ཁྲོ་བོ་རོལ་པའི་ངག་འདོན་བདུད་སྡེའི་གཡུལ་ལས་རྒྱལ་བའི་སྒྲ་དབྱངས།
ཁྲོ་བོ་རོལ་པའི་ངག་འདོན་བདུད་སྡེའི་གཡུལ་ལས་རྒྱལ་བའི་སྒྲ་དབྱངས་ཞེས་བྱ་བ་བཞུགས་སོ། །
ཞི་ཁྲོ་རིགས་ཀུན་ཁྱབ་བདག་པདྨ་འབྱུང་། །ཟབ་དོན་གཏེར་གྱི་སྒོ་འབྱེད་ཉང་རལ་རྗེ། །བཀའ་བབས་གཉོས་དང་རིགས་འཛིན་མཆེད་གཉིས་སོགས། །མཚུངས་མེད་བརྒྱུད་པའི་ཚོགས་རྣམས་ཕྱག་གི་ཡུལ། ཁྱད་པར་ཆོས་ཀུན་ཀ་ནས་དག་པའི་དབྱིངས། །རང་སར་རྣམ་གྲོལ་ཟུར་ཆེན་ཐམས་ཅད་མཁྱེན། །བཀའ་གཏེར་གནད་ལ་བློ་གྲོས་རབ་ཡངས་པ། །མཆོག་གི་རྡོ་རྗེའི་སློབ་དཔོན་གཙུག་ན་མཛེས། །མངའ་བདག་བླ་མའི་ཕྱག་ལེན་གཉོས་ཞིག་ལ། །བབས་དང་ལེགས་ལྡན་རྡོ་རྗེའི་གསུང་རྒྱུན་རྣམས། །མཚུངས་པར་དྲིན་ཅན་བླ་མ་ཉང་སྟོན་གྱི། །གསུང་རྒྱུན་ཇི་བཞིན་ཁྲོ་རོལ་རེག་ཟིག་འདྲི། །ཁྲོ་བོ་རོལ་པའི་གཏོར་བཟློག་ལག་ཏུ་བསྟར་བ་ལ་བདག་མདུན་གྱི་རྟེན། དཀྱིལ་འཁོར། གཏོར་མ། འཁོར་ལོ་སོགས་བཅའ་གཞི། ཏིང་ངེ་འཛིན་ཕྲ་རགས་ཀྱི་ཕྱག་བཞེས་མཐའ་དག་དམ་པའི་ཞབས་པད་ཡུན་དུ་བསྟེན་ནས་བདེ་འདུས་གཏོར་གཞུང་གི་དགོངས་དོན་ཟབ་གནད་དམར་ཁྲིད་དུ་ཐོབ་པ་དང་མཐོང་བ་བརྒྱུད་པ་ལ་རག་ལུས་པས། ཚུལ་དེ་དག་ཏུ་ཤེས་པར་བྱས་ནས་འདིར་ངག་འདོན་ཁྲིགས་སུ་བཀོད་པ་ལ། །ཉམས་ལེན་གནད་གདམས་ནས་བདག་(༢ན)
མདུན་ཟུང་འཇུག་ཏུ་སྒྲུབ་པའི་ཚུལ་དང་། ཆོག་སྒྲིགས་གཅེས་པའི་ལྡེ་མིག་ལས། ཤེས་པ་རྣམ་པ་གསུམ་གྱི་དབང་དུ་བཏང་བའི་ལོགས་སུ་སྒྲུབ་ཚུལ་གསུངས་པ་གཉིས་བྱུང་བ་ལས་འདིར་ཕྱི་མའི་དབང་དུ་བྱས་ཏེ་ཚོགས་དང་བསྐང་རྫས་བྱིན་གྱིས་བརླབ་པ་ཡན་སོང་ནས། བཟློག་གཏོར་རྣམས་ལྷར་གསལ་གདབ་པ་ནི། སྭ་བྷཱ་ཝས་སྦྱངས། དཔལ་གཏོར་རྣམས་རང་བཞིན་སྟོང་པ་ཉིད་དུ་གྱུར། སྟོང་པའི་ངང་ལས་གཏོར་སྣོད་བྷྲུཾ་ལས་གཞལ་ཡས་ཁང་མཚན་ཉིད་ཡོངས་སུ་རྫོགས་པའི་ནང་དུ་ཧཱུཾ་ལས་དཔལ་གཏོར་གཙོ་བོ་ཁྲག་འཐུང་ལྷ་དགུ་དང་མཐེབ་སྐྱུ་རྣམས་བདུན་བརྒྱ་ཉེར་ལྔའི་འཁོར་ཚོགས་རྒྱ་མཚོར་གསལ་བ་ཞལ་ཕྱག་སྐུ་མདོག་ཆ་ལུགས་ཅིར་ཡང་བསྒྱུར་བ་བསམ་གྱིས་མི་ཁྱབ་པར་གྱུར༔ ཧཱུཾ། རང་བྱུང་དཀྱིལ་འཁོར་དཔལ་ཆེན་རྫོགས༔ ཞེས་པ་ནས་ཨཱཏྨ་ཀོ྅ཧཾ་གི་བར་གྱི་བྱིན་རླབས་དབང་བསྐུར་རྒྱས་གདབ་བྱ། ཚོགས་སྤྱན་འདྲེན་ནས་བསྐང་བཟློག་གི་བར་དཀྱུས་བཞིན། མཆོད་པ་ཕུད་སྐོང་བདེ་འདུས་ཀྱི་གཏེར་གཞུང་ཇི་ལྟ་བ་བཞིན་དུ་གཏོང་། ཚོགས་ཕུད་དང་པོ་དང་བར་པ་གཉིས་དཀྱུས་བཞིན་བཏང་རྗེས། ཉམས་ཆགས་བཤགས་སྐོང་ཡོངས་རྫོགས་གཏེར་གཞུང་ལྟར་བྱ། ཚོགས་ཐ་མ་(༢བ)
བསྒྲལ་ལས་ལ་སྦྱར་བའི་ཕྱིར་ཆེ་བ་བསྐྱེད་དེ་སྣང་སྲིད་ཟིལ་གྱིས་གནོན་པ་ནི། སྒོམ་ཁོག་ལས། ཧོཿ འདི་ལྟར་སྣང་སྲིད་འཁོར་འདས་ཀྱིས་བསྡུས་པའི་ཆོས་ཐམས་ཅད་རང་སེམས་སྐྱེ་མེད་ཐིག་ལེ་ཉག་གཅིག་ཏུ་ཐག་ཆོད་པས། ཕྱི་སྣོད་ཀྱི་སྣང་བ་ཐམས་ཅད་གཞལ་ཡས་ཁང་དུ་བལྟ༔ ནང་རིག་པ་བཅུད་དུ་སྣང་བ་ཐམས་ཅད་ཡོངས་རྫོགས་ཀྱི་ལྷར་གསལ་གདབ༔ དྲེགས་པ་ཅན་ཕོ་མོ་ཐམས་ཅད་བྲན་དུ་བཀོལ༔ སེམས་རྟོག་འགྱུ་དྲན་ཐམས་ཅད་གཅེར་མཐོང་རང་གྲོལ་ཡེ་ཤེས་སུ་གསལ་བར་གྱུར༔ ཧཱུཾ་སྣང་སྲིད་ཐམས་ཅད་གཞལ་ཡས་ཁང་སོགས་ནས། ཧཱུཾ་ཧཱུཾ་ཧཱུཾ། ཧཱུཾ་ཧཱུཾ་ཧཱུཾ། ཧཱུཾ་ཧཱུཾ་ཧཱུཾ། ཞེས་ཆེ་བའི་ང་རྒྱལ་བསྐྱེད། འཕྲིན་ལས་བསྐུལ་བ་ནི། ཧོཿ བདག་ཉིད་ཚོམ་བུ་དགུའི་ལྷ་ཚོགས་ཐམས་ཅད་ཀྱི་ཐུགས་ཀ་ནས་སྤྲུལ་པ་སྣ་ཚོགས་ལས་ལ་བཀྱེ་སྟེ། ཁྲོ་བོ་སྐོར་ལྟར་འཁྲུག ཁྲོ་མོ་སྤྲིན་ལྟར་བཏིབས། ཕོ་ཉ་གློག་ལྟར་འཁྱུག །མཚོན་ཆ་ཆར་ལྟར་འབེབས། ཐུན་ཟོར་ཐོག་ལྟར་ཟང་ཐལ། དེ་ཡང་ལྷ་རེ་རེ་ལས་ཀྱང་སྤྲུལ་པ་ཡང་སྤྲུལ་ཚན་བཞི་བཞིན་འགྱེད་དེ༔ ལ་ལས་འཇིགས་པ་བརྒྱད་སྐྱོབ་ཀྱི་འཕྲིན་ལས་བསྒྲུབ༔ ལ་ལས་འབྱོར་དྲུག་སྤེལ་བའི་འཕྲིན་ལས་བསྒྲུབ༔ ལ་ལས་མོས་པ་རྣམ་བཞིའི་ཚུལ་གྱིས་ཐམས་ཅད་དབང་དུ་སྡུད༔ ལ་ལས་དྲག་པོ་ཚར་གཅོད་ཀྱི་ལས་སྒྲུབ་སྟེ༔ ཨེ་གྲུ་གསུམ་ལྕགས་ཀྱི་ཁང་སྒྲོམ་འབར་བའི་ནང་དུ་དགྲ་བགེགས་ནང་ལ་བྱ་བ་ཐམས་ཅད་ལྕགས་ཀྱུ་ཅན་གྱིས་སྙིང་ནས་འགུགས༔ ཞགས་པ་ཅན་གྱིས་མགུལ་ནས་ཆིངས༔ ལྕགས་སྒྲོག་ཅན་གྱིས་ཡན་ལག་སྡོམས༔ དྲིལ་བུ་ཅན་གྱིས་སྤྱི་ནས་ཆོམས༔ རྡོ་རྗེ་ཅན་གྱིས་བདག་ལ་སྲུངས༔ ཐུན་ཟོར་ཅན་གྱིས་བརྒྱལ་བར་བྱེད༔ མཆེ་བ་ཅན་གྱིས་བརྡེག་པར་བྱེད༔ (༣ན)
གཤོག་པ་ཅན་གྱི་འཇུམས་པར་བྱེད༔ སྡེར་མོ་ཅན་གྱིས་འབྲད་པར་བྱེད༔ ཕུར་པ་ཅན་གྱིས་སྙིང་ལ་འདེབས༔ དུག་ཕོར་ཅན་གྱིས་མྱོས་པར་བྱེད༔ རལ་གྲི་ཅན་གྱིས་ལྷུ་ལྡུམ་འབྲལ༔ མདའ་མདུང་ཅན་གྱིས་ཟང་ཐལ་བྱེད༔ འཁོར་ལོ་ཅན་གྱིས་དུམ་བུར་གཏུབས༔ ཐོ་བ་དགྲ་སྟས་རྡུལ་དུ་རློག༔ མེ་དཔུང་ཅན་གྱིས་ཐལ་བར་སྲེགས༔ རླུང་གཡབ་ཅན་གྱིས་རྗེས་མེད་དུ་བཏང་སྟེ༔ ཆོས་ཀྱི་དབྱིངས་སུ་གཞིལ་ཞིང་བཟློག་པར་གྱུར༔ ཧཱུཾ༔ ཆོས་སྐུ་སྐྱེ་མེད་ངང་ཉིད་སོགས་ནས་རྦོད་ཟོར་སརྦ་བཟློག །བྷྱོཿ ཞེས་ལས་གཞུང་ལྟར་བྱ༔ སྤྱི་བསྐུལ། སྒོས་བསྐུལ། དམོད་བྱང་དང་བཅས་པ་ནི་ཡོངས་རྫོགས་ཀྱི་གཏེར་གཞུང་ན་གསལ་བ་འདི་ལྟ་སྟེ༔ བརྡ་ཡིག་ཡོད། ཞི་ཁྲོ་ཡོངས་རྫོགས་ལྷ་ལ་ཕྱག་འཚལ་ལོ༔ ཐུགས་དམ་བསྐུལ་བའི་མདོ་ལ་གསུམ་སྟེ༔ བདེ་གཤེགས་སྤྱིར་བསྐུལ་ཏེ་མཆོད་བཤགས་ལས་བཞི་ཐུན་མོང་དུ་བསྐུལ་བ་དང་༔ ཕོ་ཉ་སྒོས་སུ་བསྐུལ་ཏེ་བསྒྲུབ་བྱ་ལ་འབད་པ་དང་༔ ཕུར་ཐུན་ཚོམ་བུར་བསྐུལ་ནས་དགྲ་བགེགས་ཚར་གཅོད་པའོ༔ དང་པོ་བདེ་གཤེགས་སྤྱིར་བསྐུལ་བ་ནི༔ གཞུང་ལྟར་བཏང་བས་མཆོད་བཤགས་ལས་བཞི་ཐུན་མོང་དུ་བསྐུལ་བའོ༔ གཉིས་པ་ཕོ་ཉ་སྒོས་སུ་བསྐུལ་ཏེ་བསྒྲུབ་བྱ་ལ་རྦད་པ་ནི༔ བརྡ་ཡིག་ཡོད། ཧེ་རུ་ཀ་དཔལ་ཆེ་ལ་འདུད༔ ཞི་ཁྲོ་ཡོངས་རྫོགས་ཚོམ་བུ་དགུའི༔ བཀའ་སྲུང་དམ་ཅན་སྒོས་བསྐུལ་བ༔ ཤིན་ཏུ་ཟབ་གཉན་གུང་འདིར་བསྟན༔ ཨེ་མའོ། དང་པོ་ཆེ་མཆོག་ཡོན་ཏན་གྱི་ལྷ་ཚོགས་ཀྱི་བཀའ་སྲུང་ཅེ་སྤྱང་མ་བརྒྱད་རྦད་ཅིང་བསྐུལ་བ་ནི༔ ཧཱུཾ། ཤར་ཕྱོགས་ཁྱབ་པར་རྒྱུག་པ་ཡི༔ དཔལ་གྱི་བཀའ་ཉན་(༣བ)
ལས་བྱེད་མ༔ དབུ་ནི་སེང་གེའི་མགོ་བོ་ལ༔ ཤེལ་གྱི་རལ་པ་ཤར་ར་ར༔ ཤེལ་གྱི་ཕུར་བུ་སིལ་ལི་ལི༔ རལ་བ་རེ་ལ་ཕུར་བུ་རེ༔ རལ་པ་སྤྲུགས་པའི་སྐྲ་གསེབ་ནས༔ ཤེལ་གྱི་སེང་གེ་འབུམ་འབུམ་འགྱེད༔ ཅེ་སྤྱང་རྒྱུག་ཚུལ་ཞུངས་སེ་ཞུང་༔ ལག་ན་ཤེལ་གྱི་རྡེའུ་ཆུང་བརྡུང་༔ དྲི་ཟའི་དམག་ཚོགས་དབང་སྡུད་ཅིང་༔ དགྲ་བགེགས་ཐམས་ཅད་ཐལ་བར་རློག༔ ཧཱུཾ། ལྷོ་ཕྱོགས་ཁྱབ་པར་རྒྱུག་པ་ཡི༔ དཔལ་གྱི་བཀའ་ཉན་ལས་བྱེད་མ༔ དབུ་ནི་སྟག་གི་མགོ་བོ་ལ༔ གསེར་གྱི་རལ་པ་ཤར་ར་ར༔ གསེར་གྱི་ཕུར་བུ་སིལ་ལི་ལི༔ རལ་པ་རེ་ལ་ཕུར་བུ་རེ༔ རལ་པ་གསིགས་པའི་སྐྲ་གསེབ་ནས༔ གསེར་གྱི་སྟག་མོ་འབུམ་འབུམ་འགྱེད༔ ཅེ་སྤྱང་རྒྱུག་ཚུལ་ཞུངས་སེ་ཞུང་༔ ལག་ན་གསེར་གྱི་རྡེའུ་ཆུང་བརྡུང་༔ གྲུལ་བུམ་འཁོར་ཚོགས་དབང་སྡུད་ཅིང་༔ དགྲ་བགེགས་ཐམས་ཅད་ཐལ་བར་རློག༔ ཧཱུཾ། ནུབ་ཕྱོགས་ཁྱབ་པར་རྒྱུག་པ་ཡི༔ དཔལ་གྱི་བཀའ་ཉན་ལས་བྱེད་མ༔ དབུ་ནི་གཟིག་གི་མགོ་བོ་ལ༔ བྱུ་རུའི་རལ་པ་ཤར་ར་ར༔ བྱུ་རུའི་ཕུར་བུ་སིལ་ལི་ལི༔ རལ་པ་རེ་ལ་ཕུར་བུ་རེ༔ རལ་པ་གསིགས་པའི་སྐྲ་གསེབ་ནས༔ བྱུ་རུའི་གཟིག་མོ་འབུམ་འབུམ་འགྱེད༔ ཅེ་སྤྱང་རྒྱུག་ཚུལ་ཞུངས་སེ་ཞུང་༔ ལག་ན་བྱུ་རུའི་རྡེའུ་ཆུང་བརྡུང་༔ ཀླུ་གདོན་དམག་ཚོགས་དབང་སྡུད་ཅིང་༔ དགྲ་བགེགས་ཐམས་ཅད་ཐལ་བར་ལོག༔ ཧཱུཾ། བྱང་ཕྱོགས་ཁྱབ་པར་རྒྱུག་པ་ཡི༔ དཔལ་གྱི་བཀའ་ཉན་ལས་བྱེད་མ༔ དབུ་ནི་དོམ་གྱི་མགོ་བོ་ལ༔ ལྕགས་ཀྱི་རལ་པ་ཤར་ར་ར༔ ལྕགས་ཀྱི་ཕུར་བུ་སིལ་ལི་ལི༔ རལ་པ་རེ་ལ་ཕུར་བུ་རེ༔ རལ་པ་གསིགས་པའི་སྐྲ་གསེབ་ནས༔ ལྕགས་ཀྱི་དོམ་བུ་འབུམ་འབུམ་འགྱེད༔ ཅེ་སྤྱང་རྒྱུག་ཚུལ་ཞུངས་སེ་ཞུང་༔ (༤ན)
ལག་ན་ལྕགས་ཀྱི་རྡེའུ་ཆུང་བརྡུང་༔ གནོད་སྦྱིན་དམག་ཚོགས་དབང་སྡུད་ཅིང་༔ དགྲ་བགེགས་ཐམས་ཅད་ཐལ་བར་རློག༔ ཧཱུཾ། ཤར་ལྷོ་ཁྱབ་པར་རྒྱུག་པ་ཡི༔ དཔལ་གྱི་བཀའ་ཉན་ལས་བྱེད་མ༔ དབུ་ནི་སྤྱང་མོའི་མགོ་བོ་ལ༔ གཡུ་ཡི་རལ་པ་ཤར་ར་ར༔ གཡུ་ཡི་ཕུར་བུ་སིལ་ལི་ལི༔ རལ་པ་རེ་ལ་ཕུར་བུ་རེ༔ རལ་པ་གསིགས་པའི་སྐྲ་གསེབ་ནས༔ གཡུ་ཡི་སྤྱང་མོ་འབུམ་འབུམ་འབྱེད༔ ཅེ་སྤྱང་རྒྱུག་ཚུལ་ཞུངས་སེ་ཞུང་༔ ལག་ན་གཡུ་ཡི་རྡེའུ་ཆུང་བརྡུང་༔ དྲང་སོང་དམག་ཚོགས་དབང་སྡུད་ཅིང་༔ དགྲ་བགེགས་ཐམས་ཅད་ཐལ་བར་རློག༔ ཧཱུཾ། ལྷོ་ནུབ་མཚམས་ནས་རྒྱུག་པ་ཡི༔ དཔལ་གྱི་བཀའ་ཉན་ལས་བྱེད་མ༔ དབུ་ནི་བསེ་ཡི་ཀང་ཀའི་མགོ༔ བསེ་ཡི་རལ་པ་ཤར་ར་ར༔ བསེ་ཡི་ཕུར་བུ་སིལ་ལི་ལི༔ རལ་པ་རེ་ལ་ཕུར་བུ་རེ༔ རལ་པ་གསིགས་པའི་སྐྲ་གསེབ་ནས༔ བསེ་ཡི་ཀང་ཀ་འབུམ་འབུམ་འགྱེད༔ ཅེ་སྤྱང་རྒྱུག་ཚུལ་ཞུངས་སེ་ཞུང་༔ ལག་ན་བསེ་ཡི་ཀྱི་རྡེའུ་ཆུང་བརྡུང་༔ བདེན་བྲལ་དམག་ཚོགས་དབང་སྡུད་ཅིང་༔ དགྲ་བགེགས་ཐམས་ཅད་ཐལ་བར་རློག༔ ཧཱུཾ། ནུབ་བྱང་མཚམས་ནས་རྒྱུག་པ་ཡི༔ དཔལ་གྱི་བཀའ་ཉན་ལས་བྱེད་མ༔ དབུ་ནི་དུར་བྱ་ཁྭ་ཁའི་མགོ༔ ཁྲག་གི་རལ་པ་ཤར་ར་ར༔ ཁྲག་གི་ཕུར་བུ་སིལ་ལི་ལི༔ རལ་པ་རེ་ལ་ཕུར་བུ་རེ༔ རལ་པ་གསིགས་པའི་སྐྲ་གསེབ་ནས༔ དུར་བྱ་ཁྭ་ཁ་འབུམ་འབུམ་འགྱེད༔ ཅེ་སྤྱང་རྒྱུག་ཚུལ་ཞུངས་སེ་ཞུང་༔ ལག་ན་གསང་བའི་རྡེའུ་ཆུང་བརྡུང་༔ རླུང་ལྷའི་དམག་ཚོགས་དབང་སྡུད་ཅིང་༔ དགྲ་བགེགས་ཐམས་ཅད་ཐལ་བར་རློག༔ ཧཱུཾ། བྱང་ཤར་མཚམས་ནས་རྒྱུག་པ་ཡི༔ (༤བ)
དཔལ་གྱི་བཀའ་ཉན་ལས་བྱེད་མ༔ དབུ་ནི་ཟངས་ཀྱི་དྲེད་མོའི་མགོ༔ ཟངས་ཀྱི་རལ་བ་ཤར་ར་ར༔ ཟངས་ཀྱི་ཕུར་བུ་སིལ་ལི་ལི༔ རལ་པ་རེ་ལ་ཕུར་བུ་རེ༔ རལ་པ་གསིགས་པའི་སྐྲ་གསེབ་ནས༔ ཟངས་ཀྱི་དྲེད་མོ་འབུམ་འབུམ་འགྱེད༔ ཅེ་སྤྱང་རྒྱུག་ཚུལ་ཞུངས་སེ་ཞུང་༔ ལག་ན་ཟངས་ཀྱི་རྡེའུ་ཆུང་བརྡུང་༔ དབང་ལྡན་དམག་ཚོགས་དབང་སྡུད་ཅིང་༔ དགྲ་བགེགས་ཐམས་ཅད་ཐལ་བར་རློག༔ ཧུ་ལུ་ཧུ་ལུ་རཀྟ་སྙིང་ཁཱ་ཧི༔ ཧཱུཾ་བྷྱོ་ཧཱུཾ་བྷྱོ། ཁ་རཀྵ་ཁ་རཀྵ། ས་མ་ཡ་བྷྱོ༔ མུན་ཏ་ཨ་བེེ་ཤ་ན་ཁ་རཀྵ་ཁ་བྷྱ་བྷྱ༔ ཧུ་ལུ་ཧུ་ལུ་ཧྲིང་༔ ཞེས་རྦད་ཅིང་བསྐུལ་ལོ༔ ཡང་དག་ཐུགས་ཀྱི་བཀའ་སྲུང་སྲིན་མོ་ཉི་ཤུ་རྩ་བརྒྱད་བསྐུལ་བ་ནི༔ ཧཱུཾ། སྨུག་ནག་གཡག་གི་མགོ་བོ་ཅན༔ གཡས་ན་ཞིང་གི་དབྱུག་ཏོ་བསྣམས༔ གཡོན་ན་བྷནྡྷ་རཀྟས་བཀང་༔ དམར་སེར་སྦྲུལ་གྱི་མགོ་བོ་ཅན༔ གཡས་ན་རྡོ་རྗེ་རྩེ་ལྔ་བསྣམས༔ གཡོན་ན་བྷན་ད་རཀྟས་བཀང་༔ སེར་ནག་གཟིག་གི་མགོ་བོ་ཅན༔ གཡས་ན་སྤུ་གྲི་འབར་བ་བསྣམས༔ གཡོན་ན་བྷནྡྷ་༴༔ དཀར་དམར་སྲེ་མོའི་མགོ་བོ་ཅན༔ གཡས་ན་དུང་ཆེན་འབར་བ་བསྣམས༔ གཡོན་ན་བྷནྡྷ་༴༔ སེར་ནག་ཕ་ཝང་མགོ་བོ་ཅན༔ གཡས་ན་འཁོར་ལོ་འབར་བ་བསྣམས༔ གཡོན་ན་བྷནྡྷ་རཀྟས་༴༔ དམར་སེར་དྲེད་ཀྱི་མགོ་བོ་ཅན༔ གཡས་ན་ཞིང་གི་དབྱུག་པ་བསྣམས༔ གཡོན་ན་བྷནྡྷ་རཀྟས་༴༔ དམར་ནག་དོམ་གྱི་མགོ་བོ་ཅན༔ གཡས་ན་ཞིང་གི་རྡེའུ་ཆུང་བསྣམས༔ གཡོན་ན་བྷནྡྷ་རཀྟས་༴༔ སྔོ་ནག་ཆུ་སྲིན་མགོ་བོ་ཅན༔ གཡས་ན་ཞིང་གི་བཾ་རིལ་འཕྱར༔ གཡོན་ན་བྷནྡྷ་༴༔ སྔོ་སྐྱ་སྡིག་པའི་མགོ་བོ་ཅན༔ གཡས་ན་ཞིང་གི་གློ་སྙིང་(༥ན)
ཐོགས༔ གཡོན་ན་བྷནྡྷ་༴༔ སེར་ནག་ཁྲ་ཡི་མགོ་བོ་ཅན༔ གཡས་ན་ཞིང་གི་རྡེའུ་ཆུང་བསྣམས༔ གཡོན་ན་བྷནྡྷ་༴༔ ལྗང་ནག་ཝ་ཡི་མགོ་བོ་ཅན༔ གཡས་ན་དབྱུག་ཏོ་འབར་བ་བསྣམས༔ གཡོན་ན་བྷནྡྷ་༴༔ མཐིང་ནག་སྟག་གི་མགོ་བོ་ཅན༔ གཡས་ནི་ཞིང་གི་དབྱུག་ཏོ་བསྡམས༔ གཡོན་ན་བྷནྡྷ་༴༔ དམར་ནག་བྱ་རྒོད་མགོ་བོ་ཅན༔ གཡས་ཀྱི་ཕྱག་ན་ལྕགས་སྒྲོག་བསྣམས༔ གཡོན་ན་བྷནྡྷ་༴༔ དམར་ནག་རྟ་ཡི་མགོ་བོ་ཅན༔ གཡས་ན་རྡོ་རྗེ་དབྱུག་པ་འཕྱར༔ གཡོན་ན་བྷནྡྷ་༴༔ དམར་སེར་བྱི་ལའི་མགོ་བོ་ཅན༔ གཡས་ཀྱི་ཕྱག་ན་རྡོ་རྗེ་བསྣམས༔ གཡོན་ན་བྷནྡྷ་རཀྟས་༴༔ དམར་ནག་ཁྱི་ཡི་མགོ་བོ་ཅན༔ གཡས་ན་ཏི་རའི་དབྱུག་པ་ཐོགས༔ གཡོན་ན་བྷནྡྷ་རཀྟས་༴༔ དཀར་དམར་པུ་ཤུད་མགོ་བོ་ཅན༔ གཡས་ཀྱི་ཕྱག་ན་པདྨ་བསྣམས༔ གཡོན་ན་བྷནྡྷ་རཀྟས་༴༔ ལྗང་སེར་ཤ་བའི་མགོ་བོ་ཅན༔ གཡས་ན་ཞིང་ཆེན་ཟ་བའི་ཚུལ༔ གཡོན་ན་བྷནྡྷ་རཀྟས་༴༔ དམར་ནག་ཁྭ་དའི་མགོ་བོ་ཅན༔ གཡས་ན་ཞིང་གི་རྡེའུ་ཆུང་བསྣམས༔ གཡོན་ན་བྷནྡྷ་རཀྟས་༴༔ ལྗང་ནག་ཀྱིན་གྱི་མགོ་བོ་ཅན༔ གཡས་ན་ཞིང་གི་རྒྱུ་ཞགས་བསྣམས༔ གཡོན་ན་བྷནྡྷ་རཀྟས་༴༔ དམར་སེར་ཕག་གི་མགོ་བོ་ཅན༔ གཡས་ན་རྩེ་ལྔ་འབར་བ་བསྣམས༔ གཡོན་ན་བྷནྡྷ་རཀྟས་༴༔ དམར་ནག་སྐྱ་ཀའི་མགོ་བོ་ཅན༔ གཡས་ན་ཞིང་གི་རྒྱུ་ཞགས་བསྣམས༔ གཡོན་ན་བྷནྡྷ་རཀྟས་༴༔ ལྗང་ནག་བ་ལང་མགོ་བོ་ཅན༔ གཡས་ན་བཾ་ཆེན་བུམ་རིལ་བསྣམས༔ གཡོན་ན་བྷནྡྷ་རཀྟས་༴༔ སྔོ་སྐྱ་བྱ་རོག་མགོ་བོ་ཅན༔ གཡས་ན་ཟངས་གྲི་འབར་བ་བསྣམས༔ གཡོན་ན་བྷནྡྷ་(༥བ)
རཀྟས་༴༔ ནག་མོ་ཁུ་བྱུག་མགོ་བོ་ཅན༔ གཡས་ན་ལྕགས་ཀྱུ་འབར་བ་བསྣམས༔ གཡོན་ན་བྷནྡྷ་རཀྟས་༴༔ སྔོན་མོ་ར་ཡི་མགོ་བོ་ཅན༔ གཡས་ན་ཞགས་པ་འབར་བ་བསྣམས༔ གཡོན་ན་བྷནྡྷ་རཀྟས་༴༔ དམར་མོ་སྤྲེའུའི་མགོ་བོ་ཅན༔ གཡས་ན་ལྕགས་སྒྲོག་འབར་བ་བསྣམས༔ གཡོན་ན་བྷནྡྷ་རཀྟས་༴༔ ལྗང་གུ་སྤྱང་མོའི་མགོ་བོ་ཅན༔ གཡས་ན་དྲིལ་བུ་འབར་བ་བསྣམས༔ གཡོན་ན་བྷནྡྷ་རཀྟས་༴༔ སྲིན་མོ་ཉི་ཤུ་རྩ་བརྒྱད་ཐུགས་དམ་ཅན༔ དམ་རྫས་བདུད་རྩིའི་མཆོད་པ་འདི་བཞེས་ལ༔ ཡིད་ལ་བརྣག་པའི་དགྲ་བགེགས་མྱུར་དུ་སྒྲོལ༔ ཏྲཀ་རཀྴ་རག་མོ་ཁ་ལ་ཁ་ཚེ་ཐུན༔ ཏྲཀ་རཀྴ་ཁ་ལ་ཁ་ཚེ་ཐུན༔ བྷྱོ་བྷྱོ༔ ཞེས་རྦད་དོ༔ འཇམ་དཔལ་སྐུའི་ལྷ་ཚོགས་རྣམས་ཀྱི་བཀའ་སྲུང་བསྐུལ་བ་ནི༔ ཧཱུཾ། གྲི་ཐོགས་གིང་གི་ཐུགས་དམ་བསྐུལ༔ ཤར་ཕྱོགས་གིང་ཆེན་དཀར་པོ་ནི༔ སྐུ་ལ་དུང་ཁྲབ་དཀར་པོ་གསོལ༔ ཕྱག་ན་དུང་གི་རལ་གྲི་བསྣམས༔ སྲོག་ཆོད་སྙིང་ཕྱུངས་ཤ་རུས་གཏུབས༔ ལྷོ་ཕྱོགས་གིང་ཆེན་སེར་པོ་ནི༔ སྐུ་ལ་གསེར་ཁྲབ་སེར་པོ་གསོལ༔ ཕྱག་ན་གསེར་གྱི་རལ་གྲི་བསྣམས༔ སྲོག་ཆོད་སྙིང་ཕྱུངས་ཤ་རུས་གཏུབས༔ ནུབ་ཕྱོགས་གིང་ཆེན་དམར་པོ་ནི༔ སྐུ་ལ་བསེ་ཁྲབ་དམར་པོ་གསོལ༔ ཕྱག་ན་ཟངས་ཀྱི་རལ་གྲི་བསྣམས༔ སྲོག་ཆོད་སྙིང་ཕྱུངས་ཤ་རུས་གཏུབས༔ བྱང་ཕྱོགས་གིང་ཆེན་སྔོན་པོ་ནི༔ སྐུ་ལ་གཡུ་ཁྲབ་སྔོན་པོ་གསོལ༔ ཕྱག་ན་གཡུ་ཡི་རལ་གྲི་བསྣམས༔ སྲོག་ཆོད་སྙིང་ཕྱུངས་ཤ་རུས་གཏུབས༔ ཧཱུཾ་ཁྲམ་ཐོགས་བདུད་ཀྱི་ཐུགས་དམ་བསྐུལ༔ ཤར་བདུད་རོལ་པོ་རལ་པ་ཅན༔ ཕྱག་ན་བདུད་ཀྱི་ཁྲམ་ཤིང་བསྣམས༔ (༦ན)
དམ་ཉམས་དགྲ་བོ་ཁྲམ་ལ་ཐོབ༔ ཁྲམ་བདག་སྲོག་བདུད་མཆེ་བ་ཅན༔ ཕྱག་ན་བདུད་ཀྱི་ཁྲམ་ཤིང་བསྣམས༔ དམ་ཉམས་དགྲ་བོ་ཁྲམ་ལ་ཐོབ༔ ཟླ་བདུད་རོལ་པོ་ཞགས་པ་ཅན༔ ཕྱག་ན་བདུད་ཀྱི་ཁྲམ་ཤིང་བསྣམས༔ དམ་ཉམས་དགྲ་བོ་ཁྲམ་ལ་ཐོབ༔ སྲོག་བདུད་གསེར་གྱི་སྟ་རེ་ཅན༔ ཕྱག་ན་བདུད་ཀྱི་ཁྲམ་ཤིང་བསྣམས༔ དམ་ཉམས་དགྲ་བོ་ཁྲམ་ལ་ཐོབ༔ ཤོད་ཐོགས་རྩིས་པའི་ཐུགས་དམ་བསྐུལ༔ ཉི་མ་དང་པོའི་རྩིས་བྱེད་གིང་༔ དཀར་པོ་ལག་ན་ཤོད་རྡེ་ཐོགས༔ དམ་ཉམས་དགྲ་བོ་རྩིས་ལ་ཐོབ༔ ཉི་མ་གཉིས་པའི་རྩིས་བྱེད་གིང་༔ སེར་པོ་ལག་ན་ཤོད་རྡེ་ཐོགས༔ དམ་ཉམས་དགྲ་བོ་རྩིས་ལ་ཐོབ༔ ཉི་མ་གསུམ་པའི་རྩིས་བྱེད་གིང་༔ དམར་པོ་ལག་ན་ཤོད་རྡེ་ཐོགས༔ དམ་ཉམས་དགྲ་བོ་རྩིས་ལ་ཐོབ༔ ཉི་མ་བཞི་པའི་རྩིས་བྱེད་གིང་༔ སྔོན་པོ་ལག་ན་ཤོད་རྡེ་ཐོགས༔ དམ་ཉམས་དགྲ་བོ་རྩིས་ལ་ཐོབ༔ བཤན་པ་བཞི་ཡི་ཐུགས་དམ་བསྐུལ༔ ནད་གཏོར་མ་མོའི་བཤན་པ་ནི༔ གསོད་བྱེད་ཆེན་མོའི་ཐུགས་དམ་བསྐུལ༔ བདུད་དང་མཁའ་འགྲོ་ཀུན་གྱི་བདག༔ ནག་མོ་ཆེན་མོ་ཁ་གདངས་མ༔ བཤན་པ་དགྲ་ལ་རྔམས་པའི་ཚེ༔ བཤན་པ་གྲི་ཐོགས་ཟིངས་སེ་ཟིང་༔ མ་མོའི་ཟོར་ཐོགས་ཆིལ་ལི་ལི༔ ཐུན་གྱི་སེར་བ་ཤར་ར་ར༔ ཁྲག་གི་ན་བུན་ཐུལ་ལུ་ལུ༔ ནད་ཀྱི་ན་བུན་ཐིབས་སེ་ཐིབ༔ མ་མོའི་བཤན་པ་དགྲ་ལ་བྷྱོ༔ མྱོས་པ་བཙན་གྱི་བཤན་པ་ནི༔ དམར་བ་བཙན་གྱི་ལིང་པ་སྟེ༔ དམར་པོ་འཇིགས་བྱེད་ཁྲོ་གཏུམ་ཅན༔ སྤྱན་ནི་ཁྲག་གི་མཚོར་འཁྱིལ་ཞིང་༔ ཁྲག་གི་ཁ་ཆུ་ཙར་ར་ར༔ དུག་གི་ཁ་རླངས་ཕྱུར་རུ་རུ༔ ཕྱག་ན་བཙན་གྲི་དམར་པོ་(༦བ)
ཐོགས༔ བཙན་གྱི་བཤན་པའི་དུས་ལ་བབ༔ གླེན་པ་ཀླུ་ཡི་བཤན་པ་ནི༔ སྐུ་མདོག་མཐིང་ནག་འཇིགས་པ་ལ༔ སྦྲུལ་གྱི་རལ་པས་ས་གཞི་ཁེངས༔ སྐུ་ལ་སྦྲུལ་གྱི་བེར་ཆེན་གསོལ༔ སྦྲུལ་ནག་རློན་པའི་རྐེད་ཆིངས་ཅན༔ ཕྱག་ན་སྦྲུལ་ནག་ཞགས་པ་ཐོགས༔ སྦྲུལ་གྱི་ཁ་ནས་དུག་མདའ་རྒྱོབ༔ ཀླུ་ཡི་བཤན་པའི་དུས་ལ་བབ༔ གདུག་རྩུབ་གཟའ་ཡི་བཤན་པ་ནི༔ སྐུ་མདོག་ནག་པོ་ཙེར་རེ་རེ༔ གཡས་ན་མདུད་ལ་དར་ནག་འཕྱར༔ གཡོན་ན་སྙིང་དང་ཞགས་པ་བསྣམས༔ རུ་མཚོན་གཡས་ན་བསྣམས་པའི་ཚེ༔ བདུད་ཀྱི་དམག་ཚོགས་ཉེར་རེ་རེ༔ ཞགས་པ་ནག་པོ་ནར་ར་ར༔ ནག་པོ་སྲོག་ལ་དབང་བྱེད་པ༔ གཟའ་ཡི་བཤན་པའི་དུས་ལ་བབ༔ འཇམ་དཔལ་སྐུ་ཡི་བཀའ་སྲུང་ཐུགས་དམ་ཅན༔ དམ་རྫས་བདུད་རྩིའི་མཆོད་པ་འདི་བཞེས་ལ༔ ཡིད་ལ་བརྣག་པའི་དགྲ་བགེགས་མྱུར་དུ་སྒྲོལ༔ ཡ་མ་ར་ཙ། ས་ཏྭ་མེ་ཡ། ཡ་མེ་དུ་རུ། ཎ་ཡོ་ད་ཡ། ཡ་ད་ཡོ་ནི། ར་ཡཀྵེ་ཡ། ཡཀྵེ་ཡ་ཚ། ནི་ར་མ་ཡ། ཐུན་ཡ། ཐུན་ཡ། པདྨ་གསུང་གི་བཀའ་སྲུང་བསྐུལ་བ་ནི། ཧཱུཾ། སྐུ་ལས་སྤྲུལ་པའི་ཁམ་རྒྱ་མོ༔ དུང་གི་སྤྱང་མོ་མགོ་གསུམ་ཞོན༔ གསུང་ལས་སྤྲུལ་པའི་ཁམ་རྒྱ་མོ༔ ཟངས་ཀྱི་འཕར་བ་ལྕེ་བརྒྱད་ཞོན༔ ཐུགས་ལས་སྤྲུལ་པའི་ཁམ་རྒྱ་མོ༔ ལྕགས་ཀྱི་སྤྱང་མོ་མགོ་དགུ་ཞོན༔ ཡོན་ཏན་སྤྲུལ་པའི་ཁམ་རྒྱ་མོ༔ གཡུ་ཡི་སྤྱང་མོ་རྐང་གསུམ་ཞོན༔ འཕྲིན་ལས་སྤྲུལ་པའི་ཁམ་རྒྱ་མོ༔ གསེར་གྱི་སེང་གེ་རྔམ་ཁྲི་ཞོན༔ གཉིས་མེད་སྤྲུལ་པའི་ཁམ་རྒྱ་མོ༔ དུང་གི་སེང་གེ་མགོ་དགུ་ཞོན༔ ཤར་ཕྱོགས་ལོང་བ་རྒྱབ་འབྲེལ་ནི༔ འབྲུག་ཆེན་སྔོན་པོ་(༧ན)
ཆིབས་སུ་བཅིབས༔ ན་བཟའ་ནེའུ་ལེའི་དཔུང་རྡུམ་གསོལ༔ ལག་ན་ལྕགས་ཀྱུ་དགྲ་སྟ་ཐོགས༔ དབུ་ཡི་རལ་པ་ཚར་རེ་ལ༔ གཟའ་རྒོད་མིག་དམར་ཚར་དུ་འབེབས༔ སྤྲུལ་པ་དམུས་ལོང་བཅོ་ལྔས་བསྐོར༔ ལྷོ་ཕྱོགས་ལོང་བ་རྒྱབ་འབྲེལ་ནི༔ ལྕགས་ཀྱི་སྡིག་པ་ཆིབས་སུ་བཅིབས༔ ཕྱག་ན་ལྕགས་ཀྱི་ཁྱུང་ཆེན་བསྣམས༔ ན་བཟའ་གསའ་ཡི་རལ་མ་གསོལ༔ དབུ་ཡི་རལ་བ་ཚར་རེ་ལ༔ ཉི་མ་འབུམ་གྱི་ཆར་བ་འབེབས༔ སྤྲུལ་པ་དམུས་ལོང་བཅོ་ལྔས་བསྐོར༔ ནུབ་ཕྱོགས་ལོང་བ་རྒྱབ་འབྲེལ་ནི༔ བ་ལང་དཀར་པོ་ཆིབས་སུ་བཅིབས༔ ན་བཟའ་ཀླུ་འབྲུག་པགས་པ་གསོལ༔ ལག་ན་སྦྲུལ་གྱི་ཞགས་པ་ཐོགས༔ དབུ་ཡི་རལ་པ་ཚར་རེ་ལ༔ དུག་དག་མེ་ཡི་ཆར་པ་འབེབས༔ སྤྲུལ་པ་དམུས་ལོང་བཅོ་ལྔས་བསྐོར༔ བྱང་ཕྱོགས་ལོང་བ་རྒྱབ་འབྲེལ་ནི༔ ལྕགས་ཀྱི་དྲེལ་རྟ་རྐང་གསུམ་བཅིབས༔ ན་བཟའ་ཞིང་གི་གཡང་གཞི་གསོལ༔ ལག་པ་ཕྲལ་ནས་གར་སྟབས་བྱེད༔ དབུ་ཡི་རལ་པ་ཚར་རེ་ལ༔ ལོང་བའི་སྤྲུལ་པ་ཆར་དུ་འབེབས༔ སྤྲུལ་པ་དམུས་ལོང་བཅོ་ལྔས་བསྐོར༔ ཧཱུཾ། ཤར་གྱི་ཕྱོགས་ནས་རྒྱུག་པའི་ཁྱི་༴༔ དུང་གི་ཁྱི་མོ་རལ་པ་ཅན༔ ལྷོ་ཡི་ཕྱོགས་ནས་རྒྱུག་པའི་ཁྱི༔ གསེར་གྱི་ཁྱི་མོ་རལ་པ་ཅན༔ ནུབ་ཀྱི་ཕྱོགས་ནས་རྒྱུག་པའི་ཁྱི༔ ཟངས་ཀྱི་ཁྱི་མོ་རལ་པ་ཅན༔ བྱང་གི་ཕྱོགས་ནས་རྒྱུག་པའི་ཁྱི༔ གཡུ་ཡི་ཁྱི་མོ་རལ་པ་ཅན༔ ཤར་ལྷོ་མཚམས་ནས་རྒྱུག་པའི་ཁྱི༔ བྱུ་རུའི་ཁྱི་མོ་རལ་པ་ཅན༔ ལྷོ་ནུབ་མཚམས་ནས་རྒྱུག་པའི་ཁྱི༔ མཆོང་གི་ཁྱི་མོ་རལ་པ་ཅན༔ ནུབ་བྱང་མཚམས་ནས་རྒྱུག་པའི་ཁྱི༔ བསེ་ཡི་ཁྱི་མོ་རལ་པ་ཅན༔ བྱང་ཤར་(༧བ)
མཚམས་ནས་རྒྱུག་པའི་ཁྱི༔ ཤེལ་གྱི་ཁྱི་མོ་རལ་པ་ཅན༔ དཔལ་གྱི་ཁྱི་བརྒྱད་ཐུགས་དམ་ཅན༔ ཀུན་ཀྱང་འཇིགས་ཚུལ་རྔམས་པའི་གཟུགས༔ མཆེ་བ་སྤུ་གྲི་གཏམས་པ་འདྲ༔ མིག་ནི་ཉི་མའི་ཟེར་བས་འཚེར༔ དགྲ་བགེགས་སྒྲོལ་བའི་ལས་མཛོད་ཅིག༔ ཤར་གྱི་ཕྱོགས་ནས་རྒྱུག་པ་ཡི༔ དུང་གི་སྤྱང་མོ་རལ་པ་ཅན༔ ལྷོ་ཡི་ཕྱོགས་ནས་རྒྱུག་པ་ཡི༔ གསེར་གྱི་སྤྱང་མོ་རལ་པ་ཅན༔ ནུབ་ཀྱི་ཕྱོགས་ནས་རྒྱུག་པ་ཡི༔ ཟངས་ཀྱི་སྤྱང་མོ་རལ་པ་ཅན༔ བྱང་གི་ཕྱོགས་ནས་རྒྱུག་པ་ཡི༔ གཡུ་ཡི་སྤྱང་མོ་རལ་པ་ཅན༔ ཤར་ལྷོ་མཚམས་ནས་རྒྱུག་པ་ཡི༔ མཐིང་གི་སྤྱང་མོ་རལ་པ་ཅན༔ ལྷོ་ནུབ་མཚམས་ནས་རྒྱུག་པ་ཡི༔ མུ་མེན་སྤྱང་མོ་རལ་པ་ཅན༔ ནུབ་བྱང་མཚམས་ནས་རྒྱུག་པ་ཡི༔ མཆོང་གི་སྤྱང་མོ་རལ་པ་ཅན༔ བྱང་ཤར་མཚམས་ནས་རྒྱུག་པ་ཡི༔ ར་གན་སྤྱང་མོ་རལ་པ་ཅན༔ སྤྱང་མོ་རོ་ཤལ་ཐུགས་དམ་ཅན༔ ཀུན་ཀྱང་སྤྱན་གྱིས་དུར་ཁྲོད་གཟིགས༔ ལས་སུ་དུར་ཁྲོད་གནས་སུ་རྒྱུག༔ ཁ་ནས་རོ་ཤལ་དུར་ཐག་གཅོད༔ མ་ཐོགས་མྱུར་དུ་ལས་གྱིས་ཤིག༔ ཤར་གྱི་ཕྱོགས་ཀྱི་ཕོ་ཉ་ནི༔ དཀར་མོ་ཟླ་འདབ་འཇིགས་པའི་གཟུགས༔ ལྷོ་ཡི་ཕྱོགས་ཀྱི་ཕོ་ཉ་ནི༔ སེར་མོ་ཉི་འདབ་འཇིགས་པའི་གཟུགས༔ ནུབ་ཀྱི་ཕྱོགས་ཀྱི་ཕོ་ཉ་ནི༔ དམར་མོ་མེ་འདབ་འཇིགས་པའི་གཟུགས༔ བྱང་གི་ཕྱོགས་གྱི་ཕོ་ཉ་ནི༔ སྔོན་མོ་ཆུ་འདབ་འཇིགས་པའི་གཟུགས༔ ཀུན་ཀྱང་ལྗགས་ལས་གློག་འགྱུ་བས༔ འཇིག་རྟེན་ཐམས་ཅད་སྲེག་པར་བྱེད༔ ཞལ་ནས་ཆུ་འབབ་རྦ་རླབས་གཡེང་༔ ཤངས་ནས་རླུང་འཐོར་བུ་ཡུག་འཚུབ༔ སྤྱན་ནས་ཁྲོ་ཆུའི་ཐོག་(༨ན)
ཀྱང་འབེབས༔ ལྗགས་ལས་སྤྲུལ་པའི་ཕོ་ཉ་འགྱེད༔ མཆེ་བས་ཁམས་གསུམ་སྒྲོལ་བར་བྱེད༔ ཕོ་ཉ་ཆེན་མོ་བྱེད་རྣམས་ཀྱིས༔ མ་ཐོགས་མྱུར་དུ་འཕྲིན་ལས་མཛོད༔ རླུང་འབྲུག་སྐུ་མདོག་སྔོན་མོ་ལ༔ རིན་ཅེན་གཡུ་ཡི་འདབ་གཤོག་ཅན༔ མེ་འབྲུག་སྐུ་མདོག་དམར་མོ་ལ༔ འབར་བ་མེ་ཡི་འདབ་གཤོག་ཅན༔ ཀླུ་འབྲུག་སྐུ་མདོག་སྔོན་མོ་ལ༔ གདུག་པ་སྦྲུལ་གྱི་འདའ་གཤོག་ཅན༔ གཅིག་ནི་སྣ་ཚོགས་གཟུགས་ཅན་མ༔ རྡོ་རྗེའི་འདབ་གཤོག་འབར་བས་གཏམས༔ ཀུན་ཀྱང་འབྲུག་སྒྲ་འུར་རུ་རུ༔ ཁ་ནས་གློག་དམར་ཁྱུགས་སེ་ཁྱུག༔ དམ་ཉམས་དགྲ་ལ་མངགས་པའི་ཚེ༔ ཡུད་ཙམ་གྱིས་ནི་དགྲ་བགེགས་སྒྲོལ༔ པདྨ་གསུང་གི་སྲུང་མ་ཐུགས་དམ་ཅན༔ དམ་རྫས་བདུད་རྩིའི་མཆོད་པ་འདི་བཞེས་ལ༔ ཡིད་ལ་བརྣག་པའི་དགྲ་བགེགས་མྱུར་དུ་སྒྲོལ༔ ཏྲི་པ་ཏྲི་པ་ཧཱུཾ་ཕཊ༔ ཁ་ལ་རོ་ཤ་ཁ་ལ་རོ་ཤ་ཧཱུཾ་ཕཊ༔ ཡཀྴ་ཀུན་བཾ་ཛཿཧཱུཾ་ཕཊ༔ ཛ་ལཾ་ཛ་ལཾ་ཧཱུཾ་ཕཊ༔ ས་མ་ཡ་ཡཀྴ་ཧཱུཾ་ཕཊ༔ ཛ་ལ་ཨ་མོ་ཀ་ཏྲཾ་ཧཱུཾ་ཕཊ༔ ཅེས་རྦད་དོ༔ ཕུར་པ་འཕྲིན་ལས་ཀྱི་བཀའ་སྲུང་བསྐུལ་བ་ནི༔ ཧཱུཾ། ནམ་གྱི་སྲོད་ཀྱི་དམ་ཅན་མ༔ ལྕགས་ཀྱི་སྤྱང་མོ་མགོ་དགུ་ལ༔ མི་མོ་ལྕགས་ཀྱི་མགོ་ཅན་ཞོན༔ ལག་ན་ལྕགས་ཀྱི་ཕུར་བུ་འདྲིལ༔ ཤྭ་ན་མུ་ཁའི་དུས་ལ་བབ༔ གསེར་གྱི་འཕར་བ་ལྕེ་བརྒྱད་ལ༔ མི་མོ་གསེར་གྱི་མགོ་ཅན་ཞོན༔ ལག་ན་གསེར་གྱི་ཕུར་བུ་འདྲིལ༔ སྲི་ལ་མུ་ཁའི་དུས་ལ་བབ༔ ཟངས་ཀྱི་ཝ་མོ་རྐང་གསུམ་ལ༔ མི་མོ་ཟངས་ཀྱི་མགོ་ཅན་ཞོན༔ ལག་ན་ཟངས་ཀྱི་ཕུར་བུ་འདྲིལ༔ སྲི་ལ་མུ་ཁའི་དུས་(༨བ)
ལ་བབ༔ ལྕགས་ཀྱི་ཁྱི་མོ་རལ་པ་ཅན༔ མི་མོ་ལྕགས་ཀྱི་མགོ་ཅན་ཞོན༔ ལག་ན་དུང་གི་ཕུར་བུ་འདྲིལ༔ ཤྭ་ན་མུ་ཁའི་དུས་ལ་བབ༔ ནམ་གྱི་གུང་གི་དམ་ཅན་མ༔ ནག་མོ་རལ་པས་སྟོང་ཁམས་ཁྱབ༔ ཕྱག་ན་མཆོང་གི་ཕུར་བུ་འདྲིལ༔ ཆིབས་སུ་དྲེལ་རྟ་ནག་པོ་བཅིབས༔ རེ་མ་ཏཱི་ཡི་དུས་ལ་བབ༔ སེར་ནག་རྨ་བྱའི་ཐུལ་བ་ཅན༔ ཕྱག་ན་མཆོག་གི་ཕུར་བུ་འདྲིལ༔ ཆིབས་སུ་དྲེལ་རྟ་ནག་པོ་བཅིབས༔ རེ་མ་ཏཱི་ཡི་དུས་ལ་བབ༔ དམར་ནག་རེ་ལྡེ་ནག་པོ་གསོལ༔ ཕྱག་ན་མཆོག་གི་ཕུར་བུ་འདྲིལ༔ ཆིབས་སུ་དྲེལ་རྟ་ནག་པོ་བཅིབས༔ རེ་མ་ཛ་ཡི་དུས་ལ་བབ༔ ལྗང་ནག་དར་ནག་གོས་ཟུང་གསོལ༔ ཕྱག་ན་མཆོག་གི་ཕུར་བུ་འདྲིལ༔ ཆིབས་སུ་དྲེལ་རྟ་ནག་པོ་བཅིབས༔ རེ་མ་ཛུ་ཡི་དུས་ལ་བབ༔ ནམ་གྱི་ཐོ་རངས་དམ་ཅན་མ༔ མཐིང་ནག་ལྕགས་ཕུར་རལ་པ་ཅན༔ ཕྱག་ན་ལྕགས་ཀྱི་ཕུར་བུ་འདྲིལ༔ ཆིབས་སུ་བདུད་རྟ་ནག་པོ་བཅིབས༔ རྡོ་རྗེ་ཡ་བྱིན་དུས་ལ་བབ༔ སེར་མོ་གསེར་ཕུར་རལ་པ་ཅན༔ ཕྱག་ན་གསེར་གྱི་ཕུར་བུ་འདྲིལ༔ ཆིབས་སུ་གཟའ་རྟ་སེར་པོ་བཅིབས༔ རྡོ་རྗེ་དེ་བྱིན་དུས་ལ་བབ༔ དམར་མོ་བསེ་ཕུར་རལ་པ་ཅན༔ ཕྱག་ན་བསེ་ཡི་ཕུར་བུ་འདྲིལ༔ ཆིབས་སུ་བཙན་རྟ་ནག་པོ་བཅིབས༔ རྡོ་རྗེ་བསེ་བྱིན་དུས་ལ་བབ༔ ལྗང་མོ་གཡུ་ཕུར་རལ་པ་ཅན༔ ཕྱག་ན་གཡུ་ཡི་ཕུར་བུ་༴༔ ཆིབས་སུ་ཀླུ་རྟ་སྔོན་པོ་༴༔ རྡོ་རྗེ་ཕག་བྱིན་དུས་ལ་བབ༔ ཤར་ཕྱོགས་སྲིན་པོའི་སྐྱེས་བུ་ནི༔ དཀར་པོ་ལག་ན་ཕུར་བུ་འདྲིལ༔ སྲིན་པོའི་གྱད་ཆེན་དུས་ལ་བབ༔ ལྷོ་ཕྱོགས་གཤིན་རྗེའི་སྐྱེས་བུ་ནི༔ (༩ན)
ནག་པོ་ལག་ན་ཕུར་བུ་༴༔ གཤིན་རྗེ་ནག་པོའི་དུས་ལ་བབ༔ ནུབ་ཕྱོགས་ཡ་བདུད་སྐྱེས་བུ་ནི༔ དམར་པོ་ལག་ན་ཕུར་བུ་༴༔ སོག་པོ་མི་ཧྲེང་དུས་ལ་བབ༔ བྱང་ཕྱོགས་གནོད་སྦྱིན་སྐྱེས་བུ་ནི༔ སྔོན་པོ་ལག་ན་ཕུར་བུ་ཐོགས༔ མོན་པ་མི་ཧྲང་དུས་ལ་བབ༔ ཤར་བདུད་དཀར་པོ་མཆེ་བ་ཅན༔ ཕྱག་ན་དུང་གི་ཕུར་བུ་༴༔ ཤར་གྱི་སྐྱེས་བུའི་དུས་ལ་བབ༔ ལྷོ་བདུད་སྔོན་པོ་རལ་པ་ཅན༔ ཕྱག་ན་གཡུ་ཡི་ཕུར་བུ་༴༔ ལྷོ་ཡི་སྐྱེས་བུའི་དུས་ལ་བབ༔ ནུབ་བདུད་ནག་པོ་ཞགས་པ་ཅན༔ ཕྱག་ན་ཞགས་པ་ཕུར་བུ་༴༔ ནུབ་ཀྱི་སྐྱེས་བུའི་དུས་ལ་བབ༔ བྱང་བདུད་ལྗང་ནག་རལ་པ་ཅན༔ ཕྱག་ན་རལ་གྲི་ཕུར་བུ་འདྲིལ༔ བྱང་གི་སྐྱེས་བུའི་དུས་ལ་༴༔ པྲ་མ་ར་ཙ་སྲིན་པོའི་གཙོ༔ དཀར་པོ་ལག་ན་ཕུར་བུ་འདྲིལ༔ ཤར་གྱི་དམག་དཔོན་དུས་ལ་བབ༔ ཡ་མ་རཱ་ཙ་གཤིན་རྗེའི་གིང་༔ སྔོན་པོ་ལག་ན་ཕུར་བུ་འདྲིལ༔ ལྷོ་ཡི་དམག་དཔོན་དུས་ལ་༴༔ དྷ་ཤ་གྷྲཱི་བ་བདུད་ཀྱི་གིང་༔ ནག་པོ་ལག་ན་ཕུར་བུ་༴༔ ནུབ་ཀྱི་དམག་དཔོན་དུས་ལ་བབ༔ ཡཀྴ་གྷྲཱི་བ་གནོད་སྦྱིན་གིང་༔ སེར་པོ་ལག་ན་ཕུར་བུ་འདྲིལ༔ བྱང་གི་དམག་དཔོན་དུས་ལ་བབ༔ ཕུར་པ་འཕྲིན་ལས་སྲུང་མ་ཐུགས་དམ་ཅན༔ དམ་རྫས་བདུད་རྩིའི་མཆོད་པ་འདི་བཞེས་ལ༔ ཡིད་ལ་བརྣག་པའི་དགྲ་བགེགས་མྱུར་དུ་སྒྲོལ༔ ཀ་ཏཾ་ཀ་ཏེ་ཧེ་ཛ་ཡེ་བི་ཛ་ཡེ༔ ཨ་ཙི་ཏ་ཨ་པ་ར་ཙིཏྟ་མ་ར་པ་ན་པྲ་མརྟ་ན་ཡེ་ཧཱུཾ་ཕཊ༔ ཅེས་རྦད་དོ༔ མ་མོ་རྦོད་གཏོང་གི་བཀའ་སྲུང་བསྐུལ་བ་ནི༔ ཧཱུཾ། སྔོན་མོ་འབུམ་གྱི་ལས་བྱེད་མ༔ མཚོ་སྨན་རྒྱལ་(༩བ)
མོ་དཔལ་མོ་ལྡན༔ སྐུ་མདོག་སྔོན་མོ་མེ་ལོང་ཐོགས༔ དཀར་མོ་འབུམ་གྱི་ལས་བྱེད་མ༔ དཀར་མོ་ཆེན་མོ་དབུ་དགུ་མ༔ ལག་ན་བྷནྡྷ་སྐམ་པོ་ཐོགས༔ སེར་མོ་འབུམ་གྱི་ལས་བྱེད་མ༔ སྲིད་པའི་བུ་མོ་དམ་ཚིག་ཅན༔ ལག་ན་བྷནྡྷ་སྐམ་པོ་ཐོགས༔ སྨུག་པོ་འབུམ་གྱི་ལས་བྱེད་མ༔ སྨུག་ནག་ཆེན་མོ་དབུ་ལྔ་མ༔ ལག་ན་བྷནྡྷ་རློན་པ་ཐོགས༔ དཀར་མོ་སྟོང་གི་ལས་བྱེད་མ༔ ཁྲམ་ཁ་སྟོང་གི་དབང་མོ་ཆེ༔ ལག་ན་ཐོད་པ་སྐམ་པོ་ཐོགས༔ སེར་མོ་སྟོང་གི་ལས་བྱེད་མ༔ རི་རབ་གླིང་བཞིའི་དབང་མོ་ཆེ༔ ལག་ན་བྷནྡྷ་སེར་པོ་ཐོགས༔ སྨུག་ནག་སྟོང་གི་ལས་བྱེད་མ༔ ཐེག་ཆེན་ས་གཞིའི་དབང་མོ་ཆེ༔ ལག་ན་བྷནྡྷ་དམར་པོ་ཐོགས༔ སྔོན་མོ་སྟོང་གི་ལས་བྱེད་མ་༔ རྒྱ་མཚོ་གླིང་གི་དབང་མོ་ཆེ༔ ལག་ན་བྷནྡྷ་སྔོན་པོ་ཐོགས༔ གནམ་གྱི་ཡེ་འདར་ཆེན་མོ་ནི༔ ནག་མོ་མུན་པའི་གོ་ཟུ་ཅན༔ ལག་ན་བྷནྡྷ་ཁྲག་བཀང་ཐོགས༔ བར་གྱི་གློག་མ་སྲིན་མོ་ཡང་༔ ཁྲག་གི་བུད་མེད་དམར་ནག་ལ༔ ལག་ན་བྷནྡྷ་ཁྲག་བཀང་ཐོགས༔ ས་ཡི་འཕུང་བྱེད་ཆེན་མོ་ནི༔ མུན་པའི་བུད་མེད་ནག་མོ་ལ༔ ལག་ན་བྷནྡྷ་ཁྲག་བཀང་ཐོགས༔ རྩིས་ཀྱི་མ་གསུམ་དུས་ལ་བབ༔ གསང་བའི་མ་མོ་སྦེད་བྱེད་མ༔ ནག་མོ་ཆེན་མོ་ལྕགས་ཀྱུ་ཐོགས༔ ཕོ་ཉར་ལྕགས་ཀྱི་ཁྱི་མོ་ཁྲིད༔ གསང་བའི་མ་མོ་འཁྲུག་བྱེད་མ༔ ནག་མོ་ཁྲག་གི་ལྕགས་ཀྱུ་ཐོགས༔ ཕོ་ཉར་ཟངས་ཀྱི་ཁྱི་མོ་ཁྲིད༔ གསང་བའི་མ་མོ་གསོད་བྱེད་མ༔ ནག་མོ་ལག་ན་ལྕགས་ཀྱུ་ཐོགས༔ ཕོ་ཉ་ལྕགས་ཀྱི་ཁྱི་མོ་ཁྲིད༔ གསང་བའི་མ་གསུམ་དུས་ལ་བབ༔ ལྕགས་ཀྱི་སྤྱང་མོ་མཆེ་(༡༠ན)
བ་ཅན༔ ཟངས་ཀྱི་ཝ་མོ་སྡེར་མོ་ཅན༔ དུང་གི་ཁྱི་མོ་རལ་པ་ཅན༔ མ་མོ་ཆེན་མོ་རོ་ཁ་མོ༔ ནག་མོ་ཐོད་པ་ཁྲག་བཀང་ཐོགས༔ མ་མོ་ཆེན་མོ་ཙ་མུན་ཏྲི༔ སྨུག་མོ་ཐོད་པ་ཁྲག་བཀང་ཐོགས༔ མ་མོ་ཆེན་མོ་ནམ་གྲུ་མ༔ ནག་མོ་ཐོད་པ་ཁྲག་བཀང་ཐོགས༔ རོ་ཁ་མཆེད་གསུམ་དུས་ལ་བབ༔ ཤར་གྱི་སྟག་སྲིན་ཟོར་བ་གདོང་༔ དཀར་མོ་ལག་ན་ཟོར་བ་ཐོགས༔ ལྷོ་ཡི་བཾ་སྲིན་དྲེད་མོ་གདོང་༔ སེར་ནག་ལག་ན་ཟོར་བ་ཐོགས༔ ནུབ་ཀྱི་ཀོང་སྲིན་བ་ལང་གདོང་༔ དམར་མོ་ལག་ན་ཟོར་བ་ཐོགས༔ བྱང་གི་འབྲོག་སྲིན་ཆུ་སྲིན་གདོང་༔ སྔོན་མོ་ལག་ན་ཟོར་བ་ཐོགས༔ གདོང་ཁ་མ་བཞིའི་དུས་ལ་བབ༔ མ་མོ་རྦོད་གཏོང་སྲུང་མ་ཐུགས་དམ་ཅན༔ དམ་རྫས་བདུད་རྩིའི་མཆོད་པ་འདི་བཞེས་ལ༔ ཡིད་ལ་བརྣག་པའི་དགྲ་བགེགས་མྱུར་དུ་སྒྲོལ༔ མ་མ་རུ་ལུ་ཧཱུཾ་བྷྱོ༔ ཏྲག་ཏྲག་རཀྵ་བྷྱོ༔ ཏྲག་རཀྵ་བྷྱོ༔ རག་མོ་རག་མོ་སརྦ་བྷྱོ༔ རིགས་འཛིན་གྱི་བཀའ་སྲུང་བསྐུལ་བ་ནི༔ ཧཱུཾ། རྡོ་རྗེ་རིགས་ཀྱི་མཁའ་འགྲོ་མ༔ སྔོན་མོ་རྡོ་རྗེ་ཐོད་ཁྲག་ཐོགས༔ རིན་ཅེན་རིགས་ཀྱི་མཁའ་འགྲོ་མ༔ སེར་མོ་རིན་ཆེན་ཐོད་ཁྲག་ཐོགས༔ པདྨ་རིགས་ཀྱི་མཁའ་འགྲོ་མ༔ དམར་མོ་པདྨ་ཐོད་ཁྲག་ཐོགས༔ ལས་ཀྱི་རིགས་ཀྱི་མཁའ་འགྲོ་མ༔ ལྗང་གུ་རྒྱ་གྲམ་ཐོད་ཁྲག་ཐོགས༔ འཇིག་རྟེན་ལས་ཀྱི་མཁའ་འགྲོ་མ༔ སྣ་ཚོགས་གྲི་གུག་ཐོད་ཁྲག་ཐོགས༔ རྡོ་རྗེ་རིགས་ཀྱི་དཔའ་བོ་ནི༔ སྔོན་པོ་རྡོ་རྗེ་ཐོད་ཁྲག་ཐོགས༔ རིན་ཅེན་རིགས་ཀྱི་དཔའ་བོ་ནི༔ སེར་པོ་རིན་ཅེན་ཐོད་ཁྲག་ཐོགས༔ པདྨ་རིགས་ཀྱི་དཔའ་བོ་ནི༔ (༡༠བ)
དམར་པོ་པདྨ་ཐོད་ཁྲག་ཐོགས༔ ལས་ཀྱི་རིགས་ཀྱི་དཔའ་བོ་ནི༔ ལྗང་གུ་རྒྱ་གྲམ་ཐོད་ཁྲག་ཐོགས༔ འཇིག་རྟེན་ལས་ཀྱི་དཔའ་བོ་ནི༔ སྣ་ཚོགས་གྲི་དང་ཐོད་པ་ཐོགས༔ དཔའ་བོ་དཔའ་མོ་མཁའ་འགྲོའི་ཚོགས༔ སིལ་སྙན་མང་པོ་སིལ་ལི་ལི། རྒྱན་ཆ་མང་པོ་པུར་རུ་རུ༔ མཁའ་འགྲོ་སྟོང་དང་སྤུངས་སེ་སྤུང་༔ འདིར་སྤྱོན་རིགས་འཛིན་སྲུང་མའི་ཚོགས༔ དམ་རྫས་བདུད་རྩིའི་མཆོད་པ་འདི་བཞེས་ལ༔ ཡིད་ལ་བརྣག་པའི་དགྲ་བགེགས་མྱུར་དུ་སྒྲོལ༔ བདེ་འདུས་ལས། འཇིག་རྟེན་པ་དང་། དྲག་སྔགས་ལ་བཀའ་སྲུང་བསྐུལ་དུ་མ་མཆིས་སོ༔ རེ་རེ་ལའང་འཁོར་འབུམ་ཕྲག་གཉིས་གཉིས་དང་ལྡན་ནོ༔ བཀའ་སྲུང་གི་བསྐུལ་རྫོགས་སོ༔ རྒྱ་རྒྱ་རྒྱ༔ ཞེས་གསུངས་པ་ནི་སྒྲུབ་སྡེ་དྲུག་གི་དཀྱུས་ལྟར་འཇིག་རྟེན་པའི་སྡེ་གཉིས་སྐུ་མདོག་ཕྱག་མཚན་གྱི་སྒོ་ནས་བསྐུལ་ན་ཧ་ཅང་མངས་ཆེས་པས་མ་གསུངས་ཀྱང་༔ ཡོངས་རྫོགས་ཕོ་ཉ་སྒོས་བསྐུལ་དཀྱུས་སུ་མདོར་བསྡུས་གསུངས་པ་འདི་ལྟ་སྟེ༔ འཇིག་རྟེན་མཆོད་བསྟོད་ཀྱི་བཀའ་སྲུང་ཕོ་ཉ་བསྐུལ་བ་ནི༔ ཧཱུཾ། སྣང་སྲིད་དྲེགས་པའི་སྡེ་དཔོན་བཞེངས༔ དབང་ཕྱུག་མ་ཧཱ་དེ་བ་དང་༔ བཙུན་མོ་ཨུ་མ་དེ་ཝཱཾ་བཅས༔ དགྲ་བགེགས་ཁུག་ལ་མྱུར་དུ་སྒྲོལ༔ འཆི་བདག་ཡ་མ་རཱ་ཙ་བྷྱོཿ སྐྱེ་འགྲོ་སྲོག་གི་བདག་མོ་བྷྱོ༔ དགྲ་བགེགས་ཁུག་༴༔ མ་མོ་སྲིད་པའི་རྒྱལ་མོ་བྷྱོ༔ སྔགས་སྲུང་ཨ་ཀཱེ་ཛཱ་ཏཱི་བྷྱོཿ དགྲ་བགེགས་ཁུག་༴༔ བདུད་པོ་བསྐོས་རྗེ་བྲང་དཀར་བྷྱོཿ དགྲ་བགེགས་ཁུག་༴༔ བདུད་མོ་ཆེན་པོ་རཱེ་ཏཱི་བྷྱོ༔ རྒྱལ་པོ་ཆེན་པོ་པེ་ཀར་བྷྱོ༔ སྲོག་བདག་ཚངས་པ་དཀར་པོ་(༡༡ན)
བྷྱོ༔ དགྲ་བགེགས་ཁུག་༴༔ སྐྱེས་མཆོག་རྡོ་རྗེ་ལེགས་པ་བྷྱོཿ གཟའ་བདུད་ཆེན་པོ་རཱ་ཧུ་བྷྱོཿ དགྲ་བགེགས་ཁུག་༴༔ སྲིན་པོ་ནག་པོ་གློག་འཕྲེང་བྷྱོཿ སྲིན་མོ་སྦལ་མགོ་ཁྲག་མིག་བྷྱོཿ དགྲ་བགེགས་ཁུག་༴༔ གནོད་སྦྱིན་ཡཀྴ་མེ་དབལ་བྷྱོཿ གནོད་སྦྱིན་མོན་མོ་ནག་མོ་བྷྱོཿ དགྲ་བགེགས་ཁུག་༴༔ མགོན་ནག་མ་ཧཱ་ཀཱ་ལ་བྷྱོཿ བདེ་ཆེན་རྡོ་རྗེ་བདུད་འདུལ་བྷྱོཿ དགྲ་བགེགས་ཁུག་༴༔ དམུ་བདུད་ནག་པོ་བཀྲག་མེད་བྷྱོཿ མུ་སྟེགས་གུ་ལང་ནག་པོ་བྷྱོཿ དགྲ་བགེགས་ཁུག་༴༔ སྲིད་པའི་ལྷ་རབས་ཤམྦྷུ་བྷྱོཿ གནམ་སྨན་ཐོག་གི་བུ་ཡུག་བྷྱོཿ དགྲ་བགེགས་ཁུག་༴༔ མ་སངས་གཡའ་སྤང་སྐྱེས་གཅིག་བྷྱོཿ ཁྲག་བཙན་སྲོག་ཟན་དམར་པོ་བྷྱོཿ དགྲ་བགེགས་ཁུག་༴༔ སྲོག་བདག་གནམ་ཐེ་དཀར་པོ་བྷྱོཿ བཙན་འགོང་ཡཾ་ཤུད་དམར་པོ་བྷྱོཿ དགྲ་བགེགས་ཁུག་༴༔ བགེགས་རྒྱལ་བྱི་ན་ཡ་ཁ་བྷྱོཿ དཔལ་ལྡན་ནག་མོ་མགྱོགས་བྱེད་བྷྱོཿ དགྲ་བགེགས་ཁུག་༴༔ ཀླུ་བདུད་ནག་པོ་མགོ་དགུ་བྷྱོཿ ཀླུ་མོ་ནག་མོ་གདུག་བྱེད་བྷྱོཿ དགྲ་བགེགས་ཁུག་༴༔ སྡེ་དཔོན་སུམ་ཅུ་གཙོ་འཁོར་བཅས༔ དམ་རྫས་བདུད་རྩིའི་མཆོད་པ་འདི་བཞེས་ལ༔ ཡིད་ལ་བརྣག་པའི་དགྲ་བགེགས་མྱུར་དུ་སྒྲོལ༔ ཨཱོཾ་བཛྲ་ཙཎྜ་སརྦ་དུཥྚཱ་ན་ཧཱུཾ་ཕཊ༔ གིང་ཀ་ར་བདུད་ཏྲི་མཱ་ར༔ ཨ་བི་བུ་པ་ཤང་མི་ཀི་ནཱ་ག་ཡཀྵ་རཀྴ་མ་མ༔ དགྲ་བགེགས་གནོད་བྱེད་འབྱུང་པོ་མཱ་ར་ཡ་རྦད༔ ཅེས་བསྐུལ་ལོ༔ དམོད་པ་དྲག་སྔགས་ཀྱི་ཕོ་ཉ་བཀའ་སྲུང་བསྐུལ་བ་ནི༔ ཧཱུཾ་བྷྱོ་ཛཿ ལྷ་སྲིན་སྡེ་བརྒྱད་འཁོར་དང་བཅས༔ དྲེགས་པ་སྤྱི་ཡི་སྡེ་དཔོན་བྷྱོ༔ དགྲ་སྲོག་(༡༡བ)
དམར་པོ་ཆོད་ལ་ཤོག༔ འཆི་བདག་གཤིན་རྗེ་ནག་པོ་ཆེ༔ གཤིན་རྗེ་ཡོངས་ཀྱི་སྡེ་དཔོན་བྷྱོཿ དགྲ་སྲོག་དམར་པོ་ཆོད་༴༔ འཆི་བདག་ནག་པོའི་བཙུན་མོ་སྟེ༔ སྐྱེ་འགྲོ་དབུགས་ཀྱི་བདག་མོ་བྷྱོ༔ དགྲ་སྲོག་དམར་པོ་༴༔ འབྱུང་བ་ལྔ་ཡི་བདག་མོ་སྟེ༔ སྣང་སྲིད་མ་མོའི་སྡེ་དཔོན་བྷྱོ༔ དགྲ་སྲོག་དམར་པོ་༴༔ བདུད་པོ་མེ་ཡི་ཁ་རླངས་ཅན༔ བདུད་རྣམས་ཀུན་གྱི་སྡེ་དཔོན་བྷྱོ༔ དགྲ་སྲོག་དམར་པོ་༴༔ བདུད་མོ་ནག་མོ་ཁྲག་འཛག་མ༔ བདུད་མོ་ཡོངས་ཀྱི་སྡེ་དཔོན་བྷྱོ༔ དགྲ་སྲོག་དམར་པོ་༴༔ མ་ཧཱ་དེ་ཝ་ལྷ་ཆེན་པོ༔ ལྷ་རྣམས་ཡོངས་ཀྱི་སྡེ་དཔོན་བྷྱོ༔ དགྲ་སྲོག་དམར་པོ་༴༔ གནོད་སྦྱིན་གང་བ་བཟང་པོ་ནི༔ གནོད་སྦྱིན་ཡོངས་ཀྱི་སྡེ་དཔོན་བྷྱོ༔ དགྲ་སྲོག་དམར་པོ་༴༔ གནོད་སྦྱིན་ཤ་ཟ་རལ་གཅིག་མོ༔ གནོད་སྦྱིན་ཡོངས་ཀྱི་སྡེ་དཔོན་བྷྱོ༔ དགྲ་སྲོག་དམར་པོ་༴༔ མུ་སྟེགས་ཀཱ་ལ་ཡཀྴ་སྟེ༔ ལོག་འདྲེན་ཡོངས་ཀྱི་སྡེ་དཔོན་བྷྱོ༔ དགྲ་སྲོག་དམར་པོ་༴༔ སྔགས་པ་ལྟ་བ་ལོག་པ་ཅན༔ རུ་དྲ་ཡོངས་ཀྱི་སྡེ་དཔོན་བྷྱོ༔ དགྲ་སྲོག་དམར་པོ་༴༔ ཀུ་ལེ་ལག་དགུ་ཞེས་བྱ་བ༔ འགོང་པོ་ཡོངས་ཀྱི་སྡེ་དཔོན་བྷྱོ༔ དགྲ་སྲོག་དམར་པོ་༴༔ རྡོ་རྗེ་ལེགས་པ་ཞེས་བྱ་བ༔ ཐེའུ་རང་ཡོངས་ཀྱི་སྡེ་དཔོན་བྷྱོ༔ དགྲ་སྲོག་དམར་པོ་༴༔ སྲོག་བདག་རྒྱལ་པོའི་ལི་བྱིན་ཧར༔ རྒྱལ་པོ་ཡོངས་ཀྱི་སྡེ་དཔོན་བྷྱོཿ དགྲ་སྲོག་དམར་པོ་༴༔ དམུ་རྗེ་བཙན་པོ་ཞེས་བྱ་བ༔ དམུ་རྣམས་ཡོངས་ཀྱི་སྡེ་དཔོན་བྷྱོ༔ དགྲ་སྲོག་དམར་པོ་༴༔ ཁྱབ་འཇུག་ཆེན་པོ་རཱ་ཧུ་ལ༔ གཟའ་རྣམས་ཡོངས་ཀྱི་སྡེ་དཔོན་བྷྱོ༔ དགྲ་སྲོག་དམར་པོ་༴༔ རཀྴ་ནག་པོ་གློག་འཕྲེང་ཅན༔ སྲིན་པོ་ཡོངས་ཀྱི་(༡༢ན)
སྡེ་དཔོན་བྷྱོཿ དགྲ་སྲོག་དམར་པོ་༴༔ སྲིན་མོ་སྦལ་མགོ་ཁྲག་མིག་མ༔ སྲིན་མོ་ཡོངས་ཀྱི་སྡེ་དཔོན་བྷྱོཿ དགྲ་སྲོག་དམར་པོ་༴༔ ཡམ་ཤུད་དམར་པོ་ཞེས་བྱ་སྟེ༔ བཙན་རྣམས་ཡོངས་ཀྱི་སྡེ་དཔོན་བྷྱོཿ དགྲ་སྲོག་དམར་པོ་༴༔ ཀླུ་རྒྱལ་གཞོན་ནུ་གཏུམ་པོ་སོགས༔ ཀླུ་བརྒྱད་ཀླུ་ཡི་སྡེ་དཔོན་བྷྱོཿ དགྲ་སྲོག་དམར་པོ་༴༔ སྔགས་བདག་སྡེ་དཔོན་བཅོ་བརྒྱད་པོ༔ དམ་རྫས་བདུད་རྩིའི་མཆོད་པ་འདི་བཞེས་ལ༔ ཡིད་ལ་བརྣག་པའི་དགྲ་བགེགས་མྱུར་དུ་སྒྲོལ༔ ཨཱོཾ་བཛྲ་སརྦ་དུཥྚཱཾ་ཧཱུཾ་ཕཊ༔ ཡ་མ་ནཱ་ག་དེ་ཝ་རཱ་ཧུ་ལ་ཡཀྴ་རཀྴ༔ དྷ་ཤ་གྷཱི་ཝ་དགྲ་བགེགས་མཱ་ར་ཡ་རྦད༔ ཅེས་པས་བསྐུལ་ཞིང་རྔ་བརྡུང་འཆམས་སྟབས་བྱ༔ ཕུར་ཐུན་གྱིས་བྲབ་བོ། ཁུགས་རྟགས་བྱུང་བྱུང་དུ་རྦད་དོ༔ དམ་ཅན་སྒོས་སུ་བསྐུལ་ཏེ། དགྲ་བགེགས་བླ་ཚེ་དགུག་པའོ༔ སྒྲུབ་ཆེན་གསང་བ་ཡོངས་རྫོགས་ཀྱི་ཕོ་ཉ་སྒོས་སུ་བསྐུལ་བ་རྫོགས་སོ༔ གྷུ་ཧྱ་གཏད་རྒྱ། གཏེར་རྒྱ། ཟབ་རྒྱ། རྒྱ་རྒྱ་རྒྱ། གསུམ་པ་དམོད་བྱང་ནི༔ ཡོངས་རྫོགས་གཏེར་གཞུང་ལས༔ བརྡ་ཡིག་ཡོད། སློབ་དཔོན་པདྨ་འབྱུང་གནས་ཀྱི༔ ཕྱི་རབས་སྔགས་འཆང་རྣལ་འབྱོར་པ་རྣམས་ཀྱི་སྐུ་དགྲ །སྒྲལ་བའི་ཞིང་བཅུར་གྱུར་པ་རྣམས༔ འཇིག་རྟེན་ལས་འདས་པ་དང་མ་འདས་པ་རྣམས་ཀྱི་ཞལ་དུ་སྟོབ་པའི་ཕྱིར༔ སྲུང་མ་ལ་དམ་བདར་ཞིང་དམོད་པ་འདོར་བ་ནི༔ ཡོངས་རྫོགས་ཀྱི་བཀའ་སྲུང་ཡན་ཆད་བསྐུལ་ཞིང་འཕྲིན་ལས་བཅོལ་བའི་རྗེས་ལ༔ ཧོཿ རྡོ་རྗེ་སློབ་དཔོན་བཀའ་ཡི་སྲུང་མའི་ཚོགས་རྣམས་དགོངས་སུ་གསོལ༔ གཞན་ཡང་ཕ་མེས་བརྒྱུད་ཀྱི་སྲུང་མ། དབེན་གནས་(༡༢བ)
གཉན་གྱི་སྲུང་མ། ཉ་སྟོང་དུས་དྲུག་གི་སྲུང་མ། །བསྟེན་བསྟེན་པ་བསྒྲུབས་བསྒྲུབས་པ། གསོལ་གསོལ་བ། མཆོད་མཆོད་པ། སྐུ་དང་གྲིབ་མ་བཞིན་དུ་གནས་པའི་དམ་ཅན་རྒྱ་མཚོའི་ཚོགས་རྣམས་དགོངས་ཤིག༔ སངས་རྒྱས་ཀྱི་བསྟན་པ་གང་ན་གནས་པ་ན། ཆོས་སྐྱོང་སྲུང་མའི་ཚོགས་ཀྱང་དེ་ན་གནས་པ་ཡིན་ནོ༔ རྣལ་འབྱོར་གྱི་དབང་ཕྱུག་གང་ན་གནས་པ་ན། དམ་ཅན་རྒྱ་མཚོའི་ཚོགས་ཀྱང་དེ་ན་གནས་པ་ཡིན་ནོ༔ གསང་བའི་སྙིང་པོ་གང་ན་གནས་པ་ན༔ སྔགས་བདག་དྲེགས་པའི་ཚོགས་ཀྱང་དེ་ན་གནས་པ་ཡིན་ནོ༔ ཆོས་སྐྱོང་བསྟན་པ་མི་བསྲུང་ཅི་ཞིག་བསྲུང་༔ དམ་ཅན་དམ་ལ་མི་གནས་ཅི་ལ་གནས༔ སྔགས་བདག་དགྲ་བགེགས་མི་སྒྲོལ་ཅི་ཞིག་སྒྲོལ༔ སུ་ལ་མི་རེ་ཁྱོད་ལ་རེ༔ སུ་ལ་མི་བལྟོས་ཁྱོད་ལ་བལྟོས༔ རྒྱལ་མཚན་དུ་ཁྱོད་འཛུགས། ཕྲག་པ་ལ་ཁྱོད་འཁུར། དམག་དཔུང་དུ་ཁྱོད་བསྐྱེད། དཔའ་དར་དུ་ཁྱོད་འཕྱར་བ་ཡིན་ན༔ སྔོན་གྱི་དམ་ཚིག་ཡལ་བར་མ་འདོར༔ སྡང་བའི་དགྲ་ལ་མཐུ་མ་ཆུང་༔ གནོད་བྱེད་བགེགས་ལ་རྩལ་མ་ཞན༔ བཅོལ་བའི་ལས་ལ་བང་མ་བུལ༔ མཐུ་དང་རྩལ་ཕྱུངས་ལ་མི་མཐུན་པའི་ཕྱོགས་ཐམས་ཅད་ཞི་བ་དང་བཟློག་པའི་འཕྲིན་ལས་མཛོད་ཅིག༔ ཡུལ་འཁོར་ཁྱིམ་དང་བཅས་པའི་སྲུང་མ་མཛོད་ཅིག༔ མི་ནོར་ཕྱུགས་གསུམ་གྱི་གཉེར་ཀ་མཛོད་ཅིག༔ ཡུལ་དུ་འཁོར་སྲུངས་ཤིག༔ བྱེས་སུ་རྐྱེན་ཟློག་ཅིག༔ ཕྱི་ནང་གི་བར་ཆད་སྲུངས་ཤིག༔ བཅོལ་བའི་ལས་ཀྱིས་ཤིག༔ བསྒྲུབས་པའི་རྟགས་སྤུངས་ཤིག༔ འཕྲིན་ལས་སྔོན་དུ་གྱིས་ཤིག༔ རྣལ་འབྱོར་པ་བདག་ཅག་གི་བསམ་པ་ཡིད་བཞིན་དུ་(༡༣ན)
འགྲུབ་པར་མཛོད་ཅིག༔ སངས་རྒྱས་ཀྱི་བསྟན་པ་བཤིག་པ། དཀོན་ཅོག་གི་དབུ་འཕང་དམོད་པ། སྔ་དགྲ་དར་བ། ཕྱི་དགྲ་སེམས་པ། ད་དགྲ་རྩོམ་པ། གཟུགས་ཅན་གྱི་དགྲ །གཟུགས་མེད་ཀྱི་བགེགས། བསྟན་པ་བཤིག་པར་བྱེད་པའི་དགྲ་བོ་འདི་རྣམས་ཐལ་བའི་རྡུལ་དུ་རློག་ཅིག༔ རྣལ་འབྱོར་བ་བདག་གིས་ཁས་མ་ཉེས། ལག་གིས་མ་ཉེས། སྤྱོད་པས་མ་ཉེས། དགྲ་བོ་འདི་རྣམས་ཀྱིས་སྐུ་ལ་བདོས་སོ༔ རིགས་ལ་བསྙེགས་སོ༔ བསྟན་པ་བཤིག་གོ༔ འདི་ལས་ཀྱི་རླུང་དམར་གྱིས་རྒྱབ་ནས་འཕུལ་ཞིག༔ འཇིགས་པའི་མུན་ནག་གིས་མདུན་ནས་བསུས་ཤིག༔ གནམ་གྱི་འཇུ་ཐག་སྟེང་ནས་ཆོད་ཅིག༔ སའི་རྟེན་ཕུར་འོག་ནས་ཕྱུངས་ཤིག༔ དཀོན་པའི་ཚེ་སྲོག་དང་ཕྲོལ་ཤིག༔ ཚེའི་འདུ་བྱེད་སྐུམས་ཤིག༔ ཁ་རུ་ལག་པ་རྒྱུག་ཅིག༔ མིག་འབྲས་ཐང་ལ་ལྟུང་ཞིག༔ འཆི་བདག་གི་བདུད་ཐོང་ཞིག༔ འཁོར་བཤིག་ཅིག༔ ཚང་དཀྲུགས་ཤིག༔ མགོ་བོ་ཁོས་ཤིག༔ ལུས་གཏུབས་ཤིག༔ སྒོ་ཡི་ནོར་དང་ཕྲོལ་ཞིག༔ མཆན་གྱི་བུ་དང་ཕྲོལ་ཞིག༔ ཡུལ་གྱི་ཁང་ཁྱིམ་བཤིག་ཅིག༔ ཞིང་གི་སྐྱེ་བརྒྱུད་ཆོད་ཅིག །ཡར་གྱི་ཕ་བརྒྱུད་ཆོད་ཅིག༔ མར་གྱི་བུ་བརྒྱུད་ཆོད་ཅིག༔ རྩད་ནས་ཆོད་ཅིག༔ དྲུང་ནས་ཕྱུངས་ཤིག༔ གློ་བུར་དང་ཡེ་འབྲོག་ཐོང་ཞིག༔ སྨྱོ་འབོག་དང་བརྒྱལ་ནད་ཐོང་ཞིག༔ ལྟས་ངན་དང་ཆོ་འཕྲུལ་ཐོང་ཞིག༔ མནའ་མནོལ་དང་དམེ་འཁྲུག་ཐོང་ཞིག༔ ལོ་དང་ཟླ་བར་མ་བཞག་ཅིག༔ ཞག་དང་ཟ་མར་སྒྲོལ་ཅིག༔ ནམ་མཁའ་སྟོང་པ་ལ་ཚད་མ་འཛུགས༔ འཇིག་རྟེན་ཕྱི་མ་ལ་དུས་མ་འདེབས༔ རང་བཞིན་གྱིས་གྲུབ་(༡༣བ)
པའི་སྐྱེ་འཆི་ལ་ཁུངས་མ་འབྱིན༔ ལས་ཀྱི་དབང་བཙན་ནོ་ཞེས་སྙད་མ་འདོགས་པར། རྟགས་དང་མཚན་མ་མྱུར་དུ་སྔོན་དུ་ཕྱུངས་ཤིག༔ ཁྱེད་ལ་གཏང་རག་གཉན་པོ་གཏོང་ངོ་། །ཡེ་ཤེས་ཀྱི་སྤྱན་འབྱེད་དོ༔ ཐུགས་དམ་གྱི་རྒྱུད་བསྐུལ་ལོ༔ བཅོལ་བའི་ལས་ཀྱི་འབྲས་བུ་མྱུར་དུ་མཆིས་པ་མཛོད༔ ཅེས་དམ་བདར། འཕྲིན་ལས་བཅོལ་ལོ༔ དམོད་པ་བཏབ་སྟེ༔ གོས་གདབ་ཅིང་བཏང་བས། དང་པོས་དམ་ཚིག་རྗེས་སུ་དྲན་པར་བྱེད༔ གཉིས་པས་དུས་རྟག་ཏུ་སྒྲུབ་པ་པོ་འཁོར་དང་བཅས་པ་ལ༔ བྲན་བཞིན་དུ་བཀའ་ཉན༔ གསུམ་པས་སངས་རྒྱས་ཀྱི་བསྟན་པ་བཤིག་པའི་རུ་དྲ་འགལ་བ་ཅན་ལ། རང་དབང་མེད་པར་གཤེད་དུ་འབེབས་པར་བྱེད་པས། རྣལ་འབྱོར་པ་རྣམས་ཀྱིས་དུས་གསུམ་དུ་འཕྲིན་ལས་གདགས་པར་བྱའོ༔ ཞེས་གདམས་སོ༔ དམ་བདར་འཕྲིན་ལས་བཅོལ་བའི་རིམ་པ། སློབ་དཔོན་པདྨ་འབྱུང་གནས་ཀྱིས། ཇོ་མོ་མཁར་ཆེན་བཟའ་ལ་ཟབ་པར་གདམས་པ་རྫོགས་སོ༔མི་བརྗེད་པའི་གཟུངས་ཐོབ་པའི་ཇོ་མོ་མཁར་ཆེན་བཟའི་དཔེ། དར་ཤོག་སྔོན་པོ་ལ་བཻ་ཌཱུཪྻས་བྲིས་པ་ལས་ཞལ་བཤུས་ཤིང་དག་པར་བྲིས་པའོ༔ ལོ་བདུན་བཀའ་རྒྱས་བཏབ་པོ༔ མནྟྲ་གྷུ་ཡ། བརྡ་ཡིག་ཡོད། རྒྱ་རྒྱ་རྒྱ༔ སྒྲུབ་ཁོག་གི་དམིགས་པ་དང་བཅས་ཏེ་དྲག་སྔགས་སོ་ལྔ་པ་བརྒྱ་ཙམ་བཟླ༔ གསེར་སྐྱེམས་ནི། བྱིན་རླབས་གཏེར་མཛོད་རྩ་བརྒྱུད་བླ་མ་དང་། །དངོས་གྲུབ་ཆར་འབེབས་ཞི་ཁྲོ་བཀའ་བརྒྱད་ལྷ༔ བར་ཆད་ཀུན་སེལ་དཔའ་བོ་མཁའ་འགྲོའི་ཚོགས། །གསེར་སྐྱེམས་འདི་བཞེས་རྣལ་འབྱོར་མཐུ་དཔུང་བསྐྱེད། །བསྟན་(༡༤ན)
སྲུང་དམ་ཅན་རྒྱ་མཚོའི་ཚོགས་སྤྱི་དང་། ཁྱད་པར་དཔལ་མགོན་ནག་པོ་མ་ནིང་ཆེ། །དྲེགས་པའི་སྡེ་དཔོན་སུམ་ཅུ་འཁོར་བཅས་རྣམས། །གསེར་སྐྱེམས་འདི་བཞེས་༴། །ཚེ་རབས་རིགས་བརྒྱུད་ལ་བརྟེན་སྲུང་མ་དང་། འགོ་བའི་ལྷ་ལྔ་ཡུལ་གཞིས་གནས་ཀྱི་བདག །ལོ་ཟླ་ཞག་ཚེས་ཕྱོགས་མཚམས་སྒོ་འཕྲང་ལྷར༔ གསེར་སྐྱེམས་༴། བརྡ་ཡིག་ཡོད། སློབ་དཔོན་པདྨ་འབྱུང་གནས་ཀྱིས༔ དུས་ཕྱི་རབས་ཀྱི་སྔགས་འཆང་སྒྲུབ་པ་བཀའ་བརྒྱད་ཡོངས་སུ་རྫོགས་པའི་རྣལ་འབྱོར་པ་རྣམས་ཀྱིས། ཆོས་སྐྱོང་སྲུང་མ་གནད་ནས་བསྐུལ་བའི་ཕྱིར་གཟུ་དཔང་གསོལ་བ་ནི༔ བྷྱོ། ཕྱོགས་བཅུ་དུས་བཞིའི་བདེ་གཤེགས་རྩ་བ་གསུམ༔ མ་ཡོ་མ་ནོར་གཟུ་དང་དཔང་མཛོད་ཅིག༔ འགྲོ་བའི་དོན་མཛད་བཅོམ་ལྡན་ཤཱཀ་ཐུབ་ལ༔ སྡིག་ཅན་ལྷ་སྦྱིན་ངན་པས་བརྙས་བཙུགས་སོ༔ ཆེ་རྟགས་ངུར་སྨྲིག་ན་བཟས་བརྒྱན་བྱས་ནས༔ རྫོགས་པའི་སངས་རྒྱས་ཐོབ་པ་དོན་མེད་དམ༔ ནམ་མཁར་གནས་པའི་གཡུ་འབྲུག་སྔོན་མོ་ལ༔ ལྟས་ངན་བུང་བ་ངན་པས་བརྙས་བཙུགས་སོ༔ ཆེ་རྟགས་ལྕེ་ལ་གློག་དམར་བརྒྱན་བྱས་ནས༔ སྟོང་གསུམ་འབྲུག་སྒྲ་བཀང་བ་དོན་མེད་དམ༔ མཁའ་ལ་གནས་པའི་བྱ་ཁྱུང་ག་རུ་ལ༔ ལྟས་ངན་སྲིན་བྱ་ངན་པས་བརྙས་༴༔ ཆེ་རྟགས་ལྕགས་རུས་དབུ་ལ་༴༔ གཤོག་སྒྲོ་སྤུ་གྲིར་གཏམས་པ་༴༔ གངས་ལ་གནས་པའི་སེང་གེ་དཀར་མོ་ལ༔ དུར་ཁྲོད་ཝ་སྐྱ་འཇོལ་མོས་༴༔ ཆེ་རྟགས་གཡུ་རལ་སྔོན་པོས་༴༔ རྩལ་གསུམ་ལུས་ལ་རྫོགས་པ་༴༔ ཀུན་ལ་དབང་སྒྱུར་ས་བདག་རྒྱལ་པོ་ལ༔ འབངས་འཁོར་སྐྱེ་བོ་ངན་པས་༴༔ ཆེ་རྟགས་མེན་ཏྲི་ཐོད་(༡༤བ)
དམར་བརྒྱན་༴༔ རྒྱལ་སྲིད་ཆོས་བཞིན་བསྐྱངས་པ་༴༔ གྲུབ་ཐོབ་སློབ་དཔོན་པདྨ་འབྱུང་གནས་ལ༔ བོད་ཁམས་ལྷ་སྲིན་ངན་པས་༴༔ ཆེ་རྟགས་ཐོད་པའི་ཕྲེང་བས་༴༔ ལྷ་སྲིན་དམ་ལ་བཏགས་པ་དོན་མེད་དམ༔ དམ་ཆོས་སྟོན་པའི་རྡོ་རྗེ་སློབ་དཔོན་ལ༔ དམ་ཉམས་སློབ་མ་ངན་པས་༴༔ ཆེ་རྟགས་འཆད་ཅིང་ཀླད་ལ་བསྐོར་བྱས་ནས༔ སྒྲུབ་པའི་རྒྱལ་མཚན་བཙུགས་པ་དེ་ན་༴༔ ད་ལྟ་སྒྲུབ་པའི་རྣལ་འབྱོར་སྔགས་འཆང་ལ༔ དམ་ཉམས་དགྲ་བོ་ངན་པས་༴༔ ཡི་དམ་རྒྱལ་བ་ཞི་ཁྲོའི་སྐུར་བསྒོམས་ནས༔ བཟླས་བརྗོད་ཚུལ་བཞིན་བྱས་པ་དོན་མེད་དམ༔ ཧཱུཾ་བྷྱོཿ གསང་སྔགས་རྡོ་རྗེ་ཐེག་པའི་དཀྱིལ་འཁོར་དུ༔ མི་ཕྱེད་དད་པས་ཞུགས་པའི་རྣལ་འབྱོར་བདག༔ སྒྲུབ་པའི་སྙིང་པོ་དམ་དུ་བཅས་པ་ལ༔ བར་ཆོད་འཚེ་བ་དམ་ཉམས་དགྲ་ཡིས་བྱས༔ ད་ནི་མངོན་སྤྱོད་དྲག་པོའི་ལས་རྩོམ་ན༔ ལྷ་དང་དམ་ཅན་རྒྱ་མཚོ་གྲོགས་ལ་སྤྱོན༔ བདག་གི་མ་ཉེས་དམ་ཉམས་དགྲ་ཡིས་ཉེས༔ ཉེས་བྱས་འདི་ལ་ཆད་པའི་ལས་མཛོད་ཅིག༔ ཉེས་མེད་རྣལ་འབྱོར་བདག་གི་གྲོགས་གཡེལ་ན༔ སྔོན་གྱི་ཐ་ཚིག་འགལ་བར་གྱུར་ཏ་རེ༔ ཁས་བླངས་གཉན་གྱི་མཐའ་ལས་མ་བཏང་བར༔ དོ་ནུབ་གཟུ་དཔང་གཉན་པོའི་གྲོགས་ལ་སྤྱོན༔ ཁྱེད་ཀྱིས་དྲངས་པའི་སེམས་ཉིད་ད་ལྟ་རང་༔ སྡིག་ཅན་དགྲ་བོ་སྒྲོལ་བའི་འཕྲིན་ལས་མཛོད༔ དུས་གསུམ་སངས་རྒྱས་རྣམས་ཀྱང་བྱིན་མ་ཆུང་༔ ཆོས་སྐྱོང་སྲུང་མ་རྣམས་ཀྱང་མཐུ་མ་ཆུང་༔ བཀའ་སྲུང་ལས་མཁན་རྣམས་ཀྱང་རྩལ་མ་ཞན༔ སྔགས་འཆང་རྣལ་འབྱོར་བདག་གི་བསམ་པ་སྒྲུབས༔ ཞེས་(༡༥ན)
གསེར་སྐྱེམས་གཏོར༔ བདེན་པ་བརྗོད༔ ཡུས་པའི་གཤགས་གདབ༔ ཨྱོན་མཧཱ་གུ་རུས་མཛད་པ་མངོན་སྤྱོད་དྲག་པོའི་གཟུ་དཔང་གཉན་ཞིང་ཤིན་ཏུ་གཉན་པ་ས་མ་ཡ། རྒྱ་རྒྱ་རྒྱ༔ དེ་ནས་རྒྱལ་བ་སྤྱི་བསྐུལ་དཀྱུས་ཀྱི་མཇུག་ནས་གསུངས་པ་ལྟར་མཁྱེན་པར་གསོལ་ཞིང་གནད་ནས་བསྐུལ་བ་ནི། ཧཱུཾ་བྷྱོཿ གདོད་ནས་མ་སྐྱེས་བྱང་ཆུབ་སེམས་ཉིད་འདི༔ མ་དག་སྐྱེ་བོ་རྣམས་ཀྱིས་མ་གཏོགས་པས༔ སྐྱེས་མཆོག་བདག་གིས་དྲང་ཞིང་དོན་བགྱིད་དུ༔ བདུད་དང་སྲིན་པོས་ཚེ་ལ་བར་གཅོད་ཅིང་༔ བགེགས་དང་འབྱུང་པོས་འདི་ལ་གླགས་ལྟ་ན༔ ཀུན་མཁྱེན་མགོན་པོས་འདི་ལ་དཔང་མཛོད་ཅིག༔ མ་ནོངས་ཡེ་ཤེས་ལྷ་ལ་མཁྱེན་པར་གསོལ༔ ངེས་པའི་དོན་རྟོགས་འབྲས་བུ་ཆུང་མ་གསོན༔ དམ་ཅན་སྲུང་མ་མེད་དམ་ར་མདའ་མཛོད༔ ཧཱུཾ་བྷྱོ༔ ཐོས་བསམ་སྒོམ་གསུམ་ཤེས་རབ་རྣམ་པ་གསུམ༔ ཞི་གནས་ལྷག་མཐོང་མཉམ་ཞིང་འབྲེལ་བ་ཡི༔ ཏིང་འཛིན་དྲོད་མཆོག་སྐྱེ་བའི་རྒྱུ་ཡིན་ཡང་༔ གནོད་བྱེད་བགེགས་ཀྱིས་སྒོམ་དུ་མ་སྟེར་ན༔ ཀུན་མཁྱེན་མགོན་པོས་འདི་ལ་དཔང་མཛོད་ཅིག༔ མ་ནོངས་ཡེ་ཤེས་ལྷ་ལ་མཁྱེན་པར་གསོལ༔ ངེས་པའི་དོན་དུ་འབྲས་བུ་ཆུད་མ་གསོན༔ དམ་ཅན་སྲུང་མ་མེད་དམ་ར་མདའ་མཛོད༔ ཧཱུཾ་བྷྱོ༔ འཇིག་རྟེན་ཁམས་འདིར་འདུས་བྱས་ཟས་དང་ནོར༔ ཨཱཪྻ་མཆོད་ཅིང་འགྲོ་དོན་བགྱིད་དགོངས་པས༔ དམ་ཉམས་དགྲ་བོས་བགྱིད་དུ་མ་སྟེར་ན༔ ཀུན་མཁྱེན་མགོན་པོས་འདི་ལ་དཔང་མཛོད་ཅིག༔ མ་ནོངས་ཡེ་ཤེས་ལྷ་ལ་མཁྱེན་པར་གསོལ༔ ངེས་པའི་(༡༥བ)
དོན་དུ་འབྲས་བུ་ཆུད་མ་གསོན༔ དམ་ཅན་སྲུང་མ་མེད་དམ་ར་མདའ་མཛོད༔ ཧཱུཾ་བྷྱོཿ བདག་ནི་ཟོག་མེད་ངེས་པའི་རྣལ་འབྱོར་བ༔ བྱང་ཆུབ་སྒྲུབ་ཅིང་འགྲོ་བའི་དོན་བགྱིད་པར༔ སེམས་ཀྱིས་ཐག་བཅད་སྐྱེས་མཆོག་བདག་ལྟ་བུས༔ བཤགས་ཀྱང་མི་ཚང་སྨྲས་ཀྱང་མི་དགོངས་ན༔ བྱམས་མགོན་ཐུགས་རྗེ་ཆུང་བར་མི་འགྱུར་རམ༔ བཅོལ་ཀྱང་མི་མཛད་བསྐུལ་ཀྱང་མི་གསན་ན༔ སྔོན་གྱི་དམ་བཅའ་འགལ་བར་མི་འགྱུར་རམ༔ ཐུགས་དམ་གནད་ནས་བསྐུལ་ལོ་འཕྲིན་ལས་མཛོད༔ཧཱུཾ་བྷྱོཿ ཐུགས་ཉིད་ཞི་བའི་ངང་ལས་མ་གཡོས་ཀྱང་༔ གཟུགས་སྐུ་འཇིགས་པའི་ཆ་ལུགས་རྫོགས་མཛད་ནས༔ བསྟན་པའི་རུ་དྲ་བར་ཆོད་རྣམ་གཉིས་སོ༔ མངོན་སྤྱོད་ཚུལ་གྱིས་མྱུར་སྒྲོལ་འཕྲིན་ལས་མཛོད༔ ཅེས་ཕུད་གཏོར་ཞིང་བསྐུལ་ལོ༔ ཞེས་གསུངས་པ་ལྟར་བསྐུལ་ཞིང་༔ ཉམས་ལེན་གནད་གདམས་ལས༔ ཨཱོཾ་བཛྲ་ཀྲོ་ཏ་མ་ཧཱ་ཤྲཱི་ཧེ་རུ་ཀ་ཧཱུཾ་ཕཊ༔ སརྦ་ཀརྨ་ཡཀྵ་བྷྱོ་ཛཿ ཨཱོཾ་རུ་ལུ་རུ་ལུ་ཧཱུཾ་བྷྱོ་ཧཱུཾ༔ སརྦ་ཀརྨ་ཡཀྵ་བྷྱོ་ཛ༔ གཤིན་རྗེ་སོགས་ལྷ་གཞན་རྣམས་ལ་ཡང་རིགས་འགྲེ་བར་བྱས་ཏེ་བཟླས་པས་གོང་གི་སྣོད་བཅུད་ལྷའི་དཀྱིལ་འཁོར་དུ་བསྐྱེད་པ་ཐམས་ཅད་སྔོན་གྱི་ཐུགས་དམ་ལས་བཞེངས་ནས་དམག་དཔུང་གོ་གསར་བྱེད་པ་ལྟ་བུའི་དམིགས་པ་རྣམས་བྱའོ༔ འབྲུབ་ཁུང་བསྐྱེད་པ་ནི༔ རུ་དྲ་སརྦ་ཤ་ཏྲཱུཾ་མཱ་ར་ཡ་ནྲྀ་ཛཿ མདུན་དུ་བྷཉྫ་གྲུ་གསུམ་འབར་བ༔ ཕྱི་ནག་ལ་རྩུབ་པ། ནང་དམར་ལ་ཚ་བ། འཆི་བདག་གཤིན་རྗེའི་བཙོན་དོང་སྡིག་ཅན་གྱི་བཤས་ར་འཇིགས་ཤིང་ཡ་ང་བ༔ བར་མེད་མུན་ཁང་ཆེན་པོའི་ནང་དུ་དགྲ་བགེགས་ཀྱི་རྣམ་པར་ཤེས་པ་ནྲྀ་སྔོ་(༡༦ན)
ལྗང་དང་ཏྲི་དམར་སེར་མར་མེ་ལྟ་བུར་གནས་པ་དེ་ཡོངས་སུ་གྱུར་པ་ལས་ཉ་པོ་འདི་རྣམས་དགྲ་བགེགས་གང་ཡིན་པ་དེ་དག་དངོས་སུ་གྱུར་ཏེ་མི་སྡུག་པའི་གཟུགས་ཅན་སྔོ་ལ་ཧམ་པ༔ ནག་ལ་རིད་པ་གཅེ་བུ་ཉམ་ཐག་པ༔ འདར་ཁྲིལ་ལི་ལི། སྐྱི་བུན་བུན། འགུལ་མི་ནུས་པ་ཞིག་ཏུ་གྱུར་པར་བསམས་ལ༔ ཧཱུཾ་མཛད་ཀྱི་ཕྱག་རྒྱ་དང་བཅས་རྡོ་རྗེ་དྲིལ་བུ་གཡབ་དར་འཛིན་པས༔ ལིངྒའི་མགོ་ངོས་སུ་ལངས་ཏེ་འདུག་ལ་བདེན་པ་བདར་བ་ནི་གཏོར་བཟློག་གི་ཉམས་ལེན་མན་ངག་གནད་གདམས་ལས༔ ན་མོ། སངས་རྒྱས་ཀྱི་བཀའ་བདེན་པ་དང་༔ ཆོས་ཀྱི་བཀའ་བདེན་པ་དང་༔ དགེ་འདུན་གྱི་བཀའ་བདེན་པ་དང་༔ རྒྱལ་བ་ཞི་ཁྲོའི་ལྷ་ཚོགས་རྣམས་ཀྱི་བཀའ་བདེན་པ་དང་༔ བཀའ་སྲུང་ཕོ་ཉ་ལས་མཁན་རྣམས་ཀྱི་བཀའ་བདེན་པ་དང་༔ གཞན་ཡང་གསང་སྔགས་དང་རིག་སྔགས་དང་༔ གཟུངས་སྔགས་དང་། སྙིང་པོ་དང་། ཕྱག་རྒྱ་དང་། སྔགས་འཆང་བདག་གི་ཕྱག་རྒྱ་དང་ཏིང་ངེ་འཛིན་དང་བདེན་པའི་སྟོབས་ཀྱིས་བདག་ཅག་རྣལ་འབྱོར་པ་དཔོན་སློབ་ཡོན་མཆོད༔ དགེ་སྡེ་གྲྭ་ཚན་འཁོར་དང་བཅས་པ་ལ་གནོད་ཅིང་འཚེ་བར་བྱེད་པའི་གཟུགས་ཅན་གྱི་དགྲ། གཟུགས་མེད་ཀྱི་བགེགས། བར་ཆད་ཀྱི་རྐྱེན། ཁྱད་པར་དུ་བྱད་མ་རྦོད་གཏོང་ལྷ་དང་བཅས་པ་རྣམས། མགོན་བྱེད་ཀྱི་ལྷའམ། ཚེ་དང་དབང་ཐང་ངམ། བསོད་ནམས་དང་དུས་ཀྱི་དབང་དུ་མ་བཏང་བར། ད་ལྟ་ཉིད་དུ་ལིངྒ་འདི་ལ་ཁུག་ཅིག༔ ཅེས་བརྗོད་ལ་སྒྲུབ་ཁོག་ནས་གསུངས་པ་ལྟར། དྲག་སྔགས་སོ་ལྔ་པའི་ཤམ་བུར། ནྲྀ་ཏྲི་ཧུར་ཐུཾ་ཛཿཛཿཧཱུཾ་བཾ་ཧོཿ ཨ་བེ་ཤ་ཡ་ཨ་ཨཱ༔ བསད་ལས་(༡༦བ)
རྒྱས་པ་དང་། བསད་པ་དོན་བརྒྱད་ཀྱི་གཤོར་ལས། ཧཱུཾ་མཐིང་ནག་མེ་དཔུང་འབར་བའི་ཀློང་དཀྱིལ་ནས༔ དཔལ་ཆེན་ཁོ་བོ་ཁྲོ་མོ་ཀུན་བཞེངས་ཏེ༔ སྤྲུལ་པ་ཡང་སྤྲུལ་སྣ་ཚོགས་ཕྱོགས་བཅུར་ཁྱེ༔ ཕོ་ཉ་ཀུན་གྱིས་དྲག་པོའི་འཕྲིན་ལས་མཛོད༔ ལྕགས་ཀྱུ་ཅན་གྱིས་སྙིང་ནས་བཟུང་༔ ཞགས་པ་ཅན་གྱིས་ཡན་ལག་ཆིངས༔ ལྕགས་སྒྲོག་ཅན་གྱིས་ལུས་ཀུན་སྡོམས༔ དྲིལ་བུ་ཅན་གྱིས་རྡུལ་དུ་རློག༔ བཛྲ་ཨཾ་ཀུ་ཤ་ཛ༔ བཛྲ་པཱ་ཤ་ཧོ༔ བཛྲ་སྥོ་ཊ་བཾ། བཛྲ་གྷཎྜེ་ཧོ༔ བརྡ་ཡིག་ཡོད། སྒྲུབ་པ་བཀའ་བརྒྱད་ལྷ་ལ་ཕྱག་འཚལ་ལོ༔ དྲག་པོ་བསྒྲལ་བའི་ལས་མཐའ་ལ༔ རྒྱས་དང་བསྡུས་པ་ཤིན་ཏུ་བསྡུས༔ རྒྱས་པ་འཕྲིན་ལས་ཚར་རྗེས་སུ༔ ཚོགས་མཆོད་སྒྲོལ་བའི་སྐབས་སུའམ༔ མནན་སྲེག་འཕང་གསུམ་གང་ཡང་རུང་༔ དགྲ་བགེགས་ལིངྒ་གཞུང་བཞིན་བཤམས༔ བསད་ལས་རྒྱས་པ་འདི་ཡིས་བསྐུལ༔ ཧཱུཾ། སྨུག་ནག་གྲུ་གསུམ་དཀྱིལ་འཁོར་ནས༔ ཆེ་མཆོག་ཡོན་ཏན་ལྷ་ཚོགས་རྣམས༔ བསྟན་པ་གཉན་ལ་དགྲ་དར་ན༔ མི་མངོན་དབྱིངས་ནས་སྐུ་བཞེངས་ལ༔ རྣལ་འབྱོར་བདག་གི་ར་མདའ་རློག༔ གནས་འདིར་དྲག་པོའི་ལས་ལ་ཡཱ༔ ཡིད་ལ་བརྣག་པའི་དགྲ་བགེགས་རྣམས༔ དྲག་པོའི་ལས་ཀྱིས་མྱུར་དུ་སྒྲོལ༔ བདེ་གཤེགས་སྒྲུབ་པ་བཀའ་བརྒྱད་ལྷ་ལ་ཕྱག་འཚལ་ལོ༔ སྒྲུབ་པ་བཀའ་བརྒྱད་ཀྱི་བསྒྲལ་བའི་ལས་ལ་དོན་བརྒྱད་དེ༔ བླ་སྲོག་སྔུན་དུ་དགུག་དང་གཅིག༔ མཐུ་དང་རྫུ་འཕྲུལ་དབྲོག་དང་གཉིས༔ གྲོགས་བྱེད་ལྷ་དང་དབྲལ་དང་གསུམ༔ རྣམ་ཤེས་གཟུགས་ལ་དབབ་དང་བཞི༔ མི་འཆོར་བྱད་དུ་གཞུག་དང་ལྔ༔ (༡༧ན)
དྲན་མེད་སྨྱོ་རུ་གཞུག་དང་དྲུག༔ གཏུན་དུ་བརྡུང་ཞིང་བརླག་དང་བདུན༔ ཕུང་པོ་ཞལ་དུ་སྟོབ་དང་བརྒྱད༔ རེ་རེ་ལའང་དོན་བརྒྱད་བརྒྱད་དེ། དེ་ཡང་བསྐུལ་བའི་ལྷ་དང་གཅིག༔ འཕྲིན་ལས་ཀྱི་དམིགས་པ་དང་གཉིས༔ གདགས་པའི་མཆོད་དང་གསུམ༔ བཟླས་པའི་སྔགས་དང་བཞི༔ སྒོམ་པའི་ཏིང་ངེ་འཛིན་དང་ལྔ༔ བྲབ་པའི་རྫས་དང་དྲུག༔ བཅའ་བའི་ཕྱག་རྒྱ་དང་བདུན༔ ཞལ་གྱི་དམོད་པ་དང་བརྒྱད་དོ༔ དང་པོ་ཆེ་མཆོག་གིས་དགུགས་པ་ནི༔ ཧཱུཾ། དང་པོ་ནི། ཆེ་མཆོག་ལྷ་ཚོགས་ཐུགས་དམ་ཅན༔ དྲག་པོའི་གཉིས་པ་ནི་འཕྲིན་ལས་དུས་ལ་བབ༔ ཡིད་ལ་བརྣག་པའི་དགྲ་བགེགས་རྣམས༔ ཡུད་གསུམ་པ་ནི་ཙམ་གཅིག་གིས་འདིར་ཁུག་ཅིག༔ ཨཱོཾ་བཞི་པ་ནི་བཛྲ་ཀྲོ་ཏ་མ་ཧཱ་ཤྲཱི་ཧེ་རུ་ཀ་དགྲ་བགེགས་ནྲྀ་ཏ་རི་ཨཾ་ཀུ་ཤ་ཛཿ བསད་ལྔ་པ་ནི་ཁང་ནང་གི་གཟུགས་དངོས་ལ། བླ་སྲོག་རྣམ་ཤེས་དབྱེར་མེད་བསྟིམ༔ རྣོན་དྲུག་པ་ནི་པོའི་མཚོན་གྱིས་སྙིང་ནས་དྲོངས། །ཕྱག་བདུན་པ་ནི་རྒྱའི་འཕྲུལ་གྱིས་ཉེ་བར་ཁུག །ཧོཿ བརྒྱད་པ་ནི། དཔལ་ཆེན་པོ་ཆེ་མཆོག་དྲག་པོའི་ལྷ་ཚོགས་ཁྲོ་བོ་དང་ཁྲོ་མོ་སྤྲུལ་པ་དང་ཡང་སྤྲུལ༔ ཕོ་ཉ་ལས་བྱེད། བཀའ་སྲུང་དང་བཅས་པ་རྣམས་ཀྱིས༔ བསྟན་པ་འཇིག་པའི་དགྲ་བགེགས་དམ་ཉམས་འདི་རྣམས་ལྕགས་ཀྱུས་གནས་བཟུང་༔ ཞགས་པས་སྐེ་ནས་ཆིངས༔ རླུང་གི་དཀྱིལ་འཁོར་གྱི་སྟེང་དུ་ཞོག་ལ་སྐད་ཅིག་གིས་འདིར་ཁུག་ཅིག༔ སྒྱུ་འཕྲུལ་དང་གཏོར་བཟློག་ལས་ཐུགས་དམ་བསྐུལ་བ་ནི༔ ཨེ་ཡི་ཚོགས་ཀྱི་དཀྱིལ་འཁོར་དུ༔ འབར་བ་གཏུམ་ཆེན་རྔམས་པ་རྣམས༔ ཁྲོས་པའི་ཡིད་ཀྱིས་བསྐུལ་(༡༧བ)
བྱས་ན༔ སངས་རྒྱས་བསོད་ནམས་སྐུ་ཡང་འཇིག༔ བདུད་རྩི་ལྔ་ཡི་ཟག་རྫས་ལ༔ མཚན་མ་མིང་དུ་བཅས་པ་བྱས༔ བཀུག་སྟེ་རྡོ་རྗེ་ཕུར་པ་བཏབ༔ རྡུལ་དུ་བརླག་སྟེ་ཚོགས་སུ་འབུལ༔ ཞེ་སྡང་རྡོ་རྗེའཁོར་བཅས་ཀྱིས༔ འཇིག་རྟེན་ཁམས་ནི་རབ་འབྱམས་ཀུན༔ ཐལ་བ་བཞིན་དུ་བརླག་ནུས་ཕྱིར༔ དྲག་པོའི་འཕྲིན་ལས་གྲུབ་པར་མཛོད༔ དེ་ནས་ཕོ་ཉ་བཏང་སྟེ༔ ལྷ་མོ་བླས་བྱན་ཚོགས་ཀྱི་བདག༔ ཧེ་རུ་ཀ་ལ་ཕྱག་འཚལ་ལོ༔ སངས་རྒྱས་བསྟན་པ་བཤིག་པ་དང་༔ དཀོན་ཅོག་དབུ་འཕང་དམོད་པ་དང་༔ སློབ་དཔོན་ལ་ནི་བརྙས་བྱེད་དང་༔ རྡོ་རྗེ་སྤུན་ལ་འཁུ་བ་དང་༔ བདག་ལ་བར་དུ་གཅོད་པ་ཡི༔ གཟུགས་ཅན་དགྲ་དང་གཟུགས་མེད་བགེགས༔ ཁྲག་འཐུང་ལྷ་ཚོགས་འཁོར་བཅས་ཀྱིས༔ དབང་དུ་སྡུད་ལ་རྡུལ་དུ་རློག༔ བསད་ལས་རྒྱས་པར། ཧཱུཾ། མཐིང་ནག་གྲུ་གསུམ་དཀྱིལ་འཁོར་ནས༔ ཡང་དག་ཐུགས་ཀྱི་ལྷ་ཚོགས་རྣམས༔ བསྟན་པ་གཉན་ལ་དགྲ་དར་ན༔ མི་མངོན་དབྱིངས་ནས་སྐུ་བཞེངས་ལ༔ རྣལ་འབྱོར་བདག་གི་ར་མདའ་རློག༔ གནས་འདིར་དྲག་པོའི་ལས་ལ་ཡཱ༔ ཡིད་ལ་བརྣག་པའི་དགྲ་བགེགས་རྣམས༔ དྲག་པོའི་ལས་ཀྱིས་མྱུར་དུ་སྒྲོལ༔ གཉིས་པ་ཡང་དག་གིས་མཐུ་དང་རྫུ་འཕྲུལ་དབྲོག་པ་ལའང་བརྒྱད་ལས༔ ཧཱུཾ། ཡང་དང་པོ་ནི་དག་ལྷ་ཚོགས་ཐུགས་དམ་ཅན༔ དྲག་གཉིས་པ་ནི་པོའི་འཕྲིན་ལས་དུས་ལ་བབ༔ ཡིད་ལ་བརྣག་པའི་དགྲ་བགེགས་རྣམས༔ མཐུ་གསུམ་པ་ནི་དང་རྫུ་འཕྲུལ་བརླག་པར་གྱིས༔ བཞི་པ་ནི། ཨཱོཾ་རུ་ལུ་རུ་ལུ་ཧཱུཾ་བྷྱོ་ཧཱུཾ་ཕཊ༔ དགྲ་བགེགས་སརྦ་ཨ་བ་ན་ཡ་ཨ་བ་ན་ཡ་ཧཱུཾ་ཕཊ༔ བཀྲག་ལྔ་པ་ནི་མདངས་མཐུ་སྟོབས་རྫུ་འཕྲུལ་(༡༨ན)
རྣམས། །དབྲོགས་ཏེ་བདག་གི་དབང་དུ་གྱུར། །མྱོས་བྱེད་དྲུག་པ་ནི་འབྲུ་ཡིས་རྣམ་པར་བརྡུང་། །ཕྱག་བདུན་པ་ནི་རྒྱའི་འཕྲུལ་གྱིས་རབ་ཏུ་ཕྲོགས༔ བརྒྱད་པ་ནི་ཧོཿ དཔལ་ཆེན་པོ་བཛྲ་ཧེ་རུ་ཀ་དྲག་པོའི་ལྷ་ཚོགས་ཁྲོ་བོ་དང་ཁྲོ་མོ་སྤྲུལ་པ་ཡང་སྤྲུལ་ཕོ་ཉ་ལས་བྱེད་བཀའ་སྲུང་དང་བཅས་པ་རྣམས་ཀྱིས་བསྟན་པ་འཇིག་པའི་དགྲ་བགེགས་དམ་ཉམས་འདི་རྣམས་ཀྱི་བཀྲག་དང་གཟི་བརྗིད་སྟོབས་དང་ནུས་པ་མཐུ་དང་རྫུ་འཕྲུལ་ཐམས་ཅད་གཏན་ནས་བརླག་པར་གྱིས་ཤིག༔ དེ་ནས་ལྷ་དང་དབྲལ་བ་ནི་ཉམས་ལེན་གནད་གདམས་ལས༔ ཧཱུཾ། དམ་ཉམས་དགྲ་བོ་སྡིག་ཅན་ལ། འགོ་བར་བྱེད་པའི་ལྷ་ཁྱོད་ཉོན༔ དམ་ཉམས་དགྲ་བོ་སྡིག་ཅན་འདིས༔ དང་པོར་སངས་རྒྱས་བསྟན་པ་བཤིག༔ བར་དུ་དཀོན་ཅོག་དབུ་འཕང་དམད༔ ཐ་མར་གསང་སྔགས་སྙིང་པོ་དབྲལ༔ དགེ་བ་བཅུ་ནི་ཁྱད་དུ་བསད༔ མི་དགེ་བཅུ་ནི་དང་དུ་བླངས༔ མཚམས་མེད་ལྔ་པོ་འབྲས་བུར་སྨིན༔ འདི་ནི་བསྒྲལ་བའི་ཞིང་ཡིན་ཕྱིར༔ འདི་ཡི་མགོན་སྐྱབས་མ་མཛད་པར༔ ཡེ་ཤེས་ལྷ་ནི་དབྱིངས་སུ་གཤེགས༔ འཇིག་རྟེན་ལྷ་རྣམས་རང་གནས་སོང་༔ གལ་ཏེ་མི་འགྲོ་འདི་ཡི་སྐྱབས་མཛད་ན༔ ཡེ་ཤེས་ལྷ་ནི་ཐུགས་དམ་ཉམས་པར་འགྱུར༔ འཇིག་རྟེན་ལྷ་ནི་རྡུལ་དུ་བརླག་པར་འགྱུར༔ དེ་བས་འདི་ཡི་མགོན་སྐྱབས་མ་མཛད་ཅིག༔ ཧཱུཾ་ཧཱུཾ་བཾ་ཤྭ་ཀྲོ་ཏ་ཛྭ་ལ་མཎྜ་ལ་ཧཱུཾ༔ སྒྲུབ་ཁོག་ནས་གསུངས་པ་ལྟར་སོ་ལྔ་པའི་ཤམ་བུར་དགྲ་བོ་ལ་འགོ་བའི་ལྷ་པྲ་བེ་ཤ་ཡ་ཕཊ༔ ཨུ་ཙ་ཏ་ཡ་ཕཊ༔ ཅེས་བརྗོད་པས་སྤྲུལ་པའི་ཕོ་ཉས་འཇིག་རྟེན་དང་འཇིག་རྟེན་(༡༨བ)
ལས་འདས་པའི་སྲུང་མ་རྣམས་གཏོར་ཏེ་ལྷ་དང་དབྱེ་བའི་དམིགས་པ་གསུང་རྒྱུན་ལྟར་བྱེད༔ བསད་ལས་རྒྱས་པར། ཧཱུཾ། སེར་ནག་གྲུ་གསུམ་དཀྱིལ་འཁོར་ནས༔ འཇམ་དཔལ་སྐུ་ཡི་ལྷ་ཚོགས་རྣམས༔ བསྟན་པ་གཉན་ལ་དགྲ་དར་ན༔ མི་མངོན་དབྱིངས་ནས་སྐུ་བཞེངས་ལ༔ རྣལ་འབྱོར་བདག་གི་ར་མདའ་བརློག༔ གནས་འདིར་དྲག་པོའི་ལས་ལ་ཡཱ༔ ཡིད་ལ་བརྣག་པའི་དགྲ་བགེགས་རྣམས༔ དྲག་པོའི་ལས་ཀྱིས་མྱུར་དུ་སྒྲོལ༔ བསད་པ་དོན་བརྒྱད་ཀྱི་གསུམ་པ་གཤིན་རྗེས་ལྷ་དང་དབྲལ་བ་ལའང་བརྒྱད་ལས༔ ཧཱུཾ། དང་པོ་ནི་གཤིན་རྗེའི་ལྷ་ཚོགས་ཐུགས་དམ་ཅན༔ དྲག་གཉིས་པ་ནི་པོའི་འཕྲིན་ལས་དུས་ལ་བབ༔ ཡིད་ལ་བརྣག་པའི་དགྲ་བགེགས་རྣམས༔ མགོན་གསུམ་པ་ནི་སྐྱབས་གྲོགས་དང་བྲལ་བར་གྱིས༔ ཨཱོཾ་བཞི་པ་ནི་ཨ་ཀྲོ་ཏེ་ཀ་ཡ་མཱནྟ་ཀ་ཧ་ན་མ་ཐ་བྷཉྫ་ཧཱུཾ་ཕཊ༔ དགྲ་བགེགས་ཧ་ས་ན་ཡ་ཧ་ས་ན་ཡ་ཧཱུཾ་ཕཊ༔ སྟོང་ལྔ་པ་ནི་ཁམས་གང་བའི་དུད་སྤྲིན་གྱིས༔ མགོན་སྐྱབས་ལྷ་འཁྲུག་བསྐྲད་ཅིང་བྱེར། རྫས་དྲུག་པ་ནི་ཀྱིས་བདུག་བྱབ་བྲབ་ཅིང་བརྡུང་། །ཕྱག་བདུན་པ་ནི་རྒྱའི་འཕྲུལ་གྱིས་རབ་ཏུ་དབྱེ། ཧོཿ བརྒྱད་པ་ནི་དཔལ་ཆེན་པོ་འཇམ་དཔལ་གཤིན་རྗེའི་གཤེད་དྲག་པོའི་ལྷ་ཚོགས་ཁྲོ་བོ་ཁྲོ་མོ་སྤྲུལ་པ་དང་ཡང་སྤྲུལ་ཕོ་ཉ་ལས་བྱེད་བཀའ་སྲུང་དང་བཅས་པ་རྣམས་ཀྱིས་བསྟན་པ་བཤིག་པའི་དགྲ་བགེགས་དམ་ཉམས་པ་འདི་ལ་འགོ་བའི་ལྷ་རྣམས་བྱ་སྤུ་རླུང་གིས་གཏོར་བ་བཞིན་ཐོང་ཞིག༔ མགོན་སྐྱབས་དཔུང་གཉེན་བྱེད་པ་ཀུན་བྱ་རོག་རྡོས་བདས་པ་བཞིན་དུ་ཐོང་ཞིག༔ དེ་ནས་དགུག་སྟེ་གནད་གདམས་ལས༔ ཧཱུཾ། དམ་ཚིག་ཆེན་པོའི་དུས་ལ་བབ༔ ཆེ་མཆོག་(༡༩ན)
ལྷ་ཚོགས་དུས་ལ་བབ༔ སྤྲུལ་པ་འགྱེད་པའི་དུས་ལ་བབ༔ དགྲ་བགེགས་འགུགས་པའི་དུས་ལ་བབ༔ གང་ལ་བྱ་བ་ཁྱེད་ཀྱིས་ཤེས༔ ཡིད་ལ་བརྣག་པའི་དགྲ་བགེགས་འདི༔ རང་དབང་མེད་པར་འདི་རུ་ཁུག༔ དབང་དུ་སྡུད་ལ་རྡུལ་དུ་རློག༔ ཧཱུཾ། ཁྲག་འཐུང་སྐུ་ལ་སྤྲུལ་པའི་ཕོ་ཉ་ནི༔ ལྕགས་ཀྱུ་དཀར་པོའི་ཚོགས་ནི་སྐར་ལྟར་འཁྲུག༔ ཞགས་པ་སེར་པོའི་ཚོགས་ནི་སྤྲིན་ལྟར་གཏིབས༔ ལྕགས་སྒྲོག་དམར་པོའི་ཚོགས་ནི་གློག་ལྟར་འཁྱུག༔ དྲིལ་བུ་ལྗང་མོའི་ཚོགས་ནི་ཐོག་ལྟར་འབབས༔ ཁྱེད་རྣམས་དཔལ་གྱི་ཕོ་ཉ་སྟེ༔ རྦད་ཅིང་བཏང་བ་ང་ཡིས་བྱེད༔ འགུགས་ཤིང་བརྡེག་པ་ཁྱེད་ཀྱིས་གྱིས༔ གང་ལ་བྱ་བ་ཁྱེད་ཀྱིས་ཤེས༔ ཡིད་ལ་བརྣག་པའི་དགྲ་བགེགས་རྣམས༔ ལྕགས་ཀྱུ་ཅན་གྱིས་སྙིང་ནས་བཟུང་༔ ཞགས་པ་ཅན་གྱིས་འགུལ་ནས་ཆིངས༔ ལྕགས་སྒྲོག་ཅན་གྱིས་དབང་པོ་སྡོམས༔ དྲིལ་བུ་ཅན་གྱིས་མྱོས་སུ་ཆུག༔ རང་དབང་མེད་པར་འདིར་ཁུག་ལ༔ གཟུགས་དང་ལིངྒ་འདི་ལ་བསྟིམ༔ མིང་བྱང་འདི་ལ་གནས་པར་མཛོད༔ དྲག་སྔགས་སོ་ལྔ་པའི་ཤམ་བུར༔ གནོད་བྱེད་དགྲ་བགེགས་བཛྲ་ཨཾ་ཀུ་ཤ་ཡ་ཛ༔ རཏྣ་པཱ་ཤྭ་ཧཱུཾ། པདྨ་སྥོ་ཊ་བཾ། ཀརྨ་གཎྜེ་ཧོཿ ཞེས་པས་གནོད་བྱེད་འགྱེལ་ཐབས་སུ་གནས་པ་དེ༔ སྤྲུལ་པའི་ཕོ་ཉ་རྣམས་ཀྱི་ལྕགས་ཀྱུ་ཅན་གྱིས་སྙིང་ནས་བཟུང་༔ ཞགས་པ་ཅན་གྱིས་མགུལ་ནས་ཆིངས༔ ལྕགས་སྒྲོག་ཅན་གྱིས་དབང་པོ་སྡོམས༔ དྲིལ་བུ་ཅན་གྱིས་མྱོས་སུ་ཆུག༔ མཚོན་ཆ་ཅན་གྱིས་རྒྱབ་ནས་དེད༔ ལས་ཀྱི་རླུང་གིས་ཞབས་ནས་བཏེག་སྟེ༔ རང་དབང་མེད་པར་བདག་གི་མདུན་དུ་(༡༩བ)
བཀུག་སྟེ༔ ལིངྒ་ལ་བསྟིམ་མོ༔ བསད་ལས་རྒྱས་པར། ཧཱུཾ། དམར་ནག་གྲུ་གསུམ་དཀྱིལ་འཁོར་ནས༔ པདྨ་གསུང་གི་ལྷ་ཚོགས་རྣམས༔ བསྟན་པ་གཉན་ལ་དགྲ་དར་ན༔ མི་མངོན་དབྱིངས་ནས་སྐུ་བཞེངས་ལ༔ རྣལ་འབྱོར་བདག་གི་ར་མདའ་རློག༔ གནས་འདིར་དྲག་པོའི་ལས་ལ་ཡཱ༔ ཡིད་ལ་བརྣག་པའི་དགྲ་བགེགས་རྣམས༔ དྲག་པོའི་ལས་ཀྱིས་མྱུར་དུ་སྒྲོལ༔ བསད་པ་དོན་བརྒྱད་ལས། བཞི་པ་རྟ་མགྲིན་གྱིས་རྣམ་ཤེས་གཟུགས་ལ་དབབ་པ་ལའང་བརྒྱད་ལས༔ དང་པོ་ནི་ཧཱུཾ། རྟ་མགྲིན་ལྷ་ཚོགས་ཐུགས་དམ་ཅན༔ གཉིས་པ་ནི་དྲག་པོའི་འཕྲིན་ལས་དུས་ལ་བབ༔ ཡིད་ལ་བརྣག་པའི་དགྲ་བགེགས་རྣམས༔ གསུམ་པ་ནི་བླ་སྲོག་རྣམ་ཤེས་རྟེན་ལ་ཕོབ༔ བཞི་པ་ནི་ཨཱོཾ་པདྨནྟ་ཀྲི་ཏ་བཛྲ་ཀྲོ་ཏ་ཧ་ཡ་གྲཱི་ཝ་དགྲ་བགེགས་ཨ་བེ་ཤ་ཡ་ཧཱུཾ་ཕཊ༔ ལྔ་པ་ནི་ལྕགས་ཀྱུས་སྙིང་བཟུང་མཚོན་ཆ་དེད༔ ལས་རླུང་ལ་བསྐྱོན་གཙུག་ནས་བསྟིམ༔ དྲུག་པ་ནི་རྫས་ཀྱིས་བྲབ་ཅིང་རྣམ་པར་གཡབ། བདུན་པ་ནི་ཕྱག་རྒྱའི་འཕྲུལ་གྱིས་རབ་ཏུ་འབེབས། བརྒྱད་པ་ནི་ཧོཿ དཔལ་ཆེན་པོ་རྟ་མགྲིན་དྲག་པོའི་ལྷ་ཚོགས་ཁྲོ་བོ་དང་ཁྲོ་མོ་སྤྲུལ་པ་དང་ཡང་སྤྲུ་ལ་ཕོ་ཉ་ལས་བྱེད་བཀའ་སྲུང་དང་བཅས་པ་རྣམས་ཀྱིས་བསྟན་པ་འཇིག་པའི་དགྲ་བགེགས་འདིའི་བླ་སྲོག་རྣམ་ཤེས་སྙིང་ནས་དྲངས་ཏེ་ལིངྒ་འདི་ལ་གཉིས་སུ་མེད་པར་གྱིས་ཤིག །ཕུང་པོ་ཁམས་དང་སྐྱེ་མཆེད་ཐམས་ཅད་བྱེ་མ་ལ་མར་ཐིམ་པ་བཞིན་དུ་གྱུར་ཅིག༔ ལིངྒའི་རྟེན་འདི་ལ་ད་ལྟ་ཉིད་དུ་ཕོབ་ཅིག༔ བཟློག་གཞུང་ལས་བཅོལ་དམ་བྱ་ཞེས་པ་ནི་གབ་པ་དོན་སྙིང་དུ༔ ཧཱུཾ། དཔལ་ཆེན་ཁྲག་འཐུང་ལྷ་ཚོགས་རྣམས༔ དམ་ཉམས་དགྲ་བགེགས་(༢༠ན)
འབྱུང་པོ་འདི༔ བསད་ཅིང་བསྒྲལ་བར་བྱ་བའི་ཕྱིར༔ མགོ་ལུས་རྒྱན་དང་བཅས་པ་འབུལ༔ བཅོལ་ལོ་གཏད་དོ་གཉེར་དུ་ལོང་༔ འགུགས་བྱེད་ཚོགས་ཀྱིས་སྙིང་ནས་བཟུང་༔ འཆིང་བྱེད་ཚོགས་ཀྱིས་ཡན་ལག་ཆིངས༔ སྒོམ་བྱེད་ཚོགས་ཀྱིས་ཉིང་ལག་སྡོམས༔ མྱོས་བྱེད་ཚོགས་ཀྱིས་ལུས་ངག་གནོན༔ གཏུམ་བྱེད་ཚོགས་ཀྱིས་ཤ་རུས་གཏུབས༔ ཟ་བྱེད་ཚོགས་ཀྱིས་ཤ་ལ་རོལ༔ འཐུང་བྱེད་ཚོགས་ཀྱིས་ཁྲག་ལ་འཐུང་༔ འཆའ་བྱེད་ཚོགས་ཀྱིས་རུས་པ་ཆོས༔ རྣག་བྱེད་ཚོགས་ཀྱིས་རྗེས་ཤུལ་དྲོངས༔ དམ་ཉམས་དགྲ་བགེགས་འབྱུང་པོ་འདི༔ ཡུལ་མཁར་ཞིང་དང་བཅས་པ་འབུལ༔ བཅོལ་ལོ་གཏད་དོ་གཉེར་དུ་ལོང་༔ བཅོལ་བས་མི་བཞེས་མི་སྲིད་དོ༔ གཏད་པས་མི་ཐུབ་མི་སྲིད་དོ༔ བཟུང་བས་ཤོར་བ་མི་སྲིད་དོ༔ གསད་ལས་རྒྱས་པར༔ ཧཱུཾ། ལྗང་ནག་གྲུ་གསུམ་དཀྱིལ་འཁོར་ནས༔ ཕུར་པ་འཕྲིན་ལས་ལྷ་ཚོགས་རྣམས༔ བསྟན་པ་གཉན་ལ་དགྲ་དར་ན༔ མི་མངོན་དབྱིངས་ནས་སྐུ་བཞེངས་ལ༔ རྣལ་འབྱོར་བདག་གི་ར་མདའ་རློག༔ གནས་འདིར་དྲག་པོའི་ལས་ལ་ཡཱ༔ ཡིད་ལ་བརྣག་པའི་དགྲ་བགེགས་རྣམས༔ དྲག་པོའི་ལས་ཀྱིས་མྱུར་དུ་སྒྲོལ༔ བསད་པ་དོན་བརྒྱད་ཀྱི༔ ལྔ་པ་ཕུར་པས་མི་འཆོར་བྱད་དུ་གཞུག་པ་ལའང་བརྒྱད་ལས༔ དང་པོ་ནི་ཧཱུཾ། ཕུར་པའི་ལྷ་ཚོགས་ཐུགས་དམ་ཅན༔ གཉིས་པ་ནི་དྲག་པོའི་འཕྲིན་ལས་དུས་ལ་བབ༔ ཡིད་ལ་བརྣག་པའི་དགྲ་བགེགས་རྣམས༔ གསུམ་པ་ནི་བཟུང་ཞིག་རྒྱབ་ཅིག་རྣམ་པར་ཆིངས༔ བཞི་པ་ནི་ཨཱོཾ་བཛྲ་ཀཱི་ལི་ཀཱི་ལཱ་ཡ་སརྦ་བིགྷྣཱན་བཾ་ཧཱུཾ་ཕཊ༔ དགྲ་བགེགས་ཤཱི་ཀྲཾ་ཨཱ་ན་ཡ་ཧཱུཾ་ཕཊ༔ ལྔ་པ་ནི་
ཕོ་ཉའི་བྱད་ཀྱི་ཐག་པ་ཡིས༔ དྲུ་བུ་ལྟ་བུར་འགུལ་མི་བྱེད༔ དྲུག་པ་ནི་འཆིང་སྒྲིལ་རྫས་ཀྱིས་བཅིངས་ཤིང་སྒྲིལ༔ བདུན་པ་ནི་ཕྱག་རྒྱའི་འཕྲུལ་གྱིས་རྣམ་པར་སྡོམས༔ བརྒྱད་པ་ནི་ཧོཿ ཕུར་པ་དྲག་པོའི་ལྷ་ཚོགས་ཁྲོ་བོ་དང་ཁྲོ་མོ་སྤྲུལ་པ་དང་ཡང་སྤྲུལ་ཕོ་ཉ་ལས་བྱེད་བཀའ་སྲུང་དང་བཅས་པ་རྣམས་ཀྱིས་བསྟན་པ་འཇིག་པའི་དགྲ་བགེགས་འདིའི་ཡན་ལག་གཟུགས་ཕུང་ལས་ཀྱི་ཞགས་པ་དང་མཚོན་གྱི་དྲུ་བུས་ཆིངས་ཤིག༔ མཁར་ནག་གི་ཁུག་མར་འགུལ་དུ་མེད་པར་གྱིས་ཤིག༔ བྱད་ཀྱི་དྲ་བར་ཆུག་ལ་དྲག་པོའི་བཙོན་ཁང་དུ་སྐྱུར་ཅིག༔ དེ་ནས་ཉེས་པ་བསྒྲགས་ཏེ༔ གབ་པ་དོན་སྙིང་ལས༔ ཧཱུཾ། དུག་ལྔ་འདུས་པའི་འབྲས་བུ་ལ། །ཕུང་པོ་ལྔ་ཡི་ཡན་ལག་རྒྱས༔ ཉོན་མོངས་ཤ་ཁྲག་རུས་སུ་སྨིན༔ དུག་ལྔའི་དབང་གིས་ལུས་སྟོབས་རྒྱས༔ གཟུང་འཛིན་ལུས་ལ་སེམས་བརྟན་ནས༔ ཉོན་མོངས་དབང་གིས་སྣ་ཁྲིད་པས། །དཀར་པོའི་ཆོས་ལ་ལོག་ལྟ་སྐྱེས༔ བསྟན་པ་གཉན་པོའི་རུ་དྲ་བྱས༔ དཀོན་ཅོག་གསུམ་གྱི་དབུ་འཕང་དམད༔ གསང་སྔགས་བསྟན་ལ་སྐུར་བ་བཏབ༔ བླ་མ་རྣམས་ཀྱི་སྐུ་ལ་བསྡོས༔ དཀོན་ཅོག་གསུམ་གྱི་དཀོར་ཁང་བཅོམས༔ སེར་ཆགས་ཡོངས་ལ་ངན་སྨྲས་བྱས༔ རྣལ་འབྱོར་བདག་དང་ཤིན་ཏུ་འགྲས༔ སེམས་ཅན་ཡོངས་ཀྱི་སྲོག་ཀྱང་གཅོད༔ མ་འོངས་བསྐལ་པ་ཕྱི་མ་ལ༔ བསྟན་པའི་རུ་དྲར་འགྱུར་པས་ན༔ འདི་ལ་བསྒྲལ་བའི་ཞིང་བཅུ་ཚང་༔ ད་ལྟ་ཉིད་དུ་བསྒྲལ་བར་བྱ༔ གདུག་པའི་དགྲ་བགེགས་ལས་ངན་ཁྱོད༔ ཁྱོད་ལ་མགོན་མེད་སྐྱབས་མེད་པས༔ སྔར་བྱས་ལས་ཀྱི་འབྲས་བུར་སྤྱོད༔ ལས་ངན་བརྒྱུད་ལ་འཛད་མེད་པས༔ སྔགས་འཆང་རྒྱལ་པོ་བདག་ཅག་གིས༔ ཁྱོད་ལ་བརྩེ་བའི་སེམས་ཀྱིས་ནི༔ སྡུག་བསྔལ་འདི་(༢༡ན)
དང་ཕྲལ་བས་ན༔ དད་པའི་སེམས་ཀྱིས་ང་ལ་ཉོན༔ གདུངས་པའི་སེམས་ཀྱིས་ང་ལ་ལྟོས༔ ཁྱོད་ལ་མགོན་དུ་ང་ལས་མེད༔ ང་ཡིས་སྨྲས་པའི་ངག་ལ་ཉོན༔ ཁྱོད་ལིངྒ་འདི་ལ་འདུག་ཙམ་ན༔ འདི་ནི་ཁྱོད་ཀྱི་གཞལ་ཡས་ཁང་༔ ལྕགས་ཀྱུའི་ཕྱག་རྒྱས་བཟུང་བ་ནི༔ འཁོར་བའི་གནས་ནས་འདྲེན་པ་ཡིན༔ ལྕགས་སྒྲོག་དྲ་བས་བསྡམས་ཙ་ན་༔ འཁོར་བའི་དོང་ཁ་སྡོམ་པ་ཡིན༔ སྣ་ཚོགས་ཐུན་གྱིས་བྲབ་ཙ་ན༔ ལས་ངན་རྣམས་དང་ཕྲལ་བ་ཡིན༔ དྲག་པོའི་མཚོན་གྱིས་གཏུབས་ཙ་ན༔ དུག་གསུམ་རྩད་ནས་གཅོད་པ་ཡིན༔ ཤ་ཁྲག་ཚོགས་སུ་ཕུལ་ཙ་ན༔ སྐྱེ་ཤི་རྩད་ནས་གཅོད་པ་ཡིན༔ ཁྱོད་ལུས་ངན་འདི་ལ་མ་ཆགས་ཤིག༔ ལས་ངན་འདི་ལ་མ་ཞེན་ཅིག༔ ཁྱོད་ལ་བརྩེ་བ་ང་ཡིན་པས༔ འཁོར་བའི་གནས་ནས་བསྒྲལ་བ་ཡིན༔ སྤྱན་མིག་ཟུམ་པས་ང་ལ་ལྟོས༔ ཉམས་ལེན་གནད་གདམས་ལས༔ ཧཱུཾ། སེམས་ཅན་ཆེན་པོ་ཁྱོད་ཉོན་ཅིག༔ ཁྱོད་ནི་གཏི་མུག་དབང་གྱུར་པས༔ དགེ་བ་སྤངས་ནས་མི་དགེ་བསྒྲུབས༔ ཁྱོད་ནི་ཞེ་སྡང་དབང་གྱུར་པས༔ སྙིང་རྗེ་མེད་པར་གསོད་ལ་དགའ༔ ཁྱོད་ནི་ང་རྒྱལ་དབང་གྱུར་པས༔ བདག་བསྟོད་གཞན་གྱི་ཡོན་ཏན་དམོད༔ ཁྱེད་ནི་འདོད་ཆགས་དབང་གྱུར་པས༔ མ་བྱིན་ལེན་དང་མི་ཚངས་སྤྱོད༔ ཁྱོད་ནི་ཕྲག་དོག་དབང་གྱུར་པས༔ དུས་གསུམ་སངས་རྒྱས་ཡོན་ཏན་དམོད༔ ལས་དགེ་བ་བཅུ་ནི་ཁྱད་དུ་བསད༔ མི་དགེ་བ་བཅུ་ནི་དང་དུ་བླངས༔ མཚམས་མེད་ལྔ་པོ་འབྲས་བུར་སྨིན༔ དང་པོར་སངས་རྒྱས་བསྟན་པ་བཤིག༔ བར་དུ་དཀོན་ཅོག་དབུ་འཕང་དམད༔ ཐ་མ་(༢༡བ)
གསང་སྔགས་སྙིང་པོ་དབྲལ༔ དེ་ནས་སློབ་དཔོན་སྐུ་ལ་བསྡོས༔ ཁྱོད་ནི་བསྒྲལ་བའི་ཞིང་ཡིན་པས༔ ཐུགས་རྗེ་ཐབས་ཀྱིས་བསྒྲལ་བར་བྱ༔ ཞེས་ཁྲག་འཐུང་གི་ལྷ་ཚོགས་ཐམས་ཅད་ཅེ་སྤྱང་ཤ་ལ་རྔམ་པའམ་ཁྲག་ལ་དགའ་བ་ལྟར་ཞིང་བཅུ་བསྒྲལ་བའི་ལས་ལ་རྔམ་པར་བསམ་མོ༔ བསད་ལས་རྒྱས་པར༔ ཧཱུཾ། སྨུག་ནག་གྲུ་གསུམ་དཀྱིལ་འཁོར་ནས༔ མ་མོ་རྦོད་གཏོང་ལྷ་ཚོགས་རྣམས༔ བསྟན་པ་གཉན་ལ་དགྲ་དར་ན༔ མི་མངོན་དབྱིངས་ནས་སྐུ་བཞེངས་ལ༔ རྣལ་འབྱོར་བདག་གི་ར་མདའ་རླག༔ གནས་འདིར་དྲག་པོའི་ལས་ལ་ཡཱ༔ ཡིད་ལ་བརྣག་པའི་དགྲ་བགེགས་རྣམས༔ དྲག་པོའི་ལས་ཀྱིས་མྱུར་དུ་སྒྲོལ༔ བསད་པ་དོན་བརྒྱད་ལས། དྲུག་པ་མ་མོས་དྲན་མེད་སྨྱོ་རུ་གཞུག་པ་ལའང་བརྒྱད་ལས། དང་པོ་ནི་ཧཱུཾ། མ་མོའི་ལྷ་ཚོགས་ཐུགས་དམ་ཅན༔ གཉིས་པ་ནི་དྲག་པོའི་འཕྲིན་ལས་དུས་ལ་བབ༔ ཡིད་ལ་བརྣག་པའི་དགྲ་བགེགས་རྣམས༔ གསུམ་པ་ནི་རིངས་པར་ཁུག་ལ་སྨྱོར་ཆུག་ཅིག༔ བཞི་པ་ནི་ཨཱོཾ་གུ་ཧྱ་ཛྙཱ་ན་ཤྲཱི་ཧེ་རུ་ཀཿགུ་ཧྱ་ཛྙཱ་ན་ཀྲོ་ཏཱི་ཤྭ་རཱི་སྟིམ༔ མ་མ་ཡོ་གི་ནི་རུ་ལུ་རུ་ལུ་ཧཱུཾ་བྷྱོཿཧཱུཾ༔ དགྲ་བགེགས་ཛྭ་ལ་ཡ་ཛྭ་ལ་ཡ་ཧཱུཾ་ཕཊ༔ ལྔ་པ་ནི་དུག་རླངས་ཆར་བབས་ན་བུན་ལྟར། །དྲུག་པ་ནི་གཏིབས་པས་རྣམ་ཤེས་སྨྱོ་ཞིང་འབོག །མྱོས་བྱེད་རྫས་ཀྱིས་རྣམ་པར་གཤེར། བདུན་པ་ནི་ཕྱག་རྒྱའི་འཕྲུལ་གྱིས་བརྒྱལ་ཞིང་འཁྲུགས། །བརྒྱད་པ་ནི་ཧོཿ མ་མོ་དྲག་པོའི་ལྷ་ཚོགས་ཡེ་ཤེས་དང་ལས་ལ་གྲུབ་པའི་མ་མོ་མཁའ་འགྲོ་མ་རྣམས་ཀྱིས་བསྟན་པ་འཇིག་པའི་དགྲ་བགེགས་འདི་ལ་དུག་ཁྲག་ནད་ཀྱི་ཆར་ཕོབ་ཅིག༔ སྨྱོ་འབོག་བརྒྱལ་ནད་ཀྱིས་ལུས་སེམས་འཁྲུག་པར་གྱིས་(༢༢ན)
ཤིག༔ དྲན་པ་གཏན་ནས་བརླག་པར་གྱུར་ཅིག༔ དེ་ནས་བསྒྲལ་བའི་ལས་བྱ་བ་ལ༔ ཕུར་པ་སྤུ་གྲིའི་སྒྲུབ་འབུམ་ལྷན་ཐབས་ལས། ཧཱུཾ། གུ་གུལ་སྦྱར་བའི་རྫས་མཆོག་དམ་པ་འདིས༔ སྡང་བའི་དགྲ་ལ་འཕོག་ན་ལྷ་དང་འབྲལ༔ གནོད་པའི་བགེགས་ལ་འཕོག་ན་བརྒྱལ་ཞིང་མྱོས༔ སྲས་མཆོག་ཀཱི་ལཱ་ཡ་ནི་གཟི་བྱིན་བསྐྱེད༔ ཨཱོཾ་བཛྲ་ཀཱི་ལི་ཀཱི་ལཱ་ཡ། སུ་རུ་སུ་རུ། པྲ་སུ་རུ། ཨ་ཏིཥྛ་མུ་ག་ཧ་ལ་ཧ་ལ་དགྲ་བགེགས་འབྱུང་པོའི་ཙིཏྟ་མྱོགས་མཱ་ར་ཡ་ཧཱུཾ་ཕཊ༔ ཧཱུཾ། ཡུངས་ཀར་རྒྱལ་པོའི་རྫས་མཆོག་དམ་པ་འདི༔ གསེར་མདོག་གཟི་མདངས་འོད་ཟེར་ཕྱོགས་བཅུར་འཕྲོ༔ དགྲ་དང་བགེགས་ནི་ཐལ་བ་རྡུལ་དུ་རློག༔ སྲས་མཆོག་ཀཱི་ལཱ་ཡ་ནི་ཐུགས་དམ་བསྐུལ༔ ཨཱོཾ་བཛྲ་ཀཱི་ལི་ཀཱི་ལཱ་ཡ། མ་གུ་ཏ་ཡ། མ་གུ་ཏ་ཡ། པྲ་ཏ་ལ་པྲ་ཏ་ལ་ཤ་ཏ་ར་ཙ་དགྲ་བགེགས་འབྱུང་པོ་མཱ་ར་ཡ་ཧཱུཾ་ཕཊ༔ ཧཱུཾ། རཀྟ་ཁོལ་མའི་རྫས་མཆོག་དམ་པ་འདི༔ སྡང་བའི་དགྲ་ལ་འཕོག་ན་དབང་དུ་སྡུད༔ གནོད་པའི་བགེགས་ལ་འཕོག་ན་ཐལ་བར་རློག༔ སྲས་མཆོག་ཀཱི་ལཱ་ཡ་ནཱི་གཟི་མདངས་བསྐྱེད༔ ཨཱོཾ་བཛྲ་ཀཱི་ལི་ཀཱི་ལཱ་ཡ། རཀྟ་ཛྲ་ལ་མཎྜལ། རཀྵ་རཀྵ། དགྲ་བགེགས་བ་ཤཾ་ཀུ་རུ་མཱ་ར་ཡ་ཧཱུཾ་ཕཊ༔ དེ་ལྟར་རྫི་དུག་གི་གསེབ་ནས་ཁྲོ་ཆུང་འཕྲོ་བ་སོགས་ཀྱི་དམིགས་པ་བྱ། རྒྱུད་དག་སྒྲུབ་ཁོག་ལས་ཕུར་པ་རིགས་བཞི་གསུངས་པའི་མཚན་མ་རྫས་ཀྱི་ཕུར་པ༔ སྲས་མཆོག་ཡཀྴ་ཀྲོ་ཏར་བསྐྱེད་ཚུལ་གསུངས་པ་ནི༔ གདབ་ཕུར་ལག་ཏུ་ཐོགས་ལ༔ བདག་གི་ལག་པ་གཡས་པའི་སོར་མོ་ལྔ་ཟླ་བའི་དཀྱིལ་འཁོར་ལ༔ ཨཱོཾ་ཧཱུཾ་ཧྲཱཾ་ཧྲཱིཿཨཱཿ དཔའ་བོ་འབྲུ་ལྔ་ལས། རིགས་ཀྱི་ཡབ་ལྔར་བསྐྱེད༔ གཡོན་གྱི་སོར་མོ་ལྔ་མཱུཾ་(༢༢བ)
ལཱཾ་མཱཾ་པཱཾ་ཏཱཾ། དཔའ་མོ་འབྲུ་ལྔ་ལས་རིགས་ཀྱི་ཡུམ་ལྔར་བསྐྱེད། ཐལ་མོ་སྦྱར་བའི་མཚམས་སུ་ཕུར་པ་བཟུང་སྟེ༔ ཤཱུ་ནྱ་ཏཱའི་སྔགས་ཀྱིས་སྟོང་པར་བསམ་མོ༔ དེ་ཡང་རིགས་ལྔ་ཡབ་ཡུམ་སྦྱོར་བ་བྱས་པའི་བྱང་ཆུབ་སེམས་ལས་བྱུང་བའི་ཧཱུཾ་མཐིང་ནག་ལས་འོད་འཕྲོས་པས་དགྲ་བགེགས་ཐམས་ཅད་ཚར་བཅད༔ བདེ་བར་གཤེགས་པ་ཐམས་ཅད་ཀྱི་ཐུགས་དམ་གྱི་རྒྱུད་བསྐུལ༔ དེ་དག་གི་ནུས་པ་ཐམས་ཅད་ཚུར་འདུས་ཏེ༔ ཧཱུཾ་ལ་ཐིམ་པར་བདེ་བར་གཤེགས་པ་ཐམས་ཅད་ཀྱི་འཕྲིན་ལས་དུས་གཅིག་ལ་བསྡུས་པའི་བདག་ཉིད། སྲས་མཆོག་བཛྲ་ཀཱི་ལཱ་ཡ། སྐུ་སྟོད་ཞལ་གསུམ་ཕྱག་དྲུག་རྡོ་རྗེའི་གཤོག་པ་ཅན་ཞལ་གཡས་དཀར་གཡོན་དམར། དབུས་མཐིང་ནག །ཕྱག་གཡས་དང་པོ་རྡོ་རྗེ་རྩེ་དགུ་པ། བར་པ་ན་དགྲ་སྟ། གཡོན་དང་པོ་མེ་དཔུང་། བར་པ་ན་ཁ་ཊྭཱཾ། ཐ་མ་གཉིས་རི་རབ་ཀྱི་ཕུར་པ་བསྒྲིལ་བ། དུར་ཁྲོད་ཀྱིས་བརྒྱན་པ། རྡོ་རྗེའི་གཤོག་པ་ཕྱོགས་བཅུར་བརྒྱངས་པས་འཇིགས་སུ་རུང་བ། སྐུ་སྨད་གནམ་ལྕགས་ཀྱི་ཕུར་པ་མགར་གྱི་སོལ་མལ་ནས་དྲངས་པ་ལྟ་བུ་ཆུ་སྲིན་གྱི་ཁ་ནས་སྦྲུལ་གྱི་ཆུན་པོ་སྐྱུག་པ་ཞིག་ཏུ་བསྐྱེད་དོ༔ དེའི་རྒྱ་མདུད་གོང་མ་ལ་ཞི་བ་རིགས་ལྔའི་ཕོ་བྲང་དང་བཅས་པ་འཆང་བཟུང་ཁྲག་འཐུང་ལྷ་དགུའི་ཕོ་བྲང་དང་བཅས་པ། རྒྱ་མདུད་འོག་མ་ལ་དཔལ་གྱི་བཀའ་སྲུང་གི་ཕོ་བྲང་དང་བཅས་པ། རྩེ་མོ་ཟུར་གསུམ་པ་མཚོན་ཆ་སྣ་ཚོགས་ཀྱི་ཚ་ཚ་འཕྲོ་བ། བསྒྲིལ་བ་ཙམ་གྱིས་སྲིད་གསུམ་འདར་བ། ཕྱར་བ་ཙམ་གྱིས་ཁམས་གསུམ་དངངས་པར་བྱེད་པ། བཏབ་པ་ཙམ་གྱིས་སྟོང་གསུམ་བརླག་པར་བྱེད་པ་ཞིག་ཏུ་བསྐྱེད་ལ༔ ཨཱོཾ་བཛྲ་ཀཱི་ལི་ཀཱི་ལཱ་ཡ་ཀཱ་ཡ་ཨ་བྷི་ཥིཉྩ་ཨཱོཾ་(༢༣ན)
ཞེས། ཕུར་པ་དེ་ལས་འོད་ཟེར་དཀར་པོ་དཔག་ཏུ་མེད་པ་འཕྲོས་པས། ཕྱོགས་བཅུའི་བདེ་བར་གཤེགས་པ་ཐམས་ཅད་ཀྱི་སྐུ་མཉེས་པའི་མཆོད་པ་ཕུལ༔ འོད་ཟེར་ཚུར་བསྡུས༔ བདེ་བར་གཤེགས་པ་ཐམས་ཅད་ཀྱི་སྐུའི་བྱིན་རླབས་ཕུར་པ་བཏབ་པ་ལ་ཐིམ་པས་སྐུ་འགྱིང་བ་ཙམ་གྱིས་ཁམས་གསུམ་སྒྲོལ་ནུས་པའི་དབང་ཐོབ་པར་བསམ་མོ༔ ཨཱོཾ་བཛྲ་ཀཱི་ལི་ཀཱི་ལཱ་ཡ་ཝཱ་ཀ་ཨ་བྷི་ཥིཉྩ་ཨཱཿ ཞེས་ཕུར་པ་དེ་ལས་འོད་དམར་པོ་དཔག་ཏུ་མེད་པ་འཕྲོས༔ ཕྱོགས་བཅུའི་བདེ་བར་གཤེགས་པ་ཐམས་ཅད་ཀྱི་གསུང་མཉེས་པའི་མཆོད་པ་ཕུལ༔ འོད་ཟེར་ཚུར་བསྡུས་བདེ་བར་གཤེགས་པ་ཐམས་ཅད་ཀྱི་གསུང་གི་བྱིན་རླབས་ཕུར་པ་ལ་ཐིམ་པས་གསུང་བསྒྲགས་པ་ཙམ་གྱིས་སྟོང་གསུམ་སྒྲོལ་ནུས་པའི་དབང་ཐོབ་པར་བསམ་མོ༔ ཨཱོཾ་བཛྲ་ཀཱི་ལི་ཀཱི་ལཱ་ཡ་ཙིཏྟ་ཨ་བྷི་ཥིཉྩ་ཧཱུཾ། ཞེས་པས་ཕུར་པ་དེ་ལས་འོད་སྔོན་པོ་དཔག་ཏུ་མེད་པ་འཕྲོས་པས་ཕྱོགས་བཅུའི་བདེ་བར་གཤེགས་པ་ཐམས་ཅད་ཀྱི་ཐུགས་མཉེས་པའི་མཆོད་པ་ཕུལ༔ འོད་ཟེར་ཚུར་བསྡུས་བདེ་བར་གཤེགས་པ་ཐམས་ཅད་ཀྱི་ཐུགས་ཀྱི་བྱིན་རླབས་ཕུར་པ་ལ་ཐིམ་པས། ཐུགས་གཡོས་པ་ཙམ་གྱིས་སྲིད་གསུམ་སྒྲོལ་ནུས་པའི་དབང་ཐོབ་པར་བསམ༔ ཕུར་པ་བསྒྲིལ་ཞིང་འདི་སྐད་དོ༔ ཧཱུཾ། བདག་ཉིད་ཁྲག་འཐུང་ཧེ་རུ་ཀ༔ གཡས་པ་ཐབས་ཀྱི་རང་བཞིན་ལ༔ རིགས་ལྔ་ཡབ་ལྔའི་ངོ་བོར་གསལ༔ གཡོན་པ་ཤེས་རབ་རང་བཞིན་ལ༔ རིགས་ལྔ་ཡུམ་ལྔའི་ངོ་བོར་གསལ༔ ཐབས་དང་ཤེས་རབ་སྦྱོར་བ་ལས༔ མཐིང་ནག་ཧཱུཾ་ལས་བསྐྱེད་པའི་ལྷ༔ སྲས་མཆོག་བཛྲ་ཀཱི་ལཱ་ཡ༔ ལྟེ་བ་ཡན་ཆོད་སྐུ་སྟོད་ནི༔ དབུ་(༢༣བ)
གསུམ་ཕྱག་དྲུག་རྡོ་རྗེའི་གཤོག་པ་ཅན༔ དུས་གསུམ་བདེ་གཤེགས་འཕྲིན་ལས་འདུས་པའི་སྐུ༔ ལྟེ་བ་མན་ཆད་སྐུ་སྨད་ནི༔ ཡེ་ཤེས་ཕུར་པ་དཔལ་དང་ལྡན༔ དུག་ལྔ་འཇོམས་མཛད་མགོ་བོ་རྒྱ་མདུད་ནི༔ སྲིད་གསུམ་བླ་མེད་གནས་སུ་བསྒྲལ་བའི་ཕྱིར༔ ཞི་བའི་དཀྱིལ་འཁོར་བཞུགས་པར་མངའ་གསོལ་ནས༔ མ་བཅོས་ལྷུན་གྱིས་གྲུབ་པར་གཟི་བྱིན་བསྐྱེད༔ འཆང་བཟུང་ཟུར་བརྒྱད་དུར་ཁྲོད་བརྒྱད་ཀྱི་ངང་༔ རྣམ་ཤེས་ཚོགས་བརྒྱད་དབྱིངས་སུ་སྒྲོལ་བའི་ཕྱིར༔ ཁྲོ་བོའི་དཀྱིལ་འཁོར་བཞུགས་པར་མངའ་གསོལ་ནས༔ བཅུ་དྲུག་རོལ་པ་ཆེན་པོར་གཟི་བྱིན་བསྐྱེད༔ རྐེད་པ་རྒྱ་མདུད་འཕྲིན་ལས་རྣམ་བཞིའི་ངང་༔ ཆུ་སྲིན་ཁ་ནས་སྦྲུལ་གྱིས་ཆུན་པོས་བརྒྱན༔ འཁོར་བ་ཆོས་ཀྱི་དབྱིངས་སུ་སྒྲོལ་བའི་ཕྱིར༔ བཀའ་སྲུང་ཕོ་ཉ་བཞུགས་པར་མངའ་གསོལ་ནས༔ མཁའ་དབྱིངས་ཡུམ་གྱི་བྷ་གར་གཟི་བྱིན་བསྐྱེད༔ རྩེ་མོ་ཐུར་གསུམ་མངོན་སྤྱོད་དྲག་པོ་ཡིས༔ དུག་གསུམ་སྐུ་གསུམ་དབྱིངས་སུ་སྒྲོལ་བའི་ཕྱིར༔ མཐུ་རྩལ་རྨད་དུ་བྱུང་བར་མངའ་གསོལ་ནས༔ འབྲས་བུ་སྐུ་གསུམ་དབྱིངས་སུ་གཟི་བྱིན་བསྐྱེད༔ འཕྲིན་ལས་རྫོགས་པའི་རྡོ་རྗེ་ཕུར་པ་འདི༔ བསྒྲིལ་བ་ཙམ་གྱིས་སྲིད་པ་གསུམ་ཡང་འདར༔ ཕྱར་པ་ཙམ་གྱིས་ཁམས་གསུམ་དངངས་པར་བྱེད༔ བཏབ་པས་ཁམས་གསུམ་སྐད་ཅིག་ཙམ་ལ་བརླག༔ གནོད་བྱེད་དགྲ་བགེགས་རྣམས་ལ་སྨོས་ཅི་དགོས༔ གདུག་པ་འདུལ་མཛད་བཛྲ་ཀཱི་ལཱ་ཡ༔ འགལ་བྱེད་ཆམ་ལ་ཕོབ་ཅིག་བཛྲ་ཀཱི་ལཱ་ཡ༔ སྒྲུབ་པའི་རྟགས་འབྱིན་མཛོད་ཅིག་བཛྲ་ཀཱི་ལཱ་ཡ༔ ལས་རྣམས་དོན་དུ་གཉེར་ཞིག་བཛྲ་ཀཱི་ལཱ་ཡ༔ བཏབ་ན་ཐེབས་(༢༤ན)
པར་མཛོད་ཅིག་བཛྲ་ཀཱི་ལཱ་ཡ༔ ཕངས་ན་ཕྱིར་ལ་བཟློག་ཅིག་བཛྲ་ཀཱི་ལཱ་ཡ༔ སྲོག་དབུགས་ལུས་དང་ཕྱེ་ཞིག་བཛྲ་ཀཱི་ལཱ་ཡ༔ རྣམ་ཤེས་རྟེན་དང་ཕྲོལ་ཅིག་བཛྲ་ཀཱི་ལཱ་ཡ༔ དགྲ་བགེགས་རྡུལ་དུ་རློག་ཅིག་བཛྲ་ཀཱི་ལཱ་ཡ༔ ན་མཿས་མནྟ་བུདྡྷཱ་ནཱཾ། ཀཱ་ཡ་ཝཱཀྐ་ཙིཏྟ་བཛྲ་ཀཱི་ལི་ཀཱི་ལཱ་ཡ༔ཕཊ་ཕཊ། བཛྲ་ཀཱི་ལཱ་ཡ་བཛྲ་དྷ་རོད་ཨཛྙ་པ་ཡ་ཏི་གནོད་བྱེད་སརྦ་བི་གྷྣཱན་བཾ་ཧཱུཾ་ཕཊ༔ ཕུར་པ་དེ་ཡེ་ཤེས་ཀྱི་ལྷ་ལ་བསྟད་དེ་བསྒྲིལ་བས༔ ཕྱོགས་བཅུའི་བདེ་བར་གཤེགས་པ་ཐམས་ཅད་ཕུར་པ་ལ་འོད་དུ་ཞུ་ནས་ཐིམ་པས། ཕུར་པ་གཟི་བརྗིད་དང་ལྡན་པར་གྱུར༔ ཕུར་པ་ཕྱོགས་མཚམས་བཅུར་བསྟད་དེ་བསྒྲིལ་བས། གནོད་བྱེད་རྣམས་འོད་དུ་ཞུ་ནས་ཕུར་པ་ལ་ཐིམ་པས་ཕུར་པ་རྫུ་འཕུལ་དང་ལྡན་པར་གྱུར༔ དེ་ནས་ཡོངས་རྫོགས་བསྐུལ་བྱང་ལས༔ གསུམ་པ་ཕུར་ཐུན་ཚོམ་བུར་བསྐུལ་ཏེ་བསྒྲུབ་བྱ་ཚར་བཅད་པ་ནི། གདབ་ལས་ལ་སྦྱོར་བར་གསལ་བ་གསུམ་དང་ལྡན་པས་འདི་སྐད་དོ༔ ཧཱུཾ་ཆོས་ཀྱི་དབྱིངས་ནས་རང་བྱུང་གྲུབ་པའི་ལྷ༔ ཞེས་སོགས་ལས་བྱང་ནས་བྱུང་བ་ལྟར་བསྐུལ༔ རྣམ་ཤེས་སྦར་བའི་ཆེད་དུ། ཨེ་མ་ཁམས་གསུམ་སེམས་ཅན་རྣམས༔ མ་རྟོགས་འཁྲུལ་པ་སྙིང་རེ་རྗེ༔ སྙིང་རྗེས་བསྒྲལ་བའི་དམ་ཚིག་ནི༔ བསད་ཅིང་མནན་པ་མ་ཡིན་ཏེ༔ ཐུགས་རྗེའི་ཐབས་ཀྱིས་སྦྱོར་བ་ཡིས༔ ཕུང་པོ་བསྒྲལ་བའི་ཞིང་དུ་བཅས༔ གཟུགས་ཀྱི་ལྷ་རྣམས་མཆོད་པར་བྱ༔ རྣམ་ཤེས་ཡུམ་གྱི་མཁའ་ལ་སྤར༔ ཡེ་ཤེས་སེམས་དཔར་བྱིན་བརླབས་ཏེ༔ ཁྱོད་ནི་རྒྱལ་བའི་སྲས་སུ་བསྐྱེད༔ ཨོཾ་བཛྲ་ཀཱི་ལི་ཀཱི་ལཱ་ཡ།(༢༤བ)
ཨེ་རཾ་ཡཾ་རཾ། སྥ་ར་ཎ་ཕཊ༔ བོ་དྷི་ཙིཏྟ་ཧྲཱིཿ སཾ་ཧ་ར་ཎ་ཧཱུཾ༔ ཞེས་བརྗོད། དྲག་སྔགས་སོ་ལྔ་པ་ལ་ཡོངས་རྫོགས་གཞུང་དང་མན་ངག་ལས་བྱུང་བའི་གདངས་དང་བསྟུན་ཏེ་ཕུར་བསྐོར་བྱ་ཞིང་སྙིང་གར་ཕུར་པ་བཏབ་སྟེ་བསྒྲལ་ལོ༔ འདིའི་སྐབས་ཚེ་ལུང་ཁྲུས་ལུང་གི་ཉམས་ལེན་ཟབ་མོ་བརྒྱུད་ལྡན་བླ་མའི་གསུང་རྒྱུན་ཐོས་པས་མ་གོམས་པར་བྱས་པས་རྫོང་འཕྲང་སྲོག་གསུམ་གྱིས་རྩིས་ཟིན་པར་བྱེད་པ་ནི་དམིགས་པ་རྣོན་པོ་རྣལ་འབྱོར་པའི་མཚོན་ཆ་ཡིན་པས་ངག་འདོན་གཙོ་མི་ཆེ་ཡང་ཕཊ་གསུམ་གྱི་འོག་མིན་དུ་འཕང་བའི་ཚེ་ངག་ནས་ཕཊ་ཤིན་ཏུ་ཆེ་བ་གསུམ་བརྒྱབ་སྟེ་ཐག་ཆོད་པར་བྱའོ༔ སྐྱེ་སྒོ་བཅད་ནས་ཕྱིར་མི་ལྡོག་པར་བྱ་བའི་ཆེད་དུ་དཔལ་དགུའི་གདབ་སྔགས་སོ་སོས་གདབ་པ་ནི། ཚེ་མཆོག་གི་གདབ་སྔགས་རྒྱས་པའམ། བསྡུ་ན་སྔགས་བྱང་སྐོར་ལྡེའི་རྒྱ་ཅན་ལས་གསུངས་པ་ལྟར། ཨཱོཾ་བཛྲ་ཀྲོ་ཏ་མ་ཧཱ་ཤྲཱི་ཧེ་རུ་ཀ་ཧཱུཾ་ཕཊ༔ ཨཱོཾ་བཛྲ་ཀཱི་ལི་ཀཱི་ལཱ་ཡ་སརྦ་བིགྷྣཱན་བཾ༔ དགྲ་བགེགས་གནོད་བྱེད་མཱ་ར་ཡ་ཧཱུཾ་ཕཊ༔ ཅེས་ཆེ་མཆོག་དང་། དེ་བཞིན་དུ་བཀའ་གཞན་རྣམས་ལ་སོ་སོའི་སྔགས་ཀྱི་མཇུག་ཏུ་བཛྲ་ཀཱི་ལི་མན་ཆད་སྦྱར་ཏེ་དཔལ་དགུ་སོ་སོའི་ཕུར་པ་གང་དུ་གདབ་པའི་གནས་མ་ནོར་བ་བྱས་ནས་གདབ་བོ༔ དེ་ནས་སྤྱིར་བཏང་གདབ་ལས་ལ་ཐུན་དགུའམ་བདུན་རྒྱག་པ་ཡིན་ཀྱང་། གཏོར་བཟློག་སྐབས་སུ་བཟློག་གཞུང་དུ་ཕུར་སྐོར་བྱ༔ ཞེས་གསུངས་པ་གབ་པ་དོན་སྙིང་ལས་འབྱུང་བ་ལྟར། སྤྲོ་ན། ཕུར་བུ་བསྒྲིལ་ཞིང་འདི་སྐད་དོ༔ ཧཱུཾ། ལྕགས་སམ་གདུག་པའི་ཤིང་རྣམས་ལ༔ མགོ་བོ་རྒྱ་མདུད་རྩེ་ཟུར་གསུམ༔ རྐེད་པ་རྒྱ་མདུད་གཞལ་ཡས་ཁང་༔ རྩེ་མོ་ཟུར་གསུམ་(༢༥ན)
དཔལ་དང་ལྡན༔ ཆུ་སྲིན་ཁ་ནས་འབྲུག་སྟོང་ལྡིར༔ རྒྱ་མདུད་ཁ་ནས་གློག་སྟོང་འཁྱུག༔ མགོ་བོ་སུམ་ཅུ་རྩ་གསུམ་གཞལ་ཡས་ཁང་༔ རྐེད་པ་གླིང་བཞི་འགྲོ་བ་མི་ཡི་ཡུལ༔ རྩེ་མོ་ཟུར་གསུམ་ངན་སོང་གསུམ་གྱི་གནས༔ མགོ་བོ་རྒྱ་མདུད་གཞལ་ཡས་ཁང་༔ བདེ་གཤེགས་ཞི་བའི་ལྷ་ཚོགས་བཞུགས༔ སྦྱོར་སྒྲོལ་འདྲེན་པའི་འཕྲིན་ལས་མཛོད༔ རྐེད་པ་གླིང་བཞི་མི་ཡུལ་ན༔ རྟག་ཆད་གཉིས་ཀྱི་མཐའ་འཛིན་པ༔ ཕྱི་ནང་བསྟན་པའི་སྒོར་ཞུགས་པ༔ མཆོག་དང་ཐུན་མོང་དངོས་གྲུབ་སྩོལ༔ རྩེ་མོ་ངན་སོང་གསུམ་གནས་ན༔ བདག་འཛིན་དུག་གི་རང་དབང་གིས༔ འགྲོ་བ་རིགས་དྲུག་སེམས་ཅན་རྣམས༔ སྡུག་བསྔལ་རྣམ་པ་སྣ་ཚོགས་སྤྱོད༔ སྲིད་པའི་ཕུར་བུ་ཆེན་པོ་ཡིས༔ སྟོང་གསུམ་འཇིག་རྟེན་ཀུན་གྱི་བདག༔ མཐོ་རིས་ངན་སོང་ཀུན་གྱི་ངང་༔ ཁྱོད་ནི་སྲིད་པ་ཀུན་གྱི་བདག༔ ཁྱོད་ནི་ཟློག་བྱེད་ཀུན་གྱི་བདག༔ ཁྱོད་ནི་འབྱུང་བ་ཀུན་གྱི་རྗེ༔ ཁྱོད་ནི་འགྲོ་བ་ཀུན་གྱི་ལམ༔ ཁྱོད་ནི་འདྲེན་པ་ཀུན་གྱི་གཙོ༔ ཁྱོད་ནི་ངན་སོང་གསུམ་གྱི་རྒྱུད༔ ཁྱོད་ནི་འགྲོ་དྲུག་ཀུན་གྱི་གནས༔ ཁྱོད་ཀྱི་ཆ་ལ་ཐམས་ཅད་བརྟེན༔ ཁྱོད་ཀྱི་འཁོར་དུ་ཐམས་ཅད་འདུས༔ ཁྱོད་ནི་དྲེགས་པ་ཐམས་ཅད་འདུལ༔ ཁྱོད་ནི་ངན་སྔགས་ཐམས་ཅད་སྒྲུབ༔ དྲེགས་པ་ལྷ་སྲིན་ཐམས་ཅད་ཀྱང་༔ ཁྱོད་ཀྱི་སྐུ་ཡི་ཆ་ལ་བརྟེན༔ སྲིད་པ་ཕོ་རྒྱུད་མོ་རྒྱུད་ཀྱང་༔ ཁྱོད་ཀྱི་སྐུ་ཡི་ཆ་ལ་བརྟེན༔ སྔོན་ཚེ་དཔལ་ཆེན་སྤྱན་སྔ་རུ༔ ཇི་ལྟར་ཁས་བླངས་དམ་བཅས་ལྟར༔ དམ་ལས་མ་འདས་འཕྲིན་ལས་མཛོད༔ སྲིད་(༢༥བ)
པའི་ཕུར་བུ་དག་གིས་བསྐུལ༔ ཟས་སུ་ཉམས་པའི་ཤ་ལ་ཟོ༔ སྐོམ་དུ་ཉམས་པའི་ཁྲག་ལ་འཐུང་༔ ཀཱི་ལཱ་ལ་ཡི་སྒྲ་བསྒྲགས་པས༔ དམ་ཉམས་རྣམས་ཀྱི་ཀླད་པ་འགེམས༔ སྲིད་པའི་ཕུར་བུ་བདག་གིས་བསྐུལ༔ བསྟན་པ་བཤིག་པའི་དགྲ་བོ་དང་༔ བར་ཆད་བྱེད་པའི་བདུད་བགེགས་ལ༔ སྲིད་པའི་ཕུར་བུ་ཀཱི་ལཱ་ཡ༔ སྔགས་འཆང་རྒྱལ་པོ་བདག་ཉིད་ལ༔ ཕྱོགས་བཞི་མཚམས་དང་སྟེང་འོག་ནས༔ ངན་པར་དམིགས་ནས་སྔགས་བཟློག་དང་༔ ལོག་པར་བལྟ་བའི་ངན་སེམས་དང་༔ འཚེ་ཞིང་གནོད་པའི་སྦྱོར་བ་དང་༔ གཏུམ་ཞིང་གདུག་པའི་སེམས་ཀྱིས་སུ༔ མནན་སྲེག་ཐུན་ལ་སོགས་པ་ཡིས༔ གདུག་སེམས་བྱད་མཁན་གང་ཡིན་གྱི༔ སྙིང་གི་དཀྱིལ་དུ་ཀཱི་ལཱ་ཡ༔ སྨྲ་བྱེད་ལྕེ་ལ་ཀཱི་ལཱ་ཡ༔ དྲན་བྱེད་སེམས་ལ་ཀཱི་ལཱ་ཡ༔ དབང་པོ་ལྔ་ལ་ཀཱི་ལཱ་ཡ༔ རྣམ་ཤེས་ལྔ་ལ་ཀཱི་ལཱ་ཡ༔ སྐྱེ་མཆེད་བཞི་ལ་ཀཱི་ལཱ་ཡ༔ ཕུང་པོ་ལྔ་ལ་ཀཱི་ལཱ་ཡ༔ ནུས་མཐུ་སྔགས་ལ་ཀཱི་ལཱ་ཡ༔ སྐྱོབ་བྱེད་ལྷ་ལ་ཀཱི་ལཱ་ཡ༔ འཕངས་པའི་སྲོག་ལ་ཀཱི་ལཱ་ཡ༔ གཅེས་པའི་བུ་ལ་ཀཱི་ལཱ་ཡ༔ མཛའ་བཤེས་གཉེན་ལ་ཀཱི་ལཱ་ཡ༔ ཕུར་གང་ལྷ་ལ་ཀཱི་ལཱ་ཡ༔ ཁྱིམ་གང་མི་ལ་ཀཱི་ལཱ་ཡ༔ སྒོ་གང་ནོར་ལ་ཀཱི་ལཱ་ཡ༔ དབང་ཐང་ལོ་ལ་ཀཱི་ལཱ་ཡ༔ ཡུལ་དང་མཁར་ལ་ཀཱི་ལཱ་ཡ༔ ཧཱུཾ། ཟློག་བྱེད་ཆེན་པོའི་དུས་ལ་བབ༔ སྲིད་པའི་བྱེད་ཟོར་བཟློག་ཏུ་གསོལ༔ དམ་ཚིག་ཆེན་པོའི་དུས་ལ་བབ༔ དམ་ཚིག་ཉམས་ཆགས་བསྐང་དུ་གསོལ༔ ལྷ་ཆེན་ཐུགས་དམ་དུས་ལ་བབ༔ ལྷ་ཀླུའི་བྱད་ཁ་བཟློག་ཏུ་གསོལ༔ ཧཱུཾ། ཡོན་ཏན་(༢༦ན)
རྒྱུད་ལས་བྱུང་བ་ཡི༔ ཆེ་མཆོག་ཐུགས་ཀྱི་སྤྲུལ་པ་སྟེ༔ འདེབས་བྱེད་གསེར་གྱི་ཕུར་པ་འབུམ༔ སྲིད་གསུམ་བྱད་མའི་ཕུར་ཁ་བཟློག༔ སྲིད་པའི་ཕུར་བུ་ཆེན་པོ་ཡིས༔ བྱད་ཟོར་ཐམས་ཅད་བཟློག་ཏུ་གསོལ༔ ཧཱུཾ། ཐུགས་ཀྱི་རྒྱུད་ལས་བྱུང་བ་ཡི༔ ཡང་དག་ཐུགས་ཀྱི་སྤྲུལ་པ་སྟེ༔ འདེབས་བྱེད་ལྕགས་ཀྱི་ཕུར་པ་འབུམ༔ སྲིད་གསུམ་བྱད་མའི་ཕུར་ཁ་བཟློག༔ སྲིད་པའི་ཕུར་བུ་ཆེན་པོ་ཡིས༔ བྱད་ཟོར་ཐམས་ཅད་བཟློག་ཏུ་གསོལ༔ ཧཱུཾ་སྐུ་ཡི་ངང་ལས་བྱུང་བ་ཡི༔ འཇམ་དཔལ་ཐུགས་ཀྱི་སྤྲུལ་པ་སྟེ༔ འདེབས་བྱེད་ཤེལ་གྱི་ཕུར་པ་འབུམ༔ སྲིད་གསུམ་བྱད་མའི་ཕུར་ཁ་བཟློག༔ སྲིད་པའི་ཕུར་བུ་ཆེན་པོ་ཡིས༔ བྱད་ཟོར་ཐམས་ཅད་བཟློག་ཏུ་གསོལ༔ ཧཱུཾ་གསུང་གི་ངང་ལས་བྱུང་བ་ཡི༔ དབང་ཆེན་ཐུགས་ཀྱི་སྤྲུལ་པ་སྟེ༔ འདེབས་བྱེད་ཟངས་ཀྱི་ཕུར་པ་འབུམ༔ སྲིད་གསུམ་བྱད་མའི་ཕུར་ཁ་བཟློག༔ སྲིད་པའི་ཕུར་བུ་ཆེན་པོ་ཡིས༔ བྱད་ཟོར་ཐམས་ཅད་བཟློག་ཏུ་གསོལ༔ ཧཱུཾ་འཕྲིན་ལས་ངང་ལས་བྱུང་བ་ཡི༔ ཕུར་པ་ཐུགས་ཀྱི་སྤྲུལ་པ་སྟེ༔ འདེབས་བྱེད་གཡུ་ཡི་ཕུར་པ་འབུམ༔ སྲིད་གསུམ་བྱད་མའི་ཕུར་ཁ་བཟློག༔ སྲིད་པའི་ཕུར་བུ་ཆེན་པོ་ཡིས༔ བྱད་ཟོར་ཐམས་ཅད་བཟློག་ཏུ་གསོལ༔ ཧཱུཾ། ཤེས་རབ་ངང་ལས་བྱུང་བ་ཡི༔ བླ་མེད་ཐུགས་ཀྱི་སྤྲུལ་པ་སྟེ༔ འདེབས་བྱེད་མཐིང་གི་ཕུར་པ་འབུམ༔ སྲིད་གསུམ་བྱད་མའི་ཕུར་ཁ་བཟློག༔ སྲིད་པའི་ཕུར་བུ་ཆེན་པོ་ཡིས༔ བྱད་ཟོར་ཐམས་ཅད་བཟློག་ཏུ་གསོལ༔ ཧཱུཾ་ཆོས་ཉིད་ཕྱག་རྒྱའི་ངང་ལས་བྱུང་བ་ཡི༔ རིགས་འཛིན་ཐུགས་ཀྱི་སྤྲུལ་པ་སྟེ༔ འདེབས་བྱེད་མུ་མེན་ཕུར་པ་འབུམ༔ སྲིད་གསུམ་(༢༦བ)
བྱད་མའི་ཕུར་ཁ་བཟློག༔ སྲིད་པའི་ཕུར་བུ་ཆེན་པོ་ཡིས༔ བྱད་ཟོར་ཐམས་ཅད་བཟློག་ཏུ་གསོལ༔ ཧཱུཾ། གཏུམ་ཞིང་དྲེགས་པའི་རྒྱུད་ལས་བྱུང་༔ དྲེགས་པ་ཀུན་འདུལ་ཐུགས་ཀྱི་སྤྲུལ་པ་སྟེ༔ འདེབས་བྱེད་མཆོང་གི་ཕུར་པ་འབུམ༔ སྲིད་གསུམ་བྱད་མའི་ཕུར་ཁ་བཟློག༔ སྲིད་པའི་ཕུར་བུ་ཆེན་པོ་ཡིས༔ བྱད་ཟོར་ཐམས་ཅད་བཟློག་ཏུ་གསོལ༔ ཧཱུཾ། བདེ་གཤེགས་མངོན་སྤྱོད་རྒྱུད་ལས་བྱུང་བ་ཡི༔ སྟོབས་ཆེན་ནག་པོའི་ཐུགས་ལས་སྤྲུལ༔ འདེབས་བྱེད་རཏྣའི་ཕུར་པ་འབུམ༔ སྲིད་གསུམ་བྱད་མའི་ཕུར་ཁ་བཟློག༔ སྲིད་པའི་ཕུར་བུ་ཆེན་པོ་ཡིས༔ བྱད་ཟོར་ཐམས་ཅད་བཟློག་ཏུ་གསོལ༔ ས་མ་ཡ༔ རྒྱ་རྒྱ་རྒྱ། ཡང་བྷྱོས་གདབ་ཅེས་པ་ནི་རྣལ་འབྱོར་པ་བདག་དང་༔ མཆེད་ལྕམ་རྣམས་ཀྱིས་ནས་ཐོགས་ནས་གཏོར༔ དར་ནག་གིས་གཡབ་ཅིང་བཟློག་པ་འདི་སྐད་དོ༔ ཧཱུཾ། ང་ནི་སྔགས་འཆང་རྒྱལ་པོ་ཡིན༔ ང་ནི་ཟློག་བྱེད་ཆེན་པོ་ཡིན། ང་ནི་སྟོང་གསུམ་བདག་པོ་ཡིན༔ སྣང་སྲིད་ང་ཡིས་དབང་དུ་སྡུད༔ རང་བྱུང་བསྟན་པ་རིན་ཅེན་ལ༔ བདག་ཅག་ཞུགས་དང་སྐྱོང་ལགས་ཏེ༔ འགྲོ་དྲུག་སེམས་ཅན་གྲངས་མང་བས༔ ལོག་རྟོག་མུན་པའི་སེམས་ཀྱིས་སུ༔ བསྟན་པའི་རུ་དྲ་བྱེད་པ་དང་༔ དུག་ལྔ་རྒྱས་པའི་དབང་གིས་ནི༔ རྒྱུ་སྦྱོར་ཡོན་གྱི་བདག་པོ་དང་༔ སྔགས་འཆང་རྒྱལ་པོ་བདག་ཅག་ལ༔ ཕྱོགས་བཞི་མཚམས་བརྒྱད་སྟེང་འོག་ནས༔ གདུག་རྩུབ་གཏུམ་པའི་སེམས་ཀྱིས་སུ༔ ངན་སྔགས་དམོད་པ་གང་བྱེད་ཀྱིས༔ སྟོང་གསུམ་མ་མོའི་བྷྱོ་ཡིས་ཐོབ༔ (༢༧ན)
སྟོང་གསུམ་བྷྱོ་སྒྲ་དིར་རི་རི༔ སྣང་སྲིད་ལྷ་འདྲེ་བྷྱོ་ཡིས་ཐོབ༔ སྣང་སྲིད་བྷྱོ་སྒྲ་དིར་རི་རི༔ བྷྱོ༔ ནམ་མཁའ་ལྷ་ཡི་བྱད་སྣ་ཡང་༔ ཉམས་པའི་དགྲ་བགེགས་འདི་ལ་བྷྱོ༔ བར་སྣང་གཉན་གྱི་བྱད་སྣ་ཡང་༔ དམ་ཉམས་དགྲ་བགེགས་འདི་ལ་བྷྱོ༔ ས་བདག་ཀླུ་ཡི་བྱད་སྣ་ཡང་༔ ཉམས་པའི་དགྲ་བགེགས་འདི་ལ་བྷྱོ༔ སྣང་སྲིད་ལྷ་འདྲེའི་བྱད་སྣ་ཡང་༔ ཉམས་པའི་དགྲ་བགེགས་འདི་ལ་བྷྱོ༔ གླིང་བཞི་མི་ཡི་བྱད་སྣ་ཡང་༔ དམ་ཉམས་དགྲ་བགེགས་འདི་ལ་བྷྱོ༔ འགྲོ་དྲུག་ཡོངས་ཀྱི་དམོད་ཟོར་ཡང་༔ དམ་ཉམས་དགྲ་བགེགས་འདི་ལ་བྷྱོ༔ དེ་རིང་ཚོགས་པའི་གདུག་རྩུབ་ཀྱང་༔ དམ་ཉམས་དགྲ་བགེགས་འདི་ལ་བྷྱོ༔ སེམས་ཀྱིས་བསམས་པའི་གདུག་སེམས་ཀྱང་༔ སྡང་བའི་དགྲ་བགེགས་འདི་ལ་བྷྱོ༔ ལུས་ལས་བྱུང་བའི་གདུག་རྩུབ་ཀྱང་༔ སྡང་བའི་དགྲ་བགེགས་འདི་ལ་བྷྱོ༔ དུག་ལྔ་གཡོས་པའི་གདུབ་རྩུབ་ཀྱང་༔ སྡང་བའི་དགྲ་བགེགས་འདི་ལ་བྷྱོ༔ བྷྱོ་བྷྱོ་སྡང་བའི་དགྲ་ལ་བྷྱོཿ བྷྱོ་བྷྱོ་གནོད་པའི་བགེགས་ལ་བྷྱོ༔ བྷྱོ་བྷྱོ་བར་ཆད་བདུད་ལ་བྷྱོ༔ བྷྱོ་བྷྱོ་བྱད་མའི་སྲོག་ལ་བྷྱོ༔ བྷྱོ་བྷྱོ་བྱད་མའི་ཤ་ལ་བྷྱོ༔ བྷྱོ་བྷྱོ་བྱད་མའི་སྙིང་ལ་བྷྱོ༔ བྷྱོ་བྷྱོ་བྱད་མའི་ཁྲག་ལ་བྷྱོ༔ བྷྱོ་བྷྱོ་བྱད་མའི་རུས་ལ་བྷྱོ༔ལ བྷྱོ་བྷྱོ་བྱད་མའི་ལྕེ་ལ་བྷྱོ༔ བྷྱོ་བྷྱོ་བྱད་མའི་ལུས་ལ་བྷྱོ༔ བྷྱོ་བྷྱོ་བྱད་མའི་ངག་ལ་བྷྱོ༔ བྷྱོ་བྷྱོ་བྱད་མའི་ཡིད་ལ་བྷྱོ༔ བྷྱོ་བྷྱོ་བྱད་མའི་ལྷ་ལ་བྷྱོ༔ བྷྱོ་བྷྱོ་བྱད་མའི་སྔགས་ལ་བྷྱོ༔ བྷྱོ་བྷྱོ་བྱད་མའི་ཐོག་ཏུ་བྷྱོ༔ ཨྠྀི༔ དེ་ནས་ཕུར་ཐུན་ཚོམ་བསྐུལ་ལས༔ ཐུན་བདུན་གྱིས་བྲབ་པ་ནི༔(༢༧བ)
ཧཱུཾ། རྡོ་རྗེ་ཕུར་པ་ཀཱི་ལཱ་ཡ༔ སངས་རྒྱས་ཡོངས་རྫོགས་འཕྲིན་ལས་སྐུ༔ དགྲ་བགེགས་ལྔ་ཕུང་རྡུལ་དུ་རློག༔ སོ་ལྔ་པའི་རྗེས་ལ༔ དགྲ་བགེགས་གནོད་བྱེད་ཤ་ཏྲུཾ་ཧུར་ཐུཾ་ཛ༔ ནྲྀ་ཏྲི་མཱ་ར་ཡ་རྦད༔ ཅེས་ཕུར་ཐུན་སོར་བཞི་པས་བྲབ༔ ཧཱུཾ། ཡུངས་ཀར་རྒྱལ་པོ་ཤཱ་རི་རམ༔ ཁྲོ་རྒྱལ་ཡོངས་རྫོགས་སྤྲུལ་པའི་སྐུ༔ དགྲ་བགེགས་ལྔ་ཕུང་རྡུལ་དུ་རློག༔ སྔགས་འགྲེ། །ཧཱུཾ། རཀྟའི་རྒྱ་མཚོ་རྦ་རློང་འཁྲུག༔ མ་མོ་ཡོངས་རྫོགས་གྱད་ཀྱི་སྐུ༔ དགྲ་བགེགས་ལྔ་ཕུང་རྡུལ་དུ་རློག་༴༔ ཧཱུཾ། མཚེ་མདའ་དྲག་པོ་སྐར་ལྟར་འཁྲུག༔ དྲེགས་པ་ཡོངས་རྫོགས་རྩལ་གྱི་སྐུ༔ དགྲ་བགེགས་ལྔ་ཕུང་རྡུལ་དུ་རློག་༴༔ ཧཱུཾ། འབྱུང་བའི་དུག་འདུས་རླུང་ལྟར་འཚུབ༔ གདུག་པ་དུག་ལྔ་མདོས་རྫོགས་སྐུ༔ དགྲ་བགེགས་ལྔ་ཕུང་རྡུལ་དུ་རློག་༴༔ ཧཱུཾ། ཐོགས་མེད་དྲག་པོ་ལས་ཀྱི་མཚོན༔ ཕྱག་མཚན་ཡོངས་རྫོགས་མཚོན་ཆའི་སྐུ༔ དགྲ་བགེགས་ལྔ་ཕུང་རྡུལ་དུ་རློག་༴༔ ཧཱུཾ། སྟོབས་ཆེན་འདུས་པ་མདའ་རྡོ་ཡི༔ བདུད་འཇོམས་ཡོངས་རྫོགས་གྱད་ཀྱི་སྐུ༔ དགྲ་བགེགས་ལྔ་ཕུང་རྡུལ་དུ་རློག་༴༔ གསང་རྫོགས་ན་ཐུན་བདུན་ལས་མི་འདུག་ཀྱང་བདེ་འདུས་ནས་ཁ་བཀང་སྟེ༔ ཟངས་ཕྱེས་ལུས་སེམས་དབང་དུ་སྡུད༔ དབང་ཆེན་ཡོངས་རྫོགས་གར་གྱི་སྐུ༔ དགྲ་བགེགས་ལྔ་ཕུད་རྡུལ་དུ་རློག་༴༔ རྡོ་རྗེ་ཐལ་ཆེན་ཐབས་ཀྱིས་གནོན༔ དཔའ་བོ་ཡོངས་རྫོགས་གྱད་ཀྱི་སྐུ༔ དགྲ་བགེགས་ལྔ་ཕུང་རྡུལ་དུ་རློག༔ དེ་ནས་སྲས་མཆོག་གིས་གཏུབས་ཏེ༔ ཧཱུཾ། སྟོང་པའི་ཡེ་ཤེས་མཁའ་འདྲ་བ༔ མུན་པ་ཀུན་དང་རྣམ་པར་བྲལ༔ ཅི་(༢༨ན)
ལས་བྱུང་བ་ང་ལས་བྱུང་༔ ང་ནི་དུས་གསུམ་བཞུགས་པ་ཡི༔ སངས་རྒྱས་ཡིན་ཏེ་ཡེ་ཤེས་སྐུ༔ ཡེ་ཤེས་རྣོ་དབལ་མཚོན་ཆ་ཡིས༔ ལོག་རྟོག་འཁོར་བ་རྒྱུན་ཆོད་ཅིག༔ ཨཱོཾ་མནྡྲ་སུམྦྷ་ནི་བྲུཾ། ཨཱོཾ་བཛྲ་ཛྭ་ལ་ཧཱུཾ། ཨཱོཾ་བྷྲུཾ་ཧཱུཾ་བྲུཾ། ཏྲཾ་བྲུཾ། ཧྲཱི་བྲུཾ། ཧཱ་བྲུཾ། ཆེ་གེ་མོ་ཚལ་པ་དུམ་བུ་མ་ར་ཡ་རྦད་རྦད་ཛཿཛཿ ཞེས་པས་ཕུར་པའི་དབལ་ལས་མཚོན་ཆའི་ཆར་དབབ་པས་གཟུགས་ཕུང་དེ་ཕྱེ་མ་དང་དུམ་བུར་བཏབ་པར་བསམ། གཞུང་གཞན་ལས་འདི་ལའང་མཚོན་གྱིས་གཏུབ་པར་གསུངས༔ དེ་ནས་བཟློག་གཞུང་དུ་ཉ་བོ་བསྒྲལ་ཅེས་པ་ནི། གབ་དོན་ལས་ཉ་བོ་མཚོན་གྱིས་གཏུབ་ཅིང་འདི་སྐད་དོ༔ ཧཱུཾ། ཆེ་མཆོག་ཡོན་ཏན་སྤྲུལ་པའི་བཤན་པ་འབུམ༔ སྤུ་གྲི་རླུང་གི་འདབ་གཤོག་ཅན༔ སྒྲོལ་བྱེད་མཚོན་ཆ་སྣ་ཚོགས་ཀྱིས༔ ལས་ངན་གདུག་པའི་དགྲ་བགེགས་འདི༔ ཤ་རུས་གཏུབ་ཅིང་སྲོག་དང་ཕྲོལ༔ སྦྱོར་སྒྲོལ་ཉམས་ཆགས་བསྐང་བ་དང་༔ བསད་དང་མནན་པ་བཟློག་པ་དང་༔ དྲག་བྱེད་ཤུགས་ཀྱིས་འཕྲིན་ལས་སྒྲུབས༔ ཧཱུཾ། ཡང་དག་ཐུགས་ཀྱི་སྤྲུལ་པའི་བཤན་པ་འབུམ༔ སྤུ་གྲི་རླུང་གི་འདབ་གཤོག་ཅན༔ སྒྲོལ་བྱེད་མཚོན་ཆ་སྣ་ཚོགས་ཀྱིས༔ ལས་ངན་གདུག་པའི་དགྲ་བགེགས་འདི༔ ཤ་རུས་གཏུབ་ཅིང་སྲོག་དང་ཕྲོལ༔ སྦྱོར་སྒྲོལ་ཉམས་ཆགས་བསྐང་བ་དང་༔ བསད་དང་མནན་པ་བཟློག་པ་དང་༔ དྲག་བྱེད་ཐུགས་ཀྱིས་འཕྲིན་ལས་སྒྲུབས༔ ཧཱུཾ། འཇམ་དཔལ་སྐུ་ཡི་སྤྲུལ་པའི་བཤན་པ་འབུམ༔ སྤུ་གྲི་རླུང་གི་འདབ་གཤོག་ཅན༔ སྒྲོལ་བྱེད་མཚོན་ཆ་སྣ་(༢༨བ)
ཚོགས་ཀྱིས༔ ལས་ངན་གདུག་པའི་དགྲ་བགེགས་འདི༔ ཤ་རུས་གཏབ་ཅིང་སྲོག་དང་ཕྲོལ༔ སྦྱོར་སྒྲོལ་ཉམས་ཆགས་བསྐང་བ་དང་༔ བསད་དང་མནན་པ་བཟློག་པ་དང་༔ དྲག་བྱེད་ཤུགས་ཀྱིས་འཕྲིན་ལས་སྒྲུབས༔ ཧཱུཾ། པདྨ་གསུང་གི་སྤྲུལ་པའི་བཤན་པ་འབུམ༔ སྤུ་གྲི་རླུང་གི་འདབ་གཤོག་ཅན༔ སྒྲོལ་བྱེད་མཚོན་ཆ་སྣ་ཚོགས་ཀྱིས༔ ལས་ངན་གདུག་པའི་དགྲ་བགེགས་འདི༔ ཤ་རུས་གཏུབ་ཅིང་སྲོག་དང་ཕྲོལ༔ སྦྱོར་སྒྲོལ་ཉམས་ཆགས་བསྐང་བ་དང་༔ བསད་དང་མནན་པ་བཟློག་པ་དང་༔ དྲག་བྱེད་ཤུགས་ཀྱིས་འཕྲིན་ལས་སྒྲུབས༔ ཧཱུཾ། ཕུར་པ་འཕྲིན་ལས་སྤྲུལ་པའི་བཤན་པ་འབུམ༔ སྤུ་གྲི་རླུང་གི་འདབ་གཤོག་ཅན༔ སྒྲོལ་བྱེད་མཚོན་ཆ་སྣ་ཚོགས་ཀྱིས༔ ལས་ངན་གདུག་པའི་དགྲ་བགེགས་འདི༔ ཤ་རུས་གཏུབ་ཅིང་སྲོག་དང་ཕྲོལ༔ སྦྱོར་སྒྲོལ་ཉམས་ཆགས་བསྐང་བ་དང་༔ བསད་དང་མནན་པ་བཟློག་པ་དང་༔ དྲག་བྱེད་ཤུགས་ཀྱིས་འཕྲིན་ལས་སྒྲུབས༔ ཧཱུཾ། མ་མོ་རྦོད་གཏོང་སྤྲུལ་པའི་བཤན་པ་འབུམ༔ སྤུ་གྲི་རླུང་གི་འདབ་གཤོག་ཅན༔ སྒྲོལ་བྱེད་མཚོན་ཆ་སྣ་ཚོགས་ཀྱིས༔ ལས་ངན་གདུག་པའི་དགྲ་བགེགས་འདི༔ ཤ་རུས་གཏུབ་ཅིང་སྲོག་དང་ཕྲོལ༔ སྦྱོར་སྒྲོལ་ཉམས་ཆགས་བསྐང་བ་དང་༔ བསད་དང་མནན་པ་བཟློག་པ་དང་༔ དྲག་བྱེད་ཤུགས་ཀྱིས་འཕྲིན་ལས་སྒྲུབས༔ ཧཱུཾ། རིགས་འཛིན་སློབ་དཔོན་སྤྲུལ་པའི་བཤན་པ་འབུམ༔ སྤུ་གྲི་རླུང་གི་འདབ་གཤོག་ཅན༔ སྒྲོལ་བྱེད་མཚོན་ཆ་སྣ་ཚོགས་ཀྱིས༔ ལས་ངན་གདུག་(༢༩ན)
པའི་དགྲ་བགེགས་འདི༔ ཤ་རུས་གཏུབ་ཅིང་སྲོག་དང་ཕྲོལ༔ སྦྱོར་སྒྲོལ་ཉམས་ཆགས་བསྐང་བ་དང་༔ བསད་དང་མནན་པ་བཟློག་པ་དང་༔ དྲག་བྱེད་ཤུགས་ཀྱིས་འཕྲིན་ལས་སྒྲུབས༔ ཧཱུཾ། འཇིག་རྟེན་མཆོད་བསྟོད་སྤྲུལ་པའི་བཤན་པ་འབུམ༔ སྤུ་གྲི་རླུང་གི་འདབ་གཤོག་ཅན༔ སྒྲོལ་བྱེད་མཚོན་ཆ་སྣ་ཚོགས་ཀྱིས༔ ལས་ངན་གདུག་པའི་དགྲ་བགེགས་འདི༔ ཤ་རུས་གཏུབ་ཅིང་སྲོག་དང་ཕྲོལ༔ སྦྱོར་སྒྲོལ་ཉམས་ཆགས་བསྐང་བ་དང་༔ བསད་དང་མནན་པ་བཟློག་པ་དང་༔ དྲག་བྱེད་ཤུགས་ཀྱིས་འཕྲིན་ལས་སྒྲུབས༔ ཧཱུཾ༔ དམོད་པ་དྲག་སྔགས་སྤྲུལ་པའི་བཤན་པ་འབུམ༔ སྤུ་གྲི་རླུང་གི་འདབ་གཤོག་ཅན༔ སྒྲོལ་བྱེད་མཚོན་ཆ་སྣ་ཚོགས་ཀྱིས༔ ལས་ངན་གདུག་པའི་དགྲ་བགེགས་འདི༔ ཤ་རུས་གཏུབ་ཅིང་སྲོག་དང་ཕྲོལ༔ སྦྱོར་སྒྲོལ་ཉམས་ཆགས་བསྐང་བ་དང་༔ བསད་དང་མནན་པ་བཟློག་པ་དང་༔ དྲག་བྱེད་ཤུགས་ཀྱིས་འཕྲིན་ལས་སྒྲུབས༔ སོ་ལྔ་པའི་ཤམ་བུར་ནྲྀ་ཏྲི་རི་མཱ་ར་ཡ་རྦད༔ ཅེས་བཟླ། དེ་ནས་གཏུན་དུ་བརྡུང་སྟེ༔ ཕུར་པ་ནས་འབྱུང་བ་ལྟར་ཉམས་ལེན་གནད་གདམས་ལས། ཧཱུཾ། རྡུངས་ཤིག་རྡོ་རྗེ་འབར་བའི་གཏུན༔ བཀའ་ལས་འདའ་བྱེད་སྡིག་ཅན་རྣམས༔ རྡོ་རྗེའི་མཚོན་ཆས་བསྒྲལ་ནས་ཀྱང་༔ ལུས་ངག་རྡུལ་ཕྲན་བཞིན་དུ་རློག༔ ཁྲོ་མོ་འབར་བའི་གཏུན་ཁུང་དུ༔ རྡོ་རྗེ་ཐོ་བས་བརྡུངས་བྱས་ཏེ༔ ལྷ་ཡང་རུང་སྟེ་བརླག་པར་བྱ༔ བཅོལ་བའི་འཕྲིན་ལས་གྲུབ་པར་མཛོད༔ ཨོཾ་བཛྲ་པདྨ་ཀྲོ་ཏ་ཡ་ཁ་(༢༩བ)
ཐཾ། བསད་ལས་རྒྱས་པར། ཧཱུཾ། མཐིང་ནག་གྲུ་གསུམ་དཀྱིལ་འཁོར་ནས༔ འཇིག་རྟེན་མཆོད་བསྟོད་ལྷ་ཚོགས་རྣམས༔ བསྟན་པ་གཉན་ལ་དགྲ་དར་ན༔ མི་མངོན་དབྱིངས་ནས་སྐུ་བཞེངས་ལ༔ རྣལ་འབྱོར་བདག་གི་ར་མདའ་རློག༔ གནས་འདིར་དྲག་པོའི་ལས་ལ་ཡཱ༔ ཡིད་ལ་བརྣག་པའི་དགྲ་བགེགས་རྣམས༔ དྲག་པོའི་ལས་ཀྱིས་མྱུར་དུ་སྒྲོལ༔ བསད་པ་དོན་བརྒྱད་ལས། བདུན་པ་མཆོད་བསྟོད་ཀྱིས་གཏུན་དུ་བརྡུང་ཞིང་རྡུལ་དུ་བརླག་པ་ལའང་བརྒྱད་ལས༔ དང་པོ་ནི་ཧཱུཾ། དྲེགས་པའི་ལྷ་ཚོགས་ཐུགས་དམ་ཅན༔ གཉིས་པ་ནི་དྲག་པོའི་འཕྲིན་ལས་དུས་ལ་བབ༔ ཡིད་ལ་བརྣག་པའི་དགྲ་བགེགས་རྣམས༔ གསུམ་པ་ནི་ལུས་ངག་རྡུལ་ཕྲན་བཞིན་དུ་རློག༔ བཞི་པ་ནི་ཨཱོཾ་བཛྲ་ཙཎྜ་སརྦ་དུཥྚཱན་དགྲ་བགེགས་ཏ་ཐཱ་ཡ་ཧཱུཾ་ཕཊ༔ ལྔ་པ་ནི་ཐུན་མཚོན་སྤྲུལ་པའི་ཆར་ཆེན་པོས། ཤ་ཁྲག་རུས་པ་དམར་མྱོག་གྱུར། དྲུག་པ་ནི་ཕྱག་མཚན་ཕྱི་གསུམ་རྫས་ཀྱིས་རྡུངས༔ བདུན་པ་ནི་ཕྱག་རྒྱའི་འཕྲུལ་གྱིས་རྡུལ་དུ་རློག༔ བརྒྱད་པ་ནི་ཧོཿ མཆོད་བསྟོད་དྲེགས་པའི་ལྷ་ཚོགས༔ དྲེགས་པའི་སྡེ་དཔོན་སུམ་ཅུ༔ བཀའ་སྲུང་ལྷ་སྲིན་སྡེ་བརྒྱད་དང་བཅས་པ་རྣམས་ཀྱིས༔ བསྟན་པ་འཇིག་པའི་དགྲ་བགེགས་དམ་ཉམས་འདི་ཚེའི་འདུ་བྱེད་ཟད་ཅིང་བསོད་ནམས་ཀྱི་མེ་ཤིར་ཆུག་ཅིག༔ ལས་ངན་གྱི་རྣམ་པར་སྨིན་པའི་ཆར་འབབ་ཅིང་༔ སྡུག་བསྔལ་གྱི་མཚོ་འབྲུབ་པར་གྱུར་ཅིག༔ ཐལ་བའི་རྡུལ་དུ་བརླག་པར་གྱུར་ཅིག༔ ཅེས་དམོད་པ་བྱ། དེ་ནས་སྟོབ་པ་བྱ་སྟེ་ལས་ཀྱི་སྒྲོལ་གིང་གིས་ལིང་རོ་དང་གདབ་(༣༠ན)
ཕུར་བཟུང་ལ༔ གཤིན་རྗེ་རྔམ་སྒྲོལ་གྱི་རོལ་མོའི་སྒྲ་དབྱངས་དང་བཅས་ཏེ༔ སྒྲུབ་པ་པོ་རྣམས་ཀྱང་ཁྲག་འཐུང་གི་འགྱིང་འགྲོས་བྱས་ལ༔ ཧཱུཾ། དཔལ་ཆེན་ཁྲག་འཐུང་ལྷ་ཚོགས་ཞལ་ཕྱེ་ཞིག༔ བག་ཆགས་ཀུན་སྦྱངས་འཁོར་བའི་ལམ་དགག་ཕྱིར༔ དགྲ་བགེགས་བསྒྲལ་བའི་དུག་གསུམ་ཤ་ཁྲག་རུས༔ ཟ་བྱེད་མི་འགྱུར་ཆོས་ཉིད་ཀློང་དུ་རོལ༔ བཛྲ་ཡཀྵ་ཀྲོ་ཏ་བི་ཛ་ཡ་ཁཱ་ཧི༔ ཆེ་མཆོག་དྲག་པོའི་ལྷ་ཚོགས་ཞལ་དུ་ཁ་རཾ་ཁཱ་ཧི༔ ཞེས་སོགས་ནས་དམོད་པ་དྲག་སྔགས་ལྷ་ཚོགས་ཞལ་དུ་ཁ་རཾ་ཁཱ་ཧི༔ བསད་ལས་རྒྱས་པར། ཧཱུཾ། མཐིང་ནག་གྲུ་གསུམ་དཀྱིལ་འཁོར་ནས༔ དམོད་པ་དྲག་སྔགས་ལྷ་ཚོགས་རྣམས༔ བསྟན་པ་གཉན་ལ་དགྲ་དར་ན༔ མི་མངོན་དབྱིངས་ནས་སྐུ་བཞེངས་ལ༔ རྣལ་འབྱོར་བདག་གི་ར་མདའ་རློག༔ གནས་འདིར་དྲག་པོའི་ལས་ལ་ཡཱ༔ ཡིད་ལ་བརྣག་པའི་དགྲ་བགེགས་རྣམས༔ དྲག་པོའི་ལས་ཀྱིས་མྱུར་དུ་སྒྲོལ༔ བསད་པ་དོན་བརྒྱད་ནི། བརྒྱད་པ་དྲག་སྔགས་ཀྱི་ཞལ་དུ་སྟོབ་པ་ལའང་བརྒྱད་ལས༔ དང་པོ་ནི་ཧཱུཾ། དྲག་སྔགས་ལྷ་ཚོགས་ཐུགས་དམ་ཅན༔ གཉིས་པ་ནི་དྲག་པོའི་འཕྲིན་ལས་དུས་ལ་བབ༔ ཡིད་ལ་བརྣག་པའི་དགྲ་བགེགས་རྣམས༔ གསུམ་པ་ནི་གཟུགས་ཕུང་རྔམས་པའི་ཞལ་དུ་སྟོབ༔ བཞི་པ་ནི་ཨཱོཾ་བཛྲ་སརྦ་དུཥྚཾ་ཨེ་ཛ་བྷྱོ༔ དགྲ་བགེགས་བྷིནྡྷ་ཡ་བྷིནྡྷ་ཡ་ཧཱུཾ་ཕཊ། ལྔ་པ་ནི་ཤ་ཁམ་ཁྲག་ཐིགས་མ་ལུས་པར། །ཧབ་སྒྲར་བཅས་ཏེ་ཞལ་དུ་གསོལ། དྲུག་པ་ནི་བསྒྲལ་བའི་གཟར་བུས་ཉེ་བར་བླངས། །བདུན་པ་ནི་ཕྱག་རྒྱའི་འཕྲུལ་གྱིས་(༣༠བ)
ཞལ་དུ་འདེབས༔ བརྒྱད་པ་ནི་ཧོ༔ དྲག་སྔགས་དམོད་པའི་ལྷ་ཚོགས་སྟོབས་ལྡན་ནག་པོ་ཡབ་ཡུམ༔ སྔགས་བདག་དྲེགས་པ་བཅོ་བརྒྱད༔ བཀའ་སྲུང་བཤན་པ་སྡེ་བརྒྱད་དང་བཅས་པ་རྣམས་ཀྱིས་བསྒྲལ་བའི་ཞིང་དུ་གྱུར་པའི་དགྲ་བགེགས་དམ་ཉམས་འདིའི་ཤ་ལ་རོལ་ཅིག༔ ཁྲག་ལ་འཐུང་ཞིག༔ རུས་པ་ཆོམས་ཅིག༔ རྐང་པ་མུར་ཅིག༔ ཀླད་པ་ལ་ཧབ་ཀྱིས་ཐོབ་ཅིག༔ སྲོག་གི་རྩ་ལ་འཇིབས་ཤིག༔ དབང་པོ་རྣམ་ཤེས་ཟོ་ཞིག༔ དོན་སྙིང་སྤར་གྱིས་ཐོབ་ཅིག༔ ལྷག་མ་མ་ལུས་པར་ལྷ་ཚོགས་རྣམས་ཀྱི་ཞལ་དུ་ཐོབ་ཅིག༔ ཅེས་དམོད་མོ་བྱ། གབ་པའི་སྔགས་བརྒྱད་ཀྱི་བསད་པ་གདུག་པ་ཀུན་སྒྲོལ་ཞེས་བྱ་བའི་ཊཱིཀྐ་ཨྱོན་པདྨ་བདག་གིས་བོད་ཀྱི་མངའ་བདག་ཁྲི་སྲོང་ལྡེ་བཙན་ལ་གདམས་པའོ༔ ཞེས་འབྱུང་ངོ་༔ འོན་ཀྱང་ཏིང་ངེ་འཛིན་རྫས་ཕྱག་རྒྱ་གསུམ་པོ་འཇུག་པ་བདེ་ཕྱིར་ཚིགས་བཅད་དུ་བསྡེབས་པ་ཡིན་ནོ༔ དེ་ནས་བཟློག་གཞུང་དུ་སྟོབ་པ་བྱ་ཞེས་པ་ལ་ནི་གབ་དོན་ལས། ཧཱུཾ། དཔལ་ཆེན་ཁྲག་འཐུང་ལྷ་ཚོགས་རྣམས༔ གནམ་ས་ཙམ་གྱི་ཞལ་གདངས་ལ༔ རི་རབ་ཙམ་གྱི་མཆེ་བ་གཙིགས༔ བར་སྣང་ཙམ་གྱི་ལྗགས་ཁྱོངས་ལ༔ སྟོང་གསུམ་ཙམ་གྱི་མིད་པ་རུ༔ དགྲ་བགེགས་འབྱུང་པོ་ཐམས་ཅད་ཞལ་དུ་སྟོབ༔ ཞལ་དུ་སྟོབ་པ་ཁ་རཾ་ཁཱ་ཧི༔ མགུལ་དུ་དྲིལ་ལོ་ཨ་ར་ལི༔ དབྱིངས་སུ་བསྒྲལ་ལོ་ས་མ་ཡ༔ ཧཱུཾ། དཔལ་ཆེན་ཁྲག་འཐུང་ལྷ་ཚོགས་རྣམས༔ གནམ་ས་ཙམ་གྱི་ཞལ་གདོངས་ལ༔ རི་རབ་ཙམ་གྱི་མཆེ་བ་གཙིགས༔ བར་སྣང་ཙམ་གྱི་ལྗགས་ཁྱོངས་ལ༔ སྟོང་གསུམ་ཙམ་གྱི་མིད་པ་རུ༔ (༣༡ན)
བསྟན་པའི་དགྲ་བོ་ཞལ་དུ་སྟོབ༔ ཞལ་དུ་སྟོབ་བོ་ཁ་རཾ་ཁཱ་ཧི༔ མགུལ་དུ་དྲིལ་ལོ་ཨ་ར་ལི༔ དབྱིངས་སུ་བསྒྲལ་ལོ་ས་མ་ཡ༔ ཧཱུཾ། དཔལ་ཆེན་ཁྲག་འཐུང་ལྷ་ཚོགས་རྣམས༔ གནམ་ས་ཙམ་གྱི་ཞལ་གདོངས་ལ༔ རི་རབ་ཙམ་གྱི་མཆེ་བ་གཙིགས༔ བར་སྣང་ཙམ་གྱི་ལྗགས་ཁྱོངས་ལ༔ སྟོང་གསུམ་ཙམ་གྱི་མིད་པ་རུ༔ གནོད་བྱེད་བགེགས་འདི་ཞལ་དུ་སྟོབ༔ ཞལ་དུ་སྟོབ་པོ་ཁ་རཾ་ཁཱ་ཧིཿ མགུར་དུ་དྲིལ་ལོ་ཨ་ར་ལི༔ དབྱིངས་སུ་བསྒྲལ་ལོ་ས་མ་ཡ༔ ཧཱུཾ། དཔལ་ཆེན་ཁྲག་འཐུང་ལྷ་ཚོགས་རྣམས༔ གནམ་ས་ཙམ་གྱི་ཞལ་གདོངས་ལ༔ རི་རབ་ཙམ་གྱི་མཆེ་བ་གཙིགས༔ བར་སྣང་ཙམ་གྱི་ལྗགས་འདྲིལ་ལ༔ སྟོང་གསུམ་ཙམ་གྱི་མིད་པ་རུ༔ བར་གཅོད་བདུད་རྣམས་ཞལ་དུ་སྟོབ༔ ཞལ་དུ་སྟོབ་བོ་ཁ་རཾ་ཁཱ་ཧི༔ མགུར་དུ་དྲིལ་ལོ་ཨ་ར་ལི༔ དབྱིངས་སུ་བསྒྲལ་ལོ་ས་མ་ཡ༔ ཧཱུཾ། དཔལ་ཆེན་ཁྲག་འཐུང་ལྷ་ཚོགས་རྣམས༔ གནམ་ས་ཙམ་གྱི་ཞལ་གདོངས་ལ༔ རི་རབ་ཙམ་གྱི་མཆེ་བ་གཙིགས༔ བར་སྣང་ཙམ་གྱི་ལྗགས་འདྲིལ་ལ༔ སྟོང་གསུམ་ཙམ་གྱི་མིད་པ་རུ༔ བར་གཅོད་བདུད་རྣམས་ཞལ་དུ་སྟོབ༔ ཞལ་དུ་སྟོབ་བོ་ཁ་རཾ་ཁཱ་ཧི༔ མགུར་དུ་དྲིལ་ལོ་ཨ་ར་ལི༔ དབྱིངས་སུ་བསྒྲལ་ལོ་ས་མ་ཡ༔ ཧཱུཾ། དཔལ་ཆེན་ཁྲག་འཐུང་ལྷ་ཚོགས་རྣམས༔ གནམ་ས་ཙམ་གྱི་ཞལ་གདོངས་ལ༔ རི་རབ་ཙམ་གྱི་མཆེ་བ་གཙིགས༔ བར་སྣང་ཙམ་གི་ལྗགས་འདྲིལ་ལ༔ སྟོང་གསུམ་ཙམ་གྱི་མིད་པ་རུ༔ དམར་ཆེན་ཁྲག་འདི་ཞལ་དུ་སྟོབ༔ ཞལ་དུ་སྟོབ་པོ་ཁ་རཾ་ཁཱ་ཧི༔ མགུར་དུ་དྲིལ་ལོ་ཨ་ར་(༣༡བ)
ལི༔ དབྱིངས་སུ་བསྒྲལ་ལོ་ས་མ་ཡ༔ ཧཱུཾ། དཔལ་ཆེན་ཁྲག་འཐུང་ལྷ་ཚོགས་རྣམས༔ གནམ་ས་ཙམ་གྱི་ཞལ་གདོངས་ལ༔ རི་རབ་ཙམ་གྱི་མཆེ་བ་གཙིགས༔ བར་སྣང་ཙམ་གྱི་ལྗགས་འདྲིལ་ལ༔ སྟོང་གསུམ་ཙམ་གྱི་མིད་པ་རུ༔ བཾ་ཆེན་ཚོགས་ནི་ཞལ་དུ་སྟོབ༔ ཞལ་དུ་སྟོབ་བོ་ཁ་རཾ་ཁཱ་ཧི༔ མགུར་དུ་དྲིལ་ལོ་ཨ་ར་ལི༔ དབྱིངས་སུ་བསྒྲལ་ལོ་ས་མ་ཡཱ༔ ཧཱུཾ། དཔལ་ཆེན་ཁྲག་འཐུང་ལྷ་ཚོགས་རྣམས༔ གནམ་ས་ཙམ་གྱི་ཞལ་གདོངས་ལ༔ རི་རབ་ཙམ་གྱི་མཆེ་བ་གཙིགས༔ བར་སྣང་ཙམ་གྱི་ལྗགས་འདྲིལ་ལ༔ སྟོང་གསུམ་ཙམ་གྱི་མིད་པ་རུ༔ བསྟན་པ་བཤིག་པའི་དགྲ་བོ་ལས་ངན་འདི༔ ཕུང་པོ་ལྔ་ནི་ཞལ་དུ་སྟོབ༔ དབང་པོ་ལྔ་ནི་ཞལ་དུ་སྟོབ༔ སྐྱེ་མཆེད་བཅུ་གཉིས་ཞལ་དུ་སྟོབ༔ ཤ་ཁྲག་དམར་འདི་ཞལ་དུ་སྟོབ༔ ཞལ་དུ་སྟོབ་བོ་ཁ་རཾ་ཁཱ་ཧི༔ མགུར་དུ་བྲིལ་ལོ་ཨ་ར་ལི༔ དབྱིངས་སུ་བསྒྲལ་ལོ་ས་མ་ཡ༔ ཧཱུཾ། དཔལ་ཆེན་ཁྲག་འཐུང་ལྷ་ཚོགས་རྣམས༔ གནམ་ས་ཙམ་གྱི་ཞལ་གདོངས་ལ༔ རི་རབ་ཙམ་གྱི་མཆེ་བ་གཙིགས༔ བར་སྣང་ཙམ་གྱི་ལྗགས་འདྲིལ་ལ༔ སྟོང་གསུམ་ཙམ་གྱི་མིད་པ་རུ༔ སྔགས་འཆང་རྒྱལ་པོ་བདག་ཉིད་ལ༔ ནམ་མཁའ་ལྷ་ཡི་བྱད་བྱེད་དང་༔ བར་སྣང་གཉན་གྱི་བྱད་བྱེད་དང་༔ ས་གཞི་ཀླུ་ཡི་བྱད་བྱེད་དང་༔ སྟོང་གསུམ་མི་ཡི་བྱད་བྱེད་དང་༔ སྣང་སྲིད་ལྷ་འདྲེའི་བྱད་བྱེད་དང་༔ གླིང་བཞི་བོན་པོ་མུ་སྟེགས་དང་༔ ཡུལ་མི་རྗེ་དང་ཁྱིམ་མཚེས་དང་༔ འཚེ་བའི་སེམས་ཀྱིས་བདག་ཉིད་ལ༔ ཡིད་ཀྱིས་བསམས་དང་ངག་ཏུ་སྨྲ༔ ལུས་ཀྱིས་བྱས་པ་ལ་སོགས་པ༔ རྩུབ་པས་སྦྱོར་(༣༢ན)
བ་སྣ་ཚོགས་སྤྱོད༔ དེ་དག་སྦྱོར་བའི་ལས་རྣམས་ཀྱི༔ གཞི་དང་རྟེན་དང་ལུས་སེམས་རྣམས༔ ཞལ་དུ་སྟོབ་པོ་ཁ་རཾ་ཁཱ་ཧི༔ མགུར་དུ་དྲིལ་ལོ་ཨ་ར་ལི༔ དབྱིངས་སུ་བསྒྲལ་ལོ་ས་མ་ཡ༔ ཧཱུཾ། དཔལ་ཆེན་ཁྲག་འཐུང་ལྷ་ཚོགས་རྣམས༔ གནམ་ས་ཙམ་གྱི་ཞལ་གདོངས་ལ༔ རི་རབ་ཙམ་གྱི་མཆེ་བ་གཙིགས༔ བར་སྣང་ཙམ་གྱི་ལྗགས་འདྲིལ་ལ༔ སྟོང་གསུམ་ཙམ་གྱི་མིད་པ་རུ༔ སྔགས་འཆང་རྒྱལ་པོ་བདག་ཅག་ལ༔ འཚེ་ཞིང་སྦྱོར་བ་རྩུབ་པ་ཡི༔ ནུས་མཐུ་ཐམས་ཅད་ཞལ་དུ་སྟོབ༔ ཕོ་ཉ་ཐམས་ཅད་ཞལ་དུ་སྟོབ༔ གཟི་བརྗིད་ཐམས་ཅད་ཞལ་དུ་སྟོབ༔ རྫུ་འཕྲུལ་ཐམས་ཅད་ཞལ་དུ་སྟོབ༔ ཡུལ་མཁར་ཐམས་ཅད་ཞལ་དུ་སྟོབ༔ མི་ནོར་ཐམས་ཅད་ཞལ་དུ་སྟོབ༔ གཉེན་བདུན་ཐམས་ཅད་ཞལ་དུ་སྟོབ༔ ལོ་ཏོག་ཐམས་ཅད་ཞལ་དུ་སྟོབ༔ ཞལ་དུ་སྟོབ་བོ་ཁ་རཾ་ཁཱ་ཧི༔ མགུར་དུ་དྲིལ་ལོ་ཨ་ར་ལི༔ དབྱིངས་སུ་བསྒྲལ་ལོ་ས་མ་ཡ༔ ཞེས་ཀ་དག་གི་དབྱིངས་སུ་མཉམ་པར་བཞག་སྟེ༔ དེ་ལས་མི་འདའ་བར་བྱ་བ་ནི༔ བཟློག་པ་ཐམས་ཅད་ཀྱི་མཐར་ཐུག་ཡིན་ནོ༔ དེ་ནས་བཟློག་གཞུང་དུ༔ གཏོར་མ་འབུལ་ཞེས་པ་ནི༔ མཆོད་པ་རྣམ་པ་ལྔ་བླུག་ལ་འདི་སྐད་དོ༔ ཧཱུཾ། འཇིག་རྟེན་གཏོར་སྣོད་བཅུད་རྣམས་གཏོར་མར་བཅས༔ སྣང་སྲིད་ཐམས་ཅད་མཆོད་པའི་ཡོ་བྱད་དེ༔ མཛེས་ཤིང་བཀྲམ་པར་བཤམས་ནས་སུ༔ རྒྱལ་བ་ཞི་ཁྲོའི་ལྷ་ཚོགས་འཁོར་བཅས་ལ༔ གཉིས་སུ་མེད་པའི་ཚུལ་དུ་འབུལ༔ ཕུང་པོའི་སྣོད་དུ་དབང་པོའི་གཏོར་མར་བཅས༔ དུར་ཁྲོད་གཞལ་ཡས་ཁང་དུ་མཆོད་པའི་ཡོ་བྱད་དེ༔ མཛེས་ཤིང་བཀྲམ་པར་བཤམས་ནས་སུ༔ རྒྱལ་བ་ཞི་ཁྲོའི་ལྷ་ཚོགས་འཁོར་བཅས་ལ༔ གཉིས་སུ་མེད་པའི་ཚུལ་དུ་འབུལ༔ བྷནྡྷ་ལྕང་ལོ་འབྲུ་བཅུད་གཏོར་མར་བཅས༔ གཟུགས་སྒྲ་དྲི་རོ་ལ་སོགས་(༣༢བ)
མཆོད་པ་རྣམས༔ མཛེས་ཤིང་བཀྲམ་པར་བཤམས་ནས་སུ༔ རྒྱལ་བ་ཞི་ཁྲོའི་ལྷ་ཚོགས་འཁོར་བཅས་ལ༔ གཉིས་སུ་མེད་པའི་ཚུལ་དུ་འབུལ༔ མཆོག་ཆེན་མཆོག་ཕྲན་སྣ་ཚོགས་དང་༔ ཤ་ལྔ་བདུད་རྩི་རྣམ་པ་ལྔ༔ བཟའ་དང་མྱང་བའི་བྱེ་བྲག་རྣམས༔ མཛེས་ཤིང་བཀྲམ་པར་བཤམས་ནས་སུ༔ རྒྱལ་བ་ཞི་ཁྲོའི་ལྷ་ཚོགས་འཁོར་བཅས་ལ༔ གཉིས་སུ་མེད་པའི་ཚུལ་དུ་འབུལ༔ ཞལ་ཟས་ཚོགས་ཀྱི་མཆོད་པ་རྣམས༔ མཛེས་ཤིང་བཀྲམ་པར་བཤམས་ནས་སུ༔ རྒྱལ་བ་ཞི་ཁྲོའི་ལྷ་ཚོགས་འཁོར་བཅས་ལ༔ གཉིས་སུ་མེད་པའི་ཚུལ་དུ་འབུལ༔ བདེ་གཤེགས་རྒྱལ་བ་ཞི་ཁྲོའི་ལྷ་ཚོགས་འཁོར་དང་བཅས་པ་རྣམས་ཀྱི་ཞལ་དུ་ཨི་དཾ་བྷ་ལིཾ་ཏ་ཁཱ་ཧི༔ ཞེས་འབུལ་ལོ། །དེ་ནས་བཟློག་གཞུང་དུ་དམར་སྦྲེང་ཞེས་གསུངས་པ་ནི༔ གབ་དོན་ལས། བརྡ་ཡིག་ཡོད། བདེ་གཤེགས་སྒྲུབ་པ་བཀའ་བརྒྱད་ལྷ་ཚོགས་ལ་ཕྱག་འཚལ་ལོ༔ བདེ་གཤེགས་འདུས་པའི་གཏོར་མས་བཟློག་པའི་གཟེར་ཁ་ལས༔ གབ་པ་དོན་གྱི་སྙིང་པོ་ཞེས་བྱ་བ་ལ་སྤྱི་དོན་བདུན་གྱིས་སྟོན་པ་ལས༔ དང་པོར་དམར་སྦྲེང་ཞེས་པ་ནི༔ ཁྲག་གི་གཟར་བུས་འཕྱར་ཞིང་འདི་སྐད་དོ༔ དེ་ཡང་གཏེར་གཞུང་དུ་བཀའ་སོ་སོར་འདུག་ནའང་འཇུག་པ་བདེ་བའི་དབང་དུ་བྱས་ནས་ཕྱག་ལེན་ལ་འདི་ལྟར་མཛད༔ ཧཱུཾ། ཁྲོ་བོ་རོལ་པའི་དུར་ཁྲོད་ཆེན་པོ་འདིར༔ གཏི་མུག་ཁྲག་གི་རྒྱ་མཚོ་ཁྱིལ་ལི་ལི༔ དཔལ་ཆེན་ཁྲག་འཐུང་ལྷ་ཚོགས་འདིར་གཤེགས་ལ༔ གཏི་མུག་ཁྲག་གི་རྒྱ་མཚོ་འདི་ལ་རོལ༔ ཁྲོ་བོ་རོལ་པའི་དུར་ཁྲོད་ཆེན་པོ་འདིར༔ ཞེ་སྡང་ཁྲག་གི་རྒྱ་མཚོ་ཁྱིལ་ལི་ལི༔ དཔལ་ཆེན་ཁྲག་(༣༣ན)
འཐུང་ལྷ་ཚོགས་འདིར་གཤེགས་ལ༔ ཞེ་སྡང་ཁྲག་གི་རྒྱ་མཚོ་འདི་ལ་རོལ༔ ཁྲོ་བོ་རོལ་པའི་དུར་ཁྲོད་ཆེན་པོ་འདིར༔ ང་རྒྱལ་ཁྲག་གི་རྒྱ་མཚོ་འདི་༴༔ དཔལ་ཆེན་ཁྲག་འཐུང་ལྷ་ཚོགས་འདིར་གཤེགས་ལ༔ ང་རྒྱལ་ཁྲག་གི་རྒྱ་མཚོ་འདི་ལ་རོལ༔ ཁྲོ་བོ་རོལ་པའི་དུར་ཁྲོད་ཆེན་པོ་འདིར༔ འདོད་ཆགས་ཁྲག་གི་རྒྱ་མཚོ་ཁྱིལ་ལི་ལི༔ དཔལ་ཆེན་ཁྲག་འཐུང་ལྷ་ཚོགས་འདིར་གཤེགས་ལ༔ འདོད་ཆགས་ཁྲག་གི་རྒྱ་མཚོ་འདི་ལ་རོལ༔ ཁྲོ་བོ་རོལ་པའི་དུར་ཁྲོད་ཆེན་པོ་འདིར༔ ཕྲག་དོག་ཁྲག་གི་རྒྱ་མཚོ་ཁྱིལ་ལི་ལི༔ དཔལ་ཆེན་ཁྲག་འཐུང་ལྷ་ཚོགས་འདིར་གཤེགས་ལ༔ ཕྲག་དོག་ཁྲག་གི་རྒྱ་མཚོ་འདི་ལ་རོལ༔ ཁྲོ་བོ་རོལ་པའི་དུར་ཁྲོད་ཆེན་པོ་འདིར༔ འགྲོ་དྲུག་ཁྲག་གི་རྒྱ་མཚོ་ཁྱིལ་ལི་ལི༔ དཔལ་ཆེན་ཁྲག་འཐུང་ལྷ་ཚོགས་འདིར་གཤེགས་ལ༔ འགྲོ་དྲུག་ཁྲག་གི་རྒྱ་མཚོ་འདི་ལ་རོལ༔ ཁྲོ་བོ་རོལ་པའི་དུར་ཁྲོད་ཆེན་པོ་འདིར༔ ཉོན་མོངས་ཁྲག་གི་རྒྱ་མཚོ་ཁྱིལ་ལི་ལི༔ དཔལ་ཆེན་ཁྲག་འཐུང་ལྷ་ཚོགས་འདིར་གཤེགས་ལ༔ ཉོན་མོངས་ཁྲག་གི་རྒྱ་མཚོ་འདི་ལ་རོལ༔ ཁྲོ་བོ་རོལ་པའི་དུར་ཁྲོད་ཆེན་པོ་འདིར༔ དུག་ལྔ་ཁྲག་གི་རྒྱ་མཚོ་ཁྱིལ་ལི་ལི༔ དཔལ་ཆེན་ཁྲག་འཐུང་ལྷ་ཚོགས་འདིར་གཤེགས་ལ༔ དུག་ལྔ་ཁྲག་གི་རྒྱ་མཚོ་འདི་ལ་རོལ༔ ཁྲོ་བོ་རོལ་པའི་དུར་ཁྲོད་ཆེན་པོ་འདིར༔ ཁམས་གསུམ་ཁྲག་གི་རྒྱ་མཚོ་ཁྱིལ་ལི་ལི༔ དཔལ་ཆེན་ཁྲག་འཐུང་ལྷ་ཚོགས་འདིར་གཤེགས་ལ༔ ཁམས་གསུམ་ཁྲག་གི་རྒྱ་མཚོ་འདི་ལ་རོལ༔ ཁྲོ་བོ་རོལ་པའི་(༣༣བ)
དུར་ཁྲོད་ཆེན་པོ་འདིར༔ སྲིད་གསུམ་ཁྲག་གི་རྒྱ་མཚོ་ཁྱིལ་ལི་ལི༔ དཔལ་ཆེན་ཁྲག་འཐུང་ལྷ་ཚོགས་འདིར་གཤེགས་ལ༔ སྲིད་གསུམ་ཁྲག་གི་རྒྱ་མཚོ་འདི་ལ་རོལ༔ ཁྲོ་བོ་རོལ་པའི་དུར་ཁྲོད་ཆེན་པོ་འདིར༔ གཟུང་འཛིན་ཁྲག་གི་རྒྱ་མཚོ་ཁྱིལ་ལི་ལི༔ དཔལ་ཆེན་ཁྲག་འཐུང་ལྷ་ཚོགས་འདིར་གཤེགས་ལ༔ གཟུང་འཛིན་ཁྲག་གི་རྒྱ་མཚོ་འདི་ལ་རོལ༔ ཁྲོ་བོ་རོལ་པའི་དུར་ཁྲོད་ཆེན་པོ་འདིར༔ བསྟན་པའི་རུ་དྲའི་ཁྲག་གི་རྒྱ་མཚོ་ཁྱིལ་ལི་ལི༔ དཔལ་ཆེན་ཁྲག་འཐུང་ལྷ་ཚོགས་འདིར་གཤེགས་ལ༔ བསྟན་པའི་རུ་དྲའི་ཁྲག་གི་རྒྱ་མཚོ་འདི་ལ་རོལ༔ ཁྲོ་བོ་རོལ་པའི་དུར་ཁྲོད་ཆེན་པོ་འདིར༔ གནོད་བྱེད་བྱད་མའི་ཁྲག་གི་རྒྱ་མཚོ་ཁྱིལ་ལི་ལི༔ དཔལ་ཆེན་ཁྲག་འཐུང་ལྷ་ཚོགས་འདིར་གཤེགས་ལ༔ གནོད་བྱེད་བྱད་མའི་ཁྲག་གི་རྒྱ་མཚོ་འདི་ལ་རོལ༔ ཁྲོ་བོ་རོལ་པའི་དུར་ཁྲོད་ཆེན་པོ་འདིར༔ ཟོང་མཁན་ཁྲག་གི་རྒྱ་མཚོ་ཁྱིལ་ལི་ལི༔ དཔལ་ཆེན་ཁྲག་འཐུང་ལྷ་ཚོགས་འདིར་གཤེགས་ལ༔ ཟོང་མཁན་ཁྲག་གི་རྒྱ་མཚོ་འདི་ལ་རོལ༔ ཁྲོ་བོ་རོལ་པའི་དུར་ཁྲོད་ཆེན་པོ་འདིར༔ བར་ཆད་བདུད་རྣམས་ཁྲག་གི་རྒྱ་མཚོ་ཁྱིལ་ལི་ལི༔ དཔལ་ཆེན་ཁྲག་འཐུང་ལྷ་ཚོགས་འདིར་གཤེགས་ལ༔ བར་ཆད་བདུད་ཀྱི་ཁྲག་གི་རྒྱ་མཚོ་འདི་ལ་རོལ༔ ཁྲོ་བོ་རོལ་པའི་དུར་ཁྲོད་ཆེན་པོ་འདིར༔ དམ་ཉམས་སྡིག་ཅན་ཁྲག་གི་རྒྱ་མཚོ་ཁྱིལ་ལི་ལི༔ དཔལ་ཆེན་ཁྲག་འཐུང་ལྷ་ཚོགས་འདིར་གཤེགས་ལ༔ དམ་ཉམས་ཁྲག་གི་རྒྱ་མཚོ་འདི་ལ་རོལ༔ ཁྲོ་བོ་རོལ་པའི་དུར་ཁྲོད་ཆེན་པོ་འདིར༔ དཔལ་ཆེན་ཁྲག་འཐུང་ལྷ་(༣༤ན)
ཚོགས་མཁའ་དང་མཉམ༔ མ་ཚོགས་མཁའ་འགྲོ་དབྱིངས་ནས་སྤྲིན་ལྟར་གཏིབས༔ འཕྲིན་ལས་རྣམ་གཞིའི་འགྲོ་དོན་ཆར་ལྟར་འབེབས༔ གདུག་པའི་འོད་ཟེར་སྣ་ཚོགས་གློག་ལྟར་འཁྱུག༔ རྔམ་པའི་ང་རོ་འབྲུག་ལྟར་ལྡིར་རི་རི༔ ལས་མཁན་གསོད་བྱེད་ཚོགས་རྣམས་ཁྱུགས་སེ་ཁྱུག༔ ཕོ་ཉ་ལས་བྱེད་ཚོགས་རྣམས་ཐིབས་སེ་ཐིབ༔ གླུ་གར་བྲོ་བརྡུང་ཚོགས་རྣམས་ཆེམས་སེ་ཆེམ༔ སྒྲ་བརྙན་རོལ་མོའི་ཚོགས་རྣམས་སིལ་ལི་ལི༔ མཁའ་དབྱིངས་པདྨའི་རཀྟ་ཤར་ར་ར༔ དཔལ་ཆེན་ཁྲག་འཐུང་ལྷ་ཚོགས་འཁོར་དང་བཅས༔ མཁའ་དབྱིངས་ཁྲག་ལ་རོལ་ཏེ་དགྱེས་པར་མཛོད༔ དམར་ཆེན་ཁྲག་གི་སྦྲེང་མོ་ཤར་ར་ར༔ དཔལ་ཆེན་ཁྲག་འཐུང་ལྷ་ཚོགས་འཁོར་བཅས་རྣམས༔ དམར་ཆེན་ཁྲག་ལ་རོལ་ཏེ་དགྱེས་པར་མཛོད༔ བསྒྲལ་བའི་ཁྲག་ཞག་མཛེས་པའི་སྣོད་དུ་གཏམ༔ དཔལ་ཆེན་ཁྲག་འཐུང་ལྷ་ཚོགས་འཁོར་དང་བཅས༔ དམར་ཆེན་ཁྲག་གི་མཆོད་པ་འདི་བཞེས་ལ༔ བསྲུང་དང་བཟློག་དང་མནན་པ་དང་༔ དམ་ཚིག་ཉམས་ཆགས་བསྐང་བ་དང་༔ དངོས་གྲུབ་རྣམ་གསུམ་ཐོབ་བྱའི་ཕྱིར༔ དེ་སོགས་འཕྲིན་ལས་བསྒྲུབ་ཏུ་གསོལ༔ དཔལ་ཆེན་ཁྲག་འཐུང་ལྷ་ཚོགས་འཁོར་བཅས་རྣམས༔ མ་ཧཱ་མཾ་ས་ཁཱ་ཧི༔ མ་ཧཱ་རཀྟ་ཁཱ་ཧི༔ ཞེས་རཀྟ་ཕྱར་རོ༔ རྒྱ་རྒྱ། ཉ་བོ་ཆེ་བ་གདབ་ལས་རྒྱས་པའི་དུས་བཏབ་ཅིང་༔ ཆུང་བ་རྣམས་ཚིག་དང་བསྟུན་ནས་ཕུལ༔ དམར་སྦྲེང་གི་དུས་ཚིག་དང་བསྟུན་ནས་མི་རྐང་གཟར་བུས་རཀྟ་འཕྱར་བ་སོགས་ཕྱག་ལེན་ལྟར་ཕུལ་བས༔ ཁྲག་འཐུང་གི་ལྷ་ཚོགས་རྣམས་ཀྱིས་དྲག་པོའི་དཀན་སྒྲ་དང་བཅས་(༣༤བ)
གསོལ་ཏེ་ཤིན་ཏུ་དགྱེས་ནས་ལྷ་ཐམས་ཅད་ཞལ་ཕྱིར་གཟིགས་ཏེ་བཟློག་པའི་ལས་མཛད་པར་བསམ༔ ལིངྒ་ལྷག་མ་རྣམས་གཏོར་མ་ལྷར་གསལ་བའི་མདུན་དུ་བཞག་སྟེ༔ བཟློག་གཞུང་བསྲང་བ་ནི༔ སྒྲུབ་པ་བཀའ་བརྒྱད་ཀྱི་ལྷ་ཚོགས་རྣམས་ལ་ཕྱག་འཚལ་ལོ༔ ཁྲོ་བོ་རོལ་པའི་གཏོར་བཟློག་བྱ་བའི་ཐབས་ལ༔ བསངས་ཕྱེ་ཁལ་གཅིག་ལ་དཔལ་གྱི་གཏོར་མ་བཅུ་བཤམ༔ ཡང་ན་སྣོད་ཟངས་གཞོང་ལ་སོགས་པ་ཆེན་པོར་དམར་གཏོར་དགུའམ་བཅུ་བྱ༔ཐ་མ་མཐེབ་སྐྱུས་དགང་ཟན་གྱི་ཉ་བོ་བཅུ་བྱའོ༔ དམར་གྱི་གཏོར་མ་སྤྲིན་ཆེན་ཀྱིས་ཁ་བཅད་བམ་གཙང་མ་ཡོད་ན་བཟང་༔ མེད་ན་ཡང་སྲོག་ཆགས་གཅིག་བསྒྲལ་ལ་བྱ༔ དེ་ཡང་མེད་ན་ཟན་གྱི་ཉ་བོ་བཅུ་བྱའོ༔ ཕུར་བསྐོར་ཡམ་རེ་བྱ་ཞིང་སྒྲུབ་པ་བཀའ་བརྒྱད་ཀྱི་ལྷ་ཚོགས་རྣམས་ལ་བསྟབ་པ་ཡམ་རེ་བྱ༔ མི་ཤ་ལ་སོགས་པའི་ཤ་སྣ་ཚོགས་དང་༔ ཁྲག་སྣ་ཚོགས་དང་༔ མེ་ཏོག་སྣ་ཚོགས་དང་༔ སྨན་ཕུད་གཏོར་མར་སྦྲེང་ངོ༔ དེ་ནས་མཆེད་ལྕམ་དྲལ་རྣམས་ཀྱང་ལག་ཏུ་ཕུད་དང་ནས་ཐོགས་ལ་བཟློག་ཅིང་བྷྱོ་ཡིག་གདབ་བོ༔ རྒྱ་རྒྱ་རྒྱ། དང་པོ་ཆེ་མཆོག་ཡོན་ཏན་ལྷ་ཚོགས་ལ་བཟློག་པའི་འཕྲིན་ལས་བཅོལ་བ་ནི༔ ཧཱུཾ། བཅོམ་ལྡན་དཔལ་ཆེན་ཆེ་མཆོག་ཧེ་རུ་ཀ༔ སྐུ་ནི་སྨུག་ནག་འབར་བ་ཆེན་པོ་ལ༔ དབུ་ནི་ཉི་ཤུ་རྩ་གཅིག་དག་དང་ལྡན༔ གཡས་གཡོན་ཕྱག་ནི་བཞི་བཅུ་རྩ་གཉིས་ན༔ ཞི་བའི་ལྷ་ཚོགས་བཞི་བཅུ་རྩ་གཉིས་བསྣམས༔ གཡས་ཀྱི་ཞལ་བདུན་དཀར་བར་བསྟན་པ་ནི༔ བག་ཆགས་མེད་པའི་ཆོས་རྣམས་དབང་སྡུད་དང་༔ (༣༥ན)
ཁྲོ་རྒྱལ་ཁྲག་འཐུང་སྐུ་ལ་རྫོགས་པ་ཡིས༔ དམ་ཉམས་དགྲ་བགེགས་ཤ་ཁྲག་འདི་རོལ་ལ༔ གཞན་འཕྲུལ་ཁྲོ་བོའི་ཚོགས་རྣམས་བཟློག་ཏུ་གསོལ༔ ཧོམ་ཆེན་གཡོན་གྱི་ཞལ་བདུན་དམར་བ་ནི༔ བསླད་པ་མེད་པའི་ཆོས་རྣམས་དབང་སྡུད་དང་༔ མ་མོ་མཁའ་འགྲོ་དབང་དུ་བསྡུ་བ་ཡི༔ དམ་ཉམས་དགྲ་བགེགས་ཤ་ཁྲག་འདི་རོལ་ལ༔ མ་མོ་མཁའ་འགྲོའི་ཐུན་སྔགས་བཟློག་ཏུ་གསོལ༔ ཧོམ་ཆེན་དབུས་ཀྱི་ཞལ་བདུན་མཐིང་བ་ནི༔ འགྱུར་མེད་ཆོས་རྣམས་དབང་དུ་བསྡུ་བ་དང་༔ བདུད་དང་སྲིན་པོ་ཕོ་ཉར་འགྱེད་པ་ཡི༔ དམ་ཉམས་དགྲ་བགེགས་ཀླད་ཁྲག་འདི་རོལ་ལ༔ བདུད་དང་སྲིན་པོའི་ཚོགས་རྣམས་བཟློག་ཏུ་གསོལ༔ ཞལ་གྱི་མཆེ་བ་དཀར་པོར་གཙིགས་པ་ནི༔ མི་བཟད་སྲིན་པོ་འབུམ་སྡེ་སྐུར་རྫོགས་པས༔ དམ་ཉམས་དགྲ་བགེགས་རྒྱུ་ཁྲག་འདི་རོལ་ལ༔ སྲིན་པོ་ཕོ་ཉའི་ཚོགས་རྣམས་བཟློག་ཏུ་གསོལ༔ སྤྱན་རྩ་དམར་པོ་སྡང་མིག་བགྲད་པ་ནི༔ དབྱིངས་ཀྱི་མ་མོ་སྐུ་ལ་རྫོགས་པ་དང་༔ དམ་ཉམས་དགྲ་བགེགས་སྙིང་ལ་ད་རོལ་ལ༔ ཡེ་ཤེས་མ་མོའི་དམག་དཔུང་དགྲ་ལ་བཟློག༔ དབུ་སྐྲ་ཁམ་ནག་གྱེན་དུ་བརྫེས་པ་ན༔ རྣམ་ཐར་སྲིད་གསུམ་སྐུ་ལ་རྫོགས་པ་དང་༔ དགྲ་བགེགས་གཟུགས་ཕུང་འདི་ལ་ད་རོལ་ལ༔ སྲིད་གསུམ་གདུག་པའི་ཚོགས་རྣམས་བཟློག་ཏུ་གསོལ༔ རིགས་ལྔའི་སངས་རྒྱས་དབུ་ལ་བརྒྱན་པ་ནི༔ ཁྲག་འཐུང་རིགས་ལྔ་སྐུ་ལ་རྫོགས་པ་ཡིས༔ དམ་ཉམས་དགྲ་བགེགས་འབྱུང་བ་ལྔ་ལ་རོལ༔ ཁྲག་འཐུང་ཕོ་ཉའི་ཚོགས་རྣམས་བཟློག་ཏུ་གསོལ༔ (༣༥བ)
བྷནྡྷ་ལྕང་ལོས་དབུ་རྒྱན་བྱས་པ་ནི༔ དུས་གསུམ་སྟོན་པས་དབང་དུ་སྡུད་པ་དང་༔ དམ་ཉམས་དགྲ་བགེགས་བྷནྡྷ་འདི་ལ་རོལ༔ ལྷ་ཡི་ཕོ་ཉའི་ཚོགས་རྣམས་བཟློག་ཏུ་གསོལ༔ གཡས་ཀྱི་དབུ་ལ་ལྷ་ཆེན་བརྒྱད་ཀྱིས་བརྒྱན༔ སྲིད་པའི་ལྷ་རྣམས་དབང་དུ་སྡུད་པ་དང་༔ དམ་ཉམས་དགྲ་བགེགས་གློ་སྙིང་འདི་རོལ་ལ༔ ལྷ་ཡི་ཕོ་ཉའི་ཚོགས་རྣམས་བཟློག་ཏུ་གསོལ༔ གཡོན་གྱི་དབུ་ལ་ཀླུ་བརྒྱད་མགུར་ཆུ་བྱས༔ ས་བདག་ཀླུ་སྲིན་དབང་དུ་སྡུད་པ་དང་༔ དམ་ཉམས་དགྲ་བགེགས་ཤ་རུས་འདི་རོལ་ལ༔ ས་བདག་ཀླུ་སྲིན་ཕོ་ཉའི་ཚོགས་རྣམས་བཟློག༔ དབུས་ཀྱི་དབུ་ལ་བདུད་ཀྱིས་མགུར་ཆུ་བྱས༔ ལ་བདུད་བཅུ་གསུམ་དབང་དུ་སྡུད་པ་དང་༔ དམ་ཉམས་དགྲ་བགེགས་དབང་པོ་ལྔ་ལ་རོལ༔ བདུད་ཀྱི་ཕོ་ཉའི་ཚོགས་རྣམས་བཟློག་ཏུ་གསོལ༔ མ་མོ་བདུན་གྱིས་མགུར་ཆུ་བྱས་པ་ནི༔ དུར་ཁྲོད་གནས་བརྒྱད་དབང་དུ་སྡུད་པ་དང་༔ དམ་ཉམས་དགྲ་བགེགས་ནང་ཁྲོལ་འདི་རོལ་ལ༔ མ་མོ་ཕོ་ཉའི་ཚོགས་རྣམས་བཟློག་ཏུ་གསོལ༔ མ་བདུད་སྟོང་གིས་མགུར་ཆུ་བྱས་པ་ནི༔ མ་བདུད་འབུམ་ཕྲག་དབང་དུ་སྡུད་པ་དང་༔ དམ་ཉམས་དགྲ་བགེགས་ཐོད་རུས་འདི་རོལ་ལ༔ མ་བདུད་ཕོ་ཉའི་ཚོགས་རྣམས་བཟློག་ཏུ་གསོལ༔ གཡོན་གྱི་དབུ་ལ་གཟའ་བརྒྱད་མགུར་ཆུ་བྱས༔ གཟའ་ཆེན་ཉི་ཟླའི་འོད་ཟེར་དབང་སྡུད་དང་༔ དམ་ཉམས་དགྲ་བགེགས་དོན་སྙིང་འདི་རོལ་ལ༔ གཟའ་སྐར་ཕོ་ཉའི་ཚོགས་རྣམས་བཟློག་ཏུ་གསོལ༔ ཕྱག་མཚན་ཞི་བ་བཞི་བཅུ་རྩ་གཉིས་བསྣམས༔ སངས་རྒྱས་སེམས་ཅན་གཉིས་མེད་དབང་སྡུད་དང་༔ (༣༦ན)
དམ་ཉམས་དགྲ་བགེགས་ཐུགས་རྗེས་བསྒྲལ་བའི་ཕྱིར༔ ཕུང་པོ་ཁམས་དང་སྐྱེ་མཆེད་འདི་རོལ་ལ༔ རིགས་ལྔ་ཕོ་ཉའི་ཚོགས་རྣམས་བཟློག་ཏུ་གསོལ༔ཧཱུཾ། ཡུམ་ཆེན་ཁྲོ་མོ་གནམ་ཞལ་དབྱིངས་ཕྱུག་མ༔ དབུ་དགུ་ཕྱག་ནི་རྣམ་པ་བཅོ་བརྒྱད་དེ༔ ཞལ་དགུ་ཤིན་ཏུ་འཇིགས་པར་གདམས་པ་ནི༔ ཐེག་པ་རིམ་དགུ་དབང་དུ་སྡུད་པ་དང་༔ བག་ཆགས་སྒྲིབ་པ་བཅུ་པོ་སྤངས་པ་དང་༔ ཤེས་བྱའི་སྒྲིབ་པ་བཅུ་པོ་སྦྱང་བ་དང་༔ མི་དགེ་བཅུ་པོ་རྩད་ནས་བཅད་པ་དང་༔ དགྲ་བགེགས་འདི་ཡི་ཕུང་པོ་དབང་པོར་རོལ༔ ཁྲོ་རྒྱལ་སྤྲུལ་པའི་ཚོགས་རྣམས་བཟློག་ཏུ་གསོལ༔ བཅོ་བརྒྱད་ཕྱག་རྣམས་གྱེན་དུ་གདེངས་པ་ནི༔ སྟོང་པ་བཅོ་བརྒྱད་དབང་དུ་སྡུད་པ་དང་༔ མ་རྟོགས་འཁྲུལ་པས་མནར་བའི་དགྲ་བགེགས་འདིའི༔ ཁམས་དང་སྐྱེ་མཆེད་འདི་ལ་ད་རོལ་ལ༔ གནས་ཡུལ་ཁྲོ་བོའི་ཚོགས་རྣམས་བཟློག་ཏུ་གསོལ༔ ཞབས་བརྒྱད་ཐུར་དུ་སྟབས་ཀྱིས་བགྲད་པ་ནི༔ རྣམ་ཐར་བརྒྱད་པོ་དབང་དུ་སྡུད་པ་དང་༔ ཡུལ་བརྒྱད་ཆགས་པས་མནར་བའི་དགྲ་བགེགས་འདི༔ རྣམ་པར་ཤེས་པའི་ཚོགས་བརྒྱད་འདི་རོལ་ལ༔ ལྷ་སྲིན་སྡེ་བརྒྱད་ཕོ་ཉའི་ཚོགས་རྣམས་བཟློག༔ ཕྱག་ན་གདུག་པའི་མཚོན་ཆ་བསྣམས་པ་ནི༔ བདུད་པོ་ཕོ་ཉར་འགྱེད་ཅིང་དགྲ་བགེགས་གསོད༔ དུག་ལྔའི་མཚོན་ཆས་མནར་བའི་དགྲ་བགེགས་འདི༔ ཤ་རུས་བཅས་པ་གཏུབ་ཅིང་ད་རོལ་ལ༔ གནོད་བྱེད་གདུག་པའི་ཚོགས་རྣམས་བཟློག་ཏུ་གསོལ༔ ཤར་གྱི་ཕྱོགས་ནས་རཀྴ་ཧེ་རུ་ཀ༔ རྡོ་རྗེ་(༣༦བ)
རིགས་ཀྱི་ཕོ་ཉ་དབང་སྡུས་ལ༔ དམ་ཉམས་དགྲ་བགེགས་དབང་པོ་ལྔ་ལ་རོལ༔ རྡོ་རྗེ་རིགས་ཀྱི་ཕོ་ཉའི་ཚོགས་རྣམས་བཟློག༔ ལྷོ་ཡི་ཕྱོགས་ནས་གུ་ཧྱ་ཧེ་རུ་ཀ༔ རིན་ཅེན་རིགས་ཀྱི་ཕོ་ཉ་དབང་སྡུས་ལ༔ དམ་ཉམས་དགྲ་བགེགས་དྲོད་ལ་ད་རོལ་ལ༔ རིན་ཅེན་རིགས་ཀྱི་ཕོ་ཉའི་ཚོགས་རྣམས་བཟློག༔ ནུབ་ཀྱི་ཕྱོགས་ནས་བི་ཤྭ་ཧེ་རུ་ཀ༔ པདྨ་རིགས་ཀྱི་ཕོ་ཉ་དབང་སྡུས་ལ༔ དམ་ཉམས་དགྲ་བགེགས་འདོད་ཆགས་མཚན་མར་རོལ༔ པདྨ་རིགས་ཀྱི་ཕོ་ཉའི་ཚོགས་རྣམས་བཟློག༔ བྱང་གི་ཕྱོགས་ནས་ཡཀྴ་ཧེ་རུ་ཀ༔ ལས་ཀྱི་རིགས་ཀྱི་ཕོ་ཉ་དབང་སྡུས་ལ༔ དགྲ་བགེགས་འདི་ཡིསྐྱེ་བརྒྱུད་ཤ་ཁྲག་རོལ༔ ལས་ཀྱི་རིགས་ཀྱི་ཕོ་ཉའི་ཚོགས་རྣམས་བཟློག༔ ཡུམ་ཆེན་རཀྴ་ཀྲོ་ཏི་ཤྭ་རཱི་མ༔ ས་ཡི་བསྐལ་པས་ཐམས་ཅད་གཟིར་ཞིང་གནོན༔ ས་ལ་གནས་པའི་ལྷ་འདྲེ་དབང་སྡུས་ལ༔ དམ་ཉམས་དགྲ་བགེགས་འདི་ཡི་ཤ་ལ་རོལ༔ རྡོ་རྗེ་རིགས་ཀྱི་མཁའ་འགྲོའི་ཚོགས་རྣམས་བཟློག༔ ཡུམ་ཆེན་གུ་ཧྱ་ཀྲོ་ཏི་ཤྭ་རཱི་མ༔ མེ་ཡི་བསྐལ་པས་སྲིད་གསུམ་ཐལ་བར་སྲེགས༔ མེ་ལ་གནས་པའི་ལྷ་འདྲེ་དབང་སྡུས་ལ༔ དམ་ཉམས་དགྲ་བགེགས་འདི་ཡི་སྲོག་ལ་རོལ༔ རིན་ཅེན་རིགས་ཀྱི་མཁའ་འགྲོའི་ཚོགས་རྣམས་བཟློག༔ ཡུམ་ཆེན་བི་ཤྭ་ཀྲོ་ཏི་ཤྭ་རི་མ༔ ཆུ་ཡི་བསྐལ་པས་ཐམས་ཅད་གཡེང་ཞིང་བཀྲུ༔ ཆུ་ལ་གནས་པའི་ལྷ་འདྲེ་དབང་སྡུས་ལ༔ དམ་ཉམས་དགྲ་བགེགས་འདི་ཡི་ཁྲག་ལ་རོལ༔ པདྨ་རིགས་ཀྱི་མཁའ་འགྲོའི་ཚོགས་རྣམས་བཟློག༔ ཡུམ་ཆེན་ཡཀྴ་ཀྲོ་ཏི་ཤྭ་རཱི་མ༔ རླུང་གི་བསྐལ་པས་ཐམས་ཅད་ཕྱགས་(༣༧ན)
ཅིང་གཏོར༔ རླུང་ལ་གནས་པའི་ལྷ་འདྲེ་དབང་སྡུས་ལ༔ དམ་ཉམས་དགྲ་བགེགས་འདི་ཡི་དབུགས་ལ་རོལ༔ ལས་ཀྱི་རིགས་ཀྱི་མཁའ་འགྲོའི་ཚོགས་རྣམས་བཟློག༔ སྟེང་ཕྱོགས་ལྷ་གདོན་འདུལ་བྱེད་ཁྲོ་བོ་ཡིས༔ འདོད་ཁམས་གཟུགས་ཁམས་དབང་དུ་བསྡུ་བ་དང་༔ དམ་ཉམས་དགྲ་བགེགས་འདི་ཡི་སྙིང་ལ་རོལ༔ ལྷ་ཡི་དམག་ཚོགས་ཐམས་ཅད་བཟློག་ཏུ་གསོལ༔ ཤར་ཕྱོགས་དྲི་ཟ་འདུལ་བྱེད་ཁྲོ་བོ་ཡིས༔ དྲི་ཟའི་འཁོར་ཚོགས་དབང་དུ་བསྡུ་བ་དང་༔ དམ་ཉམས་དགྲ་བགེགས་ཟག་པའི་རྫས་ལ་རོལ༔ དྲི་ཟའི་དམག་ཚོགས་ཐམས་ཅད་བཟློག་ཏུ་གསོལ༔ ཤར་ལྷོ་མེ་ལྷ་འདུལ་བྱེད་ཁྲོ་བོ་ཡིས༔ མེ་ལྷའི་འཁོར་ཚོགས་དབང་དུ་བསྡུ་བ་དང་༔ དམ་ཉམས་དགྲ་བགེགས་སྲོག་དང་དྲོད་ལ་རོལ༔ མེ་ལྷའི་དམག་ཚོགས་ཐམས་ཅད་བཟློག་ཏུ་གསོལ༔ ལྷོ་ཕྱོགས་གཤིན་རྗེ་འདུལ་བྱེད་ཁྲོ་བོ་ཡིས༔ གཤིན་རྗེའི་འཁོར་ཚོགས་དབང་དུ་བསྡུ་བ་དང་༔ དམ་ཉམས་དགྲ་བགེགས་ཤ་ཁྲག་འདི་རོལ་ལ༔ གཤིན་རྗེའི་དམག་ཚོགས་ཐམས་ཅད་བཟློག་ཏུ་གསོལ༔ ལྷོ་ནུབ་སྲིན་པོ་འདུལ་བྱེད་ཁྲོ་བོ་ཡིས༔ ཤ་ཟ་སྲིན་པོ་དབང་དུ་བསྡུ་བ་དང་༔ དམ་ཉམས་དགྲ་བགེགས་ཁོང་ཁྲག་འདི་རོལ་ལ༔ སྲིན་པོའི་དམག་ཚོགས་ཐམས་ཅད་བཟློག་ཏུ་གསོལ༔ ནུབ་ཕྱོགས་ཀླུ་གདོན་འདུལ་བྱེད་ཁྲོ་བོ་ཡིས༔ ཀླུ་གཉན་འཁོར་ཚོགས་དབང་དུ་བསྡུ་བ་དང་༔ དམ་ཉམས་དགྲ་བགེགས་མཆིན་ཁྲག་འདི་རོལ་ལ༔ ཀླུ་གཉན་དམག་ཚོགས་ཐམས་ཅད་བཟློག་ཏུ་གསོལ༔ ནུབ་བྱང་རླུང་ལྷ་འདུལ་བྱེད་ཁྲོ་བོ་ཡིས༔ (༣༧བ)
རླུང་ལྷ་འཁོར་བཅས་དབང་དུ་བསྡུ་བ་དང་༔ དམ་ཉམས་དགྲ་བགེགས་སྲོག་དང་དབུགས་ལ་རོལ༔ རླུང་ལྷའི་དམག་ཚོགས་ཐམས་ཅད་བཟློག་ཏུ་གསོལ༔ བྱང་ཕྱོགས་གནོད་སྦྱིན་འདུལ་བྱེད་ཁྲོ་བོ་ཡིས༔ གནོད་སྦྱིན་འཁོར་ཚོགས་དབང་དུ་བསྡུ་བ་དང་༔ དམ་ཉམས་དགྲ་བགེགས་དབུགས་དང་གློ་བར་རོལ༔ གནོད་སྦྱིན་དམག་ཚོགས་ཐམས་ཅད་བཟློག་ཏུ་གསོལ༔ བྱང་ཤར་དབང་ལྡན་འདུལ་བྱེད་ཁྲོ་བོ་ཡིས༔ དབང་ལྡན་འཁོར་ཚོགས་དབང་དུ་བསྡུ་བ་དང་༔ དམ་ཉམས་དགྲ་བགེགས་རྐང་དང་རུས་ལ་རོལ༔ བགེགས་ཀྱི་དམག་ཚོགས་ཐམས་ཅད་བཟློག་ཏུ་གསོལ༔ འོག་ཕྱོགས་ས་བདག་འདུལ་བྱེད་ཁྲོ་བོ་ཡིས༔ ས་བདག་འཁོར་ཚོགས་དབང་དུ་བསྡུ་བ་དང་༔ དམ་ཉམས་དགྲ་བགེགས་ཀླད་པར་ད་རོལ་ལ༔ ས་བདག་དམག་ཚོགས་མ་ལུས་བཟློག་ཏུ་གསོལ༔ ཤར་ནས་ལྕགས་ཀྱུ་ཅན་གྱི་སྒོ་བ་ཡིས༔ ལྕགས་ཀྱུས་བཟུང་ལ་ཕུར་པས་ད་ཐོབ་ལ༔ དམ་ཉམས་དགྲ་བགེགས་འདི་ཡིས་སྙིང་ལ་རོལ༔ ལྕགས་ཀྱུ་ཅན་གྱི་ཕོ་ཉའི་ཚོགས་རྣམས་བཟློག༔ ལྷོ་ནས་ཞགས་པ་ཅན་གྱི་སྒོ་བ་ཡིས༔ ཁྲག་ཞགས་དམར་པོས་འདབས་ཤིང་འཆིང་བར་བྱེད༔ དམ་ཉམས་དགྲ་བགེགས་འདི་ཡི་མགོ་ལ་རོལ༔ ཞགས་པ་ཅན་གྱི་ཕོ་ཉའི་ཚོགས་རྣམས་བཟློག༔ ནུབ་ནས་ལྕགས་སྒྲོག་ཅན་གྱི་སྒོ་བ་ཡིས༔ ལྕགས་སྒྲོག་ནག་པོས་ཡན་ལག་འཆིང་བར་བྱེད༔ དམ་ཉམས་དགྲ་བགེགས་ཡན་ལག་བཞི་ལ་རོལ༔ ལྕགས་སྒྲོག་ཅན་གྱི་ཕོ་ཉའི་ཚོགས་རྣམས་བཟློག༔ བྱང་ནས་དྲིལ་བུ་ཅན་གྱི་སྒོ་བ་ཡིས༔ དྲིལ་བུས་འདུལ་ཞིང་མགོ་(༣༨ན)
ལ་བརྡེག་པར་བྱེད༔ དམ་ཉམས་དགྲ་བགེགས་གཟུགས་ཕུང་ལྔ་ལ་རོལ༔ དྲིལ་བུ་ཅན་གྱི་ཕོ་ཉའི་ཚོགས་རྣམས་བཟློག༔ བཀའ་ཡི་བསྟན་སྲུང་ཅེ་སྤྱང་མ་བརྒྱུད་རྣམས༔ ཅེ་སྤྱང་རྒྱུག་ཚུལ་དགྲ་ལ་འཇབ་པར་བྱེད༔ དམ་ཉམས་དགྲ་བགེགས་འདི་ཡི་དོན་སྙིང་རོལ༔ གདོན་དང་དགྲ་དང་མི་མཐུན་ཕྱོགས་རྣམས་བཟློག༔ ཧཱུཾ། སྨུག་ནག་གྲུ་གསུམ་འབར་བའི་དཀྱིལ་འཁོར་ནས༔ ཆེ་མཆོག་ཡོན་ཏན་ལྷ་ཚོགས་འཁོར་དང་བཅས༔ དགྲ་ཤ་ཁྲག་གི་མཆོད་པ་འདི་བཞེས་ལ༔ དམ་ཉམས་འབྱུང་པོ་འདི་ལ་ད་རོལ་ཅིག༔ མ་ཧཱ་མཾ་ས་ཁཱ་ཧི༔ མ་ཧཱ་རཀྟ་ཁཱ་ཧི༔ མ་ཧཱ་ཀེཾ་ནི་རི་ཏི་ཁཱ་ཧི༔ མ་ཧཱ་ཙིཏྟ་ཁཱ་ཧི༔ མ་ཧཱ་གོ་རོ་ཙ་ན་ཁཱ་ཧི༔ མ་ཧཱ་ཙཀྵུ་ཁཱ་ཧི༔ མ་ཧཱ་བ་སུ་ཏ་ཁཱ་ཧི༔ ཞེས་དམར་སྦྲེང་། ཕུར་སྐོར་བྱ། ཉ་བོ་བསྒྲལ། སྟོབ་ལ་བྱ། གཏོར་མ་འབུལ། བྷྱོས་གདབ། བཅོལ་དམ་བྱའོ༔ རྒྱ་རྒྱ། བཀའ་བརྒྱད་ཡོངས་རྫོགས་ལས། དུས་མིན་འཆི་བའི་འཇིགས་པ་ནད་གདོན་བར་ཆད་རྦོད་ཟོར་ལྟས་ངན་བཟློག་བྷྱོ༔ ཞེས་གསུངས་པ་སྦྱར། ཡང་དག་ཐུགས་ཀྱི་ལྷ་ཚོགས་ལ་བཟློག་པའི་འཕྲིན་ལས་བཅོལ་བ་ནི༔ ཧཱུཾ། བཅོམ་ལྡན་དཔལ་ཆེན་བཛྲ་ཧེ་རུ་ཀ༔ རྡོ་རྗེ་ཁྲག་འཐུང་དབང་དུ་བསྡུ་བ་དང་༔ དགྲ་བགེགས་འདི་ཡི་རྣམ་ཤེས་ད་རོལ་ལ༔ རྡོ་རྗེ་ཁྲག་འཐུང་ཕོ་ཉའི་ཚོགས་རྣམས་བཟློག༔ གཏི་མུག་དཔལ་ཆེན་བུདྡྷ་ཧེ་རུ་ཀ༔ བུདྡྷ་ཁྲག་འཐུང་དབང་དུ་བསྡུ་བ་དང་༔ དམ་ཉམས་དགྲ་བགེགས་གཟུགས་ཕུང་ད་རོལ་ལ༔ དེ་བཞིན་ཁྲག་འཐུང་ཕོ་ཉའི་ཚོགས་རྣམས་བཟློག༔ ང་རྒྱལ་དཔལ་ཆེན་རཏྣ་ཧེ་རུ་ཀ༔ (༣༨བ)
རིན་ཅེན་ཁྲག་འཐུང་དབང་དུ་བསྡུ་བ་དང་༔ དགྲ་བགེགས་འདི་ཡི་ཚོར་བའི་ཕུང་པོར་རོལ༔ རིན་ཅེན་ཁྲག་འཐུང་ཕོ་ཉའི་ཚོགས་རྣམས་བཟློག༔ འདོད་ཆགས་དཔལ་ཆེན་པདྨ་ཧེ་རུ་ཀ༔ པདྨ་ཁྲག་འཐུང་དབང་དུ་བསྡུ་བ་དང་༔ དགྲ་བགེགས་འདི་ཡི་འདུ་ཤེས་ཕུང་པོར་རོལ༔ པདྨ་ཁྲག་འཐུང་ཕོ་ཉའི་ཚོགས་རྣམས་བཟློག༔ ཕྲག་དོག་དཔལ་ཆེན་ཀརྨ་ཧེ་རུ་ཀ༔ ལས་ཀྱི་ཁྲག་འཐུང་དབང་དུ་བསྡུ་བ་དང་༔ དགྲ་བགེགས་འདི་ཡི་འདུ་བྱེད་ཕུང་པོར་རོལ༔ ལས་ཀྱི་ཁྲག་འཐུང་ཕོ་ཉའི་ཚོགས་རྣམས་བཟློག༔ ཡུམ་ཆེན་བཛྲ་ཀྲོ་ཏི་ཤྭ་རཱི་མ༔ དགྲ་བགེགས་འདི་ཡི་བཀྲག་དང་མདངས་ལ་རོལ༔ རྡོ་རྗེ་རིགས་ཀྱི་སྤྲུལ་པའི་ཚོགས་རྣམས་བཟློག༔ ཡུམ་ཆེན་བུདྡྷ་ཀྲོ་ཏི་ཤྭ་རཱི་མ༔ དགྲ་བགེགས་འདི་ཡི་ཤ་དང་རུས་ལ་རོལ༔ དེ་བཞིན་རིགས་ཀྱི་སྤྲུལ་པའི་ཚོགས་རྣམས་བཟློག༔ ཡུམ་ཆེན་རཏྣ་ཀྲོ་ཏི་ཤྭ་རཱི་མ༔ དགྲ་བགེགས་འདི་ཡི་ཁྲག་དང་ཆུ་ལ་རོལ༔ རིན་ཆེན་རིགས་ཀྱི་སྤྲུལ་པའི་ཚོགས་རྣམས་བཟློག༔ ཡུམ་ཆེན་པདྨ་ཀྲོ་ཏི་ཤྭ་རཱི་མ༔ དགྲ་བགེགས་འདི་ཡི་དྲོད་དང་མེ་ལ་རོལ༔ པདྨ་རིགས་ཀྱི་སྤྲུལ་པའི་ཚོགས་རྣམས་བཟློག༔ ཡུམ་ཆེན་ཀརྨ་ཀྲོ་ཏི་ཤྭ་རཱི་མ༔ དགྲ་བགེགས་འདི་ཡི་དབུགས་དང་རླུང་ལ་རོལ༔ ལས་ཀྱི་རིགས་ཀྱི་སྤྲུལ་པའི་ཚོགས་རྣམས་བཟློག༔ རྡོ་རྗེ་ཐུགས་ཀྱི་ཕོ་ཉ་ཆེན་མོ་སྟེ༔ ཕོག་པར་རྒྱོབ་ཅིག་མ་མོ་ཀོའུ་རི༔ རྡོ་རྗེ་ཅན་གྱི་ཕོ་ཉའི་ཚོགས་རྣམས་བཟློག༔ རིན་ཅེན་སྐུ་ཡི་ཕོ་ཉ་ཆེན་མོ་སྟེ༔ སྙིང་ལ་གཟིར་ཅིག་མ་མོ་ཙཽ་རི་མ༔ མདའ་གཞུ་ཅན་གྱི་ཕོ་ཉའི་ཚོགས་རྣམས་བཟློག༔ པདྨ་གསུང་གི་ཕོ་ཉ་ཆེན་མོ་སྟེ༔ དབང་(༣༩ན)
དུ་སྡུས་ཤིག་མ་མོ་པྲ་མོ་ཧ༔ རྒྱལ་མཚན་ཅན་གྱི་ཕོ་ཉའི་ཚོགས་རྣམས་བཟློག༔ ལས་བྱེད་ལས་ཀྱི་ཕོ་ཉ་ཆེན་མོ་སྟེ༔ རྒྱུ་ཞགས་དྲོངས་ཤིག་མ་མོ་པེ་ཏ་ལི༔ རྒྱུ་ཞགས་ཅན་གྱི་ཕོ་ཉའི་ཚོགས་རྣམས་བཟློག༔ འདོད་ཆགས་འཇོམས་པའི་ཕོ་ཉ་ཆེན་མོ་སྟེ༔ གློ་སྙིང་དྲོངས་ཤིག་མ་མོ་པུ་ཀ་སི༔ གློ་སྙིང་ཐོགས་པའི་ཕོ་ཉའི་ཚོགས་རྣམས་བཟློག༔ ཞེ་སྡང་འཇོམས་པའི་ཕོ་ཉ་ཆེན་མོ་སྟེ༔ རཀྟ་འཐུང་ཞིག་མ་མོ་ཀསྨ་རི༔ ཐོད་ཁྲག་ཅན་གྱི་ཕོ་ཉའི་ཚོགས་རྣམས་བཟློག༔ ང་རྒྱལ་འཇོམས་པའི་ཕོ་ཉ་ཆེན་མོ་སྟེ༔ ཙིཏྟ་ཕྱུངས་ཤིག་མ་མོ་སྨ་ཤ་ནི༔ སྙིང་ཆེན་འབྱིན་པའི་ཕོ་ཉའི་ཚོགས་རྣམས་བཟློག༔ ཕྲག་དོག་འཇོམས་པའི་ཕོ་ཉ་ཆེན་མོ་སྟེ༔ མགོ་ལུས་ཕྲོལ་ཅིག་མ་མོ་ཙནྡྷ་ལི༔ མགོ་ལུས་འབྲལ་བའི་ཕོ་ཉའི་ཚོགས་རྣམས་བཟློག༔ ཕྱག་ན་ཞིང་གི་མཆོག་ཕྲན་བསྣམས་པ་སྟེ༔ ཤ་ལ་རོལ་ཅིག་ཕྲ་མེན་སིང་ཧ་མ༔ སེང་མགོ་ཅན་གྱི་ཕོ་ཉའི་ཚོགས་རྣམས་བཟློག༔ ཕྱག་མཚན་ཕྱག་ན་ཏི་ར་བསྣམས་པ་སྟེ༔ རུས་པ་འཆོས་ཤིག་ཕྲ་མེན་བྱ་གྷྲི་མ༔ སྟག་མགོ་ཅན་གྱི་ཕོ་ཉའི་ཚོགས་རྣམས་བཟློག༔ ཕྱག་ན་ལྤགས་ཆེན་ལྡག་པའི་ཕྲ་མེན་མ༔ དགྲ་བོའི་ལྤགས་ཆེན་ལྡོགས་ཤིག་སྲི་ཀ་མ༔ ཝ་མགོ་ཅན་གྱི་ཕོ་ཉའི་ཚོགས་རྣམས་བཟློག༔ ཟས་སུ་ཤ་ཆེན་ཟ་བའི་ཕྲ་མེན་མ༔ དགྲ་བོའི་ཤ་ལ་ཟོ་ཞིག་ཤྭ་ན་མ༔ སྤྱང་མགོ་ཅན་གྱི་ཕོ་ཉའི་ཚོགས་རྣམས་བཟློག༔ སྐོམ་དུ་ཐོད་ཁྲག་འཐུང་བའི་ཕྲ་མེན་མ༔ དགྲ་བོའི་དུང་ཁྲག་འཐུང་ཞིག་ཀྲི་ཏ་མ༔ བྱ་རྒོད་མགོ་ཅན་ཕོ་ཉའི་ཚོགས་རྣམས་བཟློག༔ ཞིང་ཆེན་ཕྲག་ལ་(༣༩བ)
ཁུར་བའི་ཕྲ་མེན་མ༔ དགྲ་བོའི་ལྤགས་ཆེན་ཤུས་ཤིག་ཀཾ་ཀ་མ༔ ཀང་ཀའི་མགོ་ཅན་ཕོ་ཉའི་ཚོགས་རྣམས་བཟློག༔ མིག་ཚིལ་འབྱིན་པར་བྱེད་པའི་ཕྲ་མེན་མ༔ དགྲ་བོའི་མིག་ཚིལ་བྲུས་ཤིག་ཀཱ་ཀ་མ༔ ཤ་ཟན་བྱ་རོག་མགོ་ཅན་ཕོ་ཉ་བཟློག༔ གློ་བ་སྙིང་བཅས་འབྱིན་པའི་ཕྲ་མེན་མ༔ དགྲ་བོའི་གློ་སྙིང་ཕྱུངས་ཤིག་ཧུ་ལུ་མ༔ འུག་པའི་མགོ་ཅན་ཕོ་ཉའི་ཚོགས་རྣམས་བཟློག༔ ཉོན་མོངས་སེམས་ཅན་གནས་ནས་འདྲེན་མཛད་མ༔ དགྲ་བོའི་སྙིང་ནས་དྲོངས་ཤིག་རྟ་གདོང་མ༔ རྟ་གདོང་ཅན་གྱི་ཕོ་ཉའི་ཚོགས་རྣམས་བཟློག༔ དགྲ་བགེགས་ཡན་ལག་འཆིང་མཛད་ཞགས་པ་མ༔ དགྲ་བགེགས་ཡན་ལག་ཆིངས་ཤིག་ཕག་གདོང་མ༔ ཕག་གདོང་ཅན་གྱི་ཕོ་ཉའི་ཚོགས་རྣམས་བཟློག༔ འཁོར་བ་གནས་སུ་འཆིང་ཞིང་སྡོམ་བྱེད་མ༔ དམ་ཉམས་དགྲ་བགེགས་སྡོམས་ཤིག་སྤྲེལ་གདོང་མ༔ སྤྲེལ་གདོང་ཅན་གྱི་ཕོ་ཉའི་ཚོགས་རྣམས་བཟློག༔ རྣམ་པར་རྟོག་པ་མྱོས་བྱེད་དྲིལ་བུ་མ༔ དགྲ་ལ་རྒྱོབ་ཅིང་སོད་ཅིག་སྤྱང་གདོང་མ༔ སྤྱང་གདོང་ཅན་གྱི་ཕོ་ཉའི་ཚོགས་རྣམས་བཟློག༔ བཀའ་ཡི་བསྟན་པ་བསྲུང་བའི་ལས་མཛད་མ༔ སྲིན་མོ་ཆེན་མོ་ཉི་ཤུ་རྩ་བརྒྱད་ཀྱང་༔ དགྲ་བགེགས་འདི་ཡི་ཤ་དང་ཁྲག་ལ་རོལ༔ སྲིན་མོ་ཉི་ཤུ་རྩ་བརྒྱད་གདུག་རྩུབ་བཟློག༔ ཧཱུཾ། གྲུ་གསུམ་མཐིང་ནག་འབར་བའི་དཀྱིལ་འཁོར་ནས༔ ཡང་དག་ཐུགས་ཀྱི་ལྷ་ཚོགས་འཁོར་དང་བཅས༔ དགྲ་ཤ་ཁྲག་གི་མཆོད་པ་འདི་བཞེས་ལ༔ དམ་ཉམས་འབྱུང་པོ་འདི་ལ་ད་རོལ་ཅིག༔ མ་ཧཱ་མཾ་ས་ཁཱ་ཧི༔ མ་ཧཱ་རཀྟ་ཁཱ་ཧི༔ མ་ཧཱ་ཀེཾ་ནྲྀ་ཏྱ་ཁཱ་ཧི༔ མ་ཧཱ་ཙིཏྟ་(༤༠ན)
ཁཱ་ཧི། མ་ཧཱ་གོ་རོ་ཙ་ན་ཁཱ་ཧི། མ་ཧཱ་ཙཀྵུ་ཁཱ་ཧི། མ་ཧཱ་བ་སུ་ཏ་ཁཱ་ཧི། ཞེས་དམར་སྦྲེང་། ཕུར་སྐོར་བྱ། ཉ་བོ་བསྒྲལ། སྟོབ་པ་བྱ། གཏོར་མ་འབུལ། བྷྱོས་གདབ། བཅོལ་དམ་བྱའོ༔ རྒྱ་རྒྱ། བཀའ་བརྒྱད་ཡོངས་རྫོགས་ལས་དུས་མིན་འཆི་བའི་འཇིགས་པ་ནད་གདོན་བར་ཆད་རྦོད་ཟོར་ལྟས་ངན་བཟློག་བྷྱོ༔ ཞེས་གསུངས། དེ་ནས་འཇམ་དཔལ་སྐུའི་ལྷ་ཚོགས་ལ་བཟློག་པའི་འཕྲིན་ལས་བཅོལ་བ་ནི༔ ཧཱུཾ། བཅོམ་ལྡན་དཔལ་ཆེན་འཇམ་དཔལ་གཤིན་རྗེའི་གཤེད༔ ཐམས་ཅད་དབང་དུ་བསྡུ་མཛད་ཁྲོ་བོའི་རྗེ༔ ཤ་ཁྲག་སྲོག་ལ་དབང་སྒྱུར་བདུད་ཀྱི་གཙོ༔ དགྲ་བགེགས་འདི་ཡི་ཤ་ཁྲག་སྲོག་ལ་རོལ༔ ལས་ཀྱི་གཤིན་རྗེ་ཕོ་ཉའི་དམག་ཚོགས་བཟློག༔ སྦྱོར་བའི་ཡུམ་མཆོག་ཀྲོ་མོ་པེ་ཏ་ལི༔ མ་བདུད་འབུམ་གྱི་གཙོ་མོ་ཆེན་མོ་སྟེ༔ དམ་ཉམས་དགྲ་བགེགས་འདི་ཡི་ཁྲག་ལ་རོལ༔ མ་བདུད་ནག་མོའི་དམག་ཚོགས་ཐམས་ཅད་བཟློག༔ སྒྲོལ་བའི་ཡུམ་མཆོག་ཨེ་ཀ་ཛཱ་ཊཱི་མ༔ དམ་ཅན་རྣལ་འབྱོར་ཡོངས་ཀྱི་དགྲ་ལྷ་མོ༔ དམ་ཉམས་དགྲ་བགེགས་འདི་ཡི་སྙིང་ལ་རོལ༔ སྒྲོལ་བྱེད་སྔགས་ཀྱི་ཕོ་ཉའི་དམག་ཚོགས་ཐམས་ཅད་བཟློག༔ གཤེད་ཆེན་གཤིན་རྗེ་ཡ་མ་རཱ་ཙ་ཁྱོད༔ དམ་ཉམས་དགྲ་བགེགས་འདི་ཡི་མགོ་བོ་སྐོར༔ གཤིན་རྗེ་ཕོ་ཉའི་དམག་ཚོགས་ཐམས་ཅད་བཟློག༔ སྦྱོར་བའི་ཡུམ་གཅིག་བདུད་ཀྱི་ལྕམ་གཅིག་མ༔ དམ་ཉམས་དགྲ་བགེགས་འདི་ཡི་ཁྲག་ལ་རོལ༔ མ་བདུད་ཕོ་ཉའི་དམག་ཚོགས་ཐམས་ཅད་བཟློག༔ སྒྲོལ་བའི་ཡུམ་གཅིག་དཔལ་གྱི་བཀའ་ཉན་མ༔ དམ་ཉམས་དགྲ་བགེགས་འདི་ཡི་ཁོང་ཁྲག་རོལ༔ ལས་ཀྱི་ཕོ་ཉའི་དམག་(༤༠བ)
ཚོགས་ཐམས་ཅད་བཟློག༔ གཤེད་ཆེན་གཤིན་རྗེ་མྱོས་བྱེད་འབར་བ་ཁྱོད༔ དམ་ཉམས་དགྲ་བགེགས་འདི་ཡི་ཡིད་དཀྲུགས་ལ༔ གཤིན་རྗེ་སྲིན་པོ་ཕོ་ཉའི་དམག་ཚོགས་བཟློག༔ སྦྱོར་བའི་ཡུམ་གཅིག་གཏུམ་མོ་དུག་ཧྲུལ་མ༔ དམ་ཉམས་དགྲ་བགེགས་སྙིང་རྩ་གཙོ་ལ་སྟོབ༔ མཁའ་འགྲོ་ཕོ་ཉའི་དམག་ཚོགས་ཐམས་ཅད་བཟློག༔ སྒྲོལ་བའི་ཡུམ་ནི་ཆགས་གཞི་ཁྲག་གི་བདག༔ དམ་ཉམས་དགྲ་བགེགས་འདི་ཡི་སྙིང་ཁྲག་འཐུང་༔ ཁྲག་བཟུང་མ་མོ་ཕོ་ཉའི་དམག་ཚོགས་བཟློག༔ གཤེད་ཆེན་བདུད་པོ་ཨ་ཡ་རྨི་རུ་ཁྱོད༔ དམ་ཉམས་དགྲ་བགེགས་ཁྲག་ཏུ་སྐྱུག་ཏུ་ཆུག༔ གཤིན་རྗེ་བདུད་ཀྱི་ཕོ་ཉ་ཐམས་ཅད་བཟློག༔ སྦྱོར་བའི་ཡུམ་མཆོག་ཁྲོ་མོ་འོད་ཟེར་ཅན༔ དམ་ཉམས་དགྲ་བགེགས་ཆགས་པའི་ཁྲག་ལ་རོལ། མ་མོ་ཕོ་ཉའི་དམག་ཚོགས་ཐམས་ཅད་བཟློག༔ སྒྲོལ་བའི་ཡུམ་ནི་གླིང་བཞི་གཙུག་འབྱམས་མ༔ དམ་ཉམས་དགྲ་བགེགས་ཡན་ལག་གཙུགས་ཕུད་རོལ༔ སྲིད་པ་གླིང་བཞིའི་གནོད་བྱེད་ཐམས་ཅད་བཟློག༔ གཤེད་ཆེན་གཤིན་རྗེ་རལ་པ་ཚར་དགུ་ཁྱོད༔ དམ་ཉམས་དགྲ་བགེགས་འདི་ཡི་སྲོག་ཆོད་ལ༔ གཤིན་རྗེ་གནོད་སྦྱིན་དམག་དཔུང་དགྲ་ལ་བཟློག༔ སྦྱོར་བའི་ཡུམ་ཆེན་ནག་མོ་རེ་མ་ཏཱི༔ དམ་ཉམས་དགྲ་བགེགས་ཁྲག་གི་མཚོ་ལ་རོལ༔ དཔལ་ལྡན་མ་ཡི་ཕོ་ཉའི་ཚོགས་རྣམས་བཟློག༔ སྒྲོལ་བའི་ཡུམ་ནི་སྲིན་མོ་མགོ་འཕྱང་མ༔ དམ་ཉམས་དགྲ་བགེགས་རྩ་ཁྲག་འདི་རོལ་ལ༔ སྲིན་མོ་ཕོ་ཉའི་དམག་ཚོགས་ཐམས་ཅད་བཟློག༔ སྟེང་གི་ཕྱོགས་ནས་གཤིན་རྗེ་ནག་འཇོམས་ཁྱོད༔ དམ་ཉམས་དགྲ་བགེགས་འདི་ཡི་ཀླད་པར་རོལ༔ (༤༡ན)
སྟེང་གི་ཕྱོགས་ཀྱི་གནོད་བྱེད་ཐམས་ཅད་བཟློག༔ སྟེང་གི་ཕྱོགས་ནས་གཤིན་རྗེ་ཕྱ་སངས་ཁྱོད༔ དགྲ་བགེགས་འདི་ཡི་མགོ་དང་སྲོག་ལ་རོལ༔ སྟེང་གི་ཕྱོགས་ཀྱི་གདོན་རྣམས་བཟློག་ཏུ་གསོལ༔ ཤར་གྱི་ཕྱོགས་ནས་ཀོང་རྩེ་ཁྲག་འཇོམས་ཁྱོད༔ དམ་ཉམས་དགྲ་བགེགས་རུས་ལ་ད་རོལ་ལ༔ ཤར་གྱི་ཕྱོགས་ཀྱི་གདོན་རྣམས་བཟློག་ཏུ་གསོལ༔ ཤར་ལྷོ་མཚམས་ནས་ཨ་བ་གླང་མགོ་ཁྱོད༔ དགྲ་བགེགས་སྲོག་རྩ་དམར་ནས་ད་དྲོངས་ལ༔ ཤར་ལྷོ་མཚམས་ཀྱི་དགྲ་བགེགས་མ་ལུས་བཟློག༔ ལྷོ་ཡི་ཕྱོགས་ནས་གཤིན་རྗེ་ཡ་བ་ཏི༔ དམ་ཉམས་དགྲ་བགེགས་སྤྲུགས་ཤིང་འཐིབས་སུ་ཆུག༔ ལྷོ་ཡི་ཕྱོགས་ཀྱི་དགྲ་བགེགས་ཐམས་ཅད་བཟློག༔ ལྷོ་ནུབ་མཚམས་ནས་གཤིན་རྗེ་མིག་དམར་ཁྱོད༔ དམ་ཉམས་དགྲ་བགེགས་ཐལ་བ་རྡུལ་དུ་རློག༔ ལྷོ་ནུབ་མཚམས་ཀྱི་དགྲ་བགེགས་ཐམས་ཅད་བཟློག༔ ནུབ་ཀྱི་ཕྱོགས་ནས་གཤིན་རྗེ་རྨིག་པ་ཁྱོད༔ དམ་ཉམས་དགྲ་བགེགས་སྐྱེ་བརྒྱུད་རྩ་བ་ཆོད༔ ནུབ་ཀྱི་ཕྱོགས་ཀྱི་དགྲ་བགེགས་ཐམས་ཅད་བཟློག༔ ནུབ་བྱང་མཚམས་ནས་གཤིན་རྗེ་ཏེལ་པ་ཁྱོད༔ དམ་ཉམས་དགྲ་བགེགས་མ་ལུས་ཞལ་དུ་རྔུབས༔ ནུབ་བྱང་མཚམས་ཀྱི་དགྲ་བགེགས་ཐམས་ཅད་བཟློག༔ བྱང་གི་ཕྱོགས་ནས་གཤིན་རྗེ་བདུད་འཇོམས་ཁྱོད༔ དམ་ཉམས་དགྲ་བགེགས་འཇིགས་པའི་གནས་སུ་སྐྱོལ༔ བྱང་གི་ཕྱོགས་ཀྱི་དགྲ་བགེགས་ཐམས་ཅད་བཟློག༔ བྱང་ཤར་མཚམས་ནས་གཤིན་རྗེ་ཆོས་རྒྱལ་ནི༔ དམ་ཉམས་དགྲ་བགེགས་ཁྲམ་ལ་འདེབས་པར་བྱེད༔ བྱང་ཤར་མཚམས་ཀྱི་དགྲ་བགེགས་ཐམས་ཅད་བཟློག༔ འོག་གི་ཕྱོགས་ནས་གཤིན་རྗེ་དམར་(༤༡བ)
པོ་ནི༔ དགྲ་བགེགས་མ་ལུས་དབང་དུ་སྡུད་པར་བྱེད༔ འོག་གི་ཕྱོགས་ཀྱི་དགྲ་བགེགས་ཐམས་ཅད་བཟློག༔ འོག་གི་ཕྱོགས་ནས་གཤིན་རྗེ་ཐོད་དབྱུག་ཐོགས༔ དམ་ཉམས་དགྲ་བགེགས་མགོ་ལུས་འབྲལ་བར་བྱེད༔ འོག་གི་ཕྱོགས་ཀྱི་དགྲ་བགེགས་ཐམས་ཅད་བཟློག༔ སྟེང་གི་ཕྱོགས་ནས་ནག་མོ་རལ་གཅིག་མ༔ དམ་ཉམས་དགྲ་ལ་བྱིང་ནད་འཐིབས་པོ་ཐོབ༔ ནག་མོ་འབུམ་གྱི་བཀའ་སྒྱུར་དགྲ་ལ་བཟློག༔ སྟེང་གི་ཕྱོགས་ནས་ཤེལ་གྱི་གདོང་དགུ་མ༔ དམ་ཉམས་དགྲ་ལ་རིམས་ནད་ཆར་ལྟར་ཐོབ༔ ལྷ་སྲིན་སྡེ་བརྒྱད་བཀའ་སྒྱུར་དགྲ་ལ་བཟློག༔ ཤར་གྱི་ཕྱོགས་ནས་རལ་གཅིག་ཤེལ་མིག་མ༔ དམ་ཉམས་དགྲ་ལ་སྙིང་ཆུ་གཟེར་ནད་ཐོང་༔ དྲི་ཟ་ཕོ་མོའི་བཀའ་སྒྱུར་དགྲ་ལ་བཟློག༔ ཤར་ལྷོ་མཚམས་ནས་དཀར་སྐྱ་མཆེ་གཙིགས་པ༔ དམ་ཉམས་དགྲ་ལ་མགོ་ནད་དེ་ཐོང་ལ༔ དྲང་སྲོང་ཕོ་མོའི་བཀའ་སྒྱུར་དགྲ་ལ་བཟློག༔ ལྷོ་ཡི་ཕྱོགས་ནས་དྲེད་ཀྱི་རྔམ་སྟབས་ཅན༔ དམ་ཉམས་དགྲ་ལ་རྒྱུ་གཟེར་བཤལ་ནད་ཐོང་༔ གྲུལ་བུམ་ཕོ་མོའི་བཀའ་སྒྱུར་དགྲ་ལ་བཟློག༔ ལྷོ་ནུབ་མཚམས་ནས་ཁྲག་གི་རལ་གཅིག་མ༔ དམ་ཉམས་དགྲ་བགེགས་ཤ་ཁྲག་ད་རོལ་ལ༔ སྲིན་པོ་ཕོ་མོའི་བཀའ་སྒྱུར་དགྲ་ལ་བཟློག༔ ནུབ་ཀྱི་ཕྱོགས་ནས་ཀླུ་མོ་པུས་འགྲོས་མ༔ དམ་ཉམས་དགྲ་ལ་མཛེ་ནད་སྣ་དགུ་ཐོང་༔ ཀླུ་རྒྱལ་ཕོ་མོའི་བཀའ་སྒྱུར་དགྲ་ལ་བཟློག༔ ནུབ་བྱང་མཚམས་ནས་རླུང་ལྷ་སྤྱན་གསུམ་མ༔ དམ་ཉམས་དགྲ་ལ་སྨྱོ་འབོག་བརྒྱལ་ནད་ཐོང་༔ རླུང་ལྷ་ཕོ་མོའི་བཀའ་སྒྱུར་དགྲ་ལ་བཟློག༔ བྱང་གི་ཕྱོགས་ནས་སྨུག་ནག་རལ་གཅིག་མ༔ དམ་ཉམས་དགྲ་ལ་ལྷོག་པ་སྐེམ་(༤༢ན)
ནད་ཐོང་༔ གནོད་སྦྱིན་ཕོ་མོའི་བཀའ་སྒྱུར་དགྲ་ལ་བཟློག༔ བྱང་ཤར་མཚམས་ནས་དམར་མོ་རལ་གཅིག་མ༔ དམ་ཉམས་དགྲ་བགེགས་དབང་པོ་སྡོམ་པར་བྱེད༔ དབང་ལྡན་ཕོ་མོའི་བཀའ་སྒྱུར་དགྲ་ལ་བཟློག༔ འོག་གི་ཕྱོགས་ནས་རལ་གཅིག་ཤེལ་མིག་མ༔ དམ་ཉམས་དགྲ་ལ་བྱིང་ནད་འཐིབས་པ་ཐོང་༔ ཀླུ་བདུད་ཕོ་མོའི་བཀའ་སྒྱུར་དགྲ་ལ་བཟློག༔ འོག་གི་ཕྱོགས་ནས་ནག་མོ་ཕག་མགོ་མ༔ དགྲ་ལ་དམུ་ཆུ་སྐྲན་ནད་གཏོང་བར་བྱེད༔ ས་བདག་ཕོ་མོའི་བཀའ་སྒྱུར་དགྲ་ལ་བཟློག༔ ཤར་གྱི་སྒོ་བ་དུང་གི་བྱ་རྒོད་མགོ༔ དགྲ་བགེགས་སྲོག་རྩ་དམར་ནས་ད་དྲོངས་ལ༔ འགུགས་ཤིང་བཟློག་པའི་འཕྲིན་ལས་དུས་ལ་བབ༔ ལྷོ་ཡི་སྒོ་བ་ནག་པོ་སྟག་མགོ་ཅན༔ དམ་ཉམས་དགྲ་བགེགས་མགོ་ལུས་འཆིང་བར་བྱེད༔ དགྲ་བགེགས་དགུག་ཅིང་འཆིང་བའི་དུས་ལ་བབ༔ ནུབ་ཀྱི་སྒོ་བ་བསེ་ཡི་ཀང་ཀའི་མགོ༔ དམ་ཉམས་དགྲ་བགེགས་དབང་པོ་སྡོམ་པར་བྱེད༔ དགྲ་བོ་འཆིང་ཞིང་བཟློག་པའི་དུས་ལ་བབ༔ བྱང་གི་སྒོ་བ་ལྕགས་ཀྱི་སྤྱང་ཀིའི་མགོ༔ དམ་ཉམས་དགྲ་བགེགས་ཐལ་བ་རྡུལ་དུ་རློག༔ བཟློག་ཅིག་བསད་པའི་འཕྲིན་ལས་དུས་ལ་བབ༔ བཀའ་ཡི་བསྟན་སྲུང་གིང་བཞི་བདུད་བཞི་དང་༔ རྩིས་པ་བཞི་དང་བཤན་པ་བཅུ་གཉིས་རྣམས༔ དམ་ཉམས་དགྲ་བོའི་ཤ་ཁྲག་རུས་ལ་རོལ༔ བཟློག་ཅིང་བསད་པའི་འཕྲིན་ལས་དུས་ལ་བབ༔ ཧཱུཾ། མཐིང་ནག་གྲུ་གསུམ་འབར་བའི་དཀྱིལ་འཁོར་ནས༔ འཇམ་དཔལ་སྐུ་ཡི་ལྷ་ཚོགས་འཁོར་དང་བཅས༔ དགྲ་ཤ་ཁྲག་གི་མཆོད་པ་འདི་བཞེས་ལ༔ (༤༢བ)
དམ་ཉམས་འབྱུང་པོ་འདི་ལ་ད་རོལ་ཅིག༔ མ་ཧཱ་མཾ་ས་ཁཱ་ཧི། མ་ཧཱ་རཀྟ་ཁཱ་ཧི། མ་ཧཱ་ཀིཾ་ནྲྀ་ཏྱ་ཁཱ་ཧི། མ་ཧཱ་ཙིཏྟ་ཁཱ་ཧི། མ་ཧཱ་གོ་རོ་ཙ་ན་ཁཱ་ཧི། མཧཱ་ཙཀྵུ་ཁཱ་ཧི། མཧཱ་བ་སུ་ཏ་ཁཱ་ཧི། ཞེས་དམར་སྦྲེང་། ཕུར་སྐོར་བྱ། ཉ་བོ་བསྒྲལ། སྟོབ་བ་བྱ། གཏོར་མ་འབུལ། བྷྱོས་གདབ། བཅོལ་དམ་བྱའོ༔ རྒྱ་རྒྱ་རྒྱ༔ བཀའ་བརྒྱད་ཡོངས་རྫོགས་ལས། དུས་མིན་འཆི་བའི་འཇིགས་པ་ནད་གདོན་བར་ཆད་རྦོད་ཟོར་ལྟས་ངན་བཟློག་བྷྱོ༔ དེ་ནས་པདྨ་གསུང་གི་ལྷ་ཚོགས་ལ་བཟློག་པའི་འཕྲིན་ལས་བཅོལ་བ་ནི༔ ཧཱུཾ། བཅོམ་ལྡན་དཔལ་ཆེན་དབང་ཆེན་རྟ་མགྲིན་རྒྱལ༔ ཁམས་གསུམ་མ་ལུས་དབང་དུ་བསྡུ་བ་དང་༔ དམ་ཉམས་དགྲ་བགེགས་ཆགས་པའི་རྫས་ལ་རོལ༔ དབང་ཆེན་བགེགས་ཀྱི་ཚོགས་རྣམས་བཟློག་ཏུ་གསོལ༔ ཡུམ་ཆེན་པདྨ་གཟི་ལྡན་རལ་གཅིག་མ༔ དམ་ཉམས་དགྲ་བགེགས་རྩ་ཁྲག་སྙིང་ལ་རོལ༔ དབང་ཆེན་མོ་གདོན་ཚོགས་རྣམས་བཟློག་ཏུ་གསོལ༔ ལས་ཀྱི་རྒྱལ་པོ་བྱི་ལའི་མགོ་བོ་ཅན༔ དགྲ་བགེགས་གནོད་བྱེད་ཐམས་ཅད་འདིར་ཁུག་ལ༔ བསམ་སྦྱོར་ངན་པ་ཐམས་ཅད་བཟློག་ཏུ་གསོལ༔ ལས་ཀྱི་རྒྱལ་པོ་པུ་ཤུད་མགོ་བོ་ཅན༔ དམ་ཉམས་དགྲ་བགེགས་འབྱུང་བའི་བཅུད་སྡུས་ལ༔ གདུག་པའི་སྡང་སེམས་ངན་པ་བཟློག་ཏུ་གསོལ༔ ཡེ་ཤེས་ཟིལ་གནོན་ཁྲོ་བོ་ཆེན་པོ་ཡིས༔ ལྷ་ཡི་གདོན་ཚོགས་དབང་སྡུས་ཕོ་ཉ་བཟློག༔ ལས་ཀྱི་ཁྲོ་བོ་ཟིལ་གནོན་ཆེན་པོ་ཡིས༔ ལས་ཀྱི་ཁྲོ་བོ་དབང་སྡུས་ཕོ་ཉ་བཟློག༔ ཡེ་ཤེས་མ་མོ་ཟིལ་གནོན་ཆེན་མོ་ཡིས༔ མ་མོ་ཐམས་ཅད་དབང་སྡུས་ཕོ་ཉ་བཟློག༔ ཡེ་ཤེས་ཁྱུང་ཆེན་ཟིལ་གནོན་ཆེན་པོ་ཡིས༔ (༤༣ན)
ཁྱུང་རྣམས་དབང་སྡུས་ཀླུ་ཡི་ཕོ་ཉ་བཟློག༔ ཕོ་རྒྱུད་ཟིལ་གནོན་ཁྲོ་བོ་ཆེན་པོ་ཡིས༔ སྲིད་པ་ཕོ་རྒྱུད་དབང་སྡུས་ཕོ་ཉ་བཟློག༔ མོ་རྒྱུད་ཟིལ་གནོན་ཁྲོ་བོ་ཆེན་མོ་ཡིས༔ སྲིད་པ་མོ་རྒྱུད་དབང་སྡུས་ཕོ་ཉ་བཟློག༔ ཀླུ་རྣམས་དབང་སྡུད་ཁྲོ་བོ་ཆེན་པོ་ཡིས༔ ཀླུ་རྣམས་དབང་སྡུས་ས་བདག་ཀླུ་སྲིན་བཟློག༔ གཟའ་རྣམས་ཟིལ་གྱིས་གནོན་པའི་ཁྲོ་བོ་ཡིས༔ གཟའ་རྣམས་དབང་སྡུས་གཟའ་བདུད་མིང་སྲིང་བཟློག༔ ཟིལ་གནོན་ཁྲོ་མོ་ཆེན་མོ་མི་ཕམ་མས༔ ཡེ་ཤེས་ལྷ་མོ་དབང་སྡུས་ཕོ་ཉ་བཟློག༔ ཟིལ་གནོན་ཁྲོ་མོ་ཆེན་མོ་རལ་གཅིག་མས༔ ཡེ་ཤེས་ཁྲོ་མོ་དབང་སྡུས་ཕོ་ཉ་བཟློག༔ ཟིལ་གནོན་ཁྲོ་མོ་ཆེན་མོ་ཟ་བྱེད་མས༔ ཡེ་ཤེས་མ་མོ་དབང་སྡུས་ཕོ་ཉ་བཟློག༔ ཟིལ་གནོན་ཁྲོ་མོ་ཆེན་མོ་ཁྲོ་གཉེར་མས༔ ཀླུ་མོ་རྣམས་ཀྱི་ཕོ་ཉ་བཟློག་ཏུ་གསོལ༔ ཟིལ་གནོན་ཁྲོ་མོ་རྡོ་རྗེ་ལས་བྱེད་མས༔ ཤར་ཕྱོགས་རྡོ་རྗེ་རིགས་ཀྱི་ཕོ་ཉ་བཟློག༔ ཟིལ་གནོན་ཁྲོ་མོ་གཤིན་རྗེ་ལས་བྱེད་མས༔ ལྷོ་ཕྱོགས་གཤིན་རྗེའི་གདོན་ཚོགས་བཟློག་ཏུ་གསོལ༔ ཟིལ་གནོན་ཁྲོ་མོ་ཀླུ་མོ་ལས་བྱེད་མས༔ ཀླུ་རྣམས་དབང་སྡུས་ཕོ་ཉའི་གདོན་ཚོགས་བཟློག༔ ཟིལ་གནོན་ཁྲོ་མོ་གནོད་སྦྱིན་ལས་བྱེད་མས༔ གནོད་སྦྱིན་གདོན་རྣམས་དབང་སྡུས་ཕོ་ཉ་བཟློག༔ ཤར་གྱི་སྒོ་བས་དམ་ཉམས་སྙིང་ནས་དྲོངས༔ ཤར་གྱི་གདོན་ཚོགས་བཟློག་ཅིང་དགྲ་ལ་སྒྱུར༔ ལྷོ་ཡི་སྒོ་བས་དགྲ་བགེགས་ཡན་ལག་ཆིངས༔ ལྷོ་ཡི་གདོན་ཚོགས་བཟློག་ཅིང་དགྲ་ལ་སྒྱུར༔ ནུབ་ཀྱི་སྒོ་བས་དགྲ་བགེགས་དབང་པོ་སྡོམས༔ ནུབ་ཀྱི་གདོན་ཚོགས་བཟློག་ཅིང་དགྲ་ལ་སྒྱུར༔ བྱང་གི་སྒོ་བས་དགྲ་(༤༣བ)
བགེགས་སྲོག་ལུས་ཆོམས༔ བྱང་གི་གདོན་ཚོགས་བཟློག་ཅིང་དགྲ་ལ་སྒྱུར༔ བཀའ་ཡི་བསྟན་སྲུང་ཁམ་རྒྱ་དམུས་ལོང་དང་༔ དཔལ་གྱི་ཁྱི་སྤྱང་མེ་འབྲུག་རླུང་འབྲུག་རྣམས༔ དགྲ་བགེགས་འདི་ཡི་ཤ་ཁྲག་གློ་སྙིང་རོལ༔ གདུག་པའི་དགྲ་བགེགས་ཐམས་ཅད་བཟློག་ཏུ་གསོལ༔ ཧཱུཾ། དམར་ནག་གྲུ་གསུམ་འབར་བའི་དཀྱིལ་འཁོར་ནས༔ པདྨ་གསུང་གི་ལྷ་ཚོགས་འཁོར་དང་བཅས༔ དགྲ་ཤ་ཁྲག་གི་མཆོད་པ་འདི་བཞེས་ལ༔ དམ་ཉམས་འབྱུང་པོ་འདི་ལ་ད་རོལ་ཅིག༔ མ་ཧཱ་མཾ་ས་ཁཱ་ཧི༔ མ་ཧཱ་རཀྟ་ཁཱ་ཧི། མ་ཧཱ་ཀེཾ་ནྲྀ་ཏྱ་ཁཱ་ཧི། མ་ཧཱ་ཙིཏྟ་ཁཱ་ཧི། མ་ཧཱ་གོ་རོ་ཙ་ན་ཁཱ་ཧི། མ་ཧཱ་ཙཀྵུ་ཁཱ་ཧི། མ་ཧཱ་བ་སུ་ཏ་ཁཱ་ཧི། ཞེས་དམར་སྦྲེང་། ཕུར་སྐོར་བྱ། ཉ་བོ་བསྒྲལ། སྟོབ་པ་བྱ། གཏོར་མ་འབུལ། བྷྱོས་གདབ། བཅོལ་དམ་བྱའོ༔ རྒྱ་རྒྱ་རྒྱ། བཀའ་བརྒྱད་ཡོངས་རྫོགས་ལས། དུས་མིན་འཆི་བའི་འཇིགས་པ་ནད་གདོན་བར་ཆད་རྦོད་ཟོར་ལྟས་ངན་བཟློག་བྷྱོ༔ ཞེས་གསུངས་པ་སྦྱར། དེ་ནས་ཕུར་པ་འཕྲིན་ལས་ཀྱི་ལྷ་ཚོགས་ལ་བཟློག་པའི་འཕྲིན་ལས་བཅོལ་བ་ནི༔ ཧཱུཾ། ཁྲོ་མཆོག་རྡོ་རྗེ་གཞོན་ནུ་ཁྲོ་བོའི་རྒྱལ༔ རིགས་ཀྱི་ཁྲོ་རྒྱལ་ཐམས་ཅད་དབང་སྡུས་ལ༔ དམ་ཉམས་དགྲ་བགེགས་གཟུགས་ཕུང་རྣམ་ཤེས་རོལ༔ ཕྱོགས་བཞི་མཚམས་བརྒྱད་སྟེང་འོག་གཉིས་དང་བཅུ༔ ཀུན་ནས་གནོད་པའི་དགྲ་བགེགས་ཐམས་ཅད་བཟློག༔ ཡུམ་ཆེན་ཁྲོ་མོ་འཁོར་ལོ་རྒྱས་འདེབས་མས༔ འཁོར་བའི་རྒྱུན་ཆོད་སྐྱེ་མེད་རྒྱ་ཡིས་ཐོད༔ དམ་ཉམས་དགྲ་བགེགས་བཀྲག་ལ་ད་རོལ་ལ༔ བཟློག་ཅིང་བསྒྱུར་བའི་འཕྲིན་ལས་དུས་ལ་བབ༔ ཤར་གྱི་སྲས་(༤༤ན)
མཆོག་བཛྲ་ཀཱི་ལཱ་ཡས༔ དམ་ཉམས་དགྲ་བགེགས་ཤ་ཁྲག་འདི་རོལ་ལ༔ ཤར་གྱི་དགྲ་བགེགས་ཐམས་ཅད་ཞི་བས་བཟློག༔ ལྷོ་ནས་སྲས་མཆོག་རཏྣ་ཀཱི་ལཱ་ཡས༔ དམ་ཉམས་དགྲ་བགེགས་ཤ་ཁྲག་འདི་རོལ་ལ༔ ལྷོ་ཡི་དགྲ་བགེགས་ཐམས་ཅད་རྒྱས་པས་བཟློག༔ ནུབ་ཕྱོགས་སྲས་མཆོག་པདྨ་ཀཱི་ལཱ་ཡས༔ དམ་ཉམས་དགྲ་བགེགས་ཤ་ཁྲག་འདི་རོལ་ལ༔ ནུབ་ཀྱི་དགྲ་བགེགས་ཐམས་ཅད་དབང་གིས་བཟློག༔ བྱང་གི་སྲས་མཆོག་ཀརྨ་ཀཱི་ལཱ་ཡས༔ དམ་ཉམས་དགྲ་བགེགས་ཤ་ཁྲག་འདི་རོལ་ལ༔ བྱང་གི་དགྲ་བགེགས་ཐམས་ཅད་དྲག་པོས་བཟློག༔ རྣམ་པར་རྒྱལ་བས་དགྲ་ཤ་འདི་རོལ་ལ༔ དྲི་ཟའི་དམག་ཚོགས་བཟློག་ཅིང་དགྲ་ལ་སྒྱུར༔ དབྱུག་པ་སྔོན་པོས་དགྲ་ཤ་འདི་རོལ་ལ༔ དྲང་སྲོང་དམག་ཚོགས་བཟློག་ཅིང་དགྲ་ལ་སྒྱུར༔ གཤིན་རྗེ་གཤེད་པོས་དགྲ་ཤ་འདི་རོལ་ལ༔ གཤིན་རྗེའི་དམག་ཚོགས་བཟློག་ཅིང་དགྲ་ལ་སྒྱུར༔ མི་གཡོ་མགོན་པོས་དགྲ་ཤ་འདི་རོལ་ལ༔ སྲིན་པོའི་དམག་ཚོགས་བཟློག་ཅིང་དགྲ་ལ་སྒྱུར༔ རྟ་མགྲིན་རྒྱལ་པོས་དགྲ་ཤ་འདི་རོལ་ལ༔ ཀླུ་ཡི་དམག་ཚོགས་བཟློག་ཅིང་དགྲ་ལ་སྒྱུར༔ གཞན་གྱིས་མི་ཐུབ་དགྲ་ཤ་འདི་རོལ་ལ༔ རླུང་ལྷའི་དམག་ཚོགས་བཟློག་ཅིང་དགྲ་ལ་སྒྱུར༔ བདུད་རྩི་འཁྱིལ་པས་དགྲ་ཤ་འདི་རོལ་ལ༔ གནོད་སྦྱིན་དམག་ཚོགས་བཟློག་ཅིང་དགྲ་ལ་སྒྱུར༔ ཁམས་གསུམ་རྣམ་རྒྱལ་དགྲ་ཤ་འདི་རོལ་ལ༔ དབང་ལྡན་དམག་ཚོགས་བཟློག་ཅིང་དགྲ་ལ་སྒྱུར༔ ཧཱུཾ་ཆེན་རྒྱལ་པོས་དགྲ་ཤ་འདི་རོལ་ལ༔ ཚངས་པའི་དམག་ཚོགས་བཟློག་ཅིང་དགྲ་ལ་སྒྱུར༔ སྟོབས་(༤༤བ)
ཆེན་རྒྱལ་པོས་དགྲ་ཤ་འདི་རོལ་ལ༔ ས་བདག་དམག་ཚོགས་བཟློག་ཅིང་དགྲ་ལ་སྒྱུར༔ རྡོ་རྗེ་སྙེམས་མས་དགྲ་ཡི་ཁྲག་ལ་རོལ༔ ཤར་གྱི་ཕྱོགས་ཀྱི་དགྲ་བགེགས་སྒྲོལ་ཞིང་བཟློག༔ རྡོ་རྗེ་སྡེར་མོས་དགྲ་ཡི་ཁྲག་ལ་རོལ༔ ཤར་ལྷོ་མཚམས་ཀྱི་དགྲ་བགེགས་སྒྲོལ་ཞིང་བཟློག༔ དུར་ཁྲོད་བདག་མོས་དགྲ་ཡི་ཁྲག་ལ་རོལ༔ ལྷོ་ཡི་ཕྱོགས་ཀྱི་དགྲ་བགེགས་སྒྲོལ་ཞིང་བཟློག༔ རྡོ་རྗེ་གཏུན་ཁུང་དགྲ་ཡི་ཁྲག་ལ་རོལ༔ ལྷོ་ནུབ་མཚམས་ཀྱི་དགྲ་བགེགས་སྒྲོལ་ཞིང་བཟློག༔ རྡོ་རྗེ་གཏུམ་མོས་དགྲ་ཡི་ཁྲག་ལ་རོལ༔ ནུབ་ཀྱི་ཕྱོགས་ཀྱི་དགྲ་བགེགས་སྒྲོལ་ཞིང་བཟློག༔ རྡོ་རྗེ་མདའ་སྙེམས་དགྲ་ཡི་ཁྲག་ལ་རོལ༔ ནུབ་བྱང་མཚམས་ཀྱི་དགྲ་བགེགས་སྒྲོལ་ཞིང་བཟློག༔ རྡོ་རྗེ་རླུང་འབྱིན་དགྲ་ཡི་ཁྲག་ལ་རོལ༔ བྱང་གི་ཕྱོགས་ཀྱི་དགྲ་བགེགས་སྒྲོལ་ཞིང་བཟློག༔ རྡོ་རྗེ་གསོད་བྱེད་དགྲ་ཡི་ཁྲག་ལ་རོལ༔ བྱང་ཤར་མཚམས་ཀྱི་དགྲ་བགེགས་སྒྲོལ་ཞིང་བཟློག༔ རྡོ་རྗེ་སྒྲ་འབྱིན་དགྲ་ཡི་ཁྲག་ལ་རོལ༔ སྟེང་གི་ཕྱོགས་ཀྱི་དགྲ་བགེགས་སྒྲོལ་ཞིང་བཟློག༔ རྡོ་རྗེ་སྐུལ་བྱེད་དགྲ་ཡི་ཁྲག་ལ་རོལ༔ འོག་གི་ཕྱོགས་ཀྱི་དགྲ་བགེགས་སྒྲོལ་ཞིང་བཟློག༔ རྡོ་རྗེ་ཕྲ་མེན་སྟག་གི་མགོ་བོ་ཅན༔ ཏི་ར་ཐོགས་ནས་ཟ་ཞིང་རྒྱུག་པར་བྱེད༔ ཅིར་ཡང་བསྒྱུར་བའི་མཚོན་ཆ་ཐོགས་ནས་ནི༔ ཁྲོ་བོའི་བཀའ་བཞིན་རང་གི་ལས་བྱེད་པ༔ འཕྲིན་ལས་ཤར་གྱི་དགྲ་བགེགས་བཟློག་ཏུ་གསོལ༔ རྡོ་རྗེ་ཕྲ་མེན་གཡག་གི་མགོ་བོ་ཅན༔ རྒྱུ་མ་ཐོགས་ནས་ཟ་ཞིང་རྒྱུག་པར་བྱེད༔ ཅིར་ཡང་བསྒྱུར་བའི་མཚོན་ཆ་ཐོགས་ནས་ནི༔ ཁྲོ་བོའི་བཀའ་(༤༥ན)
བཞིན་རང་གི་ལས་བྱེད་པ༔ འཕྲིན་ལས་ཤར་ལྷོའི་དགྲ་བགེགས་བཟློག་ཏུ་གསོལ༔ རྡོ་རྗེ་ཕྲ་མེན་ཤ་བའི་མགོ་བོ་ཅན༔ ཞིང་ཆེན་ཐོགས་ནས་ཟ་ཞིང་རྒྱུག་པར་བྱེད༔ ཅིར་ཡང་བསྒྱུར་བའི་མཚོན་ཆ་ཐོགས་ནས་ནི༔ ཁྲོ་བོའི་བཀའ་བཞིན་རང་གི་ལས་བྱེད་པ༔ འཕྲིན་ལས་ལྷོ་ཡི་དགྲ་བགེགས་བཟློག་ཏུ་གསོལ༔ རྡོ་རྗེ་ཕྲ་མེན་གཟིག་གི་མགོ་བོ་ཅན༔ ཙིཏྟ་ཐོགས་ནས་ཟ་ཞིང་རྒྱུག་པར་བྱེད༔ ཅིར་ཡང་བསྒྱུར་བའི་མཚོན་ཆ་ཐོགས་ནས་ནི༔ ཁྲོ་བོའི་བཀའ་བཞིན་རང་གི་ལས་བྱེད་པ༔ འཕྲིན་ལས་ལྷོ་ནུབ་དགྲ་བགེགས་བཟློག་ཏུ་གསོལ༔ རྡོ་རྗེ་ཕྲ་མེན་བྱི་ལའི་མགོ་བོ་ཅན༔ ཀླད་ཁྲག་ཐོགས་ནས་ཟ་ཞིང་རྒྱུག་པར་བྱེད༔ ཅིར་ཡང་བསྒྱུར་བའི་མཚོན་ཆ་ཐོགས་ནས་ནི༔ ཁྲོ་བོའི་བཀའ་བཞིན་རང་གི་ལས་བྱེད་པ༔ འཕྲིན་ལས་ནུབ་ཕྱོགས་དགྲ་བགེགས་བཟློག་ཏུ་གསོལ༔ རྡོ་རྗེ་ཕྲ་མེན་སྤྱང་ཀིའི་མགོ་བོ་ཅན༔ ཤ་ཆེན་ཐོགས་ནས་ཟ་ཞིང་རྒྱུག་པར་བྱེད༔ ཅིར་ཡང་བསྒྱུར་བའི་མཚོན་ཆ་ཐོགས་ནས་ནི༔ ཁྲོ་བོའི་བཀའ་བཞིན་རང་གི་ལས་བྱེད་པ༔ འཕྲིན་ལས་ནུབ་བྱང་དགྲ་བགེགས་བཟློག་ཏུ་གསོལ༔ རྡོ་རྗེ་ཕྲ་མེན་སེང་གེའི་མགོ་བོ་ཅན༔ ཞིང་ཆེན་ཐོགས་ནས་ཟ་ཞིང་རྒྱུག་པར་བྱེད༔ ཅིར་ཡང་བསྒྱུར་བའི་མཚོན་ཆ་ཐོགས་ནས་ནི༔ ཁྲོ་བོའི་བཀའ་བཞིན་རང་གི་ལས་བྱེད་པ༔ འཕྲིན་ལས་བྱང་གི་དགྲ་བགེགས་བཟློག་ཏུ་གསོལ༔ རྡོ་རྗེ་ཕྲ་མེན་དོམ་གྱི་མགོ་བོ་ཅན༔ རྐང་གཟུག་ཐོགས་ནས་ཟ་ཞིང་རྒྱུག་པར་བྱེད༔ ཅིར་ཡང་བསྒྱུར་བའི་མཚོན་ཆ་ཐོགས་ནས་ནི༔ ཁྲོ་བོའི་བཀའ་བཞིན་རང་གི་ལས་བྱེད་པ༔ (༤༥བ)
འཕྲིན་ལས་བྱང་ཤར་དགྲ་བགེགས་བཟློག་ཏུ་གསོལ༔ རྡོ་རྗེ་ཕ་མེན་ཕག་གི་མགོ་བོ་ཅན༔ ལག་གཟུག་ཐོགས་ནས་ཟ་ཞིང་རྒྱུག་པར་བྱེད༔ ཅིར་ཡང་བསྒྱུར་བའི་མཚོན་ཆ་ཐོགས་ནས་ནི༔ ཁྲོ་བོའི་བཀའ་བཞིན་རང་གི་ལས་བྱེད་པ༔ འཕྲིན་ལས་སྟེང་གི་དགྲ་བགེགས་བཟློག་ཏུ་གསོལ༔ རྡོ་རྗེ་ཕྲ་མེན་དྲེད་ཀྱི་མགོ་བོ་ཅན༔ ལྷུ་གཟུག་ཐོགས་ནས་ཟ་ཞིང་རྒྱུག་པར་བྱེད༔ ཅིར་ཡང་བསྒྱུར་བའི་མཚོན་ཆ་ཐོགས་ནས་ནི༔ ཁྲོ་བོའི་བཀའ་བཞིན་རང་གི་ལས་བྱེད་པ༔ འཕྲིན་ལས་འོག་གི་དགྲ་བགེགས་བཟློག་ཏུ་གསོལ༔ ཕྲ་མེན་བྱ་རྒོད་མགོ་ཅན་མགྱོགས་པའི་གཟུགས༔ ཤར་གྱི་དགྲ་བགེགས་ཐམས་ཅད་སྦྱར་ཞིང་བཟློག༔ ཕྲ་མེན་བྱ་རོག་མགོ་ཅན་རིག་པའི་སྐུ༔ ཤར་ལྷོའི་དགྲ་བགེགས་ཐམས་ཅད་སྒྱུར་ཞིང་བཟློག༔ ཕྲ་མེན་འུག་པའི་མགོ་ཅན་ཤེས་རབ་ཅན༔ ལྷོ་ཕྱོགས་དགྲ་བགེགས་ཐམས་ཅད་སྒྱུར་ཞིང་བཟློག༔ ཕྲ་མེན་ཁྭ་དའི་མགོ་ཅན་སྒྲིབ་ཤིང་ཅན༔ ལྷོ་ནུབ་དགྲ་བགེགས་ཐམས་ཅད་སྒྱུར་ཞིང་བཟློག༔ ཕྲ་མེན་པུ་ཤུད་མགོ་ཅན་མིག་ཚིལ་ཅན༔ ནུབ་ཕྱོགས་དགྲ་བགེགས་ཐམས་ཅད་སྒྱུར་ཞིང་བཟློག༔ ཕྲ་མེན་མགྱོགས་མ་ཁྲ་ཡི་མགོ་བོ་ཅན༔ ནུབ་བྱང་དགྲ་བགེགས་ཐམས་ཅད་སྒྱུར་ཞིང་བཟློག༔ ཕྲ་མེན་ཕ་ཝང་མགོ་ཅན་ཐབས་ལ་མཁས༔ བྱང་གི་དགྲ་བགེགས་ཐམས་ཅད་སྒྱུར་ཞིང་བཟློག༔ ཕྲ་མེན་གསོད་བྱེད་སྲེ་མོའི་མགོ་བོ་ཅན༔ བྱང་ཤར་དགྲ་བགེགས་ཐམས་ཅད་སྒྱུར་ཞིང་བཟློག༔ ཕྲ་མེན་རྨིགས་བུའི་མགོ་ཅན་ས་ལ་སྤྱོད༔ སྟེང་ཕྱོགས་དགྲ་བགེགས་(༤༦ན)
ཐམས་ཅད་སྒྱུར་ཞིང་བཟློག༔ ཕྲ་མེན་སྒྲོལ་བྱེད་བྱི་ལའི་མགོ་བོ་ཅན། འོག་ཕྱོགས་དགྲ་བགེགས་ཐམས་ཅད་སྒྱུར་ཞིང་བཟློག༔ ཤར་གྱི་སྒོ་བ་པུ་ཤུད་མགོ་བོ་ཅན༔ ཤར་གྱི་དགྲ་བགེགས་ཐམས་ཅད་བསྒྱུར་དུ་གསོལ༔ ལྷོ་ཡི་སྒོ་བ་སྐྱེ་ཁའི་མགོ་བོ་ཅན༔ ལྷོ་ཕྱོགས་དགྲ་བགེགས་ཐམས་ཅད་བསྒྱུར་དུ་གསོལ༔ ནུབ་ཀྱི་སྒོ་མ་སྲིན་བྱའི་མགོ་བོ་ཅན༔ ནུབ་ཀྱི་དགྲ་བགེགས་ཐམས་ཅད་བསྒྱུར་དུ་གསོལ༔ བྱང་གི་སྒོ་བ་ཁྲ་ཡི་མགོ་བོ་ཅན༔ བྱང་གི་དགྲ་བགེགས་ཐམས་ཅད་བསྒྱུར་དུ་གསོལ༔ བཀའ་ཡི་བསྟན་སྲུང་མ་མོ་བཅུ་གཉིས་ཀྱང་༔ དམ་ཉམས་དགྲ་བགེགས་ཤ་ཁྲག་འདི་རོལ་ལ༔ དཔལ་གྱི་བཀའ་བཞིན་ལས་ཀྱི་དགྲ་བགེགས་སྒྲོལ༔ བསེ་ལྕགས་དུང་གསུམ་གྱང་ཆེན་གིང་ལ་སོགས༔ བཀའ་ཡི་བསྟན་སྲུང་ཕོ་བདུད་བཅུ་གཉིས་ཀྱང་༔ དམ་ཉམས་དགྲ་བགེགས་ཤ་ཁྲག་འདི་རོལ་ལ༔ དཔལ་གྱི་བཀའ་བཞིན་ལས་ཀྱི་དགྲ་བགེགས་སྒྲོལ༔ ཧཱུཾ་གྲུ་གསུམ་ལྗང་ནག་འབར་བའི་དཀྱིལ་འཁོར་ནས༔ ཕུར་པ་འཕྲིན་ལས་ལྷ་ཚོགས་འཁོར་དང་བཅས༔ དགྲ་ཤ་ཁྲག་གི་མཆོད་པ་འདི་བཞེས་ལ༔ དམ་ཉམས་འབྱུང་པོ་འདི་ལ་ད་རོལ་ཅིག༔ མ་ཧཱ་མཾ་ས་ཁཱ་ཧི༔ མ་ཧཱ་རཀྟ་ཁཱ་ཧི། མ་ཧཱ་ཀ་ནྲྀ་ཏྱ་ཁཱ་ཧི། མ་ཧཱ་ཙིཏྟ་ཁཱ་ཧི། མ་ཧཱ་གོ་རོ་ཙ་ན་ཁཱ་ཧི། མ་ཧཱ་ཙཀྵུ་ཁཱ་ཧི། མ་ཧཱ་བ་སུ་ཏ་ཁཱ་ཧི། ཞེས་དམར་སྦྲེང་། ཕུར་སྐོར་བྱ། ཉ་བོ་བསྒྲལ། སྟོབ་པ་བྱ། གཏོར་མ་འབུལ། བྷྱོས་གདབ་བཅོལ་དམ་བྱའོ༔ རྒྱ་རྒྱ་རྒྱ། བཀའ་བརྒྱད་ཡོངས་རྫོགས་ལས། དུས་མིན་འཆི་བའི་འཇིགས་པ་ནད་(༤༦བ)
གདོན་བར་ཆད་རྦོད་ཟོར་ལྟས་ངན་བཟློག་བྷྱོ༔ ཞེས་གསུངས་པ་སྦྱར། དེ་ནས་མ་མོ་རྦོད་གཏོང་གི་ལྷ་ཚོགས་ལ་བཟློག་པའི་འཕྲིན་ལས་བཅོལ་བ་ནི༔ ཧཱུཾ། བཅོམ་ལྡན་དཔལ་ཆེན་བླ་མེད་ཧེ་རུ་ཀ༔ སྲིད་པའི་མ་མོ་ཐམས་ཅད་ཟིལ་གྱིས་གནོན༔ དམ་ཉམས་དགྲ་བགེགས་རྣམ་ཤེས་ད་རོལ་ལ༔ མ་མོ་མཁའ་འགྲོའི་དམག་དཔུང་དགྲ་ལ་བཟློག༔ གསང་བའི་ཡུམ་ཆེན་ཀུན་ཏུ་བཟང་མོ་ནི༔ མ་མོ་ཐམས་ཅད་དབང་སྡུས་དགྲ་སེམས་རོལ༔ སྲིད་པ་མ་མོའི་གདུག་རྩུབ་དགྲ་ལ་བཟློག༔ རྟག་པའི་རྒྱལ་མོ་མ་མོ་རྣམ་སྣང་གསལ༔ དམ་ཉམས་དགྲ་བགེགས་ཤ་ལ་ད་རོལ་ལ༔ རྡོ་རྗེ་མཁའ་འགྲོའི་དམག་དཔུང་དགྲ་ལ་བཟློག༔ རྟག་པའི་རྒྱལ་མོ་མ་མོ་འོད་གསལ་འབར༔ དམ་ཉམས་དགྲ་བགེགས་དྲོད་ལ་ད་རོལ་ལ༔ རིན་ཅེན་མཁའ་འགྲོའི་དམག་དཔུང་དགྲ་ལ་བཟློག༔ རྟག་པའི་རྒྱལ་མོ་མ་མོ་གཉེན་གསལ་མ༔ དམ་ཉམས་དགྲ་བགེགས་ཁྲག་ལ་ད་རོལ་ལ༔ པདྨ་མཁའ་འགྲོའི་དམག་དཔུང་དགྲ་ལ་བཟློག༔ རྟག་པའི་རྒྱལ་མོ་མ་མོ་ཡང་གསལ་གཡོས༔ དམ་ཉམས་དགྲ་བགེགས་དབུགས་ལ་ད་རོལ་ལ༔ ལས་ཀྱི་མཁའ་འགྲོའི་དམག་དཔུང་དགྲ་ལ་བཟློག༔ རྟག་པའི་རྒྱལ་མོ་མ་མོ་བཀྲག་གསལ་མཉམ༔ དམ་ཉམས་དགྲ་བགེགས་བཀྲག་ལ་ད་རོལ་ལ༔ ཡེ་ཤེས་མཁའ་འགྲོའི་དམག་དཔུང་དགྲ་ལ་བཟློག༔ སྲིད་པ་བདེ་འགྲོ་ཁམས་གསུམ་ཡུམ་མཆོག་མ༔ ཕྲ་མེན་རྒྱ་མཚོ་ཆེན་མོ་གསང་བའི་ཡུམ༔ སྣང་སྲིད་ལྷ་འདྲེའི་དམག་དཔུང་དགྲ་ལ་བཟློག༔ དཔག་བསམ་ཤིང་གི་ཡལ་(༤༧ན)
ག་ཆེན་པོ་ལ༔ མ་གཅིག་ཉི་ཟླ་སྟོང་གི་ཐོད་འཕྲེང་ཅན༔ སྲིད་པའི་གཟའ་སྐར་དམག་དཔུང་དགྲ་ལ་བཟློག༔ རྡོ་རྗེ་ཉི་མ་ཁྲོས་པའི་དབང་མོ་ཆེ༔ ཁམས་གསུམ་མ་ལུས་ཐམས་ཅད་གསལ་མཛད་མ༔ བཟློག་ཅིག་རྡོ་རྗེ་རིགས་ཀྱི་ཕོ་ཉས་བཟློག༔ ཁམས་གསུམ་འཚོ་བྱེད་ཁྲོས་པའི་དབང་མོ་ཆེ༔ ཁམས་གསུམ་ཐམས་ཅད་གསལ་བར་སྦྱོར་མཛད་མ༔ བཟློག་ཅིག་རིན་ཅེན་རིགས་ཀྱི་ཕོ་ཉས་བཟློག༔ པདྨ་ཁྲག་འཐུང་ཁྲོས་པའི་དབང་མོ་ཆེ༔ ཁམས་གསུམ་ཐམས་ཅད་དབང་དུ་བསྡུ་མཛད་མ༔ བཟློག་ཅིག་པདྨ་རིགས་ཀྱི་ཕོ་ཉས་བཟློག༔ སྲིད་པ་བདེ་སྦྱོར་ཁྲོས་པའི་དབང་མོ་ཆེ༔ སྲིད་པ་གསུམ་པོ་ཐམས་ཅད་བདེ་ལ་འཁོད༔ བཟློག་ཅིག་ལས་ཀྱི་རིགས་ཀྱི་ཕོ་ཉས་བཟློག༔ སྣང་སྲིད་ཀུན་གྱིས་རྒྱན་མཛད་རྒྱན་གྱིས་བརྒྱན༔ རྒྱལ་ཁམས་ཡོངས་ལ་དབང་སྒྱུར་མཐུ་མོ་ཆེ༔ རྒྱན་དང་ཤོ་རྡེ་ཁྲམ་ཁ་དགུ་ལ་སྒྱུར༔ བཟློག་སྒྱུར་བྱེད་པའི་བདག་ཉིད་ཆེན་མོ་ནི༔ བཟློག་སྒྱུར་བྱེད་ཅིང་བདག་ཉིད་ལྷག་ལྷག་བཞད༔ རྒོད་པའི་སྟོབས་ཀྱིས་བཟློག་ཅིང་སྒྱུར་དུ་གསོལ༔ དབྱིངས་ནས་དབྱིངས་ཕྱུག་རྒྱལ་མོ་ཆེན་མོ་ཡིས༔ དབྱིངས་དང་ཡེ་ཤེས་གཉིས་སུ་མེད་པར་སྦྱོར༔ དབྱིངས་ནས་བཟློག་བསྒྱུར་ཆེན་མོ་མཛད་དུ་གསོལ༔ ཁམས་གསུམ་ཀུན་ཏུ་རྒྱུག་ཅིང་འགྲོ་བ་མོ༔ གཅིག་པུ་ཡུམ་མཆོག་རྒྱལ་མོ་ཆེན་མོ་ཡིས༔ མི་མཐུན་དགྲ་བགེགས་བཟློག་པའི་དུས་ལ་བབ༔ ཤར་གྱི་ཕྱོགས་ནས་དཀར་མོ་སྤྱན་གཅིག་མ༔ དམ་ཉམས་དགྲ་ཡི་རུས་པ་འདི་རོལ་ལ༔ (༤༧བ)
ཤར་གྱི་ཕྱོགས་ཀྱི་དགྲ་བགེགས་མ་ལུས་བཟློག༔ ལྷོ་ཡི་ཕྱོགས་ནས་ནག་མོ་མཆེ་བ་ཅན༔ དམ་ཉམས་དགྲ་བགེགས་ཤ་ཁྲག་འདི་རོལ་ལ༔ ལྷོ་ཡི་ཕྱོགས་ཀྱི་དགྲ་བགེགས་མ་ལུས་བཟློག༔ ནུབ་ཀྱི་ཕྱོགས་ནས་དམར་མོ་དབང་སྡུད་མ༔ དམ་ཉམས་དགྲ་བགེགས་ཤ་ཁྲག་ད་རོལ་ལ༔ ནུབ་ཀྱི་ཕྱོགས་ཀྱི་དགྲ་བགེགས་མ་ལུས་བཟློག༔ བྱང་གི་ཕྱོགས་ནས་སེར་མོ་རྐང་བལྡག་མ༔ དམ་ཉམས་དགྲ་བགེགས་དབུགས་ལ་ད་རོལ་ལ༔ བྱང་གི་ཕྱོགས་ཀྱི་དགྲ་བགེགས་མ་ལུས་བཟློག༔ སྲིད་པ་གསུམ་པོ་བྷྱོ་བཟློག་བྱེད་པ་མོ༔ སྲིད་པ་ཆགས་བྱེད་མ་མོ་ཆེན་མོ་ཡིས༔ དམ་ཉམས་དགྲ་བགེགས་ལྟེ་བར་ད་རོལ་ལ༔ སྲིད་པ་ལྷ་འདྲེའི་དམག་དཔུང་དགྲ་ལ་བཟློག༔ སྲིད་པ་ཆ་སྙོམས་མ་མོ་ཆེན་མོ་ནི༔ སྲིད་པ་གསུམ་པོ་བསྐོས་ལ་འདེབས་པ་མོ༔ དམ་ཉམས་དགྲ་བོའི་ཕོ་བར་ད་རོལ་ལ༔ སྲིད་གསུམ་གདུག་པའི་དམག་དཔུང་བཟློག་ཏུ་གསོལ༔ རྣལ་འབྱོར་དགྲ་ལྷ་ཙ་ཏི་རལ་གཅིག་མ༔ རྣལ་འབྱོར་ལས་ཀྱི་དགྲ་བགེགས་མ་ལུས་བཟློག༔ བསྟན་སྲུང་ལས་བྱེད་ཨེ་ཀ་ཛཱ་ཊཱི་མ༔ བསྟན་པའི་རུ་དྲ་ཐམས་ཅད་དགྲ་ལ་བཟློག༔ བདུད་ཀྱི་ཡུམ་ལ་གཤིན་རྗེའི་ལྕམ་གཅིག་མ༔ མི་ནད་ཕྱུགས་ནད་ཐམས་ཅད་རྒྱུན་ཆོད་ལ༔ བདུད་དང་གཤིན་རྗེའི་ཆོ་འཕྲུལ་དགྲ་ལ་བཟློག༔ མདོག་བཟང་ནག་མོ་གྲུབ་པའི་རྣལ་འབྱོར་མ༔ ནག་མོའི་ཚོགས་ཀྱི་དམག་དཔུང་དགྲ་ལ་བཟློག༔ མདོག་བཟང་སྔོན་མོ་ལྷ་མོ་རྣལ་འབྱོར་མ༔ སྔོན་མོའི་ཚོགས་ཀྱི་དམག་དཔུང་དགྲ་ལ་བཟློག༔ མདོག་བཟང་དཀར་(༤༨ན)
མོ་གླིང་བཞི་སྤྱི་འགྲོ་མ༔ དཀར་མོའི་ཚོགས་གིས་དམག་དཔུང་དགྲ་ལ་བཟློག །མདོག་བཟང་སྲིན་མོ་རིན་ཅེན་ལས་བྱེད་མ༔ སྲིན་མོའི་ཚོགས་ཀྱི་དམག་དཔུང་དགྲ་ལ་བཟློག༔ དབུ་བརྒྱན་སྤྱན་སྟོང་ལྡན་པའི་གར་དབང་མ༔ སྟོང་ཕྲག་བརྒྱད་ཅུའི་དམག་དཔུང་དགྲ་ལ་བཟློག༔ པདྨ་གར་དབང་ས་བདག་པད་མ་འཕྲེང་༔ ས་བདག་གདོན་གྱི་དམག་དཔུང་དགྲ་ལ་བཟློག༔ ཤར་གྱི་མ་མོ་དཀར་མོ་མཆེ་གཙིགས་མ༔ དཀར་མོ་འབུམ་སྡེའི་དམག་དཔུང་དགྲ་ལ་བཟློག༔ ལྷོ་ཡི་ནག་མོ་ཆེན་མོ་ཁ་འཕྱུང་མ༔ ནག་མོ་འབུམ་སྡེའི་དམག་དཔུང་དགྲ་ལ་བཟློག༔ ནུབ་ཀྱི་དམར་མོ་ཆེན་མོ་མཆུ་འཇིབ་མ༔ དམར་མོ་འབུམ་སྡེའི་དམག་དཔུང་དགྲ་ལ་བཟློག༔ བྱང་གི་སེར་མོ་ཆེན་མོ་རྐང་བལྡག་མ༔ སེར་མོ་འབུམ་སྡེའི་དམག་དཔུང་དགྲ་ལ་བཟློག༔ ཧར་ཏིང་དཀར་མོ་བྱང་ཤར་གྲུ་འདེགས་མ༔ བྱང་ཤར་གདོན་གྱི་དམག་དཔུང་དགྲ་ལ་བཟློག༔ དུན་ཏིང་ནག་མོ་ཤར་ལྷོ་གྲུ་འདེགས་མ༔ ཤར་ལྷོ་གདོན་གྱི་དམག་དཔུང་དགྲ་ལ་བཟློག༔ ཤན་ཏིང་དམར་མོ་ལྷོ་ནུབ་གྲུ་འདེགས་མ༔ ལྷོ་ནུབ་གདོན་གྱི་དམག་དཔུང་དགྲ་ལ་བཟློག༔ གྲུམ་ཏིང་སེར་མོ་ནུབ་བྱང་གྲུ་འདེགས་མ༔ ནུབ་བྱང་གདོན་གྱི་དམག་དཔུང་དགྲ་ལ་བཟློག༔ རྒྱ་མཚོ་ཆེན་པོ་རབ་འབྱམས་དཀྱིལ་འཁོར་ནས༔ དཔལ་ལྡན་ཤུགས་འགྲོ་དྲུག་ཅུས་དགྲ་བགེགས་བཟློག༔ ཁྲོ་གཏུམ་རྔམས་པའི་དཀྱིལ་འཁོར་ཆེན་པོ་ནས༔ མཛེས་ཚུལ་འགྲོ་བྱེད་རྣམས་ཀྱིས་དགྲ་བགེགས་བཟློག༔ ནམ་མཁའ་ཡངས་པའི་དཀྱིལ་འཁོར་ཆེན་པོ་ནས༔ བདུད་བགེགས་ཀུན་འདུལ་(༤༨བ)
མ་ཡི་དགྲ་བགེགས་བཟློག༔ དབང་ཕྱུག་ཆེན་པོ་རྔམས་པའི་དཀྱིལ་འཁོར་ནས༔ ལྕགས་ཀྱུ་འཕྲོ་འདུ་མ་ཡིས་དགྲ་བགེགས་བཟློག༔ གླིང་བཞི་མགྱོགས་མ་ལྷ་ཡི་སྲིང་མོ་སྟེ༔ ལྷ་ཆེན་མ་ཧཱ་དེ་བའི་བཀའ་སྒྱུར་ལ༔ ལྷ་ཡི་ཆད་པ་དམ་ཉམས་དགྲ་ལ་བཟློག༔ མཁའ་ལ་ཁྱུང་ལྡིང་གཤིན་རྗེའི་སྲིང་མོ་སྟེ༔ གཤིན་རྗེ་ཆོས་ཀྱི་རྒྱལ་པོའི་བཀའ་སྒྱུར་ལ༔ གཤིན་རྗེའི་ཆད་པ་དམ་ཉམས་དགྲ་ལ་བཟློག༔ དམར་མོ་གཡག་ཐོད་ཀླུ་ཡི་སྲིང་མོ་སྟེ༔ ཀླུ་རྒྱལ་འཇོག་པོ་ཆེན་པོའི་བཀའ་སྒྱུར་ལ༔ ཀླུ་ཡི་ཆད་པ་དམ་ཉམས་དགྲ་ལ་བཟློག༔ ནག་མོ་སྡེར་ཆེན་གནོད་སྦྱིན་སྲིང་མོ་སྟེ༔ གནོད་སྦྱིན་གང་བ་བཟང་པོའི་བཀའ་སྒྱུར་ལ༔ གནོད་སྦྱིན་ཆད་པ་དམ་ཉམས་དགྲ་ལ་བཟློག༔ དཀར་མོ་ཆེན་མོ་དབུ་དགུ་རྒྱལ་པོའི་སྲིད༔ ཤར་ཕྱོགས་གིང་ཆེན་སྲོག་བདག་བཀའ་སྒྱུར་ལ༔ བརྒྱལ་ནད་སྨྱོ་འབོག་དམ་ཉམས་དགྲ་ལ་ཐོང་༔ མཚོ་སྨན་རྒྱལ་མོ་ཆེན་མོ་དཔལ་མོ་ལྡན༔ ས་བདག་གཉན་གྱི་གདོན་ཚོགས་བཀའ་སྒྱུར་ལ༔ མཛེ་ནད་སྣ་དགུ་དམ་ཉམས་དགྲ་ལ་ཐོད༔ སྲིད་པའི་བུ་མོ་ལས་མཁན་མཐུ་མོ་ཆེ༔ ཐེའུ་རང་ཧལ་པོ་ཆེ་ཡི་བཀའ་སྒྱུར་ལ༔ རིམས་ནད་ཡམས་ནད་དམ་ཉམས་དགྲ་ལ་ཐོད༔ དུར་ཁྲོད་གནས་པའི་མ་མོ་ཙ་མུན་ཏྲི༔ བཙན་རྒོད་ཡམས་ཤུད་དམར་པོའི་བཀའ་སྒྱུར་ལ༔ མཁྲིས་པ་ཤ་ཡ་དམ་ཉམས་དགྲ་ལ་ཐོད༔ སེམས་ཅན་བསྐྱེད་པའི་མ་མོ་རྣམ་པ་བཞི༔ ལུས་ལས་བསྐྱེད་པའི་བུ་མོ་རྣམ་པ་བཞི༔ དམ་ལ་གནས་པའི་སྲིང་མོ་རྣམ་པ་བཞི༔ ཡིད་ལ་ཞུགས་པའི་མཛའ་མོ་རྣམ་པ་བཞི༔ བདུད་རྩི་བསྒྲུབ་(༤༩ན)
པའི་རྒྱལ་མོ་རྣམ་པ་བཞི༔ ཕུར་བུ་བསྒྲུབ་པའི་བློན་པོ་རྣམ་པ་བཞི༔ མ་མོ་ཀུན་གྱི་གཙོ་མོ་རྣམ་པ་བཞི༔ མ་མོ་ཐུན་གྱི་བདག་མོ་རྣམ་པ་བཞི༔ ལས་ལ་གཤིན་པའི་བྲན་མོ་རྣམ་པ་བཞི༔ དགྲ་བོའི་སྙིང་རྩ་འཕྲོག་པའི་ལྷ་མོ་བཞི༔ སྲིད་པའི་མ་མོའི་བཀའ་སྲུང་ལས་བྱེད་མ༔ དམ་ཉམས་དགྲ་བགེགས་ཤ་ཁྲག་གློ་སྙིང་དང་༔ དབང་པོ་ནང་ཁྲོལ་རྣམས་ལ་ད་རོལ་ལ༔ སྲིད་པ་མ་མོའི་བཀའ་སྒྱུར་དགྲ་ལ་བཟློག༔ ཧཱུཾ། ཤ་ཁྲག་རྒྱ་མཚོ་འཁྱིལ་བའི་དཀྱིལ་འཁོར་ནས༔ མ་མ་རྦོད་གཏོང་ལྷ་ཚོགས་འཁོར་དང་བཅས༔ དགྲ་ཤ་ཁྲག་གི་མཆོད་པ་འདི་བཞེས་ལ༔ དམ་ཉམས་འབྱུང་པོ་འདི་ལ་ད་རོལ་ཅིག༔ མ་ཧཱ་མཾ་ས་ཁཱ་ཧི། མ་ཧཱ་རཀྟ་ཁཱ་ཧི། མ་ཧཱ་ཀེཾ་ནྲྀ་ཏྱ་ཁཱ་ཧི། མ་ཧཱ་ཙིཏྟ་ཁཱ་ཧི། མ་ཧཱ་གོ་རོ་ཙ་ན་ཁཱ་ཧཱི། མ་ཧཱ་ཙཀྵུ་ཁཱ་ཧི། མ་ཧཱ་བ་སུ་ཏ་ཁཱ་ཧི། ཞེས་དམར་སྦྲེང་། ཕུར་སྐོར་བྱ། ཉ་བོ་བསྒྲལ། སྟོབ་པ་བྱ། གཏོར་མ་འབུལ། བྷྱོས་གདབ། བཅོལ་དམ་བྱའོ༔ རྒྱ་རྒྱ་རྒྱ། བཀའ་བརྒྱད་ཡོངས་རྫོགས་ལས། དུས་མིན་འཆི་བའི་འཇིགས་པ་ནད་གདོན་བར་ཆད་རྦོད་ཟོར་ལྟས་ངན་བཟློག་བྷྱོ༔ དེ་ནས་རིགས་འཛིན་སློབ་དཔོན་གྱི་ལྷ་ཚོགས་ལ་བཟློག་པའི་འཕྲིན་ལས་བཅོལ་བ་ནི༔ ཧཱུཾ། ཆེ་མཆོག་ཡོན་ཏན་རིགས་འཛིན་ཆེན་པོ་རྣམས༔ ཡོན་ཏན་གནས་ནས་སྐུ་བཞེངས་འདིར་གཤེགས་ལ༔ དགྲ་བགེགས་བཟློག་ཅིང་བསྒྱུར་བའི་འཕྲིན་ལས་མཛོད༔ ཡང་དག་ཐུགས་ཀྱི་རིགས་འཛིན་ཆེན་པོ་རྣམས༔ ཐུགས་ཀྱི་གནས་ནས་སྐུ་བཞེངས་འདིར་གཤེགས་ལ༔ དགྲ་བགེགས་(༤༩བ)
བཟློག་ཅིང་བསྒྱུར་བའི་འཕྲིན་ལས་མཛོད༔ འཇམ་དཔལ་སྐུ་ཡི་རིགས་འཛིན་ཆེན་པོ་རྣམས༔ སྐུ་ཡི་གནས་ནས་སྐུ་བཞེངས་འདིར་གཤེགས་ལ༔ དགྲ་བགེགས་བཟློག་ཅིང་བསྒྱུར་བའི་འཕྲིན་ལས་མཛོད༔ པདྨ་གསུང་གི་རིགས་འཛིན་ཆེན་པོ་རྣམས༔ གསུང་གི་གནས་ནས་སྐུ་བཞེངས་འདིར་གཤེགས་ལ༔ དགྲ་བགེགས་བཟློག་ཅིང་བསྒྱུར་བའི་འཕྲིན་ལས་མཛོད༔ ཕུར་པ་འཕྲིན་ལས་རིགས་འཛིན་ཆེན་པོ་རྣམས༔ འཕྲིན་ལས་གནས་ནས་སྐུ་བཞེངས་འདིར་གཤེགས་ལ༔ དགྲ་བགེགས་བཟློག་ཅིང་བསྒྱུར་བའི་འཕྲིན་ལས་མཛོད༔ མ་མོ་རྦོད་གཏོང་རིགས་འཛིན་ཆེན་པོ་རྣམས༔ རྦོད་གཏོང་གནས་ནས་སྐུ་བཞེངས་འདིར་གཤེགས་ལ༔ དགྲ་བགེགས་བཟློག་ཅིང་བསྒྱུར་བའི་འཕྲིན་ལས་མཛོད༔ ལྷུན་གྱིས་གྲུབ་པའི་རིགས་འཛིན་ཆེན་པོ་རྣམས༔ ལྷུན་གྲུབ་གནས་ནས་སྐུ་བཞེངས་འདིར་གཤེགས་ལ༔ དགྲ་བགེགས་བཟློག་ཅིང་བསྒྱུར་བའི་འཕྲིན་ལས་མཛོད༔ ཕྱག་རྒྱ་ཆེན་པོའི་རིགས་འཛིན་ཆེན་པོ་རྣམས༔ ཕྱག་རྒྱའི་གནས་ནས་སྐུ་བཞེངས་འདིར་གཤེགས་ལ༔ དགྲ་བགེགས་བཟློག་ཅིང་བསྒྱུར་བའི་འཕྲིན་ལས་མཛོད༔ ས་ལ་གནས་པའི་རིགས་འཛིན་ཆེན་པོ་རྣམས༔ རིགས་འཛིན་གནས་ནས་སྐུ་བཞེངས་འདིར་གཤེགས་ལ༔ དགྲ་བགེགས་བཟློག་ཅིང་བསྒྱུར་བའི་འཕྲིན་ལས་མཛོད༔ ཚེ་ལ་དབང་པའི་རིགས་འཛིན་ཆེན་པོ་རྣམས༔ རང་བཞིན་གནས་ནས་སྐུ་བཞེངས་འདིར་གཤེགས་ལ༔ དགྲ་བགེགས་བཟློག་ཅིང་བསྒྱུར་བའི་འཕྲིན་ལས་མཛོད༔ རིགས་འཛིན་བཀའ་སྲུང་དཔའ་བོ་དཔའ་མོའི་(༥༠ན)
ཚོགས༔ དུར་ཁྲོད་གནས་ནས་སྐུ་བཞེངས་འདིར་གཤེགས་ལ༔ དགྲ་བགེགས་བཟློག་ཅིང་བསྒྱུར་བའི་འཕྲིན་ལས་མཛོད༔ ཧཱུཾ། ཐུགས་རྗེ་གདུང་འཚོབ་སྐུ་ཡི་དཀྱིལ་འཁོར་ནས༔ རིགས་འཛིན་སློབ་དཔོན་ལྷ་ཚོགས་འཁོར་དང་བཅས༔ དགྲ་ཤ་ཁྲག་གི་མཆོད་པ་འདི་བཞེས་ལ༔ དམ་ཉམས་འབྱུང་པོ་འདི་ལ་ད་རོལ་ཅིག༔ མ་ཧཱ་མཾ་ས་ཁཱ་ཧི། མ་ཧཱ་རཀྟ་ཁཱ་ཧི། མ་ཧཱ་ཀེཾ་ནྲྀ་ཏྱ་ཁཱ་ཧི། མ་ཧཱ་ཙིཏྟ་ཁཱ་ཧི། མ་ཧཱ་གོ་རོ་ཙ་ན་ཁཱ་ཧི། མ་ཧཱ་ཙཀྵུ་ཁཱ་ཧི། མ་ཧཱ་བ་སུ་ཏ་ཁཱ་ཧི། ཞེས་དམར་སྦྲེང་། ཕུར་སྐོར་བྱ། ཉ་བོ་བསྒྲལ། སྟོབ་པ་བྱ། གཏོར་མ་འབུལ། བྷྱོས་གདབ། བཅོལ་དམ་བྱའོ། །རྒྱ་རྒྱ་རྒྱ། ཡོངས་རྫོགས་གཏོར་བཟློག་དྲག་པོ་ལས། དུས་མིན་འཆི་བའི་འཇིགས་པ་ནད་གདོན་བར་ཆད་རྦོད་ཟོར་ལྟས་ངན་བཟློག་བྷྱོ༔ དེ་ནས་འཇིག་རྟེན་མཆོད་བསྟོད་ཀྱི་ལྷ་ཚོགས་ལ་བཟློག་པའི་འཕྲིན་ལས་བཅོལ་བ་ནི༔ ཧཱུཾ། བཅོམ་ལྡན་དཔལ་ཆེན་དྲེགས་པ་ཀུན་འདུལ་ནི༔ དམ་ཉམས་དགྲ་བགེགས་ཕུང་པོ་འདི་ལ་རོལ༔ དྲེགས་པ་ཕོ་མོའི་བཀའ་སྒྱུར་དགྲ་ལ་བཟློག༔ ཡུམ་ཆེན་ཁྲོ་མོ་ཁམས་གསུམ་སྤྱི་འདུལ་མ༔ དམ་ཉམས་དགྲ་བགེགས་སྐྱེ་མཆེད་འདི་ལ་རོལ༔ དྲེགས་པ་ཕོ་མོའི་བཀའ་སྒྱུར་དགྲ་ལ་བཟློག༔ དབང་ཕྱུག་མ་ཧཱ་དེ་བ་བཙུན་མོར་བཅས༔ དམ་ཉམས་དགྲ་བགེགས་ཤ་ཁྲག་འདི་ལ་རོལ༔ ལྷ་སྲིན་སྡེ་བརྒྱད་བཀའ་སྒྱུར་དགྲ་ལ་བཟློག༔ གཤིན་རྗེའི་སྡེ་དཔོན་ཡ་མ་རཱ་ཙ་ཁྱོད༔ དམ་ཉམས་དགྲ་བགེགས་ཤ་ཁྲག་འདི་ལ་རོལ༔ གཤིན་རྗེ་(༥༠བ)
ཡོངས་ཀྱི་བཀའ་སྒྱུར་དགྲ་ལ་བཟློག༔ ཡུམ་ཆེན་སྒྲོལ་བྱེད་ནག་མོ་ཆེན་མོ་ཡིས༔ དམ་ཉམས་དགྲ་བགེགས་ཤ་ཁྲག་འདི་ལ་རོལ༔ གཤིན་རྗེ་མོ་ཡི་བཀའ་སྒྱུར་དགྲ་ལ་བཟློག༔ མ་མོའི་སྡེ་དཔོན་སྲིད་པའི་རྒྱལ་མོ་སྟེ༔ དམ་ཉམས་དགྲ་བགེགས་ཤ་ཁྲག་འདི་ལ་རོལ༔ མ་མོ་ཡོངས་ཀྱི་བཀའ་སྒྱུར་དགྲ་ལ་བཟློག༔ སྔགས་སྲུང་སྡེ་དཔོན་ཨེ་ཀ་ཛཱ་ཊཱི་མ༔ དམ་ཉམས་དགྲ་བགེགས་ཤ་ཁྲག་འདི་ལ་རོལ༔ ནག་མོ་ཡོངས་ཀྱི་བཀའ་སྒྱུར་དགྲ་ལ་བཟློག༔ བདུད་ཀྱི་སྡེ་དཔོན་བསྐོས་རྗེ་བྲང་དཀར་ནི༔ དམ་ཉམས་དགྲ་བགེགས་ཤ་ཁྲག་འདི་ལ་རོལ༔ བདུད་པོ་ཡོངས་ཀྱི་བཀའ་སྒྱུར་དགྲ་ལ་བཟློག༔ བདུད་མོའི་སྡེ་དཔོན་ནག་མོ་རེ་མ་ཏཱི༔ དམ་ཉམས་དགྲ་བགེགས་ཤ་ཁྲག་འདི་ལ་རོལ༔ བདུད་མོ་ཡོངས་ཀྱི་བཀའ་སྒྱུར་དགྲ་ལ་བཟློག༔ རྒྱལ་པོའི་སྡེ་དཔོན་པེ་ཧར་དགྲ་ལྷ་སྟེ༔ དམ་ཉམས་དགྲ་བགེགས་ཤ་ཁྲག་འདི་ལ་རོལ༔ རྒྱལ་པོ་ཡོངས་ཀྱི་བཀའ་སྒྱུར་དགྲ་ལ་བཟློག༔ གིང་གི་སྡེ་དཔོན་སྲོག་བདག་ཚངས་པ་སྟེ༔ དམ་ཉམས་དགྲ་བགེགས་ཤ་ཁྲག་འདི་ལ་རོལ༔ གིང་ཆེན་ཡོངས་ཀྱི་བཀའ་སྒྱུར་དགྲ་ལ་བཟློག༔ དགྲ་ལྷའི་སྡེ་དཔོན་སྐུ་ལྷ་གསང་བ་སྟེ༔ དམ་ཉམས་དགྲ་བགེགས་ཤ་ཁྲག་འདི་ལ་རོལ༔ དགྲ་ལྷ་ཡོངས་ཀྱི་བཀའ་སྒྱུར་དགྲ་ལ་བཟློག༔ གཟའ་ཡི་སྡེ་དཔོན་གཟའ་བདུད་རཱ་ཧུ་ལ༔ དམ་ཉམས་དགྲ་བགེགས་ཤ་ཁྲག་འདི་ལ་རོལ༔ གཟའ་བདུད་ཡོངས་ཀྱི་བཀའ་སྒྱུར་དགྲ་ལ་བཟློག༔ སྲིན་པོའི་སྡེ་དཔོན་ནག་པོ་གློག་འཕྲེང་ཅན༔ དམ་ཉམས་དགྲ་བགེགས་ཤ་ཁྲག་འདི་ལ་རོལ༔ སྲིན་པོ་ཡོངས་ཀྱི་བཀའ་སྒྱུར་དགྲ་ལ་བཟློག༔ (༥༡ན)
སྲིན་མོའི་སྡེ་དཔོན་སྦལ་མགོ་ཁྲག་མིག་མ༔ དམ་ཉམས་དགྲ་བགེགས་ཤ་ཁྲག་འདི་རོལ་ལ༔ སྲིན་མོ་ཡོངས་ཀྱི་བཀའ་སྒྱུར་དགྲ་ལ་བཟློག༔ གནོད་སྦྱིན་སྡེ་དཔོན་ཡཀྴ་མེ་དབལ་ནི༔ དམ་ཉམས་དགྲ་བགེགས་ཤ་ཁྲག་འདི་ལ་རོལ༔ གནོད་སྦྱིན་ཡོངས་ཀྱི་བཀའ་སྒྱུར་དགྲ་ལ་བཟློག༔ གནོད་སྦྱིན་མོ་ཡི་སྡེ་དཔོན་མོན་མོ་ནག་མོ་སྟེ༔ དམ་ཉམས་དགྲ་བགེགས་ཤ་ཁྲག་འདི་ལ་རོལ༔ གནོད་སྦྱིན་མོ་ཡི་བཀའ་སྒྱུར་དགྲ་ལ་བཟློག༔ མགོན་པོའི་སྡེ་དཔོན་མ་ཧཱ་ཀཱ་ལ་སྟེ༔ དམ་ཉམས་དགྲ་བགེགས་ཤ་ཁྲག་འདི་ལ་རོལ༔ མགོན་པོ་ཡོངས་ཀྱི་བཀའ་སྒྱུར་དགྲ་ལ་བཟློག༔ རུ་དྲའི་སྡེ་དཔོན་རྡོ་རྗེ་བདུད་འདུལ་ཏེ༔ དམ་ཉམས་དགྲ་བགེགས་ཤ་ཁྲག་འདི་ལ་རོལ༔ རུ་དྲ་ཡོངས་ཀྱི་བཀའ་སྒྱུར་དགྲ་ལ་བཟློག༔ དམུ་བདུད་སྡེ་དཔོན་ནག་པོ་བཀྲག་མེད་དེ༔ དམ་ཉམས་དགྲ་བགེགས་ཤ་ཁྲག་འདི་ལ་རོལ༔ དམུ་བདུད་ཡོངས་ཀྱི་བཀའ་སྒྱུར་དགྲ་ལ་བཟློག༔ མུ་སྟེགས་སྡེ་དཔོན་གུ་ལང་ནག་པོ་སྟེ༔ དམ་ཉམས་དགྲ་བགེགས་ཤ་ཁྲག་འདི་ལ་རོལ༔ མུ་སྟེགས་ཡོངས་ཀྱི་བཀའ་སྒྱུར་དགྲ་ལ་བཟློག༔ ལྷ་ཡི་སྡེ་དཔོན་ལྷ་རབས་ཤཾ་བྷུ་སྟེ༔ དམ་ཉམས་དགྲ་བགེགས་ཤ་ཁྲག་འདི་ལ་རོལ༔ ལྷ་རྣམས་ཡོངས་ཀྱི་བཀའ་སྒྱུར་དགྲ་ལ་བཟློག༔ གནམ་སྨན་སྡེ་དཔོན་ཐོག་གི་བུ་ཡུག་སྟེ༔ དམ་ཉམས་དགྲ་བགེགས་ཤ་ཁྲག་འདི་ལ་རོལ༔ གནམ་སྨན་ཡོངས་ཀྱི་བཀའ་སྒྱུར་དགྲ་ལ་བཟློག༔ མ་སངས་སྡེ་དཔོན་སྤྱི་བདུད་གུ་རུམ་རྩེ༔ དམ་ཉམས་དགྲ་བགེགས་ཤ་ཁྲག་འདི་ལ་རོལ༔ མ་སངས་ཡོངས་ཀྱི་བཀའ་(༥༡བ)
སྒྱུར་དགྲ་ལ་བཟློག༔ བྲག་བཙན་སྡེ་དཔོན་སྲོག་ཟན་དམར་པོ་སྟེ༔ དམ་ཉམས་དགྲ་བགེགས་ཤ་ཁྲག་འདི་ལ་རོལ༔ བྲག་བཙན་ཡོངས་ཀྱི་བཀའ་སྒྱུར་དགྲ་ལ་བཟློག༔ ཐེའུ་རང་སྡེ་དཔོན་གནམ་ཐེ་དཀར་པོ་སྟེ༔ དམ་ཉམས་དགྲ་བགེགས་ཤ་ཁྲག་འདི་ལ་རོལ༔ ཐེའུ་རང་ཡོངས་ཀྱི་བཀའ་སྒྱུར་དགྲ་ལ་བཟློག༔ འགོང་པོའི་སྡེ་དཔོན་བཙན་འགོང་ཡམ་ཤུད་དམར༔ དམ་ཉམས་དགྲ་བགེགས་ཤ་ཁྲག་འདི་ལ་རོལ༔ བཙན་འགོང་ཡོངས་ཀྱི་བཀའ་སྒྱུར་དགྲ་ལ་བཟློག༔ བགེགས་ཀྱི་སྡེ་དཔོན་བྱི་ན་ཡ་ཀ་སྟེ༔ དམ་ཉམས་དགྲ་བགེགས་ཤ་ཁྲག་འདི་ལ་རོལ༔ བགེགས་རྣམས་ཡོངས་ཀྱི་བཀའ་སྒྱུར་དགྲ་ལ་བཟློག༔ མཁའ་འགྲོའི་སྡེ་དཔོན་ནག་མོ་མགྱོགས་བྱེད་མ༔ དམ་ཉམས་དགྲ་བགེགས་ཤ་ཁྲག་འདི་ལ་རོལ༔ མཁའ་འགྲོ་ཡོངས་ཀྱི་བཀའ་སྒྱུར་དགྲ་ལ་བཟློག༔ ཀླུ་ཡི་སྡེ་དཔོན་ཀླུ་བདུད་མགོ་དགུ་སྟེ༔ དམ་ཉམས་དགྲ་བགེགས་ཤ་ཁྲག་འདི་ལ་རོལ༔ ཀླུ་བདུད་ཡོངས་ཀྱི་བཀའ་སྒྱུར་དགྲ་ལ་བཟློག༔ ཀླུ་མོའི་སྡེ་དཔོན་ཡཀྴ་ནག་མོ་སྟེ༔ དམ་ཉམས་དགྲ་བགེགས་ཤ་ཁྲག་འདི་ལ་རོལ༔ ཀླུ་མོ་ཡོངས་ཀྱི་བཀའ་སྒྱུར་དགྲ་ལ་བཟློག༔ བཀའ་ཡི་བསྟན་སྲུང་ལྷ་སྲིན་སྡེ་བརྒྱད་རྣམས༔ དམ་ཉམས་དགྲ་བགེགས་ཤ་ཁྲག་འདི་ལ་རོལ༔ ལྷ་སྲིན་སྡེ་བརྒྱད་བཀའ་སྒྱུར་དགྲ་ལ་བཟློག༔ ཧཱུཾ། མཐིང་ནག་གྲུ་གསུམ་འབར་བའི་དཀྱིལ་འཁོར་ནས༔ འཇིག་རྟེན་མཆོད་བསྟོད་ལྷ་ཚོགས་འཁོར་དང་བཅས༔ དགྲ་ཤ་ཁྲག་གི་མཆོད་པ་འདི་བཞེས་ལ༔ དམ་ཉམས་འབྱུང་པོ་འདི་ལ་ད་རོལ་ཅིག༔ མ་ཧཱ་མཾ་ས་ཁཱ་ཧི། མ་ཧཱ་རཀྟ་ཁཱ་ཧི། མ་ཧཱ་ཀེཾ་ནྲྀ་(༥༢ན)
ཏྱ་ཁཱ་ཧི། མ་ཧཱ་ཙིཏྟ་ཁཱ་ཧི། མ་ཧཱ་གོ་རོ་ཙ་ན་ཁཱ་ཧི། མ་ཧཱ་ཙཀྵུ་ཁཱ་ཧི། མ་ཧཱ་བ་སུ་ཏ་ཁཱ་ཧི། ཞེས་དམར་སྦྲེང་། ཕུར་བསྐོར་བྱ། ཉ་བོ་བསྒྲལ། སྟོབ་པ་བྱ། གཏོར་མ་འབུལ། བྷྱོས་གདབ། བཅོལ་དམ་བྱའོ༔ རྒྱ་རྒྱ་རྒྱ། ཡོངས་རྫོགས་གཏོར་བཟློག་དྲག་པོ་ལས། དུས་མིན་འཆི་བའི་འཇིགས་པ་ནད་གདོན་བར་ཆད་ཐོད་ཟོར་ལྟས་ངན་བཟློག་བྷྱོ༔ དེ་ནས་དམོད་པ་དྲག་སྔགས་ཀྱི་ལྷ་ཚོགས་ལ་བཟློག་པའི་འཕྲིན་ལས་བཅོལ་བ་ནི༔ ཧཱུཾ། ལྷ་མཆོག་སྟོབས་ལྡན་ནག་པོ་ཆེན་པོ་ནི༔ དམ་ཉམས་དགྲ་བགེགས་རྣམ་ཤེས་འདི་ལ་རོལ༔ དྲེགས་པའི་ཚོགས་རྣམས་ཐམས་ཅད་གཟིར་ཞིང་བཟློག༔ ཡུམ་ཆེན་འབྱུང་བ་ལྔ་ཡི་བདག་མོ་སྟེ༔ དམ་ཉམས་དགྲ་བགེགས་འབྱུང་བའི་ལུས་འདི་རོལ༔ དྲེགས་པའི་ཚོགས་རྣམས་དབང་དུ་བསྡུས་ཤིང་བཟློག༔ འཆི་བདག་གཤིན་རྗེའི་དྲེགས་པ་ནག་པོ་ཁྱོད༔ དམ་ཉམས་དགྲ་བགེགས་སྙིང་ལ་ད་རོལ་ལ༔ གཤིན་རྗེ་རྣམས་ཀྱི་དམོད་པའི་མཚོན་ཆ་བཟློག༔ འཆི་བདག་གཤིན་རྗེའི་བཙུན་མོ་སྲོག་བདག་མོ༔ དམ་ཉམས་དགྲ་བགེགས་སྙིང་ལ་ད་རོལ་ལ༔ གཤིན་རྗེ་མོ་རྣམས་དམོད་པའི་མཚོན་ཆ་བཟློག༔ ཀ་ལ་ཡཀྴ་མུ་སྟེགས་སྔགས་ཀྱི་བདག༔ དམ་ཉམས་དགྲ་བགེགས་སྙིང་ལ་ད་རོལ་ལ༔ མུ་སྟེགས་རྣམས་ཀྱི་དམོད་པའི་མཚོན་ཆ་བཟློག༔ བདུད་པོ་མེ་ཡི་ཁ་རླངས་བདུད་སྔགས་བདག༔ དམ་ཉམས་དགྲ་བགེགས་སྙིང་ལ་ད་རོལ་ལ༔ བདུད་ཕོ་རྣམས་ཀྱི་དམོད་པའི་མཚོན་ཆ་བཟློག༔ བདུད་མོའི་སྔགས་བདག་ནག་མོ་ཁྲག་འཛག་མ༔ དམ་ཉམས་དགྲ་(༥༢བ)
བགེགས་སྙིང་ལ་ད་རོལ་ལ༔ བདུད་མོ་ཡོངས་ཀྱི་དམོད་པའི་མཚོན་ཆ་བཟློག༔ རུ་དྲའི་སྔགས་བདག་ཐར་པ་ནག་པོ་སྟེ༔ དམ་ཉམས་དགྲ་བགེགས་སྙིང་ལ་ད་རོལ་ལ༔ རུ་དྲ་རྣམས་ཀྱི་དམོད་པའི་མཚོན་ཆ་བཟློག༔ ནག་པོ་གསོད་བྱེད་སྲིན་པོ་དམོད་པའི་བདག༔ དམ་ཉམས་དགྲ་བགེགས་སྙིང་ལ་ད་རོལ་ལ༔ སྲིན་པོ་རྣམས་ཀྱི་དམོད་པའི་མཚོན་ཆ་བཟློག༔ སྲིན་མོའི་སྔགས་བདག་ནག་མོ་གསོད་བྱེད་མ༔ དམ་ཉམས་དགྲ་བགེགས་སྙིང་ལ་ད་རོལ་ལ༔ སྲིན་མོ་རྣམས་ཀྱི་དམོད་པའི་མཚོན་ཆ་བཟློག༔ གཟའ་ཡི་སྔགས་བདག་གཟའ་བདུད་རཱ་ཧུ་ལ༔ དམ་ཉམས་དགྲ་བགེགས་སྙིང་ལ་ད་རོལ་ལ༔ གཟའ་བདུད་རྣམས་ཀྱི་དམོད་པའི་མཚོན་ཆ་བཟློག༔ གང་བ་བཟང་པོ་གནོད་སྦྱིན་སྔགས་ཀྱི་བདག༔ དམ་ཉམས་དགྲ་བགེགས་སྙིང་ལ་ད་རོལ་ལ༔ གནོད་སྦྱིན་རྣམས་ཀྱི་དམོད་པའི་མཚོན་ཆ་བཟློག༔ གནོད་སྦྱིན་མོ་ཡི་སྔགས་བདག་ཤ་ཟ་རལ་གཅིག་མ༔ དམ་ཉམས་དགྲ་བགེགས་སྙིང་ལ་ད་རོལ་ལ༔ གནོད་སྦྱིན་མོ་ཡི་དམོད་པའི་མཚོན་ཆ་བཟློག༔ མ་ཧཱ་དེ་བ་ལྷ་ཡི་དམོད་པའི་བདག༔ དམ་ཉམས་དགྲ་བགེགས་སྙིང་ལ་ད་རོལ་ལ༔ ལྷ་རྣམས་ཀུན་གྱི་དམོད་པའི་མཚོན་ཆ་བཟློག༔ རྒྱལ་པོའི་སྔགས་བདག་ལི་བྱིན་ཧ་ར་སྟེ༔ དམ་ཉམས་དགྲ་བགེགས་སྙིང་ལ་ད་རོལ་ལ༔ རྒྱལ་པོ་རྣམས་ཀྱི་དམོད་པའི་མཚོན་ཆ་བཟློག༔ བཙན་གྱི་སྔགས་བདག་ཡམ་ཤུད་དམར་པོ་སྟེ༔ དམ་ཉམས་དགྲ་བགེགས་སྙིང་ལ་ད་རོལ་ལ༔ བཙན་འགོང་རྣམས་ཀྱི་དམོད་པའི་མཚོན་ཆ་བཟློག༔ དམུ་ཡི་སྔགས་བདག་དམུ་རྗེ་བཙན་པོ་སྟེ༔ (༥༣ན)
དམ་ཉམས་དགྲ་བགེགས་སྙིང་ལ་ད་རོལ་ལ༔ དམུ་བདུད་རྣམས་ཀྱི་དམོད་པའི་མཚོན་ཆ་བཟློག༔ འགོང་པོའི་སྔགས་བདག་ཁུ་ལེ་ལག་དགུ་སྟེ༔ དམ་ཉམས་དགྲ་བགེགས་སྙིང་ལ་ད་རོལ་ལ༔ འགོང་པོ་རྣམས་ཀྱི་དམོད་པའི་མཚོན་ཆ་བཟློག༔ ཐེའུ་རང་སྔགས་བདག་རྡོ་རྗེ་ལེགས་པ་སྟེ༔ དམ་ཉམས་དགྲ་བགེགས་སྙིང་ལ་ད་རོལ་ལ༔ ཐེའུ་རང་རྣམས་ཀྱི་དམོད་པའི་མཚོན་ཆ་བཟློག༔ གཞོན་ནུ་གཏུམ་པོ་ཀླུ་ཡི་སྔགས་བདག་སྟེ༔ དམ་ཉམས་དགྲ་བགེགས་སྙིང་ལ་ད་རོལ་ལ༔ ཀླུ་རྣམས་ཡོངས་ཀྱི་དམོད་པའི་མཚོན་ཆ་བཟློག༔ བཀའ་ཡི་བསྟན་པ་བསྲུང་བའི་ལས་མཛད་པ༔ བཤན་པ་དབང་ཆེན་ལྷ་སྲིན་སྡེ་བརྒྱད་ཀྱང་༔ དམ་ཉམས་དགྲ་བོའི་སྙིང་ལ་ད་རོལ་ལ༔ སོ་སོའི་དམོད་པའི་མཚོན་ཆ་དགྲ་ལ་བཟློག༔ ཧཱུཾ། གཏུམ་དྲག་མེ་ལྟར་འབར་བའི་དཀྱིལ་འཁོར་ནས༔ དམོད་པ་དྲག་སྔགས་ལྷ་ཚོགས་འཁོར་དང་བཅས༔ དགྲ་ཤ་ཁྲག་གི་མཆོད་པ་འདི་བཞེས་ལ༔ དམ་ཉམས་འབྱུང་པོ་འདི་ལ་ད་རོལ་ཅིག༔ མ་ཧཱ་མཾ་ས་ཁཱ་ཧི། མ་ཧཱ་རཀྟ་ཁཱ་ཧི། མ་ཧཱ་ཀེཾ་ནྲྀ་ཏྱ་ཁཱ་ཧི། མ་ཧཱ་ཙིཏྟ་ཁཱ་ཧི། མ་ཧཱ་གོ་རོ་ཙ་ན་ཁཱ་ཧི། མ་ཧཱ་ཙཀྵུ་ཁཱ་ཧ། མ་ཧཱ་བ་སུ་ཏ་ཁཱ་ཧི། ཞེས་དམར་སྦྲེང་། ཕུར་བསྐོར་བྱ། ཉ་བོ་བསྒྲལ། སྟོབ་པ་བྱ། གཏོར་མ་འབུལ། བྷྱོས་གདབ། བཅོལ་དམ་བྱའོ༔ རྒྱ་རྒྱ་རྒྱ། ཡོངས་རྫོགས་གཏོར་བཟློག་དྲག་པོ་ལས། དུས་མིན་འཆི་བའི་འཇིགས་པ་ནད་གདོན་བར་ཆད་རྦོད་ཟོར་ལྟས་ངན་བཟློག་བྷྱོ༔ ཞེས་གསུངས་པ་སྦྱར་བར་བྱ། དེ་ནས་དཔལ་གྱི་བཀའ་བསྟོད་ལ་བཟློག་པའི་(༥༣བ)
འཕྲིན་ལས་བཅོལ་བ་ནི༔ ཧཱུཾ། དཀར་མོ་ཆེན་མོ་ཞི་བའི་ལས་བྱེད་བདུན༔ སེར་མོ་ཆེན་མོ་རྒྱས་པའི་ལས་བྱེད་བདུན༔ དམར་མོ་ཆེན་མོ་དབང་གི་ལས་བྱེད་བདུན༔ ལྗང་མོ་ཆེན་མོ་དྲག་པོའི་ལས་བྱེད་བདུན༔ དབང་ཕྱུག་ཆེན་མོ་ཉི་ཤུ་རྩ་བརྒྱད་ཀྱང་༔ དམ་ཉམས་དགྲ་བགེགས་ཤ་ཁྲག་འདི་རོལ་ལ༔ ལྷ་ཆེན་ཉི་ཤུ་རྩ་བརྒྱད་གདུག་རྩུབ་བཟློག༔ རྡོ་རྗེ་རིགས་ཀྱི་མཁའ་འགྲོ་རྣམ་པ་བརྒྱད༔ དམ་ཉམས་དགྲ་བགེགས་ཤ་ཁྲག་འདི་རོལ་ལ༔ ཤར་ཕྱོགས་དྲི་ཟའི་ཚོགས་ཀྱི་བཀའ་སྒྱུར་ལ༔ དྲི་ཟའི་ཆད་པ་དམ་ཉམས་དགྲ་ལ་བཟློག༔ རིན་ཅེན་རིགས་ཀྱི་མཁའ་འགྲོ་རྣམ་པ་བརྒྱད༔ དམ་ཉམས་དགྲ་བགེགས་ཤ་ཁྲག་འདི་རོལ་ལ༔ ལྷོ་ཕྱོགས་གཤིན་རྗེའི་ཚོགས་ཀྱི་བཀའ་སྒྱུར་ལ༔ གཤིན་རྗེའི་ཆད་པ་དམ་ཉམས་དགྲ་ལ་བཟློག༔ པདྨ་རིགས་ཀྱི་མཁའ་འགྲོ་རྣམ་པ་བརྒྱད༔ དམ་ཉམས་དགྲ་བགེགས་ཤ་ཁྲག་འདི་རོལ་ལ༔ ནུབ་ཕྱོགས་ཀླུ་ཡི་ཚོགས་ཀྱི་བཀའ་སྒྱུར་ལ༔ ཀླུ་ཡི་ཆད་པ་དམ་ཉམས་དགྲ་ལ་བཟློག༔ ལས་ཀྱི་རིགས་ཀྱི་མཁའ་འགྲོ་རྣམ་པ་བརྒྱད༔ དམ་ཉམས་དགྲ་བགེགས་ཤ་ཁྲག་འདི་རོལ་ལ༔ བྱང་ཕྱོགས་གནོད་སྦྱིན་ཚོགས་ཀྱི་བཀའ་སྒྱུར་ལ༔ གནོད་སྦྱིན་ཆད་པ་དམ་ཉམས་དགྲ་ལ་བཟློག༔ འབར་མ་གནོད་སྦྱིན་ཆེན་མོ་བརྒྱད་རྣམས་ཀྱང་༔ དམ་ཉམས་དགྲ་བགེགས་ཤ་ཁྲག་འདི་རོལ་ལ༔ ལྷ་སྲིན་སྡེ་བརྒྱད་ཚོགས་ཀྱི་བཀའ་སྒྱུར་ལ༔ སྡེ་བརྒྱད་ཆད་པ་དམ་ཉམས་དགྲ་ལ་བཟློག༔ གིང་དང་ལང་ཀ་ཆུང་མར་བཅས་པ་རྣམས༔ དམ་ཉམས་དགྲ་བགེགས་ཤ་ཁྲག་འདི་རོལ་ལ༔ དུར་ཁྲོད་བདག་མོ་(༥༤ན)
རྣམས་ཀྱི་བཀའ་སྒྱུར་ལ༔ སྲིན་པོ་ཕོ་མོའི་ཆད་པ་དགྲ་ལ་བཟློག༔ ས་བདག་བདུད་འདུལ་ཆེན་མོ་རྣམ་པ་བརྒྱད༔ དམ་ཉམས་དགྲ་བགེགས་ཤ་ཁྲག་འདི་རོལ་ལ༔ བདུད་སྣ་རིང་པོ་རྣམས་ཀྱི་བཀའ་སྒྱུར་ལ༔ བདུད་ཀྱི་ཆད་པ་དམ་ཉམས་དགྲ་ལ་བཟློག༔ ས་བདག་གཟའ་འདུལ་ཆེན་མོ་རྣམ་པ་བརྒྱད༔ དམ་ཉམས་དགྲ་བགེགས་ཤ་ཁྲག་འདི་རོལ་ལ༔ གཟའ་རྒོད་མིག་དམར་ཆེན་པོའི་བཀའ་སྒྱུར་ལ༔ གཟའ་ཡི་ཆད་པ་དམ་ཉམས་དགྲ་ལ་བཟློག༔ ས་བདག་བཙན་འདུལ་ཆེན་པོ་རྣམ་པ་བརྒྱད༔ དམ་ཉམས་དགྲ་བགེགས་ཤ་ཁྲག་འདི་རོལ་ལ༔ ཟླ་བ་ཐོད་དཀར་ཞེས་བྱའི་བཀའ་སྒྱུར་ལ༔ བཙན་གྱི་ཆད་པ་དམ་ཉམས་དགྲ་ལ་བཟློག༔ ས་བདག་ཀླུ་འདུལ་ཆེན་པོ་རྣམ་པ་བརྒྱད༔ དམ་ཉམས་དགྲ་བགེགས་ཤ་ཁྲག་འདི་རོལ་ལ༔ ཀླུ་རྒྱལ་འཇོག་པོ་ཞེས་བྱའི་བཀའ་སྒྱུར་ལ༔ ཀླུ་ཡི་ཆད་པ་དམ་ཉམས་དགྲ་ལ་བཟློག༔ རིགས་བཞི་ཕོ་ཉ་དྲུག་ཅུ་རྩ་བཞི་ཡང་༔ དམ་ཉམས་དགྲ་བགེགས་ཤ་ཁྲག་འདི་རོལ་ལ༔ རིགས་པའི་ཕོ་ཉའི་ཚོགས་ཀྱི་བཀའ་སྒྱུར་ལ༔ རིགས་བཞི་ཕོ་ཉའི་ཆད་པ་དགྲ་ལ་བཟློག༔ ས་བདག་ཆེན་པོ་སུམ་ཅུ་རྩ་གཉིས་ཀྱང་༔ དམ་ཉམས་དགྲ་བགེགས་ཤ་ཁྲག་འདི་རོལ་ལ༔ ཕྱོགས་བཞིའི་དམ་སྲི་རྣམས་ཀྱི་བཀའ་སྒྱུར་ལ༔ གྲོང་རྗེ་དཀར་ནག་ཆད་པ་དགྲ་ལ་བཟློག༔ ཕོ་ཉ་འབུམ་ཕྲག་ཡངས་པའི་མཁའ་འགྲོ་མ༔ དམ་ཉམས་དགྲ་བགེགས་ཤ་ཁྲག་འདི་རོལ་ལ༔ སྣང་སྲིད་མཁའ་འགྲོ་ཡོངས་ཀྱི་བཀའ་སྒྱུར་ལ༔ མཁའ་འགྲོའི་ཆད་པ་དམ་ཉམས་དགྲ་ལ་བཟློག༔ བོད་ཁམས་སྐྱོང་(༥༤བ)
བའི་བསྟན་མ་བཅུ་གཉིས་ཀྱང་༔ དམ་ཉམས་དགྲ་བགེགས་ཤ་ཁྲག་འདི་རོལ་ལ༔ མ་ཡམས་ནག་མོ་འབུམ་གྱི་བཀའ་སྒྱུར་ལ༔ རིམས་ནད་ཡམས་ནད་ཐམས་ཅད་དགྲ་ལ་བཟློག༔ ཧཱུཾ། དཀྱིལ་འཁོར་ཆེན་པོའི་བར་ཁྱམས་ཁོར་ཡུག་ནས༔ ཅི་བགྱི་བཀའ་ཉན་ལྷ་ཚོགས་འཁོར་དང་བཅས༔ དགྲ་ཤ་ཁྲག་གི་མཆོད་པ་འདི་བཞེས་ལ༔ དམ་ཉམས་འབྱུང་པོ་འདི་ལ་ད་རོལ་ཅིག༔ མ་ཧཱ་མཾ་ས་ཁཱ་ཧི། མ་ཧཱ་རཀྟ་ཁཱ་ཧི། མ་ཧཱ་ཀེཾ་ནྲྀ་ཏྱ་ཁཱ་ཧི། མ་ཧཱ་ཙིཏྟ་ཁཱ་ཧི། མ་ཧཱ་གོ་རོ་ཙ་ན་ཁཱ་ཧི། མ་ཧཱ་ཙཀྵུ་ཁཱ་ཧི། མ་ཧཱ་བ་སུ་ཏ་ཁཱ་ཧི། ཞེས་དམར་སྦྲེང་། ཕུར་བསྐོར་བྱ། ཉ་བོ་བསྒྲལ། སྟོབ་པ་བྱ། གཏོར་མ་འབུལ། བྷྱོས་གདབ། བཅོལ་དམ་བྱའོཿ རྒྱ་རྒྱ་རྒྱ། ཡོངས་རྫོགས་གཏོར་བཟློག་དྲག་པོ་ལས། བསྐུལ་བྱང་ཀུན་གྱི་ཤམ་བུར༔ དུས་མིན་འཆི་བའི་འཇིགས་པ་ནད་གདོན་བར་ཆད་ཐོད་ཟོར་ལྟས་ངན་བཟློག་བྷྱོ༔ ཞེས་གསུངས་པ་སྦྱར། སྔགས་བཟློག་ཆེན་མོ་འདི་གཏེར་གཞུང་གི་དགོངས་པ་ལྟར་དཀྱིལ་འཁོར། མཆོད་རྟེན། འབྲུབ་ཁུང་། ཕུར་པ་སོགས་ལ་བརྟེན་ནས་གཞུང་བཙུགས་པའི་སྒྲུབ་པ་བྱས་ཏེ་ཁྲོ་རོལ་གྱི་གཏོར་བཟློག་འདིའི་ཆ་ལག་ཏུ་འགྲོ་བ་འདྲ་ཞིག་འདུག་ནའང་སྔ་འགྱུར་གྱི་བླ་མ་གོང་མ་མཁས་གྲུབ་ཚད་ལྡན་མང་པོས་ཁྲོ་རོལ་ལ་སྔགས་བཟློག་སྦྱོར་བ་མཛད་ཅིང་ཁྱད་པར་རྩོད་དུས་རིགས་འཛིན་པདྨའི་རྒྱལ་ཚབ་རྗེ་འབྲི་གུང་ཟུར་པ་ཡང་ཕྱག་ལེན་དེ་ལྟར་མཛད་པས་བཀའ་རེ་རེ་བཞིན་གྱི་སྔགས་བཟློག་གི་མཐར་སྔགས་སྒྲུབ་ནས་བཤད་པའི་སོ་སོའི་ཤམ་བུ་རྣམས་བཏགས་ཏེ་བཟླ༔ དམིགས་པ་སྔགས་བཟློག་གི་གཞུང་བཞིན་ཉམས་སུ་ལེན། (༥༥ན)
ལོང་མེད་པའམ་མདོར་བསྡུས་ཀྱི་ཚེ་མན་ངག་གབ་པ་དོན་སྙིང་དུ༔ བདེ་གཤེགས་སྤྱི་དྲིལ་གྱི་དྲག་སྔགས་བརྒྱད་ཅུ་པ་ཤམ་བུ་བསྒྱུར་བ་ནི༔ ཨཱོཾ་ཨཱཿཧཱུཾ་སྭཱ་ཧཱ་མུཾ་ཧྲཱི༔ཧཱུཾ་ཨཱཿ ཨཱོཾ་ཤྲཱི་བཛྲ་མ་ཧཱ་ཀྲོ་ཏ་ཧཱུཾ་ཤྲཱི་ཧེ་རུ་ཀ ཡ་མཱནྟ་ཀ་ཧྲཱི༔པདྨནྟ་ཀྲྀ་ཏ། ཧཱུཾ་བཛྲ་ཀཱི་ལི་ཀཱི་ལཱ་ཡ། མ་ཧཱ་ཡཀྴ་ཀཱ་ལ་རཱུ་པ། ཡཀྵ་ཀྲོ་ཏ། བཛྲ་ཙཎྜ་སརྦ་དུཥྚཾ། ཨེ་ཛ་བྷྱོ༔ ཁྲོཾ་ག་རུ་ཌ་མ་མ་ཀྲོ་ཏི་ཤྭ་རཱི་ཀརྨ་རཾ་རཾ། ཛྭ་ལ་རཾ་རཾ། དམ་སྲི་དང་། བྱད་ཁ་དང་། ཕུར་ཁ་རྦོད་གཏོང་། རྦད་འདྲེ་ཐམས་ཅད་ཕྱིར་བཟློག་བཟློག༔ ས་མ་ཡ། བཟློག་བཟློག །བྷྱོ་བྷྱོ། ཅེས་ཐུན་ལ་སྔགས་ཤིང་བྲབ་བོ༔ དེ་ནས་དམར་གཏོར་གྱི་ལྕགས་རིར་བཙུགས་པའི་ལས་བཞིའི་རྩད་ཕུར་ལ་དམིགས་ཏེ་འདི་སྐད་དོ༔ ༈ ཧཱུཾ། དཔལ་ཆེན་ཁྲོ་རྒྱལ་ཆེ་མཆོག་ཧེ་རུ་ཀའི༔ དྲག་པོ་དཔལ་གྱི་གཏོར་ཆེན་ལྕགས་རི་ལ༔ སྤྲུལ་པའི་ཕོ་ཉ་མང་པོ་མངགས་པའི་རྟེན༔ དམར་ནག་རྩང་ཕུར་ཟུར་གསུམ་པ༔ བསྣོལ་ཐབས་སྲིན་མོ་འགྲོས་སུ་བཙུགས་པ་ནི༔ ཉོན་མོངས་གདུག་པ་མ་ལུས་འདུལ་བའི་རྟགས༔ སྤྲུལ་པའི་ཕྱག་བརྙན་རྟགས་ཀྱི་ཕྱག་རྒྱ་གསལ༔ གདུག་པའི་རྩང་ཕུར་ཟུར་གསུམ་རྩེ་མོ་གཉིས་དང་ལྡན༔ ཡར་གྱི་རྩེ་མོས་ཆོས་ཉིད་དབྱིངས་སུ་འབིགས༔ མར་གྱི་རྩེ་མོས་ངན་སོང་གནས་སུ་འབིགས༔ རྐེད་པ་རྒྱ་མདུད་ཕོ་ཉ་འབྱུང་བའི་གནས༔ ཡར་གྱི་རྩེ་མོས་ལྷག་མཐོང་ཡུལ་ལ་འཇུག༔ མར་གྱི་རྩེ་མོས་རྒྱུད་དྲུག་གནས་སུ་ཟུག༔ རྐེད་པ་རྒྱ་མདུད་ཁམས་གསུམ་དོན་དང་ལྡན༔ སྟོད་ཀྱི་རྩེ་མོ་ཟུར་གསུམ་གདུག་པའི་མེ་སྟག་འབར༔ (༥༥བ)
སྨད་ཀྱི་རྩེ་ལས་གདུག་པའི་མེ་འོད་འཕྲོ༔ རྐེད་པ་རྒྱ་མདུད་མཚོན་ཆའི་གུར་དུ་ཕུབ༔ ཡར་གྱི་རྩེ་མོས་རཾ་གྱི་ཐོག་སེར་འབེབས༔ མར་གྱི་རྩེ་ལས་མཚོན་ཆའི་བུ་ཡུག་འཚུབ༔ རྐེད་པ་རྒྱ་མདུད་ལྷ་ཡི་ཕོ་བྲང་བཅས༔ དམར་ནག་རྩང་ཕུར་སྲིན་མོ་འགྲོས་སུ་བཙུགས༔ རྩང་ཕུར་རྔམ་སྟབས་ཁྲིགས་སེ་ཁྲིག༔ རྩང་ཕུར་ཤ་ཟ་འཇིབས་སེ་འཇིབ༔ རྩང་ཕུར་ཁྲག་འཐུང་ཀྱུར་རུ་རུ༔ རྩང་ཕུར་རུས་འཆའ་ཆེམས་སེ་ཆེམ༔ ལས་མཁན་ཕོ་ཉ་རྣམས་ཀྱི་ཐུགས་དམ་དུས་ལ་བབ༔ བར་ཆོད་སོལ་ལ་རྐྱེན་རྣམས་བཟློག༔ དགྲ་བགེགས་བྱད་མ་རྡུལ་དུ་རློག༔ བཟློག་ཅིང་དགྲ་བགེགས་དམག་དཔུང་བཟློག༔ ས་མ་ཡ་བྱད་དང་རིགས་སྔགས་བཟློག༔ ཧཱུཾ། བཅོམ་ལྡན་དཔལ་ཆེན་ཆེ་མཆོག་ཧེ་རུ་ཀས༔ འཇིག་རྟེན་ཁམས་ནི་ཐམས་ཅད་ཀུན༔ སྐད་ཅིག་ཉིད་ལ་ཞི་མཛད་དེ༔ ཐུགས་རྗེ་ཞི་བའི་འཕྲིན་ལས་ཀྱིས༔ གནོད་བྱེད་དགྲ་བགེགས་བྱད་མ་ཡི༔ རིགས་སྔགས་རྦོད་གཏོང་ཞི་བར་མཛོད༔ ཞི་བར་མ་གྱུར་གང་ཡང་མེད༔ དངུལ་ལམ་དཀར་པོའི་ཤིང་རྣམས་ལ༔ ཞི་བའི་རྩང་ཕུར་ཟུར་གསུམ་རྩེ་མོ་གཉིས་དང་ལྡན༔ རྐེད་པ་རྒྱ་མདུད་ཟླུམ་པོ་གཞལ་ཡས་ཁང་༔ ཧེ་རུ་ཀ་ཡི་སྐུར་བསྒོམས་པས༔ དགྲ་བགེགས་བྱད་མའི་ཤ་ཟ་བ༔ ཤར་ཕྱོགས་གཏོར་ཆེན་ལྕགས་རི་ལ༔ བཙུགས་པས་ཐམས་ཅད་ཞི་བར་འགྱུར༔ ཞི་བར་མ་གྱུར་གང་ཡང་མེད༔ གནོད་བྱེད་དགྲ་བགེགས་བར་ཆོད་དང་༔ རིགས་སྔགས་རྦོད་གཏོང་བྱད་སྟེམས་རྣམས༔ ཞི་མཛད་བཅོམ་ལྡན་ཧེ་རུ་ཀས་ཞི་(༥༦ན)
བར་མཛོད༔ ཨཱོཾ་བཛྲ་ཤྲཱི་ཧེ་རུ་ཀ་ཧཱུཾ་ཕཊ༔ ཞི་བར་གྱུར་ཅིག་ཤཱནྟིཾ་ཀུ་རུ་ཡེ་སྭཱ་ཧཱ༔ ཞི་མཛད་རྣོ་དབལ་རྩང་ཕུར་གྱིས༔ ཡར་གྱི་རྩེ་ལ་དུང་གི་སེང་གེ་འགྱིང་༔ སྤྲུལ་པའི་སེང་གེས་ནམ་མཁའ་གང་༔ གཡུ་རལ་སྔོན་པོ་སྤྲིན་ལྟར་གཏིབས༔ སེང་གེའི་ངར་སྐད་ལྷབས་སེ་ལྷབ༔ མར་གྱི་རྩེ་ལས་ཆུ་སྲིན་མཆེ་བ་གཙིགས༔ སྤྲུལ་པའི་ཆུ་སྲིན་བསམ་མི་ཁྱབ༔ ཞལ་གདངས་མཆེ་གཙིགས་རྐན་སྒྲ་བརྡབ༔ རྐེད་པ་རྒྱ་མདུད་མེ་འབྲུག་རླུང་འབྲུག་རྒྱུག༔ སྤྲུལ་པ་འབྲུག་གིས་བར་སྣང་གང་༔ འབྲུག་སྒྲ་ཆེམ་ཆེམ་གློག་མོ་འགྱུར༔ ཞི་བྱེད་རྩང་ཕུར་སྲིན་མོ་འགྲོས་སུ་བཙུགས༔ རྩང་ཕུར་རྔམ་སྟབས་ཁྲབས་སེ་ཁྲབ༔ རྩང་ཕུར་གར་སྟབས་ཁྲིགས་སེ་ཁྲིག༔ རྩང་ཕུར་ཤ་ཟ་འཇིབས་སེ་འཇིབ༔ རྩང་ཕུར་ཁྲག་འཐུང་ཀྱུར་རུ་རུ༔ རྩང་ཕུར་རུས་འཆའ་ཆེམས་སེ་ཆེམ༔ ལས་མཁན་ཕོ་ཉ་རྣམས་ཀྱི་ཐུགས་དམ་དུས་ལ་བབ༔ བར་ཆོད་སོལ་ལ་རྒྱན་རྣམས་བཟློག༔ དགྲ་བགེགས་བྱད་མ་རྡུལ་དུ་རློག༔ བཟློག་ཅིང་དགྲ་བགེགས་དམག་དཔུང་བཟློག༔ གསོད་ཅིག་དགྲ་བགེགས་དམག་དཔུང་གསོད༔ བཟློག་ཅིག་རིགས་སྔགས་བྱད་སྟེམས་བཟློག༔ ས་མ་ཡ༔ བྱད་མ་རིགས་སྔགས་བྷྱོ་བྷྱོ་བཟློག་བཟློག༔ ཧཱུཾ། བཅོམ་ལྡན་དཔལ་ཆེན་ཆེ་མཆོག་ཧེ་རུ་ཀས༔ འཇིག་རྟེན་ཁམས་ནི་ཐམས་ཅད་ཀུན༔ སྐད་ཅིག་ཉིད་ལ་རྒྱས་མཛོད་ཅིག༔ ཚེ་དང་ལོངས་སྤྱོད་རྒྱས་པའི་འཕྲིན་ལས་ཀྱིས༔ བདག་དང་རྒྱུ་སྦྱོར་ཡོན་བདག་གི༔ ཚེ་དང་བསོད་ནམས་རྒྱས་པར་མཛོད༔ རྒྱས་(༥༦བ)
པར་མ་གྱུར་གང་ཡང་མེད༔ གསེར་རམ་སེར་པོའི་ཤིང་རྣམས་ལ༔ རྒྱས་པའི་རྩང་ཕུར་སྲིན་མོ་འགྲོས་སུ་བཙུགས༔ རྐེེད་པ་རྒྱ་མདུད་གྲུ་བཞི་གཞལ་ཡས་ཁང་༔ ཧེ་རུ་ཀ་ཡི་སྐུར་བསྒོམས་ཏེ༔ དགྲ་བགེགས་བྱད་མའི་ཤ་ཟ་བ༔ ལྷོ་ཕྱོགས་གཏོར་ཆེན་ལྕགས་རི་ལ༔ བཙུགས་པས་ཐམས་ཅད་རྒྱས་པར་འགྱུར༔ རྒྱས་པར་མ་གྱུར་གང་ཡང་མེད༔ བདག་དང་རྒྱུ་སྦྱོར་ཡོན་བདག་གི༔ ཚེ་དང་བསོད་ནམས་ལོངས་སྤྱོད་རྒྱས༔ རྒྱས་མཛད་ཧེ་རུ་ཀས་རྒྱས་པར་མཛོད༔ ཨཱོཾ་རཏྣ་ཤྲཱི་ཧེ་རུ་ཀ་ཧཱུཾ་ཕཊ༔ བདག་དང་རྒྱུ་སྦྱོར་ཡོན་བདག་གི༔ ཚེ་དང་བསོད་ནམས་དཔལ་དང་གྲགས་པ་ཐམས་ཅད་རྒྱས་པར་གྱུར་ཅིག༔ པུཥྚིཾ་ཀུ་རུ་ཡེ་སྭཱ་ཧཱ༔ རྒྱས་མཛད་རྣོ་དབལ་རྩང་ཕུར་གྱི༔ ཡར་གྱི་རྩེ་ལ་མཚལ་སྟག་དམར་པོ་མཆོད༔ སྟག་མཆོད་འཛུམ་མདངས་ཤིགས་སེ་ཤིག༔ མར་གྱི་རྩེ་ལ་ཕག་རྒོད་མཆེ་བ་གཙིགས༔ ཕག་རྒོད་ངུར་སྒྲ་འུར་རུ་རུ༔ རྐེད་པ་རྒྱ་མདུད་དྲེད་མོ་རལ་པ་གསིགས༔ དྲེད་མོའི་རལ་པ་ཡེངས་སེ་ཡེང་༔ རྒྱས་མཛད་རྩང་ཕུར་སྲིན་མོ་འགྲོས་སུ་བཙུགས༔ རྩང་ཕུར་རྔམ་སྟབས་ཁྲིགས་སེ་ཁྲིག༔ རྩང་ཕུར་ཤ་ཟ་འཇིགས་སེ་འཇིག༔ རྩང་ཕུར་ཁྲག་འཐུང་ཀྱུར་རུ་རུ༔ རྩང་ཕུར་རུས་འཆའ་ཆེམས་སེ་ཆེམ༔ ལས་མཁན་ཕོ་ཉ་རྣམས་ཀྱི་ཐུགས་དམ་དུས་ལ་བབ༔ བདག་དང་རྒྱུ་སྦྱོར་ཡོན་བདག་གི༔ བར་ཆོད་སོལ་ལ་རྐྱེན་རྣམས་བཟློག༔ དགྲ་བགེགས་བྱད་མ་རྡུལ་དུ་རློག༔ བཟློག་ཅིག་དགྲ་བགེགས་དམག་དཔུང་བཟློག༔ གསོད་ཅིག་དགྲ་(༥༧ན)
བགེགས་བྱད་མ་གསོད༔ བཟློག་ཅིག་རིགས་སྔགས་བྱད་སྟེམས་བཟློག༔ ས་མ་ཡ༔ བྷྱོ་བྷྱོ། བཟློག་བཟློག །ཧཱུཾ། དཔལ་ཆེན་ཆེ་མཆོག་ཧེ་རུ་ཀས༔ འཇིག་རྟེན་ཁམས་ནི་ཐམས་ཅད་ཀུན༔ སྐད་ཅིག་ཉིད་ལ་དབང་དུ་སྡུད༔ གསུང་གི་ང་རོ་འབྲུག་ལྟར་སྒྲོག༔ རྒྱལ་བློན་རྗེ་འབངས་འབྲུ་བཅུད་སོགས༔ ཁམས་གསུམ་མ་ལུས་དབང་དུ་སྡུད༔ དབང་དུ་མ་འདུས་གང་ཡང་མེད༔ ཟངས་སམ་དམར་པོའི་ཤིང་རྣམས་ལ༔ དབང་གི་རྩང་བུར་ཟུར་གསུམ་རྩེ་མོ་གཉིས་དང་ལྡན༔ རྐེད་པ་རྒྱ་མདུད་ཟླ་གམ་གཞལ་ཡས་ཁང་༔ ཧེ་རུ་ཀ་ཡི་སྐུར་བསྒོམས་པས༔ དགྲ་བགེགས་བྱད་མའི་ཤ་ལ་ཟ༔ ནུབ་ཕྱོགས་གཏོར་ཆེན་ལྕགས་རི་ལ༔ བཙུགས་པས་ཐམས་ཅད་དབང་དུ་སྡུད༔ དབང་དུ་མ་འདུས་གང་ཡང་མེད༔ ཚེ་དང་བསོད་ནམས་ལོངས་སྤྱོད་རྣམས༔ དབང་མཛད་ཧེ་རུ་ཀ་དཔལ་གྱི་དབང་དུ་སྡུས༔ ཨཱོཾ་པདྨ་ཤྲཱི་ཧེ་རུ་ཀ་ཧཱུཾ་ཕཊ༔ རྒྱལ་བློན་རྗེ་འབངས་འབྲུ་བཅུད་ཐམས་ཅད་དབང་དུ་སྡུས་ཤིག༔ བ་ཤཾ་ཀུ་རུ་ཡེ་སྭཱ་ཧཱ༔ དབང་མཛད་རྣོ་དབལ་རྩང་ཕུར་གྱི༔ ཡར་གྱི་རྩེ་ལ་གསེར་གྱི་གཟིག་མོ་ངུར༔ གཟིག་ཆེན་ཉེར་སྒྲ་འུར་རུ་རུ༔ མར་གྱི་རྩེ་ལ་དོམ་ནག་མཆེ་བ་གཙིགས༔ དོམ་ཆེན་མཆེ་བ་ཐབས་སེ་ཐབ༔ རྐེད་པ་རྒྱ་མདུད་གཡུ་ཡི་སྤྱང་མོ་ངུར༔ གཡུ་སྤྱང་ངུ་འབོད་ལྷངས་སེ་ལྷང་༔ དབང་གི་རྩང་ཕུར་སྲིན་མོ་འགྲོས་སུ་བཙུགས༔ རྩང་ཕུར་རྔམ་སྟབས་ཁྲབས་སེ་ཁྲབ༔ རྩང་ཕུར་གར་སྟབས་ཁྲིགས་སེ་ཁྲིག༔ རྩང་ཕུར་ཤ་ཟ་འཇིབས་སེ་འཇིབ༔ རྩང་ཕུར་ཁྲག་འཐུང་ཀྱུར་རུ་རུ༔ རྩང་ཕུར་རུས་འཆང་ཆེམས་སེ་ཆེམ༔ ལས་(༥༧བ)
མཁན་ཕོ་ཉ་རྣམས་ཀྱི་ཐུགས་དམ་དུས་ལ་བབ༔ བདག་དང་རྒྱུ་སྦྱོར་ཡོན་བདག་གི༔ བར་ཆོད་རྐྱེན་རྣམས་བཟློག་ཏུ་གསོལ༔ དགྲ་བགེགས་བྱད་མ་རྡུལ་དུ་རློག༔ བཟློག་ཅིག་དགྲ་བགེགས་དམག་དཔུང་བཟློག༔ གསོད་ཅིག་དགྲ་བོ་བྱད་མ་གསོད༔ བཟློག་ཅིག་རིགས་སྔགས་བྱད་སྟེམས་བཟློག༔ ས་མ་ཡ། བྷྱོ་བྷྱོ། བཟློག་བཟློག །ཧཱུཾ། བཅོམ་ལྡན་དཔལ་ཆེན་ཆེ་མཆོག་ཧེ་རུ་ཀས༔ འཇིག་རྟེན་ཁམས་ནི་ཐམས་ཅད་ཀུན༔ སྐད་ཅིག་ཉིད་ལ་བརླག་པར་མཛོད༔ སྡིག་ཅན་དགྲ་བོ་བྱད་མ་འདི༔ མངོན་སྤྱོད་དྲག་པོའི་འཕྲིན་ལས་ཀྱིས༔ ཐམས་ཅད་མ་ལུས་བརླག་པར་བྱེད༔ བརླག་པར་མ་གྱུར་གང་ཡང་མེད༔ ལྕགས་སམ་དྲག་པོའི་ཤིང་རྣམས་ལ༔ དྲག་པོའི་རྩང་ཕུར་རྩེ་མོ་གཉིས་དང་ལྡན༔ རྐེད་པ་རྒྱ་མདུད་ཟུར་གསུམ་གཞལ་ཡས་ཁང་༔ ཧེ་རུ་ཀ་ཡི་སྐུར་བསྒོམས་པས༔ དགྲ་བོ་བྱད་མའི་ཤ་ཟ་བ༔ བྱང་ཕྱོགས་གཏོར་ཆེན་ལྕགས་རི་ལ༔ བཙུགས་པས་དགྲ་བགེགས་བརླག་པར་བྱེད༔ བརླག་པར་མ་གྱུར་གང་ཡང་མེད༔ བརླག་མཛད་ཧེ་རུ་ཀས་བརླག་པར་མཛོད༔ ཨཱོཾ་ཀརྨ་ཤྲི་ཧེ་རུ་ཀ་ཧཱུཾ་ཕཊ༔ དགྲ་བགེགས་བྱད་མ་བརླག་པར་མཛོད༔ མཱ་ར་ཡ་ཕཊ༔ དྲག་པོ་ལས་ཀྱི་རྩང་ཕུར་འདི༔ ཡར་གྱི་རྩེ་ལ་བྱ་གླག་མང་པོ་འཛུམ༔ བྱ་གླག་འཛུམ་ཆུང་ཅུངས་སེ་ཅུང་༔ མར་གྱི་རྩེ་ལ་ལྕགས་ཀྱི་ཕོ་རོག་འགྱེད༔ ཕོ་རོག་འགྱེད་སྒྲ་ཁྲབས་སེ་ཁྲབ༔ རྐེད་པ་རྒྱ་མདུད་གསེར་གྱི་འུག་པ་འཁུན༔ འུག་པ་ཧཱུཾ་སྒྲ་དིར་རི་རི༔ གསེར་མིག་འཁྱིལ་བ་ཀྱིལ་ལི་ལི༔ གདུག་པ་དྲག་པོའི་རྩང་ཕུར་འདི༔ དམར་ནག་སྲིན་མོ་འགྲོས་སུ་(༥༨ན)
བཙུགས༔ གསོད་བྱེད་རྔམ་སྟབས་ཁྲབས་སེ་ཁྲབ༔ རྩང་ཕུར་གར་སྟབས་ཁྲིགས་སེ་ཁྲིག༔ རྩང་ཕུར་ཤ་ཟ་འཇིབས་སེ་འཇིབ༔ རྩང་ཕུར་ཁྲག་འཐུང་ཀྱུར་རུ་རུ༔ རྩང་ཕུར་རུས་འཆའ་ཆེམས་སེ་ཆེམ༔ རྩང་ཕུར་རྣོ་དབལ་ཟངས་སེ་ཟང་༔ ལས་མཁན་ཕོ་ཉ་རྣམས་ཀྱི་ཐུགས་དམ་དུས་ལ་བབ༔ བདག་དང་རྒྱུ་སྦྱོར་ཡོན་བདག་གི༔ བར་ཆོད་སོལ་ལ་རྐྱེན་རྣམས་བཟློག༔ དགྲ་བགེགས་བྱད་མ་རྡུལ་དུ་རློག༔ བཟློག་ཅིག་དགྲ་བགེགས་དམག་དཔུང་བཟློག༔ གསོད་ཅིག་དགྲ་བགེགས་བྱད་མ་གསོད༔ རིགས་སྔགས་བྱད་སྟེམས་བཟློག་ཏུ་གསོལ༔ ས་མ་ཡ། བྷྱོ་བྷྱོ། བཟློག་བཟློག །གདུག་རྩུབ་དྲག་པོའི་རྩང་ཕུར་འདི༔ ཡར་གྱི་རྩེ་མོ་གདུག་ལ་རྩུབ༔ མར་གྱི་རྩེ་མོ་དཔལ་དང་ལྡན༔ རྐེད་པ་རྒྱ་མདུད་བྷྲུཾ་ལས་གྲུབ༔ ཟུར་གསུམ་སྐུ་གསུང་ཐུགས་སུ་གྲུབ༔ ངོས་གསུམ་རིགས་གསུམ་ངོ་བོར་བརྡུངས༔ རྐེད་པ་རྒྱ་མདུད་གཞལ་ཡས་ཁང་དུ་བརྡུངས༔ ཡར་གྱི་རྩེ་མོ་དར་དང་ལྡན༔ མར་གྱི་རྩེ་མོ་དཔལ་དང་ལྡན༔ གདུག་རྩུབ་དྲག་པོའི་རྩང་ཕུར་འདི༔ བྱད་མ་གསོད་པའི་མཚོན་ཆར་བརྡུངས༔ དབང་དྲག་རྩང་ཕུར་ཡར་རྩེ་ལ༔ ལྕགས་ཀྱི་སེར་བ་ཁྲལ་ལ་ལ༔ དབང་དྲག་རྩང་ཕུར་མར་རྩེ་ལ༔ མཚལ་གྱི་ཁུ་འཕང་ཤར་ར་ར༔ རྐེད་པ་རྒྱ་མདུད་ཟུར་གསུམ་ལ༔ ཁྲག་གི་ཆར་པ་སིལ་ལི་ལི༔ རྣོ་དབལ་ཟུར་གསུམ་ཡར་རྩེ་ན༔ གཡུ་ཡི་དུད་འཐུལ་ཕྱུར་རུ་རུ༔ རྣོ་དབལ་ཟུར་གསུམ་མར་རྩེ་ན༔ སོལ་བའི་མཚོ་འཁྱིལ་མེར་རེ་རེ༔ རྐེད་པ་རྒྱ་མདུད་ཟུར་གསུམ་ལ༔ ཟངས་ཀྱི་མེ་འབར་ཡལ་ལ་ལ༔ དབང་དྲག་ལས་ཀྱི་རྩང་ཕུར་(༥༨བ)
འདི༔ དགྲ་བགེགས་བྱད་མའི་སྙིང་ལ་གདབ༔ ཆོས་སྐྱོང་ཕོ་ཉའི་རྟེན་དུ་འཛུགས༔ རྩང་ཕུར་ཡར་གྱི་རྩེ་མོ་ན༔ ལས་མཁན་ཚོགས་ནི་སྤྲིན་ལྟར་གཏིབས༔ རྩང་ཕུར་མར་གྱི་རྩེ་མོ་ན༔ མ་མོ་མཁའ་འགྲོའི་ཚོགས་རྣམས་ས་གཞི་གང་༔ རྩང་ཕུར་རྒྱ་མདུད་ཟུར་གསུམ་ལ༔ ཧཱུཾ་ཕཊ་འབྲུག་སྒྲས་སྟོང་གསུམ་ཁེངས༔ དམར་ནག་རྩང་ཕུར་སྲིན་མོ་འགྲོས་སུ་བཙུགས༔ རྩང་ཕུར་རྔམ་སྟབས་ཁྲབས་སེ་ཁྲབ༔ རྩང་ཕུར་གར་སྟབས་ཁྲིགས་སེ་ཁྲིག༔ རྩང་ཕུར་ཤ་ཟ་འཇིབས་སེ་འཇིབ༔ རྩང་ཕུར་ཁྲག་འཐུང་ཀྱུར་རུ་རུ༔ རྩང་ཕུར་རུས་འཆའ་ཆེམས་སེ་ཆེམ༔ ལས་མཁན་ཕོ་ཉ་རྣམས་ཀྱི་ཐུགས་དམ་དུས་ལ་བབ༔ བདག་དང་རྒྱུ་སྦྱོར་ཡོན་བདག་གི༔ བར་ཆོད་སོལ་ལ་རྐྱེན་རྣམས་བཟློག༔ དགྲ་བགེགས་བྱད་མ་རྡུལ་དུ་རློག༔ བཟློག་ཅེས་དགྲ་བགེགས་དམག་དཔུང་བཟློག༔ གསོད་ཅིག་དགྲ་བགེགས་བྱད་མ་གསོད༔ རིག་སྔགས་རྦོད་གཏོང་ཐམས་ཅད་བཟློག༔ ས་མ་ཡ། བྷྱོ་བྷྱོ། བཟློག་བཟློག །དེ་ལྟར་མངའ་གསོལ་མཆོད་པ་ཡིས༔ ད་ནི་བཟློག་པའི་འཕྲིན་ལས་མཛོད༔ བཟློག་ཅིག་མགོན་པོའི་མཐུ་བྱད་བཟློག༔ གཤིན་རྗེའི་འཁོར་ལོ་བསྐོར་བ་བཟློག༔ མགོན་པོའི་སྦྱིན་སྲེག་བྱེད་པ་བཟློག༔ མ་མོའི་ཐུན་ཟོར་འཕེན་པ་བཟློག༔ ཡུངས་ཀར་ཁྲོ་བོའི་རྦབ་ཟོར་བཟློག༔ བྱད་མ་ལྷ་དང་བཅས་པ་བཟློག༔ བནྡྷེ་ཡོངས་ཀྱི་སྔགས་ཟོར་བཟློག༔ དགེ་སློང་འཆར་ཀའི་པར་བུ་བཟློག༔ ཀླུ་བདུད་ནག་པོའི་གཏད་ཁྲམ་བཟློག༔ ཞང་ཞུང་བཙོ་དམར་འཕེན་པ་བཟློག༔ བོན་པོ་ཡོངས་ཀྱི་ལྟ་བྱད་བཟློག༔ མུ་སྟེགས་ངན་སྔགས་ཐམས་ཅད་བཟློག༔ མ་མོའི་ངན་(༥༩ན)
སྔགས་དམོད་པ་བཟློག༔ རྒྱ་གར་ཆོས་ཀྱི་མཐུ་བྱད་བཟློག༔ དྲང་སྲོང་དམོད་པ་འདོར་བ་བཟློག༔ ཕྲ་མེན་མ་ཡི་ངན་བྱེད་བཟློག༔ སུམ་པས་གླང་དམར་རྨོ་བ་བཟློག༔ བོད་ཀྱི་རྦོད་བྱ་གཏད་བྱེད་བཟློག༔ བྲམ་ཟེས་ངན་སྔགས་དམོད་པ་བཟློག༔ དྲི་ཟས་མྱོས་ཤིང་འཐིབས་པ་བཟློག༔ རྒྱལ་པོས་སྨྱོ་འབོག་གཏོང་བ་བཟློག༔ སྲིན་མོས་ཤོད་ཁ་གཏོང་བ་བཟློག༔ ཀླུ་ཡིས་བྱད་དུ་བཅུག་པ་བཟློག༔ བདུད་ཀྱིས་ཁྲམ་ལ་བཏབ་པ་བཟློག༔ བཙན་གྱིས་ཞགས་པ་འཕེན་པ་བཟློག༔ གནོད་སྦྱིན་རྩིས་ལ་འདེབས་པ་བཟློག༔ འབྱུང་པོས་མྱུལ་ལེ་བྱེད་པ་བཟློག༔ ཚེ་ཟོར་ཡུངས་ཟོར་འཕེན་པ་བཟློག༔ ཐེའུ་རང་སྲི་ལ་བརྐུ་བ་བཟློག༔ གློ་བུར་ཡེ་འབྲོག་བྱེད་པ་བཟློག༔ འབྱུང་པོས་གོད་འདྲེ་བྱེད་པ་བཟློག༔ བསེ་རགས་བསྲིས་ལ་བརྐུ་བ་བཟློག༔ ཕ་ཚན་ནང་གི་རྒྱ་འདྲེ་བཟློག༔ མ་ཚན་ནང་གི་སྟོང་འདྲེ་བཟློག༔ བདུད་བཙན་ཡོངས་ཀྱི་རིམས་ནད་བཟློག༔ ནད་དང་མཚོན་གྱི་དྲུ་བུ་བཟློག༔ རིམས་ནད་གག་ལྷོག་གཟེར་གསུམ་བཟློག༔ མི་ནད་ཡོངས་དགུ་ཐམས་ཅད་བཟློག༔ ཡས་ཀྱི་བདུད་དུ་གཡོས་པ་བཟློག༔ མས་ཀྱི་སྲི་རུ་ལངས་པ་བཟློག༔ ཕ་ཁུའི་སྲི་ཅན་ལངས་པ་བཟློག༔ མ་སྲུའི་སྒབ་འདྲེ་བྱུང་བ་བཟློག༔ བྱིས་པའི་ཆུང་སྲི་ལངས་པ་བཟློག༔ གསོན་པོའི་བདུད་དུ་གཡོས་པ་བཟློག༔ གཤིན་གྱི་དུར་སྲི་ཐམས་ཅད་བཟློག༔ རུས་ལ་ཚིག་ངན་སློང་བ་བཟློག༔ གནག་ལ་མཆིན་ངན་འཐབ་པ་བཟློག༔ རྟ་ནད་ནོར་ནད་ཐམས་ཅད་བཟློག༔ ལོ་དགྲ་བཙའ་དང་སད་སེར་བཟློག༔ (༥༩བ)
ཡེ་འབྲོག་སུམ་བརྒྱ་དྲུག་ཅུ་བཟློག༔ ནད་རིགས་བཞི་རྒྱ་རྩ་བཞི་བཟློག༔ སྐེག་ཆེན་སུམ་བརྒྱ་དྲུག་ཅུ་བཟློག༔ ལྟས་ངན་ཉིས་ཁྲི་ཆིག་སྟོང་བཟློག༔ བགེགས་རིགས་སྟོང་ཕྲག་བརྒྱད་ཅུ་བཟློག༔ ཕྱི་ཡི་བར་ཆད་ཕྱི་རུ་གཞིལ༔ ནང་གི་བར་ཆད་ནང་དུ་གཞིལ༔ གསང་བའི་བར་ཆད་དབྱིངས་སུ་གཞིལ༔ ས་མ་ཡ༔ བྷྱོ་བྷྱོ༔ བཟློག་བཟློག་སྒྱུར་ཅིག༔ དེ་དང་འབྲེལ་བར་ཁ་བསྒྱུར་བཅུ་གཉིས་དང་ཆོས་ཚན་གཅིག་པའི་གཏོར་བཟློག་ཕྱི་ནང་གསང་གསུམ་ལས། ཕྱིའི་གཏོར་མས་འཁོར་བ་མྱ་ངན་ལས་འདས་པར་བཟློག་པ་ནི༔ ཧཱུཾ་ཧཱུཾ། སྣང་ཞིང་སྲིད་པས་བསྡུས་པ་ཡི༔ སྣོད་ཀྱི་འཇིག་རྟེན་ཐམས་ཅད་ཀུན༔ ཡེ་ཤེས་གཞལ་ཡས་ཁང་དུ་སྒྱུར༔ ཐ་མལ་རང་དགའི་འཁྲུལ་སྣང་བཟློག༔ སྐྱེ་འགྲོ་སེམས་ཅན་ཐམས་ཅད་ཀུན༔ གཉིས་མེད་སངས་རྒྱས་ཉིད་དུ་སྒྱུར༔ སེམས་ཅན་ཆགས་སྡང་འཁྲུལ་བ་བཟློག༔ འཁོར་བའི་སྡུག་བསྔལ་སྣ་ཚོགས་ཀུན༔ གཉིས་མེད་བདེ་བ་ཆེན་པོར་སྒྱུར༔ གཉིས་སྣང་རྟོག་པ་ཆོས་སྐུར་བཟློག༔ འཁོར་བའི་སེམས་ཅན་ཐམས་ཅད་ཀུན༔ མྱང་འདས་བདེ་བ་ཆེན་པོར་སྒྱུར༔ ཆོས་སྐུ་སྐྱེ་མེད་ངང་དུ་བཟློག༔ ནང་གི་གཏོར་མས་སེམས་ཅན་སངས་རྒྱས་སུ་བཟློག་པ་ནི༔ ཧཱུཾ། སྐྱེ་འགྲོའི་སེམས་ཅན་ཐམས་ཅད་ཀུན༔ ལྷ་དང་ལྷ་མོའི་ངང་དུ་སྒྱུར༔ ཐ་མལ་རང་རྒྱུད་འཛིན་པ་བཟློག༔ སྐྱེས་པ་ཞེ་སྡང་རང་བཞིན་ལ༔ མེ་ལོང་ཡེ་ཤེས་ངང་དུ་སྒྱུར༔ གསལ་སྟོང་བདེ་བ་ཆེན་པོར་བཟློག༔ བུད་མེད་འདོད་ཆགས་རང་བཞིན་ལ༔ ཀུན་རྟོག་ཡེ་ཤེས་ངང་དུ་སྒྱུར༔ འཛིན་ཞེན་མེད་པའི་(༦༠ན)
ཀློང་དུ་བཟློག༔ སྐྱེ་འགྲོའི་སེམས་ཅན་ཐམས་ཅད་ཀུན༔ ཕོ་ནི་ཐབས་ཀྱི་རང་བཞིན་ལ༔ མོ་ནི་ཤེས་རབ་རང་བཞིན་ཏེ༔ ཐབས་དང་ཤེས་རབ་གཉིས་སུ་མེད༔ གཉིས་མེད་སངས་རྒྱས་ཉིད་དུ་བཟློག༔ གསང་བའི་གཏོར་མས་དུག་ལྔ་ཡེ་ཤེས་ལྔར་བཟློག་པ་ནི༔ ཧཱུཾ། གཏི་མུག་མ་རིག་འཁྲུལ་པ་ནི༔ ཆོས་དབྱིངས་ཡེ་ཤེས་ཉིད་དུ་སྒྱུར༔ མ་རིག་འཁྲུལ་བའི་རྟོག་པ་བཟློག༔ ཞེ་སྡང་བརྣག་པའི་རྟོག་པ་ནི༔ མེ་ལོང་ཡེ་ཤེས་ཉིད་དུ་སྒྱུར༔ འགྲན་སེམས་ངན་པའི་རྟོག་པ་བཟློག༔ ང་རྒྱལ་ཁེངས་པའི་རྟོག་པ་ནི༔ མཉམ་ཉིད་ཡེ་ཤེས་ཉིད་དུ་སྒྱུར༔ དམན་པ་ཁྱད་གསོད་རྟོག་པ་བཟློག༔ འདོད་ཆགས་ཞེན་པའི་རྟོག་པ་ནི༔ ཀུན་རྟོག་ཡེ་ཤེས་ཉིད་དུ་སྒྱུར༔ འཛིན་ཆགས་མེད་པའི་ངང་དུ་བཟློག༔ ཕྲག་དོག་མནར་བའི་རྟོག་པ་ནི༔ ནན་ཏན་ཡེ་ཤེས་ཉིད་དུ་སྒྱུར༔ དམན་སེམས་ངན་ལ་བཟློག་ཏུ་གསོལ༔ ཕུང་པོ་ཡེ་ཤེས་ལྔ་རུ་བཟློག་ཐབས་བསྟན་པ་ནི༔ ཧཱུཾ། གཟུགས་ཀྱི་ཕུང་པོ་གནས་གྱུར་པ༔ རྡོ་རྗེ་སེམས་དཔའ་ཉིད་དུ་བཟློག༔ ཚོར་བའི་ཕུང་པོ་གནས་གྱུར་པ༔ རིན་ཅེན་འབྱུང་ལྡན་ཉིད་དུ་བཟློག༔ འདུ་ཤེས་ཕུང་པོ་གནས་གྱུར་པ༔ སྣང་བ་མཐའ་ཡས་ཉིད་དུ་བཟློག༔ འདུ་བྱེད་ཕུང་པོ་གནས་གྱུར་པ༔ དོན་ཡོད་གྲུབ་པ་ཉིད་དུ་བཟློག༔ རྣམ་ཤེས་ཕུང་པོ་གནས་གྱུར་པ༔ རྣམ་པར་སྣང་མཛད་ཉིད་དུ་བཟློག༔ འབྱུང་བ་ས་ཡི་གནས་གྱུར་པ༔ སངས་རྒྱས་སྤྱན་མ་ཉིད་དུ་(༦༠བ)
བཟློག༔ འབྱུང་བ་མེ་ཡི་གནས་གྱུར་པ༔ ཡུམ་ཆེན་གོས་དཀར་ཉིད་དུ་བཟློག༔ འབྱུང་བ་ཆུ་ཡི་གནས་གྱུར་པ༔ ཡུམ་ཆེན་མཱ་མ་ཀི་རུ་བཟློག༔ འབྱུང་བ་རླུང་གི་གནས་གྱུར་པ༔ དམ་ཚིག་སྒྲོལ་མ་ཉིད་དུ་བཟློག༔ འབྱུང་བ་ནམ་མཁའི་གནས་གྱུར་པ༔ ཀུན་ཏུ་བཟང་པོ་ཉིད་དུ་བཟློག༔ མིག་གི་རྣམ་ཤེས་གནས་གྱུར་པ༔ སེམས་དཔའ་ས་སྙིང་ཉིད་དུ་བཟློག༔ རྣ་བའི་རྣམ་ཤེས་གནས་གྱུར་པ༔ སེམས་དཔའ་ནམ་སྙིང་ཉིད་དུ་བཟློག༔ སྣ་ཡི་རྣམ་ཤེས་གནས་གྱུར་པ༔ སེམས་དཔའ་འཇམ་དཔལ་ཉིད་དུ་བཟློག༔ ལྕེ་ཡི་རྣམ་ཤེས་གནས་གྱུར་པ༔ སེམས་དཔའ་སྤྱན་རས་གཟིགས་སུ་བཟློག༔ ལུས་ཀྱི་རྣམ་ཤེས་གནས་གྱུར་པ༔ སེམས་དཔའ་ཕྱག་རྡོར་ཉིད་དུ་བཟློག༔ ཡིད་ཀྱི་རྣམ་ཤེས་གནས་གྱུར་པ༔ སྒྲིབ་པ་རྣམ་སེལ་ཉིད་དུ་བཟློག༔ ཉོན་མོངས་ཡིད་ཀྱི་གནས་གྱུར་པ༔ ཀུན་ཏུ་བཟང་པོ་ཉིད་དུ་བཟློག༔ ཀུན་གཞིའི་ཡིད་ཀྱི་གནས་གྱུར་པ༔ བྱམས་པ་མེ་ཏྲི་ཉིད་དུ་བཟློག༔ ལྟ་བྱེད་ཡུལ་གྱི་གནས་གྱུར་པ༔ རྡོ་རྗེ་སྒེག་མོ་ཉིད་དུ་བཟློག༔ ཉན་བྱེད་ཡུལ་གྱི་གནས་གྱུར་པ༔ རྡོ་རྗེ་དབྱངས་ཅན་ཉིད་དུ་བཟློག༔ སྣོམ་བྱེད་ཡུལ་གྱི་གནས་གྱུར་པ༔ རྡོ་རྗེ་བདུག་སྤོས་ཉིད་དུ་བཟློག༔ མྱང་བྱེད་ཡུལ་གྱི་གནས་གྱུར་པ༔ རྡོ་རྗེ་ནཻ་ཝི་ཏྱ་ཉིད་དུ་བཟློག༔ སྐྱོང་བྱེད་ཡུལ་གྱི་གནས་གྱུར་པ༔ རྡོ་རྗེ་གར་བསྒྱུར་ཉིད་དུ་བཟློག༔ དྲན་བྱེད་ཡུལ་གྱི་གནས་གྱུར་པ༔ རྡོ་རྗེ་མར་མེ་ཉིད་དུ་བཟློག༔ ཉོན་མོངས་ཡུལ་གྱི་གནས་གྱུར་པ༔ རྡོ་རྗེ་དྲི་ཆབ་ཉིད་དུ་བཟློག༔ ཀུན་གཞིའི་ཡུལ་གྱི་གནས་གྱུར་པ༔ རྡོ་རྗེ་ཕྲེང་བ་མ་རུ་བཟློག༔ ལུས་ཀྱི་བདག་འཛིན་འཇོམས་པའི་ཕྱིར༔ (༦༡ན)
གཤིན་རྗེ་གཤེད་པོ་ཉིད་དུ་བཟློག༔ ངག་གི་བདག་འཛིན་འཇོམས་པའི་ཕྱིར༔ རྟ་མགྲིན་རྒྱལ་པོ་ཉིད་དུ་བཟློག༔ སེམས་ཀྱི་བདག་འཛིན་འཇོམས་པའི་ཕྱིར༔ རྣམ་པར་རྒྱལ་བ་ཉིད་དུ་བཟློག༔ ཡོན་ཏན་བདག་འཛིན་འཇོམས་པའི་ཕྱིར༔ བདུད་རྩི་འཁྱིལ་བ་ཉིད་དུ་བཟློག༔ འཆི་འཕོ་ལྟུང་བྱེད་འཇོམས་པའི་ཕྱིར༔ ཐུབ་པ་བརྒྱ་བྱིན་ཉིད་དུ་བཟློག༔ འཐབ་རྩོད་སྡུག་བསྔལ་འཇོམས་པའི་ཕྱིར༔ ཐུབ་པ་ཐགས་བཟང་རིས་སུ་བཟློག༔ མི་ཡི་སྐྱེ་འཆི་འཇོམས་པའི་ཕྱིར༔ ཐུབ་པ་ཤཱཀ་ཐུབ་ཉིད་དུ་བཟློག༔ བྱོལ་སོང་བླུན་ལྐུགས་འཇོམས་པའི་ཕྱིར༔ ཤཱཀྱ་སེང་གེ་ཉིད་དུ་བཟློག༔ ཡི་དྭགས་བཀྲེས་སྐོམ་འཇོམས་པའི་ཕྱིར༔ ཐུབ་པ་ཁ་འབར་ཉིད་དུ་བཟློག༔ དམྱལ་བ་ཚ་གྲང་འཇོམས་པའི་ཕྱིར༔ ཆོས་ཀྱི་རྒྱལ་པོ་ཉིད་དུ་བཟློག༔ དགྲ་བགེགས་ཐམས་ཅད་འགུགས་པའི་ཕྱིར༔ རྡོ་རྗེ་ལྕགས་ཀྱུ་ཉིད་དུ་བཟློག༔ དགྲ་བགེགས་ཐམས་ཅད་བཅིང་བའི་ཕྱིར༔ རྡོ་རྗེ་ཞགས་པ་ཉིད་དུ་བཟློག༔ དགྲ་བགེགས་ཐམས་ཅད་སྡོམ་པའི་ཕྱིར༔ རྡོ་རྗེ་ལྕགས་སྒྲོག་ཉིད་དུ་བཟློག༔ དགྲ་བགེགས་ཐམས་ཅད་བསྒྲལ་བའི་ཕྱིར༔ རྡོ་རྗེ་དྲིལ་བུ་ཉིད་དུ་བཟློག༔ ཅེས་བརྗོད་ཅིང་དོན་བསྒོམ་དེ་རྣམས་ཀྱི་ཆོག་སྒྲིགས་གཅེས་པའི་ལྡེ་མིག་ཏུ། བཟློག་དང་ཡང་བཟློག་ཁྱུང་བཟློག་བྱ༔ ཞེས་གསུངས་པའི་དང་པོ་བཟློག་པ་སོང་ནས། གཉིས་པ་ཡང་བཟློག་ནི༔ འབྲུག་པ་པད་དཀར་སོགས་ཀྱིས་སྒྲ་དང་བསྟུན་པའི་དག་ཆ་བྱས་ཏེ་སྔགས་ཆུད་ཟོས་སུ་བཏང་བའི་ལུགས་ངན་རྣམས་དུག་བཞིན་སྤངས་ནས་(༦༡བ)
ཡིག་འབྲུ་སོ་དྲུག་པ་རིགས་འཛིན་བརྒྱུད་པའི་གསུང་རྒྱུན་བཞིན་བརྒྱའམ་ཉེར་གཅིག་བཟླ༔ གསུམ་པ་ཁྱུང་བཟློག་ནི༔ བྱ་ལུང་རྒྱ་མཚོར། ད་ནི་ལྟས་ངན་བྱུང་ན་ཁྱུང་གིས་བཟློག་པས་ན༔ དང་པོ་ཡེ་ཤེས་ཀྱི་བྱ་ཁྱུང་སྤྱན་དྲང་བ་ནི༔ ཧཱུཾ། དད་པ་དང་ནི་དམ་ཚིག་གིས༔ ཚུར་གཤེགས་ཚུར་གཤེགས་བཅོམ་ལྡན་འདས༔ འདབ་ཆགས་རྒྱལ་པོ་ཀ་རུ་ཌ༔ གསེར་མིག་འཁྱིལ་བའི་བྱ་ཁྱུང་དཀར་ལ་ཁྲོ༔ གནམ་ལྕགས་ཨུར་མོའི་མཆུ་སྡེ་འཕྱར་བ་ཡིས༔ ས་བདག་ཀླུ་གཉན་འདར་ཞིང་འཇིགས་པར་བྱེད༔ གཤོག་པ་གསེར་གྱི་རལ་གྲི་གདེངས་པ་ཡིས༔ གནམ་ས་མ་ལུས་ཟིལ་གྱིས་གནོན་པར་བྱེད༔ ཁྱུང་རུ་ནག་པོ་གནམ་དུ་ཟངས་སེ་ཟང་༔ གཡུ་ཡི་ཁལ་ཁེབས་ལེ་བརྒན་གཤོག་པས་མཛེས༔ མཇུག་མ་གཡུ་ཡི་རུ་མཚོན་ཕྱོགས་བཅུར་འབར༔ རིན་ཆེན་སྣ་ཚོགས་རྡོ་རྗེའི་ཐེའུ་ཕྲན་མཛེས༔ འཁོར་ལོ་རིན་ཅེན་འབར་བས་དབུ་ལ་བརྒྱན༔ རྣལ་འབྱོར་བདག་གིས་བྱ་ཁྱུང་བོས་པའི་ཚེ༔ སྤྱན་ནས་ཁྲག་གི་རྦ་ཀློང་ཁྱིལ་ལི་ལི༔ གཤོག་པ་གཡས་པས་ཉི་ཟླ་ཙོག་པོར་འཕེན༔ གཤོག་པ་གཡོན་པས་ས་གཞི་བདར་ཤ་གཅོད༔ བྱ་ཁྱུང་རྒྱལ་པོ་འབོད་དོ་སྙན་མ་སྲ༔ བྱ་ཁྱུང་རྒྱལ་པོ་གཡབ་བོ་སྤྱན་མ་རྟུལ༔ བྱ་ཁྱུང་རྒྱལ་པོ་བསྟེན་ནོ་རྒྱང་མ་རིང་༔ བྱ་ཁྱུང་རྒྱལ་པོ་བསྒྲུབ་བོ་མཐུ་མ་ཆུང་༔ བྱ་ཁྱུང་རྒྱལ་པོ་བསྐུལ་ལོ་སྒབ་མ་ལྕི༔ ལྟས་ངན་བཟློག་དང་ལས་ཀུན་བསྒྲུབ་པའི་ཕྱིར༔ རི་རབ་རྩེ་ཡི་གནས་མཆོག་དམ་པ་ནས༔ བསྟན་པ་བསྲུང་ཕྱིར་གནས་འདིར་སྤྱན་འདྲེན་ན༔ འགྲོ་བའི་དོན་ཕྱིར་མཆོད་ཀྱིས་གཤེགས་སུ་གསོལ༔ (༦༢ན)
ཛཿཧཱུཾ་བཾ་ཧོཿ བཛྲ་ཀཱ་རུ་ཌ་རཱ་ཙ་ས་མ་ཡ་ཛཿ་ཛཿ ཞེས་བརྗོད་པས་བདག་ཉིད་ཆེ་མཆོག་གི་དབུ་ལ་བྱ་ཁྱུང་གིས་བརྒྱན་པ་བསྒོམ་པར་བྱའོ༔ ཧཱུཾ། ཁྱོད་ལ་མཐུན་པའི་དམ་རྫས་འབུལ་བ་ནི༔ རྨད་དུ་བྱུང་བའི་གཏོར་མའི་མཆོད་པ་དང་༔ དམ་རྫས་བདུད་རྩི་འབར་བའི་མཆོད་པ་དང་༔ སྦྱོར་སྒྲོལ་རཀྟའི་མཆོད་པ་ཆེན་པོས་མཆོད༔ མ་ཧཱ་ཀཱ་རུ་ཌ་རཱ་ཙ་བ་ལིང་ཏ་ཁ་རི་ཁཱ་ཧི༔ པཉྩ་ཨ་མྲྀ་ཏ་ཁ་རཾ་ཁཱ་ཧི༔ གྷ་ན་ཏ་ན་རཀྟ་པཱུ་ཙ་མེ་གྷ་ཧཱུཾ། ཞེས་མཆོད་པ་འབུལ༔ ཧཱུཾ། འདབ་ཆགས་རྒྱལ་པོ་བཅོམ་ལྡན་ཀ་རུ་ཌ༔ ལྕགས་སྡེར་བགྲད་པས་ཚངས་པའི་ཡུལ་ས་གནོན༔ གཤོག་པ་བརྐྱང་བས་གཟའ་ཀླུ་དབང་དུ་སྡུད༔ སྤུ་གྲིའི་མཆེ་བ་གཙིགས་ཤིང་འཇིགས་པ་ཡིས༔ ཀླུ་ཆེན་བརྒྱད་པོ་ལས་ལ་འཁོལ་བར་བྱེད༔ མཉམ་ཞིང་ཐབས་མཁས་ཐུགས་རྗེའི་བདག་ཉིད་ཅན༔ ཁྲོ་རྒྱལ་བདག་དང་དགོངས་པ་མཉམ་པར་བཞུགས༔ ཐབས་དང་ལྡན་པའི་ཤེས་རབ་ཡུམ་དང་སྦྱོར༔ དགྲ་བགེགས་གཤེད་མ་བྱ་ཁྱུང་རྒྱལ་པོ་ཡིས༔ ལྟས་ངན་མ་ལུས་བཟློག་པའི་འཕྲིན་ལས་མཛོད༔ ཅེས་བརྗོད་ལ་ཁྱུང་ཞལ་ཕྱིར་བསྒྱུར་ལ་བཟློག་པ་དྲག་ཏུ་བྱ་སྟེ༔ གཞུང་ཆེན་དཀྱུས་ལས་དེ་ནས་ཁྱུང་གིས་ལྟས་ངན་བཟློག་པ་ནི༔ བདག་ཉིད་ཆེ་མཆོག་གསལ་བའི་དབུ་གཙུག་ཏུ་ཁྱུང་ཆེན་འབར་བས་བརྒྱན་པར་བསྒོམས་ལ༔ ཏིང་ངེ་འཛིན་གསལ་བའི་ངང་ནས༔ ཧཱུཾ། བཅོམ་ལྡན་དཔལ་ཆེན་ཆེ་མཆོག་ཧེ་རུ་ཀ༔ དབུ་ནི་ཉེར་གཅིག་ཕྱག་ནི་བཞི་བཅུ་གཉིས༔ ཕྱག་མཚན་སངས་རྒྱས་བཞི་བཅུ་རྩ་གཉིས་བསྣམས༔ དུར་ཁྲོད་ཆས་བརྒྱད་སྐུ་ལ་རྒྱན་དུ་སྤྲས༔ ཁྲོ་ཚུལ་ཉི་ཤུ་རྩ་གཅིག་བརྗིད་(༦༢བ)
པར་སྤྲུལ༔ དབུ་ལ་ཁྱུང་ཆེན་འབར་བས་རབ་ཏུ་བརྒྱན༔ ཁྱུང་གིས་རལ་བ་སྤྲུགས་པ་ལས༔ ཡུལ་གྱི་མ་མོ་བཅུ་གསུམ་སྐྱོང་༔ ནམ་མཁའ་སྨུག་ནག་འཐིབས་པའི་བྱད༔ དྲེད་མོ་རང་འཛིངས་ལྟས་ངན་བཟློག༔ གཡས་ཀྱི་གཤོག་རུ་དང་པོ་ལ༔ སྟེང་གི་ཁྲོ་བཅུ་འབར་བ་སྤྲུལ༔ སེང་གེ་འབྲུག་སྔོན་འཐབ་པའི་བྱད༔ གནམ་ལྕགས་འབར་བའི་ལྟས་ངན་བཟློག༔ གཤོག་རུ་འབར་བ་གཉིས་པ་ལ༔ གསད་པའི་ཁྲོ་བོ་བཅུ་རུ་འབར༔ གླང་ཆེན་རྦ་ལ་འཕྱོ་བའི་བྱད༔ སྟག་སེང་འཛིང་བའི་ལྟས་ངན་བཟློག༔ གཤོག་རུ་འབར་བ་གསུམ་པ་ལ༔ སྤྱི་དཔལ་ཁྲོ་བཅུ་འབར་བ་སྤྲུལ༔ གནམ་ས་སྤྲིན་དམར་མཆེད་པའི་བྱད༔ བུད་མེད་རལ་འཛིངས་ལྟས་ངན་བཟློག༔ གཡས་ཀྱི་གཤོག་རུ་བཞི་པ་ལ༔ རྫོགས་པ་ཆེན་པོའི་ཁྲོ་བཅུ་འབར༔ སྐར་མདའ་ས་ལ་ལྷུང་བའི་བྱད༔ དབྱིག་གི་ནོར་བུའི་ལྟས་ངན་བཟློག༔ གཡས་ཀྱི་གཤོག་རུ་ལྔ་པ་ལ༔ ཏ་ཀྲྀ་ཁྲོ་བོ་བཅུ་དྲུག་ཤར༔ རི་རབ་མེ་ཆེན་མཆེད་པའི་བྱད༔ ལྕི་བའི་ཟས་ཀྱི་ལྟས་ངན་བཟློག༔ གཡོན་གྱི་གཤོག་རུ་དང་པོ་ལ༔ སྲོག་རྩེཾའི་མ་མོ་བདུན་དུ་ཤར༔ རྒྱ་མཚོ་དུག་སྦྲུལ་འཁྱིལ་བའི་བྱད༔ མེ་ཏོག་བཅུད་ཉམས་ལྟས་ངན་བཟློག༔ གཡོན་གྱི་གཤོག་རུ་གཉིས་པ་ལ༔ ཨེ་ཀ་དྲག་མོ་སྤུན་དྲུག་སྤྲུལ༔ མཁའ་ལ་སྟག་མོ་འཕྱོ་བའི་བྱད༔ རྫི་བས་བསྐྱོད་པའི་ལྟས་ངན་བཟློག༔ གཡོན་གྱི་གཤོག་རུ་གསུམ་པ་ལ༔ སྲིན་མོ་འབར་མ་བདུན་དུ་ཤར༔ མཁའ་ལ་བྱ་རྒོད་སྡེར་འཛིངས་བྱེད༔ གཏེར་གྱི་བཅུད་ཉམས་ལྟས་ངན་བཟློག༔ གཡོན་གྱི་གཤོག་རུ་(༦༣ན)
བཞི་པ་ལ༔ གདོང་མ་བཞི་དང་རྒྱལ་མོ་བཞི༔ གཡུ་ཤ་རཱ་བཅུ་འཛིང་པའི་བྱད༔ སེང་གེ་ངུ་འབོད་ལྟས་ངན་བཟློག༔ གཡོན་གྱི་གཤོག་རུ་ལྔ་པ་ལ༔ ཉི་ཤུ་རྩ་བརྒྱད་སྤྲུལ་པ་བྱུང་༔ རྣོ་དབལ་ངར་གྱི་ལྟས་ངན་དང་༔ རྨ་བྱ་གཡེང་བའི་ལྟས་ངན་བཟློག༔ གཡུ་སྒོང་སྔོན་པོ་ཡར་བ་དང་༔ ལྕགས་ཀྱི་སེར་བ་འབབ་པ་དང་༔ ཤེལ་དཀར་སྣོད་དུ་དུག་གཡོས་དང་༔ ཟངས་སྒོང་དམར་པོ་འདྲིལ་བ་དང་༔ མི་བཟད་འབར་བ་ཀླད་ལ་བསྐོར༔ ཉི་མ་སྤྲིན་གྱིས་འཁྲིགས་པ་དང་༔ འཚུབ་མ་མང་པོའི་མིག་ལྟས་དང་༔ སེང་གེ་གངས་ཀྱི་སྟོངས་ནས་ལྷུང་༔ ཤེལ་གྱི་སྒོ་ང་ཡར་བ་དང་༔ སྤྲིན་ཆེན་ཡར་བའི་རྟགས་བསྟན་དང་༔ དབང་པོའི་བཅུད་ཆེན་ཐགས་པ་དང་༔ དབང་མོ་ཉི་ཤུ་རྩ་བརྒྱད་ཀྱི༔ ལྟས་ངན་བཅུ་གསུམ་སླར་ལ་བཟློག༔ ཁྱུང་གི་མཇུག་སྒྲོ་བརྒྱད་པོ་ལ༔ རྒྱལ་མོ་བཞི་དང་གདོང་མོ་བཞི༔ སྤྲུལ་པ་འོད་ཀྱི་ཕྲེང་བ་ཤར༔ བསེ་སྡོང་ཁྲ་བོའི་ཟུར་བསྟན་ཏེ༔ ལྕུག་ཕྲན་ཟོར་གྱིས་འདེབས་པ་དང་༔ གཟའ་སྐར་འཁྲུག་པའི་བྱད་བྱུང་མ༔ ཟོར་བརྒྱད་རྩ་ལ་སྤུད་པ་ཆགས༔ དེ་ཡི་ལྟས་ངན་སླར་ལ་བཟློག༔ འདིར་གཏེར་གཞུང་ཟུར་བཀོལ་བྱ་ལུང་རྒྱ་མཚོར་ཁྱུང་གི་ལྟས་ངན་བཟློག་པའི་ཤམ་བུ་གུད་དུ་སྦས་པ་ནི༔ དེ་ཡི་ལྟས་ངན་སླར་ལ་བཟློག༔ ཅེས་པའི་མཇུག་ཏུ་འདི་གདགས་སོ༔ བཅོམ་ལྡན་ཆེ་མཆོག་ཧེ་རུ་ཀ༔ ཧཱུཾ་གི་ཐུགས་མཆོག་འབར་བ་ལས༔ གསེར་གྱི་ཐིག་ལེ་གྲུ་གསུམ་ནས༔ བཙོ་མ་གསེར་གྱི་སློག་པ་ལས༔ རྡོ་རྗེ་ཧ་ཡི་འཕྲེང་བས་བརྒྱན༔ ཐུགས་ལས་ཡེ་ཤེས་འོད་གསལ་(༦༣བ)
བས༔ ཁྱེད་ཀྱི་ཐུགས་དམ་བསྐང་བ་ནི༔ ལྕགས་སྒོང་ནག་པོ་འབར་བ་ལས༔ གཡུ་ཡི་ཐིག་ཕྲན་འབར་བ་འཕྲོ༔ ཡུམ་གྱི་ཐུགས་ལས་སྤྲུལ་པ་སྟེ༔ མཐོ་ཡང་དེ་ནི་མི་མཐོ་སྟེ༔ རི་རབ་ཉིད་ཀྱི་ཟོམ་ན་འབར༔ དམའ་ཡང་དེ་ནི་མི་དམའ་སྟེ༔ རྒྱ་མཚོ་ཆེན་པོའི་གཏིང་ན་ཉལ༔ སྒོ་ང་རང་གིས་རང་བརྟོལ་བས༔ ཤ་ཟན་མཆུ་བཀུག་རིགས་སུ་བྱུང་༔ བྱ་ཆེན་དེ་ཡི་དཔྲལ་བ་ནི༔ རི་རབ་བུམ་པའི་ལྟོས་དང་མཉམ༔ དབུ་ལ་གཡུ་ཡི་རྭ་འབར་བས༔ ནམ་མཁའི་ཁམས་ཀྱི་སྟོངས་སུ་སླེབ༔ ཁ་ནས་ཀླུ་བདུད་དྲངས་པ་ནི༔ འོག་གི་རྒྱ་མཚོའི་གཏིང་ནས་འདྲེན༔ མིག་ནི་ཉི་ཟླ་འབར་བ་སྟེ༔ ཀླུ་བདུད་ཟིལ་གྱིས་གནོན་པར་བྱེད༔ ཁ་ནས་མེ་འབར་རྒྱ་མཚོ་སྐེམས༔ སེམས་ནི་ཆགས་པ་ལྔ་དང་ལྡན༔ སྡེར་མོ་གཡུ་སྡེར་འབར་བ་ཡིས༔ ཆུ་སྲིན་ནག་པོའི་སྙིང་ནས་འདྲེན༔ ཁ་རླངས་ན་བུན་བཞིན་དུ་ཆགས༔ དུང་གི་གཤོག་རླབས་འབར་བ་ཡིས༔ གཡུ་ཡི་གཤོག་རྩེར་ཟེར་འཕྲོས་པས༔ ཐགས་བཟང་རིས་ཀྱི་མགོ་བོ་གཅོད༔ གཡས་ཀྱི་གཤོག་པ་བརྐྱང་བ་ཡིས༔ ལྷ་ཡི་དབང་པོའི་གནས་ལ་སླེབ༔ གཡོན་གྱི་གཤོག་པ་བརླབས་པ་ཡིས༔ གསེར་གྱི་ས་གཞི་འབར་བ་གཤིག༔ ལྟེ་བ་འབྲུག་སྔོན་འབར་བ་འབྱུང་༔ ཁ་ནས་གློག་དམར་འཇིབས་སེ་འཇིབ༔ མེ་ཡི་རྩེ་ཐོག་ཆེན་པོ་འབབས༔ མིག་ནས་ལྕགས་ཀྱི་སེར་ཆེན་འབེབས༔ སྣ་ནས་བུ་ཡུག་འཚུབ་མར་འཚུབ༔ ཁྱོད་ཀྱི་རྩི་ཐོག་འབར་བ་ལ༔ མཁལ་མ་ཧག་ནེ་འབར་བ་སྟེ༔ མཆིན་པ་རོ་སྙིང་ཆེན་པོ་ལ༔ མཁྲིས་པ་གསོད་བྱེད་(༦༤ན)
ཆེན་པོ་སྟེ༔ ཟུར་ཕུད་ལྔ་ཡི་ཆོ་འཕྲུལ་འགྱེད༔ མཆེར་པ་མྱོང་བྱེད་འབར་བ་ཡི༔ གློ་བ་སྐྱེ་མཆེད་སྟོབས་ཆེན་ཏེ༔ གྲོང་པ་སྡེ་དཔོན་ཆེན་པོ་ལ༔ སྙིམ་པ་དབང་ཆེན་འབར་བ་སྤྲུལ༔ སྒལ་ཚིགས་འཁོར་ལོ་བཅུ་དྲུག་ལ༔ སྲིད་པའི་ཕོ་རྒྱུད་བཅུ་དྲུག་སྤྲུལ༔ གཡས་ཀྱི་འདབ་གཤོག་ལྔ་བཅུ་དྲུག༔ ཁྲག་འཐུང་ལྔ་བཅུ་རྩ་དྲུག་སྤྲུལ༔ གཡོན་གྱི་འདབ་གཤོག་ལྔ་བཅུ་དྲུག༔ སྨན་མོ་ལྔ་བཅུ་རྩ་དྲུག་སྤྲུལ༔ མདོངས་ཀྱི་ཐིག་ལེ་བཅུ་གསུམ་ལ༔ ཡུལ་གྱི་མ་མོ་བཅུ་གསུམ་འཆར༔ དཔལ་བེའི་ཐུགས་སྒྲོམ་བཅོ་བརྒྱད་ལ༔ སེམས་ཀྱི་མ་མོ་བཅོ་བརྒྱད་གནས༔ ཤ་སྒྲོམ་ཐིག་ལེ་བརྒྱད་པོ་ལ༔ སྲིད་པའི་ཕོ་རྒྱུད་མོ་རྒྱུད་འཆར༔ མ་མོར་གྲགས་པ་ཐམས་ཅད་ཀྱང་༔ ཁྱུང་ཆེན་སྐུ་ཡི་ཁོངས་སུ་རྫོགས༔ ཀླུ་ཡི་རྒྱལ་པོ་ནོར་འཛིན་དང་༔ སྲིད་པའི་བྱ་ཁྱུང་འབར་བ་གཉིས༔ གནོད་སྦྱིན་བུ་མོ་རྟ་གདོང་མས༔ རྒྱ་མཚོ་ཆེན་པོའི་གཏིང་ནས་དཀྲུགས༔ ཁ་རླངས་ནམ་མཁའི་སྤྲིན་དུ་ཆགས༔ ཀླུ་དང་བྱ་ཁྱུང་སེམས་འཁྲུགས་པས༔ སྲིད་པའི་མ་མོ་སེམས་འཁྲུགས་ཏེ༔ དེ་ཕྱིར་བསྐང་དང་བཟློག་པ་གསུངས༔ བསྐང་ངོ་བསྐལ་པའི་ཐུགས་དམ་བསྐང་༔ བྱ་ཁྱུང་རྒྱལ་པོའི་ཐུགས་དམ་བསྐང་༔ ཁྲོ་རྒྱལ་རྣམས་ཀྱི་ཐུགས་དམ་བསྐང་༔ མ་མོའི་ཚོགས་ཀྱི་ཐུགས་དམ་བསྐང་༔ ཐུགས་དམ་བསྐང་བའི་བྱིན་རླབས་ཀྱིས༔ ལྟས་ངན་ཆོ་འཕྲུལ་དགྲ་ལ་སྒྱུར༔ དེ་ནས་གཞུང་གི་དཀྱུས་ལྟར༔ ཧཱུཾ། ཁྲོ་རྒྱལ་ཁམས་གསུམ་ཧཱུཾ་སྒྲ་ཅན༔ སྐུ་ལ་ཟངས་(༦༤བ)
ཁྲབ་འོད་ཀྱིས་མཛེས༔ ཕྱག་ན་མདུང་དམར་ཆེམས་སེ་ཆེམ༔ བ་དན་རྩེ་གསུམ་གཡབ་མོས་བདེབས༔ གཡས་ནས་བསྐོར་བས་ལྷ་སྲིན་སྡུད༔ གཡོན་ནས་བསྐོར་བས་ཀླུ་སྲིན་སྡུད༔ ཀླད་ལ་བསྐོར་བས་བདུད་དཔུང་འཇོམས༔ སྲོག་དབུགས་དབང་བྱེད་དྲོད་ལ་ཁྱབ༔ ལྟས་ངན་དམིགས་ཀྱིས་དྲལ་དུ་གསོལ༔ ལྟས་ངན་དམིགས་ཀྱིས་གཞིག་ཏུ་གསོལ༔ ལྟས་ངན་དམིགས་ཀྱིས་བསྒྲལ་དུ་གསོལ༔ བྷྱོ། བཟློག །བསྒྱུར་རོ༔ བྱ་ཁྱུང་བསྙེན་ཅིང་བསྒྲུབ་པའི་སྔགས་ནི༔ ཨཱོཾ་བཛྲ་མ་ཧཱ་ཀྲོ་ཏ་སོ་ལྔ་པའི་ཤམ་བུར༔ ཨཱོཾ་བཛྲ་ཙཎྜ་སརྦ་དུཥྚཱཾ་ཀ་རུ་ཌ་སརྦ་ཌཱ་ཀི་ནི་ས་མ་ཡ་ཧྲིཾ་ཧཱུཾ་ཕཊ༔ ཅེས་བསྙེན་པ་བགྲང་ངོ་༔ དྲག་པོའི་སྔགས་ཀྱི་ཞབས་སུ་བཏགས་པ་བཟླས་སོ༔ ཁྱུང་རིགས་ལྔའི་སྔགས་བཟླ་བར་སྣང་བ་ཡང་བརྟག་པའི་གནས་ཡིན་ཅིང་༔ གོང་ར་བ་སོགས་གཉན་ལྷོག་གི་སྔགས་ལྷང་ལྷང་ཙེར་ཙེར་བཟླ་ཟེར་བ་ནི་ནང་ཟོང་སྟོན་པའི་གནས་ཡིན་ནོ༔ བདེ་གཤེགས་སྒྲུབ་པ་བཀའ་བརྒྱད་ལྷ་ལ་ཕྱག་འཚལ་ལོ༔ ཁྲོ་བོ་རོལ་པའི་ལས་ཚོགས་ལས་འདེབས་ཀ་དགུའི་སྔགས་བཟློག་འདི༔ རྩ་བའི་སྔགས་ལ་བཟློག་སྔགས་བཏགས་པ་བརྒྱ་རྩ་བརྒྱད་སོགས་ཅི་རིགས་པ་བཟླས༔ འདི་སྐད་བཟློག་བསྒྱུར་དྲག་ཏུ་བྱའོ༔ བདུད་བཟློག་པའི་འདེབས་ཀ་ནི༔ དུ་ར་ཀེ་རུ་མ་མ་ཤུ་ར། ས་ར་ཏྲི་ཤི་མ་གུ་བྷ་ཡུ་ནི་བཟློག༔ ཧཱུཾ། སྨུག་ནག་གྲུ་གསུམ་དཀྱིལ་འཁོར་ནས༔ དཔལ་ཆེན་ཆེ་མཆོག་སྤྲུལ་པའི་ཁྱུང་༔ ཞལ་གཅིག་ཕྱག་གཉིས་སྐུ་མདོག་སྨུག༔ སྐུ་གསུང་ཐུགས་ཀྱི་འོད་ཟེར་ལས༔ སྤྲུལ་པའི་བྱ་ཁྱུང་སྣ་ཚོགས་འགྱེད༔ དམ་རྫས་གཏོར་(༦༥ན)
མ་འདི་བཞེས་ལ༔ དབུས་ཕྱོགས་ལྷ་ཡི་གདོན་ཚོགས་དང་༔ ནག་པོ་བདུད་ཀྱི་དམག་ཚོགས་བཟློག༔ རྒྱལ་པོ་བཟློག་པའི་འདེབས་ཀ་ནི༔ ར་ཙ་པྲ་དུ་ཧ་ན་ཕཊ༔ ར་ཙ་ཡེ་དུ་རྦད་ན་ཆོད་དུ་བཟློག༔ ཧཱུཾ། མཐིང་ནག་གྲུ་གསུམ་དཀྱིལ་འཁོར་ནས༔ བཛྲ་ཧེ་རུ་ཀ་ཡི་སྤྲུལ་པའི་ཁྱུང་༔ ཞལ་གཅིག་ཕྱག་གཉིས་སྐུ་མདོག་མཐིང་༔ སྐུ་གསུང་ཐུགས་ཀྱི་འོད་ཟེར་ལས༔ སྤྲུལ་པའི་བྱ་ཁྱུང་སྣ་ཚོགས་འགྱེད༔ དམ་རྫས་གཏོར་མ་འདི་བཞེས་ལ༔ ཤར་ཕྱོགས་དྲི་ཟའི་གདོན་ཚོགས་དང་༔ རཱ་ཙ་རྒྱལ་པོའི་དམག་ཚོགས་བཟློག༔ གཤིན་རྗེའི་འདེབས་ཀ་ནི༔ ཡ་མ་མི་དུ་རུ་རཀྴ་བྷྱོཿ ར་ག་ར་པྲེ་དུ་མ་བཟློག་ཅིག༔ ཧཱུཾ། སེར་ནག་གྲུ་གསུམ་དཀྱིལ་འཁོར་ནས༔ དཔལ་ཆེན་གཤིན་རྗེའི་སྤྲུལ་པའི་ཁྱུང་༔ ཞལ་གཅིག་ཕྱག་གཉིས་སྐུ་མདོག་སེར༔ སྐུ་གསུང་ཐུགས་ཀྱི་འོད་ཟེར་ལས༔ སྤྲུལ་པའི་བྱ་ཁྱུང་སྣ་ཚོགས་འགྱེད༔ དམ་རྫས་མཆོད་གཏོར་འདི་བཞེས་ལ༔ ལྷོ་ཕྱོགས་གཤིན་རྗེའི་གདོན་ཚོགས་དང་༔ གྲུལ་བུམ་དམག་ཚོགས་བཟློག་ཏུ་གསོལ༔ ཀླུ་བཟློག་པའི་འདེབས་ཀ་ནི༔ ནཱ་ག་ཤི་ན་ས་དུ་རཾ། ནཱ་ག་མ་རི་ཏྲ་སུ་ཏྭ་རཾ་དུ་ཤན་བཟློག༔ ཧཱུཾ། དམར་ནག་གྲུ་གསུམ་དཀྱིལ་འཁོར་ནས༔ དཔལ་ཆེན་རྟ་མགྲིན་སྤྲུལ་པའི་ཁྱུང་༔ ཞལ་གཅིག་ཕྱག་གཉིས་སྐུ་མདོག་དམར༔ སྐུ་གསུང་ཐུགས་ཀྱི་འོད་ཟེར་ལས༔ སྤྲུལ་པའི་བྱ་ཁྱུང་སྣ་ཚོགས་འགྱེད༔ དམ་རྫས་གཏོར་མ་འདི་བཞེས་ལ༔ ནུབ་ཕྱོགས་ས་བདག་གདོན་ཚོགས་དང་༔ ཀླུ་ཡི་དམག་ཚོགས་བཟློག་ཏུ་གསོལ༔ བཙན་བཟློག་པའི་འདེབས་ཀ་ནི༔ ཤུ་ཀྵ་(༦༥བ)
ར་ཡ་དུ་དང་ཤེ་སརྦ་རི་བྲ་ནི༔ ར་ད་སེ་དུ་དུར་ཡུ་དང་ཀ་ཀྵ་ས་དུ་བཟློག༔ ཧཱུཾ། ལྗང་ནག་གྲུ་གསུམ་དཀྱིལ་འཁོར་ནས༔ རྡོ་རྗེ་གཞོན་ནུ་སྤྲུལ་པའི་ཁྱུང་༔ ཞལ་གཅིག་ཕྱག་གཉིས་སྐུ་མདོག་ལྗང་༔ སྐུ་གསུང་ཐུགས་ཀྱི་འོད་ཟེར་ལས༔ སྤྲུལ་པའི་བྱ་ཁྱུང་སྣ་ཚོགས་འགྱེད༔ དམ་རྫས་གཏོར་མ་འདི་བཞེས་ལ༔ བྱང་ཕྱོགས་གནོད་སྦྱིན་གདོན་ཚོགས་དང་༔ དམར་པོ་བཙན་གྱི་དམག་ཚོགས་བཟློག༔ མ་མོ་བཟློག་པའི་འདེབས་ཀ་ནི༔ མ་མ་རུ་ན་དུ་རུ་བྷྱོ༔ མ་སན་དུར་ཧྲཾ་ཧཱུཾ་བཟློག༔ ཧཱུཾ། མ་མོ་རོལ་པའི་དཀྱིལ་འཁོར་ནས༔ དཔལ་ཆེན་བླ་མེད་སྤྲུལ་པའི་ཁྱུང་༔ ཞལ་གཅིག་ཕྱག་གཉིས་སྐུ་མདོག་སྨུག༔ སྐུ་གསུང་ཐུགས་ཀྱི་འོད་ཟེར་ལས༔ སྤྲུལ་པའི་བྱ་ཁྱུང་སྣ་ཚོགས་འགྱེད༔ དམ་རྫས་གཏོར་མ་འདི་བཞེས་ལ༔ ཤར་ཕྱོགས་མེ་ལྷའི་གདོན་ཚོགས་དང་༔ མ་མོའི་དམག་ཚོགས་བཟློག་ཏུ་གསོལ༔ སྲིན་པོ་བཟློག་པའི་འདེབས་ཀ་ནི༔ རཀྵ་ས་དྷེ་ཝ་ཤཀ་ཏུ་བྱ་ཏ་རི་སུ་མ་ག་ཡ་ར་ཏུ་མུ༔ ཏྲེ་བ་བཟང་སྐྱེ་ར་རར་ཤ་རིག་བཟློག༔ ཧཱུཾ། རིགས་འཛིན་རོལ་པའི་དཀྱིལ་འཁོར་ནས༔ རིགས་འཛིན་སློབ་དཔོན་སྤྲུལ་པའི་ཁྱུང་༔ ཞལ་གཅིག་ཕྱག་གཉིས་སྐུ་མདོག་ནག༔ སྐུ་གསུང་ཐུགས་ཀྱི་འོད་ཟེར་ལས༔ སྤྲུལ་པའི་བྱ་ཁྱུང་སྣ་ཚོགས་འགྱེད༔ དམ་རྫས་གཏོར་མ་འདི་བཞེས་ལ༔ ལྷོ་ནུབ་བདེན་བྲལ་གདོན་ཚོགས་དང་༔ སྲིན་པོའི་དམག་ཚོགས་བཟློག་ཏུ་གསོལ༔ གཟའ་བཟློག་པའི་འདེབས་ཀ་ནི༔ ཨ་ཡ་མ་པྲེ་དུ་ཀྵ་གཟའ་ཁ་ཏྲ་རུ་ཏྲ་ཡེ་བཟློག༔ ཧཱུཾ། དྲེགས་པ་རོལ་པའི་དཀྱིལ་འཁོར་ནས༔ དཔལ་(༦༦ན)
ཆེན་དྲེགས་པ་ཀུན་འདུལ་བྱུང་༔ ཞལ་གཅིག་ཕྱག་གཉིས་སྐུ་མདོག་ཁམ༔ སྐུ་གསུང་ཐུགས་ཀྱི་འོད་ཟེར་ལས༔ སྤྲུལ་པའི་བྱ་ཁྱུང་སྣ་ཚོགས་འགྱེད༔ དམ་རྫས་གཏོར་མ་འདི་བཞེས་ལ༔ ནུབ་ཕྱོགས་རླུང་ལྷའི་གདོན་ཚོགས་དང་༔ དྲང་སྲོང་གཟའ་ཡི་དམག་ཚོགས་བཟློག༔ ཐེའུ་རང་བཟློག་པའི་འདེབས་ཀ་ནི༔ ཏྲིའུ་ཨ་པ་རཀྵན་ཡ་དུ་ཏྲག༔ ཏྲི་དུ་ས་དུ་ར་ཏྲི་མང་ཀ་བཟློག༔ ཧཱུཾ། དྲག་སྔགས་རོལ་པའི་དཀྱིལ་འཁོར་ནས༔ དཔལ་ཆེན་སྟོབས་ལྡན་ནག་པོའི་ཁྱུང་༔ ཞལ་གཅིག་ཕྱག་གཉིས་སྐུ་མདོག་མཐིང་༔ སྐུ་གསུང་ཐུགས་ཀྱི་འོད་ཟེར་ལས༔ སྤྲུལ་པའི་བྱ་ཁྱུང་སྣ་ཚོགས་འགྱེད༔ དམ་རྫས་གཏོར་མ་འདི་བཞེས་ལ༔ བྱང་ཤར་བགེགས་ཀྱི་གདོན་ཚོགས་དང་༔ ཐེའུ་རང་དམག་ཚོགས་དགྲ་ལ་བཟློག༔ ཅེས་འདེབས་ཀ་དགུའི་བཟློག་པའི་སྨྲེང་ཤིན་ཏུ་ཟབ་པ་འདི་ཡང་མྱང་སྨན་ལུང་པ་མི་བསྐྱོད་རྡོ་རྗེའི་ཕྱག་བཞེས་ལས་བྱུང་བ་ཨྠྀི༔ དེ་ནས་རྒྱལ་མཚན་རྣམ་དགུའི་སྨྲེང་ནི༔ ཆེ་མཆོག་ཧེ་རུ་ཀ་ལ་ཕྱག་འཚལ་ལོ༔ གཏོར་བཟློག་གཟེར་ཁའི་ལྷན་ཐབས་རྒྱལ་མཚན་རྣམ་དགུ་ནི༔ དབུས་ཀྱི་ཆེ་མཆོག་གི་གཏོར་མའི་སྟེང་དུ་ཞེས་སོགས་བཅས་རྣམས་གཏེར་གཞུང་ནས་གསལ་བ་ལྟར་བྱས་ལ༔ དེ་ནས་ཏིང་ངེ་འཛིན་གསར་ཞིང་འདི་སྐད་དོ༔ ཧཱུཾ། དབུས་ཀྱི་དཔལ་ཆེན་གཏོར་མའི་སྟེང་༔ ཆེ་མཆོག་དབུ་ལ་ཁྱུང་ཆེན་ནི༔ མཐིང་ནག་མེ་ཡི་གཤོག་པ་ཅན༔ གདོང་བས་གདོང་ཅན་ལྟས་ངན་བཟློག༔ གཤོག་པས་གཤོག་ཅན་ལྟས་ངན་དང་༔ སྡེར་མོས་སྡེར་ཅན་ལྟས་ངན་དང་༔ མཆུ་ཡི་མཆུ་ཅན་(༦༦བ)
ལྟས་ངན་དང་༔ རྭ་ཡི་རྭ་ཅན་ལྟས་ངན་རྣམས༔ བཟློག་གོ་བསྒྱུར་རོ་གཏོར་མས་བཟློག༔ ཧཱུཾ། ཤར་གྱི་ཡང་དག་གཏོར་མའི་སྟེང་༔ རྨ་བྱ་མི་རོ་ཟ་བ་ཡིས༔ རྨ་བྱ་གཡེང་བའི་ལྟས་ངན་བཟློག༔ མི་ཡི་དུག་སྦྱོར་གཡོས་པ་དང་༔ ལྷ་འདྲེ་འཁྲུག་པའི་ལྟས་ངན་དང་༔ གང་ཟོས་དུག་ཏུ་སོང་བ་རྣམས༔ བཟློག་གོ་བསྒྱུར་རོ་གཏོར་མས་བཟློག༔ ཧཱུཾ། ཤར་ལྷོ་མ་མོའི་གཏོར་མའི་སྟེང་༔ ཤ་ཕོ་ངུ་འབོད་བཙུགས་པ་ཡིས༔ ནད་ཁ་རིམས་ཁ་གཡོས་པ་བཟློག༔ ཤ་ཕོ་རྭ་འཛིངས་ལྟས་ངན་བཟློག༔ ཉ་མོ་མངལ་འཛིངས་ལྟས་ངན་དང་༔ ནག་མོ་སླར་འཛིངས་ལྟས་ངན་དང་༔ དུར་ཁྲོད་ཝ་མོ་བརྒྱལ་བ་རྣམས༔ བཟློག་གོ་བསྒྱུར་རོ་གཏོར་མས་བཟློག༔ ཧཱུཾ། ལྷོ་ཕྱོགས་གཤིན་རྗེའི་གཏོར་མའི་སྟེང་༔ སྟག་མོ་མི་རོ་ཟ་བ་ཡིས༔ དགྲ་བགེགས་སྟག་ལྟར་འཕྱོ་བ་བཟློག༔ སྲེ་མོང་བྱི་རོ་ཁྱེར་བ་དང་༔ འདྲེ་མོའི་ཁ་ནས་སྡོམ་ཁྱེར་དང་༔ སྔ་དགྲ་བདར་དང་ཕྱི་དགྲ་སེམས༔ མདུན་ནས་འགུགས་པ་ཐམས་ཅད་དང་༔ མི་མཐུན་སྦྱོར་རྩུབ་ལྟས་ངན་རྣམས༔ བཟློག་གོ་བསྒྱུར་རོ་གཏོར་མས་བཟློག༔ ཧཱུཾ། ལྷོ་ནུབ་རིགས་འཛིན་གཏོར་མའི་སྟེང་༔ བུད་མེད་འཐབ་ཅིང་འཛིང་བ་ཡིས༔ ནག་མོ་སྤྱོ་འཛིང་ལྟས་ངན་བཟློག༔ ངན་དགུ་དགུ་བཅུ་གཤོམ་པ་དང་༔ རྒྱ་འདྲེ་སྟོང་འདྲེ་ལངས་པ་དང་༔ གཡོས་ཚད་དུག་ཏུ་སོང་བ་དང་༔ ཁྱོ་ལ་བུད་མེད་འཁུ་བ་རྣམས༔ བཟློག་གོ་བསྒྱུར་རོ་གཏོར་མས་བཟློག༔ ཧཱུཾ། ནུབ་ཀྱི་རྟ་མགྲིན་གཏོར་མའི་སྟེང་༔ མི་ཧྲེང་དམར་པོ་སྦར་གདེངས་ཀྱིས༔ གཤིན་མིག་གསོན་ལ་བལྟ་བ་བཟློག༔ དུར་ནས་འོ་དོད་འབོད་པ་དང་༔ ཕ་ཁུའི་རྒན་(༦༧ན)
སྲི་ལངས་པ་དང་༔ མ་བུའི་བྱུར་འདྲེ་ལངས་པ་དང་༔ བྱིས་པའི་ཆུང་སྲི་ལ་སོགས་པ༔ རྐྱེན་ངན་གནོད་འཚེ་ལྟས་ངན་རྣམས༔ བཟློག་གོ་བསྒྱུར་རོ་གཏོར་མས་བཟློག༔ ཧཱུཾ། ནུབ་བྱང་མཆོད་བསྟོད་གཏོར་མའི་སྟེང་༔ སེང་གེ་དགྲ་སྙིང་ཟ་བ་ཡིས༔ མི་ཆེན་དམངས་བབས་ལྟས་ངན་བཟློག༔ སེང་གེ་ཀླུངས་བབས་ལྟས་ངན་དང་༔ ཆེ་བཙུན་ནང་འཁྲུག་ལྟས་ངན་དང་༔ རྗེ་བློན་བཀའ་ཆད་ལྟས་ངན་རྣམས༔ བཟློག་གོ་བསྒྱུར་རོ་གཏོར་མས་བཟློག༔ ཧཱུཾ། བྱང་གི་འཕྲིན་ལས་གཏོར་མའི་སྟེང་༔ ལྕགས་ཀྱི་སྤྱང་མོ་བཙུགས་པ་ཡིས༔ ཕུར་པའི་དབལ་ཟོར་འཕེན་པ་བཟློག༔ ཁྲག་ཟོར་རྦོད་གཏོར་ངན་པ་དང་༔ ཡུངས་ཀར་མདའ་ཟོར་འཕེན་པ་དང་༔ སྔགས་པའི་སྔགས་ཟོར་རྦུད་པ་དང་༔ མུ་སྟེགས་པར་བུ་ངན་སྔགས་དང་༔ ཕྲ་མེན་མ་ཡི་ཉེ་འབྱེད་རྣམས༔ བཟློག་གོ་བསྒྱུར་རོ་གཏོར་མས་བཟློག༔ ཧཱུཾ། བྱང་ཤར་དྲག་སྔགས་གཏོར་མའི་སྟེང་༔ མེ་ནག་སྤྱང་གདོང་བཅུགས་པ་ཡིས༔ མི་ནག་འོ་དོད་འབོད་པ་བཟློག༔ གཅན་གཟན་མི་རོ་ཁྱེར་བ་དང་༔ སྤྱང་ཁུ་འོ་དོད་འབོད་པ་དང་༔ བདུད་མོས་ཁྲམ་ལ་བཏབ་པ་དང་༔ བཙན་འགོང་ཟ་འདྲེ་ལངས་པ་རྣམས༔ བཟློག་གོ་བསྒྱུར་བ་གཏོར་མས་བཟློག༔ བྷྱོ། དཔལ་གྱི་བཀའ་སྡོད་གཏོར་མའི་སྟེང་༔ བྱ་རོག་འུག་པ་ཞོན་པ་ཡིས༔ བྱ་རྒོད་སྡེར་འཛིངས་ལྟས་ངན་བཟློག༔ འུག་པ་སྦོ་ལ་རྒོད་པ་དང་༔ སྲིན་བྱ་ལོགས་ལ་བརྒྱལ་བ་དང་༔ བྱ་རོག་བྲང་འབྲད་བསྒྱུར་བ་དང་༔ འདབ་ཆགས་གཅིག་ལ་(༦༧བ)
གཅིག་ཞོན་དང་༔ ལྟས་ངན་བརྒྱད་ཅུ་རྩ་གཅིག་རྣམས༔ བཟློག་གོ་བསྒྱུར་རོ་གཏོར་མས་བཟློག༔ བྷྱོ༔ གཞན་ཡང་ལྟས་ངན་བཟློག་པ་ནི༔ མོན་ནག་འཇིགས་པའི་ཆ་བྱད་ཅན༔ མཛེ་ཕོའི་འཁོར་གྱིས་བསྐོར་བ་ནི༔ ལས་ཀྱི་གཤིན་རྗེའི་ཆོ་འཕྲུལ་ཡིན༔ དེ་ཡང་དཔལ་ཆེན་གཏོར་མས་བཟློག༔ ནག་མོ་དྲེད་ཞོན་ཁྲམ་བམ་ཅན༔ བདུད་བྱ་ནག་པོ་ལྡིང་བ་སོགས༔ མ་མོ་མཁའ་འགྲོའི་ཆོ་འཕྲུལ་ཡིན༔ དེ་ཡང་དཔལ་ཆེན་གཏོར་མས་བཟློག༔ མི་ནག་ཁྱི་ནག་བྱ་ནག་ཚོགས༔ ནག་པོ་བདུད་ཀྱི་ཆོ་འཕྲུལ་ཡིན༔ དེ་ཡང་དཔལ་ཆེན་གཏོར་མས་བཟློག༔ མི་དཀར་རྟ་དཀར་སེང་གེ་སོགས༔ དཀར་པོ་ལྷ་ཡི་ཆོ་འཕྲུལ་ཡིན༔ དེ་ཡང་དཔལ་ཆེན་གཏོར་མས་བཟློག༔ བུད་མེད་བྱ་ནག་སྦྲ་གུར་སོགས༔ མ་བདུད་རྒྱལ་མོའི་ཆོ་འཕྲུལ་ཡིན༔ དེ་ཡང་དཔལ་ཆེན་གཏོར་མས་བཟློག༔ བུད་མེད་མི་སྡུག་གཅན་གཟན་ཞོན༔ ནག་མོ་ཁྲོས་མས་བསྐོར་བ་ནི༔ ཁྲག་འཐུང་སྲིན་མོའི་ཆོ་འཕྲུལ་ཡིན༔ དེ་ཡང་དཔལ་ཆེན་གཏོར་མས་བཟློག༔ བྱ་ཁྱི་དཀར་པོ་བུ་ཆུང་དང་༔ བན་ནག་སེང་གེ་བཙུན་པ་སོགས༔ ཆོས་དཀོར་རྒྱལ་པོའི་ཆོ་འཕྲུལ་ཡིན༔ དེ་ཡང་དཔལ་ཆེན་གཏོར་མས་བཟློག༔ མི་དམར་སྐྱེས་ཕྲན་ཞུབ་ཅན་དང་༔ རྟ་ཁྱི་དམར་པོ་བྱ་དམར་སོགས༔ དམར་པོ་བཙན་གྱི་ཆོ་འཕྲུལ་ཡིན༔ དེ་ཡང་དཔལ་ཆེན་གཏོར་མས་བཟློག༔ འདབ་ཆགས་ཕུག་རོན་འཕུར་ཞིང་རྨི༔ མུན་པ་ནག་པོ་འཐབས་པ་ནི༔ ནག་པོ་དམུ་ཡི་ཆོ་འཕྲུལ་ཡིན༔ དེ་ཡང་དཔལ་ཆེན་གཏོར་མས་བཟློག༔ སྤྱང་ཀི་ནག་(༦༨ན)
པོ་ཉེར་ཞིང་རྒྱུག༔ བནྡེ་སྐྱེས་ཕྲན་བྲོ་བ་ནི༔ རྡོ་རྗེ་ལེགས་པའི་ཆོ་འཕྲུལ་ཡིན༔ དེ་ཡང་དཔལ་ཆེན་གཏོར་མས་བཟློག༔ མི་ལུས་གཅན་གཟན་པགས་པ་གྱོན༔ ལུས་ལས་མེ་སྟག་འཕྲོ་བ་ནི༔ གནོད་སྦྱིན་ཕོ་མོའི་ཆོ་འཕྲུལ་ཡིན༔ དེ་ཡང་དཔལ་ཆེན་གཏོར་མས་བཟློག༔ བན་ནག་བོན་ནག་དར་ནག་འཕྱར༔ མི་ནག་ཕོ་མོས་བསྐོར་བ་ནི༔ ཆོས་སྐྱོང་མགོན་པོའི་ཆོ་འཕྲུལ་ཡིན༔ དེ་ཡང་དཔལ་ཆེན་གཏོར་མས་བཟློག༔ སྤྲང་པོ་ཧྲིལ་པོ་གླ་དཀར་ཅན༔ སྦྲ་ཕྱི་བྱི་བས་བསྐོར་བ་ནི༔ ཐེའུ་རང་འགོང་པོའི་ཆོ་འཕྲུལ་ཡིན༔ དེ་ཡང་དཔལ་ཆེན་གཏོར་མས་བཟློག༔ སྦལ་སྦྲུལ་སྡོམ་སྡིག་འབུ་སྲིན་དང་༔ རྒན་རྒོན་ཁྱི་ཕྲུག་བྱི་བླ་སོགས༔ ས་བདག་ཀླུ་ཡི་ཆོ་འཕྲུལ་ཡིན༔ དེ་ཡང་དཔལ་ཆེན་གཏོར་མས་བཟློག༔ ཁྱི་དཀར་རྟ་རྒོད་བོང་སྟོང་དང་༔ མོན་དང་སྤྲང་པོ་རྒོལ་བ་སོགས༔ དམ་སྲི་ནག་མོའི་ཆོ་འཕྲུལ་ཡིན༔ དེ་ཡང་དཔལ་ཆེན་གཏོར་མས་བཟློག༔ ཐོག་བབས་སད་སེར་ཁ་བ་དང་༔ སྒྱོགས་དང་མདའ་རྡོ་ཤྭ་རྡོལ་དང་༔ དམག་དཔུང་མཚོན་རྩེ་ཚུར་འཕངས་སོགས༔ རྦོད་གཏོང་སྤྱི་ཡི་ཆོ་འཕྲུལ་ཡིན༔ དེ་ཡང་དཔལ་ཆེན་གཏོར་མས་བཟློག༔ སྡེ་བརྒྱད་ཆོ་འཕྲུལ་དགྲ་ལ་སྒྱུར༔ ལྟས་ངན་བརྒྱད་ཅུ་རྩ་གཅིག་དང་༔ དུས་མིན་འཆི་བ་རྣམ་བརྒྱད་དང་༔ གཤིས་ངན་འབུམ་པ་བཅོ་ལྔ་དང་༔ ཡེ་འབྲོག་སུམ་བརྒྱ་དྲུག་ཅུ་དང་༔ རྣལ་འབྱོར་བདག་ཅག་འཁོར་བཅས་ཀྱི༔ སྤྱི་ཆགས་སྒོས་ཆགས་ལྟས་ངན་དང་༔ མོ་ངན་པྲ་ངན་ལ་སོགས་པ༔ བཟློག་གོ་དམར་ཆེན་གཏོར་མས་བཟློག༔ བསྒྱུར་རོ་ལྟས་ངན་དགྲ་ལ་སྒྱུར༔ ཞེས་བཟློག་སྔགས་མང་དུ་བཟླས༔ རྗེས་སུ་ཁྱུང་ལྔ་བསྐུལ་ལོ༔ གཟེར་ཁ་དགུའི་ལས་མཐའ་སློབ་དཔོན་པདྨ་འབྱུང་(༦༨བ)
གནས་ཀྱིས༔ མ་འོངས་སྔགས་འཆང་རྣམས་ཀྱི་བཙས་སུ་བཞག༔ ཟབ་ཅིང་གུད་དུ་བསྟན་པའི་སྐོར་རྫོགས་སོ༔ སྩོགས་སྩོགས༔ གཏད་རྒྱ། རྒྱ་རྒྱ་རྒྱ། ལྷོའི་མཁོ་ལྡིང་ནས་རྣམ་སྣང་སྐུ་རྒྱབ་གཏེར༔ སྤྲུལ་སྐུ་མྱང་གིས་བཏོན་པའོ༔ གོང་དུ་རྗེས་སུ་ཁྱུང་ལྔ་བསྐུལ་ལོ༔ ཞེས་གསུངས་པ་ལྟར་ཁྱུང་ལྔའི་བསྐུལ་བྱང་ནི༔ བདེ་གཤེགས་འདུས་པའི་གཏོར་བཟློག་གཏོང་བའི་དུས་སུ། བདག་ཆེ་མཆོག་གི་དབུ་ལ་བྱ་ཁྱུང་གིས་བརྒྱན་པར་བསྒོམས་ལ༔ ཏིང་ངེ་འཛིན་གསལ་ལ། གཅིག་གི་ལག་ཏུ་ཁྱུང་གི་གཟུགས་ཐོགས་ལ་འདི་སྐད་དོ༔ ཧཱུཾ། བདེ་གཤེགས་ཞི་ཁྲོ་བཀའ་བརྒྱད་དཀྱིལ་འཁོར་ནས༔ སྲིད་པའི་ཁྱུང་གིས་ལྟས་ངན་བཟློག་པ་ནི༔ དཔལ་ཆེན་ཆེ་མཆོག་ཡབ་ཀྱི་རོལ་པ་ལས༔ སྲིད་པའི་བྱ་ཁྱུང་ཉི་མའི་དབུ་རྒྱན་ཅན༔ འོད་ཟེར་བྱེ་བ་ས་ཡའི་སྤྲུལ་པ་འགྱེད༔ ཁྱུང་གཤོག་ནམ་མཁའ་རླུང་གི་འུར་རྒྱངས་ཅན༔ འུར་འུར་ཆེམ་ཆེམ་ཕྱོགས་མཚམས་མེད་པར་ལྡིང་༔ བྱ་ཁྱུང་གཤོག་རྡེབ་ཁམས་གསུམ་སྲིད་གསུམ་འདུལ༔ རི་རབ་གླིང་བཞི་འཇིག་རྟེན་ཟིལ་གྱིས་གནོན༔ གཤོག་ཟེར་གཡས་པ་རླུང་དང་བུ་ཡུག་ལྡང་༔ ལས་ངན་དགྲ་བགེགས་མ་ལུས་ཕྱགས་མས་འདེབས༔ གཤོག་ཟེར་གཡོན་པ་ལྕགས་ཀྱི་སེར་ཆེན་འདྲིལ༔ བདུད་དང་སྲིན་པོ་མ་ལུས་དབང་དུ་སྡུད༔ སྤྲིན་གྱི་སྤུ་གཏིབས་སྣང་སྲིད་ཟིལ་གྱིས་གནོན༔ གཡུ་ཡི་བྱ་ཁྱུང་གསེར་གྱི་སྤྱན་མིག་ཅན༔ སྣང་སྲིད་ཕྱི་ནང་མེད་པར་བྱ་ར་བྱེད༔ ལྕགས་ཀྱི་མཆུ་སྡེར་དབྱིངས་ནས་འབར་བ་ཡིས༔ དམ་ཉམས་བསྒྲལ་བའི་དོན་སྙིང་སྦར་གྱིས་འདེབས༔ རལ་ནག་དགུ་སྤུགས་འདྲེ་སྲིན་རྡུལ་(༦༩ན)
དུ་རློག༔ འདབ་གཤོག་གྲ་རྒྱས་ཡེ་ཤེས་མཁའ་ལ་འཕུར༔ ཁ་ཡིས་སྦྲུལ་ཟ་ཀླུ་ཡི་གྲོང་ཁྱེར་འཇོམས༔ ས་བདག་གཉན་འདུལ་ལྟས་ངན་དགྲ་ལ་སྒྱུར༔ དོ་ནུབ་རྒྱུ་སྦྱོར་དོན་དུ་སྲིད་པའི་བྱ་ཁྱུང་བསྐུལ༔ དགྲ་བགེགས་འདུལ་ཞིང་དུག་ལྔ་ཟས་སུ་ཟ༔ དྲག་པོའི་འཕྲིན་ལས་མཛད་ཅིང་མི་མཐུན་ཕྱོགས་རྣམས་སྒྱུར༔ ཆགས་ཆེ་ལྟས་ངན་བཟློག་ཅིང་གནོད་བྱེད་ཚར་གཅོད་མཛོད༔ ཁྱུང་ཆེན་སྤྲུལ་པའི་སྐུ་ལ་ཕྱག་འཚལ་བསྟོད༔ ད་ནི་སྤྲུལ་པའི་ཁྱུང་ལྔ་བསྐུལ་བ་ནི༔ ཧཱུཾ། སྲིད་པའི་བྱ་ཁྱུང་ཐབས་ཆེན་ཡབ་ཀྱི་བྱ༔ ཁྱུང་སྨན་རླུང་གཤོག་ཤེས་རབ་ཡུམ་གྱི་བྱ༔ ཡབ་ཡུམ་ཐབས་དང་ཤེས་རབ་སྤྲུལ་པ་ལས༔ ཡེ་ཤེས་སྤྲུལ་པའི་སྒོ་ང་ལྔ་རུ་བྱུང་༔ མེ་དྲོད་ཆ་བཅས་འབྱུང་བ་དྲོད་ལ་ཕོབ༔ ཐུགས་རྗེ་རོལ་པའི་ཤུགས་ཀྱིས་རྡོལ་བ་ལས༔ ཡ་མཚན་ཆེ་བའི་བྱ་ཁྱུང་ལྔ་བྱུང་སྟེ༔ རྫུ་འཕྲུལ་བདུད་ལས་ཆེ་ལ་རིག་པ་ལྷ་བས་རྣོ༔ ཤུགས་ནི་ཐོག་བས་དྲག་ལ་བང་ནི་གློག་བས་མགྱོགས༔ སྤྱན་ནི་ཤེལ་བས་དངས་ལ་སྙན་ནི་བྱ་བས་གསང་༔ ཐུགས་རྗེའི་ཕོ་ཉ་ཤར་ནས་འགུགས་པར་བྱེད༔ དཔལ་ཆེན་ཆེ་མཆོག་ཐུགས་རྗེའི་ངང་གི་བྱ༔ ཤར་དུ་སྤྲུལ་པའི་བྱ་ཁྱུང་དཀར་ལ་འཚེར༔ དུང་གྲི་གཤོག་བརྐྱངས་ཤར་གྱི་ནམ་མཁའ་གང་༔ ཤེལ་གྱི་མཆུ་སྡེར་དགྲ་བགེགས་སྙིང་ནས་འདྲེན༔ བསྐལ་པའི་ཀློང་ནས་ཤར་ཕྱོགས་ཁྱབ་པར་མྱུལ༔ ཁྱུང་ཆེན་དཀར་པོས་གདུག་པའི་ཚོགས་རྣམས་བཟློག༔ ཉིན་གུང་ལྡིང་ཞིང་སྲིད་པ་ཁྱབ་པར་མྱུལ༔ ཁྱོད་ནི་ལྟས་ངན་བཟློག་པའི་བྱ་ཁྱུང་ཡིན༔ བཛྲ་ཧེ་རུ་ཀའི་ལས་ཀྱི་ཕོ་ཉ་མཛོད༔ ཤར་ནས་ལྟས་ངན་གཏོང་བ་ཐམས་ཅད་བཟློག༔ དམ་རྫས་མཐུན་པའི་མཆོད་གཏོར་འདི་བཞེས་ལ༔ ལྟས་(༦༩བ)
ངན་བཟློག་ཅིང་བསྒྱུར་བའི་འཕྲིན་ལས་མཛོད༔ ཧཱུཾ། ཐུགས་རྗེའི་སྤྲུལ་པ་ལྷོ་ནས་འགུགས་བྱེད་པ༔ དཔལ་ཆེན་གཤིན་རྗེ་དབང་སྡུད་ལས་ཀྱི་ཁྱུང་༔ སྐུ་མདོག་སེར་པོ་གསེར་ལྟར་འོད་དུ་འབར༔ གསེར་གཤོག་བརྡབས་པས་ནམ་མཁའ་གང་བར་བྱེད༔ ལྕགས་ཀྱི་མཆུ་སྡེར་དགྲ་བོའི་སྲོག་ལ་འདེབས༔ ལྷོ་ཕྱོགས་ཁྱབ་པར་འཕུར་ཞིང་མཁའ་ལ་བརྒྱུ༔ ཁྱུང་ཆེན་སེར་པོས་གདུག་པའི་ཚོགས་རྣམས་བཟློག༔ ནམ་གུང་རྒྱུག་ཅིང་དགྲ་བོའི་སྲོག་རྩ་གཅོད༔ ཁྱོད་ཀྱི་ལྷོ་ཡི་ལྟས་ངན་བཟློག་པའི་ཁྱུང་༔ རཏྣ་ཧེ་རུ་ཀའི་ལས་ཀྱི་ཕོ་ཉ་མཛད༔ ལྷོ་ནས་ལྟས་ངན་བྱུང་བ་ཐམས་ཅད་བཟློག༔ དམ་རྫས་མཐུན་པའི་མཆོད་གཏོར་འདི་བཞེས་ལ༔ ལྟས་ངན་བཟློག་བསྒྱུར་འཕྲིན་ལས་དུས་ལ་བབ༔ ཧཱུཾ། ཐུགས་རྗེའི་སྤྲུལ་པ་ནུབ་ནས་འགུགས་བྱེད་པ༔ དཔལ་ཆེན་རྟ་མགྲིན་དབང་སྡུད་ལས་ཀྱི་ཁྱུང་༔ ནུབ་ནས་སྤྲུལ་པའི་བྱ་ཁྱུང་དམར་ལ་འཚེར༔ མེ་ཡི་གཤོག་བརྡེབ་འོད་ཟེར་མཁའ་ལ་འགྱེད༔ ཟངས་ཀྱི་མཆུ་སྡེར་ཤ་ཟ་ཁྲག་ལ་འཐུང་༔ ནུབ་ཕྱོགས་ཁྱབ་པར་འཕུར་ཞིང་མཁའ་ལ་བརྒྱུ༔ ཁྱུང་ཆེན་དམར་པོས་གདུག་པའི་ཚོགས་རྣམས་བཟློག༔ དགོངས་དང་སྲོད་ལ་དགྲ་བོའི་བླ་སྲོག་ལེན༔ ཁྱོད་ནི་ལྟས་ངན་བཟློག་པའི་བྱ་ཁྱུང་ཡིན༔ པདྨ་ཧེ་རུ་ཀའི་ལས་ཀྱི་ཕོ་ཉ་མཛད༔ ནུབ་ནས་ལྟས་ངན་བྱུང་བ་ཐམས་ཅད་བཟློག༔ དམ་རྫས་མཐུན་པའི་གཏོར་མ་འདི་བཞེས་ལ༔ ལྟས་ངན་བཟློག་བསྒྱུར་འཕྲིན་ལས་དུས་ལ་བབ༔ ཧཱུཾ། ཐུགས་རྗེའི་སྤྲུལ་པ་བྱང་ནས་འགུགས་བྱེད་པ༔ རྡོ་(༧༠ན)
རྗེ་གཞོན་ནུ་མཁའ་ཀློང་ལས་ཀྱི་ཁྱུང་༔ བྱང་དུ་སྤྲུལ་པའི་བྱ་ཁྱུང་ལྗང་ལ་ཁྲོས༔ གཡུ་ཡི་གཤོག་བརྒྱངས་བར་སྣང་མཁའ་ལ་འགེབས༔ གདུག་བྱེད་མཆུ་སྡེར་ཁྲོ་བཅུ་འབར་བ་ཡིས༔ དགྲ་བོའི་ཁྲག་དང་ཆུ་རྒྱུས་རྩ་བ་འབྲལ༔ བྱང་དུ་འཕུར་ཞིང་མཁའ་ལ་ལྡིང་ཞིང་རྒྱུག༔ ཐོ་རེངས་རྒྱུག་ཅིང་དགྲ་སྲོག་མ་ལུས་གཅད༔ གནོད་སྦྱིན་སྐར་མདའ་གདོང་གི་ཁྱུང་ཡིན་ཏེ༔ ཀརྨ་ཧེ་རུ་ཀའི་ལས་ཀྱི་ཕོ་ཉ་མཛད༔ གནོད་སྦྱིན་གདུག་པའི་ནད་རྣམས་ཁྱོད་ཀྱིས་བཟློག༔ དམ་རྫས་མཐུན་པའི་མཆོད་གཏོར་འདི་བཞེས་ལ༔ ལྟས་ངན་བཟློག་བསྒྱུར་འཕྲིན་ལས་དུས་ལ་བབ༔ ཧཱུཾ། ཐུགས་རྗེའི་སྤྲུལ་པ་དབུས་ནས་གཤེགས་པ་ཡི༔ དཔལ་ཆེན་ཆེ་མཆོག་ལྷུན་གྱིས་གྲུབ་པའི་ལྷ༔ མཐིང་ནག་སྐུ་ལས་འོད་ཟེར་འཕྲོ་བའི་ཁྱུང་༔ གཡུ་གཤོག་རླབས་ཆེན་འོད་ཟེར་ཀུན་ཏུ་འཕུར༔ ལྕགས་མཆུ་སྡེར་མོས་དགྲ་བོའི་ཁ་གདོངས་ལ༔ འབྲད་ཅིང་སྙིང་ལ་ཧུར་ཐུམ་ལས་བྱེད་པ༔ དབུས་ན་ལྡིང་ཞིང་ཕྱོགས་མཚམས་ཟིལ་གྱིས་གནོན༔ ཁྲ་ཐབས་སྔོན་པོར་སྤྲུལ་པའི་བྱ་ཁྱུང་གིས༔ ནམ་སྟོད་དམག་ལ་རྒྱུག་ཅིང་དགྲ་བགེགས་ཚེ་སྲོག་འཕྲོག༔ ཁྱོད་ནི་དབུས་དང་མཚམས་ཀྱི་ལྟས་ངན་བཟློག་པའི་ཁྱུང་༔ བུདྡྷ་ཧེ་རུ་ཀའི་ལས་ཀྱི་ཕོ་ཉ་མཛད༔ དབུས་དང་མཚམས་ཀྱི་ལྟས་ངན་ཐམས་ཅད་བཟློག༔ མཐུན་པའི་དམ་རྫས་མཆོད་གཏོར་འདི་བཞེས་ལ༔ ལྟས་ངན་བཟློག་ཅིང་བསྒྱུར་བའི་འཕྲིན་ལས་མཛོད༔ ཧཱུཾ། ཡེ་ཤེས་སྤྲུལ་པའི་བྱ་ཁྱུང་རིགས་ལྔ་ཡིས༔ བདག་དང་རྒྱུ་སྦྱོར་ཡོན་བདག་འཁོར་བཅས་ལ༔ ཡས་ཀྱི་བདུད་གཡོས་(༧༠བ)
མས་ཀྱི་སྲི་ལངས་བཟློག༔ ལོགས་ལ་བཙན་ཁྲོས་རྒྱལ་པོའི་བཀའ་ཆད་བཟློག༔ ཆོས་ཟོར་བོན་ཟོར་དམོད་མོ་ཁ་མཆུ་བཟློག༔ ཕོ་ཡི་རྒྱ་འདྲེ་མོ་ཡིས་རྩིས་ཁ་བཟློག༔ དར་ཚན་སྟོང་འདྲེ་སྐྱེ་བོའི་ཡ་ག་བཟློག༔ ལྟས་ངན་བརྒྱད་ཅུ་རྩ་གཅིག་དགྲ་ལ་བཟློག༔ ལོ་སྐེག་ཟླ་སྐེག་ཞག་དང་ཟ་སྐེག་བཟློག༔ མོ་ངན་རྩིས་ངན་ཐན་ངན་ཐམས་ཅད་བཟློག༔ བཞི་བརྒྱ་རྩ་བཞིའི་ནད་རྣམས་ཐམས་ཅད་བཟློག༔ ཡེ་འབྲོག་སུམ་བརྒྱ་དྲུག་ཅུ་བཟློག༔ གློ་བུར་བརྒྱད་ཅུ་རྩ་གཅིག་བཟློག༔ དུས་མིན་འཆི་བ་རྣམ་བརྒྱད་བཟློག༔ ཕོ་བདུད་དལ་ཁ་གཡས་སུ་བཟློག༔ མོ་བདུད་དལ་ཁ་གཡོན་དུ་བཟློག༔ སྤྱི་བདུད་དལ་ཁ་མཁའ་ལ་བཟློག༔ ཟློག་ཅིག་སྒྱུར་ཅིག་མཐུ་མ་ཆུང་༔ རྦད་ན་སྟོབས་རྩལ་མ་ཞན་ཅིག༔ དོ་ནུབ་རྒྱུ་སྦྱོར་ཡོན་བདག་གི༔ ཆགས་གཡོས་ཐམས་ཅད་གཏོར་མས་བཟློག༔ སྒོས་སུ་ལྟས་ངན་ཁྱུང་གི་བཟློག༔ ནད་ཁ་རིམ་ཁ་ཟོར་གྱིས་བཟློག༔ ཆགས་ཆེ་ཉམ་ང་བཟློག་ཏུ་གསོལ༔ ཞེས་བསྐུལ་ལ་སྨན་རག་སྦྲན༔ དམར་སྦྲེང་། བསྟོད་བསྐུལ་དེ་ལྟར་བཏང་ལ་ཁྱུང་ཆེན་གཏོར་མར་གཟུགས་སོ༔ དེ་ནས་གཟའ་ལམ་བདུན་ཅུ་བསྐུལ༔ དགྲ་བགེགས་ཀྱི་ཕྱོགས་སུ་བསྐྱལ་ལོ༔ ཁྱུང་གི་བསྟོད་བསྐུལ་གུད་དུ་སྦས་སོ༔ བརྡ་ཡིག་ཡོད། རྫོགས་སོ༔ ཉིན་རྗེས་མ་པྲ་བརྟག་པ་ཡང་ཟབ་གནད་དུ་མཛད༔ གླུད་རྫོང་བཀའ་བརྒྱད་ཡོངས་རྫོགས་ཀྱི་འཆི་བླུའི་གླུད་ཆོག་ཐེམ་མེད་ནི༔ བརྡ་ཡིག་ཡོད། འཆི་གླུད་ཡོངས་རྫོགས་ཀྱི་ལྟོ་ཆོས་ཆེན་པོ་འདི་ལ༔ ཡོངས་རྫོགས་གཞུང་བསྲང་༔ རྒྱས་པར་བྱེད་ན་དཔལ་དགུ་བཤམས༔ ལྟོ་དང་རྫས་གླུད་ལས་(༧༡ན)
རྣམས་གཞུང་བཞིན་བཤམས་ལ༔ སྔགས་དྲུག་ཕྱག་རྒྱ་དྲུག་གིས་བྱིན་གྱིས་བརླབས་ནས༔ ཆོ་ག་བསྔོ་ཞིང་འཕྲིན་ལས་བཅོལ་བ་ནི༔ ན་མོ། དཀོན་ཅོག་རྒྱལ་བའི་བཀའ་དང་ནི༔ ཆོས་ཉིད་བདེན་པའི་བྱིན་རླབས་མཐུས༔ འཇམ་དཔལ་སྤྲུལ་པ་རུས་སྦལ་དང་༔ གཙུག་ལག་འབྱུང་བའི་ལྷ་ལྔ་དང་༔ སྤར་ཁ་རུས་པའི་ལྷ་བརྒྱད་དང་༔ ཕོ་བྲང་གླིང་དགུའི་སྨེ་བ་དང་༔ ཕྱོགས་ཀྱི་ལོ་སྐོར་བཅུ་གཉིས་དང་༔ ལོ་ཁྱིམ་དྲུག་ཅུ་ཐམ་པ་དང་༔ ས་བདག་རྗེ་བློན་བཅུ་བཞི་དང་༔ ཀོ་ལོང་སྡོམ་པའི་ལྷ་དགུ་དང་༔ གཙུག་ལག་བདུན་ཅུ་རྩ་གཉིས་དང་༔ གབ་རྩེ་སུམ་བརྒྱ་དྲུག་ཅུ་དང་༔ འབྱུང་བའི་ལྷ་ཚོགས་ཐམས་ཅད་ལ༔ ཚེ་སྲོག་གླུད་ཀྱི་ལྟོ་ཆེན་འབུལ༔ མི་མཐུན་རྐྱེན་རྣམས་བཟློག་ཏུ་གསོལ༔ ལྷ་ཆེན་བརྒྱད་དང་ཀླུ་ཆེན་བརྒྱད༔ གཟའ་ཆེན་བརྒྱད་དང་ཕྱོགས་སྐྱོང་བཅུ༔ རྒྱུ་སྐར་ཉི་ཤུ་རྩ་བརྒྱད་དང་༔ དྲི་ཟ་གྲུལ་བུམ་ཤ་ཟ་དང་༔ མིའམ་ཅི་དང་ལྟོ་འཕྱེ་དང་༔ མཁའ་ལྡིང་འདབ་བཟང་ལུས་སྲུལ་པོ༔ འཕྲོག་མའི་བུ་དང་འབྲོག་གནས་དང་༔ གཙང་རིགས་སྡེ་བརྒྱད་ཐམས་ཅད་ལ༔ ཚེ་སྲོག་སྐྱོབ་ཀྱི་གླུད་ཀྱང་འབུལ༔ མི་མཐུན་རྐྱེན་རྣམས་བཟློག་ཏུ་གསོལ༔ རབ་འཇིགས་གཤིན་རྗེའི་སྡེ་ཚོགས་དང་༔ ནད་བདག་མ་མོའི་སྡེ་ཚོགས་དང་༔ མཐུ་ཆེན་ལྷ་ཡི་སྡེ་ཚོགས་དང་༔ དྲག་པོ་བདུད་ཀྱི་སྡེ་ཚོགས་དང་༔ དཀར་པོ་གིང་གི་སྡེ་ཚོགས་དང་༔ མྱུར་མགྱོགས་བཙན་གྱི་སྡེ་ཚོགས་དང་༔ སྨྱོ་འབོག་རྒྱལ་པོའི་སྡེ་ཚོགས་དང་༔ ཞེ་གདུག་ཀླུ་ཡི་སྡེ་ཚོགས་དང་༔ སྡེ་བརྒྱད་དྲེགས་པའི་ཚོགས་བཅས་(༧༡བ)
ལ༔ ཚེ་སྲོག་གླུད་ཀྱི་ལྟོ་ཆེན་འབུལ༔ མི་མཐུན་རྐྱེན་རྣམས་བཟློག་ཏུ་གསོལ༔ འཇོམས་བྱེད་གཟའ་ཡི་སྡེ་ཚོགས་དང་༔ དཔའ་ཆེན་གནོད་སྦྱིན་སྡེ་ཚོགས་དང་༔ ལོག་ལྟ་མུ་སྟེགས་སྡེ་ཚོགས་དང་༔ ཞེ་སྡང་ཀླུ་བདུད་སྡེ་ཚོགས་དང་༔ དྲེགས་པ་ཀླུ་བཙན་སྡེ་ཚོགས་དང་༔ ཐོམ་པོ་དམུ་ཡི་སྡེ་ཚོགས་དང་༔ ཁྲོ་གཏུམ་སྲིན་པོའི་སྡེ་ཚོགས་དང་༔ འཕུང་དཀྲུགས་རྒྱལ་འགོང་ཐེའུ་རང་དང་༔ དྲེགས་པའི་སྡེ་ཚོགས་ཐམས་ཅད་ལ༔ ཚེ་སྲོག་གླུད་ཀྱི་ལྟོ་ཆེན་འབུལ༔ མི་མཐུན་ཕྱོགས་རྣམས་བཟློག་ཏུ་གསོལ༔ ཞེ་བརྣག་བདུད་མོའི་ཚོགས་བཅས་དང་༔ བསྙགས་རིང་ཀླུ་མོའི་ཚོགས་བཅས་དང་༔ དྲག་ཐུང་གནོད་སྦྱིན་མོ་ཡི་ཚོགས་བཅས་དང་༔ འཕྲང་དམ་སྨན་མོའི་ཚོགས་བཅས་དང་༔ སྲོག་ལ་རྔམ་པ་སྲིན་མོའི་ཚོགས༔ ཉུལ་ལེ་དམ་སྲིའི་ཚོགས་རྣམས་དང་༔ སྲིད་པ་མོ་རྒྱུད་ཐམས་ཅད་ལ༔ ཚེ་སྲོག་གླུད་ཀྱི་ལྟོ་ཆེན་འབུལ༔ མི་མཐུན་རྐྱེན་རྣམས་བཟློག་ཏུ་གསོལ༔ མཐོ་བ་སྲིད་པའི་རྩེ་མོ་མན་ཆད་ནས༔ དམའ་བ་ན་རག་དམྱལ་བ་ཡན་ཆད་དུ༔ ང་རྒྱལ་ལྷ་ཡི་སྡེ་ཚོགས་དང་༔ འདོད་ཆགས་མི་ཡི་སྡེ་ཚོགས་དང་༔ ཕྲག་དོག་ལྷ་མིན་སྡེ་ཚོགས་དང་༔ གཏི་མུག་བྱོལ་སོང་སྡེ་ཚོགས་དང་༔ འཇུར་གེགས་ཡི་དྭགས་སྡེ་ཚོགས་དང་༔ ཞེ་སྡང་དམྱལ་བའི་སྡེ་ཚོགས་དང་༔ ཁམས་གསུམ་འགྲོ་དྲུག་ཐམས་ཅད་ལ༔ ཚེ་སྲོག་གླུད་ཀྱི་ལྟོ་ཆེན་འབུལ༔ མི་མཐུན་རྐྱེན་རྣམས་བཟློག་ཏུ་གསོལ༔ བྱིས་པའི་གདོན་ཆེན་བཅོ་ལྔ་དང་༔ གདོན་ཆེན་ཕལ་པ་བཅོ་བརྒྱད་དང་༔ བགེགས་རིགས་སྟོང་ཕྲག་བརྒྱད་ཅུ་དང་༔ འབྱུང་པོ་སྟོང་ཕྲག་དྲུག་ཅུ་དང་༔ ཡུལ་བདག་མ་(༧༢ན)
སངས་བྲག་སྲིན་དང་༔ ཁྱིམ་སྒོ་ལམ་སྲང་རྒྱུ་བ་དང་༔ ལན་ཆགས་ཤ་འཁོན་བསྙགས་པ་དང་༔ གནོད་འགལ་བར་ཆད་རྩོམ་པ་ཡི༔ སྣང་སྲིད་ལྷ་འདྲེ་ཐམས་ཅད་ལ༔ ཚེ་སྲོག་གླུད་ཀྱི་ལྟོ་ཆེན་འབུལ༔ མི་མཐུན་རྐྱེན་རྣམས་བཟློག་ཏུ་གསོལ༔ འདི་ལྟར་གླུད་ཆེན་བསྒོ་བའི་རྗེས༔ མ་ཧཱ་གསེར་གྱི་རུས་སྦལ་དང་༔ འབྱུང་བ་ལྔ་ཡི་རྫས་བཅུད་དང་༔ སྤར་ཁ་བརྒྱད་ཀྱི་ཕྱག་མཚན་དང་༔ སྨེ་བ་དགུ་ཡི་ལྟོ་རྫས་དང་༔ བཅུ་གཉིས་ལོ་ཡི་གླུད་ཆེན་དང་༔ གཟའ་དང་རྒྱུ་སྐར་ཐམས་ཅད་ལ༔ མཐུན་པའི་རྫས་དང་གླུད་རྫས་རྣམས༔ ཚེ་སྲོག་གཉིས་ཀྱིས་བླུད་དུ་འབུལ༔ ངར་གླུད་རིན་ཅེན་འབར་བ་དང་༔ ནམ་མཁའ་མདའ་འཕང་རྐྱང་བུ་དང་༔ མཁར་ཐབས་ཤིང་རིས་རྒྱལ་མཚན་དང་༔ དར་ཟབ་སྨན་དང་འབྲུ་སྣའི་ཚོགས༔ གསེར་སྐྱེམས་སྤྱན་གཟིགས་བཤོས་བུ་དང་༔ གཏོར་མ་ཆང་བུ་ཤ་ཆང་དང་༔ བཟའ་བཏུང་ཟས་བཅུད་སྣ་ཚོགས་དང་༔ འདབ་ཆགས་རྐང་འགྲོས་མང་པོ་དང་༔ སྲོག་ཆགས་སྐྱེ་རྒུ་བསམ་མི་ཁྱབ༔ ངར་གླུད་ལོ་གྲངས་བརྒྱ་རྩ་ལ༔ འདོད་ཡོན་ལོངས་སྤྱོད་རྒྱན་གྱིས་བརྒྱན༔ ཚེ་སྲོག་གཉིས་ཀྱི་གླུད་དུ་འབུལ༔ བདག་དང་རྒྱུ་སྦྱོར་འཁོར་བཅས་ཀྱི༔ ཁྱད་པར་ཚེ་སྲོག་གླུད་ཆེན་འདི༔ ཕ་ནི་གནམ་ལ་མ་ནི་ས༔ གནམ་ས་ཚོགས་པའི་ངར་གྱི་གླུད༔ བདག་ཅག་རྣམས་ཀྱི་རྩོལ་བས་བསྒྲུབས༔ རྒྱུ་ནི་རིན་ཅེན་འབྲུ་སྣ་ལྔ༔ རྐྱེན་ནི་སྔགས་དང་ཕྱག་རྒྱས་བསྒྱུར༔ ཀུ་བའི་མགོ་ལ་ཟེར་མོའི་སྐྲ༔ ལུང་ཐང་མིག་ལ་མགྲོན་བུའི་སོ༔ སྤྲི་ཡང་སྣ་ལ་ལེ་བརྒན་ལྕེ༔ ཟངས་མའི་རྣ་བ་མཚལ་ཆེན་(༧༢བ)
མདངས༔ ཞོ་ཤའི་སྙིང་ལ་དབང་པོའི་ལག༔ སྲོ་ལོའི་གློ་བ་བ་མཁལ་མཆེར༔ མཁལ་མ་ཞོ་ཤ་བླ་སྒང་མཆེར༔ གྲོ་སྦོས་རྒྱུ་ལོང་ཏིག་ཏའི་མཁྲིས༔ དུང་རྒྱུས་བསེ་ཤ་སྤུ་རྩེའི་རྩ༔ ཚོས་ཁྲག་མེ་ཏོག་སྤང་མས་མཛེས༔ རྣམ་ཤེས་མར་མེ་རྫུ་འཕྲུལ་རྐང་༔ འདི་འདྲའི་གླུད་མཆོག་ངོ་མཚར་ཆེ༔ ཕོ་མོའི་གླུད་དུ་མདའ་འཕང་བརྒྱན༔ ལོ་གྲངས་གྲངས་སུ་ཁྲམ་ཤིང་བཙུགས༔ སྐུ་ལ་དར་ཟབ་བྱ་སྤུས་བརྒྱན༔ ཡུལ་འཁོར་རི་རབ་གླིང་བཞིར་བཅས༔ འཕངས་པ་མེད་པའི་སེམས་ཀྱིས་འབུལ༔ གླུད་བདག་འཁོར་བཅས་གླུད་བཞེས་ཤིག༔ བཟུང་བ་ཐོང་ལ་བཅིངས་པ་ཁྲོལ༔ ཀྱེ༔ གླུད་སྐོར་གཡས་སུ་ལན་གསུམ་བསྐོར༔ ལོ་སྐོར་གསུམ་གྱི་གླུད་དུ་འབུལ༔ གླུད་སྐོར་གཡོན་དུ་ལན་གསུམ་བསྐོར༔ ལོ་སྐོར་དྲུག་གི་གླུད་དུ་འབུལ༔ གླུད་སྐོར་ལན་གསུམ་འདུར་ཞིང་འབུལ༔ ལོ་སྐོར་དགུ་ཡི་གླུད་དུ་འབུལ༔ དཀོན་ཅོག་གསུམ་གྱི་བཀའ་མ་བཅག༔ དཔལ་ཆེན་ཧེ་རུའི་དམ་མ་འདའ༔ ལན་ཆགས་བུ་ལོན་ད་ཁྱེར་སོང་༔ ཁྱེར་ཅིག་ཁྱེར་ཅིག་ད་ཁྱེར་ཅིག༔ སྲེད་དང་ཆགས་དང་ཞེན་པ་དང་༔ དྲན་དང་བཟུང་དང་བསམ་དང་རེག༔ གློད་དང་ཞི་དང་གྲོལ་བར་མཛོད༔ ཀྱེ། སྣང་སྲིད་ལྷ་འདྲེ་ཐམས་ཅད་ཀྱིས༔ ཚེ་སྲོག་གླུད་ཆེན་འདི་བཞེས་ལ༔ དེ་རིང་ཡོན་བདག་རྒྱུ་སྦྱོར་ལ༔ རང་ལོའི་སྐེག་དང་ཟླ་བའི་སྐེག༔ སྤར་ཁའི་སྐེག་དང་དགུ་མིག་སྐེག༔ བཞི་གཤེད་བདུན་ཟུར་མཐུན་གསུམ་དང་༔ ཕྱོགས་ངན་བདུད་གཅོད་བྱུར་བབས་དང་༔ བླ་འཁྱམས་ཕ་ཁུའི་རྒན་སྲི་དང་༔ སྐེག་དང་བྱོལ་ཁ་ལ་སོགས་པ༔ དུས་མིན་འཆི་བའི་རྐྱེན་རྣམས་ཀུན༔ གླུད་ཆེན་(༧༣ན)
འདི་ཡིས་བཟློག་ཏུ་གསོལ༔ ཀྱེ། སྣང་སྲིད་ལྷ་སྲིན་ཐམས་ཅད་ཀྱིས༔ ཚེ་སྲོག་གླུད་ཆེན་འདི་བཞེས་ལ༔ དེ་དག་རྒྱུ་སྦྱོར་ཡོན་བདག་ལ༔ རླུང་མཁྲིས་བད་ཀན་འདུས་པའི་ནད༔ ཁྲག་དང་ཆུ་སེར་སྙིགས་མ་དང་༔ རྒྱུ་རྐྱེན་འབྱུང་བའི་ནད་ལ་སོགས༔ ནད་རིགས་བཞི་བརྒྱ་རྩ་བཞི་ཡིས༔ དུས་མིན་འཆི་བའི་རྐྱེན་རྣམས་ཀུན༔ གླུད་ཆེན་འདི་ཡིས་བཟློག་ཏུ་གསོལ༔ ཀྱེ། སྣང་སྲིད་ལྷ་འདྲེ་ཐམས་ཅད་ཀྱིས༔ ཚེ་སྲོག་གླུད་ཆེན་འདི་བཞེས་ལ༔ དེང་གི་རྒྱུ་སྦྱོར་ཡོན་བདག་ལ༔ སྨྱོ་བྱེད་བརྗེས་བྱེད་ལ་སོགས་པའི༔ བགེགས་དང་ལོག་འདྲེན་འབྱུང་པོ་དང་༔ བདུད་དང་སྲིན་པོ་དམ་སྲི་དང་༔ ཕྲ་མེན་ཡི་དྭགས་མཁའ་འགྲོའི་ཚོགས༔ གདོན་དང་བགེགས་ཀྱི་བར་གཅོད་ཀྱིས༔ དུས་མིན་འཆི་བའི་རྐྱེན་རྣམས་ཀུན༔ གླུད་ཆེན་འདི་ཡིས་བཟློག་ཏུ་གསོལ༔ ཀྱཻ། སྣང་སྲིད་ལྷ་སྲིན་ཐམས་ཅད་ཀྱིས༔ ཚེ་སྲོག་གླུད་ཆེན་འདི་བཞེས་ལ༔ དེང་གི་རྒྱུ་སྦྱོར་ཡོན་བདག་ལ༔ རྒྱུ་ནད་མཁྲིས་པ་རྩ་རྒྱུས་ནད༔ བལ་ནད་རྒྱུ་གཟེར་ཁྲག་འཁྲུག་དང་༔ ཚད་རིམས་འབྲུམ་བུ་དཀར་ནག་དང་༔ གག་ལྷོག་གཟེར་ཐུང་ཆམ་རིམས་སོགས༔ རིམས་ནད་སྡེ་ལྔ་ལ་སོགས་པ༔ དུས་མིན་འཆི་བའི་རྐྱེན་རྣམས་ཀུན༔ གླུད་ཆེན་འདི་ཡིས་བཟློག་ཏུ་གསོལ༔ ཀྱེ། སྣང་སྲིད་ལྷ་སྲིན་ཐམས་ཅད་ཀྱིས༔ ཚེ་སྲོག་གླུད་ཆེན་འདི་བཞེས་ལ༔ དེང་གི་རྒྱུ་སྦྱོར་ཡོན་བདག་ལ༔ དམུ་ཆུ་སྐྲན་དང་སྐྱ་བབ་དང་༔ དྲེག་དང་གྲུམ་བུ་ཆུ་སེར་དང་༔ འབྲས་དང་ཕོལ་མིག་གཡོན་པ་དང་༔ ཤུ་ཐོར་བལ་ལྡགས་མེ་དབལ་དང་༔ མཛེ་རིགས་བཅོ་བརྒྱད་ལ་སོགས་པ༔ དུས་མིན་འཆི་བའི་རྐྱེན་རྣམས་ཀུན༔ གླུད་ཆེན་འདི་ཡིས་བཟློག་ཏུ་གསོལ༔ ཀྱེ༔ (༧༣བ)
སྣང་སྲིད་ལྷ་སྲིན་ཐམས་ཅད་ཀྱིས༔ ཚེ་སྲོག་གླུད་ཆེན་འདི་བཞེས་ལ༔ དེང་གི་རྒྱུ་སྦྱོར་ཡོན་བདག་ལ༔ རང་བཞིན་དུག་དང་སྦྱར་བའི་དུག༔ རྩི་དུག་ཟས་དུག་རེག་དུག་དང་༔ འབྱུང་བའི་དུག་དང་རྫི་དུག་དང་༔ གཅན་གཟན་མཆེ་བའི་དུག་ལ་སོགས༔ དུག་རིགས་སྦྱོར་སྡེ་མང་པོ་ཡིས༔ དུས་མིན་འཆི་བའི་རྐྱེན་རྣམས་ཀུན༔ གླུད་ཆེན་འདི་ཡིས་བཟློག་ཏུ་གསོལ༔ ཀྱེ། སྣང་སྲིད་ལྷ་སྲིན་ཐམས་ཅད་ཀྱིས༔ ཚེ་སྲོག་གླུད་ཆེན་འདི་བཞེས་ལ༔ དེང་གི་རྒྱུ་སྦྱོར་ཡོན་བདག་ལ༔ མེ་གྲི་ཆུ་གྲི་མཚོན་གྲི་དང་༔ རྟ་གྲི་རྦབ་གྲི་གཡང་གྲི་དང་༔ འཐིབས་གྲི་ལྕེབས་གྲི་སྨྱོ་འབོག་དང་༔ མི་རྒོད་གཅན་གཟན་མུན་པ་སོགས༔ གྲི་འཐབས་གཟེར་ནད་མང་པོ་ཡིས༔ དུས་མིན་འཆི་བའི་རྐྱེན་རྣམས་ཀུན༔ གླུད་ཆེན་འདི་ཡིས་བཟློག་ཏུ་གསོལ༔ ཀྱེ། སྣང་སྲིད་ལྷ་སྲིན་ཐམས་ཅད་ཀྱིས༔ ཚེ་སྲོག་གླུད་ཆེན་འདི་བཞེས་ལ༔ བདག་དང་རྒྱུ་སྦྱོར་ཡོན་བདག་ལ༔ གློ་བུར་རྐྱེན་གྱིས་འཆི་བ་བཟློག༔ ཕས་ཀྱི་རྦོད་གཏོང་ཟོར་ཁ་དག་༔ ངན་སྔགས་གཏད་ཁྲམ་ལྟོ་བཟློག་དང་༔ ལྕེ་འབབ་ཐོག་དང་གཟའ་གདོང་དང་༔ རྒྱལ་པོའི་ཆད་པ་ལ་སོགས་པ༔ གློ་བུར་རྐྱེན་དག་ཡེ་འབྲོག་གིས༔ དུས་མིན་འཆི་བའི་རྐྱེན་རྣམས་ཀུན༔ གླུད་ཆེན་འདི་ཡིས་བཟློག་ཏུ་གསོལ༔ གལ་ཏེ་དུས་ལ་བབས་གྱུར་ཀྱང་༔ ལོ་གསུམ་བར་དུ་ཕྱིར་ནུར་ཅིག༔ སྔགས་དང་ཕྱག་རྒྱའི་བྱིན་རླབས་མཐུས༔ བཅུ་ཐུབ་པ་ཡང་བརྒྱ་ཐུབ་ཤོག༔ རྒྱུ་འབྲས་རྟེན་འབྲེལ་མི་བསླུ་བས༔ མཐོང་ཆོས་འབྲས་བུ་སྨིན་པར་གྱིས༔ དཀོན་ཅོག་གསུམ་གྱི་བཀའ་ལ་ཉོན༔ བཅོལ་བའི་འཕྲིན་ལས་(༧༤ན)
གྲུབ་པར་མཛོད༔ ཅེས་ལན་བདུན་བསྐྱར་ནས་བྱའོ༔ ཡང་གླུད་ཀྱི་ཕྱོགས་བཞིར་བྱའོ༔ ཐ་མ་ལན་གསུམ་བརྗོད༔ རང་གི་ལོ་དང་སྤར་ཁའི་དུས་སམ་གྲོགས་ཀྱི་དུས་སུ། འདྲེ་ལྔ་སྡོད་སར་བསྐྱལ་ལོ༔ ཕྱི་མིག་མི་བལྟ་བར་ལོག་ལ་བཀྲ་ཤིས་གསོལ་ལོ༔ ཚེ་དགུག་བསྐྲད་པ་དྲག་ཏུ་བྱའོ༔ དེ་ལྟར་བྱས་པས་ཕན་ཡོན་མན་ངག་ནས་གསུངས་པ་བཞིན་འབྱུང་ངོ་༔ ཨྠྀི༔ རྒྱ་རྒྱ་རྒྱ། སྐལ་བ་ཅན་དང་འཕྲད་པར་ཤོག༔ བརྡ་ཡིག་ཡོད། ཞི་བྱེད་འཆི་བ་བསླུ་བའི་སྙིང་པོ་འདི་བརྒྱའམ་སྟོང་དུ་བཟླ་བར་བྱའོ༔ ཨཱོཾ་མ་ཧཱ་ཀ་ལི་མོ་ཏ་ཡེ་སྭཱ་ཧཱ༔ ཨཱོཾ་མ་མ་རཾ་རཾ་ཡེ་སྭཱ་ཧཱ༔ ཨཱོཾ་མ་མ་ཁཾ་ཁཾ་ཡཾ་ཡཾ་ཡེར་པ་ཡེ་སྭཱ་ཧཱ༔ ཨཱོཾ་སུ་སུ་མ་མ་ཏང་ཏང་ཡེ་སྭཱ་ཧཱ༔ ཨཱོཾ་མ་མ་ཀ་ར་ཀ་ར་ཡེ་སྭཱ་ཧཱ༔ ཨཱོཾ་མ་མ་སྔོ་ཏ་སྔོ་ཏ་ཡེ་སྭཱ་ཧཱ༔ ཨཱོཾ་མ་མ་ཁ་ཞུ་ཁ་ཞུ་སྭཱ་ཧཱ༔ ཤི་མ་གྷ་ལ་སྭཱ་ཧཱ། ཨ་ཏྲཾཨ་ཏྲཾ་སྭཱ་ཧཱ༔ ཨ་ཏ་ན་མ་ཧཱ་གྲ་ཧ་ན་མ་བྷི་ཛྙཱ་ན་ཏི་སུ་ན་སྭཱ་ཧཱ༔ ཨཱོཾ་ཏྲུཾ་བྷྲུཾ་ཧཱུཾ་ཧཱུཾ་ཕཊ༔ ཨཱོཾ་བྱི་ཤ་མི་མེ་ཡེ་དཾ་སྭཱ་ཧཱ༔ ཨཱོཾ་ཛི་མི་ཛི་མི་མུ་ཛེ་པ་ག་ཤཾ་སཾ་རྦད་ཏོ༔ མ་ཧཱ་ཡག་ཤ་བྷོ་དྷེ་པར་ཤ་ཡང་ཀི་རོ་གི་ཧཱུཾ་ཕཊ༔ ཨཱོཾ་ས་མ་ཡ་ཡེ་མི་ཡེ། ཡ་དུ་ཡེ་དུ་ཡེ་མི་ཏི་ཏ་ཡ་ཧཱུཾ་ཧཱུཾ་ཕཊ་ཕཊ་སྭཱ་ཧཱ༔ ཨཱ་ན་རུ་ཤཾ་པ་དུས། སརྦ་ཨ་ཡ་ཤགྷ་ཚ་བྷ་ཚ་ཕཊ༔ ཨོཾ་དྷ་ལ་མདྷུ་སེ་ཡ་པདྨེ་ཧཱུཾ། དྷ་ལི་མནྡྷ་ལེ་སྭཱ་ཧཱ༔ ཨཱོཾ་ཨ་ཀ་ནི་ནི་ཀ་ནི་ཨ་བྱི་ལ་མནྡྷ་ལེ་སྭཱཧཱ༔ གབ་དོན་ལས། ཡབ་ལ་བརྟེན་ནས་མདོས་དང་༔ ཡུམ་ལ་བརྟེན་ནས་སྐེག་བསྒྱུར་བ་སྤྲོ་ཚེ་འདིར་བྱ་ནའང་རེ་ཞིག་བཏང་སྙོམས་སུ་བཞག་སྟེ༔ གཟེར་ཁ་བཅུའི་སྨྲེང་ནི༔ ཧཱུཾ། རྒྱུ་ནི་རིན་ཅེན་དར་ཟན་ལ༔ དམ་ཉམས་དགྲ་བགེགས་བསྒྲལ་བའི་ཕྱིར༔ (༧༤བ)
དགྲ་ཡི་གཟུགས་ཕུང་ཉ་བོ་བཅུས༔ བདག་དང་རྒྱུ་སྦྱོར་འཁོར་བཅས་ལ༔ དགྲ་བགེགས་དམ་སྲིའི་གནོད་པ་རྣམས༔ ཁྲོ་རྒྱལ་གཤིན་རྗེ་གཤེད་པོས་བཟློག༔ འོག་གདོན་ས་བདག་འདུལ་བའི་ཕྱིར༔ ཟན་གྱི་ཉ་ཆུང་སེར་པོ་བཅུས༔ བདག་དང་རྒྱུ་སྦྱོར་ཡོན་བདག་ལ༔ ས་བདག་ཀླུ་གཉན་གནོད་པ་རྣམས༔ ཁྲོ་རྒྱལ་ཕྱག་ན་རྡོ་རྗེས་བཟློག༔ གནོད་སྦྱིན་རྒྱལ་པོ་འདུལ་བའི་ཕྱིར༔ མཆོད་རྟེན་ས་སྣའི་བཙུན་ཆུང་བཅུས༔ བདག་དང་རྒྱུ་སྦྱོར་འཁོར་བཅས་ལ༔ དཀོར་བདག་རྒྱལ་པོའི་གནོད་པ་རྣམས༔ ཁྲོ་རྒྱལ་རྟ་མཆོག་དཔལ་གྱིས་བཟློག༔ ནོར་གྱི་གོད་འདྲེ་འདུལ་བའི་ཕྱིར༔ ཤ་དང་ཟན་གྱི་མཐེབ་ཀྱུ་བཅུས༔ བདག་དང་རྒྱུ་སྦྱོར་འཁོར་བཅས་༔ ཟས་དང་ནོར་གྱི་གོད་ཁ་རྣམས༔ ཁྲོ་རྒྱལ་ཡཀྴ་མེ་དབལ་གྱིས་བཟློག༔ ཐེའུ་རང་སྲི་རྐུན་འདུལ་བའི་ཕྱིར༔ ཟན་དང་ཁམ་སའི་ཤོ་ཆུང་བཅུས༔ བདག་དང་རྒྱུ་སྦྱོར་འཁོར་བཅས་ལ༔ གནམ་ཐེ་དཀར་པོའི་གནོད་པ་རྣམས༔ ཁྲོ་རྒྱལ་ཡཀྴ་མེ་དབལ་གྱིས་བཟློག༔ མ་མོའི་ཡམས་ནད་འདུལ་བའི་ཕྱིར༔ ནག་མོ་ཟན་གྱི་བུད་མེད་བཅུས༔ བདག་དང་རྒྱུ་སྦྱོར་འཁོར་བཅས་ལ༔ རིམས་དང་ཡམས་ནད་གནོད་པ་རྣམས༔ ཁྲོ་རྒྱལ་རྣམ་པར་རྒྱལ་བས་བཟློག༔ བན་བོན་ཕུར་པ་བཟློག་པའི་ཕྱིར༔ དྲག་པོ་སྐྱེར་བའི་རྩད་ཟོར་བཅུས༔ བདག་དང་རྒྱུ་སྦྱོར་འཁོར་བཅས་ལ༔ ཕུར་ཟོར་རྦད་གཏོང་གནོད་པ་རྣམས༔ ཁྲོ་རྒྱལ་རྡོ་རྗེ་གཞོན་ནུས་བཟློག༔ མི་གཙང་ཉམས་གྲིབ་འདུལ་བའི་ཕྱིར༔ རིན་ཅེན་སྣ་ཚོགས་བུམ་པ་བཅུས༔ བདག་དང་རྒྱུ་སྦྱོར་འཁོར་བཅས་ལ༔ དམེ་གྲིབ་ཡུགས་(༧༥ན)
གྲིབ་འཕོག་པ་རྣམས༔ ཁྲོ་རྒྱལ་རྣམ་པར་འཇོམས་པས་བཟློག༔ མི་ཁ་སྨྲ་མཆུ་འདུལ་བའི་ཕྱིར༔ ཟན་དང་སྦྲང་མའི་གཞོང་པ་བཅུས༔ བདག་དང་རྒྱུ་སྦྱོར་འཁོར་བཅས་ལ༔ མི་ཁ་རྒྱ་འདྲེ་ལངས་པ་རྣམས༔ ཁྲོ་རྒྱལ་ཧཱུཾ་ཀ་ར་ཡིས་བཟློག༔ དམུ་བདུད་སྲིན་མོ་འདུལ་བའི་ཕྱིར༔ ཟན་གྱི་མི་རོ་རལ་ཅན་བཅུས༔ བདག་དང་རྒྱུ་སྦྱོར་འཁོར་བཅས་ལ༔ སྲིན་མོ་དམ་སྲི་གནོད་པ་རྣམས༔ ཁྲོ་རྒྱལ་བདུད་རྩི་འཁྱིལ་པས་བཟློག༔ ཅེས་གཞན་ཡང་བཟློག་ཚན་མང་དུ་བརྗོད་དོ༔ ས་མ་ཡ། རྒྱ་རྒྱ་རྒྱ། སྐབས་འདིའམ་ལམ་སོགས་སྐབས་སྦྱར་དུ་ལས་ཕྲན་བཅུ་གཉིས་པ་ཚན་གཉིས། ཁ་བསྒྱུར་བཅུ་གསུམ་སོགས་ཀྱི་ལས་ལ་སྦྱར་འོས་རྣམས་ལུས་པ་མེད་པར་སྦྱར་ཞིང་། ཁྱུང་ཞོན་གྱི་བཟློག་པ་ཐུན་མོང་མིན་པ་ལས་བཅས་རྣམས་འཁྲུལ་མེད་དུ་བྱས་ཏེ་སྨྲེང་འདི་སྐད་དོ༔ ཧཱུཾ། དཔལ་ཆེན་ཆེ་མཆོག་ཧེ་རུ་ཀ༔ བཟློག་སྒྱུར་བྱེད་པའི་ཕོ་ཉ་ནི༔ སྒྱུར་བྱེད་རྔ་མོ་སྟོབས་པོ་ཆེ༔ སྐྱེས་པ་སྟག་ཆས་བྱས་པ་དགུ༔ དཔྲལ་བའི་སྟེང་ནས་སྭ་སྒྲ་འདེབས༔ གདུག་པ་ཟིལ་གྱིས་གནོན་བྱེད་ཅིང་༔ རྣལ་འབྱོར་འཁོར་དང་བཅས་པ་ལ༔ སྐྱེས་པའི་མདའ་ཟོར་འཕེན་པ་ཡི༔ དེ་ཡི་ལྟས་ངན་དགྲ་ལ་བྷྱོ༔ རྔ་མོ་དཔུང་པ་གཡས་པ་ལ༔ སྔགས་པ་སྔགས་འདྲེན་ཐལ་མོ་བརྡེབ༔ སྔགས་པ་ཟོར་ཁ་འཕེན་པ་ཡིས༔ ཡས་ཀྱི་བདུད་གཡོས་དགྲ་ལ་བཟློག༔ དེ་ཡི་ལྟས་ངན་དགྲ་ལ་བྷྱོཿ རྔ་མོ་དཔུང་པ་གཡོན་པ་ལ༔ བཙུན་པ་བསྙེན་པར་རྫོགས་པ་དགུ༔ ཆོས་པའི་ཆོས་ཟོར་འཕེན་པ་ཡིས༔ དེ་ཡིས་ལྟས་ངན་དགྲ་ལ་བྷྱོ༔ རྔ་མོ་དབྱི་སྟེང་(༧༥བ)
གཡས་པ་ལ༔ བྱིས་པ་འུར་རྡོ་ཐོགས་པ་ཡིས༔ ཆུང་སྲི་ལངས་པའི་ལྟས་ངན་བཟློག༔ དེ་ཡི་ལྟས་ངན་དགྲ་ལ་བྷྱོ༔ རྔ་མོ་དབྱི་སྟེང་གཡོན་པ་ལ༔ བུད་མེད་དུལ་ནག་བརྡེབ་པ་དགུ༔ བུད་མེད་དུལ་ནག་བརྡེབ་པ་ཡིས༔ ཟ་མ་བུད་མེད་ལྟས་ངན་བཟློག༔ དེ་ཡི་ལྟས་ངན་དགྲ་ལ་བྷྱོ༔ རྔ་མོ་རྩིབ་ལོགས་གཡས་པ་ལ༔ བོན་པོ་བཙོ་དམར་འཕེན་པ་ཡིས༔ དམར་ཆེན་འཕེན་པའི་ལྟས་ངན་བཟློག༔ དེ་ཡི་ལྟས་ངན་དགྲ་ལ་བྷྱོ༔ རྔ་མོ་རྩིབ་ལོགས་གཡོན་པ་ལ༔ ངར་གླུད་དཀར་དམར་བྱས་པ་ཡིས༔ དེ་ཡི་ལྟས་ངན་དགྲ་ལ་བྷྱོ༔ ལྟས་ངན་ཐམས་ཅད་བཟློག་པའི་གླུད༔ ལྟས་ངན་བརྒྱད་ཅུ་རྩ་གཅིག་བཟློག༔ རྔ་མོའི་སྟེང་ན་ཞོན་པ་ཡི༔ ཆེ་མཆོག་སྤྲུལ་པའི་ཁྱུང་ཆེན་ནི༔ ནག་པོ་ལྕགས་ཀྱི་གཤོག་པ་ཅན༔ གནམ་ལྕགས་རྡོ་རྗེའི་རྭ་གཉིས་བཤིབས༔ གཙུག་ན་ནོར་བུ་འབར་བས་བརྒྱན༔ གནམ་ལྕགས་འབར་བའི་མཆུ་སྡེར་ཅན༔ ཉི་ཟླ་འབར་བའི་སྤྱན་མིག་ཅན༔ ཁྱུང་སྐད་འབྲུག་སྒྲས་ས་བདག་འདུལ༔ ཐམས་ཅད་འདུལ་བའི་མཐུ་བོ་ཆེ༔ ཐམས་ཅད་འདུལ་བའི་དུས་ལ་བབ༔ ཁྱུང་གི་རལ་པ་སྤྲུགས་པ་ལས༔ ཡུལ་གྱི་མ་མོ་བཅུ་གསུམ་བསྐྱོད༔ ནམ་མཁའ་སྨུག་ནག་འཐིབས་པའི་བྱད༔ དྲེད་མོ་རལ་འཛིངས་ལྟས་ངན་བཟློག༔ གཡས་ཀྱི་གཤོག་རུ་དང་པོ་ལ༔ སྟེང་གི་ཁྲོ་བཅུ་འབར་བ་སྤྲུལ༔ སེང་གེ་འབྲུག་སྔོན་འཐབ་པའི་བྱར༔ གནམ་ལྕགས་འབར་བའི་ལྟས་ངན་བཟློག༔ གཤོག་རུ་འབར་བ་གཉིས་པ་ལ༔ གསང་བའི་ཁྲོ་བོ་བཅུ་རུ་འབར༔ གླང་ཆེན་རྦ་ལ་འཕྱོ་བའི་བྱད༔ སྟག་སེང་འཛིང་བའི་ལྟས་ངན་བཟློག༔ གཤོག་རུ་འབར་བ་(༧༦ན)
གསུམ་པ་ལ༔ སྤྱི་དཔལ་ཁྲོ་བཅུ་འབར་བ་སྤྲུལ༔ གནམ་ས་སྤྲིན་དམར་མཆེད་པའི་བྱད༔ བུད་མེད་རལ་འཛིངས་ལྟས་ངན་བཟློག༔ གཡས་ཀྱི་གཤོག་རུ་བཞི་པ་ལ༔ རྫོགས་པ་ཆེན་པོའི་ཁྲོ་བཅུ་འབར༔ སྐར་མདའ་ས་ལ་ལྷུང་བའི་བྱད་༔ དབྱིག་གི་ནོར་བུའི་ལྟས་ངན་བཟློག༔ གཡས་ཀྱི་གཤོག་རུ་ལྔ་པ་ལ༔ ཏ་ཀྲྀཏ་ཁྲོ་བོ་བཅུ་དྲུག་ཤར༔ རི་རབ་མེ་ཆེན་མཆེད་པའི་བྱད༔ ལྕི་བའི་ཟས་ཀྱིས་ལྟས་ངན་བཟློག༔ གཡོན་གྱི་གཤོག་རུ་དང་པོ་ལ༔ སྲོག་རྩའི་མ་མོ་བདུན་དུ་ཤར༔ རྒྱ་མཚོ་དུག་སྦྲུལ་འཁྱིལ་བའི་བྱད༔ མེ་ཏོག་བཅུད་ཉམས་ལྟས་ངན་བཟློག༔ གཡོན་གྱི་གཤོག་རུ་གཉིས་པ་ལ༔ ཨེ་ཀ་དྲག་མེ་སྤུན་དྲུག་སྤྲུལ༔ མཁའ་ལ་སྟག་མ་འཕྱོ་བའི་བྱད༔ རྫི་ཡིས་བསྐྱོད་པའི་ལྟས་ངན་བཟློག༔ གཡོན་གྱི་གཤོག་རུ་གསུམ་པ་ལ༔ སྲིན་མོ་འབར་བ་བདུན་དུ་ཤར༔ མཁའ་ལ་བྱ་རྒོད་སྡེར་འཛིངས་བྱད༔ གཏེར་གྱི་བཅུད་ཉམས་ལྟས་ངན་བཟློག༔ གཡོན་གྱི་གཤོག་རུ་བཞི་པ་ལ༔ གདོང་མོ་བཞི་དང་རྒྱལ་མོ་ལྔ༔ གཡུ་ཤ་རུ་བཅུ་འཛིངས་པའི་བྱད༔ སེང་གེ་ངུ་འབོད་ལྟས་ངན་བཟློག༔ གཡོན་གྱི་གཤོག་རུ་ལྔ་པ་ལ༔ ཉི་ཤུ་རྩ་བརྒྱད་སྤྲུལ་པ་བྱུང་༔ རྣོ་དཔལ་ངར་གྱི་ལྟས་ངན་དང་༔ རྨ་བྱ་གཡེང་བའི་ལྟས་ངན་བཟློག༔ གཡུ་སྒང་སྔོན་པོ་ཡར་བ་དང་༔ ལྕགས་ཀྱིས་ར་བ་འབབ་པ་དང་༔ ཤེལ་དཀར་སྣོད་དུ་དུག་གཡོས་དང་༔ ཟངས་སྒོང་དམར་པོ་འདྲིལ་བ་དང་༔ མི་བཟད་འབར་བ་བླང་ལ་བསྐོར༔ ཉི་མ་སྤྲིན་གྱིས་འཁྲིགས་པ་དང་༔ འཚུབ་མ་མང་པོའི་མིག་ལྟས་དང་༔ སེང་གེ་གངས་(༧༦བ)
ཀྱི་སྟོངས་ནས་ལྷུང་༔ ཤེལ་གྱི་སྒོ་ང་ཡར་བ་དང་༔ སྤྲིན་ཆེན་ཡར་བའི་རྟགས་བསྟན་དང་༔ མང་པོའི་བཅུད་ཆེན་ཟགས་པ་དང་༔ དབང་མོ་ཉི་ཤུ་རྩ་བརྒྱད་ཀྱི༔ ལྟས་ངན་བཅུ་གསུམ་སླར་ཡང་བཟློག༔ ཁྱུང་གི་མཇུག་སྒྲོ་བརྒྱད་པོ་ལ༔ རྒྱལ་མོ་བཞི་དང་གདོང་མོ་བཞི༔ སྤྲུལ་པ་འོད་ཀྱི་འཕྲེང་བ་ཤར༔ བསེ་སྒོང་ཁྲ་བའི་ཟུར་བསྟན་ཏེ༔ ལྕུག་འཕྲན་ཟོར་གྱིས་འདེབས་པ་དང་༔ གཟའ་སྐར་འཁུག་པའི་བྱད་བྱུང་བ༔ ཟོར་བརྒྱད་རྩེ་ལ་སྦུད་པ་ཆགས༔ དེ་ཡི་ལྟས་ངན་སླར་ལ་བཟློག༔ ཧཱུཾ། ཁྲོ་རྒྱལ་ཁམས་གསུམ་ཧཱུཾ་སྒྲ་ཅན༔ སྐུ་ལ་ཟང་ཁྲབ་འོད་ཀྱིས་མཛེས༔ ཕྱག་ན་མདུང་དམར་ཆེམས་སེ་ཆེམ༔ བ་དན་རྩེ་གསུམ་གཡབ་མོས་འདེབས༔ གཡས་ནས་བསྐོར་བས་ལྷ་སྲིན་སྡུད༔ གཡོན་ནས་བསྐོར་བས་ཀླུ་སྲིན་སྡུད༔ ཀླད་ལ་བསྐོར་བས་བདུད་དཔུང་འཇོམས༔ སྲོག་དབུགས་དབང་བྱེད་དྲོད་ལ་ཁྱབ༔ ལྟས་ངན་དམིགས་ཀྱིས་གཞིག་ཏུ་གསོལ༔ ལྟས་ངན་དམིགས་ཀྱིས་བསྒྲལ་དུ་གསོལ༔ འཕུང་སྲི་རྔ་མོ་ཁྱོད་ཀྱིས་ལྟས་ངན་བཟློག་པ་ནི༔ སྐུ་མདོག་དམར་བས་མ་མོ་ཡོངས་ཀྱི་ལྟས་ངན་བཟློག༔ ཤ་སྒ་གཏད་པས་སྣང་སྲིད་ལྷ་འདྲེའི་ལྟས་ངན་བཟློག༔ གཡག་གི་ཐོད་པས་འགོང་པོ་ཡོངས་ཀྱི་ལྟས་ངན་བཟློག༔ སྤྲེའུའི་གདོང་པས་རྒྱལ་པོ་ཡོངས་ཀྱི་ལྟས་ངན་བཟློག༔ སྦྲུལ་གྱི་རྐེད་པས་ཀླུ་བདུད་ཡོངས་ཀྱི་ལྟས་ངན་བཟློག༔ ཤ་ཡི་སྡེར་མོས་དྲང་སྲོང་གཟའ་ཡིས་ལྟས་ངན་བཟློག༔ གཞན་ཡང་བདེ་གཤེགས་འདུས་པའི་མ་ཚང་བ་ཁ་སྐོང་བའི་རྒྱུད་ལས༔ ལྟས་ངན་བརྒྱད་ཅུ་རྩ་གཅིག་བྱུང་༔ གདོང་(༧༧ན)
པས་གདོང་ཅན་ལྟས་ངན་བཟློག༔ རྭ་ཡིས་རྭ་ཅན་ལྟས་ངན་བཟློག༔ གཤོག་པས་འདབ་ཆགས་ལྟས་ངན་བཟློག༔ རྐང་པས་སྡེར་ཆགས་ལྟས་ངན་བཟློག༔ མཆུ་ཡིས་ལྟོ་འགྲོའི་ལྟས་ངན་བཟློག༔ ཅེས་གསུངས་པས༔ རྐང་གྲངས་ཀྱིས་བཅད་ནས༔ དང་པོ་གདོང་ཅན་ལྟས་ངན་བཅུ་དྲུག་བཟློག་པ་ནི༔ མི་ལ་བྱོལ་སོང་གཅན་གཟན་གཟུགས་སྐྱེས་པ༔ འཕུང་ལྟས་ལྟས་ངན་ཆེན་པོ་བབས་པ་ཡིན༔ དེ་ཡང་དམར་ཆེན་གཏོར་མ་འདི་ཡིས་བཟློག༔ བསྒྱུར་རོ་ལྟས་ངན་ཐམས་ཅད་དགྲ་ལ་སྒྱུར༔ རྐང་ལག་དབང་པོ་མང་དང་ལྷག་པ་སྐྱེས༔ ཕ་མེས་བུ་ཚའི་ཟ་འདྲེ་བྱེད་པའི་ལྟས་ངན་ཡིན༔ དེ་ཡང་དམར་ཆེན་གཏོར་མ་འདི་ཡིས་བཟློག༔ བསྒྱུར་རོ་ལྟས་ངན་དམིགས་ཀྱིས་བསྒྲལ་དུ་གསོལ༔ དུས་ངན་ཕོ་མོ་ལྷ་སར་མནོལ་ཤོར་བ༔ ལྷ་ལྔ་ལར་ནས་བདུད་ལངས་ལྟས་ངན་ཡིན༔ དེ་ཡང་དམར་ཆེན་གཏོར་མ་འདི་ཡིས་བཟློག༔ བསྒྱུར་རོ་ལྟས་ངན་དམིགས་ཀྱིས་བསྒྲལ་དུ་གསོལ༔ ཕ་མིང་སྒོ་རུ་ནལ་ཕྲུག་བཙས་པ་ནི༔ ལྷ་འཕངས་མི་རབས་ཆད་པའི་ལྟས་ངན་ཡིན༔ དེ་ཡང་དམར་ཆེན་གཏོར་མ་༴༔ བསྒྱུར་རོ་ལྟས་ངན་དམིགས་ཀྱིས་༴༔ བུ་སྲིང་བཙོག་མནོལ་བྱི་ཕྲུག་སླག་པ་ནི༔ ཀླུ་དང་མ་མོ་མི་ནོར་བརླག་པའི་ལྟས་ངན་ཡིན༔ དེ་ཡང་དམར་ཆེན་གཏོར་མ་འདི་ཡིས་༴༔ བསྒྱུར་རོ་ལྟས་ངན་དམིགས་ཀྱིས་བསྒྲལ་༴༔ མི་ལ་མཚེ་མ་ཟུང་དུ་བཅོས་པ་ནི༔ འཕུང་སྲིས་མི་ནོར་འཇིག་པའི་ལྟས་ངན་ཡིན༔ དེ་ཡང་དམར་ཆེན་གཏོར་མ་འདི་༴༔ བསྒྱུར་རོ་ལྟས་ངན་དམིགས་བྱས་༴༔ དྲེད་མོ་སྐྲ་འབལ་བྲང་བརྡུང་མི་རོ་(༧༧བ)
ཟ༔ ལྷ་བདུད་གནམ་དུ་འཕངས་པའི་ལྟས་ངན་ཡིན༔ དེ་ཡང་དམར་ཆེན་གཏོར་མ་འདི་ཡིས་༴༔ བསྒྱུར་རོ་ལྟས་ངན་དམིགས་ཀྱིས་༴༔ དྲེད་མོ་བོང་བུ་ཞོན་ནས་གྲོང་ཡུལ་འགྲིམ༔ གཉན་དང་མ་མོས་བརླག་པའི་ལྟས་ངན་ཡིན༔ དེ་ཡང་དམར་ཆེན་གཏོར་མ་འདི་༴༔ བསྒྱུར་རོ་ལྟས་ངན་དམིགས་༴༔ སྤྲེའུས་གོ་སོགས་གནོད་པ་སྣ་ཚོགས་བྱེད༔ རྒྱལ་པོ་གཟའ་ཀླུ་གསུམ་གྱི་ལྟས་ངན་ཡིན༔ དེ་ཡང་དམར་ཆེན་གཏོར་མ་འདི་༴༔ བསྒྱུར་རོ་ལྟས་ངན་དམིགས་ཀྱིས་༴༔ སྤྲེའུ་ལག་ན་གྲམ་ཁྱེར་བ༔ འཕུང་སྲི་ལངས་པའི་ལྟས་ངན་ཡིན༔ དེ་ཡང་དམར་ཆེན་གཏོར་མ་༴༔ བསྒྱུར་རོ་ལྟས་ངན་དམིགས་ཀྱིས་༴༔ སྤྲེའུ་གསུམ་རྟ་ལ་ཞོན་པ་ནི༔ ཐེའུ་བྲང་སྤུན་དགུའི་ལྟས་ངན་ཡིན༔ དེ་ཡང་དམར་ཆེན་གཏོར་༴༔ བསྒྱུར་རོ་ལྟས་ངན་དམིགས་ཀྱིས་༴༔ བྱིས་པ་ཁ་བརྡ་ངན་པ་ནི༔ ནོར་གོད་ཡོང་བའི་ལྟས་ངན་ཡིན༔ དེ་ཡང་དམར་ཆེན་གཏོར་༴༔ བསྒྱུར་རོ་ལྟས་ངན་དམིགས་༴༔ གཟའ་མི་སྤྱོད་ལོག་ངན་དགུ་བྱེད༔ ཉེས་དགུ་འབྱུང་བའི་ལྟས་ངན་ཡིན༔ དེ་ཡང་དམར་ཆེན་གཏོར་༴༔ བསྒྱུར་རོ་ལྟས་ངན་དམིགས་ཀྱིས་༴༔ མནའ་མ་ཉེ་བར་ངན་གཤོམ་པ༔ ཟས་ནོར་བཅུད་འཇིབ་ལྟས་ངན་ཡིན༔ དེ་ཡང་དམར་ཆེན་གཏོར་༴༔ བསྒྱུར་རོ་ལྟས་ངན་དམིགས་ཀྱིས་༴༔ ཤང་ཤང་དྲེད་ལ་ཞོན་པ་ནི༔ རྗེ་འབངས་འཁྲུགས་པའི་ལྟས་ངན་ཡིན༔ དེ་ཡང་དམར་ཆེན་གཏོར་༴༔ བསྒྱུར་རོ་ལྟས་ངན་དམིགས་ཀྱིས་༴༔ བུད་མེད་འཐབ་ཅིང་འཛིང་བ་ནི༔ མ་ཡམས་ས་སྲིན་ལྟས་ངན་ཡིན༔ དེ་ཡང་དམར་ཆེན་གཏོར་༴༔ བསྒྱུར་རོ་ལྟས་ངན་དམིགས་ཀྱིས་༴༔(༧༨ན)
གཉིས་པ་འདབ་ཆགས་ལྟས་ངན་བཅུ་དྲུག་བཟློག་པ་ནི༔ འདབ་ཆགས་ཁ་ན་སྦྲུལ་འཁྱེར་བ༔ ཀླུ་དང་མ་མོའི་ལྟས་ངན་ཡིན༔ དེ་ཡང་དམར་ཆེན་གཏོར་༴༔ ལྟས་ངན་དམིགས་ཀྱིས་༴༔ དུར་བྱ་ཁ་ན་ཉ་ཁྱེར་བ༔ ཀླུ་དང་མ་མོའི་ལྟས་ངན་ཡིན༔ དེ་ཡང་དམར་ཆེན་གཏོར་༴༔ ལྟས་ངན་དམིགས་ཀྱིས་༴༔ རྨ་བྱ་མི་རོ་ཟ་བ་ནི༔ སྲིད་པ་མ་མོའི་ལྟས་ངན་ཡིན༔ དེ་ཡང་དམར་ཆེན་གཏོར་༴༔ ལྟས་ངན་དམིགས་ཀྱིས་༴༔ བྱ་རོག་ཀྱུང་ཀ་ཉིས་བརྩེགས་ནི༔ བདུད་ཆེན་འབྱུང་བའི་ལྟས་ངན་ཡིན༔ དེ་ཡང་དམར་ཆེན་གཏོར་༴༔ ལྟས་ངན་དམིགས་ཀྱིས་༴༔ བྱ་རྒོད་སྡེར་འཛིང་གཤོག་འཐབ་པ༔ གནམ་ལྷ་དཀར་པོའི་ལྟས་ངན་ཡིན༔ དེ་ཡང་དམར་ཆེན་གཏོར་༴༔ ལྟས་ངན་དམིགས་ཀྱིས༔ སྲིན་བྱ་ཐོག་ཏུ་འཚེར་བ་ནི༔ ཐེའུ་རང་འགོང་པོའི་ལྟས་ངན་ཡིན༔ དེ་ཡང་དམར་ཆེན་གཏོར་༴༔ ལྟས་ངན་དམིགས་ཀྱིས་༴༔ འུག་པ་ཤིང་ཁར་རྒོད་པ་ནི༔ མ་བདུད་རོ་འདོད་ལྟས་ངན་ཡིན༔ དེ་ཡང་དམར་ཆེན་གཏོར་༴༔ ལྟས་ངན་དམིགས་ཀྱིས་༴༔ བྱ་ནག་ཕོ་རོག་འཕྱང་མོ་ཉུག༔ ཡ་བདུད་ནག་པོའི་ལྟས་ངན་ཡིན༔ དེ་ཡང་དམར་ཆེན་གཏོར་༴༔ ལྟས་ངན་དམིགས་ཀྱིས་༴༔ སྲོད་ལ་ཁྱིམ་བྱ་འཚེར་བ་ནི༔ སྲོག་བདག་རྒྱལ་པོའི་ལྟས་ངན་ཡིན༔ དེ་ཡང་དམར་ཆེན་གཏོར་༴༔ ལྟས་ངན་དམིགས་ཀྱིས་༴༔ རི་བྱ་ཀླུང་བབས་ལྟས་ངན་གཏོང་༔ གཟའ་བདུད་ནག་པོའི་ལྟས་ངན་ཡིན༔ དེ་ཡང་དམར་ཆེན་གཏོར༔ ལྟས་ངན་དམིགས་༴༔ ཆུ་བྱ་ངང་པ་ཐག་སྟེང་བབ༔ ཀླུ་དང་གཉན་གྱི་ལྟས་ངན་ཡིན༔ དེ་ཡང་དམར་ཆེན་གཏོར་༴༔ ལྟས་ངན་དམིགས་ཀྱིས་༴༔ ཁྲ་ཡིས་བྱ་བྱེ་ཁྱིམ་ཕུག་བདས༔ བུ་ཚ་བོད་པའི་ལྟས་ངན་༴༔ དེ་ཡང་དམར་ཆེན་གཏོར་མས་༴༔ ལྟས་ངན་དམིགས་ཀྱིས་༴༔ པུ་ཤུད་སྐྱེར་པོའི་རྩ་རུ་བབས༔ འགོང་(༧༨བ)
པོ་ལག་རིང་ལྟས་ངན་ཡིན༔ དེ་ཡང་དམར་ཆེན་༴༔ ལྟས་ངན་དམིགས་༴༔ བྱ་རོག་ཆགས་པ་སྤྱོད་པ་མཐོང་༔ སྲི་གསུམ་ལངས་པའི་ལྟས་ངན་ཡིན༔ དེ་ཡང་དམར་ཆེན་༴༔ ལྟས་ངན་དམིགས་༴༔ བྱ་གླག་སྤུ་ལོག་ཁང་སྟེང་བབས༔ ཟ་འདྲེ་ཕུང་སྲིའི་ལྟས་ངན་ཡིན༔ དེ་ཡང་དམར་ཆེན་གཏོར་༴༔ ལྟས་ངན་དམིགས་༴༔ འདབ་ཆགས་ཉ་རོ་ཐོག་སྟེང་འབོར༔ ཀླུ་བདུད་རོ་འདོད་ལྟས་ངན་ཡིན༔ དེ་ཡང་དམར་ཆེན་༴༔ ལྟས་ངན་དམིགས་༴༔ གསུམ་པ་སྡེར་ཆགས་ལྟས་ངན་བཅུ་དྲུག་བཟློག་པ་ནི༔ དོམ་གྱིས་མི་རོ་ཟ་བ་ནི༔ དབྱིངས་ཀྱི་མ་མོའི་ལྟས་ངན་ཡིན༔ དེ་ཡང་དམར་ཆེན་གཏོར་༴༔ ལྟས་ངན་དམིགས་༴༔ སྤྱང་ཀི་བུ་ག་དགུ་ནས་ངུ་༔ བདུད་རྒྱལ་བཙན་གྱི་ལྟས་ངན་ཡིན༔ དེ་ཡང་དམར་ཆེན་༴༔ ལྟས་ངན་དམིགས་༴༔ སྟག་གི་ཁ་ན་རོ་ཁྱེར་བ༔ ཆུང་སྲི་ལངས་པའི་ལྟས་ངན་ཡིན༔ དེ་ཡང་དམར་༴༔ ལྟས་ངན་དམིགས་༴༔ ལོགས་ལ་ཝ་སྤྱང་གཉིས་བརྒྱལ་བ༔ ལྷ་སྲིན་འཁྲུག་པའི་ལྟས་ངན་ཡིན༔ དེ་ཡང་དམར་༴༔ ལྟས་ངན་དམིགས་༴༔ སྟག་མོ་སྤྲེལ་ཕྲུག་འཁུར་པ་ནི༔ བཙན་དང་རྒྱལ་པོའི་ལྟས་ངན་ཡིན༔ དེ་ཡང་དམར་༴༔ ལྟས་ངན་དམིགས་༴༔ སྲེ་མོ་ཁ་ན་བྱི་རོ་ཁྱེར༔ རོ་ཟླ་འདོད་པའི་ལྟས་ངན་ཡིན༔ དེ་ཡང་དམར་༴༔ ལྟས་ངན་དམིགས་༴༔ བྱི་བ་ཕྲུག་གུ་གཞན་དུ་ཁྱེར༔ བུ་ནོར་ཉམས་པའི་ལྟས་ངན་ཡིན༔ དེ་ཡང་དམར་༴༔ ལྟས་ངན་དམིགས་༴༔ བྱི་ཆུང་ཁྱིམ་དུ་འཕུང་འདྲེ་བྱེད༔ མི་ནོར་འཕུང་བའི་ལྟས་ངན་ཡིན༔ དེ་ཡང་དམར་ཆེན་༴༔ ལྟས་ངན་དམིགས་༴༔ ཨོ་དཀར་ཁྱིམ་དུ་(༧༩ན)
རྐུན་མ་བྱེད༔ ཕ་ཁུ་གསོད་པའི་ལྟས་ངན་ཡིན༔ དེ་ཡང་དམར་༴༔ ལྟས་ངན་དམིགས་༴༔ བྱི་བས་རང་གི་སྐྲ་ལ་ཟ༔ ཟླ་གྲོགས་འཆི་བའི་ལྟས་ངན་ཡིན༔ དེ་ཡང་དམར་༴༔ ལྟས་ངན་དམིགས་༴༔ ཐོ་རེངས་སྒོ་ཁྱི་ངུ་ཟུག་བྱེད༔ པེ་ཀར་རྒྱལ་པོའི་ལྟས་ངན་ཡིན༔ དེ་ཡང་དམར་༴༔ ལྟས་ངན་དམིགས་༴༔ འཕར་པ་ར་ལ་ཤོད་འདེབས་པ༔ བཙན་གོ་ཁ་བཞིའི་ལྟས་ངན་ཡིན༔ དེ་ཡང་དམར་ཆེན་༴༔ ལྟས་ངན་དམིགས་༴༔ སྤྱང་ཀི་ལུག་ལ་ཤོད་འདེབས་པ༔ ཀི་ཀང་གཟའ་ཡི་ལྟས་ངན་ཡིན༔ དེ་ཡང་དམར་༴༔ ལྟས་ངན་དམིགས་༴༔ ཚ་མེས་མི་རོ་ཟ་བ་ནི༔ དམུ་བདུད་རྒྱལ་པོའི་ལྟས་ངན་ཡིན༔ དེ་ཡང་དམར་༴༔ ལྟས་ངན་དམིགས་༴༔ རི་བོང་ཁྱིམ་དུ་འོང་བ་ནི༔ གཤིན་རྗེ་ནག་པོའི་ལྟས་ངན་ཡིན༔ དེ་ཡང་དམར་༴༔ ལྟས་ངན་དམིགས་༴༔ ཁྱི་ལ་ཚི་བ་བྱུང་བ་ནི༔ མི་ནོར་འབྱེད་པའི་ལྟས་ངན་ཡིན༔ དེ་ཡང་དམར་༴༔ ལྟས་ངན་དམིགས་༴༔ བཞི་པ་རྭ་ཅན་ལྟས་ངན་བཅུ་དྲུག་བཟློག་པ་ནི༔ མཛོ་ལ་དུར་བྱ་ཞོན་པ་ནི༔ ལྟས་ངན་ཆེན་པོ་བབས་པ་ཡིན༔ དེ་ཡང་དམར་ཆེན་༴༔ ལྟས་ངན་དམིགས་༴༔ ཕྱུགས་ལ་མཚེ་མ་བྱུང་བ་ནི༔ ནོར་གཡང་ཉམས་པའི་ལྟས་ངན་ཡིན༔ དེ་ཡང་དམར་༴༔ ལྟས་ངན་དམིགས་༴༔ ཕྲུག་གུ་རྐང་ལག་མེད་པ་སྐྱེས༔ མི་ནོར་འཚག་པའི་ལྟས་ངན་ཡིན༔ དེ་ཡང་དམར་༴༔ ལྟས་ངན་དམིགས་༴༔ རྐང་ལག་ལྷག་གམ་མགོ་བརྙན་ལོག༔ ནད་ཀྱི་བདག་མོའི་ལྟས་ངན་ཡིན༔ དེ་ཡང་དམར་༴༔ ལྟས་ངན་དམིགས་༴༔ ལུག་ལ་(༧༩བ)
རོ་ཁལ་བྱུང་བ་ནི༔ འཕུང་སྲི་ལངས་པའི་ལྟས་ངན་ཡིན༔ དེ་ཡང་དམར་༴༔ ལྟས་ངན་དམིགས་༴༔ རྭ་ལ་ཟངས་ལྡན་བྱུང་བ་ནི༔ འཕུང་གསུམ་ནག་མོའི་ལྟས་ངན་ཡིན༔ དེ་ཡང་དམར་༴༔ ལྟས་ངན་དམིགས་༴༔ གནག་ལ་བེའུ་མགོ་གཉིས་སྐྱེས༔ དམུ་བདུད་ནག་མོའི་ལྟས་ངན་ཡིན༔ དེ་ཡང་དམར་༴༔ ལྟས་ངན་དམིགས་༴༔ རི་དྭགས་ཁྱིམ་རྩར་ཆགས་པ་སྤྱོད༔ ལྷ་ཀླུ་ཁྲོས་པའི་ལྟས་ངན་ཡིན༔ དེ་ཡང་དམར་༴༔ ལྟས་ངན་དམིགས་༴༔ གནའ་བ་ཁྱིམ་དུ་འོང་བ་ནི༔ ཀླུ་བཙན་ཁྲོས་པའི་ལྟས་ངན་ཡིན༔ དེ་ཡང་དམར་༴༔ ལྟས་ངན་དམིགས་༴༔ ཤ་བ་ཁང་པར་འཇུག་པ་ནི༔ སྨན་མོ་ཁྲོས་པའི་ལྟས་ངན་ཡིན༔ དེ་ཡང་དམར་༴༔ ལྟས་ངན་དམིགས་༴༔ དུར་བྱ་ཀང་ཀ་དུར་ས་སྤོ༔ ཤི་ཁ་འབྱེད་པའི་ལྟས་ངན་ཡིན༔ དེ་ཡང་དམར་༴༔ ལྟས་ངན་དམིགས་༴༔ བྱང་གཡག་རྭ་འཛིང་བྱེད་པ་ནི༔ འབྲོག་སྲིན་གཡོས་པའི་ལྟས་ངན་ཡིན༔ དེ་ཡང་དམར་༴༔ ལྟས་ངན་དམིགས་༴༔ རྨོན་གླང་སྒོ་ན་འཁུན་པ་ནི༔ ས་བདག་གཡོས་པའི་ལྟས་ངན་ཡིན༔ དེ་ཡང་དམར་༴༔ ལྟས་ངན་དམིགས་༴༔ གླང་བུ་རོག་པོ་ལྟ་དཀར་བྱུང་༔ ཀླུ་བདུད་ཁྲོས་པའི་ལྟས་ངན་ཡིན༔ དེ་ཡང་དམར་ཆེན་༴༔ ལྟས་ངན་དམིགས་༴༔ དངོས་སུ་སྡིག་པའི་ཆར་པ་འབེབས༔ ཕུང་ཟོར་གཏད་ཁྲམ་ལྟས་ངན་ཡིན༔ དེ་ཡང་དམར་༴༔ ལྟས་ངན་དམིགས་༴༔ ཤ་ཕོ་རཱ་འཛིང་བྱེད་པ་ནི༔ ཕོ་བདུད་གཡོས་པའི་ལྟས་ངན་ཡིན༔ དེ་ཡང་དམར་༴༔ ལྟས་ངན་དམིགས་༴༔ ལྔ་པ་ལྟོ་འགྲོའི་ལྟས་ངན་བཅུ་དྲུག་བཟློག་པ་ནི༔(༨༠ན)
སྦྲུལ་ནག་ཁྱིམ་དུ་ཚང་འཆའ་བ༔ མཛེ་ནད་ཀླུ་ཡི་ལྟས་ངན་ཡིན༔ དེ་ཡང་༴༔ ལྟས་ངན་༴༔ སྦྲུལ་དང་སྦལ་པ་འཛིང་བ་ནི༔ ཀླུ་དང་མ་མོའི་ལྟས་ངན་ཡིན༔ དེ་ཡང་༴༔ ལྟས་ངན་༴༔ ཉ་གཉིས་ཆབ་ལ་རྔ་འཛིང་བྱེད༔ འཕུང་སྲི་ལངས་པའི་ལྟས་༴༔ དེ་ཡང་༴༔ ལྟས་ངན་༴༔ སྦྲུལ་དང་རྩང་པ་འཛིང་བ་ནི༔ ཀླུ་བཙན་གཉན་གྱི་ལྟས་༴༔ དེ་ཡང་༴༔ ལྟས་ངན་༴༔ སྦྲུལ་ནག་ཁ་ན་ཉ་རོ་ཁྱེར༔ མ་བདུད་ཀླུ་མོའི་ལྟས་ངན་ཡིན༔ དེ་ཡང་༴༔ ལྟས་ངན་༴༔ ཉ་རོ་མགོ་མེད་མི་ལ་འབོར༔ ས་བདག་གནོད་པའི་ལྟས་ངན་ཡིན༔ དེ་ཡང་དམར་༴༔ ལྟས་ངན་༴༔ ཉ་རོ་ཆུ་ཡིས་ཁྱེར་བ་མཐོང་༔ ཀླུ་སྨན་གནོད་པའི་ལྟས་ངན་ཡིན༔ དེ་ཡང་༴༔ ལྟས་ངན་༴༔ སྦལ་ལྗོང་ཉ་སྦྲུལ་ཁང་པར་བྱུང་༔ ཀླུ་གཉན་ས་བདག་ལྟས་ངན་ཡིན༔ དེ་ཡང་དམར་༴༔ ལྟས་ངན་༴༔ སྦལ་སྦྲུལ་ཐུར་ལ་རྒྱུག་པ་ནི༔ ཀླུ་དང་མ་མོའི་ལྟས་ངན་ཡིན༔ དེ་ཡང་དམར་༴༔ ལྟས་ངན་༴༔ སྦལ་པ་རྨིགས་བུ་ཞོན་པ་ནི༔ ཀླུ་བདུད་ནག་པོའི་ལྟས་ངན་ཡིན༔ དེ་ཡང་དམར་༴༔ ལྟས་ངན་༴༔ འབུ་སྲིན་གསོན་ལ་ཚང་འཆའ་བ༔ འཕུང་གསུམ་ནག་པའི་ལྟས་ངན་ཡིན༔ དེ་ཡང་དམར་༴༔ ལྟས་ངན་༴༔ ལྗོང་མོའི་ཁ་ན་མི་རོ་ཟ༔ མ་བདུད་སྲིན་མོའི་ལྟས་ངན་ཡིན༔ དེ་ཡང་དམར་༴༔ ལྟས་ངན་དམིགས་༴༔ དུག་སྦྲུལ་མི་ལ་འཁྲིལ་བ་ནི༔ མཛེ་དུག་ཀླུ་བདུད་ལྟས་༴༔ དེ་ཡང་༴༔ ལྟས་ངན་༴༔ སྲིན་བུ་པད་མ་མི་ལ་འཛུག༔ བུ་ཚ་གསོད་པའི་ལྟས་༴༔ དེ་ཡང་༴༔ ལྟས་ངན་༴༔ ས་སྲིན་ལག་ན་སྡོམ་ཁྱེར་བ༔ ཤི་ཁ་བྱོ་བའི་ལྟས་༴༔ དེ་ཡང་༴༔ ལྟས་(༨༠བ)
ངན་དམིགས་ཀྱིས་བསྒྲལ་དུ་གསོལ༔ བོང་བུ་དམར་པོ་སྦྲུལ་མཇུག་ཅན༔ ཀླུ་བདུད་ཁྲོས་པའི་ལྟས་ངན་ཡིན༔ དེ་ཡང་དམར་ཆེན་གཏོར་མ་འདི་ཡིས་བཟློག༔ ལྟས་ངན་དམིགས་ཀྱིས་བསྒྲལ་དུ་གསོལ༔ ལྷ་སྲིན་སྡེ་བརྒྱད་འཁྲུགས་པ་ལས༔ སྤྲུལ་པ་ཡང་སྤྲུལ་བསམ་མི་ཁྱབ༔ ལྟས་ངན་བཅུ་ཕྲག་བཅུ་དབྱུང་ཡང་༔ ལྟས་ངན་ཆེན་པོ་ཞེས་བྱ་བ༔ དངོས་སུ་གང་བྱུང་དེ་ཉིད་ཡིན༔ ཤ་ཁྲག་ཀླད་པ་འདི་ཡིས་བཟློག༔ སྤུ་དང་མཆུ་སྡེར་འདི་ཡིས་བཟློག༔ དོན་སྙིང་ནང་ཁྲོལ་འདི་ཡིས་བཟློག༔ ཡན་ལག་དབང་པོ་འདི་ཡིས་བཟློག༔ དྲག་པོའི་ཁྲམ་ཤིང་འདི་ཡིས་བཟློག༔ གླུད་དང་བདུད་བྱང་འདི་ཡིས་བཟློག༔ སོ་སོའི་གཟུགས་བྱད་འདི་ཡིས་བཟློག༔ རང་རང་བདེན་ཚིག་འདི་ཡིས་བཟློག༔ གླུད་དང་བསྒྱུར་བྱད་འདི་ཡིས་བཟློག༔ དམར་ཆེན་གཏོར་མ་འདི་ཡིས་བཟློག༔ སྲིད་པའི་ཁྱུང་ཆེན་ཁྱོད་ཀྱིས་བཟློག༔ རྔ་མོ་གཟུགས་ཆེན་འདི་ཡིས་བཟློག༔ གང་བྱུང་དངོས་སུ་བཟློག་ཏུ་གསོལ༔ དམར་ནག་ཟོར་ཆེན་འདི་ཡིས་བཟློག༔ ལྟས་ངན་དམིགས་ཀྱིས་བསྒྲལ་དུ་གསོལ༔ བཟློག་ཅིང་བསྒྱུར་བའི་འཕྲིན་ལས་མཛོད༔ ཆགས་ཆེ་མྱ་ངན་དགྲ་ལ་སྒྱུར༔ མི་མཐུན་རྐྱེན་དང་བར་ཆད་བཟློག༔ གཏོར་བཟློག་གཞུང་བཞིན་བྱས་ནས་ཁ་བྱང་འདི་བཏགས་ན༔ ལྟས་ངན་ཆགས་སྒོ་ཇི་ལྟར་ཆེ་ཡང་མི་བཟློག་མི་སྲིད་དོ༔ དེ་ནས་དམིགས་ཀྱིས་ལྟས་ངན་བཟློག་པ་གཞུང་བདེ་འདུས་སྨད་ལས་རིགས་འཛིན་བསྐུལ་བའི་མཇུག་ནས༔ ཧཱུཾ། ཁྲོ་རྒྱལ་ཁམས་གསུམ་ཧཱུཾ་སྒྲ་ཅན༔ སྐུ་ལ་ཟངས་ཁྲབ་འོད་ཀྱིས་མཛེས༔ ཕྱག་ན་མདུང་དམར་ཆེམས་སེ་ཆེམ༔ བ་དན་(༨༡ན)
རྩེ་གསུམ་གཡབ་མོས་འདེབས༔ གཡས་ནས་བསྐོར་བས་ལྷ་སྲིན་སྡུད༔ གཡོན་ནས་བསྐོར་བས་བདུད་དཔུང་འཇོམས༔ སྲོག་ལ་དབང་བྱེད་དྲོད་ལ་ཁྱབ༔ ལྟས་ངན་དམིགས་ཀྱིས་བཟློག་པ་ནི༔ ཁྲ་གསུམ་ཁ་ན་སྦྲུལ་ཁྱེར་བ༔ ཀླུ་དང་རྒྱལ་པོའི་ལྟས་ངན་ཡིན༔ བཟློག་གོ་དམར་ཆེན་གཏོར་མས་བཟློག༔ བསྒྱུར་རོ་ལྷ་འདྲེའི་ཆོ་འཕྲུལ་དགྲ་ལ་སྒྱུར༔ དུར་བྱ་ཁ་ན་ཉ་ཁྱེར་བ༔ ཀླུ་དང་མ་མོའི་ལྟས་ངན་ཡིན༔ བཟློག་གོ་དམར་ཆེན་གཏོར་མས་བཟློག༔ བསྒྱུར་རོ་ལྷ་འདྲེའི་ཆོ་འཕྲུལ་དགྲ་ལ་སྒྱུར༔ བྱ་གསུམ་སྡེར་འཛིངས་བྱེད་པ་ནི༔ འཕུང་སྲི་ལངས་པའི་ལྟས་ངན་ཡིན༔ བཟློག་གོ་དམར་ཆེན་གཏོར་མས་བཟློག༔ བསྒྱུར་རོ་ལྷ་འདྲེའི་ཆོ་འཕྲུལ་དགྲ་ལ་སྒྱུར༔ རྒོད་བཞི་གཤོག་འཛིངས་བྱེད་པ་ནི༔ གནམ་ལྷ་དཀར་པོའི་ལྟས་ངན་ཡིན༔ བཟློག་གོ་དམར་ཆེན་གཏོར་མས་བཟློག༔ བསྒྱུར་རོ་ལྷ་འདྲེའི་ཆོ་འཕྲུལ་དགྲ་ལ་སྒྱུར༔ རྨ་བྱ་མི་རོ་ཟ་བ་ནི༔ སྲིད་པ་རྒྱལ་མོའི་ལྟས་ངན་ཡིན༔ བཟློག་གོ་དམར་ཆེན་གཏོར་མས་བཟློག༔ བསྒྱུར་རོ་ལྷ་འདྲེའི་ཆོ་འཕྲུལ་དགྲ་ལ་སྒྱུར༔ བྱ་གསུམ་གནམ་ལ་ཤ་འབྲད་པ༔ བདུད་ཀྱི་ཕྱ་བརྙན་ལྟས་ངན་ཡིན༔ བཟློག་གོ་དམར་ཆེན་གཏོར་མས་བཟློག༔ བསྒྱུར་རོ་ལྷ་འདྲེའི་ཆོ་འཕྲུལ་དགྲ་ལ་སྒྱུར༔ འདབ་ཆགས་ལྟས་ངན་ཉི་ཤུ་པོ༔ བཟློག་གོ་དམར་ཆེན་གཏོར་མས་བཟློག༔ བསྒྱུར་རོ་ལྷ་འདྲེའི་ཆོ་འཕྲུལ་དགྲ་ལ་སྒྱུར༔ དམ་གསུམ་ཁ་ན་མི་རོ་ཁྱེར༔ དབྱིངས་ཀྱི་མ་མོའི་ལྟས་ངན་ཡིན༔ བཟློག་གོ་དམར་ཆེན་གཏོར་མས་བཟློག༔ བསྒྱུར་རོ་ལྷ་འདྲེའི་ཆོ་འཕྲུལ་དགྲ་ལ་སྒྱུར༔ སྦྲུལ་ནག་ཐུར་ལ་རྒྱུག་པ་ནི༔ ཀླུ་དང་མ་མོའི་ལྟས་(༨༡བ)
ངན་ཡིན༔ བཟློག་གོ་དམར་ཆེན་གཏོར་མས་བཟློག༔ བསྒྱུར་རོ་ལྷ་འདྲེའི་ཆོ་འཕྲུལ་དགྲ་ལ་སྒྱུར༔ ཝ་མོ་དུར་སར་བརྒྱལ་བ་ནི༔ འཕུང་སྲི་དུར་སྲི་ལངས་པའི་ལྟས་ངན་ཡིན༔ བཟློག་གོ་དམར་ཆེན་གཏོར་མས་བཟློག༔ བསྒྱུར་རོ་ལྷ་འདྲེའི་ཆོ་འཕྲུལ་དགྲ་ལ་སྒྱུར༔ ནེ་ལེའི་ཁ་ན་བྱི་རོ་ཁྱེར༔ མོ་བརྒྱུད་ཆུང་སྲི་ལངས་པའི་ལྟས་ངན་ཡིན༔བཟློག་གོ་དམར་ཆེན་གཏོར་མས་བཟློག༔ བསྒྱུར་རོ་ལྷ་འདྲེའི་ཆོ་འཕྲུལ་དགྲ་ལ་སྒྱུར༔ སྤྱང་གསུམ་འོ་དོད་འབོད་པ་ནི༔ རྒྱལ་པོ་བཙན་གྱི་ལྟས་ངན་ཡིན༔ བཟློག་གོ་དམར་ཆེན་གཏོར་མས་བཟློག༔ བསྒྱུར་རོ་ལྷ་འདྲེའི་ཆོ་འཕྲུལ་དགྲ་ལ་སྒྱུར༔ ཤྭ་འོད་ནང་དུ་ཁྱེར་བ་ནི༔ ལྷ་བདུད་ཁྲོས་པའི་ལྟས་ངན་ཡིན༔ བཟློག་གོ་དམར་ཆེན་གཏོར་མས་བཟློག༔ བསྒྱུར་རོ་ལྷ་འདྲེའི་ཆོ་འཕྲུལ་དགྲ་ལ་སྒྱུར༔ ཐོ་རེངས་སྒོ་ཁྱི་ངུ་ཟུག་བྱེད༔ ཡ་བདུད་ལངས་པའི་ལྟས་ངན་ཡིན༔ བཟློག་གོ་དམར་ཆེན་གཏོར་མས་བཟློག༔ བསྒྱུར་རོ་ལྷ་འདྲེའི་ཆོ་འཕྲུལ་དགྲ་ལ་སྒྱུར༔ བྱི་བ་སྐྲ་ལ་ཟ་བ་ནི༔ གནམ་ས་འཁྲུག་པའི་ལྟས་ངན་ཡིན༔ བཟློག་གོ་དམར་ཆེན་གཏོར་མས་བཟློག༔ བསྒྱུར་རོ་ལྷ་འདྲེའི་ཆོ་འཕྲུལ་དགྲ་ལ་སྒྱུར༔ སྡེར་ཆེན་ལྟས་ངན་ཉི་ཤུ་པོ༔ བཟློག་གོ་དམར་ཆེན་གཏོར་མས་བཟློག༔ བསྒྱུར་རོ་ལྷ་འདྲེའི་ཆོ་འཕྲུལ་དགྲ་ལ་སྒྱུར༔ ཅང་ཤེས་དྲུག་གྲུམ་ཤེལ་མིག་ནི༔ ཡ་བདུད་རྒྱལ་པོའི་ལྟས་ངན་ཡིན༔ བཟློག་གོ་དམར་ཆེན་གཏོར་མས་བཟློག༔ བསྒྱུར་རོ་ལྷ་འདྲེའི་ཆོ་འཕྲུལ་དགྲ་ལ་སྒྱུར༔ སྟག་ཕྲུག་སླང་མགོར་བྱུང་བ་ནི༔ ཀླུ་བཙན་གདོང་པའི་ལྟས་ངན་ཡིན༔ བཟློག་གོ་དམར་ཆེན་གཏོར་མས་བཟློག༔ བསྒྱུར་རོ་ལྷ་འདྲེའི་ཆོ་འཕྲུལ་(༨༢ན)
དགྲ་ལ་སྒྱུར༔ རྔ་མོ་མི་རོ་བཀལ་བ་ནི༔ འཕུང་གསུམ་ལངས་པའི་ལྟས་ངན་ཡིན༔ བཟློག་གོ་དམར་ཅེན་གཏོར་མས་བཟློག༔ བསྒྱུར་རོ་ལྷ་འདྲེའི་ཆོ་འཕྲུལ་དགྲ་ལ་སྒྱུར༔ ཕྲུག་གུ་མགོ་བརྙན་བྱུང་བ་ནི༔ དགྲ་སྲི་ལངས་པའི་ལྟས་ངན་ཡིན༔ བཟློག་གོ་དམར་ཆེན་གཏོར་མས་བཟློག༔ བསྒྱུར་རོ་ལྷ་འདྲེའི་ཆོ་འཕྲུལ་དགྲ་ལ་སྒྱུར༔ དྲེའུའི་སྟེང་ན་བྱ་བབས་པ༔ མ་མོ་དམ་སྲིའི་ལྟས་ངན་ཡིན༔ བཟློག་གོ་དམར་ཆེན་གཏོར་མས་བཟློག༔ བསྒྱུར་རོ་ལྷ་འདྲེའི་ཆོ་འཕྲུལ་དགྲ་ལ་སྒྱུར༔ མིང་སྲིང་སྲིད་པའི་བུ་བྱུང་བ༔ གདམས་སྲིབས་ལོག་པའི་ལྟས་ངན་ཡིན༔ བཟློག་གོ་དམར་ཆེན་གཏོར་མས་བཟློག༔ བསྒྱུར་རོ་ལྷ་འདྲེའི་ཆོ་འཕྲུལ་དགྲ་ལ་སྒྱུར༔ བོང་བུ་སྦྲུལ་གྱི་མཐུར་ཐག་ཅན༔ མ་བདུད་ཁྲོས་པའི་ལྟས་ངན་ཡིན༔ བཟློག་གོ་དམར་ཆེན་གཏོར་མས་བཟློག༔ བསྒྱུར་རོ་ལྷ་འདྲེའི་ཆོ་འཕྲུལ་དགྲ་ལ་སྒྱུར༔ བོང་ཐོར་མགོ་གསུམ་བྱུང་བ་ནི༔ མ་ཡམས་བསྟན་མའི་ལྟས་ངན་ཡིན༔ བཟློག་གོ་དམར་ཆེན་གཏོར་མས་བཟློག༔ བསྒྱུར་རོ་ལྷ་འདྲེའི་ཆོ་འཕྲུལ་དགྲ་ལ་སྒྱུར༔ རྨིག་ཟླུམ་ལྟས་ངན་ཉི་ཤུ་རྣམས༔ བཟློག་གོ་དམར་ཆེན་གཏོར་མས་བཟློག༔ བསྒྱུར་རོ་ལྷ་འདྲེའི་ཆོ་འཕྲུལ་དགྲ་ལ་སྒྱུར༔ སྤྲེལ་གསུམ་ལག་ན་ཁྲམ་ཁྱེར་བ༔ ཐེའུ་རང་སྤུན་གསུམ་ལྟས་ངན་ཡིན༔ བཟློག་གོ་དམར་ཆེན་གཏོར་མས་བཟློག༔ བསྒྱུར་རོ་ལྷ་འདྲེའི་ཆོ་འཕྲུལ་དགྲ་ལ་སྒྱུར༔ སྤྲེལ་གསུམ་རྟ་ལ་ཞོན་པ་ནི༔ འཕུང་སྲི་ལངས་པའི་ལྟས་ངན་ཡིན༔ བཟློག་གོ་དམར་ཆེན་གཏོར་མས་བཟློག༔ བསྒྱུར་རོ་ལྷ་འདྲེའི་ཆོ་འཕྲུལ་དགྲ་ལ་སྒྱུར༔ འདབ་ཆགས་དྲེལ་ལ་ཞོན་པ་ནི༔ རྒྱལ་(༨༢བ)
བློན་བྲན་གསུམ་ལྟས་ངན་ཡིན༔ བཟློག་གོ་དམར་ཆེན་གཏོར་མས་བཟློག༔ བསྒྱུར་རོ་ལྷ་འདྲེའི་ཆོ་འཕྲུལ་དགྲ་ལ་སྒྱུར༔ ཤ་ཕྲུག་མི་རོ་ཟ་བ་ནི༔ མ་ཡམས་བསྟན་པའི་ལྟས་ངན་ཡིན༔ བཟློག་གོ་དམར་ཆེན་གཏོར་མས་བཟློག༔ བསྒྱུར་རོ་ལྷ་འདྲེའི་ཆོ་འཕྲུལ་དགྲ་ལ་སྒྱུར༔ སྦལ་པ་ལག་ན་སྦྲུལ་ཁྱེར་བ༔ ཀླུ་དང་ས་བདག་ལྟས་ངན་ཡིན༔ བཟློག་གོ་དམར་ཆེན་གཏོར་མས་བཟློག༔ བསྒྱུར་རོ་ལྷ་འདྲེའི་ཆོ་འཕྲུལ་དགྲ་ལ་སྒྱུར༔ བུད་མེད་འཐབ་ཅིང་འཛིང་བ་ནི༔ མ་ཡམས་དམ་སྲིའི་ལྟས་ངན་ཡིན༔ བཟློག་གོ་དམར་ཆེན་གཏོར་མས་བཟློག༔ བསྒྱུར་རོ་ལྷ་འདྲེའི་ཆོ་འཕྲུལ་དགྲ་ལ་སྒྱུར༔ དྲེད་མོ་སྐྲ་འབལ་བྲང་བརྡུང་བ༔ ལྷ་མོ་བདུད་མོའི་ལྟས་ངན་ཡིན༔ བཟློག་གོ་དམར་ཆེན་གཏོར་མས་བཟློག༔ བསྒྱུར་རོ་ལྷ་འདྲེའི་ཆོ་འཕྲུལ་དགྲ་ལ་སྒྱུར༔ ཕོ་མོས་ལྷ་སར་མནོལ་བྱེད་པ༔ ལྷ་ཀླུ་འཕངས་པའི་ལྟས་ངན་ཡིན༔ བཟློག་གོ་དམར་ཆེན་གཏོར་མས་ཟློག༔ བསྒྱུར་རོ་ལྷ་འདྲེའི་ཆོ་འཕྲུལ་དགྲ་ལ་སྒྱུར༔ གདོང་ཅན་ལྟས་ངན་ཉི་ཤུ་པོ༔ བཟློག་གོ་དམར་ཆེན་གཏོར་མས་བཟློག༔ བསྒྱུར་རོ་ལྷ་འདྲེའི་ཆོ་འཕྲུལ་དགྲ་ལ་སྒྱུར༔ ལྟས་ངན་ཆེན་པོ་ཞེས་བྱ་བ༔ མཛོ་ལ་དུར་བྱ་ཞོན་པ་ནི༔ བདེ་ཆེན་མ་མོའི་ལྟས་ངན་ཡིན༔ བཟློག་གོ་དམར་ཆེན་གཏོར་མས་བཟློག༔ བསྒྱུར་རོ་ལྷ་འདྲེའི་ཆོ་འཕྲུལ་དགྲ་ལ་སྒྱུར༔ སྲོད་ལ་བྱ་ཕོ་བོད་པ་དང་། ནམ་གུང་འོག་རྟ་འཚེར་བ་དང་༔ ཐོ་རེངས་སྒོ་ཁྱི་ངུ་བ་དང་༔ ཐད་ནས་ཤིང་ཆེན་ཆགས་པ་དང་༔ ལྟག་ལྐོགས་ཆད་བྲག་རལ་བ་རྣམས༔ སྡེ་བརྒྱད་འཁྲུགས་པའི་ལྟས་ངན་ཡིན༔ བཟློག་གོ་དམར་ཆེན་གཏོར་མས་(༨༣ན)
བཟློག༔ བསྒྱུར་རོ་ལྷ་འདྲེའི་ཆོ་འཕྲུལ་དགྲ་ལ་སྒྱུར༔ བྷྱོས་གདབ་པ་ནི༔ དེ་ཉིད་ཀྱི་མཆོང་ལས། བདེ་གཤེགས་སྒྲུབ་པ་བཀའ་བརྒྱད་ལྷ་ལ་ཕྱག་འཚལ་ལོ༔ གཞུང་ལས། བྷྱོས་གདབ། ཅེས་འབྱུང་བས། བྷྱོས་གདབ་ཅིང་ལྟས་ངན་བཟློག་པ་ནི་འདི་སྐད་དོ༔ བྷྱོ་བྷྱོ་བྷྱོ༔ དང་པོ་བྷྱོ་ཡིས་མི་གདབ་ཏུ༔ མ་མོའི་ལས་ཁ་བྷྱོ་ལ་ཐུག༔ བར་དུ་བྷྱོ་ཡིས་མི་གདབ་ཏུ༔ སྣང་སྲིད་ལྷ་འདྲེ་བྷྱོ་ཡིས་བཟློག༔ ཐ་མ་བྷྱོ་ཡིས་མི་གདབ་ཏུ༔ ནད་དང་ལྟས་ངན་བྷྱོ་ཡིས་བཟློག༔ བྷྱོ་ལྟས་ངན་ཀུན་གྱི་ཕ་སྨོས་པ༔ གནམ་ལ་བྱ་དཀར་མཆེ་བ་ཅན༔ བྱ་ལ་མཆེ་བ་ཡོང་མི་སྲིད༔ ལྟས་ངན་དང་པོ་ཕ་རུ་བྱུང་༔ ལྟས་ངན་ཀུན་གྱི་མ་སྨོས་པ༔ ས་ལ་བྱི་དཀར་གཤོག་པ་ཅན༔ བྱི་བར་གཤོག་པ་ཡོང་མི་སྲིད༔ ལྟས་ངན་དང་པོ་མ་རུ་བྱུང་༔ དེ་ཉིད་སྲིད་ཅིང་སྤྲུལ་པ་ལས༔ ལྟས་ངན་བརྒྱད་ཅུ་བྱུང་བ་ནི༔ གནམ་གྱི་མ་བདུད་ལྟས་ངན་དུ༔ ཉི་ཟླ་ཤི་བའི་ལྟས་ངན་བྱུང་༔ དེ་ཡང་དམར་ཆེན་གཏོར་མས་བཟློག༔ བར་སྣང་སྟོང་པའི་ལྟས་ངན་ནི༔ སྲོག་བདག་རྒྱལ་པོའི་ལྟས་ངན་ཏེ༔ བྱ་དང་རྒོད་ཀྱི་ལྟས་ངན་བབས༔ དེ་ཡང་དམར་ཆེན་གཏོར་མས་བཟློག༔ གངས་མ་དེ་ནི་དཀར་གོང་ནས༔ ལྷ་བདུད་མ་བུའི་ལྟས་ངན་ཏེ༔ དབྱིངས་དག་མཐའ་ཡི་ལྟས་ངན་བབས༔ དེ་ཡང་དམར་ཆེན་གཏོར་མས་བཟློག༔ སྤང་མ་དེ་ནི་སྣར་གོང་ནས༔ སྨན་དང་གཟའ་ཡི་ལྟས་ངན་ཏེ༔ ཤ་བ་དགོ་བའི་ལྟས་ངན་བབས༔ དེ་ཡང་དམར་ཆེན་གཏོར་མས་བཟློག༔ བྲག་དམར་དེ་ནི་དམར་གོང་ནས༔ བྲག་བཙན་གཉན་གྱི་ལྟས་ངན་ཏེ༔ གླ་བ་འུག་པའི་(༨༣བ)
ལྟས་ངན་བབས༔ དེ་ཡང་དམར་ཆེན་གཏོར་མས་བཟློག༔ ནགས་མ་དེ་ནི་མུན་གོང་ནས༔ མ་བདུད་གཉན་གྱི་ལྟས་ངན་ཏེ༔ དོམ་དང་དྲེད་ཀྱི་ལྟས་ངན་བབས༔ དེ་ཡང་དམར་ཆེན་གཏོར་མས་བཟློག༔ གཡའ་མ་དེ་ནི་སྔོ་གོང་ནས༔ དམུ་དང་བདུད་ཀྱི་ལྟས་ངན་ཏེ༔ འབྲོང་བུ་གཡག་གི་ལྟས་ངན་བབས༔ དེ་ཡང་དམར་ཆེན་གཏོར་མས་བཟློག༔ གནམ་ནས་ལྟས་ངན་བྱུང་བ་ནི༔ གཟའ་སྐར་གཉན་གྱི་ལྟས་ངན་ཏེ༔ རྒོད་པོ་སྡེར་འཛིངས་ལྟས་ངན་བབས༔ དེ་ཡང་དམར་ཆེན་གཏོར་མས་བཟློག༔ རྒྱ་མཚོ་ཆེན་པོའི་གཏིང་རུམ་ནས༔ ས་བདག་ཀླུ་ཡི་ལྟས་ངན་ཏེ༔ སྦལ་སྦྲུལ་ཉ་ཡི་ལྟས་ངན་བབས༔ དེ་ཡང་དམར་ཆེན་གཏོར་མས་བཟློག༔ ས་ལས་ལྟས་ངན་འབྱུང་བ་ནི༔ ས་བདག་གཉན་གྱི་ལྟས་ངན་ཏེ༔ ལུས་ལ་མཛེ་ཤུ་གཡན་པ་བྱུང་༔ དེ་ཡང་དམར་ཆེན་གཏོར་མས་བཟློག༔ ངུར་དང་མཆད་པ་གྲོག་པོ་ནས༔ འདྲེ་མོ་ནག་མོའི་ལྟས་ངན་ཏེ༔ སྲིན་བྱ་ཁུ་ཡིས་འདེབས་པ་འབྱུང་༔ དེ་ཡང་དམར་ཆེན་གཏོར་མས་བཟློག༔ བྲག་དང་ནགས་ཀྱི་ཤིང་གསེབ་ནས༔ འདྲེ་སྲིན་ཕྲ་མོའི་ལྟས་ངན་ཏེ༔ གོང་སྲེག་གླུ་ཆུང་ལེན་པ་བྱུང་༔ དེ་ཡང་དམར་ཆེན་གཏོར་མས་བཟློག༔ ཕུ་ནས་ལྟས་ངན་བྱུང་བ་ནི༔ བདུད་དང་གཉན་གྱི་ལྟས་ངན་ཏེ༔ ཤྭ་ཕོ་རྭ་འཛིངས་ལྟས་ངན་བྱུང་༔ དེ་ཡང་དམར་ཆེན་གཏོར་མས་བཟློག༔ མདའ་ནས་ལྟས་ངན་བྱུང་བ་ནི༔ ཀླུ་སྲིན་འཁྲུག་པའི་ལྟས་ངན་ཏེ༔ ཉ་མོ་མཐའ་འཛིངས་ལྟས་ངན་བྱུང་༔ དེ་ཡང་དམར་ཆེན་གཏོར་མས་བཟློག༔ དུར་ནས་ལྟས་ངན་བྱུང་བ་ནི༔ དུར་འདྲ་དུར་སྲིའི་ལྟས་ངན་ཏེ༔ དུར་(༨༤ན)
ན་ཝ་བརྒྱལ་ཝ་རོ་སྦྲམ༔ དེ་ཡང་དམར་ཆེན་གཏོར་མས་བཟློག༔ རྟ་ལ་ལྟས་ངན་བྱུང་བ་ནི༔ དྲུག་གྲུམ་གདོང་གས་གཟི་མིག་འབྱུང་༔ དེ་ཡང་དམར་ཆེན་གཏོར་མས་བཟློག༔ ཕྱུགས་ལ་ལྟས་ངན་བྱུང་བ་ནི༔ འབྲི་ལ་བེའུ་མཆེ་མ་བྱུང་༔ དེ་ཡང་དམར་ཆེན་གཏོར་མས་བཟློག༔ ལུག་ལ་ལྟས་ངན་བྱུང་བ་ནི༔ རོ་སྒལ་རྐེད་སྐོར་ནག་པོ་བྱུང་༔ དེ་ཡང་དམར་ཆེན་གཏོར་མས་བཟློག༔ ར་ལ་ལྟས་ངན་བྱུང་བ་ནི༔ ཟངས་ལྡན་སྤུ་རྟགས་དམར་པོར་བྱུང་༔ དེ་ཡང་དམར་ཆེན་གཏོར་མས་བཟློག༔ ཁྱི་ལ་ལྟས་ངན་བྱུང་བ་ནི༔ ཚི་བ་བྱུང་དང་ཐོ་རེངས་ངུ་༔ དེ་ཡང་དམར་ཆེན་གཏོར་མས་བཟློག༔ བྱིས་པ་ཆུང་གི་ལྟས་ངན་ཏེ༔ སྲེ་མོང་ཁ་ན་བྱི་རོ་ཁྱེར༔ དེ་ཡང་དམར་ཆེན་གཏོར་མས་བཟློག༔ བྱ་ལ་ལྟས་ངན་བྱུང་བ་ནི༔ རྒྱལ་འགོང་འདྲེ་ཡི་ལྟས་ངན་ཏེ༔ སྲོད་ལ་དེ་ཕོ་འཚེར་བ་བྱུང་༔ དེ་ཡང་དམར་ཆེན་གཏོར་མས་བཟློག༔ ཕོ་རོག་འུག་པ་སྡེར་འཛིངས་བྱེད༔ དམེ་འཁོན་བདུད་ཀྱི་ལྟས་ངན་བབས༔ དེ་ཡང་དམར་ཆེན་གཏོར་མས་བཟློག༔ འཇའ་འཁྱིལ་ལྷ་ཡི་ལྟས་ངན་ཡིན༔ སེང་གེ་ངུ་འབོད་གཤིན་རྗེའི་ལྟས༔ དེ་ཡང་དམར་ཆེན་གཏོར་མས་བཟློག༔ དོམ་དྲེད་སྟག་གཟིག་འཐབ་པ་དང་༔ ཕ་སྤུན་ནང་དམེ་བྱེད་པ་ནི༔ སྲིད་པ་མ་མོའི་ལྟས་ངན་ཡིན༔ དེ་ཡང་དམར་ཆེན་གཏོར་མས་བཟློག༔ ཤ་རྐྱང་བཙན་གྱི་ལྟས་ངན་ཡིན༔ སྦྲུལ་ནག་འཁྱིལ་པ་ཀླུ་ཡི་ལྟས༔ དོམ་ནག་བདུད་ཀྱི་ལྟས་ངན་ཡིན༔ གླ་བ་སྨན་གྱི་ལྟས་ངན་ཡིན༔ དེ་ཡང་དམར་ཆེམ་གཏོར་མས་བཟློག༔ བྱ་རྒོད་རྒྱལ་པོའི་(༨༤བ)
ལྟས་ངན་ཡིན༔ ཁྲུང་ཁྲུང་དྲེ་མོའི་ལྟས་ངན་ཡིན༔ སྤྱང་ཀི་དགེ་བསྙེན་ལྟས་ངན་ཡིན༔ བྱ་རྒོད་སྡེར་འཛིངས་བྱེད་པ་སོགས༔ བདུད་ཀྱི་ལྟས་ངན་ཐམས་ཅད་བཟློག༔ ལྟས་ངན་བརྒྱད་ཅུ་རྩ་གཅིག་བཟློག༔ ཡེ་འབྲོག་སུམ་བརྒྱ་དྲུག་ཅུ་བཟློག༔ དུས་མིན་འཆི་བ་བཅོ་བརྒྱད་བཟློག༔ གློ་བུར་དགུ་བཅུ་རྩ་གཅིག་བཟློག༔ ནད་རིམས་བཞི་བརྒྱ་རྩ་བཞི་བཟློག༔ གདོན་རིགས་སྟོང་ཕྲག་བརྒྱད་ཅུ་བཟློག༔ བྱིས་པའི་གདོན་ཆེན་བཅོ་ལྔ་བཟློག༔ རྨིས་ལྟས་མཚན་མ་ངན་པ་བཟློག༔ ལུས་ལ་ནད་དུ་གཏོང་བ་བཟློག༔ ཚེ་ལ་བར་དུ་གཅོད་པ་བཟློག༔ སྐེག་ངན་སྲི་ངན་ཐམས་ཅད་བཟློག༔ མོ་ངན་གཙུག་ལག་ངན་པ་བཟློག༔ ཁ་བརྡ་ལ་ཉེ་ངན་པ་བཟློག༔ བསམ་ངན་སྦྱོར་བ་རྩུབ་པ་བཟློག༔ འདུན་ངན་གྲོས་ངན་གཤོམ་པ་བཟློག༔ མི་རུང་ལྟས་ངན་ཐམས་ཅད་ནི༔ བྷྱོ་བྷྱོ་སྡང་བའི་དགྲ་ལ་བྷྱོ༔ བྷྱོ་བྷྱོ་གནོད་པའི་བགེགས་ལ་བྷྱོ༔ བྷྱོ་བྷྱོ་ཟ་བའི་འདྲེ་ལ་བྷྱོ༔ བྷྱོ་བྷྱོ་འཕུང་བའི་སྲི་ལ་བྷྱོ༔ བྷྱོ་བྷྱོ་བཟློག་བཟློག་དགྲ་ལ་བཟློག༔ བསྒྱུར་རོ་ལྟས་ངན་དགྲ་ལ་སྒྱུར༔ ཞེས་བྷྱོས་གདབ་ཅིང་ལྟས་ངན་བཟློག་གོ༔ བྷྱོས་གདབ་ཅིང་ལྟས་ངན་བཟློག་པའི་ལས་མཐའ་ཤིན་ཏུ་གསང་བ་རྫོགས་སོ༔ ས་མ་ཡ། རྒྱ་རྒྱ་རྒྱ། མངའ་བདག་མྱང་གི་གཏེར་མའོ༔ འདྲེ་མོ་བོང་ཞོན་གྱི་གཞུང་ཡིན་ཟེར་བ་ལྟས་ངན་བརྒྱ་བཟློག་ལ་གཞོགས་དྲུད་པའི་དཔེ་ཧྲུལ་འདྲ་ཁམས་དང་ཨེ་ཕྱོགས་ནས་དར་བར་སྔགས་རློམ་མང་པོ་ཡིད་བརྟན་བྱེད་ན་དང་། རྗེ་འབྲི་གུང་པ་སོགས་ཚད་ཐུབ་རྣམས་ལ་མ་གྲགས་ཤིང་། སྨྲེང་དེ་ལ་བརྗོད་དོན་ལྷག་པོ་ཡང་མེད་པས། མཚན་ཉིད་དང་ལྡན་པ་ནི་མན་ངག་གབ་དོན་ལས། བཅའ་གཞི་(༨༥ན)
དང་བོང་ཞོན་ལ་ལྟས་ངན་བསྟིམ་པའི་དམིགས་པ་ཟབ་མོ་གསུངས་པའི་མཇུག་ཏུ། སྔགས་འདིའི་ཐུན་གྱིས་བྲབ་པོ༔ ཨཱོཾ་བཛྲ་བ་ཏྲི་ཀ་རུ་ཎ་ཛ་ལེ་ཀ་རུ་ཎ་ཛ་ལེ༔ ལྟས་ངན་ཐམས་ཅད་ཨུ་ཙ་ཏ་ལ་ཕཊ༔ བདུད་ཀྱི་ལྟས་ངན་ཐམས་ཅད་བཟློག༔ བཙན་གྱི་ལྟས་ངན་ཐམས་ཅད་བཟློག༔ རྒྱལ་པོའི་ལྟས་ངན་ཐམས་ཅད་བཟློག༔ མ་མོའི་ལྟས་ངན་ཐམས་ཅད་བཟློག༔ གཤིན་རྗེའི་ལྟས་ངན་ཐམས་ཅད་བཟློག༔ གཟའ་ཡི་ལྟས་ངན་ཐམས་ཅད་བཟློག༔ ཀླུ་ཡི་ལྟས་ངན་ཐམས་ཅད་བཟློག༔ དམུ་ཡི་ལྟས་ངན་ཐམས་ཅད་བཟློག༔ དམུ་བདུད་ལྟས་ངན་ཐམས་ཅད་བཟློག༔ སྨན་གྱི་ལྟས་ངན་ཐམས་ཅད་བཟློག༔ སྲིན་པོའི་ལྟས་ངན་ཐམས་ཅད་བཟློག༔ བགེགས་ཀྱི་ལྟས་ངན་ཐམས་ཅད་བཟློག༔ ཐེའུ་རང་ལྟས་ངན་ཐམས་ཅད་བཟློག༔ དབང་ཕྱུག་མ་ཡི་ལྟས་ངན་བཟློག༔ བསྟན་མའི་ལྟས་ངན་ཐམས་ཅད་བཟློག༔ མགར་བའི་ལྟས་ངན་ཐམས་ཅད་བཟློག༔ མོན་པའི་ལྟས་ངན་ཐམས་ཅད་བཟློག༔ ལྷ་མ་སྲིན་གྱི་སྡེ་བརྒྱད་ཀྱི་ཐན་དང་ལྟས་ངན་ཐམས་ཅད་བཟློག༔ ཅེས་བརྗོད། ཐུན་འཛིན་པ་མང་ཉུང་ཇི་ལྟར་འོས་པས༔ ས་མ་ཡ་ཞེས་སོགས་ཀྱི་སྔགས་ཟུར་གསལ་གྱིས་ཐུན་ནུས་ལྡན་དུ་བྱས་ཏེ་གཏོར་མ་དང་གླུད་ལ་བྲབ་ཅིང་འདེད་དོ༔ གཅེས་པའི་ལྡེ་མིག་ནས་བཤད་པའི་ཁྱུང་བཟློག་ཡན་སོང་ནས། དེ་ནས་ཉམས་ལེན་གནད་གདམས་སུ་རྗེས་གཏོར་མ་གཏང་བའི་རིམ་པ་ལ་གསུམ་སྟེ༔ དང་པོ་སྲིན་མོ་ཟ་ལམ་དགྲ་ལ་བསྟན་ཏེ་དམོད་མོ་གདབ་ཅིང་སྔགས་བཟློག་བྱ་བ་དང་། གཉིས་པ་གཏོར་མ་ཟོར་དུ་འཕངས་ནས་དགྲ་བགེགས་ཀྱི་ཕུང་པོ་(༨༥བ)
གཞོམ་པ་དང་། གསུམ་པ་རྗེས་ཀྱི་བྱ་བའི་ལས་རིམ་མོ༔ དང་པོ་ཟ་ལམ་དགྲ་ལ་བསྟན་ཅིང་འཕྲིན་ལས་བཅོལ་བ་ནི༔ མཆོད་པ་ཕུད་སྐོངས་དང་ལྷ་བསངས༔ རྒྱགས་རྔན་སོགས་བླ་གབ་མེད་པའི་སར་གཏོང་བ་དང་ལྷན་དུ་ཕྱོགས་བཞིའི་ལྷ་མོ་བདུན་ཚན་བཞི་ལ་བཀའ་བསྒོ་བའི་གསེར་སྐྱེམས་ཉི་མ་ཤར་ཕྱོགས་མ་གཏོང་། སྒྲུབ་པ་པོ་རྣམས་ཀྱིས་གསེར་སྐྱེམས་བསྡུས་པ་བྱ་ཞིང་མདོས་ལམ་འཐེན། སྔགས་དང་ཏིང་ངེ་འཛིན་ལ་བརྟེན་ནས་བླ་མའི་དབང་གཏོར་མ་གཏོགས་གཏོར་མ་ལས་བསྡུ་བ་དང་བརླག་པ་ཕྱག་ལེན་ལྟར་བྱ། སློབ་དཔོན་གྱིས་ཕྱོགས་སོ་སོར་ཕྱིན་ཏེ་སྒོ་དབྱེ་བའི་ཕྱག་རྒྱ་དང་དམིགས་པ་མན་ངག་ལྟར་བྱས་ནས། ཤར་ཕྱོགས་སྒོ་མ་རྟ་གདོང་དཀར༔ ཞེས་སོགས་ཀྱིས་སྒོ་དབྱེ། གཏོར་དྲིལ་ནི་གོང་ར་བ་སོགས་གཏོར་མ་སྒྲུབ་ཁང་ནས་ཕྱིར་འདོན་པའི་དོན་ཡིན་ཟེར་བ་སོགས་རྣམ་དབྱེ་མ་དོད་པའི་ནང་ཟོང་ཕྱིར་སྟོན་གྱི་ཡོད་འདུག་ཅིང་༔ སྔ་འགྱུར་གྱི་བསྟན་འཛིན་དུ་རློམ་པ་མང་པོ་ནི་ཕྱོགས་འདིར་མི་སྨྲ་བའི་ཏིང་ངེ་འཛིན་ལ་མཉམ་པར་འཇོག་མོད༔ རྗེ་འབྲི་གུང་པ་ཆེན་པོ་ཆོས་ཀྱི་གྲགས་པ། ཟུར་ཐམས་ཅད་མཁྱེན་པ་ཆོས་དབྱིངས་རང་གྲོལ། ཁྲ་ཚང་པ་མཁས་གྲུབ་ཆེན་པོ་བློ་མཆོག་རིག་པའི་རྡོ་རྗེ་གསུམ་བཞེད་པ་མཐུན་པར་གཏོར་མ་གཞན་རྣམས་གཙོ་བོར་དྲིལ་བའི་དགོངས་དོན་དང་ཕྱག་ལེན་རྣམས་མཐོང་བརྒྱུད་མན་ངག་ལྟར་བྱས་ནས་ངག་འདོན་ནི། སྒྲུབ་པ་བཀའ་བརྒྱད་ལྷ་ལ་ཕྱག་འཚལ་ལོ༔ ཁྲོ་བོ་རོལ་པའི་གཏོར་བཟློག་བྱེད་པའི་སྐབས་སུ། གཏོར་བཟློག་གི་གཞུང་ལྟས་ངན་བཟློག་པ་མན་ཆོད་ཚར་ནས༔ སྲིན་མོ་ཟ་ལམ་གཏོང་བའི་དུས་སུ༔ གཏོར་དྲིལ་འདི་ལྟར་བྱའོ༔ (༨༦ན)
ཕྱོགས་མཚམས་ཀྱི་གཏོར་མ་བརྒྱད་པོ་རེ་རེ་བཞིན་དབུས་ཀྱི་གཏོར་མར་དྲིལ་ཞིང་། འདི་ལྟར་བྷྱོ་བཟློག་གི་འཕྲིན་ལས་བྱའོ༔ ཧཱུཾ། དབུས་མཐའ་མེད་པའི་ཆོས་དབྱིངས་ཆེན་པོ་ནས༔ ཞི་བ་ལྷུན་གྱིས་གྲུབ་པའི་དཀྱིལ་འཁོར་ནས༔ ཀུན་བཟང་རིགས་ལྔ་ཡབ་ཡུམ་དབྱིངས་ནས་བཞེངས༔ སྲས་མཆོག་སེམས་དཔའ་ལྕམ་དྲལ་གཤེགས་སུ་གསོལ༔ སྤྲུལ་སྐུ་ཐུབ་དྲུག་འགྲོ་བའི་དོན་མཛོད་ཅིག༔ མཐར་བྱེད་སྒོ་བ་ཡབ་ཡུམ་ཐུགས་དམ་བསྐུལ༔ དམ་རྫས་རྒྱན་གྱི་གཏོར་མ་འདི་བཞེས་ལ༔ བདག་དང་རྒྱུ་སྦྱོར་ཡོན་བདག་འཁོར་བཅས་ཀྱི༔ དགྲ་དང་བགེགས་དང་མི་མཐུན་གནོད་པའི་ཕྱོགས༔ དེ་རིང་དཔལ་ཆེན་འཁོར་དང་བཅས་པ་ཡིན༔ བྷྱོ་བཟློག་བསྒྱུར་བའི་འཕྲིན་ལས་མཛད་དུ་གསོལ༔ ཧཱུཾ། ཁྲོ་བོ་རོལ་པའི་དུར་ཁྲོད་ཆེན་པོ་ནས༔ སྨུག་ནག་གྲུ་གསུམ་འབར་བའི་དཀྱིལ་འཁོར་ནས༔ དཔལ་ཆེན་ཆེ་མཆོག་ཡབ་ཡུམ་དབྱིངས་ནས་བཞེངས༔ སྲས་མཆོག་སྤྲུལ་པའི་ཚོགས་རྣམས་གཤེགས་སུ་གསོལ༔ བཀའ་སྲུང་ཕོ་ཉའི་ཚོགས་རྣམས་ལས་ལ་ཕྱོས༔ ཤ་ཁྲག་དམར་གྱི་གཏོར་མ་འདི་བཞེས་ལ༔ བདག་དང་རྒྱུ་སྦྱོར་ཡོན་བདག་འཁོར་བཅས་ཀྱི༔ དགྲ་དང་བགེགས་དང་མི་མཐུན་གནོད་པའི་ཕྱོགས༔ དེ་རིང་དཔལ་ཆེན་འཁོར་དང་བཅས་པ་ཡིས༔ བྷྱོ་བཟློག་བསྒྱུར་བའི་འཕྲིན་ལས་མཛད་དུ་གསོལ༔ ཧཱུཾ། ཁྲག་འཐུང་རོལ་པའི་དུར་ཁྲོད་ཆེན་པོ་ནས༔ མཐིང་ནག་གྲུ་གསུམ་འབར་བའི་དཀྱིལ་འཁོར་ནས༔ བཛྲ་ཧེ་རུ་ཀ་ཡབ་ཡུམ་དབྱིངས་ནས་བཞེངས༔ སྲས་མཆོག་ཀེའུ་རིའི་ཚོགས་རྣམས་གཤེགས་སུ་གསོལ༔ (༨༦བ)
བཀའ་སྲུང་དབང་མོའི་ཚོགས་རྣམས་ལས་ལ་བྷྱོ༔ ཤ་ཁྲག་དམར་གྱི་གཏོར་མ་འདི་བཞེས་ལ༔ བདག་དང་རྒྱུ་སྦྱོར་ཡོན་བདག་འཁོར་བཅས་ཀྱི༔ དགྲ་དང་བགེགས་དང་མི་མཐུན་གནོད་པའི་ཕྱོགས༔ དེ་རིང་དཔལ་ཆེན་འཁོར་དང་བཅས་པ་ཡིས༔ བྷྱོ་བཟློག་བསྒྱུར་བའི་འཕྲིན་ལས་མཛད་དུ་གསོལ༔ ཧཱུཾ། གཤིན་རྗེ་རོལ་པའི་དུར་ཁྲོད་ཆེན་པོ་ནས༔ སེར་ནག་གྲུ་གསུམ་འབར་བའི་དཀྱིལ་འཁོར་ནས༔ ཡ་མཱནྟ་ཀ་ཡབ་ཡུམ་དབྱིངས་ནས་བཞེངས༔ གཤེད་བཞི་ཕྱོགས་སྐྱོང་ཡབ་ཡུམ་གཤེགས་སུ་གསོལ༔ བཀའ་སྲུང་ཕོ་ཉའི་ཚོགས་རྣམས་ལས་ལ་བྷྱོ༔ ཤ་ཁྲག་དམར་གྱི་གཏོར་མ་འདི་བཞེས་ལ༔ བདག་དང་རྒྱུ་སྦྱོར་ཡོན་བདག་འཁོར་བཅས་ཀྱི༔ དགྲ་དང་བགེགས་དང་མི་མཐུན་གནོད་པའི་ཕྱོགས༔ དེ་རིང་དཔལ་ཆེན་འཁོར་དང་བཅས་པ་ཡིས༔ བྷྱོ་བཟློག་བསྒྱུར་བའི་འཕྲིན་ལས་མཛད་དུ་གསོལ༔ ཧཱུཾ། པདྨ་རོལ་བའི་དུར་ཁྲོད་ཆེན་པོ་ནས༔ དམར་ནག་གྲུ་གསུམ་འབར་བའི་དཀྱིལ་འཁོར་ནས༔ དབང་གི་རྒྱལ་པོ་ཡབ་ཡུམ་དབྱིངས་ནས་བཞེངས༔ ཐུགས་སྲས་ཟིལ་གནོན་ཡབ་ཡུམ་གཤེགས་སུ་གསོལ༔ བཀའ་སྲུང་ཕོ་ཉའི་ཚོགས་རྣམས་ལས་ལ་ཕྱོས༔ ཤ་ཁྲག་དམར་གྱི་གཏོར་མ་འདི་བཞེས་ལ༔ བདག་དང་རྒྱུ་སྦྱོར་ཡོན་བདག་འཁོར་བཅས་ཀྱི༔ དགྲ་དང་བགེགས་དང་མི་མཐུན་གནོད་པའི་ཕྱོགས༔ དེ་རིང་དཔལ་ཆེན་འཁོར་དང་བཅས་པ་ཡིས༔ བྷྱོ་བཟློག་བསྒྱུར་བའི་འཕྲིན་ལས་མཛད་དུ་གསོལ༔ ཧཱུཾ། ཕུར་པ་རོལ་པའི་དུར་ཁྲོད་ཆེན་པོ་ནས༔ ལྗང་ནག་གྲུ་གསུམ་འབར་བའི་དཀྱིལ་འཁོར་ནས༔ རྡོ་རྗེ་གཞོན་ནུ་ཡབ་ཡུམ་དབྱིངས་ནས་བཞེངས༔ སྲས་(༨༧ན)
མཆོག་ཁྲོ་བཅུ་ཡབ་ཡུམ་གཤེགས་སུ་གསོལ༔ བཀའ་སྲུང་ཕོ་ཉའི་ཚོགས་རྣམས་ལས་ལ་ཕྱོས༔ ཤ་ཁྲག་དམར་གྱི་གཏོར་མ་འདི་བཞེས་ལ༔ བདག་དང་རྒྱུ་སྦྱོར་ཡོན་བདག་འཁོར་བཅས་ཀྱི༔ དགྲ་དང་བགེགས་དང་མི་མཐུན་གནོད་པའི་ཕྱོགས༔ དེ་རིང་དཔལ་ཆེན་འཁོར་དང་བཅས་པ་ཡིས༔ བྷྱོ་བཟློག་བསྒྱུར་བའི་འཕྲིན་ལས་མཛད་དུ་གསོལ༔ ཧཱུཾ། མ་མོ་རོལ་པའི་དུར་ཁྲོད་ཆེན་པོ་ནས༔ ཤ་ཁྲག་རྒྱ་མཚོར་འཁྱིལ་བའི་དཀྱིལ་འཁོར་ནས༔ བླ་མེད་ཧེ་རུ་ཀ་ཡབ་ཡུམ་དབྱིངས་ནས་བཞེངས༔ ཡེ་ཤེས་རྗེ་མོ་སྨན་མོའི་ཚོགས་རྣམས་གཤེགས༔ སྒོ་སྐྱོང་ཕོ་ཉའི་ཚོགས་རྣམས་ལས་ལ་ཕྱོས༔ ཤ་ཁྲག་དམར་གྱི་གཏོར་མ་འདི་བཞེས་ལ༔ བདག་དང་རྒྱུ་སྦྱོར་ཡོན་བདག་འཁོར་བཅས་ཀྱི༔ དགྲ་དང་བགེགས་དང་མི་མཐུན་གནོད་པའི་ཕྱོགས༔ དེ་རིང་དཔལ་ཆེན་འཁོར་དང་བཅས་པ་ཡིས༔ བྷྱོ་བཟློག་བསྒྱུར་བའི་འཕྲིན་ལས་མཛད་དུ་གསོལ༔ ཧཱུཾ། རིགས་འཛིན་རོལ་བའི་དུར་ཁྲོད་ཆེན་པོ་ནས༔ ཐུགས་རྗེ་གདུང་འཚོབ་སྐུ་ཡི་དཀྱིལ་འཁོར་ནས༔ རྡོ་རྗེ་སློབ་དཔོན་ཡབ་ཡུམ་དབྱིངས་ནས་བཞེངས༔ སྒྲུབ་པའི་རིགས་འཛིན་ཚོགས་རྣམས་གཤེགས་སུ་གསོལ༔ བཀའ་སྲུང་ཕོ་ཉའི་ཚོགས་རྣམས་ལས་ལ་ཕྱོས༔ ཤ་ཁྲག་དམར་གྱི་གཏོར་མ་འདི་བཞེས་ལ༔ བདག་དང་རྒྱུ་སྦྱོར་ཡོན་བདག་འཁོར་བཅས་ཀྱི༔ དགྲ་དང་བགེགས་དང་མི་མཐུན་གནོད་པའི་ཕྱོགས༔ དེ་རིང་དཔལ་ཆེན་འཁོར་དང་བཅས་པ་ཡིས༔ བྷྱོ་བཟློག་བསྒྱུར་བའི་འཕྲིན་ལས་མཛད་དུ་གསོལ༔ ཧཱུཾ། དྲེགས་པ་རོལ་པའི་དུར་ཁྲོད་ཆེན་པོ་ནས༔ དུག་ལྔ་མེ་ལྟར་འབར་བའི་དཀྱིལ་(༨༧བ)
འཁོར་ནས༔ དྲེགས་པ་ཀུན་འདུལ་ཡབ་ཡུམ་དབྱིངས་ནས་བཞེང་༔ སྡེ་དཔོན་སུམ་ཅུ་ཡབ་ཡུམ་གཤེགས་སུ་གསོལ༔ སྒོ་སྐྱོང་དྲག་པོའི་ཚོགས་རྣམས་ལས་ལ་ཕྱོས༔ ཤ་ཁྲག་དམར་གྱི་གཏོར་མ་འདི་བཞེས་ལ༔ བདག་དང་རྒྱུ་སྦྱོར་ཡོན་བདག་འཁོར་བཅས་ཀྱི༔ དགྲ་དང་བགེགས་དང་མི་མཐུན་གནོད་པའི་ཕྱོགས༔ དེ་རིང་དཔལ་ཆེན་འཁོར་དང་བཅས་པ་ཡིས༔ བྷྱོ་བཟློག་བསྒྱུར་བའི་འཕྲིན་ལས་མཛད་དུ་གསོལ༔ ཧཱུཾ། དྲག་སྔགས་རོལ་བའི་དུར་ཁྲོད་ཆེན་པོ་ནས༔ གཏུམ་དྲག་མེ་ལྟར་འབར་བའི་དཀྱིལ་འཁོར་ནས༔ སྟོབས་ལྡན་ནག་པོ་ཡབ་ཡུམ་དབྱིངས་ནས་བཞེངས༔ སྔགས་བདག་དྲེགས་པ་བཅོ་བརྒྱད་གཤེགས་སུ་གསོལ༔ སྤྲུལ་པའི་ལྷ་སྲིན་སྡེ་བརྒྱད་ལས་ལ་ཕྱོས༔ ཤ་ཁྲག་དམར་གྱི་གཏོར་མ་འདི་བཞེས་ལ༔ བདག་དང་རྒྱུ་སྦྱོར་ཡོན་བདག་འཁོར་བཅས་ཀྱི༔ དགྲ་དང་བགེགས་དང་མི་མཐུན་གནོད་པའི་ཕྱོགས༔ དེ་རིང་དཔལ་ཆེན་འཁོར་དང་བཅས་པ་ཡིས༔ བྷྱོ་བཟློག་བསྒྱུར་བའི་འཕྲིན་ལས་མཛད་དུ་གསོལ༔ ཞེས་བཀའ་བརྒྱད་རེ་རེ་བཞིན་བསྐུལ་ལ༔ གཏོར་མ་རྣམས་ཕྱོགས་མཚམས་ནས་རིམ་བཞིན་དུ་དབུས་ཀྱི་གཏོར་མར་དྲིལ་ལོ༔ དེ་ནས་སྲིན་མོ་ཟ་ལམ་བསྟན༔ དམ་བདར། བྷྱོས་གདབ། བཟློག་པ་བྱ། བྷྱོས་གདབ་པའི་རྗེས་སུ་སྒྲུབ་པ་ཆེན་པོའི་དབང་ཐོབ་པའི་རྣལ་འབྱོར་པས་འཆམས་སྟབས་སུ་དང་པོ་དོར་སྟབས་བགྲད་ལ་ཕྱིར་བཟློག་ཏུ་ཐལ་མོ་གདབ་ཅིང་༔ དཀྱིལ་འཁོར་ལ་བསྐོར་ཞིང་འདི་སྐད་དོ༔ ཧཱུཾ། དགོངས་ཤིག་མཁའ་འགྲོ་དམ་ཅན་རྣམས༔ སྔོན་ཚེ་ཞལ་བཞེས་མ་གཡེལ་ཅིག༔ ཚོགས་ཀྱི་དཀྱིལ་འཁོར་ཆེན་པོ་(༨༨ན)
འདི༔ མིང་ཙམ་འཛིན་པར་བྱེད་པ་ཡང་༔ གཡོ་སྒྱུ་མེད་ཅིང་གུས་ལྡན་པར༔ སེམས་ཀྱིས་བླངས་ཏེ་སྤྱི་བོ་ཡི༔ གཙུག་ཏུ་བཞག་སྟེ་བཀུར་བར་བགྱི༔ དེ་སྐད་ཁྱེད་ཀྱི་དམ་བཅས་ཏེ༔ དཔལ་གྱི་བཀའ་བཞིན་བདག་བསྒྲུབ་ན༔ མ་ཐོགས་མྱུར་དུ་སྟོབས་ལ་བྱོན༔ བཅོལ་བའི་འཕྲིན་ལས་སྒྲུབ་པར་མཛོད༔ སྔོན་མའི་འཆམས་སྟབས་ཀྱིས་བསྐོར་རོ༔ ཨཱོཾ་ཤྲཱི་ཧེ་རུ་ཀ་ས་མ་ཡ་སྟཾ༔ མ་ནུ་རཀྴ་སི་བྷྱོ༔ པྲ་མ་ནི་བྷྱོ༔ རོའུ་ཏྲི་བྷྱོ༔ བེ་ན་བེ་བྷྱོ༔ ཀོའུ་རི་མ་བྷྱོ༔ ཨིནྡྲ་ནི་བྷྱོ༔ བཛྲ་སིང་ཀ་ལི་བྷྱོ༔ ཨ་མྲྀ་ཏ་བྷྱོ༔ སོའུ་མ་བྷྱོ༔ དན་ད་ཧཾ་བྷྱོ༔ རཀྴ་སི་བྷྱོ༔ བཀྴ་སི་བྷྱོ༔ ར་ཏི་བཛྲ་མ་བྷྱོ༔ རུ་ཏི་ར་མཏྟ་བྷྱོ༔ ཨེ་ཀ་ཙཪྻཾ་བྷྱོ༔ མ་ནོ་ཧ་རཾ་བྷྱོ༔ སི་ཏི་ཀ་བྷྱོ༔ བ་ཡ་བེ་བྷྱོ༔ མཧཱ་མཱ་ར་ན་བྷྱོ༔ ཨགྣེ་བྷྱོ༔ བྷ་ར་ཧི་བྷྱོ༔ ཙ་མུན་ཏྲི་བྷྱོ༔ པུ་ཏ་ནཾ་བྷྱོ༔ བ་རུ་ན་བྷྱོ༔ བཛྲ་མ་ཧཱ་ཀཱ་ལ་བྷྱོ༔ བཛྲ་ཙ་ག་ལེ་བྷྱོ༔ བཛྲ་གུཾ་བ་ཀརྞ་བྷྱོ༔ བཛྲ་ལཾ་བྷོ་ད་ར་བྷྱོ༔ བཛྲ་ནི་བ་ར་བྷྱོ༔ བཛྲ་ལ་བར་བྷྱོ༔ བཛྲ་དུ་ཏྲི་ཧར་བྷྱོ༔ བཛྲ་ཤ་ཡེ་བྷྱོ༔ བཛྲ་ད་ཤིང་བྷྱོ༔ དྷུ་ར་སཾ་བྷྱོ༔ བཛྲ་ལན་ཏེ་བྷྱོ༔ བཛྲ་མ་ཧཱ་ཏེ་བྷྱོ༔ བཛྲ་སུ་ཙི་ར་བྷྱོ༔ བཛྲ་ར་ལི་བྷྱོོ༔ བཛྲ་ར་མི་བྷྱོ༔ མ་མ་ཧྲིཾ་ཧྲིཾ་ཛ་ཛ ཨཱོཾ་བཛྲ་ཀཱི་ལཱི་ཀཱི་ལཱ་ཡ་སརྦ་བིགྷྣཾ་བཾ་ཧཱུཾ་ཕཊ༔ དགྲ་བགེགས་གནོད་བྱེད་འབྱུང་པོ་མཱ་ར་ཡ་ཧཱུཾ་ཕཊ༔ ཅེས་བསྐུལ་ལོ༔ སྔགས་དྲག་ཏུ་བཟླས་སོ༔ ཁྲོ་བོ་རོལ་པའི་གཏོར་བཟློག་གི་ལས་ཕྲན། ཕྱག་ལན་གཏོར་དྲིལ་ཤིན་ཏུ་ཟབ་ཅིང་གནད་ཆེ་བ་སློབ་དཔོན་པདྨས་མཛད་པ་རྫོགས་སོ༔ དྲག་སྔགས་ཀྱི་མདུན་དུ་བཀའ་སྡོད་ཀྱི་གཏོར་མ་དཔགས༔ དགོངས་ཤིག་མཁའ་འགྲོ་དམ་ཅན་གྱི་ཚེ་ལས་གཞན་རྣམས་ཀྱང་དེའི་(༨༨བ)
མདུན་དུ་སླེབས་ཚར་བ་བྱས་ནས་དམ་ཅན་རྣམས་དབང་དུ་བསྡུ་བའི་དམིགས་པ་བྱ། ཕུད་ལྷག་རྣམས་གཙོ་གཏོར་དང་ཉེ་བར་བཤམས་པ་ལ་སྨན་རཀ་སྦྲན། ལྷག་མ་དང་ཆད་མཐོ་དཀྱུས་བཞིན་བཏབ། བཀའ་སྲུང་རྣམས་ཀྱི་སྔོན་གྱི་ཐ་ཚིག་དྲན་ནས་གཏོར་མ་རྣམས་བླངས་པའི་རྗེས་སུ་གཏོར་མ་རྣམས་དམག་དཔུང་དུ་ཤེས་པའི་ཟབ་གནད་ཞལ་ལས་ཤེས༔ སྒྲུབ་ཁོག་ནས་དར་འཕྱར། དུང་འབུད། ཕུད་བཏང་། མེས་སྣ་དྲངས། ཆོས་སྐྱོང་གི་རུ་དར་འཕྱར། རྔ་དང་རོལ་མོ་བརྩམས་ཏེ༔ རྡོ་རྗེ་སློབ་དཔོན་གྱི་ལྟ་བའི་རྫོང་བསྐྱེད༔ ལྷའི་ང་རྒྱལ་གྱིས་གོ་བཅའོ༔ ཞེས་དཔའ་བོ་དམག་ལ་ཆས་པའི་གོ་གསར་བ་ལྟར་རྣལ་འབྱོར་པ་རྣམས་ལྟ་བའི་གྱབ་དང་གསལ་བའི་ཏིང་ངེ་འཛིན་བརྟན་པོའི་ང་རྒྱལ་གྱིས་རིག་པ་ཧུར་ཕྱུང་སྟེ༔ ཨོཾ་བཛྲ་སརྦ་དུཥྚཾ་ཨེ་ད་བྷྱོ༔ དགྲ་བགེགས་འབྱུང་པོ་མཱ་ར་ཡ་ཕཊ༔ ཅེས་དིར་དིར་བཟླ་ཞིང་ཕྱོགས་ལས་རྣམ་པར་རྒྱལ་བའི་བརྟུལ་ཞུགས་ཀྱི་འགྲོའོ༔ ཉམས་ལེན་གནད་གདམས་ལས༔ གོམ་པ་བདུན་ཅུའི་སར་གཏོར་མ་ཁྱེར་ལ། གཏོར་མ་ལ་རཀྟ་སྦྲན༔ སྔགས་པས་བདུད་ཀྱི་ཆས་གསར། རྔ་བརྡུང་། དུང་འབུད། ཞིང་ལྤགས་གདབ། འོ་དོད་འབོད། དམོད་མོ་བྱ། ཞེས་གསུངས་པ་ལྟར་ལས། ཟོར་འཆམས་སོགས་སྤྲོས་པ་ཆེ་བར་བྱེད་ན་ལ་ལ་དག་བཀའ་བརྒྱད་ལ་ཆར་ཀའི་མ་གཤིན་ཉེར་བརྒྱད་ཀྱི་བསྐུལ་སྦྱོར་བ་སོགས་མི་མང་གི་གསེབ་ཏུ་ངག་འདོན་བྱེད་རྒྱུ་ཡོང་བ་ཙམ་རྒྱུ་མཚན་དུ་བྱས་ཏེ་རང་གཞན་གྱི་མགོ་བོ་མགལ་མེ་ལྟར་བསྐོར་བའི་སྤྱོད་ཚུལ་རྣམས་རིང་དུ་དོར་ཏེ་རིགས་འཛིན་བརྒྱུད་པའི་ཕྱག་ལེན་བཞིན་དུ་བྱའོ༔ སྲིན་མོ་ཟ་ལམ་ནི། གཙང་དང་(༨༩ན)
ལྷོ་རྒྱུད་ཀྱི་སྔགས་རློམ་ལ་ལ་དག་ཞལ་ཕྱག་ཙམ་བཟོས་པའི་རྒྱུག་ཧྲེང་སྤང་ལ་བཙུགས་པར་ཤོག་བུའི་ཕོད་ཀ་གཡོགས་པ་ཙམ་ལས་རྫས་མན་ངག་ཐམས་ཅད་དང་བྲལ་བའི་སྲོལ་ངན་ལུགས་འདིར་ཡེ་མ་ཤོར་བ་བྱས་ཏེ་གབ་དོན་གཏེར་གཞུང་གི་དགོངས་པ་དང་བླ་མའི་ཕྱག་བཞེས་ལྟར་བཅས་རྣམས་མངོན་པར་འདུ་བྱས་ནས༔ ཏིང་ངེ་འཛིན་དང་ཚིག་རྐང་མན་ངག་བཞིན་བསྣན་ཏེ་དཀྱུས་བཞིན་བྱ། དེ་ནས་གང་དུ་འཕེན་པའི་སར་སྒྲ་གཅན་གྱི་། ཐེབས་དང་བསྟུན་ཏེ་ཕྱིན་ནས་གསེར་སྐྱེམས་ཕུལ། གཅེས་པའི་ལྡེ་མིག་དང་གནད་གདམས་སོགས་གཏེར་གཞུང་དང་བླ་མའི་ཞལ་ཤེས་སྒོ་བསྟུན་ཏེ་བཞི་པ་ཟོར་དུ་ཤེས་པའི་གནད་འགག་ཀུན་ཁོང་དུ་ཆུད་པར་བྱས་ནས་ཟོར་བསྐུལ་རྣམས་བཏང་སྟེ་དྲག་སྔགས་སོ་ལྔ་པ་ཤམ་བུ་དང་བཅས་པ་བརྗོད་ནས་རིམ་པ་བཞིན་དུ་འཕེན། ཞིང་ལྤགས་གདབ། དུལ་མོ་རྡུལ། ཐལ་མོ་གདབ། དུང་དང་གླིང་བུ་འབུད་དོ༔ བྷྱོས་གདབ་བོ༔ གཏོར་ཟོར་ཁྱུང་གདོང་དགྲ་ཕྱོགས་སུ་བསྟན་འཁོར་ལོ་མེར་བསྲེག་པ་དང་མི་སྲེག་པའི་དབྱེ་བ་ངེས་པར་བྱ༔ མཚམས་གཅོད་ཀྱི་ཁྱུང་གི་དམིགས་སྔགས་ཟབ་མོ་ཉམས་སུ་བསྟར། གཅེས་པའི་ལྡེ་མིག་ཏུ། དེ་ནས་གཏོར་གཞོང་བཤལ་ཆུས་སྦྲན། འབྲུ་གསུམ་བྱིན་བརླབས་བསྟན་མ་བསྐྱང་༔ གཏོར་གཞོང་མནན་ལ་རྟ་བྲོས་གཟིར༔ དྲག་སྔགས་བཟླ་ཞིང་ལྷ་ཁྱུང་སྒོམ༔ ཞེས་པ་ལྟར་བསྟན་མ་གཞུང་བཞིན་བསྐྱངས༔ རྡོ་རྗེ་སློབ་དཔོན་གྱིས་ཕྱིར་སྙེག་བཟློག་པའི་ཕྱིར་མན་ངག་ཟབ་མོ་དང་བཅས་སྒོ་དྲུང་དུ་སླེབས་ནས་ལས་ཕྲན་གྱི་རྫས་མནན་པའི་སྟེང་དུ་བྲོ་བརྡུང་༔ མེ་ཆུའི་རྒྱས་འདེབས། ནང་དུ་སླེབས་ནས་ཚེ་(༨༩བ)
འགུགས་ནས་བཟུང་ཤིས་བརྗོད་ཀྱི་བར་ལས་བྱང་གི་དཀྱུས་བཞིན་བྱ་བ་ནི། གཅེས་པའི་ལྡེ་མིག་ལས། བཀྲ་ཤིས་བརྗོད་ཅིང་སྨོན་ལམ་གདབ༔ ཡེ་ཤེས་ལྷ་གཤེགས་དམ་ཚིག་བསྡུ༔ སྤྲོས་མེད་ཕྱག་རྒྱ་ཆེན་པོ་བསྒོམ༔ ལྷར་ལངས་སྤྱོད་ལམ་ཅི་བདེར་བྱ༔ བཀའ་བརྒྱད་དྲག་སྔགས་གཏོར་བཟློག་འདི༔ རུ་དྲ་བསྒྲལ་དང་ནང་དམེ་བཟློག༔ བར་ཆད་རྐྱེན་ངན་བཟློག་པའི་ཕྱིར༔ པདྨ་བདག་གིས་བཙས་སུ་བཞག༔ ཅེས་གསུངས་པ་ལྟར་རོ༔ ཕན་ཡོན་ནི། ཉམས་ལེན་གནད་གདམས་ལས། འདི་ལྟ་བུའི་བཟློག་པ་འདི་ཤིན་ཏུ་གཉན་པས༔ རྡོ་རྗེ་སློབ་དཔོན་གྱི་སྐུའི་རིམ་གྲོའམ། སྔགས་པ་ནང་འགྲས་སམ་བྱད་དང་རྦོད་གཏོང་བཟློག་པ་ལ་སོགས་པའམ༔ དུས་ཀྱི་འཁྲུག་པ་མང་བའམ། ནད་ཡམས་ཆེན་པོ་ལངས་པའམ། ཉམས་ཆགས་ཆེན་པོ་བྱུང་བའམ། རྒྱལ་པོའི་ཆད་པའམ། ཕ་རོལ་གྱི་དམག་ཚོགས་བྱུང་བ་ལ་བྱ་བ་ལས་གར་ཐོད་ཐོད་དུ་གཉན་པས་མི་བྱའོ༔ ལས་འདི་ནི་སྔགས་པ་ནང་འགྲས་སམ༔ རྦོད་གཏོང་དང་ཕུར་ཁ་དྲག་པོ་ཐུག་པའམ། ལྷ་འདྲེའི་གཡོས་དྲག་པོ་བྱུང་བའམ༔ ཆགས་ཆེན་པོ་བྱུང་བའམ༔ ནད་ཚབས་པོ་ཆེ་ཅི་བྱས་ཀྱང་མི་གསོལ་བ་ལ་བྱའོ༔ གང་རུང་རུང་ལ་བྱས་ན་རང་ལ་གནོད་པས་གཉན་ནོ༔ སློབ་དཔོན་པདྨ་འབྱུང་གནས་ཀྱིས་མཛད་པ་ཁྲོ་བོ་རོལ་པའི་གཏོར་བཟློག་སྒྲུབ་པ་བཀའ་བརྒྱད་ཀྱི་ལས་མཐའ། བཟློག་པ་ཐུན་མོང་མ་ཡིན་པ༔ ཤིན་ཏུ་ཟབ་པའི་ལས་མཐའ་རྫོགས་སོ༔ རྒྱལ་པོ་ཁྲི་སྲོང་ལྡེ་བཙན་གྱི་ཕྱག་དཔེ་རྒྱས་བཏབ་ནས་གཏེར་དུ་སྦས་པའོ༔ གཏེར་(༩༠ན)
རྒྱ། སྦས་རྒྱ། ཟབ་རྒྱ། ས་མ་ཡ། རྒྱ་རྒྱ་རྒྱ། སྨྲས་པ། ཆོས་ཀྱི་དབྱིངས་ནས་དུག་ལྔའི་གཉེན་པོ་རུ། །མི་བཟད་ཁྲོ་བོ་གཏུམ་རྔམས་རོལ་པའི་མཚོན། །འཇིགས་རུང་གཏོར་ཟོར་དབང་ཕྱུག་མིག་གི་མེས། །དགྲ་བགེགས་ཡིད་སྲུབས་མིང་གི་ལྷག་མར་བྱེད། །བདུད་ལས་རྒྱལ་བའི་སྙན་གྲགས་རྔ་བོ་ཆེ། །ཐོས་པས་ཚུལ་འདིར་འཇུག་པ་ཆེས་མང་ཡང་། །བདེ་འདུས་གཏེར་གཞུང་དགོངས་དོན་སྙན་བརྒྱུད་ཀྱིས། །བཀྲོལ་བའི་ཟབ་གནད་ཤེས་པ་ཉིན་སྐར་བཞིན། །མོན་སྔགས་དཔེ་ཧྲུལ་མཐོང་ལ་ཡིད་སྟོན་དང་། ཁུངས་མེད་ཟེར་སྒྲོས་ཙམ་ལ་ཚད་མར་འཛིན། །ཕལ་ཆེར་གབ་དཀྲུགས་མ་གཏོགས་གཏེར་གཞུང་གི །ཚིག་རིགས་སྨྲ་ཟིན་སྐྱོན་རྣམས་ངལ་གསོ་མཛོད། །སྣ་ཚོགས་གཏེར་ཁའི་བཀའ་བརྒྱད་གླེགས་བམ་ཀུན། །པད་འབྱུང་གསུང་གསང་བདུད་རྩིའི་བཅུད་ཡིན་ཀྱང་༔ བདེ་འདུས་གཞུང་ལ་མ་བརྟེན་རང་གཏེར་གྱིས། ཁྲོ་རོལ་བྱེད་རློམ་ཆུ་འདོད་སྨིག་རྒྱུར་བསྙེགས། ཁོ་བོ་སྔོན་བསགས་ལས་འཕྲོ་མི་དམན་པས། །མངའ་བདག་ཉང་རལ་ཟབ་གཏེར་ཆོས་དང་མཇལ། །གཉོས་ཞིག་ལེགས་ལྡན་རྡོ་རྗེ་འབྲི་གུང་པ། ཁུངས་བཙུན་བརྒྱུད་པའི་གསུང་བགྲོས་ཞིབ་མོར་ཐོས། །ཚིག་ཚོགས་ལོ་མས་དངོས་དོན་མི་སྒྲིབ་ཅིང་། །གཏེར་བྱོན་ངེས་རྙེད་ལུང་ཁུངས་འཁྲི་ཤིང་རྩེར༔ ཁྲིགས་ཆགས་ངག་འདོན་འབྲས་བུ་གཡུར་ཟ་བ། །བྱིན་རླབས་འདོད་འཇོའི་ཡོངས་འདུ་དེང་འདིར་བསྐྲུན། །དགེ་ཚོགས་རྡོ་རྗེ་རྩེ་བརྒྱ་གདེངས་ཙམ་གྱིས། །ནད་མུག་འཁྲུག་སོགས་ཉེས་བརྒྱ་ལྷ་མིན་དཔུང་། །རབ་བཅོམ་བདུད་(༩༠བ)
ལས་རྒྱལ་བའི་བ་དན་དཀར༔ གངས་ཅན་ཕན་བདེའི་ཁང་བཟང་རྩེར་བསྒྲེང་ཤོག །དེ་ལྟར་ཁྲོ་བོ་རོལ་བའི་གཏོར་བཟློག་གི་གཞུང་ལེ་ལག་དང་བཅས་པ་བདེ་གཤེགས་འདུས་པའི་གཏེར་བྱོན་དུ་ཁ་འཐོར་བའི་ཚུལ་གྱིས་བཞུགས་ཤིང་། དེ་དག་ལ་གསུང་རྒྱུན་དང་ཆོག་སྒྲིགས་སོགས་རྣམ་གྲངས་སྣ་ཚོགས་འདུག་པ་ཕན་ཚུན་ཞུས་དག་མི་ཕེར་བའི་དཔྱད་བཟོད་མི་བཟོད་སྣ་ཚོགས་སྣང་བ་ནས་བོད་འབངས་ཀྱི་བདེ་ཐབས་དང་སྤྱི་སྒོས་ཀྱི་རིམ་གྲོར་ཟུར་དྲིན་ཅན་བླ་མ་ཆོས་དབྱིངས་རང་གྲོལ་གྱི་དགོངས་གཏད་ལྟར་རྣམ་པར་རྒྱལ་བའི་ཕན་བདེ་ལེགས་བཤད་གླིང་པར་བཀའ་བརྒྱད་ཡོངས་རྫོགས་ཀྱི་ལས་བྱང་བཙུགས་པའི་ཆ་ལག་ཏུ་ཁྲོ་བོ་རོལ་པའི་ངག་འདོན་བདུད་སྡེའི་གཡུལ་ལས་རྒྱལ་བའི་སྒྲ་དབྱངས་ཞེས་བྱ་བ་འདི་ནི་འཁོན་རིགས་གྲུབ་པའི་དཔའ་བོ་རྡོ་རྗེ་འཆང་ཕ་བོང་ཁ་བ་དཔལ་འབྱོར་ལྷུན་གྲུབ་ཀྱི་མཁྱེན་བརྩེ་ནུས་པའི་བྱིན་རླབས་སྙིང་ལ་འཕོས་པས་ཐེག་པ་མཆོག་ལ་འཇུག་པའི་བློ་མིག་རྣམ་པར་ཡངས་ཤིང་ཟུར་ཆེན་འཇམ་དབྱངས་བླ་མ་ཆོས་དབྱིངས་རང་གྲོལ་གྱི་དྲུང་དུ་བདེ་གཤེགས་འདུས་པའི་དབང་ལུང་མན་ངག་ཁྱད་པར་རྗེ་འབྲི་གུང་པའི་བཞེད་སྲོལ་གྱི་ཁྲོ་བོ་རོལ་པའི་ཕྱག་ལེན་རྫོགས་པར་མནོས་ལ། ཁྲ་ཚང་པ་མཁས་གྲུབ་ཆེན་པོ་བློ་མཆོག་རིག་པའི་རྡོ་རྗེའི་དྲུང་དུ་གསང་བ་ཡོངས་རྫོགས་ཀྱི་དབང་ལུང་མན་ངག་དཔྱིས་ཕྱིན་པ་དང་། མངའ་བདག་མྱང་གི་བུ་ཆེན་བྱང་ལས་ཀྱི་མཁའ་འགྲོས་བྱིན་གྱིས་བརླབས་པ་གུང་རུ་བ་གཉོས་ཞིག་ཆེན་པོའི་ཕྱག་ལེན་གྱི་ཁྲོ་བོ་རོལ་པའི་ཕྲ་ཞིབ་མཐའ་དག་ཐོས་པས་ཆོས་ཚུལ་འདི་ལ་མི་འཇིགས་པའི་སྤོབས་པ་ཐོབ་པ་ཟ་ཧོར་གྱི་བནྡེ་ངག་དབང་བློ་བཟང་རྒྱ་མཚོ་མིང་གཞན་སྔགས་སྨྱོན་
གང་ཤར་རང་གྲོལ་དུ་འབོད་པས་གཏེར་གཞུང་དངོས་དང་བླ་མའི་མན་ངག་ལ་གཞི་བྱས། རྗེ་ཟུར་པའི་ཆོག་སྒྲིགས་དེ་ཡིད་ཆེས་ཀྱི་གནས་ཡིན་ནའང་དམར་སྦྲེང་ནས་བཅོལ་དམ་གྱི་བར་རྣམས་བཀའ་སོ་སོར་སྦྱར་ནས་མཛད་པས་ཧ་ཅང་མང་སྐྱོན་གྱིས་ཁྱོངས་དཀའ་བའི་སྐྱོན་ཙམ་མཆིས་ལ། སྨྱོས་ཞིག་གི་བཞེད་སྲོལ་དེ་འཇུག་པ་བདེ་ཞིང་ཁུངས་བཙུན་པར་མ་ཟད་པདྨའི་རྒྱལ་ཚབ་རིགས་འཛིན་མངའ་རིས་པ་ཆེན་པོའི་ཟིན་ཐོ་དང་ཡང་ཕྱོགས་མཐུན་པ་ནས་དེ་དོན་བཞིན་མཛེས་བྱེད་ཅེས་པ་ཆུ་ཡོས་ཧོར་ཟླ་དགུ་པའི་དཔའ་བོ་དགའ་སྟོན་གྱི་ཚེས་ལ་ཕོ་བྲང་ཆེན་པོ་པོ་ཏ་ལར་སྦྱར་བའི་ཡི་གེ་པ་ནི་འཇམ་དབྱངས་དཔལ་བཟང་ངོ་། །ཤུ་བྷ་མསྟུ་སརྦ་ཛ་ག་ཏཾ།། །།