བླ་མ་ལ་ཕྱག་འཚལ་ལོ། །དང་པོ་ཆོས་ལ་འཇུག་པའི་སྒོ།
༄༅། །བླ་མ་ལ་ཕྱག་འཚལ་ལོ། །དང་པོ་ཆོས་ལ་འཇུག་པའི་སྒོ་ངེས་འབྱུང་ཡིན་པས་ཐོག་མར་བློ་ལྡོག་རྣམས་བཞི་རང་རྒྱུད་ཆོས་དང་འདྲེ་ངེས་མཛོད། ཐེག་པ་ཆེན་པོའི་ལམ་གྱི་རྩ་བ་བྱམས་སྙིང་རྗེ་བྱང་ཆུབ་ཀྱི་སེམས་རིན་པོ་ཆེ་ཡིན་པས་བདག་བས་གཞན་གཅེས་ཀྱི་བློ་རྒྱུད་ལ་ཅི་ཁེལ་མཛོད། རྟོགས་པ་དོན་བརྒྱུད་ཀྱི་ཡེ་ཤེས་བཙན་ཐབས་སུ་རྒྱུད་ལ་སྐྱེད་པ་བླ་མའི་བྱིན་རླབས་ལ་རག་ལས་པས་བླ་མ་སངས་རྒྱས་ཆོས་སྐུར་ལྟ་བའི་མོས་གུས་དཀར་པོ་གཅིག་ཐུབ་ལ་གནད་དུ་སྣུན་མཛོད། ཐོག་མེད་ནས་གོམས་པའི་ཨ་འཐས་བདེན་འཛིན་གྱི་རི་བོ་གཞིག་དཀའ་བས་དཔྱོད་པའི་འཁོར་ལོ་བར་མེད་དུ་བསྐོར་བ་ལ་འཁོར་འདས་ཀྱི་ཆོས་ཐམས་ཅད་བདེན་མེད་སྒྱུ་མ་ལྟ་བུའི་ལམ་ཁྱེར་ལ་བརྩོན་མཛོད། ཆོས་ཐམས་ཅད་སྟོང་ཞིང་བདག་མེད་པ་སྤྲོས་པའི་མཚན་མ་དང་བྲལ་བའི་གནས་ལུགས་སྣང་སྟོང་ཟུང་འཇུག་རྣམ་ཀུན་མཆོག་ལྡན་གྱི་སྟོང་ཉིད་ལ་ངེས་ཤེས་ཀྱི་གོ་བ་ནང་ནས་སྐྱེས་པའི་ཚེ་གཤིས་ལུགས་མ་བཅོས་བཞི་ཆ་གསུམ་བྲལ་གྱི་ངང་དུ། རང་བབས་སུ་ལྷོད་ཀྱིས་ཀློད། སྒོམ་སེམས་འཛིན་གྱི་་་་་་་་་་་་་་་་