རྩ་རླུང་ཟབ་ལམ་གསང་འཁྲིད་བདེ་སྟོང་རྒྱ་མཚོ་ཞེས་རྡོ་རྗེ་དྲག་པོ་རྩལ་གྱི་ཡུམ་བཀའི་སྐོར།
སྤྲུལ་སྐུ་རིགས་འཛིན་ཆེན་པོས་དབུས་སྙིང་མཛོད་སྨུག་པོ་ནས་སྤྱན་དྲངས་པའི་སློབ་དཔོན་ཆེན་པོ་ལ་ཡུམ་རྡོ་རྗེ་ཕག་མོས་དངོས་སུ་གནང་བའི་རྩ་རླུང་ཟབ་ལམ་གསང་འཁྲིད་བདེ་སྟོང་རྒྱ་མཚོ་ཞེས་རྡོ་རྗེ་དྲག་པོ་རྩལ་གྱི་ཡུམ་བཀའི་སྐོར་ལ། ཐོག་མར་དབང་ཆོག་བཀའ་རྒྱ་ཅན་གྱི་སྟེང་ནས་ཀ་པཱ་ལར་བརྟེན་ནས་བུམ་དབང་། སིནྡྷུ་ར་ལ་བརྟེན་ནས་གསང་དབང་། མཚན་ལྡན་ཕྱག་རྒྱ་ལ་བརྟེན་ནས་ཤེར་དབང་། གཟུགས་བརྙན་སྣ་ཚོགས་ལ་བརྟེན་ནས་རིག་པའི་རྩལ་དབང་། རྒྱལ་ཐབས་སྤྱི་བླུགས་ཀྱི་དབང་། རྩ་རླུང་ཐིག་ལེ་སྦྱང་བ། རྡོ་རྗེ་སྦུགས་སུ་འདྲེན་པ། གེགས་སེལ་བོགས་འདོན་རྩ་རླུང་འཁྲུལ་འཁོར་གྱི་རིམ་པ་སྟེ་རང་ལུས་ཡབ་རྐྱང་ལ་བརྟེན་པའི་ཉམས་འཁྲིད་སྨིན་རྒྱས། ཞར་བྱུང་གཞན་ལུས་ཡུམ་དང་གཉིས་མེད་ལ་བརྟེན་པའི་བདེ་སྟོང་གི་རྩལ་སྦྱོང་གོ་ཡུལ་ངོ་སྤྲོད་དང་བཅས་པ་སྨིན་རྒྱས་སུ་མནོས། རྒྱབ་རྟེན་དུ་གསང་འཁྲིད་བདེ་སྟོང་རྒྱ་མཚོའི་གཞུང་ལ་ནང་གསེས་ཀྱི་སྔོན་འགྲོ། ཡབ་རྐྱང་ལ་བརྟེན་ནས་རྩ་རླུང་སྦྱོང་བ། འཁྲུལ་འཁོར་རྩ་ཚིག་
ཕྱག་རྒྱ་བརྟག་པ། འགུགས་པ། མི་སྣང་བ། གཞན་ལུས་ལ་བརྟེན་པའི་རྩ་རླུང་ཐིག་ལེའི་ཉམས་ལེན་དངོས། མཇུག་གི་རིམ་པ་དང་བཅས་པ། སྨིན་བྱེད་དབང་ཆོག་བཀའ་རྒྱ་མ་རྣམས་ཐོབ་པའི་བརྒྱུད་པ་ནི། ཆོས་སྐུ་ཀུན་ཏུ་བཟང་པོ། ལོངས་སྐུ་ཞི་ཁྲོ་རིགས་ལྔ། དྲུག་པ་རྡོ་རྗེ་འཆང་། རྡོ་རྗེ་སེམས་དཔའ། དགའ་རབ་རྡོ་རྗེ། འཇམ་དཔལ་བཤེས་གཉེན། ཤྲཱི་སིངྷ། ཨོ་རྒྱན་བཀའ་དྲིན་མཉམ་མེད། པཎ་ཆེན་བི་མཱ་ལ། ལོ་ཆེན་བཻ་རོ་ཙ་ན། རྗེ་ཁྲི་སྲོང་ལྡེ་བཙན། ཇོ་མོ་ཡེ་ཤེས་འཚོ་རྒྱལ། གཏེར་སྟོན་རིགས་འཛིན་ཆེན་པོ། སྔགས་འཆང་རྡོ་རྗེ་མགོན་པོ། རིགས་འཛིན་ནམ་མཁའ་གྲགས་པ། སྤྲུལ་སྐུ་འཇམ་དཔལ་འོད་ཟེར། སྔགས་འཆང་ཆོས་རྒྱལ་བསོད་ནམས། རིགས་འཛིན་སངས་རྒྱས་བསྟན་པ། འཁྲུལ་ཞིག་དཀོན་ཅོག་བཟང་པོ། བྱམས་པ་རིན་ཅན་རྡོ་རྗེ། སྔགས་འཆང་ཚེ་རིང་དབང་པོ། རང་གྲོལ་ཀླུ་སྒྲུབ་དབང་པོ། ཟུར་ཆེན་ངག་དབང་ཕུན་ཚོགས། ཁྱབ་བདག་ཆོས་དབྱིངས་རང་གྲོལ། དེས་བདག་ལའོ། །ཡང་ན་རྡོ་རྗེ་མགོན་པོ་ནས། མཚན་ལྡན་ངག་དབང་གྲགས་པ། དྲིན་ཅན་སངས་རྒྱས་དཔལ་བཟང་། ཐུགས་སྲས་ནམ་མཁའ་རྒྱལ་མཚན། གནུབས་ངག་དབང་རྒྱ་མཚོ། སྐྱི་སྟོན་སྔགས་འཆང་མན་གོང་བཞིན་ནོ། །སྤྲུལ་སྐུ་རིགས་འཛིན་ཆེན་པོས་ལྷོ་གསེར་མཛོད་སེར་པོ་ནས་སྤྱན་དྲངས་པའི་བཀའ་བརྒྱད་དྲག་པོ་རང་བྱུང་རང་ཤར་ནི་རྒྱུད་ལས། ཞི་ཁྲོ་བཀའ་བརྒྱད་ལྷ་ཚོགས་ནི༔ ཤེས་པ་ཙམ་གྱིས་ཆོག་པ་ཡིན༔ དྲན་པ་ཙམ་གྱིས་ལམ་སྣ་བགྲོད༔ ཡེ་ཤེས་ནང་ནས་ཁྱད་པར་ཆེ༔ ལྷ་ཡི་ནང་ནས་ལྷ་མཆོག་ཡིན༔ དེ་ལ་བསྙེན་དང་སྒྲུབ་པ་དང་༔ མཆོད་དང་བསྟོད་པ་ཐམས་ཅད་ཀུན༔
ཆོས་ཀྱི་དབྱིངས་སུ་མངོན་འཚང་རྒྱ༔ ཞེས་ཆེས་ཆེར་བསྔགས་པའི་སྐོར་ལ། རས་བྲིས་ཀྱི་དཀྱིལ་འཁོར་དུ་སྒྲུབ་གཞུང་གི་སྟེང་ནས་སྟ་གོན་དང་། རང་བྱུང་རང་ཤར་གྱི་རྒྱུད་ནས་པདྨ་ཐོད་འཕྲེང་རྩལ་གྱིས་ལོགས་སུ་བཀོད་པའི་རྩ་བའི་དབང་ངམ་བསྙེན་པ་གསོ་བའི་དབང་ཆོག་གི་སྟེང་ནས་དཀྱིལ་འཁོར་དུ་འཇུག་པ། མེ་ཏོག་འཕྲེང་བ། ནུས་པའི་དབང་། རིག་པའི་དབང་ལྔ། སྨན་རཀ་གཏོར་གསུམ། ཕྱག་མཚན་རྒྱན་དབང་། ལྷ་དབང་། བྱང་སེམས་ལ་བརྟེན་ནས་གསང་དབང་། ཕྱག་རྒྱ་ལ་བརྟེན་ནས་ཤེར་དབང་། བརྡ་དང་ངོ་སྤྲོད་ལ་བརྟེན་ནས་ཚིག་དབང་། ལྟ་སྒོམ་སྤྱོད་པའི་དབང་། མཐའ་རྟེན་སྒྲོལ་དབང་དང་བཅས་པ། ཚེ་ལྷ་ཡོངས་རྫོགས་ཀྱི་དབང་། བྱ་ཁྱུང་ཡོངས་རྫོགས་ཀྱི་དབང་། ནོར་ལྷ་ཡོངས་རྫོགས་ཀྱི་དབང་རྣམས་ལེགས་པར་མནོས། རྒྱུད་དང་འཁྲིད་གཞུང་རྣམས་ཀྱི་སྙིང་པོ་གཅིག་ཏུ་བསྡུས་པ་རྩ་བ་སྡོང་པོ་ལྟ་བུའི་འཁྲིད། གྱེས་པ་ཡལ་ག་ལྟ་བུའི་འཁྲིད། སྨིན་པ་འབྲས་བུ་ལྟ་བུའི་འཁྲིད་ཡིག་བཀའ་བརྒྱད་ཀྱི་དགོངས་པ་སྙིང་ཏིག་ཐམས་ཅད་ཀྱི་སྲོག་མ་ཚང་བ་མེད་པར་སྐལ་ལྡན་ཚེ་གཅིག་སངས་རྒྱས་སྒྲུབ་པའི་ཆ་རྐྱེན་དུ་རྒྱལ་དབང་པདྨས་རྒྱུད་ལས་གུད་དུ་ཕྱུང་བ་ལ་གཞི་བྱས། ཁྲི་སྲོང་རྣམ་སྤྲུལ་མངའ་རིས་པཎ་ཆེན་རིན་པོ་ཆེས་མཛད་པའི་རིམ་ལྔ་གདན་ཐོག་གཅིག་ཏུ་སྒོམ་པའི་འཁྲིད་ཡིག་རང་ལུས་འབྱུང་བཞི་འདུས་པའི་བྲག་རི་དུག་ལྔའི་སྦྲུལ་གྱིས་ཀུན་ནས་སྤུངས་པའི་དབུས་ནས་དགོངས་གཏེར་དུ་བྱུང་བ་དང་། གཏེར་བྱོན་གནམ་ཞལ་དོན་འཁྲིད་གཉིས་སྡེབས་རིགས་འཛིན་བརྒྱུད་པའི་གསུང་རྒྱུན་གྱིས་ལེགས་པར་བརྒྱན་ཏེ་དབང་པོ་མཐའ་མའི་རིམ་པ་གསུམ་ལ་ཉན་རང་དབུ་སེམས་ཀྱི་འཁྲིད་
དབང་པོ་འབྲིང་གི་རིམ་པ་གསུམ་ལ་བྱང་སེམས་ཀྲྀ་ཡོག་ཨུ་པ་གསུམ་གྱི་འཁྲིད། གནམ་ཞལ་དོན་འཁྲིད་ནས་གསུངས་པའི་ཡོ་ག་གསུམ་ལ་བརྟེན་པའི་ལྷ་འཁྲིད། དབང་པོ་རབ་ཀྱི་མཐའ་མ་ལ་གསང་དབང་དང་འབྲེལ་བ་རྩ་རླུང་གི་འཁྲིད། དབང་པོ་རབ་ཀྱི་འབྲིང་ལ་ཤེར་དབང་དང་འབྲེལ་བ་ཐབས་ལམ་གྱི་འཁྲིད། རང་བྱུང་རང་ཤར་ལེའུ་བཅོ་ལྔ་པ་ལས་ཕྱུང་བ་ལུས་དབེན། ངག་དབེན། སེམས་དབེན། སྒྱུ་ལུས། འོད་གསལ། ཟུང་འཇུག །དབང་པོ་རབ་ཀྱི་རབ་ལ་ཡེ་ཤེས་ཟང་ཐལ་དང་ཡང་མཐུན་པ་སྒོམ་མི་དགོས་པར་མཐོང་བས་གྲོལ་བ་འོད་གསལ་རྫོགས་པ་ཆེན་པོ་སྣོད་བཞིའི་འཁྲིད་རྣམས་སྨིན་རྒྱས་སུ་མནོས། རྒྱབ་རྟེན་ལུང་གི་སྐོར་ལ། ཐེམས་བྱང་ལས། རྒྱུད་ཆེན་གཉིས་ཀྱིས་ཐོག་དྲངས་ནས༔ བསྐྱེད་རིམ་ཆོས་ཚན་བརྒྱ་རྩ་བརྒྱད༔ རྫོགས་རིམ་ཆོས་ཚན་བཅུ་གཅིག་ཡོད༔ ཤིན་ཏུ་གཅེས་ཤིང་དམ་པར་བཅད༔ རྩེ་གཅིག་སྒྲུབས་ལ་ཉམས་སུ་ལོང་༔ ཞེས་པ་ལྟར། རྒྱུད་ཀྱིས་ཐོགས་དྲངས་པའི་བསྐྱེད་རིམ་གདམས་པའི་སྐོར། རྫོགས་རིམ་གྱི་གྲོལ་བྱེད་ཀྱི་སྐོར་དང་གཉིས་ལས། དང་པོ་ལ། རྩ་རྒྱུད་ཀྱི་སྐོར། སྒྲུབ་པ་འཕྲིན་ལས། སྨིན་བྱེད་དབང་རིམ། ཉམས་ཆགས་དག་བྱེད་སྐོར། རང་གཞན་ཕན་བདེ་འབྱུང་ཐབས། གཤིན་ལ་ཕན་གདགས་པ། ནད་གདོན་བར་གཅོད་བཟློག་ཐབས། བསོད་ནམས་ཚོགས་གསོག །ཐུན་མོང་ཆོས་སྤྱོད། ཕན་གནོད་ལས་ཕྲན། ཆོས་སྐྱོང་བསྟན་སྲུང་། ཡོངས་རྫོགས་རྣམ་གསུམ། ཉམས་ལེན་ལྷ་འཁྲིད་ཀྱི་རིམ་པ་དང་བཅུ་གསུམ། དང་པོ་ལ། དྲག་པོ་རང་བྱུང་རང་ཤར་ཆེན་པོ་རྩ་བའི་རྒྱུད་ལེའུ་ཉེར་དྲུག་པ་ཨོ་རྒྱན་གྱི་མཁན་པོ་པདྨ་འབྱུང་གནས་ཀྱིས་རྒྱ་གར་དང་།
ཨོ་རྒྱན་གྱི་སྒྲ་གཉིས་རང་འགྱུར་དུ་མཛད་པ། རང་བྱུང་རང་ཤར་རྩ་བའི་རྒྱུད་དམ། རྒྱལ་ཚབ་རང་བྱུང་རང་ཤར་དུ་བྱོན་པ་ལེའུ་ཉེར་ལྔ་པ་བསམ་འཕེལ་ནོར་བུའི་རྒྱ་ཅན། ཞི་ཁྲོ་བཀའ་བརྒྱད་འདུས་པའི་སྔགས་རྒྱུད་རིན་ཅེན་འཕྲེང་བ་ལེའུ་བཅོ་ལྔ་པ། རྒྱུད་ལེའུ་ཉེར་དྲུག་པའི་གྲངས་ངེས་མཁྱེན་རབ་དབང་ཕྱུག་གིས་མཛད་པ། དེ་མཛད་པའི་རྒྱུད་ཀྱི་ལས་རིམ་རྩ་བ་གསལ་བྱེད། དེས་མཛད་པའི་གསང་རྒྱུད་རྩ་བ་སྡོམ་གྱིས་བསྡུས་པ་རྣམ་པར་ཕྱེ་བ་རྣམས། གཉིས་པ་སྒྲུབ་པ་འཕྲིན་ལས་ཀྱི་སྐོར་ལ། ཐེམས་བྱང་ཞལ་གདམས་ལེའུ་བརྒྱད་པ། ཞི་བ་གསང་ཆེན་རིགས་གཅིག་གི་སྒྲུབ་པ། རྩ་བ་སྡོང་པོ་ལྟ་བུའི་སྒྲུབ་ཐབས། གྱེས་པ་ཡལ་ག་ལྟ་བུའི་སྒྲུབ་ཐབས། རྒྱས་པ་ལོ་འདབ་ལྟ་བུའི་སྒྲུབ་ཐབས། མཛེས་པ་མེ་ཏོག་ལྟ་བུའི་སྒྲུབ་ཐབས། སྨིན་པ་འབྲས་བུ་ལྟ་བུའི་སྒྲུབ་ཐབས། བདེ་གཤེགས་རྩ་བ་དྲིལ་སྒྲུབ་སྙིང་གི་གཏེར། རྩ་བ་ཡང་དྲིལ་གྱི་སྒྲུབ་ཐབས། རང་བྱུང་རང་ཤར་རྒྱུད་མཆོག་སྙིང་པོའི་བཅུད། ཞི་ཁྲོའི་དྲིལ་སྒྲུབ་རང་བྱུང་རང་ཤར་ཆེན་པོའི་བཅུད། བཀའ་བརྒྱད་བརྒྱུད་པའི་གསོལ་འདེབས་ཁྱབ་བདག་མངའ་རིས་པཎ་ཆེན་གྱིས་མཛད་པ། དེས་མཛད་པའི་བརྒྱུད་འདེབས་འོག་མིན་ཆོས་དབྱིངས་མ། དྲུག་པོ་རང་བྱུང་རང་ཤར་ཆེན་པོའི་སྒྲུབ་གཞུང་ཆེན་མོ། བཀའ་བརྒྱད་དྲག་པོ་རང་བྱུང་རང་ཤར་ཆེན་པོའི་སྒྲུབ་གཞུང་ཟུར་འདེབས། སྒྲུབ་པ་རྒྱས་པའི་ལག་ལེན་བཀའ་བབས་སྤྱི་དོན་ཆེན་མོར་གྲགས་པ་མཁྱེན་རབ་དབང་ཕྱུག་གི་གསུང་། སྒྲུབ་པའི་ཡུམ་བརྟག་པའི་ཡིག་ཆུང་། སྒྲུབ་ཆེན་སྐབས་མངའ་གསོལ་བྱ་བའི་ཡིག་ཆུང་། དམ་བཅའ་བཀོལ་བ། རྒྱུན་བཤགས་ནར་མ། མཆོད་སྐོང་བསྡུས་པ། བར་ཆད་མྱུལ་ལེ་རྒྱས་པར་བརྟགས་ཏེ་བཟློག་པ།
རྩ་བརྒྱད་ཡན་ལག་སྟོང་གི་བཤད་པ། བདུད་རྩི་རྩ་བ་སྒྲུབ་པའི་ཟུར་འདེབས། དངོས་གྲུབ་ཡོངས་རྫོགས་བསྐུལ་བ། སྒྲུབ་ཆེན་བཀའ་བརྒྱད་དུས་གསུམ་རྒྱལ་བ་ཡོངས་རྫོགས་ཀྱི་འཕྲིན་ལས་སྔོན་འགྲོ། དྲག་པོ་རང་བྱུང་རང་ཤར་ཆེན་པོའི་འཕྲིན་ལས་འབྲིང་པོ། གསང་བ་སྒྲུབ་ཆེན་ལས་འཁྲིད་ཡི་དམ་རྒྱུན་འཁྱེར་དུ་གྲགས་པ་སྔགས་ཀྱི་སྒྲུབ་པ། བཀའ་བརྒྱད་འཕྲིན་ལས་ཀྱི་སྐབས་སུ་མཁོ་བའི་སྒོམ་ཁོག །བསྟོད་པ་ཆོས་སྐུ་སྐྱེ་མེད་མ། བཀའ་བརྒྱད་གདན་གྱི་རྣམ་པར་དབྱེ་བ། མངའ་རིས་པཎ་ཆེན་གྱིས་ལྷོ་བྲག་ཏུ་མཛད་པ། དེས་མཛད་པའི་ལྷ་བསྐྱེད་པའི་གདན་ལུགས་འབྱུང་ལུགས་ལྡོག་གི་ཚུལ་ཟུར་དུ་བཀོལ་བ་རྣམས། གསུམ་པ་སྨིན་བྱེད་དབང་གི་རིམ་པ་ལ། བཀའ་བརྒྱད་ཀྱི་དབང་གི་ཆུ་བོའི་བབས་སོ་ཆེན་པོ། རང་བྱུང་རང་ཤར་ཆེན་པོའི་རྒྱུད་ཀྱི་ཉམས་ལེན་ལྟ་སྒོམ་སྤྱོད་པ་འབྲས་བུ་མདོ་འགག་ཏུ་དྲིལ་བ་ཉོན་མོངས་དུག་སྦྲུལ་སྤུངས་པའི་སྒྱུ་ལུས་ཀྱི་བྲག་རི་ཆེན་པོའི་ནང་ནས་ལྷ་རིགས་པདྨ་དབང་རྒྱལ་གྱི་དགོངས་གཏེར་དུ་ཕྱུང་བ། རང་བྱུང་རང་ཤར་གྱི་དབང་གི་ལྷན་ཐབས་དོན་གསལ་སྒྲོན་མ་ཉི་ཟླའི་རྒྱ་ཅན། རྩ་དབང་བཀོལ་བའམ། བསྙེན་པ་གསོ་བའི་དབང་དུ་གྲགས་པ་དཔལ་སྔགས་ཀྱི་སྲུང་མ་རྡོ་རྗེ་ཁྲོ་གདོང་མར་གཉེར་དུ་གཏད་པའི་མཐའ་ཅན། བཀའ་བརྒྱད་དབང་གི་བུམ་སྒྲུབ། དུས་བསྙེན་སྒྲུབ་དབང་གི་ཁྲིགས་སམ་སྒྲུབ་དབང་ཆེན་མོའི་ཆོ་གའི་སྡོམ་དུ་གྲགས་པ། སློབ་མ་སྟ་གོན་བཀོལ་བ། ལྷ་གཙོ་བོ་ཡབ་ཡུམ་གྱི་ཕྱག་མཚན་རྣམས་ཀྱི་ལྷ་བཀོད་རྣམས། བཞི་པ་ཉམས་ཆགས་དག་བྱེད་སྐོང་ལ། ཕྱིའི་བཤགས་པ་ན་རག་དོང་སྤྲུག །དམ་ཚིག་གསོ་བའི་བསྐང་གསོ་བཀོལ་བའོ། །ལྔ་པ་
རང་གཞན་ཕན་བདེ་འབྱུང་ཐབས་ལ། འགྲོ་བའི་བསོད་ནམས་ཚོགས་རྫོགས་པར་བྱ་བ་སྐུ་གསུང་ཐུགས་རྟེན་གྱི་རབ་གནས་བཀའ་བརྒྱད་ཡོངས་རྫོགས་ཀྱི་རྒྱུད་ལས་བྱུང་བ། ཞི་རྒྱས་དབང་དྲག་གི་སྦྱིན་སྲེག་ཡོངས་རྫོགས་རང་བྱུང་རང་ཤར་གྱི་རྒྱུད་ལས་བྱུང་བ། སྐུ་གདུང་སཱཙྪའི་ལས་རིམ་ཞེས་པ་ངོ་བོ་ངེས་ཚིག །དབྱེ་བ་དགོངས་ཆེད་བཞེང་ཐབས་འབྲས་བུ་རྣམས་བསྟན་པ་ལས། ནམ་མཁའ་རླུང་ཆུ་མའི་སཱཙྪ། ཞི་བའི་སཱཙྪ། རྒྱས་པའི་སཱཙྪ། དབང་གི་སཱཙྪ། དྲག་པོའི་སཱཙྪ། སྡིག་པ་སྦྱོང་བའི་སཱཙྪ། གཤིན་པོའི་དོན་བྱེད་ཀྱི་སཱཙྪ། འཆི་བདག་བཟློག་ཅིང་སྲིའུ་གསོ་བའི་སཱཙྪ། བསོད་ནམས་རྒྱས་པའི་སཱཙྪ། རྒོལ་བ་འཇོམས་པའི་སཱཙྪ། ཕུར་ཁ་དང་ཟོར་ཁ་བཟློག་པའི་སཱཙྪ། ཁྲིམས་ཉམས་གསོ་བའི་སཱཙྪ། ཉམས་ཆགས་གསོ་བའི་སཱཙྪ། མཛེ་འཕྲོ་གཅོད་པའི་སཱཙྪ་རྣམས། དྲུག་པ་གཤིན་ལ་ཕན་གདགས་པ་ལ། བདུན་ཚིགས། ཟས་གཏད། ཚེ་འདས་དགུག་ཅིང་གཤེད་དང་དབྲལ་བ། གནས་སྤར་བ། རོ་སྲེག་རྣམས། བདུན་པ་ནད་གདོན་བར་གཅོད་བཟློག་ཐབས་ལ། རང་བྱུང་རང་ཤར་གྱི་རིགས་འཛིན་སྤྱི་བསྐུལ་འོག་མིན་ཆོས་དབྱིངས་མ། བསྟོད་བསྐུལ་ལས་བཞི་ལྷུན་གྲུབ། བསྐུལ་ཆུང་བ་མི་མངོན་དབྱིངས་བཞུགས་མ་རྫོགས་སོའི་མཐའ་ཅན། དཀོན་ཅོག་སྤྱི་བསྐུལ་ལམ་བསྐུལ་ཆེན་མོར་གྲགས་པ་མི་མངོན་དབྱིངས་བཞུགས་མ་རྣལ་འབྱོར་བར་གཅོད་བཟློག་པའི་ལས་མཛོད་ཅིག་པའི་མཐའ་ཅན། བཀའ་བརྒྱད་ཡོངས་རྫོགས་ཀྱི་དྲག་ལས་བཀོལ་བའམ་བསྒྲལ་ལས་དོན་བརྒྱད་མ་གསད་པའི་ལས་བཞི་ཤིན་ཏུ་གསལ་བ། བདེན་བདར་ཆེན་མོ་རྡོ་རྗེ་ཐེག་པའི་ལྷ་ཚོགས་སྤྱི་ལ་མཁྱེན་པར་གསོལ་བ། རལ་གྲི་བྱུང་རྡེག་ཅེས་པ་ནང་
གསེས་ཀྱི་སྙན་གསན། གཟུ་དཔང་། དགུག་གཞུག །ཡེ་ཤེས་ཀྱི་ལྷ་ཚོགས་བཞེང་པར་གསོལ་བ་བླ་མ་ཡི་དམ་རྣམས་བསྐུལ་བར་དཔེ་ཚན་གཅིག །ཚེ་ལུང་ཁྲུས་ལུས། ཁྲོ་བོ་རོལ་པའི་གཏོར་བཟློག་གི་རྩ་བ། ས་བཅད། ཟློག་གཞུང་ཆེན་མོའི་ཚིག་བར་དགུ་མ། འདེབས་ཁ་དགུ་ནི། གཤིན་རྗེ། མ་མོ། རྒྱལ་པོ། ཀླུ། ཐེའུ་བྲང་། བཙན། གཟའ། བདུད། སྲིན་པོ་བཟློག་པ། ལས་ཕྲན་བཅུ་ནི། ཤི་ཁ་གཅོད་པ། བསེ་རག་ཁ་འཆིང་། སྨྱོ་འདུལ། སེར་བསྲུང་། ནད་ཁ་གཅོད་པ། ཚེ་སྒྲུབ། ནད་པ་བསྲུང་བ། ཞོ་ཆང་བསྲུང་བ། སྡེ་བརྒྱད་ཀྱི་གཤོམ་རྣམས། བརྒྱད་པ་བསོད་ནམས་ཚོགས་གསོག་ལ། རྒྱུད་ལས་གསུངས་པའི་ཕྱི་གཏོར། ནང་གི་གཏོར་མ། གསང་བའི་གཏོར་མ། ཐུན་མོང་ཆུ་སྦྱིན། ཆ་གསུམ་གཏོར་མ། སྤྱི་དོན་དྲུག་པ། ཆ་གསུམ་བསྡུས་པ་རྣམས། དགུ་པ་ཐུན་མོང་ཆོས་སྤྱོད་ལ། ལྡང་བ། ཁྲུས། ཕྱི་ནང་གསང་བའི་མཎྜལ། བཟའ་ཚོགས། སྐོམ་གོས། འགྲོ་ཆག །ཉལ་བ། འདུག་པ། སྐོར་བ། སྦྱིན་པ། ནད་གདོན་གཞོམ་པ་རྣམས་ཡོད་ཅིང་ཆོས་སྤྱོད་ཉེར་གཅིག་གསུངས་པའི་འགའ་ཞིག་ནི་ཆོས་ཚན་གཞན་དུ་ཁ་འཕངས་པས་དོན་གྱིས་ཚང་ངོ་། །ངག་གི་ནུས་འདོན་སྒྲིབ་ཚོགས་འདག་པའི་ཆོ་ག་རྣམས། བཅུ་པ་ཕན་གནོད་ལས་ཕྲན་ལ། ཤེས་རབ་བསྐྱེད་པ་དབྱངས་ཅན་དཀར་མོའི་སྒྲུབ་པ། དུག་ཁྲག་ཡོངས་རྫོགས་སྦྱོར་བ། བསྲུང་བཟློག་གནམ་ལྕགས་མེ་འབར། བཀའ་བརྒྱད་འདུས་པའི་དྲག་སྔགས། དེའི་ལས་རིམ་བརྒྱད་ལ་དྲག་སྔགས་བསྙེན་པ་སྐྱེལ་བ། རྣལ་འབྱོར་སྒྲིབ་པ་སྦྱོང་བ། ཆོས་སྐྱོང་ལས་ལ་བསྐུལ་བ། སྡེ་བརྒྱད་བྲན་དུ་བཀོལ་བ། རིགས་བཞིའི་ཀླུ་རྣམས་གདུལ་བ། གདུག་པའི་
དགྲ་བགེགས་གདུལ་བ། བར་གཅོད་བགེགས་དཔུང་གཞོམ་པ། བ་ལིང་གཏོར་མ་དབུལ་བའོ། །དེའི་འཕྲོས་ལས། བདེ་གཤེགས་ཡོངས་རྫོགས་དྲག་སྔགས་ཀྱི་བསྙེན་པའི་རྟགས་ཡིག །དམ་ཅན་སྲོག་འཁོར་བསྐོར་བ། སྡེ་བརྒྱད་གནད་དབང་། མཛེ་གསོ་བ། སྦྱིན་སྲེག །རྦོད་གཏོང་བཟློག་པ། རང་འཁོར་བསྲུང་བ། སྲིའུ་གསོ་བ། སྨྱོན་པ་གདུལ་བ། ཞོ་ཆང་བསྲུང་བ། ནག་པོ་དགུ་སྦྱོར་མི་གཅིག་པ་གཉིས་ལ་བརྟེན་ནས་མཛེ་ལྷོག་ཤུ་འབྲུམ་བསྲུང་བ། ཟོར་དང་སྦྱིན་སྲེག་མནན་པའི་ལས། ཐུབ་ཆོད་ཀུན་དྲིལ་གྱི་བཟློག་པ། མཁའ་འགྲོ་མའི་དྲག་སྔགས་ཀྱིས་དགྲ་བགེགས་ཐམས་ཅད་སྒྲོལ་ཞིང་བཟློག་པ་སེང་གདོང་དམར་མོའི་སྐོར་ལ། རྩ་སྒྲུབ། ཚེ་སྒྲུབ། དབང་སྡུད། ནོར་སྒྲུབ། རྨི་ལམ་ངན་པ་བཟློག་པ། རིམས་བསྲུང་བ། གཤགས་འགྲན་པ། ཕྱོགས་ངན་བདུད་གཅོད་བསྲུང་བ། མཚོན་བསྲུང་། འཁྲུག་གྲལ་དུ་འགྲོ་བའི་དུས་ན་བསྲུང་བ། གཏོར་མ། བསྟོད་བསྐུལ་རབ་འཇིགས་དུར་ཁྲོད་མ་རྣམས། སྔགས་སྡེབ་ཀྱི་ལག་ལེན་སྙིང་གི་ཏི་ཀ་ཡོངས་རྫོགས་སྐྱིན་ཐང་དབབ་པ། དམོད་པ་དྲག་སྔགས་ཀྱི་སྒྲུབ་པ་ཤིནྟཾ་གརྦྷ་དང་སློབ་དཔོན་པདྨའི་ཐུགས་ཀྱི་བརྣག་པ་རྣམས། བཅུ་གཅིག་པ་ཆོས་སྐྱོང་བསྟན་སྲུང་སྐོར་ལ། སྡེ་དཔོན་སུམ་ཅུ་སྒྲུབ་པའི་ལས་བྱང་ངམ་སྣང་སྲིད་ལྷ་སྲིན་སྡེ་བརྒྱད་ཀྱི་ངན་སྔགས་སྒྲུབ་པའི་ལས་བྱང་ཨོ་རྒྱན་ཆེན་པོས་མཛད་པ། མངའ་བདག་སྡེ་དཔོན་སུམ་ཅུའི་བསྟོད་བསྐུལ་རྒྱས་པ་དབང་ཕྱུག་མ་ཧཱ་དེ་ཝ་མ། དྲེགས་པའི་སྡེ་དཔོན་སུམ་ཅུའི་ཕྱི་སྒྲུབ་མདོས་ཀྱི་མན་ངག །ཕྱི་སྒྲུབ་མདོས་ཀྱི་བཅའ་ཐབས་སམ་མདོས་བྱང་ཆེན་མོར་གྲགས་པ་གྱེར་གཞུང་སོགས་རྒྱས་པ་གཏོར་མའི་བཤོམ། སྡེ་དཔོན་སུམ་ཅུའི་ནང་སྒྲུབ་མཆོད་པ་གསོལ་ཀ །གསང་
སྒྲུབ་སྲོག་སྙིང་རྣམས་བསྟན་པ་ལས་ཚོགས་ལྔ་བཅུ་པར་གྲགས་པ། སྡེ་དཔོན་སུམ་ཅུའི་སྒྲུབ་གཞུང་ཞེས་པའི་ནང་ཚན་ལ་བདག་ཉིད་ཆེན་པོའི་སྦྱོར་བ། ཐབས་ཤེས། གནས་སུ་འདུག་པ། འགྲོ་བ། འཐོན་པ། འབོད་པ། མ་བྱུང་བར་འབོད་པ། བསྐྱར་ཞིང་འབོད་པ། དམིགས་རྟེན། ལྷ་དང་དབྲལ་བ། གཤགས། ཐུན། འཁྲུལ་འཁོར། རྫས། ལས་བཀྱེ། དམག་མི། ཆ་གསུམ་དུ་བགོ་བ། གཏད། བྲོ། སྤོགས་པ་རྣམས་སྟོན་པ། འདི་གསན་ཡིག་གཞན་ཕལ་ཆེར་ལ་མི་འདུག་ཀྱང་རིགས་འཛིན་ཆེན་པོའི་གསན་ཡིག་ན་འདུག་པས་ངེས་གནས་སོ། །གཞན་ཡང་རྡོ་རྗེ་གནོད་སྦྱིན་ནག་པོའི་རྒྱུད་ལེའུ་ལྔ་པ། རྡོ་རྗེ་གནོད་སྦྱིན་ནག་པོ་ཕོ་ཉ་ཡོངས་རྫོགས་ཀྱི་འཕྲིན་ལས་རྣམས། ཀླུ་བདུད་ནག་པོའི་སྒྲུབ་ཐབས་རྫོགས་བྱང་གི་མཐའ་ཅན་མུ་སྟེགས་ཀྱི་ངན་སྔགས་དབང་ཕྱུག་ཆེན་པོའི་བཟློག་པ། དབང་ཕྱུག་ཆེན་མོའི་བཟློག་སྔགས་དངོས། ཨུ་མའི་སྙིང་ཏིག་དབང་ཕྱུག་རོ་ལངས་ཕྱིན་ཅི་ལོག་རྡོ་རྗེ་དམེ་བཟློག་རྣམས་ཀྱང་ཐོབ། བཅུ་གཉིས་པ་ཡོངས་རྫོགས་རྣམ་གསུམ་ལ། ཚེ་དབང་ཡོངས་རྫོགས་སུ་བསྐུར་བའི་དབང་ཆོག །ཚེ་སྒྲུབ་ཡོངས་རྫོགས། ཚེ་དབང་ཡོངས་རྫོགས་ཀྱི་འཕྲིན་ལས། བསྟོད་པ་བཅོམ་ལྡན་མགོན་པོ་མ། འཆི་མེད་ཚེའི་བཀྲ་བརྟག་པ། ཕྱི་སྒྲུབ་འཆི་མེད་བདུད་རྩི་ཡོངས་རྫོགས། ནང་ཚེ་སྒྲུབ་ཀུན་གྱི་དོན་བསྡུས་ནས་བསྒྲུབ་པ། གསང་སྒྲུབ་ཧྲཱིཿགཅིག་མ། ཡང་གསང་ནམ་མཁའ་རྡོ་རྗེ། ཁྱུང་ཆེན་གདུག་པ་གདུལ་བའི་རྒྱུད་ཆེན། བྱ་ཁྱུང་ཡོངས་རྫོགས་ཀྱི་དབང་བསྐུར། རྒྱལ་སྲས་ཁྱུང་ཆེན་ཡོངས་རྫོགས་སྒྲུབ་པ། གནོད་སྦྱིན་ནོར་ལྷ་ཡོངས་རྫོགས་ཀྱི་འཕྲིན་ལས། ནོར་ལྷ་ཡོངས་རྫོགས་ཀྱི་དབང་བསྐུར་རྗེས་གནང་ཟབ་མོ། ནོར་ལྷ་
ཡོངས་རྫོགས་ཀྱིས་སྒྲུབ་ཐབས། འཕགས་མ་ནོར་རྒྱུན་མའི་སྒྲུབ་ཐབས། ནོར་བདག་ལས་མཁན་ཛམ་དམར་གསང་བ་གསུམ་དྲིལ་གྱི་སྒྲུབ་པ་རྣམས། བཅུ་གསུམ་པ་ཉམས་ལེན་ལྷ་འཁྲིད་ཀྱི་རིམ་པ་ནི་བཀའ་བརྒྱད་ཀྱི་ལྷ་འཁྲིད་བསྐྱེད་རྫོགས་ཟུང་འཇུག་ཏུ་བསྒོམ་པའི་གནད་ཨོ་རྒྱན་ཆེན་པོས་ཕྱི་རབས་ཀྱི་དོན་དུ་མཛད་པ། རྩ་བའི་གཉིས་པ་རྫོགས་རིམ་གྲོལ་བྱེད་ཀྱི་སྐོར་ལ། རྫོགས་རིམ་གྱི་འཁྲིད་གཞུང་ཡེ་ཤེས་ཟང་ཐལ་རྡོ་རྗེ་སེམས་དཔའི་གསང་ལམ་ཆེན་མོ། མཁའ་སྤྱོད་ཀྱི་གནས་སུ་འཚང་རྒྱ་བར་བྱེད་པ་འཕོ་བ། བར་དོ་གསུམ་གྱི་ཞལ་གདམས། རྫོགས་རིམ་སྙིང་ཏིག་གི་སྐོར་ལ། སྒྲོལ་ལམ་གཤིན་རྗེའི་སྙིང་ཏིག །གསུང་མཆོག་པདྨའི་སྙིང་ཏིག །ཐུགས་མཆོག་ཡང་དག་སྙིང་ཏིག །བདུད་རྩི་ཡོན་ཏན་སྙིང་ཏིག །འཕྲིན་ལས་ཕུར་པའི་སྙིང་ཏིག །ཆགས་ལམ་མ་མོའི་སྙིང་ཏིག །རིག་འཛིན་བླ་མའི་སྙིང་ཏིག །འཇིག་རྟེན་དྲེགས་པའི་སྙིང་ཏིག །དྲག་སྔགས་དམོད་པའི་སྙིང་ཏིག །སྤྱིར་དྲིལ་སྙིང་པོའི་སྙིང་ཏིག །གནམ་ཞལ་དོན་འཁྲིད་ཟབ་མོ། རྩ་བ་སྡོང་པོ་གྱེས་པ། ཡལ་ག་སྨིན་པ་འབྲས་བུ་ལྟ་བུའི་འཁྲིད་ཐམས་ཅད་ཚང་བ་ཚེ་གཅིག་སངས་རྒྱས་སྒྲུབ་པའི་ཆ་རྐྱེན་དུ་རྒྱལ་དབང་པདྨས་རྒྱུད་ལས་ཕྱུང་བ། མངའ་རིས་པཎ་ཆེན་གྱི་དགོངས་གཏེར་རང་བྱུང་རང་ཤར་གྱི་ལེའུ་བཅོ་ལྔ་པ་ལས་ཕྱུང་བའི་རྫོགས་རིམ་གྱི་རྒྱལ་པོ་རིམ་ལྔ་གདན་གཅིག་མ་དང་བཅས་པ་རྣམས་ཐོབ་པ་ལས་བཀའ་བརྒྱད་རང་བྱུང་རང་ཤར་གྱི་དབང་དང་རྒྱུད་ཆེན་གྱི་ལུང་གི་བརྒྱུད་པ་ནི། ཀུན་བཟང་ཆེ་མཆོག་ཧེ་རུ་ཀ །ལོངས་སྐུ་ཞི་ཁྲོ་རབ་འབྱམས། སྤྲུལ་སྐུ་ཕྱག་ན་རྡོ་རྗེ། སྨུག་ནག་དབང་གི་མཁའ་འགྲོ་མ།
རྒྱལ་པོ་ཨིནྡྲ་བྷུ་ཏི། དཔལ་གྱི་སྤྲུལ་པ་རྣམ་བརྒྱད། ཨོ་རྒྱན་ཆོས་ཀྱི་རྒྱལ་པོ། ལས་ཅན་དག་པའི་འཁོར་ལྔ། གཏེར་སྟོན་རིགས་འཛིན་ཆེན་པོ། རྒྱལ་སྲས་རྣམ་རྒྱལ་མགོན་པོ། སྔགས་འཆང་རྡོ་རྗེ་རྣམ་གཉིས། མཚན་ལྡན་བླ་མ་རྣམ་གཉིས། རིགས་འཛིན་སངས་རྒྱས་དཔལ་བཟང་། ལྡོང་གི་སྔགས་འཆང་ཆོས་རྒྱལ་བསོད་ནམས། ཡོལ་མོ་སྤྲུལ་སྐུ་ཤཱཀྱ་བཟང་པོ། རྗེ་བཙུན་སྤྲུལ་སྐུ་ཆེན་པོ་ལེགས་ལྡན་རྡོ་རྗེ། ཆོས་རྒྱལ་བཀྲ་ཤིས་སྟོབས་རྒྱལ། རིགས་འཛིན་ངག་གི་དབང་པོ། སྔགས་འཆང་ཀུན་བཟང་དབང་པོ། ཁྱབ་བདག་ཆོས་དབྱིངས་རང་གྲོལ། དེས་བདག་ལའོ། །ཡང་ན་གཏེར་སྟོན་ཡབ་སྲས་ནས་འཇམ་དབྱངས་མཁྱེན་བརྩེའི་གསན་ཡིག་ལྟར་ན་རྩ་བ་རྒྱུའི་དབང་བཞིའི་བརྒྱུད་པ་འདི་གཙོ་ཆེ་བར་མཛད་དོ། །རྒྱལ་སྲས་བསོད་ནམས་བཟང་པོ། གྲུབ་ཆེན་དཔལ་ལྡན་རྒྱལ་མཚན། སྐྱེ་མེད་རྡོ་རྗེ་གྲགས་པ། སྔགས་འཆང་སངས་རྒྱས་སྐྱབས། འཁོན་སྟོན་བྱམས་པ་དཔལ་བཟང་། རིགས་འཛིན་ལེགས་ལྡན་རྡོ་རྗེ་མན་སྔར་ལྟར། ཡང་དབང་གི་བརྒྱུད་པ་ནི། གཏེར་སྟོན་ནས་ཐུགས་སྲས་ལེགས་བཟང་། སྔགས་འཆང་ལྷ་དཔལ་བཟང་པོ། གྲུབ་ཆེན་དོན་གྲུབ་རིན་ཅེན། དེ་གཉིས་ཀ་ལ་བླ་མ་དཀོན་ཅོག་བློ་གྲོས། དེ་ལ་སེ་སྟོན་རིན་ཅེན་རྒྱལ་མཚན། མཉམ་མེད་སྤྱན་ཚབ་ཆེན་པོ། ནུབ་དགོན་པ་བྱམས་པ་ཆོས་ཀྱི་རྒྱལ་མཚན། ཆོས་རྒྱལ་བཀྲ་ཤིས་སྟོབས་རྒྱལ་མན་གོང་ལྟར་རོ། །ཚེ་དབང་ཡོངས་རྫོགས་ཁྱུང་ཆེན་ཡོངས་རྫོགས། ནོར་ལྷ་ཡོངས་རྫོགས་གསུམ་གྱི་དབང་གི་བརྒྱུད་པ་ནི། སྔགས་འཆང་ཆོས་རྒྱལ་བསོད་ནམས་ཡན་གོང་ལྟར་ལ། དེ་ནས་ཐུགས་སྲས་ཆོས་སྐྱོང་བསོད་ནམས་བཀྲ་ཤིས། གནུབས་ཆེན་ངག་དབང་རྒྱ་མཚོ།
གྲུབ་མཆོག་ཚེ་རིང་དབང་པོ། རང་གྲོལ་ཀླུ་སྒྲུབ་ཆོས་ཀྱི་རྒྱལ་མཚན། ཟུར་ཆེན་ངག་དབང་ཕུན་ཚོགས། དྲིན་ཅན་ཆོས་དབྱིངས་རང་གྲོལ། དེས་བདག་ལའོ། །ཡང་ན་བསོད་ནམས་བཀྲ་ཤིས་ནས། འཇམ་དབྱངས་མཁྱེན་བརྩེའི་དབང་ཕྱུག །སྐྱི་སྟོན་ཚེ་རིང་དབང་པོ་མན་གོང་འདྲ། ཉམས་འཁྲིད་ཀྱི་བརྒྱུད་པ་ནི། སྔགས་འཆང་ཆོས་རྒྱལ་བསོད་ནམས་ཡན་གོང་ལྟར་ལ། དེ་ནས་ཡོལ་མོ་ཤཱཀྱ་བཟང་པོ། པཎ་ཆེན་པདྨ་དབང་རྒྱལ། བླ་མ་དོན་ཡོད་བཟང་པོ། སྐྱི་སྟོན་ཚེ་རིང་དབང་པོ་མན་སྔར་བཞིན་ནོ། །ཡང་ན་ཆོས་རྒྱལ་བསོད་ནམས། ཐུགས་སྲས་ཆོས་སྐྱོང་བསོད་ནམས་བཀྲ་ཤིས། སྔགས་འཆང་ངག་དབང་རྒྱ་མཚོ་མན་གོང་འདྲ། གནོད་སྦྱིན་གྱི་བརྒྱུད་དང་འཕྲིན་ལས་མ་གཏོགས་པའི་ལུང་གི་བརྒྱུད་པ་ནི། གཏེར་སྟོན་ཡབ་སྲས་ནས། ཟུར་ཚོ་པ་རྡོར་འཆང་བསོད་ནམས་བཟང་པོ། གཉའ་ནང་པ་གུ་རུ་དབང་ཕྱུག་མགོན་པོ། བན་འབྲོག་རྡོ་རྗེ་གླིང་པ་རྡོ་རྗེ་རྒྱལ་མཚན། བཀའ་བརྒྱད་ཞལ་གཟིགས་གློ་བོ་ཛར་པ་སྔགས་འཆང་ཆོས་རྒྱལ་བསོད་ནམས། དེ་སྲས་ཆོས་སྐྱོང་བསོད་ནམས། གྲངས་སོ་སྤྲུལ་སྐུ་ཤཱཀྱ་བཟང་པོ། རིགས་འཛིན་ལེགས་ལྡན་རྡོ་རྗེ། ཆོས་རྒྱལ་མངྒའི་མཚན་ཅན། རིགས་འཛིན་ངག་གི་དབང་པོ། གྲུ་གུའི་སྔགས་འཆང་དོན་གྲུབ་བཀྲ་ཤིས། རྩ་བའི་བླ་མ་ཆོས་དབྱིངས་རང་གྲོལ། དེས་བདག་ལའོ། །མངའ་རིས་པཎ་ཆེན་གྱིས་མཛད་པ་རྣམས་ཀྱི་བརྒྱུད་པ་ནི། པཎ་ཆེན་མཁྱེན་རབ་དབང་ཕྱུག་ནས་ལེགས་ལྡན་རྗེ་ལ་བརྒྱུད་དོ། །གནོད་སྦྱིན་ནག་པོའི་རྒྱུད་དང་འཕྲིན་ལས་ཀྱི་བརྒྱུད་པ་ནི། ཟུར་ཆེན་ངག་དབང་ཕུན་ཚོགས་ཡན་ཡོངས་རྫོགས་སྐོར་གསུམ་དང་འདྲ་བ་ལ། དེ་ནས་ཁྲ་ཚང་པ་ཆེན་པོ། དེས་བདག་ལའོ། །སྤྲུལ་སྐུ་
རིགས་འཛིན་ཆེན་པོས་ནུབ་ཟངས་མཛོད་དམར་པོ་ནས་སྤྱན་དྲངས་པའི་ཐུགས་རྗེ་ཆེན་པོ་འགྲོ་བ་ཀུན་གྲོལ་ནི་གྲུབ་ཐབས་ལས། གུ་རུ་ཕྱི་ལྟར་བསྒྲུབས་པ་ཡིས༔ རྒྱལ་པོའི་མངའ་ཐང་རྒྱས་པར་འགྱུར༔ གུ་རུ་ནང་ལྟར་བསྒྲུབས་པ་ཡིས༔ རྒྱལ་པོའི་སྐུ་ཚེ་མཐའ་རུ་ཐོན༔ གུ་རུ་གསང་ལྟར་བསྒྲུབས་པ་ཡིས༔ རྒྱལ་པོ་སྡུག་བསྔལ་ཐམས་ཅད་བྲལ༔ ཞེས་དང་། ཆོས་སྐྱོང་རྒྱལ་པོའི་དོན་ཕྱིར་དུ༔ ཡིད་བཞིན་ནོར་བུའི་སྒྲུབ་ཐབས་བཞག༔ ཅེས་རྒྱ་ཆེར་བསྔགས་པ་ཕྱི་འགྲོ་བ་ཀུན་གྲོལ། ནང་ཉོན་མོངས་རང་གྲོལ། གསང་བ་ཆོས་ཉིད་རང་གསལ་དུ་གྲགས་པ་སྤྱན་རས་གཟིགས་ཀྱིས་གདུལ་བྱའི་ཞིང་དབང་དུ་སྡུད་པ་རྟེན་འབྲེལ་ཆོས་བདུན་གྱི་ནང་ཚན་གྱི་གདམས་སྐོར་ལ། རས་བྲིས་ཀྱི་དཀྱིལ་འཁོར་དུ་ཐུགས་རྗེ་ཆེན་པོ་ཡིད་བཞིན་ནོར་བུ་འགྲོ་བ་ཀུན་གྲོལ་གྱི་དབང་ཆོག་གི་སྟེང་ནས་མཆོག་སྤྲུལ་མངའ་རིས་པཎ་ཆེན་གྱི་ཕྱག་ལེན་བཞིན་ཐུགས་རྗེ་ཆེན་པོ་རིགས་ལྔའི་དབང་། གཏེར་གཞུང་དཀྱུས་ལྟར་སྐུ་འབག་ཡིག་འབྲུ་བུམ་པ་ལྷ་དབང་། ལྷན་ཐབས་སུ་རྡོ་རྗེ་སློབ་དཔོན་གྱི་དབང་དང་བཅས་པ་ཚར་གཅིག །གཏེར་གཞུང་སོར་གནས་ཀྱི་དབང་གཅིག་སྟེ་ལན་གཉིས་དང་། ཐུགས་རྗེ་ཆེན་པོའི་འཁྲིད་གཞུང་གསལ་བའི་སྒྲོན་མེ་ལ་གཞི་བྱས་བརྒྱུད་པའི་གསུང་རྒྱུན་གྱིས་བརྒྱན་ཏེ་རྩ་སྣང་བ་བློ་གསུམ་སྦྱང་བའི་ཉམས་ལེན། ཕྱི་བསྐྱེད་རིམ་གྱི་ཉམས་ལེན། ནང་རྫོགས་རིམ་ཆོས་ཉིད་རང་གསལ་དོན་གྱི་ཉམས་ལེན་རྫོགས་པ་ཆེན་པོ། གནས་ལུགས་ཀ་དག་རིག་པ་གཅེར་མཐོང་གི་ངོ་སྤྲོད་དང་ཞར་བྱུང་འཕོ་བའི་ཉམས་འཁྲིད་བཅས་པ་སྨིན་རྒྱས་སུ་མནོས་ཤིང་། རྒྱབ་རྟེན་ལུང་གི་སྐོར་ལ། སྒྲུབ་
བཐབས། སྒྲུབ་ཆེན། གཤིན་པོ་རྗེས་འཛིན། རྫོགས་རིམ། རང་གཞན་ཕན་བདེ་སྒྲུབ་པའི་ལས་ཚོགས་ཀྱི་སྐོར་དང་དྲུག་ལས། དང་པོ་ལ། ཕྱི་ལྟར་འགྲོ་བ་ཀུན་གྲོལ་གྱི་རྒྱུད་ལེའུ་བཅུ་པ་གཏད་རྒྱ་དང་བཅས་པ་འདི་ལ་ཐོག་མར་རྒྱ་སྐད་བོད་སྐད་ཤན་སྦྱར་མེད། ནང་ལྟར་ཉོན་མོངས་པ་དུག་ལྔ་གནས་སུ་དག་པ་ཡེ་ཤེས་ལྔའི་རང་བཞིན་རང་གྲོལ་ཆེན་པོའི་རྒྱུད་ལེའུ་དྲུག །གསང་བ་ཆོས་ཉིད་སྐྱེ་བ་མེད་པའི་དོན་ཀུན་འདུས་པ་རང་གསལ་བའི་རྒྱུད་ལེའུ་བཞི་པ་རྣམས། གཉིས་པ་སྒྲུབ་ཐབས་ལ། ཕྱི་སྒྲུབ་ཡོན་ཏན་རྒྱས་པ་སྙིང་པོ་དོན་རྒྱུད་ཀྱི་སྒྲུབ་ཐབས་ལེའུ་བཞི། ནང་ཉོན་མོངས་རང་གྲོལ་རྒྱུད་ཀྱི་སྒྲུབ་ཐབས། གསང་བ་ཆོས་ཉིད་རང་གསལ་རྒྱུད་ལ་བརྟེན་ནས་མཛད་པའི་སྒྲུབ་ཐབས་རྣམས། གསུམ་པ་སྒྲུབ་ཆེན་ལ། སྒྲུབ་ཆེན་ལས་ཀྱི་རིམ་པའི་སྤྱི་ཁོག་ཆེན་མོ། སྒྲུབ་ཐབས་ཡིད་བཞིན་ནོར་བུ། གཏེར་གཞུང་གི་དབང་ཆོག །གཏེར་གཞུང་དབང་ཆོག་ལ་སློབ་མ་སྟ་གོན། འཇུག་པ། རིགས་ལྔའི་དབང་། རྡོ་རྗེ་སློབ་དཔོན་གྱི་དབང་རྣམས་རྒྱུད་ཀྱི་དགོངས་པ་བཞིན་བསྣན་པ་མངའ་རིས་པཎ་ཆེན་གྱི་ལྗགས་བསྒྲིགས། མངོན་རྟགས་ཡིད་བཞིན་ནོར་བུ། ཐུགས་རྗེ་ཆེན་པོའི་འཕྲིན་ལས། བརྒྱུད་འདེབས་ནུབ་ཕྱོགས་བདེ་བ་ཅན་མ། ཞིང་ཁམས་ཡོན་ཏན་མ་ཞེས་པ་བདེ་བ་ཅན་དུ་སྐྱེ་བའི་སྨོན་ལམ། ཞི་རྒྱས་དབང་དྲག་གི་ལས་གང་བྱེད་ཀྱང་ཁ་བསྒྱུར་ཆོག་པའི་སྦྱིན་སྲེག་རྣམས། བཞི་པ་གཤིན་པོ་རྗེས་འཛིན་ལ། གནས་ལུང་། ཟས་གཏད། ཚེ་འདས་ཕུང་པོ་སྦྱང་བ་རྣམས། ལྔ་པ་རྫོགས་རིམ་ལ། འཁྲིད་ཀྱི་སྔོན་འགྲོ་བླ་མའི་རྣལ་འབྱོར་དང་། གསོལ་འདེབས་རིགས་འཛིན་ལེགས་ལྡན་རྗེའི་གསུང་། འཁྲིད་གཞུང་གསལ་བའི་སྒྲོན་མེ། འཕོ་བ་རྣམས། དྲུག་པ་རང་གཞན་གྱི་ཕན་བདེ་
སྒྲུབ་པའི་ལས་ཚོགས་ཀྱི་སྐོར་ལ། སྙན་བརྒྱུད་ཡི་གེ་མེད་པ་ཞེས་པ་འཕགས་པའི་ཞལ་མཐོང་གསུང་ཐོས་པའི་མན་ངག །སྙིགས་མ་ལྔ་བདོ་བའི་དུས་སུ་བོད་ནང་འཁྲུག་བྱེད་པས་དེའི་ཚེ་ཞེ་སྡང་གི་ངར་བསད་ནས་འཐབ་རྩོད་ཞི་བྱེད་ལས་སྦྱོར་ཐུགས་རྗེ་རྩེ་གཅིག་མ། འགྲོ་དོན་ལས་སྦྱོར་ལྔ་པ་ལ་ནང་གསེས་ཀྱི་མིང་བྱང་དྲི་མ་སོགས་ལ་བརྟེན་ནས་སྐུའི་ལས་སྦྱོར། ཐོས་གྲོལ་གསུང་གི་ལས་སྦྱོར། ཏིང་འཛིན་ཐུགས་ཀྱི་ལས་སྦྱོར། མྱོང་གྲོལ་ཡོན་ཏན་ལས་སྦྱོར། ཆུ་བོ་ལ་བརྟེན་པ་འཕྲིན་ལས་ཀྱི་ལས་སྦྱོར། རྡོ་རྗེ་འཆང་བཀའ་འགྱུར་བ་མགོན་པོ་བསོད་ནམས་མཆོག་ལྡན་གྱིས་མཛད་པའི་སྐྱེ་བདུན་རིལ་བུའི་སྒྲུབ་ཐབས། སཱཙྪའི་ལས་རིམ། ཐུགས་རྗེ་ཆེན་པོའི་ཚེ་སྒྲུབ། ཛཾ་དཀར་ཐུགས་ཀྱི་སྒྲུབ་པ་ཨོ་རྒྱན་པདྨས་རཏྣ་ཁྲོས་ཆེན་གྱི་རྒྱུད་ལ་བརྟེན་ནས་མཛད་པ་རྣམས་ཐོབ་པ་ལས་དབང་གི་བརྒྱུད་པ་ནི། ཆོས་སྐུ་སྣང་བ་མཐའ་ཡས། ལོངས་སྐུ་ཐུགས་རྗེ་ཆེན་པོ། སྤྲུལ་སྐུ་པདྨ་འབྱུང་གནས། མཁའ་འགྲོ་ཡེ་ཤེས་འཚོ་རྒྱལ། དགེ་སློང་ནམ་མཁའ་སྙིང་པོ། ཆོས་རྒྱལ་ཁྲི་སྲོང་ལྡེ་བཙན། ལྷ་སྲས་མུ་ཏིག་བཙན་པོ། སྣ་ནམ་རྡོ་རྗེ་བདུད་འཇོམས། གཏེར་སྟོན་དངོས་གྲུབ་རྒྱལ་མཚན། གངས་ཅན་སངས་རྒྱས་བསྟན་པ། དེ་སྲས་སངས་རྒྱས་བྱམས་བཟང་། མཉམ་མེད་སངས་རྒྱས་དཔལ་བཟང་། ལྡོང་གི་སྔགས་འཆང་ཆོས་རྒྱལ་བསོད་ནམས། རིགས་འཛིན་སངས་རྒྱས་བསྟན་པ། ཡོལ་མོ་ཤཱཀྱ་བཟང་པོ། པཎ་ཆེན་པདྨ་དབང་རྒྱལ། རིགས་འཛིན་ལེགས་ལྡན་རྡོ་རྗེ། ཆོས་རྒྱལ་བཀྲ་ཤིས་སྟོབས་རྒྱལ། རིགས་འཛིན་ངག་གི་དབང་པོ། རྡོ་རྗེ་འཆང་ཆོས་དབྱིངས་རང་གྲོལ། དེས་བདག་ཟ་ཧོར་བནྡེ་ལའོ། །ཡང་ན་མཉམ་
མེད་སངས་རྒྱས་དཔལ་བཟང་ནས། རྗེ་བསོད་ནམས་བཟང་པོ། སྤྱན་ཚབ་ཆོས་རྗེ། ནུབ་དགོན་པ་བྱམས་པ་ཆོས་ཀྱི་རྒྱལ་མཚན། མཁས་གྲུབ་བྱམས་པ་བློ་གྲོས་རྒྱལ་མཚན། ཆོས་རྒྱལ་བཀྲ་ཤིས་སྟོབས་རྒྱལ་མན་གོང་འདྲ། གཏེར་གཞུང་སོར་གནས་ཀྱི་དབང་ཐོབ་པའི་བརྒྱུད་པ་ནི། གཏེར་སྟོན་ཡན་གོང་ལྟར་ལ། རྒྱལ་སྲས་རྣམ་རྒྱལ་མགོན་པོ། ཀུན་སྤངས་དོན་ཡོད་རྒྱལ་མཚན། བརྒྱུད་འཛིན་བསོད་ནམས་མཆོག་བཟང་། གྲུབ་ཐོབ་ཐང་སྟོང་རྒྱལ་པོ། བྱང་སེམས་ཀུན་དགའ་ཉི་མ། དྲན་མཆོག་སངས་རྒྱས་བརྩོན་འགྲུས། བྱེ་ཚང་པ་རིན་ཅེན་དཔལ་འབྱོར། རྒྱལ་སྲས་སངས་རྒྱས་བདེ་ཆེན། རིགས་འཛིན་པདྨ་སངས་རྒྱས། ནམ་མཁའི་སྙིང་པོའི་སྤྲུལ་པ་ཉི་ཟླ་སངས་རྒྱས། རྡོ་རྗེ་འཆང་ཕ་བོང་ཁ་པ་དཔལ་འབྱོར་ལྷུན་གྲུབ། དེས་བདག་ལའོ། །ཉམས་འཁྲིད་ཀྱི་བརྒྱུད་ནི། ཐུགས་སྲས་ནམ་མཁའ་རྒྱལ་མཚན་ཡན་གོང་ལྟར་ལ། དེ་ནས་རིགས་འཛིན་ངག་དབང་རྒྱ་མཚོ། སྐྱི་སྟོན་ཚེ་རིང་དབང་པོ། རང་གྲོལ་ཀླུ་སྒྲུབ་དབང་པོ། ཟུར་ཆེན་ངག་དབང་ཕུན་ཚོགས། ཁྱབ་བདག་ཆོས་དབྱིངས་རང་གྲོལ། དེས་བདག་ལའོ། །ཡང་ན་སྔགས་འཆང་ཆོས་རྒྱལ་བསོད་ནམས་ནས། གྲུབ་མཆོག་ཆོས་སྐྱོང་བསོད་ནམས་བཀྲ་ཤིས། སྔགས་འཆང་གཞོན་ནུ་སྟོབས་ལྡན། རྗེ་ཚེ་རིང་དབང་པོ་མན་གོང་ལྟར་རོ། །རྗེ་བཀའ་འགྱུར་བས་མཛད་པ་མ་གཏོགས་པའི་ལུང་གི་བརྒྱུད་པ་ནི། རིགས་འཛིན་ངག་གི་དབང་པོ་ནས། གཏེར་སྟོན་བསྟན་འཛིན་ནོར་བུ། ཟུར་རྩ་བའི་བླ་མ། དེས་བདག་ལའོ། །རྗེ་བཀའ་འགྱུར་པའི་སྐྱེ་བདུན་རིལ་སྒྲུབ་ནི་དེ་ཉིད་ལ་བདག་གིས་མནོས་སོ། །སྤྲུལ་སྐུ་རིགས་འཛིན་ཆེན་པོས་
གཏེར་ནས་བཞེས་པའི་ཕུར་པ་ལུགས་གསུམ་གྱི་ནང་ནས། བརྒྱུད་རིམ་ལས། ཕུར་པ་ཆེ་མཆོག་ཅེས་བྱ་བ་འདི༔ ཕུར་པ་ཀུན་གྱི་ནང་ནས་ཟབ༔ འདི་དང་སུ་ཕྲད་སྐལ་བ་ཅན༔ ཉམས་སུ་བླངས་པས་མངོན་འཚང་རྒྱ༔ འདི་ནི་རྒྱུད་ཀྱི་རྒྱལ་པོ་ཡིན༔ འདི་ནི་མན་ངག་ཉིང་ཁུ་ཡིན༔ འདི་ནི་ལུང་གི་བླ་མ་ཡིན༔ དཔེར་ན་ཡིད་བཞིན་ནོར་བུ་ལྟར༔ དགོས་འདོད་ཐམས་ཅད་འབྱུང་བའོ༔ ཞེས་ཤིན་ཏུ་ཟབ་པ་ལྷོ་གསེར་མཛོད་སེར་པོ་ནས་སྤྱན་དྲངས་པའི་རྡོ་རྗེ་ཕུར་པ་ཆེ་མཆོག་གམ་ཕུར་པ་དབུ་དགུ་དང་ལྷ་ཁྲ་སོགས་གཞི་གཅིག་ལ་མཚན་གསུམ་དུ་གྲགས་པའི་ཆོས་སྐོར་ལ། རས་བྲིས་ཀྱི་དཀྱིལ་འཁོར་དུ་ཆེ་མཆོག་གི་དབང་ཆུ་རིན་པོ་ཆེ་དབང་གི་མཛོད་ཀྱི་སྟེང་ནས་སློབ་མའི་སྟ་གོན། དངོས་གཞི་ལ་བུམ་པ། རིན་པོ་ཆེ་དང་པདྨའི་ཕྱག་རྒྱ། རྡོར་དྲིལ། རྒྱ་གྲམ། བླ་མ་རིགས་འཛིན་གྱི་དབང་རྣམས་བུམ་པ་ནས་བརྒྱུད་པའི་ནུས་པའི་དབང་ལྔ། དབུ་རྒྱན་གྱི་དབང་སྔོན་དུ་འགྲོ་བའི་གསང་དབང་། ཕན་པའི་དབང་བཅུ། ལྷ་དབང་། དྲག་པོའི་གྲོལ་དབང་། ཤེས་རབ་ཡེ་ཤེས་སམ་སྦྱོར་བའི་དབང་། བདེ་བ་ཉམས་སུ་བླང་བ་བཞི་པའི་དབང་རྣམས་དང་། སྲིད་པ་ཕུར་པའི་རྣལ་འབྱོར་བ་རྣམས་ཀྱིས་རང་གཞན་གྱི་ཚེ་ཟད་པ་བསྲིང་པར་བྱེད་པའི་ཚེ་དབང་བཅས་པ་ཡོངས་སུ་རྫོགས་པར་མནོས། གྲོལ་བྱེད་ཆེ་མཆོག་གི་ལྟ་འཁྲིད་ཟབ་མོ་ཉམས་འཁྲིད་དུ་བསྟར་ནས། རྒྱབ་བརྟེན་ལུང་གི་སྐོར་ལ། མི་འགྱུར་ཐེམས་བྱང་རིན་ཅེན་མཛོད་ཀྱི་ཐེམས། ཐེམས་བྱང་དེ་ཉིད་ལས། རྒྱུད་དང་འཕྲིན་ལས་དབང་ཆོག་གསུམ༔ རྩ་བ་ཡིན་པས་དམ་པར་ཆོངས༔ ཞེས་པ་རྡོ་རྗེ་ཕུར་པའི་ཐུགས་གསང་བ་སྐུའི་རྒྱུད་ཅེས་བྱ་བ་ལེའུ་བཅུ་པ། འདི་ཆོས་
ཚན་ཉེར་ལྔའི་རྩ་བའི་རྒྱུད་དང་གཅིག །འཕྲིན་ལས་ཀྱི་མཚམས་གཅོད་བཀོལ་བ་ཕུར་པའི་བཀའ་བསྒོར་གྲགས་པ་ཀཱི་ལ་ཡའི་སྔགས་དང་། བདག་ཉིད་ཞེ་སྡང་རྡོ་རྗེ་ཟེར་བ་ཡོད་པ་རྣལ་འབྱོར་བཅོལ་བའི་འཕྲིན་ལས་གྲུབ་པར་མཛོད་ཀྱི་མཐའ་ཅན། རང་བྱུང་རང་ཤར་ལས་རིན་པོ་ཆེ་མཛོད་ཀྱི་འཕྲིན་ལས་ཆེན་མོ་པདྨ་བདག་གིས་བསྡུས་ཏེ་བརྩམས་པ། འཛབ་བསྐུལ་ཆོས་དབྱིངས་ཕོ་བྲང་མ། གཙོ་བོ་དང་ཁྲོ་བཅུ་ཕྲ་ཐབས་ཀྱི་བསྟོད་པ་བསྐུལ་གྲུ་གསུམ་མཐིང་ནག་མ་དངོས་གྲུབ་སྩལ་དུ་གསོལ་གྱི་མཐའ་ཅན། བསྐུལ་དམ་ཚིག་ཆེན་མོའི་དུས་ལ་བབས༔ དཔལ་ཆེན་ཁྲག་འཐུང་ཧེ་རུ་ཀ༔ ཞེས་འགོར་ཡོད་པ་ཁུག་ལས་ཤོག་གི་མཐའ་ཅན། ཕུར་སྲུང་གི་བསྐུལ་འགོར་ཤྭ་ན་མི་ཁའི་དུས་ལ་བབས༔ སྐུ་ནི་ལྕགས་སྒྲོག་བསྒྲིལ་བ་འདྲ༔ ཞེས་ཡོད་པ་སྨན་རཀ་སྦྲེང་ངོ་རྫོགས་སོའི་མཐའ་ཅན། རིན་པོ་ཆེ་དབང་གི་མཛོད་རང་བྱུང་རང་ཤར་གྱི་རྒྱུད་ནས་ཕྱུང་བ་རྣམས། དཀར་པོ་ལམ་གྱི་སྒྲོན་མ་དང་༔ བཀའ་ཉན་ལྕགས་ཀྱི་བེར་ཀ་དང་༔ ནག་པོ་དུག་གི་འཁོར་ལོ་གསུམ༔ བསྙེན་སྒྲུབ་ལས་སྦྱོར་གསུམ་དུ་གདམས༔ ཞེས་པ་ལྟར་སྟོད་དཀར་པོ་ལམ་གྱི་སྒྲོན་མ་ལ་བརྟེན་ནས་བླ་མེད་བྱང་ཆུབ་བསྒྲུབ་པ། བར་བཀའ་ཉན་ལྕགས་ཀྱི་བེར་ཀ་ལ་བརྟེན་ནས་དམ་ཅན་གནད་ལ་སྟིམ་པ། སྨད་ནག་པོ་དུག་གི་འཁོར་ལོ་ལ་བརྟེན་ནས་བསྒྲལ་བའི་ཞིང་བཅུ་རྩད་ནས་གཅོད་པ་རྣམས། ཟོར་དང་སྦྱིན་སྲེག་མནན་གཏད་གསུམ༔ དྲག་པོ་ལས་ཀྱི་འཐུད་དཀར་བསྟན༔ ཞེས་པས། ཟོར་ལས། སྦྱིན་སྲེག །མནན་པ་བྱ་བ་རྣམས། ཚེ་སྒྲུབ་ནོར་སྒྲུབ་ཟ་ཚོགས་གསུམ༔ རྣལ་འབྱོར་ཅན་ལ་ཕན་ཕྱིར་བསྟན༔ ཞེས་པས། ཕུར་པ་མེ་ལྕེ་འཕྲེང་བའི་རྒྱུད་ལས་ལེའུ་
ཉེར་གཅིག་པ་ཚེའི་སྙིང་པོ་མཆོག་སྦྱིན་པ་ཁོལ་དུ་ཕྱུང་བ། རང་གཞན་གྱི་ཚེ་ཟད་པ་བསྲིང་བའི་ཆེད་དུ་རྡོ་རྗེ་ཕུར་པའི་ཚེ་སྒྲུབ་དབང་དང་དངོས་གྲུབ་བླང་བ་དང་བཅས་པ། ཕུར་བུ་ཚེའི་ལས་བྱང་། འདིའི་རྗེས་སུ་ནོར་སྒྲུབ་དཔེ་མ་འབྱོར་བས་མ་ཐོབ། ཟ་བ་རྒྱུན་གྱི་ཏིང་འཛིན། ཕུར་པའི་ཟ་ཚོགས་རྒྱས་པའམ་ཕུར་པའི་ཟས་ཀྱི་རྣལ་འབྱོར་སློབ་དཔོན་པདྨ་འབྱུང་གནས་ཀྱིས་མཛད་པ་རྣམས། སཱཙྪ་བརྒྱུད་རིམ་ཟུར་འདེབས་གསུམ༔ འཕྲིན་ལས་ཕུར་པའི་ཁ་སྐོང་ཡིན༔ ཞེས་པ་ལྟར་སཱཙྪའི་ལས་རིམ་བདག་གཞན་བྱང་ཆུབ་སྒྲུབ་པའི་དོན་དུ་སཱཙྪ་གདབ་པ་རྫོགས་སོའི་མཐའ་ཅན། བརྒྱུད་རིམ་གསང་བ་རིན་པོ་ཆེ་དངོས་གྲུབ་བླང་བ། ཟུར་འདེབས་ལ་ནང་གསེས་ཀྱི་སྐུ་བསྐྱེད་པ་དཔལ་ཆེན་ཆེ་མཆོག་མ། སྤྱན་འདྲེན་སྲིད་པ་ཕུར་བུ་མ། བཞུགས་གསོལ་ཁྲོ་རྒྱལ་མ། ཕྱག་སྲིད་གསུམ་གདུག་པ་མ། བསྟིམ་པ་སངས་རྒྱས་ཀུན་སྐུ་མ། སྨན་རཀ་གཏོར་གསུམ་སྦྱོར་སྒྲོལ་གྱི་མཆོད་པ། བདེན་པ་བརྗོད་པ། བསྟོད་པ་ཆོས་དབྱིངས་མ། རིགས་འཛིན་བསྐུལ་བ་བྱང་ཆུབ་མཆོག་སེམས་ལ། དཀྱིལ་འཁོར་གྱི་ལྷ་ཚོགས་བསྐུལ་བ་བཅོམ་ལྡན་དཔལ་ཆེན་མ། དམ་ཅན་སྲུང་མའི་བསྐུལ་ནམ་སྲོད་མ་རྣམས་སོ། །ཆེ་མཆོག་གི་ཆོས་སྐོར་འདི་ལ་སྔགས་འཆང་ཆོས་རྒྱལ་བསོད་ནམས། འཇམ་དབྱངས་མཁྱེན་བརྩེའི་དབང་ཕྱུག །བཀྲ་བཟང་པ་ནམ་མཁའ་རིགས་འཛིན་གསུམ་གྱི་གསན་ཡིག་ན་དྲག་པོ་དང་ཆོས་ཉིད་ཀྱི་བཟླས་པ་སྤྱོད་ལམ་རྣམ་བརྒྱད་སོགས་བསྣན་པའི་མི་མཐུན་པ་འགའ་ཞིག་འདུག་པ་ཕྱོགས་འདིར་མཁས་ཤིང་གྲུབ་པ་བརྙེས་པ་ཡིན་པས་མི་འཐད་པ་མ་ཡིན་ནའང་
འདིར་རིགས་འཛིན་ཆེན་པོའི་གསན་ཡིག་དང་བཀྲ་བཟང་པ་པདྨ་དབང་ཆེན་གྱིས་མཛད་པའི་སྤྱི་ཆིངས་རིན་ཅེན་འཕྲེང་བ་གཉིས་མཐུན་པར་བྱུང་བས་དེ་དོན་བཞིན་བཀོད་པའོ། །རིགས་འཛིན་རྩ་བའི་སྒྲུབ་པ་ལས། བྱང་ཕྱོགས་ལྕགས་མཛོད་ནག་པོ་ན༔ བླ་མ་ཁྲག་འཐུང་ཧེ་རུ་ཀ༔ དྲག་པོའི་ཚུལ་དུ་སྒྲུབ་པ་ཡོད༔ ཅེས་གསུངས་པའི་ཕུར་པ་དྲག་སྔགས་སམ་སྤུ་གྲི། ལྷ་ཐམས་ཅད་སྐུ་མདོག་ནག་པོར་ཡོད་པར་ལྷ་ནག་ཏུ་གྲགས་ཤིང་། རྡོ་རྗེ་ཕུར་པ་རིག་པ་མཆོག་དང་། བི་དྱོཏྟ་མ་ལ་འབུམ་སྡེའི་ཡང་སྙིང་གསང་བ་དྲག་སྔགས་སུ་བསྡེབས་པ་བྱང་ལྕགས་མཛོད་ནག་པོ་ནས་བཏོན་པས་ལྕགས་ཁང་མར་གྲགས་པ་ནི། ཁྱད་པར་འཕགས་པའི་ལོ་རྒྱུས་ལས། མཐའ་མི་མགོན་བརྩོན་བཟོ་པོ་ཁྱད་པར་ཅན༔ བསེ་སྒྲོམ་ནག་པོ་སྣོད་ཀྱི་ཁྱད་པར་ཅན༔ བི་ཏོ་མ་ལ་འབུམ་སྡེའི་བཅུད་ཕྱུང་ནས༔ མན་ངག་སྙིང་དང་འདྲ་བ་དྲིལ་བ་འདི༔ སྲོག་གི་སྤུ་གྲི་དྲག་སྔགས་ཁྱད་པར་ཅན༔ ཞེས་གུ་རུ་པདྨའི་མན་ངག་ཆེས་ཤིན་ཏུ་ཟབ་པའི་སྐོར་ལ། ཐོག་མར་རྡོ་རྗེ་ཕུར་པ་སྤུ་གྲི་ནག་པོ་གསང་བའི་དབང་ཆོག་དང་། དེར་མ་འདུས་པ་རྣམས་ཚེ་མཆོག་གི་དབང་ཆོག་ནས་ཁ་བསྐངས་ཏེ། སྟ་གོན་དང་འཇུག་པ་སྔོན་དུ་འགྲོ་བའི་བགེགས་འདུལ་ཡུངས་ཀར་གྱི་དབང་། དམ་རྫས་བདུད་རྩིའི་དབང་། རིག་པའི་དབང་ལྔ། རང་རྟགས་ཕྱག་རྒྱའི་དབང་། སྦམ་ཕུར་གྱི་དབང་ཆོག་དང་། རིགས་འཛིན་བརྒྱུད་པའི་བྱིན་འབེབས་དང་བཅས་པའི་གཏོར་དབང་། རྡོ་རྗེ་སློབ་དཔོན་གྱི་དབང་། དུར་ཁྲོད་ཆས་བརྒྱད་ཟ་ཚོགས་ཀྱི་དབང་། གསང་དབང་ཕན་པའི་དབང་བཅུ། སྒྲོལ་དབང་། ཤེས་རབ་ཡེ་ཤེས་ཚིག་དབང་དང་བཅས་པ་བྱང་
པ་རིགས་འཛིན་ཆེན་པོ་དཔལ་བཀྲ་ཤིས་སྟོབས་རྒྱལ་གྱི་ཕྱག་ལེན་བཞིན་ཚར་གཅིག་དང་། ཡང་སྤུ་གྲིའི་དབང་ཆོག་སོར་གནས་ཐེངས་གཅིག་སྟེ་ལན་གཉིས་སུ་ཐོབ། རྒྱབ་རྟེན་ལུང་གི་སྐོར་ལ། རྡོ་རྗེ་ཕུར་པ་སྤུ་གྲི་ནག་པོ་རབ་ཏུ་གསང་བའི་རྒྱུའི་ལེའུ་བཅུ་གཅིག་པ། ཕུར་པ་དྲག་སྔགས་ཀྱི་འཕྲིན་ལས་ཆེན་མོ་སྒོམ་དོན་སྒྲུབ་ཡིག་མ་དྲག་པོའི་འཕྲིན་ལས་རྫོགས་སོའི་མཐའ་ཅན། ཚོགས་མཆོད་དོན་བདུན་མ་ལྷག་མའི་མགྲོན་བསྐུལ་དང་བཅས་པ་ལྷག་མའི་ཆོ་ག་རྫོགས་སོའི་མཐའ་ཅན། ཡང་གསང་སྤུ་གྲི་འབར་བའི་འཕྲིན་ལས་འབྲིང་པོ་འཁོར་གྱི་ལྷ་རྣམས་ལུས་དཀྱིལ་དུ་བཀོད་པ་ཚོགས་མཆོད་དང་བཅས་པདཔལ་རྡོ་རྗེ་ཕུར་པའི་འཕྲིན་ལས་རྫོགས་སོའི་མཐའ་ཅན། རིགས་འཛིན་ཡོལ་མོའི་བའི་ལས་བྱང་དེ་འདི་ལ་བརྟེན་པ་ཡིན་འདུག །ཕུར་པ་ཕྲ་ཕྱག་དང་བཅས་པའི་བསྟོད་པ་བསྐལ་པ་མེ་འབར་མ་སློབ་དཔོན་ཆེན་པོ་པདྨས་མཛད་པའི་རྫོགས་བྱང་གི་མཐའ་ཅན། དམ་ཅན་སྲུང་མ་བཅུ་གཉིས་རྩ་བ་གསུམ་དུ་དྲིལ་ཏེ་བསྐུལ་བ་དང་། གྱིང་ཆེན་ཉི་ཤུ་རྩ་གཅིག་བསེ་ལྕགས་དུང་གསུམ་དུ་དྲིལ་ཏེ། བསྐུལ་བ། བསྐུལ་བསྡུས་པ་རྫོགས་བྱང་གྱི་མཐའ་ཅན། དམ་ཅན་མ་མོའི་རྐྱང་བསྐུལ་འགོར་ཤྭ་ན་མུ་ཁའི་དུས་ལ་བབས༔ གྲུ་གསུམ་འབར་བའི་དཀྱིལ་འཁོར་ནས༔ ཞེས་ཡོད་པ་ཨོ་རྒྱན་གྱི་སློབ་དཔོན་པདྨ་འབྱུང་གནས་ཀྱིས་མཛད་པ་རྫོགས་བྱང་གི་མཐའ་ཅན། ཕུར་པ་སྤུ་གྲིའི་སྒོ་ནས་གདབ་ལས་སྐབས་དགོས་པ་གྲུ་གསུམ་མཐིང་ནག་མ་ཕུར་པ་སྤུ་གྲིའི་ཕོ་ཉ་དགུག་འདྲེན་གྱི་ལས་བྱང་རྫོགས་སོའི་མཐའ་ཅན། ཡོལ་མོ་སྤྲུལ་སྐུ་བསྟན་འཛིན་ནོར་བུས་མཛད་པའི་ཕུར་པ་དྲག་སྔགས་ཀྱི་འཕྲིན་ལས་སྒྲོལ་
བྱེད་དྲག་པོའི་རྣོ་མཚོན། ཁམས་པ་ཤེས་རབ་ཀྱིས་བསྐུལ་ནས་དེས་མཛད་པའི་ཕུར་པ་གོང་ཁུག་མའི་བསྙེན་སྒྲུབ་བྱེད་ཚུལ། དེས་མཛད་པའི་རྒྱུན་འཁྱེར་གཏོར་བསྔོ། དེས་མཛད་པའི་སྦྱིན་སྲེག་གི་ཆོ་ག་བསྐལ་པའི་མེ་དཔུང་། རྡོ་རྗེ་ཕུར་པ་སྤུ་གྲི་ནག་པོའི་དབང་བསྐུར་གྱི་ཆོ་ག །མཆོག་ཐུན་དངོས་གྲུབ་འགྲུབ་པར་བི་དྱོཏྟ་མ་ལ་ལས་གསུངས་པའི་རྒྱུན་གཏོར་གྱི་རིམ་པ། དྲག་པོའི་བཟླས་པ་འཕྲོ་འདུ་ལས་ཀྱི་བསྙེན་པ། ཀཱི་ལ་ཡ་ཆོས་ཉིད་དུ་བཟླ་བ། བཟའ་བ། བཏུང་བ། གོས། རྒྱན། ཉལ་བ། ལྡང་བ། འགྲོ་བ། འདུག་པ་སྟེ་སྤྱོད་ལམ་གྱི་རྣལ་འབྱོར་བརྒྱད། བི་དྱོཏྟ་མ་ལ་འབུམ་སྡེའི་བཅུད་ཕྱུང་བ་ཕུར་པའི་ལས་ཐམས་ཅད་ཀྱི་དོན་བསྡུས་པའི་རྩ་བ། ཕུར་པ་དྲག་སྔགས་ཀྱི་སྤུ་གྲིའི་ཏི་ཀ་བསེ་སྒྲོམ་ནག་པོ་མ། འདིའི་འབུམ་ཐང་གི་བྲག་རིན་ཅེན་དགེ་གནས་སུ་སྦས་པ་རྒྱལ་པོ་ཁྲི་རལ་པ་དང་ཕྲད་པའི་སྨོན་ལམ་བཏབ་པ་དང་བྲིས་བཤུས་གཅིག །གུང་ཐང་རྒྱལ་པོའི་དོན་དུ་ཟང་ཟང་ལྷ་བྲག་ཏུ་སྦས་པའི་ཁྲི་བཀྲ་ཤིས་ལྡེ་དང་ཕྲད་པའི་སྨོན་ལམ་ཅན་ཡིན་ནོ། །ཕུར་པ་སྲོག་གི་སྤུ་གྲི། མན་ངག་འདི་དང་བྱིན་གྱིས་བརླབས་པའི་ཕུར་པ་ཟབ་ཆེན་གྱིས་དྲིལ་ཏེ་རྒྱལ་པོའི་སྐུ་ལུས་ལ་བཅངས་པའི་ཕུར་པ་བཀའི་སྒྱེ་ཆུང་མར་གྲགས། ཕུར་པ་ཟོར་སྣོད་ཡོན་བདག་གནས་སོགས་ཀྱིས་ཁྱད་པར་འཕགས་པའི་ལོ་རྒྱུས། ཕུར་པའི་རྒྱུད་མན་ངག་མཚན་མ་རྫས་ཀྱི་ཕུར་པ་རྣམས་གཏེར་ཁ་བདུན་དུ་སྦས་པ་ལས་ཕུར་པ་གོང་ཁུག་མ་ཟབ་པའི་ལོ་རྒྱུས། ཕུར་པ་དྲག་སྔགས་ཀྱི་སྒྲུབ་ཐབས་རྒྱུན་འཁྱེར་བྱང་པ་རིགས་འཛིན་ཡབ་སྲས་ཀྱི་ཕྱག་ལེན་ཞལ་ཤེས་མ་འགོར་རྡོ་རྗེ་ཕུར་པ་དྲག་སྔགས་ཀྱི་སྒྲུབ་པ་ཉམས་སུ་བསྟར་བ་ལ་ཞེས་པ་དང་མཇུག་ཤིས་བརྗོད་དང་བཅས་
པ་སྐབས་དང་བསྟུན་པར་བྱ་བའི་མཐའ་ཅན། ཕུར་པ་ཁྲོ་བོ་རོལ་པའི་གཏོར་བཟློག །ཕུར་བཟློག་དབུས་ཕྱོགས་འཁོར་ལོ་མ། སྡེ་བརྒྱད་བསྲུང་ཟློག་སྤུ་གྲིའི་སོ་དང་འདྲ་བ། སེར་བའི་གདོང་བཟློག་སྡེ་བརྒྱད་ཀྱི་ཁ་འཆིང་ཡིན་པས་རང་གི་ཟ་ཁ་འགག་པར་གསུངས་པ། རྫས་ཀྱི་མཐུ་ཆེན་བཅོ་བརྒྱད། མཚོན་འདྲ་ཐོག་འདྲའི་མན་ངག་བརྒྱ་དང་བརྒྱད་ཀྱི་ནང་ནས་ཁོལ་དུ་ཕྱུང་བའི་ལྟས་ངན་གཏོང་བ། མེ་ཐན། ཁང་སེལ། སྐྱེ་བ་གོ་ལོག །སྐྱེ་བ་རྒྱུན་གཅོད། ཕྱུགས་ཀྱི་སྐྱེ་བ་རྒྱུན་གཅོད། ཞིང་སེལ། ལོང་བྱེད། གསོ་བྱེད། འོན་བྱེད། གསོ་བྱེད། འཁུམ་བྱེད། གསོ་བྱེད། སྦོས་བྱེད། སྨྱོ་བྱེད། ཞ་བྱེད། མཚན་མ་སྐྲང་བྱེད། འབྱེད་པ་གཉིས། གཟེར་ནད་ཀྱིས་འཆི་བ། རེངས་པ། སྲེ་ལོང་ལ་བརྟེན་ནས་ལྟས་ངན་གཏོང་བ། མུ་སྟེགས་ཤྲཱི་རལ་པ་ཅན་གྱི་དགྲ་བོ་གསོད་པའི་མན་ངག །མཚན་མ་དང་ནུ་མ་སྐྲང་པར་བྱེད་པ་རྣམས་སོ། །རྩ་དུམ་ལས། རྩ་དུམ་ཡང་སྙིང་ཕུར་པའི་བཅུད་ཕྱུང་བ༔ འདི་ནི་ཀུན་ཏུ་གྲགས་པ་མ་ཡིན་པས༔ སྤེལ་བའི་གནས་མེད་ས་ཡི་གཏེར་དུ་སྦ༔ ཞེས་ཨོ་རྒྱན་ཆེན་པོས་གཡའ་རི་གོང་གི་བྲག་ཕུག་ཏུ་མི་ལོ་བཅུ་གཉིས་བར་བསྒྲུབས་པའི་ཐུགས་ཀྱི་བརྣག་པ་ཕུར་པ་ལྷ་འདུས་ཞེས་པ་ཚན་ཆེ་ལ་སྒྲུབ་ཐག་མྱུར་བ་ལྷ་ཐམས་ཅད་ངོ་བོ་གཅིག་ཏུ་དྲིལ་ནས་བསྒྲུབ་པས་ཕུར་པ་དྲིལ་སྒྲུབ་ཏུ་གྲགས་པའི་སྐོར་ལ། རྡོ་རྗེ་ཕུར་པའི་རྩ་བ་ཐམས་ཅད་དྲིལ་ནས་ཉམས་སུ་ལེན་པ་ལ་ཡང་སྙིང་དམ་པའི་མཐའ་ཅན། ལས་ལ་སྦྱར་བའི་མན་ངག་ཤྲཱི་སིངྷའི་ཐུགས་ཀྱི་བཅུད་ཕྱུང་བ་ཨོ་རྒྱན་པདྨ་འབྱུང་གནས་ལ་གཏད་པ། མངའ་བདག་གིས་སློབ་དཔོན་ཆེན་པོ་ལ་རྡོ་རྗེའི་སྐུ་འཇིགས་པ་ཐམས་ཅད་
དང་བྲལ་བཞིན་དུ་ལྕགས་ཕུར་འདི་དང་མི་བྲལ་བར་མཛད་པའི་རྒྱུ་མཚན་ཞུས་པ་ལས་འཕྲོས་ཏེ་ཕུར་པའི་རྒྱུ་དང་ཚད་དབྱིབས་གཏེར་དུ་སྦས་ཚུལ་བཅང་ཐབས་མངའ་གསོལ་ལས་ལ་སྦྱོར་བའི་དུས་ཚོད་སོགས་བསྟན་པ་བྱིན་རླབས་ནོར་བུ་རིན་ཆེན་ལྟར་འབྱུང་བའི་མཐའ་ཅན། ཐུགས་ཀྱི་སྒྲུབ་པ་གསང་བ་ཕུར་གཅིག་མའི་སྒྲུབ་ཐབས་ཞེས་པ་སློབ་དཔོན་ཤྲཱི་སིངྷས་ཨོ་རྒྱན་ཆེན་པོ་ལ་གདམས་པ། སློབ་དཔོན་པདྨ་འབྱུང་གནས་ཀྱིས་གཡའ་རི་གོང་གི་བྲག་ཕུག་ཏུ་ལོ་བཅུ་གཉིས་བསྒྲུབ་པའི་དྲིལ་སྒྲུབ་གདམས་པའི་མན་ངག་རྩ་ཐུང་ཡང་སྙིང་ཕུར་པའི་བཅུད་ཕྱུང་བ། གསང་བ་ཕུར་གཅིག་མ་དང་རྩ་ཐུང་འདི་གཉིས་རིགས་འཛིན་ཆེན་པོའི་གསན་ཡིག་དང་བཀྲ་བཟང་པའི་སྤྱི་ཆིངས་སུ་དྲག་སྔགས་ཀྱི་ཆོས་ཚན་དུ་བཀོད་པ་དང་ཆོས་རྒྱལ་བཀྲ་ཤིས་སྟོབས་རྒྱལ་གྱི་གསན་ཡིག་ན་དྲག་སྔགས་དང་དྲིལ་གྲུབ་ཀྱི་སྐོར་བསྲེས་འདུག་ཅིང་། རིགས་འཛིན་ཡོལ་མོ་བའི་དྲག་སྔགས་ཀྱི་ལས་བྱང་ཡང་། སྤུ་གྲི་འབར་བའི་ལས་གཞུང་ཆུང་བ་སོར་གནས་ཀྱི་ཁྲོ་བཅུ་ལུས་ལ་བཀོད་པ་སོགས་ནས་མཁས་གྲུབ་དེ་རྣམས་ཀྱི་གསུང་ཚད་མར་འདུག་ནའང་། སྔགས་འཆང་ཆོས་རྒྱལ་བསོད་ནམས། ཐམས་ཅད་མཁྱེན་པ་མཁྱེན་བརྩེའི་ཞབས། བཀྲ་བཟང་པ་ནམ་མཁའ་རིགས་འཛིན་གསུམ་གྱི་གསན་ཡིག་ན་དྲིལ་སྒྲུབ་ཀྱི་ཆོས་སྡེར་འདུག་པ་ལས་བྱང་རྒྱས་འབྲིང་གི་ཁུངས་དང་བརྒྱུད་རིམ་སོ་སོར་དབྱེ་བ་སོགས་ལ་དཔགས་ན་འཐད་དམ་སྙམ་ནས་དེའི་རྗེས་སུ་འབྲངས་ཏེ་བཀོད་པ་ཡིན་ལ། ཕྱོགས་འདིར་མཁས་ཤིང་གྲུབ་བརྙེས་དེ་དག་བཞེད་ཚུལ་མི་མཐུན་པ་མཐའ་གཅིག་ཏུ་འཐད་མི་འཐད་ཀྱི་ཁ་ཚོན་མ་ཆོད་པར་སླར་ཡང་མཁས་གྲུབ་ཀྱི་སྔགས་འཆང་འདྲ་དང་ཕྲད་ན་དཔྱད་པར་བྱའོ། །
ཨོ་རྒྱན་པདྨ་འབྱུང་གནས་ཀྱིས་གཡའ་རི་གོང་གི་བྲག་ཕུག་ཏུ་མི་ལོ་བཅུ་གཉིས་ཀྱི་བར་དུ་བསྒྲུབས་པའི་ཕུར་པ་གསང་བ་དྲིལ་སྒྲུབ་ཀྱི་འཕྲིན་ལས་ཆེན་མོ། དེའི་འཕྲིན་ལས་འབྲིང་པོ་རྡོ་རྗེ་གཞོན་ནུའི་འཕྲིན་ལས་ཁྱད་པར་ཅན་དུ་གྲགས་པ་འཕྲིན་ལས་བསྡུས་པ་རྡོ་རྗེ་གཞོན་ནུའི་ཚོགས་ལ་ཉམས་ལེན་རྒྱུན་འཁྱེར་རྒྱུད་དང་འཕྲིན་ལས་ནས་བཀོལ་བ་བདག་ཉིད་རྡོ་རྗེ་སྲིན་པོ་མ། མཚན་བརྒྱད་ཀྱི་བསྟོད་པ་ལ་བརྟེན་ནས་ཕུར་པ་བསྐུལ་བ་རྣམས་ལེགས་པར་ཐོབ་པ་ལས། ཕུར་པ་ཆེ་མཆོག་གི་དབང་གི་བརྒྱུད་པ་ནི། ཆོས་སྐུ་ཀུན་ཏུ་བཟང་པོ། ལོངས་སྐུ་རྡོ་རྗེ་སེམས་དཔའ། སྤྲུལ་སྐུ་ཕྱག་ན་རྡོ་རྗེ། རྡོ་རྗེ་ཕག་མོ། ཨོ་རྒྱན་དུས་གསུམ་སངས་རྒྱས། ཇོ་མོ་ཡེ་ཤེས་འཚོ་རྒྱལ། སྣ་ནམ་རྡོ་རྗེ་བདུད་འཇོམས། གཏེར་སྟོན་དངོས་གྲུབ་རྒྱལ་མཚན། སྔགས་འཆང་རྡོ་རྗེ་མགོན་པོ། མཚན་ལྡན་ངག་དབང་གྲགས་པ། དྲིན་ཅན་སངས་རྒྱས་དཔལ་བཟང་། ཐུགས་སྲས་ནམ་མཁའ་རྒྱལ་མཚན། གནུབས་ཆེན་ངག་དབང་རྒྱ་མཚོ། སྐྱི་སྟོན་ཚེ་རིང་དབང་པོ། རང་གྲོལ་ཀླུ་སྒྲུབ་དབང་པོ། སེ་བན་ནམ་མཁའ་རིགས་འཛིན། བཀྲ་བཟང་པ་ཐུགས་མཆོག་འོད་འབར། ཁྱབ་བདག་ཁྲ་ཚང་པ་བློ་མཆོག་རྡོ་རྗེ། དེས་བདག་ལའོ། །ཡང་ན་ཐུགས་སྲས་ནས། སྔགས་འཆང་ཤཱཀྱ་བཟང་པོ། སྤྲུལ་སྐུ་ལེགས་ལྡན་རྡོ་རྗེ། རིགས་འཛིན་དཀོན་ཅོག་ལེགས་ལྡན། སྔགས་འཆང་ཚེ་དབང་རིགས་འཛིན། སེ་བན་ནམ་མཁའ་རིགས་འཛིན་མན་གོང་ལྟར། ལུང་གི་བརྒྱུད་པ་ནི། སྤྲུལ་སྐུ་ལེགས་ལྡན་རྡོ་རྗེ་ནས། ཆོས་རྒྱལ་བཀྲ་ཤིས་སྟོབས་རྒྱལ། རིགས་འཛིན་ངག་གི་དབང་པོ། ཡོལ་མོ་སྤྲུལ་སྐུ་བསྟན་འཛིན་ནོར་བུ། ཟུར་ཐམས་ཅད་མཁྱེན་
པ་ཆོས་དབྱིངས་རང་གྲོལ། དེས་བདག་ཟ་ཧོར་བནྡེ་ལའོ། །ཡང་ན་དྲིན་ཅན་སངས་རྒྱས་དཔལ་བཟང་ནས། སེ་སྟོན་རིན་ཅེན་རྒྱལ་མཚན། སྤྱན་ཚབ་མགོན་པོ་ཟླ་བ། ནུབ་དགོན་པ་བྱམས་པ་ཆོས་ཀྱི་རྒྱལ་མཚན། ཆོས་རྒྱལ་དབང་པོའི་སྡེ་མན་གོང་བཞིན་ནོ། །ཚེ་དབང་གི་བརྒྱུད་པ་ནི། ཀླུ་སྒྲུབ་དབང་པོ་ནས། སྤང་སྟོན་དབོན་པོ་ངག་དབང་ཕུན་ཚོགས། ཁྲ་ཚང་པ་ཆེན་པོ། དེས་བདག་ལའོ། །ལྷ་འཁྲིད་ཀྱི་བརྒྱུད་པ་ནི། དྲིན་ཅན་སངས་རྒྱས་དཔལ་བཟང་ཡན་གོང་ལྟར་ལ། སྔགས་འཆང་ཆོས་རྒྱལ་བསོད་ནམས། དེ་སྲས་ཆོས་སྐྱོང་བཀྲ་ཤིས། གནུབས་ངག་དབང་རྒྱ་མཚོ། སྐྱི་སྟོན་ཆེན་པོ། ཀླུ་སྒྲུབ་རྗེ། ཟུར་ཆེན་ངག་དབང་ཕུན་ཚོགས། ཁྱབ་བདག་ཁྲ་ཚང་པ་ཆེན་པོ། དེས་བདག་ལའོ། །རྫས་ཀྱི་མཐུ་ཆེན་བཅོ་བརྒྱད་དང་མཚོན་འདྲ་ཐོག་འདྲ་མ་གཏོགས་པའི་ཕུར་པ་དྲག་སྔགས་ཀྱི་དབང་ཆོག་ལ་ཆེ་མཆོག་དབང་ཆུ་ནས་ཁ་བསྐངས་ཏེ་སྤུ་གྲིའི་དཀྱིལ་འཁོར་དུ་ཐོབ་པའི་དབང་དང་ལུང་ཡོངས་རྫོགས་ཐོབ་པའི་བརྒྱུད་པ་ནི། ཆོས་སྐུ་ཀུན་ཏུ་བཟང་པོ། ལོངས་སྐུ་རྒྱལ་བ་རིགས་ལྔ། སྤྲུལ་སྐུ་རིགས་གསུམ་མགོན་པོ། སྨུ་ནག་དབང་གི་མཁའ་འགྲོ། ཚངས་པའི་རྒྱལ་པོ་གདོང་གསུམ་པ། ལྷ་དབང་བརྒྱ་བྱིན། ཀླུ་རྒྱལ་འཇོག་པོ། རྒྱལ་པོ་ཛ། མཁས་པ་ཤཱཀྱ་པྲབྷ། ཨོ་རྒྱན་སངས་རྒྱས་གཉིས་པ་ནས་བཟུང་སྟེ་རིགས་འཛིན་ལེགས་ལྡན་རྡོ་རྗེ་ནས་ཆོས་རྒྱལ་བཀྲ་ཤིས་སྟོབས་རྒྱལ་ལ་བརྒྱུད་པ་གོང་ལྟར། ཡང་ན་གཏེར་སྟོན་ནས། རིགས་འཛིན་སངས་རྒྱས་བྱམས་བཟང་། སེ་བརྒྱ་མཁར་བ་ཉི་མ་བཟང་པོ། སེ་སྟོན་མགོན་པོ་བཟང་པོ། སེ་སྟོན་རིན་ཅེན་རྒྱལ་མཚན་མན་གོང་བཞིན་ནོ། །ཡང་སྤུ་གྲིའི་དབང་དང་
ལུང་བརྒྱུད་ལུགས་གཅིག་ནི་ནུབ་དགོན་རྗེ་ནས། བྱམས་པ་བློ་གྲོས་རྒྱལ་མཚན། ཆོས་རྒྱལ་དབང་པོའི་སྡེ་མན་གོང་འདྲ། སྤུ་གྲིའི་དབང་ཆོག་སོར་གནས་སྟེང་ནས་དབང་མནོས་པའི་བརྒྱུད་པ་ནི། ཐུགས་སྲས་ནམ་མཁའ་རྒྱལ་མཚན་ནས། གནུབས་ངག་དབང་རྒྱ་མཚོ་ལ་བརྒྱུད་པ་དང་། ལེགས་ལྡན་རྗེ་ནས། དཀོན་ཅོག་ལེགས་ལྡན་ལ་བརྒྱུད་པ་སོར་གནས་ཡིན་ནོ། །ཡང་ལུགས་གཅིག་ལ་ཐུགས་སྲས་ནམ་མཁའ་རྒྱལ་མཚན་ནས་དྲན་མཆོག་ནམ་མཁའ་བསོད་ནམས་བཀྲ་བཟང་པ་པདྨ་དབང་ཆེན། བཀྲ་བཟང་པ་ཚེ་དབང་རིགས་འཛིན། བཀྲ་བཟང་པ་ནམ་མཁའ་རིགས་འཛིན། བཀྲ་བཟང་པ་ཐུགས་མཆོག་འོད་འབར་མན་གོང་འདྲ། རྫས་ཀྱི་མཐུ་ཆེན་བཅོ་བརྒྱད་དང་མཚོན་འདྲ་ཐོག་འདྲའི་ལུང་བརྒྱུད་ནི། གུ་རུ་ཁྲག་འཐུང་ནག་པོ། ཨོ་རྒྱན་ཆེན་པོ། ལྷ་སྲས་མུ་ཁྲི་བཙན་པོ། གཏེར་སྟོན་རྒོད་ལྡེམ་ཡབ་སྲས། སེ་སྟོན་ཉི་བཟང་། སེ་སྟོན་མགོན་བཟང་། སེ་སྟོན་རིན་རྒྱན། ཟུར་ཉི་མ་རྒྱལ་མཚན། ཟུར་བདེ་ལེགས་རྒྱལ་མཚན་རྟིང་མ། ཟུར་ངག་དབང་ཕུན་ཚོགས། ཁྲ་ཚང་པ་ཆེན་པོ། དེས་བདག་ལའོ། །ཡང་ན་བྱམས་པ་ཆོས་རྒྱན་ནས། ཐུགས་སྲས་བློ་གྲོས་རྒྱལ་མཚན། མཁས་གྲུབ་བྱམས་པ་བཟང་པོ། ནུབ་དགོན་སྤྲུལ་སྐུ་ཤཱཀྱ་རྒྱལ་མཚན། འདར་ནག་རྒྱལ་སྲས་བདེ་བ་བཟང་པོ། དེས་བདག་ལའོ། །དྲིལ་སྒྲུབ་ཀྱི་བརྒྱུད་པ་ནི། ཆོས་སྐུ་ཀུན་ཏུ་བཟང་པོ། ལོངས་སྐུ་རྡོ་རྗེ་སེམས་དཔའ། སྤྲུལ་སྐུ་དགའ་རབ་རྡོ་རྗེ། ཡང་སྤྲུལ་ཤྲཱི་སིངྷ། དྲན་མཆོག་ཨོ་རྒྱན་ཆེན་པོ་མན་ཆོས་རྒྱལ་བཀྲ་ཤིས་སྟོབས་རྒྱལ་བརྒྱུད་པར་བཞུགས་པའི་བརྒྱུད་ཚུལ་ལུགས་གཉིས་སོར་གནས་སོ། །
ཡང་ན་ནུབ་དགོན་ཆོས་ཀྱི་རྒྱལ་མཚན། ཐུགས་སྲས་བློ་གྲོས་རྒྱལ་མཚན། བྱང་བདག་ཡབ་སྲས་མན་སྔར་བཞིན་ནོ། །སྤྲུལ་སྐུ་རིགས་འཛིན་ཆེན་པོས་ནུབ་ཟངས་མཛོད་དམར་པོ་ནས་སྤྱན་དྲངས་པའི་མངའ་དབང་རིན་པོ་ཆེའི་སྐོར་ནི། ལོ་རྒྱུས་ལས། ཆོས་སྐྱོང་རྒྱལ་པོར་མངའ་གསོལ་བའི༔ མངའ་ཐང་རིན་ཅེན་འབར་བ་ཡོད༔ ཅེས་སོགས་ཀྱིས་མངའ་དབང་གི་ཞར་བྱུང་དུ་ཐུགས་སྒྲུབ་ཀྱི་ཛམྦྷ་ལའི་སྐོར་རྣམས་བསྟན་པའི་དངོས་དོན་མངའ་དབང་གི་རིམ་པ་ཐོབ་པར། མངའ་དབང་རིན་ཅེན་འབར་བའི་དབང་དང་། ལུང་ལ་མངའ་ཐང་རིན་པོ་ཆེའི་ལོ་རྒྱུས་ཞེས་པ་འདིའི་བརྗོད་དོན་བང་མཛོད་བཅའ་བ། ཉམས་སུ་ལེན་ཚུལ་དོན་གསུམ་དུ་བསྟན་པ། དབང་གི་བཀའ་བབས་ལོ་རྒྱུས་ཐེམས་བྱང་ལུང་བསྟན་སྐུ་གསུང་ཐུགས་ཀྱི་གདུལ་བྱ་ཞལ་ཆེམས་དང་བཅས་པ་སྦས་བྱང་གི་མཐར་ཚང་བ། ཡིད་བཞིན་ནོར་བུ་དབང་གི་ཆོག༔ སྙིང་དང་འདྲ་བའི་མན་ངག་འདི༔ འབྱུང་པོ་གདུལ་བྱེད་རྒྱུད་ལས་བཏུས༔ ཞེས་པའི་མངའ་དབང་རིན་པོ་ཆེ་འབར་བ་དངོས་ཀྱི་ཡི་གེ་ལ་ཕུན་སུམ་ཚོགས་པའི་རྒྱུ་བཙལ་བ། རྟེན་ཅིང་འབྲེལ་པར་འབྱུང་པའི་རྫས་གསག་པ། ཆོས་སྐྱོང་རྒྱལ་པོར་མངའ་གསོལ་བ་དངོས་ཏེ་དོན་ཚན་གསུམ་དུ་བསྟན་པ་ཐང་ལྷ་ལ་གཉེར་བཅོལ་གྱིས་མཐར་ཚང་བ། རྒྱུད་ལ་ལེའུ་ལྔ་རུ་བསྟན༔ ཞེས་པ་འདིའི་བཤད་ཁུངས་སྲོག་གི་སྙིང་པོ་བཏུས་པ་འབྱུང་པོ་གདུལ་བྱེད་ཀྱི་རྒྱུད་ལ་གླེང་གཞི། དུས་དང་གཟའ་སྐར་བརྩི་བ། སྲོག་གི་ཡི་གེ་འདྲི་བ། ནོར་བུ་སྔགས་ཀྱི་ལེའུ། གཏད་རྒྱ་སྦས་བྱང་བཀའི་དམ་བསྒྲིགས་དང་བཅས་པ་ལེའུ་ལྔ་པ། ཆོས་ཁྲིམས་བསྟན་པའི་སྒྲོན་མེ་ལེའུ་བཅུ་གཉིས་པ། བསམ་ཡས་དབུ་རྩེར་སློབ་དཔོན་ཆེན་པོ་ལ་མངའ་བདག་གིས་
གསེར་གྱི་མཎྜལ་རི་རབ་གླིང་བཞི་ལ་དཔེ་བྱས་པ་ཕུལ་ནས་ཞུས་པའི་ཆོས་སྐྱོང་རྒྱལ་པོའི་མངའ་ཐང་བསྐྱེད་པའི་ལུང་བྱང་སྒྲོལ་༼༽མ་བསྟན་པའི་བར་གཅོད་སེལ་ཐབས་རྣམས་ལེགས་པར་ཐོབ་པའི་བརྒྱུད་པ་ནི། ཤཱཀྱ་ཐུབ་པ། ཀུན་དགའ་བོ། ཤཱཀྱ་པྲ་བྷ། ཡང་ན་དཔལ་གསང་བདག་ཕྱག་ན་རྡོ་རྗེ། གཏེར་བདག་སྲིད་གསུམ་དབང་གི་ཌཱ་ཀི་མ། ཨོ་རྒྱན་གྱི་རྒྱལ་པོ་ཐོར་ཅོག་ཅན། ཆོས་རྒྱལ། གཏེར་སྟོན་རིགས་འཛིན་ཆེན་པོ། གངས་ཅན་སངས་རྒྱས་བསྟན་པ། རིགས་འཛིན་སངས་རྒྱས་བྱམས་བཟང་། སེ་སྟོན་མགོན་བཟང་། སེ་སྟོན་རིན་རྒྱལ། བྱམས་པ་ཀུན་དགའ་དོན་གྲུབ་བཀྲ་བཟང་པའི་གསན་ཡིག་ན་མཐུ་ཆེན་རྒྱལ་པོ་ཟེར་བ་སྣང་། སྔགས་འཆང་ཤཱཀ་བཟང་གསང་སྔགས་རྡོ་རྗེ། འཛམ་གླིང་ཆོས་གྲགས། གཞོན་ནུ་སྟོབས་ལྡན། སྔགས་འཆང་ཚེ་རིང་དབང་པོ། ཀླུ་སྒྲུབ་རྗེ། ཟུར་ཆེན་ངག་དབང་ཕུན་ཚོགས། ཁྲ་ཚང་པ་ཆེན་པོ། དེས་བདག་ལའོ། །ཡང་ན་དོ་ཆེན་སངས་རྒྱས་བསྟན་པ་ཡན་གོང་ལྟར་ལ། རྡོ་རྗེ་དཔལ། བྱམས་པ་བཤེས་གཉེན། སངས་རྒྱས་དཔལ་བཟང་། ཐུགས་སྲས་རིན་པོ་ཆེ། ཡོལ་མོ་ཤཱཀ་བཟང་། རིགས་འཛིན་ཆེན་པོ། རིགས་འཛིན་ཆོས་དཔལ་བཟང་། སྔགས་འཆང་ཀུན་བཟང་ཉི་མ། ཟུར་ཆེན་ངག་དབང་ཕུན་ཚོགས་མན་གོང་བཞིན་ནོ། །ཡང་ན་གཏེར་སྟོན་ནས་རྡོ་རྗེ་མགོན་པོ། ངག་དབང་གྲགས་པ། སངས་རྒྱས་དཔལ་བཟང་མན་འདྲ། ཡང་ན་སངས་རྒྱས་དཔལ་བཟང་ནས། ཆོས་རྒྱལ་བསོད་ནམས། བསོད་ནམས་བཀྲ་ཤིས། ངག་དབང་རྒྱ་མཚོ། ཚེ་རིང་དབང་པོ་མན་འདྲ། ལོ་རྒྱུས་དང་དབང་ཆོག་གཉིས་ཀྱི་ལུང་རྒྱུད་ལུགས་གཅིག་ལ་རིགས་
འཛིན་ཆེན་པོ་ནས། ཆོས་རྒྱལ་བཀྲ་ཤིས་སྟོབས་རྒྱལ། རིགས་འཛིན་ཀུན་བཟང་ཉི་མ་མན་གོང་ལྟར་རོ། །ཡང་ན་ཟུར་སྤང་སྟོན་དབོན་པོ། ཀུན་མཁྱེན་ཆོས་དབྱིངས་རང་གྲོལ། དེས་བདག་ལའོ། །གཡུང་དྲུང་གི་རྟགས་མ་གཏོགས་པའི་དབང་ལུང་གི་བརྒྱུད་ལུགས་གཅིག་ནི། ཚེ་རིང་དབང་པོ་ནས། ཀླུ་སྒྲུབ་དབང་པོ། སེ་ནམ་མཁའ་རིགས་འཛིན། སེ་ཐུགས་མཆོག་འོད་འབར། སྤྲུལ་སྐུ་གཏེར་བདག་གླིང་པ། དེས་བདག་ལའོ། །ཡཀྵ་རྡོ་རྗེ་ཞལ་གཅིག་ཕྱག་གཉིས་པར་སྒྲུབ་པ་བསྙེན་པའི་ཡི་གེ །ཡཀྴ་རྡོ་རྗེ་དབུ་ཉེར་གཅིག །ཕྱག་ཞེ་གཉིས་པར་སྒྲུབ་པ་སྒྲུབ་པའི་ཡི་གེ །ཡཀྵ་རྡོ་རྗེའི་ཐེམས་བྱང་། གནས་ཆེན་བཙལ་ནས་འཛིན་པའི་ལུང་བསྟན་རྣམས་ཐོབ་པའི་བརྒྱུད་པ་ནི། ཀུན་ཏུ་བཟང་པོ། རིགས་ལྔ། རིགས་གསུམ་མགོན་པོ། དབང་གི་མཁའ་འགྲོ། ཚངས་པའི་རྒྱལ་པོ། ལྷ་དབང་། ཀླུ་རྒྱལ། རྒྱལ་པོ་ཛ། ཤཱཀྱ་པྲ་བྷ། ཨོ་རྒྱན་ཡབ་ཡུམ། སྣ་ནམ་པ། གཏེར་སྟོན། རྡོ་རྗེ་མགོན་པོ། ངག་དབང་གྲགས་པ། སངས་རྒྱས་དཔལ་བཟང་། མེ་སྟོན་ཆེན་པོ། ཡོལ་མོ་ཤཱཀ་བཟང་། ལེགས་ལྡན་རྗེ། བླ་ཆེན་སྒྲོ་ཕུག་པ། སྔགས་འཆང་ཚེ་རིང་པ། ཀླུ་སྒྲུབ་རྗེ། སྤང་སྟོན་དབོན་པོ། ཐམས་ཅད་མཁྱེན་པ་ཆོས་དབྱིངས་རང་གྲོལ། དེས་བདག་ལའོ། །ཡང་ན་སངས་རྒྱས་དཔལ་བཟང་ནས། ཆོས་རྒྱལ་བསོད་ནམས། ཆོས་སྐྱོང་བཀྲ་ཤིས། འཇམ་དབྱངས་མཁྱེན་བརྩེ། དྲང་སྲོང་དཀའ་བཞི་པའི་སྲས་གཞོན་ནུ་སྟོབས་ལྡན། སྔགས་འཆང་ཚེ་རིང་དབང་པོ། རྗེ་བཙུན་གཤོང་ཆེན་པ། ཐུགས་སྲས་བསམ་གཏན་རྒྱལ་མཚན། ཟུར་ཆེན་ངག་དབང་ཕུན་ཚོགས་མན་གོང་བཞིན་ནོ།
ཁྲོ་བོ་བཅུའི་དམིགས་པ་དང་གདོང་གཅིག་མའི་དམིགས་པ་ལ་བརྟེན་ནས་གདོང་དམར་ཧོར་གྱི་དམག་དཔུང་བཟློག་པའི་ལུང་ཕྱག་བཞེས་ཐོབ་པའི་བརྒྱུད་པ་ནི། ལེགས་ལྡན་རྗེ་ཡན་གོང་ལྟར་ལ། དེ་ནས་ཆོས་རྒྱལ་དབང་པོའི་སྡེ། རྒྱལ་སྲས་ཐུགས་རྗེ་དབང་གྲུབ་རྩལ། ཟུར་ཐམས་ཅད་མཁྱེན་པ། དེས་བདག་ལའོ། །ཟབ་མོ་རྟེན་འབྲེལ་གྱི་ཆོས་བདུན་ནི། འོད་དཔག་མེད་ལ་རང་སྣང་དབང་དུ་སྡུད་པའི་ཆོས། སྤྱན་རས་གཟིགས་ལ་གདུལ་བྱའི་ཞིང་དབང་དུ་སྡུད་པའི་ཆོས། གུ་རུ་པདྨ་ལ་ཁམས་གསུམ་དབང་དུ་བསྡུ་བའི་ཆོས། ཁྲོ་བོ་རྟ་མགྲིན་ལ་དྲེགས་པ་དབང་དུ་སྡུད་པའི་ཆོས། ལྷ་ཆེན་མ་ཧཱ་དེ་ཝ་ལ་ཁམས་གསུམ་དབང་དུ་སྡུད་པའི་ཆོས། ཡུམ་ཨུ་མ་དེ་ཝ་ལ་མོ་བརྒྱུད་དབང་དུ་སྡུད་པའི་ཆོས། ཛཾ་བྷ་ལ་འདོད་དགུའི་ལོངས་སྤྱོད་དབང་དུ་སྡུད་པའི་ཆོས་དང་བདུན་ཡོད་པ་མཐའ་དག་མ་ཐོབ་ཅིང་། ཐོས་བསམ་གང་བྱས་ཀྱི་རིམ་པ་ནི། དབང་གི་སྒྲུབ་ཐབས་མཐའ་དག་ཕྱོགས་གཅིག་ཏུ་སྦས་པའི་དབང་ཆེན་ཡོངས་རྫོགས་ཀྱི་ཐེམས་བྱང་། འོད་དཔག་མེད་ཡེ་ཤེས་རང་གསལ་གྱི་སྒྲུབ་ཐབས་ཐུགས་རྗེ་ཆེན་པོའི་ཡི་གེ་བཅུ་པ་ལ་བརྟེན་ནས་འགྲོ་བ་གདུལ་བ་མེ་ལོང་མཐོང་གྲོལ་གྱི་མན་ངག་རྣམས་ཀྱི་ལུང་། རྟ་མགྲིན་དྲེགས་པ་དབང་སྡུད་ཀྱི་སྐོར་ལ། སྨིན་བྱེད་ཀྱི་དབང་དང་། ལུང་ལ། བསམ་ཡས་བརྩིག་དུས་ལྷ་སྲིན་ཁ་ལངས་པར་གུ་རུ་དྲེགས་པ་ཁ་ཆིངས་སྡེ་བརྒྱད་ཟིལ་གྱིས་མནན་པའི་རྟ་མགྲིན་དྲེགས་པ་དབང་སྡུད་གཡས་གཟུགས་ཁམས་བརྡེག་ཅིང་གཡོན་འདོད་ཁམས་གནོན་པའི་སྒྲུབ་ཐབས་ལས་ཅན་ལ་ཕྲད་ཤོག་གི་མཐའ་ཅན། དྲེགས་པ་དབང་སྡུད་ཀྱི་ཕྲིན་ལས། དབང་ཆོག་བསྟོད་
པ་དབང་ཆེན་ལས་རྔམས་མ། སྡེ་བརྒྱད་གནད་འབེབས། མན་ངག་རྩ་བའི་ཐེམས་བྱང་། ཆོ་འཕྲུལ་སྟོན་པ། བཀའ་ཉན་པ། གང་བཅོལ་བྱེད་པའི་རྟགས། མཚན་མ་བརྟག་པ། དགྲ་ལ་རྦད་བ། དམ་འགོང་འདུལ་བ། སྲིའུ་གསོ་བ། ཕྱག་རྒྱ་མ་འགུགས་པ། ཚེ་འགུགས་པ། ཟས་ནོར་སྤེལ་བ། དྲོད་ཚད། དཔའ་བོ་ཕོ་ཚོགས་མོ་ཚོགས་ཀྱི་སྒྲུབ་པ་རྣམས། འོད་དཔག་མེད་ཀྱི་ལས་མཁན་ལྷ་ཆེན་དབང་ཕྱུག་ཆེན་པོ་སྟོབས་འདུས་ནག་པོའི་སྐོར་ལ། ལྷ་ཆེན་དབང་ཕྱུག་ལ་ནོར་ལྷ་བརྒྱད་ཀྱིས་བསྐོར་བའི་དབང་ལེགས་པར་མནོས་ནས། ལུང་ལ། གཉེན་པོ་སྟོབས་ཀྱི་སྒྲུབ་པ་ཞེས་པ་ཨོ་རྒྱན་ཆེན་པོ་པདྨ་འབྱུང་གནས་ཀྱི་སྒྲུབ་པ། ནོར་ལྷ་དགུའི་ཕྲིན་ལས་སུམ་ཅུ་རྩ་གསུམ་མ། ནོར་ལྷ་དགུའི་དབང་བསྐུར་གྱི་ཡི་གེ །འདོད་ཁམས་ཀྱི་བདག་པོ་དབང་ཕྱུག་ཆེན་པོས་འོད་དཔག་མེད། རྒྱལ་བ་ཤཱཀྱ་ཐུབ་པ། སློབ་དཔོན་ཆེན་པོ་གསུམ་གྱི་ཆོས་སྲུང་མཛད་པ་དང་། སློབ་དཔོན་ཆེན་པོས་མུ་སྟེགས་དབང་ཕྱུག་བཏུལ་བ་སོགས་ཀྱི་ལོ་རྒྱུས་ཆེན་མོ་རྫོགས་བྱང་གི་མཐའ་ཅན། བསམ་ཡས་མཆིམས་ཕུར་སློབ་དཔོན་ཆེན་པོ་དང་མཆིམས་ཀྱི་རྡོ་རྗེ་སྤྲེ་ཆུང་ལྷན་ཅིག་ཏུ་བཞུགས་པའི་ལོ་རྒྱུས་ལས་འཕྲོས་ནས་བསྙེན་སྒྲུབ་དྲིལ་བ་སྐྱོན་སྤོང་ཡོན་ཏན་སོགས་བསྟན་པ། མ་ཧཱ་དེ་ཝས་ཐམས་ཅད་དབང་དུ་སྡུད་པའི་རླུང་ཞགས་ལ། སྲིད་པའི་མེས་པོ་བླ་རྡོ་གཏོར་མ་སོགས་ཕྱི་ནང་གསང་གསུམ་དུ་དབྱེ་བའི་སྤྱི་སྒྲུབ། ཡབ་ཡུམ་གྱི་འཁོར་ལོ་རྐྱང་པ། ཡབ་ཡུམ་གྱི་འཁོར་ལོ་ལྟོ་འཁོར་མ། ཟླ་གམ་ཤོག་དམར་མ། ཕུར་མོའི་མེའི་སྦྱིན་སྲེག་འདིའི་སྔགས་འགོར་ཨོཾ་དེ་ཝ་ཤ་ར་ཟེར་བ་འདུག །རྒྱལ་པོ་དབང་སྡུད། འདིའི་སྔགས་
ཀྱི་འགོར་ཨོཾ་དབང་ཕྱུག་ལྷ་ཆེན་ཟེར་བ་ཡོདམི་བརྟག་ཐོག་མར་རྔ་ཆེན་བརྡུང་བ་འདུག་ཡབ་ཡུམ་གྱི་འཁོར་ལོ་ཆུང་བ། དབང་ཕྱུག་ཆེན་པོ་སྣང་བ་དབང་སྡུད་ཀྱི་སྔགས་བྱང་། དབང་ཕྱུག་ཡབ་ཡུམ་གྱི་སྲོག་འཁོར། རྒྱལ་པོ་དབང་སྡུད། འདིའ་ིསྔགས་འགོར་ཨོཾ་རཱ་ཛ་ཁུག་ཟེར་བ་འདུག །སེང་གེ་དཀར་མོའི་རྫས་ཐོད་ལ་བརྟེན་ནས་ཡུལ་ཁམས་དབང་སྡུད། ཕུར་མོའི་སྦྱིན་སྲེག་འདིའི་སྔགས་འགོར་ཨོཾ་དབང་ཕྱུག་ཆེན་པོ་ཟེར་བ་འདུག །རྨི་ལྟས། ཐོག་མར་རི་ལ་འཛེག་པ་འདུག །ཕ་ཝང་ལོང་བུ་ལ་བརྟེན་པའི་བླ་རྡོ་བཅང་ཐབས། འཇིག་རྟེན་དབང་སྡུད། སྲིད་པའི་མེས་པོ་ལ་བརྟེན་པའི་ཡུལ་ཁམས་དབང་སྡུད། མཆིལ་བའི་ཀླད་པ་ལ་བརྟེན་ནས་བཙུན་མོ་དབང་སྡུད། མདའ་བྱ་རྒོད་མ་ལ་བརྟེན་པའི་དབང་སྡུད། ཙན་དན་གྱི་སྲིད་མེས་ལ་བརྟེན་པའི་བླ་རྡོ། དབང་གི་ཞལ་གདམས་དང་པོ། སྔགས་རྐང་པ་ཐུང་ལ་སྒྲུབ་ཐག་ཉེ་བ། སྔགས་རིང་ལ་དབྱིངས་ཆེ་བ། སྔགས་རིང་ལ་བརྟེན་ནས་ཁྲོམ་དབང་དུ་བསྡུ་བ། སྔགས་ཐུང་ལ་བརྟེན་ནས་ཁྲོམ་དབང་དུ་བསྡུ་བ། གནམ་སྐས་ཅན་གྱི་བྲག་ལ་སྦས་པ། ཕྱི་རབས་སྔགས་འཆང་རྣམས་ལ་ཞལ་ཆེམས་སུ་བཞག་པའི་སྲིད་མས་སྐེད་འཆིང་མ། ལས་གྲུབ་ནས་རྟེན་དེ་གཞན་ལ་རེག་པའི་ཐབས། ཡི་གེ་གཅིག་འདོན་འཇུག་གིས་དབང་ཕྱུག་གཏན་ལ་དབབ་པ་མྱུར་མགྱོགས་སྔགས་ཀྱི་སྒྲུབ་པ། ལྷ་ཆེན་གནད་ལ་བོར་བ། བྱི་བ་ཁ་སྤྲོད་ཀྱི་འཁོར་ལོ་ཟབ་མོ། རྒྱལ་པོ་བཙུན་མོ་བློན་པོ་རྣམས་དབང་དུ་སྡུད་པ། འཁོར་ལོ་ལ་བརྟེན་ནས་ཡུལ་ཁམས་དབང་དུ་སྡུད་པ། ཐོད་པ་ཚད་ལྡན་ལ་བརྟེན་ནས་འདོད་ཁམས་དབང་དུ་སྡུད་པ། གསང་བ་ལག་བསྒུལ་གྱི་འཁོར་ལོ་ལ་བརྟེན་ནས་
འཇིག་རྟེན་གྱི་མི་ནོར་ལོངས་སྤྱོད་དབང་དུ་བསྡུ་བ། གསང་བ་སྙིང་བསྒུལ་གྱི་འཁོར་ལོ་ལ་བརྟེན་ནས་མི་ནོར་སྡུད་པ། ཟངས་ཀྱི་སྲིད་མེས་ལ་བརྟེན་ནས་ཁྲོམ་དབང་དུ་བསྡུ་བ། རིལ་བུ་ལ་བརྟེན་ནས་ཁྲོམ་དང་བུད་མེད་དབང་དུ་སྡུད་པ། ཟས་ནོར་རི་ལྟར་སྤྲུངས་པའི་དམིགས་སྔགས། ལྷ་ཆེན་དབང་ཕྱུག་དང་མུ་སྟེགས་དབང་ཕྱུག་གི་སྒྲུབ་སྐོར་གཏེར་དུ་སྦས་ཚུལ། རྒྱལ་མཚན་ལ་བརྟེན་ནས་མི་ནོར་ཟས་གསུམ་དབང་དུ་སྡུད་པ། སྔགས་ཀྱི་ཐེམས་ཡིག་མཆིམས་ཀྱིས་དབྲི་བསྣན་མ་བྱས་པར་གཏེར་དུ་སྦས་པ་རྣམས་རིགས་འཛིན་པདྨའི་བཀའ་ཉན་འཇིག་རྟེན་དབང་ཕྱུག་གམ་མུ་སྟེགས་དབང་ཕྱུག་བསོད་ནམས་དཔལ་འབར་གྱི་སྐོར་ལ། གོང་གནོན་ཨོ་རྒྱན་པདྨའི་རྗེས་གནང་། མུ་སྟེགས་དབང་ཕྱུག་ཆེན་པོའི་རྗེས་གནང་། དབང་ཕྱུག་ནོར་བུ་བསམ་འཕེལ་གྱི་རྗེས་གནང་། དབང་ཕྱུག་སྣང་བ་དབང་སྡུད་ཀྱི་རྗེས་གནང་། མུ་སྟེགས་དབང་ཕྱུག་མཁའ་འགྲོ་བཞིས་བསྐོར་བའི་སྤྱི་དབང་རྣམས་མནོས་ནས། ལུང་ལ་སྔོན་འགྲོ་རྣམ་གསུམ་གྱི་བྱིན་རླབས་ཞེས་པ་སྤྱན་རས་གཟིགས་རྟ་མགྲིན། དབང་ཕྱུག་གསུམ་ཕྱི་ནང་གསང་གསུམ་གྱི་ཚུལ་དུ་སྒྲུབ་པ། དབང་ཆེན་མཆོད་པའི་ཕྲིན་ལས་འཇིག་རྟེན་དབང་དུ་བྱ་བའི་ཐུན་མོང་གི་དངོས་གྲུབ་འདི་ལས་མྱུར་བ་མེད་པ་སློབ་དཔོན་ཆེན་པོས་མཆིམས་ལ་གསུངས་པ། གོང་གནོན་དང་དབང་ཕྱུག་ཕྱི་ནང་གསང་གསུམ་གྱི་རྗེས་གནང་གི་ཡི་གེ་དབང་གི་རྫས་དང་དུས་བསྟན་པའི་རྫོགས་བྱང་གི་མཐའ་ཅན། དབང་ཕྱུག་ཆེན་པོ་ཡང་ཁོལ་གྱི་སྒྲུབ་པ་གཏེར་ཁ་བདུན་ལས་ལྷ་བྲག་གི་བསེ་སྒྲོམ་ནས་བྱོན་པ། སྙིང་བྱང་ཞལ་
ཁྲིགས་སྐོར་ལ་ཕྱི་ནང་གསང་གསུམ་ནོར་བུ་བསམ་འཕེལ་དང་བཅས་པའི་སྒྲུབ་པའི་ཞལ་ཁྲིགས་རྒྱ་བོད་གཞན་ན་མེད་པའི་ཁྱད་ཆོས། སྙིང་པོ་སྔགས་ཀྱི་ཐེམས་ཡིག་རྐྱང་འདེད་བྱས་ནས་འགུགས་ཐབས། སྔགས་གསུམ་སྦྲེལ་ནས་བཟླ་ཚུལ། གསང་བ་ཡང་ཁོལ་གྱི་སྒྲུབ་པའི་རིལ་བུ་རྡེག་པའི་མན་ངག །ཟངས་ཀྱི་ཕོ་ཚན་ཀླད་ལ་བསྐོར་ནས་གཟིར་བའི་མན་ངག་ཞལ་ཁྲིགས་རྫོགས་སོའི་མཐའ་ཅན། བླ་རྡོ་གཟུང་བ་གནད་ཀྱི་མན་ངག་རྗེ་པདྨས་མཆིམས་ཀྱི་རྡོ་རྗེ་སྤྲེ་ཆུང་ལ་གནང་བའི་མཐའ་ཅན། བླ་རྡོ་མལ་འོག་བཅུག་པའི་གནད་འབེབས། ནོར་རྫས་མི་འཛད་ཅིང་འཕེལ་བར་འགྱུར་བའི་ཐབས། མི་འདུ་འཕྲོ་ལ་ཚད་ན་གེགས་སེལ་བྱ་བ། རིག་པ་མི་གནས་པའམ་སྙིང་མི་དགའ་ན་གེགས་སེལ་མན་ངག་སྙིང་གི་ནོར་བུ། མཆིམས་ཀྱི་རྡོ་རྗེ་སྤྲེ་ཆུང་ཤིན་ཏུ་དབུལ་བ་ལ་གདམས་པ་རྫོགས་པར་གནང་བའི་ལོ་རྒྱུས། དབང་ཕྱུག་བསམ་རྒྱུད་དུ་གྲགས་པ་མཇུག་ན་པདྨ་ངའི་དབང་ཕྱུག་ཐུན་མོང་སྒྲུབ་ན་འདི་ལས་ལྷག་པ་མེད་པར་བསྟན་པ། གསང་བ་ཡང་ཁོལ་གྱི་ཞལ་གདམས་སློབ་དཔོན་པདྨའི་བཀའ། མཆིམས་ཀྱི་རྡོ་རྗེ་སྤྲེ་ཆུང་གིས་ཞུས་པ་རླུང་ཞགས་སྙིང་བྱང་གི་མཐའ་ཅན། སྔགས་བྱང་འཕྲུལ་གྱི་ཞལ་ཁྲིགས་སྙིང་གི་བྱང་བུ་བསེ་སྒྲོམ་དུ་སྦས་པའི་མཐའ་ཅན། སྔགས་ཐེམས་མཆིམས་ཀྱིས་གསང་ནས་མ་ཐུབ་པར་རྗེ་ལ་གཏད་པས་བསེ་སྒྲོམ་དུ་སྦས་པའི་མཐའ་ཅན། གནད་ཀྱི་ཏི་ཀ་གསལ་བྱེད་དམ་སྤོགས་ཆོག་ཏུ་གྲགས་པ། ཨུ་མ་དེ་ཝའི་རླུང་འཛིན་ནོར་བུ། ཨུ་མ་དེ་ཝའི་དབང་སྡུད་ཡིད་བཞིན་ནོར་བུ། འདིའི་ལོ་རྒྱུས་རྒྱ་གར་ན་སྐར་མ་ཙམ་
ཡོད་ཀྱང་མན་ངག་ཉི་ཟླ་ཙམ་ལས་མེད་སྐད་དོ། །གཞན་ཡང་གཏེར་ལྷ་ནོར་བདག་གི་སྒྲུབ་སྐོར་སྒྲུབ་པ་ཕྱི་ཐག་སྲིང་པ་ཞལ་གདམས་ཡིན་ཞེས་པའི་མཐའ་ཅན་རྣམས་ལས་རྟ་མགྲིན་གྱི་སྐོར་མ་གཏོགས་པའི་དབང་ལུང་ཡོངས་རྫོགས་ཐོབ་པའི་བརྒྱུད་པ་ནི། སྣང་བ་མཐའ་ཡས། ཐུགས་རྗེ་ཆེན་པོ། དཔལ་རྟ་མགྲིན། ཨོ་རྒྱན་ཡབ་ཡུམ། མཆིམས་རྡོ་རྗེ་སྤྲེ་ཆུང་། གཏེར་སྟོན་རིགས་འཛིན་ཆེན་པོ། སྔགས་འཆང་རྡོ་རྗེ་མགོན་པོ། མཚན་ལྡན་ངག་དབང་གྲགས་པ། དྲིན་ཅན་སངས་རྒྱས་དཔལ་བཟང་། ཐུགས་སྲས་ནམ་མཁའ་རྒྱལ་མཚན། རིགས་འཛིན་ངག་དབང་རྒྱ་མཚོ། སྔགས་འཆང་ཚེ་རིང་དབང་པོ། རང་གྲོལ་ཀླུ་སྒྲུབ་དབང་པོ། ཟུར་ངག་དབང་ཕུན་ཚོགས། རྡོ་རྗེ་འཆང་ཆོས་དབྱིངས་རང་གྲོལ། དེས་བདག་ཟ་ཧོར་བནྡེ་ལའོ། །ཡང་ན་སངས་རྒྱས་དཔལ་བཟང་ནས། སྔགས་འཆང་ཆོས་རྒྱལ་བསོད་ནམས། རིགས་འཛིན་སངས་རྒྱས་བསྟན་པ། འཁྲུལ་ཞིག་དཀོན་ཅོག་བཟང་པོ། བྱམས་པ་རིན་ཅེན་རྡོ་རྗེ། ཚེ་རིང་དབང་པོ་མན་གོང་འདྲ། སྤྱན་རས་གཟིགས་མཐོང་གྲོལ་གྱི་བརྒྱུད་ལུགས་གཅིག་ལ། སྔགས་འཆང་ཆོས་རྒྱལ་བསོད་ནམས། ཆོས་སྐྱོང་བསོད་ནམས་བཀྲ་ཤིས། སྤྲུལ་སྐུ་ཤཱཀྱ་བཟང་པོ། རིགས་འཛིན་བདུད་འཇོམས་རྡོ་རྗེ། ཆོས་རྒྱལ་དབང་པོའི་སྡེ། གཞོན་ནུ་སྟོབས་ལྡན་འོད་ཟེར། ཚེ་རིང་དབང་པོ་མན་གོང་བཞིན་ནོ། །རྟ་མགྲིན་དྲེགས་པ་དབང་སྡུད་ཀྱི་དབང་དེའི་ཡི་གེ་ཕྲིན་ལས། ཕོ་ཚོགས་མོ་ཚོགས་དང་བཅས་པའི་བརྒྱུད་པ་ནི། གཏེར་སྟོན་ཡབ་སྲས་ནས། བསོད་ནམས་བཟང་པོ། ཆོས་ཀྱི་རྒྱལ་མཚན། ནམ་མཁའ་གྲགས་
པ། དཀོན་ཅོག་བློ་གྲོས། བློ་གྲོས་དབང་པོ། ཤཱཀྱ་དཔལ་བཟང་། བྱམས་པ་ཆོས་རྒྱན། དབང་པོའི་སྡེ། ངག་གི་དབང་པོ། ཡོལ་མོ་སྤྲུལ་སྐུ། ངག་དབང་ཕུན་ཚོགས། ཟུར་ཐམས་ཅད་མཁྱེན་པ། དེས་བདག་ལའོ། །སྒྲུབ་སྟོད་འཕྲིན་ལས་ལ་བརྟེན་པའི་ལས་ཚོགས་ནི། ཟུར་ཐམས་ཅད་མཁྱེན་པས་ཡོལ་མོ་སྤྲུལ་སྐུ་དངོས་ལ་གསན་ནོ། །ཐུན་མོང་རྟེན་འབྲེལ་སྒྲིག་བྱེད་ལྷ་རྣམས་མཉེས་པར་བྱ་བ་སངས་མཆོད་ཀྱི་བརྒྱུད་པ་ནི། ཨོ་རྒྱན་ཡབ་ཡུམ། སྣ་ནམ་པ། རིགས་འཛིན་ཡབ་སྲས། རྡོ་རྗེ་དཔལ། བྱམས་པ་བཤེས་གཉེན། སངས་རྒྱས་དཔལ་བཟང་། ཆོས་རྒྱལ་བསོད་ནམས། ཡོལ་མོ་རྗེ། ལེགས་ལྡན་རྗེ། དབང་པོའི་སྡེ། ངག་གི་དབང་པོ། ཟུར་ཐམས་ཅད་མཁྱེན་པ། དེས་བདག་ལའོ། །གཞན་ཡང་མན་ངག་ཁ་འཐོར་ཤིང་བརྒྱད་ཀྱི་སྒོ་ནས་སྡེ་བརྒྱད་སྒྲིབ་པ་གཟུགས་སྒྲིབ་པའི་བསྲུང་བར་གྲགས་པ་མཇུག་ན་ཁྱིམ་དུ་རྒྱལ་འགོང་ཆགས་པ་འདོན་ཐབས་དང་བཅས་པའི་སྒྲིབ་ཤིང་ནག་པོ། རྫོགས་བྱང་གི་མཐའ་ཅན། སྐྱེ་བ་བདུན་གྱི་བར་ཀླུས་མི་ཚུགས་པའི་རྫས་བསྲུང་མི་གཙང་བ་དང་དམ་སེལ་གྱི་གྲིབ་བསྲུང་བའི་མན་ངག་གྲིབ་བསྲུང་བསམ་གཏན་ཁང་བུ། མངའ་བདག་ལ་ཀླུས་ཕུལ་བའི་དྲེགས་བཅོས་རྣམས་ཀྱི་བརྒྱུད་པ་ནི། ཕྱག་ན་རྡོ་རྗེ། ཁྲག་འཐུང་ནག་པོ། ཨོ་རྒྱན་ཆེན་པོ། མུ་ཁྲི་བཙན་པོ། གཏེར་སྟོན་ཡབ་སྲས། སེ་སྟོན་ཉི་བཟང་། སེ་སྟོན་མགོན་བཟང་། ཟུར་སྟོན་ཉི་མ་རྒྱལ་མཚན། ཟུར་བདེ་ལེགས་རྒྱལ་མཚན་རྟིང་མ། བླ་མ་ངག་དབང་ཕུན་ཚོགས། ཁྱབ་བདག་ཁྲ་ཚང་པ་ཆེན་པོ། དེས་བདག་ལའོ། །ལུང་བསྟན་དང་སྦས་ཡུལ་ལམ་ཡིག་སྐོར་
ལ། མ་འོངས་ལུང་བསྟན་པདྨའི་བསྐུལ་བྱང་ཆེན་པོ་ལུས་ཀྱི་གཞུང་ཤིང་འདྲ་བ་བོད་ཀྱི་སྔགས་བན་རྒྱལ་བློན་འབངས་རྣམས་ཀྱི་ངན་སྤྱོད་དར་བ་དང་དེ་ལ་བརྟེན་ནས་སྡུག་བསྔལ་འབྱུང་ཚུལ་དང་ཐེམས་བྱང་བདུན་ཡོད་ཚུལ་སོགས་བསྟན་པ། མ་འོངས་པའི་ལུང་བྱང་ཐེམས་བྱང་བདུན་པ་ཞེས་པ་བདུད་དམག་སྡེ་དགུ་གཡོ་བའི་དུས་སུ་མི་བརྟག་བསྐུལ་བའི་ཐེམས་བྱང་། རྩ་བ་བརླག་པའི་བདུད་གསུམ་གཡོ་བའི་ཚེ་ཟློག་བསྒྱུར་བསྲུང་བའི་ཐེམས་བྱང་། ནང་འཁྲུག་གཡོ་བའི་ཚེ་བཙན་ས་བསྙེན་པའི་ཐེམས་བྱང་། ཚེ་ཐུང་བདེ་སྐྱིད་མེད་པའི་དུས་འཁོར་བར་སྐྱུག་ལོག་གི་ཐེམས་བྱང་། བདུད་ཀྱི་བྱིན་གྱིས་བརླབས་པའི་ཚེ་ཆོས་དང་ཆོས་མིན་འབྱེད་པའི་ཐེམས་བྱང་། མཐའ་དམག་དང་པོ་གསུམ་གྱི་དུས་རོང་སྒོ་བསྙེགས་ནས་སོ་མཚམས་བཟུང་བའི་ཐེམས་བྱང་། མཐའ་དམག་ཆུ་ལྟར་ལུག་པའི་ཚེ་སྦས་ཡུལ་དུ་འགྲོ་དོན་བྱ་བའི་ཐེམས་བྱང་། མ་འོངས་ལུང་བསྟན་གུ་རུ་པདྨའི་ཞལ་ཆེམས་བརྗོད་དོན་གྱི་གཙོ་བོར་མཐའ་དམག་བཟློག་ཐབས་རྒྱས་པར་བསྟན་པ་རེ་ཞིག་རྫོགས་སོའི་མཐའ་ཅན། སློབ་དཔོན་ཆེན་པོ་ལ་མངའ་བདག་གིས་བསྟན་པ། དམ་ཆོས་གཙུག་ལག་ཁང་། རྒྱལ་ཁྲིམས་རྣམས་ཀྱི་གནས་ཚད་ཞུས་པའི་ལན་དུ་སྐྱེ་འགྲོ་རྣམས་ཀྱི་ངན་སྤྱོད་ལ་བརྟེན་ནས་རྒྱལ་ཁྲིམས་ཆོས་ཁྲིམས་འཇིག་པ་དང་། དུས་ངན་ཉེར་བརྒྱད་འཆར་བ་དང་མཐའ་དམག་བཟློག་ཚུལ་སོགས་ཀྱི་ཞལ་ཆེམས་རྣམས་སྤ་གྲོ་བྲག་དམར་ཁྲུལ་ཁུར་སྐུ་གཤེགས་ཁར་སྦས་ནས་སྨོན་ལམ་བཏབ་པ། དུ་རུ་ཁའི་རྒྱ་ཐེམས་རྒྱལ་པོ་ཁྲི་སྲོང་ལྡེ་བཙན་གྱིས་གུ་རུ་པདྨ་ལ་བསམ་ཡས་མཆིམས་
ཕུར་ཞུས་པ། ཨོ་རྒྱན་ཆེན་པོས་བོད་ཀྱི་མི་རྣམས་མི་དགའ་གསུངས་ནས་གཤེགས་པར་བརྩམས་པའི་དུས་མངའ་བདག་གིས་བཞུགས་པར་གསོལ་ནས་གདམས་པ་བརྒྱ་རྩ་བརྒྱད་དང་ལུང་བསྟན་ཆེ་འབྲིང་ཆུང་གསུམ་སོགས་གསུངས་པའི་དུས་ཚོགས་མཆོད་བརྒྱ་རྩ་མཛད་པའི་ཚེ་མཐའ་དམག་སྡེ་དགུས་བོད་འཇོམས་པའི་དུས་འབྲོས་པའི་ཡུལ་གྱི་སྦས་ཡུལ་རྣམས་དོན་བསྡུས་ཏེ་བསྟན་པ་ལེ་གྲངས་མེད་ཀྱང་མཇུག་ཏུ་ལེའུ་དྲུག་པ་ཟེར་བ་ཡོད། གཏེར་ཆེན་འདི་གདོན་པའི་དུས་བོད་ཀྱི་རྒྱལ་པོ་དང་དགེ་འདུན་འབངས་རྣམས་ཇི་ལྟར་འབྱུང་དང་བདེ་སྡུག་སོགས་ཀྱི་ལུང་བསྟན་མཁའ་འགྲོ་ཡེ་ཤེས་མཚོ་རྒྱལ་གྱིས་ཞུས་པ། ཟབ་གཏེར་འདི་ཉིད་ཀྱིས་བོད་ལ་ཕན་པའི་རྟེན་འབྲེལ་དང་དུས་རྟགས་སོགས་བསྟན་པའི་ལུང་བྱང་བརྒྱད་ཅུ་པར་གྲགས་པ། བོད་རྣམས་སྦས་ཡུལ་དུ་འགྲོ་བའི་དུས་ལ་བབས་པའི་ལུང་བསྟན། སྦས་ཡུལ་སྤྱིའི་ཐེམས་བྱང་ཞེས་པ་སློབ་དཔོན་ཆེན་པོ་མཆིམས་ཕུར་ཏིང་ངེ་འཛིན་ལ་བཞུགས་པའི་སྐབས་མངའ་བདག་གིས་བསམ་ཡས་སུ་སྤྱན་དྲངས་ནས་ཚོགས་བརྒྱ་མཛད་པའི་དུས་གསུངས་པའི་སྦས་ཡུལ་དུ་འགྲོ་རན་པའི་ཕྱི་ནང་གི་དུས་རྟགས་བདུད་ཀྱི་དུག་མདའ་བསྲུང་བ་དང་སྦས་ཡུལ་ངེས་པར་རྙེད་པའི་ཐབས་སོགས་བསྟན་པའི་མཇུག་ཏུ་ཨོ་རྒྱན་རྒྱལ་པོ་པདྨ་ངས༔ ས་རོང་བཙན་པའི་ཡུལ་ཕྲན་རྣམས༔ ས་བཏུལ་བྱིན་བརླབས་གཏེར་ཆེན་སྦས༔ སྒོ་བ་སྒོ་སྲུངས་བཀའ་ཉན་བསྐོས༔ དེ་ཕྱིར་སྦས་པའི་ཡུལ་ཀུན་ན༔ སྒྲུབ་གནས་རེ་དང་གནས་ཆེན་རེ༔ བཀའ་རྟགས་ཡིན་པས་གཞག་
པར་བྱ༔ ང་ཡིས་བྱིན་རླབས་སྒྲུབ་གནས་སུ༔ ང་ཡུལ་བུ་ཡིས་འཛིན་པ་ལྟར༔ ཐེ་ཚོམ་མེད་པར་འཛིན་དུ་བཞུད༔ སྐྱེ་བ་འདི་ཡི་ཕྱི་མ་ལ༔ ང་དང་ཕྲད་པར་ཐེ་ཚོམ་མེད༔ བཀའ་འདིའི་དུས་ན་བོད་ཀྱི་ལས་ངན་གྱི༔ ཤིས་ངན་གྲི་རུ་འཆི་བས་ལུང་འདི་ཉོན༔ ཞེས་སོགས་ཡོད་པ། སྦས་ཡུལ་འབྲས་ནོར་ལྗོངས་ཀྱི་ལམ་ཡིག་འདིས་གསང་བ་རྨད་བྱུང་གི་ཆ་ལག་ཏུ་གཏོགས་ཀྱང་ཐོབ་ཡིག་ཏུ་ཆོས་ཀྱི་སྡེ་ཚན་དུ་མི་འབྲི་འདུག །ལེའུ་དྲུག་པ་མཇུག་ཏུ་ཆོས་ཀྱི་བློན་པོ་བརྒྱད་ཀྱིས་ལུང་རྟགས་བཀའ་བགྲོས་པ་འཕགས་པ་ཟབ་མོའི་ལུང་བདུན་པར་ཡང་གྲགས་ལ། ལྷ་སྲས་མུ་ཁྲི་བཙན་པོས་སློབ་དཔོན་ཆེན་པོ་ལ་རིན་ཅེན་གའུ་འདི་རྣམས་ཀྱི་བརྡའི་ངོ་བོ་དཔེ་དོན་ཞུས་པའི་ལན་སྦས་ཡུལ་བདུན་གྱི་ཐེམས་བྱང་ཐེ་ཚོམ་མེད་པར་རྙེད་པར་འགྱུར་བའི་མཐའ་ཅན། འདི་ལ་ཡང་གསང་བ་རྨད་བྱུང་གི་ལྡེ་མིག་ཟེར། ཡུལ་གཏེར་དུ་སྦས་པ་སྐྱིད་མོ་ལུང་གི་ཁ་བྱང་ལེགས་པར་གྲུབ་པའི་མཐའ་ཅན། སྦས་ཡུལ་སྐྱིད་མོ་ལུང་ངམ་གུང་ཐང་སྐྱིད་དུ་གྲགས་པའི་ལམ་བྱང་རྫོགས་སོའི་མཐའ་ཅན། མཆིམས་ཕུ་བྲག་དམར་ལ་རྒྱལ་པོའི་བླ་གཏེར་སྦས་པའི་ཚེ་གུ་རུ་ཆེན་པོར་མངའ་བདག་གིས་ཞུས་པའི་སྦས་ཡུལ་སྐྱིད་མོ་ལུང་གི་སྙིང་བྱང་བསྟན་མ་བཅུ་གཉིས་དང་། གཉན་ཆེན་ཐང་ལྷ་ལ་བཅོལ་བའི་མཐའ་ཅན། སྐྱིད་ཀྱི་ཡུལ་གྱི་ནང་སྒོ་འབྱེད་པའི་ལྡེ་མིག་ལས་ཅན་ལ་ཕྲད་ཤོག་གི་མཐའ་ཅན། སྐྱིད་མོ་ལུང་གི་ལྡེ་མིག་གསལ་བའི་སྒྲོན་མེ། འདིའི་མཇུག་ན་ཁ་བྱང་རྫོགས་ཟེར་བ་ཡོད་ཀྱང་བརྗོད་དོན་ལ་གོང་མ་དང་མི་འདྲ་བ་སྐྱིད་ཡུལ་དཔལ་གྱི་ལུང་སྒྲོན་འབྱེད་རན་པའི་དུས་ཚོད་དང་སྐྱིད་མོ་ལུང་གི་ཡུལ་གྱི་གནས་ཚུལ་ཀུ་ཐང་གི་ཡུལ་གྱིས་བསྐོར་ཚུལ་བཤད། སྐྱིད་མོ་ལུང་གི་མིང་
གི་རྣམ་གྲངས་བསྟན་པ་འགོར་སློབ་དཔོན་པདྨས་ཕྱི་རབས་ཀྱི་དོན་དུ་ཞེས་ཡོད་པ་གཞི་བདག་མ་དགའ་ན་རྙེད་དཀའོ་ཞེས་པའི་མཐའ་ཅན། སྐྱིད་མོ་ལུང་གི་གནས་ཀྱི་གེགས་སེལ་མ་འོངས་པའི་དུས་ན་སྒོ་འབྱེད་པར་འགྱུར་བའི་མཐའ་ཅན། ཡོལ་མོ་གངས་ཀྱི་ར་བའི་ལུང་བྱང་སྙིང་གི་ཏི་ཀ་མཛོད་གསུམ་གྱི་གབ་པ་བཀྲོལ་བ་དང་བཅས་པ་འགོར་སྤྱན་རས་གཟིགས་ལ་ཕྱག་འཚལ་བ་དང་མཇུག་ཏུ་ལོ་སུམ་བརྒྱ་བསྲིང་ནུས་པར་འགྱུར་བའི་མཐའ་ཅན། བུ་ལིའི་གངས་དང་རོང་ལ་འབྲོས་ས་རྩལ་བ་ལས་ཅན་ལ་ཕྲད་ཤོག་གི་མཐའ་ཅན། སློབ་དཔོན་པདྨ་འབྱུང་གནས་ལ་མངའ་བདག་བཙན་པོས་ཞུས་པའི་བསྟན་པ་དང་བོད་ཀྱི་དར་རྒུད་ཟབ་གཏེར་ཇི་ཙམ་གྱི་དུས་ལ་འདོན་དང་འདོན་པའི་གང་ཟག་དེའི་ཚེ་རྒྱལ་བརྒྱུད་གང་དུ་དར་བོད་ཀྱི་བདེ་སྡུག་ཞུས་པའི་ལན་གསུངས་པ་ལས་འཕྲོས་ཏེ་རི་ཀུན་ཏུ་གཟིགས་ཀྱི་ལུང་བསྟན་བོད་ཀྱི་སྡེ་ཁོལ་བུར་དར་བའི་ཐབས་བསྟན་པའི་མཐའ་ཅན། གཙང་གི་སྟོད་བདེ་བར་བྱེད་པའི་གནས་རི་ཀུན་ཏུ་གཟིགས་ཞེས་བྱ་བ་ལུང་བསྟན་པའི་སའི་གནད། སྒྲུབ་པའི་གནད། ལས་སྦྱོར་གྱི་གནད་གསུམ་གྱི་ཞུ་བ་ཞུས་ལན་ཟངས་མཛོད་དམར་པོར་སྦས་ཤིང་ཐང་ལྷར་བཅོལ་བའི་མཐའ་ཅན། མངའ་བདག་གིས་ཨོ་རྒྱན་ཆེན་པོར་གསེར་གྱི་པ་ཏྲ་བདུན་ཕུལ་ནས་ཞུས་པའི་རི་ཀུན་ཏུ་གཟིགས་ཀྱི་ས་གནད་དང་གང་ཟག་གི་གནད་ཏིག་གི་མན་ངག་ཐམས་ཅད་རྒྱས་པར་བསྟན་པའི་ལུང་གི་སྒྲོན་མ་རྫོགས་བྱང་གི་མཐའ་ཅན། སྦས་ཡུལ་མཁན་པ་ལུང་གི་ཐེམས་བྱང་དཀར་ཆག་ཡི་གེར་ཐོབ་ལས་ཞོག་གི་མཐའ་ཅན། སློབ་དཔོན་ཆེན་པོ་ལ་རྒྱལ་པོས་ཟ་འོག་
ཡུག་གཅིག་ཕུལ་ནས་ཞུས་པའི་རྒྱལ་གྱི་མཁན་པ་ལུང་གི་ཕྱོགས་མཚམས་འགྲོ་བའི་དུས་ཚོད་འགྲོ་བའི་ཐབས་རྣམས་སྟོན་པའི་ལམ་བྱང་རྫོགས་སོའི་མཐའ་ཅན། གཏེར་སྟོན་རིགས་འཛིན་ཆེན་པོས་འབྲས་གཤོང་གནས་སྒོ་ཕྱེ་བའི་གནས་ཀྱི་ཡོན་ཏན་ཡོངས་སུ་བསྟན་པ་རྡོ་རྗེ་ཐོད་པ་རྩལ་གྱིས་ཁ་བ་ཅན་ལྗོངས་པ་རྣམས་ལ་སྤྲིངས་ཡིག་བཏང་བ། རིགས་འཛིན་ཆེན་པོ་རྒོད་ཀྱི་ལྡེམ་ཕྲུ་ཅན་གྱིས་ཆུ་མོ་གླང་གི་ལོ་འབྲས་མོ་ལྗོངས་ནས་བཏང་བའི་སྤྲིངས་ཡིག་རྣམས་ཐོབ་པ་ལས་བསྐུལ་བྱང་ཆེན་མོ་དང་ཐེམས་བྱང་བདུན་པ་གཉིས་ཀྱི་བརྒྱུད་པ་ནི། ཨོ་རྒྱན་ཡབ་ཡུམ། མངའ་བདག་ཡབ་སྲས། གཏེར་སྟོན་ཆེན་པོ། རྡོ་རྗེ་མགོན་པོ། ངག་དབང་གྲགས་པ། སངས་རྒྱས་དཔལ་བཟང་། རིགས་འཛིན་ཀུན་དགའ་ལྷུན་གྲུབ། ཡོལ་མོ་ཤཱཀ་བཟང་། ལེགས་ལྡན་རྗེ། དཔལ་བཀྲ་ཤིས་སྟོབས་རྒྱལ། ངག་གི་དབང་པོ། ཀུན་མཁྱེན་ཆོས་དབྱིངས་རང་གྲོལ། དེས་བདག་ལའོ། །པདྨའི་ཞལ་ཆེམས་མན་ཆད་ཀྱི་བརྒྱུད་པ་ནི། སངས་རྒྱས་དཔལ་བཟང་ནས། ཐུགས་སྲས་རིན་པོ་ཆེ། གནུབས་ཆེན། སྐྱི་སྟོན་ཆེན་པོ། ཀླུ་སྒྲུབ་རྗེ། ཟུར་ངག་དབང་ཕུན་ཚོགས། ཁྱབ་བདག་ཆོས་དབྱིངས་རང་གྲོལ། དེས་བདག་ལའོ། །ཆོས་སྐྱོང་གི་སྐོར་ལ། བཀའ་བརྒྱད་ཀྱི་བཀའ་སྲུང་མགོན་པོ་བསྟན་སྲུང་དྲེགས་པ་ཡོངས་རྫོགས་ཀྱི་དབང་ཆོག་ལ་བརྟེན་ནས། བུམ་གསང་ཤེས་རབ་ཡེ་ཤེས་ཚིག་དབང་དང་བཅས་པའི་དབང་བཞི་ཡོངས་རྫོགས། གཏོར་མ་ལ་བརྟེན་པའི་གཟི་བརྗིད་སྟོབས་ཀྱི་དབང་། མཐའ་རྟེན་དམ་བསྒྲག །ཕྱག་མཚན་གཏོད་པ་སོགས་མཚན་ལྡན་བྱམས་པ་བཤེས་
གཉེན་གྱི་ཕྱག་ལེན་ཇི་ལྟ་བ་བཞིན་མནོས། ལུང་ལ། དཔལ་ལྡན་མགོན་པོ་བསྟན་སྲུང་དྲེགས་པ་ཡོངས་རྫོགས་ཀྱི་རྒྱུད་ལེའུ་བརྒྱད་པ། དཔལ་ལྡན་མགོན་པོ་བསྟན་བསྲུང་ཡོངས་རྫོགས་ཀྱི་སྒྲུབ་ཐབས་དཔལ་ལྡན་ཡེ་ཤེས་མགོན་པོ་བསྟན་སྲུང་ཡོངས་རྫོགས་ཀྱི་འཕྲིན་ལས། དཔལ་ལྡན་མགོན་པོ་བསྟན་སྲུང་དྲེགས་པ་ཡོངས་རྫོགས་ཀྱི་དབང་ཆོག །དབང་གི་ཟིན་ཐོ་སྔགས་འཆང་རྡོ་རྗེའི་མཚན་ཅན་གྱི་ཕྱག་ལེན། བྱམས་པ་བཤེས་གཉེན་གྱིས་བཀོད་པ། སྒྲུབ་ཆེན་བཀའ་བརྒྱད་ཡོངས་རྫོགས་ཀྱི་བཀའ་སྲུང་ཆོས་སྐྱོང་བསྟན་སྲུང་ཡོངས་རྫོགས་ཀྱི་བསྐང་བཤགས་དགོངས་ཤིག་མ་རྫོགས་བྱང་གི་མཐའ་ཅན། སྒྲུབ་ཆེན་བཀའ་བརྒྱད་ཡོངས་རྫོགས་ཀྱི་བཀའ་སྲུང་ཆོས་སྐྱོང་བསྟན་སྲུང་ཡོངས་རྫོགས་ཀྱི་བསྐུལ་གྱི་རིམ་པ་མ་གཡེལ་མ་དགྲ་བགེགས་སྒྲོལ་བའི་འཕྲིན་ལས་མཛོད་ཀྱི་མཐའ་ཅན། བསྟན་སྲུང་ཡོངས་རྫོགས་ཀྱི་སྲུང་བསྐུལ་བསྡུས་པ་མི་མངོན་དབྱིངས་བཞུགས་མ་རྫོགས་བྱང་གི་མཐའ་ཅན། ཆོས་སྐྱོང་བསྟན་སྲུང་ཡོངས་རྫོགས་ཀྱི་བླ་རྡོ་སྲོག་འཁོར་གསེར་ཆོས་སུ་བསླུས་ན་ཞུ་བའི་མཐའ་ཅན། ཆོས་སྐྱོང་བསྟན་སྲུང་ཡོངས་རྫོགས་ཀྱི་སྦྱིན་སྲེག །ཆོས་སྐྱོང་བསྟན་སྲུང་ཡོངས་རྫོགས་ཀྱི་གདབ་ལས་ཀྱི་རིམ་པ་དུས་གསུམ་མ་མཇུག་ཏུ་མནན་པ་བྱ་ཚུལ་དང་བཅས་ཐོབ་པ་ལས་དབང་གི་བརྒྱུད་པ་ནི། ཀུན་བཟང་ཧེ་རུ་ཀ །ཞི་ཁྲོ་རབ་འབྱམས། ཕྱག་ན་རྡོ་རྗེ། དབང་གི་མཁའ་འགྲོ། རྒྱལ་སྲས་ཨིན་དྲ་བྷཱུ་ཏི། སྤྲུལ་སྐུ་གྲུབ་ཆེན་བརྒྱད། ཨོ་རྒྱན་ཆོས་ཀྱི་རྒྱལ་པོ། ལས་ཅན་དག་པའི་འཁོར་ལྔ། སྤྲུལ་སྐུ་རིགས་འཛིན་ཡབ་སྲས། སྔགས་འཆང་རྡོ་རྗེ་རྣམ་གཉིས། མཚན་ལྡན་བླ་མ་རྣམ་གཉིས།
དྲིན་ཅན་སངས་རྒྱས་དཔལ་བཟང་། གློ་བོ་ཛར་པ་སྔགས་འཆང་ཆོས་རྒྱལ་བསོད་ནམས། དེ་སྲས་ཆོས་སྐྱོང་བསོད་ནམས་བཀྲ་ཤིས། རིགས་འཛིན་ལེགས་ལྡན་རྡོ་རྗེ། རིགས་འཛིན་ཀུན་བཟང་ཉི་མ། ཟུར་ངག་དབང་ཕུན་ཚོགས། ཁྱབ་བདག་ཁྲ་ཚང་པ་ཆེན་པོ། དེས་བདག་ལའོ། ཡང་ན་ཆོས་སྐྱོང་བསོད་ནམས་བཀྲ་ཤིས་ནས། གནུབས་ཆེན་ངག་དབང་རྒྱ་མཚོ། སྐྱི་སྟོན་ཚེ་རིང་དབང་པོ། རང་གྲོལ་ཀླུ་སྒྲུབ་དབང་པོ། ཟུར་ཆེན་ངག་དབང་ཕུན་ཚོགས་མན་གོང་བཞིན་ནོ། །དབང་ཆོག་ཟིན་ཐོ། སྒྲུབ་ཐབས་གསུམ་མ་གཏོགས་པའི་ལུང་ཡོངས་རྫོགས་ཀྱི་བརྒྱུད་པ་ནི། གཏེར་སྟོན་ཡབ་སྲས་ནས། རྡོར་འཆང་བསོད་ནམས་བཟང་པོ། གུ་རུ་དབང་ཕྱུག་མགོན་པོ། བན་འགྲོག་རྡོར་གླིང་པ་རྡོ་རྗེ་རྒྱལ་མཚན། སྔགས་འཆང་ཆོས་རྒྱལ་བསོད་ནམས་ནས། བླ་མ་ངག་དབང་ཕུན་ཚོགས་ཡན་གོང་ལྟར་ལ། ཐམས་ཅད་མཁྱེན་པ་ཆོས་དབྱིངས་རང་གྲོལ། དེས་བདག་ཟ་ཧོར་བནྡེ་ལའོ། །གོང་གི་དམིགས་བསལ་གསུམ་པོའི་ལུང་ནི་ཁྲ་ཚང་པ་ཆེན་པོས་བླ་མ་ངག་དབང་ཕུན་ཚོགས་ལ་གསན་ནོ། །འཕྲིན་ལས་དང་བསྐང་བཤགས་ལུགས་གཅིག །ལེགས་ལྡན་རྗེ་ནས། དབང་པོའི་སྡེ། ངག་གི་དབང་པོ། ཀུན་མཁྱེན་ཆོས་དབྱིང་རང་གྲོལ། དེས་བདག་ལའོ། །