སྦྱི་དོན་ལྔ་པ། ཟབ་མི་དག་སྣང་གི་ཆོས་སྡེ་བྱུང་ཚུལ་བརྗོད་པ།

གསར་རྙིང་རིས་མེད་ཀྱི་སྐྱེས་ཆེན་དམ་པ་ཚད་ལྡན་རྣམས་ལ་གསར་ཆེན་རྙིང་མ་དང་འབྲེལ་བའི་དག་སྣང་གི་ཆོས་སྡེ་བྱུང་རིགས། རྩ་བ་ས་བཅད་ལྔ་པ་ཟབ་མོ་དག་སྣང་མར་གྲགས་པའི་ཆོས་ཀྱི་བྱུང་ཚུལ་བརྗོད་པ་ལ། སྦྱིར་དག་སྣང་གི་སྐོར་རྣམས་གནས་གཏེར་དང་དགོངས་གཏེར་གང་རུང་ལས་མ་འདས་པས་ཟབ་གཏེར་གྱི་ཕྱོགས་སུ་གཏོགས་པ་ཟུར་དུ་དབྱེར་དགོས་པ་མ་འཆིས་ཀྱང། གསང་ཆེན་རྙིང་མའི་རིང་ལུགས་ལ་རིང་བརྒྱུད་བཀའ་མ། ཉེ་བརྒྱུད་གཏེར་མ། ཟབ་མོ་དག་སྣང་མ་ཞེས་བརྒྱུད་པའི་བཀའ་སྲོལ་ཆེན་པོ་གསུམ་དུ་དབྱེ་་བར་མཛད་པའི་ལུགས་བཞིན། འདིར་ཡང་ཟབ་མོ་དག་སྣང་གི་ཆོས་སྡེ་རྣམས་ཀྱི་བྱུང་ཚུལ་ཕྱོགས་སྡེབས་སུ་བཀོད་པར་བྱ་བ་ཡིན་ཏེ། དེ་ཡང་བྱང་ཆུབ་སེམས་དཔའ་རྣམས་ཀྱི་སྨོན་ལམ་གྱི་ཁྱབ་པར། ལུས་ཅན་རྣམས་ཀྱི་བྱ་དང་ནི། ཤིང་དང་འོད་ཟེར་ཐམས་ཅད་དང། ནམ་མཁའ་ལས་ཀྱང་ཆོས་ཀྱི་སྒྲ། རྒྱུན་མི་འཆད་པར་ཐོས་པར་ཤོག། ཅེས་པ་ལྟ་བུའི་སྨོན་ལམ་གྱི་མཐུ་བཙན་པ་དང། དེ་དག་ལ་ཆོས་ཀྱི་འཕོངས་པའི་རྒྱུ་མེད་པའི་ཕྱིར་འབྱུང་བའི་སྒྲ་དང་བྱང་དང་རི་དགས་ལྟ་བུ་ལས་ཀྱང་ཆོས་ཀྱི་སྒྲ་རྒྱུན་མི་འཆད་པར་གསན་ཅིང། སངས་རྒྱས་དང་བྱང་ཆུབ་སེམས་དཔའ་རྣམས་ཀྱིས་(སྨད་ཆ།༡༤༧)ཀྱང་ཞལ་བསྟན་ཅིང་ཆོས་གསུང་བར་བཤད་དེ། བསོད་ནམས་ཐམས་ཅད་སྡུད་པ་ཏིང་ངེ་འཛིན་གྱི་མོད་ལས། དྲི་མ་མེད་པའི་གཟི་བརྗིད། ཆོས་འདོད་པའི་བྱང་ཆུབ་སེམས་དཔའ་སེམས་དཔའ་ཆེན་པོ་བསམ་པ་ཕུན་སུམ་ཚོགས་པ་གུས་པ་དང་བཅས་པ་རྣམས་ནི་འཇིག་རྟེན་གྱི་ཁམས་གཞན་དུ་འདུག་ཀྱང་སངས་རྒྱས་བཅོམ་ལྡན་འདས་རྣམས་ཀྱི་ཞལ་སྟོན་པར་མཛད་ཅིང་ཆོས་ཀྱང་ཐོས་པར་མཛད་དོ། ཞེས་གསུངས་ཤིང། ཁྱད་པར་དུ་འཕགས་ཆེན་རྣམས་ཀྱི་གཟིགས་ངོར་དག་པའི་སྣང་བ་འབའ་ཞིག་ལས་མ་དག་པའི་སྣང་མ་མ་མཆིས་པས་དུས་གསུམ་རྟག་པ་རྒྱུན་གྱི་འཁོར་ལོར་རྩ་བ་གསུམ་གྱི་ལྷག་པའི་ལྷ་རབ་འབྱམས་དག་དང་ཆོས་ཀྱི་འགྲོ་བ་རྨད་དུ་བྱུང་བ་དག་སྐལ་བ་དང་ལྡན་པ་རྣམས་ལ་སྦྲེལ་བར་འོས་པ་རྣམས་གང་ཟག་སོ་སོའི་མོས་བློར་འཚམ་པའི་དག་སྣང་གི་ཆོས་སྡེ་ཇི་སྙེད་པ་འཕགས་ཡུལ་གྱི་པཎ་གྲུབ་དུ་མ་དང་བོད་ཡུལ་གྱི་གསར་རྙིང་རིས་མེད་ཀྱི་དགེ་བའིགཤེས་གཉེན་དང་གཏེར་སྟོན་གྲུབ་ཐོབ་རྣམས་ཀྱི་རྣམ་ཐར་ལས་འབྱུང་བ་རྣམས་དང། དེ་བཞིན་དུ་དགོངས་གཏེར་དུ་གྲགས་པ་རྣསམ་ཀྱང་། མོད་ལས་འཇམ་དཔལ་འབྱུང་བ་ཆེན་པ་བཞི་ནི་ནམ་མཁའི་གཏེར་ནས་འབྱུང་གི། དེ་བཞིན་དུ་ཆོས་ཐམས་ཅད་རྒྱལ་བའི་ཐུགས་གཏེར་ལས་འབྱུང་བས་གཏེར་གྱི་དོན་ལ་ལོངས་སྦྱོད་པ་ཤེས་པར་བྱོས་ཤིག། ཅེས་གསུངས་པ་དང་རྗེས་སུ་མཐུན་པར་འཕགས་པའི་གང་ཟག་རྣམས་ལའང་དགོངས་པའི་ཀློང་ནས་ཆོསཀྱི་གཏེར་ཁ་བརྟོལ་བ་ཡོད་པར་གསུངས་ཏེ། ཆོས་ཡང་དག་པ་བསྡུད་པའི་མོད་ལས། བྱང་ཆུབ་སེམས་དཔའ་བསམ་པ་དག་པ་ལ་ནི།(སྨད་ཆ།༡༤༨)རང་གི་ཡིད་ཀྱི་དཔྱོད་པ་ཉིད་ལས་གདམས་གང་རྗེས་སུ་བསྟན་པ་ཐམས་ཅད་འབྱུང་ངོ། ཞེས་དང། གཞན་ཡང་མདོ་ལས། དོན་ལ་ངེས་པའི་གདེང་རྙེད་ན། སེམས་ལས་ཆོས་གཏེར་འབུམ་ཕྲག་བརྟོལ། ཞེས་སོགས་གསུངས་པ་བཞིན་འཕགས་བོད་ཀྱི་ཁམས་གྲུབ་མང་པོའི་དགོངས་གཏེར་གྱི་ཆོས་ཀྱང་མཐའ་ཡས་པ་བཞུགས་སོ། དེ་ཡང་རྒྱ་གར་འཕགས་པའི་ཡུལ་ནས་བྱུང་བའི་རྒྱུད་སྡེ་ཕལ་ཆེ་བའང་པཎ་གྲུབ་སོ་སོས་ཨོ་རྒྱན་གྱི་ཡུལ་སོགས་ནས་བླངས་པ་རྣམས་ཀྱང་གཏེར་ནས་བཞེས་པ་དང་དག་སྣང་ལྟ་བུར་ལྷ་དང་མཁའ་འགྲོས་སྩལ་པ་ལས་བྱུང་བ་མང་ཞིང། ཀྱེ་རྡོ་རྗེ་མན་ངག་ལུགས་སོགས་རྒྱ་གཞུང་མེད་ཀྱང་བླ་མའི་མན་ངག་གིས་བསྟན་པའི་གདམས་པའང་ཡོད་པར་སྣང་ལ། གཞན་ཡང་ཞལ་གཟིགས་སུ་བྱུང་བའི་ཇོ་ཏ་རི་པའི་འཇམ་དབྱངས་ཨ་ར་པ་ཙ་དང། ཇོ་བོ་དང་པཎ་ཆེན་ཤཱ་ཀྱ་ཤྲིའི་སྒྲོལ་མ་དང། ཇོ་བའི་ལུགས་ཀྱི་ཛ་མྦྷ་ལ་དཀར་པོ་སོགས་ཀྱིས་མཚོན་པའི་ཤིན་ཏུ་མང་བ་ཡོད་ལ། བོད་ཡུལ་དུའང་རྗེ་བཙུན་ས་སྐྱ་པ་བརྩེ་པ་ཆེན་པོ་ལ་འཇམ་པའི་དབྱངས་ཀྱི་དངོས་སུ་གནང་བའི་གདམས་པ་ཞེན་པ་བཞི་བྲལ་དང་རྣལ་འབྱོར་དབང་ཕྱུག་གི་ཞལ་གཟིགས་ནས་གསུང་ངག་རིན་པོ་ཆེ་སྙན་བརྒྱུད་དུ་སྩལ་བ་དང། སུམ་པ་ལོ་ཙཱ་བའི་བློ་སྦྱོང་སྙན་བརྒྱུད་མ་སོགས་དང། རྗེ་བཙུན་ས་སྐྱ་པཎ་ཆེན་གྱིས་མནལ་ལམ་དུ་ཨ་ཕྱི་འབུམ་པའི་དྲུང་དུ་ཟླ་གཅིག་བར་དབྱིག་གཉེན་ལས་མངོན་མཛོད་གསན་པ་ལྟ་བུ་དང། བཀའ་བརྒྱུད་པའི་སེམས་བསྐྱེད་རྨིན་ལམ་མ་དང། ཕག་གྲུའི་ཞི་བྱེད་རྨི་ལམ་མ་དང། འབྲུག་པའི་གསང་སྦྱོད་རྨི་ལམ་མ་དང། ཀརྨ་པ་དུས་གསུམ་མཁྱེན་པའི་ཕག་མོ་ཞལ་བཞི་མ་སོགས་ཁྱད་འཕགས་ཀྱི་(སྨད་ཆ།༡༤༩)གདམས་པ་བཞི་དང། བླ་མ་དབུ་མ་བ་དང་རྗེ་བཙུན་ཙོ་ཁ་པ་ཆེན་པོ་ལ་འཇལ་དཔལ་དབྱངས་ཀྱིས་དངོས་སུ་གསུངས་པའི་ཆོས་སྐོར་སོགས་སྐྱེས་ཚན་མང་པོར་དག་སྣང་གི་ཆོས་སྡེ་ཇི་སྙིང་པ་ཡོད་མེད་ཀྱི་དེ་དག་ནི་འདིར་བརྗོད་པ་མི་ནུས་ཤིང་སྐབས་སུའང་མ་བབས་ལ། གཞན་ཡང་སྦྲུལ་པའི་གཏེར་སྟོན་ཆེན་པོ་འགའ་ཞིག་ལའང་དག་སྣང་བྱུང་བའི་ཚུལ་རྣམས་སོ་སོའི་རྣམ་ཐར་ལས་འབྱུང་ཡང་གཏེར་སྟོན་གྱི་གྲས་སུ་བྲིས་པ་ལས་བསྐྱར་མ་དགོས་ལ། འདིར་གསར་རྙིང་གི་སྐྱེས་ཆེན་འགའ་ཞིག་ལ་གསང་སྔགས་རྙིང་མ་དང་རྗེས་སུ་འབྲེལ་པའི་ལྷག་པའི་ལྷའི་སྒྲུབ་ཐབས་ཀྱི་རིགས་དང། སློབ་དཔོན་རིན་པོ་ཆེ་སོགས་ཀྱིས་དྲག་སྣང་དུ་སྩལ་བ་རྣམས་དང། རྫོགས་པ་ཆེན་པོ་སོགས་ཀྱི་གདམས་སྐོར་དག་ནང་དུ་བྱུང་པ་དག་བརྗོད་པ་སྐབས་སུ་བབས་པས་རང་བློར་གང་ངེས་ཀྱི་ལོ་རྒྱུས་ཅུང་ཟད་གླེང་བར་བྱ་བ་ཡིན་ནོ། དེ་ལ་བྱང་ཆུབ་སེམས་དཔའ་ཟླ་བ་རྒྱལ་མཚན་ལ་སློབ་དཔོན་རིན་པོ་ཆེས་དངོས་སུ་གནང་བའི་རྟ་མགྲིན་ཀཱ་ལ་མེ་དཔུང་ཞེས་བྱ་བའི་ཆོས་སྐོར་ལ་དེང་སང་རྟ་མགྲིན་ཟླ་རྒྱལ་ལུགས་ཟེར་ཏེ་བཀའ་མ་ཚང་པར་བཞུགས་པ་ལ་བྱང་སེམས་འདི་སྦྱན་རས་གཟིགས་དངོས་ཡིན་པར་གྲགས་ཏེ་ལོ་རྒྱུས་རྒྱས་པར་ཡོད་ཀྱང་མ་བྲིས། རྗེ་བཙུན་མི་ལ་རས་པའི་ཐུགས་སྲས་རས་ཆུང་རྡོ་རྗེ་གྲགས་པ་རྒྱ་གར་དུ་ལན་གསུམ་བྱོན་པའི་ཕྱི་མ་ལ། སློབ་དཔོན་པདྨའི་གསང་ཡུམ་ཡེ་ཤེས་ཀྱི་མཁའ་འགྲོ་ལྷ་ལྕམ་མནྡ་ར་བའམ་མ་གཅིག་གྲུབ་པའི་རྒྱལ་མོ་ལ་སློབ་དཔོན་པདྨས་གནང་བའི་གདམས་ངག། ཐུགས་རྗེ་ཆེན་པོ་ལ་བརྟེན་ནས་(སྨད་ཆ།༡༥༠)ཕྱག་རྒྱ་ཆེན་པོ་མཆོག་གི་དངོས་གྲུབ་སྒྲུབ་པའི་སྐོར། ཚེ་དཔག་མེད་ལ་བརྟེན་ནས་ཚེའི་དངོས་གྲུབ་སྒྲུབ་པའི་སྐོར། དཔལ་རྟ་མགྲིན་ལ་བརྟེན་ནས་བར་ཆད་སེལ་བའི་སྐོར་དང། ཤིན་ཏུ་ཟབ་པའི་གདམས་སྐོར་གསུམ་བཞུགས་པ་རྣམས་རྗེ་བཙུན་རས་ཆུང་པས་ཞུས་ཤིང། བོད་དུ་བྱོན་ནས་རྣལ་འབྱོར་གྱི་དབང་ཕྱུག་མི་ལ་བཞེད་པའི་རྡོ་རྗེ་ལ་ཕུལ། ཟང་རི་རས་པ་སོགས་ལའང་གནང་སྟེ་དེང་སང་གི་བར་དུ་ཆོས་བཀའ་མ་ནུབ་པར་བཞུགས་པའང་དོན་ལ་དག་སྣང་གི་ཆོས་སྡེར་གཏོགས་དོགས་ཏེ་གྲུབ་པའི་རྒྱལ་མོ་ནི་རྗེ་བཙུན་རས་ཆུང་པས་མཇལ་བ་ལས་ཀུན་གྱི་དབང་པོའི་སྦྱོད་ཡུལ་དུ་མ་གྱུར་པའི་ཕྱིར་རོ། སྦྲུལ་པའི་སྐུ་གཡུ་ཐོག་ཡོན་ཏན་མགོན་པོ་ལ་མཁའའ་འགྲོའི་གཙོ་མོ་དཔལ་ལྡན་ཕྲེང་བའང་མན་ད་ར་བས་གནང་བར་གྲགས་པའི་གཡུ་ཐོག་སྙིང་ཐིག་ནི་སྦྲུལ་པའི་སྐུ་ཉིད་ཀྱི་དགོངས་གཏེར་བར་གྲགས་པའི་གཡུ་ཐོག་སྙིང་ཐིག་ནི་སྦྲུལ་པའི་སྐུ་ཉིད་ཀྱི་དགོངས་གཏེར་ཡང་ཡིན་ཏེ། གཡུ་ཐོག་གསར་རྙིང་གཉིས་ཀྱི་གསར་མ་ཡིན། དེ་ཡང་སྦྲུལ་པའི་སྐུ་འདིའི་གདུང་རབས་ཀྱི་ཁུངས་ཐོག་མར་རྒྱ་གར་གྱི་རྒྱལ་པོ་ཨཏྦྷལའི་གདུང་ཡིན་ཏེ་རྒྱ་གར་ནས་བྱོན་པར་བཤད་ལ་དེ་ཕྱིན་གདུང་རབས་གསང་སྔགས་བ་རྙིང་མའི་གྲུབ་ཐོབ་ཤ་སྟག་བྱོན་པའི་བརྒྱུད་ལས་གཡུ་ཐོག་འདྲེ་རྗེ་བཛྲ་བྱུང་ཞིང། དེའི་སྲས་ཁྱུང་པོ་རྡོ་རྗེ་དང་ཡུལ་དུ་སྐུ་འཁྲུངས་སོ། དེའི་དུས་སུ་འཇའ་འདོ་དང་ལྷའི་རོལ་མོ་དང་མེ་ཏོག་གི་ཆར་ཚོད་ལྔཙམ་བར་དུ་བབས། བལྟམས་མ་ཐག་ནས་སྨན་བླའི་གཟུངས་གསུངས་ཤིང་ཡུལ་ལ་སྦྱན་མི་འཛུམ་པར་(སྨད་ཆ།༡༥༡)གཟིགས་པ་སོགས་མཛད། དགུང་ལོ་གསུམ་ཙམ་ནས་སྔོན་སྦྱངས་ཀྱི་བག་ཆགས་མེད་སད་པའི་ཚུལ་གྱིས་རྩ་ཆུའི་བརྟག་པ་དང་སྨན་གྱི་ངོས་འཛིན་རྣམས་ཀྱང་མཛད། དགུང་ལོ་བརྒྱད་བཞེས་པའི་དུས་ནས། ཆོས་སྦྱི་དང་ཁྱད་པར་གསོ་དཔྱད་ཀྱི་གཞུང་ལ་རྨོངས་པ་མེད་པའི་མཁྱེན་རབ་དང་ལྡན་པས། ཀུན་གྱིས་འཇམ་དབྱངས་གཡུ་ཐོག་མགོན་པོ་ཟེར་བ་བྱུང། དོན་དུ་ཡང་རྗེ་ཉིད་ཀྱི་གསུང་ལས། གངས་ཅན་ཁྲོད་ཀྱི་གཡུ་ཐོག་པ། འཇམ་དཔལ་དཔའ་བོས་རྗེས་བཟུང་བས། ཚིག་དོན་ཀུན་ལ་མཁས་པར་གྱུར། ཞེས་དང། ཁོ་བོ་གཡུ་ཐོག་མགོན་པོ་ཡི། ལོ་བརྒྱད་ལོན་ནས་སྨན་དཔྱད་བསྐྱངས། མནལ་ལམ་དུ་ལྷ་མོ་ཞིག་གིས་བདུད་རྩི་བུམ་པ་གང་གཏད་དེ། འདི་སྨན་གྱི་བླ་མས་ཁྱེད་ལ་བསྐུར་བ་ཡིན་པས་འདི་གསོལ་ཞིག་ཟེར་བ་ལྟར་མཆོད་པས་ལུས་ཐམས་ཅད་ཁྱབ་པ་ལྟ་བུ་ཞིག་བྱུང་བས་དེའི་མོད་ལ་སྐུ་ཤེལ་གྱི་རང་བཞིན་ལྷ་མོ་དེས་རྒྱུད་བཞི་བྱུང་བའི་ལུང་བསྟན་ཐོབ་པ་ལྟར་ཞིག་ཏུ་གྱུར་པ་དང་ལྷ་མོ་དེས་རྒྱུད་བཞི་བྱུང་བའི་ལུང་བསྟན་ཐོབ་པ་ལྟར་ཕྱིས་རོག་སྟོན་ལས་གསན། དགུང་ལོ་བཅོ་བརྒྱད་པ་ལ་རྒྱ་གར་དུ་ཕེབས་པས་མཁའ་འགྲོའི་གཙོ་བོ་དཔལ་ལྡན་ཕྲེང་བ་དང་མཇལ་ནས་སྨན་དཔྱད་མང་པོ་གནང། ལྷ་མོ་བདུད་རྩི་མ་དང་མཇལ་ནས་སྨན་དཔྱད་ཞུས་ལན་སྐོར་གསུམ་སོགས་དང། བེ་དྷའི་གླིང་དུ་མཆོག་ཐུན་གྱི་དངོས་གྲུབ་དུ་མ་སྩལ་ནས་འཇིགས་པ་བརྒྱད་སོགས་ལམ་གྱི་བར་ཆད་བསལ། དགུང་ལོ་ཉེར་གཅིག་ལ་བོད་དུ་ཕེབས། སླར་ཡང། དགུང་ལོ་སོ་(སྨད་ཆ།༡༥༢)གསུམ་པ་ལ་མཁའ་འགྲོའི་ལུང་བསྟན་པ་ལྟར་རྒྱ་གར་དུ་བྱོན་པས་དྲང་སོང་ཙ་ར་ཀ་སོགས་པཎ་གྲུབ་དུ་མ་དང་མཇལ། ཡེ་ཤེས་ཀྱི་མཁའ་འགྲོ་མ་དཔལ་ལྡན་ཕྲེང་བས་རྗེས་སུ་བཟུང་ནས་ཡན་ལག་བརྒྱད་པ་སོགས་སྨན་དཔྱད་དང། ཁྱད་པར་གསང་ཆེན་རྡོ་རྗེ་ཐེག་པའི་གསང་ལམ་གྱི་གདམས་པ་མཁའ་འགྲོའི་སྙིང་ཁྲག་ལྟ་བུ་ལུང་བསྟན་དང་བཅས་གནང་ནས་སླར་བོད་དུ་ཕེབས། ཕྱིས་ཀྱང་རྒྱ་གར་དུ་ལན་དྲུག་བྱོན་ནས་མ་ཧཱ་ར་ཛའི་མཆོད་གནས་ཀྱང་མཛད། དེ་དག་གི་སྐབས་རྣམས་སུ་རྫུ་འཕྲུལ་གྱི་བཀོད་པ་བསྟན་པའི་ཚུལ་ཡང་གཏན་ཚིག་རིག་པ་བཞིའི་སྒོ་ནས་མུ་སྟེགས་ཀྱི་སྟོན་པ་ལྔ་རྒྱ་བཏུལ་བ་དང། ལྷོ་ཕྱོགས་དཔལ་གྱི་རི་ར་བྱོན་པའི་ལམ་དུ་མི་རྒོད་ཇག་པས་འཚེ་བ་ལ་ལྟ་སྟངས་མཛད་པས་ཐམས་ཅད་རེངས་པ་དང། ཨོ་རྒྱན་གྱི་ཡུལ་དུ་ཤ་ཟ་མཁའ་འགྲོ་རྣམས་ཀྱི་གནམ་ལྕགས་ཀྱི་ཐོག་དབབས་པར་སྡིག་མཛུབ་བསྟན་པས་ཁོང་རྣམས་དྲན་མེད་དུ་བརྒྱལ་བ་དང། སིང་གྷ་ལའི་གླིང་དུ་བྱོན་ཚེ་གྲུབ་རྫིང་རྒྱ་མཚོའི་དབུས་སུ་ཞིག་པ་ན་བྱ་བཞིན་དུ་ནམ་མཁར་གཤེགས་ནས་གྲོགས་རྣམས་ཀྱང་ཆུའི་འཇིགས་པ་ལས་བསྒྲལ་བ་དང། ཀ་ལའི་ཚུལ་དུ་དུག་སྦྲུལ་གྱི་ཁ་རླངས་མུན་པ་ལྟར་བཏིབ་པ་སྙིང་རྗེ་ཐུན་གཅིག་བསྒོམས་པས་ཞི་བ་དང། བལ་ཡུལ་དུ་བོན་དང་རྫུ་འཕྲུལ་འགྲན་པའི་ཚེ་ནམ་མཁའ་ལ་ཉི་མ་ཕྱེད་ཀྱི་བར་དུ་བཞུགས་པ་དང། སྐབས་འགར་རི་བྲག་ལ་ཐོགས་མེད་དུ་གཤེགས་པ་དང། འཁོར་འདས་བརྟན་གཡོའི་དངོས་ཀུན་ལག་མཐིལ་དུ་སྐུ་རུར་བཞག་ལྟར་གཟིགས་པ་དང། དམ་པའི་ཆོས་བཀའ་འགྱུར་བསྟན་འགྱུར་ཐམས་ཅད་ཐུགས་ཐོག་ནས་འཆད་ནུས་པ་དང། རྒྱ་གར་རྡོ་རྗེ་གདན་དུ་པཎ་ཆེན་བརྒྱ་ཕྲག་གི་(སྨད་ཆ།༡༥༣)ཚོགས་དཔོན་མཛད་པ་དང། རྡོ་རྗེ་གདན་ནས་བོད་དུ་ཉིན་གཅིག་ལ་ཕེབས་ཏེ་ཨ་རུ་ར་ལོ་དང་བཅས་མེ་ཏོག་མ་རྙིང་པར་སྐྱེས་སུ་བསྣམས་ནས་བྱོན་པ་སོགས་རྫུ་འཕྲུལ་གྱི་བཀོད་པ་བློ་ཡི་ཡུལ་ལས་འདས་པ་མང་པོ་དང། ཕྱི་རབས་ཀྱི་དོན་དུ་བསྟན་བཅོས་ཐུགས་རྩོམ་མཛད་པ་ཡང། ཉིད་ཀྱི་གསུངས་ལས། ཐུགས་ཀ་ཆོས་ཀྱི་འཁོར་ལོ་ལས། གསོ་དཔྱད་རིན་ཆེན་གཏེར་ཕྱུང་སྟེ། ཕྱི་རབས་རྗེས་འཇུག་གསོ་བའི་ཕྱིར། ཞེས་གསུངས་པ་བཞིན་དུ། གསོ་དཔྱད་སྦྱིའི་ཐུགས་རྩོམ་བརྒྱད་པ་ཆེ་ཆུང་གི་སྙིང་པོ་བསྡུས་པ་དང། དཔའི་བོའི་སྙིང་པོ་བསྡུས་པའི་མདོ་གནས་འགྲེལ་པ། རྩ་དཔྱད་རིག་པ་རང་གསལ་ལག་ལེན་བོད་ཆུང་མན་ངམ་ཤོག་དྲིལ་སྒོར་གསུམ། རྒྱུད་ཆུང། ཉམས་ཡིག་བུ་དོན་མ་སོགས་ཁྱད་པར་ཅན་མང་པོ་དང། རྒྱུད་བཞིར་གསེར་མཆན་དང་ཟངས་མཆན་གཉིས་མཛད། གཞན་ཡང་རྒྱལ་བའི་བསྟན་པ་གསལ་བར་བྱེད་པའི་མདོ་སྔགས་ཀྱི་གསུང་རབ་དུ་མའི་དགོངས་འགྲེལ་སོགས་མཛད་པ་མཐའ་ཡས་ཤིང། ཞལ་སློབ་ཀྱང་ནམ་མཁའི་སྐར་ཚོགས་བཞིན་བགྲང་བར་མི་དཔྱོད་པ་བྱུང་ཞིང། འཇམ་དཔལ་དབྱངས་གཡུ་ཐོག་ཡོན་ཏན་མགོན་པོ་ཞེས་སྙན་པའི་གྲགས་པས་སྲིད་རྩེའི་བར་དུ་ཁྱབ་པར་གྱུར་ཏོ། ཁྱད་པར་དུ་གཙང་གི་ཚོད་དུས་འགུར་མོར་རྩད་པོ་ཇོ་དར་ཡབ་སྲས་ཀྱི་གདན་དྲངས་པའི་དུས་སུ་སྒྲའི་བཤད་པ་དང་དབུ་མ་རྩ་བ་ཤེས་རབ་ལ་ཊིཀྐ་ཐུགས་རྩོམ་མཛད། རྫོགས་པ་ཆེན་པོ་ཨ་ཏི་ཡོ་གའིཁྲིད་སྐྱང་བ་སོགས་ཟླ་བ་གཅིག་ཏུ་མཛད་ནས་ཚར་པའི་དགའ་སྟོན་ཙད་པོའི་འབུལ་ཆེན་གྱི་ཉིན་གཅིག་དེ་ལ་སྨན་ལྷ་གསང་སྒྲུབ་དབང། ཆོས་སྐྱོང་གི་རྗེས་གནང་སོགས།(སྨད་ཆ།༡༥༤)གཞན་ཡང་ཞི་ཁྲོ། དགྱེས་རྡོར། ཕུར་པ་སོགས་ཀྱི་དབང་བླ་མ་གཞན་གྱི་ཟླ་བ་གཅིག་ལ་མི་ཟིན་པ་མང་པོ་ཚར་བར་མཛད་ཅིང། དེའི་དུས་སུ་སྐུ་ལུས་ཀྱི་བཀོད་པ་མི་འདྲ་བ་དུ་མ་སྟོན་ཏེ། རྒྱ་གར་གྱི་ཇོ་ཀི་དང། པཎྜི་ཏའི་ཆ་བྱད་ཅན་དང། རྣལ་འབྱོར་པ་རལ་པའི་ཅོད་པན་ཅན་གཡུ་བྱ་ནེ་ཙོ་ཤིན་ཏུ་མཛེས་པ་ཞིག་གིས་གསོ་དཔྱད་འཆད་པ་སོགས་ངོ་མཚར་ཅན་གྱི་རྫུ་འཕྲུལ་དུ་མ་སྟོན་པར་མཛད་པས་ནམ་མཁའ་ནས་འཇའ་ཚོན་གྱི་དྲ་བ་དང་མེ་ཏོག་ཁ་དོག་སྣ་ལྔ་བའི་ཆར་འདབ་མ་བཅུ་དྲུག་པ་ཟུང་ཚོན་གྱི་དྲ་བ་དང་འབབ་པ་དང། ཁྱད་པར་ཙད་པོའི་གཞི་ཀའི་ལྕགས་རིའི་ནང་ཚད་དུ་ཨ་རུ་ར་གསེར་མདོག་རློན་པའི་ཆར་ཆ་ཚོད་གཅིག་གིས་ཡུན་ཙམ་བབས་པ་དེར་ཡོད་ཀུན་གྱིས་བགོས་པས་ཚོད་དུས་འགུར་མོའི་བྲེ་ཆེན་བཅོལྔ་རེ་དང་ཕུལ་ཕྱེད་རེ་ཐོབ་པར་བྱུང་ཞིང། ཨ་རུ་ར་གཞན་ལས་ཁྱད་དུ་འཕགས་པ་སྙིམ་པ་ཁ་སྦྱརཙམ་ཁ་དོག་སེར་པོ་འདོ་དང་ལྡན་པ་དབྱིབས་ཀུ་བ་འདྲ་བ་ཞིག་རྗེའི་སྐུ་པད་དུ་བབས་པ་དེ་ཉིད་སྲས་ལ་གནང་ནས་འདི་ལ་གསོལ་བ་བཏབ་ནས་ཁྲུས་བགྱིས་པའི་ཆུ་འཐུང་དགོས་འདོད་འབྱུང་ཞིང། ནད་སེལ་སྨན་གྱི་ནོར་བུ་ཡིན་གསུངས་སོ། ཟུར་མཁར་བ་བློ་གྲོས་རྒྱལ་པོས་དེ་དུས་ཨ་རུར་རྣམ་པར་རྒྱལ་བ་ལྔ་འབྲེལ་གཅིག། གསུམ་འབྲེལ་གཅིག། ཀྱང་པ་གཅིག་དང་གསུམ་བྱུང་བ་བཤད་འདུག། དེ་ཉིད་ཉི་མའང་གཏོད་ལ་མནན་པ་ཡིན་འདུག་སྟེ། གསུང་མགུར་ལས། གཙང་གི་ཚོང་དུས་འགུར་མོ་རུ། རྟ་བདུན་རྒྱལ་པོ་བཙོན་དུ་བཟུང། རྣམ་རྒྱལ་གསེར་མདོག་ཆར་དུ་ཕབ། ཅེས་གསུངས། སླར་ཡང་མང་ཡུལ་སྐྱིད་གྲོང་དུ་རྒྱལ་པོ་ལྷ་བཙུན་གྱིས་གདན་དྲངས་ནས་ཆོས་གཞིས་ཟླ་བ་བཞི་(སྨད་ཆ།༡༥༥)པར་བཏེགས། དེ་སྐབས་ཇོ་བོ་ཝ་ཏི་ལ་མཆོད་པ་རྒྱ་ཆེར་ཕུལ་བས་ཇོ་བོའི་ཐུགས་ཀ་ནས་ཡི་གེ་དྲུག་པ་དང་སྨན་བླའི་གཟུངས་རང་སྒྲ་སྒྲོག་པའི་འོད་དང་དྲི་བཟང་པོ་བསམ་གྱིས་མི་ཁྱབ་པ་བྱུང་ནས་མ་ཧཱ་གུ་རུ་ཎ་ལ་ཐིམ་པ་བྱུང་སྟེ། དེ་དུས་སུམ་སྟོན་ཆེན་པོ་ལ་ཞལ་གདམས་འགའ་ཞིག་སྩལ་ཞིང། དེ་ནས་རིམ་པར་སྙིང་ཐིག་གི་བཀའ་རྒྱ་བཀྲོལ་ནས་སུམ་སྟོན་ལ་གནད་ཚུལ་འོག་ཏུ་གསལ་ལ། དེ་ནས་གདན་ས་ཆེན་པོ་ཤངས་ཀྱི་དཔལ་སྐྱེར་ཕེབས་སྐལ་ལྡན་མང་པོ་ཞལ་གྱི་གདམས་པསརྗེས་སུ་བཟུང་ཞིང། ཞལ་ཆེམས་གསུང་མགུར་སོགས་མང་དུ་གནང་ནས་དགུང་ལོ་བདུན་ཅུ་ཙ་དྲུག་པ་ལ་ངོ་མཚར་བའི་ལྟས་དུ་མ་དང་བཅས་ལྷའི་བུ་དང་མཁའ་འགྲོ་མའི་ཚོགས་ཀྱིས་ནམ་མཁའ་འཇའ་འོད་ཀྱི་ཀློང་ནས་བསུས་ཏེ། ཁྱུང་དང། སེང་གེ་དང། ཁྱུ་མཆོག་ལ་ཞོན་པའི་སྐུའི་བཀོད་པ་མཐོང་ཚུམ་མི་བསྐྱོད་རྒྱལ་པོའི་ཞིང་དུ་གཤེགས་པར་གྱུར་ཏོ། སྙིང་ཏིག་གི་ཆོས་བཀའ་འདི་ཉིད་ཇི་ལྟར་བྱུང་བའི་ལོ་རྒྱུས་ཡང་གོང་དུ་སྨོས་པའི་སྐྱིད་གྲོང་དུ་བཞུགས་སྐབས་སུམ་སྟོན་ཆེན་པོས་ཡང་ཡང་གསོལ་བ་བཏབ་པས། སྦྱིར་འཁོར་འདས་ཀྱི་བདེ་སྐྱིད་བླ་མ་ལ་རག་ལས་ཤིང། ཁྱད་པར་ངེད་རང་གི་ལུགས་ཀྱི་བླ་སྒྲུབ་འདི་གཞན་ལས་ཁྱད་པར་འཕགས་ངེས་ཤིག་ཡིན་སོགས་དང། མ་འོངས་པའི་གང་ཟག་རྣམས་བཀའ་ཆོལ་དུ་མི་བཞུགས་པའི་ཕྱིར་ལུས་ཀྱི་དཀའ་སྦྱད་དང་ཕྱི་ནང་གི་མཆོད་པ་གསེར་གྱི་མཎྜལ་དང་བཅས་ཞུས་ཤིག་གསུངས་པས། དེར་སུམ་སྟོན་ཆེན་པོ་ས་ཐོབ་པའི་དགའ་བ་ཙམ་བྱུང་ནས་ཕྱག་སོགས་བཀའ་གནང་བ་ལས་ལྷག་ཙམ་བསྒྲུབས་ཏེ། ཟླ་བ་ཕྱེད་(སྨད་ཆ།༡༥༦)དང་གཉིས་ལོན་པའི་ཚེ། ས་ཞིང་གང་ཡོད་བཅོངས་ནས་རྟ་རུ་བསྒྱུར། དེ་དུས་གསེར་ཁ་རྡོལ་བ་དང་དུས་མཚུངས་བྱུང་སྟེ། རྟ་རྣམས་གསེར་དུ་བསྒྱུར་བས་གསེར་སྲང་ཕྱེད་དང་ཉིས་བརྒྱ་ལྷག་ཙམ་ཁུགས་པ་ལས། གསེར་སྲད་དོ་མ་གཏོགས་དྲུང་དུ་པུལ། གསེར་ཞོ་བཞི་རང་གིས་བྱས། གསེར་སྲད་ཕྱེད་དོ་ཨ་ཙམ་ར་མ་ཧཱ་ཛྙཱོ་ན་ཙརྱ་བྱ་བ་རྒྱ་གར་ལྷོ་ཕྱོགས་པེ་ཏ་ཞེས་པ་ཞིག་ལ་ཕུལ་ནས་རིག་སྔགས་ཀྱི་སྦྱོར་བ་བྱེད་དུ་བཅུག་སྟེ། ཞང་སྙེ་མོའི་ལྷ་ལྕམ་དེ་བ་དཔལ་འདྲེན་ཞེས་བྱ་བ་ལོ་བཅུ་བདུན་ལོན་ཅིང་བུད་མེད་རིན་པོ་ཆེའི་རིགས་ཡིན་ཏན་ཐམས་ཅད་ཀྱིས་བརྒྱན་པ་དེ་གསང་ཡུམ་དུ་ཕུལ། གཞན་ཡང་ཚོགས་མཆོད་དཔག་ཏུ་མེད་པ་མཆོད་ནས། གསོལ་བ་བཏབ་པས། གནམ་ལོ་རྒྱལ་པོ་རྟའི་ལོ་སྦྲེའུ་ཟླ་བཅུ་ལ་གསང་བའི་བཀའ་རྣམས་གནང། དེ་ནས་རིམ་གྱིས་གདམས་པ་རྣམས་ལྷག་མ་མ་ལུས་པར་ཉམས་ཁྲིདདུ་རྫོགས་པར་གནང་བ་ལ་བརྟེན་ནས་ཉམས་མྱོང་ཕུལ་དུ་བྱུང་བ་སྐྱེས་པ་ནས་བཟུང་སྟེ། དེ་ནས་ཁོ་བོ་ཛྙ་ན་དྷ་རི་ཡང་བཙན་པ་ཟིན་ནོ། ཞེས་འབྱུང་ཞིང། གཞན་ཡང་དཡུ་ཐོག་པ་ཉིད་ཀྱི་གསུང་ལས་སྒྲུབ་པ་དང་འགྲུབ་པ་དུས་མཉམ་གྱི་བྱིན་རླབས་མེད་ན་ཉིད་ཀྱི་གསུང་ལས་སྒྲུབ་པ་དང་འགྲུབ་པ་དུས་མཉམ་གྱི་བྱིན་རླབས་མེད་ན་སྙིགས་མའི་སྐྱེ་བོ་འདོད་ཐག་ཉེ་ཞིང་སྙིང་རུས་ཆུང་བས་ཉམས་ལེན་ཡུན་བསྲིང་མི་ནུས་ཤིང། ཁོ་བོའི་སྲོག་སྒྲུབ་འདི་ཉིད་གང་ཟག་དང་ཅན་གྱིས་མ་ཡེངས་ཞག་བདུན་བསྒྲུབས་ན། རབ་དངོས་འབྲིང་ཉམས། ཐ་མ་རྨི་ལམ་དུ་བདག་གི་ཞལ་ལེགས་པར་བསྟན་ནས། གདམས་པ་དང་རྗེས་སུ་བསྟན་པར་བགྱི་བ་དམ་བཅའ་ཡིན་མོད་གསུངས་སོ། དེ་ལྟ་བུའི་གདམས་པ་འདི་ནི་ཕྲིན་སྒྲུབ་ཕྱག་ལེན་ཐམས་ཅད་གསང་ཆེན་རྙིང་མ་སྦྱི་དང་འདྲ་བ་ལ་གེགས།(སྨད་ཆ།༡༥༧)སེལ་བོག་འདོན་སོགས་མན་ངག་དུ་མས་ཁྱད་པར་དུ་བྱས་པ་འདི་ཉིད་དེང་སང་གྲུབ་མཐའི་རིགས་སུ་འཆད་པར་ཀུན་གྱི་སྦྱི་ནོར་བུ་ལྟ་བུར་གྱུར་པས་འདི་ཡང་ལོ་རྒྱས་ཅུང་ཟད་བྲིས་པ་ཡིན་ཏེ་འདི་ཉིད་རིང་བརྒྱུད་མཁའ་འགྲོ་དཔལ་ཕྲེང་མས་སྩལ་བར་བཞེད་ཀྱང་དོན་ལ་ཡོན་ཏན་མགོན་པོ་ཉིད་ཀྱི་ཐུགས་གཏེར་ཡིན་ནོ། དེང་སང་སུམ་སྟོན་ནས་བརྒྱུད་པའི་དབང་ལུང་བཀའ་མ་ཆད་པར་བཞུགས་ཀྱང། ཟུར་མཁར་བློ་གྲོས་རྒྱལ་པོས། སུས་སྟོན་ནས་བརྒྱུད་པ་ནི་ཆད་ལ། ཟུར་མཁར་བ་ཨ་བོ་ཆོས་རྗེ་ལ་ཡོན་ཏན་མགོན་པོ་ཉིད་ཀྱི་ཞལ་གཟིགས་བྱུང་ནས་གནང་བ་ཡིན་ཟེར་བ་སྣང་ཡང་ངེས་པ་མ་མཐོང་ངོ། ཀུན་མཁྱེན་རང་བྱུང་རྡོ་རྗེ་ལ་བི་མ་མི་ཏྲས་དངོས་སུ་གནང་བའི་རྫོགས་ཆེན་ཀརྨ་སྙིང་ཐིག་དང། ཀུན་མཁྱེན་ཀློང་ཆེན་པའི་དགོངས་གཏེར་སྐོར་གྱི་ལོ་རྒྱུས་རྣམས་གོང་དུ་རྫོགས་ཆེན་ཐིག་གི་སྐབས་སུ་སོང་པས་འདིར་འབྲི་མ་དགོས། ལྷོ་བྲག་གྲུབ་ཆེན་ལས་ཀྱི་རྡོ་རྗེ་ལ་གསང་བའི་བདག་པོས་དངོས་སུ་གནང་བའི་ཕྱག་རྡོར་སྙན་བརྒྱུད་ཀྱི་ལོ་རྒྱུས་ཅུང་ཟད་བརྗོད་ན། གྲུབ་ཆེན་འདིའི་གདུང་ནི་ཤུད་བུ་དཔལ་གྱི་སེང་གེའི་གདུང་ཡིན་ཏེ། མི་རབས་བཞི་ནས་ལྷོ་བྲག་ཏུ་ཡུལ་འཕོས། དེ་ནས་བཟུང་སྟེ་གྲུབ་ཐོབ་ཉི་ཤུ་རྩ་ལྔ་བྱུང་སྟེ། དེ་དག་ཀྱང་གསང་སྔགས་རྙིང་མའི་ཆོས་ལ་མཁས་ཤིང། མ་གཤིན་ཕུར་གསུམ། རྟ་མགྲིན་ཕྱག་རྡོར་རྣམས་ཀྱི་ཞལ་གཟིགས་ཤིང། གྲུབ་པའི་རྟགས་སྟོན་ནུས་པ་ཆོས་སྐྱོང་བྲན་དུ་ཁོལ།(སྨད་ཆ།༡༥༨)ལོག་ལྟ་དབང་དུ་འདུས། བསྟན་འགྲོར་ཕན་པ་རྒྱལ་ཆེར་ཐོགས་པ་ཤ་སྟག་བྱུང་ཞེས་རྣམ་ཐར་དུ་བཤད་ལ། དེ་ནས་མཁན་ཆེན་ནམ་མཁའ་སེང་གེའི་དུས་ནས་བཀའ་གདམས་པར་འགྱུར་བ་ཡིན་འདུག། དེ་ཡང་གྲུབ་ཆེན་འདི་ཉིད་སྐུ་སྐྱེ་པ་འདིའི་གོང་དུ་སྲིན་ཡུལ་དུ་འཁྲུངས་ཚུལ་བསྟན་ཏེ། ནང་ཏིང་ངེ་འཛིན་གྱི་རྣམ་ཐར་དུ། སྐུ་སྔོན་མ་སྲིན་ཡུལ་དུ་འཁྲུངས་ཚུལ་འཆད་པའི་སྐབས་སུ་ཨོ་རྒྱན་ཆེན་པོས་ཐུགས་རྗེ་དང་སྨོན་ལམ་གྱི་དབང་གིས་ཡུལ་ཤེལ་གྱི་ས་གཞི་ལྟར་དཀར་བ། རིན་པོ་ཆེ་སྣ་ཚོགས་ཀྱི་རི་དང་བྲག་དང། ནགས་ཚལ་ལ་སོགས་དག་པའི་ཞིང་ཁམས་ལྟ་བུར་འདུག། དེ་ནས་ཨོ་རྒྱན་ཆེན་པོ་སྔ་དྲོ་ཁྱེའུ་ཆུང་ལོ་བརྒྱད་པའི་ན་ཚོད་མཛེས་པ་ཡིད་དུ་འོང་བ་སྐུ་ལྟ་བས་ཆོག་མི་ཤེས་པ། རིན་པོ་ཆེ་སྣ་ཚོགས་ཀྱིས་བརྒྱན་པ་ཞིག་ཏུ་སྦུལ་ནས་ཆོས་གསུངས། ཕྱི་དྲོ་ཁ་ཡན་གྱི་སྲིན་པོའི་དུག་ལྔ་ཞི་ཞིང་ཏུ་སྦྲུལ་ནས་ཆོས་གསུངས། ཕྱི་དྲོ་ཁ་ནས་རྒད་པོ་ལོ་བརྒྱ་ཉི་ཤུ་ལོན་པ་ལྟ་བུ་རྒས་པ་འཁོག་པ། དྲང་སྲོང་གི་རྣམ་པ་འདྲ་བ་ཞིག་ཏུ་སྦྲུལ་ནས་ཆོས་གསུངས། སྲོད་དང་ཐོ་རངས་གཉིས་གང་ལ་གང་འདུལ་གྱི་ཚུལ་དུ་ཆོས་གསུངས་པའི་སྲིན་པོ་རྣམས་ཀྱང་ཡེང་བ་མེད་པར་ཆོས་ལ་བཀོལ་བར་འདུག་ཅེས་སོགས་གསུངས་པའི་འཕྲོར། དེར་ལོ་དྲུག་ཅུ་རེ་དྲུག་བཞུགས། དེ་ནས་ཨོ་རྒྱན་ཆེན་པོའི་ལུང་བསྟན་ནས་འདིར་འཕོས་པ་ཡིན་གསུངས་ཏེ། དེ་ཡང་ཡབ་ཤུད་བུའི་ནམ་མཁའ་བཟང་པོ་དང། ཡུམ་སྲས་མོ་རིན་ཆེན་རྒྱན་གཉིས་ཀྱི་སྲས་སུ་འཁྲུངས། དགུང་ལོ་གསུམ་པ་ལ་ཕུར་པའི་དབང་གསན་པས་རིགས་ཀྱི་མཁའ་འགྲོ་རྣམས་གར་བྱེད་པ་གཟིགས། ལོ་ལྔ་ལ་རྫོགས་ཆེན་གྱི་དབང་ཐོབ་པས་སྔར་གྱི་བག་ཆགས་དྲིན་ཆེན་གྱི་བླ་མ་རྣམས་(སྨད་ཆ།༡༥༩)དང་མཇལ་བ་དང་ཆོས་ཞུ་བའི་སྣང་བ་དངོས་སུ་ཡོད་པ་བྱུང། བྱ་ཕོ་སྐད་འདོན་པ་དང་ཚ་གྲོའི་དུས་སུ་དུང་གིས་སྐད་བྱུང་བ་ན་ཨོ་རྒྱན་གྱི་ཡུལ་དུ་ཌཀི་རྣམས་ཀྱི་སྲིན་པོ་ཆོས་ལ་བསྡུ་བའི་རོལ་མོའི་སྐད་ཡིན་སྙམ་པ་དང། པར་སྣང་གི་ལྷ་མང་པས་ངག་འགྲོལ་བྱེད་པ་བྱུང་གསུངས། ཁུ་བོ་མཁན་ཆེན་རྒྱལ་སྲས་པ་ཉིད་ལ་དགེ་བསྙེན་དང། མཁན་ཆེན་རི་ཟན་ཏོག་པའི་དྲུང་ནས་ཀྱང་ཆོས་མང་དུ་གསན། ཁུ་བོ་མཁན་རྒྱལ་སྲས་པ་འདས་ནས་གདན་ས་མཛད། སྲིད་པའི་རྒྱལ་མི་མུ་ཁ་ལེའི་སྙིང་པོ་འགྲངས་དམ་ལ་བཞག་པ་སོགས་སྦྲེལ་ནས་རྒྱུན་དུ་བྱས་པས་རྐྱེན་ཟློག་གིས་དགེ་སྦྱོར་ཟབ་མི་ཞིག་བྱུང། ཡི་དམ་ལྷའི་ཞལ་ནས་གཏོར་མ་བཟླས་བརྗོད་དང་བཅས་པ་འདི་སེམས་ཅན་སྦྱི་ལ་ཕན་པས་བསོད་ནམས་བསམ་གྱིས་མི་ཁྱབ་པ་རྒྱུད་ཐོག་ཏུ་ཐོབ་བོ་གསུངས་པས། གཏོར་མ་གཏོང་བ་ལ་ཡང་སྦྲོ་བར་བྱུང་གསུངས་རྗེ་འདི་དགུ་ལོ་ཕྲན་མོ་ནས་དག་སྣང་བྱུང་ཚུལ་མང་དུ་ཡོད་ཅིང། ཁྱད་པར་དུ་རྗེ་ཉིད་ཀྱི་གསུང་ལས། ལོ་བཅུ་གསུམ་གྱི་ལོ་ཀིག་ལ་དགེ་སྦྱོར་ལ་ཉིན་མཚན་རྟག་ཏུ་ཡེང་མེད་བྱས། ནུབ་མོ་འགྲོ་བ་དགོན་པའི་འབུམ་པ་ལ་སྐོར་བ་བྱས་པས། མི་རྣམས་ཀྱིས་འབུམ་པ་ལ་མིས་སྐོར་བ་བྱེད་ཅིང་འདུག་ཟེར་བ་བྱུང། དེ་དུས་རྒྱལ་སྲས་ཐོགས་མེད་ཀྱི་ཐད་ནས་ཡོང་བ་ཡིན་ཟེར་བའི་ཨ་ཙ་རའི་ཆ་བྱང་ཅིག་བྱུང་ནས། བགེགས་འདུལ་བའི་དམིགས་པ་ཞིག་ཞུ་ཟེར་ཕྱག་མང་དུ་འཚལ་གྱིན་འདུག། མི་གཡོ་བའི་མངོན་རྟོགས་པ་ཞིག་ཞུ་ཟེར་ཕྱག་མང་དུ་འཚལ་གྱིན་འདུག། མི་གཡོ་བའི་མངོན་རྟོགས་ཀྱི་དམིགས་པ་བསླབས་པས་ཞེ་སྡང་གིས་ཀུན་ནས་བསླངས་པའི་དམིགས་པས་བགེགས་མཚན་ཉིད་པ་མི་ཐུལ་རྣམ་དག་བྱང་ཆུབ་སེམས་ལས་(སྨད་ཆ།༡༦༠)གཞན་དུ་མ་གཡོས་པ་ཞིག་ལ་ཁྲོ་བོའི་བགེགས་འདུལ་བ་ལ་དབང་འབྱོར་བ་ཞིག་ཡོང་བ་ཡིན་པས། མོས་གུས་ཀྱིས་མཉེས་པར་བྱ་ཡིས་གདམས་པ་གནང་བར་ཞུ་ཟེར་དུབ་མ་བདེན་གཉིས་ཀྱི་དེ་ཉིད་བསྡུས་པ་དང། དོན་བཅིངས་གྲོལ་མེད་པ་བཤད་དགོས་སྙམ་ནས་རླང་སེམས་གཉིས་མེད་ཀྱི་བགྲོ་གླེང་བྱས་པས་ནུབ་ཕྱོགས་ཨོ་རྒྱན་གྱི་ཡུལ་དུ་ཚོགས་འཁོར་ལ་གཤེགས། དེར་ང་ཆོས་ཞུ་བ་ཡིན་ཟེར། ཨོ་རྒྱན་ཆེན་པོ་དང་མཇལ་ན་རེ་དགའ་སྙམ་པའི་འདུན་པ་ཆེན་པོ་དང། མོས་གུས་ཚད་མེད་པ་སྐྱེས། ཁྱེད་ཐ་མལ་བ་མིན་པར་འདུག། ད་ཨོ་རྒྱན་གྱི་གནས་སུ་འགྲོ་བའི་རྫུ་འཕྲུལ་མེད་པས་མིན་པས་རྗེས་སུ་འཛིན་པར་ཞུ་བྱས་པས། ཛ་ལི་བྷེ་ཤའི་ཡུལ་ན་རིན་ཆེན་མཁའ་འགྲོས་བྱིན་གྱི་ཆོས་དང་བྱིན་གྱི་རྣམ་རྟོག་ཡིད་ལ་མ་བྱེད། རེ་དོགས་ཀྱི་སྲེད་བུ་དམ་པོས་མ་བཅིངས་པར་ནམ་མཁའ་ཡ་ཀི་ལ་ལྟོས་དང་གསུངས་ཙ་ན། ནམ་མཁའི་ཁམས་ཐམས་ཅད་དཔའ་བོ་དང་མཁའ་འགྲོ་དང་མཁའ་འགྲོ་མ་མང་པོ། ལ་ལ་ནི་དར་གྱི་ལམ་འཐེན། ལ་ལ་ནི་འཇའ་ཚོན་གྱི་གུར་འབུབས། ལ་ལ་ནི་མེ་ཏོག་དང་རིན་པོ་ཆེའི་རྒྱན་འགྱེད། ལ་ལ་ཁྲོ་བོ་དང་ཁྲོ་མ་གཅིག་དང་དུ་མ་སོགས་ཀྱི་སྦྲུལ་པ་མང་པོ་འགྱེད་ཅིང་བྱོན་བྱུང་བ་ལ། དར་དཀར་གྱི་ཡུག་ཆེན་བརྐྱང་བའི་སྟེང་ན་འོད་ཕུང་གི་ཁྲི་ཞིག་འདུག་འདི་ལ་བཞུགས་གསུང་པ་དང་མཉམ་དུ་ནམ་མཁའི་མཐོང་ལ་འུ་རུ་རུ་ཁྲོ་ལོ་ལོ་མང་པོ་དང་བཅས་ནུབ་བྱང་གི་མཚམས་ལ་ཁ་གཏད་པ་ལ་ཕྱིན་པ་ན། ཡུལ་ཁམས་ཐམས་ཅད་བྱུང་རུ་དམར་པོ་ལས་གྲུབ་པ། མེ་ཏོག་(སྨད་ཆ།༡༦༡)མང་པོ་ཁ་དོག་སྣ་ཚོགས་སྐྱེས་པ། གསེར་གྱི་ཆུ་བསིལ་བ་ཁག་གསུམ་དུ་འབབ་པ། ཡུལ་དེའི་ལྷོ་ངོས་ན་ཁྱིམ་པའི་ཆ་ལུགས་འཛིན་པའིསྐྱེས་པ་བུད་མེད་ཀྱི་རྣམ་པ་མང་པོའི་གྲོང་ཁྱེར་རྒྱ་ཆེ་ཞིག་མཛེས་པ་འགའ་ཞིང་འདུག་གོ། ཡུལ་དེའི་དབུས་མ་རི་དམར་པོ་བཤོས་རྡོག་གི་གཟུགས་འདྲ་བའི་རྩེ་ལ་འཇའ་འོད་ཀྱི་གཞལ་ཡས་ཁང་ཆེན་པོ་བསམ་གྱི་མི་ཁྱབ་པ་འདུག་པའི་ལྟེ་བ་དབུས་ཀྱི་ནམ་མཁའ་ལ་རིན་པོ་ཆེ་སྣ་ལྔ་ལས་འདབ་ལ་རེ་རེ་ལས་གྲུབ་པའི་པད་སྡོང་གི་སྟེང་ན་འོད་ཟེར་ཁ་དོག་སྣང་བདུན་ལས་གྲུབ་པའི་ཁྲི་ལ་ཨོ་རྒྱན་ཆེན་པོ་བཞུགས་པ་ལ་ཌཀི་མང་པོས་གླུ་གར་དང་རོལ་མོ་དང་མཆོད་པ་སྣ་ཚོངས་འབུལ་བ་འདུག། གྲུབ་ཐོབ་ཕོ་མོ་མང་པོ་བརྟུལ་ཞུགས་ཀྱི་སྦྱོད་པ་སྐྱོང་བ་དང། གུ་རུ་ཉིད་པཎ་ཆེན་གྱི་ཚུལ་བཟུང་སྟེ། ཉན་ཐོས་དགྲ་བཙོམ་པ་མང་པོ་སྡེ་སྣོད་ཀྱི་དགོངས་འགྲེལ་ལ་རྩོད་པ་བགྲོ་གླེང་བརྩེ་བ་གློག་འཁྲུག་པ་ལྟ་བུའི་ཐལ་སྒྲ་སྒྲོག་པ་འདུག། ལྷ་དང་གླང་དང་གནོད་སྦྱིན་མང་པོ་ཆོས་ཉན་ཅིང་ཕཱུ་ཛའི་བྱེ་བྲག་སྣ་ཚོགས་མང་པོ་ཀུན་གྱིས་རང་རང་གི་གླུ་དབྱངས་ཀྱིས་འབུལ་བ་ཡེ་ཤེས་ཀྱི་མཁའ་འགྲོ་དང་མཆོད་པའི་ལྷ་མོ་མང་པོས་ཕྱིའི་མཆོད་པ་རྣམ་པ་ལྔ། ནང་གི་མཆོད་པ་རྣམ་པ་ལྔ། གསང་པའི་མཆོད་པ་རྣམ་པ་ལྔ། དེ་ཁོ་ན་ཉིད་ཀྱི་མཆོད་པ་རྣམ་པ་ལྔ་སོགས་བསམ་གྱིས་མི་ཁྱབ་པ་འབུལ་བ་འདུག། ཚོགས་ཀྱི་ཡོ་བྱད་ཅི་ཡང་རུང་བའི་སྣ་ཚོགས་ལོངས་སྦྱོད་ཀྱི་འབྱོར་རྫས་རོ་བཅུད་ཕུན་སུམ་ཚོགས་པ་བརྒྱད་རྩ་བརྒྱད་ལ་སྦེལ་སྦྱངས་དང་བསྐྱེད་ཚོག་གི་ཚུལ་མང་པོ་མཛད་ནས་ཀུན་ལ་འདྲེན་ཞིང་རོལ་བ་འདུག། འཛམ་བུའི་གླིང་པ་ཚེ་ཐུང་བ་སྙིང་རྗེ་བ་རྣམས་ཀྱི་དོན་དུ་གསང་སྔགས་གཙོ་ཆེ་བར་(སྨད་ཆ།༡༦༢)གསུངས་པས་རྒྱུད་སྡེ་ཆེན་པོ་བཞིའི་དབང་ངོ་མཚར་ཁྱད་པར་མཆོག་ཏུ་བྱས་པ་བཞིན་གྱི་དག་པའི་སྣང་བས་སྐབས་ངོ་ཤེས་པ་དང། མ་དག་པའི་སྣང་བ་དུས་ནམ་དུ་ཡང་ཡིད་ལ་མ་བྱེད། ཅེས་སོགས་གསུངས་ནས་ཌཀི་རྣམས་ཀྱིས་དཀྱིལ་འཁོར་གྱི་བྱ་བ་མང་པོ་བྱས་ནས་དབང་རིམ་པ་བཞིན་གྱིས་བསྐུར་བ་དང། རྒྱུད་གསུང་བ་མན་ངག་སློབ་པ་དང། ཚོགས་འཁོར་ལ་རོལ་པ་རྣམས་དུས་མཉམ་དུ་ཐོབ་པ་བྱུང། ཅི་སྣང་རང་གི་སེམས་སུ་ལྟོས། སེམས་ཀྱི་གནས་ལུགས་ཤེས་པ་དང། རྒྱུད་སྡེ་མཐའ་དག་དགོངས་པ་དང། སངས་རྒྱས་སྐུ་དང་ཞིང་ཁམས་དང། རིམ་གཉིས་དབང་དང་ཐེག་དགུ་སོགས། གཅིག་ཤེས་ཀུན་གྲོལ་དངོས་གྲུབ་ཐོབ། ཅེས་པའི་དོན་རྒྱས་པར་བསྟན་ཏེ་ཉམས་སུ་ལེན་པའི་ཆོས་རྒྱུན་སྡེ་བཞིའི་མན་ངག་གསང་བ་བདུད་རྩིའི་རྒྱ་མཚོ། དབང་བཞི་རིན་ཆེན་བུམ་པ། རྫོགས་རིམ་ཡེ་གྲོལ་ལྷུན་གྲུབ་རྣམས་གསུངས། ཞེས་པ་སོགས་འབྱུང་ཞིང། གཞན་ཡང་གྲུབ་ཆེན་འདི་ཉིད་གསང་བའི་བདག་པོ་དངོས་དང་རྣམ་དབྱེར་མ་མཆིས་ཀྱང་ཚུར་མཐོང་གདུལ་བྱའི་སྣང་ངོར་གསང་ བདག་རྟག་ཏུ་མཇལ་ཞིང་ཆོས་ཀྱི་བགྲོ་བ་མི་དང་མི་ལབ་པ་ལྟར་མཛད་པའི་ཚུལ་སྟོན་པས་རྗེ་བཙུན་བཅོང་ཁ་པ་ཆེན་པོའི་ལྟ་བའི་སྒྲོ་འདོགས་གཅོད་ཕྱིར་གྲུབ་ཆེན་གྱིས་གསང་བདག་ལ་ཞུས་པའི་ཞུས་ལེན་བདུད་རྩི་སྨན་མཆོག་ཀྱང་རྫོགས་ཆེན་ཁོ་ན་ཡིན་ཏེ། གཞུང་དེ་ཉིད་ལས། ལས་ཀྱི་རྡོ་རྗེ། མ་ཏི་བྷ་དྲ་ཤྲི་ལ་ངའི་གསང་ཚིག་འདི་རྣམས་རྣ་བར་སྐྱོལ། ཡབ་ཀུན་ཏུ་བཟང་པོའི་དགོངས་པ། ཡུམ་ཀུན་ཏུ་བཟང་མོའི་གཏམ། རྡོ་རྗེ་འཛིན་པ་བདག་གི་གསང་ཚིག་ཐེག་པའི་ཡང་ཡང་རྩེ། སྨན་མཆོག་ཆེན་པོའི་སྒྲུབ་པ་ལ་སེམས་ཉིད། ༡༦༣)འོད་གསལ་གྱི་རྩད་ཆོད་གསུངས། ལས་ཀྱི་རྡོ་རྗེ་བདག་གི་ཞུས་པ། འོད་གསལ་གྱི་ངོ་བོ་ལྟ་བུ་ལགས་ཞུས་པས། ལས་ཀྱི་རྡོ་རྗེ་འོད་སལ་གྱི་ངོ་བོ་རང་བཞིན་ཐུགས་རྗེ་གསུམ་དུ་འདུས་གསུངས། ཞེས་དང་ལས་ཀྱི་རྡོ་རྗེ། རིག་པའི་ངོ་བོ་སྟོང་པ་འདི། སུས་ཀྱང་མ་བཅོས་པ་རྒྱུ་མེད་པ། རྒྱུ་མེད་པ། རྐྱེན་མེད་པ། ཡེ་གདོད་མེད་པ། ཡེ་གདོད་མ་ནས་གནས་པ་ཡིན་གསུངས། དེ་བཞིན་དུ་རང་བཞིན་འོད་གསལ་བ་འདི། ཡེ་ནས་སྟོང་པ་དང་དབྱེར་མེད་དུ་ལྷུན་གྱིས་གྲུབ། དེའི་རྩ་ལ་ཐུགས་རྗེ་འགག་མེད། གང་ཤར་ཀྱང་རང་བཞིན་གྱིས་མ་གྲུབ་པས་གསུམ་ག་ཟུང་འཇུག་ཆེན་པོར་ཤེས་པར་གྱིས་དང། དབྱེར་མེད་དུ་འཚང་རྒྱ་བ་ཡིན་གསུངས། ཞེས་སོགས་རྫོགས་ཆེན་གྱི་ཆོས་སྐད་ཤ་སྟག་ཏུ་ཡོད་ལ། གཞན་ཡང་དེ་ཉིད་ལས། རྫོགས་པ་ཆེན་པོ་ལྟ་བ་མཐོང་པོ་ཡིན་མེད་དེ་ལ་མ་བརྟེན་པའི་ལྷག་མཐོང་སྐྱེ་མི་སྲིད། ཅེས་དང། ལྷག་མཐོང་གི་མྱོང་མ་ཡིན་པའི་ཐབས་ཁྱད་པར་ཅན་གསང་སྔགས་ཀྱི་གདམས་པ་ཐུན་མོང་མ་ཡིན་པ་སྦྱོར་དྲུག་དང་རྫོགས་ཆེན་གསུངས་སོ། འདི་ལ་དགེ་ཕྱོགས་ཞིག་གིས་ལྟ་བའི་ཕྱོགས་ཀླུ་སྒྲུབ་དང་ཟླ་གྲགས་ཀྱ་བཀྲལ་བ་འདི་འཁྲུལ་མེད་ཡིན། ཞེས་དང། ཡང་དེས་གཞན་ཞིག་ལ། ཁྱོད་རང་ཀླུ་སྒྲུབ་དང་ཟླ་གྲགས་ཀྱིས་བཀྲལ་བའི་ལུགས་བཞིན་གྱིས་ཟེར་བ་འཇུད་འདུག་ཅིང། དཔལ་མགོན་ལྟ་བ་ནི་ཐལ་འགྱུར་ཁོ་ན་འོ་སྙམ་དུ་དགོངས་འདུག་ཀྱང། དེ་ནི་གཞན་སྡེའི་བརྟགས་པའི་བདག་ལྟ་ཟློག་པའི་ཕྱིར་དང།(སྨད་ཆ།༡༦༤)བྱེ་མདོ་སེམས་གསུམ་སོགས་ཀྱིས་སྦྲོས་པ་འགོག་པའི་ཕྱིར་དུ་དགོངས་ནས་རིགས་པ་བསྟན་པའི་བསྟན་བཅོས་རིག་ཚོགས་མཛད་པ་ལས། རྣམ་པ་ཀུན་ཏུ་ཐལ་འགྱུར་མི་བཞེད་དེ། རང་བཞིན་མཐར་ཐུག་རྣམ་རིག་དབུ་མ་ཡིན་པར་བཀའ་ཐ་མའི་དགོངཤ་པ་གཙོ་བོར་སྟོན་པའི་བཅོས་ཆོས་དབྱིངས་བསྟོད་པ་སོགས་མཛད་པ་ལས་གསལ་ཞིང། ཀླུ་ཐོགསསསས་གཉིས་ལྟ་བ་མཐུན་པར་རྒྱ་བོད་ཀྱི་མཁས་གྲུབ་ཕལ་ཆེར་གྱིས་བཞེད་ལ། དེ་ཙམ་དུ་མ་ཟད་པར་རྒྱ་བོད་ཀྱི་མཁས་གྲུབ་གསང་ཆེན་རྒྱུད་སྡེ་རྒྱ་མཚོའི་མངའ་བདག་ཏུ་སྨྲ་ན། ལྟ་བའང་སེམས་འགྲེལ་སྐོར་གསུམ་སོགས་དང་མཐུན་དགོས་ལ། རྙིང་མ་རང་ལུགས་ལའང་རྟ་མཆོག་ཧེ་རུ་ཀའི་བཀའ་བབ་ཏུ་བཞེད་པས། ལྟ་བའང་རྫོགས་པ་ཆེན་པོ་མིན་པའི་ཁྱབ་པ་མཐའ་མེད་དོ། ཡང་གང་གི་ལྟ་བ་མཐོན་པོ་ཡིན་མེད་ཅེས་པའི་ཚིག་འདི་ལ། དཔྱད་གཞི་བྱ་བར་རིགས་ཞེས་དང། དུས་ཕྱིས་ཀྱི་རྣལ་འབྱོར་པ་ཞིག་གིས་ཆོས་འདི་ཉིད་རྫོགས་པ་ཆེན་མའི་ཞུ་ལེན་གསེར་ཕྲེང་དང་འོ་མ་དང་ཆུ་བསྲེས་པ་ལྟར་བྱས་ཏེ། ཞེས་དང། རྫོགས་ཆེན་ལ་མོས་པ་ཞིག་གིས་བསླད་པར་ངེས་སོ། ཞེས་སོགས་བྲིས་འདུག་ཀྱང། ཆོས་འདིའི་འགོ་གཞུག་ཐམས་ཅད་དུ་རྫོགས་ཆེན་རང་སྐད་གཙང་མར་ཡོད་པ་ལ་གང་ནས་བསླད། སྦྱིར་ཡང་དུས་ཕྱིས་བཅོས་པ་ཡིན་ན། དཔེ་ཐམས་ཅད་ལ་དེ་བཞིན་ཡོང་དོམ་མ་བྱུང་ཞིང། གཞན་ཡང་ཕྱག་རྡོར་སྙན་རྒྱུད་ཀྱི་རྩ་ཚིག་ཏུ། ཀ་དག་རང་རིག་འོད་གསལ་གྱི། རྣམ་པལྷ་ཡི་གཟུགས་སུ་འཆར། ཞེས་སོགས་རྫོགས་ཆེན་གྱི་གནད་དོན་མང་པོ་དང། ཀ་དག་ཅེས་པའི་བརྡའ་ཆད་ཀྱང་གསལ་བར་འབྱུང་ལ། གཤེན་རྗེ་ཚེ་བདག། མ་མོ་སྲིད་པའི་རྒྱལ་མོ་ཉིད།(སྨད་ཆ།༡༦༥)ཞི་མུ་ཁ་ལེ། དཔལ་སྔགས་ཀྱི་སྲུང་མའི་སྒྲུབ་ཐབས་སོགས་རྙིང་མའི་ཆོས་སྐོར་མང་དུ་ཡོད་པ་གླེགས་བམ་ལ་གཟིགས་པས་གསལ་ལོ། དེ་ཡང་སྙན་བརྒྱུད་འདི་སྔར་རྙིང་མ་བ་དག་གིས་བཀའ་གདམས་པར་བསམས་ནས་ཕྱིར་འཕུལ། དགེ་ཕྱོགས་དག་གིས་རྙིང་མ་འདྲེས་པས་ཐུགས་ཉམས་བཞེས་པ་ཉུང་བས། དབང་ལུང་རྒྱུན་དཀོན་པོར་གྱུར་པའི་ཚེ། ཀུན་མཁྱེན་ལྔ་པ་ཆེན་པོས་རིག་འཛིན་གཏེར་བདག་གླིང་པས་ཀུན་མཁྱེན་མཆོག་ལ་ཕུལ་བ་ནས་བཟུང། དགེ་ལུགས་པའི་བླ་ཆེན་འགའ་ཞིག་གིས་ཀྱང་དབང་ལུང་གསན་པས་དགེ་སྙིང་ཐམས་ཅད་ཀྱིས་དབང་ལུང་གསན་པ་ཅུང་ཟད་དྲག་ཏུ་སོང། སྐབས་འདིར་ཡང་གོང་གི་ལོ་རྒྱུས་ཐམས་ཅད་རྙིང་མ་ཁོ་ནར་སྣང་བས་ཡིན་ལུགས་ཤེས་པའི་ཆེད་དུ་རྣམ་ཐར་ཟུང་ཙམ་བྲིས་པ་ཡིན་ནོ། ཡང་རྒྱ་གར་ཤར་ཕྱོགས་ཀྱི་པཎྜི་ཏ་ཤྲི་བཱ་ན་རརྣ་སྟེ་ནགས་ཀྱི་རིན་ཆེན་ཞེས་བྱ་བ་པཎྜི་ཏ་སངས་རྒྱས་དབྱངས་ཀྱོ་སློབ་མ་ཤ་ཝ་རིས་རྗེས་སུ་བཟུང་ནས་བོད་ཡུལ་དུ་སོང་ཤིག་དང། རྒྱལ་པོ་ཞིག་ལ་བརྟེན་ནས་སྐྱེ་བོ་རྣམས་ཀྱི་ལོག་རྟོག་ལྡོག་པར་འགྱུར་རོ་ཞེས་ལུང་བསྟན་ཏེ་བོད་དུ་བྱོན། ལྷ་གཟིགས་གྲགས་པ་འབྱུང་གནས་ཀྱི་སྦྱིན་བདག་བྱས་ཏེ་ཆོས་མང་དུ་གསུངས་པས་བོད་ཀྱི་མཁས་པ་དང་དཔྱོད་ལྡན་དུ་མའི་ལྟ་བ་དྲང་པོར་མཛད་ནས་བལ་པོར་གཤེགས་ཏེ་བཞུགས། བལ་པོར་བཞུགས་སྐབས་ཤིང་ཏུ་ཨོ་རྒྱན་རིན་པོ་ཆེ་དངོས་སུ་ཞལ་གཟིགས་ནས་གནང་བའི་ཚེ་ཁྲིད་པདྨ་སྙིང་ཐིག་ཞེས་པའི་ཆོས་སྐོར་རྒྱས་པ་ཞིག་བྱུང་བ་ལོ་ཆེན་བསོད་ནམས་རྒྱ་མཚོ་དང་འགོས་(སྨད་ཆ།༡༦༦)ལོ་གཞོན་ནུ་དཔལ་སོགས་ལ་གནང་བ་ལས་ཆོས་རྒྱུད་རིམ་པར་དར་བ་བྱུང་ཞིང། རྗེ་རྒྱལ་བའི་དབང་པོ་ཀརྨ་པ་ཐམས་ཅད་མཁྱེན་པ་མཐོང་བ་དོན་ལྡན།(སྨད་ཆ།་རིར་བཞུགས་པའི་དུས་རྔ་ཡབ་གླིང་ནས་སློབ་དཔོན་ཆེན་པོ་པདྨས་སམྦྷ་བས་གྲུབ་ཆེན་ལ་བའི་གདམས་པ་ཟབ་མོ་ཡོད་ལ། བོ་དོང་རྟོགས་ལྡན་སངས་རྒྱས་མགོན་པོའི་ཡེ་ཤེས་ཀྱི་མཁའ་འགྲོ་མ་སེང་གེའི་གདོང་ཅན་དངོས་སུ་ཞལ་གཟིགས་ཤིང། དེའི་སྒྲུབ་སྐོར་རྣམས་སློབ་དཔོན་པདྨ་འབྱུང་གནས་ཀྱི་གནང་བའི་གདམས་པ་ཟབ་ཁྱད་ཅན་སེང་གདོང་མ་བོ་དོང་ལུགས་སུ་གྲགས་པ་དང། ངས་ཆེན་དཔལ་འབྱོར་བཟང་པོ་ལ། ཨོ་རྒྱན་པདྨ་སམ་བྷ་བས་དངོས་སུ་གནང་བའི་ཚེ་སྒྲུབ་མདའ་འཕེལ་མར་གྲགས་པ། ལྷ་བཅུ་བདུན་མའི་སྒྲུབ་སྐོར་ཤིན་ཏུ་རྒྱས་པ་ཞིག་ཡོད་པར་སྣང་ཡང་རྣམ་ཐར་ཞིབ་པར་མ་མཇལ་ལོ། ཡང་ལྡོང་སྟོན་རྒྱལ་ཚ་ལུང་མང་པོ་ཆོས་ཀྱི་དབང་ཕྱུག་ནས་འཇམ་དབྱངས་བསོད་ནམས་རྒྱལ་མཆོག་གི་བར་དཔལ་ས་སྐྱ་པའི་གདུང་བརྒྱུད་ཀྱི་བསྟན་པ་འཛིན་པའི་མཁས་ཤིང་གྲུབ་པ་མཉམ་མེད་ནམ་མཁའ་བསོད་ནམས་གང་དེ་སྐུ་ན་ཕྲ་མོའི་དུས་རྣལ་འབྱོར་དབང་ཕྱུག་ལྡོང་སྟོན་སེང་གེ་རྒྱལ་མཚན་གྱིས་བྱིན་གྱིས་བརླབས་ཤིང། རང་གི་ཁུ་བོ་འཇམ་དབྱངས་བསོད་ནམས་རྒྱལ་མཆོག་གིས་རྒྱུད་སྡེ་རྒྱ་མཚོའི་སྨིན་གྲོལ་གྱིས་རྗེས་སུ་བཟུང་བས་རྐྱེན་བྱས། ངོ་བོ་སྐུ་ཚེ་དུ་མར་རང་བཞིན་རྫོགས་པ་ཆེན་པོའི་རྣལ་འབྱོར་ལ་གོམས་པའི་རྟོགས་པ།(སྨད་ཆ།༡༦༧)ཀློང་དུ་གྱུར་པའི་བག་ཆགས་བཟང་པོ་སད་དེ་སངས་རྒྱས་གཉིས་པ་པདྨ་ཐོད་འཕྲིང་རྩལ་སོགས་སྐྱེས་མཆོག་མང་པོ་དངོས་ཉམས་རྨི་ལས་དུ་མཇལ་ཏེ་དམ་པའི་ཆོས་ནོད་པར་བརྟེན་པའི་ཉམས་ཆོས་བསམ་གཏན་གླིང་པའི་ཨ་ཏི་ཞེས་ཟབ་པ་ལས་ཀྱང་ཆེས་ཟབ་པའི་སྐོར་ལ། ཁུངས་བཙུན་པ་བརྒྱུད་པ་དང་ལོ་རྒྱུས་སྐོར། མན་ངག་ཉམས་ལེན་དངོས་ཀྱི་སྐོར། ཁུངས་དང་རྒྱབ་རྟེན་སྐོར། རྩ་གསུམ་ལས་བྱང་ཆོས་སྲུང་སྐོར་སོགས་ཀུན་ཏུ་བཟང་པོ་དང་སློབ་དཔོན་པདྨ་འབྱུང་གནས་ལས་དངོས་སུ་གསན་པ་དང། དགོངས་པའི་དབྱིངས་ཀློང་བརྡོལ་བ་ལས་བྱུང་བའི་ཆོས་སྐོར་ཤིན་ཏུ་ཟབ་ཅིང་རྒྱ་ཆེ་བ་རྨད་དུ་བྱུང་བ་ཞིག་བཞུགས་ཤིང། གཞན་ཡང་མཉམ་མེད་ཆེན་པོས་སྔོན་གྱི་ཡིག་རྙིང་རྣམས་ལས་བཏུས་ཏེ་མཛད་པའི་རྫོགས་ཆེན་གྱི་རྩོད་སྦོང་ཚིག་ཉུང་དོན་རྒྱས་ཤིག་མཛད་ཡོད་འདུག་པར་ཀུན་མཁྱེན་པ་ལྔ་པ་ཆེན་པོས་རྩོད་སྦོང་འདུ་སྔ་ཕྱིར་བྱོན་པའི་མཁས་རློམ་གྱི་རྩོད་པ་མཐའ་དག་ཉི་མ་དང་བ་མོའི་དཔེ་བཞིན་གྱུར་པས་སྙིང་གི་ཟེའུ་འབྲུར་བསྟེན་འོས་པ་ཞིག་གོ། ཞེས་བསྔགས་བརྗོད་གནང་འདུག་སྟེ། དེ་ལྟ་བུའི་ཆོས་སྐོར་འདི་ནི་མཉམ་མེད་བསལ་གཏན་གླིང་པའི་ཨ་ཏི་འདི་སསྐྱ་འཁོན་གྱི་བཡ་ཆོས་ཡང་ཕུར་གཉིས་ཀྱི་རྫོགས་རིམ་ཟབ་པའི་མཐར་ཐུག་ཡིན། ཐུགས་གཏེར་ལྟར་ཤིན་ཏུ་ཉེ་རྒྱུད་དང། དག་སྣང་ལྟར་དེ་ལས་རིང་ཙམ་གྱི་ཉེ་བརྒྱུད་གཉིས། བཀའ་མ་ལྟར་རྫོགས་ཆེན་སྙིང་ཐིག། ཡང་ཕུར་བཅས་སོ་སོའི་བརྒྱུད་ཚུལ་དང་མཐུན་པས། བརྒྱུད་པ་བཞི་ལྡན་གྱི་ཐ་སྙད་མཛད་པ། བྱིན་རླབས་ཀྱི་ཚན་ཁ་སྨད་དུ་བྱུང་བ་གཞན་ལས་ཁྱད་དུ་འཕགས་པ་མཉམ་མེད་བསམ་གཏན་གླིང་པའི་ཨ་ཏི་ཞེས་ཡོངས་སུ་(སྨད་ཆ།༡༦༨)གྲགས་པ་དེང་སང་གི་བར་ཆོས་རྒྱུ་མ་ནུབ་པར་བཞུགས་པ་ཡིན་ནོ། ཆ ོས་བཀའ་འདིའི་བཀའ་སྲུང་གཟའ་རྒོད་རེང་ཞེས་པ་འདི་རྗེ་བཙུན་མི་ལས་བསྒྲུབས་པའི་གཟའ་གདོངས་དམར་ནག་ཡིན་ཟེར་བའང་སྣང་ངོ། དབོན་སྟོན་སྐྱེར་སྒང་པས་ཨོ་རྒྱན་རིན་པོ་ཆེ་ལསགསན་པའི་རྟ་མགྲིན་གྱི་ལོ་རྒྱུས་ནི་གོང་དུ་སྙིང་མོ་རྒྱ་གོང་རི་བ་སངས་རྒྱས་དབང་ཆེན་གྱི་གཏེར་འབྱུང་དུ་སོང་སྦྱིར་དབོན་སྟོན་དའི་བླ་མ་འབལ་ཚད་མ་བའི་དབོན་པོ་ཡིས་པས་དབོན་སྟོན་དང། སྟོད་ལུང་སྐྱེར་པ་སྒང་བཞུགས་གནས་ལས་དབོན་སྟོན་སྐྱེར་པ་སྒང་པར་གྲགས། མཚན་དངོས་ཆོས་ཀྱི་སེང་གེ་སྟེ། སྔོན་མཚན་ཉིད་པ་ཡིན་ཀྱང་བཤད་པ་བོར་ནས་སྒྲུབ་པ་མཛད་པས་ལོ་གསུམ་ནས་སྦྱན་རས་གཟིགས་ཀྱི་ཞལ་དངོས་སུ་གཟིགས་ནས་དེ་ཕྱིན་སྦྱན་རས་གཟིགས་དང་མི་དང་མི་ལབ་ལྟར་རྒྱུན་དུ་གཟིགས། རྨོག་ལྕོགས་པ་ལས་ཤངས་པའི་ཆོས་རྣམས་གསན་པས་བརྒྱུད་དུ་གཟིགས། རྨོག་ལྕོགས་པ་ལས་ཤངས་པའི་ཆོས་རྣམས་གསན་པས་བརྒྱུད་པ་རིན་ཆེན་སྣ་བདུན་དུ་གྲགས་པའི་ལྔ་པ་ཡིན། སྐབས་ཤིག་ཡོན་བདག་ཞིག་གི་སར་བྱོན་པས། རྒྱུ་མ་གྲིས་གཏུབས་པ་ཙམ་གྱི་སྙུང་གཞི་ཐུ་མོ་ཞིག་བྱུང། སྦྱན་རས་གཟིགས་ལ་གསོལ་བ་བཏབ་པས་གསུང་རབ་ཀྱི་གླ་བོས་པས་ལན་གསུངས། དེ་འདྲ་མ་འཚལ་ཞུས་པས་ཁ་སང་གི་ཡོན་བདག་དེས་འབུམ་བཅོངས་པའི་རིན་ནས་ཁྱེད་ལ་ཇ་ཞུས་པས། ཁྱེད་ལས་སྲབ་པས་སྡུག་བསྔལ་མྱུར་དུ་སྨིན་པ་ཡིན། དེ་ལ་ཕན་པའི་ཐབས་ཡོང་གསུངས་ནས་བྲུལ་གཏོར་གནང་བས་སྙུང་ལས་གྲོལ་ཏེ། གཏོར་མ་དེ་ཉིད་དེང་སང་གྲུབ་མཐའ་རིས་མེད་དུ་དར་བ་འདིའོ། རྒྱལ་བའི་དབང་པོ་ཀརྨ་པ་མི་བསྐྱོད་རྡོ་རྗེའི་མནལ་ལམ་དུ་རྡོ་རྗེ་རྣལ་འབྱོར་མ་དང་མཇལ་ནས། སྒྲོལ་དཀར། ཨོ་རྒྱན། ཕག་མོ་གསུམ་(སྨད་ཆ།༡༦༩)སྦྲགས་སྒྲུབ་ཀྱི་ཚེ་སྒྲུབ་ཟབ་མོ་དབང་དང་བཅས་ཡི་གེར་བཀོད་པར་མཛད་པ་ལ་ཕག་མོ་ཟབ་རྒྱ་མར་གྲགས་ཏེ། ཐུགས་བཙིགས་ཆེན་པོ་མཛད་པ་དང། གཞན་ཡང་གུ་རུ་མཚན་བརྒྱད། ཀརྨ་རབ་བརྒྱད། ཞང་སྐུ་བརྒྱད་རྣམས་སྦྱར་བའི་སྒྲུབ་ཐབས་ཡོད་པ་ཡིན་ཡང་ཟེར། རྣམ་ཐར་ཡོངས་སུ་གྲགས་པ་དེའོ། དཔལ་འབྲུག་པ་རིན་པོ་ཆེ་ཐམས་ཅད་མཁྱེན་པ་པདྨ་དཀར་པོ་ཞེས་མཚན་ཉི་ཟླ་ལྟར་གྲགས་པའི་སྐྱེས་ཆེན་དེ་ལ་ཨོ་རྒྱན་རིན་པོ་ཆེས་དངོས་སུ་གནང་བའི་དམ་སྲིའི་བར་ཆད་འདུལ་བྱེད་གུར་དྲག་ཕུར་འཇུག་ཅན་གྱི་གདམས་པ་ཟབ་མོ་ཡོད་ལ། སྦྱིར་ཡང་ཐམས་ཅད་མཁྱེན་པ་འདིས་དགོངས་གཏེར་ལྟ་བུར་ཕྱོགས་བསྒྲིགས་མགོན་མང་གི་སྐོར་དང། ཚོག་གཞུག་རྟ་བྲོ་བརྡུང་བ་ལ་ཉེ་བར་མཁོ་བའི་རྟ་བྲོའི་ཁྲིད་སོགས་ཀྱང་མཛད་སྣང་ལ། གཞན་ཡང་གཤེན་རྗེ་ཚེ་བདག། ཁྲོ་ཡང་སོགས་དང་བཀའ་བརྒྱད་རྣམས་ལ་ཡིག་ཆ་ཡང་མང་དུ་མཛད་ཅིང། ཉམས་བཞེས་གནང་བ་དང་གཏེར་སྟོན་ཆེན་པོ་ཤེས་རབ་འདོ་ཟེར་གྱི་ཆོས་བདག་ཀྱང་ཡིན་ཏེ། བཀའ་བརྒྱུད་འབྲུག་པ་རིན་པོ་ཆེའི་གྲལ་དུ་བཞུགས་ཀྱང་གསང་ཆེན་རྙིང་མའི་རྡོར་འཛིན་དུ་ངེས་སོ། ཡང་གསང་བའི་ལུང་བསྟན་ལས། ཡང་ཞིག་གནུགས་བན་སངས་རྒྱས་ཡེ་ཤེས་ཉོན། ད་ལྟ་ལྷ་སྲས་ཡབ་ཡུམ་སྲས་བཅས་ཀྱི། སྐུ་ཡི་རིམ་གྲོ་བསྲུང་བའི་འཁོར་ལོ་དང། དྲག་སྦྱོད་མཐུན་ཡི་རྒོལ་བ་ཕྱིར་བཟློག་ནས། བར་ཆད་བསལ་ཞིང་ཡོན་མཆོད་འབྲེལ་བའི་མཐུས། མ་འོངས་བཞི་བཅུར་དུས་མཚུངས་འབྱུང་བར་ངེས། ཞེས་སོགས་གསུངས་(སྨད་ཆ།༡༧༠)བ་ལྟ། གནུབས་ཆེན་སངས་རྒྱས་ཡེ་ཤེས་ཀྱི་ཡང་སྲིད་རྒྱལ་སྲས་བསྟན་པའི་འབྱུང་གནས་སམ་འཇའ་ཚོན་མེད་འབར་རམ། མཁའ་འགྲོའི་དབང་ཕྱུག་རྩལ་དུ་གྲགས་པ་ནི། ཡག་གཏེར་ཆེན་ཆོས་ཀྱི་རྒྱལ་པོ་རིག་འཛིན་ཆེན་པོ་མཆོག་ལྡན་མགོན་པོའི་སྲས་སུ། མོན་སི་ཏ་འུག་བྱ་བར་སྐུ་འཁྲུངས་རྣམ་པར་ཐར་པ་ངོ་མཚར་ཅན་མང་པོ་དང་སྨད་དུ་བྱུང་བའི་མཛད་ཕྲིན་ཤིན་ཏུ་རྒྱ་ཆེ། ཕྱིས་སུ་སྐུ་ཚའི་སྨད་ལ་འཕྱོངས་རྒྱས་དཔལ་རིར་བཞུགས་ཁོང་གི་གཏེར་སྐལ་རྩ་གསུམ་ཟབ་མོ་ཀུན་འདུས་ཀྱི་སྐོར་རྣམས་བདུད་པོ་བླ་མཁར་གྱི་སྒོ་དྲུང་གཡས་པར་གཏེར་དུ་སྦས་པ་ལུང་བསྟན་བཞིན་རྟེན་འབྲེལ་ཅུང་ཟད་འཕྱུགས་པས་ཤོག་སེར་དངོས་མ་ལོན་ཡང་ཞིང་སྐྱོང་གི་མཁའ་འགྲོས་རྫོགས་པར་གནང་བའི་ཆོས་སྐོར་ཤིན་ཏུ་རྒྱས་པ་བཞུགས་ཤིང། དེ་ལས་འཕྲོས་པའི་ལུང་བསྟན་དང་བཅས་པ་དང། ཡང་མོས་ལོར་ལྟོ་བྲག་སེང་སྣ་ཤར་དུ་བྱུང་བའི་དག་སྣང་གཉིས་པའི་སྐོར་གྱི་ཆོས་སྡེ་རྣམས་དང། ཡང་གནས་ཆེན་མཁའ་རའི་ལྷོ་འདབ་དཀའ་ཟུག་གི་དགོན་པར་འབྲུག་ལོ་བྱ་ཟླ་བའི་ཚེས་བཅུའི་ནུབ་མོ་འདོ་གསལ་དུ་ཤར་བའི་དག་སྣང་གསུམ་པ་ཚེ་སྒྲུབ་ཀྱི་སྐོར་སོགས་ཚན་ཤིན་ཏུ་རྒྱས་པར་ཡོད་པར་དེང་སང་ཆོས་བརྒྱུད་མ་ནུབ་པར་ཡོད་པར་སྣང་ངོ། ཡང་ཨཱ་རྩ)་ས་ལེ་དང་རྗེ་བཙུན་རས་ཆུང་པའི་རྣམ་པར་སྦྲུལ་པ་སྣང་གསལ་རིག་འཛིན་བཀྲ་ཤིས་རྒྱ་མཚོས་སློབ་དཔོན་ཆེན་པོ་པདྨ་སམ་བྷ་བ་དག་སྣང་གི་ཚུལ་དུ་མཇལ་ནས་གསན་པའི་ཚེ་དཔག་མེད་ཧྲཱི༔གཅིག་མ་ཞེས་སྙན་བརྒྱུད་བཀའ་རྒྱ་མའི་སྐོར་དང། རྐྱེན་དྲག་པོ་ཞིག་གི་ཐུགས་བསྐུལ་ནས་ཐུགས་བཀའ་རྒྱ་སྐོར་དང། རྐྱེན་དྲག་པོ་ཞིག་གི་ཐུགས་བསྐུལ་ནས་ཐུགས་སྐྱོ་བ་ལ་རྟེན་རྔ་ཡབ་པདྨ་འོད་ཀྱི་གཞན་ཡས་སུ་ཨོ་རྒྱན་(སྨད་ཆ།༡༧༡)ཆེན་པོ་དང་མཇལ་ཚུལ་དང། ཁྱབ་འཇུག་ཆེན་པོས་ཞལ་དངོས་དུ་བསྟན་ནས་ཕུལ་བའི་སྒྲུབ་ཐབས་སོགས་ཡོད་པར་སྣང་ངོ། འབྲི་གུང་བ་དཀོན་མཆོག་རརྣ་ལའང་དག་སྣང་སྐོར་པུ་ཏིར་ལོངས་པ་ཡོད་ལ་རྗེ་ཆོས་ཀྱི་གྲགས་པར་ཡང་སྒྲ་མི་སྙན་གྱི་ཚེ་སྒྲུབ་ཅུང་ཟད་གཤམ་དུ་འཆད་འགྱུར་ལས་ཤེས་སོ། ཁྲག་འཐུང་ཧེ་རུ་ཀ་པ་ནམ་མཁའ་འཇིགས་མེད་དམ། ལྷ་བཙུན་ཀུན་བཟང་རྣམ་རྒྱལ་ནི། གང་དུ་རྫོགས་ཆེན་སྐབས་ཅུང་ཟད་སྨོས་པ་ལྟར་ལྟོ་བརྒྱུད་བྱར་དུ་མེ་མོ་བྱ་ལོར་ལྷ་བཙད་པོའི་རིགས་སུ་འཁྲུངས། ལྗགས་དང། མཛོད་སྦུ་དང། ཤངས་ཀྱི་ཚེ་མོ་རྣམས་ལ་ཨ་དཀར་པོ་ཐིག་ལ་ཁང་པ་རེས་མཚན་པ་དང། ཕྱག་ཞབས་རྣམས་སུ་འཁོར་ལོའི་རི་མོ་གསལ་བས་མཚན་པ་ཡོད། སྐུ་ན་གཞོན་ནུ་ནས་ལྷ་བཙུན་མཛད་དེ། གསུང་སྙན་རི་ཁྲོད་དུ་སྦྲུལ་སྐུ་ཨོ་རྒྱན་དཔལ་འབྱོར་ལས་རབ་ཏུ་བྱུང། ཐང་འབྲོག་གྲཱ་ཚང་དུ་གསན་བསམ་མཛད། ཁྱད་པར་དུ་རྫོགས་ཆེན་བསོད་ནམས་དབང་པོ་ལས་རྫོགས་ཆེན་གསན་པས་རྟོགས་པའི་དགོངས་ཀློང་བརྡོལ། བོད་ཡུལ་གྱི་གནས་ཐམས་ཅད་དུ་རིག་པ་བརྟུལ་ཞུགས་ཀྱི་སྦྱོད་པས་ཉུལ་ཞིང་རྟོགས་པའི་བོགས་བཏོན། མགྲིན་པ་ལོངས་སྦྱོད་འཁོར་ལོའིརྩ་ཁ་གྲོལ་བས་གང་གསུང་ཐམས་ཅད་སྙན་ངག་ཤིན་ཏུ་ལེགས་པ་འབའ་ཞིག་ཤུགས་བྱུང་དུ་འབྱུང་ཏེ། ཁྱད་པར་གནས་ཆེན་ཙ་རིར་ཕེབས་དུས་གངས་ཞུར་བྱུང་ཏེ་རི་ཆེན་པོ་ཉིལ་བ་དང་དགས་པ་ཤེལ་རིའི་གཡོན་ངོས་ནས་བྲག་རིན་པོ་ཆད་ལ་ཁང་པ་སོགས་ལྟ་སྟངས་དང་སྡིགས་མཛུམ་མཛད་པ་(སྨད་ཆ།༡༧༢)ཙམ་གྱིས་རང་གནས་སུ་ཟློག་པའི་རྫུལ་འཕྲུལ་བསྟན། ཀོང་པོ་ཉང་ཁ་གཞུང་དུ་གྲཱ་ཆུར་བྱིངས་པའི་ཚེ་ནམ་མཁའི་ལམ་ལ་འདབ་ཆགས་ཀྱི་རྒྱལ་པོ་ལྟར་གཤེགས། དཔལ་གྱི་བསམ་ཡས་གླིང་བཞི་གླིང་ཕྲན་དང་བཅས་པ་ཐམས་ཅད་སྣང་སྲིད་ལྷ་འདྲེ་རྣམས་གྲོགས་སུ་བསྐུལ་ནས་ཞིག་གསོ་སུམ་བརྩན་གྱི་གནས་ལ་འགྲན་པ་མཛད། ཁྱད་པར་མཆོད་རྟེན་དམར་པོ་ཞིག་ལ་ཉེ་བ་ན་རླུང་བུམ་པ་ཅན་ཐུན་གཅིག་བཟུང་བས། མདའ་ལྟར་དུ་སྲོང་བར་མཛད་དེ་སྔོན་གྲུབ་ཆེན་པཀྵིའི་མཛད་པའི་དཔེར་བགྱིས། རབ་གནས་ཀྱི་ཉིན་དགའ་སྟོན་སོགས་ཅུང་ཟད་མ་གྲུབ་པའི་ཚེ་ཉི་མ་གཏོད་ལ་མནན་ཏེ་ཡུན་རིང་དུ་འསྲིང། རྒྱ་གར་གྱི་ཡུལ་དུ་མུ་སྟེགས་ཀྱི་རྒྱལ་པོ་དེའི་ཁྲིའི་ཁར་ཕེབས་པསརྒྱལ་བློན་ཐམས་ཅད་ཀྱི་མཚོན་ཆ་སྣ་ཚོགས་ཀྱི་ཉིན་གསུམ་པར་དུ་བརྡེག་པར་བྱས་ཀྱང་མཁའ་ཚུར་བསྣུན་པ་ལྟར་གྱུར་ཏེ་ཅི་ཡང་ནོངས་སར་མ་གྱུར་པས་གུས་པ་བཏུད་དེ་བསྙེན་བསྐུར་ཕུལ། ཕྱིན་ཆད་མུ་སྟེགས་པའི་ལུགས་མི་བྱེད་པར་ཁས་བླངས་ཏེ། རྒྱལ་བློན་འཁོར་བཅས་ལོག་པའི་ལམ་ལས་སྐྱོབས་ནས་ནང་པ་ལ་བཀོད། སླར་བོད་དུ་བྱོན་པའི་ལམ་དུ་རྒྱ་མོན་གྱི་ཚ་རིམ་མེ་ལྟར་འབར་བས་མི་རོ་ལུད་ལྟར་སྦུངས་ཀྱང་དཔོན་སློབ་ཐམས་ཅད་ལ་གནོད་པ་ཅུང་ཟད་ཀྱང་མ་བྱུང་བར་བོད་དུ་བདེ་བར་ཕེབས། ཤིང་ཕོ་སྦྲེལ་ལོར་སྦས་ཡུལ་རོག་མོ་སྟོང་གི་གནས་སྒོ་ཕྱེས་ཤིང་འགྲོ་བ་མང་པོ་ཡང་དག་པའི་ལམ་ལ་བཀོད། སླ་ཡང་ཤིང་མོ་བྱའི་ལོར་རིག་འཛིན་འཇའ་ཚོན་སྙིང་པོ་དང། ཀོང་པོ་རྒོད་ཚང་སྦྲུལ་སྐུ་མཁས་མཆོག་པདྨ་ལེགས་གྲུབ། བཅས་སྡེ་གྲུབ་ཆེན་བཀྲ་ཤིས་ཚེ་བསྟན་གསུམ་གྱིས་བསྐུལ་བ།(སྨད་ཆ།༡༧༣)བཞིན་བོད་ཡུལ་ལོ་བརྒྱ་བར་དུ་བདེ་ཐམས་ཅད་སུ་འབྲས་གཤོངས་ལྷ་རི་འདོལ་གསལ་སྙིང་པོའི་གནས་སྒོ་ཕྱེ་བར་ཕེབས་པའི་ཚེ་གཙང་སྟོད་ཁ་ཎ་ཌར་ཕེབས་དུས་གནས་དེའི་སྲུང་མ་རྣམས་ཀྱིས་དངོས་སུ་བསུ་པར་བྱུང་ཞིང། གནས་དེར་ཞབས་ཀྱིས་བཅགས་ཤིང་སྔོན་མེད་ངོ་མཚར་བའི་གནས་སྒོ་ཕྱེ་བ་དང། གཙུག་ལག་ཁང་དང་སྒྲུབ་སྡེ་སོགས་ལུང་བཞིན་བཏབ་པའི་ཚེ། བྲག་དཀར་བཀྲ་ཤིས་སྡིངས་སུ་རྨིན་ལམ་དང་མངོན་སུམ་འདྲེས་པ་ལྟར་བུར་རྒྱ་གར་ཁ་ཆེའི་ཆ་ལུགས་ཅན་གྱི་བུ་མོ་ཞིག་གིས་ཁྱོད་ལ་བླ་མ་རིག་འཛིན་གྱི་སྲོག་སྒྲུབས་ཌཱཀྐི་ཆོས་སྲུང་གི་སྙིང་ཐིག་ཅིག་དག་སྣང་གི་ཚུལ་དུ་འོང་ཞེས་ལུང་བསྟན་པ་བཞིན་དུ། མེ་མོ་ཕག་ལོར་ཌཱཀྐི་སྙིང་གི་ཕུག་པར་བཞུགས་དུས་སུ་ཐོ་རེངས་ཀྱི་ཆ་ཞིག་ལ་དག་སྣང་གི་ཚུལ་དུ་ཨ་ཏི་བླ་མེད་སྙིང་ཏིག་གི་གདམས་པ་ཐུན་མོང་མ་ཡིན་པ་རིག་འཛིན་སྲོག་སྒྲུབ་ཀྱི་སྐོར་རྣམས་བྱུང་སྟེ། ཇི་སྐད་དུ། ཁྱད་པར་བླ་མ་རིག་འཛིན་སྲོག་སྒྲུབ་ཀྱི་སྐོར་རྣམས་བྱུང་སྟེ། ཇི་སྐད་དུ་ཁྱད་པར་བླ་མ་རིག་འཛིན་སྲོག་སྒྲུས་སྐོར། མདོ་སྔགས་བྱེ་བའི་ཆུ་གཏེར་བསྲུབས་པའི་ཕུལ། མ་ལུས་རིག་འཛིན་སྲོག་གི་གདངས་མ་ཆེ། མཐོང་ཐོས་དྲས་རེག་འབྲེལ་ཚད་དོན་ལྡན་པའི། ཀུན་ལ་མ་གྲགས་ཀུན་དང་མཐུན་གྱུར་ཅིང། ཀུན་ལས་ཁྱད་འཕགས་ཀུན་གྱི་ཡང་སྙིང་ཡིན། ཞེས་གསུངས་པ་ལྟར་དང། ཡང་གནས་ཀྱི་ཡན་ལག་ལྔགས་མ་ལུས་ཞེས་པར་ཕེབས་པའི་དུས་སུ། རྗེ་བཙུན་བསོད་ནམས་དབང་པོ་སྟག་ལ་ཆིབས་པ་ཞིག་ཞལ་གཟིགས་ནས་རིག་པའི་རྩལ་དབང་བསྐུར་བ་ལ་བརྟེན་ནས་རྡོ་རྗེ་སྙིང་པོ་སྦྲིན་གྱི་ཐོལ་གླུའི་སྐོར་རྣམས་བྱུང་སྟེ། གཏེར་ཁ་ཀུན་གྱི་ཡང་ཏིག་དང། སྙན་བརྒྱུད་རྣམས་ཀྱི་གནད་འགག་འདུས། དག་སྣང་འདོ་གསལ་རྒྱལ་པོ་དེ། མཐོང་ཐོས་དྲན་རེག་གྲོལ་བྱེད་ཡིན། ཞེས་སོགས་དག་སྣང་(སྨད་ཆ།༡༧༤)ལུང་བསྟན་གྱི་སྐོར་བོད་ཡུལ་ལོ་བརྒྱའི་བར་དུ་བདེ་ཐབས་མང་པོ་ཡི་གེར་ཕོབ་སྟེ། བདེན་ནམ་སྣམ་ན་བོད་ཡུལ་ཐམས་ཅད་ཀྱི། བདེ་ཐབས་ལྷ་སྲིན་ཚོགས་པའི་ཕྲིན་ལས་གླུ་ཡིན། མི་བདེན་སྙམ་ན་གཏང་སྙོམ་ཡལ་དུ་ཆུག། ཁེ་གྱོང་ཕན་པ་བློ་བདེ་བདག་ལ་མེད། ཅེས་གསུངས་ཏེ། གཞན་ཡང་བཀའ་འབུམ་གསུང་འགུར་ཞལ་གདམས་སོགས་པུ་ཏི་ལྔ་དྲུག་ཙམ་བཞུགས་པ་ཡིན་འདུག་གོ། ཕྱི་དུས་འདིར་གདམས་སོགས་པུ་ཏི་ལྔ་དྲུག་ཙམ་བཞུགས་ཀྱི་སྦྱོད་པ་མཐར་ཕྱིན་པ་གྲུབ་ཆེན་འདི་ལས་ལྷག་པ་སུ་ཡང་མ་བྱོན་ཏེ། རྫོགས་ཆེན་པོ་འཆད་སྦེལ་གྱི་ཕྲིན་ལས་ཀྱང་གྲུབ་ཆེན་འདི་ཉིད་ཆེ་ཞེས་རིག་འཛིན་གཏེར་བདག་གླིང་པས་གསུངས་སོ། གནུབས་སངས་རྒྱས་ཡེ་ཤེས་དང་དྲན་པ་ནམ་མཁའ་སོགས་དམ་པ་དུ་མའི་སྦྲུལ་པའི་ཟློས་གར་རིག་འཛིན་ཆེན་པོ་ཕྲིན་ལས་ལྷུན་གྲུབ་ལ་ལྕགས་སྦྲུལ་ཧིར་ཟླ་ལྔ་པའི་ཉེར་ལྔའི་སྲོད་ཀྱི་ཆར་འོད་གསལ་གྱི་སྣང་ངོར་མཁའ་འགྲོ་མ་བདེ་ཆེན་རྒྱལ་མོས་བླང་དོར་གྱི་རིམ་པ་དང་ཚེ་འཕྲེང་གསལ་བར་སྟོན་པའི་ལུང་བསྟན་དང། ཕྱག་བྱ་ཆུབ་གླིང་དུ་ཆུ་ལུག་སྦྲིན་གྱི་ཉ་བའི་ཡར་ངོའི་ཚེས་བཅུའི་སྲོད་ལ་སློབ་དཔོན་ཆེན་པོར་གསོལ་འདེབས་གདུང་ཤུགས་དྲག་པོ་མཛད་པའི་ལུས་འོད་གསལ་དུ་སོང་བའི་ཚེ་སྔར་གྱི་མཁའ་འགྲོ་དེས་བས་རོའི་རྫས་ལ་རྟེན་བརྟེན་པའི་ལུས་སྣང་སྟོང་རྩའི་རང་ཞལ་སྟོན་པ་སོགས་ངོ་མཚར་བ་དང། ཡང་གནས་དེ་ཉིད་དུ་ཤིང་ཕོ་སྦྲེལ་ཟླའི་སྲོད་ལ་ཚོགས་ཀྱི་འཁོར་ལོ་རྒྱ་ཆེན་པོ་བཏང་བའི་ཐོ་རེངས་ཀྱི་ཆར་འོད་གསལ་ཉིད་འཕྲུལ་ལ་སྔར་གྱི་ཌཱཀི་དེས་སྣང་དྲངས་ཏེ་སྒྲུབ་གནས་བོན་ལུང་ཡིན་ཁུལ་ཞིག་ཏུ་སྣང་སྲིད་ཟིལ་གནོན་པདྨ་འབྱུང་གནས་དང་མཇལ་ནས་ཕྱག་མཚན་བུམ་པའི་ཁ་རྒྱན་གྱི་ནོར་བུས་བྱིན་གྱིས་བརླབས་པ་དང། མཚོ་ནང་དུ་(སྨད་ཆ།༡༧༦)ཤེལ་གྱི་མཆོད་རྟེན་སོགས་ངོ་མཚར་བའི་གཟིགས་སྣང་བྱུང་ཚུལ་སོགས་དག་སྣང་མང་དུ་ཡོད་པར་འདུག་སྟེ། རྗེ་འདིའི་ལོ་རྒྱུས་ཞིབ་པར་བཤམས་ནས་གདན་རབས་ཀྱི་སྐབས་སུ་འབྲི་བར་སྦྲོའོ། ཐམས་ཅད་མཁྱེན་པ་ངག་དབང་བློ་བཟང་རྒྱ་མཚོ་འཇིགས་མེད་གོ་ཆ་ཐུབ་བསྟན་ལང་ཚོའི་སྡེ་ནི་འཕགས་མཆོག་ཕྱག་ན་པདྨ་ཉིད་རང་རྟགས་ཀྱི་ཅོད་པན་བཞག་ནས་ངུར་སྨྲིག་གི་བླ་གོས་ཀྱིས་མཛེས་པ་སྡོམ་བཙོན་རྒྱལ་པོའི་ཚུལ་དུ་ཕེབས་པ་སྟེ། དེ་ཡང་འཇམ་དོལ་རྩ་རྒྱུད་ལས། སྟོན་པའི་གསུང་རབ་ས་སྟེང་དུ། དུས་མཐར་འཇིག་རྟེན་ཉམས་སོང་ན། སྡོམ་བཙོན་རྒྱལ་པོའི་ཚུལ་གྱིས་ནི། འབྱུང་བར་འགྱུར་བར་ཐེ་ཚོམ་མེད། དཔེར་ན་མ་ཁོལ་ཞེས་བྱ་དང། མེ་ཏོག་ཅེས་བྱ་རྣམ་པར་གྲགས། ཡི་གེ་མ་ཞེས་གཞོན་ནུ་ཞེས། དང་པོ་ཐ་མ་ཆོས་ལ་དགའ། ཡི་གེ་མ་ཞེས་གཞོན་ནུ་ཞེས། དང་པོ་ཐ་མ་ཆོས་ལ་དགའ། ཀླུས་བོས་ཞེས་བྱ་རྣམས་པར་གྲགས། ཞེས་སྡོམ་བཙོན་རྒྱལ་པོའི་ཚུལ་གྱིས་འབྱུང་བ་ལུང་བསྟན་པ་དང། ཁྱད་པར་དུ་བློན་པོ་བཀའི་ཐང་ཡིག་ལས། རྒྱལ་པོ་ཁྲི་སྲོང་ལྡེའུ་བཙན་ཉིད། སྐུ་གསུང་ཐུགས་ཡོན་ཕྲིན་ལས་ལྔ། འཕྲུལ་ལྔ་བསྒྱུར་བའི་སྟོབས་སུ་འགྱུར། འདྲ་མིན་ཞིག་དང་མ་ནོར་ན༔ གཟུགས་སྐུ་གཉིས་ཀྱིས་འགྲོ་དོན་མཛད། བྱང་མི་འདུལ་སྐྱོང་གནམ་སའི་བདག༔ ཟ་ཧོར་ཆས་ལས་འབེབས་པ་འབྱུང༔ ཞེས་དང། ཀརྨ་པ་མི་བསྐྱོད་རྡོ་རྗེ་ཀྱང། སྔགས་འཆང་པདྨ་སམྦྷ་བའི། སྦྲུལ་པ་རྒོད་ཐུལ་གྱོན་པ་ཞིག། འཕྱོངས་རྒྱས་སྲོང་བཙན་བང་སོར་འོངས། ཞེས་གསུངས་ཏེ་སྦྲུལ་གཞི་ཆོས་ཀྱི་རྒྱལ་པོ་ཁྲི་སྲོང་ལྡེའུ་བཙན་ཉིད་གང་འདུལ་གྱི་མོས་ངོར་སྦྲུལ་ པའི་རྣམ་རོལ་རིམ་པ་ལྔར་བསྟན་པ། དེ་ཡང་གདུལ་བྱ་ཐ་དད་པའི་ངོར་སྦྲུལ་(སྨད་ཆ།༡༧༦)དེ་ཡང་ལྔ་ཕྲག་གཉིས་སུ་རེ་རེ་བཞིན་སྟོན་པ་མཛད་པ་ལས་ཐུན་མོང་དང་ཐུན་མོང་མ་ཡིན་པ་གཉིས་ཀྱི་དང་པོ་ནི། བཀའ་གདམས་གླེགས་བམ་ལས། ཆགས་བྲལ་ངུར་སྨྲིག་འཛིན་པ་བདུན་འབྱུང་བར་ལུང་བསྟན་པའི། པཎ་ཆེན་དགེ་འདུན་གྲུབ་པ། དགེ་འདུན་རྒྱ་མཚོ། བསོད་ནམས་རྒྱ་མཚོ་རྒྱལ་བ་ཡོནལ་ཏན་རྒྱ་མཚོ་དང་བཞི་བྱོན་པའི་ལྔ་བ་ཡིན་ལ། ཐུན་མོང་མ་ཡིན་པར་ལྟར་ན། སྐུའི་སྦྲུལ་པ་མངའ་རིས་པཎ་ཆེན་པདྨ་གི་སྦྲུལ་པ་གུ་རུ་ཆོས་དབང། ཐུགས་ཀྱི་སྦྲུལ་པ་མངའ་རིས་པཎ་ཆེན་པདྨ་དབང་རྒྱལ་ཡེ་ཤེས་རོལ་པ་རྩལ། ཡོན་ཏན་གྱི་སྦྲུལ་པ་བྱག་བདག་དབང་པོའི་སྡེ། ཕྲིན་ལས་ཀྱི་སྦྲུལ་པ་ཀུན་མཁྱེན་ཆོས་ཀྱི་རྒྱལ་པོ་འདི་ནིད་དེ་འཕྲུལ་ལྔ་བསྒྱུར་ཞེས་པའི་དོན་ཏེ་གང་ལ་གང་འཚམས་ཀྱིས་དེ་ལ་དེར་སྟོན་ཅིང། གཅིག་གོ་གིས་མི་འགོག་པར་ཐ་དད་དུ་འགྲོ་དོན་མཛད་པ་ཡིན་ལ། བྱང་ཕྱོགས་ཧོར་གྱི་ཁམས་ཀྱི་མི་རྣམས་གདུག་རྩུབ་ཆེ་བས་བོད་ཁམས་དམག་གིས་ཡང་ཡང་འཇོམས་ཤིང་ཁྱད་པར་འདི་སྐབས་དམག་དཔུང་ཤིན་ཏུ་ཚེ་བས་བོད་ཡུལ་ཐམས་ཅད་འཇོམས་པར་ཉེ་བ་ན། རྒྱལ་བ་ཐམས་ཅད་མཁྱེན་པ་འདིའི་སྐུ་མཐོང་བ་དང་མཚན་ཐོས་པ་ཙམ་གྱིས་མཐའ་མི་དེ་དག་གི་གདུག་སེམས་ཞིག་ནས་སྐུའི་ཆབ་འོག་ཏུ་འདུ་བར་བསྡུ་དངོས་པའི་བཞིའི་སྐོར་བ་མཛད་ནས་བོད་རྣམས་མཐའ་དམག་གི་འཇིགས་པ་དང་མཐའ་མི་རྣམས་ངན་གྲོའི་འཇིགས་པ་ལས་སྐྱོབས་པ་དང། བོད་འཆོལ་ཁ་གསུམ་ལ་དབང་བསྒྱུར་བས་གནམ་སའི་བདག། ཅེས་དང་ཟ་ཧོར་ཆབ་ལས་འབེབས་པར་འགྱུར་གསུངས་པ་བཞིན་དུ་སྦྲུལ་པའི་སྐུ་ལུང་དང་མཐུན་པར། འཕྱོངས་རྒྱས་སྟག་ཙེའི་ཟ་ཧོར་གྱི་རྒྱལ་བརྒྱུད་ལས་ཡབ་མི་དབང་བདུད་འདུལ་རབ་བརྟན་(སྨད་ཆ།༡༧༧)དང། ལྷ་འདྲེ་བཀའ་ཐང་ལས། ལང་ཐོང་མེ་ཏོག་དཀུ་འདྲའི་བུ་མ་ལ༔ བྱང་མི་འདུལ་སྐྱོང་གནམ་སའི་བདག་པོ་འཁྲུངས༔ ཞེས་པ་ལྟར་ཡུམ་ས་སྐྱ་དཔོན་ཆེན་ཨང་ལེན་གྱི་བརྒྱུད་ལས་ཡར་འབྲོག་ཁྲིད་ལྕམ་ཀུན་དགའ་ལྷ་མཛེས་གཉིས་ཀྱི་སྲས་སུ་རབ་བྱུང་བཅུ་པའི་མེ་མོ་སྦྲུལ་གྱི་ལོར་ངོ་མཚར་བའི་ལྟས་དུ་མ་དང་བཅས་གངས་ཅན་སྐྱེ་དགུའི་བསོད་ནམས་ཀྱི་དཔལ་དུ་མཚན་དཔེའི་དཀྱིལ་འཁོར་མངོན་པར་གསལ་བར་གྱུར་ཏོ། དེ་སྐབས་རིག་འཛིན་ངག་གི་དབང་པོས་ཚེ་གུར་ཉེན་སེལ་གྱི་དབང་བཀའ་ཐོག་མ་ཕུལ་བས་གསང་ཆེན་རྙིང་མར་རྟེན་འབྲེལ་འགྲིག། དེ་ཡང་སྐུ་ཆུང་ངུའི་དུས་ནས་དམ་པའི་རིགས་ཀྱི་དུས་ཀྱང་མ་ནོངས་པར་སྐུ་ཞང་ཁྲི་དཔོན་འཆེད་ཀྱིས་སྐྱོངས་ཏེ་སྣ་དཀར་རྩེར་བཞུགས། དེ་སྐབས་པཎ་ཆེན་ཟློ་བཟང་ཆོས་ཀྱི་རྒྱལ་མཚན་དང། དགའ་ལྡན་ཁྲི་རིན་པོ་ཆེ་འཇམ་དབྱངས་དཀོན་མཆོག་ཆོས་འཕེལ་གཉིས་ཀྱིས་རྒྱལ་བ་ཡོན་ཏན་རྒྱ་མཚོ་འི་སྐུ་སྐྱེར་ངོས་འཛིན་མཛད་ནས། ཕྱོགས་ཐམས་ཅད་ལས་རྣམ་པར་རྒྱལ་བའི་ཆོས་སྡེ་ཆེན་པོ་དཔལ་ལྡན་འབྲས་བཟང་རྒྱ་མཚོར་གསོལ་ནས་རྒྱལ་བ་གོང་མའི་ཆོས་ཀྱིས་མངོན་པར་མཐོ་བའི་ཁྲིལ་ཞབས་ཀྱི་པདྨ་བཀོད་དེ་ཁམས་གསུམ་པའི་འགྲོ་བ་ལྷ་དང་བཅས་པའི་འདྲེན་པར་མངའ་གསོལ་བར་མཛད། དེ་ནས་ཁྲི་རིན་པོ་ཆེ་འཇམ་དབྱངས་དཀོན་མཆོག་ཆོས་འཕེལ་གྱི་དྲུང་དུ་མདོ་སྔགས་ཀྱི་གསན་སྦྱོང་མཐར་ཕྱིན་པར་མཛད་ནས་གཞུང་ལུགས་རབ་འབྱམས་སྨྲ་བའི་མཚན་གྱི་ཅོད་པན་དཔྱད། སླར་ཡང་གསང་སྔགས་གསར་རྙིང་གི་ཆོས་ཚུལ་རྒྱ་(སྨད་ཆ།༡༧༨)མཚོ་ལྟ་བུའི་དབང་ལུང་མན་ངག་ཐམས་ཅད་མ་གསན་པ་མེད་པ་ལྟ་བུ་མཛད་དེ་གསན་པོད་ཆེན་བཞིར་ལོངས་པ་ཡོད། ཡོངས་འཛིན་གྱི་གཙོ་བོ་པཎ་ཆེན་བློ་བཟང་ཆོས་ཀྱི་རྒྱལ་མཚན་ནས་ཐུགས་རྫོགས་གསན་ཡང། ཕྱིས་ཚོད་སྡོམ་རྒྱུན་གྱི་ཁྱད་ནས་རྗེ་ཞ་ལུ་པར་པཎ་ཆེན་ཤཱཀྱ་ཤཱིའི་སྡོམ་རྒྱུན་བཞེས་པར་གནང། གཞནདགེ་ལུགས་སྐོར་གྱི་དབང་ཆོས་མང་པོ་དང། དགའ་ལྡན་ཁྲི་རིན་པོ་ཆེ། ཞ་ལུ་རིན་ཆནེ་བསོད་ནམས་མཆོག་གྲུབ། ཁྱབ་བདག་བཀའ་འགྱུར་བ་མགོན་པོ་བསོད་ནསམ་མཆོག་ལྡན་རྡོ་རྗེ་འཆང་ཕ་ཝང་ཁ་པས། སྨན་ལུང་བློ་མཆོག་རིག་པའི་རྡོ་རྗེ། ཟུར་ཆེན་འཁོར་ལོའི་མགོན་པ་ཆོས་དབྱིངས་རང་གྲོལ། རིག་འཛིན་གཏར་བདག་གླིང་པ་སོགས་ཡོངས་འཛིན་དུ་མ་བསྟེན་ཏེ་ཐམས་ཅད་བརྗོད་པར་མ་ནུས། རིག་གནས་ཀྱ་སྐོར་རྣམས་སྨོན་འགྲོ་ནས་དང། ཟླུམ་པོ་དོན་དབང། སྨན་ལུང་པ་སོགས་ལ་བརྡའ་སྦྲོད་ཡན་ལག་དང་བཅས་པ། སྙན་ངག་སྡེབ་སྦྱོར། མིང་གི་མངོན་བརྗོད། རྩིས་དཀར་ནག་དབྱངས་གསུམ། གསོ་དཔྱད་ཀྱི་སྐོར་རྣམས་འཇམ་དབྱངས་དཀོན་མཆོག་ཆོས་འཕེལ་ལས་གསན་ཏེ་མདོར་ན་གྲགས་པ་དོན་ལྡན་གྱི་ཐམས་ཅད་མཁྱེན་པ་ཉིད་དོ། གསུང་རྩོམ་གྱི་རིགས་ཀྱང་ཡང་གསང་རྒྱ་ཅན་ལ་གཞན་མཛད་ཕྲིན་ལས་གྱི་རིགས་ཐམས་ཅད་ནི་འདིར་བརྗོད་པར་ནུས་པ་མ་ཡིན་ལ། ཁྱད་པར་དུ་མཆོག་གི་མཛད་པ་སྨད་དུ་བྱུང་བ་དུ་མས་བོད་ཁམས་བདེ་ཉི་བརྡལ་བའི་ཚུལ་ཡང། རརྣ་གླིང་པའི་བསྟན་པ་སྦྱི་ལུང་ལས། དེ་ནས་སྔོན་གྱི་ཐུགས་བསྐྱེད་རྒྱལ་པོ་ནི༔ ཐུགས་རྗེ་ཆེན་པོའི་སྦྲུལ་བ་(སྨད་ཆ།༡༧༩)དབུས་ནས་འབྱུང། བློ་གྲོས་སྟོབས་ལྡན་བཟང་པོའི་འོད་ཟེར་ཅན་སྣ་ཚོགས་ཐབས་ཀྱིས་འགྲོ་བའི་ཁ་ལོ་བརྒྱུར༔ ཆོས་ཀྱི་རྒྱལ་པོ་དཔུང་དང་བཅས་པ་འབྱུང། འབྲི་ཡི་རཱ་ཅོ་ཕག་གི་མཇུག་མ་ཅན༔ གུང་གི་ཚང་འཆའ་ས་ཡི་ཟས་ཟ་ཞིང༔ མིག་བཞི་གྱེན་ཐུར་དག་ལ་ལྟ་བར་བྱེད། ལྕེ་གཉིས་བདེན་རྫུན་གཉིས་ཀྱི་ཤན་འབྱེད་པ༔ དབུས་གཙང་ཐམས་ཅད་སྐུ་ཡི་ཆབ་འོག་འདུས། རྫུ་འཕྲུལ་མཐུ་ལྡན་བསྟན་པའི་བདག་པོ་འབྱུང། ལྷ་ས་དམར་པོ་རི་དག་ཆུ་བོ་རི། ཧས་རི་དང་དབུས་རེ་དེ་གསུམ་ལ༔ ཕོ་བྲང་བྱས་ནས་དབུས་གཡོར་འཐའ་གསུམ་སྡུད། གཙང་གི་ངམ་རུ་རི་དང་རི་བོ་ཆེ༔ ལ་སྟོད་རྡོ་རྗེའི་རིང་དང་དེ་གསུམ་ལ། ཕོ་བྲང་བྱས་ནས་གཙང་གི་རུ་གཉིས་དང༔ མངའ་རིས་བལ་པོའི་བར་རྣམས་དབང་དུ་སྡུད༔ དབུས་གཙང་རྣམས་སུ་ཆོས་གྲ་བཅུ་གསུམ་འཆའ༔ གཞན་གྱི་རྫོང་རྣམས་རྩིག་རྨང་ཙམ་ཡང་མེད༔ ལ་འཇམ་ལུང་འཇམ་ཐམས་ཅད་གསེར་ཁུར་ལམ། ནོར་ཡོད་གཉེར་འཆི་མི་དགོས་གང་ཡོད་ཕན༔ མེད་རྣམས་བཙལ་འགྲོ་མི་དགོས་ཀུན་ཀྱང་སྐྱིད། དབུ་ཟླུམ་མདོ་ཡི་བསྟན་པ་དར་ཞིང་རྒྱས། ལྕང་ལོ་སྔགས་པའི་བསྟན་པས་གྲུབ་ཐོབ་ཁེངས༔ ཞེས་དང། དེ་དང་ཚིག་ཟུར་ཕྲན་བུ་མ་གཏོགས་ཕྱོགས་མཆུངས་པ་པདྨ་གླིང་པ་དང་རྡོ་རྗེ་གླིང་པའི་གཏེར་ལུང་ལས་ཀྱང་བྱུང་ཞིང། ཡང་རྡོ་རྗེ་གླིང་པའི་ལྟ་བ་ཀློང་ཡངས་ལས། དེ་ནས་ཡང་ནི་བོད་ཡུལ་དབུས། སེང་སྡེང་དམ་པོའི་རི་བོ་ལ༔ རྒྱལ་ཁྲིམས་གླུང་བ་རིགས་ལྡན་འབྱུང༔ ཞེས་དང། རིག་འཛིན་བདུད་འདུལ་རྡོ་རྗེའི་གཏེར་ལུང་ལས། ཆོས་(སྨད་ཆ།༡༨༠)རྒྱལ་ཚངས་པ་ལྷ་ཡི་མེ་ཏོག་ཁྱོད། ཟ་ཧོར་གདུང་མཐའ་འཛམ་གླིང་རྒྱན་གཅིག་པོ། འགྲོ་འདྲེན་རྒྱལ་བ་བཟང་པོའི་མཚན་འཛིན་པ། སྐུ་རྒྱབ་སྨེ་བ་རྒྱ་མདུད་དབྱིབས་འདྲ་ཡོད༔ ཐུགས་ཁར་སྨེ་བ་ནོར་བུའི་དབྱིབས་འདྲས་མཚན༔ ཞལ་ལ་མེ་ཏོག་པདྨ་འདབ་བརྒྱར་བཀྲ། ལྡེ་འོག་རྩ་འཁོར་ཡི་གེ་ཨ་ཡིས་མཚན། གཞན་ཡང་རྨད་བྱུང་མཚན་རྟགས་མང་དུ་ཡོད༔ བྱང་སེམས་སྙིང་སྟོབས་ཅན་ལ་ཆོས་འདི་སྦྲོ། ཞེས་འབྱུང་ཞིང་གཞན་ཡང་གཏེར་ཁ་དུ་མ་ནས་ལུང་བསྟན་པ་ཡོད་ཀྱང་ཡི་གེ་མང་གི་དོགས་ནས་མ་བྲིས། གོང་གི་ལུང་བསྟན་ཇི་བཞིན་པའི་ཚུལ་ཡང་ཐུགས་རྗེ་ཆེན་པོ་སྦྲུལ་པ་དབུས་ནས་འབྱུང༔ ཞེས་པ་རྒྱལ་བ་ན་རིམ་ཐམས་ཅད་ཐུགས་རྗེ་ཆེན་པོའི་སྦྲུལ་པ་ཡིན་བཞིན་ལ་བློ་གྲོས་སྟོབས་ལྡན་ཞེས་སོགས་ཀྱིས་བློ་བཟང་ཞེས་པའི་མཚན་སྨྲ་ཡང་གསལ་བར་བསྟན་པ་དང། ཆོས་ཀྱི་རྒྱལ་པོ་དཔུང་དང་བཅས་ཞེས་པས་ཆོས་སྲིད་གཉིས་ཆར་ལ་དབང་བསྒྱུར་བའི་དོན་དང། འབྲི་ཡི་རཱ་ཅོ་ཕག་གི་མཇུག་མ་ཅན་ཞེས་པའི་དོན་ཡང་འབྲི་གུང་བསྒྱུར་རའི་གདུང་བརྒྱུར་ལུས་ཀྱི་ཆ་ཤས་རཱ་ཅོ་ཙམ་མ་གཏོགས་གྱེན་དུ་ཟད་དེ་རྫོགས་པ་དང། ཕག་མོ་གྲུ་སྟེ་སྣེ་གདོང་བའི་མངའ་ཐང་ཀྱང་ཐུར་དུ་ཟད་ད་མཇུག་མ་ཙམ་ལུས་པ་དང། སྐྱིད་ཤོང་ཚལ་པ་ཁྲི་སྐོར་གྱི་འོག་ཡིན་པས་དེ་མཇུག་མ་ཙམ་ལུས་པ་དང། སྔར་ས་སྐྱ་པས་བདག་གིར་མཛད་པའི་བོད་ཀྲི་སྐོར་བཅུ་གསུམ་སོགས་ཡངས་པའི་ས་ཆེན་པོ་ལ་དབང་བསྒྱུར་བས་བའི་ཟས་དང་དབུས་གཙང་རྣམས་སུ་ཆོས་གྲཱ་རྙིང་པ་ཞིག་གསོ་སོན་ལུས་སོགས་མ་ཡིན་པར་གསར་པ་བཅུ་གསུམ་བརྩིགས་པ་དང། སྟོད་མངའ་རིས་ནས་བལ་པོའི་ཡུལ་ཚུན་འགྲོ་བ་རྣམས་དབང་(སྨད་ཆ།༡༨༡)དུ་བསྡུ་བ་དང། དབུ་ཟླུམ་མདོ་ཡི་སྡེ་དགེ་འདུན་གྱི་སྡེ་རྣམས་དར་ཞིག་རྒྱས་པ་དང། ལྕང་པོ་སྔགས་ཀྱི་སྡེ་སྟེ་གསང་ཆེན་རྙིང་མའི་ལས་ནས་གྲུབ་བརྙེས་མང་དུ་འབྱུང་ཚུལ་དང། མིག་བཞི་གྱེན་ཐུར་ནི་ཆོས་སྲིད་གཉིས་ཆར་ལ་གཟིགས་པ་ཡངས་པའི་དོན་ཏེ། ཚིག་གཞན་རྣམས་གོ་སླ་བར་ལུང་བསྟན་དང་རྗེས་སུ་མཐུན་པར་མཛད་པ་རྣམས་ཤིན་ཏུ་གསལ་བར་བསྟན་ཏེ། དེ་ཡང་གུ་ཤྲི་བསྟན་འཛིན་ཆོས་ཀྱི་རྒྱལ་པའི་ཁམས་ཐམས་ཅད་ལས་ཤུགས་བཙན་པོའི་སྟོབས་ཀྱི་དཔུང་པས་མངའ་ཐོག་ཕྱག་ཏུ་ཕུལ་ཞིང། སླར་ཡང་གནམ་བསྐོས་གོང་མ་ཆེན་པོས་ཏང་ཀུན་གསེར་གྱི་རྒྱལ་ཁབ་ཏུ་གདན་དྲངས་ནས་ཞབས་ཀྱི་པདྨ་ལ་དབུའི་ཅོད་པན་གྱི་རྩེ་མོས་བཏུད་དེ་བོད་ཡུལ་ཐམས་ཅད་ཤེས་སུ་བཅུག་པའི་འཇའ་ས་གསེར་ཡིག་ཤེལ་ཐམ་དང་བཅས་ཕུལ་བ་ལ་བརྟེན་ནས། གང་གིས་མཛད་པའི་མཆོག་ཐུན་མོང་མ་ཡིན་པ་རྒྱལ་ཁྲིམས་ཆོས་ཁྲིམས་ཟུང་འབྲེལ་དཀར་འཇམ་ཡུག་གཅིག་ཏུ་མངའ་རིས་བོད་ཀྱི་རྒྱལ་ཁམས་བདེ་པར་སྐྱོང་བས་བདེ་སྐྱིད་ལྷའི་ཡུལ་དང་མཚུངས་པར་བྱུང་བ་དེ་བཞིན་དང། གཞན་ཡང་རྒྱལ་པོ་སུས་ཀྱང་དབང་དུ་མ་བརྒྱུར་པའི་བྱང་ཕྱོགས་མགོ་དཀར་གྱི་ཡུལ་གྲུ་ཆེན་པོ་གྲོང་ཁྱེར་ཕྱེད་ཉིས་སྟོང། མི་ཁྲིམ་ས་ཡ་གཉིས་བཅས་དགའ་ལྡན་བསྟན་འཛིན་བོ་ཤོག་ཐུང་ཁང་གིས་དབང་དུ་བསྡུས་ནས་རྗེ་འདིར་ཕུལ་བ་དང། ཁྱད་པར་དུ་རྒྱལ་པོ་མཆོད་ཡོན་གྱིས་དཀར་རྙིང་གི་མཚོན་པའི་གྲུབ་མཐའ་རིས་མེད་ཐམས་ཅད་དགེ་ལུགས་ཤ་སྟག་ཏུ་བསྒྱུར་བའི་ཐུགས་ཐག་ཆོད་ཚར་ཡང། རྗེ་འདིའི་ཟློག་ཏུ་མེད་པའི་བཀའ་ནན་གྱིས་བཅིངས་ཏེ། གྲུབ་མཐའ་རང་རང་གི་ལུགས་བཞིན་(སྨད་ཆ།༡༨༢)སྐྱོང་ཚོག་པ་འདི་ཁོ་ནའི་བཀའ་དྲིན་ཀྱང་གཞལ་བྱར་མ་གྱུར་ལ་ཁྱད་པར་གསང་ཆེན་རྙིང་མའི་བསྟན་པ་མར་མེའི་འོད་ཙམ་ཞིག་གནས་པ་འདི་ནི་སྐྱབས་མགོན་དམ་པ་འདིའི་བཀའ་དྲིན་ཆེན་པོས་རྗེས་སུ་སྐྱོང་བར་མཛད་པ་ལས་བྱུང་བའི་ཕྱིར་རྗེ་བཙུན་དམ་པ་འདི་ནི་གསང་ཆེན་རྙིང་མའི་བསྟན་པའི་ཙ་ལག་གཅིག་པུ་བར་གྱུར་པ་ཡིན་ནོ། དེ་ཡང་གླེགས་བམ་རིན་པོ་ཆེ་ཕ་ཆོས་ཀྱི་ལུང་བསྟན་དུ། དེའི་དུས་ཀྱི་དྲག་ལས་ལ་དགྱེས་པའི་རྒྱུ་དེས་སླར་རྩོད་པ་མང་བ་དང་ཕན་ཚུན་གྱི་ཟེར་སྒྲོས་མང། འོན་ཀྱང་རང་ཕམ་པར་མི་ནུས། ཞེས་སྐུ་རུས་ཇི་དང་དགུ་སྙིང་མེ་མོ་སྦྲུལ་ཡིན་པ་སོགས་ཀྱང་གསལ་བར་བསྟན་ཅིང། སྔགས་རྙིང་མའི་ཕྲིན་ལས་རབ་འབྱམས་ཀྱིས་བསྟན་འགྲོའི་ཕན་བདེ་བསྒྲུབ་པར་གནང་བ་ལ། བློ་ཆུ་འགའ་ཞིག་གིས་ཡ་ག་འབུམ་བ་སོགས་ཀྱང་བསྟན་ཏེ། གཞན་ཡང་གླེགས་བམ་རིན་པོ་ཆེར། ང་ཕན་བདེའི་འབྱུང་གནས་རིན་ཆེན་ལ། སེམས་རྟོག་པ་ཆེ་ཞེས་སྨོད་པར་བྱེད། ཅེས་སེམས་ཀྱི་ལྟའམ་རྟོགས་པ་གཞན་ལས་ཆེ་བ་གསང་སྔགས་སྔ་འགྱུར་རྫོགས་ཆེན་སོགས་ཉམས་བཞིས་གནང་བ་ལ་སྨོད་པའམ་འཕྱ་བར་བྱེད་ཅེས་ཏེ། ལུང་བསྟན་འདི་དག་མཛད་པ་དང་མཐུན་པར་ངེས་ཤེས་འདྲངས་པར་འདུག་པས་ཅུང་ཟད་བསྡུས་ཏེ་བྲིས་པ་ཡིན་ལ། གོང་གི་དབུས་བཙང་རྣམས་སུ་ཆོས་གྲ་བཅུ་གསུམ་འཆའ༔ ཞེས་པ་(སྨད་ཆ།༡༨༣)དབུས་གཙང་རང་དུ་ཆོས་སྡེ་བཅུ་གསུམ་དང། རྣམས་ཀྱི་སྨྲས་ཁམས་ཀོང་དང་བཅས་པར་བཅུ་གསུམ་ཕྲག་གསུམ་དུའང་བཟུང་སྟེ་འཐེན་ཕྱོགས་གཉིས་ལས། དབུས་གཙང་དུ་མཚན་ཉིད་རྒྱུའི་བཤད་གྲ་ཆེན་པོ་བརྒྱད་དང། གསང་བ་སྔགས་ཀྱི་རྣལ་འབྱོར་ལ་གཞོལ་བའི་སྒྲུབ་གྲལ་ལྔ་དང་བཅུ་གསུམ་ལས། གསང་སྔགས་བྱང་ཆུབ་གླིང། ཕུང་པོ་རིར་བདུད་དཔུང་ཟིལ་གནོན་གླིང། མཁར་ཆུ་བདུད་འཛོམ་གླིང་གསུམ་གྱི་གསང་ཆེན་རྙིང་མ་བཀའ་བརྒྱད་ཚེ་བདག། ཕུར་བ་སོགས་གཙོར་འདོན་པའི་སྒྲུབ་ཕྲིན་ཕྱག་བཞེས་ཐམས་ཅད་ཀུན་མཁྱེན་དེ་ཉིད་ཀྱི་ཕྱག་བཞེས་མ་ཉམས་པར་ད་ལྟའང་ཡོད་ལ། དེ་དག་ཆོས་སྡེ་གསར་འཇུགས་ཁོ་ན་ལས་གྲུབ་མཐའ་བསྒྱུར་པ་དག་རྙིང་མའི་ས་བོན་ལུས་གསོས་པ་ལྟ་བུ་མིན་པར་སྣང་སྟེ་གཞན་མི་ཁྱབ་པ་ཡོད་པར་སྣང་བས་ཐམས་ཅད་བརྗོད་པར་མི་ནུས་མོད། གཞན་ཡང་རྗེ་ཉིད་ཀྱིས་གདུལ་བྱ་ཐུན་མོང་བ་དག་གི་ངོར་སྐུ་མཚམས་བཅད་རྒྱ་གནང་ཚུལ་དང་ཐུགས་དམ་ཟབ་བཞེས་དཀའ་སྦྱད་ཐུགས་རུས་སོགས་གཞན་འགྲན་མེད་པ་གནང་ཚུལ་དང། གདུལ་བྱ་མཆོག་དམན་སོ་སོའི་བློ་དང་འཚམས་པའི་ཆོས་ཀྱི་འཁོར་ལོ་བར་མེད་དུ་བསྐོར་ཏེ་བསྙེན་རྫོགས་དགེ་སློང་ཁྲི་ཕྲག་གཉིས་དང་རབ་མས་གདུལ་བྱ་མང་པོ་ཐར་ལམ་དུ་དཀྲི་བའི་མཛད་པ་རྨད་དུ་བྱུང་བ་དང། དབང་པོ་རྣོན་པོ་ལམ་འདིར་འཇུག་རུང་དག་ལ་ངེས་དོན་རྫོགས་པ་ཆེན་པོའི་ཁྲི་བཏབ་པས་དྲུག་བརྒྱ་པ་བློ་བཟང་དཀོན་མཆོག་སོགས་ཟག་བཅས་འདོ་སྐུར་དེངས་པའང་བྱུང་སྣང་ཞིང། གཞན་ཡང་གཙུག་ལག་(སྨད་ཆ།༡༨༤)ཁང་དང་རྟེན་གསུམ་བཞེངས་ཚུལ་དགེ་འདུན་འདྲ་སྒོ་དང་ཡོན་སྦྱོར་མཛད་ཚུལ། ཕྲིན་ལས་རྣམས་བཞིའི་བསྟན་འགྲོའི་ཕན་བདེ་སྦེལ་ཚུལ་སོགས་མཛད་པ་མཐའ་དག་པ་ནི་བསམ་བརྗོད་པར་ནུས་པ་མ་ཡིན་ནོ། དེ་ལྟ་བུའི་མཛད་པ་མཐར་ཕྱིན་ནསགདུལབྱ་མ་དག་པ་དག་གི་སྣང་ངོར་རེ་ཞིག་གཟུགས་སྐུའི་བཀོད་པ་ཆོས་ཀྱི་དབྱིངས་སུ་བསྡུ་བའི་ཚུལ་བསྟན་པར་གྱུ་ཏེ། འདི་སྐབས་སྡེ་སྲིད་ཆེན་མོས་དགོངས་རྫོགས་ཀྱི་རིམ་པ་དང་མཆོད་སྡོང་འཛམ་གླིང་རྒྱན་གཅིག ་ཅེས་གསརཏར་ཞུན་ཁོ་ནས་བཞེངས་པ་བོད་ཡུལ་ཙམ་ན་འགྲན་ཟླ་དང་བྲལ་བ་དང། ལོ་བཅུ་གཉིས་སུ་གསང་རྒྱ་མཐར་ཕྱིན་པ་སོགས་མཛད་དོ། དེ་ཡང་ཐམས་ཅད་གཟིགས་པ་ཆེན་པོ་འདི་ནི་ཕྱི་ལྟར་ན་སྡོམ་བཙོན་རྒྱལ་པོའི་ཚུལ་འཛིན། ནང་ལྟར་ན་ས་ལ་སྦྱོད་པའི་བྱང་ཆེན། གསང་བ་ལྟར་ན་རྡོ་རྗེ་འཆང་དང་དགོངས་པ་མཉམ་པའི་སྔགས་ཀྱི་རྡོ་རྗེ་འཛིན་པ་ཆེན་པོ། ཡང་གསང་བླ་ན་མེད་པར་རྒྱལ་བ་ཐམས་ཅད་དང་རྣམ་པར་དབྱེད་མ་མཆིས་པས་སྣང་སྲིད་ཐམས་ཅད་དག་པ་རབ་འབྱམས་ཀྱི་གཟིགས་མོར་ཉམས་སུ་བསྟར་པས་རྩ་གསུམ་རྒྱལ་བ་མཚོའི་ཚོགས་དང་མི་དང་མི་ལབ་པ་ལྟ་བུས་དམ་པའི་ཆོས་གྱི་བགྲོ་བ་རྒྱུན་མི་ཆད་པ་གནང་བ་ལས་ཟབ་དང་རྒྱ་ཆེ་བའི་ཆོས་ཚུལ་རྒྱ་མཚོ་ལྟ་བུ་དག་ཐུགས་གསང་བསམ་མི་ཁྱབ་པའི་དབྱིངས་སུ་བཞུགས་པ་དག་ལས་སྐལ་བ་དང་ལྡན་པ་རྣམས་ལ་རིམ་པར་སྦེལ་བར་གནང་བའི་ཟབ་མོ་དམ་སྣང་རྒྱ་ཅན་དུ་གྲགས་པའི་ཆོས་སྡེ་རྣམས་ཇི་ལྟར་བྱང་ཆུབ་སེམས་དཔའ་ཆོས་འཕགས་ཀྱིས་ཤེས་རབ་ཀྱི་ཕ་རོལ་དུ་ཕྱིན་པ་ལ་རྒྱ་རིམ་པ་བདུན་གྱིས་བཏབ་པར་མཛད་པ་(སྨད་ཆ།༡༨༥)བཞིན་འདིར་ཡང་ཟབ་མོའི་ཆོས་ཚན་རེ་རེ་བཞིན་སྐལ་མེད་ལ་འཚོལ་བར་མི་སྟོན་ཕྱིར། བཀའ་རྟགས་ཀྱི་ཕྱག་རྒྱས་བཏབ་པའི་ཆོས་སྡེ་ཉི་ཤུ་རྩ་ལྔ་བཞུགས་པ་འདི་དག་དོན་གྱི་སློབ་དཔོན་རིན་པོ་ཆེའི་ཐུགས་གཏེར་གྱི་ཆོས་སྡེ་ཡིན་ཏེ། རིག་འཛིན་ཆེན་པོ་དབང་པོའི་སྡེའི་གཏེར་ལུང་ལས། ལན་ཅིག་ལྔ་བརྒྱ་ཐ་མར་གྱུར་པའི་ཚེ༔ འགྲོ་བའི་སྡུག་བསྔལ་སྐྱོབ་བྱེད་ཐུགས་རྗེའི་གཏེར༔ བརྒྱ་དང་ཙ་བརྒྱད་བྱེ་བ་སར་སྦས་ཀྱང། ཉི་ཤུ་རྩ་ལྔ་ཁྱད་པར་ཐུགས་གཏེར་ལྔ༔ དེ་ལྟ་མགོ་ནག་སྦྱི་ཡི་རྒྱལ་པོ་ཁྱེད༔ སྨོན་ལམ་དག་པའི་སྐྱེ་བ་རྣམ་ལྔས་འདོན༔ ཞེས་གསུངས་ཀྱང་རྟེན་འབྲེལ་གྱི་བབ་ཅིག་གིས་གཏེར་དངོས་བཞེས་མ་གྲུབ་པས་རྩ་གསུམ་རྒྱལ་བ་རྒྱ་མཚོས་ཚོགས་ཀྱིས་དངོས་སུ་ཕུལ་བ་ཡིིན་པར་སྣང་ངོ། ཆོས་ཚན་རེ་རེ་ནས་དག་སྣང་བྱུང་ཚུལ་འདིར་བརྗོད་པར་མ་ནུས་ཏེ་ཀུན་མཁྱེན་ཉིད་ཀྱི་གསང་བའི་རྣམ་ཐར་སོགས་ལ་ཤེས་པར་སྣང་ངོ། ཆོས་ཚན་རེ་རེ་ནས་དག་སྣང་བྱུང་ཚུལ་འདིར་བརྗོད་པར་མ་ནུས་ཏེ་ཀུན་མཁྱེན་ཉིད་ཀྱི་གསང་བའི་རྣམ་ཐར་སོགས་ལ་ཤེས་པར་བྱའོ། གཞན་ཡང་རྗེ་འདིས་རང་ཉིད་གསར་རྙིང་གི་རིང་ལུགས་ཐམས་ཅད་སྦྱངས་ཤིང་ཀུན་ལ་མཁས་པར་མཁྱེན་པ་བཞིན་བླ་མ་ཆེན་གཞག་དག་ལའང་ཟུར་གྱིས་འདོམས་པར་མཛད་དེ། བླ་ཆེན་བཟང་རྫུ་མཁས་པའི་ཏལ་སྨྲ་ལ། ཡིད་བརྟན་མི་ཚེ་སྟོང་ཟད་མཚོར་མཚོངས་ན། མི་ལུས་དུང་འགྲོའི་འདུ་ཤེས་རང་མཚང་ལ། མི་ཁྲེལ་སུ་ཞིག་ཟ་ཧོར་རིགས་སྔགས་འཆང། ཞེས་དང། གཞང་ཡང། སྔ་འགྱུར་རིགས་དང་སྐྱེ་བས་བསྙེམས་རྣམས་ཀྱིས། བསྟན་པའི་དག་ཐེར་མཛད་པ་རིགས་མེད་ཀྱང། སྡུས་ཁུག་བྷྱོ་ཕཊ་མཆིས་འབྲང་ཆས་དང་ཆང། སྒྲ་ཚད་གསར་ཆོས་ངུར་སྨྲིག་ཟོལ་གྱིས་གཡེངས། ཞེས་རྙིང་མ་པར་རློམ་པའི་སྔགས་བརྒྱུད་རྣམས་ནི། ཆས་ཆང་དང་བུ་སྨད་གསོ་བས་(སྨད་ཆ།༡༨༦)གཡེངས་ཤིང། རིགས་རུས་གོ་ས་མཐོན་པོར་རློམ་པའི་བླ་མ་སྦྲུལ་སྐུའི་རིགས་རྣམས་ཀྱང། སྒྲ་ཚད་སོགས་ལ་ཐུགས་སྦྲོ་གནང་ཞིང་འགའ་ཞིག་གིས་གསར་ཆོས་འབྲེལ་མེད་དག་ལ་ཐུགས་འདུན་ཆེ་ཆེ་མོ་བྱེད་ཅིང། རང་ཆོས་རྙིང་མ་བཀའ་གཏེར་གྱི་མན་ངག་ཟབ་ཁྱད་ཅན་ཐུན་མིང་མ་ཡིན་པ་དང་སྨིན་གྲོལ་ཟབ་མོའི་ཕྱག་བཞེས་ཕྲ་རགས་རྣམས་ལ་གསན་སྦྱོང་ཐུགས་མཉེར་མི་མཛད་པ་དག་ལ་ཐུགས་མ་རངས་པའི་བསྟིང་ཚིག་གནང་བའང་ཤིན་ཏུ་ཐུགས་མད་པར་སྣང་ངོ། དེ་ལྟར་ཀུན་མཁྱེན་འདི་ནི་ཐམས་ཅད་མཁྱེན་པའི་གདན་ཁྲིར་དགེ་ལུགས་ཀྱི་གོ་སརེ་བཞུགས་པ་ཙམ་ལས། དོན་དུ་གསང་ཆེན་རྙིང་མའི་རིག་པ་འཛིན་པ་འགྲན་ཟླ་དང་བྲལ་བར་བཞུགས་པ་ཡིན་ཏེ། རྗེ་འདིས་གསང་ཆེན་རྙིང་མའི་བཀའ་སྲོལ་བཀའ་གཏརེར་གྱི་དབང་ཁྲིད་ལུང་གསུམ། སྒྲུབ་ཕྲིན། འཆད་སྦེལ། ཕྲིན་ལས་རྣམ་པ་བཞིའི་ཕྱག་ལེན་ཕྲ་རགས་གསུང་རྒྱུན་ཞལ་ཤེས་ཐམས་ཅད་ལ་སྦྱངས་བརྡར་དོགས་གཙོད་མཛད་རིགས་ལ་ལྟོས་ན། རྙིང་མ་བར་རློམ་པའི་བླ་ཆེན་དག་གིས་ཀྱང་དེ་ལྟ་འི་ཚ་ཤས་ཙམ་ལའང་འགྲན་དུ་མེད་པས་ཚུལ་དུ་དག་ལ་ངེས་པ་ཐོབ་པའི་ཕྱིར་དུ་ཅུང་ཟད་བརྗོད་པ་ཡིན་ནོ། གནམ་ཆོས་ཐུགས་ཀྱི་གཏེར་ཁར་གྲགས་པ་ནི་སྦྲུལ་པའི་སྐུ་རིན་པོ་ཆེ་རིག་འཛིན་མི་འགྱུར་རྡོ་རྗེའི་དག་སྣང་ལས་བྱུང་བའི་ཆོས་སྡེ་ཡིན་ཏེ། དེ་ཡང་སྦྲུལ་པའི་སྐུ་འདི་ནི་རརྣ་གླིང་པའི་གཏེར་ལུང་ལས། རྡོ་རྗེ་མིང་འཛིན་དོམ་གྱི་ཕྱོགས་ནས་འབྱུང༔ ཞེས་དང། གུ་རུ་ཡེ་ཤེས་ཁྱུང་གྲགས་ཀྱི་གཏེར་ལུང་ལ། ད་ལྟའི་ཤུད་པུ་དཔལ་སེང་ཁྱོད། ཟབ་ཆོས་སྙིང་པོ་བསྡུས་པའི་ཆོས་འདི་སྦྱོད། དེ་ནས་སྐྱེ་བ་འགའ་ཞིག་ཉང་ཆོས་དབང།(སྨད་ཆ།༡༨༧)མཐའ་དམག་དབུས་ཕྱུར་དྲག་སྦྱོད་དུས། མོད་ཁམས་ན་བུས་རྫོངས་ཉེ་ས་ཡི་ཆར། རྡོ་རྗེའི་མཚན་འཛིན་ཟབ་གཏེར་ཁ་བྱང་འཛིན། ཞེས་སོགས་གཏེར་ལུང་མང་པོ་ལས་ཤིན་ཏུ་གསལ་བར་ལུང་བསྟན་ཅིང། པདྨ་བཀའ་ཐང་རྒྱས་པ་ཞིག་ལས་མདོ་ཁམས་ཟལ་མོ་སྒང་གི་ཆ་ལས་བར་ཁམས་གདན་ས་ཆེན་པོ་དཔལ་རི་བོ་ཆེ་དང། ཆབ་མདོ་གཉིས་ཀྱི་སྡེ་འཚམས་དོམ་ཞེས་བྱ་བའི་ཡུལ་དུ་དོམ་པ་སོམ་ར་སྡང་སྙེ་ཆོས་རྒྱལ་གྱི་གདུང་བརྒྱུད་དུ་འཁྲུངས། དེ་ཡང་འཁྲུལ་ཞིག་དབང་དྲག་རྒྱ་མཚོའི་ཁ་རང་གི་སྐྱེ་བར་སྦྲུལ་པའི་གཏེར་སྟོན་གསུམ་འབྱུང་བར་ལུང་བསྟན་པ་དག་ཁོ་བོ་ནི་རི་ཆབ་གཉིས་ཀྱི་མཚམས་སུ་སྐྱེ་ཞེས་སོགས་ཤིན་ཏུ་གསལ་བར་ཡང་ཡང་གསུངས་པ་བཞིན་ལས། འཁྲུངས་པ་དངོས་ཞང་ཡུལ་ཏེ་ཆམ་ལ་ཁ་ཞེས་པར་སྐུ་བལྟམས་པ་ཡིན་འདུག། སྒྲུབ་པ་བྱས་ཚུལ་སོགས་ཤིན་ཏུ་གསལ་བར་གསུངས་ཀྱང། དེ་དུས་ཡུལ་དེ་ཕྱོགས་ན་ཀ་ཐོག་ཕྱོགས་དང་ཁྱད་པར་འཁྲུལ་ཞིག་དེ་ཉིད་ཀྱི་རྒྱས་ཡོད་པ་སུ་ཡང་མེད་པས་བླ་མ་ཞིག་གི་སྐུ་སྐྱེ་ཡིན་པ་འདྲ་ཟེར་བ་ཙམ་ལས་གཞན་མ་ཤེས། ཨོ་རྒྱན་རིན་པོ་ཆེ་ལ་གསོལ་བ་འདེབས་ཞེས་སོགས་གསུངས་ཏེ་གསང་སྔགས་རྙིང་མའི་བག་ཆགས་སད་པའིརྟགས་ཤིན་ཏུ་གསལ། དེ་སྐབས་ཆམས་མེད་རིན་པོ་ཆེ་ཆེས་སྦྱན་ལམ་དང་བསྟུན་སྦྲུལ་བའི་སྐུ་དགུང་ལོ་ལྔ་བཞེས་པའི་དུས་སུ་ཆགས་མེད་རིན་པོ་ཆེའི་དྲུང་དུ་སྦྱན་དྲངས་ཏེ་བཞུགས་ནས་གསན་སྦྱངས་མཛད། འོན་ཀྱང་(སྨད་ཆ།༡༨༨)ཞང་མེས་རྔོན་པ་གྲིབ་ཅན་གྱི་གྲིབ་ཀྱིས་གོས་པས་སྔོན་གྱི་བག་ཆགས་སོགས་མི་གསལ་བར་སོང་ཡང། ཆགས་མེད་རིན་པོ་ཆེའི་ཁྲུས་སོགས་མཛད་པས་གྲིབ་སངས་ནས་སྔོན་གྱི་བག་ཆགས་ཐམས་ཅད་གསལ་བར་དྲན་ཅིང། འོད་དཔག་མེད་དང་ཨོ་རྒྱན་རིན་པོ་ཆེ་དངོས་སུ་གཟིགས། དེ་ནས་བཟུང་སྟེ་རྩ་བ་གསུམ་གྱི་ལྷག་པའི་ལྷ་རབ་འབྱམས་ཐམས་ཅད་རྒྱུན་དུ་གཟིགས་པའི་དག་སྣང་ཕྱོགས་མེད་དུ་ཤར། སྔོན་གྱི་སྐྱེ་ན་ཉིས་བརྒྱ་ཐལ་ལེར་དྲན། མེ་ལོང་གཡའ་དག་པ་ལ་ཇི་སྙེད་པའི་གཟུགས་བརྙན་སྒྲིབ་མེད་དུ་ཤར་བ་བཞིན་གཞན་སེམས་ཀྱི་རྣལ་རྟོག་བཟང་ངན་གང་འགྲུ་ཐམས་ཅད་ཆགས་ཐོགས་ཅུང་ཟད་ཙམ་ཡང་མེད་པར་སྒྲིབ་མེད་དུ་གཟིགས་པས། ཉེ་བར་གནས་པ་དག་གི་སེམས་རྟོག་ངན་པ་འགྱུ་བར་མ་ཕོད། སྐུ་རྩེད་ཀྱི་རྣམ་པ་ཡིན་འདུག་ཅེས་ཆགས་མེད་རིན་པོ་ཆེས་གསུངས། དེ་ནས་དགུང་ལོ་བཅུ་གཅིག་བཞེས་པ་ནས་དག་སྣང་རྒྱུན་མི་འཆད་པར་བྱུང་བའི་བླ་མ་ཡི་དམ་མཁའ་འགྲོ་རྣམས་ཀྱི་སྒྲུབ་སྐོར་སྔར་མ་གྲགས་པ་ངོ་མཚར་ཅན་མང་པོ་དང། ཕྱག་རྫོགས་རྩ་རླུང་སོགས་ཀྱི་ཁྲིད་བྱིན་རླབས་ཀྱི་ཚན་ཁ་གཞན་གྱིས་འགྲན་དུ་མེད་པའི་ཟབ་ཁྱད་མངོན་སུམ་ལག་ཐོག་ཏུ་བཀའ་ནུས་པ་དང། ལས་མཐའི་རིགས་སྨན་དཔྱད་ཟ་ཡིག་སྲུང་འཁོར་སོགས་ཀྱང་གཞན་ལས་ནུས་པ་བརྒྱད་འགྱུར་དུ་ཆེ་བའི་ཡ་མཚན་ཅན་དང་མ་འོངས་འབྱུང་འགྱུར་གྱི་ལུང་བསྟན་སོགས་གཞན་ལས་གསལ་བ་མང་དུ་བྱུང་སྟེ། ཁྱོན་དྲིལ་པོད་ཆུང་བཅུ་གཅིག་ཙམ་བཞུགས་པར་གནམ་ཆོས་ཐུགས་ཀྱི་གཏེར་ཁ་ཞེས་མཚན་དུ་གསོལ། དེ་ཐམས་ཅད་ཡི་གེར་འབེབས་པའི་བསྐུལ་མ་དང་འབེབས་པའི་(སྨད་ཆ།༡༨༩)མཐུན་རྐྱེན་ཕྱག་བྲིས་མཛད་རིགས་ཚུན་ཡོངས་འཛིན་རིན་པོ་ཆེ་ཀརྨ་ཆགས་མེད་ཀྱིས་གནང་ཞིང། ཕྱིས་སུ་ཆོས་བཀའ་སོ་སོར་ཉེ་མཁོའི་ཚོག་བསྒྲིགས་སོགས་ཀྱང་ཅི་དགོས་མཛད་པར་སྣང། དེ་སྐབས་གྲུབ་དབང་རིན་པོ་ཆེ་པདྨ་རིག་འཛིན་སྦོ་བེར་གཏེར་སྟོན་བདུད་འདུལ་རྡོ་རྗེ་མཇལ་དུ་བྱོན་པས་ཆོས་བདག་ཏུ་ངོས་འཛིན་གནང། གསུང་འཕྲོས་ལས་ད་ཚོད་དོམ་གྱི་ཡུལ་དུ་མི་འགྱུར་རྡོ་རྗེ་བྱོན་རན་པ་ཡིན་གསུངས་པ་ལ་དེ་བཞིན་ཡོད་ཚུལ་ཞུས་པར་ཐུགས་དགྱེས་པར་མཛད། དེ་ནས་པདྨ་རིག་འཛིན་རིན་པོ་ཆེ་ཀརྨ་ཆགས་མེད་དང། རྫོགས་ཆེན་གྲུབ་དབང་རིན་པོ་ཆེ་པདྨ་རིག་འཛིན། བླ་མ་ཕྲིན་ལས་གསུམ་ལ་བཀའ་རྒྱ་གྲོལ་ནས་བཀྲ་ཤིས་པའི་དུས་ཚོད་དགེ་བར་ཐུགས་རྗེ་ཆེན་པོའི་དབང་བསྐུར་ཆོས་བཀའ་རྣམས་རིམ་པར་སྦེལ་བའི་དབུ་འཛུགས་པར་གནང་བས་ལེགས་ཚོགས་ཕུན་སུམ་ཚོགས་པར་རྟེན་འབྲེལ་འགྲིགས་ཤིང། དེ་སྐབས་ཡེ་ཤེས་འཇིག་རྟེན་གྱི་སྲུང་མ་དྲེགས་པ་ཅན་མང་པོས་ཀྱང་དབང་ཞུ་ཞིང་རང་རང་གི་སྲོག་གི་སྙིང་པོ་ཕུལ་ནས་བསྟན་པ་སྲུང་བར་ཁས་བླངས་པའི་གཟིགས་སྣང་ཁྱད་པར་ཅན་གྱུང་ཞིང། སྲོག་སྙིང་སྔར་མ་གྲགས་པའི་ངོ་མཚར་བ་མང་དུ་སྣང་བ་སྦྲུལ་སྐུ་རིན་པོ་ཆེ་ཉིད་ཀྱི་ཐུགས་ཡུལ་དུ་བཞུགས་པ་ལས་ཡི་གེར་འབེབས་པ་སོགས་མཛད་མི་འདུག་ཅེས་ཆགས་མེད་རིན་པོ་ཆེས་གསུངས། དེའི་དུས་རྣམས་སུ་བཟའ་བཅའ་དང་ཀ་ཆ་སོགས་དཀོན་པ་རེ་བྱུང་བ་ཐག་རྟེན་འབྲེལ་ཅུང་ཟད་རེ་མཛད་པས་ཕྱི་ནང་དངོས་པོ་གང་ཡིན་དེ་ཕོངས་མེད་དུ་བའང་ལན་མང་(སྨད་ཆ།༡༩༠)པོ་མཛད། དེ་སྐབས་ཟླ་བར་སྒྲ་གཅན་འཇུག་པའི་རི་མོ་ཤར་ཏེ་རྩིས་པ་སོ་སོས་སྒོ་ཡིག་སོགས་བྱ་བ་ན། ཡོངས་འཛིན་ཆགས་མེད་རིན་པོ་ཆེ་ཟླ་བ་ལ་སྒྲ་གྱིས་སྔོན་ས་སྐྱའི་རྗེ་བཙུན་གྲགས་པ་རྒྱལ་མཚན་རང་ཚེར་ལུང་དྲུང་པ་སོགས་ཀྱིས་རླུང་བཟུང་ནས་ཁམས་དཀར་པོ་དབུ་མར་འཇུག་ཏུ་མ་བཅུག་པས་ཟླ་འཛིན་བ་བྱུང་བའི་ལོ་རྒྱས་ཞུས་པས། འོ་ན་ཁོ་བོས་ཀྱང་དེ་བཞིན་ཨེ་ཐུབ་ལྟའི་ཞེས་གསུངས་ནས་རླུང་འབྱོར་ཐུགས་དམིགས་མཛད་པས་ཟླ་འཛིན་མ་བྱུང་སྟེ་རྩིས་པ་རྣམས་ཁ་སྐྱེངས་པར་གྱུར་ཏོ། དེ་སྐབས་ཆགས་མེད་རིན་པོ་ཆེ་པདྨ་རིག་འཛིན་ནས་གསན་པའི་བདུད་འདུལ་ཆོས་སྐོར་རྣམས་ཀྱི་དབང་ལུང་ཅུང་ཕུལ་ནས་པདྨ་འོད་འབར་དང་རིག་འཛིན་སྲོག་སྒྲུབ་ཧྲཱི་ཟུང་འཇུག་གི་སྒྲུབ་པ་དང། སྦྲུལ་པའི་སྐུ་ཉིད་ཀྱི་རང་གཏེར་འགའ་ཞིག་གི་བསྙེན་སྒྲུབ་མི་འདྲ་བ་མང་པོ་ལ་ཐུགས་སྩོལ་གང་ཆེ་གནང། དེ་ནས་སྡེ་དགེ་གྲུབ་ཐོག་ཀྱིས་འཁྲུལ་ཞིག་དེའི་སྦྲུལ་སྐུ་ཙད་གཅོད་ཀྱི་གསུངས་ཤོག་སོགས་ལ་བརྟེན་ཆབ་མདོ་ནས་སྡེའི་གྲ་སར་བཞུགས་དགོས་པའི་བཀའ་ནན་ཆེས་ཆེ་བ་སྟབས་མི་བདེ་བ་དུ་མ་བྱུང་ནས་ཞང་ཡུལ་དུ་ཕེབས་ནས་བཞུགས། འབུམ་རྫོང་གནས་དང། སྦྱི་གཡམ་བྲག། ན་བུན་རྫོང་སོགས་གནས་ཆེན་དགུ་ཙམ་གྱི་གཏེར་སྒོ་འབྱེད་རྒྱུའི་གནས་ཡིག་སོགས་བཀོད་ནས་གནས་སྒོ་མང་པོ་གསར་ཕྱེས་མཛད། ཁྲོམ་ཚོགས་སྟོང་ཕྲག་གསུམ་ལྷག་ལ་དབང་ཆོས་དམ་རྫས་སོགས་ཀྱི་འབྲེལ་ཚད་དོན་ལྡན་གྱི་མཛད་པ་བསྐྱངས། དེ་སྐབས་རིག་འཛིན་བདུད་འདུལ་རྡོ་རྗེ་ཁྱུང་པོ་གླ་བརྐེར་ཕེབས་པས་ཆགས་མེད་རིན་པོ་ཆེའི་གཏེར་སྟོན་རྣམ་གཉིས་ཞལ་འཛོམ་ཞིག་མ་བྱུང་ན་གཏེར་(སྨད་ཆ།༡༩༡)སྟོན་ཕན་ཚུན་བར་དུ་སྙན་ཕྲ་སྣ་ཚོགས་ཀྱིས་མཐར་སེམས་ཅན་དུ་གྱུར་ན་མི་རུང་བར་དགོངས་ནས་རིག་འཛིན་བདུད་འདུལ་རྡོ་རྗེའི་དྲུང་དུ་བྱོན་པས། རིག་འཛིན་ཆེན་པོ་ཐུགས་དགྱེས་ནས་མི་འགྱུར་རྡོ་རྗེ་དང་ངེད་ཀྱི་མ་མཇལ་ཐབས་མེད་ཡིན་ཚུལ་གསུངས་པ་ལ་བརྟེན་ནས་གནས་ཆེན་སྦོམ་ནེའི་གནས་སུ་གཏེར་སྟོན་རྣམ་གཉིས་ཞལ་འཛོམ་གནང་བའི་མཐུན་སྦྱོར་མཛད་ཚེ་རིག་འཛིན་བདུད་འདུལ་རྡོ་རྗེས་ཀྱང་བཞུགས་སྒར་ནས་བསུ་བ་སེར་སྦྲེང་ཁྲི་གདན་བཀུར་བཟོས་སོགས་བསྙེན་བཀུར་གང་ཆེ་དང་དར་ཕྱག་ཙེ་སྦྲོད་མཛད། ཕན་ཚུན་དབང་ཆོས་གསན་རེས་དང་ཆོས་ཀྱི་བགྲོ་བ་རྨང་དུ་བྱུང་བ་དུ་མ་གནང་བས་ཐུགས་ཡིད་གཅིག་འདྲེས་སུ་གྱུར་ཏེ། ཆགས་མེད་རིན་པོ་ཆེས་ཀྱང་གཏེར་སྟོན་ཕན་ཚུན་མཇལ་འཛོམ་སེལ་མེད་དུ་བསྒྲུབས་པས་ཁོ་བོས་ལུས་ཐོག་སྟོན་འདིར་ཨོ་རྒྱན་གྱི་བསྟན་པ་ལ་བྱ་བ་བྱས་པ་ཆེ་ཤོས་ཡིན་ཞེས་ཀྱང་གསུངས་ཏེ། ཅིའི་ཕྱིར་ཞེ་ན་སྔོན་གཏེར་སྟོན་ཚད་ལྡན་ཡིན་ཡང་གྲ་སློབ་རྣམས་ཀྱི་དབྱེན་དང་ཁ་ལྕེས་དཀྲུགས་ནས་སེལ་ཅན་དུ་གྱུར་ཏེ་ལུང་བསྟན་ངན་པ་རྣམས་ཀྱང་གཏེར་སློབ་རྣམས་བཙུད་པ་ཡིན་ཏེ་གཏེར་གཞུང་ལ་མེད་ཅེས་གཏེར་སྟོན་གཉིས་ཀའི་ཞལ་སློབ་འབྲི་གུང་རིན་ཆེན་ཕུན་ཚོགས་ཀྱི་གསུང་ལས་འབྱུང་ངོ་ཞེས་པའི་གསུང་འཕྲོས་གནང། དེ་ནས་སྦྲུལ་པའི་སྐུ་རིན་པོ་ཆེ་ལོ་གསུམ་ཕྱོགས་གསུམ་གྱི་བཅད་རྒྱ་མཛད་པས་སྒྲུབ་ཁང་ལ་འཇའ་ཟུག་པ་སོགས་ངོ་མཚརབ་བསམ་གྱིས་མི་ཁྱབ་པ་ཀུན་གྱི་དབང་པོས་སྦྱོད་ཡུལ་དུ་གྱུར་པ་སྣ་ཚོགས་བྱུང་བས་མཐོང་ཐོས་ཐམས་ཅད་ཀྱིས་ཡ་མཚན་(སྨད་ཆ།༡༩༢)དུ་འཛིན་པ་བྱུང། དེ་སྐབས་གནམ་གཏེར་ཕལ་ཆེར་ཡི་གེར་ཕོབ་གྲུབ་ཅིང། སྐལ་བ་དང་ལྡན་པ་རྣམས་ལ་དབང་ལུང་ཉམས་ཁྲིད་སོགས་གང་ལ་གང་འོས་ཀྱིས་བཀའ་དྲིན་བསྐྱངས། སློབ་མའི་གཙོ་བོ་ཀུན་བཟང་ཤེས་རབ་ཀྱང་འདི་དུས་ཙམ་ལ་ཞབས་ཕྱིར་འབྱོར་བ་ཡིན་འདུག། དེ་ནས་དགུང་ལོ་བཅུ་དགུ་བཞེས་པའི་དུས་སུ་སྨར་ཁམས་ཕྱོགས་ནས་གདན་འདྲེན་བྱེད་པ་འགའ་ཞིག་ཀྱང་བྱུང་བ་དང། གཅོ་བོར་དག་སྣང་ལུང་བསྟན་སོགས་ལ་བརྟེན་ནས་གནས་སྒོ་འབྱེད་རྒྱུ་ཡང་མང་དུ་ཡོད་པ་དང་བཅས་རིམ་གྱིས་བཞུགས་སྒར་བཏེག་ནས། སེ་ཡུ་གཡང་འབེབས་སོགས་གནས་སྒོ་འགའ་ཞིག་གི་གསལ་ཆ་མཛད་ནས། ཐོག་མར་དབོན་སྟོད་བརྒྱུད་ནས་སྡེ་དགེ་ཕེབས། དཔལ་ལྡན་དངུལ་མདའ་ལྷུན་གྲུབ་སྟེང་གི་རྒྱལ་ཁབ་ཆེན་པོར་ཆོས་ཀྱི་རྒྱལ་པོ་སའི་ཚངས་པ་སྡེ་དགེ་བླ་མ་ཁུ་དབོན་རྣམས་ཀྱིས་བསྙེན་བཀུར་བསམ་མི་ཁྱབ་པས་མཆོད་ཅིང་དབུ་ཡི་མཆོད་གནས་སུ་བསྐུར། དེ་ནས་ལྕགས་ནས་རིམ་གྱིས་གསང་ཆེན་རྙིང་མའི་གདན་ས་ཆེན་པོ་དཔལ་གྱི་ཀ༔ཐོག་གི་གདན་སར་ཞབས་པད་བཀོད་པར་གནང་བ་ནས་ཕྱོགས་དེར་གཉུག་མར་གནས་པ་དུ་མ་དང། གློ་བུར་དུ་ལྷག་པའི་མི་བླ་དཔོན་མང་པོ་དང་གཙོ་བོར་ཀ༔ཐོག་རང་གི་གདན་སར་བཞུགས་པའི་བླ་མ་ཆོས་སྡེ་ཐམས་ཅད་ཀྱིས་དད་གུས་ཚད་མེད་པས་བསུ་བ་སེར་སྦྲེང་སོགས་བསྙེན་བཀུར་གཞན་འགྲན་མེད་པ་དུ་མས་མཆོད་ཅིང་བཀའ་ཆོས་ཀྱི་བདུད་རྩི་བཞེས། དེ་ནས་རིམ་གྱི་སྒ་རྗེ་བ་དང་དེ་ཕྱོགས་རྣམས་ཀྱིས་ཀྱང་དད་གུས་བློ་ལས་འདས་པས་བཏུད་ཅིང་རྨུག་སངས་གནས་ནང་དུ་ཕེབས་པས་ཉིད་ཀྱི་ཞལ་སློབ་བླ་མ་ཀུན་བཟང་ཤེས་རབ་(སྨད་ཆ།༡༩༣)སོགས་དེ་ཕྱོགས་རྣམས་ཀྱིས་སྙེན་བཀུར་བསམ་གྱིས་མི་ཁྱབ་པས་མཆོད་སྨར་ཁམས་ཕྱོགས་དང་འབྲི་བརྒྱུད་ས་ངན་སོགས་ཀྱང་ཞབས་ཀྱིས་བཅགས་ནས་མཐོང་ཐོས་དྲན་རེག་ཐམས་ཅད་འབྲེལ་ཚད་དོན་ལྡན་གྱི་ས་ལ་བཀོད། ཀ༔ཐོག་རྨུག་སངས་རྣམས་སུ་བཀའ་ཆོས་སྦྱི་དང་ཁྱད་པར་རང་གཏེར་གནམ་ཆེས་ཟབ་མོའི་དབང་ལུང་ཉམས་ཁྲིད་དང་བཅས་པ་སྨིན་རྒྱས་སུ་འདུས་པ་སྟོང་ཕྲག་གཉིས་ཙམ་ལ་ལན་གཉིས་སུ་ལེགས་པརསྩལ་བའི་བཀའ་དྲིན་བླ་མ་མེད་པ་མཛད། དེ་སྐབས་དཔལ་ཡུལ་དགོན་སྡེ་དགེའི་གསར་འདེབས་ཀྱི་འདྲེན་པར་ཀུན་བཟང་ཤེས་རབ་གདན་འདྲེན་བྱུང་བར་དེར་བྱོན་ན་བསྟན་པ་གོང་འཕེལ་དུ་འབྱུང་བའི་ལུང་བསྟན་བགྱིས་པ་ཕྱིས་ཐོག་ཏུའང་ཁེལ། གཞན་ཡང་སྦྲུལ་པའི་སྐུ་རིན་པོ་ཆེ་འདིར་སྐུ་ཡོན་སོགས་ཀྱང་སློབ་སྦྱོང་ལ་མ་ལྟོས་པར་སྐྱེས་ཐབས་ཀྱི་རྣམ་དཔྱད་ཕུལ་དུ་བྱུང་བས་སྙན་ངག་གི་བརྩམས་པ་ཆེ་ཕྲ་ཅུང་ཟད་མཛད་པ་རྣམས་ཀྱང་ཚིག་དོན་ཕུན་སུམ་ཚོགས་པ་ཤ་སྟག་ཤུགས་བྱུང་ཁོ་ནས་གནང་བ་སོགས་སྐུ་གསུང་ཐུགས་ཀྱི་མཛད་པ་མཐའ་དག་ནི་བརྗོད་པའི་ཡུལ་ལས་འདས་སོ། དེ་ལྟ་བུའི་ཕྲིན་ལས་ཀྱི་བསྟན་པ་དང་སེམས་ཅན་གྱི་དོན་རྒྱ་ཆེན་པོ་མཛད་ནས། རི་ཞིག་གདུལ་བར་བྱ་བའང་དེ་ཙམ་དུ་དགོངས་ནས་དགུང་ལོ་བཅུ་བདུན་པ་ལ་རྨུག་སགས་ནས་པདྨ་འོད་ཀྱི་ཞིང་དུ་གཤེགས་སོ། དེ་མ་ཐག་སྡེ་དགེ་ཆོས་ཀྱི་རྒྱལ་པོ་ཁུ་དབོན་རྣམས་ཀྱིས་གསེར་གདུང་ཐོག་ཚད་མ་ཞིག་བཞེངས་ཤིང། གནམ་ཆོས་ཟབ་མོ་འདི་ནི་རྒྱལ་ཁམས་ཐམས་ཅད་དུ་རྒྱ་ཆེར་འཕེལ་ཞིང་རྒྱས་པར་གྱུར་དེ་བསྟན་པ་རིན་པོ་ཆེ་མཐའ་རྒྱས་སུ་བྱུང་བ་ཡིན་བོ། རྗེ་འདི་ལ་སྦྲུལ་(སྨད་ཆ།༡༩༤)པའི་སྐུ་ཉི་ཤུ་རྩ་ལྔ་འབྱུང་བར་གསུངས་པའི་ཡ་གྱལ་གཅིག་ནི། ངོར་ཀླུ་ལྡིང་མཁན་ཆེན་རིན་མི་འགྱུར་རྒྱལ་མཚན་ཡིན་ཏེ། མཁན་ཆེན་དེ་ཉིད་ཀྱི་སྐྱེ་བརྒྱུད་དང་རྣམ་ཐར་ལ་དཔྱད་པས་ཤེས་སོ། ཡང་མཁན་ཆེན་ད་སྟག་ཤམ་པའི་སྐྱེ་བ་ཡིན་ཟེར་བ་ནི་ཅུང་ཟད་ནོར་རོ། ཡོངས་འཛིན་རིན་པོ་ཆེ་ཀརྨ་ཆགས་མེད་ནི། སྔོན་ཆོས་རྒྱལ་གྱི་གདུང་བརྒྱུད་འོད་སྲུང་གི་བརྒྱུད་ཁྲི་བཀྲ་ཤིས་བརྩེགས་ཀྱི་སྲས་གཉིས་ཁམས་སུ་བྱོན་པའི་གཅིག་བཅོང་ཁའི་རྒྱལ་པ་དང་གཅིག་དམས་པ་ལྡོང་སྟེ། ལྡོང་མཁའ་སྦྱོང་པའི་དབོན་རྒྱུས་ལས་ཡབ་ཨ་ནུ་པདྨ་དབང་དང་ཡུམ་ཆོས་སྐྱོང་སྐྱིད་ཀྱི་སྲས་སུ་འཁྲུངས། དགུང་ལོ་ལྔ་བཞེས་དུས་ནས་སེམས་ཀྱི་འགྲོ་འདུག་ངོ་མཁྱེན་ཞིང་བསྐྱེད་རིམ་ཡང་མཁྱེན། ལོ་བདུན་ནས་ཡི་གེ་འབྲི་ཀློག་ལ་སྦྱངས། རྩིས་དཀར་ནག་ས་དཔྱད་གཏོ་བཅོས་སྐོར་སོགས་མི་མཁྱེན་པ་མེད། ཡབ་ཀྱི་དྲུང་ནས་སྔགས་རྙིང་མའི་བསྙེན་སྒྲུབ་ལས་གསུམ་ཐམས་ཅད་ཞུས། དྲུང་པ་ཀུན་དགའ་རྣམ་རྒྱལ་ལ་རྟོགས་པ་ཕུལ་བས་ངོ་སྦྲོད་གནང། དགུང་ལོ་དགུ་པར་རབ་ཏུ་བྱུང་ནས་མཚན་ཀརྨ་བསམ་འགྲུབ་གནང། དེ་ནས་དྲུང་པས་གསུངས་ལྟར་ཟ་དམ་དུ་ཕེབས་ནས་གྲཱ་སར་བཞུགས། འཇུག་པ་དང་དྲུང་པས་གསུངས་པུ་ཏི་བཞི་དང་ནང་བརྟག་རྒྱུད་གསུམ་སོགས་ལ་མཁས་པར་མཛད། ཉིན་གཅིག་དྲུང་རམ་ཞིག་ཚོགས་ལངས་མཛད་བྱུང་བར་ཆོས་ཁྲིམས་པས་རྗེ་ཉིད་ལ་བརྡ་བཏང་བས། འཇམ་དབྱངས་དཀར་པོའི་རྩོད་རྒྱལ་གྱི་ཏིང་འཛིན་གྱི་ངང་ནས་འགྲོ་གླེང་གནང་བས་ཕྱོགས་ལས་རྣམ་པར་རྒྱལ་བའི་གྲགས་པ་ཐོབ། དེ་སྐབས་ཚད་མའི་བསྡུས་རྐང་སོགས་སློབ་དུས་སུ་ལའང་འཁོར་གསུམ་འགྲོ་དགོངས་པ་དང་ཚུལ་བཏང་བྱུང་ལན་(སྨད་ཆ།༡༩༥)ཐེབས་སྙམ་པ་ཡོད་གསུངས། རྗེ་ཆོས་ཀྱི་དབང་ཕྱུག་གི་དྲུང་ནས་རབ་བྱུང་བསྐྱར་བས་མཚན་ཀརྨ་སློབ་ལམ་གནང། སླར་ཡང་དགོས་པའི་དབང་གི་ཀརྨ་ཆགས་མེད་ཅེས་གནང་སྟེ། རྗེ་བརྒྱད་པའི་ལུང་བསྟན་ལྟར། རྗེ་འདི་ཀརྨ་པའི་སྐུའི་བཀོད་པ་ཞིག་ཡིན་པའང་གསུངས་འདུག། དྲུང་ཡིག་བློ་གྲོས་ནོར་ལྡན་ལས་ཕྱག་ཆེན་དང་ཆོས་དྲུག་གི་ཁྲིད་དང་བླ་མ་ཝ་རྒན་གྱི་དྲུང་ནས་སྦྱོང་དཀྱིལ་དང་ཛམ་དཀར་སོགས་ཀྱི་དབང་ལུང་གསན། ཞཱ་དམར་དྲུག་པའི་སྐུ་གདུང་མདུན་དུ་ཕྱག་སོར་སྒྲོནམེར་ཕུལ་ནས་གསོལ་བ་བཏབ་པས་ཕྱག་རྒྱ་ཆེན་པོའི་ཡེ་ཤེས་འཁྲུངས། འོག་མིན་གླིང་དང་གསུང་རབ་གླིང། ར་བ་སྟོད་རྣམས་སུ་གྲཱ་སྐོར་མཛད་ནས་ཁམས་སུ་ཕེབས་ཞོར་དུ་འབྲི་གུང་རིན་པོ་ཆེ་དང་གནས་མཇལ་ཡང་མཛད། ཆོས་སྒོ་བ་ལུང་རིགས་ཉི་མ་སོགས་ཀྱི་དྲུང་ནས་དཀར་ལུགས་ཕལ་ཆེར་གསན། ཇོ་བོ་རིན་པོ་ཆེའི་དྲུང་དུ་སོར་མཛུབ་ཡ་གཅིག་ཕུལ་ནས་བྱང་སྡོམ་བླངས། ལྷག་པའིལྷ་དུ་མ་ཞལ་གཟིགས། ཆོས་སྐྱོང་ཐམས་ཅད་བྲན་དུ་ཁོལ། ས་ལམ་གྱི་ཡོན་ཏན་རྫོགས་པའི་རྟགས་སྣང་ཐམས་ཅད་དང་མངོན་པར་ཤེས་པ་དང་ནུས་མཐུའི་དཔལ་དང་ལྡན། ཐུགས་དམ་བྱི་རྟོགས་པ་ཡང་རོ་གཅིག་ཆེན་མོར་ཞལ་བཞེས་གནང། རང་ཉིད་བདེ་བ་ཅན་དུ་གཤེགས་པར་མ་ཟད། མ་ཡུམ་དང། དབོན་པོ་གཉེར་པ་བཅས་བདེ་ཆེན་དག་པའི་ཞིང་བདེ་བ་ཅན་དུ་ལམ་བསྟན་པ་མཛད་དེ། ཨ་མ་བདེ་བ་ཅན་དུ་མ་འཁྱོལ་ན། བན་རྒན་ཆགས་མེད་སྐྱག་པ་ཟོས་པ་ཡིན། ཅེས་ཞལ་རྦད་ཡང་གནང་སྐབས་སྐབས་སུ་དབང་བཀུར་ཁྲིད་འདེབས་སོགས་སློབ་མ་སྐྱོང་བ་དང་སྦྲིང་ཡིག་(སྨད་ཆ།༡༩༦)ཁོ་ནས་ཀྱང་གནས་ལུགས་རྟོགས་པ་དུ་མ་བྱུང་ཞིང། ལྷ་འདྲེ་ཕལ་ཆེར་གྱིས་སྲོག་སྙིང་ཕུལ་བ་སོགས་མཐའ་ཡས་པའི་ཡོན་ཏན་མངའ། རྗེ་འདི་རྫ་སྟོད་བྱོན་སྐབས་ཤིང་ཨོ་རྒྱན་རིན་པོ་ཆེས་བྲག་ལ་ཕྱག་བྲིས་གནང་བའི་སེར་སྲུང་གི་གདམས་པ་ཞིག་གཟིགས་པའི་ཡི་གེར་བཀོད་པར་གནང་སྟེ། དེ་ལས་གཞན་པའི་གཏེར་དང་དག་སྣང་སོགས་མེད་མོད། འོན་ཀྱང་བསྟན་བཅོས་མང་དུ་མཛད་དེ་གང་མཛད་ཐམས་ཅད་ལྷག་པའི་ལྷས་གནང་བ་བྱིན་ནས་བཙམས་པ་ཁོ་ན་ལས་རང་གར་མཛད་པ་མེད་པས་གོ་བདེ་ཞིང་གཞན་ལ་ཕན་ཐོགས་ཆེ་ཞིང་ནུས་མཐུ་དང་ལྡན་པ་ཤ་སྟག་ཡིན་ཏེ། ཀུན་མཁྱེན་བསྟན་པའི་ཉིན་བྱེད་ཀྱིས། ཁྱོད་གསུང་ཀུན་ལ་སྨན་པའི་ཐུགས་བསྐྱེད་ཀྱིས། ཚིག་གི་སྦྲོས་པའི་སྦུན་སྟོར་མ་བསགས་པར། དོན་ཀྱི་འབྲས་བཟང་ཐད་མར་བརྡལ་བ་ལ། སྔགས་འབྲས་མི་བསླུ་མཐུ་བྱིན་ལྡན་དེ་འདུད། ཡིག་ཆ་དེ་ཀུན་ལྷག་ལྟར་གསོལ་བཏབ་ནས། གནང་བ་བྱིན་པ་ཉིད་ལས་བ་འདས་ཕྱིར། བྱིན་རླབས་ལྡན་ཞིང་འགྲོ་ཕན་རྒྱ་ཆེར་མངའ། བརྩམས་པ་དོན་ལྡན་ཁྱོད་ལ་གུས་པས་འདུད། ཅེས་གསུངས་པ་བཞིན་རྗེ་འདི་ནི། ཐང་ཡིག་གི་གཏེར་སྟོན་ལུང་བསྟན་སྐབས་སུ། རིས་འགའ་མི་འབྱིན་གཏེར་རྙིང་བསྟན་པ་སྐྱོང་གསུང་བ་དེ་ཡིན་པར་དཔང་གྱུར་ཚད་མ་མང་པོས་གསུངས་སོ། དེ་ལྟར་བསྟན་པ་དང་སེམས་ཅན་གྱི་དོམ་བསམ་གྱི་མི་ཁྱབ་པ་མཛད་ནས་དགུང་ལོ་ཏེ་དགུ་པ་ས་ཕོ་རྟའི་ལོར་དགོངས་པ་ཆོས་ཀྱི་དབྱིངས་སུ་ཐིམ་པར་གྱུར་ཏོ། གདུང་འོད་ཞུ་ཕུལ་བས་ལྷ་སྐུ་ཡིག་འབྲུ་རིང་བསྲེལ་སོགས་བསམ་གྱིས་མི་ཁྱབ་པ་བྱོན་པར་སྣང་ངོ། རྗེ་འདིར་ཀར་ལུགས་ཀྱི་སློབ་མ་བསྟན་པ་འཛིན་ནུས་པ་མང་དུ་བྱོན་ཀྱང་འདིར་མ་(སྨད་ཆ།༡༩༧)སྨོས་ལ། རྙིང་ལུགས་ཀྱི་སློབ་མ་མང་དུ་བྱོན་པའི་ཐུ་བོ་ནི་རྫོགས་ཆེན་པདྨ་རིག་འཛིན་དང་དཔལ་ཡུལ་ཀུན་བཟང་ཤེས་རབ་གཉིས་ཡིན་ལ། དེ་ལ་རྫོགས་ཆེན་པ་ནི་རྗེ་འདིས་གསང་སྔགས་རྙིང་མ་མཛད་ན་ལེགས་ཚུལ་གསུངས་པ་བཞིན་སྦོ་བོ་རྦ་ཁ་སྦྲུལ་སྐུ་ལས་རྫོགས་ཆེནགསན་པས་རྫོགས་ཆེན་པར་གྲགས། ཆགས་མེད་རིན་པོ་ཆེས་གནམ་ཆོས་མ་གསན་ཡན་ལ་རྫོགས་ཆེན་མི་མཛད་པས་ཕྱི་རབས་པ་འགའ་ཞིག་གིས་ཆོས་བརྒྱུད་འཚོལ་བར་སྙམ་པ་ནི་ཐུགས་གཞིགས་མ་གནང་བའི་འཁྲུལ་རྟོགས་སོ། ཀུན་བཟང་ཤེས་རབ་ཡང་ཕྱག་ཆེན་ནི་ཀ༔ཐོག་རང་ལུགས་ཆོས་རྗེ་སྨར་པའི་ལུགས་ལས་ཀམ་ཚང་ལུགས་ཡིན་ལ་གཞན་རྙིང་ལུགས་ནི་གནམ་ཆོས་ཁོ་ན་མཛད་པ་ཡིན་ནོ། གཞན་རྙིང་ལུགས་ཀྱི་བཀའ་ཆོས་དང་དབང་ལུང་མ་ཞུས་པ་མེད་པ་ལྟ་བུར་སྣང་ངོ། ཡོངས་འཛིན་རིན་པོ་ཆེ་འདི་ནི་མདོ་ཁམས་སྨད་འདིར་གསང་ཆེན་རྙིང་མའི་བསྟན་པ་ལ་བཀའ་དྲིན་གཞན་འགྲན་མེད་པ་ཞིག་ཡིན་ཅིང། ཁྱད་པར་རང་ལུགས་རྫོགས་ཆེན་པ་དང་རིག་འཛིན་ཀུན་བཟང་ཤེས་རབ་སོགས་ཀྱིས་ཡོངས་འཛིན་ཡིན་པས་འདིར་ཡང་ཅུང་ཟད་བྲིས་པ་ཡིན་ནོ། གཏེར་ཆེན་ཆོས་ཀྱི་རྒྱལ་པོ་ཉི་མ་གྲགས་པའི་གཏེར་ལུང་ལས། སློབ་དཔོན་འཇམ་དཔལ་བཤེས་གཉེན་ནི༔ དཔྲལ་བར་ཨ་ཡིས་མཚན་པ་འབྱུང༔ ཞེས་གསུངས་པའི་རྣལ་འབྱོར་རང་རིགས་རས་པ་ནི། ཡུལ་མངའ་རིས་སུ་རང་རིགས་རས་པར་གྲགས། མཚན་དངོས་ངག་དབང་ཆོས་འཕེལ་ཏེ། འདི་ནི་གྲུབ་ཐོབ་རྣལ་འབྱོར་གྱི་དབང་ཕྱུག་ཆེན་པོ་ཞིག་སྟེ། དཔྲལ་(སྨད་ཆ།༡༩༨)བར་ཨ་ཡིག་གི་གཟུགས་ཤིན་ཏུ་གསལ་བ་ཡོད། རླུང་ནུས་དག་གྲུབ་རྟགས་ཕུལ་དུ་བྱུང་བ་མངའ་སྟེ། ལྷ་ས་ནས་བཀྲ་ཤིས་ལྷུན་པོར་ཞག་གཅིག་གིས་ཕེབས་ཐུབ་པས་མཚོན་གྲུབ་པ་བརྙེས་པའི་རྣམ་ཐར་ངོ་མཚར་བསམ་གྱིས་མི་ཁྱབ་པ་མངའ། མངའ་རིས་རྒྱལ་པོས་ཀྱང་དབུའི་མཆོད་གནས་སུ་བཀུར། དེ་ལྟ་བུའི་གྲུབ་པའི་དབང་པོ་དེས་རྒྱ་གར་གྱི་ཡུལ་གྲུ་ཕལ་ལ་ཕེབས་ཤིང། ཁྱད་པར་དུ་དུར་ཁྲོད་བསིལ་བ་ཚལ་དང། ཛ་ལན་དྷ་ར། ཙ་རི་ལ་སོགས་པ་དེ་དག་རྣམས་སུ་ཕེབས་དུས་སུ་མཁའ་འགྲོའི་ཚོགས་ཀྱིས་དངོས་སུ་གནང་བའི་གཞུང་མང་པོ་ཡོད་པར་གསུངས་ཤིང། ཁྱད་པར་དག་སྣང་དུ་བྱུང་བའི་ཕག་མོ་ལྕགས་གདོང་མའི་སྐོར་དབང་ཁྲིད་བཙུགས་ཤིང། མེའི་འཕྲུལ་འཁོར་སོགས་ལག་དང་བཅས་པའི་གདམས་པ་ངོ་མཚར་ཅན་ཇི་སྙེད་ཅིག་བཞུགས་ཏེ། གྲུབ་ཆེན་འདི་ནི་གཏེར་ཆེན་ཉི་གྲགས་ཀྱི་རྩ་བའི་ཆོས་བདག་ཡིན་ཏེ། གོང་གི་གཏེར་ལུང་འདིས་མཚོན་པའི་ཆོས་བཀའ་སོ་སོརའི་ཆོས་བདག་ལུང་བསྟན་གྱི་གྲས་རྣམས་སུ་གསལ་བར་འབྱུང་སྟེ། གྲུབ་ཆེན་འདིའི་སློབ་རྒྱུད་ལ་ཉི་གྲགས་ཀྱི་ཆོས་སྐོར་ཉམས་ལེན་བྱེད་པའི་སྒྲུབ་པ་བ་མང་པོ་མངའ་རིས་དང་ལ་སྟོད་སོགས་སུ་དེང་སང་ཡང་ཡོད་ཅེས་གྲུབ་ཆེན་པདྨ་བཤེས་ཀྱི་གསུང་ལས་གསན་ཞེས་རྫོགས་སྦྲུལ་རིན་པོ་ཆེ་ངེས་དོན་བསྟན་འཛིན་བཟང་པོའི་གསུང་ལས་ཐོས་སོ། ཉི་གྲགས་རྒྱལ་སྲས་ཨོ་རྒྱན་བསྟན་འཛིན་ལའང། དག་སྣང་ཚེ་སྒྲུབ་ཟླ་བའི་སྙིང་པོ་དང་གུར་དྲག་སྐོར་དག་སྣང་འཐོར་བུའི་སྐོར་སོགས་པོད་ཆུང་གཅིག་ཙམ་ཡོད་དེ་ལོ་རྒྱུས་གཤམ་ནས་འཆད་འགྱུར་ལས་ཤེས་སོ། གསང་བདག་ལས་ཀྱི་རྡོ་རྗེའི་རྣམ་འཕྲུལ་རྗེ་དྲུང་རིན་པོ་ཆེ་པདྨ་བཞེད་(སྨད་ཆ།༡༩༩)པའི་རྡོ་རྗེ་ནི། གཏེར་སྟོན་སྦྲུལ་པའི་སྐུ་རིག་འཛིན་ཆོས་རྗེ་གླིང་པའི་གཏེར་ལུང་ལས། འཇམ་དབྱངས་སྦྲུལ་པར་བསྟན་པའི་མིང་ཅན་ཞིག༔ མ་འོངས་མདོ་སྨད་ཟླ་བ་ཐང་གི་ངོག། ཆོས་འཁོར་སྐྱོངས་ཤིང་འགྲོ་བའི་དོན་མང་བྱེད༔ ཡང་སྦྲུལ་བྱང་ཆུབ་སེམས་དཔའ་ངོ་མཚར་ཅན༔ ངོམ་ཤོད་ཟངས་རིའི་འདབས་འབྱུང་དེ་ཡིས་ནི༔ བགེགས་ལས་གྲོལ་ཕྱིར་སྦྱན་གཟིགས་ཞི་གྲག་བསྙེན༔ ཞེས་རྗེ་དྲུང་རིན་པོ་ཆེའི་ཡང་སྦྲུལ་དུ་ལུང་བསྟན་པ་བཞིན། གཏེར་སྟོན་ཆོས་རྗེ་གླིང་པ་ཉིད་ཀྱིས་རྗེ་དྲུང་གི་སྦྲུལ་དུ་ལུང་བསྟན་པ་བཞིན། གཏེར་སྟོན་ཆོས་རྗེ་གླིང་པ་ཉིད་ཀྱིས་རྗེ་དྲུང་གི་སྦྲུལ་སྐུར་ངོས་འཛིན་གནང་ནས། གཏེར་སྟོན་ཆོས་རྗེ་གླིང་པ་ཉིད་ཀྱིས་རྗེ་དྲུང་གི་སྦྲུལ་སྐུར་ངོས་འཛིན་གནང་ནས། ཀོང་པོ་ཡུལ་ནས་གོང་གི་གཏེར་ལུང་དང། འཇམ་དཔལ་ནག་པོ་བསམ་གཏན་ཉལ་ཆོག་གི་དཔེ། ཚེ་རིལ་ཧྲི་རྒྱ་ཅན་སོགས་དགེ་སློང་ནམ་མཁའ་རྒྱལ་མཚན་ལ་ཆེད་དུ་སྩལ་ནས་རྗེ་འདིར་ཕུལ་འདུག་པ་བཞིན། མ་གཅིག་ལབས་ཀྱི་སྒྲོན་མའི་སྒྲུབ་གནས་ཟངས་རི་མཁར་དམར་སོགས་དང་ཉེ་བའི་དགོན་ཆུང་ཞིག་ཏུ། ཡབ་ཀུན་དགའ་རྒྱལ་མཚན་ཞེས་པ་དང། ཡུམ་རྒྱལ་ཕུར་ཆོས་ལྡན་ཞེས་པའི་བན་བཙུན་ཕོ་མོ་གཉིས་ཀྱི་བུ་རུ་སྐྱེ་བ་བཞེས། དེ་ཡང་སྐུ་འཁྲུངས་པའི་དུས་སུ་ངོ་མཚར་བའི་ལྟས་དུ་མ་དང་བཅས་བལྟམས་པས་ཀུན་གྱི་ཡ་མཚན་ཆེ་བར་གླེང། དེ་ནས་རིམ་པར་སྐུ་བསྐྱེད་བསྲེངས་བས་དགུང་ལོ་བཞི་ལྡན་པ་རྗེ་དྲུང་གོང་མའི་སྐུའི་སྐྱེ་བརེ་བག་ཆགས་གསལ་བར་སད་པས་རྗེ་གོང་མའི་གྲཱ་འཁོར་ཡོན་བདག་སོགས་ཀྱིས་ཆོས་སྐྱོང་རྣམས་ལ་གསུང་བརྟག་ཞུས་པས་ཀྱང་ཟངས་རིའི་ཕྱོགས་སུ་འབྱུང་ཞེས་ཕྱོགས་མཐུན་བྱུང་བ་སོགས་ལ་བརྟེན་ངོས་འཛིན་ཕུལ་བས་འཁྲུལ་མེད་ཡིད་ཆེས་བྱུང་བས། རྗེས་སུ་གོང་མའི་སྦྲུལ་སྐུར་ཐག་བཅད། དེ་ནས་མི་རིང་གདན་སར་སྦྱན་དྲངས། གྲ་རིགས་ཡོན་(སྨད་ཆ།༢༠༠)བདག་འབྲེལ་ཅན་རྣམས་ཀྱི་ཁྲི་འདོན་ལེགས་འབུལ་སོགས་ལེགས་ལམ་གོང་འཕེལ་མཛད། གངས་ཅན་རི་བོ་གྲུ་འཛིན་གྱི་ཕོ་བྲང་ཆེན་པོར་བྱོན་ནས་རྒྱལ་བ་དྲུག་པ་ཚངས་དབྱངས་རྒྱ་མཚོ་ལ་གཙུག་ཕུད་བར་མཛད། སྐུ་ཡིན་སློབ་གཉེར་སོགས་ལ་ཐུགས་སྩོལ་གང་ཆེ་གནང། འོན་ཀྱང་སྐུ་ན་གཞོན་ཚེ་སྐུ་འཁོར་གྲ་རིགས་རྣམས་སོགས་ཀྱིས་ཐུགས་སུན་ཀྱང་ཅི་རིགས་བྱུང། དེ་སྐབས་རྒྱལ་བས་བསླབ་བ་ཕུལ་བར་གནང་བས་གཙང་བཀྲ་ཤིས་ལྷུན་པོར་ཕེབས་ནས་པཎ་ཆེན་རིན་པོ་ཆེ་བློ་བཟང་ཡེ་ཤེས་ཀྱི་དྲུང་ནས་དགེ་ཚུལ་ཞུས་པས་མཚན་བློ་བཟང་འཇམ་དཔལ་ཕྲིན་ལས་ཞེས་པ་གནང་བཀུར་གཟོས་དང་བདག་རྐྱེན་གང་ཆེ་མཛད། ཕྱིར་ཕེབས་ནས་ཆེར་ཆོས་འཁོར་རྒྱལ་དུ་བཞུགས། མཚན་ཉིད་པའི་བཤད་སྲོལ་ཚད་མ་འདུལ་མདོན་དབུ་མ་ཕར་ཕྱིན་སོགས་གསན་སྦྱོངས་དབྱིས་ཕྱིར་པར་མཛད། དེ་ནས་ཡང་པོ་ཊ་ལར་དཔོན་སློབ་ཡེ་ཤེས་རྒྱ་མཚོའི་དྲུང་ནས་ཐུགས་རྫོགས་ཀྱང་བཞེས། འོན་ཀྱང་སྡོམ་གྲར་འདུས་པ་དག་ལ་ཐུགས་ཚོམ་ཙམ་བྱུང། ཆོས་འཁོར་རྒྱལ་གྱི་མཁན་པོའང་ཐོག་གཅིག་མཛད། དེ་ནས་སླེ་ལུང་དུ་གདན་ས་རྙིང་པ་གཙོད་གོག་ཆེ་བའི་སྟོབས་ཀྱིས་གདན་ས་གསར་སྦོ་ཁང་ལས་རྟེན་བཞེངས་སོགས་ཀྱང་མང་དུ་མཛད། འདི་ཙམ་ནས་ཧེ་རུ་ཀ༔དཔལ་བླ་མ་དམ་ཆོས་བཟང་པོ་ལས་གསང་སྔགས་གསར་རྙིང་གི་ཆོས་བཀའ་དུ་མ་གསན། ཨོ་རྒྱན་སྨིན་གྲོལ་གླིང་དུའང་ཕེབས་ནས་པདྨ་འགྱུར་མེད་རྒྱ་མཚོའི་སྐུ་དྲུང་ནས་སྨིན་གླིང་ཆོས་སྐོར་ཁ་ཤས་གསན། དེ་ནས་བསྙེན་སྒྲུབ་ཀྱི་བཅད་རྒྱ་དུ་མ་གནང་ཁྱད་པར་དུ་ཨོ་རྒྱན་གཏེར་བདག་གླིང་པས་ཆོས་བདག་ཏུ་ལུང་བསྟན་པ་བཞིན་མཁའ་འགྲོ་གསང་བ་ཡེ་ཤེས་ལ་ལྗགས་བསྙེན་གནང་བས་སྒྲུབ་རྟགས་ངོ་(སྨད་ཆ།༢༠༡)མཚར་ཅན་དུ་མ་བྱུང་ཞིང། ཁྱད་པར་དུ་བཀྲ་ཤིས་ཁ་བཏགས་དྲི་མ་མེད་པའི་ཆར་དངོས་སུ་བབས་ཤིང། དྲི་མས་འགོས་ཀྱང་ཡུད་ཙམ་ནས་དཀར་པོ་དྲི་མ་མེད་པར་འགྱུར་འགྲོ་བ་དང། དེ་བཞིན་དུ་ཨ་རུ་ར་རློན་པ་ལོ་མ་དང་བཅས་པའི་ཆར་དང། མེ་ཏོག་ཡུ་བ་ཅན་གྱི་ཆར་སོགས་དངོས་སུ་བབས་ནས་ཀུན་གྱི་གཟུང་བཏུབས་བདེ་འདྲའི་མི་མཚན་པའི་ལྟས་བློའི་ར་བ་ལས་འདས་པ་མང་པོ་བྱུང་བ། དེ་སྐབས་རུས་ཅན་རྣམས་ལ་མངོན་སུམ་ཚད་མར་སྣང་ངོ། དེ་ཙམ་ཞིག་ནས་དག་པའི་སྣང་བ་བསམ་གྱིས་མི་ཁྱབ་པ་ཤར་ཞིང་བླ་མ་མཁའ་འགྲོས་གསང་ལུང་ཀྱང་ཆར་བབས་པ་བཞིན་བྱུང་པས་བསྟན་འགྲོའི་ཕན་བདེ་སྦེལ་བའི་ཐུགས་རྩོལ་ཀྱང་གང་ལ་གང་ཕན་གྱི་ཐུགས་བསྐྱེད་བླ་ན་མེད་པས་གང་འགྲུབ་ཉིན་མཚན་གཡེལ་མེད་མཛད། གཞན་ཟེར་འགའ་ཞིག་ལ་བརྟེན་ནས། རྗེ་ཉིད་ཀྱིས་གསུང་ལས། འཇམ་མགོན་ཆོས་ཀྱི་རྒྱལ་པོ་བཙོང་ཁ་པ་ཆེན་པོར་མི་ཕྱེད་པའི་དད་པ་གཏིང་ནས་ཐོབ་ཅིང། མགོན་པོ་འདི་ཉིད་དང་རྗེ་བཙུན་བླ་མ་དམ་ཆོས་བཟང་པོའི་ཐུགས་རྗེ་སྙིང་ལ་ཞུགས་པ་ལ་བརྟེན་ནས་རིས་མེད་ཀྱི་སྐྱེས་ཆེན་ཐམས་ཅད་སྐྱབས་ཡུལ་རྣམ་དག་ཏུ་ཤར་བ་བསྟན་པ་ཐམས་ཅད་འགལ་མེད་དང་གཞུང་ལུགས་མ་ལུས་པ་གདམས་པར་འཆར་བའི་གནད་ཆ་ཙམ་གོ་བས། དཀའ་རབ་འབྱམས་པ་སོགས་མིང་སྙན་པོ་མ་ཐོགས་ཀྱང་ཆོས་ཙམ་གི་ལས་ལ་གང་འཛེམ་དུ་བགྱིས། ཞེས་སོགས་ཀྱང་གསུངས། མ་འོངས་འབྱུང་འགྱུར་གྱི་ལུང་བསྟན་གནང་བ་ཐམས་ཅད་ཀྱང་ཐོག་ཏུ་ཁེལ་པ་ཁོ་ན་བྱུང། དེ་དག་གི་དུས་ནས་གཙོ་བོར་སྔགས་སྦྱོང་མཛད་ཅིང། གསང་སྔགས་གསར་རྙིང་གི་ལག་ལེན་ཐམས་ཅད་བཤད་ཚོད་དང་མཐུན་པར་ཕྱག་ཐོག་ཏུ་(སྨད་ཆ།༢༠༢)བཀལ། ཁྱད་པར་ཚོགས་ཀྱི་སྦྱོད་པའི་ཉེ་རྒྱུ་ལ་བརྟེན་ནས་ཟུང་འཇུག་གི་གོ་འཕང་མངོན་དུ་བྱེད་པའི་ཐབས་ཀྱི་ཁྱད་པར་སྔགས་བླ་མེད་ཐམས་ཅད་ཀྱི་ཟབ་གནང་ཐབས་ལམ་ཟབ་མོར་ཉམས་བཞེས་གནང་ཞིང་བདེ་སྟོང་གི་ཡེ་ཤེས་མངོན་དུ་མཛད། རྗེ་འདི་པཎྜི་ཏ་ཤེས་རབ་གསང་བའི་ཐུགས་ཀྱི་བག་ཆགས་སད་པས་སྐལ་ལྡན་གྱི་སློབ་མ་མང་པོའང་ཕོ་ཉའི་ལམ་གྱིས་བསྐྱངས་པར་མཛད་པས། མ་དག་པའི་སྐྱེ་བོ་མང་པོའི་སྒྲོ་སྐུར་གྱི་ཡེ་གེ་འབུལ་བར་བྱེད་ཀྱང། སྦྱིར་ཐབས་ལམ་ནི་གསང་སྔགས་ཟབ་མོའི་ཉེ་ལམ་རྨད་དུ་བྱུང་བ་ཡིན་ཚུལ་གསར་རྙིང་གི་རྒྱུད་གྱིས་ཀྱང་ལམ་འདི་ལ་བརྟེན་ནས་ཟུང་འཇུག་གི་གོ་འཕང་བསྒྲུབས་པའི་ཚུལ་ལ་སུས་བསྙོན། འོན་ཀྱང་རྗེ་ཉིད་རྩ་རླུང་མ་རང་དབང་ཐོབ་པའི་ཕྱིར། སློབ་བུ་རྣམས་ཀྱིས་དེའི་དོད་ཐུབ་མི་ཡོད་དམ་སྙམ་ནའང་ཕལ་ཆེར་ནི་རྩ་རླུང་ལས་རུང་དང་རྟོགས་པ་མཐར་ཕྱིན་གྱིས་ཕྱག་རྒྱ་བསྟེན་རུང་ཁོང་ན་ལས་མ་འདས་མོད། དེ་རྣམས་དང་དོད་མི་མཉམ་པ་རེ་ཟུང་ཡོད་སྲིད་ཀྱང་དེ་ནི་གང་ཟག་རང་གི་སྐྱོན་ལས་གསང་སྔགས་ཟབ་མོ་ལ་ལོག་པ་ལྟ་བ་མི་རིགས། ཕྱིར་རྗེ་འདིར་རིག་འཛིན་སྟག་ཤཱམ་རྡོ་རྗེས་ཁོ་རང་གི་གཏེར་ཁའི་ཌཀྐི་རྩི་རྟ་སྙིང་ཐིག་ཅེས་པའི་ཐབས་ལམ་གྱི་གདམས་པ་ཁྱད་པར་ཅན་ཞིག་ཡོད་པ་འདི་འོལ་ཁརྗེ་དྲུང་ལ་འཕྲོད་ན་འགྲོ་ཕན་ཆེན་པོ་འབྱུང་ཞེས་ལུང་བསྟན་པ་ཆོས་རྗེ་གླིང་པའི་རྣམ་ཐར་ཞལ་གསུངས་མར་བྲིས་སྣང་བ་དང་ས་སྐྱ་གོང་མ་རིན་པོ་ཆེ་བདག་ཆེན་ངག་དབང་ཀུན་དགའ་བློ་གྲོས་ཀྱིས་ཞེ་ཆེན་དྲུང་ཡིག་ལ་སྩལ་བའི་ཆབ་ཤོག་ཏུ། ངེད་སྔོན་དད་པ་མེད་ཀྱང་ཕྱིས་བཀའ་འབུམ་མཐོང་བས་སྙིགས་དུས་འདིར་དེ་(སྨད་ཆ།༢༠༣)བས་ལྷག་པའི་མཁས་གྲུབ་བྱན་ཐབས་མི་འདུག་པས་བཤགས་པ་ཕུལ་ནས་དེང་སེང་དྲག་ཤུལ་དང་གཞོན་གཉིས་ཀར་གུས་ཤིང། ཉི་གཞོན་སྔགས་ཟླ་ཡི་ཡོད་གསུངས་འདུག་པའི་ཆབ་ཤོག་ཐམ་འབྱུར་ཁོ་བོའི་སུག་པར་ད་ལྟའང་ཡོད་དོ། ཡང་རྗེ་འདི་སྟོབས་ལྡན་དྲག་ཤུལ་དཔང་པོར་བཞེངས་པ་ལའང་ཁ་ཟེར་བ་སྣང་མོད། སངས་རྒྱས་དང་བྱང་ཆུབ་སེམས་དཔའ་རྣམས་རྣམ་འཕྲུལ་བསམ་མི་ཁྱབ་པའི་རོལ་པས་སེམས་ཅན་གྱི་དོན་མཛད་པ་ལས་སྐྱེ་བ་གཅིག་ནས་གཅིག་ཏུ་བརྒྱུད་པ་ཁོ་ན་རག་མ་ལུས་ཏེ། དཔེར་ན་བྱང་ཆུབ་སེམས་དཔའ་འཕགས་པ་སྦྱན་རས་གཟིགས་དབང་ཕྱུག་གིས་སྲིན་མོའི་གླིང་དུ་རྟ་ཅང་ཤེས་བྷ་ལ་ཧ་དང། ཡངས་པ་ཅན་གྱི་གྲོང་ཁྱེར་འདོམ་དུ་གསེར་གྱི་བུང་བ་ལ་སོགས་པར་སྦྲུལ་པ་བཞིན་འདིར་ཡང་དུས་ཤིན་ཏུ་སྙིགས་པས་བསྟན་ལ་འཚེ་བ་མང་བས་དེ་དག་སྲུང་བའི་ཆེད་དུ་ཆོས་སྐྱོང་གི་སྐུར་བཞེངས་པ་ཡིན་ཏེ། སྦྱན་རས་གཟིགས་མགོན་པོའི་སྐུར་བཞེངས་པ་དང་ཚུལ་མཚུངས་སོ། སྦྱིར་བྱང་སེམས་ས་དང་པོ་པས་ཀྱང་སྦྲུལ་པ་བརྒྱ་ཕྲག་གཅིག་འགྱེད་པར་བཤད་ན། དེ་དག་ཐམས་ཅད་གང་ལ་གང་འདུལ་གྱི་གཟུགས་ལས་ཚུལ་གཅིག་ཁོ་ན་ཡིན་པའི་སྒྲུབ་བྱེད་མེད་པས། ཚུལ་དེ་དག་ལ་གོ་བ་མ་ཆགས་པ་གླེན་གཏམ་དུ་སྣང་ངོ། དེ་ལྟ་ལོག་རྟོག་ཟློག་ཕྱིར་ཟུར་ཙམ་འཕྲོས་སུ་བགྱིས་པ་ཡིན་ལ། རིག་འཛིན་ཆེན་པོ་འདིར་དག་སྣང་གི་ཆོས་སྡེ་གུ་རུ་གཟི་བརྗིད་རྡོ་རྗེ་སོགས་ཤིན་ཏུ་མང་པར་བཞུགས་ཀྱང་རེ་རེ་ནས་སྨོས་པར་མ་ནུས་སོ། གཞན་ཡང་བསྟན་རྒྱུན་ལ་ཕན་ངེས་པའི་བསྟན་བཅོས་ཀྱང་མང་དུ་བཞུགས་སོ། རྗེ་འདི་རྙིང་ལུགས་བསྟན་འཛིན་གཅོ་བོ་ཞིག་ཏུ་ངེས་པས་རྡོར་བྲག་རིག་འཛིན་(སྨད་ཆ།༢༠༤)ཆེན་པོ་དང་དགེ་ལུགས་པ་དགེ་བཤེས་ངག་དབང་བྱམས་པ་སོགས་བསྟན་འཛིན་ཆེ་དགུ་མང་པོས་དབུའི་ཅོད་པན་གྱིས་བཏུད་པ་ཡིན་ནོ། ཡང་དེ་སྲས་འབྲུག་པ་དྲེའུ་ལྷས་སྦྲུལ་པའི་སྐུ་རིག་འཛིན་གཡུང་མགོན་རྡོ་རྗེ་ལའང་དག་སྣང་གི་ཆོས་སྡེ་ཅི་རིགས་ཡང་རྒྱུར་འདུག་ཀྱང་རྣམ་ཐར་མ་མཇལ་ལོ། རྡོ་རྗེ་བྲག་མཆོག་སྦྲུལ་རིན་པོ་ཆེ་སྐལ་བཟང་པདྨ་དབང་ཕྱུག་ལའང་བཀའ་འདུས་ཆོས་ཀྱི་རྒྱ་མཚོའི་སྐོར་སོགས་དག་སྣང་གི་ཆོས་སྡེ་རྒྱ་ཆེར་བཞུགས་ཏེ་ལོག་རྒྱུས་ཞི་བ་རྒྱས་གདན་རབས་ཀྱི་སྐབས་སུ་འཆད་པ་ལས་ཤེས་བར་བྱ་དགོས་སོ། སྙིགས་དུས་འདིར་སྔ་འགྱུར་བསྟན་པའི་གསལ་བྱེད་མཚུངས་ཟླ་དང་བྲལ་བ་ཀུན་མཁྱེན་འཇིགས་མེད་གླིང་པ་ནི། བླ་མ་དགོངས་པ་འདུས་པའི་ལུང་བསྟན་བཀའ་རྒྱ་མ་ལས། གང་ཡང་མི་འགྱུར་བརྡ་རྟགས་གསུམ་དང་ལྡན། ལུས་ལ་ལྟེ་སྨེ་སྙིང་གར་ཤ་མཚན་རེ༔ ངག་ནི་སྙན་འགྱུར་སྔགས་ཚིག་རྩོོལ་བ་ཅན༔ པདྨ་ལས་བྱུང་པདྨའི་མིང་ཅན་གཉིས་༔ ཡིད་ནི་རྩེ་གཅིག་གདུང་ཤུགས་ང་ཉིད་དྲན༔ ཕུར་ཚུགས་འདི་མིན་ཡིད་པ་མི་བྱེད་གསུང༔ དེ་གསུམ་གསུམ་འཛོམ་མཆོག་ཡིན་གཉིས་འཛོམ་འབྲིང༔ གཅིག་འཛོམ་ཐ་མ་གང་ཡང་ལས་ཅན་རེ༔ ཞེས་བསྟན་པ་དང་མཚུངས་པའི་སྐུའི་རྟགས་མཚན་རྣམས་ཀྱང་ལྡན་ཅིང། གཞན་ཡང་ཆོས་རྗེ་གླིང་པའི་བླ་མ་དྲག་པོའི་ལུང་བསྟན་ལས། དབུ་གཡོར་གཞུང་དུ་བྱང་སེམས་པདྨའི་མིང༔ བཀའ་རྙིང་བསྟན་སྐྱོང་ཐབས་མཁས་འགྲོ་བ་འདུལ༔ ཞེས་བཀའ་རྙིང་མའི་བསྟན་པ་བཤད་སྒྲུབ་ཀྱིས་འཛིན་པར་ཆེད་དུ་བསྔགས་པ་(སྨད་ཆ།༢༠༥)བཞིན། སློབ་དཔོན་ཆེན་པོ་བི་མ་མི་ཏྲ་ཉིད། ལོ་བརྒྱ་རེ་ན་བོད་ཀྱི་ལྗོངས་སུ་ཉིད་ཀྱི་སྦྲུལ་པ་རེས་སྙིང་ཐིག་གི་བསྟན་པ་ལ་ཉམས་པ་རྣམས་གསོ་པ་དང། འཁྲུལ་བའི་དྲི་མ་རྣམས་དག་པར་མཛད་པར་ཞལ་གྱིས་བཞེས་པ་བཞིན་ཡུལ་དབུས་འགྱུར་ལྷོ་ཕྱོགས་ཀྱི་རྒྱུད་དུ་རང་བྱུང་རྡོ་རྗེ་འཇིགས་མེད་གླིང་པ་ཞེས་མཚན་གྱི་ཡི་གེ་རྣམ་པར་གསལ་བ་ཞིག་བྱུང་བར་གྱུར་ཏོ། དེའང་ཐོག་མར་ཀུན་མཁྱེན་ཤེས་རབ་འོད་ཟེར་གྱི་འཁོར་ལོ་གསུམ་གྱི་ཕྱག་རྗེས་རྨ་མེད་པའི་གནས་དཔལ་གྱི་རི་བོའི་ཆོས་སྡེའི་གྲཱ་ཁྲོད་དུ་དཀྱུས་མའི་ཚུལ་གྱིས་བསྟན་པའི་སྒོར་ཞུགས་པར་མཛད་ནས། སྡོམ་པ་གསུམ་གྱི་བདུད་རྩིས་ཐུགས་རྒྱུད་ལེགས་པར་གཏམས་ཤིང། བཀའ་གཏེར་གྱི་ཆོས་ཚུལ་སྦྱི་དང་བྱེ་བྲག་ལ་གསན་བསམ་རྒྱ་ཆེན་པོས་གཞན་དོན་ཁོ་ནར་དགོངས་པའི་སྦྱོད་པ་རླབས་པ་ཆེ་སྐྱེས་པའི་རབས་ཐམས་ཅད་དུ་བསྐྱངས་པའི་རྟེན་ཅིང་འབྲེལ་བར་འབྱུང་བའི་སྨོན་ལམ་དང། རིགས་ཀྱི་ས་བོན་དུས་སུ་སད་པ་ལས་སྲིད་པའི་ངང་ཚུལ་ལྟར་སྣང་ཇི་ལྟར་ལེགས་ཀྱང་སྡུག་བསྔལ་གྱི་ཡོ་ལང་འབའ་ཞིག་ཏུ་གཟིགས་པའི་སྐྱོང་ཤས་དང་ངེས་འབྱུང་ཚད་མེད་པས་དྲངས་པའི་ཐུགས་ཀྱིས་ཆོས་སྡེ་དེ་གར་ལོ་གསུམ་དུ་སྙིང་པོའི་སྒྲུབ་པ་ལ་རྩེ་གཅིག་ཏུ་གནས་པའི་བཅད་རྒྱད་མཛད་པའི་ཚེ། སློབ་དཔོན་ཆེན་པོ་པདྨ་འབྱུང་གནས་དང་འཇམ་དཔལ་བཤེས་གཉེན་འོད་གསལ་གྱི་དང་དུ་མཇལ་ཏེ། བརྡ་དོན་སྦྲོས་པ་མེད་པའི་དབང་མང་པོ་བསྐུར་བའི་མཐར་རང་ཉིད་ལ་ཐིམ་པར་གྱུར་པའི་ཉམས་སྣང་བྱུང་བས་དེ་ཙམ་ནས་རྟོགས་པ་བྱུང་རྒྱལ་དུ་སྐྱེས། ཉམས་ཀྱི་འཛིན་སྟངས་བུད། ལས་རླུང་དབང་དུ་འདུས། སྣང་བའི་རྫུན་(སྨད་ཆ།༢༠༦)ཕུག་བརྡིབ། རིག་པ་བརྟུལ་ཞུགས་ཀྱི་གདེང་དང་ལྡན་པར་གྱུར་ནས་སྔོན་གྱི་སྐྱེ་བ་དྲན་པ་སོགས་དག་པའི་སྣང་བ་ཁོ་ནར་འབྱམས་ཀླུས། དགེ་བའི་བཤེས་གཉེན་བརྟེན་ནས་ཐ་སྙད་དང་གཞུང་ལུགས་རྣམས་ལ་སྦྱར་བརྩོན་གྱི་ངལ་དུབ་རྟེན་མ་དགོས་པར་སྔོན་སྦྱངས་ཀྱི་རང་སྟོབས་སྟོན་པའི་རྩལ་རྫོགས་པའི་རིག་པ་ཕྱོགས་མེད་དུ་གྲོལ་ཞིང་ལོངས་སྦྱོད་འཁོར་ལོའི་མདུད་པ་དབྱིངས་སུ་ཞིག་པས། རྩ་རླུང་གི་རྒྱུ་བ་རྣམས་ཡི་གེའི་སྦྲིན་དུ་སྦྲོ་བས་གྲགས་པ་ཐམས་ཅད་ཆོས་ཚིག་གི་སྒྲ་དབྱངས་སུ་རང་རྡོལ་དུ་གྱུར་པས་སྣང་བ་ཐམས་ཅད་དཔེ་ཆར་ཤར་ཞིང། བྱས་ཚད་མན་ངག་ཏུ་གྱུར་པས་སྣང་བ་ཐམས་ཅད་དཔེ་ཆར་ཤར་ཞིང། བྱས་ཚད་མན་ངག་ཏུ་བླ་མ་དགོངས་པའི་པ་འདུས་པའི་ཆོ་གའི་རྣམ་བཤད་མཁྱེན་བརྩེའི་མེ་ལོང་ཞེས་བྱ་བ་མཛད། དགུང་ལོ་ཉེར་དགུ་པ་མེ་གླུང་ལོའི་སྨིན་དྲུག་ཟླ་བའི་མར་ངོའི་ཚེས་བཅུར་སློབ་དཔོན་ཆེན་པོ་པདྨའི་ཞབས་ལ་མོས་གུས་དང་སྐྱོ་ཤས་ཀྱིས་དྲངས་པའི་འོད་གསལ་གྱི་སྣང་བར་རྗེ་ཉིད་སེང་གེ་ལ་བཅིབས་ནས་ནམ་མཁའི་ལམ་ནས་བྱོན་པ་ཞིག་ལ་ཆོས་སྐུ་ཡེ་ཤེས་ཀྱི་ཌཱ་ཀི་ནི་མངོན་སུམ་དུ་མཇལ་ཞིང་ཤིང་གི་ཟ་མ་ཏོག་གཅིག་ཕྱག་ཏུ་གཏད་དེ། དག་པའི་འཁོར་གྱི་སྣང་ངོ་རུ༔ ཁྱོད་ནི་ཁྲི་སྲོང་ལྡེའུ་བཙན་ཡིན། མ་དག་གདུལ་བྱའི་སྣང་ངོ་རུ། ཁྱོ་དེ་ནི་སེང་གེ་རས་པ་ཡིན༔ མཁའ་འགྲོའི་གསང་མཛོད་ཆེན་མོ་ཡིན༔ རྡ་ཐིམ། ཞེས་གསུངས་པའི་མོད་ལ་ཡལ། དེར་ཐུགས་ལ་སྦྲོ་བ་ཚད་མེད་པ་སྐྱེས་ཏེ། ཟ་མ་ཏོག་དེ་ཁ་ཕྱེ་བས་ལ་ཡལ། དེར་ཐུགས་ལ་སྦྲོ་བ་ཚད་མེད་པ་སྐྱེས་ཏེ། ཟ་མ་ཏོག་དེ་ཁ་ཕྱེ་བས་ཤོག་སེར་ཧྲིལ་མོ་ལྔ་དང། ཤེལ་དཀར་སྲན་འཕོས་ཙམ་པ་བདུན་བཅས་བྱུང་བ་མཁའ་འགྲོའི་ལུང་བཞིན་ཐམས་ཅད་ཞལ་དུ་གསོལ་བས་ཚིག་དང་དོན་གྱི་གནས་(སྨད་ཆ།༢༠༧)ཐམས་ཅད་པར་གྱིས་བཏབ་པ་བཞིན་ཐུགས་པ་བཀྲ་ལམ་མེར་གསལ་བའི་ངོ་མཚར་ཚད་མེད་པར་གྱུར་ཅིང། དེ་ཚུལ་གྱི་ཕྱག་བྲིས་ལི་ཚན་གྱི་ཁོངས་སུ་ལོ་རྒྱུས་རྣམས་རྗེ་བླ་མ་ཐེག་ཆེན་གླིང་པའི་སྙན་དུ་གསོལ་ནས་དངོས་གཏེར་རམ་དག་སྣང་དགོངས་གཏེར་གྱི་ཚུལ་གང་རུང་འབྱུང་བར་སོམ་ཉི་བྲལ་མོད་ཀྱི། འོང་ཀྱང་རེ་ཞིག་གསང་བ་གལ་ཆེ་ཚུལ་གནང་བཞིན་ཐུགས་ལས་ཆུང་ངུའི་ངང་ནས་ལོ་བདུན་གྱི་བར་དུ་རླུང་ཕྱོགས་ཙམ་དུའང་མ་བསྒྲགས་པརརྟོག་མེད་ཁོ་ནར་མཛད་དོ། དེ་ནས་དགུང་ལོ་སོ་གཅིག་པ་ས་ཡོས་ལོར་དཔལ་གྱི་མཆིམས་ཕུ་བྲེ་གུ་དགེའུ་འོག་མིན་ལྷུན་གྲུབ་རང་བྱུང་གི་ཕུག་པར་ལོ་གསུམ་དུ་སྙིང་པོའི་སྒྲུབ་པར་རྩེ་གཅིག་བཞུགས་པའི་ཚེ། མ་བྱོན་བདེ་གཤེགས་སྙིང་པོ་རི་རམ་མར་མེའི་རྒྱལ་མཚན་ཀུན་མཁྱེན་བསམ་ཡས་དག་གི་དབང་པོའི་ཡེ་ཤེས་ཀྱི་སྐུ་ལན་གསུམ་དུ་མཇལ་པ་སྟེ། དེ་དག་ཀྱང་ལན་དད་པོས་བརྗོད་བྱ་དོན་གྱི་རྒྱུད་དང། རྫོད་བྱེད་ཚིག་གི་བརྒྱུད་པ་ཡོངས་སུ་རྫོགས་པའི་དོན་རྒྱུད་ཀྱི་དགོངས་པ་འཕོར་བར་མཛད་པ་སྐུའི་བྱིན་རླབས་དང། གཉིས་པས་མཛོད་ཆེན་བདུན་དང་ཤིང་རྟ་གསུམ་སོགས་ཀྱི་བསྟན་པ་གཏད་ནས་ངེས་དོན་མཐར་ཐུག་གིས་གྲུབ་མཐའ་བཟང་པོ་འདི་ཉིད་འཛིན་ཅིང་གཞན་ལའང་རྒྱ་ཆེར་སྟོན་པའི་སྒོ་མི་ནུབ་པའི་ཕྱིར་འཆད་པ་རྩོམ་པ་རྒྱ་ཆེན་པོས་གཞན་དོན་ཕྲིན་ལས་ལ་དབང་བརྙེས་པའི་ཀུན་མཁྱེན་ཆོས་ཀྱི་དོན་གྱི་རྒྱལ་ཚབ་ཏུ་དབང་བསྐུར་ཞིང། རྗེས་སུ་གནང་བའི་གསུང་གི་བྱིན་གྱིས་བརླབས་པ་དང། གསུམ་པས་བརྗོད་དུ་མེད་པའི་དེ་ཁོ་ན་ཉིད་རིག་པ་རྩལ་གྱི་བྱིན་རླབས་འཕོ་བའི་དབང་བསྐུར་ནས་དོན་རྒྱུད་རྟོགས་པའི་བདག་པོར་རྗེས་སུ་གནང་ཞིང་ཐུགས་ཀྱིས་བྱིན་གྱིས་བརླབས་པའོ། དེའི་ཚེ་བསྟོད་(སྨད་ཆ།༢༠༨)དཔྱིད་ཀྱི་རྒྱལ་མོའི་རྒྱང་གླུ་བྱ་བ་མཛད། ཀུན་མཁྱེན་ཆེན་པོའི་གདམས་པ་རྣམས་ཀྱི་དོན་ཐུགས་ལ་ཤར་བ་བཞིན་མན་ངག་གི་ཡི་གེ་ཀུན་མཁྱེན་ཞལ་ལུང་སོགས་ཐན་ཐུན་མཛད། གུ་རུ་ཆོས་ཀྱི་དབང་ཕྱུག་གི་གཏེར་བྱོན་དགེ་བསྙེན་མཁའ་རིའི་ཞུས་ལན་དུ། བང་པོ་དམར་པོའི་ཤར་རམ་ལྷོ་ཡི་ཕྱོགས༔ ལྷ་བབས་མཆོད་རྟེན་དགོན་སྡེ་འཆའ་ཡང་སྲོད། ཅེས་རྡོ་རྗེའི་ལུང་གིས་གསལ་བར་བསྟན་པ་བཞིན་དགུང་གྲངས་སོ་བཞི་པ་ཆུ་རྟ་ལོར་གཡོ་རུ་ཁྲ་འབྲུག་གི་གཙུག་ལག་ཁང་དང་མི་རིང་བ་བཀྲ་ཤིས་སྲོང་བཙན་བང་པོའི་ཤར་གྱི་ཕྱོགས་བསྐུངས་ཀྱི་རི་སུལ་བྱང་ཆུབ་ཤིང་གི་ནགས་ཁྲོད་ཚེ་རིང་ལྗོངས་ཞེས་བྱ་བའི་དབེན་གནས་ཆེན་པོར་སྦྱིན་བདག་སྡེ་པ་པུ་ཤུད་པས་ཞབས་འདེགས་བསྒྲུབས་ཏེ་པདྨ་འོད་གླིང་ཐར་པ་ཆེན་པོའི་གྲོང་ཁྱེར་རྟེན་བརྟེན་པ་དང་བཅས་པ་བསྐྲུན་པར་མཛད་ཅིང་རིས་སུ་མ་ཆད་པའི་སྐྱེ་བོ་སྐལ་པ་བཟང་པོ་ཆོས་ཀྱི་འདུལ་བར་བཤད་སྒྲུབ་ཀྱི་སྒྲ་དབྱངས་རྒྱུན་མི་འཆད་དུ་སྒྲོག་པར་མཛད་དོ། སྔར་བབས་པའི་ཐུགས་གཏེར་ཀློང་ཆེན་སྙིང་ཐིག་གི་ཆོས་སྐོར་ཡང་རིགས་ལྔ་ཌཱ་ཀིའི་གཅོ་མོས་བརྡ་འགྲོལ་གྱི་སྐབས་དབྱེ་བ་ནས་རིམ་པར་ཤོག་ཐོག་ཏུ་འབེབས་པར་མཛད་པའི་དུས་ཀྱང་གནང་བྱང་ཐུགས་ཀྱི་སྒྲོམ་བུར་གསལ་བ། དགུང་གྲངས་ས་སོ་དྲུག་པ་ཤིང་སྦྲེལ་ལོར་ངེས་པ་བཞིན་སྦྲེལ་ཟླའི་ཚེས་བཅུ་མཆོད་པའི་ཆོ་ག་མཛད་པ་ན་ཨོ་རྒྱན་ཆེན་པོ་ཉིད་འཁོར་མཁའ་འགྲོའི་ཚོགས་དང་བཅས་པ་མཇལ། ལྷོ་བྲག་གསུང་སྦྲུལ་རིན་པོ་ཆེ་སོགས་སྦྲུལ་སྐུ་རྣམ་གསུམ་གྱིས་ཐུགས་གཏེར་འབེབས་པར་ལེགས་སོའི་བསྐུལ་མའང་བྱུང་བས་རྟེན་འབྲེལ་གྱི་སྒོ་འགྲིགས་ཤིང། ཀོང་སྨྱོན་སྦས་པའི་རྣམ་(སྨད་ཆ།༢༠༩)འབྱོར་གྱིས་ཀྱང་སྔོན་ཆད་མཐོང་མེད་པར་མངོན་ཤེས་ལྟ་བུས་བསྐུལ་མ་མཛད་པས་སྨོན་ལམ་དུས་བབས་ཀྱི་རྟེན་འབྲེལ་ལ་དགོངས་པས་འདུས་པ་དང་པོའི་འཁོར་བཅོ་ལྔ་ལ་སྨིན་གྲོལ་གྱི་སྒོ་དབྱེ་བར་མཛད་པ་ནས་བཟུང་རིམ་གྱིས་སྦེལ་བར་མཛད་དོ། སྨིན་གླིང་གཏེར་ཆེན་སྐུ་མཆེད་ཀྱི་དངོས་སློབ་ཀོང་པོ་ཐང་འབྲོག་སྦྲུལ་སྐུ་རིན་པོ་ཆེ་པདྨ་རིག་འཛིན་དབང་པོ་ལས་མོད་དབང་ཆེན་མོ། གྲུབ་དབང་དཔལ་མགོན་ལས་གསང་བ་སྙིང་པོའི་བཤད་ལུང། ལྕགས་ཟམ་རིན་པོ་ཆེ་བསྟན་འཛིན་ཡེ་ཤེས་ལྷུན་གྲུབ་ལས་རྙིང་རྒྱུད་ཡོངས་རྫོགས་ཀྱི་ལུང་རྣམས་གསན། གཞན་ཡང་སྒྱུ་འཕྲུལ་ཞི་ཁྲོ། སངས་རྒྱས་མཉམ་སྦྱོར་དོང་སྦུགས། ཡང་དག་སོགས་ཀྱི་དབང་སྨིན་གླིང་གི་རྒྱུན་ལས་གསན་ཅིང། ཕྱག་རྒྱ་བཅིང་ཐབས་དང། ཆོ་གའི་ཁྲིགས་དང། དཀྱིལ་འཁོར་བྲི་ཐིག། མཛོད་ཆེན་གསུམ་དང་ཤིང་རྟ་གསུམ་གྱི་དོན་བསྡུས་པས་བསྟན་པ་ཡོངས་སུ་རྫོགས་པའི་བསྟན་བཅོས་ཆེན་པོར་འགྱུར་ཞིང་གཞན་རྣམས་ལམ་སྟེགས་ཙམ་དང། ངེས་དོན་རྫོགས་པ་ཆེན་པོ་གྲུབ་མཐའ་ཀུན་གྱི་རྩེ་མོར་གནས་པ་གཏན་ལ་དབབ་པ་ཡོན་ཏན་མཛོད་རྩ་བ་དང། དེ་ཉིད་ཀྱི་རྒྱུའི་ཐེག་པའི་དགོངས་འགྲེལ་བདེན་གཉིས་ཤིང་རྟ་དང་འབྲས་བུའི་ཐེག་པའི་དགོངས་འགྲེལ་བདེན་གཉིས་ཤིང་རྟ་དང་འབྲས་བུའི་ཐེག་པའི་དགོངས་འགྲེལ་རྣམ་མཁྱེན་ཤིང་རྟ་ཞེས་གྲགས་པའི་གཞུང་ཆེན་པོ་དག་མཛད་དེ་ལུང་དང་རིག་པའི་སྐྱ་བར་ནས་འོད་གསལ་སྙིང་པོའི་རིང་ལུགས་སློང་བར་མཛད་པས་བོད་ཡུལ་གྱི་ལྗོངས་སུ་སྔོན་ཆད་ཀློག་པ་ཁོ་ནར་གློ་བ་ཞེན་པའི་སྟོན་ཆེན་རང་རྒྱུད་གནམ་རུ་ལྟར་གྱོང་བ་རྣམས་ཀྱང་བསྔགས་པའི་མེ་ཏོག་ཆལ་ཆིལ་དུ་བསྙིལ་ཞིང་གུས་འདུད་ལྟུར་(སྨད་ཆ།༢༡༠)ལེན་པ་ལ་སྦྲོ་བར་གྱུར་ཏོ། ཕྱོགས་གང་དུའང་སྔ་འགྱུར་གྱི་བསྟན་པ་རིན་པོ་ཆེ་ཉག་ཕྲ་བར་གྱུར་པས་སྦྲུལ་པའི་ཆོས་རྒྱལ་ཆེན་པོ་དང་ལོ་པཎ་མཆོག་རྣམས་ཀྱི་ཐུགས་བསྐྱེད་རྒྱ་ཆེན་པོའི་འཕྲག་པར་ཁྱེར་བའི་གསང་མཆོག་ངེས་ལ་དོན་གྱི་བསྟན་པའི་ཕྲིན་ལས་རྒྱ་ཆེན་པོ་ཆུད་འཛའ་བ་དང་འཕགས་པ་མཆོག་དེ་རྣམས་ཀྱི་ཕྱག་རྗེས་རྨ་མེད་པ་ཟུབ་ཏུ་ཉེ་བ་ཐུགས་ཀྱིས་མ་བཟོད་དེ་རྙིང་རྒྱུད་རིན་པོ་ཆེ་སྨིན་གླིང་གི་དཔེ་གང་བཞུགས་ཚང་མ་དབུ་ཤོག་ལྔ་རིན་པོ་ཆེ་སྣ་ལྔས་བྲིས་ཤིང་དེ་ཕྱིན་སྐྱ་ཆས་པུ་ཏི་ཉེར་ལྔ་སྐོར་ཡོ་བྱད་དང་རྒྱུ་དངོས་ཕུན་སུམ་ཚོགས་པ་བསྒྲུབས་པར་མཛད། སྔོན་ཆད་ཕྱོགས་འདིར་དཀར་ཆག་ཏུ་འདེབས་པ་དང་གཏན་ཚིག་ཀྱིས་བསྒྲུབས་པའི་དེབ་ཐེར་རྒྱས་པར་འགོད་པ་མ་བྱུང་མོད། རྗེ་བཙུན་ཆོས་ཀྱི་རྒྱལ་པོ་འདི་ཉིད་ཀྱིས་གཏན་ཚིག་གསུམ་དང་འབྲེལ་བའི་སྦོབས་པ་ཟབ་ལ་རྒྱ་ཆེ་བས་སྔ་འགྱུར་རྒྱུད་འབུམ་རིན་པོ་ཆེའི་རྟོགས་པ་བརྗོད་པ་འཛམ་གླིང་ཐ་གྲུབ་ཁྱབ་པའི་རྒྱན་ཞེས་བྱ་བ་མཛད་དེ་ལུང་དང་རིག་པའི་སྣང་བ་བཟང་པོས་ལེགས་པར་རྟོགས་པ་དང་ཐེ་ཚོས་ཀྱི་མུན་པས་ཕྱོགས་བསླད་པ་ཐམས་ཅད་དྲུང་ནས་འབྱིན་པར་མཛད་དོ། རླུང་དཔལ་གྱི་སེང་གེའི་ཡེ་ཤེས་ཀྱི་སྐུས་བཛཱ་ཀཱི་ལ་ཡའི་དཀྱིལ་འཁོར་དུ་དབང་བསྐུར་བ་རྫོགས་པས་བྱིན་རླབས་ཀྱི་མཚན་མ་ཐོབ་པ་ལ་བརྟེན་ཀཱི་ཀ་ཡའི་ཏནྟྲ་ཤིན་ཏུ་མང་བ་གངས་རིའི་ཁྲོད་དུ་བྱོན་པ་ལས་དངོས་གྲུབ་བརྙེས་པའི་བརྒྱུད་པ་བར་མ་ཆད་པའི་བཀའ་སྲོལ་རྒྱལ་པོ་ལུགས་དང་ཇོ་མོ་ལུགས་དང། ལྕམ་ལུགས་གཅོ་བོར་གྱུར་པའི་བཀའ་བབས་ཐ་དད་ཀྱི་བརྒྱུད་པ་མང་དུ་བཞུགས་པ་རྣམས་དོན་དུ་རྒྱུད་ཀྱི་དགོངས་པར་གཅིག་པའི་ཕྱིར་བཀའ་བབས་ཐམས་ཅད་འདུ་བའི་རྟེན་འབྲེལ་གྱི་ངེས་པས། རྡོ་རྗེ་(སྨད་ཆ།༢༡༡)བཀོད་པ་རྣལ་འབྱོར་ཆེན་པོ་དང། ཡེ་ཤེས་རྩ་མོ་དང། རྩ་རྒྱུད་རྣམ་འབྱོར་ཆེན་པོ་གཙོ་བོར་རྒྱུད་སྒྲུབ་ཐབས་སུ་བསྡེབས་པ་སྔོན་མེད་པའི་བཀའི་བསྡུ་པ་མཛད། དེ་སྐབས་ཙམ་དུ་དཔལ་མགོན་ཞལ་གྱི་ལུང་གིས་བསྐུལ་བའི་རྟེན་འབྲེལ་ལས་དཔལ་ས་སྐྱའི་བདག་ཆེན་སྔགས་འཆང་ཆེན་པོ་ངག་དབང་དཔལ་ལྡན་ཆོས་སྐྱོང་དང། ངག་དབང་ཀུན་དགའ་ཕན་བདེ་རྒྱ་མཚོ་མཆེད་ཀྱིས་སྦྱན་དྲངས་པ་ལྟར་དཔལ་ལྡན་ས་སྐྱའི་གྲོམ་པ་ཆུང་གི་གཙུག་ལག་ཁང་དུ་ཕེབས། ས་སྐྱ་པ་ཆེན་པོ་སྐུ་མཆེད་ལ་བྱང་སྡོམ་དང་རྒྱུད་ནས་བཏུས་པའི་ཕུར་པའི་དབང་ཆེན། ཀློང་ཆེན་སྙིང་གི་ཐེག་ལེའི་དབང་ལུང་དང་མན་ངག་གི་ཁྲིད་བཀའ་སོགས་སྨིན་གྲོལ་གྱི་བདུད་རྩིས་ཐུགས་རྒྱུད་ལེགས་པར་གཏམ་པར་མཛད། ཕུར་པའི་དབང་མ་མཛད་གོང་ས་སྐྱ་བདག་པོའི་མནལ་ལམ་དུ། ད་རེས་ཕུར་ཁང་དུ་བླ་མ་རྫོགས་ཆེན་པ་ལ་ཡང་དག་གི་དབང་ཞུས་ཤིག། ཅེས་བྱུང་བས་ཡང་དག་པའི་ཆོས་ཚུལ་དུ་ངེས་པ་རྙེད་ནས་ཆོས་སྒོ་ཐོག་མར་ཕྱེ་བར་མཛད་པ་ཡིན་ནོ། གཞན་ཡང་ཡང་དག་སོགས་ཡབ་ཆོས་སྔོན་རྙིང་པ་རྣམས་ཀྱང་ཉམས་པ་གསོས་པ་སོགས་ཕྱོགས་དེར་བསྟན་འགྲོའི་དོན་རྒྱ་ཆེ་བ་དུ་མ་སྒྲུབ་པར་མཛད། གཞན་ཡང་ལྷོ་མོན་དུ་མཚོ་སྣ་དགོན་ཙེ་ལེ་སྦྲུལ་སྐུས་སྦྱན་དྲངས་ཤིང་ཕྱོགས་དེའི་སྐྱེ་བོ་རྣམས་ཀྱང་མཐོང་ཐོས་དོན་ལྡན་དུ་མཛད། གནས་ཆེན་རྣམས་སུ་མཆོད་པ་དང། བདུད་རྩི་སྨིན་གྱི་སྒྲུབ་པ་ཁྱད་པར་ཅན་དུ་མ་མཛད། སྐལ་བ་དང་ལྡན་པའི་སློབ་མ་རྣམས་ལ་གདམས་ངག་གི་ཁྲིད་དང། དབང་ལུང་དུ་མས་སྨིན་པར་མཛད། བསམ་ཡས་རི་མཐིལ་ཁྲ་འབྲུག། ཤེལ་བྲག། སྲོང་བཙན་བང་སོང་རྣམས་སུ་བདུད་(སྨད་ཆ།༢༡༢)ཙི་བསྒྲུབས་པ་དང། ཞི་རྒྱས་དབང་དྲག་གི་སྦྱིན་བསྲེག། ཚོགས་མཆོད་གཏོར་བཟློག་སོགས་བསྟན་འགྲོའི་བདེ་ཐབས་དུ་མ་དང་གནས་ཆེན་གསུམ་གཅོ་བོར་གྱུར་པའི་ཆོས་རྒྱལ་མེས་དཔོན་གྱིས་བཞེངས་པའི་གཙུག་ལག་ཁང་རྣམས་སུ་མཆོད་པ་སྣ་ལྔ། རྒྱ། སྟོང། ཁྲིའི་བར་ལན་གྲངས་ཤིན་ཏུ་མང་པོ་དང། སྲོག་བསླུ་ཁོ་ནའང་བགྲངས་ཀྱིས་མི་ལང་བ། རིན་པོ་ཆེའི་རྒྱུ་ཚོགས་ལས་བསྒྲུབས་པའི་སྐུ་གསུང་ཐུགས་ཀྱི་རྟེན་ཁྱད་པར་དུ་འཕགས་པ་དུ་མ་དང། མཆོད་པའི་ཡོ་བྱད་རྒྱུ་དངོས་ཕུན་སུམ་ཚོགས་པ་ཁོ་ན་ལས་བསྒྲུབས་པར་མཛད་ནས་འབུལ་སྦྱོར་མཛད་པ་སོགས་འཁོར་ལོ་གསུམ་གྱི་ཕྲིན་ལས་ཀྱིས་དུས་འདའ་བར་གྱུར་ཅིང། དབུས་གཙང། ཁམས་ཀོང། ལྷོ་མོན་ཚུན་གྱི་ཆེ་དགུ་མཐའ་དག་དང། ཐོས་བསམ་པར་རློམ་པའི་མཁས་པ་དང། སྒོམ་པ་ལ་དྲིལ་བའི་སྒྲུབ་པ་པོ་ཕོ་མོ། རང་བཞིན་གྱི་བསྟན་པ་ལ་ཞུགས་པའི་བཙུན་གཟུགས་ཡན་ཆད་ཀྱང་རྗེ་འདི་ཉིད་ཀྱི་ཞལ་མཇལ་ཁོ་ན་དོན་དུ་གཉེར་ཞིང་དེ་དག་རྣམས་ལ་གང་ལ་གང་འཚམས་ཀྱི་འཇུག་པའི་ཆོས་བཀའ་དབང་ལུང། སྨིན་ཁྲོད། དགེ་སྡིག་འཇུག་ལྡོག་གི་བསླབ་བྱ་དང་བཅས་པ་སྒོ་ཇི་སྙེད་པས་མངོན་མཐོ་དང་ངེས་ལེགས་ཀྱི་གནས་སུ་བཀྲི་བར་མཛད་པའི་ཚུལ་མཐའ་དག་པ་ནི་སྨོས་ཀྱིས་མི་ལང་ལ། སྒྱུ་འཕྲུལ་ཞི་ཁྲོ་དང་ཚོགས་ཆེན་འདུས་པ་རྣམས་ཀྱི་ཆོག་ཁྲིགས་ཀྱང་གསར་དུ་མཛད་ནས། བྱང་ཐེག་མཆོག་གླིང་དུ་སྒྲུལ་འཕྲུལ་ཞི་ཁྲོའི་སྒྲུབ་མཆོད་རྟེན་ཇི་སྲིད་བར་སྦྱོད་འཇགས་དང། དཔལ་གྱི་རི་བོར་འདུས་པ་མདོའི་སྒྲུབ་མཆོད་སོགས་བཀའ་མ་རྣམས་འཕེལ་རྒྱས་ཀྱིས་ཐབས་རྒྱ་ཆེ་བ་མཛད། མོན་དགོན་རྩེ་སྦྲུལ་སྐུའི་གདན་དྲངས་པ་ལ་བརྟེན་མོན་ཕྱོགས་སུ་(སྨད་ཆ།༢༡༣)སྔ་ཕྱིར་ལན་གཉིས་ཙམ་དང་གཙང་རྒྱལ་ཙེར་ཡང་ཕེབས་ཏེ་འབྲེལ་ཚད་ཐར་པ་མཆོག་ལ་སྦྱོར་བའི་ཐུགས་བསྐྱེད་དང་བསྟན་པ་རིན་པོ་ཆེ་ཐུགས་ལ་བཅག་པའི་ཐུགས་ཀྱི་དགོངས་པ་ཁྱད་པར་ཅན་གྱིས་རྗེས་སུ་སྐྱོང་བར་མཛད། སེ་ར་སྨད་མཁན་པོ་དང། འབྲས་སྦུངས་བདེ་ཡང་མཁན་པོ་སོགས་མཚན་ཉིད་པའི་མཁས་པ་ཆེན་པོ་དག་གིས་ཆོས་ཀྱི་གནད་མཁྱེན་པས་རྗེ་འདིའི་ཞབས་པད་ལ་བཏུད་པ་ལ་སྔ་ཕྱིར་རྫོགས་པ་ཆེན་པོའི་ཉམས་ཁྲིད་ཀྱིས་རྗེས་སུ་བཟུང། དགའ་ལྡན་བྱང་རྩེ་མཁན་པོས་ཀྱང་ཆབ་ཤོག་གི་ལམ་ནས་བསྙེན་བཀུར་དང་བཀའ་ཆོས་ཀྱི་འགྲེལ་བ་དགོས་ཚུལ་ལྟར་ཡོན་ཏན་མཛོད་རྩ་འགྲེལ་ཕུལ། མཚན་ཉིད་པ་འདི་ངག་དབང་རྣོན་ཆོས་ཀྱི་རྗེས་འབྲང་དུ་ངེས་པས་རྗེ་འདིར་གཏིང་ནས་དད་པ་ཡིན་པར་སྣང། ཁམས་སྡེ་དགེ་རྒྱལ་པོས་ཀྱང་མཇལ་ཞིང་དབང་ལུང་སོགས་ཀྱིས་ཐུགས་བཞེད་བསྐངས་པས་དེ་ཕྱིན་བསྟན་པའི་སྦྱིན་བདག་ཏུ་གྱུར། ལྕགས་ཕག་ལོར་ཟླ་བ་ལྔ་པའི་ནང་དམག་ངོའི་ལུང་བསྟན་གསན་པ་བཞིན་གི་ཥ་ཨ་སུ་རའི་དམག་གིས་གཙང་ཕྱོགས་ནས་གཟར་ཆེར་སློང་པ་ལ་དམིགས་པ་མེད་པའི་བརྩེ་བ་ཆེན་པོས་དངུལ་སྲང་བརྒྱ་ཕྲག་ལྷག་གིས་ལོན་སྦྱར་ནས་ཇོ་བོ་རིན་པོ་ཆེའི་སྐུ་མདུན་དུ་མཆོད་རྒྱུན་ཆེན་པོ་བཙུགས་ནས་དཀོན་མཆོག་གི་ཐུགས་རྗེ་བསྐུལ་བའི་བདེན་ཚིག་ནང་སེམས་ཅན་རྣམས་དུས་ཀྱི་ཆར་པས་མནར་བ་ལས་སྐྱོབས་པའི་ཐུགས་འདུན་གསོལ་སྨོན་ནན་གྱིས་མཛད། གཞུང་ས་ནས་དམག་ཟློག་གི་སྐུ་རིམ་དགོས་ཚུལ་བྱུང་བ་ལ་རྗེ་ཉིད་མངོན་སྦྱོད་མི་བཞད་ཀྱང་སེམས་ཅན་ལ་ཐུགས་བརྩེ་བས་དད་དུ་བཞེས་པས་མངོན་རྟགས་ཀྱང་གསལ། སླར་ཡང་བསྟན་སྲིད་བདེ་ཐབས་སུ་མགོན་པོ་གཡུལ་མདོས་ཀྱང་(སྨད་ཆ།༢༡༤)མཛད། ཕྱིས་བདེ་གཟར་འཆིང་སྒྲོག་སྐོར་བ་ཕ་རོལ་སྣང་བ་དབང་བསྒྱུར་གྱི་ཕྲིན་ལས་བྱེད་དགོས་ཞེས། གོང་ས་རིན་པོ་ཆེ་ནས་ཆབ་ཤོག་གནང་རྟེན་བཅས་སྩལ་པར། བསྟན་འགྲའི་བདེ་སྐྱིད་ཐུགས་པ་རྣགས་པས་རྟ་མཆོག་རོལ་བའི་བསྙེན་སྒྲུབ་པ་ལས་སྦྱོར་བཅས་རྟགས་མཐོང་དུ་གནང་པས་ཕ་རོལ་པོ་དང་དབང་དུ་གྱུར་པའི་ཕྲིན་ལས་ཀྱང་མཛད་དེ་སྦྱིར་ཕྲིན་ལས་རྣམ་པ་བཞི་ལ་དབང་འབྱོར་བས་བོད་ཡུལ་འདིར་མཐའ་མི་གདུག་པ་ཅན་པ་དག་གི་བསམ་སྦྱོར་ངན་པས་དཀྲུགས་ནས་གློ་བུར་དུ་ལངས་པའི་འཁྲུག་བརྩོད་མི་བཟང་བ་དེ་དག་ཉེ་བར་ཞིང་བའང་མགོན་པོ་གང་གི་ཐུགས་རྗེ་ཕྲིན་ལས་ལས་བྱུང་བ་ཡིན་ནའང་ཤེས་ཤིང་དྲིན་དུ་བསམ་པ་སུ་ཞིག་ཡོད་སྙམ་མོ། ཡང་སྔ་མོ་ཞིག་གི་དུས་ལམ་དུ་རྒྱ་གར་གྱི་རྒྱལ་པོས་གླང་པོ་ཆེ་ཐལ་ཀར་གཞོན་ནུ་ཞིག་སྐྱེས་སུ་བཀུར་བའི་མཚན་ལམ་ཡ་མཚན་པ་ཞིག་བྱུང་བ་དང་རྗེས་མཐུན་གླང་ལོར་རྒྱལ་སྲས་ཉིན་བྱེད་འོད་ཟེར་འཇིགས་མེད་གྲུབ་པའི་སྡེ་སྐུ་བལྟམས་ཏེ་ངོ་མཚར་བའི་ལྟས་དུ་མ་དང་ལ་ཉེ་སོགས་ཀྱང་ཤིན་ཏུ་བཟང་བར་བྱུང། འདི་སྐབས་ཤིག་ཐུབ་བསྟན་རྡོ་རྗེ་བྲག་ནས་མཆོག་སྦྲུལ་རིན་པོ་ཆེས་གདན་འདྲེན་བྱུང་བ་བཞིན་རྡོ་རྗེ་བྲག་ཏུ་ཕེབས་སྐྱོང་གནང། གང་ཅིང་འདུས་ཚོགས་ཀྱིས་སེར་སྦྲེང་གིས་མཚོན་པའི་བསྙེན་བཀུར་ཕུན་སུམ་ཚོགས་པས་མཆོད། སྦྲུལ་པའི་སྐུ་འདུས་པར་བཅས་ལ་སྙིང་ཏིག་ཡ་བཞི་དགོངས་གཏེར་ཀློང་སྙིང་སོགས་ཀྱིས་མཚོན་པའི་བཀའ་ཆོས་ཟབ་རྒྱས་ཕུལ་ནས་ཐུགས་ཡིད་གཅིག་འདྲེས་མཛད། འདི་དུས་རྒྱ་རོང་སྦྲུལ་པའི་སྐུ་འཁོར་བཅས་ཀྱང་ཕེབས། བཀའ་ཆོས་ཉམས་ཁྲིད་གནད་སྨིན་བཀའ་དྲིན་སྐྱངས། སྔོན་རྫོགས་ ཆེན་མཆོག་སྦྲུལ་རིན་པོ་(སྨད་ཆ།༢༡༥)ཆེ་དེ་ཉིད་ཀྱིས་ཆབ་ཤོག་ཀྱི་ལམ་ནས་རྗེའི་ཙར་ཐུགས་དགོངས་གཏོད་པའི་ཞུ་ཡིག་གསོལ་སྨོན་གནང་བ་དང། རྗེ་ཉིད་ཀྱིས་འབྱུང་འགྱུར་གྱི་ལུང་བསྟན་གསུང་འགུར་གྱི་སྒྲོསསོགས་པ་དཔག་ནས་རྒྱལ་བའི་སྲས་དེ་དག་དགོངས་པ་ཅན་གྱི་གསུང་གིས་ཟློག། འོན་ཀྱང་རྫོགས་ཆེན་རིན་པོ་ཆེའི་ཡང་སྲིད་ལུང་དོན་བཞིན་ཞིབ་གསལ་མཛད། རྒྱལ་སྲས་རིན་པོ་ཆེ་འབྲི་གུང་པའི་ཡང་སྲིད་དུ་ཐག་གཅོད་གནང་ནས་ཡབ་སྲས་ལྷུན་རྒྱས་འབྲི་གུང་དུ་སྦྱན་དྲངས། བསྙེན་བཀུར་བསམ་གྱིས་མི་ཁྱབ་པས་མཆོད། འབྲིང་གུང་མཆོག་སྦྲུལ་ཟུང་དང་ཐེལ་མཁན་སློབ་སོགས་ལ་འདུས་པ་མདོ་དབང་ཆེན་མོ་སྩལ། སྙིང་ཏིག་ཡ་བཞི་དགོངས་གཏེར་སོགས་ཀྱི་བཀའ་གཏད་ཀྱང་ཕུལ། དེ་སྐབས་ཅུང་ཟད་སྐུ་སྟེམ་ཙམ་བྱུང་ཀྱང་སྨན་དཔྱད་སོགས་འཕྲོད་བཞེས་གནང་བས་རེ་ཞིག་སྙུན་དཱངས། སླར་ཕེབས་ཞོར་ལ་བསམ་ཡས་སུ་མཆོད་པ་རྒྱ་ཆེར་མཛད། སློབ་དཔོན་ཆེན་པོས་ཀླུ་མལ་གྲོ་བཏུལ་ཏ་སླར་ཧས་པོ་རིར་རྡོ་སྒྲོམ་དུ་སྦས་པ། གཏེར་རྫས་དོ་བོ་སྡེ་བརྒྱད་ཀྱི་ཐོག་ལྕགས་ཛྷཻ་ཀྵི་ཾབཅོས་སུ་དང་ཁྱད་པར་མེད་པའི་ཕུར་པ་གནམ་ལྕགས་ཐོག་རྒོད་ཅེས་པ་གཏེར་དུ་བཞེས་ནས་ས་སྐྱོང་སྡེ་དགེར་རྟེན་སྐལ་དུ་སྩལ། གདན་སར་ཕེབས་ནས་འབྲི་གུང་པ་དང་བཀའ་བློན་ཕ་ལྷ་སོགས་ཀྱིས་ཞབས་བརྟན་འབུལ་མི་འབྱོར་བར། རྣམ་ཐར་འཕྲོར་སྐྱེ་མེད་ཨ་ཡིག་གིས་མཐའ་ཅན་ཞིག་ཀྱང་སྩལ་ཏེ། ཞིང་ཁམས་གཞན་དུ་དགོངས་པ་གཏད་པའ་གསུང་ཅི་རིགས་བྱོན། དེ་ནས་མི་རིང་བར་སྐུ་བབས་ལྕི་བ་ཙམ་བྱུང་བར་སྐུ་རིམ་ཞབས་བརྟན་རྒྱ་ཆེན་བསྒྲུབས་ཀྱང་བསྟན་འགྲོའི་བསོད་ནམས་ཀྱིས་མ་འཆུར་བས་ས་རྟ་དབྱུག་(སྨད་ཆ།༢༡༦)ཟླའི་ཚེས་ལ་དགོངས་པ་ཆོས་དབྱིངས་སུ་ཐིམ་པའི་ཚུལ་བསྟན་པར་གྱུར་ཏེ། དེ་ཡང་སྔར་བསམ་ཡས་མཆིམས་ཕུར་ཨོ་རྒྱན་ཆེན་པོས་ལུང་བསྟན་སྐུ་ཚེའི་ཚད་རོ་བུས་དུས་མེ་ཞེས་པ་རོ་དུས་ལོ་དང་དུས་མེ་ཟླ་བའི་གྲངས་སུ་བྱས་ན་དྲུག་ཅུ་རེ་དགུ་འབྱུང་བས་དེ་ཉིད་ཐོག་ཏུ་ཁེལ་བ་ལས་ཅུང་ཟད་སྐུ་ཚེ་འདིའི་གདུལ་བྱ་མ་རྫོགས་པས་ཕྱིར་བསྣུར་བ་ལྟར་བསྟན་པར་སྣང་ངོ། མྱ་ངན་ལས་འདས་པར་ཉེ་བ་ན་གྲཱ་འཁོར་རྣམས་ལ་དམ་པའི་ཆོས་དང་རྗེས་སུ་སྒྲོམ་དུ་ཞལ་ཆེམས་ཀྱི་ཡི་གེ་རྗེས་ཀྱི་སྒྲུབ་དོགས་གདུང་གི་བྱེད་ལུགས་སོགས་གསལ་བར་གནང་ཡོད་པར་འདུག་སྟེ། ད་ནི་རྟག་ཏུ་ཆོས་ཉིད་དང་ང་ལ་འགྲོ་སྡོད་གཉིས་སུ་མེད། སྐྱེ་འཆེར་བསྟན་པ་རྗེས་ཐོབ་ཙམ། ཡེ་གྲོལ་ཆེན་པོར་རྫོགས་སངས་རྒྱས། ཞེས་ཚིགས་བཅད་དང་བཅས་པ་ཞིག་དང། ཡང་མདུན་གྱི་གསོལ་ཅིག་གི་སྲུབ་ནས་ཤོག་དྲིལ་ཞིག་བྱུང་བར། འོད་སྣང་མཐའ་ཡས་ཞབས་ལ་ཕྱག་འཚལ་ལོ། སྐྱེ་བ་ཞེས་བྱ་སྲིད་པའི་འཁོར་ལོ་སྟེ། རྟེན་འབྲེལ་བཅུ་གཉིས་རྒྱུན་ལ་རྟག་འཁོར་ནས། ནད་སོགས་སྡུག་བསྔལ་བདེན་པའི་ཉེར་ལེན་ཅན། འཆི་བ་ཞེས་བྱ་དོན་དམ་བདེན་པ་སྟེ། སེམས་ཀྱི་ཆོས་ཉིད་རང་བཞིན་མེད་པ་ལ། སྐྱེ་འཆིའི་བར་ལག་རྣམ་པར་རྟོག་པས་བཟོས། ཡུལ་ལྔའི་ཤེས་པ་རྣམ་ཐར་སྒོ་གསུམ་ཀློང། འདྲེན་འདི་རང་བྱུང་རྡོ་རྗེའི་ཞལ་མེད་ཁང། པདྨ་འོད་དང་རང་བཞིན་སྦྲུལ་པ་ནི། ཐུགས་རྗེས་འགྲོ་བ་འདུལ་བའི་གནས་མཆོག་སྟེ། མོས་གུས་ཅན་དང་འབྲེལ་ཐོགས་ཡིད་ཅན་ཀུན། ཚོམ་བུ་གཅིག་ཏུ་མངོན་འཚང་རྒྱ་བར་ཤོག། ཅེས་སོགས་སྩལ་(སྨད་ཆ།༢༡༧)བར་སྣང་དགོངས་རྫོགས་མཆོད་པ་དང་དངུལ་གདུང་ཐོག་ཚད་དུ་ལངས་པར་སྐུ་གདུང་རིན་པོ་ཆེ་ཞལ་ཆེམས་ལྟར་རིལ་པོར་འཇོག་པ་སོགས་སྐུ་རྗེས་ཀྱི་མཛད་པ་མཐའ་རྒྱས་སུ་དཔོན་སོགས་ཀྱིས་བསྒྲུབས་པར་མཛདདོ། གསུང་ཙོམ་གྱི་རིགས་ཀྱང་ཚིག་དོན་ཕུན་སུམ་ཚོགས་ཤིང་གྲུབ་མཐའ་ལྷང་ངེས་པའི་བསྟན་བཅོས་ཀྱང་མང་དུ་མཛད་དེ། དགོངས་གཏེར་དང་བཅས་ཁྱོན་དྲིལ་པུ་ཏི་བཅུ་ཙམ་བཞུགས་པ་ཐམས་ཅད་རྗེ་ཉིད་ཀྱི་གཏེར་ལུང་ལས་ལྷ་ལྕགས་དང་ཚུལ་རྒྱལ་མོའི་སྐྱེ་བར་ལུང་གིས་ཟིན་པའི་རིགས་ལྡན་དིཀའི་དབང་མོ་སྡེ་དགེ་དཔོན་མོ་ཚེ་དབང་ལྷ་མོས་པར་དུ་བརྐོ་བར་གནང་ནས་རྒྱལ་ཁབ་ཆེན་པོ་ལྷུན་གྲུབ་སྟེང་གི་པར་ཁང་ཆེན་མོར་བཞུགས་ལ། སྦྱིར་རྗེ་འདི་ཀུ་སུ་ལུའི་ཚུལ་གྱིས་དབེན་པ་འབའ་ཞིག་ལ་ཐུགས་སྦྲོ་གནང་བ་ལས་མ་འདས་ཀྱང། དྲི་ལྡན་མེ་ཏོག་རྒྱང་རིང་ཡང། བུང་བ་སྦྲིན་གྱི་ཚོགས་བཞིན་འཁོར། ཞེས་པ་དང་རྗེས་མཐུན་ཕྱོགས་མཐའ་དག་ནས་སློབ་མའི་ཚོགས་ཀྱང་མང་དུ་བྱོན་ཏེ། གཙོ་བོར་གངས་ཅན་ཙམ་ན་འགྲན་ཟླ་དང་བྲལ་ས་སྐྱ་བདག་ཆེན་རིག་འཛིན་དབང་དུ་སྡུད་སྙིང་པོ། མཆེད་རྒྱན་ལྕམ་དྲལ་བཅས་དང། ས་སྐྱ་གཞི་ཐོག་མཁན་པོ་ཨ་ནནྟ་དང། འབྲས་སྦུངས་བདེ་ཡང་བླ་མ། སེ་ར་སྨད་སྦྲུལ་སྐུ། མོན་དགོན་རྩེ་སྦྲུལ་སྐུ་སོགས་པ་དགེའི་མཁས་པ་དུ་མ་དང། རང་ལུགས་རྡོ་རྗེ་བྲག་མཆོག་སྦྲུལ་ལྷོ་བྲག་ཐུགས་སྲས་སྦྲུལ་སྐུ། དཔལ་རི་སྦྲུལ་སྐུ། ལྕགས་ཟམ་སྦྲུལ་སྐུ་སོགས་དང། ཁམས་ནས་ཉི་གྲགས་མཆོག་སྦྲུལ། ཞེ་ཆེན་སྦྲུལ་སྐུ་སོགས་དང། ཁམས་ནས་ཉི་གྲགས་མཆོག་སྦྲུལ། ཞེ་ཆེན་སྦྲུལ་སྐུ་རྣམ་གཉིས། འཛིན་ཆེ་དགུ་དུ་མ་དང། མདོ་ཁམས་སྨད་ནས་རྡོ་བླ་ཀུན་བཟང་གཞན་(སྨད་ཆ།༢༡༨)ཕན་དང། མོས་ནས་འཇིགས་མེད་ཀུན་གྲོལ། ཕྲིན་ལས་རྒྱལ་མཚན་སོགས་དང། གཙང་ནས་ཆོས་རྗེ་བྲག་ཕུག་པ་སོགས་ཆོས་བརྒྱུད་འཛིན་ངེས་ཀྱི་སློབ་མ་མང་པོ་དང། ས་སྐྱོང་སྡེ་དགེ་བཀའ་བློན་ཕ་ལྷ། མདའ་དབོན་གཡུ་ཐོག་པ། སྲིད་སྐྱོང་རྟ་ཚག་སོགས་མི་ཆེན་དུ་མས་ཀྱང་གཙུག་ཏུ་བཀུར་ཞིང། ཆོས་བརྒྱུད་འཛིན་པའི་དགོན་པའང། གཙང་ཐེག་མཆོག་གླིང། རྒྱ་འཚམས་གདུང་བསམ་གྱི་རི་རྩེར་སྒྲུབ་གྲཱ་བསྟན་རྒྱས་རི་བོད་དཔལ་འབར་གླིང་སོགས་མོན་དུའང་གསར་བཏབ་ཁ་ཤས་ཡོད་པར་སྣང་ཞིང། ཁམས་སུའི་སྡེ་དགེ་དཔོན་མོས་བདག་རྐྱེན་གྱིས་དགེ་རྩེ་སྟོད་དུ་འོག་མིན་རིག་འཛིན་འཕེལ་རྒྱས་གླིང། རྡོ་ཡུལ་ཤུག་ཆེན་སྟག་མགོར་རྡོ་བླ་འཇིགས་མེད་ཕྲིན་ལས་འོད་ཟེར་གྱིས་བཏབ་པའི་ཆོས་སྡེ་དང་གསེར་སྟོད་དུ་པདྨ་བཀོད་པ་ཞེས་མཚན་དུ་གསོལ་བའི་རི་ཁྲོད་གསར་འཇུགས་ཀྱི་ཆོས་སྡེ་སོགས་དགོན་པའང་མང་དུ་བྱུང་ཞིང། ཆོས་བརྒྱུད་དང་ཕྲིན་ལས་མཐའ་རྒྱས་སུ་གྱུར་པ་ཉིད་དོ། དཔལ་རི་སྦྲུལ་པའི་སྐུ་རིན་པོ་ཆེ་པདྨ་ཆོས་འབྱོར་རྒྱ་མཚོ་ལའང་དག་པ་ཡེ་ཤེས་ཀྱི་གཟིགས་མོར་ཤར་བའི་ཆོས་སྡེ་འཆི་མེད་ལྷ་ཙཎྜ་ལིའི་སྒྲུབ་སྐོར་ཆོས་ཚན་ཆ་ལག་ཚང་བ་དབང་དག་བཅས་པ་ཞིག་བཞུགས་ཤིང། དེ་ལས་གཞན་པའི་ཆོས་སྐོར་ཨེ་ཡོད་ནི་མ་ཤེས་སོ། རིག་འཛིན་ཆེན་པོ་འཇིགས་མེད་ཕྲིན་ལས་འོད་ཟེར་རམ་ཀུན་བཟང་གཞན་ཕན་ནི། ལྷ་སྲས་སྦྲུལ་པས་ཆོས་སྒོ་འབྱེད། ཅེས་ལུང་གིས་ཟིན་པའི་སྐྱེས་བུ་དམ་པ་འདི་ནི། ཆུང་ངུའི་དུས་ནས་ཕྱག་རྫོགས་(སྨད་ཆ།༢༡༩)ཀྱི་གདམས་པས་མཚོན། བཀའ་ལུང་སྨིན་གྲོལ་རྒྱ་མཚོ་ལྟ་བུར་གསན་བསམ་སྒོམ་པ་རྒྱ་ཆེ། རྩ་རི་ཏྲ་སོགས་གྲུབ་བའི་གནས་ཆེན་རྣམས་སུ་ཟབ་མོའི་ཏིང་འཛིན་དང་འབྲེལ་བའི་སྔགས་ཀྱི་ཐབས་མཁས་དག་ལྡན་པའི་ཚོགས་བསགས་དང་སྒྲིབ་སྦྱོང་ལ་གནད་དུ་བསྣྲན་པས་ཉམས་རྟོགས་ཁོང་ནས་རྡོལ། ཁྱད་པར་དུ་རྫོགས་ཆེན་གངས་ཁྲོད་དང་རི་ཁྲོད་ནགས་ཁྲོད་རྣམས་སུ་དཀའ་སྦྱད་ཁོ་ན་མཛད་ནས་ལོ་བདུན་དུ་བསྒྲུབས་པ་བཅས་མཐར་འཁྱོལ་བར་མཛད། རིས་སུ་མ་ཆད་པའི་བླ་མ་དགེ་བའི་བཤེས་གཉེན་དམ་པ་ཉི་ཤུའི་གྲངས་རྣམས་བརྟེན་ཞིང་དམ་པའི་ཆོས་ཀྱི་བདུད་རྩི་མང་དུ་བཞེས། ལྷག་པར་ཚེ་རབས་ཐམས་ཅད་ཀྱི་རིགས་ཀྱི་བདག་པོ་ཀུན་མཁྱེན་བླ་མའི་ཞལ་མཇལ་བ་ཉིད་ནས་ཐུགས་ཀྱི་སྲས་སུ་བཟུང། སྙིང་ཏིག་གསར་རྙིང་དང། བླ་མ་དགོངས་འདུས། རྒྱུད་འབུམ་ཆེན་མོ་སོགས་བཀའ་རྫོགས་ལུང་རྫོགས་སུ་མཛད་ནས་དོན་ཀྱི་བསྟན་པ་གཏང། འཇིགས་མེད་ཕྲིན་ལས་འོད་ཟེར་ཞེས་མཚན་གྱི་རྩོད་པན་དཔྱངས། མདོ་ཁམས་ཕལ་མོ་ཆེ་དང་ཤར་རྒྱལ་མོ་རོང་ཡན་གྱི་སྐྱེ་དགུ་རྣམས་ལ། རྗེ་བླ་མའི་ཆོས་ཀྱི་ཕྲིན་ལས་ཁྱབ་གདལ་དུ་དར་བར་མཛད། དེ་ཡང་རྗེ་འདི་དང་ཀུན་མཁྱེན་འཇིགས་མེད་གླིང་པ་གཉིས་ཡང་སྲིད་མང་པོར་ཡབ་སྲས་སུ་འབྲེལ་ཏེ་དེའི་ཚུལ་ཞིབ་པར་བསྙད་ན། རྗེ་འདིས་ཀུན་མཁྱེན་ཉིད་ཐོག་མར་མཇལ་དུས་ཐང་སྟོང་རྒྱལ་པོའི་སྐུ་ཕྱག་གཡས་སྐྱབས་སྦྱིན་དང། གཡོན་ཚེ་བུམ་འཛིན་པ་ཞིག་གི་ནུ་མ་གཡོན་པ་ནས་ཚེ་ཆུ་ཚེ་རིལ་ཚེ་སྒྲུབ་ཀྱི་ཆོས་སྐོར་དང་བཅས་ཐོན་པ་དང། ཡང་ཤེས་རབ་གཏེར་སྟོན་ཟེར་བ་ཞིག་གིས་རྒྱ་གར་གྱི་རི་བོ་མཆོག་གི་རྩེ་ནས་སློབ་དཔོན་ཆེན་པོའི་སྐུ་བརྒྱ་རྩ་བརྒྱད་ལེན་རྒྱུའི་ཁ་བྱང་བསྟན་པ་ཞིག་དང། ཙན་དན་དམར་(སྨད་ཆ།༢༢༠)པོའི་སྐུ་མང་པོ་ཐུ་བར་བབས་པ་སོགས་བྱིན་རླབས་ཞུགས་པའི་རྟགས། ཁྱད་པར་ཅན་དུ་ཀུན་མཁྱེན་ཉིད་ཀྱིས་བཞེད་པ་དང། ཡང། སེམས་བསྐྱེད་ཀྱི་མཆོད་པ་དང་འབྲེལ་བར་བྱང་སྡོམ་ཕོག་པའི་ནུབ་རྗེ་འདིའི་རྨི་ལམ་ན་མཆོད་རྟེན་དཀར་པོ་བང་རིམ་ལྔ་པ་ཞིག་གི་དང་པོ་ཁྲོ་ཆུས་བསྡམས་པ་ནས་གཏེར་ཐོན་ཅིག་ཅེས་གསུངས་ནས་ཀུན་མཁྱེན་གྱི་ཕྱག་ནས་གཟེད་ཞིག་གནང་བྱུང་བ་དེས་གཡེངས་པས་རིང་བསྲེས་དཀར་ཡོལ་དོ་དང། ཡོལ་གོ་གཅིག་ན་སྐྱེ་བདུན་སྐུ་ཤ་ཡིན་ཟེར་བ་སྣང་བ་ལས། རིང་བསྲེས་སངས་རྒྱས་འདོ་སྲུང་གི་ཡིན་ཟེར། དེ་ནས་དཀར་ཡོལ་གང་པོ་བླ་མ་ལ་ཕུལ། ཅིག་ཤོས་ནས་མང་པོ་བྱིན་པས་ཟད་རྒྱུ་མེད་པར་བྱུང་ཟེར་བ་ཞིག་མནལ་ལམ་དུ་བྱུང་བ་ལའང་ཀུན་མཁྱེན་དེ་ཉིད་ཀྱི་གསུང་ལས། ངེད་རྒྱལ་པོ་ཀྲྀ་ཀྲྀའི་སྲས་སུ་གྱུར་པའི་ཚེ་སངས་རྒྱས་འོད་སྲུང་ལ་སེམས་བསྐྱེད་ཐོབ་ཚུལ་གྱི་ཉིད་འཁྲུལ་བདེན་ན་ཁོང་གི་ཆོས་ཀྱི་གདུང་འཛིན་ཅིང་སེམས་ཅན་ལ་ཕན་ཐོགས་པར་རིགས་ཞེས་སོགས་གསུངས་པ་དང། ཡང་བླ་མ་དགོས་འདུས་ཀྱི་དབང་གི་སྐབས་རྗེ་འདི་གཟིགས་སྣང་ལ་ཀུན་མཁྱེན་ཉི་མངའ་བདག་ཉང་དང། རྗེ་ཉིད་སངས་རྒྱས་གླིང་པར་མངོན་སུམ་དུ་གསལ་སྣང་ཤར་བའང། དེ་དེ་བཞིན་དུ་དོན་ལ་གནས་པར་ཀུན་མཁྱེན་ཉིད་ཀྱིས་གསུངས་ཤིང། གཞན་ཡང་ཀུན་མཁྱེན་དེ་ཉིད་ཀྱིས་རྗེ་འདིར་ཞལ་གདམས་གནང་བར་ཡང། ཟན་གཡང་ཆོས་འཁོར་བཞེངས་པའི་ཚེ། ཕ་བུའི་དམ་ཚིག་འབྲེལ་བའི་ཚུལ། གནད་བྱང་ཐུགས་ཀྱི་སྒྲོལ་བུ་དང། ང་ཉིད་དབེན་ལ་བརྟེན་པ་ཡི། ད་མངོན་རྟོགས་ཇི་བཞིན་འཇལ་གྱུར་ནས། གཏེར་གྱི་ལུང་(སྨད་ཆ།༢༢༡)བསྟན་ཐོབ་པ་དེ། ད་ལྟ་བཀའ་གཏེར་ཆོས་ཀྱི་མཛོད། ཁྱོད་ལ་བསྐུར་ནས་མཐའ་ཁོབ་ཏུ། བསྟན་པ་སྦེལ་བའི་ལུང་བསྟན་ཡིན། གསུངས་པ་སོགས་ཀྱིས་མཚོན་ཀུན་མཁྱེན་ཉིད་མངའ་བདག་ཁྲི་སྲོང་དུ་སྐྱེ་བ་བཞེས་དུས་རྗེ་འདི་ལྷ་སྲས་མུ་རུབ་བཙན་པོ་ཡིན་པ་ཐེ་མི་ཚོམ་སྟེ་གོང་དུ་སྨོས་པའི་མནལ་ལམ་གཟིགས་སྣང་སོགས་གཏེར་ལུང་དུའང་ལྷ་སྲས་ཀྱི་སྦྲུལ་བར་ལུང་བསྟན་པ་ལྟར་བླ་མ་དགོངས་འདུས་ལུང་བསྟན་པས་ཀྱང། ལྷ་སྲས་གྲུབ་པའི་འབྲལ་བུ་བརྙེས་གྱུར་ཀྱང༔ རྒྱལ་བའི་གསང་སྔགས་ཡིད་སྨོན་མཐུ་ཆེ་བས། འགྲོ་བའི་དོན་ཕྱིར་སྦྲུལ་པ་ཡང་དང་ཡང། ཆ་ལུགས་མ་ངེས་གང་ལ་གང་འདུལ་གྱིས། ཆོ་འཕྲུལ་རྣམ་པར་སྦྲུལ་པ་སྟོན་པར་བྱེད༔ ཅེས་དང། ཡང་སངས་རྒྱས་གླིང་པའི་སྐྱེ་བརྒྱུད་ལུང་བསྟན་ལས། ཡུལ་བཟུང་རིགས་ཅན་དེ་ལྟར་བྱུང་དུས་ན། སྐྱེས་བུ་ཁྱེད་ཀྱི་ལས་ཀྱི་ལྷག་མ་རྣམས། མ་ལུས་བྱང་ནས་སྨོན་ལམ་དབང་གིས་ན། ས་མཐའ་མུན་པའི་གླིང་བར་ལྟ་བུ་ཡི། ཁྲོ་དུ་སྐྱེ་བ་བཞེས་ནས་རབ་བྱུང་ཞིང། སྦྱན་རས་གཟིགས་ཀྱི་ཆོས་སྐོར་ཉམས་སུ་ལེན། དེའི་དུས་སུ་བཀའ་ཆེམས་དྲན་བགྱིས་ལ། ཨོ་རྒྱན་གྲུབ་ཐོབ་པའི་འགྲོ་མགོན་གྱི། བྱིན་རླབས་རྗེས་སུ་གནང་ནས་བུརྡྷའོ། ཞེས་གསུངས་ཏེ་རྗེ་འདི་ཉིད་ཀྱི་འཁྲུངས་ཡུལ་དང་བཅས་ཤིན་ཏུ་གསལ་བ་དང། ཡབ་རྗེ་ཀུན་མཁྱེན་མཆོག་དང་མཇལ་ནས་བྱིན་གྱིས་བརླབས་ཚུལ་བཅས་ཤིན་ཏུ་གསལ་བར་སྣང་བས་རྗེ་གྲུབ་པའི་དབང་པོ་འདིའི་ལུང་བསྟན་དུ་ངེས་སོ་སྙམ་དུ་ཀོ་བོས་སེམས་སོ། དེ་ལྟར་ལུང་ཟིན་གྱི་སྐྱེས་ཆེན་དམ་པ་འདི་ལ་དག་སྣང་རྒྱུན་མི་འཆད་པར་རྩ་བ་གསུམ་གྱི་ལྷག་པའི་ལྷ་(སྨད་ཆ།༢༢༢)རབས་འབྱམས་ཞལ་གཟིགས་པ་དང་ལུང་བསྟན་པ་སོགས་ནི་མཐའ་ཡས་ལ། ཁྱད་པར་རྗེ་བཙུན་བཞད་པའིརྡོ་རྗེའི་སྒྲུབ་ཐབས། ཁྱུང་སྒྲུབ་དབང་ཚོག་གདོན་ཁྲོལ་བཅས་དང། བདེ་བ་ཅན་གྱི་ཕྱི་ནང་གསང་གསུམ་ཡང་གསང་རྟ་མགྲིན་སྒྲུབ་ཐབས་དང་བཀའ་སྲུང་མ་ཧཱ་དེ་ཝའི་སྒྲུབ་ཐབས་དེ་དག་གི་དབང་བཅས་ཚང་མ་དང། བརྩབས་ཆོས་ཀྱང་དམ་ཚིག་ཉམས་ཆགས་བཤགས་པའི་ཆོ་མ་མགོན་པོ་ཚོགས་བདག་གི་བསྒྲིག་སྟོད་ལས་སྨད་ལས་དགྲ་མནན་དབང་ཆོག་བཅས་དང། སངས་གླིང་ཕུར་བུའི་ཐགས་ཀྱི་ཉིད་ཁུའི་སྟོད་ལས་སྨད་ལས་དབང་ཚོག་བཅས་དང། ཡབ་རྗེ་ཆོས་ཀྱི་རྒྱལ་པོའི་ཡོན་ཏན་མཛད་བསྡུས་འགྲེལ་སོགས་བསྟན་བཅོས་ཀྱི་རིགས་ཀྱང་མང་ཙམ་ཡི་གེར་བཀོད་པར་མཛད་སྣང་ཞིང། དབང་ལུང་གི་རྒྱུན་སོགས་ཀྱང་སྐལ་བ་དང་ལྡན་པའི་སློབ་ཚོགས་རྣམས་ལ་རིམ་པར་སྦེལ་བའི་བཀའ་དྲིན་དང་བཅས་ད་ལྟའང་འཚོ་ཞིང་གཞེས་ལ་ཆོས་ཀྱང་སྟོན་པས་བསྟན་འགྲོའི་དོན་རྒྱ་ཆེར་མཛད་བཞིན་བཞུགས་སོ། ཡང་རྗེ་རིན་པོ་ཆེའི་དངོས་སློབ་སྟག་ཕུ་གོ་ཤྲི་དཔལ་ལྡན་དོན་གྲུབ་ནས་སྐྱེས་ཕྲེང་རིམ་པ་བྱོན་པའི་ནང་གསེས་བློ་བཟང་ཆོས་ཀྱི་དབང་ཕྱུག་གམ་གར་དབང་པདྨ་དབང་ཕྱུག་ཏུ་གྲགས་པ་ནི་ཤར་ཕྱོགས་གྱིང་གི་ཡུལ་ཉང་ལོང་གི་སའི་ཆར་སྐུ་འཁྲུངས་ཤི། སྟག་ཕུ་རིན་པོ་ཆེ་གོང་མ་ངག་དབང་བློ་གྲོས་རྒྱ་མཚོའི་ཡང་སྲིད་དུ་ངོས་བཟུང་ནས་གདན་སར་ཆོས་ཀྱི་ཁྲི་ལ་ཞབས་ཀྱི་པདྨོ་བཀོད་ཅིང། ཀོང་པོ་འགྲུ་ལ་མཁན་ཆེན་ལ་གཙུག་ཕུད་ཕུལ། རྒྱལ་ཚབ་དེ་མི་ངག་དབང་འཇལ་བདེ་ལེགས་རྒྱ་མཚོ་ནས་རབ་བྱུང་དང། གོང་ས་རིན་པོ་ཆེའི་དྲུང་དུ་བསྙེན་པར་རྫོགས་པར་མཛད། ཤེས་བྱ་རིག་(སྨད་ཆ།༢༢༣)པའི་གནས་ལྔ་ལ་མཁྱེན་པ་རྒྱས། གྲ་སར་ལོ་གསུམ་ཙམ་བཞུགས་ནས་མཚན་ཉིད་ལ་གསན་སྦྱོང་གནང། གསང་སྔགས་གསར་རྙིང་གི་དབང་ལུང་མན་ངག་མཐའ་ཡས་པ་གསན། ཁྱད་པར་སྐུ་ཚེ་ལྔ་མ་གཏེར་ཆེན་ཞིག་གླིང་གི་བག་ཆགས་སད་པས་གསང་ཆེན་རྙིང་མ་ལ་ཐུགས་སྦྲོ་ཞིང་དག་པའི་སྣང་བ་ཕྱོགས་མེད་དུ་ཤར། གསང་སྔགས་གསར་རྙིང་གི་ལྷག་པའི་ལྟ་མང་པོ་ཞལ་གཟིགས་ཤིང། དེ་དག་གི་སྒྲུབ་སྐོར་དང་ལུང་བསྟན་སོགས་དག་པའི་སྣང་ངོར་མཚར་བའི་གཟིགས་སྣང་དུ་མ་བྱུང་ཚུལ་སོགས་ཆོས་ཚན་མང་དུ་སྣང་ཞིང། ཁྱད་པར་ཉི་སྦྲལ་རིན་པོ་ཆེ་ཆོས་ཀྱི་བདག་པོར་མངའ་གསོལ་ཕུལ་ནས་རྗེ་ཉིད་ལ་ཨོ་རྒྱན་ཆེན་པོས་དངོས་སུ་སྩལ་བའི་ཚེ་སྒྲུབ་འཆི་མེད་སྐུ་གསུམ་སྙིང་པོའི་སྒྲུབ་སྐོར་རྨད་དུ་བྱུང་བ་བཞུགས་ཏེ་འདིར་རྟེན་འབྲེལ་དུ་སྨོས་པ་ཡིན་ནོ། དེ་ལྟར་ཟབ་མོ་དག་སྣང་མར་གྲགས་པའི་ཆོས་སྐོར་བྱུང་ཚུལ་འདི་དག། གསར་རྙིང་རིས་མེད་ཀྱི་སྐྱེས་ཆེན་དམ་པ་དགེ་བའི་བཤེས་གཉེན་ཚད་ལྡན་རྣམས་ལ་གསང་ཆེན་རྙིང་མ་དང་འབྲེལ་བའི་དག་སྣང་གི་ཆོས་སྡེ་བྱུང་རིགས་རང་བློས་གང་དཔོག་ཙམ་ཞིག་བརྗོད་པར་བྱས་པ་ཡིན་གྱི་མཐའ་ཆགས་ཚང་བ་ནི་བདག་ལྟ་བུའི་བརྗོད་ནུས་པ་མ་ཡིན་ནོ། བསྟན་པའི་སྙིང་པོ་གསང་ཆེན་སྔ་འགྱུར་ངེས་དོན་ཟབ་མིའི་ཆོས་ཀྱི་བྱུང་བ་གསལ་བར་བྱེད་པའི་ལེགས་བཤད་མཁས་པ་དགའ་བྱེད་ངོ་མཚར་གཏམ་གྱི་རོལ་མཚོ་ལས། ཟབ་མོའི་དག་སྣང་གི་སྐོར་བྱུང་ཚུལ་བཤད་པའི་སྐབས་ཏེ་སརྒ་ལྔ་པའོ།།(སྨད་ཆ།༢༢༤)