ཐེག་པ་ཐམས་ཅད་ཀྱི་ཡང་རྩེར་སོན་པ་རྒྱུད་འབུམ་གྱི་ལུང་བརྒྱུད།
ལྔ་པ་ཐེག་པ་ཐམས་ཅད་ཀྱི་ཡང་རྩེར་སོན་པ་རྒྱུད་འབུམ་ནི། དཔུང་བཟང་གིས་ཞུས་པའི་རྒྱུད་ལས། གསང་སྔགས་མདོ་སྡེའི་ཚུལ་གྱི་བཤད་ཀྱིས་ཉོན། །ཞེས་རྒྱུད་རྣམས་མདོ་སྡེའི་སྡེ་སྣོད་ཀྱི་ཁོངས་སུ་འདུ་བར་གསུངས་པས་སྔགས་གསར་རྙིང་གི་རྒྱུད་མཐའ་དག་སྔར་སྨོས་པའི་སྡེ་སྣོད་གསུམ་གྱི་ཁོངས་སུ་བཀོད་ཀྱང་མི་རུང་བ་མ་ཡིན་ལ། འོན་ཀྱང་མདོ་སྡེ་གདམས་ངག་འབོགས་པའི་རྒྱལ་པོ་ལས། རྒྱུ་ལ་མོས་པ་རྒྱུའི་ཆོས་ཀྱི། །འཁོར་ལོ་རབ་ཏུ་བསྐོར་བྱས་ནས། འབྲས་བུའི་ཐེག་པའི་ཉེ་ལམ་ཞིག །མ་འོངས་དུས་ན་འབྱུང་བར་འགྱུར། ཞེས་གསུངས་པའི་རྒྱུད་ལ་སྔ་འགྱུར་གྱི་རྒྱུད་དང་ཕྱི་འགྱུར་གྱི་རྒྱུད་གཉིས། དང་པོ་ནི། སྤྱིར་རྒྱུད་སྡེ་རྣམས་སངས་རྒྱས་ཀྱིས་གསུངས་ནའང་གདུལ་བྱ་ཐུན་མོང་བའི་སྣང་ངོར་སྡེ་སྣོད་གསུམ་གྱི་ཆོས་ཀྱི་འཁོར་ལོ་བསྐོར་ཏེ་མྱ་ངན་ལས་འདས་ནས་ལོ་བརྒྱ་དང་བཅུ་གཉིས་ཙམ་ན་འབྲས་བུའི་ཐེག་པ་དར་བར་གསུངས་པས་སྡེ་སྣོད་གསུམ་དང་རྒྱུད་སྡེ་བཞི་ཞེས་སོ་སོར་གྲགས་ཤིང་། དེའང་རྒྱ་གར་ན་གསང་སྔགས་གསར་རྙིང་ཞེས་བྱ་བའི་ཐ་སྙད་མེད་ནའང་བོད་འདིར་པཎ་ཆེན་སྨྲྀ་ཏི་བྱོན་པ་ཡན་དུ་འགྱུར་བ་རྣམས་ལ་རྙིང་མ་དེ་ཚུན་ཆད་དུ་འགྱུར་བ་རྣམས་ལ་གསར་མར་བྱེད་པའི་སྔགས་རྙིང་མའི་ལུགས་ལ་ཐེག་པ་རིམ་པ་དགུར་གྲགས་པའི་རྩེ་རྒྱལ་ཡང་གསང་རྨད་དུ་བྱུང་བ་འོད་གསལ་རྡོ་རྗེ་སྙིང་པོ་བཀའ་རྫོགས་པ་ཆེན་པོ་
ལ་བཀའ་བབས་
གསུམ་ལྡན་ཡོད་པའི་རྒྱལ་བ་དགོངས་པ་བརྒྱུད 
་པར་སྟོན་པ་ངོ་བོ་ཉིད་ཀྱི་སྐུས་རང་གསལ་ངོ་བོ་ཉིད་ཀྱིས་གསུངས་པ། ཆོས་ཀྱི་སྐུའི་བྱིན་རླབས་ཀྱིས་རང་གྲོལ་མངོན་སུམ་དུ་གསུངས་པ། ལོངས་སྤྱོད་རྫོགས་སྐུས་རང་གི་ངོ་བོས་གསུངས་པ། གསང་བ་རྡོ་རྗེའི་སྐུས་བདེ་ཆེན་ཐབས་ཀྱིས་གསུངས་པ་ལས་གསང་བའི་བདག་པོས་སྤྲུལ་སྐུ་དགའ་རབ་རྡོ་རྗེ་བསྟན་པའི་བདག་པོར་དབང་བསྐུར་ནས་ལྷ་མིའི་ཡུལ་དུ་གྲགས་པ་སྟེ། དེའང་ཉོན་མོངས་རྒྱུད་དྲག་མོས་མཐུ་ཞན། །ལས་ཀྱི་ཚེ་ཐུང་བཀའ་དོན་སྟོར། བསྟན་རྙིང་གྲུབ་མཐའ་ངན་པས་བསྒྱུར། །གཉེན་པོས་མི་ནོན་སྒྲུབ་ཚུལ་ཞན། །དེ་ཚེ་རིག་པའི་རྣམ་རྟོག་ཤར། །ཞེས་གསང་སྔགས་ཀྱི་བསྟན་པ་འབྱུང་བའི་དུས་དྲུག་ལ་བབས་པའི་ཚེ་ཤན་འབྱེད། ལོ་ཟླ། རང་གྲོལ། མངོན་སུམ་དུ་སྟོན་པ་ཨ་ཏིའི་བསྟན་པ་བྱུང་ཞིང་། དུས་དེར་སུམ་ཅུ་རྩ་གསུམ་གྱི་ལྷ་དེ་ཝ་བཟང་སྐྱོང་གི་བུ་སེམས་ལྷག་ཅན་ལ་རྨི་ལྟས་ཁྱད་པར་ཅན་བཞི་བྱུང་བ་དང་མཐུན་པར་ཕྱོགས་བཅུ་དུས་གསུམ་གྱི་སངས་རྒྱས་ཐམས་ཅད་དང་རིགས་ལྔའི་སངས་རྒྱས་ཐམས་ཅད་ཀྱིས་རྡོ་རྗེ་སེམས་དཔའ་བྱིན་གྱིས་བརླབས་པ་ལ་བརྟེན་ནས་རྡོ་རྗེ་སེམས་དཔའ་ལྷའི་བུ་སེམས་ལྷག་ཅན་ལ་རྒྱལ་ཐབས་སྤྱི་བླུགས་སོགས་ཀྱི་དབང་བསྐུར་ཞིང་མན་ངག་རྣམས་བྱིན་ནས་ལྷའི་གནས་སུ་དར། དེ་ནས་ཞིང་འདིར་དེ་བཞིན་གཤེགས་པ་ཤཱཀྱ་ཐུབ་པས་སྐུ་དང་གསུང་གི་གདུལ་བྱ་རྣམས་བཏུལ་ཏེ་ཐུགས་ཀྱི་གདུལ་བ་ནི་ལོ་བརྒྱ་ལྷག་ཙམ་ན་རྒྱལ་པོ་དྷརྨ་ཨ་ཤྭ་ཀའི་སྲས་མོ་པྲཱ་ཧ་ར་ཎི་ལ་སྤྲུལ་པའི་སྲས་དགའ་རབ་རྡོ་རྗེ་འཁྲུངས་པར་ཕྱག་ན་རྡོ་རྗེས་དབང་བསྐུར་ཞིང་རྒྱུད་མན་ངག་རྣམས་གཏད། དགའ་རབ་རྡོ་རྗེས་སློབ་དཔོན་འཇམ་དཔལ་བཤེས་གཉེན་ལ་བརྡ་བསྟན་པ་ཙམ་གྱིས་སྐད་
ཅིག་ལ་རྟོགས་པ་ཁོང་དུ་ཆུད་ཀྱང་བསྟན་པ་ཡོངས་སུ་རྫོགས་པར་བྱ་ཕྱིར་དབང་བསྐུར་ཞིང་རྒྱུད་མན་ངག་རྣམས་གཏད། དེ་ཉིད་ཀྱིས་སངས་རྒྱས་གསང་བ། ཤྲཱི་སིངྷ། པདྨ་འབྱུང་གནས། སྒེག་པ་རྡོ་རྗེ། བི་མཱ་ལ་སོགས་ལ་གསུངས་ནས་གང་ཟག་སྙན་ཁུང་དུ་བརྒྱུད་པ་ཡིན། ལུང་ཨ་ནུ་ཡོ་ག་ནི་སྟོན་པ་མྱ་ངན་ལས་འདས་ནས་སྣོད་བཅུད་རྣམས་ཉམས་པར་གྱུར་པའི་ཚེ་མུ་སྟེགས་པ་རྣམས་ཀྱིས་གོ་ཏ་མའི་བསྟན་པ་ནི་མེ་ཤི་བའི་དུད་པ་བཞིན་དུ་སོང་ཞེས་སྨྲས་པའི་ཚེ་དམ་པའི་རིགས་ཅན་དྲ་མ་ལྔ་ཏིང་ངེ་འཛིན་ལ་བཞུགས་པ་ལས། ལོ་ཉེར་བརྒྱད་ལོན་པ་ན་ཏིང་ངེ་འཛིན་ལས་ལངས་པས་ཉེས་པ་རྣམས་མཐོང་སྟེ་རི་བོ་མ་ལ་ཡ་གནམ་ལྕགས་ཡོད་པའི་རྩེར་གདུང་ཚིག་ཉི་ཤུ་རྩ་གསུམ་བཏོན་པས་དུས་གསུམ་གྱི་སངས་རྒྱས་རྣམས་ལྕང་ལོ་ཅན་དུ་འདུས་ཏེ་གསང་བའི་བདག་པོ་ལ་འཇིག་རྟེན་གྱི་གདུང་བ་སེལ་བར་བསྐུལ་བ་ལ་བརྟེན་གནམ་ལྕགས་འབར་བའི་རྩེར་གསང་བདག་གིས་དམ་པའི་རིགས་ཅན་དྲ་མ་ལྔ་ལ་མདོ་དགོངས་འདུས་སོགས་ཨ་ནུའི་ཆོས་སྡེ་རྣམས་བཤད་དེ་དར། བསྐྱེད་པ་མ་ཧཱ་ཡོ་གའི་སྐོར་ནི། དཔལ་ཀུན་ཏུ་བཟང་པོས་རྒྱལ་ཚབ་རིགས་ལྔ་དང་། དེས་རྒྱལ་སྲས་སེམས་དཔའ་སོགས་ལ་དགོངས་བརྒྱུད། དེ་ནས་འཇམ་དཔལ་གཞོན་ནུ་མཛེས་པའི་སྐུ་དང་ལྡན་པ་དེས་ལྷ་རྣམས་ཀྱི་ལུས་དང་བསམ་པ་མཐུན་པར་ཆོས་བསྟན་ཏེ་འཇམ་དཔལ་རྣོན་པོས་ལྷ་གྲགས་ལྡན་མཆོག་སྐྱོང་སོགས་ལ་བརྒྱུད་ནས་ལྷ་རྣམས་ཀྱང་བྱང་ཆུབ་སེམས་དཔའི་རིགས་འཛིན་ཞིང་རྒྱལ་བའི་གདུང་བསབས། སྤྱན་རས་གཟིགས་བདུད་རྩི་སྨན་གྱི་སྐུ་དང་ལྡན་པ་དེས་ཀླུ་དུག་ཅན་གྱི་ལུས་དང་བསམ་པ་དང་མཐུན་པར་ཀླུ་རྒྱལ་གྱི་གྲིཧྣ་ནག་པོ་སོགས་ལ་བརྒྱུད་དེ་ཀླུ་རྣམས་ཀྱང་བྱང་སེམས་ཀྱི་
རིགས་འཛིན་ཞིང་གདུང་བསབས། ཕྱག་ན་རྡོ་རྗེ་འཇིགས་ཚུལ་རྔམས་པའི་སྐུ་དང་ལྡན་པ་དེས་གནོད་སྦྱིན་རྣམས་ཀྱི་ལུས་དང་བསམ་པ་དང་མཐུན་པར་གནོད་སྦྱིན་སྐར་མདའ་གདོང་སོགས་ལ་བཤད་ནས་གནོད་སྦྱིན་རྣམས་ཀྱིས་བྱང་སེམས་ཀྱི་རིགས་འཛིན་ཅིང་གདུང་བསབས་ཏེ་ལྷ་ཀླུ་གནོད་སྦྱིན་སྲིན་པོ་ལངྐ་རྣམས་ལས་མི་མ་ཡིན་དང་། ལི་ཙ་བྱི་དྲི་མ་མེད་པར་གྲགས་པ་སོགས་མིའི་རིག་པ་འཛིན་པ་རྣམས་ལས་རིགས་འཛིན་རིགས་པས་བརྒྱུད། དེ་ནས་མདོ་སྡེ་གདམས་ངག་འབོགས་པའི་རྒྱལ་པོ་ལས། ང་ནི་འདི་ནས་མི་སྣང་ནས། །ལོ་ནི་བརྒྱ་དང་བཅུ་གཉིས་ན། །ལྷ་གནས་གསུམ་དུ་གྲགས་པ་ཡི། །བསྟན་པའི་སྙིང་པོ་དམ་པ་ཞིག །འཛམ་གླིང་ཤར་གྱི་ཕྱོགས་མཚམས་སུ། །མི་ལས་སྐལ་ལྡན་དྲ་མ་ཆེ། །རྒྱལ་པོ་ཛ་ཞེས་བྱ་བ་ལ། སྔོན་དུ་ལྟས་རྣམས་འབྱུང་འགྱུར་ཏེ། །དྲག་ཤུལ་ཅན་ཞེས་བྱ་བའི་རྩེར། །གྲོགས་ཀྱི་སེམས་དཔའ་དམན་པའི་ལུས། །ལངྐའི་བདག་པོ་ལ་སོགས་པ། །ལག་ན་རྡོ་རྗེས་སྟོན་པར་འགྱུར། །ཞེས་པ་ལྟར་ཤར་ཕྱོགས་ཟ་ཧོར་གྱི་ཡུལ་དུ་རྒྱལ་པོ་ཛ་ཞེས་བྱ་བས་ཨ་སུ་ར་གསང་བའི་བྲག་ཕུག་ཏུ་སྒྲུབ་པ་མཛད་པའི་ཚེ་རྨི་ལྟས་བདུན་ཤར་བ་བཞིན་ཕྱག་ན་རྡོ་རྗེ་ཟླ་བ་བདུན་དུ་བསྒྲུབས་པས་ཕོ་བྲང་གི་ཐོག་ཏུ་པོ་ཏི་གླེགས་བམ་གྱི་ཆར་བབས། གླེགས་བམ་གྱི་དོན་རྣམས་མཁྱེན་ཀྱང་མ་མཁྱེན་པའི་ཚུལ་གྱིས་ཨུ་པ་རཱ་ཛ་སོགས་ལ་ཞུས་ཀྱང་བརྡ་མ་ཁྲོལ་པར་དགེ་སློང་ཀུ་ཀུ་རཱ་ཛས་སྒྱུ་འཕྲུལ་དྲ་བའི་ལེའུ་སྟོང་ཕྲག་བརྒྱ་པའི་ལེའུ་གསུམ་པ་རྡོ་རྗེ་སེམས་དཔའ་ཞལ་མཐོང་གི་ལེའུ་རྟོགས་ཏེ་ཟླ་བ་བདུན་བསྒྲུབས་པས་གྲུབ་སྟེ་ལུང་བསྟན་པ་བཞིན་ཟླ་བ་བདུན་ཕྱག་ན་རྡོ་རྗེ་བསྒྲུབས་པས་དངོས་སུ་བྱོན་ནས་དབང་བསྐུར་བྱིན་གྱིས་བརླབས་ནས་ཚིག་རྣམས་ལི་ཙ་བྱི་དྲི་མ་མེད་པར་ཞུས་ཤིག་པར་ལུང་བསྟན་པ་ལྟར་མཛད་ནས་རྒྱལ་པོ་ཛ་ལ་
ཏནྟྲ་སྡེ་ཆེན་པོ་བཅོ་བརྒྱད་གསུངས། དེ་ནས་རིམ་པར་དར་བ་ནི་གང་ཟག་སྙན་ཁུང་དུ་བརྒྱུད་པ་ཡིན་ལ། ཨིནྡྲ་བྷཱུ་ཏི། སིངྷ་རཱ་ཛ། ཨུ་པ་རཱ་ཛ། སྲས་མོ་གོ་མ་དེ་ཝཱི་སོགས་ཀྱིས་ཚོགས་ཀྱི་དཀྱིལ་འཁོར་བསྒྲུབས་པ་ལ་བརྟེན་ནས་ཚོམ་བུ་འབུམ་ཁྲི་སྟོང་བརྒྱ་སོགས་དང་བཅས་ནས་རིགས་འཛིན་གྱི་ས་ལ་དངོས་སུ་གཤེགས་པ་བསམ་གྱིས་མི་ཁྱབ་བོ། །སྒྲུབ་སྡེ་བརྒྱད་སོགས་སྒོས་རྒྱུད་བྱེ་བྲག་པ་རྣམས་ཀྱང་ཕལ་ཆེར་ བརྒྱུད་པ་གསུམ ་ལྡན་དུ་བཀའ་བབས་པ་སོགས་སོ་སོའི་ལོ་རྒྱུས་སུ་རྒྱས་པར་འབྱུང་ཞིང་བརྒྱུད་ཡིག་གི་སྐབས་ཀྱང་ཕྱོགས་ཙམ་སྟོན་པས་ཡི་གེས་འཇིགས་ཏེ་མ་སྨོས། དེའང་གླང་དར་གྱིས་འདུལ་བའི་བསྟན་པ་བསྣུབས་ཤིང་རིང་པོར་མ་ལོན་པར་རྒྱལ་ཁྲིམས་ཞིག་པའི་དབང་གིས་གསང་སྔགས་པ་འགའ་ཞིག་རྟོགས་པ་དང་མི་ལྡན་པར་སྦྱོར་སྒྲོལ་དངོས་སུ་བྱེད་པ་དང་། རྒྱུད་སྡེ་གོང་འོག་གི་དོན་མ་རྟོགས་པར་ལག་ལེན་འཆོལ་པར་སྤྱོད་པ་སྣ་ཚོགས་བྱུང་བ་ལ་ལོ་ཙཱ་བ་ཆེན་པོ་རིན་ཆེན་བཟང་པོ། ཕོ་བྲང་ཞི་བ་འོད། ལྷ་བཙུན་བྱང་ཆུབ་འོད་སོགས་ཀྱིས་སྔགས་ལོགས་སུན་འབྱིན་དུ་གྲགས་པའི་རྩོད་པ་མཛད་པ་རྣམས་ནི་ཚུལ་དེ་ལྟར་སྤྱོད་པ་གསང་སྔགས་གསར་རྙིང་གང་གི་ཕྱོགས་ལ་ཡོད་ཀྱང་གནོད་པ་འབབ་པའི་བསྟན་པའི་གད་བདར་ཡིན་ཞིང་། འགོས་ཁུག་པ་ལྷས་བཙས་ཀྱི་འཇམ་ཡིག་ནི་ཁོང་རང་ལྷ་རྗེ་ཟུར་པོ་ཆེ་དང་མ་མཐུན་པའི་དེ་ལ་སྣད་དུ་མཛད་པ་འབྲོག་མི་ལ་གནག་པ་རྒྱུ་མཚན་དུ་བྱས་ནས་གྷ་ཡ་དྷ་ར་པཎྜི་ཏ་མ་ཡིན་ཞེས་སྨད་པའི་ལོ་རྒྱུས་དང་མཚུངས་པས་ཡིད་བརྟན་དུ་མི་རུང་། འཇམ་དབྱངས་ས་སྐྱ་པཎ་ཆེན་གྱིས་ཆོས་དང་ཆོས་མ་ཡིན་པ་རྣམ་པ་འབྱེད་པའི་བསྟན་བཅོས་སྡོམ་གསུམ་རབ་དབྱེར་བཀའ་ཕྱག་གཉིས་ལ་བརྟེན་པའི་དགག་པ་ཤིན་ཏུ་རྒྱས་པ་ཡོད་ཀྱང་སྔ་འགྱུར་ལ་རྩོད་པ་མ་མཛད་ཅིང་། ཕྱིས་
ནས་ཆོས་རྗེས་ས་སྐྱ་པ་ཆེན་པོ་བྱིན་པ་མན་ཆད་དུ། ཆོས་ལོག་སྤྱོད་པ་ཉུང་ཞེས་ཐོས། །ཞེས་པའི་ཤུགས་བསྟན་གྱིས་ཡན་ཆད་རྣམས་བསྟན་པ་སྔ་དར་གྱི་མཇུག་ཏུ་ཨར་ཚོ་བནྡེ་བཅོ་བརྒྱད་སོགས་ཆོས་ལོག་སྤྱོད་པ་མང་པོ་བྱུང་བ་སོགས་ལ་དགོངས་པ་ལོ་ཆེན་གྱི་རྩད་པའི་ཕྱོགས་སྔ་དང་དབྱིབས་འདྲ་བར་དགའ་གདོང་། སྤོས་ཁོང་། སྟག་ཚང་པ། རྟ་ནག་པ། མང་ཐོས་ཀླུ་སྒྲུབ་པ། མཁན་ཆེན་ངག་ཆོས་པ་སོགས་སྔ་ཕྱིར་བྱུང་བའི་འབྲེལ་པ་ཚད་ལྡན་རྣམས་སུ་གསང་སྔགས་རྙིང་མ་ཡིན་པར་ངོས་མ་བཟུང་། ཐམས་ཅད་མཁྱེན་པ་བློ་བཟང་གྲགས་པའི་དཔལ་ནི་གསུང་བརླིང་ཞིང་གང་ལའང་ཟུར་མི་ཟ་བར་གྲགས་མོད། འོན་ཏེ་དྲི་མ་ལྷག་བསམ་རབ་དཀར་དྭགས་བརྒྱུད་པའི་ཕྱོགས་ལ་ཤིན་ཏུ་འཛུག་ཅིང་རྣོ་བར་སྣང་ནའང་གསང་སྔགས་རྙིང་མ་ཕྱོགས་ལ་སྒྲོས་ཙམ་ཡང་མེད། ཀུན་སྤངས་ཐུགས་རྗེ་བརྩོན་འགྲུས། ཀུན་མཁྱེན་དོལ་པོ་བ། རྗེ་རང་བྱུང་རྡོ་རྗེ། འགོས་ལོ་ཐམས་ཅད་མཁྱེན་པ་ཡེ་བཟང་རྩེ་པ། ཁྲིམས་ཁང་ལོ་ཙཱ་བ་བསོད་ནམས་རྒྱ་མཚོ། ཞྭ་དམར་བ་བཞི་པ་སྤྱན་སྔ་ཐམས་ཅད་མཁྱེན་པ་ཆོས་ཀྱི་གྲགས་པ་སོགས་རིས་སུ་མ་ཆད་པའི་མཁས་གྲུབ་རྣམས་ཀྱིས་ཚད་ལྡན་དུ་ངོས་བཟུང་། དཔལ་ས་སྐྱ་པ་འཇམ་དབྱངས་འཁོན་གྱི་གདུང་རབས། ཁྲོ་ཕུ་བ། འབྲི་གུང་སྐྱུ་ར། རྔོག །རླངས་ལྷ་གཟིགས་སོགས་གདུང་གིས་བཙུན་ཞིང་ཡབ་མེས་གོང་མའི་རིང་ནས་གྲུབ་པ་བརྙེས་པ་ཤིན་ཏུ་མང་བར་བྱུང་བ་རྣམས་ཀྱང་སྔགས་རྙིང་མ་བ་ཁོ་ན་ཡིན་པས་རྣམ་པར་མ་དག་པའི་ཆོས་ལོག་ལ་ཡང་དག་པའི་གྲུབ་པ་བརྙེས་ན་རྒྱུ་དང་འབྲས་བུའི་རྣམ་གཞག་ཀྱང་འཆོལ་པར་འགྱུར་བ་ལས་འོས་མེད། བཀའ་གདམས་གླེགས་བམ་རིན་པོ་ཆེའི་ལྷའི་རྒྱལ་པོའི་སྐྱེས་རབས་སུ། ཇོ་བོའི་ཞལ་ནས། མཁན་
བརྒྱུད་དུ་མ་ཟད། དགེ་སློང་བྱང་ཆུབ་སེམས་དཔའ་རྣལ་འབྱོར་གྱི་དབང་ཕྱུག་རྡོ་རྗེའི་ཐུགས་དང་ལྡན་པ་མཚོ་སྐྱེས་རྡོ་རྗེ་ནི་རྒྱ་གར་ན་འདུལ་བ་འཛིན་པ་ཆེན་པོ་ཞིག་གི་སྤྲུལ་པར་ཡང་གྲགས་ཏེ། དཔལ་ཧེ་རུ་ཀའི་བཞེད་པས་ནི་ཁོ་བོ་ཁོ་ན་ཡིན་པར་བྱེད། གདུལ་བྱའི་དབང་གིས་བོད་ཁམས་འདིར་ལན་གཉིས་གསུམ་ཞིག་འོངས་ཏེ་སྤྲུལ་པའང་དེ་ལྟར་བསྟན་ཏོ། །དེའི་ལོ་རྒྱུས་ནི་སྔགས་པ་ཕལ་ཆེ་བ་ལ་གྲགས། ཞེས་ཇོ་བོ་དང་སློབ་དཔོན་ཆེན་པོ་གཉིས་ཐུགས་རྒྱུད་གཅིག་པར་ཞལ་གྱིས་འཆེས་ཤིང་སློབ་དཔོན་ཆེན་པོའི་རྣམ་ཐར་སྔགས་རྙིང་མ་བ་རྣམས་ལ་གྲགས་ཞེས་ཞལ་འཕངས་ནས་ཕྱོགས་དེ་ལས་འོངས་པའི་ལོ་རྒྱུས་རྣམས་ཚད་མར་མཛད། འཇམ་ཡིག་དེ་རྣམ་ཐར་དུ་མི་གསལ་བས་གཞན་གྱི་ཁ་གཡར་བ་མིན་ན་ཆག་ལོ་ཆོས་རྗེ་དཔལ་གྱིས་རྒྱ་གར་དུ་བྱོན་ནས་རྩད་བཅད་པས་ཡང་ཕུར་གཉིས་མ་གཏོགས་སྒྲུབ་སྡེ་གཞན་རྣམས་རྣམ་དག་མ་ཡིན་ཞེས་དགག་པ་མཛད་པ། སྒྲུབ་སྡེ་བརྒྱད་པོ་ལྷ་སྔགས་རྒྱུད་མན་ངག་སྨིན་གྲོལ་གྱི་ནང་མཐའ་དག་ཕྱོགས་མཚུངས་པ་ཁོ་ནར་ཡོད་པས་ཆེ་མཆོག་གཤིན་རྗེ་སོགས་གཞན་རྣམས་མ་དག་ན་ཡང་ཕུར་གཉིས་སྒེར་དུ་དག་དོན་མེད་པས། གྲུབ་མཐའི་ཕྱོགས་ཁྱེར་གྱི་ཞེ་སྡང་བ་ཁོ་ནས་དགག་ཅིང་། ཡང་ཕུར་གཉིས་ས་སྐྱ་པའི་ཡབ་ཆོས་སུ་སོང་ཞིང་དུས་དེར་བོད་ཆོལ་ཁ་གསུམ་གྱི་བདག་པོ་ས་སྐྱ་པ་ཡིན་པའི་ངོས་འཛིན་ཁོ་ན་ཡིན་པར་གསལ་བས་རྩོད་ཡིག་གི་ནང་ཟོང་གནག་རྫི་རྒན་པོ་ཡན་ཆད་ཀྱིས་མཐོང་བར་གསལ་པོར་བསྟན་པ་གོར་མ་ཆག །དབུ་རུ་དཔལ་འཛིན་སྔགས་རྒྱུད་རྙིང་མ་ཡིན་པར་རང་གི་སློབ་དཔོན་དང་འགྲས་པའི་ལན་དུ་དགག་པ་ཚིགས་བཅད་ལྷུག་སྤེལ་མ་བརྩམས་པ་ཞེ་སྡང་གི་ངན་སྨྲས་ལས་ལུང་རིག་རྣམ་དག་ཆེར་
མི་འདུག་ཅིང་། རྩོད་ཡིག་དེར་རྨ་བན་རིན་ཆེན་མཆོག་བྱ་བས། གསང་བ་སྙིང་པོའི་རྒྱུད་བརྩམས་པར། །རྒྱལ་པོའི་ཆད་པ་བྱུང་དོགས་ནས། །ལོ་གྲངས་བཅུ་གཉིས་གབ་ཅེས་གྲགས། །ཞེས་དང་། གཡུང་སྟོན་རྡོ་རྗེ་དཔལ་ལ་སོགས། །ལོག་པར་ལྟ་ལ་ཞེན་རྣམས་ཀྱིས། ཞེས་སོགས་ཀྱི་ཚིག་ལ་བརྟེན་ནས་ཀརྨ་པ་མི་བསྐྱོད་རྡོ་རྗེས་དགོངས་གཅིག་ཀར་ཊཱིཀ་ཏུ་ངེད་རང་གི་གཡུང་སྟོན་པས་ཀུན་མཁྱེན་བུ་སྟོན་བཀའ་འགྱུར་སྒྲིག་པ་གསན་པས་བལ་པོར་གསེར་བསྐུར་ནས་གསང་སྙིང་རྒྱ་དཔེ་འདྲི་རྒྱུ་བསྐུར་བ་འཁོར་ནས། བུ་སྟོན་ལ་གསེར་གྱི་མེ་ཏོག་དང་བཅས་ཏེ་གསང་བ་སྙིང་པོ་ལ་རྒྱ་དཔེ་འདི་ལྟར་ཡོད་པས་བཀའ་འགྱུར་དུ་སྒྲིག་པ་ཞུ་ཞེས་བསྲིངས་ཀྱང་རྒྱ་དཔེ་རྫུན་མར་ཤེས་ཏེ་མ་བརྫངས། ཞེས་སྨྲ་བ་ནི་ཤིན་ཏུ་མ་བརྟགས་པ་སྟེ། སྔ་འགྱུར་གྱི་རྒྱུད་རྣམས་ཐོག་སྔས་པ་དང་། བར་དུ་བསྟན་པའི་འཕེལ་འགྲིབ་སོགས་ཀྱིས་གླེགས་བམ་ལ་ཆུད་ཟོས་བྱུང་བའི་ཡིག་ངོ་ཆོད་མ་ཆོད་དང་། ལ་ལར་ཅུང་ཟད་ཧོལ་ཁོང་ཡོད་རིགས་རྒྱུད་བློར་ཡོད་པ་རྣམས་ཀྱིས་བློ་ཐོག་ནས་བསབས་པའི་སྐྱོན་འདྲ་ཡོད་པར་བརྟེན་བུ་སྟོན་ཐམས་ཅད་མཁྱེན་པ་སྤྱིར་རིག་པའི་གནས་ལྔ་ལ་མཁས་ཤིང་ཁྱད་པར་ཡབ་མེས་གསང་སྔགས་རྙིང་མར་སོང་བའི་ཕྱོགས་དེར་སྦྱངས་པ་ཆེ་བས་ཞུས་དག་ཅིག་མཛད་ནས་སླར་བཀའ་འགྱུར་དུ་འཇུག་པར་བཞེད་པ་ལས། ཨ་ར་ལི་བརྫུས་མ་སོགས་ལྟར་འདི་རྒྱུད་རྣམ་དག་མིན་ནོ་ཞེས་ཐག་བཅད་ནས་དབྱུང་བ་མ་ཡིན་པ་ཆོས་འབྱུང་གི་ཚིག་ཟིན་གྱིས་རྟོགས་ཤིང་། ཐམས་ཅད་མཁྱེན་པ་བུའི་གསན་ཡིག་དགོས་འདོད་འབྱུང་བར་བླ་མ་ཚུལ་ཁྲིམས་དཔལ་བཟང་ལ་གུ་རུ་པདྨའི་སྒྲུབ་སྐོར། གཤིན་རྗེ་ཁྲོ་འདུས། རྟ་མགྲིན། ཕག་མོ། མཁའ་འགྲོ་སོགས་རྙིང་མ་བཀའ་གཏེར་ཤིན་ཏུ་མང་བ་དང་།
ཞི་བྱེད། གཅོད་ཡུལ་སོགས་གསན་པའི་ཆོས་ཚན་དང་བརྒྱུད་ཡིག་གི་གཤམ་དུ། བྱིས་པར་སོང་ཞིང་འདུན་པ་ཞན་པའི་སྟབས་ཀྱིས་འགའ་རེ་ལ་འགོ་མཇུག་ནས་གཉིད་དུ་སོང་ནས་མ་ཐོབ་པ་བག་རེ་ཡོད་པ་སྙམ་དུ་དོགས་སོ། །རང་རེ་ལ་འདུན་པ་མེད་ཀྱང་ཁོང་པས་ཐུགས་རྗེ་བཟུང་ནས་ཞུ་ཚད་ལ་བཀུག་ནས་བཅུག་པས་བསྐྱར་མ་ཐོབ་པ་རྣམས་ལ་ཚང་བར་ཡོད་སྙམ་མོ་ཞེས་ན་ཚོད་ཕྲས་པའི་སྟབས་ཀྱིས་ལན་རེ་གསན་པར་ཚང་མ་ཚང་བྱུང་ནའང་ཡང་ཡང་དུ་འདབས་པའི་དབང་གིས་ཚང་བར་ཐོབ་ཅེས་གསན་ཡིག་ཏུ་འབད་ནས་བྲིས་པ་ཡིན་འདུག །ཆོས་རྣམ་དག་མ་ཡིན་པར་ཐག་ཆོད་ན་བླ་མ་འཕགས་འོད་ལ་གསན་པའི་གསན་ཡིག་གི་ནང་དུ་གཉིས་མེད་རྣམ་རྒྱལ་གྱི་དབང་དང་རྒྱུད་ཐོབ་ཀྱང་བརྫུས་མ་ཡིན་འདུག་པས་འདིར་མ་བྲིས་སོ་ཞེས་ཐག་ཆོད་ཀྱི་གསལ་ཁ་དེ་ལྟ་བུ་དང་། གཞན་ཡང་ཆོས་འབྱུང་གི་བསྟན་འགྱུར་དཀར་ཆག་ཏུ་རྡོ་རྗེ་བཞེད་པའི་སྐོར་ཞེས་གསང་སྙིང་གི་ལུང་མང་དུ་དྲངས་ཤིང་བཤད་ཚུལ་ཡང་དེ་དང་མཐུན་པ། འདུས་པ་ཕྱི་མའི་འགྲེལ་བའི་བི་ཤྭ་མི་ཏྲས་མཛད་པ། གསང་སྙིང་ལ་ཁུངས་བཅོལ་བའི་མཉམ་སྦྱོར་གྱི་འགྲེལ་པ་བརྒྱ་བྱིན་སྡོང་པོས་མཛད་པ་རྣམས་བཞུགས་ཤིང་དེ་དག་ལ་ཀུན་མཁྱེན་བུ་དགྱེས་པ་སོགས་ཀྱིས་ཀྱང་ཤེས་ནུས་པས། དགོངས་གཅིག་ཀར་ཊཱིཀ་པ་སོགས་ཀྱིས་ལོག་རྟོོག་གི་རྩོད་པའི་རྒྱབ་རྟེན་མཁས་པ་བུ་ལ་འཆོལ་བར་སེམས་ཀྱང་གྲོག་མོ་མགོ་རྡུམ་གྱི་རྫུན་ཕུག་ནི་དེར་རྡིབ་བོ། །དེའང་སྒྱུ་འཕྲུལ་གསང་བ་སྙིང་པོའི་རྒྱ་དཔེའི་སློབ་དཔོན་པདྨའི་ཕྱག་དཔེ་དངོས་བསམ་ཡས་ནས་ཁ་ཆེའི་པཎྜི་ཏ་ཆེན་པོ་ཤཱཀྱ་ཤྲཱིས་རྙེད་པ་རིམ་གྱིས་རྟ་སྟོན་
གཟི་བརྗིད་ཀྱི་ལག་ནས་དཔལ་སྣར་ཐང་པ་བཅོམ་ལྡན་རལ་གྲིའི་ཕྱག་ཏུ་བྱུང་བ་ཆེས་ཆེར་དགྱེས་པས་གསང་སྙིང་སྒྲུབ་པ་རྒྱན་གྱི་མེ་ཏོག་མཛད་ཅིང་། ཡར་འབྲོག་ཤ་གད་ལོ་ཙཱ་བ་ཤེེས་རབ་བཟང་པོ་ལ་སྔོན་གྱི་རྒྱ་དཔེ་འདི་ལྟར་འདུག་པས་འབྲུ་ལེན་གྱིས་ལ་སྐུར་ཞེས་བསྲིངས་པའི་གསུང་བཞིན་བྲིས་ཏེ་ཕྱིར་ཕུལ་བའི་ཡི་གེའི་མཇུག་ཏུ། རྒྱུད་ཀུན་སྙིང་པོ་དཔལ་ལྡན་འདུས་པ་དང་། །དབྱེར་མེད་རྒྱུད་ཆེན་འདི་ལྟ་བུ་དང་གཞན། །ཟབ་མོའི་ཆོས་དང་ཐེག་ཆེན་ཆོས་རྣམས་ལ། །མཇལ་ནས་བཀའ་བཞིན་སྒྲུབ་པ་བྱེད་པར་ཤོག །ཅེས་བྲིས་ཤིང་། དེ་ནས་བྱང་རིག་པ་ཤེས་རབ་རྒྱ་མཚོས་རྒྱ་དཔེ་བཅོམ་ལྡན་རལ་གྲིའི་ཕྱག་ནས་གཡར་ཏེ་ཐར་པ་ལོ་ཙཱ་བའི་དྲུང་དུ་བསྣམས་ཏེ་བསྒྱུར་བར་བསྐུལ་བ་བཞིན་ཐར་ལོས་གསར་འགྱུར་མཛད་པའི་འགྱུར་བྱང་དུ། རྒྱུད་རྒྱལ་དཔལ་ལྡན་གསང་བའི་སྙིང་པོ་འདི། །འཛིན་པའི་མཁས་གྲུབ་ཉིད་ལ་བཀའ་ཉིད་དུ། །རྩོད་པ་མེད་མོད་འོན་ཀྱང་སྔ་དུས་སུ། །སྐད་གཉིས་སྨྲ་བ་ལྷས་བཙས་ལ་སོགས་པས། །བོད་ཀྱིས་བྱས་ཞེས་གངས་ཅན་འདིར་བསྒྲགས་པས། །མཁས་རློམ་འགའ་ཡང་ཐེ་ཚོམ་གནས་སུ་གྱུར། །དུས་ཕྱིས་གངས་རིའི་ཁྲོད་འདིར་མཁས་པའི་མཆོག །ཟབ་དང་རྒྱ་ཆེའི་གསུང་རབ་རྣམ་འབྱེད་ཅིང་། །བསྟན་པའི་ཁུར་འཛིན་མཁས་པའི་འདུན་ས་ན། །རྒྱལ་མཚན་ལྟར་མཐོ་དཔལ་ལྡན་རལ་གྲི་ཡིས། །རྒྱ་དཔེ་ལེགས་རྙེད་རྩོད་བྲལ་ཉི་ཟླ་ལྟར། །ཀུན་ལ་གསལ་མཛད་གཙུག་གི་རྒྱན་དུ་མཆོད། །དེ་ཕྱིར་འདི་ན་རྟོག་གེ་སྨྲ་བ་རྣམས། །དོན་ལ་དཔྱོད་པའི་བློ་གྲོས་རིང་བྱས་ནས། །གསང་སྙིང་བོད་ཀྱིས་བྱས་ཞེས་བསྒྲགས་པ་རྣམས། །ཆུ་རླབས་བཞིན་དུ་ངལ་བ་དོན་མེད་འགྱུར། །ཞེས་དང་།
བསྟན་པའི་ཉི་མ་ཕན་བདེའི་འོད་ཟེར་ཅན། །ཤར་རིའི་རྩེ་ནས་ནུབ་ཕྱོགས་ས་འཛིན་རྩེར། །ཉེ་བའི་དུས་འདིར་འདི་འདྲའི་རྒྱུད་ཟབ་མོ། །འཆད་ཉན་སྒོམ་པར་བརྩོན་པ་དེ་དག་གི །བསོད་ནམས་ཚད་ཀྱིས་གཟུང་བར་མི་ནུས་པས། །ཚིག་དོན་མཁས་པས་གཞན་ལ་བསྙད་པར་བྱ། །ཞེས་སོགས་རྒྱ་ཆེར་གསུངས་ཤིང་། །གསང་སྙིང་གི་རྒྱ་དཔེ་དེ་སྟེང་ནས་མང་རབ་ཟགས་པའི་ལྷག་མ་ནི་ཐམས་ཅད་མཁྱེན་པ་འགོས་ལོའི་ཕྱག་ཏུ་བྱུང་ཞེས་དེབ་སྔོན་དུ་གསལ། ཐང་སྐྱ་དཔལ་འཛིན་གྱིས། འཇིག་རྟེན་མཆོད་བསྟོད་དཀྱིལ་འཁོར་དུ། །བོད་ཀྱི་ལྷ་འདྲེ་འཛུད་ལུགས་ཀྱིས། །གཞན་དུ་འབྱུང་པོ་ཟད་དམ་ཅི། །ཞེས་སུན་འབྱིན་པ་ནི་གཟུངས་གྲ་ལྔར་ཡུལ་སོ་སོའི་གནོད་སྦྱིན་མང་དུ་བཀོད་པ་སོགས་མ་རིག་པའི་ཉེས་པས་ནོངས་ཤིང་། དངོས་བསྟན་གྱི་མིང་ཙམ་ལ་ཞེན་ན་དུས་འཁོར་དང་ཆོས་དབྱིངས་གསུང་དབང་སོགས་སུ་རྒྱུ་སྐར་ཉེར་བརྒྱད་སོགས་ཀྱང་ཡོད་ལ། གཙུག་དགུའི་དཀྱིལ་འཁོར་གྱི་ཕྱི་རོལ་ཏུ་རིགས་དྲུག་བཀོད་པ་སོགས་ཀྱིས་ཀྱང་ར་སྤུའི་འུར་རྡོ་བཞིན་རང་ཉིད་ལ་འཁོར་བ་ཁོ་ནར་ཟད་ཅིང་། ཡང་ཕུར་སོགས་ཀྱང་ཚད་ལྡན་མིན་པར་འདོད་པ་མང་དུ་བྱུང་ནའང་ཤངས་སྲེག་ཤིང་ནས་སློབ་དཔོན་ཆེན་པོའི་ཕྱག་གི་རྒྱ་དཔེ་རྩ་དུམ་ངོ་མ་རྙེད་པར་འཇམ་དབྱངས་ས་ལོས་འགྱུར་མཛད་པས་ཀྱང་ལོག་རྟོག་ཅན་རྣམས་མི་སྨྲ་བའི་ཏིང་ངེ་འཛིན་ལ་གནས་སོ། །རྫོགས་པ་ཆེན་པོའི་སྐོར་ནི་ལོ་ཆེན་བཻ་རོ་སོགས་ཀྱི་དུས་རྒྱ་གར་དུ་ཤིན་ཏུ་དར་ཡང་ཕྱིས་སུ་བསྟན་པའི་འཕེལ་འགྲིབ་ཀྱིས་ནུབ་པས་བསྟན་པ་ཕྱི་དར་གྱི་ལོ་ཙཱ་བ་རྣམས་ཀྱི་མ་རྙེད་པ་རྒྱུ་མཚན་དུ་བྱས་ནས་བཻ་རོ་ཙཱ་ནའི་སྙིང་ལ་ལྷའི་བུའི་བདུད་བཞུགས་ཞེས་པ་སོགས་ཀྱི་
ངན་སྨྲས་མང་དུ་བྱེད་ནའང་། ཇོ་བོ་ཆེན་པོ་ཨ་ཏི་ཤ་གསང་སྔགས་ལ་ཤིན་ཏུ་མཁས་ཤིང་ཐུགས་རྒྱལ་ཡང་ཆེ་བར་བསམ་ཡས་སུ་ཕེབས་ནས་པེ་ཧར་གླིང་དུ་བཞུགས་ཏེ་ནག་ཚོ་ལོ་ཙཱ་བ་དང་གཉིས་ཀྱིས་ཉི་ཁྲི་སྣང་བ་དང་དབྱིག་གཉེན་གྱི་ཐེག་བསྡུས་སོགས་བསྟན་བཅོས་མང་དུ་བསྒྱུར། རྒྱ་དཔེ་མང་པོ་འདུག་པ་གཟིགས་པས་རྫོགས་ཆེན་སོགས་ཡོ་ག་གསུམ་གྱི་དཔེ་རྒྱ་གར་ན་མེད་པ་མང་པོ་རྙེད་པས་སྔོན་བོད་དུ་བསྟན་པ་བྱུང་བ་འདྲ་རྒྱ་གར་དུའང་བྱུང་བ་དཀའ། དཔེ་འདི་འདྲ་བ་རྣམས་སློབ་དཔོན་པདྨས་མི་མ་ཡིན་གྱི་ལག་ནས་བླངས་སམ་ཞེས་གསུངས་ཏེ་ཐུགས་རྒྱལ་ཆག་སྐད། དེའི་ཕྱིར་ཨོ་རྒྱན་ཆེན་པོ། ཤིནྟཾ་གརྦྷ། བི་མཱ་ལ་སོགས་སངས་རྒྱས་གཉིས་པ་ལྟ་བུ་རྣམས་དང་བཻ་རོ་ཙ་ན་དང་གནུབས་སངས་རྒྱས་ཡེ་ཤེས་སོགས་རྫུ་འཕྲུལ་དང་རྐང་མགྱོགས་ཐོབ་པའི་ལོ་ཙཱ་བ་མང་པོས་རྙེད་པའི་ཆོས་ཀྱི་མཐའི་ཚད་ནི་མཁས་པར་རློམ་པ་གཞན་དག་གིས་གཟུང་བའི་གནས་མ་ཡིན་ཏེ། ཁྱིམ་ཞག་གི་དཀྱིལ་འཁོར་རེར་ཉི་མས་གོ་ལའི་ལམ་བསྐོར་བར་ས་ཀུ་རྩིས་རང་ཉམས་ལ་དཔགས་ཏེ་སྨད་པ་དང་འདྲ། དཔལ་འཛིན་གྱིས་གསར་མའི་རྒྱུད་འགྲེལ་སྒྲུབ་ཐབས་འདི་ཙམ་ཞིག་འགྱུར་བ་ལ་རྫོགས་པ་ཆེན་པོ་ཞེས་པའི་མིང་ཙམ་ཡང་མེད་ཅེས་སྨྲ་བ་ནི་རང་ཉིད་ཀྱིས་མ་མཐོང་བ་ཁོ་ན་རྒྱུ་མཚན་དུ་བྱས་པ་སྟེ། འཇམ་དཔལ་ཞལ་ལུང་ལས། རྫོགས་པ་ཆེན་པོ་ཡེ་ཤེས་སྤྱིའི་གཟུགས་ཅན་ཞེས་དང་། སྒྲུབ་ཐབས་ཀུན་ཏུ་བཟང་མོར་ཡང་རྫོགས་པ་ཆེན་པོ་ཞེས་བཤད་ཅིང་། ཞལ་ལུང་གི་འགྲེལ་པར་གསང་བ་སྙིང་པོ་ནས་བཤད་པའི་ནུས་པའི་དབང་ལྔ་པོ་དེ་སྨོས་ནས་དེ་དང་ཆ་མཐུན་པ་རྣལ་འབྱོར་ཆེན་པོའི་རྒྱུད་ལས་
གསུངས་པར་བཤད་པ་སོགས་རྣམ་གྲངས་ཆེས་མང་། དེའང་དཀར་ཆག་ཕང་ཐང་མ་དང་ལྡན་དཀར་མ་སོགས་སུ་གསང་སྔགས་ཕྱིའི་རྒྱུད་རྣམས་ཞིབ་མོར་བཀོད་པའི་རྗེས་སུ། གསང་སྔགས་ནང་གི་རྒྱུད་རྣམས་ནི་ཆེས་གཉན་པས་རེ་ཞིག་འདིར་མ་བཀོད་ཅེས་གསུངས་པའི་གསང་སྔགས་ནང་རྒྱུད་ནི་གསང་འདུས་རྩ་རྒྱུད་དང་སངས་རྒྱས་མཉམ་སྦྱོར་སོགས་ཐོར་བུ་མ་གཏོགས་གསར་མ་རྒྱུད་འབུམ་ན་བཞུགས་པ་ཕལ་ཆེར་པཎ་ཆེན་སྨྲྀ་ཏི་དང་ལོ་ཆེན་རིན་བཟང་མན་གྱིས་བསྒྱུར་བ་ཤ་སྟག་ཡིན་པས་བསྟན་པ་སྔ་དར་ལ་འོང་དོན་མེད་པས་ན། དཀར་ཆག་ཁུངས་མ་དེ་དག་ཏུ་རེ་ཞིག་མ་བཀོད་པའི་གསང་སྔགས་ནང་རྒྱུད་སྔགས་རྙིང་མ་ཡོ་ག་གསུམ་གྱི་རྒྱུད་ལས་གཞན་དུ་ངོས་འཛིན་རྒྱུ་མེད། དཀར་ཆག་ཏུ་རེ་ཞིག་མ་བཀོད་གསུང་བ་དང་རྗེ་ཁྲི་སྲོང་ལྡེའུ་བཙན་གྱིས་རྣལ་འབྱོར་བླ་མེད་ཁྱབ་གདལ་དུ་བསྒྱུར་བ་བཀག་པའི་ལོ་རྒྱུས་དང་། བཻ་རོ། ནུབ། རྨ་གཉགས་སོགས་ལོ་ཙཱ་བ་མང་པོས་བླ་མེད་ཀྱི་སྐོར་སྦས་པའི་ཚུལ་གྱིས་བསྒྱུར་བའི་བཤད་ཁུངས་རྣམས་ཀྱང་གུང་མཐུན་ནོ། ། དེ་ལྟར་བསྟན་པ་སྔ་དར་དུ་འགྱུར་བ་རྙིང་མ་རྒྱུད་འབུམ་དུ་གྲགས་པའི་སྐོར་ལ་བཀའ་གཏེར་གཉིས་སུ་བཞུགས་པའི་གཏེར་ཁ་གོང་འོག་ལྡང་མ་ལྷུན་རྒྱལ་སོགས་ཀྱི་གཏེར་བྱོན་ནས་ཆོས་ཀྱི་བཞུགས་ཚུལ་ལ་ཁ་སྐོང་བར་མེད་དུ་མི་རུང་བ་འགའ་ཞིག་མ་གཏོགས་གཙོ་བོར་བཀའ་ནས་བཀར་བརྒྱུད་པའི་རྒྱུད་ཕྱོགས་གཅིག་ཏུ་བཞུགས་པའི་རྒྱུན་ཡིན་ཞིང་། ལྷུན་གྲུབ་ཕོ་བྲང་གི་རྒྱུད་འབུམ་དུ་གཏེར་རྒྱུད་མང་པོས་ཁ་བསྐངས་ཤིང་། གསུང་སྤྲུལ་ཚུལ་ཁྲིམས་རྡོ་རྗེའི་གསན་ཡིག་ཏུའང་བཀའ་བརྒྱད་དགོངས་འདུས་སོགས་ཀྱི་རྒྱུད་
མང་ཙམ་འདྲེན་པ་མཛད་འདུག་ཀྱང་དེ་དག་རྣམས་ནི་སོ་སོའི་ཆོས་སྡེའི་སྐབས་འབྱུང་བས་འདིར་ཟུར་དུ་འདྲི་བའི་དགོས་པ་ལྷག་པོའང་མི་སྣང་ལ། བཀའ་མ་ནི་སྔོན་ཆད་ལོ་ཙཱ་བ་རྣམས་ཀྱིས་བསྒྱུར་བ་ལས་སྤྲོས་པའི་སླད་ནས་སླར་འགྱུར་རྙིང་མར་མ་ཟད་གསར་མ་ལའང་ད་ནི་དུས་དབང་གིས་ཡོད་པའི་དོགས་གནས་ཙམ་ཡང་མི་འདུག་པས་སླར་སྣོན་བྱུང་དོགས་མ་དགོས་ཤིང་། གཏེར་སྟོན་ཆོས་རྗེ་གླིང་པ་དང་རོག་རྗེ་གླིང་པ་གཉིས་ཐང་ཡིག་ཏུ་གསལ་བ་སྔར་མ་བྱུང་ཞིང་། དེར་མི་གསལ་བའི་གཏེར་སྟོན་བསྟན་འགྲོའི་ཆེད་དུ་མང་དུ་འབྱུང་བས་ན་གཏེར་རྒྱུད་ཀྱི་མཐའ་འདི་ཞེས་ཐུག་པ་མེད་པའི་ཕྱིར་རྒྱུད་འབུམ་དུ་བྲིས་པས་ཀྱང་མི་ལང་བས་འགད་གཙང་པོ་མི་འབྱུང་བའི་རྒྱུ་མཚན་གྱིས་བཀའ་མའི་རྒྱུན་ཡོད་གཙོ་བོར་བྱས་ཏེ་བཀོད་པ་ཡིན་ལ། དེའང་ཐེག་པ་ལ་རིམ་འཛེག་དང་ཡས་འབབ་གཉིས་ལས་གསར་རྙིང་གི་རྒྱུད་འབུམ་བཞུགས་ཚུལ་ཡས་འབབ་ཏུ་ཡོད་པ་ཤས་ཆེ་བས་དེ་དག་གི་རྗེས་སུ་འབྲངས་ཏེ་ཐེག་པ་རིམ་པ་དགུ་ལས་ཀུན་གྱི་ཡང་རྩེ་ནས་བརྩམས་ཏེ་གོ་རིམ་དུ་བསྟར་བ་ལ། རྫོགས་པ་ཨ་ཏི་ཡོ་ག །ལུང་ཨ་ནུ་ཡོ་ག །བསྐྱེད་པ་མ་ཧཱ་ཡོ་ག་གསུམ། དང་པོ་ལ། སེམས་མ་ཡིན་པའི་ཆོས་ལོགས་ན་མེད་པས་སྣ་ཚོགས་སེམས་ཀྱི་སྡེ། ཆོས་ཉིད་ཀུན་ཏུ་བཟང་མོའི་ཀློང་ལས་འགྲོ་ས་གཞན་མེད་པར་སྨྲ་བ་ཀློང་གི་སྡེ། ཡིན་ལུགས་གནད་ཐོག་ཏུ་འབེབས་པས་མན་ངག་གནད་ཀྱི་སྡེ་ཞེས་གྲགས་ཆེ་ཞིང་། ཐུབ་བསྟན་ཡོངས་སུ་རྫོགས་པའི་མཁས་གྲུབ་ཆེན་པོ་ཡེ་བཟང་རྩེ་བའི་ཞབས་ཀྱིས། སེམས་སྡེ་ནི་ལྔ་བཻ་རོ་ཙ་ན་དང་། བཅུ་གསུམ་བི་མཱ་ལ་ལས་བྱུང་བ་ཡིན་ལ། ཀློང་སྡེའང་བཻ་རོ་ཙ་ན་ལས་བྱུང་
བའི་མན་ངག་གོ །མན་ངག་གི་སྡེ་ནི་སྙིང་ཐིག་ཅེས་གྲགས་ཏེ་བི་མ་ལ་མི་ཏྲ་ལས་བྱུང་ཞིང་། དེའི་སློབ་མ་ཉང་ཏིང་འཛིན་བཟང་པོ་ལས་ བརྒྱུད་དེ་གསུམ ་པོ་འདི་དག་ནི་བོད་ཀྱི་ཁམས་འདིར་ཤིན་ཏུ་དར་རོ། །ཞེས་གསུངས་པ་ལྟར་ཡང་ཏི་སྤྱི་ཏི་སོགས་ཀྱང་སྡེ་གསུམ་གྱི་ཁོངས་སུ་འདུ་བའི་དབང་དུ་མཛད་པ་དོན་ལ་མི་གནས་པའང་མ་ཡིན་ཞིང་། དེའང་བཻ་རོས་ཤྲཱི་སིངྷ་ལ་གསན་པའི་སེམས་ཕྱོགས་སྐོར་ལ་རྣམ་གྲངས་མང་ཡང་སྒོས་རྒྱུད་སེམས་མེད་བཅོ་བརྒྱད་ལ་རིང་བརྒྱུད་སློབ་དཔོན་འཇམ་དཔལ་བཤེས་གཉེན་དང་ཤྲཱི་སིངྷའི་བར་དུ་བླ་མ་ཉི་ཤུ་ཙམ་ཡོད་ཀྱང་། ཉེ་བརྒྱུད་ནི་མཁས་པ་ཡེ་བཟང་རྩེ་བའི་དེབ་སྔོན་དུ། ཡང་རྫོགས་པ་ཆེན་པོ་སེམས་ཕྱོགས་སུ་གྲགས་པ་འདི་རྣམས། སློབ་དཔོན་སངས་རྒྱས་ཡེ་ཤེས་ཞབས་ཀྱི་བླ་མ་རྗེ་བཙུན་འཇམ་དཔལ་དབྱངས་ཀྱིས་བཎྜེ་ཆུང་མ་ཅན་དུ་བསྟན་ནས། ཞལ་ལུང་ལ་སོགས་པའི་ཡེ་ཤེས་ཞབས་ཀྱི་ཆོས་སྐོར་རྣམས་བྱུང་བའི་ཁུངས། འཇམ་དཔལ་བཤེས་གཉེན་དེ་ཉིད་ལ་པཎྜི་ཏ་ཤྲཱི་སིངྷ་གསན། དེ་ལ་བཻ་རོ་ཙ་ནས་གསན་པ་ཡིན་ལ། བཻ་རོས་ཁམས་སུ་བྱོན་ནས་རྒྱ་ཆེར་གསུངས། ཞེས་པ་ལྟར་བརྒྱུད་པ་ཉེ་བརྒྱུད་འདི་ཉིད་གཙོ་ཆེ་བར་མཛད་ཅིང་། དེའང་སློབ་དཔོན་ཤྲཱི་སིངྷ་སྤ་གོར་བཻ་རོ་ཙ་ན་དང་གཙང་ལེགས་གྲུབ་ལ་རྒྱུད་ཉི་ཤུ་རྩ་ལྔ། ལུང་ཆེན་པོ་བཅོ་བརྒྱད་བཤད་པས་ལེགས་གྲུབ་ཚིམ་ནས་རྒྱལ་པོ་ལ་ངོ་སོ་འདོད་དེ་སྔོན་ལ་འོངས། བཻ་རོས་སླར་ཡང་ཞུས་པས་མན་ངག་རྒྱ་མཚོའི་ཀློང་བཤད། དེས་ཀྱང་མ་ཚིམ་པར་ཕྱི་རྩིས་རྒྱ། ནང་གསང་རྒྱ། གསང་བ་རྒྱའུ་ཆུང་། དགོངས་པ་གཏད་རྒྱའི་སྐོར་སོགས་ཀློང་སྡེའི་དབང་གདམས་ངག་དང་
བཅས་པ་གནང་ཡང་དེས་བློ་ཁ་མ་ཁེངས་པས་སླར་ཡང་རྒྱུད་སྡེའི་སྐོར་ལ་སོགས་པའི་གདམས་ངག་མང་དུ་བྱིན། དེས་ཀྱང་མ་ཚིམ་པར་སྐེ་ཚང་དང་གབ་པའི་སྐོར་སོགས་རྒྱུད་དང་གདམས་ངག་ཟབ་ལ་རྒྱ་ཆེ་བ་བཤད་ནས་ད་ཚིམ་མམ་གསུངས་པར། ད་དུང་མ་ཚིམ་ཞུས་པར་བརྟེན་ཤན་འབྱེད་བྲམ་ཟེ་དང་ལ་ཟློ་རྒྱལ་པོའི་སྐོར་སོགས་ཀྱི་རྒྱུད་གདམས་པ་བསྟན་པས་བཻ་རོས་དཔེ་རྣམས་ཀྱི་དོན་རྩོལ་བ་མི་དགོས་པར་མངོན་སུམ་དུ་མཐོང་བ་ཞིག་ཞུ་ཞུས་པས་དྷ་ཧེ་ནའི་འདུ་ཁང་ཆེན་པོར་གསལ་བྱེད་རིན་ཆེན་འབར་བ་ལ་བརྟེན་ནས་རྒྱལ་ཐབས་སྤྱི་བླུགས་རྫོགས་པའི་དབང་བསྐུར་ཏེ་མན་ངག་འཕྲུལ་གྱི་ལུང་བཅུ་ཕོག །ལྷུན་གྲུབ་གསུམ་གྱི་དབང་བསྐུར་ནས་སྐུ་གསུམ་ཐུག་ཕྲད་ཀྱི་མན་ངག་བྱིན། ཐིག་ལེ་ཆེན་པོའི་དབང་བསྐུར་ནས་སེམས་ཉིད་འགྱུར་མེད་ཀྱི་མན་ངག་བྱིན། མི་འགྱུར་བ་བརྟན་པའི་དབང་བསྐུར་ནས་སྤྱོད་ལམ་རིག་པའི་མན་ངག་བྱིན། རིག་པ་སྤྱི་བླུགས་ཀྱི་དབང་བསྐུར་ནས་ཡེ་ཤེས་ངོས་འཛིན་གྱི་མན་ངག་བྱིན། གཉིས་མེད་འདྲེས་པའི་དབང་བསྐུར་ནས་ཕྱག་རྒྱ་ཆེན་པོའི་མན་ངག་བྱིན། རྡོ་རྗེ་ལུང་གི་དབང་བསྐུར་ནས་རྒྱབ་ཚན་སྒོམ་པའི་མན་ངག་བྱིན། དེ་ལྟར་དབང་བདུན་རྫོགས་པར་བསྐུར་ནས་ཐུག་ཕྲད་གསུམ་གྱིས་རང་གྲོལ་མངོན་སུམ་དུ་ངོ་སྤྲད། མངོན་སུམ་ཉིད་ཀྱི་ཚད་ལ་ཕབ། ཐིག་ལེ་དྲུག་གིས་རྣམ་རྟོག་གི་སྤྲོས་པ་བཅད། ཆེ་བ་ལྔས་སྤྲོས་པའི་དགོངས་པ་ཁྱད་པར་དུ་སྤགས་ཏེ་རྩོལ་བ་མེད་པར་ཡེ་ནས་སངས་རྒྱས་པའི་དོན་ཉིད་མངོན་དུ་གྱུར་པར་མཛད་པས་སེམས་གློང་གི་སྐོར་བཀའ་མ་བོད་དུ་འགྱུར་བ་ཕལ་ཆེར་ལོ་ཆེན་འདིའི་བཀའ་དྲིན་ལས་བྱུང་བ་ཤས་ཆེ། དེའང་བཻ་རོ་ཙ་ན་བློན་པོའི་ཕྲ་མས་ཚ་བ་རོང་དུ་སྤྱུགས་
པ་ན་སྔར་གྱི་གྲོགས་གཙང་ལེགས་གྲུབ་ཀྱི་སྐྱེ་བ་གཡུ་སྒྲ་སྙིང་པོ་ལ་རྫོགས་ཆེན་བཤད་པར་རྒྱ་གར་དུ་གྲགས་པའི་ཕྱིའི་སྐོར། རྩ་བའི་རྒྱུད་ལྔ། ཡན་ལག་གི་རྒྱུད་བདུན། བཤད་པའི་རྒྱུད་བཞི་སྟེ་བཅུ་དྲུག །ཀུན་བྱེད་རྒྱལ་པོ་མ་བུ་དགུ་སྐོར་འགྲེལ་པ་ལྡེ་མིག་དང་བཅས་པ་རྒྱུད་སྡེའི་སྐོར། སེམས་སྡེ་བཅོ་བརྒྱད་མན་ངག་ངོ་སྤྲོད་དང་བཅས་པ་སེམས་སྡེའི་སྐོར། གློང་དཀར་ནག་སོ་སོར་མ་བུ་གཉིས་དང་། གློང་ཆེན་རབ་འབྱམས་མ་བུ་བཞི་གློང་སྡེའི་སྐོར། སྣང་སྟོང་ཡེ་ཤེས། ལྟ་སྒོམ་སྤྱོད་འབྲས་སོགས་ཀྱི་བམ་པོ་བརྒྱ་སྐོར་གྱིས་བམ་པོའི་སྐོར། མདོ་ལུང་མདོ་རྩ་མདོ་འགྲེལ་གསུམ་གྱིས་མདོ་ལུང་སྐོར། མ་སྟོང་པའི་ཡེ་ཤེས་དང་བུ་རིག་པའི་ཡེ་ཤེས་གཉིས་ཀྱིས་མ་བུའི་སྐོར། བཀའ་རྫོང་གཉན་རྫོང་གཉིས་ཀྱིས་རྫོང་གི་སྐོར། མན་ངག་སྙན་བརྒྱུད་ཆེ་ཆུང་གཉིས་ཏེ་སྙན་བརྒྱུད་སྐོར། བསམ་གཏན་བརྒྱད་ཅུ་པས་བསམ་གཏན་སྐོར་ཏེ་སེམས་ཕྱོགས་དགུའི་རྣམ་གྲངས་དང་འགྱུར་ལུགས། ནང་སྐོར་ལ་རྒྱ་གར་ན་རིག་པ་བླ་མའི་རྒྱུད་ཅེས་བྱ་བ་མ་བུ་གསུམ་ལས་བོད་དུ་འགྱུར་ལུགས་རྒྱུད་དྲུག་ལོ་རྒྱུས་དང་བདུན། འཕྲུལ་གྱི་ལྡེ་མིག་དང་བརྒྱད། འཁོར་ལོ་གསུམ། རིན་པོ་ཆེ་རྒྱན་གྱི་མན་ངག་སྟེ་རྣམ་གྲངས་བཅུ་གཅིག་ཚང་བའི་བྲམ་ཟེའི་སྐོར། གཞན་ཡང་རིག་པ། གབ་པ། རྨད་བྱུང་། སྙིང་པོ། རྫོགས་ཆེན་ལྡེེ་མིག་སྟེ་སྐོར་ཚོ་དྲུག །གསང་སྐོར་ལ་རྒྱ་གར་དུ་གསང་རྒྱུད་ཆེན་པོ་གཅིག །ཡང་ཏི་སྤྱི་ཏི་གཉིས་དང་རྣམ་གྲངས་གསུམ་ལས་འགྱུར་ལུགས་གསང་སྐོར་ཟབ་མོ་དགུའི་ནང་ནས་གྲགས་སོགས་ཟབ་མོ་སྐོར་དྲུག །སྡེ་བཞི་གསུམ་སོགས་པཎྜི་ཏ་ལུགས་ཀྱི་བཤད་ཐབས། སྔགས་ཀྱི་རྩ་བ་གསུམ་སྟེ་རྣལ་འབྱོར་པ་ལུགས་ཀྱི་བཤད་
ཐབས། གྲུབ་མཐའ་བཀོད་པའི་མན་ངག་བཞི། རྒྱུད་གསེར་མགོ་ཅན་ལུང་ཐོ་ཡིག་ཅན། མན་ངག་ཕྲ་ཡིག་ཅན་གསུམ་རྣམས་བཤད། དབང་གི་ཆུ་བོ་བདུན་བསྐུར། གཞན་ཡང་གནས་ལུགས། འཁྲུལ་ཚུལ། རྟོགས་ཐབས་གོམས་སྟོབས། འབྲས་བུ་རྣམས་གཙོ་བོར་སྟོན་པའི་རྒྱུད་ལྔ། གློང་དགུ །ཡན་ལག་གི་རྒྱུད་ཉེར་ལྔ། དགའ་རབ་རྡོ་རྗེ་མན་ངག་ཕྲན་བུ་བཅོ་བརྒྱད། རིག་འཛིན་གྱི་ཆོས་བཞི། དེར་མི་གཏོགས་པ་ཀུ་ཀུ་རཱ་ཛའི་ཉི་མའི་སྙིང་པོ། ཤྲཱི་སིདྷའི་རིན་པོ་ཆེའི་རྒྱན་དང་ཕྲེང་བ། བཻ་རོ་ཉིད་ཀྱི་བསམ་གཏན་དོན་ གསུམ་སོགས་མདོར་ན་ལས་ཚོགས་མན་ངག་བསྟན་སྲུང་དང་བཅས་པ་གཡུ་སྒྲ་ལ་གཏད། དེའང་བརྒྱུད ་པ་དང་པོ་བཻ་རོ་མ་སྤྱུགས་གོང་དུ་རྗེ་མངའ་བདག་ཁྲི་སྲོང་ལྡེ་བཙན་ལ་སེམས་སྡེ་སྔ་འགྱུར་ལྔ་དང་མན་ངག་རྒྱ་མཚོའི་གློང་སོགས་གསུངས་པ། ཚ་མོ་རོང་གི་བྲག་ལ་མགོན་པོའི་དགོན་པར་གཡུ་སྒྲ་སྙིང་པོ། ཚ་བ་རོང་གི་སྟག་ཙེ་མཁར་གྱི་དགོན་པར་གསང་སྟོན་ཡེ་ཤེས་བླ་མ། སྟོད་ཁུད་རོང་གི་བྲག་དམར་རྫོང་གི་དགོན་པར་དབང་སངས་རྒྱས་མགོན་པོ་ལ་གསུངས་ཤིང་། སླར་དབུས་སུ་བྱོན་ནས་དགེ་སློང་མ་ལི་བཟའ་ཤེས་རབ་སྒྲོལ་མ་ལ་གསུངས་པ་སྟེ་རིམ་པ་ལྔར་གྲགས་པ། བརྒྱུད་པ་བར་མ་གཡུ་སྒྲས་རྨ་གཉགས་གཉིས་ལ་གསུངས་པ། བརྒྱུད་པ་ཕྱི་མ་གཡུ་སྒྲས་དཔང་སངས་རྒྱས་མགོན་པོ། རྒྱ་ཡེ་ཤེས་གཞོན་ནུ། སྤས་རྡོ་རྗེ་རྒྱལ་མཚན་སོགས་ལ་གསུངས་པར་ངོས་འཛིན། སློབ་དཔོན་བཻ་རོ་ཁམས་སུ་བྱོན་རྗེས་དེ་ཉིད་ཀྱི་ཞལ་ཆེམས་བཞིན་རྒྱ་གར་ནས་པཎ་ཆེན་བི་མཱ་ལ་མི་ཏྲ་སྤྱན་དྲངས་སེམས་མེད་བཅོ་བརྒྱད་ལས་ཕྱི་འགྱུར་བཅུ་གསུམ། འདི་དང་སངས་རྒྱས་གསང་བ་གཉིས་གཅིག་པར་སྔགས་རྙིང་མ་བ་རྣམས་འདོད་ཅེས་དེབ་སྔོན་དུ་སྣང་། སེམས་སྡེ་ཉེར་གཅིག་གི་སྐོར་རགས་རིམ། ཁྱད་པར་མན་ངག་གི་སྡེ་ལ་ཤྲཱི་སིངྷས་ཕྱི་ནང་
གསང་གསུམ་དུ་ཕྱེ་བ་ཕྱི་ཤིང་སྒྲོམ་སྐྱ་བོ། ནང་བསེ་སྒྲོམ་སྨུག་པོ། གསང་བ་བཻཌཱུརྱའི་གའུ་དངུལ་གྱི་པར་བཀབ་ཅན་ཏེ་སྐོར་ཚོ་གསུམ་དུ་བྱུང་བའི་དང་པོ་ལ་རྩ་བ་སྐུ་གསུང་ཐུགས་ཡོན་ཏན་འཕྲིན་ལས་ཀྱི་རྒྱུད་ལྔ། གྱེས་པ་ཡལ་གའི་ཚུལ་གྱི་རྒྱུད་བཞི། རྒྱས་པ་ལོ་འདབ་ཀྱི་ཚུལ་དུ་ལུང་གི་བཀའ་ཆེན་བཞི། གསལ་བ་མེ་ཏོག་གི་ཚུལ་དུ་པོ་ཏི་སྨུག་ཆེན་སྨུག་ཆུང་། སྨིན་པ་འབྲས་བུའི་ཚུལ་དུ་སེམས་ལུང་ཆེན་མོ། བསེ་སྒྲོམ་སྨུག་པོ་ལ་རྟོག་པ་ཡེ་ཤེས་ཀྱི་འཁོར་ལོ་ནང་དུ་བསྐོར་བའི་རྒྱུད་སྡེ་ཆེན་པོ་བཅུ་གསུམ། གསང་བ་བཻཌཱུརྱའི་གའུ་ལ་མེ་ལྕེ་འཕྲེང་བ། གཙུག་ན་མེ་འབར། འཇམ་དཔལ་ཡེ་ཤེས་རྒྱན་དང་དགོངས་པ་འདུས་པ། སྤུ་གྲི་སྡེ་དྲུག་གི་བཤད་རྒྱུད། བཀོལ་བ་དུམ་བུའི་རྒྱུད། ཨ་ཏིའི་གཟེར་མིག་ཆེ་ཆུང་རྣམས་བི་མཱ་ལ་དང་གཉགས་ཀྱི་འགྱུར་དེ་དག་གི་ཁ་སྐོང་ཐིག་ལེ་ཀུན་གསལ་སོགས་རྒྱུད་ཉེར་དགུ། །གསང་བ་བླ་ན་མེད་པ་ལྕགས་སྒྲོམ་ནག་པོའི་སྐོར་ཞེས་པ་རྒྱུད་བཅུ་བདུན། བཀའ་སྲུང་ཁྲོས་ནག་གི་རྒྱུད་དང་བཅོ་བརྒྱད་བིརྨཱ་ལས་ཉང་ཏིང་འཛིན་བཟང་པོར་བཤད་པ། རྫོགས་ཆེན་སྤྱི་ཏིའི་སྐོར་སློབ་དཔོན་ཆེན་པོ་པད་མ་འབྱུང་གནས་ཀྱིས་གཉགས་ཛྙཱ་ན་ཀུ་མཱ་ར་སོགས་ལ་གསུངས་པ། ཡང་ཏིའི་སྐོར་ཨོ་རྒྱན་ཆེན་པོས་མངའ་བདག་ཁྲི་སྲོང་ལྡེ་བཙན་ལ་གསུངས་པ་མང་ཞིང་གཙོ་ཆེ་ལ། སྤྱིར་ཡང་ཡོ་ག་གསུམ་གྱི་བསྟན་པ་འདི་དང་པོར་གཉགས་ལ་བབས། བར་དུ་གནུབས་ལ་བབས། མཐའ་མར་ཟུར་ལ་བབས་པའི་གཉགས་ཛྙཱ་ན་ཀུ་མཱ་ར་ལ་ཐུགས་ཟིན་དཔལ་གྱི་བུ་བཞིའམ་བརྒྱད་ལ་སོགས་པའི་སློབ་མ་མང་དུ་བྱུང་བ་མཐའ་དག་འཇའ་ལུས་རྡོ་རྗེའི་སྐུ་གྲུབ་པ་ཤ་སྟག་ཡིན་ཞིང་གཉགས་ཀྱིས་ཨ་རོ་ཡེ་ཤེས་
འབྱུང་གནས་ལ་རྫོགས་ཆེན་གསུངས་པར་ཕྱི་སྐོར། ནང་སྐོར། གསང་སྐོར། གཟེར་སྐོར། སྡེ་སྐོར། སྤྲུལ་སྐོར་ཏེ་དྲུག་ཏུ་གྲགས་པ་སོགས་ཨ་རོ་ཁམས་ལུགས། གཉགས་ཀྱིས་ཉང་མཆོག་རབ་གཞོན་ནུ་ལ་བཤད་པས་ཉང་ལུགས། གཉགས་ཀྱིས་སོག་པོ་དཔལ་གྱི་ཡེ་ཤེས་ལ་བཤད། དེས་གནུབས་སངས་རྒྱས་ཡེ་ཤེས་རིན་པོ་ཆེ་ལ་བཤད་པས་རོང་ལུགས། རོང་ལུགས་ལའང་བཤད་སྲོལ་བཞིར་གྲགས་པའི་གནུབས་ཀྱིས་སྲས་བཞིའི་སོགས་ཡེ་ཤེས་དབང་ཕྱུག་ལ་ལྟ་བ་སྒང་དྲིལ་དུ་བཤད། སྤ་གོར་བློ་ཆེན་འཕགས་ལ་གབ་པ་མངོན་ཕྱུང་དུ་བཤད། དན་ཡོན་ཏན་མཆོག་ལ་གཏར་ཁ་གེགས་སེལ་ལྟར་དུ་བཤད། སྲུ་ལེགས་པའི་སྒྲོན་མ་ལ་ཟབ་མོ་ཁོང་ལྟོ་རུ་བཤད། སྲས་ཀྱི་ཐུ་བོ་ཡོན་ཏན་རྒྱ་མཚོ་ལ་སྒང་དྲིལ་མངོན་ཕྱུང་ཁོང་སྡེབས་ཁོང་ལྟོ་གེགས་སེལ་རྣམས་ཚང་བར་གསུངས། སོག་པོ་དཔལ་གྱི་ཡེ་ཤེས་ནས་སྐོར་སྟོན་ཤེས་རབ་ཡེ་ཤེས་ལ་ བརྒྱུད་པར་སྐོར་ལུགས། གསུམ ་པོས་མཆིམས་ཕུར་བཤད་པས་མཆིམས་ལུགས། ཅོག་རོས་འགར་ལ་བཤད་པས་ཅོག་རོ་ལུགས། དར་རྗེ་དཔལ་གྱི་གྲགས་པས་འཕྱོང་དྲུག་ཏུ་དཔྱད་པས་རྟོག་ཆོས་སུ་གྲགས། དེས་ཁམས་སུ་བཤད་པས་ཁམས་ལུགས་དང་། སླར་ཡང་དབུས་སུ་འཕེལ་བས་དབུས་ལུགས་སོགས་རྣམ་གྲངས་ཆེས་མང་ཞིང་། ལྷ་རྗེ་ཟུར་པོ་ཆེས་སྔ་འགྱུར་གྱི་བསྟན་པ་ཉམས་ཤིང་འཐོར་བ་དག་ལེགས་པར་བསྡུས་ཏེ་རྩ་བ་དང་བཤད་རྒྱུད་འགྲེལ་པར་བསྡེབས། སྒྲུབ་ཐབས་དང་ཆོ་ག་ཡིག་སོགས་ལ་བརྟེན་ནས་སློབ་མ་འབངས་རྩེ་མོ་བཞི། རྩེ་ཀོག་ལྔ། སྒོམ་ཆེན་བརྒྱ་རྩ་བརྒྱད་སོགས་དང་། ཡང་སློབ་ཀ་བ་བཞི། གདུང་མ་བརྒྱད། གདུང་ཕྲན་སུམ་ཅུ་རྩ་གཉིས། ཡུལ་པོ་ཆེ་མི་གཉིས་སོགས་མང་དུ་བྱུང་བས་བསྟན་རྒྱུན་དེང་སང་གི་བར་དུ་གནས་པ་དང་། ཉང་ཆོས་
དབང་རྡོ་རྗེ་གླིང་པའི་ཟབ་གཏེར་ལས་བྱོན་པ་མཐའ་ཀླས། རྒྱུད་སོ་སོ་གང་དུ་གཏོགས་ཀྱི་ངོས་འཛིན་སྤྱིར་རྫོགས་ཆེན་དུ་མ་ཟད་ཡོ་ག་གསུམ་གའི་སྐབས་སློབ་དཔོན་སོ་སོའི་བཞེད་ཚུལ་མི་འདྲ་བ་མང་ཞིང་། རྫོགས་ཆེན་སྐོར་ལའང་གོང་མ་རྣམས་ཀྱི་དཀར་ཆག་ཆོས་འབྱུང་གསན་ཡིག་སོགས་སུ་དགོངས་བཞེད་མི་མཐུན་པའི་རྣམ་གྲངས་མང་བ་འདུག་པ་དོན་ལ་མི་འགལ་ཡང་གནས་སྐབས་སུ་དགོངས་པ་འགྲེལ་ཚུལ་མ་གཅིག་པ་མཐའ་དག་དགོངས་མཐུན་ཕྱོགས་གཅིག་ཏུ་སྒྲིག་དཀའ་ཞིང་། ཆོས་འབྱུང་རྙིང་པ་རྣམས་དང་པཎ་ཆེན་སྐུ་མཆེད་ཀྱི་གསན་ཡིག་ཚོར་དེང་སང་དཔེ་རྒྱུན་ཆོས་རྒྱུན་གཉིས་ཀ་ནུབ་པའང་ཁ་ཤས་ཡོད་འདྲ་བ་སོགས་ནས་མཐའ་ཆོད་པ་ཞིག་བློས་དཔོག་པའི་ཡུལ་ལས་འདས་ནའང་། ཀུན་མཁྱེན་ཆོས་ཀྱི་རྒྱལ་པོ་ཀློང་ཆེན་རབ་འབྱམས་ཀྱི་གྲུབ་མཐའ་མཛོད། རྒྱལ་པའི་སྲས་པོ་ཐུགས་མཆོག་རྡོ་རྗེ་རྩལ་གྱིས་མཛད་པའི་ཆོས་འབྱུང་རིན་ཆེན་གཏེར་མཛོད། གཏེར་ཆེན་ཆོས་ཀྱི་རྒྱལ་པོ་རཏྣ་གླིང་པའི་གསན་ཡིག་གི་རྒྱུན། རྗེ་མངའ་བདག་ཁྲི་སྲོང་ལྡེ་བཙན་གྱི་ཡང་སྲིད་མངའ་རིས་པཎ་ཆེན་པད་མ་དབང་རྒྱལ་རྡོ་རྗེ་དང་གཅུང་མཆོག་གི་སྤྲུལ་སྐུ་ལེགས་ལྡན་བདུད་འཇོམས་རྡོ་རྗེ་གཉིས་ཀྱི་གསན་ཡིག་སོགས་ལ་ཞིབ་མོར་དཔྱད། ཁྱབ་བདག་སྨན་ལུང་པ་ཆེན་པོ་བློ་གྲོས་མཆོག་གི་རྡོ་རྗེའི་གསན་ཡིག་ཏུ་ཐོག་མར་ཞིབ་དཔྱོད་མཛད་བཞེད་པ་ལ་འཆད་ཉན་སྒོམ་སྒྲུབ་སོགས་འཕྲིན་ལས་ཀྱིས་རྣམ་པར་གཡེངས་པའི་གཏང་སྙོམས་སུ་ལུས་ཏེ་གོང་ར་ལོ་ཙཱ་བའི་ཐོབ་ཡིག་སོར་བཞག་བཤུས་པ་ཡིན་ཚུལ་དང་། དར་རྒྱས་ཆོས་སྡིངས་པར་རིག་འཛིན་འཕྲིན་ལས་ལྷུན་གྲུབ་ཀྱི་གསན་ཡིག་ཀྱང་འགོ་བརྗོད་དང་བླ་བརྒྱུད་ཙམ་མ་གཏོགས་གོང་ར་པའི་དེ་ག་སོར་བཞག་ཡིན་འདུག་པ། གོང་ར་པའི་དེར་
རྒྱུད་ལ་ལ་སྡེ་ཚན་འདིར་གཏོགས་ཀྱི་གསལ་ཁའང་མེད་ཅིང་སེམས་ཕྱོགས་ཀྱི་རྒྱུད་འགར་མ་ལྡངས་ལྷག་ལ་ཞེས་པ་དང་འགའ་རེར་ཁྱེད་རྣམས་གང་ནས་ཕེབས་དང་འདིར་བཞུགས་ཆེར་ཞུ་མ་ཤེས་པ་དང་། རྒྱུད་ཕལ་ཆེར་རྒྱ་ཅན་འདི་རྣམས་ཟེར་བ་སོགས་དགོས་མེད་ཀྱི་ཚིག་མང་བ་ལས་གཅིག་ཏུ་ངོས་འཛིན་གྱི་ཐ་སྙད་ཆུང་བ་དང་བརྒྱུད་པའི་སྐབས་རྒྱུད་རེ་རེ་ཙམ་གྱི་མིང་སྨོས་ཏེ་སོགས་ཁོངས་ནས་ཅི་རིགས་པའི་བརྒྱུད་པ་ནི་ཞེས་དྲངས་ནས་ཆོས་དང་བརྒྱུད་པ་ཤིག་མཛུབ་སྤྲོད་རྒྱུ་མེད་པའི་ཟོམ་སྐྱོན་ཤིན་ཏུ་ཆེ་བར་སྣང་། གསུང་སྤྲུལ་ཚུལ་ཁྲིམས་རྡོ་རྗེའི་གསན་ཡིག་དངོས་ནི་སྒྲོས་གཙང་བ་འདུག་ཀྱང་གོང་གི་ཆོས་ཚན་རྣམས་སྡེ་སོ་སོའི་དབྱེ་བ་དང་རྟགས་སོགས་གསལ་མི་གསལ་སྣ་ཚོགས་ལ་གཤམ་དུ་བརྒྱུད་པ་རྣམས་སྡེབས་སུ་བགྲངས་པར་བརྟེན་རྫོགས་ཆེན་སྐོར་གྱི་ཆོས་དང་བརྒྱུད་པ་ངོ་འཕྲོད་མི་འཕྲོད་སྣ་ཚོགས་ཤིག་འདུག་པས། རིག་འཛིན་རཏྣ་གླིང་པ་སྤྱིར་འཁྲུལ་མེད་ཀྱི་གཏེར་སྟོན་ཆེན་པོ་ཡིན་པར་མ་ཟད་སྔ་འགྱུར་རྒྱུད་འབུམ་གྱི་བསྟན་པའི་མེ་རོ་ལེགས་པར་བསོས་ཏེ་སྲོག་འཐུད་པ་ལྟ་བུར་མཛད་པ་ནས་གཏེར་སྟོན་ཞིག་པོ་གླིང་པ་རིན་ཅེན་དཔལ་བཟང་གིས་གསན་ཡིག་གི་རྒྱུན་ལ་གཞི་བྱས། ཆོས་འབྱུང་དང་གསན་ཡིག་ཁུངས་ཐུབ་གཞན་རྣམས་དང་ཡང་བསྟུན་ཏེ་བཀོད་པ་ལ། ཡང་ཏིའི་སྐོར། སྤྱི་ཏིའི་སྐོར། མན་ངག་གི་སྡེའི་སྐོར། གློང་སྡེའི་སྐོར། སེམས་སྡེའི་སྐོར་དང་ལྔ། དང་པོ་ལ། བཀའ་རྩིས་ལས། རིམ་གྱི་བྱང་ཆུབ་ཐོབ་ཐབས་ཆོས་མང་གི༔ ཅིག་ཅར་བྱང་ཆུབ་ཐོབ་ཆོས་འདི་ན་མཆིས༔ དེ་གང་ཞེ་ན་སངས་རྒྱས་མཉམ་སྦྱོར་སྐོར༔ མཐར་ཐུག་ཡིན་ནོ་སྙིང་གི་དཀྱིལ་དུ་ཆོངས༔ ཞེས་སངས་རྒྱས་གཉིས་པ་དཔལ་ཨོ་རྒྱན་གྱི་སློབ་དཔོན་ཆེན་པོ་པད་མ་ཐོད་ཕྲེང་རྩལ་གྱིས་བཀའ་
སྩལ་པ་ལྟར་མངའ་བདག་གསུང་གི་སྤྲུལ་པ་གུ་རུ་རིན་པོ་ཆེ་ཆོས་ཀྱི་དབང་ཕྱུག་གིས་གནམ་སྐས་ཀླུ་བདུད་དབུ་གཙུག་ནས་སྤྱན་དྲངས་པའི་ཡང་ཏི་རྫོགས་པ་ཆེན་པོ་སངས་རྒྱས་མཉམ་སྦྱོར་གྱི་ཆོས་སྡེར་བཞུགས་པའི་མ་རྒྱུད་སྤྲོས་བྲལ་དོན་གསལ་ཆེན་མོ་ལེའུ་བརྒྱ་དང་ཉི་ཤུ་རྩ་ གསུམ་པ་དཔལ་ཨོ་རྒྱན་ཆེན་པོས་སྒྲ་རང་བསྒྱུར་དུ་མཛད་པའི་ལུང་ལེགས་པར་ཐོབ་པའི་བརྒྱུད ་པ་ནི། ཆོས་སྐུ་ཀུན་ཏུ་བཟང་པོ། ལོངས་སྐུ་རྡོ་རྗེ་སེམས་དཔའ། སྤྲུལ་སྐུ་དགའ་རབ་རྡོ་རྗེ། རིག་འཛིན་ཤྲཱི་སིངྷ། ཨོ་རྒྱན་པདྨ་འབྱུང་གནས། མཁའ་འགྲོ་ཡེ་ཤེས་འཚོ་རྒྱལ། ཆོས་རྒྱལ་ཁྲི་སྲོང་ལྡེའུ་བཙན། གཏེར་སྟོན་ཆོས་ཀྱི་དབང་ཕྱུག །ཡར་ཀླུང་སྤྲུལ་སྐུ་ཤཱཀྱ་འོད། དྭགས་སྟོན་དབང་ཕྱུག་རྡོ་རྗེ། གཉགས་སྟོན་ཡེ་ཤེས་རྡོ་རྗེ། སེ་སྡེངས་པ་སངས་རྒྱས་དཔལ། སེ་སྡེངས་པ་ཡོན་ཏན་བཟང་པོ། མཁར་པོ་ཆོས་སྐུ་འོད་ཟེར། མཚུངས་མེད་དཔལ་འབྱོར་དབང་ཕྱུག །སྤྲུལ་སྐུ་ཆོས་ཀྱི་དབང་པོ། མཁས་གྲུབ་ཀརྨ་གུ་རུ། རྒྱལ་སྲས་ཀརྨ་དབང་འབྱོར། ཁྱབ་བདག་ཁྲ་ཚང་པ་བློ་མཆོག་རིག་པའི་རྡོ་རྗེ། དེས་བདག་ཟ་ཧོར་བནྡེ་ལའོ། །ཡང་ན་གཏེར་སྟོན་ནས། རྒྱལ་སྲས་པད་མ་དབང་ཆེན། མཚན་ལྡན་ཆོས་ཀྱི་རྒྱལ་མཚན། དྲིན་ཅན་མ་སངས་རྒྱས་ཀུན་གྲོལ། གུ་རུ་ཆོས་ཀྱི་རྡོ་རྗེ། སྤྲུལ་སྐུ་ནོར་བུ་འཛིན་པ། ཆོས་རྗེ་ནོར་བུ་དོན་གྲུབ། དྲིན་ཅན་སངས་རྒྱས་ནོར་བཟང་། མཉམ་མེད་བཤེས་གཉེན་ཆོས་རྒྱལ། གུ་རུ་བསམ་འཕེལ་ནོར་བུ། སྤྲུལ་སྐུ་ཆོས་ཀྱི་དབང་པོ་མན་གོང་ལྟར་རོ། །ཉེ་བརྒྱུད་ནི། གཏེར་སྟོན་ནས། དྲིན་ཅན་མ། ཆོས་ཀྱི་རྡོ་རྗེ། ནོར་བུ་འཛིན་པ། ནོར་བུ་དོན་གྲུབ། བཤེས་གཉེན་ཆོས་རྒྱལ། ཆོས་ཀྱི་དབང་པོ་མན་གོང་བཞིན་ནོ། །ཡང་
ན་ནོར་བུ་འཛིན་པ་ནས། དོན་ཡོད་རྒྱལ་མཚན། བཤེས་གཉེན་ནོར་བུ། བཤེས་གཉེན་ཆོས་རྒྱལ་མན་འདྲ། ཡང་ན་ཀརྨ་གུ་རུ་ནས། བྲག་སྣ་བ་ཀུན་མཁྱེན་དབང་ཕྱུག །ཁྱབ་བདག་སྨན་ལུང་པ་མན་གོང་ལྟར་རོ། །ཡང་ན་ཀརྨ་གུ་རུ་ནས། རང་གྲོལ་ནམ་མཁའ་ཆོས་དབང་། རྗེ་སྨན་ལུང་པ་མན་འདྲ། ཡང་ན་ཀརྨ་གུ་རུ་ནས། འཁྲུལ་ཞིག་ཆོས་དབང་བསམ་གྲུབ། མཉམ་མེད་ཆོས་དབང་ཀུན་བཟང་། རིག་འཛིན་ཀརྨ་གསང་སྔགས། ཟུར་ཀུན་མཁྱེན་ཆོས་དབྱིངས་རང་གྲོལ། དེས་བདག་ལའོ། །འདིས་མཚོན་པའི་རྒྱུད་གྲགས་ཆེ་བ་ནོར་སོ་མེད་པ་རྣམས་ལ་ཐོག་མཐའ་བར་གསུམ་གྱི་ལེའུའི་བརྗོད་དོན་འགོད་མ་དགོས་ཤིང་། དམངས་མ་རྣམས་ལ་དེ་ལྟར་མ་བཀོད་ན་གསར་མ་རྒྱུད་འབུམ་དང་མི་འདྲ་བའི་རྒྱུད་རྣམ་གྲངས་མང་ཞིང་མཚན་དང་ལེ་གྲངས་གཅིག་པ་ལ་དོན་མི་མཐུན་པ་སོགས་འོང་འདུག་པ་ནས་རྗེས་སུ་དཔེ་རྒྱུན་དང་སྒོ་བསྟུན་པའི་ཚེ་ཡིད་ཆེས་ཀྱི་གནས་སུ་འགྱུར་བའི་ཕྱིར་ཡི་གེའི་ཚེགས་ལ་མ་རྩེགས་པར་བཀོད་པ་ལེགས་པར་མངོན་ནོ། །རྒྱུད་ཐམས་ཅད་ཀྱི་རྩེ་རྒྱལ་ནམ་མཁའ་འབར་བའི་རྒྱུད་ལ། འདི་སྐད་ཅི་ཡང་མིང་མེད་མཐའ་སྟོང་འབེབས་ཀྱི་རྒྱུད་པཎ་ཆེན་སྐུ་མཆེད་ཀྱི་གསན་ཡིག་ཏུ་སྤྱི་ཏིར་མཛད་པ་དོན་ལ་མི་འགལ། མང་ཐོས་བསམ་བརྗོད་དམིགས་པའི་ཡུལ་ལས་འདས་པའི་དུས་མཐའ་མེད་པའི་དུས་ན། གནས་ཀྱི་རྒྱལ་པོ་མུ་མཐའ་གྲོལ་བ་ན། སྟོན་པའི་རྒྱལ་པོ་མིང་མེད་ཀུན་གྲོལ་བཞུགས་པ། སོགས་གླེང་གཞི་ཕུན་སུམ་ཚོགས་པ་དང་འཁོར་གྱིས་གླེང་བསླང་ཞུས་པའི་ལེའུ་དང་པོ། སེམས་ཀྱི་རང་བཞིན་བསྟན་པ་གཉིས་པ། སེམས་ཀྱི་ངོ་བོ་གསལ་བ་གསུམ་པ། སྣང་བ་སྟོང་པ་རིག་པ་གསུམ་དུ་ཆོས་རྣམས་གྲོལ་བར་བསྟན་པ་ཉི་ཤུ་པ། གྲོལ་བར་བྱེད་པའི་གདམས་པ་
བསྟན་པ་ཉེར་གཅིག་པ། ཡང་ཏི་ཡོ་གའི་ངེས་ཚིག་བསྟན་པ་སོ་བརྒྱད་པ། རྒྱུད་ཀྱི་མཚན་གཟུང་བ་སོ་དགུ་པ། རྒྱུད་གཏད་པའི་སྣོད་བསྟན་པ་བཞི་བཅུ་པའོ། །སྨན་ལུང་ནས་དང་དར་སྡིངས་པའི་གསན་ཡིག་ན་ཤྲཱི་རཏྣ་བཛྲ་གྱིས་བཤད་ཅིང་དཔལ་ཧེ་རུ་ཀས་བསྒྱུར་ཞེས་སྣང་བ་བཀའ་མའི་འགྱུར་བྱང་ཡིན་པ་འདྲ། སློབ་དཔོན་ཆེན་པོ་པད་མ་འབྱུང་གནས་དང་སྐ་བ་དཔལ་བརྩེགས་ཀྱིས་བསྒྱུར་ཅིང་རྒྱལ་པོ་ཁྲི་སྲོང་ལྡེ་བཙན་ལ་གཏད་པ་མངའ་བདག་ཉང་གི་གཏེར་མ། རྒྱུད་ཐམས་ཅད་ཀྱི་སྤྱི་ཕུད་ཉི་ཟླ་བཀོད་པ་ནམ་མཁའི་མཐའ་དང་མཉམ་པའི་རྒྱུད་ལ། འདི་སྐད་བདག་གིས་རྟོགས་པ་བཤད་པའི་དུས་གཅིག་ན་ཆོས་ཉིད་ཀྱི་གློང་སྙིང་པོ་ཀ་ནས་དག་པའི་གནས་འོད་གསལ་རྣམ་དག་རིན་པོ་ཆེ་སྣང་གསལ་ཉི་ཟླའི་དཀྱིལ་འཁོར་ན་བཅོམ་ལྡན་འདས་སྙིང་པོ་ཀ་དག་ཆོས་ཀྱི་སྐུ་བཞུགས་ཞེས་སོགས་གླེང་གཞི་ཕུན་སུམ་ཚོགས་པ་དང་འཁོར་གྱི་གླེང་བསླང་ཞུས་པའི་ལེའུ་དང་པོ། གཞི་འཁྲུལ་རྩད་ཆོད་ངོ་ཤེས་པས་འཁྲུལ་པ་དང་། མ་འཁྲུལ་བ་མེད་པར་བསྟན་པ་བདུན་པ། མིང་མེད་མཐའ་སྟོང་རྟོགས་པ་བརྒྱད་པ། རྒྱུད་གཏད་པའི་ལེའུ་བཅོ་ལྔ་པའོ། ལོ་པཎ་དང་གཏེར་གོང་འདྲ། ནམ་མཁའ་འབྲུག་སྒྲོག་ཐོག་བབས་ཀ་དག་སྐྱེ་མེད་ཆོས་སྐུ་གཏན་འབེབས་ཀྱི་རྒྱུད་པཎ་ཆེན་སྐུ་མཆེད་ཀྱི་སྤྱི་ཏིར་མཛད། གློག་འདུས་སྤྱི་རྒྱལ་ཆུ་སྲིན་ནོར་བུ་༼དར༽འཁྲུལ་གྱི་རྒྱ་མདུང་ལ། འདི་སྐད་བདག་གིས་ཅི་ཡང་མ་ཐོས་ཅིར་ཡང་མཚོན་ཚིག་ཏུ་མ་བརྗོད་དུས་མེད་པ་ན་སྙིང་པོའི་གློང་ན་ཀ་དག་ཆོས་སྐུ་བཞུགས་པ་སོགས་ཕུན་སུམ་ཚོགས་པ་དང་གླེང་བསླང་དང་། གླེང་གཞིའི་ལེའུ་དང་པོ། འཁོར་གྱིས་གླེང་བསླང་དྲིལ་པ་གཉིས་པ། འཁོར་འདས་མེད་པར་བསྟན་པ་དྲུག་པ།
བག་ཆགས་ལས་ཀྱི་རྣམ་སྨིན་མེད་པར་བསྟན་པ་དགུ་པ། རྒྱུད་ཀྱི་མཚན་དཔེ་བསྟན་པ་བཅུ་པའོ། །སྒྱུར་བྱེད་ཀྱི་ལོ་པཎ་དང་གཏེར་སྟོན་གོང་དང་འདྲ་བ། ལྟ་བ་ལ་ཤན་ཆེན་པོ་རིན་ཆེན་སྒྲོན་མ་རྩ་བའི་རྒྱུད་ལ། མིང་མེད་མཐའ་སྟོང་གཏན་དབེབས་ཀྱི་རྒྱུད་པཎ་ཆེན་སྐུ་མཆེད་ཀྱིས་སྤྱི་ཏིར་མཛད། འདི་སྐད་བདག་གིས་རྟོགས་པའི་དུས་ཤིག་ན་མ་བྱུང་མ་སྐྱེས་མཉམ་པ་ཆེན་མོ་ཆོས་དབྱིངས་རྒྱ་ཆེར་ཕྱོགས་ལྷུང་མེད་པ་རང་བཞིན་གྱི་མིང་ལས་འདས་པའི་གནས་ན་སྙིང་པོ་རང་བྱུང་བློ་ལས་འདས་པའི་སྟོན་པ་སོགས་གླེང་གཞིའི་ལེའུ་དང་པོ། གནས་ལུགས་གཏན་ལ་ཕབ་པ་གཉིས་པ། ཆོས་དང་ཐེག་པ་ལས་འདས་པར་ལ་ཟླ་བ་དྲུག་པ། ཐེག་པ་རིམ་པ་ལས་ཁྱད་པར་དུ་འཕགས་པའི་རྫོང་བཅའ་བ་བདུན་པ། བར་དོ་བསྟན་པ་བཅུ་གསུམ་པ། རྒྱུད་གཏད་པ་བཅུ་བཞི་པའོ། །ལོ་པཎ་དང་གཏེར་གོང་དང་འདྲ་བ། ཡེ་ཤེས་རྩ་བའི་རྒྱུད་ཆེན་འཇམ་དཔལ་འདུས་པ་ལས་བསྡུས་པ་རྩ་རླུང་ཐིག་ལེའི་རྒྱུད་ལ། ཀུན་བཟང་རྫོགས་པའི་སངས་རྒྱས་ཀྱིས་ཞེས་སོགས་གླེང་གཞིའི་ལེའུ་དང་པོ་ན། ནད་རང་སར་གྲོལ་བ་བཞི་པ། རྩ་རླུང་གི་ལེའུ་བདུན་པའོ། ཡང་ཏི་ནག་པོ་སྒོམ་པ་སྲོག་གི་སྤུ་གྲི་རྡོ་རྗེ་སེམས་དཔའི་ཐུགས་ཀྱི་རེག་ཆོད་རོ་ལངས་བདེ་བའི་ཐུགས་ཀྱི་སྲོག་གི་ཐིགས་པ། བརྒྱུད་པ་གསུམ ་པ་ལྟ་བ་ལ་ཐལ་གྱི་རྒྱུད་མེད་དུ་རྫོགས་པ། པཎ་ཆེན་སྐུ་མཆེད་ཀྱི་གསན་ཡིག་ན་བྲམ་ཟེའི་སྐོར་དུ་མཛད། ཡང་ཏི་ནག་པོ་གསེར་གྱི་འབྲུ་༼དར༽གཅིག་བ་སྣང་བྱེད་སྤུ་གྲིའི་རྒྱུད་ལེའུ་མེད་པ། ཀུན་བཟང་སྲོག་གི་ཐིག་པ་འབྲས་བུ་ཡེེ་གྲོལ་ཆེན་པོའི་རྒྱུད་ལེའུ་མེད་པ། པཎ་ཆེན་སྐུ་མཆེད་ཀྱི་གསན་ཡིག་ཏུ་སེམས་སྡེར་ཡོད། ཐིག་ལེ་མཐོང་གྲོལ་གྱི་རྒྱུད་རིག་པ་གཅུད་༼དར༽བྱུང་གི་བརྡ་སྲོག་གི་མཆན་པ་ཡང་ཏི་ནག་པོ་སྲོག་གི་འཁོར་ལོའི་རྒྱུད་ལེ་མེད། གསུང་སྤྲུལ་རྗེ་སྨན་ལུང་བ་དར་སྡིངས་པ་གསུམ་གྱི་གསན་ཡིག་
ན་མཐོང་རྟོལ་ཞེ་སྣང་། པཎ་ཆེན་སྐུ་མཆེད་ཀྱི་གསན་ཡིག་ཏུ་སེམས་སྡེར་ཡོད། རྒྱུད་ཀྱི་རྩེ་རྒྱལ་ཉི་ཟླ་འོད་འབར་མཁའ་གློང་རྣམ་དག་རྒྱ་མཚོ་གློང་གསལ་གྱི་རྒྱུད་ལ། པཎ་ཆེན་སྐུ་མཆེད་ཀྱི་གསན་ཡིག་ན་མི་གསལ་ཡང་གསུང་སྤྲུལ་ཁྲ་ཚང་དར་སྡིངས་གསུམ་ཡི་གསན་ཡིག་ན་སྤྱི་ཏི་ཉང་གཏེར་དུ་ངོས་བཟུང་འདུག་མིང་མེད་མངའ་སྟོང་གཏད་འབེབས་ཀྱི་རྒྱུད། འདི་སྐད་བདག་གིས་ཅི་ཡང་མ་ཐོས་པ་གང་དུའང་མཚོན་བརྗོད་ལས་འདས་པའི་དུས་མེད་ན་བཀོལ་མེད། གནས་སུ་ཀ་དག་སྟོན་པ་སོགས་ཕུན་སུམ་ཚོགས་པ་དང་ཆོས་ཚིག་ཉི་ཤུ་རྩ་གཅིག་གི་གླེང་བསླང་གི་ལེའུ་དང་པོ། དངོས་པོ་གཉིས་ཀྱི་གནས་ལུགས་གཉིས་པ། ཡང་ཏི་རྩོལ་སྒྲུབ་འདས་པ་ལ་ལྟ་སྒོམ་སྤྱོད་འབྲས་མི་དགོས་པར་བསྟན་པ་བཅུ་གཉིས་པ། ཡང་ཏི་ཉི་ཟླའི་སྙིང་པོ་ཐེག་དགུ་མ་སྤངས་རང་གིས་རྫོགས་པ་བཅུ་གསུམ་པ། མཚན་བཤད་པ་ཉེར་གསུམ་པ། རྒྱུད་གཏད་པ་དང་སྣོད་ཀྱི་ཁྱད་པར་བསྟན་པའི་ལེའུ་ཉེར་བཞི་པའོ། །ཨོ་རྒྱན་ཆེན་པོ་པད་མ་འབྱུང་ནས་དང་ལོ་ཙཱ་བ་སྐ་བ་དཔལ་བརྩེགས་ཀྱིས་བསྒྱུར་བ་སལ་མའི་བྲག་ཕུག་ཏུ་སྦས་པ་མངའ་བདག་ཉང་དང་སྙེ་མོ་ཞུ་ཡས་གནོད་བྱིན་འབར་གྱིས་བཏོན་པ། རྡོ་རྗེ་སེམས་དཔའ་ཡི་གེ་བརྒྱ་པ་དབང་མཆོག་རྒྱལ་པོའི་རྒྱུད་ལ། འདི་སྐད་བདག་གིས་ཅི་ཡང་མ་ཐོས་པ་གང་དུའང་མཚོན་བརྗོད་ལས་འདས་པའི་དུས་མེད་ན་བཀོལ་མེད། གནས་སུ་ཀ་དག་སྟོན་པ་སོགས་ཕུན་སུམ་ཚོགས་པ་དང་ཆོས་ཚིག་ཉི་ཤུ་རྩ་གཅིག་གི་གླེང་བསླང་གི་ལེའུ་དང་པོ། དངོས་པོ་གཤིས་ཀྱི་གནས་ལུགས་གཉིས་པ། ཡང་ཏི་རྩོལ་སྒྲུབ་འདས་པ་ལ་ལྟ་སྒོམ་སྤྱོད་འབྲས་མི་དགོས་པར་བསྟན་པ་བཅུ་གཉིས་པ། ཡང་ཏིའི་ཟླའི་སྙིང་པོ་ཐེག་དགུ་མ་སྤངས་རང་གིས་རྫོགས་པ་བཅུ་གསུམ་པ། མཚན་བཤད་པ་ཉེར་གསུམ་པ། རྒྱུད་གཏད་པ་དང་སྣོད་ཀྱི་ཁྱད་པར་བསྟན་པའི་ལེའུ་སྟེ་ཉེར་བཞི་པའོ། །ཨོ་རྒྱན་ཆེན་པོ་པད་མ་འབྱུང་གནས་དང་ལོ་ཙཱ་བ་སྐ་བ་དཔལ་བརྩེགས་ཀྱིས་བསྒྱུར་བ་སལ་མའི་བྲག་ཕུག་ཏུ་སྦས་པ་མངའ་བདག་ཉང་དང་སྙེ་མོ་ཞུ་ཡས་གནོད་སྦྱིན་འབར་གྱིས་བཏོན་པ། རྡོ་རྗེ་སེམས་དཔའ་ཡི་གེ་བརྒྱ་པ་དབང་མཆོག་རྒྱལ་པོའི་རྒྱུད་ལ། འདི་སྐད་བདག་གི་ཐོས་པའི་དུས་གཅིག་ན་དེ་བཞིན་གཤེགས་པ་ཐམས་ཅད་འོག་མིན་རྡོ་རྗེ་གནས་ཀྱི་དང་པོ་ན་བཞུགས་ཏེ་ཞེས་སོགས་གླེང་གཞི་ཕུན་སུམ་ཚོགས་པའི་ལེའུ་དང་པོ། སྔོན་བྱུང་རྒྱུ་རྐྱེན་གཏམ་རྒྱུད་གཉིས་པ། བསྟན་སྲུང་གི་ལེའུ་བཅུ་གསུམ་པ། ནོངས་པ་དབང་གསོལ་ཕྱག་རྟེན་གྱི་སྐབས་ལས་དཀྱིལ་འཁོར་བསྡུས་པ་བཅུ་བཞི་པ། སྒྱུ་མ་བཤགས་མཆོད་སྨོན་ལམ་ཉེར་བདུན་པ། མཚན་དཔེ་དང་ཡོངས་སུ་གཏད་པའི་ལེའུ་ཉེར་བརྒྱད་པའོ། །
ཨོ་རྒྱན་གྱི་མཁན་པོ་པད་མ་འབྱུང་གནས་དང་ལོ་ཙཱ་བ་ནམ་མཁའི་སྙིང་པོས་བསྒྱུར་བ། རྡོ་རྗེ་སེམས་དཔའ་ཡི་གེ་བརྒྱ་པ་ཐུགས་འཕྲིན་ལས་དམ་ཚིག་གི་རྒྱུད་ལ། འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་རྡོ་རྗེ་འཆང་ཆེན་པོ་འོག་མིན་གྱི་དང་པོ་རྡོ་རྗེ་དབྱིངས་ན་བཞུགས་ཏེ་སོགས་ཕུན་སུམ་ཚོགས་པ་ཞུ་ལན་གྱི་ལེའུ་སྟེ་དང་པོ། ཞུ་ལན་ཁོག་དབུབ་གཉིས་པ། མཆོད་སྦྱིན་བཅུ་གསུམ་པ། གསོན་ལྟར་གདབ་པ་བཅུ་བཞི་པ། ཉམས་པ་མཆོད་པ་ཉེར་དྲུག་པ། དཔའ་བོའི་མཚན་བསྟན་པ་ཉེར་བདུན་པ་ཕྱག་ན་རྡོ་རྗེས་བསྡུས་ཏེ་ཨོ་རྒྱན་ཆེན་པོ་ལ་གཏད་པ་ཆོས་དབང་རིན་པོ་ཆེས་གཏེར་ནས་སྤྱན་དྲངས་པ་རྣམས་ལེགས་པར་ཐོབ་པའི་བརྒྱུད་པ་ནི། ཆོས་སྐུ་ཀུན་ཏུ་བཟང་པོ། རྡོ་རྗེ་སེམས་དཔའ། དགའ་རབ་རྡོ་རྗེ། འཇམ་དཔལ་བཤེས་གཉེན། ཤྲཱི་སིངྷ། ཨོ་རྒྱན་སངས་རྒྱས་གཉིས་པ། རྗེ་ཁྲི་སྲོང་ལྡེ་བཙན། གཉགས་ཛྙཱ་ན་ཀུ་མཱ་ར། དེས་སྲས་བུ་ཆེན་དཔལ་བརྒྱད། སྔ་ཚར་སོག་པོ་དཔལ་གྱི་ཡེ་ཤེས། འོ་བྲན་དཔལ་གྱི་གཞོན་ནུ། གཉན་ཆེན་དཔལ་གྱི་དབྱངས་སྒྲགས། ཐང་བཟང་དཔལ་གྱི་རྡོ་རྗེ། ཕྱི་ཚར་ལམ་མཆོག་དཔལ་གྱི་རྡོ་རྗེ། དར་རྗེ་དཔལ་གྱི་གྲགས་པ། གྲ་ཆེན་དཔལ་གྱི་སྙིང་པོ། ལྷ་ལུང་དཔལ་ཀྱི་རྡོ་རྗེ་རྣམས། ཡང་ན་ཛྙཱ་ན་ཀུ་མཱ་རས་གཉགས་ཀླུའི་དབང་ཕྱུག་ལ། དེས་ཉང་པོ་ཀླུའི་རྒྱལ་མཚན། སྤ་ལུ་འཕགས་པ་ཤེས་རབ། འབྲོག་མི་ཚུལ་ཁྲིམས་རྒྱལ་མཚན། ཞང་ཛྙཱ་ན་ཤེས་རབ། ཁམས་པ་ཡེ་ཤེས་ཚུལ་ཁྲིམས། བྱང་ལམ་གྱི་པ་ཚབ་སྟོང་གྲགས། བྱང་ནགས་ཤོད་ཀྱི་ཡེ་ཤེས་སྙིང་པོ། བྱང་སྒོམ་རིན་ཆེན་བཟང་པོ། བྱང་པོ་འཇམ་དཔལ། ཤངས་པ་ནག་པོ། གླན་རྡོ་རྗེ་འོད། སྲས་བསོད་ནམས་རྒྱལ་མཚན། འགོས་དངོས་གྲུབ་རྒྱལ་མཚན། སྲས་བསམ་གྲུབ་འཕེལ། འགོས་དངོས་གྲུབ་མགོན། བླ་མ་
ཤཱཀྱ་རྒྱལ་མཚན། བླ་མ་དཔལ་བཟང་པ། རྒྱལ་སྨན་སྔོ་ཐོགས་པ་རྡོ་རྗེ་རྒྱལ་མཚན། གཉལ་པ་བདེ་ལེགས་དཔལ། གྲ་རི་ཁྲོད་པ་རོག་འཇམ་དབྱངས་བཤེས་གཉེན། རོག་ཤེས་རབ་འོད་ལ་ཡིད་དམ་གྱི་ལྷས་ལུང་བསྟན་པའི་གདུང་རབས་ཉེར་ལྔ་བྱུང་བའི་བརྒྱད་པ་རིན་ཆེན་ཆོས་རྒྱལ་བར་སྲས་བདུན་ཡོད་པའི་བཞི་པ་ཡིན། འདིའི་གཅུང་ལ་རྒྱལ་སྲས་ཤེས་རབ་བཟང་པོ་ཟེར། གྲ་ཨར་དགེ་བ་ཆོས་དཔལ་རྒྱལ་མཚན། ཕྱམ་དགོན་པ་མེས་སྒོམ་བསམ་གཏན་དཔལ་བཟང་པོ། ལང་འགྲོའི་རྣམ་སྤྲུལ་གཏེར་ཆེན་ཆོས་ཀྱི་རྒྱལ་པོ་རཏྣ་གླིང་པ། རྒྱལ་སྲས་ཚེ་དབང་གྲགས་པ། རྗེ་བཙུན་ངག་དབང་གྲགས་པ། མཉམ་མེད་ངག་དབང་ནོར་བུ། བི་མཱ་ལའི་རྣམ་སྤྲུལ་ནོར་བུ་ཡོངས་གྲགས། རྒྱལ་བའི་སྲས་པོ་ནོར་བུ་དབང་རྒྱལ། གསུང་སྤྲུལ་ཚུལ་ཁྲིམས་རྡོ་རྗེ། རྗེ་གར་དབང་ཚུལ་ཁྲིམས་རྒྱལ་མཚན། སྤྲུལ་པའི་སྐུ་མཆོག་གཏེར་སྟོན་གཏེར་བདག་གླིང་པ། དེས་བདག་ཟ་ཧོར་བནྡེ་ལ་བཀའ་དྲིན་དུ་སྩལ་ཏོ། །དར་གྱི་རྟགས་ཡོད་པའི་ལུང་བརྒྱུད་ལུགས་གཅིག་ནི། སྲས་ནོར་བུ་དབང་རྒྱལ་ནས། བྱ་བཏང་ནོར་བུ་ཆོས་བརྟན། གནུབས་བན་རྣམ་སྤྲུལ་རིག་འཛིན་འཕྲིན་ལས་ལྷུན་གྲུབ། དེ་སྲས་གཏེར་བདག་གླིང་པ། དེས་བདག་ལའོ། །གོང་གསལ་ནས་ཉང་དང་ཆོས་དབང་གི་གཏེར་མ་རྣམས་ལ་གཏེར་བརྒྱུད་གཅིག་པཎ་ཆེན་སྐུ་མཆེད་ཕྱོགས་ལ་འདུག་ཀྱང་བརྒྱུད་པ་དེ་ལས་མ་ཐོབ་ཅིང་ལྷུན་གྲུབ་ཕོ་བྲང་ཕྱོགས་ལ་གསལ་ཁ་མི་སྣང་། མ་ནས་གཏེར་བརྒྱུད་རྣམས་གཏེར་མ་ཁེ་རྐྱང་མིན་པའི་བཀའ་གཏེར་ཟུང་འཇུག་ཡིན་འདུག་པས་བརྒྱུད་པ་གོང་མ་རྣམས་ཀྱིས་གོ་ཆོད་པར་སྣང་ངོ་། །ཉང་གཏེར་རྣམས་པཎ་ཆེན་སྐུ་མཆེད་ཀྱི་གསན་ཡིག་ཏུ་སྤྱི་ཏིར་མཛད་ཅིང་། གསན་ཡིག་གཞན་ཕལ་ཆེར་ལའང་དེ་མཚུངས་འདུག་རུང་རཏྣ་གླིང་
པའི་གསན་ཡིག་གི་རྗེས་སུ་འབྲངས་པ་ཡིན་ལ། ཡང་ཏི་དང་སྤྱི་ཏི་གཉིས་ཀ་སྟོན་པས་དོན་ལ་མི་འགལ་ལོ། །དགའ་རབ་རྡོ་རྗེས་བྲམ་ཟེ་བདེ་མཆོག་སྙིང་པོ་ལ་བསྟན་པའི་ཡང་ཏིའི་སྐོར་ལ། རྫོགས་པ་ཆེན་པོ་ངེས་དོན་འདས་པའི་རྒྱུད་༼དར༽ལྟ་བ་ཐམས་ཅད་ཀྱི་སྙིང་པོ་རིན་པོ་ཆེ་རྣམ་པར་བཀོད་པ་ལ། དབུ་རུ་གཟོང་ཕུག་གི་བྲག་ལ་ཉང་ཏིང་འཛིན་བཟང་པོས་སྦས་པ་འབྲོམ་ཡེ་ཤེས་སྙིང་པོས་སྤྱན་དྲངས་པའི་པོ་ཏི་སེ་རི་མཐིང་ཤོག་མའི་སྐོར་སེམས་སྡེ་ཉེར་གཅིག་གི་བྲམ་ཟེའི་རྒྱུད་བདུན་གྱི་ནང་ཚན། མངའ་རིས་པཎ་ཆེན་སྐུ་མཆེད་ཀྱི་གསན་ཡིག་མན་ངག་གི་སྡེར་མཛད། འདི་སྐད་གསུངས་པའི་དུས་གཅིག་ན། །ཀུན་རིག་སེམས་ཀྱི་རྒྱལ་པོ་དེས། །འོག་མིན་ཆོས་ཀྱི་དབྱིངས་གནས་ན། །ངེས་པའི་དོན་ལ་རབ་བཞུགས་ཏེ། །སོགས་ངེས་དོན་བྱུང་བའི་རྒྱུ་གླེང་གཞི་བསྟན་པའི་ལེའུ་དང་པོ། དོན་ཆོས་ཉིད་གནས་ལུགས་བསྟན་པ་གཉིས་པ། སྣོད་བཅུད་བསྟན་པ་གསུམ་པ། ཆོས་རྣམས་གཏན་ལ་དབབ་པ་མདོར་བསྡུས་ཏེ་བསྟན་པ་བཞི་པ། ཡེ་ཤེས་སྤྱི་བླུགས་ཀྱིས་ཆོས་ཉིད་ལ་རིག་རྩལ་གྱི་དབང་བསྐུར་བ་སོ་དགུ་པ། མ་བསྒོམས་དོན་དང་མི་འབྲལ་བར་བསྟན་པ་བཞི་བཅུ་པ། རྣམ་རྟོག་ཐམས་ཅད་རང་གྲོལ་དུ་བསྟན་པ་ཞེ་གཅིག་པ། རྒྱལ་སྲས་སྤྲུལ་པའི་འཁོར་གྱི་རྟོགས་པ་བརྗོད་པ་དོན་དགུ་པ། མཁའ་འགྲོ་མའི་རྟོགས་པ་བརྗོད་པ་བརྒྱད་ཅུ་པ། རྒྱུད་བཤད་ཅིང་བཟུང་བར་བསྟན་པའི་ལེའུ་སྟེ་གྱ་གཅིག་པའོ། །པཎྜི་ཏ་བི་མཱ་ལ་དང་ཨཱཙཪྻ་དྲན་པ་ཡེ་ཤེས་ཀྱི་འགྱུར། རྫོགས་པ་ཆེན་པོ་རིན་པོ་ཆེ་འཁོར་༼དར༽བ་རྩད་གཅོད་ཀྱི་རྒྱུད་ལ། གཟོང་ཕུག་མའི་གཏེར་བྱོན། འདི་སྐད་བདག་གིས་གསུངས་པའི་དུས་གཅིག་ན་བཅོམ་ལྡན་འདས་འོག་མིན་གྱི་གནས་སྐུ་བྱང་ཆུབ་ཀྱི་སྙིང་པོ་ན་བཞུགས་པའི་རྡོ་རྗེ་སེམས་དཔའ་ལ་གཟིགས་ནས་སོགས་དོན་གྱི་གླེང་གཞི་བསྟན་པའི་ལེའུ་དང་པོ། དོན་རྟོགས་པར་
བྱ་བའི་ཐབས་བསྟན་པ་བཞི་པ། རྒྱུད་གཏད་པ་དང་མཛད་སྤྱོད་བསྟན་པའི་ལེའུ་བདུན་པའོ། །རྫོགས་པ་ཆེན་པོ་འཁོར་བ་རྩད་གཅོད་ཆོས་སྐུ་༼དར༽སྐྱེ་མེད་རིག་པའི་རྒྱུད་རིན་པོ་ཆེ་གཏེར་གྱི་འབྱུང་གནས་ལ། གཟོང་ཕུག་མའི་གཏེར་མ་ཡིན། སེམས་སྡེ་ཉེར་གཅིག་གི་བྲམ་ཟེའི་ནང་ཚན། པཎ་ཆེན་སྐུ་མཆེད་ཀྱི་གསན་ཡིག་ན་མན་ངག་གི་སྡེར་མཛད། འདི་སྐད་གསུངས་པའི་དུས་གཅིག་ན་བཅོམ་ལྡན་འདས་འོག་མིན་གྱི་གནས་བྱང་ཆུབ་གྱི་སྙིང་པོ་ན་བཞུགས་པས་རིགས་ལྔ་ལ་ནི་སྐུ་གསུང་ཐུགས་གཟིགས་ནས་སོགས་དོན་གྱི་གླེང་གཞི་དང་པོ། གསུང་བར་ཞལ་གྱི་བཞེས་ཏེ་ཆེད་དུ་བརྗོད་པ་གཉིས་པ། ངེས་དོན་གྱི་ལྟ་བ་བསྟན་པ་བཅུ་གཉིས་པ། མ་བསྒོམས་འབྲལ་མེད་སྔོན་དུ་བསྟན་པ་བཅུ་གསུམ་པ། ཡོན་ཏན་གྱི་གདུལ་བྱ་བསྟན་པ་ཉེར་གཉིས་པ། འཁོར་གྱི་རྟོགས་པ་བརྗོད་པ་ཉེར་གསུམ་པ། རྒྱུད་གཏད་པའི་ཚིག་ལ་ལེའུའི་ཐ་སྙད་མི་གསལ་བ་རྣམས་འགྱུར་གོང་དང་འདྲ་བ། འདི་ལེའུ་བགྲངས་མ་བགྲངས་ཀྱི་དབང་གི་གསན་ཡིག་ཚོར་ལེ་གྲངས་རེའི་མང་ཉུང་སྣང་། རྫོགས་པ་ཆེན་པོ་ལྟ་བའི་ཡང་སྙིང་སངས་རྒྱས་ཐམས་ཅད་ཀྱི་དགོངས་པ་༼དར༽ནམ་མཁའ་ཀློང་གཟོང་ཕུག་གི་གཏེར་བྱོན་གསེར་གྱི་དྲིལ་ཤིང་ཅན། པཎ་ཆེན་སྐུ་མཆེད་ཀྱི་གསན་ཡིག་ན་བྲམ་ཟེའི་སྐོར་དང་མན་ངག་གི་སྐོར་གཉིས་ཀར་སྣང་། སེམས་སྡེ་ཉེར་གཅིག་གི་བྲམ་ཟེའི་སྐོར་གྱི་ནང་ཚན། ཡངས་ཀྱི་རྒྱུད་ལ། འདི་སྐད་གསུངས་པའི་དུས་གཅིག་ན་བཅོམ་ལྡན་འདས་ཀུན་རིག་རྒྱལ་པོ་དེ་འོག་མིན་ཆོས་དབྱིངས་ཀྱི་ཕོ་བྲང་དུ་སོགས་བསྟན་པ་བྱུང་བའི་རྒྱུད། གླེང་གཞིའི་ལེའུ་དང་པོ། གསུང་བར་ཞལ་གྱིས་བཞེས་པ་གཉིས་པ། ཆེད་དུ་བརྗོད་པ་གོ་བར་བསྟན་པ་གསུམ་པ། ཕྱིའི་མཆོད་གཏོར་བཏང་བ་ཉེར་ལྔ་པ། གསང་སྔགས་ཀྱི་ཚོགས་འབུལ་བ་ཉེར་དྲུག་པ། དུས་གསུམ་སངས་རྒྱས་རྣམས་ཀྱི་རྟོགས་
པ་བསྟན་པ་ང་གཅིག་པ། འཁོར་གྱི་རྟོགས་པ་བརྗོད་པ་ང་གཉིས་པ། རྒྱུད་གཏད་པ་ང་གསུམ་པ་འགྱུར་གོང་དང་འདྲ་བ། རྫོགས་པ་ཆེན་པོ་སངས་རྒྱས་ཐམས་ཅད་ཀྱི་དགོངས་པ་ཆོས་སྐུ་གཅིག་ཏུ་བཀའ་༼དར༽བགྲོས་པའི་དོན་རིན་པོ་ཆེ་ཡོན་ཏན་ཀུན་འབྱུང་གི་རྒྱུད་ལ། གཟོང་ཕུག་གི་གཏེར་བྱོན། འདི་སྐད་གསུངས་པའི་དུས་གཅིག་ན། །རང་བྱུང་རིག་པའི་སྟོན་པ་དེ། །འོག་མིན་ཀློང་གི་གནས་མཆོག་ན། །ཉིད་ལས་མི་གཞན་རྟོགས་པའི་འཁོར། །ཞེས་སོགས་ངེས་དོན་ཆེད་དུ་གསུངས་པའི་གླེང་གཞིའི་ལེའུ་དང་པོ། བཀའ་བགྲོས་པ་གཉིས་པ། སྣོད་བཅུད་བསྟན་པ་གསུམ་པ། ལྟ་བ་མདོར་བསྡུས་ཏེ་བསྟན་པ་སོ་བཞི་པ། དོན་གྱི་དབྱེ་བ་བསྟན་པ་སོ་ལྔ་པ། ཤེས་པ་སྔ་ཕྱིར་མ་སོང་བ་ཆོས་སྐུ་ངོ་སྤྲོད་པ་སོ་དྲུག་པ། ཆོས་ཀྱི་སྐུའི་སྤྲུལ་པ་གཟུགས་སྐུ་རྣམ་གཉིས་ཀྱིས་གཞན་དོན་བྱེད་པར་བསྟན་པ་རེ་གསུམ་པ། གཞི་ལམ་གཅིག་པའི་འབྲས་བུ་བསྟན་པ་རེ་བཞི་པ། རྒྱུད་གཏད་པའི་ལེའུ་རེ་ལྔ་པའོ་འགྱུར་གོང་འདྲ། རྫོགས་པ་ཆེན་པོ་ཤིན་ཏུ་རྣལ་འབྱོར་སངས་རྒྱས་ཐམས་ཅད་འབྱུང་བའི་རྒྱུད་༼དར༽ཡེ་ཤེས་ཆོས་ཀྱི་སྐུ་དོན་འདུས་རིག་པའི་གསུངས་གསང་བ་ཐུགས་ཀྱི་ཏིང་ངེ་འཛིན་རང་བྱུང་བདེ་བ་འཁོར་ལོ་མཐར་ཕྱིན་འབྲས་བུའི་རྒྱུད་ལ། གཟོང་ཕུག་གི་གཏེར་མ་གསེར་གྱི་དྲིལ་ཤིང་ཅན། པཎ་ཆེན་སྐུ་མཆེད་ཀྱི་གསན་ཡིག་ན་བྲམ་ཟེ་དང་མན་ངག་སྡེ་གཉིས་ཀར་སྣང་། སེམས་སྡེ་ཉེར་གཅིག་གི་བྲམ་ཟེའི་སྐོར་དུ་གཏོགས། འདི་སྐད་གསུངས་པའི་དུས་གཅིག་ན། །ངོ་བོ་ཉིད་རྟོགས་ཀུན་བཟང་དེ། །བདེ་གཤེགས་འོག་མིན་གནས་མཆོག་ན། །རིགས་ལྔ་ལ་སོགས་འཁོར་རྣམས་དང་། །འབྲལ་མེད་དགོངས་པ་ལ་བཞུགས་སོ། །ཞེས་སོགས་ངེས་དོན་འབྱུང་བའི་རྒྱུ་རྒྱུད་ཀྱི་གླེང་གཞིའི་ལེའུ་དང་པོ། །རྐྱེན་སྣོད་བཅུད་བསྟན་པ་གཉིས་པ། མ་རྟོགས་འཁོར་བའི་
བྱུང་ཚུལ་བསྟན་པ་གསུམ་པ། རྟོགས་པའི་ཡོན་ཏན་བསྟན་པ་སོ་བཞི་པ། ཆེ་བ་བསྟན་པ་སོ་ལྔ་པ། ཆོས་ཉིད་ལ་ཟླ་བ་བསྟན་པ་སོ་དྲུག་པ། སེམས་ལས་སངས་རྒྱས་མི་འབྱུང་བར་བསྟན་པ་རེ་ལྔ་པ། ཆེད་དུ་ངེས་པར་བསྡུས་པ་རེ་དྲུག་པ། རྒྱུད་གཏད་པ་བསྟན་པ་རེ་བདུན་པའོ་འགྱུར་གོང་དང་འདྲ་བ། རྫོགས་པ་ཆེན་པོ་ངེས་དོན་འདུས་པའི་ཡང་སྙིང་ཀུན་༼དར༽ཏུ་བཟང་པོ་ཡེ་ཤེས་ཀློང་གི་རྒྱུད་རིན་པོ་ཆེ་གསེར་གྱི་ཡང་ཞུན་ལ། གཟོང་ཕུག་གི་གཏེར་བྱོན་པཎ་ཆེན་སྐུ་མཆེད་ཀྱི་གསན་ཡིག་ན་མན་ངག་གི་སྡེར་མཛད་ཅིང་སེམས་སྡེ་ཉེར་གཅིག་ལས་བྲམ་ཟེའི་ནང་ཚན། འདི་སྐད་གསུངས་པའི་དུས་གཅིག་ན། །ཀུན་རིག་ཆོས་ཀྱི་རྒྱལ་པོ་དེ། །འོག་མིན་ཆོས་དབྱིངས་གནས་ཀྱི་མཆོག །ངེས་པའི་དོན་ལ་རབ་བཞུགས་ནས། །ཞེས་སོགས་ངེས་དོན་འབྱུང་བའི་རྒྱུ་གླེང་གཞི་བསྟན་པའི་ལེའུ་དང་པོ། སྣོད་བཅུད་བསྟན་པ་གཉིས་པ། འཁོར་བའི་གཞི་ཤེས་ལུང་མ་བསྟན་གསུམ་པ། གོལ་མེད་སྣང་བ་མ་བཅོས་ཆོས་ཀྱི་དབྱིངས་བསྟན་པ་བཅུ་བདུན་པ། རིག་པ་མ་བསླད་ཆོས་སྐུར་བསྟན་པ་བཅོ་བརྒྱད་པ། མ་རྟོགས་པའི་དམ་ཚིག་ཉམས་པའི་ལྟུང་སྒོ་བསྟན་པ་སོ་ལྔ་པ། ངེས་དོན་གྱི་སངས་རྒྱས་བསྟན་པ་སོ་དྲུག་པ། འཁོར་རྣམས་ལ་རྒྱུད་གཏད་པ་སོ་བདུན་པའོ། །བི་མཱ་ལས་བསྣམས་བྱོན་ཏེ་ཉང་ཏིང་འཛིན་བཟང་པོ་ལ་བསྟན་པའོ། །རྫོགས་པ་ཆེན་པོ་རྨད་བྱུང་དོན་གྱི་སྙིང་པོ་རང་བྱུང་བདེ་བ་འཁོར་ལོའི་རྒྱུད་ལ། གཟོང་ཕུག་གི་གཏེར་བྱོན་གསེར་གྱི་དྲིལ་ཤིང་ཅན། པཎ་ཆེན་སྐུ་མཆེད་ཀྱི་གསན་ཡིག་ཏུ་སེམས་སྡེའི་གྲས་སུ་སྣང་། འདི་སྐད་གསུངས་པའི་དུས་གཅིག་ན། །ངོ་བོ་ཉིད་རྟོགས་ཀུན་བཟང་དེ། །བདེ་གཤེགས་འོག་མིན་གནས་མཆོག་ཏུ། །རིགས་ལྔ་རྒྱལ་བ་ལ་སོགས་ལ། །རང་བྱུང་ཆོས་སྐུའི་བྱིན་རླབས་བཤད། །
དེ་ཚེ་སེམས་དཔའ་དོན་རིག་ནས། །གཙང་རིགས་ལྷ་ཡི་གནས་ཆེན་དུ། །བརྩེ་དགོངས་དུས་ལ་བབས་གྱུར་ནས། །རིག་འཛིན་སེམས་དཔའི་འཁོར་རྣམས་ལ། །ངེས་དོན་རང་གི་ངོ་བོས་བཤད། །དེ་ནས་ཤཱཀྱ་ཐུབ་སྤྲུལ་པ་ཡིས། །སོགས་དོན་གྱི་གླེང་གཞི་བསྟན་པའི་ལེའུ་དང་པོ། ངེས་དོན་རྩ་བ་གཅིག་པར་བསྟན་པ་གཉིས་པ། སྣང་མེད་དོན་གྱི་གནས་ལུགས་བསྟན་པ་གསུམ་པ། དུག་ལྔ་རང་གྲོལ་དུ་བསྟན་པ་བཅུ་གསུམ་པ། འབྲས་བུ་ལྟུང་བ་མེད་པར་བསྟན་པ་བཅུ་བཞི་པ། སངས་རྒྱས་པའི་དུས་བསྟན་པ་ཉེར་ལྔ་པ། མ་རྟོགས་ལྟུང་བའི་སྒོ་བསྟན་པ་ཉེར་དྲུག་པ། རྒྱུད་གཏད་པ་ཉེར་བདུན་པའོ། །བི་མཱ་ལ་དང་གཉགས་ཀྱི་འགྱུར། རྫོགས་པ་ཆེན་པོ་ངེས་དོན་ཐམས་ཅད་འདུས་པ་ཡེ་ཤེས་ནམ་མཁའ་དང་མཉམ་པའི་རྒྱུད་༼དར༽ལྟ་མཉམ་པ་ཉིད་ཀྱི་རྒྱལ་པོ་ཟེར་བའང་འདུག །སྒོམ་ཐམས་ཅད་ཀྱི་སྙིང་པོ་རིན་པོ་ཆེ་རྣམ་པར་བཀོད་པ་ཞེས་བྱ་བ་ལ། གཟོང་ཕུག་གི་གཏེར་བྱོན་པཎ་ཆེན་སྐུ་མཆེད་ཀྱི་གསན་ཡིག་ན་མན་ངག་གི་སྡེར་མཛད་ཅིང་སེམས་སྡེ་ཉེར་གཅིག་གི་བྲམ་ཟེའི་ནང་ཚན། འདི་སྐད་གསུངས་པའི་དུས་གཅིག་ན། །ཀུན་རིག་སེམས་ཀྱི་རྒྱལ་པོ་དེ། །འོག་མིན་ཆོས་ཀྱི་དབྱིངས་གནས་ན། །ངེས་པའི་དོན་ལ་རབ་བཞུགས་ཏེ། །རྡོ་རྗེ་སེམས་དཔའ་ལ་སོགས་པའི། །འཁོར་རྣམས་འདུས་ནས་རབ་ཏུ་འཁོར། །ཅེས་ངེས་དོན་འབྱུང་བའི་རྒྱུ་གླེང་གཞིའི་ལེའུ་དང་པོ། སྣོད་བཅུད་བསྟན་པ་གཉིས་པ། ཆོས་རྣམས་གཏན་ལ་དབབ་པ་སྡོམ་དུ་བསྡུས་ཏེ་བསྟན་པ་གསུམ་པ། སྡོམ་དུ་བསྡུས་ཏེ་བསྟན་པ་དང་པོ། གཞི་གནས་སེམས་ཀྱི་ཀུན་གཞི་བསྟན་པ་བཞི་པ། ཕྲལ་བྱུང་གི་བག་ཆགས་ཀུན་གཞིར་བསྟན་པ་ལྔ་པ། མ་བསྒོམས་དོན་དང་མི་འབྲལ་བར་བསྟན་པ་བརྒྱ་ལྔ་པ། །གནས་ལུགས་
འགྱུར་པ་མེད་པར་བསྟན་པ་བརྒྱ་དྲུག་པ། སྡོམ་དུ་བསྡུས་ཏེ་བསྟན་པ་ཉེར་གཅིག་པ། གཞི་གསུམ་འབྲེལ་པ་ཡོད་མེད་བསྟན་པ་བརྒྱ་བདུན་པ། སྔ་ཕྱིའི་རྟོགས་པ་འཁྲུལ་པར་བསྟན་པ་བརྒྱ་བརྒྱད་པ། ཆོས་སྐུ་ངོས་བཟུང་བསྟན་པ་བརྒྱ་དགུ་པ། རིག་འཛིན་སེམས་དཔའ་འཁོར་གྱི་རྟོགས་པ་བརྗོད་པ་ཉིས་བརྒྱ་དགུ་པ། རྒྱལ་སྲས་སྤྲུལ་པའི་འཁོར་གྱི་རྟོགས་པ་བརྗོད་པ་ཉིས་བརྒྱ་བཅུ་པ། མཁའ་འགྲོ་སྡེ་ལྔའི་རྟོགས་པ་བརྗོད་པ་ཉིས་བརྒྱ་བཅུ་གཅིག་པ། སྡོམ་དུ་བསྡུས་ཏེ་བསྟན་པ་ཞེ་བཞི་པ། རྒྱུད་གཏད་ཅིང་གཟུང་བ་ཉིས་བརྒྱ་བཅུ་གཉིས་པ་རྫོགས་སོ་དང་བཅས་པ་བི་མཱ་ལ་དང་དྲན་པ་ཡེ་ཤེས་ཀྱི་འགྱུར། རྫོགས་པ་ཆེན་པོ་དོན་འདུས་རིག་པའི་གསུང་རང་བྱུང་བདེ་བའི་འཁོར་ལོ་ལ། པཎ་ཆེན་སྐུ་མཆེད་ཀྱི་གསན་ཡིག་ཏུ་བྲམ་ཟེའི་སྐོར་དུ་མཛད། འདི་སྐད་གསུངས་པའི་དུས་གཅིག་ན། །ངོ་བོ་ཉིད་རྟོགས་ཀུན་བཟང་དེས། བདེ་གཤེགས་འོག་མིན་གནས་མཆོག་ཏུ། །རིགས་ལྔའི་རྒྱལ་བ་ལ་སོགས་ལ། །རང་བྱུང་ཆོས་སྐུ་བྱིན་རླབས་བཤད། །དེ་ཚེ་སེམས་པས་དོན་རིག་ནས། །གཙང་རིས་ལྷ་ཡི་གནས་ཆེན་དུ། །བརྩེ་དགོངས་དུས་ལ་བབས་གྱུར་ནས། །རིག་འཛིན་སེམས་དཔའི་འཁོར་རྣམས་ལ། །ངེས་དོན་རང་གི་ངོ་བོས་བཤད། །དེ་དུས་ཕྱོགས་བཅུའི་སངས་རྒྱས་ལ། །ཞེས་སོགས་དོན་གྱི་གླེང་བཞིའི་ལེའུ་དང་པོ། །ངེས་དོན་རྩ་བ་གཅིག་པར་བསྟན་པ་གཉིས་པ། འབྲས་བུ་ལྟུང་མེད་འབྱུང་བར་བསྟན་པ་བཅུ་དྲུག་པ། མ་རྟོགས་པའི་ལྟུང་སྒོ་བསྟན་པ་སོ་གཉིས་པ། རྒྱུད་གཏད་པ་སོགས་པ་ཨཱ་ཙཪྻ་བི་མཱ་ལས་ཉང་ཏིང་འཛིན་བཟང་པོ་ལ་གཏད་པ། རྫོགས་པ་ཆེན་པོས་མ་རིག་མུན་པ་རབ་ཏུ་སེལ་༼དར༽བར་བྱེད་པ་ལྟ་བ་ཡེ་ཤེས་གཏིང་རྫོགས་ཀྱི་རྒྱུད་ལ། གཟོང་ཕུག་
གི་གཏེར་བྱོན་དབུས་ཀྱི་དྲིལ་ཤིང་ཅན། པཎ་ཆེན་སྐུ་མཆེད་ཀྱི་གསན་ཡིག་ནའང་བྲམ་ཟེའི་སྐོར་དང་མན་ངག་གི་སྡེ་གཉིས་ཀར་སྣང་ལ། སེམས་སྡེ་ཉེར་གཅིག་གི་བྲམ་ཟེའི་ནང་ཚན་དུ་གཏོགས། འདི་སྐད་གོ་ཞིང་རྟོགས་པའི་དུས་གཅིག་ན། །ཡེ་ནས་རང་བྱུང་ཀུན་རིག་རྒྱལ་པོ་དེ། །འཁོར་འདས་མ་རིག་དོན་གྱི་གནས་ཆེན་དུ། །རང་གིས་རིག་ཅིང་ཡིད་ཆེས་དང་ལྡན་འཁོར། །ཞེས་སོགས་དོན་གྱི་གླེང་གཞི་གསང་བར་གསུངས་པའི་ལེའུ་དང་པོ། འཁོར་གྱི་གདུང་བ་སྟོན་པ་གཉིས་པ། བློ་དངོས་གཅིག་པར་བསྟན་པ་ཉི་ཤུ་པ། མ་བསྒོམས་འབྲལ་བ་མེད་པ་ཉེར་གཅིག་པ། ཐུན་མོང་ཆོས་རྣམས་ཟིལ་གྱིས་གནོན་པ་བཞི་བཅུ་པ། འཁོར་ལ་རྒྱུད་གཏད་པའི་ལེའུ་ཞེ་གཅིག་པའོ། །ལོ་པཎ་གོང་འདྲ། རྫོགས་པ་ཆེན་པོ་ལྟ་བ་ཐམས་ཅད་ཀྱི་སྙིང་པོའི་རྒྱུད་རིན་པོ་ཆེ་བཀོད་པ་མན་ངག་ཐམས་ཅད་ཀྱི་སྙིང་པོ་ཡང་སྙིང་རིན་པོ་ཆེ་གཏེར་གྱི་སྒྲོན་མ་མི་ནུབ་པའི་རྒྱལ་མཚན་རྡོ་རྗེ་སེམས་དཔའི་མན་ངག་ཁོང་དོན་གསང་བ་ཡང་གསང་གི་རྒྱུད་ལ། པཎ་ཆེན་སྐུ་མཆེད་ཀྱི་གསན་ཡིག་ཏུའང་བྲམ་ཟེའི་སྐོར་དུ་མཛད། འདི་སྐད་གསུངས་པའི་དུས་གཅིག་ན། །ཀུན་རིག་སེམས་ཀྱི་རྒྱལ་པོ་དེས། ། འོག་མིན་ཆོས་ཀྱི་དབྱིངས་དག་ན། །མཉམ་པའི་དོན་ལ་རབ་བཞུགས་ཏེ། །འོག་མིན་ཆོས་ཀྱི་དབྱིངས་དག་ན། །གསང་སྔགས་བདག་པོ་ལ་སོགས་པ། །ཞེས་སོགས་མན་ངག་འབྱུང་བའི་རྒྱུ་སྐུ་གསུམ་གྱི་གླེང་གཞིའི་ལེའུ་དང་པོ། སངས་རྒྱས་ཐམས་ཅད་ཀྱི་དགོངས་པ་བསྟན་པ་གཉིས་པ། ཆོས་རྣམས་ཀྱི་རང་བཞིན་གཏན་ལ་དབབ་པ་གསུམ་པ། ཡེ་ཤེས་སྤྱི་ལུགས་ཀྱིས་ཆོས་ཀྱི་ཆོས་ཉིད་ལ་རིག་པ་རྩལ་གྱི་དབང་བསྐུར་བ་བཅུ་བདུན་པ། འཁོར་གྱི་རྟོགས་པ་བརྗོད་པ་ཉེར་བདུན་པ། རྒྱུད་ཀྱི་སྙིང་པོ་གཏད་པ་ཉེར་བརྒྱད་པའོ། །བི་མཱ་ལ་དང་གཉགས་ཛྙཱ་ནས་བུ་ཚལ་གསེར་ཁང་གླིང་དུ་བསྒྱུར། རྫོགས་པ་ཆེན་པོ་ཀུན་
ཏུ་བཟང་པོ་ཡེ་ཤེས་གསལ་༼དར༽པར་སྟོན་པའི་རྒྱུད་ལ། པཎ་ཆེན་སྐུ་མཆེད་ཀྱི་གསན་ཡིག་ཏུ་ཀློང་སྡེར་སྣང་ངོ་། །འདི་སྐད་བདག་གིས་ཐོས་པའི་དུས་གཅིག་ན་བཅོམ་ལྡན་འདས་དཔལ་ཀུན་ཏུ་བཟང་པོ་གསང་བ་མཆོག་གི་བདག་པོ་དུས་གསུམ་མ་ལུས་ལུས་པ་མེད་པའི་ངོ་བོ་སོགས་གླེང་གཞིའི་ལེའུ་དང་པོ། གླེང་བསླངས་ནས་ལན་གསུངས་པ་གཉིས་པ། སྤྱོད་པའི་མན་ངག་དང་བཅས་བསྟན་པ་དྲུག་པ། ཁྱད་འཕགས་བསྟན་པ་བཅུ་གཅིག་པ། རྒྱུད་ཡོངས་སུ་གཟུང་བ་བཅུ་གཉིས་པའོ། །གུ་རུ་ཤྲཱི་སིངྷས་གནུབས་སངས་རྒྱས་ཡེ་ཤེས་ལ་གནང་ནས་བསྒྱུར་པ། གསང་མཚན་རྡོ་རྗེ་ཡང་དབང་གཏེར། དེའི་རྒྱུད་ཕྱི་མ་པཎ་ཆེན་སྐུ་མཆེད་ཀྱི་གསན་ཡིག་ཏུ་ཀློང་སྡེར་སྣང་། ༼དར༽འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་རྡོ་རྗེ་འཆང་གི་སངས་རྒྱས་ཀུན་ཏུ་བཟང་པོ་ཉིད་ཆོས་ཀྱི་དབྱིངས་ཀྱི་ཕོ་བྲང་ན་སོགས་གཞི་གཏན་ལ་དབབ་པ་ལེའུ་དང་པོ། རྒྱུད་གཟུང་ཞིང་གཏད་པའི་ལེའུ་བཞི་པ་འགྱུར་གོང་དང་འདྲ། འདིའི་ཕྱི་མའི་པཎ་ཆེན་སྐུ་མཆེད་ཀྱི་གསན་ཡིག་ཏུ་ཀློང་སྡེར་སྣང་། ༼དར༽ཕྱི་མ་དེ་ནས་བཅོམ་ལྡན་འདས་དཔལ་ཀུན་ཏུ་བཟང་པོས་སྟོང་གསལ་ཆེན་པོའི་ཏིང་ངེ་འཛིན་ལ་བཞུགས་ནས་སོགས་ལེའུ་དང་པོ། ལེའུ་བཞི་པ་འགྱུར་གོང་དང་འདྲ། དེའི་ཕྱི་མ་གསང་བའི་རྒྱུད་ལ་དེ་ནས་དཔལ་ཀུན་ཏུ་བཟང་པོས་ཡང་བཀའ་སྩལ་པ་སོགས་ལེའུ་བཞི་པ་འགྱུར་གོང་དང་འདྲ། དེའི་ཕྱི་མའི་ཕྱི་མ་མཐར་ཐུག་གི་རྒྱུད་ལ་དེ་ནས་དཔལ་ཀུན་ཏུ་བཟང་པོས་རིགས་ལྔའི་སངས་རྒྱས་ལ་བཀའ་སྩལ་པ་སོགས་ལེའུ་བཞི་པ་འགྱུར་གོང་དང་འདྲ་བ། ཡང་ཏི་ཡེ་ཤེས་༼དར༽འཁོར་ལོའི་རྒྱུད་ལ། བཅོམ་ལྡན་ཀུན་ཏུ་བཟང་པོ་ཡིས། །འོག་མིན་གདལ་བའི་ཕོ་བྲང་དུ། །ཞེས་སོགས་རྩ་བ་མདོར་བསྡུས་པའི་ལེའུ་དང་པོ། ངོ་
སྤྲོད་དང་པོའི་ལེའུ་སྟེ་གཉིས་པ། ངོ་སྤྲོད་བཞི་པའི་ལེའུ་སྟེ་ལྔ་པ། ནང་གི་རྟགས་ཀྱི་ལེའུ་སྟེ་བདུན་པའོ། །རྫོགས་པ་ཆེན་པོ་ཡེ་ཤེས་འཁོར་ལོ་གསང་༼དར༽བ་ཐུགས་ཀྱི་རྒྱུད་ལ། འདི་སྐད་གསུངས་པའི་དུས་གཅིག་ན། །རང་བྱུང་ངོ་བོ་བསྟན་པ་དེས། །ཡེ་ཤེས་ཀློང་གི་གནས་མཆོག་ན། །ཉིད་ལས་མི་གཞན་རྟོགས་པའི་འཁོར། །ཞེས་སོགས་གླེང་གཞིའི་ལེའུ་དང་པོ། ཚུལ་དུ་གསུངས་པ་མདོར་བསྟན་པ་གཉིས་པོ། ཆོས་ཀྱི་སྐུའི་སྒོམ་པོ་ངོས་གཟུང་བ་དགུ་པ། འབྲས་བུ་མངོན་དུ་ཕྱུང་བ་བསྟན་པ་བཅོ་བརྒྱད་པ། རྒྱུད་གཏད་ཅིང་གཟུང་པ་བཅུ་དགུ་པའོ། །འཇམ་དཔལ་ཡེ་ཤེས་འདུས་པ་ཡང་༼དར༽ཏི་འབྲུ་གཅིག་པའི་རྒྱུད་ལ། པཎ་ཆེན་སྐུ་མཆེད་ཀྱི་གསན་ཡིག་ནའང་བྲམ་ཟེའི་སྡེབས་སུ་སྣང་ངོ་། །འདི་སྐད་བདག་གིས་བཤད་པའི་དུས་གཅིག་ན། །གནས་འོག་མིན་དུ་བཞུགས་ནས་ནི། །འཁོར་གྱི་རྡོ་རྗེ་སེམས་དཔའ་ལ། །ཡང་ཏི་ནག་པོའི་བསྟན་པ་ཤར། །ཞེས་སོགས་གླེང་གཞིའི་ལེའུ་དང་པོ། སྒྲིབ་པ་སྦྱང་བ་བདུན་པ། དམ་ཚིག་བསྲུང་བ་བརྒྱད་པ། མཚན་གྱི་ལེའུ་སྟེ་བཅུ་དྲུག་པའོ། །འཕགས་པ་སྤྱན་རས་གཟིགས་ཏིང་ངེ་འཛིན་རྩེ་གཅིག་པ་འཁྲུལ་པ་རྐྱེན་ཐུབ་ཀྱི་རྒྱུད་ལ། འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་དཔལ་ཀུན་ཏུ་བཟང་པོ་སྤྱན་རས་གཟིགས་སེང་གེ་རྣམ་པར་བརྩེ་བ་དང་མཁའ་འགྲོ་རྣམས་ཀྱིས་རབ་ཏུ་བསྐོར་བ་སོགས་ཞུ་གནང་ལེའུ་དང་པོ། ལྟ་བ་སྐྱེ་མེད་ངོ་སྤྲོད་གཉིས་པ། རྨི་ལམ་རྨིས་པ་རྐྱེན་ཐུབ་དང་བར་དོ་སྦྱར་བ་རྐྱེན་ཐུབ་བདུན་པ། མཁའ་འགྲོ་མ་ལ་རབ་ཏུ་གཏད་པའི་ལེའུ་བཅུ་གསུམ་པའོ། །དེ་རྣམས་ལེགས་པར་ཐོབ་པའི་རྒྱུད་པ་ནི། དཔལ་ཀུན་ཏུ་བཟང་པོ། རྡོ་རྗེ་སེམས་དཔའ། དགའ་རབ་རྡོ་རྗེ། བྲམ་ཟེ་བདེ་
མཆོག་སྙིང་པོ། མཁས་པ་ཤྲཱི་སིངྷ། པཎ་ཆེན་བི་མཱ་ལ་མི་ཏྲ། ཉང་བན་ཏིང་འཛིན་བཟང་པོ། འབྲོམ་ཡེ་ཤེས་སྙིང་པོ། ཉང་དབང་ཕྱུག་རྒྱ་མཚོ། དན་ཡོན་ཏན་མཆོག །ངབ་ཐུང་བྱང་ཆུབ་རྒྱལ་མཚན། ཀོར་ཐུང་སངས་རྒྱས་ཤེས་རབ། རྔོག་ཚུལ་ཁྲིམས་རྒྱལ་མཚན། འབྲེ་གཙུག་ཏོར་ཤེས་རབ། གླན་ཤཱཀྱ་དབང་ཕྱུག །གཉོས་ཆུ་བོ་རི་པ། གླན་རྡོ་རྗེ་འོད། འགོས་དགེ་སློང་། འགོས་དངོས་གྲུབ་མགོན། བླ་མ་ཤཱཀྱ་རྒྱལ་མཚན། བླ་མ་དཔལ་བཟང་པ། རྗེ་རྡོ་རྗེ་རྒྱལ་མཚན། གཉལ་པ་བདེ་ལེགས་དཔལ། མཁས་གྲུབ་འཇམ་དབྱངས་བཤེས་གཉེན། དགེ་སློང་ཆོས་དཔལ་རྒྱལ་མཚན། རྗེ་བསམ་གཏན་བཟང་པོ། སྤྲུལ་སྐུ་གཏེར་སྟོན་རཏྣ་གླིང་པ། རྒྱལ་སྲས་ཚེ་དབང་གྲགས་པ། གཅུང་ངག་དབང་གྲགས་པ། མཚུངས་མེད་ངག་དབང་ནོར་བུ། རྗེ་བཙུན་ནོར་བུ་ཡོངས་གྲགས། མཁས་གྲུབ་ནོར་བུ་དབང་རྒྱལ། གསུང་སྤྲུལ་ཚུལ་ཁྲིམས་རྡོ་རྗེ། གར་དབང་ཚུལ་ཁྲིམས་རྒྱལ་མཚན། དྲིན་ཅན་གཏེར་བདག་གླིང་པ། དེས་བདག་ཟ་ཧོར་བནྡེ་ལའོ། །ཡང་དར་གྱི་རྟགས་ཡོད་པའི་ལུགས་གཅིག་ནི། མཚུངས་མེད་ནོར་བུ་དབང་རྒྱལ་ནས། བྱ་བཏང་ནོར་བུ་ཆོས་བརྟན། རིག་འཛིན་འཕྲིན་ལས་ལྷུན་གྲུབ། རིག་འཛིན་གཏེར་བདག་གླིང་པ། དེས་བདག་ལའོ། །གོང་གསལ་གཏེར་མ་རྣམས་ལ་བཀའ་ནས་བརྒྱུད་པ་དེར་མ་ཟད་གཏེར་བརྒྱུད་ཟུར་པ་ཞིག་ཡོད་ཚོད་དུ་འདུག་ཀྱང་དེང་སང་གསལ་བ་མ་རྙེད། གཉིས་པ་རྫོགས་པ་ཆེན་པོ་སྤྱི་ཏིའི་སྐོར་ལ། རྫོགས་པ་ཆེན་པོ་སྤྱི་ཏི་སྣང་སྲིད་ཁ་སྦྱོར་བདུད་རྩི་བཅུད་༼དར༽ཐིག་འཁོར་བ་ཐོག་མཐའ་གཅོད་པའི་རྒྱུད་ལ། རང་བྱུང་ཡེ་ཤེས་སྣང་སྲིད་གཏན་འབེབས་ཀྱི་རྒྱུད་པཎ་ཆེན་སྐུ་མཆེད་ཀྱི་གསན་ཡིག་ཏུའང་སྤྱི་ཏིར་སྣང་། འདི་སྐད་བདག་
གིས་བཤད་པའི་དུས་གཅིག་ན། འོག་མིན་གྱི་གནས་མཐའ་དབུས་མེད་པའི་གཞལ་ཡས་ཁང་ཆོས་ཉིད་ཀྱི་སྟོང་ར་ཀུན་གཞི་ཁྱབ་གདལ་ཆེན་པོའི་དཀྱིལ་འཁོར་སོགས་གླེང་གཞི་ཕུན་སུམ་ཚོགས་པ་བཀོད་པའི་ལེའུ་དང་པོ། གླེང་བསླང་བཤད་ལུགས་གཉིས་པ། སྤྱན་དྲངས་བཞུགས་མཆོད་ཉི་ཤུ་པ། སྙིང་པོ་དོན་གྱི་བསྟོད་པ་ཉེར་གཅིག་པ། ངོ་སྤྲོད་དོན་གྱི་ལེའུ་སོ་དགུ་པ། རང་སེམས་བླ་མར་བསྟན་པ་བཞི་བཅུ་པའོ། །སློབ་དཔོན་ཆེན་པོ་པདྨ་འབྱུང་གནས་དང་ལོ་ཙཱ་བ་སྐ་བ་དཔལ་བརྩེགས་ཀྱིས་བསྒྱུར་ནས་རྗེ་ཁྲི་སྲོང་ལྡེའུ་བཙན་ལ་གདམས་ཏེ་རིན་པོ་ཆེའི་གཏེར་དུ་སྦས་པ་མངའ་བདག་ཉང་གིས་སྤྱན་དྲངས་པ། དེའི་རྒྱུད་ཕྱི་མ་ལ་འཁོར་བའི་ཐོག་མཐའ་གཏན་ལ་དབབ་གོང་མ་དང་རྒྱུད་ཕྱི་མ་ཕྱི་མའི་ཕྱི་མ་བཅས་པ་སྦྲེལ་ནས་མཛད་པ་དེང་སང་དཔེ་རྒྱུན་གསན་ཡིག་ཚད་མར་ལེའུ་བརྒྱད་ཅུ་བྱུང་བ། སོ་སོར་བྱས་ན་འདི་ལ་ལེའུ་སོ་དགུ་འོང་ངོ་། །པའི་ལེའུ་ཞེ་གཅིག་པ། རིན་པོ་ཆེ་ཐོག་མཐའ་རྩད་གཅོད་ཞེ་གཉིས་པ། སྙིང་པོའི་གནས་ལུགས་བསྟན་པ་དྲུག་ཅུ་པ། སངས་རྒྱས་མཛུབ་བཙུགས་གཅེར་མཐོང་དུ་བསྟན་པ་རེ་གཅིག་པ། ཆོས་སྐུའི་ངེས་ཚིག་བཤད་པ་དོན་བརྒྱད་པ། མན་ངག་བསྡུས་ནས་བསྟན་པ་དོན་དགུ་པའོ། །སྒྱུར་བྱེད་ཀྱི་ལོ་པཎ་དང་གཏེར་གནས་གོང་འདྲ། ཕྱི་མའི་ཕྱི་མ་ལ། སྤྱི་ཏིའི་མཐོང་ལུགས་བསྟན་པ་བརྒྱད་ཅུ་པ། རྣལ་འབྱོར་སེམས་ལ་རྫོགས་པ་གོ་ལྔ་པ། བསྟན་པའི་འབྱུང་དུས་བསྟན་པའི་ལེའུ་བརྒྱད་ཅུ་པའོ། །འགྱུར་གོང་འདྲ། རིན་པོ་ཆེ་བཅུད་ཀྱི་ཡང་སྙིང་ཐོག་མཐའི་༼དར༽གྲས་ཐག་གཅོད་པ་སྤྲོས་གཅོད་རྩ་བའི་རྒྱུད་ལ། རང་བྱུང་ཡེ་ཤེས་སྣང་སྲིད་གཏན་འབེབས་ཀྱི་རྒྱུད། པཎ་ཆེན་སྐུ་མཆེད་ཀྱི་གསན་ཡིག་ཏུའང་སྤྱི་ཏིར་སྣང་ངོ་། །འདི་སྐད་བདག་གིས་རྟོགས་ཤིང་བཤད་པའི་དུས་གཅིག་ན་ཡེ་ཤེས་ཀྱི་ཀློང་མ་བྲིས་པའི་དཀྱིལ་འཁོར་མཐའ་དབུས་མེད་པའི་གནས་
རིན་པོ་ཆེ་འོད་སྣ་ཚོགས་ཀུན་ཏུ་འབར་བའི་གཞལ་ཡས་ཁང་སོགས་གླེང་གཞི་ཕུན་སུམ་ཚོགས་པའི་ལེའུ་དང་པོ། ཆོས་སྡེའི་སྤྲོས་པ་གཅད་པ་ལྔ་པ། གཏད་རྒྱ་བསྟན་པའི་ལེའུ་བཅུ་གཅིག་པའོ། །སྒྱུར་བྱེད་ཀྱི་ལོ་པཎ་དང་གཏེར་སྟོན་གོང་འདྲ། སྤྲོས་པ་གཅོད་པ་སྡེ་ལྔའི་༼དར༽རྒྱུད་ལ། རང་བྱུང་ཡེ་ཤེས་སྣང་སྲིད་གཏན་འབེབས་ཀྱི་རྒྱུད་པཎ་ཆེན་སྐུ་མཆེད་ཀྱི་གསན་ཡིག་ཏུའང་སྤྱི་ཏིའི་སྣང་ངོ་། །ཡེ་ནས་ཡོངས་སུ་གདལ་བའི་གཞལ་ཡས་ཁང་། །མཚོན་བྱེད་བརྗོད་ལས་འདས་པའི་ཆོས་སྐུ་བཞུགས། །འཁོར་གྱི་དམ་པ་རང་གསལ་ཁྱེའུ་ཆུང་གིས། །བསྟན་པའི་སྙིང་པོ་སྤྲོས་གཅོད་སྡེ་ལྔ་ཞུས། །ཞེས་སོགས་གླེང་གཞི་ཡོངས་སུ་བཀོད་པ་དང་པོ། ཀྲྀ་ཡོག་སྡེ་གསུམ་སྤྲོས་པ་གཅད་པ་དྲུག་པ། མ་ཧཱ་ཨ་ནུའི་ལྟ་བའི་སྤྲོས་པ་གཅད་པ་བདུན་པ། མཚན་གྱི་རྣམ་གྲངས་བསྟན་པ་བཅུ་བཞི་པའོ། །ལོ་པཎ་དང་གཏེར་སྟོན་གོང་འདྲ། རིན་པོ་ཆེ་བདུད་རྩི་བཅུད་ཐིགས་༼དར༽སངས་རྒྱས་ཐམས་ཅད་ཀྱི་དགོངས་པ་འདུས་པའི་རྒྱུད་ལ། རང་བྱུང་ཡེ་ཤེས་སྣང་སྲིད་གཏན་འབེབས་ཀྱི་རྒྱུད། རང་བྱུང་ཡེ་ཤེས་སྣང་སྲིད་གཏན་འབེབས་ཀྱི་རྒྱུད། འདི་སྐད་བདག་གིས་རྟོགས་པའི་དུས་གཅིག་ན་འོག་མིན་གྱི་གནས་སེམས་ཉིད་པ་གདལ་བ་ཆེན་པོ་མ་བྲིས་པའི་དཀྱིལ་འཁོར་འོད་ཁ་དོག་སྣ་ཚོགས་འབར་བ་སོགས་གླེང་གཞི་ཡོངས་སུ་བཀོད་པ་ལེའུ་དང་པོ། འཁོར་གྱི་ནང་ནས་ཀུན་རིག་ཁྱེའུ་ཆུང་གིས་ཞུས་པ་སོགས་བཅུད་ཀྱི་མཚན་ཉིད་བསྟན་པ་གཉིས་པ། ཐེག་པ་གྲུབ་མཐའ་གཟུང་བས་གོལ་བར་བསྟན་པ་བདུན་པ། ཕྱི་རབས་ཀྱིས་གཟུང་བའི་ཕན་ཡོན་བསྟན་པ་བཅོ་ལྔ་པའོ། །ལོ་པཎ་དང་གཏེར་སྟོན་གོང་འདྲ། རིན་པོ་ཆེ་སྣང་གསལ་སྤུ་གྲི་འབར་བས་འཁྲུལ་སྣང་རྩད་༼དར༽ནས་གཅོད་པ་ནམ་མཁའི་མཐའ་དང་མཉམ་པའི་རྒྱུད་ལ། བྱར་མེད་བློ་འདས་སྟོན་པའི་རྒྱུད། པཎ་ཆེན་སྐུ་མཆེད་ཀྱི་གསན་ཡིག་ཏུའང་སྤྱི་ཏིར་མཛད། འདི་སྐད་བདག་
གིས་རྟོགས་ཤིང་བཤད་པའི་དུས་གཅིག་ན་འོག་མིན་གྱི་གནས་མཆོག་ཉིད་ཀྱི་ཀློང་ཀུན་གཞིའི་མཁའ་འབྱིངས་ཡངས་པ་སེམས་ཀྱིས་གཞལ་ཡས་ཁང་སོགས་གླེང་གཞིའི་ལེའུ་དང་པོ། གཞིའི་གནས་ལུགས་བསྟན་པ་གཉིས་པ། བརྒྱུད་པ་རིམས་ཀྱི་འཁྲུལ་ལུགས་བསྟན་པ་གསུམ ་པ། འཇིག་རྟེན་པའི་མུ་སྟེགས་པའི་ཐེག་པ་བསྟན་པ་བཅུ་བདུན་པ། ཉན་ཐོས་ཀྱི་ཐེག་པ་བསྟན་པ་བཅོ་བརྒྱད་པ། རྒྱུད་གཏད་པའི་གང་ཟག་བསྟན་པ་སོ་བཞི་པ། བསྟན་པ་འབྱུང་དུས་བསྟན་པ་སོ་ལྔ་པའོ། །ལོ་པཎ་གཏེར་སྟོན་གོང་དང་འདྲ་བ། རིན་པོ་ཆེ་སྤྱི་གནད་སྐྱོན་སེལ་ཐིག་ལེ་ཀུན་གསལ་གྱི་རྒྱུད་ལ། པཎ་ཆེན་སྐུ་མཆེད་ཀྱི་གསན་ཡིག་ཏུའང་སྤྱི་ཏིར་སྣང་། བྱར་མེད་བློ་འདས་སྟོན་པའི་རྒྱུད། འདི་སྐད་བདག་གིས་ཐོས་པའི་དུས་གཅིག་ན། །མཁའ་དབྱིངས་ཀུ་ཀིའི་ཕོ་བྲང་ན། །ཆོས་ཉིད་དཀྱིལ་འཁོར་རྣམ་དག་འོད་གསལ་ན། །ཞེས་སོགས་ཕུན་སུམ་ཚོགས་པའི་ལེའུ་དང་པོ། ཆོས་སྡེ་མདོར་བསྟན་པ་བཞི་པ། སྤྱིའི་སྐྱོན་སེལ་ལྔ་པ། གནད་འགྲོལ་བ་དགུ་པའོ། །ལོ་པཎ་དང་གཏེར་སྟོན་གོང་འདྲ། གཏེར་སྙིང་རིན་པོ་ཆེ་སྤུངས་པའི་རྒྱུད་༼དར༽ལ། པཎ་ཆེན་སྐུ་མཆེད་ཀྱི་གསན་ཡིག་ཏུའང་སྤྱི་ཏིར་སྣང་། བྱར་མེད་བློ་འདས་སྟོན་པའི་རྒྱུད། འདི་སྐད་བདག་གིས་རང་བཞིན་གི་རྟོགས་ནས་བཤད་པའི་དུས་གཅིག་ན་རང་བཞིན་གྱིས་རྣམ་པར་དག་པའི་གནས་ཀུན་གཞིའི་ཕོ་བྲང་སོགས་གླེང་གཞི་ཕུན་སུམ་ཚོགས་པའི་ལེའུ་དང་པོ། རྟོགས་ཐབས་བསྟན་པ་ལ་ལྔ་པ། ལ་ཟླ་བ་དྲུག་པ། མཚན་དང་སྣོད་བསྟན་པའི་ལེའུ་སྟེ་དགུ་པའོ། །ལོ་པཎ་གཏེར་སྟོན་གོང་ལྟར་རོ། །ཐིག་ལེ་ཡེ་ཤེས་བཅུད་སྤུངས་སྒྲོན་མ་འོད་འབར་བའི་རྒྱུད་ལ། བྱར་མེད་བློ་འདས་སྟོན་པའི་རྒྱུད། པཎ་ཆེན་སྐུ་མཆེད་ཀྱི་གསན་ཡིག་ཏུའང་སྤྱི་ཏིར་སྣང་ངོ་། །འདི་སྐད་བདག་གིས་
རྟོགས་ཤིང་བཤད་པའི་དུས་གཅིག་ན་དབྱིངས་རྣམ་པར་དག་པའི་གནས་སྣང་སྲིད་འཁོར་འདས་སྐྱེ་དུས་ཀྱི་ཀློང་འོད་གསལ་འགག་པ་མེད་པའི་མཁའ་སོགས་ཕུན་སུམ་ཚོགས་པ་དང་གླེང་གཞིའི་ལེའུ་དང་པོ། སྙིང་པོ་བསྟན་པ་གཉིས་པ། རྟོགས་པའི་འཆར་ལུགས་བསྟན་པ་བདུན་པ། མ་བསྒྲུབས་འབྲས་བུ་བསྟན་པ་བརྒྱད་པ། མཚན་བསྟན་པ་བཅུ་དྲུག་པ། རྒྱུད་གཏད་པའི་གནས་བསྟན་པ་བཅུ་བདུན་པའོ། །ལོ་པཎ་དང་གཏེར་སྟོན་གོང་མཚུངས། བདུད་རྩི་བཅུད་ཐིགས་སྒྲོན་མ་བརྩེགས་པའི་རྒྱུད་ལ། བྱར་མེད་བློ་འདས་སྟོན་པའི་རྒྱུད། པཎ་ཆེན་སྐུ་མཆེད་ཀྱི་གསན་ཡིག་ཏུའང་སྤྱི་ཏིར་སྣང་ངོ་། །འདི་སྐད་བདག་གིས་ཐོས་པའི་དུས་གཅིག་ན་རིན་པོ་ཆེ་ཡེ་གནས་ཀྱི་ཀློང་ཆོས་ཉིད་ཀྱི་དབྱིངས་འོད་གསལ་གྱི་མཁའ་རང་བྱུང་གི་གནས་ཀུན་གཞིའི་ཕོ་བྲང་སོགས་ཕུན་སུམ་ཚོགས་པ་དང་གླེང་གཞིའི་ལེའུ་དང་པོ། འཁོར་གྱིས་གླེང་བསླང་བ་གཉིས་པ། ཐེག་པ་འོག་མ་བའི་སྐྱོན་བསྟན་པ་དགུ་པ། སྤྱི་ཏི་ཆོས་ཐམས་ཅད་ལས་སྤགས་པར་བསྟན་པ་བཅུ་པ། མཚན་བསྟན་པ་ཉི་ཤུ་པ། སྣོད་བཟང་ངན་གྱི་ཁྱད་པར་བསྟན་པས་རྒྱུད་གཏད་པའི་འཁོར་གྱི་གནད་བསྟན་པའི་ལེའུ་ཉེར་གཅིག་པའོ། །བསྟན་པ་འབྱུང་དུས་བསྟན་པ་ཉེར་གཉིས་པ་ཟེར་བ་དར་སྡིངས་པའི་གསན་ཡིག་ན་སྣང་བ་བརྟག །ལོ་པཎ་དང་གཏེར་སྟོན་གོང་དང་འདྲ། སྙིང་པོ་བཅུད་སྤུངས་ནམ་མཁའ་ཀློང་ཡངས་ཀྱི་རྒྱུད་ལ། ཀ་དག་སྐྱེ་མེད་ཆོས་སྐུ་གཏན་ལ་འབེབས་པའི་རྒྱུད། པཎ་ཆེན་སྐུ་མཆེད་ཀྱི་གསན་ཡིག་ཏུའང་སྤྱི་ཏིར་མཛད། འདི་སྐད་བདག་གིས་རྟོགས་པའི་དུས་གཅིག་ན། འོག་མིན་གྱི་གནས་སེམས་ཉིད་གདལ་བ་ཆེན་པོའི་ཞིང་ཁམས་ཀུན་གཞི་ཆོས་དབྱིངས་ཀྱི་ཕོ་བྲང་ན་བཅོམ་ལྡན་འདས་དཔལ་གསང་བའི་
བདག་པོ་བཞུགས་སོ་སོགས་ཕུན་སུམ་ཚོགས་པ་ལྔ་དང་འཁོར་གྱི་གླེང་བསླང་བ་དང་པོ། བྱར་མེད་བསྟན་པ་གཉིས་པ། འགྲོ་དྲུག་གཡང་ས་བཅད་པ་བརྒྱད་པ། ཀ་དག་རྟོགས་ཐབས་དགུ་པ། སྙིང་པོ་བཅུད་སྤུངས་པ་བཅུ་དྲུག་པ། སྣོད་ཀྱི་ཁྱད་པར་གྱི་རིམ་པ་སྟེ་བསྟན་པ་ཉི་ཤུ་པའོ། །ལོ་པཎ་དང་གཏེར་སྟོན་གོང་འདྲ། ཐུགས་ཀྱི་ཡང་སྙིང་དགོངས་པའི་བཅུད་འདུས་ཀ་དག་རྣམས་ཀྱི་གསང་སྟོན་བཅུད་དུ་དྲིལ་བ་མ་རིག་མུན་སེལ་ཉི་ཟླ་འབར་བའི་རྒྱུད་ལ། ཀ་དག་སྐྱེ་མེད་ཆོས་སྐུ་གཏན་འབེབས་ཀྱི་རྒྱུད། པཎ་ཆེན་སྐུ་མཆེད་ཀྱི་གསན་ཡིག་ཏུའང་སྤྱི་ཏིར་སྣང་། འདི་སྐད་བདག་གིས་གོ་ཞིང་རྟོགས་པའི་དུས་གཅིག་ན་ཆོས་ཉིད་ཀྱི་ཀློང་དབྱིངས་ཀྱི་སྟོང་ར་མཁའ་ཀློང་རྣམ་པར་དག་པའི་གནས་འདོད་པ་སྣ་ཚོགས་གཅིག་ཏུ་འདུས་པ་སོགས་གླེང་གཞིའི་ལེའུ་དང་པོ། དངོས་པོ་གཤིས་ཀྱི་གནས་ལུགས་བསྟན་པ་གཉིས་པ། ཡང་རབ་རྣམས་ལ་བསྟན་པ་བརྒྱད་པ། དུས་མཚན་དང་གཏད་རྒྱ་བསྟན་པ་བཅུ་གསུམ་པའོ། །ལོ་པཎ་དང་གཏེར་སྟོན་གོང་འདྲ། སངས་རྒྱས་ཐམས་ཅད་ཀྱི་དགོངས་པའི་བཅུད་བསྡུས་པ་རི་བོ་བརྩེགས་པའི་རྒྱུད་ལ། ཀ་དག་ཆོས་སྐུ་གཏད་འབེབས་ཀྱི་རྒྱུད། པཎ་ཆེན་སྐུ་མཆེད་ཀྱི་གསན་ཡིག་ཏུའང་སྤྱི་ཏི་སྣང་། འདི་སྐད་བདག་གིས་རྟོགས་ཤིང་བཤད་པའི་དུས་གཅིག་ན། ཀུན་གཞི་མཁའ་ཀློང་རྣམ་པར་དག་པའི་གནས་རིན་པོ་ཆེ། འོད་སྣ་ཚོགས་འཕྲོ་བའི་གདངས་དབྱིངས་རྣམ་པར་དག་པའི་ཀློང་ཀུན་གཞིའི་ཕོ་བྲང་སོགས་ཕུན་སུམ་ཚོགས་པ་གསལ་བར་བསྟན་པ་ལེའུ་དང་པོ། ཡེ་ཐོག་ཀ་དག་སངས་རྒྱས་ལ་རང་བྱུང་ངང་གདངས་ཁྱེའུ་ཆུང་གི་ཞུས་པ་སོགས་གླེང་བསླང་གཉིས་པ། ཡེ་ཐོག་ཀ་དག་སངས་རྒྱས་ཀྱི་དགོངས་པའི་བཅུད་བསྡུས་བསྟན་པ་བཅུ་གཅིག་པ། སངས་རྒྱས་ཐམས་
ཅད་ཀྱི་ཐུགས་ཀྱི་ཡང་སྙིང་དགོངས་པའི་བཅུད་འདུས་པར་བསྟན་པ་བཅུ་གཉིས་པ། ལྟ་སྒོམ་ལ་ཟླ་བ་ཉི་ཤུ་པ། མཚན་དང་གཏད་རྒྱ་བསྟན་པའི་ལེའུ་ཉེར་གཅིག་པའོ། །ལོ་པཎ་དང་གཏེར་སྟོན་གོང་འདྲ། དྲི་མེད་ཀ་དག་གི་རྒྱུད་རིན་པོ་ཆེ་འོད་གསལ་བ་ཆེན་པོ་ཞེས་བྱ་བ་ལ། ཀ་དག་སྐྱེ་མེད་ཆོས་སྐུ་གཏན་འབེབས་ཀྱི་རྒྱུད། བུདྡྷ་སརྦ་མ་ལ་ས་མ་ཏི་ཨ་ཧོ། འདི་སྐད་བདག་གིས་ཐོས་པའི་དུས་གཅིག་ན་བཅོམ་ལྡན་འདས་སྟོན་པ་འོད་མི་འགྱུར་བར་རིན་པོ་ཆེ་དྲི་མེད་འོད་གསལ་བ་སོགས་གླེང་གཞིའི་ལེའུ་དང་པོ། ཤེས་རབ་ཀ་དག་གི་རིན་པོ་ཆེའི་འོད་གསལ་བར་བསྟན་པ་ལྔ་པ། རྗེས་སུ་ཡི་རང་བ་བཅུ་པའོ། །འགྱུར་བྱུང་དང་གཏེར་སྟོན་གྱི་གསལ་ཁ་མི་སྣང་ངོ་། །རྒྱུད་ཐམས་ཅད་ཀྱི་རྒྱལ་པོ་ཉི་ཟླའི་སྙིང་པོ་འོད་འབར་བ་བདུད་རྩི་རྒྱ་མཚོའི་འཁྱིལ་བའི་རྒྱུད་ལ། རྒྱུད་ཀྱི་རྩ་བ་སྤྱི་ཕུར་ཀྱང་ཟེར། པཎཆེན་སྐུ་མཆེད་ཀྱི་གསན་ཡིག་ཏུའང་སྤྱི་ཏིར་མཛད། འདི་སྐད་བདག་གིས་བཤད་པའི་དུས་གཅིག་ན་ཆོས་ཉིད་ཁ་གཏིང་མེད་པའི་ཀློང་ན་རང་བྱུང་མཐའ་གྲོལ་བའི་སྟོན་པས་རང་སྣང་འོད་ཀྱི་འཁོར་ལ་གསལ་དག་རང་གྲོལ་གྱི་བསྟན་པ་བཤད་པ་སོགས་ཕུན་སུམ་ཚོགས་པའི་ལེའུ་དང་པོ། ཐོག་མའི་གཞིའི་གནས་ལུགས་བསྟན་པ་གཉིས་པ། གླེང་བསླང་པ་གསུམ་པ། གཏིང་ཡངས་ཆོས་ཉིད་ཀྱི་གནས་ལུགས་བསྟན་པ་བཞི་པ། ཆོས་རྣམས་གོ་ལྡོག་པ་སོ་དགུ་པ། དུག་ལྔ་བྱ་ལོག་བསྟན་པ་བཞི་བཅུ་པ། གསང་སྔགས་བརྡ་ཆོས་བསྟན་པ་ཞེ་གཅིག་པ། ཡོངས་རྫོགས་བླ་མེད་ཐོད་རྒལ་གྱི་ཐེག་པར་སྣང་སྲིད་འཁོར་འདས་མ་ལུས་པ་ཡོངས་སུ་རྫོགས་པར་བསྟན་པ་དོན་བརྒྱད་པ། ཡོངས་རྫོགས་བླ་མེད་ཐོད་རྒལ་ཐེག་པ་བརྡའི་སྒོ་ནས་བསྟན་པ་དོན་དགུ་པ། མཚན་བསྟན་པ་བརྒྱད་ཅུ་པ། རྒྱུད་གཏད་པའི་གནས་
བསྟན་པ་གྱ་གཅིག་པའོ། །ཨོ་རྒྱན་གྱི་སློབ་དཔོན་པདྨ་དང་སྐ་བ་དཔལ་བརྩེགས་ཀྱིས་བསྒྱུར་ཅིང་རྒྱལ་པོ་ཁྲི་སྲོང་ལྡེ་བཙན་ལ་གཏད་པ་མངའ་བདག་ཉང་གི་གཏེར་མ། སྐྱེ་མེད་ཀ་དག་ཟང་༼དར༽ཀའི་རྒྱུད་ལ། པཎ་ཆེན་སྐུ་མཆེད་ཀྱི་གསན་ཡིག་ཏུའང་སྤྱི་ཏིར་མཛད། འདི་སྐད་བདག་གིས་ཅི་ཡང་མ་ཐོས་གང་དུའང་མ་མཚོན་པའི་དུས་མེད་པ་ན། སྐྱེ་མེད་གནས་ལུགས་ཀ་དག་ཆོས་སྐུ་ཡིས། དངོས་མེད་སྟོན་པས་ཟང་ཀའི་འཁོར་ལ་བཤད། །ཅེས་སོགས་གླེང་བསླང་ཕུན་སུམ་ཚོགས་པའི་ལེའུ་དང་པོ། དངོས་མེད་བཤད་ཐབས་ལྔ་པ། རྒྱུད་ཡོངས་སུ་གཏད་པའི་ལེའུ་བཅུ་པའོ། །ལོ་པཎ་དང་གཏེར་སྟོན་གོང་དང་འདྲ་བ་རྣམས། ཡང་ཏི་དང་སྤྱི་ཏི་བསྡོམས་པར་སྣང་སྲིད་གཏན་འབེབས་ཀྱི་རྒྱུད་ལྔ། བྱར་མེད་བློ་འདས་ཀྱི་རྒྱུད་ལྔ། ཀ་དག་ཆོས་སྐུ་གཏན་འབེབས་ཀྱི་རྒྱུད་ལྔ། མིང་མེད་མཐའ་སྟོང་ཀྱི་རྒྱུད་ལྔ། རྩ་བ་སྤྱི་ཕུད་ཀྱི་རྒྱུད་གཅིག་སྟེ་ཉེར་གཅིག་ཡོད་པ་ལས་སྣང་སྲིད་གཏན་འབེབས་ནས་རིགས་དྲུག་གཡང་ས་གཅོད་པ་ལེའུ་ལྔ་པ་དང་། མིང་མེད་མཐའ་སྟོང་ནས་གསེར་གྱི་ཉི་མ་དང་ཉམས་ལེན་གྱི་རྒྱུད་ལེའུ་བཅུ་གཉིས་པ་གཉིས་ཀྱི་ལུང་རྒྱུན་མ་རྙེད་དོ། །དེ་ལྟར་ལེགས་པར་ཐོབ་པའི་རྒྱུད་པ་ནི། བཅོམ་ལྡན་འདས་ཀུན་ཏུ་བཟང་པོ། རྡོ་རྗེ་འཆང་། རྡོ་རྗེ་སེམས་དཔའ། ཕྱག་ན་རྡོ་རྗེ། སྤྲུལ་སྐུ་དགའ་རབ་རྡོ་རྗེ། སློབ་དཔོན་འཇམ་དཔལ་བཤེས་གཉེན། མཁས་པ་ཤྲཱི་སིངྷ། སློབ་དཔོན་ཛྙཱ་ན་སུ་ཏྲ། ཨོ་རྒྱན་སངས་རྒྱས་གཉིས་པ། གཉགས་ཛྙཱ་ན་ཀུ་མཱ་ར། གཉགས་ཀྱི་བུ་ཆེན་དཔལ་བརྒྱད། གཉགས་ཀླུའི་དབང་ཕྱུག །ཉང་པོ་ཀླུའི་རྒྱལ་མཚན། སྦ་ལུ་འཕགས་པ་ཤེས་རབ། འབྲོག་མི་ཚུལ་ཁྲིམས་རྒྱལ་མཚན། གསུང་སྤྲུལ། དར་སྡིངས། རྗེ་སྨན་ལུང་པ་གསུམ་གྱི་གསན་ཡིག་ཏུ་འགོས་དང་འབྲོག་མི་སྣ་ཚོགས་སུ་སྣང་
བས་བརྟག །ཡར་མདའི་ཞང་ཛྙཱ་ན་ཤེས་རབ། ཁམས་པ་ཡེ་ཤེས་ཚུལ་ཁྲིམས། འདམ་སྙིང་དྲུང་གི་པ་ཚབ་སྟོང་གྲགས། བྱང་ནགས་ཤོད་ཀྱི་བྱང་ཆུབ་སྙིང་པོ། བྱང་སྒོམ་རིན་ཆེན་བཟང་པ། དེ་གཉིས་ལ་བྱང་པོ་འཇམ་དཔལ་གྱིས་གསན། དེ་ནས་ཤངས་པ་ནག་པོ། གླན་རྡོ་རྗེ་འོད། སྲས་བསོད་ནམས་རྒྱལ་མཚན། འགོས་དངོས་གྲུབ་མགོན། བླ་མ་ཤཱཀྱ་རྒྱལ་མཚན། བླ་མ་དཔལ་བཟང་པོ། བླ་མ་རྡོ་རྗེ་རྒྱལ་མཚན། གཉལ་པ་བདེ་ལེགས་པ། གྲ་འཇམ་དབྱངས་བཤེས་གཉེན། བླ་མ་ཆོས་དཔལ་རྒྱལ་མཚན། རྗེ་བསམ་གཏན་བཟང་པོ། མཆོག་སྤྲུལ་རཏྣ་གླིང་པ། སྲས་ཚེ་དབང་གྲགས་པ། གཅུང་ངག་དབང་གྲགས་པ། རྗེ་ངག་དབང་ནོར་བུ། མཚུངས་མེད་ནོར་བུ་ཡོངས་གྲགས། རྗེ་ནོར་བུ་དབང་རྒྱལ། གསུང་སྤྲུལ་ཚུལ་ཁྲིམས་རྡོ་རྗེ། གར་དབང་ཚུལ་ཁྲིམས་རྒྱལ་མཚན། སྤྲུལ་སྐུ་གཏེར་བདག་གླིང་པ། དེས་བདག་ལའོ། །དར་གྱི་རྟགས་ཡོད་པ་རྣམས་ཀྱི་བརྒྱུད་ལུགས་གཅིག་ནི། རྗེ་ནོར་བུ་དབང་རྒྱལ་ནས། འཁྲུལ་ཞིག་ནོར་བུ་ཆོས་བརྟན། ཆོས་གཏེར་འཕྲིན་ལས་ལྷུན་གྲུབ། རྒྱལ་སྲས་གཏེར་བདག་གླིང་པ། དེས་བདག་ལའོ། །གསུམ་པ་མན་ངག་གི་སྡེའི་སྐོར་ལ། ཤིན་ཏུ་ཟབ་པ་ཡང་གསང་བླ་མེད། རྫོགས་ཆེན་གསང་སྐོར། ཕྱི་སྐོར་ནང་སྐོར་གྱི་མན་ངག་གི་སྡེ་དང་གསུམ། དང་པོ་ནི། ལྡང་མ་ལྷུན་རྒྱལ་གྱི་གཏེར་བྱོན་སྐབས་རྒྱས་པར་ཡོད་པས་འདིར་ས་བཅད་ཙམ་བཀོད་པ་ལ། དབང་རྫོགས་པ་རང་བྱུང་ཆེན་པོའི་རྒྱུད་ལེའུ་ཉེར་ལྔ་པ། གསང་བ་ཡི་གེ་མེད་པ་རིན་པོ་ཆེ་རྒྱལ་མཚན་གྱི་རྒྱུད་ལེའུ་དྲུག་པ། རིག་པ་རང་ཤར་མན་ངག་གི་བཤད་རྒྱུད་ལེའུ་བརྒྱད་ཅུ་རྩ་དྲུག་པ།
རིག་པ་རང་གྲོལ་ཆེན་པོའི་རྒྱུད་ལེའུ་བཅུ་པ། རིན་ཆེན་སྤུངས་པའི་རྒྱུད་ལེའུ་ལྔ་པ། སྐུ་གདུང་འབར་བ་ཆེན་པོའི་རྒྱུད་ལེའུ་གསུམ་པ། སྒྲ་ཐལ་འགྱུར་ཆེན་པོའི་རྒྱུད་ལེའུ་དྲུག་པ། བཀྲ་ཤིས་མཛེས་ལྡན་གྱི་རྒྱུད་ལེའུ་ལྔ་པ། རྡོ་རྗེ་སེམས་དཔའ་སྙིང་གི་མེ་ལོང་གི་རྒྱུད་ལེའུ་བརྒྱད་པ། ཀུན་ཏུ་བཟང་པོ་ཐུགས་ཀྱི་མེ་ལོང་གི་རྒྱུད་ལེའུ་བཞི་པ། ངོ་སྤྲོད་སྤྲས་པའི་རྒྱུད་ལེའུ་གསུམ། མུ་ཏིག་ཕྲེང་བའི་རྒྱུད་ལེའུ་བརྒྱད་པ། ཀུན་ཏུ་བཟང་པོ་ཀློང་དྲུག་གི་རྒྱུད་སྐབས་དྲུག་པ། སྒྲོལ་མ་འབར་བའི་རྒྱུད་ལེའུ་བཞི་པ། ཉི་ཟླ་ཁ་སྦྱོར་གྱི་རྒྱུད་ལེའུ་བཞི་པ། སེང་གེ་རྩལ་རྫོགས་ཀྱི་རྒྱུད་ལེའུ་བཅུ་གསུམ་པ། ནོར་བུ་ཕྲ་བཀོད་ཀྱི་རྒྱུད་ལེའུ་བཅུ་བཞི་པ། ཁྲོས་ནག་གསང་བ་སྙིང་རྒྱུད་ལེའུ་སོ་གཅིག་པ། ཚངས་པར་སྤྲུལ་ནས་གསུངས་པའི་རྒྱུད་ལེའུ་ཞེ་གཅིག་པ། ཡང་སྤྲུལ་མུ་སྟེགས་བདུད་དུ་སྤྲུལ་ནས་གསུངས་པ་ལེའུ་ལྔ་པ་རྣམས་ལེགས་པར་ནོས་པའི་རྒྱུད་བཅུ་བདུན་གྱི་བརྒྱུད་པ་ནི། ཆོས་སྐུ་ཀུན་ཏུ་བཟང་པོ། ལོངས་སྐུ་ཞི་ཁྲོ་རབ་འབྱམས། སྤྲུལ་སྐུ་རྡོ་རྗེ་འཆང་ཆེན། རྡོ་རྗེ་སེམས་དཔའ། ཕྱག་ན་རྡོ་རྗེ། རིག་འཛིན་དགའ་རབ་རྡོ་རྗེ། སློབ་དཔོན་འཇམ་དཔལ་བཤེས་གཉེན། མཁས་པ་ཤྲཱི་སིངྷ། སློབ་དཔོན་ཡེ་ཤེས་མདོ། པཎ་ཆེན་བི་མཱ་ལ་མི་ཏྲ། ཉང་ཏིང་འཛིན་བཟང་པོ། གནས་བརྟན་ལྡང་མ་ལྷུན་རྒྱལ། ལྕེ་བཙུན་སེང་གེ་དབང་ཕྱུག །ཞང་སྟོན་བཀྲ་ཤིས་རྡོ་རྗེ། མཁས་པ་ཉི་མ་འབུམ། ཆོས་བདག་གུ་རུ་ཇོ་འབེར། འཁྲུལ་ཞིག་སེང་གེ་རྒྱབ་པ། གྲུབ་ཆེན་མེ་ལོང་རྡོ་རྗེ། རིག་འཛིན་ཀུ་མཱ་རཱ་ཛ། ཀློང་ཆེན་ཆོས་ཀྱི་རྒྱལ་པོ། མཁས་གྲུབ་ཐར་པ་གླིང་པ། མཚུངས་མེད་བྱ་བྲལ་ཆོས་རྗེ། རྗེ་སངས་རྒྱས་དཔོན་པོ། སྟག་མགོ་ཡོན་ཏན་དཔལ། བླ་མ་སངས་རྒྱས་ཡེ་ཤེས། སྟག་མགོ་སངས་རྒྱས་རྒྱལ་མཚན།
མི་འགྱུར་ལས་འཕྲོ་གླིང་པ། ཆོས་རྒྱལ་འབྲི་ཁུང་པ་རིན་ཆེན་ཕུན་ཚོགས། སྣང་གསལ་བ་བཀྲ་ཤིས་རྒྱ་མཚོ། རིག་འཛིན་དུ་མ་རང་གྲོལ། རྗེ་ངག་དབང་ཡེ་ཤེས་གྲུབ་པ། ཟུར་ཀུན་མཁྱེན་ཆོས་དབྱིངས་རང་གྲོལ། དེས་བདག་ཟ་ཧོར་བནྡེ་ལ་བཀའ་དྲིན་དུ་སྩལ་ཏོ། །བཀའ་སྲུང་གི་རྒྱུད་ནི། རྗེ་སངས་རྒྱས་དབོན་པོ་ནས། གསེར་གླིང་པ་ཆོས་དབྱིངས་གྲགས་པ། ཡང་རྫོང་གྲུབ་ཆེན་བྱང་ཆུབ་དཔལ་མོ། སྤྲུལ་སྐུ་ཆོས་ཀྱི་དབང་པོ། རྒྱལ་སྲས་འཕྲིན་ལས་མཚན་ཅན། སྔགས་འཆང་རིན་ཆེན་ཕུན་ཚོགས། མཚུངས་མེད་རིན་ཆེན་དར་རྒྱས། རྗེ་འཕྲིན་ལས་ལྷུན་གྲུབ། དྲིན་ཅན་གཏེར་བདག་གླིང་པ། དེས་བདག་ལའོ། །རྒྱུད་འདི་རྣོ་གྲགས་པས་རིག་འཛིན་ཀུ་མཱ་རཱ་ཛས་ཕྲ་མོ་བྲག་གི་ཤུག་པ་རྐང་གཅིག་ལ་སྦས་པ་སྔགས་སྲུང་ལས་ལུང་བསྟན་ལྟར་རཏྣ་གླིང་པས་སྤྱན་དྲངས་པའི་ཉེ་བརྒྱུད་ནི། རིག་འཛིན་རཏྣ་གླིང་པ། རྒྱལ་སྲས་ཚེ་དབང་གྲགས་པ། གར་དབང་ལས་འཕྲོ་གླིང་པ། མཚུངས་མེད་ནོར་བུ་ཡོངས་གྲགས། དེ་སྲས་ནོར་བུ་དབང་རྒྱལ། ཆོས་ལྡན་པ་རཏྣ་འཕྲིན་ལས་བསྟན་འཛིན། འཁྲུལ་ཞིག་ནོར་བུ་ཆོས་བརྟན། རྗེ་བཙུན་འཕྲིན་ལས་ལྷུན་གྲུབ་མན་གོང་བཞིན་ནོ། །གཉིས་པ་གསང་སྐོར་ལ། རྒྱུད་ལུང་མན་ངག་ཐམས་ཅད་ཀྱི་སྤྱི་འགྲེལ་ཐིག་ལེ་ཀུན་གསལ་ཆེན་༼དར༽མོ་བཀླགས་པས་ཐམས་ཅད་ཤེས་པའི་རྒྱུད་ལ། སུམ་ཅུ་རྩ་གསུམ་རྣམ་པར་རྒྱལ་བའི་ཁང་བཟང་ན་ལྷའི་དབང་པོ་བརྒྱ་བྱིན་ལ་ལྷ་བྲན་རྣམས་ཀྱིས་བསྐོར་ནས་བཀའ་བགྲོས་ཏེ་ལྷ་མ་ཡིན་གྱི་གཡུལ་ངོ་བཟློག་པའི་མན་ངག་སོགས་གླེང་གཞིའི་ལེའུ་དང་པོ། གཞི་སྣང་ཆེན་པོའི་འདུག་ཚུལ་བསྟན་པ་གཉིས་པ། གཞིའི་དོན་བཤད་པ་གསུམ་པ། གཞི་སྣང་མཚོན་པའི་དཔེ་བཞི་པ། གཞི་དངོས་པོའི་གནས་ལུགས་
མཚོན་པའི་ཚིག་ངོས་བཟུང་བ་ལྔ་པ། སྤྱོད་པའི་དོན་བཤད་བསྡུས་ནས་ཞེ་དགུ་པ། འབྲུའི་དོན་བཤད་བསྟན་པ་ལྔ་བཅུ་པ། གཏན་ཚིགས་བསྟན་པ་ང་གཅིག་པ། སྤྱན་གྱི་དོན་བཤད་པ་གོ་གསུམ་པ། མུ་བཞིའི་དོན་བཤད་བསྟན་པ་གོ་བཞི་པ། སྒྲའི་དོན་བཤད་བསྟན་པ་གོ་ལྔ་པ། འབྲས་བུ་འཐོར་བ་སྡུས་པ་དང་སྐྱོན་གྱིས་མཐའ་གསལ་བར་བསྟན་པ་གོ་དྲུག་པ། རྒྱུད་ཀྱི་དགོངས་པ་དང་ཡི་རང་བར་བསྟན་པ་གོ་བདུན་པའོ། །རྒྱ་གར་གྱི་མཁན་པོ་དཔལ་ལྡན་སེང་གེའི་འོད་ཅན་དང་བོད་ཀྱི་ལོ་ཙཱ་བ་བཻ་རོ་ཙ་ནས་བསྒྱུར་བའོ། །བསྟན་པ་ཐམས་ཅད་ཀྱི་སྙིང་པོ་སེམས་ཅན་ཐམས་ཅད་ལ་སངས་རྒྱས་རང་བཅས་༼ཁྲ༽ཆེན་པོར་བཞུགས་པའི་རྒྱུད་ལ། འདི་སྐད་བདག་གིས་བསྟན་པའི་དུས་གཅིག་ན་ཆོས་ཉིད་སྤྲོས་པ་དང་བྲལ་བའི་ངང་ན་རང་བྱུང་རིག་པའི་རྒྱལ་པོ་སངས་རྒྱས་འོད་ཀྱི་ཕུང་པོ་ཆེན་པོ་སོགས་སངས་རྒྱས་དངོས་སུ་བསྟན་པའི་ལེའུ་དང་པོ། སྐུ་དང་ཡེ་ཤེས་ལྔ་པ། ཡོངས་སུ་གཏད་པ་བརྒྱད་པ་བི་མཱ་ལས་ཉང་ཏིང་འཛིན་བཟང་པོ་ལ་གཏད། དེས་བཀའ་མི་ནུབ་པའི་ཆེད་དུ་སྦས་བློ་གྲོས་དབང་ཕྱུག་ལ་གནང་ཞིང་ཞའི་སྐེད་ཚང་དུ་སྦས་པ་ལྡང་མ་ལྷུན་རྒྱལ་གྱིས་སྤྱན་དྲངས་པའི་བཀའ་གཏེར་ཟུང་འཇུག །རྒྱལ་པོ་རྡོ་རྗེ་སེམས་དཔའི་དགོངས་པ་བསྟན་པ་ཐམས་ཅད་ཀྱི་བུ་༼ཁྲ༽གཅིག་པུ་ཞེས་བྱ་བའི་རྒྱུད་ལ། འདི་སྐད་བདག་གིས་བསྟན་པའི་དུས་གཅིག་ན་ཆོས་ཀྱི་དབྱིངས་ཀྱི་ཞིང་ཁམས་རྣམ་པར་དག་པ་ཆོས་དབྱིངས་དུས་གསུམ་སྐྱེ་འགག་མེད་པ་ན་སོགས་གླེང་གཞི་ལེའུ་དང་པོ། སངས་རྒྱས་ཀྱི་བཞུགས་ཚུལ་བསྟན་པ་ལྔ་པ། དབང་པོ་རབ་འབྲིང་གི་གྲོལ་ཚུལ་བསྟན་པ་བརྒྱད་པ་ལོ་པཎ་དང་བཀའ་གཏེར་གོང་འདྲ། ངོ་སྤྲོད་སྤྲས་པ་ཞིང་ཁམས་བསྟན་པའི་རྒྱུད་ཅེས་བྱ་བ་ལ། འདི་སྐད་བདག་གིས་བསྟན་པའི་
དུས་གཅིག་ན་ཆོས་ཀྱི་དབྱིངས་ཕོ་བྲང་དུ་རང་བྱུང་རིག་པའི་རྒྱལ་པོས་འཁོར་ཡེ་ཤེས་རྒྱ་མཚོའི་ཚོགས་ལ་སོགས་སེམས་དང་ཡེ་ཤེས་བསྟན་པའི་ལེའུ་དང་པོ། སྐུ་བཞི་རང་སྣང་དང་བཅས་པ་དྲུག་པ། འབྲས་བུ་ལོངས་སྤྱོད་རྫོགས་པའི་སྐུ་ལ་ངོ་སྤྲོད་པ་འདུན་པ། ངོ་སྤྲོད་ཉི་ཤུ་རྩ་གསུམ་བསྟན་པ་བཅུ་གསུམ་པ་བསྒྱུར་བྱེད་ཀྱི་ལོ་པཎ་དང་བཀའ་གཏེར་གོང་འདྲ། ཡེ་ཤེས་མར་མེའི་༼ཁྲ༽རྒྱུད་ལ། འདི་སྐད་བདག་གིས་བསྟན་པའི་དུས་གཅིག་ན་མ་བྲིས་པའི་དཀྱིལ་འཁོར་རང་བཞིན་གྱི་འོད་གསལ་བ་ན་སྲོག་མེད་པའི་སྐུ་སངས་རྒྱས་འོད་མི་འགྱུར་ཆེན་པོ་སོགས་ལེའུ་གསུམ་ལོ་པཎ་དང་བཀའ་གཏེར་གོང་འདྲ། སངས་རྒྱས་རྡོ་རྗེ་སེམས་དཔའི་དགོངས་པ་ཚིག་གསུམ་པའི་རྒྱུད་༼ཁྲ༽ཅེས་བྱ་བ་ལ། ཡེ་ཤེས་ཀྱི་སྣང་བ་འགག་པ་མེད་པ་འོད་ཀྱི་དཀྱིལ་འཁོར་ཆེན་པོ་གསལ་བའི་ཀློང་ན་རང་སྣང་རྟོགས་པའི་འཁོར་རིགས་ལྔ་དང་སྣང་བ་འོད་ཀྱི་ཕུང་པོ་ལ་འདུ་འབྲལ་མེད་པར་བཞུགས་སོ་ཞེས་སོགས་རྡོ་རྗེ་སེམས་དཔའི་གསང་ལམ་བསྟན་པ་དང་པོ་སོགས་ལེའུ་གསུམ་ལོ་པཎ་དང་བཀའ་གཏེར་གོང་འདྲ། མན་ངག་སྙིང་གི་དགོངས་པ་རྒྱལ་བའི་བཀའ་ཞེས་བྱ་བའི་རྒྱུད་ལ། འདི་སྐད་བདག་གིས་བསྟན་པའི་དུས་གཅིག་ན་རྒྱལ་བ་འོད་ཀྱི་ཕུང་པོ་ཆེན་པོ་ཡེ་ཤེས་ཀྱི་གཞལ་མེད་ཁང་ན་རིགས་ལྔའི་སངས་རྒྱས་དང་ཐུགས་ཀྱི་དཀྱིལ་འཁོར་འོད་གསལ་བའི་དགོངས་པ་ལ་བཞུགས་པ་སོགས་སྐུ་དང་ཡེ་ཤེས་འདུ་འབྲལ་མེད་པའི་གླེང་གཞིའི་ལེའུ་དང་པོ། བར་དོའི་སྣང་བ་བསྟན་པ་བདུན་པ། འཁོར་བ་ངན་སོང་དུ་འཁྱམས་ཚུལ་བརྒྱད་པ། གསང་སྐོར་གླེགས་བམ་དུ་འདི་ཡན་ལས་མི་འདུག་ཅིང་བརྒྱད་པོ་ཁྱབ་བདག་ཁྲ་ཚང་པར་ཡང་ཞུས། མུན་ཁུང་དུ་སྒྲོན་མེ་བཏེག་པ་ལྟ་བུའི་ལེའུ་སྟེ་བཅུ་གསུམ་པའོ། །ལོ་པཎ་དང་བཀའ་གཏེར་གོང་ལྟར་རོ། །
ཐིག་ལེ་ཀུན་འདུས་ཆེན་པོའི་རྒྱུད་ལ། འདི་སྐད་བདག་གིས་ཐོས་པའི་དུས་གཅིག་ན་བཅོམ་ལྡན་འདས་རྡོ་རྗེ་འཆང་ཆེན་པོ་དེ་རྣམ་དག་པད་མོའི་ཚལ་རིན་པོ་ཆེ་ཡེ་ཤེས་ཀྱི་གཞལ་མེད་ཁང་ཆེན་པོ་ན་སངས་རྒྱས་རབས་བདུན་དང་སོགས་གླེང་གཞི་གླེང་བསླང་བའི་ལེའུ་དང་པོ། མན་ངག་རྒྱུད་བཞི་བཤད་པ་དྲུག་པ། མན་ངག་རྒྱུད་བཞིའི་དགོངས་པ་བསྟན་པ་བདུན་པ། རྗེས་སུ་ཡི་རང་བ་སྟེ་ལེའུ་བཅུ་གཉིས་མཇུག་ན་ལེ་ཕྲན་ཞེ་བདུན་པ་ཞེས་པ་ཞིག་སྣང་། པའོ་སློབ་དཔོན་ཆེན་པོ་པད་མས་ནམ་མཁའི་སྙིང་པོ་སོགས་རྗེ་འབངས་གྲོགས་གསུམ་ལ་གདམས་པ། སྐུ་རྒྱུད་པདྨ་པཎ་ཆེན་སྐུ་མཆེད་ཀྱི་གསན་ཡིག་ཏུ་བྲམ་ཟེའི་སྐོར་དུ་མཛད། འཁྱིལ་༼དར༽པ་ལ། འདི་སྐད་བསྟན་པའི་སྔོན་རོལ་ན། འདི་སྐད་བདག་གིས་བསྟན་པའི་དུས་གཅིག་ན་འཁོར་གྱི་ལྷ་དང་མི་དང་ལྷ་མ་ཡིན་ཞེས་སོགས་དུས་ གསུམ་གྱི་སངས་རྒྱས་དགོངས་པས་བརྒྱུད ་པ་དང་རིག་འཛིན་རྣམས་རིགས་པ་བརྡས་བརྒྱུད་པ་བསྟན་པའི་ལེའུ་དང་པོ། རིན་ཆེན་གསེར་མིག་གི་མན་ངག་བསྟན་པ་གཉིས་པ། རིན་པོ་ཆེ་སྤྱི་བཅིངས་བཅུ་པ། རྡོ་རྗེ་སེམས་དཔའི་ཚུལ་ཡོངས་སུ་རྫོགས་པ་ཉི་ཤུ་པ། རྗེས་སུ་ཡི་རང་བའི་ལེའུ་ཉེར་གཅིག་པའོ་སློབ་དཔོན་ཆེན་པོས་གདམས་པ་སོགས་གོང་བཞིན་ནོ། །གསུང་རྒྱུད་རྡོ་རྗེ་རྩེ་མོ་འདུས་པ་ལ། འདི་སྐད་བདག་གིས་ཐོས་པའི་དུས་གཅིག་ན་འཁོར་ཆེན་པོ་འདུས་པའི་ཚོགས་མ་ལུས་པ་རྣམས་ལེགས་པར་ཉོན་ངས་ཤེས་རབ་ཀྱི་ཕ་རོལ་ཏུ་ཕྱིན་པའི་དོན་ཕྱིན་ཅི་མ་ལོག་པ་སྟོན་ནོ་སོགས་མགོན་པོ་དྲི་མ་མེད་པས་ཡེ་ཤེས་རང་བྱུང་དུ་བསྟན་པའི་ལེའུ་དང་པོ། རྡོ་རྗེ་ཐུགས་ཀྱི་ཉིང་ཁུ་ཕྱུང་བ་དྲུག་པ། གང་ཟག་ལ་གཏད་པར་བསྟན་པའི་ལེའུ་བཅུ་པའོ་སློབ་དཔོན་བི་མཱ་ལ་དང་ལོ་ཙཱ་བ་སྐ་ཅོག་ཞང་གསུམ་གྱི་འགྱུར། ཐུགས་ཀྱི་རྒྱུད་
ཡེ་ཤེས་བླ་མ་ཆེན་པོ་ལ། འདི་སྐད་བདག་གིས་ཐོས་པའི་དུས་གཅིག་ན་ཕྱོགས་བཅུ་དུས་གསུམ་གྱི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གང་ཇི་སྙེད་ཅིག་བཞུགས་ཤིང་འཚོ་སྐྱོང་བ་སོགས་ལེའུ་དང་པོར་གཙོར་བཞག་པ་སངས་རྒྱས་ཉིད་ཀྱིས་གསུངས་པའི་ལེའུ་སྟེ་དང་པོ། རྟོགས་པའི་ཁྱད་པར་བསྟན་པ་དང་རང་བྱུང་གི་ཡེ་ཤེས་ཆོས་ལས་འདས་པར་བསྟན་པ་བཞི་པ། འབྲས་བུ་མེད་པར་བསྟན་པ་བདུན་པ། མཇུག་ཏུ་འོག་མིན་ཆོས་ཀྱི་དབྱིངས་ཀྱི་ཕོ་བྲང་དུ་སངས་རྒྱས་འོད་སྲུངས་ཀྱིས་གསུངས། ཞུ་བ་པོ་ཕྱག་ན་རྡོ་རྗེས་ཞུས། སྡུད་པ་པོ་དགའ་རབ་རྡོ་རྗེས་བསྡུས། ས་ནོན་པའི་བྱང་ཆུབ་སེམས་དཔའ་མི་བཞི་ལ་བརྒྱུད་པ་འགྱུར་གོང་འདྲ། ཐིག་ལེ་གསང་བའི་བརྡ་༼དར༽རྒྱུད་ལ། པཎ་ཆེན་སྐུ་མཆེད་ཀྱི་གསན་ཡིག་ཏུ་ཀློང་སྡེར་སྣང་ངོ་། །འདི་སྐད་བདག་གིས་ཐོས་པའི་དུས་གཅིག་ན་བཅོམ་ལྡན་འདས་རྡོ་རྗེ་འཆང་ཆེན་པོ་དེ་མེ་རི་འབར་བའི་རྩེ་མོ་སྲི་ལ་མུ་དྲའི་དུར་ཁྲོད་ཀྱི་གནས་ཆེན་པོ་ན་སོགས་གླེང་གཞིའི་ལེའུ་དང་པོ། ངོ་སྤྲོད་བཞིའི་དགོངས་པ་དང་བཅས་པའི་བརྡ་བསྟན་པ་དགུ་པ། སེམས་དང་ཡེ་ཤེས་བརྡར་བསྟན་པ་བཅུ་པ། རྒྱུད་ཡོངས་སུ་གཏད་པ་བཅུ་དགུ་པའོ། །པཎྜི་ཏ་བི་མཱ་ལ་དང་གཉགས་ཛྙཱ་ཀུ་མཱ་རའི་འགྱུར། རྫོགས་པ་ཆེན་པོ་བྱང་ཆུབ་ཀྱི་སེམས་རྒྱལ་མཚན་རྩེ་མོའི་རྒྱུད་ཅེས་བྱ་བ་ལ། པཎ་ཆེན་སྐུ་མཆེད་ཀྱི་གསན་ཡིག་ཏུ་སེམས་སྡེར་མཛད། འདི་སྐད་བདག་གིས་ཐོས་པའི་དུས་གཅིག་ན་སངས་རྒྱས་མི་གཡོ་བའི་བསྐལ་པ་དང་པོ་ལ། ཡངས་པ་ཆེན་པོ་གྲོང་ཁྱེར་མ་བཀོད་པར་སྣང་བ་ཞེས་སོགས་དང་པོའི་བྱུང་ཚུལ་རང་གི་འདུག་ཚུལ་གྱི་ལེའུ་དང་པོ། ཆེ་བའི་ཡོན་ཏན་བསྟན་པ་གསུམ་པ། སངས་རྒྱས་ཀྱི་རིང་བསྲེལ་གང་ཟག་ལ་
གདབ་པར་བསྟན་པ་ལྔ་པའོ། །རྡོ་རྗེ་སྲིན་པོ་རྣོ་བའི་རྡོ་རྗེ་མཆུ་ཅན་གྱི་རྒྱུད་འཁོར་བ་དོང་སྤྲུགས་ཆེན་པོ་ལ། རྡོ་རྗེ་སེམས་དཔའི་ཞལ་ཆེམས་སངས་རྒྱས་འོད་དཔག་མེད་པའི་སྐུའི་རྟེན་དུ་བཞག་པ་ཆོས་ཉིད་རང་སྣང་གི་ནམ་མཁའ་ལ་རིན་པོ་ཆེ་གསེར་གྱི་གླེགས་བམ་ལ་བཻཌཱུཪྻ་ཞུན་མས་རང་ནན་དུ་བྲིས་པ་ཞེས་སོགས་རྒྱལ་པོ་ཕོ་བྲང་མེས་བསྲེགས་པའི་ལེའུ་དང་པོ། སྣང་སྲིད་ཁྱུར་མིད་དུ་ཟ་བ་བཞི་པ། སངས་རྒྱས་དུར་དུ་བཞུགས་པའི་ལེའུ་སྟེ་བདུན་པའོ། །པཎ་ཆེན་བི་མཱ་ལས་མངའ་བདག་ལ་གདམས་སོ། །རྫོགས་པ་ཆེན་པོ་ཐིག་ལེ་གསང་༼དར༽བ་དེ་ཁོ་ན་ཉིད་ངེས་པའི་རྒྱུད་ལ། འདི་སྐད་བདག་གིས་ཐོས་པའི་དུས་གཅིག་ན་དབྱིངས་རྣམ་པར་དག་པའི་ཐིག་ལེའི་ཀློང་རང་བཞིན་རྣམ་པར་དག་པའི་ཕོ་བྲང་ན་བཅོམ་ལྡན་འདས་རྡོ་རྗེ་སེམས་དཔའ་ཉིད་ཅེས་སོགས་ལེ་མེད་དུ་རྫོགས་པ་རྣམས་ལེགས་པར་ཐོབ་པའི་ཁྲའི་རྟགས་ཅན་མ་གཏོགས་པའི་བརྒྱུད་པ་ནི། དཔལ་ཀུན་ཏུ་བཟང་པོ། རྡོ་རྗེ་སེམས་དཔའ། དགའ་རབ་རྡོ་རྗེ། འཇམ་དཔལ་བཤེས་གཉེན། ཤྲཱི་སིངྷ། བི་མཱ་ལ་མི་ཏྲ། ཉང་ཏིང་འཛིན་བཟང་པོ། སྦས་བློ་གྲོས་དབང་ཕྱུག །འབྲོམ་རིན་ཆེན་འབར། ལྡང་མ་ལྷུན་གྲུབ་རྒྱལ། ལྕེ་བཙུན་སེང་གེ་དབང་ཕྱུག །འ་སྒོམ་ཀླུ་པོ། བླ་མ་ཤེས་རབ་གྲགས། ལ་སྟོད་རྗེ་བཙུན་ཟླ་བ། རྒྱལ་བ་ཞང་སྟོན། ཞང་ཆེན་ཉི་འབུམ། གུ་རུ་ཇོ་འབེར། འགོས་དངོས་གྲུབ་མགོན། བླ་མ་ཤཱཀྱ་རྒྱལ་མཚན། བླ་མ་དཔལ་བཟང་པོ། བླ་མ་རྡོ་རྗེ་རྒྱལ་མཚན། གཉལ་པ་བདེ་ལེགས་པ། མཚུངས་མེད་འཇམ་དབྱངས་བཤེས་གཉེན། ཨར་དགེ་བ་ཆོས་དཔལ་རྒྱལ་མཚན། མེས་སྒོམ་བསམ་གཏན་བཟང་པོ། ཆོས་རྒྱལ་རཏྣ་གླིང་པ། རྒྱལ་སྲས་ཚེ་དབང་གྲགས་པ། ཐུགས་སྲས་ངག་དབང་གྲགས་པ། རྗེ་བཙུན་ངག་དབང་ནོར་བུ། གཙུག་རྒྱན་ནོར་བུ་ཡོངས་གྲགས། དེ་སྲས་ནོར་བུ་དབང་རྒྱལ། གསུང་སྤྲུལ་
ཚུལ་ཁྲིམས་རྡོ་རྗེ། གར་དབང་ཚུལ་ཁྲིམས་རྒྱལ་མཚན། དྲིན་ཆེན་གཏེར་བདག་གླིང་པ། དེས་བདག་ཟ་ཧོར་བནྡེ་ལའོ། །དར་གྱི་རྟགས་ཡོད་པ་རྣམས་ཀྱི་བརྒྱུད་ལུགས་གཅིག་ནི། རྗེ་ནོར་བུ་དབང་རྒྱལ་ནས། བྱ་བཏང་ནོར་བུ་ཆོས་བརྟན། ཆོས་གཏེར་འཕྲིན་ལས་ལྷུན་གྲུབ། རྗེ་གཏེར་བདག་གླིང་པ། དེས་བདག་གོ །སྤྱི་རྒྱུད་ཐིག་ལེ་ཀུན་གསལ་གྱི་བརྒྱུད་ལུགས་གཅིག་ནི། གསུང་སྤྲུལ་ནས། རིགས་ཀུན་བདག་པོ་བློ་གྲོས་མཆོག་གི་རྡོ་རྗེ། དེས་བདག་ལའོ། །ཡང་ན་ལྕེ་བཙུན་སེང་གེ་དབང་ཕྱུག་ཡན་གོང་ལྟར་ལས། ལྕེ་སྒོམ་ནག་པོ། སྲས་ཇོ་སྲས་རྒྱ་བོ། བླ་མ་ལ་སྟོད་གཞོན་དགའ། དབོན་ལྕེ་དོན་རྡོར་བཟུང་། མཁས་བཙུན་འོད་བཟུང་། ཞིག་པོ་ལྷུན་གྲུབ་རྡོ་རྗེ། རོང་པ་སྒོམ་ཆེན། སྐལ་ལྡན་ཡེ་ཤེས། ལྷ་རྗེ་ཇོ་སྐྱིད། སྤྲུལ་སྐུ་བསྟན་འཛིན། ཅོག་རོ་རྡོ་རྗེ་རྩེ་མོ། སངས་རྒྱས་དབང་གི་རྡོ་རྗེ། ལྕེ་སྟོན་ཀྲོ་དྷ་རཱ་ཛ། གྲུབ་ཆེན་དགའ་རབ་རྡོ་རྗེ། མཁས་གྲུབ་ཟུར་ཧཱཾ་ཆོས་རྗེ། དམ་པ་དཔལ་བཟང་། ཤཱཀྱ་མི་ཏྲ། སོག་པོ་དཔལ་ཡེ། ཀུན་བཟང་དཔལ་བ། མཁས་གྲུབ་བསོད་ནམས་རྒྱལ་མཚན། རྣམ་གྲོལ་བཟང་པོ། ཆོས་ཀྱི་སེང་གེ །སྤྲུལ་སྐུ་ཆོས་ཀྱི་དབང་པོ། གུ་རུ་ཀརྨ་ཆོས་སྐྱོང་། ཡར་འབྲོག་ཡོམ་པོ་དོའི་བླ་མ་བཀྲ་ཤིས་ལྷུན་གྲུབ། ཁྱབ་བདག་ཁྲ་ཚང་པ་ཆེན་པོ། དེས་བདག་ལའོ། །ཡང་ན་ཀུན་ཏུ་བཟང་པོ། རྡོ་རྗེ་འོད་མི་འགྱུར། རྒྱལ་བ་རིགས་ལྔ། རྡོ་རྗེ་སེམས་དཔའ། གཞོན་ནུ་དཔའ་བོ་སྟོབས་ལྡན། སངས་རྒྱས་འོད་སྲུང་བགྲེས་པོ། ཐུབ་པའི་དབང་པོ། སྡུད་པ་པོ་ཕྱག་ན་རྡོ་རྗེ། དགའ་རབ་རྡོ་རྗེ། འཇམ་དཔལ་བཤེས་གཉེན། ཤྲཱི་སིངྷ། བི་མཱ་ལ་མི་ཏྲ། ཛྙཱ་ན་ཀུ་མཱ་ར། རྗེ་ཁྲི་སྲོང་ལྡེ་བཙན། ཉང་ཏིང་འཛིན་བཟང་པོ་མན་འདྲ། ཁྲའི་རྟགས་ཡོད་པ་རྣམས་ཀྱི་བཀའ་མའི་བརྒྱུད་ལུགས་
ནི། ཀུན་ཏུ་བཟང་པོ། རིགས་ལྔ་ཡབ་ཡུམ། སེམས་དཔའ་བཅུ་དྲུག །དགའ་རབ་རྡོ་རྗེ། འཇམ་དཔལ་བཤེས་གཉེན། ཤྲཱི་སིངྷ། ཛྙཱ་ན་སུ་ཏྲ། བི་མཱ་ལ་མི་ཏྲ། ཉང་ཏིང་འཛིན་བཟང་པོ། སྦས་བློ་གྲོས་དབང་ཕྱུག །སྣོད་ལྡན་རིན་ཆེན་འབར། གནས་བརྟན་ལྡང་མ་ལྷུན་རྒྱལ། ལྕེ་བཙུན་སེང་གེ་དབང་ཕྱུག །གུ་རུ་ཤངས་པ་རས་པ། བླ་མ་ཟབ་དོན་ཆོས་འབར། དམ་པ་དགེ་སྟོན་ཡབ་སྲས། གཉན་སྟོན་ཤེས་རབ་རྩེ་མོ། དྲིན་ཅན་སྤྲུལ་སྐུ་མཆེད་གཉིས། རྒྱལ་སྨན་ནམ་མཁའ་རྡོ་རྗེ། རིག་འཛིན་ཀུ་མཱ་རཱ་ཛ། གཡུང་སྟོན་རྡོ་རྗེ་དཔལ། ཐུགས་སྲས་དགེ་འདུན་བཟང་པོ། རྒྱལ་སྲས་རྡོ་རྗེ་ཐུགས་མཆོག་རྩལ། མཁའ་སྤྱོད་དབང་མོ་དོན་གྲུབ་བཟང་མོ། གཏེར་སྟོན་ཀུན་སྐྱོང་གླིང་པ། ཟུར་ཧཱམ་རྒྱལ་བ་དཔལ་བཟང་། ལྷ་རིགས་འཇམ་དཔལ་དབྱངས་རིན་ཆེན་རྒྱལ་མཚན། མངའ་རིགས་པཎ་ཆེན་དབང་རྒྱལ་རྡོ་རྗེ། གཅུང་རིག་འཛིན་ལེགས་ལྡན་རྡོ་རྗེ། རི་ཕུག་རྒྱལ་སྲས་ཀུན་མཁྱེན་འབྱུང་གནས། དེ་སྲས་འཇམ་དབྱངས་ལེགས་ལྡན། མཚུངས་མེད་དོན་གྲུབ་རྒྱལ་མཚན། ཁྱབ་བདག་བློ་མཆོག་རྡོ་རྗེ། དེས་བདག་ལའོ། །གཏེར་མ་ལྟར་ན། ཉང་ཏིང་འཛིན་བཟང་པོ་ནས། གཏེར་སྟོན་ལྡང་མ་ལྷུན་རྒྱལ་མན་གོང་བཞིན་ནོ། །ཡང་ན་ལྕེ་བཙུན་ནས། རྒྱལ་བ་ཞང་སྟོན། ཉི་མ་འབུམ། གུ་རུ་ཇོ་འབེར། སེང་གེ་རྒྱལ་པོ། མེ་ལོང་རྡོ་རྗེ། ནམ་མཁའ་རྡོ་རྗེ། རིགས་འཛིན་ཀུ་མཱ་རཱ་ཛ་མན་གོང་ལྟར་རོ། །ཡང་ན་ཀུ་མཱ་རཱ་ཛ་ནས། ཀློང་ཆེན་རབ་འབྱམས། རྗེ་ཆོས་དབང་བཟང་པོ། བླ་མ་ཆོས་ཉིད་རང་གྲོལ། གུ་རུ་ཤཱཀྱ་བཟང་པོ། གུ་རུ་བུདྡྷ་ཤྲཱི། སྤྲུལ་སྐུ་ཆོས་ཀྱི་དབང་པོ། རིག་འཛིན་ལེགས་ལྡན་རྡོ་རྗེ་མན་འདྲ། ཡང་ན་རི་ཕུག་རྒྱལ་སྲས་ཐུགས་མཆོག་རྩལ་ནས། ཕ་རྒོད་བསོད་ནམས་བཟང་པོ། དོན་གྲུབ་བཟང་མོ། རྫོགས་ཆེན་པ་ཤཱཀྱ་རྒྱལ་མཚན། སྔགས་འཆང་གསང་སྔགས་རྡོ་
རྗེ། ལེགས་ལྡན་རྗེ་མན་འདྲ། ཡང་ན་ལྕེ་བཙུན་ནས། ལྕེ་སྒོམ་ནག་པོ། ཇོ་སྲས་རྒྱལ་པོ། ལ་སྟོད་པ་གཞོན་དགའ། ལྕེ་སྟོན་རྡོ་རྗེ་བཟུང་། མཁས་བཙུན་འོད་བཟུང་། ལྷུན་གྲུབ་རྡོ་རྗེ། རོང་པ་སྒོམ་ཆེན། སྐལ་ལྡན་ཡེ་ཤེས། ལྷ་རྗེ་ཇོ་སྐྱིད། སྤྲུལ་སྐུ་བསྟན་འཛིན། རྡོ་རྗེ་རྩེ་མོ། སངས་རྒྱས་དབང་རྡོར། ལྕེ་ཁྲོ་བོ་རྒྱལ་པོ། བླ་མ་དགའ་རབ་རྡོ་རྗེ། ཟུར་ཧཱམ་ཆོས་རྗེ། དམ་པ་དཔལ་བཟང་། ཤཱཀྱ་མི་ཏྲ། སོག་པོ་དཔལ་ཡེ། སྨུལ་སྟོན་ཀུན་བཟང་དཔལ། ཀ་ཐོག་པ་བསོད་ནམས་རྒྱལ་མཚན། ཀ་ཐོག་པ་རྣམ་གྲོལ་བཟང་པོ། ལེགས་ལྡན་རྗེ་མན་འདྲ། ཡང་ན་ལྕེ་སྒོམ་ནག་པོ་ནས། གཟད་དྲང་སྲོང་སྔོན་མོ། གཙང་པ་ཡ་རིང་གྲགས་གསེ། མཁར་སྟེང་ཐག་སྟོན་པདྨ། འཕྱོང་རྒྱས་སྤེན་མཁར་ཤ་སྟོན་རྡོར་གླིང་པ། འཕྱོངས་ཕུག་ཉང་བརྩོན་འགྲུས་སེང་གེ །དབོན་རིན་པོ་ཆེ་སྐལ་ལྡན་པ། སྨན་ལུང་པ་མི་བསྐྱོད་རྡོ་རྗེ། དྭགས་སྟོན་དབང་ཕྱུག་རྡོ་རྗེ། གཉན་སྟོན་ཡེ་ཤེས་རྡོ་རྗེ། སེང་སྡིངས་པ་ཡབ་སྲས། གུ་རུ་ཆོས་སྐུ་འོད་ཟེར། སྤ་ལུང་པ་དཔལ་འབྱོར་དབང་ཕྱུག །དེ་སྲས་ནམ་མཁའ་གུ་རུ། ཀླུ་པ་ཆོས་དབང་དཔལ་འབྱོར། རྗེ་ཀརྨ་གུ་རུ། ཆོས་དབང་བསྟན་འཛིན་ཉི་མ། ཁྱབ་བདག་བློ་མཆོག་རྡོ་རྗེ། དེས་བདག་ལའོ། །ཡང་ན་དཔལ་འབྱོར་དབང་ཕྱུག་ནས། ཆོས་ཀྱི་དབང་པོ། ཀརྨ་གུ་རུ་མན་འདྲ། ཡང་ན་ནམ་མཁའ་གུ་རུ་ནས། རྩེ་ལེ་བསོད་ནམས་རྣམ་རྒྱལ། རྩེ་ལེ་ཨོ་རྒྱན་བསྟན་འཛིན། ཀརྨ་གུ་རུ་མན་གོང་བཞིན་ནོ། །གསུམ་པ་ཕྱི་སྐོར་ནང་སྐོར་གྱི་མན་ངག་གི་སྡེར། རིན་པོ་ཆེ་སྲིད་པ་བར་དོ་རང་སྣང་གི་རྒྱུད་ལ། པཎ་ཆེན་སྐུ་མཆེད་ཀྱི་གསན་ཡིག་ཏུ་ཀློང་སྡེར་སྣང་ངོ་། །དུས་བཞི་མཉམ་པར་གཅིག་པ་སྣང་བའི་དུས། །རྒྱུ་རྐྱེན་མ་སྐྱེས་ཡེ་ཤེས་རང་སྣང་དུ། །ཞེས་སོགས་ཕུན་སུམ་ཚོགས་པའི་གླེང་གཞི་དང་
པོ། མཐོ་རིས་ངན་སོང་བརྟག་པ་བདུན་པ། ཉོན་མོངས་སྦྱང་པ་བརྒྱད་པ། རྒྱུད་གཏད་པ་བཅུ་དྲུག་པའོ། །ལྷ་མ་ཡིན་གཡུལ་ངོ་བཟློག་༼དར༽པའི་རྒྱུད་ལ། པཎ་ཆེན་སྐུ་མཆེད་ཀྱི་གསན་ཡིག་ན་བྲམ་ཟེའི་སྡེབས་སུ་མཛད། འདི་སྐད་བདག་གིས་བཤད་པའི་དུས། །རྡོ་རྗེ་ཆོས་ཀྱི་བློ་གྲོས་དང་། །མཁའ་འགྲོ་ཉི་མའི་སེང་གེ་དང་། །སྟབས་གཅིག་པ་ཡི་བྱང་སེམས་རྣམས། །ཞེས་སོགས་གླེང་གཞིའི་ལེའུ་དང་པོ། སློབ་དཔོན་ངོ་སྤྲོད་ཆོས་ལེན་གཉིས་པ། ལྷའི་བུའི་བདུད་གཞོམ་པ་བཅུ་བཞི་པ། ཉོན་མོངས་པའི་བདུད་གཞོམ་པ་བཅོ་ལྔ་པ། གདམས་པ་རང་བྱུང་དུ་བསྟན་པ་ཉེར་དགུ་པ། འབྱུང་པོ་ཐམས་ཅད་འདུལ་བ་ཆོས་མེན་ཞེས་བྱ་བ་སུམ་ཅུ་པའོ། །རོ་སྲེག་ཐལ་པ་ནག་༼དར༽པོའི་རྒྱུད་ལ། པཎ་ཆེན་སྐུ་མཆེད་ཀྱི་གསན་ཡིག་ན་བྲམ་ཟེའི་སྡེབས་སུ་མཛད། འདི་སྐད་བདག་གིས་ཐོས་པའི་དུས་གཅིག་ན། །རྣམ་པར་དག་པའི་ཞིང་ཁམས་ཆེན་པོའི་གནས། །རང་སྣང་ཐིག་ལེ་རྟོགས་པའི་དུས་ཉིད་ན། །ཞེས་སོགས་གླེང་གཞི་ལེའུ་དང་པོ། གདམས་པའི་ངོ་སྤྲོད་གང་དག་རོ་སྲེག་པ་བདུན་པ། ལེའུ་བདུན་བརྒྱད་གཉིས་པོ་འདི་ལ་སྐད་ཤན་སྦྱར་སོགས་སྣང་ཡང་སྔ་མའི་འཕྲོས་ཡིན་ནོ། །དཀྱིལ་འཁོར་བྲི་བའི་ཐབས་བསྟན་པ་བརྒྱད་པ། རྗེས་སུ་ཡི་རང་བའི་ལེའུ་བཅུ་དྲུག་པའོ། །ལྷ་རྒྱུད་རིན་པོ་ཆེ་སྤུངས་པ་༼དར༽འཁོར་བ་དོང་སྤྲུག་གི་རྒྱུད་ལ། འདི་སྐད་བདག་གིས་ཐོས་པའི་དུས་གཅིག་ན། །བཅོམ་ལྡན་ཀུན་ཏུ་བཟང་པོ་ཡིས། །རང་གྲོལ་ཡེ་ཤེས་རང་ལ་ཤར། །ཕྱི་ནང་མེད་པའི་ཟང་ཐལ་ནས། །ཞེས་སོགས་གླེང་བསླང་བ་དང་པོ། ཀུན་ཏུ་བཟང་པོ་རང་སྣང་གཉིས་པ། འབྲས་བུ་རང་སར་གྲོལ་བ་བཅོ་ལྔ་པ། ཡོན་ཏན་དང་འབྲས་བུ་དམར་འཁྲིད་བཅུ་དྲུག་པ། རྩ་རླུང་ཡེ་ཤེས་རླུང་གི་ལེའུ་སོ་གཉིས་པ། རྗེས་སུ་ཡི་རང་བའི་ལེའུ་སོ་གསུམ་པའོ། །འཕགས་པ་འཇམ་དཔལ་གྱི་མཚན་ཡང་དག་པར་བརྗོད་པའི་བཤད་
རྒྱུད་༼དར༽རིན་པོ་ཆེའི་ཕྲེང་བ་ལ། འཁོར་བའི་སེམས་ཅན་ཐམས་ཅད་ཀུན། །མ་རིག་པ་ཡིས་རྒྱུ་བྱས་ནས། །ལས་དང་ཉོན་མོངས་རྐྱེན་དབང་གིས། །སྡུག་བསྔལ་རྒྱ་མཚོར་ཆུད་པ་རྣམས། །སྡུག་བསྔལ་མཚོ་ལས་བཏོན་པ་ནི། །བྱང་ཆུབ་བདེ་ལ་བཀོད་པའི་ཕྱིར། ཞེས་སོགས་བྱུང་ཚུལ་བསྟན་པའི་ལེའུ་དང་པོ། གསང་བ་རྒྱུད་ཀྱི་ལུང་བསྟན་པ་བཞི་པ། མཚན་བསྟན་པ་ལྔ་པ། བཀའ་ཚོམས་བཤད་པའི་ལེའུ་སྟེ་བཅུ་པའོ། །པཎ་ཆེན་བི་མཱ་ལ་དང་གཉགས་ཛྙཱ་ན་ཀུ་མཱ་རས་བསྒྱུར་རོ། །འཇམ་དཔལ་དགོངས་པ་འདུས་པ་གསང་སྔགས་ཆེན་པོའི་རྒྱུད་གཏེར་གྱི་སྙིང་པོ་ལ། པཎ་ཆེན་སྐུ་མཆེད་ཀྱི་གསན་ཡིག་ཏུ་ཀློང་སྡེར་མཛད། འདི་སྐད་བདག་གིས་ཐོས་པའི་དུས་གཅིག་ན་མེ་རི་འབར་བའི་རྩེ་མོ་སྲི་ལ་མུ་ཁ་ལ་སོགས་པས་རྣམ་པར་སྤྲས་པའི་གནས་ན་པད་མ་ཁ་དོག་ཀུན་ཏུ་འབར་བའི་གདན་ཞེས་སོགས་གླེང་གཞི་དང་མཚན་གྱི་ལེའུ་དང་པོ། འཇམ་དཔལ་ཐུགས་ཀྱི་ལེའུ་ཟབ་མོ་བསྟན་པ་དྲུག་པའོ། །གཤམ་དུ་རྗེས་སུ་ཡི་རང་བ་ལེའུའི་ཐ་སྙད་མ་བྱས་པ་ཞིག་སྣང་། ཨོ་རྒྱན་གུ་རུ་པད་མ་དང་སྐ་བ་དཔལ་བརྩེགས་ཀྱི་འགྱུར། སྐུ་གསུམ་གྱི་སྣང་བ་གསལ་བར་ངོ་སྤྲོད་པ་ངོ་སྤྲོད་བཞིའི་རྒྱུད་ལ། འདི་སྐད་བདག་གིས་ཐོས་པའི་དུས་གཅིག་ན་དུར་ཁྲོད་ཀྱི་གནས་འབྱུང་བ་ལྔའི་བདག་ཉིད་འགག་པ་མེད་པའི་འོད་ཀྱི་གཞལ་མེད་ཁང་ཞེས་བྱ་བ་ན་དཔལ་ཁྲག་འཐུང་གི་རྒྱལ་པོ་ཞེས་སོགས་གླེང་གཞིའི་ལེའུ་དང་པོ། སྤྲུལ་སྐུ་ངོ་སྤྲོད་བཞི་པ། རྗེས་སུ་ཡི་རང་བ་བརྒྱད་པའོ། །དུར་ཁྲོད་ཕུང་པོ་འབར་༼དར༽པའི་རྒྱུད་ལ། པཎ་ཆེན་སྐུ་མཆེད་ཀྱི་གསན་ཡིག་ན་བྲམ་ཟེའི་སྐོར་དུ་མཛད། འདི་སྐད་བདག་གིས་ཐོས་པའི་དུས་གཅིག་ན་དུར་ཁྲོད་ཆེན་པོའི་རྫོང་ཀེང་རུས་གྱི་རི་རབ་ལྕང་ལོ་ཅན་གྱི་ཕོ་བྲང་གསང་བའི་སྒོ་བཞི་གཏོང་བ་ན་ཉི་ཟླ་
ཟུང་ཅིག་གསལ་བ་ཞེས་སོགས་གླེང་གཞིའི་ལེའུ་དང་པོ། རྩའི་དབྱེ་བ་བསྟན་པ་ལྔ་པ། མཇུག་རྗེས་སུ་ཡི་རང་བ་བཅུ་གཅིག་པའོ། །སློབ་དཔོན་བི་མཱ་ལས་མངའ་བདག་ལ་གདམས་པ། རྡོ་རྗེ་ཡང་རྩེའི་རྒྱུད་ལ། པཎ་ཆེན་སྐུ་མཆེད་ཀྱི་གསན་ཡིག་ཏུ་ཀློང་སྡེར་མཛད་པ། འདི་སྐད་བདག་གིས་ཐོས་པའི་དུས་གཅིག་ན། །སྙིང་པོ་རྡོ་རྗེ་འཆང་ཆེན་པོ། །ཆོས་སྐུ་ཀུན་ཏུ་བཟང་པོ་དེ། །རང་བྱུང་འཕྲུལ་གྱི་རྡོ་རྗེའི་སྐུ། །ཞེས་སོགས་ཞུས་པ་དང་ལན་གྱི་ལེའུ་དང་པོ། ཐུགས་ཀྱི་འཁོར་ལོ་བཅུ་པ། འཁོར་ལོ་གདམས་པ་བཅུ་གཅིག་པ། དཔེ་དང་བསྲུང་རྫས་རྒྱུ་མཚན་སྨོན་ལམ་ཉི་ཤུ་པ། རྗེས་སུ་ཡི་རང་བའི་ལེའུ་ཉེར་གཅིག་པ་སློབ་དཔོན་ཆེན་པོས་རྗེ་འབངས་གྲོགས་གསུམ་ལ་གདམས་པའོ། །རྡོ་རྗེ་ཡང་ཏིག་གི་སྙིང་པོའི་རྒྱུད་ལ། པཎ་ཆེན་སྐུ་མཆེད་ཀྱི་གསན་ཡིག་ཏུ་ཀློང་སྡེར་མཛད། འདི་སྐད་བདག་གིས་ཐོས་པའི་དུས་གཅིག་ན། །སྟོན་པ་རྡོ་རྗེ་འཆང་ཆེན་སྐུ། །ཆོས་དབྱིངས་སྙིང་པོ་རང་བྱུང་གནས། །སྔ་ཕྱི་མེད་པ་སྙིང་པོའི་དོན། །ཞེས་སོགས་ཕུན་སུམ་ཚོགས་པ་ཞུས་ལན་གྱི་ལེའུ་དང་པོ། འཕྲིན་ལས་གཞུང་གི་ལེའུ་དྲུག་པ། སྔོན་འགྲོ་མཚམས་བདུན་པ། རྗེས་སུ་ཡི་རང་བ་བཅོ་ལྔ་པའོ། ཧཱུཾ་སྐོར་པད་མ་འབྱུང་གནས་ཀྱིས་ནམ་མཁའི་སྙིང་པོ་ལ་གདམས་ནས་ལྷོ་ནུབ་ཀྱི་གླིང་ཕྲན་དུ་གཤེགས་སོ་ཟེར་བ་ཡོད་པ་རྗེ་འབངས་གྲོགས་གསུམ་གར་གདམས་པའི་གྲས་སྐུ་གསུང་ཐུགས་རྡོ་རྗེ་རྩ་བ་ཐམས་ཅད་རྫོགས་པའི་རྒྱུད་ལ། འདི་སྐད་བདག་གིས་ཐོས་པའི་དུས་གཅིག་ན་ཆོས་སྐུ་རྡོ་རྗེ་འཆང་ཆེན་པོ་དེ་རྡོ་རྗེ་དབྱིངས་འོག་མིན་གྱི་གནས་མཆོག་ན་རྡོ་རྗེ་རང་བྱུང་ཞིང་ཁམས་ཀྱི་འཁོར་ཉིད་ལ་སྟོང་ཉིད་ཀྱི་གནས་ལུགས་སྙིང་པོའི་བསྟན་པ་ཤར་བ་ཞེས་སོགས་ཕུན་སུམ་ཚོགས་པ་ཞུས་ལན་གྱི་ལེའུ་དང་པོ། སྤྱི་གཞིའི་གནས་ལུགས་མཚོན་པ་གཉིས་པ། སྒྱུ་མའི་ལྟ་སྒོམ་བསྟན་པ་བཅོ་ལྔ་པ། སྐུའི་སྒྲུབ་པ་བཅུ་དྲུག་
པ། གསུང་གི་སྒྲུབ་པ་བཅུ་བདུན་པ། དཔེ་དང་མཚན་གྱི་ལེའུ་སོ་བཞི་པ། ཡོངས་སུ་གཏད་པའི་ལེའུ་སོ་ལྔ་པའོ། །ཨོ་རྒྱན་གྱི་སློབ་དཔོན་པད་མ་འབྱུང་གནས་ཀྱི་རྗེ་འབངས་གྲོགས་གསུམ་ལ་གདམས་ཤིང་དགེ་སློང་ནམ་མཁའི་སྙིང་པོས་བསྒྱུར་བ། སྙིང་པོ་རིན་པོ་ཆེ་ཐམས་ཅད་གཅིག་པོ་བརྒྱུད་ལ། པཎ་ཆེན་སྐུ་མཆེད་ཀྱི་གསན་ཡིག་ན་སྤྱི་ཏི་ཉང་གཏེར་དུ་མཛད། ཆོས་སྐུ་རྡོ་རྗེ་འཆང་བ་དེ། །སྙིང་པོ་རང་བྱུང་ཉག་གཅིག་གནས། །སྔ་ཕྱི་མེད་པའི་སྙིང་པོའི་དུས། །ཞེས་སོགས་ཕུན་སུམ་ཚོགས་པ་ཞུས་ལན་སྡོམས་ཀྱི་ལེའུ་དང་པོ། སྙིང་པོ་དོན་གྱི་སྔགས་བསྟན་པ་བཅུ་གཅིག་པ། ཕྱག་རྒྱ་བཅུ་གཉིས་པ། ཡོངས་སུ་གཏད་པ་ཉེར་གསུམ་པའོ། །རྡོ་རྗེ་དྲག་མོས་སྲས་མོ་གོ་མ་དེ་ཝཱི་ལ་གཏད། དེས་ཨོ་རྒྱན་ཆེན་པོ། དེས་རྗེ་འབངས་གྲོགས་གསུམ་ལ་གནང་ངོ་། །དམ་ཚིག་བཀོད་པ་ས་གཞིའི་རྒྱུད་རིན་པོ་ཆེ་སྤུངས་པའི་རྒྱན་ལ། པཎ་ཆེན་སྐུ་མཆེད་ཀྱི་གསན་ཡིག་ན་སེམས་སྡེར་མཛད། འདི་སྐད་བདག་གིས་ཐོས་པའི་དུས་གཅིག་ན་བཅོམ་ལྡན་འདས་དཔལ་ཀུན་ཏུ་བཟང་པོ་འོག་མིན་གྱི་གནས་མཆོག་ཆེན་པོ་ན་བཞུགས་པའི་ཚེ་ཞེས་སོགས་སངས་རྒྱས་ཀྱི་བརྡའི་ལེའུ་དང་པོ། བརྡ་རང་དོན་གྱི་ལེའུ་གསུམ་པ། ལེའུ་བཞི་པ་ཡོད་པ་ལ་ལེའུའི་ཐ་སྙད་མ་བྱས་སོ། །འབྱུང་པོ་ཀུན་འདུལ་གྱི་༼དར༽རྒྱུད་ལ། པཎ་ཆེན་སྐུ་མཆེད་ཀྱི་གསན་ཡིག་ཏུ་བྲམ་ཟེའི་སྡེབས་སུ་སྣང་ངོ་། །འདི་སྐད་བདག་གིས་ཐོས་པའི་དུས་གཅིག་ན་བཅོམ་ལྡན་འདས་ཀུན་ཏུ་རྟག་པ་མ་འགྱུར་བའི་སྐུ་བདེ་བ་ཆེན་པོའི་གནས་བདེ་བ་ན་བཞུགས་སོ། །དེའི་ཚེ་བྱང་ཆུབ་སེམས་དཔའ་རྡོ་རྗེ་ཆོས་ཀྱི་བློ་གྲོས་ཀྱིས་ཀུན་ཏུ་བཟང་པོ་ལ་བྱིན་རླབས་ཞུས་སོ་ཞེས་སོགས་གླེང་གཞིའི་ལེའུ་དང་པོ། ཆོས་ལས་འདས་པ་གཉིས་པ། རྩའི་སྟོང་ར་དང་རྟོགས་པའི་ཀུན་བརྟགས་ནམ་མཁའ་དང་བསྲེ་བ་བཅོ་ལྔ་པ།
རྩ་ལྔ་ངོ་སྤྲོད་པ་བཅུ་དྲུག་པ། ཕྱག་རྒྱས་གདབ་པ་སོ་གཅིག་པ། ཀུན་ཏུ་བཟང་པོའི་དགོངས་པ་བསྟན་པ་སོ་གཉིས་པའོ། །ལྷ་རྒྱུད་རིན་པོ་ཆེ་དབང་འཁོར་ལོའི་རྒྱུད་རྒྱུད་ལུང་མན་ངག་གི་ཚད་མར་གྱུར་པ་ལ། འདི་སྐད་བདག་གིས་ཐོས་པའི་དུས་གཅིག་ན་ཆོས་དབྱིངས་གདལ་བ་ཆེན་པོའི་ཕོ་བྲང་ན་རྒྱ་ཡོངས་སུ་མ་ཆད་པའི་ཞིང་ཁམས་གསེར་གྱི་འོད་ཟེར་རབ་ཏུ་འཕྲོ་བ་ཞེས་སོགས་གླེང་གཞིའི་ལེའུ་དང་པོ། བཀའ་རྟོགས་ཕྱག་རྒྱ་བདུན་པ། བློན་པོའི་བཀའ་ཆད་བརྒྱད་པ། རྗེས་སུ་ཡི་རང་ནས་བསྟོད་པའི་ལེའུ་བཅུ་གསུམ་པའོ། །རྡོ་རྗེ་གསང་བ་ཆེན་པོའི་སྐུ་རིན་པོ་ཆེ་དབྱིག་གི་སྒྲོན་མ་༼དར༽ཤེས་རབ་ཆེན་པོའི་མདོ་ལ། པཎ་ཆེན་སྐུ་མཆེད་ཀྱི་གསན་ཡིག་ཏུ་བྲམ་ཟེའི་སྡེབས་སུ་སྣང་ངོ་། །འདས་པའི་དུས་མ་བྱོན་པའི་སྔོན་རོལ་ཏུ་སེམས་ཉིད་ཀུན་ཏུ་བཟང་པོ་ཡེ་ཤེས་ཀྱི་སྣང་བ་ལ་བཞུགས་པའི་དུས་ན་ཀུན་གཞི་གསང་བ་དག་པའི་དབྱིངས་ནས་རང་ཤེས་རིག་གི་རྒྱལ་པོ་རྡོ་རྗེ་ཀུན་ཏུ་བཟང་པོས་ཞེས་སོགས་མགུལ་ཁུག་ཏུ་བཅུག་པ་སོགས་མཇུག་སྡུད་དང་བཅས་པ་ལེ་མེད་སྐད་འགྱུར་བཞི་པ་རྣམས་ལེགས་པར་ཐོབ་པའི་བརྒྱུད་པ་ནི། ཆོས་སྐུ་ཀུན་ཏུ་བཟང་པོ། ལོངས་སྐུ་རྡོ་རྗེ་སེམས་དཔའ། སྤྲུལ་སྐུ་དགའ་རབ་རྡོ་རྗེ། གུ་རུ་འཇམ་དཔལ་བཤེས་གཉེན། རྒྱལ་པོ་དྷ་ན་ཏཱ་ལ། སྲས་ཐུ་བོ་རཱ་ཛ། པྲ་ཧསྟི། སྲས་མོ་མེ་ཏོག་གསལ། ཀླུ་རྒྱལ་དགའ་བོ་མི་ལུས་གདོལ་པའི་རིགས་བཟུང་བ་ནཱ་གཱ་ཙཪྻ། གནོད་སྦྱིན་མོ་བྱང་ཆུབ་མ། གཟུངས་འཚོང་མ་ས་ར་ནི། པཱ་ར་ཎི་ཞེས་པའང་སྣང་། ཁ་ཆེའི་མཁན་པོ་རབ་སྣང་། སྨད་འཚོང་མ་བུདྡྷ་ས་མནྟཱི། སྲས་མོ་གོ་མ་དེ་ཝཱ། ཨཱ་ཙཪྻ་ཨ་ལོ་ཀེ །ཁྱིའི་རྒྱལ་པོ་ཀུ་ཀུ་རཱ་ཛ། དྲང་སྲོང་བྷཱ་ཥེ་ཏ། བ་ཤི་ཏ་ཟེར་བའང་སྣང་། སྨད་འཚོང་མ་བདག་ཉིད་མ། གསུང་སྤྲུལ་གྱི་གསན་ཡིག་ཏུ་བདུད་རྩི་མ་ཞེས། ནཱ་གཱ་རྫུ་ན། ཀུ་ཀུ་རཱ་ཛ་ཕྱི་མ། འཇམ་དཔལ་བཤེས་གཉེན་ཕྱི་མ། ལྷའི་མཁན་པོ་མ་ཧཱ་རཱ་ཛ། བུདྡྷ་ཀུནྡྷ། བུདྡྷ་གུཔྟ་
ཞེས་པ་དང་བྷཱུ་ཏ་ཀཊྚ་ཟེར་པ་སོགས་མི་མཐུན་པ་འགའ་ཞིག་སྣང་། ཤྲཱི་སིངྷ། དགེ་སློང་མ་ཀུན་དགའ་མོ། ལོ་ཆེན་བཻ་རོ་ཙ་ན། སྤང་སངས་རྒྱས་མགོན། སྦས་རཀྵི་ཏ། ཡ་ཟི་དར་མ་ཤེས་རབ། ཉང་སྟོད་སྨྲ་བའི་སེང་གེ །མར་པ་ཁྲོམ་རྒྱལ། མར་པ་ཤེས་རབ་འོད། ཤངས་ཆུང་དར་མ་བསོད་གྲགས། ལྷ་རྗེ་སྒྲོ་ཕུག་པ། དགེ་བཤེས་སྟོན་སྙིང་། གླན་ཤཱཀྱ་དབང་ཕྱུག །གླན་རྡོ་རྗེ་འོད། གླན་བསོད་ནམས་རྒྱལ་མཚན། འགོས་དངོས་གྲུབ་མགོན། རྗེ་ཤཱཀྱ་རྒྱལ་མཚན། བླ་མ་དཔལ་བཟང་པོ། རྗེ་རྡོ་རྗེ་རྒྱལ་མཚན། གཉལ་པ་བདེ་ལེགས་པ། གྲ་འཇམ་དབྱངས་བཤེས་གཉེན། རྗེ་ཆོས་དཔལ་རྒྱལ་མཚན། ཕྱམ་དགོན་པ་བསམ་གཏན་བཟང་པོ། གཏེར་སྟོན་རཏྣ་གླིང་པ། ཐུགས་སྲས་ཚེ་དབང་གྲགས་པ། རྗེ་ངག་དབང་གྲགས་པ། རྗེ་ངག་དབང་ནོར་བུ། མཚུངས་མེད་ནོར་བུ་ཡོངས་གྲགས། རིག་འཛིན་ནོར་བུ་དབང་རྒྱལ། གསུང་སྤྲུལ་ཚུལ་ཁྲིམས་རྡོ་རྗེ། བླ་མ་གར་གྱི་དབང་པོ། དྲིན་ཅན་གཏེར་བདག་གླིང་པ། དེས་བདག་ཟ་ཧོར་བནྡེ་ལའོ། །ཡང་དར་གྱི་རྟགས་ཡོད་པ་རྣམས་ཀྱི་བརྒྱུད་ལུགས་གཅིག་ནི། སྲས་ནོར་བུ་དབང་རྒྱལ་ནས། རང་གྲོལ་ནོར་བུ་ཆོས་བརྟན། རྗེ་བཙུན་འཕྲིན་ལས་ལྷུན་གྲུབ། སྤྲུལ་སྐུ་གཏེར་བདག་གླིང་པ། དེས་བདག་ལའོ། །བཞི་པ་ཀློང་སྡེའི་སྐོར་ལ། ལོ་ཆེན་བཻ་རོའི་ཡང་སྲིད་སྤྲུལ་པའི་གཏེར་སྟོན་རྡོ་རྗེ་གླིང་པས་གནམ་ལྕགས་འབར་བའི་བྲག་གམ་ཡོངས་གྲགས་སམ་ཤོད་བྱིང་ཨོ་དཀར་བྲག་གི་རྟ་མགྲིན་ཕུག་པའི་དཀྱིལ་འཁོར་དབུས་ནས་སྤྱན་དྲངས་པའི་ཐེག་པ་ཐམས་ཅད་ཀྱི་སྤྱི་ཕུད་ལྟ་བ་ཀློང་ཆེན་ཡངས་པ་ཆེན་པོའི་རྒྱུད་ཆེན་འབུམ་ཕྲག་དྲུག་ཅུ་རྩ་བཞི་པ་ལས་ཁོལ་དུ་ཕྱུང་བ་ལེའུ་ལྔ་བཅུ་རྩ་ གསུམ་པ་ནོས་པའི་དང་པོ་རྒྱལ་བ་དགོངས་བརྒྱུད ་ནི། ཆོས་སྐུ་ཀུན་བཟང་ཡབ་ཡུམ། ལོངས་སྐུ་རྣམ་པར་སྣང་མཛད། སྤྲུལ་སྐུ་
རྡོ་རྗེ་འཆང་ཆེན། སྟོན་པ་རྡོ་རྗེ་སེམས་དཔའ། གཉིས་པ་འོད་མི་འཁྲུགས་པ། གསུམ་པ་འཇམ་དཔལ་འཇིགས་སྐྱོབ། བཞི་པ་གཞོན་ནུ་རྣམ་གྲོལ། ལྔ་པ་རྡོ་རྗེ་འཆང་ཆེན། དྲུག་པ་གཞོན་ནུ་དཔའ་བོ་སྟོབས་ལྡན། བདུན་པ་དྲང་སྲོང་ཁྲོ་རྒྱལ། བརྒྱད་པ་འོད་དམ་པ། དགུ་པ་བརྩེ་བའི་བློ་གྲོས། བཅུ་པ་འོད་སྲུངས་བགྲེས་པོ། བཅུ་གཅིག་པ་མངོན་རྫོགས་རྒྱལ་པོ། བཅུ་གཉིས་པ་ཤཱཀྱ་ཐུབ་པ། གཉིས་པ་རིག་འཛིན་བརྡ་བརྒྱུད་ནི། རིག་འཛིན་དགའ་རབ་རྡོ་རྗེ། སློབ་དཔོན་འཇམ་དཔལ་བཤེས་གཉེན། མཁས་པ་ཤྲཱི་སིངྷ། སློབ་དཔོན་འཇམ་དཔལ་བཟང་པོ། འཇམ་དཔལ་བཤེས་གཉེན་ཕྱི་མར་ཡང་གྲགས། ཨོ་རྒྱན་སངས་རྒྱས་གཉིས་པ། གསུམ་པ་གང་ཟག་སྙན་ཁུང་བརྒྱུད ་པ་ནི། ལོ་ཆེན་བཻ་རོ་ཙ་ན། རྒྱལ་བའི་སྲས་པོ་རྡོ་རྗེ་གླིང་པ། ཐུགས་སྲས་བཀྲ་ཤིས་འབྱུང་གནས། རྟོགས་ལྡན་ཆོས་དབྱིངས་རང་གྲོལ། མཚུངས་མེད་ཆོས་རྗེ་རྣམ་གསུམ། ཀུན་མཁྱེན། བསོད་ནམས་མཚན་ཅན། འགྲོ་མགོན་བདེ་གཤེགས་མཆེད་གཉིས། ཆོས་རྗེ་འཛམ་གླིང་གྲགས་པ། སྲས་པད་མ་གྲགས་པ། ཀརྨ་ལུང་རིགས་རྒྱ་མཚོ། ཀརྨ་གར་དབང་བཟང་པོ། བུམ་ཐང་ཨོ་རྒྱན་ཆོས་གླིང་པ། སྤྲུལ་སྐུ་གར་དབང་བསྟན་འཛིན་རྣམ་རྒྱལ། གྲུབ་པ་མཆོག་བརྙེས་ཆོས་དབང་ལྷུན་གྲུབ། རིག་འཛིན་འཕྲིན་ལས་ལྷུན་གྲུབ། རྡོར་གླིང་སྤྲུལ་སྐུ་འགྲོ་འདུལ་གཏེར་བདག་གླིང་པ། དེས་བདག་ཟ་ཧོར་བནྡེ་ལའོ། །ཀློང་ཆེན་རབ་འབྱམས་རྒྱལ་པོའི་རྒྱུད་མི་ནུབ་༼དར༽པའི་རྒྱལ་མཚན་གསལ་བའི་སྒྲོན་མ་ཀློང་གསལ་ཡེ་ཤེས་མར་མེ་ལྟ་བུ་ལ། པཎ་ཆེན་སྐུ་མཆེད་ཀྱི་གསན་ཡིག་ཏུ་བྲམ་ཟེའི་གྲས་སུ་སྣང་། འདི་སྐད་བདག་ཉིད་ཀྱིས་བདག་ཉིད་ལ་ཐོས་པའི་དུས་ག་ཅིག་ན་ཕྱོགས་བཅུ་དུས་གསུམ་གྱི་བདེ་བར་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་དང་ཡོན་ཏན་འཕྲིན་ལས་ཐམས་ཅད་དབྱེར་མེད་དེའི་ཞེས་སོགས་གླེང་གཞིའི་ལེའུ་དང་པོ། འབྱུང་འཇུག་མེད་པ་གཉིས་
པ། དོན་ལ་དཔག་ཏུ་མེད་པ་གསུམ་པ། རྒྱུ་འབྲས་སུན་དབྱུང་ཞིང་སྐུ་གསུམ་ངོ་སྤྲོད་པ་ཉེར་བདུན་པ། དབྱངས་སུ་འདུས་ལུགས་བསྟན་པ་ཉེར་བརྒྱད་པ། རྒྱུན་ཆད་མེད་པ་ཉེར་དགུ་པ། རྫོགས་ཆེན་གོ་ལྡོག་ཞེ་དྲུག་པ། འཁོར་ལ་གདམས་པ་ཞེ་བདུན་པ། འཁོར་རྣམས་སྟོན་པ་ལ་རྗེས་སུ་ཡི་རང་བའི་ལེའུ་ཞེ་བརྒྱད་པའོ། །ཀུན་ཏུ་བཟང་པོ་ནམ་མཁའ་ཆེ་རྩ་བ་བསྡུས་པའི་རྒྱུད་ལ། མངའ་རིས་པཎ་ཆེན་སྐུ་མཆེད་ཀྱི་གསན་ཡིག་ནའང་ཀློང་སྡེར་མཛད། འདི་སྐད་བཤད་པའི་དུས་གཅིག་ན་བཅོམ་ལྡན་འདས་ཀུན་ཏུ་བཟང་པོས་དམིགས་སུ་མེད་པའི་ཏིང་ངེ་འཛིན་ལ་སྙོམས་པར་ཞུགས་ནས་ཀུན་ཏུ་བཟང་པོ་རྩ་བ་བསྡུས་པའི་སངས་རྒྱས་མ་ལུས་པ་ཞེས་སོགས་རྩ་བ་མདོར་བསྟན་པའི་སྐབས་ཏེ་དང་པོ་དབང་བསྟན་པའི་སྐབས་བརྒྱད་པ། དབང་བསྐུར་བའི་སྐབས་དགུ་པ། སྤྱོད་པ་བསྟན་པའི་སྐབས་བཅུ་བདུན་པ། མཇུག་ཏུ་རྡོ་རྗེ་སེམས་དཔས་བཅོམ་ལྡན་འདས་ལ་གསོལ་བ་སྐབས་མེད་པ་ཡོད་པ་མཁས་པ་ཤྲཱི་སིངྷ་དང་ལོ་ཆེན་བཻ་རོས་བསྒྱུར་བ། བྱང་ཆུབ་ཀྱི་སེམས་ཀུན་ཏུ་བཟང་པོ་རིག་པ་རང་རྩལ་༼དར༽ཤར་བའི་རྒྱུད་ལ། པཎ་ཆེན་སྐུ་མཆེད་ཀྱི་གསན་ཡིག་ཏུའང་ཀློང་སྡེར་མཛད། འདི་སྐད་བདག་ཉིད་ཀྱིས་བདག་ཉིད་ལ་ཐོས་པའི་དུས་གཅིག་ན་བཅོམ་ལྡན་འདས་རིག་པའི་རྒྱལ་པོ་ཆེན་པོ་ཟང་ཐལ་འོག་མིན་གྱི་གནས་ཞེས་སོགས་གླེང་གཞིའི་ལེའུ་དང་པོ། མཉམ་ཉིད་ཅོག་བཞག་དྲུག་པ། ཚོལ་བའི་རྗེས་མེད་བདུན་པ། རྒྱུད་གཏད་པ་དང་རྗེས་སུ་ཡི་རང་བ་བསྟན་པའི་ལེའུ་བཅུ་བཞི་པ་འགྱུར་གོང་འདྲ། རིན་པོ་ཆེ་གདམས་ངག་སྣ་ཚོགས་འཁོར་ལོའི་རྒྱུད་ལ། འདི་སྐད་བདག་ཉིད་ཀྱིས་སེམས་དཔའ་རྡོ་རྗེའི་དོན་ཡོངས་སུ་གསལ་བའི་དུས་ཉིད་ན་སྤྲུལ་པའི་སྐྱེས་བུ་སྟོན་པ་དགའ་རབ་རྡོ་རྗེ་ཞེས་བྱ་བ་དེ་ཡིས་དྷ་ཧེ་ནའི་འདུ་ཁང་ཆེན་པོ་རུ་ཞེས་སོགས་གླེང་གཞི་ཞུ་བ་དང་བཅས་པའི་ལེའུ་དང་པོ། གཏད་
གཉེར་གྱི་ལེའུ་བཞི་པ། མཇུག་ན་བསམ་ཡས་དཔལ་གྱི་ཕུག་རིང་དུ་རྗེ་འབངས་གཉིས་ཀྱི་མནོག་ཆོས་ཡིན་སོགས་དང་། མན་ངག་ཀུན་ལ་མ་གྲགས་པ། །འཁོར་ལོའི་རྒྱུད་འགྲེལ་མན་ངག་བཅས། ཞེས་སྣང་ངོ་། །དེའི་རྒྱུད་ཕྱི་མ་ལ་འདི་སྐད་བདག་ཉིད་ཀྱིས་སེམས་དཔའ་རྡོ་རྗེའི་དོན་ཡོངས་སུ་གོ་བའི་དུས་གཅིག་ན་སྟོན་པ་དགའ་རབ་རྡོ་རྗེའི་སྤྲུལ་པའི་སྐྱེས་བུ་ཆེན་པོ་དེ་ཉིད་སྐྱེ་འགག་མེད་པའི་ཏིང་ངེ་འཛིན་ལ་སྙོམས་པར་ཞུགས་ཞེས་སོགས་གླེང་གཞི་ཞུས་པ་དང་བཅས་པའི་ལེའུ་དང་པོ། རིག་པ་རླུང་གཏོད་པ་གཉིས་པ། བསྒོམ་པའི་ཐུན་ཚོད་གཟུང་བ་བརྒྱད་པ། བསྒོམ་པའི་དམ་ཚིག་དགུ་པ། རྗེས་སུ་ཡི་རང་བ་དང་གཏད་པའི་ལེའུ་བཅུ་དྲུག་པའོ། །རིན་པོ་ཆེ་འཕགས་ལམ་བཀོད་པའི་རྒྱུད་ལ། པཎ་ཆེན་སྐུ་མཆེད་ཀྱི་གསན་ཡིག་ཏུ་སེམས་སྡེར་མཛད། འདི་སྐད་བདག་གིས་ཐོས་པའི་དུས་གཅིག་ན་བཅོམ་ལྡན་འདས་ཤེས་རིག་གི་རྒྱལ་པོ་དེ་འོག་མིན་གྱི་གནས་རྒྱ་ཡོངས་སུ་མ་ཆད་པ་རྒྱན་མ་བཀོད་པར་སྣང་བ་ཞེས་བྱ་བ་ན་ཞེས་སོགས་གླེང་གཞིའི་ལེའུ་དང་པོ། གཞི་ལམ་འབྲས་བུ་བསྟན་པ་དང་སངས་རྒྱས་དང་སེམས་ཅན་གཉིས་མཉམ་པར་ཤེས་ནས་ཁྱད་པར་བསྟན་པ་བཞི་པ། རྒྱུད་ཀྱི་གཏད་རྒྱ་བསྟན་པ་བདུན་པའོ། །འགྱུར་གོང་འདྲ། རྡོ་རྗེ་སེམས་དཔའ་ནམ་མཁའི་མཐའ་དང་མཉམ་པའི་རྒྱུད་༼དར༽ཁ་ས་མནྟ་ཆེན་པོ་ལ། འདི་སྐད་བདག་གིས་བཤད་པའི་དུས་གཅིག་ན་དེ་བཞིན་གཤེགས་པ་ཡང་དག་པར་རྫོགས་པའི་སངས་རྒྱས་ལོངས་སྤྱོད་ཆེན་པོ་ནམ་མཁའ་ལྟར་རྟག་པར་བཞུགས་ཤིང་སྐུ་དང་གསུང་དང་ཐུགས་རྡོ་རྗེ་ལྟ་བུར་གྱུར་པ་ཞེས་སོགས་གླེང་གཞིའི་ལེའུ་དང་པོ། སྤྱོད་པར་ཁྱད་པར་བསྟན་པ་བཅུ་གཉིས་པ། རང་གསལ་རྒོད་པ་དང་བྲལ་བ་བཅུ་གསུམ་པ། རྒྱུད་གཟུང་བའི་ལེའུ་ཉེར་བདུན་པའོ། །འགྱུར་གོང་མཚུངས་སོ། །རྡོ་རྗེ་སེམས་དཔའ་ནམ་མཁའ་ཆེ་ཀུན་ཏུ་བཟང་པོ་གསང་བའི་
སྙིང་པོ་བདེ་བ་ཆེན་པོ་སྤུ་གྲི་པད་མ་རལ་གྲི་འཁོར་ལོའི་རྒྱུད་ལ། པཎ་ཆེན་སྐུ་མཆེད་ཀྱི་གསན་ཡིག་ན་ཀློང་སྡེར་མཛད། འདི་སྐད་བདག་གིས་ཐོས་པའི་དུས་གཅིག་ན་བཅོམ་ལྡན་འདས་དེ་བཞིན་གཤེགས་པ་ཡང་དག་པར་རྫོགས་པའི་སངས་རྒྱས་བཅོམ་ལྡན་འདས་ཕྱོགས་བཅུ་དུས་བཞིའི་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་རྡོ་རྗེའི་བདག་ཉིད་ཅེས་སོགས་གླེང་གཞིའི་ལེའུ་དང་པོ། གསང་བའི་མན་ངག་གི་སྙིང་པོ་རྫོགས་པ་ཆེན་པོ་ཉིད་བསྟན་པ་གཉིས་པ། གསང་བའི་མན་ངག་བསྙེེན་སྒྲུབ་རྣམ་པ་བཞིའི་དབྱེ་བའི་གོལ་ས་བསྟན་པ་བཅུ་གསུམ་པ། གསང་བའི་མན་ངག་བསམ་ཞིང་བསྒོམ་དུ་མེད་པ་ཉེར་ལྔ་པ། རྒྱུད་ཀྱི་ཁོག་པའི་ལེའུ་ཉེར་དྲུག་པའོ། །ཤྲཱི་སིངྷ་དང་བཻ་རོའི་འགྱུར། ཡེ་ཤེས་གསང་བ་སྒྲོན་མ་༼དར༽རིན་པོ་ཆེ་མན་ངག་གི་རྒྱུད་ལ། འདི་སྐད་བདག་གིས་ཐོས་པའི་དུས་གཅིག་ན་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཡེ་ཤེས་སྙིང་པོ་བཅོམ་ལྡན་འདས་རྡོ་རྗེ་འཆང་གསང་བ་མཆོག་གི་བདག་པོ་དེ་ཞེས་སོགས་གླེང་གཞིའི་ལེའུ་དང་པོ། མ་རིག་པའི་ནད་རྣམས་བསལ་བ་བདུན་པ། རྒྱུད་གཏད་རྒྱ་བསྟན་པ་བཅུ་དྲུག་པའོ། །ཤྲཱི་སིངྷ་དང་བཻ་རོའི་འགྱུར། ཡེ་ཤེས་རྫོགས་པ་རིན་པོ་ཆེ་འཁོར་ལོའི་རྒྱུད་༼དར༽ལ། པཎ་ཆེན་སྐུ་མཆེད་ཀྱི་གསན་ཡིག་ནའང་ཀློང་སྡེར་སྣང་ངོ་། །བསྟན་པ་སྟོན་པ་འཁོར་གནས་དུས། །ངོ་མཚར་ཆེན་པོའི་ཚིག་ལྔ་ཡིས། །སེམས་དཔའ་རྡོ་རྗེ་ལ་སོགས་པ། །གསང་བདག་ཆེན་པོས་བཀའ་སྩལ་པ། །ཞེས་སོགས་གླེང་གཞིའི་ལེའུ་དང་པོ། འཁྲུལ་པ་བསལ་ཐབས་བཞི་པ། ཉམས་སུ་བླང་བའི་སྤྱོད་པའི་ལེའུ་བརྒྱད་པའོ། །ཡེ་ཤེས་གསང་བའི་རྒྱུད་ལ། པཎ་ཆེན་སྐུ་མཆེད་ཀྱི་གསན་ཡིག་མན་ངག་གི་སྡེར་མཛད། སེམས་སྡེ་ཉེར་གཅིག་ལས་བློན་པོའི་ནང་ཚན། འདི་སྐད་བཤད་པའི་དུས་གཅིག་ན་ཡེ་ཤེས་གསང་བའི་
གནས་ཆོས་ཉིད་ཀྱི་མཁའ་མཐའ་དབུས་མེད་པའི་གཞལ་ཡས་ཁང་ན་བཅོམ་ལྡན་འདས་རྫོགས་པ་ཆེན་པོ་ལ་ཞུགས་ཏེ་ཞེས་སོགས་གླེང་གཞིའི་ལེའུ་དང་པོ། རིན་པོ་ཆེ་གསལ་བར་བྱེད་པ་དྲུག་པ། བྱ་བ་དང་བྲལ་བའི་སྤྱོད་པ་བསྟན་པ་བདུན་པ། མཚན་གྱི་རྣམ་གྲངས་བསྟན་པ་ལེའུ་བཅུ་གཉིས་པ་འགྱུར་ཞེས་གོང་དང་འདྲ་བ། བྱང་ཆུབ་ཀྱི་སེམས་ཡེ་ཤེས་རྫོགས་པ་རིན་པོ་ཆེ་༼དར༽འཁོར་ལོའི་རྒྱུད་ལ། པཎ་ཆེན་སྐུ་མཆེད་ཀྱི་གསན་ཡིག་ན་ཀློང་སྡེ་དང་མན་ངག་གི་སྡེ་གཉིས་ཀར་མཛད། སེམས་སྡེ་ཉེར་གཅིག་གི་བློན་པོའི་ནང་ཚན། འདི་སྐད་བདག་གིས་བཤད་པའི་དུས་གཅིག་ན་འོག་མིན་གྱི་གནས་སེམས་ཉིད་གདལ་བ་ཆེན་པོའི་ཞིང་ཁམས་ན་རང་བྱུང་རྫོགས་པའི་བཅོམ་ལྡན་འདས་དགོངས་པ་རང་བྱུང་གི་དོན་ལ་བཞུགས་ཞེས་སོགས་གླེང་གཞིའི་ལེའུ་དང་པོ། ཕུན་སུམ་ཚོགས་པའི་དེ་ཁོ་ན་ཉིད་བསྟན་པ་དྲུག་པ། རིག་པ་རྒྱུ་རྐྱེན་གྱིས་བསྐྱེད་པ་དང་བྲལ་བར་བསྟན་པ་བཅུ་པའོ་རྒྱ་གར་གྱི་མཁན་པོ་ཤྲཱི་སིངྷ་དང་ལོ་ཙཱ་བ་བནྡེ་བཻ་རོ་ཙ་ནས་དྷ་ཧེ་ནའི་འདུ་ཁང་དུ་བསྒྱུར་ཅིང་ཞུས་ཏེ་གཏན་ལ་ཕབ་པ། རྫོགས་པ་ཆེན་པོ་ཆོས་ཉིད་བྱང་ཆུབ་ཀྱི་སེམས་ཀུན་ལ་འཇུག་༼དར༽པ་རྣམ་དག་སྟོན་པའི་རྒྱུད་ལ། པཎ་ཆེན་སྐུ་མཆེད་ཀྱི་གསན་ཡིག་ན་ཀློང་སྡེ་དང་མན་ངག་གི་སྡེ་གཉིས་ཀར་མཛད། སེམས་སྡེ་ཉེར་གཅིག་གི་རྒྱལ་པོ་ནང་ཚན། འདི་སྐད་བདག་གིས་ཐོས་པའི་དུས་གཅིག་ན། །ཐམས་ཅད་སྣང་ཞིང་དེ་དག་དེ་ཉིད་དབྱིངས། །རང་བཞིན་མི་གཉིས་ཆོས་ཀུན་འགག་པ་མེད། །ཡེ་ཤེས་ལྷུན་གྲུབ་སྣ་ཚོགས་བཞི། །ཞེས་སོགས་བསྟན་པའི་གཟུགས་བརྙེན་ཇི་ལྟར་བྱུང་ཞིང་སྣང་བའི་ལེའུ་དང་པོ། རྗེས་སུ་མཐུན་ཞིང་སྤྱོད་པ་སྤྱད་པ་ལྔ་པའོ། །རྒྱ་གར་གྱི་མཁན་པོ་བི་མཱ་ལ་མི་ཏྲ་དང་བོད་ཀྱི་སྒྲ་བསྒྱུར་གཡུ་སྒྲ་སྙིང་པོས་ཞུས་ཏེ་གཏན་ལ་ཕབ་པ། བྱང་ཆུབ་ཀྱི་སེམས་རྡོ་རྗེ་འོད་འཕྲོའི་རྒྱུད་ལ། པཎ་ཆེན་སྐུ་མཆེད་ཀྱི་གསན་ཡིག་ནའང་ཀློང་སྡེར་སྣང་། འདི་སྐད་བདག་གིས་ཐོས་པའི་དུས་ཀྱི་ཚེ་བཅོམ་
ལྡན་འདས་དཔལ་རྡོ་རྗེ་སེམས་དཔའ་ཉིད་ཀུན་ཏུ་བཟང་པོ་འོག་མིན་གྱི་གནས་རིག་པའི་ཕོ་བྲང་བསམ་གྱིས་མི་ཁྱབ་པའི་དབྱིངས་ཞེས་སོགས་ཉམས་པ་ཆད་པ་མི་འབྱུང་བའི་ལེའུ་དང་པོ། བསམ་མེད་ཉམས་སུ་བླང་དུ་མེད་པ་དྲུག་པ། བསྟོད་ཅིང་གཏད་པའི་ལེའུ་བཅུ་གཉིས་པའོ། །དེ་རྣམས་ལེགས་པར་ཐོབ་པའི་རྒྱུད་པ་ནི། ཀུན་ཏུ་བཟང་པོ། རྡོ་རྗེ་སེམས་དཔའ། དགའ་རབ་རྡོ་རྗེ། འཇམ་དཔལ་བཤེས་གཉེན། དྷ་ན་ཏཱ་ལ། སྲས་ཐུ་བོ་རཱ་ཛ། སྲས་མོ་མེ་ཏོག་གསལ། ཀླུའི་རྒྱལ་པོ་ནཱ་ག་ཙཪྻ། གནོད་སྦྱིན་བྱང་ཆུབ་མ། སྨད་འཚོང་ས་ར་ནི། ཁ་ཆེའི་གནས་བརྟན་རབ་སྣང་། སྨད་འཚོང་མ་བུདྡྷ་ས་མནྟི། ཁྱིའི་རྒྱལ་པོ་ཀུ་ཀུ་རཱ་ཛ། ཨོ་རྒྱན་གྱི་དགེ་སློང་མ་ཧཱ་རཱ་ཛཱ། ཨཱ་ཙཪྻ་ཨ་ལོ་ཀ །ཁྱིའི་རྒྱལ་པོ་ཕྱི་མ། བུདྡྷ་ཀུནྡྷ། འཇམ་དཔལ་བཟང་པོ། དྲང་སྲོང་བྷཱ་ཥི་ཏ། སྨད་འཚོང་མ་ཕྱི་མ། ཤཱནྟི་གརྦྷ། ནཱ་གཱ་རྫུ་ན། ཤྲཱི་སིངྷ། སློབ་དཔོན་མ་ཀུན་དགའ་མོ། བི་མཱ་ལ་མི་ཏྲ། བཻ་རོ་ཙ་ན། ཡང་ན་ཤྲཱི་སིངྷ་ལ་བཻ་རོ་ཙ་ན། དེ་ལ་ཆོས་རྒྱལ་ཁྲི་སྲོང་ལྡེ་བཙན་དང་རྒྱལ་མོ་གཡུ་སྒྲ་སྙིང་པོ་གཉིས་ཀྱིས་གསན། ཡང་ན་ཤྲཱི་སིངྷ་ལ་སློབ་དཔོན་པད་མས་གསན། སློབ་དཔོན་པད་མ། བི་མཱ་ལ། བཻ་རོ་ གསུམ་ག་ལ་གཉགས་ཛྙཱ་ན་ཀུ་མཱ་ར། དེས་སློབ་མ་དཔལ་གྱི་བུ་བརྒྱད་ལ་བཤད། ཉེ་བརྒྱུད ་ལྟར་ན་གཉགས་ཀྱིས། གཉགས་ཀླུའི་དབང་ཕྱུག །དེ་ནས་ཉང་པོ་ཀླུའི་རྒྱལ་མཚན། སྦ་ལུ་འཕགས་པ་ཤེས་རབ། འབྲོག་མི་ཚུལ་ཁྲིམས་རྒྱལ་མཚན། ཞང་ཛྙཱ་ན་ཤེས་རབ། ཁམས་པ་ཡེ་ཤེས་ཚུལ་ཁྲིམས། བྱང་ལམ་གྱི་པ་ཚབ་སྟོང་གྲགས། དེས་བྱང་ནགས་ཤོད་ཀྱི་སྙིང་པོ་དང་བྱང་སྒོམ་རིན་ཆེན་བཟང་པོ་གཉིས་ལ་བཤད། གཉིས་ཀ་ནས་བྱང་པོ་འཇམ་དཔལ། ཤངས་པ་ནག་པོ། གླན་རྡོ་རྗེ་འོད། སྲས་བསོད་ནམས་རྒྱལ་མཚན། འགོས་དངོས་གྲུབ་མགོན། བླ་མ་ཤཱཀྱ་རྒྱལ་མཚན། བླ་མ་དཔལ་
བཟང་པོ། བླ་མ་རྡོ་རྗེ་རྒྱལ་མཚན། རྒྱལ་ཁམས་པ་བདེ་ལེགས་པ། གྲ་འཇམ་དབྱངས་བཤེས་གཉེན། མཁས་བཙུན་ཆོས་དཔལ་རྒྱལ་མཚན། བླ་མ་བསམ་གཏན་བཟང་པོ། གཏེར་ཆེན་རཏྣ་གླིང་པ། གཅེན་ཚེ་དབང་གྲགས་པ། གཅུང་ངག་དབང་གྲགས་པ། ཐུགས་སྲས་ངག་དབང་ནོར་བུ། གཙུག་རྒྱན་ནོར་བུ་ཡོངས་གྲགས། ཆོས་གཏེར་ནོར་བུ་དབང་རྒྱལ། གསུང་སྤྲུལ་ཚུལ་ཁྲིམས་རྡོ་རྗེ། རྗེ་ཚུལ་ཁྲིམས་རྒྱལ་མཚན། རིག་འཛིན་ཆེན་པོ་གཏེར་བདག་གླིང་པ། དེས་བདག་ལའོ། །ཡང་དར་གྱི་རྟགས་ཡོད་པ་རྣམས་ཀྱི་བརྒྱུད་ལུགས་གཅིག་ནི། ནོར་བུ་དབང་རྒྱལ་ནས། བྱ་བཏང་ནོར་བུ་ཆོས་བརྟན། རིག་འཛིན་འཕྲིན་ལས་ལྷུན་གྲུབ། སྤྲུལ་སྐུ་གཏེར་བདག་གླིང་པ། དེས་བདག་ལའོ། །ཡང་ཉེ་བརྒྱུད་ལུགས་གཅིག་ནི། ཤཱཀྱ་ཐུབ་པ། ལྷའི་བུ་ཀུན་དགའ་སྙིང་པོ་སེམས་ལྷག་ཅན། དགའ་རབ་རྡོ་རྗེ། ཤ་ཝ་རི་པ། མཻ་ཏྲི་པ། ཤྲཱི་སིངྷ། ལོ་ཆེན་བཻ་རོ། རྒྱལ་མོ་གཡུ་སྒྲ། གཉིས་ཀ་ལ་གཉགས་ཛྙཱ་ན་ཀུ་མཱ་ར། དེ་ནས་ཨ་རོ་ཡེ་ཤེས་འབྱུང་གནས། ཁམས་པ་ཡ་ཟི་དབོན་སྟོན། གྲུ་གུ་གློག་འབྱུང་། ཀོང་རབ་འཚོ། བླ་མ་ཀོན་པ་བ། བླ་མ་སྤོར་ལ་བ། དམ་པ་གྲུ་སྐྱོགས། ཞང་ཞལ་དཀར་བ། འགོས་དངོས་གྲུབ་རྒྱལ་མཚན། དེ་ལ་སྲས་བསམ་གྲུབ་འཕེལ་དང་དགེ་སློང་གཉིས་ཀྱིས་ཞུས། གཉིས་ཀ་ལ་དངོས་གྲུབ་ཀྱིས་གསན་པ་མན་གོང་དང་འདྲ། ཡང་ན་ཁམས་པ་ཡ་ཟི་དབོན་སྟོན། དེས་གཙང་པ་ཅོག་རོ་ཟངས་དཀར། ཁ་རག་གི་བྲི་ཤ་རྒྱལ་བུ། དབུས་པ་གྲུབ་སེང་། ཤེས་རབ་སྨོན་ལམ་བཞི་ལ་བཤད། ཡང་ན་ཡ་ཟི་དང་ཅོག་རོ་གཉིས་ཀས་གྲུ་གུ་བློ་གྲོས་འབྱུང་གནས། བྲག་ཟངས་ཕུག་གི་སྐྱོང་རབ་འཚོ་ལ་གནང་། དེ་ནས་ལྷ་ལྕམ་ལྷ་དར། ལྷ་ལྕམ་སྒོམ་པ། གྱི་མཁར་མཆིན་ཡུལ་དུ་ཚིམ་མི་བྱང་ཆུབ་རྡོ་རྗེ། སྟག་ཚལ་གྱི་སྤོ་གམ་ལོ་གྲགས། ཡང་ལྕེ་
སྒོམ་གྱི་བྲག་དཀར། ཡང་ལྕེ་ཞེས་པ་གནས་ཀྱི་མིང་ལས་ཡང་ནའི་དོན་མིན་ནོ། །ཁ་རག་གི་བནྡེ་གྲགས་པ་དཔལ། རྔོག་སྟོན་རྒྱལ་བ་བཀྲ་ཤིས། འགོས་རི་ཁྲོད་དབང་ཕྱུག །འགོས་དངོས་གྲུབ་རྒྱལ་མཚན་མན་གོང་བཞིན་ནོ། །འདི་རྣམས་ཀྱི་བརྒྱུད་རིམ་ལ་ཁམས་པ་ཡ་ཟི་དང་ཅོག་རོ་སོགས་ཡོད་པས་རྫོགས་ཆེན་ཁམས་ལུགས་དང་ཅོག་རོ་ལུགས་ཞེས་པའི་ཐ་སྙད་ཀྱང་སྣང་ངོ་། །ལྔ་པ་སེམས་སྡེའི་སྐོར་ལ། ཀུན་བྱེད་རྒྱལ་བའི་སྐོར། སེམས་མེད་བཅོ་བརྒྱད་ཀྱི་སྐོར། དེར་མ་འདུས་པའི་སེམས་སྡེ་སྤྱི་སྐོར་དང་གསུམ། དང་པོ་ལ། རྫོགས་པ་ཆེན་པོ་བྱང་ཆུབ་ཀྱི་སེམས་ཀུན་བྱེད་༼དར༽རྒྱལ་པོ་མངའ་རིས་པཎ་ཆེན་སྐུ་མཆེད་ཀྱི་གསན་ཡིག་ཏུ་སེམས་སྡེ་དང་མན་ངག་གི་སྡེ་གཉིས་ཀར་མཛད་ཅིང་སེམས་སྡེ་ཉེར་གཅིག་གི་རྒྱལ་པོའི་སྐོར་དུ་གཏོགས། ལྟ་བ་ནམ་མཁའ་ལྟར་མཐའ་དབུས་མེད་པ་རྩ་བའི་རྒྱུད་ཐོས་པའི་ཤེས་རབ་གདམས་པར་། འདི་སྐད་བཤད་པའི་དུས་ན་འོག་མིན་གྱི་གནས་ཆོས་ཉིད་ཀྱི་མཁའ་དབྱིངས་ཉིད་ཀྱི་གནས་ཡེ་ཤེས་སྒྲིབ་པ་མི་མངའ་བའི་གཞལ་ཡས་ཁང་ཞེས་སོགས་གླེང་གཞིའི་ལེའུ་དང་པོ། ཆོས་ཉིད་མངོན་དུ་ཕྱུང་ནས་བསྟན་པ་གཉིས་པ། ཆོས་ཐམས་ཅད་ཀུན་བྱེད་རྒྱལ་པོར་བྱས་པ་ལ་ཇི་ལྟར་བྱུང་བའི་ཁུངས་བསྟན་པ་གསུམ་པ། བྱ་མེད་རྣམ་དག་དབྱིངས་ཀྱི་ལུང་བསྟན་པ་ཉེར་བདུན་པ། བྱ་མེད་རྫོགས་པ་འགྱུར་མེད་བཙལ་མི་རྙེད་པ་ཉེར་བརྒྱད་པ། དགོངས་པ་རྣལ་དུ་བཞག་པ་ཉེར་དགུ་པ། རྡོ་རྗེ་སེམས་དཔའ་ཀུན་བྱེད་རྒྱལ་པོ་རྟོགས་པའི་རང་བཞིན་བསྒྲགས་པ་ང་དྲུག་པ། བསྟན་པ་གཏད་པ་ང་བདུན་པའོ། །རྒྱ་གར་གྱི་མཁན་པོ་ཤྲཱི་སིངྷ་དང་དགེ་སློང་བཻ་རོ་ཙ་ནས་བསྒྱུར་པ། དེའི་རྒྱུད་ཕྱི་མ་བསམ་བྱུང་གི་ཤེས་རབ་ལ་གདམས་པར་ལེའུ་གོང་གི་འཕྲོས་ནས་མཛད་པས་རྟོགས་པ་གླེང་གཞིའི་ལེའུ་ང་བརྒྱད་པ། རང་བྱུང་རྟོགས་པའི་དབང་གི་རེ་གསུམ་པ། རྟོགས་པ་བསྒྲགས་ཤིང་
བསྟོད་པའི་ལེའུ་རེ་དགུ་པ་འགྱུར་གོང་འདྲ་བ། དེའི་ཕྱི་མའི་ཕྱི་མ་སྒོམ་བྱུང་གི་ཤེས་རབ་ལ་གདམས་པར་ལེ་གྲངས་གོང་གི་འཕྲོས་ནས་སྒོམ་དུ་ཡོད་མེད་བསྟན་པ་བདུན་ཅུ་པ། མཉམ་པ་བླང་དོར་མེད་པར་བསྟན་པ་དོན་བརྒྱད་པ། མཚན་གྱི་རྣམ་གྲངས་བསྟན་པ་གྱ་བཞི་པ་འགྱུར་གོང་འདྲ་བ། ཀུན་བྱེད་རྒྱལ་པོའི་ཆ་ལག་ཏུ་གཏོགས་པ་མདོ་འགྲེལ་བཅུ་ཞེས་གྲགས་པ། བཅུ་པོ་འདི་པཎ་ཆེན་སྐུ་མཆེད་ཀྱི་གསན་ཡིག་ཏུའང་སེམས་སྡེར་མཛད། ཆོས་ཐམས་ཅད་རྫོགས་པ་ཆེན་པོ་བྱང་༼དར༽ཆུབ་སེམས་སུ་འདུས་པའི་མདོ་ལ། སྔ་ཕྱི་མེད་པར་འདི་སྐད་བཤད་པའི་དུས་ན་བཅོམ་ལྡན་འདས་དེ་བཞིན་གཤེགས་པ་ཆོས་ཐམས་ཅད་ཀྱི་སྙིང་པོ་སོགས་གླེང་གཞིའི་ལེའུ་དང་པོ། ཐམས་ཅད་རྩ་བ་བྱང་ཆུབ་ཀྱི་སེམས་བཞི་པ། དེའི་མདོ་འགྲེལ་རྫོགས་བྱང་གི་མཐའ་ཅན། རྩ་བ་གཅིག་ལ་དོན་གཉིས་འབྱུང་བ་༼དར༽རྣམ་པར་བགྲངས་པའི་མདོ་ལ་ཀྱེ་འདུས་པའི་ཚོགས་ཆེན་པོ་ཉོན་ཅིག །གཉིས་ནི་རྣམ་པའི་བྱེ་བྲག་དེ་སོགས་འཇིག་རྟེན་པའི་ཐེག་པ་བསྟན་པའི་ལེའུ་དང་པོ་དང་། འཇིག་རྟེན་ལས་འདས་པ་གཉིས་པའོ། །དེའི་དོན་གྱི་འགྲེལ་པ་ལེའུ་གསུམ་པ་བྱས་སོ། །ཕུན་སུམ་ཚོགས་༼དར༽པའི་མདོ་ལ། ཀྱེ་འདུས་པའི་ཚོགས་ཆེན་ད་ཉོན་ཅིག །ཀུན་བཟང་རྒྱལ་བ་མཆོག་གི་ལྷ། སོགས་སྟོན་འཁོར་ཕུན་སུམ་ཚོགས་པའི་ལེའུ་རྩ་བ། དེའི་དོན་གྱི་འགྲེལ་པ་གསུམ་པ་རྫོགས་སོ་ཅན། བྱེ་བྲག་༼དར༽འབྱེད་པའི་མདོ་ལ། ཀྱེ་འདུས་པའི་ཚོགས་ཆེན་ཉོན། ཆོས་ཀུན་ཡོ་ག་བཞིར་འདུས་ཏེ། སོགས་ཡོ་ག་བཞིའི་བྱེ་བྲག་འབྱེད་པའི་ལེའུ་རྩ་བ། དེའི་དོན་འགྲེལ་མདོ་བཞི་པ་རྫོགས་སོའི་མཐའ་ཅན། ཁྱད་པར་འཕགས་༼དར༽པའི་མདོ་ལ། ཀྱེ་འདུས་པའི་ཚོགས་ཆེན་ད་ཉོན་ཅིག །ཁྱད་པར་འཕགས་པའི་མདོ་འདི་ལ། །སོགས་ཁྱད་པར་འཕགས་པའི་ཆེ་བ་ལྔ་བསྟན་པའི་ལེའུ་རྩ་བ། དེའི་མདོ་
འགྲེལ་རྫོགས་སོའི་མཐའ་ཅན། སྐྱོན་ཡོན་གསལ་བར་བྱེད་པ་༼དར༽གོལ་སྒྲིབ་བསྟན་པའི་མདོ་རྩ་བ། ཀྱེ་འདུས་པའི་ཚོགས་ཆེན་ད་ཉོན་ཅིག །ངེས་པར་ཐོབ་པའི་ཐེག་པ་དྲུག །སོགས་དེའི་མདོ་འགྲེལ་བསྟན་པའོའི་མཐའ་ཅན། གཏན་ལ་འབེབས་པའི་༼དར༽མདོ་ལ། ཀྱེ་ཀུན་བཟང་གཉེན་པོ་རྡོ་རྗེ་ཁྱོད། ཁྱོད་ནི་གསུང་གི་སེང་གེ་སྟེ་ཞེས་སོགས་ལུང་གསུམ་དང་མན་ངག་བཞིས་ཆོས་ཐམས་ཅད་གཏན་ལ་འབེབས་པར་བྱེད་པ་རྩ་བ་དང་། དེའི་འགྲེལ་པ་གཉིས་སོ། །ངེས་པར་སྟོན་པའི་མདོ་༼དར༽ཀྱེ་འདུས་པའི་ཚོགས་ཆེན་ད་ཉོན་ཅིག །ངེས་པར་སྟོན་པའི་མདོ་འདི་ལས། །སོགས་རྩ་བ་དང་དེའི་མན་ངག་རྣམ་པ་བརྒྱད་བསྟན་པ་དང་འགྲེལ་བ། ཐེག་པ་ཡས་འབུབས་༼དར༽ཐེག་དགུའི་མདོ་ལ། ཀྱེ་འདུས་པའི་ཚོགས་ཆེན་ད་ཉོན་ཅིག །ཆོས་ཉིད་རང་བཞིན་སེམས་ཉིད་དེ། །སོགས་རྩ་བ་དང་དེའི་འགྲེལ་པ་གཉིས་སོ། །ཡོངས་སུ་རྫོགས་པའི་༼དར༽མདོ་ལ། ཀྱེ་འདུས་པའི་ཚོགས་ཆེན་ད་ཉོན་ཅིག །ཇི་ལྟར་སྣང་བའི་ཆོས་རྣམས་ནི། །སོགས་རྩ་བ་དང་དེའི་འགྲེལ་པ་གཉིས་སོ། །ཆོས་ཐམས་ཅད་ཚིག་དང་ཡི་གེས་གཏན་ལ་དབབ་ཏུ་མེད་པ་སྟེ་དོན་འགྲེལ་ལྔ་ཞེས་པ་ཚེག་པར་འབྲུའི་འགྲེལ་པ། དཔེ་དོན་རྒྱུ་འབྲས་འགྲེལ་པ། གཏན་ཚིགས་དོན་གྱི་འགྲེལ་པ། འབྱེད་པ་དང་སྡུད་པའི་འགྲེལ་པ་སོགས་སྐྱོན་ཡོན་གསལ་བར་སྟོན་པ། མཇུག་བསྟན་པ་ཡོངས་སུ་གཏད་པའི་ལེའུའི་མཚན་འདོམས་དང་བཅས་པ། ལ་ཟློ་གསང་བའི་འཁོར་ལོ། དགོངས་གླེང་ནས་ཤར་བའི་མ་རིག་མུན་སེལ་ཞེས་བྱ་བའི་རྒྱུད་ལ། དེ་ནས་སེམས་དཔའ་ཆེན་པོ་ལ་བྱང་ཆུབ་སེམས་དཔའ་ཀུན་བྱེད་རྒྱལ་པོས་ཆོས་ཐམས་ཅད་ལ་ངེས་པ་དང་དམིགས་སུ་མེད་པར་དགོངས་ནས་ཞེས་སོགས་ཕུན་སུམ་ཚོགས་པ་ལྔ་རང་
དུ་ལ་ཟླ་བའི་ལེའུ་དང་པོ། བཅོས་སུ་མེད་པ་ལ་ཟླ་བ་དྲུག་པ། ཡོངས་གྲོལ་དུ་ལ་ཟླ་བ་བཅུ་པ། རྒྱུད་གཏད་གསལ་ཀ་མེད་ཀྱང་དོན་གྱི་ལེའུ་བཅུ་གཅིག་པའོ། །བཤད་རྒྱུད་ཆེན་པོ་བཞི་ལ་བྱང་ཆུབ་ཀྱི་སེམས་རྫོགས་པ་ཆེན་པོ་འཁོར་བ་རྩད་ནས་༼དར༽གཅོད་པ་ནམ་མཁའ་དང་མཉམ་པ་ཡི་གེ་མེད་པའི་རྒྱུད་ལ། པཎ་ཆེན་སྐུ་མཆེད་ཀྱི་གསན་ཡིག་ཟུར་དུ་བྲིས་འདུག་ཀྱང་བརྒྱུད་པ་འདྲེན་ལུགས་ཀུན་བྱེད་དང་མཐུན་པས་དོན་གྱི་སེམས་སྡེར་བཞེད་དོ། །འདི་སྐད་རྟོག་པའི་དུས་གཅིག་ན། །མཁའ་ཀློང་རྣམ་དག་ཆོས་ཀྱི་དབྱིངས། །ཀུན་བཟང་ཡངས་པ་སྐྱེ་མེད་ཀློང་། །ཡེ་ཤེས་ལྔ་སོགས་འོད་ཟེར་འཕྲོ། །ཞེས་སོགས་གླེང་གཞིའི་ལེའུ་དང་པོ། བདེ་ཆེན་གསལ་བ་བདུན་པ། རྣམ་རྟོག་ཡེ་ཤེས་སུ་འབར་བ་བརྒྱད་པ། རྒྱུད་གཏད་པ་ལ་ལེའུ་མ་བྱས་ཀྱང་དོན་གྱིས་བཅུ་བཞི་པ་འགྱུར་གོང་འདྲ། ཆོས་ཐམས་ཅད་བྱང་ཆུབ་ཀྱི་སེམས་རྫོགས་པ་ཆེན་པོ་འཁོར་བ་བརྩད་ནས་གཅོད་པ་རྒྱ་མཚོ་དང་མཉམ་པ་རྙོག་པ་མེད་པའི་རྒྱུད་ལ། འདི་སྐད་སྟོན་པས་གནས་འཁོར་དུས། །སངས་རྒྱས་རིན་ཆེན་ཟ་མ་ཏོག །རྙོག་མེད་རྒྱ་མཚོ་ལྟ་བུའི་ཀློང་། །འཁོར་བའི་རྒྱ་མཚོ་རྩད་ནས་གཅོད། །ཞེས་སོགས་གླེང་གཞིའི་ལེའུ་དང་པོ། སྒོམ་པའི་ལེའུ་བཞི་པ། བསྟོད་པར་ལེའུ་མ་བྱས་ཀྱང་དོན་གྱི་ལེའུ་བརྒྱད་པ་འགྱུར་གོང་འདྲ། ཆོས་ཐམས་ཅད་བྱང་ཆུབ་ཀྱི་སེམས་རྫོགས་པ་ཆེན་པོ་འཁོར་བ་རྩད་ནས་༼དར༽གཅོད་པ་ཉི་ཟླ་དང་མཉམ་པ་དྲི་མ་མེད་པའི་རྒྱུད་ལ། འདི་སྐད་བཤད་པའི་དུས་གཅིག་ན། །ཆོས་ཉིད་མཁའ་དབྱིངས་ཉིད་ཀྱི་ཀློང་། །ཡེ་ཤེས་དྲི་མ་མེད་པར་དག །ཆོས་ཀྱི་དབྱིངས་ཀྱི་ཕོ་བྲང་ན། །ཞེས་སོགས་གླེང་གཞིའི་ལེའུ་དང་པོ། ཆོས་ཀྱི་དབྱིངས་ཀྱི་ཐིག་ལེ་བདུན་པ། ལྷུན་གྲུབ་ཐིག་ལེ་བཅུ་གཅིག་པ་རྗེས་སུ་ཡི་རང་བསྟོད་པ་དང་བཅས་པ་འགྱུར་གོང་འདྲ། ཆོས་ཐམས་ཅད་བྱང་ཆུབ་ཀྱི་སེམས་རྫོགས་པ་ཆེན་པོ་འཁོར་
བ་རྩད་ནས་༼དར༽གཅོད་པ་རིན་པོ་ཆེ་དང་མཉམ་པ་སྐྱེ་བ་མེད་པའི་རྒྱུད་ལ། འདི་སྐད་བདག་གིས་ཐོས་པའི་དུས་གཅིག་ན་བཅོམ་ལྡན་འདས་ཀུན་ཏུ་བཟང་པོ་འོག་མིན་ཆོས་ཀྱི་དབྱིངས་ཀྱི་ཕོ་བྲང་ན་རིགས་ལྔའི་སངས་རྒྱས་ཞེས་སོགས་གླེང་གཞིའི་ལེའུ་དང་ཀུན་འདུས་རིག་པ་བདུན་པ། སྲོག་གི་འཁོར་ལོ་བརྒྱད་པ། ཁམས་གསུམ་སྒྲོན་མའི་ལེའུ་བཅུ་བཞི་པ་བསྟོད་པའི་མཇུག་དང་བཅས་པ་འགྱུར་གོང་དང་འདྲ་བ་རྣམས་ལེགས་པར་ཐོབ་པའི་བརྒྱུད་པ་ནི། ཆོས་སྐུ་ཀུན་ཏུ་བཟང་པོ། ལོངས་སྐུ་རྡོ་རྗེ་སེམས་དཔའ། སྤྲུལ་སྐུ་དགའ་རབ་རྡོ་རྗེ། སློབ་དཔོན་འཇམ་དཔལ་བཤེས་གཉེན། རྒྱལ་པོ་དྷ་ན་ཏཱ་ལ། སྲས་ཐུ་བོ་རཱ་ཛ། པྲ་ཧསྟི། སྲས་མོ་ས་ར་ནི། ཡིག་རྙིང་རྣམས་སུ་ས་ར་དང་པཱ་ར་གཉིས་ངེས་མེད་དུ་འོང་འདུག་པ་ཡིག་ནོར་མིན་པའི་གོ་དོན་སོ་སོར་ཡོད་སྐད། ཀླུའི་རྒྱལ་པོ་དགའ་བོ། འཇོག་པོའང་ཟེར། གནོད་སྦྱིན་བྱང་ཆུབ་མ། སྨད་འཚོང་མ་ས་ར་ནི། ཁ་ཆེའི་མཁན་པོ་རབ་སྣང་། སྨད་འཚོང་མ་བུདྡྷ་ས་མནྟི། སྲས་མོ་གོ་མ་དེ་ཝཱི། ཨཱ་ཙཪྻ་ཨ་ལོ་ཀ ཁྱིའི་རྒྱལ་པོ་ཀུ་ཀུ་རཱ་ཛ། དྲང་སྲོང་བྷ་ཥི་ཏ། གཟུགས་འཚོང་མ་བདུད་རྩི་མ། འགགས་པ་ནཱ་གཱ་རྫུ་ན། ཀུ་ཀུ་རཱ་ཛ་ཕྱི་མ། འཇམ་དཔལ་བཤེས་གཉེན་ཕྱི་མ། ལྷའི་མཁན་པོ་མ་ཧཱ་རཱ་ཛ། བུདྡྷ་ཀུནྡྷ། སློབ་དཔོན་ཤྲཱི་སིངྷ། དགེ་སློང་མ་ཀུན་དགའ་མོ། ལོ་ཆེན་བཻ་རོ་ཙ་ན། དཔང་སངས་རྒྱས་མགོན། སྦས་རཀྟི་ཏ། ཡ་ཟི་དར་མ་ཤེས་རབ། ཉང་སྟོད་སྨྲ་བའི་སེང་གེ །མར་པ་ཁྲོམ་རྒྱལ། ལ་ལར་ཁྲོ་རྒྱལ་ཡང་ཟེར། མར་པ་ཤེས་རབ་འོད། ཤངས་ཆུང་དར་མ་བསོད་གྲགས། ལྷ་རྗེ་སྒྲོ་ཕུག་པ། དཔང་རྗེ་བཙུན་ཁྲོམ་གྱི་བོན་པོའི་ཐོག་བཟློག་པས་ལྷའི་རྗེར་མངའ་གསོལ་བར་བརྟེན་སྔགས་འཆང་རྣམས་ལྷ་རྗེར་གྲགས་པར་གཙང་སྨྱོན་པས་མ་གོ་བར་རྗེ་མི་ལའི་རྣམ་ཐར་དུ་ལྷ་རྗེ་གནུབས་ཆུང་ལ་སྨན་དང་སྔགས་གཉིས་ཀ་ཤེས་པ་ཞེས་དག་མདོག་བྱེད་པ་ནི་བཞད་གད་ཀྱི་གནས་སོ། །བཤེས་གཉེན་སྟོན་སྙིང་། གླན་ཤཱཀྱ་བྱང་ཆུབ། གླན་རྡོ་རྗེ་འོད། སྲས་བསོད་ནམས་རྒྱལ་
མཚན། འགོས་དངོས་གྲུབ་མགོན། བླ་མ་ཤཱཀྱ་རྒྱལ་མཚན། བླ་མ་དཔལ་བཟང་པོ། བླ་མ་རྡོ་རྗེ་རྒྱལ་མཚན། གཉལ་པ་བདེ་ལེགས་དཔལ། བླ་མ་མཚམས་པ་བ་འཇམ་དབྱངས་བཤེས་གཉེན། ཨར་དགེ་བ་ཆོས་དཔལ་རྒྱལ་མཚན། ཕྱམ་དགོན་པ་བསམ་གཏན་བཟང་པོ། སྤྲུལ་པའི་གཏེར་སྟོན་རཏྣ་གླིང་པ། སྲས་ཚེ་དབང་གྲགས་པ། རྗེ་ངག་དབང་གྲགས་པ། མཉམ་མེད་ངག་དབང་ནོར་བུ། རྗེ་ནོར་བུ་ཡོངས་གྲགས། གཙུག་རྒྱན་ནོར་བུ་དབང་རྒྱལ། དྲིན་ཆེན་གཏེར་བདག་གླིང་པ། དེས་བདག་ལའོ། །ཡང་དར་གྱི་རྟགས་ཡོད་པའི་བརྒྱུད་ལུགས་གཅིག་ནི། རྗེ་ནོར་བུ་དབང་རྒྱལ་ནས། བྱ་བཏང་ནོར་བུ་ཆོས་བརྟན། རིག་འཛིན་འཕྲིན་ལས་ལྷུན་གྲུབ། སྤྲུལ་སྐུ་གཏེར་བདག་གླིང་པ། དེས་བདག་ལའོ། །ཡང་ན་འཇམ་དཔལ་བཤེས་གཉེན་ནས། ཤྲཱི་སིངྷ། བཻ་རོ་ཙ་ན་མན་འདྲ། ཡང་ན་བཻ་རོ་ཙ་ན་ནས། རྒྱལ་མོ་གཡུ་སྒྲ་སྙིང་པོ། གཉགས་ཛྙཱ་ན་ཀུ་མཱ་ར། ཨ་རོ་ཡེ་ཤེས་འབྱུང་གནས། ཁམས་ཀྱི་ལ་ཟི་བོན་སྟོན། བླ་ཆེན་དགོངས་པ་རབ་གསལ། བྲུམ་ཤིང་ཀླག་ཅན། བྲུམ་ཤིང་ཤེས་རབ་སྨོན་ལམ། ཁམས་པ་རྡོག་ཤེར་རྒྱལ། རྒྱ་སྟོན་པ། འགྲོས་སྟོན་དར་མ་སེང་གེ །གཙང་ཆུང་པ་དར་མ་རྡོ་རྗེ། འགོས་དངོས་གྲུབ་རྒྱལ་མཚན། དེས་སྲས་བསམ་འཕེལ་དང་དགེ་སློང་གཉིས་ལ་གནང་། དེ་གཉིས་ཀ་ལ་འགོས་དངོས་གྲུབ་མགོན་གྱིས་གསན་པ་མན་གོང་ལྟར་རོ། ཁམས་ལུགས་ཀྱི་བརྒྱུད་པ་ནི། ཐུབ་པའི་དབང་པོ། ལྷའི་བུ་སེམས་ལྷག་ཅན། རིགས་འཛིན་དགའ་རབ་རྡོ་རྗེ། ཤ་ཝ་རི་དབང་ཕྱུག །རྗེ་མཻ་ཏྲི་པ། མཁས་པ་ཤྲཱི་སིངྷ། བཻ་རོ་ཙ་ན། རྒྱལ་མོ་གཡུ་སྒྲ། གཉགས་ལ་ཡེ་ཤེས་གཞོན་ནུ། ཨ་རོ་ཡེ་ཤེས་འབྱུང་གནས། ཡ་ཟི་བོན་སྟོན། གྲུ་གུ་ཀློག་འབྱུང་། ཀོང་རབ་འཚོ། བླ་མ་དགོན་པ་བ། བླ་མ་པོ་འབོར་པ། དེ་ཝ་གྲུ་སྐྱོོགས་
པ། ཞང་ཞལ་དཀར་བ། འགོས་དངོས་གྲུབ་རྒྱལ་མཚན་མན་བཤད་མ་ཐག་པ་དང་འདྲ། ཅོག་རོ་ཟངས་དཀར་ལུགས་ཀྱི་བརྒྱུད་པ་ནི། ཡ་ཟིང་པོ་ན་སྟོན་ཡན་གོང་ལྟར་ལ། ཅོག་རོ་ཟངས་དཀར་པ། གྲུ་གུ་བློ་གྲོས་འབྱུང་གནས། རག་ཟབ་ཕུའི་ཀོང་རབ་འཚོ། ལྡན་དར་མ་བ། ལྕེ་སྒོམ་ནག་པོ། བླ་མ་བྲག་དཀར་བ། ཁ་རག་བྲག་དཔལ། རྔོག་རྒྱལ་བ་བཀྲ་ཤིས། འགོག་རི་ཁྲོད་དབང་ཕྱུག །འགོས་དངོས་གྲུབ་རྒྱལ་མཚན་མན་འདྲ། ཀུན་བྱེད་རྒྱལ་པོ་ཕྱི་མ་ཕྱི་མའི་ཕྱི་མ་དང་བཅས་པའི་ལེའུ་གྱ་བཞི་པའི་བརྒྱུད་ལུགས་གཅིག་ནི། གསུང་སྤྲུལ་ཡན་གོང་ལྟར་ལ། ཁྱབ་བདག་བློ་མཆོག་རྡོ་རྗེ། དེས་བདག་ལའོ། །ཡང་ན་འཇམ་དཔལ་བཤེས་གཉེན་ཡན་གོང་དང་འདྲ་བ་ལ། ཤྲཱི་སིངྷ། ལོ་ཆེན་བཻ་རོ། དཔང་སངས་རྒྱས་མགོན་པོ། སྦས་རཀྟི་ཏ། ཡ་ཟི་དར་མ་ཤེས་རབ། ཟེར་མོ་དགེ་སློང་མ་བདེ་གསལ། དེ་ནས་ཕོ་བརྒྱུད་མོ་བརྒྱུད་གཉིས་སུ་གྱེས་པའི་མོ་བརྒྱུད་ནི། ཟེར་མོས་མར་པ་ཁྲོམ་རྒྱལ་ལ་གནང་། ཕོ་བརྒྱུད་ནི། ཡ་ཟི་ཉང་སྟོན་པྲ་བྷ་ལ་གནང་། དེ་ནས་གཅིག་ཏུ་འདྲེས་ཏེ་མར་པ་ཁྲོམ་རྒྱལ། གསན་ཡིག་གཞན་ཕལ་ཆེར་ན་ན་རོག་སྟོན་པས་སུམ་པ་སོགས་ལ་གནང་བ་དང་གསུམ་གྱི་གྲས་སུ་རྒྱ་རྡོ་རྗེ་དཔལ་བགྲངས་འདུག་ཀྱང་། པཎ་ཆེན་སྐུ་མཆེད་གཉིས་ཀའི་གསན་ཡིག་ཏུ་འདི་བཞི་བྱུང་། དེས་དབུས་ཀྱི་ན་རོག་སྟོན་པ། གཙང་གི་སུམ་པ་དབང་ཚུལ། ལྷོ་བྲག་གི་མར་ཆུང་ཤེས་རབ་མདོག་གསུམ་ལ་གནང་། དེ་གསུམ་ག་ལ་ལང་ཟ་དར་མ་བསོད་ནམས་ཀྱི་ཞུས། དེ་ནས་འུག་བྱ་ལུང་པ་བདེ་ལེགས་ཤཱཀྱ་འབྱུང་གནས། ཟུར་ཆུང་ཤེས་རབ་གྲགས། གོམ་པོའི་སྐྱོ་སྟོན་ཤཱཀྱ་ཡེ་ཤེས། སློབ་མ་ཀ་བཞི་གདུང་བརྒྱད་ལས་མན་ངག་རྫོགས་ཆེན་གྱི་ཀ་བ། ཉ་རི་བ་ཟུར་ཤཱཀྱ་སེང་གེ །ཟུར་ཆུང་བའི་སྲས་མདའ་ཚ་ཧོར་པོའམ་རྗེ་སྒྲོ་ཕུག་བར་གྲགས། དམ་པ་ཤཱཀ་རྒྱལ། ཝང་ཤཱཀྱ་བླ་མ། རིག་འཛིན་ཆེན་པོའི་གསན་ཡིག་ཏུ་དཀྱུས་ལྟར་བྱུང་ཞིང་པཎ་ཆེན་གྱི་གསན་ཡིག་ཏུ་ཡེ་ཤེས་བླ་མ་ཞེས་སྣང་། གཉིས་ཀ་ལ་ལྕེ་
སྟོན་ཟུང་དེ། དེ་ནས་འཁྲུལ་ཞིག་བྱ་རུ་པ་ཆེན་པོ། རྒྱ་སྟོན་རྡོ་རྗེ་དཔལ། རྒྱ་སྟོན་ངོ་གཟུང་། བླ་མ་སྤང་རྩ་བ། ལྕེ་སྟོན་གྲུབ་པ་པ། ཟུར་བྱམས་པ་སེང་གེ ། རྟ་ནག་སྒྲོལ་མ་བ་འཇམ་དབྱངས་བསམ་གྲུབ་རྡོ་རྗེ། ཟུར་མོ་མཁས་པ་སྲས་བཙུན། ཟུར་ཧཱ་མ་ཆོས་རྗེ། ཟུར་ཤཱཀ་འབྱུང་ཕྱིར་མ་དང་ཟུར་ཐམས་ཅད་མཁྱེན་པའང་ཟེར། ཟུར་ཤཱཀྱ་བཟང་པོ་དཔལ། ཟུར་ཤཱཀྱ་བཤེས་གཉེན། སོག་པོ་དཔལ་གྱི་ཡེ་ཤེས། སྨུལ་ཀུན་བཟང་དཔལ། ལྷོ་ཀ་ཐོག་པ་བསོད་ནམས་རྒྱལ་མཚན། ཀ་ཐོག་པ་རྣམ་གྲོལ་ཡེ་ཤེས་བཟང་པོ། ཀ་ཐོག་པ་ཆོས་ཀྱི་སེང་གེ །ལྷ་བྲོ་སྤྲུལ་སྐུ་ཆོས་ཀྱི་དབང་པོ། གུ་རུ་ཀརྨ་ཆོས་སྐྱོང་། ཡར་འབྲོག་དོ་ནང་པ་བླ་མ་བཀྲ་ཤིས་ལྷུན་གྲུབ། རིགས་ཀུན་ཁྱབ་བདག་སྨན་ལུང་པ་བློ་གྲོས་མཆོག་གི་རྡོ་རྗེ། དེས་བདག་ལའོ། །ཡང་ན་ཨ་རོ་ཡེ་ཤེས་འབྱུང་གནས་ནས། གྲུབ་ཐོབ་དཔལ་གྱི་ཡེ་ཤེས། གནུབས་ཆེན་སངས་རྒྱས་ཡེ་ཤེས། གནུབས་ཁུ་ལུང་པ་ཡོན་ཏན་རྒྱ་མཚོ། བླ་མ་ཉང་ཆེན་སྐུ་མཆེད། ཟུར་ཆེན་ཤཱཀྱ་འབྱུང་གནས་མན་འདྲ། ཡང་ན་ཟུར་ཆུང་ཤེས་རབ་གྲགས་ནས། གླན་སྒོམ་ཤཱཀྱ་བཟང་པོ། མཁས་པ་མདའ་ཏིག་ཆོས་ཤཱཀ །འགྲོ་མགོན་གསང་བདག་གཉིས་པ། སྐྱོ་སྟོན་ཤཱཀ་ཡེ། དམ་པ་ཤཱཀ་རྒྱལ། བླ་མ་ལྷ་རྗེ་ཆེན་པོ། བདེ་གཤེགས་མཚན་ལྡན་ཞིག་པོ། སངས་རྒྱས་གཉོས་སྟོན། གཉོས་སྟོན་ཤཱཀྱ་འབུམ། སྐྱེ་མེད་དམ་པ་སངས་རྒྱས། སྐྱེས་མཆོག་སྤྲུལ་སྐུ་ཆེན་པོ། མངའ་རིས་པཎ་ཆེན། རིག་འཛིན་ཆེན་པོའི་གསན་ཡིག་ཏུ། འདུམ་པ་དགའ་ལྡན་ཕོ་བྲང་དུ། ཆོས་སྐུ་མངའ་རིས་པཎ་ཆེན་ལ། ཞེས་གསུང་པ་དེ་ཡིན་འདུག་པས་མཚན་གཅིག་པ་མ་གཏོགས་གཅེན་པད་མ་དབང་རྒྱལ་དང་མི་གཅིག་པ་པཎ་ཆེན་སྐུ་མཆེད་གཉིས་ཀྱི་བླ་མ་ཀ་ཐོག་པ་རྣམ་གྲོལ་བཟང་པོ་ཡིན་པས་སྔ་ཕྱིའི་གོ་རིམ་གྱིས་ཀྱང་རྟོགས་ནུས་སོ། །ཆོས་རྗེ་བསོད་ནམས་རྒྱལ་མཚན། ཟུར་ཐམས་ཅད་མཁྱེན་པ་ཤཱཀ་འབྱུང་ཕྱི་མ། ཟུར་མོ་མཁས་བཙུན་སངས་རྒྱས། ཟུར་ཤཱཀྱ་བཤེས་གཉེན་
མན་གོང་བཞིན་ནོ། །གཉིས་པ་སེམས་མེད་བཅོ་བརྒྱད་པ། རྒྱ་གར་མཁས་པ་ཉི་ཤུ་རྩ་གཅིག་གི་དགོངས་པའི་བཅུད་ཕྱུང་བ་མངའ་བའི་མཁས་པ་ཆེན་པོ་ཤྲཱི་སིངྷའི་དྲུང་དུ་སྒྲ་བསྒྱུར་གྱི་དབང་པོ་བཻ་རོ་ཙ་ནས་དཀར་བ་བཅུ་དྲུག་སྤྱན་ནས་ཞུས། པཎྜི་ཏས་ཀྱང་དབུ་སྙུང་བཞེས་ནས་གནང་བའི་སྐོར་གྱི་སྔ་འགྱུར་ལེའུ་རྩ་དྲུག་པ་ནས་སྒོམ་པ་དོན་དྲུག་པ་དང་པོ་གཅིག་པ་ནས་རིག་པ་ཁུ་བྱུག་གཉིས་ཀྱི་དཔེར་ཟུར་དུ་མ་བྱུང་ཡང་ལུང་རྒྱུན་ནི་དོན་གྱིས་ཚང་བ་ཡིན་ནོ། །ལྔ་ནི་ཀུན་བྱེད་རྒྱལ་པོ་ནས་བཀོལ་བའི་དུམ་བུའི་རྒྱུད་ཡིན་པས་རྣམ་དག་དབྱིངས་ཀྱི་ལེའུ་རྩ་བདུན་པ་ནས། བྱང་ཆུབ་ཀྱི་སེམས་རྩལ་ཆེན་སྤྲུགས་པའི་རྒྱུད་ལ། འདི་སྐད་བདག་གིས་ཐོས་པའི་དུས་གཅིག་ན་དེ་བཞིན་གཤེགས་པ་ཡང་དག་པར་རྫོགས་པའི་རྟག་པ་ཆེན་པོ་ངོ་བོ་ཉིད་ཀྱི་བཞུགས་པ་ཞེས་སོགས་གླེང་གཞིའི་ལེའུ་དང་པོ། བསམ་གཏན་གྱི་ཏིང་ངེ་འཛིན་དང་རྫོགས་པའི་རང་བཞིན་དང་དེ་ཤེས་པར་བྱ་དགོས་པ་ལྔ་པ། རྒྱུད་ཀྱི་བདག་པོ་ལ་བསྟོད་པ་དང་རྒྱུད་ལ་བསྟོད་པ་དང་གཏད་པའི་ལེའུ་དགུ་པའོ། །མཁས་པ་ཤྲཱི་སིངྷ་དང་ལོ་ཆེན་བཻ་རོའི་འགྱུར། མི་གནས་ཡུལ་མེད་ཀྱི་ལེའུ་ཉེར་གཉིས་པ་ནས་ཁྱུང་ཆེན་གྱི་རྒྱུད་རྒྱས་པ་ཆེན་པོའི་མཐའ་ཞེས་བྱ་བ་ལ་བཅོམ་ལྡན་འདས་ཀུན་ཏུ་བཟང་པོས་རྣམ་པར་གྲོལ་བའི་ལམ་ལ་བཞུགས་སོ་བདེ་བར་གཤེགས་སོ་བསྟོད་ཅིང་མི་སྨྲ་བར་འཁོར་ལྔ་འཁོད་དེ་འདུག་གོ་ཞེས་སོགས་སེམས་ལས་མ་གཏོགས་པའི་ཆོས་གུད་ནས་བསྟན་དུ་མེད་པའི་ལེའུ་དང་པོ། བྱང་ཆུབ་ཀྱི་སེམས་བཙལ་ཐབས་དྲུག་པ། བདག་པོ་ལ་བསྟོད་པ། ཆོས་ལ་བསྟོད་པ། དེ་འཛིན་པ་ལ་མཆོག་གསུམ་གྱི་ཚུལ་དུ་བསྟོད་པ། རྒྱུད་གཏད་པའི་ལེའུ་བཅུ་པ་འགྱུར་གོང་འདྲ། མི་ནུབ་པའི་རྒྱལ་མཚན་གྱི་ལེའུ་གསུམ་པ་ནས་རྡོ་རྗེ་སེམས་དཔའ་ནམ་མཁའ་ཆེ་རྒྱས་པ་ཡི་གེ་མེད་པའི་རྒྱུད་ལ། ཡི་གེ་མེད་པ་འདི་གསུངས་
པའི་ཚེ་ན་ཉིད་དང་ཐ་མི་དད་པ་རྣམས་སྔོན་མ་ཐོས་པ་འདི་ཐོས་པས་སྐྲག་པར་གྱུར་ཏོ་ཞེས་སོགས་གླེང་གཞིའི་ལེའུ་དང་པོ། ཤེས་རབ་དམིགས་པ་མེད་པར་བསྟན་པ་བཞི་པ། འཁོར་ལོ་གཏད་པ་བརྒྱད་པའོ་པཎྜི་ཏ་ཛྙཱ་ན་གརྦྷ་དང་བཻ་རོའི་འགྱུར། ཕྱི་འགྱུར་བཅུ་གསུམ་ལ། བཤད་རྒྱུད་རིན་པོ་ཆེ་དང་མཉམ་པ་སྐྱེ་བ་མེད་པའི་རྒྱུད་ཀྱི་ལེའུ་རེ་རེ་ཡིན་ཞིང་རྨད་བྱུང་། ཡིད་བཞིན་ནོར་བུ། སྐྱེ་མེད་རིག་གསུམ་གྱི་དཔེ་མ་བྱུང་ནའང་དོན་གྱིས་ལུང་རྒྱུན་ཡོད་པར་འགྲོ་འདུག་ཅིང་། གོང་ར་བས་རྨད་བྱུང་ལེའུ་བཅུ་གཅིག་པར་ངོས་འཛིན་རྣམ་པར་རྨོངས་པ་སྟེ་བཤད་རྒྱུད་ཀྱི་ལེའུ་གཉིས་པ་རྨད་བྱུང་ཡིན་པས་དེ་ལ་ལེ་གྲངས་མེད་པས་སོ། །བྱང་ཆུབ་ཀྱི་སེམས་བདེ་བ་རབ་འབྱམས་ཚིགས་སུ་བཅད་པ་ལེ་མེད། བྱང་ཆུབ་ཀྱི་སེམས་ནམ་མཁའ་རྒྱལ་པོ་ལེ་མེད་དུ་རྫོགས་པ། བྱང་ཆུབ་ཀྱི་སེམས་བསམ་གཏན་ངེེས་པའི་རྒྱལ་པོ་རྗེ་བཙུན་དམ་པ་ཚིག་རྐང་བདུན་པ་ཤློ་ཀ་སུམ་ཅུ་ཤོ་ལོ་ཀ་དྲུག་ལས་མ་བྱུང་བས་བརྟག །དང་ཚིག་རྐང་གཅིག །བྱང་ཆུབ་ཀྱི་སེམས་རྩེ་མོ་བྱུང་རྒྱལ་ལེ་གྲངས་མེད་པ། བྱང་ཆུབ་ཀྱི་སེམས་རིན་པོ་ཆེ་ཀུན་འདུས་ཚིགས་སུ་བཅད་པ་ལེ་མེད། གཉིས་སུ་མེད་པའི་མན་ངག་སྲོག་གི་འཁོར་ལོ་ལ་ཚིག་བདུན་པ་དང་དགུ་མ་འདྲེས་པའི་ཤོ་ལོ་ཀ་བཅུ་དགུ་ཡོད་པ། ཕྱེད་བཅུ་དགུ་སྣང་། བྱང་ཆུབ་སེམས་བདེ་བའི་མྱུ་གུ་ལེ་མེད་ཚིགས་བཅད་མ། བྱང་ཆུབ་ཀྱི་སེམས་བདེ་བ་ཕྲ་བཀོད་ཚིགས་སུ་བཅད་པ་ལེ་མེད། བྱང་ཆུབ་ཀྱི་སེམས་རྫོགས་པ་སྤྱི་གཅོད་ཚིགས་བཅད་མ་ལེ་གྲངས་མེད་པ། དར་སྡིངས་པའི་གསན་ཡིག་ན་བྱང་སེམས་མི་འགྱུར་བའི་ཐིག་ལེ་ཡང་ཟེར་ཞེས་པའི་མཆན་བུ་སྣང་ཡང་དེ་ཟུར་དུ་འདུག་པས་མིང་གཅིག་ལ་དོན་མི་འདྲ་བ་ཞིག་ཡོད་དམ་སྙམ་པས་དཔྱད། བྱང་ཆུབ་ཀྱི་སེམས་ཁམས་ གསུམ་སྒྲོན་མ་ཤོ་ལོ་ཀ་བཞི་སྣང་། དྲུག་རྣམས་ལེགས་པར་ཐོབ་པ་ལས་སྔ་འགྱུར་ལྔའི་བརྒྱུད ་པ་ནི། ཀུན་ཏུ་བཟང་པོ། རྡོ་རྗེ་སེམས་དཔའ། དགའ་རབ་རྡོ་རྗེ། འཇམ་དཔལ་བཤེས་གཉེན། རྒྱལ་པོ་དྷ་ན་ཏཱ་ལ། སྲས་ཐུ་བོ་རཱ་ཛ། སྲས་མོ་མེ་ཏོག་གསལ། ཀླུ་རྒྱལ་འཇོག་པོ། གནོད་
སྦྱིན་མོ་བྱང་ཆུབ། སྨད་འཚོང་མ་ས་ར་ཎི། ཁ་ཆེའི་རྒྱལ་པོ་རབ་སྣང་། རྒྱལ་པོ་བུདྡྷ་ས་མནྟ། སྨད་འཚོང་མ་བུདྡྷ་ས་མནྟ་ཟེར་བའང་སྣང་། རྒྱལ་པོ་ཀུ་ཀུ་རཱ་ཛ། ལྷའི་རྒྱལ་པོ་མ་ཧཱ་རཱ་ཛ། སྲས་མོ་གོ་མ་དེ་ཝཱི། ཨཱ་ཙཪྻ་ཨ་ལོ་ཀ །ཁྱིིའི་རྒྱལ་པོ་ཕྱི་མ། དྲང་སྲོང་བྷ་ཥི་ཏ། ནཱ་གཱ་རྫུ་ན། གཟུགས་འཚོང་མ་བདུད་རྩི། འཇམ་དཔལ་བཤེས་གཉེན་ཕྱི་མ། དེ་ཝ་རཱ་ཛ། བྷུ་ཏི་ཀུཎྜ། དགེ་སློང་མ་ཀུན་དགའ་མོ། ཤྲཱི་སིངྷ། སྒྲ་བསྒྱུར་བཻ་རོ་ཙ་ན། རྒྱལ་མོ་གཡུ་སྒྲ། གཉགས་ཛྙཱ་ན་ཀུ་མཱ་ར། སོག་པོ་དཔལ་གྱི་ཡེ་ཤེས། འོ་བྲན་དཔལ་གྱི་གཞོན་ནུ། གནུབས་ཆེན་སངས་རྒྱས་ཡེ་ཤེས། སོ་ཡེ་ཤེས་དབང་ཕྱུག །དན་ཡོན་ཏན་མཆོག །ངབ་ཐུང་བྱང་ཆུབ་རྒྱལ་མཚན། སྐོར་ཐུང་ཤེས་རབ་ཡེ་ཤེས། ར་ཐུང་ཤེས་རབ་ཚུལ་ཁྲིམས། རོག་སྟོན་ཚུལ་ཁྲིམས་རྒྱལ་མཚན། སྒྲོ་བཙུན་གཙུག་ཏོར་གཞོན་ནུ། ཉ་ཚལ་གྱི་གླན་ཤཱཀྱ་བྱང་ཆུབ། གཙང་པ་དར་མ་རྡོ་རྗེ། འགོས་དངོས་གྲུབ་རྒྱལ་མཚན། སྲས་ཆུང་དགེ་སློང་། འགོས་དངོས་གྲུབ་མགོན། བླ་མ་ཤཱཀྱ་རྒྱལ་མཚན། བླ་མ་དཔལ་བཟང་པ། རྗེ་རྡོ་རྗེ་རྒྱལ་མཚན། གཉགས་སྟོན་བདེ་ལེགས་དཔལ། འཚམ་པ་འཇམ་དབྱངས་བཤེས་གཉེན། ཨར་དགེ་བ་ཆོས་དཔལ་རྒྱལ་མཚན། ཕྱམ་མགོན་པ་བསམ་གཏན་བཟང་པོ། རིག་འཛིན་ཆེན་པོ་རཏྣ་གླིང་པ། རྒྱལ་སྲས་ཚེ་དབང་གྲགས་པ། གཅུང་ངག་དབང་གྲགས་པ། གཙུག་རྒྱན་ངག་དབང་ནོར་བུ། མཉམ་མེད་ནོར་བུ་ཡོངས་གྲགས། ཆོས་གཏེར་ནོར་བུ་དབང་རྒྱལ། གསུང་སྤྲུལ་ཚུལ་ཁྲིམས་རྡོ་རྗེ། གར་དབང་ཚུལ་ཁྲིམས་རྒྱལ་མཚན། སྤྲུལ་སྐུ་གཏེར་བདག་གླིང་པ། དེས་བདག་ཟ་ཧོར་བནྡེ་ལའོ། །ཡང་དར་གྱི་རྟགས་ཅན་གྱི་བརྒྱུད་ལུགས་གཅིག་ནི། རྗེ་ནོར་བུ་དབང་རྒྱལ་ནས། བྱ་བཏང་ནོར་བུ་ཆོས་བརྟན། རྗེ་འཕྲིན་ལས་ལྷུན་གྲུབ། དྲིན་ཅན་གཏེར་བདག་གླིང་པ། དེས་བདག་གོ །
ཡང་ན་གླན་ཤཱཀྱ་བྱང་ཆུབ་ནས། གཉོས་ཆུ་བོ་རི་པ། ཁ་རག་སྟོན་སྙིང་། བྱ་སྟོན་ཐོག་པོ། འབྲོག་སྟང་གི་སོ་སྟོན་སྲིད་ཀ །ཉ་ཚལ་པ་གླན་རྡོ་རྗེ་འོད། འགོས་རྩི་ལུང་པ། འགོས་དངོས་གྲུབ་མགོན་མན་འདྲ། ཡང་ན་གླན་རྡོ་རྗེ་འོད་ནས། གླན་བསོད་ནམས་རྒྱལ་མཚན། འགོས་དངོས་གྲུབ་མགོན་མན་གོང་ལྟར་རོ། །ཡང་ན་སྐོར་ཐུང་ཤེས་རབ་ཡེ་ཤེས་ནས། རྔོག་སྟོན་ཚུལ་ཁྲིམས་རྒྱལ་མཚན། འབྲེ་གཙུག་ཏོར་གཞོན་ནུ། གླན་ཤཱཀྱ་བྱང་ཆུབ། གཉོས་ཆུ་བོ་རི་པ། གླན་རྡོ་རྗེ་འོད། འགོས་དགེ་སློང་། འགོས་དངོས་གྲུབ་མགོན་མན་འདྲ། ཕྱི་འགྱུར་བཅུ་ གསུམ་གྱི་བརྒྱུད ་པ་ནི། ཤྲཱི་སིངྷ་ཡན་གོང་ལྟར་ལ། དེ་ནས་པཎ་ཆེན་བི་མཱ་ལ་མི་ཏྲ། གཉགས་ཛྙཱ་ན་ཀུ་མཱ་ར་མན་གོང་བཞིན་ནོ། །སྔ་འགྱུར་ཕྱི་འགྱུར་གཉིས་ཀའི་ཉེ་ བརྒྱུད་ནི། རྡོ་རྗེ་སེམས་དཔའ་ནས། དགའ་རབ་རྡོ་རྗེ། ཤྲཱི་སིངྷ་མན་སྔར་དང་འདྲའོ། །གསུམ ་པ་སེམས་སྡེ་སྤྱི་སྐོར་ལ། རྒྱུད་ཀྱི་རྒྱལ་པོ་གསེར་གྱི་རུས་སྦལ་རྡོ་རྗེ་ཐེག་པ་རྩ་བའི་རྒྱུད་ལ། པཎ་ཆེན་སྐུ་མཆེད་ཀྱི་གསན་ཡིག་ཏུ་གཏེར་བརྒྱུད་འདྲེན་རྒྱུ་འདུག་ཀྱང་ལྷུན་གྲུབ་ཕོ་བྲང་ཕྱོགས་ལ་སྤྱི་བརྒྱུད་ལས་ཟུར་པ་མི་སྣང་ངོ་། །འདི་སྐད་གསུངས་པའི་དུས་གཅིག་ན། རྣམ་པ་ཐམས་ཅད་མཁྱེན་པའི་སྟོན་པ་དེས། །ཐུགས་རྗེ་ཆེ་མངའ་འགྲོ་བའི་དོན་བྱ་ཕྱིར། །ཞེས་སོགས་གླེང་གཞིའི་ལེའུ་དང་པོ། ཐམས་ཅད་དེ་བཞིན་ཉིད་དུ་བསྟན་པ་གཉིས་པ། བསམ་གཏན་མཐར་ཕྱིན་པའི་ཚད་བསྟན་པ་བཅུ་བཞི་པ། སྒོམ་ཆགས་ཀྱི་ནད་བསལ་བ་བསྟན་པ་བཅོ་ལྔ་པ། འདི་དོན་ཀུན་གྱི་ཐུན་མོང་མ་ཡིན་པར་བསྟན་པ་ཉེར་དགུ་པ། ཀུན་ལ་བསྟན་པ་མིན་པར་གསུངས་པ་ལེའུ་སུམ་ཅུ་པའོ། །འདིའི་མཇུག་ཏུ། འཇམ་དཔལ་བཤེས་གཉེན་བླ་མ་དང་། །བདག་འདྲ་བཻ་རོ་ཙ་ན་ཡིས། །སྒྲ་སྐད་བསྟུན་ཏེ་མཆན་ལ་ཕབ། བོད་ཀྱི་ཡུལ་དུ་རྨོངས་པ་ཆེན་གསུམ་འབྱུང་བ་ཆ་མཆིས་ན་འདིར་དྲངས་མངའ་བདག་རྒྱལ་པོ་
ཉིད་ཀྱི་ཕྱག་ཏུ་ཕུལ། རྨོངས་པ་ཚན་གསུམ་དུས་ན་དར་བར་ཤོག་ཅེས་སྣང་ལ། ལོ་ཆེན་བཻ་རོས་བསྒྱུར་ཏེ་ལྷོ་བྲག་མཁོ་མཐིང་ལྷ་ཁང་དུ་གཏེར་དུ་སྦས་པ་གུ་རུ་ཡེ་ཤེས་ཁྱུང་གྲགས་དང་སྦ་ཤྲཱི་རཏྣ་སྤྱན་དྲངས་སོ། །རྡོ་རྗེ་སེམས་དཔའ་ནམ་མཁའ་ཆེ་བྲག་བྲམ་ཟེ་རྒྱས་པའི་རྒྱུད་ལ། འདི་སྐད་བཤད་པའི་དུས་ན་འོག་མིན་གྱི་གནས་ཆོས་ཉིད་ཀྱི་མཁའ་དབྱིངས་ཉིད་ཀྱི་ཀློང་སེམས་ཉིད་ཀྱི་གནས་ཡེ་ཤེས་སྒྲིབ་པ་མི་མངའ་བའི་གཞལ་ཡས་ན་ཉིད་ཀྱི་རང་བཞིན་དང་ཉིད་ཀྱི་ངོ་བོ་ཉིད་ཀྱི་ཐུགས་རྗེས་སྤྲུལ་པའི་འཁོར་འདི་ལྟ་སྟེ། རང་བཞིན་གྱི་འཁོར་ཆོས་ཀྱི་སྐུ་ཞེས་བྱ་བ་དང་ངོ་བོ་ཉིད་ཀྱི་འཁོར་ལོངས་སྤྱོད་རྫོགས་པའི་སྐུ་ཞེས་བྱ་བ་དང་ཐུགས་རྗེ་ཆེན་པོའི་འཁོར་སྤྲུལ་པའི་སྐུ་ཞེས་བྱ་བ་དང་། ཞེས་སོགས་གླེང་གཞིའི་ལེའུ་དང་པོ། དམ་ཚིག་གི་བསྲུང་དུ་མེད་པའི་ལེའུ་བདུན་པ། འཕྲིན་ལས་བཙལ་དུ་མེད་པའི་ལེའུ་བརྒྱད་པ། རྒྱུད་ཡོངས་སུ་གཏད་པ་བཅུ་དྲུག་པའོ། །བདེ་བ་ཆེན་པོ་བྱང་ཆུབ་ཀྱི་སེམས་རྨད་༼དར༽དུ་བྱུང་བའི་རྒྱུད་ལ། རྨད་བྱུང་བྱང་ཆུབ་སེམས་འདི་གནས། །དེ་ཡི་གཞལ་ཡས་ཡོན་ཏན་གྱི། །དོན་དེ་བསྟན་པ་འདི་ཡིན་ནོ། །ཞེས་སོགས་ཆོས་ཀྱི་གླེང་གཞིའི་ལེའུ་དང་པོ། བྱང་ཆུབ་ཀྱི་སེམས་རྨད་དུ་བྱུང་བ་གཉིས་པ། སྤྲོས་པ་མེད་པ་གསུམ་པ། གསང་བ་དམ་པའི་རྨད་དུ་བྱུང་བ་ཉེར་གཉིས་པ། བཙལ་བ་དང་བྲལ་བ་ཉེར་གསུམ་པ། སློབ་མ་སྣོད་ངན་ལ་མི་བསྟན་པ་ཞེ་གཅིག་པ། སློབ་མ་སྣོད་བཟང་པོ་ལ་ལོབས་པར་བྱ་བའི་ཡོན་ཏན་ཐུན་མོང་མ་ཡིན་པ་ཞེ་གཉིས་པའོ། །རྒྱ་གར་གྱི་མཁན་པོ་ཤྲཱི་སིངྷ་དང་བོད་ཀྱི་ལོ་ཙཱ་བ་བཻ་རོ་ཙ་ནས་བསྒྱུར་བ། བྱང་ཆུབ་ཀྱི་སེམས་སྒོམ་པ་ཡི་གེ་མེད་པའི་རྒྱུད་༼དར༽ལ། ཆོས་ཀྱི་དབྱིངས་གཏིང་དཔག་དཀའ་བའི་དོན་ཟབ་མོ་ཞེས་བྱ་བའི་ཏིང་ངེ་འཛིན་ལ་སྙོམས་
པར་བཞུགས་ཞེས་སོགས་བཀའ་སྩལ་པ་རང་བཞིན་གནས་པའི་སྐབས་དང་པོ། དབྱིངས་དང་ཡེ་ཤེས་གཉིས་སུ་མེད་པ་བསྟན་པ་ལྔ་པ། ཐམས་ཅད་ཡི་གེ་མེད་པའི་སྐབས་དགུ་པའོ། །འགྱུར་གོང་འདྲ། བྱང་ཆུབ་ཀྱི་སེམས་རྫོགས་པ་ཆེན་པོ་ཡེ་ཤེས་བདུན་འབྱུང་༼དར༽པའམ་སེམས་ཀྱི་མེ་ལོང་ཆེན་པོར་གྲགས་པའི་རྒྱུད་ལ། འདི་སྐད་བདག་གིས་ཐོས་པའི་དུས་གཅིག་ན་བཅོམ་ལྡན་འདས་རང་བཞིན་རྫོགས་ཆེན་པོ་གསལ་བའི་རང་ཉིད་བདེ་བའི་ངང་ཉིད་ལྷུན་གྱིས་གྲུབ་པའི་བདག་ཉིད་ཅེས་སོགས་གླེང་གཞི་གསང་བའི་ལེའུ་དང་པོ། ཡེ་ཤེས་རང་རྩལ་བཞི་པ། རྗེས་སུ་ཡིད་རང་བ་བརྒྱད་པའོ། །ཆོས་ཐམས་ཅད་སེམས་ཉིད་ཡེ་ཤེས་ཀྱི་རྒྱལ་པོ་དངོས་གྲུབ་རང་བྱུང་དུ་སྤྱོད་པ་དབང་བསྐུར་བ་རྣ་བརྒྱུད་ཟམ་པ་ལ། རིག་པའི་རྒྱལ་པོ་ཀུན་གསལ་བའི། །རྒྱན་པ་ཐམས་ཅད་ཏིང་འཛིན་མཆོག །བྱ་བྱེད་ཡེ་ཤེས་སྐུར་གསལ་བའི། །མ་ལུས་འགྲོ་དོན་རྡོ་རྗེ་གྲུབ། །ཅེས་སོགས་བསྟན་པ་ལེའུ་མེད་པ་རྫོགས་སོའི་མཐའ་ཅན། རྫོགས་པ་ཆེན་པོ་ཆོས་ཉིད་བྱང་ཆུབ་ཀྱི་སེམས་བཀྲ་ཤིས་མི་༼དར༽འགྱུར་བ་གསལ་བར་གནས་པའི་རྒྱུད་ལ། པཎ་ཆེན་སྐུ་མཆེད་ཀྱི་གསན་ཡིག་ཏུ་ཀློང་སྡེར་སྣང་། འདི་སྐད་བདག་གིས་ཐོས་པའི་དུས་གཅིག་ན། །ཆོས་ཀྱི་དབྱིངས་ཀྱི་ངང་ཆེན་ལས། །བདེ་བར་གཤེགས་པ་བཅོམ་ལྡན་འདས། །སངས་རྒྱས་ཀུན་ཏུ་བཟང་པོའི་དཔལ། །རྡོ་རྗེ་སྐུ་གསུང་ཐུགས་ཀྱི་བདག །ཅེས་སོགས་གླེང་གཞིའི་ལེའུ་དང་པོ། ད་ལྟར་གྱི་དུས་སུ་བྱུང་བ་དྲུག་པ། བསྟན་པ་གཏད་ཅིང་རྗེས་སུ་བསྟོད་པ་བཅུ་པའོ། །རྒྱ་གར་གྱི་མཁན་པོ་བི་མཱ་ལ་མི་ཏྲ་དང་སྒྲ་བསྒྱུར་གྱི་ལོ་ཙཱ་བ་གཡུ་སྒྲ་སྙིང་པོས་བསྒྱུར་བའི་འགྲེལ་པ་དང་བཅས་པར་བཤད་པ། ཐིག་ལེ་རྒྱ་མཚོ་གནས་པ་༼དར༽ལ་འཇུག་པའི་རྒྱུད་ལ། པཎ་ཆེན་སྐུ་མཆེད་ཀྱི་གསན་
ཡིག་ཏུ་ཀློང་སྡེར་སྣང་ངོ་། །འདི་སྐད་བདག་གིས་ཐོས་པ་དུས་གཅིག་གི་ཚེ། བྱིན་རླབས་ཆོ་འཕྲུལ་ཆེན་པོ་ཀུན་སྟོན་པ། བཅོམ་ལྡན་རྒྱལ་བ་ཀུན་གྱི་སྙིང་པོ་མཆོག །ཡོན་ཏན་མ་འགག་རྣམ་པར་འཕྲུལ་པ་གཞི། རང་གི་མཚན་ཉིད་གཞན་དང་དབྱེར་མེད་པས། ཞེས་སོགས་བསྟན་པའི་སྒོར་སྣང་བར་མཛདཔའི་ཚུལ་ཏེ་ལེའུ་དང་པོ། དབྱིངས་ཀྱི་ལེའུ་ལྔ་པ། ཡོངས་སུ་བསྡུས་པའི་ལེའུ་བཅུ་པའོ། །སྒྱུར་བྱེད་ཀྱི་ལོ་པཎ་གོང་མཚུངས་སོ། །མན་ངག་ཐམས་ཅད་ཀྱི་སྡོམ་མམ་བང་མཛོད་འཕྲུལ་གྱི་ལྡེ་མིག་ཅེས་བྱ་བ་ལ། མན་ངག་སྤྱི་ཡི་རྒྱ་མདུད་འདི། བློ་དམན་རྣམས་ཀྱིས་མི་ཁྲོལ་བ། །ཕོ་སྙུང་འདྲ་བའི་ལྟ་བས་བཀྲོལ། །མ་རིག་ཐ་རམ་སྔོན་པོ་འདི། །རྨོངས་པ་རྣམས་ཀྱིས་མི་ཕྱེད་པ། །འཕྲུལ་གྱི་ལྡེ་མིག་འདི་ཡིས་ཕྱེ། །ཞེས་སོགས་ཡོད་ཅིང་ལེ་མེད། ཏནྟྲ་ཐམས་ཅད་ཀྱི་བཅུད་ཕྱུང་དོན་བསྡུས་པའོ། །བྱང་ཆུབ་ཀྱི་སེམས་མན་ངག་རིན་པོ་ཆེའི་འཕྲེང་བ་བང་མཛོད་འཕྲུལ་གྱི་ལྡེ་མིག་ལ། འོག་མིན་གྱི་གནས་ཆོས་ཀྱི་དབྱིངས་ཀྱི་ཕོ་བྲང་ན་མཁའ་ཀློང་ཡངས་པའི་གནས་རྒྱ་ཡོངས་སུ་མ་ཆད་པ་ན་བཅོམ་ལྡན་འདས་གསང་བའི་བདག་པོ་ཞེས་སོགས་གླེང་གཞི་གླེང་བསླང་གི་ལེའུ་དང་པོ། བྱང་ཆུབ་ཀྱི་སེམས་བཤད་པ་གཉིས་པ། རང་སེམས་སྟོན་པར་ཕྱུང་བ་གསུམ་པ། རྫོགས་པ་ཆེན་པོའི་ལྟ་བ་བསྟན་པའི་མན་ངག་གནད་ཀྱི་ལེའུ་སུམ་ཅུ་པ། བྱང་ཆུབ་སེམས་ཀྱི་རྣམ་པར་བསྡུས་སོ་གཅིག་པ། རྫོགས་པ་ཆེན་པོའི་ངོ་བོ་བསྟན་པ་སོ་གཉིས་པ། ཚིག་གི་དོན་གྱི་འཆད་ལུགས་དྲུག་ཅུ་པ། མན་ངག་གི་དོན་ཡོངས་སུ་གཏད་པ་རེ་གཅིག་པའོ། །དཔལ་ཀུན་ཏུ་བཟང་པོ་བདེ་བ་ཆེན་པོའི་མན་ངག་ཡང་འབྱེད་འཕྲུལ་གྱི་ལྡེ་མིག་ལ། དེ་ནས་གསང་བའི་བདག་པོ་དེ་ཆོས་ཀྱི་དབྱིངས་ཀྱི་ཕོ་བྲང་མཁའ་ཀློང་དག་པ་རྒྱ་ཡོངས་སུ་མ་ཆད་པ་ན་འབྱེད་པ་
མེད་པའི་འཁོར་གྱིས་བསྐོར་བྱང་ཆུབ་སེམས་ཀྱི་དོན་རྣམ་པར་འགྲེལ་པ་ཞེས་སོགས་གླེང་གཞི་གླེང་བསླང་གི་ལེའུ་དང་པོ། གནད་བསྡུས་པ་དྲུག་པ། སྣང་བ་རྐྱེན་གྱི་ཡན་ལག་བསྟན་པ་བདུན་པ། གནས་པ་ཚད་ཀྱི་ཡན་ལག་བཅུ་གསུམ་པ། མི་མཐུན་སྐྱོན་གྱི་ལེའུ་བཅུ་བཞི་པའོ། །བང་མཛོད་འཕྲུལ་གྱི་མེ་ལོང་ལ། དེ་ནས་གསང་བའི་བདག་པོས་ཆོས་ཉིད་ཀྱི་ངང་ལས་བཞེངས་ཏེ་ཕྱོགས་བཅུར་ཞལ་རྣམ་པར་གཟིགས་ནས་འདི་སྐད་ཅེས་གསུངས་སོ། །ཞེས་ཆོས་ཉིད་ཀྱི་དོན་ཞུས་པའི་ལེའུ་དང་པོ། གཅིག་དང་ཐ་དད་པའི་མཐའ་གསལ་བ་བཞི་པའོ། །གལ་པོ་བློ་བརྡེག་ལྔ་པ། གསུང་གི་ཡན་ལག་རྣམ་པར་ཕྱེ་བ་བཅུ་པའོ། །བང་མཛོད་འཕྲུལ་གྱི་མེ་ལོང་ལས་ཕྱི་མའི་ཕྱི་མར་བྱས་པ་མ་ཚང་བ་ཁ་སྐོང་བའོ། འཇམ་དཔལ་བཤེས་གཉེན། ཤྲཱི་སིངྷ། བི་མ་ལ། གཡུ་སྒྲ། ཛྙཱ་ན། སངས་རྒྱས་ཡེ་ཤེས། དེས་སྦྲགས་ཀྱིས་ཡང་མཛོད་དུ་སུ་ལ་ཡང་མ་སྤེལ་བར་ཐུགས་ཀྱི་དགོངས་པ་དེ་ལ་མཛད་དོ། །མན་ངག་བཞག་པའི་སྣོད་མ་རྙེད་ནས་དར་དྲིལ་བུ་ཚིགས་སུ་བཅད་ནས་སྦས་སོ། །ཐག་རིང་དུ་འགྲོ་བ་ནམ་མཁའི་མཐའ་དང་མཉམ་པའི་རྒྱུད་ལ། པཎ་ཆེན་སྐུ་མཆེད་ཀྱི་གསན་ཡིག་ན་ཀློང་སྡེར་མཛད། འདི་སྐད་བདག་གིས་ཐོས་པའི་དུས་གཅིག་ན་བཅོམ་ལྡན་འདས་ཆོས་ཉིད་ཀྱི་བདེ་ཀློང་བརྡའི་གནས་པའི་མཁའ་ཀློང་བྷ་ག་ཀུན་ཏུ་བཟང་པོའི་མཁའ་ལ་འཁྱིལ་བའི་གནས་ཞེས་སོགས་ཐག་རིང་དུ་བགྲོད་པ་ནམ་མཁའ་དང་མཉམ་པའི་ལེའུ་དང་པོ། སྲིད་པ་གསུམ་སྦྱོང་བར་བྱེད་པ་གཉིས་པ། ཚོགས་ཐམས་ཅད་ལྷུན་གྱིས་གྲུབ་པ་བསྟན་པ་བཅུ་གཉིས་པ། བརྟུལ་ཞུགས་ཀྱི་དྲི་མ་དག་པར་བསྟན་པ་ཉེར་བཞི་པ། མཚན་གྱི་དོན་གཏད་པའི་ལེའུ་ཉེར་ལྔ་པའོ། །བྱང་ཆུབ་ཀྱི་སེམས་འཁོར་ལོ་༼དར༽རྡོ་རྗེའི་རྒྱུད་ལ། པཎ་ཆེན་སྐུ་མཆེད་ཀྱི་གསན་ཡིག་ན་ཀློང་སྡེར་མཛད། ཡང་གསང་བ་ཆེན་པོ་
ཡུམ་གྱི་མཁའ་ན་སྙིང་པོ་རྡོ་རྗེ་འོད་རབ་འབར་རོ་ཀུན་ཏུ་བཟང་པོ་དང་རྡོ་རྗེ་སེམས་དཔའ་རྣམས་ཀྱང་འོད་ཟེར་འབར་རོ་ཞེས་སོགས་ངོ་བོའི་ངེས་པ་བསྟན་པའི་གླེང་གཞིའི་ལེའུ་དང་པོ། གསང་བ་མན་ངག་གི་ལེའུ་བཞི་པའོ། །པཎྜི་ཏ་ཛྙཱ་ན་གརྦྷ་དང་བོད་ཀྱི་ལོ་ཙཱ་བ་དགེ་སློང་བཻ་རོ་འགྱུར་ཕྱིས་སྐད་གསར་གཅད་ཀྱིས་བཅོས་པ། བྱང་ཆུབ་ཀྱི་སེམས་རིན་པོ་ཆེ་འཁོར་ལོའི་རྒྱུད་ལ། འདི་སྐད་བདག་གིས་བཤད་པའི་དུས་གཅིག་ན་འོག་མིན་གྱི་གནས་སེམས་ཉིད་གདལ་བ་ཆེན་པོའི་ཞིང་ཁམས་ན་རང་བྱུང་རྫོགས་པའི་བཅོམ་ལྡན་འདས་དགོངས་པ་རང་བྱུང་གི་དོན་ལ་བཞུགས་སོ། །ཡང་དེའི་ཚེ་སྨིན་པ་ཆེན་པོའི་འཁོར་འདི་ལྟ་སྟེ་ཞེས་སོགས་གླེང་གཞིའི་ལེའུ་དང་པོ། གཏན་ལ་ཕབ་པ་ལྔ་པ། རིག་པ་རྒྱུ་རྐྱེན་གྱིས་བསྐྱེད་པ་བཅུ་པའོ། །རྡོ་རྗེ་སེམས་དཔའ་ནམ་མཁའ་ཆེ་རྒྱས་པ་རྣལ་འབྱོར་པའི་རྒྱུད་ལ། འདི་སྐད་བདག་གིས་བཤད་པའི་དུས་གཅིག་ན་བཅོམ་ལྡན་འདས་དེ་བཞིན་གཤེགས་ཐམས་ཅད་ཀྱི་བདག་ཉིད་སྐུ་གསུང་ཐུགས་ཀྱི་རང་བཞིན་བདེ་བའི་མཆོག་བཙུན་མོ་དམ་པ་བདེ་བའི་མཆོག་གི་པད་མ་ལ་རྣམ་པར་ཞུགས་སོ་ཞེས་སོགས་གླེང་གཞིའི་ལེའུ་དང་པོ། དེ་བཞིན་གཤེགས་པ་ཐམས་ཅད་ཀྱི་རང་བཞིན་ཕྲ་མོའི་རྣལ་འབྱོར་བསྟན་པ་དྲུག་པ། ཟབ་མོའི་མན་ངག་བསྟན་པ་བཅུ་གཅིག་པའོ། །ཛྙཱ་ན་གརྦྷ་དང་བཻ་རོའི་འགྱུར། རྡོ་རྗེ་སེམས་དཔའ་ནམ་མཁའ་ཆེ་རྣལ་འབྱོར་མའི་རྒྱུད་རྫོགས་པའི་ཡང་རྫོགས་པ་ཟབ་མོའི་ཡང་ཟབ་མོ་ཤིན་ཏུ་རྣལ་འབྱོར་གྱི་དོན་མཐར་ཐུག་པ་ལ། ལེའུ་བཅུ་གཅིག་པ་ཡན་མི་བསྐྱོད་པ་ལ་མི་བསྐྱོད་མ་ཟེར་བ་ཙམ་མ་གཏོགས་གོང་དང་འདྲ། ལེའུ་བཅུ་གཅིག་པ་ཡན་གོང་དང་འདྲ་བས་སྨོས་མ་དགོས། ཟབ་མོའི་མན་ངག་རྩོལ་བ་དང་བྲལ་བས་སྒོམ་པ་བཅུ་གཉིས་པ། བདག་པོ་མཉེས་པ་དང་ཡོངས་སུ་
གཟུང་བའི་ལེའུ་བཅོ་ལྔ་པའོ། །འགྱུར་གོང་མཚུངས་སོ། །རིན་པོ་ཆེ་འཁོར་ལོ་བརྩེགས་པའི་རྒྱུད་ལ་པཎ་ཆེན་སྐུ་མཆེད་ཀྱི་གསན་ཡིག་ཏུ་ཀློང་སྡེར་སྣང་ངོ་། །བཅོམ་ལྡན་འདས་བདེ་ཆེན་གདལ་བའི་ཕོ་བྲང་ན་རིག་པ་ཟང་ཐལ་གྱི་གཞལ་ཡས་ཁང་ན་བཞུགས་པའི་སྐུ་བདེ་བ་ཆེན་པོས་ཉིད་ཀྱིས་ཉིད་ལ་གཟིགས་ནས་ཞེས་སོགས་གླེང་གཞིའི་ལེའུ་གྲུབ་ཚུལ་དང་བཅས་པའི་ལེའུ་དང་པོ། དོན་གསལ་བར་བསྟན་པ་དྲུག་པ། གསང་བ་སྐྱོན་དང་བྲལ་བ་བདུན་པ། རྒྱུད་གཏད་པ་དང་རྗེས་སུ་ཡི་རང་བའི་ལེའུ་བཅུ་གསུམ་པའོ། །བི་མཱ་ལ་དང་སྐ་བ་དཔལ་བརྩེགས་ཀྱི་འགྱུར། བྱང་ཆུབ་གྱི་སེམས་ཉ་མོ་བག་ལ་ཉལ་གྱི་རྒྱུད་ལ། པཎ་ཆེན་སྐུ་མཆེད་ཀྱི་གསན་ཡིག་ན་ཀློང་སྡེར་སྣང་། བཅོམ་ལྡན་འདས་ཀྱི་ཐུགས་ཀྱི་སྙིང་པོའོ། །ཆོས་དབྱིངས་དམ་པ་ཚད་མེད་ཀུན་ཏུ་བཟང་། །དུས་དང་རྣམ་མེད་དུས་ཆེན་ཉམས་པ་མེད། །མ་བཅོས་དེ་བཞིན་ཉིད་ན་དེ་བཞིན་ཀུན་ཏུ་བཟང་། །ཞེས་སོགས་ཉིད་དང་ཉིད་ལྡན་པའི་གླེང་གཞི་དང་པོ། རྫོགས་པ་ཆེན་པོ་མི་གཡོ་བའི་དོན་བསྟན་པས་མདོ་སྡེ་གཡོ་བ་གོལ་སར་བསྟན་པ་དང་ཡེ་ཤེས་ཀྱི་ཚོགས་རྫོགས་པ་དང་མི་གཡོ་བ་མཐོང་དུ་རུང་བར་བསྟན་པ་དང་བསོད་ནམས་ཀྱི་ཚོགས་ཡེ་ཤེས་ཀྱི་ཚོགས་བསགས་ན་དེ་ཉིད་དུ་རུང་བ་བཞི་པ། དོན་དགོངས་པར་བསྟན་པའི་དྲུག་པའོ། །བཻ་རོའི་འགྱུར། རིན་པོ་ཆེ་སྣང་བྱེད་ཀྱི་རྒྱུད་ལ། པཎ་ཆེན་སྐུ་མཆེད་ཀྱི་གསན་ཡིག་ན་ཀློང་སྡེར་མཛད། ཀྱེ་ཀྱེ་ཆོས་ཀྱི་སྐུ་འདི་གང་ནས་བྱུང་། ལོངས་སྤྱོད་སྐུ་འདི་གང་ནས་བྱུང་། །སྤྲུལ་པའི་སྐུ་འདི་གང་ནས་བྱུང་། །ཞེས་སོགས་སྐུ་གསུམ་བྱུང་བའི་ལེའུ་དང་པོ། ཡི་གེ་བྱུང་བ་དགུ་པ། ཆོས་དང་ཡི་གེས་འདུས་པ་བཅུ་པ། ཚན་ཆེ་བའི་ལོ་རྒྱུས་བསྟན་པ་བཅུ་དགུ་པའོ། །བི་མཱ་ལ་དང་གཡུ་སྒྲའི་འགྱུར། བྱང་སེམས་རྨ་བྱ་མཇིང་
བསྣོལ་༼དར༽གྱི་རྒྱུད་ལ། པཎ་ཆེན་སྐུ་མཆེད་ཀྱི་གསན་ཡིག་ནའང་སེམས་སྡེར་མཛད། འོད་མི་འགྱུར་གྱིས་སེམས་དཔའ་ལ་གཟིགས་ཤིང་ལེའུར་གསུངས་ཚུལ་ལོ་ཙཱ་བའི་ཚིག་སྦྱོར་དུ་མཆན་ནས་བཤད། འདི་སྐད་བདག་གིས་ཐོས་པའི་དུས་གཅིག་ན་བཅོམ་ལྡན་འདས་འོག་མིན་གྱི་གནས་སྙིང་པོ་བྱང་ཆུབ་ལ་ཞུགས་པའི་སྐུ་རྡོ་རྗེ་སེམས་དཔའ་ལ་གཟིགས་ནས་ཀྱེ་མ་ཐུགས་རྗེ་ཆེན་པོ་ཞེས་སོགས་གཞན་དོན་མཐར་ཕྱིན་པར་བསྟན་པའི་ལེའུ་དང་པོ། རྫོགས་པ་ཆེན་པོ་འབྲས་བུ་བླ་ན་མེད་པའི་ཐེག་པ་ལས་ལེའུ་དྲུག་པ། འཇམ་དཔལ་དྲི་མེད་སྙིང་པོས་བྱང་ཆུབ་སེམས་དཔའ་རོ་ལངས་བདེ་བ་ལ་གདམས་པའོ། །རྨ་བྱ་མཇིང་བསྣོལ་ཕྱི་མ་མཐའི་མུན་སེལ་ཆེན་མོ་ལ། པཎ་ཆེན་སྐུ་མཆེད་ཀྱི་གསན་ཡིག་ནའང་སེམས་སྡེར་མཛད། འདི་སྐད་བདག་གིས་ཐོས་པའི་དུས་གཅིག་ན་བཅོམ་ལྡན་འདས་འོག་མིན་གྱི་གནས་སུ་སངས་རྒྱས་བྱེ་བ་རྣམ་པར་གཟིགས་པ་ཞེས་བྱ་བ་མཐའི་མུན་སེལ་ཆེན་པོ་རལ་གྲི་ཁ་མང་ལྟ་བུ་ཞེས་སོགས་རང་བཞིན་རྣམ་པར་དག་པའི་སྐུ་མི་གནས་པའི་ཡེ་ཤེས་ཆེན་པོ་ལེའུ་དང་པོ། སངས་རྒྱས་ཀྱི་ཆེ་བ་བསྟན་པ་ལྔ་པའོ། །རྫོགས་པ་ཆེན་པོ་བཅོམ་ལྡན་འདས་དཔལ་གྱི་དཔལ་ཆོས་ཆེན་པོ་རྨད་དུ་བྱུང་བའི་རྒྱུད་ལ། པཎ་ཆེན་སྐུ་མཆེད་ཀྱི་གསན་ཡིག་ཏུའང་སེམས་སྡེར་སྣང་། བཅོམ་ལྡན་འདས་འོག་མིན་གྱི་གནས་སྙིང་པོ་བྱང་ཆུབ་ལ་ཞུགས་པའི་སྐུས་རྡོ་རྗེ་སེམས་དཔའ་ལ་གཟིགས་ནས་བྱང་ཆུབ་སེམས་དཔའ་རྨད་དུ་བྱུང་བ་ཏིང་ངེ་འཛིན་ལ་སྙོམས་པར་ཞུགས་ཏེ་ཞེས་སོགས་བྱང་ཆུབ་སེམས་དཔའ་རྨད་དུ་བྱུང་བ་བསྟན་པའི་ལེའུ་དང་པོ། གསང་བ་དམ་པ་བསྟན་པ་དགུ་པ། སྐུ་གསུང་ཐུགས་བསྟན་པ་བཅུ་པ། བྱང་ཆུབ་ཀྱི་སེམས་རྨད་དུ་བྱུང་བའི་ལེའུ་ཉི་ཤུ་པའོ། །རྫོགས་པ་ཆེན་པོ་ཆོས་ཉིད་བྱང་ཆུབ་ཀྱི་སེམས་རིན་པོ་ཆེ་བཀོད་༼དར༽པ་རྣམ་པར་
དབྱེ་བའི་རྒྱུད་ལ། པཎ་ཆེན་སྐུ་མཆེད་ཀྱི་གསན་ཡིག་ཏུ་ཀློང་སྡེར་སྣང་། འདི་སྐད་བདག་གིས་ཐོས་པའི་དུས་གཅིག་གི་ཚེ་ན་བྱིན་རླབས་ལས། བཅོམ་ལྡན་ཀུན་ཏུ་བཟང་པོ་ཉིད། །དུས་ཀུན་སྣང་བ་མ་འགགས་ཤིང་། །ཞེས་སོགས་བསྟན་པ་ཇི་ལྟར་སྣང་ཞིང་སྦྱོར་བའི་སྒོ་བསྟན་པའི་ལེའུ་དང་པོ། མཐའ་ཐམས་ཅད་རྣམ་པར་དག་པ་ལེའུ་ལྔ་པའོ། །རྒྱ་གར་གྱི་མཁན་པོ་ཤྲཱི་ལེནྡྲ་མི་ཏྲ་དང་བོད་ཀྱི་ལོ་ཙཱ་བ་འཇིང་གསལ་འབར་གྱི་འགྱུར། བྱང་ཆུབ་ཀྱི་སེམས་རྨད་བྱུང་ལེའུ་སོ་དགུ་པའི་རྒྱུད་ལ། པཎ་ཆེན་སྐུ་མཆེད་ཀྱི་གསན་ཡིག་ནའང་སེམས་སྡེར་མཛད། ཉེར་དྲུག་ཡན་བདེ་བ་ཆེན་པོ་བྱང་ཆུབ་ཀྱི་སེམས་རྨད་དུ་བྱུང་བ་ལེའུ་ཞེ་གཉིས་པ་དང་གཅིག་ཅིང་འདི་མན་ཀྱང་ཞུས་དག་ཕལ་ཆེར་ཕེར། དེ་ནས་འོད་ཀྱི་ཁྱད་པར་གྱི་ལེའུ་ཉེར་བདུན་པ། ཡེ་ནས་མི་གཡོ་བ་སོ་གསུམ་པ། སྐུའི་འོད་གསུང་གི་ཟེར་ལས་ཇི་ལྟར་འབྱུང་བ་སོ་བཞི་པ། སྣོད་ཀྱི་སྐྱོན་བསྟན་པ་སོ་དགུ་པ་མཇུག་སྡུད་དང་བཅས་པ་ཛྙ་ན་གརྦྷ་དང་གཡུ་སྒྲའི་འགྱུར། སྲོག་གི་འབྱུང་༼དར༽བ་ཞེས་བྱ་བའི་རྒྱུད་ཀྱི་རྒྱལ་པོ་ལ། པཎ་ཆེན་སྐུ་མཆེད་ཀྱི་གསན་ཡིག་ན་ཀློང་སྡེར་མཛད། འདི་སྐད་བདག་གིས་བཤད་པའི་དུས་གཅིག་ན་བཅོམ་ལྡན་འདས་སྲོག་གི་འབྱུང་བ་ནམ་མཁའ་ཆེ་ལ་སངས་རྒྱས་དང་བྱང་ཆུབ་སེམས་དཔའ་བྱེ་བ་དགུ་བཅུ་རྩ་དགུ་དང་ལྷན་ཅིག་ཏུ་བཞུགས་སོ་ཞེས་སོགས་ཐེག་པ་དམན་པ་སེལ་བ་བསྟན་པ་ཞེས་བྱ་བའི་ལེའུ་དང་པོ། རྫོགས་པའི་རིམ་པ་སེལ་བ་ཞེས་བྱ་བ་དྲུག་ལ། གཙང་དང་མི་གཙང་སེལ་བ་ཞེས་བྱ་བ་བདུན་པ། ཆོས་མི་སྦྱིན་པ་ཡོངས་སུ་བརྟག་པ་བཅོ་ལྔ་པའོ་རྒྱ་གར་གྱི་མཁན་པོ་གཞོན་ནུ་འབུམ་ཞབས་ཀྱི་འགྱུར། བྱང་ཆུབ་ཀྱི་སེམས་རྨད་དུ་༼དར༽བྱུང་བ་ལ། འདི་སྐད་བདག་གིས་ཐོས་པའི་དུས་གཅིག་ན་དེ་བཞིན་གཤེགས་པ་དགྲ་བཅོམ་པ་
ཡང་དག་པར་རྫོགས་པའི་སངས་རྒྱས་ཐམས་ཅད་དབྱེར་མེད་པའི་བདག་ཉིད་ཅེས་སོགས་གླེང་གཞིའི་ལེའུ་དང་པོ། གསང་བ་ཞལ་གྱིས་བཞེས་པ་དྲུག་པ། ཉིད་ཀྱི་རང་བཞིན་བསྟན་པ་བདུན་པ། གདམས་ངག་ལ་ཟླ་བ་བཅུ་གཅིག་པ། བྱང་ཆུབ་ཀྱི་སེམས་རྨད་དུ་བྱུང་བ་ཕྱི་མ་དང་ཏ་མ་ཉིད་དང་གསུམ་བཞུགས་པ་ལས་ཟབ་མོ་པོ་ཏིའི་ལྷ་ཁང་དུ་བུ་ལུས་སོ། །སློབ་དཔོན་བུདྡྷ་གུཔྟས་བསྣམས་པར་བཞེད་ནས་ལན་གཅིག་གཟིགས་པས་གནོད་སྦྱིན་ཁ་རྩལ་གྱིས་འགྲམ་དུ་ཐལ་ལྕག་གཅིག་བརྒྱབ་ནས་བརྒྱལ་བར་གྱུར་ཏོ། །བརྒྱལ་སངས་པ་དང་སྲིན་པོ་ལྟ་བུའི་ཚུལ་དུ་འདུག་པས་སྨྲས་པ། གནས་ཁང་བརྒྱལ་བར་གྱུར་པ་འདི་ཉིད་ཀྱིས། རྒྱལ་པོ་མེ་འོད་ཁྱོད་ཀྱི་མེ་ཁྱེར་རོ། །གལ་ཏེ་ཁྱེར་ན་ཁྱོད་ཉིད་གསད་པར་བྱ། །ཞེས་སྨྲས་པས་དྲེད་ཅིང་སྔངས་ནས་མ་ནི་གོང་དུ་གཞན་ཞིག་ཏུ་སྤྱན་དྲངས། བུ་གཉིས་དེར་ལུས་གང་དུ་དེ་ཉིད་རྣམ་པར་འགྲེལ་བ་ལ་དགོས་དོན་གསལ་ཚད་དོན་ལ་འཆར་བ་ནི། མ་བུ་གསུམ་ནས་དྲངས་ནས་གཏན་ལ་ཕབ། ཕྱིས་ནས་བློའི་ཟེར་ལ་བསྐྱོད་ནས་བྱ་བཟོད་ན། འཕགས་ཐུགས་འགལ་དང་ཕྲལ་དུ་གནོད་སྦྱིན་མོས་སོགས་ཟེར་བ་སྣང་ངོ་། །བཀྲ་ཤིས་པའི་དཔལ་རིག་པ་༼དར༽ཁུ་བྱུག་གི་རྒྱུད་ལ། པཎ་ཆེན་སྐུ་མཆེད་ཀྱི་གསན་ཡིག་ན་མན་ངག་གི་སྡེར་མཛད། སེམས་སྡེ་ཉེར་གཅིག་གི་རྒྱལ་པོ་ནང་ཚན། འདི་སྐད་བདག་གིས་ཐོས་པའི་དུས་གཅིག་ན་དུས་གསུམ་གྱི་དེ་བཞིན་གཤེགས་པ་བཅོམ་ལྡན་འདས་ཐམས་ཅད་ཀྱི་ཐུགས་བཅོམ་ལྡན་འདས་ཆེན་པོ་ཡེ་ཤེས་དང་ཡང་མི་མཉམ་པའི་གསང་སྔགས་ཐེག་པ་ཆེན་པོའི་ཡང་ཐེག་པ་ཆེན་པོ་ཞེས་སོགས་བཀྲ་ཤིས་པའི་རིག་པ་ཁུ་བྱུག་གི་དངོས་པོ་གླེང་གཞིའི་ལེའུ་དང་པོ། མ་ཧཱ་ཡོ་ག་རྡོ་རྗེ་ཐེག་པ་ཆེན་པོའི་གོལ་ས་ཡིན་པར་བསྟན་པ་བཞི་པ། རྒྱུད་གཏད་པ་
དང་ཕྱིས་ཇི་ལྟར་གཏད་པའི་ལེའུ་བདུན་པ། སློབ་དཔོན་ཤྲཱི་སིངྷ་དང་བཻ་རོ་ཙ་ནའི་འགྱུར། རྫོགས་པ་ཆེན་པོ་ལྟ་བ་ཡེ་ཤེས་གཏིང་རྫོགས་ཀྱི་རྒྱུད་ལ། དངུལ་གྱི་དྲིལ་ཤིང་ཅན། འདི་སྐད་གོ་ཞིང་རྟོགས་པའི་དུས་གཅིག་ན་བཅོམ་ལྡན་འདས་དཔལ་ཀུན་རིག་རྒྱལ་པོ་དེ། རང་བྱུང་སེམས་ལ་ངོ་བོ་ཉིད་ཀྱི་སྐུ། །དེ་ཉིད་ཆོས་སྐུ་སྟོན་པ་ཀུན་ཏུ་བཟང་། །ཞེས་སོགས་དོན་གྱི་གསང་བར་གསུངས་པའི་གླེང་གཞིའི་ལེའུ་དང་པོ། གདུང་བ་སྟོན་པ་གཉིས་པ། སྤྱོད་པ་འཆིང་གྲོལ་མེད་པར་བསྟན་པ་བཅུ་གསུམ་པ། ས་ལ་སྦྱང་དུ་མེད་པ་བཅུ་བཞི་པ། འཁོར་འདས་ས་མཚམས་བསྟན་པ་ཉེར་དྲུག་པ་འཁོར་ལ་རྒྱུད་གཏད་པ་ཉེར་བདུན་པ། ཨོ་རྒྱན་གྱི་ཡུལ་བྱེ་མ་གཡུང་དྲུང་ནས་སིདྒྷ་ལའི་རྒྱལ་པོ་སློབ་དཔོན་དྷརྨ་གརྦྷ་པ་ཨོ་རྒྱན་གྱི་སློབ་དཔོན་མ་ཧཱ་བོ་དྷི་ལ་བཤད། དེས་ཨཱ་ཙཪྻ་དྲན་པ་ཡེ་ཤེས་ལ་བཤད། དེས་བོད་དུ་བསྣམས་བྱོན་པའོ། །རྡོ་རྗེ་སེམས་དཔའ་ནམ་མཁའ་ཆེ་གསང་བའི་སྙིང་པོ་རྣལ་མ་དོན་གྱི་རྒྱུད་ལ། པཎ་ཆེན་སྐུ་མཆེད་ཀྱི་གསན་ཡིག་ནའང་སེམས་སྡེར་སྣང་། འདི་སྐད་བདག་གིས་བཤད་པའི་དུས་གཅིག་ན་བཅོམ་ལྡན་འདས་རང་བཞིན་རྫོགས་པ་ཆེན་པོ་ཡེ་ཤེས་ལྷུན་གྱིས་གྲུབ་པ་རང་བྱུང་རིག་པའི་རྒྱལ་པོ་འོད་གསལ་ཐིག་ལེ་བདེ་བ་ཆེན་པོ་ཞེས་སོགས་གླེང་གཞིའི་ལེའུ་དང་པོ། བདེ་མཆོག་ཕྱག་རྒྱ་ལ་སྤྱད་པ་དྲུག་པ། ཐེག་པ་ཆེན་པོའི་རིགས་བརྟག་པ་བཅུ་གཉིས་པའོ། །བྱང་ཆུབ་ཀྱི་སེམས་སྒོམ་པའི་རྒྱུད་ཐེག་པའི་སྙིང་པོ་ལ། པཎ་ཆེན་སྐུ་མཆེད་ཀྱི་གསན་ཡིག་ནའང་སེམས་སྡེར་མཛད། འདི་སྐད་བཤད་པའི་དུས་གཅིག་ན་བཅོམ་ལྡན་འདས་དེ་བཞིན་གཤེགས་པ་ཡང་དག་པར་རྫོགས་པའི་སངས་རྒྱས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་བདག་པོ་ཞེས་སོགས་དོན་དམ་པའི་གླེང་གཞིའི་ལེའུ་དང་པོ། དོན་གྱི་སྙིང་པོའི་རང་བཞིན་ཡོན་ཏན་དང་བཅས་
པ་དྲུག་པ། ཐེག་པའི་མཆོག་ཉིད་དང་དེ་ཉིད་ལ་དེ་ཉིད་ཀྱིས་བསྟོད་པ་དང་གདམས་པ་བཤད་པའི་ལེའུ་བཅུ་གཅིག་པའོ། །ཀུན་ཏུ་བཟང་པོ་ཡེ་ཤེས་གསལ་བར་སྟོན་པ་ཐབས་ཀྱི་ལམ་མཆོག་འདུས་པའི་རྒྱུད་ལ། འདི་སྐད་བདག་གིས་ཐོས་པའི་དུས་གཅིག་ན་བཅོམ་ལྡན་འདས་དཔལ་རྡོ་རྗེ་འཆང་གིས་སངས་རྒྱས་དཔལ་ཀུན་ཏུ་བཟང་པོ་སྐུ་དང་ཡེ་ཤེས་དབྱེར་མེད་པ་ཉིད་ཆོས་ཉིད་ཡུམ་གྱི་བྷ་ག་ལ་ཞུགས་ཏེ་ཞེས་སོགས་གླེང་གཞིའི་ལེའུ་དང་པོ། རྒྱུད་ཡོངས་སུ་བཟུང་ཞིང་གཏད་པའི་ལེའུ་ལྔ་པའོ། །རྒྱ་གར་གྱི་མཁན་པོ་ཤྲཱི་སིངྷ་དང་རྡོ་རྗེ་ཡང་དབང་གཏེར་གྱིས་བསྒྱུར་ཅིང་ཞུས་ཏེ་གཏན་ལ་ཕབ་པའོ། །བྱང་ཆུབ་ཀྱི་སེམས་མི་འགྱུར་བའི་རྡོ་རྗེ་ཐུགས་རྗེ་ཆེན་པོའི་འོད་གནམ་ས་སྦར་འདེབས་ཀྱི་རྒྱུད་ལེ་གྲངས་མེད་པ། བྱང་ཆུབ་ཀྱི་སེམས་སྒོམ་པ་རྡོ་ལ་གསེར་ཞུན་ལེ་གྲངས་མེད་པ། རྒྱལ་སྲས་རྡོ་རྗེ་ཐུགས་མཆོག་རྩལ་གྱི་ཆོས་འབྱུང་དང་པཎ་ཆེན་སྐུ་མཆེད་ཀྱི་གསན་ཡིག་ན་སེམས་མེད་ཕྱི་འགྱུར་གྱི་གྲས་སུ་མཛད་པ་ཁུངས་ཆེ་བ་ཞིག་ཡོད་འདྲ། བྱང་ཆུབ་ཀྱི་སེམས་མི་འགྱུར་བའི་ཐིག་ལེའི་རྒྱུད་ལེའུ་མེད་པ། དར་རྒྱས་ཆོས་སྡིངས་པའི་གསན་ཡིག་ན་སེམས་མེད་ཀྱི་སྤྱི་གཅོད་དང་གཅིག་པའི་ཕྱོགས་འདུག་པ་བརྟག །བྱང་ཆུབ་ཀྱི་སེམས་ཐུགས་རྒྱུད་རིན་ཆེན་སྤུངས་པའི་རྒྱན་ལ། པཎ་ཆེན་སྐུ་མཆེད་ཀྱི་གསན་ཡིག་ན་སེམས་སྡེར་མཛད་ལ། ལེ་འཚམས་སུ་ཐུགས་ཀྱི་རྒྱུད་དམ་པ་ཞེས་པའང་སྣང་། ཡེ་ཤེས་ཀྱི་སྐུ་བདེ་བ་ཆེན་པོ་ན་བཞུགས་པ་བྱ་རྩོལ་མི་མངའ་བ་གསང་བ་མཆོག་གི་དཀྱིལ་འཁོར་སོགས་གཞིའི་འདུག་ཚུལ་བསྟན་པའི་ལེའུ་དང་པོ། ཆོས་ལ་གནས་ན་སངས་རྒྱས་ཀྱི་ལས་ཀྱིས་སྒྲིབ་པར་འགྱུར་བ་བསྟན་པ་ལྔ་པའོ། །ཤྲཱི་སིངྷ་དང་བཻ་རོའི་འགྱུར། སེམས་ལུང་ཆེན་མོའི་མདོ་གསང་བ་སྤྱིའི་རྒྱུད་ལ།
འདི་སྐད་ཐོས་པའི་དུས་ན་རིན་པོ་ཆེ་རང་སྣང་བའི་གནས་ན་རང་བྱུང་གི་སྟོན་པ་གསང་བདག་ཆེན་པོ་ལ་འཁོར་གསུམ་གྱིས་བསྐོར་ཏེ་སོགས་གླེང་གཞིའི་ལེའུ་དང་པོ། སྒྲ་དང་ཡི་གེའི་བྱུང་ཚུལ་བསྟན་པ་གཉིས་པ། འཇིག་རྟེན་ལས་འདས་པའི་ཐེག་པ་བཅུ་གསུམ་པ། གཏད་རྒྱ་བསྟན་པ་ཉེར་ལྔ་པའོ། །པཎྜི་ཏ་དྲི་མེད་བཤེས་གཉེན་དང་གཉགས་ཛྙཱ་ན་ཀུ་མཱ་རས་རྒྱལ་པོ་ཡོན་མཆོད་ཀྱི་དོན་དུ་བུ་ཚལ་གསེར་ཁང་དུ་བསྒྱུར་རོ། །རིན་པོ་ཆེ་རྒྱས་པ་ཆེན་པོའི་རྒྱུད་ལ། །འདི་སྐད་རྣམ་པར་བཤད་པའི་དུས་ཉིད་ན། །རང་བྱུང་ལྷུན་གྲུབ་ཕོ་བྲང་དུ་གདལ་བ་རུ། །ཡེ་སངས་རྒྱས་པའི་སྟོན་པ་ཀུན་བཟང་དེས། །ཐ་དད་མེད་པའི་སྟོན་པ་རྡོ་རྗེ་སེམས་དཔའ་ལ། །ཐམས་ཅད་དེ་བཞིན་ཉིད་ལས་བྱུང་བ་སྟེ། །ཞེས་སོགས་གླེང་གཞི་ཕུན་སུམ་ཚོགས་པའི་ལེའུ་དང་པོ། ཀུན་ཏུ་བཟང་པོའི་རང་བཞིན་བསྟན་པ་གཉིས་པ། ཀུན་ཏུ་བཟང་མོའི་རང་བཞིན་བསྟན་པ་གསུམ་པ། རང་རྒྱལ་ལྟ་བ་འཁྲུལ་པ་སུམ་ཅུ་པ། སེམས་ཙམ་ལྟ་བ་འཁྲུལ་པ་སོ་གཅིག་པ། ཆོས་ཐམས་ཅད་རང་ལས་བྱུང་བ་དྲུག་ཅུ་པ། རྒྱུད་གཏད་ཅིང་རྗེས་སུ་ཡི་རང་བ་རེ་གཅིག་པའོ། །ཤྲཱི་སིངྷ་དང་བཻ་རོའི་འགྱུར་རྣམས་ལེགས་པར་ཐོབ་པའི་སེམས་སྡེ་སྤྱིའི་བརྒྱུད་པ་ནི། དཔལ་ཀུན་ཏུ་བཟང་པོ། རྡོ་རྗེ་སེམས་དཔའ། ཕྱག་ན་རྡོ་རྗེ། དགའ་རབ་རྡོ་རྗེ། འཇམ་དཔལ་བཤེས་གཉེན། རྒྱལ་པོ་དྷ་ན་ཏཱ་ལ། སྲས་ཐུ་བོ་རཱ་ཛ། སྲས་མོ་མེ་ཏོག་གསལ། ཀླུ་དགའ་ནཱ་ག་ཙཪྻ། ལག་ན་རྡོ་རྗེའི་སྲས་མོ་གནོད་སྦྱིན་མོ་བྱང་ཆུབ་མ། སྨང་འཚོང་མ་ས་ར་ཎི། ཁ་ཆེའི་རྒྱལ་པོ་རབ་སྣང་། སྨད་འཚོང་མ་བུདྡྷ་ས་མནྟཱི། ཀུ་ཀུ་རཱ་ཛ་སྔོན་མ། ཨྱོན་མཁན་པོ་མ་ཧཱ་རཱ་ཛ། ཨཱ་ཙཪྻ་ཨ་ལོ་ཀ །ཁྱིའི་རྒྱལ་པོ་ཕྱི་མ། བྷུ་ཏི་ཀུཊྚ། འཇམ་དཔལ་བཟང་པོ། དྲང་
སྲོང་བྷ་ཥི་ཏ། སྨད་འཚོང་ཕྱི་མ་བདག་ཉིད་མ། ནཱ་གཱ་རྫུ་ན། ཤྲཱི་སིངྷ། དགེ་སློང་ཀུན་དགའ་མོ། བི་མཱ་ལ་མི་ཏྲ། ཡང་ན་ཤྲཱི་སིངྷ་ནས། བཻ་རོ་ཙ་ན། དེ་ལ་རྒྱལ་པོ་ཁྲི་སྲོང་དགེ་སློང་ཨ་ཝ་དྷཱུ་ཏི་པའི་སྐྱེ་མཐའ། ལྡེ་བཙན་དང་རྒྱལ་མོ་གཡུ་སྒྲ་སྙིང་པོ་གཉིས་ཀྱིས་གསན། ཡང་ན་ཤྲཱི་སིངྷ་ལ་སློབ་དཔོན་ཆེན་པོ་པདྨས་གསན། པདྨ་བཱི་མ་བཻ་རོ་ གསུམ་ག་ལ་གཉགས་ཛྙཱ་ན་ཀུ་མཱ་རས་གསན། དེས་བུ་དཔལ་བརྒྱད་ལ་བཤད། ཉེ་བརྒྱུད ་དུ་བྱེད་ན། གཉགས་ཛྙཱ་ནས། གཉགས་ཀླུའི་དབང་ཕྱུག །ཉང་ཀླུའི་རྒྱལ་མཚན། སྦ་ལུ་འཕགས་པ་ཤེས་རབ། འགོས་ཚུལ་ཁྲིམས་རྒྱལ་མཚན། ཡར་མདའི་ཞིང་ཛྙཱ་ན་ཤེས་རབ། ཁམས་པ་ཡེ་ཤེས་ཚུལ་ཁྲིམས། འདམ་སྙིང་དྲུང་གི་པ་ཚབ་སྟོང་གྲགས། ནགས་ཤོད་པ་བྱང་ཆུབ་སྙིང་པོ། བྱང་སྒོམ་རིན་ཆེན་བཟང་པོ། དེ་གཉིས་ཀ་ལ་བྱང་པོ་འཇམ་དཔལ་གྱིས་གསན། དེ་ནས་ཤངས་པ་ནག་པོ། གླན་རྡོ་རྗེ་འོད། སྲས་བསོད་ནམས་རྒྱལ་མཚན། འགོས་དངོས་གྲུབ་མགོན། བླ་མ་ཤཱཀྱ་རྒྱལ་མཚན། བླ་མ་དཔལ་བཟང་པོ། རྗེ་རྡོ་རྗེ་རྒྱལ་མཚན། མཁས་གྲུབ་བདེ་ལེགས་པ། གྲ་འཇམ་དབྱངས་བཤེས་གཉེན། ཨར་དགེ་བ་ཆོས་དཔལ་རྒྱལ་མཚན། རྗེ་བསམ་གཏན་བཟང་པོ། གཏེར་ཆེན་རཏྣ་གླིང་པ། སྲས་ཚེ་དབང་གྲགས་པ། གཅུང་ངག་དབང་གྲགས་པ། རྗེ་ངག་དབང་ནོར་བུ། ཁྱབ་བདག་ནོར་བུ་ཡོངས་གྲགས། ཆོས་གཏེར་ནོར་བུ་དབང་རྒྱལ། སྤྲུལ་སྐུ་ཚུལ་ཁྲིམས་རྡོ་རྗེ། གར་དབང་ཚུལ་ཁྲིམས་རྒྱལ་མཚན། དྲིན་ཅན་གཏེར་བདག་གླིང་པ། དེས་བདག་ཟ་ཧོར་བནྡེ་ལའོ། །ཡང་དར་གྱི་རྟགས་ཅན་རྣམས་ཀྱི་བརྒྱུད་ལུགས་གཅིག་ནི། རྗེ་ནོར་བུ་དབང་རྒྱལ་ནས།
བྱ་བཏང་ནོར་བུ་ཆོས་བརྟན། རིག་འཛིན་འཕྲིན་ལས་ལྷུན་གྲུབ། སྤྲུལ་སྐུ་གཏེར་བདག་གླིང་པ། དེས་བདག་ལའོ། །དེའང་སེམས་སྡེ་ཉེར་གཅིག་ཅེས་པར་ཀུན་མཁྱེན་ཆོས་ཀྱི་རྒྱལ་པོ་ཀློང་ཆེན་རབ་འབྱམས་ཀྱིས་སེམས་མེད་བཅོ་བརྒྱད་ཀྱི་སྟེང་དུ་རྨད་བྱུང་གསུམ་བསྣན་ནས་ཉེར་གཅིག་ཏུ་མཛད་པ་སོགས་སྔོན་གྱི་མཁས་གྲུབ་རྣམས་ཀྱི་བཞེད་ཚུལ་མང་ཞིང་མི་མཐུན་པ་རྣམས་ཁུངས་ལྡན་ཤ་སྟག་ཡིན་ནའང་། སྔ་འགྱུར་བསྟན་པའི་མཁའ་ལ་ཉི་ཟླ་ལྟ་བུར་ཟུང་དུ་འཇུག་པ་མཆོག་སྤྲུལ་མངའ་རིས་པཎ་ཆེན་སྐུ་མཆེད་ཀྱི་གསན་ཡིག་ཏུ་བསྐྱེད་པ་བློན་པོའི་རྒྱུད་བདུན་གྱིས་ནང་ལྟར་བཤད། སྡུད་པ་རྒྱལ་པོའི་རྒྱུད་བདུན་གྱིས་ཕྱི་ལྟར་བཤད། གདམས་ངག་མངོན་དུ་སྟོན་པ་བྲན་ཟེའི་རྒྱུ་བདུན་གྱིས་གསང་བ་ལྟར་བཤད། ཨཱ་ཙཪྻ་གཱིརྟི་ལ་མཐར་ཐུག་སྒྲུབ་པར་བཤད། རྒྱུད་ཉེར་གཅིག་པོ་བསྡུ་ན་བཛྲ་ཁ་ས་མནྟ་སྟེ་ནམ་མཁའ་དང་མཉམ་པའི་རྒྱུད་དུ་འདུས། དེ་ལས་ཀྱང་མཐར་ཐུག་ཏུ་བསྡུས་ན་ཀུན་ཏུ་བཟང་པོ་ཡེ་ཤེས་གསལ་བར་སྟོན་པ་མན་ངག་བསམ་པའི་རྒྱལ་པོའི་རྒྱུད་ཀྱི་ཡང་སྙིང་ཡིན་པར་བཞེས་པའི་བྲམ་ཟེའི་རྒྱུད་བདུན་པོ་ཡང་ཏིའི་སྐོར་དུ་སོང་། བློན་པོ་དང་རྒྱལ་པོའི་རྒྱུད་ནས་དེང་སང་རྒྱུན་ཡོད་སེམས་ཀློང་གི་སྡེར་དྲུག་ཙམ་ཞིག་བཞུགས་ཤིང་། རྒྱུན་མེད་པ་བློན་པོ་ནས་ཡེ་ཤེས་ཐིག་ལེའི་རྒྱུད། དོན་འདུས་མཆོག་གི་རྒྱུད། ཐུགས་རྗེ་སྐྱེ་མེད་ཀྱི་རྒྱུད། སེམས་ཉིད་ནམ་མཁའ་དང་མཉམ་པའི་རྒྱུད་ལ། རྒྱལ་པོ་ནས་ཐིག་ལེ་གསལ་བཀྲ་སྒྲོན་མ་བཀོད་པའི་རྒྱུད། རྒྱ་མཚོ་ཀློང་གི་རྒྱུད། རིག་པ་མཆོག་གི་རྒྱུད། རིག་པ་ནམ་མཁའ་དང་མཉམ་པའི་རྒྱུད་རྣམས་ཡིན་ནོ། །བསྐྱེད་པ་བློན་པོའི་བྱེ་བྲག་གི་
བརྒྱུད་པ་ནི། ཀུན་ཏུ་བཟང་པོ། རྡོ་རྗེ་སེམས་དཔའ། དགའ་རབ་རྡོ་རྗེ། གང་པོའི་བུ་ཨཱ་ཙཪྻ་ཨཱ་ལོ་ཀེ །སློབ་དཔོན་འཇམ་དཔལ་བཤེས་གཉེན། དྲང་སྲོང་བྷ་ཥི་ཏ། སྨད་འཚོང་མ་བདག་ཉིད་མ། ནཱ་གཱ་རྫུ་ན། ཁ་ཆེའི་མཁན་པོ་རབ་སྣང་། སྨད་འཚོང་མ་སིདྡྷི། ཁྱིའི་རྒྱལ་པོ་ཕྱི་མ། སངས་རྒྱས་གསང་བ། འཇམ་དཔལ་བཤེས་གཉེན་ཕྱི་མ། སློབ་དཔོན་ཤྲཱི་སིངྷ། དེ་ལ་དགེ་སློང་མ་ཀུན་དགའ་མོ། སློབ་དཔོན་ཆེན་པོ་པདྨ་འབྱུང་གནས། བཻ་རོ་ཙ་ན་ གསུམ་གྱིས་གསན་པ་མན་སེམས་སྡེ་སྤྱི་རྒྱུད་བཞིན་ནོ། །སྡུད་པ་རྒྱལ་པོའི་སྐོར་གྱི་བརྒྱུད ་པ་བྱེ་བྲག་པ་ནི་དགའ་རབ་རྡོ་རྗེ་ནས། རྒྱལ་པོ་ཏཱ་ལ་དྷའི་བུ་ཐུ་བོ་རཱ་ཛ་ཧསྟི། སྲས་མོ་ཝ་ར་ཎི། ཀླུ་རྒྱལ་འཇོག་པོ། རྒྱལ་པོ་ཡོན་ཏན་ཡན་ལག །རྒྱལ་པོ་མ་ཧཱ་རཱ་ཛ། སྲས་མོ་གོ་མ་དེ་ཝཱི། ཁྱིའི་རྒྱལ་པོ་ཀུ་ཀུ་རཱ་ཛ། ཤྲཱི་སིངྷ། གོང་དང་འདྲ། །གཉིས་པ་ལུང་ཨ་ནུ་ཡོ་གའི་སྐོར་ལ། སྤྱིར་རྒྱུད་ལུང་ཉེར་གཅིག་མདོ་བཅུ། ལུང་གི་ཡི་གེ་བདུན་ཅུ་སོགས་མང་དུ་སྣང་ལ། དེ་ཡང་རྩ་བའི་མདོ་བདུན། ཕྱི་མའི་མདོ་བདུན་ཏེ་བཅུ་བཞིར་བསྡུ་བ། མདོ་བཞིའི་དེམས་དང་བཅས་པའི་མདོ་ལྔ། མཐའ་དྲུག་གསལ་བར་བྱེད་པའི་རྒྱུད་དྲུག །དཀོན་རྒྱུད་བཅུ་གཉིས་སོགས་ལས་ཇི་ལྟར་ནོས་པའི་རིམ་པ་ལ། རྩ་བའི་མདོ་བཞི་ལས་དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་གསལ་བའི་ཡེ་ཤེས་དོན་གྱི་སྙིང་པོ་ཁྲོ་༼ཁྲ༽བོ་རྡོ་རྗེའི་རིགས་ཀུན་འདུས་རིག་པའི་མདོ་རྣལ་འབྱོར་སྒྲུབ་པའི་རྒྱུད་ཅེས་བྱ་བ་ཐེག་པ་ཆེན་པོའི་མདོ་ལ། འདི་སྐད་བདག་གིས་ཐོས་པའི་དུས་གཅིག་ན་དེ་བཞིན་གཤེགས་པ་ཐམས་ཅད་ཀྱི་བཅོམ་ལྡན་འདས་དཔལ་ཀུན་ཏུ་བཟང་པོ་རྡོ་རྗེ་
སེམས་དཔའ་ཧེ་རུ་ཀ་གསང་བའི་མཆོག་གི་བདག་པོ་བྱིན་གྱིས་རླབས་ཀྱི་དབང་ཕྱུག་མི་ཟད་མཛོད་ཀྱི་བཀོད་པ་ཆེ་བའི་དོན་ལ་དམ་པའི་སྤྱོད་པས་བསྐྱོད་པ་དེས་ཞེས་སོགས་རྣལ་འབྱོར་རང་བཞིན་གྱི་ལེའུ་དང་པོ། རྣལ་འབྱོར་རྗེས་སུ་འཇུག་པའི་ལེའུ་གཉིས་པ། རྡོ་རྗེ་ཐལ་ཆེན་གྱི་སྒྲུབ་ཐབས་བཅུ་དགུ་པ། མཆོག་ཕྲན་གྱི་སྒྲུབ་ལུགས་ཉི་ཤུ་པ། རྡོ་རྗེ་དབང་གི་ལེའུ་སོ་དྲུག་པ། ངོ་མཚར་བསྟོད་པའི་ལེའུ་སོ་བདུན་པའོ། །རྒྱ་གར་གྱི་མཁན་པོ་དྲི་མེད་བཤེས་གཉེན་དང་བོད་ཀྱི་ལོ་ཙཱ་བ་ཅོག་རོ་ཀླུའི་རྒྱལ་མཚན་གྱིས་བསྒྱུར་བ། དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་ཀྱི་གསང་བ་དུར་ཁྲོད་ཁུ་བྱུག་རོལ་པའི་རྒྱུད་ལ། གླེགས་བམ་དུ་ལེའུ་བཅུ་བཞི་སྣང་། འདི་སྐད་བདག་གིས་ཐོས་པའི་དུས་གཅིག་ན་བཅོམ་ལྡན་འདས་གསང་བ་མཆོག་གི་བདག་པོ་ཐིག་ལེ་བྱང་ཆུབ་སེམས་ཀྱི་རྡོ་རྗེ་དེ་བཞིན་གཤེགས་པ་ཐམས་ཅད་ཀྱི་སྐུ་རྣམ་པར་དག་པའི་བདག་ཉིད་ཅེས་སོགས་ཏིང་ངེ་འཛིན་རིམ་པར་བཀོད་པའི་ལེའུ་དང་པོ། ཐུགས་རྗེས་འདུལ་བ་དྲུག་པ། དྲེགས་པ་བཏུལ་བ་བདུན་པ། ཡོངས་སུ་གཏད་པའི་ལེའུ་བཅུ་གསུམ་པ་དོན་ཕྱི་མ་རིམ་པར་བཀོད་པའི་ལེའུ་བཅུ་བཞི་པའོ། །ཡེ་ཤེས་རྔམས་པ་གློག་གི་འཁོར་༼ཁྲ༽ལོའི་མདོ་ལ། འདི་སྐད་བདག་གིས་ཐོས་པའི་དུས་གཅིག་ན་བཅོམ་ལྡན་འདས་གསང་བ་མཆོག་གི་བདག་པོ་དཔལ་ཀུན་ཏུ་བཟང་པོ་ཡེ་ཤེས་རྔམས་པའི་རྒྱལ་པོ་ཞེས་སོགས་གླེང་གཞིའི་ལེའུ་དང་པོ། གཟུགས་བརྙན་གྱི་དཀྱིལ་འཁོར་རྣམ་པར་ཕྱེ་བ་བདུན་པ། ཕྱག་རྒྱའི་མཚན་ཉིད་བསྟན་པ་བརྒྱད་པ། གསང་བ་ཕྱི་མའི་རྣམ་པར་བཀོད་པ་བཅུ་བདུན་པའོ། །རྒྱ་གར་གྱི་མཁན་པོ་དྲི་མེད་བཤེས་གཉེན་དང་བོད་ཀྱི་ལོ་ཙཱ་བ་ཅོག་རོ་
ཀླུའི་རྒྱལ་མཚན་གྱིས་བསྒྱུར་བ། འདིའི་རྗེས་སུ་བཞི་པ་སེམས་ལུང་ཆེན་མོ་དཔེ་མ་རྙེད་པས་ལུང་མ་ཐོབ། དེམས་སུ་གྲགས་པ་དེ་བཞིན་གཤེགས་པ་ཐམས་ཅད་ཀྱི་ཐུགས་གསང་བ་ཡེ་ཤེས་དོན་གྱི་སྙིང་པོ་རྡོ་རྗེ་བཀོད་པའི་རྒྱུད་རྣལ་འབྱོར་གྲུབ་པའི་༼ཁྲ༽ལུང་ཀུན་འདུས་རིག་པའི་མདོ་ཐེག་པ་ཆེན་པོའི་མངོན་པར་རྟོགས་པ་ཆོས་ཀྱི་རྣམ་གྲངས་རྣམ་པར་བཀོད་པ་སངས་རྒྱས་ཐམས་ཅད་ཀྱི་དགོངས་པ་འདུས་པའི་མདོ་ལ། འདི་སྐད་བདག་གིས་ཐོས་པའི་དུས་གཅིག་ན་དེ་བཞིན་གཤེགས་པ་ཐམས་ཅད་ཀྱི་བཅོམ་ལྡན་འདས་གསང་བའི་བདག་པོ་རྡོ་རྗེ་འཛིན་པ་ཆེན་པོ་ཇི་སྐད་དུ་རྣམ་པར་འགྲོ་བའི་སྐྱེས་བུ་སྨྲ་བའི་སེང་གེ་དེ་འདི་ལྟར་སངས་རྒྱས་ཀྱི་ཞིང་བསམ་གྱིས་མི་ཁྱབ་པ་ན་འཁོད་ཅིང་ཞེས་སོགས་ཐུན་མོང་བཅའ་གཞིའི་ལེའུ་དང་པོ། གདམས་ངག་ངེས་པར་བཞག་པ་གཉིས་པ། ཐོག་མར་དམ་པས་གདུང་བ་བཏོན་པ་གསུམ་པ། གསང་བ་དམ་པ་དེ་ཁོ་ན་ཉིད་དུ་ངེས་པ་བཅོ་ལྔ་པ། ཐེག་པ་ཆེན་པོ་ངེས་པར་འབྱུང་བའི་ཚུལ་ལས་སྙིང་པོ་བྱང་ཆུབ་ཉིད་དུ་ངེས་པའི་གཏམ་རྒྱུད་བརྗོད་པའི་ཆོས་ཀྱི་ཕྱག་རྒྱའི་ཡེ་ཤེས་རྣམ་པར་བགྲོས་པ་སྟེ་བྱུང་ཚུལ་བསྟན་པ་བཞི་པའོ། །བམ་པོ་གསུམ་པར་ཟུག་པའོ། །རྫུ་འཕྲུལ་གྱིས་ཆོ་འཕྲུལ་བསྟན་པ་བཅུ་དྲུག་པ། ཐུགས་ཡེ་ཤེས་ཀྱི་རྒྱན་བཀོད་པ་སོ་གཉིས་པའོ། །སྐུ་ཡོངས་སུ་སྣང་བ་དམ་པའི་རྒྱན་བཀོད་པ་སོ་གསུམ་པ། གསུང་མི་ཟད་པ་རྒྱན་གྱི་འཁོར་ལོར་བཀོད་པ་སོ་བཞི་པ། རྣལ་འབྱོར་དབང་སྒྱུར་དོན་གསུམ་པ། དོན་ངེས་པར་སྒྲུབ་པ་དོན་བཞི་པ། སངས་རྒྱས་ཀུན་གྱི་དགོངས་པ་འདུས་པ་དོན་ལྔ་པ། འབྱུང་ཚུལ་བསྟན་པ་བཅུ་གཉིས་པའོ། །རྒྱ་གར་གྱི་མཁན་པོ་དྷརྨ་བོ་དྷི་དང་རིང་ལུགས་
ཆེན་པོ་ད་ན་རག་ཤི་ཏ་དང་ཞུས་ཆེན་གྱི་ལོ་ཙཱ་བ་ཆེ་བཙན་སྐྱེས་ཀྱིས་བྲུ་ཤའི་ཡི་གེ་ལས་བྲུ་ཤའི་ཡུལ་གྱི་ཁྲོམ་དུ་བསྒྱུར་ཅིང་གཏན་ལ་ཕབ་པའོ། །མཐའ་དྲུག་གི་རྒྱུད་ལ་ལྟ་བ་ཐམས་ཅད་ཀྱི་རྒྱལ་པོ་ཀུན་ཏུ་བཟང་པོ་ཆེ་བ་རང་༼དར༽ལ་གནས་པའི་རྒྱུད་ལ། པཎ་ཆེན་སྐུ་མཆེད་ཀྱི་གསན་ཡིག་ན་བྲམ་ཟེའི་སྐོར་དུ་མཛད་ཅིང་བརྗོད་དོན་གྱི་གཙོ་བོའང་ཨ་ཏི་ཡིན་འདུག །ཇི་སྐད་གོ་ཞིང་རྟོགས་ནས་ཤེས་པའི་དུས་གཅིག་ན་སངས་རྒྱས་དང་སེམས་ཅན་དང་ཇི་ལྟར་སྣང་བའི་ཆོས་ཐམས་ཅད་ཀུན་ཏུ་བཟང་པོ་ཆེ་བའི་འཁོར་དུ་སངས་མ་རྒྱས་པ་མེད་པ་ལ་ཞེས་སོགས་ལྟ་བ་ཀུན་ཏུ་བཟང་པོའི་ལེའུ་དང་པོ། སྤྱོད་པ་ཀུན་ཏུ་བཟང་པོ་གཉིས་པ། མྱ་ངན་ལས་འདས་པ་ཡེ་ནས་ཆེ་བ་བཅོ་ལྔ་པ། སྐྱེ་ཤི་དང་འཕོ་འགྱུར་མེད་པར་ཡེ་ཤེས་རང་ལ་གནས་པ་སུམ་ཅུ་པ། བླང་དོར་དང་ཕྱོགས་རིས་མེད་པས་མ་བཙལ་བར་ཡེ་ཤེས་སུ་རང་གནས་པའི་ལེའུ་སོ་གཅིག་པ་མཇུག་ཆེ་བརྗོད་ལེ་མེད་དང་བཅས་པའོ། །དབང་ཐམས་ཅད་ཀྱི་རྒྱལ་པོ་དེ་བཞིན་གཤེགས་པ་༼དར༽ཐམས་ཅད་ཀྱི་སྤྱི་དབང་དབང་བསྐུར་རྒྱལ་པོའི་རྒྱུད་ལ། དཀོན་རྒྱུད། འདི་སྐད་ཀུན་ནས་ཤེས་པའི་དུས་གཅིག་ན་བཅོམ་ལྡན་འདས་ཡིད་ཀུན་ཏུ་བཟང་པོ་ཆགས་པའི་དབང་གིས་དཀྱིལ་འཁོར་རིན་པོ་ཆེ་རྒྱས་པའི་རང་གནས་ན་བཞུགས་ནས་ཉིད་ཀྱི་ཆེ་བའི་རྒྱན་ཆེན་པོ་ལས་འོད་ཟེར་འཕྲེང་བའི་སྒྲ་འདི་དག་ཕྱུང་ངོ་ཞེས་སོགས་གླེང་གཞི་ལྟ་བའི་ལེའུ་དང་པོ། དབང་གི་ཡོན་ཏན་གྱི་ལེའུ་དྲུག་པ། རྒྱུད་ཡོངས་སུ་གཟུང་བའི་ལེའུ་བཅུ་པའོ། །ཡང་དབང་གཏེར་གྱི་མན་ངག་གོ །ཏིང་ངེ་འཛིན་ཐམས་ཅད་ཀྱི་རྒྱལ་པོ་ཏིང་ངེ་འཛིན་མཆོག་གི་༼དར༽རྒྱུད་ལ། དཀོན་རྒྱུད། འདི་སྐད་བསྟན་པའི་དུས་གཅིག་ན་བཅོམ་ལྡན་འདས་ཡིད་བྱེད་པ་པོ་ཀུན་ཏུ་བཟང་
པོས་ཆོས་ཉིད་མི་གཡོ་པའི་ཏིང་ངེ་འཛིན་ལ་སྙོམས་པར་ཞུགས་སོ་ཞེས་སོགས་གཞལ་ཡས་ཁང་གླེང་གཞིའི་ལེའུ་དང་པོའོ། །དྲག་འདུལ་ཁྲོ་བོའི་ལེའུ་དྲུག་པ། མཇུག་ཏན་གཎ་གྱི་རྟོག་པ་བཤད་པའི་ལེའུ་བཅུ་གཅིག་པའོ། །འཕྲིན་ལས་ཐམས་ཅད་ཀྱི་རྒྱལ་པོ་༼དར༽སྐབས་སྦྱོར་བདུན་དཀོན་རྒྱུད་པའི་རྒྱུད་ལ། པཎ་ཆེན་སྐུ་མཆེད་ཀྱི་གསན་ཡིག་ན་བྲམ་ཟེའི་སྐོར་དུ་སྣང་། འདི་སྐད་བདག་གིས་ཤེས་པའི་དུས་གཅིག་ན་བཅོམ་ལྡན་འདས་ཡིད་བྱེད་པ་པོ་རང་བྱུང་གི་གནས་ན་བཞུགས་པ་ལ་ཉིད་ཀྱི་སྲས་གཉིས་སུ་མེད་པས་འདི་སྐད་ཅེས་གསོལ་ཏོ་སོགས་སྐུའི་སྐབས་སྦྱོར་དང་པོ་ལྟ་བའི་སྐབས་སྦྱོར་བཞི་པ། དམ་ཚིག་གི་སྐབས་སྦྱོར་བདུན་པ། རྒྱུད་ཀྱི་ཕན་ཡོན་མཇུག་རྫོགས་བྱང་དང་བཅས་པ་གནུབས་སངས་རྒྱས་ཡེ་ཤེས་རིན་པོ་ཆེའི་འགྱུར། སྤྱོད་པ་ཐམས་ཅད་ཀྱི་རྒྱལ་པོ་བརྩོན་པ་དོན་ལྡན་༼དར༽གྱི་རྒྱུད་བསྲུང་བ་མེད་པའི་མཛོད་སེམས་ཀྱི་འབྲས་བུའི་མཆོག་ཅེས་བྱ་བ་ལ། པཎ་ཆེན་སྐུ་མཆེད་ཀྱི་གསན་ཡིག་ན་བྲམ་ཟེའི་སྐོར་དུ་མཛད། དཀོན་རྒྱུད། འདི་སྐད་བསྟན་པའི་དུས་དེ་ན་བཅོམ་ལྡན་འདས་དཔལ་ཀུན་ཏུ་བཟང་པོ་མ་སྐྱེས་རང་བཞིན་མེད་པའི་དབྱིངས་ན་བཞུགས་པའི་ཚེ་རྡོ་རྗེ་སེམས་དཔས་མི་གཡོ་བའི་ཏིང་ངེ་འཛིན་ལས་ལངས་ནས་སྟོན་པ་ཀུན་ཏུ་བཟང་པོ་ལ་འདྲེས་པ་ཆེན་པོ་དོན་གྱི་ཕྱག་བཙལ་ནས་ཞེས་སོགས་ལྟ་བའི་ལུས་ཀྱི་སྤྱོད་པ་གང་ལྟར་བྱ་བ་དང་ལྟ་བ་གླེང་གཞིའི་ལེའུ་དང་པོ། ཐབས་ཀྱི་སྤྱོད་པ་གང་ལྟར་སྤྱོད་པ་བཞི་པ། ཡོན་ཏན་དང་རྒྱུད་གཏད་པའི་ལེའུ་དྲུག་པའོ། །དམ་ཚིག་གི་རྒྱལ་པོ་དམ་ཚིག་གི་བཀོད་པའི་རྒྱུད་ལ། ཏནྟྲ་སྡེ་བཅོ་བརྒྱད་ཀྱི་སྤྱོད་པའི་ཡན་ལག་གི་རྒྱུད་ལྔའི་ནང་ཆེན་དུའང་གཏོགས། དཀོན་རྒྱུད། དེ་ནས་བཅོམ་ལྡན་འདས་དགྱེས་
ཆེན་ལ། རྡོ་རྗེ་སེམས་དཔས་འདི་སྐད་གསོལ། རྣལ་འབྱོར་ཀུན་གྱི་རྩ་བ་མཆོག །དམ་ཚིག་པ་བཞི་བསྟན་པ་ལས། ངེས་པར་གསུང་པ་ཁྱད་པར་ཆེ། ཞེས་སོགས་དམ་ཚིག་གསུམ་གྱི་རྩ་བ་བསྟན་པའི་ལེའུ་དང་པོ། སྐུ་གསུང་ཐུགས་ཀྱི་རྩ་བ་བསྲུང་བའི་རིམ་པ་གཉིས། བསྲུང་བའི་དམ་ཚིག་བརྒྱ་ཉི་ཤུ་དང་སུམ་བརྒྱ་དྲུག་ཅུའི་ལེའུ་བཅོ་ལྔ་པ། དམ་ཚིག་སུམ་བརྒྱ་དྲུག་བཅུ་བཀང་བའི་འཕྲིན་ལས་བཅུ་དྲུག་པ། དམ་ཚིག་ཆེན་པོའི་བདེན་པས་སོ་གསུམ་པ། ཀུན་ཏུ་བཟང་པོ་དབུ་སྙུང་གི་ལེའུ་སུམ་ཅུ་རྩ་བཞི་པའོ། །ཞི་བ་ལྷ་རྒྱུད་ལ། དཀོན་རྒྱུད། འདི་སྐད་བདག་གིས་བསྟན་པའི་དུས་གཅིག་ན་དེ་བཞིན་གཤེགས་པ་ཐམས་ཅད་ཀྱི་ཡབ་ཀུན་ཏུ་བཟང་པོ་དེ་ནི་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་རྡོ་རྗེའི་སྙིང་པོ་དེ་བཞིན་གཤེགས་པ་ཀུན་གྱི་བཙུན་མོའི་བྷ་ག་ལ་ཞུགས་སོ་ཞེས་སོགས་གླེང་གཞིའི་ལེའུ་དང་པོ། ལམ་དབང་དུ་བྱ་བ་ཆགས་ལམ་ལྷ་རྒྱུད་ཀྱི་ལེའུ་དྲུག་པ། རྗེས་སུ་ཡི་རང་བ་དགུ་པའོ། །རྒྱ་གར་གྱི་མཁན་པོ་པྲ་ས་ཏྭ་ལ་དང་ལོ་ཙཱ་བ་པདྨ་རུ་རྩེའི་འགྱུར། ཆོས་ཉིད་ཞི་བ་ལྷ་རྒྱུད་༼དར༽ལ་དཀོན་རྒྱུད། འདི་སྐད་བསྟན་པའི་དུས་གཅིག་ན་བཅོམ་ལྡན་འདས་ཀུན་ཏུ་བཟང་པོ་ཞེས་བྱ་བ་ལྷ་ཞིག་ཐམས་ཅད་དུ་རང་གི་སེམས་ལ་གནས་སོ་སོགས་སྟོན་པ་ལེ་གྲངས་མེད་པ་བི་མཱ་ལ་དང་གཉགས་ཀྱི་འགྱུར། ཁྲོ་བོའི་༼དར༽ལྷ་བརྒྱུད་ཆེན་མོ་ཞེས་བྱ་བ་ལ། དཀོན་རྒྱུད། འདི་སྐད་བདག་གིས་ཐོས་པའི་དུས་གཅིག་ན་ཧེ་རུ་ཀའི་གནས་བཅུ་ན་བཞུགས་ཤིང་དུད་ཁྲོད་ཆེན་པོའི་གནས་བརྒྱད་ན་སྤྱོད་པ་ནི་དུས་གསུམ་གྱི་སངས་རྒྱས་བཅོམ་ལྡན་འདས་རྣམ་པ་ཐམས་ཅད་མཁྱེན་པའི་བདེ་བར་
གཤེགས་པ་ཞེས་སོགས་གླེང་གཞི་དང་གླེང་བསླང་གི་ལེའུ་དང་པོ། ཁྲོ་བོའི་རྟགས་བསྟན་པ་བཞི་པ། མཉེས་པ་དང་རྒྱུད་གཏད་པའི་ལེའུ་བདུན་པའོ། །པྲ་ས་ཏྭ་ལ་དང་ལོ་ཙཱ་བ་པདྨ་རུ་རྩེའི་འགྱུར། ཁྲོ་བོ་ལྷ་རྒྱུད་ཀྱི་རྟོགས་པ་དཀོན་རྒྱུད། ཆེན་པོ་ལ་ལུང་གསུམ་གྱིས་སྣ་དྲངས་མན་ངག་གསུམ་གྱིས་མཇུག་བསྡུས་སྤྱི་དོན་གསུམ་གྱིས་སྤྱི་བཅད་སྤྱི་དོན་བཅུ་བཞིས་ཁོག་དབུབ་ལ་སོགས་ཀྱི་སྒོ་ནས་བསྟན་པ་ལེའུ་མེད་པ་མཇུག་ཏུ་ཨཱ་ཙཪྻ་བི་མཱ་ལའི་བཞེད་པ་ལྷ་རྒྱུད་ཀྱི་རྟོགས་པ། རྫོགས་བྱང་གི་མཐའ་ཅན། ཐུགས་རྗེ་ཆེན་པོ་ཤ་ཁྲག་༼ཁྲ༽རུས་པའི་གཏེར་རྒྱུད་ཆེན་མོ་ལ་དཀོན་རྒྱུད། འདི་སྐད་བཤད་པའི་དུས་ན་བཅོམ་ལྡན་འདས་དཔལ་ཀུན་ཏུ་བཟང་པོ་རང་རིག་པའི་ཀློང་ན་བཞུགས་པ་ན་དེའི་ཁྱད་པར་ལས་དེ་ཉིད་ཀྱི་གཉིས་སུ་མེད་པའི་ཡུམ་དེས་ནི་འདི་སྐད་ཅེས་བསྐུལ་ལོ་ཞེས་སོགས་གླེང་གཞིའི་ལེའུ་དང་པོ། རྡོ་རྗེ་སེམས་དཔས་ལུང་གཏོར་མར་སྤྲུལ་པ་དང་ཐུབ་པ་དྲུག་ཏུ་སྤྲུལ་པ་གཉིས་པ། ཡན་ལག་གི་དམ་ཚིག་བརྒྱ་རྩ་བརྒྱད་ཉི་ཤུ་པ། དམ་ཚིག་ཉམས་པར་གྱུར་པའི་མཚན་མ་བསྟན་པ་ཉེར་གཅིག་པ། དམ་ཚིག་ཉམས་པའི་སྤྱོད་པ་བསྟན་པ་ཉེར་གཉིས་པ། གཏོར་མ་རྣམ་པ་གསུམ་ཞེས་གསུམ་པ། དམ་སྩལ་བ་ཞེ་བཞི་པ། མཇུག་སྡུད་མན་ངག་ལྟ་བ་མདོར་བསྡུས་དང་བཅས་པ་རྒྱ་གར་གྱི་མཁན་པོ་པདྨ་སམ་བྷ་ཝ་དང་བི་མཱ་ལ་མི་ཏྲ་དང་ལོ་ཙཱ་བ་གནུབས་ནམ་མཁའི་སྙིང་པོས་བསྒྱུར། ཕྱིས་བལ་པོ་བ་སུ་དྷ་ར་དང་གནུབས་སངས་རྒྱས་ཡེ་ཤེས་ཀྱིས་ཞུས་པ། རྣལ་འབྱོར་ནང་པའི་༼ཁྲ༽ཚོགས་རྒྱུད་ལ་དཀོན་རྒྱུད། འདི་སྐད་བདག་གིས་ཐོས་པའི་དུས་གཅིག་ན་འོག་མིན་ཆོས་ཀྱི་དབྱིངས་ཀྱི་
ཕོ་བྲང་ཡུམ་གྱི་བྷ་གའི་དབྱིངས་རྣམ་པར་དག་པ་ན་བཅོམ་ལྡན་འདས་དཔལ་རྡོ་རྗེ་སེམས་དཔའ་དང་རིགས་ལྔའི་སངས་རྒྱས་དང་གསང་བའི་ཡུམ་དང་འཁོར་སེམས་དཔའ་དང་སེམས་མ་མཁའ་འགྲོ་མ་དང་ཁྲོ་བོ་དང་ཁྲོ་མོ་དང་སྤྲུལ་པའི་འཁོར་དང་བཅས་པ་ཞེས་སོགས་དཀྱིལ་འཁོར་བསྐྱེད་པའི་ལེའུ་དང་པོ། ཚོགས་ཀྱི་མཆོད་པ་བདུན་པ། སྐྱོན་དང་ཡོན་ཏན་བསྟན་པ་བརྒྱད་པ། རྣལ་འབྱོར་པའི་ཚོགས་རྒྱུད་ཆེན་པོ་རྫོགས་སོ། །བཅའ་ལུགས་དང་སྐྱོན་དགུ་པ་ཡོངས་སུ་རྫོགས་པའི་ལེའུ་བཅོ་ལྔ་པའོ། །གནུབས་སངས་རྒྱས་ཡེ་ཤེས་རིན་པོ་ཆེས་སྐད་གསར་བཅད་ཀྱིས་བཅོས་པ། དཔལ་འབར་ཁྲོ་མོ་༼དར༽བདུད་རྩི་ཐིགས་པའི་རྒྱུད་ལ་དཀོན་རྒྱུད། འདི་སྐད་བདག་གིས་ཐོས་ནས་བཤད་པའི་དུས་གཅིག་ན་ཇི་ལྟར་སྣང་ཞིང་སྲིད་པ་དང་མཐོང་ཞིང་ཐོས་པ་དང་བསྟན་ཞིང་རྟོགས་པ་འདི་དག་ཐམས་ཅད་ཡེ་ནས་མ་གཡོས་ཤིང་མ་བཅོས་པ་མེད་པའི་ཆོས་ཉིད་ལ་སྣང་བ་ནི་ལྷ་དང་ལྷ་མོའི་སྐུ་གསུང་ཐུགས་ཞེས་སོགས་བསྟན་ཅིང་ལེའུ་མེད་པ་སློབ་དཔོན་རྡོ་རྗེ་གྲོ་ལོད་རྩལ་དང་ལོ་ཙཱ་བ་ཞང་དྲུང་གི་འགྱུར། དེ་བཞིན་གཤེགས་པ་ཐམས་ཅད་ཀྱི་རཀྟ་༼དར༽དམར་གྱི་རྒྱུད་ལ། འདི་སྐད་བདག་གིས་ཐོས་པའི་དུས་གཅིག་ན་ཀུན་ཏུ་བཟང་མོའི་བྷ་ག་ཡངས་པའི་ཀློང་ན་ཡིད་བྱེད་པ་པོ་ཀུན་ཏུ་བཟང་པོ་ཧེ་རུ་ཀ་དང་ཡུམ་ཀྲོ་ཏི་ཤྭ་རི་མ་དང་བུདྡྷ་ཧེ་རུ་ཀ་དང་རཏྣ་ཧེ་རུ་ཀ་དང་པདྨ་ཧེ་རུ་ཀ་དང་ཀརྨ་ཧེ་རུ་ཀ་ཞེས་སོགས་གླེང་གཞིའི་ལེའུ་དང་པོ། དམ་ཚིག་བདུན་པ། དབང་གི་ལེའུ་བདུན་པ། དབང་གི་ལེའུ་བརྒྱད་པ། མཐའ་བརྟེན་པའི་ལེའུ་བཅོ་ལྔ་པའོ། །འགྱུར་བཤད་མ་ཐག་པ་བཞིན་ནོ། །རིན་པོ་ཆེ་མེ་ལྷ་ཞི་བར་གྱུར་པ་འབར་བའི་རྒྱུད་
ལ། ཐོག་མ་མེད་པའི་དུས་ཉིད་ན། །རང་བཞིན་ལྷུན་གྲུབ་གནས་དེ་རུ། །ཆོས་དབྱིངས་སྟོན་པ་ཆེན་པོ་དེས། །རང་བྱུང་ཡེ་ཤེས་འཁོར་རྣམས་ལ། །སྦྱང་བ་ཆེན་པོའི་བསྟན་པ་བཤད། ཅེས་སོགས་གླེང་གཞིའི་ལེའུ་དང་པོ། ཚེ་འདས་བགེགས་དང་བྲལ་བ་བསྟན་པ་གཉིས་པ། རྡོ་རྗེ་སེམས་དཔའ་ལ་མཆོད་པ་དབུལ་བ་བཅུ་གཉིས་པ། སྤྲུལ་སྐུ་ཐུབ་པ་དྲུག་ལ་མཆོད་པ་དབུལ་བ་བཅུ་གསུམ་པ། རྒྱུད་གཏད་པའི་ལེའུ་ཉེར་དྲུག་པའོ། །འགྱུར་གོང་འདྲ། ཁྲོ་བོའི་སྦྱིན་སྲེག་དུར་ཁྲོད་ངུར་མོའི་རྒྱུད་ལ། འདི་ལ་གསུང་སྤྲུལ་གྱི་གསན་ཡིག་ན་ལེའུ་བཅུ་ཟེར་བ་འདུག་པ་སྨད་ཀྱི་སྡེ་ཚན་རྣམས་བསྡོམས་ནས་བརྩིས་པ་འདྲའོ། །འདི་སྐད་བདག་གིས་ཐོས་པའི་དུས་གཅིག་ན་བཅོམ་ལྡན་འདས་དཔལ་རྡོ་རྗེ་སེམས་དཔའ་འོག་མིན་གྱི་གནས་སྟུག་པོ་བརྒྱན་པའི་ཞིང་ཁམས་དེ་བཞིན་གཤེགས་པ་རྣམ་པར་སྣང་མཛད་ལ་སོགས་ཏེ་རིགས་ལྔའི་སངས་རྒྱས་དང་དཔལ་ཕྱག་ན་རྡོ་རྗེ་ལ་ཞེས་སོགས་གླེང་གཞི་དང་ཁྱད་པར་དཀྱིལ་འཁོར་གྱི་ལེའུ་དང་པོ། འདི་ནས་ལེའུ་བཞིའི་བར་མཐར་ཆགས་ལ་དེ་ནས་དྲག་པོའི་ལས་ལ་ཁྱད་པར་བསྐུལ་བའི་ལེའུ་སྟེ་མཐའ་མའོ། །འབར་བ་མེའི་སྦྱིན་སྲེག་ལ་ལེའུ་དང་མཐའ་གཉིས། ཁྲོ་བོའི་སྦྱིན་སྲེག་ལ་ལེའུ་དང་མཐའ་གཉིས། མཆོད་བསྟོད་དྲག་སྦྱོར་གསུམ་ལ་དང་པོ་གཉིས་པ་གསུམ་པའི་ཐ་སྙད་བྱས། གསད་པ་ཕུར་བུའི་བསྐུལ་བ་དགུག་འདྲེན་གྱི་ལེའུ་དང་པོ་ནས་བཟུང་མནན་པའི་ལེའུ་དགུ་པའི་བར་མཐར་ཆགས། ཧོམ་རྒྱུད་ཀྱི་ལེའུ་གཉིས་པའོའི་མཐའ་ཅན་འགྱུར་གོང་དང་འདྲ་བ། སྐུ་གདུང་འབར་བ་༼དར༽ཚ་ཚ་མཆོད་རྟེན་གྱི་རྒྱུད་ལ། འདི་སྐད་བདག་གིས་ཐོས་པ་དུས་གཅིག་ན་རི་མ་ལ་ཡ་གནམ་ལྕགས་ཡོད་པའི་རྩེ་མོ་སེང་གེའི་ཟ་འགྲམ་ལྟ་བུའི་གནས་ལ་
བཅོམ་ལྡན་འདས་གསང་བའི་བདག་པོ་རྡོ་རྗེ་འཛིན་པ་ཆེན་པོ་ལ་ལངྐའི་བདག་པོ་བློ་གྲོས་ཐབས་ལྡན་ཞེས་སོགས་གླེང་གཞི་དང་གླེང་བསླང་བའི་ལེའུ་དང་པོ། གསང་བ་ཆེན་པོ་ལས་ཀྱི་རིམ་པ་སྣ་ཚོགས་གྲུབ་པར་བསྟན་པ་ལྔ་པ། རྗེས་སུ་ཡི་རང་བ་དགུ་པའོ། །འགྱུར་གོང་དང་འདྲ་བ། བི་ཤྭཱ་མི་ཏྲ་དང་གྱི་ལྗང་དབུ་དཀར་གྱི་འགྱུར་ཡིན་ཞེས་སྣང་བ་བརྟག །རྡོ་རྫེ་ཧཱུཾ་མཛད་ཆེན་པོའི་རྒྱུད་ལ། འདས་པའི་དུས་མ་བྱུང་བའི་སྔོན་རོལ་ན་བཅོམ་ལྡན་འདས་དབང་གི་རྒྱལ་པོ་དེ་སྲིད་པ་ཐམས་ཅད་ཡུམ་ཀུན་ཏུ་བཟང་མོ་གཟི་ལྡན་པད་མ་ཅན་གྱི་མཁར་མཁྱེན་ནས་ཡུམ་གྱི་མཁའ་བདེ་གློང་ཆེན་པོ་ནས་ཞེས་སོགས་གླེང་གཞི་དང་ཧཱུཾ་གི་དབྱེ་བའི་ལེའུ་དང་པོ། བརྟུལ་ཞུགས་བཞི་བསྒྲུབ་པ་དྲུག་པ། རྒྱུད་ཡོངས་སུ་གཟུང་ཞིང་གཏད་པའི་ལེའུ་བཅུ་གཅིག་པའོ། །འགྱུར་གོང་འདྲ། ནམ་མཁའ་མཛོད་ཀྱི་རྒྱུད་༼དར༽འཇིག་རྟེན་ལས་འདས་པའི་མདོ་ཏནྟྲ་ཆེན་པོ་གཏིང་ཟབ་པ་ལ། འདི་སྐད་བདག་གིས་བཤད་པའི་དུས་གཅིག་ན་བཅོམ་ལྡན་འདས་སྐུ་མྱ་ངན་ལས་འདས་པའི་འོག་མིན་གྱི་གནས་སུམ་ཅུ་རྩ་གསུམ་ལྷའི་མདུན་ས་ཆོས་བཟང་ཚལ་ན་བཞུགས་ཏེ་འཁོར་རིགས་དྲུག་དང་སྐྱེ་གནས་བཞི་དང་ལྷ་སྲིན་སྡེ་བརྒྱད་ལ་སོགས་པ་ཞེས་སོགས་འཁོར་དང་གླེང་གཞིའི་ལེའུ་དང་པོ། སྔགས་དང་ཕྱག་རྒྱ་བརྒྱད་པ། སྒྲུབ་ཐབས་མཐའ་མའི་ལེའུ་བཅོ་བརྒྱད་པའོ། །ཟླ་གསང་ཆེན་༼དར༽པོའི་མདོ་ལ། འདི་སྐད་བདག་གིས་ཐོས་པ་དུས་གཅིག་ན་བཅོམ་ལྡན་འདས་དེ་བཞིན་གཤེགས་པ་ཟླ་གསང་ཆེན་པོ་ཡུམ་རྣམ་པར་དག་པའི་མཁའ་གློང་ན་ཡེ་ཤེས་ཀྱི་རླུང་ནག་འཚུབ་པ་བསྐལ་པའི་མེ་ལྕེ་ནི་འབར་ཁྲག་གི་རྒྱ་མཚོ་རྦ་ཀློང་ནི་འཁྲུག་མ་མ་ས་ཤ་ཆེན་གྱི་ས་གཞི་ནི་
བརྡལ་ཀེང་རུས་གསར་རྙྀང་གི་རི་རབ་ནི་བརྩིགས་ཡེ་ཤེས་ཀྱི་གཞལ་ཡས་ཁང་ཞེས་སོགས་བྱིན་གྱིས་རློབས་པའི་ལེའུ་དང་པོའོ། བདུད་དང་མུ་སྟེགས་འདུལ་བ་གཉིས་པ། ཆོ་གའི་སྦྱོར་བ་བཅུ་ གསུམ་པ། ཡོངས་སུ་གཏད་པའི་ལེའུ་ཉེར་ལྔ་པ་རྣམས་ཀྱི་ལུང་ལེགས་པར་ཐོབ་པ་ལ་སྤྱི་བརྒྱུད ་སྒོས་བརྒྱུད་གཉིས་ལས་ཁྲའི་རྟགས་ཡོད་པ་མ་གཏོགས་པའི་སྤྱི་ བརྒྱུད་ནི། ཆོས་སྐུ་ཀུན་བཟང་ཡབ་ཡུམ། ལོངས་སྐུ་རྒྱལ་བ་རིགས་ལྔ། སྤྲུལ་སྐུ་རིགས་གསུམ ་མགོན་པོ། ལྷ་ཀླུ་གནོད་སྦྱིིན་གསུམ། ཕྱག་ན་རྡོ་རྗེ། སྐལ་ལྡན་རྒྱལ་པོ་ཛ། མདོའི་སྐབས་སུ་རྒྱལ་པོ་ཛའི་གོང་དུ་ཀུ་ཀུ་རཱ་ཛ་མ་འབྱུང་བ་ནི་རྒྱལ་པོའི་ཁང་ཐོག་ཏུ་གསང་བདག་དམ་པའི་རིགས་ཅན་ལྔ་དང་བཅས་པས་པོ་ཏིའི་ཆར་ཕབ་པ་རྒྱལ་པོ་རང་གིས་རྟོགས་པ་སྟེ་རཱ་ཛ་ཉིད་ཀྱི་སྤྱི་གཅོད་ལས། དེ་ཚེ་ཨིནྡྲ་བོ་དྷི་ངས། ཐུགས་ཀྱི་སྒྲུབ་པ་མངོན་རྟོགས་ཏེ། དེ་ཉིད་གོ་ནས་དེ་ཉིད་གྲུབ། སྨོན་པའི་ལྷ་དང་དེ་རུ་མཇལ། །འདོད་པའི་བསམ་པ་དེ་རུ་གྲུབ། དོན་དམ་བཅུད་ཀྱང་དེ་ནས་རྒྱས། ཞེས་གསུངས་པ་བཞིན་ནོ། །སྲས་ཨིནྡྲ་བྷཱུ་ཏི། ནཱ་ག་སུ་ཏྲི། གུ་ཎ་སུ་ཏྲི། ཀུ་ཀུ་རཱ་ཛ། རོ་ལངས་བདེ་བ། རྡོ་རྗེ་བཞད་པ། སློབ་དཔོན་པྲ་ཧསྟི། ཟ་ཧོར་རྒྱལ་པོ། སློབ་དཔོན་ཤཱཀྱ་སེང་གེ །དཔལ་ཨོ་རྒྱན་ཆེན་པོ། ཤཱཀྱ་མི་ཏྲ། བི་མཱ་ལ། ཤཱཀྱ་པྲ་བྷ་བ། སངས་རྒྱས་གསང་བ། དྷ་ན་རཀྵི་ཏ། སྠི་ར་མ་ཏི། བོད་སྐད་དུ་བློ་གྲོས་བརྟན་པ་ཟེར་བ་ཟུར་ཆག་ཏུ་ཏི་ར་ཟེར་བ་སྣང་། བདེ་བ་རབ་གསལ། གསལ་མཛད་ཀྱང་ཟེར། འབྲུ་ཤའི་མཁན་པོ་ཆེ་བཙན་སྐྱེས། སློབ་དཔོན་བ་སུ་དྷ་ར། དྷརྨ་བོ་དྷི། གནུབས་ཆེན་སངས་རྒྱས་ཡེ་ཤེས། ཁུ་ལུང་པ་ཡོན་ཏན་རྒྱ་མཚོ། རྒྱ་བློ་གྲོས་བྱང་ཆུབ། སྨན་སྒྲུབ་རྒྱ་ལུགས་ཞེས་དྲགས་པའང་འདི་ཉིད་ལས་བརྒྱུད། དེང་སང་རྒྱུན་ནུབ་པ་འདྲའོ། །ཐོ་གར་ན་མ་ལྡེ། གནམ་ཞལ་ཡོན། འུག་བྱ་ལུང་པ་ཟུར་པོ་ཆེ་ཤཱཀྱ་འབྱུང་གནས། ཟུར་ཆུང་པ་ཤེས་རབ་གྲགས། སྤང་ཁང་བླ་མ། ཟུར་སྒྲོ་ཕུག་པ།
ཤཱཀྱ་སེང་གེ །གནུབས་བཤེས་གཉེན་སྙིང་པོ། གླན་རྡོ་རྗེ་འོད། ཡང་ཁང་གི་ཚག་དཔལ། འདན་མ་རྡོ་རྗེ་འོད། འགོས་དགེ་སློང་། འགོས་དངོས་གྲུབ་མགོན། འགོས་ནོར་བུ། བླ་མ་ཤཱཀྱ་རྒྱལ་མཚན། བླ་མ་དཔལ་བཟང་པོ། བླ་མ་རྡོ་རྗེ་རྒྱལ་མཚན། གཉལ་པ་བདེ་ལེགས་པ། གྲ་འཇམ་དབྱངས་བཤེས་གཉེན། ཨར་དགེ་བ་ཆོས་དཔལ་རྒྱལ་མཚན། མེས་སྒོམ་བསམ་གཏན་བཟང་པོ། གཏེར་ཆེན་རཏྣ་གླིང་པ། རྒྱལ་སྲས་ཚེ་དབང་གྲགས་པ། གཅུང་ངག་དབང་གྲགས་པ། རྗེ་ངག་དབང་ནོར་བུ། དྲུང་པ་ཆོས་དབང་བཟང་པོ། གཙུག་རྒྱན་ནོར་བུ་ཡོངས་གྲགས། ཐུགས་སྲས་ནོར་བུ་དབང་རྒྱལ། གསུང་སྤྲུལ་ཚུལ་ཁྲིམས་རྡོ་རྗེ། གར་དབང་ཤྲཱི་ལ་དྷཱ་ཛ། སྤྲུལ་སྐུ་གཏེར་སྟོན་གཏེར་བདག་གླིང་པ། དེས་བདག་ཟ་ཧོར་བནྡེ་ལ་བཀའ་དྲིན་དུ་སྩལ་ཏོ། །དར་གྱི་རྟགས་ཡོད་པའི་བརྒྱུད་ལུགས་གཅིག་ནི། རྗེ་ནོར་བུ་དབང་རྒྱལ་ནས། རང་གྲོལ་ནོར་བུ་ཆོས་བརྟན། རིག་འཛིན་འཕྲིན་ལས་ལྷུན་གྲུབ། དྲིན་ཅན་སྤྲུལ་སྐུ་ཆེན་པོ། དེས་བདག་ལའོ། །ཡང་ན་རྒྱ་བློ་གྲོས་བྱང་ཆུབ་ནས། བླ་མ་བསོད་ནམས་ཤཱཀྱ། ཟུར་པོ་ཆེ་མན་འདྲ། ཡང་ན་ཟུར་ཆུང་པ་ནས། གླན་སྟོན་ཤཱཀྱ་བཟང་པོ། ཀ་བཞི་ཀའི་ནང་ཚན། སློབ་དཔོན་འགར། གླན་རྡོ་རྗེ་འོད་མན་གོང་དང་འདྲ། ཡང་ན་རྒྱལ་བ་དགོངས་བརྒྱུད་ནི། ཀུན་ཏུ་བཟང་པོ། རྒྱལ་བ་རིགས་ལྔ། ཕྱག་ན་རྡོ་རྗེ། རིག་འཛིན་བརྒྱུད་པ་ནི། དེ་ནས་དམ་པའི་རིགས་ཅན་དྲ་མ་ལྔ། སྙན་ཁུང་བརྒྱུད་པ་ནི། ལི་ཙ་བྱི་ནས། རྒྱལ་པོ་ཛ། དེ་སྲས་ཨིནྡྲ་བྷཱུ་ཏི། ནཱ་ག་སུ་ཏྲི། གུ་ཧྱ་བོ་དྷི་གསུམ་ལ་བཤད། ནཱ་ག་སུ་ཏྲིས། ཀླུ་བ་སུ་རིགས་དྲུག་དང་། ཨིནྡྲ་བྷཱུ་ཏིས་ཁྱིའི་རྒྱལ་པོ་ཀུ་ཀུ་རཱ་ཛ་ལ་བཤད། དེ་ནས་རོ་ལངས་བདེ་བ། རྡོ་རྗེ་བཞད་པ། ཟ་ཧོར་རྒྱལ་པོ།
པྲ་ཧསྟི། དེས་ཤཱཀྱ་གསུམ་ལ་བཤད། ཤཱཀྱ་སེང་གེ །ཤཱཀྱ་པྲ་བྷ། ཤཱཀྱ་མི་ཏྲ། ཤཱཀྱ་སེང་གེ་ནས། དྷ་ན་རཀྵི་ཏ། སྠི་ར་མ་ཏི། བདེ་བ་གསལ་མཛད། དྷརྨ་བོ་དྷི། བ་སུ་དྷ་ར། གནུབས་སངས་རྒྱས་ཡེ་ཤེས་མན་གོང་བཞིན་ནོ། །ཁུ་བྱུག་རོལ་པའི་སྒོས་ བརྒྱུད་ནི། སྟོན་པ་མཆོག་གི་རྒྱལ་པོ། རྒྱལ་བ་རིགས་ལྔ། རིགས་གསུམ ་མགོན་པོ། རྒྱལ་པོ་ཛ། ཨིནྡྲ་བྷཱུ་ཏི། ནཱ་ག་སུ་ཏྲི། གུ་ཧྱ་བོ་དྷི། ཀུ་ཀུ་རཱ་ཛ། རོ་ལངས་བདེ་བ། རྡོ་རྗེ་བཞད་པ། པྲ་ཧསྟི། ཤཱཀྱ་སེང་གེ །དྷ་ན་རཀྵི་ཏ། སྠི་ར་མ་ཏི། བདེ་བ་གསལ་མཛད། དྷརྨ་བོ་དྷི། གནུབས་སངས་རྒྱས་ཡེ་ཤེས། ཁུ་ལུང་པ་ཡོན་ཏན་རྒྱ་མཚོ། རྒྱ་བློ་གྲོས་བྱང་ཆུབ། ཐོག་གར་ནམ་ལྡེ། གནམ་ཞལ་ཡོན། འུག་བྱ་ལུང་པ། ཟུར་ཆུང་པ། གླན་སྟོན་ཤཱཀ་བཟང་། གཉལ་སྟོན་ཤཱཀྱ། ཁ་རག་སྟོན་སྙིང་། ཡོན་ཏན་འཇམ་དཔལ། དམ་པ་གཙང་ཆུང་། འགོས་དངོས་གྲུབ་རྒྱལ་མཚན། འགོས་དངོས་གྲུབ་མགོན། བླ་མ་ཤཱཀྱ་རྒྱལ་མཚན་མན་སྤྱི་བརྒྱུད་ལྟར་རོ། །ཡང་ན་རྒྱ་བློ་གྲོས་བྱང་ཆུབ་ནས། ཁུ་བསོད་ནམས་རྒྱལ་མཚན། ཟུར་ཆེན་མན་འདྲ། ཁྲའི་རྟགས་ཡོད་པ་རྣམས་ཀྱི་སྤྱི་བརྒྱུད་ནི། གསུང་སྤྲུལ་ཡན་གོང་ལྟར་ལ། དེ་ནས་མཁས་གྲུབ་སྨན་ལུང་པ་བློ་གྲོས་མཆོག་གི་རྡོ་རྗེ། དེས་བདག་ལའོ། །ཡང་ན་བདེ་བ་གསལ་མཛད་ནས། དྷརྨ་བོ་དྷི། བ་སུ་དྷ་ར། ལོ་ཙཱ་བ་ཆེ་བཙན་སྐྱེས། དེ་གཉིས་ཀ་ལ་གནུབས་སངས་རྒྱས་ཡེ་ཤེས། དེ་ནས་ཁུ་ལུང་པ་ཡོན་ཏན་རྒྱ་མཚོ། དེ་སྲས་ཡེ་ཤེས་རྒྱ་མཚོ། ཤེས་རབ་ཚུལ་ཁྲིམས། རྒྱ་བློ་གྲོས་བྱང་ཆུབ་མན་འདྲ། ཡང་ན་གླན་ཤཱཀྱ་བཟང་པོ་ནས། སློབ་དཔོན་འབེར། སྲས་རྡོ་རྗེ་རྒྱལ་མཚན། འགོས་དགེ་སློང་། འགོས་དངོས་གྲུབ་མགོན་མན་འདྲ། ཡང་ན་ཉྭ་རི་བ་ཤཱཀྱ་སེང་གེ་ནས། ཐག་པ་རྩད་ཚ་བ་ཤཱཀ་རྡོར།
རྩད་ཤཱཀྱ་འབྱུང་གནས། གླན་རྡོ་རྗེ་འོད་མན་འདྲ། ཡང་ན་ལྷ་རྗེ་སྤང་ཁང་པ་ནས། བླ་མ་གཉགས་པ། གླན་རྡོ་རྗེ་འོད་མན་འདྲ། ཡང་ན་གླན་རྡོར་འོད་ལ། སྲས་ཤཱཀྱ་རྒྱལ་མཚན་དང་འགོས་དགེ་སློང་གཉིས་ཀྱིས་གསན། གཉིས་ཀ་ལ་འགོས་དངོས་གྲུབ་མགོན་གྱིས་གསན་པ་མན་འདྲ། ཡང་ན་སྒྲོ་ཕུག་པ་ཤཱཀ་སེང་ནས། འགར་བློ་གྲོས་སྙིང་པོ། ར་སྟོན་གྲུབ་པ་རྡོ་རྗེ། འགོས་དངོས་གྲུབ་རྒྱལ་མཚན། སྲས་བསམ་གྲུབ་འཕེལ། འགོས་དངོས་གྲུབ་མགོན་མན་འདྲ། ཡང་ན་གནུབས་ཡེ་ཤེས་རྒྱ་མཚོ་ནས། རྒྱ་བློ་གྲོས་བྱང་ཆུབ། རྣ་ནམ་ཚུལ་ཁྲིམས་བྱང་ཆུབ། རྒྱའི་ཐོ་གར་ནམ་མཁའ་ལྡེ། ཟུར་པོ་ཆེ་མན་འདྲ། ཡང་ན་སྒྲོ་ཕུག་པ་ཤཱཀ་སེང་ནས། འཛམ་རྫོགས་ཆེན་པ། ཀ་ཐོག་པ་དམ་པ་བདེ་གཤེགས། གཙང་སྟོན་རྡོ་རྗེ་རྒྱལ་མཚན། བྱམས་པ་རིན་ཆེན། སྤྱན་སྔ་ནམ་མཁའ་རྡོ་རྗེ། དྲུང་ཐུགས་རྗེ་ཡེ་ཤེས། སྟོན་པ་དབང་འབྱོར་དཔལ་བ། རྗེ་བཙུན་དཔལ། སྟོན་པ་མགོན་པོ་རྒྱལ་བ། ཚུལ་ཁྲིམས་རྒྱལ་མཚན། དྷརྨ་ལཀྵ། ཛྙཱ་ན་ཀེ་ཏུ། ཛྙཱ་ན་ལཀྵ། ལྷོ་ཀ་ཐོག་པ་བསོད་ནམས་རྒྱལ་མཚན། རྗེ་རྣམ་གྲོལ་བཟང་པོ། རྗེ་ཆོས་ཀྱི་སེང་གེ །ལྷ་བྲོ་བ་ཆོས་ཀྱི་དབང་པོ། གུ་རུ་པ་ཀརྨ་ཆོས་སྐྱོང་། བླ་མ་བཀྲ་ཤིས་ལྷུན་གྲུབ། ཁྱབ་བདག་ཁྲ་ཚང་པ་ཆེན་པོ། དེས་བདག་ལའོ། །ཡང་ན་ཛྙཱ་ན་ཀེ་ཏུ་ནས། ནམ་མཁའ་འཕྲིན་ལས། ཀ་ཐོག་པ་བསོད་ནམས་རྒྱལ་མཚན་མན་འདྲ། མདོ་དགོངས་པ་འདུས་པ་གཏོར་བརྒྱུད་ཚོགས་ བརྒྱུད་གསུམ ་གྱི་སྒོས་བརྒྱུད་རིག་འཛིན་རཏྣ་གླིང་པ་ནས་བརྒྱུད་པ་ནི། གོང་གི་ཁྲའི་རྟགས་ཡོད་པའི་སྤྱི་བརྒྱུད་རྣམ་གྲངས་མང་དུ་བྱུང་བ་རྣམས་སོར་གནས་སོ། །མདོ་དགོངས་འདུས་ཀྱི་སྒོས་བརྒྱུད་ལུགས་གཅིག་ལ། ཀུན་ཏུ་བཟང་པོ། ཤཱཀྱའི་རྒྱལ་པོ།
རིག་འཛིན་ཀུ་ཛྙ་ར། གསང་བའི་བདག་པོ། ལངྐའི་བདག་པོ། རྒྱལ་པོ་ཛ། ཨིནྡྲ་བྷཱུ་ཏི། ནཱ་ག་བོ་དྷི། གུ་ཧྱ་བོ་དྷི། ཀུ་ཀུ་རཱ་ཛ། རོ་ལངས་བདེ་བ། རྡོ་རྗེ་བཞད་པ། རྒྱལ་པོ་པྲ་ཧསྟི། དཱ་ན་རཀྵི། འབྲུ་ཤའི་མཁན་པོ་ཆེ་བཙན་སྐྱེས། སྠི་ར་མ་ཏི། བདེ་བ་གསལ་མཛད། དྷརྨ་བོ་དྷི། ལོ་ཙཱ་བ་ཆེ་བཙན་སྐྱེས། སྒྲགས་པ་གནུབས་སངས་རྒྱས་ཡེ་ཤེས། ཁུ་ལུང་པ་ཡོན་ཏན་རྒྱ་མཚོ། སྲས་ཡེ་ཤེས་རྒྱ་མཚོ། ཤེས་རབ་ཚུལ་ཁྲིམས། རྒྱ་བློ་གྲོས་བྱང་ཆུབ་མན་ཁྲའི་རྟགས་ཅན་གྱི་བརྒྱུད་པའི་རྣམ་གྲངས་བཞིན་ནོ། །ཡང་ན་ལོ་ཙཱ་བ་ཆེ་བཙན་སྐྱེས་ཀྱིས་དྷ་ན་རཀྵི་ཏ་གདན་དྲངས་ནས་འབྲུ་ཤའི་ཡུལ་དུ་བསྒྱུར་བར་བྱས་པ་ལ་མོས་པ་ཆུང་པས་མ་འགྱུར་བར་བལ་ཡུལ་དྷརྨ་བོ་དྷི་དང་བ་སུ་དྷ་ར་གཉིས་ལ་བཤད། ཁོང་གཉིས་ཀྱིས་འབྲུ་ཤའི་ཁྲོམ་དུ་བསྒྱུར། པཎྜི་ཏ་གཉིས་དང་འབྲུ་ཤའི་མཁན་པོ་གསུམ་ལ་གནུབས་སངས་རྒྱས་ཡེ་ཤེས་རིན་པོ་ཆེས་ཞུས། དེ་ནས་ཁུ་ལུང་པ་ཡབ་སྲས། རྒྱ་བློ་བྱང་། སྣ་ནམ་ཚུལ་བྱང་། ཐོག་གར་ནམ་ལྡེ། ཟུར་ཆེ་ཆུང་། ལྷ་རྗེ་སྤང་ཁང་པ། ཟུར་ཤཱཀ་སེང་། འཛམ་རྫོགས་ཆེན་པ་མན་སྤྱི་བརྒྱུད་བཞིན་ནོ། །ཀུན་འདུས་རིག་པའི་མདོའི་སྒོས་ བརྒྱུད་ནི། ཀུན་བཟང་། རིགས་ལྔ། རིགས་གསུམ ་མགོན་པོ། རྒྱལ་པོ་ཛ། ཨིནྡྲ་བྷཱུ་ཏི་ནས། གནམ་ཞལ་ཡོན་ཡན་སྤྱི་ལྟར་ལ། དེ་ནས་ཟུར་པོ་ཆེ། འབངས་རྩེ་མོ་བཞི། ཀ་བཞི་གདུང་བརྒྱད། ཉ་རི་བ། རྩད་ཚ་ཤཱཀྱ་རྡོ་རྗེ། རྩད་ཚ་ཤཱཀྱ་འབྱུང་གནས། གླན་རྡོ་རྗེ་འོད། འགོས་དགེ་སློང་། འགོས་དངོས་གྲུབ་མགོན་ནས། ཁྱབ་བདག་ཁྲ་ཚང་པའི་བར་ཡང་འདྲའོ། །གསུམ་པ་བསྐྱེད་པ་མ་ཧཱ་ཡོ་གའི་སྐོར་ལ། རྩ་བར་གྱུར་པ་སྒྱུ་འཕྲུལ། བཤད་པ་དང་ཆ་མཐུན་གྱི་རྒྱུད་ཏནྟྲ་སྡེབཅོ་
བརྒྱད། སྒྲུབ་པ་བཀའ་བརྒྱད་བྱེ་བྲག་གི་སྐོར་དང་གསུམ། དང་པོ་ལ། ཏནྟྲ་སྡེ་བཅོ་བརྒྱད་པོ་ཐམས་ཅད་ཀྱི་བསྡུས་དོན་ལྟ་བུའི་རྒྱུད་ནི་རྡོ་རྗེ་སེམས་དཔའ་སྒྱུ་འཕྲུལ་དྲ་བའི་རྒྱུད་ཡིན་ལ། དེའི་ནང་ཚན་རྩ་བའི་སྒྱུ་འཕྲུལ་སྡེ་བརྒྱད་དང་བཤད་རྒྱུད་བཞི་སོགས་ཡོད་པའི་སྒྱུ་འཕྲུལ་སྡེ་བརྒྱད་ལས། སེམས་དང་ཡེ་ཤེས་རང་སྣང་དུ་སྟོན་པ་དཔལ་རྩ་རྒྱུད་གསལ་བའི་སྙིང་པོ་དེ་ཁོ་ན་ཉིད་༼ཁྲ༽ངེས་པའི་རྒྱུད་ཀྱི་རྒྱལ་པོ་ལེའུ་ཉི་ཤུ་རྩ་གཉིས་པ། པཎ་ཆེན་སྐུ་མཆེད་ཀྱི་གསན་ཡིག་ན་རྒྱུད་ཕྱི་མ་ལེའུ་ལྔ་པ་ཛྙཱ་ན་གརྦྷ་དང་བཻ་རོས་བསྒྱུར་བ་ཞིག་ཡོད་ཚུལ་སྣང་ཡང་དེང་སང་རྒྱུན་མེད་པ་འདྲའོ། །འདི་ལ་དང་པོར་སློབ་དཔོན་ཆེན་པོ་པདྨ་འབྱུང་གནས་ཀྱི་རང་འགྱུར། དེ་རྗེས་ལོ་ཆེན་བཻ་རོ་ཙ་ན། གཉགས་ཛྙཱ་ན་ཀུ་མཱ་ར། རྨ་རིན་ཆེན་མཆོག་གསུམ་གྱི་འགྱུར། ཕྱིས་ཐར་པ་ལོ་ཙཱ་བ་ཉི་མ་རྒྱལ་མཚན་དཔལ་བཟང་པོས་ཐར་པ་གླིང་གིས་གཙུག་ལག་ཁང་དུ་བསྒྱུར་བ། གསང་བའི་སྙིང་པོ་དེ་ཁོ་ན་༼ཁྲ༽ཉིད་ངེས་པ་ཞེས་བྱ་བའི་རྒྱུད་ལ། འདི་སྐད་བདག་གིས་བཤད་པའི་དུས་གཅིག་ན་དེ་བཞིན་གཤེགས་པ་ཡང་དག་པར་རྫོགས་པའི་སངས་རྒྱས་བཅོམ་ལྡན་འདས་ལོངས་སྤྱོད་ཆེན་པོ་ཕྱོགས་བཅུ་དུས་བཞི་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་རྡོ་རྗེའི་བདག་ཉིད་ཅེས་སོགས་གླེང་གཞིའི་ལེའུ་དང་པོ། གླེང་བསླང་གཉིས་པ། དོན་དམ་པ་དང་ཀུན་རྫོབ་ཀྱི་སེམས་ཡེ་ཤེས་སུ་བསྐྱེད་པ་གསུམ་པ། སྒྱུ་འཕྲུལ་ཆེན་པོ་བསྟན་པར་གཟུང་བ་བདུད་རྩི་འབྱུང་བ་སོ་དགུ་པ། སྨན་སྒྲུབ་པ་བཞི་བཅུ་པ། དེ་བཞིན་གཤེགས་པ་ཐམས་ཅད་ཀྱི་བྱིན་རླབས་འབྱུང་བ་ཞེ་གཅིག་པ། བཅོམ་ལྡན་འདས་དཔལ་ཀུན་ཏུ་བཟང་པོའི་དེ་བཞིན་ཉིད་ཀྱི་དབྱིངས་ནས་ཆེ་བའི་ཡོན་ཏན་སྟོན་པ་ཞེ་གཉིས་པ། ཡོངས་སུ་གཟུང་བ་བརྒྱད་ཅུ་པ། ཡོངས་སུ་གཟུང་ཞིང་
གཏད་པ་གྱ་གཅིག་པ། ཆོས་ཉིད་ཀྱི་མི་འགྱུར་བ་རབ་ཏུ་བརྟན་པ་གྱ་གཉིས་པའོ། །རྒྱ་གར་གྱི་མཁན་པོ་པདྨ་སམ་བྷ་ཝ་དང་བོད་ཀྱི་ལོ་ཙཱ་བ་ནམ་མཁའི་སྙིང་པོས་བསྒྱུར་བ། རྫོགས་པ་ཆེན་པོ་མངོན་དུ་གྱུར་པ་ལྷ་མོ་སྒྱུ་༼ཁྲ༽འཕྲུལ་དྲ་བ་བཅོམ་ལྡན་འདས་རྨོངས་པ་སེལ་བཞེས་བྱ་བ་ལ། འདི་སྐད་བདག་གིས་གསུང་བ་ཉིད་དུ་གྱུར་པའི་ཚེ་ན་བཅོམ་ལྡན་འདས་དེ་བཞིན་གཤེགས་པ་ནམ་མཁའ་དང་མཉམ་པའི་རྣལ་འབྱོར་པ་ཆེན་པོ་རྣལ་འབྱོར་མ་ཆེན་མོ་དང་ཤིན་ཏུ་མོས་མ་ཆེན་མོ་དང་མོས་མ་དང་བཅས་པ་གསུང་བར་བྱེད་པ་ཞེས་སོགས་དེ་བཞིན་གཤེགས་པ་ཐམས་ཅད་ཀྱི་དཀྱིལ་འཁོར་སྒྲིབ་པ་དག་པ་ཆེན་མོ་མཆོག་ཏུ་སེལ་བ་སྟེ་ལེའུ་དང་པོ། དེ་བཞིན་གཤེགས་པ་ཐམས་ཅད་ཀྱི་གསང་བའི་དཀྱིལ་འཁོར་ཞེས་བྱ་བ་དྲུག་པ། སྒྱུ་འཕྲུལ་སྡེ་བཞི་འདིས་འབྱེད་པ་ལྡེ་མིག་གི་ལེའུ་བཅུ་གསུམ་པའོ། །རྒྱ་གར་གྱི་སློབ་དཔོན་སྒེག་པའི་རྡོ་རྗེ་དང་བོད་ཀྱི་ལོ་ཙཱ་བ་རྨ་རིན་ཆེན་མཆོག་གི་འགྱུར། དབང་མངོན་དུ་སྟོན་པ་སྒྱུ་འཕྲུལ་༼ཁྲ༽བླ་མ་ཆེན་པོ་ལ། འདི་སྐད་བཤད་པའི་དུས་གཅིག་ན། །སྒྱུ་འཕྲུལ་དྲ་བ་ཆེན་པོ་ནི། །སངས་རྒྱས་ཀུན་གྱི་བླ་མ་སྟེ། །རྣལ་འབྱོར་ཀུན་གྱི་གསང་མཆོག་བདེ། །གནས་གསང་བ་ན་བཞུགས་གནས་སུ། །སྙིང་པོ་བླ་མ་འདི་བཀའ་སྩལ། །ཞེས་སོགས་དབྱིངས་དང་ཡེ་ཤེས་གསང་བའི་བདེ་བ་བླ་མ་ལས་དབྱིངས་དང་ཡེ་ཤེས་གསང་བའི་བླ་མར་སེམས་པའི་གླེང་གཞིའི་ལེའུ་དང་པོ། རྡོ་རྗེ་བཀོད་པ་གསང་བ་དམ་ཚིག་དང་དབང་སྦྱིན་པ་དྲུག་པ། གདེང་ཆེན་པོའི་ལེའུ་བཅུ་གསུམ་པའོ། །དཀྱིལ་འཁོར་གཙོ་བོར་སྟོན་༼དར༽སྒྱུ་འཕྲུལ་བརྒྱད་པ་ལ། འདི་སྐད་བཤད་པའི་དུས་ན་དེ་བཞིན་གཤེགས་པ་ཡང་དག་པར་རྫོགས་པའི་སངས་རྒྱས་
བཅོམ་ལྡན་འདས་ལོངས་སྤྱོད་ཆེན་པོ་ཕྱོགས་བཅུ་དུས་བཞིའི་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་རྡོ་རྗེའི་བདག་ཉིད་ཅེས་སོགས་རྫོགས་པ་ཆེན་པོའི་ཚུལ་རང་བཞིན་གྱི་རྣལ་འབྱོར་གྱི་ལེའུ་དང་པོ། ཡིག་འཕྲེང་ཁ་ཤས་བརྒྱད་ཅུ་པ་དང་ཞུས་དག་ཕེར་བ་འདུག །ཁྲོ་བོའི་དཀྱིལ་འཁོར་བསྟན་པ་ལྔ་པ། རྒྱུད་ཡོངས་སུ་གཟུང་བ་དང་གཏད་པའི་ལེའུ་བརྒྱད་པའོ། །ཡོན་ཏན་མཐར་ཕྱིན་པར་སྟོན་པ་འཕགས་པ་འཇམ་དཔལ་གྱི་མཚན་ཡང་དག་༼དར༽པར་བརྗོད་པ་འཇམ་དཔལ་སྒྱུ་འཕྲུལ་དྲ་བ་ལེའུ་བཅུ་བཞི་པ། མཚན་བརྗོད་དངོས་གཞི་དང་གཅིག །འཕྲིན་ལས་མངོན་དུ་སྟོན་པ་འཕགས་པ་རྟོགས་༼དར༽པའི་རྒྱལ་པོ་སྒྱུ་འཕྲུལ་བཞི་བཅུ་པ་ལ། འདི་སྐད་བཤད་པའི་དུས་ན་དེ་བཞིན་གཤེགས་པ་ཡང་དག་པར་རྫོགས་པའི་སངས་རྒྱས་བཅོམ་ལྡན་འདས་ལོངས་སྤྱོད་ཆེན་པོ་ཕྱོགས་བཅུ་དུས་བཞིའི་དེ་བཞིན་གཤེགས་པ་ཞེས་སོགས་གླེང་གཞིའི་ལེའུ་དང་པོ། འགོའི་ཕྲེང་ཁ་ཤས་བརྒྱད་ཅུ་པ་དང་མཐུན། ཆེད་དུ་བརྗོད་པ་སོགས་གླེང་བསླང་བ་གཉིས་པ། ཕྱོགས་བཅུ་དུས་བཞིའི་སྣོད་བཅུད་བདག་ལ་མ་འདུས་པ་དང་ལོངས་སྤྱོད་དང་སྐུ་གསུང་ཐུགས་ནི་ཟད་པ་རྒྱན་གྱི་འཁོར་ལོ་བསྐོར་བ་ཉེར་གཉིས་པ། མཉེས་པ་གླུའི་ཉེར་གསུམ་པ། ཁྲོ་བོའི་དཀྱིལ་འཁོར་མཉེས་པའི་གླུའི་བསྟོད་པ་ཞེ་ལྔ་པ། ཡོངས་སུ་གཟུང་བའི་ལེའུ་ཞེ་དྲུག་པའོ། །དམ་ཚིག་གཙོ་བོར་སྟོན་པ་སྒྱུ་༼དར༽འཕྲུལ་ལེ་ལྷག་ལ། འདི་སྐད་བཤད་པའི་དུས་ན་དེ་ནས་དེ་བཞིན་གཤེགས་པ་དགྱེས་པ་ཆེན་པོས་མཉམ་པའི་དཀྱིལ་འཁོར་ལ་བཞུགས་ནས་ཉིད་ཀྱི་སྐུ་ལ་ཐམས་ཅད་མ་ལུས་པ་འདུས་པར་བསྟན་ཏེ་ཆེད་དུ་བརྗོད་པ་འདི་བརྗོད་དོ་ཞེས་སོགས་ཕྱོགས་བཅུ་དུས་བཞིའི་སྣོད་བཅུད་བདག་ལ་འདུས་པ་དང་ལོངས་སྤྱོད་དང་སྐུ་གསུང་ཐུགས་
མི་ཟད་པ་རྒྱན་གྱི་འཁོར་ལོ་བསྐོར་བའི་ལེའུ་དང་པོ། ཆོས་ཐམས་ཅད་མིང་གི་མཚན་ཉིད་དེ་ཡུམ་གྱི་དབྱིངས་སུ་འདུས་པ་ཤིན་ཏུ་གསང་བ་གཉིས་པ། རྡོ་རྗེ་སེམས་དཔའ་བསྒྲུབ་པ་བཅུ་དྲུག་པ། བྲོ་གར་རྩེད་འཇོེའི་ལེའུ་སོ་གསུམ་པའོ། །མཇུག་ཏུ་སྒྱུ་འཕྲུལ་དྲ་བ་ལེའུ་སྟོང་ཕྲག་བརྒྱ་པ་ལས་མཚན་ཉིད་དང་ལུང་གི་གསང་བའི་སྙིང་པོ་དེ་ཁོ་ན་ཉིད་ངེས་པ་ལས་སྒྱུ་འཕྲུལ་ལེ་ལྷག་བསྟན་པའོ་ཞེས་ཡོད་པ། བཤད་རྒྱུད་བཞིའི་གྲོལ་ལམ་རིམ་དང་ཅིག་ཅར་སྟོན་པའི་རྒྱུད་གཉིས་ཀྱི་ནང་ཚན་རྡོ་རྗེ་སེམས་དཔའ་སྒྱུ་འཕྲུལ་དྲ་བ་༼ཁྲ༽གསང་བ་ཐབས་ཀྱི་མེ་ལོང་གི་རྒྱུད་ལ། ཨོཾ་རྣམ་པར་སྣང་མཛད་ལ་ཕྱག་འཚལ་ལོ། །ཧཱུཾ་མི་བསྐྱོད་པ་ལ་ཕྱག་འཚལ་ལོ། །ཨཱཿསྣང་བ་མཐའ་ཡས་ལ་ཕྱག་འཚལ་ལོ། །དེ་ནས་དཔལ་ལྡན་རྡོ་རྗེ་འཆང་། །རྒྱལ་བ་ཀུན་གྱི་གསང་བའི་བདག །ཅེས་སོགས་དྲ་བ་རྩ་བའི་རྒྱུད་ཅེས་བྱ་བ་བཤད་པའི་རྟོག་པའི་རྒྱལ་པོ་རྫོགས་སོ། །མཚན་དོན་གྱི་བཤད་པ་དང་པོ། དབང་བསྐུར་བ་མ་ལུས་པ་བཤད་པ་བདུན་པ། མཐར་ཕྱིན་པའི་ལེའུ་བཅུ་གསུམ་པའོ། །བི་མཱ་ལ་མི་ཏྲ་དང་གཉགས་ཛྙཱ་ན་ཀུ་མཱ་རའི་འགྱུར། གཉིས་པ་སྒྱུ་འཕྲུལ་ངོ་མཚར་དྲ་བ་གསང་བ་སྙིང་པོ་དེ་ཁོ་ན་ཉིད་བསྟན་པ་རོལ་པ་ཆེན་པོའི་རྒྱུད་ལ། དེ་ནས་དེ་བཞིན་གཤེགས་པ་རྣམས་ཀྱི། །བདག་ཉིད་ཀུན་ཏུ་བཟང་པོ་གཙོ། །སངས་རྒྱས་ཀུན་གྱི་དབང་བསྐུར་ཞིང་། །སོགས་བསྟན་པའི་ཚུལ་གྱིས་རྒྱུད་འབྱུང་བའི་རྒྱུ་བསྟན་པའི་ལེའུ་དང་པོ། གཟུགས་བརྙན་གྱི་དཀྱིལ་འཁོར་དྲུག་པ། སྦས་པ་གསང་བའི་ཚུལ་ལ་འཇུག་པ་བཅུ་གསུམ་པའོ། །ཆགས་ལམ་རིམ་དང་ཅིག་ཅར་སྟོན་པའི་རྒྱུད་གཉིས་ལས་སྒྱུ་འཕྲུལ་ཐལ་བ་ཆེན་པོའི་རྒྱུད་ལ། སྒྱུ་འཕྲུལ་རྒྱ་མཚོ་ལེའུ་ཉེར་གཉིས་པ་དཔེ་མ་འབྱོར་པས་མ་ཐོབ། དཔལ་ལྡན་ཐུགས་ཀྱི་དཀྱིལ་
འཁོར་མཆོག །ཐབས་ཆེན་ཐིག་ལེ་བདེ་བའི་དོན། །སྒྱུ་འཕྲུལ་དྲ་བ་མངོན་རྫོགས་པའི། །མ་ལུས་འདུས་པའི་འཁོར་ལོའི་ཚོགས། །ལྷ་མོས་གཞན་དང་རོལ་པ་ཡིས། །གཉིས་མེད་བདེ་བས་ཚིམ་པ་ཡི། །ཞེས་སོགས་གསང་བའི་གླེང་གཞི་བཤད་པའི་ལེའུ་དང་པོ་གསང་བ་ཐབས་ལ་འཇུག་པ་བཅུ་གཉིས། གང་ཟག་ཐབས་ཀྱིས་གཟུང་བ་བཅུ་གསུམ་པ། སྒྱུ་འཕྲུལ་ཆེན་པོ་བསྟན་པར་གཟུང་བའི་ལེའུ་ཉེར་དྲུག་པའོ། །པཎྜི་ཏ་བི་མཱ་ལ་མི་ཏྲ་དང་ཛྙཱ་ཀུ་མཱ་རའི་འགྱུར། གཞན་ཡང་སྒྱུ་འཕྲུལ་གྱི་ཆ་ལག་ཏུ་གཏོགས་པ། རྡོ་རྗེ་གསང་བའི་སྙིང་པོ་རྩ་བའི་རྒྱུད་དེ་ཁོ་ན་ཉིད་ངེས་པ་ལ་དར་སྡིངས་པའི་གསན་ཡིག་ན་འདི་རྒྱ་མཚོ་ཡིན་མིན་དོགས་གཞིར་མཛད་ཀྱང་རྒྱ་མཚོ་ལ་ལེའུ་ཉེར་གཉིས་ལས་མེད་ཚུལ་རཏྣའི་གསན་ཡིག་ན་སྣང་བས་མི་གཅིག་པ་འདྲའོ། །འདི་སྐད་བདག་གིས་ཐོས་པའི་དུས་གཅིག་ན་དེ་བཞིན་གཤེགས་པ་ཐམས་ཅད་ཀྱི་བདག་པོ་མཉམ་པ་ཉིད་ལ་བཞུགས་ནས་འཁོར་བསམ་གྱིས་མི་ཁྱབ་པ་ཐམས་ཅད་དང་འགྲོགས་ནས་ཉིད་དང་དབྱེར་མེད་པ་རྣམས་ཀྱིས་ཉིད་ལ་མཆོད་པས་ཀུན་ཏུ་བཟང་པོ་ཉིད་དགྱེས་ཏེ་ཞེས་སོགས་གླེང་གཞིའི་ལེའུ་དང་པོ། ཆོས་ཐམས་ཅད་མིང་གི་མཚན་ཉིད་འཛིན་པ་དེ་ཀུན་ཡུམ་གྱི་དབྱིངས་སུ་འདུས་པ་གསང་བ་གཉིས་པ། ལྷག་པའི་གཟུགས་བརྙན་བསྟན་པ་བཅོ་བརྒྱད་པ། ཕྱག་རྒྱ་དམ་ཚིག་སོ་གཉིས་པ། འཁོར་རྣམས་ཀྱིས་རྒྱུད་གཟུང་བའི་ལེའུ་སོ་གསུམ་པའོ། །རྒྱུད་ཀྱི་རྒྱལ་པོ་སྒྱུ་འཕྲུལ་དྲ་བ་ཐེག་པ་ཆེན་པོའི་ཡང་ཆེན་པོ་ཚུལ་ཟབ་མོ་གསང་བའི་མཆོག་ཅེས་བྱ་བ་ལ། འདི་སྐད་བདག་གིས་ཐོས་པ་དུས་གཅིག་ན་བཅོམ་ལྡན་འདས་གནས་གཙང་མའི་སྟེང་ན་ཁང་པ་བརྩེགས་པའི་གཞལ་ཡས་ཁང་ཆེན་པོ་བཀོད་པ་ཞེས་སོགས་འཇུག་པའི་རིམ་པ་ཕྱེ་བ་དང་པོ། གསུང་སྤྲུལ་གྱི་གསན་
ཡིག་ཏུ་ལེ་མེད་རིམ་པར་ཕྱེ་བ་བཅུ་ཞེས་སྣང་། ཕྱག་རྒྱའི་མཆོད་པའི་རིམ་པར་ཕྱེ་བ་དྲུག་པ། ཆོས་ཐམས་ཅད་བསྟན་པ་རིམ་པར་ཕྱེ་བ་བཅུ་པ། མཇུག་ཏུ་དམ་ཚིག་ཐམས་ཅད་ཀྱི་རྡོ་རྗེ་ཆེན་པོའི་མཆོག་གི་དངོས་གྲུབ་སྒྲུབ་པའི་ཐབས་གསང་ཆེན་བསྟན་པ་གསུངས་པའོ་ཞེས་ཡོད་པ། དཔེ་ལ་ལན་འདི་མི་འདུག །གསང་བ་སྙིང་པོ་དེ་ཁོ་ན་ཉིད་ངེས་པའི་ཁྲོ་བོ་ཆེན་པོ་སྟོབས་ཀྱི་རྣལ་འབྱོར་དབང་ཕྱུག་སྒྲུབ་པ་ལ། འདི་སྐད་བདག་གིས་ཐོས་པའི་དུས་གཅིག་ན་འོག་མིན་གྱི་གནས་ཀུན་ཏུ་བཟང་མོའི་བྷ་ག་ཡངས་པའི་ཀློང་ན་ཕྱོགས་བཅུ་དུས་གསུམ་གྱི་དེ་བཞིན་གཤེགས་པ་ཐམས་ཅད་ཀྱི་བདག་པོ་ཀུན་ཏུ་བཟང་པོ་ངེས་པར་འགྲེལ་ཏོ། །ཞེས་སོགས་བསྟན་པ་ལེའུ་མེད་པ་བི་མཱ་ལ་དང་བཻ་རོས་བསྒྱུར་བ་རྣམས་ལེགས་པར་ཐོབ་པ་ལས་ཁྲའི་རྟགས་ཡོད་མ་གཏོགས་པའི་ བརྒྱུད་པ་ནི། སངས་རྒྱས་ཀུན་ཏུ་བཟང་པོ། རྒྱལ་མཚན་རིགས་ལྔ། རིགས་གསུམ ་མགོན་པོ། དེས་ལྷ་ཀླུ་གནོད་སྦྱིན་གྱི་གནས་སོ་སོར་སྤྲུལ་པ་བསྟན་ནས་ལྟ་སྤྱོད་སྒྲུབ་པ་གསུམ་དོན་གྱི་སྙིང་པོར་དྲིལ་ཏེ་གདུལ་བྱ་རྗེས་སུ་གཟུང་བ་ནི། འཇམ་དཔལ་རྡོ་རྗེ་རྣོན་པོས་ལྷའི་བུ་གྲགས་ལྡན་མཆོག་སྐྱོང་། དེ་ནས་ལྷ་རིན་ཆེན་འོད་འབར། ཚངས་པ་སྐྱེ་རྒུའི་བདག་པོ། ཚངས་པ་ཀུན་སྒྲོལ། ཚངས་པ་གཙུག་ཕུད་འཛིན། ལྷའི་དབང་པོ་བརྒྱ་བྱིན། དེས་ལྷའི་རིག་འཛིན་ཚེམ་བུ་འབུམ་རྗེས་སུ་བཟུང་སྟེ་རྒྱལ་བའི་གདུང་འཚོབ། འཕགས་པ་སྤྱན་རས་གཟིགས་ཀྱིས་ཀླུ་རྒྱལ་མགྲིན་ནག །ཀླུ་མོ་ཁ་འདུལ། ཀླུ་མོ་འདུལ་ཚངས་མ། ཀླུ་ཡིད་འོང་དགའ་མ། ཀླུ་རྒྱལ་འཇོག་པོ། དེས་ཀླུའི་རིག་འཛིན་ཚོམ་བུ་འབུམ་རྗེས་སུ་བཟུང་སྟེ་རྒྱལ་བའི་གདུང་འཚོབ། ཕྱག་ན་རྡོ་རྗེས་གནོད་སྦྱིན་ཀུན་བཟང་སོགས་གནོད་སྦྱིན་གྱི་རིག་འཛིན་ཚོམ་བུ་འབུམ་རྗེས་སུ་
བཟུང་སྟེ་རྒྱལ་བའི་གདུང་འཚོབ་པར་མཛད། དེ་ནས་འགྲོ་བ་མི་དང་མི་མིན་གཉིས་ཀར་བརྒྱུད་ཚུལ་ནི། གསང་བ་བདག་པོས་རི་མ་ལ་ཡའི་རྩེ་མོར་བྱོན་ནས་ལྷ་གྲགས་ལྡན་ཕྱོགས་སྐྱོང་། གནོད་སྦྱིན་སྐར་མདའ་གདོང་། སྲིན་པོ་ལངྐ་མགྲིན་བཅུ། བློ་གྲོས་ཐབས་ལྡན་ཡང་ཟེར་མདོ་ལང་གཤེགས་ཞུ་བ་པོ་བློ་གྲོས་ཆེན་པོ་དང་དོན་གཅིག་གོ །ཀླུ་རྒྱལ་འཇོག་པོ། ལི་ཙ་བྱི་དྲི་མ་མེད་པར་གྲགས་པ་སྟེ་དམ་པའི་རིགས་ཅན་དྲ་མ་ལྔ་ལ་བཤད། དེ་དག་གི་ནང་ནས་སྲིན་པོ་བློ་གྲོས་ཐབས་ལྡན་གྱིས་གླེགས་བམ་དུ་བཞེངས་པའི་ཏནྟྲ་སྡེ་བཅོ་བརྒྱད་ཀྱི་ཆར་རྒྱལ་པོ་ཛའི་ཕོ་བྲང་གི་རྩེར་བབས། བཅོམ་ལྡན་རལ་གྲིའི་རྒྱུད་སྡེ་རྒྱན་དུ་ཀླུ་སྒྲུབ་ཀྱི་གཞུང་ལས་སངས་རྒྱས་འདས་ནས་ལོ་ཉེར་བརྒྱད་ན་ཨོ་རྒྱན་རྒྱལ་པོ་ཨིནྡྲ་བོ་དྷིའི་ཁང་པར་ཕྱི་ནང་གསང་བའི་རྒྱུད་ཕྱག་ན་རྡོ་རྗེས་སྣང་བར་བྱས་ཏེ་ཡུལ་ཆེན་པོ་མ་ལ་ཡའི་དབུས་ན་དགེ་སློང་ཀུ་ཀུ་ར་ཛ་ཨཱ་ཙཪྻ་ཞེས་བྱ་བས་རྒྱུད་ཐམས་ཅད་འཆད་ཤེས་པའང་དེས་བྱིན་གྱིས་བརླབས་ཤེས་པ་སྣང་ངོ་། །པོ་ཏི་རྣམས་རཱ་ཛ་ཉིད་ཀྱིས་མ་རྟོགས་དེ་དགེ་སློང་ཀུ་ཀུ་རཱ་ཛ་ཞེས་བྱ་བ་ཚེ་ལ་དབང་བའི་རིག་འཛིན་གྲུབ་ཅིང་བྱང་ཆུབ་སེམས་དཔའ་རིན་ཆེན་མང་གི་སྤྲུལ་པ་ཞིག་གིས་བརྟགས་པས། གསན་ཡིག་ཕྱི་མ་ཕལ་ཆེར་ན་དོན་འདི་དང་རྒྱལ་པོ་གོ་ལྡོག་འདུག་པ་མདོའི་ཤན་ཤོར་བ་ཡིན་ལ། པཎ་ཆེན་སྐུ་མཆེད་ཀྱི་གསན་ཡིག་ན་དཀྱུས་ལྟར་བྱུང་བས་ལོ་རྒྱུས་དང་ཡང་མཐུན་ཞིང་ཁུངས་བཙུན་པའོ། །དང་པོ་རྡོ་རྗེ་སེམས་དཔའ་སྒྲུབ་པའི་ལེའུ་རྟོགས་ཏེ་བསྒྲུབས་པས་ཞལ་མཐོང་ལུང་བསྟན་པ་ལ་བརྟེན་ནས་ཏནྟྲ་སྡེ་བཅོ་བརྒྱད་དུ་ཕྱེ་སྟེ་རྒྱལ་པོ་ཛ་ལ་བཤད། དེ་ནས་རྒྱལ་པོ་ཨིནྡྲ་བྷཱ་ཏི། གསན་ཡིག་ལ་ལ་ཛ་དང་ཨིནྡྲ་བྷུ་ཏི་གཅིག་པར་མཛད་ཀྱང་ཐམས་ཅད་མཁྱེན་པ་འགོས་ལོ་གཞོན་ནུ་དཔལ་གྱིས་རྒྱལ་པོ་ཛ་ལ་བྱང་ཆུབ་དབང་པོ་ཞེས་ཨིནྡྲ་བོ་དྷི་དང་སྲས་ལ་འབྱོར་པའི་དབང་པོ་སྟེ་ཨིནྡྲ་བྷུ་ཏི་ཞེས་དང་དེ་དག་ལས་གཞན་པའི་ཨིནྡྲ་བྷུ་ཏི་ཞེས་གསུམ་དུ་བྱུང་བའི་རྣམ་གྲངས་ཕྱེད་དགོས་ཞེས་གསུང་བ་ཤིན་ཏུ་ལེགས་པར་སྣང་ངོ་། །སིངྷ་རཱ་ཛ། ཨུ་པ་རཱ་ཛ་
སྲས་མོ་གོ་མ་དེ་ཝཱི་གོ་མ་ས་ལའང་ཟེར། བྷུ་ཏ་ཀུཊྚ། མཻ་ཏྲི་ཀ་མ། དྲི་མེད་སངས་རྒྱས་གསང་བ། དེས་གངས་ཏེ་སེར་རྨ་རིན་ཆེན་མཆོག །སྦས་མཉྫུ་ཤྲཱི། བྲན་ཁ་མུ་རྟི་གསུམ་ལ་བཤད། རྨ་བན་གྱིས་གཙུག་རུ་རིན་ཆེན་གཞོན་ནུ་དང་གྱེ་རེ་མཆོག་སྐྱོང་གཉིས་ལ། དེ་གཉིས་ལ་ཁྱུང་པོ་དབྱིག་འོད། དེས་དར་རྗེ་དཔལ་གྱི་གྲགས་པ་བཀའ་ཡོངས་གྲགས་པར་གྲགས། ཞང་རྒྱལ་བའི་ཡོན་ཏན་བཀའ་འཆིང་ཕུ་མར་གྲགས། ཁྱུང་པོ་དབྱིག་གི་རྡོ་རྗེ་སྟེ་གསུམ་ལ་བཤད། ཞང་གིས་གནུབས་སངས་རྒྱས་ཡེ་ཤེས། དེ་ནས་སོ་ཡེ་ཤེས་དབང་ཕྱུག །ངབ་ཐུང་བྱང་ཆུབ་རྒྱལ་མཚན། སྐོར་ཐུང་ཤེས་རབ་ཡེ་ཤེས། ར་ཐུང་ཡེ་ཤེས་ཚུལ་ཁྲིམས། ཉང་ཤེས་རབ་མཆོག །ཉང་ཡེ་ཤེས་འབྱུང་གནས། འུག་བྱ་ལུང་པ་ཟུར་པོ་ཆེ་ཤཱཀྱ་འབྱུང་གནས། དེས་ཉང་ཤེས་རབ་མཆོག །ཀློང་བ་བླ་མ། བགྲད་བྱང་ཆུབ་འབྱུང་གནས་གསུམ་ལ་གནང་། ཉང་ཤེས་རབ་མཆོག་གིས་རྩེ་མོ་བཞིའི་ནང་གི་ལྟ་དགོངས་ཀྱི་རྩེ་མོ་ཟུར་ཆུང་པ་ཤེས་རབ་གྲགས་ལ། དེས་ཀ་བཞི་གདུང་བརྒྱད་ཀྱི་ནང་ནས་མཆོག་ཏུ་གྱུར་པ་ལྷ་རྗེ་ཉ་ཚལ་པ་གླན་ཤཱཀྱ་བྱང་ཆུབ་ལ། དེ་ནས་ཉ་རི་བ་ཟུར་ཐམས་ཅད་མཁྱེན་པ་ཤཱཀྱ་སེང་གེ །ཐག་པ་རྩད་ཤཱཀྱ་རྡོ་རྗེ། རྩེགས་ཤཱཀྱ་འབྱུང་གནས། གླན་རྡོ་རྗེ་འོད། སྲས་བསོད་ནམས་རྒྱལ་མཚན། འགོས་དངོས་གྲུབ་མགོན། བླ་མ་ཤཱཀྱ་རྒྱལ་མཚན། བླ་མ་དཔལ་བཟང་པོ། བླ་མ་རྡོ་རྗེ་རྒྱལ་མཚན། གཉལ་པ་བདེ་ལེགས་པ། གྲ་འཇམ་དབྱངས་བཤེས་གཉེན། ཨར་དགེ་བ་ཆོས་དཔལ་རྒྱལ་མཚན། བླ་མ་བསམ་གཏན་བཟང་པོ། གཏེར་ཆེན་ཆོས་ཀྱི་རྒྱལ་པོ་རཏྣ་གླིང་པ། རྒྱལ་སྲས་ཚེ་དབང་གྲགས་པ། གཙུག་རྒྱན་ངག་དབང་གྲགས་པ། མཉམ་མེད་ངག་དབང་ནོར་བུ། བི་མཱ་ལའི་རྣམ་སྤྲུལ་ནོར་བུ་ཡོངས་གྲགས། ཆོས་
གཏེར་ནོར་བུ་དབང་རྒྱལ་ནས། སྤྲུལ་སྐུ་ཚུལ་ཁྲིམས་རྡོ་རྗེ། གར་དབང་ཚུལ་ཁྲིམས་རྒྱལ་མཚན། སྤྲུལ་པའི་སྐུ་མཆོག་གཏེར་བདག་གླིང་པ། དེས་བདག་ཟ་ཧོར་བནྡེ་ལའོ། །དར་གྱི་རྟགས་ཡོད་པ་རྣམས་ཀྱི་བརྒྱུད་ལུགས་གཅིག་ནི། རྗེ་ནོར་བུ་དབང་རྒྱལ་ནས། རང་གྲོལ་ནོར་བུ་ཆོས་བརྟན། རྗེ་འཕྲིན་ལས་ལྷུན་གྲུབ། དྲིན་ཅན་སྤྲུལ་སྐུ་ཆེན་པོ། དེས་བདག་ལའོ། །ཡང་གཙུག་རུ་རིན་ཆེན་གཞོན་ནུ་དང་གྱེ་རེ་མཆོག་སྐྱོང་གཉིས་ཀྱིས་ཞང་རྒྱལ་བའི་ཡོན་ཏན། ཅོག་རོ་ཤེས་རབ་བྱང་ཆུབ། འགོས་ཚུལ་ཁྲིམས་བྱང་ཆུབ། སོ་ཡོན་ཏན་བཟང་པོ་བཞི་ལ་བཤད། དེ་བཞིས་ཞང་བྱང་ཆུབ་འབྱུང་གནས་ལ། དེ་ནས་ཟ་རི་ཡེ་ཤེས་འཕགས། གནུབས་བླ་ཆེན་བྱང་ཆུབ་སྙིང་པོ། ཟུར་པོ་ཆེ་ཤཱཀྱ་འབྱུང་གནས་མན་གོང་ལྟར་རོ། །ཡང་ཨིནྡྲ་བྷཱུ་ཏི་ནས། ནཱ་ག་བོ་དྷི། ཁྱིའི་རྒྱལ་པོ་ཕྱི་མ། རོ་ལངས་བདེ་བ། རྡོ་རྗེ་བཞད་པ། ཟ་ཧོར་གྱི་རྒྱལ་པོ་པྲ་ཧསྟི། དེས་ཤཱཀྱ་པྲ་བྷ། སངས་རྒྱས་གསང་བ། ཤཱཀྱ་མི་ཏྲ། བི་མཱ་ལ། ཤཱཀྱ་སེང་གེ་གསུམ་ལ་བཤད་ཨོ་རྒྱན་ཆེན་པོ། ཤཱཀྱ་པྲ་བྷས་གངས་ཏེ་སེར་རྨ་ལོ་སོགས་གསུམ་ལ་བཤད་པ་མན་གོང་དང་འདྲ། ཡང་ན་སྲས་མོ་གོ་མ་དེ་ཝཱི་ནས། སློབ་དཔོན་ཀུ་ཀུ་རཱ་ཛ་ཕྱི་མ་མན་ཡང་འདྲ། ཡང་ན་ཤཱཀྱ་མི་ཏྲ། དེས་རྨ་ལོ་ཙཱ་བ་དང་གཉགས་ཛྙཱ་ན་གཉིས་ལ། གཉིས་ཀས་གཙུག་རུ་དང་གྱེ་རེ་གཉིས་ལ་བཤད་པ་མན་འདྲ། ཡང་ན་རྒྱལ་པོ་ཛ་ནས། སྒོམ་པ་མ། བི་མཱ་ལ་མི་ཏྲ། རྨ་གཉགས་གཉིས་མན་གོང་ལྟར་རོ། །ཡང་ན་སྲས་མོ་གོ་མ་ས་ལ་ནས། སློབ་དཔོན་སྒེག་པའི་རྡོ་རྗེ། བི་མཱ་ལ་མི་ཏྲ། དེས་སྒྱུ་འཕྲུལ་སྡེ་བརྒྱད་དུ་ཕྱེ་ནས་རྨ་ལོ་ཙཱ་བ་ལ་བཤད་པ་མན་འདྲ། ཡང་ན་ཨིནྡྲ་བྷཱུ་ཏི་ནས། རྒྱུད་སྡེ་རྒྱན་དུ་ཨིནྡྲ་བྷཱུ་ཏི་འཁོར་བཅས་ཚེ་ལ་དབང་བའི་རིག་འཛིན་ཐོབ། དེས་ཤཱཀྱ་སུ་ཏྲི་ལ་བཤད་པས་འཁོར་བདུན་བརྒྱ་དང་བཅས་འཆི་མེད་དུ་སོང་། དེས་སྲས་མོ་
གོ་མ་ལ་བཤད་པས་འཁོར་བརྒྱ་དང་བཅས་འཆི་མེད་གྲུབ་པར་བཤད་དོ། །ཤཱཀྱ་སུ་ཏྲི། སྲས་མོ་གོ་ལ་དེ་ཝཱི་མན་འདྲ། ཡང་ན་ཤཱཀྱ་སུ་ཏྲི་ནས། ས་བརྒྱད་སེམས་དཔའ། རྡོ་རྗེ་ཡོན་ཏན་གཟུངས། སློབ་དཔོན་ཧཱུཾ་ཀ་ར། པྲ་ཆེན་ཧསྟི། སངས་རྒྱས་གསང་བ། སངས་རྒྱས་གཉིས་པ་པདྨ་འབྱུང་གནས། བི་མཱ་ལ་མི་ཏྲ། རྨ་ལོ་ཙཱ་བ་མན་འདྲ། ཡང་ན་ཀུ་ཀུ་རཱ་ཛ་ནས། དྲང་སྲོང་བྷ་ཥི་ཏ། པྲ་ཧསྟི། པདྨ་འབྱུང་གནས་མན་འདྲ། ཡང་ཨོ་རྒྱན་སངས་རྒྱས་གཉིས་པས་གཉགས་ཛྙཱ་ན་ཀུ་མཱ་ར་དང་ངན་ལམ་རྒྱལ་བ་མཆོག་དབྱངས་གཉིས་ལ་བཤད། གཉགས་ཀྱིས་སོག་པོ་དཔལ་གྱི་ཡེ་ཤེས། གནུབས་ཆེན་མན་འདྲ། ཡང་ན་གནུབས་ཆེན་ནས། སོ་ཡེ་ཤེས་དབང་ཕྱུག །ཁུ་ལུང་པ་ཡོན་ཏན་རྒྱ་མཚོ། གནུབས་ཆེན་ཡེ་ཤེས་རྒྱ་མཚོ། ཉང་ཤེས་རབ་མཆོག་མན་གོང་བཞིན་ནོ། །ཡང་ན་གནུབས་ཆེན་ནས། ཁུ་ལུང་པ་ཡོན་ཏན་རྒྱ་མཚོ་མན་འདྲ། ཡང་ན་གྱེ་རེ་མཆོག་སྐྱོང་ནས། རྒྱལ་བ་ཡོན་ཏན། གནུབས་སངས་རྒྱས་ཡེ་ཤེས། གནུབས་ཡོན་ཏན་རྒྱ་མཚོ། བློ་གྲོས་དབང་ཕྱུག །ཟུར་པོ་ཆེ་མན་གོང་ལྟར་རོ། །ཡང་ན་ཟུར་པོ་ཆེ་ནས། ཟུར་ཤཱཀ་འབྱུང་མན་འདྲ། ཡང་ན་ཟུར་ཆུང་པ་ནས། གུ་རུ་བསོད་ནམས་གྲགས་པ། གླན་ཤཱཀྱ་བྱང་ཆུབ་མན་འདྲ། ཡང་ན་ཟུར་ཆུང་པ་ནས། ཡང་ཁེང་བླ་མ་ཆེན་པོ། སྒྲོལ་ཕུག་པ་ཤཱཀ་སེང་མན་འདྲ། ཡང་ན་ཟུར་པོ་ཆེ་ནས། ཐུགས་སྲས་ཀ་བ་བཞི། གསང་བདག་སྒྲོལ་ཕུག་པ་མན་འདྲ། ཡང་ན་ཀུ་ཀུ་རཱ་ཛ་ནས། ད་ན་ལུ་ཀྲི་ཤ་ཀ མ་ཧཱ་རཱ་ཛ། རོ་ལངས་བདེ་བ། ནམ་མཁའི་སྙིང་པོ་སོགས་ལོ་ཙཱ་བ་དྲུག་མན་གོང་དང་འདྲ། ནམ་མཁའི་སྙིང་པོ་ནས་འདི་ལ་བརྒྱུད་གསན་ཡིག་རྣམས་སུ་མི་གསལ་ཡང་གནུབས་སངས་རྒྱས་ཡེ་ཤེས་ལ་བརྒྱུད་པ་འདྲའོ། །ཁྲའི་རྟགས་ཡོད་པ་རྣམས་ཀྱི་བརྒྱུད་པ་ནི། རྗེ་གསུང་སྤྲུལ་ནས། ཁྱབ་བདག་ཁྲ་ཚང་པ་ཆེན་པོ། དེས་བདག་ལའོ། །
ཡང་ན་ཉ་རི་བ་ཤཱཀྱ་སེང་གེ་ནས། ཉེ་སྟོན་ཆོས་བཟང་། གཙང་ནག་འོད་འབར། ཟུར་པ་ལེ། ཟུར་ཧེ་རུ། གཡུང་སྟོན་སངས་རྒྱས། རྒྱ་གབ་གོང་པ། གཡུང་སྟོན་ཆོས། མཁས་པ་བྷ་གཟི་བརྗིད། ཟུར་བྱམས་པ་སེང་གེ ། སྒྲོལ་ཆེན་བསམ་གྲུབ་རྡོ་རྗེ། ཟུར་ཧཱཾ་ཤཱཀ་འབྱུང་ཕྱི་མ། རྗེ་བཙུན་དཔལ་ལྡན་བཟང་པོ། སྐྱེས་མཆོག་ཕ་ལ་ཤྲཱི། ཟུར་ཤཱཀྱ་བཤེས་གཉེན། སོག་པོ་དཔལ་ཡེ། ཀུན་བཟང་དཔལ། ཀ་ཐོག་པ་བསོད་ནམས་རྒྱལ་མཚན། རྣམ་གྲོལ་ཡེ་ཤེས་བཟང་པོ། ཀ་ཐོག་པ་ཆོས་ཀྱི་སེང་གེ །ལྷ་བྲོ་སྤྲུལ་སྐུ་ཆོས་དབང་། གུ་རུ་བ་ཀརྨ་ཆོས་སྐྱོང་། བླ་མ་བཀྲ་ཤིས་ལྷུན་གྲུབ། ཁྱབ་བདག་ཁྲ་ཚང་པ་ཆེན་པོ། དེས་བདག་ལའོ། །ཡང་ན་གླན་བསོད་ནམས་རྒྱལ་མཚན་ཡན་གོང་ལྟར་ལ། དེ་ནས་གུ་རུ་དཔལ་ལྡན་ཆོས་སེང་། གུ་རུ་སངས་རྒྱས་དཔལ། བླ་མ་བསོད་ནམས་མགོན་པོ། སྒྲོལ་ཆེན་བསམ་གྲུབ་རྡོ་རྗེ་མན་འདྲ། ཡང་ན་སྒྲོལ་ཕུག་པ་ཤཱཀྱ་སེང་གེ་ཡན་གོང་ལྟར་ལ། དེས་གཙང་པ་བྱིས་སྟོན་དང་སློབ་དཔོན་ཉི་སྟོན་གཉིས་ལ་གསུངས། གཉིས་ཀ་ནས་གཙང་ནག་འོད་འབར། དེ་ནས་མེ་སྟོན་མགོན་པོ། སོ་སྟོན་ཤེས་རབ་རྒྱལ་མཚན། དེས་པ་ཤི་ཤཱཀ་འོད་དང་རྟ་ནག་བདུད་འདུལ་གཉིས་ལ། གཉི་གས་མདའ་ཚ་ཤཱཀ་འཕེལ། དེ་ནས་ཟུར་བྱམས་པ་སེང་གེ །སྒྲོལ་ཆེན་བསམ་གྲུབ་རྡོ་རྗེ་མན་འདྲ། ཡང་ན་སྒྲོལ་ཕུག་པ་ཤཱཀྱ་སེང་གེ་ནས། ཁམས་ཀ་ཐོག་པ་དམ་པ་བདེ་གཤེགས། ཆོས་རྗེ་གཙང་སྟོན་པ། བྱམས་པ་ཆེན་པོ། རྩ་སྡེ་སྤྱན་སྔ་པ་ཐུགས་རྗེ་ཡེ་ཤེས། སྟོན་པ་དབང་འབྱོར། རྗེ་བཙུན་དཔལ་འབར། སྟོན་པ་མགོན་རྒྱལ་བ། རྗེ་ཚུལ་ཁྲིམས་རྒྱལ་མཚན། ཆོས་འབུལ་པ་ཡེ་ཤེས་རྒྱལ་མཚན། ཡེ་ཤེས་འབུམ་པ། ཀ་ཐོག་པ་བསོད་ནམས་རྒྱལ་མཚན་མན་འདྲ། ཡང་ན་ཀ་ཐོག་པ་བསོད་ནམས་རྒྱལ་མཚན་
ནས། བླ་མ་བསོད་ནམས་སེང་གེ །སྤྲུལ་སྐུ་ཆོས་ཀྱི་དབང་པོ་མན་འདྲ། སྒྱུ་འཕྲུལ་བླ་མ་དང་ལྷ་མོ་སྒྱུ་འཕྲུལ་གཉིས་ཀྱི་བརྒྱུད་ལུགས་གཅིག་ནི། སློབ་དཔོན་པདྨ་ཡན་གོང་ལྟར་ལ། དེ་ནས་སློབ་དཔོན་སངས་རྒྱས་གསང་བ། འབྲོག་མི་དཔལ་གྱི་ཡེ་ཤེས། སྲས་དཔལ་གྱི་ཉི་ཤར། ཁྱུང་པོ་བྱང་ཆུབ་རྒྱལ་མཚན། གྲུ་གུ་བྱང་ཆུབ་འབྱུང་གནས། འདན་པ་དབྱིག་གི་ཚུལ་ཁྲིམས། ཟུར་ཚ་དབང་ཕྱུག་རྒྱལ་མཚན། ཟུར་པོ་ཆེ། དེ་ནས་གསུང་སྤྲུལ་གྱི་བར་གོང་ལྟར་ལས། རྗེ་ཁྲ་ཚང་པ་ཆེན་པོ། དེས་བདག་གོ །རྩ་རྒྱུད་སྒྱུ་འཕྲུལ་གསང་སྙིང་གི་བརྒྱུད་ལུགས་གཅིག་ནི། ཟུར་བྱམས་པ་སེང་གེ་ཡན་གོང་ལྟར་ལ། དེ་ནས་གཡུང་སྟོན་རྡོ་རྗེ་དཔལ་བཟང་། བླ་མ་རྒྱ་བོ་མཁའ་འགྲོ། རྒྱ་བོ་བླ་མ་བཀྲ་ཤིས། རྒྱ་བོ་སྲི་ཐར་བསམ་གྲུབ། དཔོན་དབུ་ཡགས་པ། འཁོན་སྟོན་ཚེ་དབང་ནོར་རྒྱས། རྡོ་རྗེ་འཆང་ཕ་བོང་ཁ་པ་དཔལ་འབྱོར་ལྷུན་གྲུབ། ཟུར་ཐམས་ཅད་མཁྱེན་པ་ཆོས་དབྱིངས་རང་གྲོལ། དེས་བདག་ལའོ། །གཉིསཔ་བཤད་པ་དང་ཆ་མཐུན་གྱི་རྒྱུད་ཏནྟྲ་སྡེ་བཅོ་བརྒྱད་ལ། རྩ་བ་སྐུ་གསུང་ཐུགས་ཡོན་ཏན་འཕྲིན་ལས་ཀྱི་རྒྱུད་ལྔ་ལས། སྐུའི་རྒྱུད་སངས་རྒྱས་མཉམ་པར་སྦྱོར་བ་མཁའ་འགྲོ་༼སྨན༽མ་སྒྱུ་མ་བདེ་བའི་མཆོག་ཅེས་བྱ་བ་རྒྱུད་ཕྱི་མ་དང་བཅས་པའི་རྟོག་པ་ཉི་ཤུ་རྩ་གསུམ་པ་རྒྱ་གར་གྱི་སློབ་དཔོན་གུ་ཧྱ་གསང་བ་དང་བོད་ཀྱི་ལོ་ཙཱ་བ་འབྲོག་མི་དཔལ་གྱི་ཡེ་ཤེས་ཀྱིས་བལ་ཡུལ་དུ་བསྒྱུར་བ། གསུང་གི་རྒྱུད་བླ་གསང་ཐིག་༼དར༽ལེ་ཞེས་བྱ་བའི་རྒྱུད་ཀྱི་རྒྱལ་པོ་ཆེན་པོ་ལ། འདི་སྐད་བདག་གིས་ཐོས་པའི་དུས་གཅིག་ན་བཅོམ་ལྡན་འདས་དེ་བཞིན་གཤེགས་པ་དང་རྡོ་རྗེ་དང་རིན་པོ་ཆེ་དང་པདྨ་དང་ལས་ཀྱི་རིགས་ཐམས་ཅད་མཆོག་ཏུ་གསང་བ་ཆེན་པོའི་དམ་ཚིག་སྡོམ་པ་
གཉིས་སུ་མེད་པའི་བདེ་བ་ཆེན་པོའི་དབང་བརྙེས་པ་ཐབས་དང་ཤེས་རབ་ཀྱི་རྣལ་འབྱོར་གྱི་དབང་ཕྱུག་ཆེན་པོ་ཁམས་གསུམ་ཐམས་ཅད་ཀྱི་བདག་པོ་ཆེན་པོ་དེ་བཞིན་གཤེགས་པ་ཐམས་ཅད་ཀྱི་གསང་བ་ཆེན་པོ་ཕ་རོལ་ཏུ་ཕྱིན་པ་ཞེས་སོགས་དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་བཙུན་མོ་རྣམས་ཀྱི་གསང་བ་ཆེན་པོ་རྣལ་འབྱོར་མའི་དབང་ཕྱུག་ཆེན་པོ་རྣམས་ཀྱི་མཆོག་ཏུ་གསང་བའི་ཡེ་ཤེས་ཀྱི་དཀྱིལ་འཁོར་དང་པོ། དེ་བཞིན་གཤེགས་པ་ཐམས་ཅད་ཀྱི་དམ་ཚིག་རྡོ་རྗེ་ཡེ་ཤེས་ཆེན་པོ་ཞེས་བྱ་བ་མཆོག་ཏུ་གསང་བ་ཆེན་པོའི་དཀྱིལ་འཁོར་ཏེ་ལྔ་པ། དེ་མན་ལ་དཀྱིལ་འཁོར་དང་ལེ་གྲངས་མེད་པ་རྫོགས་སོའི་མཐའ་ཅན་རྒྱ་གར་གྱི་མཁན་པོ་པདྨ་སམ་བྷ་ཝ་དང་བོད་ཀྱི་ལོ་ཙཱ་བ་བནྡེ་དཔལ་བརྩེགས་ཀྱིས་བསྒྱུར་བ་ཕྱིས་ལོ་ཙཱ་བ་འཕགས་པ་ཤེས་རབ་ཀྱིས་སྐད་གསར་བཅད་ཀྱིས་བཅོས་པ། ཐུགས་ཀྱི་རྒྱུད་དཔལ་གསང་བ་འདུས་པ་དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་རབ་ཏུ་གསང་བའི་རྟོགས་པའི་རྒྱལ་པོ་ཆེན་པོ་ལེའུ་བཅུ་བདུན་པ་རྒྱ་གར་གྱི་མཁན་པོ་བི་མཱ་ལ་དང་ལོ་ཙཱ་བ་སྐ་བ་དཔལ་བརྩེགས་ཀྱིས་བསྒྱུར་ཅིང་སླར་ཡང་པཎྜི་ཏ་ཤྲདྡྷ་ཀ་ར་ཝརྨ་དང་ལོ་ཙཱ་བ་རིན་ཆེན་བཟང་པོས་བསྒྱུར། ཕྱིས་པཎྜི་ཏ་བླ་མ་རྡོ་རྗེ་འཛིན་པ་ཆེན་པོ་རྗེ་བཙུན་ཉི་མའི་དབང་པོའི་ཞལ་སྔ་ནས་དང་ཆག་ལོ་ཙཱ་བ་དགེ་སློང་ཆོས་རྗེ་དཔལ་གྱིས་ཞུས་ཤིང་གཏན་ལ་ཕབ། གོང་དང་འཕྲོ་འཐུད་དུ་རྒྱུད་ཕྱི་མ་ལེའུ་བཅོ་བརྒྱད་པ་སློབ་དཔོན་བུདྡྷ་གུ་ཧྱ་དང་འབྲོག་མི་དཔལ་གྱི་ཡེ་ཤེས་ཀྱིས་བསྒྱུར་ཅིང་སླར་ཡང་ཤྲདྡྷ་ཀ་ར་དང་ལོ་ཆེན་རིན་བཟང་གིས་བཅོས་པ། ཡོན་ཏན་གྱི་རྒྱུད་དཔལ་མཆོག་དང་པོ་བདེ་བ་ཆེན་པོ་རྡོ་རྗེ་དོན་ཡོད་པའི་དམ་ཚིག་ཐམས་ཅད་ཀྱི་རྟོགས་༼སྨན༽༼དར༽པའི་རྒྱལ་པོ་ཆེན་པོ་རྫོགས་ཚིག་བཅུ་གསུམ་པ་རྒྱ་གར་གྱི་
མཁན་ཆེན་སངས་རྒྱས་གསང་བ་དང་རྨ་རིན་ཆེན་མཆོག་གིས་བསྒྱུར། འདི་དང་ཕྱི་མ་གཉིས་ཀ་ལ་ལེ་གྲངས་མི་གསལ་ཡང་ཡོངས་བསྡོམས་ལ་དཔལ་མཆོག་ཅེས་རྒྱུད་གཅིག་ཏུ་བྱེད་དོ། །སླར་ཡང་ཨཱ་ཙཪྻ་ཤྲདྡྷ་ཀ་ར་ཝརྨ་དང་ལོ་ཆེན་རིན་ཆེན་བཟང་པོས་བསྒྱུར་ཅིང་གཏན་ལ་ཕབ་པ། དེའི་ཕྱི་མའི་རྒྱུད་ཚིག་གཅིག་པ། དེའི་ཕྱི་མ་དཀྱིལ་འཁོར་གྱི་ཆོ་ག་རྒྱས་པ། སློབ་མའི་ཆོ་ག་རྒྱས་པ། དམ་ཚིག་ཆེན་པོའི་དཀྱིལ་འཁོར་གྱི་ཆོ་ག་སོགས་ཕྱག་རྒྱ་བཅུ་པ་མཆོག་ཏུ་གྲུབ་པ་ཞེས་བྱ་བའི་ཕྱག་རྒྱའི་རྒྱུད་ཐུགས་དམ་པའི་སྙིང་པོ་མཐོ་ལིང་དུ་རྒྱ་གར་གྱི་པཎྜི་ཏ་ཆེན་པོ་མནྟྲ་ཀཱ་ལ་ཤ་དང་སྒྲ་བསྒྱུར་གྱི་ལོ་ཙཱ་བ་ལྷ་བཙན་པོ་དགེ་སློང་ཞི་བ་འོད་ཀྱི་ཞལ་སྔ་ནས་ཀྱིས་བསྒྱུར་བ། འཕྲིན་ལས་ཀྱི་རྒྱུད་ཀརྨ་མཱ་༼དར༽ལེ་ལས་ཀྱི་འཕྲེང་བ་ལ། དཀོན་རྒྱུད་བཅུ་གཉིས་ཀྱི་ནང་ཚན་དུའང་གཏོགས། འདི་སྐད་བདག་གིས་ཐོས་པ་དུས་གཅིག་ན་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་དང་ཡོན་ཏན་འཕྲིན་ལས་མ་ལུས་པའི་བདག་ཉིད་ཡང་དག་པར་རྫོགས་པའི་སངས་རྒྱས་ལོངས་སྤྱོད་ཆེན་པོའི་བདག་པོ་དཔལ་རྡོ་རྗེ་འཆང་ཆེན་པོ་དེ་ནི་འགྱུར་བ་མེད་པ་རྡོ་རྗེའི་སྐུ་ཞེས་སོགས་རྒྱུད་འབྱུང་བའི་རྒྱུ་གླེང་གཞི་དང་གླེང་བསླང་བའི་ལེའུ་དང་པོ། གསལ་བཀྲའི་དཀྱིལ་འཁོར་བསྟན་པ་བཞི་པ། རྗེས་སུ་ཡི་རང་བའི་ལེའུ་དགུ་པའོ་རྒྱ་གར་གྱི་སློབ་དཔོན་དྷརྨ་ཤྲཱི་པྲ་བྷ་དང་ཨཱཪྻ་བི་མཱ་ལ་ལ་སོགས་པའི་པཎྜི་ཏ་ལ་རཏྣ་ཨ་ཀྲས་ཞུས་ཤིང་གཏན་ལ་ཕབ་པ། གྱེ་རེ་ཨ་ཀྲ་པཱ་ལ་དང་ལྗང་ཙ་ཛི་ན་མི་ཏྲས་ལན་གསུམ་ཞུས་སྐད། ཕྱི་མོ་དང་གཏུགས་པ་འཕྱིང་བུའི་ཕྱག་སྦལ་ནས་སློབ་དཔོན་ཤྲཱི་དེ་ཝས་གསེར་ཆབ་སྲང་བཅོ་ལྔས་དཔེ་བླུས་ནས་ཁམས་སུ་སྤྱན་དྲངས་པའོ། །སྒྲུབ་པའི་ལག་ལེན་སྟོན་པའི་རྒྱུད་ལྔ་ལས། ཧེ་རུ་ཀ་རོལ་
པ་སྙིང་རྗེ་རོལ་པ་དང་གཅིག་པའི་ཕྱོགས་གསན་ཡིག་ལ་ལར་སྣང་ཡང་ཟུར་དུ་ཡོད་འདྲ་བ་མ་རྙེད། དེ་བཞིན་གཤེགས་པ་ཐམས་ཅད་ཀྱི་དགོངས་པ་བླ་ན་མེད་པའི་གསང་༼ཁྲ༽བ་དཔལ་རྟ་མཆོག་རོལ་པའི་རྒྱུད་ལ། འདི་སྐད་བདག་གིས་ཐོས་པའི་དུས་གཅིག་ན་བཅོམ་ལྡན་འདས་དཔལ་རྡོ་རྗེ་ཆེན་པོ་ཕྱོགས་བཅུ་དང་དུས་གསུམ་གྱི་སངས་རྒྱས་མ་ལུས་པའི་འབྱུང་གནས་ཞེས་སོགས་རྣམ་པར་འཕྲུལ་པ་བྱུང་བའི་ལེའུ་དང་པོ། ཐུགས་རྗེ་བསྐུལ་བར་རོལ་པ་གཉིས་པ། ཁམས་གསུམ་གནོན་པ་བཅུ་དྲུག་པ། ཁྲོ་བོ་འཕྲིན་ལས་རོལ་པ་བཅུ་བདུན་པ། རྟེན་གྱི་སྒོ་ནས་སྦྱང་བ་སུམ་ཅུ་པ། སྲུང་བའི་ལེའུ་སོ་གཅིག་པའོ། །གཟུང་བའི་ལེའུ་སོ་གཉིས་པའོ། །པཎྜི་ཏ་བཛྲ་རཏྣ་དང་ལོ་ཙཱ་བ་རྡོ་རྗེ་དཔལ་བརྩེགས་ཀྱི་འགྱུར། ཐུགས་ཀྱི་རྒྱུད་དཔལ་སྙིང་རྗེ་རོལ་པའི་རྒྱུད་༼ཁྲ༽འཇིག་རྟེན་ལས་འདས་པའི་མདོ་ཆེན་པོ་ལ། འདི་སྐད་བདག་གིས་ཐོས་པའི་དུས་གཅིག་ན་བཅོམ་ལྡན་འདས་དེ་བཞིན་གཤེགས་པ་དང་རྡོ་རྗེ་རིན་པོ་ཆེ་དང་པདྨ་དང་ལས་ཀྱི་རིགས་ཐམས་ཅད་ཀྱི་མཆོག་ཏུ་གསང་བ་ཆེན་པོ་དམ་ཚིག་གི་སྡོམ་པ་གཉིས་སུ་མེད་པའི་བདེ་བ་ཆེན་པོ་མངའ་བརྙེས་པ་ཐབས་དང་ཤེས་རབ་ཀྱི་རྣལ་འབྱོར་གྱི་དབང་ཕྱུག་ཆེན་པོ། ཁམས་གསུམ་ཐམས་ཅད་ཀྱི་བདག་པོ་ཆེན་པོ་དེ་བཞིན་གཤེགས་པ་ཐམས་ཅད་ཀྱི་གསང་བ་ཆེན་པོ་ནམ་མཁའི་དབྱིངས་ཞེས་སོགས་དཀྱིལ་འཁོར་གྱི་ལེའུ་དང་པོ། རྡོ་རྗེ་ཕོ་ཉའི་ལེའུ་ལྔ་པ། ཡོངས་སུ་གཏད་པའི་ལེའུ་བཅུ་པའོ་རྒྱ་གར་གྱི་མཁན་པོ་བིདྱཱ་ཀ་ར་སིངྷ། བི་ཤྭ་མི་ཏྲ། བོད་ཀྱི་ལོ་ཙཱ་བ་ཁུ་བྱིན་བཙུན་པ་མཆོག་གི་འགྱུར། སླར་རྒྱ་གར་གྱི་ལོ་ཙཱ་མཁས་པར་ལོབས་པ་བལ་བོ་ཤྲཱི་གཱི་རྟིས་གཏན་ལ་ཕབ་ཅིང་སྐད་གསར་བཅད་ཀྱིས་བཅོས། སླར་འཇམ་
དཔལ་བཤེས་གཉེན་གྱི་སློབ་མ་ཡང་རབ་ཤི་ལེན་ཏ་བུདྡྷ་གརྦྷས་ཁུ་བྱིན་བཙུན་པ་ཤེས་རབ་ལ་འདི་སྩལ་ཏོ། །ཡོན་ཏན་གྱི་རྒྱུད་ཀྱི་རྒྱལ་པོ་ཆེན་པོ་དཔལ་བདུད་རྩི་རོལ་པ་ལ། འདི་སྐད་བདག་གིས་ཐོས་པའི་དུས་གཅིག་ན་ལོངས་སྤྱོད་ཆེན་པོའི་གནས་དམ་པར་གྱུར་པ་དེ་ཉིད་ཕྱོགས་བཅུའི་སངས་རྒྱས་ཐམས་ཅད་འདུས་པའི་ངོ་བོ་ཉིད་དུ་གྱུར་ཏེ་ཉིད་ཀྱི་སྣང་བ་ཡོངས་སུ་མ་འགགས་པ་ཞེས་སོགས་ལེའུ་དང་པོ་ནས་བཟུང་འཕྲིན་ལས་ཀྱི་དཀྱིལ་འཁོར་རྣམ་པར་འཕྲུལ་བའི་ཚུལ་ལེའུ་ལྔ་པ་བསྡོམས་པར་རྒྱུད་ཀྱི་རྒྱལ་པོ་ཆེན་པོ་བྱང་ཆུབ་སེམས་ཀྱི་དེ་ཁོ་ན་ཉིད་བསྟན་ཅིང་དཀྱིལ་འཁོར་ཀུན་ཏུ་འཕྲུལ་པ་སྟེ་རིམ་པར་ཕྱེ་བ་དང་པོ། དངོས་གྲུབ་ཀྱི་དཀྱིལ་འཁོར་ཉེ་བར་སྒྲུབ་པའི་ཚུལ་ཏེ་རིམ་པར་ཕྱེ་བ་ལྔ་པ། ཉེ་བར་བསྡུས་པའི་ཚུལ་བསྟན་པ་སྟེ་རིམ་པར་ཕྱེ་བ་བརྒྱད་པའོ། །རྒྱ་གར་གྱི་པཎྜི་ཏ་བི་མ་ལ་མི་ཏྲ་དང་བོད་ཀྱི་ལོ་ཙཱ་བ་གཉགས་ཛྙཱ་ན་ཀུ་མཱ་རའི་འགྱུར། ཕུར་པ་བཅུ་གཉིས་འབྱུང་བའི་རྒྱུད་༼ཁྲ༽དེ་བཞིན་གཤེགས་པ་ཐམས་ཅད་ཀྱི་གསང་བའི་ཡང་གསང་བ་ཐེག་པ་ཆེན་པོའི་མདོ་ལ། དཀོན་རྒྱུད་བཅུ་གཉིས་ཀྱི་ནང་ཚན། འདི་སྐད་བདག་གིས་ཐོས་པའི་དུས་གཅིག་ན་བཅོམ་ལྡན་འདས་གསང་བ་གསུམ་གྱི་བདག་པོ་སྤྲོས་པ་མེད་པའི་བྱང་ཆུབ་ཀྱི་སེམས་རྡོ་རྗེ་ཕྱོགས་བཅུ་དུས་གསུམ་གྱི་དེ་བཞིན་གཤེགས་པ་ཐམས་ཅད་ཀྱི་སྐུ་རྣམ་པར་དག་པ་ཞེས་སོགས་གླེང་གཞིའི་ལེའུ་དང་པོ། བྱང་ཆུབ་ཀྱི་སེམས་ངེས་པ་དེ་ཁོ་ན་ཉིད་ཀྱི་ལེའུ་གཉིས་པ། སྲས་ཕུར་བུ་བྱིན་གྱིས་བརླབས་པ་བཅུ་གཅིག་པ། བསྒྲལ་བའི་དམིགས་པ་བསྟན་པ་བཅུ་གཉིས་པ། ཡོངས་སུ་གཏད་པའི་ལེའུ་ཉེར་བཞི་པའོ། །སྤྱོད་པའི་ཡན་ལག་ཏུ་འགྲོ་བའི་རྒྱུད་ལྔ་
ལས། རི་བོ་བརྩེགས་པ་སྤྱི་ཏི་དང་རྔམ་ཀློག་དམ་ཚིག་བཀོད་པ་ཏིང་ངེ་འཛིན་རྩེ་གཅིག་གསུམ་ཨ་ནུའི་ཁྲོད་དུ་སོང་། གླང་པོ་ཆེ་རབ་༼དར༽འབོག་གི་རྒྱུད་ལ། འདི་སྐད་བདག་གིས་ཐོས་པའི་དུས་གཅིག་ན་ཡེ་ཇི་བཞིན་པའི་རྡོ་རྗེ་འཆང་ཆེན་པོ་དེ་ཉིད་ཡིད་བཞིན་གྱི་ནོར་བུ་རིན་པོ་ཆེ་ལྟར་གནས་པ་རྒྱུད་དག་པའི་རྡོ་རྗེ་འཆང་ཆེན་པོ་དེ་ཉིད་ནི་ཉི་མའི་དཀྱིལ་འཁོར་ལྟར་དབྱེར་མེད་པར་རང་བཞིན་གྱི་འོད་གསལ་བ་ཞེས་སོགས་གསང་བའི་བསྟན་པ་འབྱུང་བའི་རྒྱུ་གླེང་གཞི་བསྟན་པ་དང་པོ། འཁོར་འདས་རྩོད་བྲལ་ཆེན་པོའི་གནས་ལུགས་བསྟན་པ་བཅུ་གཉིས་པ། གཞལ་བྱ་བསྟན་པ་བཅུ་གསུམ་པ། འབྲས་བུ་མཐར་ཕྱིན་པ་ཉེར་བདུན་པ། རྗེས་སུ་ཡི་རང་བའི་ལེའུ་ཉེར་བརྒྱད་པའོ། །རྒྱ་གར་གྱི་པཎྜི་ཏ་བི་ཤྭ་མི་ཏྲ་དང་ལོ་ཙཱ་བ་འཇིང་གསལ་འབར་གྱི་འགྱུར། མ་ཚང་བ་ཁ་སྐོང་བའི་རྒྱུད་གཉིས་ལས། དཀྱིལ་འཁོར་གྱི་ལས་ལ་འཇུག་པའི་ཡན་ལག་ཏུ་གྱུར་པ་རྣམ་སྣང་སྒྱུ་དྲ་མ་ཐོབ། དངོས་གྲུབ་སྒྲུབ་པའི་ཆ་རྐྱེན་ཆོ་གའི་ཡན་ལག་ཏུ་གྱུར་པ་འཕགས་པ་ཐབས་༼ཁྲ༽ཀྱི་ཞགས་པ་པདྨོའི་འཕྲེང་བའི་དོན་བསྡུས་པ་ལ། དེ་ནས་བཅོམ་ལྡན་འདས་དཔལ་ཀུན་རིག་རྣམ་པར་སྣང་མཛད་ལ་བཅོམ་ལྡན་འདས་དཔལ་རྡོ་རྗེ་སེམས་དཔའ་རིག་པ་བྱིན་རླབས་ལས་བྱུང་བའི་མཆོད་པ་ཞེས་སོགས་བདེན་པ་གཉིས་བསྟན་པའི་སྐབས་དང་པོ། དམ་ཚིག་གི་སྐབས་གཉིས་པ། དྲག་པོའི་ཕུར་པ་བསྟན་པ་ཉི་ཤུ་པ། དྲག་པོའི་གཏོར་མ་བསྟན་པ་ཉེར་གཅིག་པ། ལས་གྲུབ་པའི་ཕན་ཡོན་བཞི་བཅུ་པ། ངོ་མཚར་བསྟོད་པ་ཞེ་གཅིག་པའོ། །པཎྜི་ཏ་བི་མཱ་ལ་མི་ཏྲ་དང་ལོ་ཙཱ་བ་གཉགས་ཛྙཱ་ནས་བསམ་ཡས་སུ་བསྒྱུར། ཏནྟྲའི་ལེ་ལག་ཏུ་གཏོགས་པ་ལ། དམ་ཚིག་ཐམས་ཅད་ཀྱི་ཉམས་ཆག་སྐོང་བའི་ལུང་བཤགས་༼ཁྲ༽པ་ཐམས་ཅད་
ཀྱི་རྒྱུད་དྲི་མ་མེད་པའི་རྒྱལ་པོ་ལེའུ་བཅུ་དྲུག་པ་པཎ་ཆེན་བི་མཱ་ལ་དང་གཉགས་ཛྙཱ་ན་ཀུ་མཱ་རའི་འགྱུར། རྡོ་རྗེ་གཟི་ལྡན་འབར་བ་༼དར༽མཚམས་ཀྱི་རྒྱུད་ལ། འདི་སྐད་བདག་གིས་ཐོས་པའི་དུས་གཅིག་ན་བཅོམ་ལྡན་འདས་བྱང་ཆུབ་སེམས་དཔའ་རྡོ་རྗེ་ཡུམ་གྱི་བྷ་ག་ལ་འཁོར་བྱང་ཆུབ་སེམས་དཔའ་རྣམས་དང་ཐབས་དང་ཤེས་རབ་གཉིས་སུ་མེད་པའི་དགྱེས་པ་ཆེན་པོ་ལ་དབྱེར་མེད་པར་བཞུགས་སོ་ཞེས་སོགས་བསྟན་ཅིང་ལེ་གྲངས་མེད་པ་མཚམས་གཅོད་རྒྱས་པ་ཁྲོ་བོ་བཅུའི་སྨོན་ལམ་དང་བཅས་པ་ཡོད་པ་རྣམས་ལེགས་པར་ཐོབ་པ་ལས་ཁྲའི་རྟགས་མ་གཏོགས་པའི་སྤྱི་ བརྒྱུད་ནི། ཀུན་ཏུ་བཟང་པོ། རིགས་ལྔའི་སངས་རྒྱས། རིགས་གསུམ ་མགོན་པོ། ཕྱག་ན་རྡོ་རྗེ། རཏྣའི་གསན་ཡིག་ན་བློ་གྲོས་ཐབས་ལྡན་མེད་ཅིང་གསན་ཡིག་ཕྱི་མ་རྣམས་སུ་ཕྱག་རྡོར་མི་འདུག་རུང་གཉིས་ཀ་དགོས་འདྲ་སྙམ། བློ་གྲོས་ཐབས་ལྡན། ཀུ་ཀུ་རཱ་ཛ། རྒྱལ་པོ་ཛ། ཨིནྡྲ་བྷཱུ་ཏི། གོ་མ་དེ་ཝཱི། ཤཱཀྱ་སུ་ཏྲི། རཱ་ཛ་ཧསྟི། ཧཱུཾ་ཆེན་ཀ་ར། བུདྡྷ་ཀུནྡྷི། པྲ་བྷ་ཧསྟི། རྡོ་རྗེ་བཞད་པ། སྠི་ར་མ་ཏི། ར་གི་ནཱ་ག །བྲམ་ཟེ་ཉི་མ། ཀརྟི་པདྨ། བྲམ་ཟེ་ཚངས་པ། ལྕེ་བཀྲ་ཤིས། རཏྣའི་གསན་ཡིག་ན་སྣང་བས་གསུང་སྤྲུལ་དང་རྗེ་སྨན་ལུང་པའི་གསན་ཡིག་ན་མི་འདུག་པ་ཆད་འདྲ། ཁྱུང་པོ་དབྱིག་འོད། འཇམ་དཔལ་ཡེ་ཤེས། སྣང་བ་ལྷ་དཔལ། ལྷ་རྗེ་རྒྱལ་བ་བྱང་ཆུབ། ལྕེ་བྱང་ཆུབ་ཤེས་རབ། གསན་ཡིག་ཕྱི་མ་རྣམས་སུ་ལྕམ་ཞེས་སྣང་བ་བརྟག །ཡར་བློ་གྲོས། གསན་ཡིག་ཕྱི་མ་ཚོར་འདི་གཉིས་གཅིག་ཏུ་མཛད་འདུག་ཀྱང་རཏྣའི་གསན་ཡིག་ན་སོ་སོར་སྣང་ངོ་། །རྒྱལ་བའི་སྙིང་པོ། གླན་གྲགས་པ་རྒྱལ་མཚན། གླན་རྡོ་རྗེ་འོད། གསུང་སྤྲུལ་གྱི་གསན་ཡིག་ན་རྡོ་རྗེ་རྒྱལ་མཚན་ཞེས་སྣང་བ་བརྟག །སྟོང་རིན་ཆེན་ལྷུན་པོ། གླན་བྱང་ཆུབ་ཚུལ་ཁྲིམས། འདས་དགའ་དཔལ་གྲགས། ལྷ་རྗེ་རྒྱལ་
བ། ལྕམ་སྒོམ་པ། གསུང་སྤྲུལ་དང་རྗེ་སྨན་ལུང་པའི་གསན་ཡིག་ན་ལྕེ་སྒོམ་ཞེས་སྣང་། སྦས་སྟོན་པ། གྲུ་གུ་སྨོན་ལམ་སེང་གེ །གསན་ཡིག་ཕྱི་མ་ཚོར་དབུས་གྲུ་སྨོན་སེང་ཞེས་པ་སྣང་། སྦས་གཞོན་ནུ་རིན་ཆེན། བླ་མ་བསམ་འཕེལ་བ། འགོས་དངོས་གྲུབ་མགོན། གསན་ཡིག་ཕྱི་མ་ཚོར་འདི་ཆད། བླ་མ་ཤཱཀྱ་རྒྱལ་མཚན། བླ་མ་དཔལ་བཟང་པོ། རྗེ་རྡོ་རྗེ་རྒྱལ་མཚན། གཉལ་པ་བདེ་ལེགས་པ། འཇམ་དབྱངས་བཤེས་གཉེན། ཨར་དགེ་ཆོས་དཔལ་བ། མེས་སྟོན་བསམ་གཏན་བཟང་པོ། འཁྲུལ་མེད་གཏེར་སྟོན་ཞིག་པོ་གླིང་པ། རྒྱལ་སྲས་ཚེ་དབང་གྲགས་པ། མཉམ་མེད་ངག་དབང་གྲགས་པ། མཚུངས་མེད་ངག་དབང་ནོར་བུ། རྗེ་ནོར་བུ་ཡོངས་གྲགས། རྒྱལ་སྲས་ནོར་བུ་དབང་རྒྱལ། སྤྲུལ་སྐུ་ཚུལ་ཁྲིམས་རྡོ་རྗེ། གར་དབང་ཚུལ་ཁྲིམས་རྒྱལ་མཚན། སྤྲུལ་སྐུ་གཏེར་བདག་གླིང་པ། དེས་བདག་ཟ་ཧོར་བནྡེ་ལའོ། །དར་གྱི་རྟགས་ཅན་གྱི་བརྒྱུད་ལུགས་གཅིག་ནི། རྗེ་ནོར་བུ་དབང་རྒྱལ་ནས། བྱ་བཏང་ནོར་བུ་ཆོས་བརྟན། རིག་འཛིན་འཕྲིན་ལས་ལྷུན་གྲུབ། སྤྲུལ་སྐུ་གཏེར་བདག་གླིང་པ། དེས་བདག་ལའོ། །ཁྲ་དང་སྨན་གྱི་རྟགས་ཡོད་པའི་བརྒྱུད་ལུགས་གཅིག་ནི། གསུང་སྤྲུལ་ནས། ཁྱབ་བདག་སྨན་ལུང་པ་ཆེན་པོ། དེས་བདག་ལའོ། །ཡང་ན་རྡོ་རྗེ་བཞད་པ་ནས། ལོ་ཙཱ་བ་ཛ་ཡ་རཀྵི་ཏ། ནམ་མཁའི་ལྷ། དར་བཙུན་དཔལ་གྱི་སྐུ། ཤུད་བུ་ལེགས་པ་ལྷ། འགོས་འབར་བའི་ལྷ། ཉང་ཀླུའི་རྒྱལ་མཚན། རྔོག་དཔལ་གྱི་ལྷ། དོལ་པ་གསང་ཚུལ། དར་ཤེས་རབ་ལེགས་པ། རྔོག་དཔལ་གྱི་སྐུ། ཉང་ལྷ་དར། ཉང་དཀོན་འབྱུང་། ལྕེ་སྟོན་དགེ་སློང་། སྤ་སྟོན། གྲུ་གུ་སྨོན་ལམ་སེང་གེ །སྦ་གཞོན་ནུ་རིན་ཆེན། བླ་མ་བསམ་འཕེལ། འགོས་དངོས་གྲུབ་མགོན་མན་གོང་
ལྟར་རོ། །སྒོས་བརྒྱུད་ལ་སངས་རྒྱས་མཉམ་སྦྱོར་གྱི་བརྒྱུད་པ་ནི། ཀུན་ཏུ་བཟང་པོ། རྒྱལ་བ་རིགས་ལྔ། ཕྱག་ན་རྡོ་རྗེ། ལི་ཙ་བྱི་དྲི་མ་མེད་གྲགས་པ། རྒྱལ་པོ་ཛ། ཨུ་པ་རཱ་ཛ། མུཀྟི་བཛྲ། བུདྡྷ་མུཀྟི། བི་མཱ་ལ་མི་ཏྲ། རཏྣ་ཨ་གྲ །གྱེ་རེ་མཆོག་སྐྱོང་། གཙུག་རུ་རིན་ཆེན་གཞོན་ནུ། འགོས་ཚུལ་ཁྲིམས་བྱང་ཆུབ། ཅོག་རོ་རྒྱལ་བའི་ཡོན་ཏན། ལང་གྲོ་གཞོན་ནུ་མཆོག །རྔོག་འཇམ་དཔལ། རྫད་ཕུ་བྱང་ཆུབ་འོད། རྒྱ་བློ་གྲོས་རྒྱལ་མཚན། རོག་རིན་ཆེན་ཚུལ་ཁྲིམས། རོང་ཟོམ་ཆོས་ཀྱི་བཟང་པོ། ཡམ་ཤུད་བློ་གྲོས་འབྱུང་གནས། འགོས་ཟླ་བ་འབར། འགོས་འབུམ་གྲགས། འགོས་དངོས་གྲུབ་རྒྱལ་མཚན། སྲས་བསམ་གྲུབ་འཕེལ། འགོས་དངོས་གྲུབ་མགོན་མན་འདྲ། ཟླ་གསང་ཐིག་ལེའི་བརྒྱུད་པ་ནི། རྡོ་རྗེ་འཆང་། དཔལ་ཟླ་གསང་ཐིག་ལེ། རྒྱལ་བ་རིགས་ལྔ། གསང་བདག་ཕྱག་ན་རྡོ་རྗེ། ལི་ཙ་བྱི། རྒྱལ་པོ་ཛ། ཨུ་པ་རཱ་ཛ། ཀུ་ཀུ་རཱ་ཛ། ཡུ་རིག་པ། ཉི་ཟླ་རྡོ་རྗེ། བྷ་ཧུ་ར་མུ་ཏོ། སངས་རྒྱས་གསང་བ། དྲི་མེད་བཤེས་གཉེན། གཉགས་ལོ་ཡེ་ཤེས་གཞོན་ནུ། རྨ་རིན་ཆེན་མཆོག །གྱེ་རེ་མཆོག་སྐྱོང་། གཙུག་རུ་རིན་ཆེན་གཞོན་ནུ། དར་རྗེ་དཔལ་གྱི་གྲགས་པ། ཞང་རྒྱལ་བའི་ཡོན་ཏན། གནུབས་སངས་རྒྱས་ཡེ་ཤེས། སོ་ཡེ་ཤེས་དབང་ཕྱུག །ངབ་ཐུང་བྱང་ཆུབ་རྒྱལ་མཚན། སྐོར་ཐུང་ཤེས་རབ་ཡེ་ཤེས། ར་ཐུང་ཡེ་ཤེས་ཚུལ་ཁྲིམས། ཉང་ཡེ་ཤེས་འབྱུང་གནས། ཟུར་པོ་ཆེ་ཤཱཀྱ་འབྱུང་གནས། ཟུར་ཆུང་ཤེས་རབ་གྲགས། ཉ་རི་བ་ཤཱཀྱ་སེང་གེ །ཡམ་ཤུད་བློ་གྲོས་འབྱུང་གནས་མན་སངས་རྒྱས་མཉམ་སྦྱོར་སོར་བཞག་གོ །དཔལ་མཆོག་གི་བརྒྱུད་པ་ནི། སངས་རྒྱས་གསང་བ་ཡན་ཟླ་གསང་ཐིག་ལེ་ལྟར་ལ། དེ་སྦས་
མཉྫུ་ཤྲཱི་དང་བྲན་ཀ་མུརྟི་གཉིས་ལ་གནང་། དེ་གཉིས་ཀ་ལ་ཁུ་བྱང་ཆུབ་འོད། དེ་ནས་དམ་འབྲེ་ནམ་མཁའ། ལྷོ་གཟའ་བྱང་ཆུབ་སྙིང་པོ། འགྲོ་སྙ་ཡེ་ཤེས་བློ་གྲོས། ཤོ་བོ་པ་ཨཱ་ཙ་ར། གནུབས་བབས་ཤི། ཅོག་རོ་ཤེས་རབ་འབྱུང་གནས། སྒྲོ་སྟོན་འཕགས་པ་ཤེས་རབ། རྟོག་ཆུང་ཐར་པ་རྒྱལ་མཚན། བླ་ཆེན་ཁྱུང་སྟོན་པ། མེ་དགེ་བ་རྒྱལ་བའི་རྡོ་རྗེ། ལྕེ་སྟོན། སྦ་སྒོམ་པ། གྲུ་གུ་སྨོན་སེང་། སྦས་གཞོན་རིན། བླ་མ་བསམ་འཕེལ། འགོས་དངོས་གྲུབ་རྒྱལ་མཚན་མན་འདྲ། ཐབས་ཀྱི་ཞགས་པ་པདྨོའི་འཕྲེང་བའི་བརྒྱུད་ལུགས་གཅིག་ནི། བི་མཱ་ལ་ཡན་སངས་རྒྱས་མཉམ་སྦྱོར་ལྟར་ལ། དེ་ལ་གཉགས་ལོ་དང་གཡུ་སྒྲ་གཉིས་ཀྱིས་གསན། གཡུ་སྒྲས་འཛིམ་རབ་གསལ། རིམ་བཞིན་ཅོག་རོ་རྒྱལ་བའི་ཡོན་ཏན། འབེབ་ཡོན་ཏན་གྲགས། འགོས་ཡེ་ཤེས་དབང་ཕྱུག །ལྷ་ལུང་དཔལ་རྡོར། སོག་པོ་རྒྱལ་བའི་སེམས་དཔའ། ཡང་དགོན་ལྷུན་གྲུབ་རྡོ་རྗེ། འགོས་རྒྱལ་བའི་སྙིང་པོ། ཤེ་སྟོན་དཔལ་གྱི་རིན་ཆེན། བླ་མ་འདན་སྟོན་པ། མེང་གེ་རྒྱལ་བའི་རྡོ་རྗེ་མན་བཤད་མ་ཐག་པ་ལྟར་ལ་རྗེ་ཁྲ་ཚང་པར་ཞུས་པའོ། །དྲི་མེད་བཤགས་རྒྱུད་ཀྱི་སྒོས་བརྒྱུད་ནི། སྲས་མོ་གོ་མ་དེ་ཝཱི་ཡན་གོང་ལྟར་ལས། སངས་རྒྱས་གསང་བ། བི་མཱ་ལ་མི་ཏྲ། རྨ་རིན་ཆེན་མཆོག །གཙུག་རུ་རིན་ཆེན་གཞོན་ནུ་དང་གྱེ་རེ་མཆོག་སྐྱོང་གཉིས་ལ་བཤད། གཉིས་ཀས་ཁྱུང་པོ་དབྱིང་འོད། དེ་ནས་ཞང་རྒྱལ་བའི་ཡོན་ཏན། གནུབས་སངས་རྒྱས་ཡེ་ཤེས། སོ་ཡེ་ཤེས་དབང་ཕྱུག །ངབ་ཐུང་བྱང་ཆུབ་རྒྱལ་མཚན། སྐོར་ཐུང་ཤེས་རབ་ཡེ་ཤེས། ར་ཐུང་ཡེ་ཤེས་ཚུལ་ཁྲིམས། ཉང་ཤར་མཆོག །ཉང་ཡེ་འབྱུང་། ཟུར་ཆེ་ཆུང་། བླ་མ་བསོད་ནམས་གྲགས་པ། གླན་ཤཱཀྱ་བྱང་ཆུབ།
སྒྲོལ་ཕུག་པ་ཤཱཀ་སེང་། རྩད་ཚ་ཤཱཀ་རྡོར། རྩེགས་ཤཱཀ་འབྱུང་། གླན་རྡོར་འོད། གླན་བསོད་རྒྱན། དཔལ་ལྡན་ཆོས་སེང་། སངས་རྒྱས་དཔལ། བསོད་ནམས་མགོན་པོ། སྒྲོལ་མ་བསམ་གྲུབ་རྡོ་རྗེ། ཟུར་ཤཱཀ་འབྱུང་ཕྱི་མ། དཔལ་ལྡན་བཟང་པོ། ཕ་ལ་ཤྲཱི། ཟུར་ཤཱཀྱ་བཤེས་གཉེན། སོག་པོ་དཔལ་ཡེ། ཀུན་བཟང་དཔལ། ཀ་ཐོག་པ་བསོད་རྒྱན། རྣམ་གྲོལ་བཟང་པོ། ཆོས་ཀྱི་སེང་གེ །ཆོས་ཀྱི་དབང་པོ། ཀརྨ་ཆོས་སྐྱོང་། བཀྲ་ཤིས་ལྷུན་གྲུབ། རྗེ་ཁྲ་ཚང་པ། དེས་བདག་ལའོ། །ཡང་ན་སོ་ཡེ་ཤེས་དབང་ཕྱུག་ནས། ཁུ་ལུང་པ་ཡོན་ཏན་རྒྱ་མཚོ། གནུབས་ཡེ་ཤེས་རྒྱ་མཚོ། ཉང་ཤེས་རབ་མཆོག །ཉང་ཡེ་ཤེས་འབྱུང་གནས། ཟུར་པོ་ཆེ། ཐུགས་སྲས་རྩེ་མོ་བཞི། ཟུར་ཆུང་པ། ཐུགས་སྲས་ཀ་བ་བཞི། སྒྲོལ་ཕུག་པ། ཉི་སྟོན་ཆོས་སེང་། གཙང་ནག་འོད་འབར། ཟུར་པ་ལེ། ཟུར་ཧེ་རུ། གཡུང་སྟོན་སངས་རྒྱས། རྒྱ་གབ་གོང་བ། གཡུང་སྟོན་ཆོས། རྒྱ་གཟི་བརྗིད། ཟུར་བྱམས་པ་སེང་གེ །སྒྲོལ་ཆེན་མན་འདྲ། གསུམ་པ་སྒྲུབ་པ་བཀའ་བརྒྱད་བྱེ་བྲག་གི་སྐོར་ལ། འཇམ་དཔལ་སྐུ། པདྨ་གསུང་། ཡང་དག་ཐུགས། བདུད་རྩི་ཡོན་ཏན། ཕུར་པ་འཕྲིན་ལས། མ་མོ་རྦོད་གཏོང་། བསྟན་སྲུང་མཆོད་བསྟོད། དྲག་སྔགས་སྐོར་དང་བདུན། དང་པོ་ལ། རྒྱ་གར་གྱི་ཡུལ་ན་འཇམ་དཔལ་ཁྲི་སྟོང་བཞུགས་པར་གྲགས་པ་ལས། བོད་ཡུལ་དུ་ཡེ་ཤེས་ལྷའི་རྒྱུད་སུམ་ཅུ་རྩ་གཉིས། ལས་ཀྱི་སྲིན་པོ་གདོང་དམར་འདུལ་བའི་ཕྱིར་འཇིག་རྟེན་པའི་རྒྱུད་སུམ་ཅུ་རྩ་གཉིས་ཏེ་དྲུག་ཅུ་རྩ་བཞི། འཇམ་དཔལ་དཔལ་གྱི་གླུ་བླངས་ཀྱི་ལེའུ་སྟེ་དྲུག་ཅུ་རྩ་ལྔ་ལ་སོགས་པ་འགྱུར་བར་གྲགས་པ་ལས། དཔལ་ཟླ་གསང་ནག་པོ་ངན་སྔགས་ཐམས་ཅད་ཀྱི་རྩ་བའི་རྒྱུད་ལ།
འདི་སྐད་བདག་གིས་ཐོས་པའི་དུས་གཅིག་ན་བཅོམ་ལྡན་འདས་འཇམ་དཔལ་གཤིན་རྗེའི་གཤེད་པོ་ལྷ་མཆོག་ཡ་མནྟ་ཀ་ལྷོ་ཕྱོགས་གཤིན་རྗེའི་གནས་དུད་ཁྲོད་ཆེན་པོ་གཏུམ་དྲག་ཚལ་ཞེས་བྱ་བ་ན་ཞེས་སོགས་གླེང་གཞིའི་བྱུང་ཁུངས་ཀྱི་ལེའུ་དང་པོ། གླེང་བསླང་བ་གཉིས་པ། ཐམས་ཅད་ཞི་བར་སྒྲུབ་པ་གསུམ་པ། ལས་ཀྱི་མདོ་བྱང་ཆེན་པོ་བསྟན་པ་སོ་བརྒྱད་པ། ཕོ་མོ་ལྟོ་དཀྲུགས་ལ་སོགས་པ་སོ་དགུ་པ། གནམ་ལྕགས་ཐོག་འབེབས་མེ་ལྕེའི་ཕྲེང་བ་བཞི་བཅུ་པ། གང་བ་བཟང་པོ་ནང་ལྟར་སྒྲུབ་པ་དོན་གཉིས་པ། སྲོག་གཅོད་སྤུ་གྲི་གནོད་སྦྱིན་ཟླ་གསང་གང་བ་བཟང་པོ་གསང་བར་སྒྲུབ་པ་དོན་གསུམ་པ། མན་ངག་རྩ་བའི་ཐབས་བསྟན་པ་དོན་བཞི་པའོ། །འཇམ་དཔལ་བཤེས་གཉེན་གྱིས་ཚངས་པ་ཀླུ་གནོད་ཀྱི་བསེའི་ཀ་བ་ལ་སྦས། ཛྙཱ་ན་གརྦྷས་རྙེད། ནམ་མཁའི་སྙིང་པོ་ལ་སིནྡྷའི་ནགས་ཚལ་དུ་བརྒྱུད་དོ། །དཔལ་ཟླ་གསང་ནག་པོ་དྲེགས་༼དར༽པ་ཚར་གཅོད་ཀྱི་རྒྱུད་ལ། འདི་སྐད་བདག་གིས་ཐོས་པའི་དུས་གཅིག་ན་འཇམ་དཔལ་གཤིན་རྗེའི་གཤེད་པོ་ལྷ་མཆོག་ཡ་མནྟ་ཀ་ལྷོ་ཕྱོགས་གཤིན་རྗེའི་གནས་དུར་ཁྲོད་གཏུམ་དྲག་ཚལ་ཞེས་བྱ་བ་ན་ཞེས་སོགས་གླེང་གཞིའི་སྐབས་དང་པོ། འདི་དང་གོང་གི་ཟླ་གསང་རྩ་རྒྱུད་གཉིས་ལེའུ་གཉིས་པ་ཡན་ཕྱོགས་མཚུངས་ཙམ་ཡོད་ཀྱང་ལེ་གྲངས་ལ་མང་ཉུང་ཡོད་དོ། །གླེང་བསླང་བ་གཉིས་པ་ཐམས་ཅད་ཞི་བར་སྒྲུབ་པ་གསུམ་པ། འབྲུ་ཤག་གི་སྐབས་ཉེར་བདུན་པ། ནག་པོ་གསལ་བྱེད་སྒྲོན་མ་ཉེར་བརྒྱད་པ། གདུག་པ་ཀླུ་ནད་ལྟར་སྒྲུབ་པ་ང་དྲུག་པ། མཛེ་ནད་ཛྭ་ལ་གདུག་པ་ཀླུའི་ཟླ་གསང་ང་བདུན་པ། རྒྱུད་གཏད་པ་ང་བརྒྱད་པའོ། །དཔལ་ཟླ་གསང་ནག་༼དར༽པོ་མེ་ལྕེ་འཕྲེང་བའི་རྒྱུད་ལ། འདི་སྐད་བདག་གིས་
ཐོས་པའི་དུས་གཅིག་ན་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་ཀྱི་བདག་ཉིད་འཇིགས་བྱེད་ཀྱི་རྒྱལ་པོ་ཆེ་བ་ཀུན་གྱི་བདག་ཉིད་ཟབ་མོའི་གསུང་བརྗོད་དུ་མེད་པའི་སྒྲ་སྐད་སྣ་ཚོགས་སུ་གསུང་པ་བྲན་རྟོག་ཐམས་ཅད་ཡེ་ནས་ལྷུན་གྱིས་གྲུབ་པའི་དགོངས་པ་ལས་མི་གཡེང་བ་ཞེས་སོགས་གླེང་གཞིའི་ལེའུ་དང་པོ། གླེང་བསླང་བ་དང་གསལ་བྱེད་ལྟ་བ་བསྟན་པ་གཉིས་པ། གནས་གཞིའི་འཁོར་ལོ་དང་དྲག་པོ་གནད་ཀྱི་འཁོར་ལོ་མདོར་བསྟན་པ་གསུམ་པ། འབྲུ་ཤག་གྲོང་ཁྱེར་སོ་བརྒྱད་པ། གསང་བ་ཐུན་སྔགས་སོ་དགུ་པ། ངན་སྔགས་སྔགས་རྒོད་བཞི་བཅུ་པ། གནོད་སྦྱིན་ཟླ་གསང་གསང་བ་ལྟར་སྒྲུབ་པ་དོན་གཉིས་པ། མཛེ་ནད་ཛྭ་ལ་གདུག་པ་ཀླུའི་ཟླ་གསང་དོན་གསུམ་པ། འཇིགས་བྱེད་ཆེན་པོས་གདམས་པ་དང་འཁོར་རྣམས་རྗེས་སུ་ཡི་རང་ནས་དམ་བཅས་པའི་ལེའུ་དོན་བཞི་པའོ། །ལོ་ཙཱ་བ་གསུམ་གྱིས་ལན་གྲངས་གསུམ་དུ་བཅོས་ཤིང་གཏན་ལ་ཕབ་པའོ། །ཟླ་གསང་དྲག་སྔགས་ནག་པོ་བཤན་པ་སྤུ་གྲིའི་རྒྱུད་ལ། འདི་སྐད་བདག་གིས་ཐོས་པའི་དུས་གཅིག་ན་ལྷོ་ཕྱོགས་གཤིན་ཡུལ་རོ་མྱགས་ཆེན་པོའི་ཚལ་དུར་ཁྲོད་ལྕགས་ཀྱི་ཁང་རོམ་འབར་བ་རྨང་གསེར་གྱི་གདན་ལ་ལོགས་ལྕགས་སུ་ཐོད་པའི་འབུར་ལ་རཀྟའི་ཆུ་རྒྱུན་འབབ་པ་ཞེས་སོགས་གཞི་དང་འཁོར་བསྟན་པའི་ལེའུ་དང་པོ། དྲེགས་པ་རྣམས་སྲོག་སྙིང་ཕྲོགས་ཏེ་ལས་ལ་མངགས་པ་གཉིས་པ། གླེང་བསླང་བ་གསུམ་པ། གནས་བཙལ་བ་བཞི་པ། དྲག་སྔགས་ལྔ་བཅུ་པ། ཆུ་འཁྱགས་སྒྲུབ་པ་ང་གཅིག་པ། སྲོག་གཅོད་སྤུ་གྲིའི་ལེའུ་གྱ་གཅིག་པ། བར་འདིར་ལེ་གྲངས་གསུམ་མ་འགྲིག་པ་ཆད་དམ་བརྟག །ཀླུ་
གདུག་པའི་ངན་སྔགས་གྱ་ལྔ་པ། སྲོག་རྟེན་བཅའ་བ་གོ་དགུ་པ། དུས་གར་དར་དང་ལྷ་སྲིན་ལ་བཀའ་བསྒོ་བ་བརྒྱ་པ། རྒྱུད་གཏད་ཅིང་རྗེས་སུ་རང་བའི་ལེའུ་བརྒྱ་གཅིག་པའོ། །གསུང་སྤྲུལ་གྱི་གསན་ཡིག་ན་ལེའུ་གོ་བདུན་ལས་མེད་ཚུལ་འདུག་པ་གོང་གི་ལེ་མཆོངས་མ་བརྩིས་པ་འདྲ་ཞིང་ལུང་ཡང་གོ་བདུན་ལས་མ་བྱུང་། བལ་བོའི་རྒྱལ་པོ་བ་སུ་དྷ་ར་དང་། གནུབས་ཀྱི་བན་ཆུང་ཡང་དབང་གཏེར་གྱིས་བལ་ཡུལ་གྱི་གནས་བྷ་ར་སའི་བྲག་ཕུག་ཏུ་བསྒྱུར་ཏེ་གཏན་ལ་ཕབ་པ། རྣ་རྒྱུད་བདུན་ལས་བཤན་པ་སྤུ་གྲི་དྲེགས་པ་སྣ་ཚོགས་ཟླ་གསང་དམོད་པ་དམ་པ་ཡིན་ནོ། །དྲག་སྔགས་ཟླ་གསང་ནག་པོའི་རྒྱུད་ལ། འདི་སྐད་བདག་གིས་ཐོས་པའི་དུས་གཅིག་ན། ལྷོ་ཕྱོགས་དུར་ཁྲོད་ཆེན་པོ་གཏུམ་དྲག་ཚལ། །རོ་མྱགས་དུར་ཁྲོད་སྟོང་གི་གནས། །རྒྱ་ཁྱོན་དཔག་ཏུ་མེད་པ་སྟེ། །གསེར་དང་གཡུ་ལས་གྲུབ་པ་སྟེ། །ཞེས་སོགས་གླེང་གཞིའི་ལེའུ་དང་པོ། དཀྱིལ་འཁོར་བསྟན་པ་དྲུག་པ། ཟབ་མོ་རྣམ་གྲངས་བསྲུང་ཟློག་བདུན་པ། རྒྱུད་གཏད་པའི་ལེའུ་བཅུ་བཞི་པའོ། །བལ་པོའི་རྒྱལ་པོ་བ་སུ་དྷ་ར་དང་ཡང་དབང་གཏེར་གྱི་འགྱུར། འཇམ་དཔལ་དྲི་མ་མེད་༼དར༽པ་གསང་བའི་རྒྱུད་ལ། འདི་སྐད་བདག་གིས་ཐོས་པའི་དུས་གཅིག་ན་སྔོན་འདས་པའི་དུས་མ་བྱུང་བའི་སྔོན་རོལ་ཆོས་སྐུ་ཐིག་ལེ་ཉག་གཅིག་སྤྲོས་པ་ཐམས་ཅད་དང་བྲལ་ཞིང་རང་བཞིན་གྱིས་རྣམ་པར་དག་པའི་ངང་ལས་མ་གཡོས་བཞིན་དུ་བཅོམ་ལྡན་འདས་འཕགས་པ་འཇམ་དཔལ་ལོངས་སྤྱོད་རྫོགས་པའི་སྐུར་བཞེངས་ནས་ཞེས་སོགས་འདས་པ་སྔོན་བྱུང་བའི་ལེའུ་དང་པོ། གདུལ་བྱ་དྲག་པོའི་ལེའུ་གཉིས་པ། འཕྲིན་ལས་རྒྱས་པར་བསྟན་པ་བཅུ་གསུམ་པ། སྔགས་པ་གསད་པ་ཉེར་ལྔ་པ། རྗེས་སུ་ཡི་རང་བ་ཉེར་དྲུག་པའོ། །
འཇམ་དཔལ་གཤིན་རྗེའི་གསང་བ་དེ་ཁོ་ན་ཉིད་ཁ་མཐུན་གྱི་རྒྱུད་ལ། འཇམ་དཔལ་གསང་རྒྱུད་ཕྱི་མར་གྲགས། ཆོས་དབྱིངས་རྣམ་དག་སྐྱེ་མེད་ལས། །སྐྱེ་བའི་ཚུལ་བསྟན་སྤྲུལ་པའི་སྐུ། །བཅོམ་ལྡན་ཆེ་བ་ལྷ་ཡི་དཔལ། །འཇིགས་བྱེད་ཆེན་པོ་བསམ་མི་ཁྱབ། །ཅེས་སོགས་དམ་པའི་ལེའུ་དང་པོ། དམིགས་པའི་དགོངས་པ་གསལ་བ་ལྔ་པ། ཕྱི་མའི་ལེའུ་བརྒྱད་པའོ། །དཔལ་གཤིན་རྗེ་ནག་པོ་མེ་རླུང་སྐྱིན་ཐང་འཁྲུག་པའི་རྒྱུད་ལ། ཐམས་ཅད་གསུམ་ལྡན་བདེ་བ་གཅིག །ཟུང་ཐུབ་མཚན་མ་ཀུན་སྤངས་པའི། །ཡོན་ཏན་མ་ལུས་ཀུན་ལྡན་པའོ། །རྡོ་རྗེ་འཆང་ལ་ཕྱག་འཚལ་ལོ། ཞེས་སོགས་ཁྲོ་བོ་གླེང་གཞིའི་ལེའུ་དང་པོ། ཁྲོ་བོ་ལྷུན་གྱིས་གྲུབ་པ་གཉིས་པ། མཚོན་ཆའི་རྒྱལ་པོ་དམར་ལེན་གཞན་གྱི་ལུས་སྲེག་འགྲེལ་བ་ཉེར་དྲུག་པ། ཁྱད་པར་དམར་ལེན་གྱི་སྦྱོར་བ་ཉེར་བདུན་པ། བཙན་གྱི་དྲག་སེར་ང་གཉིས་པ། འཁོར་ལ་གཏད་པ་ང་གསུམ་པ། རྒྱུད་ཀྱི་ཡང་སྙིང་ཞེས་བྱ་བ་དོན་རྒྱས་པ་སངས་རྒྱས་ཐམས་ཅད་ཀྱི་དམོད་པས་བསྒྲལ་བ་ལྷའི་ཡུལ་དུ་གྲགས་པའོ། །གཤིན་རྗེ་ནག་པོའི་ཏནྟྲ་ལ། དེ་ནས་དེ་བཞིན་གཤེགས་པ་ཐམས་ཅད་ཀྱིས་དགྱེས་པ་ཆེན་པོ་ཕུལ་དུ་ཕྱིན་ཏེ་ཕྱོགས་བཅུ་དུས་གསུམ་གྱི་སངས་རྒྱས་ཐམས་ཅད་ཚོགས་ནས་ཞེས་སོགས་རྒྱུད་བཀའ་སྩལ་བའི་ལེའུ་དང་པོ། ཡེ་ཤེས་མཆོག་གི་མཆོད་པ་བརྒྱད་པ། དགྱེས་པ་ཆེན་པོ་འཕྲིན་ལས་ཀྱི་ལེའུ་དགུ་པ། རྒྱུད་འདི་གཉིས་བསྡོམས་ཏེ་ལེའུ་སོ་གསུམ་བྱས་པ་དང་སོ་སོར་དབྱེ་བ་སྔོན་མ་ལ་གསང་བ་མན་ངག་གི་ལེའུ་བསྣན་པའི་བཅུ་ཞེས་པ་སོགས་ བརྒྱུད་པ་འདི་ལ་གཉིས་ཀ་བསྡོམས་པའི་ལེའུ་སོ་གསུམ ་པ་ཡིན་ནོ། །ཀཱ་ལ་རུ་པ་གསང་བའི་ལས་ལ། ལས་གསང་བའི་མན་ངག་བསྟན་པ་བཅུ་པ། ཀཱ་ལ་རུ་པའི་ལེའུ་གཉིས་
བྱུང་བ་ལས་བཅུ་གཅིག་པ། གསང་བའི་ལས་གཉིས་དང་ཏིང་ངེ་འཛིན་གྱི་ལེའུ་བཅུ་གཉིས་པ། མན་ངག་གསང་བའི་ལས་དགུ་པའི་ལེའུ་བཅུ་གསུམ་པ། འཁོར་གྱིས་བསྟོད་པ་སོ་གསུམ་པ། དབུ་ཞབས་སུ་དོན་བསྡུས་པ་དང་དམ་བཅས་པའི་ལེའུ་སོ་བཞི་པའོ། །འཕགས་པ་འཇམ་དཔལ་གསང་བ་རྒྱུད་ཀྱི་རྒྱལ་པོ་པྲ་ཁོག་༼གནུབས༽སྣང་བའི་རྒྱུད་ཕྱི་མའི་རྒྱལ་པོ་སྒྲུབ་པའི་ལུང་ཁྲོ་བོ་རྣམ་པར་རྒྱལ་བའི་རྒྱུད་ཕྱི་མའི་ཡང་ཕྱི་མ་ལ། གསུང་སྤྲུལ་གྱིས་གསན་ཡིག་ན་བར་ལེ་རྣམས་མ་ཚང་བས་ནོར་རམ་བརྟག་ཅེས་པ་འདུག་ཀྱང་། པཎ་ཆེན་སྐུ་མཆེད་ཀྱི་གསན་ཡིག་ན་ལེ་གྲངས་ཀྱི་གསལ་ཁ་མ་མཛད་ཅིང་སྔགས་གསར་རྙིང་གི་རྒྱུད་འགའ་ཞིག་ཏུ་འདི་རིགས་ཡོང་འདུག་པས་མཐའ་གཅིག་ཏུ་མ་ངེས། པྲ་ཁོག་བསླང་བ་སླད་པ་སྣང་བ་སོགས་ཟེར་ཀྱང་ཀུན་མཁྱེན་དགའ་གདོང་པའི་བཀའ་འགྱུར་གྱི་གསན་ཡིག་ན་སྣང་བ་འདུག་ཅིང་རང་ལུགས་བཀའ་ཤོག་རྒྱ་བོ་ཆེ་ན་ཡོད། དེ་ནས་འཇམ་དཔལ་དབྱངས་ཀྱིས་ནི། ཁྲོ་བོའི་མིང་ནི་གཤིན་རྗེའི་གཤེད། །མཚོན་ཆ་མེ་ལྟར་འབར་བ་འཁྲིགས། །དྲག་ལ་མཐུ་རྩལ་དྲག་ལྡན་པ། །དེ་མཐོང་ནས་ནི་ཁྲོ་བོ་གཞན། །ཐམས་ཅད་ཀུན་གྱི་ལག་ཆ་ཤོར། །ཞེས་སོགས་འཇམ་དཔལ་གྱི་རྩ་བའི་རྟོག་པ་ཁྲོ་བོ་རྣམ་པར་རྒྱལ་བའི་རྒྱུད་འབྱུང་ཞེས་བྱ་བའི་སྐབས་ཏེ་ལེའུ་དང་པོ། ཡི་དྭགས་ཕལ་པའི་དཀྱིལ་འཁོར་དུ་གཏོགས་པ་གཉིས་པ། ཁྲོ་བོ་བརྟུལ་ཞུགས་སུ་གཏོགས་པ་བདུན་པ། འདི་ནས་ལེའུའི་ངེས་བཟུང་མེད་པ་ལ། ཕྱི་མའི་ཡང་ཕྱི་མ་ལས་གཤིན་རྗེ་རབ་ཏུ་འཇོམས་པའི་ཡི་གེ་འབྲུ་གཅིག་པ་རྒྱལ་པོའི་དཀྱིལ་འཁོར་དགོད་པའི་རྟོག་པར་གཏོགས་པ་དང་པོ། དེ་ནས་རྟོག་པ་བཞི་པའི་བར་མཐར་ཆགས་ལ། དེ་ནས་རྟོག་པ་བཅོ་ལྔ་པར་མཆོངས། དེ་རྗེས་རྟོག་པ་བཅུ་དྲུག་པ་དང་སྔགས་དང་སྔགས་ཀྱི་ཕན་ཡོན་ལས་ཚོགས་ཕྱག་རྒྱ་
བསྟན་པའི་མཐར་ཐུག་པ་ལེ་གྲངས་མ་བྱས་པ་རྫོགས་ཚིག་ཅན། ཁྲོ་བོ་རྣམ་པར་རྒྱལ་བའི་རྩ་བའི་རྟོག་པ་ལས། གསང་བའི་རྟོག་པར་གཏོགས་པ་དང་པོ། དེ་རྗེས་ཁྲོ་བོ་རྣམ་པར་རྒྱལ་བའི་རྟོག་པ་ལས་གསང་བའི་རྟོག་པར་གཏོགས་པ་བཅུ་དགུ་པ། འདིའི་མཇུག་ཏུ་རྟོག་པ་ཉི་ཤུ་པ། དེ་རྗེས་རྟོག་པ་བཞི་པ་བྱས་པ། ཁྲོ་བོ་ཁམས་གསུམ་རྣམ་པར་རྒྱལ་བའི་རྟོག་པའི་ལེའུ་ཉི་ཤུ་རྩ་གཉིས་པའོའི་མཐའ་ཅན། དཔལ་ཚེ་བདག་ནག་པོ་འཕྲིན་ལས་ཀྱི་དགོངས་པ་ཐམས་ཅད་རྫོགས་པའི་རྒྱུད་ཆེན་པོ་ལ། སེ་སྟོན་ཆེན་པོས། དགོངས་རྒྱུདམངོན་ཕྱུངས་དངོས་གྲུབ་ཉེར་བསྡུས་པ། །སྨིན་བྱེད་དབང་གི་སྒྲོན་མ་པདྨའི་གཞུང་། །དབང་དུ་སོང་བཞག་འཁྲུལ་མེད་ཕྱག་ལེན་གྱིས། ལེགས་པར་བརྒྱན་བྱས་ངེས་དོན་བདེ་འཇུག་བཀོད། ཅེས་པའི་རྒྱུད་ཀྱང་འདི་ཉིད་དོ། །འདི་སྐད་བདག་གིས་ཐོས་པའི་དུས་གཅིག་ན་བཅོམ་ལྡན་འདས་ཆོས་ཐམས་ཅད་ལྷུན་གྱིས་རྫོགས་པའི་རང་བཞིན་རྡོ་རྗེ་ཡོངས་སུ་བཀོད་པའི་སྙིང་པོ་འོག་མིན་གྱི་གནས་མཁའ་དབྱིངས་རྣམ་པར་དག་པའི་ཀློང་རང་བཞིན་ལྷུན་གྱིས་གྲུབ་པའི་གཞལ་ཡས་ཁང་ཞེས་སོགས་གླེང་གཞིའི་ལེའུ་དང་པོ། ཆོས་ཉིད་ཀྱི་དོན་གཏན་ལ་དབབ་པ་གཉིས་པ། དྲག་པོ་ཧོམ་གྱི་ལེའུ་བཅོ་ལྔ་པ། ལྷུན་གྱིས་གྲུབ་པའི་ལེའུ་བཅུ་དྲུག་པ། ཐོག་སེར་སྦྱོར་བ་ཉེར་དགུ་པ། རྒྱུད་གཏད་པའི་ལེའུ་སུམ་ཅུ་པའོ། །ཚེ་བདག་ནག་པོའི་དགོངས་རྒྱུད་རྒྱུད་ཀྱི་སྙིང་པོ་དམ་པ་སངས་རྒྱས་ཐམས་ཅད་ཀྱི་དགོངས་པ་གཅིག་ཏུ་བསྡུས་པ་ལྷའི་ཡུལ་དུ་གྲགས་སོ། །ཚེ་བདག་སྡིག་པ་སྙིང་འཛིངས་༼ཤྲཱི༽གསང་བའི་རྒྱུད་ལེའུ་བཅོ་ལྔ་པའོ། །སློབ་དཔོན་བ་སུ་དྷ་ར་དང་གནུབས་སངས་རྒྱས་ཡེ་ཤེས་ཀྱི་འགྱུར་རྒྱ་ཞང་གི་གཏེར་བྱོན། དྲག་པོ་
སྔགས་རྒོད་སྡིག་པ་སྙིང་འཛིངས་ཀྱི་རྒྱུད་༼དྷ༽དམ་མ་ཚང་བ་ཁ་སྐོང་བ་སྙིང་པོ་དོན་གྱི་གསང་རྒྱུད་བསམ་གཏན་ལྷ་ཡུལ་དུ་གྲགས་པ་འགྱུར་གོང་འདྲ། དྲག་སྔགས་མཚོན་ཆ་ནག་པོའི་རྒྱུད་དམ་རྡོ་རྗེ་ཐོག་༼ཟུར༽འབེབས་སྐུའི་རྒྱུད་ལེའུ་དགུ་པ་ལྷ་ཡུལ་དུ་གྲགས་པ་འགྱུར་གོང་འདྲ། དཔལ་ཚེ་བདག་ནག་པོའི་རྒྱུད་༼ཟུར༽དྲག་སྔགས་ཀྱི་དེ་ཁོ་ན་སྲོག་དམར་ལེན་གྱི་སྤུ་གྲི་ཞེས་བྱ་བ་ལེའུ་བཅུ་གཉིས་པ་འགྱུར་གོང་འདྲ། འཕགས་པ་འཇམ་དཔལ་གཤིན་རྗེའི་རྒྱལ་པོ་སྡིག་པ་༼དར༽སྟོབས་ཆེན་གསང་བའི་རྒྱུད་ལ། འདི་སྐད་བདག་གིས་ཐོས་པའི་དུས་གཅིག་ན་བཅོམ་ལྡན་འདས་ཆོས་ཐམས་ཅད་ལྷུན་གྱིས་རྫོགས་པའི་རང་བཞིན་ཡོངས་སུ་བཀོད་པའི་སྙིང་པོ་མཁའ་དབྱིངས་རྣམ་པར་དག་པའི་གློང་རྒྱ་ཡོངས་སུ་མ་ཆད་པ་རང་བཞིན་ལྷུན་གྱིས་གྲུབ་པའི་གཞལ་ཡས་ཞེས་སོགས་གླེང་གཞིའི་ལེའུ་དང་པོ། དམར་ལེན་ཡང་གསང་མཆོག་གི་ལེའུ་བཅུ་པ། བསྲུང་པ་ཁྱད་པར་གྱི་ལེའུ་བཅུ་གཅིག་པ། གཏད་ཅིང་རྗེས་སུ་ཡི་རང་བའི་ལེའུ་ཉེར་གཅིག་པའོ། །རྡོ་རྗེ་ཁྲི་གཙུག་གིས་བསྒྱུར་ཟེར། གནུབས་ཆེན་གྱི་མཚན། གཙུག་ལག་དཔལ་དགེ །ཤིནྟཾ་གརྦྷ། དྷ་ན་ཏ་ལ། དེས་བ་སུ་དྷ་ར་ལ་གཏད། འགྱུར་དང་གཏེར་སྟོན་གོང་འདྲ། རྒྱ་ལ་རོང་པ་ཤེའུ་སྟོན་གྱིས་ཞུས་པའི་སྣང་བ། འཕགས་པ་འཇམ་དཔལ་ལས་༼ཁྲ༽བཞི་འཁོར་ལོ་གསང་བའི་རྒྱུད་ལ། འདི་སྐད་བདག་གིས་ཐོས་པའི་དུས་གཅིག་ན་བཅོམ་ལྡན་འདས་དགྱེས་པ་ཆེན་པོར་གྱུར་ཏེ་ཡུམ་ཆེན་མོ་དང་གཉིས་སུ་མེད་པའི་མཁའ་ལ་བཞུགས་པ་ལ་འདི་ལྟ་སྟེ་ཞེས་སོགས་གླེང་གཞི་རྩ་བའི་རྒྱུད་སྡེ་དང་པོ། འཇམ་དཔལ་ཚེ་སྒྲུབ་བརྒྱད་པ་མཇུག་བསྐུལ་དང་མནན་པ་བཅུ་
གསུམ་པ། ཕྱི་མའི་ལེའུ་བཞི་སྟེ་ཀུན་དྲིལ་བས་བཅུ་བདུན་ཡོད་དོ། །གཤིན་རྗེ་ནག་པོ་གསང་བ་དེ་ཁོ་ན་ཉིད་ཁ་མཐུན་གྱི་རྒྱུད་ལ། འདི་སྐད་བཤད་པའི་དུས་གཅིག་ན་བཅོམ་ལྡན་འདས་འཇམ་དཔལ་ཡ་མནྟ་ཀ་ཉིད་ཆོས་སྐུའི་ངང་ལ་གཟུགས་སྐུ་ཞལ་གསུམ་ཕྱག་དྲུག་པ་བཞེངས་ཏེ་འཕྲིན་ལས་རྣམ་བཞི་ལྷུན་གྱི་གྲུབ་པ་ཞེས་གླེང་གཞིའི་ལེའུ་དང་པོ། ཁྱད་པར་ལས་ལ་བཀོད་ཏེ་གསད་པ་ལྔ་པ། རྒྱུད་ཡོངས་སུ་བཟུང་བའི་ལེའུ་སྟེ་བརྒྱད་པའོ། །རྒྱུད་འདི་འཇམ་དཔལ་གྱིས་འོག་མིན་དུ་གསུངས་ནས་རྒྱལ་པོ་ཛ་ལ་བབས། བཀྲ་ཤིས་བདེ་ལྡན་གྱི་དགའ་རབ་རྡོ་རྗེ། དེས་འཇམ་དཔལ་བཤེས་གཉེན། གཙུག་ལག་དཔལ་དགེ་བ་སུ་དྷ་ར། ཡང་དབང་གཏེར་ལ་རིམ་བཞིན་བཀའ་བབབ་སོ། །ཁ་མཐུན་གསང་བ་དེ་ཁོ་ན་ཉིད་ཕྱི་མའི་རྒྱུད་ལ། འདི་སྐད་བསྟན་པའི་དུས་གཅིག་ན་བཅོམ་ལྡན་འདས་གཤིན་རྗེ་གཤེད་པོ་ཉིད་རང་བཞིན་གྱི་གནས་ན་བཞུགས་པ་ལ་ཐུགས་མཆོག་ཡ་མ་རཱ་ཛས་གསོལ་བ་སོགས་འཁོར་ལོའི་དབྱེ་བ་སྐྱོན་ཡོན་བསྡུ་ཐབས་བསྟན་པའི་ལེའུ་དང་པོ། རྒྱུད་གཟུང་ཞིང་བཅང་བ་ལྔ་པའོ། །བ་སུ་དྷ་ར་དང་སངས་རྒྱས་ཡེ་ཤེས་ཀྱི་འགྱུར། དཔལ་གཤིན་རྗེ་ཁྲི་དྲུག་སྟོང་པོ་ནས་དྲག་པོ་རྣོ་དཔལ་མཚོན་ཆའི་སྐབས་ཁོལ་དུ་བཏོན་པ་ཚེ་བདག་ནག་པོ་དྲག་སྔགས་མངོན་དུ་ཕྱུང་བའི་རྒྱུད་ལ། འདི་སྐད་བདག་གིས་ཐོས་པའི་དུས་གཅིག་ན་བཅོམ་ལྡན་འདས་ཆོས་ཐམས་ཅད་ལྷུན་གྱིས་རྫོགས་པའི་སྙིང་པོ་ཅན་རྡོ་རྗེ་འཆང་ཆེན་པོའི་རང་བཞིན་དེ་འོག་མིན་ཆོས་ཀྱི་དབྱིངས་ཀྱི་མཁའ་དབྱིངས་རྣམ་པར་དག་པའི་ཀློང་སེམས་ཉིད་ཀྱི་གནས་རང་བྱུང་མ་བསྒྲིབས་པར་གསལ་བའི་གཞལ་
ཡས་ཁང་ན་ཞེས་སོགས་གླེང་གཞིའི་ལེའུ་དང་པོ། ཆོས་ཉིད་གཏན་ལ་དབབ་པ་བཅུ་གཅིག་པ། དྲག་སྔགས་རྩ་བའི་ལེའུ་བཅུ་གཉིས་པ། རྒྱུད་ཡོངས་སུ་གཏད་པའི་ལེའུ་ཉེར་གཅིག་པའོ། །འཇམ་དཔལ་ཁྲོ་བོ་སྙིང་གཟེར་གསང་བའི་རྒྱུད་ལ། དེ་ནས་རྡོ་རྗེ་སྙིང་པོ་ཡིས། །རྡོ་རྗེ་ཁྲོ་བོ་འཇིགས་པའི་ཚོགས། །ཀུན་ནས་གུས་པས་ཐལ་སྦྱར་ཏེ། །བདེ་ཆེན་ཡབ་ལ་འདི་སྐད་གསོལ། །ཞེས་སོགས་ཡམས་ཀྱི་ནད་བརྟག་པའི་སྐབས་དང་པོ། བཀྲུ་བ་དང་བསྲེག་པའི་སྦྱོར་བ་བསྟན་པ་ལྔ་པའོ། །པྲ་རྒྱུད་རེ་གཅིག་རྣལ་འབྱོར་ཆེན་པོའི་རྒྱུད་འཇམ་དཔལ་གཤིན་རྗེ་འབུམ་སྡེ་རྣམ་པར་བཀོད་པ་ལས། གདུག་པ་ཀླུ་འདུལ་བྱེད་ལེའུ་བཀོད་པའོ། །བ་སུ་དྷ་ར་དང་གནུབས་སངས་རྒྱས་ཡེ་ཤེས་ཀྱི་འགྱུར། དྲག་པོ་ཕུང་བྱེད་མཆོད་རྟེན་ནག་པོའི་རྒྱུད་ལ། འདི་སྐད་བདག་གིས་ཐོས་པའི་དུས་གཅིག་ན་རི་ཀ་རི་ཀ་བྱ་རྐང་ཕུག་རོན་ཟངས་ཕུག་ཅེས་བྱ་བ་ན་དྲེགས་པ་ལྷའི་བདག་པོ་ཁ་ཐེ་ནག་པོ་ཞེས་བྱ་བ་མུ་སྟེགས་རྣམ་པ་བཞི་འདུལ་བའི་དོན་ཆེད་དུ་དཀའ་ཐུབ་སྦྱིན་སྤོང་མཛད་པ་སོགས་གླེང་གཞིའི་ལེའུ་དང་པོ། དྲག་པོ་ཧོམ་གྱི་ལེའུ་བཅུ་གཅིག་པ། རྫས་ཆེན་སྒྲུབ་པ་དང་སྲིད་བཙལ་བ་ཉི་ཤུ་པ། ཡོངས་སུ་གཏད་པའི་ལེའུ་ཉེར་གཅིག་པ། མཆོད་རྟེན་ནག་པོའི་རྒྱུད་ལས་རྟོག་པ་ཕྱི་མ་དྲག་པོ་ཕུང་བྱེད་ཀྱི་རྒྱུད་ཅེས་བྱ་བའོ། །ངན་སྔགས་གཙུག་ལག་གྱི་རྒྱུད་ཕྱི་མའི་ཡང་ཕྱི་མ་ལ། དེ་ནས་འཕགས་པ་འཇམ་དཔལ་གྱིས་བཅོམ་ལྡན་འདས་ཀུན་ཏུ་བཟང་པོ་ལ་འདི་སྐད་ཅེས་གསོལ་ཏོ། །ཨེ་མ་ཧོ་བདེ་གཤེགས་བཅོམ་ལྡན་འདས། །མ་འོངས་རྣམས་ཀྱི་དོན་ཕྱིར་དུ། །སྔགས་ཀྱི་དེ་ཉིད་བཤད་པ་ཞུ། །ཞེས་སོགས་སྔགས་ཀྱི་དེ་ཁོ་ན་
ཉིད་བཤད་པའི་ལེའུ་དང་པོ། འཇིག་རྟེན་པའི་སྔགས་ཀྱི་འཕྲེང་བ་བསྟན་པ་བཞི་པ། འཕྲིན་ལས་ཉམས་སུ་བླང་བའི་ལེའུ་བརྒྱད་པའོ། །འཇིག་རྟེན་གསུམ་གྱི་ཤེས་པ་བསྒྲལ་བའི་རྒྱུད་ལ། འདི་སྒྲུབ་སྡེ་སྤྱི་རྒྱུད་འདྲ་བ་ཞིག་འདུག་ཀྱང་པཎ་ཆེན་སྐུ་མཆེད་ཀྱི་གསན་ཡིག་ན་མི་གསལ་ལ། རཏྣའི་གསན་ཡིག་ན་གཤིན་རྗེའི་སྐོར་དུ་སྣང་ངོ་། །འདི་སྐད་བདག་གིས་ཐོས་པའི་དུས་གཅིག་ན་བཅོམ་ལྡན་འདས་གསང་བ་གསུམ་གྱི་བདག་པོ་གཉིས་སུ་མེད་པའི་ཐིག་ལེ་འོད་ཟེར་ཁ་དོག་སྣ་ཚོགས་པ་འཁྲིགས་པ་སྐུ་རྡོ་རྗེ་ཕྱོགས་བཅུའི་དེ་བཞིན་གཤེགས་པའི་སྐུ་རྣམ་པར་དག་པའི་བདག་ཉིད་སོགས་མི་རྒྱ་ཆེན་པོའི་གླེང་གཞིའི་ལེའུ་དང་པོ། པདྨ་དབང་ཆེན་གྱི་ལེའུ་ལྔ་པ། བསེ་དུང་ལྕགས་དང་གསུམ་གྱི་ལེའུ་བརྒྱད་པའོ། །བལ་པོ་བ་སུ་དྷ་ར་དང་གནུབས་སངས་རྒྱས་ཡེ་ཤེས་ཀྱི་འགྱུར། དེ་བཞིན་གཤེགས་པ་ཐམས་ཅད་ཀྱི་དགོངས་པ་ཁྲོ་བོ་འདུས་པའི་རྒྱུད་ལ། དེ་ནས་བཅོམ་ལྡན་འདས་ཆོས་ཐམས་ཅད་ཀྱི་རང་བཞིན་དེ་ཁོ་ན་ཉིད་ཡེ་ཤེས་ཆེན་པོའི་ངོ་བོ་སྐུ་གསུང་ཐུགས་ལྷུན་གྱིས་གྲུབ་བ་ཞེས་སོགས་བདེ་གཤེགས་དགོངས་པ་འདུས་པ་བཤད་པ་ལེའུ་དང་པོ། བསྲུང་བཟློག་གསད་མནན་དབང་དབྱེ་བྲལ་གྱི་འཁོར་ལོ་ལྔ་པ། འཕྲིན་ལས་རྫོགས་པར་བརྗོད་པ་དགུ་པའོ། །བདེ་གཤེགས་རྒྱལ་བའི་དགོངས་དོན་ཞེས་བྱ་བ་དགོངས་པ་སྤྱི་དྲིལ་གྱི་རྒྱུད་བལ་ཡུལ་གྱི་རྒྱལ་པོ་བ་སུ་དྷ་ར་དང་རྡོ་རྗེ་ཡང་དབང་གཏེར་གྱིས་བྷ་ར་སའི་བྲག་ཕུག་ཏུ་བསྒྱུར་བ། གནོད་སྦྱིན་གདོང་ གསུམ་པ་༼ཨཱ༽ཆུ་ཐིག་སྔོན་མོ་བརྒྱུད ་ལ། རིན་པོ་ཆེ་སྨན་ལུང་པ་སོགས་ཀྱི་གསན་ཡིག་ན་ཆུ་ཏིག་སྔོན་པོ་ལེའུ་བཅོ་བརྒྱད་པ་དེ་འདིའི་གོང་དུ་འོས་ཞེས་མི་གཅིག་པའི་ཕྱོགས་མཛད། གསུང་སྤྲུལ་གྱི་གསན་ཡིག་ན་གཅིག་པའ་ི
ཕྱོགས་དང་ལེའུ་བཅོ་བརྒྱད་སྣང་། པཎ་ཆེན་སྐུ་མཆེད་ཀྱི་གསན་ཡིག་ན་གནོད་སྦྱིན་གདོང་གསུམ་པའི་རྒྱུད་ལེའུ་བཅོ་བརྒྱད་པ་ཞེས་སྣང་བས་གཅིག་པ་འདྲའོ། །འདི་སྐད་བདག་གིས་ཐོས་པའི་དུས་གཅིག་ན་སྔོན་གྱི་དུས་ན་བྱང་ཆུབ་སེམས་དཔའི་ཤིང་དྲུང་རབ་ཏུ་དགའ་བའི་གནས་ན་བཅོམ་ལྡན་འདས་མི་གཡོ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་བདུད་དང་ལྷ་སྦྱིན་གྱིས་མུ་སྟེགས་ལོག་ལྟའི་སྦྱོར་བ་བྱས་པའི་ཚེ་བཅོམ་ལྡན་འདས་ཀྱི་ཐུགས་ཀྱི་འོད་ཟེར་ལས་སོགས་གླེང་གཞིའི་ལེའུ་དང་པོ། བསྲུང་བའི་ལེའུ་བརྒྱད་པ། ཟློག་པའི་ལེའུ་དགུ་པོ། བསྐུལ་པ་ཕོ་ཉའི་ལེའུ་བཅོ་བརྒྱད་པའོ། །འཇམ་དཔལ་ནག་པོ་བཟློག་པའི་རྒྱུད་ལས་འཆར་ཀ་ནག་པོ་བཟློག་པའི་རྒྱུད་དང་། འཆི་བདག་བེ་ཝས་ཏོའི་རྒྱུད་དང་། རཱ་ཧུ་ནག་པོ་རྔམས་བྱེད་ཀྱི་རྒྱུད་དང་། གཤིན་རྗེ་འཆར་ཀ་ནག་པོ་གནོད་སྦྱིན་གདོང་གསུམ་པའི་རྒྱུད་རྣམས་རྒྱལ་པོ་སྤྲིན་གྱི་ཤུགས་ཅན་དང་འགོས་ལྷས་བཙས་ཀྱིས་བསྒྱུར་ཞེས་སྣང་ངོ་། །ཟུར་གྱི་མཐུ་བྱུང་ནས་འགོས་སློབ་དཔོན་བཤལ་རིམས་ཀྱི་བསྙུན་པར་བཟློག་པའི་ཆེད་དུ་སླར་འདི་བསྒྱུར་སྐད་དོ། །དེའི་རྒྱུད་ཕྱི་མ་འམ་འདུས་རྒྱུད་༼ཚེ༽དུ་གྲགས་པ་ངན་སྔགས་ཕྱིར་བཟློག་གི་རྒྱུད་ལེའུ་བདུན་པ། འཆར་ཀ་ནག་པོའི་སྐྱེ་རྒྱུད་ལེའུ་ཉི་ཤུ་རྩ་ལྔ་༼ཚེ༽པ་རྒྱལ་བུ་སྤྲིན་གྱི་ཤུགས་ཅན་གྱིས་རྡོ་རྗེ་གདན་གྱི་འོག་ནས་རྙེད་པ་འགོས་ཀྱི་ཐུགས་དམ། མོན་པ་ནག་པོ་སྐུ་ཁྲོས་པའི་རྒྱུད་༼ཚེ༽ལེའུ་བཅུ་བཞི་པ་རྒྱལ་བུ་སྤྲིན་གྱི་ཤུགས་ཅན་གྱིས་བསྣམས་བྱོན་པ་པཎྜི་ཏ་ཨཱ་ཙཪྻ་དང་ལོ་ཙཱ་བ་འགོས་ཀྱིས་བསྒྱུར་བ། སྲིན་པོ་སྒོ་བརྡུང་གི་རྒྱུད་༼ཚེ༽ལེའུ་བཅུ་པ། གདོང་ཟོར་ནག་པོ་འམ་གཤིན་རྗེ་སྔགས་༼ཚེ༽བཟློག་གི་རྒྱུད་ལེའུ་བདུན་པ། འཇོམས་བྱེད་འབར་༼ཚེ༽བའི་རྒྱུད་ལེའུ་ཉི་ཤུ་པ་གནུབས་
ཀྱིས་བསྒྱུར་བ། འཕགས་པ་འཇམ་དཔལ་མ་རུ་རྩེ་མཆེད་བཞི་རྩ་བའི་སྔགས་རྒྱུད་ལ། འདི་སྐད་བདག་གིས་ཐོས་པ་དུས་གཅིག་ན་འོག་མིན་གྱི་གནས་རང་བཞིན་ལྷུན་གྱིས་གྲུབ་པའི་གནས་མཆོག་ན་བཅོམ་ལྡན་འདས་དཔལ་ཀུན་ཏུ་བཟང་པོ་འགྲོ་བ་རྣམས་ཇི་ལྟར་འདུལ་བ་བཞིན་དགོངས་ནས་ཞེས་སོགས་གླེང་གཞིའི་ལེའུ་དང་པོ། རྒྱལ་བ་རྣམས་ཀྱིས་གསུངས་ཤིང་བྱིན་གྱིས་བརླབས་པ་སྔགས་ཀྱི་ལེའུ་ལྔ་པ། རྗེས་སུ་ཡི་རང་བའི་ལེའུ་དགུ་པའོ། །དེའི་རྒྱུད་ཕྱི་མ་ལ། དེ་ནས་དེའི་ཚེ་དེའི་དུས་ན་ལྷ་མ་ཡིན་གཡོག་འཁོར་དང་བཅས་ནས་བཅོམ་ལྡན་འདས་ཡ་མནྟ་ཀའི་ཐད་དུ་འདུས་ཏེ་དེ་དག་གི་ནང་དུ་གཤིན་རྗེའི་རྒྱལ་པོས་འདི་སྐད་ཅེས་གསུངས་སོ་སོགས་དབང་བསྐུར་བ་དང་འཁོར་ལོའི་ལེའུ་དང་པོ། སྨོན་ལམ་དང་ཐུན་དང་རྗེས་སུ་ཡི་རང་བ་བདུན་པ། མཇུག་ཏུ་དབང་ཕྱུག་ཆེན་པོ་ཡི་རངས་ཏེ་བསྟོད་པ་ཕྱི་མའི་ཕྱི་མ་དང་བཅས་ཡོད་པ། མ་རུ་རྩེ་རོ་ལངས་གསང་བའི་རྒྱུད་དཔའ་བོ་གར་མཁན་མཆོག་གི་རྒྱུད་ལ། འདི་སྐད་བདག་གིས་ཐོས་པའི་དུས་གཅིག་ན་རི་བདུན་གྱི་བྱང་ཕྱོགས་ཀྱི་ངོས་ལ་གནོད་སྦྱིན་གྱི་རྒྱལ་པོ་མ་རུ་རྩེ་ཞེས་བྱ་བ་གནས་ཏེ་ལྷ་དང་ལྷ་མ་ཡིན་ལ་སོགས་པ་ཐམས་ཅད་གཡུལ་འགྱེད་པ་སོགས་གླེང་གཞིའི་ལེའུ་དང་པོ། སྒྲུབ་པ་དང་སྲོག་སྔགས་བསྟན་པ་བཞི་པ། འཁོར་ལོ་དཀྲུག་པ་བརྒྱད་པའོ། །མཇུག་ཏུ་བསྟོད་པ་དང་དམྱལ་བའི་ལས་རྫོགས་སོའི་མཐའ་ཅན། མ་རུ་རྩེའི་སྔགས་རྒྱུད་ལ། འདི་སྐད་བདག་གིས་ཐོས་པའི་དུས་གཅིག་ན་དཔལ་ཕྱག་ན་རྡོ་རྗེ་ཆོས་ཀྱི་སྐུ་ལས་ལོངས་སྤྱོད་རྫོགས་པའི་སྐུར་བཞེངས་ཏེ་འགྲོ་བའི་
དོན་མཛད་པ་སོགས་གླེང་གཞིའི་ལེའུ་དང་པོ། རྫས་དང་ཐུན་དགོད་པ་བརྒྱད་པ། སྤྱིའི་ངོ་བོ་བསྟན་པ་དགུ་པ། འཁོར་རྣམས་རྗེས་སུ་ཡི་རང་ནས་བསྟོད་པ་བཅུ་བདུན་པའོ། །དྲེགས་པ་ཕོ་མོ་འདུས་པའི་རྒྱུད་ལ། འདི་སྐད་བདག་གིས་ཐོས་པའི་དུས་གཅིག་ན་བཅོམ་ལྡན་འདས་བདེ་བར་གཤེགས་པ་ཐམས་ཅད་ཀྱི་ངོ་བོ་བདེ་བ་ཆེན་པོའི་ངང་ལས་སྤྲུལ་པ་རྣམ་པ་གསུམ་བྱུང་བ་ནི་ཞེས་སོགས་གླེང་གཞིའི་ལེའུ་དང་པོ། གཤིན་རྗེ་ལས་ལ་གཟུད་པ་བརྒྱད་པ། མ་མོ་ལས་ལ་གཟུད་པ་དགུ་པ། ལས་ཀྱི་མཐའ་སྡུད་པ་བཅུ་བདུན་པའོ། །དེ་ལྟར་ལེགས་པར་ཐོབ་པའི་རྟགས་མེད་ཡོངས་རྫོགས་དང་དར་གནུབས་ཨཱའི་རྟགས་ཅན་བཅས་པའི་སྤྱི་བརྒྱུད་ནི། ཀུན་ཏུ་བཟང་པོ། རྡོ་རྗེ་སེམས་དཔའ། དགའ་རབ་རྡོ་རྗེ། འཇམ་དཔལ་བཤེས་གཉེན། ཨོ་རྒྱན་སངས་རྒྱས་གཉིས་པ། བལ་པོ་བ་སུ་དྷ་ར། གནུབས་སངས་རྒྱས་ཡེ་ཤེས། སོ་ཡེ་ཤེས་དབང་ཕྱུག །དན་ཡོན་ཏན་མཆོག །ངབ་ཐུང་བྱང་ཆུབ་རྒྱལ་མཚན། སྐོར་ཐུང་སངས་རྒྱས་ཤེས་རབ། རྔོག་སྟོན་ཚུལ་ཁྲིམས་རྒྱལ་མཚན། འབྲེ་གཙུག་ཏོར་གཞོན་ནུ། གླན་ཤཱཀྱ་དབང་ཕྱུག །གཉོས་ཆུ་བོ་རི་པ། གླན་རྡོ་རྗེ་འོད། འགོས་དགེ་སློང་། འགོས་དངོས་གྲུབ་མགོན། བླ་མ་ཤཱཀྱ་རྒྱལ་མཚན། རྗེ་དཔལ་བཟང་པོ། གུ་རུ་རྡོ་རྗེ་རྒྱལ་མཚན། གཉལ་པ་བདེ་ལེགས་པ་གྲ་འཇམ་དབྱངས་བཤེས་གཉེན། ཨར་དགེ་བ་ཆོས་དཔལ་རྒྱལ་མཚན། མེ་སྒོམ་བསམ་གཏན་བཟང་པོ། སྤྲུལ་སྐུ་རཏྣ་གླིང་པ། རྒྱལ་སྲས་ཚེ་དབང་གྲགས་པ། ཐུགས་སྲས་ངག་དབང་གྲགས་པ། མཚུངས་མེད་ངག་དབང་ནོར་བུ།
རིག་འཛིན་ནོར་བུ་ཡོངས་གྲགས། རྒྱལ་སྲས་ནོར་བུ་དབང་རྒྱལ། སྤྲུལ་སྐུ་ཚུལ་ཁྲིམས་རྡོ་རྗེ། གར་དབང་ཚུལ་ཁྲིམས་རྒྱལ་མཚན། གཉོས་ཀྱི་རིག་འཛིན་སྤྲུལ་སྐུ་གཏེར་བདག་གླིང་པ། དེས་བདག་ལའོ། །དར་གྱི་རྟགས་ཡོད་པའི་བརྒྱུད་ལུགས་གཅིག་ནི། རྗེ་ནོར་བུ་དབང་རྒྱལ་ནས། བྱ་བཏང་ནོར་བུ་ཆོས་བརྟན། རིག་འཛིན་འཕྲིན་ལས་ལྷུན་གྲུབ། དེ་སྲས་གཏེར་བདག་གླིང་པ། དེས་བདག་ལའོ། །ཡང་ན་གནུབས་ཆེན་ནས། གནུབས་ཁུ་ལུང་པ་ཡོན་ཏན་རྒྱ་མཚོ། བློ་གྲོས་བྱང་ཆུབ། ཐོ་སྐར་ནམ་མཁའི་སྡེ། སྣ་ནམ་ཞང་ཡོན། ཟུར་པོ་ཆེ་ཤཱཀྱ་འབྱུང་གནས། ཟུར་ཆུང་ཤེས་རབ་གྲགས། ཡམ་ཤུད་བློ་གྲོས་འབྱུང་གནས། འགོས་ཟླ་བ་འབར། འགོས་འབུམ་གྲགས། འགོས་དངོས་གྲུབ་རྒྱལ་མཚན། འགོས་དགེ་སློང་། འགོས་དངོས་གྲུབ་མགོན་མན་འདྲ། ཡང་ན་རྡོ་རྗེ་འཆང་། འཇམ་དཔལ་གཤིན་རྗེའི་བདག་པོ། གསང་བདག་ཕྱག་ན་རྡོ་རྗེ། སློབ་དཔོན་དགའ་རབ་རྡོ་རྗེ། རིག་འཛིན་འཇམ་དཔལ་བཤེས་གཉེན། གུ་རུ་གཙུག་ལག་དཔལ་དགེ །སློབ་དཔོན་ཤིནྟཾ་གརྦྷ། དྷ་ན་ད་ལ། ཁྲག་འཐུང་ནག་པོ། བལ་པོ་བ་སུ་དྷ་ར་མན་གོང་ལྟར་རོ། །འཇམ་དཔལ་ཟླ་གསང་སྐོར་གྱི་སྒོས་བརྒྱུད་ནི། ཁྱབ་བདག་རྡོ་རྗེ་འཆང་། དཔལ་ཟླ་གསང་རིན་ཆེན། རྒྱལ་བ་རིགས་ལྔ། དམ་པའི་རིགས་ཅན་དྲ་མ་ལྔ། ལི་ཙ་བྱི་དྲི་མ་མེད་པ། རྒྱལ་པོ་ཛ། ཀུ་ཀུ་རཱ་ཛ། མ་ཏི། ཉི་ཟླ་རྡོ་རྗེ། བྷ་ཧུ་ར་མ་ཏི། སངས་རྒྱས་གསང་བ། བི་མཱ་ལ་མི་ཏྲ། གཉགས་ཛྙ་ན་ཀུ་མཱ་ར། རྨ་རིན་ཆེན་མཆོག །གཙུག་རུ་རིན་ཆེན་གཞོན་ནུ། གྱེ་རེ་མཆོག་སྐྱོང་། དར་རྗེ་དཔལ་གྲགས།
ཞང་རྒྱལ་བའི་ཡོན་ཏན། གནུབས་སངས་རྒྱས་ཡེ་ཤེས། སོ་ཡེ་ཤེས་དབང་ཕྱུག །ངབ་ཐུང་བྱང་ཆུབ་རྒྱལ་མཚན། སྐོར་ཐུང་ཤེས་རབ་ཡེ་ཤེས། ར་ཐུང་ཡེ་ཤེས་ཚུལ་ཁྲིམས། ཉང་ཡེ་ཤེས་འབྱུང་གནས། འུག་བྱ་ལུང་པ་ཟུར་པོ་ཆེ་ཟུར་ཆུང་པ། མྱ་རི་པ། ཡམ་ཤུད་བློ་གྲོས་འབྱུང་གནས་མན་གོང་དང་འདྲ། གནུབས་ཀྱི་རྟགས་ཡོད་པའི་སྒོས་བརྒྱུད་ནི། གཤིན་རྗེ་གཤེད། འཇམ་དཔལ་བཤེས་གཉེན། དྷ་ན་སཾ་སྐྲྀ་ཏ། སློབ་དཔོན་ནོར་འཛིན། གནུབས་སངས་རྒྱས་ཡེ་ཤེས། ལྷ་རྗེ་ཡོན་ཏན་རྒྱ་མཚོ། ཁྲོན་སྔགས་ཡོན་ཏན་རྒྱ་མཚོ། ཁམས་པ་མི་ནུབ་རྒྱལ་བ་རྡོ་རྗེ། ནང་མཚམས་དགོན་པ། རྩ་སྐྱ་དཀོན་ཅོག་གྲགས། མཉམ་གད་པ་རྒྱ་གར་ཕན། སྲས་རྒྱ་གར་གྲགས། རྩ་སྐྱ་ཁྲི་བརྟན། དབུས་པ་བློ་གསལ། ལོ་མཆོག་པ། ལོ་ཆེན་སངས་རྒྱས་སྲས། མཁན་པོ་རྒྱལ་བཟང་དཔལ། གངས་ཁྲོད་པ་ཀཱིརྟི་ཤྲཱི། མ་ཏི་པཎ་ཆེན། ས་བཟང་གཞོན་ནུ་བློ་གྲོས། རྗེ་འཇམ་དབྱངས་གྲགས་པ། རི་ཁྲོད་པ་བསོད་རྒྱམ། འཇམ་དབྱངས་ཤེར་རྒྱམ། རྗེ་དཔལ་ལྡན་རྡོ་རྗེ། ཡོངས་འཛིན་དཀོན་མཆོག་འཕེལ། རྗེ་ལྷ་མཆོག་སེང་གེ །དགེ་ལེགས་བཤེས་གཉེན། ཐར་རྩེ་ནམ་མཁའ་དཔལ་བཟང་། དེ་དབོན་ནམ་མཁའ་སངས་རྒྱས། ཁྱབ་བདག་བཀའ་འགྱུར་བ་ཆེན་པོ། རབ་འབྱམས་ཆོས་རྗེ་རིན་ཆེན་རྒྱ་མཚོ། མཁས་གྲུབ་བློ་མཆོག་རྡོ་རྗེ། དེས་བདག་ལའོ། །ཡང་ན་རྡོ་རྗེ་འཆང་། ཡེ་ཤེས་ཀྱི་མཁའ་འགྲོ་མ། ལ་ལཱི་ཏ་བཛྲ། ཨ་མོ་གྷ་བཛྲ་ཆེ་ཆུང་གཉིས། སྐྱོ་འོད་འབྱུང་། གཙང་ཡང་དགའ་བར། རྔོག་རྡོ་རྗེ་རྒྱལ་པོ། གཟེ་བ་དོན་གྲུབ་ཡེ་ཤེས། ཁམས་པ་ཤཱཀ་རྡོར། དབུས་པ་བློ་གསལ་མན་གོང་བཞིན་ནོ། །
ཁྲའི་རྟགས་ཡོད་པའི་བརྒྱུད་པ་ནི། གསུང་སྤྲུལ་ཡན་གོང་མ་རྣམས་ལྟར་ལས། ཁྱབ་བདག་ཁྲ་ཚང་པ་བློ་མཆོག་རྡོ་རྗེ། དེས་བདག་ལའོ། །ཤྲཱི་རྟགས་ཡོད་པའི་བརྒྱུད་པ་ནི། ཀུན་ཏུ་བཟང་པོ། འཇམ་དཔལ་ཡ་མནྟ་ཀ །གསང་བའི་བདག་པོ། མཁའ་འགྲོ་མ་ཟླ་བའི་འོད་ཟེར། སློབ་དཔོན་འཇམ་དཔལ་བཤེས་གཉེན། སློབ་དཔོན་གཙུག་ལག་དཔལ་དགེ །རོམ་བུ་གུཧྱ་དེ་ཝ་ཙནྡྲ། འཕུང་བྱེད་ཤིནྟཾ་གརྦྷ། ཨཱ་ཙཪྻ་དྷ་ན་ད་ལ། རྒྱ་གར་ཁྲག་འཐུང་ནག་པོ། རྒྱལ་པོ་བ་སུ་དྷ་ར། གནུབས་སངས་རྒྱས་ཡེ་ཤེས། ལྷ་རྗེ་ཡོན་ཏན་རྒྱ་མཚོ། ལྷ་རྗེ་ཡེ་ཤེས་རྒྱ་མཚོ། རྡོ་སྟོན་ལྕགས་དཔེ། མེ་སྟོན་དྲན་ཆུང་། དྲན་སྟོན་མཐལ་བྲལ། མེ་སྟོན་དཀོན་མཆོག་རིན་ཆེན། སློབ་དཔོན་བཀྲ་ཤིས་རྒྱལ་མཚན། བླ་མ་མཐར་ཕྱིན་ལྷ་སྒོམ། མཐུ་ཆེན་གངས་པ་ཤཱཀྱ་འབུམ། གཡུང་སྟོན་རྡོ་རྗེ་དཔལ། བླ་མ་སེང་གེ་བཟང་པོ། སྐལ་ལྡན་རྡོ་རྗེ་རྒྱལ་པོ། རྡོ་རྗེ་སྤྲེ་ཆུང་གི་སྐྱེ་བ། དྷརྨ་ཀེ་ཏུ། གཡུང་སྟོན་གྱི་སྐྱེ་བ། རིན་པོ་ཆེ་ཆོས་ཀྱི་བློ་གྲོས། ཀོང་ཆེན་ནམ་མཁའ་དཔལ་ལྡན། པཎ་ཆེན་པདྨ་དབང་རྒྱལ། རིག་འཛིན་ལེགས་ལྡན་རྡོ་རྗེ། ཆོས་རྒྱལ་བཀྲ་ཤིས་སྟོབས་རྒྱལ། རིག་འཛིན་ངག་གི་དབང་པོ། ཟུར་ཐམས་ཅད་མཁྱེན་པ་ཆོས་དབྱིངས་རང་གྲོལ། དེས་བདག་ལའོ། །ཡང་ན་རིག་འཛིན་ལེགས་ལྡན་རྡོ་རྗེ་ནས། འབྲི་ཁུང་པ་གནམ་ལྕགས་མེ་འབར། བླ་མ་རིན་ཆེན་དཔལ། རྗེ་སངས་རྒྱས་རིན་ཆེན། འབྲི་ཁུང་པ་ཆོས་ཀྱི་གྲགས་པ། སྔགས་འཆང་དཀོན་མཆོག་ལྷུན་གྲུབ། ཁྱབ་བདག་བློ་མཆོག་རྡོ་རྗེ། དེས་བདག་ལའོ། །ཡང་ན་གངས་པ་ཤཱཀ་འབུམ་ནས། བླ་མ་ཤཱཀ་
བཀའ་དྲས་རྒྱན། བླ་མ་སེང་གེ་དཔལ་བཟང་། ཟུར་ཧྭཾ་ཆོས་རྗེ། དཔལ་ལྡན་བཟང་པོ། ཤཱཀྱ་ཕ་ལ། ཤཱཀྱ་མི་ཏྲ། སོག་པོ་དཔལ་ཡེ། ཀུན་བཟང་དཔལ། ཀ་ཐོག་པ་བསོད་ནམས་རྒྱལ་མཚན། རྣམ་གྲོལ་ཡེ་ཤེས་བཟང་པོ། རིག་འཛིན་ལེགས་ལྡན་རྗེ་མན་གོང་བཞིན་ནོ། །ཡང་ན་རྡོ་རྗེ་འཆང་། མཁའ་འགྲོ་མ་ཟླ་བའི་འོད་ཟེར། བིར་ཝ་པ། ནག་པོ་པ། སྒྲ་བསྒྱུར་གཉན་ལོ་དར་མ་གྲགས། འདིས་བསྒྱུར་བའི་ཚེ་བདག་གི་ལས་བྱང་ཡང་ཡོད། གནུབས་ཆོས་སེང་། གནུབས་བཀྲ་ཤིས། གནུབས་དར་མ་སེང་གེ །ཡེ་ཤེས་རྒྱ་མཚོ། སེང་གེ་རྒྱལ་མཚན། གཞོན་ནུ་ཚུལ་ཁྲིམས། ཟུར་ཧྭཾ་ཆོས་རྗེ་མན་འདྲ། ཡང་ན་གནུབས་ཆེན་ནས། གཏེར་སྟོན་རྒྱ་ཞང་ཁྲོམ། གནུབས་ལྕགས་གཏུན་ནག་པོ། གནུབས་སྟོབས་ཆོས་གྲགས། གནུབས་བྱེ་བྲལ་བ་སྐལ་ལྡན་རྡོ་རྗེ་རྒྱལ་པོ་མན་འདྲ། ཡང་ན་ཀུན་ཏུ་བཟང་པོ། གཤིན་རྗེ་གཤེད། ཕྱག་ན་རྡོ་རྗེ། ལྷ་བུ་ཚངས་པ། ལྷ་བུ་ཉི་མ། བདེ་བ་མཆོག་ལྡན། མཁའ་འགྲོ་མ་ཟླ་བའི་འོད་ཟེར། སློབ་དཔོན་འཇམ་དཔལ་བཤེས་གཉེན། ཨོ་རྒྱན་སངས་རྒྱས་གཉིས་པ། རྒྱལ་པོ་བ་སུ་དྷ་ར། གནུབས་ཆེན་སངས་རྒྱས་ཡེ་ཤེས། གཏེར་སྟོན་རྒྱ་ཞང་ཁྲོམ། དྲལ་ཏེ་སམྦྷོ་ཊ། གངས་བན་བཀྲ་ཤིས་དར། རྔོག་སྟོན་འབུམ་ལེགས། གྲོ་སྟོན་བསོད་ནམས་འབུམ། བླ་ཆེན་བློ་གྲོས་རྒྱལ་མཚན། ཕག་སྟོན་ཤཱཀྱ་མགོན་པོ། སྤུག་སྟོན་དཔལ་ལྡན་མགོན་པོ། རྡོར་གླིང་ཆོས་ཀྱི་རྒྱལ་མཚན། སྤང་སྟོན་བདེ་ལེགས་རྒྱལ་མཚན། སེ་སྟོན་རིན་ཆེན་རྒྱལ་མཚན། སྤྱན་ཚབ་མགོན་པོ་ཟླ་བ། གནུབས་དགོན་པོ་ཆོས་ཀྱི་རྒྱལ་མཚན། ཆོས་རྒྱལ་བཀྲ་ཤིས་སྟོབས་རྒྱལ་མན་གོང་དང་འདྲ། ཡང་ན་གངས་བན་བཀྲ་ཤིས་དར་
ནས། གངས་པ་རི་དཀར་བ། གངས་པ་ཤཱཀྱ་འབུམ། གཡུང་སྟོན་རྡོ་རྗེ་སྙིང་པོ་རྩལ། བག་སྟོན་ཤཱཀ་མགོན་མན་འདྲ། ཡང་ན་གཏེར་སྟོན་ནས། འུ་ཟངས་འོད་འབར། ཐང་བན་སང་ཐུབ། ཐང་སྟོན་ཇོ་རྡོར། ཤུས་སྟོན་རིང་མོ། ཐང་སྟོན་ཀུན་དགའ། ཕག་སྟོན་ཇོ་ཀུན། ཕག་སྟོན་ཀུན་དོན། ཕག་སྟོན་ཤཱཀྱ་མགོན་མན་འདྲ། ཡང་ན་རྡོར་གླིང་ཆོས་ཀྱི་རྒྱལ་མཚན་ནས། གུ་རུ་གདུང་འཛིན། སྒྲུབ་པ་ལྷ་མོ། བྱང་ཆུབ་རྒྱལ་མཚན། རྣལ་འབྱོར་མགོན་པོ། བྲག་ལྟག་པ་རྡོ་རྗེ་རིན་ཆེན། སྔགས་འཆང་ཟིལ་གནོན་རྡོ་རྗེ། ཆུ་ཤུར་བྲག་སྟོན་སོ་ལེགས་ལྡན་རྡོ་རྗེ། མངའ་རིས་རིག་འཛིན་ཆེན་པོ་དང་མི་གཅིག །དཔལ་བཀྲ་ཤིས་སྟོབས་རྒྱལ་མན་འདྲ། ཟུར་དང་དྷའི་རྟགས་ཡོད་པའི་བརྒྱུད་པ་ནི། གོང་དུ་སྨོས་པའི་ནུབ་དགོན་པ་བྱམས་པ་ཆོས་རྒྱན་ལ་དཔལ་བཀྲ་ཤིས་སྟོབས་རྒྱལ་གྱིས་གསན་པ་རྣམས་དང་གཅིག །དྷའི་རྟགས་ཡོད་པའི་བརྒྱུད་ལུགས་གཅིག་ནི། རྗེ་ལེགས་ལྡན་རྡོ་རྗེ་ལ་འབྲི་གུང་ཟུར་པས་གསན་པ་སོར་བཞག་གོ །ཨཱའི་རྟགས་ཅན་གྱི་བརྒྱུད་ལུགས་གཅིག་དང་ཚེའི་རྟགས་ཡོད་པ་རྣམས་ཀྱི་བརྒྱུད་པ་ནི། གཤིན་རྗེ་གཤེད། ཡེ་ཤེས་ཀྱི་མཁའ་འགྲོ་མ། སློབ་དཔོན་རོ་ལངས་གསང་བ། སློབ་དཔོན་སངས་རྒྱས་གསང་བ། སློབ་དཔོན་ཤཱཀྱ་པྲ་བྷ། སློབ་དཔོན་ལི་ཙ་ཤད་ཆེན། སློབ་དཔོན་ཉི་མ་རྒྱལ་མཚན། སློབ་དཔོན་རྡོ་རྗེ་ཐོགས་མེད། སློབ་དཔོན་དྷརྨ་ཀོ་ཤ །ཨོ་རྒྱན་སངས་རྒྱས་གཉིས་པ། བལ་པོ་བ་སུ་དྷ་ར། གནུབས་ཆེན་སངས་རྒྱས་ཡེ་ཤེས། གཏེར་སྟོན་རྒྱ་ཞང་ཁྲོམ། དྲལ་ཏེ་སམྦྷོ་ཊ། གངས་པ་གཞོན་ནུ་སྙིང་པོ། གངས་པ་བལ་པོ་སེང་གེ །གངས་པ་རི་དཀར་བ། གངས་པ་ཤཱཀྱ་
འབུམ། གཡུང་སྟོན་རྡོ་རྗེ་དཔལ། བླ་མ་ཚུལ་ཁྲིམས་རྒྱལ་བ། སྔགས་འཆང་དཔལ་ལྡན་བཟང་པོ། ཟུར་ཤཱཀྱ་མི་ཏྲ། རྒྱལ་སྲས་ཆོས་རྗེ། བརྒྱུད་འཛིན་ལེགས་པ་དཔལ་བཟང་། འཇམ་དབྱངས་རིན་ཆེན་རྒྱལ་མཚན། པདྨ་དབང་རྒྱལ་རྡོ་རྗེ། རིག་འཛིན་ལེགས་ལྡན་རྡོ་རྗེ། སྔགས་འཆང་ཚེ་རིང་དབང་པོ། ཟུར་ངག་དབང་ཕུན་ཚོགས། ཁྱབ་བདག་བློ་མཆོག་རྡོ་རྗེ། དེས་བདག་ལའོ། །