གཏེར་སྟོན་ཆེན་པོ་པདྨ་གླིང་པས་གཏེར་ནས་བཞེས་པའི་གཏེར་ཆོས་སྣ་ཚོགས་ཀྱི་སྐོར།
རྒྱལ་བ་རི་རབ་མར་མེའི་རྒྱལ་མཚན་གང་འདུལ་གྱི་འདྲེན་པར་བཞེངས་པའི་རིགས་འཛིན་ཆེན་པོ་པདྨ་གླིང་པ་ནི། རང་གཏེར་ལུང་བསྟན་འོད་ཀྱི་དྲ་བ་ལས། ད་ལྟའི་ལྷ་ལྕམ་པདྨ་གསལ༔ མ་འོངས་བུམ་ཐང་སྐྱེས་བའི་དུས༔ བདག་གི་ཐུགས་སྲས་སྙིང་སྟོབས་ཅན༔ པདྨའི་མིང་ཅན་སྐྱེས་བུ་དེ༔ ཟབ་མོའི་གཏེར་དང་ཕྲད་པའི་དུས༔ ལས་ལྡན་
སློབ་མ་ཇི་ལྟར་ཡོང་༔ ལས་ཀྱི་འབྲེལ་པ་ཁྲི་ཕྲག་གཅིག༔ སྨོན་ལམ་འབྲེལ་པ་སྟོང་རྩ་གཉིས༔ ཟབ་མོ་གནད་འབྲེལ་བུ་བཅུ་གཅིག༔ དཀྱིལ་འཁོར་འཛིན་པའི་བུ་བདུན་དང་༔ ཐུགས་ཀྱི་སྙིང་སྲས་གསུམ་དུ་འབྱུང་༔ ཞེས་དང་། ཚེ་སྒྲུབ་རྡོ་རྗེ་འཕྲེང་བ་ལས་ད་ལྟའི་ལྷ་ལྕམ་པདྨ་གསལ༔ དག་པའི་སྐྱེ་བ་ལྔ་ལེན་མཐའ༔ འདི་ནས་ལྷོ་ནུབ་བུམ་ཐང་ཕྱོགས༔ ལུང་པ་ཐལ་སྦྱར་འདྲ་བའི་དབུས༔ དབེན་གནས་གདུགས་ཀྱི་ཤམ་བུར་མཚུངས༔ ཧོམ་ཁུང་འདྲ་བའི་ཡུལ་ནང་དུ༔ ཕ་བཟང་མ་ནི་པདྨའི་བུ༔ ལྕགས་ཁམས་རྟ་སྦྲུལ་ལོ་པ་ཅིག༔ ང་ཡི་ཐུགས་སྲས་སྙིང་སྟོབས་ཅན༔ སྐྱེས་བུ་པདྨའི་མིང་ཅན་འབྱུང་༔ ཞེས་པ་ལྟར། ཆོས་རྒྱལ་སྲས་མོ་ལྷ་ལྕམ་པདྨ་གསལ་གྱི་དག་པའི་སྐྱེ་བ་ལྔའི་མཐའ་ལ་མོན་བུམ་ཐང་དུ་སྐུ་འཁྲུངས་ཏེ་ཟབ་གཏེར་གྱི་བདག་པོར་གྱུར་པའི་ཚེ་ཆོས་འཁོར་པ་དཔོན་ཐུབ་པས་ཁྲོམ་བསགས་ནས་གཏེར་ཐོན་ན་བྱ་དགའ་སྟེར་མ་ཐོན་ན་ཟོག་པོས་ལུང་པ་འགེང་བས་ཁྲིམས་ལ་བསྒྲལ་ཞེས་བསྡིགས་པའི་ཚེ་སྒྲོན་ཤིང་མེ་འབར་བ་ཞིག་བསྣམས་ནས་མཚོ་ནང་ལ་མཆོངས་པས་ཀུན་ཧ་ལས་པའི་མུས་ལ་མེ་མ་ཤི་ཞིང་གཏེར་སྒྲོམ་མཆན་ཁུང་དུ་བཅུག་ནས་ཟིལ་པ་ཁྲོམ་མེ་བྱོན་པར་བརྟེན་ངོ་མཚར་སྙན་གྲགས་ཕྱོགས་ཀུན་ཏུ་ཁྱབ་པ་གང་དེས་ཟབ་གཏེར་མང་དུ་སྤྱན་དྲངས་པའི་ནང་ནས་བཀའ་རྫོགས་པ་ཆེན་པོ་ལ་ཕ་བརྒྱུད་དགོངས་པ་ཀུན་འདུས། མ་རྒྱུད་གློང་གསལ་འབར་བ། གཉིས་མེད་རྒྱུད་བུ་ཆུང་རྣམས་དེང་སང་ཡོངས་གྲགས་ཀྱི་ཕ་རྒྱུད་མ་རྒྱུད་ཀྱི་དབྱེ་བ་ལྟ་བུ་མིན་པའི་རྩ་བ་རྒྱུད་ཀྱི་མཚན་ལ་བརྟེན་ནས་སོ་སོར་བཞག་ཅིང་། དེ་གཉིས་སོ་སོར་དབྱེ་བ་མེད་པས་གཉིས་མེད་དུ་བཏགས་པ་ལས་དོན་དུ་གསུམ་ག་གཉིས་མེད་ཀྱི་རྒྱུད་དུ་དགོངས་པ་
ཀུན་འདུས་ཀྱི་ལོ་རྒྱུས་རིམ་པ་བདུན་པར། ཚིག་དང་ལེའུ་རྣམས་རྒྱུད་ཚིག་ཏུ་ཡོད་པ༔ དབང་དང་འཁྲིད་རྣམས་སྙིང་ཏིག་ཏུ་ཡོད་པ༔ དོན་ཐམས་ཅད་མན་ངག་ཏུ་ཡོད་པ༔ ཕ་རྒྱུད་མ་རྒྱུད་མེད་པ་ཞེས་པའི་ཚིག་གི་བསྟན་ནོ། །དེ་ཡང་བརྒྱུད་པའི་ལོ་རྒྱུས་ཆེན་མོ་ལས་དེ་འདྲའི་དུས་ངན་བྱུང་བ་དང་༔ པདྨ་ང་ཡི་སྨོན་ལམ་མཐུས༔ ལྷ་ལྕམ་ཁྱོད་ཀྱི་སྐྱེ་བ་ནི༔ ལྕགས་ཁམས་རྟ་སྦྲུལ་ལོ་པ་གཅིག༔ བུམ་ཐང་མཐིལ་དུ་འཁྲུང་བར་འགྱུར༔ བན་བོན་སྔགས་པའི་རིགས་འཆང་བ༔ པདྨའི་མིང་ཅན་ཤེས་རབ་ཅན༔ མ་ངེས་སྤྱོད་པ་སྣ་ཚོགས་བྱེད༔ ཚིག་རྩུབ་རྟ་སྐད་ཆོལ་ལེ་སྨྲ༔ ང་ཡི་ཐུགས་གཏེར་མངའ་བྱེད་ཅིང་༔ ཟབ་ཆོས་རྫོགས་ཆེན་བདག་པོར་འགྱུར༔ ཞེས་གསུངས་པའི་ལུང་བསྟན་དུས་བབས་ནས་གཏེར་སྟོན་པདྨ་གླིང་པས་བསམ་ཡས་འཆིམས་ཕུའི་མཆོད་རྟེན་ནས་གདན་དྲངས་པའི་རྫོགས་པ་ཆེན་པོ་ཀུན་བཟང་དགོངས་འདུས་ཀྱི་སྐོར་ལ། རས་བྲིས་ཀྱི་དཀྱིལ་འཁོར་ལ་བརྟེན་ནས་ཁྲུས་ལུང་དབང་གི་འཕྲེང་བ་ལེའུ་ཉི་ཤུ་ཐམ་པའི་སྟེང་ནས་མགོན་གྱི་དབང་ལ་འཇུག་པ། གསོལ་བདག་དམ་ཚིག །བྲོ། ཁྲུས་ལུང་རྣམས་སྔོན་དུ་འགྲོ་བའི་རྟ་མགྲིན་གྱི་བུམ་པ་གཏོར་མའི་དབང་། སོ་ཤིང་། དཔུང་སྐུད། ཀུ་ཤ་དང་བཅས་པ། རྫོགས་པར་རང་བྱུང་དབང་འཕྲེང་ལས་རིམ་སོ་གསུམ་པའི་སྟེང་ནས་ཐེག་དགུའི་དབང་ལ་གསོལ་གདབ། སྒྲིབ་སྦྱོང་། རིག་པ་ངར་སྐྱེད། དམ་ཚིག་རྣམས་སྔོན་དུ་འགྲོ་བའི་ཚོགས་བསག །དབུ་རྒྱན། བུམ་པ། ཅོད་པན་ཕྲེང་བ། གོ་ཆ། རྒྱལ་མཚན། གདུགས། རིགས་ལྔའི་ཕྱག་མཚན། བཟའ་བཏུང་། ཕུར་བ། ཚེ་དབང་། ཆོས་སྤྱིའི་ལུང་དབང་རྣམས་ཀྱིས་དབང་གི་སྒོ་ཕྱེ་ནས། ཉན་རང་། བྱང་སེམས། ཀྲི་ཨུ། ཡོ་ག །མ་ཧཱ། ཨ་ནུ། ཨ་ཏིའི་དབང་དང་བཅས་པ། དབང་ཆོག་དཔག་བསམ་ལྗོང་ཤིང་
ལེའུ་བརྒྱད་པའི་སྟེང་ནས་ཞི་ཁྲོའི་དབང་ལ། དཀྱིལ་འཁོར་དུ་འཇུག་པ། དམ་ཚིག །བྱིན་དབབ། གསང་མཚན་སྔོན་དུ་འགྲོ་བའི་བུམ་དབང་། ཞི་བ་བཞི་བཅུ་རྩ་གཉིས་ཀྱི་ལྷ་དབང་། བུམ་པ་དང་ཁྲག་འཐུང་ལྔ་བཅུ་རྩ་བརྒྱད་ཀྱི་ལྷ་དབང་། བཀྲ་ཤིས་རྟགས་བརྒྱད་ཀྱི་དབང་། རྗེས་ངོ་སྤྲོད་དང་བཅས་པ། དབང་ཆོག་རྡོ་རྗེའི་ཐེམ་སྐད་ལེའུ་བཅུ་བཞི་པའི་སྟེང་ནས་ཁྲོ་བོའི་དབང་ལ། དཀྱིལ་འཁོར་དུ་འཇུག་པ། སྤྱན་དབྱེ། ལྷ་ངོ་སྤྲད་པ། བྱིན་འབེབས། གསོལ་གདབ་མཎྜལ་སྔོན་དུ་འགྲོ་བའི་གྲི། མདའ། ཕུར་པ། བཀྲ་ཤིས་རྟགས་བརྒྱད་མར་མེ། གཏོར་མ། ཕུར་པ། ཐོད་པ། ཚིལ་ཅན། མེ་ལོང་། རྨ་བྱ། རྒྱལ་སྲིད་བདུན། ལྷ་དབང་། བུམ་དབང་། དམ་རྫས། རྗེས་ངོ་སྤྲོད་དང་བཅས་པ། སྨིན་གྲོལ་བདུད་རྩིའི་རྒྱ་མཚོ་ལེའུ་བདུན་པའི་སྟེང་ནས་སྤྲོས་བཅས་བུམ་པའི་དབང་ལ། དཀྱིལ་འཁོར་དུ་འཇུག་པ་སྔོན་དུ་འགྲོ་བའི་བུམ་པ། མདའ། གྲི། མེ་ལོང་། རྨ་བྱ། གཏོར་མ་རྣམས་ཀྱི་དབང་བསྐུར། རྗེས་ངོ་སྤྲོད་དང་བཅས་པ། གསང་དབང་རིན་ཆེན་འཁོར་ལོ་ལེའུ་དྲུག་པའི་སྟེང་ནས་སྤྲོས་མེད་གསང་བའི་དབང་ལ། རིག་མ་དབུལ་བ། ལྷ་སྒོམ་གསོལ་གདབ་སྔོན་དུ་འགྲོ་བའི་དབང་པོའི་ཕྱག་རྒྱ་དང་མཁའ་འགྲོའི་བརྡ་རྟགས་བུམ་པ། གསང་པ་བྱང་སེམས། དབང་ཞབས་གཉིས་མེད་བསྐུར་བ། རྗེས་ཀྱི་ངོ་སྤྲོད་དང་བཅས་པ་ཤེར་དབང་ལེའུ་བདུན་པའི་སྟེང་ནས་སྤྲོས་མེད་ཤེས་རབ་ཡེ་ཤེས་ཀྱི་དབང་ལ། ཞུ་བ་ཞུ་ལན། དམ་ཚིག །ལྷ་སྒོམ་བྱིན་འབེབས། ལུང་གིས་བཀྲོལ་བ། ཕྱག་རྒྱ་སྤྲད་པ་རྣམས་སྔོན་དུ་འགྲོ་བའི་ཨྱོན་ཡབ་ཡུམ་གྱི་སྐུ་འབག །ཐོད་པ། གཏོར་མ། རྟ་ཕག །དམ་རྫས་ཀྱི་དབང་རྗེས་ངོ་སྤྲོད་དང་བཅས་པ། ཚིག་དབང་རིན་ཆེན་འཕྲེང་བ་ལེའུ་བཞི་པའི་སྟེང་ནས་རབ་ཏུ་སྤྲོས་མེད་ཚིག་དབང་ལ། ལུང་གིས་བཀྲོལ་བ། སྡོམ་པ་གཟུང་
བ་། མནྜལ། བྱིན་དབབ་སྔོན་དུ་འགྲོ་བའི། སྐུ། ཐིག་ལེ། ཚོམ་བུའི་ཞིང་ཁམས། འདོད་ཡོན་ལྔ་ལ་བརྟེན་ནས་ཚིག་དབང་ལུང་གིས་བཀྲོལ་བ་རྣམས། རྩལ་དབང་འཁོར་འདས་དབྱེར་མེད་ཀྱི་སྟེང་ནས་རིག་པ་རྩལ་གྱི་དབང་ལ། མནྜལ། གསོལ་གདབ། དམ་ཚིག །བྱིན་འབེབས་སྔོན་དུ་འགྲོ་བའི་ཀ་དག་རིག་པ་རང་ཐོག་དུ་ངོ་སྤྲོད་པའི་རྩལ་དབང་། བཏགས་གྲོལ་གྱི་དབང་རྣམས་ལེགས་པར་མནོས་ནས། རྒྱབ་རྟེན་ལུང་ལ། འགོར་གདོད་ནས་རང་བྱུང་གི་སངས་རྒྱས་ཞེས་ཡོད་པའི་ཁ་བྱང་གསང་བའི་ཤེལ་འཕྲེང་སྙིང་གི་བུ་དང་ཕྲད་ཤོག་གི་མཐའ་ཅན། ཁ་བྱང་གི་བཞུགས་ཚུལ་དང་སོ་སོའི་སྡེ་ཚན་བསྒྲིག་དཀའ་ཞིང་དེ་དང་མི་མཐུན་པར་བཀོད་ན། མ་འོངས་དུས་སུ་ཆོས་འདི་འཆལ་དོགས་ནས༔ པདྨ་ང་ཡིས་ཁ་བྱང་ཡི་གེར་བཏབ༔ ཅེས་གསུང་པས་འཆལ་པར་སྤྱད་པའི་ཉེས་པ་འབྱུང་བས་ས་བཅད་དུ་མ་ཕྱེ་ཞིང་ཆོས་སྡེ་རྣམས་ཀྱི་ཆོས་ཚན་སོ་སོའི་བརྗོད་དོན་ནང་གསེས་སུ་དབྱེ་འདུག་པས་ཁ་བྱང་གི་ཁུངས་དྲངས་ཚེ་མང་སྐྱོན་དང་བསྐྱར་ལྡབ་ལྟ་བུ་ནས་ལུང་ཁུངས་ཀྱི་སྤྲོས་པ་བཞག་སྟེ་བཀོད་པ་ལ། ཆོས་བདག་དང་གཏེར་འདོན་ཚུལ་བསྟན་པ་ལུང་བསྟན་མུ་ཏིག་འཕྲེང་བ་རྫོགས་བྱང་གི་མཐའ་ཅན། གློང་ཆེན་པའི་གཏེར་མ། ༡ བརྒྱུད་པའི་ལོ་རྒྱུས་ཆེན་མོ་ཞེས་པ་དགོངས་བརྒྱུད། བརྡ་བརྒྱུད། སྙན་བརྒྱུད། གཏད་རྒྱ། སྨོན་ལམ། བཀའ་བབས། གྲུབ་ཐོབ་རྣལ་འབྱོར་བརྒྱུད་པ་རྣམས་བསྟན་པའི་ལོ་རྒྱུས་རིམ་པ་བདུན་པ་པདྨ་འབྱུང་གནས་ཀྱིས་སྦྱར་བ་རྫོགས་སོའི་མཐའ་ཅན། ༢ འགོར་བཅོས་སླད་དང་བྲལ་བ་ཞེས་ཡོད་པའི་བརྒྱུད་པའི་ལོ་རྒྱུས་ཆུང་བ་ཀ་གདན་དབུས་མའི་འོག་ཏུ་སྦས་སོའི་མཐའ་ཅན། གློང་ཆེན་པའི་གཏེར་མ། ༣ ཞུས་པ། ཉམས་སུ་ལེན་པ་གསུམ་གྱི་སྒོ་ནས་བསྟན་པའི་ལྷ་ལྕམ་པདྨ་གསལ་གྱིས་ཞུས་ལན་
ཨུཏྤལའི་འཕྲེང་བ་རྫོགས་བྱང་གི་མཐའ་ཅན། ༤ སྐུ་གསུམ་སྐུ་ལྔའི་བདག་ཉིད་རིག་པ་རང་བྱུང་གི་སངས་རྒྱས་ངོ་བོ་རང་བཞིན་ཐུགས་རྗེ་གསུམ་ལྡན་རང་ལ་ཚང་ཚུལ་སྟོན་པ་ཀུན་ཏུ་བཟང་པོ་དགོངས་པའི་རྒྱུད་ལེའུ་བཞི་པ། ༥ ལྟ་སྒོམ་སྤྱོད་འབྲས་སྨིན་གྲོལ་མ་བུ་ཆ་ལག་ཚང་བར་སྟོན་པ་སྙིང་པོ་འདུས་པ་དོན་གྱི་རྒྱུད་ལེའུ་བཅུ་གློང་ཆེན་པའི་གཏེར་མ། གསུམ་པ་རྫོགས་ཆེན་རྒྱུད་འབུམ་ཕྲག་དྲུག་ཅུ་བསྡུས་པའི་ཡང་ཟབ་ཁོལ་དུ་ཕྱུང་བ་གདམས་པ་འདི་ཉིད་ཀྱི་རྩ་བ་ལྟ་བུ། ༦ གཞིའི་གནས་ཚུལ་གཏན་ལ་ཕབ་ནས་སྐུ་དང་ཡེ་ཤེས་ཀྱི་བཞུགས་ཚུལ་རྒྱས་པར་བཤད་པ་སྐྱེ་མེད་གློང་གྲོལ་ཞེས་བྱ་བའི་རྒྱུད་ལེའུ་ལྔ་པ། ༧ འཁྲུལ་གཞི་གཏན་ལ་ཕབ་ནས་ལྷུན་གྲུབ་ཐུགས་རྗེ་རིག་མ་རིག་སྣོད་བཅུད་ཆགས་ཚུལ་འཕོ་འགྱུར་རྣམས་གསལ་བ་སྟོན་པ་ཉི་ཟླ་རྒྱ་མཚོའི་རྒྱུད་ལེའུ་དྲུག་པ་པདྨ་ང་ཡིས་བཀོད་པ་རྫོགས་སོའི་མཐའ་ཅན། འདི་གཉིས་ཀ་ལ་འགོར་སྐད་ཤན་སྦྱར་མི་སྣང་། ༨ དེའི་རྒྱབ་སྐྱོར་དུ་ལུས་སེམས་ཆགས་ཚུལ་སོགས་འཁོར་བའི་མཚན་ཉིད་དང་རིག་པ་ལྷུན་གྲུབ་ཆེན་པོར་གྲོལ་ཚུལ་སྟོན་པ་རིག་པ་གློང་གྲོལ་གྱི་རྒྱུད་ལེའུ་ལྔ་པ་པདྨ་འབྱུང་གནས་ཀྱིས་རྒྱུད་རྣམས་ཀྱི་དགོངས་པ་བཏུས་ནས་བཀོད་པ། ༩ སྤྱི་ཆིངས་སྡོམ་བྱང་དབང་འགྲེལ་དམ་ཚིག་སྟོན་པ་ཁྱུང་ཆེན་གཤོག་རྫོགས་རྒྱུད་འགྲེལ་ལེའུ་བཞི་པ། སྐད་ཤན་སྦྱར་ཀྱི་བོད་སྐད་དུ་རྒྱུད་ཟེར་བ་ལས་མི་འདུག་ཀྱང་མཇུག་ཏུ་རྒྱུད་འགྲེལ་ཟེར་བ་སྣང་། ༡༠ དུས་ཚེས་གནས་མཚན་ཉིད་སྣོད་བཅུད་ས་ཆོག་སོགས་ལས་རིམ་བཅུ་དགུ་སྟོན་པ་སྟ་གོན་གྱི་དབང་ཆོག་ཁྲུས་ལུང་དབང་གྱི་འཕྲེང་བ་རིམ་པ་ཉི་ཤུ་པ་ཞེས་པ་བར་ཆད་སེལ་ཞིང་དབང་དངོས་གཞིའི་སྣོད་རུང་དུ་བྱ་ཐབས། ༡༡ སྤྲོས་བཅས་ཀྱི་སྔོན་འགྲོ་ཐེག་པ་རིམ་དགུའི་དབང་ཆོག་རྫོགས་པ་རང་བྱུང་ཞེས་པ་སྟ་གོན་གྱི་དབང་བཅུ་བཞི་ཐེག་དགུའི་
དབང་བཅོ་བརྒྱད་དེ་བསྒྲིལ་བ་ལས་རིམ་སུམ་ཅུ་རྩ་གསུམ་པ། ༡༢ མཆོག་དམན་བར་གསུམ་གྱི་དབང་པོ་དང་བསྟུན་ནས་འཁྲིད་པའི་མན་ངག་ཐེག་པ་རིམ་དགུའི་སྤྱི་འཁྲིད་ཆེན་མོ་གསེར་གྱི་ཐེམ་སྐས་སྐད་ཤན་སྦྱར་གྱི་བོད་སྐད་དུ་དེ་བཞིན་གཤེགས་པ་ཐམས་ཅད་ཀྱི་ཏིང་ངེ་འཛིན་ཡོངས་སུ་བཤད་པ་ཐེག་པ་དགུའི་འཁྲིད་ཆེན་ཞེས་པ་འདུག །ལེའུ་བཅུ་གསུམ་པ། ༡༣ ཁྲོ་བོའི་དབང་ཆོག་རྡོ་རྗེའི་ཐེམ་སྐས་བསྐུར་ཐབས་བཞི་བཅུ་རྩ་དྲུག་ལེའུ་བཅུ་བཞི་པ། ༡༤ སྐད་ཤན་སྦྱར་གྱི་བོད་སྐད་དུ་ཀུན་ཏུ་བཟང་པོ་སྐུ་གསུང་ཐུགས་ཀྱི་དགོངས་པའི་རྒྱུད་ཅེས་བྱ་བ་གསང་སྔགས་ཀྱི་བབས་གཞུང་སྟོན་པ་དབང་ཐམས་ཅད་ཀྱི་སྤྱི་ཆིངས་ཕུན་སུམ་འདི་ཁ་བྱང་ན་མི་གསལ། ཚོགས་པ་ལྔ་དང་ལྡན་པ་དབང་ལུང་རྒྱ་མཚོ། ༡༥ ཞི་ཁྲོ་གསང་འདུས་སམ་ཡང་གསང་བླ་མེད་ཀྱི་ལས་བྱང་པདྨའི་འཕྲེང་བ་སྔོན་འགྲོ་དངོས་གཞི་རྗེས་སུ་སོ་སོར་ལས་རིམ་བརྒྱད་ཀྱི་བསྟན་པ་དགའ་རབ་རྡོ་རྗེས་གུ་རུ་པདྨ་ལ་གཏད་པ། ༡༦ ཞི་ཁྲོ་རྩ་བའི་དབང་ཆོག་དཔག་བསམ་ལྗོན་ཤིང་ལེའུ་བརྒྱད་པ་ཞི་བའི་དབང་སུམ་ཅུ་རྩ་གསུམ་ཁྲོ་བོའི་དབང་ལྔ་བཅུ་རྩ་བཞི་ཁ་སྐོང་རྫས་དབང་རྣམས་བསྡོམས་པས་དགུ་བཅུ་གོ་ལྔ་ཆོ་གའི་གོ་རིམ་སུམ་ཅུ་རྩ་དྲུག་ལ་བརྟེན་ནས་དབང་བཞི་དུས་གཅིག་ལ་རྫོགས་ཐབས་མཇུག་ན་དེ་ལྟར་ཞི་ཁྲོའི་དབང་ཆོག་འདི་ཞེས་སོགས་ཀྱི་དཀར་ཆག་ཡོད་པ། ༡༧ དེའི་གསང་འཁྲིད་རྡོ་རྗེ་སེམས་དཔའ་རིག་པ་མཆོག་གི་ལེའུ་ལྔ་པ། ༡༨ སྨིན་བྱེད་སྤྲོས་བཅས་བུམ་དབང་སྨིན་གྲོལ་བདུད་རྩིའི་རྒྱ་མཚོ་ཡོ་བྱད་མནྜལ་ཐིག་ཚོན་ལྷ་འགོད་འཇུག་པ་དབང་བསྐུར་ངོ་སྤྲོད་སྟོན་པ་ལེའུ་བདུན་པ་ངོ་བོ་རང་བཞིན་ཐུགས་རྗེ་གསུམ་གྱི་ཡོན་ཏན་གསལ་བར་བྱེད་པ། ༡༩ དེའི་དོན་འཁྲིད་རྫོགས་ཆེན་འབུམ་ཕྲག་དྲུག་ཅུའི་བཅུད་སྙིང་པོ་གསལ་བའི་སྒྲོན་མེར་བསྡུས་པ་ལེའུ་དང་ལས་རིམ་བདུན་གྱིས་སྦྱོར་དངོས་
མཇུག་གསུམ་ཚང་བ་བསྟན་པ། ༢༠ དེའི་བུ་ཡིག་ཉམས་ལེན་གནད་ཀྱི་མེ་ལོང་ཟབ་པའི་ཉམས་འཁྲིད་སྟོན་པར་བྱེད་པ་སྐྱེས་བུ་དེ་དང་ཕྲད་ཤོག་གི་མཐའ་ཅན། འདི་གཉིས་གློང་ཆེན་པའི་གཏེར་མ། ༢༡ སྤྲོས་མེད་གསང་བའི་དབང་ཆོག་གསང་བ་རིན་པོ་ཆེ་དབང་གི་འཁོར་ལོ་རྫས་རིག་མ་མནའ་ཆུ་སྒོམ་བཟླས་དབང་རྗེས་དང་བཅས་སྟོན་པ་ལེའུ་དྲུག་པ། ༢༢ དེའི་བུ་ཡིག་མཁའ་འགྲོ་བརྟག་འབུམ་ཕྱག་རྒྱ་བརྩལ་དགུག་བསྟེན་ཐབས་སྐྱོན་སྤང་ལས་རིམ་བཞི་པ། ༢༣ ཤིན་ཏུ་སྤྲོས་མེད་གསང་བ་ཤེས་རབ་ཡེ་ཤེས་ཀྱི་དབང་བསྐུར་ལེའུ་བདུན་པ་པདྨ་འབྱུང་གནས་ཀྱིས་སྦྱར་བ་ལས་ཅན་སྙིང་གི་བུ་དང་ཕྲད་ཤོག་གི་མཐའ་ཅན། ༢༤ དེའི་བུ་ཡིག་གསང་འགྲེལ་འཁོར་བ་དོང་སྤྲུགས་ཆགས་ལམ་བསྟེན་པའི་ལས་རིམ་ལེའུ་བཅུ་བཞི་པ་ཞར་བྱུང་ཕྱག་རྒྱ་འགུགས་བྱེད་ཀྱི་དཀར་ཆག་དང་བཅས་པ། ༢༥ རབ་ཏུ་སྤྲོས་མེད་ཚིག་དབང་རིན་པོ་ཆེའི་འཕྲེང་བ་ལེའུ་བཞི་པ་ལས་ཅན་ལ་ཕྲད་ཤོག་གི་མཐའ་ཅན། ༢༦ དེའི་རྒྱབ་སྐྱོར་ཉི་མའི་སྙིང་པོ་ཁྲེགས་ཆོད་ཀྱི་ཐེམས་བྱང་ན་ཚིག་དབང་དང་བུ་ཡིག་བསྡོམས་པ་ལེའུ་བཞིར་བཤད་པ་དཔེ་རྒྱུན་གསན་ཡིག་རྣམས་དང་མ་འགྲིགས་པས་དཔྱད། གདམས་པ་ཨྱོན་པདྨས་སྦྱར་བ་རྫོགས་བྱང་ཕྲད་ཤོག་གི་མཐའ་ཅན། ༢༧ ཀུན་ཏུ་སྤྲོས་མེད་ཀ་དག་རིག་པའི་རྩལ་དབང་འཁོར་འདས་དབྱེར་མེད་ཁྲེགས་ཆོད་ཀྱི་རྩ་བ་པདྨས་བཀོད་པ་བརྡར་ཤ་བཅས་པ་རྫོགས་བྱང་གི་མཐའ་ཅན། ༢༨ དེའི་འགྲེལ་པ་ཡང་གསང་བླ་མེད་དོན་གྱི་སྙིང་པོའི་བཅུད་ཕྱུང་བའམ་ཁྲེགས་ཆོད་དོན་གྱི་སྙིང་པོ་ཉོན་མོངས་འབུར་འཇོམས་ཀྱི་གདམས་པ་ཡང་དག་པ་ཆེན་པོ་འོའི་མཐའ་ཅན། ༢༩ དེའི་ཡང་འགྲེལ་ཨྱོན་པདྨས་ཁྲེགས་ཆོད་ཐོད་རྒལ་གྱི་གདམས་པ་བཀོད་པ་རིག་པ་ཀློང་ཡངས་ཕྲད་ཤོག་རྫོགས་བྱང་གི་མཐའ་ཅན། ༣༠ ཁ་བྱང་དུ། དེ་གསུམ་
བསྒྲིལ་བས་ཁྲེགས་ཆོད་འཁྲིད་བཀའ་ཚང་ཞེས་སོ། །དབང་བཞི་ཚིག་རྫོགས་སུ་བསྐུར་བའི་ཆོ་ག་དབང་ཆོག་ནོར་བུའི་སྒྲོན་མ་ལེའུ་བརྒྱད་པ་སློབ་དཔོན་གློང་ཆེན་པའི་གཏེར་མ་ཁ་བྱང་ན་མི་གསལ། པདྨས་སྦྱར་བ་རྫོགས་བྱང་གི་མཐའ་ཅན། ༣༡ འདི་དབང་གོང་མ་རྣམས་ལ་བསྐུར་བའི་བསྡུས་པའི་སྐབས་མཛད་པ་ཡིན་པས་དབང་ཡོངས་རྫོགས་ཀྱི་སྐབས་འདི་མི་བསྐུར་ཡང་གོང་མ་ཐོབ་ཕྱིན་གཞན་ལ་བསྐུར་རུང་བ་ཡིན་ནོ། །སྒྲོན་བཞིའི་དབྱེ་གསལ་མེ་ལོང་གི་གདམས་པ་དུས་གནས་མཐའ་རྟེན་ལུས་ལམ་དབྱེ་ཚུལ་གྱི་ལས་རིམ་ལེའུ་དྲུག་པ་སྣང་བཞི་སྒྲོན་དྲུག་རྒྱས་པར་བཤད་པ། ༣༢ སྣང་བཞི་གཏན་ལ་འབེབས་པ་ཟབ་ཏིག་དགོངས་པ་རང་གྲོལ་ཞེས་བྱ་བའི་རྒྱུད་ལེའུ་བཞི་པ། འདི་གཉིས་གློང་ཆེན་པའི་གཏེར་མ། ༣༣ དེའི་བུ་ཡིག་སྣང་བཞི་འཆར་བྱེད་ཉི་མའི་འོད་ཟེར་ལེའུ་བཞི་པའི་ཁ་གསལ་མ་བྱུང་རུང་དོན་གྱིས་ཚང་བ་ལ་དགོས་སམ་སྙམ། ལེའུ་བཞི་པ་སྣང་ཉམས་ཤེས་ཉམས་ཀྱི་དབྱེ་བ་རྒྱས་པར་བཤད་པ། ༣༤ ཁ་བྱང་ལས། དེ་ཡིས་སྣང་བཞི་ཆོས་བཀའ་ཚང་བའོ༔ ཞེས་སོ། །ཐོབ་གསུམ་གདེངས་བརྒྱད་ཀྱི་གདམས་པ་སྐྱེ་མེད་དོན་སྦྱོར་མཐར་ཐུག་འབྲས་བུ་གློང་ཆེན་པའི་གཏེར་མ། ཐོབ་ཚུལ་རྒྱས་པར་བཤད་པ་དགའ་རབ་རྡོ་རྗེའི་ཐུགས་སུ་བརྒྱུད་ནས་ཨོ་རྒྱན་པདྨ་ལ་གནང་བ། ༣༥ དེའི་བུ་ཡིག་སྐུ་གསུམ་དབྱེར་མེད་འཁོར་བ་དོང་སྤྲུགས་ཞེས་བྱ་བ་ཡང་དག་རྫོགས་འཚང་རྒྱ་ཚུལ་དགའ་རབ་རྡོ་རྗེའི་ཉམས་བརྒྱུད་ཨོ་རྒྱན་པདྨས་ཡི་གེར་བཀོད་པ་རྫོགས་བྱང་གི་མཐའ་ཅན། ༣༦ དེའི་ཡང་བུ་ཡིག་འགོར་མངོན་པར་རྫོགས་པའི་རྟགས་ཚད་ནི་ཞེས་ཡོད་པའི་འཚང་རྒྱ་ཚུལ་སྐུ་གཉིས་གཏན་འབེབས་ལོངས་སྤྲུལ་གྱི་དབྱེ་བ་སྐུ་གསུམ་འཆར་བའི་རྟགས་ཚད་པདྨས་ཕྱི་རབས་དོན་དུ་བཀོད་པ། ༣༧ ཁ་བྱང་དུ། ཚང་བཟུང་འབྲེལ་བའི་ཆོས་རྣམས་
འདི་ལ་ཚང་༔ ཞེས་སོ། །སངས་རྒྱས་ཐམས་ཅད་ཀྱི་དགོངས་པ་ཚིག་ཉུང་ངུར་བསྡུས་པ་ཡང་གསང་རྡོ་རྗེའི་རྒྱུད་བུ་ཆུང་ངམ་རྡོ་རྗེ་སེམས་དཔའི་དགོངས་པའི་རྒྱུད་ཅེས་པ་ལེའུ་གཉིས་པ་ཡང་གསང་རྒྱུད་བུ་ཆུང་རྫོགས་བྱང་ཕྲད་ཤོག་གི་མཐའ་ཅན། ༣༨ དེའི་བུ་ཡིག་བར་དོ་བཞི་སྦྱོར་གྱི་གདམས་པ་ཡེ་ཤེས་གསང་ལམ་རྡོ་རྗེ་སེམས་དཔའི་དགོངས་པ་ལེའུ་བརྒྱད་པ་ཨོ་རྒྱན་པདྨས་སྦྱར་བའི་མཐའ་ཅན། ཁ་བྱང་ལས། དེ་ཡི་བར་དོའི་འཁྲིད་བཀའ་ཚང་བའོ༔ ཞེས་སོ། །༣༩ ངོ་སྤྲོད་རིན་ཅེན་དྲ་བ་འོད་ཀྱི་ཞིང་ཁམས་ཐམས་ཅད་བསྟན་པའི་རྒྱུད་ལེའུ་ཉི་ཤུ་རྩ་གཅིག་པ་མཇུག་ཏུ་ངོ་སྤྲོད་བདུན་དང་བཅས་པ་མ་བསྒོམ་པར་འཚང་རྒྱ་བའི་གདམས་ངག་དཔེ་དོན་རྟགས་གསུམ་ཚང་བ་ཨོ་རྒྱན་པདྨས་སྦྱར་བ་རྫོགས་བྱང་གི་མཐའ་ཅན། ༤༠ དེའི་བུ་ཡིག་རྡོ་རྗེ་སེམས་དཔའ་ཐུགས་ཀྱི་མེ་ལོང་སྙིང་པོ་ཡང་ཟབ་ཁོལ་དུ་ཕྱུང་ནས་ལག་ལེན་མུ་ཏིག་འཕྲེང་བར་བསྒྲིལ་པ་ལེའུ་དྲུག་པ་ཞར་བྱུང་སྐུ་གསུམ་ངོ་སྤྲོད་དང་བཅས་པ། ༤༡ ཁ་བྱང་དུ། མ་བུ་གཉིས་ལ་ངོ་སྤྲོད་འཁྲིད་བཀའ་ཚང་༔ ཞེས་སོ། །མུན་འཁྲིད་གསལ་བའི་སྒྲོན་མེ་ཉིན་མོ་འོད་གསལ་དང་མཚན་མོ་ཨར་ལ་གཏད་པ་ཨ་ཏིའི་མཐར་ཐུག་གཅིག་དྲིལ་ལྷ་ལྕམ་སྐྱེ་མཐས་སྤྱོད་པས་ཤོག་གི་མཐའ་ཅན། ༤༢ དེའི་བུ་ཡིག་དབང་པོ་ཡང་རབ་གྲོལ་བར་བྱེད་པའི་ཐབས་ཨར་གཏད་ལག་འཁྲིད་ཉི་མའི་སྙིང་པོ་ལེའུ་བཅུ་གསུམ་པ་ཉིན་མཚན་ཆོས་ཀྱི་འདའ་བའི་རིམ་པ་རྫོགས་བྱང་གི་མཐའ་ཅན། ༤༣ ཆུའི་སྒྲ་ལ་དོན་གཉིས་ཀྱི་སྒོ་ནས་བསྒོམ་ཚུལ་ཤོག་གཅིག་མ་གློང་གསལ་གསུམ་གྱི་དགོངས་བཅུད་སྙིང་ཐིག་ཀུན་གྱི་རྩ་བ་མཐར་ཐུག །འདི་ལ་ཁ་བྱང་དུ་མི་གསལ། ༤༤ ཁ་བྱང་དུ། དེ་གཉིས་བསྒྲིལ་བས་མུན་
འཁྲིད་ཚང་༔ ཞེས་སོ། །ལེ་ལོ་ཅན་མ་བསྒོམས་པར་འཚང་རྒྱ་བ་སངས་རྒྱས་ཐམས་ཅད་ཀྱི་སྲས་གཅིག་པའི་རྒྱུད་ལེའུ་བདུན་པ་ཞར་བྱུང་གསང་འགྲེལ་བཟློག་དཀའ་དང་བཅས་པ། ༤༥ དེའི་བུ་ཡིག་བཏགས་གྲོལ་གནད་ཀྱི་གདམས་པ་བཅང་ཐབས་ཡིད་བཞིན་ནོར་བུ་ལེའུ་བདུན་པ། ༤༦ ཁ་བྱང་ལས། དེ་ཡིས་བཏགས་གྲོལ་ལག་ལེན་འཁྲིད་སྐོར་ཚང་༔ ཞེས་སོ། །དུས་མིན་རྐྱེན་ངན་བཟློག་པ་འཆི་བ་བརྟག་བསླུ་ཉི་ཟླའི་གའུ་ལས་རིམ་བརྒྱད་པ། ༤༧ དེའི་བུ་ཡིག་དུས་མིན་བར་ཆད་བྱུང་ན་འཕོ་བའི་གདམས་གློང་ཆེན་པའི་གཏེར་མ། པ་རྡོ་རྗེའི་ལྕགས་ཀྱུ་ལས་རིམ་ལྔ་པ་ཞར་བྱུང་གཞན་དོན་འཕོ་བའི་རིམ་པ་དང་བཅས་པ། ༤༨ དེའི་རྒྱབ་ཡིག་གང་ཟག་ཡིད་ཆེས་བསྐྱེད་ཕྱིར་རབ་ཟག་བཅས་ཕུང་པོ་མི་སྣང་བ་འབྲིང་བར་དོ་དང་མཐའ་མ་ཆོས་ཉིད་བར་དོར་གྲོལ་བའི་འབྲས་བུ་ཐོབ་ཚུལ་བསྟན་པ། ༤༩ ཁ་བྱང་དུ། དེ་ཡིས་འཕོ་བ་འབྲས་བུའི་ཐོབ་ཚུལ་ཚང་༔ ཞེས་སོ། །གདམས་པའི་ཆེ་བ་འབྱིན་པ་གསང་བ་རིང་བསྲེལ་སྒྲུབ་ཐབས་སྤྲུལ་སྐུ་དགའ་རབ་རྡོ་རྗེས་མཛད་པ། ༥༠ དུས་མིན་འཆི་རྐྱེན་སེལ་བའི་འཆི་མེད་ཚེའི་སྒྲུབ་པ་གསང་འདུས་རིན་པོ་ཆེ། ༥༡ ནད་ཀྱི་བར་གཅོད་བཟློག་པ་རི་ཁྲོད་ལོ་མ་གྱོན་མའི་སྒྲུབ་ཐབས་ཉོན་མོངས་ནད་འཇོམས། ༥༢ རླུང་མཁྲིས་བན་ཀན་ཚ་གྲང་འདོན་དུས་ཀུན་འཇོམས་གེགས་སེལ་སྨན་གྱི་མན་ངག་བདུད་རྩིའི་ཐིགས་པ། ༥༣ ལུས་ཀྱི་དར་གུད་སྙོམས་བྱེད་རླུང་འཁྲིད་གསང་བའི་ལྡེ་མིག་རྩ་ཚིག་ཉེར་གསུམ་པ། ༥༤ ཞར་བྱུང་རྩ་རླུང་གི་རྣམ་གཞག་སྲོད་ལ་གཏུམ་མོ་བསྒོམ་པ་ནམ་ཕྱེད་ཤེས་བྱ་བུམ་པར་མཇུག་པ་ཐོ་རེངས་རིག་པ་རང་སར་གཞག་པ་སོགས་ཉིན་མཚན་ཆོས་ཀྱིས་ཟླ་བ། བདེ་བ་ལམ་དུ་འཁྱེར་བ་གཏུམ་མོའི་
གསང་འཁྲིད་བདེ་ཆེན་ལམ་རྫོགས། ༥༥ སྒྲུབ་པ་སྙིང་པོར་བྱེད་པའི་བགེགས་གཡེང་བ་སྤང་ཕྱིར་དེའི་ཞེན་པ་གཅོད་ལ་བདུད་རྩི་མཚན་གྱི་བཅུད་ལེན་རྒྱུ་དུས་སྦྱོར་བ་ཟ་ཐབས་བཞིས་བསྟན་པ་ཞར་བྱུང་སྦོས་ཁྲག་གློ་ནད་སེལ་བ། མིག་ནད་སེལ་བ་གཞོན་ཤ་རྒྱས་པ། ལོ་བརྒྱ་ཐུབ་པ། དུག་རིགས་ཀྱིས་མི་ཚུགས་པ། མཛེ་སེལ་བ། ནད་རིམས་ཀྱིས་མི་ཚུགས་པ། མཁའ་འགྲོ་འདུ་ཞིང་ལུས་ཡང་སྟོབས་བཀྲག་མདངས་དང་ལྡན་པ་རྣམས་སྟོན་པ། ༥༦ གཏེར་བདག་རྡོ་རྗེ་གཡུ་སྒྲོན་མའི་སྒྲུབ་ཐབས་བླ་རྡོ་རྟེན་རྫས་བཅང་ཐབས་གསོལ་ཚིག་སྟེང་ཕྱོགས་དག་འཕྲུལ་མ་དང་བཅས་པ། པེ་ཧར་གྱི་གསོལ་ཁ་དགུང་སྔོན་མཐོན་པོ་མ། བཙན་གསོ་བོད་ཡུལ་དབུས་རྒྱལ་མ། ཀླུ་གསོལ་ནེའུ་སིང་སྔོ་མཐའ་མ་སྟེ་གཏེར་བདག་པོ་བཙན་ཀླུ་གསུམ་གྱི་གསོལ་ཁ་བསྐུལ་དང་བཅས་པ་པདྨ་ཐོད་འཕྲེང་གིས་སྦྱར་བ་རྫོགས་སོའི་མཐའ་ཅན། ༥༨ ཁ་བྱང་ལས། གཏེར་བདག་མཆོད་དང་དཔེ་ཚན་བདུན༔ དེ་ཡིས་འཁྲིད་ཀྱི་རྒྱབ་སྐྱོར་ཚང་༔ ཞེས་སོ། །ཁ་བྱང་ལས། སྤྱི་རུ་བསྒྲིལ་པས་ཆོས་ཚན་ནི༔ ལྔ་བཅུ་རྩ་གཅིག་གྲངས་སུ་ཡོད༔ ཅེས་པ་བྱུང་ཡང་ཁ་བྱང་དང་ངོ་འཕྲོད་པ་ལྔ་བཅུ་རྩ་ལྔ་བྱུང་བ་ཡིག་སྐྱོན་ཡིན་ནམ་བརྟག །ཁ་བྱང་ལས། ཨེ་ཀ་ཛ་ཊི་གཟའ་དང་རྡོར་ལེགས་དང་༔ རོ་སྲེག་སྐོར་གསུམ་ལུང་བྱང་མ་ཚང་ངོ་༔ ཤོག་དྲིལ་ལྔ་པོ་ཞོ་སྟོད་བྲག་ལ་ཡོད༔ དེ་རྣམས་བཏོན་ནས་ཆོས་འདི་ཚང་བའོ༔ ཞེས་པའི་ཤོག་དྲིལ་ལྔ་མང་རོང་གཏེར་སྟོན་འཇམ་དཔལ་རྡོ་རྗེས་བཏོན་པའི་རྒྱུན་འདུག་ཀྱང་བརྒྱུད་པ་གོང་ར་བ་ཉི་ཟླ་གྲགས་པ་འདུག་པས་མ་མནོས། ཆོས་ཀྱི་ཁ་སྐོང་གཏེར་འབྱུང་ཡིད་བཞིན་ནོར་བུའི་འཕྲེང་བ་ཞེས་པ་ནང་སོ་རྒྱལ་བ་དོན་གྲུབ་ཀྱིས་བསྐུལ་
ནས་གཏེར་སྟོན་གྱིས་མཛད་པ། དེས་མཛད་པའི་སྔོན་འགྲོ་ཆོས་སྤྱོད་བྱིན་རླབས་སྤྲིན་ཕུང་སྣང་བ་མ་བཀོད་མ། གསང་དབང་གི་གསོལ་འདེབས་ཟུར་དུ་བཀོལ་བ་སྣང་སྟོང་དག་པ་མ། ཨོ་རྒྱན་ཟ་ཧོར་མ་ལ་བརྟེན་པའི་བླ་མའི་རྣལ་འབྱོར་ཡིད་བཞིན་ནོར་བུ་གསོལ་འདེབས་མཁའ་དབྱིངས་རྣམ་དག་མ་དང་བཅས་པ། སྤྲུལ་སྐུ་སྣ་ཚོགས་རང་གྲོལ་གྱིས་གྲ་དར་རྒྱས་གླིང་དུ་མཛད་པའི་ཀུན་བཟང་དགོངས་པ་ཀུན་འདུས་ཀྱི་སྙིང་པོ་དོན་འཁྲིད་གསལ་བའི་སྒྲོན་མེ་མན་ངག་ཉམས་ལེན་སྙིང་པོ་བསྡུས་པ་མཁའ་འགྲོའི་གསང་ཚིག་མ་རྣམས། དེ་ཡང་མུ་ཏིག་འཕྲེང་བ་ལས། དེ་ཕྱིར་འཚོ་རྒྱལ་ཁྱོད་ཀྱིས་ཡི་གེར་ཐོབ༔ མཆིམས་ཕུ་དགེའུ་གོང་ཀ་གདན་འོག་ཏུ་སྦོས༔ རག་གདོང་ནག་མོ་ཨེ་ཀ་ཛ་ཊིར་གཏད༔ པདྨ་གསལ་ཁྱོད་སྐྱེ་བ་མང་བརྒྱུད་ནས༔ ཕྱི་མཇུག་གཏེར་སྟོན་སྐྱེ་བ་སྔ་ཕྱི་གསུམ༔ དྲི་མེད་མིང་ཅན་བུམ་ཐང་ཕྱོགས་སུ་སྐྱེ༔ དེ་དུས་གཏེར་འདི་བཏོན་ནས་གསང་ཞིང་སྦ༔ སྐྱེ་བ་ཕྱི་མ་འགྲོ་དོན་དཔག་མེད་འབྱུང་༔ ཞེས་སྤྲུལ་སྐུ་ཚུལ་རྡོར། ཀུན་མཁྱེན་གློང་ཆེན་པ། པདྨ་གླིང་པ་དང་གསུམ་འབྱུང་བའི་གོང་དུ་མཆན་གྱིས་གསལ་བའི་ཆོས་སྡེ་བཅུ་པོ་མཆིམས་ཕུ་དགེའུའི་གཙུག་ལག་ཁང་གི་ཀ་གདན་འོག་ནས་ཀུན་མཁྱེན་གློང་ཆེན་པས་སྤྱན་དྲངས་པ་ལུང་བསྟན་བཞིན་མ་སྤེལ་བར་གསངས་ཏེ་བུམ་ཐང་ཐར་པ་གླིང་དུ་ཡང་གཏེར་དུ་སྦས་པ་གཏེར་སྟོན་པདྨ་གླིང་པས་ཆོས་སྡེ་ཡོངས་རྫོགས་སུ་མ་ཟད། གློང་ཆེན་པའི་ཡང་གཏེར་རྣམས་ཀྱང་སྤྱན་དྲངས་ཏེ་གླེགས་བམ་གཅིག་ཏུ་བཞུགས་པ་དང་བཅས་པའི་དབང་ལུང་ཡོངས་རྫོགས་ཐོབ་པའི་བརྒྱུད་པ་ནི། ཆོས་སྐུ་ཀུན་ཏུ་བཟང་པོ་ཡབ་ཡུམ། ལོངས་སྐུ་རྡོ་རྗེ་སེམས་དཔའ། སྤྲུལ་སྐུ་དགའ་རབ་རྡོ་རྗེ། ཨོ་རྒྱན་སངས་རྒྱས་གཉིས་པ། ཇོ་མོ་
མཁར་ཆེན་བཟའ་འཚོ་རྒྱལ། ལྷ་ལྕམ་པདྨ་གསལ། གཏེར་སྟོན་རིགས་འཛིན་ཆེན་པོ་པདྨ་གླིང་པ། དེ་ལ་སྤྲུལ་སྐུ་སྣ་ཚོགས་རང་གྲོལ་དང་དབུ་མཛད་པ་ཀུན་འདུས་གཉིས་ཀས་མཁས་གྲུབ་ཆོས་རྗེ་རྣམ་གཉིས་ཟེར། གསན། གཉིས་ཀ་ལ་པད་གླིང་སྤྲུལ་སྐུ་བསྟན་འཛིན་གྲགས་པས་གསན། དེ་ནས་མཁས་མཆོག་མདོ་སྔགས་བསྟན་འཛིན། དེ་སྲས་གཉོས་སྟོན་མཁས་གྲུབ་འཕྲིན་ལས་ལྷུན་གྲུབ། དེ་སྲས་སྤྲུལ་སྐུ་གཏེར་སྟོན་འགྲོ་འདུལ་གཏེར་བདག་གླིང་པ། དེས་བདག་ཟ་ཧོར་བནྡེ་ལ་བཀའ་དྲིན་དུ་སྩལ་ཏོ། །ཡང་ན་བསྟན་འཛིན་གྲགས་པ་ནས། གདུང་བརྒྱུད་པདྨ་འཕྲིན་ལས། གསུང་སྤྲུལ་ཚུལ་ཁྲིམས་རྡོ་རྗེ། རྗེ་འཕྲིན་ལས་ལྷུན་གྲུབ་མན་འདྲ། ཡང་ན་དབུ་མཛད་གྲུབ་པ་ཀུན་འདུས་ནས། ཡོངས་འཛིན་པདྨ་འཕྲིན་ལས་མན་འདྲ། ཚེ་སྒྲུབ་ཀྱི་ལུང་བརྒྱུད་ལུགས་གཅིག་ནི། གཏེར་སྟོན་ནས། མི་འགྱུར་ཀུན་དགའ་དཔལ་བཟང་འབྲི་ཁུང་གནམ་ལྕགས་མེ་འབར། རིགས་འཛིན་བཀྲ་ཤིས་རྒྱ་མཚོ། མཁས་གྲུབ་དུ་མ་རང་གྲོལ། ངག་དབང་ཡེ་ཤེས་གྲུབ་པ། ཁྱབ་བདག་ཆོས་དབྱིངས་རང་གྲོལ། དེས་བདག་ལའོ།