བཀའ་བརྒྱད་གསང་བ་ཡོངས་རྫོགས་ཀྱི་དབང་བསྐུར་དུས་སྒྲུབ་འབུམ་དང་དབང་འབུམ་བསྡེབས་ནས་ཆུ་བབས་སུ་བཀོད་པ་ཡོངས་འདུའི་འཁྲི་ཤིང་།
བཀའ་བརྒྱད་གསང་བ་ཡོངས་རྫོགས་ཀྱི་དབང་བསྐུར་དུས་སྒྲུབ་འབུམ་དང་དབང་འབུམ་བསྡེབས་ནས་ཆུ་བབས་སུ་བཀོད་པ་ཡོངས་འདུའི་འཁྲི་ཤིང་བཞུགས། །
ན་མོ་ཛི་ན་ཤནྟ་ཀྲོདྷཱ་ནཱཾ་དེ་ཝཱ་ཡ། མཐའ་ཀླས་ཞིང་ཁམས་རྒྱ་མཚོར་རིགས་བརྒྱ་ལ་སོགས་ཞི་དང་ཁྲོའི། །དཀྱིལ་འཁོར་མགོན་པོ་ཆོས་དབྱིངས་རང་གྲོལ་ཁྱབ་བདག་ཁྲ་ཚང་པ། །བྱང་ཆུབ་བར་དུ་འབྲལ་མེད་སྙིང་གའི་པདྨར་ལེགས་བཞུགས་ནས། །གསང་གསུམ་སྒྱུ་འཕྲུལ་དྲ་བའི་རོལ་པ་ཡིད་ངོར་རྟག་འཆར་མཛོད། །གདོད་ནས་རྣམ་དག་མཁའ་ཁྱབ་སྤྲོས་བྲལ་ཆོས་སྐུ་ཡི། །རང་གདངས་དབང་གཞུ་ལྟར་བཀྲ་ལོངས་སྤྱོད་ཡོངས་རྫོགས་པ། །རིས་མེད་སྐྱེ་དགུར་ཉེར་གཟིགས་ཐུགས་རྗེ་སྤྲུལ་པའི་སྐུ། །བཀའ་བརྒྱད་ལྷ་ཡིས་མཆོག་ཐུན་དངོས་གྲུབ་ཡིད་བཞིན་སྩོལ། །ལེགས་བྱས་རབ་བསགས་གྲངས་མེད་སྐྱེ་བའི་མཚོར། །ཐུགས་རྗེའི་ཟླ་སྣང་མ་འགགས་ཉེར་ཤར་ཏེ། །ས་ལམ་ཡོན་ཏན་ཚེ་འདིར་སྟེར་མཛད་པ། །སླུ་མེད་གཏན་གྱི་སྐྱབས་ལ་སུ་ཞིག་བསྙོན། །ཧེ་རུ་ཀཿདཔལ་གངས་ཅན་ལྟོར། །གོས་དཀར་ཚུལ་འཆང་སྤང་སྟོན་རྗེ། །ཆོས་ཀྱི་དབང་ཕྱུག་སྙན་གྲགས་རྔ། །སྲིད་པའི་རྩེ་མོའི་བར་དུ་ལྡིར། །སྐལ་ལྡན་སྒྲིབ་གཉིས་དྲི་མ་བཞི། །དབང་བཞིའི་ཆབ་ཀྱིས་རབ་བཀྲུས་ནས། །སྐུ་བཞིའི་དབང་ཕྱུག་ཀུན་བཟང་གི །གོ་འཕང་ཅི་བདེར་མྱོང་འདི་མཚར། །དེའང་གནམ་སྐས་ཀླུ་བདུད་ལྟོ་བའི་ཟབ་ཆོས་གསང་བ་ཡོངས་རྫོགས་ཀྱི་དཀྱིལ་འཁོར་དུ་མངོན་པར་དབང་བསྐུར་བར་སྣོད་ལྡན་སློབ་མས་རྒྱང་རིང་པོ་ནས་གསོལ་བ་བཏབ་དོན་བཞིན་གནས་དུས་ཡོ་བྱད་ཕུན་སུམ་ཚོགས་ནས་དེ་ལ་འདིར་བཀའ་བརྒྱད་གསང་བ་ཡོངས་(༢ན)
རྫོགས་སྒྲུབ་ཆེན་དང་འབྲེལ་བའི་ཕྱག་ལེན་ལ་སྒྲུབ་ཁོག་དང་དབང་འབུམ་གཉིས་ཀ་སྡེབ་དགོས་ཤིང་ས་བཅད་ཀྱང་ཁ་ཡར་འཁྲུགས་པ་སྡེབ་དགོས་པས་ཕྱག་ལེན་མི་མཐུན་པ་དང་དག་མི་དག་སོགས་སྣ་ཚོགས་སྣང་བ་འདིར་ཁྱབ་བདག་སྨན་ལུང་པ་བློ་མཆོག་རྡོ་རྗེའི་ཕྱག་བཞེས་ཇི་ལྟ་བ་ནག་པོ་འགྲོ་ཤེས་སུ་བཀོད་པ་ལ་སྒྲུབ་ཁོག་གི་སྟ་གོན་ལ་ཆོས་བཅུ་གཅིག་ཡོད་པའི་ས་བཅད་གསུམ་པ་ཐོག་མར་ལེན་དགོས་པས། དཀོན་མཆོག་སྤྱི་མཆོད་བཏང་བས་དེའི་ཐོག་མའི་སྐྱབས་སེམས་ཀྱིས་སྐྱབས་སེམས་བྱེད་པའི་གོ་བཅད་དེ་ཟུར་པ་མི་དགོས། ཆ་གསུམ་གཏེར་གཞུང་རྒྱས་པའམ་ཡང་ན་བསྡུས་པ། སཱ་ཙྪ་གཞུང་ངམ་མ་གྲུབ་ན་སྤྱི་འགྲོ། ཆུ་གཏོར་རམ་མ་གྲུབ་ན་གཏོར་མ་བརྒྱ་རྩ་ཡོངས་གྲགས། གསུང་སྒྲོག །བཤགས་འབུམ་ནི་དྲི་ལས་གཞུང་གྱེར་དགོས་རྒྱས་པར་སྤྲོ་ན་སྒྱུ་འཕྲུལ་དོང་སྤྲུག་མཛད་སྐད། མེད་གཞུང་མེད་བཤགས་རྒྱུད་ཀློག །བྱིས་སྟོན་བྱ། སྦྱིན་སྲེག་སྐབས་འདིར་མི་མཛད་ཕུད་གྲུབ་ན་བདེ་འདུས་ནས་མཆོད་པ་ཕུད་སྐོང་ལེན་མ་གྲུབ་ན་བསངས་དང་སྐྱེམས་གཏོང་། འདི་ཡན་ལ་ཕྱི་བཤགས་ཟེར་ཉིན་དང་པོར་དཔོན་སློབ་(༢བ)
ཚོ་བགོས་ནས་མཛད་པ་ཕྱག་ལེན་ཡིན་ཞིང་ཉིན་ཕྱི་མ་ཚོར་བལྡབ་མི་དགོས། ས་བཅད་དང་པོ་ས་ཆོག་ལ་ལྟོ་འཕྱེ་དང་སའི་བདག་པོའི་མི་ལ་རིན་གཞལ་མི་དགོས་པ་ཤས་ཆེ། མི་སྣང་བ་ལ་བླང་བ་གཏེར་གཞུང་ལྟར་གྱི་ཆབ་བརྒྱ་རྩ་དང་ཀླུ་གཏོར་ཕྱོགས་གང་བདེ་ཞིག་ཏུ་བཤམ་པ་མཛད། གཏོར་རམ་བརྒྱ་རྩ་ཡོངས་གྲགས་གང་རུང་བཏང་རྗེས། ས་དེར་ཚོམ་བུ་སྒོར་མཆོད་མཛད། དཀར་གཏོར་རྩི་སྨན་བྲན་པ་གཅིག་དང་ས་ལྷའི་རྫས་བུམ་གཏེར་གཅིག་ཁྱེར་ལ་སྔགས་དྲུག་ཕྱག་རྒྱ་དྲུག་ལ་སོགས་པས་བྱིན་གྱིས་བརླབ། རང་གི་ལག་པ་ས་ལ་བརྡབས་ཏེ་སའི་ལྷ་མོ་གསེར་མདོག་སྐུ་སྟོད་ལྟེ་བ་ཡན་ཆད་སའི་སྟེང་དུ་འཐོན་པ། གཡོན་དུ་གསེར་བུམ་གཡས་མཆོག་སྦྱིན་ཕྱག་རྒྱ་ཅན་འཁོར་ས་བདག་གིས་བསྐོར་བ་ལ་བསྔོས་ལ་འདི་སྐད་དོ། །སྐྱོབ་པ་སངས་རྒྱས་ཐམས་ཅད་ཀྱི། །སྤྱོད་པའི་ཚུལ་གྱི་ཁྱད་པར་ཡང་། །ས་དང་ཕ་རོལ་ཕྱིན་པ་ལ། །ལྷ་མོ་ཁྱོད་ནི་དཔང་དུ་གྱུར། །ཞེས་ཁ་འགེང་། ཧཱུཾ་ཇི་ལྟར་སྔོན་གྱི་དཔང་མཛད་ལྟར། །སེམས་ཅན་ཀུན་གྱི་དོན་གྱི་ཕྱིར། །བདག་ནི་བྱང་ཆུབ་ངེས་བསྒྲུབ་པས། །མཆོད་འབུལ་དཔང་མཛོད་ས་འདི་ཞུ། །བཅུ་གཉིས་ལོ་ཡི་རྟ་ལ་ཞོན། །ཀོ་ལོང་སྡོམ་པའི་ལྷ་དགུ་སོགས། །འབྱུང་པོའི་ཚོགས་རྣམས་མ་ལུས་ཀུན། །ས་གླུད་མཆོད་སྦྱིན་གཏེར་བཞེས་ལ། །ས་ཕྱོགས་འདི་དག་བདག་ལ་ཞུ། །འབྱུང་པོ་ས་ཡི་བདག་པོ་ཀུན། །གནས་རྟེན་གཞན་དུ་ཁྱེད་སྤོས་ལ། །ས་འདི་བཀྲ་ཤིས་མཛད་དུ་གསོལ། །སརྦྦ་བྷུ་ཏ་པཱུ་ཙ་གྷྲི་ཧ་ཁཱ་ཧི་ཤཱནྟིཾ་ཀུ་རུ་ཡེ་སྭཱཧཱ། ཆོས་བྱིན་བཤད་པ་བདེན་བདར་ནི། ཡེ་དྷར་དང་། ཆོས་རྣམས་ཐམས་ཅད་རྒྱུ་ལས་བྱུང་། །ཞེས་སོགས་ཀྱི་ཆོས་བཤད། ཤཱཀྱ་སེང་གེ་སྐྱོབ་པ་ཡིས། །ཇི་ལྟར་བདུད་ཀྱི་སྡེ་བཅོམ་པ། །དེ་བཞིན་བདག་གི་བདུད་(༣ན)
ལས་ནི། །རྒྱལ་བར་བྱ་ཕྱིར་དཀྱིལ་འཁོར་འདྲི། །དེ་ཡི་དཔང་གྱུར་ལྷ་མོས་ཀྱང་། །ས་གཞི་བྱིན་གྱིས་བརླབ་ཏུ་གསོལ། །སྔོན་བཅོམ་ལྡན་འདས་རྒྱལ་བ་ཤཱཀྱ་ཐུབ་པས་བདུད་བཏུལ་ནས་སངས་རྒྱས་ཏེ་ཆོས་ཀྱི་འཁོར་ལོ་རིམ་པ་གསུམ་དུ་བསྐོར་བ་ཡང་ས་གཞི་རིན་པོ་ཆེའི་སྟེང་དུ་མཛད་ཅིང་ལྷ་མོ་ཁྱོད་ཀྱིས་ས་བྱིན་པར་བྱས་པ་ཡིན་པས། དེའི་རྗེས་འཇུག་སྒྲུབ་པ་པོ་བདག་ཆེ་གེས་ཀྱང་ཚོགས་གཉིས་རྫོགས་ཤིང་སྒྲིབ་གཉིས་སྦྱང་བའི་སླད་དུ་གནས་འདིར་རྒྱལ་བ་ཞི་ཁྲོ་དཀའ་བརྒྱད་རིགས་འཛིན་བཀའ་སྡོད་ཡོངས་རྫོགས་ཀྱི་ཕོ་བྲང་འདེབས་པར་འཚལ་བས། སའི་བདག་པོ་འཁོར་དང་བཅས་པ་ཁྱེད་རྣམས་གླུད་ཆེན་པོ་འདི་ཁྱེར་ལ་གནས་འདི་བརྟན་ཅིང་བཀྲ་ཤིས་བྱིན་བཙན་པར་མཛོད་ཅིག །ཅེས་བརྗོད་ཅིང་སྟེགས་བུ་གཏན་དུ་འཇོག་ན་དེའི་ཕྱོགས་བཞིར་བུམ་པ་སྦ། དེ་མིན་སྒྲུབ་ཁང་གི་བྱང་ངམ་རི་བྲག་སོགས་སུ་གཞུག་བསྡུ་ན་བུམ་པ་གཅིག་གིས་ཆོག་གོ །དེ་ནས་ས་བཟུང་བ་ནི། དེ་མ་ཐག་ཏུ་ཡི་དམ་ཁྲོ་བོའི་ང་རྒྱལ་གྱི་ཐུགས་ཀ་ནས་ཁྲོ་བོ་བཅུ་པོས་ས་གཞི་གང་། ཕུར་པ་ཞིག་ལག་ཏུ་གསོར་ཞིང་དེ་ལ་ཁྲོ་བོའི་ཚོགས་འདུས་ཤིང་ཐིམ་པ་དེ་ཉིད་སྟོད་ཞལ་གསུམ་ཕྱག་དྲུག་སྨད་ལྕགས་ཀྱི་ཕུར་པ་དབལ་ཟུར་གསུམ་དུ་བསམས་ཏེ། རྡོ་རྗེ་སྡེར་མོའི་སྔགས་འདི་ལན་གསུམ་དུ་བརྗོད་ལ་གཟུགས་སོ། །ཨོཾ་གྷ་གྷ་གྷ་ཏ་ཡ་གྷ་ཏ་ཡ་སརྦ་དུཥྚཾ་བཛྲ་དྷ་རོད་ཨཛྙཱ་པ་ཡ་ཏི་སརྦྦ་བིགྷྣཱན་ཀཱ་ཡ་ཝཱ་ཀ་ཙིཏྟ་བཛྲ་ཀཱི་ལི་ཀཱི་ལཱ་ཡ་ཧཱུཾ་ཧཱུཾ་ཕཊ། ཅེས་བཏབ་པས་ཕུར་པའི་མེ་འོད་ཀྱིས་ས་གཞི་དབང་ཚད་ཁེབས་པར་བསམ་མོ། །ཕུར་པ་གཅིག་གིས་འཐུས་ཤིང་སྔགས་བརྗོད་པ་དང་མཉམ་དུ་ས་རྗེན་པའམ་ཁང་པའི་ནང་དུ་ཕུར་གདན་ལ་གདབ། ས་སྦྱང་བ་ནི། རང་ཡི་དམ་དུ་གསལ་བའི་(༣བ)
ཐུགས་ཀ་ནས་ཡི་གེ་བྷྲཱུཾ་སྨུག་ནག་གཅིག་བསམས་ལ། དེ་ལས་འོད་ཟེར་ཕྱོགས་བཅུར་འཕྲོས་པས་སངས་རྒྱས་རྣམས་ལ་ཕོག་སྲས་སུ་དགོངས། སེམས་དཔའ་ཁྲོ་བོ་ལྕམ་དྲལ་རྣམས་ལ་ཕོག་པས་སྤུན་གྲོགས་སུ་དགོངས། མ་མོ་མཁའ་འགྲོ་རྣམས་ལ་ཕོག་པས་རིགས་ཀྱི་གཙོ་བོར་མཐོང་སེམས་ཅན་རྣམས་ལ་ཕོག་པས་སྒྲིབ་པ་སྦྱངས། འོད་ཟེར་སླར་འདུས་མ་ཐག་ཏུ་ས་གཞི་གཟུང་བ་སྟེ་རིན་པོ་ཆེ་སྣ་ཚོགས་ཀྱི་རྒྱུ་ལས་གྲུབ་པའི་ས་གཞི་མཉམ་ཞིང་བདེ་བའི་སྟེང་དུ་རིན་པོ་ཆེའི་གཞལ་ཡས་ཁང་དང་ལྡན་པར་བསམས་ཏེ་རྡོ་རྗེ་སློབ་དཔོན་ལ་འཁོར་གྱི་ལས་བྱང་གི་ཕྱག་རྒྱ་གར་མཆོད་བྱེད་ཅིང་རྒྱས་པར་སྤྲོ་ན་ཕྱོགས་བཞི་ནས་གསོལ་གདབ་དང་བཅས་ཁྲག་འཐུང་གི་གར་འཆམས་བྱས་ན་ལེགས་ཞེས་གསུང་ལས་བྱང་གི་སྟོང་པའི་རང་བཞིན་ཅིར་ཡང་སྣང་ཞེས་སོགས་ཀྱིས་གླུ་བྲོས་ཀྱང་བྱིན་གྱིས་བརླབ། འདི་ཡན་ཉིན་དང་པོ། སྟ་གོན་གྱི་ས་བཅད་གཉིས་པ་སྒྲུབ་ཁོག་གི་གཞུང་བཞིན་སྟེགས་དིང་སང་ཞལ་བར་མཛད་པ་ཤས་ཆེ། བུ་ཤར་ངོས་ཅུང་ཟད་དམའ་བར་བྱས་པར་ལས་ལས་ཐིག་འདེབས་པའི་སྔོན་དུ་སྒྲུབ་ཁོག་གི་ལོ་རྒྱུས་སོང་བ་བྱས་ནས་ཚོགས་བསག་དཀྱིལ་འཁོར་གྱི་ཚོམ་བུ་རྒྱན་མཆོད་སོགས་དགོད། དེ་ནས་ཚོགས་བསག་ལས་བྱང་གི་གཞུང་བསྲངས་ཏེ་བདག་མདུན་སོ་སོར་བསྒྲུབ་ཅིང་བསྙན་པ་ཁ་གསོ་རྣམ་འཇོམས། སྨེ་བརྩེགས། བདུད་རྩི་འཁྱིལ་པ་གསུམ་གྱི་བུམ་པ་སྒྲུབ། དེ་ནས་ས་བཅད་ལྔ་པ་བགེགས་བསྐྲད་དང་དྲུག་པ་ཁྲུས་དབྱུང་གཉིས་ལེན་སློབ་མ་སྟ་གོན་དུ་ཚོགས་པ་དང་རྡོར་སེམས་ཀྱི་བུམ་པ་བསྒྲུབ། ཐིག་རྫོགས་པར་གདབ་གླིང་དགུར་བསྐོར་བར་དྲི་ཐིག་ཚོམ་བུ་དགོད། སྟ་གོན་གྱི་ས་བཅད་བཞི་པ་ཚོམ་བུའི་སྟེང་དུ་མཉྫིའི་ཁར་རིན་པོ་ཆེའི་གཞོང་བ་འབྲུས་བཀང་བ་བུམ་ཐོད་རྟེན་དགུ་ཕུར་པ་མར་མེ་སོགས་ཕྱོགས་མ་ལོག་པར་ཁ་ཡིག་ལྟར་བཀོད་ནས་འཇོག །མདའ་གྲི་སོགས་སྒྲུབ་རྫས་མཆོད་རྫས་རྣམས་ལམ་ཙམ་བཤམ་ཞིང་མདའ་སོགས་ཉལ་སྟབས་སུ་འཇོག་པ་ལས་མི་སློང་། ཕྱོགས་བཞིར་ལས་(༤ན)
བུམ་འཇོག་དགོས་པས་མནལ་ལམ་ལྟར་རྡོ་རྗེ་སེམས་དཔའ། སྒྲུབ་ཁོག་ལྟར་རྣམ་འཇོམས། མངའ་རིས་པཎ་ཆེན་གྱི་བཞེད་པའི་སྨེ་བརྩེགས་དང་བདུད་རྩི་འཁྱིལ་པ་ཡང་བསྣན་པའི་གཞི་ག་བསྒྲུབ་པ་ལེགས། ས་བཅད་དྲུག་པའི་སྒྲུབ་ལུགས་ལས་བུམ་པ་བཞིར་ཁྲུས་ཆུ། དྲི་མཆོག་རྫས་ལྡན་དམིགས་མེད་ངང་ལས་གཞལ་ཡས་ཁང་དུ་གསལ་བའི་དབུས་སུ་ཧཱུཾ་ལས་འོད་འབར་དཀྲོང་བསྐྱེད་དུ་དཔལ་རྡོ་རྗེ་རྣམ་པར་འཇོམས་པ་སྐུ་མདོག་མཐིང་ནག་ཞལ་གཅིག་ཕྱག་གཉིས་གཡས་རྡོ་རྗེ་རྒྱ་གྲམ་གཡོན་དྲིལ་བུ། འོད་ཀྱི་མེ་ཀློང་ན་བཞུགས་པའི་ཐུགས་ཀར་ཧཱུཾ་ལ་སྙིང་པོས་བསྐོར་བར་དམིགས་ཏེ་ཉེ་སྙིང་བརྒྱ་རྩ་བརྗོད། སྔགས་འཕྲེང་ལས་བདུད་རྩི་བུམ་པར་འཁྱིལ། ལྷ་བདག་ལ་བསྡུ། གཞན་གསུམ་གྱི་སྒྲུབ་ཚུལ་ཁོག་ཏུ་མི་གསལ་བ་གཞན་ནས་ལེན་ཆུས་མཆེད་རྣམས་ཁྲུས་ནས་དབྱུང་ངོ་། །སློབ་དཔོན་གྱི་དབང་གི་སྐབས་བགེགས་བསང་བ་བྱེད་དགོས་བྱུང་ཚེ་མཆོད་གཡོག་གིས་རྡོར་སེམས་ཀྱི་བུམ་པ་ལེན། སྟ་གོན་གྱི་ས་བཅད་ལྔ་པ་བགེགས་སྐྲོད་པ་ལ་གཏོར་མ་ཆ་གསུམ་ལ་སོགས་བགེགས་གཏོར་ཆུ་གཏོར་བཏང་ལ་བདེན་པའི་བཀའ་བསྒོ་ཞིང་བགེགས་བསྐྲད་པ་ནི་ལས་བྱང་གི་ཧཱུཾ་ཡང་དག་དོན་ལ་མི་མོས་པ། །མི་དང་མི་མིན་ལོག་འདྲེན་བགེགས། །ལན་ཆགས་རེ་གཏོར་འདི་ཁྱེར་ལ། །གནས་འདིའི་ཁོར་ཡུག་ཚུན་ཆད་དུ། །སྐད་ཅིག་ཙམ་ཡང་འདའ་མ་བྱེད། །གལ་ཏེ་ང་ཡི་བཀའ་འདས་ན། །བདེ་གཤེགས་ཁྲོ་བོ་ཀུན་འདུས་ནས། །ལུས་ངག་རྡུལ་ཕྲན་བཞིན་དུ་རློག །ཧཱུཾ་བཞི་དང་ཁྲོ་བཅུའི་སྔགས་བཟླ་བཞིན་པའི་ངང་ནས་མེ་ཐུན་ཆུ་ཐུན་ཡུངས་ཀར་སིལ་མ་གིང་གིས་གྲི་ཕུར་གདེང་། ཧཱུཾ། སྒྲ་སྒྲོག་གུ་གུལ་ནག་པོས་བདུག་པ་སོགས་ཚ་རྔམ་བྱའོ། །སྟ་གོན་གྱི་ས་བཅད་(༤བ)
དྲུག་པ་སློབ་མ་ཁྲུས་ནས་དབྱུང་བ་ནི། ཉིན་དང་པོའི་ཐོག་མ་དང་གུང་གཉིས་ལ་སློབ་མར་ཁྲུས་ཆུ་བུམ་པ་བཞི་ག་ནས་སྣོད་གཅིག་ཏུ་བསྲེས་ཀྱང་ཡོང་། མིས་ལྕོགས་ན་བུམ་པ་བཞི་ག་ཁྱེར་ནས་བཏང་ཀྱང་ཡོང་ཞིང་ཇི་ལྟར་བལྟམས་པ་སོགས་ཀྱིས་ཁྲུས་བྱེད། སྟ་གོན་གྱི་ས་བཅད་བདུན་པ་ཚོགས་བསག་པ་ནི་བླ་མ་ལ་ཡོན་དུ་མཎྜལ་འབུལ། བླ་མས་ཉན་པར་གདམས་ནས་ཐུན་མོང་སྔོན་འགྲོའི་ཆོས་བཤད་ལ་དལ་འབྱོར་རྙེད་དཀའ། འཆི་བ་མི་རྟག་པ། འཁོར་བའི་ཉེས་དམིགས། ལས་འབྲས་རྣམ་གཞག་མདོར་བསྡུས་ཙམ་ཨ་ཏིའི་དོན་འཁྲིད་ནས་བཤད་ན་ལེགས། ཡིད་ཆེས་པའི་ལོ་རྒྱུས་ལ། སྒྲུབ་ཁོག་གི་དབུའི་བཅོམ་ལྡན་འདས་ཞི་ཁྲོ་རབ་འབྱམས་ནས་བཟུང་སྟེ་རྒྱལ་བ་དགོངས་བརྒྱུད། རིགས་འཛིན་བརྡ་བརྒྱུད། མཁའ་འགྲོ་གཏད་བརྒྱུད། གྲུབ་ཐོབ་རྣལ་འབྱོར་བརྒྱུད་ཡན་སོང་རྗེས་དབང་བུམ་འདི་ཉིད་སྤེལ་བ་དང་སོ་སོར་མཛད་སྲོལ་གཉིས་འདུག་པ་ལས་ཕྱི་མ་གན་གཙང་བར་སྣང་། ནས། དང་པོ་དབང་གི་ཆུ་བོ་རྒྱུན་མ་ཆད་པའི་བབས་སོ་བསྟན་པ་ནི་ཞེས་པ་ནས་རྡོ་རྗེ་དབྱིངས་ཀྱི་དབང་སྒོ་བི་མཱ་ལ་ལ་ཕྱེ་ནས་བསྐུར་རོའི་བར། དེ་ནས་སྒྲུབ་ཁོག་ནས་གང་ཟག་སྙན་ཁུང་བརྒྱུད་པའི་ཉམས་ལེན་སྐོར་དགུ་པོ་དང་བཅས་པ་ཞུས་སོ་ཡན་གྱི་རྗེས་ལ་དབང་བུམ་ནས་ཕྱི་མའི་དུས་སུ་ཡང་ཞེས་སོགས་ཀྱི་ལུང་བསྟན་ཚང་བར་མནལ་ལམ་རྟ་དཀར་མའི་ལུང་མཛད། བྱེད། དེ་ནས་ཡང་སྒྲུབ་ཁོག་ནས་དོན་དྲུག་པ་རྩོམ་པ་པོའི་རྣམ་ཐར་ནས་བཟུང་སྟེ་ཕུན་སུམ་ཚོགས་པ་བདུན་གྱིས་སྒྲུབ་ཆེན་གྱི་གཞི་བཟུང་ངོའི་བར་ཤར་མར་བྱེད། སྒྲུབ་ཁོག་གི་སྐྱབས་བླ་མ་སངས་རྒྱས་འཁོར་དང་བཅས། ཀུན་ནས་བདག་ལ་དགོངས་སུ་གསོལ། བླ་མ་དཀོན་ཅོག་རྣམ་གསུམ་ལ། བྱང་ཆུབ་མ་ཐོབ་བར་དུ་ནི། །སྐྱབས་ཀྱི་མཆོག་ཏུ་བཟུང་བར་བགྱི། སེམས་འབོགས། ཕྱི་མཆོད་ལྔ་བཤམས་ལ་ཡན་ལག་བདུན་པ་ནི་རྗེས་ཟློས་དང་བཅས། བླ་མ་བདེ་གཤེགས་མཁའ་འགྲོ་གནས་(༥ན)
འདིར་གཤེགས། །ཉི་ཟླ་པད་གདན་མཛེས་ལ་དགྱེས་པར་བཞུགས། །ལུས་ངག་ཡིད་གསུམ་གུས་པས་ཕྱག་འཚལ་ལོ། །ཕྱི་ནང་གསང་བའི་མཆོད་སྤྲིན་ཀུན་གྱིས་མཆོད། །སྔོན་ནས་ད་བར་མི་དགེ་ཅི་བསགས་བཤགས། །དུས་གསུམ་དགེ་སྤྱོད་མཛད་ལ་ཡི་རང་འབུལ། །བདག་གཞན་ཡོངས་སྒྲོལ་ཆོས་འཁོར་བསྐོར་དུ་གསོལ། །འགྲོ་མགོན་མྱ་ངན་མི་འདའ་བཞུགས་སུ་གསོལ། །སྒོ་གསུམ་དགེ་སྤྱད་མ་ལུས་བྱང་ཆུབ་བསྔོ། །མཁའ་མཉམ་འགྲོ་རྣམས་སྐུ་གསུམ་མངོན་གྱུར་ཤོག །ཅེས་དཔོན་སློབ་ལྷན་ཅིག་པས་མཆོད་པ་ཕུལ། རྡོར་སེམས་ཀྱི་སྒོམ་བཟླས་འབེབས་སོ། །སྟ་གོན་གྱི་ས་བཅད་བརྒྱད་པ་ལྷ་སྟ་གོན་ལ་ཆོག་ཤེས་པ་རྣམས་ཀྱིས་ལས་བྱང་གཞུང་བསྲངས་ནས་བསྒྲུབ། མི་ཤེས་པ་ཚོས་སྔོན་འགྲོའི་དམིགས་པ་བསྒོམ་ཞིང་ཡིག་བརྒྱ་བཟླ། སྟ་གོན་གྱི་ས་བཅད་དགུ་པ་བསྙེན་པ་གསོ་ན་ལྷ་སྟ་གོན་དང་སྦྲེལ་ནས་མཛད། ས་བཅད་བརྒྱད་དགུ་འདི་གཉིས་ཀྱི་སྐབས་བུམ་པ་བསྒྲུབ་སྲོལ་འདུག་པ་སློབ་དཔོན་དཀྱིལ་འཁོར་འདྲི་ན་མགྱོགས་དབང་བསྐུར་ན་རྣམ་བུམ་འདི་གར་ངེས་པར་བསྒྲུབ་དགོས། སྐབས་འདིར་བྱ་ལ་མི་འདྲི་ན་དཀྱིལ་འཁོར་འདྲི་བའི་རིང་བྱ། སྟ་གོན་གྱི་ས་བཅད་བཅུ་པ་སློབ་མ་འཇུག་པ་ལ་དེ་ཡང་སྒྲུབ་མཆོད་གསར་རྙིང་བསྲེས་ཀྱང་རུང་དབང་བསྐུར་བའི་ཕྱིར་འཇུག་ན་ཡང་ཤིན་ཏུ་འཇུག་ཆོག་གལ་ཆེ་བས་གོང་ལྟར་ལྷ་བསྐྱེད་མཆོད་བཟླས་ཚར་བའི་སྐབས་སུ་དཀྱིལ་འཁོར་ཡོལ་བས་བསྒྲིབས་ཏེ་སློབ་བུ་གསར་པ་དེ་སྒོ་དྲུང་ནས་དབྱུང་ཞིང་བགེགས་བསྐྲད་ནང་དུ་བོས་ཏེ་ལས་ཀྱི་རྒྱས་ཐེབས་ཀྱིས་སྣ་དྲངས་ཏེ་སྤྱན་དར་སྤྱན་ཡོན་བཅས་ཏེ་དཀྱིལ་འཁོར་ལན་གསུམ་བསྐོར་ཏེ་ཤར་སྒོ་ནས་ཕྱག་བྱ་པུས་བཙུགས་ཏེ་བླ་མ་སྟ་གོན་ལ་གནས་པར་གསོལ་བ་གདབ་པ་ནི། རྡོ་རྗེ་སློབ་དཔོན་དགོངས་སུ་གསོལ། །ཞི་ཁྲོ་(༥བ)
ཡོངས་རྫོགས་དཀྱིལ་འཁོར་དུ། །སྐུ་གསུང་ཐུགས་ཀྱིས་བཟུང་སླད་ཕྱིར། །ལྷག་པར་གནས་པར་མཛད་དུ་གསོལ། །ལན་གསུམ་ཞུས་རྗེས་སུ་གནང་བ་སྦྱིན་པ་ནི་བླ་མས། སྐལ་ལྡན་རིགས་ཀྱི་བུ་མཆོག་ཁྱོད། །ཞི་ཁྲོ་ཡོངས་རྫོགས་དཀྱིལ་འཁོར་དུ། །དབང་བསྐུར་བྱིན་རླབས་སྒྲུབ་ཆེན་ཕྱིར། །ལྷག་པར་གནས་པ་ཚུལ་བཞིན་བྱ། །ཞེས་བརྗོད་དོ། །དེ་ནས་སྐྱབས་སུ་འགྲོ་ཞིང་སྡིག་པ་བཤགས་སུ་གཞུག་སྟེ་བླ་མས་འདི་སྐད་བརྗོད། བུ་ཁྱོད་འཁོར་བའི་སྡུག་བསྔལ་ལས། །ཐར་པའི་མགོན་གྱུར་དཀོན་མཆོག་གསུམ། །ཡིད་ཀྱིས་དམིགས་ཏེ་ཕྱག་འཚལ་ལོ། །སྐྱབས་སོང་སྡིག་པ་བཤགས་པར་བགྱི། །དེ་ནས་སློབ་བུས་མཎྜལ་ཕུལ། ཕྱག་བཙལ་ཏེ་མེ་ཏོག་དབུལ་བླ་མས་སྐྱབས་འགྲོ་སེམས་བསྐྱེད་འབོགས་པ་ནི། བླ་མ་སངས་རྒྱས་འཁོར་དང་བཅས། །ཀུན་ནས་བདག་ལ་དགོངས་སུ་གསོལ། །བླ་མ་དཀོན་མཆོག་གསུམ་པོ་ལ། །བྱང་ཆུབ་མ་ཐོབ་བར་དུ་ནི། །སྐྱབས་ཀྱི་མཆོག་ཏུ་བཟུང་བར་བགྱི། །སྔོན་ནས་བསགས་པའི་སྡིག་སྒྲིབ་བཤགས། །འགྲོ་ཀུན་སངས་རྒྱས་ཐོབ་བྱའི་ཕྱིར། །སྨོན་པའི་བྱང་ཆུབ་སེམས་ནི་བསྐྱེད། །སེམས་ཅན་ཡོངས་སུ་སྨིན་བྱའི་ཕྱིར། །གསང་སྔགས་སྤྱོད་པ་རླབས་ཆེན་སྤྱད། །དོན་དམ་སྤྲོས་བྲལ་བྱང་ཆུབ་སེམས། །རང་བྱུང་མཐའ་བྲལ་སྟོང་གསལ་བསྒོམ། །ཞེས་ལན་གསུམ་དམ་བཅས་ཏེ་སྡོམ་པ་འབོགས་པར་བྱའོ། །དེ་ནས་ཐུགས་རྗེས་བཟུང་སྟེ་ལྕགས་ཀྱུའི་ཕྱག་རྒྱ་བཅས་ཏེ། ཧཱུཾ། ཁམས་གསུམ་འཁོར་བའི་སེམས་ཅན་རྣམས། །རྒྱུ་དྲུག་ལམ་གྱི་སྒོ་བཅད་ནས། །མཐོ་རིས་ཐར་པའི་སྒོ་ཕྱེ་སྟེ། །དང་པོ་ཡང་སྙིང་འབྲུ་ལྔ་ཡིས། །བླ་མེད་མཆོག་གི་གནས་སུ་དྲངས། །ཨཱོཾ་ཨཱཿཧཱུཾ་སྭཱཧཱ་ས་མཱ་ཛཿཛཿ དེ་ནས་སྒྲིབ་པ་ཆེ་ཆུང་དང་ལྷ་(༦ན)
གང་གི་རིགས་སུ་བརྟག་ཕྱིར་སོ་ཤིང་དོར་ཏེ། དྲི་ལྡན་ཤིང་རྩ་སོར་བརྒྱད་པ་མེ་ཏོག་གིས་བརྒྱན་པ་སློབ་བུ་ལ་གཏད་ལྷ་ངོ་གཟུང་སྟེ། ཧོ་བླ་མས་གནང་བའི་སོ་ཤིང་འདི། །ཞི་ཁྲོ་ཡི་དམ་ལྷ་བརྟག་ཕྱིར། །མཎྜལ་དབུས་སུ་བདག་དོར་གྱིས། །གང་ཡིན་སྐལ་ལྡན་དེར་འབབ་ཤོག །ཨོཾ་བཛྲ་ཧ་ས་ཧ་ཞེས་ནས་ཀྱི་མཎྜལ་ལ་རིགས་ལྔའི་ཙཀླི་བཅས་པའི་སྟེང་དུ་དོར་རོ། །མ་ཚུད་བར་དུ་ལན་གསུམ་བསྐྱར་རོ། །དེ་ནས་བར་ཆད་བསྲུང་ཕྱིར་སྲུང་སྐུད་ཚོན་སྣ་ལྔ་ལ་འདོམ་གང་གསུམ་བལྟབ་སྐུ་གསུམ་སྔགས་མདུད་ཅན་གཡོན་གྱི་དཔུང་པར་འཆིང་བར་བྱ་སྟེ། ཧཱུཾ། ཡེ་ཤེས་ལྔ་ལྡན་སྲད་བུ་འདི། །སྐུ་གསུང་ཐུགས་ཀྱི་མདུད་པར་ལྡན། །གཡོན་གྱི་དཔུང་པར་བཅིངས་པ་ཡིས། །སྒོ་གསུམ་བར་ཆད་གེགས་བསྲུང་ཤོག །ཨཱོཾ་བཛྲ་མཧཱ་ཀྲོ་ཏ་པདྨ་ཀྲོ་ཏཱི་ཤྭ་རཱི་བཛྲ་ཀཱི་ལི་ཀཱི་ལཱ་ཡ། མཧཱ་ཡཀྵ་ཀཱ་ལ་རཱུ་པ། ཀརྨ་རཾ་རཾ་ཛྭ་ལ་རཾ་ཧཱུཾ་ཕཊ། དེ་ནས་ལས་འཕྲོའི་རྨི་ལམ་བརྟག་ཕྱིར་ཀུ་ཤ་གཙང་མ་དྲིས་བསངས་ཏེ་གཏད་པ་ནི། ཧོ་ལས་འཕྲོ་སྐལ་ལྡན་རིགས་ཀྱི་བུ། །ཁྱོར་ཆུ། ཨཱོཾ་ཀྲོ་ཏི་ཤྭ་རི་སརྦ་ཏྲ་བྱཾ་སཾ་ཤྭ་དྷ་ཡ་ཧཱུཾ་ཕཊ་ཀྱིས། གེགས་བསངས། ཨཱོཾ་ཧཱུཾ་ཧྲཱིཿསུ། ཀུ་ཤ་གཙང་མ་རྩྭ་མཆོག་འདི། །དངོས་གྲུབ་རྟགས་མཚན་གསལ་བྱའི་ཕྱིར། ཁྱོད་ཉིད་ཉལ་བའི་སྔས་སྟན་གྱིས། །ཞེས་ཕྱག་རྒྱ་བསྣོལ་བཛྲ་ཏིཀྵ་མར་གནང་བ་སྦྱིན་པ། མཁའ་འགྲོ་གསང་རྫོགས་ལས་བྱུང་བ་འདི་ལྟ་སྟེ། ཧཱུཾ་ཨུ་དུམ་ཝ་རའི་མེ་ཏོག་འདིཿ བརྒྱ་ལམ་ན་ནི་རེས་འགའ་ཞིག༔ སངས་རྒྱས་འཇིག་རྟེན་འབྱུང་བ་ལས༔ གཞན་གྱི་ཚེ་ནི་མི་འབྱུང་ལྟར༔ དེ་བཞིན་གསང་སྔགས་ཟབ་མོའི་ཆོས༔ ཚེ་འདི་ཉིད་ལ་སངས་རྒྱས་པས༔ ལས་ཅན་སྐལ་ལྡན་མ་ཡིན་པ༔ སྐལ་མེད་རྣམས་ཀྱི་སྤྱོད་ཡུལ་མིན༔ སྤྲོ་བ་བསྐྱེད་ལ་གུས་པར་གྱིས༔ ཞེས་སོ། །གཏད་དོ། །དེ་ནས་ནུས་པའི་དབང་ལྔ་བསྐུར་བའི་ལུགས་མང་ཡང་དེའི་ཚབ་ལ་དབང་རྒྱུན་མི་ཆད་ཅིང་བདེ་འདུས་ཀྱི་ཕྱག་ལེན་དང་མཐུན་པའི་ཆེད་དུ་མགྱོགས་དབང་བུམ་པའི་རྒྱ་ཅན་(༦བ)
སྟ་གོན་གྱི་དཀྱིལ་འཁོར་ལ་བརྟེན་ནས་བསྐུར་བ་སྒྲོས་གཙང་། སྟ་གོན་གྱི་ས་བཅད་བཅུ་གཅིག་པ་ལྷ་རྣམས་སྟ་གོན་ལ་གནས་པར་གསོལ་བ་གདབ་པ་ནི། མཆེད་རྣམས་གྲལ་གསུམ་རིམ་དུ་ཐལ་མོ་སྦྱར་ཏེ་ལངས་ནས་འདི་སྐད་དོ། །ཧོ། དུས་གསུམ་སངས་རྒྱས་འདུས་པའི་གཙོ། །ཐུགས་རྗེའི་བྱིན་རླབས་བྱང་སེམས་ལྡན། །དགོངས་བརྡ་རྣ་བརྒྱུད་ཐུགས་བཅུད་མངའ། །རྒྱུད་གྲོལ་བྱང་ཆུབ་ལམ་ལ་འཛུད། །དུས་གསུམ་བླ་མ་སྐུ་དྲིན་ཅན། །ཐམས་ཅད་གསན་ཅིང་དགོངས་སུ་གསོལ། །རང་བཞིན་ལྷུན་གྲུབ་ཕོ་བྲང་ནས། །ཞི་ཁྲོ་རྒྱལ་བ་ཡོངས་རྫོགས་ལྷ། །སྐུ་གསུང་ཐུགས་ཡོན་འཕྲིན་ལས་དང་། །མ་མོ་རིགས་འཛིན་འཇིག་རྟེན་ལྷ། །བདག་ལ་གསན་ཅིང་དགོངས་སུ་གསོལ། །མ་དང་མཁའ་འགྲོ་དམ་ཚིག་ཅན། །སངས་རྒྱས་བསྟན་པ་འཛིན་སྐྱོང་བསྲུང་། །དམོད་པ་དྲག་སྔགས་མཐུ་དང་ལྡན། །སྒྲུབ་མཆོག་སྐྱོང་མཛད་རྣམས་ཀྱང་དགོངས། །དཀྱིལ་འཁོར་བཟང་པོ་ངས་བྲིས་ནས། །བདག་ཅག་བསྙེན་སྒྲུབ་ལས་གཞུང་སྲོང་། །སྟ་གོན་ལ་ནི་གནས་པར་ཕྱག་རྒྱ་དང་བཅས་ཨཱོཾ་བཛྲ་ཨུཏྟིཥྛ། མཛོད། །ཅེས་བརྗོད་ལ་དཀྱིལ་འཁོར་གྱི་ལྷ་རྣམས་བར་སྣང་ལ་འོད་ཀྱི་དྲ་བར་བཞུགས་པར་བསམ། དེ་ནུབ་སློབ་མ་རྣམས་ཉལ་ཞིང་རྨི་ལམ་བརྟག་ངན་ན་སྦྱིན་སྲེག་བྱ་ཕྱག་ལེན་ལ་ལར་འདིའི་རྗེས་སུ་ནུས་དབང་ལྔ་དང་སྒྲུབ་དབང་སྣང་ཡང་ལེགས་པར་མི་སེམས། འདི་ཡན་གཉིས་པ། དངོས་གཞི་ས་བཅད་སོ་བརྒྱད་ཡོད་པའི་དང་པོ་ཕྱི་མཚམས་རྒྱལ་པོ་བཞི་ལ་གཏད་པ་ནི། གནས་ཀྱི་ཕྱོགས་བཞིར་མཐོ་བརྩིགས་དེ་ལ་སོ་སོའི་ཙཀླི་རྒྱབ་ཏུ་སྙིང་པོ་འདོད་གསོལ་དང་བཅས་བྲིས་པ་བཀོད་དཀར་གཏོར་དང་མཆོད་པ་བཤམ། ཨ་མྲྀ་ཏས་བསངས། སྭ་བྷཱ་ཝས་སྟོང་པར་སྦྱངས། སྟོང་པའི་ངང་ལས་བྷྲུཾ་ལས་རིན་པོ་ཆེའི་སྣོད་(༧ན)
ཡངས་ཤིང་རྒྱ་ཆེ་བའི་ནང་དུ་ཨོཾ་འོད་དུ་ཞུ་བ་ལས་བྱུང་བའི་གཏོར་མ་བདུད་རྩིའི་རྒྱ་མཚོ་ཆེན་པོར་བསམས་ཏེ། ཨོཾ་ཨཱཿཧཱུཾ་གིས་བྱིན་གྱིས་བརླབས། ནམ་མཁའ་མཛོད་ཀྱི་སྔགས་དང་ཕྱག་རྒྱ་བྱ། ཨ་མྲྀ་ཏས་བསངས། སྭ་བྷཱ་ཝ་བརྗོད། སྐུ་གཟུགས་དང་མཐོ་མི་དམིགས་པ་སྟོང་པ་ཉིད་དུ་གྱུར། སྟོང་པའི་ངང་ལས་རིན་པོ་ཆེའི་ཁྲིའི་སྟེང་དུ་ཤར་དུ་དྷེཾ། ལྷོར་བཾ། ནུབ་ཏུ་པཾ། བྱང་དུ་བཻ་རྣམས་ཡོངས་སུ་གྱུར་པ་ལས། ཡུལ་འཁོར་བསྲུང་དཀར་པོ་པི་ཝང་བསྒྲེང་བ། འཕགས་སྐྱེས་པོ་སྔོན་པོ་གཡས་རལ་གྲི་དང་གཡོན་བེ་ཅོན་བསྣམས་པ། མིག་མི་བཟང་དམར་སྨུག་གཡས་རིན་ཆེན་དང་གཡོན་སྦྲུལ་ཞགས་འཛིན་པ། རྣམ་ཐོས་སྲས་སེར་པོ་གཡས་རིན་ཆེན་གཏེར་སྒྲོམ་དང་གཡོན་བེ་ཅོན་འཛིན་པ་རྣམས་ཀྱི་དཔྲལ་བར་ཨཱོཾ། མགྲིན་པར་ཨཱཿ ཐུགས་ཀར་ཧཱུཾ་གིས་མཚན་པར་བསམ། ཐུགས་ཀའི་ས་བོན་ལས་འོད་ཟེར་འཕྲོས་པས་རང་འདྲའི་ཡེ་ཤེས་པ་ཨཱོཾ་བཛྲ་ས་མཱ་ཛཿས་སྤྱན་དྲངས། ཤར་ཕྱོགས་སྐྱོང་བའི་ཡུལ་འཁོར་བསྲུང་། །ལྷོ་ཕྱོགས་སྐྱོང་བའི་འཕགས་སྐྱེས་པོ། །ནུབ་ཕྱོགས་སྐྱོང་བའི་སྤྱན་མི་བཟང་། །བྱང་ཕྱོགས་སྐྱོང་བའི་རྣམ་ཐོས་སྲས། །བཙུན་མོ་སྲས་དང་བློན་པོར་བཅས། །གནས་འདིར་སྤྱན་འདྲེན་གཤེགས་སུ་གསོལ། །ཨོཾ་མཧཱ་ཌྷྲྀ་ཏ་རཱཥྚ་བི་རུ་ཌྷ་ཀ་བི་རཱུ་པཀྵ་བཻ་ཤྲ་མ་ཎ་ས་པ་རི་ཝཱ་ར་ཨེ་ཧི། ཛཿཧཱུཾ་བཾ་ཧོཿས་བསྟིམ། པདྨ་ཀ་མ་ལ་ཡ་སྟཾ་གྱིས་གདན་ཕུལ། གོང་གི་སྔགས་གཤམ་དུ་ཨརྒྷཾ་ནས་ཤབྡའི་བར་གྱིས་མཆོད། སྔགས་གཤམ་དུ་ན་མཿསརྦ་ཏ་ཐཱ་ག་ཏ་བྷྱོ་བ་ཤྭ་སོགས་བཏགས་ཏེ་ལན་གསུམ་གྱིས་གཏོར་མ་འབུལ། ཧཱུཾ། སྔོན་ཚེ་རྒྱལ་བའི་སྤྱན་སྔ་རུ། ཁས་བླངས་དམ་བཅས་ཆོས་སྐྱོང་དཔལ། །མཐུ་ཆེན་རྒྱལ་པོ་(༧བ)
ཆེན་པོ་བཞི། །འདིར་གཤེགས་མཆོད་སྦྱིན་གཏོར་མ་ལོང་། །རི་རབ་གླིང་བཞིའི་ངོས་བཞི་ནས། །ཕྱག་ན་རྡོ་རྗེ་དབང་གི་མཐུས། །བསྟན་པ་བསྲུང་བར་ཞལ་བཞེས་པའི། །རྒྱལ་པོ་ཆེན་པོ་སྡེ་བཞི་རྣམས། །བདག་ཅག་རེ་བ་བསྐང་བའི་ཕྱིར། །མ་དག་འཁོར་རྣམས་མཚམས་ཆོད་ཅིག །ཧཱུཾ། ཤར་ཕྱོགས་རྒྱལ་ཆེན་ཡུལ་འཁོར་བསྲུང་། །ཞི་བའི་འཕྲིན་ལས་མཐར་ཕྱིན་སྐུ་མདོག་དཀར། །ཐུགས་རྗེའི་དབང་གིས་འགྲོ་དོན་པི་ཝང་བསྣམས། །ཤར་ཕྱོགས་དྲི་ཟའི་ཚོགས་རྣམས་མཚམས་ཆོད་ཅིག །ཨཱོཾ་ཌྷྲྀ་ཏ་རཱཥྚ་ཡེ་སྭཱཧཱ། ཧཱུཾ། ལྷོ་ཕྱོགས་རྒྱལ་པོ་འཕགས་སྐྱེས་པོ། །མངོན་སྤྱོད་ཚུལ་གྱིས་འགྲོ་དོན་སྐུ་མདོག་སྔོ། །དུག་གསུམ་འཇོམས་མཛད་བེ་ཅོན་རལ་གྲི་བསྣམས། །ལྷོ་ཕྱོགས་གཤིན་རྗེའི་འཁོར་ཚོགས་མཚམས་ཆོད་ཅིག །ཨཱོཾ་བི་རུ་ཌྷ་ཀ་ཡེ་སྭཱཧཱ། ཧཱུཾ། ནུབ་ཕྱོགས་རྒྱལ་ཆེན་སྤྱན་མི་བཟང་། །སྐུ་མདོག་དམར་སྨུག་དབང་ལྡན་འཇིགས་པའི་སྐུ། །བསོད་ནམས་ཚོགས་རྫོགས་རིན་ཆེན་སྦྲུལ་ཞགས་བསྣམས། །ནུབ་ཕྱོགས་ཀླུ་དབང་འཁོར་ཚོགས་མཚམས་ཆོད་ཅིང་། །ཨཱོཾ་བི་རཱུ་པཀྵ་ཡེ་སྭཱཧཱ། ཧཱུཾ། བྱང་ཕྱོགས་རྒྱལ་ཆེན་རྣམ་ཐོས་སྲས། །ཆེ་བའི་ཡོན་ཏན་མཐར་ཕྱིན་ལྗང་གུར་ལྡན། །རིན་ཆེན་གཏེར་དང་བེ་ཅོན་ནེའུ་ལེ་བསྣམས། །བྱང་ཕྱོགས་གནོད་སྦྱིན་ཚོགས་རྣམས་མཚམས་ཆོད་ཅིག །ཨཱོཾ་བཻ་ཤྲ་མ་ཎ་ཡེ་སྭཱཧཱ། ཏིཥྛ་བཛྲ་ཞེས་བརྗོད་ཅིང་མེ་ཏོག་གཏོར། ཞེས་བརྗོད་གཏོར་མ་བཏང་། རྣལ་འབྱོར་པ་རྣམས་མཐོ་ཁོངས་ལས་ཕྱིར་མི་རྒྱུ། ཕྱི་མི་རྣམས་ཚུར་མི་བཏང་། དངོས་གྲུབ་ནོར་རྫས་སྐྱེལ་ན་རུང་། ཕྱི་གིང་ལས་པ་ཕྱིར་འགྲོ་སྲིད་ན། ཕུར་བ་རེ་བསྐུལ་ཚུལ་སྡོད་དུས་མཚམས་གཅོད་རེ་བྱའོ། །རྒྱལ་མཐོ་བསྡམས་ནས་ནང་དུ་ཡོང་པའི་ཞོར་(༨ན)
ལ་དཔོན་སློབ་བྱིངས་ཀྱི་དངོས་གཞིའི་ས་བཅད་གཉིས་པ་དམ་སྲི་གནོན་ཞིང་དེའི་རིང་ལས་ཀྱི་སློབ་དཔོན་ཞིག་སྒྲུབ་ཁང་ཐོག་ཏུ་མནལ་ལམ་རྟ་དཀར་མ་ནས་བཤད་པའི་ལྷ་མི་ཕྱག་སྦྲེལ་གྱི་གཏའ་བསྡམ་ལུགས་ལོགས་སུ་གསལ། དམ་སྲི་ལ་དུག་ཤོག་ལིངྒ་བྱ་མཆུ་ཅན་གྱི་སྙིང་གར་ཡ་མ་དམ་སྲི་ག་པ་རི་མཱ་ར་ཡ་ཛཿཛཿནན་ཏྲིའུ་ཏྲིའུ་ཡ་ན་མ་ཤོ་ཛཿ ཁུག་ནན་སོགས་འདྲེ་ལིང་མཚན་ཉིད་པ་བྲིས་ཏེ་ཐེམ་པའི་ཕྱིའམ་ལམ་རྒྱ་གྲམ་ལྟ་བུར་ཁ་ཡར་བསྟན་གསེར་སྐྱེམས་ཨེ་ལིང་བསྐྱེད་པ་དགུག་གཞུག །ཕུར་ཐུན་ཚོམ་བསྐུལ་ཚོགས་ལས་ལྟར་བྱས་ནས་ལིངྒ་ཁ་སྦུབ་བསྡུ་ན་འདི་ཙམ་གྱིས་འཐུས་རྒྱས་པར་སྤྲོ་ན་ཐུན་དགུ་གང་རྒྱག་རྒྱས་བསྡུས་མང་ཡང་ཐུན་རྒྱག་པའི་བསྐུལ་ཚིག་ནི། ཧཱུཾ། དམ་སྲི་བྱ་བའི་ལས་ངན་འདི། །རྡོ་རྗེ་སློབ་དཔོན་སྐུ་ལ་བསྡོས། །རྡོ་རྗེ་མཆེད་ལ་བར་ཆད་བྱས། །རྣལ་འབྱོར་བདག་ལ་གནོད་བྱེད་ཅིང་། །རྒྱལ་ཁམས་ཡོངས་སུ་གནོད་པ་བྱས། །སྦྱོར་སྒྲོལ་མང་པོའི་སྒོ་ཡང་བཀག །བཀའ་ལས་འདའ་བྱེད་དམ་སྲི་རྣམས། །ནམ་ཡང་བཏང་བར་མ་གསུངས་པས། །རྡོ་རྗེ་ཁྲོ་བོའི་ཕུར་པས་གདབ། །ལྕགས་ཕྱེ་རྡོ་ཕྱེ་ཟངས་ཕྱེས་བྲབ། །གུ་གུལ་སྦྱར་བའི་དུད་པས་བདུག །ཐུན་གྱིས་བྲབ་ཅིང་མཚོན་ཆས་གཏུབས། །རྡོ་རྗེ་སྲིན་པོའི་ཞལ་དུ་སྟོབས། །མ་མོ་མཁའ་འགྲོའི་ཚོགས་ལ་སྦྱིན། །རི་རབ་བརྗིད་པའི་འོག་ཏུ་མནན། །ཞེས་བརྗོད་ཅིང་རོ་གཡམ་ལ་རི་རབ་གླིང་བཞི་བྲིས་པས་མནན། དེ་ནས་ཚིག་དང་བསྟུན་ནས་ས་རེ་གཡོགས་པར་རྡོ་རྗེའི་རི་མོ་འདྲི་བ་ཚར་བཅུ་བྱེད་སྲོལ་འདུག་རུང་རྡོ་རྗེ་འཆང་དབང་ཕྱུག་རབ་བརྟན་གྱི་ཕྱག་ལེན་དུ་གཡམ་པ་བཅུ་ལ་རྡོ་རྗེ་རྒྱ་གྲམ་བྲིས་པ་བཅུ་སྟོན་བྱས་ནས། ཧཱུཾ། གཅིག་ནི་ཏིང་འཛིན་རྩེ་གཅིག་རྒྱ། །(༨ན)
གཉིས་ནི་ཐབས་དང་ཤེས་རབ་རྒྱ། །གསུམ་ནི་སྐུ་གསུང་ཐུགས་ཀྱི་རྒྱ། །བཞི་ནི་ཚད་མེད་རྣམ་བཞིའི་རྒྱ། །ལྔ་ནི་ཡེ་ཤེས་ལྔ་ཡི་རྒྱ། །དྲུག་ནི་ཕ་རོལ་ཕྱིན་དྲུག་རྒྱ། །བདུན་ནི་ཡན་ལག་བདུན་གྱི་རྒྱ། །བརྒྱད་ནི་རྣམ་ཐར་བརྒྱད་ཀྱི་རྒྱ། །དགུ་ནི་ཐེག་པ་རིམ་དགུའི་རྒྱ། །བཅུ་ནི་ས་བཅུ་དབང་བཅུའི་རྒྱ། །དོན་དང་བརྡ་སྦྱར་རྟགས་ཀྱི་ཚུལ། །གཉིས་སུ་མེད་པའི་རྒྱས་གདབ་བོ། །ཨཱོཾ་ལཾ་ཧཱུཾ་ལཾ་སྟཾ་བྷ་ཡ་ནན། དེ་ནས་བྲོ་ར་བཅས་ཏེ། ཧཱུཾ། སངས་རྒྱས་ཀུན་གྱི་སྐུ་གསུང་ཐུགས། །ཡོན་ཏན་འཕྲིན་ལས་རྫོགས་པའི་དཔལ། །གཏི་མུག་བདེ་གཤེགས་འཁོར་དང་བཅས། །དེ་བཞིན་རིགས་མཆོག་མ་ལུས་ཀྱི། །འཇིག་རྟེན་ཁམས་ན་རབ་འབྱམས་ནས། །ཞི་བའི་ཐུགས་རྗེ་ཆེན་པོ་ཡི། །ཞི་བར་མ་གྱུར་གང་ཡང་མེད། །ཞི་མཛད་ལྷ་ལ་ཕྱག་འཚལ་ལོ། །ནད་གདོན་རྣམ་རྟོག་ཞི་བ་ཤཱནྟིཾ་ཀུ་རུ་ཡེ་སྭཱཧཱ། །ཧཱུཾ། སངས་རྒྱས་ཀུན་གྱི་སྐུ་གསུང་ཐུགས། །ཡོན་ཏན་དེས་འགྲེའོ། །ང་རྒྱལ་བདེ་གཤེགས། རིན་ཆེན་རིགས། འཇིག་རྟེན། ཤིན་ཏུ་དབུལ་བའི་སེམས་ཅན་ཀུན། །ཚེ་དང་ལོངས་སྤྱོད་རྒྱས་པར་བྱེད། །རྒྱས་པར་མ་གྱུར། རྒྱས་མཛད་ལྷ་ལ། ཚེ་དང་བསོད་ནམས་པུཥྚིཾ་ཀུ་རུ་ཡེ་སྭཱཧཱ། །ཧཱུཾ། སངས་རྒྱས། ཡོན་ཏན། འཇིག་རྟེན། འདོད་ཆགས། བདེ་གཤེགས། པདྨ་རིགས་མཆོག་འཇིག་རྟེན། ཤིན་ཏུ་ཆགས་པའི་སེམས་ཅན་ཀུན། །ཐམས་ཅད་དབང་དུ་འདུས་པར་མཛོད། །དབང་དུ་མ་འདུས་གང་ཡང་མེད། །དབང་མཛད་ལྷ་ལ༝།ལྷ་འདྲེ་མི་གསུམ་ཝ་ཤཾ་ཀུ་རུ་ཡེ་སྭཱཧཱ། ཧཱུཾ། སངས་རྒྱས། ཡོན་ཏན། བདེ་གཤེགས། ཞེ་སྡང་། རྡོ་རྗེ་རིགས༝། འཇིག་རྟེན། རྡུལ་དུ་མ་བརླག་གང་(༩ན)
ཡང་མེད། །བརླག་མཛད་ལྷ་ལ༝། དགྲ་བགེགས་གནོད་བྱེད་མཱ་ར་ཡ་ཧཱུཾ་ཕཊ། སྒྲུབ་ཁོག་ན་བྲོ་བརྡུང་འདི་བཞིན་འདུག་ཀྱང་ལས་བྱང་གཞུང་བཞིན་བྱས་ན་འཇུག་པ་བདེ་བར་མངོན། དངོས་གཞིའི་ས་བཅད་གསུམ་པ་སྒོ་བྱང་གདགས་པ་ནི། དམ་སྲི་མནན་པའི་ཚུར་ལམ་སྒྲུབ་ཁང་གི་ཕྱི་སྒོར་ར་སོག་ལ་གཤིན་རྗེའི་སྐུ་བྲིས་པ་ཕུར་པ་གཅིག་དང་བཅས་པ་ལྷན་ཅིག་ཏུ་ཡ་ཐེམ་ལ་བཏགས། གསང་ཆེན་ལྷུན་གྲུབ་མ་བྲིས་པ་སྦྱོར་རམ་ཤོག་བྱང་འདོགས་པ་གང་རུང་བྱེད། མཆོད་གཏོར་སྨན་རཀ་བཤམ། སྨན་རཀ་མཆོད་གཏོར་ལས་བྱང་བཞིན་རྒྱས་བསྡུས་གང་རུང་གིས་བྱིན་གྱིས་བརླབས། སྭ་བྷཱ་ཝས་སྦྱངས། སྟོང་པའི་ངང་ལས་པཾ་ལས་པདྨ་དང་རཾ་ལས་ཉི་མའི་སྟེང་དུ་ཧཱུཾ་ལས་གཤིན་རྗེ་ནག་པོ་ཞལ་གཅིག་ཕྱག་གཉིས་པ། སྲིན་པོའི་གཟུགས་ཅན་གཡས་བེ་ཅོན་དང་གཡོན་མཚོན་ཆའི་འཁོར་ལོ་བསྐོར་བ། དུར་ཁྲོད་ཀྱི་ཆས་བརྒྱད་ཀྱིས་བརྒྱན་པ་ཞབས་གཡས་བསྐུམ་གཡོན་བརྐྱང་གིས་ཡེ་ཤེས་ཀྱི་མེ་རབ་ཏུ་འབར་བའི་དབུས་ན་བཞུགས་པ། དེའི་སྤྱི་བོར་ཨཱོཾ། མགྲིན་པར་ཨཱཿ ཐུགས་ཀར་ཧཱུཾ། དེ་ལས་འོད་ཟེར་འཕྲོས་པས་བསྒོམས་པ་དང་འདྲ་བའི་ཡེ་ཤེས་པ་ཨཱོཾ་བཛྲ་ས་མཱ་ཛཿ ཛཿཧཱུཾ་བཾ་ཧོཿ གཉིས་སུ་མེད་པར་བསྟིམ། ཨཱོཾ་ཡ་མ་རཱ་ཛ་ས་པ་རི་ཝཱ་ར་ཨརྒྷཾ་ནས་ཤཔྟའི་བར་གྱིས་མཆོད། སྔགས་མཇུག་ཏུ་སྨན་རག་གཏོར་གསུམ་གྱི་སྔགས་བཏགས་ཏེ་དབུལ། གཉེར་དུ་གཏད་པ་ནི། ཧཱུཾ། གསང་ཆེན་ལྷུན་གྲུབ་ཕོ་བྲང་ནས། །ལས་ཀྱི་གཤིན་རྗེའི་རྒྱལ་པོ་ལ། །བཅོམ་ལྡན་རྡོ་རྗེས་བཀའ་སྩལ་ལྟར། །དེ་བཞིན་རིགས་འཛིན་སྒྲུབ་པ་པོས། །བཀའ་གསང་གཞུང་ཆེན་འདི་བསྒྲུབས་པས། །ཡང་དག་དོན་ཆེན་མ་མཐོང་བར། །(༩བ)
འདི་ལ་གནོད་ཅིང་བར་གཅོད་པའི། །ལྷ་སྲིན་འབྱུང་པོ་སྡེ་བརྒྱད་ཀུན། ཁྱོད་ཀྱི་འཁོར་དང་གཡོག་ལགས་པས། །རྣམ་པར་སྨིན་པའི་ཆོས་གཤོང་ལ། །བླ་མེད་འབྲས་བུ་མ་ཐོབ་བར། །ས་འདི་ཡན་ཆད་བགེགས་མ་བཏང་། །དཔལ་ཆེན་མི་ཕམ་བཀའ་མ་འདའ། །བདག་ཅག་གཉིས་མེད་དབྱིངས་སུ་གཅིག །ཅེས་བརྗོད་ཅིང་མེ་ཏོག་གཏོར། སྒོའི་ནང་དུ་འོངས་ནས་སྒོ་བཅད་ལུགས་སོགས་ལ་བདུད་རྩི་འཁྱིལ་བའི་སྐུ་བྲིས་པ་ཕུར་པ་ཁྲོ་རྒྱལ་བདུད་རྩི་འཁྱིལ་བའི་ཤོག་བྱང་དང་བཅས་པ་ཡ་ཐེམ་ལ་ཞལ་ནས་བསྟན་ཏེ་གདགས། མཆོད་གཏོར་བཤམ་པ་དང་བརླབ་པ་སྔར་ལྟར་བྱའོ། །སྭ་བྷཱ་ཝས་སྦྱངས་སྟོང་པའི་ངང་ལས་པདྨ་དང་ཉི་མའི་གདན་ལ་ཧཱུཾ་ལས་ཁྲོ་བོ་བདུད་རྩི་འཁྱིལ་བ་སྐུ་མདོག་ལྗང་གུ་གཡས་རྒྱ་གྲམ་དང་གཡོན་དེས་ཡུ་བ་བྱས་པའི་དྲིལ་བུ་འཛིན་པ། དུར་ཁྲོད་ཀྱི་ཆས་བརྒྱད་ཀྱིས་བརྒྱན་པའི་གནས་གསུམ་བྱིན་བརླབས་དང་བསྟིམས་གོང་ལྟར་བྱེད། ཨ་མྲྀ་ཏ་ལ་མཆོད་པ་སྨན་རཀ་གཏོར་མའི་སྔགས་བཏང་སྟེ་དབུལ། །གཉེར་གཏད་པ་ནི། ཧཱུཾ། ཁྲོ་བོ་བདུད་རྩི་འཁྱིལ་པའི་སྐུ། །སྤྲུལ་པའི་འོད་ཟེར་དགྲ་བགེགས་འདུལ། །དངོས་གྲུབ་བདུད་རྩིའི་རྒྱ་མཚོ་བསྐྱིལ། །དམ་སྲི་ཐལ་བའི་རྡུལ་དུ་རློག །ཨཱོཾ་ཨ་མྲྀ་ཏ་ཀུཎྜ་ལི་ཚིནྡྷ་ཚིནྡྷ་དམ་སྲི་མཱ་ར་ཡ་ཧཱུཾ་ཕཊ། ཅེས་བརྗོད་ཅིང་མེ་ཏོག་གཏོར། །དངོས་གཞིའི་ས་བཅད་བཞི་པ་མ་ཏྲཾ་བསྒྲལ་བ་ལ། །སྦྱིན་པའི་ས་ལ་མ་ཏྲཾ་རུ་ཏྲའི་གཟུགས་བྱས་ལ། གན་རྐྱལ་དུ་མགོ་ལྷོ་ནུབ་ཏུ་བསྟན་ལ་དཀྱིལ་འཁོར་དབུས་སུ་བཞག་སྟེ། ཐོག་མར་ཀ་དག་གི་ངང་ནས་ཆོས་ཉིད་ཀྱིས་བསྒྲལ་བ་ནི། རང་ཆེ་མཆོག་ཏུ་གསལ་བས་འདི་སྐད་དོ། །ཧཱུཾ། མ་ཏྲཾ་བྱ་བའི་སྡིག་ཅན་ཁྱོད། །སྔོན་ཡང་སྒྲུབ་པ་ཀུན་ལ་བསྒྲིབས། །དེ་ཚེ་དཔལ་ཆེན་ཧེ་རུ་ཀས། །བསྒྲལ་ནས་(༡༠ན)
དུར་ཁྲོད་ཆེན་པོར་བྱས། ཁུངས་བཅད་རྩད་བཅད་གང་ནས་བྱུང་། ཁུངས་དང་རྩད་བཅད་བདག་ལས་བྱུང་། །བདག་མེད་སྟོང་པའི་ཐོ་བས་གཞོམ། །ཨཱོཾ་མཧཱ་ཤཱུ་ནྱ་ཏཱ་ཛྙཱ་ན་བཛྲ་སྭ་བྷཱ་ཝ་ཨཱཏྨ་ཀོ྅ཧཾ། ཞེས་བརྗོད་ཆོས་ཉིད་ཀྱི་དོན་ལ་མཉམ་པར་བཞག །ཆོ་གས་བསྒྲལ་བ་ནི་གསེར་སྐྱེམས་བསྐྱེད་དགུག་རྒྱས་པར་བྱ། དེ་ཡང་སྔོན་བྱུང་གི་རྣམ་ཐར་དང་ཚུལ་མཐུན་པ་ཙམ་ལས་དོན་དུ་སྒྲུབ་པོ་ལ་བར་དུ་གཅོད་པའི་གདོན་བགེགས་དམ་སྲི་དགུག །མ་ཏྲཾ་ཀ་རུ་ཏྲ་ཛཿ ཨ་ཀྲཪྴ་རུ་ཏྲ་ཛཿ ཁ་ཊྭཱཾ་ཀ་རུ་ཏྲ་ཛཿཛཿ མ་ཏྲཾ་རུ་ཏྲ་པྲབྷཉྫཙཀྲ་ཧཱུཾ་ཕཊ་པྲ་བེ་ཤ་ཡ་ཕཊ། ཏི་ཧཱུཾ་ཨ་ཡཾ་ཎ་སྥ་ར་ཎ་ཕཊ། ཅེས་རལ་གྲིས་བསྒྲལ་ཏེ། ཧཱུཾ། དྲེགས་པ་བསྒྲལ་བའི་ཕུང་པོ་འདི། །རྣལ་འབྱོར་མཆོག་གི་གནས་སུ་བྱ། །སྒོ་ནི་གཟུང་འཛིན་རྟོག་པས་བཅད། །གཉིས་མེད་རང་གྲོལ་སྒོ་ཕྱེའོ། །ཞེས་བརྗོད་ཅིང་རལ་གྲིས་ལྟོ་བ་གཤག །ཧཱུཾ། སྙིང་ཤར་དུར་ཁྲོད་བསིལ་བའི་ཚལ། །མགོ་ལྷོར་དུར་ཁྲོད་སྐུ་ལ་རྫོགས། །ནང་གྲོལ་ནུབ་ཏུ་དུར་ཁྲོད་ལངྐ་བརྩེགས། །མཚན་མ་བྱང་དུ་དུར་ཁྲོད་པདྨ་བརྩེགས། །ལག་གཡས་ཤར་ལྷོ་དུར་ཁྲོད་ལྷུན་གྲུབ་གཏེར། །ལག་གཡོན་ལྷོ་ནུབ་དུར་ཁྲོད་གསང་ཆེན་རོལ། །རྐང་གཡོན་ནུབ་བྱང་དུར་ཁྲོད་ཧེ་ཆེན་གདལ། །རྐང་གཡས་བྱང་ཤར་དུར་ཁྲོད་འཇིག་རྟེན་བརྩེགས། །གནས་བརྒྱད་ངོ་མཚར་ཨེ་མ་ཧོ། །རོ་བརྒྱད་བྲིས་པའི་སྟེང་དུ་དགྲམ་སྟེ་གནས་བརྒྱད་དུ་བསམ་མོ། །དེ་ནས་མནན་ཏེ། ཧཱུཾ། མ་ཏྲཾ་བྱ་བའི་སྡིག་ཅན་ཁྱོད། །རོལ་པའི་སྟོབས་ཀྱིས་མནན་པ་ནི། །འཇིགས་བྱེད་ཆེན་པོ་ཧེ་རུ་ཀས། །མགོ་ནི་ལྷོ་ནུབ་མཚམས་སུ་བསྟན། །རྐང་པ་བྱང་ཤར་མཚམས་དུ་བསྟན། ཁྲོ་རྒྱལ་ཞལ་ནི་གཡས་གཡོན་གྱི། །གྱད་ཀྱི་དོར་སྟབས་ཚུལ་གྱིས་མནན། ཨཱོཾ་མཧཱ་ཤྲཱི་ཧེ་རུ་ཀ །(༡༠བ)
ཀྲོ་ཏཱི་ཤྭ་རཱི་ས་མ་ཡ་སྟྭཾ། མཧཱ་དེ་བ་རུ་ཛ་ཛ་ཧཱུཾ། ཞེས་སྙིང་དུར་ཁྲོད་བསིལ་བའི་ཚལ་དུ་བསྒྱུར་བ་སོགས་བྱིན་འབེབས་ཀྱི་ཚིག་དང་མཐུན་པར་སློབ་དཔོན་གྱིས་དོར། །རྡོ་རྗེའི་འགྲོས་བྱ་ཞིང་ཁོག་པ་གཞལ་ཡས་ཁང་དུ་བརླབ་པ་ནི། བྷྲཱུཾ་ཛྙཱ་ན་ཙཀྲ་མཎྜལ་ཧཱུཾ། བདག་གི་ཐུགས་ཀའི་ཧཱུཾ་ལས་བྷྲཱུཾ་གྲངས་མེད་པ་འཕྲོས་པས། མ་ཏྲཾ་གི་ཁོག་པ་ལ་ཕོག་སྟེ། དེ་ཉིད་དུར་ཁྲོད་ཀྱི་གཞལ་ཡས་ཁང་ནམ་མཁའི་མཐའ་དང་མཉམ་པ། བྷནྡྷ་གསར་རྙིང་གི་རྩིག་པ་བྱས་པ། གནམ་ལྕགས་ཀྱི་གཟེར་བཏབ་པ་ལས་རཀྵའི་ཞམ་ཆུ་འབབ་པ། བྷནྡྷ་ལྕང་ལོ་ཅན་གྱི་ཁ་བད་བཏེག་པ། དྲེགས་པ་ཅན་རྣམས་ཀྱི་ཀ་བ་བཙུགས་པ། ལྷ་ཆེན་བརྒྱད་ཀྱི་གདུང་མ་བྱས་པ། ལྷ་བྲན་མང་པོའི་དྲལ་མ་བྱས་པ། ཞིང་ལྤགས་ཀྱི་ཐོག་ཕུབ་པ། རིན་ཆེན་རྣམ་བཞིའི་སྒོ་མོ་བཅད་པ། རྒྱན་སྣ་ཚོགས་ཀྱིས་བརྒྱན་པ། ནང་ཕོ་བྲང་རྩིབས་བཅུ་པ་ཕྱི་དུར་ཁྲོད་ཀྱི་གནས་བརྒྱད་ཀྱིས་བརྒྱན་པ། དེའི་ཕྱི་རིམ་ལྕགས་རི་དང་མེ་རིས་བསྐོར་བར་གྱུར། །གཉིས་པ་སྒོ་དབྱེ་བ་ནི། ཁུ་ཚུར་དང་བཅས་པའི་སྡིགས་མཛུབ་བསྒྲེང་ཞིང་། བྷྲུཾ་པྲ་པེ་ཤ་ཡ་ཕཊ། ལན་བདུན་བརྗོད། ཧཱུཾ་ཧཱུཾ་ཧཱུཾ། ཧ་ཧ་ཧ། ཕཊ་ཕཊ་ཕཊ། ཅེས་བརྗོད་ཅིང་བསྐོར་རོ། །དེ་ནས་མ་ཏྲཾ་ནས་མཚམས་བཅད་དེ། ཧཱུཾ། བདག་ཉིད་དཔལ་གྱི་ཐུགས་ཀ་ནས། ཁྲོ་རྒྱལ་ཊཱཀྐི་རཱ་ཛ་འཕྲོས། །དམར་སྐྱ་ཞལ་གཅིག་ཕྱག་གཉིས་པ། །གཡས་གཡོན་ཐོ་བ་ལྕགས་ཀྱུ་ཐོགས། །འཕྲོས་པས་ཕྱོགས་བཅུར་རབ་འཕྲོས་པས། །ཕྱོགས་སྐྱོང་བཅུ་པོ་བཀུག་ནས་ནི། །ཕྱོགས་བཅུ་ཀུན་ཏུ་གདན་དུ་བཏིང་། །ཕོ་མོ་གན་རྐྱལ་ཁ་སྦུབ་བསྣོལ། །ཨཱོཾ་སུཾ་བྷ་སོགས་དང་། རྗེས་སུ། ཨིནྡྲ་ཡེ་ཏི་ར་བཾ། ཨགྣ་ཡེ། ཡ་མ་ཡེ། ནི་རི་ཏི་ཡེ། བཱ་རུ་ཎ་ཡེ། (༡༡ན)
བཱ་ཡ་བེ། ཀུ་བཻ་ར། ཨི་ཤྭ་ཎ་ཡེ། སུཪྻ་ཙནྡྲ། པྲ་ཏི་བྷྱ་ཏི་ར་བཾ། ཛཿཧཱུཾ་བཾ་ཧོཿ ཞེས་ཕྱག་རྒྱ་བཞིས་བགེགས་རྣམས་བཀུག །ཕུར་བ་དར་ནག་ཅོད་པན་ཅན་བཅུ་ལ། བདག་ནི་དཔལ་གྱི་ཐུགས་ཀ་ནས། ཧཱུཾ་བཅུ་སྤྲོས་བསྟིམ་ཁྲོ་བཅུར་སྔགས་ཀྱིས་བསྐྱེད་ལ་བསྐུལ་བ་ནི། ཧཱུཾ། སྟེང་འོག་ཕྱོགས་མཚམས་འཇིག་རྟེན་ཀུན། །ཞེ་སྡང་རྡོ་རྗེ་བླ་ན་མེད། །སྐུ་གསུང་ཐུགས་སྤྲུལ་སྟོབས་དང་ལྡན། །ཏ་ཀྲྀ་ཏ་ཁྲོ་རྒྱལ་ཁྲག་འཐུང་བཅུ། །འཇིགས་ཚུལ་རྔམ་པའི་ལྟ་སྟངས་ཀྱིས། །གདུག་པའི་ཚོགས་རྣམས་བརླག་པར་མཛོད། །དུར་ཁྲོད་གསང་བའི་གནས་མཆོག་འདིར། །རང་བྱུང་ཁྲོ་རྒྱལ་ཆེན་པོ་བཅུ། །ལོག་འདྲེན་བདུད་དང་མཚམས་བཅད་ཕྱིར། །ཕྱོགས་བཅུར་ཕུར་པ་གདབ་པར་བྱའོ། །གནས་ཀྱི་ཕྱོགས་བཅུར་སྔགས་ཀྱིས་གདབ། །ཨཱོཾ་བཛྲ་ཀཱི་ལི་ཀཱི་ལཱ་ཡ་མཧཱ་ཀྲོ་ཏ་ཧཱུཾ་ཕཊ། ཧཱུཾ་ཀ་ར་ཧཱུཾ། གནོད་བྱེད་འབྱུང་པོ་གཏྫ་གཏྫ་ཧཱུཾ་ཕཊ། བི་ཛ་ཡ་ཧཱུཾ། ཧ་ན་ཧ་ན་ཧཱུཾ་ཕཊ། ནཱི་ལ་དཎྜ་ཧཱུཾ། གནོད་བྱེད་ད་ཧ་ད་ཧ་ཧཱུཾ་ཕཊ། ཡ་མཱནྟ་ཀ་ཧཱུཾ། གནོད་བྱེད་པ་ཙ་པ་ཙ་ཧཱུཾ་ཕཊ། ཨཱཪྻ་ཨ་ཙ་ལ་ཧཱུཾ། བྷནྡྷ་བྷནྡྷ་ཧཱུཾ་ཕཊ། ཧ་ཡ་གྷྲཱི་ཝ་ཧཱུཾ། ཧུ་ལུ་ཧུ་ལུ་ཧཱུཾ་ཕཊ། ཨ་པ་ར་ཙིཏྟ་ཧཱུཾ། ཏིཥྛ་ཏིཥྛ་ཧཱུཾ་ཕཊ། ཨ་མྲྀ་ཧ་ཀུཎྜ་ལི་ཧཱུཾ། ཚིནྡྷ་ཚིནྡྷ་ཧཱུཾ་ཕཊ། ཏྲཻ་ལོ་ཀྱ་བི་ཛ་ཡ་ཧཱུཾ། བྷིནྡྷ་བྷིནྡྷ་ཧཱུཾ་ཕཊ། མཧཱ་བ་ལ་ཧཱུཾ། སྥོ་ཊ་སྥོ་ཊ་ཧཱུཾ་ཕཊ། རྗེས་སུ་ཆེ་མཆོག་འཁོར་བཅས་རོལ་པའི་བྲོ་སོགས་ཀྱིས་བྲོ་བརྡུང་ངོ་། །དངོས་གཞིའི་ས་བཅད་ལྔ་པ་སྒྲུབ་པའི་ཡོ་བྱད་བྱིན་གྱིས་བརླབ་པ་ནི། ས་མ་ཏི་ལྔ་སྟེ། དང་པོ་ཡོངས་སུ་རྫོགས་པའི་ཏིང་ངེ་འཛིན་གྱིས་ཆོས་ཐམས་ཅད་མཉམ་པ་ཉིད་དུ་བྱིན་གྱིས་བརླབས་ཏེ། བདག་རྡོ་རྗེ་རྒྱལ་པོའི་ཐུགས་ཀ་ནས་འོད་ཟེར་ལྔ་འཕྲོས་པས་གུར་ཁང་འོད་དུ་ཞུ། འོད་ཀྱང་(༡༡བ)
བདག་ལ་འདུས་བདག་ཀྱང་འོད་དུ་ཞུ། དེ་ཉིད་མཐའ་ནས་དབུས་སུ་ཐིམ་ནས་སྟོང་པར་བྱིན་གྱིས་བརླབ་བོ། །དེ་ནས་དབང་བསྐུར་ཐབས་ཀྱི་ཏིང་ངེ་འཛིན་གྱི་གནས་བྱིན་གྱིས་བརླབ་སྟེ། སྟོང་ཉིད་ཀྱི་ངང་ནས་ཡི་དམ་ལྷ་བསྐྱེད་པའི་ཐུགས་སྲོག་ཧཱུཾ་ལས། ཨེ་འཕྲོས་ཤིང་འདུས་པས་ནམ་མཁའ་གྲུ་གསུམ་དུ་གྱུར། ཡཾ་འཕྲོས་རླུང་གི་དཀྱིལ་འཁོར་དུ་གྱུར། ར་ལས་རཀྟའི་རྒྱ་མཚོར་གྱུར། སུཾ་ལས་ཤ་ཆེན་ས་གཞིར་གྱུར། ཀེཾ་ལས་རུས་པའི་རི་རབ་ཏུ་གྱུར། རཾ་ལས་མེ་དཔུང་དུ་གྱུར། དེའི་སྟེང་དུ་བྷྲུཾ་ལས་གཞལ་ཡས་ཁང་དུ་བྱིན་གྱིས་བརླབ་བོ། །དེ་ནས་ལྷག་པར་མོས་པའི་ས་མ་ཏིས་ལྷར་བྱིན་གྱིས་བརླབ་པ་ནི། བདག་ཉིད་ལྷར་མོས་པ་ཙམ་གྱིས་ཡོངས་རྫོགས་དཔལ་ཆེན་འཁོར་བཅས་སུ་བསྐྱེད། དེ་ནས་ཚོགས་ཆེན་འདུས་པའི་ཏིང་ངེ་འཛིན་གྱིས་མཆོད་རྫས་བྱིན་གྱིས་བརླབ་པ་ནི། མཆོད་རྫས་ཤ་ལྔ་བདུད་རྩི་ལྔར་དམིགས་ལ། དེ་ནས་རཾ་ཡཾ་ཁཾ་གསུམ་གྱིས་སྦྱངས་ཏེ། ཨ་ཏྲཾ་ལས་བདུད་རྩི་དང་རིན་པོ་ཆེར་བསམ་མོ། །དེ་ནས་གིང་ཆེན་སྒྲོལ་བའི་ས་མ་ཏིས་རྒྱུ་དང་ཡུམ་བྱིན་གྱིས་བརླབ་པ་ནི། རྒྱུ་བསྒྲལ་ལོ་མཚལ་གྱི་གནས་ལྔར་རིགས་དྲུག་ས་བོན་ཨ་ནྲྀ་སུ་ཏྲི་པྲེ་དུ་དགོད། སྒྲོལ་ན་འཁོར་བ་དོང་སྤྲུག་གོ །ཡུམ་གྱི་གནས་ལྔར་དཔའ་བོ་འབྲུ་ལྔ་བཀོད་དེ་སྤྲོ་བསྡུས་རིགས་ཀྱི་ཡབ་ཡུམ་དུ་བསྐྱེད་པར་བྱའོ། །ས་བཅད་ལྔ་པ་སློབ་དཔོན་ཁོ་ནས་མཛད་ཅིང་དེ་ཡང་ཏིང་ངེ་འཛིན་ཙམ་གྱིས་སྲོང་དགོས་དོན་ནི་སྣང་སྲིད་སྣོད་བཅུད་སྟོང་པར་བརླབ། ཁང་པ་གཞལ་ཡས་ཁང་དུ་བརླབ། བཅུད་རྣམས་ལྷར་བརླབ། མཆོད་རྫས་བརླབ། སྦྱོར་སྒྲོལ་བརླབ་པའི་དོན་ནོ། །དངོས་གཞིའི་ས་བཅད་དྲུག་པ་དཀྱིལ་འཁོར་ཆག་ཆག་གདབ་པ་ནི། ཀ་པཱ་ལར་བདུད་རྩི་ལྔ་ཆང་(༡༢ན)
དང་སྦྱར་ཏེ། རིགས་ལྔ་ཡབ་ཡུམ་བདུད་རྩིར་ཞུ་བར་བསམས་ནས། འཐོར་ཡབ་ཀྱིས་འཐོར་ཞིང་འདི་སྐད་དོ། །ཧཱུཾ། རྣམ་རྟོག་དངོས་གཞི་རྩ་བ་ལྔ། །དུག་ལྔ་འཁོར་བའི་རྟགས་ཀྱི་རྒྱ། །ཡེ་ཤེས་ལྔ་རུ་རབ་སྦྱངས་ནས། །དཀྱིལ་འཁོར་རྣམས་ལ་ཡོངས་སུ་རྫོགས། །གུ་ཧྱ་ཙཀྲ་ཛྙཱ་ན་མཎྜ་ལ་ཧཱུཾ། ཞེས་བདེ་གཤེགས་བཞུགས་གནས་གཞལ་ཡས་ཁང་རཏྣ་ལྔའི་མཎྜལ་མཉམ་ཡངས་སུ་བསམས་ཏེ། མཐར་ཐོན་ལ་འཇམ་པར་བྱའོ། །དངོས་གཞིའི་ས་བཅད་བདུན་པ་ཐིག་རྣམས་རིམ་པར་གདབ་པ་ནི། ཐིག་སྐུད་མཁའ་གསང་བྱིན་རླབས་ཀྱིས་ཐིག་སྐུད་བྱིན་གྱིས་བརླབ་རུང་ཡང་ཐིག་ཚོན་ལྷན་ཅིག་བྱིན་རླབས་མཛད་པ་ཕྱག་ལེན་གཙང་བས་སྟེགས་ཀྱི་ཁར་ཚོན་གྱི་སྟེང་དུ་རང་རང་གི་ཚོན་དང་མཐུན་པའི་ཐིག་སྐུད་བཞག་སྨན་རག་མཆོད་གཏོར་བཤམ་ཞིང་བྱིན་གྱིས་བརླབ། ལས་སྔགས་ཀྱིས་བསངས། སྭ་བྷཱ་ཝས་ཐིག་ཚོན་རྣམས་མི་དམིགས་པ་སྟོང་པར་སྦྱངས། སྟོང་པའི་ངང་ལས་པཾ་ལས་པདྨ་དང་རཾ་ལས་ཉི་མའི་སྟེང་དུ་དབུས་སུ་ཨཱོཾ་དཀར་པོ། ཤར་དུ་ཧཱུཾ་ནག་པོ། ལྷོར་སྭཱ་སེར་པོ། ནུབ་ཏུ་ཨཾ་དམར་པོ། བྱང་དུ་ཧཱ་ལྗང་གུ་རྣམས་ཡོངས་སུ་གྱུར་པ་ལས། དབུས་སུ་བུདྡྷ་ཧེ་རུ་ཀ་དཀར་སྨུག་ཞལ་གཅིག་ཕྱག་གཉིས་ཀྱིས་གཡས་འཁོར་ལོ་འཛིན་པ། ཤར་དུ་བཛྲ་ཧེ་རུ་ཀ་མཐིང་ཁ་གཡས་རྡོ་རྗེ་འཛིན་པ། ལྷོར་རཏྣ་ཧེ་རུ་ཀ་སེར་པོ་གཡས་རིན་པོ་ཆེ་འཛིན་པ། ནུབ་ཏུ་པདྨ་ཧེ་རུ་ཀ་དམར་པོ་གཡས་པདྨ་འཛིན་པ། བྱང་དུ་ཀརྨ་ཧེ་རུ་ཀ་ལྗང་གུ་གཡས་རྒྱ་གྲམ་འཛིན་པ་ལྔ་གའང་གཡོན་དུང་ཁྲག་བསྣམས་པའི་དྲིལ་བུ་བསྣམས་པ། དུར་ཁྲོད་ཀྱི་ཆས་ཀྱིས་བརྒྱན་པ། རྡོ་རྗེའི་གཤོག་པ་སོགས་དཔལ་གྱི་ཆས་དགུ་དང་ལྡན་པ་ཞབས་གཉིས་གཡས་བསྐུམ་གཡོན་བརྐྱང་གིས་བཞུགས་པ། (༡༢བ)
ཡུམ་རྡོ་རྗེ་དང་ཐོད་ཁྲག་འཛིན་པ། ཁྲོ་མོའི་ཆས་རྣམས་ཀྱིས་བརྒྱན་པ་སྐུ་མདོག་ཡབ་དང་མཚུངས་པས་འཁྱུད་པ་ནི། དཔྲལ་བར་ཨཱོཾ་དཀར་པོ། མགྲིན་པར་ཨཱཿདམར་པོ། ཐུགས་ཀར་ཧཱུཾ་སྔོན་པོ། དེ་ལས་འོད་འཕྲོས་པས་རང་བཞིན་གྱི་གནས་ནས་རང་འདྲའི་ཡེ་ཤེས་པ་ཨཱོཾ་བཛྲ་ས་མཱ་ཛཿ ཛཿཧཱུཾ་བཾ་ཧོཿས་གཉིས་སུ་མེད་པར་བསྟིམ། ཨཱོཾ་པཉྩ་ཀཱུ་ལ་ས་པ་རི་ཝཱ་ར་ཨརྒྷཾ་ནས་ཤབྟའི་བར་གྱིས་མཆོད། སྔགས་གཤམ་དུ་སྨན་རག་གཏོར་གསུམ་གྱི་སྔགས་བཏགས་ཏེ་འབུལ། ལྷ་ལྔའི་གནས་གསུམ་གྱི་ཨཱོཾ་ཨཱཿཧཱུཾ་ལས་འོད་ཟེར་འཕྲོས། སྐུ་གསུང་ཐུགས་ཀྱི་ལྷ་ཚོགས་རྣམས་སྤྱན་དྲངས་ཏེ་ཐིམ་པར་བསམས་ལ། འབྲུ་ལྔ་བཟླ་ཞིང་ཆེ་མཆོག་སོགས་ལྷ་སོ་སོའི་སྔགས་གཤམ་དུ་སུ་ཏྲཾ་མ་ཏྲི་ཀྲ་མ་ཧཱུཾ་ཞེས་འདོགས། ཡང་ན་དྲག་སྔགས་སོ་ལྔ་པའི་རྗེས་སུ་འདོགས། ཨཱོཾ་ཨཱཿཧཱུཾ་བརྒྱ་རྩ་བརྗོད། དེ་ནས་སློབ་མ་དང་གཟུངས་མའམ་ལས་ཀྱི་རྡོ་རྗེ་གཉིས་ཀྱིས་བསྒྲིལ་ནས་ལས་ཀྱི་རྡོ་རྗེའི་ལག་གཡོན་གྱི་ཐིག་སྣེ་བཟུང་བའི་སོར་མོ་རྣམས་སྤྱི་བོར་གཏད། དེ་དང་འདྲ་བ་སློབ་དཔོན་གྱིས་ཀྱང་བྱས་ཏེ་ལས་བྱང་གི་མཁའ་གསང་བྱིན་རླབས་ཀྱི་སྔགས་བརྗོད་པས། གཉིས་མེད་སྦྱོར་བའི་བྱང་སེམས་དཀར་དམར་མཁའ་ལ་བསྒྲེང་པས་བར་སྣང་ལ་བདེ་གཤེགས་རྟེན་གནས་སུ་གྱུར་པར་བསམས་ཏེ། ཧཱུཾ། མཚན་ལྡན་བཀྲ་ཤིས་གཟུངས་མའི་མཆོག །གཞུང་དང་མཐུན་པར་མཛེས་ཤིང་བརྗིད། ཁ་ནས་ཨུཏྤལ་ངད་ལྡན་ཞིང་། །སྐད་ཀྱང་ངང་པ་གཞོན་ནུ་འདྲ། །སྙན་པར་སྨྲ་ཞིང་ངང་ཚུལ་བཟང་། །མཉེན་ལྕུག་འཁྲིལ་ནས་དབྱེར་མི་ཕྱེད། །རྡོ་རྗེ་ལས་ཀྱི་དོན་གྲུབ་མ། །གསང་བ་རྡོ་རྗེ་ཐིག་འདེབས་མ། །ལས་རྣམས་མ་ལུས་ཀུན་གྱིས་ཤིག །བྷྲུཾ་སཾ་ཏྲི་ཏ་ཛྙཱ་ན་མཎྜལ་(༡༣ན)
ཧཱུཾ། ཞེས་གནམ་ཐིག་འོག་ནས་གྱེན་ལ་གསུམ་འདེབས་ཐིག་སྐུད་སྙིང་གའི་ཐད་ནས་བཟུང་སྟེ། བདེ་གཤེགས་རྟེན་ནས་ཆོས་དབྱིངས་ངང་ལས་རང་བཞིན་ཏིང་ངེ་འཛིན་དཀྱིལ་འཁོར་ཤར་བར་བསམས་ཏེ། ཧཱུཾ། བདེ་ཆེན་སྤྲོས་བྲལ་ཆོས་དབྱིངས་སུ། །རིག་པ་ཡེ་ཤེས་རྡོ་རྗེའི་ཐིག །ཐབས་ཤེས་གཉིས་མེད་བྱང་ཆུབ་སེམས། །དུས་གསུམ་འགྱུར་མེད་གདབ་པར་བྱ། །དུར་ཁྲོད་གསང་བ་མཆོག་གི་གནས། །ཕྱོགས་མཚམས་ཡེ་ཤེས་དགུ་དང་ལྡན། །བདེ་གཤེགས་ཡོངས་རྫོགས་ཕོ་བྲང་གསལ། །བྷྲཱུཾ་ཛྙཱ་ན་ཤྲཱི་ལྷན་ཀྲ་ཡ་སྭཱཧཱ། ཞེས་གོང་ལྟར་འོག་ནས་འཐེན་ཏེ་གྱེན་དུ་ལན་གསུམ་འདེབས་འདི་གཉིས་ལས་ཤར་ནུབ་མ་གཏོགས་ཐིག་གཞན་རྣམས་མི་གདབ། དཀྱིལ་འཁོར་ཤར་ནུབ་ཕྱེད་ཚལ་གདབ། །སྟེང་དུ་འཐེན་ལ། ཧཱུཾ། དུར་ཁྲོད་གསང་བ་མཆོག་གི་དཀྱིལ་འཁོར་དུ། །བྷ་ག་ཡབ་ཡུམ་ས་གཞི་ལ། །བྱང་ཆུབ་སེམས་ཀྱི་ཐིག་སྤྲོས་པས། །ཞི་ཁྲོ་ཡོངས་རྫོགས་དཀྱིལ་འཁོར་ནི། །ཕོ་བྲང་ཚོམ་བུ་དགུ་རུ་ཤར། །བྷྲཱུཾ་ཛྙཱ་ན་མཎྜལ་ཧཱུཾ་བྷྲཱུཾ། དཔོན་སློབ་གཉིས་ཀས་སྔར་གྱིས་ལས་ཐིག་བཏབ་པའི་སྟེང་དུ། ཤར་ནུབ་ཀྱི་ཚངས་ཐིག་ལན་གསུམ་གདབ་ཅིང་དེས་མཚོན་ཕྱོགས་མཚམས་ལོགས་ཐིག་རྣམས་ཀྱང་འདེབས་ཤིང་སྤང་བྱ་ཡང་སྤྱི་ལྟར་མཐུན་པར་བྱེད་པ་ཡེ་ཤེས་ཀྱི་ས་ཐིག་གོ །དངོས་གཞིའི་ས་བཅད་བརྒྱད་པ་ཚོན་བཀྱེ་བ་ནི། ཕུར་ཤུལ་དུ་ཚོན་ལྡུགས་པར་བཤད་པ་སྒོར་ཐིག་འདེབས་དུས་དཀྱིལ་དུ་ཕུར་པ་བཙུགས་ཤུལ་ཡིན་ནའང་ད་ལྟ་ཕུར་པ་མི་འཛུགས་པས་རྟེན་འབྲེལ་ཙམ་གྱི་དབུས་སུ་ཚོན་རིམ་བརྩེགས་ཅུང་ཟད་བྱེད། བརྟག་བྱང་བཀོལ་བ་ནས་ཚོན་པྲ་བརྟག་པ་ལེན། དཀྱིལ་འཁོར་གཞུང་དང་མཐོང་བརྒྱུད་ཀྱི་ཕྱག་ལེན་ལྟར་འདྲི། བྲིས་གྲུབ་(༡༣བ)
འཕྲལ་གཞལ་ཡས་ཁང་དོན་བསྟོད་བྱ། དཀྱིལ་འཁོར་འདྲི་བའི་བར་དེར་བུམ་པ་བསྒྲུབ་དགོས་པས། བུམ་པ་དབང་འབུམ་ལས། ཇི་ལྟ་བུ་ཞེ་ན། སྤྱིར་སྟ་གོན་སྐབས་སུ་བསྟན་པ་བཞིན་ལ། རྒྱུ་ནི་རབ་གསེར། འབྲིང་དངུལ། ཐ་མ་ཟངས་སམ་ས་རིན་པོ་ཆེ་ཡང་རུང་སྟེ། དབྱིབས་ནི་དཔག་བསམ་གྱི་ཤིང་འབྲུ་ལྟར་ལྟོ་ལྡིར་བ། སྟོད་རྒྱས་པ། སྨད་ཞོལ་ལ་མ་ཞུམ་པ་ཁ་ལྟེབ་ཞབས་ལྟེབ་ཆ་མཉམ་པ་ལ་ཞབས་སོར་གཉིས་ཀྱིས་ཆེ་བ་ནང་དུ་སྒྲུབ་པ་པོའི་སྙིམ་པ་བཅོ་བརྒྱད་ཤོང་བ། རྐེད་དཔངས་ཞབས་དཔངས་སོར་ལྔ་པའམ་བཞི་པ་ཁ་དོག་ཆོས་སྐུ་དྲི་མ་མེད་པའི་རྟགས་སུ་དཀར་རམ་མི་འགྱུར་རྟགས་སུ་མཐིང་བ་ཡང་རུང་། རིགས་ལྔའི་ཕྱག་མཚན་བྲིས་པའི་བུམ་པ་དགུའམ་གཅིག་ཏུ་བསྡུ་ཡང་རུང་སྟེ། དེའི་ནང་དུ་གུ་གུལ་ནག་པོས་བདུག་ཅིང་བདག་ལས་ཀྱི་ཧེ་རུ་ཀ་གསང་བའི་བདག་པོར་བསྐྱེད་ནས་རྡོ་རྗེ་གོ་ཆའི་ཕྱག་རྒྱ་བཅས་ནས་བུམ་པ་ལ་གཏུགས་ཏེ། བུམ་པ་དགུ་ཀར་ལ་འདི་རྣམས་སྦྱར་རོ། །དེ་ནས་ཨཱོཾ་ན་མཿས་མནྟ་བུདྡྷཱ་ནཱན་བཛྲ་ཀཱ་བ་ཙ་ཧཱུཾ་ཕཊ་རྡོ་རྗེའི་གོ་ཞུ་བཞུ་ལུགས་སུ་གསོལ་བར་བསམ། ཡུངས་ཀར་བྲབ་ཅིང་ཧཱུཾ་བཞིའི་སྔགས་ཀྱིས་བགེགས་བསྐྲད་དེ། དེ་ནས་དྲི་ཆབ་ཀྱིས་བུམ་པའི་ནང་བསལ་ཅིང་ཆོས་ཉིད་རྣམ་དག་སྔགས་འདི་བཟླས་སོ། །ཨཱོཾ་སྭ་བྷཱ་ཝ་བི་ཤུ་དྡྷོ་སརྦ་དྷརྨཱ་སྭ་བྷཱ་ཝ་ཤུདྡྷོ྅ཧཾ། དེ་ནས་སྤོས་སྦྱར་དྲི་ཞིམ་པོས་བདུག་ཅིང་། ཨཱོཾ་ཤཱུ་པ་ཀ་རི་སི་ཏི་ཧཱུཾ་ཞེས་བུམ་པ་མཐུ་བྱིན་བསྐྱེད། དེ་ནས་བུམ་པའི་ངོས་བཞི་དང་ཁ་ནས། ཨཱོཾ་ཙ་དུར་མཧཱ་མུ་དྲ་ཀ་ལ་ཤ་སཾ་དན་སུ་མི་སི་ཏི་ཧཱུཾ་ཨཱོཾ་སྭཱ་ཨཾ་ཧཱ་ཞེས་བྱིན་བརླབ་བོ། །དེ་ནས་ནང་དངོས་གྲུབ་ཡོན་ཏན་ལྡན་པར་བྱིན་གྱིས་བརླབས་ཏེ། ཨཱོཾ་ཨཾ་ཧཱུཾ་སྭཱཧཱ་ཨཾ་ཀ་ལ་ཤ་སརྦ་གྷུ་ན་སི་ཏི་ཧཱུཾ། དེ་ནས་བཀྲ་ཤིས་(༡༤ན)
གངས་དང་འབྲེལ་བའི་གཙང་ཆབ་ཁྱེའུ་བཀྲ་ཤིས་པས་བླངས་ཏེ་བུ་མོ་མཚན་ལྡན་གཙང་མས་བླུག་སྟེ། ཆུའི་སྔགས་ནི་ཁཾ་ཛྙཱ་ན་སྨི་མཧཱ་ཀ་རུ་ཎི་ཀ་པ་ར་ཤ་སི་ཏི་ཧཱུཾ་ཨ། དེ་ནས་གསེར། བྱུ་རུ། མུ་ཏིག །དངུལ། མུ་མེན། རྙེད་ན་ནོར་བུ་རཏྣ་དང་ལྔ་ལ། ཨོཾ་རཏྣ་གརྦ་སི་ཏི་ཧཱུཾ་ཞེས་བླུག་ག །དེ་ནས་ཆུའི་སྙིང་པོ་ལན་ཚྭ། རྩི་ཏོག་གི་སྙིང་པོ་མར། ཤིང་ཏོག་གི་སྙིང་པོ་བུ་རམ། མེ་ཏོག་གི་སྙིང་པོ་སྦྲང་རྩི། འབྲུའི་སྙིང་པོ་ཏིལ་མར་དང་ལྔ་ལ། ཨཱོཾ་པཉྩ་ཙིཏྟ་མ་ལ་སི་ཏི་ཧཱུཾ། དེ་ནས་དབང་པོ་ལག་པ། སླེ་ཏྲེས། ཙན་དན་དཀར་པོ། ཤུ་དག་དཀར་པོ། ཀན་དྷ་ཀ་རི་དང་ལྔ་ལ། ཨཱོཾ་པཉྩ་ཏྲཾ་བི་ཤ་ད་ར་ས་ཧཱུཾ། དེ་ནས་འབྲས། ནས། ཏིལ། གྲོ །མོན་སྲན་དང་ལྔ་ལ། ཨཱོཾ་པཉྩ་བྱ་ཙ་ལ་སོ་མ་ལ་སི་ཏི་ཧཱུཾ། དེ་ནས་གུར་ཀུམ། ཙན་དན་སྨུག་པོ། དུ་རུ་ཀ །ཛཱ་ཏི། ག་པུར་དང་ལྔ་ལ། ཨཱོཾ་པྲཛྙ་པ་ར་མི་ཏ་དྷུ་པ་ཧཱུཾ། དེ་ནས་དར་སྣ་ལྔ་ལ། ཨཱོཾ་སུ་དར་ཙན་ཌ་སི་ཏི་ཧཱུཾ་ཞེས་བླུག་གོ །དེ་ནས་འོ་མ་ལ། ཨཱོཾ་བོ་དེ་ཙིཏྟ་སི་ཏི་ཧཱུཾ། ཞེས་བླུག་གོ །དེ་ནས་ཡུངས་ཀར་གྱི་ཐུམ་བུ་དང་ལྷ་ལྔ་ལ། ཨཱོཾ་ཤྲཱི་བཻ་རོ་ཙ་ན་ཨ་ཡུ་ཤེ་ཧཱུཾ། ཨཱོཾ་བཛྲ་ཨཀྵོ་བྷྱཿཏེ་ཤྭ་ར་ཏི་ཨ་ཡུ་ཤེ་ཧཱུཾ། ཨཱོཾ་རཏྣ་སམ་བྷ་བ་མཱ་མ་ཀི་ཨ་ཡུ་ཤེ་ཏྲཾ། ཨཾ་ཨ་མི་དེ་བ་མན་དྷ་ས་ར་ནི་ཧཱུཾ་ཨ་ཡུ་ཤེ་ཧྲཱིཿ ས་མ་ཡ་དྷ་ར་ཨ་མོ་གྷ་སི་ཏི་ལོ་ཀི་ཤྭ་ར་ཙ་ཧཱུཾ། ཨཱོཾ་ཨཾ་ཧཱུཾ་སྭཱཧཱ། ཞེས་ཁ་རྒྱན་རིགས་ལྔ་བཞུགས་སོ། །དེ་ནས་འབྲས་བུ་ཅན་གྱི་ཤིང་ཁ་ཆིངས་སུ་གཞུག་སྟེ། ཨཱོཾ་ཀལྤ་བྲྀཀྵ་ཧཱུཾ། དེ་ནས་མགུལ་ཆིངས་རས་གཙང་མ་ཁ་ཚར་མ་ཉམས་པ་པྲོག་ལྔ་ལ། ཨཱོཾ་པཉྩ་ལི་ཀ་ཧཱུཾ་ཞེས་བཅིངས། དེ་ནས་གཟུངས་ཐག་ཚོན་སྣ་ལྔ་དྲིལ་སྣེ་ལ་རྡོ་རྗེ་རྩེ་ལྔ་བཅས་པ་ལ། ཨཱོཾ་ཨ་ཡུ་བ་རི་སུ་ར་ཀ་བ་ཤེ་མི་ཏ་ཧཱུཾ། ཀ་རུ་ཧཱུཾ་བཛྲ་རཀྵ་ཀུ་རུ་ཧཱུཾ་ཞེས་(༡༤བ)
སྩལ་ལོ། །ཨ་རུ་ར་གསེར་མདོག་ཟུར་བརྒྱད་རྩེ་དང་དགུ་པ་གཅིག །དཔལ་ཆེན་དགུའི་རྩ་སྔགས་བརྗོད་ལ་སྩལ་ལོ། །དེ་ནས་རྟེན་འབྲེལ་ཡོངས་རྫོགས་བུམ་པ་དེ་ཡི་གེ་བྷྲཱུཾ་དུ་གསལ་བ་ལས་འོད་སྤྲོས་སངས་རྒྱས་སྐུ་གསུམ་མཉེས་ཚུར་འདུས་པས། སྣོད་བཅུད་ཡོངས་རྫོགས་ལྷའི་གཞལ་ཡས་ཁང་ལྷར་བཅས་པ་བསྐྱེད་ལ་དཀྱིལ་འཁོར་ལྷའི་བསྙེན་པ་ཚར་དགུ་བཟླས་སོ། །སྤྱིར་སྔགས་གོང་མ་རྣམས་ཀྱང་རེ་རེ་ལ་བརྒྱ་རྩ་བརྒྱད་དམ། ཉེར་རེ་རེའམ། ཐ་ན་བདུན་བདུན་བཟླས་སོ། །དེ་ནས་གཙོ་བུམ་གྱི་ཁར་དབུ་རྒྱན་བསྡམ་འོག་ཏུ་ལྷ་བསྐོས་ལ་གདབ་པའི་ཞི་བའི་ཚིགས་བཅད་ཀྱང་དབུ་རྒྱན་ལ་དམིགས་པ་གཏོད་རྒྱུ་ཡིན་ནོ། །དངོས་གཞིའི་ས་བཅད་དགུ་པ་ལྷའི་སྟན་དང་རྒྱན་དགོད་པའི་རིམ་པ་ནི་སྒྲུབ་ཁོག་ནས་བཤད་པའི་ཕུར་པའི་རྒྱུ་དང་ཚད་དང་མཚན་ཉིད་ཚང་བ་རྣམས་ལ་བྱུག་བདུག་བྲབ་གསུམ་གྱིས་གཟི་བྱིན་བསྐྱེད་ནས། ཧཱུཾ། ཆོས་སྐུ་གཅིག་ལས་སྣ་ཚོགས་སྤྲུལ། །སྐུ་གསུང་ཐུགས་ཡོན་འཕྲིན་ལས་རྫོགས། ཁམས་གསུམ་མ་ལུས་བསྒྲལ་བའི་ཕྱིར། །བདུད་འདུལ་ཕུར་པའི་ཚུལ་དུ་བཞུགས། །ས་མ་ཡ་ཏིཥྛ་ལྷན་ཞེས་རྡུལ་ཚོན་གྱི་དཀྱིལ་འཁོར་གླིང་དགུ་སོ་སོར་གཙོ་ཕུར་དགུ་ལ་སྲས་རིགས་བཞིས་བསྐོར་བ། ཐོད་ར་གྲུ་བཞིའི་ཕྱིའི་ཁྱམས་རྩིག་པ་དངོས་གཞིའི་ནང་དུ་གདབ་ཕུར་རྒྱ་མདུད་མ་བརྒྱ་དང་བརྒྱད་ཕྱོགས་རེར་ཉེར་བདུན་རེ་དགོད། བདེ་འདུས་ལྟར་བཀའ་སོ་སོར་སྒོ་རྫོགས་བྱེད་ན་ཆེ་མཆོག་གི་ཁྱམས་ལ་ཉེར་བརྒྱད་དང་གཞན་རྣམས་ལ་བཅུ་བཅུ་དགོད། ལྷ་ཞལ་ཡོད་པའི་སྒོ་བ་ཡབ་ཡུམ་བརྒྱད་པོ་སྒོ་བཞིར་གཉིས་གཉིས་དགོད། དབང་ཕྱུག་གི་རྩང་ཉེར་བརྒྱད་བསྟན་མ་བཅུ་གཉིས་ཀྱི་རྩང་དང་བཅས་བཞི་བཅུ་ཐམ་པ་སོ་སོར་སྔགས་(༡༥ན)
རྣམས་སྔགས་བྱང་སྐོར་ལྡེའི་རྒྱ་ཅན་ནས་བྲིས་པ་སྲིན་མོ་འགྲོས་སུ་ཕྱོགས་རེར་ལྔ་ལྔ་དུར་ཁྲོད་ཀྱི་མཐའི་ལྕགས་རི་ནག་པོར་འཛུགས། ཐུན་ཕུར་ནི་ས་ཡུལ་གང་བདེར་འཇོག །དེའི་སྟེང་དུ། ཨཱོཾ། རང་བྱུང་ཡེ་ཤེས་མར་མེ་དབུས་སུ་བཞུགས། མེ་ལོང་ཡེ་ཤེས་མར་མེ་ཤར་དུ་བཞུགས། །མཉམ་ཉིད་ཡེ་ཤེས་མར་མེ་ལྷོ་རུ་བཞུགས། །ཀུན་རྟོག་ཡེ་ཤེས་མར་མེ་ནུབ་ཏུ་བཞུགས། །ནན་ཏན་ཡེ་ཤེས་མར་མེ་བྱང་དུ་བཞུགས། །སྟོང་ཉིད་ཡེ་ཤེས་མར་མེ་ཤར་ལྷོར་བཞུགས། །འདའ་ཀ་ཡེ་ཤེས་མར་མེ་ལྷོ་ནུབ་བཞུགས། །དབྱིངས་གྲོལ་ཡེ་ཤེས་མར་མེ་ནུབ་བྱང་བཞུགས། །ཀློང་གྲོལ་ཡེ་ཤེས་མར་མེ་བྱང་ཤར་བཞུགས། །ཕོ་བྲང་གླིང་ནི་དགུ་རུ་ཡེ་ཤེས་གསལ། །ཛྙཱ་ན་ས་མ་ཡ་ཏིཥྛ་ལྷན། དེའི་སྟེང་དུ་ཐོད་པ་མཚན་ལྡན་དགུ་དགོས་པའི་དབུས་ཆེ་མཆོག་གི་ཐོད་པའི་ཁ་ཁྱེར་ལ་དཔལ་དགུའི་སྙིང་པོ་གན་རྐྱལ་དུ་བཞག་ཚེ་སྔགས་དབུ་ཞབས་མི་ལྡོག་པ་བྲི། དེའི་ནང་དུ་བདུད་རྩི་ཆོས་སྨན་དང་བཟང་དྲུག་སོགས་སྨན་སྣ་ཚོགས་ཀྱི་རིལ་བུའམ་ཁྲོལ་བུས་བཀང་། སྨན་སྒྲུབ་དང་མ་འབྲེལ་ཡང་རིགས་ལྔའི་བསྐྱེད་ཆོག་དམིགས་བཟླས་སྨན་གཞུང་ནས་བླངས་ཏེ་ཅུང་ཟད་བྱེད་དར་ནག་གི་ཁ་བཅད་པའི་སྟེང་དུ་ཞི་བའི་རྟེན་ཤེལ་དཀར་ཨ་བྲིས་པ་རྡོར་དྲིལ་རྩེ་ལྔ་གཟུངས་ཐག་དང་བཅས་པ་བཤམ། ཕྱོགས་ཀྱི་བྷནྡྷུ་བརྒྱད་ཀྱི་ནང་དུ་རྟེན་དགུའི་ལྷག་མ་རྣམས་གཞུག །དབང་ཙཀ་ལི་མི་ཐེ་བའི་སོ་སོའི་ཙཀ་ལི་དང་སྙིང་པོ་དགོད། ཐོད་པ་རྣམས་ཀྱི་མཐར་དར་གྱི་ན་བཟའ་སུམ་རིམ་དུ་གསོལ་བས་དར་ཁང་དུ་གྲགས་པ་བཞུགས་སུ་གསོལ་བ་ནི། ཧཱུཾ། བཀྲ་ཤིས་མཚན་ལྡན་རྡོ་རྗེ་ཀ་པཱ་ལ། །འཕྲུལ་བཞད་ཡིད་བཞིན་དགོས་འདོད་འབྱུང་བའི་(༡༥བ)
གཏེར། །སྐལ་ལྡན་དངོས་གྲུབ་འདོད་ཚད་སྟེར་བའི་ལྷ། །ཕོ་བྲང་སྣོད་བཅུད་རྟགས་ལྡན་རྒྱན་དུ་བཞུགས། །ཧཱུཾ། ཆེ་མཆོག་སྐུ་རྟེན་ཐོད་སྐུ་ཨ་མྲྀ་ཏ། །ཡང་དག་ཐུགས་རྟེན་མེ་གཅིག་གསལ་འགྲིབ་མེད། །འཇམ་དཔལ་སྐུ་མཆོག་ཁྲམ་གཅིག་སྲིད་གསུམ་གསལ། །པདྨ་དབང་ཆེན་རྟ་ཞལ་གསུང་གི་བདག །ཞེ་སྡང་བདུད་འདུལ་འཕྲིན་ལས་ཕུར་གཅིག་མ། །མ་མོ་ཡོངས་འདུས་སྙིང་གཅིག་གསང་བའི་རྟེན། །ཐུགས་རྗེས་རབ་བསྐུལ་རིགས་འཛིན་རྒྱལ་པོའི་སྐུ། །སྡེ་བརྒྱད་དྲེགས་པའི་གཙོ་མཆོག་ཀུན་འདུལ་སྐུ། །དགྲ་བགེགས་ཡོངས་སྒྲོལ་དྲག་སྔགས་བྱང་བུ་གཅིག །ཐབས་ཤེས་ཞི་ཁྲོ་ཡོངས་རྫོགས་རྡོ་རྗེ་དྲིལ། །དངོས་གྲུབ་ཀུན་འབྱུང་བསྙེན་སྒྲུབ་རྟེན་དུ་བཞུགས། །ཏིཥྛ་ལྷན་ཞེས་བརྗོད་ཅིང་གནས་སུ་དགོད། །དེའི་སྟེང་དུ་ཧཱུཾ་ཕྱི་ནང་རྟེན་རྣམས་ཡོངས་རྫོགས་བུམ་པ་བཟང་། །ཡི་དམ་ལྷ་རྣམས་ཡོངས་རྫོགས་བཞུགས་པའི་གནས། །དབང་བསྐུར་བྱིན་གྱིས་བརླབས་མཛད་རྟེན་མཆོག་ཏུ། །མངའ་གསོལ་དགྱེས་བཞུགས་དབང་དང་དངོས་གྲུབ་སྩོལ། །བཛྲ་ཏིཥྛ་སིང་པདྨ་ས་མ་ཡ་ལྷན་ཞེས་དར་གྱི་གྲིལ་ནས་བཞུགས་སུ་གསོལ། །སྐུ་རྟེན་ཞི་ཁྲོའི་ཙཀ་ལི་རྣམས། །ཧཱུཾ། ཆོས་དབྱིངས་སྐྱེ་བ་མེད་པའི་ངང་ཉིད་ལས། །སྐྱེ་བའི་ཆོ་འཕྲུལ་ཞི་དང་ཁྲོ་གར་བསྒྱུར། །འགྲོ་འདུལ་ཞི་ཁྲོ་ཡོངས་རྫོགས་ལྷ་རྣམས་དང་། །རྣམ་གྲོལ་མཚོན་ཕྱིར་དཀྱིལ་འཁོར་གནས་སུ་བཞུགས། །ཨཱོཾ་ཨཱ་ལི་ཀཱ་ལི་ཛྙཱ་ན་ས་ཏྭ་ཀྲོ་ཏ་མུ་ན་ཡེ་སྭཱཧཱ། ཨཱོཾ་བྷོ་ཏི་ཙིཏྟ་མཧཱ་སུ་ཁ་ཛྙཱ་ན་དྷཱ་ཏུ་ཨཱཿ ཨཱོཾ་ཨཱཿཧཱུཾ་སྭཱཧཱ། མཱུཾ་ལཱཾ་མཱཾ་པཱཾ་ཏཱཾ། དྲག་སྔགས་སོ་ལྔ་པ་རྣམས་ཀྱི་མཇུག་ཏུ་ས་མ་ཡ་ཏིཥྛ་ལྷན་ཞེས་བརྗོད་ནས་སྨན་ལྷའི་ཕོ་བྲང་ལྟར་དཀྱིལའཁོར་གྱི་ཕྱི་ལ་རྒྱན་དུ་དགོད། དེ་ནས་མངའ་སོགས་དགོད་པ་ནི། མདའ་(༡༦ན)
བཞི་མེ་ལོང་རེ་ལ་དར་སྣ་རེ་བཏགས་པ་དང་། ལས་བུམ་བཞི་དང་། གྲི་བཞི། མཚམས་ཕུར་བཞི་ཐོགས་ལ་འདི་སྐད་དོ། །ཧཱུཾ། མ་རིག་ཡེ་ཤེས་ལོག་ཏོག་དྲ་བ་གཅོད་པའི་གྲི། །ཤེས་རབ་ཐབས་ལྡན་མ་རིག་འབིགས་པའི་མདའ། །སྒྲིབ་མེད་རང་གསལ་སྐུ་གསུམ་མེ་ལོང་མཛེས། །རིགས་བཞི་རབ་མཚོན་དར་ཚོན་སྣ་ལྔ་འཕུར། །མ་རིགས་བག་ཆགས་ཀུན་འཁྲུང་ཁྲུས་བུམ་བཞི། །བདུད་བཞི་ཚར་གཅོད་ཡེ་ཤེས་ཕུར་པས་འཇིགས། །ཡོངས་རྫོགས་དཀྱིལ་འཁོར་བྱིན་རླབས་རྒྱན་དུ་བཞུགས། །ཨཱོཾ་མཧཱ་ཛྙཱ་ན་ཤ་ཕྱ་ཏིག་ན་ཨ་ཧ་རི་ཤ་ཀི་ལ་ཡ་དྷ་མ་ཀ་ཡ་ས་མ་ཡ་ཧོ། ཞེས་ཟུར་བཞིར་བསྒྲལ་ལོ། །དེ་ནས་ཚོན་སྐུད་དྲ་བ་དང་དར་དཔྱངས་གཟུངས་ཐག་དར་ཟབ་ཞིང་གི་བླ་བྲེ་རྒྱུ་མའི་དྲ་ཕྱེད། རྒྱལ་མཚན་འཕན་ཡོལ་བ་ཤ་སྣ་སྙིང་འཕྲེང་སྟག་ཤམ་མགོ་རྒྱན་དགབ་འཁོར་མེ་ཏོག་ཆུན་འཕྱང་དེ་རྣམས་དགྲམ་སྟེ། ཧཱུཾ། རིག་པ་ཡེ་ཤེས་ཐབས་ཤེས་དབྱེར་མེད་གཟུགས། །ཡེ་ཤེས་ལྔ་ལྡན་ཚོན་སྐུད་དྲ་བ་དང་། །ཀུན་བཟང་ཀུན་ཁྱབ་བླ་རེ་གུར་ཆེན་པོ། །སྙིང་པོ་མི་ནུབ་རྟགས་ཀྱི་རྒྱལ་མཚན་བརྒྱད། །འགྲོ་དྲུག་སྙིང་རྗེས་སྐྱོབས་པའི་འཕན་བཀྲ་དང་། །ཤེས་སྐྱོབ་དར་ཡོལ་དར་ཁང་སུམ་རིམ་མཛེས། །སྲིད་པ་ཡོངས་གྲོལ་སྙིང་འཕྲེང་ཤ་རྣམས་འཕྱང་། །དཔའ་སྙོམས་སྟག་ཤམ་དགབ་འཁོར་གསུམ་གནོན་དང་། །རིག་རྩལ་སྣ་ཚོགས་དཔའ་བའི་མེ་ཏོག་འཕྲེང་། །ཕོ་བྲང་བཀྲ་ཤིས་རྒྱན་དུ་གསལ་བར་བཞུགས། །དེ་ནས་མཆོད་རྫས་དགྲམ་སྟེ། སྨན་གཏོར་རཀྟ། ཕྱི་ནང་གསང་མཆོད་འདོད་ལྔ་ཚོ་བཀྲ་ཤིས་རྫས་བརྒྱད་དང་དུར་ཁྲོད་རྫས་དགྲམ་སྟེ། ཧཱུཾ། ཡེ་ཤེས་ཕྱག་རྒྱ་གཏོར་ཆེན་ཐུགས་དམ་བསྐང་། །རྣམ་རྟོག་བདུད་འཇོམས་ཡེ་ཤེས་བདུད་རྩི་ཆེ། །འཁོར་བ་ཡོངས་(༡༦བ)
སྒྲོལ་ཐུགས་རྗེས་ཆགས་པའི་ཁྲག །རྣམ་རྟོག་མུན་སེལ་ཡེ་ཤེས་མར་མེ་གསལ། །བསོད་ནམས་ཡོངས་རྫོགས་ཕྱི་ནང་གསང་བའི་མཆོད། །མི་འགྱུར་བརྟན་བྱེད་རྡོ་རྗེ་ཨཱ་ཡུཿཚེ། །རྟེན་འབྲེལ་ཕུན་ཚོགས་རྫས་བརྒྱད་རིན་ཆེན་བདུན། །སྣང་སྲིད་ལོངས་སྤྱོད་མཆོད་སྤྲིན་བསམ་མི་ཁྱབ། །དཀྱིལ་འཁོར་བྱིན་ཆེན་མཆོད་པའི་རྫས་སུ་བཞུགས། །དེ་ནས་རྡོ་རྗེ་རྩེ་ལྔ་དང་། དྲིལ་བུ་དང་། རྔ་དང་། ཌཱ་མ་རུ་དང་། པི་ཝང་དགོད། ཧཱུཾ། ཆོས་སྐུ་མི་འགྱུར་ཐབས་ཀྱི་རྡོ་རྗེ་རྩེ་ལྔ་དང་། །ཆོས་དབྱིངས་ཀློང་ཡངས་ཤེས་རབ་དྲིལ་བུ་དང་། །ཆོས་སྐུ་སྟོང་གསུམ་ཀུན་ཁྱབ་རྔ་མཆོག་དང་། །མ་ཚོགས་ཕོ་ཉ་འབོད་པའི་གླིང་བུ་དང་། །དམ་ཅན་ཌཱ་ཀི་སྡུད་བྱེད་དྷ་མ་རུ། །ཚངས་པའི་གསུང་ལྡན་ཆོས་ཀྱི་འབྲུག་སྒྲ་སྒྲོག །རྒྱལ་བ་རྒྱ་མཚོ་མཆོད་པའི་རྫས་སུ་གཞག །ཨཱོཾ་ཨཱཿཧཱུཾ་བཛྲ་ཏི་ཐ་ཛྙཱ་ན་ས་མ་ཡེ་ཧཱུཾ་མུཾ་ཀུ་ལན་དྷ་རི་ཀ་ཏ་ཧཱུཾ། དྷརྨཱ་དྷཱ་ཏུ་ཧཱུཾ་བ་ཀ །ཞེས་རྣལ་འབྱོར་པ་ཀུན་ངག་གཅིག་ཏུ་དབྱངས་སྙན་པས་བསྒྲལ་ཞིང་རོལ་མོའི་ཚོགས་ཀྱང་བསྒྲག །ས་མ་ཡ་ཧོ། ཞེས་རྒྱན་དགོད་ཚིག་ལ་རྗེས་ཟློས་བྱེད་ཅིང་དཔེ་ཆུང་དེ་བློར་ཡོད་ན་གསུང་རམ་བྱས་ཀྱང་ཆོག །སྟ་གོན་གྱི་ལྷ་ཡར་བཏེག་པ་དཀྱིལ་འཁོར་ལ་འབེབས་པར་འོག་གི་དངོས་གཞིའི་ས་བཅད་བཅོ་ལྔ་པ་ལྷ་བསྐོས་ལ་གདབ་པ་ནི། རྣལ་འབྱོར་པ་རྣམས་མགྲིན་གཅིག་ཏུ་དབྱངས་སྙན་པས་ལྷ་བསྐོས་ལ་གདབ་སྟེ། དེ་ཡང་ཞི་བའི་ལྷ་ཚོགས་རྣམས་ཚོམ་བུའི་ཐོག་བར་ལ་གསེར་དང་འོད་ཀྱི་ཚོམ་བུར་གསལ་བར་དམིགས་པས་བསྐོས་གདབ་པ་ནི། ཧཱུཾ། རང་བཞིན་ལྷུན་གྲུབ་གཞལ་ཡས་ཁང་། །ཏིང་འཛིན་གཟུགས་བརྙན་གཉིས་མེད་གཞུག །འཁོར་ལོ་རྩིབས་བཞི་འོད་ཀྱི་དཀྱིལ། །སེང་གེ་གླང་ཆེན་རྟ་རྨ་བྱ། །(༡༧ན)
ཤང་ཤང་རིན་ཆེན་ཁྲི་བཟང་སྟེང་། །ཉི་ཟླ་པད་གདན་འོད་གསལ་དབུས། །ཡེ་ནས་རང་བྱུང་གྲུབ་པའི་ལྷ། །བཅོམ་ལྡན་རྣམ་སྣང་སངས་རྒྱས་སྤྱན། །བཅོམ་ལྡན་མི་བསྐྱོད་ཀུན་བཟང་མོ། །བཅོམ་ལྡན་རིན་འབྱུང་མཱ་མ་ཀི །བཅོམ་ལྡན་མཐའ་ཡས་གོས་དཀར་མོ། །བཅོམ་ལྡན་དོན་གྲུབ་དམ་ཚིག་སྒྲོལ། །རང་བཞིན་སྤྱན་འདྲེན་གནས་འདིར་བཞུགས། །ཨཱོཾ་ལཱཾ། ཧཱུཾ་མཱུཾ། སྭཱ་མཾ། ཨ་པྱཱཾ། ཧ་ཏཱཾ། ས་མ་ཡ་ཏ་ཐེཾ་ལྷན། ཕྱོགས་མཚམས་ཀུན་ནས་རང་བྱུང་ལྷ། །ས་སྙིང་ནམ་སྙིང་སྤྱན་རས་གཟིགས། །ཕྱག་རྡོར་མཻ་ཏྲི་སྒྲིབ་པ་སེལ། །ཀུན་བཟང་འཇམ་དཔལ་སེམས་དཔའ་བརྒྱད། །ལཱ་སེ་མཱ་ལེ་གཱི་རྟི་མ། །ནི་རྟི་དྷཱུ་པེ་པུཥྤེ་མ། །ཨཱ་ལོ་ཀེ་དང་གྷནྡྷེ་བརྒྱད། །ཀུན་ཏུ་བཟང་དང་ཀུན་བཟང་མོ། །ལྷ་དབང་ཤཱཀ་ཐུབ་ཐག་བཟང་རིས། །སེང་དམ་ཁ་འབར་ཆོས་རྒྱལ་དྲུག །སྟོབས་ཆེན་གཤིན་རྗེ་རྟ་མགྲིན་དང་། །བདུད་རྩི་འཁྱིལ་སོགས་ཁྲོ་ཆེན་བཞི། །ལྕགས་ཀྱུ་ཞགས་པ་ལྕགས་སྒྲོག་དྲིལ། །ཉི་མ་དང་ནི་འོད་ཟེར་ཚུལ། །ཞི་ཁྲོ་ཡོངས་རྫོགས་བརྟན་པར་བཞུགས། །ས་མ་ཡ་ཏིཥྛ་ལྷན། དེ་འོག་ཚོམ་བུའི་ལྷ་བསྐོས་ལ་གདམ་པ་ནི། ཧཱུཾ། དཀྱིལ་འཁོར་ཡོངས་རྫོགས་ཕོ་བྲང་དགུ། །དབུས་ཕྱོགས་འཁོར་ལོ་རྩིབས་བཞི་དཀྱིལ། །ཉི་ཟླ་པདྨ་ལྷ་ཆེན་སྟེང་། །རང་བྱུང་ལྷུན་གྱིས་གྲུབ་པའི་ལྷ། །བཅོམ་ལྡན་ཆེ་མཆོག་ཧེ་རུ་ཀ །གནམ་ཞལ་ཀྲོ་ཏི་ཡུམ་དང་བཅས། །རང་བཞིན་སྤྱན་འདྲེན་གནས་འདིར་བཞུགས། །ཤར་ནས་རང་བྱུང་གྲུབ་པའི་ལྷ། ཁྱུ་མཆོག་ཉི་ཟླ་པདྨའི་སྟེང་། །རཀྴ་ཧེ་རུ་ཡབ་ཡུམ་བཞུགས། །ལྷོ་ནས་རང་བྱུང་༝། །སྟག་གཟིག་ཉི་ཟླ་པདྨའི་སྟེང་། །གུ་ཧྱ་ཧེ་རུ་ཡབ་ཡུམ་བཞུགས། །(༡༧བ)
ནུབ་ནས༝། །མ་ཧེ་ཉི་ཟླ་པདྨའི་སྟེང་། །བི་ཤྭ་ཧེ་རུ་ཡབ་ཡུམ་བཞུགས། །བྱང་ནས༝། །དོམ་ཆེན་ཉི་ཟླ་པདྨའི་སྟེང་། །ཡཀྴ་ཧེ་རུ་ཡབ་ཡུམ་བཞུགས། །ཉི་མ་དང་ནི་འོད་ཟེར་བཞིན། །ཆེ་མཆོག་འཁོར་བཅས་བརྟན་པར་བཞུགས། །ཧཱུཾ། ཤར་ཕྱོགས་འཁོར་ལོའི་གཞལ་ཡས་སུ། །ཉི་ཟླ་པདྨ་རུ་ཏྲའི་སྟེང་། །རང་བྱུང་ལྷུན་གྱིས་གྲུབ་པའི་ལྷ། །བཅོམ་ལྡན་བཛྲ་ཧེ་རུ་ཀ །བཛྲ་ཀྲོ་ཏི་ཡུམ་དང་བཅས། །རང་བཞིན༝། །དེས་འགྲེ། ཧཱུཾ། བཞི་འཁོར་ལོ་རྩིབས་བཞིའི་དབུས། །དྲི་ཟ་གཤིན་རྗེ་ཀླུ་གནོད་སྦྱིན། །ཉི་ཟླ་པདྨའི་གདན་སྟེང་དུ། །རིགས་བཞི་ཧེ་རུ་ཡབ་ཡུམ་བཞུགས། །ཉི་མ་དང་༝། །ཐུགས་མཆོག་འཁོར་བཅས་བརྟན་པར་བཞུགས། །ཧཱུཾ། ལྷོ་ཕྱོགས་འཁོར་ལོའི༝། །ཉི་ཟླ་པདྨ་ཆུ་གླང་སྟེང་། །རང་བྱུང་༝། །བཅོམ་ལྡན་འཇམ་དཔལ་གཤིན་རྗེ་གཤེད། །སྒྲོལ་དང་སྦྱོར་བྱེད་ཀུན་ཏུ་བཅས། །རང་བཞིན༝། །ཕྱོགས་བཞི༝། །མ་ཧེ་དཀར་སེར་དམར་ལྗང་ཁྲི། །ཉི་ཟླ༝། །སྲས་མཆོག་གཤེད་བཞི་ཡབ་ཡུམ་བཞུགས། །ཉི་མ་དང་༝། །སྐུ་མཆོག༝། །ནུབ་ཕྱོགས་འཁོར་ལོའི༝། །ཉི་ཟླ་པདྨ་ཀླུ་རྒྱལ་སྟེང་། །རང་བྱུང་༝། །བཅོམ་ལྡན་དཔལ་ཆེན་རྟ་མགྲིན་དང་། །ཨེ་ཀ་ཙ་ཏི་ཡུམ་དང་བཅས། །རང་བཞིན་༝། །ཕྱོགས་བཞི་འཁོར་ལོ༝། །ཀླུ་རིགས་གདུག་པ་རྣམ་བཞི་བསྒྱེལ། །ཟིལ་གནོན་ཁྲོ་བཞི་ཡབ་ཡུམ་བཞུགས། །ཉི་མ༝། །གསུང་མཆོག༝། །ཧཱུཾ། བྱང་ཕྱོགས་འཁོར་ལོ༝། །ཉི་ཟླ་པདྨ་ལྷ་ཆེན་སྟེང་། །རང་བྱུང་༝། །བཅོམ་ལྡན་རྡོ་རྗེ་གཞོན་ནུ་དང་། །འཁོར་ལོ་རྒྱས་འདེབས་ཡུམ་དང་བཅས། །རང་བཞིན༝། །ཕྱོགས་བཞི༝། །དགྲ་བགེགས་བཞི་བསྣོལ་དྲེགས་(༡༨ན)
པ་ཡུམ། །ཉི་ཟླ༝། །སྲས་མཆོག་རིགས་བཞི་ཡབ་ཡུམ་བཞུགས། །ཉི་མ་དང་ནི༝། །འཕྲིན་ལས་འཁོར་བཅས་བརྟན་པར་བཞུགས། །ཧཱུཾ། ཤར་ལྷོ༝། །ཉི་ཟླ་པདྨ་མི་ཡི་སྟེང་། །བཅོམ་ལྡན་བླ་མེད་ཧེ་རུ་ཀ །ཉིད་བཞི་བདེ་མཆོག་ཡུམ་དང་བཅས། །རང་བཞིན་༝། །ཕྱོགས་བཞི་འཁོར་རྩིབས་དབུས་ཟུར་དུ། །བདུད་གཤིན་གནོད་སྦྱིན་བརྒྱ་བྱིན་བསྒྱེལ། །དབྱིངས་ཀྱི་ཡུམ་ཆེན་སྡེ་དྲུག་བཞུགས། །ཉི་མ་དང་ནི་༝། །རྦོད་གཏོང་ཡོངས་རྫོགས་བརྟན་པར་བཞུགས། །ཧཱུཾ་ལྷོ་ནུབ་༝། །ཉི་ཟླ་པདྨ་གདན་ཁྲིའི་སྟེང་། །རང་བྱུང་༝། །བཅོམ་ལྡན་རིགས་འཛིན་ཐོད་པ༝། །མི་དམིགས་རྡོ་རྗེ་རྣལ་འབྱོར་བཅས། །རང་བཞིན་༝། །ཕྱོགས་བཞི་༝། །དར་གྱི་ཕོ་བྲང་བཞི་ཡི་ཁྲི། །གྲུབ་པའི་རིགས་འཛིན་སྡེ་བཞི་པོ། །ཉི་མ་དང་ནི་༝། །རིགས་འཛིན་ཡོངས་རྫོགས་བརྟན་པར་བཞུགས། །ཧཱུཾ། ནུབ་བྱང་འཁོར་ལོའི་༝། །ཉི་ཟླ་པདྨ་ལྷ་ཆེན་སྟེང་། །རང་བྱུང་༝། །བཅོམ་ལྡན་དྲེགས་པ་ཀུན་འདུལ་དང་། ཁམས་གསུམ་སྤྱི་འདུལ་ཡུམ་དང་བཅས། །རང་བཞིན༝། །ཕྱོགས་བཞི༝། །དགྲ་བགེགས་དམ་སྲི་གནོད་བྱེད་བསྒྱེལ། །ཉི་ཟླ་པདྨ༝། །དབང་ཆེན་སྡེ་བཞི་ཡབ་ཡུམ་བཞུགས། །ཉི་མ་དང་༝། །དེད་དཔོན་སུམ་ཅུ༝། །ཧཱུཾ། བྱང་ཤར་༝། །ཉི་ཟླ་པདྨ་དྲེགས་པའི་སྟེང་། །རང་བྱུང་༝། །བཅོམ་ལྡན་སྟོབས་ལྡན་ནག་པོ་དང་། །འབྱུང་བ་མངའ་བདག་ཡུམ་དང་བཅས། །རང་བཞིན༝། །ཕྱོགས་བཞི༝། །མི་རྟ་ཁྱི་སྲིན་རོ་བཞི་བསྒྱེལ། །ཉི་ཟླ༝། །སྔགས་བདག་དྲེགས་པ་ཡབ་ཡུམ་བཞུགས། །ཉི་མ་དང་ནི༝། །དྲེགས་པ་ཡོངས་རྫོགས་བརྟན་པར་བཞུགས། །ཧཱུཾ། གཞལ་ཡས་བར་ཁྱམས་(༡༨བ)
ཁོར་ཡུག་ཏུ། །དགྲ་བགེགས་གདུག་པ་བསྒྱེལ་བའི་སྟེང་། །བཀའ་སྡོད་རབ་འཇིགས་གདབ་ཕུར་ཚོགས། །འཕྲིན་ལས་ཀུན་སྒྲུབ་བརྟན་པར་བཞུགས། །ཧཱུཾ། ཤར་ལྷོ་ནུབ་བྱང་སྒོ་བཞི་རུ། །ཞིང་ཆེན་བྱེ་ལྟར་བཏིང་བའི་སྟེང་། །ལྕགས་ཀྱུ་ཞགས་པ་ལྕགས་སྒྲོག་དྲིལ། །ཏ་ཀྲིཏ་སྒོ་སྐྱོང་བརྟན་པར་བཞུགས། །ཧཱུཾ། བྱིན་ཆེན་ངོ་མཚར་དུར་ཁྲོད་གནས་བརྒྱད་དུ། །སྤྲུལ་སྐུ་གྲུབ་ཐོབ་ཚུལ་འཛིན་སློབ་དཔོན་བརྒྱད། །ཕྱོགས་སྐྱོང་ཀླུ་དང་ཞིང་སྐྱོང་མ་ཆེན་བརྒྱད། །བཀའ་བརྒྱད་རིགས་འཛིན་མ་ལུས་བརྟན་པར་བཞུགས། ཧཱུཾ། དཀྱིལ་འཁོར་ཆེན་པོའི་མུ་རན་ལ། །དབང་ཕྱུག་མ་མོ་ཉེར་བརྒྱད་སོགས། །བཀའ་བརྒྱད་ཡོངས་རྫོགས་ཕོ་ཉའི་ཚོགས། །སྒྲུབ་མཐར་དབྱུང་ཕྱིར་བརྟན་པར་བཞུགས། །ས་མ་ཡ་ཧོ། ས་མ་ཡ་སྟཾ། ཏིཥྛ་ལྷན། ཨཱོཾ་ཨ་བེ་ཤ་ཡ་ཨ། འདིར་གོང་གི་སྟ་གོན་གྱི་ས་བཅད་བཅུ་པ་སློབ་མ་འཇུག་པ་ལ། ཨ་ཁཾ་ཝཱི་ར་ཧཱུཾ་གིས་མིག་དར་བཅིངས། སྔགས་དེ་ཉིད་ཀྱི་ཅོད་པན་གཏད། དེ་ནས་དཀྱིལ་འཁོར་དུ་འཇུག་པར་ཞུས་ཏེ། ཀྱེ་ཧོ། ཚོགས་ཀྱི་དཀྱིལ་འཁོར་ཆེན་པོ་རུ། །སངས་རྒྱས་ཀུན་དང་གཉིས་མེད་དཔལ། བླ་མ་རྡོ་རྗེ་སློབ་དཔོན་དགོངས། །བདག་ཅག་སྒོ་འདིར་འཇུག་པར་ཞུ། །ཞེས་ལན་གསུམ་བྱའོ། །བླ་མས་འདི་སྐད་དོ། །སྔོན་སྦྱངས་སྐལ་བར་མ་ལྡན་ན། །འཇུག་པ་དཀའ་ལ་ཉེས་དམིགས་ཆེ། །བཀའ་འདས་འདིར་སྡུག་ཕྱི་མར་བརླག །ལས་འཕྲོ་མེད་ན་ཕྱིར་དེངས་ཤིག །ཅེས་བརྗོད་དོ། །སློབ་བུས་འདི་སྐད་ལན་སྦྱར་ཏེ། ཧོ། བདག་ཅག་སྐལ་ལྡན་རིགས་ཀྱི་བུ། །བྱང་ཆུབ་སྙིང་པོ་མཆིས་བར་དུ། །བཀའ་བསྒྲུབ་དབང་ཞུ་དམ་བསྲུང་ལགས། །གསང་བའི་དཀྱིལ་འཁོར་འཇུག་པར་ཞུ། །(༡༩ན)
ལན་གསུམ་ཞུས་རྗེས་སུ། བླ་མས། ཞི་ཁྲོ་ཡོངས་རྫོགས་དཀྱིལ་འཁོར་དུ། །འཇུག་སྤྲོ་དངོས་གྲུབ་སྩལ་བ་ལ། །ལྷ་དང་སྙིང་པོ་སྒྲུབ་པ་ཡི། །དམ་ཚིག་གཉེན་པོ་བསྲུང་ནུས་སམ། །ཞེས་དྲི། སློབ་བུས་ཁས་བླངས་ཏེ། བླ་མས་ཅི་གསུང་བཀའ་བཞིན་དུ། །ཡི་དམ་གསང་བའི་དཀྱིལ་འཁོར་གྱི། །དངོས་གྲུབ་རྣམ་གཉིས་ནོད་འཚལ་ཕྱིར། །དམ་ཚིག་གཉན་པོ་ཤིན་ཏུ་བསྲུང་། །བླ་མས་གནང་བ་སྦྱིན་པ་ནི། །ཧོ། དཀྱིལ་འཁོར་ལྷ་ཚོགས་མ་ལུས་དགོངས། །སེམས་ཅན་སྡུག་བསྔལ་བསྒྲལ་བའི་ཕྱིར། །དེ་བཞིན་གཤེགས་པ་ཐམས་ཅད་ཀྱི། །ཕོ་བྲང་དཀྱིལ་འཁོར་ཡོངས་རྫོགས་འདིར། །བདག་གིས་སློབ་མ་གཞུག་པར་བགྱི། །སྐུ་གསུང་ཐུགས་ཀྱིས་བྱིན་གྱིས་རློབས། །སློབ་བུས་སྒོ་དབྱེ་བར་ཞུ་བ། ཧོ། ཡེ་ཤེས་དཀྱིལ་འཁོར་སྒོ་བཞི་རུ། །བདག་ནི་འཇུག་པར་འཚལ་ལགས་ཀྱིས། །ཡོངས་རྫོགས་ལྷ་དང་ཞལ་མཇལ་ཞིང་། །དབང་ཆེན་རབ་འབྱམས་བསྐུར་དུ་གསོལ། །བརྡ་སྒོ་དབྱེ་ཞིང་བརྡ་ཕྱག་འཚལ་བ་ནི། །ཧཱུཾ། སྣོད་བཅུད་ཐམས་ཅད་བདེ་ཆེན་གཞལ་ཡས་ཁང་། གཟུགས་སྣང་ཐམས་ཅད་རང་རིག་ཡེ་ཤེས་ལྷ། །དེ་ཉིད་མ་རྟོགས་མ་རིག་སྒོ་བཅད་པས། །རང་གསལ་ཡེ་ཤེས་འཆར་སྒོ་ད་ཕྱེ་ཞིག །བྷྲུཾ་པྲ་བེ་ཤ་ཡ་ཕཊ། ཧཱུཾ། རང་བྱུང་ཡེ་ཤེས་སྙིང་པོ་སེམས་ཀྱི་ལྷ། །མ་རྟོགས་རང་ངོ་རང་གིས་མ་ཤེས་པས། །ཡེ་ནས་རང་དང་འགྲོགས་ཀྱང་ཞལ་མ་མཇལ། །རང་གསལ་བརྡ་ཡི་དོན་དང་མཇལ་ཕྱག་འཚལ། །ཧཱུཾ་ཨ་ཧི་པུ་ཧོཿ པྲ་ཏཱིཙྪ་ཧོཿ དེ་ནས་སྐྱབས་སུ་འགྲོ་ཞིང་སྡིག་པ་བཤགས་སུ་གཞུག་སྟེ། །བླ་མས་འདི་སྐད་བརྗོད། བུ་ཁྱོད་འཁོར་བའི་སྡུག་བསྔལ་ལས། །ཐར་(༡༩བ)
པའི་མགོན་གྱུར་དཀོན་མཆོག་གསུམ། །ཡིད་ཀྱིས་དམིགས་ཏེ་ཕྱག་འཚལ་ལོ། །སྐྱབས་སོང་སྡིག་པ་བཤགས་པར་བགྱི། །དེ་ནས་སློབ་བུས་མཎྜལ་ཕུལ། ཕྱག་བཙལ་ཏེ་མེ་ཏོག་དབུལ། བླ་མས་སྐྱབས་འགྲོ་སེམས་བསྐྱེད་དཔོག་པ་ནི། བླ་མ་སངས་རྒྱས་འཁོར་དང་བཅས། །ཀུན་ནས་བདག་ལ་དགོངས་སུ་གསོལ། །བླ་མ་དཀོན་མཆོག་གསུམ་པོ་ལ། །བྱང་ཆུབ་མ་ཐོབ་བར་དུ་ནི། །སྐྱབས་ཀྱི་མཆོག་ཏུ་བཟུང་བར་བགྱི། །སྔོན་ནས་བསགས་པའི་སྡིག་སྒྲིབ་བཤགས། །འགྲོ་ཀུན་སངས་རྒྱས་ཐོབ་བྱའི་ཕྱིར། །སྨན་པའི་བྱང་ཆུབ་སེམས་ནི་བསྐྱེད། །སེམས་ཅན་ཡོངས་སུ་སྨིན་བྱའི་ཕྱིར། །གསང་སྔགས་སྤྱོད་པ་རླབས་ཆེན་སྤྱད། །དོན་དམ་སྤྲོས་བྲལ་བྱང་ཆུབ་སེམས། །རང་བྱུང་མཐའ་བྲལ་སྟོང་གསལ་བསྒོམ། །ཞེས་ལན་གསུམ་དམ་བཅས་ཏེ་སྡོམ་པ་དཔོག་པར་བྱའོ། །དེ་ནས་ཐུགས་རྗེས་བཟུང་སྟེ། ལྕགས་ཀྱུའི་ཕྱག་རྒྱ་བྱས་ཏེ། ཧཱུཾ། ཁམས་གསུམ་འཁོར་བའི་སེམས་ཅན་ཀུན། །རྒྱུད་དྲུག་ལམ་གྱི་སྒོ་བཅད་ནས། །མཐོ་རིས་ཐར་པའི་སྒོ་ཕྱེ་སྟེ། །དཔའ་བོ་ཡང་སྙིང་འབྲུ་ལྔ་ཡིས། །བླ་མེད་མཆོག་གི་གནས་སུ་དྲངས། །ཨཱོཾ་ཨཱཿཧཱུཾ་སྭཱཧཱ་ས་མཱ་ཛཿཛཿ དཀྱིལ་འཁོར་ལ་ལན་གསུམ་བསྐོར་ཏེ་ཤར་སྒོ་ནས་མེ་ཏོག་ཅོད་པན་བཟུང་སྟེ། ཧོ། དུར་ཁྲོད་གསང་བ་མཆོག་གི་དཀྱིལ་འཁོར་དུ། །རིན་ཆེན་བྱང་ཆུབ་སེམས་ཀྱི་མེ་ཏོག་འདི། །སྐུ་གསུང་ཐུགས་ཀྱི་དབྱིག་ཏུ་བདག་འབུལ་གྱིས། །དངོས་གྲུབ་རྣམ་གཉིས་བདག་ལ་སྩལ་དུ་གསོལ། །བྷོ་དྷི་ཙིཏྟ་ཨ། པྲ་ཏི་པཱུ་ཙ་ཧོ། བླ་མས་འདི་སྐད་དོ། །ཧཱུཾ། རྩ་བ་སྐུ་གསུང་ཐུགས་ཀྱི་དཀྱིལ་འཁོར་དུ། །རིག་པའི་མེ་ཏོག་ཕུལ་བའི་བྱིན་རླབས་ཀྱིས། །སྐུ་གསུང་ཐུགས་ལ་(༢༠ན)
རབ་ཏུ་བསྟིམ་ནས་ཀྱང་། །དངོས་གྲུབ་རྣམ་གཉིས་ཁྱོད་ལ་སྦྱིན་པར་བྱ། །ཀཱ་ཡ་ཝཱཀྐ་ཙིཏྟ་ཞེས་མེ་ཏོག་གང་བབས་སར་རྩ་བའི་ལྷ་བསྟིམ་སྟེ་དེར་བཅིང་ངོ་། །བྱིན་བརྒྱུད་པའི་གསོལ་འདེབས་ཀྱི་མན་ངག། འབེབས་རྒྱས་པར་སྤྲོ་ན་བདེ་གཤེགས་འདུས་པའི་བྱིན་འབེབས་ཆེན་མོ་ཀློང་ཆེན་མ་ལེན། གཞན་ལས་བྱང་རང་གི་བྱིན་འབེབས་ཆེ་ཆུང་གང་རུང་མཛད་པས་ཁྱབ། དེ་ནས་སློབ་བུས་སྤྱན་དབྱེ་བར་བསྐུལ་བ། ཧཱུཾ། བདག་ཅག་ལས་ཀྱིས་བསྐལ་གྱུར་ཏེ། མ་རིག་རྨོངས་པའི་ལིང་ཏོག་གིས། །ཤིན་ཏུ་མདོངས་པར་གྱུར་པས་ན། །ཉོན་མོངས་སྒྲིབ་པ་བསལ་དུ་གསོལ། །ཨ་ས་མེ་ཧཱུཾ། བླ་མས་སྤྱན་དབྱེ་བ། སྔོན་གྱི་མིག་མཁན་རྒྱལ་པོ་ཡིས། །ཐུར་མས་ལིང་ཏོག་བསལ་བ་ལྟར། །མ་རིག་མདོངས་པའི་ལིང་ཏོག་རྣམས། །རྒྱལ་བའི་དགོངས་པས་བསལ་བར་བྱའོ། །ཙཀྵུ་པྲ་བེ་ཤ་ཕཊ། ཅེས་མིག་དར་བཤུས་ལ་དཀྱིལ་འཁོར་བསྟན་ཏེ། ཧཱུཾ། བུ་ཁྱོད་རྩོལ་སེམས་མ་ཆུང་བར། །དཀྱིལ་འཁོར་བཟང་པོ་འདི་ལ་ལྟོས། །ད་ནི་དད་པ་རབ་ཏུ་བསྐྱེད། དངོས་གྲུབ་ཐམས་ཅད་འདིར་ཐོབ་འགྱུར། །ཞེས་སྤྱན་དབྱེ་ནས་མ་ཧཱ་ཡོ་གའི་སྒོམ་ཁོག་གི་གཞལ་ཡས་ཁང་ལྷ་དང་བཅས་པའི་དོན་རྟགས་ངོ་སྤྲད། དེ་ནས་དམ་བསྒྲག་པ་ནི། དམ་ཚིག་གི་རྡོ་རྗེ་རྩེ་གཅིག་གི་ཕྱག་རྒྱ་སློབ་དཔོན་དང་སློབ་མ་ཐམས་ཅད་ཀྱིས་བྱས་ཏེ། སྐུ་གསུང་ཐུགས་ཀྱི་དམ་ཚིག་ནི། །ད་ལྟ་འདི་རུ་བཅས་པ་བཞིན། །སྲོག་ལ་བབས་ཀྱང་མ་བཏང་ཞིག །རྩ་ལག་དམ་ཚིག་རྟག་ཏུ་སྲུངས། །ས་མ་ཡ་རཀྵ་ཧཱུཾ་ཞེས་བརྗོད། རྒྱུད་ཀྱི་ལེའུ་བཅུ་གཅིག་པ་བཅུ་གཉིས་པ་དམ་ཚིག་སྟོན་པ་ཡིན། ནས་དམ་ཚིག་རྣམས་སྟོན། སློབ་བུས་དམ་བཅའ་བ་ནི། རྡོ་རྗེ་སློབ་(༢༠བ)
དཔོན་བཀའ་དྲིན་ཆེ། །བཀའ་བཞིན་བགྱིད་དོ་དམ་ཚིག་བསྲུང་། །རྟག་ཏུ་ཐུགས་རྗེས་བཟུང་བ་དང་། །བྱིན་གྱིས་བརླབ་པར་མཛད་དུ་གསོལ། །ས་མ་ཡ་ན་ར་སྐན། །དངོས་གཞིའི་ས་བཅད་བཅུ་གཅིག་པ་བསྲེག་མནན་བྱ་བ་ནི། སྔར་དམ་བསྲེས་པ་རྣམས་སྟ་གོན་སྐབས་སུ་མཇུག་ཆོག་ཚར་ནས་སྐབས་འདིར་འདི་སྐད་དོ། །ཧཱུཾ། རྒྱུ་ལམ་འབྲས་བུ་དབྱེར་མེད་པའི། །རིན་ཆེན་གྲུ་གཟིངས་ལྟ་བུའི་ལམ། །ཐེག་མཆོག་སྒོ་འདིར་འདུས་སོ་ཅོག །ལྟ་སྤྱོད་དྲི་མེད་དམ་བསྲེའོ། །བླ་མས་རྡོ་རྗེས་བདུད་རྩི་བླངས་ཏེ། ཧོ། ཇི་སྙེད་སངས་རྒྱས་ཐམས་ཅད་དང་། །བྱང་ཆུབ་སེམས་དང་རྡོ་རྗེ་འཛིན། །དེ་བཞིན་སྒྲུབ་པའི་རྣལ་འབྱོར་ལ། །གལ་ཏེ་སྙིང་རིངས་བསྙས་གྱུར་ན། །ཡཀྴ་རྡོ་རྗེ་གནོད་སྦྱིན་གྱིས། ཁྱོད་ཀྱི་སྙིང་ཁྲག་བཞོས་ཏེ་འཐུང་། །སྙིང་ལ་ཡང་དག་རབ་གནས་པའི། །འདི་ནི་སེམས་ཅན་དམྱལ་བའི་ཆུ། །དམ་བསྲུངས་མཆོག་ཐོབ་ཉམས་ན་བརླག །ས་མ་ཡ་ཨི་དན་ཏེ་ན་ར་སྐན་བཀྵ་སི་ཡཀྴ་ཧཱུཾ། ཞེས་དམ་མ་འདྲེས་པའི་གསར་བ་ཚོར་བདུད་རྩི་སྟེར་གཞུག་གོ །དེ་ནས་སྔར་འདྲེས་ས་ལ་གནོན་པ་ནི། ཧོ། རྣམ་དག་ལྟ་སྤྱོད་བླ་མའི་བཀའ། །རྒྱུ་དང་མི་འགལ་དམ་ཚིག་ནོར། །འདི་ནས་ཀུན་མཁྱེན་མ་ཐོབ་བར། །སྲོག་ཕྱིར་མི་གཏོང་དངོས་གྲུབ་གསོལ། །སརྦ་ཏ་ཐཱ་ག་ཏ་ཀཱ་ཡ་ཝཱ་ཀ་སིདྡྷི་ཧཱུཾ། ཨ་མྲྀ་ཏ་རེ་བཞག་གོ །དེ་ནས་གྲལ་བསྲེ་ཞིང་གྲལ་འཛིན་བྱེད། །དབང་བྱང་བཀོལ་བ་ནས་ནུས་པའི་དབང་ལྔ་ལེན། དེ་ནས་སྒྲུབ་ལུང་ཞུ་སྟེ། ཧོ། བླ་མ་སློབ་དཔོན་དགོངས་སུ་གསོལ། །བདག་ཅག་འཁོར་བའི་རྒྱ་མཚོ་ལས། །བྱང་ཆུབ་སྐམ་སར་བསྒྲལ་བའི་ཕྱིར། །ཞི་ཁྲོ་ཡོངས་རྫོགས་སྒྲུབ་ལུང་ཞུ། །ཞེས་ལན་གསུམ་གསོལ་བ་གདབ་བོ། །བླ་མས་(༢༡ན)
ལྷ་ལ་ལུང་ཞུ་སྟེ། ཧཱུཾ། ཞི་ཁྲོ་ལྷ་རྣམས་ཡོངས་རྫོགས་དགོངས། །སྐལ་ལྡན་སློབ་མ་འདི་རྣམས་ཀུན། །འཁོར་བའི་གནས་ནས་བསྒྲལ་བའི་ཕྱིར། །སྐུ་གསུང་ཐུགས་སུ་བྱིན་གྱིས་རློབས། །དེ་ནས་ལུང་སྦྱིན་ཏེ། ཞི་ཁྲོ་གསང་བ་ཡོངས་རྫོགས་ལྷ། །དུས་གསུམ་འགྲོ་སྐྱོབས་འདྲེན་པའི་དཔལ། །བསྙེན་ཅིང་བསྒྲུབས་ན་མཆོག་གྲུབ་ཕྱིར། །སྣོད་ལྡན་ཁྱོད་ལ་བསྒོ་བར་བྱ། །ཨཱོཾ་ཨཱཿཧཱུཾ། ལུང་འབོགས་པ་ནི་རྒྱས་པར་སྤྲོ་ན། ཞི་ཁྲོ་སོ་སོའི་དྲིལ་སྒྲུབ་དང་ད་ལྟ་འཇུག་པ་བདེ་བ་དཔལ་ཆེན་དྲིལ་སྒྲུབ་ཀྱི་ལུང་ཕོག་ནས་འཛབ་འདྲེན་འཇུག་རིགས་གསུམ་མགོན་པོ་ལྟ་བུར་ལྷ་གཞན་ལ་མོས་ན་དེ་ཀའི་བསྒོམ་ལུགས་བྱས་ཀྱང་ཆོག་གོ །དངོས་གཞིའི་ས་བཅད་བཅུ་གཉིས་པ་ཆས་གོས་དབུལ་བ་ནི། ཞི་རྒྱན་ཁྲོ་ཆས་ཡོངས་སུ་གསོལ་ཏེ། གསེར་ལ་བཟོ་བྱས་རིགས་ལྔའི་དབུ་རྒྱན་ཞི་ཆས་པྲོག་ཞུ་དང་། ཐོར་ཚུགས་ཅོད་པན་སྙན་ཆ་མགུར་ཆུ་སེ་མོ་དོ་དང་། དཔུང་རྒྱན་ཕྱག་ཞབས་གདུ་བུ་དང་། དོ་ཤལ་ཟ་འོག་སྟོད་གཡོགས་དར་གྱི་ཤམ་ཐབས་དྲི་བཟང་བྱུགས་པ་དང་། རཏྣའི་འཕྲེང་བ་བཤམ། ཁྲོ་ཆས་ནི་ཁྲོ་འབག་ལག་པར་བགོ་བ་བྱ། ཐོད་ཚལ་ལྔའི་དབུ་རྒྱན། བེའུ་ཁྲ་མོའི་གླང་ཆེན་ཀོ་རློན་ཚུལ། ཞིང་ཆུང་སྲབ་མོའི་ཞིང་གོས། སྦྲུལ་ལྤགས་མཉེན་པོའི་སྙན་ཆ་ལྷུ་རྒྱན། སྟག་ཕྲུག་ལྤགས་པའི་ཤམ་བུ། གཟིགས་ཕྲུག་ཡུམ་གྱི་ཤམ་བུ། ཞག་ཆེན་ཟོ་རིས། ཁྲག་ཆེན་ཐིག་ལེ། ཐལ་ཆེན་ཚོམ་བུ། ཐོད་པ་སྐམ་ནེམ་རློན་གསུམ་ག་ཤའོ། །དར་མཐིང་ནག་གི་གོས་ཤ་དྲིལ་བ་ལ་གསེར་དངུལ་གྱིས་བྲིས་ཏེ། རྡོ་རྗེ་གོ་ཁྲབ་ཀྱི་ཆས་སོ། །དེ་ཡང་ལྷ་སྟ་གོན་བསྙེན་དུས་ཞི་ཆས་སྒྲུབ་དུས་སུ་ཆས་གོས་གཡོབ་བམ་སྤེལ་ཡང་མི་འགལ་ལོ། །གིང་ལ་རུས་པའི་(༢༡བ)
ཁྲོ་བོ་རྒྱན་དྲུག །ཡུམ་རྣམས་རུས་ཆེན་ཞི་རྒྱན་གསོལ་བ་འཐད་དོ། །རྒྱན་ཆས་གསོལ་ཞིང་བསྐུལ་བ་ནི། ཧཱུཾ། རྣལ་འབྱོར་དབང་ཕྱུག་འབྲས་བུའི་ལམ་ཞུགས་པ། །རྟགས་ཀྱི་ཕྱག་རྒྱས་བདེ་གཤེགས་དངོས་སུ་གསལ། །དབུ་རྒྱན་ཅོད་པན་འཕྲེང་བ་དང་། །དོ་ཤལ་དཔུང་རྒྱན་སེ་མོ་དོ། །སྟོད་གཡོགས་སྨད་དཀྲིས་ཤམ་བུར་ལྡན། །ཕྱག་གདུབ་ཞབས་གདུབ་རབ་ཏུ་སྤྲས། །དྲི་མཆོག་ངད་ལྡན་རྒྱན་པའོ། །འདོད་ཡོན་མ་སྤངས་རང་གྲོལ་རྒྱན་དུ་བཞེས། ཁྲོ་ཆས་འདི་སྐད་གསོལ་ཏེ། ཧཱུཾ་ཧཱུཾ་དོན་དམ་སྤྲོས་མེད་སྒྱུ་མའི་ཁོང་གསེང་ཅན། །ཡེ་ཤེས་ལྔ་ལྡན་ཐོད་པའི་དབུ་རྒྱན་བཞེས། །ཐེག་མཆོག་དོན་ལྡན་གླང་ཆེན་ཀོ་རློན་གསོལ། །འཁོར་བ་མི་སྤོང་མི་ལྤགས་གཡང་གཞི་གསོལ། །ཞེ་སྡང་ཉིད་འཇོམས་སྦྲུལ་ནག་ཆུན་པོ་གསོལ། །འཕྲིན་ལས་རྣམ་བཞི་ལྷུན་གྲུབ་སྟག་ཤམ་གསོལ། །འཁོར་བའི་བཅུད་བཞེས་ཞག་གི་སོར་རིས་གསོལ། །ཆགས་པ་དབང་ཕྱུག་རཀྟའི་ཐིག་ལེ་གསོལ། །སྐྱེ་ཤི་རྩད་གཅོད་ཐལ་ཆེན་ཚོམ་བུ་གསོལ། །སྐུ་གསུམ་ལྷུན་གྲུབ་ཐོད་འཕྲེང་ཆར་གསུམ་གསོལ། །ཅིས་ཀྱང་མི་ཤིགས་རྡོ་རྗེའི་གོ་ཁྲབ་གསོལ། །མ་རིག་ནགས་བསྲེག་ཡེ་ཤེས་མེ་དཔུང་གསོལ། །བཞི་བཅུས་ཡོངས་སྒྲོལ་དཔལ་གྱི་ཆས་བཅུ་འདི། །དབང་ཕྱུག་ཆེན་པོ་སྐུ་ཡི་རྒྱན་དུ་བཞེས། །ཡུམ་ཆས་གསོལ་བ། ཧོ། ཕ་རོལ་ཕྱིན་དྲུག་དོན་དྲུག་རུས་རྒྱན་ལྡན། །ཤེས་རབ་སྤྲོས་བྲལ་གཟིག་གི་ཤམ་བུ་འདི། །འགྲོ་དྲུག་བསྒྲལ་ཕྱིར་ཡུམ་གྱི་རྒྱན་དུ་བཞེས། །གིང་ཆས་གསོལ་བ། ཧཱུཾ། རྒྱུད་དྲུག་ཡེ་ཤེས་དྲུག་ཏུ་སྒྲོལ་ཅིང་སྤོར། །སྟག་ཆེན་རུས་པའི་རྒྱན་དྲུག་སྙིང་འཕྲེང་གྲི །རྡོ་རྗེ་གསང་བའི་གིང་ཆེན་སྐུ་ལ་འབུལ། །ཞེས་ཆས་གོས་རིམ་པར་གསོལ་ལོ། །རྡོ་རྗེ་སློབ་དཔོན་དང་རྒྱལ་(༢༢ན)
ཚབ་གཉིས་ལ་ཆས་ལྷན་དུ་འབུལ་ཞིང་ཡུམ་ཆས་བུ་མོ་མེད་ན་ཐིག་སྣ་འཛིན་མཁན་དང་སྨན་བརྡུང་མི་གིང་ཆས་ཉུལ་ལེ་སྐྲོད་མཁན་ལ་འབུལ་ཞིང་དམངས་མར་ཆས་སོགས་འབུལ་མི་དགོས། དངོས་གཞིའི་ས་བཅད་བཅུ་གསུམ་པ་མངའ་གསོལ་བ་ནི། མར་ཆང་སྐྱོགས་བཀང་རིམ་པར་དྲངས་ཤིང་འདི་སྐད་དོ། །ཧཱུཾ། སངས་རྒྱས་གདུང་གསོབ་རྡོ་རྗེ་རྒྱལ་པོ་འདི། །སྐུ་གསུང་ཐུགས་དང་ཡོན་ཏན་འཕྲིན་ལས་རྫོགས། །དུག་ལྔ་རྩད་གཅོད་དངོས་གྲུབ་ཀུན་འབྱུང་གནས། །སྟོན་པའི་སྒྲོན་མར་མངའ་གསོལ་དགྱེས་པར་བཞུགས། །སྐྱེམས་དྲང་ངོ་། །ཀུན་ལ་དེས་འགྲེའོ། །ཧཱུཾ། བླ་མའི་གདུང་གསོབ་སྐུ་གསུང་ཐུགས་ཀྱི་སྲས་གྱུར་པ། །དམ་ཆོས་ཆར་འབེབས་ཚེ་དང་བསོད་ནམས་སྤེལ། །དབང་བསྐུར་འཕྲིན་ལས་རྣམ་བཞི་མཐར་ཕྱིན་པ། །རྒྱལ་ཐེབ་སྟོན་པར་མངའ་གསོལ་དགྱེས་པར་བཞུགས། །གཉིས་མེད་བདེ་བསྐྱེད་མཚན་ཉིད་རབ་ཏུ་བཟང་། །ཀུན་བཟང་ཡུམ་དུ་མངའ་གསོལ་དགྱེས་པར་བཞུགས། །ཕྱི་ནང་མཚམས་གཅོད་བར་ཆད་ཐམས་ཅད་བསྲུང་། །རྡོ་རྗེ་མཚམས་པར་མངའ་གསོལ་དགྱེས་པར་བཞུགས། །འཕྲིན་ལས་གཞུང་སྲོང་གཟུགས་ཕུང་ལྷ་ལ་སྟོབ། །རྡོ་རྗེ་གིང་ཆེན་མཆོག་ཏུ་མངའ་གསོལ་ལོ། །དངོས་གྲུབ་དགྲ་བགེགས་གཉིས་སུ་དྲོད་ཚད་མཁྱེན། །ཡེ་ཤེས་སྤྱན་མར་མངའ་གསོལ༝། །ཕུར་གཙང་བགོ་མཁས་ཕྱི་ནང་རྩ་འབྱེད་མཁས། །གིང་གི་ཕྱག་ཚང་ཆེན་པོར་མངའ་གསོལ་བ། །གཡོས་མཁས་ལྷག་ཆར་མེད་ཅིང་གཙང་སྦྲ་ལྡན། །རྡོ་རྗེ་བྱན་མོར་མངའ་གསོལ༝། །གསལ་དག་འཛབ་མཁས་དད་ལྡན་བརྩོན་པར་བྱ། །གསེར་འཕྲེང་མཆེད་རྣམས་མངའ༝། །ཀུན་གྱི་བཀའ་སྒྲུབ་ཕྱི་ཡི་ཉུལ་ལེ་སྐྲོད། །རྡུལ་ཕྱག་(༢༢བ)
སྐྱེས་བུར་མངའ་གསོལ་དགྱེས་པར་བཞུགས། །ལས་ཀྱི་རྡོ་རྗེ་མ་ད་ན་ཐོད་པ་གང་སློབ་དཔོན་གྱི་ཕྱག་ཏུ་ཕུལ་བས་ཚིག་དང་བསྟུན་ཏེ་སྒྲོན་སྐྱོགས་ཀྱིས་བཅུས་ནས་ཕུལ་རིམ་གྱི་གྲལ་པ་རྣམས་ལ་སོ་སོའི་མངའ་གསོལ་དང་བསྟུན་ཏེ་འགྱེད། ཚིག་ནི་སློབ་དཔོན་གྱི་རྗེས་ཟློས་བྱ། དངོས་གཞིའི་ས་བཅད་བཅུ་བཞི་པ་སྨན་སྒྲུབ་བྱེད་ན་འདི་ནས་བཟུང་སྨན་ཁྲལ་བུ་ཞག་གསུམ་གྱི་བར་ཞི་བའི་དཀྱིལ་འཁོར་དུ་བསྒྲུབས་ནས། དེ་རྗེས་བཀའ་བརྒྱད་ལས་གཞུང་བསྲངས་ཏེ་ཕྱེ་མ་བསྒྲུབ་པ་སོགས་གཞུང་དང་ཕྱག་ལེན་མན་ངག་ལས་ཤེས། དབང་རྐྱང་པ་བསྐུར་ཚེ་ཆེ་མཆོག་གི་རྟེན་ཐོད་དུ་སྨན་ཅུང་ཟད་བླུག་སྟེ་ཉིན་བསྒྲུབ་མི་དགོས་པར་སང་ལས་གཞུང་བསྲངས་ནས་འཛབ་ཀྱི་དུས་སྨན་ལ་དམིགས་ཏེ་ཞི་ཁྲོའི་དམིགས་སྔགས་བཟླས་བརྗོད་ཅུང་ཟད་བྱེད་པ་ཡིན་ནོ། །དངོས་གཞིའི་ས་བཅད་བཅུ་དྲུག་པ་བརྡ་སྒོ་དབྱེ་བ་འདི་ནས་བཟུང་བྱིན་འབེབས་ཡན་ལ་མན་ངག་ལས་བདུན་དུ་གྲགས་པའི་དང་པོ་ནི། རྣལ་འབྱོར་པ་རྣམས་ཕྱག་རྒྱ་བསྒྱུར་ཞིང་བཞེངས་ལ་འདི་སྐད་དོ། །ཧོ། ཡེ་ནས་རྣམ་དག་ཀུན་ལྡན་པ། །ཧེ་རུ་ཀ་ཡི་གནས་བཅུ་དང་། །དུར་ཁྲོད་ཆེན་པོའི་དཀྱིལ་འཁོར་དུ། །ལྷ་དང་སློབ་དཔོན་རྡོ་རྗེ་མཆེད། །ཕྱོགས་བཅུ་ཀུན་ནས་འདུས་པ་རྣམས། །གསལ་ལ་དོན་རྟོགས་རྣལ་འབྱོར་པས། །མ་བུའི་འདུ་ཤེས་ཉེར་བཞག་སྟེ། །རྣལ་འབྱོར་སྤྱོད་མཆོག་ཕྱག་བགྱིད་པ། །བྱམས་དང་སྙིང་རྗེ་དགའ་བཏང་སྙོམས། །ཤར་ལྷོ་ནུབ་བྱང་སྒོ་ཕྱེ་ཞིག །བྷྲཱུཾ་པྲ་བེ་ཤ་ཡ་ཕཊ། ཅེས་སྒོ་ཞིང་ཞི་ཁྲོ་ཡོངས་རྫོགས་ལྷ་དང་མཇལ་བར་བསམ་མོ། །དངོས་གཞིའི་ས་བཅད་བཅུ་བདུན་པ་བརྡ་ཕྱག་བཅལ་བ་ནི། ཧོ། བླ་མ་ཡི་དམ་མཁའ་འགྲོ་དགོངས། །ཞི་ཁྲོ་ཡོངས་རྫོགས་ལྷ་ཚོགས་ལ། །སྒོ་གསུམ་དང་(༢༣ན)
བས་བརྡ་ཕྱག་འཚལ། །རང་དང་གཉིས་མེད་མཇལ་ཕྱག་བཞེས། །ཨ་ཏི་པུ་ཧོ། ཞེས་ལྷ་ཚོགས་མཚན་དོན་ནས་ཕྱག་མང་དུ་བྱས་ཏེ། ལུས་འཕར་རྐྱང་བྱའོ། །དངོས་གཞིའི་ས་བཅད་བཅོ་བརྒྱད་པ་རྟགས་བཏབ་པ་དཔོན་སློབ་ཚང་མར་བྱེད་དགོས་པས། གོང་གི་ཆས་གོས་གསོལ་བས་ཀྱང་ཆོག་སྟེ། ནན་ཏན་ཐུགས་རྗེས་འཛིན་པར་བྱ་བ་ནི། སྐོང་བུ་ཁ་གསུམ་པར། ཞུན་ཆེན། རཀྟ། ཐལ་ཆེན་སྦྱར་ཏེ། ཧཱུཾ། ཧེ་རུ་ཀ་ཡི་གནས་བཅུ་དང་། །དུར་ཁྲོད་ཆེན་པོའི་གནས་བརྒྱད་ནས། །དབང་ཆེན་བསྐུར་དང་བྱིན་བརླབ་ཕྱིར། །དཔལ་ཆེན་མཁའ་འགྲོ་གིང་གསུམ་དང་། །རྣམ་ཐར་གཅིག་ཏུ་བསྲེ་བའི་ཕྱིར། །ཞུན་ཆེན་རཀྟ་ཐལ་བས་ཚོན། །སྔོན་གྱི་ཐ་ཚིག་རྟགས་ཀྱི་རྒྱ། །ཨཱོཾ་སརྦ་ན་ལེརྒ་ཨ་བྷི་ཥིཉྩ་ཧཱུཾ། ཞེས་ཞག་གི་ཟོ་རིས་རཀྟའི་ཐིག་ལེ། ཐལ་ཆེན་ཚོམ་བུ་གདབ་བོ། །དངོས་གཞིའི་ས་བཅད་བཅུ་དགུ་པ་དམ་བཅའ་བ་ནི། རྣལ་འབྱོར་བ་རྣམས་དཀྱིལ་འཁོར་ལ་བསྐོར་ཟེར་ཡང་དེང་སང་མི་བསྐོར། གཅིག་གི་འཕྲེང་བ་གཅིག་ལ་སྦྲེལ་ཏེ་འདི་སྐད་དོ། །ཧཱུཾ། དུས་གསུམ་རྒྱལ་བའི་དགོངས་སྤྱོད་ཅི་འདྲ་བར། །དེ་འདྲ་ཁོ་ནར་བདག་ཀྱང་འགྲུབ་གྱུར་ཅིག །སྐུ་གསུམ་ལྷུན་གྲུབ་ཡེ་ཤེས་ལྔ་རྫོགས་པའི། །གཉིས་མེད་བཀའ་དང་མཐུན་པའི་སྒྲུབ་ཐབས་འདི། །སྲོག་གི་ཕྱིར་ཡང་མི་གཏོང་སྒྲུབ་ལགས་ཀྱི། །རྡོ་རྗེ་རྒྱལ་པོས་བྱིན་གྱིས་བརླབ་ཏུ་གསོལ། །ལྔ་བརྒྱ་ཐ་མ་དུས་ཀྱི་འཇིག་རྟེན་འདིར། །སངས་རྒྱས་མཛད་པ་མ་ལུས་བདག་གིས་བཤད། །བདག་གི་བསམ་པ་མ་ལུས་འགྲུབ་གྱུར་ཅིག །འདའ་ཀ་ཁྱེད་ཀྱི་དམ་ཚིག་རྟག་ཏུ་བསྲུང་། །དམ་ཚིག་གཟུངས་ཀྱིས་བསྡུས་པའི་འཕྲེང་ཐག་ལ། །རིག་པ་སྲོག་གིས་བསྡུས་པའི་ལུ་གུ་རྒྱུད། །རྟགས་དང་(༢༣བ)
དོན་གྱི་དམ་ཚིག་མི་འབྲལ་བཟུང་། །སྐུ་གསུང་ཐུགས་ཀྱི་དངོས་གྲུབ་མ་ཐོབ་བར། །ལུས་དང་སྲོག་གི་ཕྱིར་ཡང་མི་གཏོང་ངོ་། །ས་མ་ཡ་ཧཱུཾ། དམ་བཅའ་བཅུ་གཉིས་པ་ཟེར་བ་ལོགས་སུ་ཡོད་པ་ཡང་ལེན་ཞིང་ཐོག་མཐའ་གཉིས་ལ་བྱ་རྒྱུན་དུ་བཞག་ན་རྒྱས་བསྡུས་རན་པ་ཡོང་། དངོས་གཞིའི་ས་བཅད་ཉི་ཤུ་པ་བཤགས་པ་བྱ་བ་ནི། ཡེ་ཤེས་སྐུ་མཆོག །འཁོར་བ་དོང་སྤྲུགས་དྲི་མེད་བཤགས་རྒྱུད་ནས་ལེན། ཆོས་ཚན་ནང་གི་རྒྱུན་བཤགས་ནར་མ་བྱའོ། །དངོས་གཞིའི་ས་བཅད་ཉེར་གཅིག་པ་བྱིན་དབབ་པ་དཀྱིལ་འཁོར་དང་སྨན་ལ་བྱིན་འབེབས་རྒྱུ་སྨན་སྒྲུབ་མེད་ན་ཚང་མར་ལས་བྱང་ཡོད་ཚེ་ཉིན་དང་པོ་དཀྱུས་ལྟར་དེ་ནས་ལས་བྱང་ལ་བྱིན་འབེབས་རྒྱས་པ་ཡེ་ཤེས་སྐུ་མཆོག་སོགས་སྦྱོར་བས་འཐུས་པ་འདྲ་ཡང་ད་ལྟ་རྒྱུན་དུ་མཛད་པ་ནི། བདག་ཉིད་དད་པས་དུང་སེམས་ཀྱིས་སྙིང་གའི་ཧཱུཾ་ལས་འོད་འཕྲོས། ཕྱོགས་བཅུའི་བདེ་གཤེགས་ཡོངས་རྫོགས་འདུས་ནས། དཀྱིལ་འཁོར་བྱིན་རློབ་བདག་ལ་དབང་བསྐུར་དམ་ཅན་གྱིས་དངོས་གྲུབ་ཆར་འབེབས་བར་ཆད་ཐམས་ཅད་སེལ་བར་བསམས་ཏེ། རྣལ་འབྱོར་པ་ཀུན་རོལ་མོ་སྣ་ཚོགས་བསྒྲག་ཅིང་གུ་གུལ་ནག་པོ་དང་གསུར་ཆེན་སྦྱར་ཏེ་དཀྱིལ་འཁོར་གཡོན་དུ་ལན་གསུམ་བསྐོར་ཅིང་འདི་སྐད་དོ། །སྟོང་གསུམ་སྟོང་གི་འཇིག་རྟེན་ན། །ཕྱོགས་བཅུ་སྟོང་གི་འཇིག་རྟེན་ནས། །རང་བཞིན་མཎྜལ་ཆེན་པོ་ནས། །ཞི་ཁྲོ་ཡོངས་རྫོགས་གཤེགས་སུ་གསོལ། །དཀྱིལ་འཁོར་བྱིན་ཕོབ་བདག་དབང་བསྐུར། །ཧེ་རུ་ཀ་ཡི་གནས་བཅུ་དང་། །དུར་ཁྲོད་ཆེན་པོའི་གནས་བརྒྱད་དང་། །འོག་མིན་ལྷུན་གྲུབ་གནས་མཆོག་ནས། །སྐུ་གསུང་ཐུགས་ཡོན་འཕྲིན་ལས་བདག །ལྷ་དང་རིགས་འཛིན་དམ་ཅན་གྱིས། །མཎྜལ་བྱིན་རློབས་བདག་(༢༤ན)
དབང་བསྐུར། །ཞི་ཚོགས་འོད་དང་ལམ་སེ་ལམ། ཁྲོ་ཚོགས་ཧཱུཾ་སྒྲ་དིར་རི་རི། །རིགས་འཛིན་བྱིན་ཆེན་ཐིབས་སེ་ཐིབ། །མཁའ་འགྲོ་གར་སྟབས་ཤིགས་སེ་ཤིག །ཆོས་སྐྱོང་རུ་མཚོན་ལྷུབས་སེ་ལྷུབ། །རྟགས་དང་མཚན་མ་བསྟན་པ་དང་། །སྐུ་གསུང་ཐུགས་ཀྱི་དངོས་གྲུབ་སྩོལ། །ས་མ་ཡ་ཧོ། ས་མ་ཡ་སྟྭཾ། ཨ་ལ་ལ་ཧོ། ཨ་བེ་ཤ་ཡ་ཨ་ཨ། ཞེས་བྱིན་ཐིབས་མ་བྱུང་བར་དུ་བསྐྱར་ཏེ་དབབ་བོ། །གཞན་ཡང་ཚིག་བདུན་གསོལ་འདེབས། དུར་ཁྲོད་ཆས་བརྒྱད་ཀྱི་རིགས་འཛིན་ཌཱ་ཀི་ཡར་བྱིན་དབབ་བོ། །དངོས་གཞིའི་ས་བཅད་ཉེར་གཉིས་པ་ཕུད་གཏོར་བརླབ་ཅིང་དྲངས་པ་ལས་བྱང་ཀུན་གྱིས་ཤེས་ན་དང་ཕལ་ཆེན་གྱིས་མི་ཤེས་ན་བླ་མ་གཅིག་པུས་བྱིན་གྱིས་བརླབ་པ་ནི། བྱིན་རླབས་སྒྲུབ་ཁོག་བཞིན་བྱ་སྟེ་རྒྱལ་ཐབས་ཀྱིས་རྫས་རིམ་པར་བླངས་ཏེ། བླ་མ་ལ་འབུལ་ཅིང་དཀྱིལ་འཁོར་མཐར་དགོད་དོ། །ཧཱུཾ། བཀའ་གསང་རྨད་བྱུང་དཀྱིལ་འཁོར་དུ། །བླ་མ་ཡི་དམ་ལྷ་ཚོགས་ཡོངས་རྫོགས་ལ། །རང་བྱུང་ཆོས་ཀྱི་དབྱིངས་ཀྱི་ཀོང་བུ་རུ། །རིག་པ་ཡེ་ཤེས་མར་མེ་གཏམས་ཏེ་འབུལ། །ཨ་ལ་ལ་སྟེ་བཞེས་སུ་གསོལ། །རྩ་བརྒྱད་སྟོང་སྦྱར་ཨ་མྲྀ་ཏ། །སྐུ་ལྔ་ཡེ་ཤེས་ཡོངས་རྫོགས་འབུལ། །ཨ་ལ་ལ་སྟེ་བཞེས་སུ་གསོལ། །གཞོང་པ་རྣམ་དག་གཏོར་མ་ལྷ། །འདོད་ཡོན་ཡོངས་སུ་རྫོགས་པར་འབུལ། །འཁོར་བ་ཡོངས་བསྒྲལ་མཁའ་དབྱིངས་དག །ཆགས་མེད་རཀྟའི་མཉེས་མཆོད་འབུལ། །ཨ་ལ་ལ་སྟེ་བཞེས་སུ་གསོལ། །འབྲུ་བཅུད་སྟོང་སྦྱར་དཔའ་བོའི་རྫས། །གཟི་བརྗིད་བསྐྱེད་ཕྱིར་ཛ་གད་འབུལ། །ཨ་ལ་ལ་སྟེ་བཞེས་སུ་གསོལ། །དངོས་གཞིའི་ས་བཅད་ཉེར་གསུམ་པ་འཕྲུལ་འཁོར་བསླབ་བྱ་བསྟན་པ་ནི། དཔལ་གསང་(༢༤བ)
འདུས་རྒྱུད་ལས། ཡེ་ཤེས་ལྷ་ལ་རང་རྒྱུད་པ། །རྩིས་གདབ་ཁྲིགས་སུ་བཅད་པ་མེད། །གདུལ་བྱའི་མོས་བློ་དང་མཐུན་པར། །ཆོས་སྐུའི་རང་རྩལ་ཅིར་ཡང་སྣང་། །ཡང་ན་ཞི་ཁྲོ་སྒོས་སྒྲུབ་བམ། །དྲང་བའི་དོན་དུ་འཁྲུལ་ཤེས་བྱ། །ཞེས་དང་། ཡང་ལེའུ་དགུ་པ་ལས། གདུལ་བྱའི་བློ་རིག་ཐ་དད་པས། །སྐུ་གསུང་ཐུགས་ཡོན་འཕྲིན་ལས་ཀྱི། །བྱེ་བྲག་སྒྲུབ་ལ་མོས་ན་ཡང་། །འདི་ཡིས་བསྙེན་སྒྲུབ་སྐབས་ལ་སྦྱོར། །བདེ་བར་གཤེགས་ལ་རང་རྒྱུད་མེད། །གང་ལྟར་མོས་བསམ་དེ་ལྟར་འགྲུབ། །ཅེས་པས་སྤྱིར་གསང་སྒྲུབ་ཆེན་མོ་འདི། །ཞི་ཁྲོ་བཀའ་བརྒྱད་ཐམས་ཅད་ཀྱི་སྤྱི་ཁོག་སྐྱེད་བྱེད་མ་ལྟ་བུ་ཡིན་པས། སྔོན་རྗེས་ཆོག་ཁྲིགས་འདི་སྦྱིན་ལ། །འདོད་ལྷའི་མཚན་དང་རྫས་གར་དགོས་སུ་བཅུག་སྟེ། བར་འདིར་རང་གི་སྒྲུབ་གཞུང་ཞི་ཁྲོ་ཡང་ཕུར་བདུད་རྩི་མ་མོ་པདྨ་ཐུགས་རྗེ་ཆེན་པོ། །ཕྱག་རྡོར་གང་བྱེད་འདིའི་སྒྲོམས་ནས་འདོན་པས། །ཁྱད་པར་མཆོག་ཏུ་འགྱུར་རོ། །དཀྱིལ་འཁོར་ནི་འདིའི་བསྙེན་སྒྲུབ་ལས་གསུམ་གྱི་བཀོད་པ་རྫོགས་པས། ཕོ་བྲང་བསྒྱུར་མི་དགོས། སྐབས་སུ་གསོ་བར་འཐད་དོ། །གཞན་རང་གཞུང་ལྟར་བསྒྱུར་རོ། །ཞལ་གདམས་འདི་རྣམས་ཀྱང་ཀུན་ཏུ་འཕྲུལ་ཤེས་པར་བྱའོ། །རྒྱུད་ལས་འཕྲུལ་འཁོར་བདེ་ལ་དོན་མི་འགྱུར། །ཞེས་པ་ཡང་དེ་ཉིད་ལས་སྒྲུབ་ཆེན་ཁོག་ནས་སྒྲུབ་འཕྲིན་ཀུན་ཕྱུངས་པས་མ་ཚང་བ་ཁ་སྐོངས་དངོས་གྲུབ་ཚར་རོ། །སྒྲུབ་ཆེན་འདི་ལྟ་བུའམ་སྒྲུབ་ཆེན་གཅིག་གྲུབ་ནས་བདེ་བར་གཤེགས་པ་གང་ནས་ཐམས་ཅད་ཀྱི་ལས་ཚོགས་སྤྱད་པས་འགྲུབ་བོ། །སྤྱིར་ལས་ཚོགས་མན་ངག་ཐམས་ཅད་བཀའ་རྒྱ་སྤྱི་ཁོངས་འཕྲུལ་ཤེས་པར་བྱའོ། །སྒྲུབ་ཆེན་འདིའམ་གཞན་ཡང་ཕུར་པ་ལ་སོགས་སྐབས་འདིར་སྦྱར་ཡང་(༢༥ན)
རུང་སྟེ། སྔོན་འགྲོ་དང་བཅས་པའི་བསྐྱེད་རྫོགས་ལས་གཞུང་ཚར་ཏེ། ཉིན་མཚན་རེ་རེ་མ་ཆག་པར་བྱའོ། །ནང་ནུབ་ཀྱང་ལས་བྱང་ཚར་རེ་ཚོགས་ཡན་ཆད་བྱ། ལས་གཞུང་ནམ་སྲོང་རེས་གཏོར་མ་གསར་པ་རེ་ཡང་བཤམ། སྨན་རཀ་མཆོད་པ་ཡང་གསོ། གཙོ་བོའི་འཛབ་བམ་དྲིལ་འཛབ་ལ་གསུང་མི་ཆད་བྱ། སྤྱིར་འཛབ་ལ་བརྩོན་པ་ཏིང་ངེ་འཛིན་དང་མཐུན་པར་བྱའོ། །རྡོ་རྗེ་རྒྱལ་པོས་ནི་དེ་བཞིན་ཉིད་ཀྱི་ཏིང་ངེ་འཛིན་སྒྲུབ་པའི་བར་དུ་བསྒོམ་པ་ནི་གནད་ཀྱི་གདམས་པའོ། །བསྐྱེད་རིམ་མཆོད་བསྟོད་བསྐུལ་ལ་སོགས་པ་ཡང་རྣམ་རྟོག་རང་ག་མར་མ་ཤོར་བར་ཏིང་ངེ་འཛིན་འབྲེལ་བས་ཆུ་ཟླའམ་འཇའ་ཚོན་ལྟར་སྣང་ལ་རང་བཞིན་མེད་པ་ངོ་བོ་སྟོང་། རང་བཞིན་གསལ། མཚན་ཉིད་གཉིས་སུ་མེད་པ་དབྱེར་མེད་ཙམ་དུ་ཡང་ཡིད་ཀྱིས་མ་བཅིངས་པར་ཉམས་སུ་བླངས་ཏེ། དེ་ཡང་སྟོང་པ་ཆོས་སྐུ། སྣང་བ་སྤྲུལ་སྐུ། དབྱེར་མེད་དུ་ལོངས་སྤྱོད་པ་ལོངས་སྐུ། སྐུ་གསུམ་ཡོངས་རྫོགས་བདེན་པ་དབྱེར་མེད། ཡིད་རྟོག་གིས་མ་བཅིངས་པར་གོམས་པར་སྦྱངས་པས། ཅི་སྤྱད་གྲོལ་ལམ་ཆེན་པོར་འགྱུར་བས། སྒྲུབ་པ་དབུ་ཞབས་ཀྱི་ཆོག་ཁྲིགས་ནས་སྤྱོད་ལམ་རྣམ་བཞིར་འབྲེལ་བ་གལ་ཆེའོ། །དེ་ཡང་འགའ་ཞིག་སྤྲོས་པ་ལ་མི་དགའ་བ་སྙོམ་ལས་ཅན་གྱི་བློ་ལ་ཆོ་ག་རིམ་པ་མང་བར་སྣང་བས་བློ་སུན་ཅིང་ཁམས་གཟིངས་པར་སྣང་ན་ཡང་ལོག་ལྟ་མི་རུང་སྟེ། ཁྲིགས་དུམ་སྤུངས་པར་ཡང་ཏིང་ངེ་འཛིན་དང་མོས་པ་ཙམ་ལ་བརྟན་ཀྱང་མི་འགལ་ལོ། །བློ་དང་ཁམས་ཀྱི་ནུས་ཚད་ཀྱི་གཞུང་རྒྱས་པར་ཁྲིགས་བརྐྱང་ན། ངེས་པར་དངོས་གྲུབ་ཆེ་ལ་མྱུར་རོ། །ཅིའི་ཕྱིར་ཞེ་ན། ཆོ་ག་ཕྲ་མོ་ཡན་ཆད་ཀྱང་ཕལ་ཆེར་རྒྱུད་ལ་བྱུང་ཞིང་། འགའ་ཞིག་ནི་བླ་མ་སྒྲུབ་པ་བརྙེས་པའི་བཀའ་སྲོལ་ཕྱག་(༢༥བ)
བཞེས་དང་ཌཱ་ཀི་མའི་ལུང་དང་ཨྱོན་ང་ཉིད་ཀྱིས་ཡང་ལེ་ཤོད་དུ་ཉམས་དང་སྦྱར་བ་ཡིན་པས། ཀུན་ཏུ་ཐེ་ཚོམ་སྤོངས་ལ་སྒྲུབས་ཤིག །གང་ཐེ་ཚོམ་ཅན་དང་རྒྱུ་བླང་སྟེ། དེས་ཆོག་གཟུ་ལུམ་མཁན་ལ་དངོས་གྲུབ་ཏིལ་འབྲུ་ཙམ་ཡང་མེད་དོ། །དད་མོས་ཁོ་ནས་ཉམས་སུ་བླང་བར་བྱའོ། ཁམས་ཀྱི་མ་ནུས་པ་དང་། མོས་པ་དག་པ་ཐད་ཀའི་ཏིང་ངེ་འཛིན་དྲན་པ་ལ་རྒྱས་བསྡུས་སྣང་ངོ་། །ལར་ལྟ་བས་ཟིན་ཅིང་འཕྲུལ་ཤེས་པ་གནད་ཆེའོ། །རྡོ་རྗེ་རྒྱལ་པོས་སྒྲུབ་མཆེད་རྣམས་ལ་ཆེར་བསྐྱེད་དེ། ནང་རེ་ནུབ་རེ་ཀུན་དགེ་སྦྱོར་ལ་འདི་སྐད་བསྐུལ། ཧོ། སྐལ་བ་དང་ལྡན་པའི་མཆེད་རྣམས་དང་རྣལ་འབྱོར་པ་རྣམས། སློབ་དཔོན་ནི་ཡི་དམ་ལྷའི་དངས་མར་བཟུང་ཞིག །བླ་མ་ལ་མིའི་འདུ་ཤེས་བསྐྱེད་དུ་མི་རུང་ངོ་། །སྐུ་གསུམ་ལྷུན་གྲུབ་སྙིང་པོར་སྒོམས་ཤིག །དེ་དང་མཉམ་པའི་ཡོན་ཏན་འབྱུང་ངོ་། །མཆེད་ལྕམ་རྣམས་ཡེ་ཤེས་ལྷ་དང་ལྷ་མོར་སོམས་ཤིག །འཇིག་རྟེན་གྱི་འཁྲུལ་གཏམ་དང་ངན་རྟོག་སྤོངས་ཤིག །བཞད་གད་དང་བྲེ་མོའི་གཏམ་དང་སྨྱོ་འཐབ་དང་གཟི་བཅོས་དང་དྲེགས་སྤྱོད་བཙོག་སྤྱོད་མ་བྱེད་ཅིག །བདུད་ཀྱི་གླགས་འཚོལ་ནི་མང་ངོ་། །དངོས་གྲུབ་སད་ལ་མ་བསྐུར་ཅིག །གཞན་ཡང་འཇིག་རྟེན་འདིའི་ཆེད་དུ་འཇུག་སྙམ་པའི་སེམས་མ་བྱེད་ཅིག །གཅིག་ལ་གཅིག་ཟུར་དམོད་འཆའི་སེམས་གཏོང་ཞིང་ཁྲོ་ཚིག་མ་བྱེད་ཅིག །བསྐྱེད་རྫོགས་ཏིང་ངེ་འཛིན་སྐབས་སུ་སྒྲ་ངན་མ་འདོན་ཁུས་མ་འདེབས། སློབ་དཔོན་རྣམས་ཀྱིས་ཕ་ལྟ་བུའི་སེམས་བསྐྱེད་ལ། བརྩེ་བའི་སྙིང་རྗེ་བྱམས་པས་མི་ཤེས་པ་རྣམས་ལ་སློབས་ཤིག །མཆེད་ལྕམ་རྣམས་ཀྱིས་ཀྱང་རྒྱལ་ཐེབས་ལས་ཀྱི་སློབ་དཔོན་དུ་སྤྱི་གཙུག་གི་རཏྣར་ཁུར་ཅིག །སྒོས་མཐུན་ནང་བསྡེབས་ཕྱོགས་རིས་དང་ཕག་ཁ་ཉེ་རིང་མ་བྱེད་ཅིག །གཟུངས་མ་རྣམས་ཀྱིས་ཀྱང་བཟའ་(༢༦ན)
ཤུག་སུ་འདུ་བར་མ་སེམས་པར་མཐོང་ངོ་དང་ཆགས་སེམས་དང་མིག་སེར་དང་ཕྲག་དོག་སྤོངས་ཤིག །སྒོས་མཛའ་དང་གཡོ་ཁྲམ་མ་བྱེད་པར་གང་ལ་གང་དགྱེས་བཞེད་པ་སྐོང་ཞིག །ལྕམ་དྲལ་རྣམས་གཅིག་ལ་གཅིག་བརྙས་བཅོས་མི་རུང་། རེ་ཆེ་དང་ཞེ་བཞག་མ་བྱེད་ཅིག །འཛབ་བཟླས་ཀྱི་སྒྲ་མི་བཅག་ཆང་དབང་དང་གཉིད་དབང་དང་ལེ་ལོའི་ཚོད་ཡོད་ཡེངས་མ་ལམ་དུ་དུས་མ་འདའ་བར་སྒྲུབ་པ་ལ་བརྩོན་ཞིག །བཀའ་བསྒོ་བ་དེ་དག་ལ་གང་སུ་འདས་པ་དེ་ནི་བདུད་དབང་དུ་འགྱུར་རོ། །བདུད་དབང་དུ་སོང་བ་ལ་དངོས་གྲུབ་མེད་པས་སྒྲིམས་ཤིག །བྱམས་པའི་ངག་དང་རྒྱལ་བའི་བཀའ་ཉོན་ཅིག །རྒྱུད་ལས་འཁོར་ལ་བཀའ་བསྒོ་དགེ་སྦྱོར་བསྐུལ་ཅེས་པས་ཡང་ཡང་དུ་བསྒོའོ། །སྨན་སྒྲུབ་ཡོད་ན་འདི་ཉིན་ནས་ཉིན་གསུམ་གྱི་བར་ཞི་བའི་དཀྱིལ་འཁོར་ལ་བརྟེན་ནས་སྔགས་རྒྱུན་འཛིན་དགོས་པ་གོང་དུ་བཤད་པ་ལྟར་རོ། །དངོས་གཞིའི་ས་བཅད་ཉེར་བཞི་པ་ལ་སྨན་སྒྲུབ་མི་བྱེད་ཚེ་སང་ཞོགས་ལས་བྱང་གཞུང་བསྲངས་ནས་གྱེར་ཏེ་དཀྱིལ་འཁོར་སྒྲུབ་འཛབ་ནས་སྔགས་རྒྱུན་བྱེད། ཉིན་གསུམ་གྱི་བར་བུམ་པ་ལ་གཟུངས་ཐག་བཏགས་ཏེ་དབང་བུམ་གྱི་བུམ་པའི་བསྐྱེད་ཆོག་བྱས། བཀའ་སོ་སོའི་སྔགས་གཤམ་དུ་བུམ་དབང་ནས་གསུངས་པའི་བུམ་སྒྲུབ་ཀྱི་ཤམ་བུ་སྦྱར་ནས་ཉིན་གསུམ་སོ་སོའི་དམིགས་པ་ཡང་བསྒྱུར་ནས་རང་དཀྱིལ་འཁོར་གྱི་གཙོ་བོར་བཞུགས་པའི་མདུན་དུ་བུམ་པ་བསྐྱེད། སྨན་སྒྲུབ་ཡོད་ན་ཉིན་གཉིས་གསུམ་ཙམ་ཁྲོལ་བུར་བསྒྲུབ་རིང་བཀའ་བརྒྱད་ཀྱི་ལས་བྱང་དངོས་གཞི་མི་གཏོང་བས་བུམ་པ་མི་བསྒྲུབ། ཕྱེ་མར་བསྒྲུབ་པ་ནས་བཟུང་ཞག་གསུམ་གྱི་བར་ཐུན་པ་ཁག་གཉིས་བྱས་ནས་ཁག་གཅིག་གིས་སྨན་སྒྲུབ་དང་ཁག་གཅིག་གི་བུམ་པ་བསྒྲུབ་(༢༦བ)
དགོས། ཞག་གྲངས་དཔེ་ཙམ་ཡིན། དངོས་གཞི་རྒྱུན་རིང་ཐུང་ཙམ་བྱེད་ལ་རག་ལུས། དཔེར་ན་བུམ་པ་བསྒྲུབས་ཟིན་ནས་དབང་ལ་ཞག་གྲངས་དྲུག་ཙམ་བྱེད་ན་སྤྲ་ཁྲིད་ཀྱི་དགོངས་དམིགས་དང་བཅས་ཞག་གཉིས་ལ་བསྙེན་པ། ཞག་གཉིས་ལ་སྒྲུབ་པ། ཞག་གཅིག་ལ་སྒྲུབ་པ་ཆེན་པོ། ཞག་གཅིག་ལ་ལས་སྦྱོར་གྱི་དམིགས་པ་དང་སྦྲགས་ནས་སྒྲོལ་དབང་དང་འགྲིག་རྩིས་མཛད། ཞི་ཁྲོ་གང་ཡིན་ཡང་སྒྲུབ་པ་ཚུགས་ནས་བཟུང་མན་ངག་ལས་བདུན་ཉིན་སྟར་བྱེད། འཕྲུལ་འཁོར་བསླབ་པ། དགེ་སློང་བསྐུལ་བ་ཚ་རྟིང་ངམ་དགོངས་ཇ་ལྟ་བུ་སྐབས་གང་འགྲིག་ལ་ཉིན་རེ་ཚར་རེ་མཛད། ལས་བྱང་། རབ་དུས་བཞི་མ་གྲུབ་ན་དུས་གསུམ་བྱེད། ཆེ་བ་བསྐྱེད་ལ་བསྐུལ་ཚོགས་ལྷག་ཡན་བྱ། ལྷག་མ་བཙོན་དུ་བཟུང་། ཆད་མཐོ། བསྟན་སྐྱོང་། ཟོར་གཏོར། བྲོ་བརྡུང་གི་བར་ཉིན་རེ་བཞིན་བྱེད། དངོས་གཞིའི་ས་བཅད་ཉེར་ལྔ་པ་བར་ཆད་ཉུལ་ལེ་བསྐྲད་པ་ནི། བར་ཆད་འབྱུང་བའི་དུས་བཤད་པ་དང་བསྟུན་ཁ་ཡར་གྱི་གིང་ཆས་སོགས་སྤྲོད། སྲོད་ལ་དཔོན་སློབ་ཐམས་ཅད་ཀྱི་ཀུན་ཐུབ་རྒྱལ་མོའི་བསྐུལ་དང་བཅས་རྒྱས་པར་མཛད་པ་ལ། སྒྲུབ་པ་ལ་བཞུགས་ནས་དགོངས་མོ་ཉི་མ་ནུབ་ཀ་ཟེར་ལ་ཉུལ་ལེ་བྱ་རོག་སྐད་བསྒྱུར་མ་འོང་སྟེ། རྟགས་སུ་ཉམས་མི་དགའ། གཉིད་འཐིབ་པ་ཡོང་། སྲོད་ལ་བྲང་རྐུན་ནག་མོ་འོང་སྟེ། མར་མེ་བཀྲག་ཉམས་ཆགས་པ་སྐྱེ་དབང་མེད་གཉིད་དུ་འགྲོ། ནམ་ཕྱེད་ན་འདོད་ཆགས་དམར་པོ་ར་ནུ་ཅན་འོང་སྟེ། རྟགས་སུ་དཀྱིལ་འཁོར་སྟེང་དུ་ཞིང་ལྤགས་མགོ་ཐུར་ལ་གཏད་པ་གོན་ནས། སྲུང་མར་བརྫུས་ཏེ་ཆགས་པ་སྤྱོད་ཚུལ་སྟོན་དུ་འོང་ངོ་། །ཕྱེད་ཡོལ་ནམ་སྨད་དུན་རྩེར་འོང་སྟེ། ཉམས་སེང་སེང་བྱིན་(༢༧ན)
མེད་པ་གཅིག་འོང་ངོ་། །ཐོ་རེངས་སྐྱ་རེངས་ཤར་ཙ་ན། །ལག་བསེ་མགོ་མ་འོང་སྟེ། རྟགས་སུ་རིག་པ་འཕྲོག་ཡོང་ངོ་། །ཉི་མ་རྩེ་ཤར་ཙ་ན་གནམ་ཐེ་ནག་པོ་འོང་སྟེ་རྟགས་ཤེས་པ་འཕྱོར་འོང་ངོ་། །འོད་འོང་། ཉི་མ་དྲོས་པ་ལ་ཀླུ་སྲིན་སྔོན་མོ་འོང་སྟེ། རྟགས་སུ་སྙིང་བཅུ་ཧྲིལ་བྱེད། སྒྲུབ་མཆེད་ལ་ནད་དྲག་པོ་གཏོང་ངོ་། །ཉི་མ་ཕྱེད་ཚལ་ཀླུ་ཆེན་འོང་སྟེ། རྟགས་ཉལ་སྙིང་འདོད། གདུག་སེམས་སྐྱེ། དཀར་དམར་སྙིང་ལ་འདོད་པའོ། །ཉི་མ་ཕྱེད་ཡོལ་ནས་བདག་མ་ཡམས་འོང་སྟེ། རྟགས་སུ་ཉམ་ཆུང་ཞིང་བྱིང་བྱིང་བྱེད་པ་འོང་། ཉི་མ་མྱུར་སྨད་ལ་བདུད་ཐེ་བྲང་འོང་སྟེ། རྟགས་སུ་ཚིག་པ་ཟ་རྣམ་སྨིན་མི་དྲན་སྡིག་བྱེད་འདོད་པ་འོང་། དེ་ཡན་ཆད་ནི་དུས་བཅུའི་ཉུལ་ལེ་མ་བར་ཆོད་བྱེད་པའི་ལྟས་ཡིན་ལ། མདོར་ན་དམ་སྲི་རྒྱལ་འགོང་། ས་སྲིན། ཀླུ་སྲིན། སྔགས་པ་དམ་ཉམས། བཙུན་པ་སྡོམ་ཉམས། བོན་པོ་མཐར་ལྷུང་ལ་སོགས་ཤི་འདྲེ་ཉམས་པ་རྣམས་བདུད་ཀྱིས་བསྐུལ་ནས། དུས་ཐམས་ཅད་དུ་ཡང་བར་ཆད་རྩོམ། བཟང་པོར་སྟོན་ཡང་ཉམས་མི་དགའ་བ་དམ་སྲི། དགོངས་ཀ་བྱ་མཆུ་ནག་མོ་འོང་བ་ཤས་ཆེ་བས། དེ་དག་གི་ལྟས་དྲི་ཟློག་པ་ཏིང་ངེ་འཛིན་མི་གསལ་བྱིན་ཆུང་ཉམས་སེང་། སྙིང་མི་དགའ་ཆོས་སྤྱོད་བྱེད་སྙིང་མི་འདོད། ཐེ་ཚོམ་ཕྱོགས་མེད་དུ་སྐྱེ། བླ་མ་མཆེད་ལ་སྣང་བ་ལྡོག །གླུ་གཞས་ལ་རྩི། སེམས་ལས་སུ་མི་རུང་བ་ཐམས་ཅད་དོ། །དེ་ཚེ་ཉུལ་ལེ་བསྐྲད་པ་ནི། རྡོ་རྗེ་མཚམས་པ་ལས་ས་དུས་པས་གིང་ཆས་དཀར་ནག་འཇིགས་པར་ཞུགས་ཏེ་མི་རྐང་མི་ལྤགས་ལྕག་འབྲས་ཅན་སྔགས་ལྡན་དང་འུག་མགོ་བཀལ་བའི་ཐོ་བ་དང་། གུ་གུལ་དུད་པ་ཡང་བཤམས་ཏེ། དྲག་(༢༧བ)
ཏུ་བརྡུང་ཞིང་ཨེ་གྲུ་གསུམ་དམ་སྲིའི་ལིངྒ་གཅིག་ནང་དུ་ཉུལ་ལེ་རྣམས་ཀྱིས་མིང་གིས་སྲི་ལ་བསྐོར་བ་བྲིས་ལ་དགུག་གཞུག་བྱ་ཕོ་ཉ་བཏང་། ཕུར་པ་ཡན་པ་མང་པོ་བླངས་ཏེ། ཨཱོཾ་གྷ་གྷ་གྷཱ་ཏ་ཡ་སརྦ་དུཥྚཱཾ་བཛྲ་དྷ་རོད་ཨ་ཛྙཱ་པ་ཡ་ཏི་སརྦ་བིགྷྣཱན། ཀཱ་ཡ་ཝཱ་ཀྩིཏྟ་བཛྲ་ཀཱི་ལི་ཀཱི་ལཱ་ཡ་ཧཱུཾ་ཧཱུཾ་ཕཊ་ཕཊ། ཅེས་ཧཱུཾ་བཞིའི་སྔགས་དང་སྦྲེལ་ཏེ། ཕུར་བུ་ལིངྒ་ལ་གདབ་པའམ་བོང་མཇིས་བརྡུང་། ལྕག་གི་མཆེད་ཐམས་ཅད་ལ་བྲབ་ཅིང་བསྐྲད་པར་བྱའོ། །གལ་པོ་ནས་ཉུལ་ལེ་རེ་ལ་གཉེན་པོ་རེ་བསྐུལ་ཐབས་ཡོད་ནའང་འདིར་དྲིལ་ནས་བསྟན་པ་ཡིན་ནོ། །ནན་ཏར་ཆོ་འཕྲུལ་ཆེ་ན་འཆམས་སྟབས་སྡང་མིག་ཏུ་བལྟ་ཞིང་། ཆེ་བ་བསྐྱེད་དེ་དཔལ་གྱི་ཕོ་ཉ་ཀུན་ཐུབ་རྒྱལ་པོ་བསྐུལ་བ་ནི། ཧཱུཾ། ཤར་ཕྱོགས་དཀར་པོ་དུང་གི་གཞལ་ཡས་སུ། ཁྲག་མདོག་དམར་མོ་བསེ་ཡི་ལན་འཕྲན་ཅན། སྤྱན་རྩ་དམར་པོ་ཉི་ཟླ་ལྟར་དུ་འཕྲོ། །སྨིན་མ་གློག་འཁྱུག་བར་སྣང་གོ་སྐབས་འབྱེད། །བུ་ཡུག་ཐོག་འབེབས་ཤངས་ནས་རྡོ་རྗེ་འཁྲུག །བཞད་པ་ཧེ་དང་དཔལ་གྱི་སྤུ་གྲིས་གཏམས། །རྔམ་པའི་ལྗགས་འདྲིལ་བསྐལ་པའི་མེ་ཆེན་འབར། །ཨག་ཚོམ་མེ་འབར་རབ་འབྱམས་སྲིད་པ་བསྲེག །བསྐལ་པའི་འབྲུག་སྒྲ་སྙན་ནས་གསུང་སྒྲ་སྒྲོག །ལག་པ་དམར་པོ་སྤུ་གྲི་འབུམ་གྱིས་གཏམ། །སེན་མོ་ལྕགས་ཀྱུའི་རྩེ་ལ་བསྐལ་མེ་འབར། །ཐབས་ཀྱི་གནམ་ལྕགས་བཞུན་མའི་རྡོ་རྗེ་འཁྲུག །སྨིན་མཚམས་ལྕགས་ཀྱི་ཁྲོ་ཆུའི་ཆར་འབེབས་ཤིང་། ཞལ་གྱི་ཕུར་པས་སྲིན་མོ་ལྔ་བརྒྱ་གཟིར། །རལ་པའི་གསེབ་ནས་ཁྲག་གི་ཆར་ཆེན་འབེབས། །ཤིན་ཏུ་མི་བཟད་གཏུམ་ཆེན་ཁྲག་འཐུང་མ། །སྲིན་པོའི་སྙིང་འབྱིན་འཆང་བར་བཅུག་ནས་གསོལ། །ཤིན་ཏུ་མི་བཟད་འབར་(༢༨ན)
བའི་སྐུ་གཅིག་མ། །དཔག་ཚད་ལྔ་བརྒྱར་རྒྱུག་ཅིང་ཀླུ་སྲིན་སྒྲོལ། ཁྲོས་པའི་ཞལ་མདོག་ཁྲག་གི་མཚན་པ་ཁ། །ན་བཟའ་དམར་པོ་སྲིན་གྱི་གཡང་གཞི་གསོལ། །ཕྱོགས་བཅུར་ཁ་བལྟས་ཕྱོགས་སྐྱོང་ཞབས་ཀྱིས་མནན། །དུས་ལ་བབ་ན་སྙིང་ཁྲག་དྲོན་མོ་འཐུང་། །སྲི་ལ་བབ་ན་སྲོག་རྩ་དམར་པོ་གཅོད། །དགྲ་ལ་བབ་ན་དུག་གི་ཁ་ཆུ་འདེབས། །བགེགས་ལ་བབ་ན་རཱུ་པ་རྡུལ་དུ་རློག །དཔལ་གྱི་ཕོ་ཉ་དཔལ་གྱི་ཐུགས་ལས་སྤྲུལ། །དམ་ཉམས་དགྲ་དང་འབྱུང་པོ་བགེགས་ལ་སོགས། །ཕུང་པོ་དུམ་བུར་གཏུབ་ལ་དོན་སྙིང་བསྲེགས། །གྲུམ་བུ་ཨ་པ་རྩེ། རཱུ་པ་རྩེ་ན་རེ། རྩ་མེད་ཐུན་ཐུན་ངན་ཤ་སྟམྦྷ་ཡཀྴ །བི་ན་ཡ་ག །ཕྱེ་མ་ཕྱེ་མ་རྡུལ་ཕྲན་རྡུལ་ཕྲན། ཙིཏྟ་རྦད་ནན་ཅེས་བརྡུང་ངོ་། །སྐབས་སུ་བྲོ་ཡང་གཟིར་རོ། །དགེ་སྦྱོར་གང་ལ་འཇུག་ཀྱང་། ཉུལ་ལེའི་བར་ཆད་འདུལ་བ་འདི་གནད་ཟབ་བོ། །དངོས་གཞིའི་ས་བཅད་ཉེར་དྲུག་པ་རྒྱུན་དུ་འབྱུང་བའི་དངོས་གྲུབ་བླང་བ་དངོས་གྲུབ་ཀྱི་ལྟས་བྱུང་བ་དང་བསྟུན་ལེན་པར་བཤད་ཀྱང་ད་ལྟར་ཕྱག་ལེན་ལ་ཉིན་རེ་བཞིན་ཚོགས་འཁོར་དང་བསྟུན་ནས་ལེན་པ་ནི། ཚུལ་བཞིན་བསྒྲུབ་པའི་གང་ཟག་ལ། དམ་ཅན་དངོས་གྲུབ་རྒྱུན་དུ་སྐྱེལ་བ་ནི། ཉི་མ་དམར་ཐག་ལྷ་སྲིན་སྡེ་བརྒྱད་ཀྱི་དངོས་གྲུབ་སྐྱེལ། དེ་བཞིན་དུ་མུན་ནག་ལ་སྲིན་པོ་དམ་ཅན། གུང་ལ་སྲིད་པ་མ་མོ། ནམ་ཕྱེད་ལ་རེ་མ་ཏི། ཕྱེད་ཡོལ་ལ་མ་བདུན། ནམ་ལངས་ཚེ་དཀར་མོ་བདེ་བཞི། ཐོ་རངས་གིང་བཅོ་བརྒྱད། ཉི་མ་རྩེ་ཤར་རྡོ་རྗེ་སྲིན་པོ། ཉི་དྲོས་ཧ་ལུ་མནྡྷ། ཉིན་ཕྱེད་ཀླུ་དམ་ལྡན། དགོངས་མོ་ཀླུ་སྨན་མཚོ་སྨན་གྱི་དངོས་གྲུབ་སྐྱེལ་དུ་འོང་ངོ་། །གཞན་ཡང་རྒྱུན་དུ་རིགས་འཛིན་མཁའ་འགྲོ་ཆོས་སྐྱོང་དམ་ཅན་རྣམས་དངོས་གྲུབ་ཁྱེར་(༢༨བ)
འོང་སྟེ། ཆོས་དང་ཚེ་རིང་བ་དང་། དབང་དང་མཐུ་དང་སྲིད་དང་ནོར་དང་འབྲུ་ཟས་དང་ལས་སྣ་ཚོགས་པས་དངོས་གྲུབ་གང་ཡོད་སྟེར་རོ། །དངོས་གྲུབ་ལྟས་སུ་སྒྲ་སྙན་གཟུགས་མཛེས་འོད་འདུ་དྲི་ཞིམ་པ་བརྩོན་འགྲུས་རྩོམ་སྙིང་འདོད་པ། ཆོ་ག་ལ་སྤྲོ་བ་ཏིང་ངེ་འཛིན་གསལ་བ། ཉམས་དགའ་བ་བྱིན་ཆེ་གཟེང་མཐོ་དཔའ་བ། སྤོབས་པ་སྐྱེ་བ། སེམས་དཔའ་བ། སེམས་ལས་སུ་རུང་ན། དངོས་གྲུབ་དེ་དག་ལ་དགའ་བྲོད་ཀྱང་མི་བྱ། རྒྱུ་འབྲས་སུ་བལྟ། གོང་དུ་བསྟན་པའི་ཉུལ་ལེ་བར་ཆད་ལྟས་ངན་པ་མཐོང་ཡང་མི་དགའ་བར་མི་བྱ། དེ་བཞིན་ཉིད་ཀྱི་རྩལ་དུ་བལྟས་ཏེ། དྲན་རྟོག་རང་སར་དག་པར་བསྒྲལ་ལོ། །དངོས་གྲུབ་མཚན་ལྟས་བྱུང་ཚེ་ཀ་པཱ་ལ་མཚན་ལྡན་དུ་ཆང་ལ་ཨ་མྲྀ་ཏ་བྲན་ལ་བདུད་རྩི་འཁྱིལ་པར་བསམས་ཏེ་འདི་སྐད་བསྐུལ་ལོ། །ཧཱུཾ། བདེ་གཤེགས་རྒྱལ་བ་རྣམས་ཀྱི་ཐུགས་དམ་དང་། །སྦྱོར་ལམ་ཚོགས་ལམ་གནས་པའི་དམ་ཅན་ཚོགས། །རྣལ་འབྱོར་བདག་ལ་སྔོན་གྱི་ཐུགས་དམ་གྱི། །ཚེ་དང་ཆོས་དང་ལས་བཞི་མྱུར་འགྲུབ་དང་། །རྐང་མགྱོགས་མིག་སྨན་རི་ལུ་མཁའ་སྤྱོད་དང་། །སྲིད་ནོར་ཟས་ཚོགས་མཐུ་རྩལ་དངོས་གྲུབ་སྩོལ། །ཨ་ལ་ལ་ཧོ། བདུད་རྩི་བཏུང་བར་བྱའོ། །རྐྱེན་དེ་ལ་བརྟེན་ནས་རྒྱུན་གྱི་དངོས་གྲུབ་ཐོབ་པར་ངེས་སོ། །དངོས་གཞིའི་ས་བཅད་ཉེར་བདུན་པ་སྒྲུབ་པའི་གེགས་བསལ་བ་དང་། དངོས་གཞིའི་ས་བཅད་ཉེར་བརྒྱད་པ་དངོས་གྲུབ་ཀྱི་ལྟས་བརྟག་པ་གཉིས་སྒྲུབ་ཁོག་ཏུ་གསལ། དངོས་གཞིའི་ས་བཅད་ཉེར་དགུ་པ་དབང་བསྐུར་བ་ལ་དབང་བུམ་ནས། སྤྱི་དོན་གཉིས་པ་དབང་གི་ཆུ་བོ་གང་ཞེ་ན་ཞེས་སོགས་དང་ཅོད་པན་གྱི་དབང་བསྐུར་གོང་དུ་འཇུག་པའི་དུས་(༢༩ན)
ཀྱང་མེ་ཏོག་དོར་བ་དང་འཕྱི་བ་བྱུང་རུང་འདིར་བྱེད་སྲོལ་ཡོད་པ་ཀ་ཊོ་ར་འབྲུས་བཀང་བར་དཔལ་དགུའི་ཙཀ་ལི་སྣོར་མོར་བཀྲམ་ནས་དེར་དོར། དེ་ནས་དབང་བུམ་ལས། རྒྱུ་ངན་ཕ་མའི་ཁུ་ཁྲག་ལ་སོགས་ཀྱི་ལྷར་བསྐྱེད་དོ། །ཡུངས་ཀར་ཙམ་དཀར་ཤར་ཤར་གྱི་བྱིན་འབེབས། སློབ་མ་རིག་པའི་དབང་ལྔ་གར་ཆེ་མཆོག་ཏུ་བསྐྱེད་པས། རིགས་ཀུན་གྱི་ཁྱབ་བདག་ཡིན་པས་ལེགས། དབང་རྫས་ནི་གསར་མ་བ་ཚོ་ཡང་ལྷ་དེ་དང་དེ་འོད་དུ་ཞུ་བའི་རྫས་ཀྱི་རྣམ་པར་བྱེད་པས། འདིར་ཡང་ལྷ་དེའི་ངོ་བོར་མོས་པས་ཁྱབ་བོ། །དེ་ཡང་བུམ་པ་བཟང་པོ་སོགས་ཀྱི་མཇུག་ཏུ། ཞེས་བརྗོད་པས་གོང་གི་ཡིག་འབྲུ་ལྔ་ཞེས་པ་གོང་གི་རྒྱུ་ངན་ཕ་མའི་ཁུ་ཁྲག་སོགས་ཀྱི་ནང་དུ་སློབ་བུའི་གཙུག་ཏུ་ཨཱོཾ་ཨཱཿཧཱུཾ་ཧྲཱིཿཧཱ་ལྔ་ཡིན་ནོ། །ཐལ་མོ་བསྟན་པའི་ཕྱག་རྒྱ་ནི་གཡས་ཀྱི་སོར་མོ་ལྔ་རིགས་ལྔ་ཡབ། གཡོན་གྱི་སོར་མོ་ལྔ་ཡུམ་དུ་གསལ་བའི་དབང་དུ་བཏང་ནས་སོར་མོ་ལྔ་རྩེ་བསྣོལ་བའི་ཕྱག་རྒྱ་མགོ་བོའི་གནས་ལྔར་གཏུགས། བུམ་ཆུ་སྤྱི་བོར་བླུག་ཟེར་བར་ཀུ་ཤས་ལྡུགས། བུམ་ཆུས་དབང་བསྐུར་བྱང་ཆུབ་སེམས་སོགས་ཀྱི་བུམ་ཆུ་སྟེར། དེའི་རྗེས་མ་གཉིས་ལ་བུམ་པ་མགོར་འཇོག །བདུད་རྩིར་ཆུ་རྒྱུན་དག་པས་དབང་བསྐུར་བ་སོགས་ཀྱིས་ཀྱང་བུམ་ཆུ་སྟེར། འདི་མན་ཚང་མར་བུམ་པ་རང་མགོར་འཇོག །གྲལ་ཕྱི་ནང་མང་པོ་ཡོད་ན་གྲལ་རེ་ལ་བུམ་པ་གཉིས་རེ་བསྐོར། གྲལ་གཅིག་ལས་མེད་ན་ཡང་དག་དང་གཤིན་རྗེའི་བུམ་པ་བསྐོར་རྗེས། རྟ་མགྲིན་དང་ཕུར་པའི་བུམ་པ་བསྐོར་བ་སོགས་བརྒྱད་ཀ་བསྐོར་རོ། །བུམ་བསྐོར་མགོར་མི་འཇོག་ལག་པར་འཇོག་པ་བླ་མ་དམ་པའི་ཕྱག་ལེན་དང་གསུང་རྒྱུན་(༢༩བ)
ཡིན་པས་བློར་ངེས་པར་བྱས་ལ། སྤྱི་དོན་གཉིས་བུམ་དབང་གི་ལོ་རྒྱུས་རྣམས་འདི་གར་མཛད་ན་ལེགས། པ་དབང་གི་ཆུ་བོ་གང་ཞེ་ན། རང་རིག་གཞན་དབང་དུ་མ་གྱུར་པའི་ཆོས་སྐུ་རང་ཚུགས་ཐུབ་པའོ། །སྤྱི་དོན་གསུམ་པ་དབང་གི་ངེས་ཚིག་གང་ཞེ་ན། རིག་པའི་རྩལ་སྣང་སྲིད་འཁོར་འདས་ཀྱི་ཆོས་ཐམས་ཅད་ལ་བྱན་ཚུང་དབང་སྒྱུར་བའི་ཕྱིར་དབང་ཆེན་བྱའོ། །སྤྱི་དོན་བཞི་པ་དབང་གི་དབྱེ་བ་བསྟན་པ་ལ་གཉིས་ཏེ། ཁྱད་པར་ཡེ་ཤེས་ཀྱི་དབང་བསྐུར་བ་དང་། ཐུན་མོང་ཐུགས་རྗེའི་དབང་ངོ་། །དང་པོ་ཁྱད་པར་ཡེ་ཤེས་ཀྱི་དབང་ལ་བཅོ་ལྔ་སྟེ། ཕྱི་མཚོན་བྱེད་དཀྱིལ་འཁོར་བུམ་རྫས་ལ་སོགས་པ་ལ་བརྟེན་ནས་ཀྲི་ཡོག་ཡར་ལྡན་གྱི་དབང་རིམ་བརྒྱད་དང་། ནང་ལྷ་དབང་ཡོངས་རྫོགས་ལ་བརྟེན་ནས་མ་ཧཱ་ཨ་ནུ་དྲེགས་པའི་མཐུ་དབང་ལ་སོགས་བྱིན་རླབས་ཡོངས་རྫོགས་ཀྱི་དབང་རིམ་དགུ་དང་། གསང་བ་ཡབ་ཡུམ་སྦྱོར་དབང་བདེ་མཆོག་ལ་བརྟེན་ནས་བྱང་སེམས་ཡོངས་རྫོགས་ས་ལམ་མྱུར་མགྱོགས་ཀྱི་དབང་གསུམ་དང་། ཡང་གསང་དེ་ཁོ་ན་ཉིད་རྒྱལ་ཐབས་སྤྱི་བླུགས་ཀྱི་དབང་ལ་བརྟེན་ནས་ཨ་ཏིཡོ་ག་ཡོངས་རྫོགས་ཀྱི་དབང་རིམ་དྲུག་སྟེ་དབང་རིམ་བཅོ་ལྔའོ། །གཉིས་པ་ཐུན་མོང་ཐུགས་རྗེའི་དབང་ལ་གཉིས་ཏེ། བཀའ་རབ་འབྱམས་ནུས་པའི་དབང་དང་། ཐུན་མོང་ནུས་པའི་དབང་ངོ་། །དེ་ལ་ནུས་པའི་དབང་ལ་རིམ་པ་བརྒྱད། ཐུན་མོང་གི་དབང་རིམ་ལྔའོ། །དེ་ལྟར་རྩ་བའི་དབང་རིམ་ཉེར་བརྒྱད་ལ། ཕྲ་མོར་ཕྱེ་ན་དབང་ལྔ་བཅུ་རྩ་དྲུག །སྒྲུབ་ལུང་ཚུར་དྲིལ་བས་ཉིས་བརྒྱ་སོ་བདུན་ལ་དབང་ཡོངས་སུ་རྫོགས་པར་བསྟན་ནོ། །སྤྱི་དོན་ལྔ་པ་དབང་ཡོངས་རྫོགས་བསྐུར་ཐབས་དངོས་བསྟན་པ་ལ་གཉིས་ཏེ། དབང་རྫོང་བསྙེན་སྒྲུབ་ཀྱིས་(༣༠ན)
ཁོག་དབུབ་པ་དང་། ཇི་ལྟར་དབང་བསྐུར་ཐབས་ཀྱི་ངོ་ཏིའི་རིམ་པའོ། །དང་པོ་དབང་རྫོང་ནི་དབང་གི་བླ་མ་ཕུན་སུམ་ཚོགས་པ་བཅུ་ལྡན་དང་། སློབ་མ་ཕུན་ཚོགས་སྣོད་ལྡན་དང་། དེ་བཞིན་དུ་གནས་གྲོགས་ཡོ་བྱད་དུས་སྒྲུབ་ཆོས་ཕུན་སུམ་ཚོགས་པ་ལ་སོགས་པ། ཕུན་ཚོགས་བདུན་གྱིས་གཞི་བཟུང་སྟེ་སྟ་གོན་གྱི་ལས་ཁྲིགས་བཅུ་གཅིག་གིས་སྔོན་འགྲོ་བྱས་པ་ནི་ཉན་རང་བྱང་སེམས་ཐེག་པ་ཐུན་མོང་གི་དབང་རང་བཞིན་གྱིས་ཐོབ་པར་བྱེད་དོ། །གཞུང་གི་ལས་ཁྲིགས་སོ་བརྒྱད་ཀྱིས་བསྙེན་སྒྲུབ་བྱས་པས་ཚོགས་གཉིས་རྫོགས་ནས་དབང་རྫོང་འཆོས་པར་བྱེད་དོ། །རྗེས་ཀྱི་ལས་ཁྲིགས་བཅོ་བརྒྱད་ཀྱིས་མཐའ་བསྐྱང་པས་དངོས་གྲུབ་ཀྱི་རྒྱུན་བསྲིང་བར་བྱེད་དེ་སྒྲུབ་ཆེན་གཞུང་བཙུགས་དབང་རྫོང་ཆེན་པོ་བཅའོ། །ཇི་ལྟར་དབང་བསྐུར་ཐབས་ཀྱི་ངོ་ཏི་རིམ་པ་ནི། གཞུང་གི་ལས་ཁྲིགས་རྩ་དགུ་པ་དབང་བསྐུར་བའི་སྐབས་སུ་བབ་པ་ཡང་དབང་བསྐུར་བྱ་སྟེ། དེ་ཡང་ཇི་ལྟར་བསྐུར་བའི་ཐབས་ཀྱི་རིམ་པའི་ཁྲིགས་ལ་མདོ་ལེའུ་རྣམ་དྲུག་སྟེ། དང་པོ་ཕྱིའི་དབང་རིམ་བརྒྱད་བསྐུར། གཉིས་པ་ནང་གི་དབང་རིམ་དགུ་བསྐུར། གསུམ་པ་ནུས་པའི་དབང་རིམ་བརྒྱད་བསྐུར། བཞི་པ་ཐུན་མོང་གི་དབང་རིམ་ལྔ་བསྐུར། ལྔ་པ་གསང་ཆེན་གྱི་དབང་རིམ་གསུམ་བསྐུར། དྲུག་པ་ཡང་གསང་སྤྱི་འབྱམས་ཀྱི་དབང་རིམ་དྲུག་བསྐུར་བར་བྱའོ། །དང་པོ་ཕྱིའི་དབང་རིམ་བརྒྱད་ལ། ཐོག་མར་ཅོད་པན་མིང་དུ་བཅས་པའི་དབང་བསྐུར་ཏེ་ཅོད་པན་ཇི་ལྟ་བུ་ཞེ་ན། དར་སྣ་ལྔ་སོར་ལྔ་པར་གཏུབས་ཏེ་ལྔ་དཀྱུས་ལ་སྐུ་ལྔ་ཡེ་ཤེས་ལྔར་བྱིན་གྱིས་བརླབས་ལ་སློབ་བུ་རྣམས་ཀྱིས་ཐལ་མོའི་བར་དུ་བཟུང་སྟེ། ཤར་སྒོ་(༣༠བ)
ནས་འདི་སྐད་ཅེས་ཕོ་བྲང་དབུས་སུ་མིག་བཙུམ་ལ་དོར་བར་བྱ་སྟེ། ཧོ། སྔོན་ཚེ་ཚེ་རབས་གྲངས་མེད་ནས། །དགེ་བའི་སྟོབས་ཀྱིས་བསྟེན་པའི་ལྷ། །ཡི་དམ་ལྷ་མཆོག་གང་ཡིན་ལ། །ད་ལྟ་ཉིད་དུ་འབབ་པར་ཤོག །ཨཱོཾ་བཛྲ་པྲ་ཏི་གྷྲི་ན་ཧོ། ཅོད་པན་དེ་ལྷ་གང་ལ་བབ་པའི་རིགས་མཚན་ལས་གྲས་ཏེ། གསང་མཚན་གདགས་ཏེ་དབུས་སུ་བབ་ན། །རྡོ་རྗེ་ཆེ་མཆོག་འདུས་པ་རྩལ། །ཤར་དུ་རྡོ་རྗེ་ཐུགས་མཆོག་འདུས་པ་རྩལ། །ལྷོ་རུ་རིན་ཆེན་ཡོན་ཏན་འདུས་པ་རྩལ། །ནུབ་ཏུ་པདྨ་ཆེ་མཆོག་འདུས་པ་རྩལ། །བྱང་དུ་ཀརྨ་བཛྲ་དྲག་པོ་རྩལ། །ཤར་ལྷོར་བླ་མེད་རྡོ་རྗེ་གསང་བ་རྩལ། །ལྷོ་ནུབ་རིགས་འཛིན་རྡོ་རྗེ་ཐོད་པ་རྩལ། །ནུབ་བྱང་དྲེགས་པ་རྡོ་རྗེ་མེ་ཏོག་རྩལ། །བྱང་ཤར་དྲག་པོ་རྡོ་རྗེ་སྟོབས་མཆོག་རྩལ། །ཞེས་མིང་གི་དབང་བསྐུར་ཏེ། །ཨཱོཾ་བྷུདྡྷ་བཛྲ་རཏྣ་པདྨ་ཀརྨ་ན་མ་ཨ་བྷི་ཥིཉྩ་ཨཱོཾ་རྡོ་རྗེ་ཆེ་གེ་མོས་ཡི་དམ་ཆེ་གེ་མོའི་གསང་མཚན་གྱི་དབང་དམ་པ་ཐོབ་པར་གྱུར་ཅིག་ཅེས་མེ་ཏོག་བབས་པའི་ལྷ་དེ་ཡི་དམ་དུ་དཔོག་པར་བྱའོ། །དེ་ནས་བླ་མས་ཅོད་པན་གདགས་ཤིང་དབང་བསྐུར་ཏེ། ཧཱུཾ། ཅོད་པན་འདི་ནི་དཔའ་བོའི་རྟགས། །སྨོན་ལམ་མཐུན་པའི་ལྷས་བྱིན་བརླབས། །བར་ཆད་ཀུན་གྱིས་མི་ཚུགས་ཤིང་། །འཁོར་བའི་སྐྱོན་གྱིས་མ་གོས་ཤོག །ཧོ། རྡོ་རྗེ་ཆེ་གེ་མོ་ལ་ཅོད་པན་མིང་དུ་བཅས་པའི་དབང་བསྐུར་བས་ཁམས་གསུམ་སྲིད་གསུམ་མཆོག་གསུམ་རྒྱལ་བའི་ཞིང་དུ་ཆོས་ཀྱིས་གྲགས་པའི་དབང་དམ་པ་ཐོབ་པར་གྱུར་ཅིག །ཅེས་གཙུག་ཏུ་གདགས་དེ་ལྟར་མཆེད་ཀུན་ལ་ཚར་རྗེས་སུ། མཚན་སྟོན་གྱི་ཚོགས་འཁོར་ཡང་བྱའོ། །འོག་བཞིན་རབ་གནས་ཀྱང་བྱའོ། །དེ་ནས་ཐོ་རངས་དབང་བསྐུར་ཏེ། དེ་(༣༡ན)
ཡང་རྒྱུ་ངན་ཕ་མའི་ཁུ་ཁྲག་ལས་གྲུབ་པའི་ཐ་མའི་ལུས་རྫ་ཤིང་ལས་གྲུབ་པའི་སྣོད་ལྟ་བུས་དབང་བཅུད་སེང་གེའི་འོ་མ་ལྟ་བུ་འདི་མི་ཐུབ་པས་སྣོད་ལྡན་སྦྱང་བའི་དབང་ནི། སློབ་བུའི་སྤྱི་གཙུག་ཏུ་ཉི་ཟླའི་དཀྱིལ་འཁོར་ལྔ་བཀོད་སྟེང་དུ་ཨཱོཾ་ཨཱཿཧཱུཾ་ཏྲཾ་ཧྲཱིཿཧཱ་དང་ལྔ་བསྒོམ་སྟེ་བཛྲ་སུཪྻ་ཙནྡྲ་ཐ་ཕཊ་ཡི་གེ་ལྔ་ལས་འོད་ཟེར་ལྕགས་བསྲེགས་ཀྱི་ཚ་ཚ་ལྟ་བུ་འཕྲོས་ནས་སློབ་བུའི་ལུས་ལ་ཐིམ་པས་རྒྱུ་ཕ་མའི་ཁུ་ཁྲག་མི་གཙང་བ་ཐམས་ཅད་དང་ལུས་ངན་དྲི་མ་དང་། སེམས་ཀྱི་རྟོག་སྒྲིབ་དང་དྲི་མ་མ་རིག་བག་ཆགས་ཐམས་ཅད་བྱ་སྤུ་མེས་འཚིག་པ་ལྟར་བསྲེག་པར་བསམ། བཛྲ་ཨ་བེ་ཤ་ཨ་ཞེས་བརྗོད་པས་མདུན་གྱི་ནམ་མཁའ་ལ་ཡེ་ཤེས་ཀྱི་ལྷ་དཀྱིལ་འཁོར་རྣམས་ཀྱི་སྐུ་གསུང་ཐུགས་ཀྱི་དབྱིག་ནས་བྱིན་རླབས་ཡུངས་ཀར་ཙམ་དཀར་ཤར་ར་ར་བྱོན་ནས་སློབ་བུ་རྣམས་ཀྱི་སྤྱི་བོར་ཐིམ་པར་བསམ། དེ་ནས་རང་ཡི་དམ་གང་མོས་སུ་གསལ་བས་དབང་ཞུའོ། །ཐ་མལ་གྱིས་ཞུས་ཀྱང་དབང་མི་ཆགས་སོ། །དེའི་ཕྱིར་རང་ཆེ་མཆོག་ལྟ་བུར་བསྐྱེད་ལ་ཞུའོ། །དེ་ནས་བུམ་པ་ཆེན་མོ་སྤྱན་དྲངས་གཙུག་ཏུ་བཞག་སྟེ། ཧཱུཾ། བུམ་པ་བཟང་པོ་གཞལ་ཡས་ཁང་། །ཞི་ཁྲོ་ཡོངས་རྫོགས་ལྷ་ཚོགས་བཞུགས། །སྐལ་ལྡན་ཁྱོད་ལ་དབང་བསྐུར་བས། །ལུས་ངག་ཡིད་གསུམ་སྨིན་གྱུར་ན། །སྐུ་གསུང་ཐུགས་སུ་ལྷུན་གྲུབ་ཤོག །ཨཱོཾ་ཨཱཿཧཱུཾ་སྭཱཧཱ་སརྦ་ཏ་ཐཱ་ག་ཏ་ཨ་བྷི་ཥིཉྩ་སྭཱཧཱ། ཞེས་བརྗོད་པས་གོང་གི་ཡིག་འབྲུ་ལྔ་ལས་རིགས་ལྔའི་ཕྱག་མཚན་ལྔར་བསམ། དེ་ནས་རྒྱལ་ཐེབས་ཀྱིས་བུམ་པ་འཛིན་དུ་བཅུག་ལ་བླ་མས་རིགས་ལྔ་འཁྲིལ་སྦྱོར་ཕྱག་རྒྱ་བཅས་ཏེ་སློབ་བུའི་དཔྲལ་གཙུག་ཏུ་གཏུགས་ལ། ཨཱོཾ་(༣༡བ)
བྷུདྡྷ་མུ་ཏྲ་ཨ་བྷི་ཥིཉྩ་ཨཱོཾ། བཛྲ་མུ་ཏྲ་བ་བྷི་ཥིཉྩ་ཧཱུཾ། རཏྣ་མུ་ཏྲ་ཨ་བྷི་ཥིཉྩ་ཏྲཱཾ། པདྨ་མུ་ཏྲ་ཨ་བྷི་ཥིཉྩ་ཧྲཱིཿ ཀརྨ་མུ་ཏྲ་ཤ་བྷི་ཥིཉྩཧཱ། ཞེས་སྤྱི་བོར་བླུག་སྟེ། ཧཱུཾ། ཕྱག་རྒྱས་དབང་བསྐུར་བཀའ་འདུལ་བ། །རང་སྣང་དམ་ཚིག་གསུམ་བརྩེགས་པ། །ཉམས་པ་རྡུལ་ཙམ་མེད་དག་པའི། །དབང་མཆོག་དམ་པ་ཐོབ་གྱུར་ཅིག །བྷུདྡྷ་ཀ་ལ་ཤ་ཨ་བྷི་ཥིཉྩ་ཨཱོཾ། བཛྲ་ཀ་ལ་ཤ་ཨ་བྷི་ཥིཉྩ་ཧཱུཾ། རཏྣ་ཀ་ལ་ཤ་ཨ་བྷི་ཥིཉྩ་ཏྲཱཾ། པདྨ་ཀ་ལ་ཤ་ཨ་བྷི་ཥིཉྩ་ཧྲཱིཿ ཀརྨ་ཀ་ལ་ཤ་ཨ་བྷི་ཥིཉྩ་ཧཱ། ཧཱུཾ་བུམ་བཅུད་དབང་བསྐུར་བྱང་ཆུབ་སེམས། །བདུད་རྩིས་སྒྲིབ་གཉིས་ཀུན་བྱང་སྟེ། །ཆོས་ཀྱི་བདུད་རྩི་ཆེན་པོ་ལ། །དུས་གསུམ་མངའ་མཉེས་དབང་ཐོབ་ཤོག །ཨཱོཾ་ལཱཾ་ཧཱུཾ་མཱུཾ་སྭཱ་མཱཾ་ཨཱཾ་པྱཱཾ་ཧཱ་ཏཱཾ། བོ་དྷི་ཙིཏྟ་ཨ་བྷི་ཥིཉྩ་ཨ། དེ་ནས་བུམ་པ་རྒྱལ་ཐབས་ཀྱིས་བཟུང་ལ་བུམ་དབང་བྱེ་བྲག་ཡོན་ཏན་ཡོངས་རྫོགས་ཀྱིས་དབང་བསྐུར་ཏེ། ཧཱུཾ། བུམ་པ་དབང་བསྐུར་རྟག་ཏུ་དཔལ་གནས་ཤིང་། །མཛེས་པས་དབང་བྱེད་རྫོགས་པས་ཀ་ལ་ཤ །སྤྱི་བོར་བཞུགས་པས་པདྨ་རཱ་གའི་མདོག །དག་ཅིང་དྲི་མེད་རེས་ཀྱིས་མགུལ་དཀྲིས་ཤིང་། །འབྲས་བུ་རྒྱས་པས་ཤིང་གིས་ཁ་བརྒྱན་ཏེ། །གཟུངས་ཐག་རྣམ་པ་ལྔ་དང་རབ་ལྡན་པ། ཁ་དོག་ཐེགས་བསྒྱུར་མེ་ཏོག་སྣ་ཚོགས་ལྡན། །འབྲུ་ལྔ་སྤོས་ལྔ་རིན་ཆེན་སྙིང་པོ་ལྔ། །སྨན་དར་ལྔ་ལྡན་བུམ་པའི་དབང་བསྐུར་བས། །རྟག་ཏུ་དཔལ་གནས་ཉིན་མཚན་བཀྲ་ཤིས་ཤོག །ཨཱོཾ་ཤུ་པ་ཀ་རི་སི་ཏི་ཧཱུཾ། བུམ་པ་ཁ་རྒྱན་མགུལ་ཆིངས་ལ་སོགས་ཏེ་མཛེས་པའི་རྒྱན་གྱིས་བརྒྱན། འབྲུ་ལྔ་སྨན་ལྔ་སྤོས་ལྔ་རཏྣ་ལྔ་དང་ལྔ་ལ་སོགས་ཏེ། ཡིད་ཀྱི་དཀྱིལ་འཁོར་ལ་བརྟེན་ནས་དབང་(༣༢ན)
སྐུར་བས་དེ་བཞིན་གཤེགས་པའི་རང་བཞིན་ཡོན་ཏན་དབང་ཐོབ་པར་གྱུར་ཅིག །ཧཱུཾ། བཀྲ་ཤིས་རྒྱལ་བྱེད་བུམ་པས་དབང་བསྐུར་བས། །ཡེ་ཤེས་དབང་བཅུ་དག་ལ་དབང་བྱས་ཏེ། །ལོག་འདྲེན་བདུད་བཞི་དགྲ་ལས་རྣམ་རྒྱལ་ནས། །རྣམ་པ་ཀུན་མཁྱེན་གོ་འཕང་ཐོབ་པར་ཤོག །ཨོཾ་ཀ་ལ་ཤ་མཧཱ་མུ་ཏྲ་སརྦ་གྷུ་ན་སི་ཏི་ཧཱུཾ། བུམ་པ་བྷྲཱུཾ་ལས་གཞལ་ཡས་ཁང་དུ་བསྒོམས་པའི་ནང་དུ་ལྷའི་དཀྱིལ་འཁོར་གཞུང་བཞིན་གསལ་བར་བསྒོམས་དེ་ཚུལ་བཞིན་སྤྱན་དྲངས་མཆོད་པ་ཕུལ། བཟླས་བརྗོད་དག་པར་བྱས་ཏེ་དབང་བསྐུར་བས་རིགས་ལྔའི་དབང་ཡོངས་རྫོགས་སུ་ཐོབ་པར་གྱུར་ཅིག །ཧཱུཾ། བདུད་རྩི་ཆུ་རྒྱུན་དག་པས་དབང་བསྐུར་བས། །སྐྱེ་འགྲོ་ཀུན་གསོ་ཉོན་མོངས་སྒྲིབ་འཇོམས་ཤིང་། །རིགས་གསུམ་མགོན་པོའི་ཡོན་ཏན་ཡོངས་རྫོགས་ཏེ། །ལས་དང་ཉོན་མོངས་སྒྲིབ་པ་དག་གྱུར་ཅིག །ཨཱོཾ་མཧཱ་པ་ནི་ཀ་རུ་བྷི་ཤུད་དྷེ་ཧཱུཾ། བུམ་པའི་ནང་གི་ཆུས་དབང་བསྐུར་བས་དེ་བཞིན་གཤེགས་པའི་ཐུགས་རྗེ་ཆེན་པོའི་ཆུས་སྤྱི་བོ་དང་ཡན་ལག་ཐམས་ཅད་ཁྱབ་སྟེ། ལུས་སེམས་ལ་ཡོད་པའི་སྒྲིབ་པ་ཐམས་ཅད་བྱང་ཞིང་དག་པར་གྱུར་ཅིག །ཧཱུཾ། འབྲུ་མཆོག་རྣམ་པ་ལྔ་ཡིས་དབང་བསྐུར་བས། །དགེ་བའི་རྩ་བ་རྒྱུ་ཚོགས་ཆུང་ན་ཡང་། །དགེ་བའི་མཆོག་གིས་སངས་རྒྱས་འབྲས་བུ་སྨིན། །མ་འདྲེས་སངས་རྒྱས་ཆོས་དང་ལྡན་པར་ཤོག །ཨཱོཾ་པཉྩ་སྟཾ་བ་སི་ཏི་ཧཱུཾ། བུམ་པའི་ནང་ན་འབྲུ་རྣམ་པ་ལྔ་གནས་པའི་དབང་བསྐུར་བས་མུ་གེའི་བསྐལ་བ་ལས་ཐར་ནས་འཇིག་རྟེན་དང་འཇིག་རྟེན་ལས་འདས་པའི་ལོངས་སྤྱོད་མི་ཟད་གཏེར་ལ་ལོངས་སྤྱོད་པར་གྱུར་ཅིག །ཧཱུཾ། སྨན་མཆོག་རྣམ་པ་ལྔ་ཡིས་དབང་བསྐུར་བས། །འཇིག་རྟེན་ནད་སེལ་སྨན་གྱི་རྒྱལ་པོ་ལྟར། །(༣༢བ)
བཞི་བརྒྱ་རྩ་བཞིའི་ནད་རྣམས་ཕྱིར་བསལ་ཏེ། །སྟོང་ཕྲག་བཤེགས་ལས་རབ་ཏུ་ཐར་བར་ཤོག །ཨཱོཾ་ཨ་མྲྀ་ཏ་པཉྩ་ད་ར་སྨི་མཧཱ་ཀ་རུ་ཧཱུཾ། བུམ་པའི་ནང་ན་སྨན་ལྔ་གནས་པའི་དབང་བསྐུར་བས། ལུས་ལ་འབུལ་བ་རྣམ་བཞི་ལས་གྱུར་པ་ཕྱི་ནང་གི་ནད་ཐམས་ཅད་བྱང་ཞིང་དག་ནས་འགྲོ་བ་གཞན་གྱི་ནད་སེལ་བའི་ཐབས་སྟོན་པར་གྱུར་ཅིག །ཧཱུཾ། སྤོས་མཆོག་རྣམ་པ་ལྔ་ཡིས་དབང་བསྐུར་བས། །དྲི་ཞིམ་སྤོས་ཀྱིས་ས་དང་གདུང་སེལ་ལྟར། །ཚུལ་ཁྲིམས་ལ་སོགས་ཆེན་པོ་ལྔས། །ཉོན་མོངས་དུག་ལྔའི་གདུང་སེལ་ཤོག །ཨཱོཾ་དུ་པ་པཉྩ་ཨ་པ་ཏ་ཤེ་མཧཱ་པ་ཏ་ཤེ་མཧཱ་པ་ཏི་སདྡྷི་ཏེ་ཧཱུཾ། བུམ་པའི་ནང་ན་སྤོས་རྣམ་པ་ལྔ་གནས་པས་དབང་བསྐུར་བས་ཉོན་མོངས་པའི་སྒྲིབ་པ་ཐམས་ཅད་དང་བྲལ་ནས། སེམས་ཅན་ཐམས་ཅད་ཀྱི་ཉོན་མོངས་པའི་གདུང་བ་སེལ་བའི་དབང་དམ་པ་ཐོབ་པར་གྱུར་ཅིག །ཧཱུཾ། རིན་ཆེན་རྣམ་པ་ལྔ་ཡིས་དབང་བསྐུར་ནས། །ཡིད་བཞིན་ནོར་བུས་རེ་བ་ཀུན་སྐོངས་ལྟར། །འགྲོ་དོན་བསམ་པ་ཡིད་བཞིན་འགྲུབ་པ་དང་། །འདོད་ཡོན་རྣམ་པ་ལྔ་ལ་ལོངས་སྤྱོད་ཤོག །ཨཱོཾ་པཉྩ་རཏྣ་སི་ཏི་ས་ར་ཧཱུཾ། བུམ་པའི་ནང་རཏྣ་རྣམ་པ་ལྔ་གནས་པའི་དབང་བསྐུར་བས། ཡོན་ཏན་ཡིད་བཞིན་མཆོག་དང་ལྡན་ནས་མཚོན་གྱི་བསྐལ་པ་ཞི་བ་དང་། མི་འཇིགས་པའི་དབང་ཐོབ་ནས་སེམས་ཅན་ཐམས་ཅད་ཀྱི་རེ་བ་སྐོང་བར་གྱུར་ཅིག །ཧཱུཾ། སྙིང་པོ་རྣམ་པ་ལྔ་ཡིས་དབང་བསྐུར་བས། །ལྷ་ཡི་རྒྱལ་པོས་བདེ་བ་མཆོག་གྲུབ་ལྟར། །དངོས་གྲུབ་སྙིང་པོ་མྱུར་དུ་འབྱུང་བ་དང་། །སྐུ་ལྔ་ལྷུན་གྱིས་གྲུབ་པའི་དབང་ཐོབ་ཤོག །ཨཱོཾ་པཉྩ་ཙིཏྟ་ཨུ་པ་ཏ་སི་ཏི་ཧཱུཾ། བུམ་པའི་ནང་ན་སྙིང་པོ་རྣམ་ལྔ་གནས་པའི་དབང་བསྐུར་བས། །མཆོག་ཐུན་མོང་གི་བཅུད་རྒྱུད་ལ་རྒྱས་པ་དང་(༣༣ན)
སྐུ་ལྔ་ལྷུན་གྱིས་གྲུབ་ནས་འགྲོ་བ་ཐམས་ཅད་འདུལ་བའི་སྟོན་པར་གྱུར་ཅིག །ཧཱུཾ། དར་སྣ་རྣམ་པ་ལྔ་ཡིས་དབང་བསྐུར་བས། །བར་སྣང་འཇའ་མོས་འགྲོ་བའི་ཡིད་འདྲེན་ལྟར། །ཡེ་ཤེས་ལྔ་པོ་མ་འགགས་རབ་གསལ་ཏེ། །སྤྲུལ་པ་མང་པོས་སེམས་ཅན་དོན་བྱེད་ཤོག །ཨཱོཾ་སུ་ད་ར་ཙ་ན་ཏ་སི་ཏི་ཧཱུཾ། བུམ་པའི་ནང་ན་དར་སྣ་རྣམ་པ་ལྔ་གནས་པའི་དབང་བསྐུར་བས་ཕུང་པོ་ལྔ་ཡེ་ཤེས་སུ་གསལ་ཏེ་འགྲོ་བའི་མ་རིག་མུན་པ་སེལ་བའི་སྒྲོན་མེར་གྱུར་ཅིག །ཧཱུཾ། ཁ་རྒྱན་ཤིང་ཏོག་རྩ་འབྲས་དབང་བསྐུར་བས། །དཔག་བསམ་ཤིང་ཆེན་རེ་བ་ཀུན་སྐོང་ལྟར། །དྲན་པ་ཉེར་གཞག་རྣམས་ཀྱི་བྱང་ཆུབ་ཕྱོགས། །སུམ་ཅུ་རྩ་བདུན་ཆོས་ཀྱི་དབང་ཐོབ་ཤོག །ཨཱོཾ་ཀ་ལ་བྲྀཀྵ་སུ་མེ་ས་ཏ་གྷུ་ན་ཧཱུཾ། བུམ་པའི་ཁ་རྒྱན་གྱི་དབང་བསྐུར་བས། །རྟེན་འབྲེལ་བཅུ་གཉིས་དང་བྱང་ཆུབ་ཀྱི་ཆོས་སུམ་ཅུ་རྩ་བདུན་ལ་སོགས་པ་རྒྱུ་དང་འབྲས་བུའི་ཆོས་ཐམས་ཅད་ཀྱི་དོན་རྟོགས་ནས། སྐུ་མཚན་གྱི་མེ་ཏོག་ལ་དཔེ་བྱད་ཀྱི་འབྲུ་ཆགས་པར་གྱུར་ཅིག །ཧཱུཾ། མགུལ་ཆིངས་ཅོད་པན་སྲོག་ལྔའི་དབང་བསྐུར་བས། །རྒྱལ་ཐེབས་གཙོ་བོ་ལྟ་བུར་དབང་སྒྱུར་ཏེ། །ཡེ་ཤེས་རྣམ་པ་ལྔ་པོ་རྫོགས་གྱུར་ནས། །བདེ་གཤེགས་རིགས་ལྔ་ཡོངས་ཀྱི་དབང་ཐོབ་ཤོག །ཨཱོཾ་ད་ན་རྨེ་ཏེ་བ་ཀ་ཤི་ཀ་སི་ཏི་ཧཱུཾ། མགུལ་ཆིངས་ཀྱི་དབང་བསྐུར་བས། སློབ་བུ་ཁྱེད་ལྷའི་ན་བཟའ་པཉྩ་ལི་ཀ་ལ་ལོངས་སྤྱོད་ཅིང་ཐུགས་རྗེ་གདུགས་དང་འདྲ་བར་སེམས་ཅན་གྱི་དུཿཁ་ཚད་པ་དང་འདྲ་བ་ལས་སྐྱོབ་ཅིང་བླ་ན་མེད་པའི་བྱང་ཆུབ་ཀྱི་ཚོགས་རྫོགས་པར་གྱུར་ཅིག །ཧཱུཾ། གཟུངས་ཐག་རྣམ་པ་ལྔ་ཡིས་དབང་བསྐུར་བས། །དོན་གཟུངས་ཚིག་གི་གཟུངས་ལ་སོགས། །བདེ་གཤེགས་སྐུ་ལྔ་ཡེ་ཤེས་(༣༣བ)
ལྔ། །མངོན་དུ་མི་ལྡན་གཟུངས་ལྡན་ཤོག །ཨཱོཾ་ཨུ་པ་ཡ་བ་རི་སུ་ར་ག་པ་ཤ་མི་ཏ་ཀུ་རུ་ཧཱུཾ། བུམ་པའི་གཟུངས་ཐག་གིས་དབང་བསྐུར་བས། དེང་འདིར་སློབ་བུ་རྣམས་གཟུངས་དང་ཏིང་ངེ་འཛིན་སྐུ་དང་ཡེ་ཤེས་དངོས་སུ་མི་གཏོང་ཞིང་ཡོངས་སུ་འབྲེལ་བར་གྱུར་ཅིག་དེ་ནས་ཨ་རུ་ར་ཟུར་བརྒྱད་པ་ཕྱུང་ལ་དགུའི་རྩ་སྔགས་ལ་ཛྙཱ་ན་པཉྩ་མཧཱ་སི་ཏི་ཧཱུཾ་ཧཱུཾ་ཞེས་བརྗོད་དེ་རྡོ་རྗེ་སློབ་དཔོན་གྱིས་གསོལ་བས་དབང་ཉམས་གསོ་ཞིང་སྟོབས་བསྐྱེད་པའོ། །དེ་ནས་རྣམ་རྒྱལ་བུམ་པ་མ་གཏོགས་བུམ་པ་བརྒྱད་གྲལ་གཡས་གཡོན་དུ་བསྣོལ་ཏེ་བསྐོར་ཞིང་སྨོན་ལམ་གདབ་སྟེ། ན་མོ་བུམ་པའི་སྨོན་ལམ་དུ་གསོལ་བ་ནི། ཧོ་བུམ་པ་ཟླུམ་པོར་འདུག་པ་ནི་ཆོས་ཀྱི་སྐུ་སྤྲོས་པ་དང་མཚན་མ་དང་བྲལ་བའི་རང་བཞིན་ནོ། །རྡོ་རྗེ་རྒྱལ་ཐེབས་ལས་ཀྱི་སློབ་དཔོན་བརྒྱད་ལ་མངོན་དུ་དབང་བསྐུར་ཏེ་ཧེ་རུ་ཀ་བརྒྱད་དུ་གསལ་བས་སོ་སོའི་རང་སྔགས་ཤམ་བུར་ཨ་བྷི་ཥིཉྩ་ཨ་ཞེས་གྲལ་ལ་བསྣོལ་ལ་བསྐོར་ཅིང་བསྐུར་རོ། ཁ་ཁྱེར་ཉིས་བརྩེགས་སུ་བྱུང་བ་ནི། ཆོས་ཀྱི་སྐུ་ལས་ལོངས་སྤྱོད་རྫོགས་པའི་སྐུ། །ལོངས་སྤྱོད་རྫོགས་པའི་སྐུ་ལས་སྤྲུལ་པའི་སྐུ་བྱུང་སྟེ། སྐུ་གསུམ་དང་ལྡན་པའི་བུམ་པ་འདི། དེང་གི་སློབ་མ་འཁོར་དང་བཅས་པ་ལ་དབང་བསྐུར་ཞིང་ཁྲུས་ཆབ་གསོལ་བས་སྐུ་གསུམ་གྱི་དོན་རྟོགས་ཤིང་ཐོས་པའི་དབང་དང་ལྡན་པར་གྱུར་ཅིག །བུམ་པའི་ནང་ན་ཆུ་གནས་པ་ནི་བྱང་ཆུབ་ཀྱི་སེམས་ཀྱི་ཆུ་རྒྱུན་ལ་སོགས་པས་དེང་ཡོན་བདག་གི་སྨོན་ལམ་ཅི་བཏབ་པ་རྣམས་ཆུ་བོའི་རྒྱུན་དང་འདྲ་བར་ཚེ་དང་དབང་ཐང་རྒྱུན་མི་ཆད་པར་གྱུར་ཅིག །བུམ་པའི་ནང་ན་རིན་པོ་ཆེ་གནས་པ་ནི་ཡིད་བཞིན་གྱི་ནོར་བུ་རིན་པོ་ཆེས་འགྲོ་བ་མཐའ་དག་གི་འདོད་པ་ཐམས་ཅད་ཡིད་(༣༤ན)
བཞིན་དུ་འགྲུབ་པ་དང་འདྲ་བར་དེང་གི་ཡོན་བདག་གི་རེ་བ་ཡིད་བཞིན་དུ་འགྲུབ་པར་གྱུར་ཅིག །བུམ་པའི་ནང་ན་འབྲུ་རྣམ་པ་ལྔ་གནས་པ་ནི། བཅོམ་ལྡན་འདས་ཀྱིས་འགྲོ་བ་སེམས་ཅན་ཐམས་ཅད་ཟས་ཀྱིས་འཕོངས་ཤིང་ཉམ་ཐག་པ་རྣམས་ཟས་དང་འབྲུའི་བཅུད་ཀྱིས་འཕོངས་པ་བོར་ཏེ་ནོར་གྱི་མཛོད་མི་ཟད་པའི་གཏེར་དུ་གྱུར་ཅིག །བུམ་པའི་ནང་ན་སྙིང་པོ་ལྔ་གནས་པ་ནི་དོན་དང་ནོར་གྱི་སྙིང་པོ་ལ་སོགས་པ་ནི་གསེར་ལ་སོགས་པ་ཡིན་པས་ཟས་ནོར་ཐམས་ཅད་ཀྱི་མཆོག་ཆེ་བའི་ཡོན་ཏན་འདུས་ནས། དེང་གི་ཡོན་བདག་ལ་བཅོམ་ལྡན་འདས་ཀྱི་དཀྱིལ་འཁོར་དེང་མཉམ་པར་གྱུར་ཅིག །བུམ་པའི་ནང་ན་སྨན་རྣམ་པ་ལྔ་གནས་པ་ནི་སྨན་གྱི་རྒྱལ་པོ་བཻ་ཌཱུཪྻ་འོད་ཀྱི་རྒྱལ་པོ་ལྟ་བུའི་དབང་ཐོབ་པར་གྱུར་ཏེ། དེང་གི་སློབ་མ་ནད་བཞི་བརྒྱ་རྩ་བཞི་དང་བགེགས་རིགས་སྟོང་ཕྲག་བརྒྱད་ཅུ་རྩ་བཞིའི་གཉེན་པོར་བྱིན་གྱིས་བརླབས་པས། ཉོན་མོངས་པའི་ནད་རྣམས་དང་རྟོག་པའི་བགེགས་ཐམས་ཅད་ལས་ཐར་བར་གྱུར་ཅིག །བུམ་པའི་ནང་ན་དར་སྣ་ལྔ་གནས་པ་དང་། བུམ་པའི་ན་བཟའ་མགུལ་རྒྱན་ནི། སློབ་མའི་ལུས་ལ་རེག་པ་ཙམ་གྱིས་ངོ་ཚ་ཁྲེལ་འཛེམ་དང་ཆོག་ཤེས་པའི་གོས་དང་ལྡན་པར་གྱུར་ཅིག །གཟུངས་ཐག་ནི་ཐུགས་རྗེའི་གཟུངས་ཐག་ལ་སོགས་པས། དེང་གི་སློབ་མ་དང་འགྲོ་བ་མཐའ་དག་འཁོར་བའི་རྒྱ་མཚོ་དང་ཁམས་གསུམ་གྱི་བཙོན་དོང་ནས་བཏོན་ཏེ་ཐུགས་རྗེའི་གཟུངས་ཀྱིས་ཟིན་པར་གྱུར་ཅིག །བུམ་པའི་ཁ་རྒྱན་ནི་དཔག་བསམ་གྱི་ཤིང་ལྟ་བུར་བྱིན་གྱིས་བརླབས་ཏེ་སུམ་ཅུ་རྩ་གསུམ་གྱི་ལོངས་སྤྱོད་ཀྱི་རྒྱན་འབྲས་བུ་ཡིད་བཞིན་གྱི་ཟས་ནང་བླངས་ན་ནང་སྐྱེ་ནུབ་བླངས་ན་ནུབ་སྐྱེ་བ་དང་འདྲ་བར་སློབ་མ་དང་དེང་ཡོན་བདག་(༣༤བ)
འཁོར་བཅས་ཚེ་དང་དབང་ཐང་དང་དཔལ་དང་གཟི་བརྗིད་སྐྱེ་བར་གྱུར་ཅིག །ཅེས་སྨོན་ལམ་འདེབས་ཤིང་བུམ་སྐོར་བྱས་པས་བུམ་བདུད་མཆེད་གང་གི་སྤྱི་བོར་འཛོམ་པ་དེ་ལ་བཀྲ་ཤིས་དངོས་གྲུབ་འབྱུང་བར་ངེས་སོ། །དེ་ལྟར་བུམ་པའི་དབང་ཡོངས་རྫོགས་ཐོབ་ཕན་ཆད་སྔགས་ཕྱི་པའི་དབང་ཐམས་ཅད་ཀྱང་ཡོངས་སུ་རྫོགས་པར་ངེས་ཤེས་བསྐྱེད་པར་བྱའོ། །དེ་ནས་དབུ་རྒྱན་གྱི་དབང་བསྐུར་ཏེ་དབུ་རྒྱན་གང་ཞེ་ན། རིན་པོ་ཆེའི་ཟུར་ཕུད་གྱེན་དུ་གཟིངས་པ་ལྔའི་དབུས་ན་ཕྱི་རིགས་ལྔའི་ཕྱག་མཚན་སྙིང་པོར་བཅས་པ་པྲོག་ཞུའི་ཚུལ་གཅིག་སློབ་བུའི་མགོ་ལ་བཀོན་ཏེ། ཀྱེ་ཧོ་རྡོ་རྗེ་སློབ་དཔོན་དགོངས། །བདག་ཅག་ལས་དང་སྐལ་པར་ལྡན། །ཆེ་གེའི་དབང་མཆོག་བསྐུར་དུ་གསོལ། །ཞེས་དབང་ཕྲན་ཀུན་ལ་ཡང་སྦྱར་རོ་གསུང་། མེ་ཏོག་གཏོར་ཁྲུས་ནས་དབྱུང་། གུ་གུལ་བདུག །ཧཱུཾ། སངས་རྒྱས་བཞུགས་གནས་རིན་ཆེན་འོད། །རྡོ་རྗེ་འཁོར་ལོ་རིན་ཆེན་མཛེས། །པདྨ་རྒྱ་གྲམ་དམ་ཚིག་གནས། །དབུ་རྒྱན་ཟེ་པྲོག་དབང་བསྐུར་རོ། །ཨཱོཾ་བཛྲ་བུདྡྷ་རཏྣ་པདྨ་ཀརྨ་མ་གུ་ཏ་ཏྲཱཾ་ཨ་བྷི་ཥིཉྩ་ཨ། དབུ་རྒྱན་གྱིས་དབང་བསྐུར་བས་སྣོད་ཀྱི་འཇིག་རྟེན་ཕྱོགས་བཞི་དབུས་དང་ལྔ་གནས་གྱུར་ཏེ། རྡོ་རྗེ་ལ་སོགས་པའི་ཁང་བུ་ལྔར་གྱུར་ནས་རིགས་ལྔ་ཡེ་ཤེས་ལྔའི་བཞུགས་གནས་བྱིན་རླབས་ཀུན་འབྱུང་ཞིང་བྱ་བ་ཐམས་ཅད་ལ་མ་རྨོངས་པར་དབང་སྒྱུར་བ་ཡེ་ཤེས་ཀྱི་སྐུ་དང་ལྡན་པར་གྱུར་ཅིག །དེ་ནས་ཞི་བའི་ཆས་དབང་བཅུ་ལས། དབུ་རྒྱན་གོང་དུ་བསྟན་ནས་ཆས་བརྒྱད་ནི། འཕྲེང་བ་སྙན་ཆ་མགུར་ཆུ་དང་། དོ་ཤལ་དཔུང་རྒྱན་སེ་མོ་དོ། སྟོད་གཡོགས་སྨད་དཀྲིས་གདུ་བུ་རྣམས། །གསེར་དང་དངུལ་ལ་བཟོ་བྱས་རབ། །ཚོན་ཁ་བསྒྱུར་འབྲིང་། ཐ་མ་བྲིས་ཚོན་ལ་བརྟེན་ནས། ཧཱུཾ། (༣༥ན)
མི་བརྗེད་གཟུང་འཛིན་རིན་ཆེན་འཕྲེང་། །སྐུ་གསུང་ཐུགས་རྟེན་འཕྲེང་དབང་བསྐུར་ཐོབ་ཤོག །ཧཱུཾ། བདུད་དཔུང་ཟིལ་གནོན་གསུང་རབ་ཆོས་ཀུན་དཔའ། །མི་སྙན་སྐྱོན་སྤངས་སྙན་ཆའི་དབང་བསྐུར་རོ། །ཧཱུཾ། ཡེ་ཤེས་རབ་མཛེས་རྣམ་དག་དབྱིངས་སུ་འཁོར། །རཏྣ་གསེར་གྱི་མགུར་ཆུས་དབང་བསྐུར་རོ། །ཧཱུཾ། དབྱིངས་རིག་ཡོངས་འབྲེལ་སྤྲུལ་སྐུ་སྣ་ཚོགས་སྟོན། །དོ་ཤལ་ཨུཏྤལ་བསྒྲིགས་པའི་དབང་བསྐུར་རོ། །ཧཱུཾ། ཐབས་ཤེས་དཔུང་ལྡན་ཉོན་མོངས་ཟིལ་གནོན་དཔལ། །རིན་ཆེན་དཔུང་རྒྱན་འབར་བས་དབང་བསྐུར་རོ། །ཧཱུཾ། གསང་སྔགས་རྨད་བྱུང་ཡེ་ནས་ཐུགས་གསལ་བ། །རེ་སྐོང་ཟེ་ཁབ་སེ་མོ་དོས་དབང་བསྐུར། །ཧཱུཾ། ལྟ་སྤྱོད་རྣམ་དག་སྤྱི་དང་བྱེ་བྲག་ཁྱབ། །ན་བཟའ་སྟོད་གཡོགས་སྨད་དཀྲིས་དབང་བསྐུར་རོ། །ཧཱུཾ། རྟག་ཏུ་སྙིང་པོ་དོན་གྱི་ཆོས་འཁོར་བསྐོར། །ཕྱག་ཞབས་གདུ་བུ་རྣམ་བཞིས་དབང་བསྐུར་རོ། །སརྦ་རཏྣ་ཛྙཱ་ན་ཨ་བྷི་ཥིཉྩ་ཧཱུཾ། ཞེས་སློབ་བུའི་གནས་སུ་རྒྱན་དགོད་པར་བྱའོ། །དེས་ནི་དཔེར་ན་བློན་པོར་དབང་བསྐུར་ཚེ་བསམ་རྒྱུད་མདུན་གྲོས་ལ་གཏོང་བ་ཇི་བཞིན་དུ། ཞི་བའི་ཆས་དབང་བསྐུར་ཚེ་ཞི་བའི་སྐུ་གསུང་ཐུགས་དང་མི་འབྲལ་བར་མཛད་འགྲོ་བ་འདུལ་བའི་གོ་ཆ་བགོ་བར་བྱའོ། །དེ་ནས་དཔལ་གྱི་ཆས་བཅུའི་དབང་བསྐུར་ཏེ། ཆོས་བཅུ་གང་ཞེ་ན། རྒྱན་དགོད་སྐབས་སུ་སྨོས་པ་ལྟར་རབ་དངོས་འབྲིང་བཅོས་པ་ཐ་མ་ཤོག་བུ་ལ་བྲིས་ཏེ་ཚོན་བསྒྱུར་རྒྱབ་ཡིག་ཅན་དུ་བྱས་པ་ཐོགས་ལ། ཧཱུཾ། ང་རྒྱལ་མ་སྤངས་རང་གྲོལ་སྐུ་ལྔ་འགྲོ་དོན་མཛད། །ཡེ་ཤེས་ལྔ་ལྡན་ཐོད་འཕྲེང་དབང་བསྐུར་རོ། །ཧཱུཾ། གཏི་མུག་མ་སྤངས་རང་གྲོལ་ཤེས་རབ་འགྲོ་དོན་མཛད། །(༣༥བ)
སྤྲོས་བྲལ་གླང་ཆེན་ཀོ་རློན་དབང་བསྐུར་རོ། །ཧཱུཾ། ཞེ་སྡང་མ་སྤངས་རང་གྲོལ་ཐབས་ཀྱི་འགྲོ་དོན་མཛད། །ཀུན་གྲོལ་སྦྲུལ་གྱི་ཆུན་པོས་དབང་བསྐུར་རོ། །ཧཱུཾ། ཕྲག་དོག་མ་སྤངས་ཚད་མེད་འགྲོ་དོན་མཛད། །འཕྲིན་ལས་བཞི་ལྡན་ཞིང་གོས་དབང་བསྐུར་རོ། །ཧཱུཾ། འདོད་ཆགས་མ་སྤངས་དཔའ་བས་འགྲོ་དོན་མཛད། ཁམས་གསུམ་སྒྲོལ་མཛད་སྟག་ཤམ་དབང་བསྐུར་རོ། །ཧཱུཾ། མཁའ་དབྱིངས་རྣམ་དག་རཀྟས་གདུག་པ་སྒྲོལ། ཁམས་གསུམ་དབང་སྡུད་ཁྲག་ཆེན་དབང་བསྐུར་རོ། །ཧཱུཾ། བསོད་ནམས་ཚོགས་ཆེན་རྒྱུད་དྲུག་འཁོར་བའི་བཅུད། །བྱང་ཆུབ་ཞག་གི་ཟོ་རིས་དབང་བསྐུར་རོ། །ཧཱུཾ། སྐྱེ་ཤི་རྩད་གཅོད་འཁོར་བ་ཐམས་ཅད་སྒྲོལ་མཛད་པ། །གདུག་པ་ཀུན་འདུལ་ཐལ་ཆེན་དབང་བསྐུར་རོ། །ཧཱུཾ། མི་འགྱུར་མི་བཤིགས་སྲིད་གསུམ་འཇོམས་མཛད་པ། །ཅིས་ཀྱང་མི་ཚུགས་གོ་ཁྲབ་དབང་བསྐུར་རོ། །ཧཱུཾ། ཡེ་ཤེས་མེ་འབར་འཁོར་བའི་རྒྱ་མཚོ་སྐེམས། །མ་རིག་མུན་སེལ་མེ་དཔུང་དབང་བསྐུར་རོ། །ཧཱུཾ། ཕར་ཕྱིན་དྲུག་ལྡན་ཤེས་རབ་ཡུམ་དགུའི་རྒྱན། །རུས་པའི་རྒྱན་དྲུག་གཟིག་ཤམ་དབང་བསྐུར་རོ། །ཨཱོཾ་ཤྲཱི་ཧེ་རུ་ཀ་ཨ་བྷི་ཥིཉྩ་ས་མ་ཡ་ཤྲི་ཡེ་ཧཱུཾ་སྭཱཧཱ། དྷརྨ་དྷ་ཏུ་ཛྙཱ་ན་ཨ་བྷི་ཥིཉྩ་ཧཱུཾ། ཞེས་ཆས་བཅུ་སློབ་བུའི་གནས་སུ་རིམ་པར་དགོད་དོ། །དེས་ནི་དཔེར་ན་ཁྲབ་སོགས་གོ་ཆ་གྱོན་ཚེ་བསམ་སྦྱོར་འཁྲུག་པ་འཐབ་པ་ལ་བྱེད་པ་ལྟར་དུ་དཔལ་གྱི་སྐུ་གསུང་ཐུགས་ཆས་སུ་བཞུགས་ཏེ་འགྲོ་བ་རྣམས་སྒྲོལ་བའི་གོ་ཆ་བགོ་བར་བྱའོ། །དེ་ནས་དམ་རྫས་ཀྱི་དབང་བསྐུར་ཏེ། དམ་རྫས་གང་ཞེ་ན། དཔལ་གྱི་སྒྲུབ་གཏོར་དང་ཨ་མྲྀ་ཏ་དང་རཀྟ་རྔ་བོ་ཆེས་དབང་བསྐུར་ཏེ། ཧཱུཾ། སྨན་རག་གཏོར་ཆེན་སྒྲུབ་རྫས་ལྔ། །མཆོད་རྫས་དམ་པའི་དབང་བསྐུར་(༣༦ན)
བས། །ལྷ་དང་དམ་ཅན་རྟེན་མཆོད་ཅིང་། །གསང་སྔགས་སྤྱོད་པའི་དབང་ཐོབ་ཤོག །ཨོཾ་ཨཱཿཧཱུཾ་སརྦ་པཉྩ་ཨ་མྲྀ་ཏ་རཀྟ་བྷ་ལིང་ཏ་དྷ་མ་ཏུ་སརྦ་པུ་ཙ་ས་མ་ཡ་ཨ་བྷི་ཥིཉྩ་སི་ཏི་ཨ་བེ་ཤ་ཡ་ཨ་ཨཿ ཞེས་རིམ་པར་སྤྱི་བོར་དབང་བསྐུར་རོ། །དེ་ནི་ཡོ་བྱད་ཕུན་སུམ་ཚོགས་ལ་བྱིན་གཏེར་གཏད་པ་ལྟ་བུས་ཏེ་མཆོད་པ་ལ་བརྩོན་པར་བྱའོ། །དེ་ནས་ཞི་བའི་ཕྱག་མཚན་གྱིས་དབང་བསྐུར་ཏེ། ཕྱག་མཚན་གང་ཞེ་ན་ཞི་བ་རིགས་ལྔ་སྟེ། རྡོ་རྗེ་འཁོར་ལོ། རིན་ཆེན། པདྨ། རྒྱ་གྲམ། ཕྱག་མཚན་ལྔ་པོ་རབ་དངོས། འབྲིང་བཅོས། ཐ་མ་བྲིས་པ་རྣམས་རིམ་པར་གཏད་དེ། ཧཱུཾ། རྡོ་རྗེ་རྩེ་ལྔས་བདུད་དཔུང་འཛོམས། །རྡོ་རྗེ་སེམས་དཔའི་རྟེན་དབང་བསྐུར། །ཧཱུཾ། འཁོར་ལོ་རྩིབས་བརྒྱད་རྣམ་རྟོག་གཅོད། །རྣམ་པར་སྣང་མཛད་རྟེན་དབང་བསྐུར། །ཧཱུཾ། རིན་ཆེན་འབར་བས་རེ་བ་བསྐོངས། །རིན་ཆེན་འབྱུང་ལྡན་རྟེན་དབང་བསྐུར། །ཧཱུཾ། པདྨ་རབ་མཛེས་སྐྱོན་དང་བྲལ། །སྣང་བ་མཐའ་ཡས་རྟེན་དབང་བསྐུར། །ཧཱུཾ། རྡོ་རྗེ་རྒྱ་གྲམ་འཕྲིན་ལས་སྒྲུབ། །དོན་ཡོད་གྲུབ་པའི་རྟེན་དབང་སྐུར། །ཧཱུཾ། ཤེས་རབ་དྲིལ་བུ་ཆོས་སྒྲ་སྒྲོག །རིགས་ཀྱི་ཡུམ་ལྔའི་རྟེན་དབང་བསྐུར། །ཨཱོཾ་མཧཱ་ཛྙཱ་ན་པཉྩ་ཤཔྟ་ཨ་བྷི་ཥིཉྩ་ཧཱུཾ་ཞེས་དབང་བསྐུར་རོ། །དེས་ནི་བཟོ་མཁན་ལ་ཕྱག་ཆའི་སྒྲོམ་བུ་གཏད་པ་ལྟར་གང་ལ་དཔའ་བ་རྣམས་སྤྱོད་པའི་དབང་ཐོབ་པར་ངེས་ཤེས་བསྐྱེད་དོ། །དེ་ནས་ཁྲོ་བོའི་ཕྱག་མཚན་དབང་བསྐུར་ཏེ། གང་ཞེ་ན། རྡོ་རྗེ་རྩེ་དགུ །ཐོད་ཁྲག །རྡོ་རྗེ་དྲིལ་བུ། འཁོར་ལོ་རྩིབས་བརྒྱད། སྡིགས་མཛུབ། རྡོ་རྗེ་རྩེ་ལྔ་དྲིལ་བུ། རྡོ་རྗེ་རྩེ་དགུ་མེ་དཔུང་། རྡོ་རྗེ་རྩེ་ལྔ་བ་དན། རྡོ་རྗེ་རྩེ་ལྔ་དྲིལ་བུ། (༣༦བ)
རྡོ་རྗེ་དུང་ཁྲག་ཡུམ་ཐམས་ཅད་ཁ་ཊྭཱཾ་བན་དམར། རབ་དངོས་འབྲིང་བཅོས་ཐ་མ་བྲིས་པ་བྱས་ཏེ། ཧཱུཾ། ཐེག་པ་དགུ་རྫོགས་འཁོར་མཚོ་སྐེམས། །རྡོ་རྗེ་ཐོད་ཁྲག་དབང་བསྐུར་རོ། །ཧཱུཾ། ས་དགུ་འཇོམས་མཛད་ཡང་དག་གསུང་། །རྡོ་རྗེ་དྲིལ་བུ་དབང་བསྐུར་རོ། །ཧཱུཾ། ལས་ཀུན་རྒྱུན་གཅོད་བདུད་བཞི་གཟིར། །འཁོར་ལོ་སྡིགས་མཛུབ་དབང་བསྐུར་རོ། །ཧཱུཾ། ཡེ་ཤེས་སྔགས་བདག་ཆགས་བྲལ་གསུང་། །རྡོ་རྗེ་དྲིལ་བུས་དབང་བསྐུར་རོ། །ཧཱུཾ། ཐེག་མཆོག་དོན་ལྡན་ཁམས་གསུམ་བསྲེག །རྡོ་རྗེ་མེ་དཔུང་དབང་བསྐུར་རོ། །ཧཱུཾ། སྐྱེ་མཆེད་དོན་སྟོན་འདོད་ཆགས་འཇོམས། །རྡོ་རྗེ་དུང་དམར་དབང་བསྐུར་རོ། །ཧཱུཾ། སྐུ་ལྔ་རིགས་འཛིན་ཤེས་རབ་ལྡན། །རྡོ་རྗེ་དྲིལ་བུའི་དབང་བསྐུར་རོ། །ཧཱུཾ། དྲེགས་པ་ཀུན་འདུལ་སྙིང་ཁྲག་རོལ། །རྡོ་རྗེ་བན་དམར་དབང་བསྐུར་རོ། །ཧཱུཾ། སྟོབས་ཆེན་ཀུན་སྒྲོལ་དུག་གསུམ་འཇོམས། །རྡོ་རྗེ་ཐོད་ཁྲག་དབང་བསྐུར་རོ། །ཧཱུཾ། སྐུ་གསུང་ཐུགས་སྦྱོར་ཉོན་མོངས་སྐེམས། ཁ་ཊྭཱཾ་བན་དམར་དབང་བསྐུར་རོ། །ཨཱོཾ་མཧཱ་མུ་ཏྲ་སརྦ་ཨ་བེ་ཤ་ཥིཉྩ་ཧཱུཾ། ཞེས་རིམ་པར་བསྐུར་རོ། །དེ་ནི་སྐྱེས་བུ་གོ་གྱོན་ལ་མཚོན་གཏད་པས་དགྲ་ལ་འབེབས་ཤིང་སྒྲོལ་བ་ལྟར་དགྲ་བགེགས་ཉོན་མོངས་བདུད་དཔུང་ཚར་གཅོད་གནས་སུ་སྟོབ་པའི་དབང་ཐོབ་པའི་ངེས་ཤེས་བསྐྱེད་དོ། །དེ་ཡན་ཆད་ཀྱིས་ཕྱིའི་དབང་རིམ་བརྒྱད་བྱེ་བྲག་ཕྲ་མོ་དྲུག་ཅུ་ཐམ་པས་བསྟེན་ནོ། །རབ་གནས་ཚོགས་འཁོར་བྱའོ། །དེ་ནས་ལྷ་དབང་ཡོངས་རྫོགས་ཀྱི་དབང་རིམ་དགུ་ལས། དང་པོ་ཞི་བའི་ལྷ་ཐམས་ཅད་རིགས་ལྔར་ཡོངས་སུ་རྫོགས་པའི་དབང་བསྐུར་ཏེ། དབང་རྟེན་པྲོག་ཞུ་མགོ་ལིང་ལྔ་པ་གཅིག་ལ། ཕྱིར་ཞི་བ་རིགས་ལྔ་ལེགས་པར་བྲིས་(༣༧ན)
ནང་དུ་ཁྲག་འཐུང་རིགས་ལྔ་ལེགས་པར་བྲིས་པ་གཅིག་ལ་དམིགས་རྟེན་བྱས་ནས། རེ་རེ་འདོད་འཇུག་བཏུབ་པ་བྱས་ལ། དོན་ཏིང་ངེ་འཛིན་གྱིས་ལྷ་སོ་སོར་སློབ་བུ་ལ་བསྟིམ་པ་ཡིན་ནོ། །ཧཱུཾ། རྡོ་རྗེ་སེམས་དཔའ་དེ་བཞིན་གཤེགས། །རྡོ་རྗེ་དབྱིངས་ཕྱུག་ཡུམ་དང་སྦྱོར། །ལྷ་དབང་ཐམས་ཅད་ཀྱི་སྔོན་དུ་ལས་བྱང་ལྟར་བྱིན་དབབ་རང་བཞིན་དགུག་གོ །གཉིས་སུ་མེད་པའི་བྱིན་རླབས་ཀྱིས། །རྡོ་རྗེ་ཐུགས་ཀྱི་དབང་ཡང་སྦྱིན། །བཛྲ་སཏྭ་ཨ་བྷི་ཥིཉྩ་ཨ། ཧོ་རྡོ་རྗེ་སེམས་དཔའ་ཡབ་ཡུམ་གྱི་དབང་བསྐུར་བ། ཀུན་ལ་འགྲེའོ། །རིགས་ཀྱི་བུ་ཁྱོད་ཞེ་སྡང་གནས་སུ་དག་ནས་མེ་ལོང་ལྟ་བུའི་ཡེ་ཤེས་ལྷུན་གྱིས་གྲུབ་ཅིང་། མཐར་ཕྱིན་ནས་ཐུགས་ཡང་དག་པའི་དངོས་གྲུབ་ཐོབ་སྟེ། དཔལ་རྡོ་རྗེ་སེམས་དཔའ་དང་ཡུམ་རྡོ་རྗེ་དབྱིངས་ཕྱུག་མའི་སྐུ་གསུང་ཐུགས་ཀྱི་དབང་ཐོབ་པར་གྱུར་ཅིག །རྣམ་པར་སྣང་མཛད་དེ་བཞིན་གཤེགས། །སངས་རྒྱས་དབྱིངས་མ་ཡུམ་དང་སྦྱོར། །གཉིས་སུ་མེད་པའི་བྱིན་རླབས་ཀྱིས། །རྡོ་རྗེ་སྐུའི་དབང་ཡང་སྦྱིན། །བུདྡྷ་ཛྙཱ་ན་ཨ་བྷི་ཥིཉྩ་ཨ། རྣམ་པར་སྣང་མཛད་ཡབ་ཡུམ་གྱིས་དབང་བསྐུར་བས་ཉོན་མོངས་པ་གཏི་མུག་གནས་སུ་དག་ནས། ཆོས་ཀྱི་དབྱིངས་ཀྱི་ཡེ་ཤེས་མཐར་ཕྱིན་ཅིང་ལྷུན་གྱིས་གྲུབ་སྟེ་སྐུ་མི་ཟད་པ་རྒྱན་གྱི་དངོས་གྲུབ་ཐོབ་ནས། དཔལ་རྣམ་པར་སྣང་མཛད་དང་ཡུམ་སངས་རྒྱས་དབྱིངས་ཕྱུག་མའི་དབང་དམ་པ་ཐོབ་པར་གྱུར་ཅིག །རིན་ཆེན་འབྱུང་ལྡན་དེ་བཞིན་གཤེགས། །རིན་ཆེན་དབྱིངས་ཕྱུག་ཡུམ་དང་སྦྱོར། །གཉིས་སུ་མེད་པའི་བྱིན་རླབས་ལས། །ཡོན་ཏན་རྒྱ་མཚོའི་དབང་ཡང་སྦྱིན། །རཏྣ་ཛྙཱ་ན་ཨ་བྷི་ཥིཉྩ་ཨ། རིན་ཆེན་འབྱུང་(༣༧བ)
ལྡན་ཡབ་ཡུམ་གྱི་དབང་བསྐུར་བས་ཉོན་མོངས་པ་ང་རྒྱལ་གནས་སུ་དག་ནས། མཉམ་པ་ཉིད་ཀྱི་ཡེ་ཤེས་མཐར་ཕྱིན་ཅིང་ལྷུན་གྱིས་གྲུབ་སྟེ་ཡོན་ཏན་རིན་པོ་ཆེའི་དངོས་གྲུབ་ཐོབ་ནས། དཔལ་རིན་ཆེན་འབྱུང་ལྡན་དང་། རིན་ཆེན་དབྱིངས་ཕྱུག་མའི་དབང་ཐོབ་པར་གྱུར་ཅིག །ཧཱུཾ། སྣང་བ་མཐའ་ཡས་དེ་བཞིན་གཤེགས། །པདྨ་དབྱིངས་ཕྱུག་ཡུམ་དང་སྦྱོར། །གཉིས་སུ་མེད་པའི་བྱིན་རླབས་ཀྱིས། །གསུང་རབ་རྒྱ་མཚོའི་དབང་ཡང་སྦྱིན། །པདྨ་ཛྙཱ་ན་ཨ་བྷི་ཥིཉྩ་ཨ། སྣང་བ་མཐའ་ཡས་ཡབ་ཡུམ་གྱིས་དབང་བསྐུར་བས་ཉོན་མོངས་པའི་འདོད་ཆགས་གནས་སུ་དག་ནས་སོ་སོར་རྟོག་པའི་ཡེ་ཤེས་མཐར་ཕྱིན་ཅིང་ལྷུན་གྱིས་གྲུབ་ནས་གསུང་དབྱངས་མི་ཟད་སྒྲོག་པའི་དབང་ཐོབ་ནས། དཔལ་སྣང་བ་མཐའ་ཡས་དང་། པདྨ་དབྱིངས་ཕྱུག་མའི་དབང་ཐོབ་པར་གྱུར་ཅིག །ཧཱུཾ། དོན་ཡོད་གྲུབ་པ་དེ་བཞིན་གཤེགས། །ལས་ཀྱི་དབྱིངས་ཕྱུག་ཡུམ་དང་སྦྱོར། །གཉིས་སུ་མེད་པའི་བྱིན་རླབས་ཀྱིས། །འཕྲིན་ལས་རྒྱ་མཚོའི་དབང་ཡང་སྦྱིན། །ཀརྨ་ཛྙཱ་ན་ཨ་བྷི་ཥིཉྩ་ཨ། དོན་ཡོད་གྲུབ་པ་ཡབ་ཡུམ་གྱིས་དབང་བསྐུར་བས་ཉོན་མོངས་པ་ཕྲག་དོག་གནས་སུ་དག་ནས་བྱ་བ་ནན་ཏན་གྱི་ཡེ་ཤེས་ལྷུན་གྱིས་གྲུབ་ཅིང་མཐར་ཕྱིན་ཏེ། དཔལ་དོན་ཡོད་གྲུབ་པ་དང་ལས་ཀྱི་དབྱིངས་ཕྱུག་མའི་དབང་ཐོབ་པར་གྱུར་ཅིག །ཅེས་སློབ་བུའི་སྤྱི་གཙུག་དཔྲལ་བ་སྙན་གོང་གཡས་ལྟག་པ་གཡོན་དུ་རིགས་ལྔ་བསྟིམ་པར་བྱའོ། །དེས་ནི་དཔེར་ན་ལུས་ཐོབ་པ་ལས་ཡན་ལག་ཡོངས་སུ་རྫོགས་པ་ལྟར་ཞི་བ་ཡོངས་རྫོགས་ཀྱི་དབང་ཐོབ་པར་ངེས་ཤེས་བསྐྱེད་དོ། །རབ་གནས་ཚོགས་འཁོར་བྱའོ། །གལ་ཏེ་སྤྲོས་པ་ལ་དགའ་བའི་དོན་དུ། བཞི་བཅུ་རྩ་གཉིས་རྫོགས་པར་བསྐུར་ཏེ། ལྷ་སོ་སོའི་(༣༨ན)
མཚན་དོན་སྦྱར་ཏེ། ཧཱུཾ། སེམས་དཔའ་ཆེ་གེ་དེ་བཞིན་གཤེགས། །སེམས་མ་ཆེ་གེ་ཡུམ་དང་སྦྱོར། །གཉིས་སུ་མེད་པར་དབང་བསྐུར་རོ། །བོ་དེ་ཙིཏྟ་ཨ་བྷི་ཥིཉྩ་ཧཱུཾ་ཞེས་སྦྱོར། ཧཱུཾ། ཀུན་ཏུ་བཟང་པོ་དེ་བཞིན་གཤེགས། །ཀུན་ཏུ་བཟང་མོ་ཡུམ་དང་སྦྱོར། །གཉིས་སུ་མེད་པའི་དབང་བསྐུར་རོ། །བོ་དེ་ཙིཏྟ་འགྲེ། ཧཱུཾ། ལྷ་དབང་བརྒྱ་བྱིན་དེ་བཞིན་གཤེགས། །ལྷ་རྣམས་འདུལ་བྱེད་དབང་བསྐུར་རོ། །བོ་དེ་ཙིཏྟ༝། ཧཱུཾ། བདུད་འདུལ་ཁྲོ་རྒྱལ་གཤིན་རྗེས་གཤེད། །རྡོ་རྗེ་ལྕགས་ཀྱུ་ཡུམ་དང་སྦྱོར། །གཉིས་སུ་མེད་པའི༝། བོ་དེ་ཙིཏྟ་ཨ་བྷི་ཥིཉྩ་ཧཱུཾ། ཧོ་སངས་རྒྱས་བཞི་བཅུ་རྩ་གཉིས་ཀྱི་དབང་ཡོངས་སུ་རྫོགས་པར་བསྐུར་བས། རྟོག་ཚོགས་བཞི་བཅུ་རྩ་གཉིས་རྣམ་པར་དག་ནས། མཁྱེན་པའི་ཡེ་ཤེས་བསམ་གྱིས་མི་ཁྱབ་པའི་དབང་དམ་པ་ཐོབ་པར་གྱུར་ཅིག །ཅེས་བརྗོད་དོ། །དེ་ནས་ཁྲོ་བོ་ཐམས་ཅད་ཁྲག་འཐུང་རིགས་ལྔར་ཡོངས་སུ་རྫོགས་པའི་དབང་བསྐུར་ཏེ། དབང་རྟེན་གོང་གི་རིགས་ལྔའི་ནང་ལོགས་ཧེ་རུ་ཀཿལྔ་ལ་དམིགས་རྟེན་བྱས་ལ་ཀླད་པ་དུང་ཁང་ནང་དུ་ཁྲག་འཐུང་ལྔ་བསྟིམ་པ་ནི། ཧཱུཾ། ཁྲག་འཐུང་བཛྲ་ཧེ་རུ་ཀཿ །བཛྲ་ཀྲོ་ཏི་ཡུམ་དང་སྦྱོར། །གཉིས་སུ་མེད་པའི་བྱིན་རླབས་ཀྱིས། །ཐུགས་མཆོག་ཁྲོ་རྒྱལ་དབང་ཡང་སྦྱིན། །བཛྲ་ཤྲི་ཧེ་རུ་ཀ་ཀྲོ་ཏཱི་ཤྭ་རཱི་ཨ་བྷི་ཥི་ཉྩ་ཨ། ཧོ་བཛྲ་ཧེ་རུ་ཀཿཡབ་ཡུམ་གྱིས་དབང་བསྐུར་བས་རྣམ་པར་ཤེས་པའི་ཕུང་པོ་གནས་སུ་དག་ནས་ཐུགས་མི་འགྱུར་བ་ཆོས་ཉིད་ཀྱི་དབང་ཐོབ་པར་གྱུར་ཅིག །ཧཱུྃ། ཁྲག་འཐུང་བུདྡྷ་ཧེ་རུ་ཀཿ། བུདྡྷ་ཀྲོ་ཏི་ཡུམ་དང་སྦྱོར། །གཉིས་སུ་མེད་པའི་བྱིན་རླབས་ཀྱིས། །སྐུ་ཡི་ཁྲོ་རྒྱལ་དབང་ཡང་སྦྱིན། །བྷུདྡྷ་ཤྲཱི་ཧེ་རུ་ཀ་བྷུདྡྷ་ཀྲེ་ཏཱི་ཤྭ་རཱི་ཨ་བྷི་ཥིཉྩ་ཨ་(༣༨བ)
བྷུདྡྷ་ཧེ་རུ་ཀ་ཡབ་ཡུམ་གྱི་དབང་བསྐུར་བས། གཟུགས་ཀྱི་ཕུང་པོ་གནས་སུ་དག་ནས། སྐུ་མི་འགྱུར་བ་ཆོས་ཉིད་ཀྱི་དབང་ཐོབ་བར་གྱུར་ཅིག །ཧཱུཾ། ཁྲག་འཐུང་རཏྣ་ཧེ་རུ་ཀ །རཏྣ་ཀྲོ་ཏཱི་ཤྭ་རཱི་ཡུམ་དང་སྦྱོར། །གཉིས་སུ་མེད་པའི་བྱིན་རླབས་ཀྱིས། །ཡོན་ཏན་ཁྲོ་བོའི་དབང་ཡང་སྦྱིན། །རཏྣ་ཤྲཱི་ཧེ་རུ་ཀ་རཏྣ་ཀྲོ་ཏཱི་ཤྭ་རཱི་ཨ་བྷི་ཥིཉྩ་ཨ། རཏྣ་ཧེ་རུ་ཀ་ཡབ་ཡུམ་གྱིས་དབང་བསྐུར་བས། །ཚོར་བའི་ཕུང་པོ་གནས་སུ་དག་ནས་ཡོན་ཏན་མི་འགྱུར་བ་ཆོས་ཉིད་ཀྱི་དབང་ཐོབ་པར་གྱུར་ཅིག །ཧཱུཾ། ཁྲག་འཐུང་པདྨ་ཧེ་རུ་ཀ །པདྨ་ཀྲོ་ཏི་ཡུམ་དང་སྦྱོར། །གཉིས་སུ་མེད་པའི་བྱིན་རླབས་ཀྱིས། །གསུང་གི་ཁྲོ་བོའི་དབང་ཡང་སྦྱིན། །པདྨ་ཤྲཱི་ཧེ་རུ་ཀ་པདྨ་ཀྲོ་ཏཱི་ཤྭ་ཏཱི་ཤྭ་རཱི་ཨ་བྷི་ཥིཉྩ་ཨ། པདྨ་ཧེ་རུ་ཀ་ཡབ་ཡུམ་གྱིས་དབང་བསྐུར་བས། འདུ་ཤེས་ཀྱི་ཕུང་པོ་གནས་སུ་དག་ནས་གསུང་མི་འགྱུར་བ་ཆོས་ཉིད་ཀྱི་དབང་ཐོབ་པར་གྱུར་ཅིག །ཧཱུཾ། ཁྲག་འཐུང་ཀརྨ་ཧེ་རུ་ཀ །ཀརྨ་ཀྲོ་ཏི་ཡུམ་དང་སྦྱོར། །གཉིས་སུ་མེད་པའི་བྱིན་རླབས་ཀྱིས། །ལས་ཀྱི་ཁྲོ་བོའི་དབང་ཡང་སྦྱིན། །ཀརྨ་ཤྲཱི་ཧེ་རུ་ཀ་ཀརྨ་ཀྲོ་ཏཱི་ཤྭ་རཱི་ཨ་བྷི་ཥིཉྩ་ཨ། ཀརྨ་ཧེ་རུ་ཀ་ཡབ་ཡུམ་གྱིས་དབང་བསྐུར་བས། འདུ་བྱེད་ཀྱི་ཕུང་པོ་གནས་སུ་དག་ནས། འཕྲིན་ལས་མི་འགྱུར་བ་ཆོས་ཉིད་ཀྱི་དབང་ཐོབ་པར་གྱུར་ཅིག །དབང་དེས་ནི་དཔེར་ན་འོད་སྟོང་ཉི་མའི་སྙིང་པོ་ལ་རྫོགས་པ་ལྟར་དུ་ཞི་ཁྲོ་ཡོངས་རྫོགས་ཀྱི་དབང་ཐོབ་པར་ངེས་ཤེས་བསྐྱེད་པར་བྱའོ། །རབ་གནས་ཚོགས་འཁོར་བྱའོ། །དེ་ནས་སྐུ་བཞི་ཡོངས་རྫོགས་ཀྱི་དབང་བསྐུར་ཏེ། དབང་རྟེན་འཇམ་དབྱངས་སྤྱན་རས་གཟིགས་རྡོ་རྗེ་སེམས་དཔའ་ཀུན་བཟང་དྲུག་པ་རྡོ་རྗེ་འཆང་དང་བཞིའི་སྐུ་རེ་རེ་ལ་མཚོན་ཏེ་སློབ་བུའི་གནས་བཞིར་ས་མ་ཏིས་བསྟིམ་པ་ནི། ཧཱུཾ། སྤྱི་བོར་འཇམ་(༣༩ན)
དཔལ་ཡེ་ཤེས་བཞུགས། །ཕུང་པོའི་བདུད་ལས་རྒྱལ་བར་ཤོག །མགྲིན་པར་སྤྱན་རས་གཟིགས་དབང་བཞུགས། །ལྷ་བུའི་བདུད་ལས་རྒྱལ་བར་ཤོག །སྙིང་གར་རྡོ་རྗེ་སེམས་དཔའ་བཞུགས། །ཉོན་མོངས་བདུད་ལས་རྒྱལ་བར་ཤོག །ལྟེ་བར་རྡོ་རྗེ་འཆང་ཆེན་བཞུགས། །འཆི་བདག་བདུད་ལས་རྒྱལ་བར་ཤོག །རྒྱལ་བ་རིགས་བཞིས་དབང་བསྐུར་བས། །བདུད་བཞི་རབ་འཇོམས་དབང་ཐོབ་ནས། །སྐུ་བཞི་ལྷུན་གྱིས་གྲུབ་པར་ཤོག །ཨཱོཾ་ཝཱ་གཱི་ཤྭ་རི་མུཾ། ཨཱཪྻཱ་པ་ལོ་ཀི་ཏེ་ཤྭ་རཱ་ཡ། བཛྲ་སཏྭ་ཧཱུཾ། མཧཱ་བཛྲ་དྷ་ར་ཨ་བྷི་ཥིཉྩ་ཨ། དེས་ནི་དཔེར་ན་བཙན་པོའི་མཁར་དུ་ཞུགས་པ་ལྟར། སྐུ་བཞིའི་བདག་ཉིད་ཆེན་པོ་བདུད་ལས་རྒྱལ་བའི་དབང་ཡོངས་སུ་རྫོགས་པར་ངེས་ཤེས་བསྐྱེད་དོ། །དེ་ནས་རྩལ་ཆེན་ཡོངས་རྫོགས་བྱ་ཁྱུང་སྤྲུལ་པའི་དབང་བསྐུར་ཏེ། དབང་རྟེན་ནི་བྱ་རྒོད་རྒྱལ་མཚན་ནམ་ཁྱུང་པོ་ཁྱུང་མོ་རིས་སུ་བྲིས་པ་གཅིག་མཚོན་ཏེ། ཧཱུཾ། སྤྲུལ་པའི་བྱ་ཁྱུང་གྷ་རུ་ཌ། །བདེ་གཤེགས་ནུས་མཐུ་རྩལ་ཆེན་རྫོགས། །ཀླུ་འདུལ་ཁྱུང་པོ་ཁྱུང་མོའི་ཚུལ། །གཙུག་ན་རིན་ཆེན་རྡོ་རྗེའི་མཆུ། །རལ་གྲིའི་གཤོག་རྒྱས་ལྕགས་ཀྱུའི་སྡེར། །ཡང་སྤྲུལ་རིགས་ལྔའི་ཁྱུང་སྤྲུལ་བསྐོར། །གདུག་པ་འདུལ་བྱེད་ཁྱུང་དབང་བསྐུར། །བདེན་པ་དབྱེར་མེད་དོན་རྟོགས་ཤོག །ཨཱོཾ་ཨཱཿཧཱུཾ་ཁྲོམ་གྷ་རུ་ཌ་ཧཱུཾ་ཕཊ་སརྦ་ཨ་བྷི་ཥིཉྩ་ཨ། ཞེས་དཔུང་པ་གཉིས་སུ་བསྟིམ། དེས་ནི་སྒོང་ཆག་ཁྱུང་བཞིན་ཇི་མི་མཉམ་པའི་རྩལ་དབང་ཐོབ་པར་ངེས་ཤེས་བསྐྱེད་དོ། །རབ་གནས་ཚོགས་བྱ། དེ་ནས་བདེ་གཤེགས་ཞི་ཁྲོ་བཀའ་བརྒྱད་ཡོངས་རྫོགས་ཚོམ་བུ་དགུའི་དབང་བསྐུར་ཏེ། དབང་རྟེན་ཕོ་བྲང་གི་ཙཀླི་ཀུན་གྱིས་མཚོན་ཅིང་དམིགས་པས་བསྟིམ་པར་བྱ་སྟེ། ཧཱུཾ། བཅོམ་ལྡན་དཔལ་ཆེན་(༣༩བ)
ཆེ་མཆོག་ཧེ་རུ་ཀ །མཐིང་ནག་དབུ་གསུམ་ཕྱག་དྲུག་ཞབས་བཞི་བགྲད། །གཡས་གསུམ་རྡོ་རྗེ་རྩེ་དགུ་རྩེ་ལྔ་རྩེ་གསུམ་བསྣམས། །གཡོན་གསུམ་བན་དམར་དུང་དམར་ཐོད་ཁྲག་བསྣམས། །གནམ་ཞལ་ཡུམ་འཁྲིལ་དུར་ཁྲོད་ཆས་རྣམས་རྫོགས། །རིགས་བཞི་ལ་སོགས་ཆེ་མཆོག་ཡོངས་རྫོགས་ལྷ། །སྐལ་ལྡན་དབང་བསྐུར་ཡོན་ཏན་ལྷུན་གྲུབ་ཤོག །ཨཱོཾ་བཛྲ་ཀྲོ་ཏ་མཧཱ་ཤྲཱི་ཧེ་རུ་ཀ་ཧཱུཾ་སརྦ་ས་མ་ཡ་ཨ་བྷི་ཥིཉྩ་ཨ། ཞེས་སྤྱི་བོར་བསྟིམ། ཧཱུཾ། བཅོམ་ལྡན་དཔལ་ཆེན་འཇམ་དཔལ་གཤིན་རྗེ་གཤེད། །མཐིང་ནག་དབུ་གསུམ་ཕྱག་དྲུག་ཞབས་བཞི་བགྲད། །གཡས་གསུམ་འཁོར་ལོ་རལ་གྲི་དགྲ་སྟ་བསྣམས། །གཡོན་གསུམ་སྡིགས་མཛུབ་མདུང་དང་བན་དམར་བསྣམས། །སྦྱོར་སྒྲོལ་ཡུམ་དང་དུར་ཁྲོད་ཆས་རྣམས་རྫོགས། །རིགས་བཞི་ལ་སོགས་གཤིན་རྗེ་ཡོངས་རྫོགས་ལྷས། །སྐལ་ལྡན་དབང་བསྐུར་སྐུ་ལྔ་ལྷུན་གྲུབ་ཤོག །ཨཱོཾ་ཧྲཱིཿཥྚྲཱི་ཝི་ཀྲི་ཏཱ་ན་ན་ཧཱུཾ་སརྦ་ས་མ་ཡ་ཨ་བྷི་ཥིཉྩ་ཧྲཱིཿ། དཔྲལ་བར་བསྟིམ་མོ། །ཧཱུཾ། བཅོམ་ལྡན་དཔལ་ཆེན་རྟ་མཆོག་དབང་གི་རྒྱལ། །དམར་ནག་དབུ་གསུམ་ཕྱག་དྲུག་ཞབས་བཞི་བགྲད། །གཡས་གསུམ་རྡོ་རྗེ་ཁ་ཊྭཱཾ་སྦྲུལ་ཞགས་སྣམས། །གཡོན་གསུམ་དྲིལ་བུ་བན་དམར་ལྕགས་སྒྲོག་བསྣམས། །གཟི་ལྡན་ཡུམ་འཁྲིལ་དུར་ཁྲོད་ཆས་རྣམས་རྫོགས། །རིགས་བཞི་ལ་སོགས་དབང་ཆེན་ཡོངས་རྫོགས་ལྷས། །སྐལ་ལྡན་དབང་བསྐུར་གསུང་དབྱངས་ལྷུན་གྲུབ་ཤོག །ཨཱོཾ་ཧ་ཡ་གྷྲཱི་བ་ཧུ་ལུ་ཧུ་ལུ་ཧཱུཾ་སརྦ་ས་མ་ཡ་ཨ་བྷི་ཥིཉྩ་ཨ། མགྲིན་པར་བསྟིམ་མོ། །ཧཱུཾ། བཅོམ་ལྡན་དཔལ་ཆེན་བཛྲ་ཧེ་རུ་ཀ །མཐིང་ནག་དབུ་གསུམ་ཕྱག་དྲུག་ཞབས་བཞི་བགྲད། །གཡས་གསུམ་རྡོ་རྗེ་ཁ་ཊྭཱཾ་རྔེའུ་ཆུང་བསྣམས། །གཡོན་གསུམ་(༤༠ན)
དྲིལ་བུ་བྷན་དམར་རྒྱུ་ཞགས་བསྣམས། །ཀྲོ་ཏི་ཡུམ་འཁྱུད་དུར་ཁྲོད་ཆས་རྣམས་རྫོགས། །རིགས་བཞི་ལ་སོགས་ཡང་དག་ཡོངས་རྫོགས་ལྷས། །སྐལ་ལྡན་དབང་བསྐུར་ཐུགས་མཆོག་ལྷུན་གྲུབ་ཤོག །ཨཱོཾ་རུ་ལུ་རུ་ལུ་ཧཱུཾ་བྷྱོ་ཧཱུཾ་སརྦ་ས་མ་ཡ་ཨ་བྷི་ཥིཉྩ་ཨ། སྙིང་གར་བསྟིམ་མོ། །ཧཱུཾ། བཅོམ་ལྡན་དཔལ་ཆེན་རྡོ་རྗེ་གཞོན་ནུའི་སྐུ། །མཐིང་ནག་དབུ་གསུམ་ཕྱག་དྲུག་ཞབས་བཞི་བགྲད། །གཡས་གཉིས་རྡོ་རྗེ་རྩེ་ལྔ་བསྣམས། །གཡོན་གཉིས་མེ་དཔུང་ཁ་ཊྭཱཾ་རྩེ་གསུམ་བསྣམས། གཡས་གཡོན་མཐའ་གཉིས་རི་རབ་ཕུར་བུ་འདྲིལ། །རྒྱས་འདེབས་ཡུམ་འཁྱུད་དུར་ཁྲོད་ཆས་རྣམས་རྫོགས། །རིགས་བཞི་ལ་སོགས་ཕུར་པ་ཡོངས་རྫོགས་ལྷས། །སྐལ་ལྡན་དབང་བསྐུར་འཕྲིན་ལས་ལྷུན་གྲུབ་ཤོག །ཨོཾ་བཛྲ་ཀཱི་ལི་ཀཱི་ལཱ་ཡ་ཧཱུཾ་སརྦ་ས་མ་ཡ་ཨ་བྷི་ཥིཉྩ་ཨ། ལྟེ་བར་བསྟིམ་མོ། །ཧཱུཾ། བཅོམ་ལྡན་དཔལ་ཆེན་བླ་མེད་ཧེ་རུ་ཀ །མཐིང་ནག་དབུ་གསུམ་ཕྱག་དྲུག་ཞབས་བཞི་བགྲད། །གཡས་གསུམ་རྡོ་རྗེ་ཁྱུང་ཁྲ་སྦྲུལ་ཞགས་བསྣམས། །གཡོན་གསུམ་བན་དམར་ཞིང་དབྱུག་གའུ་བསྣམས། །ཀུན་བཟང་ཡུམ་འཁྱུད་དུར་ཁྲོད་ཆས་རྣམས་རྫོགས། །ཡུམ་དྲུག་ལ་སོགས་མ་མོ་ཡོངས་རྫོགས་ལྷས། །སྐལ་ལྡན་དབང་བསྐུར་མ་མོ་ལྷུན་གྲུབ་ཤོག །ཨཱོཾ་གྷུ་ཧྱ་ཛྙཱ་ན་ཤྲཱི་ཧེ་རུ་ཀ་ཀྲོ་ཏཱི་ཤྭ་རཱི་ཧཱུཾ་སརྦ་ས་མ་ཡ་ཨ་བྷི་ཥིཉྩ་ཨ། གསང་གནས་སུ་བསྟིམ་མོ། །ཧཱུཾ། བཅོམ་ལྡན་དཔལ་ཆེན་རིགས་འཛིན་ཐོད་པ་རྩལ། །སྐུ་མདོག་མ་ངེས་ཞལ་གཅིག་ཕྱག་གཉིས་པ། །གཡས་པ་རྡོ་རྗེ་གཡོན་པ་དྲིལ་བུ་བསྣམས། །ཞབས་གཉིས་བརྐྱང་བསྐུམ་ཞི་དང་ཁྲོ་གར་མཛད། །རྣལ་འབྱོར་ཡུམ་བཅས་རུས་པའི་རྒྱན་དྲུག་སྤྲས། (༤༠བ)
རིགས་འཛིན་བཞི་སོགས་རིགས་འཛིན་ཡོངས་རྫོགས་ལྷས། །སྐལ་ལྡན་དབང་བསྐུར་བྱིན་རླབས་ལྷུན་གྲུབ་ཤོག །ཨཱོཾ་བཛྲ་མཧཱ་གྷུ་རུ་སརྦ་ཧཱུཾ་སརྦ་མ་ཡ་ཨ་བྷི་ཥིཉྩ་ཨ། སྤྱི་བོར་བསྟིམ། ཧཱུཾ། བཅོམ་ལྡན་དཔལ་ཆེན་དྲེགས་པ་ཀུན་འདུལ་ནི། །མཐིང་ནག་དབུ་གསུམ་ཕྱག་དྲུག་ཞབས་བཞི་བགྲད། །གཡས་གཡོན་དང་པོ་རྡོ་རྗེ་དུང་ཁྲག་འཁྲུག །གཡས་ཀྱི་འོག་གཉིས་ལྷ་བརྒྱད་མགོ་བོ་བསྣམས། །གཡོན་གྱི་འོག་གཉིས་ཀླུ་བརྒྱད་མགོ་བོ་བསྣམས། །སྤྱི་འདུལ་ཡུམ་འཁྱུད་དུར་ཁྲོད་ཆས་རྣམས་རྫོགས། །རིགས་བཞི་ལ་སོགས་དྲེགས་པ་ཡོངས་རྫོགས་ལྷས། །སྐལ་ལྡན་དབང་བསྐུར་ཆོས་སྐྱོང་ལྷུན་གྲུབ་ཤོག །ཨཱོཾ་བཛྲ་ཙཎྜ་སརྦ་དུཥྚཱ་ན་ཧཱུཾ་སརྦ་ས་མ་ཡ་ཨ་བྷི་ཥིཉྩ་ཨ། དཔུས་མོ་གཡས་སུ་བསྟིམ་མོ། །ཧཱུཾ། བཅོམ་ལྡན་དཔལ་ཆེན་སྟོབས་ལྡན་ནག་པོ་ཆེ། །མཐིང་ནག་དབུ་གསུམ་ཕྱག་དྲུག་ཞབས་བཞི་བགྲད། །གཡས་གཡོན་དང་པོ་རྡོ་རྗེ་ཐོད་ཁྲག་དཀྲུག །གཡས་གཉིས་ལྷ་བརྒྱད་ཙིཏྟ་རྩད་ནས་བསྣམས། །གཡོན་གཉིས་ཀླུ་བརྒྱད་ཙིཏྟ་སྒོང་ལྟར་འདྲིལ། །འབྱུང་ལྔ་ཡུམ་འཁྲིལ་དུར་ཁྲོད་ཆས་རྣམས་རྫོགས། །རིགས་བཞི་ལ་སོགས་སྔགས་བདག་ཡོངས་རྫོགས་ལྷས། །སྐལ་ལྡན་དབང་བསྐུར་དགྲ་བགེགས་ཚར་གཅོད་ཤོག །ཨཱོཾ་བཛྲ་སརྦ་དུཥྚཱན་ཨེ་ཛ་བྷྱོ་སརྦ་ས་མ་ཡ་ཨ་བྷི་ཥིཉྩ་ཨ། པུས་མོ་གཡོན་དུ་བསྟིམ་མོ། །དེ་ནས་རིགས་བཞི་སོ་སོའི་འཁོར་རྣམས་ལ། ཁྲག་འཐུང་འཇིགས་བྱེད་ཆེ་གེ་མོས། །དབང་ཆེན་བསྐུར་བས་མཐུ་སྟོབས་ཡོངས་རྫོགས་ཤོག །སྙིང་པོ་བརྗོད་ཅེས་ཨ་བྷི་ཥིཉྩ་ཨ། ཞེས་དབང་བསྐུར་རོ། །དེ་ནས་ཚོམ་བུའི་ལྷ་ཚོགས་ཀྱི་སྨོན་ལམ་གྱི་དབང་བསྐུར་ཏེ་མེ་ཏོག་ཕྱོགས་བཅུར་འཐོར་ཞིང་། ཧོ།དཔལ་(༤༡ན)
གཤིན་རྗེ་ཡབ་ཡུམ་སྲས་འཁོར་བཅས་པའི་དབང་བསྐུར་བས་བདེ་བར་གཤེགས་པ་ཐམས་ཅད་ཀྱི་སྐུ་ཡོངས་སུ་རྫོགས་པའི་དབང་ཆེན་པོ་ཐོབ་པར་གྱུར་ཅིག །ཧོ། པདྨ་དབང་ཆེན་ཡབ་ཡུམ་སྲས། །འགྲེའོ། །བདེ་བར་གཤེགས་པ་ཐམས་ཅད་ཀྱི་གསུང་། ཧོ་དཔལ་བཛྲ་ཧེ་རུ་ཀ་སྲས། བདེ་བར་གཤེགས་པ་ཐམས་ཅད་ཀྱི་ཐུགས། ཧོ་དཔལ་ཆེ་མཆོག་ཧེ་རུ་ཀ་ཡབ་ཡུམ་སྲས། བདེ་བར་གཤེགས་པ་ཐམས་ཅད་ཀྱི་ཡོན་ཏན་ཡོངས་སུ། ཧོ། དཔལ་ཆེན་རྡོ་རྗེ་གཞོན་ནུ་ཡབ་ཡུམ་སྲས། བདེ་བར་གཤེགས་པ་ཐམས་ཅད་ཀྱི་འཕྲིན་ལས་ཡོངས་སུ། ཧོ། དཔལ་བླ་མེད་ཧེ་རུ་ཀ་ཡབ་ཡུམ་སྲས། བདེ་བར་གཤེགས་པ་ཐམས་ཅད་ཀྱི་གཟི་བརྗིད་ཡོངས་སུ། ཧོ། དཔལ་རིགས་འཛིན་ཐོད་པ་རྩལ་ཡབ་ཡུམ་སྲས། བདེ་བར་གཤེགས་པ་ཐམས་ཅད་ཀྱི་ཆོས་སྒོ་ཡོངས་སུ། ཧོ། དཔལ་དྲེགས་པ་ཀུན་འདུལ་ཡབ་ཡུམ་སྲས། བདེ་བར་གཤེགས་པ་ཐམས་ཅད་ཀྱི་མཐུ། ཧོ། དཔལ་སྟོབས་ལྡན་ནག་པོ་ཡབ་ཡུམ་སྲས་འཁོར་བཅས་པའི་དབང་བསྐུར་བས། བདེ་བར་གཤེགས་པ་ཐམས་ཅད་ཀྱི་སྟོབས་ཡོངས་སུ་རྫོགས་པའི་དབང་ཆེན་པོ་ཐོབ་པར་གྱུར་ཅིག །དབང་དེས་ནི་དཔེར་ན་ནམ་མཁར་འབྱུང་བཞི་ཡོངས་སུ་རྫོགས་པ་ལྟར་ཕྱོགས་བཅུ་དུས་གསུམ་གྱི་བདེ་བར་གཤེགས་པ་ཐམས་ཅད་ཀྱི་སྐུ་གསུང་ཐུགས་ཡོན་ཏན་འཕྲིན་ལས་གཟི་བརྗིད་རྒྱུད་མཐུ་སྟོབས་ཐམས་ཅད་ཡོངས་སུ་རྫོགས་པ་ཡིན་ནོ། །རབ་གནས་ཚོགས་འཁོར་གྱིས་མངའ་འབུལ་ལོ། །དེ་ནས་སྐུ་གསུང་ཐུགས་ནན་ཏན་གྱིས་དབང་བསྐུར་ཏེ། དབང་རྟེན་ནི་མཐིང་ཤོག་ལ། ཨཱོཾ་དཀར་པོ། ཨཱཿདམར་པོ། ཧཱུཾ་མཐིང་ནག་གསུམ་བྲིས་ཏེ། ཨཱོཾ་སྐུ་ནི་མི་འགྱུར་(༤༡བ)
ཆོས་ཀྱི་སྐུ། །འཁོར་ལོ་རྩིབས་བརྒྱད་ཨཱོཾ་དཀར་གསལ། །དུས་གསུམ་བདེ་གཤེགས་ཐམས་ཅད་ཀྱི། །སྐུ་ཡི་ཕྱག་རྒྱས་དབང་བསྐུར་རོ། །ཨཱོཾ་སརྦ་ཏ་ཐཱ་ག་ཏ་མཧཱ་ཀཱ་ཡ་བཛྲ་སྭ་བྷཱ་བ་ཨཱཏྨ་ཀོ྅ཧཾ། ཧོ། སྐུའི་ཕྱག་རྒྱས་དབང་བསྐུར་བས་ལུས་སུ་འཛིན་པ་རྣམ་པར་དག་ནས་བདེ་བར་གཤེགས་པའི་སྐུའི་བདག་ཉིད་དུ་གྱུར་ཅིག །ཨཱཿསྱ་ནེ་མི་འགག་ཆོས་ཀྱི་གསུང་། །པདྨ་འདབ་བརྒྱད་ཨཾ་དམར་གསལ། །དུས་གསུམ་བདེ་གཤེགས་ཐམས་ཅད་ཀྱི། །གསུང་གི་ཕྱག་རྒྱས་དབང་བསྐུར་རོ། །ཨཱོཾ་སརྦ་ཏ་ཐཱ་ག་ཏ་མཧཱ་བ་ག་བཛྲ་སྭ་བྷཱ་བ་ཨཱཏྨ་ཀོ྅ཧཾ། ཧོ་གསུང་གི་ཕྱག་རྒྱས༝། ངག་ཏུ་འཛིན་པ༝། བདེ་བར་གཤེགས་པའི་གསུང་གི་བདག་ཉིད་དུ་གྱུར་ཅིག །ཧཱུཾ། ཐུགས་ནི་མི་སྐྱེ་ཆོས་ཉིད་ཐུགས། །རྡོ་རྗེ་རྒྱ་གྲམ་ཧཱུཾ་མཐིང་གསལ། །དུས་གསུམ་བདེ༝། ཐུགས་ཀྱི༝། ཨོཾ་སརྦ་ཏ་ཐཱ་ག་ཏ་མ་ཧཱ་ཙིཏྟ་བཛྲ་སྭ་བྷཱ་བ་ཨཱཏྨ་ཀོ྅ཧཾ། ཧོ། ཐུགས་ཀྱི་ཕྱག་རྒྱས་དབང་བསྐུར་བས་སེམས་སུ་འཛིན་པ་རྣམ་པར་དག་ནས། བདེ་བར་གཤེགས་པ་ཐམས་ཅད་ཀྱི་ཐུགས་ཀྱི་བདག་ཉིད་དུ་གྱུར་ཅིག །ཅེས་སྤྱི་གཙུག་མགྲིན་པ་སྙིང་ག་གསུམ་དུ་བསྟིམ་མོ། །སྒྲུབ་པ་ལུང་གི་དབང་སྐབས་འདིར་བསྐུར་རོ། །དབང་དེས་ནི་ལྕགས་ལ་ངར་བླུད་པ་ལྟར་སྒོ་གསུམ་སྐུ་གསུང་ཐུགས་ཀྱི་བྱིན་རླབས་ངར་ཐོགས་པ་ཡིན་ནོ། །བྱེ་བྲག་ཏུ་སྒྲུབ་ལུང་གནས་སྐབས་ཀྱི་དབང་བསྐུར་བ་ནི། བླ་མ་ལ་སེང་གེའི་ཁྲི་བཅས་ཏེ་བཞུགས། སློབ་བུ་རྣམས་ཀྱིས་མེ་ཏོག་གཏོར་ཏེ། དབང་གི་ཞུ་བ་འདི་སྐད་དོ། །ཧོ། རང་བཞིན་བུམ་པ་བན་དྷའི་ལྕང་ལོ་ཅན། །བདུད་རྩིས་བཀང་བ་དབང་གི་རང་བཞིན་ལ། །བདག་ཉིད་མདུན་འདུག་ཡེ་ཤེས་ལྷ་རྣམས་ཀྱིས། །སྐུ་གསུང་ཐུགས་(༤༢ན)
ཀྱི་དབང་མཆོག་སྩལ་དུ་གསོལ། །ཞེས་ཕོ་བྲང་གི་ཞུ་དབུལ།བླ་མས་གནང་བ་སྦྱིན་པ་ནི། ཧཱུཾ། དུར་ཁྲོད་གསང་བ་མཆོག་གི་དཀྱིལ་འཁོར་དུ། །བྱང་ཆུབ་རྡོ་རྗེའི་ལམ་ལ་དྲངས་ནས་ཀྱང་། །སྐུ་གསུང་ཐུགས་ཀྱི་དངོས་གྲུབ་སྦྱིན་པར་བྱ། དེ་ནས་སློབ་མ་དབང་སྟེགས་འདབ་མ་བརྒྱད་པའི་སྟེང་དུ་བཞག་སྟེ་ཕོ་བྲང་བན་དྷ་རྣམ་ལྔས་དབང་བསྐུར་བ་ནི། ཧཱུཾ། མཐིང་ནག་གྲུ་གསུམ་འགྱུར་བ་མེད་པའི་སྐུ། །རྟག་ཏུ་ཧཱུཾ་ཆེན་ཀློང་ན་འཁྱིལ་བ་ཡི། །བདེ་ཆེན་བྱང་ཆུབ་སེམས་སུ་མངོན་རྫོགས་ཏེ། །རྡོ་རྗེ་རིགས་ཀྱི་བན་དྷས་དབང་བསྐུར་རོ། །དཀར་པོ་ཆོས་ཉིད་ཡངས་ཤིང་གསལ་བའི་སྐུ། །མཁའ་མཉམ་དབྱིངས་ཕྱུག་མ་བརྒྱད་རྟག་རོལ་ཅིང་། །སྲིད་པའི་ཆོས་ལ་ཡིད་བཞིན་དབང་སྒྱུར་བའི། །དེ་བཞིན་རིགས་ཀྱི་བན་དྷས༝། །སེར་པོ་ཡིད་བཞིན་ཡོན་ཏན་རྒྱས་པའི་སྐུ། །རི་རབ་སྤྱི་སྒོ་བརྒྱད་དང་རོལ་པའི་ས། །འདོད་དགུ་ཡིད་བཞིན་རེ་བ་སྐོང་མཛད་པ། །རིན་ཆེན་རིགས་ཀྱི༝། །ཆགས་པས་མི་གཏོང་དབང་གི་རྒྱལ་པོ་སྟེ། །དབང་ཕྱུག་གཏེར་ལྡན་ལྔ་དང་འཁྲིལ་བ་ཡིས། །འཁོར་བ་མ་ལུས་མྱ་ངན་འདས་བསྡུས་ནས། །པདྨ་རིགས་ཀྱི༝། །ལྗང་གུ་འཕྲིན་ལས་ཅིར་ཡང་བསྒྱུར་བའི་སྐུ། །བསྙེན་པའི་གནས་དང་གདན་དང་ངེས་པའི་ས། །ལས་ཀྱི་རིགས་ཀྱི་བན་དྷས་དབང་བསྐུར་རོ། །རིགས་ལྔ་ཡེ་ཤེས་ལྔ་ཡི་བྱིན་རླབས་ཀྱིས། །སྐལ་ལྡན་འདི་ལ་དབང་མཆོག་བསྐུར་དུ་གསོལ། །སྐུ་ལྔ་ཡེ་ཤེས་ལྔ་པོ་དབྱེར་མེད་སྐུ། །རྟོགས་པས་ཁམས་གསུམ་མ་ལུས་སྦྱོང་མཛད་པ། །ཐུགས་རྗེའི་བྱིན་རླབས་དངོས་གྲུབ་མཆོག་གསོལ་བས། །དུག་ལྔ་གནོད་པའི་མཐུ་དང་རབ་ལྡན་ཤོག །ཅེས་རིགས་ལྔའི་དབང་ཚར་(༤༢བ)
ནས་ཁྱད་པར་རྟེན་དགུའི་དབང་བྱ་སྟེ། སྐུ་གསུམ་ཐུགས་ཡོན་ཏན་འཕྲིན་ལས་གནས་སྔར་གཏུག་ཅིང་དབུས་ཀྱི་ཐོད་སྐུ་བདུད་རྩི་བུམ་དབང་ནས་རིམ་པར་བསྐུར་ཏེ། ཧཱུཾ། ཆེ་མཆོག་ཡོངས་རྫོགས་བདུད་རྩི་བུམ་པའི་དབང་། །སྐལ་ལྡན་རིགས་ཀྱི་བུ་ལ་བསྐུར་ཐོབ་ཤོག །ཧཱུཾ། ཡང་དག་ཡོངས་རྫོགས་མེ་གཅིག་ཐུགས་ཀྱི་དབང་། །སྐལ་ལྡན་རིགས་ཀྱི༝། །ཧཱུཾ། གཤིན་རྗེ་ཡོངས་རྫོགས་སྐུ་རྟེན་ཁྲམ་གཅིག་དབང་། །སྐལ་ལྡན༝། །ཧཱུཾ། པདྨ་ཡོངས་རྫོགས་གསུང་རྟེན་རྟ་ཞལ་དབང་། །སྐལ་ལྡན༝། །ཧཱུཾ། འཕྲིན་ལས་ཡོངས་རྫོགས་རྡོ་རྗེ་ཕུར་གཅིག་དབང་། །སྐལ་ལྡན༝། །ཧཱུཾ། མ་མོ་ཀུན་འདུས་སྙིང་གཅིག་དམ་རྫས་དབང་། །སྐལ་ལྡན༝། །ཧཱུཾ། རིགས་འཛིན་ཀུན་འདུས་ཐོད་རྩལ་སྐུ་གཅིག་དབང་། །སྐལ་ལྡན༝། །ཧཱུཾ། འཇིག་རྟེན་ཀུན་འདུས་དྲེགས་པ་སྐུ་གཅིག་དབང་། །སྐལ་ལྡན༝། །ཧཱུཾ། དྲག་སྔགས་ཀུན་འདུས་སྔགས་ཀྱི་བྱང་གཅིག་དབང་། །སྐལ་ལྡན་རིགས་ཀྱི་བུ་ལ་བསྐུར་ཐོབ་ཤོག །དེ་ཡན་ཆད་ཀྱིས་རིགས་ལྔ་ཕོ་བྲང་དགུའི་དབང་སྟེ་སྐུའི་དབང་ངོ་། །གསུང་སྙིང་པོས་དབང་བསྐུར་ཏེ། །ཨོཾ་བོ་དྷི་ཙིཏྟ་མཧཱ་སུ་ཁ་ཛྙ་ན་དྷཱ་ཏུ་ཨཱཿ། གསང་འདུས་སྙིང་པོ་འདི་བརྗོད་པས། །ཞི་བའི་ལྷ་ཚོགས་ཡོངས་བསྙེན་ཅིང་། །སྐུ་གསུང་ཐུགས་ཀྱི་དངོས་གྲུབ་ཐོབ། །འགྲོ་དོན་ནུས་པའི་དབང་ཐོབ་ཤོག །ཨཱོཾ་བཛྲ་ཀྲོ་ཏ་མ་ཧཱ་ཤྲཱི་ཧེ་རུ་ཀ་ཧཱུཾ་ཕཊ། གསང་བའི་སྙིང་པོ་འདི་བརྗོད་པས། ཆེ་མཆོག་ཡོངས་རྫོགས་རབ་བསྙེན་ཅིང་། །སྐུ་གསུང་ཐུགས་ཀྱི་༝། །འགྲོ་དོན་ནུས་པའི་དབང་ཐོབ་ཤོག །ཨཱོཾ་རུ་ལུ་རུ་ལུ་ཧཱུཾ་བྷྱོ་ཧཱུཾ། གསང་བའི༝། །ཡང་དག༝། །སྐུ་གསུང་ཐུགས༝། །(༤༣ན)
འགྲོ་དོན་ནུས་པའི༝། །ཨཱོཾ་ཨ་ཀྲོ་ཏེ་ཀ་ཡ་མནྟ་ཀ་ཧ་ན་མ་ཐ་བྷཉྫ་ཧཱུཾ་ཕཊ། གསང་བའི༝། །གཤིན་རྗེ༝། །སྐུ་གསུང་ཐུགས༝། །འགྲོ་དོན་ནུས༝། །ཨཱོཾ་པད་མཱནྟ་ཀྲི་ཏ་མཧཱ་ཀྲོ་ཏ་ཧ་ཡ་གྲཱི་བ་ཧཱུཾ་ཕཊ། གསང་བའི༝། །དབང་ཆེན་ལྷ་ཚོགས༝། །སྐུ་གསུང་ཐུགས༝། །འགྲོ་དོན་ནུས༝། །ཨཱོཾ་བཛྲ་ཀཱི་ལི་ཀཱི་ལཱ་ཡ་སརྦ་བིགྷྣཱན་བཾ་ཧཱུཾ་ཕཊ། གསང་བའི༝། །ཕུར་བའི༝། །སྐུ་གསུང་ཐུགས༝། །འགྲོ་དོན་ནུས༝། །ཨཱོཾ་གྷུ་ཧྱ་ཛྙཱ་ན་ཤྲཱི་ཧེ་རུ་ཀི་ཀྲོ་ཏི་ཤྭ་རཱི་ཧཱུཾ་ཕཊ། གསང་བའི༝། །མ་མོའི༝། །གསུང་ཐུགས༝། །འགྲོ་དོན་ནུས༝། །ཨཱོཾ་བཛྲ་མ་ཧཱ་གུ་རུ་སརྦ་ཧཱུཾ་ཕཊ། གསང་བའི༝། །རིགས་འཛིན་ཡོངས་རྫོགས༝། །སྐུ་གསུང་ཐུགས༝། །འགྲོ་དོན་ནུས༝། །ཨཱོཾ་བཛྲ་ཙིཎྜ་སརྦ་དུཥྚཱན་ཧཱུཾ་ཕཊ། གསང་བའི་འཇིག་རྟེན༝། །སྐུ་གསུང་ཐུགས༝། །འགྲོ་དོན་ནུས༝། །ཨཱོཾ་བཛྲ་སརྦ་དུཥྚཱན་ཧཱུཾ་ཕཊ། གསང་བའི་སྙིང་པོ་འདི་བརྗོད་པས། །དྲག་སྔགས་ཡོངས་རྫོགས་རབ་བསྙེན་ཅིང་། །སྐུ་གསུང་ཐུགས་ཀྱི་དངོས་གྲུབ་ཐོབ། །འགྲོ་དོན་ནུས་པའི་དབང་ཐོབ་ཤོག །དེ་ཡན་ཆད་གསང་བ་སྙིང་པོ་དགུའི་དབང་སྟེ་གསུང་གི་དབང་ངོ་། །ཐུགས་དབང་ནི་བུམ་པས་བསྐུར་ཏེ། ཧཱུཾ། ཐུགས་ལས་བརྟོལ་བའི་མན་ངག་གསང་ཆེན་པོ། །སྤྲོས་བྲལ་སྟོང་གསལ་ཆོས་སྐུ་འཛིན་པ་མེད། །སྐལ་ལྡན་མཆོག་གི་དངོས་པོ་དམ་པའི་གཟུངས། །ཐོགས་མེད་མཐུ་མངའ་རྫས་མཆོག་དམ་པ་འདི། །དབང་བསྐུར་གཉིས་མེད་ཐུགས་ཀྱི་དབང་ཐོབ་ཤོག །ཐུགས་ཀྱི་དབང་ཆེན་ཡོངས་རྫོགས་འགྱུར། །དེ་ནས་སྒྲུབ་རྫས་ཀྱི་དབང་བསྐུར་ཏེ། །རྟགས་གོང་ཐོགས་ལ། ཧཱུཾ། ལྷག་པའི་དུར་ཁྲོད་ཐལ་ཆེན་ཞག་(༤༣བ)
རཀྟ། །ཧེ་རུ་ཀའི་གནས་བཅུ་དུར་ཁྲོད་གནས་བརྒྱད་དུ། །དཔལ་ཆེན་གིང་དང་མཁའ་འགྲོ་ཀུན་དང་གཅིག །དབང་ཆེན་ཐབས་ཀྱིས་མཐུ་དང་རྫུ་འཕྲུལ་བསྐྱེད། །བདག་ཉིད་ཆེན་པོར་རབ་ཏུ་འབྱོར་པའི་རྟགས། །སྔོན་གྱི་ཐུགས་དམ་རྟགས་དང་ཕྱག་རྒྱའི་དབང་འདིས་ནི་མ་མོ་མཁའ་འགྲོ་རྣམས་ཀྱིས་ཀྱང་། །ནང་མིང་དང་ནི་ཇོ་བོར་འཛིན་པར་ཤོག །ཅེས་རྟགས་གསུམ་གདབ། དེ་ནས་ཨ་མྲྀ་ཏས་དབང་བསྐུར་ཏེ། ཧཱུཾ། དུག་ལྔ་མ་སྤངས་སྐུ་ཡི་རྒྱན་དུ་གནང་། །འཁོར་བ་ཐུགས་རྗེས་བཟུང་ཕྱིར་ཞལ་དུ་གསོལ། །བདུད་རྩི་ཨ་མྲྀ་ཏ་ཡི་དབང་བསྐུར་བས། །དུག་ལྔ་སྒྲོལ་བའི་དབང་དང་ལྡན་པར་ཤོག །དེ་ནས་གཏོར་མས་དབང་བསྐུར་ཏེ། ཧཱུཾ། གཞོང་པ་ཆོས་དབྱིངས་གཏོར་མ་ཕྱག་རྒྱའི་ལྷ། །དམ་སྐོངས་མཉེས་མཆོད་མཧཱ་བྷ་ལིཾ་ཏ། །འདོད་ཡོན་བདུད་རྩིའི་ཕུང་པོས་དབང་བསྐུར་བས། །མི་ཟད་རིན་ཆེན་གཏེར་ལ་ལོངས་སྤྱོད་ཤོག །དེ་ནས་བྱང་སེམས་རཀྟས་དབང་བསྐུར་ནི། །ཧཱུཾ། སྲིད་གསུམ་མ་ལུས་ཡུམ་གྱི་མཁའ་ལ་སྦྱོར། །འདོད་ཆགས་གནས་སུ་དག་པ་པདྨའི་རིགས། །ཀུན་ཏུ་བཟང་མོ་ཡུམ་གྱི་བྷ་ག་ལ། །བདེ་ཆེན་མི་འགྱུར་ཐིག་ལེའི་དབང་ཐོབ་ཤོག །དེ་ནས་དུར་ཁྲོད་རྫས་དབང་ནི། འཁོར་བ་མ་སྤངས་ཞིང་ཆེན་གཡང་གཞི་དང་། །ཤ་ཆེན་རྐང་རུས་ཐོད་པ་སྤྲུལ་པའི་སྐུ། ཁྲག་གི་རྒྱ་མཚོ་ཐུགས་རྗེའི་དྲི་ཆུ་དང་། །ཉ་ཆེན་འཕན་དང་སྦྲུལ་ནག་ཟ་ར་ཚགས། །གླང་ཆེན་ཀོ་བ་སྟག་གཟིག་རུ་ཏྲའི་ཤུན། ཁམས་གསུམ་མ་ལུས་དབང་སྡུད་དབང་ཐོབ་ཤོག །ཡུངས་ཀར་རྫས་དབང་ནི། ཧཱུཾ། སྒྲུབ་རྫས་ཡུངས་ཀར་མཆོག་གི་དབང་བསྐུར་བས། །ཕྲ་མོའི་ཏིང་འཛིན་ལས་སུ་རུང་བ་དང་། །གཟུགས་ཅན་དགྲ་དང་གཟུགས་མེད་བགེགས་འདུལ་ཕྱིར། །(༤༤ན)
སྤྲུལ་པ་མང་པོ་འགྱེད་པའི་དབང་ཐོབ་ཤོག །དེ་ནས་རྡོ་རྗེ་དྲིལ་བུས་དབང་བསྐུར་བ། །ཧཱུཾ། གསུང་རབ་བཅུ་གཉིས་བསྟན་པའི་སྒྲ་སྒྲོག་ཅིང་། །ཡེ་ཤེས་དག་པ་ཆོས་ཀྱི་དབྱིངས་ཉིད་ཀྱིས། །རྒྱལ་བ་ཡབ་ཡུམ་མཉེས་པར་མཛད་པ་ཡི། །དྲིལ་བུ་འདི་ཡང་སྐལ་ལྡན་ཁྱོད་ལ་བྱིན། །ཧཱུཾ། དཔའ་བོ་དཔའ་མོ་ཐབས་ལ་མཁས་ཤིང་བརྙེས། །ཐུགས་རྗེའི་བྱིན་རླབས་ཕུན་སུམ་ཚོགས་པ་ཡི། །ཡེ་ཤེས་རྣམ་པ་ལྔ་ཡི་རང་བཞིན་མཆོག །རྡོ་རྗེ་འདི་ཡང་སྐལ་ལྡན་ཁྱོད་ལ་བྱིན། །དེ་ནས་ཕུར་པས་དབང་བསྐུར་བ། ཧཱུཾ། ཆོས་ཉིད་རྟོགས་པར་བྱེད་པའི་ཡེ་ཤེས་དང་། །ཕུར་བུ་དོན་གྱི་ལྟ་བའི་རང་བཞིན་དང་། །ཕུར་པ་ཆོས་སྐུར་རྟོགས་པའི་གདེངས་ལྡན་གྱིས། །དོན་དམ་གཉིས་མེད་རྟོགས་པའི་དབང་ཐོབ་ཤོག །དེ་ནས་འཕྲེང་བས་དབང་བསྐུར་བ། །སྒྲུབ་རྫས་རིན་ཆེན་འཕྲེང་བས་དབང་བསྐུར་བས། །བཅོམ་ལྡན་ལྷ་རྣམས་དངོས་སུ་གྲུབ་པ་དང་། །འཁོར་གྱི་མ་དང་མཁའ་འགྲོ་ཆོས་སྐྱོང་རྣམས། །ཐམས་ཅད་འདུ་ཞིང་འཁོལ་ནུས་དབང་ཐོབ་ཤོག །དེ་ནས་ཚེ་དབང་བསྐུར་བ་ནི། ཧཱུཾ། རྡོ་རྗེ་ཚེ་མཆོག་མི་འགྱུར་བརྟན་པའི་དབང་། །འདི་བསྐུར་རྡོ་རྗེ་སེམས་དང་ཚེ་མཉམ་ཤོག །རྫས་ཐུན་མོང་བས་བསྐུར་བ། ཧཱུཾ། མདའ་ཡིས་དབང་བསྐུར་ཉོན་མོངས་བདུད་བཞི་འབིགས་པར་ཤོག །རལ་གྲིས་དབང་བསྐུར་གསང་བའི་དགྲ་འཇོམས་ཤོག །མེ་ལོང་དབང་བསྐུར་ཡེ་ཤེས་རབ་གསལ་ཤོག །རྒྱལ་མཚན་དབང་བསྐུར་བདུད་ལས་རྒྱལ་གྱུར་ཅིག །འཕན་དར་དབང་བསྐུར་བྱམས་པའི་སྤྲིན་འཕེལ་ཤོག །འཇམ་དེས་དབང་བསྐུར་བྱང་ཆུབ་སེམས་ལྡན་ཤོག །ཟླ་རྒྱས་དབང་བསྐུར་ཚོགས་གཉིས་གཏེར་རྒྱས་ཤོག །ཛ་གད་དབང་བསྐུར་(༤༤བ)
འགྲོ་བ་ཀུན་འདུལ་ཤོག །པུ་ཏིས་དབང་བསྐུར་ཤེས་རབ་གསུམ་ལྡན་ཤོག །ཞབས་ཀྱི་དབང་བསྐུར་བླ་མའི་ས་ནོན་ཤོག །དེ་ནས་ཡེ་ཤེས་ལྔའི་དབང་བསྐུར་ཏེ། །དབང་རྟེན་ནི་མན་ཤེལ་དྭངས་པོ་གཅིག་ཉི་ཟེར་ལ་སྤྲད་དེ། ཧཱུཾ། ཀུན་གཞི་རྣམ་ཤེས་གནས་གྱུར་ཏེ། །བག་ཆགས་མ་ལུས་གཏན་སྤངས་ནས། །ཆོས་ཀྱི་དབྱིངས་ཀྱི་ཡེ་ཤེས་སུ། །དབང་མཆོག་དམ་པར་དབང་བསྐུར་རོ། །ཨཱོཾ་མཧཱ་ཤུ་ཛྙཱ་ན་ཛྙཱ་ན་བཛྲ་སྭ་བྷཱ་བ་ཨཱཏྨ་ཀོ྅ཧཾ། ཨ་བྷི་ཥིཉྩ་ཨ། ཧོ། ཆོས་ཀྱི་དབྱིངས་ཡེ་ཤེས་ཀྱིས་དབང་བསྐུར་བས། །དངོས་དང་མཚན་མ་མེད་པའི་དབང་ཐོབ་པར་གྱུར་ཅིག །ཧཱུཾ། སེམས་ཀྱི་རྣམ་ཤེས་གནས་གྱུར་ཏེ། །བག་ཆགས་མ་ལུས་གཏན་སྤངས་ནས། །མེ་ལོང་ལྟ་བུའི་ཡེ་ཤེས་སུ། །དབང་མཆོག་དམ་པར་དབང་བསྐུར་རོ། །ཨཱོཾ་མཧཱ་ཨ་དྷ་རི་ཤ་ཛྙཱ་ན་བཛྲ་སྭ་བྷཱ་བ་ཨཱཏྨ་ཀོ྅ཧཾ། ཨ་བི་ཥིཉྩ་ཨ། ཧོ། མེ་ལོང་ལྟ་བུའི་ཡེ་ཤེས་ཀྱིས་དབང་བསྐུར་བས། །གསལ་ལ་འཛིན་པ་མེད་པའི་དབང་ཐོབ་པར་གྱུར་ཅིག །ཧཱུཾ། ཉོན་མོངས་རྣམ་ཤེས་གནས་གྱུར་ཏེ། །བག་ཆགས་མ་ལུས་གཏན་སྤངས་ནས། །མཉམ་པ་ཉིད་ཀྱི་ཡེ་ཤེས་སུ། །དབང་མཆོག་དམ་པར་དབང་བསྐུར་རོ། །ཨཱོཾ་མཧཱ་ས་མནྟ་ཛྙཱ་ན་བཛྲ་སྭ་བྷཱ་བ་ཨཱཏྨ་ཀོ྅ཧཾ། ཨ་བྷི་ཥིཉྩ་ཨ། མཉམ་པ་ཉིད་ཀྱི་ཡེ་ཤེས་ཀྱི་དབང་བསྐུར་བས། །ཆོས་ཐམས་ཅད་ང་དང་བདག་ཏུ་རྟོག་པ་མེད་པའི་དབང་ཐོབ་པར་གྱུར་ཅིག །ཧཱུཾ། ཡིད་ཀྱི་རྣམ་ཤེས་གནས་གྱུར་ཏེ། །བག་ཆགས༝། །སོ་སོར་རྟོག་པའི་ཡེ་ཤེས་སུ། །དབང་མཆོག་དམ་པར་དབང་བསྐུར་རོ། །ཨཱོཾ་མཧཱ་ས་མནྟ་ཛྙཱ་ན་བཛྲ་སྭ་བྷཱ་བ་ཨཱཏྨ་ཀོ྅ཧཾ། ཨ་བྷི་ཥིཉྩ་ཨ། སོ་སོར་རྟོག་པའི་ཡེ་ཤེས་དབང་བསྐུར་བས། །ཆོས་ཐམས་ཅད་(༤༥ན)
གསལ་ལ་མ་འདྲེས་པར་ས་ལེ་མཐོང་བའི་དབང་ཐོབ་པར་གྱུར་ཅིག །ཧཱུཾ། སྒོ་ལྔའི་རྣམ་ཤེས་གནས་གྱུར་ཏེ། བག་ཆགས༝། །བྱ་བ་ནན་ཏན་ཡེ་ཤེས་སུ། །ཨོཾ་མཧཱ་ཀྲི་ཧ་ཨ་ནུ་ཏ་ཉྫཱ་ན་བཛྲ་སྭ་བྷཱ་བ་ཨཱཏྨ་ཀོ྅ཧཾ། ཨ་བྷི་ཥིཉྩ་ཨ། བྱ་བ་ནན་ཏན་ཡེ་ཤེས་ཀྱི་དབང་བསྐུར་བས། ཆོས་ཉིད་བྱང་ཆུབ་སེམས་ཀྱི་དོན་མཐར་ཕྱིན་ཅིང་ཆོས་སྐུ་མྱུར་བར་མངོན་དུ་གྱུར་པའི་དབང་ཐོབ་པར་གྱུར་ཅིག །ཅེས་ཤེལ་སྤྱི་བོར་བཞག་ལ་ཆོས་སྐུ་རྣམ་དག་སྤྲོས་བྲལ་ལས། །རྩལ་མ་འགགས་ཡེ་ཤེས་ལྔར་འཆར་བ་ནི་ཤེལ་ལྟ་བུའོ། །ཞེས་ངོ་སྤྲད་དོ། །དབང་དེས་ནི་ལྷ་ཁང་སྒོ་ཕྱེ་བ་དང་འདྲ་བར་རྣམ་མཁྱེན་འཆར་བའི་རྒྱུ་ཡིན་ནོ། །ཚོགས་རབ་གནས་བྱའོ། །དེ་ནས་ལྷ་དབང་ཡོངས་སུ་རྫོགས་པ་དེ་རབ་ཏུ་གནས་པར་དབང་བསྐུར་ཏེ། དབང་རྟེན་ནི་སློབ་བུ་རྣམས་ལ་མེ་ལོང་བསྟན་ལ། དྲི་བཟང་ཁྲུས་ནས་དབྱུང་། ས་མ་ཏི་གསལ་བཏབ་ལ་བཞག །སློབ་དཔོན་གྱིས་མེ་ཏོག་དཀར་པོ་ནས་དཀར་མོ་དང་བསྲེས་ཏེ་རྟེན་འབྲེལ་བརྒྱ་རྩ་བརྒྱད་བསྙེན་ལ་སློབ་བུ་ལ་གཏོར་ཅིང་། མ་ཧཱའཱི་བསྒོམ་ཁོག་གིས་སྒོ་གསུམ་ལྷར། ཧཱུཾ། དབང་བསྐུར་བྱིན་རླབས་ཡོངས་རྫོགས་སྲས། །ལུས་ངག་ཡིད་གསུམ་ལྷར་གྱུར་ཏེ། །འཁོར་འདས་ཆོས་ལ་དབང་སྒྱུར་བའི། །དབང་དང་དངོས་གྲུབ་རབ་གནས་ཤོག །ཅེས་བརྗོད་ལ་མེ་ཏོག་དོར། འདིས་ཀྱང་རབ་ཏུ་གནས་སོ། །ཨཱོཾ་སརྦ་ཏ་ཐཱ་ག་ཏ་ཧྲྀ་ད་ཡ་མ་ནི་ཤ་ཏ་ཏི་པ་ཡེ་སྭཱཧཱ། དྷརྨ་དྷཱ་ཏུ་གརྦྷེ་ཧྲྀ་ད་ཡ་སྭཱཧཱ། རབ་ཏུ་གནས་པའི་ཡང་སྙིང་བརྗོད་ལ་མེ་ཏོག་གཏོར་རོ། །འདིས་ཀྱང་རབ་ཏུ་གནས་ཏེ། ཨཱོཾ་ཨཾ་ཧཱུཾ་སྭཱཧཱ་ཡེ་དྷརྨཱ་ཧེ་ཏུ་པྲ་བྷ་ཝཱ་ཧེ་ཏུནྟེ་ཥཱནྟ་ཐཱ་ག་ཏོ་ཧྱ་བ་ད་ཏྲ། ཏེ་ཥཱཉྩ་ཡོ་ནི་རོ་དྷ་ཨེ་ཝཾ་ཝཱ་དཱི་མཧཱ་ཤྲ་མ་ཎཿསྭཱཧཱ། (༤༥བ)
ཨཱོཾ་མཧཱ་ཤཱུ་ནྱ་ཏཱ་ཛྙཱ་ན་བཛྲ་སྭཱ་བྷཱ་གྷཱ་ཝ་ཨཱཏྨ་ཀོ྅ཧཾ། ཐིམ་པར་གྱུར་ཅིག །གསལ་བར་གྱུར་ཅིག །མཆོད་པར་གྱུར་ཅིག །འབར་བར་གྱུར་ཅིག །རྒྱས་པར་གྱུར་ཅིག །དབང་དུ་གྱུར་ཅིག །ཧོ། སྨིན་འཛོམ་རིག་ན་རྟོགས་པར་གྱུར་ཅིག །སྨིན་འཛོམ་རིག་ན་བརྟན་པར་གྱུར་ཅིག །སྨིན་འཛོམ་རིག་ན་གྲོལ་བར་གྱུར་ཅིག །ས་མ་ཡ་ཧོ་ཞེས་ལན་བདུན་གཏོར། གང་ཟག་བདག་མེད་ནས་ཆོས་ཉིད་རྣམ་དག་འགྱུར་མེད་དུ་རབ་ཏུ་གནས་སོ། །རྒྱལ་ཐོབ་ཀྱི་བཀྲ་ཤིས་བརྗོད། དབང་དེས་ནི་གསེར་གྱི་ས་གཞི་ལ་གསེར་གྱི་རི་རབ་བཞག་པ་ལྟར་དབང་ཡོངས་སུ་རྫོགས་ནས་རབ་ཏུ་གནས་པར་འགྱུར་རོ། །འབྲང་རྒྱས་བཅས་ཏེ་སྒྲ་སྙན་སྒྲོག །དེ་རྗེས་མངའ་གསོལ་དབང་བསྐུར་བའི་ཕྱིར་ཞལ་ཟས་བཟང་པོ་སྣ་ཚོགས་སྤོད་ཀྱིས་བྲན་ཛ་གད་ལ་རྒྱས་ཕུལ་ཏེ། ཧཱུཾ། བཟའ་དང་བཅའ་དང་བཏུང་བའི་ཚོགས། ཁ་མངར་སྐྱུར་རྩུབ་ལན་ཚྭ་སྤོད། །ཛ་གད་ཟླ་རྒྱས་ཟླ་ཕྲོམ་དང་། །ཚེ་འཛིན་མཾ་ས་ཀུན་ཏུ་རྒྱུ། །འཇམ་ངེས་འཛག་ཏི་ལ་སོགས་ཏེ། །འདོད་ཡོན་ལྔ་ཡི་ལོངས་སྤྱོད་སྣ་ཚོགས་ལ། །དུས་རྣམས་ཀུན་ཏུ་ལོངས་སྤྱོད་ཤོག །ཨཱོཾ་བཛྲ་ཤཱ་ཡུ་ཤེ་ཧཱུཾ་བྷྲུཾ་ཎི་ཛ། ཨ་བྷི་ཥཉྩི་ཨ། སརྦ་སི་ཏི་ཀུན་ཕ་ལ་ཨ་ཤེ་ཤ་ཡ་ཨ། ཧོ། ཞལ་ཟས་ཚོགས་ཀྱིས་དབང་བསྐུར་བས། །སྦྱིན་པའི་ཕར་ཕྱིན་ཡོངས་རྫོགས་ཏེ། །དུས་རྟག་ཏུ་ལོངས་སྤྱོད་དང་ལྡན་ནས་རོལ་པའི་དབང་ཐོབ་པར་གྱུར་ཅིག །ཅེས་ཚོགས་འཁོར་བྱ། བླ་མ་ལ་གསེར་གྱི་མཎྜལ་དབུལ། ཕུད་གཏོར། ལྷ་ལ་བསྐང་གསོ་བྱའོ། །དབང་དེས་ནི་རྒྱུ་སྤྱི་སྤུངས་ལ་རྒྱན་སྒོས་སུ་གཏད་པ་ལྟར་ཐམས་ཅད་རྭ་ཆོད་མེད་པར་ལོངས་སྤྱད་པས་ཆོག་གོ ། (༤༦ན)
དེ་ནས་ཤམ་བུར་དྲེགས་པ་སྡེ་བརྒྱད་ཀྱི་སྲོག་དབང་བསྐུར་བར་བྱ་སྟེ། དབང་རྟེན་དྲེགས་པ་སྡེ་བརྒྱད་ཀྱི་རང་གཟུགས་སྲོག་སྙིང་དུ་བཅས་པ་གསར་ལ། དྲེགས་པའི་སྲོག་དབང་ནི་ཐོད་ངན་ནང་དུ་དབང་རྟེན་དྲེགས་པ་སྡེ་བརྒྱད་ཀྱི་གཟུགས་བརྙན་སྲོག་སྙིང་དང་བཅས་པར་བཤམས་པའི་མདུན་དུ་མཆོད་གཏོར་བང་རིམ་བཞི་པའི་དང་པོ་དབང་ཕྱུག་དང་མདུན་དུ་དབུ་མའི་གཏོར་མ། གཡས་གཡོན་དུ་མར་མེ། བང་རིམ་གཉིས་པའི་ལོགས་བཞིར་གཏོར་མ་རེ། བང་རིམ་གསུམ་པའི་ལོགས་བཞིར་གཏོར་མ་གཉིས་རེ། བཞི་པའི་ལོགས་རེར་གཏོར་མ་བཞི་རེ་སྟེ་གཏོར་མ་སུམ་ཅུ་ཟུར་གསུམ་ཤ་ཁྲག་མཐེ་བསྐྱུས་བརྒྱན་པ། སྨན་རཀ་བཤམ། སྔོན་དུ་སློབ་དཔོན་གྱིས་ལྷ་སྲིན་བཀའ་སྡོད་དུ་དབང་དུ་བསྡུ་ཞིང་ཟིལ་གྱིས་མནན་པ་ཞེས་ཏེ། ཅིའི་ཕྱིར་ཞེ་ན་རང་གི་རྣམ་ཤེས་ཚོགས་བརྒྱད་མ་དག་པའི་ཕྱིར་གཟུང་འཛིན་དྲེགས་པར་བྱུང་བ་ཡིན་ལ། ཚོགས་བརྒྱད་རྣམ་པར་དག་ཚེ་རིགས་ལྔ་ཡེ་ཤེས་ལྔ་ཁོ་ནར་བས། སློབ་དཔོན་གི་སྡེ་བརྒྱད་དབང་དུ་བསྡུ་ཞིང་ཟིལ་གྱིས་མནན་ཏེ། རང་ཉིད་ཆེ་མཆོག་ཡོངས་རྫོགས་ཀྱི་སྐུར་གསལ་ཞིང་ལྟ་བ་དང་ལྡན་པས། ཐུགས་ཀ་ནས་འཕྲོས་པའི་འོད་ཟེར་གྱིས་སྡེ་བརྒྱད་རྣམས་བཀུག་པར་བསམས་ལ་དྲག་སྔགས་སོ་ལྔ་པར་སྡེ་དཔོན་སུམ་ཅུའི་སྔགས་བཏགས་པ་བརྗོད་ནས་སྤྱན་དྲངས་ཏེ་སྐུ་སོ་སོ་ལ་ཐིམ་པས་དེ་དག་དངོས་སུ་གྱུར་པར་བསམས་ནས་སྲོག་སྔགས་བཟླ། སྡེ་བརྒྱད་ཀྱི་ཉོན་མོངས་པའི་དུག་གཞོམ་པའི་ཕྱིར་བསྒྲལ་བ་ནི། ཕུར་པ་ཐོགས་ནས། སྡེ་བརྒྱད་གཟུགས་རྣམས་རང་དང་སློབ་བུའི་དབུས་སུ་ཐོད་པར་བཀོད་དེ་སྡེ་བརྒྱད་སོ་སོའི་སྐུར་བསྐྱེད་བསྟིམ་སོ་སོའི་སྲོག་སྔགས་བཟླས་ཤིང་བསྟིམ་ལ་དེ་ཡང་སྡེ་བརྒྱད་ཀྱི་(༤༦བ)
ཉོན་མོངས་པའི་དུག་གཞོམ་པའི་ཕྱིར་བསྒྲལ་བར་བྱ་སྟེ། ཧཱུཾ། ང་ནི་ཟ་བྱེད་ཆེན་པོ་སྟེ། ཁམས་གསུམ་མ་ལུས་ཟ་བར་བྱའོ། །གདུལ་དཀའ་མ་ལུས་འདུལ་བའི་ཕྱིར། །ཤ་རུས་ལ་སོགས་ཟ་བར་བྱའོ། །གཤིན་རྗེ་མ་མོ་རྒྱལ་པོ་དང་། །དགྲ་ལྷ་བཙན་དང་གནོད་སྦྱིན་དང་། །ཀླུ་དང་གཟའ་དང་ལྷ་སྲིན་རྣམས། །གདུལ་དཀའ་མ་ལུས་འདུལ་པའི་ཕྱིར། །མངོན་མཐོང་སྟོབས་ཀྱིས་བསྒྲལ་བར་བྱ། །ང་ནི་དཔལ་ཆེན་ཟ་བྱེད་ཡིན། །ཤ་རུས་ལ་སོགས་ཟ་བར་བྱའོ། །བཛྲ་སརྦ་དུཥྚཱ་ན་ཏྲིག་ནན་ཨེ་ཧུར་ཐུམས་ཛ་མཱ་ར་ཡ་རྦད། ཅེས་བཟླས་ཤིང་བསྒྲལ་བར་བསམས་ཏེ་ཤ་ཁྲག་རུས་པ་ཐམས་ཅད་ཟོས་ཉོན་མོངས་དྲེགས་པ་ཚར་གཅོད་པར་བསམ། ཁོང་པ་ཆོས་ཀྱི་དབྱིངས་ནས་བརྒྱུད་དེ། དཔལ་གྱི་ལྷུམས་སྣམ་ཞལ་གྱིས་ནམ་མཁའ་ནས་སྡེ་བརྒྱད་རྣམ་ཤེས་བྱུང་ནས། ཙཀླིའི་གཟུགས་ལ་སོ་སོར་བསྟིམ་སྟེ། སློབ་བུའི་སྲུང་མར་གཏད་དེ། སྐབས་དེར་སློབ་བུས་གཞུ་དབུལ་ཏེ། རཾ་ཡཾ་ཁཾ། ཨཱོཾ་ཨཱཿཧཱུཾ་གིས་རི་རབ་བདུད་རྩིའི་རྒྱ་མཚོ་འདོད་ཡོན་ལྔ་དང་ལྡན་པ་སྨན་རཀ་གི་རྒྱ་མཚོ་ཆེན་པོར་བསམས་ལ། ཧཱུཾ། སངས་རྒྱས་བསྟན་པ་བསྲུང་བར་ཞལ་བཞེས་པ་ཞེས་སོགས་ཀྱི་གསོལ་གའི་མཐར། ཨཱོཾ་མཧཱ་དེ་ཝ་ཨེ་ཨི་དཾ་བྷ་ལིཾ་ཏ་ཁཱ་ཧི། མཧཱ་པཉྩ་ཁཱ་ཧི། མཧཱ་རཀྟ་ཁཱ་ཧི་ཞེས་པ་འོག་མ་ཀུན་ལ་འགྲེ། ཧཱུཾ། བཀྲ་ཤིས་དམ་ལྡན་མཐུ་ཆེ་བ་ཞེས་སོགས་ཀྱི་འཕྲིན་ལས་བཅོལ། ཕོ་ཉ་སྒོས་བསྐུལ་གྱི་ནང་གི་བསྐུལ་གཏོང་། སྡེ་དཔོན་གྱི་ལས་བྱང་ཆེན་མོ་བྱས་ཀྱང་ཆོག་མོད་ཧ་ཅང་མང་སྐྱོན་ཡོང་། དེ་ནས་སྲུང་མར་བསྟོད་པའི་ཆེད་དུ་གསོལ་བ་གདབ་པ་ནི། ཧོ། རྒྱལ་བ་ཀུན་དང་མཉམ་པར་སྦྱོར། །དྲེགས་པ་རྣམས་ལ་དབང་སྒྱུར་བའི། །སྒྲུབ་(༤༧ན)
ཆེན་རྣལ་འབྱོར་བདག་ལ་དགོངས། །བདག་ཅག་བྱང་ཆུབ་སེམས་བསྐྱེད་ཅིང་། །འཕགས་མཆོད་འགྲོ་དོན་བགྱིད་དགོངས་པས། །བདུད་དང་འབྱུང་པོ་ལོག་འདྲེན་དང་། །མི་ནག་སྲིན་པོ་གདོང་དམར་གྱིས། །བྱང་ཆུབ་བར་གཅོད་བསྟན་པ་འཇིག །དེ་ཡི་གཉེན་པོར་དྲེགས་པའི་ཚོགས། །ཆོས་སྐྱོང་སྲོག་དབང་མཐུ་རྩལ་ཞུ། །ཞེས་ལན་གསུམ་ཡོན་ཅིག་དབུལ། །དེ་ནས་བླ་མས་འདི་སྐད་དུ། །ཧོ། ཞི་ཁྲོ་ཡོངས་རྫོགས་ལྷ་བསྙེན་ན། །ཆོས་སྐྱོང་རྣམས་ཀྱང་བྲན་འཁོལ་བྱེད། །འོན་ཀྱང་ཞུ་བ་དེ་བཞིན་དུ། །སྣང་སྲིད་དྲེགས་པའི་གཙོ་སྡེ་བརྒྱད། །བྲན་དུ་གཏད་ཀྱིས་དམ་གཙང་སྲུངས། །ཞེས་གནང་བ་སྦྱིན་ནོ། །དེ་ཡང་བདག་ངན་ལ་ཁྱི་བཙོངས་ཀྱང་མི་ཆུན་པ་དང་འདྲ་བས་སློབ་བུ་ཉིད་རང་བཞིན་བདེ་གཤེགས་ཡོངས་རྫོགས་ལ་རྣམ་པ་ཕྱག་རྡོར་བསྒོམས་ལ་རྡོ་རྗེ་དྲིལ་བུ་གཏད་དེ། ཧཱུཾ། དུས་མཆོག་བཟང་པོ་དེ་ནས་ནི། ཁྱོད་ཀྱང་ཕྱག་རྡོར་སྐུ་རུ་བསྒྱུར། །དཔལ་ཆེན་ཕྱག་ན་རྡོ་རྗེ་ཡི། །སྐུ་གསུང་ཐུགས་དང་ཡོན་ཏན་དང་། །འཕྲིན་ལས་ལྔ་རུ་དབང་ཡང་བསྐུར། ཁྱོད་ཀྱང་ཕྱག་རྡོར་སྐུར་གྱུར་ནས། །དྲེགས་པ་ཀུན་གྱི་གཉེན་པོ་སྟེ། །ཐམས་ཅད་དབང་སྡུད་ཚར་གཅོད་ཤོག །ཨཱོཾ་བཛྲ་ཙཎྜ་སརྦ་དུཥྚཱན་ཏ་ཀ་ཧ་ན་ད་ཧ་པ་ཙ་ཧཱུཾ་ཕཊ། ཧོ། བུ་ཁྱོད་དཔལ་ཕྱག་ན་རྡོ་རྗེའི་དབང་བསྐུར་བས། ལུས་ངག་ཡིད་གསུམ་མཐུ་སྟོབས་ཀྱི་བདག་པོའི་སྐུ་གསུང་ཐུགས་སུ་གྱུར་ནས་དྲེགས་པ་སྡེ་བརྒྱད་དབང་དུ་སྡུད་ཟིལ་གྱིས་གནོན་བྲན་དུ་འཁོལ་བའི་དབང་ཐོབ་པར་གྱུར་ཅིག །དེས་ནི་ཇོ་བོས་ཇོ་བོ་ལ་བྲན་གཏད་པ་དང་འདྲ་སྟེ། སྡེ་བརྒྱད་ཁོལ་ནུས་པ་ཡིན་ནོ། །དེ་ནས་ཙཀླི་རྣམས་སྦམས་ཏེ་སློབ་(༤༧བ)
བུའི་སྲུང་མར་གཏད་པ་ནི། ཧཱུཾ། ཞེ་སྡང་དབང་གི་དྲེགས་པ་ནི། །གཤིན་རྗེ་བདུད་ཀྱི་རྒྱལ་པོ་ཡིན། །དབང་བསྡུས་ཟིལ་གྱིས་མནན་ནས་ནི། །བྲན་དང་ཁོལ་པོ་ཡང་གཡོག་དང་། །འབངས་ཀྱི་ཚུལ་དུ་ཁྱོད་ལ་གཏད། །གཉེན་པོའི་སྒྲུབ་པ་ཡུན་མ་ཐུང་། །བཀའ་དང་དམ་ལ་གནས་པར་འགྱུར། །ཡ་མ་རཱ་ཛ་ས་མ་ཡ་ཛཿཔ་ཤཾ་ཀུ་རུ་ཧཱུཾ་ཕཊ། ཅེས་གཤིན་རྗེ་གཏད་ལ། སློབ་བུའི་ཞབས་འོག་གཏད་དེས་འགྲེའོ། །ཧཱུཾ། འདོད་ཆགས་དབང་གི་དྲེགས་པ་ནི། །མ་མོ་མཁའ་འགྲོའི་རྒྱལ་མོ་ཡིན། །དབང་བསྡུས་༝། །བྲན་དང་༝། །འབངས་ཀྱི་༝། །གཉེན་པོའི་༝། །བཀའ་དང་དམ་༝། །ཏྲག་རག་ཤ་ཁ་མུན་ཏྲ་ཛ། པ་ཤཾ་ཀུ་རུ་ཧཱུཾ་ཕཊ། ཧཱུཾ། ང་རྒྱལ་དབང་གི་དྲེགས་པ་ནི། །རྒྱལ་པོ་གིང་གི་ཚོགས་ཡིན་ཏེ། །དབང་བསྡུས༝། །བྲན་དང་༝། །འབངས༝། །གཉེན་པོའི༝། །བཀའ་དང་༝། །ཏྲི་དུ་རུ་ཧྲིང་དུ་རུ་ཧར་ཏི་ཛ་པ་ཤཾ་ཀུ་རུ་ཧཱུཾ་ཕཊ། ཧཱུཾ། ཕྲག་དོག་དབང་གི་དྲེགས་པ་ནི། །རྨུ་དང་བཙན་གྱི་ཚོགས་ཡིན་ཏེ། །དབང་དུ༝། །བྲན་དུ༝། །འབངས༝། །གཉེན༝། །བཀའ༝། །ག་ཤུ་ལ་རཱ་ཙ་ཙ་ཏི་ན་ཏྲ་ཤ་ཡ་ཛ། པ་ཤཾ་ཀུ་རུ་ཧཱུཾ་ཕཊ། ཧཱུཾ། ལས་ཀྱི་དབང་གི་དྲེགས་པ་ནི། །དགྲ་ལྷ་མ་སངས་ཚོགས་ཡིན་ཏེ། །དབང་དུ། །བྲན་དུ། །འབངས། །གཉེན། །བཀའ། །བཛྲ་ས་དུ་ས་མ་ཡ་རཱ་ཛ་ཏྲི་ཛ་པ་ཤཾ་ཀུ་རུ་ཧཱུཾ་ཕཊ། ཧཱུཾ། ང་རྒྱལ་སྟོབས་ཀྱི་དྲེགས་པ་ནི། །གནོད་སྦྱིན་སྲིན་པོའི་ཚོགས་ཡིན་ཏེ། །དབང་༝། །བྲན༝། །འབངས༝། །གཉན༝། །བཀའ༝། །ཧྲི་བཛྲ་ཡཀྵ་བཛྲ་ཧྲིཾ་ཧྲིཾ་ཛ་པ་ཤཾ་ཀུ་རུ་ཧཱུཾ་ཕཊ། །ཧཱུཾ། གཏི་མུག་དབང་གི་དྲེགས་པ་ནི། །ཀླུ་དང་ཀླུ་བདུད་ཚོགས་ཡིན་ཏེ། །དབང་༝། །(༤༨ན)
བྲན༝། །འབངས༝། །གཉེན༝། །བཀའ༝། །ནཱ་ག་རཱ་ཛ་ས་མ་ཡ་ཕུ་ཛ་པ་ཤཾ་ཀུ་རུ་ཧཱུཾ་ཕཊ། ཧཱུཾ། འཇིག་རྟེན་ལས་ཤུགས་དྲེགས་པ་ནི། །གཟའ་དང་གདོང་མོའི་ཚོགས་ཡིན་ཏེ། །དབང༝། །བྲན༝། །འབངས༝། །གཉེན༝། །བཀའ་དང་༝། །རཱ་ཧུ་ལ་མ་མ་ཏྲིག་ཛ་པ་ཤཾ་ཀུ་རུ་ཧཱུཾ་ཕཊ། ཅེས་ཞབས་འོག་ལན་རེ་ཕྱུང་སྟེ་ཐོད་པར་བཀྲམ་ལ་ཨ་མྲྀ་ཏས་གསོ་བ་ནི། ཨཱོཾ་ཨཾ་ཧཱུཾ་ས་མ་ཡ་ཨ་མྲྀ་ཏ་ཁཱ་ཧི་ཁཱ་ཧི། སྙིང་ཉེ་བྲན་ཕོ་བྲན་མོའི་ཚོགས། །དམ་ལས་མ་འདའ་ས་མ་ཡཱ། །བདག་གི་སྲུང་མར་མངའ་གསོལ་ལོ། །སངས་རྒྱས་བསྟན་པ་ཁྱེད་ཀྱིས་སྲུངས། །དཀོན་མཆོག་དབུ་འཕང་ཁྱེད་ཀྱིས་སྟོད། །རྣལ་འབྱོར་སྐུ་དགྲ་ཁྱེད་ཀྱིས་སྒྲོལ། །ཞེས་སྲུང་མར་བཟུང་ཞིང་གཏོར་མ་མ་ཆག་པར་བཏང་ངོ་། །སྲོག་དབང་དུ་འདུས་པར་དབང་བསྐུར་བ་ནི། གོང་གི་སློབ་བུས་ཞུ་ཕུལ་ཕྱག་རྡོར་གྱི་དབང་ཚར་བའི་རྗེས་སུ་བླ་མས་དཔེ་རྒྱུད་སྒྲུབ་ཐབས། འཕྲེང་བ་དྲེགས་པ་སྡེ་བརྒྱད་དམ་གང་མོས་སྐུ་རྣམས་སློབ་བུའི་སྤྱི་བོར་བཞག་སྟེ། ཨེ་མ་རིགས་མཆོག་གསང་བའི་བུ། །འཇིག་རྟེན་དྲེགས་པ་སྡེ་བརྒྱད་ཚོགས། །ཡོངས་རྫོགས་དཔལ་གྱི་བཀའ་སྲུང་སྟེ། །དེ་རིང་ཁྱོད་ཀྱི་རྒྱུད་ལ་བསྒོ། །དྲེགས་པའི་སྲོག་ཤིང་ཁྱོད་ལ་སྦྱིན། །བསད་གསོད་དབབ་བཅད་བསྲུང་དང་བཟློག །དྲག་པོའི་ལས་ཀུན་ཁྱོད་གྱིས་ཤིག །ཅེས་དྲེགས་པ་གང་སྟོད་སྲོག་སྙིང་མཇུག་ཏུ། ཨཱོཾ་ཨ་ཛ་ལི་སི་ཏི་ཧཱུཾ་ཨཱཿ ས་ལ་ཏེ་སི་ཏི་སི་ཏི་ཨ་ཧཱུཾ། སརྦ་ཀརྨ་སི་ཏི་ཧཱུཾ། ཧོ། དེ་ལྟར་དབང་ཐོབ་དྲེགས་པ་དངོས། །ཁྱོད་དང་ཁྱད་པར་ཅི་ཡང་མེད། །དབང་མ་ཐོབ་ན་འབྲས་བུ་མེད། །ས་བོན་མེད་པའི་སོ་ནམ་འདྲ། །དེ་ཕྱིར་(༤༨བ)
མཐུ་དབང་སྲོག་སྦྱིན་ཟུང་། །ཞེས་བསྐུར་རོ། །དེ་ནས་གནད་ཀྱི་ཁྱིམ། སྲོག་གི་ཁྱིམ། མི་སླུ་བ་རྡོ་རྗེའི་ཁྱིམ་གསུམ་ཚར་གཅིག་བཟླས། དེ་ནས་དྲེགས་པའི་སྲོག་ཆིག་དྲིལ་གྱི་དབང་བསྐུར་ཏེ། ཧཱུཾ། འཇིག་རྟེན་ཁམས་ཀྱི་དྲེགས་པ་རྣམས། །རང་གི་རྟོག་ཚོགས་ཁོ་ན་སྟེ། །ཕོ་མོ་སྟོང་གི་དྲ་བར་འདུས། །སྟོང་དྲ་སྡེ་དཔོན་སུམ་ཅུར་འདུས། །དེ་ཉིད་སྔགས་བདག་བཅོ་བརྒྱད་འདུས། །དེ་ནས་དྲེགས་པ་བཅུ་གཉིས་འདུས། །དེ་ནི་ལྷ་སྲིན་སྡེ་བརྒྱད་འདུས། །དེ་ཡང་འབྱུང་ལྔའི་ལྷ་འདྲེར་འདུས། །དེ་ཉིད་ཕོ་མོ་ཀླུ་གསུམ་འདུས། །དེ་ཡང་ཕོ་མོ་གཉིས་སུ་འདུས། །དེ་ཉིད་མ་ནིང་ནག་པོ་སྟེ། །འདི་ནི་ཀུན་གྱི་མི་ཐུབ་སྟེ། །གཞན་གྱིས་སྲུང་བཟློག་མི་ནུས་པས། །ངར་འཛིན་རུ་ཏྲའི་རྒྱལ་པོ་སྟེ། །ཡོངས་རྫོགས་གཞལ་ཡས་ཁང་གི་གདན། །གཅིག་ཤུར་དུར་ཁྲོད་བདག་པོ་སྟེ། །མ་རིག་ན་ནི་རང་གི་བདུད། །རིག་ན་རྣམ་དག་ཧེ་རུ་ཀཿ། །སྟོང་སྲོག་རང་རིག་ཆོས་སྐུར་བཅད། །རང་རྩལ་མཐུ་སྟོབས་དབང་བསྐུར་རོ། །ཨེ་ཧུར་ཐུམས་ཛ་རྦད་ཨ་བྷི་ཤིན་ཙ་ཨ། ཞེས་སྲོག་དབང་དེས་ནི་དམག་དཔོན་རིན་པོ་ཆེ་ཆས་པ་ལྟར། དྲེགས་པའི་ཚོགས་ལ་རང་དབང་མེད་པར་དབང་དུ་འདུའོ། །དེ་ནས་ཞལ་གདམས་ཀྱི་དབང་བསྐུར་བ་ནི། །ཧོ། འཇིག་རྟེན་ལྷ་སྲིན་འདི་དག་ཀྱང་། །ལ་ལས་བདེ་གཤེགས་ཞལ་མཐོང་བས། །དགོངས་པ་མྱ་ངན་འདས་མོད་ཀྱང་། །སྤྱོད་པ་འཇིག་རྟེན་པ་ཡི་ཚུལ། །དམ་ལ་བཏགས་པའི་དབང་གི་བུ། །ད་རུང་འཇིག་རྟེན་བྱ་མ་བཏང་། །དགེ་བའི་ལས་ལ་མོས་པ་དང་། །དམ་ལས་མ་ཐོགས་ལས་ངན་པས། །ས་བོན་རྩུབ་པས་ཕན་གནོད་ཆེ། །འགའ་ཞིག་བདེ་གཤེགས་ཞལ་མ་གཟིགས། །ཆོས་ལ་མི་དད་ནག་པོའི་ཚོགས། །རིང་ཐུང་ཆད་འཕེལ་ལེགས་ཉེས་སྤྲུལ། །(༤༩ན)
གནས་མེད་ཟས་སུ་ཕུད་གཏོར་ཉུལ། །དེ་འདྲ་འཇིག་རྟེན་ཚོགས་མ་བསགས། །གདོལ་པ་རྒོད་ཀྱི་རིགས་མངས་བས། །ཨེ་མ་རྣལ་འབྱོར་བུ་ཁྱོད་ཀྱང་། །དྲོད་སོགས་རིམ་གྱིས་མ་ཐོབ་པར། །མངལ་སྐྱེས་ལུས་ལ་བརྟན་ནས་ནི། །དཔའ་བསྙེམས་བརྟུལ་ཞུགས་ང་རྒྱལ་གྱིས། །ལྷ་སྲིན་དྲེགས་པ་གདུལ་མི་བྱ། །བསོད་ནམས་རླུང་རྟ་གུད་དུས་སུ། ཁོངས་སུ་ཡལ་བར་ཅི་ལ་འཇོག །རྒྱུ་འབྲས་ཆོས་ཉིད་རང་སྣང་ཡིན། །སྤྱོད་པ་མ་རྩིང་རྣལ་འབྱོར་པ། །མོས་སྤྱོད་ཆོས་སྒོར་བཞུགས་པས་ཀྱང་། །ལྷ་སྲིན་སྡེ་བརྒྱད་ལ་སོགས་པ། །བླ་མའི་ཆོས་གཞུང་སྲུང་མ་དང་། །གནས་དེར་གནས་བསམ་ཡུལ་གྱི་ལྷ། །ལྷ་སྲིན་སྡེ་བརྒྱད་ཐམས་ཅད་ལ། །གསོལ་ཀ་མཆོད་པ་བྱས་ན་ཤིས། །བླ་མ་སངས་རྒྱས་རྟག་ཏུ་མཆོད། །མཆོད་རྟེན་དམོད་མོ་གང་སྒྲུབ་ཀྱང་། །མཉེས་བྱས་སྒྲུབ་ཐབས་ཚང་བར་ཞུ། །ཕལ་དུ་སྤྱི་མཐུན་རིགས་མ་འདས། །འདོད་ཡོན་མཆོད་གཏོང་བཟང་ན་འགྲུབ། །ལེགས་ཉེས་བསྟང་འཛིན་དངོས་གྲུབ་ནི། །དམ་ཚིག་དགོངས་པ་ལས་འཕྲོ་དང་། །སྒྲུབ་ཐབས་ཟབ་དང་མི་ཟབ་དང་། །གང་ནུས་དངོས་གྲུབ་རིམ་པར་འབྱུང་། །ཡིད་གཉིས་བློ་རྒོད་ལྷངས་སྐྱེས་ན། །ལས་མི་འགྲུབ་པས་ཐེ་ཚོམ་སྤོངས། །ད་ལྟར་བྱས་པས་མ་གྲུབ་ན། །སྤོགས་པའི་ཆོ་གས་ཨར་ལ་གཏད། །དེས་ནི་འཇིག་རྟེན་དངོས་གྲུབ་ཐོབ། །སྤྱི་བསྟན་སྲུངས་ཤིག་རྣལ་འབྱོར་པ། །ལྷ་མ་བསྙེན་པས་འདྲེ་མ་སྒྲུབ། །རང་རྒྱུད་འགྲོགས་ཀྱང་མི་བདེ་བས། །སྐྱོན་ཡང་ཤིན་ཏུ་མང་བར་གསུངས། །ཐམས་ཅད་ཆོས་སྐུའི་རང་རྩལ་དུ། །དགོངས་པ་བསྐྱེད་ཅིང་ཟབ་པར་བྱ། །འདི་དག་བྲན་དུ་བཀོལ་པ་ཡང་། །རྒྱུད་ལ་བྱིན་(༤༩བ)
རླབས་ཐོབ་པ་ཡང་། །རྟོག་ཚོགས་ཉེ་བར་གྱུར་པ་དང་། །གཉིས་མེད་གནས་ལུགས་གཏིང་ནས་རྟོགས། །ཟག་ཟད་འབྱུང་བ་དབང་དུ་འདུས། །བདེན་མཐོང་ཆོས་ཉིད་རང་ལ་རྙེད། །དེ་ལྟ་བུ་ཡི་རྣལ་འབྱོར་པས། །ལས་ལ་བརྩོན་ན་དངོས་གྲུབ་ནི། །དགོངས་པ་དག་ལ་མི་སྒྲིབ་པར། །བདེ་བར་གཤེགས་པ་ཉིད་དང་མཚུངས། །འདས་དང་མ་འོངས་དངོས་གྲུབ་ཀུན། །བླ་མའི་ཐུགས་རྒྱུད་མཉེས་ལས་འབྱུང་། །མཆོག་ཏུ་དམ་ཚིག་གཙོར་བཟུང་ཞིག །ས་མ་ཡ་ཧོཿཞེས་དོན་བཀྲོལ་ལ་བཤད། །དབང་དེ་རྣམས་ཀྱིས་བཀའ་སྡོད་ལྷ་སྲིན་སྡེ་བརྒྱད་བྲན་དུ་འཁོལ་བར་འགྱུར་རོ། །སྐབས་འདིར་ཚོགས་འཁོར་དང་རབ་གནས་བྱའོ། །དེ་ཡན་ཆད་ཀྱིས་ནང་གི་དབང་རིམ་དགུ་ཕྲ་མོ་ཞེ་བདུན་ཚར་རོ། །དེ་ནས་ཐུན་མོང་སློབ་དཔོན་ནུས་པའི་དབང་རིམ་བརྒྱད་ལས། དང་པོ་རྡོ་རྗེ་རྒྱལ་པོ་ནུས་པའི་དབང་བསྐུར་ཏེ། །དབང་རྟེན་ལ་སེང་གེའི་ཁྲི་བཤམ། །རྡོ་རྗེ་དྲིལ་བུ་གདུགས་རྒྱལ་མཚན། །ཨཱ་ལི་དང་ཀཱ་ལིའི་ཡི་གེ་བཤམས་ནས་སློབ་བུ་ཁྲི་ལ་བཞག་སྟེ། ཧཱུཾ། བདེ་གཤེགས་སྲས་པོ་སྐྱེས་བུ་དམ་པའི་མཆོག །སྔོན་གྱི་ཐུགས་དམ་བཀའ་དང་མི་འགལ་ཞིང་། །དགོངས་པ་ཡིད་བཞིན་ནམ་མཁའི་མཐའ་དང་མཉམ། །འཕྲིན་ལས་ཐབས་ཀྱི་རྡོ་རྗེ་སློབ་དཔོན་མཆོག །འགྲོ་བ་མ་ལུས་ཀུན་གྱི་རེ་བ་སྐོང་། སྟོན་མའི་སྒྲོན་མེས་མ་ལུས་ཁ་ལོ་འདྲེན། །ཤེས་རབ་ཐབས་རྫོགས་ཡོན་ཏན་ལྷུན་གྱིས་གྲུབ། །སྡུག་བསྔལ་སྐྱབས་མཛད་མ་རིག་སེམས་ཅན་འདྲེན། །ཆོས་ཉིད་དོན་ལ་མ་ལུས་སངས་རྒྱས་སྦྱོར། །སངས་རྒྱས་གདུང་སོབ་རྡོ་རྗེ་སློབ་དཔོན་མཆོག །གང་ཡིན་སྔོན་དུ་གྱུར་པ་ལྷུན་གྲུབ་པའི། །(༥༠ན)
དབང་ཆེན་ཡོངས་རྫོགས་ཁྱོད་ཀྱིས་ཐོབ་པར་ཤོག །ཨོཾ་སརྦ་ཏ་ཐཱ་ག་ཏ་གྷུ་ཧྱ་ཤྭ་རཱ་བཛྲ་སྭ་ཨཱཏྨ་ཀོ྅ཧཾ། གྷུ་རུ་དྷརྨ་ཤྭ་ར་ཨ་བྷི་ཥིཉྩ་ཨ། རྡོ་རྗེ་སློབ་དཔོན་ནུས་པའི་དབང་ཆེན་པོ་བསྐུར་བས། དམ་ཚིག་དབང་གི་སློབ་དཔོན་ནུས་པའི་དབང་ཐོབ་པར་གྱུར་ཅིག །ཤེས་རབ་རྒྱུད་ཀྱི་སློབ་དཔོན་ནུས་པའི་དབང་། །མན་ངག་ལུང་གི་སློབ་དཔོན་ནུས་པའི༝། །ཉམས་པ་སྐོང་བའི་༝། །བཀའ་བརྒྱུད་ལུང་སྟོན་༝། །རང་བྱུང་མཐའ་བྲལ་དོན་གྱི་སློབ་དཔོན་ནུས་པའི་དབང་དམ་པ་ཐོབ་པར་གྱུར་ཅིག །དེ་ནས་གདུགས་ཕུབ་སྟེ། ཧཱུཾ། གདུགས་མཛེས་གསེར་གྱི་ཡུ་བར་ལྡན། །སྐྱབས་ཆེན་བྱམས་པ་ཆེན་པོ་སྟེ། །ཉོན་མོངས་གདུང་བ་སལ་བ་ཡི། །བཀྲ་ཤིས་གདུགས་ཀྱི་དབང་བསྐུར་ཏེ། ཨཱོཾ་སཱུརྱ་རཏྣ་ཨ་བྷི་ཥིཉྩ་ཧོ། །ཧ་གདུགས་ཀྱི་དབང་བསྐུར་བས། ཉོན་མོངས་པའི་ཚད་པ་སེལ་ཏེ། །ཡེ་ཤེས་ཀྱི་སྣང་བ་སྐྱེས་ནས། །ཐུགས་རྗེ་ཆེན་པོས་འཁོར་བ་ལས་སྐྱབ་པའི་དབང་ཐོབ་པར་གྱུར་ཅིག །དེ་ནས་རྡོ་རྗེ་ཕྱག་གཡས་སུ་གཏད་དེ། ཧཱུཾ། མཆོད་པའི་རྡོ་རྗེ་རྩེ་ལྔ་པ། །སྐུ་ལྔ་ཆོས་ལྔ་དབྱེར་མེད་ཡེ་ཤེས་ལྔ། །ཉོན་མོངས་དུག་ལྔ་འཇོམས་པའི་རྡོ་རྗེ་སྟེ། །ཐབས་མཆོག་རྡོ་རྗེའི་དབང་བསྐུར་ཐོབ་པར་ཤོག །ཛྙཱ་ན་པཉྩ་བཛྲ་ཨ་བྷི་ཥིཉྩ་ཨ་ཨ། ཧོ་རྡོ་རྗེ་རྩེ་ལྔ་པས་དབང་བསྐུར་བས་སྐུ་ལྔ་ཡེ་ཤེས་ལྔའི་དབང་ཐོབ་པར་གྱུར་ཅིག །དེ་ནས་གཡོན་དུ་དྲིལ་བུ་གཏད་དེ། ཧཱུཾ། རྣམ་དག་ཆོས་སྒྲ་དྲིལ་བུ་འདིས། །གསུང་རབ་བཅུ་གཉིས་སྒྲ་བསྒྲགས་པས། །ཡེ་ཤེས་ཆེན་པོ་ཆོས་ཀྱི་དབྱིངས། །ཤེས་རབ་རིག་པར་དབང་བསྐུར་རོ། །དྷརྨ་དྷཱ་ཏུ་ཤབྟ་ཨ་བྷི་ཥིཉྩ་ཨ། ཧོ་དྲིལ་བུས་དབང་བསྐུར་བས། (༥༠བ)
ཆོས་ཐམས་ཅད་སྒྲ་སྙན་ལྟ་བུའི་ཡེ་ཤེས་ལས་ཐབས་ཤེས་རབ་དབྱེར་མེད་པའི་དབང་དམ་པ་ཐོབ་པར་གྱུར་ཅིག །དེ་ནས་རྒྱལ་མཚན་བསྒྲེངས་ཏེ། ཧཱུཾ། འཇིག་རྟེན་གསུམ་མགོན་ཆོས་ཀྱི་རྟོག །ཆོས་ཀྱི་རྒྱལ་མཚན་ལེགས་པར་འཛུགས། །གསང་སྔགས་སྙིང་པོ་མི་ནུབ་ཕྱིར། །ཡེ་ཤེས་རྒྱལ་མཚན་དབང་བསྐུར་རོ། །ཨཱོཾ་རཱ་ཛ་དྷརྨ་ཤྭ་ར་ཧོ། ཧོ། རྒྱལ་མཚན་གྱིས་དབང་བསྐུར་བས་འཁོར་བའི་རྒྱ་མཚོར་མི་ནུབ་ཅིང་ཐེག་པའི་ཡང་རྩེར་ཆོས་ཀྱི་རྒྱལ་མཚན་བསྒྲེང་བའི་དབང་ཐོབ་པར་གྱུར་ཅིག །དབང་དེས་ནི་རྒྱལ་བུ་ཐང་འཁྱམས་རྒྱལ་སར་ཕྱུང་བ་ལྟར་རྡོ་རྗེ་སློབ་དཔོན་གྱིས་ཟིན་པར་བསྐྱེད་དོ། །དེ་ནས་ཉན་ནུས་པའི་དབང་བསྐུར་ཏེ། དབང་ལྡན་དུ་པུ་ཏི་གཏད་དེ། ཧཱུཾ། ཤེས་རབ་རྣམ་གསུམ་དག་པ་ཡིས། །སྟོན་པའི་སྒྲོན་མར་འགྱུར་བའི་ཕྱིར། །བདེ་གཤེགས་བཀའ་ཡི་བྱིན་རླབས་ལས། །གསང་ཆེན་ཐུགས་ཀྱི་མན་ངག་དང་། །ཐེག་པ་ཕྱི་ནང་མཐའ་དག་ཀུན། །རྣ་བའི་དབང་པོས་ཉན་པ་དང་། །ཤེས་རབ་བློ་ཡིས་འཛིན་པ་དང་། །ཐོས་གྲོལ་ཉན་པའི་དབང་ཐོབ་ཤོག །ཨཱོཾ་དྷརྨ་ཁ་ན་སྭ་བྷཱ་བ་ཨཱཏྨ་ཀོ྅ཧཾ། ཉན་པའི་དབང་བསྐུར་བས་བསམ་གྱིས་མི་ཁྱབ་པའི་ཆོས་ལས་ཆོས་སྒོ་བརྒྱད་ཁྲི་བཞི་སྟོང་ལ་མཐུན་འཇུག་ཉན་པའི་དབང་ཐོབ་པར་གྱུར་ཅིག །ཆགས་ཤིང་གིས་བདུད་རྩི་རྣ་བ་གཉིས་སུ་བཏིག་གོ །དེ་ནས་འདྲི་ནུས་པའི་དབང་བསྐུར་ཏེ། དབང་རྟེན་བྲིས་ཆ་གཏད་དེ། ཧཱུཾ། བདེ་གཤེགས་གསུང་སྒྲོས་བཀའ་རྒྱུད་རྣམས། །ཐེག་པ་ཕྱི་ནང་མཐའ་དག་བསྟན། །ཚིག་དང་ཡི་གེར་གནས་པ་ཡིས། །མི་ནུབ་སྤུན་གྱི་བཙས་སུ་འགྱུར། །འདྲི་ཞིང་ཀློག་པའི་དབང་བསྐུར་རོ། །དྷ་མ་ཁ་ན་ཨཱ་ལི་ཀཱ་ལི་སྭ་བྷཱ་བ་(༥༡ན)
ཨཱཏྨ་ཀོ྅་ཧཾ། ཧོ། འདྲི་ཀློག་ནུས་པའི་དབང་བསྐུར་བས། ཆོས་ཐམས་ཅད་མི་མཉེལ་བའི་གཟུངས་དང་ལྡན་ཏེ། སྤྲུལ་སྐུ་འགྲོ་དོན་བྱེད་པའི་དབང་དམ་པ་ཐོབ་པར་གྱུར་ཅིག །ཨ་མྲྀ་ཏས་མཐེབ་མཛུབ་ལ་ཐིག་ལེ་བྱ་ཞིང་། སྣག་སྨྱུག་ཤོག་བུ་གཏད་དོ། །དེ་ནས་ཆོས་འཆད་ནུས་པའི་དབང་སྐུར་ཏེ། དབང་རྟེན་ཀ་པཱ་ལི་བཤད་ཆོས་བཞུགས་པ་གཏད་དེ། ཧཱུཾ། ཤེས་རབ་རྣམ་གསུམ་ཡོངས་རྫོགས་པས། །འདྲེན་པ་བླ་མེད་སྐྱེས་བུར་སྟོན། །ཐེག་པ་མཐའ་དག་སྒྲུབ་མཐུ་མངའ། །ཤེས་རབ་རིག་པའི་མཛོད་ཁ་ཕྱེ། །ཚངས་པའི་གསུང་དབྱངས་ཀུན་གྱིས་གོ །ཆོས་བཀའ་ཐེག་པ་ཡོངས་རྫོགས་པ། །འཆད་པར་ནུས་པའི་དབང་བསྐུར་རོ། །ཨཱོཾ་སརྦ་ཏ་ཐཱ་ག་ཏ་ཤཔྟ་དྷརྨ་སྭ་བྷཱ་བ་ཨཱཏྨ་ཀོ྅ཧཾ། ཧོ། ཆོས་བཤད་ནུས་པའི་དབང་བསྐུར་བས། གསུང་ཆོས་སྒོ་བརྒྱད་ཁྲི་བཞི་སྟོང་རྒྱུ་འབྲས་གང་འདུལ་ཆོས་ཀྱི་དད་ལྡན་སྐྱེས་བུའི་ཡིད་ཚིམ་པར་སྒྲོག་ནུས་པའི་དབང་ཐོབ་པར་གྱུར་ཅིག །ཨ་མྲྀ་ཏ་ལྕེ་ལ་བཞག་ག །དེ་ནས་སྒྲུབ་ནུས་པའི་དབང་བསྐུར་ཏེ། །དབང་བརྟེན་ཙཀ་ལི་བམ་པོ་ཕྲེང་བར་དྲིལ་ལ། །ཧཱུཾ། རྣལ་འབྱོར་ཆེན་པོ་སྐུ་གསུང་ཐུགས་ཀྱི་བདག །སྡུག་བསྔལ་གནས་ཉིད་བྱང་ཆུབ་བདེ་བསྒྲུབ་ཕྱིར། །རྫས་ཉིད་ཡེ་ཤེས་ལྔར་བསྒྲུབ་ཕྱག་རྒྱའི་ཚོགས། །རྣམ་ཤེས་ཕུང་པོ་རྣམ་ལྔ་དཀྱིལ་འཁོར་ཆེ། །སྐྱེ་མཆེད་ཁམས་རྣམས་སངས་རྒྱས་མང་པོའི་ལྷ། །བདེ་གཤེགས་ཐབས་ཀྱི་འབྲས་བུས་གང་ཡིན་པ། །བདེ་གཤེགས་ལྷ་རྣམས་སྒྲུབ་བྱེད་དབང་ཐོབ་ཤོག །ཨཱོཾ་ཡོ་ག་སརྦ་དྷརྨ་མཧཱ་ཏ་ཐཱ་ག་ཏ་མཧཱ་སྭ་བྷཱ་བ་ཨཱཏྨ་ཀོ྅ཧཾ། སྒྲུབ་པའི་དབང་བསྐུར་བས་ཁྱོད་ཀྱི་ཕུང་ཁམས་དང་སྐྱེ་མཆེད་ལྷ་དང་ལྷ་མོའི་རང་བཞིན་དུ་གྱུར་ནས་(༥༡བ)
ཡི་དམ་གྱི་ལྷ་བསྙེན་ཅིང་བསྒྲུབ་པའི་དབང་ཐོབ་པར་གྱུར་ཅིག །དེ་ནས་སྒོམ་པའི་དབང་བསྐུར་ཏེ། རྫས་ནི་བྱང་སེམས་དཀར་དམར། །ཚ་བ་གསུམ། ཚ་སྣ་གསུམ། སུཀྨེལ་བུ་རམ་གྱིས་མགོ་བསྡུས་པའི་རིལ་བུ་བཅུ་གསུམ་ཀ་པཱ་ལ་ཆང་དང་སྦྱར་ཏེ། ཧཱུཾ། ལུས་ལ་རྩ་རླུང་ཐིག་ལེའི་བྱང་སེམས་གནས། །དེ་དག་སངས་རྒྱས་ཀུན་གྱི་རང་བཞིན་ཏེ། གཞན་དུ་བསྒོམ་བྱ་སྒོམ་བྱེད་ག་ལ་ཡོད། །དབུ་མ་སྙིང་པོའི་རྩ་རུ་སེམས་གནས་ཕྱིར། །རྩ་རླུང་ཐིག་ལེ་དྲོད་ཀྱིས་དབང་བསྐུར་རོ། །ཨཱོཾ་བཛྲ་ཙཎྜ་ལི་རཾ་སརྦ་ཏ་ཐཱ་ག་ཏ་ཤ་རཱི་རཾ་སྭ་བྷཱ་བ་ཨཱཏྨ་ཀོ྅ཧཾ། ཧོ། རྩ་རླུང་ཐིག་ལེ་དྲོད་ཀྱི་དབང་བསྐུར་བས། བདེ་དྲོད་རྟོགས་པ་ཡོངས་སུ་རྫོགས་ནས་ཕྱིར་མི་ལྡོག་པའི་དབང་ཐོབ་པར་གྱུར་ཅིག །ཅེས་ཆང་རིལ་རྫོགས་པར་བླུད་དེ། རས་དམར་པོ་གཅིག་བཀོན་ལ་སྟོང་ར་དམར་པོ་རྒྱ་རྫ་བསྲེགས་པ་ལྟ་བུ་ཞག་བདུན་དུ་བསྒོམ་དུ་བཅུག་ལ། གཏུམ་མོ་རྩ་རླུང་ཁྲིད་རིམ་གདབ་བོ། །དབང་དེས་ནི་རྩ་རླུང་ཐིག་ལེ་ཡོངས་རྫོགས་སུ་བསྒོམ་པའི་དབང་ཐོབ་པ་ཡིན་ནོ། །དེ་ནས་དབང་རྟེན་བཀའ་རབ་འབྱམས་ནུས་པའི་དབང་བསྐུར་ཏེ། དབང་རྟེན་ནི། ཨ་ཨཱ། ཨི་ཨཱི། ཨུ་ཨཱུ། རྀ་རཱྀ། ལྀ་ལཱྀ། ཨེ་ཨཻ། ཨོ་ཨཽ། ཨཾ་ཨཿ ཞེས་དབྱངས་ཡིག་བཅུ་དྲུག་དང་། ཀ་ཁ་ག་གྷ་ང་། །ཙ་ཚ་ཛ་ཛྷ་ཉ། །ཊ་ཋ་ཌ་ཌྷ་ཎ། །ཏ་ཐ་ད་དྷ་ན། །པ་ཕ་བ་བྷ་མ། །ཡ་ར་ལ་ཝ། །ཤ་ཥ་ས་ཧ་ཀྵ། ཞེས་པ་གསལ་བྱེད་སུམ་ཅུ་སོ་བཞི་སྟེ། ལྔ་བཅུ་པོ་མཚོན་བསྒྱུར། བྱང་བུ་ལ་བཀོད་པ་ནི་ཕྱོགས་བཅུ་དུས་གསུམ་གྱི་རྒྱལ་བའི་རང་བཞིན་ཏེ། བཀའ་རབ་འབྱམས་ཆོས་སྒོ་ཐམས་ཅད་ཀྱི་རྩ་བ། གཟུགས་སུ་སྣང་ཅིང་། ངོ་བོ་སྟོང་པ། སྒྲར་སྣང་ཞིང་གྲག་སྟོང་དབྱེར་མེད། (༥༢ན)
དྲན་རྟོག་ཏུ་སྣང་ཞིང་རང་བཞིན་མེད་པ། བློ་ལས་འདས་ཤིང་བློ་ངོ་བོ་ཉིད་དུ་གྲོལ་བ། སྐུ་གསུམ་ལྷུན་གྱིས་གྲུབ་པའི་དབང་བསྐུར་ཏེ། སློབ་བུ་ལ་ཡི་གེ་རིམ་པར་གཏད་ཅིང་འདི་སྐད་དོ། །ཨ། སྐྱེ་མེད་བློ་འདས་དེ་བཞིན་ཉིད། །ཨཱ་དངོས་མེད་རང་བཞིན་སྤྲོས་བྲལ་ཅིར་ཡང་སྣང་། ཨི།རང་བཞིན་སྐྱེ་མེད་དབྱིངས་སུ་ཐིམ། ཨཱི།འཁོར་འདས་གཉིས་མེད་ཀ་ནས་དག །ཨུ། སེམས་ཉིད་ངང་གདངས་ཅིར་ཡང་སྣང་། ཨཱུ། ཐ་སྙད་མཚོན་དཔེ་ཀུན་ལས་འདས། །རྀ་བསམ་བརྗོད་བློ་ཡུལ་ཀ་ནས་དག །རཱྀ་འཕོ་འགྱུར་མེད་པ་སྙིང་པོའི་ཀློང་། །ལྀ་སྐྱེ་འཇིག་མེད་པའི་ཆོས་སྐུར་རྫོགས། །ལཱྀ་རང་རྩལ་སྐུ་གཉིས་འགྲོ་བ་སྒྲོལ། །ཨེ་སྐྱེ་འགག་གཉིས་མེད་རྣམ་པར་དག །ཨཻ་འོད་གསལ་ཡེ་ཤེས་ཀློང་རེ་ཡངས། །ཨོ་དྲན་མེད་ཡིད་ལ་བྱ་བ་མེད། །ཨཽ་ཡིད་གཉིས་རྩད་ཆོད་སྐྱེ་ཤི་བྲལ། །ཨཾ་བག་ཆགས་འཁྲུལ་པ་དབྱིངས་སུ་ཟད། །ཨཿཟངས་ཐལ་འགྱུར་མེད་ཡེ་སངས་རྒྱས། །ཨཱ་ལི་བཅུ་དྲུག་དབྱངས་ཀྱི་དབང་། །ཆོས་ཀུན་ཕྱི་མོའི་དབང་ཐོབ་ཤོག །ཅེས་ཀ་ཕྱི་མོའི་དབང་བསྐུར་རོ། །ཀ །ཆོས་ཉིད་ནམ་མཁའི་ཀློང་ཡངས་ནས། ཁ། རྩལ་ཟེར་དང་གདངས་སྙིང་པོ་ཐིམ། ག །ཟངས་ཐལ་ཡེ་ཤེས་རང་སར་གྲོལ། །གྷ། མུན་སངས་འོད་གསལ་ཀ་དག་ཉིད། །ང་། གཞི་རྩ་མེད་པའི་སེམས་ཉིད་བདེ། །ཙ། ཡིད་རིག་འགྱུར་མེད་དྲན་པ་དག །ཚ། འཕྲུལ་རྐྱེན་གཡོ་རླུང་རང་སར་གྲོལ། །ཛ། འགྲོ་དྲུག་གཡང་ས་དེ་རུ་གྲོལ། །ཛྷ། ཐམས་ཅད་ཡིད་གཉིས་གཟུང་འཛིན་ཆོད། །ཉ། གསང་བའི་སྒྲ་གསུམ་རང་སར་བསྒྲལ། །ཊ། རིག་མེད་རང་གྲོལ་གཞི་རྩ་དག །ཋ། འཛིན་པའི་བདུད་བཞི་དུས་གཅིག་བཅོམ། །(༥༢བ)
ཌ། འགྱུར་རིག་བརྟགས་སྣང་ཆོས་སྐུར་དག །ཌྷ། ཐམས་ཅད་འཛིན་མེད་རྒྱས་ཐེབས་པ། །ཎ། བརྗོད་མེད་ཤེས་རབ་སྙིང་པོ་ཐོབ། །ཏ། སྟོང་ལས་དྲན་ཤར་རང་སར་བརླག །ཐ། སེམས་ལས་རྟོགས་བྱུང་ངང་དུ་དངས། །ད། སྒོ་ལྔ་ཡུལ་ལ་འཛིན་མེད་གྲོལ། དྷ། འཛིན་མེད་དོན་གྱི་སྙིང་པོ་སྡུད། །དྷ། བསྡུས་ཀྱང་འཕེལ་འགྲིབ་མེད་པར་གནས། །ན། སྤྲོས་པ་ཐམས་ཅད་གཞི་ཐོག་ཆོད། །པ། རིག་པ་དྲི་མེད་རྣམ་པར་དག །ཕ། སྙིང་པོ་མཐའ་བྲལ་དབུས་མ་གྲུབ། །བ། མ་བཅོས་བསམ་འདས་ངང་མདངས་ཉིད། །བྷ། སྐྱེ་མེད་ཀ་དག་ཟངས་ཐལ་ཉིད། །མ། རྟོལ་སྐྱེས་ངང་མདངས་རང་སར་ཐིམ། །ཡ། ཅང་མེད་དངོས་མེད་མུ་མཐའ་ཡས། །ཝ། རྣམ་དག་དཔེ་མེད་གཟའ་གཏད་བྲལ། །ར། བློ་ཡུལ་མཚོན་ཆ་མཚོན་བྱེད་དག །ལ། དུས་གསུམ་ཟངས་ཐལ་ཐོད་རྒལ་མཆོག །ཤ །མི་རེ་མི་དོགས་ལྟ་དགོངས་རྩིས་ལས་འདས། ཥ། མ་རིག་ཡེ་ཤེས་དབྱེར་མེད་གནས། །ས། དབྱེ་གསལ་རྩིས་གདབ་འགྱུར་མེད་བསྟན། །ཧ། རང་སངས་གཞན་སངས་ཐམས་ཅད་སངས། །ཀྵ། ངར་འཛིན་དག་པས་ཆོས་སྒོ་རབ་འབྱམས་རྫོགས། །ཀཱ་ལི་སུམ་ཅུ་ཡེ་ཤེས་དབང་། །ཆོས་སྒོ་ཡོངས་རྫོགས་དབང་ཐོབ་ཤོག །ཧོ། སྣང་བ་ཐམས་ཅད་ཀྱང་རྒྱལ་བའི་བཀའ་སྟེ་ཡི་གེར་མ་གྱུར་པའི་སྐུ་གཟུགས་རྡུལ་ཙམ་ཡང་མེད་དོ། །གྲག་པ་ཐམས་ཅད་ཀྱང་རྒྱལ་བའི་བཀའ་སྟེ་ཡི་གེར་མི་གྲགས་པའི་གསུང་སྒྲ་ལྷང་ཙམ་ཡང་མེད་དོ། །དྲན་རིག་ཐམས་ཅད་ཀྱང་རྒྱལ་བའི་བཀའ་སྟེ། །ཡི་གེར་མི་དྲན་པའི་འཕྲོ་འདུ་རྟོག་པ་འགྱུ་ཙམ་ཡང་མེད་དོ། །ཐམས་ཅད་བཀའ་ལས་འདའ་བ་མེད་པས་བཀའ་རབ་འབྱམས་ཀྱི་དབང་ངོ་། །འདབ་པ་མེད་པའི་རབ་(༥༣ན)
འབྱམས་ནི། །ཡི་གེ་ཉིད་དང་ཡི་གེ་མེད་པའི་ཐིག་ལེ་ཆེན་པོ་ཆོས་ཀྱི་སྐུའོ། །ཞེས་ངོ་སྤྲད་རྗེས་སུ། ཨཱ་ལི་ཀཱ་ལི་ཚར་གསུམ་བརྗོད་དེ། སློབ་བུའི་སྙིང་པདྨ་འདབ་བརྒྱད་དུ་གསལ་བ་ལ་བཀོད་པར་བསམ་མོ། །དེ་ལས་འོད་འཕྲོསམཁའ་ཁྱབ་ཆོས་སྒྲ་ཐེག་པ་སྣ་ཚོགས་ཆོས་སྒོ་མཐའ་ཡས་གྲགས་པར་བསམ། སླར་འདུས་པས་སྟོང་གསལ་བརྗོད་མེད་ཤེས་རབ་སྙིང་པོ་འགྱུར་བ་མེད་པའི་ངང་དུ་བསྒོམ། དབང་དེས་ནི་ཆོས་སྒོ་མཐའ་དག་གི་བཀའ་ལ་རབ་འབྱམས་པའི་དབང་ཐོབ་བོ། །དཔེར་ན་འཇམ་དབྱངས་ཀྱི་ཆོས་སྒོ་ཐམས་ཅད་ལ་མངའ་བརྙེས་ཏེ་བཤད་དབང་ཐོབ་པ་ལྟ་བུའོ། །དབང་དེ་ཡན་ཆད་ཀྱིས་རཏྣ་ལྔ་ལྡན་གྱི་ཐོག་ལྟ་བུས་ས་ཐམས་ཅད་ཡོངས་སུ་རྫོགས་ཤིང་། ཆོས་རྒྱལ་ཀུན་ཏུ་བཟང་པོའི་དབང་ཐོབ་པར་ངེས་ཤེས་བསྐྱེད་དོ། །དེ་ཡན་ཆད་ཀྱིས་ནུས་པའི་དབང་རིམ་བརྒྱད་ལས་ཕྲ་མོར་ཕྱེ་བས་དྲུག་ཅུ་རྩ་གཉིས་ཀྱིས་བསྟན་ནོ། །ཚོགས་འཁོར་རབ་གནས་བྱའོ། །དེ་ནས་ཐུན་མོང་ཕན་པའི་དབང་རིམ་ལྔ་བསྐུར་བ་ལ། དང་པོ་ཕུན་སུམ་ཚོགས་པ་རིན་པོ་ཆེ་སྣ་བདུན་གྱི་ཕན་དབང་བསྐུར་བ་སྟེ། དབང་རྟེན་མཐིང་ཤོག་ལ་གསེར་གྱིས་རིན་པོ་ཆེ་སྣ་བདུན་བྲིས་ལ། །ཆོ་ག་རྒྱབ་ཏུ་བཀོད་དེ། རིམ་པར་བསྐུར་བ་ནི། ཧཱུཾ། འཁོར་ལོ་རིན་ཆེན་དབང་བཅུར་ལྡན། །འཁོར་བའི་འཁོར་རྒྱུན་རབ་བཅད་དེ། །ཆོས་ཀྱི་འཁོར་ལོ་བསྐོར་གྱུར་ཅིང་། །ས་བཅུའི་འབྲས་བུའི་དབང་ཐོབ་ཤོག །ཙཀྲ་རཏྣ་ཨ་བྷི་ཥིཉྩ་ཨ། །ཧཱུཾ། བཙུན་མོའི་རིན་ཆེན་བསོད་ནམས་གཏེར། །ཕ་རོལ་ཕྱིན་བཅུ་གཟུངས་དང་ལྡན། །ཚེ་དབང་ལོངས་སྤྱོད་རྒྱས་གྱུར་ཅིག །ཡིད་བཞིན་དཔལ་འབྱོར་དབང་ཐོབ་ཤོག །པྲཛྙ་པ་ར་མི་ཏ་ཨ་བྷི་ཥིཉྩ་ཨ། ཧཱུཾ། ནོར་བུ་རིན་(༥༣བ)
ཆེན་མཆོག་གསུམ་གནས། །འཁོར་བའི་སྐྱོན་སེལ་བདེ་བ་འབྱུང་། །ཡིད་བཞིན་རེ་སྐོང་གཏེར་མངའ་ཞིང་། །ལྷག་མཐོང་ཤེས་རབ་དབང་ཐོབ་ཤོག །ཙིནྟ་རཏྣ་ཨ་བྷི་ཥིཉྩ་ཨ། ཧཱུཾ། ཁྱིམ་བདག་རིན་ཆེན་ནོར་བདུན་ལྡན། །གང་ལ་ཅི་འདུལ་དཔག་བསམ་འདྲ། །གཞན་དོན་ཚོགས་གཉིས་མྱུར་རྫོགས་ཤིང་། །ཤེས་བྱ་ཐོག་མེད་དབང་ཐོབ་ཤོག །མཧཱ་མ་ཏི་རཏྣ་ཨ་བྷི་ཥི་ཉྩ་ཨ། ཧཱུཾ། བློན་པོ་རིན་ཆེན་དམག་དཔོན་ཆེ། །རྩོན་འགྲུས་གོ་དགོས་འཁོར་ཡུལ་འཇོམས། །ཐབས་ལྡན་མི་འཇིགས་སྐྱབས་སྦྱིན་ཅིང་། །འཇིག་ཚོགས་ལྟ་འཇོམས་དབང་ཐོབ་ཤོག །མཧཱ་ཏི་ར་རཏྣ་ཨ་བྷི་ཥིཉྩ་ཨ། ཧཱུཾ། རྟ་མཆོག་རིན་ཆེན་ས་ལམ་བགྲོད། །འཁོར་བའི་མཚོ་སྒྲོལ་སྤྲིན་ཤུགས་འཆང་། །མི་གནས་ཡེ་ཤེས་གནས་བགྲོད་ཅིང་། །རྫུ་འཕྲུལ་རྐང་བཞིའི་དབང་ཐོབ་ཤོག །ཀརྨ་ཨ་ཤྭ་རཏྣ་ཨ་བྷི་ཥིཉྩ་ཨ། །ཧཱུཾ། གླང་པོ་རིན་ཆེན་དོན་དམ་ཐེག་པ་ཆེ། །བདུད་སྡེ་དཔུང་བཅས་རབ་འཇོམས་སྟོབས་དང་ལྡན། །སྟོབས་བཅུས་བདག་གཞན་དོན་མཛད་ཅིང་། །ཡང་དག་སྙིང་པོའི་དབང་ཐོབ་ཤོག །ཧ་སྟི་རཏྣ་ཨ་བྷི་ཥིཉྩ་ཨ། །ཧོ། རིན་ཆེན་བདུན་གྱིས་དབང་བསྐུར་བས། སློབ་བུ་རྣམས་ཕུན་སུམ་ཚོགས་པ་བདུན་དང་ལྡན་ནས། དོན་གྱི་སྙིང་པོ་མཐར་ཕྱིན་པར་གྱུར་ཅིག །དབང་དེས་ནི་འཁོར་ལོ་སྒྱུར་རྒྱལ་གྱིས་རྒྱལ་བུ་ལ་ཕོགས་གཏད་པ་ལྟར་ཆོས་ཀྱི་ལོངས་སྤྱོད་ཕུན་སུམ་ཚོགས་པར་འགྱུར་རོ། །དེ་ནས་བཀྲ་ཤིས་པར་བྱེད་པ་རྫས་བརྒྱད་ཀྱི་ཕན་དབང་བསྐུར་ཏེ། དབང་རྟེན་དུ་ཡུངས་ཀར། དུར་པ། བིལ་བ་ལང་ཏང་རྩེ། ལི་ཁྲི། གྷི་ཧཾ། ཞོ། མེ་ལོང་། འབུད་དུང་། དེ་རྣམས་རིམ་པར་བསྐུར་ཏེ། ཧཱུཾ། ཡུངས་ཀར་རྒྱལ་(༥༤ན)
པོ་ཤ་རི་རམ། །བདེ་གཤེགས་རྣམས་ཀྱིས་བྱིན་གྱིས་བརླབས། །སྟོང་ཕྲག་བརྒྱད་ཅུའི་བགེགས་དཔུང་འཇོམས། །དཔའ་བོ་སྟོབས་ཀྱི་བཀྲ་ཤིས་དབང་ཐོབ་ཤོག །ཧཱུཾ། བཀྲ་ཤིས་རྩྭ་མཆོག་དུར་བ་ནི། །ལྷ་ཡི་དབང་པོས་བྱིན་གྱིས་བརླབས། །ནད་གདོན་གནོད་པ་ཀུན་ལས་རྒྱལ། །སྡུག་བསྔལ་ཞི་བྱེད་བཀྲ་ཤིས་དབང་ཐོབ་ཤོག །ཧཱུཾ། རྫས་མཆོག་བིལ་བ་ལང་ཏང་ཙེ། །རྒྱུ་ཆུང་འབྲས་བུས་འཕེལ་སྟོབས་ཆ། །སྟོབས་དང་མི་འཇིགས་སྐུ་ལྔ་རྫོགས། །སྨིན་རྒྱས་འཕེལ་བའི་བཀྲ་ཤིས་དབང་ཐོབ་ཤོག །ཧཱུཾ། ལི་ཁྲི་མཚལ་ཆེན་ཆུ་ལས་སྐྱེས། །སེམས་དཔའ་བྱིན་རླབས་ཚན་པོ་ཆེན། ཁམས་གསུམ་ལྷ་མི་ཀུན་དབང་སྡུད། །ཐུགས་རྗེ་གཞན་ཕན་བཀྲ་ཤིས་དབང་ཐོབ་ཤོག །ཧཱུཾ། གྷི་ཧཾ་ཁྱུ་མཆོག་ལས་བྱུང་རྫས། །དཀར་བའི་ཆོས་རྣམས་མ་ལུས་འཛིན། །བཞི་བརྒྱ་རྩ་བཞིའི་ནད་ཀུན་སྒྲོལ། །ཤེས་བཅུ་རབ་ལྡན་བཀྲ་ཤིས་དབང་ཐོབ་ཤོག །ཧཱུཾ། ཞོ་ནི་སྙིང་པོ་བཅུད་ཀྱི་གཞི། །དབང་པོ་གཟི་མདངས་བཅུད་ཀུན་སྤེལ། །བསམ་གཏན་ཏིང་འཛིན་ཡོན་ཏན་བསྐྱེད། །སེམས་ཉིད་དྲི་མེད་བཀྲ་ཤིས་དབང་ཐོབ་ཤོག །ཧཱུཾ། མེ་ལོང་ཟླུམ་གསལ་སྐུ་གསུམ་མཚོན། །ཆོས་རྣམས་གཟུགས་བརྙན་རྣམ་དག་ཅིང་། །མ་རིག་བག་ཆགས་རང་སངས་ནས། །མངོན་རྫོགས་སངས་རྒྱས་བཀྲ་ཤིས་དབང་ཐོབ་ཤོག །ཧཱུཾ། དུང་མཆོག་གཡས་འཁྱིལ་རིན་པོ་ཆེ། །གསུང་དབྱངས་ཡན་ལག་དྲུག་ཅུར་ལྡན། །ཡོན་ཏན་རྒྱ་མཚོ་ཚངས་པའི་གསུང་། །ཆོས་སྒྲ་ཀུན་ཁྱབ་བཀྲ་ཤིས་དབང་ཐོབ་ཤོག །སྭསྟི་སརྦ་སྭསྟི། །དྷརྨ་སྭསྟི། བྲུཾ་བྲུཾ་བྲུཾ་ཨ་བྷི་ཥིཉྩ་ཨ། དབང་དེས་ནི་དགའ་ལྡན་(༥༤བ)
ལྷ་ཕྲུག་ལྟར་འཇིག་རྟེན་དང་འཇིག་རྟེན་ལས་འདས་པའི་བཀྲ་ཤིས་ལ་དབང་བར་འགྱུར་རོ། །དེ་ནས་ཞི་རྒྱས་དབང་དྲག་ལས་བཞིའི་སྤྱོད་པའི་དབང་བསྐུར་ཏེ། དབང་རྟེན་དུ་ཞི་བ་ལ་རས་སམ་ཤོག་ཤོག་ལ་དུང་ཐལ་ས་དཀར་བྱུགས་ཏེ། ཟླ་བའི་སྟེང་དུ་བུམ་པ་ཨཱོཾ་གྱིས་མཚན་པ་འདྲི། །རྒྱས་པ་ལ་བཀྲ་ཤིས་ས་སེར་བྱུགས་ཏེ་རཏྣ་ཟུར་བརྒྱད་ཏྲཾ་གིས་མཚན་པ་འདྲི། དབང་ལ་རྟག་ཏུ་ཁྲོམ་འདུ་བའི་ས་དམར་པོར་བྱུགས་ལ་ཟླ་གམ་སྟེང་དུ་པདྨ་འདབ་བཞི་ཧྲིང་གིས་མཚན་པ་འདྲི། དྲག་པོ་ལ་དུར་ཁྲོད་ས་ནག་བྱུགས་ལ་ཟུར་གསུམ་སྟེང་དུ་ཕཊ་ཀྱིས་མཚན་པ་འདྲི་སྟེ། དེ་བཞིན་འབྲང་རྒྱས་བཞི་ལ་བཙུགས་ཏེ་སྙིང་གར་དབང་བསྐུར་བ་ནི། ཧཱུཾ། དབྱིངས་ནས་འབར་བའི་སྐུར་སྟོན་པ། །འདོད་པ་བསྒྲུབ་པའི་དཔལ་དུ་ཤར། །ཐམས་ཅད་ཡོངས་རྫོགས་རྒྱས་པའི་ལྷ། །ཞི་བ་ཆེན་པོས་དབང་བསྐུར་རོ། །ཨ་བྷི་ཥིཉྩ་ཨཾ་ཨཱོཾ་ཧཱུཾ་སྭཱ་ཧྲཱི་ཧཱ། སྔགས་འཆང་འདི་ལ་མེའི་འཇིགས་པ་ཞི་བར་གྱུར་ཅིག །འགྲེའོ། །ཆུའི། ནད་ཀྱི། མུ་གེའི། དམག་གི །མཚོན་གྱི། རྒྱལ་པོ་ཆད་པའི། དུས་མ་ཡིན་པར་འཆི་བའི་འཇིགས་པ་ཐམས་ཅད་ཤནྟིཾ་ཀུ་རུ་ཡེ་སྭཱཧཱ། ཞེས་བསྐུར་རོ། །ཧཱུཾ། དབྱིངས་ནས༝། །འདོད་པ༝། །ཐམས་ཅད་ཡོངས་རྫོགས་རྒྱས་པའི་ལྷ། །རྒྱས་པ་ཆེན་པོའི་དབང་༝། །ཨ་བྷི་ཥིཉྩ་སྭཱ་ཨཱོཾ་ཧཱུཾ་སྭཱ་ཧྲཱིཿཧཱ། ཞེས་བསྐུར་རོ། །སྔགས་འཆང་ཆེ་གེ་མོའི་ཚེ་རྒྱས་པར་གྱུར་ཅིག །བསོད་ནམས༝། །དཔལ༝། །གཟི་བརྗིད་རྒྱས་པར༝། །ལོངས་སྤྱོད༝། །འཁོར་རྒྱས་པར་གྱུར་ཅིག །པུཥྚིཾ་ཀུ་རུ་ཡེ་སྭཱཧཱ། ཧཱུཾ། དབྱིངས་ནས༝། །འདོད་པ༝། །ཐམས་ཅད་ཡོངས་རྫོགས་དབང་གི་(༥༥ན)
ལྷ། །དབང་ཆེན་རབ་འབྱམས་དབང་བསྐུར་རོ། །ཨ་བྷི་ཥིཉྩ་ཧྲཱིཿ། ཨཱོཾ་ཧཱུཾ་སྭཱ་ཧྲཱིཿཧཱ། སྔགས་འཆང་འདི་ལ་ལྷ་འདྲེ་མི་གསུམ་བླ་མར༝། །ཕ་མར་མཐོང་ནས༝། །པ་ཤཾ་ཀུ་རུ་ཡེ་སྭཱཧཱ། ཞེས་དབང་བསྐུར་རོ། །ཧཱུཾ། དབྱིངས་ནས༝། །འདོད་པ༝། །ཐམས་ཅད་ཡོངས་རྫོགས་དྲག་པོའི་ལྷ། །མངོན་སྤྱོད་ནུས་པའི་དབང་བསྐུར་རོ། །ཨ་བྷི་ཥིཉྩ་ཧཱ། སྔགས་འཆང་འདིས་དགྲ་བགེགས་རུ་ཏྲ་དམ་སྲི་ཚར་གཅོད་རྡུལ་དུ་རློག་པའི་མཐུ་དང་ལྡན་པར་གྱུར་ཅིག །དགྲ་བགེགས་འབྱུང་པོ་མཱ་ར་ཡ་ཕཊ། ཅེས་བསྐུར་རོ། །དབང་དེས་ནི་འཕྲིན་ལས་བཞི་མྱུར་དུ་འགྲུབ་པར་བྱེད་པ་ཡིན་ནོ། །དེ་ནས་ཚེ་རིང་བའི་དབང་བསྐུར་ཏེ། །དབང་རྟེན་ཚེ་བུམ་བཅས་ནས་ཚེ་དབང་རྒྱས་པར་བསྐུར་བ་སྒྲུབ་ཐབས་སུ་ཤེས་སོ། །བསྡུ་ན་ཚེ་བུམ་སྤྱི་བོར་བཞག་སྟེ། ཧཱུཾ། རྒྱལ་བ་ཞི་ཁྲོ་ཚེ་དབང་བདག །ཅིས་ཀྱང་མི་འགྱུར་མི་ཤིགས་པ། །ཚེ་སྲོག་བླ་ཁུག་རྒྱས་ཐོབ་ལ། །འཆི་མེད་ཚེ་དབང་འདིར་གསོལ་ཅིག །ཨཱོཾ་ཨཱཿཧཱུཾ་སྭཱཧཱ། ཨཱ་ཡུཿཛྙཱ་གཡུ་ཚེ་ཨ་པ་ར་ན་ཡ་ཧཱུཾ་བྷྲཱུཾ་སྭཱཧཱ། ཨཱ་ཡུཿཨ་བྷི་ཥིཉྩ་ཨོཾ་ཨཾ་ཧཱུཾ་སི་ཏི་ཕ་ལ་ཧཱུཾ། ཧོ་ཆེ་དབང་དུ་གྱུར་ཅིག །དབང་དངོས་གྲུབ་ཏུ་གྱུར་ཅིག །མི་འགྱུར་བའི་གཡུང་དྲུང་དུ་གྱུར་ཅིག །མི་ཤིགས་པའི་རྡོ་རྗེར་གྱུར་ཅིག །ཚེ་སྲོག་རྡོ་རྗེའི་བྲག་བས་སྲ་བར་གྱུར་ཅིག །བརྟན་པར་གྱུར་ཅིག །ཅེས་བསྐུར་རོ། །དབང་དེས་ནི་དུས་མ་ཡིན་པར་འཆི་བ་བཟློག་པར་ངེས་ཤེས་བསྐྱེད་དེ། དེ་ནས་རིགས་བརྒྱུད་འཕེལ་བའི་དབང་བསྐུར་ཏེ། དབང་རྟེན་ནི་ཕན་བཀྲ་(༥༥བ)
ཤིས་ཁང་པ་ལ་མ་རྡལ་དཀར་པོ་གྲུ་བཞི་བྱང་སེམས་དཀར་དམར་ཁྱེའུ་ཞོ་འཐུང་འོ་མས་ཆག་ཆག་གདབ། ཁྱེའུ་བཞི་བསྣོལ་གཟུགས་བྲིས་ལ་དེའི་སྟེང་དུ་གང་ཡིན་ཁྲུས་བྱས་རྒྱན་བཏགས་ལ་བཞག་སྟེ། རྡོ་རྗེ་བརྩེགས་པའི་གཟུངས་གཅིག་སྙིང་གར་གདགས་ཤིང་། ཧཱུཾ། བདེ་གཤེགས་རིག་འཛིན་སྲས་དང་བཅས། །མཁའ་གསང་དབྱིངས་ནས་བྱང་སེམས་ཕོབ། །མི་མོ་འདི་ལ་རིགས་བརྒྱུད་སྤེལ། །བྱང་སེམས་རྡོ་རྗེ་དབང་ཆེན་བསྐུར། །ཨཱོཾ་ཨཾ་ཧཱུཾ་སྭཱ་ཧཱ། ཧཱུཾ། བཛྲ་བཛྲ་སི་ཏི་སི་ཏི། ཨ་བེ་ཤ་ཡ་ཨ་ཨ་པུ་ཏྲ་ཛྙཱ་ན་གཡུ་ཚེ་བྲུཾ་སྭཱཧཱ། པུཥྚིཾ་ཀུ་རུ་ཡེ་སྭཱཧཱ། བླ་མའི་དབང་རྟེན་དུ་ཞག་གསུམ་དབུལ་ལོ། །དབང་དེས་ནི་རྣལ་འབྱོར་པའི་ཆོས་རྒྱུད་མཐའ་རྒྱས་པར་འགྱུར་རོ། །དེ་ཡན་ཆད་ཀྱིས་ཕན་པའི་དབང་རིམ་ལྔ་ལ་ཕྲ་མོ་ཉེར་གཅིག་ཏུ་བསྟན་ནོ། །སྐབས་འདིར་ཚོགས་འཁོར་རབ་གནས་བྱའོ། །དངོས་གཞིའི་ས་བཅད་སོ་དྲུག་པ་སྦྱོར་བའི་ལས་མཐའ་ནི་གཞན་དུ་ཤེས། དངོས་གཞིའི་ས་བཅད་སོ་བདུན་པ་སྒྲོལ་བའི་ལས་མཐའ་ནི་དུར་ཁྲོད་ཀྱིས་ལས་གྲུབ་པའི་འབྲུབ་ཁུང་བང་རིམ་སུམ་ལྡན་དུ་དུག་ཁྲག་རོ་སོལ་གྱིས་ཕྱི་ནག་ནང་དམར་སྲིན་མོ་འགྲོས་སུ་བཙུགས་པའི་ལྟེ་བར་ལིངྒ་མིང་རུས་སོགས་དྲག་སྔགས་སྤྱི་སྡོམ་ནས་བཤད་པ་རྣམས་འཁྲུལ་མེད་དུ་འདྲི། དེའི་ཕྱིར་ཙཀྲ་རྩིབས་སོགས་བརྒྱད་པ་ལ་དམོད་པ་དྲག་སྔགས། རྩིབས་མཚན་ལ་མིང་རུས། དེའི་ཕྱི་རིམ་ལ་རྩིབས་ལོགས་དྲུག་པ་ལ་འཇིག་རྟེན་མཆོད་བསྟོད། །དེའི་ཕྱི་རིམ་མུ་ཁྱུད་ལ་སྒྲུབ་སྡེ་དྲུག་གི་སྔགས་དམོད་པ་སོགས་བྲིས་པ་མན་ངག་ལྟར་ལྟེ་བ་ལ་ཟན་ལིང་དབང་པོ་སྐྱེ་མཆེད་དོད་པའི་ཁོང་པར་བཅུག །དགྲ་དམིགས་(༥༦ན)
ཀྱིས་བསལ་བ་ཡོད་ན་དྲི་མ་དྲུག་ཀྱང་དགོས་པ། མཚོན་གཞི་བཅའ་ནི། སྙིང་གཟེར་ནག་པོར། དམིགས་གཏད་འབེམ་ལ་བཅའ་བའི་དགོངས་གཏད་ཡིན། དེ་ནས་ཉམས་ལེན་དངོས་དོན་གསུམ་གྱིས་བསྟན་པ་ནི། ལས་བྱང་ལ་བརྟེན་ནས་ལྷའི་ཆ་ལུགས་བསྒྱུར་ཏེ། བདག་དཔལ་དུ་གསལ་བའི་དགོངས་པ་དང་གཅིག །བཟླས་པའི་འཛབ་བསྒྱུར་ཏེ་ཕུར་པ་ཡཀྵ་ཀྲོ་དྷར་གསལ་བའི་དགོངས་པ་དང་གཉིས། ཨེའི་དབུས་སུ་ལིངྒ་བཅས་ཏེ་བཟས་པ་པོ་མངོན་སུམ་དུ་གསལ་བས་ཚེས་ཁྲུས་གྲུབ་མཐའ་གཅིག་པའི་དགོངས་པས་གདབ་པའོ། །དང་པོ་ནི་ལས་བྱང་ལྷ་བསྐྱེད་པའི་སྐབས་སུ་ཕོ་བྲང་གླིང་དགུའི་གཙོ་འཁོར་ཐམས་ཅད་ཆོས་ཉིད་དོན་ལ་མི་འགྱུར་བའི་བརྡར། སྐུ་མདོག་མཐིང་ནག་པ། ཆོས་ཐམས་ཅད་གཉིས་མེད་ངོ་བོར་གཅིག་པར་བསྐྱེད། ཐབས་ཤེས་གཉིས་སུ་མེད་པར་སྦྱོར་ཅིང་། ཆོས་སྐུར་ཟངས་ཐལ་བས་ཕུར་པ་འདྲིལ་ཞིང་འདེབས་པར་སྒོམ་མོ། །ཤིན་ཏུ་གསལ་བ་ནི་གནད་ཆེའོ། །དེ་མ་ཡིན་པ་ལས་བྱང་དུས་བཞིར་བསང་། འཛབ་ལས་སྦྱོར་ལུགས་སུ་བགྲང་ངོ་། །གཉིས་པ་འཛབ་བསྒྱུར་བ་ནི། ཏིང་ངེ་འཛིན་གོང་ལྟར་གསལ་བས་དུར་ཁྲོད་ཆས་གོན། ཕུར་བུ་རེ་འདྲིལ་ཞིང་ཁྲོ་རྒྱལ་ཡོངས་རྫོགས་འདུས་པའི་དྲག་སྔགས་གནམ་ཐོག་དང་འདྲ་བ་སོ་ལྔ་པ་འདི་ཀུན་གྱིས་བཟླས་ཏེ། གསལ་དག་ངར་དང་བཅས་པས་འདི་སྐད་དོ། །ཨཱོཾ་བཛྲ་མ་ཧཱ་ཀྲོ་དྷ་པདྨོ་ཀྲོ་ཏཱི་ཤྭ་རཱི། བཛྲ་ཀཱི་ལཱི་ཀཱི་ལཱ་ཡ། མ་ཧཱ་ཡཀྴ་ཀ་ལ་རཱུ་པ། ཀརྨ་རཾ་རཾ། ཛྭ་ལ་རཾ། དགྲ་བགེགས་འབྱུང་པོ་མཱ་ར་ཡ་ཧཱུཾ་ཕཊ། ཅེས་བཟླས་པས་ཞལ་ནས་མེ་འབར། མེ་དཔུང་ཀློང་(༥༦བ)
དུ་འཚུབ་པ་ཁ་ཆུ་ལྕགས་ཀྱི་ཚ་ཚར་འཕྲོས་པས་དགྲ་བགེགས་བསྒྲུབ་བྱ་རྡུལ་དུ་བརླག་པར་བསམ་མོ། །ཕོ་བྲང་གི་ལྷ་ཕུར་ལ་སྔགས་ཀྱི་འོད་ཟེར་གྱིས་བསྐུལ་བས་ཕུར་པ་ཐམས་ཅད་ཀྱང་ཡེ་ཤེས་ཁྲོ་བོ་ཞལ་གཅིག་ཕྱག་གཉིས་ཕུར་པ་འདྲིལ་ཞིང་འདེབས་པ། །སྐུ་སྨད་ལྕགས་ཕུར་སོལ་མལ་ནས་འཐོན་པར་ལྟར་ཚ་ཚ་ལྟར་འཁྲུག །རེག་པས་དགྲ་བགེགས་ཐལ་བར་གཏོར་བར་བསམ་ཞིང་བཟླས་པ་དྲག་ཏུ་བྱ། གདབ་སྔགས་དགུལ་ཐུན་དུ་བྱ་ཞེས་གཞུང་དུ་གསུངས་པ་རྣལ་འབྱོར་པ་ཀུན་གྱིས་མ་གྲུབ་ན། སྔགས་རྒྱུན་པ་བཞི་ཙམ་གྱི་ངག་བཅད་དེ་གདབ་སྔགས་དགུ་འུར་འདོན་དུ་བྱ། རྡོ་རྗེ་རྒྱལ་པོས་བདག་ཕུར་འབེམ་གསུམ་སྒྲུབ་མཐའ་གཅིག་པའི་དགོངས་པ་ལས་མ་གཡོས་པའི་ངང་ནས། རྒྱལ་ཐེབས་མཆེད་དང་བཅས་པས། གོང་གི་དམིགས་པ་དང་བཅས་སོ་ལྔ་པ་ཁོ་ན་འུར་འདོན་བྱ། སྐབས་སུ་བསྟོད་པ་བྱ་ཞེས་གསུངས་པ། བསྟོད་པ་མང་དུ་ཡོད་ཀྱང་གཙོ་བོར་བཅོམ་ལྡན་བདེ་གཤེགས་ཞེས་སོགས་ཞི་ཁྲོ་སྤྱིར་བསྟོད་པ་དང་། ཚོམ་བུ་དགུ་ལ་བསྟོད་པ། བཀའ་སྲུང་ལ་བསྟོད་པ། དོན་བསྟོད་རྣམས་རེ་རེ་ལའང་ཚིག་རྐང་དྲུག་རེ་ཡོད་པས། ཡོངས་རྫོགས་དྲུག་བསྟོད་དུ་གྲགས་པ་ཐུན་བཞིའམ་དྲུག་གི་ཐུན་མཚམས་སུ་བྱ། དེ་བཞིན་དུ་མཆོད་བྱང་བཀོལ་བ་ཞེས་པ་ནས་གསུངས་པའི་གཏོར་མ་བཤམས་ཏེ། ཧོ་འདི་ལྟར་སྣང་སྲིད་འཁོར་འདས་ཀྱི་ཞེས་པ་ནས་བཟུང་རྟ་མགྲིན་གྱི་སྒོ་ནས། རྣམ་ཤེས་གཟུགས་ལ་དབབ་པའི་བར་ཁྲོ་བོ་རོལ་པའི་ཆོག་སྒྲིགས་ཇི་ལྟ་བ་བཞིན་དུ་བྱས་པས་དངོས་ཉམས་རྨི་ལམ་དུ་བླ་རྟགས་སྲིད་པའི་གཏེར་ཁྱིམ་སོགས་ནས་བཤད་པ་ལྟར་གསལ་བར་ཡིད་ཆེས་པ་བྱུང་བ་དང་། ནུབ་ཕྱི་མ་རྣམས་(༥༧ན)
ནས་བསད་རྟགས་ཀྱང་ཐོ་རེ་བ་ཡོང་བས། ཕུར་པའི་སྒོ་ནས་མི་འཆོར་གྱང་དུ་གཞུག།མ་མོའི་སྒོ་ནས་དྲན་མེད་སྨྱོ་རུ་གཞུག་གོ །གསུམ་པ་ནི། རྒྱས་པར་སྤྲོ་ན་བཤད་མ་ཐག་པ་རྣམས་ཚར་གཅིག་གི་སྟེང་ཕུར་པའི་གཟི་བྱིན་བསྐྱེད་པ་ནས་དམོད་པ་དྲག་སྔགས་ཀྱི་སྟོབས་བྱེད་པ་ཡན་དཀྱུས་བཞིན་གྱི་ཁར་ཕྱིར་མི་བཟློག་པའི་དཔལ་དགུའི་གདབ་ཕུར་འདེབས་དུས་འོག་ནས་འབྱུང་བའི་དཔལ་དགུའི་སྔགས་རིང་རྣམས་བསྣན་པས་ཁྱབ་ཀྱང་ཧ་ཅང་རྒྱས་དྲགས་པས་དབང་གི་དུས་བསྒྲལ་དབང་རྒྱས་བསྡུས་འཚམ་པ་གོང་གི་ས་བཅད་དང་པོ། །གཉིས་པའི་འཛབ་བསྒྱུར་བའི་སྐབས་ཀྱི་དགྲ་བགེགས་ཐལ་བར་བསམ་ཞིང་ཞེས་པ་ཡན་གྱི་ངག་འདོན་དང་དྲག་སྔགས་སོ་ལྔ་པའི་བཟླས་པ་ཅུང་ཟད་བྱས། དེ་རྗེས་འདི་ལྟར་སྣང་སྲིད་འཁོར་འདས་ཞེས་སོགས་ཀྱིས་ཆེ་བའི་ང་རྒྱལ་བསྐྱེད། དེའི་དོན་བརྡ་ས་སྤྲོད་ནི། ཧཱུཾ། གསུམ་ཚན་གསུམ་གྱི་དགོངས་དོན། དཔའ་གསུམ། གདེངས་གསུམ། ངར་གསུམ་སྟེ། ཧཱུཾ་ཧཱུཾ་ཧཱུཾ་སྟེ་དང་པོ་གསུམ་གྱི་དགོངས་དོན། ལུས་སྣང་སྟོང་དུ་དཔའ་བ། ངག་བརྗོད་བྲལ་དུ་དཔའ་བ། སེམས་སྐྱེ་མེད་དུ་དཔའ་བའོ། །ཡང་ཧཱུཾ་ཧཱུཾ་ཧཱུཾ། ཞེས་བར་པ་གསུམ་ནི་གདེངས་གསུམ་སྟེ། མཐའ་དང་བྲལ་བ་ལྟ་བའི་གདེངས། །བློ་ལས་འདས་པ་སྒོམ་པའི་གདེངས། །ཤུགས་ཀྱི་འབྱུང་བ་སྤྱོད་པའི་གདེངས་སོ། །ཡང་ཧཱུཾ་ཧཱུཾ་ཧཱུཾ་གསུམ་ནི་ངར་གསུམ་སྟེ། རིག་པ་མདུང་ལྟར་རྣོ་བས་ཕྱིའི་རྣམ་རྟོག་འབིགས་པའི་ངར། རིག་པ་གསེགས་བརྡར་ངར་མ་ལྟ་བུས་ནང་ཉོན་མོངས་པ་བརྡར་བའི་ངར། རིག་པའི་རྩལ་གྱིས་རྣམ་རྟོག་སྤྲིན་རླུང་གིས་བདས་པ་ལྟ་བུའི་ངར་གྱིས་འཁྲུལ་པས་གླགས་མི་(༥༧བ)
རྙེད་པའོ། །དེ་ནས་བདག་ཉིད་ཚོམ་བུ་དགུའི་ལྷ་ཚོགས་ཞེས་སོགས་རྒྱལ་བ་སྤྱི་བསྐུལ། ཕོ་ཉ་སྒོས་བསྐུལ། གསེར་སྐྱེམས་གཟུ་དཔང་གདོད་ནས་མ་སྐྱེས་མ། འགྲུབ་ཁུང་ལིངྒ་བསྐྱེད་པ་དགུག་གཞུག་གི་བར་དཀྱུས་ལྟར་བྱ། དེ་ནས་ལྷ་དང་ཕྲལ་བའི་ཆེད་དུ་ཡང་དག་གི་མཐུ་དང་རྫུ་འཕྲུལ་དབྲོག་པའི་ཁོངས་ཀྱི། ཧཱུཾ། དམ་ཉམས་དགྲ་བོ་སྡིག་ཅན་ལ། །འགོ་བར་བྱེད་པའི་ལྷ་ཁྱོད་ཉོན་ཞེས་སོགས་བཏང་། །དེ་ནས་ཕུར་གདབ་ཀྱི་ཉམས་ལེན་གྱི་དམིགས་པ་ངོ་སྤྲད་པ་ནི་དེ་ཡང་། དེ་ནས་དགོངས་པ་ནི་གཙོ་བོའི་ཕུར་པ་ལག་ཏུ་འདྲིལ་ཞིང་གདབ་སྟེ། དེ་ཡང་བདག་ཡེ་ཤེས་ལྷ་ཡོངས་རྫོགས་སྐུར་གསལ་བ་དང་། ཕུར་པ་དགྲ་བགེགས་ཀྱི་གཤེད་མ་ཡཀྴ་ཀྲོ་དྷ་ར་གསལ་བ་དང་། བཟས་པའི་གཟུགས་དེ་དངོས་སུ་གསལ་བ་གསུམ་ཡང་གཞི་ཆོས་སྐུ་གཅིག་ལས་ཐ་དད་མ་ཡིན། ལམ་གཉེན་པོ་གཤེད་སྲོག་གསུམ་སེམས་ཉིད་རྩལ་ལས་ཐ་དད་པ་མ་ཡིན། འབྲས་བུ་རང་གྲོལ་ཕུར་པ་སྤྲོས་བྲལ། དགྲ་ཆོས་དབྱིངས་སུ་སྒྲོལ་བས་ཐ་མི་དད་པ་ནི། གསང་སྔགས་ཀྱི་མཐའ་སྟེ་ལྟ་བའི་རྫོང་ཡིན་ནོ། །གསལ་བ་གསུམ་དང་ལྡན་པ་དེ་སྒོམ་པའི་འཕྲང་། ཚེ་ཁྲུས་དགོངས་པས་ཕུར་བ་འདེབས་པ་ནི་སྲོག་འཕྲོག་པ་སྟེ། རྫོང་འཕྲེང་སྲོག་གསུམ་ཤེས་པ་གནད་ཡིན་ནོ། །ད་ནི་གསལ་བ་གསུམ་དང་ལྡན་པས་གདབ་སྟེ། གོང་ལྟར་རྫོང་འཕྲང་སྲོག་གསུམ་གྱི་དོན་ཅི་རིགས་ཤེས་པས། རིག་པ་ཡེ་ཤེས་ཀྱི་ཕུར་པ་ཡིན་ལ། དེ་ལྟར་སེམས་ཅན་ཀུན་གྱི་མ་རིག་པས་ཀུན་སྙིང་རྗེ་ལ། ཁྱད་པར་དུ་དགྲ་བགེགས་རུ་ཏྲ་ལོག་པར་ལྟ་བས་མ་རིག་པ་ལ་སྙིང་རྗེ་ཕུར་ཚུགས་སུ་སྐྱེ། གཉིས་མེད་དུ་སྒྲོལ་བའི་ཐུགས་རྗེ་སྐྱེ་བས་ཚད་མེད་ཐུགས་(༥༨ན)
རྗེའི་ཕུར་པའོ། །བདག་ཉིད་དཔལ་ཆེ་མཆོག་སྐུ་ལ་བདེ་གཤེགས་ཡོངས་རྫོགས་སུ་གསལ་བའི་ཕྱག་གཡས་པའི་སོར་མོ་ལྔ་ཁྲག་འཐུང་ཡབ་ལྔ། གཡོན་གྱི་སོར་མོ་ལྔ་ཁྲོ་མོ་ཡུམ་ལྔར་གསལ་བས་ཐལ་མོ་སྦྱར་བས། ཕུར་པ་འདྲིལ་བ་ནི། སྦྱོར་མཚམས་བྱང་ཆུབ་སེམས་ཀྱི་ཕུར་པ་ཡིན་ནོ། །དངོས་པོ་རྫས་ལ་གྲུབ་པས། མཚན་མ་རྫས་ཀྱི་ཕུར་པ་སྟེ། དྲིལ་ཞིང་སོ་སོའི་གདབ་སྔགས་བཟླས་ཤིང་ལིངྒ་གཟས་པ་པོ་དངོས་སུ་གསལ་བའི་སྙིང་གའི་ནང་ནས། སྲོག་གི་དངོས་པོ་ཁྲག་དངས་མ་བྱེ་མགོ་ཙམ་གཅིག་གི་དབུས་ན། ཨ་དཀར་པོ་འོད་ཀྱི་རང་བཞིན་གྱི་དཀྱིལ་ན་ནྲྀ་ལྗང་གུ་གཅིག་ཡོད་པས་གསལ་བཏབ་ལ། ཕུར་རྩེ་ཟུར་གསུམ་དུ་རྩེ་དགབ་ཏུ་ཕཊ་གསུམ་རྩེ་ལ་ཧཱུཾ་གསུམ་བསམས་ཏེ། སོ་ལྔ་པས་གཙོ་ཕུར་གདབ་ཕྱིར་ཕུར་སྐོར་བྱ་བ་ནི། ཨཱོཾ་བཛྲ་མ་ཧཱ་ཀྲོ་ཏ་ཞེས་བསྲུང་ཕྱིར་ཀླད་ལ་ལན་གསུམ་ནང་སྐོར་པདྨ་ཀྲོ་ཏཱི་ཤྭ་རཱི་ཞེས་རང་ལ་མི་བཟློག་པར་བྱར་ཕྱི་བསྐྱེད་ལ་ལན་གསུམ་ཕྱི་ལ་བསྐོར་བཛྲ་ཀཱི་ལི་ཀཱི་ལཱ་ཡ་ཞེས་གཟིར་ཕྱིར་ལན་གསུམ་མདུན་དུ་དྲིལ། མ་ཧཱ་ཡཀྴ་ཞེས་ཕོ་རྒྱུད་དགུག་ཕྱིར་གཡས་སུ་ཚམ་རྔམ་བྱ་ཀཱ་ལ་རཱུ་པ་ཞེས་དབང་དུ་བསྡུ་ཕྱིར་མདུན་དུ་ལན་གསུམ་དྲིལ། ཀརྨ་རཾ་རཾ་ཞེས་མོ་རྒྱུད་དགུག་ཕྱིར་གཡོན་དུ་ཚ་ངམ་བྱ། ཛྭ་ལ་རཾ་དགྲ་བགེགས་འབྱུང་པོ་མ་ར་ཡ་ཧཱུཾ་ཕཊ། ཅེས་སྤྱིར་དྲིལ་ཞིང་གདབ་པའི་བསྒྲལ་བའི་ལས་སོ། །དེ་ལྟར་ཕུར་པ་གཅིག་པོ་ཐེབས་པས་ཀུན་གཞི་རྩད་ཆོད་དེ་ལྷག་མ་བརྒྱད་ནི་སྐྱེ་བའི་སྒོ་ལྔ་འགེགས་ཤིང་ཚོགས་བརྒྱད་ལ་སོགས་བསྒྲལ་ནས་ཕྱིར་མི་ལྡོག་པའི་གནད་དོ། །ཞེས་གསུངས་ལ། གཙོ་ཕུར་བཟས་པ་པོའི་སྙིང་གར་ནྲྀ་ལྗང་གུ་ལ་(༥༨བ)
བཏབ་པས་ནྲྀ་དང་ཨར་བཅས་ཕུར་བའི་རྩེ་ལ་དཀར་ཡེར་འདུས་པ་དེ། ཚུར་བསྟན་པས་ཐུགས་ཀའི་ཧཱུཾ་ལ་འདུས་པས་བདག་བཀྲག་དང་གཟི་མདངས་སྐྱེས་པར་བསམས་ཏེ་ཚེ་ལུང་དགོངས་པའོ། །དགྲ་སྲོག་ནྲྀ་ཕུར་རྩེའི་ཧཱུཾ་གསུམ་ལ་ཐིམ་ནས། ཧཱུཾ། གསུམ་རྩེ་དགབ་ཀྱི་ཕཊ་གསུམ་གྱི་འཕངས། འོག་མིན་དཔལ་གྱི་ཐུགས་ཀར་ཐིམ་པས། ཐུགས་ཀའི་ཧཱུཾ་གི་འོད་ཟེར་གྱིས་ཧཱུཾ་དེ་ཉིད་དུ་ཞུ། ཡང་འཕྲོས་མགྲིན་པའི་ཨཱཿལ་ཕོག །ཡང་ཧཱུཾ་འོད་དུ་ཞུ། སྤྱི་གཙུག་ཨཱོཾ་ལ་ཕོག །ཡང་ཧཱུཾ་གཅིག་འོད་དུ་ཞུ། འོད་གསུམ་གཅིག་ཏུ་འདྲིལ། སྒལ་ཚིགས་རྟ་བརྒྱུད། གསང་བ་ནས་ཡུམ་གྱི་མཁར་ཕབ་རྒྱལ་བའི་སྲས་སུ་བསྐྱེད་པ་ནི་གནས་སྤར་བ་སྟེ་བདག་གི་རྩོལ་སྒྲིབ་དག །དགྲ་བོའི་ལས་ངན་བག་ཆགས་ཉོན་མོངས་པ་དག་པས་ཁྲུས་ལུང་གི་དགོངས་པའོ། །ཚེ་ཁྲུས་ནི་གནད་ཆེ་བས་ཚོགས་པ་རྣམས་ལ་བརྡ་འཕྲོད་པར་བྱས་ལ་ལག་ལེན་ནི། གུ་གུལ་སྦྱར་བའི་རྫས་མཆོག་དམ་པ་འདི་ཞེས་པ་ནས་བཟུང་སཾ་ཧ་ར་ཧཱུཾ་ཞེས་པའི་བར་དཀྱུས་བཞིན་དང་དྲག་སྔགས་སོ་ལྔ་པར་གདངས་དང་བསྟུན་སློབ་དཔོན་གྱིས་ཕུར་སྐོར་བྱས་ནས་སློབ་མའི་ལག་ཏུ་གཏད་པའི་བསྐུར་ཚིག་ནི། ཧཱུཾ། དཔལ་ཆེན་ཡོངས་རྫོགས་ཕུར་པའི་སྐུ། །ཤེས་རབ་ཐབས་ཀྱི་ངོ་བོ་ལས། ཁམས་གསུམ་སྲིད་པ་མཐའ་ཡས་པར། །བདེ་གཤེགས་འཕྲིན་ལས་མཛད་པའི་ཕྱིར། ཁྲབ་འཐུང་ཡབ་ཡུམ་སྦྱོར་བ་ལས། །བྱང་ཆུབ་སེམས་ཀྱི་ཕུར་པ་ཡིས། །རྒྱལ་བའི་སྲས་མཆོག་སྟོང་གསུམ་གང་། །རིག་པ་ཡེ་ཤེས་ཕུར་པ་ཡིས། །ཆོས་ཀྱི་དབྱིངས་སུ་ཧྲིལ་ལི་ལི། །ཚད་མེད་སྙིང་རྗེའི་ཕུར་པ་ཡིས། །འགྲོ་དྲུག་ཁྱད་པར་ལྗིབས་(༥༩ན)
སེ་ལྗིབ། །མཚན་མ་རྫས་ཀྱི་ཕུར་པ་ཡིས། །དགྲ་བགེགས་གཞོབ་ཏུ་ཐུལ་ལུ་ལུ། །ཡོངས་སུ་རྫོགས་པའི་ཕུར་པ་ཡིས། །སྐུ་ལྔ་ཡེ་ཤེས་ཡལ་ལ་ལ། །ཕུར་བའི་འཕྲིན་ལས་ངོ་མཚར་ཆེ། །ཞི་བའི་ཚུལ་གྱིས་འཇིགས་བརྒྱད་སྐྱོབ། །རྒྱས་པའི་ཚུལ་གྱིས་སྦྱོར་དྲུག་སྤེལ། །དབང་གིས་མོས་པ་རྣམ་བཞི་བཏུད་། །དྲག་པོས་དགྲ་བགེགས་ཚར་ཡང་གཅོད། །སྒྲུབ་ཕུར་རྣམས་ཀྱིས་དབང་བསྐུར་བས། །ཏ་ན་གྷ་ནའི་ལས་སྦྱོར་རྫོགས། །ནུས་པ་ཡོངས་རྫོགས་དབང་བསྐུར་རོ། །ཞེས་རྩ་སྔགས་རེ་བརྗོད་རྗེས་སུ། བཛྲ་ཀཱི་ལཱ་ཡ་སརྦ་ཨ་བྷི་ཥིཉྩ་ཧཱུཾ། ཨ། ཞེས་བརྗོད་ཅིང་གཏད་དེ་ཕུར་བསྐོར་བྱའོ། །ཧོ། དེ་ལྟར་འཕྲིན་ལས་ཡོངས་སུ་རྫོགས་པར་ནུས་པའི་དབང་བསྐུར་བས་ཕུར་བུ་རྣམ་བཞི་གནས་སུ་ཐེབས་ནས་ཞི་རྒྱས་དབང་དྲག་འཕྲིན་ལས་བཞི་མཐར་ཕྱུང་ནས་རྣལ་འབྱོར་དབང་ཕྱུག་ཆེན་པོ་འཕྲིན་ལས་ཡོངས་རྫོགས་ལྷུན་གྱིས་གྲུབ་པའི་དབང་ཐོབ་པར་གྱུར་ཅིག །རབ་གནས་ཚོགས་འཁོར་བྱའོ། །ཞེས་ཆེ་མཆོག་གི་ཕུར་པ་སློབ་མ་གཙོ་བོ་དང་གཞན་རྣམས་བུད་མེད་མིན་པ་ཀུན་ལ་གང་འདངས་གཏོད། དེ་ནས་དྲག་སྔགས་སོ་ལྔ་པ་ཕུར་སྐོར་བཅས་བརྡེག་ཏུ་བཅུག་ལ་རྣམ་ཤེས་སྤར་བས་ཚེ་འདིའི་སྲོག་དབང་འགགས་ཀྱང་སླར་འཁོར་བ་ལས་ཕྱིར་མི་བཟློག་པར་བྱ་བའི་ཕྱིར་སྐྱེ་བའི་སྒོ་ལྔ་བཅད། རྣམ་ཤེས་ཚོགས་བརྒྱད་བསྒྲལ་ཏེ། དཔལ་དགུའི་སྙིང་པོ་དྲག་སྔགས་དགུ་པོ་སོ་སོར་བཟླས་ཏེ། ཕུར་པ་འདྲིལ་ཞིང་གདབ་པ་ནི། ཆེ་མཆོག་སྲས་བཅས་གདབ་པ་ནི། ཨཱོཾ་ཤྲཱི་མ་ཧཱ་ས་མ་ཡ་བཛྲ་ཡཀྴ་ཧེ་ཧ་ཧཱུཾ། ཨ་བཛྲ་བི་ཤ་ཀྲོ་དྷ་ཛ་ལ་མཎྜལ་ཧཱུཾ། མ་ཧཱ་སྲོག་ཤ་ལ་ཐུན། ཧ་ལ་ཧ་ལ་ཧཱུཾ་ཕཊ་(༥༩བ)
ཛཿཛཿ ཆེ་གེ་མོ་ནྲྀ་དུཥྚཱན་མཱ་ར་ཡ་ཧཱུཾ་ཕཊ། བཛྲ་ཧསྟ་ཀྲིཾ། གརྫ་གརྫ་ཧཱུཾ་ཕཊ། བཛྲ་བི་ཤ་ཀྲོ་དྷ་ཛ་ལ་མཎྜལ། ཧ་ལ་ཧ་ལ་མནྡྷ་ལ། མ་མ་ཏྲག་རུ་ལུ་རུ་ལུ་ཧཱུཾ་བྷྱོ་ཧཱུཾ། བཛྲ་ཡཀྴ་མ་ར་ཏྲག་ཤ་ཧུང་ཏེ་ཧ་ར་ཧུང་བྷྱོ། ན་ག་ག་ནེ་ཛཿཛཿམཱ་ར་ཡ་ཛཿཛཿཏྲག་རཀྴ་བཾ་རིལ། ཙ་ཆ་པ་ཏ་ས་ཏུ་བ་ནི་ཛཿཛཿ ཨཱོཾ་བཛྲ་ཨཱརྱ་མ་མཉྫུ་ཤྲཱི་མ་ཏྲ་ཨ་ཀྲོ་ཏེ་ཀ་ཡ་མནྟ་ཀ་ཀཱ་ལ་རཱུ་བ་ཧཱུཾ་ཕཊ། ཨ་ཧ་ཧ་ཛ་ཛ་ཧ་ཏ་ཧ་ཀྲིཾ་རྦད་ཀཱི་ལི་ཀཱི་ལཱ་ཡ་ནི་རྦད། ཅེས་པ་རྩ་ལ་གདབ་བོ། །སྲས་བཞི་དེའི་ཕྱོགས་བཞིར་གདབ་བོ། །དེ་ནས་བཛྲ་ཧེ་རུ་ཀ་སྲས་བཅས་གདབ་སྟེ། ཨཱོཾ་རུ་ལུ་རུ་ལུ་ཧཱུཾ་བྷྱོ་ཧཱུཾ། ཨཱོཾ་ཨཾཿཧཱུཾ་ཧ་ཧེ་ཕཊ། ཧཱུཾ་ནི་མ་ཙི་ཏ་མ། རྡུལ་ཕྲན་རྡུལ་ཕྲན། ཀེཾ་ཀེཾ་རཀྟ་མ་རི་ཙ་སྙིང་ལ་ཤད་ཤད། ཙིཏྟ་མ་རུས་ལ་ཀེཾ་ཀེཾ །རུ་ཏྲི་ཤ་རྦད། ཛཿཧཱུཾ་བཾ་ཧོཿ དབུགས་ལ་འུབ་འུབ། ཨ་ཧཱུཾ་ཧེ་མ་མ་བྷྱོ་ཛཿ རུ་ལུ་རུ་ལུ་རགྨོ་བྷྱོ་ཛཿ ཀཱི་ལི་ཀཱི་ལཱ་ཡ་ནྲྀ་རྦད། ཅེས་བཛྲ་ཧེ་རུ་ཀ་སྙིང་ལ་གདབ། སྲས་བཞི་དེའི་ཕྱོགས་བཞིར་གདབ། དེ་ནས་གཤིན་རྗེ་སྲས་བཅས་གདབ་སྟེ། ཨཱོཾ་ཨ་ཀྲོ་ཏེ་ཀ་ཡ་མཱནྟ་ཀ་ཧ་ན་མ་ཐ་བྷཉྫ་ཧཱུཾ་ཕཊ། ཨཱོཾ་ས་མ་ཡ་མཉྫུ་ཤྲཱི་ཡ་མཱནྟ་ཀ །ཡ་མ་རཱ་ཛ་མ་མ་ཨེ་ཀ་ཛཱ་ཊི་ཛ་ཛཿ ཏྲག་རཀྴ་ཁ་མུན་ཏྲ་སྙིང་ཁ་རགྨ་བྷྱོ་བྷྱོ། རགྨོ་ཏེ་ཀུམ་ཛ་ཛཿ ཁ་ལ་མ་ཧི་བྷྱོ་བྷྱོཿ མ་མ་ལོན་མོན་ཙི་དྷ་ན་མ་ལ་བྷྱོ་ཛཿ སྙིང་ཁ་རག་སྲོག་ལ་བྷྱོ་བྷྱོ། ཨཱོཾ་ཡ་མཱན། ཨཱོཾ་རྣལ་མ་རྣལ་ཏེ་སྲོག་ལ་རྔམ། སྲོག་ལ་མེར་སྲིས་ལ་ཆུམ། ཐུཾ་པིས་ཐུཾ་པིས། ལྕགས་ཀྱི་སྒྲ་ཅིག་མས་དགྲ་བོའི་སྙིང་ཕྱུང་། མཱ་ར་ཡ་རྦད། ཀཱི་ལི་ཀཱི་ལཱ་ཡ་ནྲྀ་རྦད། ཅེས་གཤེད་ཕུར་དཔྲལ་བར་གདབ། སྲས་བཞི་ཕྱོགས་བཞིར་གདབ་པོ། །དེ་ནས་པདྨ་དབང་ཆེན་སྲས་བཅས་གདབ་སྟེ། ཨཱོཾ་པདྨཱནྟ་ཀྲྀ་ཏ་ཧ་ཡགྷྲཱི་བ་མ་ཧཱ་ཀྲོ་ཏ་ཨེ་ཀ་ཛཱ་(༦༠ན)
ཊཱི་ས་མ་ཡ། རུ་ལུ་རུ་ལུ་ཧཱུཾ་བྷྱོ་ཧཱུཾ། ཨ་ར་ལི་ཛ། ཨཱོཾ་ཐུབ་ཐུབ། མྱགས་མྱགས། མུག་མུག་ཤར་ཤར། ཞར་བར་བྱའོ། །ཞི་བར་བྱའོ། །ད་ད་ཀླག་ཀླག་དུ་ད་དུ་ད། རྦད་རྦད་ཛ་ཛ་བྷྱོ་བྷྱོ། ཧཱུཾ་ཧཱུཾ་མྱགས་རྦད་མྱོགས་རྦད། མོ་དུ་སོད་མོ་དུ་ར་ཡག་ཆོད། སྲོག་གི་དབང་པོ་སྙིང་ཁ་ལ་རཀྟ་ཙ་ར་ཡ་ཏདྱ་ཐཱ། སྙིང་རྦད་ཡ་ཁྲག་རི་མ་རོ། མ་རི་ཁྲག་ཤ་ཡ། མགོ་ཁྲག་ཛ་ནྲི་ཆོད། ཤ་ལ་ཀྱི་ཁྱེར། དགྲ་བོའི་སྙིང་སྲོག་རྩད་ནས་ཕྱུངས་ཤིག་སྭཱཧཱ། ཞེས་དབང་ཆེན་ལྕེ་ལ་གདབ། སྲས་བཞི་ཕྱོགས་བཞིར་གདབ་པོ། །དེ་ནས་རྡོ་རྗེ་གཞོན་ནུ་སྲས་བཅས་གདབ་སྟེ། ཨཱོཾ་བཛྲ་ཀཱི་ལི་ཀཱི་ལཱ་ཡ་སརྦ་བིགྷྣན་བཾ་ཧཱུཾ་ཕཊ། མ་རགྨོ་ཡགྨོ་ཀཱ་ལ་རཱུ་པ་སྙིང་རྩ་ལ་ཡཾ་ཡཾ། སྲོག་རྩ་ལ་ཡཾ་ཡཾ། སྙིང་རྩ་ལ་ཁྲིལ་ཁྲིལ། སྲོག་རྩ་ལ་ཆུམ་ཆུམ། ཙིཏྟ་སྲོག་ཏུང་ཏུང་། སྙིང་ཁྲག་ཤད་ཐུམས་རིལ་ལི་ལི། སྙིང་རྩེག་རྩེག་འུར་འུར་ཤིག་ཤིག །གུལ་གུལ། མྱགས་མྱགས། དྷ་ཏི་མ་མ་ཀརྨ་ཤི་ཏྲཾ་ཀ་ར་ཡེ། མ་ར་པ་ནི་པྲ་མ་ཏ་ནི་ཏྲི་ཆེ་གེ་མོ་མཱ་ར་ཡ་ཧཱུཾ་ཕཊ། ཀཱི་ལི་ཀཱི་ལཱ་ཡ་ནྲྀ་ཛཿ ཞེས་ལྟེ་བར་རྡོ་རྗེ་གཞོན་ནུ་གདབ་བོ། །དེའི་ཕྱོགས་བཞིར་སྲས་བཞི་གདབ་བོ། །དེ་ནས་བླ་མེད་ཧེ་རུ་ཀ་མ་དྲུག་གིས་བཏབ་སྟེ། ཨཱོཾ་གྷུ་ཧྱ་ཛྙཱ་ན་ཤྲཱི་ཧེ་རུ་ཀ་གྷུ་ཧྱ་ཛྙཱ་ན་ཀྲོ་ཏཱི་ཤྭ་རཱི་སྟྲཾ་མ་མ་ཡོ་གི་ནི། རུ་ལུ་རུ་ལུ་ཧཱུཾ་བྷྱོ་ཧཱུཾ་ཕཊ། ཨཱོཾ་བཛྲ་ནི་ལ་ཁ་ཏྲཾ་ཀྲོ་ཏཱི་ཤྭ་རཱི་བྷ་ག་པདྨ་རྒྱས་བདེ་ཀློང་ཤོ་ན་མ་ཛ་ཛ༝྾༔བྷྱོཿ མ་མ་རཀྴ། མ་མ་རཀྴ། རུ་ལུ་རུ་ལུ་རགྨོ་སྙིང་ཁྲག་ལ་བྷྱོཿ ཏྲག་རཀྴ་མ་སིབ་ཐུན་བྷྱོ། ཆེ་གེ་མོ་ནྲྀ་དུཥྚཱ་ན་མཱ་ར་ཡ་ཕཊ། བཛྲ་ཧསྟ་ཀྲིཾ། རྨུགས་ཤ །རྨུགས་ཤ །རྦད་དྷ་ར་རྦད་དྷ་ར། མུག་གི་མྱོགས་ཤ་སོད། ཙི་སིབ་སྙིང་རི་ཡ་ཡ། སྲོག་རི་ཡ་ཡ། མིག་དཀྱུས་ནས་ཕྱུངས་ཤིག །རྒྱུས་པ་རྩད་ནས་ཆོད་ཅིག །ལྕེ་ལྐོག་ནས་དྲོངས་ཤིག །ཨཱོཾ་མ་མ་རཀྨོ་ཙེ་ཙེ་སྙིང་ཁ་རག་རྦད་དུ་བྷྱོ། རགྨོ་རགྨོ་རྦད་བུ་ཆེམ་མཱ་རཱ་ཡ་ཆོམ། རྦད་མཱ་ར་ཡ་རྦད། སོད་(༦༠བ)
མཱ་ར་ཡ་སོད། ཐུམས་རིལ་ཡ། ཏྲག་རཱཀྴ་རྦད་ཡ། གཏུབས་གཏུབས་དུམ་བུ་བཾ་བཾ། དགྲ་བགེགས་ཀྱི་སྲོག་ལ་མཱ་ར་ལ་རྦད། ཀཱི་ལི་ཀཱི་ལཱ་ཡ་ནྲྀ་རྦད། ཅེས་བླ་མེད་ཧེ་རུས་གསང་གནས་སུ་གདབ། མ་མོ་ལྔས་ཕྱོགས་བཞིར་གདབ་བོ། །དེ་ནས་རིགས་འཛིན་ཐོད་པ་རྩལ་སྲས་བཅས་གདབ་སྟེ། ཨཱོཾ་བཛྲ་མ་ཧཱ་གུ་རུ་སརྦ་ཧཱུཾ་ཕཊ། ཀཱ་ལ་རཱུ་པ་དགྲ་བགེགས་ཆེ་གེ་མོའི་སྲོག་ལ་མཱ་ར་ཡ་ཕཊ། ཀཱི་ལི་ཀཱི་ལཱ་ཡ་ནྲྀ་རྦད། ཅེས་ཐོད་པ་རྩལ་གྱིས་གཙུག་ཏུ་གདབ། སྲས་བཞི་ཕྱོགས་བཞིར་གདབ་བོ། །དེ་ནས་དྲེགས་པ་ཀུན་འདུལ་དབང་ཆེན་བཞིར་བཅས་པ་གདབ་སྟེ། ཨཱོཾ་བཛྲ་སརྦ་དུཥྚཱན་ཨེ་ཛ་བྷྱོ། དགྲ་བགེགས་ཤ་ཏྲུཾ་ཧུར་ཐུམས་ཛ་མཱ་ར་ཡ་རྦད། གིངྐ་ར་གིངྐ་ར་སརྦ་ཏྲི་ཛ་བྷྱོ། ཆེ་གེ་མོ་ཤ་ཏྲཱུཾ་ཧུར་ཐུམས་ཛ་མཱ་ར་ཡ་རྦད། མུད་ཏྲི་མཱ་ར་དུཿ སརྦ་དུ་ཛཿབྷྱོཿ ཆེ་གེ་མོ་ཤ་ཏྲུཾ་ཧུར་ཐུམས་ཛ་མཱ་ར་ཡ་རྦད། ཨ་བྷི་ཤུ་སརྦ་ཙ་ཚ་བྷྱོཿ ཆེ་གེ་མོ་ཤ་ཏྲཱུཾ་ཧུར་ཐུམས་ཛ་མཱ་ར་ཡ་རྦད། པ་ཤ་མི་ཀི་སརྦ་པ་ཛ་བྷྱོཿ ཆེ་གེ་མོ་ཤ་ཏྲཱུཾ་ཧུར་ཐུམས་ཛ་མཱ་ར་ཡ་རྦདཿ ནཱ་ག་སརྦ་ཕུཿཛ་བྷྱོཿ ཆེ་གེ་མོ་ཤ་ཏྲཱུཾ་ཧུར་ཐུམས་ཛ་མཱ་ར་ཡ་རྦད་ཡཀྴ་སརྦ་ཀྵ་ཛ་བྷྱོ་ཆེ་གེ་མོ་ཤ་ཏྲཱུཾ་ཧུར་ཐུམས་ཛ་མཱ་ར་ཡ་རྦད། རཀྴ་སརྦ་རཱ་ཛ་བྷྱོཿ ཆེ་གེ་མོ་ཤ་ཏྲཱུཾ་ཧུར་ཐུམས་ཛ་མཱ་ར་ཡ་རྦད། མ་མ་སརྦ་མ་ཛ་བྷྱོཿ ཆེ་གེ་མོ་ཤ་ཏྲཱུཾ་ཧུར་ཐུམས་ཛ་མཱ་ར་ཡ་རྦདཿ ཀཱི་ལི་ཀཱི་ལཱ་ཡ་དགྲ་བོ་ནྲྀ་རྦད། ཅེས་ཀུན་འདུལ་བརླ་གཡས་དཀྱིལ་དུ་གདབ། འཁོར་ཕྱོགས་བཞིར་གདབ་བོ། །དེ་ནས་སྟབས་ལྡན་སྔགས་བདག་སྡེ་བཞི་གདབ་སྟེ། ཨཱོཾ་བཛྲ་སརྦ་དུཥྚཱན་ཨ་ཙི་ཏ་ཧྲིཾ་ཧྲིཾ་ཛཿ ཆེ་གེ་མོ་ནྲྀ་ཧུར་ཐུམས་ཛ་མཱ་ར་ཡ་རྦད། ཡ་མ་སརྦ་ཙིཏྟ་ཧྲིཾ་ཧྲིཾ་ཛཿ ཆེ་གེ་མོ། མ་མ་སརྦ་ཙིཏྟ་ཧྲིཾ་ཧྲིཾ་ཛཿ ཆེ་གེ་མོ། (༦༡ན)
ནཱ་ག་རཀྴ་སརྦ་ཙིཏྟ་ཧྲིཾ་ཧྲིཾ་ཛཿ ཆེ་གེ་མོ། དེ་བ་རཀྴ་སརྦ་ཙིཏྟ་ཧྲིཾ་ཧྲིཾ་ཛཿ ཆེ་གེ་མོ། རཱ་ཧུ་ལ་རཀྴ་སརྦ་ཙིཏྟ་ཧྲིཾ་ཧྲིཾ་ཛཿ ཆེ་གེ་མོ། ཡཀྴ་རཀྴ་སརྦ་ཙིཏྟ་ཧྲིཾ་ཧྲིཾ་༝། །ཆེ་གེ་མོ་༝། །དྷ་ཤ་གྲཱི་བ་སརྦ་ཙིཏྟ་ཧྲིཾ་ཧྲིཾ་ཛཿ ཆེ་གེ་མོ་ནྲྀ་ཧུར་ཐུམས་ཛ་མཱུ་ར་ཡ་རྦད། ཀཱི་ལི་ཀཱི་ལཱ་ཡ་ནྲྀ་རྦད། ཅེས་སྟོབས་ལྡན་བརླག་ཡོན་དཀྱིལ་དུ་གདབ། འཁོར་བཞི་ཕྱོགས་བཞིར་གདབ་བོ། །དེ་ནས་ཕུར་པ་གཞན་ཐམས་ཅད་དྲག་སྔགས་སོ་ལྔ་པ་ལ། ཆེ་གེ་མོ་ཧུར་ཐུམས་ཛ་མཱ་ར་ཡ་རྦད། ཀཱི་ལི་ཀཱི་ལཱ་ཡ་ནྲྀ་རྦད། ཅེས་གདབ་སྟེ། སྒོ་བ་ཡབ་ཡུམ་བརྒྱད་ཡན་ལག་བཞིའི་ཚིགས་བཞི་ལ་གདབ། གདབ་ཕུར་གྱིས་ལྷུ་བརྒྱད་ལ་གདབ་བོ། །རྩང་ཕུར་རྣམས་མཐིལ་བཞི་ལ་གདབ་བོ། །ཐུན་གྱིས་ཀྱང་བྲབ། མདོར་ན་ཕུར་པ་གང་འདེབས་ཀྱང་ཕྱིའི་ལྷ་དང་དམ་ཅན་སྲོག་སྔགས་ལ་མ་སོང་བར་གདབ་བོ། །དེ་ནས་ཕུར་པ་རྣམས་མཆེད་རིམ་པར་བསྐོར་ཏེ། སོ་ལྔ་པ་སོ་སོའི་སྒོས་དགྲ་ལ་གདབ་བོ། །སླར་རལ་གྲིས་དུམ་བུར་གཏུབས་པའི་སྟོད་ཀྱི་དུམ་བུ་རྣམས་སྟོབ་པ་ནི། ཧཱུཾ། དཔལ་ཆེན་ཁྲག་འཐུང་ལྷ་ཚོགས་རྣམས་ཞེས་སོགས་ཀྱི་ལྷ་ཚོགས་རྣམས་ཀྱི་ཞལ་དུ་ཕུལ་བས་དགྱེས་པར་བསམ། སྨད་ལས་སྦྱིན་སྲེག་བྱས་པའི་ཐལ་བ་ལ་ཆ་ནན་པ་བྱ། དེ་ཡང་བདག་ཆོས་དབྱིངས་ཀྱི་རིག་རྩལ་དཔལ་དུ་ཤར་བ་དང་གཅིག །ཕུར་པ་ཆོས་སྐུའི་རང་རྩལ་དགྲ་བགེགས་ཀྱི་གཉེན་པོར་སྣང་བ་དང་གཉིས། དགྲ་བགེགས་ཆོས་ཉིད་མ་རིག་པའི་ངན་རྩལ་བླ་མེད་གནས་སུ་ཚེ་ཁྲུས་དགོངས་པས་བསྒྲལ། ཕུང་པོ་ལ་ཕྱིར་མི་བཟློག་པའི་ཆེད་དུ་གདབ། གཅོད་སྟོབ་སྲེག་མནན་པ་བྱ་སྟེ། བྱང་ཆུབ་རྣམ་པ་གསུམ་གྲུབ་མཐའ་གཅིག་སྟེ། བདག་ཆོས་སྐུ། ཕུར་པ་ལོངས་སྐུ། གཟས་པ་པོ་རྒྱལ་སྲས་(༦༡བ)
སྤྲུལ་སྐུ་གསུམ་ཆོས་དབྱིངས་སྐྱེ་མེད་གཅིག་པའོ། །གདབ་ཕུར་འབེམ་གསུམ་གྲུབ་མཐའ་གཅིག་ཅེས་པའི་དོན་ནོ། །དེ་ཡང་སྒྲུབ་ཁོག་ཏུ་དངོས་གྲུབ་བླང་བ་སོགས་སོང་ཟིན་པའི་ས་བཅད་སོ་བདུན་པར་བསྒྲལ་དབང་ཡོད་ཅིང་། དབང་འབུམ་ན་མེ་དབང་གི་མཇུག་ཏུ་སྦྱོར་སྒྲོལ་གྱི་དབང་མཛད། ཕྱག་ལེན་ལུགས་གཅིག་ལ་ཕན་པའི་དབང་རིམ་ལྔ་རྫོགས་ནས་མཛད་པའི་ལུགས་གསུམ་བྱུང་བ་དང་པོའི་དགོངས་པ་ནི། བསྙེན་པ། སྒྲུབ་པ། སྒྲུབ་པ་ཆེན་པོ། ལས་སྦྱོར་དང་བཞིར་བཤད་པའི། རྒྱུད་ལས། དེ་ནས་ལས་སྦྱོར་སུམ་ཆ་ཡི། །དགོངས་པ་གསུམ་གྱི་མཐའ་བསྒྱུར་ཏེ། །ཞེས་བཀྲ་ཤིས་ཡན་ཆོད་ལ་བསྙེན། སྒྲུབ། སྒྲུབ་ཆེན་གསུམ་རྫོགས་པར་སུམ་ཆ་གཉིས་དང་ལས་སྦྱོར་ལ་སུམ་ཆ་གཅིག་ཡིན་པའི་རྒྱུ་མཚན་གྱིས་སྒྲུབ་པ་ཆེན་པོའི་ཁོངས་གསང་དབང་ལ་ཨ་ནུ། ཤེར་དབང་ལ་རྩ་རླུང་། རྩལ་དབང་ལ་ཨ་ཏིའི་དམིགས་པ་བསྒྱུར་བ་མ་གཏོགས་སྔགས་རྒྱུན་ནར་མར་མཛད་པས་སྒྲུབ་པ་ཆེན་པོ་སོང་མཚམས་དངོས་གྲུབ་ལེན་པ་འཐད་ཅིང་། དེ་ནས་ལས་སྦྱོར་གྱི་སྔགས་རྒྱུན་དང་སྦྲགས་བསྒྲལ་དབང་མཛད་པ་འོས། ལུགས་གཞན་གཉིས་ལྟར་ན། བསྒྲལ་དབང་མན་ཆད་ལ་སྔགས་རྒྱུན་མ་བྱུང་བས། དེ་ན་དངོས་གྲུབ་ལེན་པའི་བར་ལ་སྒྲུབ་པ་མ་བྱས་པའི་སྐྱོན་དུ་འགྱུར་གསུང་བ་ཞིག་ཏུ་འཐད་མདོག་ཁ་ཡང་། སྒྲོལ་དབང་བུམ་དབང་གི་ཆ་ལག་ནུས་དབང་གི་སྡེབས་ཡིན་པ་དབང་ཕྱི་མ་རྣམས་ཀྱང་སོང་ནས་བསྐུར་བའི་རྐྱེན་དང་ཁྱད་པར་དངོས་གྲུབ་བླང་རྗེས་བསྐུར་བ་འཐད་པར་མི་སེམས། དེ་ཡན་ལ་ལས་སྦྱོར་ཡན་གྱི་སྒྲུབ་པ་བྱེད་པ་དངོས་གཞི་རྫོགས་རུང་དབང་ཕྱི་མ་རྣམས་ལ་སོ་སོའི་ཁ་བསྒྱུར་དང་སྒྲགས་པའི་སྔགས་(༦༢ན)
རྒྱུན། ལྷག་ཏུ་དངོས་གྲུབ་ལེན་པའི་འཛབ་བཟླ་དགོས་པས་སྔགས་རྒྱུན་མ་བྱུང་དོགས་པའི་སོམ་ཉི་མི་འཚལ། འོ་ན་བསྙེན། སྒྲུབ། སྒྲུབ་ཆེན། ལས་སྦྱོར་བཞི་ག་སོང་ནས་སླར་ཡང་སྒྲུབ་པ་ཡོང་བ་ཅི་ཞེ་ན་བཞི་པོ་དེ་ནི་བུམ་དབང་བསྐྱེད་རིམ་གྱི་ལམ་ལ་གཙོ་བོར་སྦྱར་གྱི། དབང་ཕྱི་མ་རྣམས་ཀྱི་དེས་བུམ་དབང་གི་སྒྲུབ་པ་ལྷག་པོ་ཞིག་འབྱུང་བའི་དོགས་མི་བྱ། གཏེར་གཞུང་ལྟར་རྩ་རླུང་གི་རྗེས་སུ་བསྒྲལ་དབང་བསྐུར་ན་ལས་བཞིའི་ཐ་མ་མངོན་སྤྱོད་ཡིན་པས་ནུས་དབང་ནས་གསང་དབང་གི་བར་ལ་སྔགས་རྒྱུན་བྱ་རུ་མེད་པའི་དོགས་པ་དང་། གལ་ཏེ་འཇམ་པོ་གསུམ་བྱས་ན་གོ་རིམ་བཟློག་པའི་ཉེས་པ་ནས་ཞི་རྒྱས་དབང་གསུམ་གྱི་ལས་སྦྱོར་གྱི་རྗེས་སུ་དྲག་པོ་འབྱུང་བ་ནུས་དབང་གི་རྗེས་ལ་བསྒྲལ་དབང་། ཕན་དབང་རྣམས་ཀྱི་མཐར་བསྐུར་བ་ཕྱག་ལེན་ཁུངས་མར་མངོན་ནོ། །བཅའ་གཞི་རྣམས་ཐོག་མ་ཉིད་ནས་དགོངས་ཀྱང་ཨེའི་དབུས་སུ་ལིངྒ་བཅས་ཏེ་གཟས་པ་པོ་ཞེས་པའི་ཚིག་ལ་བརྟེན་ཁུགས་རྟགས་བསད་རྟགས་བྱུང་བའི་མཇུག་ཏུ་དམིགས་རྟེན་བཅའ་བ་སྲིད་པའི་གཏེར་ཁྱིམ་དང་སྙིང་གཟེར་སོགས་ཀྱི་དགོངས་པ་དང་མི་མཐུན་དོགས་པས་ས་བཅད་སོ་བདུན་པའི་སྐོར་འདིར་ཁྱབ་བདག་བློ་མཆོག་རྡོ་རྗེའི་གསུང་ཚད་མའི་དཔང་པོར་བྱས་པ་ལ་ཆོས་རྒྱལ་འབྲི་གུང་པ་རིན་ཆེན་ཕུན་ཚོགས། ཁྲི་སྲོང་རྣམ་འཕྲུལ་བཀྲ་ཤིས་སྟོབས་རྒྱལ། ཡུག་ནོར་བུ་དབང་རྒྱལ་སོགས་སྡེ་བརྒྱད་བྲན་དུ་བཀོལ་ནུས་པའི་སྔགས་རྒན་རལ་པ་ཅན་རྣམས་ཀྱི་མངོན་སྤྱོད་ཀྱི་གསུང་རྒྱུན་དྲིན་ཅན་བླ་མ་ཆོས་དབྱིངས་རང་གྲོལ་ལས་ཐོས་པས་ཅུང་ཟད་ཁ་བཀང་ངོ་། །བུམ་དབང་ཐ་རམས་ཕྱི་ལ་བཤད་དོ། །མཧཱ་ཡོ་གའི་སྒོམ་ཁོག་བཤད། དེ་ནས་གསང་དབང་ཡོངས་(༦༢བ)
རྫོགས་དབང་ལ་གསུམ་གྱི་སྟོན་པ་གསང་དབང་གི་ཡུམ་དང་སློབ་མ་སྦྱོང་བའི་དམིགས་པ་བྱེད་པ་དངོས་དབང་ཡིན་ཡང་ཡེ་ཤེས་ཀྱི་ཕྱག་རྒྱར་བརྟེན་ནས་བྱེད་པས། དང་པོ་ཡབ་ཡུམ་གསང་བ་བྱང་སེམས་དབང་བསྐུར་ཏེ། དབང་རྟེན་ནི་ལས་རྒྱ་དང་བྱང་སེམས་ཏེ། པདྨ་ཅན་ནམ། དུང་ཅན་ནམ། གླང་སྣ་ཅན་ནམ། རིགས་ལྡན་རྩ་ལྡན་ཞིང་སྐྱེས་སོགས་གང་རྙེད་བཙལ་ཏེ། བླ་མའི་ཡུམ་དང་དབང་རྟེན་སློབ་བུ་ལ་གཏད་པའི་ལས་རྒྱ་གཉིས་སོ། །དེ་ཡང་བཀྲ་ཤིས་ཡིད་དུ་འོང་བ། ལོ་ནི་བཅུ་དྲུག་ནས་རྩ་ལྔ་ཚུན་ཆད་ལོན་པ་ཞིག་རྒྱུད་སྦྱངས་དབང་བསྐུར་སྔགས་ལ་སྤྲོ་བ་བསྐྱེད། རྣམ་རྟོག་བསལ་ལ་ཁྲུས་བྱས་རྒྱན་བཏགས་རིགས་ཀྱི་ཡུམ་དུ་བསྐྱེད་ལ་གདན་ཁར་བཞག །སློབ་དཔོན་ཆེ་མཆོག་ཡབ་ཡུམ་དུ་གསལ་བར་བསྒོམས་ཏེ། མཁའ་གསང་སྒོམ་ཁོག་ལྟར་བྱིན་གྱིས་བརླབ། བརྡའ་དང་ཕྱག་རྒྱ་བཞི་སོགས་ཀྱིས་སྙོམ་པར་འཇུག་སྟེ། དཀྱིལ་འཁོར་གྱིས་སྲུབས་ལ་བདེ་བ་བསྐྱང་། གནམ་ཞལ་ཀུན་བཟང་ལྟ་བུ་ཡབ་ཡུམ་གཉིས་སུ་མེད་པའི་བདེ་ཉམས་སྐྱེ་བས་བདེ་བ་ཧཱུཾ་དུ་བསམས་ཏེ། ཧཱུཾ་རིང་ཧུཾ་ཐུང་སྣ་ནས་དྲངས། མཁའ་གསང་བར་ནས་ཧཱུཾ་སྤྲོས་ལ་སློབ་བུ་གཟུངས་མར་བཅས་པའི་སྙིང་གར་བསྟིམ་པས་ཤེས་རྒྱུད་དག་པར་བསྒོམ། དེ་ནས་ཡུལ་གསུམ་གྱི་ཉམས་རྟགས་ཏེ། ཕྱི་ལུས་ཀྱི་ཡུལ་དུ་བདེ་བ་སྐྱེ། ཐ་མལ་ལུས་སུ་ཚོར་བ་མེད་པ་འབྱུང་། ནང་ཡིད་ཀྱི་ཡུལ་དུ་རྟོག་པ་འགག་ཅིང་དབུགས་རྒྱུ་བ་མི་ཚོར་བ་འབྱུང་། གསང་བ་སེམས་ཀྱི་ཡུལ་དུ་བདེ་སྟོང་འབར་ཏེ་ཐ་མལ་འདོད་ཆགས་བདེ་སྟོང་ཡེ་ཤེས་སུ་འབར་ཏེ། ཐ་མལ་འདོད་ཆགས་ཉོན་མོངས་ཞི་བ་འབྱུང་ངོ་། །དེ་རྩ་ན་གསང་བའི་དགྲ་གསུམ་ཡང་གསོད་དེ། ཕྱོགས་བྲལ་དམིགས་འཛིན་(༦༣ན)
མེད་པས་ཕྱིའི་དགྲ་གཟུང་འཛིན་བསད། འདོད་ཆགས་བདེ་ཆེན་ཡེ་ཤེས་སུ་འབར་རོ། །ནང་དགྲ་དུག་ལྔ་དུག་གསུམ་བསད་ནས། རྣམ་རྟོག་མཚན་མོའི་བག་ཆགས་ཞི་བ་འབྱུང་། གསང་དགྲ་བདག་ཏུ་རྟོག་པ་བསད་དེ་སྐྱེ་ཤིར་འཛིན་པའི་འཕྲང་རང་སར་གྲོལ། ཏིང་ངེ་འཛིན་དེ་ཡིས་འཇིགས་པའི་བདུད་བཞི་ཆོམས་ཏེ། ཡབ་ཡུམ་སྐུ་ལ་བལྟོས་པ་མེད་པར་རེག་བྱ་ཕུང་པོའི་བདུད་བཅོམ། །བདེ་བ་སྐྱེས་པ་ལྷ་སྟེ་དགའ་བྲོད་བཅས་པ་ལ་དོར་འཛིན་མེད་པས་ལྷའི་བུའི་བདུད་བཅོམ། ཡབ་ཡུམ་ཐབས་ཤེས་རབ་དབྱེར་མེད་རྡོ་རྗེའི་སྐུར་རྟོགས་པས་སྐྱེ་ཤི་མེད་པས་འཆི་བདག་བདུད་བཅོམ། དེ་ཙམ་ན་ལས་དང་བག་ཆགས་རྣམ་རྟོག་རང་སེམས་རྣམ་དག་ཧེ་རུ་ཀའི་དོན་དང་ལྡན་པས། སྐྱེ་བའི་རང་དབང་ཐོབ། འགྲོ་དྲུག་གཡང་ས་ཆོད་པའོ། །དེའི་རྗེས་སུ་ཕྱི་ནང་དབང་རྫོགས་པའི་སློབ་བུས་ཡུལ་བླ་མ་ཡབ་ཡུམ་ལ་བྱང་སེམས་དབང་ཞུ་པར་གསོལ་བ་གདབ། ཨ་ནུའི་སྒོམ་ཁོག་གིས་ལུས་ཀྱི་དཀྱིལ་འཁོར་ལྷར་བཅས་ངོ་སྤྲད་དེ། ཡེ་ནས་དཀྱིལ་འཁོར་རང་གནས་མཆོད་པ་དང་བཅས་པར་ཤེས་ཤིང་ཁོང་དུ་ཆུད་པར་བྱའོ། །རླུང་བུམ་པ་ཅན་དང་མེ་རླུང་གྱེན་རྫོགས་དཔེ་ངེས་ཤེས་བསྐྱེད་དོ། །དེ་ནས་བླ་མ་ཡབ་ཡུམ་གོང་ལྟར་ཆས་སུ་ཚུད་པའི་མདུན་དུ་རས་ཀྱི་ཡོལ་བས་བཅད་པའི་ཕྱི་རོལ་དུ་སློབ་བུ་གདོང་དར་གྱིས་བཀབ་སྟེ། མེ་ཏོག་ཐོགས་ལ་འདི་སྐད་དུ། ཧོ། བླ་མ་ཡབ་ཡུམ་གསང་བའི་བདག །གསང་བའི་དཀྱིལ་འཁོར་བདག་ལ་སྟོན། །བདེ་བ་ཆེན་པོའི་དངོས་གྲུབ་ནོད། །གསང་བའི་དབང་ཆེན་བསྐུར་དུ་གསོལ། །ཞེས་ལན་གསུམ་རྗེས་སུ་སྐོར་བ་བྱས་ཏེ། བླ་མ་ཡབ་ཡུམ་གཉིས་ཀ་ལ་མེ་ཏོག་བཟང་པོ་དབུལ། གསང་(༦༣བ)
བའི་དམ་ཚིག་དབབ་བྱིན་དབབ་མིག་ཕྱེ་ལ་ཡུམ་གྱི་གསང་བའི་དཀྱིལ་འཁོར་བསྟན། དེ་ནས་བླ་མ་ཡབ་ཡུམ་གྱི་བྱང་སེམས་འཁོར་ལོ་བཞི་ནས་དབབ་པའི་སྦྱོར་བ་བྱ། ཕྱི་དབང་ནང་ལ་རྫོགས་པར་ངོ་སྤྲད་དེ། དེ་ཉིད་ཡུམ་གྱི་མཁའ་གསང་ནས་ལྕེས་ལེན་པར་བྱ་བའམ། ཡང་ན་ཡུམ་གྱི་ཁ་སྤུབ་ལ་མེ་ལོང་རང་ཡུ་ཅན་དུ་བྱང་སེམས་གཏིགས་ལ་ཀ་པཱ་ལར་མངར་གསུམ་ག་བུར་ཙན་དན་བདུད་རྩི་ལྔ་དང་ཛ་གང་དུ་སྦྱར་ཏེ་བླ་མ་རིགས་འཛིན་ལྷ་ཚོགས་ཀྱི་སྦྱོར་མཚམས་ནས་བྱང་སེམས་ཡོངས་རྫོགས་སུ་དབབ་བསྟིམ་ནས་སློབ་བུའི་ངག་ཏུ་བསྐུར་བ་ནི། ཨཱོཾ་དྲི་མེད་སྐྱོན་བྲལ་ཤེས་སྒོང་མུ་ཏིག་འདྲ། །པདྨ་རཀྟ་ཆགས་པ་ཆེན་པོའི་གནས། །ཆོས་ཉིད་དག་པའི་འགྲོ་དོན་མཐར་ཕྱིན་ཅིང་། །བྱང་ཆུབ་སེམས་ཀྱི་དབང་ཆོག་ཐོབ་བྱའི་ཕྱིར། །བོ་དྷི་ཙིཏྟ་ཡབ་ཀྱི་བྱང་ཆུབ་སེམས། །དོན་དམ་དབྱེར་མེད་བྱང་ཆུབ་ཆེན་པོའི་དབང་། །སིནྡྷུར་དམར་པོ་ཡུམ་གྱི་བྱང་ཆུབ་སེམས། །དོན་དམ་དབྱེར་མེད་བྱང་ཆུབ་ཆེན་པོའི་ངང་། །ཐར་པའི་ལམ་མཆོག་བདེ་བའི་ལམ་འདྲེན་ཅིང་། །འཁོར་བའི་ལམ་ལས་ཀུན་རྒྱལ་དབང་ཐོབ་སྟེ། །གཉིས་མེད་བྱང་ཆུབ་སེམས་ཀྱི་དབང་ཐོབ་ཤོག །བོ་དྷི་ཙིཏྟ་ཀ་མ་ལ་སི་ཏི་ཧཱུཾ་མཧཱ་སུ་ཁ་ཧོ། ཞེས་བླུད་དེ། ཧོ་ཡབ་ཡུམ་གཉིས་སུ་མེད་པ་བྱང་ཆུབ་སེམས་ཀྱི་དབང་བསྐུར་བས་ཐབས་ཤེས་རབ་གཉིས་སུ་མེད་པར་འབྱོར་ནས་དབྱིངས་ཡེ་ཤེས་གཉིས་སུ་མེད་པ་དང་མེད་པའི་དབང་དམ་པ་ཐོབ་པར་གྱུར་ཅིག །གསང་དབང་དེ་ཉིད་དུ་དབང་བཞི་ལྡན་ཚུལ་ཀྱང་ཡབ་ཡུམ་ལུས་ཀྱི་བུམ་པ་ནས་བྱང་སེམས་ཀྱི་ཆུ་བྱུང་བས་བུམ་དབང་། ལྕེ་ཐོག་ཏུ་མྱངས་པས་གསང་དབང་། གཙང་རྨེའི་རྟོག་པ་མེད་དེ་བདེ་ལམ་ཐོབ་པས་ཤེས་རབ་ཡེ་ཤེས། གཉིས་(༦༤ན)
མེད་མངོན་དུ་མཐོང་བས་བཞི་པའོ། །དེ་ལྟར་ངག་ཏུ་བསྟིམ་པས་བླ་མ་ཡབ་ཡུམ་སློབ་མ་གསུམ་སེམས་ཉིད་ཡུལ་གསུམ་གཅིག་ཏུ་འདྲེས་དྲི་མེད་ཐོབ་པའི་ཐབས་སོ། །ངག་སྒྲིབ་སྦྱངས་པད་མ་ཅན་གྱི་སར་སྤོར་བའོ། །དེ་ནས་གྲོལ་ལམ་དུ་མ་བསྟན་པའི་རྩ་རླུང་སྟེང་སྒོའི་མན་ངག་བསྟན་པ་ཨ་ནུའི་སྒོམ་ཁོག་བཤད། ལྷ་ཡབ་ཡུམ་གཉིས་སུ་མེད་པའི་ཤེས་པ་བསྐྱེད། ཞི་ཁྲོ་ཡབ་ཡུམ་འཁྲིལ་བའི་སྐུ་བརྡར་བསྟན་ཏེ་དོན་དེ་ཉིད་ལ་དགོངས་པར་བསྟན། རྩ་བ་ཡན་ལག་ཏུ་བཅས་པའི་ལོངས་སྤྱོད་དང་དུ་བླངས། །སེམས་མཚོན་གཉིས་འདིས་བདེ་ཞིང་གསལ་བ། སངས་རྒྱས་ཐམས་ཅད་དང་དབྱེར་མེད་སྦྱོར་བའི་ཏིང་འཛིན་བསམ། དེ་ལྟར་དབང་ཐོབ་ནུས་པས་ནི་བདུད་བཞི་འཇོམས། འབྲས་བུ་རྣམ་སྨིན་འབྲས་འཇོམས་དྲི་མེད་གཉིས་མེད་རིག་པར་བྱེད་དོ། །སྐབས་འདིར་ཚོགས་བྱའོ། །ཐ་རབས་ཕྱེ་ལ་བཤད་དོ། །ཨ་ནུའི་སྒོམ་ཁོག་བཤད། དེ་ནས་སྦྱོར་བ་ཆགས་ལམ་ཤེས་རབ་ཡེ་ཤེས་ཀྱི་དབང་ལ་མཎྜལ། བྱིན་འབེབས། ལས་བྱང་གི་ཕྱག་གཟུང་མར་མེ་ཏོག་གཏོར་ནས། རང་གཞན་ལུས་ཀྱི་དཀྱིལ་འཁོར་ལ་བརྟན་ཅེས་པས། བུམ་གསང་ཚར་རྗེས་སུ་འོག་སྒོ་བདེ་ཆེན་ལ་མོས་པའི་སློབ་བུས་བླ་མ་ཡབ་ཡུམ་ལ་གསོལ་བ་གདབ་སྟེ། གཉིས་མེད་ཡེ་ཤེས་བདེ་ཆེན་པོ། །མཁའ་འགྲོ་སྒྱུ་མ་བདེ་མཆོག་བདེ། །རླུང་སེམས་བསྲ་བའི་ཐབས་ཆེན་པོ། །འཁོར་ལོ་བདེ་མཆོག་དབང་ཆེན་བསྐུར། །བྱིན་དབང་ཕྱག་འཚལ་མེ་ཏོག་དོར། །ཤེས་རིག་མི་ཕྱེ་ལ་ཡུམ་གྱི་ལུས་ཀྱི་དཀྱིལ་འཁོར་མ་ལུས་རྫོགས་པར་བསྟན་ཏེ། ཡུམ་དེས་འདི་སྐད་དོ། །ཧོ། བདེ་མཆོག་འདོད་པའི་སྐལ་བ་ཅན། །ང་ཡི་བྷ་ག་ཆོས་ཀྱི་དབྱིངས། །དུས་གསུམ་རྒྱལ་སྲས་འདི་ལས་བྱུང་། །ལུས་ཀྱི་དཀྱིལ་(༦༤བ)
འཁོར་བདེ་བ་ཆེ་ཧོ། །ཞེས་བསྟན་ནོ། །དེ་ནས་བླ་མས་སློབ་བུ་ཉིད་ཀྱི་ལས་རྒྱར་རུང་བ་བླ་མས་གཏད་དེ། ཧཱུཾ། ཤེས་རབ་བཀྲ་ཤིས་མཚན་ལྡན་ཡུམ། །སྐྱེ་མེད་ཆོས་དབྱིངས་རིག་པའི་རྒྱ། །ཕྲིན་ལས་བཞི་ལྡན་མཆོག་གི་རྒྱ། །ཡབ་ཡུམ་གཉིས་མེད་རོལ་བ་ལས། །ལྷག་པ་བྱང་སེམས་དཀྱིལ་འཁོར་སྤྲོ། །འཕགས་ལམ་བདེ་སྒྲུབ་འབྲས་བུ་སྙེམས། །བདེན་པ་དབྱེར་མེད་བདེ་ཆེན་བསྐྱེད། །འཁོར་ལོའི་གནས་བཞིར་དབབ་བཟུང་ལ། །བརྟེན་ནས་ཆོས་ཉིད་དོན་རྟོགས་བྱོས། །གཉིས་མེད་དོན་སྤྱོད་དག་པའི་རྒྱན། །དགྱེས་པའི་རོ་མཆོག་ཆོས་ཉིད་དབང་མཆོག་འདི། །སྐལ་ལྡན་ཁྱེད་ལ་བསྐུར་ཐོབ་ཤོག །ཨཱོཾ་སརྦ་ཏ་ཐཱ་ག་ཏ་གྷུ་ཧྱ་པྲ་ཛྙཱ་ཤ་ར་སྭ་བྷཱ་ཝ་ཨཱཏྨ་ཀོ྅ཧཾ། ཨོ་སུ་ཁ་བྷཉྫ་མོཀྵ་ཧོ། ཧོ་ཤེས་རབ་ཡུམ་གྱི་དབང་ཆེན་གསང་བར་བསྐུར་བས། ཐབས་ཤེས་གཉིས་སུ་མེད་པའི་དབང་ཐོབ་སྟེ་དགྱེས་པའི་རོ་བསྟར་བས་ཉོན་མོངས་པ་ཡེ་ཤེས་སུ་ཤར་ནས་ཤེས་རབ་དབྱིངས་ཀྱི་ཡུམ་ལ་དབང་ཐོབ་པར་གྱུར་ཅིག །དེ་ནས་སློབ་བུ་ལས་རྒྱར་བཅས་པ་ཡོལ་བའི་ཕྱིར་འབོལ་བའི་གདན་ལ་བཞག་ལ། ལྷ་ཡབ་ཡུམ་དུ་གསལ་གདབ་ལ་མཁས་གསང་བྱིན་གྱིས་བརླབས་ཏེ་ཆགས་ཆེན་བསྐྱེད་པའི་གཏམ་བརྗོད་སྐད་ཅིག་དགའ་བཞིས་རྒྱུན་དབབ་སྒྲོམ་དུ་ཞུགས་ལ་དབང་སྒོ་སྦྱོར་ཧཾ་ཕཊ་ཅེས་བརྗོད། གཅིག་ལ་གཅིག་བལྟ་འཁྱུད་ལ་གསང་སྒོ་སྦྱར་ནུ་མ་མཉེ་བསྐྱོད་ཅིང་སྙོམས་པར་འཇུག་ཅིང་བྱང་སེམས་དབབ། ཕྱི་ནང་གསང་བའི་ཚུལ་གྱིས་བརྟག་དབང་བཞི་འདིར་ལྡན་བདེ་ཆེན་སྙིང་ནས་ལུས་ཀྱིས་མྱོང་བུད་མེད་ལ་བརྟེན་རྩ་རླུང་བཟུང་བའི་ཐབས་ཆེན་དེས་ནི་ཟག་མེད་བདེ་བ་སྐད་ཅིག་མཚོན་ཅིང་སེམས་སྒྲིབ་སྦྱངས་ཏེ་མ་ཆགས་པདྨ་སྤྱན་པ་ལ་སླེབ་མན་ངག་དམ་པ་རྒྱན་དུ་ཆེ། ཐིག་(༦༥ན)
ལེ་དབབ་ཚེ་བདེ་མཆོག་ལྷན་ཅིག་སྐྱེས་པ་བརྗོད་བྲལ་རང་འབྱུང་ཉམས་སུ་འཆར་བ་ངོས་བཟུང་སྟེ། བདེ་བ་ལ་བཟུང་སྟོང་ལ་སྦྱང་དབྱེར་མེད་དུ་རྒྱས་གདབ། །སེམས་ཀྱི་དྲི་མ་འདག་པས་སྨིག་རྒྱུ་དུ་བ་སྲིན་བུ་ནམ་མཁའ་ལྟ་བུའི་ཉམས་འབྱུང་སྐད་ཅིག་བཞི་བརྡ་བསྟན། རང་རིག་བདུད་རྩི་ལྔར་ལོངས་སྤྱོད། འཁོར་ལོ་བཞི་དང་རྫོགས་རིམ་བསྒོམས་པས། སྒྲིབ་འཇོམས་ཕྱག་རྒྱའི་བདེ་ཐོབ་ནུས། །སྤྲུལ་སྐུ་བདེ་ཆེན་རྣམ་སྨིན་རྒྱུ་མཐུན་ཆོས་སྐུ་དྲི་མེད་བདུད་བཞི་འཇོམས་པའོ། །གོང་ལྟར་ཡུལ་གསུམ་གསལ་ལམ་མི་གསལ་སྒྲ་གསུམ་སོད་དམ་མ་སོད། བདུད་བཞི་ཆོམས་སམ་མ་ཆོམས། འགྲོ་དྲུག་གཡང་ས་ཆོད་དམ་མ་ཆོད། བླ་མའི་ཉམས་ཚད་དང་ལྡན་ནམ་བརྟགས་ཏེ། ལྡན་ན་ཉོན་མོངས་པ་སྤངས་རང་སར་དག་སྟེ་རང་བྱུང་ཡེ་ཤེས་རྒྱུད་ལ་ཤར་ཏེ། པདྨ་ཅན་པ་རྣམས་ནོན་ནས་ཕྱིར་མི་ལྡོག་གོ །མི་ལྡན་ནའང་བདེ་ཆེན་ལམ་བསྒོམ་མན་ངག་སྦྱིན་ཅིང་དབབ་བཟུང་བཟློག་དགྲམ་རྒྱས་གདབ་འཕྲུལ་འཁོར་གྱིས་གོ་འཕངས་བགྲོད་པར་ངེས་སོ། །ཤེར་དབང་གི་ཐ་རམ་དང་ཆགས་ལམ་གྱི་འཁྲིད་ལུང་བྱེད། དེ་ནས་རིག་པའི་ཡེ་ཤེས་བདེ་ཆེན་ལྟ་བ་སྤྱི་འབྱམས་ཀྱི་དབང་བསྐུར་ཏེ། དབང་འདིའི་མེ་ཏོག་ཏུ། རང་ལུས་བུ་དང་ཆུང་མ་ནོར་གྱི་དབྱིག་ཐོགས་ཏེ་ཞུ་བ། བསྡུས་པ་དང་རྒྱས་པ་གཉིས་འདི་བསྡུས་པའོ། །ཧོ། གསང་ཆེན་རོལ་བའི་གཞལ་ཡས་འདིར། །བཀའ་དྲིན་བསམ་འདས་བླ་མ་ལ། །རྒྱུ་གསོག་རབ་སྤངས་མེ་ཏོག་འབུལ། །ཡང་དག་སྙིང་པོ་བསྟན་དུ་གསོལ། །ཞེས་ལན་གསུམ་ཞུའོ། །དབང་རྟེན་ནི་ལག་ཏུ་རྡོ་རྗེ་དྲིལ་བུ་གཏད་མདུན་དུ་མེ་ལོང་ཤེལ་བཅས་འཕྱར་ཏེ། དེ་ཡང་ཚིག་གི་དོན་མཚོན་དུ་ངོ་སྤྲོད་དུ་བསྐུར་བར་བྱ་བ་ནི། ཧཱུཾ། རང་རིག་ཡེ་ཤེས་(༦༥བ)
བདེ་ཆེན་འབྱམ། །ཐུགས་མཆོག་འགྱུར་མེད་དེ་ལ་གནས། །དུས་གསུམ་དུས་མེད་དུས་ཀྱི་མཆོག །སེམས་ཉིད་གང་ཤེས་བླ་མར་མོས། །བསམ་གྱིས་མི་ཁྱབ་ཁྱེད་ཀྱི་སྲས། །གཉིས་མེད་ཡེ་ཤེས་དཀྱིལ་འཁོར་ཆེ། །རང་རིག་རང་མཐོང་རང་རིག་གསལ། །དེ་ཉིད་གང་མཐོང་སྤྱན་ཕྱེད་པ། །གོམ་སྟོབས་ལ་ནུས་དཀྱིལ་འཁོར་མཐོང་། །ཀུན་ལ་དབང་སྒྱུར་རང་རིག་ཆེ། །རྩལ་ཆེན་རྫོགས་པ་རང་དབང་མཆོག །ལྟ་བ་ཐེག་པ་སྤྱི་འབྱམས་ཉིད། ཁོང་དུ་ཆུད་པའི་རྣམ་གྲངས་ཡིན། །འདི་ཉིད་གསང་བ་བླ་མེད་དེ། །གསུམ་སྩོགས་བརྗོད་པ་ཀུན་ཡོངས་རྫོགས། །མཉམ་ཉིད་ཡེ་ཤེས་ཆེན་པོ་སྟེ། །གཅིག་དང་དུ་མར་འཛིན་ལས་གྲོལ། །འོད་གསལ་བཞི་དང་ལམ་འབྲས་བུ། །སེམས་ཉིད་ཆོས་ཉིད་ངོ་བོ་ཉིད། །ཐབས་གསུམ་དང་ནི་ཤེས་རབ་གསུམ། །སྣང་བ་གསུམ་དང་སྟོང་པ་གསུམ། །མ་ལུས་ཟུང་འཇུག་དབྱེར་མེད་ཕྱིར། །འདི་ལ་སྒྲིབ་དང་མི་སྒྲིབ་མེད། །དབྱེར་མེད་ཡེ་ཤེས་བླ་མ་སྟེ། །རྫོགས་པ་ཆེན་པོའི་ས་ཞེས་བྱའོ། །དེ་ལ་བསྟན་བྱ་ཡོད་མིན་ཅིང་། །སྟོན་པ་བྱེད་པ་མེད་ཉིད་བསྟན། །རྟགས་རྣམས་ཀུན་གྱི་མཆོག་གྱུར་ཅིང་། །སྣང་དང་སྲིད་པ་ཇི་སྙེད་བརྡ། །རྣམ་པར་རྟོག་པ་ཐམས་ཅད་རྫས། །དེ་དགོངས་སེལ་མེད་ལྷག་མ་མེད། །འགྲན་ཟླ་མེད་པར་དེ་ཡིས་ནུས། །ཀུན་གྱི་མཆོག་གྱུར་འབྲས་བུ་ཡིན་ཧོ། །ཞེས་པའི་དོན་བཀྲོལ་ངོ་སྤྲད་དེ། ནན་ཏན་ཚིག་གི་རྗེས་གནང་བྱིན་པ་ནི། །ཧཱུཾ། སེམས་ཉིད་གསལ་ལ་འཛིན་རྟོག་མེད། །ཀ་དག་ལྷུན་གྲུབ་ཡེ་ཤེས་སྐུ། །གཉིས་མེད་འཛིན་བྲལ་ཐུགས་རྗེའི་གསུང་། །རང་རིག་ཡང་དག་རྡོ་རྗེའི་ཐུགས། །རང་བྱུང་རིག་པར་དབང་བསྐུར་རོ། །ཛྙཱ་ན་པཉྩ་དྷརྨ་ཀཱ་ཡ་ཨ། ཧོ། རིག་པ་ཡེ་ཤེས་ཀྱི་དབང་བསྐུར་བས། རང་(༦༦ན)
རིག་སྐུ་གསུམ་ལྷུན་གྲུབ་ཡེ་ཤེས་ལྔ་ལ་ལོངས་སྤྱོད་པར་གྱུར་ཅིག །ཅེས་དཔེ་དོན་བསྐུར་ཚིག་གིས་ངོ་སྤྲད་དོ། །མན་ངག་ཨ་ཏིའི་སྒོམ་ཁོག་སྐབས་འདིར་བཤད་དོ། །དེ་ལྟར་གསང་བ་ཡོངས་སུ་རྫོགས་པས་ཉོན་མོངས་པ་སྤངས་རང་སར་དག་པར་འགྱུར་རོ། །དེ་ཡན་ཆད་ཀྱིས་གསང་བའི་དབང་བསྟན་པའོ། །གོང་དུ་བསྟན་པའི་དབང་རྣམས་ཀྱིས་མ་སྨིན་པ་སྨིན་པར་བྱས་པའི་དབང་ཡིན་ལ་སྨིན་ནས་གྲོལ་ལམ་དུ་སྒྲུབ་པར་བྱ་དགོས་སོ། །དེ་ནས་ཐེག་པ་ཐམས་ཅད་ཀྱི་ཡང་རྩེ་སྤྱི་འབྱམས་ཀྱི་དབང་ཞིབ་མོ་ལ་རིམ་པ་དྲུག་གིས་སྟོན་པ་ལས། དང་པོ་རྒྱལ་ཐབས་སྤྱི་བླུགས་ཀྱི་དབང་བསྐུར་ཏེ། གསང་འདུས་རྒྱུད་ལས། དེ་ལྟར་གསང་དབང་ཡོངས་རྫོགས་ནས། །ཡང་གསང་ལྟ་བ་སྤྱི་འབྱམས་དབང་། །ཡོངས་རྫོགས་རྒྱལ་ཐབས་འདི་ཉིད་དེ། །ཤེས་རབ་མིག་ལྡན་གཅིག་ལ་བསྐུར། །ཞེས་གསུངས་པའི་དོན་གང་ཞེ་ན། དེ་ལྟར་གསང་བ་ཡོངས་རྫོགས་ཞེས་པའི་དོན་ནི་གསང་དབང་ཡན་ཆད་ཀྱི་སྔགས་ཕྱི་ནང་མཧཱ་ཨ་ནུ་ཡན་ཆད་ཀྱི་དབང་རྫོགས་པ་ནི་འདིའི་སྔོན་དུ་འགྲོ་བ་ཡིན། ཅིའི་ཕྱིར་ཞེ་ན་མཁར་ལན་གྱི་རྩོལ་གྲུབ་མ་མཐོང་ན་མཁར་ཕོག་པ་དགར་མ་ཚོར་བ་བཞིན་ནོ། །ཡང་གསང་ཞེས་པ་ནི། ཀུན་གྱིས་སངས་རྒྱས་རང་མ་མཐོང་བས་སོ། །ལྟ་བ་སྤྱི་འབྱམས་ཞེས་པ་ནི། འདིས་ཐེག་པ་ཀུན་གྲོལ་ཅིང་ཁྱབ་པས་སོ། །ཡོངས་རྫོགས་ནི་ཐེག་པ་ཐམས་ཅད་ཨ་ཏིར་ཡོངས་སུ་རྫོགས་པས་སོ། །རྒྱལ་ཐབས་ཞེས་པ་ནི། རྒྱལ་བུ་རྐང་འཁྱམས་རྒྱལ་སར་འདོན་པ་དང་མཚུངས་པས་སོ། །ཤེས་རབ་མིག་ལྡན་ཅེས་པ་ནི། ཤེས་རབ་དམན་ཅིང་ལོག་ལྟ་ཆེ་བས་མི་རིགས་ལ། ཤེས་རབ་མིག་ལྡན་སློབ་བུས་རིག་པས་སྣོད་(༦༦བ)
ཅེས་པའོ། །བསྐུར་ཐབས་དངོས་ལ་གཉིས་ཏེ། རྒྱལ་ཐབས་དཔེར་བརྗོད་ལ་བརྟེན་ནས་བསྐུར་བ་དང་། རིག་པ་རྩལ་དབང་ཆོ་གས་ངོ་སྤྲད་དེ་བསྐུར་བའོ། །དང་པོ་རྒྱལ་ཐབས་དཔེར་བརྗོད་ཀྱི་དབང་གང་ཞེ་ན། སྔོན་རྒྱ་གར་གྱི་ཡུལ་གྱི་མགོ་ཕར་འདས་ཨྱོན་གྱི་ཡུལ་དབུས་ཞིག་ན། རིན་ཆེན་ཁང་པ་སྒོ་ལྔ། ལོངས་སྤྱོད་ཟད་མི་ཤེས་པའི་ཕོ་བྲང་ན། རྒྱལ་པོ་ཆེན་པོ་ནམ་མཁའི་སྙིང་པོ་ཞེས་བྱ་བ། རྒྱལ་འབངས་བརྒྱད་ཁྲི་བཞི་སྟོང་འབངས་དུ་མ་ལ་དབང་བྱེད་པ། བཙུན་མོ་དྲི་མེད་འོད་ལྡན་ཡིད་འོང་མ་བྱ་བ་ལ། སྲས་རྒྱལ་བུ་འོད་ཟེར་བྱ་བ་ཤེད་མ་བྱེ་བ་རྨུགས་སེ་བ་ཞིག་ཡོད་སྐད། བློན་པོ་རིག་པ་ཅན་ཉི་མའི་འོད་ཟེར་བྱ་བ་དང་། མདོར་ན་འཁོར་སྲིད་མངའ་ཐང་ལོངས་སྤྱོད་ཕུན་སུམ་ཚོགས་པ་བདོག་པ་ལ། དུས་ལན་ཅིག་ཙ་ན། རྒྱལ་པོའི་ཕོ་བྲང་ལ་ཉེ་བའི་ཚོང་དུས་ཆེན་པོ་ཞིག་ཡོད་པ་དེ་རུ། ལྟད་མོ་རབ་ཏུ་ཆེ་བ་ཞིག་བྱུང་ནས། རྒྱལ་བུ་འོད་ཟེར་འཁོར་བཅས་ལྟད་མོ་གཟིགས་སུ་བྱོན་པ་ལས། སྒྱུ་མ་མཁན་གྱིས་སྒྱུ་མ་ལ་སོགས་ལྟད་མོ་སྣ་ཚོགས་ལ་རྒྱལ་བུ་ལྟར་འགྲོ་འགྲོ་ནས་ཡེངས། འཁོར་དང་བྲལ། ཕོ་བྲང་དུ་འོང་བའི་ལམ་འཁྲུགས། སྒོ་སྟོར་ནས་མི་རིགས་མི་གཅིག་པའི་ཡུལ་དུ་རྒྱལ་བུ་རྐང་འཁྱམས་ཏེ། སྤྲང་པོར་གྱུར་རང་ཡུལ་བརྗེད་དེ། གྲོང་ཁྱེར་ཐམས་ཅད་ཀྱི་སྒོ་རེ་མོས་སུ་འཁྱམས་ཤིང་། སྤྲང་ཟས་ཟོས། སྤྲང་གོས་ངན་པ་གོན། དམངས་སྤྲང་རྣམས་དང་འགྲོགས་སྐས་སྒོ་སྒོ་ཁང་ཀུན་ཏུ་ཉལ། རབ་ཏུ་སྡུག་བསྔལ་མྱོང་ཞིང་ལོ་ཟླ་མང་པོ་ལོན་ཅིང་རྒྱལ་སྲིད་ཀྱང་རྒྱལ་བུ་སྟོར་བས་ཞིག་ཏུ་ཉེ། རྒྱལ་བ་ནམ་མཁའ་སྙིང་པོ་གདུང་ཆད་ཀྱིས་དོགས་པར་གྱུར་ཅེ་ན། དེར་རྒྱལ་བུ་སྤྲང་ཕྲུག་དེས་གྲོང་ཁྱེར་ཐམས་ཅད་ཀྱི་སྒོ་འགྲིམས་སྟོབས་(༦༧ན)
ཀྱིས། བློན་པོ་རིག་པ་ཅན་ཉི་མའི་འོད་ཟེར་གྱི་སྒོ་རྩར་འཁོར་བ་ལ། བློན་པོས་རྒྱལ་བུ་ཡིན་པར་ངོ་ཤེས་ནས། འོ་སྔོན་ངེད་ཀྱི་རྒྱལ་བུ་སྟོར་བ་འདིར་བྱུང་བས། ཁྱེད་སྤྲང་མི་དགོས་ཕོ་བྲང་དུ་འདེང་ཟེར་ཏེ་ཁྲིད་པ་ལས། རྒྱལ་སྤྲང་གིས་སྨྲས་པ། ང་ནི་རྒྱལ་བུ་མ་ཡིན་ཏེ། དྲན་པ་རྙེད་ནས་སྤྲང་པོ་ཁོ་ན་ཡིན་པས། ཕོ་བྲང་དུ་ཁྲིད་ཀྱང་རྒྱལ་པོ་མི་བཏུབ་མི་འགྲོ་ཟེར་བ་ལ། ཡང་བློན་པོས་སྨྲས་པ། ཁྱོད་ནི་རྒྱལ་བུ་ཆུང་ངུའི་དུས་ཁ་རྨུས་པ་ཤེད་མ་བྱེ་བ་གཅིག་ཚོང་འདུས་སུ་སྒྱུ་མ་མཁན་གྱི་ལྟད་མོ་ལྟར་ཕྱིན་པས་ལྟད་མོས་ཡེངས་ནས་ཕོ་བྲང་སྲིད་དང་བྲལ་ཏེ་འཁྱམས་པ་ཡིན་ནོ། །ད་ལྟ་སྤྲང་ཡང་རྒྱལ་བུ་ཡིན་པས་རྒྱལ་ས་གཏོད་པ་ཡིན་གྱིས། གལ་ཏེ་ཁྱོད་ཐེ་ཚོམ་པ་ལྟར་རྒྱལ་བུ་མ་ཡིན་ནམ་སྙམ་ན། ཁྱོད་ཀྱིས་དང་པོའི་ཡུལ་གང་ཡིན། ཕོ་བྲང་གང་། གྲོང་གང་། ཁྱིམ་ལ། རིགས་གང་། ཕ་མ། འཁོར་བྱེད་སྤྱོད་གང་ཡིན་དྲིས་པས། སྤྲང་པོས་སྨྲ་རྒྱུ་མ་རྙེད་པར་སྐྱེངས་ནས། འོ་ན་ངའི་དེ་དག་ཐམས་ཅད་ཡིན་ལུགས་ཞིབ་ཏུ་སྨྲོས་ལ་སྤྲོད་ཅིག་ཟེར་བ་ལས། བློན་པོས་མིང་དོན་སྦྱར་ཏེ། ཡུལ་བསྟན། དེ་བཞིན་དུ། གནས་ཕོ་བྲང་དང་། གྲོང་། ཁྱིམ་མལ། རིགས། ཕ་མ། རྒྱལ་བུ། ཐམས་ཅད་བརྗོད་དེ། རིག་པ་ཅན་གྱི་བྲམ་ཟེས་རྒྱལ་བུ་ཁྲུས་ནས་བཏོན། ཁྲི་ལ་བཞག །ཕོ་བྲང་ནང་དུ་བཅུག །ཅོད་པན་བཏགས། དབུ་རྒྱན་བཀོན། རྒྱལ་གོས་བཀོན། མངའ་རིས་ལོངས་སྤྱོད་ཕོག །དགའ་སྟོན་མངའ་གསོལ་བྱས། རྒྱལ་སྲིད་གཏད། རྒྱལ་སར་དུས་གཅིག་ཏུ་ཕྱུང་། ཡབ་དང་འདྲ་བར་གྱུར་ཏེ། སྐད་ཅིག་ལ་སྤྲང་པོ་མ་སྤངས་ལ། སྤྲང་ཚུལ་མི་གནས། སྤྲང་བའི་སྡུག་བསྔལ་རང་སངས་ཏེ། རྒྱལ་སྲིད་དང་མངའ་རིས་ཐམས་ཅད་མ་(༦༧བ)
ལུས་པར་མངར་འདུས་ཏེ། བདེ་སྐྱིད་ཕུན་སུམ་ཚོགས་པར་གྱུར་སྐད། དཔེ་མཐུན་དོན་བསྡུས་སུ་ངོ་སྤྲད་པའི་ལུང་ནི། དཔལ་ཆེན་གསང་བ་ཡོངས་རྫོགས་ལེའུ་བཅུ་གསུམ་པ་ནས། ཐོག་མར་ཀུན་བཞི་བཅོས་བསླད་མེད། །ཅིར་ཡང་རྒྱ་ཆད་ཕྱོགས་ལྷུང་བྲལ་སྟོང་ཁྱབ་ནམ་མཁའ་ལྟ་བུ་ལས། །རང་རྩལ་འགྱུ་བྱེད་རླུང་གིས་གཡོས། །མ་རིག་རྟོག་པའི་གཟུང་འཛིན་གྱིས། །ནན་གྱིས་མཁའ་ལ་མདུད་པ་དོར། །རྩལ་ལ་རང་དབང་མ་ཐོབ་པར། །འགྱུས་དྲན་འཛིན་དང་ཆགས་དབང་གིས། ཁམས་གསུམ་འཁོར་ཅིང་རང་རྒྱུད་བསྲེག །མ་རྟོགས་ལོག་པར་རྟོག་པ་ལས། །རྩལ་ལ་དབང་ཐོབ་ཀུན་བཟང་གིས། །གྲོལ་ཐབས་ཐེག་པ་སྣ་ཚོགས་བསྟན། །ཅེས་པས། ཐབས་གོང་དུ་བསྟན་པའི་དབང་བཀའ་ཐམས་ཅད་ཐེག་པ་བརྒྱད་ཀྱི་ཆོས་ཐམས་ཅད་དེ། ཁྱད་པར་དུ་རྒྱལ་ཐབས་དཔེས་མཚོན་དོན་མཐོང་གི་ཐབས་དེ་དག་ཐམས་ཅད་བསྡུ་ན་རྒྱལ་པོའི་ཕོ་བྲང་ལྟ་བུའི་ཀུན་གཞི་ལ། རྒྱལ་བུ་རྐང་འཁྱམས་དཔེ་འཁྲུལ་ཚུལ་བརྗོད་པ་དང་། བློན་པོས་རྒྱལ་སར་ཕྱུང་སྟེ། སངས་རྒྱས་རང་ངོ་སྤྲད་པ་དང་། རྩལ་སྤྱི་འབྱམས་རིམ་པར་བསྐུར་བའི་བར་གྱིས་རིག་རྩལ་འཁོར་འདས་ཆོས་ལ་རང་དབང་ཐོབ་པར་བྱ་བའི་ཐབས་ཁྲིད་གནད་ཤིན་ཏུ་ཆེ་བར་བསྟན་པར་གོ་བར་བྱའོ། །རྒྱལ་ཐབས་དཔེ་དོན་རིགས་ཆད་རྗེས་སུ་བཟུང་ཐབས་ཀྱི་བརྡ་ནི་གོང་གི་རྒྱལ་བུ་དེ་ཉིད་སྤྲང་གི་བར་དུ་སྤྲང་མོ་དང་འདུས་མནའ་མཐོ་བྱས་སྤྲང་ཕྲུག་ལ་ཆགས་ན་རྒྱལ་སར་དབྱུང་དུ་མི་རུང་བས། སྤྲང་ཁྱུ་ནས་བཏོན་ཙམ་གྱིས་དམངས་སུ་ལོངས་སྤྱོད་ཕན་བཏགས་ནས་འཇོག་པ་དང་འདྲ་བར་བློ་དམན་ཆགས་སྡང་ཨ་འཐས་ཐེག་དམན་ཞེན་པས་རྩལ་དབང་མི་ཐོབ་པས་དེ་དང་མཐུན་པའི་ཆོས་བསྟན། (༦༨ན)
ངན་སོང་ཐར་ཙམ་བྱས་ལ་བཞག་གོ །དེ་ནས་རིག་པའི་རྩལ་དབང་སྤྱི་འབྱམས་ཆོ་གས་ངོ་སྤྲད་དེ་ཡོངས་སུ་རྫོགས་པར་རང་དབང་ཐོབ་པར་བྱ་བ་ནི། སྙིང་པོ་སྐྱེ་མེད་རང་བྱུང་རྟོལ་སྐྱེས་རྒྱལ་ཐབས་ཀྱི་ངོ་འཕྲོད་ནས་སྤྱི་བླུགས་ཀུན་ཁྱབ་ཡོངས་རྫོགས་སུ་ནན་གྱིས་སྤྲད་དེ་ཆོས་མིན་རང་སར་གྲོལ་བ་ནི་འདི་དག་གོ །དེ་ཡང་དབང་རྟེན་ནི་སྣོད་བཅུད་འཛོམ་པ་གཅེས་པས། བླ་མ་ཡབ་ཡུམ་གཉིས་དང་སློབ་བུ་ཡབ་ཡུམ་ཐམས་ཅད་ཀུན་བཟང་ཡབ་ཡུམ་དུ་གསལ་གདབ། དེ་མིན་ན་དབང་བཅུད་ཐུབ་པར་དཀའ་བས་སོ། །དེ་ནས་སློབ་བུས་འཁོར་གསུམ་ཡོངས་དག་བྱས་རྗེས་སུ། ནོར་བུ་རིན་པོ་ཆེ་ཕྱག་རྟེན་དུ་ཐོགས་གཞན་གང་གིས་ཀྱང་འདི་ཡི་དབང་ཡོན་མི་སྤོགས་པས་སོ། །བླ་མའི་ཕྱག་གཡས་མཐིལ་དུ་ཨ་དཀར་ལ་འཚེར་བ་ཞིག་བཞག་དོན་གྱི་སྙིང་པོ་རང་བྱུང་སྟོན་པའི་བརྡའོ། །དེ་ལྟར་བརྡ་ཨ་དང་ཆོ་ག །རྟགས་རང་སེམས་ཆོས་སྐུ། སྒྲ་ངོ་སྤྲོད་ཀྱི་གསུང་། དོན་རང་གི་རྩལ་དབང་། བརྡ་རྟགས་སྒྲ་དོན་སྦྱར་འདི་སྐད་དོ། །ཧཱུཾ། ཐམས་ཅད་ལྷུན་གྲུབ་ཀུན་ཏུ་བཟང་པོ་དངོས། །རང་བཞིན་བརྗོད་མེད་ཀུན་ཏུ་བཟང་མོའི་ངང་། །གཉིས་མེད་ཐབས་ཀྱི་རྒྱལ་པོ་ཡོངས་ལ་ཁྱབ། །དབྱེར་མེད་ཆོས་ཀྱི་དབྱིངས་སུ་དབང་བསྐུར་བས། །ཀུན་ཏུ་བཟང་པོ་རང་བྱུང་བཅོམ་ལྡན་འདས། །ཆོས་ཀྱི་དབྱིངས་ལ་གཅིག་ཏུ་བཞུགས་པ་ཡིས། །རང་རིག་བྱང་ཆུབ་སེམས་ཀྱི་ལྷ་ཡིན་ཏེ། །དོན་དམ་སེམས་ཀྱི་ལྷ་ལ་བདག་ཕྱག་འཚལ། །དེ་ནས་ཕྱག་གཡས་ཨར་བཅས་སློབ་བུའི་སྤྱི་བོར་བཞག་སྟེ། ཧཱུཾ། ཀུན་ཏུ་བཟང་པོ་དྲི་མ་མེད་པ་ཡིས། །ཡོངས་ལ་དབང་སྒྱུར་ཡེ་ཤེས་རྒྱལ་པོར་ཤར། །རང་སེམས་རྣམ་དག་ལྟ་བའི་རྒྱལ་པོར་ཤར། །བྱང་(༦༨བ)
ཆུབ་སྙིང་པོ་བདེ་བ་ཆེན་པོར་ཤར། །ཐམས་ཅད་མ་ལུས་ལྷུན་གྲུབ་ཆོས་ཀྱི་སྐུ། །ཆོས་རྣམས་ཐམས་ཅད་རང་གི་སེམས་སུ་འདུས། །སེམས་ཀྱི་བདག་ཉིད་ཅི་ཡང་མ་ཡིན་པས། །ཐིག་ལེ་སྤྲོས་པ་མེད་པའི་རང་བཞིན་ཉིད། །མཉམ་པའི་རྒྱལ་པོ་ཀུན་ལ་དབང་སྒྱུར་ཏེ། །ཆོས་ཉིད་རིག་པའི་རྒྱལ་པོ་རྫོགས་པ་ཆེ། །མ་འདྲེས་ཅིར་ཡང་སྟོན་པ་ཐེག་པའི་མཆོག །དེ་དག་མ་ལུས་མྱུར་དུ་རྫོགས་བྱའི་ཕྱིར། །སྤྱི་བླུགས་ལྟ་བའི་དབང་མཆོག་འདི་བསྐུར་བས། །ཡོངས་ལ་དབང་སྒྱུར་ལྟ་བའི་རྒྱལ་པོར་འགྱུར། །ཨཱོཾ་སརྦ་ཏ་ཐཱ་ག་ཏ་པ་ལ་བྷ་ཏྲ་གྷུ་ཧེ་ར་ཙ་ཏ་ན་ཤ་སྭཱ་བྷཱ་ཝ་ཨཱཏྨ་ཀོ྅ཧཾ། ཨ་ཉེར་གཅིག་བཟླས་ཏེ། སྤྱི་བོར་ཨ་བསྟིམ་མོ། །དེ་ནས་ལྟ་བའི་དབང་བསྐུར་བ་ནི། དབང་རྟེན་ནི། སློབ་བུའི་མིག་འབྲས་སྣ་རྩེ་ནས་མགོ་གང་ནམ་མཁའ་ལ་གཏོད་དུ་བཅུག་ལ། ཧཱུཾ། ལྟོས་ཤིག་ལྟོས་ཤིག་རིགས་ཀྱི་བུ། །མདུན་གྱི་ནམ་མཁའ་འདི་ལ་ལྟོས། །གསལ་ལ་དངས་པ་མཐའ་དང་བྲལ། །གང་ལ་འཛིན་མེད་བདེ་ཆེན་འདི། །ལྟ་བ་ཕྱོགས་ལྷུང་མཐའ་བྲལ་ཡིན། །འདི་ཉིད་དོན་ལ་གནས་པར་གྱིས། །དུས་གསུམ་སངས་རྒྱས་དགོངས་པ་ཡིན། །ཨ་ཏི་ཧོ། དེ་ནས་སྒོམ་པའི་དབང་བསྐུར་ཏེ། །དབང་རྟེན་ནི་མར་མེ་གཅིག་བཏེག་ལ། །ལྟོས་ཤིག་ལྟོས་ཤིག་སྐལ་ལྡན་བུ། །རང་གི་སེམས་ལ་ནང་དུ་ལྟོས། །གསལ་ལ་མི་རྟོག་མ་ཡེངས་པ། །མར་མེ་རླུང་གིས་མ་བསྐྱོད་འདྲ། །སྒོམ་པ་རང་གསལ་འཛིན་པ་མེད། །འདི་ཡི་དོན་ལ་རྟག་ཏུ་བསྒོམ། །དུས་གསུམ་སངས་རྒྱས་དགོངས་ཉམས་ཡིན། །ཨ་ཏི་ཧོ། དེ་ནས་འབྲས་བུའི་དབང་བསྐུར་ཏེ། །དབང་རྟེན་ནི་བདུད་རྩི་ཛ་གད་སྦྱར་བས་ཁ་བསྐང་སྟེ་མ་འདི་པ་ལ་ཕཊ་ཀྱིས་བྱས་པས་སྨྲ་བརྗོད་མི་ཤེས། གསེར་(༦༩ན)
གྱི་སེང་གེ་གཅིག་གཏད་ལ། ཧཱུཾ། ལྟོས་ཤིག་ལྟོས་ཤིག་སྐལ་ལྡན་བུ། །ཆོས་སྐུ་འགྱུར་མེད་དོན་ལ་ལྟོས། །སྨྲ་བསམ་བརྗོད་པའི་མཐའ་ལས་འདས། །མཁུར་བ་ཆུས་བཀང་སྨྲ་འདོད་འདྲ། །གང་ཡང་མ་གྲུབ་སྟོང་པའི་ངང་། །མི་སྐྱེ་མི་འགག་ཆོས་ཀྱི་སྐུ། །འབྲས་བུས་མི་འགྱུར་གདེངས་ལྡན་ཡིན། །འདི་ཡི་དོན་ལ་གནས་པར་གྱིས། །དུས་གསུམ་སངས་རྒྱས་འདི་ལ་གནས། །ཨ་ཏི་ཧོ། དེ་ནས་སྤྱོད་པའི་དབང་བསྐུར་ཏེ། དབང་རྟེན་ནི་གར་སྟབས་བྱེད་དུ་བཅུག་ལ། ཧཱུཾ། ཉོན་ཅིག་སྐལ་ལྡན་རིགས་ཀྱི་བུ། །རང་བྱུང་ཡེ་ཤེས་རོལ་པ་ལས། །མ་འགགས་ཐབས་ཀྱི་རྒྱལ་པོ་ཡིས། །གང་སྣང་སངས་རྒྱས་མཛད་སྤྱོད་ལ། །ཅི་བདེར་སྤྱོད་པས་རང་སར་གྲོལ། །སྤྱོད་པ་སྤྱི་འབྱམས་ཡང་དོག་མེད། །དུས་གསུམ་སངས་རྒྱས་སྤྱོད་པ་ཡིན། །ཨ་ཏི་ཧཱུཾ། དབང་གི་ཐ་རམ་དང་ཨ་ཏིའི་སྒོམ་ཁོག་བཤད། དེ་ནས་རྒྱུད་ལུང་མན་ངག་ཐམས་ཅད་ཡོངས་སུ་རྫོགས་པའི་རྩལ་དབང་བྱ་སྟེ། དབང་རྟེན་པདྨ་འདབ་མ་དྲུག་པའི་སྟེང་དུ་ཤེལ་གྱི་མཆོད་རྟེན་བང་རིམ་དགུ་པ་རྒྱུ་འབྲས་ཡོངས་སུ་རྫོགས་པ་གཅིག་གཏད་དེ། ཧཱུཾ། དེ་ལྟར་ལྟ་སྒོམ་སྤྱོད་འབྲས་བཞི། །སུས་མཐོང་དོན་ལ་རབ་གནས་ན། །ཐེག་པ་སྤྱི་འབྱམས་དབང་ཆེན་ཐོབ། །དབང་རྣམས་དེ་ལས་རབ་ཏུ་འཕྲོས། །དེ་ཕྱིར་དབང་གི་རྒྱལ་པོ་ཡིན། །ཧཱུཾ། བསྐྱེད་དང་རྫོགས་དང་རྫོགས་པ་ཆེ། །འདི་ལས་འཕྲོས་པ་གྲོལ་ལམ་སྟེ། །ཏིང་འཛིན་རྣམ་གསུམ་དབང་ཆེན་གསུམ། །ཆོ་ག་གསུམ་དང་ལྷ་གསལ་འདེབས། །བྱིན་རླབས་དབང་བསྐུར་ཡེ་ཤེས་བསྟིམ། །ཕྱི་ནང་གསང་བའི་ཕྱག་རྒྱས་མཆོད། །བསྟོད་བསྐུལ་འཛབ་བསྙེན་དབུལ་ལ་སོགས། །བསྐྱེད་རིམ་འགྲོལ་བའི་ལམ་ཡིན་(༦༩བ)
ཏེ། །ཐམས་ཅད་སེམས་ཀྱི་ཆོ་འཕྲུལ་ཡིན། །རང་སེམས་རྩལ་སྦྱོང་ཆེན་པོའོ། །ཧཱུཾ། ལྷ་རྣམས་གནས་སུ་རྫོགས་རིམ་ནི། །ཡིད་ནི་ཡབ་ལ་ཆོས་ནི་ཡུམ། །ཕུང་པོ་ཡབ་ལ་འབྱུང་བ་ཡུམ། །རྣམ་ཤེས་ཡབ་ལ་ཡུམ་ལྔ་ཡུམ། །དབང་པོ་ཡབ་ལ་དུས་བཞི་ཡུམ། །ཉོན་མོངས་དྲུག་ནི་སྤྲུལ་པའི་སྐུ། །ལུས་ཆོས་ཡབ་ལ་མུ་བཞི་ཡུམ། །ཐབས་ནི་ཡབ་ལ་ཤེས་རབ་ཡུམ། །རང་བཞིན་དེ་ལྟར་ཤེས་པས་ན། །མ་བཀག་མ་བསྒྲུབས་རང་ལྷར་གནས། །རང་བྱུང་གནས་གྱུར་རྫོགས་རིམ་ཡིན། །ཧཱུཾ། རང་བྱུང་ལྷུན་གྲུབ་རྫོགས་ཆེན་ནི། །སངས་རྒྱས་ཐབས་མཁས་ཐུགས་རྗེ་ཡིས། །ཐེག་སྒོ་བསམ་མི་ཁྱབ་གསུངས་ཀྱང་། །ཐམས་ཅད་བློ་ཡི་བྲིད་ཐབས་ཡིན། །ཆོས་རྣམས་ཐམས་ཅད་སེམས་ལ་རྫོགས། །ཆོས་ཀུན་བདེན་པ་དབྱེར་མེད་པས། །ཐམས་ཅད་ཡིད་ལ་གང་ཡང་མིན། །སངས་རྒྱས་མཐར་ཐུག་ཆོས་ཀྱི་སྐུ། །ཀུན་ལ་རྫོགས་ཏེ་ངོ་མ་ཤེས། །ཧོ། འཁོར་བ་དང་ནི་མྱ་ངན་འདས། །འཁྲུལ་སྣང་འཛིན་པ་གཉིས་སུ་བྱུང་། །ཡང་དག་དོན་ལ་དབྱེ་བ་མེད། །གཉིས་ཀར་རང་རིག་སེམས་ལ་རྫོགས་ཧོ། །ཆོས་སུ་འཛིན་པ་ཐམས་ཅད་ནི། །སྤྲོས་པ་བློའི་ཆོས་ཡིན་ཕྱིར། །སྐུ་གསུམ་རང་ཡང་གྲངས་སུ་ཟད། །འདུས་བྱས་ཆོས་ཀྱི་སངས་མི་རྒྱ། །ཧོ། །སངས་རྒྱས་ཆོས་སུ་འཛིན་ཚད་ནི། །མཐར་ཐུག་འཁྲུལ་བློ་ཆེན་པོ་ཡིན། །སངས་རྒྱས་ཆོས་གཅིག་ན་གཅིག་གིས་རྒྱ། །བློ་འདས་རྫོགས་པ་ཆེན་པོ་ཡིན། །ཧོ། །རྒྱས་བསྡུས་རིམ་པར་རང་ལུས་བཞིན། །རིམ་པ་དབང་གིས་བགྲོད་པར་བྱ། །ས་མ་ཡ་ནི་ཤེལ་སྒོང་ལྟར། །གཞི་ནི་དམ་ཚིག་གཙང་མས་བཟུང་། །ཏིང་འཛིན་ལུས་དང་གྲིབ་མ་ལྟར། །ཉམས་སུ་ཏིང་ངེ་འཛིན་གྱིས་ལོང་། །མན་(༧༠ན)
ངག་གར་ཆང་འཐུངས་པ་ལྟར། །དོན་ནི་མན་ངག་ཟབ་མོས་བསྒྲུབ། །ལྟ་བ་ནམ་མཁའི་མདུང་བསྐོར་བཞིན། །ཐག་དང་འཕང་ནི་ལྟ་བས་བཅད། །སྦྱོར་བ་མི་ཤ་འདོན་པ་བཞིན། །ལ་ནི་སྤྱོད་པས་དོར་བར་བྱ། །ཟུང་དུ་འབྲེལ་ལ་གོལ་ས་མེད། །ཚིག་ཏུ་རྟོགས་ལ་མ་བརྟེན་པར། །སྐུ་གསུམ་དོན་པོ་གཅིག་ཏུ་དྲིལ། །མཐའ་དྲུག་རྒྱུད་ལ་རྫོགས་པར་གྱིས། །མཐར་ཐུག་དོན་དམ་ནང་ནས་འཆང་། །ནམ་མཁའ་ལ་ནི་ནམ་མཁའ་བཞིན། །ཐམས་ཅད་སྟོང་པའི་ངང་ལ་གནས་ཧོ། །མ་རྩལ་ཡེ་ནས་རྫོགས་པའི་དབང་། །བསྐུར་ཐོབ་མཚོན་པའི་མཐའ་བཞི་གྲོལ། །དབང་བཞི་བསྐུར་བས་དྲི་བཞི་དག །ལྷན་སྐྱེས་ཀུན་བརྟགས་བསམ་བརྗོད་ཞེན། །བློ་དངོས་མུ་མཐའ་རང་སར་གྲོལ། །གྲོལ་མ་གྲོལ་ཀྱང་རྣམ་པར་དག །བསྐུར་ཐོབ་རང་དག་ངོ་མཚར་ཆེ། །ཆོས་ཉིད་མཐའ་ཡས་དཀྱིལ་འཁོར་ན། །རང་བྱུང་འོད་གསལ་ལྷ་ཚོགས་བཞུགས། །དེ་ལ་བདེ་གཤེགས་ཡོངས་རྫོགས་པས། །སྣང་སྲིད་འཁོར་བའི་སེམས་ཅན་ལ། །མུ་མཐའ་ཡོངས་གྲོལ་དབང་བསྐུར་བས། །རང་རིག་ཆོས་སྐུར་རྩལ་དབང་རྫོགས་སོ། །རྒྱུད་ལས་ཀྱང་། ཇི་སྙེད་པ་ཡི་བདེ་བར་གཤེགས། །རང་རིག་སེམས་ཀྱི་རྒྱུད་ལ་འདུས། །དེ་ཕྱིར་ཡོངས་སུ་རྫོགས་ཞེས་བྱ། །གཞི་ལམ་འབྲས་བུའི་གསང་རྫོགས་པས། །གསང་བ་ཡོངས་རྫོགས་རྒྱུད་དུ་ཟུང་། །ཞེས་པས་དབང་ཐམས་ཅད་ཡོངས་སུ་རྫོགས་པའི་དོན། །དེ་ནས་ཤེལ་གྱི་མཆོད་རྟེན་བསྟན་ཏེ། འོ་ཆོས་ཐམས་ཅད་མ་འདྲེས་ལ་ཡོངས་སུ་རྫོགས་པ་སྐུ་གསུམ་ལྷུན་གྱིས་གྲུབ་པ་ཁོ་ནའོ་ཞེས་ངོ་སྤྲད་དོ། །སྤྲོས་ཆོས་རྩ་རྒྱུད་ལས་ཀྱང་། །ཀུན་གྱི་སྤྱི་བསྡུས་སེམས་ཀྱི་(༧༠བ)
དབང་། །དབང་སེམས་གཉིས་སུ་མེད་པར་འབྲེལ། །གཉིས་མེད་གཅིག་ཏུ་འདྲེས་ཙམ་ན། །དབང་ནི་ཆོས་སྐུ་སྐྱེ་འཇིག་མེད། །བསྐུར་ནི་འཕོ་འགྱུར་མེད་པར་བསྐུར། །ཐོབ་ནི་འགྱུར་མེད་སྙིང་པོ་ཐོབ། །མཚན་མའི་དབང་བསྐུར་ཇི་སྙེད་པ། །ད་སོགས་དབང་གི་སྡེ་ཚན་རྣམས། །ཡིད་ལ་བྱར་མེད་སྤྲོས་པ་ཆོད། །ཅེས་པས། སྙིང་པོ་ཆོས་མིན་མིང་མེད་ཡུལ་འདས་ཀུན་བྲལ་ཡོངས་སུ་རྫོགས་པའོ། །རྒྱལ་ཐབས་སྤྱི་འབྱམས་རྩལ་དབང་དེ་དག་གིས་ནི་ཀུན་ཁྱབ་ངང་དངས་ནམ་མཁའི་ཀློང་། །ཉི་ཟླ་གཟའ་སྐར་འབྱུང་བཞི་ཕྱི་ནང་སྣོད་བཅུད་ཡོངས་སུ་རྫོགས་པ་ལྟར་དུ། རྣལ་འབྱོར་གྱི་རྣལ་འབྱོར་ཤིན་ཏུ་རྣལ་འབྱོར་གྱི་དབང་ཕྱུག་ཆེན་པོར་དབང་ཐོབ་པར་བྱས་པ་ཡིན་ནོ། །དེ་ཡན་ཆད་ཀྱིས་རྒྱལ་ཐབས་སྤྱི་འབྱམས་ཀྱི་དབང་རིམ་དྲུག་ལས། ཕྲ་མོར་གསིལ་ནས་བཅུ་གསུམ་གྱིས་བསྟན་ནོ། །མདོར་ན་ཡོངས་རྫོགས་ཀྱི་དབང་གི་རྣམ་གྲངས་རྩ་བ་དང་བཅས་པ། ཕྲ་མོར་རིལ་བས་ཉིས་བརྒྱ་སུམ་ཅུ་རྩ་བདུན་གྱིས་ཡོངས་སུ་རྫོགས་པར་བསྟན་ནོ། །ཚོགས་འཁོར་བྱའོ། །ཐ་རམ་དང་ཨ་ཏིའི་སྒོམ་ཁོག་སྤྱི་དོན་དྲུག་པ་དབང་དྲུག་པ་དབང་སྲོག་དམ་ཚིག་གིས་བཟུང་བར་བསྟན་པ་ནི་སྤྱིར་ཆོས་བསམ་གྱིས་མི་ཁྱབ་ནའང་། འདིར་གསང་འདུས་རྒྱུད་ལས། རྒྱུད་དོན་དམ་ཚིག་བསྲུང་བྱ་བ། །རྩ་བ་ཡན་ལག་ཉམས་མི་བྱ། །ཡང་ན་མཉམ་རྫོགས་རྒྱལ་པོར་གནས། །ཞེས་གསུངས་པས། དམ་ཚིག་ལ་དྲུག་སྟེ། ངོ་བོ། ངེས་ཚིག །དབྱེ་བ། སྲུང་ཐབས། ཉམས་སྐྱོན། བསྲུངས་པའི་དགོས་ཆེད་དོ། །ངོ་བོ་ནི་འདའ་དཀའ་བྱང་ཆུབ་སེམས་སོ། །ངེས་ཚིག་ནི་བསྲུང་བྱ་མ་ཉམས་ན་འཁོར་བའི་བུད་ཤིང་འཚིག་ལ། ཉམས་ན་རང་རྒྱུད་(༧༡ན)
དམྱལ་བར་འཚིག་ག །འོན་ཏེ་ལྟ་བའི་སོ་མ་ཉམས་ན། །མ་རིག་འཚིག་ཅིང་སྐྱེ་མེད་དོན་དམ་མོ། །དབྱེ་བ་ལ་བཞི། རྩ་བ་གསུམ། ཡན་ལག་ཉེར་ལྔ། སྤྱིའི་བཅུ་གཅིག །ཁྱད་པར་གྱི་གཅིག་གོ །ཇི་ལྟར་དམ་ཚིག་བསྲུང་ཐབས་རིམ་པ་ནི། །སྐུའི་དམ་ཚིག་ཏུ་རྡོ་རྗེ་སློབ་དཔོན་དང་མཆེད་དང་ལྕམ་དྲལ་ལ་བསྲུང་བྱའི་མདོ་ནི། བརྡེག་བརྩོག་དང་རྐུ་འཕྲོག་སྤྱ་སེམས་སྐུར་པ་འདེབས་པ་དང་ངན་སེམས་དང་ཐུགས་འགལ་ཐམས་ཅད་བསྲུང་བར་བྱའོ། །གསུང་བར་དམ་ཚིག་ཏུ། དབང་ཐོབ་ཡི་དམ་དཀྱིལ་འཁོར་ལྷ་ལ་བསྲུང་བྱའི་མདོ་ནི། སྐུ་ཕྱག་རྒྱ་བསྒོམ་པ་དང་། གསུང་སྙིང་པོ་འདྲེན་པ་དང་། ཐུགས་ཏིང་འཛིན་འཕྲོ་འདུ་བྱེད་པ་དང་། ཐུགས་དམ་བཀང་སོགས་རབ་ཆུ་རྒྱུན་བཞིན་སྤྱད། འབྲིང་ཉིན་མཚན་ལན་གསུམ་གསུམ་མམ་ཐུན་བཞི་མི་བཅུག་ཅིང་། ཐ་མ་ཉིན་ཞག་ཕྲུགས་རེ་ལ་ལན་རེ་མི་བཅག་པར་བསྲུང་བར་བྱའོ། །ཐུགས་ཀྱི་དམ་ཚིག་ཏུ་བསྲུང་བྱའི་མདོ་ནི། སྒྲུབ་རྫས་ལག་ཆ་ཐམས་ཅད་དམ་མ་འདྲེས་པ་རྣམས་ལ་གསང་བ་དང་། དེ་བཞིན་དུ་སྨན་གཏོར་རཀྟ་ནང་གི་མཆོད་རྫས་གསང་བ་དང་། སྤྱི་འཛབ་རྩ་བའི་སྙིང་པོ་རྣམས་གསང་བ་དང་། ཕྱག་རྒྱ་དང་མཚོན་དཔེ་གསང་བ་དང་། སྦྱོར་སྒྲོལ་གྱི་ཕྱག་བཞེས་གསང་བ་དང་། །འཕྲིན་ལས་མཛད་སྤྱོད་གསང་བ་དང་། རྒྱུད་དང་སྒྲུབ་ཐབས་མན་ངག་གསང་བ་དང་། མདོར་ན་བླ་མ་མཆེད་ཀྱི་ཚང་ངམ། ཆོས་སྤྱོད་ལ་སོགས་པ་གསང་བར་འོས་པ་ཀུན་གསང་བ་དང་། བླ་མ་དང་མཆེད་ཀྱི་ཆེད་དུ་མན་ངག་གམ་གསང་གཉེར་གཏད་པ་ཀུན། གསང་བའི་དམ་ཚིག་བཅུ་པོ་དག་གསང་ཞེས་བསྲུང་བར་བྱའོ། །རྩ་བའི་དམ་ཚིག་དེ་དག་མ་བསྲུངས་(༧༡བ)
ན། བསྐལ་པ་ལྔར་རྡོ་རྗེའི་དམྱལ་བར་འགྲོ་བར་རྒྱུད་ལས་གསུངས་སོ། །དེ་ནས་ཡན་ལག་གི་དམ་ཚིག་ཉེར་ལྔ་བསྲུང་བར་བྱ་བའི་མདོ་ནི། ཤེས་པར་བྱ་བའི་དམ་ཚིག་ནི། ཕུང་པོ་ལྔ་དང་། འབྱུང་བ་ཆེན་པོ་ལྔ་དང་། ཡུལ་ལྔ་དང་། དབང་པོ་ལྔ་དང་། ཡེ་ཤེས་ལྔ་དང་། རིགས་ལྔ་ཡབ་ཡུམ་དུ་སྦྱོར་ཤེས་པར་བྱའོ། །སྤྱད་པར་བྱ་བའི་དམ་ཚིག་ལྔ་ནི། སྦྱོར་བ་དང་། སྒྲོལ་བ་དང་། མ་བྱིན་པར་ལེན་པ་དང་། རྫུན་དུ་སྨྲ་བ་དང་། ཚིག་གླང་པོ་ཉོན་མོངས་པ་ལྔ་པོ་གཉིས་མེད་མཉམ་པའི་ངང་ནས་འགྲོ་དོན་སྤྱད་པར་བྱའོ། །མི་སྤང་བྱ་བའི་དམ་ཚིག་ལྔ་ནི། འདོད་ཆགས་དང་། ཞེ་སྡང་དང་། གཏི་མུག་དང་། ང་རྒྱལ་དང་། ཕྲག་དོག་ལྔ་ནི་ཡེ་ནས་རིགས་ལྔའི་རང་བཞིན་དུ་རྟོགས་པར་བྱ་ཞིང་མི་སྤང་བར་རང་སར་གྲོལ་ལོ། །སྒྲུབ་པར་བྱ་བའི་དམ་ཚིག་ལྔ་ནི། རྡོ་རྗེའི་རིགས་དང་། དེ་བཞིན་གཤེགས་པའི་རིགས་དང་། རིན་པོ་ཆེའི་རིགས་དང་། པདྨའི་རིགས་དང་། ལས་ཀྱི་རིགས་དང་ལྔ་པོ་རྣམས་བསྒྲུབ། ཏིང་ངེ་འཛིན་ལེ་ལོ་མེད་པར་བརྩོན་པས་བསྒྲུབ་པར་བྱའོ། །དང་དུ་བླང་བར་བྱ་བའི་དམ་ཚིག་ལྔ་ནི། དྲི་ཆེན་དང་། དྲི་ཆུ། དམར་ཆེན་དང་། བྱང་སེམས་དཀར་པོ་དང་། མདངས་ཆེན་པདྨ་རཀ་ཏ་དང་། རྣམ་པ་ལྔ་ནི་འཛིན་རྟོག་མེད་པར་དང་དུ་བླང་བར་བྱའོ། །དེ་ལྟར་ཡན་ལག་དམ་ཚིག་ཉེར་ལྔ་འདས་ན་མནར་མེད་པའི་དམྱལ་བར་ལྟུང་བ་གསང་རྒྱུད་ལས་བཤད། ཐུན་མོང་སྤྱིའི་དམ་ཚིག་ཏུ་བླ་མ་བཀུར་ཅིང་གསུང་ཟུར་ཙམ་ཡང་མི་བཅག་པ་དང་། བླ་མེད་ཐེག་པ་མི་སྤང་བ་དང་། །ཐུན་བཞིའི་རྣལ་འབྱོར་མི་ཡེངས་པ་དང་། སྔགས་དང་ཆོས་སྤྱི་ལ་ཐེ་ཚོམ་སྤང་བ་དང་། མཆེད་ལྕམ་གདུང་སེམས་ཀྱིས་བསྐྱང་བ་དང་། སེམས་(༧༢ན)
ཅན་ཐམས་ཅད་སྙིང་རྗེས་དྲང་བ་དང་། ཉོན་མོངས་རང་དགར་མི་བཏང་བ་དང་། ཐེག་པ་དང་ཆོས་ཀྱི་ཞལ་ཟིན་ཕྱིར་གཞན་ལ་མི་སྨད་པ་དང་། ལེ་ལོ་གཉིད་དང་ཆང་དབང་སྤང་བ་དང་། ལྟ་སྤྱོད་ཟུང་དུ་འབྲེལ་བས་བསྙེན་སྒྲུབ་མཐར་དབྱུང་བར་བྱའོ། །ཞེས་རྒྱུད་ལས་གསུངས་པ་དེ་བཞིན་དུ་བསྲུང་བར་བྱའོ། །ཡང་ན་མཉམ་རྫོགས་རྒྱལ་པོར་གནས། །ཞེས་གསུངས་པ་ནི། ཁྱད་པར་མཆོག་གི་དམ་ཚིག་སྟེ། །རྒྱུད་ལས། ཡང་དག་དོན་གྱི་དམ་ཚིག་ཏུ། །འཁོར་འདས་ཆོས་རྣམས་རང་རིག་སེམས། །གདོད་ནས་རང་བྱུང་ཆོས་སྐུའི་ངང་། །དེ་ཉིད་ངེས་ན་བསྲུང་ཉམས་ནི། །མི་བསྲུང་བློ་ཡིས་དོར་དུ་མེད། །ཉམས་སྐྱོན་ཐོབ་བྱའི་རེ་བ་མེད། །མ་སྤངས་མི་གནས་གཟུང་འཛིན་འདས། །སྐྱེ་མེད་སྙིང་པོས་མི་ཤིགས་སམ། །མུ་སྟེགས་བདག་ཏུ་འཛིན་པ་འཚིག །ཅེས་གསུངས་པས་རྟོགས་པའི་དོན་ལས་མི་འདའ་བར་བསྲུང་ངོ་། །མི་བསྲུང་བའི་བསྲུང་བ་ཆེན་པོར་བསྟན་ནོ། །དམ་ཚིག་ཉམས་སྐྱོན་ནི། སྐབས་སུ་བརྗོད་པ་ཡང་ཡིན་ཏེ། སོ་མཁའི་མཁར་སྤེའུ་ཤོར་བ་ལྟར་རང་ཕུང་སྲིད་ཕུང་དུ་འགྲོ་བ་ཡིན། ཕལ་ཆེར་ཚེ་འདི་ཉིད་ནས་རྒྱུ་འབྲས་ཡིད་དུ་མི་འོང་བ་སྣ་ཚོགས་འདུ་སྟེ། བརླག་ནས་ཕྱི་མ་མནར་མེད་པའི་རྡོ་རྗེའི་དམྱལ་བར་ཐར་བ་མེད་པར་འགྱུར་རོ། །འོན་ཏེ་དགེ་བ་མཐའ་རྫོགས་ཀྱི་ལས་ངན་པོ་འགའ་ཞིག་ཚེ་འདིར་སྐྱིད་པ་ལྟར་སྣང་བ་ནི། སྔ་མའི་བཟང་ལས་ཐམས་ཅད་འདིར་ཟད་ཕྱི་མ་དམྱལ་བ་མཐའ་མེད་དུ་ལྟུང་བར་རྒྱུད་ཀུན་ནས་བཤད་དོ། །གལ་ཏེ་དམ་ཚིག་ཉམས་སྲིད་ན་བཤགས་ཐབས་ནི། སྐུའི་དམ་འགལ་ན་ན་རག་ལ་བརྟེན་པའི་ཕྱག་དང་བསྐང་ཚོགས་ཀྱིས་བཤགས། གསུང་གྱི་དམ་འགལ་ཡིག་བརྒྱ་འབུམ་བསྙེན་བརྗོད་(༧༢བ)
བྱས་བཤགས། ཐུགས་ཀྱི་དམ་འགལ་བླ་མ་མཉེས་བྱས་དོན་ཁྲིད་ཞུས་ཏེ་ལྟ་བས་བཤགས། ཐུན་མོང་དུ་དབང་བསྙེན་སྒྲུབ་ཆེན་པོས་བཤགས། རྒྱུན་དུ་རྒྱུན་བཤགས་ནར་མས་སྐོངས་བར་འགྱུར་རོ། །བསྐང་བཤགས་ལ་བརྩོན་པ་ནི་མན་ངག་གི་དམ་པའོ། །དེ་རྗེས་དམ་བཅའ་རྒྱུན་པས་དམ་བཅའོ། །དམ་ཚིག་བསྲུང་བའི་དགོས་ཆེད་ནི། ཡོངས་རྫོགས་རྒྱུད་ལས། སྔར་བས་འདས་པའི་སངས་རྒྱས་ཀྱང་། །དམ་ཚིག་འདི་ལ་བརྟེན་ཏེ་རྒྱས། །ད་ལྟར་བཞུགས་པའི་སངས་རྒྱས་ཀྱང་། །དམ་ཚིག་འདི་ལ་རབ་ཏུ་གནས་སླད་ནས་འབྱོན་པའི་སངས་རྒྱས་ཀྱང་། །དམ་ཚིག་འདི་ལ་བརྟེན་ནས་རྒྱའོ། །ཞེས་པ་དང་། ཐུན་མོང་ཉིད་ཐོབ་མཆོག་ལ་སྦྱོར། །ཡིད་བཞིན་རཏྣ་བསྟེན་པ་འདྲ། །ཞེས་པས་ཚེ་འདི་ཉིད་དུ་འབྲས་བུ་ལ་རེག་པ་དང་། ཕུན་སུམ་ཚོགས་པའི་དངོས་གྲུབ་འབྱུང་ངོ་། །གལ་ཏེ་སྡུག་བསྔལ་འཕེལ་བ་ལྟར་སྣང་ནའང་མི་དགེ་བའི་ལས་མཐར་ཟད་བཅས་བྱ་སྟེ། སྔར་གྱི་ལས་སྒྲིབ་ཐམས་ཅད་དམ་ཚིག་གི་བྱིན་རླབས་ཀྱིས་ཚེ་འདིར་སྨིན་ནས་ཕྱི་མ་བདེ་བ་མཐའ་འབྱམས་ལ་སྦྱོར་བའི་ལྟས་སོ། །དཔེར་ན་དེ་རིང་སྤྲིན་འདུ་ཚབས་ཆེ་ཞིང་བརླན་འབབ་དྲག་ན་སང་ཉིན་ནམ་དངས་ཉི་མ་གསལ་བ་བཞིན་ནོ། །ཕྱི་རབས་ཀྱི་རྣལ་འབྱོར་པ་རྣམས་ཀྱི་དབང་གི་སྲོག་དམ་ཚིག་གཙང་མར་བསྲུང་བ་གལ་ཆེའོ། །སྤྱི་དོན་བདུན་པ་དབང་ཆེན་མ་ཐོབ་པར་བསྐྱེད་རྫོགས་ལྷ་བསྒོམ་གསང་སྔགས་ལ་འཇུག་པའི་སྐྱོན་ནི། རྒྱུད་ལས། དབང་མ་ཐོབ་པའི་ཉེས་པ་ནི། ཤེས་རབ་གསུམ་སོགས་རློམ་ན་ཡང་། །འབྲས་བུ་མེད་ཅིང་བརླག་པར་འགྱུར། །ཞེས་པས། དབང་མ་ཐོབ་ན་ཐེག་པ་མཐའ་དག་ཐོབ། བསམས། བསྒོམས། བསྒྲུབས་ཀྱང་འབྲས་བུ་མི་འབྱུང་བའི་སྟེང་དུ་(༧༣ན)
བརླག་པར་གསུངས་སོ། །དབང་ཡོན་མ་ཕུལ་ཤིན་ཏུ་ཉམས་ཞེས་གསུངས་པས་དབང་ཞུས་ནས་ཡོན་མ་ཕུལ་ན་དམ་ཚིག་ཉམས་པའི་ཉེས་ལྟུང་ཐམས་ཅད་འབྱུང་བར་རྒྱུད་ལས་བཤད་དོ། །སྤྱི་དོན་བརྒྱད་པ་དབང་ཆེན་ཡོངས་རྫོགས་སུ་ཐོབ་པའི་དགོས་ཆེད་དམ་རྟགས་སམ་ཡོན་ཏན་ནི། རྩ་རྒྱུད་ལས། དེ་ལྟར་དབང་རྣམས་ཡོངས་རྫོགས་པར། །བསྐུར་བའི་ཡོན་ཏན་བསམ་མི་ཁྱབ། །གསང་སྔགས་དངོས་གྲུབ་དབང་ལས་འབྱུང་། །ཐོབ་རྟགས་མཁའ་འགྲོས་ལུང་སྟོན་ཅིང་། །ཐུན་མོང་མཐར་ཐུག་སིདྡྷི་ཐོབ། །གཟུང་འཛིན་ཉོན་མོངས་རྟོག་པའི་བདུད་རྣམས་འཇོམས། །ལྟས་སུ་ཡིད་བཞིན་རཏྣ་གཙུགས་ན་འཆང་། །མགོ་ལ་ཉི་ཤར་དམག་དཔོན་བྱེད། །མགོ་དང་རོ་སྟོད་ལྕི་ལ་བདེ། །བུམ་བཅུད་འཐུངས་རྨི་ཟས་བཅུད་ཟོས། །རང་རིག་རང་རྩལ་དབང་བསྒྱུར་ནས། །ཞེས་པ་དང་། རིམ་པའང་དབང་གིས་བགྲོད་པ་ཡིན། ཅེས་པས། དེ་ལྟར་དབང་རིམ་ཡོངས་སུ་རྫོགས་པར་ཐོབ་ནས་མ་སྨིན་པ་ཐམས་ཅད་སྨིན་པར་བྱེད་ངེས་ལ་སྨིན་པ་གྲོལ་བར་བྱེད་པ་སྒྲུབ་པ་ལ་རག་ཅིང་། སྒྲུབ་པའི་སྲོག་དམ་ཚིག་གིས་བཟུང་བར་བསྟན་པས་སྙིང་པོའོ། །དོན་མཐར་འབྱིན་ནོ། །དང་པོ་འཇུག་པའི་ཆོ་ག་སྐྱབས་འགྲོ་སེམས་བསྐྱེད་ནས། དཀྱིལ་འཁོར་དུ་ཞུགས་པ་ཡན་ཆད་ཀྱིས་ཉན་རང་བྱང་སེམས་ཐེག་པ་གསུམ་གྱི་དབང་ཡར་ལྡན་དུ་ཐོབ་པ་ཡིན། ཕྱི་བུམ་དབང་ལ་སོགས་པ་བརྒྱད་བསྐུར་བས་ཀྲི་ཡ་ཨུ་པ་ཡོ་གའི་ཐེག་པ་གསུམ་གྱི་དབང་ཡར་ལྡན་དུ་ཐོབ་པ་ཡིན། ནང་ལྷ་དབང་ལ་སོགས་དགུ་བསྐུར་བས་མཧཱ་ཨ་ནུའི་ཐེག་པ་གཉིས་ཀྱི་དབང་ཐོབ་པ་ཡིན། གསང་དབང་གསུམ་སྤྱི་འབྱམས་དྲུག་ཕན་ནུས་ཀྱི་དབང་རྣམས་བསྐུར་བ་ཨ་ཏི་ཡོ་གའི་ཐེག་(༧༣བ)
པའི་དབང་ཐུན་མོང་ཁྱད་པར་མ་ལུས་པའི་དབང་ཐོབ་ཅིང་། མདོར་ན་བཀའ་རབ་འབྱམས་ཀྱི་དབང་ཐོབ་པ་ཡིན་པས་དབང་ཡོངས་རྫོགས་སུ་ཐོབ་པ་དང་སངས་རྒྱས་དགོངས་པ་ལོན་པ་དུས་མཉམ་པར་འབྱུང་ངོ་། །དེའི་ཕྱིར་ན་ཐེག་པ་ཡོངས་རྫོགས་དབང་བཀའ་འདི་ཐོབ་པའི་དགོས་པ་ཡོན་ཏན་བསམ་གྱིས་མི་ཁྱབ་བོ། །སྤྱི་དོན་དགུ་པ་དབང་ཡོན་དབུལ་བར་བསྟན་པ་ནི། རྒྱུད་ལས། བྱིན་རླབས་དབང་གི་བླ་མ་ལ། །རྒྱལ་སྲིད་ཡུལ་འཁོར་རང་གི་ལུས། །བུ་དང་ཆུང་མ་ནོར་གྱི་དབྱིག་དབུལ་ཞེས་གསུངས་པས། འཁོར་གསུམ་ཡོངས་དག་ལན་གསུམ་བྱ། །སྒྱུ་ལུས་བླ་མའི་བྲན་དུ་དབུལ་བར་བྱའོ། །དེ་ནས་རྟགས་སྦྱིན་ཏེ། སྐུའི་དབང་ཐོབ་རྟགས་སུ་ཨཱོཾ་དཀར་པོ་དང་གསུང་གི་དབང་ཐོབ་རྟགས་སུ་ཨཱཿདམར་པོ་གཅིག །ཐུགས་ཀྱི་དབང་ཐོབ་རྟགས་སུ་ཧཱུཾ་མཐིང་ཁ་གཅིག །ཡོན་ཏན་གྱི་དབང་རྟགས་སུ་ཨ་མྲྀ་ཏ་ཚོམས་གཅིག །འཕྲིན་ལས་ཀྱི་དབང་རྟགས་སུ་ཕུར་པ་སོར་བཞི་པ་དང་ལྔ་པོ་དེ་སྤྱི་གཙུག་དབང་རལ་ལ་གདགས་པར་བྱའོ། །དེས་ནི་རྒྱལ་པོས་རྟགས་བཏབ་པ་དང་འདྲ་སྟེ། མི་ནུབ་རྒྱལ་མཚན་དུ་འགྱུར་རོ། །གཏང་རག་མཆོད་ཚོགས་སྒྲུབ་ཁོག་བཞིན་བྱའོ། །སྤྱི་དོན་བཅུ་པ་དབང་གི་གཏད་རྒྱ་བསྟན་པ་ནི། དེ་ཡང་སློབ་བུ་མཚན་ཉིད་བཅུ་ལྡན་གསུམ་ལ་བཀའ་གཏད་དེ། དེས་ཀྱང་འགྲོ་བ་འདུལ་བར་མངའ་གསོལ་ཅིང་། ལྷ་སྲིན་ཟིལ་གྱིས་མནན། དབང་དུ་བསྡུས་ཏེ་བཀའ་གཏད་ཕྱིར། །དཔལ་ཆེན་དགྱེས་པའི་གླུ་བྲོ་བྱ་སྟེ། རྣལ་འབྱོར་པ་ཐམས་ཅད་དཀྱིལ་འཁོར་ལ་གྲལ་བསྒྲིགས་གསུམ་དུ་བསྐོར་ཏེ། རྡོ་རྗེ་གཤོག་པའི་ཕྱག་རྒྱ་བྱས་ཏེ་འདི་སྐད་དོ། །ཧཱུཾ། ང་ནི་ཆེ་མཆོག་ཧེ་རུ་ཀཿ། །ཞི་ཁྲོ་བདེ་གཤེགས་ཡོངས་(༧༤ན)
རྫོགས་སྐུ། །རྡོ་རྗེའི་གླུ་གཅིག་གནམ་ནས་ལེན། །སྟེང་གི་ལྷ་རྣམས་ཟིལ་གྱིས་གནོན། །རྡོ་རྗེའི་གླུ་གཅིག་ས་ནས་ལེན། །ཀླུ་གཉན་ས་བདག་ཟིལ་གྱིས་གནོན། །རྡོ་རྗེའི་གླུ་གཅིག་ཕྱོགས་བཅུར་སྒྲོགས། །ཕྱོགས་སྐྱོང་དྲེགས་པ་ཞབས་འོག་གཟིར། །རྡོ་རྗེའི་གླུ་སྐད་རྩེར་རེ་རེ། །ཧཱུཾ་གི་འབྲུག་སྒྲ་དིར་རི་རི། །ཕཊ་ཀྱི་གནམ་ལྕགས་ཚལ་ལེ་ཚལ། །དྲག་པོའི་བཤུག་གླུས་ཁམས་གསུམ་གཡོ། །ཤངས་ཀྱི་རླུང་སྒྲས་སྲིད་གསུམ་སྒྲོལ། །སྙན་ནས་འབྲུག་སྒྲས་སྟོང་གསུམ་འགེངས། །ལྗགས་ལས་གློག་འགྱུ་བར་སྣང་ཁྱབ། །སྤྱན་ནས་ཆུ་བྱུང་སྟོང་གསུམ་འཁྲུད། །ཞལ་ནས་མཆེ་གཙིགས་བདུད་བཞི་སྒྲོལ། །གླུ་བྲོ་འཁོར་གསུམ་ཆེམས་སེ་ཆེམ། །གླུ་བྲོ་འཁོར་གཅིག་དང་པོ་ཡིས། །གཟུགས་མེད་མུ་བཞི་ཟིལ་གྱིས་གནོན། །གླུ་བྲོ་འཁོར་གཉིས་བར་པ་ཡིས། །གཟུགས་ཁམས་བཅུ་བདུན་ཟིལ་གྱིས་གནོན། །གླུ་བྲོ་འཁོར་གསུམ་ཐ་མ་ཡིས། །འདོད་ཁམས་ཉི་ཤུ་ཟིལ་གྱིས་གནོན། །རྡོ་རྗེ་ཟིལ་གནོན་གླུ་བྲོ་ཡིས། །ལྷ་སྲིན་སྡེ་བརྒྱད་དབང་དུ་སྡུད། །དྲེགས་པའི་ཚོགས་རྣམས་འབུབ་ཅིང་རྒྱལ། །རྡོ་རྗེའི་འགྲོས་སྟབས་ལམས་སེ་ལམ། ཁྲོ་བོའི་གར་སྟབས་ལོག་གེ་ལོག །དྲག་པོའི་རྐན་སྒྲ་ཆེམས་སེ་ཆེམ། །བྲོ་ནི་དྲེགས་པ་ཀུན་འདུལ་བྲོ། །གླུ་ནི་ཁམས་གསུམ་དབང་སྡུད་གླུ། །ཚིག་ནི་དོན་དམ་རྟོགས་པའི་ཚིག །ཞབས་གཉིས་ཐབས་ཀྱི་བྲོ་བརྡུངས་པས། །བདུད་བཞི་ཕྱེ་མར་འཐག་པའི་བྲོ། །དགྲ་ནི་དུམ་བུར་གཏུབ་པའི་བྲོ། །དམ་སྲི་ཐལ་བར་རློག་པའི་བྲོ། །ཨཱོཾ་ལཾ་ཧཱུཾ་ལཾ་སྟཾ་བྷ་ཡ་རཀྴ་ནན། ཞེས་ཆོས་ཀྱི་བར་ཆད་ལོག་ལྟའི་དྲེགས་པ་གཟིར་ཞིང་ཚར་བཅད་རྗེས་སུ། །ཀྱེ་ཧོ་བུ་མཆོག་རྡོ་རྗེ་འཛིན་པ་ཉོན། །ཚོགས་ཀྱི་དཀྱིལ་འཁོར་ཆེན་(༧༤བ)
པོ་འདི། །ཕྱི་དང་ནང་ངམ་གསང་ཚུལ་དུ། །ཡིད་ལ་ཟུང་ལ་ཉམས་སུ་ལོང་། །ཡིད་བཞིན་རཏྣའི་གཏེར་འདྲ་བ། །ཞི་ཁྲོ་བཀའ་བརྒྱད་ཡོངས་རྫོགས་བཀའ། །སྙིང་ནོར་ཡིན་ནོ་མིག་འབྲས་ཡིན། །གདམས་སོ་གཏད་དོ་ཐུབ་པར་ཆོངས། །དམ་ཉམས་རྣམས་ལ་ཤོར་སྲིད་དོ། །ལོག་ལྟ་ཅན་ལ་ཤོར་སྲིད་དོ། །ཐེ་ཚོམ་ཅན་ལ་ཤོར་སྲིད་དོ། །རྟོག་གེ་བ་ལ་ཤོར་སྲིད་དོ། །སྣོད་མིན་རྣམས་ལ་ཤོར་སྲིད་དོ། །བསྟན་པའི་སྙིང་འདི་ཐུབ་པར་སྲུངས། །གཏད་རྒྱ། གསང་རྒྱ། གཏེར་རྒྱ། ཟབ་རྒྱ། བཀའ་རྒྱ། མཆོག་རྒྱ། སྤྱིར་རྒྱ། གཉན་རྒྱ། ཞེས་རྒྱ་བརྒྱད་བརྗོད་དེ། བཀའ་རྒྱུད་གསུམ་ལ་གཏད་དོ། །དངོས་གཞིའི་ས་བཅད་སུམ་ཅུ་པ་དངོས་གྲུབ་ལེན་པའི་སྔོན་འགྲོ་གེགས་སེལ་གྱི་བྲོ་ནི། མཆེད་རྣམས་ཀྱི་དཀྱིལ་འཁོར་ལ་གསུམ་རིམ་དུ་བསྐོར་བའམ། མང་ཉུང་དང་སྦྱར་ཏེ་དུར་ཁྲོད་ཆས་ཀུན་གསོལ། དཔལ་ཆེན་ཡོངས་རྫོགས་ང་རྒྱལ་དང་ལྡན་པར་བྱ་སྟེ། དགྲ་བགེགས་རུ་ཏྲ་རྡུལ་དུ་རློག་པར་བསམས་ཏེ། དང་པོ་ལྟ་སྟངས། ལག་པ་ལུ་གུ་རྒྱུད་དུ་སྦྲེལ། གྲལ་ཚགས་བྱ། རྐང་པ་རྡོ་རྗེ་རྒྱ་གྲམ་འགྲོས་སམ་རྡོ་རྗེ་རང་ལུགས་སུ་བྲོ་བརྡུང་སྟེ། དང་པོ་གླུས་སྤྱན་དྲངས་པ་ནི། ཧཱུཾ། ཞི་ཁྲོ་ཡོངས་རྫོགས་དཀྱིལ་འཁོར་དུ། །དཔལ་ཆེན་ཆེ་མཆོག་སྐུ་སྤྲུལ་ནས། །མཁའ་འགྲོའི་ཚོགས་དང་རོལ་པ་ནི། །ཐབས་ཤེས་གཉིས་སུ་མེད་པར་སྦྱར། །བྱང་ཆུབ་སེམས་ཀྱི་འཕྲོ་འདུ་ལས། ཁྲོ་བོ་ཁྲོ་མོའི་སྤྲིན་འཕྲོས་ནས། །གླུ་བྲོ་གར་གྱི་ཐུགས་དམ་སྟེ། །རྒྱུན་ཆད་མེད་པར་བསྟེན་པར་བྱ། །བྲོ་ནི་འབར་བའི་ཕྱག་རྒྱ་སྟེ། །རྒྱལ་བ་སྟོང་དང་མཉམ་པར་སྦྱོར། །གླུ་ནི་ཚངས་པ་དབྱངས་ཀྱིས་འདྲེན། །མ་དང་མཁའ་འགྲོའི་ཐུགས་དམ་བསྐུལ། །ཚིག་ནི་དོན་དམ་རྟོགས་པའི་(༧༥ན)
ཚིག །ཆོས་སེམས་གཉིས་སུ་མེད་པར་རྟོགས། །འདི་ནི་གླུ་བྲོ་གར་གྱི་བརྡ། །གར་ནི་ཁྱབ་བརྡལ་ཆེན་པོའི་གར། །ཕྱོགས་བཅུའི་ཞིང་ཁམས་ཁྱབ་པར་བྱེད། །ཕྱག་རྒྱ་སྣ་ཚོགས་ལུ་གུ་རྒྱུད། །དུས་གསུམ་རྒྱལ་བ་ཞི་ཁྲོ་བསྐུལ། ཁྲག་འཐུང་རོལ་པའི་དཀྱིལ་འཁོར་ནས། །ཆེ་མཆོག་ཡབ་ཡུམ་སྲས་དང་བཅས། །ཌཱ་ཀི་འཁོར་བཅས་མ་ལུས་ཀུན། །སྔོན་གྱི་ཐུགས་དམ་ཇི་བཞིན་དུ། །གླུ་བྲོ་གར་ལ་གཤེགས་སུ་གསོལ། །ཧཱུཾ་ཧཱུཾ་ཧཱུཾ་བཛྲ་མཧཱ་ཀྲོདྷ་སརྦ་ཨ་བེ་ཤ་ཡ་ཛཿཧཱུཾ་བཾ་ཧོཿ ཞེས་རང་ལུགས་སུ་འཆམ་ཞིང་བསྐོར་རོ། །དེ་ནས་བྲོ་སྐོར་གྱིས་གཟིར་བ་རྡོ་རྗེ་འགྲོས་སུ་བྱ་སྟེ། ཧཱུཾ། ཞི་ཁྲོ་ཡོངས་རྫོགས་དཀྱིལ་འཁོར་འདིར། ཁྲག་འཐུང་རོལ་པའི་བྲོ་ཞིག་བརྡུངས། །ཕྱོགས་བཅུའི་ནམ་མཁའི་ཁམས་བཀང་ནས། ཁྲོ་བོ་ཁྲོ་མོའི་བྲོ་བརྡུངས་པས། །ལ་ལ་ཐབས་དང་ཤེས་རབ་བྲོ། །ལ་ལ་རྡོ་རྗེ་པདྨའི་བྲོ། །ལ་ལ་དབང་པོ་ཡུམ་གྱི་བྲོ། །ལ་ལ་འཇིག་རྟེན་དབང་སྡུད་བྲོ། །ལ་ལ་འདུལ་སྦྱོང་རྟགས་ཀྱི་བྲོ། །ལ་ལ་དྲེགས་པ་ཀུན་འདུལ་བྲོ། །ལ་ལ་མོས་པ་རྐྱེན་གྱི་བྲོ། །ལ་ལ་ལོངས་སྤྱོད་དཔལ་གྱི་བྲོ། །ལ་ལ་སྤོར་བྱེད་གནས་ཀྱི་བྲོ། །ལ་ལ་སྡུད་བྱེད་ཐབས་ཀྱི་བྲོ། །བྲོ་ལ་རྣམ་གྲངས་བསམ་མི་ཁྱབ། །གླུ་ལ་ཡོན་ཏན་བརྗོད་མི་ལང་། །ཚིག་ལ་མན་ངག་སྣ་ཚོགས་བསལ། །བྲོ་ནི་འཕྲིན་ལས་རྒྱ་མཚོའི་བྲོ། །གླུ་ནི་ལྟ་བ་རྒྱ་མཚོའི་གླུ། །ཚིག་ནི་འདུ་འབྲལ་མེད་པའི་ཚིག །བྲོ་ཡི་མིང་ནི་སྟམྦྷ་ནན། །ཀླུ་ཡི་མིང་ནི་པཱ་ཤ་ཧཱུཾ། །ཚིག་གི་མིང་ནི་ཨཾ་གུ་ཤ །རྒྱལ་བ་ཀུན་དང་མཉམ་པར་སྦྱོར། །ཀུན་གྱི་ཐུགས་དམ་ཆེན་པོ་ཡིན། །ཧྲིཿཧྲིཿཧྲིཿ ཧཱུཾ་ཧཱུཾ་ཧཱུཾ། ཕཊ་ཕཊ་ཕཊ། དེ་ནས་ལས་ཀྱི་བྲོས་ཚར་བཅད་དེ། ཧཱུཾ། གསང་(༧༥བ)
བ་ཡུམ་གྱི་མཁའ་དབྱིངས་སུ། །བདེ་ཆེན་རོལ་པའི་བྲོ་ཞིག་བརྡུང་། །སྣ་ལ་པདྨ་རོལ་པའི་བྲོ། །ཆགས་པ་མེད་པའི་ཚུལ་གྱིས་བརྡུང་། །དེ་ནས་རྡོ་རྗེ་རོལ་པའི་བྲོ། །ཞེ་སྡང་མེད་པའི་ཚུལ་གྱིས་བརྡུང་། །དེ་ནས་ཐབས་དང་ཤེས་རབ་བྲོ། །བྷ་གའི་དཀྱིལ་དུ་དགྲ་བགེགས་བརྡུང་། །དེ་ནས་དབང་པོ་ཡུམ་གྱི་བྲོ། །ལྷ་མོ་བརྒྱད་དང་ཐབས་གཅིག་རོལ། །དེ་ནས་རྡོ་རྗེ་པདྨའི་བྲོ། །ཕྱག་རྒྱ་ཆེན་པོར་རྒྱས་འདེབས་སོ། །དེ་ནས་འདུལ་བྱ་དྲག་པོའི་བྲོ། ཁྲག་འཐུང་རྒྱལ་པོས་འཁོར་ལ་བརྡུང་། །དེ་ནས་མོས་པ་རྐྱེན་གྱི་བྲོ། །མ་སྲིང་རྒྱ་མཚོ་འཁོར་ལ་བརྡུང་། །དེ་ནས་འདུལ་བྱེད་ཐབས་ཀྱི་བྲོ། །ཕྱོགས་བཅུ་རྣལ་འབྱོར་མ་ལུས་བརྡུངས། །དེ་ནས་སྤོར་བ་གནས་ཀྱི་བྲོ། །འགྲོ་དྲུག་སེམས་ཅན་དབྱིངས་སུ་བརྡུང་། །ཐབས་དང་ཤེས་རབ་ལྡན་བྱས་ནས། །གླུ་བྲོ་དམ་ཚིག་རྒྱལ་པོ་ཡིན། །བདེན་པར་བདུད་བཞི་འདུལ་བའི་བྲོ། །བྲོ་ནི་བར་ཆད་མེད་པར་བརྡུང་། །ལྟ་བ་དྲན་པར་བྱ་བའི་ཕྱིར། །གླུ་ནི་འདུ་འབྲལ་མེད་པར་བླང་། །དཀྱིལ་འཁོར་རང་ལ་གསལ་བའི་ཕྱིར། །ཚིག་ནི་སྙིང་པོ་འཛབ་ཏུ་བཟླས། །ཡེ་ཤེས་དཔལ་གྱི་བྲོ་ར་ཚུགས། །བདུད་དང་བར་ཆད་མིང་ཡང་མེད། །ཨ་ལ་ལ་ཧོ་དགེས་པ་ཆེ། །དེ་ལྟར་བྲོ་ལ་སྤྱན་དྲངས་གཟིར། །ཚར་བཅད་ནས་ཡོངས་སུ་རྫོགས་པའི་མཐར་དབྱུང་སྟེ། ཧཱུཾ་ཧཱུཾ་ཧཱུཾ། ཆེ་མཆོག་འཁོར་བཅས་རོལ་པའི་བྲོ། །དགྲ་བགེགས་དམ་སྲིའི་སྲོག་ལ་བརྡུང་། །བཛྲ་ཧེ་རུ་རོལ་པའི་བྲོ། །དགྲ་བགེགས་དམ་སྲིའི་སྙིང་ལ་བརྡུང་། །གཤིན་རྗེ་གཤེད་པོ་རོལ་པའི་བྲོ། །དགྲ་བགེགས་དམ་སྲིའི་ཀླད་ལ་བརྡུང་། །རྟ་མགྲིན་རྒྱལ་པོ་རོལ་པའི་བྲོ། །དགྲ་བགེགས་དམ་སྲིའི་ལྕེ་ལ་བརྡུང་། །རྡོ་རྗེ་གཞོན་ནུ་རོལ་པའི་བྲོ། །དགྲ་(༧༦ན)
བགེགས་དམ་སྲིའི་ལྟེ་བར་བརྡུང་། །བླ་མེད་ཧེ་རུ་རོལ་པའི་བྲོ། །དགྲ་བགེགས་དམ་སྲིའི་གསང་བ་བརྡུང་། །རིགས་འཛིན་ཐོད་རྩལ་འདུས་པའི་བྲོ། །དགྲ་བགེགས་དམ་སྲིའི་སྤྱི་བོར་བརྡུང་། །དྲེགས་པ་ཀུན་འདུལ་རོལ་པའི་བྲོ། །དགྲ་བགེགས་དམ་སྲིའི་བརླ་གཡས་བརྡུང་། །སྟོབས་ལྡན་ནག་པོ་རོལ་པའི་བྲོ། །དགྲ་བགེགས་དམ་སྲིའི་བརླ་གཡོན་བརྡུང་། །ཞི་ཁྲོ་བཀའ་བརྒྱད་རོལ་པའི་བྲོ། །གཡས་སུ་བསྐོར་ཏེ་དགྲ་ལ་བརྡུང་། །དགྲ་ཡང་དུམ་བུར་གཏུབ་པའི་བྲོ། །གཡོན་དུ་བསྐོར་ཏེ་བགེགས་ལ་བརྡུང་། །བགེགས་ཀྱང་ཕྱེ་མར་འཐག་པའི་བྲོ། །གཡས་གཡོན་ཐབས་དང་ཤེས་རབ་བྲོ། །རུ་ཏྲ་དམ་སྲི་ཐལ་བར་རློག །ཧཱུཾ་སྟམྦྷ་རཀྵ་ནན་བདུད་སྲི་མཱ་ར་ཡ་རྦད་ནན། ཁ་ལ་ཛ་མ་ལི་རྦད་ནན། ཤིག་ཤིག་དུམ་དུམ་རྦད་ནན། ཁྲམ་ཁྲམ་བྷྱོ་རྦད་ནན། རྨུགས་རྨུགས་རྦད་ནན། ཏིར་ཏིར་རྦད་ནན། ཚལ་དུ་ཚལ་དུ་རྦད་ནན། ཞེས་རྩ་སྔགས་དང་སྦྲེལ་ལ་བདུན་ནམ་ཉེར་གཅིག་བཟླས་ལ་ཕྱག་རྒྱ་དགྲོལ་ལོ། །དེས་ནི་བདུད་བགེགས་ཕུར་ཁ་དམ་སྲི་ཐམས་ཅད་ཐུབ་མྱོས་ཐུལ་ལོ། །སོ་གཅིག་པ་དངོས་གྲུབ་ཀྱི་སྣ་སེལ་དུ་རྒྱུན་བཤགས་ནར་མ་བྱ་བ་ནི། ཨཱོཾ་ཨཱཿཧཱུཾ། རྒྱལ་བ་ཞི་ཁྲོ་རྡོ་རྗེ་སློབ་དཔོན་དང་། །བདེ་གཤེགས་ཡོངས་རྫོགས་སྲུང་མ་དམ་ཚིག་ཅན། །སྐུ་གསུམ་གདུང་འཚོབ་རྡོ་རྗེ་ལྕམ་དྲལ་མཆེད། །དཔང་གྱུར་སྐྱབས་མཆོག་མ་ལུས་དགོངས་སུ་གསོལ། །བདག་ཅག་མ་རིག་ལུས་དང་ངག་སེམས་ཀྱིས། །སློབ་དཔོན་མཆེད་སོགས་སྐུ་སྨད་ཐུགས་དཀྲུགས་ཤིང་། །ཡི་དམ་སྔགས་དང་ཕྱག་རྒྱ་གསང་བ་བསྒྲགས། །རྩ་བའི་དམ་ལས་འགལ་གྱུར་མཐོལ་ཞིང་བཤགས། །ཤེས་བྱ་ལྔ་དང་སྤྱད་པར་བྱ་བ་ལྔ། །མི་སྤང་ལྔ་དང་བསྒྲུབ་པར་བྱ་བ་ལྔ། །(༧༦བ)
དང་ལེན་ལྔ་དང་ཡན་ལག་དམ་ཚིག་ཀུན། །ཉམས་གྱུར་རང་མནོང་འགྱོད་པས་མཐོལ་ཞིང་བཤགས། །སྔགས་ལ་ཐེ་ཚོམ་བླ་མེད་ཐེག་པ་སྨད། །ལྟ་སྤྱོད་ཡ་བྲལ་བསྙེན་སྒྲུབ་གཞུང་མ་སྲོང་། །ལོང་ཡོད་ལེ་ལོས་དུས་ཀྱི་མཆོད་པ་ཆག །སྡོམ་གསུམ་ཐུན་མོང་དམ་ཉམས་མཐོལ་ཞིང་བཤགས། །རིག་པའི་རྩལ་ཆུངས་སྙིང་པོའི་དོན་མ་རྟོགས། །སྒོམ་པའི་སྲན་ཆུངས་གནས་ལུགས་སོ་མ་ཐུབ། །བློ་ཡི་སྟོབས་ཆུངས་སྤྱོད་པས་བོགས་མ་ཐོན། །ལེགས་བསམ་སྤྱད་ཀྱང་དོན་ལོག་ཐུགས་འགལ་བསགས། །འབྲས་བུ་ཡིད་སྨོན་འགྱུར་བ་མཐོལ་ཞིང་བཤགས། །ཞེས་གོང་འོག་ཐམས་ཅད་ཀྱི་སྐབས་སུ་བཤགས་པ་བྱའོ། །སོ་གཉིས་པ་དངོས་གྲུབ་ཆེན་པོ་བླང་བ་ནི། །དོན་གཉིས་སུ་ཤེས་པར་བྱ་སྟེ། བཤམས་པའི་རྫས་དང་། དངོས་གྲུབ་བླང་ཐབས་དམིགས་པ་བསྐུལ་ཚིག་དང་བཅས་པའོ། །དང་པོ་དངོས་གྲུབ་རྫས་བཤམས་པ་ནི། ཀ་པཱ་ལ་མཚན་ལྡན་ཁ་སྦྱར་གཅིག་གི་ནང་དུ་ཕྱེ་མར་དཀར་གསུམ་མངར་གསུམ་སྦྱར་བའི་ལྡེ་གུའི་རྒྱུ་ལ། ཨ་མྲྀ་ཏ་ཚོམ་གཅིག་བཏབ་ལ། རིན་པོ་ཆེ་འབར་བའི་ཟུར་བརྒྱད་པ། ཨཱོཾ་ཨཱཿཧཱུཾ་གིས་མཚན་པ་གཅིག་བཅུག་ལ། དར་མཐིང་ནག་གིས་གྲིལ། གཟུངས་ཐག་བཏགས་ལ་ཕོ་བྲང་དབུས་སུ་གཙོ་བོའི་མདུན་དུ་བཞག་ག །གཞན་ཡང་རྒྱུ་དེ་ལ་སྤོད་བཏབ་བརྣལ་ཤ་ཆོད་པར་བྱས་ཏེ། ཚེའི་འབྲེང་རྒྱས་ཟླུམ་བརྗིད་བརྟན་པར་བྱ། མར་གྱིས་བརྒྱན། ཚེ་རིལ་གྱིས་བསྐོར། ཚེའི་སྲུང་མར་མར་དང་ཨ་མྲྀ་ཏ་སྦྱར་བའི་རྡོ་རྗེ་རྩེ་ལྔ་པ་ཧཱུཾ་གིས་མཚན་པ། ཡི་དམ་དུ་བསྐྱེད་པར་གཟུགས་སམ། ཡང་ན་རྟ་ཞལ་གཅིག་རྟ་མགྲིན་དུ་བསྐྱེད་ལ་བཞག །བུམ་ཆང་ལ་མཆེད་གྲངས་ཀྱི་མར་རིལ་(༧༧ན)
ཆང་ལ་བཏབ་པའི་ནང་དུ་གཟུངས་ཐག་བཏགས་ལ་བཞག །གཞན་ཡང་དངོས་གྲུབ་རྣམ་བཞི་མཚོན་ཕྱིར་ཟླུམ་༼ཨ༽པོ། །གྲུ་༼ས༽བཞི། ཟླ་༼ཨ༽གམ། གྲུ་༼ཧ༽གསུམ་དེ་དག་ཀྱང་རབ་རེ་རེ་མཆེད་གྲངས་ཐིམ་པ། འབྲིང་བཞི་སྡོངས་མཆེད་གྲངས་ཐིམ་པའམ། ཐ་མ་གསུམ་གསུམ་རྒྱུ་དེ་ཉིད་ལ་གཞན་ཡང་དྲིལ་བུ་དང་། ནས་འདྲ་དང་། ཡིད་ལ་འདོད་པའི་གཟུགས་བཅས་ཏེ། བསེ་ཁབ་བརྒྱད་དུ་སྩལ་ཏེ། དཔལ་གྱི་སྒོ་རྒྱན་གཡས་གཡོན་དུ་བཤམས། དེ་རྣམས་ཀྱི་ཟླ་ལ་ཤ་ཡིབས་ལ་སོགས་པ་བཙོས་པ། མངར་གསུམ་མདེའུ། ཤིང་ཏོག་སྨིན་པ་བདུད་རྩི་ཐོད་པ་གང་བ་བཞི་རྣམས་བཤམ་མོ། །དེ་འཛབ་དངོས་གྲུབ་སྙིང་པོ་ཀཱ་ཡ་སིདྡྷི་ཨཱོཾ། ཝཱཀྐ་སིདྡྷི་ཨཱཿ ཙིཏྟ་སིདྡྷི་ཧཱུཾ། ཞེས་སྟོང་ལ་སོགས་པ་བཟླས། སྟོང་ཚིགས་མཆོད་པ་ལ་བརྟེན་ནས། དངོས་གྲུབ་བླང་བ་ནི། སློབ་དཔོན་གྱི་དྲུང་དུ་སྣོད་བཟང་པོར་ཁྲག་གཙང་མ་ཆང་དང་སྦྱར་ལ། ཨ་མྲྀ་ཏ་སྦྱར་ལ། སློབ་དཔོན་བདག་ཡི་དམ་དུ་གསལ་བའི་ཐུགས་ཀ་ནས། ཨཱ་དམར་པོ་འཕྲོས་རཀྟ་ལ་ཕོག་པས་བདུད་རྩི་དམར་པོར་གྱུར། དེ་ལས་འོད་ཟེར་ཕྱོགས་བཅུར་འཕྲོས། ཁམས་གསུམ་མ་ལུས་བདུད་རྩིར་དམར་མེར་ཞུ། སླར་འདུས་བདག་ལ་ཐིམ་པས། སྐུ་གསུང་ཐུགས་ཀྱི་དངོས་གྲུབ་ཐོབ་པར་བསམ་ཞིང་། སྙིང་གའི་ཐད་ཀར་རཀྟ་བརླབས་ནས། ལྷ་མོ་པྲ་མོ་ཧ་ལ་སོགས་པས་དངོས་གྲུབ་སྟེར་བ། འདི་སྐད་བསྐུལ་ཏེ། ཁམས་གསུམ་སེམས་ཅན་ཐམས་ཅད་ཀྱི། །དུག་གསུམ་རྩ་བ་བཅད་ནས་ཀྱང་། །སྐུ་གསུང་ཐུགས་ཀྱི་དབྱིག་ཏུ་འབུལ། །སྐུ་གསུང་ཐུགས་ཀྱི་དངོས་གྲུབ་གསོལ། །དེ་ནས་བདག་ལྷའི་ང་རྒྱལ་དང་ལྡན་པའི་ཐུགས་ཀ་ནས། འོད་ཟེར་ལྕགས་ཀྱུ་ལྟ་(༧༧བ)
བུ་དུ་མ་སྤྲོས་ནས། འོག་མིན་ནས་བདེ་གཤེགས་ཐམས་ཅད་དཀྱིལ་འཁོར་དུ་སྤྱན་དྲངས། བཞུགས་པར་བསམས་ཏེ། དབྱངས་ཚིག་གསལ་བས་སྤྱན་དྲངས་ཏེ། ཧཱུཾ། འོག་མིན་དགའ་ལྡན་གནས་མཆོག་ནས། །བདེ་གཤེགས་སྲས་དང་བཅས་པ་རྣམས། །ཛཿཧཱུཾ་བཾ་ཧོཿས་སྤྱན་འདྲེན་ན། །འདིར་གཤེགས་འབར་བའི་གདན་ལ་བཞུགས། །ས་མ་ཡ་ཧེ། ས་མ་ཡ་སྟྭཾ། སརྦ་བུདྡྷ་སཏྭ་ཛཿ དེ་ནས་བདེ་གཤེགས་སྦྱོར་བ་མཛད་པའི་སྦྱོར་མཚམས་ནས། བྱང་ཆུབ་ཀྱི་སེམས་ཀྱི་སྤྲིན་ཕྱོགས་བཅུར་འཕྲོས་པ་ལས། འཕགས་པ་ཀུན་མཆོད། སླར་འདུས་མདུན་གྱི་ནམ་མཁའ་ལ་བདེ་གཤེགས་རྣམས་ཀྱི་སྐུ་གསུང་ཐུགས་ལ་ཐིམ་རབ་ཏུ་དགེས་པར་བསམས་ཏེ། ཚིག་འདིས་མཆོད། ཧཱུཾ། བདེ་གཤེགས་སྲས་བཅས་ཡབ་ཡུམ་རྣམས། །གཉིས་མེད་རོལ་པའི་མཁའ་དབྱིངས་སུ། །རཀྟ་དམར་དང་བདུད་རྩིས་མཆོད། །འཛབ་རྫོགས་མཆོད་འབུལ་དངོས་གྲུབ་གསོལ། །ས་མ་ཡ་ཧོཿ ས་མ་ཡ་སྟྭཾ། སརྦ་བུདྡྷ་ས་ཏྭ་ཛཿ མཧཱ་རཀྟ་པཉྩ་ཨ་མྲྀ་ཏ་ཁཱ་ཧི། ཞེས་འཐེབ་སྲིན་གྱིས་གཏོར་བས་གསོལ་བར་བསམ་མོ། །དེ་ནས་རཀྟའི་ལྷག་མ་ཀ་པཱ་ལ་གཅིག་བྱོ་ཞིང་། སླར་བླུག་པས། བདེ་གཤེགས་རྣམས་སྦྱོར་བ་མཛད་པའི་བྱང་ཆུབ་སེམས་མང་པོ་འདུས། བདག་གི་ལུས་ངག་ཡིད་གསུམ་ལ་ཐིམ་པས། སྐུ་གསུང་ཐུགས་ཀྱི་དངོས་གྲུབ་ཐོབ་པར་བསམ་ཞིང་བསྐུལ་བ་ནི། ཧཱུཾ། བདེ་གཤེགས་སྲས་བཅས་ཡབ་ཡུམ་རྣམས། །དང་པོ་ཡེ་ཤེས་བསྙེན་པའི་ལྷ། །བར་དུ་བདག་གི་ཡི་དམ་ལྷ། །ད་ལྟར་རང་དང་གཉིས་སུ་མེད། །གཉིས་མེད་རོལ་པའི་མཁའ་དབྱིངས་སུ། །དམ་ཚིག་གྲངས་ཀྱི་མཆོད་པ་དང་། །འཛབ་རྫོགས་(༧༨ན)
མཆོད་འབུལ་དངོས་གྲུབ་གསོལ། །ཞེས་བཟླས་པ་ཅི་རིགས་བྱ། རཀྟ་གོང་ལྟར་དབུལ་ལོ། །ཧཱུཾ། བདེ་གཤེགས་སྲས་བཅས་ཡབ་ཡུམ་གྱིས། །སྒྲུབ་མཆོག་རྣལ་འབྱོར་བདག་ཅག་ལ། །འཆི་མེད་ཚེ་ཡི་དངོས་གྲུབ་གསོལ། །འབྲལ་མེད་གཟུངས་ཀྱི་དངོས་གྲུབ་གསོལ། །ཐུན་མོང་དངོས་གྲུབ་སྣ་ཚོགས་གསོལ། །གཉིས་མེད་མཆོག་གི་དངོས་གྲུབ་གསོལ། །དངོས་གྲུབ་ངོ་བོ་མི་དམིགས་ཀྱང་། །སྔོན་གྱི་ཐུགས་དམ་དབང་གིས་ན། །ད་ལྟ་ཉིད་དུ་དངོས་གྲུབ་གསོལ། །དེ་ནས་རཀྟའི་སྣོད་དུ་བདེ་གཤེགས་ཡོངས་རྫོགས་སུ་གསལ་བའི་སྦྱོར་མཚམས་ནས། ཨཱོཾ་དཀར་པོ་ཨཾ་དམར་པོ་ཧཱུཾ་མཐིང་ཁ་དང་བཅས་པ་གནས་པར་བསམས་ཏེ། །བདག་གི་མཐེབ་སྲིན་ཉི་ཟླའི་དཀྱིལ་འཁོར་དུ་གསལ་བས་ལྕེ་ཐོག་ཏུ་བཞག་སྟེ། ཧཱུཾ། དཔལ་ལྡན་རྡོ་རྗེའི་སྐུ་འཆང་བ། །མི་ཕྱེད་རྡོ་རྗེའི་སྐུ་དང་ལྡན། །ད་ལྟ་བདག་བྱིན་རླབས་ནས་སུ། །རྡོ་རྗེའི་སྐུ་ཡི་དངོས་གྲུབ་གསོལ། །ཨཱོཾ་སརྦ་ཏ་ཐཱ་ག་ཏ་ཡ་བཛྲ་སྭ་བྷཱ་ཝ་ཨཱཏྨ་ཀོ྅ཧཾ། ཞེས་ལན་གཅིག་བཞག་པས། ཨཱོཾ་དཀར་པོ་སྤྱི་བོར་ཐིམ་པས། དཔལ་རྣམ་པར་སྣང་མཛད་མཚོན་གང་ཀླད་པའི་རྒྱས་སུ་བསམ། ཧཱུཾ། དཔལ་ལྡན་རྡོ་རྗེ་གསུང་འཆང་བ། །རྡོ་རྗེ་མི་ཕྱེད་གསུང་དང་ལྡན། །ད་ལྟ་བདག་བྱིན་རླབས་ནས་སུ། །རྡོ་རྗེའི་སྐུ་ཡི་དངོས་གྲུབ་གསོལ། །ཨཱོཾ་སརྦ་ཏ་ཐཱ་ག་ཏ་ཝཱཀྐ་བཛྲ་སྭ་བྷཱ་ཝ་ཨཱཏྨ་ཀོ྅ཧཾ། ལྕེ་ལ་བཞག་པས། ཨཾ་དམར་པོ། མགྲིན་པར་ཐིམ་པས་ལྕེ་རྩར་འོད་དཔག་མེད་མཚོན་གང་པ་གཅིག་གནས་པར་བསམ་མོ། །ཧཱུཾ། དཔལ་ལྡན་རྡོ་རྗེ་ཐུགས་འཆང་བ། །མི་ཕྱེད་རྡོ་རྗེ་ཐུགས་དང་ལྡན། །ད་ལྟབདག་བྱིན་རླབས་ནས་སུ། །རྡོ་རྗེའི་སྐུ་ཡི་དངོས་གྲུབ་གསོལ། །ཨཱོཾ་སརྦ་ཏ་ཐཱ་ག་ཏ་ཙིཏྟ་(༧༨བ)
བཛྲ་སྭ་བྷཱ་ཝ་ཨཱཏྨ་ཀོ྅ཧཾ། ལན་གཅིག་བླངས་པས་སྙིང་གའི་གནས་སུ་རྡོ་རྗེ་སེམས་དཔའ་མཚོན་གང་པ་གཅིག་གནས་པར་བསམ་མོ། །དེ་ནས་སྨོན་ལམ་བཏབ་པ་ནི། སྐུ་རྡོ་རྗེ་གསུང་རྡོ་རྗེ་ཐུགས་རྡོ་རྗེ་སྐུ་གསུང་ཐུགས་རྡོ་རྗེ་ལྟ་བུར་ལྷུན་གྱིས་གྲུབ་པའི་དངོས་གྲུབ། བདག་གསང་མཚན་ཆེ་གེ་མོ་ལ་ཚེ་ཕྱི་མའམ་དུས་ཕྱི་མར་མ་འགྱངས་པར་ད་ལྟ་ཉིད་དུ་ཐོབ་པར་གྱུར་ཏེ། བདུད་དང་བར་ཆད་ཅིས་ཀྱང་མི་ཚུགས་པར། ཕྱག་རྒྱ་ཆེན་པོ་མཆོག་གི་དངོས་གྲུབ་ཐོབ་པར་གྱུར་ཅིག །ཅེས་པའི་རྗེས་སུ་རཀྟ་ལྷག་མ་རྣམས་བསྡུས་ཏེ་བཞག་གོ །དེ་ཡན་ཆད་ཀྱིས་སྟོང་ཚིགས་ཀྱིས་མཆོད་པ་ལ་བརྟེན་ནས་དངོས་གྲུབ་བླངས་པའོ། །དེ་ནས་དངོས་གྲུབ་ཡོངས་རྫོགས་བླང་བར་བསྐུལ་བ་ནི། ཧཱུཾ། བདེ་གཤེགས་ཡོངས་རྫོགས་དགོངས་སུ་གསོལ། །དེང་སང་སྐྱ་རེངས་དང་པོ་ཤར་དུ་ཉེ། །རྡོ་རྗེ་སྲིན་པོའི་ནམ་ཡང་ལངས་སུ་ཉེ། །བཟླས་བརྗོད་བསྙེན་པའི་གྲངས་ཀྱང་ཐེམས་ལགས་སོ། །བསྙེན་སྒྲུབ་ཞག་གྲངས་ཚང་ངོ་དངོས་གྲུབ་གསོལ། །ཐུན་མོང་མ་ཡིན་ཁྱད་པར་གཅིག་པ་ཡི། །རྒྱལ་བའི་དཔལ་མགོན་ཐུགས་ཀྱི་དཔལ་བེའུ་ནས། །བྱང་ཆུབ་སེམས་ཀྱི་ཐིག་ལེ་འོད་འཕྲོ་ཞིང་། །སྐལ་ལྡན་བདག་ལ་དངོས་གྲུབ་སྩལ་དུ་གསོལ། །ཧཱུཾ། ནམ་མཁའི་མཐའ་དང་མཉམ་པའི་སྐུ་མངའ་བ། །མི་འཇིགས་སྐུ་ཡི་དངོས་གྲུབ་སྩལ་དུ་གསོལ། །ཆགས་མེད་པདྨ་ལྟ་བུའི་ལྗགས་མངའ་བ། །འགག་མེད་གསུང་གི་དངོས་གྲུབ་སྩལ་དུ་གསོལ། །འགྲོ་དྲུག་ཐུགས་རྗེས་ཡོངས་སྒྲོལ་ཐུགས་མངའ་བ། །སྐྱེ་མེད་ཐུགས་ཀྱི་དངོས་གྲུབ་སྩལ་དུ་གསོལ། །འགྲོ་བའི་རེ་སྐོང་རིན་ཆེན་ལྟ་བུ་ཡིས། །ཡོན་ཏན་རིན་ཆེན་གཏེར་གྱི་དངོས་གྲུབ་སྩལ་དུ་གསོལ། །འགྲོ་དོན་ལྷུན་གྲུབ་གཉིས་མེད་ངང་དུ་སྒྲོལ། །འཕྲིན་ལས་ཐོགས་མེད་དངོས་གྲུབ་སྩལ་དུ་གསོལ། །དངོས་གྲུབ་(༧༩ན)
སྩལ་དང་སྩོལ་བར་མི་དམིགས་ཀྱང་། །སྔོན་གྱི་ཐུགས་དམ་ཆེན་པོའི་བྱིན་རླབས་ཀྱིས། །དུས་ལས་མི་འདའ་རྡོ་རྗེ་དམ་ཚིག་ཅན། །སྐྱབས་ལ་མི་གཡེལ་གཡར་དམ་གཅིག་པའི་མཆེད། །ཡེ་ཤེས་ལྷ་ཁྱེད་བདག་ལ་དངོས་གྲུབ་གསོལ། །ཧཱུཾ། ཆེ་མཆོག་ཡོན་ཏན་ཡོངས་རྫོགས་འདིར་གཤེགས་དགོངས། །ཡོན་ཏན་དོན་ནི་མ་བཙལ་ཡེ་གྲུབ་ཅིང་། །ཧེ་རུ་ཀཿདཔལ་སྐུ་གསུང་ཐུགས་མཆོག་དང་། །བདག་དང་འགྲོ་རྣམས་ལུས་དང་ངག་ཡིད་རྣམས། །ཡེ་ནས་དབྱེར་མེད་དབྱིངས་སུ་རོ་གཅིག་ཀྱང་། །མ་རྟོགས་འཁྲུལ་པས་འཁོར་བར་འཁྱམས་ལགས་ན། །འཁོར་བ་ཉིད་ཀྱང་ཡེ་ནས་མྱ་ངན་འདས། །སྐྱེ་ཤི་གཉིས་ཀྱང་ཡེ་ནས་བྱང་ཆུབ་ལམ། །མཉམ་ཉིད་དོན་ལ་མ་སྐྱེས་ཆོས་ཀྱི་སྐུ། །ཆེ་མཆོག་དཀྱིལ་འཁོར་དངོས་གྲུབ་དམ་པ་དེ། །སྒྲུབ་མཆོག་རྫས་ལ་བརྟེན་ནས་ད་ལྟ་སྩོལ། །ཧཱུཾ། ཡང་དག་ཐུགས་ལྷ་ཡོངས་རྫོགས་འདིར་གཤེགས་དགོངས། །ཡང་དག་དོན་འདི་འགྲེ། ཧེ་རུ་ཀ་༝། །བདག་དང་འགྲོ་རྣམས་༝། །ཡེ་ནས་༝། །མ་རྟོགས་༝། །འཁོར་བ་༝། །སྐྱེ་ཤི་༝། །མཉམ་ཉིད་༝། །ཐུགས་ཀྱི་དཀྱིལ་འཁོར་དངོས་གྲུབ་དམ་པ་དེ། །སྒྲུབ་མཆོག་རྫས་ལ་༝། །ཧཱུཾ། འཇམ་དཔལ་སྐུ་ལྔ་ཡོངས་རྫོགས་༝། །སྐུ་མཆོག་དོན་འདི་འགྲེས་ཤེས་པར་བྱའོ། །ཧཱུཾ། པདྨ་ཡོངས་རྫོགས་ལྷ་ཚོགས་༝། །ཧཱུཾ། འཕྲིན་ལས་ཕུར་ལྷ་ཡོངས་རྫོགས་ལྷ་༝། །ཧཱུཾ། མ་མོ་རྦོད་གཏོང་ཡོངས་རྫོགས་ལྷ་༝། །མ་ནི་སྐྱེ་མེད་མོ་ནི་འགག་པ་མེད། །སྐྱེ་འགག་གཉིས་མེད་བླ་མེད་ཧེ་རུ་ཀཿ། །སྣང་སྲིད་མ་མོ་དབང་འདུས་དངོས་གྲུབ་སྩོལ། །ཧཱུཾ། རིགས་འཛིན་སློབ་དཔོན་ཡོངས་རྫོགས་༝། །རིགས་ནི་མ་ནོར་འཛིན་ནི་མ་བཅོས་པ། །མ་ནོར་མ་བཅོས་རིགས་འཛིན་ཐོད་(༧༩བ)
པ་རྩལ། །ཆོས་སྒོ་མཐའ་དག་ཡོངས་རྫོགས་དངོས་གྲུབ་སྩོལ། །ཧཱུཾ། འཇིག་རྟེན་མཆོད་ལྷ་ཡོངས་རྫོགས་འདིར་གཤེགས་དགོངས། །ཀུན་ནི་འཁོར་འདས་མ་ལུས་འདུལ་ཟང་ཐལ། །འཁོར་འདས་ཟང་ཐལ་དྲེགས་པ་ཀུན་གྱི་གཙོ། །སྡེ་བརྒྱད་བྲན་དུ་འཁོལ་བའི་དངོས་གྲུབ་སྩོལ། །ཧཱུཾ། སྟོབས་ལྡན་སྔགས་ལྷ་ཡོངས་རྫོགས་༝། །རྟོགས་པའི་སྟོབས་ལས་ཡེ་ཤེས་མངོན་གྱུར་ལྡན། །རྟོག་པ་མངོན་གྱུར་སྟོབས་ལྡན་ནག་པོ་ཡིས། །དགྲ་བགེགས་མྱུར་དུ་སྒྲོལ་བའི་དངོས་གྲུབ་སྩོལ། །སྒོས་སྒྲུབ་ལ་མོས་པ་རང་རང་གི་ལུགས་བཞིན་འཕྲུལ་བས་ཆོག་གོ །དེ་ནས་ཕོ་བྲང་དགུ་འདུས་ཀྱི་དངོས་གྲུབ་བླང་བ་ནི། །རྣལ་འབྱོར་པ་རྣམས་དཀྱིལ་འཁོར་བསྐོར་ཞིང་འདི་སྐད་དོ། །ཧཱུཾ། དུར་ཁྲོད་གསང་བ་མཆོག་གི་དཀྱིལ་འཁོར་དུ། །ཡེ་ཤེས་འབར་བའི་ཀློང་གི་དཀྱིལ་འཁོར་དགུ། །དཔལ་ཆེན་ཀློང་གི་དཀྱིལ་འཁོར་ཆེན་པོ་ནས། །དཔལ་ཆེན་ཧེ་རུ་དགུ་ནི་དབྱིངས་ནས་བཞེངས། །ཡུམ་ཆེན་ཁྲོ་མོ་དགུ་ནི་སྐུ་ལ་འཁྲིལ། །ཐིག་ལེ་དགུ་ནི་དབྱིངས་ནས་གསལ་བར་འདྲེན། །བྷནྡྷ་མཚན་ལྡན་དགུ་ནི་ལྕང་ལོར་བཅས། །ཟླ་གམ་དགུ་ནི་རཀྟ་འཁྲུག་པའི་དཀྱིལ། །མར་མེ་དགུ་ནི་ཡེ་ཤེས་འོད་གསལ་འབར། །རྡོ་རྗེ་དགུ་ནི་མཛེས་པའི་གུར་དང་ལྡན། །རྩེ་དགུ་ནས་ནི་ཉི་ཟླ་དགུ་ཡང་འཆར། །སུ་ལ་མ་ཤར་སྒྲུབ་མཆོག་བདག་ལ་ཤར། །སེམས་ཉིད་གསལ་བའི་ཉི་མ་ཐུགས་སུ་ཤར། །བཀའ་གསང་ཐུགས་ཀྱི་དཀྱིལ་འཁོར་དམ་པ་འདིར། །བམ་རིམ་བཟང་པོ་དག་ལ་རྟེན་བཅས་ནས། །ཟླ་གམ་དམར་པོའི་སྟེང་དུ་དབང་ནོས་ཤིང་། །མར་མེ་དགུ་པ་དག་ལ་མདངས་ཕྱུངས་ཏེ། །མཚན་ལྡན་བྷནྡྷ་དག་ལ་ཐ་ཚིག་དགོད། །སྐུ་གསུང་ཐུགས་ཀྱི་དངོས་གྲུབ་སྩལ་དུ་གསོལ། །(༨༠ན)
ཟླ་གམ་དམར་པོ་དབང་གི་དཀྱིལ་འཁོར་དུ། །གསང་བ་ཡུམ་ཆེན་དགུ་ཡི་མཁའ་དབྱིངས་ནས། །མ་ཆགས་རང་གསལ་ཡེ་ཤེས་མར་མེ་དགུ། །དཔལ་ཆེན་དགུ་ཡི་ཐུགས་དམ་བསྐང་བའི་ཕྱིར། །གཙོ་མཆོག་དགུ་ཡི་དངོས་གྲུབ་སྩལ་དུ་གསོལ། །ཐབས་དགུ་ཡུལ་དགུ་ཕྱག་རྒྱ་དགུ་རུ་སྤེལ། །ཐབས་དང་ཤེས་རབ་ཚུལ་དུ་མཆོད་པར་འབུལ། །ཟླ་གམ་ཚུལ་དུ་འོད་ཟེར་འཕྲོ་ཞིང་བསྣོལ། །སྐུ་གསུང་ཐུགས་ཀྱི་དངོས་གྲུབ་སྩལ་དུ་གསོལ། །ནམ་མཁའི་མཐའ་ཀླས་ཆོས་ཀྱི་དབྱིངས་ལ་མཁས། །མ་ཆགས་སྤྱན་སྔར་གྲུབ་པས་སེམས་ཅན་གཟིགས། །ཀུན་ནས་འདུས་པ་མ་ལུས་འདིར་གཤེགས་ཤིག །སྐྱ་རེངས་དང་པོ་ཤར་དུ་ཉེ་བའི་དུས། །ལས་ཀྱི་སེམས་དཔའི་དངོས་གྲུབ་ད་སྩོལ་ཅིག །རྡོ་རྗེ་ནམ་མཁར་གསལ་བ་རྒྱུ་དུས་འདིར། །ཡེ་ཤེས་སེམས་དཔའི་དངོས་གྲུབ་ད་སྩོལ་ཅིག །རྡོ་རྗེ་སྒྲུབ་པའི་ནམ་ནི་ལངས་ལ་ཁད། །རྡོ་རྗེ་དབྱིངས་ཀྱི་དངོས་གྲུབ་འོང་རེ་རན། །རྡོ་རྗེ་སྒྲུབ་པའི་ནམ་ནི་ལངས་སུ་ཉེ། །ཆེ་མཆོག་དཔལ་དགུའི་དངོས་གྲུབ་འོང་རེ་རན། །བཟླས་བརྗོད་གྲངས་ཚང་བསྙེན་སྒྲུབ་ཞག་ཀྱང་ཐེམས། །རྡོ་རྗེ་ནམ་ལངས་ཡོངས་རྫོགས་དངོས་གྲུབ་བསྡུས། །སྐུ་གསུང་ཐུགས་ཀྱི་དངོས་གྲུབ་སྩལ་དུ་གསོལ། །ཨ་བེ་ཤ་ཡ་ཨཿ བདེ་གཤེགས་ཞི་ཁྲོ་ཡོངས་རྫོགས་ཀྱི་ལྷ་ཐམས་ཅད་ཀྱི་སྐུ་གསུང་ཐུགས་ལས་དངོས་གྲུབ་ཀྱི་རང་བཞིན་ཨཱོཾ་དཀར། ཨཾ་དམར། ཧཱུཾ་མཐིང་། འོད་དང་བཅས་ཏེ་རང་གི་སྤྱི་གཙུག་མགྲིན་པ་སྙིང་གར་ཐིམ་ནས། ལྷ་དང་གཉིས་མེད་དུ་མོས་པར་བྱའོ། །སོ་གསུམ་པ་དཔོགས་ཆོག་གི་དངོས་གྲུབ་ནན་གྱིས་བླང་བ་ནི། བསྙེན་སྒྲུབ་ཀྱི་རྟགས་བཟང་པོ་གང་ཡང་རུང་བ་མ་བྱུང་ན། བསྙེན་པ་ནས་དངོས་གྲུབ་བླང་(༨༠བ)
བའི་བར་ཡན་ཆད་ལན་གསུམ་དཔོགས་ལ་གནད་འབེབས་འདིའི་རྗེས་སུ་བྱའོ། །ལྟས་བཟང་ངམ་དུས་བསྙེན་ཡིན་ན་གོང་གི་དངོས་གྲུབ་བསྐུལ་བ་རྫོགས་རྗེས་སུ། ལྷ་གནད་ལ་དབབ་ཅིང་དངོས་གྲུབ་བསྐུལ་ཏེ། རྣལ་འབྱོར་པ་ཐམས་ཅད་དཀྱིལ་འཁོར་ལ་བསྐོར་ཞིང་གདུང་སེམས་བསྐྱེད་ལ་རོལ་མོ་བསྒྲགས་ཤིང་འདི་སྐད་དོ། །ཧཱུཾ། ང་ནི་དཔལ་ལྡན་རྡོ་རྗེ་འཆང་། །ཐུགས་ཀྱི་འཁོར་ལོ་རབ་སྒྱུར་ཞིང་། །རྡོ་རྗེ་རིགས་འཛིན་འཁོར་དང་བཅས། །ཐུགས་དམ་དབང་གིས་སྤྱན་འདྲེན་ནོ། །དམ་ཚིག་དབང་གིས་ཚུལ་བཞིན་གཤེགས། །དམ་ཚིག་ཚུལ་བཞིན་མ་གཤེགས་སམ། །གྲུབ་མཆོག་དངོས་གྲུབ་མ་སྩལ་ན། །སྐུ་གསུང་ཐུགས་དང་འགལ་བར་འགྱུར་རོ། །ཞིག་པར་འགྱུར་བར་གདོན་མི་ཟ། །ཧཱུཾ། ང་ནི་དཔལ་ལྡན་འཁོར་ལོ་འཆང་། །སྐུའི་བདེ་གཤེགས་དེས་འགྲེ། ཧཱུཾ། ང་ནི་དཔལ་ལྡན་རིན་ཆེན་འཆང་། །རིན་ཆེན། རིན་ཆེན་རིགས། ཧཱུཾ། ང་ནི་དཔལ་ལྡན་པདྨ་འཆང་། །གསུང་གི་༝། །པདྨ་རིགས། ཧཱུཾ། ང་ནི་དཔལ་ལྡན་རྒྱ་གྲམ་འཆང་། །ལས་ཀྱི་འཁོར་ལོ། ཡུམ་རྣམས་བསྐུལ་ཏེ་དངོས་གྲུབ་བསྡུ་བ་ནི། ཧཱུཾ། ཤར་ཕྱོགས་པ་ཡི་རྟོག་པ་རྣམ་དག་མ། །རྟ་གདོང་དཀར་མོ་དུང་གི་མཆེ་གཤོག་ཅན། །རྡོ་རྗེ་རིགས་ཀྱི་དངོས་གྲུབ་མཐའ་ནས་བསྡུས། །གྲུབ་མཆོག་རྣལ་འབྱོར་བདག་ལ་སྩལ་དུ་གསོལ། །ཧཱུཾ། ལྷོ་ཕྱོགས་ཆུ་ཡི་རྣམ་དག་མ། །གཡུ་གདོང་སྔོན་མོ་གཡུའི་མཆེ་གཤོག་ཅན། །རིན་ཆེན་རིགས་༝། །སྒྲུབ་མཆོག་༝། །ཧཱུཾ། ནུབ་ཕྱོགས་མེ་ཡི་རྣམ་རྟོག་༝། །བསེ་གདོང་དམར་མོ་བསེའི་༝། །པདྨ་རིགས་༝། །གྲུབ་མཆོག་༝། །ཧཱུཾ། བྱང་ཕྱོགས་རླུང་གི་རྣམ་རྟོག་༝། །མུ་མེན་ལྗང་གདོང་མུ་མེན་(༨༡ན)
མཆེ་གཤོག་ཅན། །ལས་ཀྱི་༝། །སྒྲུབ་མཆོག་༝། །དེས་ཐུན་མོང་དངོས་གྲུབ་བསྐུལ་བ་ནི། །ཞི་རྒྱས་དབང་དྲག་ལས་བཞི་གང་འདོད་དང་། །མིག་སྨན་རིལ་བུ་རྐང་མགྱོགས་རོ་ལངས་དང་། ཚེ་རིང་ཆོས་སྲིད་ནོར་དང་ཟས་ལ་སོགས་ཐུན་མོང་དངོས་གྲུབ་མ་ལུས་བདག་ལ་སྩོལ། །དེ་ནས་མཆོག་གི་དངོས་གྲུབ་བསྐུལ་བ་ནི། །ཧཱུཾ། ཆོས་སྐུ་མཆོག་ལས་ཀུན་འབྱུང་ལོངས་སྤྱོད་རྫོགས། །འགྲོ་དོན་ལྷུན་གྲུབ་སྤྲུལ་སྐུ་གཅིག་གི་ངང་། །མ་བཅོས་གཉིས་མེད་སྐུ་གསུམ་ལྷུན་གྱིས་རྫོགས། །མཆོག་གི་དངོས་གྲུབ་བདག་ལ་སྩལ་དུ་གསོལ། །དེ་ནས་བདུད་རྩི་བུམ་གཅིག་ལ་དམིགས་ཏེ། རྣལ་འབྱོར་པ་རྣམས་ལངས་ཏེ། ལག་པ་གཡས་གཡོན་གྱི་མཐེབ་སྲིན་རྩེ་སྤྲད། ལྷག་མ་གསུམ་བསྒྲེང་། རྩེ་གསུམ་ཕྱག་རྒྱ་བཅའ། གཡས་འཕྲེང་བ་བགྲང་ཞིང་དངོས་གྲུབ་བདུད་རྩི་སྦྱངས་ཕྱིར་ཀུན་ཀྱང་མགྲིན་གཅིག་སྔགས་འདི་ཉེར་རེའམ་གང་ལྕོགས་བཟླས་ཏེ། ཨཱོཾ་ཨཱཿཧཱུཾ་སརྦ་པཉྩ་ཨ་མྲྀ་ཏ་ཧཱུཾ་ཛྙཱ་ན་ཨ་ཛ་སྥ་ར་ན་ཕཊ། སཾ་ཧ་ར་ན་ཧཱུཾ་ཧྲཱིཿཐ། འབྲུ་ལྔ་མོས་བསྐོར། སྦྱར་ལ་འབྲུས་པའི་ཏིང་ངེ་འཛིན་ནི་དངོས་གྲུབ་ཀྱི་སྣོད་ཀ་པཱ་ལ་ཁོར་ཡུག་ཙམ་གྱི་ནང་དུ། ཉི་ཟླའི་སྟེང་དུ་དབུས་བྱང་སེམས། ཤར་དྲི་ཆེན། ལྷོ་མཾ་ས། ནུབ་རཀྟ། བྱང་དྲི་ཆུ། དེ་ལས་ཨཱོཾ་ཨཱཿཧཱུཾ་སྭཱཧཱ། བཀོད་དོ། །དེ་ལས་འོད་འཕྲོས་འཕགས་པ་མཆོད། སེམས་ཅན་ཀུན་གྱི་དོན་བྱས། སླར་འདུས་པས་རིགས་ལྔའི་ཕྱག་མཚན་དུ་གྱུར། །ཡང་འོད་འཕྲོས་འདུས་པས་སྐུ་ལྔར་གྱུར། །དེ་ལས་ཀྱང་འོད་འཕྲོས་འདུས་པས་དངོས་གྲུབ་ཀྱི་ངོ་བོའི་བདུད་རྩི་དཀར་པོ་དྲི་མ་མེད་པར་བསམ། དེ་ནས་དངོས་གྲུབ་བསྐྱིལ་བ་ནི། བདུད་རྩི་ཐལ་(༨༡བ)
སྦྱོར་གྱི་ཕྱག་རྒྱ་བཅས་ཏེ་ཐམས་ཅད་མགྲིན་གཅིག་ཏུ་བསྡེབས་ཏེ། ཨཱོཾ་ཨཱཿཧཱུཾ་སརྦ་པཉྩ་ཨ་མྲྀ་ཏ་ཀུཎྜ་ལི་ཧཱུཾ་ཧྲཱིཿཐ་ཞེས་ཅི་ནུས་བཟླས་ཤིང་ཏིང་ངེ་འཛིན་ནི་དངོས་གྲུབ་ཀྱི་རྫས་ཐམས་ཅད་ཀྱི་ཐད་ཀ་བར་སྣང་ལ་ལྷ་རྣམས་སྦྱོར་བ་མཛད་པའི་སྦྱོར་མཚམས་ནས། འོད་ཟེར་ཕྱོགས་བཅུར་འཕྲོས། འཕགས་པ་མཆོད། སེམས་ཅན་གྱི་དོན་བྱས་ཚུར་འདུས་པས། སོ་སོའི་ཡུམ་གྱི་མཁར་དངོས་གྲུབ་ཀྱི་ངོ་བོ་བདུད་རྩི་དཀར་པོའི་ཁུ་བ་མང་པོར་འཁྱིལ་བར་བསམ་མོ། །དེ་ནས་ཀ་པཱ་ལའི་རྫས་ལ་བདུད་རྩིའི་དངོས་གྲུབ་དབབ་པར་བྱ་སྟེ། རྣལ་འབྱོར་པ་རྣམས་ཕྱག་རྒྱ་ནམ་མཁའ་ནས་རྫས་ལ་དབབ་པའི་བརྡ་བྱ་སྟེ། མགྲིན་གཅིག་ཏུ་འདི་སྐད་དོ། །ཨཱོཾ་ཨཱཾཿཧཱུཾ་སརྦ་པཉྩ་ཨ་མྲྀ་ཏ་མེ་པྲ་བེ་ཤ་ཡ་སིདྡྷི་ཕེབས་ཕེབས་ཧཱུཾ་ཧྲཱིཿཐ། ཞེས་ཉེར་གཅིག་བཟླས་ཤིང་ཏིང་ངེ་འཛིན་ནི་ཡུམ་གྱི་བྷ་ག་ནས་དངོས་གྲུབ་ཀྱི་ངོ་བོ་བདུད་རྩིའི་ཆར་བཞིན་བབས་ནས་རྫས་ལ་སིབ་སིབ་ཐིམ་པར་བསམ་མོ། །དེ་ནས་བགེགས་བརླགས་རྩོད་པ་བསྲུང་ཕྱིར་རྣལ་འབྱོར་པ་རྣམས་གུང་མོ་དང་། སྲིན་ལག་མཐེབ་ཏུ་སྤྲད་དེ། རྟ་མགྲིན་དུ་བསྐྱེད། དེ་ནས་རྐང་པ་བྲོ་འཁྲིག་ཅིང་། ཨཱོཾ་ཨཱཾཿཧཱུཾ་སརྦ་པཉྩ་ཨ་མྲྀ་ཏ་ཧ་ཡ་གྲཱྀ་བ་པདྨ་པདྨ་ཧྲཱིཿ བནྡྷ་བནྡྷ་ཧྲཱིཿཧཱུཾ་ཧྲཱིཿཐ། ཞེས་དཔལ་རྟ་མགྲིན་གྲངས་མེད་པས་དཀྱིལ་འཁོར་དང་གནས་ཕྱི་ནང་མེད་པར་ཁེངས་ནས་བར་ཆད་བསྲུང་བར་བསམ་མོ། །དེ་ནས་དངོས་གྲུབ་བདག་ལ་བསྡུ་བ་ནི། རྣལ་འབྱོར་པ་རྣམས་ཐལ་སྦྱོར་གྱེན་དུ་བཟེད་ལ། གྲལ་གཞིབས་ཏེ་ཕྱག་བརྡ་ནང་དུ་གཡོབ་ཅིང་འདི་སྐད་དོ། །ཨཱོཾ་ཨཱཾཿཧཱུཾ་སརྦ་པཉྩ་ཨ་མྲྀ་ཏ་ར་ས་ཡ་ན། ཏ་ན་ཛ་ཡ། གུ་ཡ་སིདྡྷི་སརྦ་སིདྡྷི་སིདྡྷི་ཧཱུཾ་ཧྲཱིཿཐ། ཉེར་གཅིག་བཟླས་ཤིང་ཏིང་ངེ་འཛིན་ནི། (༨༢ན)
དངོས་གྲུབ་ཀྱི་ངོ་བོ་བདུད་རྩིའི་རྒྱ་མཚོ་ཐམས་ཅད། བདག་གི་ཐུགས་ཀར་འུབ་འུབ་འདུས་ཤིང་ཐིམ་ནས་སྐུ་གསུང་ཐུགས་ཀྱི་དངོས་གྲུབ་ཡོངས་རྫོགས་སུ་ཐོབ་པར་བསམ་མོ། །ངེས་པར་ཡང་ཐོབ་པར་བསམ་མོ། །དེ་མ་ཐག་ཏུ་མཚམས་གཅོད་དམིགས་པས། ཁྲོ་བཅུའི་སྔགས་བཟླས་ཤིང་། བགེགས་བསྐྲད་དེ། རིངས་པར་རིངས་པར་དངོས་གྲུབ་ཀྱི་རྫས་ཟས་ཕུད་ཅུང་ཟད་གཅིག་ཞལ་དུ་གསོལ་ལོ། །གྲལ་རིམ་པར་བསྡད་དེ་ཀ་པཱ་ལ་ཁ་སྦྱར་བླངས་ཏེ་ཀ་པཱ་ལ་གཉིས་པོ་དངོས་གྲུབ་ཀྱི་ཆང་གིས་བཀང་ལ། ཨ་མྲྀ་ཏ་ཅུང་ཟད་གཅིག་ཕུད་ལ་སྩལ་ཏེ། ཕྱག་རྒྱ་བསྒྱུར་ཅིང་སྲིན་མཐེབ་ཀྱིས་ཡོངས་རྫོགས་ལྷ་ཚོགས་ལ་སྨན་མཆོད་བྱའམ། སོ་སོའི་སྔགས་ཀྱི་ཤམ་བུར་མཧཱ་པཉྩ་ཨ་མྲྀ་ཏ་ཁ་རཾ་ཁཱ་ཧི། ཞེས་གཏོར་རྗེས་སུ། ཀཱ་ཡ་སིདྡྷི་ཨོཾ། ཝཱཀྐ་སིདྡྷི་ཨཱཿ ཙིཏྟ་སིདྡྷི་ཧཱུཾ་ཞེས་བདུད་རྩི་བཏུང་། ཕྱག་རྒྱ་བསྣོལ་ཞིང་ལན་གསུམ་བསྐོར་ཞིང་བཏུང་། བསྣོལ་ཚིག་གང་ལ་དབབ་པར་བཟང་། དེ་ནས་ཞལ་ཟས་འབྲང་རྒྱས་ལ་སོགས་པ་རྣམས་བགོས་ཏེ། ཆ་གཅིག་བླ་མ་ལ་དྲངས། ཆ་གཅིག་རིགས་འཛིན་ལ་ཕུད་དུ་བཞག །ཆ་གཅིག་ཐམས་ཅད་མཉམ་པོར་བགོས་ཏེ། ཡོག་ཚད་དུ་རོལ་བ་ལས་མི་ལ་མི་སྦྱིན་པ་གལ་ཆེའོ། །རྗེས་ཏིང་ངེ་འཛིན་ནི་རང་དངོས་གྲུབ་ཐམས་ཅད་འདུས་པའི་ལུས་རྣམས་ལྷ་རྣམས་ཡོངས་སུ་རྫོགས་པར་གཉིས་མེད་སྐུ་བསྒོམ། རྡོ་རྗེའི་གོ་གོན་མེ་དཔུང་ཀློང་ན་བཞུགས་པར་བསམ་མོ། །གཏང་རག་ཏུ་སྨན་ཆེ་བའི་ཡོན་ཏན་བརྗོད་དེ་སྨན་མཆོད་བྱའོ། །སོ་བཞི་པ་བཀྲ་ཤིས་བྱ་བ་ནི། མཆེད་རྣམས་གཡས་མདའ་དར་གཡོན་མར་ཆང་ཞལ་བུ་རེ་ཐོགས་ལ་འཆམ་ཞིང་འདི་(༨༢བ)
སྐད་དོ། །ཧོ་རྣམ་སྣང་བཀྲ་ཤིས་ཆོས་དབྱིངས་ཡེ་ཤེས་སྐུ། །བཀྲ་ཤིས་དེས་ཀྱང་དེང་འདིར་བདེ་ལེགས་ཤོག །རྡོར་སེམས་བཀྲ་ཤིས་མེ་ལོང་ཡེ་ཤེས་སྐུ། །བཀྲ་ཤིས་༝། །རིན་འབྱུང་བཀྲ་ཤིས་མཉམ་ཉིད་ཡེ་ཤེས་སྐུ། །བཀྲ་ཤིས་༝། །མཐའ་ཡས་བཀྲ་ཤིས་ཀུན་རྟོག་ཡེ་ཤེས་སྐུ། །བཀྲ་ཤིས་༝། །དོན་གྲུབ་བཀྲ་ཤིས་ནན་ཏན་ཡེ་ཤེས་སྐུ། །བཀྲ་ཤིས་༝། །ཧོ་ཆེ་མཆོག་ཧེ་རུ་ཡོན་ཏན་ལྷུན་གྲུབ་དཔལ། །ཡིད་བཞིན་གཏེར་གྱི་བཀྲ་ཤིས་བདག་ལ་ཤོག །བཛྲ་ཧེ་རུ་རང་བྱུང་ཐུགས་ཀྱི་དཔལ། །སྐྱེ་མེད་ཐུགས་ཀྱི་༝། །འཇམ་དཔལ་གཤིན་རྗེ་སྣང་སྲིད་སྐུ་ཡི་དཔལ། །འགྱུར་མེད་སྐུ་ཡི་བཀྲ་ཤིས་བདག་ལ་ཤོག །དབང་ཆེན་རྟ་མཆོག་ཆོས་སྒོ་འདུས་པའི་དཔལ། །འགག་མེད་གསུང་གི་༝། །རྡོ་རྗེ་གཞོན་ནུ་མཐུ་སྟོབས་ཡོངས་རྫོགས་དཔལ། །འཕྲིན་ལས་ཐོགས་མེད་བཀྲ་ཤིས་༝། །བླ་མེད་ཧེ་རུ་མ་མོ་འདུས་པའི་དཔལ། །མ་ཚོགས་ལས་ལ་འཁོལ་བའི་༝། །རིགས་འཛིན་གཙོ་མཆོག་རྒྱུད་ལུང་མན་ངག་དཔལ། །ཤེས་རབ་གསུམ་ལ་མངའ་བརྙེས་༝། །དྲེགས་པ་ཀུན་འདུལ་བདུད་དཔུང་འཇོམས་པའི་དཔལ། །སྡེ་བརྒྱད་བྲན་དུ་འཁོར་བའི་བཀྲ་ཤིས་༝། །སྟོབས་ལྡན་ནག་པོ་སྣང་སྲིད་སྲོག་བདག་དཔལ། །དགྲ་བགེགས་ཐལ་བར་རློག་པའི་བཀྲ་ཤིས་ཤོག །ཞི་ཁྲོ་ཡོངས་རྫོགས་དངོས་གྲུབ་རྒྱ་མཚོའི་དཔལ། །བསྙེན་སྒྲུབ་མཐའ་རུ་ཕྱིན་པའི་བཀྲ་ཤིས་ཤོག །སརྦ་སིདྡྷི་བྲུཾ། ཞེས་རོལ་ལོ། །རྩ་བའི་ས་བཅད་སོ་ལྔ་པ་ལུང་བསྟན་པ་ནི། རྒྱུད་ལས་དེ་ལྟར་བསྙེན་སྒྲུབ་རིམ་པར་དག །རབ་ཏུ་ལོ་སྒྲུབ་རྟགས་ལ་སྦྱར། །ཞེས་པ་དེ་ནི་བདག་དོན་སྒྲུབ་པ་ཐོབ་དགོས་པར་སྟོན་པའོ། །འབྲིང་དུ་ཟླ་སྒྲུབ་གྲངས་དང་སྦྱར། ཞེས་པ་(༨༣ན)
ནི་གོང་ལྟར་མ་དཔོགས་སམ་འོན་ཏེ་དབང་བསྐུར་བའི་སྔོན་འགྲོ་ལ་དགོངས་པ་ཡིན་ནོ། །ཐ་མ་ཞག་བདུན་ཞག་ལྔ་རུ། །ཞེས་པ་ནི། དེས་གྲུབ་པ་མ་ཡིན་ཡང་། གཞན་དོན་སོ་སོ་གཡེངས་ཤིང་མི་ལོན་པའི་དོན་ནམ་འོན་ཏེ་རང་གི་དམ་བཅའ་མི་ལྕོགས་པ་དང་བསྐང་གསོའི་ཆེད་དོ། །ཡང་རྒྱུད་ལས། དད་བརྩོན་དྲག་པོས་བསྒྲུབས་གྱུར་ན། །མཚམས་མེད་ལྔ་སྤྱད་ཟིན་མིས་ཡང་། །དངོས་གྲུབ་ཐོབ་པ་གསང་སྔགས་ཁྱད། །ཐེག་པའི་ཁྱད་དེ་ཐེག་ཆུང་གི །འབྲས་བུ་སྙམས་པ་བས་སྔགས་ལ་མོས་པ་དངོས་གྲུབ་ཆེ་བར་བསྟན་པ་དམ་ལྡན་ངེས་པར་འགྲུབ་པའི་ལུང་བསྟན་ཡིན་ནོ། །རྒྱས་པར་སྤྲོ་ན་དུས་བྱང་ཀོལ་བ་ལས་ཤེས་པར་བྱའོ། །དངོས་གཞིའི་ས་བཅད་སོ་བདུན་པ་འཕྲིན་ལས་བཞིའི་སྦྱིན་སྲེག་ནི་གཏེར་གཞུང་ཁྱབ་བདག་ཁྲ་ཚང་པ་ཆེན་པོས་མཛད་པའི་ཡིག་ཆ་སོགས་ལས་ཤེས་པར་བྱའོ། །དངོས་གཞིའི་ས་བཅད་སོ་བརྒྱད་པ་མད་དན་མཐར་རྒྱས་རྗེས་ཀྱི་ལས་ཁྲིགས་ལ་བཅོ་བརྒྱད་ཡོད་པའི་ས་བཅད་དང་པོ་རེ་ཞིག་བཏང་སྙོམས་སུ་འཇོག་དགོས་པའི་རྒྱུ་མཚན་སྒྲུབ་ཆེན་དང་འབྲེལ་བའི་ཁྲོ་རོལ་མཛད་པ་ཉུང་བས་སྒྲུབ་གཏོར་གྱི་ལྷ་རང་ལ་བསྡུས་གཏོར་མ་ནས་གཏེར་ལ་སྦེད་རྒྱུ་ཅུང་ཟད་འཇོག་དགོས་པས་འཇུག་པ་བདེ་བའི་དབང་དུ་འཇུག་གི་ས་བཅད་གཉིས་པ་འདི་ཟོར་ལས་ཡིན་པས་ཁྲོ་རོལ་མི་གཏོང་ཕྱིན་སྒྲུབ་གཏོར་ལས་བཟློག་གཏོར་གསར་དུ་མི་བཅའ། ལས་བྱང་གཞུང་བསྲངས་ནས་ཚོགས་ལྷག་ཡན་སོང་རྗེས་ས་བཅད་བཅུ་བདུན་པ་མཚམས་གྲོལ་བའི་རྒྱལ་ཆེན་བཞི་བདུད་རྩི་འཁྱིལ་པ་གཤིན་རྗེ་རྣམས་ལ་མཆོད་གཏོར་བཤམས་སྔོན་འགྲོའི་སྐབས་བཞིན་བྱིན་རླབས་དང་མཆོད་བྱ། ཧཱུཾ། རྒྱལ་ཆེན་སྡེ་བཞི་འཁོར་བཅས་(༨༣བ)
ཀྱི། །སྒྲུབ་པའི་བགེགས་རྣམས་བསྲུང་བ་ཡི། །ལས་བསྒྲུབས་གཏང་རག་མཆོད་སྦྱིན་འབུལ། །སླར་ཡང་སྟོང་གྲོགས་འཕྲིན་ལས་མཛོད། །འདི་ནི་གཟུགས་དང་ལྷན་ཅིག་ཏུ་ཞེས་སོགས་ཀྱིས་ཡེ་ཤེས་པ་རྟེན་ལ་བརྟན་བཞུགས་བྱེད། མཐོ་བསྡུ། སྒོ་སྲུང་གཉིས་ལ་ཡང་འདོན་པ་བསྒྱུར། སྒོ་དབྱེ་བ་ནི། བདག་དཔལ་དུ་གསལ་བའི་སྒོ་མ་ལ་ལམ་འབྱེད་པའི་བཀའ་བསྒོ་བ། བཟློག་པས་འདི་སྐད་དོ། །ཧཱུཾ། ཤར་གྱི་སྒོ་མ་རྟ་གདོང་དཀར། །ཐབས་ཤེས་ལྕགས་ཀྱུའི་ཕྱག་རྒྱ་ཡིས། །ཤར་ཕྱོགས་དུང་སྒོ་དཀར་པོ་ཕྱེ། །གཏོར་མའི་ཟོར་ལམ་དགྲ་ལ་བྷྱོཿ། །ལྷོ་ཡི་སྒོ་མ་ཕག་གདོང་མ། །ཐབས་ཤེས་ཞགས་པའི་༝། །ལྷོ་ཕྱོགས་གསེར་སྒོ་སེར་པོ་ཕྱེ། །གཏོར་མའི་ཟོར་ལམ་༝། །ནུབ་ཀྱི་སྒོ་མ་དྲེད་གདོང་དམར། །ཐབས་ཤེས་ལྕགས་སྒྲོག་༝། །ནུབ་ཕྱོགས་ཟངས་སྒོ་དམར་པོ་ཕྱེ། །གཏོར་མའི་༝། །བྱང་གི་སྒོ་མོ་སྤྱང་གདོང་སྔོ། །ཐབས་ཤེས་དྲིལ་བུའི་༝། །བྱང་ཕྱོགས་གཡུ་སྒོ་སྔོན་པོ་ཕྱེ། །གཏོར་མའི་ཟོར་ལམ་དགྲ་ལ་བྷྱོ། །བཛྲ་རཏྣ་པདྨ་ཀརྨ་པྲ་བེ་ཤ་ཡ་ཕཊ། ཅེས་དབྱེའོ། །གསུམ་པ་གཏོར་མ་བསྐྱང་ཞིང་བཏང་བ་ནི། གཏོར་མ་སྒོ་ཕྱོགས་སུ་གསར་ཏེ། །གཏོར་ཕུད་ཆ་གསུམ་དུ་བགོས་ལ། ཆ་གཅིག་མི་ཟད་གཏེར་དུ་གོང་ལྟར་སྤ། ཆ་གཅིག་སྦྱིན་སྲེག་གསེབ་ཏུ་བཏང་། ཆ་གཅིག་གཏོར་མ་དང་ལྷག་གཏོར་ཐམས་ཅད་བཏང་བ་ནི། དར་འཕྱར་དུང་བུས། ཕུད་དང་། མས་སྣ་དྲངས། ཆོས་སྐྱོང་གི་རཱུ་པ་འཕྱར། རྔ་དང་རོལ་མོར་བཅས་ཏེ། བསྐུལ་བྱང་ལྟར་བསྐུལ་བཏང་། གཏོར་སྐྱོང་ཆད་མཐོ་བྱ། དམོད་བྱང་ལྟར་དམོད་མོ་བྱ། བཞི་པ་དཔང་གཟུག་པ་ནི། ཕུད་ཕྱོགས་བཅུར་གཏོར་ཞིང་རྣལ་འབྱོར་(༨༤ན)
པ་རྣམས་ཞལ་བཅམས་ཏེ་འདི་སྐད་དོ། །ཧཱུཾ། གཟུ་དང་དཔང་དུ་དཀོན་མཆོག་བདེ་གཤེགས་བཞུགས། །བདག་གིས་མ་ཉེས་མ་ཡོ་ཡོ། །གསེར་སྐྱེམས་འདི་གསོལ་བསྟང་མ་བཟུང་དུ་གསོལ། །དགྲ་དང་བགེགས་ལ་ཆད་པ་འབབ་པར་རིགས། །འགྲོ་མགོན་ཤཱཀ་ཐུབ་ལྷས་བྱིན་ངན་པས་བརྙས། །སུ་བདེན་ཀུན་མཁྱེན་མགོན་པོས་དཔང་མཛོད་ལ། །རྫོགས་པའི་སངས་རྒྱས་ཐོབ་པ་དོན་མ་ཆུང་། །གཡུ་འབྲུག་སྔོན་མོར་མེ་ཏོག་བུང་བས་བརྙས། །སུ་བདེན་ཀུན་མཁྱེན་༝། །སྟོང་གསུམ་སྒྲ་ཡིས་བཀང་བ་དོན་མ་ཆུང་། ཁྱུང་ཆེན་རྒོད་པོར་ལྟས་ངན་སྲིན་བྱས་བརྙས། །སུ་བདེན་༝། །བར་སྣང་རླབས་ཀྱིས་ཆོད་པ་དོན་མ་ཆུང་། །སེང་གེ་དཀར་མོར་ཀུ་ཀུ་ཁྱི་ཡིས་བརྙས། །སུ་བདེན་༝། །རྩལ་གསུམ་ལུས་ལ་རྫོགས་པ་དོན་མ་ཆུང་། །ས་བདག་སྤྱི་རྗེ་མཐའ་འཁོབ་འབངས་ཀྱིས་བརྙས། །སུ་བདེན་༝། །རྒྱལ་སྲིད་ཆོས་བཞིན་བསྐྱངས་པ་དོན་མ་ཆུང་། །རྡོ་རྗེ་སློབ་དཔོན་དམ་ཉམས་སློབ་མས་བརྙས། །སུ་བདེན་༝། །ཤེས་རབ་གསུམ་ལ་མངའ་བརྙེས་དོན་མ་ཆུང་། །ཡིད་བཞིན་ནོར་བུ་གོར་མ་རྡོ་ཡིས་བརྙས། །སུ་བདེན་༝། །རེ་བ་ཡིད་བཞིན་བཀང་བ་དོན་མ་ཆུང་། །ཆོས་སྤྱོད་བདག་འདྲ་དགྲ་དང་བགེགས་ཀྱིས་བརྙས། །སུ་བདེན་༝། །རྒྱལ་བ་ཡོངས་རྫོགས་བསྒྲུབས་པ་དོན་མ་ཆུང་། །སྣང་སྲིད་ལྷ་འདྲེ་ཐམས་ཅད་ཕུད་བཞེས་ལ། །མ་ཉེས་རྣལ་འབྱོར་བདག་གི་བསྟང་མ་བཟུང་། །ཟོར་གྱི་ལམ་ཕྱེ་དམ་སྣ་དགྲ་ལ་དྲོངས། །ཕྱོགས་མཚམས་ཀུན་ན་སྲིད་པའི་ལྷ་དང་འདྲེ། །སྟེང་ལྷ་འོག་ཀླུ་བར་གྱི་གཉན། །ཕྱོགས་སྐྱོང་བཅུ་ལ་ཟོར་མི་འཕེན། །གསེར་སྐྱེམས་འདི་གསོལ་ཟོར་ལམ་ཕྱེ། །མཐོ་བ་ཞབས་བསྐུམས་དམའ་བ་དབུ་ཆུམས་ཤིག །ཟོར་འདི་དགྲ་བགེགས་སྲི་ལ་འཕེན། །ཀུན་ཀྱང་གྲོགས་མཛོད་དམག་དཔུང་བསྐྱེད། །ཅེས་གསེར་སྐྱེམས་གཏོར་ཞིང་བཀའ་བསྒོ་བར་བྱའོ། །ལྔ་པ་གོ་གསར་བ་ནི། ཕོ་ཉའི་(༨༤བ)
ཆས་བཅའ་སྟེ། རྡོ་རྗེ་སློབ་དཔོན་གྱིས་ལྟ་བའི་རྫོང་བསྐྱེད། ལྷའི་ང་རྒྱལ་གྱིས་གོ་བཅའོ། །རྣལ་འབྱོར་པ་རྣམས་ནི་རྒྱལ་ཐེབ་ལ་སོགས་སྔགས་འཆང་རྣམས། །དར་ནག་དར་དམར་གྱི་གོས་གྱོན། །རལ་པའི་ཐོད་གདེངས་བཅའ་ཕྱག་གཡས་སུ་རྡོ་རྗེ་བེ་ཅོན་ཕུར་པ་འཕྱར། གཡོན་ལྕགས་ཀྱུ་དང་ཐུན་ཐོགས་ལ། གུང་གྲལ་བཅས་ཏེ་དོར་སྟོབས་བྱ། །མཆེད་ཕོ་ཐམས་ཅད་གདོང་དམར་ནག་བྱུགས་ལ། །ཞིབ་བཅའ་མདའ་སྟོངས་ཏེ་ཕྱིར་འདུར་ནང་འདུར་གཡས་གྲལ་ནས་བྱ། མོ་རིགས་རྣམས་གདོང་ལ་ཁྲག་དང་ཕོ་ཚོས་ལ་ཆུ་བྱུགས་ཏེ། གཡས་དུལ་ནག་རེ་རེ་ཐོགས། གཡོན་དུ་གཏོར་མ་ཐོད་པ་རེ་ཐོགས་ལ་མདུན་ཤན་ཐུལ་ཐབས་གཡོན་གྲལ་ནས་བཅའ། གིང་དཀར་ནག་དམར་ཁྲ་བཞི་གཡས་སུ་རལ་གྲི་ཟངས་ཡག་རེ། གཡོན་དུ་སྙིང་གི་གཟུགས་རེ་ཐོགས་ལིངྒ་ལ་གྲི་བསྐོར། གིང་འཆམས་མདུན་ནས་བྱ། གཏོར་མ་རྣམས་དབུས་གླིང་དུ་རེ་འཕྱང་། ཁྱོགས་ལ་བཏེགས་ལ་འདེགས་པ་ཐམས་ཅད་ཀྱང་། ཁྲོ་བོའི་ཏིང་ངེ་འཛིན་གསལ་བར་རིག་པ་ངར་བསྐྱེད་དེ། ཨཱོཾ་སརྦ་དུཥྚཱཾ་ཨེ་ཛཿབྷྱོ། དགྲ་བགེགས་འབྱུང་པོ་མཱ་ར་ཡ་ཧཱུཾ་ཕཊ། ཅེས་དིར་རི་རི་བཟླས་ཤིང་ལམ་དུ་བཞུག་ག །དྲུག་པ་ཟོར་འཕང་བ་ནི། དེ་ཡང་གོང་ལྟར་གོ་བཅས་རྗེས་སུ་སྔགས་འཆང་ཕུར་པ་ཐོགས་པ་རྣམས་ཀྱི་ས་མ་ཏི་ནི། རྒྱུད་ལས། ཡེ་ཤེས་ལྷ་ལ་རང་རྒྱུད་པར། །རྩིས་གདབ་ཁྲིགས་སུ་བཅད་པ་མེད། །ཅེས་དང་ལེའུ་དགུ་པ་ནས། །དཀྱིལ་འཁོར་ལྷ་ཚོགས་ཐམས་ཅད་ཀུན། །ཆོས་ཉིད་དོན་ལ་འགྱུར་མེད་ཕྱིར། །ཐམས་ཅད་སྐུ་མདོག་མཐིང་ནག་ལ། །རྡོ་རྗེ་ཕུར་པ་འདྲིལ་ཞིང་འདེབས། །དགྲ་བགེགས་ལས་རྒྱུན་གཅད་པར་བསམ། ཞེས་འབྱུང་བ་དང་། (༨༥ན)
ཡང་སྟོང་སྟོང་ཚིགས་སུ་ཁྲོ་རྒྱལ་བསྐུལ་ཞེས་པས། ཁྲོ་བོ་ཐམས་ཅད་སྐུ་མདོག་མཐིང་ནག་ལ། རྡོ་རྗེ་ཕུར་པ་འདྲིལ་ཞིང་དགྲ་བགེགས་སྙིང་ལ་འདེབས་པར་བསམ་མོ། །ལྕགས་ཀྱུས་བཀུག་ཅིང་ཕུར་པས་འདེབས་ཚུལ་བྱ། རྐང་པ་དོར་སྟབས་སུ་འཆམ་ཞིང་འདི་སྐད་དོ། །ཧཱུཾ། ཆོས་ཉིད་དབྱིངས་ཉིད་རང་བྱུང་གྲུབ་པའི་ལྷ། །ཞེས་པ་ནས་ཕུར་ཐུན་ཚོམ་བསྐུལ་ཚར་རྗེས་ལ། །ཧཱུཾ། ང་ནི་ཁྲོ་རྒྱལ་ཀུན་གྱི་རྗེ། །ང་ནི་བདེ་གཤེགས་ཀུན་གྱི་གཙོ། །ང་ནི་གཤིན་རྗེ་ཀུན་གྱི་གཤེད། །ང་ནི་མ་མོ་ཀུན་གྱི་ཡབ། །ང་ནི་མཁའ་འགྲོ་ཀུན་གྱི་རྗེ། །ང་ནི་གིང་ཆེན་ཀུན་གྱི་རྒྱལ། །འཁོར་གྱི་མཁའ་འགྲོ་དམ་ལ་འདུ། །དམ་ཅན་རྒྱ་མཚོ་དམག་ལ་འཆོས། །ཊཱ་ཀི་འབུམ་ཚོགས་ཕུངས་སེ་ཕུང་། །ཞུབ་ཅན་སྟོང་སྡེ་སིལ་ལི་ལི། །དཔའ་བོའི་མདའ་སྒྲ་སྦྲེངས་སེ་སྦྲེང་། །དཔའ་མོའི་དུལ་སྟབས་ཆེམས་སེ་ཆེམ། །དར་གྱི་རུ་མཚོན་ལྷུབས་སེ་ལྷུབ། །མཚོ་རྩེ་ཕུར་རྩེ་རོངས་སེ་རོང་། །ཡུངས་ཀར་རྦབ་འདྲིལ་ཤར་ར་ར། །མཚེ་ཡི་བདེ་ཐུང་ཐལ་ལ་ལ། །གཏོར་མའི་སྒྱོགས་རྡེག་ཆེམས་སེ་ཆེམ། ཁྲག་ཐུན་དུག་རླངས་ཆིལ་ལི་ལི། །དགྲ་བགེགས་གནོད་བྱེད་རྡུལ་དུ་རློག །ཅེས་གདབ་སྔགས་ནི། ཨཱོཾ་བཛྲ་མཧཱ་ཀྲོ་དྷ་པདྨ་ཀྲོ་ཏཱི་ཤྭ་རཱི་བཛྲ་ཀཱི་ལི་ཀཱི་ལཱ་ཡ་མཧཱ་ཡཀྵ་ཀཱ་ལ་རཱུ་པ་ཀརྨ་རཾ་རཾ་ཛ་ལ་རཾ་ཧཱུཾ་ཕཊ། དམ་ཉམས་དགྲ་བགེགས་གནོད་བྱེད་ཤ་ཧྲཱུཾ་ཧུར་ཐུམས་མཱ་ར་ཡ་རྦད། ཅེས་འཛིན་གིང་གཉིས་ཀྱིས་འཇག་མའི་ལིངྒ་བཟུང་ལ། དགུག་གཞུག་གདབ་ལས་བྱའོ། །དེ་ནས་གཡས་གཡོན་གྱི་མདའ་ཟོར་དུལ་ཐབས་དང་། གིང་གི་གྲི་ཤན་གཏོར་ཟོར་དུ་བསྟུན་ཏེ། ལིངྒ་ལ་བརྡེག་ཅིང་འདི་སྐད་དོ། །ཧཱུཾ་ཧཱུཾ་བྷྱོ། སྡང་བའི་དགྲ་བགེགས་དམ་སྲི་འདི། །དང་པོ་མ་རིག་གཏི་མུག་འཐིབས། །བར་དུ་གཟུང་དང་འཛིན་(༨༥བ)
པ་བསྐྱེད། །ཐ་མ་ལས་ངན་དབང་གིས་འཁོར། །ཞེ་སྡང་ཕ་ཡི་རྒྱུ་ལས་བྱུང་། །འདོད་ཆགས་མ་ཡི་མངལ་དུ་སྐྱེས། །ང་རྒྱལ་ཕྲག་དོག་ལས་ངན་སྤྱོད། །ལྔ་ཕུང་རྩད་ནས་བཅད་པའི་ཕྱིར། །སྲོག་པའི་རྩ་ལ་ཕུར་ཟོར་རྒྱོབ། །ཞེ་སྡང་སྙིང་ལ་གཏོར་ཟོར་ཡ། །གཏི་མུག་ཤ་ལ་མདའ་ཟོར་རྒྱོབ། །འདོད་ཆགས་ཁྲག་ལ་ཐུན་ཟོར་ཡ། །ཞེ་སྡང་རུས་ལ་རྡོ་ཟོར་རྒྱོབ། ཁྲག་དོག་དབུགས་ལ་དུལ་ཟོར་ཡ། །ལྔ་ཕུང་ལུས་ལ་གྲི་ཟོར་རྒྱོབ། །རྡོ་རྗེ་སློབ་དཔོན་སྐུ་དགྲ་དང་། །མཆེད་དང་ལྕམ་དྲལ་སྤྱི་ཡི་དགྲ། །རྣལ་འབྱོར་བདག་གི་སྒོས་དགྲ་དང་། །གཟུགས་མེད་དམ་སྲི་གནོད་བྱེད་རྣམས། །ཡོངས་རྫོགས་ཟོར་གྱིས་རྡུལ་དུ་རློག །དཔལ་ཆེན་རྔམ་པའི་ཞལ་དུ་བསྟབ། །འཁོར་གྱི་ཁྲོ་ཚོགས་མཆོད་པར་བཞེས། །མ་མོ་མཁའ་འགྲོའི་ཚོགས་ལ་སྦྱིན། །གིང་ཆེན་རལ་པའི་རྔམས་ཟས་མཛོད། །སེམས་ནི་རྒྱལ་བའི་གནས་སུ་སྤོར། ཞེས་གདབ་སྔགས་དགུས་ཕུར་ཐུན་དང་། དུག་མཐུན་ཐམས་ཅད་ཀྱིས་གདབ། བྷྱོས་གདབ་ཕྱི་མིག་མི་ལྟ་བར་ཚུར་ལོག་ནས་བསྭོས་གདབ་བོ། །གཏོར་སྣོད་བཤལ་ཆུ་འབྲུ་དང་བཅས་ཏེ་བསྟན་མ་སྐྱོང་། བདུན་པ་ཕྱི་སྙོག་བཟློག་པ་ནི། སློབ་དཔོན་གྱིས། ཧཱུཾ་ཁྲོཾ་བཛྲ་ག་རུ་ཌ་བྷྱོ་བཟློག །ཅེས་བརྗོད་པས་ཡེ་ཤེས་ཀྱི་ཁྱུང་ནག་གཅིག་གིས་མཚམས་བཅད་དེ། ཚུར་མི་ལྡོག །ཕར་ཐེབས་པར་བསམ། ཧཱུཾ་ཧཱུཾ་ཧཱུཾ། བདུད་པྲ་མཱ་ར་ཡ་རྦད་ནན། ཁ་ལ་ཛམ་ལི་རྦད་ནན། ཤིག་ཤིག །དུམ་དུམ་རྦད་ནན། ཁྲམ་ཁྲམ་བྷྱ་རྦད་ནན། རྨུགས་རྨུགས་རྦད་ནན། ཏིར་ཏིར་རྦད་ནན། ཚལ་དུ་ཚལ་དུ་རྦད་ནན། ཞེས་བདུན་ནམ་ཉེར་གཅིག་བཟླས་སོ། །བརྒྱད་པ་གཏོར་གཞོང་མནན་པ་ནི། སྒོ་མདུན་དུ་བྲོ་ར་བཅས་ཏེ། ས་མ་ཏི་ནི། (༨༦ན)
གཏོར་གཞོང་འོག་ཏུ་ཨ་གྲུ་གསུམ་གྱི་དོང་གཏིང་རིང་བའི་ནང་དུ་དགྲ་དང་། དམ་སྲིའི་རཱུ་པ་དྲག་པོའི་སྦྱིན་སྲེག་ཐལ་བ་ལ་བྱས་ཏེ་གཞུག །དགྲ་བགེགས་དམ་སྲི་ཕྱག་རྒྱ་བཞིས་དགུག །ཁུགས་བར་གསལ་བའི་ཚེ། ཧཱུཾ་ཉིས་སྦྲེལ་གྱིས་སྟེང་ནས་མནན་པས་མཚོར་རྡོ་བོར་བ་བཞིན་བསྟིམ་བསྟིམ་སོང་ནས་ཆུ་སྲིན་གྲེ་བར་ཆུད་པར་བསམ། དོང་ཁ་རི་རབ་ཀྱིས་ཆོད་པའི་སྟེང་དུ། དཔལ་གྱི་བྲོ་ར་བཅས་པར་བསམ། དེའི་སྟེང་དུ་འཕྲིན་ལས་བཞིའི་བྲོ་གོང་ལྟར་བརྡུང་། དེ་ནས་དཔལ་དགུའི་སྒོས་ཀྱི་བྲོས་ཀྱང་བརྡུངས་ཏེ་མནན་ནོ། །དགུ་པ་ཚེ་འགུགས་པ་ཟོར་ཡང་བྱེད་ཚེ་ལྷོ་བྱང་གི་གཏེར་མའི་ཚེ་འགུགས་གང་ཡང་རུང་བ་དང་རྒྱས་པར་སྤྲོ་ན་རྫོང་ཆེན་ཚེ་དབང་མཛད་འདུག །སྒྲུབ་ཁོག་གི་འདི་ལ་ལུང་རྒྱུན་ཙམ་མ་གཏོགས་མི་མཛད། ས་བཅད་བཅོ་བརྒྱད་པ། དང་པོ་མི་ཟད་གཏེར་ཆེན་སྦ་བའི་ཆོ་ག་ནི་རྒྱུད་ལས། ས་ཡི་ལྷ་མོ་མཁའ་དབྱིངས་སུ། །གཏེར་སྦེད་ཆོ་ག་རྒྱས་པར་བྱ། །ཞེས་གསུངས་པས། ས་སྦྱིན་པོ་ལ་རཏྣ་ལྔ་བརྡར་ཏེ། བུམ་པ་ལྔ་བྱ་སྟེ། སོ་བཏང་བའི་ནང་དུ་སྙིང་པོ་ལྔ། དར་སྣ་ལྔ། འབྲུ་ལྔ། རིན་ཆེན་སྣ་ལྔ། སྒྲུབ་གཏོར་གྱི་ཕུད་ཆ་གཅིག་ཡང་སྩལ་ཏེ། འབྲས་བུ་ཅན་གྱི་ཤིང་གིས་ཁ་བརྒྱན། མགུལ་ཆིངས་བྱ། ཁ་དོག་ལྔ་བསྒྱུར། མར་མེ་གཉིས་གཙུགས་ལ་ལག་ཏུ་ཐོགས་སོ། །རྡོ་རྗེ་ལས་བས་གསེར་གྱི་འཇོར་དངུལ་གྱི་ཁྱེམ་ཐོགས་ཏེ། དཀྱིལ་འཁོར་གྱི་ལོགས་བཞི་དབུས་དང་ལྔར་གཏེར་ཁུང་བྲུས་ཏེ། སའི་ལྷ་མོའི་མཁའ་དབྱེ་བར་བསམ་སྟེ། སྒྲུབ་ཁང་ས་ཆོག་ལྟ་བུ་བྱེད་ཀྱང་སྦྱར་རོ། །སློབ་དཔོན་གྱི་དབུ་དྲངས་རྣལ་འབྱོར་པ་ཀུན་གྱི་དཀྱིལ་འཁོར་ལ་བསྐོར་ཏེ། ཞྭ་དང་ཕྱི་གོས་གསར་པ་གྱོན་རྒྱན་བཏགས་ཏེ་ལག་(༨༦བ)
གཡོན་བུམ་པ་བཟུང་། །ལག་གཡས་སྨོན་ལམ་གྱི་མེ་ཏོག་འཐོར་ཞིང་སྔོན་ལ་ཤར་ཕྱོགས་ནས་འདི་སྐད་དོ། །ཧཱུཾ། སྐྱོབ་པ་སངས་རྒྱས་བཅོམ་ལྡན་འདས། །ས་ཡི་ལྷ་མོའི་མཁའ་ཕྱེ་ཞིག །ས་ཡི་ལྷ་མོའི་མཁའ་དབྱིངས་སུ། །སྒྲུབ་པ་ལས་ཀྱི་གཏེར་སྦེད་དོ། །བཛྲ་ཧེ་རུ་ཀས་གཏེར་སྦེད་དོ། །རིན་ཆེན་སྣ་ལྔའི་གཏེར་སྦེད་དོ། །སྙིང་པོ་ལྔ་ཡི་གཏེར་སྦེད་དོ། །དར་སྣ་ལྔ་ཡི་གཏེར་སྦེད་དོ། །སྨན་སྣ་ལྔ་ཡི་གཏེར་སྦེད་དོ། །རིན་ཆེན་སྣ་ལྔའི་གཏེར་སྦེད་དོ། །དམ་རྫས་གཏོར་མའི་གཏེར་སྦེད་དོ། །ཡིད་བཞིན་གཏེར་ཆེན་འདི་སྦས་པས། །རྣལ་འབྱོར་བདག་ཅག་འཁོར་བཅས་ལ། །ནམ་ཞིག་འཆི་བའི་དུས་བྱུང་ཚེ། །གཏེར་ཆེན་ཁྱོད་ཀྱིས་མདུན་ནས་བསུས། །འདོད་ཡོན་ལྔ་ལ་ལོངས་སྤྱོད་ཤོག །སྙིང་པོ་ལྔ་ཡི་གཏེར་སྦས་པས། །སྐུ་ལྔ་ལྷུན་གྱིས་གྲུབ་པར་ཤོག །དར་སྣ་ལྔ་ཡི༝། །ཡེ་ཤེས་ལྔ་དང་ལྡན་པར་ཤོག །སྨན་སྣ་ལྔ་༝། །ནད་ཀྱི་བསྐལ་པ་ཞི་བར་ཤོག །འབྲུ་སྣ་ལྔ་ཡི་༝། །མུ་གེའི་བསྐལ་བ་ཞི་བར་ཤོག །རིན་ཆེན་ལྔ་ཡི་གཏེར་༝། །མཚོན་གྱི་བསྐལ་པ་ཞི་བར་ཤོག །དམ་རྫས་གཏོར་མའི་གཏེར་སྦས་པས། །མི་ཟད་གཏེར་གྱི་མདུན་བསུས་ཤིག །ཕྱག་རྒྱ་ལྔ་ཡི་རྒྱ་འདེབས་སོ། །བཛྲ་ཨ་ཡུཿསིདྡྷི་བྷྲཱུཾ། ཞེས་བུམ་པ་མཐིང་ག་ཤར་དུ་སྦས་ཏེ། ཧོཿརིན་ཆེན་བུམ་པའི་གཏེར་སྦས་པས། །རྣལ་འབྱོར་པ་འདིར་ཚོགས་ཐམས་ཅད་ཡེ་ཤེས་ཀྱི་དངོས་གྲུབ་ཐོབ་སྟེ། ཚེ་དབང་ཕུན་སུམ་ཚོགས་པའི་སྐལ་པ་དང་ལྡན་པར་གྱུར་ཅིག །ཅེས་བརྗོད་དོ། །གཏོར་ཆོག་བཞིན་དུ་རིམ་གྱིས་འཕྲུལ་ཤེས་པར་བྱ་སྟེ། ཧེ་རུ་ཀའི་མཚན་ལྔས་གཏེར་སྦེད་དོ། །ཞེས་པ་དང་། རཏྣ། པདྨ། ཀརྨ། བུདྡྷ་ཨཱ་ཡུཿསིདྡྷི་ཧཱུཾ། ཞེས་པའི་འགྲེས་དང་། སྨོན་ལམ་གྱི་སྐབས་སུ་(༨༧ན)
སྐུ་གསུང་ཐུགས་ཡོན་ཏན་འཕྲིན་ལས་ལྔ་སོ་སོར་དངོས་གྲུབ་ཐོབ་སྟེ། ཞེས་པའི་འགྲེས་སུ་ཤེས་སོ། །རྗེས་སུ་རིགས་ལྔའི་ཕྱག་མཚན་ལྔ་གཏེར་སྟེང་དུ་བྲིས་ལ་རྒྱས་གདབ། ཡོན་ཏན་ནི་ཚེ་འདིར་ཡང་ཚེ་རིང་། ལོངས་སྤྱོད་འཕེལ་ཞིང་ས་བདག་གཞི་བདག་གི་ཀོ་ལོང་ཞི་བ་དང་། གནས་མལ་དེར་ཡང་བཀྲ་ཤིས་པར་འགྱུར་རོ། །སྒྲུབ་ཕྲན་ཀུན་ལ་ཡང་འདི་སྦྱར་རོ། །ཕྱི་མ་སྐུ་ལྔ་ཡེ་ཤེས་ལྔའི་རྒྱུར་གྱུར། ནད་དང་མུ་གེའི་མཚོན་གྱི་བསྐལ་པ་གསུམ་ལས་ཐར་ཏེ། མི་ཟད་གཏེར་བདག་ཏུ་འགྱུར་རོ། །སྔར་གྱི་བསྒྲུབས་གཏོར་དང་ལྷན་དུ་བཞག་ནས་སྟེགས་བུ་ཡོད་ན་དང་མེད་ན་སྒྲུབ་ཁང་གི་རྩིབས་ལོགས་ལ་སྦེད། སྔར་ས་ཆོག་དུས་ཀྱི་བུམ་གཏེར་དེ་ཡང་ཐོག་མ་ནས་བུམ་པ་བཟོས་གྲུབ་པ་ཡིན་ན་འདིའི་ཁྲོད་ནས་ལེན་པ་ཡིན། ས་བཅད་བཅུ་དགུ་པ། བཅུ་བཞི་པ་སྨོན་ལམ་གདབ་པ་ནི། རྣལ་འབྱོར་པ་མར་མེ་སྤོས་རེང་དུ་བཅས་པ་རེ་ཐོགས་ལ། དཀྱིལ་འཁོར་ལ་བསྐོར་ཞིང་མགྲིན་གཅིག་ཏུ་འདི་སྐད་དོ། །ཧཱུཾ། དུར་ཁྲོད་གསང་བ་མཆོག་གི་དཀྱིལ་འཁོར་དུ། །རྡོ་རྗེ་སློབ་དཔོན་གཉེན་གྱིས་དབུ་བཟུང་ནས། །རྒྱལ་བའི་གདུང་གསོབ་མཆེད་དང་ལྕམ་དྲལ་རྣམས། །བརྩེ་དུངས་མི་འབྲལ་སེམས་ཅན་འདི་ཀུན་ཀྱང་། །ནམ་ཞིག་བྱང་ཆུབ་ལམ་དུ་ཞུགས་པའི་ཚེ། །འཁོར་བའི་གཡང་ས་ཆེན་པོར་མི་བཏང་ཞིང་། །མ་རིག་མུན་པའི་དབང་དུ་མི་བཏང་ལ། །གཅོང་རོང་ཟབ་མོའི་གནས་སུ་མི་སྐྱེ་དང་། །དམྱལ་བ་ཟངས་ཁའི་ནང་དུ་མི་ལྟུང་ཞིང་། །གཅན་གཟན་གདུག་པའི་སྒྲ་སྐད་མི་གྲག་དང་། །མཚོན་ཆེན་གདུག་པའི་དབལ་གྱིས་མི་འཕོག་ཤོག །དགེ་བའི་བཤེས་གཉེན་བཀའ་དྲིན་ཆེ་བ་དང་། །དམ་ཚིག་གཅིག་པའི་རྡོ་རྗེ་མཆེད་ལྕམ་རྣམས། །(༨༧བ)
དབང་གི་འབྲེལ་བའི་མཚན་ལྡན་གཟུང་མ་གསུམ། །ཚེ་རབས་འདི་དང་ཚེ་བརྒྱུད་ཐམས་ཅད་དུ། །མི་འབྲལ་འགྲོགས་པའི་ཏིང་འཛིན་རྩེ་གཅིག་གིས། །ས་བཅུ་རིམ་གྱིས་ཁྱད་པར་བགྲོད་པར་ཤོག །ནམ་ཞིག་ཚེ་འཕོས་ལུས་བརྗེས་དུས་བྱུང་ཚེ། །ཞེ་སྡང་དབང་གི་དམྱལ་བར་ལྷུང་སྲིད་ན། །སྣང་གསལ་མར་མེས་ཚ་གྲང་སྡུག་བསྔལ་གཞིལ། །ཕྲག་དོག་དབང་གིས་ལྷ་མིན་ཡུལ་འཁྱམས་ན། །སྣང་གསལ་མར་མེས་གདུག་པའི་མཚོན་ཁ་བསྣོལ། །འདོད་ཆགས་དབང་གིས་ཀླ་ཀློའི་མིར་སྐྱེས་ཀྱང་། །སྣང་གསལ་མར་མེས་ཤེས་རབ་གསུམ་ལ་སྦྱོར། །ང་རྒྱལ་དབང་གིས་ཚེ་རིང་ལྷར་གྱུར་ན། །སྣང་གསལ་མར་མེས་འཕོ་ལྟུང་སྡུག་བསྔལ་ཆོམས། །གཏི་མུག་དབང་གིས་བྱོལ་སོང་གནས་འགྲིམས་ན། །སྣང་གསལ་མར་མེས་ཤེས་རིག་སྒྲོན་མེ་ཐེག །སེར་སྣའི་དབང་གིས་ཡི་དྭགས་གནས་སྐྱེས་ན། །སྣང་གསལ་མར་མེས་བཀྲེས་སྐོམ་སྡུག་བསྔལ་སོལ། །རྒྱུ་འདི་ཡིས་ནི་ས་བཅུ་ཡོངས་བགྲོད་ཚེ། །ཤེས་བྱའི་སྒྲིབ་བྱང་ཕྱིར་མི་བཟློག་པར་ཤོག །སྣང་བའི་གོ་འབྱེད་ཞུན་མར་མདངས་ལྡན་འདིས། །བདེ་གཤེགས་ཡོངས་ལ་ཕུལ་བའི་མཐུ་བྱིན་གྱིས། །ས་བཅུ་འདས་ཏེ་ས་རྣམས་ཡོངས་རྫོགས་ཤོག །ཀུན་ཏུ་འོད་དང་མ་ཆགས་པདྨ་ཅན། །འཁོར་ལོ་ཚོགས་ཆེན་སྟུག་པོ་བཀོད་པའི་ས། །དེ་པ་ཀུན་འདུས་ཀུན་བཟང་དབྱེར་མེད་པ། །རྡོར་སེམས་ཕྱི་པ་ལྕང་ལོ་ཅན་གྱི་ས། །བླ་མའི་ས་དང་སྲིད་གསུམ་ངང་རྫོགས་པ། །སྤྲོས་བྲལ་ཐིག་ལེའི་ས་ལ་ལྷུན་གྲུབ་ནས། །གཟུགས་སྐུ་ཉིད་ཀྱིས་འགྲོ་དོན་ཡོངས་རྫོགས་ཤོག །ས་བཅད་བཅུ་གཅིག་པ་དབྱངས་གསལ་ཡི་གེ་བརྒྱ་པས་ལྷག་ཆད་ཁ་བཀང་། ལས་གཞུང་ནས་མཆོད་(༨༨ན)
བསྟོད་ཇི་ལྟར་རིགས་པའི་སྒོ་ནས་གཏང་རག་གཏོང་། ས་བཅད་བཅུ་པ་དཀྱིལ་འཁོར་བསྡུ་བ་ནི། རྡོ་རྗེ་ཐལ་མོའི་བར་དུ་བཟུང་སྟེ། ཧཱུཾ་ཧཱུཾ་ཧཱུཾ། ཞེས་བརྗོད་པས་སྣང་སྲིད་འོད་དུ་ཞུ་ནས་གཞལ་ཡས་ཁང་ལ་བསྡུ། གཞལ་ཡས་ཁང་ཡང་འོད་དུ་ཞུ་ལྷ་ཚོགས་ལ་བསྡུ། ལྷ་རྣམས་གཙོ་བོ་ལ་བསྡུ། གཙོ་བོ་ཉིད་ཀྱང་འོད་ཀྱི་རང་བཞིན་དུ་ཐུགས་ཀའི་ཧཱུཾ་ལ་བསྡུ། ཧཱུཾ་ཉིད་ཀྱང་གྱེན་རྫོགས་སུ་ཐིག་ལེར་བསྡུས་ཏེ་དེ་ཉིད་ཀྱང་མཐའ་ནས་དབུས་སུ་དག་སྟེ། སྤྲོས་བྲལ་མྱ་ངན་ལས་འདས་པའི་ངང་དུ་མ་བཅོས་ལྷུན་གྲུབ་ཏུ་སོལ་ལེ་རྟོག་མེད་དུ་ལྷན་གྱིས་བཞག་ག །རྡོ་རྗེས་མཎྜལ་མཐའ་ནས་བསྡུའོ། །དེ་ནས་འདི་སྐད་དོ། །ཧཱུཾ། གསང་བ་ཡོངས་སུ་རྫོགས་པའི་དཀྱིལ་འཁོར་དུ། །རྣལ་འབྱོར་སྒྲུབ་མཆོག་འཁོར་དང་བཅས་པ་ཡིས། །རྒྱལ་བ་ཞི་ཁྲོ་ཡོངས་རྫོགས་བསྙེན་ཅིང་བསྒྲུབས། །དངོས་གྲུབ་མཆོག་བླང་འཕྲིན་ལས་རྣམ་བཞི་སྤྱད། །སྣོད་བཅུད་སྙིང་པོ་བྱང་ཆུབ་སེམས་སུ་བསྡུ། །ཀུན་གཞི་སྐྱེ་མེད་ཡེ་ནས་མྱ་ངན་འདས། །མི་གནས་ཡེ་ཤེས་ཐུགས་ཀྱི་དཀྱིལ་འཁོར་དུ། །ཡེ་ཤེས་འོད་ཟེར་སླར་བསྡུ་ཡལ་ལ་ལ། །བདེ་ཆེན་ཐིག་ལེའི་ཀློང་དུ་བཛྲ་མུཿ། །དེ་ནས་སྐད་ཅིག་མ་ལ་ཡི་དམ་གྱི་ལྷར་བསྐྱེད་དེ། །བྱ་བ་ལ་འཇུག་པ་ནི་ལས་ཀྱི་ལྷའོ། །ཡེ་ཤེས་ནི་རང་བཞིན་བསྟིམ་གྱི་བར་དུའོ། །ཡི་དམ་ཡེ་ཤེས་པ་མི་བསྐོལ་བའི་ཐ་ཚིག་གོ །བཅུ་དྲུག་པ་རང་ལུས་སྲུང་བ་ནི། མེ་དཔུང་ཀློང་དུ་རང་ཡི་དམ་དུ་གསལ་བས་གོང་ལྟར་རྒྱུན་སྤྱོད་ཀྱི་ལྷར་ལྡང་བ་ངར་འཛིན་རྣམ་དག་ཅེས་སོགས་བརྗོད་ལ། ཨཱོཾ་བཛྲ་རཀྵ་ཧཱུཾ། ཨཱོཾ་བཛྲ་ཀ་བ་ཙ་ཧཱུཾ། བཛྲ་བཛྲ་བཛྲ་ཧཱུཾ་ཕཊཿ རྡོ་རྗེའི་ཞུ་ལུགས་སུ་གཏམས་པར་(༨༨བ)
བསམ་མོ། །དེ་ཡང་ངོ་བོ་སྟོང་ཞིང་བདག་མེད་དོན་ལ་གནས་པས། ཨ་ཅིས་ཀྱང་མི་འགྱུར་མི་ཤིགས་པས། སྟོང་པའི་གོ་ཆ་བླ་ན་མེད། །ཆོས་སྐུ་སྐྱེ་མེད་རྡོ་རྗེ་ཡིས། །མཚན་མའི་སྤྱོད་ཡུལ་ཀུན་བཅོམས་ནས། །ཆོས་ཀྱི་དབྱིངས་ཀྱི་རྒྱས་གདབ་ལ། །སངས་རྒྱས་ཀྱིས་ཀྱང་མི་གཟིགས་ན། །གནོད་བྱེད་བགེགས་ཀྱིས་ག་ལ་ཚུགས། །ཧཱུཾ་ཧཱུཾ་ཧཱུཾ། དེ་ལྟར་དགོངས་པ་དང་ལྡན་པས། །སྤྱོད་ལམ་རྣམ་བཞིར་ཡི་དམ་ང་རྒྱལ་དང་མི་འབྲལ་བར་བྱའོ། །བཅུ་གཉིས་པ་བཟོད་པར་གསོལ་བ་ནི། རྣལ་འབྱོར་པ་རྣམས་དཀྱིལ་འཁོར་ལ་ཕྱག་གསུམ་བྱ་སྟེ་སྐོར་ལ་ཞེས་པ་ཙམ་ལས་འདིར་མ་བྱུང་ཡང་། བཀའ་བརྒྱད་བདེ་འདུས་ནས་མཆེད་ནང་བཤགས་ཞེས་འབྱུང་བ་ལྟར། སྒྲུབ་པ་དབུ་བཙུགས་ནས་བཟུང་། རྡོ་རྗེ་རྒྱལ་ཐེབ་དང་། མཆེད་རྣམས་ཕན་ཚུན་དུ་ཐུགས་འགལ་སོགས་སེལ་ཞུགས་པ་ཡོད་ན། སོ་སོར་དག་པར་བྱ་བའི་ཕྱིར་ཕན་ཚུན་དུ་བཤགས་པ་འབུལ་བ་སྟེ། ཕྱག་ལེན་འདུལ་བའི་གསོ་སྦྱོང་ལྟར། རྒྱལ་ཐེབ་ནས་བཟུང་གྲལ་གཡས་གཡོན་དུ་བཤམས་ཏེ། གཡོན་གྲལ་རྣམས་ཀྱི་གཡས་གྲལ་ལ་ཕྱག་བཙལ་ནས་བཤགས་པ་ལན་གསུམ་དུ་བྱས་པ། གཡས་གྲལ་བས་དང་དུ་བླངས་ནས། སླར་གཡས་གྲལ་བས་གཡོན་གྲལ་ལ་ཕྱག་གསུམ་བཙལ་ནས་གོང་བཞིན་བཤགས་པ་ལན་གསུམ་བྱས་ལ་ཐམས་ཅད་འཁོན་མེད་དུ་དགྱེས་པ་ཆེན་པོས་ཉམས་བསྒྱུར་ཞིང་འབེལ་གཏམ་ཇི་ལྟར་རིགས་པར་མཛད་དོ། །འདི་ལ་འདུལ་བའི་གསོ་སྦྱོང་དུ་མཁན་པོའང་གཡས་གཡོན་གང་རིགས་སུ་ཕེབས་སྲོལ་འདུག་ཀྱང་། འདིར་རྡོ་རྗེ་རྒྱལ་པོ་དེ་བཞིན་ཉིད་ཀྱི་ཏིང་ངེ་འཛིན་ལས་གཡོ་བ་མེད་ན་ཕེབས་པའི་བྱ་རྩོལ་(༨༩ན)
མི་དགོས་སམ་སྙམ་མོ། །དེ་ལྟར་གོ་དོན་ཕྱག་བཞེས་ངེས་པར་བྱས་ནས་ཕན་ཚུན་དུ་བཤགས་པ་བྱ་བ་ནི། འདི་སྐད་དོ། །ཧོཿཐམས་ཅད་རྡོ་རྗེ་མཆེད་དང་ལྕམ་དྲལ་ཏེ། །བདེ་བར་གཤེགས་པའི་སློབ་མར་དམ་ནོས་ནས། །ཀུན་ཀྱང་མཐུན་པར་སྤྱོད་པའི་དམ་ཚིག་ལ། །མཉམ་ཉིད་ངང་ལ་ལེགས་ཉེས་དབྱེར་མེད་ཀྱང་། །ལུས་ངག་རྣམ་པར་མ་དག་ཚུལ་ཙམ་དུ། །གཞུང་ལས་ཉམས་དང་ཐུགས་དང་འགལ་བ་རྣམས། །རྣམ་དག་བསམ་པས་མི་གནས་ཚིག་འདིས་བཤགས། །འཛིན་མེད་ངང་དུ་བཟོད་པར་བཞེས་མཛོད་ལ། །རང་བཞིན་དག་པའི་ཚངས་པར་སྩལ་དུ་གསོལ། །ཨ་ཨ་ཨ། ཞེས་དག་པར་བསྒོམ། བཅུ་གསུམ་པ་གཏང་རག་གཏང་བ་ནི། གོས་བསྡུས་བླ་མའི་ཁྲི་བསྟོད་དེ། རྣལ་འབྱོར་པ་མཆེད་ལྕམ་ཐམས་ཅད་གྲལ་བྱ་སྟེ། གསེར་དངུལ་སྐྱོགས་སུ། འབྲས་ཆང་རྒུན་ཆང་བཤམས་པ་དང་། །ན་བཟའ་དར་ཆེན་མཛེས་པ་ཐོགས་ཏེ་འདི་སྐད་དོ། །ཧོཿ ཡང་གསང་བླ་མེད་ལྷ་ཡི་དཀྱིལ་འཁོར་དུ། །ཞི་ཁྲོ་བཀའ་བརྒྱད་རིགས་འཛིན་དང་བཅས་པའི། །སྐུ་གསུང་ཐུགས་ཀྱི་དངོས་གྲུབ་ཐོབ་བྱའི་ཕྱིར། །སྒྲུབ་པ་ཟབ་མོར་གནང་བ་བཀའ་དྲིན་ཆེ། །སངས་རྒྱས་ཡིན་ཕྱིར་སྐུ་གསུང་ཐུགས་ཐོབ་པའི། །བན་དྷ་ལྕང་ལོ་བསྟན་པ་བཀའ་དྲིན་ཆེ། །ཡེ་ཤེས་ལྷ་དང་སྐུ་ལྔའི་དོན་མཚོན་ཕྱིར། །འཁོར་ལོ་རྩིབས་བཞི་བསྟན་པ་༝། །ཐེག་པ་རིམ་དགུ་ནང་དུ་འདུས་པ་ལས། །དཀྱིལ་འཁོར་གླིང་དགུར་བསྟན་པ་༝། །མ་རིག་མུན་པའི་ནང་དུ་འཐོམས་པ་ལས། །མར་མེ་དགུ་པ་བསྟན་པ་༝། །(༨༩བ)
མ་རྟོགས་སྐྱོན་གྱི་གྲིབ་མས་ཁྱབ་པ་ལ། །ཐུགས་རྗེ་ཉི་མ་བསྟན་པ་༝། །སངས་རྒྱས་ཐམས་ཅད་སེམས་ལས་མི་འདའ་ཕྱིར། །འདའ་ཀ་དམ་ཚིག་བསྟན་པ་༝། །རྡོ་རྗེ་སློབ་དཔོན་སྐུ་ཚེ་གཡུང་དྲུང་ནི། །འགྱུར་བ་མེད་པར་མཆོག་ཏུ་བརྟན་པར་སྨོན། །མཆེད་ལྕམ་དུས་གསུམ་རྟག་ཏུ་འགྲོགས་པ་དང་། །ཕོ་བྲང་ཆེན་པོ་གཡུང་དྲུང་ཚུགས་པར་སྨོན། །བདུད་རྩི་རྣམ་ལྔ་རོ་མཆོག་རྒྱས་པ་དང་། །ཞེན་བྲལ་འདོད་ཡོན་ལྔ་ལ་ལོངས་སྤྱོད་སྨོན། །ཞལ་ཟས་བདུད་རྩིའི་རོ་ལྡན་གསེར་དངུལ་སྐྱོགས། །ཕྱག་ཏུ་བཞེས་ནས་དགྱེས་པ་སྐོང་བར་སྨོན། །ལྷ་ཡི་ན་བཟའ་པཉྩ་ལི་ཀ་འདི། །སྐུ་ལ་གསོལ་ནས་འཁོར་འདབ་རྒྱས་པར་སྨོན། །ཞེས་སྐྱེམས་དྲངས། ན་བཟའ་གསོལ། སྒྲུབ་ཡོན་ནམ་དབང་ཡོན་དངོས་པོ་དག་པ་དབུལ། དེ་རྗེས་སུ་གཏང་རག་གི་བཟོད་པར་གསོལ་བ་ནི། །ཧོ། རྡོ་རྗེ་སློབ་དཔོན་ཆེན་པོ་དཔལ་མཆོག་ལྡན། །གསུང་རབ་རྒྱ་མཚོ་ལྷ་མི་འདྲེན་པའི་དཔལ། །ཡང་དག་དོན་སྟོན་འཁོར་བའི་སྡུག་བསྔལ་སྐྱོབ། །འཇིག་རྟེན་འདི་ནས་ཕ་མའི་ཚུལ་ལས་ཁྱད། །བཀའ་དྲིན་བཟང་ཡང་བསྙེན་བཀུར་རྔོ་མ་ཐོགས། །སྡོམ་གསུམ་བསྲུང་བྱ་དམ་ཚིག་གང་ཉམས་ཀྱང་། །ཉེས་ལྟུང་སྒྲིབ་པར་མི་འགྱུར་དག་བྱའི་ཕྱིར། །མཐོལ་བཤགས་བཟོད་པར་གསོལ་གྱིས་ཚངས་པར་མཛོད། །ཅེས་ཞབས་སྤྱི་བོར་བླངས་ཤིང་བླ་མ་གཙུག་དང་བྲལ་མེད་དུ་བཟུང་ངོ་། །བཅོ་ལྔ་པ་བཀྲ་ཤིས་གསོལ་བ་ནི། རྣལ་འབྱོར་པ་རྣམས་མེ་ཏོག་འཐོར་ཞིང་འདི་སྐད་དོ། །ཧཱུཾ། མ་བཅོས་སྤྲོས་མེད་བྱང་ཆུབ་སྙིང་པོར་གསལ། །གདོད་ནས་མ་སྐྱེས་རང་བྱུང་མཐའ་དབུས་གྲོལ། །ཀུན་(༩༠ན)
ཁྱབ་རྣམ་དག་ལྷུན་གྲུབ་ཀུན་ཏུ་བཟང་། །ཆོས་སྐུའི་བཀྲ་ཤིས་དམ་པ་བདེ་ལེགས་ཤོག །རྣམ་པར་སྣང་མཛད་བཀྲ་ཤིས་དོན་གྱི་ལྷ། །བདེ་གཤེགས་སྐུ་ཡི་བཀྲ་ཤིས་གང་ལགས་པ། །དམ་པ་དེས་ཀྱང་དེང་འདིར་བདེ་ལེགས་ཤོག །སྣང་བ་མཐའ་ཡས་བཀྲ་ཤིས་དོན་གྱི་ལྷ། །བདེ་གཤེགས་གསུང་གི་བཀྲ་ཤིས་གང་ལགས་པ། །དམ་པ་དེས་ཀྱང་དེང་འདིར་བདེ་ལེགས་ཤོག །རྡོ་རྗེ་སེམས་དཔའ་བཀྲ་ཤིས་དོན་གྱི་ལྷ། །བདེ་གཤེགས་ཐུགས་ཀྱི་བཀྲ་ཤིས་གང་ལགས་པ། །དམ་པ་དེས་ཀྱང་བཀྲ་ཤིས་བདེ་ལེགས་ཤོག །རིན་ཆེན་འབྱུང་ལྡན་བཀྲ་ཤིས་དོན་གྱི་ལྷ། །བདེ་གཤེགས་ཡོན་ཏན་བཀྲ་ཤིས་གང་ལགས་པ། །དམ་པ་དེས་ཀྱང་དེང་འདིར་བདེ་ལེགས་ཤོག །དོན་ཡོད་གྲུབ་པ་བཀྲ་ཤིས་དོན་གྱི་ལྷ། །བདེ་གཤེགས་འཕྲིན་ལས་བཀྲ་ཤིས་གང་ལགས་པ། །དམ་པ་དེས་ཀྱང་དེང་འདིར་བདེ་ལེགས་ཤོག །འཕྲིན་ལས་རྣམ་བཞི་བཀྲ་ཤིས་དོན་གྱི་ལྷ། །སོ་སོའི་ཡིད་ལ་རེ་སྐོང་བཀྲ་ཤིས་ཤོག །རྒྱལ་པོ་རྒྱལ་ཐེབ་བཀྲ་ཤིས་དོན་གྱི་ལྷ། །དམ་ཆོས་དབང་ལུང་ཡོངས་རྫོགས་བཀྲ་ཤིས་ཤོག །རྡོ་རྗེ་མཆེད་ལྕམ་བཀྲ་ཤིས་དོན་གྱི་ལྷ། །གསེར་མདོག་རྒྱུད་འབྲེལ་འགྲོགས་པའི་བཀྲ་ཤིས་ཤོག །སྣོད་བཅུད་ཡོངས་རྫོགས་བཀྲ་ཤིས་དོན་གྱི་ལྷ། །སྒྲུབ་ཆེན་དོན་དང་ལྡན་པའི་བཀྲ་ཤིས་ཤོག །ཅེས་མེ་ཏོག་གཏོར་རོ། །བཅོ་བརྒྱད་པ་གནས་བསྲུང་བ་ནི། ཞག་གསུམ་དུ་ལས་བྱང་གི་གཏོར་མ་རེ་རེ་བཏང་། ཐག་རིང་པོར་མི་འགྲོ། གནས་སུ་དམེ་ཡུགས་མཛེ་སྤྲང་མི་བཏང་ངོ་། །དེ་ནས་སྤྲུལ་པའི་ཡོ་བྱད་ལྷག་མ་རྣམས་ཆ་གསུམ་དུ་བགོས་ཏེ། ཆ་གཅིག་བླ་མ་ལ་དབུལ། (༩༠བ)
ཆ་གཅིག་རྒྱལ་ཐེབ་ལ་སོགས་པ་རྣམས་ལ་དབུལ། ཆ་གཅིག་ཚར་སྟོན་བྱ་སྟེ། དགེ་སློང་བཞི་སྡེ་བྱ། བོན་རྩིས་སྨན་བཟོ་བཞི་སོགས་བྱ་སྟེ། རྒྱལ་རྗེ་བློན་འབངས་བཞི་སྡེ། བྱིས་པ་སྟོན་མོ་ལ་སོགས་ཆང་ཐེམ་པར་བཀྱེའོ། །དེ་རྗེས་བསྔོ་བ་ནི། ཧོཿ དགེ་བ་དྲི་མེད་རྒྱ་ཆེན་འདིས། །མཐའ་ཡས་སེམས་ཅན་མ་ལུས་ཀུན། །སྒྲིབ་པ་ཀུན་བྲལ་ཚོགས་གཉིས་རྫོགས། །ས་ལམ་མ་ལུས་ཡོངས་རྫོགས་ནས། །སྐུ་གསུམ་དབྱེར་མེད་ལྷུན་གྲུབ་སྟེ། །ཆུབ་པ་མྱ་ངན་འདས་པའི་ས། །མཆོག་གི་དངོས་གྲུབ་མྱུར་ཐོབ་ཤོག །ཨཱོཾ་སཏྭ་བྷྲུཾ་བྷྲུཾ་ཧཱུཾ། ཧོཿ བསྙེན་སྒྲུབ་རྣམ་བཞི་མཐར་ཆུབ་པའི་བྱིན་རླབས་ཀྱིས། ཡུལ་ཕྱོགས་འདིར་ཡང་བཀྲ་ཤིས་ཏེ། མི་ནད་དང་ཕྱུགས་ནད་རྒྱུན་ཆད་ནས། །ཆར་ཆུ་དུས་སུ་ཕེབས་པ་དང་། ལོ་ལེགས་པ་དང་། མཚོན་དང་མུ་གེའི་བསྐལ་པ་ཞི་བར་གྱུར་ཅིག །གནས་མལ་འདིར་ཡང་བྱིན་བཙན་ཏེ། ཕྱི་རབས་ཀྱི་བརྒྱུད་འཛིན་སུ་དང་སུས་བསྒྲུབས་ཀྱང་། །སྒྲུབ་པ་མྱུར་དུ་ཐོན་ནས། མཆོག་དང་མཐུན་མོང་གི་དངོས་གྲུབ་ལ་ལོངས་སྤྱད་པར་གྱུར་ཅིག །ཅེས་པའི་བསྔོ་བ་སྨོན་ལམ་ཚར་ནས། བསྒྲུབ་མཆེད་རྣམས་ལ། དམ་ཚིག་བསླབ་བྱ་དང་། ཆོས་བཤད་ཐེམས་པར་བཤད། ཞི་ཁྲོ་བཀའ་བརྒྱད་ཡོངས་སུ་རྫོགས་པའི་སྤྲ་ཁྲིད། གསང་སྔགས་སྤྱིའི་སྒྲུབ་ཁོག་དཔལ་གསང་བ་ཡོངས་རྫོགས་ཀྱི་སྒྲུབ་ཆེན། །ཨྱོན་གུ་རུ་པདྨ་ཐོད་ཕྲེང་རྩལ་གྱིས། རྗེ་འབངས་གྲོགས་གསུམ་གྱི་དོན་དུ་མཛད་པ་རྫོགས་སོ། །མནྟ་གུ་ཡ། རྒྱ་རྒྱ་རྒྱ། ས་མ་ཡ། ཤེས་རབ་བློ་ལྡན་སྙིང་རྗེ་ཆེ། །སྐལ་ལྡན་ཞིག་དང་འཕྲད་པར་ཤོག །ཐྭ། ཐྭ། ཐཱ། ཞཱ། གྭཱ༔ཀྭཱབསན། ཐས༔ག༽ ཧ༽ ཁཱམ༔ཐཱ། ཐ།༔ (༩༡ན)
བདེ་ལྡན་མགོན་པོའི་དྲི་མེད་ཡེ་ཤེས་སྤྱན། །ཡོངས་གཟིགས་མཚོ་སྐྱེས་རྡོ་རྗེ་འཛམ་གླིང་འདིར། །རིག་སྔགས་འཆང་གཙོ་ནུས་རྩལ་གངས་ཅན་འགྲོར། །ལེགས་བྱིན་བཀའ་དྲིན་ཕ་མཐའ་སུ་ཡིས་འཇལ། །དེ་ཕྱིར་ཅལ་སྒྲོག་གྲགས་རྗེས་འབྲང་བྱེད་པའི། །རྨོངས་པ་ཙམ་མིན་མགོན་ཁྱོད་སྙིང་དབུས་སུ། །གཞོན་ནུ་བུམ་སྐུར་རང་ངོ་མ་འཕྲོད་བར། །རབ་བཞུགས་འཇའ་ལུས་རྡོ་རྗེའི་སྐུ་ཐོབ་ཤོག །གསུང་སྤྲུལ་ཟབ་ཆོས་ཡོངས་འདུའི་འཁྲི་ཤིང་ཆེ། །ཡལ་འདབ་མེ་ཏོག་རྒྱས་པའི་གྲིབ་མ་རུ། །སྤྱི་དང་ཁྱད་པར་གངས་ལྗོངས་ཡིད་ཅན་རྣམས། །བདེ་སྐྱིད་རྫོགས་ལྡན་གསར་པའི་འབྲས་མྱོང་ཤོག །ཅེས་ཆུ་བྱི་ཧོར་ཟླ་བརྒྱད་པའི་ནང་རྣམ་པར་རྒྱལ་བའི་ཕན་བདེ་ལེགས་བཤད་གླིང་པ་སོགས་ལ་ཞི་ཁྲོ་ཀུན་འདུས་བཀའ་བརྒྱད་གསང་བ་ཡོངས་རྫོགས་ཀྱི་དབང་བསྐུར་དུས་སྒྲུབ་འབུམ་དང་དབང་འབུམ་བསྡེབས་ནས་ཆུ་འབབས་སུ་བཀོད་པའི་ཟིན་བྲིས་ཡོངས་འདུའི་འཁྲི་ཤིང་འདིའང་ཟ་ཧོར་གྱི་སྔགས་སྨྱོན་ཟིལ་གནོན་བཞད་པ་རྩལ་གྱིས་སྦྱར་བའི་ཡི་གེ་པ་ནི་གནས་བརྟན་འཇམ་དབྱངས་གྲགས་པའོ། །མངྒལཾ།།