པད་གནུབས་དབང་གི་བརྒྱུད་པའི་བཀའ་གཏེར་གཉིས་ཀྱི་སྐོར།
པད་གནུབས་དབང་གི་བརྒྱུད་པར་བཀའ་གཏེར་གཉིས་ལས། བཀའ་མ་པད་ལུགས་ཀྱི་བརྒྱུད་པ་ནི། འཕགས་པ་འཇམ་དཔལ། ཀུན་ཏུ་བཟང་པོ། ཕྱག་རྒྱ་ཟིལ་གནོན་ཚེ་བདག་ནག་པོ། སློབ་དཔོན་འཇམ་དཔལ་བཤེས་གཉེན། སངས་རྒྱས་གཉིས་པ་ཨོ་རྒྱན་པདྨ་འབྱུང་གནས། སློབ་དཔོན་གཙུག་ལག་དཔལ་དགེ །བལ་པོའི་རྒྱལ་པོ་བ་སུ་དྷ་ར། ལྷ་རྗེ་གནུབས་ཆེན་སངས་རྒྱས་ཡེ་ཤེས་རིན་པོ་ཆེ། འདི་ནས་བཟུང་
སྤྱན་ཚབ་མགོན་པོ་ཟླ་བའི་བར་སྔགས་དཀར་ལྕང་ལོ་ཅན་ཤ་སྟག་ཡིན་ཞིང་བོན་པོའི་ཐོག་དཔང་རྗེ་བཙུན་ཁྲོམ་གྱི་ཕྱིར་བཟློག་པས་མངའ་བདག་གི་སྔགས་པ་རྣམས་ཐོད་དུ་ཁུར་བས་ལྷ་རྗེ་ཐོགས་ལ། གཙང་སྨྱོན་པས་མི་ལའི་རྣམ་ཐར་དུ་ལྷ་རྗེ་ཟེར་ན་འཚོ་བྱེད་ལས་འོས་མེད་སྙམ་སྟེ་ལྷ་རྗེ་གནུབས་ཆུང་ལ་སྨན་སྔགས་གཉིས་ཀ་ཤེས་པ་ཞེས་སྨྲ་བ་ནི་བླུན་གཏམ་མོ། །ལྷ་རྗེ་གནུབས་ཁུ་ལུང་པ་ཡོན་ཏན་རྒྱ་མཚོ། དེ་སྲས་ལྷ་རྗེ་ཡེ་ཤེས་རྒྱ་མཚོ། ལྷ་རྗེ་གནུབས་པདྨ་དབང་རྒྱལ། ལྷ་རྗེ་གནུབས་བླ་ཆེན་འཇམ་དཔལ། ལྷ་རྗེ་གནུབས་རྒྱ་གར་རྡོ་རྗེ། ལྷ་རྗེ་གནུབས་ཆོས་ཀྱི་ཡེ་ཤེས། སྔགས་འཆང་ཁྲོ་བོ་འབར་བ། མཐུ་ཆེན་དར་མ་རྒྱལ་མཚན། བླ་མ་ཡང་དག་རྡོ་རྗེ། རིགས་འཛིན་ཕུག་པ་ཤེར་རྒྱལ། སློབ་དཔོན་རྡོག་སྟོན་འབུམ་ལེགས། སྔགས་འཆང་ཨོ་རྒྱན་བསྟན་འཛིན་གྱི་གསན་ཡིག་ན་རྡོག་སྟོན་འབུམ་ལེ་ཞེས་སྣང་བ་བརྟག །གྲོ་སྟོན་ཆེན་པོ་བསོད་ནམས་འབུམ། བླ་ཆེན་བློ་གྲོས་རྒྱལ་མཚན། ཕག་སྟོན་སྔགས་འཆང་ཤཱཀྱ་མགོན་པོ། སྦུག་སྟོན་ཆེན་པོ་དཔལ་ལྡན་མགོན་པོ། མཁས་གྲུབ་རྡོ་རྗེ་གླིང་པ་ཆོས་ཀྱི་རྒྱལ་མཚན། ཟུར་ཚོ་པ། སྤང་སྟོན་ཟུར་ཚོ་ཆུ་ཁ་པ། འཇམ་དཔལ་དབྱངས་དགེ་ལེགས་རྒྱལ་མཚན། སེ་སྟོན་ཆེན་པོ་སྔགས་འཆང་རིན་ཅེན་རྒྱལ་མཚན། སྤྱན་ཚབ་ཆོས་རྗེ་མགོན་པོ་ཟླ་བ། ཨོ་རྒྱན་བསྟན་འཛིན་གྱི་གསན་ཡིག་ན་བསོད་ནམས་མགོན་པོ་ཞེས་སྣང་བ་བརྟག །མཉམ་མེད་ནུབ་དགོན་པ་བྱམས་པ་ཆོས་ཀྱི་རྒྱལ་མཚན། རྟེན་དགེ་སློང་། ཁྲི་སྲོང་རྣམ་སྤྲུལ་ཆོས་རྒྱལ་བཀྲ་ཤིས་སྟོབས་རྒྱལ། བྱང་བདག་རིགས་འཛིན་ཆེན་པོ་ངག་གི་དབང་པོ། ཟུར་ཆེན་རྡོ་རྗེ་འཆང་ཆོས་དབྱིངས་རང་གྲོལ། དེས་བདག་ཟ་ཧོར་སྔགས་སྨྱོན་དྲག་རྩལ་རྡོ་རྗེ་ལའོ། །བགྲངས་མ་ཐག་པ་འདི་བམ་ཆེན་གསང་བའི་དབང་
བརྒྱུད་གཙོ་ཆེ་ཞིང་ལས་བྱང་གི་བདུད་རྩི་སྨན་མཆོད་ལ་མཛད། ལྕགས་འདྲ་པད་ལུགས་གནམ་ཐོག་ཆེནཔོའི་དབང་དང་ཆོས་སྐོར་རྣམས་ཀྱི་ལུང་གི་བརྒྱུད་པ་ནི། ཆོས་སྐུ་ཀུན་ཏུ་བཟང་པོ། འཇམ་དཔལ་གཤིན་རྗེ་གཤེད། ཕྱག་ན་རྡོ་རྗེ། ལྷའི་བུ་ཚངས་པ། ལྷ་བུ་ཉི་མ། ལྷའི་བུ་བདེ་བ་མཆོག་ལྡན། མཁའ་འགྲོ་མ་ཟླ་བའི་འོད་ཟེར། སློབ་དཔོན་འཇམ་དཔལ་བཤེས་གཉེན། ཨོ་རྒྱན་སངས་རྒྱས་གཉིས་པ། བལ་པོ་བྷ་སུ་དྷ་ར། ལྷ་རྗེ་གནུབས་ཆེན་སངས་རྒྱས། གཏེར་སྟོན་རྒྱ་ཞང་ཁྲོམ། འདི་ནས་ཕག་སྟོན་པའི་བར་ཡང་སྔགས་པ་དཀར་པོའོ། །བྲལ་ཏེ་སམྦྷོ་ཊ། གངས་བན་བཀྲ་ཤིས་དར། རྔོག་སྟོན་འབུམ་ལེགས། གྲོ་སྟོན་བསོད་ནམས་འབུམ། བླ་ཆེན་བློ་གྲོས་རྒྱལ་མཚན། ཕག་སྟོན་ཤཱཀྱ་མགོན་པོ་མན་སྔར་ལྟར་རོ། །ཡང་ན་གངས་བན་བཀྲ་ཤིས་དར་ནས། འདི་ནས་ཕག་སྟོན་པའི་བར་ཡང་སྔགས་དཀར། གངས་པ་རི་དཀར་བ། གངས་པ་ཤཱཀ་འབུམ། རྒྱལ་བ་གཡུང་སྟོན་རྡོར་དཔལ། གསང་མཚན་རྡོ་རྗེ་སྙིང་པོ་ལ། ཕག་སྟོན་ཤཱཀ་མགོན་མན་གོང་བཞིན་ནོ། །འདི་ལས་བྱང་རྒྱུད་འདེབས་སུ་ཡང་མཛད། ཡང་ན་གཏེར་སྟོན་ནས། འུ་ཟངས་འོད་འབར། ཐང་བན་བསངས་ཐུབ། ཐང་སྟོན་ཇོ་རྡོར། ཤུས་སྟོན་རིང་མོ། ཐང་སྟོན་ཀུན་དགའ། ཕག་སྟོན་ཇོ་ཀུན། ཕག་སྟོན་ཀུན་དོན། ཕག་སྟོན་ཤཱཀ་མགོན་མན་གོང་བཞིན། ཡང་པད་ལུགས་སྙིང་འཛིངས་ཀྱི་ལུང་རྐྱང་གི་བརྒྱུད་པ་ལུགས་གཅིག་ལ། ཕག་སྟོན་ཤཱཀ་མགོན་ཡན་གཏེར་བརྒྱུད་ལྟར་ལ། འདི་ནས་དཔལ་བཀྲ་ཤིས་སྟོབས་རྒྱལ་གྱི་བར་ཡང་སྔགས་དཀར། དེ་ནས་སྤུག་སྟོན་དཔལ་མགོན། མཁས་གྲུབ་རྡོ་རྗེ་གླིང་པ། གུ་རུ་གདུང་འཛིན། སྒྲུབ་པ་མོ་ལྷ་མོ། སྒྲུབ་ཆེན་བྱང་ཆུབ་རྒྱལ་མཚན། བླ་མ་
རྣལ་འབྱོར་མགོན་པོ། བྲག་ལྟག་པ་རྡོ་རྗེ་རིན་ཅེན། སྔགས་འཆང་ཟིལ་གནོན་རྡོ་རྗེ། བྲག་སྟོན་སོ་རིགས་ལེགས་ལྡན་རྡོ་རྗེ། འདི་མངའ་རིས་རིགས་འཛིན་ཆེན་པོ་དང་མཚན་གཅིག་པ་མ་གཏོགས་མི་མི་གཅིག་བྱང་བདག་པོས་བསམ་གཏན་གླིང་པའི་ཨ་ཏི་གསན་པ་དེ་ཡིན། ཆོས་རྒྱལ་བཀྲ་ཤིས་སྟོབས་རྒྱལ་མན་གོང་བཞིན་ནོ། །ཡང་ན་ཕག་སྟོན་ལ་བྲག་ལྟག་པ་རང་གིས་ཀྱང་གསན་པ་ཡིན་ནོ། །གནུབས་ལུགས་གཏེར་མ་ལྕགས་འདྲ་གནམ་ཐོག་ཆེན་པོའི་ཆོས་སྐོར་གྱི་བརྒྱུད་པ་ནི། ཀུན་ཏུ་བཟང་པོ། འཇམ་དཔལ་གཤིན་རྗེའི་གཤེད། ཕྱག་ན་རྡོ་རྗེ། ལྷའི་བུ་ཚངས་པ། ལྷ་བུ་ཉི་མ། ལྷའི་བུ་བདེ་བ་མཆོག་ལྡན། མཁའ་འགྲོ་མ་ཟླ་བའི་འོད་ཟེར། སློབ་དཔོན་འཇམ་དཔལ་བཤེས་གཉེན་སློབ་དཔོན་གཙུག་ལག་དཔལ་དགེ །འཕུང་བྱེད་ཤིནྟཾ་གརྦྷ། རྒྱ་གར་དྷ་ན་དྷ་ལ། གུ་རུ་ཁྲག་འཐུང་ནག་པོ། བལ་པོ་བྷ་སུ་དྷ་ར། གནུབས་ཆེན་སངས་རྒྱས་ཡེ་ཤེས། གཏེར་སྟོན་རྒྱ་ཞང་ཁྲོམ། བྲལ་ཏེ་སམྦྷོ་ཊ། གངས་བན་བཀྲ་ཤིས་དར། གངས་པ་རི་དཀར་བ། མཐུ་ཆེན་གངས་པ་ཤཱཀ་འབུམ། གྲ་ཕྱི་གཡུང་སྟོན་རྡོར་དཔལ། ཕག་སྟོན་ཤཱཀ་མགོན་མན་བམ་ཆེན་གསང་བའི་བརྒྱུད་པ་ལྟར་རོ། །བྱད་འགྲོལ་གྱི་བརྒྱུད་པ་ལུགས་གཅིག་ནི་ལྕགས་སྡིག་གི་ལུང་བརྒྱུད་སོར་གནས་སོ། །བྱད་འགྲོལ་གྱི་མན་ངག་ཕྱག་ལེན་དུ་བཀོད་པའི་ལུང་གི་བརྒྱུད་པ་ནི། རིགས་འཛིན་ཆེན་པོ་ནས། གཙང་བླ་མ་རི་སྦུག་པ་ཡབ་ཀུན་མཁྱེན་དབང་ཕྱུག །ཐུགས་སྲས་འཇམ་དཔལ་ལེགས་ལྡན་རྡོ་རྗེ། གླང་བུ་ཆོས་རྗེ་ཆོས་སྐྱོང་དབང་ཕྱུག །ཞལ་ལུ་མཁན་ཆེན་རིན་ཅེན་བསོད་ནམས་མཆོག་གྲུབ། དེས་བདག་ཟ་ཧོར་བནྡེ་ལའོ། །ཨུརྨོ་གསང་སྒྲུབ་སྐོར་དང་རྡོ་རྗེ་ཨུརྨོ་གནམ་ས་
ལྟོ་བ་དཀྲུག་པ་གཉིས་ཀྱི་ལུང་དང་ཕྱག་ལེན་ཞལ་ཤེས་ཁྱད་པར་འཁོར་ལོའི་མན་ངག་རློམ་ཕལ་ཆེར་གྱི་མིག་དང་རྣ་བའི་སྤྱོད་ཡུལ་དུ་མ་གྱུར་པ་ཐོབ་པའི་བརྒྱུད་པ་ནི། རྡོ་རྗེ་འཆང་། འཇམ་དཔལ་བཤེས་གཉེན། ཤིནྟཾ་གརྦྷ། ཁྲག་འཐུང་ནག་པོ། གཙུག་ལག་དཔལ་དགེ །བྷ་སུ་དྷ་ར་ནས་གཡུང་སྟོན་པ་ཡན་ལྕགས་འདྲ་གནུབས་ལུགས་གནམ་ཐོག་ཆེན་པ་དང་འདྲ་བ་ལ། དེ་ནས་བལ་པོ་སྨོན་ལམ་སེང་གེ །བླ་མ་འོད་ཟེར་སེང་གེ །མཁས་གྲུབ་ཆོས་རྗེ་དཔལ། བླ་མ་དངོས་གྲུབ་སྡིངས་པ་རྗེ་བཙུན་རིན་པོ་ཆེ། རིན་པོ་ཆེ་ཆོས་ཀྱི་བློ་གྲོས། ཀློང་ཆེན་ནམ་མཁའ་དཔལ་ལྡན་རྒྱ་མཚོ། མཁས་གྲུབ་པདྨ་དབང་རྒྱལ། རིགས་འཛིན་ལེགས་ལྡན་རྡོ་རྗེ་མན་གོང་བཞིན་ནོ། །གནུབས་ལུགས་བཀའ་མའི་དབང་གི་བརྒྱུད་པ་ནི། ཆོས་སྐུ་ཀུན་ཏུ་བཟང་པོ། ལོངས་སྐུ་འཇམ་དཔལ་ཕྱག་རྒྱ་ཟིལ་གནོན། སྤྲུལ་སྐུ་གསང་བའི་བདག་པོ། དགའ་རབ་རྡོ་རྗེ། ལྷའི་བུ་ཚངས་པ། ལྷ་བུ་ཉི་མ། ལྷའི་བུ་བདེ་བ་མཆོག་ལྡན། མཁའ་འགྲོ་མ་ཟླ་བའི་འོད་ཟེར། སློབ་དཔོན་འཇམ་དཔལ་བཤེས་གཉེན། སློབ་དཔོན་གཙུག་ལག་དཔལ་དགེ །རོམ་བུ་གུ་ཧྱ་དེ་བ་ཙནྡྲ། འཕུང་བྱེད་ཤིནྟཾ་གརྦྷ། ཨཱ་ཙཪྻ་དྷ་ན་དྷ་ལ། རྒྱ་གར་ཁྲག་འཐུང་ནག་པོ། རྒྱལ་པོ་བྷ་སུ་དྷ་ར། ལྷ་རྗེ་གནུབས་སངས་རྒྱས་ཡེ་ཤེས། ལྷ་རྗེ་གནུབས་ཡོན་ཏན་རྒྱ་མཚོ། ལྷ་རྗེ་གནུབས་ཡེ་ཤེས་རྒྱ་མཚོ། རྡོ་སྟོན་ལྕགས་དཔེ། མེ་སྟོན་དྲན་ཆུང་། དྲན་སྟོན་མཐའ་བྲལ། མེ་སྟོན་དཀོན་ཅོག་རིན་ཅེན། སློབ་དཔོན་བཀྲ་ཤིས་རྒྱལ་མཚན། བླ་མ་མཐར་ཕྱིན་ལྷ་སྒོམ། མཐུ་ཆེན་གངས་པ་ཤཱཀ་འབུམ། གྲ་ཕྱི་རྒྱལ་བ་གཡུང་སྟོན། ཕག་སྟོན་ཤཱཀྱ་མགོན་པོ་མན་བམ་ཆེན་གསང་བའི་བརྒྱུད་ལུགས་དང་
གཅིག །འདི་ནི་སྤང་སྟོན་ནས་བརྒྱུད་པའི་ལུགས་ཡིན་ལ། རྟ་ནག་སྒྲོལ་མ་པ་ནས་བརྒྱུད་ཚུལ་ནི། མེ་སྟོན་དཀོན་རིན་ཡན་གོང་ལྟར་ལ། དེ་ནས་སྐྱེས་མཆོག་མཁས་པ། ལྷ་རིན་ཅེན་གྲགས། རྡོ་ཚ་བསོད་ནམས་བྱང་ཆུབ། བླ་མ་འཛམ་གླིང་རིན་ཅེན། གུ་རུ་ཤེས་རབ་རྡོ་རྗེ། མཁས་བཙུན་དཀོན་ཅོག་བཟང་པོ། སྒྲོལ་ཆེན་འཇམ་དབྱངས་བསམ་གྲུབ་རྡོ་རྗེ། སྒྲོལ་མ་བའི་ཞལ་ངོ་འདི་རྣམས་སྔགས་པ་དཀར་པོ་བ། སྒྲོལ་མ་སངས་རྒྱས་རིན་ཅེན། སྒྲོལ་མ་འཇམ་དབྱངས་ཆོས་གྲགས་བཟང་པོ། སྒྲོལ་མ་ནམ་མཁའི་རྣལ་འབྱོར། སེ་སྟོན་ཆེན་པོ་རིན་ཅེན་རྒྱལ་མཚན་མན་བམ་ཆེན་གསང་བ་ལྟར་རོ། །ཡང་ན་གཡུང་སྟོན་པ་ཡན་བཤད་མ་ཐག་པ་ལྟར་ལ། དེ་ནས་འགྲོ་མགོན་ཚེ་བདག་པ། ཡབ་སྤྲུལ་སྐུ་ཚེ་དབང་རྒྱལ་པོ། མཁས་གྲུབ་རྒྱལ་སྲས་ཆོས་རྗེ། སྔགས་འཆང་ལེགས་པ་དཔལ། ཡབ་ལྷ་རིགས་འཇམས་དབྱངས་རྒྱལ་མཚན། དེ་སྲས་ལེགས་ལྡན་རྡོ་རྗེ་མན་སྔར་དང་འདྲ། ཡང་ན་གནུབས་ཡོན་ཏན་རྒྱ་མཚོ་ཡན་བཀའ་མ་གནུབས་ལུགས་ལྟར་ལ། དེ་ནས་གནུབས་པདྨ་དབང་རྒྱལ། ལྷ་རྗེ་གནུབས་ཇོ་བོ་འཇམ་དཔལ། ཡུམ་ཆེན་སོ་གད་སོ་གྱེན། ལྷ་རྗེ་ཡེ་ཤེས་གཟུངས། བླ་མ་ལྷ་དར། ལྷ་རྗེ་ཇོ་དོར། ལྷ་རྗེ་དྷརྨ། ལྷ་རྗེ་རྒྱ་ཧོར། ལྷ་རྗེ་དབང་གཞོན། ལྷ་རྗེ་ཆོས་སེང་། བླ་མ་བཀྲ་ཤིས་དར། བླ་མ་དར་མ་སེང་གེ །ལྷ་རྗེ་སེང་གེ་དར། གུ་རུ་ཡེ་ཤེས་རྒྱ་མཚོ། བླ་མ་སངས་རྒྱས་རྡོ་རྗེ། རྩ་བརྒྱད་པ་རྡོ་རྗེ་སེང་གེ །བླ་ཆེན་ཆོས་དཔལ་བཟང་པོ། སྤྲུལ་སྐུ་དགེ་ལེགས་དཔལ། རྩ་བརྒྱད་པ་བཀྲ་ཤིས་བཟང་པོ། སྔགས་འཆང་པདྨ་དབང་། ཡབ་འཇམ་དབྱངས་རྒྱལ་མཚན། ལྷ་རིགས་ལེགས་ལྡན་
རྡོ་རྗེ་མན་སྔར་བཞིན་ནོ། །ཡང་ན་སྤྲུལ་སྐུ་དགེ་ལེགས་དཔལ་ནས། བྱ་བཏང་བསམ་གྲུབ་རྒྱལ་པོ། རྡོ་རྗེ་རྒྱལ་མཚན། གནས་བརྟན་ཆོས་སྐྱོང་ལྷུན་གྲུབ། བླ་མ་མང་ཐོས་པ། འཇམ་དབྱངས་རིན་པོ་ཆེ། ལེགས་ལྡན་རྡོ་རྗེ་མན་གོང་ལྟར་རོ། །ཡང་ན་རྩ་བརྒྱད་པ་བཀྲ་ཤིས་བཟང་པོ་ནས། རྗེ་བཙུན་རྒྱལ་མཚན་སེང་གེ མཁས་པ་ཀུན་བཟང་རྣམ་རྒྱལ། ཆོས་རྗེ་སངས་རྒྱས་སྐྱབས། མངའ་རིས་རིགས་འཛིན་ལེགས་ལྡན་རྡོ་རྗེ་མན་གོང་བཞིན་ནོ། །གནུབས་ལུགས་དབང་མཆོག་མུ་ཏིག་འཕྲེང་བའི་དབང་བརྒྱུད་བཀའ་མ་དང་ལྕགས་འདྲ་གནུབས་ལུགས་ཀྱི་ལུང་བརྒྱུད་ལུགས་གཅིག་ལ། གཡུང་སྟོན་པ་ཡན་གནུབས་ལུགས་བཀའ་མ་སྔར་སྨོས་པ་ལྟར་ལ། དེ་ནས་བླ་མ་སེང་གེ་བཟང་པོ། མཆིམས་རྡོ་རྗེ་སྤྲེ་ཆུང་གི་སྐྱེ་བ་སྐལ་ལྡན་རྡོ་རྗེ་རྒྱལ་པོ། རྒྱལ་བ་གཡུང་གི་སྐྱེ་བ་དྷརྨ་ཀེ་ཏུ། ཀོང་ལོང་རལ་གསུམ་གྱི་བླ་མ་རིན་པོ་ཆེ་ཆོས་ཀྱི་བློ་གྲོས། ཀོང་ཆེན་ནམ་མཁའ་དཔལ་ལྡན། གཅེན་པདྨ་དབང་རྒྱལ། གཅུང་ལེགས་ལྡན་རྡོ་རྗེ་མན་སྔར་ལྟར་རོ། །འབྲིའི་རྟགས་ཡོད་པ་རྣམས་མ་གཏོགས་པའི་མུ་ཏིག་འཕྲེང་བའི་དབང་གཏེར་མ་ལུགས་དང་ལྕགས་སྡིག་ཡོངས་རྫོགས་ཀྱི་ལུང་གི་བརྒྱུད་པ་ནི། གནུབས་སངས་རྒྱས་ཡེ་ཤེས་ཡན་གནུབས་ལུགས་བཀའ་མ་ལྟར་ལ། མངའ་རིས་པ་པཎ་ཆེན་རིན་པོ་ཆེའི་གསན་ཡིག་ཏུ་གཤིན་རྗེ་གཤེད་ནས་ཤིནྟཾ་གརྦྷ་འདུག་པ་བཀའ་འབྱེད་དང་མཐུན་པས་མི་འགལ། དེ་ནས་གཏེར་སྟོན་རྒྱ་ཞང་ཁྲོམ། གནུབས་ལྕགས་གཏུན་ནག་པོ། གནུབས་སྟོན་ཆོས་གྲགས། གནུབས་བྱ་བྲལ་བ་སྐལ་ལྡན་རྡོ་རྗེ་རྒྱལ་པོ་མན་བཤད་མ་ཐག་པ་ལྟར་རོ། །མཆོད་རྟེན་ལ་དབང་བསྐུར་བའི་དབང་བཀའ་རིན་ཅེན་འཕྲེང་བ་མ་གཏོགས་འབྲིའི་རྟགས་ཡོད་
མེད་ལ་མ་བལྟོས་པའི་ལུང་ཡོངས་རྫོགས་ཀྱི་བརྒྱུད་པ་ནི། རིགས་འཛིན་ལེགས་ལྡན་རྡོ་རྗེ་ཡན་སྔར་ལྟར་ལ། དེ་ནས་རྗེ་འབྲི་གུང་ཟུར་པ་གནམ་ལྕགས་མེ་འབར། བླ་མ་རིན་ཅེན་དཔལ་བ། མཁས་གྲུབ་སངས་རྒྱས་རིན་ཅེན། རཏྣ་གཉིས་པ་འབྲི་གུང་ཆོས་ཀྱི་གྲགས་པ། སྔགས་འཆང་དཀོན་ཅོག་ལྷུན་གྲུབ། ཁྱབ་བདག་ཁྲ་ཚང་པ་བློ་མཆོག་རྡོ་རྗེ། དེས་བདག་ཟ་ཧོར་བནྡེ་ལའོ། །དེ་ཡང་ལྕགས་འདྲ་ལུགས་ཀྱི་མཆོད་རྟེན་འཁོར་ལོ་སོགས་ཀྱི་ཕྱག་ལེན་དམར་འཁྲིད་ནི་སྨན་མཆོད་ཀྱི་བརྒྱུད་པ་དང་བརྒྱུད་འདེབས་གཉིས་གཙོ་ཆེ། ལྕགས་སྡིག་གི་མན་ངག་ཞལ་ཤེས་ནི་མུ་ཏིག་འཕྲེང་བའི་གཏེར་བརྒྱུད་གཙོ་ཆེ། བརྒྱུད་པ་མཐའ་དག་བྱང་བདག་རིགས་འཛིན་ཡབ་སྲས་ལ་ཚང་བ་ལས་ཆུ་བོ་ཀུན་འདུས་ཀྱི་གདམས་པ་ཟུར་ཆེན་ཁྱབ་བདག་ཆོས་དབྱིངས་རང་གྲོལ་གྱིས་ཁོ་བོ་ཟ་ཧོར་གྱི་སྔགས་སྨྱོན་བཞད་པ་རྩལ་ལ་གནང་ཞིང་བསྙེན་སྒྲུབ་ལས་སྦྱོར་རྣམས་ཀྱང་ལག་ཏུ་བསྟར་བའི་ཉམས་འོག་ཏུ་ཆུད་ཅིང་མཆོད་རྟེན་བཅས་ཆོག་ཆེན་མོ་དང་། གནམ་ལྕགས་ཨུརྨོ། མནན་པ་རི་རབ་སྟོབས་ཆེན་སོགས་ལས་སྦྱོར་མང་པོ་ལག་ཏུ་བླངས་པས་དགྲ་སྡེ་ཆམ་ལ་ཕབ་པའི་ལག་རྗེས་ཙམ་ཡང་གདའོ། །ལྕགས་སྡིག་རང་ལུགས་ཁོ་ནར་བརྟེན་པའི་ཕྱག་ལེན་རྒྱས་འབྲིང་བསྡུས་གསུམ་འཁོར་ལོ་བཅུ་གསུམ་ཡོངས་རྫོགས་སུ་བཅའ་བ་སོགས་ཀྱི་ཕྱག་བཞེས་དམར་འཁྲིད་ནི་རིགས་འཛིན་ལེགས་ལྡན་རྡོ་རྗེ་ཡན་གོང་ལྟར་ལ། ཆོས་རྒྱལ་འབྲི་གུང་པ་རིན་ཅེན་ཕུན་ཚོགས། བླ་མ་རིན་ཅེན་དཔལ། མཚུངས་མེད་སངས་རྒྱས་རིན་ཅེན། འབྲི་གུང་པ་སྔགས་འཆང་ཆོས་ཀྱི་གྲགས་པ། དེས་བདག་ལ་ཞལ་ཤེས་རྣམས་མཐའ་ཆོད་པར་སྩལ་ཞིང་དེ་དོན་
བསྡེབས་ནས་ཁྲིགས་ཁ་རིན་ཅེན་འཕྲེང་བའི་གསལ་བྱེད་རྡོ་རྗེ་འབར་བའི་མཚོན་རྣོན་ཞེས་བྱ་བའི་དགོངས་གཏེར་གྱི་བསྟན་བཅོས་ཀྱང་མཛད་དོ། །དེ་ཡང་བཀའ་འབྱེད་ལས། ཡང་རྫོང་སེང་གེའི་རྫོང་ཆེན་དུ༔ བྱང་ཆུབ་སྒྲུབ་ཅིང་ཡོད་ཙ་ན༔ མངའ་བདག་རྒྱལ་པོའི་བང་ཆེན་བྱུང་༔ བསམ་ཡས་མཐིལ་དུ་སྤྱན་དྲངས་ནས༔ དབུ་རྩེ་བྱ་འདབ་ལྷོ་ངོས་སུ༔ ཟབ་ཆེན་སེང་རིས་གདན་དུ་བཏིངས༔ གཡུ་དམར་བྱ་མགོ་ཕྱག་ཏུ་ཕུལ༔ ལྷ་ཕྱག་བྱས་ནས་འདི་སྐད་གསུངས༔ ཞེས་པ་ལྟར་མངའ་བདག་དཔལ་འཁོར་བཙན་གྱིས་གནུབས་ཆེན་ལ་ལྕགས་སྡིག་གི་སྐོར་རྣམས་ཞུས་ནའང་གནམ་ལྕགས་ཨུར་འདྲའི་ཆོས་སྐོར་ཞིག་གཏད་ནས་སྡིག་པའི་ཆོས་རྣམས་གཏེར་དུ་སྦས་པར་གསུངས་པས་སློབ་དཔོན་འདི་ཁྲི་སྲོང་ལྡེ་བཙན་ནས་བཟུང་དཔལ་འཁོར་བཙན་གྱི་བར་དུ་བྱུང་བ་ལ་བརྟེན་མཁས་པ་རྣམས་དཔྱད་གཞི་ཆེ་བར་མཛད་ཀྱང་བཀའ་ཤོག་རྒྱ་བོ་ཆེར། ཀླུ་མལ་དྲོ་གཟི་བྱིན་གྱིས། རིག་པ་རང་དབང་ཐོབ་པའི་སློབ་དཔོན་སངས་རྒྱས་ཁྱོད༔ མྱ་ངན་མ་འདའ་སེམས་ཅན་དོན་ལ་བཞུགས༔ ཞེས་ཞུས་པའི་ལན་དུ་ཇི་ཙམ་བར་དུ་སྡོད་པའི་དབང་ཡོད་ཀྱང་༔ ཕྱག་ན་རྡོ་རྗེའི་དབང་གི་བཀའ་མི་བཅོག །ཅེས་དང་། ཆ་ཀའི་ཐེམས་བྱང་ལས། ལོ་གྲངས་བརྒྱ་དང་བཅུ་གཉིས་ལོན་པ་ན༔ ཞེས་ཡོད་པས་ཚེའི་རིགས་འཛིན་ལ་མངའ་བརྙེས་པའི་ཕྱིར་ཁྲི་སྲོང་ལྡེ་བཙན་གྱི་དུས་ནས་བཟུང་དཔལ་འཁོར་བཙན་གྱི་བར་དུ་བཞུགས་པར་མངོན་ལ། སླད་ནས་འབྱུང་འགྱུར་གྱི་ཡང་བཟློག་ཁྲོ་ཆུ་སོགས་ཀྱང་རྒྱལ་ཁྲིམས་ཞིག །ཕྱོགས་རིས་ཀྱི་འཁྲུག་པ་རྣམས་དར་བའི་དུས་སུ་སློབ་དཔོན་འདིས་བལ་ཡུལ་ནས་གདམས་པ་རྣམས་སྤྱན་དྲངས་པར་ངེས་
སོ། །