སྤྲུལ་སྐུ་རིགས་འཛིན་ཆེན་པོས་སྤྱན་དྲངས་པའི་རིགས་འཛིན་གདུང་སྒྲུབ་བམ་རིགས་འཛིན་ཡོངས་རྫོགས་ཀྱི་སྐོར།
རིགས་འཛིན་རྩ་བའི་ཐེམས་ལས། དབུས་ཀྱི་སྙིང་མཛོད་སྨུག་པོ་ན༔ བླ་མ་རིགས་འཛིན་སྤྲུལ་པའི་སྐུ༔ གསང་བ་ཐུགས་ཀྱི་སྒྲུབ་ཐབས་ཡོད༔ ཅེས་པ་ལྟར་དབུས་སྙིང་མཛོད་སྨུག་པོ་ནས་སྤྲུལ་སྐུ་རིགས་འཛིན་ཆེན་པོས་སྤྱན་དྲངས་པའི་རིགས་འཛིན་གདུང་སྒྲུབ་བམ་རིགས་འཛིན་ཡོངས་རྫོགས་ཀྱི་སྐོར་ལ། རས་བྲིས་ཀྱི་དཀྱིལ་འཁོར་ལ་བརྟེན་ནས་སློབ་མ་སྟ་གོན་སྔོན་དུ་འགྲོ་བའི་བུམ་དབང་། ལྷ་དབང་། རྫས་དབང་། རྒྱན་དབང་། གསང་དབང་། རབ་འབྱམས་བཀའི་དབང་། བུམ་པ། ཐོད་པ། མེ་ལོང་། གཏོར་མ་བཅས་བཞི་ལ་བརྟེན་ནས་རིགས་འཛིན་རྩ་བའི་དབང་ངམ་ཟླུམ་པོ་བཞི་དབང་དུ་གྲགས་པ། སྐུ་གསུང་ཐུགས་ཀྱི་གཏོར་དབང་གི་སྨིན་བྱེད་དང་ཤིན་ཏུ་གཅེས་པའི་ཐེམས་བྱང་གི་དགོངས་དོན་ལྟར་ཀ་དག་གི་དམིགས་རིམ་ཡེ་ཤེས་ལྔའི་
ངོ་སྤྲོད་ཀྱི་ཉམས་འཁྲིད་ཟབ་མོ་མནོས་ནས། རྒྱབ་རྟེན་ལུང་གི་སྐོར་ལ། རིགས་འཛིན་རྩ་བ་སྒྲུབ་པའི་ཐེམས་བྱང་། བླ་མའི་ཐུགས་ཀྱི་སྒྲུབ་པ་ཐམས་ཅད་ཀྱི་རྩ་བ་རིན་པོ་ཆེ་འབར་བ་ཞེས་པ་རིགས་འཛིན་འདུས་པའི་རྩ་བའི་རྒྱུད་ལེའུ་བཞི། རིགས་འཛིན་ཡོངས་རྫོགས་རབ་འབྱམས་བཀའི་དབང་ཆོག །རིགས་འཛིན་ཡོངས་རྫོགས་རྩ་བའི་དབང་ཆོག་ཅེས་པ་ཟླུམ་པོ་བཞི་དབང་གི་སྨིན་བྱེད་གུ་རུ་ཞི་བའི་གཏོར་དབང་ཐོབ་ཆོག་བློ་བདེ། སྐུ་གསུང་ཐུགས་ཀྱི་གཏོར་མའི་དབང་ཆོག །གུ་རུ་ཞི་བ་རིགས་འདུས་ཀྱི་དབང་ཆོག་དབང་ལུང་ཐམས་ཅད་ཀྱི་རྩ་བ་ཡིན་ཚུལ་དང་དབང་ཐོབ་ནས་སྙིང་པོ་བརྒྱ་རྩ་ཆག་མེད་དགོས་ཚུལ་གྱི་མཐའ་ཅན། རིགས་འཛིན་ཞི་བ་རྩ་བའི་སྒྲུབ་ཐབས་ཆོས་རྒྱལ་རྗེ་འབངས་ཉེར་ལྔར་གདམས་པའི་སྙན་བརྒྱུད། ཕྱི་ནང་གསང་གསུམ་གྱི་ཐུགས་སྒྲུབ་ལས། ཕྱི་སྐུ་འབག་ལ་བརྟེན་ནས་སྒྲུབ་པ་སྐུ་འབག་བཞེད་ཚུལ། རབ་གནས། དངོས་གཞི་རླུང་སྦྱོར་ལ་བརྟེན་པའི་ཉམས་ལེན། ནང་གཏོར་མ་ལ་བརྟེན་ནས་སྒྲུབ་པ། གཏོར་མ་བཅའ་ཚུལ་དང་སྤྱན་འདྲེན། གསང་བ་ཛ་གད་ལ་བརྟེན་ནས་སྒྲུབ་པ་བཅས་དང་། དངོས་གྲུབ་བསྐུལ་བ་རྗེ་འབངས་བདུན་གྱིས་གསོལ་བ་བཏབ་ནས་གནང་བ། སློབ་དཔོན་ཆེན་པོར་རྒྱལ་པོ་ཨིནྡྲ་བྷུ་ཏིས་འཕྲིན་ལས་གཞིའི་སྒོ་ནས་བསྟོད་པ། སློབ་དཔོན་པདྨ་འབྱུང་གནས་ཀྱི་སྙིང་པོ་ཐུགས་ཀྱི་སྒྲུབ་པ་རྗེ་འབངས་བདུན་ལ་གནང་བ་གསང་མཚན་ཐུགས་ཀྱི་སྙིང་པོ་མངའ་བདག་ལ་གནང་ཞིང་མཇུག་ཏུ་སློབ་དཔོན་ཆེན་པོར་བཀའ་དྲིན་ཆེ་ཚུལ་གྱི་བསྟོད་པ་ཕུལ་བ། རིགས་འཛིན་རྩ་བའི་སྒྲུབ་པའི་ཐོག་མར་རིགས་འཛིན་རྣམ་བཞི་སྤྱི་སྒྲུབ་ཀྱི་གོ་རིམ་ངེས་པར་
བྱེད་པ། ཕྱི་སྐུ་འབག་ལ་བརྟེན་ནས་སྒྲུབ་པའི་གསལ་བྱེད་ཀྱི་སྐུ་བྲི་བ་ལེའུ་དང་པོ། རབ་ཏུ་གནས་པ་ལེའུ་གཉིས་པ། བསྙེན་པའི་ལེའུ་སྟེ་གསུམ་གྱིས་བསྟན་པ། འདིའི་སྐབས་ནང་གཏོར་མར་བརྟེན་ནས་སྒྲུབ་པ་ལོགས་སུ་འབྱུང་ཞེས་པ་ནི་འོག་ནས་འབྱུང་བའི་འཕྲིན་ལས་ཆེན་མོར་ངོས་འཛིན། མཚན་བརྒྱད་བྱེ་བྲག་ཏུ་སྒྲུབ་པ་ལ་པདྨ་འབྱུང་གནས་ལ་བརྟེན་ནས་མཆོག་གི་དངོས་གྲུབ་བསྒྲུབ་པ། པདྨ་སཾ་བྷ་ལ་བརྟེན་ནས་ཡོན་ཏན་སྣ་ཚོགས་སྒྲུབ་པ། བློ་ལྡན་མཆོག་སྲེད་ལ་བརྟེན་ནས་ཤེས་རབ་བསྒྲུབ་པ། པདྨ་རྒྱལ་པོར་བརྟེན་ནས་འགྲོ་བ་དབང་དུ་བསྡུ་བ། ཉི་མ་འོད་ཟེར་ལ་བརྟེན་ནས་འགྲོ་བ་འདུལ་བ། ཤཱཀྱ་སེང་གེ་ལ་བརྟེན་ནས་བདུད་བཞི་གཞོམ་པ། སེང་གེ་སྒྲ་སྒྲོག་ལ་བརྟེན་ནས་མུ་སྟེགས་རྩོད་པ་བཟློག་པ། རྡོ་རྗེ་གྲོ་ལོད་ལ་བརྟེན་ནས་དགྲ་བགེགས་ཚར་གཅོད་པ། འཛབ་ཀྱི་དགོངས་པ་ལ་ཕྱི་ལྟར་གསོལ་འདེབས་ཀྱི་ཚུལ་དུ་བཟླ་བའི་འཛབ་དགོངས། ནང་ཏིང་འཛིན་གྱི་འཕྲོ་འདུའི་འཛབ་དགོངས། གསང་བ་བདེ་བ་ཆེན་པོར་བཟླ་བ་རིགས་འཛིན་བླ་མའི་རྫོགས་རིམ་ཁྱད་པར་ཅན། ཡོལ་མོ་སྤྲུལ་སྐུ་བསྟན་འཛིན་ནོར་བུས་མཛད་པའི་བརྒྱུད་འདེབས་རང་རིག་ཀུན་ཁྱབ་མ། བླ་མ་མཆོད་པའི་འཕྲིན་ལས་ཆེན་མོ། བྱིན་འབེབས་ཆོས་དབྱིངས་མ། བརྒྱུད་འཛབ་རང་བཞིན་རྣམ་དག་མ། རྟགས་བསྟོད་སྐུ་གསུམ་ཡོངས་རྫོགས་མ། གཏོར་མའི་བསྟོད་པ་མ་བཅོས་མ། བཤགས་པ་མ་བཅོས་སྤྲོས་བྲལ། སྨོན་ལམ་བླ་མ་ཡི་དམ་མ། ཤིས་བརྗོད་དུས་གསུམ་བླ་མ། གཤིན་པོ་རྗེས་འཛིན། རིགས་དྲུག་ནས་འདྲེན་པའི་གནས་ལུང་། རབ་གནས་ཀྱི་ཆོ་ག་བསེ་སྒྲོན་མ། ལས་ཚོགས་ནོར་བུའི་འཕྲེང་བ་ལ་ཞི་རྒྱས་དབང་དྲག་གི་ལས་སྦྱོར། ཕྱོགས་
ངན་གཟའ་སྐར་བསྲུང་བ། ཟས་ནོར། འགྲོ་བ། དམ་ཆོས་རྣམས་དབང་དུ་བསྡུ་བ། མངོན་ཤེས་འཆར་བ། བླ་མ་དགྱེས་པ། ཤེས་རབ་བསྐྱེད་པ། བུད་མེད་དང་མི་སྤྱི་དགའ་བ། ཟས་རྙེད་པ། མི་ཐམས་ཅད་རང་ལ་ཉན་པ། དགྲ་དབང་དུ་སྡུད་པ། རྒྱན་དང་ཞལ་ལྕེ་རྒྱལ་བ། སྐད་སྨན་དོན་ཐམས་ཅད་འགྲུབ་པ། གྲུ་མི་རྡིབ་པ། ཆུས་མི་འཁྱེར་བ། གསང་གཏམ་ཐོས་པ། ལྷ་འདྲེ་མཐོང་བ། བར་ཆད་བསྲུང་བ། མི་རྒོད་འཆིང་བ། གཅན་གཟན་བསྲུང་བ། ལམ་བསྲུང་། སྤྱང་ཀི་ཁ་འཆིང་། ར་ལུག་བསྲུང་བ། སེར་བསྲུང་། ཆར་གཅོད། ཆར་འབེབས། ཁམས་བསྲུང་བ། རླིག་སྐྲངས་འཆོས་པ། ཕོ་མོ་དབང་སྡུད། བྱིས་པ་ཐོན་པ། རྡེལ་ནད་འདོན་པ། ཆུ་བསྡམས་པ་འགྲོལ་བ། ཚ་གྲང་ནད་རྣམས་བྱང་ཐབས། ཕོ་སྐྲན་མ་ཞུ་བ་ཞི་བ། གློ་སྙིང་ན་བ་བྲང་ཚ་བ། རླུང་གི་ནད་རྣམས་སེལ་ཐབས། མིག་གསལ་བ། རྣ་བ་འོན་པ་འཆོས་པ་རྣམས་ལེགས་པར་ཐོབ་པ་ལས་གཏོར་དབང་བསྡུས་པ་དང་ཉམས་འཁྲིད་མ་གཏོགས་དབང་ལུང་ཡོངས་རྫོགས་ཀྱི་བརྒྱུད་པ་ནི། ཆོས་སྐུ་ཀུན་བཟང་། ལོངས་སྐུ་རྒྱལ་བ་རིགས་ལྔ། སྤྲུལ་སྐུ་གསང་བའི་བདག་པོ། སྐལ་ལྡན་རྒྱལ་པོ་ཛ། རྒྱལ་པོ་ཨིནྡྲ་བྷུ་ཏི། སྤྲུལ་སྐུ་དགའ་རབ་རྡོ་རྗེ་སྟེ་མཆོག་སྤྲུལ་ལྔ། སློབ་དཔོན་འཇམ་དཔལ་བཤེས་གཉེན། སློབ་དཔོན་ནཱ་ག་རྫུ་ན། སློབ་དཔོན་ཧཱུྃ་ཀ་ར། པཎ་ཆེན་བི་མཱ་མི་ཏྲ། སློབ་དཔོན་པྲ་བྷ་ཧསྟི། སློབ་དཔོན་དྷ་ན་སཾ་སྐྲྀ་ཏ། སློབ་དཔོན་རོམ་བུ་གུ་ཡ་ཙནྡྲ། པཎ་ཆེན་ཤིནྟཾ་གརྦྷ་སྟེ་དཔལ་གྱི་སྤྲུལ་པ་རྣམ་བརྒྱད། ཨོ་རྒྱན་སངས་རྒྱས་གཉིས་པ། ཇོ་བོ་ཡེ་ཤེས་མཚོ་རྒྱལ། མངའ་བདག་ཁྲི་སྲོང་ལྡེ་བཙན། ལྷ་སྲས་མུ་ཏིག་བཙན་པོ། གནུབས་ནམ་མཁའི་སྙིང་པོ། སྣ་ནམ་རྡོ་རྗེ་
བདུད་འཇོམས་ཏེ་དག་པའི་འཁོར་ལྔ། གཏེར་སྟོན་དངོས་གྲུབ་རྒྱལ་མཚན། སྲས་མཆོག་རྣམ་རྒྱལ་མགོན་པོ། དྲན་མཆོག་སངས་རྒྱས་དབོན་ཆེན། མཚན་ལྡན་བྱམས་པ་བཤེས་གཉེན། དྲིན་ཅན་སངས་རྒྱས་དཔལ་བཟང་། སྔགས་འཆང་ཆོས་རྒྱལ་བསོད་ནམས། རིགས་འཛིན་སངས་རྒྱས་བསྟན་པ། ཡོལ་མོ་སྔགས་འཆང་ཤཱཀྱ་བཟང་པོ། མཆོག་སྤྲུལ་ལེགས་ལྡན་རྡོ་རྗེ། ཆོས་རྒྱལ་བཀྲ་ཤིས་སྟོབས་རྒྱལ། རིགས་འཛིན་ངག་གི་དབང་པོ། ཟུར་རྡོ་རྗེ་འཆང་ཆོས་དབྱིངས་རང་གྲོལ། དེས་བདག་ཟ་ཧོར་བནྡེ་ལའོ། །དེ་ཡང་སྤྲུལ་སྐུ་རིགས་འཛིན་ཆེན་པོས་ཟླུམ་པོ་བཞི་དབང་གིས་ཆོས་སྒོ་ཕྱེ་ནས་དགུང་ལོ་དོན་བརྒྱད་ཀྱི་བར་རབ་འབྱམས་བཀའི་དབང་མ་གནང་བར་དོན་དགུའི་ཐོག་དྲན་མཆོག་སངས་རྒྱས་དབོན་ཆེན་རྡོ་རྗེ་དཔལ་གྱིས་གསོལ་བ་བཏབ་སྟེ་དབང་ཆེ་བ་འདི་གནང་བ་ཡིན་པས་རྡོ་རྗེ་དཔལ་ངེས་པར་བརྒྱུད་དགོས་ཤིང་། ཡང་རབ་འབྱམས་བཀའི་དབང་མ་གཏོགས་པ་དབང་གི་བརྒྱུད་པ་གཅིག་ལ། གཏེར་སྟོན་ནས་སྲས་མཆོག་རྣམ་རྒྱལ་མགོན་པོ། རིགས་འཛིན་གསང་སྔགས་སྡོང་པོ། བླ་མ་དཔལ་ལྡན་རྒྱལ་མཚན། ཆོས་རྗེ་རྒྱལ་མཚན་འབུམ། སྔགས་འཆང་བསམ་གྲུབ་རྒྱལ་མཚན། མཚུངས་མེད་དཔལ་ལྡན་སེང་གེ །གྲུབ་ཆེན་དཀོན་ཅོག་སྐྱབས། མངའ་རིས་པཎ་ཆེན་རིན་པོ་ཆེ། ལེགས་ལྡན་བདུད་འཇོམས་རྡོ་རྗེ་མན་སྔར་བཞིན་ནོ། །ཡང་ན་སྲས་མཆོག་ནས། རྡོར་འཆང་བསོད་ནམས་བཟང་པོ། གུ་རུ་དབང་ཕྱུག་མགོན་པོ། བླ་མ་རྡོ་རྗེ་རྒྱལ་མཚན། རིགས་འཛིན་ཆོས་རྒྱལ་བསོད་ནམས་མན་སྔར་དང་འདྲ། སྐུ་གསུང་ཐུགས་ཀྱི་གཏོར་དབང་དང་འཁྲིད་ཀྱི་བརྒྱུད་པ་ནི། གཏེར་སྟོན་ནས་སྔགས་འཆང་རྡོ་རྗེ་དཔལ། མཚན་ལྡན་བྱམས་པ་
བཤེས་གཉེན། དྲིན་ཅན་སངས་རྒྱས་དཔལ་བཟང་། ཐུགས་སྲས་ནམ་མཁའ་རྒྱལ་མཚན། གནུབས་ཆེན་ངག་དབང་རྒྱ་མཚོ། སྐྱི་སྟོན་ཚེ་རིང་དབང་པོ། རང་གྲོལ་ཀླུ་སྒྲུབ་དབང་པོ། ཟུར་ཆེན་ངག་དབང་ཕུན་ཚོགས། ཟུར་ཐམས་ཅད་མཁྱེན་པ་ཆོས་དབྱིངས་རང་གྲོལ། དེས་བདག་ལའོ། །ཟློག་བྱེད་གྱད་ཀྱི་འཁོར་ལོའི་ལོ་རྒྱུས་ལས། ཕྱི་ཡི་འཆི་བདག་གཤིན་རྗེ་དེ༔ གྱད་ཀྱི་མན་ངག་འདི་ཡིས་བཟློག༔ ནང་གི་དབང་པོ་སྲོག་གི་རྟེན༔ བཅུད་ལེན་རྫས་དང་སྨན་གྱིས་གསོ༔ གསང་བ་ཚེ་ཡི་དྭངས་མ་དེ༔ བསྐྱེད་རིམ་དབང་དང་རླུང་གིས་གསོ༔ དེ་ཚེ་བག་ཆགས་དག་པར་འགྱུར༔ ཞེས་པའི་ཟབ་ཆོས་སྤྲུལ་སྐུ་རིགས་འཛིན་ཆེན་པོས་དབུས་སྙིང་མཛོད་སྨུག་པོ་ནས་གདན་དྲངས་པའི་མགོན་པོ་ཚེ་དཔག་མེད་ནང་ལོངས་སྤྱོད་རྫོགས་སྐུའི་ཆོས་སྐོར་ལ། རས་བྲིས་ཀྱི་དཀྱིལ་འཁོར་དུ་གཏེར་གཞུང་གི་སྒྲུབ་ཐབས་པདྨའི་འཕྲེང་བ་དང་འཕྲིན་ལས་གཉིས་གཏེར་སྟོན་གྱིས་བསྡེབས་པའི་ཆོག་བསྒྲིགས་ཀྱི་སྟེང་ནས་སྨིན་བྱེད་དབང་དང་། སྙན་བརྒྱུད་འཆི་མེད་འོད་སྣང་གི་སྟེང་ནས་ཕྱི་ལུས་ཀྱི་དཀྱིལ་འཁོར་ལ་བརྟེན་ནས་ཚེ་བསྲིང་བ། ནང་རྩ་ཁམས་ཡི་གེའི་བཟླས་པ་ལ་བརྟེན་ནས་ཚེ་བསྒྲུབས་ཏེ་སྐུ་གསུམ་མྱུར་དུ་སྒྲུབ་པའི་ཐབས། གསང་བ་སྲོག་མི་ཤིགས་པ་ཐིག་ལེ་ལ་བརྟེན་ནས་འཆི་མེད་རྡོ་རྗེའི་སྐུ་སྒྲུབ་ཐབས་ཐོད་རྒལ་སྣང་བཞིའི་ཉམས་འཁྲིད་ཟབ་མོ་སྨིན་རྒྱས་སུ་མནོས་ནས། རྒྱབ་རྟེན་ལུང་གི་སྐོར་ལ། བཅུད་ལེན་གྱི་སྒྲུབ་སྐོར། ལོངས་སྤྱོད་རྫོགས་སྐུར་བརྟེན་པའི་སྒྲུབ་སྐོར། ཤིན་ཏུ་ཟབ་པ་སྙན་བརྒྱུད་ཀྱི་སྐོར་དང་གསུམ། དང་པོ་ལ། བདུད་རྩི་ཚེའི་སྒྲུབ་ཐབས་ལ་ནང་གསེས་ཀྱི་སྨན་གྱི་བཅུད་ལེན་སྦྱོར་ཐབས། སྒྲུབ་
རྫས་བཤམས་ཐབས། རྒྱལ་བ་རིགས་ལྔ་ལ་བརྟེན་པའི་སྒྲུབ་པ་དངོས། རྟགས་མཚན་ཐོབ་ནས་བདག་དོན་དུ་བཅུད་ལེན་གྱི་དབང་བསྐུར་བའི་ཆོ་ག །གཞན་དོན་དུ་དབང་བསྐུར་བའི་ཁ་བསྒྱུར། དམ་ཚིག་བསྟན་པ། བཅུད་ལེན་མན་ངག་བདུད་རྩི་སྦྱོར་ཐབས་རླུང་ལ་བརྟེན་པའི་ཚེ་སྒྲུབ་བམ་བཅུད་ལེན་རྣམས། གཉིས་པ་ནང་ལོངས་སྤྱོད་རྫོགས་སྐུར་བརྟེན་པའི་སྒྲུབ་སྐོར་ལ། ཚེའི་གཟུངས་སྒྲུབ་ཚེ་དང་ཡེ་ཤེས་དཔག་ཏུ་མེད་པ་ཞེས་པ་ཐེག་པ་ཆེན་པོའི་མདོ་གཟུངས། ཚེའི་གཟུངས་ཀྱི་འཕྲོ་འདུ་བསྒོམ་པའི་མན་ངག་ཁྱད་པར་ཅན། ཚེའི་འཁོར་ལོ་འདྲི་ཐབས་དཔེ་རིས་དང་བཅས་པ། ཚེ་དཔག་མེད་ལོངས་སྐུར་སྒྲུབ་པའི་ཚེ་སྒྲུབ་རྩ་བ། དེའི་སྒྲུབ་ཐབས་དང་དབང་གི་ཆོ་ག་པདྨའི་འཕྲེང་བ། འདི་ལ་སྒྲུབ་ཐབས་ཀྱི་འགྲེལ་པ་ཡང་ཟེར། སྒྲུབ་ཐབས་ཀྱི་འཕྲིན་ལས། ཚེ་བཀྲ་བརྟག་པ། སྒྲུབ་ཐབས་དང་འཕྲིན་ལས་སྤྲུལ་སྐུ་རིགས་འཛིན་ཆེན་པོས་ཆོག་བསྒྲིགས་སུ་མཛད་པ། རྨི་ལམ། དབང་པོའི་ཡུལ། ཚེ་གཟུགས་ལ་བརྟེན་ནས་འཆི་བ་བརྟག་བླུ། ཟློག་བྱེད་གྱད་ཀྱི་འཁོར་ལོའི་ལོ་རྒྱུས། འཆི་བདག་བཟློག་པའི་ཆོ་ག་གྱད་ཀྱི་སྟོབས་ཆེན་འབྱུང་ལྔའི་འཁོར་ལོ་གླུད་བཅའ་བ་དང་གྱེར་གཞུང་། འཆི་བདག་བཟློག་པའི་ཆོ་ག་སྟོབས་ཆེན་གྱད་ཀྱི་མན་ངག་ཅེས་པ་བཅའ་གཞི་དངོས་དང་གྱེར་གཞུང་། སྲིད་པའི་འཁོར་ལོ་འདྲི་བའི་ཡི་གེ་དཔེ་རིས་དང་བཅས་པ་རྣམས། གསུམ་པ་ཤིན་ཏུ་ཟབ་པ་སྙན་བརྒྱུད་ཀྱི་སྐོར་ནི། ཐུགས་སྒྲུབ་ཚེའི་སྙན་བརྒྱུད་འཆི་མེད་འོད་ཀྱི་སྣང་བ་ཞེས་པ་རི་བོ་མ་ལ་ཡའི་བཀྲ་ཤིས་ཟླ་གམ་ཕུག་པར་ཀུན་བཟང་རིགས་ལྔའི་སངས་རྒྱས་དང་བཅས་པ་སློབ་དཔོན་ཆེན་པོས་དངོས་སུ་ཞལ་མཇལ་ཏེ་ཞུས་པའི་ཟབ་ཆོས་རྣམས་
ལེགས་པར་ཐོབ་པའི་དབང་དང་གཏེར་སྟོན་གྱིས་མཛད་པའི་ཆོག་བསྒྲིགས་ཀྱི་ལུང་བརྒྱུད་ནི། ཆོས་སྐུ་ཀུན་ཏུ་བཟང་པོ། སངས་རྒྱས་སྣང་བ་མཐའ་ཡས། མགོན་པོ་ཚེ་དཔག་མེད་རིགས་ལྔ། འཆི་མེད་པདྨ་འབྱུང་གནས། རྒྱལ་ཡུམ་ཡེ་ཤེས་མཚོ་རྒྱལ། གཏེར་སྟོན་རིགས་འཛིན་ཡབ་སྲས། དབོན་རྡོ་རྗེ་དཔལ། མཚན་ལྡན་བྱམས་པ་བཤེས་གཉེན། དྲིན་ཅན་སངས་རྒྱས་དཔལ་བཟང་། སྔགས་འཆང་ཆོས་རྒྱལ་བསོད་ནམས། རིགས་འཛིན་སངས་རྒྱས་བསྟན་པ། འཁྲུལ་ཞིག་དཀོན་ཅོག་བཟང་པོ། ཚར་ཆེན་རྡོ་རྗེ་འཆང་། ཐམས་ཅད་མཁྱེན་པ་མཁྱེན་བརྩེའི་དབང་ཕྱུག །རྡོ་རྗེ་འཆང་དབང་ཕྱུག་རབ་བརྟན། ཁྱབ་བདག་མགོན་པོ་བསོད་ནམས་མཆོག་ལྡན། རྩ་བའི་བླ་མ་ཀུན་མཁྱེན་ཆོས་དབྱིངས་རང་གྲོལ། དེས་བདག་ཟ་ཧོར་བནྡེ་ལའོ། །ཡང་ན་རིགས་འཛིན་ཆོས་རྒྱལ་བསོད་ནམས་ནས། དེ་སྲས་སྔགས་འཆང་ཆེན་པོ་ཆོས་སྐྱོང་བསོད་ནམས། འཇམ་མགོན་མཁྱེན་བརྩེ་མན་གོང་བཞིན། ཉམས་འཁྲིད་ཀྱི་བརྒྱུད་པ་ནི། དྲིན་ཅན་སངས་རྒྱས་དཔལ་བཟང་ཡན་གོང་ལྟར་ལ། ཐུགས་སྲས་ནམ་མཁའ་རྒྱལ་མཚན། གནུབས་ངག་དབང་རྒྱ་མཚོ། སྔགས་འཆང་ཚེ་རིང་དབང་པོ། རང་གྲོལ་ཀླུ་སྒྲུབ་ཆོས་ཀྱི་རྒྱལ་མཚན། ཟུར་ཆེན་ངག་དབང་ཕུན་ཚོགས། ཁྱབ་བདག་ཆོས་དབྱིངས་རང་གྲོལ། དེས་བདག་ལའོ། །གཏེར་སྟོན་གྱི་ཆོག་བསྒྲིགས་མ་གཏོགས་པའི་ལུང་ཡོངས་སུ་རྫོགས་པའི་བརྒྱུད་པ་ནི། གཏེར་སྟོན་ཡན་གོང་ལྟར་ལ། དཔལ་ལྡན་ནམ་མཁའ་གྲགས་པ། འཇམ་དབྱངས་བསོད་ནམས་རྒྱལ་མཚན། མཁས་གྲུབ་བྱ་བྲལ་ཆོས་རྗེ། བླ་མ་དཀོན་ཅོག་བློ་གྲོས། དཔང་སྟོན་བློ་གྲོས་དབང་
པོ། བྱ་བཏང་ཤཱཀྱ་དཔལ་བཟང་། ནུབ་དགོན་པ་ཆེན་པོ་བྱམས་པ་ཆོས་ཀྱི་རྒྱལ་མཚན། ཆོས་རྒྱལ་བཀྲ་ཤིས་སྟོབས་རྒྱལ། ཐུགས་སྲས་རིགས་འཛིན་ངག་གི་དབང་པོ། ཡོལ་མོ་སྤྲུལ་སྐུ་བསྟན་འཛིན་ནོར་བུ། རྩ་བའི་བླ་མ་ཆོས་དབྱིངས་རང་གྲོལ་དེས་བདག་ལའོ། །ཡང་ན་གཏེར་སྟོན་ནས། རྡོ་རྗེ་མགོན་པོ། བྱམས་པ་བཤེས་གཉེན། སངས་རྒྱས་དཔལ་བཟང་། ནམ་མཁའ་རྒྱལ་མཚན། སྔགས་འཆང་ཤཱཀྱ་བཟང་པོ། རིགས་འཛིན་ལེགས་ལྡན་རྡོ་རྗེ། ཆོས་རྒྱལ་མངྒའི་མཚན་ཅན་མན་གོང་བཞིན་ནོ། །ཡང་འཆི་བདག་བཟློག་པའི་སྐོར་གྱི་ལུང་བརྒྱུད་གཅིག་ལ། ཆོས་རྒྱལ་བཀྲ་ཤིས་སྟོབས་རྒྱལ་ནས། རིགས་འཛིན་གཞོན་ནུ་དོན་གྲུབ། རྩ་བའི་བླ་མ། དེས་བདག་ལའོ། །རིགས་འཛིན་རྩ་བའི་སྒྲུབ་པ་ལས། ལྷོ་ཕྱོགས་གསེར་མཛོད་སེར་པོ་ན༔ བླ་མ་དཔལ་ཆེན་ཧེ་རུ་ཀ༔ རྒྱལ་པོའི་ཚུལ་དུ་སྒྲུབ་པ་ཡོད༔ ཅེས་དང་། སྐུ་གསུང་ཐུགས་ཀྱི་གནད་འདུས་ལས། ལྷ་ཡི་བྱེ་བྲག་རང་བཞིན་བསམ་ཡས་ཀྱང་༔ ལྷ་ཡི་ངོ་བོ་རྡོ་རྗེ་སློབ་དཔོན་ཡིན༔ འདི་ལ་ལྷ་ཚོགས་གང་ཡང་མ་འདུས་མེད༔ སྔགས་ཀྱི་བྱེ་བྲག་རང་བཞིན་བསམ་ཡས་ཀྱང་༔ སྔགས་ཀྱི་སྙིང་པོ་ཡི་གེ་ཧཱུྃ་ལ་འདུས༔ བདེ་གཤེགས་སྙིང་པོ་མ་འདུས་གང་ཡང་མེད༔ ཐུགས་ཀྱི་དགོངས་པ་བརྗོད་བྲལ་བསམ་ཡས་ཀྱང་༔ ཀུན་བཟང་དགོངས་པ་སྟོང་གསལ་འཛིན་མེད་མ༔ ཆོས་ཉིད་འོད་གསལ་གང་ལའང་བསམ་དུ་མེད༔ ཅེས་པ་ལྟར་གསང་བ་ལས་ཀྱང་ཆེས་གསང་ཞིང་ཟབ་པ་ལས་ཀྱང་ཆེས་ཟབ་པའི་མན་ངག་སྤྲུལ་སྐུ་རིགས་འཛིན་ཆེན་པོས་ཕལ་ཆེར་ལྷོ་གསེར་མཛོད་སེར་པོ་ནས་སྤྱན་དྲངས་པའི་བླ་མ་རིགས་འཛིན་ཐུགས་སྒྲུབ་དྲག་
པོ་རྩལ་གྱི་ཆོས་སྐོར་ལ། ཐོག་མར་རས་ལས་བྱང་རྒྱས་འབྲིང་གང་རུང་གཞུང་བསྲངས་པའི་མངོན་རྟོགས་དབང་ཆོག་སོ་སོའི་དབུ་ན་ཡོད་པ་ལྟར་མཛད། བྲིས་ཀྱི་དཀྱིལ་འཁོར་དུ་འཇུག་ཅིང་དབང་བསྐུར་བ་སྟ་གོན་དང་བཅས་པའི་ཡི་གེའི་སྟེང་ནས་སྟ་གོན་གྱི་རིམ་པ་སྔོན་དུ་འགྲོ་བའི་ཆེ་བ་སྒྲུབ་ཆེན་བརྒྱད་ཀྱི་རྩ་བ་དྲིལ་བ་དྲག་པོ་རྩལ་གྱི་དབང་ཆོག་ཆེན་མོའི་སྟེང་ནས་བུམ་དབང་བཀྲ་བཟང་བའི་ཕྱག་ལེན་ལ་སྟ་གོན་དང་འཇུག་པ་རང་རང་ཤར་ནས་ཁ་འགེང་། གསང་དབང་། གཏུམ་མོའི་མེ་དབང་། ཤེར་དབང་བཀྲ་བཟང་པའི་ཕྱག་ལེན་འདི་དབང་ཆུ་ནས་ལེན། རིག་པའི་རྩལ་དབང་། གཏོར་མའི་དབང་སྟེ་སྒྲུབ་པ་བཀའ་བརྒྱད་དང་འབྲེལ་བའི་དབང་བཞི་ལན་བཞི་བཀྲ་བཟང་བའི་ཕྱག་ལེན་ལ་འདི་ལ་གཏོར་དབང་གནད་ཀྱི་ཤོག་གཅིག་མ་སྦྱོར། འབྲིང་པོ་དབང་ཆུའི་སྟེང་ནས་སྒྲུབ་པ་སྡེ་དྲུག་དང་འབྲེལ་བའི་བུམ་པ། གསང་བ། བཀྲ་བཟང་པའི་ལུགས་ལ་དབང་འབྲིང་པོ་འདི་མི་བསྐུར་ཚེ་གསང་དབང་མན་དབང་རྒྱས་པ་ལ་སྦྱོར་སྲོལ་ཡོད། ཤེས་རབ་ཡེ་ཤེས། རིག་པ་རྩལ་གྱི་དབང་རྣམས་ལན་གསུམ། ཆུང་བ་སྐུ་འབག །ཡིག་འབྲུ་མེ་ལོང་། གཏོར་མ་ལ་བརྟེན་པའི་བྱིན་རླབས་ཐུགས་རྗེའི་དབང་ལན་གསུམ། གཏེར་གཞུང་སོར་གནས་ལ་སེ་སྟོན་ཆེན་པོའི་དབང་གི་ཟིན་ཐོ་དང་ཕྱག་ལེན་ཇི་ལྟ་བའི་ཚེ་དཔག་མེད་ལྕགས་སྡོང་མའི་དབང་བརྒྱ་རྩ། བཀྲ་བཟང་པ་ཆོས་སྐྱོང་བསོད་ནམས་ཀྱི་ཕྱག་ལེན་ལྟར་ཚེ་དཔག་མེད་རིགས་བཞི་ཡུམ་བཅས་བསྐལ་བཟང་གི་སངས་རྒྱས་སྟོང་དང་སྒོ་མ་བཞིའི་བསྐྱེད་ཆོག་ཡོད་པའི་ལྕགས་སྡོང་མའི་དབང་། ལས་ཀྱི་བྱ་ཁྱུང་ནག་པོའི་གཏོར་དབང་རྣམས་མནོས་ཤིང་། ཡང་ཏིག་གཅེས་པའི་སྒྲོན་མེ་རིགས་འཛིན་བརྒྱུད་པའི་གསུང་རྒྱུན་གྱིས་བརྒྱན་ནས་ཉམས་
འཁྲིད་ལུས་ལྷའི་དཀྱིལ་འཁོར་དང་། ངག་སྔགས་ཀྱི་དཀྱིལ་འཁོར་ཕྱི་དམིགས་རིམ་སྔོན་དུ་འགྲོ་བའི་སྒོ་ནས་སེམས་ཆོས་ཉིད་ཀྱི་དཀྱིལ་འཁོར་རང་བཞིན་རྫོགས་པ་ཆེན་པོའི་གནས་ལུགས་གཏན་ལ་ཕབ་སྟེ་ཀ་དག་གཅེར་མཐོང་དུ་ངོ་སྤྲད། རྒྱབ་རྟེན་ལུང་གི་སྐོར་ལ། ཆོས་ཚན་ཉེར་ལྔ་འདིར་ཐེམས་དང་ཐེམས་མེད་གཉིས་ཡོད་པའི་དབང་གིས་རིགས་འཛིན་ཆེན་པོ། འཇམ་དབྱངས་མཁྱེན་བརྩེ། ཆོས་རྒྱལ་མངྒའི་མཚན་ཅན་སོགས་གོང་མ་མང་པོའི་གསན་ཡིག་ཏུ་སོ་སོར་འདུག་ནའང་། སེ་སྟོན་ཆེན་པོ་རིན་ཅེན་རྒྱལ་མཚན་གྱི་ཕྱག་རྒྱུན་བཞིན་མཚོ་སྨད་མཁན་ཆེན་དང་བླ་ཆེན་བཀྲ་བཟང་པའི་གསན་ཡིག་ཏུ་ཐེམས་དང་ཐེམས་གཉིས་འཁྲུགས་བསྡེབས་སུ་སྣང་བ་རྟོགས་སླ་བར་མངོན་ཞིང་། དེ་དག་ལ་མཐུན་མི་མཐུན་ཅི་རིགས་འདུག་ནའང་ཞིབ་མོར་དཔྱད་ཅིང་ཆེ་འབྲིང་གི་དབྱེ་བ་ཡང་འཇམ་དབྱངས་མཁྱེན་བརྩེས་ཚར་ཆེན་དང་བཀྲ་བཟང་ཆོས་སྐྱོང་བསོད་ནམས་གཉིས་ལ་གསན་ཐོ་དང་། རིགས་འཛིན་ཆེན་པོའི་གསན་ཡིག །ཆོས་རྒྱལ་མངྒའི་མཚན་ཅན་གྱི་གསན་ཡིག་རྣམས་སུ་མཐུན་མི་མཐུན་ཅི་རིགས་བྱུང་བ་བློ་མིག་ཆུང་ངུས་ལེགས་པར་བརྟགས་ཏེ་བཀོད་པ་ལ། ཐུགས་སྒྲུབ་༼བྱང༽ཀྱི་ཐེམས་༼སེ༽བྱང་། འབྲིང་། དེ་ལས། དང་པོ་སྔོན་བྱུང་གླེང་གཞིའི་ཁུངས༔ གསལ་བར་བྱ་ཕྱིར་ལོ་རྒྱུས་ཡོད༔ ཅེས་པའི་ཐེམས་ཅན་བུ་ཚལ་གསེར་ཁང་གླིང་དུ་བདུད་བློན་རྣམས་བཏུལ་ཚུལ་དང་ཆོས་རྒྱལ་གྱི་མནལ་ལམ་དུ་ངོ་མཚར་བའི་བཀོད་པ་བསྟན་པ་སོགས་ཀྱི་གཏམ་རྒྱུད་ཐུགས་སྒྲུབ་རྣམ་གསུམ་གྱི་ལོ་རྒྱུས་༼ཡོལ༽༼སེ༽སུ་གྲགས་པ་འབྲིང་ཐེམས་མེད་ལ། ཐུགས་སྒྲུབ་རྩ་བ་བརྒྱུད་པའི་ལོ་
རྒྱུས་རྡོ་རྗེ་ཕུར་པ་ཧེ་རུ་ཀ་ལས་ཀྱི་རྒྱལ་པོ་ཐུགས་ཀྱི་སྒྲུབ་ཐབས་ཞེས་པ་བླ་མ་ཕུར་པ་དབྱེར་མེད་ཀྱི་ལོ་རྒྱུས་ཀརྨ་མཱ་ལེ་འཕྲིན་ལས་ཀྱི་རྒྱུད་དམ་༼ཡོལ༽༼སེ༽གསང་བ་རིན་ཅེན་འདུས་པའི་ལོ་རྒྱུས་སུ་གྲགས་པ། འབྲིང་། འདི་མཚོ་སྨད་མཁན་ཆེན་ཤཱཀྱ་དབང་ཕྱུག་གི་གསན་ཡིག་ན་ཆོས་ཚན་གཉིས་པར་ངོས་བཟུང་འདུག་པ་ཐེམས་ཡིག་གི་བརྗོད་བྱ་དང་འགལ་བར་མངོན། དེ་དང་བརྗོད་དོན་ཆ་འདྲའི་རྡོ་རྗེ་ཐུགས་ཀྱི་སྒྲུབ་༼བྱང༽༼སེ༽པའི་ལོ་རྒྱུས་འབྲིང་། ལས་ཅན་མིན་པ་སུ་རུང་རུང་དང་ངའི་ཐུགས་སྒྲུབ་འདི་མི་ཕྲད་པའི་མཐའ་ཅན། བྱང་ཁོག་ལུས་དང་དཔེ་མཐུན་པའི༔ སྐུ་གསུང་ཐུགས་ཀྱི་གནད་འདུས་ཡོད༔ ཅེས་པའི་ཐེམས་ཅན་སྐུ་གསུང་ཐུགས་ཀྱི་གནད་འདུས་ལ་རྡོ་རྗེ་ཧེ་རུ་ཀ་ཐུགས་ཀྱི་སྒྲུབ་ཐབས་ཡང་ཏིག་༼བྱང༽༼སེ༽གསང་བ་གསེར་གྱི་འབྲུ་གཅིག་མ་འབྲིང་། འདི་སྔགས་འཆང་བཀྲ་བཟང་པའི་གསན་ཡིག་ན་ཐེམས་མེད་དུ་མཛད་པའི་ཟླར་དཀྱིལ་འཁོར་བཅུད་དྲིལ་དང་། ཐེམས་ཅན་ལ་སྐུ་གསུང་ཐུགས་ཀྱི་གནད་འདུས་ཟེར་བ་ཞིག་འདུག་པར་ད་ལྟ་དཔེ་རྒྱུན་ལ་ལར་ཕལ་ཆེར་ཧེ་རུ་ཀའི་ཐུགས་སྒྲུབ་འདི་དང་ཞུས་དག་ཕེར་བའི་མིང་མི་གཅིག་པ་གཅིག་དང་། གསང་བ་རིན་ཆེན་འདུས་པར་མཇུག་ཏུ་འདྲ་མིན་ཅུང་ཟད་ཡོད་པའི་བཅུད་དྲིལ་དུ་མིང་བཏགས་པ་ཞིག་འདུག་པ་དེ་གཉིས་ནི་མ་དག་པའི་རྒྱུན་འབྱམས་འཁྱར་བ་འདྲ་ལས་བརྗོད་དོན་ལྷག་པོ་གང་ཡང་མ་མཐོང་ཞིང་། དེ་ལས་གཞན་པ་མ་རྙེད་འོན་ཀྱང་བཀྲ་བཟང་པ་ཆེན་པོ་ཕྱོགས་འདིར་ཚད་ཐུབ་ཀྱི་མཁས་པར་འདུག་པས་དཔྱད་པར་བྱའོ། །ཙིཏྟ་སྙིང་དང་དཔེ་མཐུན་པའི༔ གསང་བ་རིན་ཅེན་འདུས་པ་ཡོད༔ ཅེས་པའི་ཐེམས་ཅན་གྱི་བླ་
མའི་ཐུགས་སྒྲུབ་ཆེན་མོ་༼བྱང༽༼སེ༽གསང་བ་རིན་ཅེན། འབྲིང་། འདུས་པ་ཞེས་པ་སྣང་སྲིད་ལྷ་འདྲེས་བཀར་ཉན་སྲོག་སྙིང་འབུལ་ཞེས་པ་ཡན་གྱིས་ཚང་ནས་བར་དུ་བརྡ་ཡིག་ཁ་ཤས་བྲིས་མཐར་དེ་ལྟར་ཐུགས་ཀྱི་བསྙེན་པའི་རྟགས་རྫོགས་ནས༔ ཞེས་སོགས་དཀྱུས་གཅིག་ཏུ་བྲིས་པ་དཔེ་རྙིང་ཕལ་ཆེར་ལ་ཡོད། ཞིང་དོན་གྱི་ཆོས་ཚན་གཅིག །འོན་ཀྱང་སོ་སོར་ཕྲལ་བ་ཡང་འདུག་པ་ཐེམས་ངོས་འཛིན་དང་བསྟུན་ན་གསལ་བར་མངོན། འདི་ཀའི་གཞུང་དུ་དཀྱིལ་འཁོར་གསུམ་གྱི་ཉམས་ལེན་བཅུད་དུ་དྲིལ༔ ཞེས་པ་བྱུང་བས་དཀྱིལ་འཁོར་བཅུད་དྲིལ་ཡང་མིང་གི་རྣམ་གྲངས་སུ་མངོན། འོན་ཀྱང་དཔེ་ཁུངས་བཙུན་མང་པོར་དཀྱིལ་འཁོར་བཅུ་དྲིལ་ཞེས་ལོགས་སུ་བགྲངས་པ་མཐོང་བས་སླར་ཡང་ཕྱོགས་འདིར་ཚད་ཐུབ་ཀྱི་མཁས་པ་རྙེད་ན་དཔྱད་པར་བྱའོ། །དེ་ཡང་སྐུ་གསུང་ཐུགས་ཀྱི་གནད་འདུས་ལས། ཉིན་ཞག་རེ་ལ་ཐུགས་ཀྱི་སྙིང་པོ་འདི༔ ཉི་ཁྲི་ཆིག་སྟོང་སྔོན་དུ་བསྙེན་པའི་གནད༔ གསང་སྔགས་ལྟོ་ཚིལ་སྙིང་ཏིག་ཀུན་གྱི་སྲོག༔ དུས་གསུམ་སངས་རྒྱས་མ་ལུས་ཀུན་གྱི་ཐུགས༔ ཁམས་གསུམ་སེམས་ཅན་མ་ལུས་ཀུན་གྱི་སེམས༔ སྣང་སྲིད་ལྷ་སྲིན་སྡེ་བརྒྱད་ཀུན་གྱི་སྲོག༔ བསྟན་པའི་དམ་ཆོས་མ་ལུས་ཀུན་གྱི་ཆིངས༔ འདི་ཉིད་ཡིན་ནོ་ནམ་ཞིག་དུས་ཀྱི་ཚེ༔ ཞེས་དང་། དངོས་གྲུབ་བླང་ཐབས་ལས། ལན་གསུམ་བསྒྲུབས་ན་དངོས་གྲུབ་རྣམ་གཉིས་འཐོབ༔ རིགས་འཛིན་གྲལ་ལ་ཐེ་ཚོམ་ཡོད་རི་སྐན༔ ཞེས་བདེ་གཤེགས་ཀུན་གྱི་དགོངས་པ་རིགས་འཛིན་པདྨའི་ཐུགས་ཀྱི་ཉིང་ཁུ་ཕྲད་འཚེངས་ཤིན་ཏུ་ཟབ་པའི་གསང་ལམ་མཐར་ཐུག་པའོ། །ཐེམས་མེད་ལ་ཐུགས་སྒྲུབ་གསང་བ་རིན་ཅེན་འདུས་
པ། ༼བྱང༽༼སེ༽ཞེས་བླ་མ་ཡུམ་ཅན་དང་དཔའ་བོ་གིང་བཞི་ཡབ་ཡུམ་གྱི་བསྙེན་སྒྲུབ་ཟབ་པའི་མཐར་ཐུག་པ་ཐུགས་སྒྲུབ་གསང་བའི་གཏེར་མཛོད། ཆེ། ལས་སྦྱོར་གནད་ཀྱི་མན་ངག་༼བྱང༽༼སེ༽ཅེས་པ་སྣང་སྲིད་ཡོན་ཏན་ཐམས་ཅད་བསྡུ་བ་དང་ཞར་བྱུང་འཕྲིན་ལས་འདི་གོང་གི་འཕྲོས་དང་སྦྲེལ་ནས་ཡོད་ཟངས་མཛོད་ནས་བྱོན། བཞིའི་ཁ་བསྒྱུར་དང་བཅས་པ། ཆེ། གསང་བ་རིན་ཅེན་འདུས་པ་ཐེམས་ཅན་དྲག་པོ་རྩལ་གྱི་ཉམས་ལེན་དངོས་གཞི་དང་ཐེམས་མེད་ནི་དྲག་པོ་རྩལ་གྱི་གསང་སྒྲུབ་ཡིན་པའི་བརྗོད་དོན་མི་གཅིག་པ་མ་གོ་བར་བྱང་གཏེར་བར་རློམ་པ་འགས་གསང་བ་རིན་ཅེན་འདུས་པ་ཚར་གཉིས་ཡོད་ཟེར། རྡོ་རྗེ་དྲག་པོ་རྩལ་གྱི་བསྙེན་པའི་མན་ངག་སྙན་བརྒྱུད་བླ་མའི་ཞལ་གི་དྲོད་ལྡན་༼གནས༽ཟབ་ཁྱད་ཅན་མཆོག་སྤྲུལ་པདྨ་བཞད་པ་རྩལ་གྱིས་མཛད་པ། དེས་མཛད་པའི་རྩ་བའི་དམིགས་པའི་༼གནས༽གནས་བོགས་འདོན་གེགས་སེལ། ཐེམས་ཅན་གསང་འདུས་ཀྱི་ཉམས་ལེན་གབ་པ་མངོན་ཕྱུང་མཁའ་འགྲོའི་སྲོག་སྙིང་ཤིན་ཏུ་གཉན་ཞིང་གཅེས་པ་ཆོས་རྒྱལ་མངྒའི་མཚན་ཅན་གྱི་༼ཡོལ༽ལྗགས་བསྒྲིགས། བསྙེན་པ་ལམ་དུ་གཟུང་པའི་ཐབས༔ གནད་ཐེམས་མན་ངག་རྣམ་གྲངས་བརྒྱད༔ ཅེས་ཐེམས་ཅན་ཐུགས་སྒྲུབ་ཧཱུྃ་གི་དགོངས་༼བྱང༽༼སེ༽པའི་གནད་དུ་གྲགས་པ་འདི་ལ་ནང་གསེས་ཡི་དམ་ལྷའི་གནད་ཀྱི་དགོངས་པ་ལྟ་བ། འབྲིང་། ལམ། དངོས་གྲུབ། སྤྱོད་པ། དམ་ཚིག་བརྩོན་འགྲུས། དཀྱིལ་འཁོར། ལྷ། དབང་། ཚིག་སྟེ་ཟབ་མོའི་གནད་བཅུ། པདྨ་འབྱུང་གནས་ཐུགས་ཀྱི་དགོངས་པ་དྲག་པོ་རྩལ་གྱི་སྒོམ་དོན་ཀ་དག་གི་ངང་ནས་ལྷུན་གྲུབ་ཏུ་རྫོགས་ཚུལ། གཞི་ལམ་འབྲས་བུའི་དགོངས་པ། ཚིག་གཉིས་གནད་ཀྱི་འགྲེལ་པ། ཧཱུྃ་
གི་གཟེར་བཞི་ནམ་མཁའི་སྙིང་པོར་སེམས་ཀྱི་གཏེར་དུ་ཆོངས་ཤིག་པ་གདམས་པ་རྣམས་ཡིན་ཅིང་། དེ་ཡང་ཡི་དམ་ལྷའི་གནད་པདྨའི་ཐུགས་ཀྱི་དགོངས་པ། ནམ་མཁའི་སྙིང་པོར་གདམས་པ་གསུམ་གྱི་སྟེང་དུ་གཞི་ལམ་འབྲས་གསུམ་དང་ཚིག་གཉིས་གནད་འགྲེལ་གྱི་དོན་རྣམས་སོ་སོར་བགྲངས་པས་གནད་ཐེམས་མན་ངག་བརྒྱད་ཚང་ཞིང་། འདི་རྣམས་བསྙེན་པ་ལམ་དུ་གཟུད་པར་ཤིན་ཏུ་གལ་ཆེ་བ་ཡིན། ཆོས་རྒྱལ་བཀྲ་ཤིས་སྟོབས་རྒྱལ་གྱི་གསན་ཡིག་ཟབ་མོ་གནད་ཀྱི་ཐེམས་བཅུ་དང་སྐུ་གསུང་ཐུགས་ཀྱི་གནད་འདུས་གཉིས་རྣམ་གྲངས་སུ་གསུངས་པ་དང་། མཚོ་སྨད་མཁན་པོའི་གསན་ཡིག་ཏུ་འདི་སྐོར་རྣམས་སྐུ་གསུང་ཐུགས་ཀྱི་གནད་འདུས་སུ་བགྲངས་འདུག་པ་སེ་བརྒྱ་མཁར་བ་ཕྱོགས་ཀྱི་གསན་ཡིག་ལ་དེ་འདྲ་ཡོད་ཚོད་ཡིན་འདྲ་བ་ཐེམས་ཡིག་དང་ཅུང་ཟད་མ་འགྲིག་མོད། འོན་ཀྱང་བླ་མ་དེ་རྣམས་ལུགས་འདི་ལ་ཚད་ཐུབ་ཀྱི་དཔང་པོར་འདུག་པས་སླར་ཡང་བརྟག་དགོས་སོ། །ཐེམས་མེད་ལ་ཡེ་ཤེས་མཚོ་རྒྱལ་གྱིས་མཛད་པའི་ཧཱུྃ་གི་འདྲེན་༼ཡོལ༽༼སེ༽ཐབས་ཉེར་གཅིག ། ཆེ། བསྲུང་འཁོར་བསྒོམ་ཐབས་བདག་ཉིད་སྐད་༼ཡོལ༽༼སེ༽ཅིག་དྲན་རྫོགས་མ། ཆེ། ཁྲོ་བཅུའི་བསྲུང་༼ཟུར༽༼སེ༽བཟློག་བཀའ་རྒྱ་མ། ཆེ། ངག་འགྲེལ་ནུས་པ་༼ཡོལ༽༼སེ༽བསྐྱེད་ཐབས་ཀྱི་ནང་ཚན་བཟླས་བརྗོད་ནུས་ལྡན་དུ་བྱ་བ། འབྲིང་། འཕྲེང་བ་བརླབ་པ། བཅིངས་མནན་གྱི་རྟགས། ངག་འགྲོལ་བ། བྱུག་རྫས་ཀྱི་ཟབ་གནད། ངག་ལ་ངར་གཟུང་༼ཡོལ༽༼སེ༽བའི་མན་ངག་འབྲིང་། སྒོ་གསུམ་ལྷ་དང་དམ་འདྲེས་དུས༔ རྟགས་མཐོང་དངོས་གྲུབ་བླང་ཐབས་ཡོད༔ ཅེས་ཐེམས་ཅན་གསང་བ་རིན་ཅེན་འདུས་པའི་མཇུག་གི་དངོས་གྲུབ་༼བྱང༽༼སེ༽བླང་ཐབས་འབྲིང་། ལས་ཅན་སྨིན་གྲོལ་ལ་ལམ་བསྟན་
ཕྱིར༔ གསང་བའི་དབང་བསྐུར་མན་ངག་ཡོད༔ ཅེས་པའི་ཐེམས་ཅན་འབྲིང་པོ་སྒྲུབ་སྡེ་དྲུག་གི་༼བྱང༽༼སེ༽དབང་གི་ཆུ་བོ། འབྲིང་། བསྡུས་པ་བྱིན་རླབས་༼བྱང༽༼སེ༽ཐུགས་རྗེའི་དབང་ཆོག་ཆེ། ཐེམས་མེད་ལ། ས་༼སེ༽༼ཡོལ༽ཆོག ། འབྲིང་། རྒྱལ་༼ཡོལ༽༼སེ༽མཐོ། འབྲིང་། ཐིག་༼སེ༽༼བྱང༽རྩ། འབྲིང་། དཀྱིལ་འཁོར་༼སེ༽༼བྱང༽རྒྱན་དགོད། འབྲིང་། དབང་གི་སྔོན་འགྲོ་༼བྱང༽སློབ་མ་སྟ་གོན་ལ། ཆེ། དཀྱིལ་འཁོར་དུ་འཇུག་ཐབས་རྒྱས་པ་དབང་བཞི་རྒྱལ་ཐབས་སྤྱི་བླུགས་དང་བཅས་པའི་སྡོམ་ཚིག །དབང་གི་གྲངས་དང་གོ་རིམ། སྒྲ་དོན། རྒྱུ་རྐྱེན། འབྲས་བུ། ལམ་འཁྱེར། བུམ་དབང་གི་སྤྱི་ཆིངས་བཅས་པ་བསྟན་པ་རྣམ་དག་སྒོམ་པའི་མཐའ་ཅན། དཔེ་ཚན་གཅིག །གཏེར་ཡིག་སོགས་བར་དུ་འདུག་རུང་བླ་མ་ཞིག་གི་ཆོག་བསྒྲིགས་ལས་གཏེར་བྱོན་དངོས་མིན་པ་འདྲ། སྐྱབས་སེམས་སྡོམ་གཟུང་ཟུར་དུ་༼བྱང༽༼སེ༽བཀོལ་བ། ཆེ། རྒྱས་པ་བསྒྲུབ་སྡེ་བརྒྱད་ཀྱི་༼སེ༽༼བྱང༽དབང་ཆོག་ཆེན་མོ། ཆེ། གཏོར་དབང་༼སེ༽༼བྱང༽ཐོབ་ཆོག་བློ་བདེ། ཆེ། རང་བྱུང་རང་ཤར་ནས་བཀོལ་བའི་སྟ་གོན་༼སེ༽དང་འཇུག་པ་བཀྲ་བཟང་པའི་ཕྱག་ལེན་འཁྲུལ་མེད། མངོན་རྟོགས་སྒོམ་བྱང་གསལ་སྒྲོན་འདི་ལ་༼སེ༽༼ཡོལ༽གནས་སྔར་མཁའ་འགྲོ་ལྔ། ཆེ། རྩ་འདབ་ཀྱི་གྲངས་དང་མཉམ་པའི་ལྷ་ཚོགས། བཀའ་བརྒྱད་གཙོ་འཁོར། རིགས་འཛིན་བརྒྱད་དང་བཅས་པ་ལུས་དཀྱིལ་ལ་བཀོད་པའི་ངོ་མཚར་བ། དཀྱིལ་འཁོར་རྒྱས་པའི་སྒྲུབ་༼སེ༽༼ཡོལ༽ཐབས་ཞེས་པ་ཕྱི་དཀྱིལ་གཞལ་ཡས་ཁང་ཡོངས་རྫོགས་ཀྱི་བསྐྱེད་ཆོག་དང་དབང་ཆུ་དང་འབྲེལ་བའི་སྒྲུབ་པ་སྡེ་དྲུག་གི་མངོན་རྟོགས་གསལ་བར་བསྟན་པ། ཆེ། འདིའི་གཞལ་ཡས་ཁང་བསྐྱེད་ལུགས་རྙིང་མ་སྤྱི་དང་ཅུང་མི་མཐུན་པའི་གཞལ་ཡས་ཁང་གི་རྒྱུ་དང་རྒྱན་
རྣམས་གསར་མ་དང་མཐུན། དབང་གི་བུམ་པ་བསྒྲུབ་༼བྱང༽༼སེ༽ཚུལ། ཆེ། གཏེར་སྦ་བའི་༼སེ༽༼ཡོལ༽ཆོ་ག ། ཆེ། དེའི་འཕྲོས་ལས། ཐེམས་མེད་དངོས་གྲུབ་༼འབྲིང༽བསྐུལ་༼ཟུར༽༼སེ༽བ་རྗེ་བཀའ་དྲིན་མ། བསྙེན་སྒྲུབ་མཆོད་པ་ཁ་བསྐང་བ༔ དྲག་པོ་ཧཱུྃ་གི་འཕྲིན་ལས་ཡོད༔ ཅེས་ཐེམས་ཅན་འཕྲིན་༼བྱང༽༼སེ༽ལས་འབྲིང་པོ། འབྲིང་། ཐེམས་མེད་ལ་ས་གཅད་དམ་༼ཡོལ༽༼སེ༽རྩ་ཐོ། ཆེ། བར།༼ཡོལ༽༼སེ༽ཐེམས། ཆེ། བྱིན་འབེབས་ཆོས་ཀྱི་དབྱིངས་༼སེ༽༼ཟུར༽ནས་བསྐུལ་བ། ཆེ། ཐུགས་སྒྲུབ་ཀྱི་འཕྲིན་༼སེ༽༼ཡོལ༽ལས་ཆེན་མོ་ཞི་དྲག་སྦྲགས་མ། ཆེ། ཚོགས་ཀྱི་འཁོར་ལོ་རྒྱས་པའི་༼ཟུར༽ཆོག་བསྒྲིགས། ཆེ། རྟགས་བསྟོད་མ་ཧཱ་གུ་རུ་རྡོ་རྗེ་༼ཡོལ༽༼སེ༽དྲག་པོ་རྩལ། འབྲིང་། མེ་དཔུང་འབར་བའི་ཀློང་ན་བཞུགས་པ་ནི། ཞེས་སོགས། གཏེར་སྟོན་གྱིས་མཛད་པའི་རྟགས་བསྟོད་༼སེ༽༼ཟུར༽ཚིག་རྐང་དང་པོ་འདྲ་བ་ལ་གཉིས་པར་སྐུ་མདོག་མཐིང་ནག་གཟི་བརྗིད་འབར་བ་ནི་ཞེས་སོགས། འཛབ་བསྟོད་རྡོ་རྗེའི་༼སེ༽༼བྱང༽སྐུ་མ། ཆེ། དབྱངས་འདྲེན་ལུགས་རིག་པ་ཧཱུྃ་ལ་བསྐྱོན་༼ཡོལ༽༼སེ༽པའི་དབྱངས་རྟ་མ། ཆེ། འཛབ་དགོངས་ཆུང་བ་༼ཟུར༽༼སེ༽རང་ལུས་འདོམ་གང་གྲུ་བཞི་མ། ཆེ། སྤྱོད་ལམ་རྒྱུན་གྱི་༼ཡོལ༽རྣལ་འབྱོར་ཞེས་པ་བཟའ་བཏུས་གོས་རྒྱན། ཆེ། འགྲོ་ཉལ་འདུག་ལྡང་གི་རིམ་པ། དཀོན་ཅོག་སྤྱི་བསྐུལ་༼སེ༽༼ཟུར༽བདེ་གཤེགས་དབང་ཕྱུག་མ། ཆེ། བདེ་གཤེགས་སྤྱི་བསྐུལ་༼ཟུར༽༼སེ༽ལུས་དཀྱིལ་དང་སྦྱར་ཏེ་བཀའ་བརྒྱད་བསྐུལ་བ། ཆེ། བདེ་གཤེགས་སྤྱི་བསྐུལ་ཆུང་བ་༼ཟུར༽ནམ་མཁའི་མཐའ་མཉམ་པ། ཆེ། ཆོས་སྐྱོང་བསྐུལ་བ་རིན་ཅེན་༼བྱང༽གཞལ་ཡས་མ། ཆེ། རྒྱས་པའི་༼ཡོལ༽༼སེ༽སྦྱིན་སྲེག ། ཆེ། དབང་གི་༼སེ༽༼ཡོལ༽སྦྱིན་སྲེག ། ཆེ། དྲག་པོའི་༼ཡོལ༽༼སེ༽སྦྱིན་སྲེག ། ཆེ།
ཡེ་ཤེས་འཚོ་རྒྱལ་གྱིས་མཛད་པའི་ལས་བཞི་དང་རོ་སྲེག་རྣམས་གཅིག་ཏུ་བསྡོམས་པའི་སྲེག་ཆོག་༼བྱང༽༼སེ༽ཡེ་ཤེས་རང་འབར། ཆེ། མེ་བཀྲ་གསལ་༼བྱང༽༼སེ༽བའི་སྒྲོན་མེ། ཆེ། དྲག་པོའི་ཧོཾ་ཆོག་ནག་༼སེ༽༼ཡོལ༽པོའི་རྒྱུད་ལས་བཏུས་པའི་ཧོཾ་གྱི་ཆས་འཇུག།། ཆེ། དྲག་པོའི་ཟོར་༼ཡོལ༽༼སེ༽གྱི་ལས། ཆེ། སྦྱིན་སྲེག་གི་ཐལ་བར་ལས་༼ཡོལ༽༼སེ༽མཐའ་མནན་པ། ཆེ། ནང་ནུབ་མཆོད་པའི་རྒྱུན་གཟུང་ཕྱིར༔ དོན་བསྟོད་སྔགས་ཀྱི་ལས་རིམ་ཡོད༔ ཅེས་ཐེམས་ཅན་སྔགས་ཀྱི་ལས་བྱང་མཇུག་ཏུ་༼བྱང༽༼སེ༽ཆོས་ཉིད་དོན་གྱི་བསྟོད་པ་སྐྱེ་འགག་མ་དང་སྔགས་ཀྱི་ཚོགས་མཆོད་བཅས་པ་མཁའ་འགྲོའི་བརྡ་ཡིག་ལས་ཕབ་པ། འབྲིང་། བོད་ཁམས་བདེ་ལ་འགོད་པའི་ཕྱིར༔ ལས་ཚོགས་རིན་ཅེན་སྡོང་པོ་ཡོད༔ ཅེས་པའི་ཐེམས་ཅན་ལ་ངོས་འཛིན་ལུགས་མི་གཅིག་ལ་འགའ་ཞིག་འདུག་ནའང་། ལས་ཚོགས་རིན་ཅེན་སྡོང་པོར་གྲགས་པའི་གཞུང་གི་ནང་ཚན་༼ཡོལ༽༼སེ༽གདུལ་བྱ་རྒྱ་ཆེན་འདུལ་བར་འགྱུར། འབྲིང་། ཞེས་པ་ཡན་ལ་ངོས་འཛིན་ཅིང་འདིས་ནི་རི་བོ་བཀྲ་བཟང་གི་གནས་ཀྱི་བཀོད་པ། ཡོན་ཏན་རྒྱས་པར་བསྟན་པའི་མཇུག་ཏུ་བོད་ཁམས་བདེ་ལ་འགོད་ཕྱིར་གནས་འདིར་ཐུགས་རྗེའི་ལས་འཕྲོ་འབྱུང་ཚུལ་རྣམས་བསྟན། གནས་ཀྱི་ནུས་པ་བྱུང་བའི་ཕྱིར༔ གནས་ཆེན་བྱིན་འབེབས་མན་ངག་ཡོད༔ ཅེས་པའི་ཐེམས་ཅན་ལས་ཚོགས་རིན་ཅེན་སྡོང་པོའི་འཕྲོས་ལས་སྣ་ནམ་རྡོ་རྗེ་བདུད་འཇོམས་༼ཡོལ༽༼སེ༽ཀྱིས་ཞུས་པ་ཞེས་པ་ནས། འབྲིང་། ཐུགས་སྒྲུབ་ཟབ་མོ་འདུས་པའི་མན་ངག་འདི༔ གཏེར་དུ་སྦས་ནས་སྨོན་ལམ་བཏབ་སྟེ་བཞག༔ ཅེས་པའི་བར་གྱིས་བོད་སྡུག་བསྔལ་བའི་དུས་
སུ་རི་བོ་བཀྲ་བཟང་ནས་བོད་འབངས་བདེ་ཐབས་ཀྱི་གཏེར་ཆེན་གདོན་པའི་ལྡེ་མིག་རྙེད་ཚུལ་གནས་ཀྱི་དབྱིབས་དང་སྒྲུབ་པའི་ཕན་ཡོན། མཐའ་དམག་དྲུག་འབྱུང་ལུགས་དང་བཟློག་ཐབས་རྣམས་བསྟན། ཐེམས་མེད་ལ་གཞུང་དེ་གའི་འཕྲོས་ནས་ཆོས་ཀྱི་སྐུ་༼ཡོལ༽༼སེ༽དང་ལོངས་སྤྱོད་རྫོགས་པའི་སྐུ༔ འབྲིང་། ཞེས་སོགས་ཀྱིས་ལྷ་ཁང་གསུམ་བཞེང་ཞིང་སྒྲུབ་པ་བྱ་ཚུལ། གནས་ཆེན་བྱིན་འབེབས་སུ་གྲགས་པར་༼བྱང༽༼སེ༽བོད་ཁམས་ཕུང་བྱེད་ཀྱི་དགོང་པོ་དགུ་འབྱུང་བའི་ལུང་བསྟན། འབྲིང་། བོད་ཀྱི་གནས་ཆེན་བརྒྱད་དུ་ཐུགས་ཀྱི་ལྷ་གསུམ་བཞེང་བ། ཁྱད་པར་རི་བོ་བཀྲ་བཟང་གི་རྩེ་མོར་པདྨ་འོད་ཀྱི་གཞལ་ཡས། སྐེད་པར་དྲག་པོའི་གཞལ་ཡས། རྩ་བར་དག་བྱེད་གཞལ་ཡས་ཁང་བཞེང་ཚུལ་ཕན་ཡོན་དང་བཅས་པ། རྡོ་རྗེ་རྣམ་འཇོམས་རྩ་བའི་སྒྲུབ་ཐབས་༼ཡོལ༽༼སེ༽མཁས་པ་ཤྲཱི་སིངྷ་ལ་སློབ་དཔོན་ཆེན་པོས་ཞུས་ཏེ་བཀོད་པ། ཆེ། རྡོ་རྗེ་རྣམ་འཇོམས་ཀྱི་སྒྲུབས་ཐབས། ༼ཟུར༽༼སེ༽རྒྱ་གར་མཁས་པ་ཤྲཱི་སིདྷས་མཛད་པ། ཆེ། རྡོ་རྗེ་རྣམ་པར་འཇོམས་པའི་སྒྲུབ་༼ཟུར༽༼སེ༽པའི་འཕྲིན་ལས། ཆེ། རྡོ་རྗེ་རྣམ་འཇོམས་བག་ཆགས་༼ཟུར༽༼སེ༽སྟོབས་སྦྱོང་གི་སྒྲུབ་པའི་ཁྲུས་གསོལ་བྱ་བ་བསྲུང་དང་བཅས་པ་ཤྲཱི་སིངྷར་སློབ་དཔོན་ཆེན་པོས་ཞུས་པ། ཆེ། ཐུགས་རྗེའི་གདུལ་བྱ་མཐའ་རྒྱས་ཕྱིར༔ སྐུ་གསུང་ཐུགས་ཀྱི་གདུལ་བྱ་ཡོད༔ ཅེས་ཐེམས་ཅན་སྐུ་གསུང་ཐུགས་ཀྱི་གདུལ་བྱ་ཞེས་པ་སྙིགས་༼བྱང༽༼སེ༽དུས་ཀྱི་སྡུག་བསྔལ་སྐྱོབ་པའི་ཐབས་སུ་སྐུའི་གདུལ་བྱ་ལྷ་ཁང་མཆོད་རྟེན་བཞེང་ཞིང་མཐའ་དམག་གནོན་ཐབས་བྱེ་བྲག་ཡུལ་གྱི་ས་དཔྱད་ངོས་འཛིན། འབྲིང་། གསུང་གི་གདུལ་བྱ་རབ་གནས་གསུང་སྒྲོག་
དང་བསྒྲུབ་པ་བྱ་ཚུལ། ཐུགས་ཀྱི་གདུལ་བྱ་གོང་གི་གནས་རྣམས་སུ་བསམ་པའི་ཁྱད་པར་བསྟན་པ། བོད་ཀྱི་ནང་དམེ་བསྲུང་བའི་ཕྱིར༔ འགོང་པོ་ཨར་ལ་གཏད་པ་ཡོད༔ ཅེས་ཐེམས་ཅན། ༼བྱང༽༼སེ༽འགོང་པོ་ཨར་གཏད། འབྲིང་། ཐེམས་མེད་ལ་༼ཡོལ༽༼སེ༽འགོང་པོ་ཁ་བསྒྱུར། འབྲིང་། ཨར་གཏད་ཀྱི་༼སེ༽༼ཟུར༽མནན་པའི་བསྐུལ། འབྲིང་། ས་ནད་གཉན་འཇོམས་པའི་ཕྱིར༔ ནད་བདག་སྟོབས་འཇོམ་མན་ངག་ཡོད༔ ཅེས་ཐེམས་ཅན་ནད་བདག་སྟོབས་འཇོམ་ལ་སེམས་བསྐྱེད་གཟུངས་སྒྲུབ་༼བྱང༽༼སེ༽དཔང་གཟུ་བསྲུང་བཟློག་གསད་པ། འབྲིང་། རྒྱས་གདབ་སྔགས་བྱང་དང་བཅས་པ། ཐེམས་མེད་༼སེ༽༼བྱང༽ལོ་རྒྱུས། འབྲིང་། མདོས་ཆོག་སྔོན་༼སེ༽༼ཡོལ༽བསྐལ་མ། འབྲིང་། མཁའ་འགྲོ་སྤྱན་༼སེ༽༼ཡོལ༽འདྲེན། གྱེར་༼ཡོལ༽༼སེ༽གླུད་རབས་འབྲིང་། གཟུ་༼ཡོལ༽༼སེ༽དཔང་། ཟོར། ༼ཡོལ༽༼སེ༽འབྲིང་། དམ་བཅའ་༼སེ༽༼ཡོལ༽བསྐུལ་བ། གཤེགས་༼ཡོལ༽༼སེ༽སྐྱེལ། འབྲིང་། བྱ་ཁྱུང་ནག་པོའི་སྒྲུབ་༼ཡོལ༽༼སེ༽ཐབས་བསྟོད་བསྐུལ་དང་བཅས་པ། འབྲིང་། བྱ་ཁྱུང་ཁྲོས་པའི་བྱུང་༼ཡོལ༽༼སེ༽ཚུལ་ལོ་རྒྱུས། འབྲིང་། གསང་བདག་གིས་སློབ་དཔོན་ཆེན་པོ་ལ་བཀྲ་ཤིས་ཟླ་གམ་ཕུག་པ་ནས་བྱ་ཁྱུང་གི་སྒྲུབ་ཐབས་གཏེར་ནས་ཐོན་ཅིག་པར་གསུངས་ཚུལ་ཁྱུང་གི་སྒོམ་རིམ་དང་རྩ་༼སེ༽༼ཡོལ༽སྔགས་ཀྱི་ཐེམས་བྱང་བསྟན་པ། འབྲིང་། བསམ་ཡས་ཀྱི་རབ་གནས་ཚར་དུས་མངའ་བདག་དང་ཇོ་མོས་ཞུས་པའི་རྫས་སྦྱོར་དང་ལས་ཀྱི་བྱ་ཁྱུང་ནག་པོའི་༼ཡོལ༽༼སེ༽སྔགས་སྡེབ་གཉན་ལྷོག་ནད་རིམས་བསྲུང་ཞིང་གསད་པའི་མན་ངག ། འབྲིང་། སྡུད་སྤུར་གསད་༼ཡོལ༽༼སེ༽པའི་སྔགས་བྱང་། འབྲིང་། བྱ་ཁྱུང་ནག་པོའི་༼ཟུར༽༼སེ༽བསྲུང་
བའི་བྲི་ཡིག ། འབྲིང་། དེ་དང་འདྲ་མིན་གྱི་༼སེ༽༼ཟུར༽བྲི་ཡིག་གཅིག ། འབྲིང་། རྡོ་རྗེ་ཁྲབ་རིང་བདུད་རྩི་བུམ་ཆུང་༼སེ༽༼བྱང༽སྐོར་ལ། འབྲིང་། འཆི་མེད་བདུད་རྩི་བུམ་པའི་བརྒྱུད། ནན་ཏུར་ཟབ་མོ་འཁོར་ལོའི་གྱད་ཟུ་གུ་གཞུག་པ། སྒོམ་བཟླས། ལས་ཀྱི་མཐའ་བསྒྱུར་ཟུག་གཟེར་གཅག་པ། ལྷོག་པ་ལས་རྣམ་པར་རྒྱལ་བ་ཞི་སྦྱོང་སྦྲགས་མ་མ་ལས་ལྷག་པའི་བུ། གག་པ་ལས་རྣམ་པར་རྒྱལ་བ་ཞི་སྦྱོང་སྦྲགས་མ་ཞེས་པ་མ་ལས་ལྷག་པའི་བུ། ཕག་རྒོད་སྨྱོན་པའི་འཁོར་ལོ། སྲིན་ནད་ཀྱི་གཉེན་པོ་འཆི་བདག་འཇོམ་པའི་དཔའ་བོ། སློབ་དཔོན་ལ་མངའ་བདག་གིས་གསེར་གྱི་མཎྜལ་ཕུལ་ནས་ཞུས་པའི་གག་ལྷོག་གི་རིམས་བསྲུང་རིགས་མི་གཅིག་པ་གསུམ། ཆ་ལག་བུ་བདུན་ལ་ནག་པོ་གསུམ་དྲིལ། ཚད་རིམས། རྒྱུ་གཟེར་བྱིན་ལོག །རྒྱ་ནད་མིག་སེར། གག་ལྷོག་འབུམ་ནག་རྣམས་བསྲུང་ཐབས་ཀྱི་རྫོགས་པར་བསྟན། གསོ་བྱེད་སྨན་གྱི་སྐོར་ལ། གསོ་བྱེད་སྨན་གྱི་ལེའུ་ཞེས་༼བྱང༽༼སེ༽པ་སྨན་གྱི་ཆིངས། འབྲིང་། ཤོག་དྲིལ་༼བྱང༽༼སེ༽སྔོན་པོ། འབྲིང་། ཤོག་དྲིལ་༼བྱང༽༼སེ༽དཀར་པོ། ཤོག་དྲིལ་༼བྱང༽༼སེ༽སེར་པོ། འབྲིང་། སྣང་གསལ་སྒྲོན་༼བྱང༽༼སེ༽མེའི་ཤོག་དྲིལ། མངའ་བདག་དང་ཇོ་མོས་ནད་བཅོས་པའི་མན་ངག་དེ་རྣམས་ལ་དོན་གྱི་གནད་དྲིལ་ཞུས་པ་གཉན་ཚད་༼བྱང༽༼སེ༽བཅོས་ཐབས། འབྲིང་། ནད་བདག་ཀུན་འཇོམས་བསྲུང་བའི་རྒྱལ་པོ་༼བྱང༽༼སེ༽ཞེས་པ་ནད་རིམས་རྣམས་ཀྱི་སྲོག་སྔགས་བསྲུང་སྔགས་མནན་པ། འབྲིང་། ཡི་དམ་ལྷའི་སྒོམ་བཟླས་༼བྱང༽༼སེ༽དང་སྔགས་བྱང་། འབྲིང་། བསྟན་མ་བཅུ་གཉིས་ཀྱིས་སྲོག་སྙིང་ཕུལ་ནས་གནག་ལུག་ར་བ་༼བྱང༽ལང་སོགས་ཀྱི་གོར་དཀར་ཆག་ཚད་རིམས་སོགས་བསྲུང་གསོ། འབྲིང་། འབྱུང་པོ་ལས་
གྱུར་ནད་ཀུན་བསྲུང་བ་རྒྱ་གར་ཁྲག་འཐུང་༼བྱང༽ནག་པོའི་གདམས་པ། འབྲིང་། རིགས་གསུམ་མགོན་པོའི་བསྲུང་བ། ༼བྱང༽༼སེ༽གནམ་ཐབས་ནད་ཀྱི་བསྲུང་བའི་ནང་གསེས་ལ་ཐོབ་པ་དགྲ་ལ་བརྟེན་ནས་རིམས་འཇུག་པ་བསྲུང་པའི་ལེའུ། འབྲིང་། རིམས་གསེབ་ཏུ་འགྲོ་བར་རིམས་མི་ཕོག་པར་བྱ་བའི་ལེའུ། སློབ་དཔོན་ཆེན་པོར་ལྷ་སྲས་ཀྱིས་མང་ཡུལ་བྱེ་མ་ལ་ཐོག་ཏུ་ཞུས་པ་མིག་ནད་བསྲུང་བ་རྣམས། སྨན་གྱི་ལྷ་མོ་ལྕམ་དྲལ་ལ་བརྟེན་ནས་མངོན་༼བྱང༽༼སེ༽ཤེས་སྒྲུབ་པ། ཆེ། དེའི་ཞལ་༼བྱང༽༼སེ༽གདམས་ལ། ཆེ། གཟུགས་བརྙན་བཟོ་བ། འགབ་འདྲེ་བཀར་བ། གནད་དབབ། རྣོ་འདོན་དང་བཅས་པ། དྲང་སྲོང་ཨ་མོ་༼བྱང༽༼སེ༽ལིའི་སྒྲུབ་པ། ཆེ། ཀླུ་བདུད་འབུམ་གྱི་གསང་རྒྱུད་༼ཟུར༽ནས་བཏུས་པ་ལུས་ངག་ཡིད་གསུམ་བསྲུང་བའི་ཟ་ཡིག ། ཆེ། སྡེ་དཔོན་ནང་འཐབ་ཞི་བྱེད་པའི༔ ཐུགས་རྗེ་བྱམས་པའི་མན་ངག་ཡོད༔ ཅེས་ཐེམས་ཅན་ཐུགས་རྗེ་བྱམས་པའི་མན་ངག་གམ་སྟག་སེང་ཁ་འཐབ་ཞི་བྱེད་༼བྱང༽༼སེ༽ཅེས་པ་ལ་བདུད་དཔུང་གཞོམ་པ། འབྲིང་། དྲེགས་པའི་སྲོག་བསྲེ་བ། དུག་དབལ་གསད་པ་དང་བཅས་པ། ཐེམས་མེད་དུག་ལྔ་གཏན་བཅོམ་ཡེ་ཤེས་ལྔ་ལྡན་༼བྱང༽༼སེ༽ཞེས་པ་ལ་གཉན་པོ་སྟོབས་སྦྱོང་། ཆེ། གྲིབ་བཀྲུས། དུག་ནད་སྨན་གྱིས་གསོད་པ་གནད་ནས་དྲང་བ། སྲོག་སྙིང་འཕྲོག་པ། ནང་འཁྲུག་གནོན་པ་བཅས་སྟོན་པ། ཐུགས་སྒྲུབ་ཀྱི་མན་ངག་ཟབ་མོ་༼སེ༽༼ཡོལ༽ཞེས་པ་དབུས་གཙང་རུ་བཞིར་སྐྱིད་པ་ཟད་པའི་རྟགས་བདུན་བྱུང་ཚེ་སྣོད་ལྡན་གྱི་བློ་དང་བསྟུན་ཏེ་ཟབ་གཏེར་སྟོན་པ་དང་གཙོ་བོར་རང་བཞིན་རྫོགས་པ་ཆེན་པོའི་གནས་ལུགས་ཀྱི་སྒོ་ནས་ངན་པ་བཟང་པོར་བསྒྱུར་བ། ཆེ། ལམ་
འཕྲང་འཇིགས་པ་བསྲུང་བའི་ཕྱིར༔ ལྕགས་སྒྲོག་འདུལ་བའི་མན་ངག་ཡོད༔ ཅེས་ཐེམས་ཅན་ཁ་འཆིང་ལྕགས་སྒྲོག་འཁྲིལ་བ་ལས་མི་རྒོད་གཅན་གཟན་ཁ་འཆིང་བརྒྱ་རྩ་གཅིག་གི་ནང་ནས་བྲམ་ཟེ་རྒོད་མོའི་༼བྱང༽༼སེ༽མན་ངག་རྣོ་ལ་མྱུར་བ། འབྲིང་། ཐེམས་མེད་ལ་ཡུལ་ཕྱོགས་ལུང་པ་བསྲུང་བ་༼ཡོལ༽༼སེ༽དང་རང་ཉིད་བསྲུང་བའི་སྒྲིབ་ཤིང་། ཆེ། གཙུག་ལག་དཔལ་དགེས་ངན་སྔགས་དུག་གི་སྤུ་གྲིའི་ནང་ནས་༼ཡོལ༽༼སེ༽བཏུས་པ་ལ་དྲག་པོ་སྔགས་ཀྱི་སྒྲིབ་ཤིང་། ཆེ། རྫས་རྒོད་ཀྱི་སྒྲིབ་ཤིང་། གསང་ཚིག་འགྲོལ་བའི་སྒྲིབ་ཤིང་ཁྱད་པར་ཅན། རྫས་རྒོད་སྒྲིབ་ཤིང་གི་ཞལ་ཤེས་རྣམས། གཞན་ཡང་ནོར་ལ་གོད་ཁ་༼སེ༽བསྲུང་ཐབས། ཤེར་ཤིང་ཕུར་པར་༼སེ༽༼ཟུར༽བརྟེན་ནས་ཙོ་ར་བསྲུང་བ། ཆེ། སྒྲོ་གསུམ་ལ་བརྟེན་༼སེ༽༼ཟུར༽པའི་སྒྲིབ་ཤིང་། ཆེ། ཆུ་གཙང་ལ་བརྟེན་ནས་ཡུལ་༼ཟུར༽༼སེ༽ཕྱོགས་མི་ནོར་སྒྲིབ་ཤིང་། ཆེ། འཇག་མ་སོར་བཞི་ལ་བརྟེན་༼ཡོལ༽༼སེ༽པའི་སྒྲིབ་ཤིང་། ཆེ། བལ་པོའི་ཇག་འཆིང་༼སེ༽༼ཡོལ༽ཞེས་པ་ལ་འཐིབས་པའི་ལེའུ། འབྲིང་། དཀྲུག་པའི་ལེའུ། ཁ་བྱང་། མི་རྒོད་བཅིང་གསད་ཀྱི་ངན་སྔགས། ཇག་འཆིང་གི་ཏི་ཀ་དང་བཅས་པ། རྐང་༼སེ༽༼བྱང༽མགྱོགས། ཆེ། འབྱུང་བའི་བཅུད་ཉམས་གསོ་བའི་ཕྱིར༔ རིན་ཅེན་ཁང་བུའི་མན་ངག་ཡོད༔ ཅེས་ཐེམས་ཅན་རིན་ཅེན་ཁང་བུ་ཞེས་པ་འབྱུང་བའི་ས་བཅུད་ཉམས་པ་གསོ་བྱེད་གཡང་འབྲིང་། འགུགས་ཕྱྭ་༼སེ༽༼བྱང༽༼གཞོན༽འཕྲིན་ནོར་བུ་མཆོག་རྒྱལ་འདི་བྱང་ཆུབ་གླིང་པའི་གཏེར་མ་ཡིན་ཀྱང་འདིའི་ཆ་ལག་ཏུ་མཛད། ཐེམས་མེད་ལ་སད་བསྲུང་སྤྲིན་གྱི་གོ་ཆ། ༼ཡོལ༽༼སེ༽ཞེས་པ་ཐུན་མོང་ཕྱི་ལྟར་བསྲུང་བ། འབྲིང་། ཁྱད་པར་ནང་ལྟར་བསྲུང་བ། ཡང་གསང་། གནད་ཀྱི་བསྲུང་ཐབས། སད་བསྲུང་ནཱ་ག་
འབྲུག་སྒྲོག་ལ་སྤྲིན་༼སེ༽༼ཡོལ༽དང་ན་བུན་བསྡུ་བ། འབྲིང་། སྒྲོག་ཏུ་གཞུག་པ་རླུང་གནོན་ཡང་ཟབ་གནད་ཐིག་རྣམས། ཆར་གཅོད་མེའི་སྤུ་གྲི་ལ། ༼སེ༽༼ཟུར༽ཐུན་མོང་སྤྱིའི་བསྲུང་བ་གསུམ། འབྲིང་། ཁྱད་པར་ཟབ་མའི་མན་ངག་ལྔ། ལོག་གནོན་རྣོ་ལ་ངར་བཏགས་བཞིའི་སྐོར། སེར་བསྲུང་གནམ་ལྕགས། ༼ཡོལ༽གཞོན༼སེ༽གུར་ཁང་ལ། འབྲིང་། ཕྱི་བསྲུང་། ནང་བསྲུང་། གསང་བསྲུང་། ཡང་གསང་གནད་ཀྱི་བསྲུང་བ་མན་ངག་ཁ་འཐོར་ཐོག་བསྲུང་དཔེ་རིས་དང་བཅས་པ། འདོད་ལྡན་ཞིང་གི་ལུང་སྦྱོར་ལ་༼བྱང༽༼སེ༽རྫས་ལ་བརྟེན་པ་དང་། འབྲིང་། རྫས་སྔགས་གཉིས་ཀ་ལ་བརྟེན་པ། བཙའ་སེར༼བྱང༽༼སེ༽བསྲུང་བ། འབྲིང་། བཙའ་དམར་༼བྱང༽༼སེ༽བསྲུང་བ། འབྲིང་། ལོ་ཏོག་ཟ་བའི་༼སེ༽༼བྱང༽སེམས་ཅན་གྱི་རིགས་བསྲུང་བ། འབྲིང་། ཁྱད་པར་རི་བོང་༼སེ༽དང་བྱི་བ་བསྲུང་བ། བསྟན་པའི་མཐའ་མར་བྱི་བས་མི་ཡུལ་འདོན་པ་འབྱུང་༼བྱང༽༼སེ༽བས་དེ་བསྲུང་ཐབས་རིགས་མི་གཅིག་པ་གཉིས། འབྲིང་། དམག་དཔུང་མཚོན་ཆ་བསྲུང་བའི་ཕྱིར༔ གོ་ཆ་གྱད་ཀྱི་མན་ངག་ཡོད༔ ཅེས་ཐེམས་ཅན་གོ་ཆ་གྱད་ཀྱི་མན་ངག་༼བྱང༽༼སེ༽ལ་དམག་ཚོགས་བསྲུང་བ། འབྲིང་། བཟློག་པ་བསྒྱུར་བ། མཚོན་ངར་གསད་པ། ཐེབས་མེད་ལ་མཚོན་གྱི་བསྐལ་པ་ཞི་ཕྱིར་༼ཟུར༽༼སེ༽གནོན་པ་དང་འདོགས་པའི་བསྲུང་བ་སྔགས་བྱང་བཅས་པ། འབྲིང་། གོ་ཆ་གྱད་ཀྱི་༼སེ༽༼ཡོལ༽འཁོར་ལོའི་བྲི་ཡིག་ལུགས་གཉིས། འབྲིང་། སྔགས་དམིགས་ལ་བརྟེན་པའི་༼སེ༽༼ཟུར༽མཚོན་བསྲུང་། འབྲིང་། འདོད་པའི་ཡོན་ཏན་བླང་བའི་ཕྱིར༔ ལས་ཚོགས་རིན་ཅེན་ཆར་འབེབས་ཡོད༔ ཅེས་ཐེམས་ཅན་ལས་ཚོགས་རིན་ཅེན་༼སེ༽༼བྱང༽ཆར་འབེབས་ཞེས་
པ་ལ་ཕྱིའི་རྟེན་འབྲེལ། འབྲིང་། ནང་གི་རླུང་རྩིས་འབྱུང་བ་གཡོ་བ་གང་ཟག་གཅིག་དབང་དུ་བསྡུ་བ། ཐེམས་མེད་ལ། ༼སེ༽༼བྱང༽ལོ་རྒྱུས། འབྲིང་། ཛམ་བྷ་ལ་ལྗང་གུའི་༼བྱང༽༼སེ༽རྩ་སྒྲུབ། འབྲིང་། ཆུ་༼བྱང༽༼སེ༽སྦྱིན། འབྲིང་། གཏོར་༼བྱང༽༼སེ༽འབུལ། བསྟོད་པ་འཕྲིན་ལས་རིགས་༼བྱང༽༼སེ༽མཆོག་མ། འབྲིང་། རྣལ་འབྱོར་ཚེ་སྲོག་བསྲིང་བའི་ཕྱིར༔ ཕྱི་ནང་གསང་བའི་ཚེ་སྒྲུབ་ཡོད༔ ཅེས་ཐེམས་ཅན་ལྕགས་སྡོང་མའི་༼ཟུར༽༼སེ༽ཐེམས་བྱང་། འབྲིང་། ཕྱི་སྒྲུབ་རིན་ཅེན་བུམ་པའི་བདུད་རྩི་བཅུད་ཀྱི་སྙིང་པོ།༼སེ༽༼བྱང༽ཞེས་པ་བཅུད་ལེན་སྦྱར་ཐབས་འདིའི་ཡོན་ཏན་ལོ་བརྒྱད་ཅུ་ལོན་ཀྱང་སྐྲ་དཀར་དང་གཉེར་མ་ཞི་ཞིང་གཞོན་ནུ་ལོ་བཅུ་དྲུག་པ་ལྟར་འགྱུར་བ། འབྲིང་། ནང་སྒྲུབ་ལྕགས་ཀྱི་སྡོང་པོ་སྤྲུལ་༼སེ༽༼བྱང༽སྐུའི་སྒྲུབ་པ། འབྲིང་། གསང་སྒྲུབ་ནམ་མཁའ་རྡོ་རྗེ་ཞེས་པ་ཚེ་དང་ཡེ་ཤེས་རྣམ་པར་ངེས་པར་གཟི་བརྗིད་ཀྱི་རྒྱལ་པོ་༼སེ༽༼བྱང༽ལོངས་སྤྱོད་རྫོགས་སྐུའི་སྒྲུབ་པ། འབྲིང་། ཐེམས་མེད་ཡང་གསང་ཧྲཱི༔༼བྱང༽༼སེ༽གཅིག་མ། འབྲིང་། ཚེའི་འཁོར་ལོ་༼སེ༽འདྲི་ཐབས། ཆུང་། མཁའ་འགྲོའི་བརྡ་ཡིག་ལྡེ་མིག་༼ཡོལ༽༼སེ༽དམུས་ལོང་མིག་འབྱེད། འབྲིང་། ཚེ་སྒྲུབ་ལྕགས་ཀྱི་སྡོང་པོའི་མངོན་པར་དབང་བསྐུར་བ་༼བྱང༽འཆད་ཐབས་ཆོས་རྒྱལ་བཀྲ་ཤིས་སྟོབས་རྒྱལ་གྱིས་མཛད་པ། དེའི་བདག་མདུན་བུམ་པའི་ཆོ་ག་༼གནས༽འཆི་མེད་ཚེའི་ཆུ་རྒྱུན་རྡོ་རྗེ་འཆང་དབང་ཕྱུག་རབ་བརྟན་གྱིས་མཛད་པ། དངོས་གྲུབ་རྒྱ་བཞིན་དབབ་པའི་ཕྱིར༔ མཁའ་འགྲོ་གསང་བའི་སྒྲུབ་ཐབས་ཡོད༔ ཅེས་ཐེམས་ཅན་ལ་རྒྱ་མཚོའི་གླིང་དུ་རྡོ་རྗེ་ཕག་མོའི་༼བྱང༽༼སེ༽ཞལ་མཐོང་བའི་ལོ་རྒྱུས། འབྲིང་། རྡོ་རྗེ་མཁའ་འགྲོ་གསང་བའི་ཐུགས་སྒྲུབ་༼སེ༽༼བྱང༽ཐེམས་མེད་ལ། འབྲིང་། དམར་
མོ་དབང་སྡུད་༼སེ༽༼ཟུར༽ཀྱི་སྒྲུབ་པ། ཆེ། དམར་མོ་དབང་སྡུད་ལས་ཀྱི་༼ཟུར༽༼སེ༽མཁའ་འགྲོའི་སྒྲུབ་པ། ཆེ། སྙིང་ཏིག་གསང་བའི་སྒྲུབ་ཐབས། ༼ཟུར༽༼སེ༽ནག་པོ་གསང་བའི་གཙུག་རྒྱན། ཆེ། ཕག་མོ་གསང་བའི་ཐུགས་སྒྲུབ་གཏོར་༼སེ༽༼ཟུར༽འབུལ་བསྟོད་པ་དང་བཅས་པ། ཆེ། མེའི་སྦྱིན་༼ཡོལ༽༼སེ༽སྲེག །ཆེ། སྲོག་འཁོར་ལྟོ་འཁོར་༼ཡོལ༽༼སེ༽མ་འདྲི་ཐབས། ཆེ། ནག་མོ་ཐོད་རྒལ་སྒྲུབ་ཐབས་ལག་ལེན་གསལ་༼སེ༽༼ཡོལ༽པའི་མེ་ལོང་ཞེས་པ་གསང་བའི་སྙན་བརྒྱུད། ཆེ། དེ་དང་འབྲེལ་བའི་ཕག་མོ༼ཟུར༽གསང་སྒྲུབ་ཀྱི་ལས་བྱང་། ཆེ། གྲི་སྙིང་ལ་བརྟེན་༼སེ༽༼ཡོལ༽པའི་མངོན་ཤེས་བསྒྲུབ་པ། ཆེ། རིལ་བུར་བརྟེན་ནས་མངོན་༼ཡོལ༽༼སེ༽ཤེས་བསྒྲུབ་པ། ཆེ། སྙིང་གར་ཟླ་དཀྱིལ་བསྒོམས་ནས་མངོན་ཤེས་བསྒྲུབ་༼ཡོལ༽༼སེ༽པ་ཕག་མོས་ལུང་བསྟན་པ། ཆེ། ཕག་མོ་རིགས་༼ཡོལ༽༼སེ༽བཞིའི་སྲོག་འཁོར་འདྲི་ཐབས། ཆེ། རྩ་འཁོར་བཞིར་ཡིག་འབྲུ་བཀོད་༼སེ༽༼ཡོལ༽དེ་ཉམས་སུ་ལེན་པ་ཕག་མོ་རིགས་བཞིའི་སྒྲུབ་པ་ཕག་མོ་དངོས་ཀྱིས་ཨོ་རྒྱན་ཆེན་པོར་གདམས་པ། ཆེ། ཧ་རི་ནི་སྲས་མཁའ་འགྲོ་རྣམ་བཞི། ༼ཟུར༽༼སེ༽དབང་དུ་བསྡུ་བའི་བོགས་འདོན། ཆེ། གཡའ་སྤང་མཚམས་སུ་གྲི་སྙིང་ལ་བརྟེན་ནས། ༼སེ༽༼ཟུར༽རྡོ་རྗེ་ཌཱ་ཀིའི་མིག་མཐོང་བསྒྲུབ་པ། ཆེ། མངོན་ཤེས་འཆར་བ་དམ་ཚིག་༼སེ༽༼ཟུར༽མཁའ་འགྲོའི་སྒྲུབ་པ། ཆེ། ཟས་ནོར་འདུ་བ་རིན་ཅེན་༼ཟུར༽༼སེ༽མཁའ་འགྲོའི་སྒྲུབ་པ། ཆེ། དུག་རྣམས་ཕྱིར་གདོན་ནད་ཀྱི་བསྐལ་པ་བྲལ་བ་༼ཟུར༽༼སེ༽གསང་བ་ཐུགས་ཀྱི་མཁའ་འགྲོའི་སྒྲུབ་པ། ཆེ། འཚོ་བའི་ཟས་ཀྱིས་ཕོངས་པར་༼ཟུར༽༼སེ༽མཁའ་འགྲོའི་བརྒྱགས་སྐྱེལ། ཆེ། ལས་ཚོགས་བཅུ་གསུམ་གྱི་ནང་༼ཡོལ༽༼སེ༽གསེས་མཁའ་སྤྱོད་དུ་འགྲོ་བ། ཆེ། གྲོང་འཇུག །མི་སྣང་བ། མངོན་ཤེས་
སྲིད་འཚོལ། མོ་སྲིད་ལྟེ་བསྒྱུར། ཆར་འབེབས། གཅན་གཟན་ཁ་འཆིང་། རྨི་ལམ་ངན་པ་བཟློག་པ། ལུས་ཀྱི་སྲོག་ཆགས་བསྲུང་བ། ཆང་བསྲུང་། ཞོ་བསྲུང་། ཆང་འདུ་བ། ཟས་ནོར་འདུ་བ། ཤེས་རབ་བསྐྱེད་པ། རྡོ་ལ་ཕུར་པ་བརྡེག་པ་དང་བཅས་པ། རྡོ་རྗེ་དྲག་པོ་རྩལ་གྱི་རྩ་རླུང་དབང་༼བྱང༽༼སེ༽གི་སྦྱིན་སྲེག །ཆེ། བུམ་པ་ལ་བརྟེན་ནས་ནད་གདོན་༼བྱང༽༼སེ༽སྡིག་སྒྲིབ་ཞི་བ། ཆེ། གཏོར་མ་རིན་ཅེན་འབར་བ་ལ་བརྟེན་ནས་༼བྱང༽༼སེ༽ཚེ་དང་བསོད་ནམས་རྒྱས་པ། ཆེ། དཔལ་གཏོར་ནོར་བུ་རིན་ཅེན་༼བྱང༽༼སེ༽ལ་བརྟེན་ནས་དབང་དུ་བསྡུ་བ། ཆེ། བཀའ་སྲུང་ལེགས་ལྡན་ནག་པོར་༼སེ༽༼བྱང༽བརྟེན་ནས་དྲག་པོའི་ལས། ཆེ། ཚངས་པའི་བུ་རྡོ་རྗེ་ཁོལ་བོར་༼ཟུར༽༼སེ༽བཀོལ་བ་དང་ཚངས་པའི་བུ་མོ་རྡོ་རྗེ་ཁོལ་མོར་བཀོལ་བ། ཆེ། རླུང་སྟོད་དུ་འཚངས་པ་༼ཡོལ༽སེལ་བའི་ལས་ཁ་ཚར། ཆེ། ལུས་སེམས་ལ་སྡུག་བསྔལ་གྱི་རྒྱུ་ལས་སྒྲིབ་དང་ཆེ། དགེ་སྦྱོར་འཕེལ་འགྲིབ་༼ཟུར༽ལས་ནད་བྱུང་བ་སེལ་ཐབས། འདི་མཁའ་འགྲོ་སྙིང་ཏིག་གནས་ལ་འཁྱར་མ་འཁྱར་དཔྱད། ཕག་མོའི་གེགས་སེལ་ལ་༼ཟུར༽ཏིང་ངེ་འཛིན་གྱི་སྐྱོན་འཆོས་པ། ཆེ། འབྱུང་གཞི་ཤེས་ཆེ་ཆུང་ལ་བརྟགས་ཏེ་གེགས་སེལ། རྣམ་ཤེས་རླུང་ཞོན་གྱི་མན་ཆེ། ངག །སྣ་ཁྲག །རྔུལ། ཐིག་ལེའི་གེགས་སེལ། གང་ཟག་རྟོག་པ་ཧྲགས་པོ་རྣམས་ལ༼ཡོལ༽༼སེ༽ཐིག་ལེ་རྒྱས་པ་གཟུང་ཐབས། ཆེ། བདུད་ཀྱི་གེགས་སེལ་བའི་མན་ངག་ཟབ་མོ་སུ་རུང་རུང་ལ་བསྟན་ན་མཁའ་འགྲོས་༼ཡོལ༽༼སེ༽ཆད་པ་གཅོད་པའི་མཐའ་ཅན། ཆེ། ཕག་མོའི་སྐོར་གྱི་སྒྲུབ་སྐོར། མངོན་ཤེས་ལེ་ཚན། རིགས་བཞིའི་སྒྲུབ་པ། སྲོག་འཁོར་ལེ་ཚན། ལས་ཚོགས་བཅུ་གསུམ། སྟོད་འཚངས་བཅོས་པ། གསལ་བྱེད། གཏོར་མ་སྙན་རྒྱུད། མེའི་
སྦྱིན་སྲེག་རྣམས་ལ་ཁྲོས་ནག་གསང་སྒྲུབ་མཛོད་དབུས་མའི་སྐོར་ཞེས་རིགས་འཛིན་ཆེན་པོའི་གསན་ཡིག་ཟུར་དུ་འདུག་ཀྱང་བྱང་པ་རིགས་འཛིན་ཆེན་པོ་དང་བཀྲ་བཟང་པའི་གསན་ཡིག་སོགས་ཕལ་ཆེར་ན་ཆོས་ཚན་ཉེར་ལྔའི་ཁྲོད་དུ་ངོས་འཛིན་པའི་རྗེས་སུ་འབྲང་ངོ་། །ལས་ཅན་སྐལ་ལྡན་སྣོད་དཀོན་པས༔ སློབ་བུའི་འདོད་པ་བརྟག་ཐབས་ཡོད༔ ཅེས་ཐེམས་ཅན་སློབ་བུའི་འདོད་པ་བརྟག་༼སེ༽༼བྱང༽ཐབས་ལ་ཕྱི་རྟགས་ནང་རྟགས་སྤྱོད་པ་བརྟག་པ། འབྲིང་། ཐེམས་མེད་ལ་སློབ་བུའི་སྣོད་བརྟག་༼ཡོལ༽ཐབས་ལ་མཚན་ཉིད། འབྲིང་། རིགས། རྐྱེན། ལྟ་སྤྱོད། ཐེ་ཚོམ། ནང་རྟགས་གསང་རྟགས། རྐྱེན་མེད་དེ་བརྒྱད་ཀྱི་སྒོ་ནས་བསྟན་པ། ཐུགས་སྒྲུབ་སྙིང་པོ་བླང་བའི་ཕྱིར༔ ཡང་ཏིག་གཅེས་པའི་སྒྲོན་མ་ཡོད༔ ཅེས་ཐེམས་ཅན་རྫོགས་པ་ཆེན་པོ་ཡང་ཏིག་ཅེས་པའི་སྒྲོན་མེའི་འཁྲིད་གཞུང་ངམ་བྱང་ཆུབ་༼བྱང༽༼སེ༽སེམས་ཀྱི་ཆོས་ཉིད་སྐྱེ་མེད་དུ་བསྟན་པ། འབྲིང་། ཐེམས་མེད་སྡིག་ཅན་མཁའ་སྤྱོད་ཀྱི་གནས་སུ་འཕང་པ་༼བྱང༽༼སེ༽འཕོ་བའི་མན་ངག ། ཆེ། བླ་མའི་རྣལ་འབྱོར་བརྒྱུད་འདེབས་༼བྱང༽དང་བཅས་པ། འབྲིང་། སྐུ་གསུམ་གཏན་ལ་དབབ་པའི་རྒྱུད་དམ་བྱང་ཆུབ་ཀྱི་༼ཡོལ༽༼སེ༽སེམས་སྐྱེ་བ་མེད་པ་མ་བཅོས་རང་གསལ་གྱི་རྒྱུད་ལེའུ་གསུམ། ཆེ། བསྙེན་སྒྲུབ་ལས་སྦྱོར་ཤན་འབྱེད་པའི༔ ཕྱི་ནང་རྟགས་ཀྱི་རིམ་པ་ཡི༔ ཅེས་ཐེམས་ཅན་རྟགས་རིམ་ཞེས་པར་འདོད་པའི་རྟགས། ༼ཡོལ༽༼སེ༽ཕྱི་ནང་གསང་གསུམ། འབྲིང་། མི་འདོད་པའི་རྟགས་སློབ་དཔོན་དང་འཁོར་བསྟན་པ། ཐེམས་མེད་ཉམས་དང་རྟགས་ཀྱི་རིམ་པ་ལ་༼ཡོལ༽༼སེ༽བླ་མ་བསྒྲུབ་པ་དང་མཁའ་འགྲོ་བསྒྲུབ་
པ། ཆེ། དྲག་པོ་རྩལ་གྱི་བསྙེན་སྒྲུབ་༼ཟུར༽༼སེ༽རྟགས་རིམ། འབྲིང་། དེ་རྣམས་ཀུན་གྱི་རྩ་བའི་རྒྱུད༔ དྲག་པོ་རང་བྱུང་རང་ཤར་ཡོད༔ ཅེས་ཐེམས་ཅན་རྡོ་རྗེ་ཕུར་པ་ཐུགས་གསང་༼སེ༽༼ཡོལ༽བ་སྐུའི་རྒྱུད་ཅེས་པ་ལེའུ་བཅུ། འབྲིང་། བསོད་ནམས་ལོངས་སྤྱོད་མཐའ་རྒྱས་ཕྱིར༔ ནོར་སྒྲུབ་རིན་ཅེན་སྤུངས་པ་ཡོད༔ ཅེས་ཐེམས་ཅན་ནོར་སྒྲུབ་རིན་ཅེན་སྤུངས་པ་༼བྱང༽༼སེ༽ཞེས་པ་ཛམ་ལ་དཀར་པོའི་ཕྱི་སྒྲུབ། འབྲིང་། ཐེམས་མེད་ཛམ་ལ་༼བྱང༽༼སེ༽དཀར་པོའི་སྒྲུབ་པ་ལ། འབྲིང་། ཕྱི་ཆུ་སྦྱིན། ནང་གཏོར་མ། གསང་བ་གསང་རྫས་ལ་བརྟེན་ནས་བསྒྲུབ་པ། ཐོད་པ་ལ་བརྟེན་ནས་༼ཡོལ༽༼སེ༽ལོངས་སྤྱོད་བསྒྲུབ་པ་བསྟོད་པ་དང་བཅས་པ། འབྲིང་། ཨ་པ་ར་ཙིཏྟ་ཁོལ་པོར་བཀོལ་བ་གནོད་སྦྱིན་༼སེ༽༼བྱང༽སྙིང་བསྒུལ་གྱི་སྒྲུབ་པ། ཆེ། གནོད་སྦྱིན་མ་རྣམ་པར་རྒྱལ་མའི་སྒྲུབ་༼ཡོལ༽༼སེ༽ཐབས་རྡོ་རྗེ་འཁོལ་མོར་བཀོལ་བ། འབྲིང་། གནོད་སྦྱིན་བརྒྱགས་སྐྱེལ་གྱི་༼བྱང༽༼སེ༽མན་ངག་རྣམས། ཆེ། མན་ངག་ཐམས་ཅད་ཡོངས་སུ་རྫོགས་པའི་མཐར་ཆོས་བརྒྱུད་འཛིན་པའི་སློབ་བུ་མ་གཏོགས་ཀུན་ལ་མི་བསྐུར་ཞིང་བརྒྱུད་པ་འཛིན་ངེས་ནའང་དུས་གཅིག་ལ་སློབ་མ་གསུམ་ལས་མང་བར་བསྐུར་བའི་དབང་ཐམས་ཅད་ཀྱི་མཐར་ཐུག་རྒྱལ་ཐབས་སྤྱི་བླུགས་ཀྱི་དབང་༼སེ༽དང་དེའི་ཆེ། ལུང་རྣམས་༼བྱང༽༼སེ༽ལེགས་པར་ཐོབ་པ་ལས་དབང་ཆེ་འབྲིང་ཆུང་གསུམ་དང་བྱང་གི་རྟགས་ཡོད་པའི་ལུང་གི་བརྒྱུད་པ་ནི་རྡོ་རྗེ་བྲག་ཕྱོགས་ཀྱི་གསུང་རྒྱུན་ལ་འདི་ལྟར་འདུག་ཀྱང་དེང་སང་ཕྱག་ལེན་ལ་དབང་རྣམས་ཀྱི་མཇུག་ཏུ་མུ་འཐུད་ནས་བསྐུར་ཞིང་གྲངས་ཀྱི་ངེས་པ་ཡང་མི་མཛད་དོ། །ཆོས་སྐུ་ཀུན་བཟང་ཧེ་རུ་ཀ །ལོངས་སྐུ་རྒྱལ་བ་རིགས་ལྔ། སྤྲུལ་སྐུ་ཕྱག་ན་རྡོ་རྗེ། སྨུག་ནག་དབང་གི་མཁའ་འགྲོ། ཚངས་པའི་རྒྱལ་པོ་གདོང་གསུམ་པ་
རིགས་འཛིན་ལྷ་དབང་བརྒྱ་བྱིན། རིགས་འཛིན་ཀླུ་རྒྱལ་འཇོག་པོ། སྐལ་ལྡན་རྒྱལ་པོ་ཛ། མཁས་པ་ཤཱཀྱ་བྷ། ཨོ་རྒྱན་དུས་གསུམ་སངས་རྒྱས། པཎ་ཆེན་བི་མཱ་ལ་མི་ཏྲ། བལ་པོ་ཤཱི་ལ་མཉྫུ། མཁར་ཆེན་བཟའ་འཚོ་རྒྱལ། སྣ་ནམ་རྡོ་རྗེ་བདུད་འཇོམས། གཏེར་སྟོན་རིགས་འཛིན་ཆེན་པོ། སྲས་མཆོག་རྣམ་རྒྱལ་མགོན་པོ། སྔགས་འཆང་རྡོ་རྗེ་རྣམ་གཉིས། མཚན་ལྡན་བླ་མ་རྣམ་གཉིས། ཆོས་རྗེ་སངས་རྒྱས་དཔལ་བཟང་། ཐུགས་སྲས་ནམ་མཁའ་རྒྱལ་མཚན། སྔགས་འཆང་ཤཱཀྱ་བཟང་པོ། རིགས་འཛིན་ལེགས་ལྡན་རྡོ་རྗེ། ཆོས་རྒྱལ་བཀྲ་ཤིས་སྟོབས་རྒྱལ། སྤྲུལ་པའི་སྐུ་མཆོག་ངག་གི་དབང་པོ། ཟུར་རྡོ་རྗེ་འཆང་ཆོས་དབྱིངས་རང་གྲོལ། དེས་བདག་ཟ་ཧོར་བནྡེ་ལའོ། །ཡང་ན་གཏེར་སྟོན་ཡབ་སྲས་ནས། རྡོར་འཆང་བསོད་ནམས་བཟང་པོ། གུ་རུ་དབང་ཕྱུག་མགོན་པོ། བླ་མ་དཔལ་ལྡན་བཟང་པོ། གྲུབ་ཆེན་བདེ་ལེགས་རྒྱལ་མཚན། གུ་རུ་ཞི་ཁྲོ་ཞལ་གཟིགས་ཆོས་རྒྱལ་བསོད་ནམས། རིགས་འཛིན་སངས་རྒྱས་བསྟན་པ། ཡོལ་མོ་སྤྲུལ་སྐུ་ཤཱཀྱ་བཟང་པོ་མན་གོང་ལྟར། ཡང་ན་དྲིན་ཅན་སངས་རྒྱས་དཔལ་བཟང་ནས། སྔགས་འཆང་ཆོས་རྒྱལ་བསོད་ནམས་མན་སྔར་བཞིན་ནོ། །ཡང་ན་སྲས་མཆོག་ནས། མཁས་གྲུབ་གསང་སྔགས་སྡོང་པོ། རིགས་འཛིན་དཔལ་ལྡན་རྒྱལ་མཚན། མཉམ་མེད་རྒྱལ་མཚན་འབུམ། བྱ་བཏང་བསམ་གྲུབ་རྒྱལ་མཚན། ཆོས་རྗེ་དཔལ་ལྡན་སེང་གེ །གྲུབ་ཆེན་དཀོན་ཅོག་སྐྱབས། ལེགས་ལྡན་རྗེ་མན་གོང་ལྟར། ཡང་ན་གཏེར་སྟོན་ནས། རིགས་འཛིན་སངས་རྒྱས་བྱམས་བཟང་། སེ་སྟོན་ཉི་མ་བཟང་པོ། སེ་སྟོན་མགོན་པོ་བཟང་པོ། སེ་སྟོན་རིན་ཅེན་རྒྱལ་
མཚན། སྤྱན་ཚབ་མགོན་པོ་ཟླ་བ། མཉམ་མེད་ནུབ་དགོན་པ་བྱམས་པ་ཆོས་ཀྱི་རྒྱལ་མཚན། ཆོས་རྒྱལ་བཀྲ་ཤིས་སྟོབས་རྒྱལ་མན་གོང་ལྟར། ཡང་ན་གཏེར་སྟོན་ནས། རིགས་འཛིན་ནམ་མཁའ་གྲགས་པ། དཔང་སྟོན་བདེ་ལེགས་རྒྱལ་མཚན། སེ་སྟོན་རིན་ཅེན་རྒྱལ་མཚན་མན་གོང་བཞིན་ནོ། །ཡང་དབང་རྒྱས་པའི་བརྒྱུད་པ་ལུགས་གཅིག་ལ། ནུབ་དགོན་པ་ནས། བྱམས་པ་བློ་གྲོས་རྒྱལ་མཚན། དབང་པོའི་སྡེ་མན་གོང་ལྟར། ཡང་དབང་རྒྱས་འབྲིང་གཉིས་ཀྱི་བརྒྱུད་པ་ལུགས་གཅིག་དང་རྒྱལ་ཐབས་སྤྱི་ལུགས་ཀྱི་དབང་བརྒྱུད་ནི། ངག་གི་དབང་པོ་ཡན་གོང་ལྟར་ལ། དེ་ནས་ཡོལ་མོ་སྤྲུལ་སྐུ་གཏེར་སྟོན་བསྟན་འཛིན་ནོར་བུ། གཅུང་སྒམ་སྨྱོན་ཕྱག་རྡོར་ནོར་བུ། ཁྱབ་བདག་ཆོས་དབྱིངས་རང་གྲོལ། དེས་བདག་ལའོ། །ཡང་དབང་ཆེ་འབྲིང་ཆུང་གསུམ་རྒྱལ་ཐབས་སྤྱི་བླུགས་སེའི་རྟགས་ཡོད་པའི་ལུང་དང་བཅས་པའི་བརྒྱུད་པ་ནི། ཐུགས་སྲས་ནམ་མཁའ་རྒྱལ་མཚན་ཡན་གོང་ལྟར་ལ། དེ་ནས་གནུབས་ཆེན་ངག་དབང་རྒྱ་མཚོ། སྐྱི་སྟོན་ཚེ་རིང་དབང་པོ། ཀླུ་སྒྲུབ་ཆོས་ཀྱི་རྒྱལ་མཚན། སེ་སྟོན་ནམ་མཁའ་རིགས་འཛིན། སེ་སྟོན་ཐུགས་མཆོག་འོད་འབར། དྲིན་ཅན་གཏེར་བདག་གླིང་པ། དེས་བདག་ལའོ། །ཡང་ན་ཐུགས་སྲས་རིན་པོ་ཆེ་ནས། བཀྲ་བཟང་བ་འཛམ་གླིང་ཆོས་གྲགས། དྲན་མཆོག་ནམ་མཁའ་བསོད་ནམས། བཀྲ་བཟང་པ་པདྨ་དབང་ཆེན། བཀྲ་བཟང་པ་ཚེ་དབང་རིགས་འཛིན། བཀྲ་བཟང་པ་ནམ་མཁའ་རིགས་འཛིན་མན་འདྲ། ཡང་ན་ཆོས་རྒྱལ་བཀྲ་ཤིས་སྟོབས་རྒྱལ་ནས། རིགས་འཛིན་ཀུན་བཟང་ཉི་མ། སེ་བན་ནམ་མཁའི་རིགས་འཛིན་མན་འདྲ། དབང་ཆེ་བ་དང་ཆུང་བའི་བརྒྱུད་པ་ལུགས་
གཅིག་ལ། སྲས་རྣམ་རྒྱལ་མགོན་པོ་ནས། ཀུན་སྤངས་དོན་ཡོད་རྒྱལ་མཚན། བརྒྱུད་འཛིན་བསོད་ནམས་མཆོག་བཟང་། གྲུབ་ཐོབ་ཐང་སྟོང་རྒྱལ་པོ། བྱང་སེམས་ཀུན་དགའ་ཉི་མ། དྲན་མཆོག་སངས་རྒྱས་བརྩོན་འགྲུས། བྱེ་ཚང་པ་རིན་ཅེན་དཔལ་འབྱོར། རྒྱལ་སྲས་སངས་རྒྱས་བདེ་ཆེན། རྗེ་བཙུན་ཉི་ཟླ་སངས་རྒྱས། རྡོ་རྗེ་འཆང་ཕ་བོང་ཁ་པ་དཔལ་འབྱོར་ལྷུན་གྲུབ། དེས་བདག་ཟ་ཧོར་བནྡེ་ལའོ། །ཡང་དབང་ཆེ་བའི་བརྒྱུད་ལུགས་གཅིག་ལ། སྲས་རྣམ་རྒྱལ་མགོན་པོ་ནས་རྡོར་འཆང་བསོད་ནམས་བཟང་པོ། གྲུབ་ཆེན་དཔལ་ལྡན་རྒྱལ་མཚན། རིགས་འཛིན་རྡོ་རྗེ་གྲགས་པ། བླ་མ་སངས་རྒྱས་སྐྱབས། འཁོན་སྟོན་བྱམས་པ་དཔལ། པཎ་ཆེན་པདྨ་དབང་རྒྱལ། མཆོག་སྤྲུལ་ལེགས་ལྡན་རྡོ་རྗེ་མན་གོང་ལྟར། ཡང་ན་གཏེར་སྟོན་ནས་གངས་ཆེན་སངས་རྒྱས་བསྟན་པ། རིགས་འཛིན་སངས་རྒྱས་བྱམས་བཟང་། མཉམ་མེད་སངས་རྒྱས་དཔལ་བཟང་། རྗེ་བསོད་ནམས་བཟང་པོ། སྤྱན་ཚབ་རྗེ། ནུབ་དགོན་རྗེ། མཁས་གྲུབ་བྱམས་པ་བློ་གྲོས་རྒྱལ་མཚན། ཆོས་རྒྱལ་བཀྲ་ཤིས་སྟོབས་རྒྱལ་མན་གོང་འདྲ། ལྕགས་སྡོང་མའི་དབང་བརྒྱུད་ནི། མགོན་པོ་ཚེ་དཔག་མེད། ཚེའི་ལྷ་མོ་ཙཎྜ་ལི། འཆི་མེད་པདྨ་འབྱུང་གནས། མཁའ་འགྲོ་ཡེ་ཤེས་འཚོ་རྒྱལ། གཏེར་སྟོན་རིགས་འཛིན་ཆེན་པོ། རིགས་འཛིན་སངས་རྒྱས་བྱམས་བཟང་། སེ་སྟོན་རིན་ཅེན་རྒྱལ་མཚན། ཆོས་རྗེ་སྤྱན་ཚབ་པ། མཉམ་མེད་ནུབ་དགོན་པ། ཆོས་རྒྱལ་བཀྲ་ཤིས་སྟོབས་རྒྱལ། རིགས་འཛིན་ངག་གི་དབང་པོ། དེས་འཕྱིང་བར་སྟག་རྩེར་བརྒྱ་རྩའི་སྒོ་ནས་ཁོ་བོ་རྗེས་སུ་བཟུང་ངོ་། །ཡང་ན་ངག་གི་དབང་པོ་ནས། ཟུར་རྩ་
བའི་བླ་མ། དེས་བདག་ལའོ། །ཡང་ན་གཏེར་སྟོན་ནས། སེ་སྟོན་མགོན་པོ་བཟང་པོ། སེ་སྟོན་རིན་ཅེན་རྒྱལ་མཚན་མན་གོང་ལྟར། ཡང་ན་གཏེར་སྟོན་ནས། དོ་ཆེན་སངས་རྒྱས་བསྟན་པ། སངས་རྒྱས་བྱམས་བཟང་མན་གོང་བཞིན་ནོ། །ཡང་ན་གཏེར་སྟོན་ནས། རྡོ་རྗེ་མགོན་པོ། བྱམས་པ་བཤེས་གཉེན། ངག་དབང་གྲགས་པ། སངས་རྒྱས་དཔལ་བཟང་། ནམ་མཁའ་རྒྱལ་མཚན། ཡོལ་མོ་ཤཱཀ་བཟང་། ལེགས་ལྡན་རྗེ་མན་གོང་ལྟར། ལྕགས་སྡོང་མ་སངས་རྒྱས་སྟོང་གི་བསྐྱེད་ཆོག་ཡོད་པའི་བརྒྱུད་པ་ནི། གཏེར་སྟོན་ནས། རྡོ་རྗེ་དཔལ། བྱམས་པ་བཤེས་གཉེན། ངག་དབང་གྲགས་པ། ཆོས་རྒྱལ་བསོད་ནམས། དེ་སྲས་བསོད་ནམས་ཆོས་སྐྱོང་བཀྲ་ཤིས། ཚར་ཆེན་ཆོས་ཀྱི་རྒྱལ་པོ། འཇམ་དབྱངས་མཁྱེན་བརྩེ། །རྗེ་དབང་རབ་བཀའ་འགྱུར་བ། ཟུར་ཆེན། དེས་བདག་ལའོ། །གོང་གསལ་ཚེ་དཔག་མེད་སྐོར་གྱི་ལུང་གི་བརྒྱུད་པ་ལུགས་གཅིག་ནི། དཔལ་ལྡན་ནམ་མཁའ་གྲགས་པ། འཇམ་དབྱངས་བསོད་ནམས་རྒྱལ་མཚན། བྱ་བྲལ་ཆོས་རྗེ། དཀོན་ཅོག་བློ་གྲོས། བློ་གྲོས་དབང་པོ། ཤཱཀྱ་དཔལ་བཟང་། ནུབ་དགོན་པ། དབང་པོའི་སྡེ། ངག་གི་དབང་པོ། ཟུར་ཐམས་ཅད་མཁྱེན་པས་བདག་ལ་གནང་ངོ་། །ཡང་ན་སངས་རྒྱས་དཔལ་བཟང་ནས། ཆོས་རྒྱལ་བསོད་ནམས། བསོད་ནམས་བཀྲ་ཤིས། རིགས་འཛིན་ལེགས་ལྡན་རྗེ་མན་གོང་ལྟར། ཡང་ན་ལེགས་ལྡན་རྗེ་ནས་རྒྱལ་སྲས་པདྨ་ཆོས་རྒྱལ། དབང་པོའི་སྡེ་མན་འདྲ། ཡང་ནང་སྒྲུབ་ཀྱི་དབང་ལུང་ནི། མེ་སྟོན་ནམ་མཁའ་རྒྱལ་མཚན་ནས། ཐུགས་སྲས་སྤང་ཁང་ཆེན་པོ་དཔལ་ལྡན་བློ་གྲོས། དབང་པོའི་སྡེ་མན་གོང་བཞིན་ནོ། །བརྒྱུད་པ་འདི་སྐུ་ཚེའི་བྱིན་རླབས་ཀྱི་བཀའ་བབས་ཆེ་བར་གྲགས། །ལས་ཀྱི་བྱ་ཁྱུང་གི་གཏོར་དབང་གི་བརྒྱུད་
པ་ནི། གཏེར་སྟོན་ནས་རྡོ་རྗེ་རྣམ་གཉིས། བླ་མ་རྣམ་གཉིས། སངས་རྒྱས་དཔལ་བཟང་། ཐུགས་སྲས་རིན་པོ་ཆེ། སྔགས་འཆང་ཤཱཀ་བཟང་། རིགས་འཛིན་ཆེན་པོ་བྱང་བདག་ཡབ་སྲས། ཡོལ་མོ་བ་མཆེད་གཉིས། ཟུར་ཆེན། དེས་བདག་གོ །ཡང་ཏིག་གཅེས་སྒྲོན་དང་འཕོ་བའི་ཉམས་འཁྲིད་ཀྱི་བརྒྱུད་པ་ནི། གཏེར་སྟོན་ཡབ་སྲས་ནས། སྔགས་འཆང་རྡོ་རྗེ་རྣམ་གཉིས། མཚན་ལྡན་བླ་མ་རྣམ་གཉིས། དྲིན་ཅན་སངས་རྒྱས་དཔལ་བཟང་། ཐུགས་སྲས་ནམ་མཁའ་རྒྱལ་མཚན། གནུབས་ཆེན་ངག་དབང་རྒྱ་མཚོ། སྐྱི་སྟོན་ཚེ་རིང་དབང་པོ། རང་གྲོལ་ཀླུ་སྒྲུབ་དབང་པོ། ཟུར་ཆེན་ངག་དབང་ཕུན་ཚོགས། ཀུན་མཁྱེན་ཆོས་དབྱིངས་རང་གྲོལ། དེས་བདག་ལའོ། །ཡང་ཏིག་གཅེས་སྒྲོན་གྱི་ཉམས་འཁྲིད་ཀྱི་བརྒྱུད་ལུགས་གཅིག་ལ། གཏེར་སྟོན་ཡབ་སྲས་ནས། རིགས་འཛིན་སངས་རྒྱས་བྱམས་བཟང་། སེ་སྟོན་ཉི་མ་བཟང་པོ། སེ་སྟོན་མགོན་པོ་བཟང་པོ། སེ་སྟོན་རིན་ཅེན་རྒྱལ་མཚན། སྤྱན་ཚབ་མགོན་པོ་ཟླ་བ། ནུབ་དགོན་པ་བྱམས་པ་ཆོས་ཀྱི་རྒྱལ་མཚན། ཐུགས་སྲས་བློ་གྲོས་རྒྱལ་མཚན། མཁན་ཆེན་བྱམས་པ་བཟང་པོ། རང་གྲོལ་ཀུན་བཟང་ཉི་མ། རྫོགས་ཆེན་པ་འབྲུག་སྒྲ་བཟང་པོ། རིགས་འཛིན་འཕྲིན་ལས་ལྷུན་གྲུབ། ཁྱབ་བདག་ཆོས་དབྱིངས་རང་གྲོལ། དེས་བདག་ལའོ། །ཡོལ་གྱི་རྟགས་ཡོད་པའི་ལུང་བརྒྱུད་ནི། རིགས་འཛིན་ངག་གི་དབང་པོ་ཡན་གོང་ལྟར་ལ། དེ་ནས་མཆོག་སྤྲུལ་བསྟན་འཛིན་ནོར་བུ། རྩ་བའི་བླ་མ་ཆོས་དབྱིངས་རང་གྲོལ། དེས་བདག་ལའོ། །ཟུར་གྱི་རྟགས་ཡོད་པ་རྣམས་ཀྱི་ལུང་བརྒྱུད་ནི། གཏེར་སྟོན་ཡབ་སྲས་ནས། སྔགས་འཆང་རྣམ་གཉིས། མཚན་ལྡན་རྣམ་གཉིས། སངས་རྒྱས་དཔལ་བཟང་།
ཐུགས་སྲས་རིན་པོ་ཆེ། གནུབས་ངག་དབང་རྒྱ་མཚོ། སྔགས་འཆང་ཚེ་རིང་དབང་པོ། རང་གྲོལ་ཀླུ་སྒྲུབ་དབང་པོ། ཟུར་ངག་དབང་ཕུན་ཚོགས། ཁྱབ་བདག་ཁྲ་ཚང་པ་ཆེན་པོ། དེས་བདག་ལའོ། །གནས་ཀྱི་རྟགས་ཡོད་པའི་བརྒྱུད་པ་ནི། རིགས་འཛིན་ཆེན་པོ་ནས། འཇམ་མགོན་མཁྱེན་བརྩེའི་དབང་ཕྱུག །རྡོ་རྗེ་འཆང་དབང་ཕྱུག་རབ་བརྟན། ཞ་ལུ་མཁན་ཆེན་རིན་ཅེན་བསོད་ནམས་མཆོག་གྲུབ། དེས་བདག་ལའོ། །གཞོན་གྱི་རྟགས་ཡོད་པའི་བརྒྱུད་པ་ནི། ཆོས་རྒྱལ་མངྒའི་མཚན་ཅན་ནས། སྔགས་འཆང་ཆེན་པོ་གཞོན་ནུ་དོན་གྲུབ། རྩ་བའི་བླ་མ། དེས་བདག་ལའོ། །