེའི་བསྐང་གསོ་བདེ་ཆེན་ཆོས་སྐུ་མ། དེའི་མངའ་གསོལ་གནུབས་བཙུན་ནམ་མཁའ་རྣམ་རྒྱལ་གྱིས་བསྐུལ་བ། ཆོས་སྐྱོང་སྤྱིའི་གཏོར་འབུལ་རང་བཞིན་བདེ་བ་མ། ལས་
གཤིན་གྱི་མཆོད་འཕྲེང་སྟོང་གསུམ་མ། གཏོར་རྫོང་འཇམ་དཔལ་གཤིན་རྗེ་མ། དུར་ཁྲོད་བདག་པོའི་སྒྲུབ་ཐབས་བཀླགས་པ་ཙམ་གྱིས་འགྲུབ་པ། ལྷ་མོ་ལྕགས་ཕུར་མའི་གཏོར་འབུལ་རྣམ་དག་ཆོས་དབྱིངས་མ། མགོན་དཀར་གྱི་བསྟོད་པ་མ་ལུས་རྒྱལ་བ་མ། དེའི་བསྟོད་པ་པད་ཉི་མ། ཕྱག་བཞི་པའི་བསྟོད་པ་ཁྱབ་བདག་མ། དེའི་མངའ་གསོལ་དུས་གསུམ་རྒྱལ་བ་མ། ཕྱག་དྲུག་པའི་བསྟོད་པ་སྤྱན་རས་གཟིགས་དབང་མ། 
མགོན་པོ་དབང་རྒྱལ་གྱི་བསྟོད་པ་མ་ལུས་རྒྱལ་བ་མ། ཕྱག་དྲུག་པའི་མངའ་གསོལ་ཕྱོགས་བཅུའི་རྒྱལ་བ་མ། བེང ་ལ་གཏོར་འབུལ་ཆོས་དབྱིངས་རྣམ་དག་མ། དམག་ཟོར་མའི་གདོང་ཅན་གཉིས་ཀྱི་བསྟོད་པ་འདོད་ཁམས་དབང་ཕྱུག་མ། འོལ་ཁ་བསམ་གླིང་གི་བཀའ་སྲུང་དམར་མོ་རྩ་འཇིབ་ཀྱི་གཏོར་འབུལ་བདེ་བ་ཆེན་པོ་མ། དམག་ཟོར་མའི་བསྟོད་པ་རང་བཞིན་རྣམ་དག་མ། དེའི་བསྟོད་པ་ཀཱ་ལི་དེ་ཝཱི། ཞལ་གདོང་བརྙན་ཅན་གྱི་བསྟོད་པ་ཆོས་ཉིད་སྤྲོས་བྲལ་མ། ཞལ་ཁྲ་ཅན་གྱི་བསྟོད་པ་མཁྱེན་བརྩེ་ལྷ་ལམ་མ། གཏེར་མགོན་ཞལ་གྱི་བསྟོད་པ་བདེ་ཆེན་ཆོས་སྐུ་མ། རྣམ་སྲས་ཀྱི་བསྟོད་པ་ནོར་བུའི་བ་གམ་མ། ཆོས་སྐྱོང་ལྕམ་སྲིང་གི་བསྟོད་བསྐུལ་འཕྲིན་ལས་ཀྱི་ཕོ་ཉ། ལས་གཤིན་ནང་སྒྲུབ་ཀྱི་བསྟོད་བསྐུལ་བསྟན་དགྲ་ཕྱེར་འཐག་མ། མགོན་པོ་ལྷོ་ནུབ་མའི་བསྟོད་པ་དག་པ་གཉིས་ལྡན་མ། ཨ་ཆི་ཆོས་སྒྲོན་གྱི་གསོལ་མཆོད་སྤྲོས་བྲལ་བདེ་ཆེན་མ། མ་གཅིག་དཔལ་ལྡན་ལྷ་མོ་དུང་སྐྱོང་མའི་གསོལ་མཆོད་ལྷུན་གྲུབ་སྤྲོས་བྲལ་རྣམས། དཔལ་ལྡན་དམག་ཟོར་མའི་གཏོར་མ་ལ་བརྟེན་པའི་ལས་ཞི་རྒྱས་དབང་གསུམ་དྲག་པོའི་ལས་
རིམ་པ་གསུམ་དང་བཅས་པ་ཕྱོགས་གཅིག་ཏུ་བསྡེབས་པ། ས་སྐྱོང་ཐམས་ཅད་ཀྱི་གཙུག་གི་ནོར་བུས་ཞབས་ཀྱི་པདྨ་ཕྱག་བྱ་བར་འོས་པའི་ལྷ་གཟིགས་ཕག་མོ་གྲུ་པ་བསོད་ནམས་རྒྱལ་མཚན་དཔལ་བཟང་པོའི་བཀའ་སྩལ་སྤྱི་བོར་ནོས་ནས་མཛད་པའི་རྒྱལ་གསོལ་དྲི་མེད་འོད་གསལ་མ། དཔོན་ས་གོང་མ་ཆེན་མོའི་བཀའ་སྩལ་བ་བཞིན་རྒྱལ་པོའི་བསྟོད་པ་ཀ་མད་སུམ་ཅུར་གྲགས་པ། གོང་མ་ཆོས་རྒྱལ་ཆེན་པོའི་བཀའ་ལུང་སྤྱི་བོས་མཆོད་དེ་མཛད་པའི་རྒྱལ་གསོལ་དུས་གསུམ་རྒྱལ་བ་མ། པེ་ཧར་མཁན་པོས་བསྐུལ་བའི་ཇ་མཆོད་དུས་གསུམ་རྒྱལ་བ་མ། བསྟན་སྐྱོང་ཆེན་མོ་རྡོ་རྗེ་གྲགས་མོ་རྒྱལ་ལ་མཆོད་གཏོར་འབུལ་ཚུལ་སྔོན་འགྲོ་ལྷུན་གྲུབ་བདེ་ཆེན་མ་དང་དངོས་གཞི་གངས་རིའི་འཕྲེང་བ་མ། དེའི་གསོལ་ཁ་ཚིག་ལྷུག །དེའི་བསྐུལ་ང་ནི་དཔལ་ལྡན་མ། དཔལ་ལྡན་རྡོ་རྗེ་གཡུ་སྒྲོན་མ་གཙོ་འཁོར་ལ་མཆོད་གཏོར་བྱ་བའི་ཚུལ་སྔོན་ཚེ་ཁྱབ་བདག་མ་མཇུག་ཏུ་འཕགས་པ་བྱང་ཆུབ་ཚུལ་ཁྲིམས་ཀྱིས་མཛད་པའི་བསྐུལ་བ་དང་བཅས་པ། འཚོ་བྱེད་སྨན་པའི་རྒྱལ་པོ་བསོད་ནམས་བཀྲ་ཤིས་ཀྱིས་བསྐུལ་བའི་ཀོང་བཙུན་དེ་མོར་མཆོད་གཏོར་འབུལ་ཚུལ་སྔོན་ཚེ་ཨཽ་ཌི་མ། དེའི་གཏོར་འབུལ་བསྡུས་པ་དཔལ་ལྡན་ཨོ་རྒྱན་མ། རྫིང་ཕྱི་རྒྱལ་པོའི་གསོལ་མཆོད་རྒྱལ་དབང་མ། གཉོས་ཀྱི་སྔགས་འཆང་གུང་རུ་གྲགས་པ་དཔལ་བཟང་གིས་བསྐུལ་བའི་རྒྱལ་པོར་འཕྲིན་བཅོལ་མ་ལུས་རྒྱལ་བ་མ། མི་དབང་ཆོས་རྒྱལ་འཇམ་དཔལ་ཚེ་རིང་རྒྱལ་པོས་བསྐུལ་བའི་ཚེ་རིང་མཆེད་ལྔ་དང་བསྟན་མ་བཅུ་གཉིས་ཀྱི་གཏོར་འབུལ་དཔལ་ལྡན་བཀྲ་ཤིས་མ་
ནང་སོ་རྟ་མགྲིན་མགོན་པོས་བསྐུལ་བའི་འཕྱོས་ལྷའི་གསོལ་མཆོད་དཔལ་ལྡན་རྡོ་རྗེ་མ། དེའི་གསོལ་མཆོད་ནང་སོ་སྐྱ་རྒྱལ་བས་བསྐུལ་བ་བདེ་ཆེན་རྒྱལ་བ་མ་རྣམས། ཆབ་ཤོག་སྐོར་ལ། མཁས་གྲུབ་ཆེན་པོ་ནོར་བཟང་རྒྱ་མཚོར་ཕུལ་བ་ཕྱོགས་བཅུའི་རབ་འབྱམས་མ། ཡང་དེ་ཉིད་ལ་ཕུལ་བ་རབ་འབྱམས་མ། པཎ་ཆེན་ཡེ་ཤེས་རྩེ་མོར་ཕུལ་བ་རྒྱལ་ཀུན་མ། འཇམ་དབྱངས་སྨོན་ལམ་དཔལ་བར་ཕུལ་བ་རྒྱལ་ཀུན་མཁྱེན་བརྩེ་མ། དེ་ལ་ཕུལ་བ་རྒྱལ་བ་ཐམས་ཅད་མ། ཐམས་ཅད་མཁྱེན་པ་ཞྭ་དམར་སྤྱན་སྔ་ཆོས་ཀྱི་གྲགས་པར་ཕུལ་བ་རྒྱལ་རྣམས་མ། ཀརྨ་པ་མི་བསྐྱོད་པའི་ཕེབས་ལན་སྤྲོས་པའི་མཚན་མ་མ། སྤྱན་སྔ་ཞྭ་དམར་ཅོད་པན་འཛིན་པར་ཕུལ་བ་རྣམ་དག་ཆོས་སྐུ་མ། ཀརྨ་པ་མི་བསྐྱོད་པར་ཕུལ་བ་མཐའ་དག་མ། སྣེའུ་གདོང་གོང་མ་ཆེན་པོར་ཕུལ་བ་བསོད་ནམས་ཆུ་གཏེར་མ། དེ་ལ་ཕུལ་བ་རྒྱལ་ཕྲན་བྱེ་བ་མ། དེ་ལ་ཕུལ་བ་ཚོགས་གཉིས་རྟ་ལྗང་མ། དེའི་ཡིག་ཆུང་བློ་གསལ་མ། དེ་ལ་ཕུལ་བ་ཕུན་ཚོགས་མ། དེ་ལ་ཕུལ་བ་ས་སྐྱོང་བྱེ་བ་མ། ཆེ་ས་འགྲོ་བའི་མགོན་པོ་ལ་ཕུལ་བ་བགྲང་ཡས་མ། དེ་ལ་ཕུལ་བ་གང་གི་ཞབས་སེན་མ། སྐྱོར་ལུང་དུ་ཞབས་དྲུང་གདུང་བརྒྱུད་རིན་པོ་ཆེ་བསོད་ནམས་རྒྱལ་མཚན་ལ་ཕུལ་བ་ཕུན་ཚོགས་ཞབས་སེན་མ། དེ་ལ་ཕུལ་བ་འཛམ་གླིང་མ། དེ་ལ་ཕུལ་བ་དཔལ་ལྡན་མ། དེ་ལ་ཕུལ་བ་འཛམ་གླིང་ས་སྐྱོང་མ། ཐམ་ཕུད་ཀྱི་ཚིགས་བཅད་རྒྱལ་ཀུན་མ། ཞབས་དྲུང་གདུང་བརྒྱུད་རིན་པོ་ཆེའི་བཀའ་ཤོག་ཐམ་ཕུད་ཀྱི་ཚིགས་བཅད་རབ་འབྱམས་ཕྱོགས་བཅུ་མ། ཐམ་ཕུད་ཀྱི་ཚིགས་བཅད་བློ་བཟང་ཀུན་གསལ་མ། གངས་ཅན་མཁན་པོར་ཕུལ་བ་བྱམས་
པའི་ཉི་མ། སེ་ར་ཆོས་རྗེ་དོན་ཡོད་པའི་ཞུ་ལན་གསུང་རབ་མ། འབྲི་ཁུང་ཆོས་རྗེ་ཀུན་དགའ་རིན་ཅེན་ལ་ཕུལ་བ་གང་གི་ཞབས་སེན་མ། གུ་གེ་བདག་པོའི་ཞུ་ལན་འཕགས་པ་མ། དེ་ལ་ཕུལ་བ་ལེགས་བྱས་མ། དེ་ལ་ཕུལ་བ་བུ་རམ་ཤིང་པ་མ། གུ་གེ་བདག་པོ་འཕགས་པ་ལྷར་ཕུལ་བ་བུར་ཤིང་མ། དེ་ལ་ཕུལ་བ་ཤཱཀ་རིགས་མ། དེ་ལ་ཕུལ་བ་ས་བཅུ་མ། མང་ཡུལ་བདག་པོར་ཕུལ་བ་གཉིས་མེད་མ། དེ་ལ་ཕུལ་བ་ལེགས་བྱས་མ། བྱ་པ་ཁྲི་དཔོན་ལ་གནང་བ་ཆོས་རྣམས་མ། དེ་ལ་གནང་བ་བརྟན་གཡོ་མ། དེ་ལ་གནང་བ་ཕུལ་བྱུང་མ། དགའ་ལྡན་ཆོས་རྗེ་རིན་ཅེན་འོད་ཟེར་ལ་ཕུལ་བ་ཚོགས་གཉིས་མ། རབ་འབྱམས་པ་དཔལ་ལྡན་དོན་གྲུབ་ལ་གནང་བ་སྔོན་བསགས་མ། རྒྱུད་པ་ཚུལ་བཟང་ལ་གནང་བ་རྒྱུད་སྡེ་མ། བྱ་བཏང་ཤནྟི་པའི་འཕྲིན་ལན། བདག་མོ་ལེགས་ཚོགས་རྒྱལ་མོར་གནང་བ་འགྲོ་འདིའི་ལེགས་བྱས་མ། བདག་མོ་གོང་དཀར་མ་བུ་ཁྲིད་རྒྱལ་མོར་བསྩལ་བ་མཐོ་རིས་མ། གུ་གེ་བདག་མོ་དོན་གྲུབ་རྒྱལ་མོར་བསྩལ་བ་དད་པའི་ལང་ཚོ་མ། གནས་རྙིང་ཆོས་རྗེ་རིན་ཅེན་ལ་ཕུལ་བ་རྡོ་རྗེ་མ། ཐོན་པ་ཆོས་རྗེ་དགེ་ལེགས་པའི་ཞུ་ལན་དགེ་ལེགས་མ། མཁན་ཆེན་ཕྱག་རྡོར་བའི་དབོན་བརྒྱུད་ཤུད་བུ་ནམ་མཁའ་འོད་ཟེར་ལ་གནང་བ་ཕུལ་བྱུང་མ། ཆོས་རྗེ་ཤར་སྨད་པར་གནང་བ་ཚོགས་གཉིས་མ། གཉུག་ལ་ཆོས་རྗེར་གནང་བ་མཁྱེན་ཡངས་མ། འཕྱོང་རྒྱས་རྩེར་བསྩལ་བ་གང་གི་བསོད་ནམས་མ། དེར་བསྩལ་བ་རབ་འབྱམས་མ། དེ་ལ་བསྩལ་བ་ཚངས་པའི་བུ་མོ་མ། དེ་ལ་བསྩལ་བ་གང་ཐུགས་མ། དེ་ལ་བསྩལ་བ་མཁྱེན་པའི་དཀྱིལ་
འཁོར་མ། སྣེའུ་རྫོང་པའི་ཞལ་ངོ་སྐྱོར་མོ་ལུང་དུ་བཞུགས་པར་བསྩལ་བ་གང་སྐུ་མ། རྒྱལ་མཁར་རྩེར་བསྩལ་བ་རྒྱུ་སྐར་མ། དེ་ལ་བསྩལ་བ་འདྲེན་པ་མཉམ་མེད་མ། ཡར་རྒྱབ་དཔོན་ཆེན་ལ་བསྩལ་བ་དལ་འབབ་མ། དེ་ལ་བསྩལ་བ་ལུ་ཧི་ཏ། འོལ་ཁ་ནས་དཔོན་ས་ཆོས་རྗེར་བསྩལ་བ་བརྩེ་ཐུགས་མ། ས་སྐྱོང་ཨ་མོ་གྷར་བསྩལ་བ་རྣམ་རྒྱལ་མ། དེ་ལ་བསྩལ་བ་ན་ཚོད་མ། དེ་ལ་བསྩལ་བ་བོད་ཁམས་མ། དེ་ལ་བསྩལ་བ་ནང་སོ་མ། དེ་ལ་བསྩལ་བ་འབད་མེད་མ། དེ་ལ་བསྩལ་བ་དད་རྩ་མ། དེའི་ཡིག་ཆུང་དཔལ་ལྡན་མ། དེ་ལ་བསྩལ་བ་ནམ་མཁའ་མ། དེ་ལ་བསྩལ་བ་རྒྱལ་ཀུན་མ། དེ་ལ་བསྩལ་བ་རབ་མཐོ་མ། དེ་ལ་བསྩལ་བ་སྔོན་བྱོན་མ། འོལ་ཁ་ནང་སོ་སྐུ་གཞོན་པར་གནང་བ་སྐུ་མདུན་མ། དེ་ལ་གནང་བ་ཆ་ཤས་མ། དེ་ལ་གནང་བ་ཚོགས་གཉིས་མ། དེ་ལ་གནང་བ་སྟོན་དུས་མ། དེ་ལ་གནང་བ་རྣམ་དཔྱོད་མ། དེ་ལ་གནང་བ་རབ་མཐོ་མ། དེ་ལ་གནང་བ་རིགས་ཀྱི་སུམ་རྩེན་མ། འཕྱོང་རྒྱས་རྩེར་སྡེ་པ་རྒྱལ་བུ་ལ་གནང་བ་ཕུན་ཚོགས་ཟ་ཧོར་མ། དེ་ལ་གནང་བ་དུས་གསུམ་རྒྱལ་བ་མ། བྱ་པ་ཆོས་མཛད་ལ་གནང་བ་གང་གི་མཁྱེན་པ་མ། དེ་ལ་གནང་བ་མཁྱེན་པ་མ། དེ་ལ་གནང་བ་མཁྱེན་སྤྱན་མ། ཆོས་རྗེ་ཆོས་འབྱོར་པར་གནང་བ་སུམ་རྩེན་མ། དེ་ལ་གནང་བ་བསྟན་པའི་མངའ་བདག་མ། དེ་ལ་གནང་བ་སློབ་དཔོན་པ། མདོ་སྨད་ཨ་ཀྲོ་བླ་མར་གནང་བ་རླབས་ཆེན་མ། གློ་བོ་བྱམས་གླིང་གདན་ས་པར་གནང་བ་རྨད་བྱུང་མ། དགེ་བཤེས་དབྱིག་གཉེན་ལ་གནང་བ་བློ་གྲོས་མ། མདོ་སྨད་ཡེར་པ་རབ་འབྱམས་པར་གནང་བ་ཐུབ་བསྟན་མ། ཁམས་པ་བླ་མ་བསྟན་ཉི་ལ་གནང་བ་ཟབ་ཡངས་མ། ཁམས་སུ་གནང་
བ་མཐོན་པོའི་རིགས་འཁྲུངས་མ། དེར་གནང་བ་བློ་གྲོས་མ། གྲུམ་མདའ་མཁན་ཆེན་ལ་གནང་བ་ཆོས་རྗེ་མ། གློ་བོ་དཔོན་མོ་པདྨ་བཟང་མོར་གནང་བ་ལྷུན་གྲུབ་ཆོས་སྐུ་མ། མངའ་རིས་རྫོང་ཁ་དཔོན་མོ་དཀོན་ཅོག་བཟང་མོར་གནང་བ་ལེགས་སྤྱད་མ། འབྲི་ཁུང་བྱང་སེམས་མར་གནང་བ་ཡིད་མཁའ་མ། ཡར་རྒྱབ་དཔོན་མར་གནང་བ་དྲེས་ལྡན་མ། འོལ་ཁ་དཔོན་མོར་གནང་བ་ལྷག་བསམ་མ། དེ་ལ་གནང་བ་སྔོན་བསགས་མ། དེ་ལ་གནང་བ་མི་ཕྱེད་མ། དེ་ལ་གནང་བ་གང་གི་མ། དེའི་ཡིག་ཆུང་འཆི་མེད་མ། དེ་ལ་གནང་བ་ཕུལ་བྱུང་མ། དེ་ལ་གནང་བ་རྡོར་འཆང་མ། དེ་ལ་གནང་བ་དཔལ་ལྡན་མཐོ་རིས་མ། དེ་ལ་གནང་བ་དད་པའི་སྐྱེད་ཚལ་མ། དེ་ལ་གནང་བ་སྔོན་བསགས་ལེགས་སྤྱད་མ། དེ་ལ་གནང་བ་བདེ་སོགས་མ། དེ་ལ་གནང་བ་གང་དཔལ་མ། དེ་ལ་གནང་བ་རབ་འབྱམས་མ། དེ་ལ་གནང་བ་ཕུལ་བྱུང་ལེགས་བྱས་མ། དེ་ལ་གནང་བ་མཐོ་རིས་མ། དེ་ལ་གནང་བ་གང་འབྱོར་མ། ཆུ་ཤུར་མཁན་ཆེན་ལ་གནང་བ་རང་བབས་མ། ནང་སོ་དགའ་ལྡན་པར་གནང་བ་དལ་འབབ་མ། དེ་ལ་གནང་བ་བྱང་ཕྱོགས་མ། སྟག་རྩེ་ནས་ལྕམ་སྲིང་སྐྱིད་ཤོད་དུ་ཐོག་མར་ཕེབས་པའི་ཞལ་ངོ་ཞལ་བརྒྱས་དུས་གནང་བ་སྔོན་རབས་མ། སྐུ་ཁམས་མཉེལ་བའི་དུས་ནང་སོ་དགའ་ལྡན་པས་འབྲས་སྤུངས་སུ་སྐུ་རིམ་བསྒྲུབས་པའི་ཞུ་ལན་རྒྱལ་དབང་མ། འཕྱོས་བྱ་འདབས་སུ་གནང་བ་རྣམ་བཀྲ་ཡོན་ཏན་མ། དེ་ལ་གནང་བ་ཕུན་ཚོགས་མ། དེར་གནང་བ་ལེགས་སྤྱད་མ། དེར་གནང་བ་པད་དཀར་མ། དེར་ནང་སོ་སྐྱ་རྒྱལ་ལ་གནང་བ་དད་པ་མ། དེ་ལ་གནང་
བ་ལུགས་གཉིས་མ། དེ་ལ་གནང་བ་སྔོན་བསགས་མ། དེ་ལ་གནང་བ་མངོན་མཐོ་མ། དེ་ལ་གནང་བ་ཚོགས་གཉིས་མ། དེ་ལ་གནང་བ་བདུད་རྩིའི་ཆུ་གཏེར་མ། དེ་ལ་གནང་བ་ལེགས་ཉེས་འབྱེད་པ། དེ་ལ་གནང་བ་རྣམ་ཐོས་མ། དེ་ལ་གནང་བ་གང་གི་མ། དེ་ལ་གནང་བ་ལེགས་སྤྱད་ཤར་རི་མ། དེར་རྟ་མགྲིན་མགོན་པོ་ལ་གནང་བ་ན་ཚོད་མ། དེ་ལ་གནང་བ་དཔག་བསམ་མ། དེ་ལ་གནང་བ་ཚེ་དཔག་མེད་པ། དེར་ནང་སོ་མགོན་པོ་ཚེ་འཕེལ་ལ་གནང་བ་མགོན་པོ་གང་ཞབས་མ། དེ་ལ་གནང་བ་གྲགས་པ་མ། དེ་ལ་གནང་བ་ཟླ་ཤར་མ། དེ་ལ་གནང་བ་ཕ་རོལ་མ། དེ་ལ་གནང་བ་ཟབ་ཡངས་མ། དེ་ལ་གནང་བ་གང་གི་མ། དེ་ལ་གནང་བ་རྣམ་དཔྱོད་མ། དེ་ལ་གནང་བ་གང་གི་རྣམ་དཔྱོད་མ། དེ་ལ་གནང་བ་ཚངས་དབང་མ། དེ་ལ་གནང་བ་སྔོན་བསགས་མ། དེ་ལ་གནང་བ་ཟླ་དབང་མ། དེ་ལ་གནང་བ་གང་གི་མཐུ་སྟོབས་མ། དེ་ལ་གནང་བ་ས་སྐྱོང་མ། དེ་ལ་གནང་བ་མཁྱེན་རབ་མ། དེ་ལ་གནང་བ་འོ་མའི་ཆུ་གཏེར་མ། དེ་ལ་གནང་བ་ཤེས་བྱའི་དཀྱིལ་འཁོར་མ། དེ་ལ་གནང་བ་ཉི་འོད་མ། དེ་ལ་གནང་བ་རིག་གནས་མ། དེ་ལ་གནང་བ་ཤེས་བྱ་མཐའ་དག་མ། དེ་ལ་གནང་བ་རྒྱ་ཆེན་མ། དེ་ལ་གནང་བ་མཁྱེན་སྤྱན་མ། དེ་ལ་གནང་བ་ལུགས་གཉིས་མ། དེ་ལ་གནང་བ་རིག་གནས་མ། རབ་བརྟན་དུ་ནང་སོ་ཚེ་དབང་དཔལ་འབྱོར་ལ་གནང་བའི་འཆི་མེད་མ། ནང་སོ་སྐྱ་རྒྱལ་བར་གནང་བ་ལུགས་གཉིས་མ། སྤུན་དྲུང་གཡུང་པར་གནང་བ་གང་ཐུགས་མ། སྤུན་དྲུང་ཁྲ་པར་གནང་བ་དམིགས་མེད་མ། ནང་སོ་བྱིང་བར་གནང་བ་རྣམ་དཀར་མ། ཕོ་བྲང་རྩེའི་དབོན་པོ་ཀླུ་དབང་ལ་གནང་བ་རྒྱ་ཆེན་མ། དཔོན་དྲུག་རྫོང་
པར་གནང་བ་རྒྱལ་མཚན་མ། ཆོས་རྗེ་དབོན་ཚང་པར་གནང་བ་བདེ་བ་ཅན་གྱི་སྨོན་ལམ། ཆམ་མདོ་སྤྱི་སར་གནང་བ་བློ་བཟང་རྒྱལ་བ་མ། དྲུང་ནས་རྨོག་ཐོག་པར་གནང་བ་གང་གི་བློ་གྲོས། དེ་ལ་གནང་བ་གང་གི་རྣམ་དཔྱོད་མ། སྙེ་མོ་གསེར་ཁང་པའི་དཔོན་མོར་གནང་བ་ལེགས་སྤྱད་མ། ལྷ་རྒྱ་རི་པའི་ཡུམ་དྲུང་ལོ་མ་བར་གནང་བ་ལྷོ་ཕྱོགས་མ། བྱི་རི་སྟག་རྩེའི་དཔོན་མོར་གནང་བ་སྔོན་བསགས་མ། དེ་ལ་གནང་བ་གང་སྐུ་མ། དགའ་ལྡན་པའི་དཔོན་མོར་གནང་བ་མི་ཕྱེད་མ། དེ་ལ་གནང་བ་དད་པ་མ། དེ་ལ་གནང་བ་ཐུགས་རྗེ་མ། དེ་ལ་གནང་བ་དད་པར་རབ་བརྟན་མ། ནང་སོ་དགའ་ལྡན་པའི་ཡུམ་ལ་གནང་བ་བསྟན་པ་མ། ནང་སོ་དགའ་ལྡན་པར་གནང་བ་བསླུ་མེད་མ། འཕྱོང་རྒྱས་སྟག་རྩེར་ལྕམ་ཚེ་དབང་རྒྱལ་མོར་གནང་བ་ལེགས་སྤྱད་མ། འཕྱོས་བྱ་འདབས་སུ་བྱང་སེམས་རྒྱལ་མོ་ལ་མཐང་གོས་ཚེམས་པའི་ཆེད་དུ་གནང་བ། དེ་ལ་གནང་བ་ངུར་སྨྲིག་མ། དེ་ལ་གནང་བ་གང་སྨྲས་མ། དེ་ལ་གནང་བ་གང་གི་མ། དེ་ལ་གནང་བ་སྟོང་ཉིད་མ། དེ་ལ་གནང་བ་ཀ་ནས་མའི་བར་སྦྱར་བ། དེ་ལ་གནང་བ་བཀྲ་ཤིས་གདོང་ཚོར་མ། དེ་ལ་གནང་བ་དད་པའི་ལང་ཚོ་མ། ནང་སོ་སྐྱ་རྒྱལ་བར་གནང་བ་གང་གི་རྣམ་དཔྱོད་མ། དེ་ལ་གནང་བ་ཁྱོད་ཐུགས་མ། དེ་ལ་གནང་བ་འདི་ན་ལྟོ་བ་མ། ས་པ་གྲུ་པའི་ཨ་ནི་ལ་གནང་བ་ལྷག་བསམ་མ། དེ་ལ་གནང་བ་མཐོན་པོའི་རིགས་འཁྲུངས་མ། འཕྱོས་པའི་ཨ་ནི་བློ་བཟང་རྒྱལ་མོར་གནང་བ་གང་གི་མཁྱེན་པ་མ། དེ་ལ་གནང་བ་ཕུན་ཚོགས་མ། དེ་ལ་གནང་བ་དད་པའི་སྐྱེད་ཚལ་མ། ས་བ་གྲུ་པའི་ནང་སོ་རྣམ་སྲས་
ལ་གནང་བ་མཐོན་པོའི་རིགས་འཁྲུངས་མ། སྤྲུལ་སྐུ་དཔལ་ལྡན་བློ་གྲོས་བཟང་པོར་གནང་བ་མཁས་པའི་བྱ་བ་མ། དེ་ལ་གནང་བའི་རིག་གནས་ཉལ་འགྲོ་མ། དེ་ལ་གནང་བ་གང་བློ་མ། དེ་ལ་གནང་བ་གང་གི་མགུར་ཡངས་མ། བ་སོ་བ་མགོན་པོ་ལ་གནང་བ་བརྗོད་བྲལ་མ། གུ་ཤྲཱི་དང་ཆེན་ཤྲཱི་གཉིས་ཀྱི་ཞུ་ལན་ཤེས་རབ་ལྷུན་གྲུབ་མ། འབྲི་ཁུང་སློབ་དཔོན་འོད་ཟེར་མཐའ་ཡས་ཀྱི་ཞུ་ལན་ལེགས་ཉེས་བྱེད་པ་མ། ལྷོ་མོན་དུ་འབུལ་སྡུད་ལ་གནང་དུས་ཀྱི་ཆབ་ཤོག་དུས་གསུམ་རྒྱལ་བ་མ། ཆོས་མཛད་བློ་གྲོས་ལེགས་ཀྱི་འབྱོར་ལན་དངོས་གྲུབ་རྩ་བ་མ། ཁམས་སུ་གོ་བོ་རབ་འབྱམས་པ་བཀྲ་ཤིས་སེང་གེ་ལ་གནང་བ་བཀྲ་ཤིས་དགེ་ལེགས་མ། གུང་རུ་དཀའ་བཅུ་བསྟན་པའི་ཉི་མར་གནང་བ་ཕུལ་བྱུང་བློ་གྲོས་མ། དཀའ་བཅུ་གྲགས་པར་གནང་བ་དམ་པའི་ཞབས་སེན་མ། རབ་འབྱམས་པ་བྱམས་པ་རིན་ཅེན་ལ་གནང་བ་བྱམས་འཛིན་མ། ཤེལ་བྲག་ཏུ་གྲུབ་པ་མོ་ཆོས་ཉིད་གློང་གསལ་ལ་ཉམས་ལེན་དུ་གནང་བ་དུས་གསུམ་རྒྱལ་བ་མ། དགོན་གསར་དུ་གནས་བརྟན་ཀུན་དགའ་ཟླ་བར་གནང་བ་མི་དམན་མ། དེ་ལ་གནང་བ་ལེགས་སྤྱད་མ། དེ་ལ་གནང་བ་གྲུབ་གནས་མ། སེ་གྲོང་གཞིས་ཀར་དབོན་པོ་ལྷུན་བཟང་ལ་གནང་བ་དད་པའི་རྩ་བརྟན་མ། དེ་ལ་གནང་བ་གང་མཚན་མ། དེ་ལ་གནང་བ་སྔོན་བསགས་ལས་དཀར་མ། དེ་ལ་གནང་བ་སྔོན་བསགས་ལེགས་སྤྱད་མ། དེ་ལ་གནང་བ་དད་རྩ་མ། འཕྱོང་རྒྱས་མགྲོན་གཉེར་ལྷག་བསམ་ལ་གནང་བ་དད་པའི་རྩ་བརྟན་མ། དེ་ལ་གནང་བ་རྣམ་དཔྱོད་ཕུལ་བྱུང་མ། ཡར་འོན་ཕྱོགས་སུ་སྦྱིན་བདག་སྤྱི་ལ་གནང་བ། གསང་འདུས་ཀྱི་དྲི་ལན་དང་
བཅས་པའི་ཞུ་ལན་སྔོན་སྦྱངས་མ། སྡེ་པ་འཕྱོས་པའི་ཆབ་སྲིད་བརྟན་པའི་སྨོན་ལམ་མཛད་དགོས་ཚུལ་འཇམ་དབྱངས་གཞོན་ནུ་མ། ཕུལ་བྱུང་བློ་གྲོས་མ། སྔར་ཡང་རིམ་གྲོ་མཛད་འདུག་པ་བཞིན་མུས་འཐུད་དགོས་ཚུལ་ཞུ་ལན་རྣམ་དཔྱོད་ཟླ་ཤེལ་མ། ཁམས་ཕྱོགས་སུ་གནང་བ་གང་ཞིག་མ། དེར་གནང་བ་སྐྱབས་གསུམ་མ། དེར་གནང་བ་ལེགས་བྱས་གསེར་ཡུ་མ་རྣམས། ས་སྐྱོང་བ་བསོད་ནམས་རྒྱལ་པོས་བསྐུལ་བའི་རྡོ་རྗེ་འཇིགས་བྱེད་ཀྱི་སྨོན་ལམ་ཤིས་བརྗོད་དང་བཅས་པ། དབྱངས་ཅན་མས་རྗེས་སུ་བཟུང་བའི་སྤྲུལ་སྐུ་དཔལ་ལྡན་བློ་གྲོས་སོགས་ལ་གནང་བའི་དོན་རྒྱན་སོ་ལྔ་པའི་དཔེ་བརྗོད། འོལ་ཁ་ནང་སོ་སྐུ་གཞོན་པ་བསོད་ནམས་རྒྱ་མཚོའི་སྡེས་སྙན་ངག་གསན་པར་བྱོན་དུས་གནང་བའི་དོན་རྒྱན་དཔེ་བརྗོད། སྡེ་པ་འོལ་ཁ་ནས་ས་སྐྱོང་ཨ་མོ་གྷ་རྡོ་རྗེ་རྣམ་རྒྱལ་ལ་གནང་བའི་དོན་རྒྱན་གྱི་དཔེ་བརྗོད། ཨ་ཀྲོ་དཀའ་བཅུ་ཤེས་རབ་རྒྱལ་མཚན་དང་སྤྲུལ་སྐུ་དཔལ་ལྡན་བློ་གྲོས་བཟང་པོས་བསྐུལ་བའི་བཀའ་གདམས་གླེགས་བམ་གྱི་བསྡུས་དོན། བརྟན་བཞུགས་སྐོར་ལ། རང་ཉིད་ཀྱི་བརྟན་བཞུགས་གྲུབ་པའི་དབང་ཕྱུག་མ། སྣེ་གདོང་གོང་མ་ཆེན་པོའི་བརྟན་བཞུགས་བདེ་ཆེན་ལྷུན་གྲུབ་མ། དེའི་བརྟན་བཞུགས་རབ་འབྱམས་མ། དེའི་བརྟན་ཞུགས་དངོས་གྲུབ་འབྱུང་གནས་མ། བདག་པོ་རྒྱལ་རྩེ་བའི་བརྟན་བཞུགས་རྒྱལ་བ་སྲས་བཅས་མ། ས་སྐྱོང་ཨ་མོ་གྷའི་བརྟན་བཞུགས་རྩ་བརྒྱུད་མ། དེའི་བརྟན་བཞུགས་རྗེ་བཙུན་མ། སྒམ་པོ་སྤྱན་སྔའི་བརྟན་བཞུགས་ཚོགས་གཉིས་ཤར་རི་མ། རང་ཉིད་ཀྱི་བརྟན་བཞུགས་བྱམས་མགོན་མ་
དང་སྔོན་ཚེ་མ། སྡེ་པ་རྒྱ་རི་པའི་བརྟན་ཞུགས་དངོས་གྲུབ་འབྱུང་གནས་མ། ཆིབས་གླིང་བཞི་མཛེས་རྒྱན་ཤི་དུས་གནང་བའི་སྨོན་ལམ་རྩ་བརྒྱུད་མ། གནས་སྐབས་མཐར་ཐུག་དགེ་བའི་སྨོན་ལམ་དུས་གསུམ་རྒྱལ་བ་མ། རང་ཉིད་ཀྱི་བརྟན་བཞུགས་རྡོ་རྗེའི་སྐུ་བརྙེས་མ་རྣམས། ནང་སོ་རྟ་མགྲིན་མགོན་པོས་བསྐུལ་བའི་སྨན་བླ་བདེ་གཤེགས་བརྒྱད་ཀྱི་ལྷ་ཚོགས་རྣམས་ཀྱི་བཀྲ་ཤིས་དང་བཅས་པ་རྣམས་ལེགས་པར་ཐོབ་པའི་བརྒྱུད་པ་ནི། ཐམས་ཅད་མཁྱེན་པ་དགེ་འདུན་རྒྱ་མཚོ། སེ་ར་ཆོས་རྗེ་རྗེ་བཙུན་ཆོས་ཀྱི་རྒྱལ་མཚན། དགའ་ལྡན་ཁྲི་རིན་པོ་ཆེ་དགེ་འདུན་རྒྱལ་མཚན། མཁན་རིན་པོ་ཆེ་བློ་བཟང་ཆོས་ཀྱི་རྒྱལ་མཚན། དེས་བདག་ཟ་ཧོར་བནྡེ་ལའོ། ༈ །རྗེ་དགེ་འདུན་རྒྱལ་མཚན་གྱིས་ཆོས་རྗེ་རྗེ་བཙུན་པར་གསན་པ་དང་། མཁན་ཆེན་བློ་བཟང་ཆོས་ཀྱི་རྒྱལ་མཚན་གྱིས་རྗེ་དགེ་འདུན་རྒྱལ་མཚན་ལ་གསན་པ་གཉིས་ཀའི་དུས་གསུང་འབུམ་ཡོངས་རྫོགས་ཀྱི་དཔེ་གཞན་མ་རྙེད་པར་སྡེ་པ་འཕྱོས་པས་བཞེངས་པའི་གསེར་ཆོས་པོ་ཏི་ལྔ་པོ་དགའ་ལྡན་ཕོ་བྲང་ནས་གཡར་བའི་དེ་ཐོག་ནས་ལུང་ཞུས་གསུང་། ཐམས་ཅད་མཁྱེན་པ་ཞིང་བརྗེ་ཁའི་སྐུ་མཚམས་ཁོག་ནས་སྤྲུལ་སྐུ་འཕྲང་ཁ་བར་གནང་བའི་ཆབ་ཤོག་སོགས་ལ་ད་ལྟ་ལུང་མཛད་འདུག་ཀྱང་ད་མུས་ནས་རིང་པོར་མ་ལོན་པར་སྐུ་གཤེགས་ཤིང་། དེ་ཁོག་ཏུ་ཆོས་རྗེ་རྗེ་བཙུན་པར་ལུང་འོང་དོན་མི་སྣང་། སྙུན་གཡོག་སོགས་དེར་འཁོད་རྣམས་ཀྱིས་ཀྱང་སྐུ་མ་བདེ་བའི་དུས་ལུང་ཞུ་ནུས་རིགས་སུ་མིན་འདུག་པས་ཕྲ་ཞིང་ཕྲ་བའི་རྒྱུན་ཡོད་མེད་ཐེ་ཚོམ་གྱི་གཞིར་གནང་ངོ་། །ཐམས་ཅད་མཁྱེན་པ་དགེ་འདུན་རྒྱ་མཚོས་མཛད་པའི་བརྒྱ་བཞིའི་ཆོ་གའི་རླུང་གི་བརྒྱུད་པ་ནི། ཐམས་
ཅད་མཁྱེན་པ་དགེ་འདུན་རྒྱ་མཚོ། དྲུང་པ་ལྷ་རིན་པོ་ཆེ་བསོད་ནམས་དཔལ་བཟང་། ཟུར་ཆེན་གཞོན་ནུ་དོན་གྲུབ། ཁྱབ་བདག་ཆོས་དབྱིངས་རང་གྲོལ། དེས་བདག་ལའོ།