གཏེར་སྟོན་ཤེས་རབ་འོད་ཟེར་གྱིས་སྤྱན་དྲངས་པའི་གཏེར་ཆོས་ཁག་གི་སྐོར།
གསོལ་འདེབས་ལས། མཐའ་ཡས་ཤེས་བྱའི་དོན་ལ་བློ་གྲོས་ཀྱིས། འཇུག་པར་རབ་བརྩོོན་སྐལ་བར་ལྡན་པའི་ཆེད། མཚན་སྡོམ་ཐུགས་རྗེའི་ཉིན་བྱེད་འོད་ཟེར་འདིས། མཚོ་སྐྱེས་བསྟན་པའི་པད་ཚལ་རྒྱས་གྱུར་ཅིག །ཅེས་པའི་འཕྲང་འགོ་གཏེར་སྟོན་ཤེས་རབ་འོད་ཟེར་ནི། ཁ་བྱང་གི་ལིང་ཚེ་དང་པོ་ལས། བཻ་རོ་ཁྱོད་ཀྱང་སྐྱེ་ཚུལ་གསུམ་བཟུང་ནས༔ ང་ཡི་ཟབ་གཏེར་གནད་ཀྱི་སྒོ་འབྱེད་ཅིང་༔ རིགས་སྤྲུལ་ས་ཕོ་སྟག་ལོའི་འོད་ཟེར་མིང་༔ བདུད་དབང་བར་གཅོད་རྐྱེན་དུ་མ་སོང་ན༔
སྐུ་གསུང་ཐུགས་རྟེན་རྩ་གསུམ་ཞལ་གདམས་དང་༔ ཆོས་རྒྱལ་དབུ་སྐྲ་དྲི་མེད་སྐུ་ཤ་སྟེ༔ བྱང་སེམས་དཀར་དམར་རིན་ཅེན་སྣོད་བཅས་སོགས༔ མེ་མོ་ལུག་ལ་གཏེར་སྒོ་དང་པོ་འབྱེད༔ ཅེས་དང་། ཐུགས་རྗེ་ཆེན་པོ་པདྨ་དབང་ཕྱུག་གི་ལུང་བསྟན་ལས། ལན་ཅིག་དུས་ཀྱི་མཐའ་མ་ལ༔ པདྨ་ང་ཡི་ཐུགས་ཀྱི་སྲས༔ འོད་ཟེར་མིང་འཛིན་འབྱུང་བས་ན༔ དུས་གནད་རྟེན་འབྲེལ་མ་འཕྱུགས་ཚེ༔ གདམས་པ་འདི་ཡི་བཀའ་རྒྱ་སྤེལ༔ ཞེས་དང་། ཆོས་བདག་སྤྱི་གཏེར་གྱི་ལུང་བསྟན་ལས། མ་འོངས་དུས་སུ་འགྲོ་བའི་དོན་ཉིད་དུ༔ ཟབ་མོའི་གཏེར་ཤོག་ཟུང་དུ་འབྲེལ་བ་གཉིས༔ སྟེང་ཁང་སྙིང་སྒྲོམ་དབུས་སུ་རྒྱ་ཡིས་བསྡམས༔ ཕྱི་མའང་ཆོས་རྒྱལ་སྟོབས་ལྡན་བརྟུལ་ཞུགས་ཅན༔ གནོད་སྦྱིན་དྲག་པོ་ཤིང་བྱ་ཅན་གྱིས་ཀྱང་༔ དེ་ཡི་བཀའ་ལས་འདའ་བར་མི་ནུས་པའི༔ པདྨ་དབང་རྒྱལ་རོལ་པ་རྩལ་གྱིས་ཀྱང་༔ ལོ་ཀེ་ཤྭ་རའི་ཕོ་བྲང་དང་ཉེ་བའི༔ རྣམ་ཤེས་མཚོན་པའི་ཕུག་པར་དག་པར་ཕབ༔ དེས་མཚུངས་བཻ་རོ་འོད་ཟེར་མིང་ཅན་ཀྱང་༔ ས་གཞི་སྒྲ་སྙན་གཟུགས་འདྲ་ཕན་ཚུན་རི༔ བཀྲ་ཤིས་རྟགས་ལྡན་མཚོན་ཆ་གཟིངས་འདྲའི་སར༔ ཆོས་སྒོ་འབྱེད་ཅིང་གསང་བའི་ལུང་བསྟན་སྤེལ༔ ཞེས་པ་ལྟར་ལོ་ཆེན་བཻ་རོ་ཙ་ནའི་ཐུགས་ཀྱི་སྤྲུལ་པ་གཏེར་སྟོན་ཤེས་རབ་འོད་ཟེར་གྱི་སྤྱན་དྲངས་པའི་གཏེར་ཆོས་ནི། གྲོལ་ཐིག་རྫོགས་རིམ་ལས། བཻ་རོ་ཆོས་རྒྱལ་ཉིད་ལ་སྙིང་ཁྲག་ཕོ༔ ད་ལྟ་ཉམས་ལོང་གསང་བའི་ཤོག་དྲིལ་རྣམས༔ སྙིང་མཛོད་སྨུག་པོའི་ནང་དུ་གཏེར་དུ་སྦེད༔ འདི་དང་སུ་ཕྲད་མངོན་འཚང་རྒྱ་བར་ངེས༔ ང་དང་དགོངས་པ་མཉམ་པ་བཻ་རོ་ཡིན༔ མ་འོངས་བཞི་བཅུ་ཁ་རལ་དུས་ཀྱི་ཚེ༔ ལམ་ཟབ་བསྟན་པའི་སྙིང་པོ་
མངོན་སུམ་གྱི༔ ལམ་གྱི་གནད་བྲལ་མུ་ཅོར་སྟོན་པའི་དུས༔ ལས་ལྡན་སྐྱེས་བུ་གཉིས་དང་ཕྲད་པར་འགྱུར༔ གསང་བའི་ལུང་བསྟན་མ་གཏོགས་ཞུས་དག་ཕེར༔ གཅིག་ལ་གཅིག་ཡིད་ཆེས་པས་འཁྲུལ་པ་བྲལ༔ ཞེས་ཨོ་རྒྱན་ཆེན་པོའི་ཐུགས་ཀྱི་ཟབ་གནད་མཐར་ཐུག་པ་ཆོས་རྒྱལ་དང་བཻ་རོ་གཉིས་ལ་གནང་བའི་ཆོས་རྒྱལ་གྱི་གཏེར་སྐལ་རྣམས་མངའ་རིས་པཎ་ཆེན་དང་བཻ་རོའི་གཏེར་སྐལ་གཏེར་སྟོན་འདི་ཉིད་ཀྱིས་སྤྱན་འདྲེན་པར་གསུངས་ཤིང་། ཐུགས་རྗེ་ཆེན་པོའི་ལུང་བསྟན་ལས། དེ་དུས་ཆོས་བྱེད་སྐྱོབ་པའི་ཐབས༔ འདུས་པ་སྐོར་དགུ་སྙིང་པོའི་ལམ༔ བླ་རྫོགས་ཐུགས་གསུམ་སྙིང་གི་ཁྲག༔ རྩ་གསུམ་མཐོང་བ་རང་གྲོལ་གྱི༔ ཆོས་རྣམས་ཀུན་གྱི་སྙིང་པོ་བསྡུས༔ ཞེས་པའི་གཏེར་གནས་ཀྱང་ཐེམས་བྱང་གནད་ཐེམས་གསལ་བ་ལས། འདི་རྣམས་གཏེར་གནས་མི་གཅིག་སོ་སོར་སྦ༔ རིན་ཅེན་སྤུངས་པ་ཀླུ་བདུད་ནག་པོའི་འཕྲང་༔ ཁྱུང་འདྲའི་བྲག་དང་ཞམ་པའི་གཙུག་ལག་ཁང་༔ དཔལ་གྱི་བསམ་ཡས་ལྷ་ས་དྲུག་ཡིན་ནོ༔ ཞེས་པ་ལྟར་གྲོག་རི་རིན་ཅེན་སྤུངས་པ། ཀླུ་བདུད་ནག་པོའི་འཕྲང་། ཞམ་པའི་གཙུག་ལག་ཁང་། བསམ་ཡས་རྣམ་སྣང་སྙིང་མཛོད་བ་གམ་སྨུག་པོ། བུ་ཚལ་གསེར་ཁང་། བདུད་འདུལ་སྔགས་པ་གླིང་། བསམ་ཡས་འོག་ཁང་། ཁྲ་འབྲུག །ཟབ་ཕུ་ལུང་སོགས་ནས་སྤྱན་དྲངས་པའི་བླ་རྫོགས་ཐུགས་གསུམ་གཅིག་ཏུ་དྲིལ་བའི་གདམས་པ་གྲོལ་ཐིག་དགོངས་པ་རང་གྲོལ་གྱི་སྐོར་ལ། རས་བྲིས་ཀྱི་དཀྱིལ་འཁོར་དུ་ལམ་རྒྱས་པའི་སྨིན་བྱེད་ལྷན་ཐབས་ཀྱི་ཡི་གེའི་སྟེང་ནས་སྟ་གོན་དང་། དབང་དོན་དེ་ཉིད་གསལ་བའི་སྟེང་ནས་འཇུག་པ་སྔོན་དུ་འགྲོ་བའི་བུམ་པ། དབུ་རྒྱན། རྡོར་དྲིལ། དར་དཔྱངས་ཀྱིས་རིག་
པའི་དབང་། སྨན་རཀ་གཏོར་གསུམ་གྱིས་ལྷ་དང་མཁའ་འགྲོའི་རྟེན་དབང་། ཞི་ཁྲོའི་ལྷ་དབང་། བྱང་སེམས་ཀྱིས་གསང་དབང་། ཕྱག་རྒྱས་ཤེར་དབང་། ཤེལ་རྡོར་དང་བླ་མའི་སྐུ་འབག་གིས་ཞི་བའི་དབང་། བསྒྲལ་དབང་། བཀའ་རབ་འབྱམས་ཀྱི་དབང་། ལམ་འབྲིང་པོའི་སྨིན་བྱེད་བསྙེན་སྒྲུབ་རྣམ་གསུམ་གྱི་རྩ་དབང་གི་ཡི་གེའི་སྟེང་ནས་འཇུག་པ་སྔོན་དུ་འགྲོ་བའི་བུམ་པ། ཐོད་པ། མེ་ལོང་། གཏོར་མ། སྐུ་འབག་ལ་བརྟེན་པའི་ཟླུམ་པོ་བཞིའི་དབང་། ལམ་བསྡུས་པའི་སྨིན་བྱེད་སྐུ་གསུམ་རིགས་བསྡུས་ཀྱི་བརྡ་དབང་གི་ཡི་གེའི་སྟེང་ནས་གཏོར་མ་བདུད་རྩི། མེ་ལོང་། སྐུ་འབག་གིས་འདིའི་དུས་དབང་འདི་ག་དང་འབྲེལ་བའི་པདྨ་གུ་རུའི་སྐུ་ཁྲ་འབྲུག་ནས་སྤྱན་དྲངས་པ་དེ་གས་དབང་བརྟེན་གནང་བ་ཡིན་ནོ། །དོན་གྱི་དབང་བཞི་བཟླས་ལུང་དང་བཅས་པ། ཚེ་དཔག་མེད་འཆི་མེད་སྐུ་གསུམ་འདུས་པའི་སྨིན་བྱེད་གསོལ་བཏབ་བྱིན་འབེབས་སྔོན་དུ་འགྲོ་བའི་བུམ་དབང་། སྒོ་གསུམ་བརླབ་པ་སྐུའི་རྗེས་གནང་། བཟླས་ལུང་གསུང་གི་རྗེས་གནང་། ཚེ་གཏོར་གྱི་ལྷ་བསྟིམ་པ་ཐུགས་ཀྱི་རྗེས་གནང་། བྱང་ཆུབ་སེམས་དབང་། རྒྱས་གདབ། ཚེ་སྦ། མཐའ་རྟེན་དང་བཅས་པ། ཐུགས་རྗེ་ཆེན་པོ་པདྨའི་དབང་ཕྱུག་གི་སྨིན་བྱེད་པད་འདབ་མུ་ཁྱུད་འོད་ལྔ་རྡོར་རའི་དཀྱིལ་འཁོར་དུ་འཇུག་པ་སྔོན་དུ་འགྲོ་བའི་བུམ་པས་རིགས་ལྔའི་དབང་། བདུད་རྩིས་གསང་དབང་། སིནྡྷུ་རས་ཤེར་དབང་། ཤེལ་རྡོས་ཚིག་དབང་། བཟླས་ལུང་། དབུགས་དབྱུང་བཅས་པ། དབང་ཆེན་དྲེགས་པ་ཀུན་འདུལ་གྱི་སྨིན་བྱེད་དབང་ཆོས་བསྡུས་པའི་སྟེང་ནས་བུམ་པ། བདུད་རྩི། མེ་ལོང་། ངོ་སྤྲོད། ལྕགས་ཕུར་ལ་བརྟེན་ནས་དབང་བཞི་བསྒྲལ་དབང་བཅས་པ་དང་། དབང་ཆོག་གསང་
བ་གཅིག་གྲུབ་ཀྱི་སྟེང་ནས་དུར་ཁྲོད་ཆས་དབང་དང་བཅས་ཏེ་འཇུག་པ་སྔོན་དུ་འགྲོ་བའི་བུམ་དབང་། གཏོར་མས་སྐུ་དབང་། བགྲང་འཕྲེང་གིས་གསུང་དབང་། ཕུར་པས་ཐུགས་དབང་། དྲག་པོ་སྒྲོལ་དབང་བཟླས་ལུང་དང་བཅས་པ། སྔགས་སྲུང་རྡོ་རྗེ་གཤོག་རྒོད་མའི་སྲོག་དབང་ལ་གསོལ་གདབ་བྱིན་འབེབས་སྔོན་དུ་འགྲོ་བའི་སྐུ་གསུང་ཐུགས་ཀྱི་རིགས་གཏད། ཞལ་ཟས་ཚོགས་དབང་། གཏོར་དབང་། སྒྲུབ་རྫས་ཀྱི་དབང་། སྲོག་ཡིག་གི་དབང་། བླ་རྡོའི་དབང་དང་བཅས་ལེགས་པར་མནོས་ནས། རྒྱབ་རྟེན་ལུང་ལ། གཏེར་སྟོན་པྲ་ཛྙ་ར་སྨིས་མཛད་པའི་རྩ་གསུམ་མཐོང་བ་རང་གྲོལ་གྱི་ཆོས་ཀྱི་༼ཟུར༽རྐང་གྲངས་གོ་རིམ་གསལ་བར་བཀོད་པ་ཆོས་ཀྱི་མིག་འབྱེད། དེས་མཛད་པའི་རྣམ་ཐར་ལས་སྣང་གསལ་བར་བཀོད་པའམ་སྐྱོན་ཚོགས་རྒྱ་མཚོ་མར་༼ཟུར༽༼༽གྲགས་པ་སྡེ་པ་འཕྲང་འགོ་བས་བསྐུལ་བ། དེས་མཛད་པའི་སྐྱེས་རབས་༼ཟུར༽༼༽གྲགས་པ་སྡེ་པ་འཕྲང་འགོ་བས་བསྐུལ་བ། དེས་མཛད་པའི་སྐྱེས་རབས་༼ཟུར༽༼༽གསོལ་འདེབས། དེས་མཛད་པའི་གསོལ་འདེབས་༼ཟུར༽༼༽སྣ་ཚོགས་མ། དེས་མཛད་པའི་གྲོལ་ཐིག་དགོངས་པ་རང་གྲོལ་གྱི་བརྒྱུད་འདེབས་༼ཟུར༽བྱིན་རླབས་སྤྲིན་ཕུང་རྒྱ་མཚོ་སྡེ་པ་འཕྲང་འགོ་བ་དང་རྣལ་འབྱོར་པ་སངས་རྒྱས་རྡོ་རྗེ་སོགས་ཀྱིས་བསྐུལ་བ། དེས་མཛད་པའི་
བརྒྱུད་འདེབས་༼ཟུར༽གཉིས་མེད་བརྗོད་མེད་མ་ཝཱ་གིནྡྲས་བསྐུལ་བ། རྒྱུད་རྒྱལ་འབུམ་ཕྲག་དྲུག་ཅུའི་གནད་བསྡུས་རྩ་གསུམ 
་སྙིང་པོ་མཐོང་བ་རང་གྲོལ་གྱི་ཐེམས་བྱང་གནད་ཐེམས་གསལ་བ་༼ཟུར༽བཀྲ་ཤིས་ལྟར་འགོར་ཤོག་སེར་ལས་ཕབ་པ། འདི་ཉིད་དང་དཀར་ཆག་ཆོས་ཀྱི་མིག་འབྱེད་གཉིས་གོ་རིམ་མཐུན་པས་བསྒྲིག་མི་ཐུབ་འདུག་ཅིང་། དེར་རགས་པ་ཙམ་ལས་མི་འདུག་པས་ཆོས་ཀྱི་མིག་འབྱེད་སོར་གནས་བཞིན་
བཀོད་པ་ལ། ཤོག་དྲིལ་དང་པོ་ཁ་བྱང་གི་སྐོར་ལས་ལིང་ཚེ་དང་པོ་༼ཟུར༽གཏེར་སྟོན་གྱིས་གཏེར་སྒོ་དང་པོ་འབྱེད་པའི་ལུང་བསྟན། གསང་བ་སྤྱི་རྒྱུད་ལས་གསུངས་པའི་བསྙེན་གནས་གསོ་སྦྱོང་བླང་བ། མཆིམས་ཕུའི་གཏེར། བླ་སྒྲུབ་གདུང་བ་༼ཟུར༽ཞི་བྱེད། དེའི་ལས་མཐའ་དབང་སྡུད་༼ཟུར༽ཟིལ་གནོན་གྱི་གདམས་པ། ལམ་འབྲིང་པོའི་སྨིན་བྱེད་བསྙེན་སྒྲུབ་རྣམ་པ་༼ཟུར༽གསུམ་གྱི་རྩ་བའི་དབང་ཆོག །ཚེ་སྒྲུབ་བརྟན་བཞུགས་འཆི་བདག་འཇོམས་པ་ནས་ཁོལ་དུ་༼ཟུར༽ཕྱུང་བ། ཚེ་སྒྲུབ་པདྨའི་འཛབ་བཟླས་སམ་༼ཟུར༽རྒྱུན་འཁྱེར་པད་འབྱུང་སྒྲུབ་ཐབས། པདྨའི་འཛབ་བཟླས་ཀྱི་གསང་བའི་སྙིང་བྱང་སྔགས་སྲུང་ཆེན་མོར་དམ་དུ་གཉེར་བ། གཏེར་སྟོན་གྱིས་མཛད་པའི་འཁྲིད་ལུང་གི་༼ཟུར༽༼༽ཆོས་བཤད་ཚངས་པའི་རྔ་ཆེན། བླ་མའི་རྫོགས་རིམ་ལམ་༼ཟུར༽འབྲིང་པོའི་འཁྲིད་ཡིག་སྤྲ་ཁྲིད་ཉེ་བར་བསྡུས་པ། ལས་བྱང་ལྷན་ཐབས་ངག་བསྒྲིགས་༼ཟུར༽ཐུན་མོང་བསམ་པ་འགྲུབ་པའི་བཀྲ་ཤིས་ཤོག་གི་མཐའ་ཅན། གཏེར་སྟོན་གྱིས་མཛད་པའི་༼ཟུར༽༼༽སྟ་གོན་གྱི་ཡི་གེ །ལམ་རྒྱས་པའི་སྨིན་བྱེད་བླ་མ་རིག་འཛིན་ཀུན་འདུས་ཀྱི་བདག་མདུན་དབང་དོན་དེ་ཉིད་གསལ་བ་གཏེར་བྱོན་ལས་ཆོག་བསྒྲིགས་འཁྱེར་བདེ་བར་༼ཟུར༽རྒྱལ་སྲས་ཀྱི་བཞེད་པ་ལྟར་གཏེར་སྟོན་གྱིས་མཛད་པ། གྲོལ་ཐིག་དགོངས་པ་རང་གྲོལ་གྱི་ཀ་དག་ལས་༼ཟུར༽རྣམ་སྣང་ཐུགས་སྤྲུལ་ལ་དུས་ལ་བབས་ཚེ་སྤྲོད་ཅིག་པའི་མཐའ་ཅན། བླ་མའི་རྫོགས་རིམ་གྲོལ་ཐིག་དགོངས་པ་རང་གྲོལ་ཞེས་པ་༼ཟུར༽ལམ་རྒྱས་པ་རྒྱལ་བ་ཀུན་གྱི་དགོངས་པའི་བཅུད་བསྡུས་པ། བསམ་ཡས་སྟེང་ཁང་སྙིང་མཛོད་སྨུག་པོའི་གཏེར། དེའི་འཁྲིད་གཞུང་དངོས་གསང་བ་ལས་ཀྱང་ཆེས་ཆེར་གསང་བ་རྨད་དུ་བྱུང་བའི་
ལག་རྗེས་ཙིཏྟ་དམར་པོ་༼ཟུར༽ཞེས་པ་དཀར་ཆེན་སྤྲུལ་སྐུས་བསྐུལ་ནས་གཏེར་སྟོན་གྱིས་མཛད་པ། གཉིས་སྦྱོར་གནད་ཀྱི་༼ཟུར༽ཡིག་ཆུང་། གཟེར་དྲུག་གནད་ཀྱི་༼ཟུར༽ཡིག་ཆུང་། རླུང་སེམས་གནད་ཀྱི་༼ཟུར༽ལྡེ་མིག །ཡང་གསང་རྨད་བྱུང་རྩ་རླུང་བུམ་ཆེན་༼ཟུར༽ཉེར་ལྔའི་གདམས་པ་གསང་བའི་ཡིག་བུ་ཆུང་ཞར་བྱུང་ལུས་ཀྱི་སྟོབས་ཞན་ན་བསྐྱེད་ཐབས། རིགས་བརྗོད་བྱ་ལ་རིགས་ལྔ་ག་བགྲངས་འདུག་གོ །བཞི་སྦས་པ་མངོན་པར་གསལ་བའི་ཡིག་ཆུང་། ཀུནྡ་ཕྱིར་གཏོང་། སྙིང་རླུང་སེལ་བ། ཕྱག་རྒྱ་བརྟག་པ་གསུམ་སྟོན་པའི་གསང་བའི་ཡིག་བུ་ཆུང་དང་བཅས་པ། འདའ་ཀ་མ་༼ཟུར༽འོད་ཀྱི་འཕོ་བ། མཆིམས་ཕུར་གུ་རུ་ལ་ཆོས་རྒྱལ་དང་བཻ་རོས་ཞུས་པའི་ཆོས་བདག་༼ཟུར༽སྤྱི་གཏེར་གྱི་ལུང་བསྟན། སྐུ་གསུམ་རིགས་བསྡུས་པདྨ་གུ་རུའི་སྒྲུབ་ཐབས་༼ཟུར༽ཐུགས་ཀྱི་སྙིང་པོ། སྐུ་གསུམ་རིགས་བསྡུས་༼ཟུར༽ངག་རྒྱུན་ལྟར་ཉམས་སུ་བླང་བའི་གསལ་བྱེད་ཀརྨ་རྒྱལ་སྲས་དང་སྲས་མོ་འོད་ཟེར་རྒྱལ་མོ་གཉིས་ཀྱིས་བསྐུལ་ནས་གཏེར་སྟོན་གྱིས་མཛད་པ། ལམ་བསྡུས་པའི་སྨིན་བྱེད་རིགས་བསྡུས་༼ཟུར༽བརྡ་དབང་ལྔ་པ། ལམ་བསྡུས་པའི་རྫོགས་རིམ་མིང་དང་བྲལ་བའི་སྙན་ བརྒྱུད་༼ཟུར༽ཆོས་བདག་ཡབ་ཡུམ་སྲས་གསུམ ་ཐུབ་པར་སྲུངས་ཀྱི་མཐའ་ཅན། མིང་དང་བྲལ་བའི་རྫོགས་རིམ་གྱི་དམིགས་རིམ་འཕྱུགས་མེད་གསལ་བྱེད་མཇུག་ན་སྤྱི་ཆིངས་གསང་བའི་ལུང་བསྟན་གྱི་ཁོལ་བུ་ཡོད་པ་རང་འདོད་སྤངས་པའི་སྨོན་ལམ་གང་བཏབ་འགྲུབ་པའི་མཐའ་ཅན། ལམ་བསྡུས་པའི་ཁྲིད་ཡིག་དངོས་གཞི་སྙན་བརྒྱུད་འཁྲིད་དམིགས་སྦས་དོན་གསལ་བ་རྒྱབ་ཡིག་དང་བཅས་པ་གཏེར་སྟོན་གྱིས་མཛད་པ། ཡི་གེ་མེད་པའི་སྙན་བརྒྱུད་ལུས་རྒྱའི་ནང་གི་
མགོ་བོ་ལྟ་བུ་སྤྱི་ཆིངས་༼ཟུར༽བསྡུས་པ་གནད་ཀྱི་དོན། མིང་དང་བྲལ་བའི་སྙན་བརྒྱུད་༼ཟུར༽ཀྱི་ཚིག་འགྲེལ་ཐར་པའི་འཇུག་ངོགས་པདྨ་འབྱུང་གནས་དྲི་མེད་མཁྱེན་བརྩེའི་སྨོན་ལམ་དབང་གིས་གཏེར་སྟོན་གྱིས་སྦྱར་བ། རྫོགས་རིམ་གསུམ་གའི་སྙིང་པོ་རྩ་གསུམ་པདྨ་རཱ་ག་ཞེས་ཐུགས་སྒྲུབ་ཡང་གསང་བླ་མེད་བདུད་འདུལ་སྔགས་པ་གླིང་གི་གཏེར་མ། གསུམ་འདུས་པའི་བསྐྱེད་རྫོགས་༼ཟུར༽སྙན་བརྒྱུད ་ཡི་གེ་མེད་པ་ལྷུན་གྲུབ་དབང་གི་འཕྲེང་བའམ་རང་ཆས་རང་ངོ་ཤེས་ཕྱིར་ཐུགས་སྒྲུབ་གསང་བ་ཀུན་འདུས་ཡང་ཏིག་སྐུ་གསུམ་ཡེ་ཤེས། ཐུགས་སྒྲུབ་རྩ་གསུམ་འདུས་པའི་༼ཟུར༽བུ་ཡིག་ཡེ་ཤེས་གསལ་སྒྲོན། ཐུགས་སྒྲུབ་ཡང་གསང་བླ་མེད་ལྷུན་གྲུབ་དབང་གི་འཕྲེང་བ་༼ཟུར༽ཆོས་མཆོག་པདྨ་རཱ་གའི་སྤྱི་ཆིངས་གནས་ཀྱི་ཡི་གེ་གབ་པ་མངོན་ཕྱུང་། པདྨ་རཱ་གའི་ཡང་གསང་བཀའ་སྲུང་དྲེགས་པ་གསུམ་དྲིལ་ཞེས་པ་༼ཟུར༽མ་གཟའ་རྡོར་གསུམ་གྱི་བསྐང་བ་ཡེ་ཤེས་ཆེན་པོའི་རོལ་པ། ཐུགས་སྒྲུབ་ཡང་གསང་བླ་མེད་པདྨ་རཱ་གའི་དམིགས་རིམ་འཕྱུགས་མེད་གསལ་བྱེད་ཅེས་པའི་འཁྲིད་ཡིག་༼ཟུར༽དངོས་གཞི་འཕྲང་འགོ་སྡེ་བ་ཐུབ་དབང་གིས་བསྐུལ་ནས་གཏེར་སྟོན་གྱིས་མཛད་པ། དེ་མཛད་པའི་པདྨ་རཱ་གའི་ལམ་དབང་རིགས་གཏད་ཀྱི་ཞལ་གདམས་མདོར་བསྡུས། དྲག་སྒྲུབ་ཐམས་ཅད་ཀྱི་མཐར་ཐུག་གུ་རུ་༼ཟུར༽དྲག་པོ་ཡེ་ཤེས་གསང་བའི་སྒྲུབ་ཐབས་རྡོ་རྗེའི་སྒོམ་བཟླས་གནམ་ལྕགས་མེ་འབར་གདུག་པ་ཀུན་འཇོམས། བསམ་ཡས་རྣམ་སྣང་གསང་སྒྲོམ་གྱི་གཏེར། དེའི་དཔེ་རིས། གཤིན་རྗེ། བླ་མ་ཡང་དག་གསུམ་ལ་བརྟེན་པའི་ཐུགས་སྒྲུབ་༼ཟུར༽གསུམ་དྲིལ་ཡང་གསང་སྙིང་པོ། དེའི་ཡིག་ཆུང་གསང་བ་༼ཟུར༽
མུ་དྲ་མྱུར་འགུགས། དཔལ་ཆེན་པོའི་ཐུགས་དབྱུང་བ་ཡང་གསང་ཐིག་ལེ་གཅིག་མ། ཟབ་ལུང་གི་གཏེར། ཞི་ཁྲོའི་བསྐྱེད་རྫོགས་༼ཟུར༽ལམ་འབྲས་སྙིང་པོ། སྡོ་འཕྲང་ཀླུ་བདུད་མཁར་གྱི་གཏེར། པདྨའི་སྙིང་ཕྱུང་༼ཟུར༽ཆོས་ཉིད་གློང་བཤགས། དམ་གྲིབ་ཉེས་པ་༼ཟུར༽ཀུན་སེལ། མལ་དྲོ་ཞམ་པའི་གཏེར། དེའི་ལྷན་ཐབས་༼ཟུར༽༼༽གཏེར་སྟོན་གྱིས་མཛད་པ། ཕན་བྱའི་གདམས་པ་༼ཟུར༽ས་བདག་ཉེས་པ་ཀུན་སེལ། བྲག་དམར་གཡའ་མ་ལུང་དུ་ལོ་ཙཱ་བ་བཻ་རོ་ཙཱ་ན་དང་མཁའ་འགྲོ་ཡེ་ཤེས་འཚོ་རྒྱལ་གྱིས་ཞུས་པའི་༼ཟུར༽ཚེ་དཔག་མེད་འཆི་མེད་སྐུ་གསུམ་འདུས་པ། དེའི་མངོན་རྟོགས་ཀྱི་ལྷན་ཐབས་ཆོས་སྐུ་སྤྲོས་བྲལ་མ། འཆི་མེད་སྐུ་གསུམ་འདུས་པའི་མངོན་རྟོགས་༼ཟུར༽༼༽ངག་སྒྲིབ་རྒྱུན་འཁྱེར་། འཆི་མེད་སྐུ་གསུམ་འདུས་པའི་དབང་ཆོག་༼ཟུར༽དོན་ཚན་བཅུ་གཉིས་པ། ཚེ་སྒྲུབ་ཨ་ཧཾ་མི་ཤིགས་༼ཟུར༽གསུམ་ལྡན། ཁྲ་འབྲུག་གི་གཏེར། འཆི་མེད་འཕོ་བ་ཆེན་པོར་སྒྲུབ་པའི་ཞལ་གདམས་གཏེར་སྟོན་གྱིས་༼ཟུར༽མཛད་པ། ཐུགས་རྗེ་ཆེན་པོ་པདྨའི་དབང་ཕྱུག་སྐོར་གྱི་ལོ་རྒྱུས་ཕྱི་ནང་༼ཟུར༽གསང་བ། བུ་ཚལ་གྱི་གཏེར། པདྨའི་དབང་ཕྱུག་གི་སྔོན་འགྲོའི་༼ཟུར༽གཏོར་མའི་རིམ་པ། སྒྲུབ་ཐབས་༼ཟུར༽གསང་བ་ཡེ་ཤེས་གཅིག་སྒྲུབ། པདྨའི་དབང་ཕྱུག་གི་སྨིན་བྱེད་༼ཟུར༽དབང་གི་དགའ་སྟོན། ཡང་སྙིང་མཐར་ཐུག་དོན་གྱི་ཆོས་རྫོགས་རིམ་༼ཟུར༽ཡེ་ཤེས་གསང་ཐག །ཡེ་ཤེས་གསང་ཏིག་གི་དཔེ་རྒྱུད་ཉེ་བར་གསལ་བྱེད་ཅེས་པ་འཁྲིད་གཞུང་༼ཟུར༽དངོས་གཞི་སྡེ་པ་ཐུབ་བསྟན་རྒྱལ་མཚན་པས་བསྐུལ་བ་ནས་གཏེར་སྟོན་གྱིས་མཛད་པ། ཁྲོ་བོའི་རྒྱལ་པོ་རྟ་མགྲིན་དབང་ཆེན་དྲེགས་པ་ཀུན་འདུལ་གྱི་བསྐྱེད་རྫོགས་༼ཟུར༽འཁྲུལ་མེད་ཙིཏྟ་དམར་པོ་ཞེས་པ་ལུང་བསྟན་དང་
སྒྲུབ་ཐབས་ཟུང་འབྲེལ་དུ་བསྟན་པ། དབྱངས་གསལ་གྱི་མཆོད་རྟེན་སྒོམ་པ་སོགས་ཤིན་ཏུ་ཟབ་པ་༼ཟུར༽བསྲུང་བའི་འཁོར་ལོ་གུད་དུ་ཕྱུང་བ་མདུན་བསྐྱེད་ཉེ་བར་༼ཟུར༽སྒྲུབ་པ། བསྙེན་པའི་སྣོད་དུ་བྱ་ཕྱིར་༼ཟུར༽༼༽དབང་གི་རྩ་ཐོ། བདག་མདུན་ངག་བསྒྲིགས་འདོད་འཇོའི་སྣང་བ་ཞེས་པ་བདེ་སྟེང་ཆོས་རྗེ་ཀུན་བཟང་པས་བསྐུལ་བའི་ངོར་གཏེར་སྟོན་གྱིས་མཛད་པ། དེའི་ཚོགས་༼ཟུར༽མཆོད། དབང་ཆོག་༼ཟུར༽༼༽བསྡུས་པ། དབང་ཆོག་གསང་བ་༼ཟུར༽བསྡུས་པ། དབང་ཆོག་གསང་བ་༼ཟུར༽གཅིག་གྲུབ། གཏེར་སྟོན་གྱིས་མཛད་པའི་བསྙེན་དབང་རྩ་ཐོ་༼ཟུར༽གསལ་བྱེད་ངག་ཁྲིགས་ཉེ་བར་བཀོད་པ། ལོག་འཚོ་ཀུན་ལས་གྲོལ་བ་༼ཟུར༽རང་ལུས་ཨ་ནུའི་ཚོགས་མཆོད། བསྐྱེད་རིམ་༼ཟུར༽ཉམས་སྒྲིབ་སེལ་བྱེད། རླུང་ཞགས་ཡང་སྙིང་དབང་སྡུད་༼ཟུར༽ཚངས་པ་ཆེན་པོ། ལུས་སྦྱིན་ཟབ་མོ་༼ཟུར༽སྤྱོད་ཀྱི་དོན་ཉམས་སུ་ལེན་པ། ནད་པ་གསོ་ཐབས་གླུད་གཏོར་གྱི་རྔན་བྱིན་༼ཟུར༽བར་གཅོད་ཀུན་སེལ། རྔན་བྱིན་བར་གཅོད་ཀུན་སེལ་གྱི་ལྷན་ཐབས་༼ཟུར༽འདས་དང་མ་བྱོན་པ། རྔན་བྱིན་ལྷན་ཐབས་གླུད་རབས་༼ཟུར༽སྲིད་གསུམ་འཁོར་བ་མ། རྒྱལ་བསེན་བརླག་བྱེད་༼ཟུར༽མདུད་མཆོག་མེའི་འཁོར་ལོ། རྒྱལ་བསེན་བརླག་བྱེད་ཀྱི་༼ཟུར༽སྒྲིབ་ཤིང་འཁོར་ལོ། ལས་མཐའ་སྨ་འབེབས་ཀྱི་མན་ངག །སྔགས་རྫས་ལ་བརྟེན་པའི་དབང་སྡུད་ཉིན་ཆོག་མ། ཕུང་བཤིག་ནག་པོ་འཇིག་རྟེན་གཏན་བརླག་ཏུ་གཏོང་བའི་མན་ངག །སྨུག་ཅགས་འགོམ་ཆོག་ཟབ་མོ། ཚྭ་ལ་བརྟེན་པའི་བསྐྲད་འཁོར་ཟབ་མོ། སཱཙྪ་ལ་བརྟེན་པའི་ཕུང་ཤིག །ལུག་གྲོད་ལ་བརྟེན་པའི་གྲོད་པ་ཕུ་འདེབས། བྱེ་མ་དང་ལྷམ་སྒྲོག་༼ཟུར༽ལ་བརྟེན་པའི་ཇག་འཆིང་། ཡུགས་
སྐྲ་ལ་བརྟེན་པའི་༼ཟུར༽ཇག་འཆིང་། རྫས་མཐུ་ཕུང་བྱེད་ནག་པོ་ཐོད་པའི་ཁ་བསྒྱུར་ཅན། རྫས་བསྲུང་ནག་པོ་ཀུན་ཐུབ། མཚོན་བསྲུང་རྡོ་རྗེའི་༼ཟུར༽གོ་ཁྲབ། ཕ་རོལ་གྱི་བསམ་སྦྱོར་དང་མདུན་གྲོལ་བསྒྱུར་བ་༼ཟུར༽ནག་པོ་བཟློག་མེད་དཔེ་རིས་དང་བཅས་པ། སྲིད་པ་གསུམ་ན་དཀོན་པའི་སྒྲིབ་ཤིང་༼ཟུར༽མུན་པ་ནག་པོ། གངས་ཐིགས་སོགས་ལ་༼ཟུར༽བརྟེན་པའི་ཟབ་མོ་རྫས་ཀྱི་སྒྲིབ་ཤིང་། སོ་མ་ར་ཙ་སོགས་ཀྱི་སྟོབས་བསྐྱེད་དང་མགྲོན་བུར་བརྟེན་པའི་སྲི་གཅོད། ངན་སྔགས་ཉེ་འབྱེད་སྤུ་གྲི་ཕུང་སྲི། ཁྲ་འབྲུག་གི་གཏེར། ནག་མོའི་ལས་མཐའ་༼ཟུར༽དཔེ་རིས་དང་བཅས་པ། བསྟན་པ་གཉན་པོ་སྲུང་ཕྱིར་དྲག་པོ་རྫས་ཀྱི་ཐོག་འབེབས་གང་ལ་བྱ་བའི་ཁ་བསྒྱུར་དང་བཅས་པ། རྫས་སྣ་བཅུ་གསུམ་ཚང་དགོས་ཚུལ་སོགས་ཐོག་འབེབས་༼ཟུར༽ཀྱི་ལག་ལེན། ཇོ་མོས་ཞུས་པའི་མི་བརྗེད་གཟུངས་ཐོབ་པའི་ཤེས་རབ་བློ་འཕེལ་༼ཟུར༽གྱི་གདམས་པ། ཟབ་ཕུའི་གཏེར། གཤིན་རྗེ་ཀུན་གྱི་སྙིང་པོ་༼ཟུར༽ཕུང་ལོག་ནག་པོ་བཟློག་མེད། གཤིན་རྗེ་༼ཟུར༽ཡང་བཟློག་སྤུ་གྲི་རེག་གཅོད། ཡང་ཟློག་གསེར་གྱི་སྤུ་གྲི་འབྲུ་གཅིག་མའི་བསྲུང་བ་སྲོག་གི་སྤུ་གྲི་དཔེ་རིས་དང་བཅས་པ། ཤ་ཟ་ཌཱ་ཀིའི་ལས་ཚོགས་སེལ་ནག་གནམ་ལྕགས་འབར་བ། ཟ་ཡིག་ནམ་མཁའ་རྡོ་རྗེའི་ཕ་ལམ་ཞེས་པ་བསྲུང་བ་ནམ་མཁའི་གོ་ཆ། བཟློག་པ་བར་སྣང་སྒྱོགས་ཆེན། གསད་པ་ལས་ཀྱི་ཐོག་མདའ། ཟབ་མོ་ཁྱད་པར་ཅན་གྱི་གདམས་པ་༼ཟུར༽ཡང་གསང་ཟུང་གཅིག །ལྷ་ལྕམ་གྱི་མཆོད་གནས་སྐུ་ཚབ་མཐོང་བ་དོན་ལྡན་གྱི་ལོ་རྒྱུས། ཆོས་རྒྱལ་སྲོང་བཙན་སྒམ་པོའི་སྐུ་ཚབ་ཀྱི་ལོ་རྒྱུས། མཆོད་རྟེན་ཐུགས་རྗེ་རང་བྱུང་དང་བྱང་ཆུབ་ཆེན་པོའི་དཀར་ཆག་
གསུང་གི་དབང་ཕྱུག་པདྨ་དཀར་པོའི་ཐུགས་ཀྱི་ཤ་རིལ་༼ཟུར༽མྱོང་གྲོལ་འཁོར་བ་དོང་སྤྲུག་གི་དཀར་ཆག །བྲམ་ཟེ་སྐྱེ་བ་བདུན་པ་དུང་གི་རྣ་ཆ་སོགས་ཤ་རིལ་༼ཟུར༽མྱོང་གྲོལ་གྱི་དཀར་ཆག །འཇམ་དཔལ་ལ་གསུངས་པའི་དམ་རྫས་ཕན་ཡོན། ཡིད་བཞིན་ནོར་བུ་སྟག་ཤ་རྡེ་བའི་ལོ་རྒྱུས། གབ་རྒྱ་ཅན་ནས་ཁོལ་དུ་ཕྱུང་བའི་༼ཟུར༽འབྲི་གུང་ཞབས་དྲུང་ཆོས་རྒྱལ་ཕུན་ཚོགས། སྣང་གསལ་བ་རིན་པོ་ཆེ་ཀུན་དགའ་ཚེ་མཆོག །བན་གྲོང་ཕུར་པ་བཀྲ་ཤིས། ཡར་རྒྱབ་སྐུ་འབྲིང་པ་ཀུན་དགའ་ཚེ་འཕེལ། འབྲུག་པ་སྤྲུལ་སྐུ་ངག་དབང་ནོར་བུ། ས་སྐྱ་བདག་ཆེན་སྔགས་འཆང་ཆེན་མོ། འཕྱོང་རྒྱས་ཞབས་དྲུང་ཧོར་བསོད་པ་བསྟན་པ་དར་གུད་ཀྱི་སྐབས་ཤིག་སྡེ་བ་འཕྲང་གོ་བར་བདུད་སྤྲུལ་གྱི་བར་གཅོད་དང་། ཕན་པ་བསྒྲུབ་པའི་མི་བདུན་འབྱུང་ཚུལ་རྗེ་རིན་ཅེན་ཕུན་ཚོགས་དང་གཏེར་སྟོན་རང་ཟུར་ཙམ་བསྟན་པ་རྣམས། ཤོག་སེར་ཀློག་འབེབས་དང་དབང་འཁྲིད་སོགས་ཀྱི་དུས་མཁོ་བའི་གཏེར་བདག་སྤྱི་གསོལ། སྙིང་ཏིག་གཉན་པོའི་བཀའ་སྲུང་མཆེད་བཞིའི་གསོལ་མཆོད་སྐྱེ་མེད་ཆོས་དབྱིངས་མ། སྔགས་བསྲུང་རྡོ་རྗེའི་གཤོག་རྒོད་༼ཟུར༽མའི་སྲོག་དབང་གི་ཡི་གེ །གཏེར་སྲུང་ཆེན་མོ་རྡོ་རྗེ་གཤོག་རྒོད་མའི་གསོལ་མཆོད་ཀྱི་རིམ་པ་རྒྱས་པ། ས་སྐྱོང་ཧོར་བསོད་པས་བསྐུལ་ནས་གཏེར་སྟོན་གྱིས་མཛད་པའི་གཏེར་སྲུང་གི་གཏོར་བསྔོ་སྔོན་ཚེ་པད་འབྱུང་མ། གཤོག་རྒོད་མའི་བསྙེན་སྒྲུབ་༼ཟུར༽༼༽ལས་རྣམས་ཀྱི་དམིགས་པའི་འཁྲུལ་འཁོར་དཔེ་རིས་སྐོར་༼ཟུར༽ལ། ཕོ་འཁྲིད་ཀྱི་འཁྲུལ་འཁོར། མོ་འཁྲིད་ཀྱི་འཁྲུལ་འཁོར། ལམ་རྒྱས་འབྲིང་བསྡུས་གསུམ་གྱི་རྩ་འཁོར། ལམ་རྒྱས་འབྲིང་བསྡུས་གསུམ་གྱི་དབང་
གཏོར། ཚེ་དཔག །རྟ་མགྲིན། བསྟན་སྐྱོང་གི་གཏོར་མའི་ཤོག་ཁྲ་བཅས་པ་རྫོགས་པར་ཐོབ་པ་ལས་རྟ་མགྲིན་གྱི་དབང་རྒྱས་པ་མ་གཏོགས་པའི་དབང་དང་ཟུར་གྱི་རྟགས་ཡོད་པ་རྣམས་ཀྱི་ལུང་གི་བརྒྱུད་པ་ལ་སྤྱི་བྱེ་བྲག་གཉིས་ལས། དང་པོ་ནི་ཐོག་མའི་མགོན་པོ་ཀུན་བཟང་ཡབ་ཡུམ། ལོངས་སྐུ་རྡོ་རྗེ་སེམས་དཔའ། སྤྲུལ་སྐུ་དགའ་རབ་རྡོ་རྗེ། ཨོ་རྒྱན་སངས་རྒྱས་གཉིས་པ། རྒྱལ་ཡུམ་ཡེ་ཤེས་འཚོ་རྒྱལ། ལོ་ཆེན་བེ་རོ་ཙཱ་ན། གཏེར་སྟོན་ཤེས་རབ་འོད་ཟེར། ཀརྨ་རྒྱལ་སྲས་ཀུན་བཟང་། ཐུགས་སྲས་དཀོན་ཅོག་ཆོས་དབང་གྲགས་པ། ཟུར་ཐམས་ཅད་མཁྱེན་པ་ཆོས་དབྱིངས་རང་གྲོལ། དེས་བདག་ཟ་ཧོར་བནྡེ་ལའོ། །བྱེ་བྲག་འཆི་མེད་སྐུ་ གསུམ་འདུས་པ་དང་ཐུགས་རྗེ་ཆེན་པོ་པདྨ་དབང་ཕྱུག་གི་བརྒྱུད ་པ་ནི། ཆོས་སྐུ་ཚེ་དཔག་མེད་མགོན། ལོངས་སྐུ་སྤྱན་རས་གཟིགས་དབང་། སྤྲུལ་སྐུ་པདྨ་འབྱུང་གནས། མཁའ་འགྲོ་ཡེ་ཤེས་འཚོ་རྒྱལ་མན་སྔར་ལྟར་ལ། དབང་ཆེན་དྲེགས་པ་ཀུན་འདུལ་གྱི་བརྒྱུད་པ་ནི། ཆོས་སྐུ་སྣང་བ་མཐའ་ཡས། ལོངས་སྐུ་རྟ་མཆོག་རོལ་པ། སྤྲུལ་སྐུ་པདྨ་ཐོད་འཕྲེང་མན་སྔར་ལྟར། གཤིན་རྗེའི་ཡང་བཟློག་སྤུ་གྲི་རེག་གཅོད་དང་ནག་པོ་བཟློག་མེད་གཉིས་ཀྱི་བརྒྱུད་པ་ནི། ཀུན་ཏུ་བཟང་པོ། རྡོ་རྗེ་འཆང་། གཤིན་རྗེ་གཤེད་པོ། ལག་ན་རྡོ་རྗེ། ཤིནྟཾ་གརྦྷ། ཨོ་རྒྱན་ཆེན་པོ་མན་གོང་བཞིན་ནོ། །གཡུང་དྲུང་གི་རྟགས་ཡོད་པ་མ་གཏོགས་པའི་ལུང་ཡོངས་རྫོགས་དང་རྟ་མགྲིན་གསང་བ་གཅིག་གྲུབ་ཀྱི་དབང་བརྒྱུད་ནི། ཀརྨ་རྒྱལ་སྲས་ཀུན་བཟང་ནས། སློབ་དཔོན་བསོད་ནམས་རིན་ཅེན། སྤྲུལ་སྐུ་ངག་དབང་པདྨ་འཕྲིན་ལས། ཁྱབ་བདག་ཁྲ་ཚང་པ་བློ་མཆོག་རྡོ་རྗེ། དེས་བདག་ལའོ། །བཻ་རོའི་
སྤྲུལ་པ་གཏེར་སྟོན་སྣ་ཚོགས་རང་གྲོལ་གྱིས་བསམ་ཡས་སྟེང་ཁང་སྙིང་མཛོད་བ་གམ་སྨུག་པོ་མུན་པའི་དཀྱིལ་འཁོར་ནས་སྤྱན་དྲངས་པའི་འཇམ་དཔལ་གཤིན་རྗེ་ནག་པོ་གསུམ་དྲིལ་གྱི་སྐོར་ལ། དུག་རི་ནག་པོ་གསུམ་དྲིལ་ནང་གཅོད་དབང་གི་བཀའ་དང་དེའི་དོན་གསལ་བྱེད་ཀྱི་སྟེང་ནས་འཇུག་པ། དཔུང་སྐུད། དུར་ཁྲོད་ཆས་དབང་སྔོན་དུ་འགྲོ་བའི་བུམ་པས་རིགས་ལྔའི་དབང་། གཏོར་མས་སྐུ་དབང་། བཟླས་པས་གསུང་དབང་། ཕྱག་མཚན་གྱིས་ཐུགས་དབང་། སྨན་རག་གཏོར་མའི་དབང་། བདུད་རྩིས་གསང་དབང་། ཕྱག་རྒྱས་ཤེར་དབང་། ངོ་སྤྲོད་ཀྱིས་ཚིག་དབང་། ལས་གཤིན་གྱི་གཏོར་མ་སྐུ་འབག་གི་ཆོས་དབྱིངས་ཡེ་ཤེས་ཀྱི་དམ་ཚིག །བགྲང་འཕྲེང་སྲོག་སྔགས་ཀྱིས་སོར་རྟོག་ཡེ་ཤེས་ཀྱི་དམ་ཚིག །ཕྱག་མཚན་གྱིས་མེ་ལོང་ཡེ་ཤེས་ཀྱི་དམ་ཚིག །གླེགས་བམ་གྱིས་མཉམ་ཉིད་ཡེ་ཤེས་ཀྱི་དམ་ཚིག །སྲོག་འཁོར་གྱིས་བྱ་གྲུབ་ཡེ་ཤེས་ཀྱི་དམ་ཚིག་བཅས་པའི་དབང་རྣམས་མནོས་ནས། ལུང་ལ། གླེང་གཞི། བྱང་ཁོག་ལུས། ཙིཏྟ་སྙིང་། ལས་ཅན་སྨིན་ལམ་བོད་ཁམས་བདེ་ལ་དགོད་ཐབས་དང་ལྔ། དང་པོ་ནི། དང་པོ་སྔོན་བྱུང་གླེང་ནག་པོ་གསུམ་དྲིལ་འདི་ལ་རྙིང་མ་ནང་ཁུལ་དུའང་ལྷད་ཅན་གྱི་དོགས་གནས་མཛད་མཁན་མང་ཞིང་དེ་ག་འདྲ་བ་ཞིག་འདུག་ཀྱང་ཐེམས་བྱང་གཏེར་ནས་བརྐུས་པ་ལྟ་བུའི་ཐབས་ཟད་པ་འདྲ་བ་འདི་ལ་དཔགས་ན་ཡིད་ཆེས་སུ་འགྲོ་བ་འདྲའོ། །གཞིའི་ཁུངས༔ གསལ་བར་བྱ་ཕྱིར་ལོ་རྒྱུས་ཡོད༔ ཅེས་གླེང་གཞི་གསལ་བར་བྱ་ཕྱིར་ལོ་རྒྱུས་ལ་ནང་གསེས་ཀྱི་མ་འོངས་ལུང་བསྟན་ས་གནད་གསོ་བ། བསམ་ཡས་སུ་སློབ་དཔོན་ཆེན་པོ་ལ་རྒྱལ་པོ། བཻ་རོ། གནུབས་ཆེན་གསུམ་གྱིས་ནག་པོ་
གསུམ་དྲིལ་གྱི་སྐོར་ཞུས་ཚུལ་ཐེམས་དང་བཅས་པ། གཉིས་པ་བྱང་ཁོག་ལུས་ནི། བྱང་ཁོག་ལུས་དང་དཔེ་མཐུན་པའི༔ དུས་གནད་སྒོམ་བཟླས་བསྲུང་བ་དང་༔ གསུམ་དྲིལ་གནད་ཀྱི་མན་ངག་དང་༔ ཏིང་འཛིན་སྟོབས་ཀྱིས་ངར་འདོགས་ཡོད༔ ཅེས་གོང་གནོན་ཞི་བར་བསྙེན་པ་འཇམ་དཔལ་ཆོས་དབྱིངས་ཡེ་ཤེས་སེམས་པའི་སྒྲུབ་པ། ཐེམས་མེད། ཡང་སྙིང་བཅུད་ཀྱི་དུམ་བུ་རྩ་བ་རྡོ་རྗེའི་མཁར་རྫོང་ཞེས་པ་ཐོ་རེངས་གུང་སྲོད་སོགས་ཀྱི་དུས། སྒྲུབ་པའི་གནས་ཀྱི་མཚན་ཉིད་སྒྲུབ་པའི་སྔོན་འགྲོའི་མན་ངག་རྣོ་ལ་ངར་འདོགས་པའི་སྒྲུབ་པ་མདོར་བསྡུས། ཕན་ཡོན་བཅུ་གསུམ་དང་ལྡན་པའི་འཁོར་ལོའི་བྲི་ཡིག་རྣམས། གསུམ་པ་ཙིཏྟ་སྙིང་ནི། ཙིཏ་སྙིང་དང་དཔེ་མཐུན་པའི༔ ནག་པོ་གསུམ་དྲིལ་བཅུད་དུམ་དང་༔ ཡང་གསང་དྲག་པོའི་སྒྲུབ་པ་དང་༔ ནང་གཅོད་གནད་ཀྱི་མིག་ཚགས་དང་༔ ཡང་ཏིག་རྫོགས་རིམ་རྣམ་གསུམ་དང་༔ ཐུན་འཚམས་བསྲུང་འཁོར་རྣམ་གཞག་ཡོད༔ ཅེས་ཚེ་ཆི་ཨུ་ཥ་གསུམ་དྲིལ་བའི་ཡང་གསང་སྙིང་གི་བཅུད་དུམ་ཞེས་པ་མངོན་རྟོགས་མཆོད་པ། བསྐུལ། བསྟོད་པ་དང་བཅས་པ། དཔལ་ཆེན་འཇིགས་བྱེད་སྦྲགས་སྒྲུབ། ཐེམས་མེད། མན་ངག་མུན་སེལ་སྒྲོན་མེ། ཐེམས་མེད། ནང་གཅོད་གནད་ཀྱི་མིག་ཚགས་སྙིང་དུམ་གསང་བ་ཞེས་པ་གཏོར་མ། ཚོགས་ཐོག་མཐའ་བར་གསུམ། ལྷག་མ། ཆད་ཐོ། ཟོར། བསྟན་སྐྱོང་། བྲོ་བརྡུང་། གདུག་རྩུབ་སྲེག་པོའི་སྦྱོར་བ་རྒྱལ་པོ་ཀུན་སྐྱོང་གི་གཞུང་བཞི་བཀོད་པ། མ་ཧ་ཀཱ་ལ་ལྕམ་དྲལ་སོགས་བཀའ་སྲུང་གི་འཕྲིན་ལས། རང་བྱུང་བཞིའི་འཁོར་ལོ། གསང་བ་སྲོག་གི་འཁོར་ལོ། གནས་པ་རྩའི་འཁོར་ལོ། གཡོ་བ་རླུང་གི་འཁོར་
ལོ་ཐེམས་མེད། བཞི་སྟོན་པའི་ཐེམས། རྫོགས་རིམ་དང་པོ་ལྷ་ལ་སེམས་བཟུང་བ། གཉིས་པ་གཏུམ་མོ་ལམ་གྱི་རྫོགས་རིམ། གསུམ་པ་རིག་པ་མངོན་སུམ་སྟོན་པའི་རྫོགས་རིམ། སྒྱུ་ལུས་འོད་གསལ་སྟོན་པའི་ཡང་ཏིག་གཅེས་སྒྲོན། ཐེམས་མེད། ལྡང་ཁྲུས་ཉལ་བའི་རྣལ་འབྱོར་རྣམ་གསུམ། སྦ་བ་ཐུན་འཚམས་བསྲུང་འཁོར་གྱི་རྣོན་པོ་ནང་གཅོད། ཉི་མ་བཞི་པའི་ཐེམས་མེད། སྦྱོར་བ་རྣམས། བཞི་པ་ལས་ཅན་སྨིན་ལམ་ནི། ལས་ཅན་སྨིན་ལམ་བསྟན་པའི་ཕྱིར༔ དབང་དང་མན་ངག་རྒྱབ་རྟེན་ལུང་༔ བསྙེན་སྒྲུབ་བརྟོད་བསྐུལ་ཁ་སྐོང་གནད༔ དྲག་པོ་ཧཱུཾ་གིས་འཕྲིན་ལས་དང་༔ གང་དགོས་སྔགས་ཀྱི་ལས་རིམ་ཡོད། ཅེས་དུག་རི་ནག་པོ་གསུམ་དྲིལ་ནང་གཅོད་དབང་གི་བཀའ་ཞར་བྱུང་དངོས་གྲུབ་བླང་བ་དང་བཅས་པ། རྣོན་པོ་ནང་གཅོད་ཀྱི་དབང་གི་དེ་ཉིད་བཤད་པ་དོན་གསལ་དུ་གྲགས་པ་དབང་དངོས། སྒྲོན་མ་གསལ་བ་ལས་བསྐྱེད་རྫོགས་གཉིས་ཀྱི་དགོངས་པ་བསྟེན་པ་ལྟ་སྒོམ་སྤྱོད་པའི་རྒྱབ་རྟེན་ལུང་གི་དུམ་བུ། གནས་གདགས་དོན་གསུམ་གྱི་གཤིན་རྗེ་སྤྱིའི་ཁོག་འབུབས་བྱད་མ་རང་གཤེད་གསད་ཕྱིར་ཡང་གསང་དྲག་པོ་ནག་པོ་གསུམ་དྲིལ་སྒྲུབ་པ། ཐེམས་མེད། འཕྲིན་ལས་ཀྱི་སྔོན་འགྲོའི་རིམ་པ་བདུན། ཐེམས་མེད། སྒྲུབ་པ་ལས་བྱང་གི་སྡོམ་གྱི་ཡི་གེ །བསྙེན་པ་དང་ཉེ་བར་བསྙེན་པ་སྒྲུབ་པ་འབྲིང་པོའི་ཚུལ་གྱི་ངག་བསྒྲིགས་གཏེར་སྟོན་གྱིས་མཛད་པ། བསྲུང་བཟློག་གསད་མནན་གྱི་ཁ་བསྒྱུར། ནག་པོ་སྙིང་གི་དུམ་བུ་གསུམ་གྱི་སྲུང་ཟློག་འཁོར་ལོ་རྫས་ཀྱི་གོ་ཆ་ཤེར་ཤིང་ལྕགས་སེང་ལྡེང་གི་ཕུར་པའི་ལས་མཐའ། གཤིན་རྗེ་ནག་པོའི་ཟ་ཡིག་
འཇིགས་བྱེད་དུག་རི་ནག་པོའི་ལས་ཀྱི་ཚེ་བདག་སྐྱིད་ལྡང་སེམས་ཅན་སྲོག་གི་བཤན་པ། སྲི་མནན་གྱི་ཆོ་ག་སེམས་ཅན་ལས་ངན་སྡིག་ཅན་མ། གཟུང་དཔང་མ་གཡེལ་མ། ཐེམས་མེད། ཕུར་བསྐུལ་ཧཱུཾ་ལས་མ། ཐེམས་མེད། བཅུད་དུམ་གནད་ཀྱི་ཡིག་ཆུང་ཞེས་པ་ལ་ནང་གསེས་ཀྱི་བསྲུང་འཁོར་ཡིག་ཆུང་། ཡེ་ཤེས་སེམས་དཔའི་ཕྱིར་བཟློག །ངར་བཏགས་བཟློག་པ་རྣམ་གསུམ། བཟློག་པ་གོ་ལོག་རྣམ་གསུམ། བྱས་པ་བཤིག་པའི་མན་ངག །རྒྱས་གདབ་བཀའ་བསྒོ་བྱ་བ། འབྱུང་བཟློག་དབབ་པ་རྣམ་གསུམ། འཁོར་གནས་འཇུག་གསུམ་དང་བཅས་པ། མནན་པའི་ལིང་གའི་ཞལ་གདམས། ཐེམས་མེད། ཐུན་གྱི་ཞལ་གདམས། ཐེམས་མེད། ཐུན་བསྐལ་ང་ནི་དཔལ་ཆེན་མ། ཐེམས་མེད། སྲོག་མཐུ་ཡུད་ཙམ་མ། ཁྲོམ་དཀྲུག་པ། བྷོ་ལའི་ངན་གཏད་རྟའི་རྩིབས་མའི་སེལ་ནག །གཤིན་རྗེའི་གཏད་རྒྱུད་ནག་པོ་ལས་བྱུང་བའི་ལས་གཤིན་གྱི་མངོན་རྟོགས་སྤྱན་འདྲེན་གཏོར་བཀང་། བསྟོད་པ་འཕྲིན་བཅོལ་དང་བཅས་པ། ལས་བཅོལ་བཅོམ་ལྡན་གཤིན་རྗེ་མ། ལས་གཤིན་ནག་པོའི་མངོན་རྟོགས་འཆི་བདག་མ། ལས་གཤིན་ནག་པོའི་རྗེས་གནང་གྱི་ཡི་གེ་རྣམས། ལྔ་པ་བོད་ཁམས་བདེ་ལ་དགོད་ཐབས་སྐོར་ནི། འགོང་པོ་ཨར་ལ་གཏོད་པ་དང་༔ སྡེ་དཔོན་ནང་འཐབ་ཞི་བ་དང་༔ དེ་བཞིན་ནང་དམེ་བསྲུང་བ་སོགས༔ ཞེས་འགོང་པོ་ཐམས་ཅད་ཁ་འཆིང་བར་བྱེད་པའི་ཐབས་སོ། །གཤིན་རྗེ། ལས་གཤིན་མ་མགོན་ལྕམ་དྲལ། ཞིང་སྐྱོང་། ཕྱོགས་སྐྱོང་། བསྟན་མ། ལམ་གཏོར་གྱི་དཔེ་རིས། དེ་ཡང་ཐེམས་ཀྱི་དབང་དུ་སོང་ན་ད་དུང་ཆོས་ཚན་མ་ཚང་ཞིང་བཅུད་དུམ་དང་དམིགས་ཆགས་སོགས་བསྙེན་སྒྲུབ་གྱི་སྐབས་དགོས་པ་འདྲ་བའི་དོགས་
གནས་འགའ་ཞིག་འདུག་ནའང་ཕྱོགས་འདི་ལ་འབད་པས་སྦྱངས་པའི་བློ་མིག་དང་མི་ལྡན་པས་བཏང་སྙོམས་སུ་བཞག་གོ །དེ་ལྟར་མནོས་པའི་དབང་གི་བརྒྱུད་པ་ནི། ཀུན་ཏུ་བཟང་པོ། རྡོ་རྗེ་འཆང་། འཕགས་པ་འཇམ་དཔལ། ལག་ན་རྡོ་རྗེ། ལྷའི་རིག་འཛིན་གནོད་འདུལ་མཆོག །སྤྲུལ་སྐུ་དགའ་རབ་རྡོ་རྗེ། སློབ་དཔོན་འཇམ་དཔལ་བཤེས་གཉེན། རིག་འཛིན་པདྨ་ཐོད་འཕྲེང་། གནུབས་ཆེན་སངས་རྒྱས་ཡེ་ཤེས། ཆོས་རྒྱལ་ཁྲི་སྲོང་ལྡེ་བཙན། ལོ་ཆེན་བཻ་རོ་ཙ་ན། གཏེར་སྟོན་པྲཛྙཱ་རསྨི། ཀརྨ་རྒྱལ་སྲས་ཀུན་བཟང་། རྒྱལ་སྲས་ཆོས་དབང་གྲགས་པ། ཀུན་མཁྱེན་ཆོས་དབྱིངས་རང་གྲོལ། དེས་བདག་ཟ་ཧོར་བནྡེ་ལའོ། །ལུང་བརྒྱུད་ནི། ཀརྨ་རྒྱལ་སྲས་ཀུན་བཟང་ནས། སློབ་དཔོན་བསོད་ནམས་རིན་ཅེན། སྤྲུལ་སྐུ་ངག་དབང་པདྨ་འཕྲིན་ལས། ཁྱབ་དབང་ཁྲ་ཚང་པ་རྡོ་རྗེ་མི་རྟོག་རྩལ། དེས་བདག་ལའོ། །འཕྲང་འགོ་སྡེ་པ་ཐུབ་དབང་རྒྱལ་མཚན་གྱིས་བསྐུལ་ནས་གཏེར་སྟོན་གྱིས་མཛད་པའི་རྡོ་རྗེ་དབྱངས་ཅན་མའི་སྒྲུབ་ཐབས་བློ་གྲོས་ཀྱི་སྣང་བ་གསལ་བྱེད། བཅན་པ་རྫོང་པ་ཨའོ་ཀུན་ལེགས་ཀྱིས་བསྐུལ་བ་ལྟར་མཛད་པའི་བླ་མའི་རྣལ་འབྱོར་ངག་བསྒྲིགས། འཕྱོང་རྒྱས་ཀྱི་སྡེ་བ་སྐུ་བགྲེས་པར་གནང་བའི་རྒྱུན་འཁྱེར་ཚེ་སྒྲུབ། ཞལ་ལུང་སྒྲོན་གསལ་རྣམས་ཀྱང་ཁྱབ་བདག་ཆོས་དབྱིངས་རང་གྲོལ་ལ་མནོས་པ་སྟེ་བརྒྱུད་པ་གོང་བཞིན་ནོ། །