སྦྱི་དོན་དྲུག་པ། དགོན་གནས་དང་གདན་རབས་སོགས་ཀྱི་སྐོར།

ཆུ་འགོ་གངས་ལ་ཐུག་པའི་ལོ་རྒྱུས་བླ་མ་བརྒྱད་པའི་རྣམ་ཐར་ཙམ་བརྗོད་པ། དྲུག་པ་དགོན་གནས་དང་གདན་རབས་སོགས་བརྗོད་པ་ལ་དེ་ཡང་བསྟན་པ་སྔ་དར་གྱི་དུས་ན་གསང་ཆེན་རྙིང་མ་ལས་གཞན་པའི་ཆོས་ལུགས་མི་གཅིག་པ་མེད་པས་མཆོད་གནས་སྡེ་གཉིས་པོ་འཕེལ་རྒྱས་ཆེ་ཞིང་བཤད་སྒྲུབ་ཀྱི་རྒྱུན་ཤིན་ཏུ་དར་བར་བཞུགས་ནའང་བསྟན་པ་ཕྱི་དར་གྱི་སྐབས་ནས་ཆོས་ལུགས་དང་གྲུབ་མཐའ་མི་འདྲ་བ་དུ་མ་དར་བས་རྙིང་མ་ཕལ་ཆེར་རིམ་གྱིས་བག་ལ་ཞ་ཞིང། གྲུབ་མཐའ་སོ་སོའི་རང་རང་གི་གཟི་བྱིན་བསྒྲུབས་པའི་ཤུགས་ལས་ཕྱོགས་འཛིན་གྱི་བརྟུལ་ཞུགས་བོད་བས་རྙིང་བསྟན་རིམ་གྱི་ཉམས་དམས་པར་གྱུར་མོད་ཅི། དེ་ལྷ་ནའང་སྟོད་མངའ་རིས་ནས་མདོ་སྨད་རྒྱ་ནག་ལ་ཐུག་གི་བར་རྣམས་དང། ལྷོ་མན་རྒྱ་འཚམས་ལ་ཐུག་གི་བར་གྱི་གངས་ཅན་ཡངས་ལྗོངས་འདིར་དགོན་གནས་ཆེ་ཕྲ་དུ་མ་དང་སྒྲུབ་སྡེ་དང་གནས་འཛིན་ལྟ་བུས་མཚོན་པའི་སྔགས་གྲ་རི་ཕུག་འཛིན་པ་སོགས་ཕྲན་བུའི་ནི་མ་ཁྱབ་པ་མེད་པ་ལྟ་བུར་སྣང་བས། དེ་དག་ཐམས་ཅད་ཀྱི་ལོ་རྒྱུས་ཞིབ་ཆ་ནི་སུས་ཀྱང་བརྗོད་པར་མི་ནུས་པས་འདིར་ཡང་སྙོམས་སུ་འཇོག་པ་ལས་འོས་མ་མཆིས་མོད། འོན་ཀྱང་དེ་དག་རྣམས་ལས)༢༢༥)ཡོངས་སུ་གྲགས་པ་འགའ་ཞིག་དང། དེང་སང་ཆོས་བརྒྱུད་དར་རྒྱས་སུ་བཞུགས་པ་དག་ནི་གདན་རབས་ཀྱང་ཅུང་ཟད་ཙམ་ཞིག་བརྗོད་པར་སྦྲོ་བ་ཡིན་ནོ། དེ་ཡང་དབུས་གཅང་ལྷོ་བྱང་རྣམས་ལས་བསྟན་པ་ཕྱི་དར་གྱི་ཐོག་མ་ནས་སྔགས་པའི་རྒྱལ་པོ་སོ་ཟུར་གནུབ་གསུམ་གྱིས་བཤད་སྒྲུབ་ཀྱི་རྒྱུན་རྒྱ་ཆེར་སྦེལ་ཞིང་ཡུན་རིང་དུ་བསྐྱངས་པ་ལས། གདན་སའི་ཐོག་མ་ཡང་འུག་པ་ལུང་དང་གསང་སྔགས་གླིང་སོགས་ཡིན་པར་སྣང་ནའང། དེ་དག་གི་གདན་རབས་སྔ་མ་རྣམས་ནི་གོང་དུ་སྔ་འགྱུར་བཀའ་མའི་སྐབས་སུ་གསལ་པ་སྟར་དང། དེ་ཕྱིན་གདན་རབས་གཅིག་ནས་གཉིས་སུ་བརྒྱུད་པའི་ཡི་གེ་ཡོད་པ་མ་མཐོང་ཀུང། གདུང་བརྒྱུད་དང་སྔས་གྲཱ་ཕྱོགས་སུ་གཏེར་ཁ་གོང་འོག་སོགས་ཀྱི་སྐུ་དྲིན་ལས་དར་རྒྱས་ཆེ་བ་བྱུང་བ་ཡིན་པར་སྣང་སྟེ། དེ་ཡང་སྦྲུལ་སྐུ་ཉང་རིན་པོ་ཆེ་ཉི་མ་འོད་ཟེར་གྱིས་ལྷོ་བྲག་བཛོད་ཕུའི་བྲག་ལ་སྒྲུབ་པ་མཛད་ཅིང་བཞུགས་པའི་ཚེ། འོད་ཀྱི་དཀྱིལ་ནས་མཁའ་འགྲོ་མ་དཀར་མོ་ཕྱག་ན་མདའ་དར་ཐོགས་པ་ཅིག་གིས། བུ་ཁྱོད་འདི་རུ་མ་འདུག་པར། མ་དང་མཁའ་འགྲོ་འདུ་བའི་གནས། ཞེས་སོགས་ཀྱི་ལུང་བསྟན་བྱུང་ནས་སྨྲ་བོ་ལྕོག་ཏུ་ཕེབས་ནས་གདན་པའ་རྟེན་འབྲེལ་མཛད་ནས་སྒྲུབ་སྡེ་བཏབ། གཏེར་ཁ་དུ་མ་བཞེས། སྐལ་ལྡན་མང་པོ་ཆོས་ཀྱི་ཕྲིན་ལས་ཀྱིས་བསྐྱངས་པས་ཆབ་སྲིད་དང་མངའ་ཐང་འཕེལ་བསྟན་པ་འཐའ་རྒྱས་སུ་འབྱུང་བའི་རྟེན་འབྲེལ་འགྲིགས། མ་གཅིག་ཇོ་འབུམ་མར་སྲས་བསྐྲུན་པའི་ཆོ་ག་མཛད་པས་འགྲོ་མགོན་ནམ་མཁའ་འོད་ཟེར་དང། ནམ་མཁའ་དཔལ་གཉིས་འཁྲུངས། དགུང་ལོ་དྲུག་ཅུ་རེ་དགུའི་བར་དུ་བསྟན་པ་དང་(སྨད་ཆ།༢༢༦)སེམས་ཅན་གྱི་དོན་དཔག་ཏུ་མེད་མཛད། མ་འོངས་འབྱུང་འགྱུར་གྱི་ལུང་བསྟན་དང་གདན་སའི་འཕེལ་འགྲིབ་སོགས་བཀའ་སྩོལ། སྲས་ནམ་མཁའ་དཔལ་ལ་བསྟན་པ་གཏད་ནས་དག་པའི་ཞིང་དུ་གཤེགས། གཏེར་སྟོན་ཆེན་པོ་འདིའི་རྣམ་ཐར་ཞིབ་རྒྱས་གོང་དུ་གཏེར་བྱུང་སྐབས་སུ་སྨོས་ཟིན་ལ། འདི་སྨྲ་བོ་ལྕོག་གི་གདན་ས་ཐོག་མའི་བྱུང་ཚུལ་ཙམ་སྟེ། འདི་ཕྱིན་གདུང་རབས་འགའ་ཞིག་གི་རྣམ་ཐར་སྣང་བ་ཅུང་ཟད་འབྲི་ན། འགྲོ་མགོན་ནམ་མཁའ་དཔལ་ནི་ཡབ་ཉང་རིན་པོ་ཆེ་དང། ཡུམ་མ་ཅིག་ཇོ་འབུམ་མའི་སྲས་སུ་སྨྲ་བོ་ལྕོག་ཏུ་སྐུ་འཁྲུངས། སྐུ་གཞོན་ནུའི་དུས་ནས་གྲུབ་པའི་མཚན་མ་བསམ་གྱི་མི་ཁྱབ་པ་མངའ། ཡབ་ལས་བཀའ་ཆོས་ཐམས་ཅད་བུམ་པ་གང་བྱོར་གསན། སྨན་དཔྱད་ལ་སྦྱང་བས་མཁས་པར་མཁྱེན། གཞན་ཞིག་པོ་བདུད་རྩི་སོགས་ལས་བཀའ་གཏེར་མཐའ་ཡས་པ་གསན། ཡབ་གཤེགས་ནས་གདན་ས་མཛད། ཡབ་ཀྱི་གཤེགས་རྫོངས་སུ་གསེར་གྱི་རྒྱུད་འབུམ་བཞེངས་པ་དང། བལ་པོར་སྒྲུབ་ཏུ་མངགས་ནས་རྟེན་རིགས་གསུམ་མགོན་པོ་བཞེངས་ནས་བོད་དུ་གདན་དྲངས། གཞན་ཡང་མདོ་མང་སྐྱ་པོད་རྒྱས་པ་འབུམ་སོགས་དང་གསེར་ཆོས་ཁོ་ན་ཏི་བརྒྱ་བཅུ་གསུམ་སོགས་རྟེན་བཞེངས་མཐའ་ཡས་པ་མཛད། ཡབ་ཀྱི་སྐུ་འདུད་དུ་ཁ་ཆེ་པཎ་ཆེན་གདན་དྲངས། པཎ་ཆེན་གྱི་ཐུགས་རྗེ་རྒྱུན་འཛུགས་དང་ཆུ་རགས་ཀྱི་ཞབས་ཏོག་རྒྱ་ཆེར་བསྒྲུབས་ཏེ་ཆུ་རགས་བྱེད་པ་ཐམས་ཅད་ཀྱི་སྔ་ཤོས་ཡིན། འདི་དག་གི་དུས་ལྷ་སྲིད་བྲན་དུ་ཁོལ་བས་ཉང་(སྨད་ཆ།༢༢༧)ལོང་ཡུལ་དང་དབུ་སྟོད་སོགས་ནས་རྡོ་རྣམས་ལུག་ཁྱུ་འགྲིམ་པ་ལྟར་སྐྱི་ཆུའི་འགྲམ་དུ་སླེབས་པ་སོགས་རྫུ་འཕྲུལ་དང་ནུས་པ་བརྗོད་ཀྱིས་མི་ལངས། ཇོ་ཤཱཀ་དབུ་རྩེར་གསེར་གྱི་འགན་ཇི་ར་ཡང་ཕུལ། བསམ་ཡས་སུའང་མར་ཁལ་སྟོང་ལྷག་གིས་མར་མེ་སོགས་དང། དེ་བཞིན་ཁྲ་འབྲུག་སོགས་མཐའ་འདུལ་གཙུག་ལག་ཁང་རྣམས་ལའང་མཆོད་པ་སོགས་རྣམ་དཀར་གྱི་མཛད་པ་རྒྱ་ཆེ། དགོན་གནས་ཀྱང་མང་པོ་ཙམ་ཞིག་བདག་གི་མཛད། སློབ་མའང་གཏེར་སྟོན་གུ་རུ་ཆོས་དབང་དང་ཀ༔ཐོག་མ་ཎི་རིན་ཆེན་སོགས་དང་ཡབ་དང་ཐུན་མོང་དུ་སློབ་ཚོགས་མང་ཞིང། ཐུགས་སྲས་མངའ་བདག་བློ་ལྡན་ལ་སོགས་མཐའ་ཡས་པར་བཞུགས། དེ་ནས་དགུང་ལོ་ལྔ་བཅུ་ང་བདུན་པ་ལ་སྲས་ལ་ཆེ་འདོན་དང་བསྟན་པ་གཏད་ནས་ཆོས་ཀྱི་དབྱིངས་སུ་གཤེགས་སོ། དེའི་སྲས་བློ་ལྡན་ཤེས་རབ་ནི། དགེ་བསྙེན་མཁའ་རིས་ཞུས་ལེན་དུ། དེ་སྲས་བློ་ལྡན་ཤེས་རབ་ནི། དགེ་བསྙེན་མཁའ་རིས་ཞུས་ལེན་དུ། དེ་སྲས་ཨོ་རྒྱན་སྦྲུལ་པའི་སྐུ༔ གླང་ལོར་བློ་ལྡན་ཞེས་བྱ་འབྱུང༔ ཞེས་གསུངས་པ་ལྟར་ཡབ་མངའ་བདག་འགྲོ་བའི་མགོན་པོའི་སྲས་སུ་གླང་གི་ལོལ་གཙང་དུ་འཁྲུངས། ཕྱོགས་དེའི་མཁས་པ་རྣམས་ལ་བསྟེན་ནས་གསན་བསམ་མཛད། ཕྱོགས་དེའི་མཁས་པ་རྣམས་ལ་བརྟེན་ནས་གསན་བསམ་མཛད། བལ་ཡུལ་དང་རྒྱ་ནག་རྣམས་སུའང་བྱོན་རྒྱ་ཧོར་གྱི་ནོར་སྣ་མང་པོ་ཕྱག་ཏུ་འབྱོར། སྨྲ་པོ་ལྕོག་གི་གདན་སར་ཆེ་འདོན་མཛད། མངོན་ཤེས་དང་གྲུབ་རྟགས་བསམ་གྱི་མི་ཁྱབ་པ་མངའ། འདི་སྐབས་ཧོར་དམག་བྱུང་ནས་བོད་ཡུལ་སྦྱི་དང་ལྷོ་བྲག་ཕྱོགས་ལའང་འཚེ་བས་རྟེན་རིགས་གསུམ་མགོན་པོའང་གཙང་དུ་གདན་དྲངས། དེར་མངོན་སྦྱོད་ལས་ཤིག་བགྱིད་པར་དགོངས་པས་ཕྱག་ན་རྡོ་རྗེའི་ལུང་བསྟན་པ་ལྟར་ཨེ་ཀ་ཇ་(སྨད་ཆ།༢༢༨)ཊིའི་སྦྲུལ་པའི་བུད་མེད་ཞིག་ལ་སྲས་གསང་བདག་བདུད་འདུལ་འཁྲུངས། ཡབ་སྲས་གཉིས་ཀྱིས་སྒྲུབ་པ་མཛད་པས་རྟགས་མཚན་བྱུང་བར་སྟེན་རིགས་གསུམ་མགོན་པོ་གདན་སར་ཕྱིར་ཕུལ། གཙང་ན་བཞུགས་དུས་ལྷ་སྐུས་གསུང་བྱོན་པ་ལ་རྣམ་རྟོག་ལངས་ནས་ཕྱག་དཔུང་ལ་སྟ་རེ་ཞུས་པའི་རྗེས་གསལ་པོར་སྣང། རྒྱུད་གསང་སྙིང་པོའི་བཤད་རྒྱུན་དང་སྒོམ་གྲཱ་སོགས་བཙུགས་ནས་དག་པའི་ཞིང་དུ་གཤེགས་སོ། དེའི་སྲས་གསང་བདག་བདུད་འདུལ་ནི། སྨྲ་བོ་ལྕོག་ཏུ་བལྟམས་གསན་བསམ་ཕྱོགས་མེད་མཛད། ཕུར་པའི་ལྷ་དྲུག་ཅུ་ཙ་བཞི་དང། ཕྱག་ན་རྡོ་རྗེའི་ཞལ་གཟིགས་མོན་ཁ་ནེ་རིང་དུ་བྲག་ལ་སྐུ་རྗེས་དང་ཞབས་རྗེས་བཞག་མཐུ་ཆེ་བའི་གྲགས་པ་ཆེ་ཞིང་མངོན་རྟགས་ཀྱང་གསལ། གཅུང་ལ་ལྕགས་ཕུར་ཅན་དང། སྲས་མདོ་སྡེ་སེང་གེ་ལ་སྨྲ་བོ་ལྕོག་གདན་ས་གནང་ནས་དགུང་ལོ་དྲུག་ཅུ་པ་ལ་ཆོས་ཀྱི་དབྱིངས་སུ་གཤེགས་སོ། དེའི་སྲས་མདོ་སྡེ་སེང་གེ་ནི། ཡབ་གསང་བདག་ཆེན་པོའི་སྲས་སུ་འཁྲུངས། འབྲི་ཀློག་སོགས་ཡོན་ཏན་ཐམས་ཅད་མ་སློབ་པར་མཁྱེན། གསང་སྔགས་སྦྱི་དང་བྱེ་བྲག་ཡབ་ཆོས་སྐོར་ལ་མཁས་པ་སྦྱངས། སློབ་དཔོན་པདྨ་དང། རྡོ་རྗེ་རྣལ་འབྱོར་མའི་ཞལ་གཟིགས་ཤིང་ལུང་བསྟན་ཡང་ཐོབ། སྨན་སྒྲུབ་མཛད་པ་གཏམ་ཤུལ་ལུང་པ་ཐམས་ཅད་སྨན་གྱི་དྲིས་ཁྱབ་པ་བྱུང། རྟེན་བཞེངས་ཀྱང་མང་དུ་མཛད་ནས་འོག་མིན་དུ་གཤེགས་སོ། དེའི་སྲས་པདྨ་དངོས་གྲུབ་ནི། གཏམ་ཤུལ་དུ་འཁྲུངས། ཐོག་མར་རབ་བྱུང་མཛད་ཀྱང་སློབ་བུ་ཆེ་སྒྲེས་ཀྱིས་གདུང་སྦེལ་ཞུས་ངོར་སྔགས་ཆས་(སྨད་ཆ།༢༢༩)མཛད། སློབ་དཔོན་པདྨའི་ཞལ་གཟིགས་ཤིང་ཕྲིན་ལས་ཀྱི་སྦྲུལ་པར་གྲགས། གུ་རུ་དྲག་པོའི་ཞལ་གཟིགས་པས། དེ་ཕྱིན་ནས་ནད་པ་འདྲེ་ཅན་ལ་ཞལ་ཆབ་སླེབས་པ་ཙམ་གྱིས་ཆོག་པ་བྱུང། གསང་སྔགས་ལ་མཁས་པའི་གྲགས་པ་ཐོབ། བསྟན་འགྲོའི་དོན་རྒྱ་ཆེར་མཛད་ནས་ཆོས་ཀྱི་དབྱིངས་སུ་གཤེགས། དེའི་སྲས་འཇལ་དཔལ་ནོར་བུ་ནི། ལྷོ་བྲག་གཏམ་ཤུལ་དུ་འཁྲུངས། གསང་སྔགས་ཕྱི་ནང་དང་ཡབ་ཆོས་ལ་མཁྱེན་པ་རྒྱས། སྣེའུ་གདོང་གྲགས་པ་རྒྱལ་མཚན་སོགས་མི་ཆེན་རྣམས་ཀྱིས་ཀྱང་གཙུག་ཏུ་བསྐུར། བསྟན་འགྲོའི་དོན་མཐར་ཕྱིན་ནས་དགུང་ལོ་བདུན་ཅུ་པ་ལ་གཤེགས། དེའི་སྲ་མངའ་བདག་ཀུན་དགའ་རྒྱལ་མཚན་ནི། ཐུགས་རྗེ་ཆེན་པོའི་སྦྲུལ་པར་ཨོ་རྒྱན་ཆེན་པོས་ལུང་བསྟན། ཡུམ་གྱི་མནལ་ལམ་དུའང་ཁྱོད་ལས་འཕགས་པའི་སྦྲུལ་པ་ཞིག་འབྱུང་ཞེས་པ་ཞིག་བྱུང། སྐུ་བལྟམས་པ་ནས་རིམ་པར་ཆོས་ལ་གསན་སྦྱང་དང་དབེན་པའི་རི་ཁྲོད་མང་པོར་སྒྲུབ་པ་ཁོ་ན་མཛད། ཡབ་གཤེགས་ནས་གདན་སའི་ཁུར་བཞེས་གནང། ལྷ་སར་ཕེབས་དུས་མ་མགོན་དང། སློབ་དཔོན་པདྨ། མངའ་བདག་ཡབ་སྲས་སོགས་ཞལ་གཟིགས། ཁྱད་པར་སྦྲུལ་སྐུ་ཨོ་རྒྱན་གླིང་པ་དང་མཇལ་ས་བཀའ་འདུས་ཆོས་ཀྱི་རྒྱ་མཚོ་སོགས་གསན། དེར་ཡང་བཀའ་བརྒྱད་བདེར་འདུས་སོགས་ཕུལ། བན་པ་སྨད་པས་ཞབས་འདྲེན་བྱུང་བར་ཆོས་སྐྱོང་རྣམས་བསྐུལ་བའི་མངོན་རྟགས་གསལ་བས་བབ་ཕུལ། བླ་ཐོ་དགོན་པའི་མཁན་སློབ་ཀྱིས་བབ་མ་ཕུལ་བར་སེར་བཞག་གྲངས་བསྒོས་པའི་ཉིན་ཐོག་སེར་གྱིས་ཡུལ་ཁམས་འཇོམ་པ་བྱུང་བས་སླར་བབ་ཕུལ། མཐུ་ཆེ་བའི་(སྨད་ཆ།༢༣༠)གྲགས་པས་ཕྱོགས་འགེང་བ་བྱུང། དཔལ་དགའ་ཐང་དུ་དགུང་ལོ་རེ་བདུན་པ་ལ་སྐུ་ཐིམ་པའི་ཚེ་འཇའ་འོད་རིང་བསྲོལ་བསམ་གྱིས་མི་ཁྱབ་པ་བྱོན། རྗེ་འདིས་ཆིབ་པ་ལའང་རིང་བསྲེལ་མང་དུ་བྱོན་པར་སྣང་ངོ། རྗེ་འདིའི་དུས་ཙམ་ནས་དགའ་ཐང་ཤར་ནུབ། དར་མ་སྣལ་སོགས་སྲས་སོ་སོས་བཟུང་བས་ཡབ་ཚན་དང་གདུང་བརྒྱུད་ཁག་དུང་མང་དུ་གྱེས། བར་འདིར་སྲས་མངའ་བདག་ནོར་བུ་འཕེལ་བ་དང་ཀུན་དགའ་འོད་ཟེར་གཉིས་ཀྱིས་ཀྱང་གདན་ས་ཐོག་རེ་མཛད་དོ། དེ་ནས་ཀུན་དགའ་རྒྱལ་མཚན་གྱི་སྲས་ལྷའི་རྒྱལ་མཚན་ནམ་ཇོ་བོ་ལྷ་དྲ་ནི། སྦྱིར་སྦྲུལ་པའི་སྐུ་འདི་ཕྲིན་ལས་གང་ལ་ཡང་ཐོགས་པ་མེད། ཁྱད་པར་གསང་སྔགས་བྱི་དང་ཉང་དང་ཆོས་དབང་གི་གཏེར་ཆོས་ཐམས་ཅད་མི་མཁྱེན་པ་མེད། དབང་དང་སྒྲུབ་ཆེན་གྱི་ཕྲིན་ལས་བསྐྱངས་ནས་འགྲོ་དོན་རྒྱ་ཆེར་མཛད། སྲས་ཀྱང་དྲུག་ཙམ་བཞུགས་པའི་ལྷུན་གྲུབ་ལ་སྲས་ཀྱི་ཐུ་བོར་དབང་བསྐུར་ནས་བསྟན་པའི་གཉེར་གཏད་ནས་དགུང་ལོ་ང་དགུ་པ་ལ་གཤེགས་སོ། དེའི་སྲས་བཟང་པོ་ལྷུན་གྲུབ་ནི། སྔོན་གྱི་ལས་འཕྲོ་ཆོས་སུ་སད་པས་བླ་མ་སངས་རྒྱས་གཉིས་པ་དེའི་སྲས་སུ་འཁྲུངས། སྐུ་གཞོན་དུས་ཅི་ཡང་མི་མཁྱེན་པའི་ཚུལ་མཛད་ཀྱང། སྐབས་ཤིག་ནས་ཆོས་ཀྱི་ཀློང་བརྡོལ་པ་གསར་རྙིང་གཉིས་ཀའི་ཆོས་ལ་མཁས། སྒྲུབ་པ་མཐར་ཕྱིན་པས་མཁའ་འགྲོའི་ལུང་བསྟན་ཐོབ། མངོན་ཤེས་ཕྱོགས་མེད་དུ་ཤར་བས་མ་འོངས་འབྱུང་འགྱུར་ཐམས་ཅད་མངོན་སུམ་ལྟ་བུར་གཟིགས། འཁོར་དང་ལོངས་(སྨད་ཆ།༢༣༡)སྦྱོད་གང་ལའང་ཐུགས་ཀྱི་འཛིན་པ་མི་མངའ། སྐུ་འཕོ་བའི་མཚན་མ་གཟིགས་པས་དེ་འི་ལ་རྒྱུས་གསུངས། ཡབ་ལྷ་བཟང་བས་ཀྱང་བསྟན་པ་གཏད་པ་མཛད། དེ་ནས་དགུང་ལོ་ཞེ་དྲུག་པ་ལ་སྐུ་གཤེགས་པའི་དུས་གནས་ཁང་འདི་བོར་ན་དགའ་བ་ཡིན། ནམ་ལངས་ན་མུན་པ་མེད། ལུས་རྒྱ་ཞིག་ན་རྣལ་འབྱོར་པ་ཉི་མ་ཤར་བ་དང་འདྲ་གསུངས་ནས་མཁའ་སྦྱོད་དུ་གཤེགས། དེའི་ཚེ་སྐལ་བ་ལྡན་པ་དག་གིས་སྐུ་གཞོན་ཚུལ་ཕྱག་ཌ་དྲིལ་དང་བཅས་འཇའ་འོད་ཀྱི་ཀློང་ནས་མཁའ་འགྲོའི་ཚོགས་ཀྱིས་བསུས་ནས་གཤེས་པར་མཐོང་བ་བྱུང་ངོ། དེའི་སྲས་ཉང་རྡོ་རྗེ་རྒྱལ་མཚན་དང་མངའ་བདག་ཀུན་དགའ་འོད་ཟེར་གྱི་སྲས་ཀུན་དགའ་འཕེལ་དང། དེའི་སྲས་མངའ་བདག་ཀུན་དགའ་ལྷུན་གྲུབ། མངའ་བདག་ཀུན་དགའ་བསྟན་འཛིན་ཆོས་རྒྱལ་སྟེ་འདི་ཙམ་ནས་སྨྲ་བོའི་གདུང་འཛིན་མེད་པར་མངོན། གཞན་ཉང་གི་གདུང་ཆེས་མང་བ་དེང་སང་ཡང་ཡོད། སྨྲ་བོ་ལྕོག་གི་ང་ལྟའི་གདན་རབས་ཡི་གེར་འཁོར་པ་མ་མཐོང་ངོ། དེ་ལྟར་མངའ་བདག་གི་གདུང་བརྒྱུད་འདི་དག་གསང་སྔགས་རྙིང་མ་སྦྱི་དང་ཁྱད་པར་ཡབ་ཆོས་ལ་མཁས་ཤིང་གྲུབ་པ་བརྙེས་པ། སྦང་རྟོགས་ཀྱི་ཡོན་ཏན་དུ་མ་དང་ལྡན་པ། རྟོགས་པ་ཀློང་དུ་གྱུར་ཅིང་ཡི་དམ་གྱི་ལྷའི་ཞལ་གཟིགས་པ། སྡེ་བརྒྱད་བྲན་དུ་ཁོལ་ཞིང་ཕྲིན་ལས་རྣམ་པ་བཞི་ལ་དབང་འབྱོར་བ་ཤ་སྟག་རེ་སོ་སོའི་རྣམ་ཐར་དུ་གསོལ་ལོ། སྦྲུལ་པའི་གཏེར་སྟོན་གུ་རུ་ཆོས་ཀྱི་དབང་ཕྱུག་ལ་གདན་ས་གོང་འོག་(སྨད་ཆ།༢༣༢)མང་ཡང། ལ་ཡགས་གུ་རུ་ལྷ་ཁང་ངམ་བསམ་འགྲུབ་བདེ་བ་ཆེན་པོའི་ལྷ་ཁང་ནི་ཐོག་མར་གུ་རུ་ཆོས་དབང་གིས་བཏབ་པ་ཡིན་ཀྱང་དེང་སང་ལྷ་བྲག་གསུང་སྦྲུལ་ནས་སྐྱོངས་ཏེ་གཤམ་དུ་འཆད་འགྱུར་ལས་ཤེས། གཞན་གུ་རུ་ཆོས་ཀྱི་དབང་ཕྱུག་གི་སྲས་ལང་གྲོ་ལོ་ཙཱ་བའི་སྐྱེ་བ་པདྨ་དབང་ཆེན་གྱི་བརྒྱུད་ལས། ལྷོ་བྲག་བཙན་སྒྲོ་གནས་གཞི་དང། ཡར་སྟོད་ལྷ་བྲོ་བ། གཙང་ནས་ཕྲ་མོ་ནས། སྲས་ཆུང་བ་མཚན་ལྡན་ཉི་མའི་འོད་ཟེར་གྱི་གདུང་ལས་ཨེ་བྲག་སྣ་ཆོས་རྗེ་སོགས་བྱུང་སྣང་ལ་འདི་དག་གི་གདན་རབས་ཡི་གེར་བཀོད་པ་མ་མཐོང་ཡང། དེང་སང་ཡང་སྔགས་གྲཱ་དང་བརྒྱུད་སོ་སོར་ལ་ཉམས་པར་ཡོད་དོ། གཞན་ལྷོ་བྲག་ཕྱོགས་གཏེར་ཆེན་རརྣའི་གདན་ས་ལྷུན་གྲུབ་ཕོ་བྲང་ནི་སྔར་དར་རྒྱས་ཆེན་པོ་བྱུང་བར་སྣང་ཡང་དེང་སང་ཧ་ཅང་དར་རྒྱས་ཡོད་པར་མ་མངོན། ཆགས་བྱང་ཆུབ་གླིང་ནི་པདྨ་གླིང་པའི་གཏེར་སློབ་གཏེར་སྟོན་བྱང་ཆུབ་གླིང་ནི་ལྔ་པ་རིན་པོ་ཆེས་བཏབ། གཏེར་ཁ་གོང་འོག་ཚེ་བདག་དང་ལྔ་པའི་དག་སྣང་རྒྱ་ཅན་སོགས་ལ་ཉམས་ལེན་བྱེད། ལྷོ་བྲག་གུ་རུ་ཁང་དང་ལྷ་ཁང་དང་ལྷ་ལུང་གི་གདན་རབས་ནི། སྦྲུལ་པའི་སྐུ་བསྟན་འཛིན་གྲགས་པ་ནི། སྔོན་ལུང་སྐན་ལ་ཞེས་པར་འཁྲུངས། རྣམ་ཐར་རྒྱས་པ་སྨིན་གླིང་གདན་རབས་སྐབས་སུ་འབྱུང་ལ། རིག་འཛིན་ཆེན་པོ་པདྨ་གླིང་པའི་སྐུའི་སྐྱེ་བར་ངེས་པས་གཏེར་སྟོན་གྱི་གདན་སར་སྦྱན་དྲངས། རིན་པོ་ཆེ་དཀོན་མཆོག་བཟང་པོ་དང། ཐུགས་སྲས་ཟླ་བ་སོགས་ཀྱི་སྦྱན་སྔར་བཞུགས། སྦྲུལ་སྐུ་སྣ་ཚོགས་རང་གྲོལ་གྱིས་བོད་དུ་སྦྱན་(སྨད་ཆ།༢༣༣)དྲངས་ཚུལ་སོགས་གཤམ་དུ་གསལ། ཐུགས་སྲས་པདྨ་ཕྲིན་ལས་ནི། མོན་བུམ་ཐང་ཕྱལ་གྱི་གཞང་ཞེས་པར། ཡབ་རྟ་མགྲིན་གྱི་སྦྲུལ་པ་ཐུགས་སྲས་ཟླ་རྒྱལ་མཚན་དང། ཡུམ་ཆོས་སྐོར་བའི་དཔོན་བརྒྱུད་ཨ་མ་བུ་ཁྲིད་གཉིས་ཀྱི་སྲས་སུ་འཁྲུངས། ཆོས་ལུང་མཁན་ཆེན་གྱི་སྐྱེ་བར་ངེས་པས་ཆོས་ལྡན་སྐྱེ་བ་བདུན་པ་ལ་འབྱུང་པའི་སྨིན་འཚམས་སྨེ་བ་དཀར་པོ་དང། གསང་ཆབ་ལ་གླ་རྩིའི་དྲི་བྲོ་དང། སྐུ་སྨད་སྟག་གི་རི་མོ་དང། དཔྲལ་བར་ཉི་ཟླའི་དབྱིབས་ཀྱི་ཤ་མཚན་སོགས་མངའ། སྐུ་ན་ཕྲ་མོ་ནས་གོང་མའི་གདན་ས་རྣམས་སུ་ཕེབས། བྲག་ལ་ཞབས་རྗེས་འཇོག་གྲགས་པས་སྦྱོད་བྲན་གནང། ཡབ་དང་དབུ་མཛད་རིན་པོ་ཆེ་སོགས་ལས་བང་གླིང་ཆོས་སྐོར་གཙོ་གྱུར་གསན་སྦྱོང་མཐར་ཕྱིན་གནང། ཚོགས་ཆེན་དགེ་འདུན་སྒང་པའི་སློབ་གྲར་དགེ་སློང་གི་དངོས་པོར་སྒྲུབ། སྐུ་བཙུན་ཚད་དུ་འཇོག། མོན་བོད་གཉིས་སུ་ཆོས་སྡེ་གསར་འཛུགས་གཙུག་ལག་ཁང་བཞེངས་པ་སོགས་ལྔ་དྲུག་ཙམ་དང། ཁྱད་པར་ལྷོ་བྲག་འཚོ་ཡུལ་དུ་རི་རབ་བཀྲ་ཤིས་ཆོས་རྫོང་གསར་འདེབས་ཀྱི་གདན་ས་མཛད་ནས། རྗེ་གོང་མའི་སྦྲུལ་སྐུ་ཀུན་མཁྱེན་ཚུལ་ཁྲིམས་རྡོ་རྗེ་སྦྱན་དྲངས། དེ་ནས་ལྷོ་བྲག་གུ་རུ་ལྷ་ཁང་གི་ཞལ་ངོ་རྣམས་མི་བཞུགས་པའི་སྟབས་ཀྱིས་ཆོས་མཛད་རྒྱལ་པོ་དོན་གྲུབ་ཀྱིས་རྗེ་འདིར་ཕུལ་བ་ནས་བཟུང། གསུང་སྦྲུལ་རིམ་བྱོན་གྱི་གདན་སའི་གཙོ་བོར་གྱུར། གཞན་ཡང་དབང་ལུང་འཆད་སྦེལ་རྟེན་བཞེངས་མཛད་ཆུལ་སོགས་མཐའ་ཡས་ཏེ་སྒྲུབ་ཆེན་ཁོ་ན་ཡང་བརྒྱ་དང་ཉི་ཤུ་ཙམ་མཛད། ལྷག་པའི་ལྷ་དུ་མའི་ཞལ་གཟིགས་པ་དང་(སྨད་ཆ།༢༣༤)གྲུབ་པའི་རྟགས་མཚན་མང་པོ་མངོན་སྣང་དུ་སྟོན་པ་སོགས་ནི་མཐའ་ཡས། འབྲུག་པ་ངག་དབང་རྣམ་རྒྱལ་སོགས་མོན་བོད་ཀྱི་མི་ཆེན་ཆེ་དགུ་མང་པོས་ཀྱང་གཅུག་ཏུ་བཀུར། དེ་ལྟ་བུའི་མཛད་པ་མཐར་ཕྱིན་ནས་གསུང་སྦྲུལ་རིན་པོ་ཆེ་ཚུལ་ཁྲིམས་རྡོ་རྗེ་ཆོས་ཀྱི་རྒྱལ་སར་མངའ་གསོལ་མཛད་ནས་དགུང་ལོ་བརྒྱད་ཅུ་བ་ལ་མོན་བུམ་ཐང་གི་གདན་སར་དག་པའི་ཞིང་དུ་གཤེགས། གདུང་ཞུགས་འབུལ་བགྱིས་པས་རིང་བསྲེལ་གྱི་ཆར་འབེབས་པ་སོགས་ངོ་མཚར་བའི་ལྟས་བསམ་གྱི་མི་ཁྱབ་པ་བྱུང་ངོ། གསུང་སྦྲུལ་རིན་པོ་ཆེ་ཚུལ་ཁྲིམས་རྡོ་རྗེ་ནི། སྙེ་མོ་བོང་ར་ལྷོ་སྨད་ཆེན་མོར། ཡབ་གནུབས་རིགས་ཚེ་བསྟན་དོན་གྲུབ་དང། ཡུམ་ཁྱུང་པོ་ར་མངས་བཟའ་བརྒྱ་དགའ་ཞེས་པ་གཉིས་ཀྱི་སྲས་སུ་འཁྲུངས། གསུང་ངག་བྱེ་བ་ནས་གོང་མའི་སྐྱེ་བ་ཡིན་ཚུལ་སོགས་གསུངས། དེ་སྐབས་ཡུལ་དེ་འི་སྡེ་དཔོན་ཀརྨ་སྒྲུབ་བརྒྱུད་ཞེས་པས། བླ་མ་རྣམས་ལ་རྟགས་ཞུས་དག་རྟེན་གསུམ་དྲུང་དུ་བརྟག་སྒྲིགས་སོགས་བགྱིས་པར་གོང་མའི་སྐུ་སྐྱེར་ངོས་འཛིན་མཏུན། ཁྱད་པར་ས་སྐྱ་བདག་ཆེན་གྱིས། ཁོང་པདྨ་གླིང་པ་ཡང་ཡིན། རྒྱ་གར་གྱི་པཎྜི་ཏ་དུལ་བའི་ལྷ་ཡང་ཡིན་གསུངས། དེ་ནས་ཐུགས་སྲས་པདྨ་ཕྲིན་ལས་ཀྱིས་ངོས་འཛིན་དང་བདག་རྐྱེན་སྦྲད། སྐུ་ཡོན་སློབ་སྦྱོང་སོགས་མཛད། ཐུགས་སྲས་ཉི་ཟླ་རྒྱལ་མཚན་དང་མཇལ་དུས་ཡབ་སྲས་གཉིས་ཀར་མནལ་ལས་སོགས་ངོ་མཚར་བའི་ལྟས་བྱུང་ཞིང་མཇལ་འཕྲད་ཀྱི་དུས་ཐུགས་ཀའི་རིང་བསྲེལ་ངོ་དེ་བྱེད་ཀྱི་ཡིན་སོགས་གསུངས་ཏེ། དེ་ཡང་རིང་བསྲེལ་འདི་ནི་གཏེར་ལུང་ལས། སྙིང་གར་རིང་བསྲེལ་སྲན་རྟོག་ཙམ་ཡང་ན་མཁའ་འདི་ནི་གདན་འདྲེན་བྱེད། ཡང་ན་སྙིང་གི་བུ་ལ་འཕོ། ཞེས་(སྨད་ཆ།༢༣༥)གསུངས་པ་བཞིན། སྔན་པདྨ་གླུང་པའི་ཐུགས་ཀར་བཞུགས་པ་རྒྱལ་སྲས་ཟླ་བ་གཡུའི་བུད་མེད་འཁྱུད་གང་བའི་རྣམ་པར་ཐིམ་ནས་ཐུགས་དཀར་བཞུགས་པ་དང། དེ་ནས་སྦྲུལ་སྐུ་བསྟན་འཛིན་གྲགས་པར་བབས། དེ་ནས་ཐུགས་སྲས་ཉི་ཟླ་རྒྱས་མཚན་ལ། ཐུགས་སྲས་ཞིང་གཤེགས་རྗེས་སྦྲུལ་པའི་སྐུ་འདིར་བབས་པ་ཡིན་པར་སྣང། རྒྱལ་བ་ཀློང་ཆེན་པས་མནལ་ལམ་དུ་དྲི་མེད་ཀྱི་མཚན་བརྒྱད་རིམ་པར་གནང་ཡང་བདག་གིར་མ་མཛད་པས་འོ་ན་ཚུལ་ཁྲིམས་རྡོ་རྗེ་ཐོགས་གསུངས་པ་བཞིན་ད་ལྟའི་བར་དུ་མཚན་དེ་བཞིན་དུ་གྲགས། དགུང་ལོ་བཅུ་གཅིག་པ་ལ་ཐུགས་སྲས་པདྨ་ཕྲིན་ལས་ཀྱིས་འཚོ་ཡུལ་རི་བཀྲ་གསང་སྔགས་ཆོས་གླིང་དུ་གདན་དྲངས། དེ་རྗེས་དར་རྒྱས་ཆོས་གླིང་པས་ཀྱང་དར་རྒྱས་ཆོས་གླིང་དུ་ཁྲི་འདོན་སོགས་ཕུལ། རྗེ་ཞཱ་དམར་དྲུག་པར་གཙུག་ཕུད་ཕུལ། མཚན་ཚུལ་ཁྲིམས་དགེ་ལེགས་དཔལ་བཟང་པོར་གསོལ། འབྲས་ཡུལ་སྐྱིད་གདུལ་བྱ་རྣམས་ལ་སྔ་ཕྱིར་ཆོས་ཀྱི་འཁོར་ལོ་ལན་གྲངས་དུ་མར་བསྐོར། ཁྱད་པར་ས་སྐྱ་བདག་ཆེན་བསོད་ནམས་དབང་པོའི་བཀའ་ཆོས་མང་དུ་གསན་ཞིང། ས་སྐྱ་བདག་ཆེན་ངག་དབང་མཐུ་སྟོབས་དབང་ཕྱུག་གིས་ཀྱང་བཀའ་ཆོས་མང་དུ་གསན་ནས་ཏི་ཤྲིར་བཀུར། གཏེར་སྟོན་རརྣའི་གདུང་མཆོད་ཀྱི་སར་ཕེབས་ནས་གསང་ཆེན་རྙིང་མའི་རྒྱུད་སྦེལ། ཁྱད་པར་རྒྱུད་འབུམ་ལུང་རྒྱུན་གོང་ར་ལོ་ཆེན་ལ་ཕུལ་བས་བསྟན་རྒྱུན་ཚུགས། ལོ་ཆེན་དྲུང་ནས་སྒྲ་དང་སྙན་ངག་སོགས་གསན་པས་མཁས་པའི་རྩེར་སོན། མོན་དུ་ཕེབས་ནས་གསང་སྔགས་(སྨད་ཆ།༢༣༦)ཆོས་གླིང་གི་གདན་ས་ཡང་མཛད། འབྲུག་པ་ངག་དབང་རྣམ་རྒྱལ་གྱིས་ཀྱང་རྗེ་འདིའི་ཡོན་ཏན་ལ་ཐུགས་མོས་ཐོས་ས་ནས་བསྔགས་བརྗོད་བསྙེན་བཀུར་ཕུལ། མོན་བོད་ཀྱི་བར་ཆིངས་ལེགས་སྦེལ་ཀྱང་ཡབ་སྲས་ལྷན་རྒྱས་ནག་གནང་བ་ཀུན་གྱི་དང་དུ་བླངས་པས་མོས་བོད་བདེ་བའི་མདུན་མའང་གྲུབ་སྟེ་ཐུགས་རྗེས་རྩོད་པ་ཆོས་ཕྱོགས་སུ་ཞི་བར་མཛད། སྡེ་པ་ཐོབ་རྒྱལ་བས་གདན་དྲངས་པ་ལྟར་ཕེབས་ནས་རྒྱང་ཙམ་བཞུགས། གཙང་བསམ་འགྲུབ་རྩེར་ཡང་སྔ་ཕྱིར་གདན་དྲངས་པར་ཕེབས། འདི་སྐབས་རྙིང་རྒྱུད་པུ་ཏི་ཚང་མ་གསར་བཞེངས་དང། བསམ་ཡས་ལ་ཞིག་གསོས་ཀྱང་མཛད། མོན་བོད་རྣམས་སུ་ཕེབས་སྐྱོད་རེས་མོས་ཀྱིས་དད་ལྡན་རྣམས་ཀྱི་རེབ་བསྐོངས། སྐྱེ་བདུན་སྨན་སྒྲུབ་སོགས་གྲངས་ལས་འདས་པ་མཛད། བླ་མ་པདྨ་ཕྲིན་ལས་མོན་བུམ་ཐང་དུ་སྐུ་ཐིམ་པར་དགོངས་རྫོགས་རྟེན་བཞེངས་སོགས་ཁུར་བཞེས་གནང། ཐུགས་སྲས་སྦྲུལ་པའི་སྐུ་བོད་དུ་གདན་དྲངས་ནས་ཁྲི་འདོན་དང་སྐྱབས་སྡོམ་སྩལ་ནས་མཚན་བསྟན་འཛིན་འགྱུར་མེད་རྡོ་རྗེར་གསོལ། དཔལ་ལྡན་འབྲས་སྦུངས་ཀྱི་ཆོས་སྡེར་ཀུན་མཁྱེན་ལྔ་པ་རིན་པོ་ཆེ་མཇལ་བཀའ་གདམས་ཐིག་ལེ་བཅུ་དྲུག་སོགས་གསན། གུ་རུ་ལྟ་ཁང་གི་ཕྱིར་རོལ་དུ་གྲོང་ནག་ཡོད་པ་རྣམས་ཕུད་ནས་ལྕགས་རི་ཤག་སྐོར་དང་གཙུག་ལག་ཁང་གསར་བཞེངས་སོགས་ཕྱག་རྗེས་ཆེ། ཐུགས་སྲས་པད་ཕྲིན་པའི་སྐུའི་སྐྱེ་བ་མོན་དུ་འཁྲུངས་པ་དེ་གའི་གདན་སར་ཁྲི་འདོན་མཛད། འབྲིང་གུང་དུ་ཞབས་དྲུང་ཆོས་ཀྱི་གྲགས་པ་དང་སྔ་ཕྱིར་བཀའ་ཆོས་མང་པོ་གསན་རེས་མཛད་ཅིང་ཏི་ཤྲིར་བཀུར། སྟག་ལུང་པ་བཀྲ་ཤིས་དཔལ་གྲུབ། ཇོ་ནང་སྦྲུལ་སྐུ་ཧཱ་ར་ན་ཐ། རྒྱལ་ཚབ་གྲགས་པ་ཆོས་དབྱངས་(སྨད་ཆ།༢༣༧)སོགས་དམ་པ་མང་པོས་རྗེ་འདིར་བསྔགས་པའི་གླིང་བུ་ཕྱོགས་གཅིག་ཏུ་བསྒྱུར་བས་མཛད་དོ། འདི་སྐབས་སླར་ཡང་སེམས་ཅན་སྦྱིའི་ལས་ཀྱིས། དགེ་འབྲུག་ཐུགས་མི་མཐུན་པའི་ཚུལ་གྱིས། བོད་ཀྱི་དཔུང་ཆེན་ལྟོར་འདེགས་བཀོད་གནང་པར། ཐུགས་ཀྱི་མ་བཟོད་ནས་ལྷོར་ཕེབསམ། དགེ་འབྲུག་བར་ཆིངས་འཚམས་སྦྱོར་ལེགས་སྦེལ་དང། དམག་མི་སོ་སོར་མི་འཇིགས་ས་སྐྱབས་ཀྱི་སྦྱིན་པས་བསྐྱངས་པ་ན། པད་གླིང་གདུང་བརྒྱུད་རྣམས་གཅོ་བོར་གྱུར་པའི་མོན་ཁ་བཞིའི་འགྲོ་བ་མཆོག་དམན་ཐམས་ཅད་ཀྱིས་རྗེ་འདིའི་ཞབས་པད་ལ་བཏུད་པ་མེད། དེ་སྐབས་ཐུགས་སྲས་པདྨ་ཕྲིན་ལས་པའི་ཡང་སྲིད་ཀྱིས་ཀྱང་ཞབས་དྲུང་དུ་བྱོན་ནས་བཀའ་ཆོས་གང་འགྲོ་གསན། དགེ་བསྙེན་གྱི་སྡོམ་པ་སྩལ། མཚན་བསྟན་འཛིན་ལེགས་པ་དོན་གྲུབ་ཏུ་གསོལ། སླར་རྗེ་ཉིད་བོད་དུ་ཕེབས། ལྷ་སར་གོང་ཞབས་ཡས་ཕྱིན་མཇལ་དུ་ཕེབས། བཀུར་བཟོས་དང་བདག་རྐྱེན་བླ་ལྷག་ཏུ་གནང། སྡེ་པ་སྐྱིད་ཤོད་པས་བསམ་ཡས་ཞིག་གསོས་གྲུབ་པར་རབ་གནས་ལ་གདན་དྲངས་པ་བཞིན་ཕེབས་པས་ཆོས་སྐྱོང་མནོད་སྦྱིན་ཆེན་ཻཾཔ་ཁོག་རློམ་གྱིས་རྗེ་འདིར་གུས་འདུད་དཔེ་མེད་དང་ཕྲལ་དགོས་ལུང་བསྟན་ཀྱང་གནང། སླར་འབྲི་གུང་དུ་གདན་དྲངས་ནས་སྦྲུལ་པའི་སྐུ་དཀོན་མཆོག་ཕྲིན་ལས་བཟང་པོར་དགོངས་འདུས་རྩ་དབང་སོགས་བཀའ་ཆོས་མཐའ་ཡས་པ་ཕུལ། དར་རྒྱས་ཆོས་སྡིངས་སུ་རིག་འཛིན་ཕྲིན་ལས་ལྷུན་གྲུབ་ཀྱིས་གདན་དྲངས་པ་བཞིན་ཕེབས་བཀའ་ཆོས་སོགས་གསན་རེས་ཀྱི་ཐུགས་བཞེད་བསྐངས། དགོན་འདིར་སྔ་ཕྱིར་ལན་མང་དུ་ཕེབས་ནས་རིག་འཛིན་འགྱུར་མེད་རྡོ་རྗེ་སོགས་མཇལ་འཕྲད་མཛད་ཚུལ་སོགས་རྣམ་ཐར་ན་གསལ། སླར་ཡང་(སྨད་ཆ།༢༣༨)དར་རྒྱས་ཆོས་སྡིངས་དང། བྲེས་བོན་པོ་ལུང་སོགས་ལ་ལན་ཁ་ཡར་ཕེབས་ནས་སྐྱེ་བདུན་སྒྲུབ་ཆེན་སྨན་སྒྲུབ་སོགས་མཛད་ཚུལ་དང། ཐུགས་སྲས་སྦྲུལ་པའི་སྐུ་རིན་པོ་ཆེ་སོགས་རང་གཞན་དང་འདུས་མང་པོར་བཀའ་ཆོས་སྩལ་ཚུལ་སོགས་བརྗོད་ཀྱིས་མི་ལངས། ཐུགས་དམ་ལུང་རྟོགས་སོགས་གཞན་གྱིས་འགྲན་བྱར་མ་གྱུར་ཅིང། ཡི་དམ་ལྷའི་ཞལ་གཟིགས་པ་སོགས་གྲུབ་མཚན་མངོན་སྣང་དུ་གྱུར་པའང་བསམ་གྱིས་མི་ཁྱབ་པ་གོང་རལ་ཆེན། ལྷ་བཙུན་ཀུན་བཟང་རྣམ་རྒྱལ། སྙིད་ཕུ་རིག་འཛིན་སྙིང་པོ། དར་ལྡིང་ཕྲིན་ལས་ལྷུན་གྲུབ། རྩེ་ལེ་སྣ་ཚོགས་རང་གྲོལ། ཀ༔ཐོག་པ་པདྨ་བློ་གྲོས་སོགས་དང་བཀའ་ཆོས་ཕར་འབུལ་ཚུར་གསན་གྱིས་མཚོན་པའི་མཛད་ཕྲིན་དང། གསུང་རྩོམ་བསྟན་བཅོས་ཀྱང་པུ་ཏི་གཉིས་ཙམ་ཡོད་དེ། མདོར་ན་མཁས་པའི་བྱ་བ་གསུམ་གྱིས་རྒྱལ་བསྟན་རིན་པོ་ཆེ་སྦྱི་དང་བྱ་བྲག་སྔ་འགྱུར་རྙིང་བསྟན་རིན་པོ་ཆེ་གོང་ནས་གོང་དུ་སྦེལ་བ་ལ་ཕྲིན་ལས་ལྷག་པར་ཆེ་བ་ཞིག་གོ། དེ་ལྟར་བཤད་སྒྲུབ་རྒྱུན་ཡུན་རིང་དུ་བསྐྱངས་ནས་རེ་ཞིག་གཟུགས་སྐུའི་བཀོད་པ་ཆོས་ཀྱི་དབྱིངས་སུ་བསྡུ་བར་མཛད་པས་གཤེགས་རྗེས་ཀྱི་བྱ་བ་རྣམས་ཐུགས་སྲས་སྦྲུལ་སྐུ་རིན་པོ་ཆེ་སོགས་ཀྱིས་བསྒྲུབས་པར་མཛད་དོ། ཐུགས་སྲས་སྦྲུལ་པའི་སྐུ་བསྟན་འཛིན་འགྱུར་མེད་རྡོ་རྗེ་ནི། དེ་ཡང་གཏེར་སྟོན་པདྨ་གླིང་པར་ཐུགས་སྲས་རིགས་གསུམ་གྱི་རྣམ་འཕྲུལ་དུ་གྲགས་པ་རྣམས་ལས་དབང་ཆེན་རྟ་མགྲིན་གྱི་སྦྲུལ་པར་ལུང་གིས་ཟིན་པའི་ཐུགས་སྲས་ཟླ་བ་རྒྱལ་མཚན་དུ་གྲགས་པའི་སྐུ་འཕྲེང་རིམ་པར་བྱོན་པའི་བཞི་པ་སྟེ། ཐུགས་སྲས་ཟླ་བ་རྒྱས་མཚན་ནི་སྨྱོས་རིགས་གཏེར་ཆེན་པདྨ་གླིང་(སྨད་ཆ།༢༣༩)པའི་སྲས་སུ་བུམ་ཐང་ཚལ་དུ་འཁྲུངས། ཟབ་ཆོས་མཐའ་དག་ཡབ་ས་བུམ་པ་གང་བྱོར་གསན། གསང་གཏེར་དུ་མ་བཞེས་ཤིང་མཐའ་དམག་བཟློག་པར་མཛད་པ་སོགས་ཕྲིན་ལས་ཀྱི་ནུས་མཐུ་ཆེ། ཡབ་ཀྱིས་འབྲོགས་པར་མཛད་པའི་ཆལ་ན་ལེང་གཞོང་བདེ་ཆེན་གླིང་གི་དགོན་པར་གདན་སའི་གཞི་བཟུང་མངོན་པར་མཁྱེན་པ་ཐོགས་པ་མི་མངའ་ཞིང། སྐུ་དུ་མར་སྦྲུལ་པ་དང་འབྱུང་ན་བཞི་ལ་མི་ཐོགས་པ་སོགས་ཀྱི་རྫུ་འཕྲུལ་ཐུན་མོང་གི་གདུལ་བྱ་ལ་སྟོན་ནུས། མིན་བོད་ཐམས་ཅད་གདུལ་བྱའི་ཞིང་དུ་གྱུར་ཅིང་གངས་ཅན་གྱི་ཆེ་དུགའི་བླ་མར་བཀུར་བས་རིགས་ཆོས་གཉིས་ཀའི་བརྒྱུད་འཛིན་གྱི་གཙོ་བོར་གྱུར། ཐུགས་སྲས་ཉི་ཟླ་རྒྱལ་མཚན་ནི། བུམ་ཐང་ཡ་བཞི་ལས་ནུབ་མང་སྡེ་ལུང་པར་འཁྲུངས། མཆོག་སྦྲུལ་བསྟན་འཛིན་གྲགས་པ་ལས་ཆོས་བཀའ་གསན་ཅིང་གྲུབ་མཚན་དུ་མའང་མངོན་དུ་གྱུར། མང་སྡེ་སྒ་སྒར་གྱི་གདན་ས་བཏབ་ནས་བཞུགས་ཤིང། གཙང་གཡས་རུ་ཤངས་ནང་དུ་འགྲོ་ཕན་རྒྱ་ཆེན་པོ་དང། མོན་ཕྱོགས་སུ་བུམ་ཐང་ཆོས་འཁོར་ཤམ་ཁར་དུ་འཁྲུངས་ཏེ་སྒ་སྒར་གྱི་གདན་སར་ཕེབས། རྒྱལ་སྲས་པདྨ་ཕྲིན་ལས་ཀྱི་ཞབས་ལ་གཏུགས། མཐའ་ཚད་ཀྱི་བསྙུན་ཀྱིས་སྐུ་ན་ཆེར་མ་སོན་པར་གཤེགས། སྐུ་ཐོག་གསུམ་པོ་འདི་ནི་གུ་རུ་དང་ལྷ་ལུང་གི་གདན་སར་མ་ཕེབས་པས་གདན་རབས་སུ་ནི་བགྲང་ལ། གདན་རབས་སུ་བཞུགས་པ་ནི་གསུང་སྦྲུལ་ཚུལ་རྡོར་ནས། ཐུགས་སྲས་བསྟན་འཛོན་འགྱུར་མེད་རྡོ་རྗེ་སྟེ། བུམ་ཐང་གཏད་སི་སྦིར་ཁམས་པ་གཏེར་སྟོན་ཤེས་རབ་མེད་འབར་གྱི་གདུང་བརྒྱུད་དུ་འཁྲུངས། ཆུང་ངུ་ནས་གསུང་སྦྲུལ་ཚུལ་(སྨད་ཆ།༢༤༠)ཁྲིམས་རྡོ་རྗེ་བོད་དུ་སྦྱན་དྲངས་ནས་གུ་རུ་ལྷ་ཁང་གི་གདན་སར་བཞུགས། ཡོངས་འཛིན་དམ་པ་དེ་ལས་གསན་བསམ་རྫོགས། གོང་ས་ལྔ་པ་ཆེན་པོ་དང་ཆོས་རྒྱལ་གཏེར་བདག་གླིང་པ་སོགས་རྩོད་བྲལ་གྱི་བླ་མ་མང་པོའི་ལུང་ཟིན་ཆོས་ཀྱི་བདག་པོ་གྱུར། མཚོ་སྐྱེས་བྲག་དང་གྱེང་རི་ཕུག་སོགས་གངས་ཁྲོད་ཀྱི་དབེན་པ་དག་ཏུ་ལོ་མང་པོར་ཐུགས་དམ་ལ་སྙིང་པོར་མཛད། ལྷག་པའི་ལྷ་རབ་འབྱམས་ཀྱི་ཞལ་གཟིགས། རྗེ་འདིའི་གྲུབ་པའི་མཚན་བསམ་གྱིས་མི་ཁྱབ་པ་མངོན་སྣང་དུ་སྟོན་ནུས་པས་དད་ལྡན་འགའ་རེས་ལྷག་པའི་ལྟར་དངོས་སུ་མཐོང་ག་དང་ཡེ་ཤེས་ཀྱི་མཁའ་འགྲོས་ཚོགས་དང་མི་དང་མི་བགྲོ་བ་ལྟར་མཛད་པ་གས་བློར་མི་ཁྱུད་པ་མངའ་བ་ཡིན། རྗེ་ལྔ་པ་ཆེན་པོའི་ཐུགས་སྲས་ཀྱི་དཱངས་མར་གྱུར་ཏེ་རྒྱ་ཅན་རྩ་བའི་ཆོས་བདག་ཏུ་ངོས་འཛིན་གནང་ནས་ཆོས་བཀའ་ཡོངས་རྫོགས་ཀྱི་དབང་ལུང་བཀའ་གཏད་སྨིན་རྒྱས་མཛད། ལྷ་ལུང་ཐེག་མཆོག་རབ་རྒྱས་གླིང་དགོན་མ་ལག་དང་བཅས་སྦྱོར་འཇགས་གནང་བས། ད་ཕྱིར་གདན་སའི་མཐིལ་ལྷ་ལུང་མེ་ཏོག་ལྷ་ནང་དུ་མཛད། ལུགས་གཉིས་ཀྱི་ཕྲིན་ལས་ཆེ་བས་ཐེག་མཆོག་རབ་རྒྱས་གླིང་མདོ་སྔགས་ཟུང་འཇུག་གོ་སྡེ་ཆེན་པོ་བཙུགས་ནས་དབང་སྒྲུབ་ཆེན་ཕྲིན་ལས་མཐའ་རྒྱས་ཀྱི་བར་ནས་ཕྱག་བཞེས་ཕྲ་མོའི་བར་གྱི་སྲོལ་བཟང་པོ་བཏོད་ནས་རྒྱུ་བཀོད་ཕུལ་དུ་བྱུང་བའི་ཡོ་བྱད་དགོས་དགུས་འབྱོར་བར་མཛད། སློབ་རིགས་སུ་གྱུར་པ་ཐམས་ཅད་སྒྲུབ་པ་ལ་སྙིང་པོར་བྱེད་ཅིང་རྟོགས་པ་ཐོབ་པའང་མང་པོ་དང། ཁྱད་པར་རྒྱལ་སྲས་སྦྲུལ་སྐུ་ལེགས་པའི་དོན་གྲུབ་དང། གསུང་སྦྲུལ་ཀུན་བཟང་རྡོ་རྗེ་ཆོས་ཀྱི་རྒྱལ་ཆེན་པོར་དབང་བསྐུར་བ་སོགས་པད་གླིང་གི་བསྟན་ལ་ལུགས་གཉིས་ནས་བཀའ་དྲིན་(སྨད་ཆ།༢༤༡)འགྲན་ཟླ་དང་བྲལ་བར་མཛད་དོ། དེ་ཡང་གཏེར་ལུང་ལྟར་པད་གླིང་གི་ཐུགས་ཀའི་རིང་བསྲེལ་ཉིད། ཐུགས་སྲས་རིན་པོ་ཆེ་ཟླ་བ། མཆོག་སྦྲུལ་བསྟན་འཛིན་གྲགས་པ། ཐུགས་སྲས་ཉི་ཟླ་རྒྱལ་མཚན། གསུང་སྦྲུལ་ཚུལ་ཁྲིམས་རྡོ་རྗེ། ཐུགས་སྲས་འགྱུར་མེད་རྡོ་རྗེ། རྗེ་པད་གླིང་བཞི་པ་རྣམས་ལ་ངོ་མཆར་བའི་ལྟས་ཀྱིས་རིམ་པར་ཕེབས་ཤིང། རྗེ་དེ་ཉིད་ཀྱི་སྐུ་ལ་ལོ་འགར་བཞུགས་པ་ལས་བསྟན་པའི་དར་གུད་ཀྱི་གོང་དུ་ལུང་བསྟན་དང་རྗེས་སུ་མཐུན་པར་མཁའ་འགྲོས་གདན་དྲངས་ཏེ་མི་སྣང་བའི་ལོ་རྒྱུས་གསུང་ལས་དངོས་སུ་ཐོས་ཏེ། དེས་ན་འཁྲུལ་མེད་རིང་བསྲེལ་བདུན་བརྒྱུད་ཀྱི་ཡབ་སྲས་སུ་འབྲེལ་བས་ཐུགས་སྲས་རིན་པོ་ཆེ་ཞེས་གྲགས་པ་ཡིན་ནོ། མཚོ་ཡུལ་རི་རས་བཀྲ་ཤིས་ཆོས་གླིང་དུ་འཁྲུངས། གོང་མའི་བག་ཆགས་སད་པའི་གསུང་དང་མཛད་པ་མཐའ་དག་ངོ་མཚར་བསམ་མི་ཁྱབ་པས་མཐོང་ཐོས་ཐམས་ཅད་ཡིད་ཆེས་དང་པའི་དཔལ་ལ་སྦྱོར་བ་མཛད། དེར་ཐུགས་སྲས་རིན་པོ་ཆེ་ཉིད་ཀྱི་གསང་ལུང་དང། གསུང་རྟགས་ཀྱི་རིགས་རྣམས་མཐུན་པར་ངོས་འཛིན་ཕུལ་ནས་ཐུགས་ཐག་ཆོད་པས། རིམ་གྱིས་ལྷ་ལུང་མེ་ཏོག་ལྷ་ནང་ཐེག་མཆོག་རབ་རྒྱས་གླིང་དུ་གོང་མའི་ཆོས་ཀྱིས་མངོན་པར་མཐོ་བའི་སེང་ཁྲི་ལ་འཛེགས་རྟེན་གསུམ་གྱི་འདྲེན་པར་མངའ་གསོལ་ནས་ཆོས་ཀྱི་རྒྱལ་པོའི་རྒྱལ་ཚབ་ཏུ་དབང་བསྐུར་ནས། མཚན་ངག་དབང་ཀུན་བཟང་ཡེ་ཤེས་རོལ་པའི་རྡོ་རྗེར་གསོལ། དེ་ནས་སྐུ་ཡོན་གསན་སྦྱོངས་སོགས་ལ་ཐུགས་རྩོལ་གནང་ཞིང། རིམ་གྱི་པདྨ་གླིང་པའི་གཏེར་ཆོས་བཞུགས་སོ་ཅོག་གིས་གཅོས་པའི་གསུང་སྔགས་བཀའ་གཏེར་དུ་མའི་སྨིན་གྲོལ་གྱིས་(སྨད་ཆ།༢༤༢)ཐུགས་རྒྱུད་གང་པར་མཛད། དེ་ཡང་ཐུགས་སྲས་རིན་པོ་ཆེ་བསྟན་འཛིན་འགྱུར་མེད་རྡོ་རྗེ་དང། བསྟན་འཛིན་ལེགས་པ་དོན་གྲུབ་སོགས་དང། གཞན་ཡང་སྨིན་གཏེར་ཆེན་མཆེད་བཅས་དང་སྦྲུལ་སྐུ་བོན་ལུང་པ་སོགས་རང་ལུགས་ཀྱི་བླ་དུ་མ་དང། གཞན་དག་ལས་ཀྱང་གསན་བསམ་རྡོགས་པར་མཛད་ནས། སྒྲུབ་པ་ཉམས་བཞེས་ཀྱི་མཛད་པའང་གཞན་འགྲན་མེད་པ་མཚོ་སྐྱེས་བྲག། རི་རས་བཀྲ་ཤིས་ཆོས་གླིང། གུ་རུ་ལྷ་ཁང། མེ་ཏོག་ལྷ་ནང་སོགས་སུ་སྐུ་མཚམས་བཅད་རྒྱ་ཁོ་ནར་ཐུགས་རྩོལ་གནང། གཞན་ཡང་མོན་བོད་རྣམས་སུ་ཕེབས་སྐྱོད་ལན་མང་དུ་གནང་ཞིང། དེ་བཞིན་དུ་གཙང་དབུས་རྣམས་སུའང་སྔ་ཕྱིར་ཕེབས་སྐྱོད་དང་བཅས་གདུལ་བྱ་སོ་སོའི་ཡིད་ཀྱི་རེ་བ་བསྐོང་བར་མཛད་ཅིང། ཁྱད་པར་གདན་ས་ཉིད་དུ་ཆོས་ཀྱི་འཁོར་ལོ་བར་མ་ཆད་པར་བསྐོད་ཞིང། གཙོ་བོ་པད་གླིང་ཆོས་སྐོར། གསང་ཆེན་རྙིང་མ་རྒྱུད་འབུམ། ལས་འབྲེལ་རྩལ་དང། སྨིན་གླིང་གཏེར་ཆོས་སོགས་ཆོས་བཀའ་མཐའ་ཡས་པས་སྐལ་བཟང་གི་སྐྱེ་བོ་རྣམས་སྐུ་བཞིའི་གོ་འཕང་ལ་བཀོད་པའི་མཛད་པ་མཐའ་ཡས་པ་བསྐྱངས་། གཞན་ཡང་སྐྱ་བདུན་མྱོང་གྲོལ་སྨན་སྒྲུབ་སོགས་སྒྲུབ་ཕྲིན་ཕྲ་རགས་མང་པོ་དང། རང་གནས་དང། ལྷོ་ནང་བཀྲ་ཤིས་ཆོས་གླིང་ལ་སོགས་པར་རྟེན་བཞེངས་མཇལ་ཚུལ་སོགས་རེ་རེ་ནས་བརྗོད་པར་མི་ནུས་ལ། གྲུབ་པའི་མཚན་མ་མངོན་དུ་གྱུར་པས་རྡོ་ལ་ཕྱག་ཞབས་ཀྱི་རྗེས་འཇོག་པ་དང། ལྷག་པའི་དུ་མའི་ཞལ་གཟིགས་ཚུལ་སོགས་མཐའ་ཡས། ཐུགས་སྲས་སྦྲལ་སྐུ་རིན་པོ་ཆེ་སྙེ་མོར་འཁྲུངས་པ་ངོས་འཛིན་དང། རིམ་གྱིས་གུ་རུ་ལྷ་ཁང་དུ་གདན་དྲངས་ནས་བསུ་བའི་བཀོད་པ་རྒྱ་ཆེན་པོ་དང་བཅས་ཁྲི་འདོན་ལེགས་(སྨད་ཆ།༢༤༣)འབུལ་མཛད་ནས་ཆོས་ཀྱི་རྒྱལ་སྲིད་ཆེན་པོ་ལ་རྒྱལ་ཚབ་ཏུ་མངའ་གསོལ། དེ་སྐབས་ཇུན་འགར་རྙིང་བསྟན་མཐའ་དག་རྨེག་མེད་དུ་རྒྱས་འདེབས་པའི་དུས་སུའང་ཐུགས་སྲས་སྦྲུལ་སྐུ་དང་བཅས་སྐུ་ཞབས་ལྷན་རྒྱས་མཁན་པ་ལུང་སོགས་སྦས་ཡུལ་རྣམས་སུ་བཞུགས་པས་རྗི་བར་མ་ནུས། སླར་གོང་ས་ཐམས་ཅད་མཁྱེན་པའི་བཀའ་དྲིན་ལས་རྙིང་བསྟན་རྣམས་སོར་ཆུད་གནང་བའི་སྐབས་ཀྱང་སྦས་ཡུལ་ཆུག་རི་བཀྲ་ཤིས་ཕོ་བྲང་དུ་བཞུགས་ནས་སྒྲུབ་པ་ལྟུར་བཞེས་ལས་གྲཱ་ཚང་གི་འགན་ཁུར་སོགས་བསྟན་སྲིད་ལ་རྒྱའི་མཛད་དགོས་ཐམས་ཅད་ཐུགས་སྲས་སྦྲུལ་སྐུར་མཛད་དུ་བཅུག། སླར་ཡབ་སྲས་ལྷན་རྒྱས་ནས་ཆུག་རི་བཀྲ་ཤིས་རབ་བརྟན་ཕོ་བྲང་དང། ལྷ་ལུང་ཐེག་མཆོག་རབ་རྒྱས་གླིང། ཆུ་ཁྱེར་རས་དཀར་མགོན་སོགས་སུ་སྔ་རྙིང་རྒྱུད་པུ་ཏི་བཞི་བཅུ་ཞེ་དྲུག་དང་མ་མགོན་ལྕམ་དྲལ་འབུར་སྐུ་ཙན་དན་གྱི་བྱང་ཆེན་མཆོད་རྟེན་སོགས་རྟེན་བཞེངས་ཀྱ་མང་དུ་མཛད། སྐུ་ཚེའི་སྨད་ལ་སྦས་ཡུལ་ཉིད་དུ་སྒྲུབ་པ་ལ་ཚིག་དྲིལ་མཛད་པའི་མུར་གཟུགས་སྐུའི་བཀོད་པ་རེ་ཞིག་ཆོས་ཀྱི་དབྱིངས་སུ་བསྡུ་བར་མཛད་པའི་ཚེ་ངོ་མཚར་བའི་ལྟས་བསམ་གྱིས་མི་ཁྱབ་པས་མཐོང་ཐོས་ཐམས་ཅད་དད་པའི་ས་ལ་བཀོད་ཅིང་གདུང་རིང་བསྲེལ་ལྷ་སྐུ་སོགས་མང་དུ་བྱོན་པར་གྱུརུ་ཏོ། ཐུགས་སྲས་འགྱུར་མེད་མཆོག་གྲུབ་དཔལ་འབར་བཟང་པོ་ནི། ཡུལ་དབུས་གཙང་གེ་རུ་མཚམས་སྙེ་མོ་བོང་བདག་ཏུ་རིགས་ཆེ་ཞིང་བཙུན་པ་ཐུ་མི་སམྦྷོ་ཊའི་གདུང་ལས་ཡབ་མི་བདག་པདྨ་ཚེ་རིང་དང། ཡུམ་འཁོན་རིགས་ལྷ་ལྕམ་གྱི་སྲས་སྐུ་བལྟམས་པའི་ཚེ་ངོ་མཚར་བའི་ལྟས་དུ་མ་བྱུང་(སྨད་ཆ།༢༤༤)ཞིང། གསུང་ངག་བྱེ་བ་ནས་གཟུང་ཐུགས་ཀྱི་བག་ཆགས་མ་བརྗེད་པའི་སྔོན་གནས་རྗེ་དྲན་དང་མོན་སྐད་གསུང་བ་སོགས་བྱུང་བར་བརྟེན། རྗེ་བླ་མ་ངག་དབང་ཀུན་བཟང་རྡོ་རྗེས་བླ་མ་ཆོས་སྐྱོང་སྦྱི་དང་ཁྱད་པར་གཏེར་ཆེན་འགྱུར་མེད་རྡོ་རྗེའི་བརྟག་བབ་དང་རྟེན་ངོས་འཛིན་ཕུལ་བར་ཐུགས་དེས་འབྲངས་བས་བདག་གིར་མཛད། དེ་སྐབས་དུས་ཟིང་སོགས་ལ་བརྟེན་སྦྲུལ་སྐུ་ཉིད་ལྷོ་བྲག་གུ་རུ་ལྷ་ཁང་དུ་རྗེ་བླ་མའི་དྲུང་དུ་ཕེབས། དེ་ནས་མེ་རིང་བར་ལྷ་ལུང་མེ་ཏོག་ལྷ་ནང་དུ་ཕེབས། ཐེག་བཟང་བསྟན་འཛིན་ཡེ་ཤེས་མཆོག་དབྱངས་འགྱུར་མེད་ཆོས་ཀྱི་རྡོ་རྗེ་ཞེས་པའི་མཚན་ཕུལ་བ་མཛད། རིམ་པས་འཚོ་ཡུལ་རི་རས། ཆུ་ཁྱེར་རས་དཀར་རྣམས་སུ་འབྲུམ་བྱོལ་དང་ཐུགས་གཉེར་སྦྲགས། དེ་ནས་ལྷ་ལུང་ཕེབས་ནས་རྡོ་བླ་མ་གང་གི་དྲུང་ནས་པད་གླིང་ཆོས་མང་དུ་གསན། དབུས་ཕྱོགས་སུ་བླ་མ་ལྷན་རྒྱས་ཆིབས་སྐྱོད་གནང་ནས་གོང་ཞབས་ཡས་ཕྱིན་སོགས་མཇལ་ཕྱག་དང། གཙོ་ཆེར་སྨིན་གྲོལ་གླིང་དུ་གཏེར་ཆེན་ཡབ་སྲས་སོགས་ཀྱིས་བཀུར་བཟོས་དཔེ་མེད་དང་བཀའ་ཆོས་ཀྱང་གསན། སླར་གདན་སེ་ཕེབས་པ་དང་ཡབ་གཞིས་སུ་གདན་དྲངས་པ་སོགས་མཛད་པ་ཆེ་ཕྲ་མང། སླར་ཡང་སྨིན་གྲོལ་གླིང་དུ་ཕེབས་ནས་གཏེར་ཆེན་མི་བཞུགས་ཀྱང། པདྨ་འགྱུར་མེད་རྒྱ་མཚོ་མཆེད་བཅས་དང་མཁན་ཆེན་ལོ་ཙཱ་བ་སོགས་མདོ་སྔགས་བཀའ་(སྨད་ཆ།༢༤༥)གཏེར་གྱི་ཆོས་ཚུལ་རྒྱ་མཚོ་ལྟ་བུ་དག། རྩ་རླུང། འོད་གསལ་སོགས་ཟབ་ཁྲིད་མི་འདྲ་བ་དུ་མས་ཐུགས་རྒྱུད་སྨིན་པར་མཛད་ཅིང། གཞན་ཡང་སྒྲ་སྙན་ངག་ཡིག་རིགས་མི་འདྲ་བ་བརྒྱ་ཕྲག་ལོངས་པ་སོགས་གཙུག་ལག་རིག་པའི་ལམ་ཀུན་མི་མཁྱེན་པ་མེད་པ་མཛད། སླར་ཡབ་གཞིས་དང་ལྷོ་བྲག་ཕྱོགས་རྣམས་སུ་རིམ་པར་ཞབས་སྐྱོད་གནང། དེ་ནས་མི་རིང་བར་བདུད་བསྟན་ཤར་ནས་ཕྱི་ནང་དམ་སྲིད་དུ་མའི་ལོག་སྨོན་དུས་སུ་བདོ་བའི་སྟབས་ཀྱི་ཡབ་སྲས་ལྷན་རྒྱས་སྦས་ཡུལ་མཁན་པ་ལྗོད་དུ་ཕེབས། རྗེ་ཉིད་མོན་ནས་སྦྱན་དྲངས་པ་ལྟར་མོན་ཕྱོགས་སུ་ཞབས་པད་བསྐྱོད་སྦས་གནས་ཀྱི་ཡུལ་ཤིན་ཏུ་བགྲོད་དཀའ་བ་རྣམས་ལ་སྐུར་ངལ་ཁྱད་སད་ཀྱིས་རིམ་པར་སྔན་ལུང་གསང་སྔགས་སྒང་སྟེང་དུ་རྗེ་བླ་མ་བསྟན་འཛིན་ལེགས་པ་དོན་གྲུབ་ཀྱི་དྲུང་དུ་ཕེབས་ནས་པད་གླིང་ཆོས་གཏེར་ཆོས་ཡོངས་རྫོགས་སོགས་བཀའ་ཆོས་དུ་མ་གསན། གཙུག་ལག་ཁང་དང་རྟེན་གསར་བཞེངས་རྣམས་ལ་རབ་གནས་དང་གདན་སའི་རྩིས་བཞེས་ཀྱང་བླ་མའི་བཀའ་བཞིན་མཛད། དེ་སྐབས་བདུད་བསྟན་མུན་པའི་སྨག་རུམ་བཅིལ་ནས་ཕན་བདེའི་ཉིན་བྱེད་དགོངས་པ་ཐམས་ཅད་མཁྱེན་པ་སྐལ་བཟང་རྒྱ་མཚོ་གངས་ལྗོངས་འགྲོ་བའི་སྐྱབས་དང་མགོན་དུ་ཁྲིར་ཕེབས་གནང་བ་ནས་རྙིང་ལུགས་སོ་སོར་རང་བསྟན་གོས་ཆོག་པའི་རྩ་ཚིག་ཆེན་མོ་ཕེབས་བསྟུན་ལྷ་ལྡན་དུ་གོང་ས་རིན་པོ་ཆེའི་ཞབས་ལ་འདུད་ཕྱག་འབུལ་བར་ཕེབས་པ་ན། རང་བསྟན་སྔར་ལུགས་སོར་ཆུད་ཀྱི་བཀའ་ཁྲ་བཅས་བཀུར་བཟོས་གང་ཆེ་གནང་བ་བཞིན་ཐེག་མཆོག་རབ་རྒྱས་གླིང་པར་སྐབས་ཤིག་རལ་བདག་འཛིན་མེད་པ་ལར་རྗེ་འདིས་ཐུགས་རྩོམ་གྱིས་མི་རིང་བར་སོར་ཆུད་པ་མཛད། འདི་(སྨད་ཆ།༢༤༦)ནས་བཟུང་རྗེ་བླ་མ་སྦས་གནས་རྣམས་སུ་བཅར་བཞུགས་ལས་གདན་སའི་ཁུར་མ་བཞེས་པས། གདན་སའི་ཁུར་བཞེས་དང་ཆོས་སྲིད་ཀྱི་བྱ་བ་མཛད་དགོས་ཐམས་ཅད་རྗེ་འདི་པས་གནང། སྦས་ཡུལ་དུ་རྗེ་བླ་མའི་དྲུང་དུ་ཡང་ཡང་ཕེབས་ནས་ཆོས་འཕྲོ་རྣམས་གསན་པ་དང། ལྷ་ལུང་དུའང་གདན་དྲངས་པ་སོགས་ཐུགས་ཡིད་གཅིག་འདྲེས་ཀྱི་མཛད་པ་བསྐྱངས་པའི་མུར་རྗེ་བླ་མ་དག་ཞིང་དུ་གཤེགས་པའི་རྗེས་སྒྲུབ་རྣམས་ཀྱང་ལྷག་པའི་ཐུགས་བསམ་གྱིས་རྒྱ་ཆེར་སྦྲོས། དེ་མཚུངས་མོན་ནས་རྗེ་བླ་མ་བསྟན་འཛིན་ལེགས་པར་དོན་གྲུབ་སྐུ་གཤེགས་པའི་དགོངས་རྫོགས་སྒྲུབ་དགོས་སོགས་ཐུགས་རྩོལ་གང་ཅེ་མཛད། ཁྱད་པར་འཆི་མེད་ལྷ་མོ་ཅཎྜ་ལིའི་འབྱུང་འགྱུར་གསང་ལུང་ངོ་མཚར་བ་དུ་མ་ཕུལ། སླར་ཡང་གསུང་བརྟག་གསང་ལུང་གོ་བསྟུནབ་རྗེ་བླ་མ་ངག་དབང་ཀུན་བཟང་རྡོ་རྗེའི་ཡང་སྲིད་དང། མོན་ནས་ཐུགས་སྲས་སྦྲུལ་སྐུ་བཅས། སོ་སོར་ངོས་འཛིན་དང་ཁྲི་འདོན་བཀའ་ཆོས་དབང་ལུང་ཟབ་ཁྲིད་དུ་མ་དང། བསྙེན་རྫོགས་བཞེས་པའི་མཁས་པོ་དང་བཅས་མཛད་དེ་མཆོག་སྦྲུལ་རྣམ་གཉིས་བསྟན་པ་ཡོངས་རྫོགས་ཀྱི་ཆོས་ཀྱི་རྒྱལ་སྲིད་ལ་བཀོད། གཞན་ཡང་བོད་ཁམས་བདེ་བའི་རིམ་གྲོར་གཞུང་ས་མཆོད་ཡོན་གྱིས་བསྐུལ་བ་བཞིན་རང་གནས་དང། ལྷ་ལྡན་རྣམས་སུ་ལན་མང་དུ་སྒྲུབ་པར་མཛད། མོན་བོད་དུས་ཟིང་གི་འཁྲུལ་ཙོད་ལ་བར་འཆིངས་ལེགས་སྦེལ་མཛད་པས་འབྲུག་ཐང་སྡེ་པ་དང། གཞུང་པ་ནས་ཀྱང་བཀུར་བཟོས་དང་བརྩེ་གཟིགས་ཆེ། རྒྱལ་བའི་བཀའ་འགྱུར་དོ་ཅོག་གསར་བཞེངས་སོགས་རྟེན་བཞེངས་ཀྱི་རིགས་ཀྱང་མཐའ་ཡས་པ་(སྨད་ཆ།༢༤༧)མཛད། བཀའ་འགྱུར་རིན་པོ་ཆེའི་སྔགས་ལུང་གིས་མཚོན་པའི་འཆད་སྦེལ་མཛད་པ་ནི་བརྗོད་པའི་ཡུལ་ལས་འདས། དེ་ནས་ཆོས་སྲིད་བྱ་བ་མཛད་དགོས་ཕལ་ཆེར་སྦྲུལ་པའི་སྐུ་ལ་འགན་བཞེས་བསྐུལ་ནས། རྗེ་ཉིད་མེ་ཏོག་ལྷ་ནང་ལ་སོགས་པར་བསྙེན་སྒྲུབ་ཀྱི་རིགས་དུ་མར་ཚིག་དྲིལ་མཛད། ཤེས་བྱ་རིགས་པའི་གནས་ཀུན་ལ་མཁྱེན་པ་རྒྱས་པས་གསུང་རྩོམ་ཀྱང་ཕུ་ཏི་གཉིས་ཙམ་ཡོད་དེ། མདོར་ན་མཁས་བཙུན་གྲུབ་གསུམ་དང་ལྡན་པས་མཁས་པའི་བྱ་བ་གསུམ་གྱིས་བསྟན་པ་རིན་པོ་ཆེ་གསལ་བར་མཛད་ཅིང། ཁྱད་པར་པདྨ་གླིང་པའི་བསྟན་པ་ལ་བཀའ་དྲིན་གཞན་འགྲན་དང་བྲལ་བ་ཞིག་ཡིན་ནོ། པདྨ་བསྟན་འཛིན་གྲུབ་མཆོག་རྡོ་རྗེ་ནི། ཐུགས་སྲས་འགྱུར་མེད་མཆོག་གྲུབ་དཔལ་འབར་གྱི་གསང་ལུང་དུ་གསལ་བ་དང། རྗེ་རྒྱལ་བའི་དབང་པོ་ཀརྨ་པ་ཡང་སྲས་ཀྱི་གསུང་བརྟག་སོགས་དང་མཐུན་པར་ངོས་འཛིན་ཕུལ་བ་རྣམས་ཀྱང་འཁྲུལ་མེད་ངེས་འདྲོངས་བྱུང་བར་བརྟེན་ལྷ་ལུང་ཐེག་མཆོག་རབ་རྒྱས་གླིང་དུ་གོང་མའི་ཁྲི་ལ་མངའ་གསོལ། ཐུགས་སྲས་རིན་པོ་ཆེའི་གཙུག་ཕུད་བཞེས་པ་དང་མཚན་ཀུན་བཟང་ཚེ་དབང་པདྨ་བསྟན་འཛིན་གྲུབ་མཆོག་རྡོ་རྗེ་ཞེས་གསོལ། བཀའ་ཆོས་གསན་སྦྱོང་རིག་གནས་སྐོར་སོགས་ཕན་ཆེར་ཐུགས་སྲས་རིན་པོ་ཆེའི་དྲུང་དུ་ཐུགས་གཉེར་མཛད་སྨིན་གླིང་ཁྲི་རིན་ཆེན་རྣལ་རྒྱལ་གྱི་དྲུང་ནས་ཀྱང་བཀའ་གཏེར་གྱི་ཆོས་ཚུལ་མང་དུ་གསན། ཡབ་སྲས་ལྷན་རྒྱས་མཁས་ལུང་བརྒྱུད་མོན་གསང་སྔགས་སྒང་སྟེང་ནས་བསྟན་འཛིན་ལེགས་པ་དོན་གྲུབ་ཀྱི་སྐུའི་སྐྱེ་བ་མན་ནུབ་སེ་ལར་འཁྲུངས་པ་པདྨ་ཀུན་བཟང་ཕྲིན་ལས་རྣམ་རྒྱལ་ཡང་བོད་དུ་གདན་(སྨད་ཆ།༢༤༨)དྲངས། ཡབ་སྲས་ལྷན་རྒྱས་ཀྱིས་བསྙེན་བཀུར་ཕུལ། སྦྲུལ་པའི་སྐུ་དེས་ཀྱང་གསན་བསམ་མཐར་ཕྱིན་མཛད་ཅིང། སླར་ཡང་མོན་གྱི་གདན་སར་མངའ་གསོལ་བ་སོགས་མཛད། གཞན་ཡང་ལྷ་ལྡན་དང་སྨིན་གླིང་སོགས་དང་མན་བོད་རྣམས་སུ་ཕེབས་སྐྱོད་ལན་མང་དུ་མཛད་ནས་བསྟན་པ་དང་སེམས་ཅན་གྱི་དོན་རྒྱ་ཆེར་མཛད་ཅིང་བཀའ་ཆོས་འཆད་སྦེལ་སོགས་ཀྱིས་བསྟན་པ་རིན་པོ་ཆེ་གསལ་བར་མཛད་དོ། བསྟན་འཛིན་ཆོས་ཀྱི་ཉི་མ་ནི། རྣམ་ཐར་ཞིབ་རྒྱས་མ་མཐོང། རང་ལུགས་ཀྱི་དབང་ལུང་གསན་སྦྱོད་སོགས། སྔགས་རམ་པ་པདྨ་ཆོས་དབང་དང། སྔགས་རམ་པ་་ཀུན་བཟང་ལུང་རིགས་སོགས་ལས་གསན་པ་ཡིན་པ་འདྲ། གསུང་སྦྲུལ་རིན་པོ་ཆེ་ཀུན་བསྟན་པའི་རྒྱལ་མཚན་ནི་གོང་མའི་ཁྲི་ལ་བཞུགས་བཞིན་ཆོས་ཀྱི་འཁོར་ལོ་བསྒྱུར་བ་མཛད་པ་ལས་ཁོ་བོས་ཀྱང་དབང་ལུང་ཕྲན་བུ་བཀའ་དྲིན་དུ་ཐོབ་བོ། ཐུགས་སྲས་སྦྲུལ་པའི་སྐུ་སྐྱེ་བ་གཉིས་བྱོན་པར་སྣང་སྟེ། སྡེ་པ་པུ་ཤུད་པའི་སྲས་ནི་ད་ལྟ་སྒོ་བྲག་ཏུ་གདན་སར་མངའ་གསོལ་བས་ཁྲི་ལ་བཞུགས་པ་བཞིན་དང། ཡང་བསྟན་འཛིན་ངག་དབང་ཕྲིན་ལས་དབང་པོའི་སྡེ་ནི་ད་ལྟ་རྡོ་རྗེ་བྲག་ན་བཞུགས་པ་ཡིན་ནོ། དེ་ལྟར་གཏེར་ཆེན་པདྨ་གླིང་པའི་ཆོས་བརྒྱུད་ལྷོ་མོན་གཉིས་སུ་དར་ཆེ་བ་ལས་ལྷོ་བྲག་གི་གདན་རབས་ཟུར་ཙམ་སྨོས་པ་ཡིན་ལ། མོན་ཕྱོགས་སུ་འང་བསྟན་འཛིན་ལེགས་པོ་དོན་གྲུབ་ཀྱི་སྐྱེ་སྦྲུལ་རིམ་བྱོན་སོགས་ད་ལྟའི་བར་ཡོད་ཅིང་བསྟན་པ་དར་རྒྱས་སུ་ཡོད་ལ། གཞན་པདྨ་གླིང་པས་གདུང་བརྒྱུད་སོ་སོར་ཕོག་པའི་དགོན་ཆེ་ཕྲ་མང་པོ་ཡོད་ཅིང། གཏེར་སྟོན་རྡོ་རྗེ་གླིང་པ་དང་ཤེས་རབ་མེ་འབར་གྱི་(སྨད་ཆ།༢༤༩)བརྒྱུད་སོགས་ནས་མོན་ཤར་ནུབ་ཏུ་རྙིང་བསྟན་ཕྲན་བུ་མང་བ་དང། ཁྱད་པར་དུ་འབྲུག་པ་ངག་དབང་རྣམ་རྒྱལ་གྱི་ཨོ་རྒྱན་རིན་པོ་ཆེ་དངོས་སུ་མཇལ་ཞིང་ལུང་བསྟན་པར་ཐོབ་པས་བླ་མ་དགོངས་འདུས་ཀྱི་དཀྱིལ་ཆོག་དང་མཛད་པས་རྡོ་རྗེ་གདན་གྱི་ལྕགས་རི་ཡང་ཚུགས། པདྨ་གླིང་པ་དང་སངས་རྒྱས་པའི་ཆོས་རྣམས་དར་རྒྱས་ཆེ་། སྦྲེལ་ཟླའི་ཚེས་བཅུར་ཨོ་རྒྱན་རིན་པོ་ཆེ་མཚན་བརྒྱད་དང་བཅས་པའི་གོས་སྐུ་ཆེན་པོ་བཀྲམ་པ་དང་སྒྲུབ་མཆོད་དུས་ཀྱི་རྡུལ་ཚོ་ཚུར་གཤེགས་དུས་གླང་པོ་ཆེར་བཀལ་བ་སོགས་ཆོས་སྲིད་གཉིས་ཀར་འགྲན་མེད་རྙིང་བརྟན་པའི་བདག་པོར་གྱུར་པ་དང། དུས་ཕྱིས་ཅུང་ཟད་བྱུང་བ་སོགས་ཀྱིས་མོན་ཕྱོགས་སུའང་གསང་སྔགས་སྔ་འགྱུར་གྱི་བསྟན་པ་མ་ནུབ་པར་ཡོད་དོ། ཡར་འབྲོག་ཡོན་པོ་དོ་ནི་ཐོག་མ་གཏེར་མཆོག་ལྡན་མགོན་པོའི་སྦྲུལ་སྐུས་བཏབ་ནས་དེང་སང་ལྷ་བྲག་གསུང་སྦྲུལ་ནས་བསྐྱངས་པའི་སྦྲུལ་སྐུ་རིམ་བརྒྱུད་དང་བཅས་དགོན་གནས་དར་བར་ཡོད། གཙང་ལ་སྟོད་གཙང་པོ་བྱང་ཁའི་ཕྱོགས་ན། བྲག་རི་དུག་སྦྲུལ་སྦུངས་འདྲ་སྟེ་གནས་ཆེན་ཟང་ཟང་ལྷ་བྲག་ཏུ་དབང་པོའི་སྡེའི་གཅུང་ཡིད་བཞིན་ནོར་བུའིབཏབ་པའི་དགོན་པ་ལ་སྟོད་སྲིད་གསུམ་རྣམ་རྒྱལ་ནི་རྡོ་རྗེ་བྲག་ནས་སྐྱོང་བྲན་དང་ཀླུ་སྒྲུབ་སྐུ་སྐྱེ་བཞུགས། གཅུང་རི་བོ་ཆེ་ནི་ཐོག་མར་གྲུབ་ཆེན་ཐང་སྟོང་རྒྱལ་པོས་བཏབ། དེ་ནས་དབོན་བརྒྱུད་ཀྱིས་རིམ་པར་བསྐྱངས་པ་ལས་ལོ་ཆེན་འགྱུར་མེད་བདེ་ཆེན་གྱིས་ཡོལ་མོ་གཏེར་སྟོན་བསྟན་འཛིན་ནོར་བུར་ཕུལ་བ་ནས་གཅུང་སྒོམ་སྨྱོན་ཕྱག་རྡོར་ནོར་བུ་དང། སྒོམ་(སྨད་ཆ།༢༥༠)སྨྱོན་སྦྲུལ་སྐུ་རིམ་བྱོན་གྱི་གདན་ས་མཛད། རྒོད་ལྡེམ་པའི་གཏེར་ལུང་ནས་བཤད་པའིརི་ཀུན་གཟིགས་ཀྱི་བྱང་ངོས་སུ་མཚོ་སྐྱ་བོ་ཁ་གདང་ངམ་སྐྱ་མཚོར་གྲགས་པའི་སྨད་ན་ས་སྐྱ་འབུམ་སོགས་ས་སྐྱ་བའི་གནས་དང། དེ་ནས་བདེ་འགྲོལ་གསང་སྔགས་ཆོས་གླིང་མེས་སྟོན་གདན་ས་དང། མཚོ་དེའི་སྟོད་ན་མཚོ་སྟོད་རྒྱ་མཁར་བ་སྟེ། དེ་ཡང་སེ་སྟོན་གོང་མ་ཞིག་གིས་གླང་ལ་ཁལ་བཀལ་ནས་སྒྲུབ་གནས་བཙལ་བས་ས་དེར་གླང་ཉལ་བ་ལ་དབྱུང་པ་བརྒྱས་བརྡུངས་ཀྱང་མ་ལངས་པར་མཁར་དེར་ཉལ་བས་དེ་གར་གནས་གཞི་བཏིང་པ་ལ་དཔལ་ལྡན་རྒྱལ་མཁར་གསང་སྔགས་ཆོས་གླིང་དུ་གྲགས་ཤིང། གནས་དེར་སེ་སྟོན་དཔལ་ཆེན་འབུམ་སོགས་སྔགས་འཆང་ནུས་ལྡན་རྒྱུད་མར་བྱོན་པ་ལས། སེ་སྟོན་ཉི་མ་བཟང་པོས་ཐོ་རེངས་ཀྱི་སྐབས་ཤིག་ཐུགས་སྒྲུབ་ཀྱི་ཕྲིན་ལས་མཛད་པས་ཏིང་ངེ་འཛིན་རྩེ་གཅིག་ལ་སོང་བའི་མཐར་ཅུང་ཟད་མནལ་བར་དག་སྣང་དུ་མ་དང། ཁྱད་པར་སྔགས་སྲུང་ཨེ་ཀ་ཛ་ཏྲིས་སྐུ་ལུས་བོར་མ་ཐག་ཨོ་རྒྱན་རིན་པོ་ཆེའི་ཞབས་དྲུང་དུ་བྱོན་ཏེ་ལུང་བསྟན་ཐོབ་ནས། སྟེང་ཕྱོགས་འཁོར་བ་ཟིལ་གནོན་གྱི་ཞིང་དུ་བགྲོད་ཅིང་སེམས་ཅན་འབུམ་ཕྲག་བདུན་གྲོལ་བ་ལུང་བསྟན་པ་ཡིན་ནོ། སེ་སྟོན་མགོན་པོ་བཟང་པོ་ནི་སྒྲུབ་པ་མཐར་ཕྱིན་དུ་སྐུ་ཚེ་དྲིལ་བས་སྦང་རྟོགས་ཀྱི་ཡོན་ཏན་དང་ལྡན་པ་ཞིག་གོ། སེ་སྟོན་རིན་ཆེན་རྒྱལ་མཚན་ནི་མཁས་གྲུབ་ཆེན་མོར་བཟུགས་ཤིང་དམ་པ་དུ་མའི་ཞབས་པད་བསྟེན་པས་ལུང་རྟོགས་ཀྱི་ཡོན་ཏན་དུ་མས་པྱུག་ཅིང་ཡི་དམ་གྱི་ལྷ་དུ་མའི་ཞལ་གཟིགས། འཆད་རྩོམ་མང་དུ་མཛད་པས་སྔ་འགྱུར་བསྟན་པའི་སྲོལ་འཛིན་ཆེན་པོ་ཞིག་གོ། སྦྱན་ཚབ་མགོན་པོ་ཟླ་བ་ནི། མངོན་རྫོགས་མ་མེ་ལས་གྲུབ་པའི་མཚན་མ་བརྙེས་པ་རི་ཁྲོད་(སྨད་ཆ།༢༥༡)དབེན་པར་སྒྲུབ་པ་སྙིང་པོར་བྱེད་པ་ཞིག་སྟེ་སེ་སྟོན་དུ་གདུང་རང་མིན། སེ་སྟོན་རིན་རྒྱལ་སོགས་སེ་རྒྱ་མཁར་བ་དང། སེ་བཀྲ་བཟང་པ་གཉིས་སུ་གྱིས་པའི། བཀྲ་བཟང་པ་ནི། བཀྲ་བཟང་གི་དགོན་པ་ཐོག་མར་རིག་འཛིན་ཆེན་པོ་དངོས་གྲུབ་རྒྱལ་མཚན་ཏེ་ལྡེམ་ཅན་གྱིས་བཏབ། ཐུགས་སྲས་རྣམ་རྒྱལ་མགོན་པོ་སོགས་བཞུགས་ཕྱིས་ཚོད་སེ་སྟོན་རིམ་བྱོན་གྱི་གདན་སར་གྱུར་ཏེ། བཀྲ་བཟང་པ་སེ་སྟོན་པདྨ་དབང་ཆེན། ཚེ་དབང་རིག་འཛིན། ནམ་མཁའ་རིག་འཛིན། ཐུགས་མཆོག་འདོ་འབར། སེ་སྟོན་ཀུན་བཟང་འཛམ་གླིང་རྡོ་རྗེ་སོགས་དེང་སང་གི་བར་དུ་སྔགས་གྲཱ་དང་གདུང་བརྒྱུད་མ་ཆད་པར་ཡོད་ཅིང། ཕན་ཚུན་གཉིས་ཆར་བྱང་གཏེར་དང་གཤིན་རྗེ་ཚེ་དབང་སོགས་ལ་ཕ་ཆོས་སུ་བྱེད། གཞན་ཡང་རྒྱང་ཆོས་སྡེ་སོགས་དགོན་གནས་ཕྲན་བུ་དང། མེས་སྟོན། སྐྱེ་སྟོན། རྟ་ནག་སྒྲོམ་མ་པ་སོགས་སྔགས་ཀྱི་གདུང་འཛིན་མང། གཙང་ལ་སྟོད་ནུབ་དགོན་ནི་དང་པོ་སུས་བཏབ་མ་ངེས་ཀྱང་བྱམས་པ་ཆོས་ཀྱི་རྒྱལ་མཚན་གྱི་གདན་ས་མཛད། རྗེ་འདི་ནི་བསྟན་པ་ཡོངས་རྫོགས་ཀྱི་དགེ་བའི་བཤེས་མཁས་གྲུབ་ཆེན་པོ་གཤེན་རྗེ་ཚེ་དབང་དང་པདྨ་ཡང་གསང་ལས་གྲུབ་པ་བརྙེས་པ་སུམ་ལྡན་ལྷས་སྐར་མ་ཕོད་ཅན་ཤར་བ་ལ་གཤེན་རྗེའི་གཏོར་ཟོར་འཕངས་པའི་མདོ་ལ་མི་སྣ་བར་གྱུར་པ་སོགས་བུས་མཐུ་བསམ་གྱིས་མི་ཁྱབ། ཞིང་ཁམས་འཕོ་བའི་ངོ་མཚར་བའི་ལྷས་དུ་མ་དང། སྐུ་གདུང་ཞུགས་ལ་ཕུལ་བའི་ཚེ་དུད་རིས་ལ་རྟ་མགྲིན་ཡང་གསང་གི་སྐུ་ཤར་བ་སོགས་ངོ་མཚར་ཅན་གྱི་རྣམ་ཐར་མཐའ་ཡས་སོ། རྗེ་དེའི་ཐུགས་སྲས་བློ་(སྨད་ཆ།༢༥༢)གྲོས་རྒྱལ་མཚན་ནི། དེ་སྐབས་སྔ་འགྱུར་གྱི་བསྟན་འཛིན་ཆེན་པོ་རྒྱལ་མཚན་བརྒྱད་དུ་གྲགས་པའི་ནང་ཚན་ཡིན། ཚུལ་ཁྲིམས་རྣམ་པར་དག་ཅིང་འཇམ་དཔལ་ཚེ་བདག་གི་བསྙེན་པ་མཛད་པས་ཡ་མནྟ་ཀའི་ཞལ་དངོས་སུ་གཟིགས་ཤིང། མགོན་པོ་ལེགས་ལྡན་ནག་པོ་བྲན་དུ་འཁོལ་བ་བྱང་པ་བདག་པོ་ལ་ཚེ་དབང་མཛད་དུས་ཚེ་རིལ་ཟད་པ་ལ་ལྗགས་ཕུ་བཏབ་ཅིང། ཕྱག་གི་རེག་པས་མངོན་སུམ་དུ་འཕེལ་པ་སོགས་གྲུབ་མཚན་བསམ་མི་ཁྱབ་པ་མངའ། མཉམ་མེད་པ་གཤེགས་ནས་གདན་ས་མཛད། དེ་ནས་གདན་ས་མཛད། གསང་ཆེན་སྔ་འགྱུར་སྦྱི་དང་ཁྱད་པར་རྡོར་བྲག་ལུགས་ལ་མཁྱེན་པ་རྒྱས་ཤིང་གྲུབ་པ་བརྙེས་པ་ཞིག་སྟེ། ཞབས་དྲུང་སྐལ་བཟང་པདྨ་དབང་ཕྱུག་གིས་ཀྱང་ཡོངས་འཛིན་དུ་བཞེས། དེ་ཕྱིན་གདན་ས་ཁམས་ལུང་དབོན་དང་སྦྲུལ་སྐུ་སོགས་བཞུགས་ཤིང་རྡོར་བྲག་ནས་སྐྱོང་འཛིན་གནང། གཙང་གོང་ར་ངེས་གསང་རྡོ་རྗེ་གླིང་ནི་ཐོག་མར་མང་རོང་གཏེར་སྟོན་འཇམ་དཔལ་རྡོ་རྗེ་ཟེར་བ་ཐང་ཡིག་ནང་གི་བདེ་ཆེན་གླིང་པ་དང་གཅིག་པར་བཞེད་པ་ཞིག་གིས་བཏབ། དེ་རྗེས་དེ་ཉིད་ཀྱི་དབོན་པོ་སྒྲན་སྙན་ངག་ལ་ཤིན་ཏུ་མཁས་པ་ལོ་ཆེན་ངག་གི་དབང་པོས་གདན་ས་བསྐྱངས། དེ་ནས་དེར་ལོ་ཆེན་གཞན་ཕན་རྡོ་རྗེ་བཞུགས་ཏེ། སྐྱེས་ཆེན་དམ་པ་འདི་ནི་གསང་ཆེན་རྙིང་མའི་བསྟན་འཛིན་འགྲན་དུ་མེད་པ་ཞིག་སྟེ། སྐུ་གཞོན་ནུའི་དུས་ནས་ཚུལ་ཁྲིམས་རྣམ་པར་དག་ཅིང་ཤེས་བྱ་རིག་པའི་གནས་ལྔ་ལ་མཁྱེན་པ་རྒྱས། བསྟན་པའི་སྙིང་པོ་གསང་སྔགས་(སྨད་ཆ།༢༥༣)སྔ་འགྱུར་ལ་མཁས་ཤིང་གྲུབ་པ་བརྙེན་པའི་ལུང་དང་རྟོགས་པའི་ཡོན་ཏན་རྒྱ་མཚོ་ལྟ་བུ་མངའ། སྔ་འགྱུར་རྒྱུད་ཕྲ་བ་དག་ཀྱང་འབད་པ་དུ་མས་རྒྱུན་བཙམ་ནས་འཆད་སྦེེལ་མཛད། ཁྱད་པར་རྙིང་བསྟན་ཐུགས་ལ་བཅངས་ནས་རྙིང་རྒྱུད་ཚར་གསུམ་བཞེངས་ནས་གཅིག་ཁམས་དང་གཅིག་ཀོང་པོར་གནང། མདོ་དབང་ཆེན་མོ་གཅིག་པུའང་ལན་བཙོ་བརྒྱད་མཛད་དེ། རྙིང་མ་བཀའ་གཏེར་ཐམས་ཅད་འཆད་སྦོལ་གྱི་རྒྱུན་བསྐྱང་བ་ལ་རྗེ་འདི་ལས་ལྷག་པར་སུ་ཡང་མ་བྱུང་ཞིང། སྔ་འགྱུར་བསྟན་པའི་སྲོག་ཞིག་སུམ་ལྡན་རྡོ་རྗེ་འཛིན་པ་ཆེན་པོ་ཞིག་སྟེ། སློབ་མའང་མཁས་ཤིང་གྲུབ་པ་བརྙེས་པ་མང་དུ་བྱོན། དུས་དེར་གསང་ཆེན་རྙིང་མི་བསྟན་འཛིན་ཐམས་ཅད་ཀྱིས་རྗེ་འདིའི་ཞབས་ལ་མ་གཏུག་པ་མེད་དོ། རྗེ་ལོ་ཆེན་ཞི་བར་གཤེགས་ནས་གདན་སར་ལྔ་པ་ཆེན་པོས་ཁྲ་ཚང་པ་བློ་མཆོག་རིག་པའི་རྡོ་རྗེ་བསྐོས་འཇའ་གནང་སྟེ། རྗེ་འདི་ནི་ཡར་ལུང་འཕྱོངས་རྒྱས་པ། ཉང་རིན་པོ་ཆེའི་ཆོས་དབང་སྨྱོས་མཐིང་མ་བར་གྲགས་པའི་གདུང་ལས་བུང་མཐིང་ཁྲ་གསུམ་ལས་ཁྲ་ཚང་བའི་གདུང་ཆད་ནས་བླ་མ་སྨན་ལུང་པའི་གདུང་གིས་བསྐྱངས་པས་མཚན་གྱི་འབོད་ཕྱོགས་གཉིས་བྱུང་སྟེ་གདུང་དངོས་ཉང་རྗེ་འདི་ལྷུམས་སུ་བཞུགས་དུས་ལོ་ཆེན་བེ་རོ་ཙ་ནི་རྣམ་འཕྲུལ་ལྷ་བྲོ་བ་ཀརྨ་གུ་རུའི་བསྟན་པ་ལ་ཕན་པའི་བུ་ཞིག་འབྱུང་ཞེས་ལུང་བསྟན། གུ་རུ་ཆོས་དབང་གི་གདུང་ལས་ཀརྨ་དབང་འབྱོར་ཞེས་གྲུབ་ཐོབ་ཆེན་པོ་ལུང་རྟོགས་ཡོན་ཏན་གྱིས་བརྒྱན་པ་ཞིག་བཞུགས་པ་ལ་གུ་རུ་ཆོས་དབང་གི་གཏེར་ཆོས་ཡོངས་རྫོགས་གསན། ཨེ་བྲག་སྣ་ཆོས་རྗེ་ལས་ཉང་གི་གཏེར་ཆོས་སོགས་གསར་རྙིང་གཉིས་ཀར་གསན་རྒྱ་ཆེ། དབང་ལུང་ཁུངས་བཙུན་པས་ལྔ་པ་རིན་པོ་(སྨད་ཆ།༢༥༤)ཆེ་ཏི་ཤྲིར་བཀུར། རྙིང་མ་བཀའ་གཏེར་དང་རྒྱལ་བའི་བཀའ་འགྱུར་རོ་ཅོག་གི་ལྔགས་ལུང་སོགས་གསན། རྡོར་བྲག་སྦྲུལ་སྐུ་པདྨ་ཕྲིན་ལས་ཀྱིས་ཀྱང་རྩ་བའི་བླ་མ་བཀའ་དྲིན་ཆེ་བ་གཅིག་ཏུ་འཛིན། གོང་རའི་གདན་ས་མཛད་ནས། འདས་རྗེས་ཀྱང་སྐྱེ་སྦྲུལ་རིམ་བྱོན་གྱི་གདན་ས་མཛད། དགོན་འདི་གཙང་རིན་སྦུངས་ཀྱི་ཐད་གཙང་པོ་ཕ་རིའི་མཐོ་སར་ཡོད་ཀྱང། དེང་སང་གདན་ས་རི་ཀླུང་སྦྲུག་རང་མཛད་པ་འདྲ། གཙང་སྨད་དུ་ཕུང་པོ་རི་བོ་ཆེ་བདུད་དཔུང་ཟིལ་གནོན་གླིང་ལྔ་པའི་ཕྱག་འདེབས་དང། སྙེ་མོ་བདེ་ཆེན་གླིང། བྲེས་དགོན་གསར། བོན་ལུང་པདྨ་ཆོས་གླིང་སོགས་དང། བོན་ལུང་སྦྲུལ་སྐུ། ཆུ་བཟང་སྦྲུལ་སྐུ་སོགས་རྙིང་མའི་བསྟན་འཛིན་ཀྱང་མང་དུ་བཞུགས། དབུས་ཕྱོགས་སུ་ཚེ་ཆུ་སྒྲུབ་སྡེ་ནི་ཐང་སྟོང་པས་བཏབ་ཐུགས་སྲས་སྐྱོབ་པ་བཟང་པོའི་སྦྲུལ་སྐུ་རིན་བྱོན་གྱིས་གདན་ས་མཛད་དེ་ལྕགས་ཟམ་པ་ངག་དབང་བསྟན་འཛིན་ཡེ་ཤེས་ལྷུན་གྲུབ་སོགས་མཁས་ཤིང་གྲུབ་པ་བརྙེས་པ་མང་དུ་བྱོན་ནོ། ཡར་ལུང་ཕྱོགས་སུ་སྔོན་ཉང་ཏིང་འཛིན་བཟང་པོ་དང་ཉང་ཏ་ཐ་ག་ཏ་སོགས་ཀྱི་བརྒྱུད་ལས་ཉང་བྱ་ཁྲིད་འཁོར་ལོ་དང་ཉང་པོ་ཆེ་བྱ་བ་གཉིས་ལས་ཡབ་ཚན་དུ་གྱེས་པའི་ཕྱི་མའི་གདུང་ལས། བླ་མ་བཙོན་སེང་སྟེ་ལྷོ་བྲག་ཉང་ཚོ་དང་འཕྱོངས་རྒྱས་ཉང་ཚོར་གྲགས་ཤིང། དེ་དག་ལས་ཀྱང་འཕེལ་བ་ཨེ་ན་ཉང་ཆོས་ལྡན་པས་མཚོན་སྟོད་སྨད་དུ་ཁྱབ་ཆེ་ཞིང། ཉང་སྟོན་བཙོན་འགྲུས་སེང་གེའི་གཅུང་གི་སྲས་བླ་མ་མཉམ་མེད་ཆེན་པོ་ནམ་མཁའ་བསོད་ནམས་ལ་སྲས་སྐུ་མཆེད་ལྔ་བྱུང་བར་ཡར་ཀླུངས་སྦྲུལ་སྐུ་མཆེད་ལྔར་གྲགས་པ་སྨན་ལུང་བ། ཆོས་ལྡན་པ། དུར་ཁྲོད་པ། སྐལ་ལྡན་པ།(སྨད་ཆ།༢༥༥)དབང་རྒྱལ་བ་རྣམས་ཡིན་པས་སྦྲུལ་སྐུ་ཆོས་མགོན་པའི་འཕྲིན་ཡིག་ཏུ། ཉང་སྟོན་ཆེན་པོས་བསྟན་པའི་དབུ་བརྙེས་ནས། མཉམ་མེད་དབོན་སྟོན་བསྟན་པའི་སྲོལ་ཆེན་བཏོད། མཁས་ཆེན་སྨད་ལུང་པ་ཡི་དབུ་བཟུང་ནས། ཉང་བན་སྐུ་མཆེད་དང་འདིར་དར་ཞིང་རྒྱས། ཞེས་གསང་སྔགས་སྔ་འགྱུར་བཀའ་གཏེར་གྱི་བསྟན་པ་ཕྱོགས་དེར་དབུ་བརྙེས་སྲོལ་བཏོད་དར་རྒྱས་སུ་མཛད་ཚུལ་གསུངས་པར་མ་ཟད། གཏེར་སྟོན་ཆོས་ཀྱི་དབང་ཕྱུག་གི་ཡབ་མཁས་པ་སྟོན་ཉིའི་སྐྱེ་བ་ཆོས་ལྡན་པས་སྦྲུལ་སྐུར་གྲགས་ཤིང། སྐུ་མཆེད་མཐའ་དག་ལ་མཚན་དེ་སྟར་ཐོགས། འདིའི་དུས་སྨན་ལུང་གི་གདན་སར་བྱོན་པས་ཆོས་དབང་རིན་པོ་ཆེས་བཀའ་འབུམ་དུ་ཡབ་སྲས་སྐབས་འགར་ཡར་ཀླུངས་ཀྱི་དགེ་བཤེས་ཤཱཀྱ་འོད་དང་གསང་མཚན་མི་བསྐྱོད་རྡོ་རྗེ་ཞེས་པར་དགོངས་ནས་སློབ་མ་རྒྱལ་བ་རིགས་ལྔ་ཡོད། འོད་རྟ་རྟ་མགྲིན་དབང་རྒྱལ་ཡོད། ཅེས་གསུངས། དུས་ཕྱིས་གླན་བསོད་མས་མགོན་པོའི་གདན་ས་སྨན་ལུང་དུ་བཞུགས་པས་མཚན་དེ་ལྟར་གྲགས། བླ་མ་འདི་ཉིད་ཀྱིས་བླ་མ་རྫོགས་ཐུགས་གསུམ། མདོ་སྒྱུ་སེམས་གསུམ། རྫོགས་ཞི་སྦྱོད་གསུམ་སོགས་ཀྱི་སྒོ་ནས་འགྲོ་དོན་རྒྱ་ཆེར་མཛད། ཁྱད་པར་སྨན་སྒྲུབ་རྒྱ་ལུགས་དང་གསང་རྫོགས་ཀྱི་ཕྱག་ལེན་གཅིག་ཏུ་དྲིལ་ནས་སྣང་སྲིད་ཐམས་ཅད་ཡེ་ཤེས་ལྔའི་རང་བཞིན་བདེ་བ་ཆེན་པོའི་ངོ་བོར་བྱིན་གྱིས་བརླབས་ཏེ་ལས་ཅན་གྲངས་མེད་པ་ཡེ་ཤེས་ལྔའི་སར་བཀོད། སྒྱུ་འཕྲུལ་རྒྱུད་དོན་རྣམ་ངེས་སྐོར་ཆོས་ཙན་ལྔ། བདུད་རྩི་རིན་པོ་ཆེའི་བཀོད་པས་མཚོན་ལུང་རིགས་དང་འབྲེལ་བའི་བསྟན་བཅོས་དུ་མ་མཛད། སྦང་སྟོན་མཚན་(སྨད་ཆ།༢༥༦)ལྡན་ཉི་མ། སྦྲུལ་སྐུ་ཆོས་ལྡན་པ་སོགས་གཅུང་མཆེད་བཞི། དེ་དག་གི་སྲས་བརྒྱ་ཤཱཀྱ་གཞོན་གཉིས། གཞན་ཡང་དཱགས་སྟོན་དབང་ནོར། མགར་སྟོན་ཁམ་སྟོན་གྲགས་པ། གཉལ་རི་ཁྲོད་པ། བལ་བཀོད་དགེ་བཤེས་ཀྱི་གཙོས་པའི་སློབ་མ་མང་དུ་བྱོན། འོན་ཀྱང་ཆོས་སྡེ་སོགས་ཡོད་པ་མ་ངེས། གཞན་འཕྱོངས་རྒྱས་དཔལ་རི་འདི་དབུས་ཕྱོགས་རྙིང་དགོན་སྔ་ཤོས་ཞིག་ཏུ་སྣང་སྟེ། ཀརྨ་རྒྱལ་སྲས་ཀུན་བཟང་སོགས་གྱིས་བཏབ། གཏེར་སྟོན་གཤེགས་རྗེས། ཀརྨ་རྒྱལ་སྲས་ཀུན་བཟང་སོགས་ཀྱི་བསྐྱངས། དེ་ནས་རིག་འཛིན་ངག་གི་དབང་པོའི་གཅུང་མཚོ་རྒྱལ་སྦྲུལ་པ་རིག་འཛིན་ཕྲིན་ལས་རྣམ་རྒྱལ་མཚོ་སྐྱེས་བཞེད་པའི་དབང་པོས་གདན་ས་མཛད། བར་སྐབས་ཀྱི་གདན་རབས་མ་རྙེད། ཕྱིས་ཆོད་དེ་ཉིད་ཀྱི་སྦྲུལ་པའི་སྐུ་ངག་དབང་ཀུན་བཟང་པདྨ་སོགས་ནས་མཚོ་རྒྱལ་སྐྱེ་སྦྲུལ་རིམ་བྱོན་གྱིས་བསྐྱངས་པས་ཉམས་མེད་གོང་འཕེལ་དུ་གནས། ཡང་ཡུལ་དབུས་སུ་ཡོངས་སུ་གྲགས་པའི་ཆོས་སྡེ་ཆེན་པོ་ནི་རྡོར་སྨིན་གཉིས་ཡིན་ཏེ། དེ་ཡང་ཐོག་མར་གངས་རིའི་ཁྲོད་ཀྱི་པདྨ་འོད་ཐུབ་བསྟན་རྡོ་རྗེ་བྲག་གི་གདན་རབས་བརྗོད་པར་བྱ་སྟེ། དང་པོ་ཆུ་འགོ་གངས་ལ་ཐུགས་པའི་བྱུང་ཚུལ་ནི། གཏེར་སྟོན་རིག་འཛིན་པ་མཛད་པའི་ཚུལ་ལ། དང་པོ་ནི་གཏེར་སྟོན་རིག་འཛིན་ཆེན་པོ་དེ་ཉིད་ཀྱི་རྣམ་ཐར་གོང་དུ་གཏེར་བྱུང་སྐབས་སུ་སྨོས་ཟིན་ལ། སློབ་བརྒྱུད་མང་ཡང་སྲས་བརྒྱུད་གཅོར་སྨོས་ཀྱི་ལུགས་ལ། སྲས་རྣམ་རྒྱལ་མགོན་པོ་ནི། སྙན་རྒྱུད་དྲུག་གི་ཐོ་བྱང་ལས། བུད་མེད་(སྨད་ཆ།༢༥༧)དམར་མདུངས་དཔྲལ་དབྱིབས་ཆེ༔ དཀར་དམར་མཐིང་གི་སྨེ་བ་གསུམ༔ གདོང་པ་གཡས་ལ་གསལ་བར་ཡོད༔ ལྷོ་ནུབ་བྱང་ཤར་མཚམས་ན་འོང༔ དེ་ལ་སྐྱེས་བུ་ལུས་ཀྱི་སྲས༔ ཁྲོ་བོའི་མིན་ཅན་སྦྱན་མིག་གཡས༔ བྱང་གི་མཛོད་ལ་དབང། བློ་རྩལ་ཤེས་རབ་ལྡན་པ་འབྱུང༔ དེ་གཉིས་བྱང་གི་མཛད་ལ་དབང༔ ཞེས་ཡུམ་སྲས་གཉིས་ཀ་ལྕགས་མཛོད་ཀྱི་བདག་པོར་ལུང་བསྟན་པའི་ཡུམ་འདི་ནི་ཌཀིའི་མཚན་རྟགས་དང་ལྡན་པར་གཅད་རྒྱས་སྟེར་འཁྲུངས་རིག་འཛིན་ཆེན་པོ་གཤེགས་ནས་སྐུ་ན་སྨིན་ཡང་གཞོན་ཤ་དང་ལྡན་ཞིང། ལང་ཚོ་དང་པོ་ལ་གནས་པ་ལྟ་བུར་བཞུགས་པས་པཎ་ཆེན་ནགས་རིན་གྱི་གཟུངས་མ་ཡང་མཛད། མཚན་ལྡན་སྦྲུལ་པའི་ཡུམ་ཆེན་དུ་གྲགས། ཡུམ་དེ་ཉིད་ལས་རི་བོ་བཀྲ་བཟང་གི་མདུན་བྱིན་གྱིས་བརླབས་པའི་གཟིམ་ཁང་ཁྲ་མོ་ཞེས་པར་ངོ་མཚར་བའི་ལྟས་དང་བཅས་སྐུ་འཁྲུངས། སྐུ་སྐྱེད་ཤིན་ཏུ་ཆེ་ཞིང། ཆོས་ཀྱི་བག་ཆགས་བཟང་བས། འབྲི་ཀློག་ལ་སོགས་པའི་རིག་པའི་གནས་རྣམས་ཚེགས་མེད་དུ་མཁྱེན། དགུང་ལོ་དྲུག་པ་ལ་སྦྲུལ་སྐུ་རིག་འཛིན་ཆེན་པོའི་དྲུང་དུ། རྫོགས་པ་ཆེན་པོ་ཀུན་ཏུ་བཟང་པོ་དགོངས་པ་ཟང་ཐལ་གྱི་དབང་ཁྲིད་མན་ངག་རྣམས་གསན། དགུང་ལོ་བཅུ་པ་ལ་ཡབ་འོག་མིན་དུ་གཤེགས། དེ་ནས་བླ་མ་རྡོ་རྗེ་དཔལ་བས་དབང་བཀའ་སོགས་ཕྱག་བཞེས་རྣམས་བསླབ་སྦྱངས་ཞབས་ཏོག་མཛད། གནས་ཆེན་རི་བོ་བཀྲ་དུ་སྒྲུབ་པ་ལོ་ལྔ་ཙམ་མཛད་པས་ཆོས་ཉིད་ཀ་དག་གི་རིག་པ་དམར་ཐག་ཚོད། ལྷུན་གྲུབ་འོད་གསལ་གྱི་སྣང་གཞི་ལ་གདེངས་ཐོབ་སྟེ་རྫོགས་པ་ཆེན་པོའི་དགོངས་པ་མངོན་དུ་གྱུར། དགུང་ལོ་བཅོ་བརྒྱད་བཞེས་པའི་ཚེ་བླ་མ་བྲག་ལུང་པའི་དཔོན་མོ་མཁའ་(སྨད་ཆ།༢༥༨)འགྲོའ་མཚན་དང་ལྡན་པ་ཞིག་ཡོད་པ་རིགས་མར་བཞེས། འོན་ཀྱང་གདུང་བརྒྱུད་འཇོག་པར་མ་གནང། དེ་ནས་མང་པོ་སྨིན་གྲོལ་གྱི་ལམ་ལ་བཀོད། ཁྱད་པར་བྱང་ལྕགས་མཛོད་ནག་པོའི་བདག་པོར་ལུང་བསྟན་པ་ལྟར། དྲག་པོ་མངོན་སྦྱོད་ཀྱི་ཕྲིན་ལས་ལ་མངའ་བརྙེས། རྫོགས་པ་ཆེན་པོའི་སྙན་རྒྱུད་རྣམས་ཀྱི་བདག་པོ་བླ་མ་རིན་པོ་ཆེ་རྡོ་རྗེ་དཔལ་བ་བསྐོས་ཏེ། དགུང་ལོ་ཉི་ཤུ་རྩ་ལྔ་པ་ལ་གདུལ་བྱའི་སྣང་ངོར་དམ་སེལ་ཞིག་གི་རྐྱེན་གྱིས་བསྙུང་ཚུལ་བསྟན་ཏེ། སྒྲ་དང་འོད་དང། ནམ་མཁའ་ཤིན་ཏུ་དཱངས་པ་ལ་འཇའ་འོད་ཀྱི་གུར་ཕུབ་པ་སོགས། ངོ་མཚར་གྱི་ལྟས་དུ་མ་དང་བཅས་ཏེ་གདོད་མའི་དབྱིངས་སུ་གཤེགས་སོ། སྔགས་འཆང་ཆེན་པོ་རྡོ་རྗེ་དཔལ་བ་ནི། འཁྲུངས་ཡུལ་ཕུག་རྩ་ཞེས་པར་གདུང་གི་མཚན་རི་ཡབ་མིག་དམར་དང་ཡུམ་སྦྲུལ་སྐུ་རིག་འཛིན་ཆེན་པོའི་ལྕམ་མོ་ཡིན། སྐུ་མཆེད་གསུམ་གྱི་ཤོས་ཡིན། རིག་འཛིན་ཆེན་པོས་མཚན་རྡོ་རྗེ་དཔལ་དུ་བཏགས། ལས་ཅན་སྙིང་གི་བུ་བདུན་གྱི་ནང་ཚན་ཡིན་པར་དགོངས་ཏེ་ཕྱག་ཕྱིར་ཏལ་མར་བཞུགས་འཇུག་པ་གནང། མཆོད་གཡོག་དང་ལས་ཀྱི་སློབ་དཔོན་སོགས་ཀྱང་མཛད། རྫོགས་པ་ཆེན་པོ་ཀུན་ཏུ་བཟང་པོ་དགོངས་པ་ཟང་ཐལ་གྱི་དབང་ཁྲི་ལན་མང་དུ་གསན། ལྷ་བྲག་མཛོད་ལྔའི་ཆོས་ཚན་དབང་ལུང་མང་ངག་གཏད་རྒྱ་དང་བཅས་པ་གནང། སྦྲུལ་སྐུ་རིག་འཛིན་ཆེན་པོ་ཞི་བར་གཤེགས་ནས་ཀྱང། སྲས་མཆོག་རྣམ་རྒྱལ་མགོན་པོའི་ཕྱག་ཕྱིར་མཛད་ནས། དབང་ལུང་དུ་གསན། དེ་ནས་གནས་ཆེན་རི་ཁྲོད་(སྨད་ཆ།༢༥༩)རྣམས་སུ་སྒྲུབ་པ་ལ་ནན་ཏན་སྙིང་པོ་མཛད། སྐལ་ལྡན་གྱི་སློབ་མ་མང་དུ་ཐོན། ཁྱད་པར་མཚན་ལྡན་བྱམས་པ་གཤེས་གཉེན་ལ། ཆོས་བཀའ་རྣམས་རྫོགས་པར་གཏད་དེ་ལ་སྟོད་ལྟོའི་ཕ་དྲུག་གི་དགོན་གྲཱ་སྟེང་དུ། སྐུ་མྱ་ངན་ལས་འདས་ཏེ་ཞག་གསུམ་གྱི་བར་དུ་སྒྲ་འོ་མེ་ཏོག་གི་ཆར་གདུང་ཁང་སྟེང་དུ་འཇའ་འོད་འཁྱིལ་བ་ལ་སོགས་ལྟས་ངོ་མཚར་བ་དུ་མ་བྱུང་ངོ། སྔགས་འཆང་རྡོ་རྗེ་རྣམ་གཉིས་ལས། རྡོ་རྗེ་མགོན་པོ་ནི། འཁྲུངས་ཡུལ་ཆུ་ཚུགས་ཕུའི་དགོན་པོ་རྣ་མོ་ལུང་ཞེས་པ་དེར་འཁྲུངས། སྐུ་མཆེད་གཉིས་བྱུང་བ་ལ། གཅེས་པོའི་མཚན་རིན་ཆེན་གྲགས་པ་ཞེས་བྱ། སྐུ་མཆེད་གཉིས་སྐུ་ཆུང་ངུ་ལ་ཡབ་ཡུམ་གྲོངས། གཉིས་ཀས་ཡི་གེ་ལེགས་པར་མཁྱེན། སྙན་བརྒྱུད་ནས་ལས་ཅན་དུ་ལུང་བསྟན་པ་ལྟར་སྦྲུལ་སྐུ་རིག་འཛིན་ཆེན་པོ་ལ་བཅོས་མེད་ཀྱི་དད་པ་གཏིང་ནས་འཁྲུངས་ཏེ། གནས་ཆེན་རི་པོ་བཀྲ་བཟང་དུ་རིག་འཛིན་ཆེན་པོའི་ཞབས་དྲུང་དུ་འབྱོར། བླ་མ་ཡུན་རིང་དུ་བསྟེན་ནས་མན་ངག་གི་ཞུན་ཐར་ལེགས་པར་བཅད་དེ། རི་བོ་བཀྲ་བཟང་རྟ་ཆན་པ་ཕུར་བུ་ལུང་རྣམས་སུ་ཐུགས་དམ་སྒྲུབ་པའི་ཉམས་བཞེས་མཛད་པས། རྫོགས་པ་ཆེན་པོའི་སྣང་བཞི་མཐར་པྱིན། གཞན་དོན་གྱི་གཏེར་ཁ་བྱེ་བས། འགྲོ་བ་མེད་པོའི་རྒྱུད་ལ་ཐར་བའི་ས་བོན་བཏབ། ལས་ཅན་མང་པོ་སྨིན་གྲོལ་བ་བཀོད་ནས། དགུང་ལོ་རེ་བརྒྱད་པ་ལས་གཡོ་བ། མེ་ཏོག་ཆར་སོགས་དང་རིང་བསྲེལ་ངོ་མཚར་བ་དང་བཅས་ཏེ་མྱ་ངན་ལས་འདས་སོ། མཚན་ལྡན་བྱམས་པ་གཤེགས་གཉེན་ནི། ཡབ་ཡུམ་བར་ཕྱུག་འབྲོག་པའི་ཁུང། མི་བཟང་ཞིང། དད་པ་དང་སྙིང་རྗེ་ཆེ་བ་གཉིས་ཀྱི་སྲས་སུ་(སྨད་ཆ།༢༦༠)འཁྲུངས། ནེ་རིང་ཆོས་རྗེ་ལས་རབ་བྱུང་སྟེ། དཱགས་པོ་བཀའ་བརྒྱུད་ཀྱི་ཆོས་སྐོར་སོགས། གསར་མའི་ཆོས་མང་དུ་གསན། བསླབ་སྦྱངས་དང་ཐུགས་དམ་ལ་བཙོན་པར་མཛད། རིག་འཛིན་རྣམ་རྒྱལ་མགོན་པོའི་དྲུང་དུ་བྱོན་ནས། ལྷ་བྲག་གཏེར་ཆོས་དབང་མན་ངག་གཏད་རྒྱ་དང་བཅས་པ་ཡོངས་རྫོགས་གསན། སླར་རིན་པོ་ཆེ་རྡོ་རྗེ་དཔལ་བ་ལ་ཡང་ནན་རན་ཆེན་པོས་རྫོགས་པ་ཆེན་པོ་སོགས་དང་དབང་ཁྲིད་མན་ངག་གཏད་རྒྱ་དང་བཅས་པ་ཐམས་ཅད་ཡོངས་སུ་རྫོགས་པ་ཞུས། དེ་ནས་རེ་ཞིག་གནས་ངེས་མེད་མཛད་ཅིང། འཚོ་བ་ངན་དོན་ཙམ་ལ་རྟེན་ནས་ཐུགས་དམ་ཉམས་བཞེས་ཁོ་ན་མཛད། སླར་ནས་རྒྱལ་གྱི་ཤྲི་བྱང་རྫོང་ཉིད་དུ་གདན་བབ་ནས། བུག་སྒོ་གཅིག་ལ་ལོ་མང་དུ་སྒྲུབ་པ་ལ་བཞུགས་པས་རྫོགས་པ་ཆེན་པོའི་ཐུགས་དམ་སྣང་བཞི་ལ་བྱན་ཚུད། ལོ་གསར་གྲངས་སྒང་ལ་དབང་བུམ་དུ་འབྲས་བུ་སྨིན་པ་དང། ནང་མཚོད་ལ་དྲོད་རླབས་འབྱུང་བ་སོགས་ངོ་མཚར་གྱི་རྟགས་མང་དུ་བྱུང། སྙན་བརྒྱུད་དྲུག་གི་ཐོ་བྱང་དུ་གསུངས་པའི་རྫོགས་པ་ཆེན་པོའི་ཆོས་ལ་སྐལ་བ་ཡོད་པའི་སློབ་མ་འགའ་རེ་ཡང་དེར་འདུས་པ་ཡིན་ནོ། དགུང་ལོ་དྲུག་བུ་རེ་བརྒྱད་པ་ལ། ནམ་མཁའ་གཡའ་དག་པ་དང། ལས་སྣང་དག་པའི་མཐོང་སྣང་ལ། འོད་ལྔའི་ཕུང་པོའི་ནང་ནས་གདུང་བཀྲག་མདངས་ཅན་བཞུགས་ལ་སོགས་བྱུང། གདུང་ཐམས་ཅད་གདུང་ལོག་བཟང་པོར་སོང་བ་སོགས་ངོ་མཚར་བའི་ལྟས་དང་བཅས་ཏེ་མྱ་ངན་ལས་འདས་སོ།(སྨད་ཆ།༢༦༡)མཚན་ལྡན་ངག་དབང་གྲགས་པ་ནི། བླ་མ་རིན་ཆེན་གྲགས་པའི་སྲས། རྡོ་རྗེ་མགོན་པོའི་སྐུ་ ཚ་ཡིན་པས། ཡབ་ཚབ་མཛད་ནས་གཅེས་པར་བསྐྱངས། བཅོ་ལྔ་ཙམ་ལོན་ཚེ་མོས་མང་དུ་གནང་ཞིངཁྱད་པར་རྫོགས་པ་ཆེན་པོ་ཀུན་ཏུ་བཟང་པོ་དགོངས་པ་ཟངས་ཐལ་སོགས་ལྷ་བྲག་གི་གཏེར་ཆོས་དབང་ཁྲིད་མན་གང་ཡོངས་རྫོགས་ཞིབ་པར་གནང་བས་ཐུགས་མྱོང་ལེགས་པར་འཁྲུངས། བཀྲ་བཟང་དང། རྒྱལ་གྱི་ཤྲི་སོགས། དབེན་གནས་རྣམས་སུ་སྒོམ་སྒྲུབ་འབའ་ཞིག་གཙོ་བོར་བཏོན་པས། རྟགས་སྣང་མཐར་ཕྱིན་དུས་ལ་བབས་པའི་སྐལ་ལྡན་གྱི་གདུལ་བྱ་མང་པོ་སྨིན་གྲོལ་བཀོད་ནས་དོན་གཉིས་པ་ལ། རི་བོ་བཀྲ་བཟང་ཉིད་དུ་སྐུ་མྱ་ངན་ལས་འདས། ནམ་མཁའ་དཱངས་པ་ལ། གདུང་གི་ཐད་ཀྱི་བར་སྣང་འཇའ་ཚོན་སྣང་མངོན་སུམ་ཚད་མས་གྲུབ་པའོ། ཆོས་རྗེ་སངས་རྒྱས་དཔལ་བཟང་ནི། འཁྲུངས་ཡུལ་སྒེར་ཕུ། ཡབ་སྔགས་འཆང་བརྒྱུད་པ་ལས། མཁན་བཙུན་གཞོན་ནུ་དོན་གྲུབ་ཀྱི་ནེ་གནས་དགེ་འདུན་རྒྱལ་མཚན་ཞེས་བྱ་བ་དང། ཡུམ་ཡང་བླ་མ་དེའི་དབོན་མོ་ཤེས་བཟང་ཞེས་པ་ལས་སྐུ་འཁྲུངས། སྐུ་མཆེད་དྲུག་ཡོད་པའི་ལྔ་ཚིག་ཡིན་པས་ལྔ་དར་དཔལ་བཟང་ཟེར། སྐུ་ཞང་བླ་མ་དཀོན་མཆོག་དཔལ་བཟང་གྱི་ཡུམ་ལ་ངའི་ཙར་བུ་གཅིག་སྐྱོལ་དང། ཆོས་སྐོར་འཇུག་པ་ཡིན་གསུངས་པས། སྐུ་མཆེད་གཉིས་འདེམ་ཁ་ཕུལ་བས་གཉིས་ཀར་ཞིབ་ཏུ་གཟིགས་མཐར་རྗེ་འདིར་ང་འདི་ཆོས་སྒོར་འཇུག་འདི་ལ་ཆོས་པ་ཡང་དག་པ་(སྨད་ཆ།༢༦༢)གཅིག་ཡོང་གསུངས་ནས་ཆོས་སུ་བཅུག། བཟང་ལྡན་ཆོས་སྡེར་རབ་ཏུ་བྱུང། བླ་མ་དཀོན་མཆོག་དཔལ་བཟང། ཇོ་ནང་ཆོས་རྗེ་ཤེས་བཟང། ཐེག་ཆེན་ཀྱི་ཆོས་ཀྱི་རྒྱལ་པོ། ངོར་ཆེན་ཀུན་དགའ་བཟང་པོ་རྣམས་ལ་དབང་ལུང་ཆོས་བཀའ་མང་དུ་གསན། རིག་འཛིན་སངས་རྒྱས་བྱམས་བཟང་ལ། ཐུགས་རྗེ་ཆེན་པོ་འགྲོ་བ་ཀུན་སྒྲོལ་གྱི་སྐོར་སོགས་གསན། དེ་ནས་མཚན་ལྡན་བྱམས་པ་བཤེས་གཉེན་ལ་ཐུགས་དད་གཡོས་ནས་མཇལ་དུ་བྱོན། སང་མཇལ་རྒྱུའི་ ནུབ་ཤེལ་གྱི་རི་དཀར་པོ་གཅིག་གི་ངོས་ལ་མཆོད་རྟེན་དཀར་པ་མང་པོ་འདུག་པའི། འོག་མ་ནས་རིམ་པར་འཛེགས་ཏེ། མཆོད་རྟེན་གོང་མའི་ཏོག་གི་ཐད་དུ་སླེབས་པ་དང། མནལ་སད་དོ། དེ་ནས་ཤྲི་བྱང་རྫོང་དུ་བླ་མ་དང་མཇལ་། ཐུགས་སྣང་འགྱུར་ཞིང་དད་པ་གོང་འཕེལ་དུ་གྱུར། དེར་རྫོགས་པ་ཆེན་པོའི་དབང་ཁྲིད་མན་ངག་རྣམས་ཞུས་པས། ཐུགས་དམ་ཟག་མེད་ཀྱི་ཏིང་ངེ་འཛིན་ལ་རང་བཞིན་གྱིས་འབྱམས་པ་དང། ཞག་གསུམ་གྱི་བར་དུ་སྐུ་ལུས་འོད་ཕུང་དུ་གསལ་བ་བྱུང་དགོངས་པ་ཟད་ཐལ་གྱི་གཙོས་པའི། ལྷ་བྲག་གི་ཟབ་གཏེན་དབང་ལུང་མན་ངག་གཏད་རྒྱ་དང་བཅས་པ་ཡོངས་རྫོགས་སུ་གསན། བླ་མ་ཡུན་རིང་བསྟེན། རི་བོ་བཀྲ་བཟང་དུ་ལུང་བསྟན་གྱི་ལྷ་ཁང་འགྲུབ་ན། སེམས་ཅན་ལ་བདེ་སྐྱིད་ཆེན་པོ་འབྱུང་བར་དགོངས་ཏེ་རིའི་རྩེ་མོ་སྐེད་པ་རྩ་བ་གསུམ་དུ་ལྷ་ཁང་བཞེངས་པ་ལེགས་པར་གྲུབ། ཐུགས་སྒྲུབ་བསྙེན་པའི་ཚེ། ཐུགས་ཁ་ནས་འོད་ལྔའི་རྡོ་རྗེ་རྒྱ་གྲམ། ཞག་ཁ་ཤས་བུ་དུ་ལམ་མེར་ཡོད་པ་བྱུང་སྐུ་ཕྱི་ནང་མེད་པར་ཐལ་དུ་གཟིགས་པ་དང་། བོར་དོའི་སེམས་ཅན་མང་པོ་གཟིགས་པ་སོགས་ངོ་མཚར་མང་པོ་མངའ། དགུལ་ལོ་བཞི་ བཅུ་ཞེ་(སྨད་ཆ།༢༦༣)གཉིས་ནས་གཞན་དོན་གྱི་གཏེར་སྒོ་བྱི་ནས། ལོ་རེ་བཞིན་རྫོགས་པ་ཆེན་པོ་སོགས་ཆོས་མང་དུ་གནང་བས་ལ་སྟོད་ལྷོད་བྱང་ཀུན་ཏུ་སློབ་མ་མང་པོས་ཁྱབ། དེ་ལྟར་བསྟན་པ་དང་འགྲོ་བའི་དོན་རྒྱ་ཆེན་པོ་མཛད་རྗེས། ངོ་མཚར་བའི་ལྷས་དུ་མ་དང་བཅས་གཤེགས་སོ། སྔགས་འཆང་ཆོས་རྒྱལ་བསོད་ནམས་ནི། གློ་བོ་སྒྱམ་དཔལ་ཞེས་བྱ་བའི་རྫོང་གི་མདུན་དུ་སྐུ་རུས་ལྡོང་ཡབ་དཔོན་ཆེན་པོ་ལྷ་གྲུབ་གསུམ་དང། ཡུལ་དབོན་མོ་དཀར་ལྕམ་གྱི་སྲས་སུ་ཆུ་ཕོ་བྱི་བའི་ལོ་ལ་སྐུ་བལྟམས། གུ་རུ་ཞི་བའི་བསྙེན་སྒྲུབ་བྱས་པས། པདྨ་འབྱུང་གནས་ཀྱི་ཞལ་གཟིགས་སྟེ། ཞིང་སྐྱོང་ཌཱཀིའི་བུ་ཁྱོད་ཉོན། རྒྱུ་འབྲས་འཁོར་བའི་ཉེས་དམིགས་སེམས། འཆི་བ་མི་རྟག་དྲན་པར་གྱིས། སེམས་ཉིད་སྟོང་གསལ་རྒྱུན་དུ་བསྒོམས། དེ་ཚེ་ང་དང་འདུ་འབྲལ་མེད། འོན་ཀྱང་སྔོན་གྱི་ལས་འཕྲོ་ཡིན། འདི་ཕྱིའི་དོན་ཆེན་འགྲུབ་པར་འགྱུར། ཞེས་གསུངས། ཆོས་རྗེ་སངས་རྒྱས་དཔལ་བཟང་དྲུང་དུ། རྫོགས་ཆེན་ཟང་ཐལ་ལ་སོགས་ཏེ་ལྷ་བྲག་མཛོད་ལྔའི་ཆོས་ལྡ་བརྒྱ་ཕྲག་གི་དབང་ལུང་ཡོངས་རྫོགས་གསན། དཔེ་རྣམས་ཀྱང་བྲིས། བླ་མ་ཡི་དམ་ཆོས་སྐྱོང་གི་བསྙེན་པ་བློས་མི་ཁྱུད་པ་མཛད་ནས། རེ་བརྒྱད་པ་སྦྲུལ་གྱི་ལོ་ཚོ་འཕྲུལ་ཆེན་པོའི་ཚེས་བརྒྱད་ལ། འཇའ་འོད་མེ་ཏོག་གི་ཆར་སོགས་ངོ་མཚར་བའི་ལྟས་དུ་མ་དང་བཅས་ཏེ་ཉེར་ཞིའི་དབྱིངས་སུ་གཤེགས་སོ། ཐུགས་སྲས་ནམ་མཁའ་རྒྱལ་མཚན་ནི། གདུང་བསམ་པ་རིག་སྔགས་འཆང་བ་རིམ་པ་ནས་རིམ་པར་བརྒྱུད་པའི་རིགས་ཏེ་མེས་བོས་པ་དམར་གྱི་(སྨད་ཆ།༢༦༤)ལྷོའི་བྲག་ལ། ཕྱག་མཁར་བསྣུས་པ་ལ་མི་འབར་བ་དང། ཕྱག་ཞབས་ཀྱི་རྗེས་བྲག་ལ་བཞག་པ་སོགས། གྲུབ་རྟགས་མང་བས་མེས་སྟོན་པར་གྲགས། ཡབ་ཡུམ་རྡོ་རྗེ་ཕུར་པའི་བསྐྱེད་རིམ་ལ་བཞུགས་པའི་ངང་ནས། གདུང་བཞག་པས་ཡུལ་གྱི་ལྷུམས་ནས་ཀཱི་ལ་ཡའི་སྒྲ་སྒྲོག་པ་དང། ཡབ་ཡུམ་གཉིས་ཀ་ཐུགས་དམ་ལ་གསལ་དངོས་ཐོན། ཡུམ་ལ་བསྙུན་མེད་པར་འཁྲུངས། དགུང་ལོ་གསུམ་བཞེས་པ་ནས་ཆོས་ཀྱི་བག་ཆགས་སད། རིན་པོ་ཆེ་སངས་རྒྱས་དཔལ་བཟང་དག་མཇལ། ཞབས་པད་ལོ་མང་པོར་བསྟེན་ནས། སྦྱིར་གྱི་ཆོས་ཚུལ་མང་པོ་དང། སྒོས་གསང་སྔགས་རྙིང་མ་ཉང་ཆོས་དབང་ཤེས་རབ་མེ་འབར་གྱི་གཏེར་མ་རྣམས་དང། རི་བོ་བཀྲ་བཟང་དུ་རྫོགས་པ་ཆེན་པོའི་ཉམས་བཞེས་གཙོ་བོར་སྟོན་པའི་སྒྲུབ་པ་ལོ་གསུམ་མཛད་པས། སྣང་བཞིའི་ལམ་རིམ་ལས་རིག་པ་ཚད་ཕེབས་ཀྱི་ཉམས་ལ་བརྟན་པ་ཐོབ། རྩ་གསུམ་ཞི་ཁྲོའི་ལྷ་ཚོགས་ཀྱི་ཞལ་གཟིགས། དགུང་ལ་དགུ་བཅུ་པ་ལ་དགོངས་པ་ཆོས་དབྱིངས་སུ་གཞོལ་བའི་ཚུལ་བསྟན་པས། སྒྲ་དང་འཇའ་ཡོལ་མོ་བ་ཤཱཀྱ་བཟང་པ་ནི། རྣམ་ཐར་ཞིབ་རྒྱས་གོང་དུ་གཏེར་བྱུང་སྐབས་སུ་སྨོས་ཟིན་ལ། སྦྱིར་གཏེར་ཆེན་འདི་ཉིད་གསང་ཆེན་སྔ་འགྱུར་གྱི་ཚུལ་རྒྱ་མཚོ་ལྟ་བུ་མ་གསན་པ་མེད་ཅིང། ཁྱད་པར་བྱང་གཏེར་གྱི་བསྟན་པའི་བདག་པོར་གྱུར་པས་རིགས་འཛིན་ལེགས་ལྡན་རྗེས་ཀྱང་བྱང་གཏེར་ཕལ་ཆེར་རྗེ་འདི་ལས་གསན་པ་ཡིན་ལ། རྗེ་འདིས་རང་(སྨད་ཆ།༢༦༥)གཏེར་གཏེར་ལུང་དང་མཐུན་པར་བཡ་ཡུལ་མཚད་རྟེན་བྱ་རུང་ཁ་ཤོར་ཞིག་གསོས་ཀྱང་མཛད། ལ་སྟོད་ཡོལ་མོ་གངས་རར་ཙུཌཱི་དགོན་པར་བཞུགས་པས་ཡོལ་མོ་བར་གྲགས། སྐུ་ཚེའི་སྨད་ལ་སྒྲུབ་པ་ཁོ་ན་ལྟུར་བཞེས་པའི་ངང་ནས་བསྟན་འགྲོའི་དོན་བསམ་མི་ཁྱབ་མཛད་ནས་གཤེག། མངའ་རིས་འཛིན་ཆེན་པོ་སྐུ་མཆེད་ནི། གསང་ཆེན་རྙིང་མའི་བསྟན་འཛིན་གཞན་འགྲན་དང་བྲལ་བའི་ལོ་རྒྱུས་ནི་གཏེར་བྱུང་སྐབས་སུ་བརྗོད་པ་ལྟར་ལས་ཁྱད་པར་བྱང་གཏེར་གྱི་བདག་པོར་གྱུར་བ་ནི་རིག་འཛིན་ལེགས་ལྡན་རྗེ་ཉིད་ཡིན་ཏེ། རིག་འཛིན་རྒོད་ལྡེམ་ཅན་གྱི་སྐྱེ་བ་ཡིན་པས་ཐུབ་བསྟན་རྡོ་རྗེ་བྲག་གི་བསྟབ་པའི་མངའ་བདག་རིག་འཛིན་ངག་གི་དབང་པོ་ནས་བཟུང། སྐྱེ་སྲིད་རིམ་བྱོན་ཐམས་ཅད་རྗེ་འདིའི་ཡང་སྲིད་ཁོ་ན་ཡིན་ཏེ། སྐྱེ་སྲིད་ཀྱི་དབང་དུ་བགྱིས་ན་རྒོད་ལྡེམ་ཅན་གཉིས་པར་ཡིན་ནོ། རིག་འཛིན་ཆེན་པོ་དབང་པོའི་སྡེ་ནི། གཡས་རུ་བྱང་གི་ཆར་མི་ཉག་སྟོང་ཁུན་གྱི་རྒྱལ་བརྒྱུད་དུ་འཁྲུངས། ཕྲིན་ལས་རྣམ་བཞི་ལ་མངའ་བསྒྱུར་བ་དང། རང་སྐལ་ཟབ་མོའི་གཏེར་ལ་སྦྱོད་ཚུལ་སོགས་གོང་དུ་སྨོས་པ་ལྟར་ལགས་ཤིང། གཞན་གྱི་སྣང་ངོར་སྡེ་པ་ཞིང་བཤགས་པ་སོགས་ཀྱིས་ཞབས་འདྲེན་ཞུས་པ་ལ་བརྟེན་དབུས་སུ་ཕེབས་གནང་ལྟ་བུ་ལ། དོན་དུ་དབུས་ཕྱོགས་སུ་ཕྲིན་ལས་ཀྱི་སྒོ་བྱེ་བས་ཆོས་བརྒྱུད་དང་བསྟན་པ་འཕེལ་རྒྱས་འབྱུང་བའི་རྟེན་འབྲེལ་ལ་དགོངས་ནས་འཕྱོངས་རྒྱས་ཡར་རྒྱབ་རྣམས་སུ་ཅི་རིགས་བཞུགས་ཤིང། མོད་སྨད་རྒྱ་ཧ་ཀ་ཡི་ཚེ་ཡན་ལ་ཕེབས་ནས་ཕྱོགས་བྲལ་གྱི་གདུལ་བྱ་སྐྱོང་བའི་དུས་སུ་ཆོས་སྒར་དངོས་གཙང་ཞིག་མཛད་ནས་གུ་རུ་པདྨའི་ཨེ་ཝཾ་ལྕོག་སྒར་དུ་མཚན་གསོལ་ཏེ་སྐྱེད་རྫོགས་སྒྲུབ་ཕྲིན་(སྨད་ཆ།༢༦༦)ཕྱག་བཞེས་མཐའ་དག་བྱང་གཏེར་གཙོ་བོར་གྱུར་པའི་བཤད་སྒྲུབ་ཀྱི་རྒྱུན་བཙུགས་པས་དར་རྒྱས་སུ་བྱུང་བ་ནི་ཐུབ་བསྟན་རྡོ་རྗེ་བྲག་གི་ཆོས་སྡེའི་ས་བོན་ལྟ་བུ་ཡིན་ནོ། དེར་དབང་ཆེན་རིན་པོ་ཆེ་དང་ཟ་ཧོར་ལྷ་ལྕམ་ཡིད་འཛིན་དབང་མོ་གཉིས་ཀྱི་སྲས་སུ་རིག་འཛིན་ལེགས་ལྡན་རྗེ་ཉིད་སྐུ་འཕོས་མ་ཐག་པའི་སྐྱེ་བར་བསམ་བཞིན་དུ་བྱོན་པ་ནི་རིག་འཛིན་ངག་གི་དབང་པོ་ཡིན་ཏེ་ཐུབ་བསྟན་རྡོ་རྗེ་བྲག་གི་ཆོས་སྡེ་ཐོག་མར་འདེབས་པོ་ནི་འདི་ཉིད་ཡིན་ནོ། འདི་ཡན་ཆུ་འགོ་གངས་ལ་ཐུག་པའི་ལོ་རྒྱུས་བླ་མ་བརྒྱུད་པའི་རྣམ་ཐར་ཟུར་ཙམ་སྨོས་ཟིན། རིག་འཛིན་ངག་གི་དབང་པོས་མཚན་ཐུབ་བསྟན་རྡོ་རྗེ་བྲག་གི་གདན་རབས་སྨོས་པ། ད་ནི་གདན་རབས་དངོས་བརྗོད་པར་བྱ་སྟེ། རིག་འཛིན་ངག་གི་དབང་པོ་ནི། སྔར་ཆོས་རྒྱལ་བཀྲ་ཤིས་སྟོབས་རྒྱལ་གྱིས་བྱང་ཐེག་མཆོག་གླིང་དུ་རིན་འཛིན་མངའ་རིས་པ་ཆེན་པོ་ལ་ཟབ་ཆོས་མང་དུ་གསན་པའི་ཀུན་བཟང་དགོངས་པ་ཟང་ཐལ་གྱི་བར་དོ་ལྔའི་སྙན་བརྒྱུད་གསུངས་པའི་སྐབས་མཛད་པ་ཐ་མ་སྟོན་པར་བཞེས་པའི་སུང་གྱ་གྱི་དབུས་སུ་བཞེངས་ཏེ་ཐལ་མོ་སྦྱར་ནས། རབ་ཏུ་མྱ་ངན་ལས་མི་འདའ་བར་བཞུགས་པ་དང། གལ་སྲིད་ཞིང་ཁམས་འཕོ་བར་བཞེད་ན་མཆོག་གི་སྦྲུལ་སྐུ་མྱུར་དུ་ཕེབས་དགོས་ཞེས་ནན་གྱིས་གསོལ་བ་བཏབ་པས། ང་ད་རེས་བསྡད་པས་ཡོང་བ་མེད། ཁྱེད་དེ་ཙམ་གྱི་རྩིགས་ཆེན་བདག་པོ་རང་གི་བུར་སྐྱེ་བ་ལེན་ནོ་ཞེས་པའི་རྡོ་རྗེའི་(སྨད་ཆ།༢༦༧)གསུང་འགྱུར་བ་མེད་པར་བརྟེན། ཡབ་རིག་འཛིན་ཆེན་པོ་དབང་པོའི་སྡེ་ཉིང་དང། ཡུམ་འཕྱོངས་རྒྱས་ཟ་ཧོར་གྱི་གདུང་ལས་ལྕམ་ཡིད་འཛིན་དབང་མོ། ལེགས་སྦྱར་སྐད་དུ་མནྡྷ་རེནྡྲཱར་འབོད་པ་དེའོ། སྐུ་འཁྲུངས་པའི་ཡུལ་ནི་ཞང་ཡུལ་དུ་ཚ་སྐྱེ་མི་རུང་བའི་ཐུགས་དོགས་ཀྱིས་གངས་ཅན་གྱི་ལྗོངས་འདིར་ཆོས་རྒྱལ་མེས་དབོན་རྣམ་གསུམ་གྱི་དུས། དབུས་གཙང་རུ་བཞིར་གྲགས་པ་ལས་གཡོན་རུའིསའི་ཆ། གྲཱ་ཕྱི་མའི་ཕུ་ཆོས་སྡིངས་དགོན་པར། འཕགས་པའི་ཡུལ་དུབཱིར་ཞེས་པ་གནམ་གནོན་དུ་གྲགས་ཤིང། བོད་ཡུལ་འདིར་རྒྱ་ནག་གི་གཙུག་ལག་ལྟར་ལྕགས་ཕོ་འབྲུག་གི་ལོ་ལ་ངོ་མཚར་བི་ལྟས་དང་བཅས་ཏེ་སྐུ་བལྟམས། ན་ཚོད་ཕྲན་མོའི་དུས་ནས་ཐུགས་སྒམ་ཞིང་དཀྱིལ་ཆེ་བ་བྱིས་པ་ཐ་མལ་གྱི་རོལ་རྩེད་ཡེ་མི་མཛད་ཅིང། རིག་འཛིན་ལེགས་ལྡན་རྡོ་རྗེའི་བག་ཆགས་སད་པའི་མཛད་པ་བསྟན་པ་དང་གསུང་བྱོན་པ་ལ་བརྟེན། ཡང་དབང་པོའི་སྡེས། ད་ནི་བླ་མའི་སྐུ་སྐྱེ་ཞེས་གཅེསཔར་བཟུང་པས་མཚན་ཞབས་དྲུང་འཛིན་མཛད། དཔལ་འབྲི་གུང་པ་ཆོས་རྒྱལ་ཕུན་ཚོགས་ལ་གཙུག་ཕུད་ཕུལ་བས་མཚན་ངག་དབང་རིག་འཛིན་རྡོ་རྗེ་ཆོས་རྒྱལ་བསྟན་པའི་རྒྱལ་མཚན་དཔལ་བཟང་པོར་གསོལ། བྱང་ཆུབ་སེམས་དཔའི་སྡོམ་པ་གནང་སྟེ་རྒྱལ་སྲས་སེམས་དཔའ་མཆོག་གི་གོ་སར་དབང་བསྐུར། སྐུ་ཚེ་སྔོན་མ་ལེགས་ལྡན་རྗེའི་དུས་སུ་བྱ་བྲལ་གྱི་བརྟུལ་ཞུགས་བཟུང་སྟེ་ཡོངས་འཛིན་གྲངས་མེད་པ་བརྟེན་ནས་ཆོས་ཕྱིར་དཀའ་སྦྱད་མཛད་པའི་ཟབ་ཆོས་རྣམས་ཡབ་དབང་པོའི་སྡེས་བུམ་པ་གང་བྱོའི་ཚུལ་དུ་གནང་བ་ལ་བརྟེན། སྐུ་ཚེ་འདིར་བླ་མ་མང་པོ་ལ་ལྟོས་མ་དགོས་པར་ནོར་གྱི་བཅོལ་(སྨད་ཆ།༢༦༨)པོ་ལེན་པ་ལྟར་ཆོས་རྣམས་ཕལ་ཆེར་ཡབ་ལ་གསན་པས། གཏེར་སྟོན་ཆེན་པོ་བརྒྱ་རྩ་བརྒྱད་དུ་གྲགས་པ་དེ་རྣམས་ཀྱིས་སྦྱན་དྲངས་པའི་གཏེར་ཆོས་ལས་ལ་ལའི་གཏེར་ཆོས་རྫོགས་དང། འགའ་ཞིག་གིས་གཏེར་ཆོས་བྱེ་བྲག་ཅི་རིགས་གསན་ཞིང། གསན་པ་ཀུན་ཀྱང་ཐོས་བློ་ཙམ་མིན་པར་བསམ་པ་དང་སྒོམ་པའི་སྒོ་ནས་ནན་ཏན་དུ་མཛད། ཡར་ལུང་ཤེལ་བྲག་སོགས་སྒྲུབ་པའི་གནས་ཆེན་མང་པོ་དང། འཕྱོངས་རྒྱས་ཡར་རྒྱབ་ནམ་མཁའ་མཛོད་སོགས་སུ་ཟླ་བ་ལྔ་དྲུག་སྦྲེལ་བའི་བསྙེན་སྒྲུབ་ལན་མང་དུ་མཛད་པས། ཡི་དམ་ཆོས་སྐྱོང་དུ་མའི་ཞལ་གཟིགས་པ་དང་གསུང་གི་གནང་བ་དུ་མ་སྩལ་ཞིང། གང་གིས་ཀྱང་ཐུལ་བར་དཀའ་བའི་གདོན་གྱིས་བཏབ་པའི་རིགས་ལ་བྱིན་རླབས་མཛད་པ་ཙམ་གྱིས་རང་གྲོལ་དུ་འགྱུར། ཡབ་ཆོས་ཀྱི་རྒྱལཔོའི་ཞབས་ཕྱི་མཛད་ནས། རྒྱ་ཧ་ཀ་ལིང་རྩེའི་བར་དུ་ཕེབས། མདོ་ཁམས་སྟོད་སྨད། རྒྱ་ནག་པོའི་ཡུལ་ལ་ཐུག་པའི་སྐྱེ་རྒུ་ཐམས་ཅད་སྐུ་གསུང་ཐུགས་ཀྱི་མཛད་པས་རེ་བ་བཀང། ཡབ་དང་ལྷན་ཅིག་པར་དབུ་ཕྱོགས་སུ་ཕེབས། འཕྱོངས་རྒྱས་ཡར་རྒྱབ་རྣམས་སུ་ཕལ་ཆེར་བཞུགས་ཤིང། འགྲོ་དོན་རྒྱ་ཆེ་བའི་ངང་ནས་ཡབ་ཆོས་རྒྱལ་དབང་པོའི་སྡེ་ཉིད་རེ་ཞིག་ཨོ་རྒྱན་ཟངས་མདོག་དཔལ་རིར་གཤེགས་པས། ཡབ་ཆོས་ཀྱི་རྒྱལ་པོའི་རྒྱལ་ཚབ་ཏུ་བཞུགས་ཏེ་རྣམ་དཀར་གྱི་ཕྲིན་ལས་རྒྱ་ཆེར་སྦྲེལ། རོང་ཆུང་དུ་སྔོན་ཚེ་ཨོ་རྒྱན་ཆེན་པོས་བདུད་རིགས་དམ་ལ་བཏགས་པའི་གནས། བྲག་ལྷང་ལྷད་མ་དང། རྗེ་གོང་མས་གནས་སྒོ་གསར་དུ་ཕྱེ་བའི་ཁམས་བུ་ལུང་གཉིས་མཇལ་བར་ཕེབས། ཁམ་བུ་ལུང་དུ་ཆུ་མེད་པས། རིག་འཛིན་ཆེན་པོ་འདི་ཉིད་ཀྱིས་ཆུ་འཆད་མེད་དུ་ཡོང་བའི་སྒྲུབ་ཆུ་བཏོན་པར་མཛད། ཡར་(སྨད་ཆ།༢༦༩)ལུང་བཀྲ་ཤིས་རྩེ་སྡེར་འཁོར་ལོ་མགོན་པོ་དབང་ཕྱུག་རབ་བརྟན་གྱིས་གདན་དྲངས། དཔོན་སློབ་ཕན་ཚུན་ཐུགས་ཡིད་གཅིག་འདྲེས་སུ་གྱུར་ཏེ། ཕར་བྱང་གཏེར་གྱི་ཚེ་དབང་ཆོས་སོགས་བཀའ་དུ་མ་གནང་ཞིང། ཚུར་རིག་འཛིན་སྐུ་མཆེད་ཀྱི་གཏེར་གསར་འགའ་ཞིག་གསན་པ་མཛད། ཧས་པོ་རིའི་རྩེ་ནས་སྐུ་རྟེན་ཞིག་གཏེར་ནས་སྦྱན་དྲངས། འབྲི་གུང་དུ་ཕེབས། ཞབས་དྲུང་སྐུ་མཆེད་ཆོར་ཆོས་བཀའ་མང་དུ་འབུལ་བ་གནང། ཁམས་སུ་ཕེབས་པའི་ཐོག་མར་ཀོང་པོར་ཕེབས་གཏེར་ཁ་གསར་པ་གཞན་གྱི་ཁ་བྱང་ཀོང་པོར་སྔགས་འཆང་ཞིག་གི་ལག་ན་ཡོད་ཕུལ་ཏེ། ཕྱག་ཏུ་འབྱོར་བ་དང་ཉི་མ་ཤར་བ་དུས་འགྲིག།(སྨད་ཆ།ཁ་བྱང་གི་ཡི་གེ་གཟིགས་པས། མར་གད་ལས་གྲུབ་པའི་རྟ་མགྲིན་གྱི་སྐུ་ཞིག་ཡོད་འདུག་པས། དུས་ཕྱིས་རྒྱུ་མཚན་རིག་འཛིན་ཡོལ་མོ་བར་གསུངས་པར་སྣང། ཀོང་པོ་གཉིས་ནས་ཀྱང་ཐུགས་རྗེ་ཆེན་པོའི་ཆོས་སྐོར་གྱི་ཆོས་གཏེར་ཞིག་གདན་དྲངས། འབྲུ་ལ་དགོན་དུ་བཙོ་ཁ་པ་ཆེན་པོའི་གསེར་སྐུ་ཞིག་བཞེངས་པར། གཟུངས་བཞུགས་འབུལ་མཁན་གྱིས་གྲུལ་མ་བཏུབ་པའི་གཟུངས་རྣམས་འཁྲུགས་པ་དང་དབུ་ཞབས་ལྡོག་སྟེ་ཡོད་པ་ལྐོག་ཏུ་གྱུར་པ་ལ་བརྟེན་དགོན་པར་མེ་ཐེངས་གསུམ་ཤོར་བ་སོགས་མི་ཤིས་པ་སྣ་ཚོགས་བྱུ་བར་ཀུན་ཡིད་གཉིས་སུ་གྱུར་པ་ན། རིག་འཛིན་འདི་དགོན་པར་གདན་དྲངས་ཏེ་གནས་ཚུལ་རྣམས་ཞུས་པས། གཟུངས་བཞུགས་རྣམས་འདི་ལྟར་འདུག་པ་སླར་ཐོན་ལ་ཕུལ་གསུངས་པ་ལྟར་འཕྲལ་དུ་བལྟས་པས་ཇིལྟ་བ་བཞིན་དུ་བྱུང་སྟེ་མཐའ་དག་ཕྱོགས་འཛིན་གྱི་མདུད་པ་གྲོལ་ནས་དད་མོས་ཇེ་ཆེར་འཕེལ། ཀོང་ཡུལ་དུ་མ་ཎི་དགེ་བསྐུལ་མཛད་པས་དུང་གྱུར་བཅོ་བརྒྱད་ཙམ་ཚུགས། གཏེར་ལུང་བཞིན་བཀའ་ནན་(སྨད་ཆ།༢༧༠)རབ་་་་་་དམ་འདགས་ཡང་མཛད། བྲག་གསུམ་དུ་ཕབས་དུས་མཚོའི་ཁ་དོག་འོ་མ་ལྟ་བུར་འགྱུར་བ་འབྱུང་ངོ། རིམ་བཞིན་ཁམས་ཕྱོགས་སུ་ཕེབས། ཁམས་སྦོ་པོའི་ཡུལ་སྟོད་སྨད་འཁྲུག་པའི་མི་གསོད་སོགས་སྡིག་རྒྱུན་ཆེན་པོ་བྱུང་བ་ལ་བཟླུམས་མཛད་པར་གྲོང་ཚོ་གཅིག་གིས་མ་ཉན་པས་ཐོག་བབས་ཏེ་མོ་ནོར་མང་པོ་ཆུད་ཟོས་པས་སླར་འདུན་མ་འགྲིགས། རྦ་ག་དགོན་པར་ཕེབས་དུས། ཤུ་ཝ་ཟམ་པོ་ཟེར་བའི་རིའི་ཙ་མར་སྒར་མཛད་པ་ལ་ས་གཡོས་ཆེན་པོ་ཞིག་དང་ལྷན་དུ་རྦབ་རྡོ་ཆེ་བ་ཁང་པ་ཙམ་དང་ཆུང་བའི་རྦབ་ཕྲན་མང་པོ་གཟིམ་གུར་གྱི་དུ་འདྲིལ་བྱུང་བ་ལ་སྡིག་མཛུབ་མཛད་པས་གཡས་གཡོན་དུ་བྱོལ་བ་ལྟ་བུར་བྱས་ཏེ་ཡོད་པ་ཕྱོགས་དེའི་སྐྱེ་བོ་མང་པོས་མཐོང་བས། བྱང་པ་བདག་པོར་རི་གཟར་གྱི་རྦབ་ཀྱང་ཟློག་ནུས་པ་ཞེས་བསྔགས། བེ་རི་སྟོད་དུ་ཕེབས་དུས་སྒོམ་སྡེ་ནང་ཆེན་པ་དང་འབྲོང་པ་གཉིས་འཁྲུག་རྩོད་ཆེན་པོ་བྱུང་བ་ལ་བླ་ན་མེད་པའི་བྱང་ཆུབ་ཀྱི་སེམས་རྣམ་པར་དག་པའི་སྒོ་ནས་ཞལ་ཏ་མཛད་པས་མ་རུངས་པའི་ཞེ་སྡང་གི་དུག་ཐམས་ཅད་རང་སར་ཞི་ནས་ཕན་ཚུན་ཐམས་ཅད་གཉེན་བཤིན་པར་གྱུར། འབྲོང་པ་རྡོ་རྗེའི་བུ་ཨ་རིག། པདྨ་དབང་དྲགས་བླ་མ་མགོན་ཏེ་སྦུན་གསུམ་ཡོད་པ་ལས། ཆུ་བ་བླ་མ་མགོན་ནད་དྲག་པོ་ཞིག་གིས་བཏབ་སྟེ་གློ་བུར་དུ་ཤི་བས་ཁྲུས་ཆོག་དབང་བཀུར་ལ་གདན་དྲངས། དེར་ཕེབས་ཏེ་རྣམ་ཤེས་བཀུག་ནས་གནས་སྦྱོང་དང་དབང་བཀུར་མཛད་པས་མིག་རིག་རིག་ལྟ་ཞིང་དབུགས་རྒྱུ་བ་དང་ལུས་འགུལ་བས། དེར་འཁོད་རྣམས་རོ་ལངས་སུ་དོགས་ཏེ་འཇིགས་པ་ན་སྐྱོན་མེད་གསུངས་ཏེ་བྱིན་རླབས་མཛད་པས་གཏམ་ཡང་སྨྲ་ཤེས་པར་གྱུར། དེ་ནས་ཚེ་དབང་དང་གུ་རུ་དྲག་པོའི་དབང་སོགས་(སྨད་ཆ།༢༧༡)གནང་བས་སྐྱོན་མེད་དུ་སོས། དེར་བླ་མ་མགོན་གྱིས་ཚེ་རིང་ཐུང་སོགས་ཀྱི་ལུང་བསྟན་ཞུས་པས། དམག་ཇག་རི་དཱགས་སོགས་སེམས་ཅན་གྱི་སྲོག་ལ་མི་འཚེ་བའི་དམ་བཅས་བྱེད་ན་ལོ་གསུམ་གྱི་ཁག་ཐེག་གསུངས་པས་དམ་བཅའ་ཕུལ། གཡག་འདམ་ཐོག་ཏུ་ས་སྐྱ་བདག་ཆེན་ཀུན་དགའ་བློ་གྲོས་མཇལ་པར་ཕེབས་པས་སུམ་གདན་སྙེ་འབོལ་བཞེས་པ་སོགས་བཀུར་ཟོས་ཆེ་བར་མཛད། བདག་ཆེན་གྱི་སྐུ་རིམ་ལ་ཁྲོ་བོ་རོལ་བའི་གཏོར་ཟློག་སོགས་གནང་བའི་སྐབས། ནར་མས་ཀྱི་སོག་པོ་འགའ་ས་སྐུང་བདག་ཆེན་མཇལ་བར་འོངས་པས་མཐོང་སྟེ། སྒར་པ་འདི་རྣམས་སུ་ཡིན་ཞེས་དྲིས་པ་ལ། བྱང་པ་བདག་པོ་ཞེས་རྙིང་ལུགས་ཀྱི་བླ་མ་ཆེན་པོ་ཞིག་ཡིན་ཟེར་བ་ཐོས་པས་རྟ་འགའ་ཕྱག་རྟ་དུ་ཁྱེར་ཏེ་མཇལ་པར་བྱུང་བ་ལས། རིམ་གྱིས་ཕྱག་དབང་ཞུས་པས་གསུམ་པ་དེ་ལ། ཁྱོད་ཀྱི་ཕའི་ལག་པ་ལ་མཐེ་བོང་མེད་པ་ཅི་ཡིན་གསུངས་པས། དེའི་རྒྱུ་མཚན་ཞུ་ཞིང་ལྐོག་གྱུར་གྱི་ཆོས་རྣམས་མངོན་སུམ་དུ་མཁྱེན་པ་ལ་ངེས་ཤེས་ཆེར་རྙེད་དེ་མདོ་ཁམས་ཀྱི་གསང་སྔགས་རྙིང་མའི་བསྟན་པའི་འབྱུང་གནས་ལྟ་བུ་ཀ་ཐོག་དགོན་པར་ཕེབས། ཕྱོགས་དེའི་སྐྱ་སེར་ཀུན་གྱི་གསེར་དངུལ་གཡུ་རྟ་ཁྲབ་ཇ་སོགས་ཟང་ཟིང་གི་འབུལ་བ་དང་བསྙེན་བཀུར་རྒྱ་ཆེར་བཏབ། ཧོར་ལ་ཕེབས་དུས་རི་ཞིག་ལ་གཟིགས་ནས་འདི་ན་སོག་པོ་འདྲ་ཡོད་པ་མེད་དམ་གསུང་བར། ཡོད་ཞུས་པས། སྐྱོན་མི་འདུག་ཕེབས། རྗེས་སུ་སྐུ་འཁོར་རྣམས་ཀྱིས་རྒྱུ་མཚན་ཞུས་པས། རི་གདོང་འདི་ལ་སོག་པོ་བརྒྱ་ཙམ་ཞིག་སག་ཐག་རོང་ངེ་བབས་བྱུང་བ་མི་སྨུག་ཡོར་རེ་པ་ཞིག་གིས་བསྒྲིམས་ནས་གར་སོང་མ་བྱུང་གསུངས། ཤེལ་ཁོག་ཏུ་བེ་རི་མང་དགེ་ཕག་མོ་ཟེར་བ་རྐུན་ཇག་ཁོ་ན་ལ་བརྩོན་པ་དེ་ཡང་རྫུ་འཕྲུལ་གྱིས།(སྨད་ཆ།༢༧༢)བཏུལ། དར་མདོར་ཕེབས་དུས་རྒྱ་ཧ་ཀ་དང་ལིང་རྩ་གཉིས་འཁྲུག་པ་ཐུགས་རྗེ་དང་རྗུ་འཕྲུལ་པ་བཟླུམས། ཕྱོགས་དེའི་སྐྱེ་བོ་མཆོག་དམན་ཐམས་ཅད་ཀྱིས་གུས་པས་མཆོད་མི་ཉག་བརྒྱུད་ཡར་ཕེབས་དུས་ཆོས་རྗེ་ཞཱ་དམར་བ་ཡང་མཇལ། ཀོང་པོའི་ཚོང་པ་དང་ལྗང་གི་འཁྲུག་པའང་བཟླུམས། རིམ་གྱིས་ཆིབས་ཁ་བསྒྱུར་བར་བེ་རི་སྟོད་དུ་ཕེབས། དེ་དུས་འབྲོང་བ་བླ་མ་མགོན་དེས་ལོ་ཕྱེད་དང་གསུམ་ཙམ་གྱི་བར་སྲོག་གཅོད་སྦོང་བའི་མཁས་ལེན་ལས་མ་འགལ་འདུག་ནའང་ཉིན་གཅིག་རི་དཱགས་མང་པོ་བྱུང་བ་ལ། བེ་རི་རྣམས་ཀྱི་མདའ་ཐེབས། འབྲོང་པ་རྣམས་ཀྱིས་ཡེ་མ་ཐེབས་པས་ཚིག་པ་ཟོས་ནས་མདའ་བརྒྱབ་པས་ཤ་བ་གཅིག་བསད། དེས་རྐྱེན་གྱིས་ཤི་བས་ཐམས་ཅད་ཡིད་ཆེས། ཁྱུང་པོ་ནག་རུ་བས་ཇག་བྱས་པར་ཇག་དཔོན་སྨྱོ་བ་སོགས་ཀྱི་ཆོ་འཕྲུལ་སྟོན། གཞན་ཡང་མ་རུངས་པའི་རིགས་འདུལ་ཕྱིར་ཁྱབ་འཇུག་གཟའ་དངོས་སུ་ཕེབས་པའང་མཛད། ར་མ་སྒང་དུ་གཙུང་རིགས་འཛིན་ཕྲིན་ལས་རྣམ་རྒྱལ་དཔོན་སློབ་ཀྱིས་བསུ་བ་ལ་ཕེབས་སྐུ་མཆེད་མཇལ་འཛོམས་གནང་ནས་རྡོ་རྗེ་བྲག་ཏུ་ཞིག་ལེན་དང་ཤང་ལེན་རྒྱས་པར་མཛད། འོན་ཀྱང་རྗེ་གོང་མའི་གདུང་ལ་དབོན་རིན་པོ་ཆེས་ངོ་དམ་ཆེ་བ་མ་བྱུང། འཕྱོངས་རྒྱས་སྟག་རྩེར་གདན་དྲངས། དེ་དུས་ཐམས་ཅད་མཁྱེན་པ་ལྔ་བ་རིན་པོ་ཆེ་སྡེ་པ་འཕྱོངས་རྒྱས་པའི་སྲས་སུ་སྐུ་བལྟམས་ནས། རིང་པོར་མ་ལོན་པའི་སྐབས་དེར་འཆི་མེད་ལྕགས་གདོང་མ་དང་གཏེར་ཁ་གོང་མའི་དྲག་གྱི་དབང་ཕུལ་བས་གསང་སྔགས་རྙིང་མར་འགྱུར་བའི་རྟེན་འབྲེལ་འགྲིགས། མཚན་བཅས་མཚན་མེད་ཀྱི་སྲུང་འཁོར་(སྨད་ཆ།༢༧༣)སོགས་སྲིའུ་གསོ་བའི་རིམ་གྲོ་མང་དུ་གནང། སྡ་པ་བྲག་ཁ་ནས་ཀྱིས་བསམ་ཡས་སུ་གདན་དྲངས། ཁམས་གསུམ་ཟངས་མཁར་གླིང་དུ་བཞུགས། བསམ་ཡས་མཆིམས་ཕུར་དཔོན་སློབ་ཉུང་འདུས་ཤིག་གིས་བདུན་ཕྲག་གཅིག་སྐུ་མཚམས་གནང། ཆོས་གཏེར་ཞིག་བཞེས། ཆོས་དེ་ཐོག་མར་ཆོས་རྗེ་དུང་དཀར་རས་པ་ལ་སྦེལ་དགོས་ཡོད་འདུག་པ་ལ་གཞན་དུ་བྲེལ་བས་རྟེན་འབྲེལ་མ་འགྲིག། བསམ་ཡས་ཀྱི་སྡེ་པའི་ཇོ་མོ་ལ་གནོད་སྦྱིན་ཆེན་པོ་ཤིན་ཏུ་གནོད་པར་བྱུང་བས་ཐབས་ཞུས་པས་རྒྱུ་ཇ་རུ་ལས་གཅོད་པའི་འཁོར་ལོ་སྒོ་ལ་སྦྱར་བ་ན། ཆོས་སྐྱོང་ཆེན་པོ་ཐུགས་ཁྲོས་ཏེ་སྦེ་དཀར་ལྕོག་ཏུ་ལྷ་མི་འཛོམས་ཐོག་ཏུ། ང་རང་ཤ་རང་གིས་ཟ། རང་ཁྲག་རང་གིས་འཐུང་དབང་མི་འདོ་བ་ཅི་ཡིན་ཁྱོད་འཇིགས་ན་ང་ལུས་རྟེན་འདི་ལས་ཕྲལ་ནས་ལྷ་གནས་སུམ་ཅུ་ཙ་གསུམ་དུ་སྐྱོལ་དང་སོགས་འཇིགས་འཇིགས་མང་དུ་གསུང་བ་ལ། ང་སེམས་ཅན་གྱི་དོན་བྱེད་མཁན་ཡིན་པ་ལ་སྲུང་བ་ནི་འདོགས་དགོས་བྱུང། རྒྱལ་འགོང་ཕྲ་རགས་དཀྱུས་མའི་རིགས་མ་གཏོགས་ཁྱེད་བསྟན་སྲུང་རྣམས་ལ་གནོད་པ་ནི་མ་བྱས་སོགས་འཇམ་པའི་སྒོ་ནས་གསུངས་པ་ལ་ཆོས་སྐྱོང་ཁྲོ་བ་མ་ཞི་བས། རིག་འཛིན་ཆེན་པོས་ཕྱག་གི་རྡོ་རྗེ་དེ་ཕྱར་ཐབས་དང་བཅས་ཏེ། འོ་ན་བདེན་པ་སུ་ལ་ཡོད་ལྟ་བས་ཁྱེད་རང་དམོད་བོར་ཞིག་གསུངས་པ་ལ། ཆོས་སྐྱོང་ཆེན་ནས་ནམ་མཁའ་ལ་གཏོར་བས་ཆོས་སྐྱོང་གི་ཕྱོགས་སུ་ནག་པོ་དང་རྗེའི་ཕྱོགས་སུ་དཀར་པོ་བབས། དེ་ནས་ཀྱང་འཚུབ་འགྱུར་མ་ཞི་བས། ཐུགས་འུར་ཏེ། ཁྱོད་འཇིགས་ན་ངའི་གནས་ཚང་འགག་གི་ཡུ་འབོག་སྡོང་པོ་འདི་བསྒྱེལ་ཐུབ་པ་གྱིས། ང་འཇིགས་ན་ཁྱོད་ཀྱི་བཙན་ཁང་འགག་གི་དར་པོ་ཆེ་འདི་བསྒྱེལ་ཐུབ་པ་བྱེད་གསུངས་ནས་བཞུགས་(སྨད་ཆ།༢༧༤)མཚེར་དུ་ཕེབས། ཁྱབ་འཇུག་གི་ཐུན་གཏོར་གནང་བས་རླུང་ཚུབ་ཆེན་པོ་ཞིག་གློ་བུར་དུ་ལངས་ནས་སྦེ་དཀར་ལྕོག་གི་དར་པོ་ཆེ་བཅག། མཁན་ཚང་པ་རྣམས་ཀྱིས་སྡེ་པ་བྲག་ཁ་བ་བསྐུལ་ནས་སྡེ་བས་ལྷ་མི་དམ་ཚིག་སྲེ་བར་ཞུས་ཏེ་སྦེ་དཀར་ལྕོག་ཏུ་གདན་དྲངས། དེའི་ཚེ་ཐང་ལྷའི་གསོལ་ཀ་མཛད་ནས་འདིའི་གནས་སྲུང་ཐང་ལྷ་ལ་བཅོས་བས་ཁྱོད་རང་བྱེད་མི་དགོས། ཨོ་རྒྱན་རིན་པོ་ཆེས་མང་འོངས་པ་ན་ཐང་ལྷས་བྱེད་པར་གསུངས་ཡོད་ཅེས་པ་དང། ཁྱོད་ཀྱི་སྲོག་སྙིང་ང་ལ་ཡོད། ངའི་སྲོག་སྙིང་ཁྱོད་ལ་མེད་ཅེས་བབ་ལྕི་བའི་གསུང་བྱོན་པ་ནི། འཁོར་འདས་ཀྱི་ཚེ་སྲོག་ཐམས་ཅད་ལ་དབང་བསྒྱུར་བའི་ཕྱག་རྒྱ་ཟིལ་གནོན་གྱི་སྐུར་བཞེངས་པའི་རྟགས་སོ། དེ་ནས་ལྷ་མི་དམ་ཚིག་སྲེ་བར་མཛད། ཆོས་སྐྱོང་གི་དབུ་ལ་རྡོ་རྗེ་འཇོག་པ་སོགས་དམ་བསྒྲགས་སོ། ཟངས་རི་ཕྱོགས་སུ་ག་ཇག་པ་འཕུར་བའི་ཚེ་ཉི་མ་སྒྲིབ་པ་ཙམ་གྱི་མང་པོ་བྱུང་ནས་ལོ་ཐོག་ལ་གནོད་པ་ཆེན་པོ་བྱས་པར་གདན་དྲངས་པས་བྱིན་རླབས་མཛད་པ་ཅམ་གྱི་ག་ཇག་པ་རྣམས་ཙ་རི་དང་ཡར་ལྷ་ཤམ་པོའི་ཕྱོགས་སུ་བྲོས། དེ་དག་གི་སྙན་པ་ལ་བརྟེན་ནས་རོང་ཆང་དཀར་དུ་སྡེ་པ་རྒྱ་རི་བས་གདུ་དྲངས། ཡར་ལུང་དུའང་ག་ཇག་པའི་གནོད་པ་བྱུང་བ་སྔར་བཞིན་གཞན་དུ་བཟློག། ཤེལ་བྲག་ཏུ་རི་གཟར་གྱི་རྦབ་དང་ཤཱ་འོད་ཆེན་པོ་བསྒྱུར། དེ་ནས་སྐུ་མཆེད་ལྷན་གཅིག་ཏུ་བཞུགས། གཙང་ནས་སྡེ་པ་ཐོབ་རྒྱལ་ནས་བསྙུང་པར། རིག་འཛིན་ཕྲིན་ལས་རྣམ་རྒྱལ་ལ་གནད་འདྲེན་ནན་ཆེན་བྱུང་སྟེ་ཕེབས་པས། རོང་གི་ཆབ་ཚན་མ་འཕྲོད་པར་སྐུ་ཁམས་ལོག་སྟེ་འཕྲང་འགོར་ཕེབས་ཙམ་ལ་ཞིང་ཁམས་འཕོས། རྗེ་ཉིད་བྲག་ཁར་བཞུགས་པ་དང་འགྲིག་ནས་ངོས་ཀྱིས་ཞལ་མཇལ་མ་ཐུབ་ཀྱང་དགོངས་པ་རྫོགས་ཐབས་རྒྱ་(སྨད་ཆ།༢༧༥)ཆེར་མཛད། དཔལ་བཀྲ་ཤིས་སྟོབས་རྒྱལ་གྱ་གསེར་གདུང་ལ་ཞིག་གསོས་དང་གཟུངས་གཞུག་རབ་གནས་མཛད་དེ། འདི་ཙམ་ནས་རྡོ་རྗེ་བྲག་རང་དུ་བཞུགས་གཏན་ཆགས། ཡོལ་མོ་སྦྲུལ་སྐུ་དང་ཟུར་ཆེན་སོགས་སློབ་མ་རྣམས་ཀྱང་བྱོན། ས་སྐྱ། འབྲི་གུང། སྣེ་གདོང་སོགས་ཀྱིས་གཅོས་པའི་བོད་ཡུལ་གྱི་མི་ཆེན་ཆེ་དགུ་ཐམས་ཅད་ཀྱིས་མ་བཏུང་པར་མེད་དེ་ཀུན་གྱིས་གཙུག་ཏུ་བཀུར། ཡང་ཁམ་ཕྱོགས་སུ་མ་ཕེབས་གོང་གི་སྔ་ཐོག་ཅིག་རོང་བདེ་སྐྱོང་བས་གདན་དྲངས། ཆིབས་ལས་བབས་པ་དང་མཉམ་དུ་རྡོ་ལ་ཞབས་རྗེས་གསལ་བར་བྱུང་ཞིང། རྡོ་རྗེ་བྲག་གི་ལྟག་སྒོའི་རྡོ་ལ་ཞབས་རྗེ་གསལ་བར་བཞག་པས་སྐུ་འཁོར་འདུས་འདི་ལྟར་སྣང་ཞེས་ཞུས་པས། སྦས་པའི་ཚུལ་གྱིས། ངའི་མིན་ཡོད་སྦྲུལ་སྐུ་རིན་པོ་ཆེའི་ཡིན་ནས་ཞེས་གྲང་པོ་གཏེར་སྟོན་པར་ཟོལ་གྱིས་ཁ་བརྒྱུར་བར་མཛད་ནས་དངོས་སུ་ཞལ་གྱིས་མི་བཞེས། གཞན་ཡང་ཕྱག་ཞབས་ཀྱི་རྗེས་དུ་མ་བྱུང་བར་གྲས་སྐབས་ཤིག་ཐོབ་རྒྱལ་དུ་པའི་དུང་ཆོས་དང་གཟུང་ཐག་དེ་ཡོད་དམ་གསུངས་པས་དགུང་ལོ་མཐོན་པོར་སོན་ཀྱང་སྔོན་གནས་རྗེས་དྲན་ལ་ངོ་མཚར་སྐྱེས། གཤེན་པོ་སོགས་ཀྱི་སྐྱེ་བརྟག་སོགས་ཞུས་ནའང་སྔོན་མཇལ་མ་མྱོང་བ་ཞིག་ཡིན་ཡང་བྱད་དབྱིབས་ཚུན་འདི་འདྲ་འདུག་དང། སྐྱེ་བ་འདི་དང་འདྲ་འབྱུང་གསུངས་པ་ཐམས་ཅད་ཐོག་ཁེལ་མ་བྱུང་བ་མེད་པ་དང། སོག་ཟློག་མཛད་པས་སོག་དམག་ཁང་ཉེར་སླེབས་ཀྱང་ཕྱིར་ཟློག་པ་དང་ནང་འཁྲུག་སོགས་ཀྱི་ཨ་པ་ལང་ཧད་ཐེས་ཁེལ་མ་བྱུང་བ་མེད་པ་དང། སོག་ཟློག་མཛད་པས་སོག་དམག་ཁང་ཉེར་སླེབས་ཀྱང་ཕྱིར་ཟློག་པ་དང་ནང་འཁྲུག་སོགས་ཀྱིས་ཨ་པ་ལང་ཧད་ཐེས་ཇི་དཔུང་བཅས་རྗེས་མེད་དུ་བཏང་བའི་ཕྱག་བརྗེས་མངོན་སྣང་ཚང་མར་གྱུར་པ་སོགས་ངོ་མཚར་ཆེ་བའི་མཛད་པ་མཐའ་ཡས།(སྨད་ཆ།༢༧༦)དེ་ལྟར་རིག་འཛིན་ངག་གི་དབང་པོ་འདི་ཉིད་ཀྱིས་ལོ་གཉིས་གསུམ་ཙམ་གྱི་སྔོན་ནས། ཡོལ་མ་སྦྲུལ་པའི་སྐུར་གཏར་རྫས་བཀའ་རྒྱ་རྣམས་ཙིས་ལེན་དགོས་ཚུལ་དང། མི་རིང་བར་ལྷ་ཁང་རྟེན་བཞེངས་ཀྱང་མང་དུ་དགོས་པ་ཡོད། ངེད་ཀྱང་ད་ལྟ་དང་མི་འདྲ་བར་བླ་མ་གོང་མ་ཞེས་རྩིས་ཆེར་འགྲོ་ཞེས་སོགས་གསུངས་པ་ལྟར། ས་ཡོས་ནག་པ་ཟླ་བའི་ཚེས་བཅུའི་ཉིན་སྙུན་མངོན་གྱུར་མེད་པའི་ངང་ནས་འཕྲུལ་ཡུན་གྱི་སློབ་སྟོན་མང་བ་དང། སྔར་མི་མཛད་པའི་ངང་ནས་འཕྲུལ་ཡུན་གྱི་སློབ་སྟོན་མང་བ་དང། སྔར་མི་མཛད་པའི་བཤགས་རྒྱུད་ལེའུ་ཁོལ་ཕྱུར་ཚོགས་སུ་དེ་ནུབ་རང་འཛུགས་ནས་དགེ་བ་རྫོགས་བྱེད་དུ་བསྔོ་བ་སོགས་མཛད། གཟིམ་ཆུང་དུ་ཕེབས་ནས་གཟུགས་སྐུའི་བཀོད་པ་རེ་ཞིག་ཆོས་ཀྱི་བྱིངས་སུ་བསྡུ་བར་མཛད་པས་ངོ་མཚར་བའི་ལྟས་དུ་མ་དང། གདུང་བཞུ་བའི་དུས་འཇའ་འོད་འཁྱིལ་བ་དང་མེ་ཏོག་དཀར་པོ་ཁྲུང་ཁྲུང་གི་སྒོར་ང་ཙམ་གྱི་ཆར་བབས་པ་སོགས་བྱུང། དེ་ནས་རིག་འཛིན་ཡོལ་མོ་སྦྲུལ་པའི་སྐུས་ཐུགས་ཁུར་བཞེས་ཏེ་དགོངས་རྫོགས་རྒྱ་ཆེར་བསྒྲུབས་ཤིང། ཕྱིར་རྟེན་དུ་ཐུབ་ཆེན་གྱི་གསེར་སྐུ་བཞེངས། སྒྲུབ་སྐོར་གསུམ་གྱི་སྒོ་ནས་རབ་ཏུ་གནས་པ་སོགས་མཛད། དེ་ལྟར་གཤེགས་རྗེས་ཀྱི་བསྒྲུབ་དགོས་རྣམས་གྲུབ་ནས། ཡོལ་མོ་སྦྲུལ་སྐུ་བསྟན་འཛིན་ནོར་བུ་སྟོབས་ལྡན་ཤུག་འགྲོ་རྩལ་ཉིད་གདན་སར་བཞུགས་ཏེ་ཕྱོགས་བྲལ་གྱི་གདུལ་བྱའི་རེ་བ་བསྐོངས་པར་མཛད་དོ། དེ་ལྟར་རིག་འཛིན་ངག་གི་དབང་པོ་འདི་ནི་ཐུབ་བསྟན་རྡོ་རྗེ་བྲག་གི་ཆོས་སྡེ་ཐོག་མར་བཏབ་པ་དང་གདན་རབས་དང་པོ་ཡིན་པས་ལོ་རྒྱུས་ཅུང་ཟད་རྒྱས་པར་སྨོས་པ་ཡིན་ནོ། སྦྲུལ་སྐུ་བསྟན་འཛིན་ནོར་བུ་ནི། རྣམ་ཐར་ཞིབ་རྒྱས་གོང་དུ་སྨོས་པ་ལྟར་ལ་འདི་སྐབས་ཐུབ་བསྟན་རྡོ་རྗེ་བྲག་གི་གདན་སའི་ཁུར་བཞེས་མཛད་(སྨད་ཆ།༢༧༧)ནས་བཞུགས་པའི་དུས། རྗེ་བླ་མ་རིག་འཛིན་ཆེན་པོ་དེ་ཉིད་དག་པའི་ཞིང་དུ་གཤེགས་པའི་ལོ་དེའི་མགོ་ཟླའི་ཚེས་གཅིག་གི་མནལ་ལམ་དུ། ལུང་པ་རྒྱབ་ལྟོར་བསྟད་པ་མདོ་བྱང་དུ་བསྟན་པ་ཆུ་ཆེན་པོ་ཤར་དུ་འབབ་པ། གཡས་སུ་བྲག་དམར་པོར་མགོན་པོ་ཡོད་པ། རི་ཐང་མཚམས་ན་སྨིག་མ་ལ་སོགས་པའི་སྐྱེད་ཚལ་ཤིན་ཏུ་མཛེས་པ་ཞིག་ཏུ་ཕེབས་པས་ཟླ་བའི་དཀྱིལ་ན་རིག་འཛིན་ཆེན་པ་ངག་གི་དབང་པོ་དེ་ཉིད་གཡས་རྡོ་རྗེ་གཡོན་ན་སྐུ་གསུམ་རིགས་འདུས་ཀྱི་ཚེ་བུམ་བསྣམས་པ་ཞིག་དང་མཇལ་ཚུལ་བྱུང་བ་སོགས་ཤོག་ཁྲར་བཀོད་ནས་རྗེ་ཡབ་སྲས་གཉིས་ཀའི་སློབ་མ་ཟུར་ཆོས་དབྱིངས་རང་གྲོལ་ཞུས་པས། རིག་འཛིན་རྒྱལ་བའི་སྐུ་སྐྱེ་མྱུར་འབྱོན་དང། རིག་འཛིན་ངག་གི་དབང་པོའི་རྣམ་ཐར་བསྡུས་དོན་རྣམ་གྲོལ་ཆོསདབྱིངས་མ་དག་སྣ་བརྡ་འགྲོལ་ཧེ་རུ་ཀའི་འཆམ་འགྲོས་སོགས་མཛད། དེ་ཡང་ས་ཕྱོགས་དེ་འདྲ་ཞིག་ཏུ་སྦྲུལ་པའི་སྐུ་འཁྲུངས་པ་དང། བསྟན་པའི་རྒྱལ་མཚན་ཚུགས་པ་དང། རྗེ་ཉིད་དག་པའི་ཞིང་དུ་གཤེགས་པ་སོགས་ལ་བཞེད་པར་སྣང། དེ་ནས་སྦྲུལ་པའི་སྐུ་སྡེ་པ་རྣམ་སྲས་གླིང་པའི་སྲས་སུ་འཁྲུངས་པར་ཧ་ལམ་ངོས་འཛིན་གནང་ཞིང་རྗེ་ཉིང་ཐུགས་ཐག་ཚོད་པས་ཡུལ་སྲས་ལ་ཉེན་སེལ་ཚེ་གུར་སོགས་ཀྱི་དབང་དང། མཚན་བཅས་མཚན་མེདཀྱི་སྲུང་བ་སོགས་མཛད་ཅིང། སྐུ་སྲུང་གཏེར་རྫས་སོགས་ཀྱང་འདོགས་པར་གནང་ནས་སྦྲུལ་པའི་སྐུར་ཐེ་མི་ཚོམ་པའི་གསུང་ཤོག་སྡེ་པ་ཡབ་ཡུམ་ལ་ཆེད་སྩོལ་སོགས་དང་གྲཱ་རིགས་རྣམས་ལའང་སློབ་སྟོན་དེ་མཚུངས་གནང། དེ་ལྟར་བླ་མ་གོང་མའི་རྗེས་སྒྲུབ་དང། ཕྱི་མའི་ངོས་འཛིན་སོགས་གྲུབ་ནས་རིང་པོར་མ་ལོན་པ་(སྨད་ཆ།༢༧༨)ལ། རྗེ་བླ་མ་རིག་འཛིན་སྦྲུལ་པའི་སྐུ་ཉིད་ཀྱིས་ཀྱང་སྐུ་ཚེ་ཐ་མའི་མཛད་པ་སྟོན་པར་མཛད་དེ། དེ་ཡང་ཟབ་གཏེར་རྗེས་མ་རྣམས་བཞེས་མ་གྲུབ་པདང། སྔོན་བཞེས་པའི་གཏེར་ལུང་གི་མཛད་དགོས་འགའ་ཞིག་ཀྱང་མ་གྲུབ་པའི་རྐྱེན་དང། གཅོ་ཆེར་སྙིགས་དུས་ཀྱི་འགྲོ་བ་རྣམས་ལ་ཐུགས་སྐྱོ་བ་སོགས་ཀྱིས་མཛད་ཕྲིན་ཕལ་ཆེར་འཕྲོ་ཅན་དུ་གྱུར་ཏོ། སྦྲུལ་སྐུར་རིན་པོ་ཆེ་ཞབས་དྲུང་པདྨ་ཕྲིན་ལས་ནི། བདུད་འདུལ་རྡོ་རྗེའི་གཏེར་ལུང་ལས། ཨ་ཙར་ཡེ་ཤེས་དབྱང་སྦྲུལ་ལྷོ་ཚོགས་ནས༔ རིག་འཛིན་མིང་ཅན་ཐུགས་ཀར་སྨེ་ནག་བརྒྱན། ཅེས་དང། སྣ་ཚོགས་རྡོ་རྗེ་རལ་གྲིས་མཚན་པའི་རྒྱ་ཅན་ལས། ཆོས་འདི་སྦེལ་བའི་ཆོས་འདིའི་བདག༔ པདྨའི་མིང་ཅན་ལ་གཏོད། ཅེས་དང། རིག་འཛིན་གཏེར་བདག་གླིང་པའི་གཏེར་ལུང་ལས། བདུད་འཇོམས་སྦྲུལ་པ་ལས་ཀྱི་བཀའ་རྟགས་འཆང༔ ལོ་ཧའི་ཏར་འགྲམ་གསང་སྔགས་ཆོས་འཁོར་བསྐོར༔ ཞེས་སོགས་ལུང་བསྟན་པ་ལྟར། གཙང་པོ་ལྟོ་རྒྱུད་གཡོན་རུའི་ཕྱོགས་ལས་མོན་མཁར་ཞེས་ཡུལ་སྡེ་ཆོས་རྒྱལ་གྱི་གདུང་འཁྱར་རྒྱལ་པོ་ཁྱི་ཁ་ར་ཐོང་མོན་དུ་སྐྱུ་ལྕུགས་པ་སླར་ཕྱོགས་དེར་འདུག་པ་དེ་ལྟར་གྲགས་ཀྱང་ཟེར། གང་ལྟར་ཡང་ཡུལ་དེར་སུམ་བརྩེན་གྱི་གནས་ལ་འགྲན་བཟོད་པའི་རྣམ་སྲས་གླིང་ཞེས་པའི་གཞིས་ཀར་ཡབ་ཆོས་རྒྱལ་བྱང་པའི་གདུང་ལས་ཀརྨ་ཚོགས་དབང་པོ་དང། ཡུམ་འབྲུག་སྨྱོན་པའི་དཔོན་རིགས་ལས་རིག་འཛིན་བུ་ཁྲིད་དབང་མོ་ཞེས་པའི་སྲས་སུ་ཁྱུ་མཆོག་ཅེས་པ་ལྕགས་མོ་སྦྲུལ་གྱི་ལོའི་ཧོར་ཟླ་གཉིས་པའི་ཚེས་གསུམ་རེས་གཟའ་ཕུར་བུ་དང་རྒྱུ་སྐར་ནམ་གྲཱའི་ཉིན་གྱི་ཉི་ཤར་(སྨད་ཆ།༢༧༩)ཙམ་ལ་གནམ་ལོ་དེའི་འབྲུག་སྐད་ཐོག་མར་ལན་གསུམ་གྲགས་པ་སོགས་ངོ་མཚར་བའི་ལྟས་དུ་མ་དང་བཅས་སྐུ་བལྟམས་པར་གྱུར། དེ་སྐབས་རིག་འཛིན་ཡོལ་མོ་བ་ཆེན་པོའང་དེར་བཞུགས་པ་དང་སྟེས་འགྲིགས་པས། མ་བལྟམས་གོང་ནས་ཡུལ་ལ་ཕན་པའི་ཐབས་སྣ་ཚོགས་དང་དྲག་སྔགས་འདུས་པའི་ལྕགས་ཕུར་སོགས་ཡུམ་སྲས་གཙང་སྦྲ་དགོས་ཚུལ་དང་དྲག་སྔགས་འདུས་པའི་ལྕས་ཕུར་སོགས་ཡུལ་སྲས་མཙང་སྦྲ་དགོས་ཚུལ་དང་བཅས་སྐུ་སྲུང་དུ་སྩལ་པར་མཛད། དེ་ནས་མི་རིང་བ་ལ་རིག་འཛིན་དེ་ཉིད་ཀྱིས་རིག་འཛིན་ངག་གི་དབང་པོའི་སྐུ་སྐྱེ་ཡིན་པས་གཙང་སྦྲ་དང་རེ་ཞིག་གསང་རྒྱ་དགོས་ཚུལ་སོགས་ཕྱག་བྲིས་སྩལ། སླར་ཡང་ཉིད་ཀྱིས་ཚེ་སྒྲུབ་ལྕགས་སྡོང་མ་དང་ཉང་གི་དྲག་དམར་སོགས་དབང་འགའ་ཞིག་ཀྱང་ཕུལ། དེ་ནས་ཀྱང་རིན་པོ་ཆེ་དཔལ་གྲགས་པ་རྫོང་བདའ་གནང་ནས་ངོས་འཛིན་ཡོངས་གྲགས་མཛད། དེ་ནས་མི་རིང་བར་ཡོལ་མོ་བ་དེ་ཉིད་སྐུ་གཤེགས་ཀྱང་རིན་པོ་ཆེ་དཔལ་གྲགས་སོགས་ཀྱིས་ཁུར་ལེན་བགྱིས་ཏེ་ཆོས་སྐྱོང་ཁག། ཇོ་བོའི་མདུན་དུ་བརྟག་སྒྲིལ་སོགས་མཐུན་པར་ཐག་བཅད། དེ་སྐབས་རྣམས་སུ་སྙིང་ཕུ་རིག་འཛིན་སྙིང་པོ་དང། ཀོང་སྨྱོན་ཧེ་རུ་ཀ་ནམ་མཁའ་འཇིགས་མེད་སོགས་ཀྱིས་ཀྱང་རྟེན་འབྲེལ་བསྒྲིགས་ཕྱོགས་དང་བསྔགས་བརྗོད་གང་ཆེ་མཛད། དེ་དག་ལས་ཆོས་འབྲེལ་ཉེན་སེལ་དབང་སོགས་ཀྱང་གསན། ཤིང་བྱར་གཅུང་རྣམ་པཎ་ཀྱང་འཁྲུངས། དེ་ནས་དགུང་ལོ་དྲུག་པ་ལ་རིན་པོ་ཆེ་ཨཾ་རྒྱག་པ། དཔལ་གྲགས་པ། བླ་མ་བྲག་ལྷ་བ་སོགས་བུ་ཆེན་རྣམས་ཀྱི་གདན་སར་དྲངས་འདུས་ཚོགས་ཀྱིས་སེར་སྦྲེལ་དང་བཅས་ཐུབ་བསྟན་རྡོ་རྗེ་བྲག་གི་གཙུག་ལག་ཁང་ཆེན་པོར་ཆོས་ཀྱི་ཁྲི་ལ་མངའ་གསོལ། འབྲས་སྦུངས་སུ་ཀུན་མཁྱེན་རྒྱལ་བའི་དབང་པོ་ཐམས་ཅད་མཁྱེན་པ་ལྔ་པ་རིན་པོ་ཆེར་གཙུག་ཕུད་(སྨད་ཆ།༢༨༠)ཕུལ་བས། མཚན་བློ་བཟང་པདྨ་ཕྲིན་ལས་ཐེག་མཆོག་དབང་གི་རྒྱལ་པོ་ཡོངས་འདུས་སྟེར་ཞེས་པ་སྩལ་ཚེ་དབང་སོགས་ཆོས་ཐུན་ཕྲན་བུ་དང། ཞབས་བརྟན་ཚིགས་བཅད་མ་སོགས་སྩལ། དེ་ནས་སྔགས་ཀློག་སོགས་སྦྱངས་པས་མཁྱེན་རབ་ཆེ་བའི་ཚད་དུ་གྱུར། དགུང་ལོ་བདུན་བརྒྱད་དུས་གུང་ཐང་དུ་ཟུར་ཆེན་དང། དགུང་ལོ་དགུ་པ་ནས་བཟུང་རིམ་པར་ཀུན་མཁྱེན་ལྔ་པ་ཆེན་པོ་སོགས་ལས་རང་ལུགས་ཚེ་བདག་སོགས་བྱང་གཏེར་གཙོ་བོར་གྱུར་པའི་དབང་ལུང་མང་དུ་གསན་ཡོངས་རྫོགས་དགེ་བསྙེན་ཀྱང་བསྒྲུབས། རྗེ་བཀའ་འགྱུར་པ་ལས་ཀྱང་ཆོས་བཀའ་མང་དུ་གསན་ཅིང། འདི་སྐབས་ཤིག་སྡེ་པདགོན་པ་ནས་པད་དཀར་ལྟས་སྦྱིན་གྱིས་གདན་དྲངས། གྲ་གཙང་དང་བཅས་སྙེ་མོར་ཕེབས། དེ་དུས་གསོལ་དཀར་རྒྱང་རིང་དུ་ལྷུང་བ་ཆག་གྲུམ་མེད་པི་ངོ་མཚར་ཆེ་བ་བྱུང། སྐབས་གཞན་འགར་ཡང་བདུད་རྩི་ཁོལ་བ་སོགས་ལྟས་བཟང་མང་དུ་བྱུང། དགུང་ལོ་བཅུ་གཅིག་པ་ལ་རྒྱལ་པོ་མཆོད་ཡིན་དང་ཀུན་མཁྱེན་ལྔ་པ་ཆེན་པོའི་རྒྱལ་བའི་བཀའ་འགྱུར་རོ་ཅོག་གིས་ལུང་གནང་བར་གསན་པར་ཕེབས། དེ་སྐབས་འདུལ་ལུང་དུས་ཁྱབ་བདག་བཀའ་འགྱུར་བས་མཁན་པོ་དང། ཉི་མ་གླིང་པ་ཚུལ་ཁྲིམས་བབ་ཤིས་ཀྱིས་སློབ་དཔོན་མཛད་ནས་དགེ་ཚུལ་དུ་སྒྲུབ། གཞན་ཡང་སྔ་ཕྱིར་བཀའ་ཆོས་མང་དུ་གསན། རིག་འཛིན་ཡོལ་མོ་བའི་གཅུང་སྒམ་སྨྱོན་ཕྱག་རྡོར་ནོར་བུ་ལས་ཀྱང་བཀའ་བརྒྱན་དྲག་པོ་རང་བྱུང་རང་ཤར་སོགས་བཀའ་ཆོས་དང་དུག་དབང་རྡོ་རྗེ་ཕ་ལམ་(སྨད་ཆ།༢༨༡)ལན་གསུམ་སོགས་གསན། གཡས་ཕུ་བ་རྡོ་རྗེ་འཆང་དཀོན་མཆོག་དཔལ་འབྱོར་ལས་ཀྱང་ཆོས་མང་དུ་གསན་ཅིང། དེ་སྐབས་ཚད་མའི་བསྡུས་རྐང་ཀྱང་བསླབ་སྦྱངས་མཛད་པས་མཁས་པར་མཁྱེན་། ཁྱད་པར་དུ་ཚལ་གུང་ཐང་དུ་སྔ་ཕྱིར་ལན་མང་དུ་ཕེབས་ཤིང། ཟུང་ཆེན་རྡོ་རྗེ་འཆང་ཆོས་དབྱིངས་རང་གྲོལ་གྱི་ཞབས་པད་མཉེས་པ་གསུམ་གྱིས་བསྟེན་ནས་གསང་སྔགས་བཀའ་གཏེར་གྱི་ཆོས་ཚུལ་མཐའ་ཡས་པ་གསན་ཅིང། ཁྱད་པར་དུ་ཁྲིད་ཀྱི་ཐོག་མར་རིག་འཛིན་ལེགས་ལྡན་རྗེས་ཆུ་བོ་རི་མཚོ་རྒྱལ་ཕུག་ནས་གཏེར་དུ་བཞེས་པ་བླ་མ་སྐུ་གསུམ་མའི་འཁྲིད་འདུ་ཡན་ཆིག་བརྒྱུད་ཡིན་འདུག་པ་དེ་གནང་སྐབས་སེམས་ཚོལ་གྱི་དུས་དྲི་བ་ནན་ཏན་གནང་བའི་བཀའ་ལན་དུ་སེམས་ལ་བཟོ་དབྱིབས་ཁ་དོག་སོགས་དངོས་པོར་གྲུབ་པ་རྡུལ་ཙམ་ཡང་མི་འདུག་ཐག་ཆོད་ཡིན༔ ངེས་པར་བཟོ་དབྱིབས་སོགས་དགོས་ཚེ་འདི་ལྟར་སྣང་བའི་དངོས་གཟུགས་ཐམས་ཅད་སེམས་ཀྱི་གཟུགས་སུ་འདུག་པས་ངེད་ཀྱང་སྔགས་པར་སོང་གཤེས་སེམས་ཀྱི་དབྱིབས་གྲུབ་གསུམ་ཁ་དོག་ནག་པོ་ཞིག་འདུག་གསུངས་པས། བླ་མ་ཆེར་དགྱེས་ནས་བཞད་ཅིང། དེ་ལྟར་ན་ངོ་བོ་ཡང་གདུག་ཅིང་མི་བསྲུན་པར་ཡོད་དམ་ཞེས་པའི་ཞལ་བཀུར་ཡང་གནང་སྐད། གཞན་ཡང་རྫོགས་ཆེན་ཀ་དག་རང་བྱུང་རང་ཤར་དང། དགོངས་པ་ཟང་ཐལ་ཡང་ཏིག་ཅེས་སྒྲོན་ཐུན་མོང་མ་ཡིན་པའི་ཞལ་བཀུར་ཡང་གནང་སྐད། གཞན་ཡང་རྫོགས་ཆེན་ཀ་དག་རང་བྱུང་རང་ཤར་དང། དགོངས་པ་ཟང་ཐལ་ཡང་ཏིག་ཅེས་སྒྲོན་ཐུན་མོང་མ་ཡིན་པའི་ཟབ་ཁྲིད་མང་དུ་གསན་ཅིང། ཉམས་བཞེས་བརྡར་ཤ་ཆོད་པར་གནང། གཞན་ཡང་དེར་བཞུགས་སྐབས་འབྲས་སྦུངས་ཀུན་མཁྱེན་རྒྱལ་བའི་དབང་པོ་མཇལ་བ་དང། འབྲི་གུང་ཆོས་ཀྱི་གྲགས་པ་ལྷ་སར་ཕེབས་པར་འབྲོམ་སྟོད་དུ་མཇལ་བར་དཔོན་སློབ་གཉིས་ཆར་ཕེབས་ནས་ཆར་ཀའི་ཟོང་དབང་དང།(སྨད་ཆ།༢༨༢)ཡང་ཟློག་རྣོན་པོ་ནང་གཅོད་སོགས་གསན། སླར་ཡང་གུང་ཐང་དུ་ཕེབས་ནས་ཆོས་འཕྲོ་རྣམས་གསན། གཅོད་གསང་བ་རྨད་བྱུང་མའི་ཁྲིད་ཀྱིས་སྐབས་ལྷོངས་ཀྱི་རྣམ་པས་སྐུ་ཤིན་ཏུ་སྙུངས་པའི་དུས་ཕན་གནོད་བྱེད་པའི་ལྷ་འདྲེ་རྣམས་དང། ཁྱད་པར་ཐུགས་ཀྱི་རྒྱལ་པོ་མངོན་རྟོགས་བཞིན་དང། ལྷ་མོ་ལྕགས་ཕུར་མ་སོགས་དངོས་སུ་གཟིགས། དེ་ནས་རིམ་གྱིས་ཀུན་མཁྱེན་རྒྱལ་བའི་དབང་པོའི་སྐུ་ཞབས་ལས་ཐུགས་རྫོགས་བཞེས་ཤིང། སླར་ཡང་ཀུན་མཁྱེན་ཉིད་ཀྱིས་པཎ་ཆེན་སྡོམ་རྒྱུན་བཞེས་པ་ན་རྗེ་འདིར་ཡང་བཀའ་ཕེབས་བཞིན་སྡོམ་རྒྱུད་ཁྱད་ནས་ཀུན་མཁྱེན་ཉི་ལས་པཎ་ཆེན་སྡོམ་རྒྱུད་ཀྱ ་གསན། འདུལ་བའི་ལག་ལེན་ལ་དཔྱད་པར་གཙང་ཞིང་ཕྱག་ལེན་ཐེབས་པ་གནང་འགག་གི་མཚམས་སོགས་ལ་མཁྱེན་དཔྱོད་ཡངས་པས་འདུལ་འཛིན་སོ་སོའི་བཞེད་པ་སོགས་མ་འདྲེས་པར་མཁྱེན་པས་འཁྲུལ་བ་མི་མངའ་ཞིང། གཞི་གསུམ་ཡི་ཆོ་གའི་ལག་སོགས་ལ་མཁས་ཤིང་ཁྱད་པར་སྐུ་ཚེ་རིལ་པོར་བླ་གོས་གསུམ་འབྲེལ་སྦང་དང་སྟན་གཅིག་གི་བརྟུལ་ཞུགས་ལས་ནམ་ཡང་གཡེལ་བ་མེད་པ་སོགས་འདུལ་འཛིན་མང་པོའི་ཁྲོད་ནའང་རྗེ་འདི་དང་མཚུངས་པ་དཀོན་ནོ། གཞན་ཡང་གྲུབ་མཐའ་རིས་སུ་མ་ཆད་པའི་ཆོས་ཚུལ་རྒྱ་མཚོ་ལྟ་བུར་གསན་བསམ་མཛད་ཅིང། གསན་པ་དེ་དག་ཀྱང་གསན་ལོ་ཐོབ་ལོ་ལྟ་བུ་མ་ཡིན་པར་སྒོམ་སྒྲུབ་ཀྱིས་གཏན་ལ་ཕག་པའི་ཉམས་བཞེས་མཛད་དེ་བསྙེན་སྒྲུབ་མཛད་ཚུལ་ཅུང་ཟད་གཤམ་དུ་འཆད་ལ། སྒྲ་དང་སྙན་ངག་ཡིག་རིགས་སྡེབ་སྦྱོར་སོགས་ལའང་སྦྱོང་བརྡར་ཅི་རིགས་གནང། ཁྱད་པར་སྔགས་མཚན་ཉིད་ཀྱི་གཞུང་ཆེན་པོ་ཐམས་ཅད་ལ་གཟིགས་པ་རྒྱ་ཆེ་བས་མཁྱེན་རྟོགས་ཀྱི་རྩལ་རྫོགས། རྡོ་རྗེ་(སྨད་ཆ།༢༨༣)འཆང་དཀོན་མཆོག་དཔལ་འབྱོར། ཁྱབ་བདག་བཀའ་འགྱུར་བ་མགོན་པོ་བསོད་ནམས་མཆོག་ལྡན། ཁྲ་ཚང་བ་བློ་མཆོག་རིག་པའི་རྡོ་རྗེ། ས་སྐྱ་བདག་མེད་ཆེན་ཀུན་དགའ་བཀྲ་ཤིས། ཟུར་ཆོས་དབྱིངས་རང་གྲོལ། སྦྲུལ་སྐུ་གཏེར་བདག་གླིང་པ། ཀུན་མཁྱེན་རྒྱལ་བའི་དབང་པོ་སོགས་གསར་རྙིང་རིས་མེད་ཅིང་ཡོངས་འཛིན་དུ་མ་བསྟེན་ནས་དམ་པ་དེ་དག་གི་ཐུགས་བརྒྱུད་ལ་མངའ་བའི་ཡོན་ཏན་ཐམས་ཅད་བདག་གི་ལོངས་པ་མཛད། དེ་ལྟར་གསན་བསམ་རྫོགས་ནས་སྒྲུབ་པ་ཉམས་བཞེས་མཛད་པའི་ཚུལ་ཡང། གཙོ་ཆེར་བྱང་གཏེར་དང་གཞན་གཏེར་ཁ་གསར་རྙིང་མང་པོ་དང། དེ་མཚུངས་གསང་སྔགས་གསར་མའི་རིགས་ཀྱང་མང་དུ་མཛད་དེ་ཆེ་ལོང་ཙམ་ཞིག་སྨོས་ན། བྱང་གཏེར་ཐུགས་རྗེ་ཆེན་པོ། རིག་འཛིན་གདུང་སྒྲུབ། ཐུགས་སྒྲུབ་མཐིང་ཀ། ཡུམ་བཀའ་ཕག་མོ། བཀའ་བརྒྱད་རང་ཤར། ཚེ་སྒྲུབ་ལྕགས་སྡོང་མ། བྱང་གཏེར་ཕུར་པ། བསྟན་སྲུང་ཡོངས་རྫོགས། ཉང་གི་དྲག་དམར་བཀའ་བརྒྱུད་བདེར་འདུལ་སྨན་སྒྲུབ་བཅས་དང། ཆོས་དབང་གི་བླ་མ་གསང་འདུས། བཀའ་བརྒྱད་གསང་རྫོགས། ཡོངས་རྫོགས་ཕུར་སྒྲུབ། ཐུགས་རྗེ་ཆེན་པོ་ཡང་སྙིང་འདུས་པ། འཁོར་བ་དོང་སྦྲུལ། ཡང་དག་ཟུར་བཀའ། འཆར་ཀ་གནམ་སྐས་མ། ཕུར་པ་སྦུ་གྲོ་སོགས་དང། རྒྱ་ཞང་གི་ཚེ་བདག་གཞི་བསྙེན་ལན་གསུམ། མཆོད་རྟེན་སྒྲུབ་པ། གཤེན་རྗེ་ཁྲོ་ཆུ། རྟ་མགྲིན་ཡང་གསང། ལས་འབྲེལ་རྩལ་གྱི་ཕྱག་རྡོར། རིན་ཆེན་གླིང་པའི་ནཱ་ན་རཀྵ། རརྣ་གླིང་པའི་གུར་དྲག་མེ་འཁྱིལ་། བླ་མ་དགོངས་འདུས་བསྙེན་པ་ཚ་བ་དམར་ཐག། ལེགས་ལྡན་རྗེའི་དྲག་པོ་དབུ་དགུ། ཚེ་སྒྲུབ་བདུད་ཙི་འཁྱིལ་པ། དབང་པོའི་སྡེའི་གུ་(སྨད་ཆ།༢༨༤)རུ་སྐུ་གསུམ་རིགས་འདུས། ཀརྨ་གུ་རུ། རྒྱ་ཅན་ཡང་གསང་ཀརྨ་དྲག་པོ། རིག་འཛིན་སྲོག་སྒྲུབ། འཆི་མེད་དཔལ་སྟེར། བདུད་རྩི་བུམ་པའི་སྒོམ་བཟླས་སོགས་དང་བཅས། དེ་དག་ཀྱང་གྲངས་བསྙེན་ཚད་ལྡན་ལན་གཉིས་གསུམ་ལྡ་དྲུག་སོགས་མཛད་པ་མང་ཞིང། ཐམས་ཅད་ལ་ཁ་བསྐང་སྦྱིན་སྲེག་བཅས་མཛད་ཅིང། དེ་ཡང་བྱས་ལོ་ཙམ་མ་ཡིན་པར་བསྐྱེད་རྫོགས་ཀྱི་སྐྱང་བར་ནས་བཏོན་པའི་གནད་སྨིན་ཁོ་ན་དང། དེ་བཞིན་དུ་ས་ལུགས་ལའང་དཔལ་རྡོ་རྗེ་ཡབ་ཡུམ་གཉིས་ཀར་གཞི་བསྙེན་ཚད་ལྡན་དང། ཀུན་རིག་རྩ་བསྙེན། ན་རོ་མཁའ་སྦྱོད། བདེ་མཆོག་ནག་པོ་པ། མགོན་པོ་བྲག་རྫོང་མར་ཕྱི་འཁྲིད་དང་བསྟན་པའི་བསྙེན་པ་ཚེ་སྒྲུབ་ཞག་བདུན་མ། རྡོ་རྗེ་འཇིགས་བྱེད་རཱ་ལུགས། གཤེད་དམར་སོགས་འདིར་ཐོར་ཅམ་སྨོས་པ་ཡིན་ཏེ། མཐའ་དག་ནི་རྣམ་ཐར་ཆེན་མོ་ལས་ཤེས་པར་བྱའོ། གང་མཛད་དེ་དག་ཁ་བསྐོང་སྦྱིན་སྲེག་སོགས་བཤད་ཚོད་དང་མཐུན་པ་ཕྱག་ལེན་དུ་བཏབ་ཅིང། རྒྱུན་ལྡན་ཐུགས་དམ་གྱི་རིགས་ཀྱང་ལྗགས་བསྙེན་སོང་རིགས་ཕལ་ཆེར་ལ་ཞག་རེ་བསྙེན་པ་སྟོང་ཕྲག་རེ་དང། དྲག་པོ་དབུ་དགུ། ཕུར་པ་ཀཱི་ལ་ཡ། ཡང་དག་ཟུར་ཀའི་རུ་ལུ། གཤིན་རྗེ་ཁྲོ་ཆུ། པདྨ་ཡང་གསང་རྣམས་ཟླ་རེར་ཁྲི་ཕྲག་གསུམ་རེ་འགྲོ་ཙིས་དང་གུ་རུ་ཞི་དྲག། བདེ་གཤེགས་སྦྱི་དྲིལ། སོ་ལྔ་བ།

ཻ་རིང། དུ་རྒ་ཡིག་བརྒྱད། རྣལ་འབྱོར་མ། ཉང་ལུགས་དྲག་དམར་སོགས་བརྒྱ་རེ་ཉུང་མཐའ་སོགས་གནང་སྟེ། ཡི་དམ་གྱི་རིགས་དེ་དག་ལ་སོ་སོའི་ཕྲིན་ལས་ཀྱི་གཞུང་བསྲང་ནས་གཏོར་སྔོ། བདག་འཇུག་ལེན་པ། སྦྱིན་སྲེག་སོགས་དང་རྡོ་རྗེ་ཆོས་སྐྱོང་གྲངས་ལས་འདས་པ་སོ་སོར་གཏོར་ཆོག་དང། བར་(སྨད་ཆ།༢༨༥)བར་དུ་ཆོས་སྦྱོད་གང་འགྲོ། རྫོགས་ཆེན་ལྟར་དུས་བཞི་མཉམ་སྦྱོར་གྱི་ཉམས་བཞེས་དང་གཙོ་བོ་ཀ་དག་ལྷུན་གྲུབ་དང་བསྐྱེད་རྫོགས་གསུམ་གྱི་ལམ་ལས་སྐད་ཅིག་ཀྱང་འདའ་བ་མེད་པར་མཛད་དེ་མཐའ་དག་ནི་རྣམ་ཐར་ལས་ཤེས་པར་བྱ་ལས་འདིར་བྲི་བར་མ་ལངས་ཤིང། ཉིན་ཞག་རེའི་ཐུགས་དམ་མཛད་ཚུལ། འདིདག་སྔ་ཚེ་སྐུ་ན་གཞོན་དུས་ལས་དགུང་ལོ་ཞེ་བདུན་ནས་ཐུགས་དམ་མཛད་ཚུལ་ཤོག་ལྡབ་བདུན་བརྒྱ་ཙམ་འདུག་སྟེ་མཐའ་ཡས་སོ། བསྙེན་སྒྲུབ་མཛད་ཚུལ་འདི་རྣམས་ཀྱང་སྔ་མོ་ཞིག་དུས་ཏེ་དེ་ཕྱིན་གོང་འཕེལ་དུ་གྱུར་ཚུལ་ཀྱང་ལྷ་ལྡན་བསམ་ཡས་རྣམས་སུ་ལོ་ལྟར་ཕེབས་ཚུལ་གྲངས་མེད་དང། གཞན་ཡར་འབྲོག་ལྷོ་ཁ་ཕྱོགས་སོགས་ལ་མང་དུ་ཕེབས་ཤིང། གཙང་ལ་སྟོད་ཟད་ཟང་ལྟ་བྲག་ཚུན་ཞབས་ཀྱི་བཅག་དེ་དག་ཀྱ་གཙོ་བོར་བཀའ་ཆོས་ཆེད་གཉེར་དང་གཞུང་ས་མཆོད་ཡོན་ནས་བསྐུལ་བའི་བོད་ཁམས་བདེ་ཐབས་ཀྱི་རིམ་གྲོ་སོགས་སྒྲུབ་དགོས་ཀྱིས་ཕེབས་སྐྱོད་གནང་བ་དང། བཀའ་ཆོས་འཆད་སྦེལ་ཡང་རྒྱལ་བའི་གསུང་རབ་རིན་པོ་ཆེ་བཀའ་འགྱུར་རོ་ཅོག་གི་ལྗགས་ལུང་གིས་མཚན་པའི་མདོ་སྔགས་གསར་རྙིང་སྦྱི་དང་བྱེ་བག་རྙིང་ལུགས་ལ་མདོ་དབང་ཆེན་མོ་ལན་གསུམ་དང། གཞན་བཀའ་བརྒྱད་རྣམ་གསུམ། གཤེད་སྐོར་གསར་རྙིང། བྱང་གཏེར་གཙོ་གྱུ་དབང་ལུང་དང། དགོངས་པ་ཟང་ཐལ་ཡང་ཏིག་བཅེས་སྒྲོན་སོགས་ཟབ་འཁྲིད་དུ་མས་སྐལ་ལྡན་རྣམས་ཀྱི་བརྒྱུད་ཡོངས་སུ་སྨིན་པར་མཛད་པ་ནི་གཞི་བྱེས་ཐམས་ཅད་དུ་ཐུགས་རྩོལ་གང་ཅེ་གནང་ཞིང། རབ་བྱུང་དགེ་ཚུལ་སློང་སོགས་ཀྱི་མཁན་པོ་མཛད་པའང་གྲངས་ཀྱི་མི་ཆོད་ཅིང། གང་ལ་གང་འཚམས་(སྨད་ཆ།༢༨༦)ཀྱིས་གདུལ་བྱ་སོ་སོའི་རེ་བ་ཡོངས་སུ་རྫོགས་པར་མཛད་དོ། རྟེན་བཞེངས་ཀྱི་རིགས་ཀྱང་ཐུབ་བསྟན་རྡོ་རྗེ་བྲག་གི་འདུ་ཁང་ཆེན་མོ་བརྟེན་པ་དང་བཅས་པ་གསར་བཞེངས་དང། དེ་དང་རྗེས་འབྲེལ་གཟིམ་ཆུང་ཕྱི་ནང། མགོན་ཁང་སོགས་ཀྱི་རྟེན་ཆེ་ཕྲ་བྲིས་འབུར་གྱིས་མཚོན་པའི་རྟེན་གསུམ་ལེ་ལག་དང་བཅས་པ་ཇི་སྙེད་པ་དེ་དག་ལ་གསེར་གྱི་རྒྱལ་མཚན་འགན་ཛྙཱ་ར་སོགས་ངོ་མཚར་བཀོད་པ་བློའི་རབ་ལ་བརྒལ་བར་བསྐྲུན་པ་དང། བསྟན་བཅོས་ཐུགས་རྩོམ་གྱི་རིགས་ཀྱང། ཀུན་མཁྱེན་ལྔ་པ་རིན་པོ་ཆེས་བསྐུལ་བས་མདོ་དབང་ཆེན་མོའི་རྣམ་བཤད་དབང་ཆོག་སོགས་ཀྱིས་མཚན་པའི་བོད་ཆེན་བཅུ་གསུམ་ཙམ་ཡོད་ལ། དེ་དག་ཀྱང་ལུང་རིགས་ཀྱི་སྐྱ་བར་ནས་འདོན་པའི་ལེགས་བཤད་གོ་བདེ་ཞིང་ལག་ལེན་འཇུག་བདེ་བ་ཁོ་ན་དང། གྲུབ་པའི་མཚན་མ་མངོན་གྱུར་གྱིས་རྟགས་ཀྱང་མངོན་པར་ཤེས་པ་ལ་ཆགས་ཐོག་མི་མངའ་བ་དང། ལྷག་པའི་ལྷ་དུ་མའི་ཟལ་གཟིགས་ལུང་ལ་ཆགས་ཐོག་མི་མངའ་བ་དང། ལྷག་པའི་ལྷ་དུ་མའི་ཞལ་གཟིགས་ལུང་བསྟན་ཐོབ་པ་དང། རྡོ་རྗེ་ཆོས་སྐྱོང་རྣམས་བྲན་དུ་ཁོལ་བས་བསམ་ཡས་གནོད་སྦྱིན་ཆེན་པོས་ཀྱང་གུས་འདུད་དང་དམ་ཚིག་གི་རྡོ་རྗེ་སྦྱོ་བོར་འཇོག་པ་དང་དུ་བཞེས་པ་ལན་མང་མཛད་པ་དང། བར་དོའི་སེམསཅན་མང་པོ་མངོན་སྣང་དུ་གཟིགས་ཤིང་སྐྱེ་བ་བཟང་པོར་སྦོར་ནུས་པ་སོགས་མཐའ་ཡས་གཞན་ཡང་བསྐྱེད་རྫོགས་སྒྲུབ་ཕྲེང་གི་ལག་ལེན་སྦྱི་དང་བྱེ་བྲག་བཀའ་བརྒྱད་ཚེ་བདག་སོགས་ཀྱིས་གཅོས་པའི་མན་ངག་ལག་ལེན་ཐམས་ཅད་ཀུན་མཁྱེན་རྒྱལ་བའི་དབང་པོ་ཉིད་ཀྱི་ཐུགས་སྲས་དམ་པར་གྱུར་པས་བུམ་པ་གང་བྱོར་གསན་པས་ཁུངས་བཙུན་ཞིང་དཔྱད་པ་གཙང། དེ་ཉིད་བཅུ་སོགས་(སྨད་ཆ།༢༨༧)རྡོ་རྗེ་འཛིན་པའི་ལས་རབ་འབྱམས་ཐམས་ཅད་ལ་མངའ་དབང་འབྱོར་བས་གསང་བའི་བདག་པོ་དངོས་སུམ་བྱོན་པ་ལྟ་བུ། འགྲོ་བ་ཐམས་ཅད་ལ་བརྩེ་བའི་ཐུགས་རྗེ་བླ་ན་མེད་པའི་རྒྱལ་སྲས་སེམས་དཔལ་ཆེན་པོ། བསླབ་གསུམ་རྣམ་པར་དག་པའི་ཚུལ་ཁྲིམས་ལ་ཁ་ན་མ་ཐོ་བའི་ཉེས་པའི་དྲི་ཕྲ་མོས་ཀྱང་མ་གོས་པའི་གནས་བརྟན་འདུལ་བ་འཛིན་པ་ཆེན་པ་སྟེ། མདོར་ན་ཡོན་ཏན་གྱི་ཕུང་པ་གཞལ་དུ་མེད་པས། རིག་འཛིན་གཏེར་བདག་གླིང་པས་ཀྱང། རྒྱལ་བ་དྲུག་པའི་བཀའ་ལེན་དུ། འཆད་སྦེལ་གྱི་ཕྲིན་ལས་ཐམས་ཅད་རྡོ་རྗེ་བྲག་རིག་འཛིན་སྦྲུལ་སྐུ་ལས་ལྷག་པ་ཞིག་ད་ལྟའི་སྐབས་ཕྱོགས་གང་ནའང་མེད་པ་འདྲ། ཞེས་ཕུལ་འདུག་པས་ཀྱང་ཤེས་སོ། ཁྱད་པར་དུ་རྗེ་འདི་གྲུབ་མཐའོ་ཕྱོགས་འཛིན་གྱི་འཆིང་བ་ཐམས་ཅད་རང་སར་ཞིག་པར་རིས་མེད་ཀྱི་བསྟན་ལ་ཐུགས་བསམ་དཀར་བ་ལས་ཀུན་སློང་གནག་པ་མི་མངའ། ཆོས་བརྒྱད་དང་འདུ་འཛིཻཾ་ཐམས་ཅད་སྦངས་ནས་ཆོས་ཀྱི་གཞུང་ལས་ཇི་སྐད་བཤད་པ་ཐམས་ཅད་ཕྱག་ཏུ་བཀའ་བའི་མཛད་པ་རྨད་དུ་བྱུང་བདག་གིས་སྐུ་ཚེ་འཁྱོལ་བར་མཛད་ཅིང། ཞལ་སློབ་ཀྱི་རིགས་ཀྱང་གྲངས་ཀྱིས་མི་ཚོད་པ་བཞུགས་ཀྱང་རེ་རེ་ནས་འབྲིར་མ་ནུས་ལ་སྐུ་ཚེ་ཡང་མཐར་ཕྱིན་པ་བཞུགས་ཀྱང། བོད་སྦྱིའི་བསོད་ནམས་ལས་སུ་རུངས་པ་དང་སྙིང་བསྟན་ཆག་སྒོ་བོད་བ་དུས་མཚུངས་པར། ལོག་སྨོན་དུས་སུ་སྨིན་པའི་དམ་སྲི་མི་སྲུན་པ་དག་གིས་རྫུ་འཕྲུལ་གྱིས་དངོས་དང་བརྒྱུད་ནས་ཆེད་དུ་བོས་པའི་མགྲོན་པོ་ཡིད་སྲུབ་བདག་པོ་དཔུང་དང་བཅས་པའི་ཚོགས་ཀྱི་རྙིང་བསྟན་མཐའ་དག་དམིགས་མེད་དུ་རྒྱས་གདབས་པའི་རྐྱེན་གྱིས་གཤེགས་ཚུལ་མཛད་ཀྱང།(སྨད་ཆ།༢༨༨)ཁམས་གཙང་སོགས་ཀྱི་བུ་ཆེན་ཞལ་སློབ་རྣམས་ཀྱིས་མཆོད་སྦྲིན་སྦྲོ་བ་དང་དགོངས་པ་རྫོགས་ཐབས་ཀྱང་ཅི་རིགས་མཛད་པར་སྣང་ངོ། དེ་ནས་མི་རིང་བ་གནམ་སའི་དབང་ཕྱུག་གོང་མ་ཆེན་པོའི་བཀའ་དྲིན་གྱིས་མ་རུང་པ་དེ་དག་ཕྱིར་བསྐྲད་ནས་གངས་ཅན་ལྷ་མིའི་གཙུག་རྒྱན་རྒྱལ་བ་ཐམས་ཅད་མཁྱེན་གཟིགས་ཆེན་པོ་སེང་ཁྲིར་ཞབས་དཔ་བཀོད་པ་ནས་རྙིང་བསྟན་མཐའ་དག་སོར་ཆུད་ཅིང། ཁྱད་པར་ཐུབ་བསྟན་རྫོ་རྗེ་བྲག་གི་བསྟན་པའི་མེ་རོ་གསོས་ནས་རིམ་གྱིས་སོར་ཆུད་ཚུལ་སོགས་གཤམ་དུ་འཆད་འགྱུར་ལས་ཤེས་སོ། རིག་འཛིན་སྦྲུལ་པའི་སྐུ་སྐལ་བཟང་པདྨ་དབང་ཕྱུག་ནི། མོད་ཁམས་སྒང་དྲུག་ལས་སྦོ་འབོར་སྒང་དུ་གཏོགས་པའི་ཁམས་ལྕགས་མདུད་ཅེས་པ་སྦས་དྲུག་ལས་སྦོ་འབོར་སྒང་དུ་གཏོགས་པའི་ཁམས་ལྕགས་མདུང་ཅེས་པ་སྦས་གནས་ཀྱི་གྲངས་སུ་འཛིན་པ་སྟེ། བློན་པོ་བཀའ་ཐང་བཀའ་ཞབས་གཏེར་སྐྱོང་གི་ལེའུ་ཉེར་དགུ་པ་ལས། གཙང་རོང་ཉག་རོང་ལྷོ་རོང་དང༔ ཀོང་པོ་རོང་སྟེ་ལས་སྒོ་བཞི། རི་ནི་མཚོན་ཆ་གནས་གཟིངས་འདྲ། ཆུ་ནི་རྦ་ཀློང་རལ་ནག་བསིགས༔ ནགས་ཚལ་རྩི་ཤིང་མུན་གཏིབས་འདྲ༔ ས་ནི་གཞུ་རྒྱུད་ཙམ་པ་ལ། གནས་ནི་རལ་གྲི་ཙམ་ལས་མེད། ཟས་སུ་སྔོ་དེང་ཤིང་ཐོག་ཟ༔ གོས་སུ་མེ་རླུང་སྦྱོར་བ་གྱོན། གནས་ས་བྲག་ལ་ཆུ་ཡོད་དེར། ཞེས་གསུངས་པ་དང་མཚུངས་པ་ཕྱི་གངས་རི་དང་རྫ་རིའི་ར་བས་བསྐོར་ཞིང་ནང་དུ་རྩི་ཤིང་ནགས་ཚལ་གྱིས་གཏིབས་ཤིང་ཆུ་འཕྲང་སོགས་བགྲོད་དཀའ་བ། མི་རྣམས་རྩིང་སྦྱོད་ཁོ་ནས་དུས་འདའ་བ། སྔོན་ཆོས་རྒྱལ་བྱང་པ་ཡབ་སྲས་ནས་མདོ་ཁམས་སུ་ཕེམས་དུས་ཞབས་ཀྱིས་བཅགས་ཤིང་གསང་ཆེན་རྡོ་རྗེ་ཐེག་པའི་(སྨད་ཆ།༢༨༩)ཆོས་ཀྱི་གདུལ་ཞིང་དུ་གྱུར་ཅིང། འགྲོ་བ་རྣམས་སྨིན་གྲོལ་གྱི་དགའ་སྟོན་མཛད་པའི་དྲིན་ལསདེང་སང་ཀྱང་སྔ་འགྱུར་གྱི་བསྟན་པར་དད་འདུན་ཆེ་བའི་ཕྱོགས་དེར་ཡུལ་གླུ་སྟོད་སྨད་གཉིས་ལས་འཛིན་སྨདཟེར་བའི་གྲོང་དུ། ཆོས་རྒྱལ་མེས་དབོན་གྱི་གདུང་ཞིག་ཕྱོགས་དེར་བསྡད་ཚུལ་ལས་ཆད་པའི་རིགས་ལས། ཡབ་བློ་བཟང་ཟེར་བ་དང། ཡུམ་ཕག་མོ་སྒྲོན་མ་གཉིས་ཀྱི་སྲས་སུ་འཁྲུངས། དེ་ཡང་ཡུམ་གྱི་ལྷུམས་སུ་ཞུགས་དུས་རྨི་ལམ་དུ་ཐོ་རེངས་ཀྱི་ཆར། བླ་མ་དབུ་ཞཱ་དམར་པོ་བཞེས་པ་ཞིག་གིས་དབང་བསྐུར་ཞིང། མར་ཀློགས་འདྲ་བའི་རིལ་མོ་གཏད་པ་གསལ་པོ་བྱུང་ཐོག། གཉིས་སད་པར་ལུས་ངག་ཡིད་གསུམ་བདེ་ཉམས་ཀྱི་རྣམ་པ་འཆར་ཚུལ་དང། ཡབ་ཀྱི་རྨ་ལམ་དུ་རང་གི་ཁང་ཐོག་ཏུ་རྒྱལ་མཚན་མང་པོ་བཙུགས་པ་དུས་མཉམ་དུ་བྱུང་བ་དང། ཟླ་བ་དེར་མེ་ཏོག་དམར་སེར་མང་པོ་སྔར་མེད་གསར་དུ་སྐྱེས་ཚུལ་སོགས་དགེ་མཚན་གྱི་ལྟས་མང་དེ་ནས་ས་ཕག་ཟླ་བ་བཅུ་གཉིས་པའི་ཚེས་གྲངས་མ་ངེས་པ་ཞིག་ལ། ནམ་གྱི་ཕྱེད་ཆ་ཙམ་ལ་སླེབས་དུས་སུ་སྐུ་བལྟམས་པས་ཁང་པའི་ནང་ཐམས་ཅད་ནམ་ལངས་པ་འདྲ་བར་འོད་དཀར་པོ་ཞིག་གིས་ཁྱབ་པ་དང། འབྲུག་སྐད་ཆེ་བ་ཞིག་གྲགས་པ་སོགས་ཡུལ་མི་ཀུན་གྱིས་ལེགས་འཛིན། སྐབས་དེ་དག་ཙམ་དུ་རྡོར་བྲག་རང་གི་དགོན་ལག་མདོ་སྒར་གྲཱ་ཚང་དུ་སྔར་དུས་ནས་གནོད་སྦྱིན་ཆེན་པོ་ཁོག་བརླམས་ཡོད་འདུག་པས་དེ་དུ་ཐོག་འབེབས་མཛད་ནས་ལྕགས་ལ་མི་ཆེན་སི་དང་སྒར་གྲཱ་ཚང་རྣམས་ལ་ད་ཆ་རིག་འཛིན་ཆེན་པོ་དེ་ཉིད་ཀྱི་ཡང་སྲིད་ཡུལ་ཕྱོགས་དང་ཕ་མ་འདི་ལྟ་བུ་ཞིག་ལ་ཡོད་ཚུལ་སོགས་ལུང་བསྟན་གནང་བྱུང་བ་བཞིན་འཕྲལ་དུ་གྲཱ་པ་གཉིས་འོན་སེང་ལ་བཏང་བར་ཇི་བཞིན་ཐོག་ཁེལ་བྱུང་བ་དང།(སྨད་ཆ།༢༩༠)སླར་ཆོས་སྐྱོང་རང་གིས་ངོས་འཛིན་པའི་དུས་ལ་བབས་པའི་ཚེ་ལྕགས་ལའི་སྐུ་ཚབ་་དང་བླ་མ་པདྨ་འབྱོར་ལྡན་སྐུ་བསྟེན་པ་བཅས་ཁྱོན་རྟ་པ་ལྔ་བཅུ་སྐོར་ངོས་འཛིན་བྱོན། ཉེ་འཁོར་དུ་གུར་བརྒྱབ་ནས་བསྡད། ནང་པར་སྔ་ཆར་གསེར་སྐྱེམས་བདེན་བདར་བྱས་ཐོག། སྦྲུལ་པའི་སྐུ་ཡུམ་གྱིས་ཁུར་ནས་བྱོན་པས་ཚམ་མེད་པར་ཁྲི་ཐོག་ཏུ་ཕེབས་ནས། གསོལ་ཇ་བཞེས་འཕྲལ་ཇ་ཞག་ལ་ཚེ་བུམ་གྱི་དབྱིབས་འདྲ་བ་ཞིག་བཅོས་ནས། བླ་མ་འབྱོར་ལྡན་སོགས་དེར་ཡོད་རྣམས་ལ་ཚེ་དབང་བསྐུར་ཚུལ་མཛད། དེ་སྐབས་རིག་འཛིན་གོང་མའི་སྐུ་ཆོས་ཤིག་དང་དགེ་སློང་འབྱོར་ལྡན་རང་གི་ཆོས་གོས་གཅིག་བཅས་བསྟན་པར་གོང་མའི་སྐུ་ཆོས་དེར་ངོས་འཛིན་མཛད། གཞན་མ་སྐུ་གསུང་ཐུགས་རྟེན་སོགས་ཡོད་པ་རྣམས་ཀྱང་འཁྲུལ་པ་མེད་པར་ངོས་འཛིན་བྱུང་བས། དེར་འཁོད་ཐམས་ཅད་དགའ་སྐྱོ་ཟུང་འབྲེལ་གྱི་མཆི་མ་དབང་མེད་དུ་འགྲུལ་ཞིང། ཐེ་ཚོམ་མེད་པའི་ངེས་ཤེས་འདྲོང། དེར་ཁོད་རྣམས་ཀྱིས་འདི་རིག་འཛིན་མཆོག་གི་སྐུའི་ཡང་སྲིད་ཡིན་འདུག་པས། གདན་འདྲེན་ཞུ་རྒྱུ་ཡིན་བྱས་པར། ཡུལ་མི་རྣམས་ཀྱིས་འདི་ཁྱོད་ཚོའི་བླ་མའི་སྐུ་སྐྱེ་ཡིན་མིན་མི་ཤེས། རྡོ་རྗེ་བྲག་ཟེར་པ་ངེད་ཚོའི་མིག་གིས་མ་མཐོང་རྣ་བས་ཀྱང་མ་ཐོས་ཡིན་དུ་སྲིད་ཀྱང་འདིར་དེང་ཚོའི་མགོ་ཐོག་ཏུ་མེ་ཏོག་ཕོག་པའི་ལྷ་སྐལ་ཡིན་པས་གཏོང་རྒྱུ་མིན་ཟེར་བར། གྲ་འཁོར་རྣམས་ཀྱིས་ཞི་དྲག་དུ་མའི་སྒོ་ནས་ཐབས་སྣ་ཚོགས་བྱས་ཀྱང། ཡུལ་ས་བཙན་པ་དང། མི་རྣམས་རོ་གྱོང་བ་བཅས་ཉན་འཇོག་མེད་ཅིང། གང་ཅི་ནས་བྱེད་ཐབས་ཟད་པ་བྱུང་འདུག་པར་དེ་མ་ཐག་སྦྲུལ་པའི་ཆོས་སྐྱོང་ཆེན་པོ་ཁོག་བརླམས་ཐོག་རིག་འཛིན་ཆེན་པོ་འདི་ཉིད་མྱུར་དུ་གདན་འདྲེན་པ་ལྟར་ཕེབས་པ་ཡིན།(སྨད་ཆ།༢༩༡)གལ་ཏེ་མི་གཏོད་ན་ངེད་ཀྱིས་ཡུལ་འདིར་ནད་མུག་འཁྲུག་རྩོད་སོགས་མི་ཤེས་པ་སྣ་ཚོགས་གཏོད་རྒྱུ་ཡིན་ཞེས་གྲི་སྐོར་སོགས་ཀྱི་འཚུབ་ལྟོངས་ཤིན་ཏུ་ཆེ་བར་བསྟན་པས། དེ་ནས་ཁོ་རང་ཞེད་ནས་ཡུལ་ཁམས་སུ་མི་ལེགས་པ་བྱུང་དོགས་ཀྱིས་གཏོར་བར་ཁས་བླངས། ཡབ་ཡུལ་ཁམས་སུ་མི་ལེགས་ཏེ་ལི་ཐང་དུ་ཕེབས། དེར་ཞག་བཞི་ཙམ་བཅག་མལ་བྱས་ནས་ཉེ་འབྲེལ་རྣམས་ཀྱིས་རྟ་སྐྱེལ་དང་བཅས་རིམ་བཞིན་ཞབས་པད་བསྐྱོད། དེ་ནས་ཆོས་སྐྱོང་གནོད་སྦྱིན་ཆེན་པོའི་ལུང་བཞིན་མཐའ་འདུལ་གྱི་གཙུག་ལང་ཁང་དུ་གྲགས་པའི་སྔར་གྲུབ་ཆེན་ཐང་སྟོང་སོགས་སྐྱེས་ཆེན་དུ་མ་དང་ཕྱིས་རིག་འཛིན་ངག་གི་དབང་པོས་ཀྱང་ཞབས་ཀྱིས་བཅགས་ཤིང་ཇོ་བོ་སོགས་རྟེན་མཆོག་ཁྱད་པར་ཅན་ཡོད་པའི་མི་ཉག་དཔལ་ལྷ་ཁང་དུ་ལྕགས་ལ་རྒྱལ་བློན་གྱིས་ཆིབས་བསུ་དང་བཅས་ཕེབས་ནས་རེ་ཞིག་དེར་བཞུགས། ལྔགས་ཀློག་ཕུལ་དུ་ཀ་དཔེ་ནས་ཆོས་བསྡུས་གཏོང་བ་ལས། འབྲུ་གསེད་སོགས་དགོས་པ་མ་བྱུང་བས། ཀུན་གྱིས་ཡ་མཚན་དུ་འཛིན། འདི་སྐབས་རིག་འཛིན་གོང་མའི་ཐུགས་སྲས་སུ་གྱུར་པའི་བཀའ་ཆོས་གསན་རྒྱ་ཆེ་ལ་མཁྱེན་དཔྱོད་མཚུངས་ཟླ་མེད་པ་གྲུབ་དགོན་བླ་མ་ཐེག་མཆོག་བསྟན་པའི་རྒྱལ་མཚན་ཉིད་དར་མདོ་སྒར་གྱི་བླ་མར་ཕེབས་རྗེས་རྒྱ་ནག་ཏུ་ཕེབས་པ་ཡིན་འདུག་པས་ལོ་འཁོར་ནས་ཕྱིར་དར་མདོར་འབྱོར་འཕྲལ་དུ། སྦྲུལ་པའི་སྐུ་མཇལ་པར་ཕེབས། ཐོག་མའི་རྟེན་འབྲེལ་དུ་ཕུར་པའི་དབང་རྒྱས་པ་རས་ཀྱི་དཀྱིལ་འཁོར་དུ་དབང་ཆོག་རིན་ཆེན་བུམ་བཟང་གི་སྟེང་ནས་ཕུལ་ཞིང། དེ་སྐབས་གནམ་བསྐོས་འཇམ་དབྱངས་གོང་མ་ཆེན་པོའི་ལུང་གིས་ཀུན་མཁྱེན་དྲུག་པ་ཆེན་པོ་བློ་བཟང་རིན་ཆེན་ཚངས་དབྱངས་རྒྱ་མཚོ་ཉིད་བསམས་བཞིན་(སྨད་ཆ།༢༩༢)དུ་སྐྱེ་བ་བཞེས་པའི་ཁམས་གསུམ་འགྲོ་བའི་བླ་མ་གོང་ས་སྐྱབས་མགོན་རིན་པོ་ཆེ་སྐལ་བཟང་རྒྱ་མཚོ་སླར་ཡང་གོང་མའི་དཔུང་ཚོགས་ཡན་ལག་བཞི་ལྡན་གྱིས་ཞབས་གཏེག་སྟེ་ཕོ་བྲང་རི་བོ་གྲུ་འཛིན་དུ་འཇིགས་མེད་སེང་གེའི་ཁྲིར་སྦྱན་དྲངས་ཤིང། བསྟན་དགྲ་མ་རུང་པ་དེ་དག་རྣམས་ཀྱང་སྦྲང་མས་མེ་ལྕེར་མི་བཟོད་པ་བཞིན་དུ་བྲོས་ནས་བོད་འབངས་བདེ་སྐྱིད་དགའ་སྟོན་གྱི་དཔལ་ལ་སྦྱོད་ཅིང་བསྟན་པ་སྦྱི་དང་བྱེ་བྲག་རྙིང་ལུགས་ལ་གོང་ས་ལྔ་པར་སྔོན་གནས་རྗེས་དྲན་གྱིས། གོང་མ་རིག་འཛིན་ཆེན་པོ་དེ་ཉིད་ཀྱི་བསྟན་པར་དགོངས་པའི་ཆོས་གཞིས་ཡས་མས་སྦྱོང་དུས་འབྲས་སྦྲུངས་སྦྱི་སོར་ཆུང་པ་རྣམས་ཀྱང། བཀའ་གཏན་ནང་བཞིན་ཕྱིར་སློག་བཀའ་དྲིན་བསྐྱངས་པར། རྗེ་གོང་མའི་གསོལ་དཔོན་དགེ་དབང་དབུས་མཛད་རབ་འབྱམས་་དཔལ་བཟང། གཉེར་པ་དགེ་སློང་ཆོས་འཁོར་དང་ན་སྦུག་ཆོས་མཛད་ཕན་བདེ་གཉིས་ལ་སྦྱི་མཐུན་གྱི་སྐོས་བཞག་བྱས་ཏེ། རེ་ཞིག་ཤེད་གྲོང་གཞིས་ཁར་ལྕགས་བྱི་ལོ་ནས་རྡོ་བྲག་རང་བསྟན་གྱི་མགོ་ཚུགས་དེ་སྐབས་རིག་འཛིན་གོང་མའི་སྐུའི་ཡང་སྲིད་ཕྱོགས་གར་ཕེབས་ཀྱི་བསམ་ཡས་ཆོས་སྐྱོང་ས་སྐྱ་ཞཱ་དམར་ནག་སོགས་ལ་ཐུགས་དམ་བརྟག་པ་ཞུས་པར་ཆོས་སྐྱོང་ནས་སྐུའི་ཡང་སྲིད་སྐོར་ཉིས་ཟློས་དང་འཁྲུལ་གཞི་སོགས་མི་ཡོད་བའི་ཁག་ཐེག། མི་འགྱངས་པར་གཏམ་སྙན་ཡོད་ཕེབས་དོན་བཞིན་དར་རྩེ་མདོ་ནས་ལྕགས་ལ་མི་ཆེན་དབོན་གྱི་འགྲོན་གཉེར་རྣམ་རྒྱལ་ཚཻ་རིང་ལྷ་ལྡན་དུ་འབྱོར་བའི་བཀའ་ཤོག་ལ་མཆོག་གི་སྦྲུལ་སྐུ་ངོས་འཛིན་ཧ་ལམ་གྲུབ་པའི་གཏམ་སྙན་བྱུང་འཕྲལ། རྡོ་རྗེ་བྲག་ནས་སྔ་འགྲོས་སུ་པདྨ་གྲགས་པ་བཏང་ནས། སྦྲུལ་པའི་སྐུ་དང་ལྕགས་ལ་རྒྱལ་པོ་གཉིས་ཀར་ཞུ་ཡིག་རྟེན་ཕུལ། དེ་རྗེས་དགེ་(སྨད་ཆ།༢༩༣)སློང་ཆོས་འཁོར་དབུ་མཛད་བྱེད་དགོས་པའི་སྟབས་ཀྱིས་གཉེར་ཚབ་ཏུ་དགེ་སློང་རིག་འཛིན་གྱིས་ཁུར་ལེན་བྱས། སླར་ཡང་བླ་མ་ཆོས་སྐྱོང་རྣམས་ལ་གསུང་བརྟག་ཡང་བསྐྱར་ཞུས་པས། ཀརྨ་པ་ཡབ་སྲས་གཉིས་ནས་ཁམས་ཕྱོགས་ལ་ཕེབས་པར་འགྱུར་བ་མེད། ཅེས་དང། བསམ་ཡས་ཆོས་སྐྱོང་ཆེན་པོས་ཀྱང་གཞན་མ་སྔར་བྱས་ལྟར་ཡིན་ཞེས་སོགས་ཕེབས། ཡང་བསྐྱར་ལྷ་ལྡན་ཇོ་བོའི་སྐུ་མདུན་དུ་རྟགས་རིལ་ཕུལ་བ་དང། ཐམས་ཅད་ཀྱི་ལུང་བསྟན་མཐུན་པར། ཁམས་རང་ལ་ཕེབས་པ་ཐག་ཆོད་པའི་གདན་འདྲེན་ལ་གཉེན་པ་ཆོས་མཛད་ཕན་བདེ། པདྨ་བསྟན་འཕེལ། པདྨ་སངས་རྒྱས་དོན་ལྡན། འཇམ་དབྱངས། སྨན་རམ་པ་ངག་དབང་རྡོ་རྗེ་སོགས། ཁྱོན་ཤིན་ཤུ་སྐོར་བཅས་བྱོན། ཆུ་སྟག་ཟླ་བ་དང་པོ་ཚེས་བཟང་པོ་ཞིག་ལ། སོ་སོའི་བཞུགས་རྟེན་འགན་སྦྱར་གྱི་མཚན་པའི་གོས་སྣ་ཆ་ཚང་དང་སྐུ་གསུང་ཐུགས་རྟེན་གོང་མའི་ཉེར་སྦྱོད་སྒོར་སོགས། འདྲ་གཉིས་བཅོས་ཏེ་ངོས་འཛིན་ཕུལ་བར་འཁྲུལ་མེད་གནང། དེ་སྐབས་བོད་ཀྱི་གདན་འདྲེན་པ་རྣམས་འཛིན་ཕུལ་བར་འཁྲུལ་མེད་གནང། དེ་སྐབས་བོད་ཀྱི་གདན་འདྲེན་པ་རྣམས་ཀྱི་ལྕགས་ལ་ས་དབང་ཆེན་མོར་ད་ཆ་བོད་ཀ་གདན་འདྲེན་ཞུས་ཆོག་པ་དགོས་ཞེས་ཡང་ཡང་སྙན་འབུལ་ཞུས་པར་རྐྱེན་དབང་སྣང་ཚོགས་ལ་བརྟེན་པའི་རེ་ཞིག་ཞལ་བཞེས་མ་བྱུང་བས་རིམ་ལུས་ཐོག། ཆོས་སྐྱོང་ནང་སྔར་དར་རྩེ་མདོར་འཚུབ་ཆ་ཡོད་གནང་བ་དང། དེ་དུས་ཀྱང་འབྱུང་བཞིའི་འཇིགས་པ་ཆེན་པོ་ཡོད་པས་བཟློག་ཐབས་བཀའ་འགྱུར་ཁྲི་ཆར་བ་གྲུབ་དགོས་པ་སོགས་གནང་འདུག་ཀྱང་སྦྱི་སྒེར་ཀུན་གྱིས་རིམ་འགྱངས་སུ་ལུས་པར་བསྟེན་དེ་ལོ་མདོར་ས་གཡོས་ཚབས་ཤིན་ཏུ་ཆེ་བས་འཐིབ་འོག་ཏུ་ཚུད་པའི་མི་དྲོན་ཆེ་བ་དང། ལྷག་པར་ལྕགས་ལ་ས་དབང་ཆེན་པོ་ཉིད་ཀྱང་(སྨད་ཆ།༢༩༤)རྐྱེས་ལམ་དུ་སོང། སླར་ཡང་ལྕགས་ལར་བོད་དུ་ཅིས་ཀྱང་གདན་འདྲེན་ཞུས་ཆོག་པ་དང་དེ་མིན་འདིར་རྒྱུད་རིང་ན་ད་དུང་ཅི་འདྲ་ཡོང་མི་ཤེས་པའི་དགོངས་ཁྲོལ་ཐུགས་རྗེ་ཆེ་བ་གནང་དགོས་ཞུས་དོན་བཞིན་རེ་འབྲས་དོན་སྨིནགྱིས་བཀའ་བཞེས་ཀྱང་སྩལ་དེ་ནས་བོད་དུ་ཆིབས་སྐྱོད་གནང་རྒྱུའི་གྲ་སྒྲིག་མཛད། དེ་ནས་སྦྲུལ་པའི་སྐུ་རིན་པོ་ཆེ་ཡུལ་དབུས་ཕྱོགས་སུ་ཆིབས་ཁ་བསྒྱུར་བས། ལྕགས་ལ་ཨ་དགའ་ལྷ་ལྕམ་ཆེན་མོ་དཔོན་བློན་ཐམས་ཅད་ནས་སྐུ་རྫོང་དུ་རྟ་དྲེལ་གསེར་དངུལ་གོས་དར་ཇ་སོགས་དངོས་རྫས་རྣམས་སྦོམ་བསྟོད་ནས་ཕུལ། རྟ་ལོ་ཟླ་བ་དང་པོའི་ཚེས་དགུའི་ལྔ་ཆར་གྲུབ་དགོན་བླ་མ་དང་ཨ་དགའ་ལྷ་ལྕམ་དཔོན་གཡོག་བརྒྱ་སྐོར་གྱིས་རྟ་སྐྱེས་གདུགས་རྒྱལ་མཚན་རྒྱ་གླིང་སོགས་རྟེན་འབྲེལ་གྱི་ལེགས་ཚོགས་དུ་མ་དང་བཅས་དཔལ་ལྷ་ཁང་ནས་བཏེག་བཞག་བྲའི་ཐང་དུ། བླ་མ་དམ་པ་དང་ས་དབང་ཆེན་མོ་བཅས་ནས་བརྟན་བཞུགས་རྒྱས་པ་ཞིག་གི་རྟེན་འབྲེལ་དང་འཕྲལ་ཕུགས་ཀྱི་བསླབ་བྱང་ཡང་དག་སྙན་འབུམ་ཞུས། ཨ་དགའ་ལྷ་ལྕམ་དང་ཨ་ཀྱང་རྣམས་ནས་དགུང་ལོ་ཉི་ཤུའི་ཐོག་ཏུ་ཐུགས་རྫོགས་བཞེས་གྲུབ་ནས་གདན་འདྲེན་ལ་ཡོད་ཟེར་བ་ཁས་ལེན་ཀྱང་ཞུས། དེ་ནས་རིམ་གྱིས་གཏེག་པའི་ལྕགས་ལའི་སྐུ་ཚབ་ཨ་ཀྱང་དྲུང་ཡིག་རྡོ་རྗེ་དང་ཤཱཀྱང་གཉིས་གདན་ས་བར་སྐྱེལ་བར་གཏོང་བ་དང་བཅས་ཏོར་ཁོགས་བརྒྱུད་སྡེ་དགེ་ཡིད་ལྟུངས་སུ་འབྱོར་དུས་བླ་མ་པདྨ་མདོ་སྡེ་དང་ཡིད་ལྟུངས་དཔོན་ཚེ་བརྟན་དང་ཚེ་དབང་ལྷུན་གྲུབ་བཅས་རྟ་བསུ་དང། དེ་ཉིན་དཔོན་ཚེ་བསྟན་གྱིས་གདན་དྲངས་ནས་གསེར་དངུལ་ཇ་གོས་དང་རྟ་ནོར་སོགས་འབུལ་ནོད་རྒྱས་པར་བསྟབས། ཚེ་དབང་ཞིག་མཛད་པས་དེ་ཉིན་ནམ་མཁའ་དག་ཅིང་འཇའ་གུར་ཕུབ་པ་དང་མེ་ཏོག་(སྨད་ཆ།༢༩༥)གི་ཆར་འབས་སོགས་དགེ་མཚན་བསམ་གྱི་མི་ཁྱབ་པ་བྱུང། རྗེ་ཉིད་ཀྱི་ཨ་ནི་ཕྱག་ཆ་དཔོན་མོ་སྒྲོལ་མ་མཆོ་སོགས་ཀྱིས་གདན་དྲངས་དང་བསྙེན་བཀུར་འབུལ་ནོད་རྒྱ་ཆེར་ཕུལ། དེ་སྐོར་དུ་ཞག་བདུན་ཙམ་བཞུགས། མ་ཡུལ་དག་གཉེར་པ་སོགས་གྲོགས་བཅས་ཆོས་འཁོར་གྲུ་བརྒྱུད་བྱང་ལམ་དུ་བཏང། རོག་ཏམ་དགོན་ནས་རྫོགས་ཆེན་སྦུལ་པའི་སྐུ་རིན་པོ་ཆེས་གདན་དྲངས་པ་ལྟར་ཕེབས། དགེ་འདུན་སུམ་བརྒྱ་སྐོར་གྱིས་གདུགས་རྒྱལ་མཚན་འཕན་དར་སོགས་སེར་སྦྲེང་ཚར་དུ་དངར་བས་མདུན་བསུས་ཏེ་དགོན་པར་ཞབས་པད་བཀོད། སྦྲུལ་པའི་སྐུར་ཚེ་སྒྲུབ་ལྕགས་སྡོང་མའི་ཚེ་དབང་བརྒྱ་ཚར་དང་ཡུལ་མི་སྦྱིར་ཁྲོམ་དབང་རྒྱས་པར་གནང། བླ་བྲང་དང་བླ་ཁག་སྦྱི་སྒེར་གྱིས་རིང་འཚོའི་མཎྜལ་སོགས་འདེབས་ཐོགས་པ་སྙིང་གིས་མཚན་དངོས་པོའི་བརྒྱ་འབུམ་གཟབ་རྒྱས་མཛད་ཅིང། རྗེ་ཉིད་ནས་མཆོད་ཁང་སྟེང་འོག་བར་གསུམ་དུ་བཀྲ་ཤིས་པའི་མར་ཏོག་འཐོར་བའི་བཀའ་དྲིན་སྩལ། རིམ་གྱིས་སྡེ་དགེ་ས་སྐྱོང་བསྟན་པ་ཚེ་རིང་ལྷ་ལུང་ཁུགས་སུ་ཕེབས་པའི་བཞུགས་སྒར་ནས་རྟ་བསུ་དང་དབུ་སྐོར་གྲཱ་ཚང་རྣམ་གདུགས་རྒྱལ་མཚན་བ་དན་རོལ་ཆ་སོགས་ཀྱིས་མདུན་བདར་ཏེ་བཞུགས་སྒར་དུ་ཕེབས། བློས་མི་རེ་བཞིན་གསོལ་སྟོན་སོགས་གཟའ་རྒྱས་ཀྱིས་མཆོད། དཔོན་ཡབ་སྲས་གཉིས་ལ་རྟ་མགྲིན་ཟླ་རྒྱལ་ལུགས་སམ་ལྕགས་རལ་ཆན་དུ་གྲགས་པའི་སྐུ་གསུང་ཐུགས་ཀྱི་རྗེས་གནང་དང། ཚེ་སྒྲུབ་ལྕགས་སྡོང་མའི་ཚེ་དབང་ཕུལ། སྡེ་དགེ་དཔོན་ཡབ་སྲས་རྣམས་ནས་ལེགས་སྐྱེས་སུ་བདེ་བར་གཤེགས་པའི་གསུང་རབ་འབྲིང་པོ་འབུམ་གྱིས་གཙོས་པའི་གསེར་དངུལ་ཇ་གོས་དར་རྟ་(སྨད་ཆ།༢༩༦)དྲེའི་མང་པ་དང་མཛོ་གཡག་བརྒྱ་ན་བཟའ་དགུན་ཆས་ལགས་པ་དུང་རྒྱ་གླིང་སོགས་དངོས་རྫས་བསམ་མི་ཁྱབ་པའི་འབུལ་ཆེན་མཛད་ནས་ཞབས་བཏེགས། ཟླ་བ་བརྒྱད་པའི་ཚེས་གཅིག་གི་ཉིན་ཁམས་སྦྲུལ་སྐུ་ངག་དབང་ཀུན་དགའ་བསྟན་འཛིན་གྱིས་བཞུགས་སྒར་དུ་གདན་དྲངས། དགེ་འདུན་རྣམས་ཀྱི་སེར་སྦྲེང་དང། མི་རིགས་མི་གཅིག་པ་དྲུག་ཅུ་རེ་གཉིས་ཀྱི་འདྲ་འཕག་སྣ་ཚོགས་གྱོན་ཞིང་ཆས་གོས་སོགས་ངོ་མཚར་བ། མཁའ་འགྲོ་བཅུ་དྲུག་རྒྱལ་ཆེན་བཞི། གནས་ཡུལ་གྱི་དཔའ་བོ་མཁའ་འགྲོའི་གསོབ། ཧ་ཤང་རྩེ་འབག་སོགས་ཨོ་རྒྱན་རྒྱལ་པོའི་ཕོ་བྲང་དུ་མཚོ་སྐྱེས་རྡོ་རྗེ་སྦྱན་དྲངས་པའི་ལོ་རྒྱུས་ལའང་སྐྱེངས་པ་སྟེར་ནུས་པ་བསམ་གྱིས་མི་ཁྱབ་པས་མདུན་བདར་ཏེ་གཟིམ་གུར་ཁྲི་བཀོད་སོགས་དཔང་སྟོད། དར་ཕྱག་གི་རྩེ་སྦྲོད་མཛད། གསེར་དངུལ་གོས་དར་ཞི་བའི་ཆོས་གསོ་ཉེར་སྦྱོད། རོལ་ཆས་སོགས་ཆིབས་རྟ་ནོར་སོགས་དངོས་པོའི་འབུལ་ནོད་དཔངས་མཐོ་བར་ཕུལ། དེ་ནས་རིམ་པར་ཆིབས་སྐྱོད་གནང་བར་འབྲིང་གུང་རྫོང་གསར་དུ་ཕེབས། རྟ་པ་སུམ་ཅུ་སྐོར་གྱིས་ཆིབས་བསུ་དང་རྗེ་ཆོས་ཀྱི་གྲགས་པའི་མཆོག་སྦྲུལ་མཇལ་བས་ཁྲི་དཔངས་མཐོན་པོར་བསྟོད་པ་གནང་ཞིང། ལམ་བར་གྱི་དྲི་བ་སོགས་ཞིབ་རྒྱས་དང་འཆི་མེད་དཔལ་སྟེར་གྱི་ཚེ་དབང་ཞིང། ལམ་བར་གྱི་དྲི་བ་སོགས་ཞིབ་རྒྱས་དང་འཆི་མེད་དཔལ་སྟེར་གྱི་ཚེ་དབང་བརྒྱ་ཚར་གནང། ཚོམས་ཆེན་དུ་སྟོན་མོ་གཟབ་རྒྱས་ཐོག་གནང་ཆ་སོགས་གྱ་སྐྱོང་བའི་ཧུར་བསྐྱེད་དང་སླང་ནས་རིམ་པར་ཕན་ཚུན་འབྲེལ་བ་ཅི་ཀྱང་ནས་བྱེད་དགོས་ཕེབས་དེ་ནས་རིམ་ཕེབས། རྡོ་རྗེ་བྲག་དང་ཉེ་བར་བཞུགས་སྒར་གནང། ནང་པར་སྔར་བར་ཞབས་བཏེག་པའི་ཐུབ་བསྟན་རྡོ་རྗེ་བྲག་(སྨད་ཆ།༢༩༧)ཏུ་རྟ་ལ་ཟླ་བ་བཅུ་གཅིག་པའི་དཀར་པོའི་ཕྱོགས་ཀྱི་རྒྱལ་བ་དང་པོར་ཞབས་ཀྱི་པདྨ་བཀོད་པའི་དགའ་སྟོན་ལ་ལོངས་སྦྱོད་པར་གྱུར་ཏོ། བར་སྐབས་དུས་འགྱུར་གྱི་དགོན་པ་ཡང་ཕྱི་རྒྱ་ཙམ་ལས་མ་ལངས་ཤིང། གྲ་འགྲིགས་པ་ཡང་དཀའ་ཚེགས་ཆེ་བར་ཡོད་འདུག་ཀྱང་འཁོས་དཔགས་ཀྱི་གྲ་སྒྲིག་ལེགས་སོ་བྱུང་འདུག་པ་དང། རེ་ཞིག་ཤེལ་གྲོང་དུ་ཕེབས་རྩིས་ཀྱང་ཐོག་མའི་རྟེན་འབྲེལ་ལ་དགོངས་ནས་ཐོག་མར་གདན་སར་ཕེབས། དགེ་འདུན་རྣམས་ཀྱིས་གཟབ་མཚོ་དང་བཅས་མཆོད་རྫས་རོལ་མོ་ཐོགས་པའི་སེར་སྦྲེང་མི་སེར་རྣམས་ནས་བྲོ་གཞས་སོགས་ཀྱིས་མདུན་བདར་ཏེ་གཟིམས་ཆུང་ཆོས་དབྱིངས་ཕོ་བྲང་དུ་ཞབས་པད་བཀོད། མི་རིང་བར་ཤེལ་གྲོང་དུ་ཞབས་བཏེག་སྐུ་ངལ་གསོ་དང་བྲགས་སྐུ་ཡོན་ཐུགས་གཉེར་སླར་གདན་སར་ཕེབས་ནས་ཕོ་བྲང་རི་བོ་གྲུ་འཛིན་དུ། གོང་ས་སྐྱབས་མགོན་ཆེན་པོ་མཇལ་བར་ཕེབས། འཕགས་མཆོག་ཕྱག་ན་པདྨ་འཇིག་རྟེན་དབང་ཕྱུག་ཐམས་ཅད་མཁྱེན་གཟིགས་ཆེན་པོ་རྒྱལ་དབང་བསྐལ་བཟང་རྒྱ་མཚོའི་ཞབས་ཀྱི་པདྨོ་དྲི་མ་མེད་པར་འདུད་ཕྱག་བགྱིས་པར། གཟིམས་ཆུང་རྩེ་གངས་ཅན་མགོན་པོ་དྲུང་དུ་དངོས་འབྱོར་གྱི་མཆོག་སྦྲིན་རྒྱ་མཚོར་སྦྲོས་ཏེ་གཙུག་ཕུད་ཕུལ་བར་མཚན་བསྐལ་བཟང་པདྨ་དབང་ཕྱུག་འཇིགས་མད་གྲུབ་པའི་སྡེ་ཞེས་གསོལ། སུམ་གདན་བསྙེལ་འབོལ་སོགས་གདན་གཟོས་རིག་འཛིན་གོང་མའི་དུས་བཞིན་མཛད། ལམ་བར་གྱི་བཀའ་དྲིན་སོགས་ཞིབ་རྒྱས་ཞིབ་རྒྱས་སྩོལ་བར། དེ་དུས་སྐུ་ན་ཕྲ་ཡང་བཀའ་ལན་ཚོགས་མེད་ཞུས་པས་དགྱེས་རྩེར་སོན་ཅིང། གཟིགས་ཕྱོགས་མི་དམན་པའི་བཀའ་དྲིན་བསྐྱངས། ལྷ་ས་ནས་ཕྱིར་ཕེབས་གྲུབ་ནས་ཟླ་བ་གཉིས་པའི་རྒྱལ་ཕུར་འགྱུར་སྦྱོར་ཐོག་རྡོར་བྲག་གྲ་གཙང་རང་(སྨད་ཆ།༢༩༨)སྡེའི་ཕྱོགས་གཏོགས་ཐམས་ཅད་ཀྱིས་ཁྲི་འདོན་ལེགས་འབུལ་དང་བསྟན་བཞུགས་ཕུལ། དེ་སྐབས་ཤེལ་གྲོང་དུ་བཞུགས། ཆུ་བཟང་སྦུལ་སྐུ་དང་གཉག་སྟོན་ཁམས་ལུང་བླ་མ་རིག་འཛིན་དབང་རྒྱལ་བྱོན་བྱུང་བར་གོང་མའི་བུ་སློབ་དམ་ཚིག་སེལ་མེད་ཡིན་པས། བྱང་གཏེར་དབང་ལུང་ཕལ་ཆེར་དང། ཁྱད་པར་མདོ་དབང་ཆེན་མོ་སོགས་གསན། འདི་སྐབས་དགུང་ལོ་བཅུ་པར་སྨོར་ཆེན་ངག་དབང་ཀུན་དགའ་ལྷུན་གྲུབ་དྲུང་ནས་དགེ་ཚུལ་བཞེས། གཞན་ཡང་བཀའ་ཆོས་ཁ་ཤས་གསན། འདི་སྐབས་གཙང་དབུས་འཁྲུག་པ་གཙང་དཔུང་གཡུལ་ལས་རྒྱལ། མི་དབང་ཆེན་མོ་ལྷ་སར་ཕེབས། དགུང་ལོ་བཅུ་གཉིས་པ་ལྕགས་ཁྱི་ལོར་ཡར་འབྲོག་སྟག་ལུང་གསང་སྔགས་ཆོས་འཁོར་གླིང་པས་གདན་འདྲེན་བྱུང་བ་དང་བསྟུན། སྟག་ལུང་བྲག་ར་སྦྲུལ་སྐུའི་དགོན་པར་ཕེབས། ཕྱི་ལམ་ཨོ་རྒྱན་སྨིན་གྲོལ་གླིང་དུ་ཕེབས། རྒྱལ་སྲས་རིན་བོར་གྱུར་པའི་ཆོས་བཀའ་མང་དུ་གསན། ཚེ་སྒྲུབ་འཆི་མེད་ཡང་སྙིང་ཀུན་འདུས་དབང་གི་ཉིན་བླ་མ་ཚེ་དཔག་མེད་དམར་པོ་རྡོ་རྗེ་དང་བུམ་པ་འཛིན་པ་ཞིག་ཏུ་གཟིགས། ཕན་ཚུར་ནས་ལུགས་ལེགས་པའི་ཐུགས་ཡིད་གཅིག་འདྲེན་སུ་གྱུར། ཞར་ལ་རྣམ་སྲས་གླིང་དུ་གདན་ཞུས་དང། ཁྲ་འབྲུག་ཏུ་རབ་གནས་དང་ཤེལ་བྲག་སོགས་གནས་གཟིགས་རྣམས་མཛད། དེ་ནས་རིམ་པར་སླེ་ལུང་དུ་ཕེབས། རྗེ་དྲུང་རིན་པོ་ཆེའི་དྲུང་ནས། གཏེར་བདག་གླིང་པའི་ཐུགས་རྟེ་ཆེན་པོ། གསང་ཡེ་བདེ་མཆོག་རྩ་སྣང་སོགས་དང། གོང་ས་ལྔ་པའི་རྒྱ་ཅན་སྐོར་དང་རྗེ་དྲུང་ཉིད་ཀྱི་དག་སྣང་སྐོར་སོགས་གནས་སྐབས་སྐྱེ་བ་འགའ་དང་འགའ་ཞིག་དཔོན་སློབ་ཏུ་གྱུར་(སྨད་ཆ།༢༩༩)ཚུལ་སོགས་གསལ་པོར་བྱུང་གསུངས། ཡར་ལམ་འོན་དུ་ཕེབས། ད་ནས་གདན་སར་སྐུ་མཚམས་གནང་བར་རྗེ་དྲུང་རིན་པོ་ཆེ་སྙེ་མོར་ཕེབས་ཞོར་ལ་མཚམས་ཁང་དུ་མཇལ་འཕྲད་གནང། འདི་སྐབས་ས་སྐྱོང་མི་དབང་ཆེན་པོས་གོང་ས་ལྔ་པ་ཆེན་པོ་ནས་རིམ་གྱི་བཀའ་ཁྲ་གཏན་ཚིགས་ཁྲལ་རིགས་ཆེ་ཕྲ་ཆག་པའི་རྒྱབ་ནོན་གསེར་ཐམ་སྩལ། ཆུ་གླང་ལོར་རྒྱ་ནག་གོང་མ་ཆེན་པོ་ནས་མཛོད་བཏགས་ཆེ་ལེགས་གོས་ཡུག་བཅུ་དང་སྲས་བཙུན་པ་ནས་མཛོད་གོས་ཡུག་གཉིས་བཅས་གནང་སྟེ། ཡང་གོང་མའི་སྲས་བཙུན་པས་རྡོ་རྗེ་བྲག་ནས་གནང་སྐྱེས་རིམ་པར་བྱུང། ཡང་གོང་མའི་སྲས་བཙུན་པས་རྡོ་རྗེ་བྲག་ནས་བླ་མ་ཞིག་བཏང་དགོས་པའི་བཀའ་ཕེབས་བྱུང་བར་བླ་མ་བདེ་མཆོག་རྫང་བར་བྱས། རྡོ་རྗེ་བྲག་འདུ་ཁང་གསར་བཞེངས་ཀྱི་རྟེན་གཙོ་སྟོན་པའི་སྐུ་རབ་ཏུ་གནས་པའི་ཚེ་ཨོ་རྒྱན་རིན་པོ་ཆེ་ཕྱག་ན་བུམ་པ་འཛིན་པ་ཞིག་ཞལ་གཟིགས་ཞལ་ནས་དེ་རིག་དཔའ་བོ་མཁའ་འགྲོ་འདུ་བའི་དུས་ཡིན་པར་རབ་ཏུ་གནས་པ་ལེགས་གསུངས་ཤིང། ད་ལམ་གྱི་སྟོན་པའི་སྐུ་འདི་མཐོང་ཐོས་དྲན་རེག་གི་འགྲོབ་རྣམས་འབྲེལ་ཚད་དོན་དང་ལྡན་ཕྱིར་སྟོན་པའི་སྐུ་འདིར་བཞུགས་གསུངས། སྟོན་པའི་སྐུ་མཚོན་གང་ཐུག་ཁ་ནས་སྦྲོས་ཐུབ་ཆེན་གྱི་ཐུགས་ཁར་ཐིམ་པར་གཙང་ཁང་འོད་ཀྱི་གང་བ་ཉིན་ཕྱེད་བར་བྱུང། ཡོན་བདག་བསྒོ་བའི་དུས་ཀྱང་ཨོ་རྒྱན་རིན་པོ་ཆེའི་དབང་བསྐུར་བྱིན་གྱིས་བརླབས་པའི་གཟིགས་སྣང་བྱུང་གསུངས། ས་ལུགས་ཐ་ཀར་ཉ་བའི་ཚེས་ལ་ཐམས་ཅད་མཁྱེན་པ་སྐལ་བཟང་རྒྱ་མཚོའི་དྲུང་ནས་བསྙེན་རྫོགས་ཀྱང་བཞེས། གཞན་ཡང་བསྙེན་སྒྲུབ་དུ་མ་དང་བསྐྱེད་རྫོགས་གསུམ་གྱི་ཉམས་བཞེས་གནང་བས་རྫོགས་པ་ཆེན་པོ་གཞི་ལམ་གྱི་རྟོགས་པ་ཀློང་དུ་གྱུར)༣༠༠)ཅིང། རྩ་བ་གསུམ་གྱི་ལྷག་པའི་ལྷ་རབ་འབྱམས་ཞལ་གཟིགས་ཚུལ་དང་དག་སྣང་ལུང་བསྟན་བྱུང་ཚུལ་སོགས་མདོར་བསྡུས་ཉིད་ཀྱི་གསུང་ལས། ཁོ་བོའི་རྫོགས་པ་ཆེན་པོའི་གྲོལ་བྱེད་ལ། ཉམས་ལེན་སྙིང་ལ་རུས་པ་ཉེར་བཅུག་སྟེ། བརྩོན་པས་སྔོན་མེད་ངོ་མཚར་ལྟད་མོའི་རིགས། མཐོང་ཡང་གཞན་ལ་འཆད་ན་ཟོབ་པོར་ལྟ། རྩ་གསུམ་རྒྱལ་བ་རྒྱ་མཚོས་རྗེས་བཟུང་བའི། དུས་གསུམ་བགྱི་བའི་བླང་དོར་མང་མཆིས་ཀྱང། རབ་བློས་རང་གི་བླང་དོར་བགྱི་བ་ལས། མི་འཆབ་ཁ་མང་བགྱིས་པའི་གནས་མིན་ཏེ། ཞེས་སོགས་གསུངས་པ་ལྟར་རོ། འདི་སྐབས་དབུས་ཕྱོགས་ལྷ་བྲག་ཡོངས་རྫོགས་སོགས་ནས་གནས་སྒོ་ཡང་གསར་ཕྱེ་མང་དུ་མཛད། ཤིང་ཁྱི་ལོར་བོད་ཡུལ་བདེ་ཐབས་ལུང་དོན་བསྒྲུབ་ཕྱིར་ཀོང་པོ་བུ་ཆུར་ཆིབས་སྐྱོད་གནང། འདི་ཙམ་ནས་བཟུང་ཕེབས་སྐྱོད་གར་གནང་པར་གསང་ལུང་བཞིན་གོ་སྨན་སོགས་ཀྱང་མཛད། དཱགས་པོར་གཏེར་སྟོན་ཉི་ཟླ་སངས་རྒྱས་ཀྱི་གཏེར་གནས་རོལ་ཕུ་སོགས་གནས་གཟིགས་དང། གཏེར་ནས་བཏོན་པའི་ཕྱག་རྡོར་གྱི་སྐུ་བཞུགས་པའི་ལྷང་སོགས་གཟིགས། ཀོང་སྟོད་བརྒྱུད་རྩེ་སྒང་དང་བུ་ཆུར་ཕེབས་བཀའ་ནན་རབ་བརྗིད་དང་སྡེ་བརྒྱད་དམ་འདོགས་སོགས་བོད་ཡུལ་བདེ་ཐབས་ཀྱི་ལུང་དོན་རྣམ་འཚེགས་མེད་དུ་བསྒྲུབས་པར་གནང། སྦུ་བོར་ཕེབས་བཞིད་མཛད་ཀྱང་ལུང་དོན་འགྱུར་བས་གདན་སར་ཕེབས། དེ་སྐབས་ཤིག་ངོར་དོན་མཁན་ཆེན་དཔལ་ལྡན་ཆོས་སྐྱོང་གིས་ཆེད་གནང་གི་འབུལ་ཞབས་ཕུལ་བར་བྱུང། ས་སྐྱ་གོང་ན་རིན་པོ་ཆེ་སྐུ་མཆེད་ཕེབས་པ་མཚམས་ཁང་དུ་མཇལ། དྲེའུ་ལྷས་སྦྲུལ་སྐུ་ལས།(སྨད་ཆ།༣༠༡)བྱང་གཏེར་ཟབ་ལམ་བདེ་ཆེན་རྒྱ་མཚོའི་དབང་ལུང་དང། ལྗོན་དབྱུག་པ་རྡོ་རྗེས་དག་སྣང་དམ་གྲིབ་ཉེས་པ་ཀུན་སེལ་སོགས་གསན། དགུང་ལོ་ཞེ་བཞི་པ་ཆུ་རྟ་ལོར་ལྷོ་བྲག་ཏུ་ཆིབས་བསྒྱུར་གནང། མནོ་ཁ་ནི་རིང་ཚུན་ཞབས་ཀྱིས་བཅགས་གནས་སྒོ་གསར་ཕྱེས་དང་གཏེར་ཁ་འགའ་ཡང་བཞེས། ཤིང་སྦྲེལ་ལོར་སླང་ཡང་ཀོང་པོ་བུ་ཆུར་ལན་གཅིག་ཕེབས། དེ་ནས་དགུང་ལོ་ཞེ་དགུ་པ་བཞེས་པ་མེ་མོ་ཕག་གི་ལོར་ཁམས་སུ་ཞབས་པད་བསྐྱོད་པའི་སྒར་མང་བྱང་ལམ་དང་སྐུ་འཁོར་ཉུང་བསྡུས་དཔོན་གཡོག་ཉི་ཤུ་ཀོང་པོ་དག་སྦོ་བོ་བརྒྱུད། རིམ་གྱིས་ཆབ་མདོ་དང་ལྡན་ཆོས་འཁོར་ཕྱག་ཆ་རྫོགས་ཆེན་སོགས་ནས་སྡེ་དགེ་མེ་ལིང་དུ་ཕེབས། ཆོས་ཀྱི་རྒྱལ་པོ་སྟོབས་ཀྱི་འཁོར་ལོས་བསྒྱུར་བ་ས་དབང་ལྕམ་དྲལ་དང་མཇལ་འཕྲད་མཛད། གོ་འཇོ་སྡེ་པའི་གདན་ཞུས་བྱུང་བ་བཞིན་སྨར་ཁམས་ཕྱོགས་སུ་ཕེབས་ཤིང། དེ་ནས་རིམ་པར་འབའ་གྲུབ་པ་དགོན་ནས་ཡི་ཐང་བརྒྱུད་དར་རྩེ་མདོར་ས་སྐྱོང་མི་རྗེ་ཚངས་པ་ཆེན་པོ་ལྕགས་ལ་རྒྱལ་པོས་ཆིབས་བསུ་དང། ས་དགེ་རྙིང་གསུམ་གྱི་གྲ་ཚང་གིས་སེར་སྦྲེང་དང་བཅས་རྒྱལ་ཁབ་ཆེན་པོར་ཞབས་ཀྱི་པདྨོ་བཀོད་པར་མཛད་ནས་མདོ་སྒར་བླ་བྲང་དུ་བཞུགས་སྟན་ཆགས། ལོ་ངོ་གསུམ་བཞིའི་པར་དུ་བཞུགས་ནས་གསང་ལུང་བཞིན་བསྟན་དོན་སྦྱི་བྱེ་བྲག་བསྒུབ་དགོས་ཐམས་ཅད་ལེགས་པར་གྲུབ་ནས་ལྕགས་ལ་མི་ཆེན་སི་རྒྱལ་བློན་གྱིས་གུས་འདུད་དང་བསྙེན་བཀུར་བློས་མི་ཁྱབ་པ་ལེན་དུ་མར་བསྟབས་ཤིང། ཕེབས་རྫོང་རྒྱ་ཆེན་ཆིབས་ཁ་བསྒྱུར་རོ། ཆིབས་ལམ་དུའང་འདུལ་བྱ་སོ་སོའི་མོས་པ་དང་འཚམས་པའི་མཛད་པ་ངོ་མཚར་བ་དུ་མས་བསྟན་པ་དང་སེམས་(སྨད་ཆ།༣༠༢)ཅན་གྱི་དོན་དཔག་ཏུ་མེད་པ་མཛད་ནས་རིམ་གྱིས་གདན་ས་ཆེན་པོར་ཞབས་པད་བཀོད། དེ་སྐབས་རྒྱལ་ཚབ་དེ་མོ་རིན་པོ་ཆེས་དཔལ་བསམ་ཡས་མི་འགྱུར་ལྷུན་གྱིས་གྲུབ་པའི་གཙུག་ལག་ཁང་གླིང་བཞི་གླིང་ཕྲན་དང་བཅས་པ་ཞིག་གོས་གསར་བཞེངས་ལྟ་བུའི་ངོ་མཚར་ལྷ་གནས་ལ་འགྲན་པར་བསྐྲུན་པའི་ཚ། རབ་གནས་སུ་སྦྱན་དྲངས་པར་ཞབས་པད་བསྐྱོད་ནས་རབ་ཏུ་གནས་པར་མཛད་ཅིང། རྒྱལ་ཚབ་མཆོག་ནས་ཏི་ཤྲིར་བཀུར་བར་ཐུགས་བཞེད་བཞིན་གྱི་བཀའ་ཆོས་ཀྱིས་དགྱིས་པ་བསྐོངས་ཤིང། དེ་མཚུངས་ཞི་སྦྲུལ་རིན་པོ་ཆེ་འཕགས་པ་དགེ་ལེགས་དཔལ་བཟང་པོ་ལའང་བཀའ་ཆོ་ཅི་མང་ཕུལ་བ་དང། གཞན་ཡང་གངས་ནས་གྱི་འཛིན་མའི་གཞིར་འཁོད་པའི་མཆོག་དམན་གྱི་འགྲོ་བ་སྦྱི་དང་བྱེ་བྲག་མི་ཆེན་ཆེ་དགུ་མང་པོས་ཞབས་ལ་བཏུད་ཅིང་གུས་པས་མཆོད་པར་གྱུར་ཅིང། གཞན་ཡང་གསང་ཆེན་སྔ་འགྱུར་གྱི་བསྟན་པ་རིན་པོ་ཆེ་བཤད་སྒྲུབ་ཀྱིས་བགྱི་བས་བསྐྱོངས་ཤིང་གཏེར་རྙིང་པ་རྣམས་འཛིན་སྐྱོང་དང། གཏེར་གསར་དག་སྣང་གི་ཆོས་བཀའ་སྦེལ་བ་སོགས་ཀྱིས་བསྟན་པ་རིན་པོ་ཆེ་ཉི་མ་ཤར་བ་ལྟར་གསལ་བར་མཛད་པ་ཡིན་ནོ། དེ་ལྟར་མཛད་པ་མཐར་ཕྱིན་ནས་གདུལ་བྱའི་སྣང་ངོར་གཟུགས་སྐུའི་བཀོད་པ་རེ་ཞིག་ཆོས་ཀྱི་དབྱིངས་སུ་བསྡུ་བའི་ཚུལ་བསྟན་པའི་རྗེས་སའང་ལྕགས་ལ་མི་ཆེན་སིའི་སྲས་སྐུ་ཞབས་སོགས་ཀྱི་གདན་སའི་ཁུར་བཞེས་དང་དགོངས་རྫོགས་མཆོད་བསྔོ་རྟེན་བཞེད་སོགས་མཐའ་རྒྱས་སུ་གྲུབ་ནས། མཆོག་སྦྲུལ་རིན་པོ་ཆེ་ཁྲིར་བཀོད་པའི་ཞབས་འགྱུར་སོགས་གཙོ་བོར་སའི་ཚངས་པ་ལྕགས་ལ་རྒྱལ་པོ་དང་གྲ་འཁོར་རྣམས་ཀྱིས་ལེགས་པར་གྲུབ་ནས་དེང་སང་མཆོག་སྦྲུལ་རིན་པོ་ཆེ་གསན་སར་ཞབས་(སྨད་ཆ།༣༠༣)པད་བརྟན་པ་ནས་བཀའ་ཆོས་འཆད་སྦེལ། ཐུགས་དམ་ཉམས་བཞེས་ཟབ་གཏེར་གསར་བཞེས་སོགས་ངོ་མཚར་བའི་མཛད་པ་དུ་མ་དང་བཅས་བསྟན་འགྲོའི་དཔལ་དུ་བཞུགས་བཞིན་པ་འདི་ལགས་ས། ཨོ་རྒྱན་སྨིན་གྲོལ་གླིང་གི་གདན་རབས་བརྗོད་པ། གངས་རིའི་ཕྲེང་བས་བསྐོར་བའི་ལྗོངས་འདིར་སྔ་འགྱུར་གསང་ཆེན་བཀའ་གཏེར་མ་ལུས་པའི་འབྱུང་གནས་བཤད་སྒྲུབ་ཀྱི་ཆུ་གཏེར་ཆེན་འོག་མིན་ཨོ་རྒྱན་སྨིན་གྲོལ་གླིང་གི་གདན་རབས་ཀྱི་ཕྲེང་བ་ཅུང་ཟད་གླེང་བར་བྱ་སྟེ། དེ་ཡང་དང་པོ་ཆོས་བརྒྱུད་གང་ལས་བྱུང་བའི་ཚུལ་བརྗོད་པ་ལ། སྦྲུལ་སྐུ་སྣང་ཚོགས་རང་གྲོལ་ནི། གཏེར་ཆེན་རརྣ་གླིང་པའི་སྐྱེ་བ་དེ་མ་ཐག་པ་སྟེ། ལྷོ་བྲག་སྨན་ཐང་ཞོལ་དུ་ཡབ་ཚེ་དབང་བསལ་གྲུབ་དང། ཡུམ་ཨོ་རྒྱན་སྐྱིད་ཀྱི་སྲས་སུ་ཤིང་ཕོ་ སྟག་གི་ལོ་ལ་འཁྲུངས། དགུང་ལོ་བདུན་བརྒྱད་ལ་བྲིས་ཀློག་སྦྱངས་པས་ཚེགས་མེད་དུ་མཁྱེན། བཅོ་ལྔ་ལ་ལྷ་ལུང་དུ་མཁན་ཆེན་ཚུལ་དཔལ་བ་དང་ལྷུན་བཀྲས་པ་ལས་རབ་ཏུ་བྱུང། ཕྱིས་སྦོས་ཁང་པ་ཀུན་དགའ་བློ་གྲོས་དང། ཆོས་ལུང་པ་ལ་མཁན་སློབ་ཞུས་ནས་བསྙེན་པར་རྫོགས་ཤིང་འདུལ་བའི་བསླབ་བྱང་དང་ལག་ལན་རྣམས་ཀྱང་ལེགས་པར་སྦྱངས། མཁན་སློབ་གཉིས་དང། མཁས་གྲུབ་རིན་ཆེན་བཟང་པོ་གཏེར་ཆེན་པདྨ་གླིང་པ། སྦྲུལ་སྐུ་བྱང་ཆུབ་གླིང་པ། ཀུན་སྦངས་ལེགས་པའི་ཤེས་རབ་སོགས་བཤེས་གཉེན་དམ་པ་དྲུག་ཅུ་ཙམ་སྔ་ཕྱིར་བརྟེན་ནས་བཀའ་གདམས་ས་རྙིང་དཱགས་ཤངས་ཞི་གཅོད་ཇོ་ཞལ་པོ་དང་པ་སོགས་ཡོངས་སུ་གྲགས་པའི་ཆོས་ཚུལ་དུ་མའི་དབང་ཁྲིད་ལུང་བཤད་མན་ངག་(སྨད་ཆ།༣༠༤)སོགས་གྲངས་འཛིན་པ་ཙམ་ཡང་དཀའ་བའི་གནས་སུ་གྱུར་པ་མང་པོ་གསན་ཅིང། ཁྱད་པར་མཚུངས་མེད་ཀུན་དགའ་རྒྱལ་མཚན། རྫོགས་ཆེན་པ་ཀུན་དགའ་བཀྲ་ཤིས། སྨན་ཙེ་བ་བློ་གྲོས་རྒྱལ་མཚན། མཁས་གྲུབ་མ་ཏི་དྷཱ་ཇ། བྱམས་སྡིངས་པ་ཁུ་དབོན་སོགས་ལས་ཆོས་རྗེ་ཀུན་མཁྱེན་ཆེན་པོའི་བཀའ་སྲོལ་སྙིང་ཐིག་ཡ་བཞི་མཛོད་བདུན་ངལ་བསོ་སྐོར་གསུམ་གྱིས་མཚོན་ཕྲིན་ལས་བཀའ་བསྲུང་དང་བཅས་པ་མཐའ་དག་དོན་གཉེར་ཆེན་པོས་གསན་ནས་བསམ་བསྐྱེད་རྫོགས་ཟབ་མོའི་རྣལ་འབྱོར་ལ་རྩེ་གཅིག་པའི་ཉམས་ལེན་མཛད་པས་རང་བཞིན་རྫོགས་པ་ཆེནའི་ལྟ་སྒོམ་འབྲས་བུའི་དྲོད་ཆ་མཐར་ཕྱིན། ཡི་དམ་ལྷག་པའི་ལྷ་དུ་མའི་ཞལ་གཟིགས་ཤིང་ལུང་བསྟན་པ་ཐོབ། དགུང་ལོ་ཞེ་གཉིས་པ་ཤིང་ལུག་གི་ལོར་དར་རྒྱས་ཆོས་སྡིངས་ཀྱི་རི་ཁྲོད་བཏབ། ཐར་པ་དོན་གཉེར་གྱི་ཚོགས་པའང་ལྔ་བརྒྱར་ལོངས་ཙམ་འདུས། དབྱར་དགུན་གྱི་དུས་ཆོས་འཁྲིགས་སུ་བཅད་པ་དང། དུས་མེད་ཀྱི་དབང་ཆོས་སོ་སོའི་མོས་པ་དང་འཚམས་པར་གསུངས་པས་ཉམས་རྟོགས་ཅན་མང་དུ་ཐོན། ཞཱ་དམར་བ་དཀོན་མཆོག་འབངས་དང། འབྲི་གུང་ཟུང་པ་སོགས་ཆེན་པོ་དུ་མ་དང། སྦྲུལ་སྐུ་བྱང་ཆུབ་གླིང་པ། སྣང་རྩེ་བ་གར་གྱི་དབང་པོ། དཔལ་ལྡིངས་རབ་འབྱམས་པ་དང་དཔལ་ཁང་ལོ་ཙཱ་བ་སོགས་མཁས་པ་དུ་མ་དང། གྲུབ་ཆེན་ཀུན་བཟང་དཔལ་འབར་དང། ཀློང་ཡངས་པ་སོགས་སྒོམ་ཉམས་ཅན་གྱི་རྣལ་འབྱོར་བ་དུ་མ་དང། ཁྱད་པར་བསྟན་འཛིན་ཆོས་ཀྱི་རྒྱལ་པོ་དང། ཐུགས་སྲས་ཀུན་དགའ་གྲགས་(སྨད་ཆ།༣༠༥)པ། ཤ་མི་དཔལ་འབྱོར་རྒྱལ་མཚན་པ་སོགས་བཀའ་སྲོལ་སྙིང་པོར་འཛིན་པ་དུ་མ་དང། ས་སྐྱོང་ཡར་འབྲོག་པ་དང། འཕྱོངས་རྒྱས་པ་སོགས་སྡེ་བདག་མང་པོ་དང། གཞན་ཡང་དབུས་གཙང་མངའ་རིས་ཁམ།ས་ཀོད་མོན་སོགས་སུ་ཆོས་བརྒྱུད་འཛིན་པའི་སློབ་མ་ཡང་སློབ་དང་བཅས་པ་མང་དུ་བྱུང་བས་མཚོན་རྙིང་མའི་བསྟན་འཛིན་གཅིག་ལ་ཆོས་ཀྱི་ཕྲིན་ལས་ཆེ་བར་མངོན་སུམ་དུ་གྲུབ་བོ། དེ་ལྟར་ཞིང་འདིར་ལོ་གྲངས་དོན་བདུན་དུ་བཞུགས་ནས་གཡུ་རུ་ཁྲ་འབྲུག་གི་གཙུག་ལག་ཁང་གི་ཉེ་འདབས་སུ་གཤེགས་ཤིང། དེའི་སྔ་ཕྱི་ཐམས་ཅད་དུ་ངོ་མཚར་བའི་ལྟས་ཀྱང་མངོན་གྱུར་དུ་ཤར་རོ། སྦྲུལ་སྐུ་བསྟན་འཛིན་གྲགས་པ་ནི། སྔན་ལུང་རྒན་ལར་ཡབ་བཀྲ་ཤིས་དང་ཡུམ་བསམ་གཏན་བཟང་མོའི་སྲས་སུ་མེ་སྦྲེལ་ལ་འཁྲུངས། གཏེར་ཆེན་པདྨ་གླིང་པའི་སྦྲུལ་པར་ལུང་གིས་ཟིན། གསུང་བྱེ་བ་ཙམ་ནས་སྔོན་གྱི་བག་ཆགས་གསལ་བར་གསུངས། དགུང་ལོ་བཞི་ལ་གདུང་ཚབ་ཏུ་བཀུར་གྱིས་མཆོད། པདྨ་གླིང་དུ་སྲས་དཀོན་མཆོག་བཟང་པོའི་གདུང་ཚབ་ཏུ་བཞུགས་པར་བྱས་ཏེ་རབ་ཏུ་བྱུང། གོང་མའི་གཏེར་ཁའི་དབང་ལུང་སྒྲུབ་འཕྲིན་རྣམས་གསན་སྦྱོང་ལ་ཞུགས་ནས་མི་རིང་བར་ཆོས་རྗེ་དཀོན་མཆོག་བཟང་པོ་གཤེགས་པར་བདེ་ཆེན་གླིང་དུ་སྲས་ཟླ་བའི་སར་རེ་ཞིག་བཞུགས་ཏེ་ཆོས་བཀའ་ཅི་རིགས་གསན། དགུང་ལོ་བཅུ་བཞི་པ་ལ་སྦྲུལ་སྐུ་སྣ་ཚོགས་རང་གྲོལ་གྱིས་བོད་དུ་སྦྱན་དྲངས། མདོ་སྔགས་གསར་རྙིང་གི་ཆོས་མཐའ་ཡས་པ་དག། ཁྱད་པར་ཆོས་རྗེ་ཀུན་མཁྱེན་ཆེན་པོ་དང། གཏེར་སྟོན་པདྨ་གླིང་པའི་ཆོས་(སྨད་ཆ།༣༠༦)སྐོར་རྣམས་ཀྱི་དབང་ཁྲིད་ལུང་མན་ངག་ཕྱག་ལེན་དང་བཅས་པ་ཐམས་ཅད་བུམ་པ་གང་བྱོར་གསན་ཅིང། ཉི་ཤུ་པ་ལ་ལྷོ་བྲག་ཏུ་བྱོན། མཚོ་ཡུལ་བྲག་དཀར་བས་དགོན་གནས་སོགས་ཀྱི་འབུལ་བས་མཆོན་སྔོན་གྱི་བུ་སློབ་དང་ཡོན་བདག་ཐམས་ཅད་ཀྱིས་བཏུད་ཅིང་མཆོད། དེར་བླ་མ་དབུ་མཛད་པ་ལས་དབང་ལུང་ཅི་རིགས་པ་དང་འཆས་དབྱངས་རྣམས་གསན་ཅིང་སྦྱངས། སླར་ཡང་བོད་དུ་བྱོན་ནས་རིགས་བདག་སྦྲུལ་སྐུ་ཆེན་པོ་ཉིད་དང། གཞན་ཡང་ས་སྐྱ་སྔགས་འཆང་ཆེན་པོ། རྗེ་བཙུན་གྲོལ་མཆོག་སྣང་ཅིང་གསན་མཆིམས་ཕུ་ལ་སོགས་པར་ཟབ་ལམ་གྱི་སྒྲུབ་པ་ནན་ཏན་མཛད་ཅིང་གནས་ལུགས་ཟབ་མོའི་དོན་རྟོགས། ལྷག་པའི་ལྷ་དུ་མའི་ཞལ་གཟིགས་ཤིང་ལུང་བསྟན་པའང་ཐོབ། དེ་ནས་ཆོས་རྗེ་སྣ་ཚོགས་རང་གྲོལ་ཉིད་ཀྱིས་དགོན་གནས་རྟེན་གསུམ་དང་བཅས་པ་ཕོག་ནས་གདན་སར་དབང་བསྐུར། ཞི་བར་གཤེགས་རྗེས་དགོངས་རྫོགས་དང་རྟེན་བཞེངས་དུ་མ་དང། དབྱར་དགུན་གྱི་སྒྲུབ་དབང་དུས་ཁྲིད་གསུང་བས་མཚོན་བུ་སློབ་ཡོན་བདག་གི་འཛིན་སྐྱོང་སོགས་ཀྱི་གདུལ་བྱ་སོ་སོའི་ཞིང་དུ་བྱོན་ཏེ་དེ་དག་གི་རེ་བ་དང་མཐུན་པའི་དོན་མཛད། རིགས་སྲས་པདྨ་ཕྲིན་ལས་ཆོས་དང་ཟང་ཟིང་གཉིས་ཀས་བསྐྱངས་ཏེ། འཁྲུངས་ཡུལ་དུ་དགོན་ས་འདེབས་པར་བཀའ་བསྒོས་པ་ལྟར་སྒང་སྟེང་གསང་སྔགས་ཆོས་གླིང་གི་དགོན་སྡེ་བཏབ། དབུས་སུ་རྗེ་སྣ་ཚོགས་རང་གྲོལ་གྱི་སྦྲུལ་སྐུ་གདན་སར་སྦྱན་དྲངས། དབང་ལུང་(སྨད་ཆ།༣༠༧)མན་ངག་དང་བཅས་པ་མཐའ་རྒྱས་སུ་སྩལ་ཏེ་བསྟན་པའི་བདག་པོར་མངའ་གསོལ་ནས། མི་རིང་བར་དགུང་ལོ་དྲུག་ཅུ་རེ་གཉིས་པ་མེ་མོ་བྱ་ལོ་ནག་ཟླའི་ཉེར་བརྒྱད་ལ་དར་རྒྱས་ཆོས་སྡིངས་ཀྱི་དབེན་སར་ངོ་མཚར་བའི་ལྟས་དང་བཅས་ཏེ་གཤེགས་སོ། མཁས་གྲུབ་མདོ་སྔགས་བསྟན་འཛིན་ནི། གཡུ་རུ་དོལ་དུ། ཡབ་སྨྱོས་རྡོ་རྗེ་ཚཻ་དབང་དང། ཡུམ་བསོད་ནམས་བུ་ཁྲིད་ཀྱིས་སྲས་སུ་མེ་ཕོ་བྱི་བའི་ལོ་ལ་འཁྲུངས། རྗེ་སྣང་ཚོགས་རང་གྲོལ་གྱི་སྔོན་རབས་གསལ་བར་གསུངས་པས། དགུང་ལོ་དྲུག་པ་ལ་གོང་མའི་གདན་སར་སྦྱན་དྲངས། བྲི་ཀློག་དང་ཕྲིན་སྒྲུབ་སོགས་ཀྱི་ཐུགས་སྦྱོང་ཚེགས་མེད་དུ་ཆུབ། བརྒྱད་པ་ལ་ཞཱ་དམར་དཀོན་མཆོག་འབངས་ལ་དགེ་བསྙེན་གྱི་སྡོམ་པ་ནོད། དཀོན་མཆོག་འོད་ཟེར་དུ་བཏགས། བཅུ་གསུམ་པ་ལ་རྒྱལ་དབང་བསྟན་འཛིན་གྲགས་པ་ལས་རབ་ཏུ་བྱུང། མདོ་སྔགས་བསྟན་འཛིན་བཟང་པོར་གསོལ་ཆོས་རྗེ་ཀུན་མཁྱེན་ཆེན་པོ་དང། གཏེར་ཆེན་པདྨ་གླིང་པའི་ཆོས་སྐོར་ཡོངས་སུ་རྫོགས་པའི་དབང་ལུང་ཁྲིད་མན་ངག་ཕྱག་བཞེས་དང་བཅས་པ་མཐའ་རྒྱས་དང། གཞན་ཡང་ཐུགས་སྲས་ཀུན་དགའ་གྲགས་པ། གྲུབ་ཆེན་ཀུན་དགའ་རྡོ་རྗེ ། སྔགས་འཆང་ཀུན་བཟང་དཔལ་འབྱོར། རྒྱལ་སྲས་ནོར་བུ་དབང་རྒྱལ། བྱང་བདག་དབང་པོའི་སྡེ་སོགས་རྙིང་མ་དང། ས་སྐྱ་ཁྲི་ཆེན། ཞཱ་དམར་ནག་སོགས་བཤེན་གཉེན་མང་པོ་ལས་གསར་རྙིང་གི་ཆོས་བཀའ་ཇི་སྙེད་པ་སྔ་ཕྱིན་གསན། བཅོ་བརྒྱད་པ་ལ་འབྲས་ཡུལ་སྐྱིད་ཚལ་དུ་འབུམ་རབ་པ་ཐར་པ་རྒྱལ་མཚན་ལ་བསྟེན་ནས་སྡུད་ཚད་དབུ་ཕར་འདུལ་མངོན་སྡོམ་རིག་དང་བཅས་པའི་གཞུང་ལུགས་རྣམས་ལ་ནན་ཏན་(སྨད་ཆ།༣༠༨)ཆེན་པོས་སྦྱངས་ཤིང་ཆོས་གྲ་དེར་ལུང་རིགས་སྨྲ་བ་འགྲན་ཟླ་མེད་པའི་མཐུན་སྣང་གྲུབ། སྒྲ་དང་སྙན་ངག་སྡེབ་སྦྱོར་གསོ་རིག་བཟོ་གནས་སོགས་ཀྱང་མཁས་པར་མཁྱེན། དགུང་ལོ་ཉེར་སྔ་པ་ལ་ཀརྨ་པ་དགུ་པ་མཁྱེན་པས་ཐུགས་འཕྲོགས་ཏེ། སྒར་ཆེན་གྱི་འབེལ་གཏམ་གླེང་བར་བཀའ་བསྐུལ་བ་ལས་ལོ་གསུམ་དུ་མདོ་སྔགས་རིག་གནས་ལོ་རྒྱུས་དང་བཅས་པའི་གསུང་རབ་འབྲེལ་མཆེད་ཀྱིས་འཆད་པ་དང། རྩོད་དག་གིས་རྒོལ་ཞིང་ལན་འདོན་པ་སོགས་གང་ལ་ཡང་ཐོགས་པ་མེད་པའི་རྣམ་དཔྱོད་ཀྱིས་བློ་ལྡན་ཐམས་ཅད་ཀྱིས་བསྔགས་པའི་གནས་སུ་གྱུར། སྐབས་གཞན་དུ་གདན་ས་ཕན་ཚུན་དང་མཆིམས་ཕུ། གཡའ་མ་ལུང། ལྷོ་བྲག་མཁར་ཆུ་སོགས་དབེན་གནས་དུ་མར་ཡི་དམ་ལྷའི་བསྙེན་སྒྲུབ་དང། རང་བཞིན་རྫོགས་པ་ཆེན་པོའི་རྣལ་འབྱོར་ལ་རྩེ་གཅིག་པའི་སྒྲུབ་པ་ལོ་དང་ཟླ་བ་མང་པོར་སྦྲོལ་བ་སོགས་སྔ་ཕྱིར་མཛད་པས་བསྐྱེད་རྫོགས་ཟབ་མོའི་ཉམས་རྟོགས་མཐར་ཕྱིན། གུ་རུ་རིན་པོ་ཆེ་དང། རྗེ་བཙུན་སྒྲོལ་མ་སོགས་ཡི་དམ་དུ་མའི་ཞལ་གཟིགས་ཤིང་དབུགས་དབྱུང་བ་ཐོབ། ལྷོ་དབུས་ཀྱི་གདན་ས་རྣམས་དང། དད་པའི་ཞིང་དུ་མར་དབང་ཁྲིད་ལུང་མན་ངག་མང་པོ་དུས་དང་དུས་མེད་དུ་གསུངས་པ་ལས་རིགས་སྲས་གསང་བདག་ཆེན་པོ་དང། རྫོགས་ཆེན་པ་ནམ་མཁའ་པ་ལས། རིགས་སྲས་གསང་བདག་ཆེན་པོ་དང། རྫོགས་ཆེན་པ་ནམ་མཁའ་འབྲུག་སྒྲ། མངའ་བདག་བསྟན་འཛིན་ཆོས་དབང། སྦྲ་གྲོ་བ་ཆོས་དང་བཟང་པོ་སོགས་བཀའ་སྲོལ་སྐྱོང་བ་དུ་མ་དང། མཁས་པ་དང་སྒོམ་ཉམས་ཅན་གྱི་བུ་སློབ་དབུས་གཙང་ལྟོ་མིན་གྱི་ཕྱོགས་ཐམས་ཅད་དུ་ཁྱབ་པ་དང། ས་སྐྱོང་སྐུ་རབ་པ་དང། བྱ་པ་ཁྲིད་དཔོན། འཕྱོངས་རྒྱས་སྟག་རྩེ་བ།(སྨད་ཆ།༣༠༩)ཡར་ཀླུ་ཕོ་བྲང་བ་རིགས་དང་ལོངས་སྦྱོད་ཀྱིས་མཐོ་བས་མཚོན་ཡོན་བདག་དུ་མས་བསྙེན་བཀུར། ལྐོག་གྱུར་གྱི་གནས་ལུང་དུ་བསྟན་པ་རྣམས་ཀྱང་ཇི་ལྟ་བ་བཞིན་མངོན་དུ་གྱུར། ལྷོ་བྲག་བཀྲ་ཤིས་སྒང་གི་རོ་བོར་འདུས་སྡེ་བཏབ་པའང་རེ་ཞིག་གནས། བྱང་ཆུབ་གླིང་དུ་རྫོགས་ཆེན་བླ་བརྒྱུད་སོགས་རྟེན་བཞེངས་མང་དུ་མཛད། ཆོས་འཁོར་བསམ་ཡས་དང། ལྷ་ས་ལ་སོགས་པར་སྔ་ཕྱིར་མར་མི་སོགས་མཆོད་འབུལ་སྨོན་ལམ་དང། བཤད་སྒྲུབ་ཀྱི་འདུས་སྡེ་མང་པོར་ཚོགས་གསོག་གི་ཡི་བྱད་དུ་མ་བསྙེན་བཀུར་བས་མཆོན་བསྟན་པ་དང་འགྲོ་བའི་དོན་རྒྱ་ཆེར་མཛད་ནས། དགུང་ལོ་ང་གསུམ་པ་ས་ཕོ་འབྲུག་གི་ལོའི་བར་གྱི་རྣམ་ཐར་ཞལ་གསུངས་མའི་མཐར་། ཁྱད་པར་བརྒྱུད་འཛིན་བུ་ལ་དབང་ལུང་དང། མན་ངག་ཁྲིད་ལུང་མང་པོ་བོར་མེད་བཤད། གསང་ཆེན་བསྟན་པ་འཛིན་པའི་རྟེན་འབྲེལ་བསྒྲིགས་ད་ནི་བྱ་བ་ཟིན་གྱི་འགྱོད་ཕ་མེད། འཆི་བར་དགའ་བའི་མདོ་སྔགས་བསྟན་འཛིན་ང། གདོད་མའི་ས་ལ་གཏན་སྲིད་འཛིན་དུ་འགྲོ། ཞེས་སོགས་ཀྱི་དོན་བསྡུ་ཞལ་གདམས་སུ་མཛད་ནས་དར་རྒྱས་ཆོས་སྡིངས་སུ་སྦྲུལ་པའི་དཀྱིལ་འཁོར་ངོ་མཚར་བའི་ལྷས་དང་བཅས་ནས་བསྡུས་ཤིང་དགོངས་པ་སྐོང་བའི་མཆོད་འབུལ་ཕྱི་ནང་གི་རྟེན་བཞེངས་ཕྲིན་ལས་མི་ཉམས་པའི་རྒྱུན་རྒྱ་ཆེར་སྦེལ་ལོ། རིག་འཛིན་ཆེན་པོ་ཕྲིན་ལས་ལྷུན་གྲུན་ནི། ཡབ་སྨོས་སྟོན་མཁས་གྲུབ་མདོ་སྔགས་བསྟན་འཛིན་དང། ཡུམ་རྒྱལ་རིགས་དགོས་འཛོམ་པའི་སྲས་སུ་ལྕགས་ཕག་ལོར་ལྷོ་བྲག་བྱང་ཆུབ་གླིང་དུ་འཁྲུངས། དགུང་ལོ་ལྔ་ནས་བྲི་ཀློག་གཉིས་ཀ་བྱང་བར་མཁྱེན། བརྒྱད་ལ་ཡབ་རྗེ་ལམ་རབ་ཏུ་(སྨད་ཆ།༣༡༠)བྱང་མཚན་ཨོ་རྒྱན་ཚེ་འཕེལ་དུ་གསོལ། རིམ་བཞིན་ཕྲིན་སྒྲུབ་ཕྱག་བཞེས་དང་བཅས་པ་ནས་བརྩམས། ཡིན་བཞིན་མཛོད། སེམས་ཉིད་ངལ་བསོ་ཙ་འགྲེལ་རྣམས་དང། སྒྲ་དང་རྩིས་སོགས་ཤེས་བྱ་རྣམས་ལ་ཐུགས་སྦྱོང་མཛད། ཁྱད་པར་ཡབ་རྗེ་ཉིད་ལས་བླ་མ་རྫོགས་ཐུགས་གསུམ་ཐིག་ཡ་བཞི། ཞི་ཁྲོ་བཀའ་བརྒྱད་སོགས་གསང་ཆེན་བཀའ་གཏེར་དུ་མའི་དབང་ཁྲིད་བཤད་ལུང་མན་ངག་སོགས་མཐའ་ཆོད་པར་གསན། སྐབས་དེར་ལྷོ་རྒྱུད་ཀྱི་བདག་པོ་འཕོས་པའི་དབང་ལས་རེ་ཞིག་ལྷ་ལུང་གི་འདུས་སྡེ་བཞིགས། དཔའ་བོ་གཙུག་ལག་རྒྱ་མཆོ་ལས་དགེ་ཚུལ་དང། ཀུན་རིག་ཕག་མོ་དུས་འཁོར་སོགས་ཀྱི་དབང་ལུང་རྣམས་གསན་ཅིང། སླར་ཡང་རང་གནས་སུ་ཡབ་རྗེ་ཉིད་ལས་ཟབ་ཆོས་མང་པོའི་མཐའ་བརྒྱ་བཅད་ཅིང། བསྟན་པའི་གཉེར་ཁ་གཏད་པ་བཟུང། མི་རིང་བར་ཡབ་རྗེ་ཉིད་དར་རྒྱས་ཆོས་སྡིངས་སུ་ཞི་བར་གཤེགས་པའི་སྐུ་གདུང་གི་མཆོད་འབུལ་ཕྱི་ནང་གི་རྟེན་བཞེངས་སོགས་དགོངས་པ་རྫོགས་པར་མཛད། སྦྱིར་ཡབ་རྗེ་ཉིད་གཙོ་བོར་གྱུར་པའི་བླ་མ་ཡང། གསུང་སྦྲུལ་ཚུལ་ཁྲིམས་རྡོ་རྗེ། ལོ་ཆེན་གཞན་ཕན་རྡོ་རྗེ། ལྷ་བཙུན་ཀུན་བཟང་རྣམ་རྒྱལ། རྫོགས་ཆེན་ནམ་མཁའ་འབྲུག་སྒྲ། བོན་ལུང་པ་ཚུལ་ཁྲིམས་རྒྱལ་མཚན། ཟུར་ཆེན་ཆོས་དབྱིངས་རང་གྲོལ་སོགས་རྙིང་མ་དང། དཔའ་བོ་གཙུག་ལག་རྒྱ་མཚོ། གུ་ཤི་གྲགས་པ་མཆོག་དབྱངས། གནས་གསར་བཀའ་གྱུར་བ། སྦྲུལ་སྐུ་ཀརྨ་བསྟན་སྲུང་སོགས་གསར་མ་སྟེ། བཤེས་གཉེན་དམ་པ་བཅུ་ཕྲན་གསུམ་ལྷགས་པ་ལས་མདོ་སྔགས་ཀྱི་ཆོས་ཚུལ་རབ་འབྱམས་གསན་ཅིང་ཁྱད་པར་བསྐྱེད་རྫོགས་ཟབ་མོའི་ཉམས་བཞེས་ལ་མི་གཡེལ་བས་རྫོགས་པ་(སྨད་ཆ།༣༡༡)ཆེན་པོ་རང་སྣང་རིས་མེད་ཀྱི་དགོངས་པ་མངོན་དུ་གྱུར། འཁོར་འདས་ཡེ་ཤེས་ཀྱི་རོལ་པར་ཤར་བས་ཡི་དམ་དུ་མའི་གཟིགས་སྣང་ལ་དབང་འབྱོར། ཆོས་ཀྱི་རྗེས་སུ་འབྲང་བའི་བུ་སློབ་ནི། ཡབ་རྗེ་དང། གསུང་སྦྲུལ་རིན་པོ་ཆེ་དཔའ་བོ་རྒྱལ་ཚབ་པ་ཙམ་མ་གཏོགས་རང་གི་ཡོངས་འཛིན་རྣམས་ཀྱིས་ཀྱང་ཆོས་ཀྱི་བདུད་རྩི་ངོམས་མེད་དུ་གསོལ་ཞིང་གུས་པར་བཏུད། གཞན་ཡང་དཔལ་རི་སྦྲུལ་སྐུ་ཕྲིན་ལས་རྣམ་རྒྱལ། ལོ་ཆེན་ཆོས་བསྟན་འཛིན། དམ་པ་ཀློང་ཡངས་འོད་གསལ། ཁྲི་དཔོན་སྔས་འཆང་ཆེན་པོ་སོགས་རིགས་དང་སྐྱེས་རྒྱུད་ཡོན་ཏན་གྱིས་མཐོ་བ་དུ་མས་མཚོན། བླ་མ་སློབ་དཔོན་རབ་བྱུང། སྔགས་པ། སྒོམ་ཆེན། ཁྲིམ་བདག་སོགས་སྐལ་ལྡན་དུ་མ་ལ། སྦྱིར་སྒྲུབ་དབང་ཁྲིད་ལུང་མན་ངག་སོགས་ཐུན་མོང་དུ་སྩལ་བ་དང། ཁྱད་པར་བཞེད་པ་ཐ་དད་པའི་ཆོས་རྣམས་སོ་སོའི་སྐལ་བ་བཞིན་སྩོལ་བ་ལ་ཐོགས་པ་མི་མང་བས་སྔར་འགྱུར་གྱི་བསྟན་འཛིན་ཐོག་མཉམ་གཅིག་ལ་ཆོས་ཀྱི་ཕྲིན་ལས་ལ་འགྲན་དུ་མེད་ངོ་བོ་ཆོས་ཉིད་མཉམ་པ་ཆེན་པའི་གནས་ལུགས་ལས་མ་གཡོས་བཞིན་དུ་རྣམ་གྱུར་རྡོ་རྗེ་སློབ་དཔོན་ཉིད་ཀྱི་དེ་ཉིད་བཅུ་ལ་དབང་འབྱོར་བས་དེ་དང་དེའི་ལས་ལ་ངེས་ཤེས་འདྲེན་ཅིང། ཁྱད་པར་དབང་དུས་སུ་ཡེ་ཤེས་ཀྱི་བྱིན་ཕེབས་པས་དབང་དོན་རྒྱུད་ཐོག་ཏུ་འབྱོར། ཁྲིད་བཀའ་གསུངས་དུས་སོ་སོའི་ཉམས་མྱོང་གི་སྣེ་ནས་ཁྲིད་མཁས་པས་ཟབ་ལམ་གྱི་རྟོགས་པ་འཁྲུལ་མེད་དུ་ངོ་འཕྲོད་བས་ཉམས་མྱོང་དྲོ་ཚད་ཐོབ་པ་མང་དུ་ཐོན། ཕྱག་ཏུ་འབྱོར་བའི་ཡོན་བྱད་ཀྱི་དངོས་པོ་ཆེ་ཆུང་གང་ལ་ཡང་འཁོར་འདས་ཀྱི་སྲི་ཆགས་མེད་པར་དཀོན་མཆོག་གི་རྟེན་བརྟེན་པ་མང་པོ་དང། ཁྱད་པར་བཀའ་གཏེར་གྱི་གླེགས་བམ་བརྒྱ་ཕྲག་བརྒལ་བ་གསར་དུ་(སྨད་ཆ།༣༡༢)སྦེལ་ཞིང། མཆོད་སྦྱིན་གྱི་ཡུལ་ལ་ཚོགས་གཉིས་ཀྱི་རྒྱུར་སྨིན་པར་མཛད། པས་མཚོན་མདོར་ན་ཆོས་བརྒྱད་ཀྱི་འཆིང་བས་མ་གོས་ཤིང་བསྟན་འགྲོའི་ཕན་བདེ་ཁོ་ན་ལ་སྐུ་སྲོག་ལས་ཀྱང་གཅེས་པར་འཛིན་པའི་ཐུགས་བསྐྱེད་ཀྱིས། དུབ་གཙང་ལྷོ་སྲོག་གདུལ་བྱའི་ཟིང་རྣམས་སུ་གཞན་ཕན་གྱི་ཕྲིན་ལས་གཡེལ་བ་མི་མངའ་བའི་ངང་ནས་དགུང་ལོ་ལྔ་བཅུ་ལས་སྦོས་དུད་ལྟ་བུའི་རླབས་པ་འཕྲོ་བཞིན་དུ་སྦྲུལ་པའི་དཀྱིལ་འཁོར་འོད་གསལ་ཆོས་སྐུའི་དབྱིངས་སུ་བསྡུས་སོ། མཆོད་འབུལ་རྟེན་བཞེངས་ཕྲིན་ལས་ཀྱི་རྒྱུན་སྐྱོང་པ་གཏེར་ཆེན་ཆོས་ཀྱི་རྒྱལ་པོ་འགྲོ་འདུལ་གཏེར་བདག་གླིང་པ་ནི། བདག་ཉིད་ཆེན་པོ་འདིའི་རིགས་ནི་འོད་གསལ་གྱི་ལྷ་ལས་ཆད་པ་ཞིག་སྟེ། དེ་ཡང་སྔོན་གྱི་དུས་ན་བོད་ཡུལ་གྱི་པའི་ཆ་ཁ་རག་ཏུ་སྔོན་ཆད་མཐོང་མ་སྨྱོང་བའི་སྐྱེས་བུ་གཟུངས་བཟང་ཞིང་མཛེས་པ་ལྷ་ན་སྡུག་པ་མིག་གི་བདུད་རྩིར་གྱུར་པ་ན་སྨྱོས་ཞེས་པའི་རིགས་བརྒྱུད་དུ་གྲགས་པ་ལས་ཕྱི་རུས་སྨྱོས་སྟོན་ཡན་ཏན་གྲགས་པ་སོགས་ཁ་རག་གི་ལྷ་ས་རྣམས་ཡིན་ཅིང། ནང་རུས་མཐིང་མ་སྟི་མཐིང་མ་སྨྱོས་ཞིག་ཆེན་པོ་ནས་སྨྱོས་སྒོམ་ཆེན་པོ་པདྨ་རྡོ་རྗེ་སོགས་ནས་སྨྱོས་སྟོན་གྲགས་པ་རིན་ཆེན་གྱིསྲས་གྲགས་པ་རྒྱལ་མཚན། དེའི་སྲས་ཇོ་འབུམ་དཔལ་ལ་གོང་མའི་ཞལ་ཏས། སྔོན་ལྷ་སྲས་བུ་རུབ་བཙན་པོས་གྲ་དོལ་གཞུང་གསུམ་གྱི་བདག་པོ་བྱས་པའི་ཞང་སྣ་སྣམ་གྱི་སྐུ་མག་ཏུ་(སྨད་ཆ།༣༡༣)བྱོན་པ་ལས་མི་རབས་ལྔའི་མཐར་ཡབ་སྨྱོས་ཚེ་དབང་རྡོ་རྗེ་དང་ཡུམ་སྦ་གོར་གྱི་རིགས་ཚེ་རིང་བུ་དགའ་གཉིས་ཀྱི་སྲས་སུ་ལས་འཕྲོའི་རྣམ་འཕྲུལ་ཀུན་མཁྱེན་མདོ་སྔགས་བསྟན་འཛིན་སྐུ་འཁྲུངས། དེའི་སྲས་སུ་ཡབ་རྗེ་རིག་འཛིན་ཕྲིན་ལས་ལྷུན་གྲུབ་དེ་དང་སྐུ་བལྟམས་པའི་ཡང་ཡུམ་བོད་ཆོས་རྒྱལ་གྱི་གདུང་དྲི་མ་མེད་པ་ལྷུམ་པོ་བ་དོན་འགྲུབ་དབང་རྒྱལ་གྱིས་སྲས་མོ་ལྷ་འཛིན་དབྱངས་ཅན་སྒྲོན་མ་སྟེ། ཡབ་ཡུམ་དེ་གཉིས་ཀྱི་སྲས་སུ་མེ་ཁྱི་ཧོར་ཟླ་གཉིས་པའི་ཡར་ངོའི་ཚེས་དགུའི་མཚན་མོའི་ཐོ་རེངས་ཀྱི་ཐུན་གྱི་ཆ་ལ། གྲ་ནང་རིག་པའི་འབྱུང་གནས་སྦྲུལ་པའི་སྐྱེས་མཆོག་སྣ་ཚོགས་རང་གྲོལ་གྱི་གདས་ས་དར་རྒྱས་ཆོས་གླིང་གི་འོད་གསལ་རྩེ་ཞེས་པའི་གཟིགས་ཆུང་དུ་ས་གཡོ་བ་དང་འོད་འབྱིན་པ་དང་མཁའ་ལ་འཇའ་ཚོན་འཁྲིགས་པ་སོགས་ངོ་མཚར་བའི་དགེ་མཚན་དང་བཅས་སྐུ་བསྟམས་སེ། དེ་ཡང་རང་གཏེར་གབ་རྒྱ་ཅན་གྱི་ལུང་བྱང་ལས། སུམ་ཅུ་ཁ་རལ་སྙིགས་མ་ལྔ་བོའི་དུ་ས་གཡོ་བ་དང་འོད་འབྱིན་པ་དང་མཁའ་ལ་འཇའ་ཚོན་འཁྲིགས་པ་སོགས་ངོ་མཚར་བའི་དགེ་མཚན་དང་བཅས་སྐུ་བལྟམས་ཏེ། དེ་ཡང་རང་གཏེར་གབ་རྒྱ་ཅན་གྱི་ལུང་བྱང་ལས། སུམ་ཅུ་ཁ་རལ་སྙིགས་མ་ལྔ་བོའི་དུས། བསམ་ཡས་ལྷོ་ནུབ་གྲ་ཤེས་གཡུ་རུའི་ས༔ ལུང་པ་བྱང་ལྟ་དོར་མ་བརྐྱང་འདྲའི་ཚིགས། སྲིན་མ་འཛེགས་འདྲའི་དགེ་བསྙེན་ལྷ་ཞོལ་དུ༔ བུདྡྷཱ་ཛྙཱ་ནའི་སྦྲུལ་པ་ཚཻ་མིང་ཕ། ཤེལ་དཀར་མཚོ་སྒྲོན་སྦྲུལ་པ་དབྱངས་མིང་མས༔ བསྐྱེད་པའི་རྣལ་འབྱོར་སྔགས་ཀྱི་བརྟུལ་ཞུགས་ཅན༔ མེ་ཁམས་མེ་ཁྱི་ལོ་པ་པདྨའི་མིང༔ གཟུགས་བྱད་ཧ་ཅང་མི་རིང་མི་ཐུང་བ༔ མདངས་སྣུམ་རིན་ཆེན་རིགས་ཀྱི་རྟགས་འཆང་བ། པདྨ་ང་ལ་མོས་པ་ལྷག་པར་བྱེད༔ བཅོ་བརྒྱད་ལོ་ལ་གཏེར་ཁ་དང་པོ་འབྱེད། ཅེས་གསུངས་པ་བཞིན་ནོ། དེ་ལྟར་སྐུ་བལྟམས་མ་ཐག་མེས་དོན་འགྲུབ་དབང་རྒྱལ་གྱིས་བཙས་ཀླུང་སོགས་རྩིས་པ་མས་བྱུང་བའི་མཚན། ཀུན་དགའ་དངོས་གྲུབ་རིན་ཆེན་(སྨད་ཆ།༣༡༤)དབང་གི་རྒྱལ་བོ་ཞེས་གསོལ། ཡབ་རྗེ་ཉིད་ཀྱིས་དབང་བསྐུར་བྱིན་རླབས་དུ་མས་རྟེན་འབྲེལ་བསྒྲིགས། ལོ་གསུམ་བཞི་ཙམ་ནས་བྲིས་ཀློག་ཉེ་མཁོའི་ཆོག་ཕྲིན་དབང་རབ་གནས་ལུང་དང་བཅས་པའི་ཚིག་དང་ལག་ལེན་ཚོགས་ཆུང་དུས་མཁྱེན་པར་མཛད། དགུང་ལོ་བཅུ་གཅིག་པ་ལ་དཔལ་ལྡན་འབྲས་སྦུངས་སུ་འཛམ་གླིང་གཙུག་གི་ནོར་བུ་ཀུན་མཁྱེན་རྒྱལ་བ་ལྔ་པའི་དྲུང་དུ་གཙུག་ཕུད་ཕུལ། མཚན་ངག་དབང་པདྨ་བསྟན་འཛིན་ཞེས་སྩལ་སྐྱིད་གྲོང་གི་རང་བྱུང་འཕགས་པ་ཐོག་མར་ཕེབས་དང་དུས་འགྲིགས་པས་རྟེན་འབྲེལ་བཟང། ཞེས་དགྱེས་པའི་དབུགས་དབྱུང། རིམ་བཞིན་ཕྲིན་ལས་ལྷུན་གྲུབ་སྟེ་བཀའ་དྲིན་མཚུངས་མེད་རྣམ་གཉིས། སྨིན་གྲོལ་ལམ་བཟང་སྟོན་པའི་བསྟན་འཛིན་ཆེན་པོ་བཅུ་དྲུག། ཟབ་ཆོས་སྣ་ཚོགས་གསན་པའི་ཡོངས་འཛིན་སོ་ལྔ་རྣམས་གུས་པར་བསྟེན་ནས་ཡོངས་རྫོགས་དགེ་བསྙེན་དང། བྱང་སྡོམ་བཀའ་སྲོལ་གསུམ། བཀའ་བརྒྱད་ཡོངས་རྫོགས་ཀྱི་དབང་བསྐུར་བརྡ་དོན་འཕྲོད་པ་ཐོག་མའི་སྨིན་བྱེད་དུ་གསན་ནས་སྡོམ་པ་གསུམ་ལྡན་གྱི་བཞི་བཟུང། མོད་སྒྱུ་སེམས་གསུམ་སོགས་སྔ་འགྱུར་བཀའ་མ་དེང་སང་རྒྱུན་ཡོད་དོ་ཅོག་དང། གཏེར་མ་བླ་རྫོགས་ཐུགས་གསུམ་སྒྲུབ་སྡེ་སྦྱི་དང་བྱེ་བྲག་མང་པོས་མཚོན་ཡོངས་གྲགས་ཕལ་ཆེ་བ། སྔགས་གསར་མ་རགས་པ་རྣམས་དང། མདོ་ཕྱོགས་མང་པོ་དང་བཅས་པའི་དབང་ཁྲིད་བཤད་ལུང་ཇི་སྙེད་པ་རྣམས་གསན། དགུང་ལོ་བཅུ་གསུམ་ནས་གཞུང་ལུགས་ཅི་རིགས་པ་སྦྱོང་བ་ལ་བཞུགས་ཏེ། དཔལ་གསང་བ་སྙིང་པོ་དང། རྒྱུད་བླ་མ་། སེམས་ཉིད་ངལ་བསོ། ཡིད་བཞིན་(སྨད་ཆ།༣༡༥)མཛོད་རྩ་འགྲེལ་སོགས་གསན་ནས་གཞན་ལ་འཆད་སྦེལ་ཡང་མཛད། ཁྱད་པར་ཀུན་མཁྱེན་ཆེན་པོའི་གསུང་རབ་རྣམ་ལ་བལྟ་བའི་མིག་ཏུ་མཛད་ནས་གསན་གཟིགས་ནན་ཏན་མཛད་པས་སྔར་དོན་སྦྱི་ཙམ་གྱི་ཤུན་པ་བུད་ནས་དོན་གྱིས་གནས་ལུགས་རྟོགས་པའི་སྦྲོས་པ་ཚོད་པར་མཛད། དེ་ནས་གནས་སྐབས་ཅི་རིགས་པར་མཆིམས་ཕུ་དང་གཡའ་མ་ལུང་སོགས་གནས་ཆེན་དག་རང་གནས་ཀྱི་དབེན་པ་རྣམས་སུ་ལོ་སྦྲེལ་དང་ཟླ་དྲུག་མ། ཟླ་གཅིག་གིས་མཐའ་རྟེན་པ་ཡན་ཆད་ཀྱིས། གུ་རུ་ཞི་དྲག། རྡོར་སེམས་བཀའ་བརྒྱད་ཡང་ཕུར་ཙམ་བསྙེན་པས་ཞལ་གཟིགས་དང་ལུང་བསྟན་གྱི་རིམ་པ་མཐའ་ཡས་ཏེ་གསང་བའི་རྣམ་ཐར་དུ་འཁོད་པ་ལྟར་དང། དགུང་ལོ་བཅོ་བརྒྱད་ལ་གཡའ་མ་ལུང་ནས་ཟབ་ཆོས་རིག་འཛིན་ཐུགས་ཐིགས་ཀྱི་ཆོས་སྐོར་མ་བུ་སོགས་མྱོང་གྲོལ་བྱིན་རླབས་ཀྱི་རིམ་བུ་དང་བཅས་པའི་ཟབ་གཏེར་སྦྱན་དྲངས། དགུང་ལོ་ཉེར་གཅིག་པ་ནས་བཟུང་རྒྱལ་བ་ལྔ་པ་ཆེན་པོ་དང་འཇམ་མགོན་སྡེ་སྲིད་སངས་རྒྱས་རྒྱ་མཚོ་གཉིས་ཀྱི་དབུའི་བླ་མར་བཀུར་བས་ལོ་རེ་བཞིན་རྐྱེན་སེལ་སྐུ་རིམ་དབང་བཀའ་མང་པོ་དང་ཁྱད་པར་བཀའ་གཏེར་གྱི་ཆོས་བཀའ་དུ་མ་གསན་ཁྱད་པར་རྙིང་མ་རང་ལུགས་ལ་མེད་དུ་མི་རུང་བའི་ཆོས་བཀའ་དུ་མ་གསན། ཁྱད་པར་རྙིང་མ་རང་ལུགས་ལ་མེད་དུ་མི་རུང་བའི་ཆོས་བཀའ་ཁྱད་པར་ཅན་ཆད་དུ་ཉེ་བ་དུ་མ་འབད་རྩོལ་ཆེན་པོས་ཉན་བཤད་དང། བཤད་སྒྲུབ་ཀྱི་སྲོལ་གཏོད་ནས་སྲོག་འཐུད་པར་མཛད། བསྟན་པའི་བདག་པོ་མཆོད་ཡོན་ཟུང་གི་དབུས། དད་པས་ཕུལ་བའི་དངོས་པོ་རྣམས་དོན་ཡོད་(སྨད་ཆ།༣༡༦)པར་བྱ་བའི་ཕྱིར་དང། གཏེར་ལུང་ལས། ཁྱད་པར་གཡུ་རུ་གཙང་མའི་སར༔ ཚོམ་བུ་གཅིག་ཏུ་འདུས་པའི་སྡེ། མ་འོངས་བསྟན་པ་ཆེར་འཕེལ་ནས༔ བོད་ཀྱི་བདེ་སྐྱིད་དགུང་དུ་འདེགས། ཞེས་ལུང་བསྟན་པ་ལྟར་འདུས་སྡེ་ཨོ་རྒྱན་སྨིན་གྲོལ་གླིང་འདི་མེ་འབྲུག་ལོར་གསོར་དུ་བསྐྲུན་ནས་རིམ་པར་གཙུག་ལག་ཁང་གསུམ་དུ་བཞེངས་གྲ་ཚོགས་ཀྱང་དང་པོ་བརྒྱད་གྲ་ཙམ་ལས་ཕྱིས་སུམ་བརྒྱར་ཉེ་བ་སྡོམ་པ་གསུམ་གྱི་བསླབ་ཁྲིམས་ལ་བཀོད་ནས་འཁོར་ལོ་གསུམ་གྱི་རྣམ་ཐར་ལྟུར་ལེན་པ་བསྙེན་བཀུར་གྱིས་མི་བྲེལ་བ་རྒྱུན་ཆགས་པ་དང། དེ་དག་གི་གནས་ལམརྟེན་གསུམ་མཆོད་རྫས་དང་བཅས་པ་དང། དཀྱིལ་འཁོར་ཆེན་པོ་དུ་མའི་སྒྲུབ་མཆོད་དུས་བཞིར་སྒྲུབ་པའི་གཞི་རྟེན་ཡོ་བྱད་དུ་མ་དང། བྲིས་འབུར་གྱི་སྐུ་བརྙན་མང་པོ་དང། གསེར་དངུལ་གྱི་བཀའ་འགྱུར་གྱིས་མཚོན་གླེགས་བམ་ལྔ་བརྒྱ་སྐོར་དང། མཆོད་རྟེན་ཆེན་མོ་སོགས་གཏེར་གནས་རྣམས་ནས་ཟབ་གཏེར་གྱི་ཆོས་སྒོ་མང་པོ་སྦྱན་དྲུངས་ནས་སྐལ་ལྡན་རྣམས་སྨིན་གྲོལ་ལ་བཀོད་པ་སྟེ་མཛད་པ་ཆ་ཤས་ཙམ་ཞིག་སྨྲོས་པ་ཡིན་ལ། གསུང་རྩོམ་བསྟན་བཅོས་ཀྱི་སྐོར་ཡང་སྒྲུབ་ཕྲིན་ཞལ་གདམས་གསུང་མགུར་ཁྲིད་ཡིག་སོགས་བསྟན་པ་གསུལ་ནུས་པའི་ལེགས་བཤད་སྨད་དུ་བྱུང་བ་དུ་མ་མཛད་ཅིང། མདོར་ན་གསང་ཆེན་རྙིང་མ་བཀའ་གཏེར་ཕལ་ཆེར་མིང་ཙམ་དུ་གྱུར་པ་ན་རྗེ་འདིའི་ཐུགས་བསྐྱེད་བླ་ན་མེད་པའི་ཕྲིན་ལས་ཀྱི་འཇུག་པས་བསྟན་པའི་མེ་རོ་འཆད་སྦེལ་གྱིས་གསོས་ནས་གསང་ཆེན་སྔ་འགྱུར་གྱི་སྒྲུབ་ཕྲིན་སྨིན་གྲོལ་གྱི་ཕྱག་བཞེས་ཕྲག་རགས་(སྨད་ཆ།༣༡༧)ཐམས་ཅད་རྨང་ནས་གཞི་བཞེངས་སུ་མཛད་པའི་སྟབས་ཀྱིས་དེང་སང་ཡང་གསང་སྔགས་རྙིང་མའི་བཤད་སྒྲུབ་ཀྱི་ཕྱག་བཞེས་མ་ཉམས་པ་མིང་ཙམ་ཞིག་ཡོད་པ་འདི་ནི་རྗེ་འདིའི་བཀའ་དྲིན་ལས་བྱུང་བ་ཡིན་ནོ། དེ་ལྟར་དགུང་ལོ་བཅུ་དྲུག་ནས་དྲུག་ཅུ་རེ་དགུའི་བར་ཆོས་ཀྱི་ཕྲིན་ལས་སྐྱངས་པའི་མཐར་ཤིང་རྟ་ཧོར་ཟླ་དང་པོ་ནས་ཅུང་ཟད་བསྙུན་པའི་ཚུལ་བསྟན་ནས་ཁྱད་པར་ཉེར་ལྔ་ནས་ཁུ་དབོན་རྣམས་ལ་ཞལ་གདམས་ཕྱི་མཐའི་བསླབ་བྱ་སྩལ། དེ་ནས་བཟུང་རྒྱ་གླིང་ལྟ་བུའི་སྒྲ་ཤིན་ཏུ་སྙན་པ་དང་ག་བུར་ལྟ་བུའི་དྲི་ངེག་ཀྱིས་གཟིམས་ཆུང་ཕྱི་ནང་ཐམས་ཅད་ཁྱབ་པ་བྱུང། ཤར་ཕྱོགས་སུ་གོམ་པ་བདུན་འགྲོ་དགོན་ཡོད་གསུངས་བཞེངས་ཏེ་ཞབས་གོམ་པ་བདུན་སྦོས་ནས་སྐྱིལ་དཀྲུང་གིས་བཞུགས་ཏེ། སྣང་གྲགས་རོགས་གསུམ་ལྷ་སྔགས་ཆོས་སྐུའི་དང། སྐུ་དང་ཡེ་ཤེས་རོལ་པར་འབྱམས་ཀླས་པ། ཟབ་གསང་རྣལ་འབྱོར་ཆེན་པོའི་ཉམས་ལེན་ལ། དབྱེར་མེད་ཐུགས་ཀྱི་ཐིག་ལེར་རོ་གཅིག་ཤོག། ཅེས་འདའ་ཁ་ཞལ་ཆེམས་ཀྱི་ཚུལ་དུ་གསུངས་ཏེ། ཤིང་རྟ་ཧོར་ཟླ་གཉིས་པའི་ཚེས་གཉིས་ཀྱི་ཉི་དྲོས་ལ་ད་སྟེ་མཁའ་འགྲོའི་བསུ་བ་ཡང་བྱུང་གོ་གསུངས་ཏེ། ཕྱག་གཉིས་ཌཱ་དྲིལ་ཁྲོལ་བའི་བརྡ་དང་སྦྱན་ལྟ་སྟངས་དང་བཅས་སྐད་གཅིག་ལ་མཁའ་སྦྱོད་དུ་གཤེགས་སོ། དེའི་ཚེ་ནམ་མཁའ་འཇའ་སྦྲིན་གྱིས་ཁེབས་པ་དང་མེ་ཏོག་དཀར་པོ་འདབ་མ་དྲུག་པ་དང་བརྒྱད་པའི་ཆར་ངོ་མཚར་བ་བབས། དེ་ནས་བཟུང་གཞ་མང་པོའི་བར་དུ་ལྟས་ངོ་མཚར་བ་དུ་མ་བྱུང་ངོ། དེ་ནས་ཞབས་དྲུང་ཁུ་དབོན་རྣམས་ཀྱིས་མཆོད་འབུལ་ཕྱི་ནང་གི་རྟེན་བཞེངས་ཕྲིན་ལ་ཀྱི་རྒྱུན་སྐྱོང་བ་ལ་སོགས་པ་མཛད་ཅིང། ཁྱད་པར་གདུང་ཞུགས་ལ་ཕུལ་སྐབས་(སྨད་ཆ།༣༡༨)ཐུགས་དང་དབུ་ཐོད་མེས་མ་རྨས་པར་ཕེབས་ཤིང། རིང་བསྲེལ་གྱི་ཚོགས་དང་ཞུན་ཐིགས་ལ་རྣམ་རོལ་མཐའ་ཡས་མགོན་པོའི་སྐུ་བརྙན་བྱོན་གཙང་གཟི་བྱིན་དང་ལྡན་པ་ཕེབས་ཏེ། གཏོར་ལུང་ལས། འདས་དུས་གདུང་ལ་རིང་བསྲེལ་འབྱུང༔ སུས་མྱོང་མཁའ་སྦྱོད་བཙན་པ་ཟིན༔ ཞེས་གསུངས་པ་བཞིན་མངོན་དུ་གྱུར་ཏོ། དེ་ལྟར་གདུང་རུས་རིང་བསྲེལ་སོགས་ནང་གཟུངས་སུ་བཞུགས་ཤིང་རྣམ་རོལ་མཐའ་ཡས་བུམ་པའི་སྒོ་ཁྱིམ་གྱིས་རྩེ་མོར་བཞུགས་པའི་དངུལ་དཀར་གྱི་བྱང་ཆུབ་ཆེན་པོའི་མཆོད་རྟེན་གཅིག་ལག་ཁང་བྱང་མ་ཆོས་འཁོར་ལྷུན་པོར་བཞུགས་སོ། ཐུགས་ཀྱི་སྲས་དང་གསུང་གི་སྲས་བདག་སློབ་བུ་ནི༔ ད་ལྟའི་མངའ་བདག་ཡབ་སྲས་སོགས་ས་ཐོབ་རྗེ་འབངས་སྐྱེ་བའི་མཐའ༔ འགྲོ་དོན་ནུས་པ་སུམ་ཅུ་ལྔ༔ རང་དོན་གྱུར་པ་བརྒྱ་རྩ་བརྒྱད༔ ལས་ཀྱི་འབྲེལ་བ་དྲུག་ཅུ་བདུན། གདུགས་ཐོགས་མེད་བདུན་གྱི་ཞབས་ནས་འདེགས༔ རི་ཆེན་གསུམ་གྱིས་མངའ་ཐང་སྦེལ། ཞེས་གསུངས་པས། རགས་པ་ཙམ་ཞིག་བརྗོད་ན། རྒྱལ་བ་ལྔ་པ་ཆེན་པོ་དང། རྒྱལ་མཆོག་དྲུག་པ། མི་དབང་སངས་རྒྱས་རྒྱ་མཚོ་སོགས་སྡེ་སྲིད་སྔ་ཕྱི་གསུམ་སྟེ་མཆོད་ཡོན་ཉི་ཟླ་ཟུང་འབྲེལ། ས་སྐྱ་པ་བདག་ཆེན་ཀུན་དགའ་བཀྲ་ཤིས། ཆབ་མོད་རྒྱལ་བ་འཕགས་པ་ལྷ། ཐུགས་སྲས། གསུང་སྦྲུལ། ཏྲེ་བོ་ཆོས་ཀྱི་དབང་པོ། ཀོང་པོ་ཐང་འབྲོགས་སྦྲུལ་སྐུ། འཕྱོངས་རྒྱས་དཔལ་རི་སྦྲུལ་སྐུ། གཙང་ནས་དྲེས་པ་སྦྲུལ་སྐུ། ཟངས་ལ་མཁར་སྦྲུལ་སྐུ། དཱ་ལའི་ཁུ་ཐོག་ཐུ་ངག་དབང་(སྨད་ཆ།༣༡༩)བཤད་གྲུབ་རྒྱ་མཚོ། བོན་ལུང་སྦྲུལ་སྐུ། ཁམས་ནས་རྫོགས་ཆེན་སྦྲུལ་སྐུ་ཀ་ཐོག་རྒྱལ་སྲས། ཀོང་པོ་རྦ་ཁ་སྐུ་སྐྱེ། མེ་རག་བླ་མ་སོགས་དང། གཞན་ཡང་དུས་དེའི་མཁས་སྒྲུབ་ཐོག་སྙམ་ཕལ་ཆེར་གྱི་ཞབས་ལ་མ་གཏུགས་ཞེས་བྱ་བ་མེད་པས་མཐའ་ཡས་སོ། ཁྱད་པར་དུ་ཡང་བཀའི་བུམ་པ་བྱོ་ཞིང་མཁྱེན་པའི་བཅུ་ཐོབ་པའི་ཐུགས་ཀྱི་སྲས་དང་ངག་གི་སྲས། རྒྱལ་སྲས་བསྟན་པའི་ཉི་མ། མཁོན་ལོ་ཙཱ་བ་ཆོས་དཔལ་རྒྱ་མཚོ། གདུང་སྲས་པདྨ་འགྱུར་མེད་རྒྱ་མཚོ། གཅུང་ཡིད་བཞིན་ལེགས་གྲུབ། གཅུང་རིན་ཆེན་རྣམ་རྒྱལ་ཏེ། འདི་རྣམས་ནི་ཆུང་དུ་ནས་རྗེས་སུ་བཟུང་སྟེ་དབང་ལུང་ཁྲིད་མན་ངག་རྒྱུད་བཤད་ལག་ལེན་རིག་གནས་དང་བཅས་པ་བུམ་པ་གང་བྱོའི་ཚུལ་དུ་རྫོགས་པར་གནང་ནས་ཆོས་ཀྱི་རྒྱལ་སྲིད་ལ་དབང་བསྐུར་ཏེ་རྒྱལ་ཚབ་ཏུ་མངའ་གསོལ་བའོ། དེ་ལས་རྒྱལ་སྲས་བསྟན་པའི་ཉི་མ་ནི་ས་བྱི་དར་གླིང་དུ་བལྟམས། ཡབ་རྗེ་གསང་བདག་ཆེན་པོ་དང་གཅེན་གཏེར་ཆེན་བླ་མ་གཙོ་བོར་གྱུར་པའི་ཡོངས་འཛིན་དམ་པ་མང་པོ་བརྟེན། མདོ་སྔགས་བཀའ་གཏེར་གྱི་གསན་པ་རྒྱ་ཆེ། འཕྱོངས་རྒྱས་དཔལ་རིའི་འདུས་སྡེ་འགྲིམ་ཞིང་གར་ཐིག་དབྱངས་རོལ་དུང་རྒྱ་གླིང་སོགས་ཤེལ་བྱ་ཆེ་ཕྲ་མ་ལུས་པ་ཐུགས་སུ་ཆུད། ཐུན་མོང་རིག་པ་ལ་ཡང་མཆོག་ཏུ་མཁས། རང་ཕྱོགས་བསྟན་འཛིན་གྱི་སྐྱེས་བུའི་ཁྱུ་མཚོག་ཏུ་གྱུར་ཀྱང། གཏེར་གསར་ཆོས་བདག་གྲར་ལུང་གི་ཟིན་པ་དེ་དག་གི་ཉམས་བཞེས་དུས་ལ་ཡོལ་བས་སྐུ་ཚེ་བར་ཆད་དུ་གྱུར་ཏེ་ཤིང་སྟག་དགུང་ལོ་ཉེར་བདུན་ཐོག་ངོ་མཚར་བའི་ལྟས་དང་བཅས་ཟག་མེད་ཆོས་ཀྱི་དབྱིངས་སུ་གཟུགས་སྐུའི་བཀོད་པ་བསྡུས་སོ། ༣༢༠)དེའི་གཙུང་མཁན་ལོ་ཙཱ་བ་ཆོས་དཔལ་རྒྱ་མཚོ་ནི། གཏེར་ལུང་ལས་གཡུ་སྒྲའི་སྦྲུལ་པ་བློ་ལྡན་རྡྷརྨའི་མིང། བྱང་སེམས་དད་རྩོན་སྙིང་སྟོབས་ལྡན་པ་འབྱུང། ཞེས་ལུང་གིས་བསྟན་པའི་སྐྱེས་ཆེན་སྐུ་ཚེ་རིལ་པོར་འཆད་རྩོད་རྩོམ་གསུམ་གྱིས་ཕྲིན་ལས་བསྐྱངས་པས། རིག་གནས་མང་པོར་འགྲིལ་བཤད་ཀྱི་བསྟན་བཅོས་དང། སྡོམ་གསུམ་རྣམ་ངེས་ཀྱི་འགྲེལ་པ་དཔག་བསམ་སྙེ་མ་དང། སྔགས་ཕྱི་ནང་སྐོར་ལ། དབང་སྒྲུབ་ཐབས་རྗེས་གནང་པའི་བསྟན་བཅོས་མཐའ་ཡས་པ་དང། ཁྱད་པར་འདུས་པ་་མདོའི་སྦྱི་དོན་རྒྱུད་ལུང་མན་ངག་གི་གནད་གསལ་བར་བྱེད་པའི་སྒྲོན་མེ། དཀྱིལ་ཆོག་དྲི་མེད་ཀྱི་ཕྲེང་བ། ཟུར་འདེབས་དཔག་བསམ་སྙེ་མ། བསྙེན་སྒྲུབ་དབང་བསག་བཞིའི་སྒྲོམ་སྟེ་ཡིག་སྣ་བཞི་དང། གསང་བ་སྙིང་པོ་ལ་ཊཱི་ཀ་གསང་བདག་དགོངས་རྒྱན་སྦྱོ་དོན་གསང་བདག་ཞལ་ལུང་ལ་སོགས་པའི་བསྟན་པ་བཅོས་མཛད་ནས་དབྱར་དགུན་གྱི་ཆོས་གྲར་རྒྱུད་ཀྱི་བཤད་པ་ཚར་རེ་སྨིན་རྒྱས་སྟར་ཆགས་པ་དང། གནས་དུས་ཅི་རིགས་པར་ལོ་དང་ཟླ་སྦྲེལ་གྱི་ཟབ་མོའི་ཉམས་ལེན་ལ་སྙིང་པོར་མཛད་པས་རྫོགས་པ་ཆེན་པོ་རང་སྣང་རིས་མེད་ཀྱི་དགོངས་པ་མངོན་དུ་གྱུར། གཏེར་ཆེན་བླ་མའི་ཕྲིན་ལས་ཀྱི་རྒྱུན་བསྐྱངས་པས་བཤད་སྒྲུབ་བསྟན་པའི་གསལ་བྱེད་གཅིག་ཕུ་པ་ཡིན་ནོ། གཙང་དང་ཆབ་མདོ་སོགས་ལའང་ཕེབས། སློབ་མ་ཡང་ས་སྐྱ་བདག་ཆེན་ཀུན་དགའ་བཀྲ་ཤིས། ཆབ་མདོ་རྒྱལ་བ་བ་འཕགས་པ་ལྷ། ལྕགས་ར་སྦྲུལ་སྐུ་སོགས་ཆེ་གཉན་དུ་མས་བཀུར་ཞིང་མཆོད། དེ་ལྟར་མཆོག་དམན་བར་མའི་སྐྱེ་དགུ་ཐམས་ཅད་ལ་ཆོས་ཀྱི་ཕྲིན་ལས་རྒྱ་ཆེར་བསྐྱངས་ནས་མཐར་དགུང་ལོ་རེ་ལྔ་པ་ས་ཁྱི་ཧོར་ཟླ་བཅུ་གཉིས་པའི་ཉེར་(སྨད་ཆ།༣༢༡)བཞི་ལ། ལོག་སྨོན་སྟོབས་སུ་གྱུར་པའི་ཇུན་གར་བའི་དམག་དཔུང་གིས་བླ་མ་སྐྱེས་བུ་དམ་པ་རྣམས་དཀྲོངས་པའི་དུས་དེར་ཧོར་ཟླ་དང་པོའི་ཉེར་བཞི་ལ་ལྷ་ལྡན་ཕོ་བྲང་ཆེན་པོའི་མདུན་ཐད་ཀྱི་པདྨ་རགས་གསར་ཟེར་བའི་ས་དེའི་ཐད་དུ་སྦྱན་དྲངས་པར་སྐད་ཅིག་དེ་ཉིད་ལ་ཟབ་ལམ་འཕོ་མཚམ་སྦྱོར་གྱིས་དག་པའི་ཞིང་དུ་ཐལ་ལེར་གཤེགས་པས། གཤེད་མ་རྣམས་ཡུ་ཡུ་བུར་གྱུར་ཏེ་ཁ་སྐྱེངས་སོ། རིགས་སྲས་པདྨ་འགྱུར་མེད་རྒྱ་མཚོ་ནི། གཏེར་ལུང་ལས། རིགས་སྲས་རྟ་མགྲིན་སྦྲུལ་པ་ནི༔ རྡོ་རྗེའི་མིང་གིས་འགྲོ་དོན་སྦྱོད། ཅེས་ལུང་གིས་ཟིན་པ་འདི་ཉིད་ཡབ་གཏེར་ཆེན་ཉིད་དང་ཡུམ་རྗེ་རིགས་མཁའ་འགྲོའི་རྟགས་ཀྱིས་སྦྲས་པའི་ཡོན་ཏན་སྒྲོལ་མ་ཞེས་པའི་སྲས་སུ་མེ་སྟག་ལ་འཁྲུངས། བཙས་པའི་མཚན་ལས་ཤེས་རབ་རྣམ་རྒྱལ་རྡོ་རྗེ་འབུམ་ཞེས་གསོལ། ཆུང་ངུ་ནས་དམ་པ་རྣམ་གཉིས་ཀྱི་ཆོས་ཀྱི་བདུད་རྩི་བུམ་པ་གང་བྱོའི་ཚུལ་དུ་གསན། དགུང་ལོ་ཉི་ཤུ་པ་ལ་མཁན་པོ་ལོ་ཙཱ་བ་ངག་དབང་ཆོས་རྒྱལ་ར་མཚོ་ལས་ཚིག་རྫོགས་ཀྱི་བསྙེན་པར་རྫོགས་ནས། ཆོས་རྗེ་གཞན་ཕན་དབང་པོའི་དྲུང་དུ་འདུལ་མཛོད་ཕར་ཕྱིན་ལ་སོགས་པ་རིག་ལམ་ནས་ལུང་རིག་གི་བཤད་པ་མཐའ་ཚོད་པ་གསན། བླ་མ་དམ་པ་གཉིས་ཀྱིས་གསན་པ་གང་ཡོང་སྟེང་དུ་གིང་དཀར་ཆོས་སྡེ་ནས་སློབ་དཔོན་དབང་ཕྱུག་པ་སྦྱན་དྲངས་ནས་རྡོ་རྗེ་ཕྲེང་བ་ལ་སོགས་པའི་གསར་མའི་ཆོས་ཀྱི་རྒྱུན་ཡོད་དོ་ཅོག་ཀྱང་གསན། སྒྲ་ཚད་སྙན་ངག་སོགས་ཕྱི་ནང་གི་རིག་པ་ཐ་དག་ལ་མངའ་དབང་འབྱོར་ཞིང། དགུང་ལོ་སུམ་ཅུའི་ཐོག་ཡབ་རྗེ་ཆོས་ཀྱི་རྒྱལ་པོའི་ཁྲི་ལ་ཞབས་སོར་བཀོད། བསྟན་བཅོས་ཀྱང་སྙན་ངག་གི་ཊཱི་ཀ། ཕར་ཕྱིན་གྱི་སྦྱི་དོན། གསང་(སྨད་ཆ།༣༢༢)སྙིང་གི་སྦྱི་དོན་སྡོམ་གསུམ་གྱི་ཟུར་འདེབས། ཚེ་བདག་གི་ལས་སྦྱོར་ལ་གཅེས་པའི་མན་ངག་སྒྲོལ་མ་བདུན་པ། གཞན་ཡང་དབང་དང་སྒྲུབ་ཕྲིན་ལས་ཁ་ཚར་དང་བཅས་པའི་བསྟན་བཙོས་མཐའ་ཡས། ཡབ་ཀྱི་ཞལ་ཆེམས་སུ། ཆོས་ཆར་ཕ་ལས་བུ་ལྷག་ཅེས་དབུགས་དབྱུང། དེ་ལྟར་ཆོས་ཀྱི་ཕྲིན་ལས་བསྐྱངས་པའི་མཐར་དགུང་ལོ་སོ་གསུམ་པ་ས་ཁྱི་ཧོར་ཟླ་དང་པོའི་ཉེར་དྲུག་ལ་ལོག་སྨོན་ཅན་དེ་རྣམས་ལ་ལུས་སྲོག་ལྟོས་མེད་དུ་བཏང་སྟེ་ཡང་དང་བག་ཚ་མེད་པའི་ལྷ་གདེངས་ཀྱི་གཤེགས་སོ། ཡབ་གཏེར་ཆེན་བླ་མ་དངབ་ཡུལ་ཟ་ཧོར་རྒྱལ་པོ་གཙུག་ལག་འཛིན་གྱི་དབོན་རྒྱུད་ལས་ཆད་པ་རྡོ་རྗེ་ཕག་མོའི་རྣམ་སྦྲུལ་ཏུ་ལུང་གིས་ཟིན་པ་ཕུན་ཚོགས་དཔལ་འཛོམ་ལས་རིགས་སྲས་དུ་མ་བསྐྲུན་པ་ལས་མཐུ་བོར་གྱུར་པ་རྒྱལ་སྲས་ཡིད་བཞིན་ལེགས་གྲུབ་ནི་ས་མོ་ལུག་ལོ་མཁའ་སྦྱོད་བདེ་ཆེན་གླིང་དུ་བལྟམས། རིག་གནས་སྦྱི་བྱེ་བྲག་ཐམས་ཅད་ཐུགས་སུ་ཆུང། ཁྱད་པར་ཚངས་པའི་གསུང་ལ་མགྲིན་པའི་དབྱངས་རོལ་གར་ཐིག་སོགས་འགྲན་ཟླ་དང་བྲལ། ཀུན་མཁྱེན་དྡྷརྨ་ཤྲཱི་ལས་བསྙེན་པར་རྫོགས། འདུལ་མངོན་ཕར་ཕྱིན་ལ་སོགས་པ་ཡང་གསན་པ་མཛད་དེ་མཁས་བཙུན་བཟང་པོའི་ཡིན་ཏན་དང་ལྡན་ཀྱང་ལོག་སྨོན་ཅན་དེ་རྣམས་ཀྱི་དབང་དུ་སོང། རིགས་སྲས་རིན་ཆེན་རྣམ་རྒྱལ་ནི། གཏེར་ལུང་ལས། བི་མའི་རྣམ་སྦྲུལ་རརྣ་བཛྲ་མིང། གཡུ་རུའི་སར་འབྱུང་ཞེས་པ་ལྟར་པཎ་ཆེན་(སྨད་ཆ།༣༢༣)བི་མ་ལའི་སྦྲུལ་པར་གཏེར་ལུང་ནས་བསྟན་པ་འདི་ཉིད་དངོས་པོ་ཤིང་ཁྱིར་བལྟམས། རས་ཆན་རིག་འཛིན་རྣམ་རྒྱལ་གྱི་ཡང་སྲིད་དེ་མ་ཐག་པར་གསལ། ཡབ་རྗེ་ཁྲ་དབོན་རྣམས་ལས་དབང་ཁྲིད་ལུང་མན་ངག་སོགས་བུམ་པ་གང་བྱོའི་ཚུལ་དང། ཐུན་མོང་ཐུན་མིན་གྱི་རིག་པ་མཐའ་དག་ཀྱང་དབྱིས་ཕྱིན་པར་གསན། ཁྲི་ཆེན་འགྱུར་མེད་རྒྱ་མཚོ་ལས་དགེ་ཚུལ་གྱི་སྡོམ་པ་བཞེས། དུས་འགྱུར་གྱི་སྐབས་ཀྱང་སྡིག་ཅན་དེ་རྣམས་ཀྱིས་ཇི་བར་མ་ནུས་ཏེ་མོན་བོད་ཀྱི་ས་མཐའ་རྣམས་སུ་རེ་ཞིག་བསྐུངས་ནས་བཞུགས། དེ་ནས་རྩ་རི་བརྒྱུད་ཁམས་ཕྱོགས་ཀྱི་དབེན་རིར་གསང་ཐབས་ཀྱིས་བཞུགས་ནས་གུ་རུ་ཞི་དྲག་ལ་སོགས་པའི་ཡི་དམ་དུ་མ་བསྙན། སྐབས་སུ་དྲག་པ་མངོན་སྦྱོད་ཀྱི་ལས་ལ་ཡང་འབད་པ་གང་ཐོན་མཛད་དེ་ལོ་ངོ་གཉིས་ཙམ་བཞུགས་སྐབས་ཕྱོགས་དེར་ཆོས་དང་ཟང་ཟིང་གཉིས་ཀའི་ཕྲིན་ལས་རྒྱ་ཤིན་ཏུ་ཆེ། སྟག་འུ་བྲག་དམར་དགོས་སོགས་ས་སྨད་ཕྱོགས་དང་རུ་དམ་རྫོགས་ཆེན་དགོན་རྣམས་ལ་ཕེབས་བཀའ་ཆོས་འཆད་སྦེལ་མང་དུ་མཛད། སྔར་ཡབ་མེས་ཀྱི་བུ་སློབ་ཁམས་པ་བླ་དཔོན་རྣམས་ཀྱིས་བསྙེན་བཀུར་གྱི་འབུལ་བ་རྒྱ་ཆེར་བཏབ་ཅིང། དེ་དག་གི་ཟང་ཟིང་གི་འབྱོར་པ་རྒྱ་ཆེར་གྱུར་པ་ན། གནམ་སྐོས་འཇམ་དབྱངས་གོང་མ་ཆེན་པོའི་ཐུགས་རྗེའི་ཉི་མས་བདུད་དམག་ངན་པའི་སྨག་རུམ་དེ་དག་ཕ་མཐར་བསྐྲད་དེ་སྦ་བཀོང་བར་བྱ། གངས་ཅན་བོད་ཀྱི་ལྷ་ཅིག་འཛམ་གླིང་སྐྱེ་དགུའི་འདྲེན་པ་རྒྱལ་དབང་སྐལ་བཟང་རྒྱ་མཚོ་གྲུ་འཛིག་གླིང་སྐྱེ་དགུའི་འདྲེན་པ་རྒྱལ་དབང་སྐལ་བཟང་རྒྱ་མཚོ་གྲུ་འཛིག་འཇིག་རྟེན་དབང་ཕྱུག་གི་ཕོ་བྲང་ཆེན་པོའི་གསེར་ཁྲིའི་སྟེང་དུ་མངའ་གསོལ། བོད་ཡུལ་སྐྱེ་དགུ་སོ་སོའི་ལུགས་ཀྱི་ཆོས་དང་སྲིད་ཀྱི་བྱ་བ་སྔར་ལུགས་བཞིན་སྐྱོངས། ཞེས་པའི་(སྨད་ཆ།༣༢༤)བཙན་པོའི་ལུང་བསྒྲགས་ནས་རྫོགས་ལྡན་གསར་པའི་ཉི་མ་ཕྱོགས་ཐམས་ཅད་དུ་བརྡལ་བས། གདན་མ་ལག་དང་བཅས་པ་སྔར་ལྟར་ལྟོགས་པས། དབུ་ཆེ་ཁུར་ཆེན་པ་རྣམས་ཀྱིས་སྦྱན་འདྲེན་བྱུང་བར། དེ་འཕྲལ་ལ་བཏེགས་ནས་ཕོ་ཕྲང་ཆེན་པོར་རྒྱལ་བ་སྐལ་བཟང་རྒྱ་མཚོར་མཇལ་ཕྱག་མཛད་པས། གོང་མ་གཏེར་ཆེན་ཆོས་ཀྱི་རྒྱལ་པོའི་ཁྲི་ཐོག་ཏུ་མངའ་དབང་བསྐུར་བའི་བསྒོས་ཆ་དང་འཇའ་ས་སོགས་ཐམ་ཀ་སྦྱི་བོར་བསྩལ། གུས་འདུད་ཀྱི་ཐོན་ཕྱག་ཞུས་ནས་ལམ་དུ་ཞུགས། རང་ཞབས་པ་རྣམས་ཀྱིས་བསུ་བ་སེར་སྦྲེང་གི་བཀུར་བསྟི་དང་བཅས་རང་དགོན་དུ་ཕེབས་སོ། དམ་པ་འདི་ཉིད་ནི་སྔོན་ནས་གཏེར་ཆེན་ཉིད་ཀྱིས་ཕྱི་མཐའ་གཟིགས་པས་དོན་གྱི་གདན་སར་ཁྲི་གནོན་མཛད་པ་འདྲ་སྟེ། སྐུ་མྱ་ངན་ལས་འདའ་བར་ཕྱོགས་པའི་ལོ་དེའི་ནང་དུ་གཅུང་ཀུན་འགའ་ཚུལ་ཁྲིམས་ཀྱིས་དོ་ཁུར་ཆེན་པོས་བཀའ་འགྱུར་གསར་བཞེངས་དང། ཆོས་འཁོར་ལྷུན་པོའི་སྟེང་དུ་གསེར་གྱི་རྒྱ་ཕིབས་བཟོ་བཀོད་ཀྱིས་མཚར་བ་བསྒྲུབ་ཏེ་མཛེས་པར་སྦྲས་ནས་རབ་ཏུ་གནས་པ་གསོལ་བས། དེ་ཤིན་ཏུ་ལེགས་ཏེ་དེ་དུས་བུ་ཆུང་རྒན་སར་ཁྲི་གནོན་ཀྱང་བྱང་ངེད་ཀྱི་ས་ནས་ཞིག་འཐོར་བྱས་ན་ཡོང་གསུངས་པར། རེ་ཞིག་སྐུ་ཉིད་བཞུགས་རིང་ཁྲི་གནོན་གྱི་རིགས་མི་གནང་བ་ཞུ་ཞེས་ནན་གྱིས་བཤོལ་བས། སང་ཉིན་རབ་སྟོན་གྱི་ཚོགས་ལ་ཕེབས་རྒྱུའི་དགོངས་ཁ་མཚུན་ད་རེས་ངེད་ཀྱི་བུས་པ་དེ་ཡང་ལེགས་འདྲ་ཡང། འོ་ན་ངེད་རང་ཕ་བུ་ཡང་ཡང་དུས་ཅིག་ཏུ་འཛོམས་པར་དཀའ་བས་སང་ཉིན་བུ་ཆུང་རིན་ཆེན་རྣམ་རྒྱལ་ཡང་ཚོགས་སུ་ཕྱིན་ན་ལེགས་གསུངས་པས། མགྲོན་གཉེར་གྱི་ས་གདན་གྱི་བཀོད་པ་རྣམས་ཚར་ནས་བཞུགས་ས་གང་དུ་བྱེད་(སྨད་ཆ།༣༢༥)ཞུས་པས་གདོང་གྲལ་མགོ་དེར་གདན་མཐི་ཐིང་དེ་བ་ཞིག་བྱས་པས་ཡོང་གསུངས་པ་ལྟར། ཐོག་མར་ཚོགས་སུ་ཕེབས་པའང་དེ་ཡིན་པས་མ་འོངས་པའི་ཕྱིར་མཐར་དགོངས་ནས་དེ་དུས་མངའ་གསོལ་བའོ། འདུས་ཚོགས་སྔར་ཡོད་རྣམས་ལ་བར་སྐབས་སུ་ཁྲིམས་གཙང་གི་གཙང་གི་དག་ཐེར་མཛད། གསར་ཞུགས་བརྒྱ་བརྒལ་བ་ཙམ་བསླབ་པ་གསུམ་གྱིས་བསྡམས་ནས་འཁོར་ལོ་གསུམ་གྱི་བྱ་བའི་གནས་ལ་བཀོད། ཡབ་མེས་ཀྱིས་བཙུགས་པའི་ཚུལ་བཞིན་སྒྲུབ་མཆོད་ཉམས་པ་རྣམས་གསོ། གར་འཆམས་སྦྱན་གཟིགས་ལ་སོགས་པའི་ཡོ་བྱད་སྔོན་དུས་ཀྱི་གུང་ཚང་བསྒྲིགས། དེ་ནས་དབུས་གཙང་གཉིས་ཀྱི་སྡེ་འཁྲུག་གི་མཐར་ས་སྦྲེལ་ཧོར་ཟླ་ལྔ་པའི་ཚེས་ཉེར་ལྔ་ལ་བསོད་ནམས་དཔུང་པ་མཐོ་བས་སྟོབས་ཀྱི་འཁོར་ལོས་བསྒྱུར་བའི་རྒྱལ་པོར་མི་དབང་འགྱུར་མེད་བསོད་ནམས་སྟོབས་རྒྱས་ཤུགས་འབྱུང་དུ་སོན་པ། འཇམ་དབྱངས་གོང་མ་རྒྱལ་པོས་བོད་ཁྲི་སྐོར་བཅུ་གསུམ་གྱི་རྒྱལ་སྲིད་ལ་དབང་བསྐུར་བའི་གསོལ་ལེགས་སྐྱེས་ཀྱི་མཇལ་འབུལ་ལ་ཕེབས་པར། དད་མོས་ཀྱིས་གུས་པར་བཏུད་དེ་རྐྱེན་སེལ་དབང་སོགས་གསན་ཏེ་ཏི་ཤྲཱིར་བསྐུར། བསྙེན་བཀུར་གྱི་གནང་སྐྱེས་མི་དམན་པས་དབུགས་དབྱུང་བའི་བསླབ་སྟོན་རྒྱ་ཆེར་བསྩལ་བ་རང་བའི་གནས་སུ་མཛད། དེ་ནས་རང་དགོན་དུ་བླ་མ་གོང་མའི་རྣམ་ཐར་གྱི་རྗེས་སུ་ཞུགས་ཏེ་དབང་ལུང་ཁྲིད་སོགས་དང། ཁྱད་པར་གསང་བསྙིང་པོའི་རྒྱུད་ཀྱི་བཤད་པ་འཆད་དུ་ཉེ་བ་གྱིས་སྦེལ་གཏོད་དེ་(སྨད་ཆ།༣༢༦)ཆོས་ཀྱི་ཕྲིན་ལས་རྒྱ་ཆེར་བསྐྱངས། ཞལ་སློབ་ཀྱང་གཞིས་བྱེས་གཉིས་ཀར་གཞན་དོན་ནུས་པའི་མཁས་གྲུབ་མང་པོ་བྱུང། མཐར་དགུང་ལོ་དྲུག་ཅུ་རྩ་ལྔ་པ་ས་ཕོ་སྟག་གི་ལོར་དྲན་བཞིན་མཁྱེན་བཞིན་དུ་ཤར་ཕྱོགས་དག་པའི་གནས་འོལ་དགར་ཕེབས་ལ་དེར་རིགས་སྲས་ཐུ་བོ། ཞམ་རིམ་དང་བཅས་པ་འདའ་ཀ་ཞལ་འཆེམས་དཔྱིས་ཕྱིན་པར་བསྩལ་ཏེ་ནག་ཟླའི་ཚེས་ཉི་ཤུ་ལ་ངོ་མཚར་བའི་ཚོ་འཕྲུལ་གྱི་བཀོད་པ་བསམ་གྱི་མི་ཁྱབ་པ་དང་བཅས་སྦྲུལ་པའི་རང་གཟུགས་བསྡུས་པ་ཞི་བ་ཆོས་ཀྱི་དབྱིངས་སུ་གཤེགས་ཤིང་སྐུ་གདུང་གདན་སར་དྲངས་ཏེ་ཞུགས་སུ་ཕུལ་བར་དབུ་ཐོད་དང་ཐུགས་ཉིད་མེས་མ་གནོད་པར་དད་པའི་རྟེན་དུ་ཐོབ། གདུང་རུས་དང་དབུ་ཐོད་ནང་ཟུངས་སུ་བཞུགས་པའི་དངུལ་དཀར་གྱི་བྱང་ཆུབ་ཆེན་པོའི་མཆོད་རྟེན་གཙུག་ལག་ཁང་དབུས་མ་གསང་སྔགས་ཕོ་བྲང་ན་བཞུགས་སོ། རྗེ་འདི་ཉིད་ཀྱི་གཅུང་མོ་རྗེ་བཙུན་བླ་མའི་མི་འགྱུར་དཔལ་གྱི་སྒྲོམ་མ་ནི་རྗེ་གཏེར་ཆེན་བླ་མ་དང་ཡུམ་དཔལ་འཛོམས་གཉིས་ཀྱི་སྲས་མོར་མྱོས་ལྡན་པ་ཡོས་ལོར་བལྟམས། ཆུང་ནས་དམ་པའི་རྣམ་ཐར་བཟང་པོའི་ངང་ཚུལ་འཛིན། གོང་མ་ཁུ་བོན་རྣམས་ལས་དབང་ལུང་ཟབ་ཁྲིད་མང་པོ་ནོས། ཁྱད་པར་གཏེར་ཆེན་བླ་མས་སྐུ་ལུས་ཆོས་སུ་སྒྱུར་སྐབས་མ་གཅིག་ཟུར་མོ་དགེ་འདུན་འབུམ་ལྟ་བུ་ཡོད་པ་གྱིས་ཞེས་བསྩལ་ཞིང་ཟབ་ཁྲིད་སྦྱི་དང་ཁྱད་པར་གཏེར་གསར་སྙིང་ཐིག་མ་བུ་བཅས་ཀྱི་ཁྲིད་བཀའ་སྨིན་པར་སྩལ་བའང་བཞུགས་པ་ནས་བཀྲ་ཤིས་སྣང་བའི་སྦུབ་ཐེམ་ལས་མི་འདས་བའི་ཉམས་བཞེད་ལ་ཆུང་དུ་ནས་བཙོན་པར་མཛད། དུས་འགྱུར་གྱི་སྐབས་ཀྱང་བདུད་འགོངས་དེ་རྣམས་ཀྱི་རྫི་བར་མ་ནུས་པར་སྦས་ཡུལ་མ་ལྗོངས་སུ་(སྨད་ཆ།༣༢༧)ཕེབས་དེར་གཏེར་གསར་བླ་མ་ཞི་བ་སོགས་སྙེན་སྒྲུབ་དང་གཞན་ཕན་གྱི་ཕྲིན་ལས་རྒྱ་ཆེར་བསྐྱངས། ཕྱིས་དགོན་གནས་སུ་ཕེབས་ནས་ཀྱང་མཁའ་སྦྱོད་བདེ་ཆེན་གླིང་དུ་གནས། འཁོར་མོར་རིམ་པ་གཉིས་ཀྱི་རྣལ་འབྱོར་ལས་མི་གཡེང་བར་བ་ཅད་རྒྱ་ཁོ་ནར་བཞུགས། གཞི་བྱེས་ཀྱི་དོན་གཉེར་ཅན་མང་པོར་ལོ་ལྟར་ས་ཟླ་ལྟ་བུར་ཟབ་ཁྲིད་གནད་སྨིན་རེས་ཉུང་མཐའ་བྱས་པ་བསྩལ་བས་ཉམས་རྟོགས་ཕུལ་དུ་ཕྱིན་པའི་ཞལ་སློབ་ཀྱང་མང་པོ་ཐོན། མི་རྗེ་བསོད་ནམས་སྟོབས་རྒྱལ་ཡབ་སྲས་ཀྱི་མཚོན་ཆེ་དགུ་ཀུན་གྱི་ཞབས་ནས་བཏེགས། གཤིན་གསོན་གྱི་དད་རྫས་ཕྱག་འབྱོར་རྣམས་སྐུ་གསུང་ཐུགས་རྟེན་གྱི་རྒྱུན་ཁོ་ནར་སྨིན་པར་མཛད། མཐར་དགུང་ལོ་བདུན་ཅུ་ཙ་གཅིག་ལས་ས་གླང་ལོ་གྲོ་བཞིན་ཟླ་བའི་ཡར་ངའི་ཚེས་བཅུར་ངོ་མཚར་པའི་ལྟས་དང་བཅས་ཞི་བའི་དབྱིངས་སུ་གཤེགས་ཤིང་དབུ་ཐོད་གདུང་རུས་སོགས་ནང་ལྟས་དང་བཅས་ཞི་བའི་དབྱིངས་སུ་གཤེགས་ཤིང་དབུ་ཐོད་གདུང་རུས་སོགས་ནང་ཟུངས་སུ་བཞུགས་པའི་ དངུལ་དཀར་གྱི་བྱང་ཆུབ་མཆོད་རྟེན་གཙུག་ལག་ཁང་ལྟོ་མ་ན་བཞུགས་སོ། གཞན་ཡང་གཏེར་ཆེན་དེ་ཉིད་ཀྱི་དངོས་སློབ་གྲཱ་པ་འདིར་སྒྲིགས་སུ་བཞུགས་པའི་བཤེས་གཉེན་ནི་འཆད་ཕྲིན་གྱི་ལས་སོགས་ལ་དབང་འབྱོར་བ། ཆོས་རྗེ་གཞན་ཕན་དབང་པོ། མངའ་བདག་རིག་འཛིན་རྒྱ་མཚོ། བླ་མ་སྐྱི་སྟོན་པ། སྙེ་མོ་བླ་མ་ཨོ་རྒྱན་རྣམ་རྒྱལ། དགེ་སྦོང་བློ་གསལ་རྒྱ་མཚོ། འབུམ་རབ་འབྱམས་པ་ཨོ་རྒྱན་སྐལ་བཟང། ཟངས་སྟོན་ཨོ་རྒྱན་དཔལ་འབྱོར། མཚོ་བྱེད་གཞན་ཕན་མཆོག་སྦྱིན་རྣམས་དང། འདུལ་མངོན་ཕར་ཚད་དབུ་མ་སྡོམ་གསུམ་སྟེ་པོད་ཆེན་དྲུག་གི་སྟེང་གསང་བདག་དགོངས་རྒྱན་ཏེ། གཞུང་ཚོགས་དེ་རྣམས་རིག་ལམ་ནས་དྲངས་པའི་བཤད་སྦྱངས་མཐར་ཕྱིན་པའི་དགེ་བཤེས་རབ་(སྨད་ཆ།༣༢༨)འབྱམས་པ་ཨོ་རྒྱན་ཆོས་གྲགས། རབ་འབྱམས་པ་བསྟན་འཛིན་གར་དབང། རབ་འབྱམས་པ་ངག་དཔལ་བཟང། རབ་འབྱམས་པ་ཕྲིན་ས་རབ་འཕེལ། རབ་འབྱམས་པ་མཐུ་སྟོབས་རྣམ་རྒྱལ། རབ་འབྱམས་པ་ཨོ་རྒྱན་མཆོག་དགའ། རབ་འབྱམས་པ་ཨོ་རྒྱན་དཔལ་མགོན་དང་བཅས་པ་རྣམས་ལ་དམ་པ་དེ་ཉིད་ཀྱིས་དེང་གྲཱ་པ་གཞན་ལ་བཏགས་ན་དགེ་བཤེས་ཀྱི་གྲས་སུ་འདུག་ཅེས་དབུགས་དབྱུང་བས་མཚོནདམ་པ་དེའི་བཀའ་དྲིན་གྱིས་རང་གཞན་གྱི་དོན་ནུས་པའང་མང་དུ་བྱུ་བར་སྣང་ངོ། རྗེ་བླ་མ་འགྱུར་མེད་པདྨ་བསྟན་འཛིན་ནི་ཡབ་མང་དུ་བྱུང་བར་སྣང་ངོ། རྗེ་བླ་མ་འགྱུར་མེད་པདྨ་བསྟན་འཛིན་ནི་ཡབ་རྗེ་རིག་འཛིན་རྣམ་པར་རྒྱལ་བ་དང་ཡུམ་ཚེ་དབང་དཔལ་འཛོམས་གཉིས་ཀྱི་སྲས་སུ་དམར་སེར་ཅན་ཞེས་པ་མེ་མོ་སྦྲུལ་གྱི་ལོར་གཟིམ་ཆུང་བཀྲ་ཤིས་སྣང་བའི་སྦུབ་ཏུ་སྐུ་བལྟམས། ཆུང་ངུ་ནས་སྔོན་གྱི་བག་ཆགས་ཉེ་ནར་སང་བའི་སྟོབས་ཀྱིས་དགུང་ལོ་ལྔའི་སྟེང་ཙ་རྒྱུད་གསང་བ་སྙིང་པོའི་གཞུང་ཐུགས་འཛིན་སོགས་ཀྱི་ཕྱི་ནང་གི་ཤེས་བྱའི་ཆོས་ཚུལ་མཐའ་དག་ལ་མངའ་དབང་འབྱོར། གསན་བསམ་གྱི་སྣོད་དུ་གྱུར་པ་ནས་བཟུང་ཡབ་རྗེ་དམ་པའི་སྐུ་མདུན་དུ་མདོ་སྔགས་བཀའ་གཏེར་དང་བཅས་པའི་དབང་ལུང་ཁྲོད་མན་ངག་ཕྱག་བཞེས་ཐམས་ཅད་བུམ་པ་གང་འབྱོའི་ཚུལ་དུ་གསན་གཞན་ཡང་རྗེ་བཙན་བླ་མའི་མི་འགྱུར་དཔལ་སྒྲོན། གྲུབ་དབང་ཀུན་བཟང་ཀློ་ཀློལ་སོགས་ལས་ཀྱང་དམ་པའི་ཆོས་འབའ་ཞིག་གསན་ཏེ་ཐོས་བསམ་སྒོམ་གསུམ་གྱི་གཏན་ལ་ཕབ། གཏེར་གསལ་སོགས་ལྷག་པའི་ལྷ་དུ་མ་བསྙེན། དགུང་ལོ་ཉེར་གཉིས་ཀྱི་སྟེང་ཡབ་རྗེ་རིགས་འཛིན་ཆེན་པོ་ཞི་དབྱིངས་གཤེགས་པར་དགོངས་རྫོགས་རྟེན་(སྨད་ཆ།༣༢༩)བཞེངས་སོགས་རྒྱ་ཆེར་སྒྲུབ་པར་མཛད། རབ་སྟོན་གྱི་སྐབས་དང་འབྲེལ་བར་རྗེ་གཏེར་ཆེན་བླ་མའི་གསེར་ཁྲིར་ཞབས་ཟུང་བཀོད། འཆད་པ་དང་རྩོད་པ་དང་རྩོམ་པ་སོགས་མཁས་པའི་བྱ་བ་རྣམ་པ་གསུམ་གྱི་རྒྱལ་བསྟན་སྦྱི་དང་བྱེ་བྲག་སྔ་འགྱུར་རྡོ་རྗེ་ཐེག་པའི་བསྟན་པ་རིན་པོ་ཆེ་འདི་ཉིད་འཛིན་སྐྱོང་སྦེལ་གསུམ་གྱི་ཕྲིན་ལས་རྒྱ་ཆེར་བསྐྱངས་ཤིང་བཤད་སྒྲུབ་ཀྱི་བསྟན་པ་གསལ་བར་མཛད་མས་སྐུ་གཤེགས་སོ། རྗེ་འདི་ཉིད་ཀྱི་རིགས་གཅུང་ཨོ་རྒྱན་བསྟན་འཛིན་རྡོ་རྗེ་ནི་རྔ་ཆེན་ཞེས་པ་ཆུ་ཁྱི་ལོར་སྐུ་འཁྲུངས། དགུང་ལོ་ཆུང་ངུ་ནས་རྒྱལ་བའི་བསྟན་པ་རིན་པོ་ཆེའི་སྒོར་བཞུགས་དབང་ལུང་ཟབ་ཁྲིད་སོགས་གསན་བསམ་ཕྱོགས་མེད་མཛད། ཕྱི་ནང་གི་རིག་པ་མཐའ་དག་ལ་ཡང་སྦྱངས་པས་མཁས་པའི་རྩེར་སོན། དགུང་ལོ་བཅོ་ལྔའི་ཐོག་མདོ་སྔགས་གཞུང་བརྒྱ་སྨྲ་བ་གཏེར་གསར་སོགས་ལྷག་པའི་ལྷ་དུ་མའི་སྙེན་སྒྲུབ་མཐར་ཕྱིན་པ་མཛད་ཁྱར་པར་དགུང་ལོ་ཉི་ཤུར་ཕེབས་པ་ལྕགས་སྦྲུལ་སྒྲུབ་མཐར་ཕྱིན་པ་མཛད། ཁྱད་པར་དགུང་ལོ་ཉི་ཤུར་ཕེབས་པ་ལྕགས་སྦྲུལ་ཆོ་འཕྲུལ་ཟླ་བའི་གྲལ་ཚེས་བཅོ་ལྔའི་ཉིན་དགེ་བའི་བཤེས་གཉེན་ཆོས་སྡིངས་པ་སྔགས་རབ་འབྱམས་སྨྲ་བ་དྡྷརྨ་ཝ་ཏོད་ཀྱིས་མཁན་པོ་དང། དད་པའི་དགེ་འདུན་གྲངས་ཚང་བའི་དབུས་སུ་སྙེན་པར་རྫོགས་པ་དགེ་སློང་གི་དངོས་པོར་བཞེད་པར་མཛད། འདུལ་བའི་བརྡ་འཆད་དང་ལག་ལེན་ཀྱང་མཁས་པར་སྦྱངས་བརྡར་གནང། ཆོས་གྲཱ་ཆེན་པོ་འདིའི་ཆོས་ཀྱི་ཁྲི་ལ་ཞབས་པད་བཀོད་ནས་མཁན་པོར་མངའ་གསོལ་བ་ནས་དགེ་སློང། དགེ་ཚུལ་བར་མ་རབ་བྱུང་སོགས་མང་དུ་བསྒྲབས། རྒྱལ་བསྟན་སྦྱི་དང་བྱེ་བྲག་གཏེར་ཆེན་བླ་མའི་བསྟན་(སྨད་ཆ།༣༣༠)ལ་མཛད་པ་གོང་འཕེལ་གནང་ཞིང། ཁྱད་པར་གཅེན་གཤེགས་ནས་དགོངས་རྫོགས་ཕྱི་ནང་གི་རྟེན་བཞེངས་བཀའ་ཆོས་འཆད་སྦེལ་སོགས་མཛད་པ་མཐར་ཆགས་ཚད་བ་འགན་བཞེས་གནང་ཞིང། རིགས་ཀྱི་དཔོན་རིན་པོ་ཆེ་ཁྲི་ཆེན་འགྱུར་མེད་ཕྲིན་ལས་རྣམ་རྒྱལ་མཆེད་བཅས་ལ་དབང་ལུང་འཆད་སྦེལ་ཁྲོ་འདོན་སོགས་མཛད་པ་མཐར་རྒྱས་སུ་གནང་ནས་ཞི་བ་ཆེན་པོར་གཤེགས་སོ། ཁྲི་ཆེན་འགྱུར་མེད་ཕྲིན་ལས་རྣམ་རྒྱལ་ནི། ཡབ་ཁྲི་ཆེན་འགྱུར་མེད་པདྨ་བསྟན་འཛིན་གྱི་སྲས་སུ་འཁྲུངས། སྐུ་ན་གཞོན་པ་ནས་མཁྱེན་རྟོགས་ཀྱི་རྩལ་རྫོགས་པས་དབང་ལུང་མན་ངག་སྒྲུབ་ཕྲིན་ཕྱག་བཞེས་ཕྲ་རགས་ཐམས་ཅད་ལ་བྱང་ཆུབ། ཡབ་གཤེགས་ནས་གདན་པའི་ཁུར་བཞེས་མཛད། མཁན་རིན་པོ་ཆེ་ཨོ་རྒྱན་བསྟན་འཛིན་རྡོ་རྗེའི་དྲུང་ནས་བཀའ་ཆོས་ཐམས་ཅད་བུམ་པ་གང་བྱོར་གསན། ཕྲིན་ལས་རྣམ་པ་བཞེས་གོང་མའི་ཕྲིན་ལས་ཀྱི་རྒྱུན་སྐྱོང་བཞིན་འཚོ་ཞིང་གཞེས་ལ་ཆོས་ཀྱང་སྟོན་པས་བསྟན་པ་གསལ་བར་མཛད་པ་བཞིན་པ་ཉིད་དོ། དེ་བཞིན་དུ་མཁན་ཆེན་འགྱུར་མེད་གསང་སྔགས་བསྟན་འཛིན་ཀྱང་ཕྱིན་པར་མཛད་ཅིང་ཐུགས་རྫོགས་བཞེས་གྲུབ་པ་སོགས་ནས་རིམ་པར་དེང་སང་མཁན་པའི་གོ་སར་ཆོས་ཀྱི་ཁྲི་ལ་བཞུགས་བཞིན་པའོ། གདན་རབས་ཀྱིས་ཕྲེང་བ་དེ་བཞིན་ལ། འདིར་གཏེར་ཆེན་མཆོག་དང་རྒྱལ་བ་ཐམས་ཅད་མཁྱེན་པ་ལྔ་པ་ཆེན་པོས་དགོངས་པ་ཕྱོགས་གཅིག་ཏུ་བབས་པ་བཞིན་གདུང་སྦེལ་དང། ཆོས་ཀྱི་ཁྲི་གཉིས་སུ་ཕྱེ་བ་ལས་ཆོས་ཀྱི་ཁྲི་ལ་མཁན་རབས་(སྨད་ཆ།༣༣༡)རིམ་པར་བཞུགས་པའི་དང་པོ་རྒྱལ་སྲས་བསྟན་པའི་ཉི་མ། དེ་ནས་མཁན་ཐོག་གཉིས་པ་མཁན་ལོ་ཙཱ་བ་ཆོས་དཔལ་རྒྱ་མཚོ། འདི་སྐབས་དུས་འགྱུར་གྱི་དབང་ལས་བསྟན་པ་དར་གྱི་ཐོག་མར་མཁན་པོར་ཅུང་ཟད་བཞུགས་ཀྱང་སྐུ་གཙོད་ཆེ་སྐྱོན་གྱིས་ཕྱག་ལེན་ཕྲ་རགས་ལྟོད་མེད་གནང་མ་གྲུབ་པས་གསོ་སྦྱོང་མདོ་འདོན། དགེ་ཚུལ་སློང་གི་སྡོམ་འབོག་མཁན་པོ་སོགས་ཡོངས་ཀྱི་དགེ་བའི་བཤེས་གཉེན་རབ་འབྱམས་པ་ཨོ་རྒྱན་ཆོས་གྲགས། རབ་འབྱམས་པ་ཨོ་རྒྱན་དཔལ་མགོན། འདུས་སྡེའི་དབུ་མཛད་སྔགས་རབ་པ་བསམ་གཏན། རབ་འབྱམས་པ་འགྱུར་མེད་འཕེལ་རྒྱས། སྔགས་རབ་པ་འགྱུར་མེད་ཆོས་ལྡན་བཅས་ཀྱིས་གནང་ཞིང། རབ་བྱུང་བཅུ་གསུམ་པའི་ལྕགས་སྦྲུལ་མས་མཁན་རབས་བཞི་པ་ཨོ་རྒྱན་བསྟན་འཛིན་རྡོ་རྗེས་བཀའ་དྲིན་བསྩལ་ཞིང་བར་འདིར་རབ་འབྱམས་པ་བཀྲ་ཤིས་བཞུགས་པ་ཨེ་ཡིན་དཔྱད་ལ། དེ་ནས་ད་ལྟ་མཁན་ཐོག་ལྔ་པ་འགྱུར་མེད་གསང་སྔགས་བསྟན་འཛིན་བཞུགས་བཞིན་པ་སྟེ་མཁན་རབས་ཀྱི་ཕྲེང་བ་མདོར་ཙམ་སྨོས་པ་ཡིན་ནོ། དཔལ་འབྲི་གུང་ལ་གསང་བ་སྔགས་ཀྱི་ཕོ་བྲང་ཀྱི་ཕྲེང་བ་མདོར་ཙམ་སྨོས་པ་ཡིན་ནོ། དཔལ་འབྲི་གུང་པ་གསང་བ་སྔགས་ཀྱི་ཕོ་པྲང་ཆེན་པོ་ནི། ཐོག་མར་མི་ཉག་སྒོམ་རིང་ཞེས་པའི་བཀའ་བརྒྱུད་པའི་རྟོགས་ལྡན་ཞིག་གིས་བཏབ། དེ་རྗེས་སྐྱོབ་པ་རིན་པོ་ཆེས་བསྐྱངས་པས་དར་རྒྱས་ཆེ་བར་བྱུང་སྟེ། དགེ་འདུན་ཁྲི་ཚོ་བདུན་ཚོགས་པ་བྱུང། དེ་ནས་བཟུང་འབྲི་གུང་པའི་གདུང་རབས་རྣམས་ཀྱི་རིམ་པར་བསྐྱངས་པས་དཔལ་འབྲིང་བཀའ་བརྒྱུད་ཆེས་ཉི་ཟླ་ལྟར་གྲགས་པའི་བཀའ་བརྒྱུད་ཀྱི་གདན་ས་ཆེན་པོ་འགྲན་(སྨད་ཆ།༣༣༢)ཟླ་དང་བྲལ་བ་ཞིག་ཡིན་ཅིང་གདུང་རབས་བཅུ་གསུམ་ཙམ་བྱུང་བ་དེ་དག་ནི་འདིར་མ་སྨོས་ལ་རིན་ཆེན་ཕུན་ཚོགས་ཆོས་ཀྱི་རྒྱལ་པོའི་དུས་ཙམ་ནས་གསང་སྔགས་རྙིང་མ་ཤས་ཆེར་སྦྱོད་པ་འདི་བྱུང་བ་ཡིན་ལ། དེ་ཡང་རིན་ཆེན་འཕུ་ཚོགས་ཆོས་ཀྱི་རྒྱལ་པོ་དེ་ཉིད་ཀྱི་རྣམ་པར་ཐར་ནི་གོང་དུ་གཏེར་འབྱུང་སྐབས་སུ་སྨོས་ཟིན་ཏེ་ཆོས་ཀྱི་རྒྱལ་པོ་འདི་ནི་པདྨ་གླིང་པས་ལུང་བསྟན་པས། རྒྱ་གར་རིག་འཛིན་གནས་སུ་འཁྲིད༔ ཅེས་གསུངས་པ་ལྟར་རྗེ་འདིའི་སྐུ་རིང་ལ་རྙིང་མ་བཀའ་གཏེར་ལ་བཤད་པ་དང། སྒྲུབ་པའི་ཕྲིན་ལས་ཀྱིས་བསྐྱངས་པ་དང། ཟབ་གཏེར་གྱི་བཀའ་བབ་བྱུང་བ་སོགས་ནས་གསང་ཆེན་སྔ་འགྱུར་གྱི་རིག་ལུགས་སུ་ཤུགས་ཀྱིས་འགྱུར་བ་ཡིན་ནོ། དེ་ལྟར་རིན་ཆེན་ཕུན་ཚོགས་ཆོས་ཀྱི་རྒྱལ་པོའི་ཕྲིན་ལས་ཀྱི་རྒྱུན་སྐྱོང་བ་རིམ་པར་བྱོན་པའི་ཚུལ་ལ། དཔལ་འབྲི་གུང་པ་ཆེན་པོ་ཆོས་རྒྱལ་ཕུན་ཚོགས་ནི། འབྲུ་རྒྱལ་སྐུར་རའི་གདུང་ལས་ཡབ་ཆོས་རྒྱལ་པོ་རིན་ཆེན་ཕུན་ཚོགས་ཀྱིས་སྲས་སུ་རྩེབ་གཞིས་ཀར་འཁྲུངས། ཟ་ཧོར་རྒྱལ་པོ་གཙུག་ལག་འཛིན་གྱི་སྐྱེ་བ་ཡིན་པར་གྲགས། ཆུང་དུ་ནས་དམ་པའི་རིགས་སད་པའི་ཡོན་ཏན་བསམ་གྱིས་མི་ཁྱབ་བ་མངའ། ཡབ་ཆོས་ཀྱི་རྒྱལ་པོ་ལས་བཀའ་ཆོས་ཕལ་ཆེར་བུམ་པ་གང་སྦྱོར་གསན། གཞན་ཡང་བླ་མ་མང་དུ་བསྟེན་ནས་གསན་སྦྱངས་རྫོགས་པར་མཛད། སྙེན་སྒྲུབ་ལ་བཞུགས་པས་ཡི་དམ་དུ་མའི་ཞལ་གཟིགས། རྩ་བ་གསུམ་གྱི་ལྷག་པའི་ལྷ་རབ་འབྱམས་དང་ཆོས་ཀྱི་འགྲོ་བ་(སྨད་ཆ།༣༣༣)མཛད་པ་ལ་དབང། སྐལ་བ་དང་ལྡན་པ་རྣམས་ལ་སྐུ་ལུས་ལྷའི་སྐུར་སྟོན་པར་ནུས། ཆོས་སྐྱོང་ཐམས་ཅད་བྲན་དུ་ཁོལ་བས་ཕྲིན་ལས་རབ་འབྱམས་ལ་དབང་འབྱོར་བ་སོགས་ཡོན་ཏན་བརྗོད་ཀྱིས་མི་ལངས། གདུང་སྲས་རྣམས་གཙོ་བོར་གྱུར་པའི་གདུལ་བྱ་རྣམས་ལ་ཡབ་ཆོས་རྣམས་ཀྱི་མཚོན་པའི་ཆོས་ཀྱི་འཁོར་ལོ་གདུལ་བྱའི་བློ་དང་འཚམས་པ་བར་མེད་དུ་བསྐོད་བས་རྣམ་མཁྱེན་མཆོག་ལ་བཀྲི་བའི་དགའ་སྟོན་བསྩལ་བ་སོགས་བསྟན་འགྲོའི་དོན་རྒྱ་ཆེར་མཛད་ནས་མཁའ་སྦྱོད་པདྨ་འོད་ཀྱི་ཕོ་བྲང་དུ་གཤེགས་སོ། ཞབས་དྲུང་བ་རོ་བ་ནི། ཡབ་ཆོས་རྒྱལ་ཕུན་ཚོགས་ཀྱི་སྲས་སུ་འཁྲུངས། དེ་ཡང་སྐུ་མཆེད་ལྔ་ཙམ་བཞུགས་པའི་ཐུ་བོ་ཞཱ་དམར་བ་དྲུག་པ་ཆོས་ཀྱི་དབང་ཕྱུག་ཡིན་ཏེ་ཞཱ་དམར་བ་རིམ་བྱོན་ནང་ནས་མཁྱེན་རྟོགས་ཆེ། དེ་ནས་ཞབས་དྲུང་ན་རོ་བ། རྗེ་དཀོན་མཆོག་རིན་ཆེན། ཆོས་ཀྱི་གྲགས་པ་རྣམས་ལས་ཡབ་གཤེགས་ནས་གདན་སའི་ཁུར་བཞེས་ཞབས་དྲུང་ན་རོ་བ་ཉིད་ཀྱི་མཛད། དེ་ཡང་རྗེ་འདི་ལུགས་གཉིས་ཀར་མཁྱེན་པའི་རྩལ་རྫོགས། ཡབ་ནས་སྨིན་གྲོལ་གྱི་གདམས་པ་མང་པོས་རྗེས་སུ་བཟུང་ནས་མཙན་བཀྲ་ཤིས་ཕུན་ཚོགས་གྲགས་པ་རྒྱལ་མཚན་དཔལ་བཟང་པོར་གསོལ། ཆོས་བཀའ་སྦྱི་དང་ཁྱད་པར་ཡང་ཟློག་དང་ལོ་ཏྲ་ཀི་སོགས་ལ་མཁས། གདན་ས་ཆེན་པོར་ལུགས་གཉིས་ཀྱིས་ཕྲིན་ལས་ཆེ། འོན་ཀྱང་སོག་པོ་ཐུ་མེད་ཀྱིས་སོག་ཁྲོད་དུ་གདན་དྲངས་པ་ནས་སྐུ་གཤེགས་སོ། དཔལ་རིག་འཛིན་པ་ཆོས་ཀྱི་གྲགས་པ་ཕྲིན་ལས་ཐམས་ཅད་ལས་རྣམ་པར་རྒྱལ་བའི་སྡེ་ནི། གཏེར་སྟོན་ཨོ་རྒྱན་གླིང་པས་ཟུར་མཁར་རྡོའི་མཆོད་རྟེན་ནས་གདན་དྲངས་པ་ཐུགས་རྗེ་ཆེན་པོ་ཡེ་ཤེས་འོད་མཆོག་ལ། ད་ལྟའི་(སྨད་ཆ།༣༣༤)ལྷ་སྲས་མི་ཏིག་བཙད་པོ་འདི། གང་ལྟ་བྱ་བ་རང་ལ་དབང་ཡོད་ཀྱང། ཨོ་རྒྱན་ང་ལ་མོས་ཤིང་སེམས་ཆགས་པས། གང་ལ་གང་འདུལ་འགྲོ་བའི་སྣང་ངོ་རུང། སྐྱེ་བ་དང་པོར་ཕ་སྦད་ལ་འབྲེལ་བཏགས། རབ་ཏུ་པད་འབྱུང་བདག་དང་སྐབས་སུ་མཇལ། ཕྱིམའི་དུས་ན་ཞིང་ཁམས་འབྲི་ཞེས་པར། རརྣའི་མཚན་ཅན་སྡེ་དགོན་སྐྱོང་བ་འབྱུང། བདུད་སྦྲུལ་དབང་གིས་ཚེ་ཡི་དུས་བྱས་ནས། ཐ་མའི་དུས་ན་ང་ཡི་ཐུགས་སྦྲུལ་བ། གཏེར་ཆོས་རྒྱུད་འཛིན་འགྲོ་ལ་འབྲེལ་གསུམ་འདོགས། རྒྱལ་སྲས་དབུར་སྨྱོན་ཞེས་བྱར་གྲགས་པ་འབྱུང། ཞེས་གསུངས་པ་ལྟར། རྗེ་རརྣའི་ཞབས་ཉིད་སླར་ཡང་བསམ་བཞིན་དུ་སྐྱེ་བ་བཞེས་པ་ཡིན་ཏེ། ཡབ་རིག་པ་འཛིན་པ་ཆོས་རྒྱལ་ཕུན་ཚོགས་དང། ཡུམ་རྡོ་རྗེ་ཕག་མོའི་སྦྲུལ་པར་གྲགས་པའི་ཨ་ཅེ་གཡུང་ཁུག་གཉིས་ཀྱི་སྲས་སུ་སྐུ་མཆེད་ཀུན་གྱི་ཐ་ཆུང་དུ་འཁྲུངས། བྱིས་པའི་དུས་གོག་པོ་མི་གོག་པ་དང་གཟིམ་པའི་ཚཻ་སྦྱན་མི་ཟུམ་པ་སོགས་སྐྱར་རའི་རིགས་ཀྱི་རྟགས་ཐམས་ཅད་ཀྱང་ཆང། ཡབ་ཆོས་རྒྱལ་ཕུན་ཚོགས་ཀྱིས་གཙུག་ཕུད་བཞེས་ནས་མཚན་དཀོན་མཆོག་ཕུན་ཚོགས་སུ་གསོལ། རྗེ་ཞཱ་དམར་པས། རིག་འཛིན་ཆོས་ཀྱིས་གྲགས་པ་ཕྲིན་ལས་རྣམ་པར་རྒྱལ་བའི་སྡེ་ཞེས་པའི་མཚན་གསོལ། སྐུ་ཆུང་ངུའི་དུས་ནས་ཡི་དམདང་ཆོས་སྲུང་སོགས་ཀྱི་གཟིགས་སྣང་རྒྱུན་མི་འཆད་པར་མངའ། ཡབ་ཀྱི་དབང་བསྐུར་བའི་དུས་ཡབ་ཉིད་དཀྱིལ་འཁོར་གང་དང་གང་ཡིན་པ་དེ་དང་དེའི་དཀྱིལ་འཁོར་གྱི་གཙོ་བོར་གཟིགས། དེ་བཞིན་དུ་ཆོས་གྲལ་གྱི་བསེབ་ཏུ་ལྷ་དང་མཁའ་འགྲོ་སྡེ་བརྒྱད་འཇིགས་རྔམ་ཅན་མང་པོ་ཆོས་ཞུ་བར་ཉིན་རེ་བཞིན་ཡོང་བར་གཟིགས། ཡབ་གཤེགས་ནས་གཅེན་ཞཱ་དམར་དྲུག་པ་(སྨད་ཆ།༣༣༥)དང། ཞབས་དྲུང་ན་རོ་བ། མཁན་ཆེན་རྣམས་འཛོམས་ཕུན་ཚོགས་བླ་མ་སངས་རྒྱས་རིན་ཆེན་རྣམས་ལས་རང་ལུགས་བཀའ་ཆོས་རྫོགས་པར་གསན། བྱིས་པའི་དུས་ཤིག་དཔལ་འཁོར་ལོ་སྡོམ་པས་རོ་ལངས་ཀྱི་གདོན་ལས་སྐྱོབས་པ་དང་སྦྲུལ་པའི་དཀྱིལ་འཁོར་དུ་དབང་བསྐུར་བ་ཐོབ། ཡི་གེ་མ་སློབ་པར་མཁྱེན་ཡང་ཐེལ་ཀློག་ཆེད་དུ་སྦྱངས། རྗེ་ཞཱ་དམར་བའི་ཞབས་ཕྱིར་ཐོག་ཅིག་བྱོན། སྐུ་ཡོན་སློབ་སྦྱངས་དང་དགེ་ཚུལ་གྱི་སྡོམ་པ་བཞེས་པ་སོགས་མཛད། ཚད་མའི་བསྡུས་རྐང་སོགས་ཐུགས་གཉེར་མཛད། མཁན་ཆེན་རྣམ་འཛོམས་ཕུན་ཚོགས་ལས་ཆོས་དྲུག་གསན་པས་གཏུམ་མོའི་བདེ་དྲོང་མི་རྟོགས་པ་སོགས་རང་ཤུགས་སུ་ཤར་བས་རྩ་རླུང་ལ་རང་དབང་ཐོབ། ཞི་ཁྲོའི་དབང་གི་དུས་སློབ་དཔོན་པདྨས་དབང་བསྐུར་ཞིང་བྱིན་གྱིས་བརླབས་པའི་མཚན་མ་ཐོབ། སྒྲ་ཚད་བཟོ་གསོ་སོགས་རིག་པོའི་གནས་ལྔ་ལ་ཤིན་ཏུ་མཁས་པས་པཎྜི་ཏའི་མཚན་གྱི་ཙོད་པན་དཔྱད། ཁྱད་པར་གསོ་ལ་མཁས་པས་སློབ་མའང་ཚེ་དབང་བརྟན་པ་སོགས་མཁས་པ་མང་དུ་བྱུང། གར་ཐིག་དབྱངས་རོལ་སོགས་ལའང་འགྲན་ཟླ་བྲལ་ཞིང་ཁྱད་པར་ཇ་ཕོར་ཞབས་རའི་རྒྱ་ཁྱོན་ཙམ་ལ་རྡུལ་ཚོན་གྱིས་དཀྱིལ་འཁོར་སྒོ་རྫོགས་ལྷ་ས་མཁས་པས་པིར་གྱིས་བྲིས་པས་ཀྱང་འགྲན་མི་ནུས་པ་དེ་འདྲ་ཕྱག་བྲིས་གནང་ནུས་ཏེ་རྫུ་འཕྲུལ་དུ་གོར་མ་ཆགས་གོ། གཞན་ཡང་ཕྲིན་ལས་རྣམ་པ་བཞི་ལ་མངའ་དབང་འབྱོར་བའི་ཚུལ་དང། ཟབ་མོའི་ཏིང་ངེ་འཛིན་གྱི་ཐུགས་རྒྱུད་ཡོངས་སུ་གཏམས་པས་ས་ལམ་མཐོན་པོར་གྱུར་པའི་ཡོན་ཏན་གྱི་ཕུང་པོ་གཞལ་དུ་མེད་པ་མངའ་བ་དེ་དག་རེ་རེ་ནས་(སྨད་ཆ།༣༣༦)བརྗོད་པས་མི་ལངས། གྲུབ་ཆེན་མེ་ལོང་གི་སྒྲུབ་གནས་སྐྱིད་སྐྱིད་ཕུག་ཏུ་ཕེབས་དུས་སྔོན་གྲུབ་ཆེན་དེ་ཉིད་དུ་སྐྱེ་བ་བཞེས་པའི་སྔོན་གནས་དྲན་པའི་མདོ་ལ་རྫོགས་ཆེན་སྣང་བ་བཞིའི་རྩལ་དེ་ཉིད་དུ་རྫོགས་ཏེ་གནས་གཞན་དུ་ལོ་བཅུ་གསུམ་སྒོམ་པས་བ་བོག་ཐོན་པ་ལ་དགའ་བ་བྱུང་གསུངས་པས་མཚན་ནོ། དེ་ནས་ཡང་རི་སྒར་བཏེག་ཁ་དྲག་ཏུ་ཕེབས་ནས་ཁ་དྲག་བདེ་ཆེན་ཐར་པ་གླིང་གི་གནས་སྒོ་གསར་ཕྱེས་གནང། དེ་ནས་འཕན་ཡུལ་རྒྱུད་ཟ་དམ་ཨོ་ཏན་རིར་ཕེབས་པས་དཔལ་ལྡན་ས་སྐྱ་བའི་གནས་དཔལ་ལྡན་ཚེ་གཟིགས་པས་གནས་གཟིགས་ལ་ཕེབས་པས་མགོན་བརྒྱད་ཀྱི་དག་སྣང་བྱུང་བ་བཞིན་སྒྲུབ་སྐོར་གེ་ཕེབ་པར་མ་ཚད། དེ་ནས་རིམ་པར་བྱང་གི་གནམ་མཚོར་ཕེབས་པས་དག་སྒང་སྦྲ་མི་སྙན་གྱི་ཚེ་སྒྲུབ་ཡང་དེ་སྐབས་བྱུང་བ་ཡིན་པར་སྣང། དེ་ནས་ཧོར་དང་བར་ཁམས་རྡོད་དོགས་ནས་དར་རྩེ་མདོ་བར་དུ་ཕེབས། དེ་དག་རྣམས་སུ་གདུལ་བྱ་མཆོག་དམན་བར་བའི་འགྲོ་བ་སོ་སོའ་མོས་བློ་དང་འཚམས་པའི་ཆོས་ཀྱི་བདུད་རྩིའི་ཕ་འབབ་ཅི་ཡང་བསྩལ་བས་ཐར་པ་མཆོག་ལ་རིམ་ གྱིས་སྦྱོར་བའི་བཀའ་དྲིན་དང། ཕྲིན་ལས་རྣམ་བཞིའི་བསྟན་འགྲོའི་དོན་རླབས་པོ་ཆེ་བསྒྲུབས་ཚུལ་མཐའ་པས་མཚོན། དེ་བཞིན་དུ་དེ་ཕྱོགས་ཀྱིས་ལུས་ཅན་རྣམས་ཀྱིས་རང་རང་གི་འཁོས་ལ་དཔག་པའི་འབུལ་ནོར་བསམ་གྱིས་མི་ཁྱབ་པ་བར་མ་ཆད་པར་གཏིབས་པས། གདུལ་བྱ་སོ་སོའི་རེ་བ་བསྐོངས་ནས་རིམ་གྱིས་ཆིབས་ཁ་བསྒྱུར། ལི་ཐང་ཕྱོགས་བརྒྱུད། མར་ཕེབས་དུས་(སྨད་ཆ།༣༣༧)ཟོམ་པོ་གནས་སུ་རྗེ་ཞཱ་དམར་པ་མཇལ་སྐབས་སྒར་དེའི་གྲཱ་རིག་རྣམས་དང་ཐུགས་མ་མཐུན་པར་མཐུན་སྦྱོར་ཞུས་པ་བཞིན་སྔར་ལུགས་སྐྱོང་བར་མ་ཚད་འདི་སྐབས་ཀྱང་མཇལ་པར་ཐུགས་སྦྲོ་གནང། དེ་སྐབས་ལི་ཐང་ཆོས་མཛད་ཤེ་སར་གདན་དྲངས། རྩིས་དང་མཐུ་ཟློག་སོགས་ཤི་སྒབ་ཚོད་པ་དགོས་ཚུལ་ཞུས་པ་ལྟར་གནང་བས་ལོ་ཉི་ཤུ་རྩ་གྲངས་བར་ལ་ཤི་ཆད་གང་ཡང་མ་བྱུང་བས། རྗེ་ཉིད་ཀྱི་གསུང་ལས། མཁས་པའི་དྲུང་དུ་མཁས་པར་སློབ། མཁས་པར་སྦྱངས་པས་མཁས་པར་ཤེས། མཁས་པར་མཁས་པའི་བྱ་བ་བྱས། མཁས་པའི་ལག་རྗེས་དེ་འདྲ་ཡིན། ཞེས་ཞལ་ཕོ་ཡང་མཛད། དེ་ནས་དབུས་ཕྱོགས་སུ་ཞབས་པད་བསྐྱོང། བར་ཁམས་རྣམས་ནས་གདུལ་བྱ་ཅི་རིགས་ཀྱི་དོན་མཛད་ནས་རིམ་གྱིས་གདན་སར་ཕེབས། ཞབས་དྲུང་ན་རོ་ལས་གཙོས་པའི་གཞི་བཞུགས་རྣམས་ལ་འབུལ་ཆེན་དང་གྲཱ་ཁག་ལ་མང་བགྱེད་སོགས་གང་རྒྱས་གནང་ནས་དགོངས་ཁྲོལ་ཞུས་ནས་སྒར་པ་རྩིས་སྦྲོད་མཛད། བསམ་ཡས་སུ་ཆོས་སྐྱོང་ཆེན་པོའི་གདན་དྲངས་པ་ལྟར་ཕེབས་པས་སློབ་དཔོན་པདྨ་དང་རྒྱལ་པོ་ཁྲི་སྲོང་གི་དུས་ལྷ་མི་དམ་ཚིག་བསྲེ་བ་སོགས་དགེ་བཤེས་ནས་ཨེ་དྲན་གསུངས་པ་བཞིན་དྲན་ཚུལ་གནང་བས་དེ་ཆུལ་ཆོས་སྐྱོང་ཉིད་ཀྱིས་ཀུང་གསུངས་ཤིང་ནང་རྟེན་རྣམས་ཀྱི་མཇལ་ཁ་དང་བཅས་དགྱེས་དཔེ་མེད་མཛད་ནས་ཕྲིན་ལས་སྒྲུབ་པའི་ཁས་བླངས་མཛད། དེ་ནས་སླར་ཡར་བར་ཁམས་ཕྱོགས་སུ་ཕེབས། རྡོང་ཟླ་དགོན། ནག་ཤོད་ཆོས་འཁོར་བྱམས་པ་གླིང་སོགས་སུ་ཞབས་པད་བསྐྱོད་ནས་བཀའ་བརྒྱད་སྒྲུབ་ཆེན་གཙོ་བོར་གྱུར་པའི་སྐྱེ་བདུན་མྱོང་གྲོལ་སྨན་སྒྲུབ་སོགས་དང་བཀའ་ཆོས་འཆད་སྦེལ་རྩ་རླུང་ཕྱག་(སྨད་ཆ།༣༣༨)ཆེན་སོགས་ཀྱིས་མཚོན་པའི་ཟབ་ཁྲི་དུ་མ་སྩལ་བ། འབྲི་གུང་དུ་སྐུ་མཆེད་ཐུགས་མ་མཐུན་པའི་མཐུན་སྒྲུབ་ལ་འཁྲུག་ཙམ་དང་སླར་ཁམས་སུ་ཕེབས་རིམ་གྱིས་སྦོ་བོ་ཕྱོགས་སུ་ཡང་ཕེབས་དེ་ཕྱོགས་ཀྱི་མི་ཆེན་བླ་མ་དཔོན་སྡེ་དགོན་ཐམས་ཅད་ཀྱིས་དབང་སོགས་གསན། རྨ་བསྐུང་ལུང་གི་གནས་གཟིགས་ལ་ཕེབས་གནས་དེར་ངོ་མཚར་ཅན་གྱི་མཚོ་དུ་མ་དང་ཁྱད་པར་མཁའ་འགྲོའི་ཁྲུས་རྫིང་མ་མ་ཏིང་ཟེར་བ་ཁའི་ས་དང་(སྨད་ཆ།་ཤིང་ལས་ཆུའི་རྐང་གང་ཙམ་མཐོ་ཡང་ཚུར་ཕྱིར་མི་ལུད་པ་ཞིག་ཡོད་ཚུལ་གསུངས་གསུངས་འདུག་པ་བཞིན་དངོས་གནས་སའང་ཡོད་ལ་ཡིན་འདུག། གཞན་ཡང་ངོ་མཚར་བའི་གཟིགས་སྣང་མང་པོ་གཏན་ལ་ཕེབས་ཏེ་དགྱེས་པའི་གཟིགས་མོར་བསྟར། སླར་རྡོང་སོགས་བརྒྱུད་ནས་འབྲི་གུང་དུ་ཕེབས། དེ་སྐབས་རྩ་རིར་གནས་གཟིགས་ལ་ཕེབས་ནས་འབྲི་གུང་དུ་ཕེབས། དེ་སྐབས་རྩ་རིར་གནས་གཟིགས་ལ་ཕེབས་ཞོར་སྦོལ་པོར་ཕེབས་ཞབས་དྲུང་ནོར་བུ་རྒྱན་པའི་དྲུང་ནས་ཆོས་བཀའ་འགའ་ཞིག་གསན་རྩ་རིར་ཕེབས། བྱ་ཁྱུང་པ་རྒྱལ་དབང་བསྟན་འཛིན་དང་མཇལ་བླ་མ་དགོངས་འདུས་ཆོས་སྐོར་རྣམས་གསན་དོགས་གནང་ཞིང། སླར་འབྲི་གུང་དུ་སྦྱན་དྲངས་ནས་ཆོས་བཀའ་རྫོགས་པར་གསན། རྗེ་ནོར་བུ་རྒྱན་པའང་ནཱ་རོ་པའི་དགོངས་རྫོགས་ཀྱི་ཚོགས་དབུར་གདན་དྲངས་དྲག་སྔགས་རྡོ་རྗེ་གཙུག་ལག་སོགས་ཆོས་མང་དུ་གསན། དེ་སྐབས་ནཱ་རོ་པ་སོག་གདན་དྲངས་པ་སོགས་སྐྱོན་ཆེར་བྱུང་བར་གཙང་སྡེ་སྲིད་ནས་རྗེ་འདི་གདན་སར་དབང་བཀུར་ཕུལ་བ་བཞིན་གོང་མའི་དགོངས་རྫོགས་དང་རྟེན་བཞེངས་དང་ཆོས་སྲིད་ཀྱི་མཛད་དགོས་ལྟར་ཆགས་ཐམས་ཅད་ཕྱག་ཏུ་བཀལ། དེ་སྐབས་(སྨད་ཆ།༣༣༩)ཞབས་དྲུང་གདུང་འཛིན་པའང་གཤེགས་པས་་གླིང་བསྟོས་བཅས་རྣམས་ཀྱིས་གསོལ་བ་བཏབ་བཞིན། གཙང་ནས་ལྕམ་དྲུང་དཔོན་སར་ཕེབས་པར་བཀའ་ཆོས་ཉམས་ཁྲིད་སོགས་ཀྱིས་ཐུགས་བརྒྱུད་སྨིན་པར་མཛད། འོན་ཀྱང་དོན་དེའི་རེ་འབྲས་ནམ་མཁའི་མེ་ཏོག་ལྟར་གྱུར་པ་གཟིགས་པས་སླར་ཡང་བསྙེན་པར་རྫོགས་པའི་བཀའ་དྲིན་བསྐྱངས། སྐབས་ཤིག་བླ་སྒྲུབ་ཁྱད་འཕགས་ཤིག་གི་དང་སྣང་བྱུང་བའང་ཡི་གེར་ཕོབ་པ་དང་ཁ་སྐོང་གསུང་རྩོམ་ཀྱང་མཛད། གཞན་ཡང་གཤེན་རྗེ་ཚེ་བདག་ལོ

ི། ནཱ་ག་རཀྵ། ཁྲོ་ཆུ་སོགས་ཀྱི་སྒྲུབ་པ་མཛད་པ་དང་ཟལ་གཟིགས་ལུང་བསྟན་རྗེས་སུ་གནང་བ་བྱུང་ཚུལ་སོགས་ནི་བརྗོད་ཀྱིས་མི་ལངས་ཏེ་འཇམ་དཔལ་ཚེ་བདག་སྒྲུབ་ཐེངས་གཅིག་ལ་ལན་ལྔ་ཞལ་གཟིགས་པ་དང་ལན་གསུམ་གཉིས་ལན་རེ་གཟིགས་པ་སོགས་ནི་བརྗོད་ཀྱིས་མི་ལངས་ཏེ་འཇམ་དཔལ་ཚེ་བདག་སྒྲུབ་ཐེངས་གཅིག་ལ་ལན་ལྔ་ཞལ་གཟིགས་པ་དང་ལན་གསུམ་གཉིས་ལན་རེ་གཟིགས་པ་སོགས་མཐའ་ཡས། དེ་དག་གི་ཡིག་ཆ་དགོངས་གཏེར་གསུང་རྩོམ་ཀྱང་མང་དུ་མཛད། སྦྱིར་ཡང་ཡི་དམ་གཞན་ཞིག་ཐུགས་ལ་དྲན་པ་ཙམ་གྱི་དངོས་སུ་གཟིགས་པ་དང་ཡང་ཡི་དམ་གཞན་ཞིག་ཐུགས་ལ་མཛད་ན་དེ་ཡང་དེར་འགྱུར་འགྲོ་བ་སོགས་ཡོད་གསུངས། འདི་ཙམ་ཞིག་ནས་རྒྱལ་པོ་མཆོད་ཡིན་གྱིས་དཔུང་གིས་དབུས་གཙང་ཐམས་ཅད་ཆབ་འོག་ཏུ་བསྡུས་པས། འབྲི་གུང་ཕྱོགས་ལས་ཟིང་ཆ་ཅུང་ཟད་བྱུང། དེ་ནས་རྒྱལ་པོ་མཆོད་ཡོན་གྱིས་ལྔ་པ་རིན་པོ་ཆེར་ཆབ་སྲིད་ཕུལ་བས་བདེ་འཇགས་ཐོག་མཆོད་ཡོན་རྒྱལ་དུ་ཆིབས་ཁ་བསྒྱུར་བ་མལ་འདྲོར་མཇལ་དུ་ཕེབས་པས་བཀུར་བཟོས་གང་ཆེ་གནང། དེ་ནས་བཟུང་གོང་ས་ཐམས་ཅད་མཁྱེན་པ་ཆེན་པོས་ཆོས་བཀའ་སྦྱི་དང་བཀའ་བརྒྱད་ལོ

ི་ཡང་ཟློག་ཚེ་བདག་སོགས་ཀྱི་ཟབ་གནད་ཐམས་ཅད་སྙེན་བརྒྱུད་དུ་གསན་ཏེ་བཀའ་འདྲི་(སྨད་ཆ།༣༤༠)དོགས་གཅོད་གནང་ཞིང། ལྷ་སར་ལན་མང་ཕེབས་པའི་ཚེ་ནམ་ཡང་བཀུར་བཟོས་དར་རྩེ་སྦྲོད་དབུ་ཐུག་སོགས་གནང། མན་ངག་ལག་ལེན་དུ་མའི་བཀའ་འདྲི་དངོས་དང་ཆབ་ཤོག་གི་ལམ་ནས་སྩལ་བ་དག་ལ་ཚེ་བདག་གི་གཙེས་པའི་འཁོར་ལོ་བཅུ་གསུམ་གྱི་ལས་ལན་གསལ་བྱེད་རྡོ་རྗེ་བར་བའི་མཚོན་རྣོན་སོགས་ལན་དཔྱིས་ཕྱིན་པ་ཕུལ་བས་དགྱེས་རྩེར་སོན། ཆབ་ཤོག་ལྟ་བུར་ཡང་རིག་འཛིན་ཡོངས་ཀྱི་གཙུག་རྒྱན་དམ་པ་སོགས་ཀྱི་ཆེ་བཀུར་བསམ་གྱིས་མི་ཁྱབ་མཛད། འདི་སྐབས་སད་སྲུང་མཛད་པས་སད་རྡིའུ་ལས་ཁྲག་དངོས་སུ་བབས་པ་བྱུང་འདུག། གཞན་ཡང་གསུང་སྦྲུལ་ཚུལ་ཁྲིམས་རྡོ་རྗེ་ལས་འདུས་པ་མདོ་དབང། རྙིང་རྒྱུད་སོགས་གསན། སླར་ཡང་ལན་གཅིག་ཕེབས་པར་བཀའ་ཆོས་ཕར་འབུལ་ཚུར་གསན་མཛད། རིག་འཛིན་འཇའ་ཚོན་སྙིང་པ་བྲག་ཁ་བརྒྱུད་ཕེབས་པས་ཁོང་གི་གཏེར་ཆོས་རྣམས་ཀྱང་གསན། དངུལ་གྱི་ཚོ་འཕྲུལ་མཆོད་རྟེན་གསེར་དངུས་གྱིས་བཀའ་འགྱུར་བྲི་བ་སོགས་རྟེན་བཞེངས་རྒྱ་ཆེ་ཅིང་མང་མཛད། དེ་སྐབས་རྗེ་དཀོན་མཆོག་རརྣ་ཞིང་གཟིགས་པའི་དགོངས་རྫོགས་སོགས་བསྒྲུབས། སྟག་ལུང་ཞབས་དྲུང་བཀྲ་ཤིས་དཔལ་གྲུབ་ཕེབས་པར་ཆོས་གསན་རེས་སོགས་ལེགས་ལམ་གིང་འཕེལ་གནང། བཀའ་ཆས་འཆད་སྦེལ་ཀྱང་བཀའ་འགྱུར་རོ་ཅིག་གི་ཀླགས་ལུང་ཚར་གཉིས། རྗེ་ཉིད་ཀྱི་བཀའ་འབུམ་སྐོར་རྙིང་མ་བཀའ་གཏེར། གསར་རྙིང་གི་ཟབ་ཁྲིད་དུ་མ་དང། རྒྱལ་བ་འབྲི་གུང་པའི་ཟབ་ཆོས་སོགས་ཀྱིས་མཚོན་པའི་ཆོས་འཁོར་སྔ་ཕྱིར་ལན་མང་དང། དགེ་ཚུལ་སློང་གི་མཁན་པོ་མཛད་པ་སོགས་གྲངས་ལས་འདས། མངོན་པར་ཤེས་པ་ཕྱོགས་མེད་ཤར་བས་ལྐོག་འགྱུར་མཐའ་དག་སྒྲིབ་མེ་དུ་(སྨད་ཆ།༣༤༡)གཟིགས། དེ་སྐབས་རྗེ་དཀོན་མཆོག་རརྣའི་ཡང་སྲིད་ལོང་པོར་འཁྲུངས་པ་གདན་དྲངས་གཙུག་ཕུད་བཞེས་ནས་བསྙེན་བཀུར་ཕུལ། རྗེ་འདི་དྲག་པོ་མངོན་དྲངས་གཙུག་ཕུད་བཞེས་ནས་བསྙེན་བ་ཀུར་ཕུལ། རྗེ་འདི་དྲག་པོ་མངོན་སྦྱོད་ཀྱི་ལས་བཀའ་བབས་པས་མི་དང་མི་མ་ཡིན་གདུག་པ་ཅན་མང་པོ་ཚར་གཅོད་པའི་ཚུལ་ཡང་བརྗོད་པའི་ཡུལ་ལས་འདས་པ་མཆིས་སོ་དེ་ལྟར་ཕྲིན་ལས་པ་བཞིའི་སྒོ་ནས་བསྟན་པ་དང་སེམས་ཅན་གྱི་དོན་བསམ་གྱིས་མི་ཁྱབ་པ་མཛད་ནས་དགུང་ལོ་རེ་ལྔ་པ་ལ་རེ་ཞིག་གཟུགས་སྐུའི་བཀོད་པ་བསྡུས་ནས་ཆོས་བསྟན་པར་གྱུར་ཏོ། དེའི་ཚེ་ཟེའུ་འབྲུའི་ཕྲེང་བ་དང་ལྡན་པའི་མེ་ཏོག་གི་ཆར་དང་ཁ་དོག་སྣང་ཚོགས་པའི་འོད་ཀྱི་དྲ་བས་མཛེས་པར་གྱུར་ཅིང། གདུང་ཞུགས་འབུལ་བགྱིས་པས་རིང་བསྲེལ་གྱི་ཕུང་པོར་གྱུར་ཏོ། དགོངས་རྫོགས་མཆོད་སྦྲིན་ཕྱི་ནང་གི་རྟེན་བཞེངས་སོགས་མཛད་པ་སྣང་གསལ་བ་དཀོན་མཆོག་རྒྱལ་མཚན་སོགས་ཞབས་འབྲིང་རྣམས་ཀྱིས་ལེགས་པར་གྲུབ་པར་མཛད་དོ། སྦྲུལ་པའི་སྐུ་དཀོན་མཆོག་ཕྲིན་ལས་བཟང་པོ་ནི། ལོང་པོ་གླང་གྲོང་དཀྱིལ་དུ་ཁྲིམ་ཚང་ཤད་པ་ཞེས་པར། ཡབ་ལྷ་རྒྱས་དང་ཡུལ་རྡོ་རྗེ་རྒྱལ་མོ་ཞེས་པ་གཉིས་ཀྱི་སྲས་སུ་མེ་ཕོ་སྦྲེ་ལོར་འཁྲུངས། ཞབས་དྲུང་དཀོན་མཆོག་རརྣའི་ཡང་སྲིད་དུ་འཁྲུལ་མེད་ངེས་འདྲོངས་བྱུང་བ་ལ་བརྟེན། འབྲི་གུང་ཙེ་བ་གཞིས་ཀར་གདན་དྲངས། རིག་འཛིན་ཆོས་ཀྱི་གྲགས་པར་གཙུག་ཕུད་ཕུལ་བས་མཚན་དཀོན་མཆོག་ཕྲིན་ལས་བཟང་པོར་གསོལ། དབང་དང་བཀའ་ཆོས་དུ་མ་བསྩལ་ནས་སྨིན་གྲོལ་གྱི་གསོལ་ཐེབས་པར་མཛད། ཐུགས་སྦྱངས་གསན་བསམ་མཐར་ཕྱིན་མཛད་པས་ཤེས་བྱང་ཕྲ་རགས་ཐམས་(སྨད་ཆ།༣༤༢)ཅད་དང་ཁྱད་པར་སྨན་དཔྱད་ལ་མཁས། གོང་ས་མཆོག་དང་རྗེ་གོང་མའི་ཞལ་སློབ་བླ་ཆེན་རྣམས་ལས་བཀའ་ཆོས་རྫོགས་པར་གསན། རྗེ་རིག་པ་འཛིན་གཤེགས་རྗེས་གདན་ས་ཆེན་པོར་ཆེ་འདོན་ཕུལ། བསྐྱེད་རྫོགས་ཀྱི་ཉམས་བཞེས་ཟབ་མོ་ཐུགས་ཉམས་སུ་བསྟར་བས་གྲུབ་པའི་རྟགས་མཚན་ཇི་རྙེད་མངོན་སྣང་དུ་གྱུར། ལྷག་པའི་ལྷ་དུ་མའི་ཞལ་གཟིགས། ལྐོག་གྱུར་ཐམས་ཅད་གྲིབ་མེད་དུ་གཟིགས་པའི་མངོན་པར་ཤེས་པའི་ཡོན་ཏན་བསམ་གྱིས་མི་ཁྱབ་པ་མངའ། རྡོ་རྗེ་ཆོས་སྐྱོང་རྣམས་བྲན་དང་གཡོག་ཏུ་བཀོལ་ནུས་པས་ཕྲིན་ལས་རབ་འབྱམས་སྒྲུབ་པ་ལ་དབང་འབྱོར། བཀའ་ཆོས་འཆད་སྦེལ་དང་བཤད་སྒྲུབ་སྐྱོང་བས་རྗེ་གོང་མ་རྣམས་ཀྱི་ཕྲིན་ལས་ཀྱི་རྒྱུན་ནུབ་པ་མེད་པར་རྒྱས་པར་མཛད། ཁྱར་པར་རྗེ་རིག་འཛིན་ཆོས་ཀྱི་གྲགས་པའི་སྦྲུལ་པའི་སྐུ་འཇང་ས་ཐམ་གྱི་རྒྱལ་པོའི་སྲས་སུ་འཁྲུངས་པ་ཆོས་སྐྱོང་ལས་ལ་བཀོལ་བའི་རྫུ་འཕྲུལ་རྨད་དུ་བྱུང་བས་ངོས་འཛིན་དང་རིམ་པར་དཀའ་ཚོགས་ཆེན་པོའི་བླུས་མ་བསམ་གྱིས་མི་ཁྱབ་པར་ཕུལ་ནས་བོད་ཡུལ་དུ་སྦྱན་དྲངས། གདན་ས་ཆེན་པོར་ཡོངས་ཀྱི་འདྲེན་པ་མངའ་གསོལ་ནས་ཁྲི་འདོན་སོགས་ལེགས་ལམ་གོང་འཕེལ་མཛད། ཁྱད་པར་དུ་སྨིན་གྲོལ་གྱི་བདུད་རྩི་བསམ་གྱིས་མི་ཁྱབ་པས་ཐུགས་བརྒྱུད་ཡོངས་སུ་བལྟམས་པའི་མཛད་པ་བསྐྱངས། རྗེ་འདིས་དུས་གསུམ་སྒྲུབ་མེད་དུ་གཟིགས་པས་ཞལ་སློབ་འགའ་ཞིག་བར་འཆད་ངན་པས་ལོག་ལམ་དུ་འགྲོ་བར་ཉེ་བ་ན་ཞལ་དངོས་སུ་སྟོན་པ་དང། རྫུ་འཕྲུལ་གྱིས་བར་ཆད་དེ་ལས་ཟློག་པར་མཛད་པའི་ལོ་རྒྱུས་མང་དུ་ཡོད། དེ་ལྟ་བུས་ཕྲིན་ལས་རྣམ་པ་བཞིས་བསྟན་འགྲོའི་(སྨད་ཆ།༣༤༣)དོན་ཡུན་རིང་དུ་སྒྲུབ་པར་མཛད་ནས་ཞི་བ་ཆེན་པོར་གཤེངས་ཞེས་གྲགས་སོ། སྦྲུལ་པའི་སྐུ་རིན་པོ་ཆེ་དོན་གྲུབ་ཆོས་ཀྱི་རྒྱལ་པོ་ནི། འཇང་ས་ཐམ་ཀྱི་ཡུལ་དུ་འཁྲུངས། རྗེ་དཀོན་མཆོག་ཕྲིན་ལས་བཟང་པོས་ཐུགས་དམ་བརྟག་པ་དང་རྗེས་སུ་མཐུན་པའི་གོང་མའི་ཡང་སྲིད་དུ་བརྙེད་ནས། རིམ་གྱིས་གདན་སར་གདན་དྲངས། གོང་མའི་དུས་ཀྱི་ནག་ཆགས་སད་ལས་སྔོན་གནས་རྗེས་དྲན་དུ་མ་དང། ཁྱད་པར་ལྷ་དྲག་པོའི་བསྐྱེད་རིམ་ལ་སྒོམ་པའི་རྒྱུ་མཐུན་ལས་ཡིན་པར་གྲགས་ཏེ་སྐུ་གཟུགས་ཀྱང་གཞན་སུས་ཀྱང་འགྲན་པར་མི་ནུས་ཤིང་ལྟར་མི་བཟོད་པའི་གཟི་བརྗེད་མཚུངས་པ་མེད་པ་དང་ལྡན་ཞིང་གསུང་ཡང་ཚངས་པའི་དབྱངས་ལ་འགྲན་བཟོད་པ་སོགས་ངོ་མཚར་དུ་མ་དང་ལྡན་པར་བཞུགས། བསྐྱེད་རྫོགས་སྨིན་གྲོལ་ངང་ལས་རབ་འབྱམས་ཐམས་ཅད་ལ་མངའ་དབང་འབྱོར་བའི་མཁྱེན་རྟོགས་ཀྱི་རྩལ་རྫོགས། མཁས་པ་དང་གྲུབ་པའི་རྣམ་པར་ཐར་པ་རྒྱ་མཚོ་ལྟ་བུ་མངའ། གསང་སྔགས་གསར་རྙིང་གིས་གཅོས་པའི་བཀའ་ཆོས་འཆད་སྦེལ་དང་ཕྲིན་ལས་རྣམ་བཞིའི་ལས་ཕྲན་སྒྲུབ་པ་ལའང་ཐོགས་པ་མི་མངའ་ཞིང། གདོན་དྲག་པོས་ཉེན་པ་འགའ་ཞིག་ལ་ཞལ་ཆབ་དང་སྲུང་མདུད་བྱིན་རླབས་ཙམ་གྱིས་གདོན་ཅན་དེ་དག་ནད་གདོན་ལས་གྲོལ་བ་དང། ཟང་ཟིང་གི་དངོས་རྫས་ཕྱག་ཏུ་བྱུང་རིགས་ཀྱང་དཀོན་མཆོག་གི་རྟེན་བཞེངས་སོགས་རྣམ་དཀར་གྱི་ཕྱོགས་སུ་གཏོད་བ་ལས་སྲི་ཚག་དང་བར་མ་དོར་ཆུད་གསན་པ་མི་མཛད། ཡང་རི་སྒར་དུ་རྟེན་གསུམ་དཀྱིལ་འཁོར་གྱི་སློས་བསླང་སོགས་བསམ་གྱིས་མི་ཁྱབ་པ་བཞེངས་པར་མཛད་ཅིང། དེའང་དངོས་གཙང་(སྨད་ཆ།༣༤༤)པའི་དཔེར་འོས་པ་ཤ་སྟག་བཞུགས། འཕྲལ་དུ་ཐུགས་གཏུམ་པ་ལྟར་སྣང་ཡང་ཕུགས་བྱང་ཆུབ་ཀྱི་ཐུགས་འབྱོངས་པའི་རྒྱལ་བའི་སྲས་ཀྱི་སྦྲོད་པ་རླབས་པོ་ཆེས་བསྟན་འགྲོའི་དོན་ལ་ནམ་ཡང་གཡེལ་བ་མི་མངའ། རྗེ་འདི་འཇམ་མགོན་སི་ཏུ་རིན་པོ་ཆེ་ལ་ཚེ་བདག་ལྕགས་དང་སྡིག། ཡང་ཟློག་སྐོར་སོགས་བསྩལ་ཞིང། ཚུར་ཡང་སྒྲུབ་བབས་རིན་འབྱུང་སྐོར་གསན། མངོན་པར་ཤེས་པར་ཕྱོགས་མེད་དུ་ཤར་བས་ལྐོག་གྱུར་བླང་དོར་སྦྱི་དང་ཁྱད་པར་རེ་གོང་མ་དཀོན་མཆོག་ཕྲིན་ལས་བཟང་པོའི་ཡང་སྲིད་ཀོང་པོ་སྡེ་པ་ཨེ་རོང་པའི་སྲས་སུ་འཁྲུངས་པ་ལ། མཛོད་པས་སྟབས་ཉེས་ཀྱིས་སྦྲུལ་སྐུ་གཞན་ཞིག་དང་ནོར་བའི་ཟློག་གཞི་བྱུང་བར། རྗེ་འདིས་ཐག་ཆོད་ཀྱི་གསུང་སྩལ་བ་ཐོག་ཏུ་ཁེལ་བ་སོགས་མཐའ་ཡས། སྦྲུལ་པའི་སྐུ་གདན་སར་སྦྱན་དྲངས་ནས་ཁྲི་འདོན་བཀའ་ཆོས་འབུལ་བ་སོགས་མཛད་ཕྲིན་མཐའ་རྒྱས་སུ་བསྐྱངས་པའི་བཀའ་དྲིན་བསྩལ་ནས་མྱ་ངན་ལས་འདས་པ་མཆོག་གིས་མཛད་པས་ལུས་ཅན་རྣམས་ཐར་ལམ་བླ་ན་མེད་པའི་གོ་འཕང་ལ་སྦྱོར་བར་མཛད་པར་གྱུར་ཏོ། སྦྲུལ་པའི་སྐུ་དཀོན་མཆོག་བསྟན་འཛིན་འགྲོ་འདུལ་ནི། ཤར་ཕྱོགས་ཀོང་པོའི་ཡུལ་གྱི་བྱེ་བྲག་འོར་ཤོད་མཆིམས་ཀྱི་གང་ས་སྐྱ་བོ་དང་ཉེ་བར་སྡེ་པ་ཨ་རོང་པའི་སྲས་སུ་འཁྲུངས། རྗེ་མཆོག་སྦྲུལ་རིན་པོ་ཆེའི་གསང་ལུང་དང་མཐུན་པར་ཇོ་བོའི་མདུན་དུ་བརྟག་སྒྲིལ་བགྱིས་པ་དག་གསུང་བརྟག་ཕལ་ཆེར་མཐུས་པར་ངོས་འཛིན་ཕུལ་བའང་ངེས་འབྲོངས་བྱུང་བ་བཅས་འཁྲུངས་མེད་དུ་ཐག་བཅད་དེ་འབྲི་གུང་དུ་སྦྱན་དྲངས། ཆོས་ཀྱི་མངོན་པར་མཐོ་བའི་ཁྲི་ལ་ཞབས་པད་བཀོད་ནས་ལེགས་ལམ་གྱི་སྣང་(སྨད་ཆ།༣༤༥)བ་དགུང་ཟླའི་དཔེར་འོས་པ་མཛད། ཐུགས་གཉེར་སློབ་སྦྱོང་གནང་བས་མཁས་པའི་དཔེར་སོན། དོན་གྲུབ་ཆོས་ཀྱི་རྒྱལ་པོའི་སྐུ་ཞབས་ནས་གསན་བསམ་མཐར་ཕྱིན་པ་དང་བཀའ་ཆོས་ཐམས་ཅད་བུམ་པ་གང་སྦྱོར་གསན། ཐུགས་དམ་གྱི་རྟོགས་པ་ཀློང་དུ་གྱུར། མཆོག་སྦྲུལ་རིན་པོ་ཆེ་གཤེགས་ནས་གདན་སའི་ཁུར་བཞེས་མཛད་ནས་ལུགས་གཉིས་ཀྱི་ཕྲིན་ལས་བསྐྱངས། མཆོག་སྦྲུལ་རིན་པོ་ཆེ་འཇང་ཡུལ་དུ་སྐུ་འཁྲུངས་པ་གདན་དྲངས་ནས་གདན་སར་ཆེ་འདོན་སོགས་ཕུལ། བཀའ་ཆོས་འཆད་སྦེལ་སོགས་སྔོན་སྲོལ་བཟང་པོའི་ཕྲིན་ལས་ཀྱི་རྒྱུན་ཉམས་པ་མེ་དཔ་གོང་འཕེལ་དུ་སྐྱོང་བར་མཛད་པ་ཡིན་ནོ། མཆོག་གི་སྦྲུལ་སྐུ་རིན་པོ་ཆེ་དཀོན་མཆོག་བསྟན་འཛིན་ཆོས་ཀྱི་ཉི་མ་ནི། འཇང་གི་ཡུལ་དུ་འཁྲུངས། སྦྲུལ་པའི་སྐུ་དཀོན་མཆོག་བསྟན་འཛིན་འགྲོ་འདུལ་གྱི། རྗེ་གོང་མ་དེ་ཉིད་ཀྱི་ཞལ་ཆེམས་དང། བླ་མ་ལྟར་བཅས་ཀྱིས་གསུང་བརྟག་སོགས་སྒོ་བསྟུན་པའི་ས་ཕྱོགས་དེར་སྔ་ཕྱིར་རྩད་གཅོད་གནང་བ་ཐོག་ཏུ་ཁེལ་བ་ལ་བརྟེན་སྦྱན་འདྲེན་པར་བཏང་ཞིང། དཔལ་སྦུངས་ནས་ཀུན་མཁྱེན་སི་ཏུ་རིན་པོ་ཆེས་ཀྱང་ཞབས་ཕྱིའི་མཐུན་འགྱུར་ཕུལ་ནས་རིམ་པར་སྦྱན་དྲངས་སྡེ་དགེ་ཁོག་རྒྱུད་དཔལ་སྦུངས་དུའང་ཅུང་ཟད་བཞུགས། དེ་ནས་འབྲི་གུང་ནས་ཆེ་བགྲེས་རྣམས་སྦྱན་འདྲེན་དུ་ཕེབས་པ་དང་ཞབས་པད་བསྐྱོད་དེ་དབུས་ལྗོངས་སུ་ཆིབས་ཁ་བསྒྱུར། སྡེ་དགེ་ས་དབང་ལྕམ་དྲལ་ནས་བསྙེན་བཀུར་འབུལ་དོན་རྒྱ་ཆེར་ཕུལ། རིམ་གྱིས་གདན་སར་ཕེབས། དཀོན་མཆོག་བསྟན་འཛིན་འགྲོ་འདུལ་གྱིས་གཙུག་ཕུད་བཞེས་ནས་མཚན་དཀོན་མཆོག་བསྟན་འཛིན་ཆོས་ཀྱི་ཉི་མ་(སྨད་ཆ།༣༤༦)ཞེས་པ་གསོལ་ནས་གོང་མའི་ཁྲི་ལ་མངའ་གསོལ་ཕུལ། ཐུགས་རིགས་རྩལ་ཆེ་བས་ཤེས་བྱ་ཕྲ་རགས་དང་ཕྱི་ནང་གི་རིག་པ་ཐམས་ཅད་ཐུགས་སུ་ཆུད། བསྐྱེད་རྫོགས་ཟབ་མོའི་ཉམས་བཞེས་གནང་བས་གྲུབ་པའི་མཚན་རྟགས་ཡ་མཚན་ཅན་མང་པོ་མངོན་དུ་གྱུར། འགྲོ་ཕན་གྱི་ཕྲིན་ལས་སྐྱོང་བ་ལ་དང། བཀའ་བརྒྱད་སྨན་སྒྲུབ་སྒྲུབ་ཆེན་སོགས་ཀྱི་ཕྲིན་ལས་རྒྱ་ཆེར་སྦེལ། ཁྱད་པར་ཟབ་གསང་རྡོ་རྗེ་ཐེག་པའི་སྨིན་གྲོལ་གྱིས་དགའ་སྟོན་བསྩལ་བས་སྐལ་ལྡན་མང་པོ་སྐུ་གསུམ་གྱི་གོ་འཕང་ལ་བཀྲ་ཤིས་པའི་བཀའ་དྲིན་བསྐྱངས། རིག་འཛིན་ཆོས་ཀྱི་གྲགས་པའི་ཐུགས་ཀྱི་བག་ཆགས་སད་པས་སྔགས་རྙིང་མ་ལ་ཐུགས་མོས་ལྷག་པར་ཆེ་ཞིང། དྲང་སྲིང་ལ་

ི་སོགས་ལ་ཡིག་ཆའང་འགའ་ཞིག་མཛད་པར་སྣང། སྦྲུལ་སྐུ་གོང་མ་བདེ་བར་གཤེགས་ནས་ཆོས་སྲིད་ཀྱི་བྱ་གཞག་སྦྱི་དང་ཁྱད་པར་གོང་མའི་ཡང་སྲིད་ཁྲིར་འདོན་པ་སོགས་ལུགས་གཉིས་ཀྱི་ཕྲིན་ལས་རྒྱ་ཆེར་སྦེལ་ནས་རེ་ཞིག་འོག་མིན་པདྨོ་བཀོད་པའི་ཞིང་དུ་གཤེགས་སོ། བསྟན་འཛིན་པདྨའི་རྒྱལ་མཚན་ཕྲིན་ལས་རྣམ་པར་རྒྱལ་བའི་སྡེ་ནི། ཀོང་ཡུལ་ལྗོན་པའི་ཚལ་གྱི་བྱེ་བྲག་ཉང་ཁ་གཞུང་དུ། ཡབ་ཉང་གི་རིགས་ལས་སྔགས་འཆང་དུ་གྲགས་པའི་སྲས་སུ་སྐྱེས་བ་བཞེས་པར་མཛད། འབྲི་གུང་ཟུར་པའི་ཡང་སྲིད་དུ་ངེས་པའི་ཐུགས་ཐག་ཆོད་པས་གདན་སར་རིམ་གྱི་ཞབས་པད་བསྐྱོད་ནས་ཁྲི་སྟོན་སོགས་བཞེས། དཀོན་མཆོག་ཆོས་ཀྱི་ཉི་མའི་དྲུང་ནས་ཡོངས་རྫོགས་དགེ་བསྙེན་ནས་བཟུང་བཀའ་ཆོས་ཐམས་(སྨད་ཆ།༣༤༧)ཅད་གསན་བསམ་རྫོགས་པར་མཛད། འབྲི་གུང་པའི་སྔར་སྲོལ་བཟུང་པོའི་མཛད་ཕྲིན་གོང་འཕེལ་དུ་བསྐྱངས་ཤིང། ཁྱད་པར་མཆོག་གི་སྦྲུལ་པའི་སྐུ་རིན་པོ་ཆེ་གདན་ས་སྦྱན་དྲངས་ནས་ཁྲི་འདོན་སོགས་ཀྱི་ལེགས་ཚོགས་གོང་འཕེལ་གནང་བ་སོགས་མཛད་ནས། ད་ལྟའང་འཚོ་ཞིང་གཞེས་པས་བསྟན་འགྲོའི་ལེགས་བྱས་ཀྱི་དཔལ་དུ་འབར་བ་འདིའི། མཆོག་སྦྲུལ་རིན་པོ་ཆེ་རྒྱལ་སྲས་གཇིགས་མེད་ཉིན་བྱེད་འོད་ཟེར་ནི། རྗེ་རིན་ཆེན་ཕུན་ཚོགས་ཆོས་ཀྱི་རྒྱལ་པོ་དང་ཀུན་གཟིགས་ཤྟན་པུ་རི་པ་བླ་སློབ་ཏུ་འབྲེལ་བའི་རྟེན་འབྱུང་གིས་བསྐུལ་ཏེ། དེ་ཡང་ཡུལ་དབུས་གཡོ་རུ་ལྷོ་རྒྱུད་ཀྱི་ཕྱོགས་ཡར་ལུང་འཕྱོངས་རྒྱས་སྲོང་བཙན་བང་སོ་དང་ཉེ་བའི་དོན་མཁར་ཚེ་རིང་ལྗོངས་པདྨ་འོད་གླིང་དུ། ཡབ་ཀུན་མཁྱེན་འཇིག་མེད་གླིང་པ་ཞེས་སམ་རྗོགས་ཆེན་པ་རང་རྡོ་རྗེ་མཁྱེན་བརྩེའི་འོད་ཟེར་ཞེས་གྲུབ་པའི་དཔའ་བོ་རྣལ་འབྱོར་གྱི་དབང་ཕྱུག་ཆེན་པོ་དེ་དང། ཡུམ་སྡེ་པ་སུ་ཤུང་ནས་ཀྱི་ལྕམ་དྲུང་གི་སྲས་སུ་སྐུ་བལྟམས་ཏེ། གསུང་ངག་བྱེ་བ་ནས་སྔོན་གྱི་གནས་ཐམས་ཅད་གསུངས་པ་དང་ངོས་འཛིན་ཕུལ་བ་རྣམས་ཀྱང་འཁྲུལ་མེད་བྱུང་བ་སོགས་ཀྱི་རྒྱུས་གདན་ས་ཆེན་པོ་དཔལ་འབྲི་གུང་དུ་གདན་དྲངས། ཆོས་ཀྱི་ཁྲི་སེང་གེས་བརྒྱན་པར་ཞབས་ཀྱི་པདྨ་བཀོད་དེ་ལྷ་དང་བཅས་པའི་འཇིག་རྟེན་གྱི་འདྲེན་པར་མངའ་གསོལ། ཡབ་གྲུབ་པའི་དབང་པོ་བསྟན་པ་ཡོངས་རྫོགས་གྱི་ལམ་རྨད་དུ་བྱུང་བ་འདུས་པ་མདོ་ཡི་དཀྱིལ་འཁོར་ཆེན་པོར་དབང་བསྐུར་ནས་ཐུགས་རྒྱུད་ལ་སྦང་རྟོགས་ཀྱི་ཡོན་ཏན་ཁྱད་པར་ཅན་དུ་མ་དང་སྐུ་བཞིའི་ས་བོན་གསོས་ཐེབས་པར་མཛད། རྫོགས་པར་ཆེན་པོ་ཀློང་ཆེན་སྙིང་ཐིག་གི་གདམས་པ་ཟབ་མོས་སྨིན་(སྨད་ཆ།༣༤༨)དང་གྲོལ་བའི་དགའ་སྟོན་བསྩལ་ནས། གོ་འཕང་མཐོན་པོར་འགོད་པར་མཛད་པས། ད་ལྟ་བསྟན་འགྲོའི་དཔལ་དུ་ཞབས་པད་མི་ཤིག་རྡོ་རྗེ་གཡུང་དྲུང་གི་ཁམས་སུ་འཁྱིལ་བ་ཉིད་སླར་ཡང་བྱམས་ཆེན་ཆོས་ཀྱི་རྔ་ཆེན་མ་སྒྲག་གི་བར་དུ་བརྟན་པ་གོར་མ་ཆགས་སོ། དེ་དག་ནི་དབུས་ཕྱོགས་ཀྱི་ཆོས་སྡེ་རིགས་པ་ཙམ་ཞིག་སྟེ་ཕྲན་བུ་ནི་བརྗོད་པར་མི་ལངས་སོ། གཞན་ཡང་དཔལ་སྟག་ལུང་པ་ཡང་ཚེས་བཅུ་དང་ཕུར་འཆམས་སོགས་རྙིང་མ་མཛད་པ་ཤས་ཆེ་ཞིང། དེ་བཞིན་དུ་དཔལ་འབྲུག་པ་རིན་པོ་ཆེ་དང་ཀམ་ཚང་བཀའ་བརྒྱུད་ཐམས་ཅད་ཀྱིས་ཀྱང་རྙིང་མ་ཁོ་ན་ཐུགས་ཉམས་སུ་བཞེས་པ་ཤ་སྟག་ཡིན་ཡང་དེ་དག་གི་ལོ་རྒྱུས་ནི་འདིར་མ་བྲིས་སོ། ཡང་ལྷོ་རྒྱུད་གཉམ་དང་ལོ་རོ་སོགས་སུ། སྔར་དུས་ནས་གསང་ཆེན་རྙིང་མའི་ཆོས་བརྒྱུད་འཛིན་པ་གཉལ་པ་ལ་བླ་མ་ཤ་གཟུགས་པ་སོགས་ཕྲན་བུ་དེང་སང་ཡང་མངོན་ལ། དེ་ཡང་ཤ་གཟུགས་པ་ངག་དབང་བཀྲ་ཤིས་རྣམ་རྒྱལ་ནི། རྡོ་རྗེ་བྲག་རིག་འཛིན་ངག་གི་དབང་པོའི་ཞལ་སློབ་ཡིན། མཁྱེན་རབ་ཆེ་བས་ཀློང་ཆེན་པ་གསུམ་པའང་ཟེར། གཏེར་སྟོན་བརྒྱ་རྩའི་གཏེར་འབྱུང་མཛཛ་པའང་ཡོད། དེ་ནས་སྦྲུལ་སྐུ་རིམ་བྱོན་གྱིས་སྔ་འགྱུར་སྦྱི་དང་གཙ་ཅེར་རྡོ་རྗེ་བྲག་པའི་ཆོས་བརྒྱུད་འཛིན་པ་དེང་སང་མ་ཉམས་པར་གཉམ་ཨོ་རྒྱན་གླིང་ཞེས་པར་ཡོད། འབྲུག་སྨྱོན་པའི་གདན་ས་དྲེའི་ལྷས་སུ་སྦྲུལ་པའི་སྐུ་གྲུབ་ཆེན་གཡུ་འབྲུག་རྡོ་རྗེ་དང། དེའི་སྦྲུལ་སྐུ་གཡུང་མགོན་རྡོ་རྗེ་ནས་ད་ལྟའི་སྦྲུལ་སྐུ་འདི་ཡན་རྙིང་མ་ཤ་སྟག་མཛད་ཅིང་གཡུང་མགོན་རྡོ་རྗེ་ནས་ད་ལྟའི་སྦྲུལ་སྐུ་འདི་ཡན་རྙིང་མ་ཤ་སྟག་མཛད་ཅིང་གཡུང་མགོན་རྡོ་རྗེ་ཉིད་ཀྱི་དག་སྣང་སྐོར་དང་གཏེར་སྟོན་མཛད་ཅིང་གཡུང་མགོན་རྡོ་རྗེ་ཉིད་ཀྱི་དག་སྣང་སྐོར་དང་གཏེར་སྟོན་བརྒྱ་རྩའི་ཆོས་འབྱུང་མཛད་པའང་ཡོད་དོ། ༣༤༩)ལོ་རོར་སྦྱོར་སྦྲུལ་རིམ་བྱོན་ནི། ཉང་དང་རརྣའི་ལུང་ལས། བཻ་རོའི་རྣམ་འཕྲུལ་གསང་སྔགས་བསྟན་འཛིན་པ༔ བོ་དོད་པ་ཞེས་ཆོས་ཀྱི་རྒྱལ་མཚན་འབྱུང༔ ཞེས་དང། པདྨ་གླིང་པའི་གཏེར་ལུང་ལས། འཇང་དང་བོ་དོད་ཞེས་བྱ་བར༔ ཞིག་པོ་དྷ་རྨའི་མཚན་ཅན་འབྱུང༔ ཞེས་ལུང་བསྟན་པའི་པཎ་ཆེན་འཇིགས་མེད་གྲགས་པའམ་བོ་དོད་པ་ཕྱོགས་ལས་རྣམ་རྒྱལ་ཞེས་པའི་མཁས་པ་ཆེན་པོ་དེ་ཉིད་ལ་ཡང་སྲིད་སྦྲུལ་པའི་སྐུ་བདུན་འབྱུང་བར་རྗེ་ཉིད་ཀྱིས་ལུང་བསྟན་ཞིང། དེ་ཡང་ཉིད་ཀྱི་གསུང་ལས། རྨུ་རྒོད་འདུལ་དཀའ་རྡོ་བོད་གཉིས་ཀྱི་འཚམས། བཻ་རོ་གཡུ་སྒྲ་གཟུགས་སྐུའི་སྐྱེ་བརྒྱུད་འབྱུང། ཟབ་གསལ་ཆོས་ཀྱིས་འགྲོ་བ་འདུལ་པ་ལ། ལྷོ་རྒྱུད་མུན་གླིང་སྒྲོན་མེ་སྦར་དང་མཚུངས། ཞེས་གསུངས་པ་ལྟར། སྦྱོར་རར་ཐམས་ཅད་མཁྱེན་པ་ཞེས་རྣམ་འཕྲུལ་ཚར་དུ་དངར་བ་རིམ་པར་བྱོན་པའི་དང་པོ་འམ་དབྱངས་བསྟན་འཛིན་གྲགས་པ། གཉིས་པ་དགེ་ལེགས་རྒྱལ་མཚན། ལྔ་པ་ད་ལྟ་དཱགས་པོ་བྷྲུཾ་པའི་སྲས་སུ་འཁྲུངས་པའི་སྦྱོར་སྦྲུལ་རིན་པོ་ཆེ་མཚན་རིག་འཛིན་ཕྲིན་ལས་ལྷུན་གྲུབ་ཅེས་པའམ། བཀའ་བརྒྱུད་བསྟན་པའི་བདག་པོ་ཡིན་ཀྱང་ཤས་ཆེར་གསང་སྔགས་རྙིང་མ་མཛད་པ་ཁོ་ན་བྱུང་ཞིང། ཁྱད་པར་ད་ལྟའི་སྦྲུལ་པའིི་སྐུ་རིན་པོ་ཆེ་འདིས་ནི་རྙིང་མ་ཤ་སྟག་གནང་ཞིང། ཀུན་མཁྱེན་མཁྱེན་བརྩེ། གཏེར་ཆེན་ཀུན་བཟང་འོད་ཟེར། ལྐོམ་སྦྲུལ་རིན་པོ་ཆེ་སོགས་ཀྱི་ཆོས་བདག་ཏུ་ངོས་འཛིན་པ་བཞིན་གུས་འདུད་དང་(སྨད་ཆ།༣༥༠)གཏེར་ཆོས་སོགས་ཉམས་བཞེས་མཛད་བཞིན་པར་ད་ལྟ་འཚོ་གཞེས་བཀའ་དྲིན་ཆེ་བ་ནི་གསང་སྔགས་རྙིང་མའི་བསྟན་འཛིན་ཆེན་པོ་སྟེ། ཡང་བོ་དོད་པའི་གདན་ས་ཡར་འབྲོག་བསམ་གླིང་པ་དང་དེའི་སློབ་བརྒྱུད་དུ་བྱོན་པའི་རས་ཆེན་དཔལ་འབྱོར་བཟང་པོའི་སྐྱེ་བ་རིམ་པ་བདུན་དུ་འབྱུང་བ་ཞལ་གྱིས་བཞེས་རྣམ་འཕྲུལ་རིམ་བྱོན་ལས་བདུན་པ་སྣང་མཛད་བཞེད་པའི་རྡོ་རྗེ་ས་སྐྱའི་དབུ་བླར་ཕེབས་པ་དེ་ཡན་རྣམས་ཀྱང་རྙིང་མ་ཤ་སྟག་མཛད་དེ། ད་དུང་བོ་དོད་པའི་སྐུའི་སྦྲུལ་པ་ཆོས་ཀྱི་མཚན་ཅན་བདུན་མེ་ལོང་སྐྲུལ་སྐུ་སོགས་མང་དུ་སྣང་ཡང་འདིར་མ་སྨོས་སོ། ཨེ་ཕྱོགས་སུ་རོང་པ་རྫོགས་ཆེན་པ་ནམ་མཁའ་འབྲུག་སྒྲ་བཟང་པོ་ནི། དམ་པ་སངས་རྒྱས་ཀྱི་རྣམ་འཕྲུལ་དུ་གཏེར་ལུང་གིས་པ་ཟིན་པ་ཀུན་མཁྱེན་ཆེན་པོའི་བསྟན་བཅོས་གསང་འགྲེལ་ཕྱོགས་བཅུ་མུན་སེལ་ཐུགས་སུ་ཆུད་ཅིང། བྱང་གཏེར་གཅོ་བོར་གྱུར་པའི་གཏེར་ཆོས་མང་དུ་བཞུགས་པ་ཁྱད་པར་རྫོགས་ཆེན་དགོངས་བཟང་ཐལ་ལ་མཁྱེན་རྟོགས་རྒྱས་ཤིང་རྫོགས་ཆེན་གྱི་རིགས་བཙོར་སྟོན་འཆད་སྦེལ་མཛད་པས་རོང་པ་རྫོགས་ཆེན་པར་གྲགས་ཤིང། རྩ་སྒྲུབ་སྡེ་བཏབ་ནས་བཞུགས་པས་རོང་པ་རྫོགས་ཆེན་ཞེས་དང་མཚན་གྱི་འབོད་ཕྱོགས་གཉིས་སུ་བྱེད་དོ། རིག་འཛིན་ཆོས་ཀྱི་གྲགས་པ་དང། ལྷ་བཙུན་ཀུན་བཟང་རྣམ་རྒྱལ། གོང་ར་ལོ་ཆེན། སྣ་ཚོགས་རང་གྲོལ་སོགས་དང་ཆོས་གསན་རེས་དང། གོང་ལ་བྱེའུ་ལ་སོགས་པའི་དབེན་པར་སྒྲུབ་པ་མཐར་ཕྱིན་མཛད་པའི་གྲུབ་ཐོབ་ཆེན་པོ་ཞིག་ཡིན་ལ་རྩ་སྒྲུབ་སྟེ་དངོས་དེང་སང་ཡང་མ་ཉམས་པར་སྦྲུལ་སྐུ་རིམ་བྱོན་གྱིས་འཛིན་པར་ཡོད་ལ། གཞན་ཨེ་སྦེ་ཅོག་དང། བྲག་སྣ་བ་སོགས་ནི། གཏེར་(སྨད་ཆ།༣༥༡)སྟོན་ལས་འཕྲོ་གླིང་པ་དང། བྲག་སྣང་ཆོས་རྗེ་ཨོ་རྒྱན་བསྟན་འཛིན་སོགས་ཀྱི་དུས་དར་རྒྱས་ཆེ་བར་བྱུང་བ་ཡིན་འདུག་ཅིང་བྲག་སྣ་ཆོས་རྗེ་གྲཱ་གཙང་ཕན་བདེ་ལེགས་བཤད་གླིང་པའི་བླ་མ་ཡང་མཛད་པ་ཡིན་ཀྱང། དེང་སང་མ་ནུབ་ཙམ་ཞིག་ལས་དར་རྒྱས་ཆེན་པོ་ཡོད་པར་མི་སྣང། དཱགས་པོའི་ཕྱོགས་སུ་གསང་སྔགས་སྔ་འགྱུར་ཐོག་མར་བྱུང་བ་ནི་སངས་རྒྱས་དཱགས་སྟོན་ཡིན་ཏེ། མཚན་དངོས་དཱགས་སྟོན་དབང་ཕྱུག་རྡོ་རྗེ་སྟེ། སྨན་ལུང་པ་མི་བསྐྱོད་རྡོ་རྗེའི་ཞལ་སློབ་གཏེར་ཁ་གོང་འོག་གཅོ་བོར་གྱུར་པའི་རྙིང་མ་བཀའ་གཏེར་ཐམས་ཅད་ལ་མཁས་པ། བཀའ་བརྒྱད་ཡོངས་རྫོགས་ཀྱི་སྒོ་ནས་འཇམ་དཔལ་གཤིན་རྗེ་གཤེད་ཀྱི་དངོས་གྲུབ་བསྙེན་པ་ཞིག་ཡིན་ལ། དེའི་སློབ་མ་གཉན་སྟོན་རྡོ་རྗེ་ཡི་ཤེ། དེའི་སློབ་མ་སེ་སྡེང་པ་སངས་རྒྱས་དཔལ་དང། དེའི་སློབ་མ་གཉན་སྟོན་རྡོ་རྗེ་ཡི་ཤེ། དེའི་སློབ་མ་སེ་སྡེང་པ་སངས་རྒྱས་དཔལ་དང། དེའི་དབོན་སེ་སྡེང་པ་གུ་ཎ་ཕ་ལ། དེའི་སློབ་མ་བྱར་མཁར་པོ་གཡུ་ཤུལ་བ་ཀུན་མཁྱེན་ཆོས་སྐུ་འོད་ཟེར་ཏེ། བླ་མ་འདིས་ཙེ་ལེ་དགོན་བཏབ་པ་ཡིན་ལ། བླ་མ་འདི་རྣམས་ཞི་ཁྲོ་བཀའ་བརྒྱད་ཀྱི་གྲུབ་ཐོབ་ཁོ་ན་ཡིན་ཏེ་འདི་རྣམས་ཀྱི་རིང་ལ་བཤད་སྒྲུབ་གཉིས་ཀ་དར་རྒྱས་ཆེ་བར་བྱུང་ཞིང་ཀུན་མཁྱེན་ཆོས་སྐུ་འོད་ཟེར་གྱི་སློབ་མ་བར་ཁམས་པ་རྒྱར་ཀློང་ཆེན་པས་གཏེར་ཁ་གོང་འོག་གི་བཀའ་བརྒྱད་སོགས་ལ་ཡིག་ཆའང་མང་དུ་མཛད་སྣང་ལ། ཁྱད་པར་དུ་དབུ་རུ་དཔལ་འཛིན་གྱིས་རྩོད་ལ་ལོག་རྟོག་ཀུན་འཛོམས་རྡོ་རྗེ་ཕ་ལམ་ཞེས་པའི་བསྟན་བཅོས་ཚིག་རྣོ་ཞིང་དོན་བཟང་བ་ཞིག་མཛད་གནང་སྟེ། མཁྱེན་རབ་ཆེ་བས་ཀློང་ཆེན་པ་གཉིས་པར་གྲགས་སོ། དེ་ནས་རིང་ཞིག་ནས་རྩེ་ལེ་རིག་འཛིན་ཆེན་པོ་བསོད་ནམས་རྣམ་རྒྱལ་འཁྲུངས་ཏེ། དེ་ཡང་སྡེ་པ་(སྨད་ཆ།༤༥༢)སྐུ་རབ་པ་བྱང་ཆུབ་བཟང་པོའི་སྲས་སུ་སྐུ་རབ་གོང་མ་རིན་ཆེན་དབང་རྒྱལ་བའི་གཅུང་དུ་འཁྲུངས། གུ་རུ་ཆོས་དབང་གི་སྐྱེ་བ་ཡིན་པར་གྲགས། རྩེ་ལེ་རྙིང་མ་དུས་ཀྱིས་ཉམས་པར་རྗེ་འདིས་རྩེ་ལེ་གསང་བའི་དགོན་བཏབ་ནས་ཨོ་རྒྱན་གྱི་གསེར་སྐུ་རྒྱབ་མཐོ་ཉེར་བདུན་ཡོད་པ་སོགས་ཀྱིས་གཙོས་པའི་སྐུ་གསུང་ཐུགས་རྟེན་བཞེངས་པར་འཆད་ཉན་དང་བཤད་སྒྲུབ་ཀྱི་སྲོལ་བཟང་པོ་གཏོར་ནས་གྲཱ་གཙང་ཤིན་ཏུ་དངོས་གཙང་བ་ཞིག་བྱུང་བར་སྣང་ཡང་དུས་ཀྱི་འགྱུར་བས་དེང་སང་ཆོས་བརྒྱུད་ཇི་ལྟར་ཡོད་པ་སོགས་མ་འཚལ་ལ་རྒྱའི་འཛིན་སྐྱོང་སྨིན་གླིང་ནས་གནང་བ་ཡིན་འདུག། སྒམ་པོའི་གདན་རབས་ནི། རི་བོ་ཤ་ཏི་ཞེས་པར་རྒྱལ་བས་མདོ་སྡེ་དུ་མ་ནས་རི་བྲག་ཚང་ཚིང་ཅན་དུ་ཆོས་སྨྲ་བའི་དགེ་སློང་འཚོ་བྱེད་ཅེས་པ་འབྱུང་ཞེས་ལུང་དུ་བསྟན་པའི་གནས་དེར་རྗེ་མི་ལ་བཞད་པའི་རྡོ་རྗེའི་ཐུགས་སྲས་དག་པོ་རི་པོ་ཆེའ་བཤད་སྒྲུབ་ཀྱི་རྒྱུན་བསྐྱངས་པ་ནས་བཟུང་བཀའ་རྒྱུད་ཐམས་ཅད་ཀྱི་བསྟན་པའི་ཆུ་འགོ་གཅིག་པུ་བ་ཡིན་ཏེ་བཀའ་བརྒྱུད་པའི་གྲུབ་མཐའ་ཐ་དད་པ་ཐམས་ཅད་འདི་ཉིད་ལས་བྱུང་བ་ཡིན་ཞིང་མཉམ་མེད་དཱགས་པོ་བཀའ་བརྒྱུད་ཅེས་མཚན་ཉི་ཟླ་ལྟར་གྲགས་པའི་གདན་ས་ཆེན་པོ་འདིར་རྗེ་དཱགས་པོ་རིན་པོ་ཆེ་ནས་གདན་རབས་བཅུ་བདུན་ཙམ་དུ་བཀའ་བརྒྱུད་པ་ཤ་སྟག་ཡིན་ལ། དེ་ཡང་ཕལ་ཆེར་དཔོན་བརྒྱུད་ཀྱིས་འཛིན་པ་བྱུང་སྣང་སྟེ་དེ་དག་གི་ལོ་རྒྱུས་ནི་འདིར་མ་བྲིས་ལ། སྦྲུལ་པའི་སྐྱེས་མཆོག་མཚུངས་ཟླ་དང་བྲལ་བ་དགེ་སློང་རྡོ་རྗེ་འཛིན་པ་འཛམ་གླིང་གྲགས་པའམ། མཉམ་མེད་སྒམ་པོ་བ་ཆེན་པོ་དེ་ཉིད་སླར་ཡང་བསམ་བཞིན་དུ་སྐྱེ་བ་བཞེས་པ་ནི་ཀུན་མཁྱེན་བཀྲ་ཤིས་རྣམ་རྒྱལ་(སྨད་ཆ།༣༥༣)ཉིད་ཡིན་ཏེ། དེ་ཕྱིན་སྦྲུལ་པའི་སྐུ་རིམ་བྱོན་གྱིས་གདན་སའི་འཛིན་སྐྱོང་མཛད་པ་ཡིན་པར་སྣང་བད་དེ་དག་གི་ལོ་རྒྱུས་ཅུང་ཟད་བརྗོད་ན། ཀུན་མཁྱེན་བཀྲ་ཤིས་རྣམ་རྒྱལ་ནི། བདེ་ཆེན་གླིང་པའི་གཏེར་ལུང་དམ་ཚིག་གི་བཀའ་རྒྱ་ལས། ཟླ་འོད་གཞོན་ནུའི་སྦྲུལ་པ་ཅིག༔ ས་གནད་དངོས་གཞི་འབྱིན་པ་ཅིག༔ བཀྲ་ཤིས་དང་ནི་རྒྱལ་གྱི་མིང༔ འོན་ཀྱ་དེ་ཡི་བདེ་བ་སྟེར༔ ཞེས་དང། རྗེ་སྒམ་པོ་བ་ཉིད་ཀྱིས་ལུང་བསྟན་ལས་གསུང་མགུར་ཤོ་མོ་ཡར་ཤོག་གསུངས་པའི་རྗེས་དེར་ཞབས་རྗེས་འཁྲིས་ཀྱི་ཕ་བོང་གི་འགྲམ་དེར་ལྗོན་ཤིང་འབྲས་བུ་ཅན་གཅིག་སྐྱེས་པ་ན། རྗེ་སྒམ་པོ་བ་ཉིད་གནས་རི་འདི་ཉིད་དུ་མཆོག་གི་སྤྲུལ་པའི་སྐུར་བསྟན་ནས་བཏན་པ་ལ་བྱ་བ་རླབས་པོ་ཆེ་མཛད་པར་ཞལ་གྱིས་བཞེས་ཤིང་ལུང་བསྟན་པ་ནི་དཱགས་པོ་བཀྲ་ཤིས་རྣམ་རྒྱལ་ཉིད་ཡིན་ཏེ། དེ་ཡང་ཡབ་ནི་རྗེ་སྒམ་པོ་བའི་རིགས་དབོན་ཏེ་བདག་ཆོས་དབང་བ་དང། ཡུམ་དཱགས་པོ་བྷྲུཾ་པའི་སྲས་མོ་རིག་འཛིན་སྒྲོམ་མའི་སྲས་སུ་འཁྲུངས། གསན་བསམ་ཕྱོགས་མེད་དུ་མཛད་པས་ཤེས་བྱ་ཐམས་ཅད་ལ་མི་འཇིགས་པའི་སྦོབས་པ་ཐོབ་སྟེ། རྒྱལ་བའི་གསུང་རབ་རིན་པོ་ཆེ་དགོངས་འགྲེལ་དང་བཅས་པ་ལ་གཞན་དྲིང་མི་འཇོག་པའི་མཁྱེན་དཔྱོད་རྣམ་པར་ཡངས་པ། རིག་གནས་ཡན་ལག་དང་བཅས་པ་ལ་མཁས་པའི་རྩེར་སོན་པས་ཕྱོགས་ལས་རྣམ་པར་རྒྱལ་བའི་པཎྜི་ཏ་ཆེན་པོ། ཉམས་རྟོགས་ཀྱི་རྩལ་ཆེ་བས་གྲུབ་པའི་འཁོར་ལོས་བསྒྱུར་བ། སྐྱེས་བུ་དམ་པའི་ཡོན་ཏན་དཔག་ཏུ་མེད་པ་མངའ་བས། དབུས་གཙང་པར་ཁམས་ལ་སོགས་པར་ཞབས་པད་བསྐྱོད་པའི་འགྲོ་དོན་དང། གཙོ་ཆེར་བྱང་བབ་རོལ་སོགས་གནས་ཆེན་མང་པོར་ཐུགས་དམ་ཉམས་བཞེས་སུ་(སྨད་ཆ།༣༥༤)སྐུ་མཚམས་བཅད་རྒྱ་ཁོ་ནས་དུས་འདའ་བར་མཛད་ཅིང། ཁྱད་པར་དུ་སྒྲུབ་བརྒྱུད་རིན་པོ་ཆེ་སྦྱིའི་བསྟན་པ་དང་བྱེ་བྲག་ཏུ་གདན་ས་ཆེན་པོ་དེ་ཉིད་དུ་གཙུག་ལག་ཁང་རྟེན་བརྟེན་པ་གསར་བཞེངས་དང་སྔོན་མའི་ཉམས་གསོ། གང་འདུལ་གདུལ་བྱ་སྐྱོང་བ་སོགས་ཐུགས་རྗེ་དང་ཕྲིན་ལས་བསམ་གྱིས་མི་ཁྱབ་པས་བསྟན་པ་ལ་ཕྱག་རིས་དང་མཛད་པའི་རླབས་ཤིན་ཏུ་ཆེ། ཚིག་དོན་ཕུན་སུམ་ཚོགས་ཤིང་དོན་གྱི་གནད་ལྷང་ནུས་པའི་བསྟན་བཙོས་ཀྱང་མང་དུ་མཛད། དེ་ལྟ་བུའི་བསྟན་པའི་བྱ་བ་ཡུན་རིང་དུ་མཛད་ནས་གཤེགས་སོ། མཆོག་གི་སྦྲུལ་སྐུ་འཛམ་གླིང་ནོར་བུ་རྒྱན་པ་ནི། གསེང་ལམ་བླ་མ་སྒྲུབ་པ་དང། དཀོན་མཆོག་སྦྱི་འདུས་ལ་སོགས་པའི་ལུང་བསྟན་རྣམས་གུང་མཐུན་པར། པད་འབྱུང། བི་མ་ལ། དཱགས་པོའི་སྦྲུལ་པ་རྣམས་སུ་གསལ་བར་ལུང་བསྟན་ཅིང། བྱ་བྲག་ཏུ་ཀུན་མཁྱེན་བཀྲ་ཤིས་རྣམ་རྒྱལ་གྱིས་རྣམ་པར་སྦྲུལ་པར་རྩོད་མེད་དུ་ངེས་ཏེ། དེ་ཡང་གོང་ཡུལ་ཉང་ཁ་སྟོད་བྲག་གསུམ་རྡོ་རྗེ་བྲག་ཏུ་བླ་མ་རྒྱལ་མཚན་དང་ཡུལ་ཌཱཀི་ནི་ཨོ་རྒྱན་སྒྲོལ་མའི་སྲས་སུ་འཁྲུངས། མཉམ་མེད་འཛམ་རིན་པོ་ཆེ་བསོད་ཆོས་ལ་གཙུག་ཕུད་ཕུལ། བཀའ་རྒྱུད་རིན་པོ་ཆེའི་བསྟན་པ་སྦྱི་དང་བྱེ་བྲག་ཏུ་གདན་ས་ཆེན་པོ་ཉིད་གོང་འཕེལ་དུ་གྱུར། སྐུ་ན་གཞོན་ནུའི་དུས་དཔལ་འཛིན་གྱིས་འབྱམས་ཡིག་སོགས་ཀྱིས་དབྱེན་བཙོས་པས་སྔགས་རྙིང་མ་ལ་ཐུགས་མོས་མེད་ཀྱང་སྐབས་ཤིག་ནས་སྔོན་གྱི་བག་ཆགས་སད་པས་སང་སྔགས་སྔ་འགྱུར་བཀའ་གཏེར་ཐམས་ཅད་ཐུགས་ཉམས་སུ་བཞེས་ཤིང།(སྨད་ཆ།༣༥༥)འཆད་སྦེལ་གྱི་ཕྲིན་ལས་བསྐྱངས་པ་སོགས་རྙིང་མ་ཁོ་ན་མཛད། ཁྱད་པར་དུ་གུ་རུ་པདྨའི་ཟབ་གཏེར་འཁྲུལ་མེད་བཏོན་པའི་གཏེར་སྟོན་ཞིག་དང་ནས་མཇལ་དགོངས་པ་སྐོམ་པ་ཆུ་འདོད་པ་ལྟར་བྱུང་ཚེ་རྗེ་མི་ཕམ་བློ་གྲོས་ཀྱིས་འཇའ་ཚོན་པའི་སྙན་པ་བརྗོད་པས་རིགས་བདག་ཏུ་བཀུར་ནས་གཏེར་ཆོས་ཐམས་ཅད་གསན། དུས་དེའི་རིས་མེད་ཀྱི་འདྲེན་པ་གཞན་དང་ཆེན་པོར་གྲགས་པ་ཐམས་ཅད་ཀྱི་གཙུག་ཏུ་བཀུར་ཞིང། འཛམ་གླིང་ནོར་བུ་རྒྱན་པ་ཞེས་པའི་མཚན་དོན་དང་མཐུན་པར་གྱུར། དངོས་ཉམས་མནལ་ལམ་ལ་སོགས་པ་ལྷག་པའི་ལྷ་དུ་མ་ཞལ་གཟིགས་པ་དང་གསང་བའི་ལུང་བསྟན་སྩལ་བ་དང་ཁྱད་པར་ཨོ་རྒྱན་ཆེན་པོས་བྱིན་གྱིས་བརླབས་པའི་ཚུལ་སོགས་གསང་བའི་རྣམ་ཐར་དུ་གསལ་བ་ལྟར་དང། གཞན་ཡང་ཡང་ཟབ་དཀོན་མཆོག་སྦྱི་འདུས་ཀྱི་ལུང་བསྟན་ལས་གཏེར་ཆེན་འཇའ་ཚོན་པ་དེ་ཉིད་ཀྱི་ཕྱག་རྒྱ་བརྟེན་ན་རྗེ་འདི་ཉིད་རོགས་སྲས་སུ་འབྱུང་བར་ལུང་བསྟན་ཏེ། དེ་ཉིད་ལས་འབྲིང་ནི་ཕོ་ལོ་བཅོ་བརྒྱད་དུས༔ རིགས་ལྡན་ཌཱཀི་གཅིག་དང་ཕྲད༔ སྲས་མཆོག་འབྲལ་ཚད་དོན་ལྡན་འབྱུང༔ ཕ་བུས་སྐྱེ་འགྲོ་སྨིན་གྲོལ་འགོད། ཅེས་གསུངས་པ་དང་མཐུན་པར་རྗེ་འདི་མྱ་ངན་ལས་མ་འདས་ཙམ་གྱི་སྔ་གོང་དུ་རིག་འཛིན་ཆེན་པོ་ལ། བདག་ཤི་ན་བླ་མ་གཏེར་སྟོན་པའི་བུར་སྐྱེས་སྙམ་པ་འཆར་འདུག་ཅེས་པའི་གསུང་སྒྲོས་དང་གཏེར་སྟོན་ལ་སྔགས་ཆས་ཀྱིས་ན་བཟའ་དང་བརྟན་བཞུགས་པ་སོགས་པའི་རྟེན་འབྲེལ་མཛད་ནའང་རིག་འཛིན་ཆེན་པོ་དེ་ཉིད་ཚངས་སྦྱོད་ལ་ཐུགས་ཧ་ཅང་ཞེན་ཆེས་པས་དངོས་ཀྱི་རྟེན་འབྲེལ་མ་འགྲིག་པར་སྣང་ངོ། དེ་ལྟར་མཆོག་སྦྲུལ་རིན་པོ་ཆེ་འཛམ་གླིང་ནོར་བུ་རྒྱན་པ་དེ་ཉིད་ཞི་བའི་དབྱིངས་སུ་སྙོམ་(སྨད་ཆ།༣༥༦)པར་བཞུགས་པའི་མཛད་པ་སྟོན་པར་གྱུར་པ་ནས་གདན་སའི་ཁུར་བཞེས། སྦྱན་སྔ་རིན་པོ་ཆེ་མི་ཕམ་བསོད་ནམས་རིན་ཆེན་རྡོ་རྗེ་དཔལ་བཟང་པོས་མཛད་དོ། དམ་པ་དེ་ནི་དགེ་བའི་བཤེས་གཉེན་གྱི་མཚན་ཉིད་ཐམས་ཅད་ཚང་ཞིང། ཁྱད་པར་གསར་རྙིང་ཟུང་འཇུག་གི་འཆད་ཉན་གྱིས་འདུས་པའི་སྡེ་རྣམས་བསྐྱངས་ཤིང། ལུགས་གཉིས་ཀྱི་ཕྲིན་ལས་ལ་དབང་འབྱོར་པས་གདན་ས་ལེ་ལག་དང་བཅས་པ་གོང་འཕེལ་དང། མཆོག་སྦྲུལ་རིན་པོ་ཆེ་ངོས་འཛིན་ཁྲི་འདོན་སོགས་ལེགས་ལམ་གོང་འཕེལ་དུ་གྲུབ་ནས། དགུང་ལོ་སུམ་ཅུ་ཙ་བརྒྱད་པ་ལ་དཱགས་པོ་ཀླུ་མཁར་རྫོང་དུ་སྐུ་ཐིམ་པར་གྱུར་ཏོ། སྦྲུལ་པའི་སྐུ་བཟང་པོ་རྡོ་རྗེ་ནི། རིག་འཛིན་འཇའ་ཚོན་སྙིང་པོའི་གཏེར་ལུང་ལས། སྣ་ཚོགས་རིགས་ཀྱི་བུ་མཆོད་ཨ་ཡི་མིང༔ སྙིང་གི་ཐིག་ལེ་སངས་རྒྱས་མི་གཟུགས་སྦྲུལ༔ ལས་འཕྲོ་གླིང་པའི་གཏེར་ཞབས་སྡུད་པར་བྱེད༔ ཅེས་ལུང་གིས་བསྟན་པ་ལྟར། མཆོག་གི་སྦྲུལ་སྐུ་ནོར་བུ་རྒྱན་པ་ཞི་བར་གཤེགས་མ་ཐག་པར་སླར་ཡང་སྙིགས་མའི་གདུལ་བྱ་རྣམས་ལ་བཙེ་བ་ཆེན་པོས་བསམ་བཞིན་དུ་སྐྱེ་བར་བཞེས་པ་སྟེ། དེ་ཡང་རིག་པའི་འབྱུང་གནས་ཨེ་ཞེས་པའི་སའི་ཆར་གོང་པོ་སྨད་དམར་མཐའ་ཞེས་པར་ཡབ་ཆོས་རྒྱལ་གྱི་གདུང་ལས་སྔར་འགྱུར་རྙིང་མའི་རིག་སྔགས་འཆང་བ་ཨ་བོ་ཆོས་མཛད་དེ་ཅེས་པ་དང། ཡུམ་དབང་འཛིན་རྒྱལ་མོ་ཞེས་པ་གཉིས་ཀྱི་སྲས་སུ་འཁྲུངས། ངོ་མཚར་བའི་ལྟས་དང་གསུང་དང་མཛད་པ་སོགས་ལ་བརྟེན་རྗེ་གོང་མའི་ཡང་སྲིད་དུ་དོགས་ནས་རིག་འཛིན་འཇའ་ཚོན་སྙིང་པོར་གསུངས་བརྟག་ཞུས་པས་འཁྲུལ་མེད་དུ་ཐག་གཅོད་པའི་གསུང་བྱུང་བ་དང་སྦྱན་སྔ་(སྨད་ཆ།༣༥༧)རིན་པོ་ཆེ་དཔོན་སློབ་རྣམས་ཕེབས་ནས། སྐྱབས་གསུམ་འཛིན་པའི་དགེ་བསྙེན་གྱི་སྡོམ་པ་ཕུལ་ནས། མཚན་དཔལ་བཟང་པོ་རྡོ་རྗེ་ཕྱོགས་ཐམས་ཅད་ལས་རྣམ་རཔ་རྒྱལ་བའི་སྡེ་ཞེས་གསོལ། གདན་ས་ཆེན་པོར་སྦྱན་དྲངས། བད་རི་ནས་རིག་འཛིན་འཇའ་ཚོན་པའང་ཆེད་ཀྱིས་ཕེབས་བས་སྦྲུལ་པའི་སྐུའི་གཙུག་ཕུད་བཞེས་ནས་མཚན་ཨ་ཝ་རྡུ་ཏི་པ་འགྱུར་མེད་རྡོ་རྗེ་རྒྱལ་མཚན་དུ་གསོལ། སྔ་ཕྱིར་བཀའ་ཆོས་ཀྱང་མང་དུ་གསན་། དེ་ནས་མི་རིང་པར་འབྲས་སྦྲུངས་སུ་ཕེབས་ནས་ཀུན་མཁྱེན་རྒྱལ་བའི་དབང་པོའི་ཞབས་དྲུང་ནས་དགེ་ཚུལ་བཞེས་པའི་མཚན་བློ་བཟང་ཕྲིན་ལས་རྣམ་རྒྱལ་ངེས་དོན་གྲུབ་པའི་ཤིང་རྟ་མཆོག་གི་སྡེ་དོནན་ཡོངས་སུ་གྲུབ་པ་ཞེས་པའི་མཚན་དོན་དང་ལྡན་པར་སྩལ། སླར་ཡང་རྒྱལ་བ་མཆོག་ནས་ཐུགས་རྫོགས་ཀྱང་བཞེས། བསྙེན་བཀུར་དང་བདག་རྐྱེན་ཚད་མེད་པར་གནང། སླར་ཡང་རྒྱལ་སྲས་ཆོས་ཉིད་ཀློང་གྲོལ་དངལྷན་རྒྱས་སུ་རྒྱལ་པོ་དཔུང་དམར་ཁྲིར་འདོན་དུ་ལྷ་སར་ཕེབས། དེ་དུས་རྒྱལ་བ་མཆོག་གིས་སྨོན་ལས་ཚོགས་ཆེན་དུ་གསོལ་ཇ་མཉམ་རྒྱུག་སོགས་ཀྱི་བཀུར་བཟོས་ཚད་མེད་གནང། སྐབས་ཤིག་ཀོང་པོར་ཆིབས་སྒྱུར་གནང་ནས་ཐང་འབྲོག་འོད་གསལ་རྩེར་རྗེ་རྒོད་ཚང་བ་སྣ་ཚོགས་རང་གྲོལ་དང་མཇལ་ནས་ཉིན་མཚན་མང་པོར་ཆོས་ཀྱི་གསུངས་གླེང་དང་ཐུགས་ཡིད་གཅིག་འདྲེས་མཛད་ནས་རིགས་བདག་ཏུ་བཀུར། ཕྱིས་སུ་གཙང་པོ་མགོ་དགུར་ཡང་ཕེབས་ནས་བཀའ་ཆོས་མང་དུ་གསན། དེ་ནས་ཟང་ལུང་དུ་ལོ་གསུམ་ཕྱོགས་གསུམ་གྱི་ཐུགས་དམ་བཅད་རྒྱ་ལ་བཞུགས། དེ་ནས་ཟང་ལུང་དུ་མེད་ལ་ཟླ་གསུམ་ཙམ་གྱིས་ལྗགས་བསྙེན་གནང་སྐབས་འོད་གསལ་གྱི་གཟིགས་སྣང་ངོ་མཚར་ཅན་དུ་མ་བྱུང་བ་རྣམས་དེ་དུས་ཕལ་ཆེར་(སྨད་ཆ།༣༥༨)ཟིན་བྲིས་ཤོག་དྲིལ་དུ་ཕབ་པར་མཛད། ལྷག་ཏུ་གུ་རུ་རིན་པོ་ཆེའི་སྒྲུབ་ཕུག་ཡིན་ཟེར་བའིཕུག་པ་རིགས་མི་གཅིག་པ་མང་པོ་དང། བྲག་རི་དང་ཡུལ་ལྗོངས་ཉམས་དོད་པ་ཁོ་ན་ནས་ཟབ་གཏེར་འདོན་རྒྱུ་དང་བཏོན་པར་མཛད་པའི་བྲག་སྒོམ་ཞཱའི་མགུལ་ནས་སེང་ལྡེང་གི་ཕུར་པ་ཁྲུ་གང་ལོངས་ངེས་ཤིག་གཏེར་ནས་བཞེས། དེ་འཕྲལ་འབྲུག་སྒྲ་དྲག་པོ་དང་སེར་བ་རྒྱ་སྲན་ཙམ་ཤིན་ཏུ་ས་དྲག་པར་བབས། ཕུར་བ་དེའི་འཆང་བཟུང་གི་ནང་ནས་གཏེར་གྱི་ཁ་བྱང་ཤོག་དྲིལ་ཆུང་དུ་ཞིག་དང། རྒྱ་འདུད་ཀྱི་ནང་ནས་རྡོ་རྗེ་ཕུར་པའི་མངོན་རྟོགས་སྡུས་པ་ཞིག་བྱུང། དཔལ་གྱི་ཁྲོད་ནས་ཕུར་པ་དེ་ཉིད་སྦྱིན་སྲེག་ལ་ཕུལ་ཟེར་བ་འདུག་པས། རྗེ་ཉིད་དཔོན་སློབ་བཞི་ཙམ་གྱིས་དྲག་པོའི་སྦྱིན་སྲེག་མཛད་པས་འཚུབ་ཤིན་ཏུ་ཆེ་བ་བྱུང། ཁ་བྱང་དེ་ལ་བརྟེན་པའི་དཱགས་ལུང་ཁྲ་མོ་བྲག་ནས་གསང་བདག་དྲང་སྲོང་གི་ཤོག་དྲིལ་དང་གཏེར་རྫས་གནམ་ལྕགས་ཀྱི་རྡོ་རྗེ་དང། བྱུར་བུའི་ཀྲ་ལུང་མཁའ་འགྲོ་ཡེ་ཤེས་འཚོ་རྒྱལ་གྱི་སྒྲུབ་ཕུག་ནོར་བུ་འཛིན་པ་དང། ཀླུ་མཁར་གྱི་མཚོ་འོག་མའི་ཐ་ཙ་ནས་གཏེར་རྫས་ཕུར་བ་དང། ཁྱུང་གི་སྙིང་ཁྲག་དང་ཁྱད་རཱ་རྒྱ་མཚོའི་ལྦུ་བ་དང་བཅས་པ། བྲག་དཀར་ལྷ་ཆུ་ནས་ཚེ་སྒྲུབ་དང་ཚེ་ཆུ་རིལ་བུ། གཤེན་རྗེ་ཡང་བཟློག་དང་བཅས་པའི་ཆོས་སྐོར་གྱིས་ཤོག་སེར་རྣམས་སྦྱན་དྲངས། ལུང་བསྟན་ལས། རྒྱལ་དབང་མཆོག་ཉིད་པདྨའི་ཟབ་གཏེར་གྱི་བདག་པོར་གྱུར་པ་དང། ལྷག་ཏུ་ཆོས་རྒྱལ་ཁྲི་སོང་སྡེའུ་བཙན་གྱི་རྣམ་འཕྲུལ་ཡིན་ལ། ཕྱག་རྡོར་གྱི་བསྐོར་ཆོས་བདག་རྩ་བ་ཡིན་ཚུལ་གསལ་བར་འདུག་ཅིང། རྗེ་ཉིད་ཀྱི་མཚན་(སྨད་ཆ།༣༥༩)ལྟས་རྣམས་སུ་ཡང། རྒྱལ་བ་ཉིད་སྐུའི་ཆ་ལུགས་མི་འདྲ་བའི་སྒོ་ནས་ཡང་ཡང་མཇལ་ཞིང་ཆོས་བཀའ་དང། བཀའ་འཆིང་མང་དུ་གནང་བ་སོགས་ཀྱི་ཐུགས་དད་གུས་ལྷག་པར་འཕེལ་བར་བརྟེན་ཕྱག་རྡོར་གྱི་ཕྱི་སྒྲུབ་དངགནམ་ལྕགས་ཀྱི་རྡོ་རྗེ་གསུམ་གྱི་ནང་ནས་ལེགས་པ་རྩེ་ལྔ་པ་དང་བཅས་ལྷ་མིའི་སྐྱབས་མགོན་ཐམས་ཅད་མཁྱེན་པའི་དབང་པོ་ལ་འབུལ་དུ་སྒྲུབ་པ་བ་སྒམ་པོ་ནོར་བུ་མངགས། ཟབ་གཏེར་གྱི་ཤོག་སེར་དང་གཟིགས་སྣང་བྱུང་ཚུལ་ཕལ་ཆེར་ཕབ་གྲུབ་པའི་སྐབས་སུ། སྔོན་གྱི་སྨོན་ལམ་ལོག་པའི་དམ་སྲི་མ་རུངས་པ་ཞབས་འབྲིང་གི་ཚུལ་བཟུང་བ་དག་གི་སྒྲོ་སྐུར་ལ་བརྟེན། བསྟན་འགྲོའི་བསོད་ནམས་ལས་མ་གྲུབ་པ་ལྟ་བུས་ཐུགས་ཉམས་བཞེས་པའི་གཏེར་ཤོག་མ་བུ་མཐའ་དག་ཞུགས་སུ་འབུལ་བར་མཛད་པ་དེས། རྟེན་འབྲེལ་གྱི་རྩ་བ་འཆུགས་པས་སྐུ་དང་མཛད་པ་ཕྲིན་ལས་སོགས་ལ་ཤིན་ཏུ་གནོད་པར་གྱུར། སྐབས་དེ་དག་ཏུ་ཟབ་གཏེར་བཞེས་པའི་སྙན་པ་ལ་བརྟེན་ཕྱོགས་མཐའ་དག་ནས་དབང་ལུང་དམ་རྫས་སོགས་ཞུ་མི་མང་དུ་བྱུང་ཞིང། ཁྱུང་ཁྲག་རིལ་བུར་དྲིལ་བ་འདི་ཙམ་གྱིས་ཀྱང་འགྲོ་བ་ཐམས་ཅད་ལ་ཕན་པ་བླ་མ་མེད་དུ་གྱུར་གསུངས། གཞན་གཏེར་ཆོས་ལྷག་མ་རྣམས་འདབས་གཏེར་དུ་སྦབར་མཛད། སླར་ཡང་རྒྱལ་བ་རིན་པོ་ཆེ་ལས་སྔ་ཕྱིར་བཀའ་ཆོས་གསན་པ་དང། ཆོས་འཆད་སྦེལ་བསྙེན་སྒྲུབ་མཛད་ཚུལ་སོགས་ཐམས་ཅད་ནི་བརྗོད་ཀྱིས་མི་ལངས། སྐབས་ཤིག་དབུས་ལ་ཕེབས་ཞོར་ལ་རྣམ་སྲས་གླིང་དུ་ཕེབས་པའི་དུས་མི་དབང་བཀྲ་ཤིས་རབ་བརྟན་ཡུལ་དང་བཅས་པ་ལ་རིང་པོར་མི་ཐོགས་པར་སྐུ་སྐྱེ་བ་ཕྱི་མའི་ཡབ་(སྨད་ཆ།༣༦༠)ཡུམ་དུ་དགོངས་པའི་དབང་དང་བྱིན་རླབས་ནན་ཏན་དང། ལུང་བསྟན་བརྡ་ཆོས་སྟོན་པ་དང་རྟེན་འབྲེལ་སྒྲིག་པར་མཛད། དེ་ལྟ་བུའི་མཛད་པའི་རྣམ་གྲངས་དུ་མས་སྐུ་ཚེ་དེ་ཉིད་ལ་གདུལ་བར་བྱ་བའི་གདུལ་བྱ་རང་རང་གི་བགོ་སྐལ་དང་འཚམས་པའི་ལེགས་མཛད་ཀྱི་སྣང་བས་ཕན་པ་དང་བདེ་བ་བླ་ན་མེད་པའི་ལམ་དུ་བཀྲི་བར་མཛད་ཅིང། རེ་ཞིག་སྐུ་དངོས་ཀྱིས་གདུལ་བར་བྱ་བའང་དེ་ཙམ་དེ་དགོངས་ནས་ཆོས་ཀྱི་དབྱིངས་སུ་སྙོམས་འཇུག་པའི་ཚུལ་སྟོན་པར་གྱུར་ཏོ། གཤེགས་རྗེས་ཀྱི་སྒྲུབ་དགོས་ཐམས་ཅད་རྒྱལ་སྲས་ཆོས་ཉིད་ཀློང་གྲོལ་སོགས་ཀྱིས་མཐའ་རྒྱས་སུ་མཛད་དོ། རྒྱལ་སྲས་ཆོས་ཉིད་ཀློང་གྲོལ་དཔལ་བཟང་པོ་ནི། རྗེ་སྒམ་པོ་བ་དེའི་གཙུང་གྲགས་པ་སེང་གེའི་ལྷ་རྗེ་སྙིང་ཆུང་བ་ནས་གདུང་རབས་བཅོ་ལྔའི་བར། སར་གནས་ཀྱི་བྱང་ཆུབ་སེམས་དཔའ་འཕགས་པའི་གང་ཟག་འབའ་ཞིག་བྱོན་ཅིང། གདུང་རབས་ཅོ་ལྔ་པ་རྒྱལ་བའི་ཡབ་ཨོ་རྒྱན་རིག་འཛིན་རྡོ་རྗེ་བཀའ་ཕྱག་ཆུ་བོ་གཉིས་འདྲེས་ཀྱི་གདམས་པས་སྨིན་གྲོལ་དུ་གྱུར་བ་དེ་ཉིད་དང། ཡུམ་རྡོ་རྗེ་བུ་ཁྲིད་ཞེས་པ་གཉིས་ཀྱི་སྲས་སུ་འཁྲུངས། སྐུ་ན་ཕྲ་མོ་ནས་སྐྱེ་བུ་དམ་པའི་རྣམ་ཐར་གྱི་མཚན་ཉིད་ཐམས་ཅད་ཚང་ཞིང་སྒོམ་པོ་བའི་རིང་ལུགས་གཙོ་བོར་གྱུར་པའི་གསན་བསམ་མཐར་ཕྱིན་དུ་མཛད། ཡོངས་འཛིན་གྱི་གཙོ་བོ་མཆོག་སྦྲུལ་བཟང་པོ་རྡོ་རྗེ་དང། རྒོད་ཚང་བ་སྣ་ཚོགས་རང་གྲོལ་གཉིས་དང་གཞན་ཡང་འདྲེན་པ་མང་པོ་ཞིག་ལ་གསར་རྙིང་གི་ཆོས་བཀའ་དུ་མ་གསན། ཕྱག་རྫོགས་ཆུ་བོ་གཉིས་འདྲེས་ཐུགས་ཉམས་སུ་བཞེས་པས་རྟོགས་པའི་ཡོན་ཏན་ཁྱད་པར་ཅན་འཁྲུངས། མཆོག་སྦྲུལ་རིན་པོ་ཆེའི་རྗེས་སུ་གདན་ས་མཛད་དེ། གསར་རྙིང་རིས་མེད་ཀྱི་(སྨད་ཆ།༣༦༡)ཆོས་ཀྱི་འཆད་སྦལ་དང་བཤད་སྒྲུབ་ཀྱི་བགྱི་བ་དུ་མས་གདུལ་བྱ་སྐལ་བ་དང་ལྡན་པ་མང་པོ་ཐར་པ་མཆོག་ལ་སྦྱོར་བར་མཛད། མཆོག་སྦྲུལ་རིན་པོ་ཆེ་གཤེགས་རྗེས་ཀྱི་བགྱི་འོས་ཐམས་ཅད་བསྒྲུབས་པ་དང། གདན་ས་ཆེན་པོ་འཛིན་སྐྱོང་བཀའ་དྲིན་ཆེ་བ་ནས་མྱ་ངན་ལས་འདས་སོ། བདེ་བའི་རྡོ་རྗེ་ལྷུན་གྲུབ་ངེས་དོན་དབང་པོ་ནི། རྒྱལ་བའི་སྲས་པོ་ཆོས་ཉིད་ཀློང་གྲོལ་གྱི་གཅུང་རྡོ་རྗེ་གྲགས་པའམ་ཟླ་འོད་རྣམ་རྒྱལ་དང་ཞབས་དྲུང་མཐུ་སྟོབས་པའང་ཞུ་བ། རྗེ་བཟང་པོ་རྡོ་རྗེ་ལ་དགེ་བསྙེན་གྱི་སྡོམ་པ་དང། རྗེ་སྣ་ཚོགས་རང་གྲོལ་ལ་རྫོགས་ཆེན་གྱི་ཟབ་ཁྲིད་གསན་པ་ནས་བཟུང་རྫོགས་ཆེན་གྱི་ཉམས་བཞེས་ཁོ་ན་གནང་ཞིང། གནས་སྐབས་སྲིད་ཀྱི་བྱ་བ་མཛད་པ་ལར་སྣང་ཡང་ཐུགས་དམ་ཉམས་བཞེས་ལ་ལྟུར་ལེན་གནང་བས་གྲུབ་པའི་ས་ལ་གཤེས་པའི་དམ་པ་དེ་ལ་སྲས་བཞི་ཡོད་པའི་དང་པོ་གསུམ་གྱི་ཆེ་བ་དོན་གྲུབ་རབ་བརྟན། འབྲིང་པོ་གཏེར་སྟོན་ཆོས་རྗེ་གླིང་པའམ་འཛམ་གླིང་རྡོ་རྗེ། ཆུང་བ་གདུང་འཛིན་ཆོས་ཀྱི་གྲགས་པ་གསུམ་དང། ཡུམ་མི་གཅིག་པའི་སྲས་རྗེ་འདི་རང་བཞི་ཡིན་ལ། རྗེ་འདི་ནི་དཔལ་འཁོར་ལོ་སྡོམ་པ་དངོས་ཡིན་པར་གྲགས་ཤིང། ཆུང་དུ་ནས་ཐ་མལ་གྱི་སྦྱོད་པ་ལས་རིང་དུ་གྱུར་པའི་སྐྱེས་བུ་དམ་པའི་ཡོན་ཏན་དུ་མས་མཛེས་པར་གྱུར་པས་མཐོང་ཐོས་ཐམས་ཅད་དད་པའི་ས་ལ་སྦྱོར་བ་ནུས་པ་ཞིག་ཡིན་ལ། ཡོངས་འཛིན་གྱི་གཙོ་བོ་མཆོག་སྦྲུལ་བཟང་པོ་རྡོ་རྗེ་དང། རིག་འཛིན་ཆོས་རྗེ་གླིང་པ་གཉིས་ལས་རང་ལུགས་གཙོ་གྱུར་གྱི་བཀའ་ཆོས་ཐམས་ཅད་བུམ་པ་གང་བྱོར་གསན། གཞན་ཡང་མདོ་སྔགས་རིག་ལམ་དང་བཅས་པ་ལ་མཁྱེན་སྦྱན་མཆོག་ཏུ་ཡངས་ཤིང་(སྨད་ཆ།༣༦༢)དཔྱད་པ་དག། སྡོམ་པ་གསུམ་གྱི་ཉམས་བཞེས་ལ་ཡང་གཡེལ་བ་མི་མངའ་བས་གསུམ་ལྡན་རྡོ་རྗེ་འཛིན་པ་ཆེན་པོ། དངོས་དང་བརྒྱུད་ནས་སེམས་ཅན་ཐམས་ཅད་ལ་ཕན་པ་ལྟུར་བཞེས་དང། ཁྱད་པར་བསྟན་པ་རིན་པོ་ཆེ་ཐུགས་ལ་གཅེས་སྦྲས་སུ་གནང་ཞིང་སྒོ་དུ་མ་ནས་གོང་འཕེལ་གྱི་ཐབས་ལ་ཐུགས་རྩོལ་དང། བཤད་སྒྲུབ་ཀྱི་ཕྲིན་ལས་རྒྱ་ཆེར་སྦེལ་བར་མཛད་ཅིང། ཁྱད་པར་མཆོག་སྦྲུལ་རིན་པོ་ཆེར་དབང་ལུང་ཐམས་ཅད་བཀའ་རྫོགས་ལུང་རྫོགས་སུ་ཕུལ་བས་རང་ལུགས་བསྟན་པའི་སྲོག་འཐུད་པར་གྱུར་པ་སོགས་མཛད་ཕྲིན་མཐའ་ཡས། གྲུབ་པའི་གོ་འཕང་བརྙེས་ཤིང་ལམ་གྱི་ཡོན་ཏན་མཐོན་པོར་གྱུར་པའི་རྣམ་པར་ཐར་པའང་ཟབ་ཅིང་རྒྱ་ཅེ་བ་མངའ་ཞིང་རྟོགས་པ་དོན་བརྒྱུད་ཀྱི་གྲལ་དུ་བཞུགས་པ་ཡིན་ཏེ། དེ་ལྟ་བུའི་མཛད་ཕྲིན་རྒྱ་ཆེ་ཞིང་རྨད་དུ་བྱུང་དུ་མས་བསྟན་པ་དང་སེམས་ཅན་གྱི་དོན་ཡུན་རིང་དུ་བསྒྲུབས་ནས། སྦྱོང་དུས་གཏེར་ཆེན་ཆོས་གླིང་ཞི་བར་གཤེགས་པའི་གདུང་ཞུགས་འབུལ་སོགས་ཞབས་ཕྱི་ཞུས། དེ་ནས་མི་རིང་བར་རྗེ་ཉིད་ཀྱང་ཆོས་ཀྱི་དབྱིངས་སུ་སྙིམས་པར་བཞུགས་པའི་མཛད་པ་སྟོན་པས་ངོ་མཚར་པའི་ལྟས་ཁྱད་པར་ཅན་བསམ་མི་ཁྱབ་པས་ཐམས་ཅད་དད་པ་དང་མོས་པའི་ས་ལ་བཀོད་པར་གྱུར་ཏོ། མཆོག་སྦྲུལ་རིན་པོ་ཆེ་ཀུན་བཟང་ངེས་དོན་དབང་པོ་ནི། རྗེ་གོང་མ་བཟང་པོ་རྡོ་རྗེ་དེ་ཉིད་རྣམ་སྲས་གླིང་དུ་ཕེབས་སྐབས་སྡེ་པ་ཡུམ་བཅས་ལ་དབང་བཀུར་བྱིན་རླབས་ནན་ཏན་དུ་སྩལ་ཞིང། ཁྱད་པར་སྡེ་པའི་ཕྱག་ལྕགས་ཚུར་བཞེས་ཤིང་ཉིད་ཀྱི་ཕྱག་ལྕག་སྡེ་པར་གནང་ནས་རེ་ཞིག་ཟུངས་ཤིག་དང་(སྨད་ཆ།༣༦༣)རྟེན་འབྲེལ་ཞིག་ཡོད་ཅེས་གསུངས་པ་དང་ཡུལ་ལ་ཕྱག་ཕྲེང་གི་མདོ་འཛིན་གནང་བ་སོགས་ཏེ་འབྲེལ་བརྡ་ཆོས་ཀྱིས་ལུང་བསྟན་པར་མཛད་པ་བཞིན། དབང་བཅུ་མངའ་བའི་རྫུ་འཕྲུལ་ལ་དབང་འབྱོར་བའི་སྟོབས་ཀྱིས་གང་དུ་ཐུགས་བསྐྱེད་ཀྱིས་འཕེལ་པ་གནང་བ་བཞིན་སྐྱེ་བའི་མྱུ་གུ་མངོན་པར་གསལ་བར་གྱུར་ཏེ། དེ་ཡང་བྱ་ནག་རིགས་ཀྱི་ཐིག་ལེར། མི་བདག་བཀྲ་ཤིས་རབ་བསྟན་གྱི་སྲས་སུ་འཁྲུངས། ངོ་མཚར་བའི་ལྟས་དང་ཡ་མཚན་སྣ་ཚོགས་པ་དཔག་གིས་མི་ལངས་པ་དང། སྔོན་གནས་རྗེས་དྲན་གྱི་གསུང་གསང་གི་རོལ་མོ་སྙན་པར་ཁྲོལ་བས་ཐེ་ཚོམ་གྱི་མདུད་རྒྱ་རང་སར་ཞིག་པས་གོང་མའི་སྐྱེ་བ་ངེས་འདྲོངས་བྱུང་བ་དང། ལྷ་དང་བླ་མའི་གསུང་བརྟག་རྣམས་ཀྱང་གུང་མཐུན་བྱུང་བར་བརྟེན་གདན་ས་ཆེན་པོར་བསུ་བའི་བཀོད་པ་དུ་མ་དང་བཅས་ཏེ་གདན་དྲངས་ཏེ། དཔལ་མཉམ་མེད་སྒམ་པོ་པ་ཆེན་པོའི་སེང་གེའི་ཁྲི་ལ་ཞབས་ཀྱི་པདྨོ་བཀོད་ནས་བདེ་བའི་རྡོ་རྗེ་ལྷུན་གྲུབ་ངེས་དོན་གྱིས་གཙུག་ཕུད་བཞེས་ནས་ཀུན་བཟང་ངེས་དོན་དབང་པོ་དཔལ་བཟང་པོ་ཞེས་པའི་མཚན་དང་བཅས་ཡོངས་ཀྱི་འདྲེན་པར་མངའ་གསོལ། ཆོས་ཀ་སྦྱི་དང་བྱེ་བྲག་རང་ལུགས་ལ་གསན་སྦྱོང་མཐར་ཕྱིན་མཛད། རྡོ་རྗེ་འཛིན་པ་ལྷུན་གྲུབ་ངེས་དོན་དབང་པོ་དང། གཏེར་སྟོན་མཆོག་གི་སྦྲུལ་སྐུ་རིག་འཛིན་ཆོས་རྗེ་གླིང་པ་གཉིས་ལས་མདོ་སྔགས་བཀའ་གཏེར་གྱིས་མཚོན་པའི་ཟབ་ཆོས་མཐའ་དག་བུམ་པ་གང་བྱོར་གསན། སྨིན་གྲོལ་གྱི་བདུད་རྩིའི་ཐུགས་ཀྱི་བུམ་བཟང་གཏམས་ནས་བསྙེན་སྒྲུབ་བསྐྱེད་རྫོགས་ཀྱི་ཉམས་བཞེས་མཛད་པས་མི་དམ་ལྷག་པའི་ལྷ་བསམ་གྱིས་མི་ཁྱབ་པའི་ཞལ་གཟིགས་པ་དང་དངོས་གྲུབ་ཀྱི་མཚམ་མ་བརྙེས་པའི་རྟགས་མཚན་དུ་མ་མངོན་སྣང་དུ་གྱུར།(སྨད་ཆ།༣༦༤)གདན་ས་ཆེན་པོར་ཆོས་སྲིད་ཟུང་གི་བགྱིད་འོས་མཐའ་དག་ཕྱག་ཏུ་བཀལ་ནས་མཛད་ཕྲིན་གོང་འཕེལ་གནང་ཡང། བསྟན་དགྲ་གདུག་ཅན་ཇུན་གར་གྱི་དམག་གི་དཔུང་བོད་ཡུལ་ཕན་བདེའི་རྩ་ལག་ཨོ་རྒྱན་སློབ་དཔོན་ཆེན་པོའི་རིང་ལུགས་མཐའ་དག་དམིགས་མེད་དུ་རྒྱས་གདབ་པར་བྱེད་པའི་དུས་དེར། གདན་ས་འདི་ཉིད་སྔར་ནས་བཀའ་བརྒྱུད་པའི་ཆུ་འགོ་ཡིན་པ་གཞིར་བཅས་དེ་བཞིན་ཡིན་ཀྱང། རྡོ་རྗེ་བྲག་གཔའི་དབོན་རིས་སུ་གཏོགས་པ་དང་རྙིང་མ་མཛད་ཚུལ་སོགས་སྐྱོ་མ་མང་པོ་ཕྱི་ནང་གི་བདུད་རིགས་དམ་སྲི་སྙིང་ཞུགས་ཀྱི་སྐྱ་སེར་དུ་མའི་གླེང་བརྗོད་ལ་བརྟེན། བདུད་དམག་དེ་དག་གདན་ས་འདིར་ཡང་ལྷག་པར་ཕྱོགས་པའི་ཚེ་བླ་མ་ལྷ་བཅས་ཀྱི་ཐུགས་རྗེས་གསང་བརྡ་ཞིག་སྔ་འཕྲུལ་དུ་སོན་པས་སྐུ་འཁོར་ཉུང་ཤས་སྦོ་བོ་ཕྱོགས་སུ་བྲོས་སྟབས་སུ་ཕེབས། བདུད་འགོང་མ་རུང་པ་དེ་དག་གིས་དངོས་རྫས་རྟེན་གསུམ་ཐམས་ཅད་ཁྱེར་བའི་དུས་དཱགས་ཕྱོགས་ཀྱི་དམ་སྲིད་དག་གིས་ཁྱི་སྦྱང་ལག་སྦྲེལ་གྱི་སྒྱུ་འཕྲུལ་གྱིས་གདས་ས་ཆེན་པོ་འདི་རྨང་ནས་བཤིགས་པར་བརྩམས་པ་ན། སྒམ་པོ་རང་གི་ཆོས་སྐྱོང་གཉེན་པའི་སྟབས་ཀྱིས་བདུད་འགོད་དེ་དག་ལ་རྟགས་མཚན་ངན་ལ་ཆེས་མང་པ་འཕྲལ་འཕྲལ་དུ་བྱུང་བས་རོ་དགོན་མཆོད་ཁང་མཐའ་དག་བཤིགས་མ་ནུས་པ་ལུས། རྫུན་དུས་སྣུབས་པའི་རྙིང་བསྟན་མཐའ་དག་རང་རང་སྔར་ཤུལ་དུ་ཉམས་གསོ་བྱ་ཆ་ཚད་ལོག་བྱང་ཆོག་པའི་བཀའ་རྒྱ་ཕེབས་པ་དང། གདན་སར་ཕེབས་ནས་བསྟན་པ་རིན་པོ་ཆེ་ཉམས་གསོའི་མཛད་པ་སྐྱོང། དེ་བར་སྦོ་བོར་བཞུགས་(སྨད་ཆ།༣༦༥)སྐབས་ཀྱང་སྦོ་ཡུལ་སྟོད་སྨད་ཀྱི་གདུལ་བྱ་རྣམས་ལ་བཀའ་ཆོས་དབང་སོགས་ཀྱི་སྨིན་གྲོལ་གྱི་དགའ་སྟོན་ཅིང་ཡང་སྩལ་བར་མཛད། གདན་སའི་རྟེན་གསུམ་སོགས་ཉམས་ཆགས་ཐམས་ཅད་གསོ་བྲན་དང། དགེ་འདུན་རྣམས་བསྡུས་ནས་བཅའ་ཁྲིམས་སོགས་སྔར་རྒྱུན་ལས་མ་གཡོས་པར་མཛད། གཞན་ཡང་བཤད་སྒྲུབ་ཀྱི་ཕྲིན་ལས་རྒྱ་ཆེར་བསྐྱངས་ཏེ་ཆོས་སྲིད་གཉིས་ཆར་གྱི་བསྟན་པ་གཞིར་བཞེངས་སུ་མཛད་དེ་གདན་ས་ཆེན་པོ་འདི་ཉིད་ལ་བཀའ་དྲིན་ཤིན་ཏུ་ཆེ་ངེས་ཤིག་ཡིན་ལ། དེ་ནས་སྐུ་ཚེ་འདི་ཉིད་ཀྱི་ལ་བཀའ་དྲིན་ཤིན་ཏུ་ཆེ་ངེས་ཤིག་ཡིན་ལ། དེ་ནས་སྐུ་ཚེ་འདི་ཉིད་ཀྱི་གདུལ་བར་བྱ་བ་དང་མཛད་པ་སྐོར་གཅིག་རྫོགས་པར་གཟིགས་ནས་ངོ་མཚར་བའི་ལྟས་དུ་མ་དང་བཅས་མཁའ་སྦྱོད་བདེ་བ་ཆེན་པོའི་ཞིང་དུ་གཤེགས་པར་གྱུར་ཏེ། གཤེགས་རྗེས་ཀྱི་བྱ་བ་དགོངས་རྫོགས་མཆོད་སྦྲིན་སྦྲོ་བ། སྐུ་གདུང་མཆོད་རྟེན་གསར་བཞེངས་ཕྱི་ནང་གི་རྟེན་བཞེངས་སོགས་མཛད་པ་མཐའ་རྒྱས་སུ་ཕྱག་མཛོད་སྡེ་པ་བཀྲས་གཤོང་བས་ལེགས་པར་གྲུབ་པར་བྱས་པར་ཡིན་པར་སྣང་ངོ། འདི་སྐོར་གྱི་རྣམ་ཐར་ཞིབ་རྒྱས་མ་མཇལ་ཡང་གོང་མ་དག་གི་གསུང་སྒྲོས་ལས་བྱུང་བ་བཞིན་མདོར་ཙམ་ཞིག་བྲིས་པ་ཡིན་ནོ། རྟོགས་པ་དོན་བརྒྱུད་ཀྱི་གྲལ་དུ་བཞུགས་པའི་ཐམས་ཅད་མཁྱེན་པ་ཞཱ་དམར་མཆོག་སྦྲུལ་རིན་པོ་ཆེ་གར་དབང་རྒྱ་མཚོ་ནི། བྱ་ནག་རིགས་ཀྱི་ཐིག་ལེ་སྡེ་བ་རྣམ་སྲས་གླིང་པའི་སྲས་སུ་ངོ་མཚར་བའི་ལྟས་དང་བཅས་ཏེ་འཁྲུངཤ། སྔོན་གནས་རྗེས་སུ་དྲན་གསུང་གསལ་བ་དང་མཛད་པ་ངོ་མཚར་བ་སོགས་ལ་བརྟེན། ཡངས་ཅན་ཕྱག་མཛོད། མཚུར་ཕུ་རྒྱལ་ཚབ། གནས་ནང་དཔའ་བོ་སོགས་ཆེ་བགྲེས་རྣམས་བཀའ་བགྲོས་ནས། སྐུ་ཞབས་རྒྱལ་བའི་དབང་པོ་སྐལ་བཟང་རྒྱ་མཚོ་གཅོས་བོད་ཡུལ་གྱི་བླ་མ་ལྟར་བཅས་ཀྱི་(སྨད་ཆ།༣༦༦)གསུང་བརྟག་ཞུ་འོས་རྣམས་ལ་བརྟག་ཞུས་བྱས་པས་ཐམས་ཅད་ཀྱི་ལུང་མཐུན་བྱུང་བ་ལ་བརྟེན་ནས། གནས་ནང་དཔའ་བོ་སྦྲུལ་པའི་སྐུས་གཙོས་པའི་ཆེ་བགྲེས་རྣམས་བྱོན་ནས་ངོས་འཛིན་ཕུལ་བར། ཕྱག་དྲིལ་ཕྱག་ཌཾ། ཕྲེང་བ་སོགས་ན་བཟའ་ཉེར་སྦྱད་རྣམས་འདྲ་ཅོད་རེ་དང་བཅས་ཕུལ་བར་སོ་སོར་ངོས་འཛིན་འཕྲུལ་མེད་ཁོ་ན་དང་ཁྱད་པར་སྔོན་གནས་རྗེས་དྲན་གྱི་གསུང་གསང་སྙན་པའི་རོལ་མོས་དེར་ཡོད་ཐམས་ཅད་དབང་མེད་དུ་མཆི་མ་འབྱིན་པར་བྱེད་ཅིང་ཡིད་ཆེས་དད་པའི་ས་ལ་སྦྱོར་བར་མཛད་པས་དཔའ་བོ་སྦྲུལ་སྐུའི་ཞབས་བརྟན་དང་ཚེ་དབང་སོགས་གྲུབ་ཀྱི་ཀྱང་ཕུལ་ནས་ཐམས་ཅད་མཁྱེན་པ་དཔལ་ཆེན་ཆོས་ཀྱི་དོན་གྲུབ་ཀྱི་ཡང་སྲིད་དུ་ཐུགས་ཐག་ཆོད་ནས་རིམ་པར་མཚུར་ཕུར་གདན་དྲངས། དེ་ནས་རྒྱལ་ཚབ་རིན་པོ་ཆེ་གཙོར་གྱུར་བཀའ་བརྒྱུད་པའི་བླ་མ་ཆེ་བགྲེས་བོད་ཡུལ་ན་བཞུགས་པ་ཐམས་ཅད་ཞལ་མཐུན་པར་བདེ་ཆེན་ཡངས་པ་ཅན་གྱི་གཙུག་ལག་ཁང་དུ་གོང་མའི་གདན་སར་ཁྲིར་འདོན་སོགས་ཕུལ་ཀྱང། སླར་ཡང་ཁམས་ཕྱོགས་ནས་སྐུ་སྐྱེ་ཉིས་ཟློས་བྱུང་བར་དེ་ཉིད་ཀྲོངས་པར་གྱུར་ཀྱང་ཡང་བསྐྱར་དུ་བཀྲ་ཤིས་རྩེ་པའི་ཕྱོགས་ཀྱི་སྦྲུལ་སྐུའི་ཟློས་གཞི་སོགས་ལ་བརྟེན་རྗེ་འདི་ཉིད་གདན་པར་བཞུགས་པ་མ་ཤར་ཞིང། རྣམ་སྲས་གླིང་དུ་ཟུར་བཞུགས་གནང། དེ་ནས་མི་རིང་བ་དཔོན་པོའང་གཤེགས་པས་དམ་འདོགས་ཕལ་ཆེར་རང་སར་གྲོལ་ཞིང། ཁྱད་པར་རྒྱལ་མཆོག་སྐལ་བཟང་རྒྱ་མཚོའི་ཞལ་སྔ་ནས་སྦྲུལ་པའི་སྐུ་སྐལ་བཟང་དགེ་ལེགས་དཔལ་བཟང་པོ་ཞེས་པའི་མཚན་དང། ཁྲི་གདན་བཀུར་བཟོས་ཐམས་ཅད་གོང་མའི་དུས་ལྟར་གནང་ཞིང། ཁྱད་པར་ཁྱེད་རང་བཀའ་བརྒྱུད་བསྟན་པའི་གེགས་(སྨད་ཆ།༣༦༧)ཆགས་ཀྱིས་གདན་ས་ཐོབ་ཀྱང། ཐེལ་དམར་སོགས་སྔར་ལུགས་བཞིན་གནང་ཆོག་པ་དང་མཆོད་གཞིས་ཀྱི་ཐེབས་ཀྱང་གསར་ཕྱེས་ཕུལ་ནས་ཤེ་བམ་ཆེན་མོ་སྩལ་བ་སོགས་བདག་རྐྱེན་ཚད་མེད་པ་གནང་བ་ལ་བརྟེན་གསང་སྔགས་ཆོས་འཁོར་གླིང་རྟེན་བརྟེན་པ་དང་བཅས་གསར་བཞེངས་མཛད། དགེ་འདུན་གྱི་འདུ་སྒོ་སྦྱར་བ་སོགས་བསྡུ་བའི་དངོས་པོ་གཞིས་བསྐྱངས་ཤིང་བཤད་སྒྲུབ་ཀྱ་རྒྱུན་བཟང་པོ་བཙུགས་ནས་གྲ་ཤིན་ཏུ་དངོས་གཙང་བ་ཞིག་འཛུགས་པར་མཛད། དེ་ཡང་རྗེ་འདིས་བཀའ་ཆོས་ཕལ་ཆེར་གསན་ཡུལ་ནི། ཉིད་ཀྱི་ཁུ་བོ་དཱགས་པོ་སྦྲུལ་སྐུ་ཀུན་བཟང་ངེས་དོན་དབང་པོ་ལ་ཞུས་ཤིང། གཞན་ཡང་ཡོངས་འཛིན་དུ་མ་ལས་བཀའ་ཆོས་རྒྱ་ཆེར་གསན། སྐལ་བ་དང་ལྡན་པ་དག་ལ་ཟབ་མའི་ཆོས་ཀྱི་འཁོར་ལོ་བར་མེད་དུ་བསྐོར་ནས་གདུལ་བྱ་མཆོག་དམན་སོ་སོར་བློ་དང་འཚམས་པའི་གདམས་པས་ཐེག་པ་གསུམ་གྱི་ལམ་ལ་རིགས་ཀྱིས་བཀྲི་པར་མཛད་ནས་མཐར་ཐུག་ཐེག་པ་མཆོག་ལ་སྦྱོར་བའི་བཀའ་དྲིན་གྱིས་བསྐྱངས་པར་མཛད་དོ། རྗེ་འདི་ནི་སྦང་རྟོགས་ཡོན་ཏན་གཞན་ལྷ་ཞོག་གནས་སྐབས་ཀྱི་ཀུན་སྦྱོད་ཙམ་ཡང་གཞན་གྱིས་འགྲན་པར་མི་ནུས་ཤིང། ཚུལ་ཁྲིམས་ཀྱི་ཕུང་པོ་ཡོངས་སུ་དག་པས་ཞི་བ་དུལ་བ་ཉེར་བར་ཞི་བ་སོགས་སྐྱ་བུ་དམ་པའི་ཡོན་ཏན་མ་ཚང་བ་མེད་ཅིང་བག་མེད་པའི་སྦྱོད་པ་ཐམས་ཅད་ལས་རིང་དུ་གྲོལ་བས་ཀུན་དད་པ་འདྲེན་ནུས་པ་སྐུ་ལས་ཚུལ་ཁྲིམས་དྲི་བཟང་པོ་བྲོ་བ། ཆོས་ལྟ་བུ་འཆད་པའི་ཚེ་ཡང་ལུང་རིགས་དང་འབྲེལ་བའི་གསུང་བཤད་སྙན་ཅིང་འཇེབས་ལ་གསལ་ངག་གོ་སླ་བ་ཁོ་ན་སྩལ་ཞིང། ཐུགས་རྣམ་པར་མི་རྟོག་པའི་ཏིང་ངེ་འཛིན་གྱི་ཡིན་ཏན་བསམ་མི་ཁྱབ་པ་མངའ་ཞིང། འགྲོ་བ་(སྨད་ཆ།༣༦༨)ཐམས་ཅད་ལ་སྙིང་རྗེ་ཆེན་པོས་བུ་གཅིག་པ་ལྟར་གཟིགས་པ་སོགས་སར་གནས་སེམས་དཔའི་རྣམ་པར་ཐར་པའི་ཡོན་ཏན་ཚད་མེད་པ་མངའ། གཞན་ཡང་དཀའ་སྦྱད་ཐུགས་རུས་དྲག་པོས་སྐུ་འཚམས་བཅད་རྒྱ་གནང་ཚུལ། ལྷག་པའི་ལྷ་དུ་མའི་ཞལ་གཟིགས་བྱུང་ཚུལ། རྡོ་ལ་པྱག་ཞབས་ཀྱི་རྗེས་འཇོག་ཚུལ་སོགས་མཐའ་ཡས་པ་མཆིས་ཤིང་གསུང་རྩོལ་བསྟན་བཅོས་ཀྱི་རིགས་ཀྱང་པོ་ཏི་ལྔ་དྲུག་ཙམ་བཞུགས་ཏེ། དེ་ལྟ་བུའི་བསྟན་འགྲོའི་དོན་ཡུན་རིང་དུ་མཛད་ནས་དགུང་ལོ་ང་བརྒྱད་ལ་ངོ་མཚར་ཅན་གྱི་ལྟས་དུ་མ་དང་བཅས་དག་པའི་ཞིང་དུ་གཤེགས་སོ། རྗེ་འདི་སྒམ་པོའི་གདན་སར་བཞུགས་པ་མིན་ཀྱང་ཆོས་བརྒྱུད་ལ་བཀའ་དྲིན་གཞལ་བྲལ་དུ་གྱུར་ཕྱིར་ངེས་པར་བརྗོད་འོས་པས་རེ་ཞིག་བསྡུས་ཏེ་བྲིས་པ་ཡིན་ནོ། སྒམ་པོ་བ་མཆོག་གོ་སྦྲུལ་པའི་སྐུ་རིན་པོ་ཆེ་འཇམ་དཔལ་ཕྲིན་ལས་དབང་པོའམ་གཏེར་ཆེན་རྡོ་རྗེ་རྒྱལ་པོ་ནི། ཨོ་རྒྱན་བདེ་ཆེན་གླིང་པའི་ལུང་བསྟན་བཀའ་རྒྱ་མ་ལས། ཁྱད་པར་དཱགས་ཀོང་རི་བོ་ཤནྟིའི་གནས༔ ཨོ་རྒྱན་པདྨ་སམ་བྷའི་རྣམ་སྦྲུལ་སྐུ༔ གླང་ལོ་བྱང་ཆུབ་སེམས་དཔའ་ངུར་སྨྲིག་འཆང། ཟབ་གཏེར་ཆོས་ཀྱི་བདག་པ་བྱེད་པ་འབྱུང༔ ཞེས་དང། རྡོ་རྗེ་བྲག་མཆོག་སྦྲུལ་རིན་པོ་ཆེའི་གཏེར་བྱོན་སྦས་གནས་བདུན་གྱི་ལུང་བྱང་ལས། གླང་བྱི་ལོ་པ་ས་ཁམས་སྙིང་རྗེ་ཅན། དྲག་ཤུལ་ཚོ་རོལ་སྦྱོད་པ་རིགས་བཞིའི་རྟགས༔ སྙིང་ཁར་སྨེ་བ་སྟག་རིས་མཚོན་ཆ་འདྲ༔ ལག་གཡས་མཚན་པའི་སྐྱེས་བུ་དེ་དང་འཕྲད༔ སྐལ་ལྡན་དཔལ་གྱུར་འགྲོ་ཀུན་ཐར་གླིང་དུ༔ ཁྲིད་ནས་བླ་མེད་སངས་རྒྱས་པར་བསྒྲོད་ཤོག༔ ཅེས་དང རྩོད་བྲལ་གྱི་གཏེར་སྟོན་གར་དབང་རིག་འཛིན་ཚེ་མཚོག་རྩལ་གྱི་གཏེར་ལུང་(སྨད་ཆ།༣༦༩)ལས། ཨོ་རྒྱན་བདག་དང་བི་མའི་སྐུའི་སྦྲུལ་པ༔ པདྨ་འགྲ་མགོན་རྡོ་རྗེ་ཞེས་གྲགས་པ༔ རྒྱལ་རིགས་བློ་གསལ་རྒྱབ་མདུན་རྨེ་བས་བརྒྱན༔ ངང་ཤེར་ཞབས་ལྡན་ལེ་ལོ་གཡེང་བའི་ཚུལ༔ རྒྱན་དང་རོལ་མོ་གླུ་གར་རྩེ་འཛོར་དགའ༔ བྱམས་དང་སྙིང་རྗེ་ཤེས་རབ་བློ་སྟོབས་ཆེ༔ རྩ་གསུམ་རྒྱལ་བའི་བསྙེན་སྒྲུབ་ལས་ལ་བརྩོན༔ རིས་མེད་སྦྱོད་པ་ཚོ་རོལ་བསྟག་པར་དཀའ༔ བར་ཆད་བདུད་ཀྱི་དབང་དུ་མ་སོང་ན༔ ཟབ་མའི་གཏར་ཁ་བཅུ་གསུམ་དག་ལ་དབང། ཞེས་སོགས་གཏེར་ཁ་དུ་མ་ནས་ལུང་བསྟན་པ་ལྟར། ལྷ་རིགས་མང་བཀུར་རྒྱལ་པོའི་གདུང་ལས་སོན་པའི་ཡབ་གཏེར་ཆེན་དུ་ལྡན་སུ

ོ་ཙ་ནྡྲ་ཞེས་པ་གཉིས་ཀྱིས་སྲས་སུ་མེ་མོ་གླང་གི་ལོ་ལ་ངོ་མཚར་བའི་ལྡས་དང་བཅས་སྐུ་བལྟམས། དེ་སྐབས་གདན་ས་ཆེན་པོར་བླ་མ་གཞན་མི་བཞུགས་པས་ལུགས་གཉིས་ཀྱི་འཛིན་སྐྱོང་ཐམས་ཅད་གོང་མའི་ཞབས་གྲས་མཛོད་པ་སྡེ་པ་བཀྲས་བཤོང་པ་ཆོས་མཛད་རྡོ་རྗེ་རྣམ་རྒྱལ་གྱིས་ཁུར་ལེན་བྱེད་སྐབས་ཡིན་ཏེ་རྗེ་གོང་མའི་དགོངས་རྫོགས་དངུལ་གདུང་བཞེངས་པ་སོགས་གྲུབ་ནས་ཡང་སྲིད་རིན་པོ་ཆེ་གར་འཁྲུངས་བོད་ཡུལ་བླ་མ་ལྷ་བཅས་ལ་གསུང་བརྟག་ཞུ་བ་སོགས་ནན་ཆེར་ཡང་ཡང་བགྱིས་པའི་ལུང་མཐུན་དང། ཁྱད་པར་ཀརྨ་པ་བདུད་འདུལ་རྡོ་རྗེ། རྒྱལ་བ་སྐལ་བཟང་རྒྱ་མཚོ། འབྲུག་པ་ཐམས་ཅད་མཁྱེན་པ། དྲིའུ་ལྷས་གཡུང་མགོན་རྡོ་རྗེ། རྗེ་གར་དབང་རྒྱ་མཚོ་རྣམས་ཀྱིས་གསུང་གསལ་ལ་བརྟེན་ངེས་འཛིན་(སྨད་ཆ།༣༧༠)སོགས་ངེས་འདྲོངས་བྱུང་ཡང། ས་སྐྱོང་ལྷ་རྒྱ་རི་བ་སྐུ་གཉེན་པས་ཡང་སྲིད་རིན་པོ་ཆེ་བླུར་མ་བཏང་བར་གཞུང་སར་ཞུ་སྐོར་སོགས་ཀྱང་བགྱིས་ནས་རིམ་པར་གདན་ས་ཆེན་པོ་འདིའི་ཆོས་ཀྱི་རྒྱལ་པོ་ཟླ་འོད་གཞོན་ནུའི་ཆོས་ཀྱིས་མངོན་པར་མཐོ་བའི་སེང་གེའི་ཁྲི་ལ་བཀྲ་ཤིས་པའི་རི་མོ་རྣམ་པར་བཀྲ་བའི་ཞབས་ཟུང་བཀོད་ནས་ལྷ་དང་བཅས་པའི་འགྲོ་བ་མ་ལུས་རིན་མོ་རྣམ་པར་བཀྲ་བའི་ཞབས་ཟུང་བཀོད་ནས་ལྷ་དང་བཅས་པའི་འགྲོ་བ་མ་ལུས་པའི་མཆོད་གནས་སུ་མངའ་གསོལ་ཕུལ། དེ་སྐབས་མཛོད་ལས་རྗེ་ཞཱ་དམར་ཐམས་ཅད་མཁྱེན་པ་གར་གྱི་དབང་པོ་གདན་སར་སྦྱན་དྲངས་ནས་ཡུན་རིང་དུ་བཞུགས་ཏེ་བཀའ་ཆོས་ཀྱི་བདུད་རྩི་མ་ལུས་པ་བུམ་པ་གང་འབྱོའི་ཚུལ་དུ་གསན། སླར་ཡང་རྗེ་ཉིད་རྣམ་སྲས་གླིང་དུ་ཕེབས་ནས་རྗེ་གར་གྱི་དབང་པོའི་སྐུ་དྲུང་ནས་བཀའ་ཆོས་ལྷག་མ་རྣམས་དང་ཆོས་དྲུག་དང་ཕྱག་རྫོགས་ཀྱི་ཉམས་ཁྲིད་སོགས་གནང་སྨིན་དུ་གསན་ནས་ཉམས་བཞེས་སྲང་ལ་བཅར་ནས་དགོངས་པ་ཀློང་དུ་གྱུར་མཛད་པ་ཡིན་ནོ། ཡང་རྗེ་འདི་ཉིད་བྱིས་པའི་དུས་ཤིག་གཏེར་ཆེན་ཀུན་བཟང་བདེ་ཆེན་རྒྱལ་པོ་ས་སྐྱོང་ཆེན་པོའི་ཕོ་བྲང་དུ་བཞུགས་སྐབས་གཏེར་སྟོན་གྱི་དབུ་སྐྲ་རལ་ཅོག་གི་ནང་ན་སངས་རྒྱས་ཀྱི་འཕེལ་གདུང་བཞུགས་པ་རྗེ་འདིས་ཚམ་ཚོམ་མེད་པར་བཞེས་པས་ཟབ་མོ་གཏེར་གྱིས་འཁོར་ལོས་བསྒྱུར་བར་འགྱུར་བའི་རྟེན་འབྲེལ་འགྲིགས། ཕྱིས་སུ་གཏེར་ཆེན་དེ་ཉིད་སྒམ་པོར་སྦྱན་དྲངས་ནས་གཏེར་ཁ་གསར་རྙིང་གིས་མཚོན་པའི་ཟབ་མོ་ཆོས་མང་དུ་བཞེས་པའི་ཤི་ཙ་བའི་བླ་མར་འཛིན། གཏེར་ཆེན་དེ་ཉིད་ཀྱིས་ཀྱང་ཐུགས་ཀྱི་སྲས་སུ་དགོངས་ནས་བསྟན་པ་གཏོད་པར་མཛད། ས་(སྨད་ཆ།༣༧༡)ཁྲི་དགུང་ལོ་ཉེར་གཉས་ཙམ་ནས་ཟབ་གཏེར་འདོན་པའི་ལུང་བསྟན་དངས་ཉམས་མནལ་ལམ་སོགས་ལ་ཡང་ཡང་བྱུང་ཡང་ཐུགས་དཀྱིལ་ཆེ་བས་ཐུགས་ཉམས་སུ་མ་བཞག་པར་གྱི་ནར་སྒྱུར་བ་ན། སླར་ཡང་ལུང་བསྟན་ཆེས་ཆེར་གསལ་བར་གཏེར་བདག་གི་བསྐུལ་མ་བཅས་བྱུང་བར་ས་ཕག་ནས་ཁ་བྱང་ཀྱང་ཕྱག་ཏུ་སོན་པ་དང། ལྕགས་བྱི་ལོ་ནས་བརྡ་ཡིག་གི་ཕྱི་ལོ་ཕྱག་ཏུ་འབྱོར་བས་ཁ་བྱང་ནང་གི་ལུང་དོན་བཞིན་མེ་ལོར་ཡིག་གི་ཕྱི་ལོ་ཕྱག་ཏུ་འབྱོར་བས་ཁ་བྱང་ནང་གི་ལུང་དོན་བཞིན་མེ་ལོ་ལུག་ལོར་སྒམ་པོ་གདར་གྱི་རི་ཙེ་བྲག་ཨོ་རྒྱན་པད་ཞུའི་རྒྱབ་ཕྱོགས་ཀྱི་མཚོ་སྨན་ཆུ་མིག་ནས་ཞབས་ཕྱི་གསུམ་དང་བཅས་གསང་བདག་དྲག་པོ་ཆེན་པོའི་ཆོས་སྐོར་གཏེར་སྒྲོམ་ཉམས་མེད་དུ་སྦྱན་དྲངས་ཏེ་གསང་རྒྱ་མཐར་ཕྱིན་པར་མཛད་ནས་སྐལ་བ་དང་ལྡན་པ་དག་ལ་ཐོག་མའི་ཆོས་སྒོ་ཕྱེས་ནས་རིམ་པར་སྦེལ་བར་མཛད། དེ་སྐབས་ཆོས་ཀྱི་རྒྱལ་པོ་སྲོང་བཙན་སྒམ་པོས་བཞེངས་པའི་མཐའ་དངུལ་གྱི་གཙུག་ལག་ཁང་སྦོ་བོམདུད་ཆུའི་ལྷ་ཁང་ས་གཡོས་ཀྱིས་རྨང་ནས་འཇིག་པར་གཞུང་ས་མཆོག་ནས་རྒྱལ་བ་འཇམ་དཔལ་རྒྱ་མཚོ་དང། སྲིད་སྐྱོང་བཅས་ཀྱིས་རྗེ་འདིར་ཞིག་གསོས་དགོས་པའི་ལུང་བབས་ཡིན་ཚུལ་གྱི་བཀས་བསྐུལ་བ་བཞིན་བོད་ཡུལ་སྦྱི་དང་བྱེ་བྲག་གི་བདེ་སྐྱིད་ལ་དགོངས་ཏེ་སྦོ་བོར་ཞབས་པད་བསྐྱོད་ནས་གཙུག་ལག་ཁང་སྔར་ལས་ལྷག་པར་རྟེན་གསུམ་བཅས་རྨང་ནས་གསར་བཞེངས་རབ་གནས་དང་བཅས་ཞིབ་རྒྱས་མཛད་པའི་བཀའ་དྲིན་བསྐྱངས། སླར་གདན་སར་ཆིབས་སྐྱོད་གནང་ནས་མཛད་ཕྲིན་ལས་གོང་འཕེལ་མཛད། འདི་དུས་རྗེ་གར་དབང་རྒྱ་མཚོའང་གདུལ་བྱ་རྟག་འཛིན་ཅན་དག་གི་ངོར་ཐ་མའི་མཛད་པ་སྟོན་པར་བཞེད་པའི་ཚེ་རྣམ་སྲས་གླིང་དུ་ཕེབས་རྗེས་འདིར་ཐུགས་ཀྱི་དགོངས་པ་གཏོད་པའི་ཞལ་ཆེམས་སོགས་སྩལ་བ་བཞིན་(སྨད་ཆ།༣༧༢)གཤེགས་རྗེས་སུ་སྒྲུབ་དགོས་ཐམས་ཅད་ཐུགས་ཁུར་ཆེ་བཞེས་ཀྱིས་བསྒྲུབས་བར་མཛད། དེར་མཚུངས་ཀོང་པོ་འབྲུག་ཐུང་དུ་སྦྲུལ་པའི་གཏེར་ཆེན་ཀུན་བཟང་བདེ་ཆེན་རྒྱལ་པོ་དེ་ཉིད་པདྨ་འདོ་ཀྱི་ཕོ་བྲང་དུ་གཤེགས་པར་ཉེ་བ་ན་རྗེ་འདིར་གཞན་ཞུ་བྱུང་བར་ཕེབས་པས་ཕྱི་ནང་གི་རྟེན་འབྱུང་མང་པོ་བསྒྲིགས་པ་དང་གཤེགས་རྗེས་ཀྱི་བྱ་བའི་ཞལ་ཆེམས་ཀྱིས་མཚོན་པའི་བསླབ་དོན་མང་དུ་སྩལ་ནས་ཞིང་ཁམས་སུ་ཕེབས་པའི་གཤེགས་རྗེས་ཀྱི་སྒྲུབ་དགོངས་ཐམས་ཅད་རྗེ་འདིས་ཐུགས་ཁུར་ཆེ་བཞེས་མཛད། འདི་ཙམ་ནས་བདེ་ཆེན་པདྨ་དཀོད་ཀྱི་གནས་སྒོ་འབྱེད་བསྒྲིགས་དགོས་རྣམས་གནང་ཞིང། གནས་ཀྱི་ལྟེ་བར་གཙུག་ལག་ཁང་རྟེན་བརྟེན་པ་གསར་བཞེངས་སོགས་མཛད་ཅིང། སླར་བོད་དུ་ཕེབས་ནས་ས་སྐྱ་བདག་ཆེན་འཛིན་དབང་སྡུད་སྙིང་པོ་དང་སྦྱོར་ར་ཐམས་ཅད་མཁྱེན་པ་སྲིད་སྐྱོང་རྟ་ཚག་པ་སོགས་ལ་ཆོས་བདག་གི་རྟེན་འབྲེལ་བསྒྲིགས་ནས་བཀའ་ཆོས་ཕར་འབུལ་ཚུར་གསན་མང་དུ་མཛད། གཞུང་ས་མཆོག་ནས་ཀྱང་གར་ཕེབས་སར་རྟ་ཁལ་འུ་ལག་ས་ཚུགས་སོགས་བདག་རྐྱེན་དང་བཀུར་བཟོས་ཚད་མེད་པའི་ཞབས་བསྐུལ་ཡང་མཛད། དེ་ལ་བརྟེན་མི་ལོ་བཅུ་གསུམ་དུ་བོད་ཡུལ་བདེ་སྐྱིད་ཀྱི་རྩ་བ་ཚུགས་པ་བྱུང་ངོ། སླར་ཡང་ཙ་གསུམ་རྒྱལ་བ་རྒྱ་མཚོས་གསང་ལུང་བཞིན་སྦས་གནས་སུ་ཕེབས་ནས་ལུང་བསྟན་དུས་བབས་དང་མཐུན་པར་ལྟེ་བ་སྦྲུལ་པའི་འཁོར་ལོའི་གནས་གཏན་ལ་འབེབས་ཕྱིར་གཏེར་ཆེན་ཀུན་བཟང་འོད་(སྨད་ཆ།༣༧༣)ཟེར་བ་ལྕམ་ཌཀིའི་དབང་མོ་སོགས་དང་བཅས་གནས་རྣམས་སུ་རིམ་པར་བསྐྱོང་ནས་ཞིབ་གསལ་མཛད། འདི་དུས་དངོས་གྲུབ་མཆོག་གི་རྫས་ཁྱད་པར་ཅན་ཙ་ཀླུ་བདུད་རྡོ་རྗེའང་ཕྱག་ཏུ་སོན་པ་དངོས་གྲུབ་ཆེན་པོའི་དགའ་སྟོན་དུ་བདག་གིར་བཞེས་ཏེ། དེ་ཡང་(སྨད་ཆ།་འདི་ནི་པདྨ་བཀོད་དང་རྩ་རི་ཏྲ་སོགས་གནས་ཁྱད་པར་ཅན་རྣམས་ལས་གང་ཡིན་དུ་མི་འབྱུང་ལ། གལ་ཏེ་ཡོད་དུ་སྲིད་ཀྱང་མཁའ་འགྲོ་འབུམ་སྒྲིབ་ཤིང་ཡོད་པས་ཕལ་པའི་འགྲོ་བས་མཐོང་བར་མི་འགྱུར་བས་རྗེ་འདིར་ལྷ་དང་མཁའ་འགྲོས་སྩལ་བར་འགྲོ་བས་མཐོང་བར་མི་འགྱུར་བས་རྗེ་འདིར་ལྷ་དང་མཁའ་འགྲོས་སྩལ་བར་གོར་བས་མཐོང་བར་མི་འགྱུར་བས་རྗེ་འདིར་ལྷ་དང་མཁའ་འགྲོས་སྩལ་བར་གོར་མ་ཆག་གོ། སྦས་གནས་སུ་ལོ་གསུམ་གྱི་བཅད་རྒྱ་སོགས་མཐར་ཕྱིན་མཛད་ནས་སྦོ་བོ་དགའ་བ་ལུང་སོགས་ལ་ཞབས་པད་བསྐྱོད་ནས་གནས་སྒོ་གསར་ཕྱེ་དང་ཟབ་གཏེར་བཞེས་པ་སོགས་ལུང་མཐུན་མཛད་གྲུབ་ནས། གནས་མཆོག་ཆེན་པོ་ཁམས་ཀྱི་སྲིན་མོ་རྫོང་དུ་ཞབས་པད་བཀོད་ནས་གཏེར་ཆེན་ཉི་གྲགས་མཆོག་སྦྲུལ་རིན་པོ་ཆེ་སོགས་དང་མཇལ་འཕྲད་ཆོས་བཀའ་གསན་འབུལ་དང། གནས་ཆེན་དེ་ཉིད་ནས་ཀྱང་ཟབ་གཏེར་འགའ་ཞིག་གཏེར་ནས་བཞེས་པར་མངོན་ལ་ཕྱོགས་དེའི་འགྲོ་བ་རྣམས་ཀྱི་དོན་དུ་དགོངས་ནས་མཆོག་སྦྲུལ་རིག་པ་འཛིན་པ་ཟུང་གིས་བདུད་རྩི་སྨན་གྱི་སྒྲུབ་པ་ལ་སོགས་པ་གནང་བས་ངོ་མཚར་བའི་ལྟས་ཀྱང་མཐའ་ཡས་པ་བྱུང་ཞིང། སླར་ཡང་མདོ་ཁམས་སྨད་ཀྱི་སྐྱེ་འགྲོ་རྣམས་བདེ་ཐབས་སུ། གནས་ཆེན་ཁ་བ་དཀར་པོ་དང། མིན་རྫ་ཡུལ། རི་རབ་ཕག་ཞལ་སོགས་ལའང་ཕེབས་དགོས་པའི་ལུང་བསྟན་ཡོད་པར་གྲགས་པ་དང་བཅས་བསྟན་འགྲོའི་བདེ་ཐབས་ཁོ་ནར་ཐུགས་རྩོལ་གནང་ཞིང་ཚོར་བཞེས་མཛད་པས་བོད་ཡུལ་ཕན་བདེའི་བྱེད་པོ་གཅིག་པུར་གྱུར་པ་སྟེ། དེང་སང་མི་ཤིག་རྡོ་རྗེའི་རེ་ཁས་མཚོན་(སྨད་ཆ།༣༧༤)པའི་ཁྲི་ལ་ཞབས་པད་རྟག་བརྟན་གཡུང་དྲུང་ཁམས་སུ་བྱིན་གྱིས་བརླབས་ནས་བཞུགས་པ་ཉིད་སླར་ཡང་བསྟན་འགྲོའི་མགོན་དང་སྐྱབས་དང་དཔུང་གཉེན་དུ་བསྐལ་པའི་བར་དུ་འཚོ་གཞེས་གསོལ་བ་འདེབས་པ་དོན་ལྡན་དུ་བྱིན་གྱིས་བརླབས་པའི་བཀའ་དྲིན་བླ་ན་མེད་པས་སྐྱོང་དུ་གསོལ་ལོ། རྗེ་འདིའི་རྣམ་ཐར་སྔོན་ཆད་ཡེ་གེར་འཁོད་པ་མི་འདུག་པས་ཞིབ་རྒྱས་མ་འཚལ་ཀྱང་གསུང་སྒྲོས་ལས་བྱུང་བ་དག་རེ་ཞིག་བསྡུས་ཏེ་བཀོད་པ་ཡིན་ནོ། གཞན་དཱགས་པོའི་ཕྱོགས་སུ་རྙིང་མའི་ཆོས་བརྒྱུད་འཛིན་པ་དཱགས་པོ་གྲོ་ལུང་སེམས་དགོན་པ་དང། དགྱེར་སྐུལ་ཕུ་བ་སོགས་དང། དཱགས་པོ་ཀླུ་མཁར་རང་གི་གདུང་རབས་སོགས་ཀྱང་འདིར་བྲི་བར་མ་ནུས་སོ། ཀོང་པོ་ཕྱོགས་སུ་ཀོང་སྟོད་རྐྱེན་བྱ་ཁྱུང་པ་ནི་གཏེར་ཆེན་སངས་རྒྱས་གླིང་པའི་ཆོས་བདག་བླ་མ་དཔལ་ལྡན་སེང་གེ་ཞེས་པ་དེ་ཉིད་ཐོག་མར་གཏེར་སྟོན་ལ་སྲིད་ལྟའི་དྲི་མ་སངས་རྒྱས་གླིང་པའི་ཆོས་བདག་བླ་མ་དཔལ་ལྡན་སེང་གེ་ཞེས་པ་དེ་ཉིད་ཐོག་མར་གཏེར་སྟོན་ལ་སྲི་ཞུ་ཆེ་ཡང་དད་པོ་རང་མེད་པས་རྟེན་འབྲེལ་འགྲིགས་དཀའ་ཙམ་བྱུང་ཡང་གཏེར་སྟོན་དེ་ཉིད་ཀྱི་གཏེར་བྱོན་གུ་རུ་དྲག་པོར་ཉམས་ལེན་མཛད་པས་ལོག་ལྟའི་དྲི་མ་སངས་ནས་གུས་ཀྱི་པདྨོ་རྒྱས་པར་ཆོས་བདག་ཡོངས་ཀྱི་གཅོ་བོ་ཁྱུང་པ་ཞེས་ཡོངས་སུ་གྲགས་པར་བྱུང་སྟེ། དེ་ནས་མི་ཐོག་ཐམས་ཅད་དུ་སངས་རྒྱས་གླིང་པའི་གཏེར་ཆོས་སྦྱི་དང་ཁྱད་པར་བླ་མ་དགོངས་པ་འདུས་པའི་ཕྲིན་ལས་ཀྱི་བཀའ་བབས་པས་བཤད་སྒྲུབ་ཀྱི་སྒོ་ནས་བསྟན་པ་རྒྱས་པར་མཛད་ཤ་སྟག་བྱོན་ཏེ། དེ་ཡང་བླ་མ་དཔལ་ལྡན་སེང་གེས་སྲས་བྱ་ཁྱུང་པ་ཆོས་རྒྱལ་བཀྲ་ཤིས། དེའི་སྲས་བྱ་ཁྱུང་པ་པུ་ཎེུཾ་རཱ་ཛའི་དཔལ་འབར་དབང་ཕྱུག་ཡང་ཟེར། དེའི་སྲས་བྱང་ཁྱུང་པ་ངག་དབང་པདྨ་སྟེ་འདི་ནི་ཀོང་ཕྱོགས་སུ་རྙིང་མའི་བསྟན་འཛིན་ཞིག་ལ་མཁྱེན་རྟོགས་ཆེ་བར་གྲགས།(སྨད་ཆ།༣༧༥)དགུང་ལོ་བརྒྱད་པའི་དུས་ཀྱི་ཞབས་རྗེས་ཀྱང་སྣང། ཙན་དན་སྦྲུལ་སྙིང་གི་ཕུར་པ་ཡབ་ཡུམ་སྲས་གསུམ་དང། རྡོའི་ཚེ་བུམ་པ་རུ་ར་ཙམ་ལ་ནད་པ་འཚོ་འཆིའི་པྲ་བརྟག་སྟོན་པར་སོགས་གཏེར་རྫས་ཕྲན་བུ་འགའ་ཡང་གཏེར་ནས་སྦྱན་དྲངས་ཤིང། བཀོད་པ་ལུས་ཀྱི་སྒྲུ་འཕྲུལ་དང་ཟད་པ་སྐྱེ་མཆེད་ཀྱི་ཡོན་ཏན་མངོན་སྣང་དུ་སྟོན་ནུས། བསྟན་བཅོས་གསུང་རྩོམ་ཀྱང་མང་དུ་མཛད་དེ། རང་ལུགས་རྫོགས་ཆེན་གྱི་ཆོས་བརྒྱུད་ལ་བཀའ་དྲིན་ཆེ་ཤོས་ཤིག་སྟེ་གོང་དུ་སྙི)ག་ཐིག་གི་སྐབས་སུ་སྨོས་པ་ལྟར་རོ། དེའི་སྲས་བྱང་ཁྱུང་པ་རྒྱལ་དབང་བསྟན་འཛིན་ནི་འབྲི་གུང་རིག་འཛིན་ཆོས་ཀྱི་གྲགས་པས་དབུའི་མཆོད་གནས་སུ་བཀུར། བླ་མ་དགོངས་འདུས་གཅོར་གྱུར་རྙིང་ལུགས་ཀྱི་ཆོས་བཀའ་མང་དུ་གསན་ཏེ་བསྙེན་བཀུར་ཆེ། འདི་ཕྱིན་གདུང་རབས་ཡི་གེ་སོགས་མ་མཐོང་ཡང་གདུང་བརྒྱུད་ནི་ད་ལྟའི་བར་དུ་ཡོད་དོ། རིག་འཛིན་ཆེན་པོ་ཨོ་རྒྱན་སངས་རྒྱན་གླིང་པའི་གདུང་རབས་སྙིམ་ཕུ་བ་ནི། གཏེར་སྟོན་གྱི་སྲས་ཡེ་ཤེས་རྡོ་རྗེ་ནི་དབང་ཆེན་གྱི་སྦྲུལ་པ་ཉི་དེ་བྲག་རྩའི་ཕུག་པར་ལོ་གསུམ་གྱི་བར་རྩ་བ་གསུམ་གྱི་སྒྲབ་པ་མཛད་པས་གྲུབ་པ་བརྙེས་ཏེ། རྟ་སྐང་ཐེངས་གསུམ་བཏོན་པ་འཛམ་གླིང་མི་གསུམ་གཉིས་ཀྱིས་ཐོས་པ་བྱུང། གཤེགས་དུས་ཞུན་ཐིག་པ་རྟ་མགྲིན་གྱིས་སྐུ་རང་བྱོན་བྱུང། དེའི་སྲས་སངས་རྒྱན་བློ་སྒྲོས་ནི་ཆོས་ཉིད་མངོན་སུམ་གྱི་དོན་ལ་བརྟན་པ་ཐོབ། སྨན་སྒྲུབ་དང་དྲིལ་སྒྲུབ་མང་དུ་མཛད། གཤེགས་དུས་སྐུ་གདུང་ཤ་རི་རམ་གྱི་རང་བཞིན་དུ་གྱུར་ཏོ། དེའི་སྲས་བླ་མ་ཆོས་ཀྱི་རྒྱལ་(སྨད་ཆ།༣༧༦)མཚན་པས་རྩ་གསུམ་གྱི་སྒྲུབ་པ་དུང་ཕྱུར་ཐེམས་པས། འཆི་མེད་ཚེའི་རིག་འཛིན་བརྙེས་ནས་དགུང་ལོ་བརྒྱ་དང་བཅུ་བཞུགས། སེམས་ཅན་ཐམས་ཅད་སྨིན་གྲོལ་ལ་འགོད་པར་མཛད་དོ། དེའི་སྲས་སྐུ་མདུན་རྒྱ་མཚོ་དང། ཀརྨ་བཟང་པོ་གཉིས་བྱུང་བ་ལས་གཉིས་ཀ་བསྐྱེད་རྫོགས་ཀྱི་ཕྱག་ལེན་ལ་མཁས་པར་བྱུང། ཕྲིན་ལས་ཀྱི་ཕྱོགས་བཅུར་ཁྱབ་ཅིང་གྲགས་པ་ཆེ་སྐུ་ཚེ་མཐར་ཕྱིན་ནོ། དགོངས་འདུས་བརྒྱུད་པ་ལ་ཕྱི་མ་འདྲེན། དེའི་ཐུགས་སྲས་བླ་མ་གྲུབ་མཆོག་བཟང་པོ་ནི། ལུང་བསྟན་བཀའ་རྒྱ་མ་ལས། ཀོང་ལོང་ཤིང་ལོའི་ཚལ་གྱི་ཀློ་ཀོང་མཚམས༔ གང་འགྲེལ་བདེ་ལ་ཞིག་པོ་གླིང་པའི་དངོས་སློབ་ཏུ་གྱུར་ནས། གཉེར་ཆོས་རྣམས་ཉམས་ལེན་ཀྱང་མཐའ་རྒྱ་ཆོད་པར་ཉམས་སུ་བཞེས་པ་ཡིན། མཚན་ཨ་བོ་དཔལ་འབྱོར་དུ་གྲགས་སོ། དེ་ལ་ཐུགས་སྲས་གསུམ་བྱུང་བའི་སྲས་ཆེ་བ་ཀརྨ་རིག་འཛིན་སྙིང་པོ་འཇམ་དབྱངས་ཀྱི་གྲུབ་པ་བརྙེས་ནས། འཆད་རྩོད་རྩོམ་གསུམ་ལ་མཁས་ཤིང་རྟོགས་པའི་ཡོན་ཏན་དང་ལྡན་པ་ཞིག་སྟེ། ལོ་ཆེན་གཞན་ཕན་རྡོ་རྗེ་གསུང་སྦྲུལ། དར་ལྡིང་པ། ལྷ་བཙུན་ཀུན་བཟང་རྣམ་རྒྱལ། ཐང་འབྲོག་སྦྲུལ་སྐུ་པདྨ་ལེགས་གྲུབ། ཀོང་པོ་རྫོགས་ཆེན་པ་བདེ་ཆེན་དར་རྒྱས་སོགས་ཀྱི་དབུའི་མཆོད་གནས་སུ་བསྐུར་པ་བྱུང་ངོ། ཆུང་བ་ཀརྨ་བསྟན་སྐྱོང་དབང་པོ་བསྐྱེད་རྫོགས་ཀྱི་ཕྱག་ལེན་ལ་མངའ་བརྙེས་པ་ཡིན་ལ། སྐུ་(སྨད་ཆ།༣༧༧)མཆེད་གསུམ་པོ་དེ་ལས་གདུང་བརྒྱུད་མ་འཕེལ་ཡང། གྲུབ་མཆོག་བཟང་པོའི་མཆེད་ཞིག་གཏེར་སྟོན་ཞིག་པོ་གླིང་པའི་སྐུ་གམ་དུ་ཕེབས་པ་ཕྱིར་བྱོན་ནས་མཁར་རྒྱ་བོར་བཞུགས་པས་ཆོས་བརྒྱུད་དང་གདུང་བརྒྱུད་གཉིས་ལ་འཕེལ་ཏེ་དེང་སངསྡེ་པ་དགའ་ཆགས་པ་སོགས་ཀྱི་བུའི་མཆོད་གནས་སུ་གྱུར་པའི་བླ་མ་ཚུག་ཟིན་བྱིན་ལྡན་ཞིག་བཞུགས་འདུག་སྟེ་མཁར་རྒྱ་བོར་གདུང་བརྒྱུད་ཉེར་གཅིག་འབྱུང་བའི་ལུན་བསྟན་དོན་ལ་གནས་པར་འགྱུར་བ་ཡིན་ནམ་སྙམ་མོ། ཞར་བྱུང་བླ་མ་དགོངས་འདུས་བརྒྱུད་པ་རང་ལུགས་ལྟར་སྲས་ནང་བརྒྱུད་ཁོ་ན་ཡིན་ལ་རིག་འཛིན་སྙིང་པོ་ལ་བདེ་ཆེན་དར་རྒྱས་ཀྱིས་གསན་པ་ཡིན་ཏེ། དེ་ཡང་རྫོགས་ཆེན་པ་བདེ་ཆེན་དར་རྒྱས་ནི། ཉང་པོ་ཁྱེ་ནང་ཞེས་པར་འཁྲུངས། ཆོས་རྗེ་མི་ཕམ་བློ་གྲོས་དང། རིག་འཛིན་འཇའ་ཚོན་སྙིང་པོ་སོགས་བསྟེན་ནས་གསན་སྦྱོང་དང་བཀའ་ཆོས་གསན། ཁྱད་པར་སངས་རྒྱས་གླིང་པའི་གདུང་བརྒྱུད་རིག་འཛིན་སྙིང་པོ་ལས་བླ་མ་དགོངས་པ་འདུས་པའི་དབང་ཁྲི་ལུང་གསུམ་སྨིན་གྲོལ་བསྐྱེད་རྫོགས་ཐམས་ཅད་མཐའ་ཆོད་པར་གསན། རྫོགས་པ་ཆེན་པོ་འབའ་ཞིག་ལ་ཐུགས་དམ་གྱི་མཐིལ་མཛད་པས་མཚན་ཡང་ཀོང་ལོ་རྫོགས་ཆེན་པར་གྲགས། སྐུ་ཚེའིསྨད་ལ་ཉི་གྲགས་གཏེར་སློབ་འཇམ་དབྱངས་ཧོར་གྱི་ལོ་ཆེན་ཉང་པོ་བདེ་ཆེན་དགོན་དུ་གདན་དྲངས། གཏེར་ཆེན་ཉི་གྲགས་གཏེར་ཆོས་ཡོངས་རྫོགས་གསན་པར་མཛད། དེ་དུས་ལོ་ཆེན་གྱིས་དཀྱིལ་འཁོར་ཐམས་ཅད་རྡུལ་ཚོན་ཁོ་ནར་ཕྱག་བསྟར་མཛད་པས་ཕྱག་མཛུབ་བརྡོལ་བའི་ལོ་རྒྱུས་ཀྱང་བྱུང། རྗེ་འདི་ལ་ལྕུབ་རི་གྲུབ་(སྨད་ཆ།༣༧༨)ཆེན་གྱིས་དགོངས་འདུས་གསན་པ་ཡིན་ཏེ། ལྕུབ་རི་གྲུབ་ཆེན་ཀུན་བཟང་རང་གྲོལ་ནི། ཉང་པོ་ཁྱེ་ནང་གི་ཕུ་བེར་གྲོང་མོ་ཆེ་ཟེར་བར་འཁྲུངས། རྫོགས་ཆེན་པ་བདེ་ཆེན་དར་རྒྱས་དང། རིག་འཛིན་ཆོས་རྗེ་གླིང་པ་སོགས་ལས་ཆོས་གསན། ཁྱད་པར་རྫོགས་ཆེན་པ་ལ་བླ་མ་དགོངས་འདུས་དབང་ཁྲིད་ལུང་གསུམ་ཚང་བར་གསན་ནས་ནམས་བཞེས་སུ། ལྕུབ་རི་ཞེས་པའི་རི་ཁྲོད་ཤིན་ཏུ་དབེན་པ་ཞིག་ཏུ་སྐུ་ཚེ་སྒྲུབ་པ་ལ་སྒྲིལ་བས་རིག་པ་ཚད་ཕེབས་ཀྱི་སར་གཤེགས། སྐལ་ལྡན་མང་པོར་བླ་མ་དགོངས་འདུས་སྙིང་ཐིག་ཡ་བཞི། ཡང་ཏི་ནག་པ་སོགས་ཀྱི་དབང་ལུང་དང་ཉམས་ཁྲིད་བསྐྱངས་པས་སློབ་མའང། རིག་འཛིན་ཐུགས་མཆོག་རྡོ་རྗེ་དང། ཀ༔ཐོག་རིག་འཛིན་ཆེན་པོ་སོགས་འགྲོ་དོན་ནུས་པ་མང་དུ་བྱོན། དགུང་ལོ་བརྒྱ་ཅུ་གྱ་ལྔར་བཞུགས་ནས་ཆོས་ཀྱི་དབྱིངས་སུ་གཤེགས་སོ། དགོངས་རྫོགས་དང་དངུལ་གདུང་བཞེངས་པ་སོགས་རྗེས་ཀྱི་སྒྲུབ་དགོས་ཐམས་ཅད་ལྕུབ་སྡེ་པ་ནས་ཞབས་འདེགས་ཞུས་པ་ཡིན་འདུག། གྲུབ་ཆེན་འདི་ལས་རིག་འཛིན་ཐུགས་མཆོག་རྡོ་རྗེས་གསན་པ་ཡིན་ཏེ་རྣམ་ཐར་ནི་གོང་དུ་གཏར་འབྱུང་སྐབས་སུ་སྨོས་པ་ལྟར་རོ། རིག་འཛིན་ཐུགས་མཆོག་རྡོ་རྗེའི་དྲུང་ནས་དགོངས་འདུས་སྐོར་གྱི་དབང་ཁྲིད་ལུང་གསུམ་རྫོགས་པར་བདག་གི་བླ་མ་དུས་གསུམ་གྱི་རྒྱལ་བ་རྣམས་དང་ཞལ་མི་གཉིས་པ་ངེས་པ་དོན་གྱི་རྡོ་རྗེ་འཆང་པདྨ་ཐེག་མཆོག་བསྟན་པའི་རྒྱལ་མཚན་ལ་མཚཙན་ལམ་དུ་ཌ་ཀིའི་བསྐུལ་མ་བྱུང་བ་ལ་བརྟེན་གསན་པར་མཛད་པ་ཡིན་ནོ། སྦྱིར་བརྒྱུད་ཚུལ་མང་ཡང་བརྒྱུད་པ་འདི་ནི་ཁྲུངས་བཙུན་ཁྱུང་འཕགས་ཤིག་སྟེ་འདིར་ཡང་ལོ་རྒྱུས་ཤེས་ཕྱིར་ཞར་བྱུང་དུ་སྨོས་པ་ཡིན་ནོ།(སྨད་ཆ།༣༧༩)མཚུངས་མེད་བསྟན་འཛིན་རྡོ་རྗེ་ཕྱག་བཏབ་པའི་ཀོང་པོ་ཐང་འབྲོག་དགོན་པའི་གདན་རབས། ཀོང་པོ་ཐང་འབྲོག་དགོན་པ་ནི། མཚུངས་མེད་བསྟན་འཛིན་རྡོ་རྗེས་བཏབ་པ་ཡིན་ཏེ། དེ་ཡང་ཐོག་མར་དཱགས་པོར་ཙེ་ལེ་རིག་འཛིན་ཆེན་པོ་བསོད་ནམས་རྣམ་རྒྱལ་ལ་སྲས་བཞི་ཙམ་བཞུགས་པའི་ཐོག་མ་གཉིས་ཀྱི་གྲ་ཚང་གི་བླ་མ་མཛད་པའི་གཅེན་དཔལ་ཨོ་རྒྱན་བསྟན་འཛིན་དམ་པ་ཆོས་ཀྱི་སྒྲོན་མེ་དེ་ཉིད་ཀྱིས་གྲ་པ་བློ་གསལ་པ་རགས་ཐུས་ཤིག་ལ་གྲ་གཙང་གསར་པ་ཞིག་མཛད་དེ་སྨིན་གྲོལ་བསྐྱེད་རྫོགས་ཀྱི་ཉམས་ལེན་དང་ལྡན་པ་མདོ་སྔགས་སྦྱི་དང་ཀུན་མཁྱེན་ཆེན་པོས་བསྟན་བཅོས་རྣམས་ལ་ཐོས་བསམ་དང་གཏེར་ཁ་གོང་འོག་སྙིང་ཏིག་ཡ་བཞི་སོགས་ལ་འཆད་ཉན་གྱི་རྒྱུན་བཙུགས་ཀྱང་ཨོ་རྒྱན་བསྟན་འཛིན་ཆོས་ཀྱི་སྒྲོན་མེ་དེ་ཉིད་སྐུ་གཤེགས་ནས། གྲ་ཚང་རྙིང་པའི་སྙན་ཕྲར་བརྟེན་རྗེ་དེའི་གཅུང་ཞབས་དྲུང་མཐུ་སྟོབས་པས་གྲ་ཆང་སྦོམ་པའམ་སྦོ་བར་གད་རེས་དགོས་ཚུལ་བཞིན་གྲ་གཙང་སུམ་ཅུ་སྐོར་ཡོད། ཀོང་པོ་ཕྱིན་པས་དཔའ་བོ་གཙུག་ལག་ཕྲེང་བའི་བཀའ་དྲིན་ལ་བརྟེན་ནས་ཀོང་ཡུལ་སྟོད་སྨད་དུ་གདུལ་རྒྱུག་པས་གྲ་ཚང་འདིའི་བླ་མ་མཚུངས་མེད་བསྟན་འཛོན་རྡོ་རྗེ་ཐང་འབྲོག་དགོན་འདི་བཏབ་ནས་གྲ་གཙང་གི་བཞུགས་ཡུམ་མཛད་པས་གྲ་ཚང་ཀྱང་བརྒྱ་ཕྲག་ལྷག་ཙམ་འདུ་བར་བྱུང་ཞིང། ཕྱིས་སུ་གཙང་པོ་མགོ་དགུ་དང། ཉང་པོ་བདེ་ཆེན་དགོན་ཡང་ཕྱག་ཏུ་སོན་དེ་དག་ཏུ་མོ་ཁྲིམས་དང་ཆད་ཁྲིམས་ཀྱིས་མཚོན་པའི་བསྒྲིགས་དང་རྣམ་(སྨད་ཆ།༣༨༠)གཞག་ཤིན་ཏུ་དངོས་གཙང་བར་གཞན་འགྲན་མེད་པ་ཁོ་ན་མཛད་པས་རྩེ་ལེ་གྲ་ཚང་ཞེས་ཀུན་གྱི་བསྔགས་པའི་ཡུལ་དུ་གྱུར། དཔལ་ཨོ་རྒྱན་བསྟན་འཛིན་དང། ཞབས་དྲུང་མཐུ་སྟོབས་པ་གཉིས་ཀྱི་བྲུལ་པའི་སྐུ་གཉིས་ཁྲི་འདོན་དང་བཅས་ལེགས་པར་མཛད་ནས་མཚུངས་མེད་ཉིད་སྐུ་ཚེ་མཐར་ཕྱིན་པར་གཙང་པོ་མགོ་དགུར་སྒྲུབ་པའི་ས་སྡེ་བཙུགས་ནས་པདྨ་འོད་དུ་གཤེགས་སོ། རྗེ་འདིའི་སྦྲུལ་པའི་སྐུ་ནི་རྒོ་ཚང་བ་སྣ་ཚོགས་རང་གྲོལ་ཡིན་ཏེ། རྗེ་འདི་ནི་ཁོང་པོ་ངམ་དུལ་ཞེས་པར་འཁྲུངས། གསུང་བྱེ་བ་ཙམ་ནས་སྔོན་གྱི་གན་རྣམ་ཤིན་ཏུ་གསལ་བར་དྲན་པའི་གསུང་ལ་བརྟེན། རྗེ་མཆོག་གྲུབ་པས་ངོས་འཛིན་མཛད་ནས་གྲ་ཚང་དཱགས་པོར་བྱོན་ཡོད་པ་དང་འགྲིགས་པས་དེར་སྦྱན་དྲངས། དེ་ནས་རིམ་གྱིས་གཙང་པོ་མགོ་དགུར་གདན་དྲངས་ནས་ཅུང་ཟད་བཞུགས། དེ་སྐབས་དཔལ་བོ་གཙུག་ལག་རྒྱ་མཚོ་ཀོང་བོར་བྱོར་པ་དར་འགྲིགས་པས་གཙུག་ཕུད་ཕུལ་བས་མཚན་ཀརྨ་རིན་འཛིན་རྣམ་རྒྱལ་དུ་གསོལ། དེ་ནས་གྲ་ཚང་དུ་གདན་དྲངས་ནས་སྐུ་ཡོན་ཕུལ་བས་མཁྱེན་རབ་ཀྱི་པདྨོ་བཞད་པར་གྱུར། འདི་སྐབས་སྦོ་བོ་གཏེར་སྟོན་པདྨ་རིག་འཛིན་གྱིས་ཆོས་བདག་ཏུ་ངོས་བཟུང་ནས་མཚན་མཁས་མཆོག་པདྨ་ལེགས་གྲུབ་ཏུ་གསོལ་ནས་ཁོ་རང་གི་གཏེར་ཆོས་རྣམས་ཀྱི་དབང་ལུང་ཕུལ། སླར་ཆེ་འདོན་དང་བཅས་གདན་སའི་འགན་བཞེས་ཕུལ་བས་ལུགས་གཉིས་ཀྱི་མཛད་ཕྲིན་རྒྱས། རྫོགས་ཆེན་བསོད་ནམས་དབང་པོ་གྲ་ཚང་དུ་གདན་དྲངས་ནས་བཀའ་ཆོས་ཀྱི་བདུད་རྩི་མང་དུ་བཞེས་ཤིང་ཁྱད་པར་ཉམས་ཁྲིད་མཐའ་རྒྱ་ཚོད་པར་གསན། ༣༨༡)བང་རིར་ཡང་ཕེབས་རིག་འཛིན་ཆེན་པོས་བདག་ཏུ་ངོས་འཛིན་མཛད་ནས་གཏེར་ཆོས་ཐམས་ཅད་ཚང་བར་གསན། གཞན་ཡང་བཀའ་ཆོས་མང་དུ་བཞེས་ནས་ལོ་གསུམ་གྱི་བཅད་རྒྱ་གནང། དེ་སྐབས་ཀ༔ཐོག་པདྨ་བློ་གྲོས་བོད་ཡུལ་ཕྱོགས་སུ་བཀའ་ཆོས་གསན་པར་ཆེད་དུ་ཕེབས་བཀའ་ཆོས་ཕར་འབུལ་འགའ་དང། ཚུར་ཡང་ཟབ་ཆོས་མང་དུ་གསན། ལྷོ་བྲག་ཏུ་ཕེབས་ནས་རྗེ་དཔའ་བོ་དྲུང་ནས་བསྙེན་རྫོགས་དང་བཀའ་ཆོས་མང་དུ་བཞེས། གཙང་གང་རང་ལྷུན་གྲུབ་ཆོས་སྡིངས་སུ་དམ་ཆོས་ཁོ་ནའི་ཆེད་དུ་དཀའ་བ་ཁྱད་དུ་བསད་ནས་ཕེབས་ཏེ་ལོ་ཆེན་རིན་པོ་ཆེ་ངག་གི་དབང་ཕྱུག་གཞན་ཕན་རྡོ་རྗེའི་དྲུང་དུ་ཟླ་བ་བཅོ་བརྒྱད་བར་དུ་ཉིན་མཚན་སྦྲེལ་ནས་བཀའ་གཏེར་གྱིས་ཆོས་ཚུལ་རྒྱ་མཚོ་ལྷ་བུར་གསན་བཞེས་གནང། འདི་སྐབས་གསུང་སྦྲུལ་ཁྲིམས་རྡོ་རྗེ་ལྟ་བུར་གསན་བཞེས་གནང། ཕྱིར་ཕེབས་ནས་གྲ་ཚང་དུ་ལུགས་གཉིས་ཀྱི་བཅའ་ཁྲིམས་ཞིབ་བརྡར་མཛད་ཅིང། སླར་ཡང་བང་རིང་ཕེབས་པ་དང་མོན་ནས་སྦ་གྲོ་བ་པདྨ་དཀོན་མཆོག་བྱོན་པ་དང་འགྲིགས་པས་བཀའ་ཆོས་གསན་རེས་དང་ཐུགས་ཡིད་གཅིག་འདྲེས་མཛད། རིག་འཛིན་ཆེན་པོའི་དྲུང་ནས་གཏེར་གསར་གཙོར་གྱུར་སྔ་ཕྱིར་གསན་པ་ཆེས་མང། འདི་སྐབས་དང་སྔ་ཕྱིར་དབུས་གཙང་ཁམས་ཀོང་འཇང་ཡན་ནས་ཕྱོགས་འདུས་ཀྱི་གྲ་རྒྱུན་མང་དུ་བྱུང་བ་རྣམས་ལ་རང་རང་གི་བློ་དང་འཚམས་པའི་དབང་ལུང་ཉམས་ཁྲིད་རིག་གནས་སོགས་གང་མ་གང་ཕན་གྱིས་འགྲོ་དོན་མཐའ་ཡས་པ་འཁོར་ཡུལ་ཏུ་གནང་བར་མཛད། འོན་ཀྱང་གྲ་ཚང་གི་ཆད་ཁྲིམས་སོགས་ལ་ཅུང་ཟད་ཐུགས་མ་རངས་པའི་རྣམ་པ་ལ་སྙད་ནས་དཔོན་གཡོག་(སྨད་ཆ།༣༨༢)བདུན་གྱིས་ལྷོ་བདེ་གཤེགས་ཚེའི་ཕུག་པ་རྒོད་ཚང་མྱ་ངན་མེད་པའི་ནགས་ཁྲོད་དུ་ཕེབས་ནས་འདི་ནསའདི་སྣང་ཆོས་རྒྱད་ཀྱི་མོས་པ་འདུ་འཛིའི་གཡེང་པ་ཐམས་ཅད་རྒྱུན་བཅད་ནས་སྦྲོས་མེད་ཨ་ཝ་(སྨད་ཆ།་ཏི་སྦྱོད་པ་རྨང་དུ་བྱུང་བས་ཇི་ལྟར་རྗེ་བཙུན་བཞད་པའི་རྡོ་རྗེའི་རྣམ་པར་ཐར་པའང་ཕྲ་མོར་བགྱིས་ནུས་པའི་བརྟུལ་བཞུགས་ཀྱིས་མི་ལོ་ཉི་ཤུ་རྩ་བཞིའི་བར་དུ་མཛད་ཅིང། སླར་ཡང་ཐང་འབྲོག་འདོ་གསལ་རྩེའི་རི་ཁྲོད་དུ་སྔར་མུས་ཀྱིས་བཅད་རྒྱ་ལ་བཞུགས་ཤིང། འདི་སྐབས་དཱགས་པོ་མཆོག་སྦྲུལ་རིན་པོ་ཆེ་བཟང་པོ་རྡོ་རྗེ་ཉིད་རྗེ་འདིའི་དྲུང་དུ་ཕེབས་ནས་ཞག་བཅུ་སྐོར་ཙམ་དུ་བཞུགས་ནས་བཀའ་ཆོས་གསན་པ་དང་གང་ཅིའི་ཆོས་ཀྱི་བགྲོ་བ་རྨད་དུ་བྱུང་བ་ཉིན་མཚན་སྦྲེལ་ནས་གནང་ཞིང་ཐུགས་ཡིད་གཅིག་འདྲེས་སུ་མཛད། དེ་བཞིན་དུ་དཱགས་པོ་ནས་རྒྱལ་སྲས་ཆོས་ཉིད་ཀློང་གྲོལ་དཔལ་བཟང་པོའང་ཕེབས་ཤིང། ཀོང་པོ་བམ་སྙེང་པ་མི་ཕམ་མགོན་པོའམ་ངེས་དོན་མཐར་ཕྱིན་དཔལ་བཟང་པོ་ཉིད་ཀྱང་སྔར་ནས་མཆིང་ཤོག་གི་ལམ་ནས་ཆོས་ཀྱི་ཞུ་ལེན་མང་དུ་མཛད་པ་བཞིན་འདི་རེས་ཆེད་དུ་ཕེབས་ཤིང། སྐྱེས་ཆེན་དམ་པ་དེ་དག་གིས་འདི་འདིའི་ཞལ་གྱི་དཀྱིལ་འཁོར་མཇལ་བ་དང། གསུང་གི་བདུན་རྩི་ལ་ལོངས་སུ་སྦྱང་པས་ཐུགས་ཀྱི་བུམ་བཟང་ཡོངས་སུ་འགེངས་པར་མཛད་དོ། གནས་དེར་ལོ་གསུམ་ཕྱོགས་གསུམ་གྱི་བཅད་རྒྱ་མཐར་ཕྱིན་མཛད་ནས་གནས་ཆེན་ཆུ་བོ་གཡས་འཁྱིལ་དུ་ཕེབས་ནས་སྔར་བཞིན་སྒྲུབ་པའི་རྒྱལ་མཚན་བཙུགས་ཏེ་བཞུགས། དེ་སྐབས་ཀྱང་སྒམ་པོ་ནས་མཆོག་སྦྲུལ་རིན་པོ་ཆེ་དང་ཞབས་དྲུང་མཐུ་སྟོབས་པ་སོགས་བྱོན་ནས་བཀའ་(སྨད་ཆ།༣༨༣)ཆོས་གསན་པ་དང་བདུད་རྩི་སྨན་གྱི་སྒྲུབ་པ་སོགས་མཛད། དེ་སྐབས་ཀོང་ཕྱོགས་སེར་སྲིང་ཁས་བཙན་པ་དང་ས་དེའང་ཧ་ཅང་ས་མདོ་ཆེ་བས་ཅུང་ཟད་ཐུགས་པོ་མི་བསོད་པར་གཟིགས་ནས་སླར་ཡང་ཐང་འབྲོག་འོད་གསལ་རྩེར་ཕེབས་ནས་སྒྲུབ་པ་སྔར་མུས་ལྟར་ལོ་བཞི་ཙམ་བཞུགས་ནས་དགུང་ལོ་དོན་གསུམ་པ་ལ་ཆོས་ཀྱི་དབྱིངས་སུ་སྙོམ་པར་འཇུག་པའི་ཚུལ་བསྟན་པར་གྱུར་ཏོ། གཤེགས་རྗེས་ཀྱི་སྒྲུབ་པ་དགོས་ཐམས་ཅད་རྗེ་དབོན་ནོར་བུ་བཟང་བ་དང་གྲ་ཚང་གི་ཆེ་བགྲེས་རྣམས་ནས་ཞབས་འགྱུར་མཐར་ཕྱིན་པ་མཛད་དེ་གསེར་གདུང་ཡང་ཐང་འབྲོག་འོད་གསལ་རྩེ་རང་དུ་བཞུགས་སོ། རྗེ་འདི་བྱིས་པའི་དུས་ནས་ཤ་ཁྲག་ལྗགས་ལ་མི་འཇོག་ཅིང། ཕྱག་གིས་ཀྱང་རེག་པར་མི་མཛད། གང་དུ་བཞུགས་ཀྱང་ཆོས་གོས་གསུམ་དང་མི་འབྲལ་ཞིང་ཆོས་སྦྱོད་བཅུ་སྣ་རེ་དང་མི་འབྲལ་བའི་དམབཅའ་མཛད་ཅིང། ཐ་མལ་དུ་སྐད་ཅིག་ཆ་ཤས་ཙམ་ལའང་བཞུགས་པར་མི་མཛད། གྲུབ་རྟགས་ཀྱང་ཡི་དམ་ལྷའི་ཞལ་གཟིགས་པ་དང། རྡོ་ལ་ཕྱག་ཞབས་ཀྱི་རྗེས་འཇོག་པ་དང། ཉིན་ཞག་མང་པོའི་བར་དུ་ཆོད་པའི་སར་ཡང་ཕྱག་ནས་ཀྱིས་སླེབས་པ་མང་དུ་བྱུང་བ་སོགས་དང། སྔ་ཕྱིར་བླ་མའང་བཅོ་བརྒྱད་ཙམ་ལས་དམ་པའི་ཆོས་དང་རིག་པའི་གནས་རྣམས་སློབ་པ་སོགས་ཀྱིས་ཕྱིར་བསྟེན་ཚུལ་མཛད། མདོར་ན་སྒོ་གསུམ་གྱི་མཛད་པ་ལས་འདི་སྣང་ཟག་ཟོག་ཆོས་བརྒྱད་སོགས་ཀྱི་དྲི་མ་རྡུལ་ཆ་ཙམ་གྱིས་ཀྱང་དབེན་པར་མཛད་དེ། དེ་ཡང་དགུང་མོ་ཉེར་གཅིག་པ་ལ་དགོན་པའི་ཁུར་བོར་བ་དང་ལྷན་ཅིག་གཞོན་པ་སྦངས། སོ་གསུམ་པ་ལ་གྲོང་ཡུལ་དུ་མི་བྱོན་པའི་དམ་བཅའ་མཛད། སོ་བདུནམ་པ་ལ་(སྨད་ཆ།༣༨༤)དཀོན་མཆོག་སྐུ་གླུད་དབང་ཆོས་ཀྱི་ཡོན་མི་བཞེས། སོ་དགུ་པ་ལ་ཞིང་དང་རྐང་བཞི་གོ་མཚན་སོགས་སྐྱི་འབུལ་བ་མི་བཞེས། ཞེ་གཅིག་པ་ནས་གཤིན་སྐོར་རིགས་ཐམས་ཅད་སྦངས་པ་དང། དགུང་ལོ་ལྔ་བཅུ་པ་ལ་ཆང་སོགས་ཕབ་བཏབ་པའི་རིགས་ཉེ་སྐོར་གྱི་ཕྱོགས་སུ་ཡང་མི་བསྟེན་པ་མཛད་དེ། དེ་དག་ཀྱང་བྱས་ལོ་ཐོས་ལོ་སྙན་གྲགས་དང་ཆོས་བརྒྱ་སྒྲུབ་པའི་ལོ་འདོད་ཀྱི་དྲི་མ་མེ་པར་ཆོས་བཞིན་སྦྱོད་པའི་མཛད་པ་རྨད་དུ་བྱུང་བ་འདི་ལྟ་བུའི་གདམས་ངག་རྣམས་ཐར་གྱི་སྒོ་ནས་སྟོན་པར་མཛད་པ་རྨད་དུ་བྱུང་བ་འདི་ལྟ་བུའི་གདམས་ངག་རྣམ་ཐར་གྱི་སྒོ་ནས་སྟོན་པར་མཛད་པ་ཡིན་པར་སྣང་ངོ། སྦྱིར་ཡང་མཁས་གྲུབ་སྐྱེས་ཆེན་དམ་པ་རྣམས་དང་ཁྱད་པར་རྗེ་འདི་འཕགས་པ་ཀུན་དགའ་བོ་དང་ལོ་ཆེན་བཻ་རོའི་རྣམ་འཕྲུལ་དུ་ངེས་ན། དེ་དག་གཞན་སྐལ་བ་མི་མཉམ་པའི་སྦང་རྟོགས་ཀྱི་ཡོན་ཏན་བསམ་གྱིས་མི་ཁྱབ་པ་མངའ་ཡང། གཞན་དང་ཐུན་མོང་དུ་མ་གྱུར་པས་མངོན་སྣང་དུ་སྟོན་པར་མི་བཞད་ལ། སྟོན་ཀྱང་ཕལ་བའི་བློར་མི་ཆུད་མོད། གཞན་དུ་མངོན་ཤེས་དང་གྲུབ་རྟགས་ཕྲ་མོ་ཙམ་ནི་ལས་དང་པོ་བ་དང་ཕྱི་རོལ་པ་སོགས་ཀྱིས་ཀྱང་སྟོན་ཕྱིར་ཧ་ཅང་ཡ་མཚན་ཆེ་བར་མི་སེམས་ལ། འདི་ལྟ་བུའི་མཛད་པ་གཞན་གྱིས་ནམ་དུའང་འགྲན་མི་བཟོད་པ་རྗེ་མི་ལ་དང། འཕགས་ཡུལ་གྱི་པཎ་གྲུབ་རྣམས་ཀྱི་རྣམ་པར་ཐར་པ་ལྟ་བུ་འདི་ནི་ངོ་མཚར་ལས་ཀྱང་ངོ་མཚར་རྨད་དུ་བྱུང་བ་ཞིག་གོ་སྙམ་པ་བདག་ཅག་འབའ་ཞིག་གིས་བསམས་ཏེ་འདིར་ཡང་མདོར་ཙམ་སྨོས་པ་ཡིན་ནི། རྗེ་འདིའི་སྦྲུལ་པའི་སྐུ་ནི་ཀུན་བཟང་པདྨ་ལེགས་གྲུབ་ཏུ་གྲགས་པ་ཞིག་བྱུང་སྟེ་ཨོ་རྒྱན་སྨིན་གླིང་དུ་གསན་སྦྱངས་མཛད་དེ་མཁས་པ་དང་གྲུབ་པའི་ཡོན་ཏན་དུ་མ་དང་ལྡན་པ་ཞིག་བྱོན་ཀྱང་ཕྱིས་སུ་ཇུན་གར་གྱི་དུས་སྦས་(སྨད་ཆ།༣༨༥)ཡུལ་འབྲས་མོ་ལྗོངས་སུ་ཕེབས་ཟེར་བ་ཙམ་ལས་ལོ་རྒྱུས་ཞིབ་པར་མ་བརྙེད། སྦྲུལ་པའི་སྐུ་འཇིགས་མེད་བསྟན་པའི་རྒྱལ་མཚན་ནི། ཀོང་པོ་རྒྱ་ལ་སྡེ་པའི་སྲས་སུ་འཁྲུངས། འོན་ཀྱང་ཐང་འབྲོག་གྲ་ཚང་དེ་མོའི་ཕྱག་མཛོད་སྦྲོ་བདེ་ཁང་གསར་ནས་བཞེས་སྐབས་ཡིན་པས་སྦྲུལ་པའི་སྐུ་ཉིད་གསང་སྔགས་བྱང་ཆུབ་གླིང་དུ་གསན་སྦྱོད་ལ་བཞུགས། ཕྱིས་སུ་ཁྲི་ཆེན་ནོ་མི་ཧན་གྱིས་གྲ་ཚང་སྔར་ཤུལ་སྦྲུལ་པའི་སྐུ་ཉིད་ལ་བསྐོས་འཇའ་གནང་བ་བཞིན་སྔར་རྒྱུན་བཤད་སྒྲུབ་ཀྱིས་བསྐྱངས་ཤིང། ཕྱིས་སུ་ཀུན་མཁྱེན་འཇིགས་མེད་གླིང་པའི་ཞབས་་བཏུད་དེ་རྫོགས་པ་ཆེན་པོ་ཟབ་དོན་སྙིང་པོའི་མན་ངག་གིས་ཐུགས་བརྒྱུད་ཡོངས་སུ་སྨིན་པར་མཛད། གཞན་ཡང་སྔ་འགྱུར་བཀའ་གཏེར་གྱི་ཆོས་ཚུལ་རྒྱ་མཚོ་ལྟ་བུར་གསན་བསམ་མཐར་ཕྱིན་མཛད་ནས་རྙིང་བསྟན་སྐྱོང་བའི་རྡོ་རྗེ་འཛིན་པ་ཆེན་པོར་བཞུགས་པ་ཁོ་བོ་ཀོང་པོར་བགྲོད་སྐབས་མཇལ་ཡང། ཕྱིས་སུ་འབྲི་གུང་དུ་གདན་དྲངས་པ་ནས་སྐུ་གཤེགས་པ་ཡིན་པར་འདུག། ཐང་འབྲོག་གྲ་ཚང་དངོས་ནི་མཛོད་པ་ནས་ནག་རྟེན་གང་དྲག་བཞེས་ནས་བདག་རྐྱེན་མ་སྦྲང་པས་འཇིགས་ལ་ཉེ་བ་ན་སྦྲུལ་པའི་སྐུ་ཉིད་ཀྱིས་ཉམས་གསོ་གནང་ཞིང། གཙང་པོ་མགོ་དགུའི་སྒྲུབ་སྡེ་ནི་མཚུངས་མེད་དེ་ཉིད་ཀྱི་དུས་ནས་བཟུང་ད་བར་ཉམས་ཆགས་མ་བྱུང་བས་རྟོགས་བཙུན་མེད་དེ་ཉིད་ཀྱི་དུས་ནས་བཟུང་ད་བར་ཉམས་ཆགས་མ་བྱུང་བས་རྡོགས་བཙུན་སོགས་མ་འདྲེན་པའི་སྒྲུབ་གྲ་དངོས་གང་གཙང་ཞིག་སྣང་ལ་དུས་ཕྱིས་སྦྲུལ་པའི་སྐུས་ཚོགས་ཆེན་འདུས་པའི་སྒྲུབ་མཆོད་ཀྱང་བཙུགས་ཡོད་པར་གྲགས་སོ། ཡང་རྗེ་སྣ་ཚོགས་རང་གྲོལ་དཔོན་ནོར་བཟང་བའི་སྐྱེ་བའང་ཐང་འབྲོག་དབོན་སྦྲུལ་པདྨ་མཆོག་གྲུབ་ཅེས་པ་ཞིག་བྱོན་ཏེ་མཁས་བཙུན་འཛོམ་(སྨད་ཆ།༣༨༦)ཞིང་མཁྱེན་རྟོགས་ཆེ་ས་བསྟན་རྒྱུན་ལའང་ཤིན་ཏུ་ཕན་པར་བྱུང་ཚོད་དུ་སྣང། གཞན་ཡང་ཀོང་པོ་རྩ་ནང་དུ་གཏེར་སྟོན་དྲི་མེད་ལྷུན་པོའི་གདན་ས་བླ་མ་ཞིག་དང། བང་རིར་རིག་འཛིན་འཇའ་ཚོན་པའི་སྐྱ་སྦྲུལ་དབོན་བརྒྱུད་བཅས་དང་སྒྲུབ་སྡེ་དངོས་གཙང་བཅས་ཡོད་ལ་གཞན་སྒྲུབ་སྡེ་ཕྲན་བུ་མང་འདིར་མ་སྨོས་སོ། སྦོ་བོའི་ཕྱོགས་སུ་སྔར་གྱི་རྦ་ཁ་གསང་སྔགས་ཆོས་གླིང་ནིརིག་འཛིན་ཆོས་ཀྱི་རྒྱ་མཚོ་ཉིད་ཀྱི་སྐྱེ་སྲིད་རིམ་བྱོན་གྱིས་བསྐྱངས་ཤིང། གྲ་པ་ལྷོ་བྲག་ལྷ་ལུང་ཆོས་སྡེར་འགྲོ། རྗེ་དེའི་རྒྱལ་ཚབ་བླ་མ་ཤཱཀྱ་ཞུ་བ་ཞིག་སྐྱེ་བ་རིམ་པར་བྱོན་ཏེ། དེང་སང་བླ་མ་གོང་མའི་སྦྲུལ་སྐུ་ནི་ལྷོ་བྲག་གསུང་སྦྲུལ་གྱི་སྲས་དང། བླ་མ་ཤཱཀྱའི་སྐྱེ་བ་ནི་སྦོ་བོར་དཔོན་དབང་ལུ་ཞེས་པའི་བུར་འཁྲུངས་ནས་གདན་སར་འཁོད་པར་ཡོད་པར་འདུག། གཞན་ཡང་གཙང་དུ་སྐུ་སྐྱེ་རིམ་བྱོན་གྱིས་བསྐྱངས་པའི་བྲག་རྩ་བ་དང། དགའ་བ་ལུང། བྲག་སྐད་བ། བདུད་འདུལ་བའི་གདུང་བརྒྱུད་སོགས་ཡོད་ཀྱང་རེ་རེ་ནས་བརྗོད་མ་ནུས་ལ། གཞན་ཡང་སྦོ་བོ་ཁོག་དང་བར་ཁམས་རྣམས་སུ་རྙིང་དགོན་ཕྲན་བུ་མང་ཡང་འདིར་བརྗོད་པར་མ་བྱས་སོ། དཔལ་རི་བོ་ཆེ་དང། ཟུར་མང་བ་རྣམས་ཀྱང་བཀའ་བརྒྱུད་པའི་གདན་ས་ཆེན་པོ་ཡིན་ཀྱང་དོན་གྱིས་གསང་ཆེན་རྙིང་མའི་བསྟན་འཛིན་ཆེན་པོ་ཤ་སྟག་ཏུ་བཞུགས་པ་ཡིན་ནོ། གསང་ཆེན་རྙིང་མའི་བསྟན་འཛིན་ཆེན་པོ་ཤ་སྟག་ཏུ་བཞུགས་པ་ཡིན་ནོ། ཡུལ་མདོ་སྨད་ཀྱི་ཕྱོགས་སུ་གསང་ཆེན་སྔ་འགྱུར་རྡོ་རྗེ་ཐེག་པའི་རིང་ལུགས་དར་རྒྱས་ཚུལ། གཞན་ཡང་མདོ་སྨད་འབའ་ཡུལ་དུ་གྲུབ་པ་དགོན་རྡོར་བྲག་གི་རིང་(སྨད་ཆ།༣༨༧)ལུགས་འཛིན་པ་དང། གནམ་བསྐོས་གསང་སྔགས་ཆོས་གླིང་ཞེས་བྱ་བར་རྒྱ་བླ་རབས་བཅུ་གསུམ་མཁས་གྲུབ་གཉིས་ལྡན་གྱི་བསྟན་འཛིན་མང་དུ་བྱོན་ཞིང། དེང་སང་ཡང་དར་རྒྱས་ཆེ་བར་ཡོད་ལ། གཞན་ཡང་འབའ་དང་རོང་མཚམས་ཉག་རོང་སྟོད་སྨད་རྡོ་གསེར་ལྕགས་མོ་མགོ་ལོག་སོགས་སུ་རྙིང་བསྟན་ཕྲན་བུ་མང་ཡང་བརྗོད་པར་མ་ནུས་པ། དེབཞིན་དུ་ཤར་རྒྱལ་རོང་གི་ཕྱོགས་སུ་སྔར་ནས་རྒྱལ་བ་ཀ༔ཐོག་པའི་གདལ་ཞིང་དུ་གྱུར་པ་དེང་སང་གི་དུས་ནའ་ཀ༔རྫོགས་གཉིས་ཀྱི་ཆོས་རྒྱུན་འཛིན་པའི་དགོན་སྡེ་ཆེ་ཕྲ་མང་ཞིང། དེ་དག་ཏུ་བཤད་སྒྲུབ་ཀྱི་བགྱི་བ་དང་འཁོར་ལོ་གསུམ་གྱི་དུས་འདའ་བའི་བཤེས་གཉེན་ཡང་དུ་བཞུགས་ཀྱང་སྡེ་དེ་ནས་བརྗོད་པར་མ་ནུས་སོ། མདོ་སྨད་ཀྱི་ཕྱོགས་འདིར་ཡངས་པའི་ས་ཆེན་པོ་ཆོས་བཞིན་དུ་བསྐྱངས་ཤིང། ཕ་རོལ་གྱི་རྒྱལ་ཕྲན་ངན་པ་རྣམས་ཀྱིས་ནམ་ཡང་བརྗི་བར་མི་ནུས་པའི་སྟོབས་ཀྱི་འཁོར་ལོས་བསྒྱུར་བ་ས་སྐྱོང་སྡེ་དགེ་རྒྱལ་པོ་ཞེས་སྙན་པའི་བ་དན་དཀར་པོའི་ཕྲེང་བས་སྲིད་རྩེའི་བར་དུ་བྲེས་པའི་སའི་ཚངས་པ་ཆེན་པོ་གང་གིས་མངའ་རིས་ཐམས་ཅད་དགེ་བཅུའི་བཀའ་ཁྲིམས་བཙན་པོས་བདེ་བར་བསྐྱངས་པའི་ཡུལ་འདིར་གསང་ཆེན་སྔ་འགྱུར་རྡོ་རྗེ་ཐེག་པའི་རིང་ལུགས་དར་རྒྱས་ཆེ་ཞིང་དགོན་གནས་ཀྱང་རྙིང་ལུགས་ཁོ་ནའང་ཆོས་སྡེ་ཆེ་ཕྲ་བརྒྱ་ཕྲག་ལངས་པར་བཞུགས་ཏེ་དེ་དག་ཀྱང་ཀ༔ཐོག་པ་དང་རྫོགས་ཆེན་པའི་རིང་ལུགས་འཛིན་པ་ཤ་སྟག་སྟེ། དེས་ན་རྒྱལ་བ་ཀ༔ ཐོག་པ་དང། གྲུབ་དབང་རྫོགས་ཆེན་པ་གཉིས་ཀྱི་ལོ་རྒྱུས་ཅུང་ཟད་བརྗོད་པར་བྱ་སྟེ། གྲུབ་དབང་རྫོགས་ཆེན་པ་གཉིས་ཀྱི་ལོ་རྒྱུས་ཅུང་ཟད་བརྗོད་པར་བྱ་སྟེ། དེ་ཡང་དང་པོ་རྒྱལ་བ་ཀ༔ཐོག་པ་ནི་གོང་དུ་སྔ་འགྱུར་བཀའ་མའི་སྐབས་སུ་ཞིབ་ཅིང་རྒྱས་པར་སྨོས་པ་ལྟར་ལ། བླ་རབས་བཅུ་(སྨད་ཆ།༣༨༨)གསུམ་དུ་གྲགས་པ་དེ་དག་རྣམས་ཀྱི་དུས་སུ་ཤིན་ཏུ་དར་རྒྱས་ཆེ་བར་བྱུང་སྟེ། མདོ་ཁམས་ཀྱི་ཕྱོགས་འདིར་གསང་སྔགས་སྔ་འགྱུར་གྱི་དགོན་གནས་བྱུང་ངོ་ཅོག་ཐམས་ཅད་ཀྱི་ཐོག་མའང་ཡིན་ལ། དེ་ཡང་སྔགས་བཀའ་མ་མདོ་སྒྱུ་འཕྲུག་སོགས་ཀྱི་བཤད་སྒྲུབ་ཀྱི་རིང་ལུགས་འཛིན་པ་ཤ་སྟག་བྱུང་ཡང་བར་སྐབས་ཤིག་ནས་བཀའ་གཏེར་ཟུང་འཇུག་དང་ཕྱི་ནས་གཏེར་མ་ཤས་ཆེར་མཛད་པ་བྱུང་ཏེ། དེ་ཡང་བུ་འབོར་བ་ཡེ་ཤེས་རྒྱལ་མཚན་ཡན་གྱི་ལོ་རྒྱུས་གོང་དུ་སོང་ལ། ཡེ་ཤེས་རྒྱལ་མཚན་གྱི་སློབ་མ་ལ་བས་སྟོན་ནམ་མཁའ་རིན་ཅེན་ཡིན་ཏེ། འདིས་མགོན་པོ་བྲན་ལྟར་དུ་བཀོལ་ནུས་པར་གྲགས། དེ་ཉིད་གྱི་རྒྱལ་ཚབ་དྲུང་ནམ་མཁའ་སེང་གེ་ཡིན་ཏེ། རྗེ་འདི་ལྷོ་བྲག་ཏུ་གཏེར་ཆེན་རརྣ་གླིང་པའི་དྲུང་དུ་བྱོན་པས་ཆོས་ཀྱི་བདག་པོར་ངོས་འཛིན་ནས་ཚུལ་དག་པའི་བླ་རབས་བཅུ་གསུམ་འབྱུང་བའི་ལུང་བསྟན་གནང། འོད་ཀྱང་རྟེན་འབྲེལ་ཅུང་ཟད་རང་དབང་དུ་མ་གྱུར་པས། ཀ༔ཐོག་ཏུ་གཞན་རྐྱེན་གྱིས་འཚེ་བའང་བྱུང། འོན་ཀྱང་བསྟན་པ་དར་རྒྱས་ཆེ་ཞིང་གྲ་རྒྱུན་མང་བས་མང་བས་སོ་སོའི་ཁང་ཚན་ཀྱང་མང་དུ་བརྒྱབ་པ་བྱུང་ངོ། ལུང་བསྟན་པའི་བླ་རབས་བཅུ་གསུམ་ནི་དྲུང་རབས་བཅུ་གསུམ་དུ་གྲགས་པ་རྣམས་ཡིན་ཏེ། འདི་དག་གི་དུས་ཙམ་ནས་གཏེར་ཆོས་རྣམས་དར་ཞིང་བཀའ་མ་རྣམས་ཅུང་ཟད་དུ་འབྱུང་བའི་སྲོལ་ཞིག་བྱུང་སྟེ། དེ་ནས་གདན་ས་བ་དྲུང་རྡོ་རྗེ་བློ་གྲོས་དང། འཆད་ཉན་པ་བསོད་ནམས་འབུམ་སྟེ་འདི་རརྣ་གླིང་པའི་ཆོས་བདག་དཀྱིལ་འཁོར་འཛིན་པའི་བུམ་འཛིན་བརྒྱད་ཀྱི་ཡ་གྱལ་ཡིན། འདི་སྐབས་སྔ་ཚོ་ཀུན་དགའ་འབུམ་དང་ཨ་གཟི་བསོད་(སྨད་ཆ།༣༨༩)ནམས་འབུམ་གྱིས་ཀྱང་རརྣ་གླིང་པའི་ཆོས་སྐོར་རྣམས་དར་རྒྱས་སུ་མཛད། དེ་ནས་གདན་ས་བ་དྲུང་རྒྱལ་མཚན་རྡོ་རྗེ་ཡིན་ལ། འཆད་ཉན་པ་བསོད་ནམས་འབུམ་གྱི་སློབ་མ་སྣ་ཚ་དགེ་འདུན་འབུམ་ཡིན། དེ་ནས་དྲུང་མགོན་པོ་རྡོ་རྗེ་ཞེས་པས་གདན་ས་མཛད་ཅིང། འཆད་ཉན་པ་ནམ་མཁའ་དཔལ་བ་སྟེ་སློབ་བརྒྱུད་མང། འདི་དུས་རིག་འཛིན་རྒོད་ལྡེམ་པའི་ལུང་ཟིན་ཨ་རྡོ་དཀོན་མཆོག་རྒྱལ་མཚན་གྱིས་རྫོགས་ཆེན་དགོངས་པ་ཟང་ཐལ་གྱི་ཁྲིད་རྒྱུན་སྦེལ་བས་དར་རྒྱས་ཆེ་བར་བྱུང། གདན་ས་བ་དྲུང་ལྷ་དབང་རྡོ་རྗེས་མཛད། དཀོན་མཆོག་རྒྱལ་མཚན་གྱི་སློབ་མ་རོང་པོ་དཀོན་མཆོག་རྡོ་རྗེ། འདི་ལ་ཧར་པོ་ཤཱཀྱ་རྒྱལ་མཚན་གྱིས་ཟང་ཐལ་ཞུས་ནས་ཁྲིད་ཡིག་ཀྱང་མཛད། དེ་ཉིད་ཀྱི་སློབ་མ་མཚུངས་མེད་བྱང་ཆུབ་སེང་གེ་ཡིན་ཏེ། འདིའི་སྐུ་ཚེའི་འཇུག་ཏུ་བུ་འབོར་བ་བཀྲ་ཤིས་རྒྱ་མཚོ་ཡང་བྱོན། འདི་དུས་གདན་ས་བ་དྲུང་རྣམ་པར་དགེ་བའི་མཚན་གྱིས་མཛད། བཀྲ་ཤིས་རྒྱ་མཚོས་སློབ་མ་རྨོག་ཚབ་ཧེ་ས་ཆོས་འབྱུང་དང། རྒྱལ་རོང་བ་སོགས་སློབ་མ་མང། གདན་ས་དྲུང་རྟ་མགྲིན་ཞེས་པས་མཛད། དེ་དུ་བླ་མ་ཚེ་མདོའི་མཞན་ཅན་དང། གྲུབ་ཐོབ་མ་ལ་བླ་མ་སོགས་བཞུགས། གཞན་ཡང་སྔོ་ཁང་སངས་རྒྱས་རིན་ཆེན་དང། དཔལ་འབར་བ་ནམ་མཁའ་རྒྱ་མཚོ་རྣམས་བྱོན། ནམ་མཁའ་རྒྱ་མཚོས་སློབ་མ་བ་སོ་དབང་དྲག་རྒྱ་མཚོ་ཡིན་ལ། དེའི་སློབ་མ་རྒ་རྗེ་ཆོས་སྐྱོང་རྒྱ་མཚོ། དེའི་སློབ་མ་བྱང་ཆུབ་རྒྱ་མཚོ་སྟེ་གཏེར་ཆེན་ཀློང་གསལ་སྙིང་པོ་ཡིན་ནོ། ཡང་རྒྱལ་ཐང་པའི་སློབ་མ་ཨ་རྡོ་དཀོན་མཆོག་སེང་གེ། འདིའི་སློབ་མ་གཏེར་སྟོན་རིག་འཛིན་བདུད་འདུལ་(སྨད་ཆ།༣༩༠)རྡོ་རྗེ་ཡིན་ནོ། ཡང་དཀོན་མཆོག་སེང་གེའི་སློབ་མ་གསེར་ལོ་བསྟན་པ་རྒྱལ་མཚན་དང། ཆོས་ཉིད་རྒྱ་གཉིས་ལས། གཉིས་ཀའི་རྒྱ་མཚོའི་སློབ་མ་བླ་མ་ཨ་སླ་ཞེས་པ་ཞིག་ཀྱང་བྱོན་ནོ། ཡང་རྒྱལ་རོང་པའི་སློབ་མ་ནི་སྟག་བུ་བླ་མ་རྡོ་ཇེ་རྒྱལ་མཚན་ཏེ་དེའི་སློབ་མ་དབོན་སངས་རྒྱས་བཀྲ་ཤིས་སོ། འདི་སྐབས་ཙམ་ནས་གདན་ས་ཆེན་པོ་འདིར་གཏེར་སྟོན་རིག་འཛིན་ཆེན་པོ་ཀློང་གསལ་སྙིང་པོ་ཉིད་བཞུགས་པ་ཡིན་ཏེ། དེ་ཡང་སྡེ་དགེ་ས་དབང་ཆེན་པོ་རིག་འཛིན་བདུད་འདུལ་རྡོ་རྗེ་གཉིས་བླ་མ་སངས་རྒྱས་དཔལ་བཟང་སོགས་མི་སྲུན་པའི་བློ་ཅན་མང་པོ་ཞིག་གིས་ལོག་སྒྲུབ་དང་སྙན་ཕྲ་ལ་བརྟེན་རྟེན་འབྲེལ་གཞན་དབང་དུ་གྱུར་པ་ལ་སྡེ་དགེ་ཁྲི་ཆེན་སངས་རྒྱས་བསྟན་པ་ཁྲིར་ཕེབས་པ་ནས་སྔར་ཉིད་ཀྱི་ཁུ་བོས་བླ་མ་ཀུན་དགའ་ཕུན་ཚོགས་ཀྱི་དུས་གཏེར་ཆེན་དེ་ཉིད་དང་རྟེན་འབྲེལ་འཕྱུགས་པ་ལ་ཐུགས་འགྱོད་དང་བཅས་སླར་བཤགས་པ་འབུལ་བ་དང་མདོ་སྨད་དུ་ནན་གྱིས་གདན་འདྲེན་པའི་བང་མིང་སྐུ་ཚབ་སོགས་ཡང་ཡང་མང་གསར་པར་མཛད་ཀྱང། གཏེར་སྟོན་བྱང་ཆུབ་རྒྱ་མཚོ་དེ་ཉིད་གདན་དྲངས་ལ་བསྙེན་བཀུར་ཕུལ་དང་དེང་དང་ཁྱད་མེད་ཅེས་གསུངས་པ་ལ་བརྟེན་ནས་གཏེར་ཆེན་ཆོས་ཀྱི་རྒྱལ་པོ་འདི་ཉིད་སྦྱན་འདྲེན་པར་བྱུང་བའི་ཚེ་མཚན་ལས་དུ་མཁའ་འགྲོས་ལུང་བསྟན་བྱུང་བ་དང་རྟེན་འབྲེལ་ཀྱང་ལེགས་པས། སྡེ་དགེ་ས་སྐྱོང་ཆེན་པོའི་དབུའི་མཆོད་གནས་སུ་གདན་དྲངས་པ་བཞིན་དཔལ་ལྡན་ལྷུན་གྲུབ་སྟེང་གི་རྒྱལ་ཁབ་ཆེན་པོར་ཞབས་པད་བཀོད། ས་སྐྱོང་བླ་མ་སྐུ་མཆེད་ཀྱིས་སྲི་ཞུ་དང་(སྨད་ཆ།༣༩༡)བསྙེན་བཀུར་ཚད་མེད་པས་མཆོད་ནས་ཏི་ཤྲིར་བཀུར། བཀའ་ཆོས་དབང་ལུང་གསན་པ་དང་བསྟན་སྲིད་ལ་ཕན་པའི་སྐུ་རིམ་སྒྲུབ་དགོས་རིགས་དང་ལྷག་པར་གཏེར་ཆེན་བདུད་འདུལ་རྡོ་རྗེས་བསྟན་སྲིད་ཀྱི་ཆེད་དུ་བཞེངས་པའི་རྟེན་གསུམ་རྣམས་ཉམས་ཆགས་བྱུང་བ་ལ་ཞིག་གསོ་དང་རབ་གནས་བསྐྱར་པ་སོགས་བསྟན་ཛུས་ཀྱི་རིམ་གྲོ་མང་དུ་བསྒྲུབས། ས་སྐྱོང་ཆོས་ཀྱི་རྒྱལ་པོ་དང་རྟེན་འབྲེལ་ཚོགས་སུ་གྱུར་པས་སྡེ་དགེ་ས་སྐྱོང་ཆེན་པོས་ཀ༔ཐོག་གི་གདན་སར་བཞུགས་པར་དགོས་ཞེས་ཡང་ཡང་གསོལ་བའི་ཚེ། ཕྱི་མཐའ་འབྱུང་འགྱུར་གྱི་མནལ་ལྟས་སོགས་ཀྱང་ཤིན་ཏུ་ལེགས་པས་བཞུགས་པར་ཞལ་གྱིས་བཞེས། དེ་ནས་མི་རིང་བར་གདན་ས་ཆེན་པོ་འདིར་ཕེབས་ནས་བཞུགས་གདན་འཇགས། འདི་སྐབས་ཀ༔ཐོག་ཏུ་གདན་ས་བླ་མ་གཞན་མེད་པ་དང་ཅུང་ཟད་ཉམས་དམའ་བའི་སྐབས་སུ་མཆིས་ཀྱང། གཏེར་ཆེན་འདིས་གཙུག་ལག་ཁང་ཕྱིན་ནང་གིས་མཚོན་པའི་ཉམས་གསོ་མཛད། དེ་སྐབས་ཀ༔ཐོག་ཉིན་དགོན་དུ་བླ་མ་སངས་རྒྱས་བཀྲ་ཤིས་བཞུགས་པ་དང་མཇལ་འཕྲད་མཛད་ཅིང་ཐུགས་ཡིད་གཅིག་འདྲེས་སུ་གྱུར། དེ་ཡང་བླ་མ་འདི་ནི་དྲི་མེད་ལྷུན་པོའི་གཏེར་ལུང་ལས། ཤར་ཕྱོགས་འབྲི་ཆུའི་འགྲམ་ན་ཀ༔ཞེས་པར༔ སངས་རྒྱས་ཞེས་པས་བསྟན་པ་འདི་རྒྱས་འགྱུར། ཞེས་ལུང་གིས་ཟིན་པ་ཞིག་ཡིན་ནོ། དེ་ནས་ཀ༔ཐོག་གི་དགོན་ལག་ཕལ་ཆེ་བར་ཡང་ཕེབས། རྗ་ཆུ་ཁ་སྟོད་སྨད་རྣམས་སུ་འང་ཕེབས་ནས་འབྲེལ་ཚད་དོན་ལྡན་གྱིས་ཕྲིན་ལས་བསྐྱངས། རྟ་ནོར་ལྔ་བརྒྱ་ཙམ་བྱུང་བ་ཐམས་ཅད་ཆོས་ཕྱོགས་སུ་བཏང་ཞིང་ཁྱད་པར་ལོ་ཐད་ནས་བཀའ་འགྱུར་དཔར་བའི་ཡོན་དུ་སྦྱར། རྟ་ཕ་ཝང་བོང་མོར་གནས་སྒོ་(སྨད་ཆ།༣༩༢)གསར་ཕྱེ་དང་གཏེར་བཞེས་པ་སོགས་ལ་ཕེབས་དུས་ཆིབས་པའི་རྗེས་ཀྱང་ཡོད། བླ་མ་པདྨ་བློ་ལྡན་དང་ཨོ་རྒྱན་ཡེ་ཤེས་སོགས་ཀྱི་གདན་དྲངས་ནས་བར་ཁྲོད་ཉིན་ཕུལ་སོགས་ས་ངན་ཕྱོགས་སུའང་ལན་གཉིས་ཙམ་ཕེབས་ནས་ཆོས་ཀྱི་འཁོར་ལོ་བསྐོར་བ་ལ་བསྟེན་ནས་ས་ངན་བ་རྣམས་ཀ༔ཐོག་ལ་དེང་སང་བར་དུ་དད་དམ་འགྱུར་མེད་འདི་བཞིན་བྱུང་བ་ཡིན་ལ། གཞན་ཡང་ཀ༔ཐོག་རང་དུ་ཟངས་གསེར་ལས་གྲུབ་པའི་ཨོ་རྒྱན་རིན་པོ་ཆེའི་གསེར་སྐུ་དང། བཀའ་འགྱུར་རོ་ཅོག་བྲིས་པ་དང་དཔར་བའི་ཚར་གཉིས་སོགས་རྟེན་གསུམ་བསམ་མི་ཁྱབ་པར་བཞེངས་པར་མཛད། དེ་དུས་རོང་བུ་འབོར་ཤོག་དྲུག་ནས་ཀ༔ཐོག་པའི་དགོན་ལག་བཅུ་གསུམ་དང། གཞག་གསར་རྙིང་ཉག་སྟོད་སྨད། གཙང་གཤིས་ས་ངན་། རྡོ་གསེར་སྙིང་གསུམ། ཤར་རྒྱལ་མོ་རོང་ཚུན་གྱི་བླ་མ་གྲ་རིགས་ཀ༔ཐོག་པོ་ཕྱོགས་སུ་གཏོགས་པ་མང་དུ་འདུས་པ་རྣམས་ལ་རང་གཏེར་གཙོར་གྱུར་གྱི་བཀའ་ཆོས་འཆད་སྦེལ་རྒྱ་ཆེར་གནང་ནས་ཕྲིན་ས་མཐའ་རྒྱས་སུ་འགྱུར་གྱི་བཀའ་ཆོས་འཆད་ཀྱི་རྒྱུན་ཡུན་རིང་དུ་བསྐྱངས་པས་བསྟན་པའི་ཉམས་གསོ་ཕྱིར་བཤད་སྒྲུབ་ཀྱི་རྒྱུན་ཡུན་རིང་དུ་བསྐྱངས་པས་བསྟན་པའི་ཉམས་གསོ་མཚོག་ཏུ་གྲུབ་སྟེ། མདོར་ན་རྒྱལ་བ་ཀ༔ཐོག་པའི་བསྟན་པ་རྨང་ནས་གསོས་ཏེ་གཞི་བཞེངས་སུ་མཛད་པ་ཡིན་ནོ། འདི་སྐབས་བི་མའི་རྣམ་འཕྲུལ་གྲུབ་དབང་རྫོགས་ཆེན་པ་པདྨ་རིག་འཛིན་ས་སྐྱོང་སྡེ་དགེ་རྒྱལ་པོས་བཀས་བསྐུལ་ནས་རྙིང་དགོན་ཐམས་ཅད་དུ་ཉམས་ཁྲིད་སྩལ་བ་དང་ལྟ་སྒོམ་གྱི་དག་ཐེར་མཛད་པ་ལ་ཕེབས་པའི་དུས་ཀ༔ཐོག་ཏུ་ཟླ་གཅིག་ཙམ་དུ་བཞུགས་པས་གཏེར་ཆེན་འདི་དང་ཐུགས་ཡིད་གཅིག་འདྲེས་སུ་གྱུར་ནས་ཆོས་གསན་རེས་ཀྱང་མཛད། ཕྱིས་གཏེར་སྟོན་མྱ་ངན་ལས་འདས་དུས་རྒྱལ་སྲས་ཀྱི་ཆོས་ཞུ་བའང་མགོ་(སྨད་ཆ།༣༩༣)འདྲེན་རྫོགས་ཆེན་པར་ཞུས་གསུངས་པའི་ཞལ་ཚེམས་ཀྱང་མཛད་པ་སྣང་ངོ། དེ་ནས་གདུལ་བྱའི་ཆུ་སྣོད་མེད་ན་འདུལ་བྱེད་ཀྱི་ཟླ་གཟུགས་ཀྱང་མི་སྣང་བ་བཞིན་རེ་ཞིག་སྐུ་དངོས་ཀྱིས་གདུལ་བར་འོས་པའང་དེ་ཙམ་དུ་དགོངས་ནས་མཁའ་སྦྱོད་པདྨ་འོད་ཀྱི་ཕོ་བྲང་དུ་གཤེགས། དགོངས་རྫོགས་ཀྱི་སྐུ་འདས་ལ་ཀུན་བཟང་ཁྱབ་གདལ་ལྷུན་གྲུབ་གདན་དྲངས་ནས་གདུང་འོད་ཞུ་ཕུལ་བས་རིང་བསྲེལ་གྱི་ཕུང་པོར་གྱུར་ཏོ་། གཤེགས་རྗེས་ཀྱི་སྒྲུབ་དགོས་ཐམས་ཅད་ཉིད་ཀྱི་གཅུང་བླ་མ་བཀྲ་ཤིས་ཟེར་སོགས་ཀྱིས་འགན་བཞེས་མཛད་པ་ཡིན་འདུག། ཆོས་བདག་སློབ་ཚོགས་ནི་བགྲང་བ་ལས་འདས་པས་འདིར་བརྗོད་པར་མ་ནུས་ཏེ་རྣམ་ཐར་སོགས་ལས་ཤེས་པར་བྱའོ། རྒྱལ་སྲས་རིན་པོ་ཆེ་བསོད་ནམས་ལྡེའུ་བཙན་ནི། རིག་འཛིན་བདུད་འདུལ་རྡོ་རྗེའི་སྐྱེ་བ་འཕོས་མ་ཐག་པ་ཡིན་ཏེ། ཡབ་གཏེར་སྟོན་རིག་འཛིན་ཆེན་པོ་དེ་ཉིད་དང། ཡུམ་རིག་ལྡན་ཌཀིའི་དབང་མོ་ཀྷ་སྐྱིད་ཅེས་པའི་སྲས་སུ་གནས་ཆེན་སྦྲུངས་རི་དང་ཉེ་བའི་ཆར་སྐུ་བལྟམས། འཁྲུངས་མ་ཐག་ནས་དབྱངས་གསལ་ཞལ་འདོན་མཛད་པ་བྱུང་སྟེ་གཞན་ཡང་ངོ་མཚར་བའི་ལྟས་མང་དུ་བྱུང། དེ་ནས་རིམ་གྱིས་གདན་ས་ཆེན་པོ་དཔལ་གྱི་ཀ༔ཐོག་ཏུ་པེབས། ཡབ་རྗེའི་དྲུང་ནས་བཀའ་ཆོས་མང་དུ་གསན། ཡབ་གཏེར་ཆེན་ཆོས་ཀྱི་རྒྱལ་པོ་ཉིད་ཞིང་གཟིགས་ནས་ཡབ་ཀྱི་ཞལ་ཆེམས་ལྟར་གྲུབ་དབང་པདྨ་རིག་འཛིན་གྱི་དྲུང་ནས་རྫོགས་ཆེན་གྱི་སྨིན་ཁྲིད་ཟབ་རྒྱས་གསན་པས་གནས་ལུགས་མངོན་དུ་གྱུར་ཏེ་རྟོགས་པ་ངོ་སྦྲོད་པའི་བླ་མ་ནི་སྒྲུབ་དབང་རྫོགས་ཆེན་ཉིད་ཡིན་པར་སྣང་ངོ། སྨིན་གྲོལ་གླིང་དུ་ཕེབས་པས་ཨོ་རྒྱན་གཏེབ་བདག་ར་གླིང་པས་ཀྱང་བཀའ་ཆོས་ཀྱི་བདུད་རྩི་མང་དུ་སྩལ་ཞིང་(སྨད་ཆ།༣༩༤)སྐྱེས་བུ་དམ་པར་བཀུར་བའི་བ སྔགས་བརྗོད་གནང། གཞན་ཡང་དགེ་བའི་བཤེས་གཉེན་མང་པོ་བསྟེན་ནས་གསན་སྦྱངས་དང་ཉམས་བཞེས་སོགས་མཐར་ཕྱིན་པར་མཛད། གྲུབ་རྟགས་ཀྱང་རྡོ་ལ་ཕྱག་ཞབས་ཀྱི་རྗེས་དང་དཀར་ཡོལ་རྒྱང་རིང་དུ་སྐྱར་ཡང་ཆག་དཀྲུམ་མེད་པ་དང། མངོན་པར་ཤེས་པ་ཆག་ཐོགས་མེད་པ་དང། ཡི་དམ་གྱི་ལྷའི་ཞལ་གཟིགས་པ་སོགས་གྲངས་ཀྱིས་མི་ཆོད། ཁྱད་པར་ཡབ་གཏེར་ཆེན་རྟ་ཕ་ཝ་བོང་མོར་ཕེབས་སྐབས་རྒྱལ་སྲས་འདི་དགུང་ལོ་བརྒྱད་ཀྱི་དུས་ཡབ་ཀྱི་ཞབས་ཕྱིར་བྱིན་པར་དེང་སང་ཡང་ས་དེར་ཞབས་རྗེས་ལུད་པར་གྲགས། རྟེན་སྔགས་འཆང་དུ་བཞུགས་ཀྱང་རིགས་མྱུག་གཞན་ཡོད་པར་མ་ངེས། ཡུམ་ཟུར་པ་ཞིག་ལ་རྒྱལ་སྲས་ཀུན་བཟང་བསྟན་འཕེལ་འཁྲུངས་ཏེ། དྲུང་ནམ་མཁའ་རྒྱ་མཚོས་བསྐྱངས་ནས་ཕྱིས་སུ་ཁ་དཀར་ཕྱོགས་སུ་བྱོན་པས་ཕྲིན་ལས་ཆེ་ཞིང་མོན་རྫ་ཡུལ་དུ་གནས་སྒོ་ཕྱེ་བ་སོགས་ཀྱང་མཛད་འདུག། དེ་ལས་གདན་སར་བཞུགས་པའི་སྲས་མ་བྱུང་ཞིང། ཀ༔ཐོག་གི་གདན་ས་སྐྱོང་བཞིན་པའི་འཕྲོ་ལ་དགུང་ལོ་ཞེ་དགུང་ལོ་པ་ལ་དག་པའི་ཞིང་དུ་གཤེགས་པས་ངོ་མཚར་བའི་ལྷས་དུ་མ་དང་སྐུ་གདུང་ཡང་རིང་བསྲེལ་གྱི་ཕུང་པོར་ཕྱུར་སྣང་ངོ། ད་རྗེས་གདན་ས་ཆེན་པོའི་ཆོས་སྲིད་ཀྱིར་ཁུར་བཞེས་བླ་མ་ཚེ་དབང་ཕྲིན་ལས་ཀྱིས་མཛད་པར་སྣང་ལ། ཆོས་བརྒྱུད་ལ་བཀའ་དྲིན་ཆེ་བ་ནི་དྲུང་ནམ་མཁའ་རྒྱ་མཚོ་ཡིན་པར་སྣང་སྟེ། དེ་ཡང་གྲུབ་པའི་དབང་པོ་འདི་ནི། ཨ་རིག་ཅེས་པའི་ལུང་ཕྲན་ཞིག་ཏུ་འཁྲུངས། བྱིས་པ་ཆུང་ངའི་ངུས་ནས་གཏེར་ཆེན་ཀློང་གསལ་སྙིང་པོ་ཕྱོགས་དེར་ཕེབས་པའི་དུས་སུ་ཆོས་བདག་ཏུ་ངོས་(སྨད་ཆ།༣༩༥)འཛིན་གནང་བ་བཞིན་ཕྱི་ནས་རིག་འཛིན་ཆེན་པོ་དེ་ཉིད་ཀྱི་དྲུང་ནས་གཏེར་གསང་གཙོ་བོར་གྱུར་པའི་བཀའ་ཆོས་ཀྱི་བདུད་རྩི་མང་དུ་བཞེས་ཤིང། ཁྱད་པར་རྫོགས་པ་ཆེན་པོའི་ཟབ་ཁྲིད་ཀྱིས་ཉམས་ལེན་བསྐྱངས་པས་གནས་ལུགས་ཀྱི་རྟོགས་པ་རང་ངོ་འཕྲོད། སྒྲུབ་པ་ལྟུར་བཞེས་ཀྱི་ཐུགས་ཉམས་སུ་བསྟར་པས་རྟོགས་པ་ཀློང་དུ་གྱུར་གྲུབ་པའི་ས་ལ་གཤེགས། རྟོགས་པའི་བོགས་འདོན་ཏུ་བརྟུལ་ཞུགས་ཀྱི་སྦྱོད་པས་གནས་ངེས་མེད་རྣམས་སུ་བྱོན། སླད་ནས་གནས་མཆོག་ཤིང་དགུ་གངས་རང་རང་ཤོང་གི་ཁང་བུར་འདག་སྦྱར་གྱི་ངང་ལས་ནམ་ཡང་མི་གཡོ་བར་ལུས་གནད་སྐྱིལ་ཀྲུང་དང་ཐ་མལ་གྱི་གཟིམས་སྦངས་པ་དང་རྟ་ནོར་གྱིས་མཚོན་པའི་འབུམ་བ་མི་བཞེས་པ་སོགས་རྗེ་རྒོད་པའི་རྣམ་ཐར་ལ་འགྲན་བཟོད་པས་སྐུ་ཚེ་འཁྱོལ་བར་མཛད་པ་སོགས་ངོ་མཚར་བསམ་མི་ཁྱབ་པ་མའང། རྟེན་ཚངས་སྦྱོད་ཡིན་ཡང་ན་བཟའ་དཀར་ཆས་མཛད་དེ་ཚུལ་འཆོས་ཀྱི་སྦྱོད་པས་མ་གོས་པར་ཆོས་བརྒྱད་དགྲ་དང་སྐོར་ཟས་དུག་ཏུ་གཟིགས་པའི་བྱ་བཏང་རྣལ་འབྱོར་གྱི་དབང་ཕྱུག་གྲུབ་པ་མཆོག་གི་ས་ལ་གཤེགས་པའི་བྱ་བཏང་རྣལ་འབྱོར་གྱི་དབང་ཕྱུག་གྲུབ་པ་མཆོག་གི་ས་ལ་གཤེགས་པའི་བྱ་བཏང་རྣལ་འབྱོར་གྱི་དབང་ཕྱུག་གྲུབ་པ་མཆོག་གི་ས་ལ་གཤེགས་པ་ཡོངས་སུ་གྲགས་པ་ཞིག་གོ། དཔལ་རྒྱལ་བ་ཀ༔ཐོག་པ་ཆེན་པོ་ཆོས་ཀྱི་རྡོ་རྗེ་འམ། དྲི་མེད་ཞིང་སྐྱོང་མགོན་པོ་ནི། རིག་འཛིན་བདུད་འདུལ་རྡོ་རྗེའི་མནལ་ལམ་སུར)་རས་སྨིར། ཤར་ཀ༔ཐོག་ཕྱོགས་ཀྱི་སྡེ་ཞེས་རྡྲཱ་རྨེ་དེ༔ གྲོགས་མི་རིང་སྐྱ་བོས་གཟའ་སྦྱོར་མ་བྱུང་ན༔ ཚེ་སྙན་མཐའ་རུ་རྒྱས་པས་ཨེའོ་སྙན༔ ཞེས་དང། སྙིང་ཐིག་ཚེ་ཡང་ཕུར་གསུམ་གང་ཟག་སྒོས་ཀྱི་ལུང་བསྟན་ལས། འབྲོག་མིའི་སྦྲུལ་པ་ཁམས་ཀྱི་ཕྱོགས་ནས་འབྱུང། རྡྲཱ་རྨའི་མིང་ཅན་བརླ་ལ་སྨེ་བས་བརྒྱན༔ ཞེས་སོགས་དང་གཏེར་ཁ་གཞན་མང་པོ་ནས་(སྨད་ཆ།༣༩༦)ཀྱང་ལུང་བསྟན་པ་ལྟར། མདོ་སྨད་འབའ་ཡུལ་གྱི་སའི་ཆར་གཏེར་ཆེན་པདྨ་ཆོས་རྒྱལ་ཞེས་པའི་སྲས་སུ་སྐུ་འཁྲུངས་པར་ཀརྨ་པ་ཞཱ་དམར་ནག་ཟུང་དང་དྲུང་པ་ནམ་མཁའ་རྒྱ་མཚོ་སོགས་ཀྱིས་གསུང་བརྟག་འཁྲུལ་མེད་ངོས་འཛིན་གནང་བ་བཞིན་རིམ་གྱིས་གདན་ས་ཆེན་པ་དཔལ་གྱི་ཀ༔ཐོག་ཏུ་གདན་དྲངས། མཚན་ཡང་པདྨ་དྲི་མེད་ཞིང་སྐྱོང་མགོན་པོ་རྒྱ་མཚོའི་སྡེ་ཞེས་དང་ཀུན་བཟང་འགྱུར་མེད་ཆོས་ཀྱི་རྡོ་རྗེ་ཞེས་སུ་གྲགས། དྲུང་ནམ་མཁའ་རྒྱ་མཚོའི་དྲུང་ནས་དགེ་བསྙེན་གྱི་སྡོམཀ་པ་བཞེས་ཤིང་དེ་ནས་རིམ་གྱིས་ཡོངས་འཛིན་ནས་ཀློང་གསལ་སྙིང་པོའི་གཏེར་ཆོས་སྐོར་རྣམས་གསན་ཞིང། ཁྱད་པར་ཉམས་ཁྲིད་གནད་སྨིན་གསན་པས་རྟོགས་པ་ཀློང་དུ་གྱུར་ཏེ་གནས་ལུགས་རང་ངོ་སྦྲོད་པའི་བླ་མ་ནི་འདི་ཁོ་ན་ཡིན་ལ། ཡང་ཐམས་ཅད་མཁྱེན་པ་སི་ཏུ་ཆོས་ཀྱི་འབྱུང་གནས་ཀྱི་དྲུང་ནས་བསྙེན་རྫོགས་བཞེས་ཤིང། ཕྱག་ཆེན་ཆོས། དྲུག་སོགས་ཉམས་ཁྲིད་དུ་མ་གསན་པས་ཕྱག་རྒྱ་ཆེན་པོ་ཡེ་ཤེས་འཕོ་བའི་དབང་དང་བྱིན་རླབས་ཀྱིས་ཐུགས་རྒྱུད་སྨིན་པར་མཛད་པས་འདི་གཉིས་རྩ་བའི་བླ་མར་འཛིན་ལ། གཞན་ཡང་གསར་རྙིང་མ་བཀའ་མ་མདོ་སྒྱུ་སེམས་གསུམ། ཡང་ཕུར་མཉམ་སྦྱོར་སོགས་ཀྱི་དབང་ལུང་དང། ཁྱད་པར་རྒྱུད་གསང་བ་སྙིང་པོའི་བཤད་རྒྱུན་སོགས་དང། བཀའ་དགོངས་ཕུར་གསུམ། སྙིང་ཐིག་ཡ་བཞི་སོགས་སུ་གཙོར་པ་ཕལ་མོ་ཆེ་དང། བདུད་འདུལ་འཇའ་ཚོན་ཀློང་གསལ་རྣམས་གཙོར་གྱུར་གྱི་གཏེར་ཁ་གསར་རྙིང་མང་པོ་དང། རྒྱུད་འབུམ་རིན་པོ་ཆེ་སོགས་(སྨད་ཆ།༣༩༧)རྙིང་མ་བཀའ་གཏེར་དང། ཀུན་མཁྱེན་ཀློང་ཆེན་པའི་མཛོད་བདུན། ངལ་གསོ་སྐོར་གསུམ་སོགས་གསན་ཅིང། དེ་དག་ཉམས་བཞེས་སུ་ལོ་བཅུ་གཉིས་ལ་སོགས་པར་སྐུ་མཚམས་བཅད་རྒྱ་ཁོ་ནས་སྒྲུབ་པའི་རྒྱལ་མཚན་འཇུགས་པར་མཛད། དེ་ལྟ་བུའི་སྒྲུབ་མཚན་མངོན་དུ་གྱུར་པའི་ཚུལ་ཡང། དབང་སྒྲུབ་སོགས་ཀྱི་དུས་སུ་མེ་ཏོག་གི་ཆར་བབས་པ་དང། འཇའ་ཚོན་གྱི་གུར་ཕུབ་པ་སོགས་ཡང་ཡང་བྱུང་བ་དང། རྡོ་ལ་ཕྱག་ཞབས་ཀྱི་རྗེས་དུ་མ་བྱོན་པ་དང། ཁྱད་པར་ཁྲོམ་ལ་ཕེབས་སྐབས་ཤིག་ཆུ་བོ་ཆེན་པོར་ཆིབས་ལས་ལྟུང་པ་ན་ན་བཟའ་ལ་ཆུའི་རླན་གྱིས་མ་གོས་ཤིང། ཆུ་ནང་གི་རྡོ་བར་སྐུ་ལུས་དང་ཆིབས་པའི་རྨིག་རྗེས་གསལ་པོར་བྱུང་བ་དེང་སང་ཡང་མཇལ་དུ་ཡོད་ལ། གཞན་དུ་ཟག་པ་མེད་པའི་ཡེ་ཤེས་ཀྱི་ཐུགས་རྒྱུད་ཡོངས་སུ་བལྟམས་པའི་ཡོན་ཏན་གྱིས་ཕུང་པོ་གཞལ་གྱི་མི་ལངས་པ་མངའ་བ་ནི་སོ་སྐྱེས་སྦྱོད་ཡུལ་དུ་ག་ལ་འགྱུར། གཞན་ཡང་གདན་ས་ཆེན་པོ་འདིར་སྔར་བཀའ་མའི་རྒྱུན་ཉག་པྲ་བར་གྱུར་བ་རྣམས་སླར་གསོས་ཤིང། ཁྱད་པར་དུ་གསང་སྙིང་གི་རྒྱུད་ཀྱི་བཤད་སྲོལ་སོགས་ཆད་པར་ཉེ་བ་ཡང་གསོ་བར་མཛད། གཞན་ཡང་གདན་ས་ཆེན་པོ་འདི་དང་དགོན་ལག་རྣམས་སུའང་གསང་བ་སྙིང་པོ། ཚོགས་ཆེན་འདུས་པ། སྒྱུ་འཕྲུལ་ལས་རིམ་གྱིས་ཁོག་ཕུབ་པའི་རྡུལ་ཚོན་གྱི་དཀྱིལ་འཁོར་བསྒྲུབས་ཤིང་མཆོད་པའི་སྲོལ་དག། གཞན་ཡང་ན་རག་དོང་ཀྱི་དཀྱིལ་འཁོར་སྒྲུབ་མཆོད་ཀྱང་ཅི་རིགས་པ་དང། རྫོགས་པ་ཆེན་པོ་སེམས་སྡེ་དང། ཀློང་སྡེ་རྡོ་རྗེ་ཟམ་པ། མན་ངག་སྡེ་(སྨད་ཆ།༣༩༨)བཅུ་བདུན་རྒྱུད་རྣམས་ཀྱི་དབང་ལུང་མང་ངག་གི་བཀའ་རྣམས་ཀྱང་སོར་ཆུད་པར་མཛད། གཞན་ཡང་ཕྱོགས་ཀྱི་དགེ་འདུན་ཚོགས་མཆོག་རིག་འཛིན་འདུས་པ་རྣམས་གཙོ་བོར་གྱུར་པའི་གདུལ་བྱ་རྣམས་ལ། བསྐྱེད་རྫོགས་སྦྱི་དང་བྱེ་བྲག་སྔོན་འགྲོ་ཆོས་བདུན་ནས་བཟུང་གཞི་ཁྲེགས་ཆོད་ཀྱི་ཁྲིད་རྣམས་སྨིན་རྒྱས་སུ་སྩལ་ལ་སློབ་མའི་རྒྱུད་ལ་མྱོང་པ་སྐྱེས་ཚོད་དང་བསྟྲན་མོའི་ཁྲིད་དང་འཕོ་ཁྲིད་ཐོད་རྒལ་འོད་གསལ་གྱི་གནད་གསུམ། སྒྲོན་དྲུག་སྣང་མུན་གྱི་ཁྲིད་རྣམས་སྩལ་བས་བཙོན་པས་ཉམས་ལེན་ནུས་ན་མཐར་རྩོན་བཅས་ཀྱི་རྟགས་བཅུ་དང། སྟོང་གཟུགས་ཙམ་ལ་ཡིད་སྨོན་མ་དགོས་པར་སྣང་བཞི་རྩལ་འབྱོངད་ནས་སངས་རྒྱས་མངོན་དུ་བྱེད་ནུས་པའི་གདམས་པ་ཟབ་མོ་ཚུལ་བཞིན་དུ་འཆད་པ་འདི་ནི་རིག་པ་འཛིན་པའི་གདུལ་བྱ་རྣམས་ལ་རིག་འཛིན་པའི་སྡེ་སྣོད་སྙིང་པོ་དོན་གྱི་ཆོས་འཁོར་བསྐོར་བས་གདུལ་བྱ་རྣམས་དང་མཚུངས་པ་ལས་དེང་གི་ཆེན་པོ་འགའ་ཞིག་གི་རྣམ་ཐར་གྱིས་བསྐྲུན་དུ་མེད་པར་ཤེས་པར་བྱའོ། མཛད་པ་ཕྱག་རྗེས་ཀྱང། གདན་ས་འདིར་གཙུག་ལག་ཁང་རིམ་པ་གཉིས་གཙང་ཁང་སྟེང་འོག་དང་བཅས་པའི་རྟེན་དང་བརྟེན་པ་བཅས་པ་དཀར་ཆག་ལྟར་དང། ཁྱད་པར་ཉིན་དགོན་བདེ་ཆེན་ཆོས་གླིང་དུ། སྙིང་པོ་དོན་གྱི་གནས་ལུགས་ལ་གཅིག་ཏུ་གཞོལ་བའི་བསྒྲུབ་པ་བ་བཅུ་གསུམ་རེར་བུག་སྒོ་འདག་སྦྱར་གྱི་སྒྲུབ་གྲ་ཇི་སྲིད་བར་བཙགས་པ་དང། ཀ༔ཐོག་སྐུ་འབུམ་རིང་མོ་ཞིག་གསོས་གསར་བཞེངས་དང་མཉམ་པ། ཨོ་རྒྱན་རིན་པོ་ཆེ་ང་འདྲ་བའི་(སྨད་ཆ།༣༩༩)འདྲ་ལྕོགས་ཐོག་ཚད་མ་གཙོ་འཁོར་གསུམ། སྦྲེའུ་ཟླའི་ཚེས་བཅུ་ཆེན་མོའི་དུས་མཆོད་སྦྲོས་བཅས་ཅན། གསེར་ཟངས་ཀྱི་བདེར་གཤེགས་མཆོད་རྟེན་བརྒྱད་སྐུ་ཚང་ལམ་མཐོ་བ་རིན་པོ་ཆེའི་ཕྲ་རྒྱན་ཕུན་སུམ་ཚོགས་པ་ཙམ་ཞིག་བརྗོད་པ་ལགས་སོ། དམ་པ་འདི་ཉིད་ཀྱི་གསུང་རྩོམ་ཡང་བརྗོད་བྱ་ཤིན་ཏུ་བརླིང་ཞིང་རྗོད་བྱེད་སྙན་འཇེབས་དང་ལྡན་པས་མཁས་པའི་ཡིད་འཕྲོག་པ་གནང་ཡང་བསྟན་བཅོས་མང་དུ་མི་སྦྲོ་བས་པུ་ཏི་གཉིས་གསུམ་ཙམ་བཞུགས། གསུང་གི་བདུད་རྩི་བཞེས་པའི་སློབ་ཚོགས་ཀྱང་རྫོགས་ཆེན་གསུམ་པ་ཨ་ཏི་བསྟན་པའི་རྒྱལ་མཚན་དང། ཐེ་ཆེན་མཆོག་སྦྲུལ་གོང་འོག་གཉིས། སྟག་ཕུ་ཁྱབ་བདག་སྦྲུལ་སྐུ། གདན་ས་རང་གི་སྦྲུལ་སྐུ་རྣམས་ཀྱིས་གཙོས་པའི་བླ་མ་སྦྲུལ་སྐུ་མང་པོ་དང། ས་སྐྱོང་སྡེ་དགེ་རྒྱལ་པོས་གཙོས་པའི་མི་ཆེན་ཅེ་དགུ་དུ་མས་ཞབས་ཀྱི་པདྨོར་བཏུང་ནས་བསྙེན་བཀུར་བ་སོགས་མཐའ་དག་ནི་བརྗོད་པའི་ཡུལ་ལས་འདས་སོ། དེ་ལྟ་བུའི་མཛད་པ་རྨད་དུ་བྱུང་བ་དུ་མས་གསང་ཆེན་སྔ་འགྱུར་གྱི་བསྟན་པ་སྦྱི་དང་བྱེ་བྲག་རྒྱལ་བ་ཀ༔ཐོག་པའི་བསྟན་པ་སླར་ཡང་སློང་བར་མཛད་ནས་ཉི་མ་ཤར་བ་ལྟར་མཛད་པ་སོགས་འདི་དུས་ཙམ་ན་བསྟན་འཛིན་ཆེན་པོ་གཞན་གྱི་འགྲན་བྱར་མ་གྱུར་པ་མངོན་སུམ་ཚད་མའོ། དེ་ལྟར་མཛད་པ་ཐོག་གཅིག་རྫོགས་པའི་ཚུལ་གྱིས་རེ་ཞིག་ཨོ་རྒྱན་ཟངས་མདོག་དཔལ་རིར་གཤེགས་ཚུལ་བསྟན་པའི་ཚེ། དགོངས་རྫོགས་མཆོད་སྦྲིན་སྦྲོ་བ་གསེར་གདུང་བཞེངས་པ་འཆད་ཉན་གྱི་རྒྱུན་བསྐྱངས་པ་ལུགས་གཉིས་ཀྱི་གདན་སའི་ཁུར་བཞེས་མཆོག་སྦྲུལ་རིན་པོ་ཆེ་ངོས་འཛིན་ཁྲི་འདོན་སོགས་མདོར་ན་(སྨད་ཆ།༤༠༠)མཛད་དགོས་ཐམས་ཅད་སྦྲུལ་པའི་སྐུ་ཚེ་དབང་མཆོག་གྲུབ་དཔལ་འབར་ནས་གནང་པ་ཡིན་ནོ། སླར་ཡང་མཆོག་སྦྲུལ་རིན་པོ་ཆེ་ཟླ་བ་ཚེས་པ་ལྟ་བུ་གོང་མའི་དབོན་བརྒྱུད་དུ་འཁྲུངས་པ། གདན་ས་རིན་པོ་ཆེར་གདན་དྲངས་ནས་ལྷ་དང་བཅས་པའི་འདྲེན་པར་མངའ་གསོལ་བ་བཞིན། མི་ཤིག་རྡོ་རྗེའི་ཁྲི་ལ་ཞབས་པདྨ་བརྟན་ཅིང་མཛད་ཕྲིན་རྨད་དུ་བྱུང་བ་དབྱར་གྱི་མཚོ་ལྟར་གོང་འཕེལ་དུ་མཚོ་ཞིང་གཞེས་པ་འདིའོ། རྗེ་དེ་ཉིད་ཀྱི་ཐུགས་སྲས་ཀྱི་གཅོ་བོ་ནི་སྦྲུལ་པའི་སྐུ་ཚེ་དབང་མཆོག་གྲུབ་དཔལ་འབར་ཉིད་ཡིན་ཏེ། རྗེ་འདི་ནི་དགེ་རྩེ་ཁྲོ་ཤུལ་ཞེས་པའི་འབྲོག་སྡེ་ཆེན་པོ་ཞིག་ཏུ། དཔོན་བློ་བཟང་ཚུལ་ཁྲིམས་ཞེས་པའི་སྲས་སུ་འཁྲུངས། ཀ༔ཐོག་བླ་མ་ཚེ་དབང་ཕྲིན་ལས་ཀྱི་ཡང་སྲིད་དུ་ངེས་པས་དྲི་མེད་ཞིང་སྐྱོང་རིན་པོ་ཆེས་གདན་སར་གདན་དྲངས་ནས་ཐུན་མོང་རིག་པའི་གནས་རྣམས་ནས་བཟུང་མདོ་སྔགས་བཀའ་གཏེར་ཆོས་ཚུལ་ཐམས་ཅད་བུམ་པ་གང་བྱོར་སྩུལ་ནས་ཐུགས་རྒྱུད་ཡོངས་སུ་སྨིན་པར་མཛད། གཞན་ཡང་ཡོངས་འཛིན་དུ་མ་ལས་གསན་བསམ་མཐར་ཕྱིན་པར་མཛད་དེ། རིག་གནས་ཡན་ལག་དང་བཅས་པ་ལ་མཁས་པའི་ཕུལ་དུ་གྱུར་ཅིང། མདོ་རྒྱུད་མང་པོའི་བཤད་སྲོལ་སོགས་གང་ལའང་ཆགས་ཐོགས་མི་མངའ་བའི་མཁྱེན་པའི་སྟོབས་ཆེ་བས་ཀ༔ཐོག་གི་པཎྜི་ཏ་ཞེས་ཀུན་གྱིས་བསྔགས། མཛད་པ་ཕྱག་རྗེས་ཀྱང་གདན་ས་ཆེན་པོ་འདིའི་གཙུག་ལག་ཁང་གསར་བཞེངས་ཕྱི་ནང་གི་རྟེན་བཞེངས་གཉྫ་ར་དང་བཅས་པ་དང་ཚོགས་ཁྲོ་ཆེན་མོ་གསར་བླུག་དང་ཡབ་ཡུལ་དུའང་ཆོས་སྡེ་གསར་བཏབ་སོགས་ཕྱག་རྗེས་གཞན་ལས་ཆེ་ཞིང། ཆོས་འཆད་སྦེལ་མདོ་རྒྱུད་ཀྱི་བཤད་སྲོལ་སྒྲུབ་ཕྲིན་གྱི་ཕྱག་(སྨད་ཆ།༤༠༡)བཞེས་སོགས་ཀྱང་སྔར་ལས་ལྷག་པ་དང། རང་ཉིད་ཐུགས་དམ་ཉམས་བཞེས་སུ་སྐུ་མཚམས་བཅད་རྒྱ་གནང་བ་དང། བསྟན་པ་གསལ་བར་ནུས་པའི་བསྟན་བཅོས་རྙིང་རྒྱུད་དཀར་ཆགས་སོགས་ཀྱིས་མཚོན་པའི་མང་དུ་མཛད་པ་སོགས། མདོར་ན་བསྟན་པའི་གསལ་བྱེད་ཆེན་པོར་འཚོ་ཞིང་གཞེས་པ་འདིའོ། ཡང་གཏེར་སྟོན་བདུད་འདུལ་རྡོ་རྗེ་དང་ཀློང་གསལ་གཉིས་ཀའི་ཆོས་བདག་ལུང་ཟིན་གྲུབ་དབང་བཙོན་འགྲུས་སུ་གྲགས་པ་དྲི་མེད་ཞིང་སྐྱོང་ཉིད་ཀྱི་ཡོངས་འཛིན་དུ་བཞེས་པ་དེ་ཉིད་ཀྱི་སྐུའི་སྐྱེ་བ་ཕྱག་ཚ་དཔོན་ཕུན་ཚོགས་ཀྱི་སྲས་སུ་འཁྲུངས་པ་རྗེ་དྲི་མེད་ཞིང་སྐྱོང་ཉིད་ཀྱིས་གདན་ས་ཆེན་པོ་འདིར་གདན་དྲངས་པ་སྦྲུལ་པའི་སྐུ་ཀུན་བཟང་ངེས་དོན་དབང་པོའང་གསུང་རབ་ཀུན་ལ་གཟིགས་པའི་ཆོས་སྦྱན་ཡངས་ཤིང་སྒྲུབ་པ་ལྟུར་བཞེས་གཟིགས་པ་སོགས་དག་སྣང་མང་དུ་ཤར་གྲུབ་པ་མཆོག་གི་ས་ལ་གཤེགས་པའི་རྣལ་འབྱོར་གྱི་དབང་ཕྱུག་ཆེན་པོར་བཞུགས་པ་དང། རྗེ་རྨོག་ཨོ་རྒྱན་གྲུབ་རིག་འཛིན་སོགས་ཆོས་སྦྱན་ཡངས་པ་མང་དུ་བཞུགས་པས་མཚོན་དེང་ཡང་གསང་ ཆེན་སྙིང་པོའི་རིང་ལུགས་འདིར་ལྷག་པར་གསལ་བ་ཀུན་གྱི་དབང་པོའི་སྦྱོད་ཡུལ་དུ་གྱུར་པ་འདིའི། དཔལ་ཡུལ་བྱང་ཆུབ་གླིང་གི་གདན་རབས། དཔལ་ཡུལ་བྱང་ཆུབ་གླིང་གི་གདན་རབས་ཀྱི་ཐོག་མ་ནི་རིག་འཛིན་(སྨད་ཆ།༤༠༢)ཀུན་བཟང་ཤེས་རབ་ཡིན་ཏེ། དེ་ཡང་རྗེ་འདི་སྐུ་འཁྲུང་པའི་ཡུལ་ནི། ཀ༔ཐོག་རྡོ་རྗེ་གདན་གྱི་གནས་ཆེན་པོ་དང་ཉེ་སའི་དཔལ་ཡུལ་ཞེས་པའི་ཡུལ་ལས་བྱ་བྲག་ཨ་འཁྱོག་ཅེས་པའི་སའི་ཆར། གདུང་རུས་སྒ། ཡབ་རྡོ་རྗེ་ཞེས་པ་དང་ཡུམ་གུ་རུ་མཚོ་ཞེས་པ་གཉིས་ཀྱི་སྲས་སུ་མེ་ཕོ་བྱི་བའི་ལོར་འཁྲུངས། སྐུ་བྱིས་པའི་དུས་ནས་སེམས་ཅན་ལ་སྙིང་རྗེ་དང་ལྡན་པས་སྲོག་ཆགས་ཕྲ་མོ་ཙམ་ལའང་གནོད་པ་ཅུང་ཟད་ཀྱང་བསྐྱལ་མ་མྱོང། སྐུ་ཆུང་དུས་ཀ༔ཐོག་ལུགས་ཀྱི་འདོན་ཆོས་ཁ་ཤས་བློ་འཛིན་མཛད། དེ་ནས་རྒ་རྗེ་ཆོས་སྐྱོང་རྒྱ་མཚོའི་དྲུང་དུ་གཙུག་ཕུད་ཕུལ་བས་དགེ་བསྙེན་གྱི་སྡོམ་པ་དང་མཚན་ཚུལ་ཁྲིམས་རྒྱ་མཚོ་ཞེས་པ་གནང། རྗེ་དེའི་དྲུང་ནས་ཆོས་མང་དུ་གསན། ཁྱད་པར་དྲུང་ཆོས་ཉིད་རྒྱ་མཚོའི་དྲུང་དུ་ལོ་ལྔ་ཙམ་དུ་བཞུགས་ནས་ཕྱག་རྒྱ་ཆེན་ལྷན་ཅིག་སྐྱེས་སྦྱོར་གྱི་ཟབ་ཁྲིད་མཐའ་རྒྱ་ཆོད་པར་གསན་ནས་སེམས་ཀྱི་བརྡར་ཤ་ཚོད་པར་མཛད། གཞན་ཡང་བཀའ་ཆོས་མང་དུ་གསན་ནས་སྒྲུབ་པ་ལ་དཀའ་སྦྱད་དང་ཐུགས་རུས་གཞན་གྱིས་འགྲན་དུ་མེད་པ་རྒྱུན་ཆགས་སུ་མཛད་ཅིང། དྲུང་ཆོས་ཉིད་རྒྱ་མཚོ་ཞིང་གཟིགས་ནས་འཁྲུལ་ཞིག་ཆེན་པོ་གསེར་ལ་བསྟན་པ་རྒྱལ་མཚན་བླ་མར་བསྟེན་ནས་རྫོགས་ཆེན་རང་བྱུང་རང་ཤར་ལ་སོགས་པའི་བཀའ་གཏེར་མང་དུ་གསན་པས་གནས་ལུགས་རང་ངོ་འཕྲོད། རྟོགས་པ་ཀློང་དུ་གྱུར། གཞན་ཡང་མཁས་གྲུབ་པདྨ་གྲོས་སོགས་ཡོངས་འཛིན་དུ་ན་ལས་ཆོས་བསམ་གྱིས་མི་ཁྱབ་པ་གསན་ནས་ཐོས་བསམ་གྱི་གྲོ་འདོགས་ཆོད་པར་མཛད། དེ་ནས་བྱང་བཏང་གི་བརྡུལ་ཞུགས་ཁོ་ནས་དབུས་ཕྱོགས་སུ་བླ་མ་ལྷ་རྟེན་(སྨད་ཆ།༤༠༣)སོགས་མཇལ་བར་ཕེབས་བཞེས་གནང་བའི་ཕེབས་ལམ་ནས་རིག་འཛིན་ཆེན་པོ་མི་འགྱུར་རྡོ་རྗེའི་སྙན་པ་གསན་པས་དབུས་ཕེབས་བཤོལ་ནས་ངོམས་སྟོང་དུ་ཕེབས། དེར་རིག་འཛིན་ཆེན་པོ་དེ་ཉིད་མཇལ་བས་དད་པ་ཚང་མེད་པ་འཁྲུངས་པ་བཞིན་རིག་འཛིན་ཆེན་པོ་དེས་ཀྱང་ཐུགས་ཀྱི་སྲས་སུ་དགོངས་ནས་ཀུན་བཟང་ཤེས་རབ་ཅེས་པའི་མཚན་གསོལ་ནས་ཞབས་འབྲིང་ནང་མའི་གྲས་སུ་ཚུད། རྗེ་དེ་ཉིད་ཀྱི་དག་སྣང་ལས་བྱུང་བའི་གནས་ཆོས་ཐུགས་ཀྱི་གཏེར་ཁའི་ཆོས་བདག་ཏུ་དགོངས་ནས་ཆོསསྡེ་ཚང་མའི་དབང་ལུང་ཁྲིད་གསུམ་རྫོགས་པར་གནང། དེ་སྐབས་གནས་མདོ་ཀརྨ་ཆགས་མེད་གཏེར་སྟོན་དྲུང་དུ་ཆིབས་སྐྱོད་གནང་བྱུང་བར་དགེ་ཚུལ་གྱི་སྡོམ་པ་དང་རྗེ་དེ་ཉིད་ཀྱི་གསུང་རྩོམ་སྐོར་སོགས་བཀའ་ཆོས་མང་དུ་གསན། དེ་ནས་གཏེར་སྟོན་རིག་འཛིན་ཆེན་པོ་ཉིད་སྡེ་དགེ་ཕྱོགས་སུ་དང་སྨར་ཁམས་ཕྱོགས་སུ་ཆབས་སྐྱོད་གནང་བས་ཞལ་ཕྱི་མཛད་ནས་རིམ་གྱིས་ཕེབས་བྱུང་བས་སླར་ཡང་སྔར་ལྟར་ཞབས་འབྲིང་མཛད། སྐབས་དེར་ཁ༔ཐོག་ཕྱོགས་ཀྱི་ཡུལ་གྲུ་ཐ་དད་པ་མང་པོ་སྔར་མངའ་ཞབས་སུ་མ་ཚུད་པ་ཐམས་ཅད་ས་སྐྱོང་སྡེ་དགེ་རྒྱལ་པོས་སྟོབས་ཀྱི་དཔུང་པས་རང་དབང་དུ་བགྱིས་ཏེ་བདག་གིར་བཞེས་པའི་སྐབས་ཡིན་པས་དཔལ་ཡུལ་ཞེས་པའི་ཡུལ་ཕྲན་དེ་ཉིད་དབང་དུ་མཛད་དུས་ཀྱི་ཐོ་བཙུན་རྣམས་བསྡུས་ནས་དཔལ་ཡུལ་རྣམ་རྒྱལ་ཙེ་ཞེས་པའི་ས་དཕྱད་ལེགས་པ་ཞིག་ཏུ་གཙུག་ལག་ཁང་དང་དགེ་འདུན་གྱི་སྡེ་བཏབ་ནས་རྣམ་རྒྱལ་བྱང་ཆུབ་གླིང་ཞེས་པའི་མིང་བཏགས་པར་ཐོ་(སྨད་ཆ།༤༠༤)བཙུན་ལྡ་བརྒྱ་ལྷག་ཙམ་བྱུང་བའི་འདྲེན་པར་འཁྲུལ་ཞིག་བསྟན་པ་རྒྱ་མཚོ་སྦྱན་དྲངས་པ་ན་འཁྲུལ་ཞིག་རིན་པོ་ཆེས་ཁོ་བོ་སྦང་བ་པའི་བརྟུས་ཞུགས་དང་ན་སོས་ཀྱང་གཏུགས་པས་དེ་འདྲའི་འདྲེན་པ་བྱེད་པ་མི་འོང། འོན་ཀྱང་འབྲི་རྒྱུད་ཀྱི་ཁོ་བོས་སློབ་མ་ཚིལ་ཁྲིམས་རྒྱ་མཚོ་དེ་ཉིད་སྦྱན་དྲོངས་དང། བསྟན་པ་མཐའ་རྒྱས་སུ་འབྱུང་ཞེས་ལུང་བསྟྲན་སྩལ་བ་ལ་བརྟེན་ནས་རྨུག་བསད་དུ་རྗེ་འདི་གདན་དྲངས་པའི་ཆབ་ཤོག་སླེབས་པས་གཏེར་རྟེན་རིག་འཛིན་ཆེན་པོས་དྲུང་དུ་གནས་ཚུལ་དང་འབྱུང་འགྱུར་ལུང་བསྟན་སོགས་ཞུས་པས། བཀའ་ལས། ལུང་བསྟན་ལྟར་གདུལ་བྱ་དུས་སུ་བབས་པ་ཡིན་པས་དེར་བྱོན་ཞིག་དང། བསྟན་པ་མཐའ་རྒྱས་སུ་འབྱུང་བ་ཕྱི་ནས་གསལ་འོང། ཞེས་གསུངས་ནས་གཏེར་རྫས་ཁྱད་འཕགས་མང་དུ་གནང་ནས་ཁོ་བོས་ཟབ་ཆོས་སྙན་བརྒྱུད་ཀྱི་བདག་པོ་ཁྱོད་ཡིན་པས། རྫོགས་པ་ཆེན་པོའི་ཟབ་ཁྲིད་འདི་རྣམས་དང་གཏེར་རྫས་ཁྱད་འཕགས་འདི་རྣམས་ཁོ་བོ་ལ་ཨོ་རྒྱན་ཆེན་པོས་དངོས་སུ་སྩལ་བ་ཡིན་ལ་ཁོ་བོས་ཁྱོད་ལ་སྦྱོན་པས་བསྟན་འགྲོའི་དོན་དུ་ཐུགས་རྒྱ་བསྐྱེད་གསུངས་ནས་རྒྱལ་ཚབ་ཏུ་མངའ་གསོལ་ཤིས་བརྗོད་གནང། དེ་ནས་རྗེ་ཉིད་དགུང་ལོ་སུམ་ཅུ་པ་ལ་དཔལ་ཡུལ་རྣམ་རྒྱལ་རྩེའི་འདྲེན་པར་ཕེབས་ཐོ་བཙུན་རྣམས་སྐྲ་ཕུད་བླངས་ནས་དགེ་བསྙེན་གྱི་སྡོམ་པ་སྩལ། སླར་ཡང་རྨུག་བསད་དུ་གཏེར་སྟོན་ཞིང་ཕེབས་པའི་དགོངས་རྫོགས་རྟེན་བཞེངས་སོགས་ལ་ཕེབས། དེ་ནས་སླར་ཡང་གནས་མདོར་ཆགས་མེད་རིན་པོ་ཆེའི་དྲུང་དུ་ཕེབས་ནས་དགེ་སློང་གི་སྡོམ་པ་བཞེས་མཚན་སྔ་མའི་མགོར་རིག་འཛིན་ཞེས་སྦྱར་ནས་རིག་འཛིན་ཀུན་བཟང་ཤེས་རབ་ཅེས་པ་མཛད། ཟབ་ཆོས་མང་དུ་གསན། རྡོ་རྗེ་སློབ་དཔོན་དུ་(སྨད་ཆ།༤༠༥)དབང་བསྐུར་མངའ་གསོལ་ནས་ཕྱིར་ཕེབས་ལམ་དུ། སྦོ་བོར་གཏེར་སྟོན་བདུད་འདུལ་རྡོ་རྗེ་མཇལ་བར་བྱོན་པར་ཆས་ཀྱང་ལམ་བར་དུ་འཁྲུག་རྩོད་སོགས་ཀྱིས་མ་ཐར་བས་ཞུ་ཡིག་འབུལ་པར་ཆས་ཆོས་མཐུན་གྱི་བཅའ་ཁྲིམས་མཛད། བསླབ་པའི་གནས་རྣམས་ལ་ཞལ་ཏ་ཡང་ཡང་ཕེབས་ཤིང་དེ་དག་ཡིད་ལ་འཇགས་ཕྱིར་རྒྱུག་ལེན་པ་སོགས་ཀྱང་མཛད། གཏེར་སྟོན་ཀློང་གསལ་སྙིང་པོའང་གདན་སར་སྦྱན་དྲངས་ནས་བསྙེན་བཀུར་ཕུལ་བས་ཆོས་བདག་ཏུ་ངོས་འཛིན་གནང། གཏེར་སྟོན་དེ་ཉིད་ཀྱི་དྲུང་དུ་དགུང་ལོ་སུམ་ཅུ་སོ་ལྔ་ནས་བཟུང་སྐུ་ཚེ་འདི་ལ་སྐུ་འཚམས་བཅད་རྒྱ་ཁོ་ན་ལས་ནམ་ཡང་མི་འདའ་བ་དང། འཚོ་བ་གདན་གཅིག། ཤ་ཚང་མི་བཞེས་པ་དང་ཆང་གི་རིགས་གྱུར་དྲི་ཙམ་ཡང་ཕྱོགས་སུ་མི་ཉེ་བའི་དམ་བཅའ་རྣམས་མཛད། དེ་ལ་བརྟེན་ནས་ཚེ་མཚམས་བྱེད་པ་དང། གདན་གཅིག་གི་བརྟུལ་ཞུགས་འཛིན་པ་དང། ཤ་ཚང་གཏན་སྦངས་བྱེད་པའང་མང་དུ་བྱུང། གཙུག་ལག་ཁང་དུའང་ཚོགས་ཆང་མ་གཏོགས་ཆང་ནམ་ཡང་འདྲེན་པ་མེད་པའི་ཁྲིམས་མཛད། ཐུན་པར་རྣམས་སུ་བཀའ་ཆོས་འཆད་པ་དང་སྒོམ་ཁྲིམས་སྐྱོང་བ་སོགས་གང་ལ་གང་འཚམས་ཀྱིས་གདུལ་བྱ་རྣམས་རྗེས་སུ་བཟུང་བས་སློབ་མའང་སྒོམ་ཉམས་དང་གྲུབ་རྟགས་ཐོན་པ་མང་དུ་བྱུང། སླར་ཡང་དགོན་པར་འདུ་ལང་གང་འཚམས་ཀྱིས་གདུལ་བྱ་རྣམས་རྗེས་སུ་བཟུང་བས་སློབ་མའང་སྒོམ་ཉམས་དང་གྲུབ་རྟགས་ཐོན་པར་མང་དུ་བྱུང། སླར་ཡང་དགོན་པར་འདུ་ལང་ཧ་ཅང་ཆེས་པར་ཐུགས་སྐྱོ་ནས་དཔོན་གཡོག་གསུམ་གྱིས་སུསཀྱང་མཐོང་ཚོར་མེད་པར་ལྷ་རི་འདོ་གསལ་སྒང་གི་རི་ཁྲོད་དུ་འཇགས་སྐྱིལ་ལ་བརྟེན་ནས་བཞུགས་པས་དེར་ཡང་སྒྲུབ་གྲང་མང་དུ་འཕེལ་ཏེ་རི་དགོན་གཉིས་ཀ་དར་རྒྱས་ཆེ་བར་བྱུང། དགེ་འདུན་རྣམས་ཀྱང་དགེ་(སྨད་ཆ།༤༠༦)ཚུལ་ནས་བསྙེན་རྫོགས་པར་གྱི་མཁན་པོའང་མཛད་ནས་ཐམས་ཅད་སྡོམ་པ་གསམ་ལྡན་ཁོ་ན་མཛད། རྟེན་བཞེངས་ཀྱང་མང་དུ་མཛད་དེ་མདོར་ན་དངོས་པོ་ཆེ་ཕྲ་གང་བྱུང་ཡང་འཕྲལ་དགོས་ཙམ་ལས་རྟེན་བཞེངས་དང་མང་བཀོལ་སོགས་དགེ་ཕྱོགས་སུ་བཏང་བར་མཛད། གསུང་རྩོམ་ཀྱང་སྡོམ་གསུམ་རྣམ་བཤད། ཆང་དང་བུ་མེད་ཀྱི་ཉེས་དམིག། གསུང་རྩོམ་ཀྱང་སྡོམ་གསུམ་རྣམ་བཤད། ཆང་དང་བུད་མེད་ཀྱི་ཉེས་དམིག། བླ་མ་བསྟེན་ཚུལ་སོགས་ཕུ་ཏི་གསུམ་བཞི་ཙམ་ཡོད། གཞན་ཡང་མཐོང་གྲོལ་མྱོང་གྲོལ་རེག་སོགས་འགྲོ་ཕན་གནང་བའི་རྒྱུན་བཙུགས་པ་དེང་སང་ཡང་མ་ཉམས་པར་ཡོད། དེ་ལྟ་བུའི་མཛད་པས་བཤད་སྒྲུབ་ཀྱི་ཡུན་རིང་དུ་བསྐྱངས་པས། གོ་འཇོ་སྨར་ཁམས། ས་ངན། རོང་ཞབས། ཁྲོམ། ལྕགས་མདུད། མགོ་ལོག། རྡོ་གསེར། ཧོར་སྟོད་སྨད། ཤར་རྒྱལ་མོ་རོང། རྒྱ་ནག་བྲག་སྒོ་ཡན་ནས་སློབ་ཚོགས་ཀྱང་མང་དུ་འདུས་ཤིང། དེ་དག་གི་ཡུལ་གྱི་རྒྱལ་པོ་རྣམས་ཀྱིས་ཀྱང་བསྙེན་བཀུར་ཕུལ་བ་དང། སོ་སོའི་ཡུལ་དུ་གཙུག་ལག་ཁང་བཞེངས་པ་དང་ཆོས་སྡེ་བཏབ་པ་སོགས་བྱུང་སྟེ། སྡེ་དགེའི་མངའ་ཞབས་གཙོ་བོར་གྱུར་པའི་ཆོས་སྡེ་གསར་ཐེབས་ཆེ་ཕྲ་དགུ་བཅུ་པདྨ་ཡེ་ཤེས་ར་མཚོ་ལ་གདན་ས་གཏད་ནས་རྒྱལ་ཚབ་ཏུ་དབང་བསྐུར་ནས་ཆོས་མཐུན་གྱི་བསླབ་བྱ་རྒྱས་པར་སྩལ་ནས་དགུང་ལོ་རེ་གསུམ་པ་ལ་ངོ་མཚར་པའི་ལྟས་དུ་མ་དང་བཅས་ཆོས་ཀྱི་དབྱིངས་སུ་གཤེགས་སོ། གདུང་འོད་ཞུ་ཕུལ་བས་དབུ་ཐོད་ལ་ཨ་རང་བྱོན་སོགས་རྟེན་དང་རིང་བསྲེལ་ཡང་མང་དུ་བྱོན་པར་སྣང་ངོ། རྗེ་འདི་ཐོག་མར་ཀ༔ཐོག་པའི་སློབ་རྒྱུན་(སྨད་ཆ།༤༠༧)ཡིན་ཀྱང་ཕྱིས་སུ་གནས་ཆོས་མཛད་པ་ཤས་ཆེ་བས་ཆོས་བརྒྱུད་མི་འདྲ་ཙམ་བྱུང་སྟེ་ཀ༔དཔལ་གཉིས་སུ་གྲགས་སོ། པདྨ་ལྷུན་གྲུབ་རྒྱ་མཚོ་ནི། རྗེ་དེ་ཉིད་ཀྱི་རིགས་ཀྱི་དཔོན་དུ་འཁྲུངས། དགུང་ལོ་བརྒྱདཙམ་ནས་ཆོས་སྒོར་བཞུགས། གཏེར་ཆེན་མི་འགྱུར་རྡོ་རྗེའི་དྲུང་ནས་གནམ་གཏེར་ཡོངས་རྫོགས་གསན། དགུང་ལོ་བཅུ་དྲུག་ཙམ་ནས་གནམ་གཏེར་ཡོངས་རྫོགས་གསན། དགུང་ལོ་བཅུ་དྲུག་ཙམ་ནས་ཉིད་ཀྱི་ཁུ་བོ་རིག་འཛིན་ཀུན་བཟང་ཤེས་རབ་རབ་དྲུང་དུ་འབྲལ་མེད་དུ་བཞུགས་ནས་ཉམས་ཁྲིད་དུ་མས་གཙོས་པའི་བཀའ་ཆོས་མཐའ་དག་རྫོགས་པར་གསན། ཁྱད་པར་རིག་འཛིན་ཀུན་བཟང་ཤེས་རབ་ཀྱིས་མཁན་པོ་དང། གནས་བརྟན་བཀྲ་ཤིས་ཚེ་བརྟན་གྱིས་ལས་སློབ་བགྱིས་ཏེ་དགེ་འདུན་གྲངས་ཚང་གི་དབུས་སུ་བསྙེན་པར་རྫོགས་པ་དགེ་སློང་གི་དངོས་པོར་བསྒྲུབས། དེ་ནས་བཟུང་བཅས་པའི་འཚམས་ལས་ནས་ཡང་མི་འདའ་བའི་བརྟུལ་ཞུགས་ཀྱིས་གདན་གཅིག་དང་ཤ་ཆང་གཏན་སྦངས་སོགས་བླ་མ་གོང་མ་དང་མཚུངས་པའི་རྣམ་ཐར་བསྐྱངས། ཁུ་བོ་ཞི་བར་གཤེགས་ནས་གདན་སའི་འཛིན་བསྐྱངས། དབང་ཁྲིད་ཀྱི་སློབ་དཔོན། རང་བྱུང་གི་མཁན་པོ་སོགས་ཐར་ཆགས་ཚང་བ་གོང་མའི་དུས་ལྟར་མཛད་པས་ཆོས་སྡེར་ཡང་གྲང་རྒྱུན་སོགས་འདུས་པ་ཡང་སྔར་ལ་གོང་འཕེལ་དུ་གྱུར། དེ་དག་ལ་སྔར་སྲོལ་ལྡར་བསྙེན་རྫོགས། སྒོམ་ཁྲིད། རྩ་རླུང་། འོད་གསལ། ཁྲ་ཁྲིད་མུན་ཁྲིད། སྒྲ་སྦྱངས་སོགས་སྔར་ལུགས་ལྟར་མཚམས་གྲ་བརྗེ་ལན་སོགས་ཞིབ་རྒྱས་མཛད་པས་ངེས་དོན་སྙིང་པོའི་བསྟན་པ་བླ་ནས་བླར་འཕེལ་བའི་བཤད་སྒྲུབ་ཀྱིས་ཕྱིན་ལས་སྐྱོང་བཞིན་པའི་ངང་ནས་དགུང་ལོ་དྲུག་ཅུ་རེ་བརྒྱ་པ་ལ་འདོ་གསལ་རྡོ་རྗེ་སྙིང་པོའི་ཞིང་དུ་གཤེགས་སོ།(སྨད་ཆ།༤༠༨)བླ་མ་པདྨ་ནོར་བུ་ནི། རྗེ་བླ་མ་པདྨ་ལྷུན་གྲུབ་རྒྱ་མཚོའི་ཐུགས་སྲས་ཀྱི་ཐུར་བོར་གྱུར་པས་གདན་སའི་འཛིན་སྐྱོང་མཛད་མཁྱེན་ནུས་ལྡན་པས་ས་སྐྱོང་སྡེ་དགོན་ཏི་ཤྲི་བཀུར། ཕྲིན་ལས་ཆེ་ཞིང་ཐུགས་བཅའ་ཐག་པས་ཆོས་སྡེའི་བཅའ་ཁྲིམས་སོགས་ཀྱང་ཉམས་མེད་གོང་འཕེལ་དུ་གྱུར། བླ་མ་ཀརྨ་བཀྲ་ཤིས་ནི། རིག་འཛིན་ཀུན་བཟང་ཤེས་རབ་ཀྱི་དབོན་རྒྱུད་དུ་འཁྲུངས། མཁྱེན་ནུས་ཆེ་བས་རྒྱ་ནག་གོང་མ་ཆེན་པོའི་དཔུང་ཆེན་གྱི་སྐྱབས་འཇུག་ཏུའང་བྱོན། ཆོས་སྡེར་ཚེས་བཅུ་ཆེན་མོའི་གསར་འཛུགས་དང། གཙུག་ལག་ཁང་གི་གཉྫ་ར་གསར་འཛུགས་སོགས་ཕྱག་བརྗེས་ཀྱང་ཆེ། དགོན་པའི་སྒྲིག་ལམ་སོགས་སྔར་ལས་ཀྱང་ལྷག་པའི་བཀའ་དྲིན་བསྐྱངས། རྗེ་འདི་གཤེགས་ནས་རྗེ་དེ་ཉི་ཀྱི་སྣག་དབོན་དུ་ཐོབ་པའི་བླ་མ་ཨ་བསམ་དང་དབང་ཕྱུག་གཉིས་ཀྱི་རེ་ཞིག་གདན་པའི་འཛིན་སྐྱོང་གནང་ཞིང། དེང་སང་རྗེ་ཀརྨ་བཀྲ་ཤིས་ཉིད་ཡང་སྲིད་རིན་པོ་ཆེ་ཡར་ཟླ་ལྟ་བུ་ཐོས་བསམ་སྒོམ་པའི་ཡོན་ཏན་གྱི་ཆ་ཤས་རྫོགས་ཤིང་ཕྲིན་ལས། ཀྱི་འོད་དཀར་སྦྲོ་བས་བསྟན་འགྲོའི་ས་མོས་སྐྱོང་བཞིན་བཞུགས་པ་འདིའི། ཡང་གཙང་གཤིས་སུ་འཁྲུངས་པའི་བླ་མ་པདྨ་རྒྱལ་མཚན་ཞེས་པས་གཙང་དུ་བྱོན་ནས་མཁས་གྲུབ་སོག་ཟློག་པ་དང་གཏེར་སྟོན་ཞིག་པོ་གླིང་པ་གཉིས་ལ་བརྟེན་ནས་གསན་བསམ་གྱི་སྒྲོ་འདོགས་ཆོད་ནས་ཉམས་རྟོགས་ཡོན་ཏན་གྱི་ཕུང་པོར་གྱུར་པའི་གྲུབ་པའི་དབང་ཕྱུག་ཞིག་བཞུགས་པ་ལ། ཀ༔ཐོག་ནས་བླ་མ་བཀྲ་ཤིས་རྒྱ་མཚོས་ཤིག་པོ་གླིང་པའི་དྲུང་དུ་འདིར་འཆང་ཉན་ལ་མཁས་པའི་བླ་མ་ཞིག་གནང་དགོས་ཚུལ་ཞུ་འཕྲིན་ཕུལ་བ་ལ་བརྟེན་ནས་རྗེ་འདི་ཕེབས། འདི་དུས་ཕྱག་དཔེ་རྣམས་བྱ་རྒོད་མང་པོས་(སྨད་ཆ།༤༠༩)དྲངས་ནས་བྱོན་གྲགས། ཀ༔ཐོག་ཏུ་ཡང་ནག་པོ་ལ་སོགས་པའི་ཉམས་ཁྲིད་བསྐྱངས་པས། བར་ཁྲོད་དང། ཡང་ཁྲོད་རྣམས་སུ་སྒོམ་གྲ་མང་དུ་འཕེལ་ཏེ་རྫོགས་ཆེན་ཡང་ཏིའི་བསྟན་པ་ཕྱོགས་འདིར་དར་བར་མཛད། དེ་ནས་བྲག་དམར་དབང་ཆེན་གླིང་དུའང་ཕེབས་ཏེ། རྗེ་འདིའི་སློབ་མ་ནི་མཁས་གྲུབ་ཆེན་པོ་བློ་གྲོས་ཡིན་ཏེ། དེ་ནི་སྟག་བུ་ཞེས་པའི་སར་སྟག་བུ་བླ་མ་རིམ་བྱོན་ལས་མཁྱེན་རབ་ཆེ་བས་གྲ་འཁོར་སྒར་གཞིས་མང་བ་དང་བཅས་དབུས་གཙང་དུ་བྱོན། གོང་ར་ལོ་ཆེན་གཞན་ཕན་རྡོ་རྗེ། གསུང་སྦྲུལ་ཚུལ་ཁྲིམས་རྡོ་རྗེ། སྙིང་ཕུ་རིག་འཛིན་སྙིང་པོ་གཏེར་སྟོན་འཇའ་ཚོན་སྙིང་པོ། རྒོད་ཚང་བ་སྣ་ཚོགས་རང་གྲོལ་སོགས་དེ་སྐབས་བོད་ཀྱི་མཁས་གྲུབ་ཐམས་ཅད་མཇལ་ཞིང་ཆོས་ཕར་འབུལ་ཚུར་གནས་སོགས་མཛད་ནས་ཁམས་སུ་ཕེབས། ཕྱོགས་འདིར་གསང་ཆེན་རྙིང་མ་བཀའ་གཏེར་གྱི་རིང་ལུགས་ཤིན་ཏུ་དར་བ་མཛད། དེའི་སློབ་མ་ནི་བླ་མ་ཚེ་རིང་རྡོ་རྗེ་དང། པདྨ་རིག་འཛིན་གཉིས་ཡིན་ཏེ་ཕྱི་མ་འདིས་རྣམ་གྲངས་རྒྱ་མཚོ་ཞེས་པའི་བསྟན་བཅོས་ཀྱང་མཛད། ཚེ་རིང་རྡོ་རྗེའི་དབོན་ཀུན་བཟང་ཡེ་ཤེས་མཐོང་གྲོལ་དང་ཀུན་བཟང་ཁྱབ་གདལ་ལྷུན་གྲུབ་སྟེ་འདི་བདུལ་ད་འདུལ་རྡོ་རྗེའི་ཆོས་བདག་ཡིན། དེས་དབོན་ཀུན་བཟང་ཡེ་ཤེས་དང་ཀུན་བཟང་རྣམ་རྒྱལ་འདི་གཉིས་བོད་དུ་བྱོན་ནས་གཏེར་བདག་གླིང་པ་ལས་རྙིང་རྒྱུད་ལུང་ཞུས་ཤིང་དཔེ་ཆུ་བྲིས་ནས་ཁམས་ཕྱོགས་སུ་དཔེ་རྒྱུན་དང་ལུང་རྒྱུན་སྦེལ་བས་བཀའ་དྲིན་ཆེ། ཀུན་བཟང་ཁྱབ་གདལ་ལྷུན་གྲུབ་ཀྱི་སྦྲུལ་སྐུ་ནི་རིག་འཛིན་བསོད་ནམས་རྣམ་རྒྱལ་ལམ་རྡོ་རྗེ་དཔའ་བོ་སྟེ་མཁས་བཙུན་འཛོམས་ཤིང་མཁྱེན་རྟོགས་ཆེ། དེའི་སྦྲུལ་སྐུ་དེང་སང་ཞལ་(སྨད་ཆ།༤༡༠)བཞུགས་ཡིད་བཞིན་དབང་རྒྱལ་སོགས་བྲག་དམར་བ་དང་པདྨ་རིག་འཛིན་གྱི་དབོན་པོ་པདྨ་བློ་ལྡན་དང་པདྨ་ནོར་བུ། དེས་དཔོན་པོ་བླ་མ་སྐལ་བཟང་སྟེ། པདྨ་ནོར་བུའི་སྐྱེ་བ་ནི་རིག་འཛིན་ཆེན་པོ་ཚེ་དབང་ནོར་བུ་སྟེ་ཐོ་མོ་ནང་ངམ་གནས་ནང་བ་སྟེ་བྲག་གནས་གཉིས་ཀྱི་གདན་རས་ཟུར་ཙམ་སྨོས་པ་སྟེ་འདི་དག་ནི་རྒྱལ་བ་ཀ༔ཐོག་པའི་ཆོས་བརྒྱུད་སློབ་ཚོགས་ལས་བྱུབ་འགའ་ཞིག་རགས་པ་ཙམ་ཞིག་བརྗོད་པ་སྟེ་མཐའ་དག་ནི་བརྗོད་པར་ནུས་པ་མ་ཡིན་ནོ། ཡང་ཀ༔ཐོག་པ་དཔལ་འབར་བ་ནམ་མཁའ་རྒྱ་མཚོའི་སློབ་མ་འཁྲུལ་ཞིག་དབང་དྲག་རྒྱ་མཚོ་ཡིན་ཏེ། འཁྲུལ་ཡུལ་བ་སོ་པ་ཡིན། ཆུང་ངུའི་དུས་ནས་ཅོས་ཐམས་ཅད་མ་བསླབ་པར་མཁྱེན། དགུང་ལོ་བཅུ་གཉིས་ཀྱི་དུས་སུ་འཇལ་དཔལ་དམར་པོ་དང་སངས་རྒྱས་སྟོང་གི་ཞལ་གཟིགས། རབ་ཏུ་བྱུང་བ་ནས་བཟུང་འདུལ་ཁྲིམས་ལ་ཉེས་སྐྱོན་ཕྲན་མོ་ཙམ་གྱིས་ཀྱང་མ་གོས། ལྷ་སྔགས་ཏིང་འཛིན་ཐམས་ཅད་ལ་དབང་འབྱོར་བས་འཁོར་འདས་རང་སར་གྲོལ། འཁྲུལ་པ་གཞི་ནས་པས་རང་གྲོལ་བའི་འཁྲུལ་ཞིག་དབང་དྲག་རྒྱ་མཚོར་གྲགས། བོད་ཡུལ་དབུས་ཕྱོགས་སུ་ཕེབས་དུས། ཨོ་རྒྱན་ཆེན་པོའི་ཆེན་པོ་ལས་བསྒྲལ་ནས་བར་ཆད་ལས་སྐྱོབ་པར་མཛད། རྫོགས་པ་ཆེན་པོ་ལས་བསྒྲལ་ནས་བར་ཆད་ལས་སྐྱོང་པར་མཛད། རྫོགས་པ་ཆེན་པོ་གཞི་ལམ་གྱི་རྟོགས་པ་ཀློང་དུ་གྱུར་ཏེ་རིག་པ་ཚད་ཕེབས་ཀྱི་ས་ལ་གཤེགས། མངོན་ཤེས་ཕྱོགས་མེད་ཤར་ཀུན་སྦངས་ཨ་ཝ་དྷུ་ཏིའི་སྤྱོད་པ་བསྐྱངས། སྐུའི་སྐྱེ་བའང་སྦྲུལ་པའི་གཏེར་སྟོན་ཤེས་རབ་མེ་འབར་དང་སྦྲུལ་སྐུ་མི་འགྱུར་རྡོ་རྗེ་དང་རིག་འཛིན་ནམ་མཁའ་ཞེས་པ་རྣམས་འབྱུང་བའི་ལུང་བསྟན་ཀྱང་ཐོབ། དགུང་ལོ་བདུན་ཅུ་པ་ལ་དག་པའི་ཞིང་དུ)༤༡༡)གཤེགས་སོ། དེའི་སློབ་མ་ག་རྗེ་ཆོས་སྐྱོང་རྒྱ་མཚོ་ཞེས་པའི་གྲུབ་ཐོབ་ཆེན་པོ་ཞིག་བྱོན་ཏེ། དེས་དཔོན་བརྒྱུད་དེང་སང་ཁམ་གོང་དགོན་དུ་རྡོ་རྗེ་འཛིན་པ་རིམ་པར་བྱོན་པ་ད་ལྟའི་བུ་དུ་བཞུགས་པ་འདི་རྣམས་ཡིན་ཏེ། དེ་དག་ཀྱང་ཀ༔ཐོག་པའི་ཆོས་བརྒྱུད་ལས་བྱུང་བ་ཡིན་ནོ། གྲུབ་དབང་རྫོགས་པ་ཆེན་པོའི་ལོ་རྒྱུས་བརྗོད་པ། བསིལ་ལྡན་གྱི་ཕེང་བས་དཀྲིགས་པའི་ལྗོངས་ཀྱི་བྲེ་བྲག་བོད་ཆེན་པོར་གྲགས་པའི་ནོར་འཛིན་གྱི་ཐིལ་ལེར་ངེས་དོན་རྫོགས་པ་ཆེན་པོའི་བསྟན་པ་དྲི་མ་མེད་པའི་ནོར་བུ་འཛིན་གྱི་ཐིག་ལེར་ངེས་དོན་རྫོགས་པ་ཆེན་པོའི་བསྟན་པ་དྲི་མ་མེད་པའིསྣང་བ་ཤིན་ཏུ་གསལ་བར་མཛད་ཅིང་བཤད་སྒྲུབ་ཀྱི་སྒོ་ནས་དར་ཞིང་རྒྱས་པར་མཛད་པའི་སྙིགས་དུས་ཀྱི་རྒྱལ་བ་གཉིས་པ་གྲུབ་དབང་རྫོགས་ཆེན་པ་ཆེན་པོའི་ལོ་རྒྱུས་ཅུང་ཟད་ཅིག་བརྗོད་པར་བྱའོ། དེ་ལ་ཡང་གཉིས་ཏེ། དང་པོ་ཆོས་བརྒྱུད་གང་ལས་བྱུང་བའི་ལོ་རྒྱུས་དང། དངོས་གཞི་གདན་རབས་ཀྱི་ཕྲེང་བ་རིམ་པར་བརྗོད་པ་གཉིས་ཀྱི། དང་པོ་ཆོས་རྒྱུད་གང་ལས་བྱུང་བའི་ལོ་རྒྱུས་ནི། གྲུབ་དབང་རིན་པོ་ཆེ་འདི་ཉིད་རྫོགས་ཆེན་སྦྱི་དང་ཁྱད་པར་མཁའ་འགྲོ་སྙིང་ཏིག་གི་བཀའ་བབས་ཅོས་ཀྱི་བདག་པོ་ཡིན་ཏེ། དེ་ཡང་རྫོགས་ཆེན་སྦྱིའི་ལོ་རྒྱུས་གོང་དུ་ཞིབ་རྒྱས་སུ་བརྗོད་པ་ལྟར་དང། བྱེ་བྲག་རྫོགས་ཆེན་མཁའ་འགྲོ་སྙིང་ཏིག་ནི་ཨོ་རྒྱན་ཆེན་པོས་ཡེ་ཤེས་མཚོ་རྒྱལ་སོགས་མཁའ་འགྲོའི་ཚོགས་འབུམ་ཕྲག་གཅིག་ལ་གཞུ་སྟོང་ཏི་སྒྲོར་སྩལ་བ། ལྷ་ལྕམ་པདྨ་གསལ་གྱི་ཆོས་སྐལ་དུ་དཱང་ལུང་ཁྲོ་མོ་བྲག་ཏུ་སྦས་པ་ལས་གཏེར་སྟོན་པདྨ་ལས་འབྲེལ་ཙལ་གྱིས་གཏེར་ནས་ཕྱུང་སྟེ་ཀུན་མཁྱེན་ཀློང་ཆེན་པས་དང་དར་རྒྱས་སུ་མཛད་པའི་རྒྱུན་མ་ཉམས་པར་(སྨད་ཆ།༤༡༢)བཞུགས་པ་ལས། ཀུན་མཁྱེན་ཆེན་པོ་གུ་རུ་ཡེ་ཤེས་རབ་འབྱམས་སོགས་གྲུབ་དབང་རིན་པོ་ཆེ་ཡན་གྱི་ལོ་རྒྱུས་གོང་དུ་རྫོགས་ཆེན་གྱི་ལོ་རྒྱུས་སྐབས་སུ་སྨོས་པ་ལས་ཤེས་པར་བྱའོ། གཉིས་པ་གདན་རབས་དངོས་བརྗོད་པ་ལ། གྲུབ་དབང་རྫོགས་ཆེན་པ་ཆེན་པོ་པདྨ་རིག་འཛིན་ཞེས་ཡོངས་སུ་གྲགས་པའི་གྲུབ་པའི་དབང་པོ་འདི་ཉིད་ངེས་པའི་དོན་དུ་སྔོན་བསྐལ་བ་དཔག་ཏུ་མེད་པའི་གོང་རོལ་ནས་བདག་ཅག་གི་སྟོན་པ་ཡང་དག་པ་རྫོགས་པའི་སངས་རྒྱན་ཤཱཀྱའི་རྒྱལ་པོ་འདི་ཉིད་ཀྱིས་གྲངས་མེད་གསུམ་དུ་དཀའ་བ་སྦྱད་པའི་དང་པོར་བྱང་ཆུབ་ཏུ་ཐུགས་བསྐྱེད་པ་ནས་གྲངས་མེད་གསུམ་གྱི་དང་པོའི་སངས་རྒྱས་ཤཱཀྱངའི་བདུན་ཁྲི་ལྔ་སྟོང་ཡོངས་སུ་མཉེས་པར་མཛད་པའི་རྗེས་ལ། སངས་རས་རིན་ཆེན་གཙུག་ཏོར་ཅན་ཞེས་བྱ་བ་ཞིག་འཇིག་རྟེན་དུ་བྱོན་ཏེ། རྒྱལ་བ་གཞན་ལས་ཀྱང་ཐུགས་བསྐྱེད་ཁྱད་པར་འཕགས་པས། སེམས་ཅན་ཐ་མ་དུད་འགྲོ་ལྟ་བུ་ཡང་འཆི་ཀ་མའི་རྣ་བར་མཚན་བསྒྲགས་པ་ཙམ་གྱིས་ཐུགས་རྗེའི་བསིལ་ཟེར་གྱིས་གནས་ངན་ལེན་པའི་ཆད་མེད་པའི་ཐུགས་རྗེའི་དཔལ་མངའ་བ་དེ་ཉིད་དུ་མངོན་པར་སངས་རྒྱས་སུ་ཟིན་པ་ཡིན་ཀྱང། ཇི་སྐད་དུ་མདོ་སྡེ་པདྨ་དཀར་པོ་ལས། བསྐལ་པ་བྱེ་སྟོང་བསམ་གྱིས་མི་ཁྱབ་པ། དེ་ཡི་ཚང་ནི་ནམ་ཡང་མེད་པ་ན། བསྐལ་པ་བྱེ་སྟོང་བསམ་གྱིས་མི་ཁྱབ་པ་། དེ་ཡི་ཚད་ནི་ནམ་ཡང་མེད་པ་ན། བསྐལ་པ་བྱེ་སྟོང་བསམ་གྱིས་མི་ཁྱབ་པ། དེ་ཡང་ཚད་ནི་རྟག་ཏུ་ཆོས་ཀྱང་རབ་འཆད་དོ། ཞེས་གསུངས་པ་དང་ཚུལ་མཐུན་པར། གདུལ་བྱའི་སེམས་ཅན་རྣམས་ཀྱི་དད་པའི་ཆུ་མཚོར་རྒྱལ་བའི་ཐུགས་རྗེའི་ཟླ་གཟུགས་འགོག་པ་མེད་པར་འཆར་བ་ཆོས་ཉིད་ཡིན་ཏེ། དེའི་ཕ་མཐའ་སུ་ཞིག་གིས་འཚོལ་བར་ནུས་ཏེ་(སྨད་ཆ།༤༡༣)རྒྱལ་བ་ཉིད་ཀྱི་སྦྱོད་ཡུལ་ལས་གཞན་དུ་མ་གྱུར་ཏེ། ལུགས་ཀྱི་བསྟན་བཅོས་ཤེས་རབ་སྡོང་བུ་ལས། ཐམས་ཅད་མཁྱེན་པའི་ཡོན་ཏན་ནི། ཐམས་ཅད་མཁྱེན་པ་ཉིད་ཀྱིས་མཁྱེན། ས་གཞི་ཡིས་ནི་ལྕིག་བའི་ཚད། མཐའ་ཡས་ཉིད་ཀྱིས་ཤེས་པ་ཡིན། ཞེས་གསུངས་པ་ལྟར་རོ། འོན་ཀྱང་ཐུབ་དབང་ཤཱཀྱའི་རྒྱལ་པོའི་བསྟན་པ་འདི་ཉིད་ལ་འཕགས་བོད་གཉིས་སུ་བསྟན་འགྲོའི་ལས་འགའ་ཙམ་ཞིག་རྗེ་ཉིད་ཀྱི་གསུང་ལས་བྱུང་བ་དང། ཁུངས་ཐུབ་ཀྱི་གཏེར་ལུང་སོགས་ལས་བྱུང་བ་སྒོ་བསྟུན་ཏེ་ཅུང་ཟད་བརྗོད་ན། རྒྱ་གར་འཕགས་པའི་ཡུལ་དུ་གྲུབ་ཐོབ་ཡོངས་ཀྱི་སྦྱི་གཅན་འཛིན་བཟང་པོ་ལས་རབ་ཏུ་བྱུང་ནས་མཚན་སར་ར་ཏ་སྟེ་མངའ་སྣུན་ཞབས་སུ་གྲགས། གྲུབ་ཐོབ་འདིའི་དུས་སྔགས་ཀྱི་རྒྱུད་སྡེ་ཕལ་ཆེར་ཀྱང་མི་ཡུལ་དུ་བྱུང་བར་གྲགས་སོ། གཞན་ཡང་ཨོ་རྒྱན་གྱི་རྒྱལ་པོ་ཨིནྟྲ་བྷུ་ཏི་སངས་རྒྱས་འཁོར་བཅས་ཀྱི་དཔལ་གསང་བ་འདུས་པའི་དཀྱིལ་འཁོར་དུ་སྨིན་པར་མཛད་པའི་ཚུལ་དང། རྣལ་འབྱོར་དབང་ཕྱུག་བི་རུ་ཞེས་ཆུ་བོ་གྱེན་ལ་ཟློག་ཅིང་ཉི་མ་བསྟོད་ལ་གནོན་ནུས་པའི་གྲུབ་ཐོབ་ཀྱི་རྒྱལ་པོ་དེ་དང། ལྷོ་ཕྱོགས་དུག་མཚོའི་གླིང་ན་དུག་མཚོའི་ཁ་ནོན་དུ་བཞུགས་པའི་གྲུབ་པའི་འཁོར་ལོས་བསྒྱུར་བ་ཀུ་ཀུན་རི་པ་དང། ཟག་མེད་འོད་གསལ་ཆེན་པོ་མངའ་དབང་འབྱོར་བའི་གྲུབ་ཆེན་ལ་བ་པ་དང། བརྟུལ་ཞུགས་སྦྱོད་པའི་རྣལ་འབྱོར་གྱི་དབང་ཕྱུག་ཆེན་པོ་ནག་པོ་སྦྱོད་པ་དང། ན་རོའི་སློབ་མ་རྣལ་འབྱོར་གྱི་དབང་ཕྱུག་(སྨད་ཆ།༤༡༤)ཕག་ཚང་པར་གྲགས་པའི་གྲབ་ཐོབ་པོ་དང། ཐེག་མཆོག་འོད་གསལ་རྫོགས་པ་ཆེན་པོའི་བསྟན་པའི་ཤིང་རྟ་ཆེན་པོ་པཎ་ཆེན་བི་མ་མི་ཏྲ་ལ་སོགས་དང། གངས་ཅན་བོད་ཀྱི་ལྗོངས་འདིར་བསྟན་པ་དང་སྔ་དར་གྱི་དུས་སུ་ཨོ་རྒྱན་སངས་རྒྱས་གཉིས་པའི་སྲས་ལང་གྲོ་ལོ་ཙཱ་དང། ལྷ་སྲིན་བྲན་དུ་ཁོལ་བའི་རླང་དཔལ་གྱི་སེང་གེ། རྒྱལ་བའི་བསྟན་པ་རིན་པོ་ཆེར་སྲིད་ཞུས་མཆོད་པ་ལ་གཞན་གྱི་སེང་གེ། རྒྱལ་བའི་བསྟན་པ་རིན་པོ་ཆེར་སྲིད་ཞུས་མཚོད་པ་ལ་གཞན་གྱི་འགྲན་བྱར་མ་གྱུར་པའི་མངའ་བདག་རྩད་པོ་ཁྲི་རལ་པ་ཅན་སོགས་དང། བསྟན་པ་ཕྱི་དར་གྱི་དུས་དཔལ་རྣལ་འབྱོར་གྱི་དབང་ཕྱུག་མི་ལ་བཞད་པའི་རྡོ་རྗེའི་ཐུགས་སྲས་ཡོངས་ཀྱི་གཙོ་བོ་རས་ཆུང་རྡོ་རྗེ་གྲགས་པ་དང། སྙན་རྒྱུད་ཀྱི་བསྲོལ་འཛིན་དན་རྫོང་སྟོན་པ་བོ་དྷི་རཱ་ཛ་དང། ཞཱ་ནག་ཅོད་ཕན་འཛིན་པ་ཡོངས་ཀྱི་ཐོག་མ་ཀརྨ་པ་དུས་གསུམ་མཁྱེན་པ་དང། གྲུབ་པའི་དབང་ཕྱུག་ཆེན་པོ་ཨོ་རྒྱན་པ་རིན་ཆེན་དཔལ་དང། ཕག་གྲུའི་ཐུགས་སྲས་གྲུབ་ཐོབ་ཆེན་པོ་གླིང་རས་པདྨ་རྡོ་རྗེ་དང། སྒྲུབ་བརྒྱུད་བསྟན་པའི་གསལ་བྱེད་ཐོབ་ཆེན་པོ་གླིང་རས་པདྨ་རྡོ་རྗེ་དང། སྒྲུབ་བརྒྱུད་བསྟན་པའི་གསལ་བྱེད་སྟག་ལུང་ཐང་བ་བཀྲ་ཤིས་དཔལ་དང། ལུང་རྟོགས་ཡོན་ཏན་རྨད་དུ་བྱུང་བའི་ཕྲིན་ལས་ཀྱིས་དཔུངས་པས་ཐུབ་བསྟན་རིན་པོ་ཆེའི་རྒྱལ་མཚན་སྲིད་རྩེར་བསྒྲེངས་བ་ལ་གཞན་གྱིས་འགྲན་བྱར་མ་གྱུར་པའི་ཀུན་མཁྱེན་རྩོང་ཁ་པ་ཆེན་པོ་བློ་བཟང་གྲགས་པ་སོགས་དང། བསྟན་པ་ཐམས་ཅད་ཀྱི་བཀའ་བབས་པའི་རྒྱུད་འཛིན་གྲུབ་ཆེན་མི་ཉག་པ་བློ་གྲོས་རིན་ཆེན་སོགས། མཁས་པའི་ཡོན་ཏན་གྱི་རྒྱ་མཚོ་བརྒལ་ཞིང་གྲུབ་པའི་ཉམས་རྟོགས་ཀྱི་གཏེར་ཁ་བརྟོལ་བའི་སྐྱེ་སྲིད་ཇི་སྙེད་ཅིག་བཞེས་ནས་གདུལ་བྱ་མང་པོ་གང་དང་གང་གིས་འདུལ་བར་གྱུར་པ་དང་དེའི་སྐུ་དང་ཕྲིན་ལས་ཀྱིས་ལེགས་པར་བརྟུལ་ནས་བླ་ན་མེད་པའི་(སྨད་ཆ།༤༡༥)བྱང་ཆུབ་ཆེན་པོར་གཞོལ་ཞིང་འབེབས་པར་མཛད་ཅིང། རྒྱལ་བའི་བསྟན་པ་རིན་པོ་ཆེ་འཛམ་གླིང་ཐ་གྲུ་ཡངས་པར་སྦེལ་ཞིང་དར་རྒྱས་སུ་མཛད་པ་སོགས་ལན་གཅིག་མ་ཡིན་པར་མཛད་དེ། དེ་ལྟ་བུའི་སྦྲུལ་པའི་ཟློས་གར་དེ་དག་ཀྱང། སྐྱེ་རྒྱུད་རིམ་ཅན་དུ་བྱོན་པ་མ་ཡིན་ཞིང། རྒྱལ་བའི་སྒྱུ་འཕྲུལ་གྱི་རོལ་བ་མཐའ་ཀླས་པའི་སྦྲུལ་པའི་ཚོ་འཕྲུལ་ཅི་ཡང་འཆར་བའི་ཚུལ་ཏེ། སངས་རྒྱས་ཕལ་པོ་ཆེའི་མདོ་ལས། ཇི་ལྟར་ཟླ་བ་ཤར་གྱུར་པ། ཚད་མེད་པ་ཡི་གཟུགས་བརྙན་རྣམས། ཆུ་ཡི་སྣོད་དུ་སྣང་གྱུར་ཀྱང། ཟླ་བ་གཉིས་སུ་གྱུར་པ་མེད། སངས་རྒྱས་ལ་ནི་སམ་གསུམ་དུ་མེད། ཇི་ལྟར་སེམས་ཅན་བསམ་པ་བཞིན། ཚད་མེད་པ་ནི་རབ་ཏུ་སྣང། སྐུ་ནི་འདས་པ་མ་ཡིན་ཏེ། མ་འོངས་པ་ཡང་སྐུ་མ་ཡིན། ཞེས་དང། རྒྱུད་བླ་མའི་སྐབས་བཞི་པ་ལས། གངས་ཕྱིར་གདུལ་བྱ་དག་པ་ཡིས། ཆུ་ཡི་སྣོད་ནི་ཐམས་ཅད་ལ། བདེ་གཤེགས་ཉི་མའི་གཟུགས་བརྙན་ནི། དཔག་ཏུ་མེད་པ་གཅིག་ཅར་འཆར། ཞེས་དང། པཎ་ཆེན་བི་མ་ལ་མི་ཏྲས་མཛད་པའི་རྩ་རྒྱུད་གསང་བ་སྙིང་པོའི་འགྲེལ་ཆུང་ལས། དཔེན་ན་བར་སྣང་ཟླ་བ་གཅིག་ཤར་བ་། འཛམ་གླིང་ཆུ་རྣམས་ཀུན་ཏུ་ཆུ་ཟླ་སྣང། ཆུ་གཅིག་ནང་གི་ནམ་མཁའི་ཟླ་བ་ཡང། འགྲོ་བ་སོ་སོ་རང་གི་མདུན་དུ་སྣང། དེ་བཞིན་སྦྲུལ་སྐུ་གཅིག་ལ་གླིང་རྣམས་སྣང། གླིང་རྣམས་གཅིག་ལ་འགྲོ་བ་དྲུག་ཏུ་སྣང། ཐ་དད་དེ་ཀུན་སྦྲུལ་པ་གཅིག་ཏུ་གྲགས། དེ་འདྲའི་སྟོང་གསུམ་མཐའ་ཡས་མུ་མེད་ན། དེ་འདྲའི་སྦྲུལ་སྐུ་རེ་རེས་འགྲོ་དོན་མཛད། ཅེས་གདུལ་བྱང་གང་(སྨད་ཆ།༤༡༦)འདུལ་གྱི་སྣང་ངོར་འདུལ་བྱེད་སྦྲུལ་པའི་ཟློས་གར་ཀྱང་དེ་དག་རང་སྣང་དང་འཚམས་པར་འཆར་བ་ཚུལ་དེ་ལྟ་བ་ལས། པཎ་ཆེན་བི་མ་མི་ཏྲ་ཉིད་ལོ་བརྒྱ་རེའི་འཚམས་ན་སྦྲུལ་པ་རེ་བྱུང་ནས་རྫོགས་པ་ཆེན་པོའི་བསྟན་པ་སྦེལ་བར་གསུངས་པ་བཞིན་སླར་ཡང་ངེས་དོན་སྙིང་པོའི་བསྟན་པ་མེ་རོ་གསོ་ཞིང་ལྟ་གྲུབ་རྣམ་པར་དག་པའི་རིང་ལུགས་གཞིར་བཞེད་པའི་ཆེད་དུ། ངོ་མཚར་སྦྲུལ་པའི་ཟློས་གར་བསྒྱུར་བ་ནི། གྲུབ་པའི་དབང་ཕྱུག་ཆེན་པོ་པདྨ་རིག་འཛིན་ཞེས་མཚན་ཉི་ཟླ་ལྟར་ཡོངས་སུ་གྲགས་པ་འདི་ཉིད་ཡིན་ཏེ། རིག་འཛིན་ཞེས་མཚན་ཉི་མ་གྲགས་པའི་གཏེར་ལུང་ལས། ཡོན་ཏན་རིག་འཛིན་བི་མ་ལ། ཤར་ཕྱོགས་མདོ་ཁམས་ཡུལ་ནས་འབྱུང༔ པདྨའི་མིང་ཅན་བརྟུལ་ཞུགས་ཅན༔ བརླ་གཡས་སྨེ་བ་སྦྱན་འདྲས་མཚན༔ ཞེས་སོགས་གཏེར་ཁ་མང་པོ་ནས་ལུང་གི་གསལ་བར་བསྟན་པའི་རྣལ་འབྱོར་གྱི་དབང་ཕྱུག་མཁས་པ་དང་གྲུབ་པའི་འཁོར་ལོས་བསྒྱུར་བ་ཆེན་པོ་འདི་ཉིད་འཁྲུངས་པའི་ཡུལ་ནི། བོད་ཆེན་པོའི་རྒྱལ་ཁམས་ལྷོ་ཕྱོགས་ནོར་འཛིན་གྱི་ཐིག་ལེ་དངུལ་རྫ་ཟལ་མོའི་སྒང་དུ་གཏོགས་པ། ཁམས་རི་བོ་ཆེའི་ཕྱོགས་སུ། ནཻ་པ་ལའི་བཟོ་རིག་མཁས་པའི་ཡང་རྩེར་སོན་པ་བལ་པོ་བཀྲ་ཤིས་བྱ་བའི་སྲས་སུ་ཤིང་མོ་གླང་གི་ལོ་ལ་སྐུ་འཁྲུངས་ཤིང། སྐུ་ཆུང་ངུའི་ཚེ་ཡབ་ཉིད་རྒྱལ་བ་འཕགས་པ་ལྷའི་གདན་ས་དཔལ་ཆབ་མདོ་བྱམས་པ་གླིང་དུ་འཕྲུལ་ཆེན་གར་གྱི་རོལ་རྩེད་ལས་ངོ་མཚར་མིག་གི་བདུད་རྩིར་བསྐྲུན་པའི་བྱེད་པོར་བགྲང་བྱ་མང་ཙམ་བསྡད་པར། ཡབ་དང་ལྷན་ཅིག་པར་སྟན་ཆགས་པ་ལ། ཆུང་ངུའི་དུས་ནས་བསྟན་ལ་མོས་པའི་བག་ཆགས་བཟང་པོས་རབ་བྱུང་གི་ཆ་ལུགས་མ་འདས་ཤིང། དགུང་ལོ་བཅུ་(སྨད་ཆ།༤༡༧)བཞེས་པ་ནས་ཡིག་ཀློག་ལེགས་པར་སྦྱངས། དེ་ལས་མི་རིང་བར་འཇིག་རྟེན་དབང་ཕྱུག་རྒྱལ་བ་ཀརྨ་པ་པདྨ་རཱ་གའི་རྩོད་པན་འཆང་བ་ཞཱ་དམར་ཆོས་ཀྱི་དབང་ཕྱུག་གི་གསུང་གི་སྲས་མཆོག་ཀརྨ་ཆགས་མེད་ཀྱི་ཞབས་པད་བསྟེན་ཏེ། བཀའ་གཏེར་ཆོས་ཚུལ་རྒྱ་མཚོར་གསན་བསམ་མཐར་ཕྱིན་པར་མཛད་ཅིང། ཁྱད་པར་ཉམས་ཁྲིད་སྐྱོང་བའི་ཚེ། གནས་དབེན་པར་རྩེ་གཅིག་ཏུ་བསྒོམས་པས་ཞག་ཉེར་གཅིག་ནས་འོད་གསལ་ཉིན་མཚན་འཁོར་ཡུག་འདྲེས་པ་དང། བདེ་གསལ་མི་རྟོག་པའི་ཉམས་བཟང་པོ་རྩོལ་མེད་དུ་སྐྱེ་བར་བྱུང་ཞིང། སླར་ཡང་བླ་མ་མཆོག་གི་དྲུང་དུ་བཞུགས་ནས། རརྣའི་བླ་མ་ཞི་དྲག་དང་ཕུར་པ། ཉང་གི་རྟ་ནག། ཀརྨ་གླིང་པའི་ཞི་ཁྲོ་སོགས་གཏེར་མའི་ཕྲིན་སྒྲུབ་ཕལ་ཆེར་གྱི་དབང་ལུང་གསན། དེའི་ཚེ་ཆགས་མེད་རིན་པོ་ཆེ་ཉིད་ལའང་ཐུགས་དམ་གྱི་བོགས་པར་ཐོན་པར་བྱུང་སྟེ། རྟོགས་ལྡན་པདྨ་རིག་འཛིན་ལ། ལུང་ནི་མང་ཞིག་བྱས་པའི་ཚེ། སེམས་ངོ་ལ་ཡང་བོགས་ཐོན་ཅིང། ལུང་དང་འདྲེས་ནས་འགྲོ་བ་བྱུང། ཞེས་གསུངས་སོ། འདི་སྐབས་ཡི་དམ་ཐུགས་རྗེ་ཆེན་པོ་དང། སློབ་དཔོན་རིན་པོ་ཆེ་གཉིས་གང་བྱེད་བླ་མ་ལ་བརྟག་པ་ཞུས་ཤིང། རྗེ་ཉིད་ཀྱིས་ཀྱང་མཚན་ལམ་བརྟག་པས་ཨོ་རྒྱན་གྱི་པར་སྐུ་ཞིག་སྟོན་བྱུང་བས་ཨོ་རྒྱན་སྒྲུབ་ན་ལེགསཔ་དགོངས་པ་དང་ཚགས་མེ་རིན་པོ་ཆེས་ཐུགས་དམ་བརྟག་པར་ཡང་ཨོ་རྒྱན་ཉིབསྒྲབས་ན་ལེགས་ཚུལ་བྱུང་བ་བཞིན། ཐུགས་དམ་ཀྱི་མཐིལ་བརྣའི་ཐུགས་སྒྲུབ་ཞི་བ་ལ་རྩལ་བཏོན། བསྙེན་སྒྲུབ་མཛད་པས་མཆོད་རྟེན་བརྩེགས་པའི་རྩེར་ཕྱིན་པ་དང། ཨོ་རྒྱན་རིན་པོ་ཡིད་ཡུལ་དུ་མཛལ་བར་བྱུང་གསུངས། བསྙེན་གྲངས་ས་ཡ་གཉིས་ལྷག་(སྨད་ཆ།༤༡༨)འཇའ་ཚོན་སྦྱི་འདུས་ཀྱི་བསྙེན་གྲངས་ས་ཡ་གཅིག། བྱེ་བ་གཉིས། བདུན་འབུམ་ཉིས་ཁྲི། གཞན་ཡང་སྐབས་སུ་རྩ་རླུང་གཏུམ་མོ་མུན་པའི་རྣལ་འབྱོར་སོགས་ཡུན་རིང་དུ་ལན་མང་པོར་ཡང་སྐྱུར་དུ་སྦྱངས། བསྐྱེ་རྫོགས་རྩ་རླུང་གི་སྐོར་གདམས་པའི་ཞུན་ཐར་བཅད་ནས་གནད་སྨིན་དུ་མཛད་པས། དུ་བ་ལ་སོགས་པའི་རྟགས་རྣམས་མངོན་གྱུར་ཞིང། ཉིན་ཞག་དྲུག་རེ་ལ་རླུང་རྒྱུ་བ་གཉིས་རེས་ཆོག་པའང་ལན་འགའ་བྱུང་གསུངས། གཞན་ཡང་དེ་དག་གི་ཆེ་དངོས་ཉམས་རྨིན་ལམ་དུ་སངས་རྒྱས་དང་བྱང་ཆུབ་སེམས་དཔའི་རྣམས་དང་དཔའ་བོ་དང་རྣལ་འབྱོར་མའི་ཚོགས་ཐམས་ད་མཇལ་བ་ལུང་བསྟན་ཐོབ་པ་སོགས་ནི་ཤིན་ཏུ་རྒྱས་ཕྱིར་འདིར་སྨོས་མ་ནུས་སོ། དེ་དག་ཚེ་དངོས་ཉམས་རྨི་ལམ་དུ་སངས་རྒྱས་དང་བྱང་ཆུབ་སེམས་དཔའི་རྣམས་དང་དཔའ་བོ་དང་རྣལ་འབྱོར་མའི་ཚོགས་ཐམས་ཅད་མཇལ་བ་དང་ལུང་བསྟན་ཐོབ་པ་སོགས་ནི་ཤིན་ཏུ་རྒྱས་ཕྱིར་འདིར་སྨོས་མ་ནུས་སོ། དེ་ལྟར་ཡང་ཉིད་ཀྱི་གསུང་མགུར་དྲིས་ལན་དྲང་སྲོང་དགྱེས་པའི་གླུ་དབྱངས་སུ། སྐྱེས་པ་ངོ་ཙམ་ནས་ཡི་གེ་བསླབས། ཆུང་ནས་རབ་བྱུང་ཆ་ལུགས་བྱས། མཚན་ལྡན་བླ་མ་དམ་པ་བསྟེན། བརྩེ་བའི་ཐུགས་ཀྱིས་བུ་བཞིན་བསྐྱངས། དབང་ལུང་གདམས་པ་དཔག་མེད་ཞུས། ཞེས་པ་ལྟར་རོ། དེ་ལྟ་དགུང་ལོ་ཉེར་གསུམ་ནས་ཉེར་དགུའི་བར་སྟན་ཐོག་གཅིག་ཏུ་རིམ་གཉིས་ཟབ་མོའི་རྣལ་འབྱོར་ལ་བརྟེན་པ་མ་ཐོབ་བར་ཉམས་བཞེས་རྩེ་གཅིག་ཏུ་མཛད། འདི་དུས་ཆགས་མེད་རིན་པོ་ཆེས་གནམ་ཆོས་མ་གསན་ཡན་ལ་རྫོགས་ཆེན་མི་འཆད་པས། རྗེ་འདིས་སྦྱིར་རྙིང་མ་དང་ཁྱད་པར་རྫོགས་ཆེན་ལ་ཐུགས་ཀྱི་བག་ཆགས་སད་པའི་སྟོབས་ཀྱིས། དགུང་ལོ་ཉེར་དགུ་བཞེས་དུས་ལྷོ་ཕྱོགས་ཀྱི་སྐྱེས་ཆེན་འགའ་ཞིག་མཇལ་བ་དང་རྫོགས་ཆེན་གྱི་ཉམས་ཁྲིད་སོགས་གསན་པར་དགོངས་ནས། ༤༡༩)བླ་མ་མཆོག་ལ་བཀའ་གྲོས་ཞུས་པས། བླ་མ་ཉིད་ཀྱིས་ཀྱང་དེ་བཞིན་ཤིན་ཏུ་ལེགས་ཚུལ་དང་བཅས་མེད་དུ་བསྐུལ་བའང་མཛད་པས། བྱ་བཏང་གི་ཚུལ་གྱིས་སྦོ་བོའི་ཕྱོགས་སུ་ཕེབས་པས། ཆགས་མེད་ཉིད་ཀྱང་དགྱེས་ཏེ། འདི་སྐབས་པདྨ་རིག་འཛིན་གྱིས། ཚེ་འདི་བློས་བཏང་བྱ་བཏང་བྱས། དེ་ཡིས་འགྲོ་དོན་རྟེན་འབྲེལ་འགྲིགས། ཞེས་རྣམ་པར་ཐར་དུ་གསུངས་འདུག་པ་དང། དེ་སྐབས་ཆགས་མེད་རིན་པོ་ཆེ་ལ་བླ་མ་ཀརྨ་དགེ་ལེགས་ཀྱིས་ཞུ་ལན་དུ། བསྔགས་བརྗོད་འདི་ལྟར་སྩལ་འདུག་སྟེ། ན་མོ་གུ་རུ་ཡེ། ཁྱེད་བླ་མ་ཀརྨ་དགེ་ལེགས་ཀྱིས། ཁོང་བལ་པོ་རྟོགས་ལྡན་དྲིས་པའི་ལན། རྗེ་མཁས་པ་ནཱ་རོ་པཎ་ཆེན་དེས། ཁོང་སྒྲ་བསྒྱུར་མར་པ་ལོ་ཙཱ་ལ། བུ་སེང་གེ་ཁྱུག་གི་ཕྱུ་གུ་བཞིན། སློབ་མ་བས་ཀྱང་ཡང་སློབ་བཟང། ཞེས་གསུངས་ནས་ལུང་བསྟན་བསྔགས་པ་མཛད། རྗེ་རྨོག་ཅོག་རིན་ཆེན་བཙོན་འགྲུས་པས། ཁོང་གྲུབ་ཐོབ་སྐྱེར་པ་སྒང་པ་ལ། ཉམས་རྟོགས་པ་ང་བས་ཁྱོད་རང་བཟང། བ་ལ་མཛོད་སྐྱེས་ཡིན་ནོ་གསུངས། དཔེ་དེ་བཞིན་བལ་པོ་རྟོགས་ལྡན་པ། ཕ་ང་བས་ཉམས་རྟོགས་བུ་དེ་བཟང། ངེད་ཕ་གླ་བུ་མཛོ་ཡིན། མི་ང་བས་བུ་དགའ་བལ་པོ་དེ། སེམས་ངེས་འབྱུང་སྐྱོ་ཤས་རང་དབང་མེད། ཚེ་འདི་ཡི་བྱ་བས་མི་འགྱུར། ཟས་འདོད་ཡོན་ཞེས་པ་གཏིང་ནས་ལོག། ཟས་དཀའ་ཐུབ་བཅུ་ལེན་སྙིང་ལ་འཆང། ཚེ་འདི་ཡི་སྙན་གྲགས་འདོད་པ་མེད། ལུས་བཙུན་ཚུགས་མི་འཛིན་སྨྱོ་སྦྱོད་བྱེད། ཆོས་ལུས་ངག་དགེ་སྦྱོར་ཞེ་མི་ཚིམ། གནད་རྩ་རླུང་ཐིག་ལེ་སྙིང་(སྨད་ཆ།༤༢༠)ལ་འཆང། སྒོམ་རྩེ་གཅིག་ཙམ་གྱིས་ཞེ་མི་ཚིམ། དོན་རོ་གཅིག་ཆེན་པོ་སྙིང་ལ་འཆང། ཉམས་བཟང་དུད་དཔའ་སྐད་ཞེ་མི་ཚིམ། རྐྱེན་དྲག་པོར་བསྲེ་བ་སྙིང་ལ་འཆང། ཆོས་རྩོམ་ཆོས་པོད་གཞུངས་ཞེས་མི་ཚིམ། དོན་གཏེར་ཆེན་སེལ་མེད་སྙིང་ལ་འཆང། འཕྲལ་གྲོང་ཆོག་འགྲོ་དོན་ཞེ་མི་ཚིག། ཚེ་སློས་བཏང་སློབ་མ་སྙིང་ལ་འཆང། ལུས་སོས་དལ་མཚམས་སྒྲུབ་ཞེ་མི་ཚིམ། དོན་བཙོན་འགྲུས་དྲག་པོ་སྙིང་ལ་འཆང། རྟགས་དག་སྣང་ཕྲན་བུས་ཞེ་མི་ཚིམ། དོན་ཡི་དམ་དངོས་མཇལ་སྙིང་ལ་འཆང། ལུས་འདུལ་ཁྲིམས་མཛེས་ཆོས་ཞེ་མི་ཚིམ། སྔགས་གྲུབ་ཆེན་སྦྱོད་པ་སྙིང་ལ་འཆང། གནས་གྲོང་ལྟག་རི་ཁྲོད་ཞ་མི་ཚིམ། གནས་མི་མེད་ལུང་སྟོང་སྙིང་ལ་འཆང། དོན་ལྟ་བ་ནམ་མཁའ་གཡའ་དག་འདྲ། སེམས་སྒོམ་པ་ཆུ་བོའི་རྒྱུན་དང་འདྲ། ལུས་སྦྱོད་པ་ངེས་མེད་སྨྱོན་པ་འདྲ། ཉམས་རྨི་ལམ་ཞལ་གཟིགས་འཇའ་ལྟར་བཀྲ། ངག་ངོ་སྲུང་མི་ཤེས་ཏོལ་ཚིག་སྨྲ། ནོར་གསོག་འཇོག་མི་ཤེས་ཅི་དགར་གཏོར། གནས་གཅིག་ཏུ་མི་སྡོང་རླུང་ལྟར་འཕྱོ། མི་ང་ལ་མངོན་ཤེས་མ་མཆིས་ཀྱང། རྟགས་དེ་ཚོའི་དོན་ལ་རྗེས་དཔག་ན། ཁོང་ལས་ཅན་སྐྱེས་སུ་ཅིག་ཡིན་ངོ་ཤེས། ངེས་མེད་སྦྲུལ་པ་གཅིག་ཡིན་ངོ་ཤེས། ཚེ་སྲོག་ལ་བར་ཆད་མ་བྱུང་ན། འབྲེལ་ཚད་དོན་ལྡན་ཞིག་འོང་ངོ་ཤེས། རྗེ་པད་འབྱུང་གི་བསྟན་པ་ཕན་ངོ་ཤེས། རྒྱ་ཆེན་གྱི་འགྲོ་དོན་ཅིག་འགྲུབ་བམ་སེམས། དོན་དེ་ཚོ་བལ་པོའི་སྦྱོད་འགྲོས་ལགས། ཞེས་ཆེད་དུ་བསྔགས་པ་བརྗོད་པའི་གསུངས་གི་རོལ་མོ་ངོ་མཚར་ཆེ་བ་དག་སྩལ་ཞིང་ཐུགས་ཤིན་ཏུ་དགྱེས་པར་མཛད་དོ་། ༤༢༡)སྦོ་བོར་གཏེར་སྟོན་རིན་པོ་ཆེ་བདུད་འདུལ་རྡོ་རྗེ་མཇལ་བས། གཏེར་ཆེན་དེ་ཉིད་ཀྱིས། གཏེར་ལུང་ལས། རླང་ཡང་དཔལ་སྦྲུལ་པ་རི་བོའི་ཕྱོགས་ནས་འབྱུང། པདྨའི་མིང་ཅན་བྲང་ལ་སྨེ་བས་བརྒྱན། ཆོས་འདི་ཉམས་བླངས་འགྲོ་དོན་བསྟན་པ་འཕེལ། ཞེས་པ་དམ་ཆོས་སྦྲུལ་སྐུ་སྙིང་ཏི་གི་ཐེམ་མིང་སྐོར་གྱི་ཆོས་བདག་ཡིན་པར་ངོས་མཛད་ཅིང་ལུང་བསྟན་གྱིས་དབུགས་དབྱུང། དབང་ལུང་གཏད་རྒྱ་དང་བཅས་པའི་བསྔགས་བརྗོད་རྒྱ་ཆེ་བའི་སྒོ་ནས་ཆོས་ཀྱི་བདག་པོར་མངའ་གསོལ། དེ་སྐབས་འཇའ་ཚོན་པའི་སློབ་མ་ཀུན་མཁྱེན་པ་ལས་ཀྱང་རྟ་ཕག་སོགས་དབང་ལུང་ཞུས། ཡང་དེ་སྐབས་སྦས་པའི་རྣལ་འབྱོར་ཚུལ་ཁྲིུམས་བསྟན་འཛིན་ཞེས་བྱ་བས་ཀྱང། བརྟུལ་བཞུགས་སྦྱོད་པ་བི་རུ་པ་དང། ན་རོའི་སློབ་མ་ཕག་ཚང་པ་སོགས་ཡིན་ཚུལ་དང་བཅས་མཁའ་འགྲོའི་ལུང་བསྟན་དང་མཐུན་པར་སྐྱེས་ཆེན་དམ་པར་དབུགས་དབྱུང་གཟེངས་བསྟོད་མཛད། གཞན་ཡང་སྦས་པའི་རྣལ་འབྱོར་སྐལ་ལྡན་སྙིང་པོའི་མཚན་ཅན་གྱིས་ཀྱང། གླིང་རྗེ་རས་པའི་རྣམ་འཕྲུལ་མི་ཉག་བློ་གྲོས་རིན་ཆེན་གྱི་སྐྱེ་བ་ཡིན་ཚུལ་སོགས་བསྔགས་པ་རྒྱ་ཆེན་མཛད། འདི་སྐབས་རིག་འཛིན་འཇའ་ཚོན་སྙིང་པོས་ཡེ་ཤེས་ཀྱི་སྐུའི་རྗེས་སུ་བཟུང་པའི་དག་སྣང་གསལ་པོར་ཤར་ནས་བྱིན་གྱིས་བརླབས་པར་མཛད། དེ་ནས་རྫོགས་ཆེན་བསོད་ནམས་དབང་པོའི་དངོས་སློབ་རྦ་ཁ་སྦྲུལ་སྐུ་རིག་འཛིན་ཆོས་ཀྱི་རྒྱ་མཚོ་ཞེས་རྫོགས་ཆེན་སྙིང་ཏོག་གོ་བསྟན་པའི་བདག་པོ་ཡོངས་གྲགས་ཀྱི་གྲུབ་ཐོབ་ཆེན་པོ་དེ་ཉིད་ཀྱི་ཞབས་རྡུལ་སྦྱི་བོ་བླངས་ཏེ་མཉེས་པ་གསུམ་གྱི་གུས་པས་བཏུད་ནས། ཟབ་ལམ་མཁའ་འགྲོ་སྙིང་ཏིག་གི་དབང་ལུང་ཀ་དག་ལྷུན་གྲུབ་ཀྱི་གདམས་ཁྲིད་(སྨད་ཆ།༤༢༢)སྨིན་རྒྱས་སུགསན་ནས། སྐུ་རྩ་དེར་ཡུན་རིང་པོར་བཅད་རྒྱ་བྱས་ནས་བསྒོམས་པས་འོད་གསལ་རྡོ་རྗེ་སྙིང་པོའི་གནས་ལུགས་ཇི་བཞིན་པ་གཟིགས། ཀུན་བཟང་དགོངས་པའི་རྒྱལ་སྲིད་ལ་དབང་འབྱོར། ཁྱད་པར་ཐོད་རྒལ་གྱི་ཚེ། ཆོས་ཉིད་མངོན་སུམ་གྱི་སྣང་བའི་འཆར་སྒོར་ཐིག་ལེ་སྟོངས་པའི་སྒྲོན་མ་མུ་ཁྱུད་ཅན་གཉིས་ཀྱི་གཅིག་ཏུ་རྡོ་རྗེ་སེམས་དཔའ་འགྱིང་བག་རྒྱས་ཆས་དང་བཅས་པ་ཚུལ་བཞིན་དང། ཅིག་ཤོས་སུ་འཕགས་པ་ནམ་མཁའི་རྒྱལ་པོ་བཀྲ་ལམ་གྱིས་གསལ་བར་གཟིགས། བླ་མ་མཆོག་གོས་སྐུ་ཚེའི་བརྟག་པ་བསྐུལ་བར་དཔལ་མགོན་མ་ནི་གིས་སྒྲིབ་མེད་དུ་ལུང་བསྟན། ཡེ་ཤེས་ཀྱི་ཌཱཀི་ནཱི་རྒྱན་དང་ལྡན་པ་གཅིག་གིས་ལྡེ་མིག་ཅིག་གཏད་ནས། བླ་མའི་གཉེར་པ་དགོས་ཚུལ་གྱིས་བརྡ་ཐབས་སྐྱི་སྒོ་ནས་སྙིང་ཏིག་གི་བསྟན་པ་གཏད་པའི་ཐུགས་སྲས་སུ་མཁའ་འགྲོའི་གནང་བ་བྱིན། དེ་ནས་བཟུང་སྟེ་རྫོགས་ཆེན་པ་ཞེས་ཆོས་ཀྱི་མིང་གང་ཟག་ལ་བྱུང་བའང་གྲགས་པ་དོན་དང་ལྡན་པ་ཡིན་ནོ། སྦུ་བོའི་ཕྱོགས་སུ་ལོ་ངོ་གསུམ་ཙམ་བཞུགས་ནས་སླར་ཚུར་ཕེབས་པས་ཆགས་མེད་རིན་པོ་ཆེའང་ཐུགས་དགྱེས་རྩེར་སོན་ཞིང་བདུད་འདུལ་པའི་གཏེར་གསར་སྐོར་གྱི་དབང་ལུང་ཀྱང་གསན་པ་ཡིན་འདུག་སྟེ། ཆགས་མེད་རྣམ་ཐར་དུ། སྦྲུལ་ལོར་པདྨ་རིག་འཛིན་འགྲོ་དོན་ལ། བྱོན་སོང་འགྲོ་དོན་རྒྱ་ཆེན་འགྲུབ་འདུག་ཅིང། གཏེར་སྟོན་མཇལ་ནས་གཏེར་གསར་མང་དུ་ཐོབ། ལས་ཅན་ཆོས་བདག་ཡིན་པར་མངའ་གསོལ་ནས། ཟང་ཟིང་འབུལ་བ་བཅས་ཏེ་ལུག་ལོར་སླེབས། མཚམས་ཀྱི་ཁུང་དུ་གཏེར་ཆོས་གསན་པའང་ཞུས། དེ་དག་རྣམས་ཀྱིས་བསྙེན་སྒྲུབ་ཐེབས་པར་བྱས། ཞེས་གསུངས་འདུག་གོ། དེ་སྐབས་གཏེར་སྟོན་མི་འགྱུར་རྡོ་རྗེའི་(སྨད་ཆ།༤༢༣)གནས་ཆོས་ཐོག་མར་བཀའ་རྒྱ་གྲོལ་སྐབས་ཡིན་པས། ཆགས་མེད་རིན་པོ་ཆེ། གྲུབ་དབང་དམ་པ། བླ་མ་ཕྲིན་ལས་གསུམ་ལ་ཆོས་སྒོ་ཕྱེ་ནས་སྨིན་གྲོལ་གྱི་བདུད་རྩི་སྩལ་བ་བཞེས་པས་ཆོས་བདག་ཏུ་མངའ་གསོལ། ཆགས་མེད་རིན་པོ་ཆེས་ཀྱང་རྡོ་རྗེའི་རྒྱལ་ཚབ་ཏུ་དབང་བསྐུར་ནས་ཟབ་ཁྲིད་ཀྱང་བགྱིད་དུ་སྩལ། དེ་ནས་མི་རིང་བར་ཆགས་མེད་རིན་པོ་ཆེའང་སྐུ་མཚམས་ལས་བཞེངས་ནས་ཕྱོགས་བྲལ་གྱི་གདུལ་བྱ་སྐྱོང་བར་ཕྱོགས་མཐའ་ངེས་མེད་དུ་ཕེབས་པར་བཞེད་པས། རྗེ་འདི་ཡང་དགུང་ལོ་སོ་དགུ་བཞེས་པ་ཆུ་ཡོས་ཀྱི་ལོར་དབུས་ཕྱོགས་སུ་ཞབས་པད་བསྐྱོད་པར་མཛད་པས་ལམ་བར་དུ་འཁོད་པའི་འགྲོ་བ་མཆོག་དམན་ཐམས་ཅད་གྲགས་སྙན་ཆོས་སྦྱིན་སོགས་ཀྱང་དཔག་མེད་སྩལ། འདི་དུས་ཐུགས་སྲས་ཀྱི་ཐུ་བོ་གཏེར་ཆེན་ཉི་གྲགས་ཀྱང་ཞབས་ཕྱིར་འབྱོར་པས་གཙུག་ཕུད་བཞེས། འདི་སྐབས་དབུས་སུ་ཕེབས་ཞོར་ལ་ནང་ཆེན་ཕྱོགས་དང་སྒྱོག་ཆེན་གདོང་ར་སོགས་བར་ཁམས་ཀྱི་གནས་རིང་དང་གཉན་ཁྲོད་འགའ་ཞིག་ལ་ཐུགས་དམ་གྱི་བོགས་འདོན་དུ་གཉན་ས་གཙོད་ཕྱིར་རི་འགྲིམས་ཀྱང་མཛད། དེ་དུས་ཆགས་མེད་རིན་པོ་ཆེ་ནང་ཆེན་རྒྱལ་པོས་གདན་དྲངས་པ་དང་མཇལ་ནས་གཞི་ལེན་ཀྱང་མཛད་དེ། ཆགས་མེད་རིན་པོ་ཆེའི་རྣམ་ཐར་དུ། དེ་ནས་དབྲེ་ཁྲ་བྲག་ཏུ་ཕྱིན་པ་ཡི། པདྨ་རིག་འཛིན་གཞི་ལེན་སྟོན་མོ་དང། ནང་ཆེན་པ་ཡི་ཁྲིད་ཀྱི་གཞི་བཏིངས་ནས། ཞི་ཁྲོ་དབང་ཁྲིད་ཕྱག་ཆེན་ཉུང་ཆོས་སྦྲེལ། ཁྲོམ་ཚོགས་ཀྱང་ནི་ཤིན་ཏུ་ཆེ་བ་དང། དེར་འགྲོ་རན་ཀྱང་ཆོས་རའི་ཚེ་ལ་བསྡད། ཅེས་གསུངས་པར་སྣང་ངོ། གཏེར་སྟོན་བདུད་འདུལ་རྡོ་རྗེ་(སྨད་ཆ།༤༢༤)ནང་ཆེན་ཕྱོགས་སུ་ཕེབས་པས་ཡིས་ཕྱག་ཏུ་མཇལ་འཕྲད་མཛད། དེ་ནས་རིམ་པར་འབྲུག་ལོར་དབུས་སུ་རིམ་གྱིས་ཕེབས་ཏེ། ར་སྒྲེང་དང་སྟག་ལུང་རྣམས་སུ་གནས་གཟིགས་དང་སྙན་ཤལ་མང་འགྱེད་སོགས་མཛད། དེ་ནས་ལྷ་ལྡན་སྦྲུལ་པའི་ཞིང་ཁམས་ཆེན་པོར་ཕེབས་ཏེ་ཛོ་ཤཱཀ་རྣམ་གཉིས་དྲུང་དུ་སྙན་ཤལ་གསེར་ཆབ། མཆོད་འབུལ་སོགས་རྒྱ་ཆེན་དང་བསྟན་འགྲོའི་དོན་དུ་དགོངས་པའི་སྨོན་ལམ་སོགས་གནད་སྨིན་མཛད། གངས་ཅན་བསྟན་པ་ཡོངས་ཀྱི་བདག་པོ་རྒྱལ་བ་ཐམས་ཅད་མཁྱེན་པ་ངག་དབང་བློ་བཟང་རྒྱ་མཚོ་དྲུང་དུ། རྟ་དང་ཁྲབ་ཀྱི་གཙོས་པའི་སྔ་ཕྱིར་འབུལ་མཚོན་རྒྱ་ཆེར་ཕུལ། སྟོད་ལུང་མཚུར་ཕུ། འུ་ཤང་རྡོའི་ལྷ་ཁང། བོད་ཀྱི་གནས་ཆེན་རི་བོ་ཙེ་ལྔ། སྒྲག་ཡང་རྫོངས། རྡོ་རྗེ་བྲག་རྣམས་སུ་གནས་གཟིགས་དང་ཕྱག་མཆོད་སྙན་ཤལ་བླ་མ་རྣམས་ལ་འབུལ་བ་གྲ་ཚང་སོ་སོར་མང་འགྱེད་སོགས་ཀྱང་གང་རྒྱས་མཛད། བསམ་ཡས་ཞིག་གསོས་ཐིབས་སུ་རྟ་དགུ། ནོར་ནག་དྲུག་ཅུ་ཐམ་པ་གཞན་ཡང་དངོས་རྫས་མང་པོ་དང་བཅས་ཁྱོན་རྣམ་གྲངས་བརྒྱ་དང་ལྔ་བཅུ་ཙམ་འབུལ་བར་མཛད། བསམ་ཡས་ཆོས་སྐྱོང་ཆེན་པོས་ཀྱང་སྡོང་གྲོགས་དང་ཕྲིན་ལས་བསྒྲུབ་པ་ཞལ་གྱིས་བཞེས། དེ་ནས་ལྷོ་བྲག་ཕྱོགས་སུ་ཕེབས་པའི་ལམ་བར་གྱི་གནས་རྟེན་རྣམས་མཇལ་ཕྱག་དང། ཨོ་རྒྱན་གཏེར་བདག་གླིང་པའི་དྲུང་དུ་དངོས་པོའི་འབུལ་མཚོན་བཟང་པོ་ཕུལ་ཏེ་དབང་ཆོས་ཀྱི་འབྲེལ་པ་ཟབ་མོ་ཡང་གསན། དེ་ནས་ལྷོ་བྲག་སྨྲ་བོ་ལྕོག་ཏུ་ཕེབས་ནས་མངའ་བདག་ཆོས་ཀྱི་དབང་པོའི་དྲུང་དུ། རྟ་ནོར་སོགས་ཀྱི་གཙོས་ཡོན་འབུལ་རྒྱ་ཆེར་ཕུལ་ནས། བཀའ་བརྒྱད་བདར་འདུས་ཀྱི་སྒོ་ནས་བདུད་རྩིསྨན་གྱི་སྒྲུབ་པ་ལན་གྲངས་གཉིས་སུ་(སྨད་ཆ།༤༢༥)རྒྱས་པར་འཛུགས་པར་མཛད། བཀའ་བརྒྱད་བདེར་འདུས་དང། དྲག་པོ་བདེ་གཤེགས་འདུས་པ། ཕག་མོ་གཏེར་མགོན་ནག་པོའི་གདམས་སྐོར་སོགས་ཀྱི་དབང་ལུང་ཡང་གསན། ཕར་ལ་ཡང་གཤེན་རྗེ་ཚེ་བདག་གུ་རུ་དྲག་པོ་རྣམས་ཀྱི་དབང་ལུང་དང། ཚེ་དབང་བརྒྱ་རྩ་རྣམས་ཕུལ་ཏེ་ཐུགས་བཞད་བསྐང། པདྨ་གར་དབང་སྦྲུལ་སྐུའི་དྲུང་དུ་ཡང་དངོས་པོའི་འབུལ་བ་དང། ཆོས་འབྲེལ་ཡང་གསན། དེ་ནས་ལ་ཡག་གུ་རུ་ལྷ་ཁང་དུ་ཕེབས་ནས། མཚུངས་མེད་གསུང་སྦྲུལ་ཚུལ་ཁྲིམས་རྡོ་རྗེ་དང་ཐུགས་སྲས་ཟླ་བའི་སྦྲུལ་སྐུ་དང་བཅས་ཡབ་སྲས་གཉིས་ཀྱི་དྲུང་དུ། རྟ་དང་ཁྲབ་རྨོག་གོས་དར་སོགས་ཀྱིས་གཙོས་སྔ་ཕྱིར་དངོས་པོ་ལྟོས་ཆེ་བར་ཕུལ་ནས། ཚེ་སྒྲུབ་རྡོ་རྗེ་ཕྲེང་བ། འདུས་པ་མདོ་དབང་ཆེན་མོ། ཀུན་མཁྱེན་ཆེན་པོའི་མཛོད་བདུན་སོགས་ཀྱི་དབང་ལུང་ཟབ་རྒྱས་མང་དུ་གསན་པར་མཛད། དེ་གའི་ཡས་ཕྱིན་ལྷ་རྟེན་རྣམས་ལའང་ཕྱག་མཚོད་སྙན་ཤལ་སོགས་ཀྱང་ཕུལ། སྒྲུབ་མཚོ་པདྨ་གླིང་གི་བཀའ་བརྒྱུད་ཀྱི་ལྷ་ཁང་ཞིག་མཇལ་ཚེ་གྲུབ་ཆེན་གླིང་རེས་ཀྱི་སྐུ་བརྙན་བཞད་འཛུམ་ལྟ་སྟངས་སོགས་མཛད་པ་དང། ལྷོ་བྲག་གྲོ་བོ་ལུང་དང་སྲས་མཁར་དགུ་ཐོག་རྣམས་མཇལ་ཚེ། མར་པ་དང་མི་ལ་ཡབ་སྲས་རྣམས་གཟི་མདངས་འབར་ཞིང་ལྟ་སྟངས་སོགས་མཛད་པའི་ངོ་མཚར་གཟིགས། སྙན་ཤལ་དང་དངོས་འབྱོར་ཡིད་སྦྲུལ་གྱི་མཆོད་པ་ཡང་རྒྱ་ཆར་ཕུལ། དེ་ནས་ལྷོ་བྲག་མཁར་ཆུ་དང། ཚེ་ལམ་དཔལ་རི། ལྷ་མོ་མཁར། ལྕགས་ཕུར་ཅན། དཔལ་གྱི་ཕུར་རེང། དུར་ཁྲོད་ལ་ཁ་རྣམས་སུ་གནས་འབྲེལ་དུ་ཟླ་བ་རེ་རེ་སྐུ་མཚམས་མཛད། ཁྱད་པར་དུར་ཁྲོད་ལ་ཁར་བཞུགས་སྐབས་ཐོ་རངས་ཤིག་ཤར་ཕྱོགས་ཀྱི་ནམ་(སྨད་ཆ།༤༢༦)མཁའ་ནས་ལྷ་ལྕལ་མནྡ་ར་བ་དཀར་མོ་གར་ཐབས་ནས། རུས་རྒྱ། ན་དང་ལྡན་པ་ཞིག་ནུབ་ཕྱོགས་ཀྱི་ནམ་མཁའི་ངོ་ལ་བརྡ་ཆོས་མང་པོ་སྟོན་བཞིན་དུ་བུན་ནེར་གཤེགས་པའི་ཉམས་སྣང་བྱུང་བ་མཁའ་སྦྱོད་ད་རེས་སྒྲུབས་ཤིག་ཅེས་པའི་བརྡ་རྟགས་སུ་དགོངས། སྒམ་པོ་སྦྲུལ་སྐུ་བཟང་པོ་རྡོ་རྗེ་ཡང་དེར་བཞུགས་པ་དང་འགྲིགས་པས་རོ་སྙོམས་ཀྱི་གདམས་ངག་སོགས་ཀྱང་གསན། གནས་དེའི་སྒྲུབ་པ་བ་རྣམས་ལའང་དབང་ཆོས་དང་གདམས་ངག་མང་པོ་གནང་ནས་གདག་པར་མཛད། དེ་ནས་མཁོན་མཐིང་ལྷ་ཁང་གི་གནས་གཟིགས་དང་མཆོད་པ་མཛད། དེ་ནས་ལྷོ་བྲག་བན་ས་ཐིག་ཕྱི་དང། བཙུན་སྒྲོ་གནས་གཞི་རྣམས་སུ་ཕེབས་ནས། ཆོས་དབང་གདུང་བརྒྱུད་དཔལ་འབྱོར་རྒྱལ་པོའི་དྲུང་དུ། དངོས་འབྱོར་གྱི་འབུལ་བ་རྒྱ་ཆེན་དང་བཅས། བླ་མ་གསང་འདུས་ཀྱི་ཆོས་སྐོར་དང། ཐུགས་རྗེ་ཆེན་པོ་ཡང་སྙིང་འདུས་པ། ཐུགས་རྗེ་ཆེན་པོ་འཁོར་བ་དོང་སྦྲུགས་སྐོར་སོགས་དང། སངས་རྒྱས་མཉམ་སྦྱོར་སོགས་དབང་ཆོས་དང་གདམས་ངག་མང་པོ་གསན་པར་མཛད། དེ་ནས་ཚུལ་ལམ་ཡང་ལུང་དུ་ཕེབས་ཏེ་གནས་རྟེན་རྣམས་ལ་མཇལ་ཕྱག་མཆོད་འབུལ་སྙན་ཤལ་སོགས་ཀྱང་གཟབ་རྒྱས་མཛད། རས་ཆུང་སྦྲུལ་སྐུའི་དྲུང་དུ་རྟ་ཞིག་གི་གཙོས་པའི་སྔ་ཕྱིར་དངོས་རྫས་བཟང་པོ་ཕུལ་ནས། རས་ཆུང་སྙན་བརྒྱུད་ཀྱི་དབང་དང་གདམས་པ་རྣམས་གསན། དེ་ནས་ཟངས་རི་མཁར་དམར་དང། གདན་ས་མཐིལ་རྣམས་ཀྱི་གནས་གཟིགས་དང་སྙན་ཤལ་མཆོད་འབུལ་སོགས་ཀྱང་ཞིབ་རྒྱས་མཛད། དེ་ནས་བསམ་ཡས་མཆིམས་ཕུར་བཞུགས་སྐབས། མཁའ་འགྲོ་ཡེ་ཤེས་འཚོ་རྒྱལ་གྱིས། བདེ་གཤེགས་རིན་ཆེན་གཙུག་ཏོར་ཅན་དང། འཕགས་(སྨད་ཆ།༤༢༧)ཡུལ་གྲུབ་ཆེན་ཀུ་ཀུ་རི་པ་དང། བོད་ཀྱི་ཡུལ་འདིར་རྒྱལ་པོ་སྟག་ལུང་ཐང་པ་རྣམས་ད་ལྟ་ཁྱེད་རང་ཡིན་ཅེས་པའི་ལུང་བསྟན་གསལ་བར་གནང་བ་དང། ཚེ་འདིར་མཆོག་གི་དངོས་གྲུབ་ཐོབ་པར་འགྱུར་རོ་ཞེས་ཀྱང་གསུངས་པ་གསན། འདི་སྐབས་གྲ་པ་ཕལ་ཆེར་ཁམས་སུ་ཕྱིར་སློག། སྐུ་སྐྱེ་སོགས་ལྔ་ཙམ་ཞིག་འཕྱོངས་རྒྱས་དཔལ་རིར་སྒྲིག་ལ་བཞག། རྗེ་ཉིད་མཚིམས་ཕུར་ལོ་གསུམ་གྱི་བཅད་རྒྱ་མཛད་པས། ཉམས་རྟོགས་ཀྱི་ཡོན་ཏན་དབྱར་མཚོ་ལྟར་འཕེལ། བདེ་ཆེན་བྱང་སེམས་ཀྱི་ཀུནྡ་གཏུམ་མོ་སྟེ་ཙནྡྲ་ལིའི་དྲོད་ཀྱིས་བསྐུལ་བའི་ཞུ་བདེ་ལྷན་སྐྱེས་ཀྱི་ངོ་བོ་བདུ་དྲུག་དགའ་བཞིའི་ཆ་ཤས་ཡོངས་སུ་གང་བའི་ཡེ་ཤེས་ཀྱི་སྣང་ཆ་དཀར་འཇམ་རྩའི་སྒྲོན་མའི་ལམ་ལས་བརྒྱུད་དེ། སྒོ་རྐྱང་ཞགས་ཆུའི་སྒྲོན་མ་ལས་ཐོན་ཏེ། དབྱིངས་རྣམ་པར་དག་པའི་དབུས་སུ་ཐིག་ལེ་སྟོང་སྒྲོན་གྱི་དཀྱིལ་དུ་རིག་པའི་ཡེ་ཤེས་རྡོ་རྗེ་ལུ་གུ་རྒྱུད་ཀྱི་སྣང་བ་ཉིན་མཚན་ཁོར་ཡུག་ཏུ་འདྲེས་ནས་ཉམས་སྣང་གོང་འཕེལ་གྱི་རོལ་རྩེད་སྦྱངས། དབོན་རྩའི་སྲུང་མ་གནམ་ལྷ་བྱང་ཆུབ་ཀྱི་བར་ཆ་བརྩམ་ཀྱང་དམིགས་མེད་དུ་སྒྲལ་ནས་གནས་སྦར། དེང་སང་གནམ་ལྷ་འདི་གཞན་ཞིག་ཡིན་པར་གྲགས། འདི་སྐབས་སྐུ་སྐྱེ་དཔོན་གཡོག་འགའ་ཞིག་ཧོར་ནང་དུ་འབུལ་སྡུད་པ་མངགས་པས་ཟང་ཟིང་གི་དངོས་རྫས་རྟ་ནོར་སོགས་མང་དུ་བྱུང་འདུག་པ་སྒྲུབ་རྒྱགས་ཀྱི་མཐུན་རྐྱེན་མཛད། དེ་ནས་ས་སྦྲེལ་ལོར་ཡུལ་ཉེར་བཞིའི་ནང་ཚན། དཔལ་འཁོར་ལོ་སྡོམ་པའི་ཕོ་བྲང། གནས་མཆོག་ཆེན་པོ་རྩ་རི་ཏྲའི་རོང་སྐོར་ལ་ཕེབས་པས་བདེ་མཆོག་སླ་མཚོ། སྟག་མ་ལ། བཀའ་བརྒྱུད་བླ་མཚོ། དཔལ་གྱི་རི་ཟླུམ་སོགས་སོ་སོར་ཕེབས་དུས་དཔོན་སློབ་ཐུན་མོང་གི་སྣང་ཆར་བདེ་མཆོག་ཕག་(སྨད་ཆ།༤༢༨)མོ་སོགས་ངོ་མཚར་གྱི་གཟིགས་སྣང་དུ་མ་དང་། སྲ་འཁྲེགས་ཀྱི་རྡོ་བ་འདམ་ལྟར་རྫིས་པའི་ཞབས་རྫེས་ཀྱང་གཉིས་ཙམ་འཇོག་པར་མཛད་སྣང། ཁྱར་པར་གནས་ཀྱི་གཙུག་ཏོར། དག་པ་ཤེལ་རིའི་གངས་ཞོལ་ཟབ་ལམ་རྡོ་རྗེ་ར་བ་ཞེས་པའི་དབེན་གནས་མེ་ཏོག་དང་འབྲས་བུ་ཅན་གྱི་ལྗོན་ཤིང་གི་ཕྲེང་བས་མཛེས་ཤིང་འཇིག་ཤིང་འཇིག་རྟེན་གྱི་གཡེང་བ་དང་བྲལ་བ་དགེ་སྦྱོར་ངང་གིས་འཕེལ་བའི་གནས་དེར་སྒྲུབ་པའི་ས་སྡེ་བཙུགས་ནས་སྐུ་མཚམས་བཅད་རྒྱ་ལ་བཞུགས་པའི་ཐོག་མར་ཞིང་སྐྱོང་སེང་གདོང་ཡབ་ཡུམ་ནམ་མཁའ་ལ་ཡད་ཡུད་དུ་རྒྱུགས་པ་སོགས་ལྷོངས་ཀྱི་རྣམ་པར་དུ་མ་བྱུང་ཡང་དགོངས་པའི་དབྱིངས་སུ་གཞི་གཞིལ་བར་མཛད་པས་རིམ་གྱིས་ལྷོངས་རྣམས་ཞི་སྟེ། བཀའ་བརྒྱད་ཀྱི་ལྷ་ཚོགས་བདུན་བརྒྱ་ཉེར་ལྔ་ཡང་ཞལ་དངོས་སུ་མཇལ་ཞི་སྟེ། བཀའ་བརྒྱད་ཀྱི་ལྷ་ཚོགས་བདུན་བརྒྱ་ཉེར་ལྔ་ཡང་ཞལ་དངོས་སུ་མཇལ་ཞིང། སླར་ཡང་རྟོགས་པའི་བོགས་ཆེན་ཐོན་ཏེ། རིག་པ་སྐུར་སྨིན་ནས་ལུག་རྒྱུད་ཀྱི་ར་བར་པཎ་ཆེན་བི་མ་ལ་དང། དེ་ཉིད་གནས་འགྱུར་ཏེ་རྡོར་སེམས་ཀྱི་སྐུ་དང། གཞན་ཡང་རྒྱལ་བ་སྲས་དང་བཅས་པའི་སྐུ་བརྙན་ཕྲ་མོ་དུ་མ་སྐུ་རྐྱང་དང་ཉིས་འབྲེལ། སུམ་ཚོམ། བཞི་སྒྲིག། ལྷ་ཚོམ་སོགས་བཅུ་ཕྲག་ནས། བརྒྱ་ཕྲག། གྲངས་མེད་ཀྱི་ཞིང་ཁམས་ཐམས་ཅད་སྐུ་དང་ཡེ་ཤེས་ཀྱི་རོལ་པས་རིག་པ་ཚད་ལ་ཕེབས་པའི་ཀུན་བཟང་དགོངས་པའི་གནད་གསང་གི་ལམ་མཚོག་ཕུལ་དུ་ཕྱིན་པ་བསྙེས། འདི་སྐབས་ཀོང་ཕོར་རྒོད་ཚང་བ་སྣ་ཚོགས་རང་གྲོལ་ལ་ཉམས་རྟོགས་ཕུལ་བས། གསུང་ལན་དུ་བསྔགས་བརྫོད་འདི་ལྟར་གནང་འདུག་སྟེ། གྲངས་མེད་སྐྱེ་བའི་གོང་རོལ་ནས། ཚོགས་གཉིས་ཀྱི་བྱེ་ཁ་ལེགས་ཁེངས་ཤིང། ཐོས་བསམ་དང་བསྒོམ་སྒྲུབ་མཐའ་དག་ལ། དབང་འབྱོར་གྱི་འབྲས་བུས་ཕྱུག་པ་ཁྱེན།(སྨད་ཆ།༤༢༩)ཞེས་དང། ཁྱོད་ཟབ་དོན་གྱི་ཉམས་བཞེས་མཐར་ཕྱིན་ནས། གྲུབ་ཐོབ་གྱི་གདན་ས་སྙེག་པ་ལ། འདི་འདྲ་ཡི་སྙན་འབུལ་མ་དགོས་ཚེ། ཚད་ཕེབས་དེ་ཟད་སར་འཁྱོལ་མཛད་ནས། རྩོལ་མེད་ཀྱི་གཞན་དོན་མཁའ་ཁྱབ་ཞུ། ཞེས་སོགས་ཚད་ཕེབས་ཆེན་པོར་དབང་འབྱོར་བའི་བསྔགས་བརྗོད་རྒྱ་ཆེར་མཛད་འདུག་ཅིང། ད་དུང་ཆོས་ཉིད་ཟད་པར་འབྱོར་བར་མཛད་དགོས་པའི་ཞབས་བསྐུལ་དང་བཅས་སྩལ། གྲུབ་དབང་རིན་པོ་ཆེ་ཉིད་ཀྱི་གསུངས་ལས་ཀྱང། འོང་བ་དེ་སྟོད་ཀྱི་ཕྱོགས་སུ་བྱས། ཐོས་བསམ་གྱི་ཡར་ལྟ་རྒྱ་ཆེན་བྱུང། ཐོས་དོན་དེ་ཉམས་ལེན་གྱི་གནད་ཐོག་ཏུ། སྲུང་བ་དང་ཚུགས་བླ་མའི་དྲི། རྟེན་འབྲེལ་དེ་ལྷོ་བྲག་མཁར་ཆུར་བྱུང། ཡེ་ཤེས་ཀྱི་མཁའ་འགྲོས་བརྡ་ཆོས་བསྟན། བསམ་གཏན་གྱི་སྒོམ་ཚུགས་བཟུང་བ་ཡིས། མཐར་ཐུག་གི་ལམ་སྣ་ཟིན་ངེས་བྱུང། སྒྲུབ་གནས་དེ་བསམ་ཡས་མཆིམས་ཕུར་བྱས། ཀ་དག་དང་ལྷུན་གྲུབ་ཀྱི་རང་ངོ་མཐོང། གནས་ལུགས་དང་མཐུན་པའི་ཉམས་ལེན་ཤེས། ཚིག་དོན་ལ་བསྙེལ་བ་མེད་དམ་སྙམ། བོགས་འདོན་དེ་ཙ་རི་ཏྲེ་རུ་བྱས། རིག་པ་ཡེ་ཤེས་སྐུར་མཐོང་ནས། རྡོ་རྗེ་ཡི་རྩེ་མོ་གནད་ཤེས་པས། སྣང་སྟོང་ལ་འགལ་བ་མེད་པར་རྟོགས། ཞེས་གསུངས་སོ། འདི་སྐབས་རི་ཡི་ཡེ་ཤེས་སྐུར་མཐོང་ནས། རྡོ་རྗེ་ཡི་རྩེ་མོའི་གནད་ཤེས་པས། སྣང་སྟོང་ལ་འགལ་མེད་པར་རྟོགས། ཞེས་གསུངས་སོ། འདི་སྐབས་ཚ་རི་ནས་གྲུབ་དབང་རིན་པོ་ཆེས་གསུང་མགུར་གནང་བ་གནས་མདོར་ཆགས་མེད་རིན་པོ་ཆེ་ནས་ལྷ་ང་ཡིས་གསན་པ་བྱུང་གསུངས་པ་རྣམ་ཐར་ན་འདུག། འདི་དུས་གཏེར་ཆེན་ཉི་གྲགས་ཀྱང་སྐྱ་སྐྱེ་ཞེས་ཟེར་ཞིང་ཞབས་ཕྱི་རྒྱུན་ཆགས་དང་གྲུབ་དབང་རིན་པོ་ཆེའི་སྒྲུབ་པའི་མཐུན་རྐྱེན་དུ་དཱགས་ཀོང་སོགས་སུ་འབུལ་སྡུད་ཕྲན་བུ་དང་དེ་སྐབས་ཧོར་(སྨད་ཆ།༤༣༠)དང་ནག་ཆུ་ཁ་སོགས་ལ་འབུལ་སྡུད་ལ་བྱོན་ཡོད་པར་གྲུབ་དབང་རིན་པོ་ཆེ་སྐུ་མཚམས་གྲོལ་བསྟུན་སྐུ་སྐྱེའི་གདན་འདྲེན་བྱུང་བས་རིམ་གྱིས་ནག་ཆུ་ཁར་ཕེབས་པ་མཛད། དེ་ནས་ནག་ཆུའི་མཁར་བར་བསམ།་གཏན་བྲག་ཏུ་ཡུན་རིང་ཙམ་བཞུགས་ཤིང། ཧོར་ལོ་ཆེན་སོགས་ཧོར་འབྲོག་ག་མི་དཔོན་བན་བོན་སེར་སྐྱ་སྣ་ཚོགས་བཀའ་ཆོས་ཞུ་མི་ཤིན་ཏུ་མང་བ་ལ་ཟབ་རྒྱས་ཆོས་ཚུལ་དུ་མའི་བཀའ་དྲིན་སྩལ་ནས་ཐར་བའི་གྲོང་དུ་བཀྲི་བར་མཛད། ཐུགས་སྲས་ནམ་མཁའ་འོད་གསལ་ཡང་འདུ་དུས་ཞབས་ཕྱིར་འབྱོར་བ་ཡིན་འདུག། འདི་སྐབས་ཤིག་རིན་པོ་ཆེ་ཆགས་མེད་པའི་དྲུང་དུ་བརྟན་དུ་བཞུགས་འབུལ་བསྐྱེལ་དང་ཞུ་བ་ཡིག་ཕུལ་བར་བཏང་སྟེ། ཆགས་མེད་ཉིད་ཀྱི་རྣམ་ཐར་དུའང་རང་གི་བུ་ཆེན་པདྨ་རིག་འཛིན་པ། མཆིམས་ཕུར་ལོ་གསུམ་ཚ་རིར་ལོ་གསུམ་སློབ་མ་མང་དུ་འདུས། ཆས་ཀ་རྣམས་གཏོར་རྒྱ་གར་འབྱོན་ཤོམ་ཚེ། འབུལ་ཕུད་ཡིན་ཟེར་རྒྱ་སིལ་བཟང་པོ་དང། ཡོལ་བ་གསེར་སྐུ་རྒྱ་ནག་མ་གཉིས་དང།(སྨད་ཆ།་རིའི་སིན་རྡུར་རྡོ་རྗེ་གདན་གྱིས་རྩ། བྱིན་རླབས་རྟེན་སོགས་འབུལ་བ་མང་པོར་བཅས། རྟོགས་ལྡན་གཉིས་བཏང་བརྟེན་བཞུགས་སུ་ཡིག་ནི། ཞེས་པར་འདིར་ཞུ་ཡིག་དང་བཅས་བྲིས་འདུག་ལ། བླ་མ་མཆོག་གིས་ཀྱང་ཞབས་བརྟན་དང་བསྔགས་བརྗོད་འདི་བཞིན་སྩལ་འདུག་སྟེ། པདྨའི་རྗེར་གསུངས་གནམ་ཆོས་ས་གཏེར་དང། རིག་འཛིན་རྣམ་སུམ་ཞལ་འཆམ་རྗེས་འབད་སོགས། སེམས་དཔའ་ཆེན་པོ་སྦྲུལ་སྐུ་སྦས་པའི་ཚུལ། སྐལ་ལྡན་སྐྱེས་བུ་ལོ་བརྒྱར་(སྨད་ཆ།༤༣༡)ཞབས་བརྟན་གསོལ། འཁོར་བའི་དོན་རིག་ཞེན་པ་གཏིང་ནས་ལོག། འཆི་བ་སྙིང་ལ་གཟེར་བས་སྒྲུབ་ལ་བཙོན། ཐོས་སྒོམ་སྦེལ་མར་བྱས་པས་གོལ་ས་ཆོད། སྒྲུབ་བརྒྱུད་བསྟན་པའི་རྒྱན་ཁྱོད་རྒྱལ་གྱུར་ཅིག། རང་དོན་ཚག་ཚུད་ཆོས་ཉིད་བདེན་པ་རྟོགས། མ་རྟོགས་འགྲོ་ལ་བཟོད་མེད་སྙིང་རྗེ་ཡི། འཆད་རྩོད་རྩོམ་ལ་ཐོགས་པ་མི་མངའ་བས། འགྲོ་ལ་ཟབ་རྒྱས་ཆོས་ཆར་དབབ་ཏུ་གསོལ། དེ་ལྟར་ཤིས་པ་བརྗོད་ནས་ཞུ་བའི་འབྲས། བློ་སེམས་མི་དང་མི་མཐུན་དམ་པའི་རྟགས། གསུངས་ལྟར་ཁྱེད་པ་བློ་བཅོས་ཚད་དཀའ་ཞིང། དེ་སྔོན་གང་མཛད་བྱང་ཆུབ་ལམ་སོང་བས། དེ་ཡང་ཉིད་ཀྱིས་ཐུགས་གང་བཅས་ལས། ཁོ་བོས་གེགས་དང་བཤོལ་འདེབ་བྱ་མི་སྦོབས། ཞེས་དང། དེ་ནས་ཁམས་སུ་ཅིས་ཀྱང་འབྱོན་དགོས་ཏེ། རང་དོན་གྲུབ་ནས་གཞན་དོན་མི་མཛད་པ། ཐེག་དམན་ཉན་ཐས་ལམ་གྱི་གོལ་ས་ཆེ། རྫོགས་སངས་རྒྱས་ནས་འགྲོ་དོན་ལ་གཏོགས་པ། མཛད་རྒྱུ་གཞན་ནི་ཡོད་སྐད་མ་ཐོས་སོ། ཞེས་དང། ཁམས་སུ་འབྱོན་པ་ཟང་ཟིང་དོན་གཉེར་མིན། དབང་ལུང་རྒྱ་མཆོ་དེ་དག་སྦེལ་ཐུབ་ན། འགྲོ་ལ་ཆོས་སྦྱིན་ཨོ་རྒྱན་བསྟན་ལ་ཕན། བསྟན་འགྲོའི་དོན་འགྲུབ་རང་དོན་མཆོག་དེ་ཡིན། བླུན་སྒོམ་ཟ་ཆོག་བརྒྱ་བས་དེ་ཉིད་ལྷག། ཅེས་པ་སོགས་བསྔགས་བརྗོད་དང་ཞལ་གདམས་ཞབས་བསྐུལ་གྱི་ཆབ་ཤོག་ཞིབ་རྒྱས་སྩལ། འདི་དུས་ཆགས་མེད་རིན་པོ་ཆེའང་དུ་དགུང་ལོ་དྲུག་དུ་ཏེ་ལྔ་ཙམ་བཞེས་སུ་ཡིན་འདུག། དེ་སྐབས་དངོས་རྫས་གང་བྱུང་ཐམས་ཅད་ཡར་མཆོད་མར་སྦྱིན་གྱིས་ཚོགས་བསགས་གནང་ནས་ཀུན་སྦངས་ཀྱི་བརྟུལ་ཞུགས་ཀྱིས་གནས་ངེས་མེད་དུ་བཞེད་གནང་སྟེ། སྐུ་སྐྱེ་(སྨད་ཆ།༤༣༢)ལའང་གཏེར་གྱི་ཁ་བྱང་བྱུང་ཚུལ་གསོལ་བར་ཞལ་ཏ་དང་གཏེར་སྒྲུབ་ལ་བསྐུལ་བར་མཛད། དེ་ཡང་གསུང་ལས། དེ་ནས་རང་གི་བསམ་པ་ལ། དཔེ་རྟེན་ཕྲན་བུ་མ་གཏོག་པ་། གཞན་གྱི་ཟང་ཟིང་མི་ཁྱེར་སྙམ། འོན་ཏེ་སྐུ་སྐྱེ་རིག་འཛིན་གྱིས། བཙོམ་འགྲུས་འབད་པ་བྱས་པའི་མཐུས། རྟ་དང་ཇ་སོགས་རྣམ་མང་ཞིག། སྒྲུབ་པའི་རྒྱགས་སུ་ཁྱེར་ཏེ་འོང། རིམ་གྱི་གནམ་མཚོ་ཁ་རུ་སླེབས། ཞེས་གསུངས་པ་ལྟར། སླར་ཡང་བྱང་གནམ་མཚོ་དང་ཤངས་ཟབ་ལུང་སོགས་ལ་ཕེབས་ནས། ཐུགས་དམ་བོགས་འབྱིན་སྐུ་མཚམས་ལོ་མང་དང་འགྲོ་དོན་ཆོས་འཆད་སོགས་ཀྱང་མཛད་ནས་ལོ་ཤས་བཞུགས། དེ་ནས་བྲག་ཡེར་པར་ཐོག་གཅིག་བཞུགས། དེ་སྐབས་གོང་ས་མཆོག་གི་སྐུ་འཁོར་ཆེ་བགྲམས་གནས་བརྟན་འཇམ་དབྱངས་གྲགས་པ་སོགས་གྲ་གཙང་ཕལ་ཆེ་བ་དང། སེ་འབྲས་སོགས་ནས་ཀྱང་རྗེ་འདིར་ལྐོག་ཆོས་ཞུ་བ་མང་དུ་བྱུང་ཞིང། ཐུགས་སྲས་རབ་འབྱམས་པ་བསྟན་པའི་རྒྱལ་མཚན་ཀྱང་འདི་སྐབས་ཞབས་འབྲིང་དུ་བྱུང་བ་ཡིན་ལ། འདི་དུས་ཉམས་རྟོགས་ཀྱི་འགྲོ་གླེང་རྒྱལ་དབང་ཐམས་ཅད་མཁྱེན་གཟིགས་ལྔ་པ་ཆེན་པོ་ལ་ཞིབ་ཏུ་ཕུལ་བས་ཟབ་ཡངས་ཐམས་ཅད་མཁྱེན་གཟིགས་ལྔ་པ་ཆེན་པོ་ལ་ཞིབ་ཏུ་ཕུལ་བས་ཟབ་ཡངས་ཐུགས་ཀྱི་ཀློང་དུ་ངེས་ཤེས་ཁྱད་པར་ཅན་འཁྲུངས་ཏེ། གསུང་ལས་ཁམས་པ་རྫོགས་ཆེན་པ་ཉམས་རྟོགས་ཀྱི་འཆར་ཚུལ་བརྗོད་པ་བཅོས་མ་ལྟར་མ་ཡིན་པར་ཀློང་བརྡོལ་བའི་གྲུབ་པའི་དབང་ཕྱུག་རྩེ་གཅིག་བསྐྱངས་པའི་ལག་རྗེས་ཤར་བར་སྣང། ཞེས་རྣམ་ཐར་ཕུ་ཏ་ཁ་པར་གསུངས་སྣང་ཞིང། སྐྱིས་གྲུབ་དབང་འདི་ཉིད་ལ་ཕྲིན་ལན་གྱི་ཆབ་ཤོག་སྩལ་བ་ཀུན་བཟང་ཞལ་ངོམས་ཀྱི་ནང་དུ་འདི་ལྟར་བསྔགས་ཏེ། སུམ་ཅུའི་ཡོངས་འཛིན་ཨུ་དུམ་ཝ་རའི་ཕྲེང། ཐོད་(སྨད་ཆ།༤༣༣)བཅིངས་ཁྱད་པར་ཆོས་རྒྱལ་ལྷ་གྲལ་ནས། སྙིང་ཏིག་བདུད་རྩིས་ངོམས་པའི་སྒྲ་ཅན་ཁྱེན། ཐར་ལམ་སྲོག་གི་ཀ་བ་གཅིག་ཏུ་ཚུགས། མཁའ་སྦྱོད་ཨོ་ཊི་ཡ་ནའི་གསང་མཛོད་དང། དབྱེར་མེད་པདྨ་ཀ་རས་བསྒུབས་པའི་ཁང། མང་པོར་ཏིང་འཛིན་མི་གཡོའི་གཡར་དམ་གྱིས། གནས་ཀྱིས་གང་ཟག་བརླབས་པར་གདོན་མི་ཟ། ལོ་གསུམ་འདག་སྦྱར་བུག་སྒོ་ཙམ་བསྟེན་པར། མཚར་དུ་བརྩི་ན་བགྲང་བྱ་བཅོ་ལྔའི་བར། རྩེ་གཅིག་སྒྲུབ་ལ་རབ་བཙོན་ངང་ཚུལ་དེར། ལྷ་རྣམས་མཁའ་ངོས་ལེས་པོའི་མེ་ཏོག་འཐོར། དགའ་རབ་ཤྲཱི་སེང་པད་འབྱུང་བི་མ་ལ། བཻ་རོ་སོ་ཟུར་གནུབས་ཉང་ལ་སོགས་པའི། བཀའ་གཏེར་གནད་ལ་སྦྱངས། དམན་རྙིང་རློམ་འགས། ཕྱག་རྫོགས་མ་ཕྱེད་འདྲེས་མའི་ཆོས་སྐད་མང། ཁྱོད་ཀྱིས་སྔོན་ཆད་བཙོན་པས་ཉམས་བསྟར་ཀུན། སྙིང་ཏིག་སྙིང་པོའི་དགོངས་དོན་ཇི་ལྟ་བར། མ་རྟོགས་ལོག་རྟོགས་མེད་པ་རྣམ་དག་ལམ། ཁོ་ནོར་སོང་བའི་ཚུལ་ལ་གཅིག་ཏུ་འདས། ཆོས་ཉིད་མངོན་སུམ་ཕ་མཐར་ཕྱིན་པ་དིང། དཀོན་ན་གོང་འཕེལ་སྣང་བ་ཡོངས་ཤར་གང། སྔ་འགྱུར་ནགས་ཀླུང་སྟུག་པོ་འཁྲིགས་པའི་དབུས། སྔོན་མེད་ཡོངས་འདུའི་ལྗོན་པ་ཁྱོད་དུ་ངེས། ཚད་ཕེབས་རྫོགས་ནས་ཆོས་ཉིད་ཟད་སུ་རུ། འཁྱོལ་ལ་ཧ་ཅང་མི་རིང་ཕ་རོལ་ན། སྐྱོན་བྲལ་ཡོན་ཏན་ཀུན་རྫོགས་རང་གི་སེམས། ཁྱབ་བདག་རྡོ་རྗེ་འཆང་དུ་བཏགས་པ་ཡོད། དེ་འིར་སྔ་འགྱུར་གྲུབ་བརྙེན་ཆེས་མང་པོ། ཕུང་པོ་འོད་སྐུར་གྲོལ་མེད་ཆེར་སྙིགས་དུས། ཉིན་མོའི་སྐར་ལྟར་དཀོན་ཀྱང་མི་འབྱུང་མཐའ། མ་བཀག་སྒྱིད་ལུག་མེད་པརེ་འབད་པས་བསྒྲུབས།(སྨད་ཆ།༤༣༤)ལོངས་སྐུའི་ཞིང་མང་མྱུལ་བ་ཐོད་རྒལ་གྱི། དཀར་སེར་ཁྲ་མུན་སྒྲོན་མ་དྲུག་གི་གནད། ནན་ཏན་བགྱིད་ཁྱོད་རང་རིག་ཀུན་དུ་བཟང། རང་ཞལ་མཐོང་བའི་བར་དུ་ཡོལ་ཙམ། ཞེས་སོགས་བསྔགས་བརྗོད་ཀྱི་གླིང་དུ་སྙན་དབྱངས་འབུམ་དུ་བསྒྱུར་བར་མཛད་དེ། དེ་དག་ནི་སློབ་མ་དད་ཅན་གྱིས་བླ་མ་ཟོག་པོར་བཏང་པའི་བླུན་པོའི་རང་བསྟོད་མ་ཡིན་པར་ཇི་ལྟ་བ་དང་ཇི་སྙེད་པ་མཁྱེན་པའི་ཡེ་ཤེས་ཀྱི་ཆོས་ཀུན་སྒྲིབ་མེད་དུ་གཟིགས་པའི་དམ་པ་དག་གི་གསུང་ནི་གཟུ་བོར་གནས་པའི་དཔྱོད་ལྡན་དག་གིས་དཔྱད་ན་ཡིད་ཆེས་ཀྱི་དཔང་པོར་ངེས་སོ། དེ་ནས་སླར་ཡང་ནག་ཆུའི་མཁར་བར་དང་ཟི་རོ་ཆོས་ལུང་སོགས་ལ་བཅད་རྒྱར་ལོ་ཤས་ཤིག་བཞུགས་སོ། དེ་ལྟར་གྲུབ་པའི་དབང་ཕྱུག་ཆེན་པོར་གྱུར་པར་མ་ཟད། ཕྱི་ནང་གི་ཆོས་སྦྱི་དང་བྱེ་བྲག་གང་ལའང་མཁས་པའི་ཡང་རྩེར་སོན་པ་སྟེ། ཐ་སྙད་རིག་གནས་ལས། སྐར་རྩིས་སྙན་ངག་སོགས་ལེགས་པར་སྦྱངས་པས་མཁས་པར་མཁྱེན་ཅིང། གཞན་ཡང་མཁྱེན་པའི་མེ་ལོང་གཙང་མར་མདོ་སྔགས་ཀྱི་གཞུང་ལུགས་དག་ཀྱང་ཚུལ་ཇི་བཞིན་མ་འདྲེས་པར་གསལ་བར་མཁྱེན་ཅིང། བསྟན་བཅོས་ཀྱི་སྐོར་ལ་ཡང་བཞིན་མ་འདྲེས་པར་གསལ་བར་མཁྱེན་ཅིང། བསྟན་བཅོས་ཀྱི་སྐོར་ལ་ཡང་སྔར་ཁམས་སུ་རྩོམ་པའི་རྫོགས་ཆེན་གཞི་ལམ་འབྲས་གསུམ་གྱི་དོན་སྟོན་པ་མན་ངག་ཤེལ་ཕྲེང་གི་གླེགས་བམ་དང། གཞན་ལམ་ཡིག་ིག་སྐོར། བླ་མའི་རྣལ་འབྱོར་གསོལ་འདེབས་བསྟོད་ཚོགས་སྨོན་ལམ་གྱི་སྐོར། དགེ་བསྐུལ་ལྕགས་འདེབས་ཀྱི་སྐོར། རང་ཉིད་ཀྱི་རྣམ་ཐར་འཕྲོས་དོན་དུ་ཡོད་པའི་ལྟ་སྒོམ་སྦྱོད་པའི་གདེང་ཚད་ཉམས་མྱོང་མི་མགུར་གྱི་སྐོར། ཐར་འདོད་ཀྱི་གང་ཟག་མཆོག་དམན་ཀུན་ལ་ཞལ་གདམས་ངོ་སྦྲོད་ཀྱི་སྐོར། སྒྲུབ་ཕྲིན་ཆོ་གའི་སྐོར་ཏེ་སྐོར་ཚོ་དྲུག་གི།(སྨད་ཆ།༤༣༥)རིམ་པ་རྣམས་སོ། གཞན་ཀུང་གྲགས་པའི་མཚོ་ཆེན་བཞིའམ། མཚོ་སྨན་སྦུན་བཞིའི་ཡ་གྱལ་བྱང་གནམ་མཚོར་བཞུགས་པའི་ཚེ། གཟའ་ཀླུ་མ་མོ་དམ་ཅན་རྣམས་དང། མཁར་བར་བསམ་གཏན་བྲག་ཏུ་སྒྲུབ་པ་ཡུན་རིང་གནང་ཚེ་སོག་གི་དགེ་བསྙེན་དང། ཇོ་བོ་སྒྱོགས་ཆེན་གདོང་ར་རྣམས་ཀྱིས་ཕྲིན་ལས་བསྒྲུབ་པར་ཁས་བླངས་པ་སོགས་རྡོ་རྗེ་ཆོས་སྐྱོང་གདོང་ར་རྣམས་ཀྱིས་ཕྲིན་ལས་བསྒྲུབ་པར་ཁས་བླངས་པ་སོགས་རྡོ་རྗེ་ཆོས་སྐྱོང་རྣམས་དང་སྣང་སྲིད་ཀྱི་དྲེགས་ཚོགས་ཐམས་ཅད་བྲག་ཏུ་བཀོལ་ནུས་པ་སོགས་རྣམ་པར་ཐར་པ་ངོ་མཚར་ཅན་བགྲང་བ་ལས་འདས་པ་མངའ། སླར་ཡང་སྐུ་ལུས་མི་སྦོང་བར་འོང། ལུས་གཞོན་ནུ་བུམ་སྐུ་འགྲུབ་པར་དགོངས་གཏད་ཀྱི་ཉམས་བཞེས་བསྐྱངས་ཚེ་གོང་ས་ཐམས་ཅད་མཁྱེན་པ་རྒྱལ་དབང་མཆོག་གིས་ལྐོག་གྱུར་སྒྲིབ་མེད་དུ་གཟིགས་པའི་རྡོ་རྗེའི་གསུང་གིས་བསྐུལ་ཏེ། མདོ་ཁམས་སྨད་དུ་ཕེབས་ན་བསྟན་པ་དང་སེམས་ཅན་གྱི་དོན་རྒྱ་ཆེན་པོ་འབྱུང་ཞིང། ཆོས་རྒྱུད་དར་རྒྱ་སུ་འགྲོ་བའི་ལུང་བསྟན་སྩལ་བ་དང། ཆགས་མེད་རིན་པོ་ཆེས་ཀྱང་སྔ་ཐོག་ནས་མདོ་ཁམས་སུ་ཕེབས་ན་ལེགས་ཚོགས་ཚེ་ཚུལ་ཞུ་ཡིག་གི་ལམ་ནས་ཞབས་བསྐུལ་མཛད་པ་སོགས་ལ་བརྟེན་མདོ་སྨད་ཕྱོགས་སུ་ཆིབས་སྐྱོད་གནང་བར་ཤར་ཏེ་གཙོ་བོར་རྒྱལ་དབང་མཆོག་གིས་ལུང་བསྟན་ལྟར། རང་ཉིད་ཞི་བདེ་ལ་གཞོལ་བ་ལས་བསྟན་འགྲོའི་དོན་ཁ་ན་ཐུགས་བསྐྱེད་ཀྱི་ཁུར་ཆེན་འཁྱེར་བ་དམ་པའི་ངང་ཚུལ་ཡིན་ལྟར། ཇོ་བོ་དྲཱི་བའི་ཀཱ་བོད་དུ་བྱོན་པའི་རྣམ་ཐར་དང་མཚུངས་པར་བསྟན་པ་ཐུགས་ལ་བརྣག་པས། དུགུང་ལོ་དྲུག་ཅུ་བཞེས་པ་མིག་དམར་ཞེས་པ་ཤིང་ཕོ་བྱི་བའི་ལོ་ལ་མོད་སྨད་ཉི་མ་ཤར་ཕྱོགས་སུ་ཞབས་པད་བསྐྱོད་པ་ན། བསྟན་འགྲོའི་དོན་དུ་ཐུགས་བསྐྱེད་རྣམ་པར་དག་པའི་སྨོན་ལམ་གྱི་(སྨད་ཆ།༤༣༦)མཚམས་སྦྱོར་གཅིག་པའི་སྐྱེས་བུ་དུ་མའང་སྐྱ་དགུའི་ལེགས་བྱས་ཀྱི་མགྲོན་དུ་ཆབས་ཅིག་ཏུ་འཛོམས་ཏེ། ཅོག་རོ་ཀླུའི་རྒྱལ་མཚན་གྱི་རྣམ་སྦྲུལ་སྡེ་དགེ་ཁྲི་ཆེན་སངས་རྒྱས་བསྟན་པ་ཞེས་ཕྱོགས་ལས་རྣམ་པར་རྒྱལ་བའི་དབང་ཕྱུག་དེ་ཉིད་ཀྱིས་གྲུབ་དབང་དམ་པའི་ཞབས་སྦྱི་བོར་བླངས་ཏེ་བསྟན་པའི་སྦྱིན་བདག་མཛད་ནས། ཨོ་རྒྱན་རྡོ་རྗེ་འཆང་གི་ཞབས་ཀྱིས་བཅགས་ཤིང། དཔའ་བོ་མཁའ་འགྲོ་སྦྲིན་ལྟར་འདུ་བའི་གནས་ཚང་བ་མེད་པའི་ནོར་འཛིན་གྱི་ཐི་ལེ་དེ་ཉིད་དུ། གྲུབ་པའི་དབང་པོ་ཉིད་དགུང་ལོ་དྲུག་ཅུ་རེ་གཅིག་བཞེས་པའི་ཁྲོ་བོ་ཞེས་པ་ཤིང་གླང་ལོར་གསལ་སྒོམ་པའི་སྒྲུབ་སྡེ་ཨོ་རྒྱན་བསམ་གཏན་ཆོས་གླིང་འདི་ཉིད་བཏབ་སྟེ་སྒྲུབ་པའི་རྒྱལ་མཚན་བཙུགས་པས་ཕྱོགས་ཀྱི་དད་ལྡན་ཐམས་ཅད་པདྨའི་མཚོར་བུང་བ་བཞིན་འདུ་བར་བྱུང་བར་གྱུར་ཏོ། འདི་སྐབས་གཏེར་ཆེན་ཉི་གྲགས་སྲིད་རྫོང་དུ་བཞུགས་པར་གདན་ས་གཏད་པར་བཞེད་ནས་ཆེས་གཏད་ཀྱིས་གདན་འདྲེན་པར་བཏང་བ་བཞིན་བྱོན་ནས་གུར་དཀར་མོ་སྟོང་ཤོངས་སོགས་འབུལ་ཆེན་མཛད་པས་གྲུབ་དབང་རིན་པོ་ཆེའི་ཐུགས་དགྱེས་རྩེར་སོན། འོན་ཀྱང་གཏེར་ལུང་གི་དོན་གྱིས་གདན་སའི་ཁུར་དཀར་མོ་སྟོང་ཤོངས་སོགས་འབུལ་ཆེན་མཛད་པས་གྲུབ་དབང་རིན་པོ་ཆེའང་ཐུགས་དགྱེས་རྩེར་སོན། འོན་ཀྱང་གཏེར་ལུང་གི་དོན་གྱིས་གདན་སའི་ཁུར་དགོངས་ཁྲོལ་ཞུས་པ་བཞིན་གནང་བར་མཛད་དོ། གཞན་ཡང་དབུས་ཀོང་ཁམས་སོགས་སྔ་ཕྱི་ཐ་དད་ནས་སློབ་མ་དུ་མ་བྱུང་བའི་རགས་པ་ཙམ་ཞིག་སྨོས་ན། གསང་ཆེན་ཟབ་མོའི་གཏེར་གྱིས་འཁོར་ལོ་བསྒྱུར་བ་གཏེར་ཆེན་ཉི་མ་གྲགས་པ། སྨྲ་བའི་སེང་གེ་ཚད་མའི་སྐྱེས་བུ་རབ་འབྱམས་པ་བསྟན་པའི་རྒྱལ་མཚན། རྫོགས་པ་ཆེན་པོ་གཞི་ལམ་གྱི་རྟོགས་པ་མངོན་དུ་གྱུར་པའི་གྲུབ་ཆེན་ནམ་མཁའ་འོད་གསལ། ལྷོ་(སྨད་ཆ།༤༣༧)གྲག་སྨྲ་བོ་ལྕོག་གདུང་བརྒྱུད་མངའ་བདག་ཆོས་ཀྱི་དབང་པོ། གནས་བརྟན་འཇམ་དབྱངས་གྲགས་པ། རྫོགས་ཆེན་ཀློང་རྫོགས་མཐའ་བྲལ། གཏེར་སྟོན་འཛིན་ཀློང་གསལ་སྙིང་པོ། ཀ་ཐོག་རྒྱལ་སྲས་བསོད་ནམས་ལྡེ་བཙན། ཀ་ཐོག་པ་དྲུང་ནམ་མཁའ་རྒྱ་མཚོ། གཞན་ཡང་འཇའ་ཚོན་པའི་སློབ་མ་ཀུན་མཁྱེན་པ་སོགས་གསུང་གུ་བདུད་རྩི་བཞེས་པའི་བླ་ཆེན་མང་པོ་དང། ཉམས་རྟོགས་མཐའ་ཀླས་པ་དག་དང། བསྟན་པ་ལ་ཞབས་ཏོག་ཁྱད་པར་ཅན་སྒྲུབ་པའི་སྦྱིན་བདག་ཀྱང་བསྟན་པའི་རྩ་ལག་དམ་པ་ཆོས་སྐྱོང་རྒྱལ་པོ་སྡེ་དགེ་ཁུ་དབོན། གླིང་ས་སྐྱོང་མགོན་པོ་ལྷུན་གྲུབ། ས་སྐྱོང་སྡེ་དགེའི་བཀའ་ཁྲིམས་ཀྱི་ཁ་ལོ་བསྒྱུར་བའི་གཉེར་པ་གང་ཐོག་ལྷ་ལུ་སོགས་ཕྱོགས་ཀྱི་མི་ཆེན་རྣམས་དང། ཁྱད་པར་དུ་ས་སྐྱོང་ཆོས་ཀྱི་རྒྱལ་པོ་ཁྲི་ཆེན་སངས་རྒྱས་བསྟན་པའི་བཀས་བསྐུལ་ནས་མངའ་ཞབས་ཀྱི་རྙིང་དགོན་རྣམས་སུ་ཞབས་པད་བསྐྱོད་ནས་ལྟ་སྒོམ་གྱི་ཉམས་ལེན་སྐྱེད་ཚུལ་ལ་དག་ཐེར་མཛད་ནས་འཇིག་རྟེན་རྒན་པོའི་སྒྲོས་གྱིས་ལྷད་པའི་མ་དག་པའི་རྙོགས་མ་ཐམས་ཅད་བགྲུད་ནས་པཎཆེན་བི་མ་ལ་དང་ཀུན་མཁྱེན་དྲི་མེད་འོད་ཟེར་བཞེད་པ་དྲི་མ་མེད་པའི་ལྟ་གྲུབ་རྣམ་པར་དག་པ་ལ་སྦྱོར་བའི་བཀའ་དྲིན་སྩལ། གཞན་ཡང་བོད་ཆེན་པོའི་ལྗོངས་ཀྱི་མཆོག་དམན་གྱི་སྐྱེ་དགུ་མཐའ་དག་གདུལ་བྱའི་ཞིང་དུ་མ་གྱུར་པ་མེད་པས་ཐེག་མཆོག་སྙིང་པོའི་བསྟན་པ་མཁའ་ཁྱབ་ཏུ་གདལ་བར་མཛད་ནས། རེ་ཞིག་ཞིང་འདིའི་གདུལ་བྱ་རྫོགས་པར་གཟིགས་ནས། དགུང་གི་གྲངས་བདུན་ཅུ་རྩ་གསུམ་པ་དབང་ཕྱུག་མེ་གླང་ལོའི་ཚོ་འཕྲུལ་ཟླ་བའི་རྫོགས་པ་(སྨད་ཆ།༤༣༨)དང་པོའི་ཚེས་ལ། འཇའ་ཚོན་གྱི་གུར་དང། འབྱུང་བའི་སྒྲ་སོགས་ཟག་གསང་རྒྱུད་སྡེ་དང་མཐུན་པའི་རྣལ་འབྱོར་མཆོག་གི་ལམ་རྟགས་ཇི་བཞིན་པའི་ངོ་མཚར་བའི་ལྟས་དུ་མ་དང་བཅས་ཐེག་མཚོག་རྡོ་རྗེ་སྙིང་པོའི་གྲུབ་མཐའ་བསྙེགས་ནས་ཀུན་བཟང་གཞོན་བུ་བུམ་སྐུའི་གྲོང་དུ་ཐིམ་པར་གྱུར་ཏོ། དེའི་ཚེ་སྐུ་གདུང་རིན་པོ་ཆེར་ཞུགས་ཕུལ་བ་ན་འོད་གསལ་ཐུགས་ཀྱི་མང་བཟང་རྩི་རྟའི་གོང་བུ་བྱིན་རླབས་ཀྱི་ཕུང་ལོ་འདི་ཞུགས་མ་བཞེས་ཏེ་རྗེས་འཇུག་སྐལ་རྣམས་བརྩེ་བས་རྗེས་སུ་འཛིན་པའི་བརྡར་མཆོད་པའི་རྟེན་དུ་སྩལ་བའོ། དེ་ནས་ཞལ་སློབ་རབ་འབྱམས་པ་དེ་སྐབས་མི་བཞུགས་ཀྱང་གཏེར་ཆེན་ཉི་མ་གྲགས་པ་དང། དཔོན་སློབ་རིན་པོ་ཆེ་སོགས་བུ་སློབ་རྣམས་ཀྱིས་དགོངས་རྫོགས་རྟེན་བཞེང་སོགས་རྗེས་ཀྱི་བྱ་བ་རྣམས་ལེགས་པར་བསྒྲུབ་པར་མཛད་པ་ཡིན་ནོ། དེ་ཡང་གྲུབ་དབང་རིན་པོ་ཆེ་དེར་རྣམ་ཐར་སོགས་མི་འདུག་པས་ངག་སྒྲོས་ཁོ་ནར་ཡིད་རྟོན ་བཀའ་བར་སྙམ་ནས་ཁོ་བོས་ཆགས་མེད་རིན་པོ་ཆེའི་རྣམ་ཐར་ཕྱི་ནང་གསང་གསུམ་དང་རྗེ་ཉིད་ཀྱི་གསུང་མགུར་ལམ་ཡིག་སོགས་དང་གཏེར་ཆེན་ཉི་གྲགས་ཀྱི་རྣམ་ཐར་གཏེར་བྱུང་རྣམས་གོ་བརྟུན་ནས་བསྒྲིགས་ཤིང་ཞིབ་མོར་དཔྱད་ནས་བྲིས་ན་ཡིན་པས་ཡིད་རྟོན་དུ་རུང་བར་ཡོད་དམ་སྙེམ་མོ། འདིར་འཕྲོས་དོན། བྱང་ཨ་ཏ་རོང་གི་དེབ་ཐེར་དུ་གྲགས་པའི་སྡེ་དགེའི་གདན་རབས་གཅིག་ན་གྲུབ་དབང་རིན་པོ་ཆེ་ཡབ་སྲས་ལ་ཟུར་ཟ་བའི་ཚིག་འགའ་ཞིག་བྲིས་འདུག་མོད། དེ་ནི་ཉི་མའི་དཀྱིལ་འཁོར་ལ་མེ་ཁྱེར་གྱིས་འཕྱ་བ་དང་ཆོས་མཚུངས་ཏེ། བོད་གངས་ཅན་ཙམ་ན་མཁས་པ་དང་གྲུབ་པའི་སྙན་གྲགས་ཀྱིས་ཐུགས་འཕྲོགས་ཏེ། གནམ་པའི་མངའ་བདག་རྒྱུ་(སྨད་ཆ།༤༣༩)ནག་གོང་མ་ཆེན་པོ་ལྟ་བུའི་མཆོད་གནས་སུ་བཀུར་བའི་ཐམས་ཅད་མཁྱེན་པ་ལྔ་པ་ཆེན་པོས་རྗེ་འདིའི་སྦངས་རྟོགས་ཀྱི་ཡོན་ཏན་གྱིས་ཐུགས་འཕྲོགས་ནས་བསྔགས་པར་མཛད་པ་དང། མཁས་བཙུན་བཟང་གསུམ་གྱིས་བརྒྱན་པའི་ཀོང་པོ་རྒོད་ཚང་སྦྲུལ་སྐུ་དང། བླ་མ་ཀརྨ་ཆགས་མེད་རྣམས་ཀྱི་བསྔགས་ཚུལ་གོང་དུ་བརྗོད་པ་ལྟར་དང། དེར་མ་ཟད། གཏེར་སྟོན་བདུད་འདུལ་རྡོ་རྗེ་དང་རིག་འཛིན་གཏེར་བདག་གློང་པ་སོགས་ཁུངས་ཐུབ་ཀྱི་གཏེར་ལུང་མང་པོ་ནས་ལུང་བསྟན་པ་དང་བཅས་ཆོས་བདག་ཏུ་མངའ་གསོལ་བ་སོགས། དུས་དེ་ཙམ་ན་མཁས་ཤིང་གྲུབ་པ་བརྙེས་པ་ཐམས་ཅད་ཀྱི་དགོངས་པ་གཅིག་དང་དབྱངས་གཅིག་གིས་རྗེ་འདིར་བསྔགས་པའི་གླིང་བུ་ཕྱོགས་གཅིག་ཏུ་བསྒྱུར་བར་མཛད་ན། མ་དག་པའི་སྐྱེ་བོ་ཁ་ཅིག་རང་སྣང་ལོག་པའི་ཆགས་སྡང་གི་ཝ་སྐད་འདོན་པ་ལ་བློ་ལྡན་རྣམས་ཀྱིས་སྙིང་རྗེས་ཁྲེལ་བའི་གནས་ཡིན་ཏེ། ཇི་སྐད་དུ། དེ་ནི་ཉོན་མོངས་ཚང་ཚིང་ན། གནས་པའི་ཕྲག་དོག་ལྕེ་གཉིས་པ། ཇི་བཞིན་རང་མདངས་ཕ་རོལ་པོར། འགོད་འདི་སྙིང་རྗེའི་གནས་མིན་ནམ། ཞེས་པ་ལྟར་རོ། སྦྱིར་ཡང་ཟག་མེད་བདེ་བ་ཆེན་པོ་རྣམས་ཀྱི་རྒྱུད་ཚོད་ལོག་ལྟའི་མིག་སྨན་གྱིས་བགོས་པའི་སྐལ་ངན་རྣམས་ཀྱི་ག་ལ་ཤེས་ཏེ། ཟུར་མཁར་བ་བློ་གྲོས་རྒྱལ་པོས། ཁྱུ་མཆོག་སྦྱོད་ལམ་གླིང་བ་དག། གདོང་ངན་ཚོགས་ཀྱི་ཤེས་སམ་ཅི། འགྲོ་བ་མྱོང་ས་ལ་རྒྱུས་ནི། མེད་ཅེས་གྲོང་པ་གླེང་བ་བཞིན། ཞེས་དང་། ས་པཎ་གྱིས། གསེར་དང་ར་གན་འབྱེད་པ་ལ། འགྲེས་པ་མེད་པས་ཕྱེད་པར་དཀའ། ཞེས་དང། རྒྱན་གྱི་བསྟན་པ་བཅོས་ལས་(སྨད་ཆ།༤༤༠)ཀྱང། གཟུགས་ཀྱི་དབྱེ་བ་དམིགས་པའི་སྐབས། ལོང་བ་དག་ལ་ཡོད་དམ་ཅི། ཞེས་པ་སོགས་དང་ཚུལ་མཚུངས་སོ། ལར་ཡང་གང་ཟག་གི་རྒྱུད་ཚོད་མི་ཤེས་པས་དོན་མེད་དུ་ཆགས་སྔང་དང་ཕྲག་དོག་གོ་དབང་གིས་གཞན་ལ་ཕྱོགས་འཛིན་གྱི་སྒྲོ་སྐུར་སྨར་བ་ནི། ཉེས་པར་སྨྲ་རྣམས་འབྱུང་བའི་ཕྱིར། ཁ་ནི་སྡིག་པའི་སྒོ་ཡིན་ནོ། ཞེས་པ་དྲན་ཏོ། ཡང་འགའ་ཞིག་གིས་ཆགས་མེད་རིན་པོ་ཆེ་དང་རྗེ་འདི་གཉིས་དམ་སེལ་ཡོད་པར་བསྒྲགས་པ་ལའག་རྒྱུད་མཚན་ཅིང་ཡང་མེད་དེ། རྗེ་འདི་དགུང་ལོ་ཉེར་དགུ་བཞེས་དུས་སྦོ་བོའི་ཕྱོགས་སུ་ཕེབས་པའང་བླ་མ་ཉིད་ཀྱིས་བཀས་བསྐུལ་ནས་ཕེབས་པ་ཡིན་ལ། སླར་ཚུར་ཕེབས་དུས་ཆགས་མེད་རིན་པོ་ཆེས་དབང་གསན་ཚུལ་སོགས་གོང་དུ་སྨོས་པ་ལྟར་དང། དེ་ནས་ཆགས་མེད་ཉིད་དགུང་ལོ་ང་ལྔ་བཞེས་པའི་ཆུ་ཡོས་ལོར་ལྟར་དང། དེ་ནས་ཆགས་མེད་ཉིད་དགུང་ལོ་ང་ལྔ་བཞེས་པའི་ཆུ་ཡོས་ལོར་གྲུབ་དབང་རིན་པོ་ཆེ་དབུས་སུ་ཕེབས་ནས་མཚིམས་ཕུར་རྩ་རི་རྣམས་སུ་སྒྲུབ་པ་མཛད་ནས་ནག་ཆུའི་མཁར་བར་བས་ཞབས་བརྟན་འབུལ་བར་གཏོང་དུས་ཆམས་མེད་རིན་པོ་ཆེ་དགུང་ལོ་དྲུག་ཅུ་རེ་ལྔ་བཞེས་དུས་ཡིན་ལ། དེ་ནས་བདུན་ཅུ་པ་ལ་ཆགས་མེད་རིན་པོ་ཆེ་ཞིང་གཟིགས་པར་གནང་སྟེ། དེ་དུས་ཀྱི་ཞབས་བརྟན་ཞུ་ཡིག་འབུལ་རེས་དང་བསྔགས་བརྗོད་གནང་བ་སོགས་གོང་དུ་སྨོས་པ་ལྟར་དང། གྲུབ་དབང་རིན་པོ་ཆེ་དགུང་ལོ་རེ་གཅིག་པ་ལ་ཁམས་ཕྱོགས་སུ་ཕེབས་ཀྱང་དེ་དུས་ཆགས་མེད་མི་བཞུགས་པས་སྒྲོ་སྐུར་གྱི་ཡུལ་དང་བྲལ་ལོ། འོན་ཀྱང་དེ་སྐབས་ཀར་དགོན་རྣམས་དུས་འགྱུར་གྱིས་བདག་མེད་སིལ་བུར་སོང་བས་སྡེ་དགེ་སངས་རྒྱས་བསྟན་པས་རྫོགས་ཆེན་རབ་འབྱམས་པ་བསྟན་པའི་རྒྱལ་(སྨད་ཆ།༤༤༡)མཚན་ལ་ཁྲ་སྦོམ་བྲག་ཅེས་པའི་ཀར་དགོན་ཞིག་གདན་སར་ཕུལ་བས། དེ་དག་ཆོས་རྒྱུད་མི་གཅིག་པའི་ཕྲག་དོག་གི་ཚེར་མས་རྒྱུད་འཁྲུགས་ནས་རབ་འབྱམས་པ་ལའང་སྐུར་ཞུས་སྣ་ཚོགས་དང། གྲུབ་དབང་རིན་པོ་ཆེའང་སྔོན་བཀའ་བརྒྱུད་པ་ཡིན་ཀྱང། ཕྱིས་དགེ་ལུགས་པར་ངོ་བལྟས་པ་ཞིག་ཡིན་དུ་སྙམ་ནས་རྣ་ཐོས་བོན་གྱེར་འོལ་ཚོད་ཁུངས་མེད་ཀྱི་གཏམ་སྨར་བར་ཟད་ཀྱི༔ གྲུབ་དབང་རིན་པོ་ཆེ་ལྔ་པ་ཆེན་པོ་ལས་ཆོས་འབྲེལ་ཙམ་གསན་པ་ཡོད་སྲིད། དེ་ལས་ཆོས་རྒྱུད་འགྱུར་བ་མེད་དེ་ཆགས་མེད་སྐུ་མདུན་ནས་ཀྱང་རྙིང་མའི་གཏེར་ཆོས་ཁོ་ན་གསན་བསམ་མཛད་པ་བཞིན། དབུས་སུ་ཕེབས་ནས་ཀྱང་རྫོགས་ཆེན་གྱི་ཉམས་བཞེས་ཁོ་ན་བས་མཚན་ཡང་དེ་ལྟར་གྲགས་པ་ཡིན་ནོ། ཐུགས་དམ་གྱི་རྩ་བ་རརྣའི་ཐུགས་སྒྲུབ་ཞི་དྲག་ཕུར་པ་སོགས་ནི་དེང་སང་གི་བར་དུ་ཆམས་མེད་ནས་བརྒྱུད་པ་ལྟར་ཡིན་ལ། ཆོས་སྡེས་སྨིན་གླིང་གི་ལུགས་ཤས་ཆེར་མཛད་པ་འདི་ནི་འགྱུར་མེད་ཐེག་མཆོག་བསྟན་འཛིན་གྱི་དུས་ཙམ་ནས་བྱུང་བར་མངོན་ནོ། དེ་ལས་གཞན་པའི་རྒྱུ་མཚན་ཅི་ཡང་མེད་པས་དབྱོད་ལྡན་ཆེན་པོ་དག་གིས་རི་བོང་ཅལ་སྒྲོག་དང་ལུག་ཆུ་འབབ་ཁོ་ན་ལ་ཡིད་རྟོན་མ་མཛད་པར་ལོ་རྒྱུས་ཞིབ་མོར་སྒྲོག་དང་ལུག་ཆུ་འབབ་ཁོ་ན་ལ་ཡིད་རྟོན་ལ་མཛད་པར་ལོ་རྒྱུས་ཞིབ་མོར་བསམ་མནོ་མཛད་འཚལ་ལོ། དེ་ལྟར་གྲུབ་དབང་རིན་པོ་ཆེ་ཉི་མ་གྲགས་པ་ནི་སྐུ་ན་ཕྲ་མོ་ནས་གྲུབ་དབང་རིན་པོ་ཆེའི་ཞབས་ཕྱིར་རིན་པོ་ཆེ་ཉི་མ་གྲགས་པ་ནི་སྐུ་བ་ཕྲ་མོ་ནས་གྲུབ་དབང་རིན་པོ་ཆེའི་ཞབས་ཕྱིར་འབྲལ་མེད་དུ་བཞུགས་པ་ཡིན་ཡང་གོང་སྨྲོས་ལྟར་གདན་ས་མ་མཛད། འོན་ཀྱང་གུ་རུ་རིན་པོ་ཆེའི་གཏེར་ལུང་(སྨད་ཆ།༤༤༢)བཞིན་བསྟན་འགྲོའི་ཕན་བདེ་སྦེལ་འགྲོ་ཕན་གྱི་ཕྲིན་ལས་གཞན་དང་གཞན་དུ་སྐྱོང་བར་མཛད། རབ་འབྱམས་པ་ཆེན་པ་བསྟན་པའི་རྒྱལ་ཟུར་དུ་སྐྱོང་པར་མཛད་པས་གདན་སའི་ཁུར་བཞེས་མཛད་པ་ནི་དཔོན་སློབ་རིན་པོ་ཆེ་ཉིད་ཡིན་ཏེ། དམ་པ་འདི་ནི་མི་ལའི་ཐུགས་སྲས་རས་པ་ཞི་བ་འོད་དང། བི་མའི་ཐུགས་བཅུད་རྫོགས་ཆེན་སྙིང་ཏིག་གི་བཀའ་བབས་གྲུབ་ཆེན་མེ་ལོང་རྡོ་རྗེའི་རྣམ་འཕྲུལ་དུ་གྲགས་ཏེ། དེ་ཡང་སྐུ་འཁྲུངས་པའི་ཡུན་ནི། མདོ་ཁམས་ཤོང་ཆེན་བཅོ་བརྒྱད་ཀྱི་ནང་གསེས་ནག་ཤོད་དུ། སེ་ཚ་གྲུབ་ཐོག་ཏུ་གྲགས་པའི་བརྟུལ་ཞུགས་ཀྱི་སྦྱོད་པས་དྲེགས་པ་ཆན་རྣམས་དབང་དུ་བསྡུ་བ་དང། མཐའ་དམག་ཟློག་ཕྱིར་གཏོར་ཟོར་ཐོག་ནས་ནམ་མཁའི་མཐོངས་ནས་བྱ་ལྟར་གཤེགས་པ་དང། སོག་སྟོད་དུ་གཡུང་དྲུང་གླིང་དུ་གྲགས་པའི་བོན་དགོན་སྟོབས་ཆེན་ཞིག་ཡོད་པ་དེས། ཙན་དན་དགོན་པལ་ཤིན་ཏུ་གནོད་པས། མཐའ་དམག་ཟློག་ཕྱིར་གཏོར་ཟོར་ཐོག་ནས་ནམ་མཁའི་མཐོངས་ནས་བྱ་ལྟར་གཤེགས་པ་དང། སོག་སྟོད་དུ་གཡུང་དྲུང་གླིང་དུ་གྲགས་པའི་བོན་དགོན་སྟོབས་ཆེན་ཞིག་ཡོད་པ་དེས། ཙན་དན་དགོན་པ་ལ་ཤིན་ཏུ་གནོད་པས། གྲཱབ་ཆེན་དེ་ལ་བོན་པོ་འདུལ་ཐབས་ཞུས་པས་བོན་པོ་དར་བའི་ས་གནང་སོག་གི་ཉ་འདྲ་བཅུ་གསུམ་ལ་གཡོ་ཐབས་ཀྱི་མཆོད་རྟེན་རེ་བརྩིགས་ནས་བོན་པོ་རྗེས་མེད་དུ་བཏང་ནས་ཐུབ་བསྟན་རྒྱལ་མཚན་བསྒྲེངས་པར་མཛད་པའི་གྲུབ་ཆེན་དེའི་གདུང་བརྒྱུད་དུ་འཁྲུངས། བྱིས་པའི་དུས་ནས་ཐེག་པ་ཆེན་པོའི་རིགས་སད་པའི་རྟགས་དང་ལྡན་ཞིང། སྣང་བ་གདོང་འདེད་དང་བརྟུལ་ཞུགས་ཀྱི་སྦྱོད་པ་ཁོ་ན་མཛད། མཚན་བློ་གྲོས་སུ་འབོད། སྐུ་ན་ཕྲན་མོའི་དུས་ཤིག་འུར་རྡོ་འཕངས་པས་རྒྱང་གྲགས་ཙམ་ན་བྲག་སྲིན་གདུག་པ་ཅན་གནས་པའི་རྟེན་བསྙིལ། སྐྱེར་པའི་མདའ་གཞུ་བཀང་བས་སེར་བ་གདོང་ཟློག་ནུས་པར་གྲགས། བཀའ་བརྒྱུད་པའི་(སྨད་ཆ།༤༤༣)གྲུབ་ཆེན་ཞིག་ལ། རོ་སྙོམས། ཆོས་དྲུག། རས་ཆུང་སྙན་བརྒྱུད་སོགས་ཟབ་ལམ་གྱི་གདམས་སྐོར་དུ་མ་གསན། རྩ་རླུང་སེམས་གསུམ་ལ་དྲོད་ཚད་བརྙེས། རིག་པ་བརྟུལ་ཞུགས་ཀྱི་སྦྱོད་པ་ལ་བོག་ཐོན་ཕྱིར་ཀུན་སྦང་ཨ་ཝ་རྟུ་ཏིའི་སྦྱོད་པ་ཞིང་ཕྱོགས་མཐའ་ངེས་མེད་དུ་གཤེགས་ནས་བོད་ཀྱི་གནས་ཆེན་གཉན་ཁྲོད་དུ་མ་དང། ཁྱད་པར་དུ་ཡུལ་ཉེར་བཞིའི་གནས་ཀྱི་ནང་ཚན་ཉི་བའི་ཐུན་སྦྱོད་དེ་ཝི་ཀོ་ཊར་གྲགས་པ་དཔལ་གྱི་རྩ་རི་ཏྲར་སོགས་སུ་ཕེབས། དེ་ནས་མི་རིང་བར་གྲུབ་དབང་རིན་པོ་ཆེ་མཁར་བར་བསམ་གཏན་བྲག་ཏུ་བཞུགས་པར་སྙན་པའི་བ་དན་རྣམ་པར་གཡོ་བས་ཐུགས་ཡིད་འཕྲོགས་ནས་དྲུང་དུ་བསྙག་ཏེ་མཇལ། སྐུ་མཐོང་བ་ཙམ་གྱིས་མི་ཕྱེད་པའི་དད་པ་ཐོབ། མཛད་པའི་སྒོ་གང་ནས་གཞིགས་ཀྱང་བླ་མ་དམ་པ་དེ་ཉིད་སངས་རྒྱས་དངོས་སུ་གཉིས་གར་མཁྱེན་སྒོ་ཡངས་ཤིང་མཛད་ཁྱབ་ཆེ་བས་གཉེར་པ་སོགས་ལས་ཚན་ཀྱང་ཅི་རིགས་ཀྱི་འགན་ཁུར་མཛད་དེ། ལྷག་བསམ་བཟང་པོས་བླ་མ་དང་བསྟན་ལྡན་པས། ཞབས་ཏོག་བསྒྲུབ་པ་ལ་ནམ་ཡང་བསྙེལ་བ་མེད་པར་བཙོན་པ་དང་ལྡན་པས། གྲུབ་དབང་རིན་པོ་ཆེའང་ཐུགས་ཤིན་ཏུ་མཉེས་ཏེ་གདམས་པ་ཐམས་ཅད་ཚང་སྦྲུགས་སུ་སྩལ། གཞན་ཡང་བཀའ་ཆོས་མང་དུ་གསན། ཁྱད་པར་རྫོགས་ཆེན་ཁྲིད་རིགས་མང་པོ་དང་མཁའ་འགྲོ་སྙིང་ཏིག་གི་ཁྲིད་ཁོ་ན་ལན་ཉེར་ལྔ་གསན། གཞན་ཡང་གཏེར་ཆེན་ཉི་མ་གྲགས་པ་ལས་ཀྱང་གཏེར་ཆན་དེ་ཉིད་ཀྱི་གཏེར་ཆོས་ཕལ་ཆེར་གསན། གྲུབ་དབང་རིན་པོ་ཆེས་ཕྱི་མཐའ་གཟིགས་པའི་བཀའ་དྲིན་གྱིས་བསྐྱངས་ཤིང་ཐུགས་ཡིད་གཅིག་འདྲེས་སུ་གྱུར། མདོ་ཁམས་སུ་བྱོན་(སྨད་ཆ།༤༤༤)ནས་བཟུང་གནས་ངེས་མེད་ཀྱི་རི་ཁྲོད་འབའ་ཞིག་ཏུ་དཀའ་སྦྱད་དྲག་པོ་ལ་བརྟེན་ནས་སྒྲུབ་པའི་རྒྱལ་མཚན་བཙུགས་ཏེ། འོད་གསལ་རྫོགས་པ་ཆེན་པོའི་ཉམས་བཞེས་སྣང་བ་བཞིའི་རྣལ་འབྱོར་ལས་ཉམས་གོང་འཕེལ་གྱི་སྣང་བ་མཐར་ཕྱིན་ནས་རིག་པ་ཚད་ཕེབས་ཀྱི་བར་ཕྱིན་ཅིང་ཉམས་རྟོགས་གང་དུ་འཕེལ། སྦངས་རྟོགས་ཀྱི་ཡོན་ཏན་ཐམས་ཅད་གྲུབ་དབང་རིན་པོ་ཆེ་དང་མཉམ་པ་ཙམ་དུ་གྱུར་ཅིང། མཚན་ཡང་ནམ་མཁའ་འོད་གསལ་སུ་གྲགས་ཏེ། ཇི་སྐད་དུ། མཚན་གཞི་ནམ་མཁའི་མཚན་ཉིད་དེ། ནམ་མཁའ་མཚན་ཉིད་མེད་པ་ཡིན། གང་གིས་ཚུལ་འདི་རབ་རྟོགས་པ། དེ་ནི་བྱང་ཆུབ་སེམས་དཔའ་ཡིན། ཞེས་གསུངས་པ་དང་ཚུལ་མཐུན་པས་རྗེ་འདིའི་ལུང་བསྟན་དུ་སྦྱོར་དུ་རུང་བ་སྣང་ངོ། དེ་ནས་ཟླ་ཆུའི་རྒྱུད་དུ་མོ་ཁྱིམ་ཕུག་བཞེས་འདྲེ་ངན་མ་རུངས་པ་དུ་མ་གནས་པའི་གཉན་ཁྲོད་ཅིག་ཏུ་སྒོ་གསུམ་ཡེ་ཤེས་ཀྱི་རོལ་པ་ལས་མི་འདའ་བར་མི་མ་ཡིན་གྱི་ཚོ་འཕྲུལ་ཐམས་ཅད་ལྟ་བས་ཟིལ་གྱིས་མནན་ནས་ཐུགས་དམ་ལས་གཡོ་བ་མེད་པར་བཞུགས་དེ་སྐབས་གྲུབ་དབང་རིན་པོ་ཆེ་གཞན་དོན་དུ་དགོངས་པ་གཡོ་བ་མེད་པར་བཞུགས། དེ་སྐབས་གྲུབ་དབང་རིན་པོ་ཆེ་གཞན་དོན་དུ་དགོངས་པ་མངོན་པར་བཞུགས་དེ་སྐབས་གྲུབ་དབང་རིན་པོ་ཆེ་གཞན་དོན་དུ་དགོངས་པ་མངོན་དུ་ཕྱོགས་པས། རྗེ་འདི་ཆེད་དུ་གདན་དྲངས་ནས་རིག་གྲོལ་གྱི་སྡེ་དང་དོན་བརྒྱུད་ཀྱི་བསྟན་པ་གཏད་ནས་ཆོས་ཀྱི་ཁྲི་ལ་ངེས་དོན་རྫོགས་པ་ཆེན་པོའི་བསྟན་པ་རིན་པོ་ཆེ་འཛིན་སྐྱོང་སྦེལ་བའི་རྒྱལ་ཚབ་དམ་པར་མངའ་གསོལ་བར་མཛད་དོ། དེ་ན་གདན་ས་ཆེན་པོ་འདི་ཉིད་དུ་བཤད་སྒྲུབ་ཀྱི་བགྱི་བར་འོས་པ་མཐའ་དག་གཙུག་ལག་ཟུང་གིས་མཛད་ཁྱབ་གོང་འཕེལ་དུ་སྐྱོང་ཞིང། ཁྱད་པར་དུ་ཨོ་རྒྱན་ཆེན་པོས། ཚེ་གཅིག་དོན་གྱི་སངས་རྒྱས་བསྒྲུབས་པ་ལ་། མདོ་རྒྱུས་མང་པོའི་མཁྱེན་རྒྱ་མི་འཚལ་གྱི། ཏིང་འཛིན་ཟབ་མོ་ཙེ་(སྨད་ཆ།༤༤༥)གཅིག་བསྒོམ་མཛོད་ཅིག༔ ཅེས་རྡོ་རྗེའི་གསུང་གི་སྙིང་ཁྲ་དེ་བཞིན་ཐུགས་ལ་བརྣགས་ཏེ། སྦོང་བ་བསམ་གཏན་གྱི་སྡེ་ཞེས་མིང་དོན་མཐུན་པར་སྒྲུབ་པའི་ས་སྡེ་བཙུགས་ཏེ། ཆོས་ཀྱི་བཅའ་ཁྲིམས་ལེགས་པར་བསྡོམས་ནས་ལོ་ལྟ་བཞིན་རྒྱུན་ཆགས་སུ་ལན་གཉིས་གསུམ་གྱིས་མཐའ་རྟེན་པར་རྫོགས་ཆེན་མཁའ་འགྲོ་སྙིང་ཐིག་གོ་ཉམས་ཁྲིད་སྩལ་ནས་གྲ་རིགས་རྣམས་དང་གཞན་སེར་སྐྱ་ཆེ་ཕྲ་ཐམས་ཅད་ཀྱང་ངེས་དོན་བསྒོམ་པ་ལ་སྦྱོར་བ་མཛད་དེ། སེམས་ངོ་ཤེས་ཙམ་ནས་རིམ་གྱིས་རྟོགས་པ་གོང་འཕེལ་དུ་མ་གྱུར་བར་དུ་རྗེས་ཉིད་ཀྱིས་བསླབ་ཁྲིད་ནན་ཆགས་གནང་ནས་འཚམས་དང་འདག་སྦྱར་བྱེད་དུ་བཅུག་ཅིང། འཚོ་བ་མེད་པ་རྣམས་ལའང་ཉམས་ལེན་ནུས་ཕྱིན་ལྟོ་གོས་ཀྱི་ཕན་པ་བསྒུགས་ཏེ་བཀའ་དྲིན་གྱིས་སྐྱོང་བ་སོགས་མཛད། དེའི་སྟོབས་ཀྱིས་སྒོམ་ཉམས་དང་རྟོགས་པ་ལྡན་པ་མང་དུ་འཕེལ་བས་བསམ་གཏན་གྱི་སྡེ་ཤིན་ཏུ་དར་རྒྱས་སུ་གྱུར། གཞན་དག་སློབ་ཚོགས་གྲཱ་རིགས་ཀྱི་འདུ་བའང་སྔར་ལས་འཕེལ་ཞིང་རྒྱས་པས། གཞན་དག་སློབ་ཚོགས་གྲཱ་རིགས་ཀྱི་འདུ་བའང་སྔར་ལས་འཕེལ་ཞིང་རྒྱས་པས། རྗ་ཁོག་ཏུ་ལེན་དགོན་གསར་དུ་བཏབ། གཞན་ཡང་རྗེ་འདི་ཉིད་ཐུགས་དཀྱིལ་ཆེ་ཞིང་གང་ཡང་ལྟུར་ཐེངས་པས་ཕྱི་ནང་གང་ལའང་ལེགས་སྦེལ་ཉེས་འགོག་གི་གསུང་དང་ཚར་གཅོད་རྗེས་འཛིན་ཅི་དགོས་རྟོགས་དཔྱོད་ཞིབ་ཅིང། གཞན་དབང་དུ་མི་བཏང་བས་དངོས་གཙང་ཞིང་འཇུག་པ་བདེ་བར་ཡོད་པར་གྲགས། ཉི་གྲགས་གདན་ས་སྟག་མོ་སྒང་དུའང་ཐོག་གཅིག་བཞུགས་ནས་བཀའ་ཆོས་ཉམས་ཁྲིད་སོགས་སྩལ་ནས་བཅའ་ཁྲིམས་ཀྱི་དབྱེ་གསལ་མཛད། གཞན་ཡང་བསྟན་འགྲོར་ཕན་འདིའི་རྒྱུར་དགོངས་པའི་རྟེན་བཞེངས་དུས་མཆོད་འཛུགས་པ་སོགས་ཕྲིན་ལས་རྒྱ་ཆེ། ཏིང་ངེ་འཛིན་ལ་དབང་འབྱོར་བས་གཞན་བརྒྱུད་ཀྱི་(སྨད་ཆ།༤༤༦)རྟོགས་པ་མཁྱེན་པ་དང། མངོན་ཤེས་ཕྱོགས་མེད་དུ་ཤར། སྐུ་ལུས་ལ་གྲིབ་མ་མེད་པ་སོགས་ལམ་རྟགས་ཀྱི་ཡོན་ཏན་ཕུལ་དུ་ཕྱིན་པ་མངའ། དེ་ལྟར་བསྟན་འགྲོའིི་དོན་དུ་སྐུ་ཚེ་མཐར་ཕྱིན་པར་བཞུགས་ནས་ངོ་མཚར་བའི་ལྟས་དུ་མ་དང་བཅས་མེ་ཕོ་རྟ་ལོར་དགོངས་པ་ཆོས་དབྱིངས་སུ་ཐིམ་པའི་བསྟན། གདུང་སྦྱངས་པས་ཐུགས་ལྗགས་དང་རིང་བསྲེལ་མང་དུ་བྱོན། དུས་ཕྱིས་ཀྱང་གདུང་ཐལ་ལས་རིང་བསྲེལ་འཕེལ་བ་རྗེ་དབོན་རྡོ་རྗེ་འཆང་འདིའི་རིང་ལ་འཕེལ་རྒྱས་ཡོང་བའི་རྟེན་འབྲེལ་དུ་གོར་མ་ཆག། གཞན་ཡང་གྲུབ་མཆོག་དམ་པ་འདི་ཉིད་ཀྱི་ཞབས་ཀྱི་པདྨ་ལ་བཏུད་ཅིང་གསུང་གི་བདུད་རྩིའི་ཟིལ་དངར་ལ་བརྟེན་ནས་རང་གཞན་གྱི་དོན་གཉིས་གྲུབ་པའི་ཞལ་སློབ་ཀྱི་རིམ་པའང། གཙོ་བོ་ནི་གྲུབ་དབང་རྫོགས་ཆེན་པ་དེ་ཉིད་ཀྱི་ཡང་སྲིང་རིན་པོ་ཆེ་འགྱུར་མེད་ཐེག་མཆོག་བསྟན་འཛིན་དང། རྗེ་ཉིད་ཀྱི་དཔོན་པདྨ་ཀུན་གྲོལ་རྣམ་རྒྱལ་གཉིས་ཡིན་ལ། གཞན་ཡང་ཉི་གྲགས་རྒྱལ་སྲས་ཨོ་རྒྱན་མཚན་སོགས་བཀའ་ཆོས་ཀྱིས་འབྲེལ་བའི་སློབ་མ་ནི་མཐའ་ཡས་པའི་ཕྱིར་ཐམས་ཅད་སྨོས་པར་མ་ནུས་ཏེ། མི་ཉག། རྒྱལ་རོང། རྡོ་སྟོད་སྨད། མགོ་ལོག། ཉག་རོང། རྗ་གླིང་གཉིས། ཧོར་སྟོད་སྨད་སོགས་ནས་མཐའ་ཡས་པ་བྱུང་ངོ། སྦྲུལ་པའི་སྐུ་རིན་པོ་ཆེ་ཞིང་ཁམས་གཞན་དུ་དགོངས་པ་ཕྱོགས་པའི་ཚེ། སྐལ་ལྡན་གྱི་སློབ་མ་རྣམས་ཀྱི་སྦྲུལ་པའི་སྐུའི་སྣང་བརྙན་བཞེངས་པའི་(སྨད་ཆ།༤༤༧)གསོལ་འདེབས་དྲག་པོས་ཐུགས་རྗེ་བསྐུལ་བས་ཚད་མེད་སྙིང་རྗེའི་གཟིགས་པ་ཆེན་པོས་དག་པའི་ཆོས་ཀྱི་དབྱིངས་ལས་རྣམ་རོལ་མ་འགགས་པའི་སྒྱུ་འཕྲུལ་སྐྱེ་བ་སྦྲུལ་པའི་སྐུར་བཞེངས་པར་མཛད་དེ། དེ་ཡང་བྱང་ཕྱོགས་ཟླ་ཀླུང་གི་འགྲམ་དུ་གུར་དཀར་པོའི་བདག་པོ། ཨོ་རོང་ཚོ་པ་བཞི་བཅུའི་ནང་ཚན་ལས་གྱེས་པ། རྒྱལ་པོ་ཀུན་དགའ་དའི་ཆིངས་སང། ནོམ་ཆི་ཐའི་ཇི་ལ་སོགས་པའི་སྲས་ཀྱི་བདག་གཉེར་འཚོ་བ་ལ་ཡུལ་སྐད་དུ་དར་ཁན་ཨུར་ལུག་ཏུ་གྲགས་པའི་རིགས་སུ། མྱོས་ལྡན་ཞེས་པ་ས་མོ་ཡོས་ཀྱི་ལོ་ལ་སྐུ་འཁྲུངས། འཇིགས་བྲལ་བའི་ཚངས་པ་སྡེ་དགེའི་སྐུ་ཞབས་དང། གོང་མའི་ཐུགས་སྲས་རྣམས་ཀྱིས་བོད་ཡུལ་དབུས་ལྗོངས་ཀྱི་བླ་མ་ཆོས་སྦྱོང་རྣམས་ལ་བརྟག་ཞུལ་ཕུལ་བས། དེ་དག་གིས་གོང་མའི་སྐྱ་སྲིད་འཁྲུལ་མེད་དུ་ངོས་འཛིན་གནང་ཞིང། སྐུ་རིམ་ཞབས་བརྟན་ལ་འབད་ན་སྐུ་ཚེ་བསྟན་སྲིད་དར་རྒྱས་སུ་འབྱུང་ཚུལ་དང། སྨིན་གླིང་ན་འགྱུར་མེད་ཐེག་མཆོག་བསྟན་འཛིན་དང། རྡོར་བྲག་ནས་པདྨ་བསྟན་འཛིན་ཐེག་མཆོག་བསྟན་འཛིན་དང། རྡོར་བྲག་ནས་པདྨ་བསྟན་འཛིན་ཐེག་མཆོག་རྒྱ་མཚོའི་སྡེ་ཞེས་མཚན་གྱི་ཆོད་པན་དང་བཅས། ཐེ་ཚོམ་གྱི་དྲ་བ་རྣམ་པར་བསམ་བར་མཛད་པ་བཞིན། དེར་མཚུངས་ངོས་འཛིན་ཕུལ་བ་དང་བཅས་པ་སོམ་ཉིའི་མུན་པ་མིང་གི་ལྷག་པར་བཏང་བའི་ངེས་ཤེས་ཀྱི་ཉིན་བྱེད་དགུང་བནས་འཆར་བའི་ཚེ། གདན་ས་ཆེན་པོར་མངའ་གསོལ། དེ་སྐབས་གོང་མའི་ཐུགས་སྲས་གཏེར་ཆེན་དམ་པ་གདན་ས་འདིར་མི་བཞུགས་པས་རྒྱལ་ཚབ་དམ་པ་དཔོན་སློབ་རིན་པོ་ཆེ་དང། རབ་འབྱམས་པ་སོགས་ལས་དགེ་བསྙེན་གྱི་སྡོམ་པ་བཞེས་ཏེ། མཚན་པདྨ་དབང་ཆེན་དང། པདྨ་དབང་དྲག་སོགས་ཕུལ། བླ་མ་རྣམ་གཉིས་ཀྱིས་ཡི་དམ་ཁ་ཤས་ཀྱི་དབང་(སྨད་ཆ།༤༤༨)བཀའ་སོགས་ཕུལ་ནས་ཉམས་བཞེས་མཛད། དགུང་ལོ་བཅུ་གཅིག་པ་ས་མོ་གླང་གི་ལོ་ལ་དབུས་ལྗོངས་སུ་ཆིབས་སྐྱོད་གནང། ཐོག་མར་སྲིད་རྫོང་འདོ་གསལ་སྒྲུབ་སྡེར་ཕེབས། གོང་མའི་ཞལ་སློབ་ཀྱི་གཙོ་བོ་གཏེར་ཆེན་ཆོས་ཀྱི་རྒྱལ་པོ་ཉི་མ་གྲགས་པ་མཇལ་ནས། རྗེ་དེ་ཉིད་ཀྱི་གཏེར་ཆོས་ཕལ་ཆེར་གསན། རྒྱལ་སྲས་ཨོ་རྒྱན་བསྟན་འཛིན་ནས་ཀྱང་ནོར་བདག་ཡིད་བཞིན་ནོར་བུ་སོགས་གསན། གཏེར་ཆེན་ནས་བསྙེན་བཀུར་ཕུན་སུམ་ཚོགས་པ་ཕུལ། རིམ་པར་འབྲི་གུང་དཀོན་མཆོག་ཕྲིན་ལས་བཟང་པོ་ལས་གཤེན་རྗེ་ཁྲོ་ཆུ་སོཔགས་རྟེན་གསུམ་གཙག་ལག་ཁང་རྣམས་སུ་མཆོད་པ་རྒྱ་ཆེརཕུལ། དེ་ནས་རྡོ་རྗེ་བྲག་དང། འོག་མིན་ཨོ་རྒྱན་སྨིན་གྲོལ་གླིང་རྣམས་སུ་ཞབས་སྐྱོད་གནང་ནས། པདྨའི་གདུང་སོ་བ་ཆོས་རྒྱལ་གཏེར་བདག་གླིང་པ་ལས་སྐྱབས་གསུམ་འཛིན་པའི་དགེ་བསྙེན་དང་བྱང་སྡོམ་སྔགས་ཀྱི་དཀྱིལ་འཁོར་ལོ་དུ་མའི་དབང་ལུང་སོགས་ཀྱི་བཀའ་དྲིན་ཆེ་བའི་བླ་མ་གཅིག་ཏུ་བསྟེན། རྗེ་དེ་ཉིད་ཀྱིས་ཤ་འུག་སྟག་སྒོའི་ཟབ་གཏེར་ཐུགས་རྗེ་ཆེན་པོ་བདེ་གཤེགས་ཀུན་འདུས་ཏུ་ངོན་འཛིམ་མཛད་ནས་སྔ་འགྱུར་བཀའ་གཏེར་རྒྱ་མཚོའི་ཆོས་སྐྱི་ཁྲི་ལ་མངའ་གསོལ་ཞིང། སྔར་གྱི་མཚན་འཕྲོར། མཏུ་སྟོབས་དང་པོ་ཕྱོགས་ཐམས་ཅད་ལས་རྣམ་པར་རྒྱལ་བའི་སྡེ་ཞེས་སྩལ། རྗེ་གཏེར་ཆེན་བླ་མ་དེ་ཉིད་དང། ཁྱབ་བདག་རིགས་བརྒྱའི་དབང་ཕྱུག་དཔོན་སློབ་དམ་པ་གཉིས་བཀའ་དྲིན་ཁྱད་པར་འཕགས་པའི་རྩ་བའི་བླ་མ་(སྨད་ཆ།༤༤༩)རྣམ་གཉིས་སུ་འཛིན་པ་ཡིན་ནོ། གཞན་ཡང་ཞབས་དྲུང་པདྨ་ཕྲིན་ལས་ལས་དགེ་ཚུལ་གྱི་སྡོམ་པ་བཞེས་ཤིང། དབུས་ཕེབས་ཕྱི་མའི་དུས་ཞབས་དྲུང་སྐལ་བཟང་པདྨ་དབང་ཕྱུག་ལས་བསྙེན་རྫོགས་བཞེས། ལོ་ཆེན་ངྷ་རྨ་ཤྲཱི་རྒྱལ་སྲས་པདྨ་འགྱུར་མེད་རྒྱ་མཚོ། རིན་ཆེན་རྣམ་རྒྱལ་སོགས་མཆེད་ལྕམ་རྣམས་ལས་མདོ་སྒྱུ་སེམས་གསུམ་སོགས་བཀའ་མ་དང། སྨིན་གླིང་གཏེར་ཆོས་གཙོ་བོ་གྱུར་པའི་ཆོས་ཀ་མང་དུ་གསན། དཔལ་རི་སྦྲུལ་སྐུ་ངག་དབང་ཀུན་བཟང་པདྨ་ལས་ཉང་གཏེར་བཀའ་བརྒྱད་བདེ་གཤེགས་འདུས་པ་སོགས་དང། ལྷོ་བྲག་པད་གླིང་ལྔ་པ་ངག་དབང་ཀུན་བཟང་རྡོ་རྗེ་ལས་རྙིང་བརྒྱུད་གཙོ་བོར་གྱུར་པའི་བཀའ་ཆོས་གསན་རྒྱ་ཆེར་གྲུབ་ནས་ཕྱིར་ཕེབས། དེ་ནས་རིག་པད་གླིང་ལྔ་པ་ངག་དབང་ཀུན་བཟང་རྡོ་རྗེ་ལས་རྙིང་བརྒྱུད་གཙོ་བོར་གྱུར་པའི་བཀའ་ཆོས་གསན་བསམ་རྒྱ་ཆེར་གྲུབ་ནས་ཕྱིར་ཕེབས། དེ་ནས་རིགས་བདག་ནམ་མཁའ་འདོ་གསལ་རྒྱ་ཆེར་གྲུབ་ནས་ཕྱིར་ཕེབས། དེ་ནས་རིགས་བདག་ནམ་མཁའ་འོད་གསལ་གཙུག་ཏུ་བསྙེན་ནས་ཟབ་གསང་མཁའ་འགྲོ་སྙིང་ཐིག་གི་ཉམས་ཁྲིད་སོགས་ཟབ་ཅིང་རྒྱ་ཆེ་བའི་ཆོས་ཚུལ་ཇི་སྙེད་ཅིག་གསན་ཅིང་ཁྱད་པར་ཉམས་ཁྲིད་སོགས་ཟབ་བཞེས་ཐུགས་ཉམས་སུ་བསྟར་བའི་དུས་སུ་རྗེ་གོང་མའི་གསུང་སྒྲོས་དང་ཕྱག་བཞེས་ཕྲ་རགས་ཀྱི་གནང་མ་ཉམས་པར་སྙན་ནས་སྙན་དང་ཞལ་ནས་ཞལ་དུ་བརྒྱུད་པའི་གདམས་ཟབ་བྱིན་རླབས་ཀྱི་ཚན་ཁ་ཅན་ཐམས་ཅད་མ་ཚང་བ་མེད་པ་གསན་ནས་ཐོས་བསམ་གྱི་སྒྲོ་འདོགས་ཡིན་ལུགས་སུ་ཚོད་པར་མཛད། གཞན་ཡང་རིས་མེད་ཀྱི་བླ་མ་མང་དུ་བསྟེན་ཏེ་གཙོ་བོ་གོང་དུ་སྨོས་པ་རྣམས་དང། གཞན་ཡང་མཁན་རིན་པོ་ཆེ་དཔལ་ལྡན་ཆོས་སྐྱོང། ཁམས་སྦྲུལ་རིན་པོ་ཆེ་གོང་འོག་གཉིས། འབྲི་གུང་མཆོག་སྦྲུལ་རིན་པ་ཆེ་དཔལ་ཆེན་ཆོས་ཀྱི་དོན་གྲུབ། ཞཱ་དམར་ཅོད་པན་འཛིན་པ་ཆོས་ཀྱི་དོན་གྲུབ། གླིང་གཏེར་སྟོན་པདྨ་དབང་ཕྱུག། སྟག་བླ་ཀུན་བཟང་བློ་གྲོས། གྲ་ཐང་མཁན་(སྨད་ཆ།༤༥༠)པོ་ཀུན་དགའ་མཁྱེན་རྩེ་ཕུན་ཚོགས། དཔལ་རི་བ་ཀུན་བཟང་འོད་ཟེར། ཆོས་ཀྱི་སྦྱན་ལྡན་འགྱུར་མེད་སྐལ་བཟང་སོགས་ཡོངས་འཛིན་བཅུ་ཕྲག་བཞི་དང་ཉག་མ་གཅིག་གིས་ལྷག་པ་ལས་རྒྱལ་བའི་བཀའ་རིན་པོ་ཆེ་འགྱུར་རོ་ཅོག་གིས་གཅོས་པའི་ཆོས་ཚུལ་རྒྱ་མཚོ་ལྟ་བུ་གསན་ཏེ་གསན་ཡིག་པུ་ཏི་གཉིས་སུ་ལོངས་པའི་གསན་རྒྱ་ཤིན་ཏུ་ཆེ། གཞན་ཡང་རྩིས་དཀར་ནག་སྙན་ངག་སོགས་རིམ་ལམ་མང་པོར་ཡང་སྦྱངས་བརྡར་མཛད་པས་མཁས་པའི་ཕུལ་དུ་གྱུར། དེལྟར་ཀློག་པ་ཐོས་བསམ་གྱི་འཁོར་ལོ་མཐར་ཕྱིན་ནས། སྦོང་བ་བསམ་གཏན་ཀྱི་འཁོར་ལོ་ལ་གཅིག་ཏུ་བཙོན་པར་མཛད་དེ། སྔོན་སྐུ་ཆུང་ངུའི་དུས་བསྙེན་མཚམས་ཁོ་ན་ལོ་གཅིག། བསྐྱེད་རྫོགས་གཉིས་ཀའི་ཉམས་བཞེས་སལོ་སྦྲེལ་མ་གཅིག། ཕྱིས་སུ་སྐུ་ཚེའི་གེག་འཕྲང་དང་བར་ཆད་དག་སེལ་བའི་ཚེ་སྒྲུབ་གཙོར་སྨོས་ཀྱི་བཅད་རྒྱ་ལོ་གཅིག་ལས་རིང་དུ་བརྒལ་བ། ཁྱད་པར་རབ་བྱུང་བཅུ་གཉིས་པའི་བློ་དན་ཞེས་པ་ལྕགས་བྱའི་མཇུག་ནས། རབ་བྱུང་བཅུ་གསུམ་པའི་ན་ཆོད་ལྡན་ཏེ་ཆུ་ཕག་གི་ཧོར་ཟླ་དང་པོའི་ཡར་ཚེས་ཀྱི་བར་དུ། བསྟན་འཛིན་གྱི་སྐྱེས་ཆེན་དུ་མར་ཟབ་རྒྱས་ཀྱི་ཆོས་འཀོར་རྒྱ་ཆེར་བསྐོར་བ་དང། ལོ་ངོ་གཉིས་ཙམ་གཞན་དོན་གྱི་ཕྱོགས་སུ་ལྗོངས་རྒྱུ་ཙམ་མ་གཏོགས་ལོ་རིལ་པོ་བཅུ་གཉིས་ཀྱི་ཁོངས་དང་སྔ་ཕྱིའི་བཅས་ཐམས་ཅད་དུ། འཁོར་འདས་ཀྱི་སྣང་བ་ཐམས་ཅད་དག་པ་རབ་འབྱམས་སྒྱུ་འཕྲུལ་ལྷའི་ཕྱག་རྒྱས་མི་ཕྱེད་པར་བཅིངས་པའི་བསྟན་པ་ཐོབ་པར་མཛད། རྒྱུ་སྡེ་བཞིའི་ལྷག་པའི་དུ་མ་དང། ཁྱད་པར་སྔ་འགྱུར་བཀའ་གཏེར་གྱི་རྩ་གསུམ་ཆོས་སྲུང་ཕལ་ཆེར་པར་བཅིངས་པའི་བརྟན་པ་ཐོབ་པར་མཛད། རྒྱུ་སྡེ་བཞིའི་ལྷག་པའི་ལྷ་དུ་མ་དང། ཁྱད་པར་སྔ་འགྱུར་བཀའ་གཏེར་གྱི་རྩ་གསུམ་ཆོས་སྲུང་ཕལ་ཆེར་ལ་དུས་གྲངས་མཚན་མའི་བསྙེན་པ་གསུམ་པོ་ཅི་རིགས་པ་མ་སོང་བ་མེད་པར་ལྟ་བུ་དང། ཡི་དམ་(སྨད་ཆ།༤༥༡)ལ་ལར་བསྙེན་སྒྲུབ་གཉིས་གསུམ་བསྐྱར་མ་མཛད་པ་ཡང་མང་ཞིང། རྒྱུན་གྱི་ཐུགས་དམ་ཆམས་མེད་ཀྱང། ལྟུང་བཤགས་སྒྲོན་མ། བསམ་པ་ལྷུན་གྲུབ་སོགས་འབུམ་ཕྲག་ལོངས་པ་དང། བཤགས་རྒྱུད་བསྐལ་བཟང་རྒྱན་ཕྲེང། སྦང་སྐོང་ཕྱག་བརྒྱ། བརྟགས་གྲོལ་བསྟན་པ་བུ་གཅིག་གི་རྒྱུད་སོགས་སྟོང་ཕྲག་ལོངས་པ་དང། ཡིག་དྲག་དུང་ཕྱིར་གཉིས་ལྷག་བཅས་དང། ཁྱད་པར་དུ་རྫོགས་ཆེན་ཁྲེགས་ཚོད་ཀ་དག་ལྷུན་གྲུབ་ཐོད་བརྒ་གྱི་ཉམས་ལེན་ཟབ་བཞེས་རྒྱུན་ཆགས་སུ་བསྟར་བས་རྟོགས་པ་མངོན་དུ་གྱུར་པས་རྟོགས་ཆོགས་སྐུ་དང་ཡེ་ཤེས་ཀྱི་རོལ་པ་འབྱམས་ཀླས་པ་ལ་དབང་འབྱོར། བྱ་བ་ལས་ཀྱི་འཁོར་ལོ་ཡང། བསོད་ནམས་ཀྱི་ཞིང་དུ་སངས་རྒྱས་བྱང་སེམས་དང་ཡི་དམ་ཆོས་སྲུང་གི་སྐུ་དང་ཞལ་བརྙན་འབུར་བཞེངས་མང་པོ་དང་རིས་སུ་བྲིས་པ་ཞལ་ཐང་བཟོ་བཀོད་རྒྱུ་དངོས་ཕུན་སུམ་ཚོགས་པ་བརྒྱ་ཕྲག་ལ་ཉེ་བ། བཀའ་འགྱུར་གཉིས། བསྟན་འགྱུར་ཆ་གཅིག། རྙིང་བརྒྱུད་རྣམས་ཀྱི་གཙོས་འབུམ་དང། བཀའ་བསྟན་གྱི་གླེགས་བམ་བཅས་སྟོང་ཕྲག་ལྷག་པ། ཆུ་བྱ་ལོར་ཞུགས་ཀྱི་གནོད་པ་བྱུང་དུས་སླ་ཡང་རྟེན་གསུམ་ཚད་མ་ཞིག་བཞེངས་སྔ་ལས་ལྷག་པ་གསར་བསྐྲུས་མཛད་པ་དང། རྒྱལ་ཀུན་སྦྱི་གཟུགས་ཁྱབ་བདག་བླ་མ་ནམ་མཁའ་འོད་གསལ་གྱི་གསེར་གདུང་ཁྱད་འཕགས་སོགས་སྐུ་གསུང་ཐུགས་རྟེན་དུ་མ་ལྷ་ཁང་དང་རྟེན་གསུམ་རྣམས་ཀྱི་སྦྱན་སྔར་ཡོ་བྱང་ཀྱོ་དངོས་པོ་རྣམ་པར་དག་པའི་བཟང་དགུའི་མཆོད་སྦྲིན་དཔག་མེད་འབུལ་ཞིང། ལྷག་པར་མར་མེའི་རྒྱུན་འཛུགས་རྒྱ་ཆེན་མཐའ་ཀླས་པ་དང། ཕཱ་ཙྪ་ཆུ་སྦྱིན་སྦྱིན་སྲེག། ཁྱད་པར་(སྨད་ཆ།༤༥༢)དངོས་པོ་གཏོས་ཆེན་མང་དག་ལས་བསྐྲུན་པའི་དྲི་མེད་རས་དཀར་ཡུག་སྟོང་ཕྲག་གི་གཞི་ལ་ཡིག་དྲུག་གིས་གཙོས་པའི་སྙིང་པོ་ཐམས་ཅད་འབྱུང་བ་རླུང་གི་བྱེད་ལས་ཀྱི་རྐྱེན་གྱིས་ཞིང་ཁམས་ཐམས་ཅད་སྔགས་སྒྲས་འགེངས་པའི་རླུང་ཕྱོགས་ཀྱི་སེམས་ཅན་མཐའ་དག་བྱང་གྲོལ་དུ་བཀྲི་བའི་ཐབས་མཆོག་དར་ལྕོགས་ལུས་ཚད་ཁྲི་ཕྲག་ལས་བརྒལ་བ། རིས་བྲལ་ཕྱོགས་ཀྱི་ཆོས་སྡེ་མཐའ་དག་ལ་བསག་སྦྱང་དང། དབོན་རིན་པོ་ཆེ་དང་བཀའ་བགྲོས་ནས། ཀུན་མཁྱེན་དྲ་ི་མེད་འོད་ཟེར་གྱིས་གསུང་རྩོམ་བཅོས་ཆེན་པོ་མཛོད་བདུན། ངལ་གསོ་སྐོར་གསུམ་རྩ་འགྲེལ་གསང་སྙིང་འགྲེལ་པ་ཕྱོགས་བཅུ་མུན་སེལ་སོགས་མཆོད་སྦྱིན་མཛད་མེད་སྒྲུབ་ཕྱིར་པར་དུ་བཞེངས་པའི་ཡོ་བྱད་དངོས་སྨར་ཟོང་རྟ་བོར་སོགས་གཏོས་ཆེ་བ་སྡེ་དགེ་ས་སྐྱོང་ཆེན་པོར་ཕུལ་ནས་ལེགས་པར་བསྐྲུན། ལྕགས་སྦྲེལ་ལོར་དབུས་ལྗོངས་སུ་ཚོགས་བསགས་ཆེན་མོར་ཆིབས་བསྒྱུར་གནང་སྐབས་བོད་ཡུལ་གྱི་རྡོ་རྗེ་གདན་དཔལ་ལྡན་ས་སྐྱ་ཕྱི་ཆད། ལྷོ་མན་ཡུལ་བུམ་ཐང་ཚུན་ཆད། ཤར་མདོ་ཁམས་པོད་ཆེན་གྱི་ཆགས་མེེད་གདན་ས་གནས་མདོ། གཏེར་ཆེན་ཉི་མ་གྲགས་པའི་གདན་ས་དཔལ་གྱི་རྩ་རི་ཏྲེ་གཉིས་པ་ཁམས་སྲིང་མོ་རྫོང་ཡན་ཆད་དབུས་གཙང་ལྷོ་ཀོང་མདོ་ཁམས་ཐམས་ཅད་ཀྱི་རིས་བྲལ་ཆོས་སྡེ་དུ་མ་ལ་འགྱེད་ཡང་བཀོལ། གངས་ཅན་བརྟན་པའི་བདག་པོ་རྒྱལ་དབང་ཐམས་ཅད་མཁྱེན་པ། ཐུབ་བསྟན་ཕན་བདེའི་རྩ་ལག་འཇམ་དབྱངས་མིའི་གཟུགས་ཅན་ས་སྐྱ་གོང་མ་རིན་པོ་ཆེ། ས་གསུམ་འགྲོ་བའི་འདྲེན་མཆོག་རྒྱལ་དབང་ཀརྨ་པ་ཡབ་སྲས། འབྲི་སྟག་འབྲུག་པ་པཎ་ཆེན་ཐམས་ཅད་མཁྱེན་པ་སོགས་ཆེ་དགུ་དུ་མ། རྡོར་སྨིན་བྱང་གསུམ་ལྷོ་བྲག་དཔལ་རི་(སྨད་ཆ།༤༥༣)སོགས་རང་ལུགས་ཀྱི་རིས་བྲལ་སྐྱེས་ཆེན་དུ་མར་མཆོད་སྦྲིན་རྒྱ་ཆེན་ཁྱད་པར་དབུས་འགྱུར་ལྷ་ལྡན་དུ་མཉན་ཡོད་མཆོད་པའི་དུས་སྟོན་དང། རྒྱལ་དབང་ལྔ་འབི་དུས་ཀྱི་མཆོད་པ་ཚོགས་ཆེན་མོ་གཉིས་ལ་མང་བསྐོལ་ལན་གཉིས། མཆིམས་ཕུར་དཔལ་རི་སྒྲུ་སྡེར་གསེར་གྱི་འགན་འཛི་ར་དང། གཙུག་ལག་ཞིག་གསོས་ཀྱི་རྟེན་དཔངས་མཐོ་བ་དང། གཞན་ཡང་གནས་རྟེན་ཁྱད་འཕགས་རྣམས་ལ་སྙན་ཤལ། གསེར་གསོལ། མཆོད་པ། ཉམས་པ་རྣམས་ཞིག་གསོས་ཀྱི་རྟེན་སོགས་དངོས་ཇ་སྟོང་དང་ལྔ་བརྒྱ། དར་གོས་ལྦགས་རིགས་ལྔ་བརྒྱ། རྟ་དྲེལ་ཉིས་བརྒྱ། མཛོད་ཁལ་ཉིས་བརྒྱ། དར་གོས་ལྦགས་རིགས་ལྔ་བརྒྱ། གཞན་ཡང་ཡོ་བྱད་ཀྱི་དངོས་པོ་བགྲངས་ལས་འདས་པ་སོགས་ནམ་མཁའ་མཛོད་ཀྱི་སྒོ་འཕར་རྒྱ་ཆེན་པོ་ཕྱེ་བའི་ལེགས་བྱས་དཔེ་ཟླ་དང་བྲལ་བ། གངས་ཅན་སྐྱེ་དགུའི་རྣ་ལུང་ཤིན་ཏུ་མཛེས་པའི་གྲགས་སྙན་ཕྱོགས་ཀྱི་འཁོར་ཡུག་ཏུ་ཁྱབ་པར་མཛད། ཕྱོགས་འདིར་ཡང་རང་ལུགས་བརྒྱུད་འཛིན་གྱི་ཆོས་སྡེ་སྟག་དགོན་དུ་ཀ་ཐོག་དགོན་སོགས་གསར་བཞེངས་ཆ་ཤས་དང། ཉམས་པ་གསོ་བ་སོགས་ཀྱང་མང་ཞིག་མཛད་པ་སོགས་དང། ཀླག་ལུང་སོགས་ལའང་འཆད་པ་རྡོ་རྗེའི་ལྗགས་ནི་ལྷག་པའི་ལྷས་དངོས་གྲུབ་ཏུ་སྟེར་བ་ལྟ་བུས་འགྲན་ཟླ་དང་བྲལ་ཞིང། གཞན་ཡང་དབང་ཁྲིད་སོགས་རྣམ་དབྱེ་ཚུལ་ལྡན་དུ་མཛད་པར་དེ་དག་ཀྱང་ཕྱག་ལེན་འདེབས་མྱུར་ཞིང། ལོངས་སྦྱོད་འཁོར་ལོའི་རྩ་འདབ་རྣམ་པར་གྲོལ་བས་འཆད་བདེ་བ་སོགས་ཀྱི་རྒྱལ་བའི་བཀའ་འགྱུར་རིན་པོ་ཆེ་ལན་གཅིག། རྙིང་བརྒྱུད་ལན་ལྔས་གཙོས་བཀའ་དགོངས་མདོ་དབང། མཛོད་བདུན། སྟོང་ཕྲག་བརྒྱ་པ་སོགས་ལན་གྲངས་ལྔ་(སྨད་ཆ།༤༥༤)དྲུག་རེ་དང་གཞན་ཆོས་བཀའ་རེ་རེ་ལའང་ལན་གྲངས་དུ་མ་དང། གང་གསན་པ་ཐམས་ཅད་ལ་ལན་རེ་གཉིས་མ་འཆད་པ་ནི་གཅིག་ཀྱང་མེད་པས། མདོར་ན་འཆད་རྩོད་རྩོམ་གསུམ། མཁྱེན་བརྩེ་ནུས་གསུམ། མཁས་བཙུན་བཟང་གསུམ་སོགས་དམ་པའི་ཡོན་ཏན་དུ་མ་དང་ལྡན་པས་ལྗགས་རྩོམ་བསྟན་བཅོས་ཀྱང་པུ་ཏི་གཉིས་ཙམ་ཡོད་ལ། གསུང་གི་བདུད་རྩི་འཐུང་བའི་ཞལ་སློབ་ཀྱང། རྡོ་རྗེ་བྲག་མཆོག་སྦྲུལ་རིན་པོ་ཆེ་སྐལ་བཟང་པདྨ། ཟུར་སྦྲུལ་གསུམ་པ་ཕྲིན་ལས་བློ་ལྡན་རྒྱ་མཚོའི་སྡེ། ཀ༔ཐོག་རྒྱལ་སྲས་མཆོག་བསྟན་པའི་རྒྱལ་མཚན། འདྲེན་མཆོག་ནམ་མཁའ་འོད་གསལ་གྱི་སྦྲུལ་དྲི་མེད་ཞིང་སྐྱོང་མགོན་པོ། ཉི་གྲགས་མཆོག་སྦྲུལ་པདྨ་ཐེག་མཆོག་བསྟན་པའི་རྒྱལ་མཚན། འདྲེན་མཆོག་ནམ་མཁའ་འོད་གསལ་གྱི་སྦྲུལ་སྐུ་གསང་སྔགས་བསྟན་འཛིན། རབ་འབྱམས་སྦྲུལ་སྐུ་འགྱུར་མེད་ཀུན་བཟང་རྣམ་རྒྱལ། བདེ་གཤེགས་འཁོར་བ་འཇིག་མིའི་སྲིད་པ་བཟུང་བ་ཁམས་སྦྲུལ་རིན་པོ་ཆེ་སྐུ་གོང་འོག་གཉིས། ཉི་གྲགས་རྒྱལ་སྲས་ཨོ་རྒྱན་བསྟན་འཛིན། སྨིན་གླིང་རྗེ་བཙུན་མ་འགྱུར་མེད་དཔལ་སྒྲོན། དབོན་རིན་པོ་ཆེ་པདྨ་ཀུན་གྲོལ་རྣམ་རྒྱལ། གཞན་ཡང་ཆེན་པོའི་གོ་འཕང་མཐོ་བ། མཁས་པའི་གྲགས་སྙན་ཐོན་པ། གཞན་ཡང་ཆེན་པོའི་གོ་འཕང་མཐོ་བ། མཁས་པའི་གྲགས་སྙན་ཐོན་པ། སྒྲུབ་པའི་རྒྱལ་མཚན་བསྒྲེང་བ། བསྟན་པ་དར་རྒྱས་སུ་སྦེལ་བ་སོགས་ཀྱི་སྐྱེས་བུ་དུ་མ་དང། གཞན་ཡང་རྩ་བ་གསུམ་གྱི་ལྷག་པའི་ལྷ་མང་པོ་ཞལ་གཟིགས་པ་དང། མངོན་པར་ཤེས་པ་ལ་སོགས་ལམ་རྟགས་ཀྱི་སྐྱེས་བུ་དུ་མ་དང། མངོན་པར་ཤེས་པ་ལ་སོགས་ལམ་རྟགས་ཀྱི་ཡོན་ཏན་བསམ་གྱིས་མི་ཁྱབ་པ་མངའ་ཡང་སྦས་པའི་ཚུལ་གྱིས་ཡི་གེར་འདེབས་པ་སོགས་མ་གནང་བས་ད་ལྟ་ཇི་ལྟ་བ་འཆད་དཀའ་(སྨད་ཆ།༤༥༥)བར་འདུག་ཅིང། ངག་རྒྱུན་ཙམ་ལ་བརྟེན་ནས་འབྲི་བར་མ་སྦོབས་སོ། རྡོ་རྗེ་ཆོས་སྲུང་ཐམས་ཅད་བྲན་དུ་ཁོལ་བས་ཕྲིན་ལས་རྣམ་པ་བཞི་འབད་མེད་ལྷུན་གྲུབ་ཏུ་འབྱུང་བ་དང་ཁྱར་པར་དུ་ཡང་དྲུང་སྲོང་ཆེན་པོ་འབྲལ་མེད་དུ་འགྲོགས་པ་སོགས་ཀུན་གྱི་སྣང་ཚུལ་མཐུན་པར་མངོན་སུམ་ཚད་མའོ། དེ་ལྟར་ཕྲིན་ལས་རྣམ་པ་བཞིའི་བསྟན་འགྲོའི་དོན་ཡུན་རིང་དུ་མཛད་ནས་འགྲོ་དོན་ཐོག་གཅིག་མཛད་པའི་ཚུལ་བསྟན་ནས་དགོངས་པ་ཡོངས་སུ་མྱ་ངན་ལས་འདའ་བར་ཕྱོགས་པ་ན་ཆོས་ཀྱི་ཁྲི་ལ་ཞབས་པད་བཀོད་ནས་འདུས་པའི་བསླབ་བྱ་ཞལ་ཆེམས་ཀྱི་བསྟན་པ་གཏད་ནས་ཆོས་ཉིད་བསམ་མི་ཁྱབ་པའི་རོལ་པ་ལ་མངའ་དབང་འབྱོར་བས་ཆོས་ཅན་སྒྱུ་མའི་རང་གཟུགས་པའི་བཤིགས་ནས་ཟག་མེད་བདེ་བ་ཆེན་པོའི་དབྱིངས་སུ་གཤེགས་པར་གྱུར་ཏོ། དེ་ནས་མཆོད་སྦྲིན་རྒྱ་ཆེར་སྦྲོ་བས་དགོངས་པ་རྫོགས་པའི་ཐབས་ལ་བཙོན་ཏེ། ལྷ་མོན་ཚུན་གྱི་རིས་མེད་ཆོས་སྡེ་མང་པོར་མང་བསྐོལ་དང་བླ་མའི་རིགས་ལ་མཆོད་བསྔོ་རྟེན་སོགས་དང་གསེར་གདུང་རིན་པོ་ཆེ་ཁྱད་མཚར་བཞེངས་པ་སོགས་རྗེས་ཀྱི་བྱ་བ་མཐའ་རྒྱས་སུ་སྒྲུབ་དགོས་ཐམས་ཅད་རྗེ་དབོན་རིན་པོ་ཆེའི་འགན་བཞེས་མཛད་པ་ཡིན་ནོ། དབོན་རིན་པོ་ཆེ་འགྱུར་མེད་པདྨ་ཀུན་གྲོལ་རྣ་རྒྱལ་ནི། ཡུལ་ནག་ཤོད་དུ་གྲུབ་པའི་དབང་ཕྱུག་ཁྱབ་བདག་ནམ་མཁའ་འོད་གསལ་གྱི་དབོན་རྒྱུད་དེ་མེ་ཕོ་ཁྱིའི་ལོར་འཁྲུངས། དགུང་ལོ་བཞི་བཞེས་པའི་དུས་གཏེར་ཆེན་ཆོས་ཀྱི་རྒྱལ་པ་ཉི་མ་གྲགས་པ་མཇལ་བས་ཐུགས་རྒྱུད་བྱིན་གྱིས་བརླབས་(སྨད་ཆ།༤༥༦)ཏེ་གཏེར་ཆེན་དེ་ཉིད་ཀྱིས་དགྱེས་ཉམས་དང་བཅས་ཚོགས་འཁོར་གནང་ནས་དབང་ཆེན་རྟ་མགྲིན་གྱི་སྦྲུལ་པ་ཡིན་ཞེས་བསྔགས་པ་རྒྱ་ཆེར་སྩལ། དེ་དུས་ཙམ་ནས་འཁོར་བའི་ཆོས་ལ་ཐུགས་དབྱུང་སྟེ་གཅོས་མིན་གྱི་ངེས་འབྱུང་དྲག་པོ་སྐྱེས། མནལ་ལམ་དུ་བཅོམ་ལྡན་འདས་ཤཱཀྱ་ཐུབ་པས་འགྲོ་བ་འདི་རྣམས་འདྲེན་པ་གྱིས་ཞེས་ལུང་བསྟན་སྩལ། སྐུ་ན་ཕྲ་མོའི་དུས་ཤིག་དཔལ་མགོན་སེང་གདོང་ཅན་གྱི་བཀའ་སྡོད་དུས་མཚན་ཕོ་མོའི་དངོས་སུ་རྩེ་དཔལ་མགོན་སེང་གདོང་ཅན་གྱི་བཀའ་སྡོད་དུས་མཚན་ཕོ་མའི་དངོས་སུ་རྩེ་རོགས་དང་ཕྱག་མཚན་ཐོད་དབྱུག་གི་རྣམ་པ་ཞིག་ཕྱག་ཏུ་གཏད་པ་དེང་སང་ཡང་ཡབ་ཚང་སར་ཡོད། དེ་ནས་དངོས་ཉམས་རྨི་ལམ་ཐམས་ཅད་དུ་བཀའ་སྲུང་གཟའ་བདུད་ཆེན་པོའི་ཞལ་བསྟན་ནས་ཁུ་བོ་བླ་མའི་དྲུང་དུ་མྱུར་དུ་སོང་ཞིག་ཅེས་ཡང་ཡང་བསྐུལ་བ་དང། ཡང་མི་དམར་ལག་པ་བཞི་པ་ཞིག་གི་སྐྱོ་རོགས་བྱེད་ཅིང་སྦྲོ་བསྲིང་བ་སོགས་བྱུང། དེ་ནས་མི་རིང་བར་མདོ་ཁམས་སྨད་དུ་ཕེབས། དགུང་ལོ་བཅུ་དྲུག་པ་ལ་ཁྱབ་བདག་མན་མཁའ་འོད་གསལ་དང་མཇལ། རབ་ཏུ་བྱུང་ནས་མཚན་པདྨ་ཀུན་གྲོལ་དུ་གསོལ། སློབ་དཔོན་དགེ་བའི་བཤེས་གཉེན་ཨོ་རྒྱན་ཡོངས་གྲོལ་བསྟེན་ནས་ལྗགས་ཀློག་ནན་ཆེར་སྦྱངས། དེ་སྐབས་དཔལ་རྟ་མགྲིན་ནག་པོ་མེ་དཔོན་སློབ་རིན་པོ་ཆེའི་དྲུང་ནས་ཡང་ཟབ་དཀོན་མཆོག་སྦྱི་འདུས་སོགས་དང། ཟབ་གསང་མཁའ་འགྲོ་སྙིང་ཐིག་གི་དབང་ཁྲིད་ལུང་བཅས་གསན་ནས་ཟབ་ལམ་གྱི་ཉམས་བཞེས་རྩེ་གཅིག་ཏུ་གནང་ནས་ལྟ་སྒོམ་གྱི་སྒྲོ་འདོགས་བཅད་ནས་ཉམས་ལེན་ལ་རྡོ་རུས་གཏུག་ཅིང། གཞན་ཡང་(སྨད་ཆ།༤༥༧)བཀའ་ཆོས་མང་དུ་གསན། ཐུགས་དམ་ཟབ་བཞེས་ཀྱིས་ཉམས་ལེན་གོ་ཉམས་རྟོགས་པའི་ཚུལ་ལ་དཔོན་པོ་འདི་ཕོ་རྒོད་རབ་ཞིག་ཏུ་ཡང་བར་འདུག་གོ་ཞེས་ཡང་ཡང་གསུངས། དེ་སྐབས་དུས་འགྱུར་གྱི་དབང་གིས་སྨིན་གླིང་རྒྱལ་སྲས་རིན་ཆེན་རྣམ་རྒྱལ་ཕྱོགས་འདིར་ཆོས་ཚུལ་མང་དུ་གསན། མཚན་འགྱུར་མེད་པདྨ་བསྟན་འཛིན་དུ་གསོལ། དགུང་ལོ་ཉེར་གཅིག་པ་ས་ཕོ་རྟ་ལོར་དབུས་ཕྱོགས་སུ་ཕེབས། ལྷ་ལྡན་ཇོ་ཤཀ་རྣམ་གཉིས་ཀྱིས་གཙོས་པའི་གཙུག་ལག་ཁང་དང་རྟེན་གསུམ་རྣམས་ལ་མཆོད་སྦྲིན་སྦྲོ་བ་དང་བསྟན་དང་འགྲོ་བའི་ཕན་བདེ་སྦེལ་བའི་བསྔོགས་སྨོན་ཐུགས་འདུན་དང། རྡོར་སྨིན་གཉིས་གཙོ་བོར་གྱུར་པའི་རང་ལུགས་སྔ་འགྱུར་རྙིང་མའི་བླ་མ་རྣམས་ལས་ཟབ་རྒྱས་ཆོས་ཀྱི་བདུད་རྩི་ལ་དགྱེས་དགུར་རོལ་ཞིང། སྨིན་གླིང་མཁན་ཆེན་ལས་ཚིག་གསུམ་རིམ་ནོད་ཀྱིས་བསྙེན་པར་རྫོགས་པས་དགེ་སློང་གི་དངོས་པོར་བསྒྲུབས་ནས་མཚན་སྔར་གྱི་འཕྲོར་རྣམ་རྒྱལ་བཟང་པོར་གསོལ། ངུར་སྨྲིག་གི་རྒྱལ་མཚན་འཛིན་པའི་བརྟུལ་ཞུགས་ཀྱིས་སྦ་བར་མཛད། ཁྱད་པར་ལྷ་སར་བཞུགས་སྐབས་སྦས་པའི་ཚུལ་འཛིན་རང་གྲོལ་གྱི་རྣལ་འབྱོར་མ་ཌཀྐིའི་དབང་མོ་ཞིག་གིས་བྱིན་གྱིས་བརླབས་ཏེ་སྙན་བརྒྱུད་ཀྱི་གདམས་པ་གཏད་ནས་ལྟ་སྒོམ་གྱི་ངོ་སྦྲོད་གནང་བར་ཕྲ་རགས་ཀྱི་རྟོག་པ་ཆོད། སྣང་སེམས་རོ་གཅིག་ཏུ་འདྲེས། ལྟ་སྒོམ་ཀློང་དུ་གྱུར། རྫོགས་པ་ཆེན་པོའི་ལྟ་གྲུབ་པ་ཐུགས་ངེས་གཏིང་ནས་འདྲངས་པར་གྱུར། གཞན་ཡང་དེ་སྐབས་ཞལ་གཟིགས་དང། གདུག་འདྲེ་གསར་པ་དམ་ལ་བཏགས་པ་(སྨད་ཆ།༤༥༨)སོགས་ངོ་མཚར་ཅན་མང་དུ་བྱུར་བར་སྣང། ལྷོ་བྲག་བྱོན་སྐབས་ལམ་རྒྱུས་མེད་པར་སྲུང་མས་དངོས་སུ་ལམ་སྟོན་པ་བྱུང་ཞིང། ཐུགས་སྲས་ལྔ་པ་ལས་ཀྱང་ཆོས་བཀའ་མང་དུ་གསན། སླར་ཕྱིར་ཕེབས་ཞོར་ལ་གཏེར་ཆེན་བླ་མའི་གདན་ས་སྲིང་རྫོང་འོད་གསལ་སྒྲུབ་སྡེར་ཕེབས། རྒྱལ་སྲས་ཨོ་རྒྱན་བསྟན་འཛིན་ལས་བཀའ་ཆོས་མང་དུ་གསན། རིམ་པས་རྫོགས་ཆེན་དགོན་དུ་ཕེབས་དཔོན་སློབ་གཞན་དོན་ལ་དགོངས་པར་གྱུར་ཀྱང་མཆོག་སྦྲུལ་རིན་པོ་ཆེ་མཇལ། དེ་སྐབས་ཆོས་ཀྱི་རྒྱལ་པོ་ཉི་མ་གྲགས་པའི་གདན་ས་སྟག་མོ་སྒང་བཟང་ཕུན་ཚོགས་གླིང་དུ་ཕེབས། རྒྱལ་ཚབ་དམ་པ་བློ་གྲོས་རྒྱལ་མཚོ་ལས་ཉི་གྲགས་གཏེར་གསལ་ཡོངས་རྫོགས་བུམ་པ་གང་འབྱོར་བཞེས་པས་ཕྲིན་ལས་གང་བརྩམས་རྩོལ་མེད་དུ་གྲུབ་པར་བྱུང་ཞིང་ཁྱད་པར་ཟབ་ལམ་གསང་བ་འདུས་པའི་བསྙེན་སྒྲུབ་གནང་བས་རང་རིག་དོན་གྱི་ཕགས་པའི་རང་ཞལ་མངོན་དུ་གཟིགས། རུ་དམ་ཕུར་རི་ཁྲོད་དུ་བཞུགས་སྐབས་ཟངས་མདོག་དཔལ་རིར་ཕེབས་པའི་མནལ་ལམ་དག་སྣང་བྱུང་ཞིང། སླ་ཡང་གཏེར་ཆེན་བླ་མའི་གདན་སའི་གཙང་མང་གཡས་པར་བླ་མ་བདེ་མཆོག་དབང་གི་འཁོར་ལོའི་སྐུ་བརྙན་བྱིན་ལྡན་ཞིག་སྔར་ནས་བཞེངས་ཡོད་ཀྱང་འཁོར་རྣམས་བཞེངས་མ་གྲུབ་པར། གཏེར་ཆེན་དེ་ཉིད་ཀྱི་རྒྱལ་ཚབ་དམ་པར། ད་ལམ་འཁོར་རྣམས་བཞེངས་མ་གྲུབ་ཀྱང། མ་འོངས་པ་ན་འདིའི་འཁོར་དུ་སྒྲུབ་སྡེ་བརྒྱད་ཀྱི་གཙོ་བོ་དཔལ་ཆེན་དགུའི་སྐུ་བརྙན་བཞེངས་པ་ཞིག་མྱུར་དུ་འབྱུང་བས་དེ་དུས་ནང་གཟུང་བྱིན་རྟེན་འདི་རྣམས་འཇོག་དགོས་གསུངས་ནས་བྱིན་རྟེན་ཐུམ་བུ་བརྒྱད་ཕྱག་ཐམ་གྱིས་མནན་ནས་གནང་ཡོར་པར། དེ་སྐབས་རྗེ་འདིར་(སྨད་ཆ།༤༥༩)དངོས་ཉམས་རྨིན་ལམ་ཐམས་ཅད་ཆེན་པོས་ཡང་ཡང་བསྐུལ་བས་འབྱོན་པར་བཞེད་པའི་ཚེ་ཡོ་བྱང་གཏོས་ཆེ་བ་ཞིག་ཀྱང་དེ་འཕྲལ་འབུལ་མི་བྱུང་པ་དང། བླ་མ་མཆོག་གིས་ཀྱང་མངོར་པར་མཁྱེན་པས་གཟིགས་ནས་སྲིག་ཤིང་སོགས་ཉེ་མཁོ་ཐམས་ཅད་ཐུགས་ཚམས་གནང་གྲུབ་འདུག་པས་བཀའ་བརྒྱད་དཔལ་དགུའི་སྐུ་བརྙན་དངོས་གཙང་བ་བཞེངས། བླ་མ་ལྷན་རྒྱས་ཀྱིས་རབ་གནས་མཛད་པའི་ཉིན་དེར་དེ་ཁའི་སྐུ་རྟེན་པར་ཡང་ཆོས་སྐྱོང་ཆེན་པོ་ཁོག་ཞུགས་ཐོག་མར་ཐོག་བབས་སུ་བྱུང་འདུག་ཅིང། རྗེ་འདི་གཏེར་ལུང་ནས་ཀྱང། ལྷ་སྲས་སྦྲུལ་པས་བསྟན་པ་ལྟར་གཏེར་ཆེན་འདིའི་བསྟན་པ་ལ་ཐུགས་བསམ་དཀར་ཞིང་མཛད་པའི་ཕྱག་བརྗེས་ཀྱང་ཆེའོ། དེ་ནས་གནས་ངེས་མེད་དུ་བྱ་བཏང་གི་ཆ་ལུགས་ཁོ་ན་ཆིབས་སོགས་སྦངས་ཏེ་ཞབས་པད་བསྐྱོད་ཅིང། འཛིན་གཙང་དཀར། རྟ་ཕ་ཝང་བོན་མོ་སོགས་གནས་གཉན་ཁྲོད་རྣམས་སུ་བཞུགས་ཤིང། ཐུགས་དམ་གྱི་བོགས་འདོན་དུ་རིག་པ་བརྟུལ་ཞུགས་ཀྱི་སྦྱོད་པ་བསྐྱངས། མཆོག་སྦྲུལ་དམ་པའི་བཀས་ལ་དགོན་དུའང་ཐེག་གཅིག་བཞུགས། དེ་སྐབས་སྨིན་གླིང་གཏེར་ཆེན་ཞལ་སློབ་རྫ་བླ་མ་འགྱུར་མེད་བསྐལ་བཟང་གདན་དྲངས་ནས་ཟབ་རྒྱས་ཀྱི་ཆོས་ཚུལ་དུ་མ་གསན། ཁྱར་པར་རྩ་རླུང་གཏུམ་མོ་སོགས་ལ་རྟགས་དང་ནུས་པ་ཐོན་པ་མཛད། དེ་སྐབས་ལྕགས་སྦྲེལ་ལོར་རྫོགས་ཆེན་མཆོག་སྦྲུལ་རིན་པོ་ཆེ་དང་དཔོན་སྦྲུལ་སྐུ་བཅས་དབུས་གཙང་ཕྱོགས་སུ་ཆིབས་སྐྱོད་གནང་བས་རྒྱལ་ཚབ་ཏུ་གདན་སའི་ཁུར་བཞེས་(སྨད་ཆ།༤༦༠)མཛད། གཏེར་ཆེན་ཉི་གྲགས་ཀྱིས་གླང་ཐང་སྒྲོན་མ་ནས་གཏེར་དུ་བཞེས་པའི་རྗེ་བཙུན་ཨ)་ཏ་རེའུ་སྐུ་བསྙན་བྱིན་རླབས་ཀྱི་གཟི་འོད་འཕྲོ་བ་དེ་ཉིད་གཏེར་ཆེན་གྱིས་དཔོན་སློབ་རིན་པོ་ཆེ་ལ་གནང་ཞིང་དཔོན་སློབ་རིན་པོ་ཆེས་རྗེས་འདི་ཉིད་སྔོན་བློན་པོ་འགར་སྟོང་བཙན་ཡུལ་བཟུང་དུ་སྐྱེས་དུས་བལ་ཡུལ་དང་རྒྱ་ནག་རྣམས་སུ་བྱོན་ལུགས་དང་རིག་པའི་ཕྲུལ་སྣ་ཚོགས་ཀྱིས་རྒྱ་བལ་བཐུལ་ནས་ཇོ་ཤཀ་རྣམས་གཉིས་སྦྱན་དྲངས་ཚུལ་སོགས་མངོན་སུམ་ཇི་བཞིན་སྒྲིབ་མེད་གསལ་པོར་གཟིགས་པ་ཞིག་བྱུང་ཞིང། སྒྲོལ་མའི་སྐུ་དེ་གླང་ཐང་རང་དུ་བཞུགས་ན་མདོ་ཁམས་སྨད་འདིར་བགྲང་བྱ་བཅུ་གཉིས་ཀྱི་བར་དུ་བསྐལ་པ་ངན་པ་གསུམ་གྱིས་གཙོས་པའི་མི་མཐུན་པའི་རྒུད་པ་ཐམས་ཅད་ཞི་ཞིང་བདེ་སྐྱིད་ཕུན་སུམ་ཚོགས་པ་འབྱུང་བའི་ལུང་བསྟན་དང་རྒྱལ་ཆེན་སྡེ་བཞིས་ཀྱང་ཞབས་བསྐུལ་ཡང་ཡང་བྱུང་བས། བསྟན་འགྲོའི་ཕན་བདེ་སྦེལ་ཕྱིར་ཐུགས་བསྐྱེད་རྣམ་པར་དག་པས་བསྟན་འགྲོར་ཕན་པའི་སྨོན་འདུན་དང་བཅས་གནས་དེར་བཞུགས་སུ་གསོལ་བ་དེང་སང་མཇལ་དུ་ཡོད་པ་འདི་ཡིན་ལ། ཡང་ནུབ་གཅིག་གཏེར་སྟོན་རིག་འཛིན་ཆེན་པོ་བདུད་འདུལ་རྡོ་རྗེ་དེ་ཉིད་ཀྱིས་གཏེར་ཆོས་ཕུ་ཏི་རྣམས་དབུ་ཆོག་ཏུ་བཀོད་ནས་བཀའ་གཏད་མཛད་པ་དང་བཀའ་སྡོད་ཞིང་སྐྱོང་ཆེན་པོའང་མངོན་སུམ་གཟིགས་པ་བྱུང་ཞིང། ཉེ་བརྒྱུད་ཀྱི་བཀའ་བབ་དེ་བཞིན་ཡོད་ཀྱང། སླར་ཡང་སྟག་བླ་རིག་འཛིན་ཀུན་བཟང་རྣམ་རྒྱལ་དང་རྡོ་རྗེ་དཔའ་བོ་སོགས་ལས་གཏེར་ཆོས་ཡོངས་རྫོགས་གསན། དེ་སྐབས་རིག་འཛིན་ཀུན་བཟང་རྣམ་རྒྱལ་གྱིས་ཁོ་བོ་ལ་སྦྱིར་སློབ་མ་གྲངས་ཀྱིས་མི་ཆོད་(སྨད་ཆ།༤༦༡)ཅིང། གཅོ་བོ་བུམ་འཛིན་ནུས་པ་བདུན་བརྒྱ་དང་དགོངས་པ་མངོན་དུ་གྱུར་པ་བཞིར་ཉེ་བ་ཡོད་པའི་ཡ་གྱལ་གཅིག་ཁྱོད་ཉིད་ཡིན་ཞེས་གསུངས་ནས་རྗེ་འདིར་བསྔགས་བརྗོད་མང་དུ་མཛད། ཀ༔ཐོག་དྲུང་པ་ནམ་མཁའ་རྒྱ་མཚོ་དང་བཀའ་ཆོས་ཕར་ཕུལ་ཚུར་གསན་མང་དུ་མཛད་ཅིང་རྗེ་དེས་ཀྱང་བསྔགས་བརྗོད་མང་པོ་མཛད། ཁྱད་པར་བཞུགས་གནས་གང་འགབ་སོགས་གསུང་བརྟག་ཞུས་པ་རྒྱ་རོང་དུ་ད་ལྟའི་དགོན་པ་ཡོད་པ་འདི་གར་ལུང་བསྟན་པ་དང་སྔར་བོད་ལ་ཕེབས་དུས་གྲེས་པ་སྔགས་འཆང་ལ་ཞུས་པ་དང་ལུང་བསྟན་མཚུངས་པས། ཆུ་ཁྱི་ལོར་གནས་དེར་ཞབས་ཀྱིས་བཅགས་ཤིང་བཞུགས་གནས་ཀྱི་གཞི་འདིང་བ་མཛད། ཤིང་བྱི་ལོར་ཉི་གྲགས་མཆོག་སྦྲུལ་གནས་དེར་དགུན་བཞུགས་མཛད་པ་ནས་དག་སྣང་རྒྱ་ཅན་གསན་ཅིང། རྗེ་དཔོན་ཉིད་ཀྱིས་ཞལ་སློབ་ཀྱི་ཐོག་མ་དགེ་སློང་སྐལ་བཟང་དོན་ཡོད་སོགས་འདུས་ཚོགས་བརྒྱ་ཕྲག་དྲེགས་པའི་བླ་རྡོ་རང་སྲོག་དངོས་སུ་ཕུལ་བ་ཕྱག་ཏུ་སོན། དེ་སྐབས་ཀུན་མཁྱེན་ཀློང་རམ་པའི་བསྟན་བཅོས་མཛོད་བདུན་པར་རྐོ་པའི་དགོངས་པས་མཆོག་སྦྲུལ་རིན་པོ་ཆེར་བཀའ་འགྲོས་ཕུལ་ནས་འཇའ་གུར་གྱི་དབུས་ན་ཀུན་མཁྱེན་ཀློང་ཆེན་པས་དངོས་སུ་ཞལ་གཟིགས་ནས་འོད་གསལ་རྡོ་རྗེ་རྩེ་མོའི་བཀའ་གནང་རྣམས་ལེགས་པར་བཀྲོལ་བར་མཛད་པས་ཟབ་མོའི་གནས་ལ་མི་འཇིགས་པའི་སྦོབས་པ་དང་རྟོགས་པའི་ངོ་བོ་གོང་དུ་འཕེལ་ཏེ་ཀུན་བཟང་དགོངས་པའི་རྒྱལ་སྲིད་ལ་དབང་འབྱོར་བ་གྱུར། མི་རིང་བར་མཆོག་སྦྲུལ་རིན་པོ་ཆེ་དེ་ཉིད་གཞན་(སྨད་ཆ།༤༦༢)དོན་ལ་དགོངས་པས། རྗེ་འདིར་དོན་བརྒྱུད་ཀྱི་བསྟན་པ་དང་གདན་སའི་ཁུར་བཅས་ལྷན་ཅིག་ཏུ་གཏད་པས། དངོས་རྫས་སྟོང་ཇ་གཅིག་ཙམ་གྱིས་དགོངས་རྫོགས་ཀྱང་རྒྱ་སྦྲོས། བཟང་ཇ་ལྔ་བརྒྱ་ལྷག་གི་དངོས་རྫས་ཀྱིས་གསེར་གདུང་རིན་པོ་ཆེ་དངོས་གཙང་བཞེངས་ནས་གཏེར་བྱོན་རྟེན་གསུམ་ཁྱད་འཕགས་མང་པོ་གཙོ་བོར་གྱུར་པའི་རིང་བསྲེལ་རྣམ་པ་བཞིའི་བྱུར་བུར་གཏམས། དབུས་ལྗོངས་བླ་དགོན་ཡོངས་ལ་བསྲེལ་རྣམ་པ་བཞིའི་ཕྱུར་བུར་གཏམས། དབུས་ལྗོངས་བླ་མ་དགོན་ཡོངས་ལ་བསྙེན་བཀུར་གྱིས་མཆོད་པ་དང་མཆོག་སྦྲུལ་རིན་པོ་ཆེ་ངོས་འཛིན་བརྟག་ཞུ་སོགས་དོགས་གཅོད་མཛད་དགོས་གང་ཅིང་ཞབས་རིངས་པ་བླ་མ་པདྨ་ཐེག་མཆོག་རྫོང་བརྡ་གནང། ས་མོ་ཡོས་ལོར་འདུ་ཁང་ཆེན་མོ་ཀ་བ་བཞི་བཅུས་གཏེགས་པའི་བཀོད་ལེགས་གསར་སྐྲུན་མཛད། རྫོགས་ཆེན་མཆོག་སྦྲུལ་གསུམ་པ་རྫ་ཁོག་ཏུ་འཁྲུངས་པར་ངོས་འཛིན་ཕུལ་ནས་བསུ་བའི་བཀོད་བཤམས་ཁྲིར་འདོན་གྱི་ཞལ་མཚམས་བཅད་རྒྱར་བཞུགས། སྐུ་མཚམས་སྔ་ཕྱིར་ལོ་བཅོ་ལྔ་ཙམ་སོང་གསུངས། འདི་སྐབས་ཤིག་གི་དུས་ཨོ་རྒྱན་ཆེན་པོ་མཁའ་འགྲོ་གཉིས་དང་བཅས་པ་དངོས་སུ་ཞལ་གཟིགས། སྔར་དུས་ཤིང་སྙིང་སྨན་ཆུ་ཁར་ཕེབས་པའི་ལམ་དུ་རྗེ་ཉིད་འཇའ་གུར་གྱིས་གཡོགས་ཤིང། གཞན་འཇའ་གུར་དུ་འཇུག་པ་ན་དེ་ཕྱོགས་ནས་ཡལ་འགྲོ་བ་ཞིག་བྱུང་བས་ཐམས་ཅད་ངོ་མཚར་གྱི་གནས་ལ་བཀོད། དེ་སྐགས་གཏེར་གྱི་ཁ་བྱང་ཞིག་ཕྱག་ཏུ་སོན་ཀྱང་བདག་གིར་མ་མཛད་དོ། དེ་ཕྱིན་རྫས་གཏེར་ཕྲན་བུ་འགའ་ཞིག་དང། དགོངས་གཏེར་ཆད་ཚུད་ཕྲན་ཚེགས་ཙམ་ལས་ཟབ་གཏེར་བཞེས་(སྨད་ཆ།༤༦༣)པར་མ་གནང་སྟེ། ཨོ་རྒྱན་ཆེན་པོའི་རེས་འགའ་མི་འབྱིན་གཏེར་རྙེད་བསྟན་པ་སྐྱོང། ཞེས་གསུངས་པ་ལྟར་ཟབ་མོ་གཏེར་གྱི་འཁོར་ལོས་བསྒྱུར་བ་ཞིག་ཏུ་ངེས་ཀྱང་གཏེར་རྙིང་གི་བསྟན་པ་སྐྱོང་བ་ལ་ཐུགས་བསྐྱེད་དང་སྔོན་སྨོན་གྱི་མཐུན་གྲུབ་པའི་རྟེན་འབྲེལ་གྱིས་སྐུ་ཚེ་འདིར་གཏེར་བཞེས་པར་མ་གནང་བར་འདུག་གོ། གཞན་ཡང་གཏེར་ཁ་ཟུང་གི་གཤིན་རྗེ་ཆོག་ཁྲིགས་མཛད་སྐབས་རྒྱལ་ཡུམ་མཚོ་རྒྱལ་གཤེན་རྗེ་དམར་པོའི་སྐུར་བཞེངས་ནས་དབང་དང་བྱིན་རླབས་སྩལ་བ་དང། ཁྲ་བྲག་ཕུར་པའི་ཆོག་ཁྲིགས་མཛ་སྐབས་མནལ་ལམ་དུ་དཔལ་ཆེན་བཛྲ་ཀུ་མ་རའི་སྐུ་མཇལ་ཞིང་བྱིན་རླབས་མཛད་པ་དང། དུག་གདོང་ཆོལ་ཁྲིགས་མཛད་སྐབས་སྣོད་བཅུད་ཐམས་ཅད་འཇམ་དཔལ་ཁྲོ་བོའི་སྐུ་དང་ཞིང་ཁམས་སུ་གཟིགས་པ་དང། སྐུ་ལྟེམ་པའི་སྐབས་ཤིང་དྲང་སྲོང་ཆེན་པོ་མངོན་སུམ་དུ་གཟིགས་པས་དེའི་སྟེང་ཐད་ན་རྟ་མགྲིན་དམར་པོ་ལྷ་ལྔའི་རྣམ་པས་དྲང་སྲོང་གི་སྐུ་དེ་ཟིལ་གྱིས་མནན་ནས་སར་ཐེམ་ཞིང། རྟ་མགྲིན་གྱི་སྐུ་ལས་འོད་ཟེར་དམར་པོའི་སྣང་སྲིད་ཁྱབ་པས་སྲུང་མའི་འཚུབ་ལྷོང་ཞི་བ་མངོན་སུམ་དུ་གཟིགས་པ་སོགས་དང། ཡང་སྔ་མོ་ཞིག་སྦྱི་རྒྱལ་སྟག་རིར་གྲགས་པའི་གཞི་བདག་དེའི་གམ་དུ་ཞབས་སྐྱོད་གནང་སྐབས་གློ་བུར་དུ་ཞབས་ལ་སྙུང་ཟུག་ཞིག་བྱུང་བ་ཞིག་བདག་གི་ཆོ་འཕྲུལ་དུ་དགངས་ནས་ས་དམིགས་ཀྱི་རྡེའུ་ཞིག་ཞབས་ཕྱག་ཏུ་བཅུག་ནས་ཏིང་ངེ་འཛིན་གྱིས་གཅུན་པས་ཁོ་བྲེད་ཅིང་སྔངས་ཏེ་སྲོག་སྙིང་ཕུལ་ནས་དམ་ལ་བཞག་པས་ཕྱིན་ཆད་འཚེ་བ་མེད་པར་སྡོང་གྲོགས་བྱེད་པ་བྱུང་ཞིང། དེར་མཚུངས་དབུའི་རིའི་བཙན་དང། ལྡོག་ལུང་གི་བདུད་སོགས་གཟུགས་མེད་མང་པོ་ཚར་གཅོད་རྗེས་འཛིན་མཛད་པ་(སྨད་ཆ།༤༦༤)དང། གདན་ས་ཆེན་པོར་ཡང་འདྲེ་ངན་མང་པོ་བཏུལ་ཞིང་དམ་ལ་བཞག་པ་དང། ཕ་རོལ་གྱི་རྦ་འདྲེ་རྟོལ་པོའི་གཟུགས་ཀྱི་མཆུ་ཏིང་འཛིན་གྱི་སྲེད་བུས་བཅིངས་པ་སོགས་མི་མ་ཡིན་གདུག་ཅན་མང་པོར་ཚར་གཅོད་པའི་མཛད་པ་སོགས་མང་དུ་ཡོད་ལ། གླིང་ཚང་དུ་ཞབས་སྐྱོད་གནང་སྐབས་ཁྱིམ་གཞན་ཞིག་ནས་གསོལ་ངན་ཞིག་ཞུས་པ་དེ་འཕྲལ་རླུང་བུམ་པ་ཅན་གྱི་སྦྱོར་བས་འཁྲུ་བར་གནང་བས་གནོད་མ་ནུས་པ་དང། ཏིང་ངེ་འཛིན་ལ་གསལ་འགྲིབ་མེད་པས་མནལ་དུ་བཞུགས་སྐབས་ཀྱང་ཞལ་འདོན་སོགས་ཚོགས་མེད་ནུས་པ་དང། འབྱུང་བའི་སྒྲ་ལས་སེམས་ཅན་སྐྱེ་འཆི་སོགས་ལེགས་ཉེས་ཅི་འབྱུང་གསན་པ་དང། གཞན་རྒྱུད་ཀྱི་རྟོག་པ་ཇི་བཞིན་མཁྱེན་པ་དང། སྐུ་བལྟམས་པའི་ཚུལ་བསྟན་པའི་དུས་གེར་མཛོ་ལ་སོགས་པའི་གཞི་བདག་རྣམས་ཀྱིས་བསྙུང་གཡོག་སོགས་མངོན་སུམ་དུ་བྱེད་པ་དང། སྲུང་མ་རྣམས་ཀྱིས་ཕྲིན་ལས་གང་བཞེད་བསྒྲུབས་ཤིང་ཁྱད་པར་སྦྱི་སྒོས་བསྟན་ལ་འཚེ་བའི་གདུག་ཅན་འགའ་ཞིག་དུས་མཐའི་ལམ་དུ་བཏང་བ་སོགས་ཆོས་སྐྱོང་བྲན་དུ་ཁོལ་བའི་མངོན་རྟགས་གསལ་བ་དང། གཞན་ཡང་སྔ་མོ་ནས་བཟུང་བདུད་རྩི་སྨན་སྒྲུབ་དང། སྐྱེ་བདུན་མྱོང་གྲོལ། ཕུར་པའི་སྒྲུབ་ཆེན་སོགས་ལན་གྲངས་དུ་མ་མཛད་དེ། དེ་དག་གིས་དུས་རྣམས་སུ་བདུད་རྩི་ཁོལ་བ་དྲི་བཟང་འཐུལ་བ། སྨན་དང་རིལ་བུ་འཕེལ་བ། རྒྱང་རིང་དང་ལྡན་འགའི་སར་རིལ་བུ་འཕུར་བ། གཏོར་མ་དང་ཕུར་ཆ་ལས་མེ་འབར་བ་སོགས་བགྲངས་ཀྱིས་མི་ལངས་ཡང། གཏོར་མ་དང་ཕུར་ཆ་ལས་མེ་འབར་བ་སོགས་བགྲངས་ཀྱིས་མི་ལངས་ཡང། འདིར་ཡི་གེ་མང་གི་དོགས་ནས་བྲི་བར་མ་ནུས་ལ་རྗེ་ཉིད་ཀྱི་རྣམ་ཐར་མཁས་གྲུབ་ཆོས་ཀྱི་སྦྱན་ལྡན་བླ་ཆེན་ནམ་མཁའ་མཆོག་གྲུབ་ཀྱིས་མཛད་པའི་མོས་ལྡན་གདུང་(སྨད་ཆ།༤༦༥)བ་སེལ་བའི་དགའ་སྟོན་ལས་ཤེས་པར་བྱའོ། སྐབས་ཤིག་མནལ་ལམ་དུ་དཱངས་ཤེལ་ལས་གྲུབ་པའི་གུར་ཤིན་ཏུ་ཡངས་པ་ཞིག་གི་ནང་དུ་སྟོད་ན་རིག་འཛིན་བརྒྱུད་པ་རྣམས་དང། བར་དུ་དབང་ཆེན་རྟ་མགྲིན་ལྷ་ཚོགས་དང། སྒོར་སྲུང་མ་རྒྱལ་བཙན་སོགས་བཞུགས་པ་ཞིག་གཟིགས་པའི་ཕྱི་ཉིན་ཆེ་ཡོ་རིག་འཛིན་ཆེན་པོ་མཇལ་དུ་བྱོན་པས་ཁྱེད་རང་དམ་ཚིག་གཙང་བའི་རྟགས་སུ་ངེས་ཤིང་དབང་ཆེན་རྟ་མཆོག་འདི་ཉིད་ཡི་དམ་དུ་བསྟེན་ན་ལེགས་ཚུལ་སོགས་གསུངས། ཡང་དགོན་ཕུར་རྣལ་འབྱོར་གྱི་ཆས་དང་ལྡན་པ་གཉིས་གྱི་འཕྲོར་རྗེ་ཉིད་དེ་འཕྲོར་གཅིག་ཡོད་པ་སོགས་གཟིམས་ལམ་དུ་བྱུང་ཚུལ་གསུངས་ཤིང། དེ་དག་ཀྱང་རྫོགས་པ་ཆེན་པོའི་ལྟ་གྲུབ་གཙང་མར་འཛིན་པ་འགའ་ཞིག་བྱོན་པའི་བརྡར་བཞེད། དེ་སྐབས་སྟག་མོ་སྒང་དུ་ཕེབས་ཉི་སྦྲུལ་རིན་པོ་ཆེར་བདུན་འདུལ་རྡོ་རྗེའི་གཏེར་ཆོས་ཡོངས་རྫོགས་ཀྱི་དབང་ལུང་ཕུལ་ཞིང། ཚུར་ཡང་ཆོས་བཀའ་འགའ་ཞིག་གསན། སྟག་སྒང་འདུས་སྡེར་ཡང་ཉི་སྦྲུལ་རིན་པོ་ཆེའི་གསུང་བཞིན་རྫོགས་ཆེན་མཁའ་འགྲོ་སྙིང་ཐིག་གི་ཉམས་ཁྲིད་ཟབ་མི་སྨིན་རྒྱས་སུ་སྩལ། དེ་ནས་རྫོགས་ཆེན་མཆོག་སྦྲུལ་རིན་པོ་ཆེ་དབང་ལུང་གི་རིགས་མང་པོ་ཆེད་གཏད་དུ་གནང་ཞིང། གོང་མ་རྣམས་ཀྱིས་གཤེགས་རྫོགས་དུ་བུམ་སྒྲུབ་ཆེན་མོ་ལོ་ལྟར་ཚོགས་རྒྱུའི་ཆས་དང་དངོས་རྫས་གཏན་བཞག་སོགས་ཀྱི་ཞལ་བཀོད་མཛད། རབ་འབྱམས་སྦྲུལ་པའི་སྐུ་དང། ཉི་སྦྲུལ་སོགས་གཤེགས་པའི་དགོངས་པ་རྫོགས་ཐབས་དང་རྗེས་ཀྱི་བྱ་བ་འདི་དགོས་སོགས་ཀྱི་འགན་བཞེས་མཛད། དེ་ཕྱིན་འདུས་པ་ཡས་ཕྱིན་རྣམས་སུ་ཁོ་བོ་ཡུན་རིང་ཨེ་སྡོད་མི་ཤེས་པས་ཁྱེད་རྣམས་ཀྱང་ཆོས་ཚུགས་ཟིན་ངེས་དང་ལུགས་(སྨད་ཆ།༤༦༦)གཉིས་གང་ཡང་ཁོ་བོ་དུས་ལྟར་གྲུབ་དབང་རྫོགས་ཆེན་པས་སྲོལ་གཏོད་པའི་ཚུལ་འདི་དག་མ་ཉམས་པར་བྱེད་དགོས་སོགས་ཐུགས་སྣ་ཐུང་ཐུང་ལྟ་བུའི་ཞལ་ཏ་དང་སློབ་དོན་ཡང་ཡང་ཕེབས་ཤིང། ཁྱད་པར་དགུང་ལོ་རེ་བདུན་བཞེས་པ་ཆུ་སྦྲུལ་ལོར་རྒྱ་རོང་དུ་ཕེབས་ཀར་མཆོག་སྦྲུལ་དམ་པར་གྲུབ་དབང་རིན་པོ་ཆེའི་ཕྱག་ངེས་ངོ་མ་ཕུར་པའི་ཕུ་ཏི་སོགས་ཕྱག་ཏུ་ཕུལ་ནས་འཕྲལ་དང་ཡུན་གྱི་བསླབ་བྱ་མང་པོ་ཞལ་ཆེམས་ཀྱི་ཚུལ་དུ་ཞུས་ཤིང་དོན་གྱིས་སྒྲུབ་རྒྱུད་ཀྱི་བསྟན་པ་གཏད་ནས་ཆོས་ཀྱི་རྒྱལ་སྲིད་ཆེན་པོ་ལ་མངའ་གསོལ། དེ་ནས་རྒྱ་རོང་དུ་ཕེབས། སྒྲུབ་ཆེན་འགའ་ཞིག་འཇུགས་པའི་ཚོགས་དབུར་ཕེབས་མཆོག་སྐབས་མཆོག་སྦྲུལ་ནམ་མཁའ་མཆོག་གྲུབ་ལ་རྡོ་རྗེ་སློབ་དཔོན་གྱི་བགྱི་འོས་ཐམས་ཅད་ཁྱོད་ཀྱིས་གྱིས་ཤིག་གསུང་ནས་དབུ་ཞཱ་བེར་ཕོད་སོགས་གནང་སྟེ་རྒྱལ་ཚབ་ཏུ་མངའ་གསོལ། སྒྲུབ་ཆེན་གྱི་རིང་སོགས་ལ་སྣང་གྲགས་ཐམས་ཅད་འཕགས་མཆོག་ཐུགས་རྗེ་ཆེན་པོའི་སྐུ་དང་སྔགས་སུ་གསན་གཟིགས་བྱུང་བའི་གསུང་འཕྲོར་སྩལ། དེ་ནས་མི་རིང་བར་ཅུང་ཟད་སྐུ་ལྟེམས་པའི་ཚུལ་དང་བཅས་གཟུགས་སྐུའི་བཀོད་པ་ཕྱོགས་གཅིག་བསྡུས་ནས་འོག་མིན་ཆེན་པོར་རང་སྣང་ལོངས་སྐུའི་ཞིང་ག་ལ་བདེར་གཤེས་པར་གྱུར་ཏོ། གདུང་ཞུགས་འབུལ་བགྱིས་པས་ཐུགས་ལྗགས་སྦྱན་གསུམ་ཞུགས་ཀྱིས་མ་སྨས་པ་དང་རིང་བསྲེལ་ཕྲ་མོ་མང་དུ་བྱོན། གདནས་ཡས་ཕྱིན་ནས་དགོངས་རྫོགས་མཆོད་སྦྲིན་བ་དང། སྐྱེ་བུ་ཆེན་པོའི་གསུང་ལུང་བཞིན་གསེར་གདུང་ཁྱད་འཚར་གདན་ས་གོང་མར་བཞེངས་པ་སོགས་སྲི་ཞུ་ཕུལ་དུ་བྱུང་བ་བསྒྲུབས་པར་མཛད་དོ། དེ་ཡང་རྗེ་འདུ་ལུགས་གཉིས་ཀ་ནས་རང་བསྟན་ལ་ཕན་སླེབས་ཆེ་བ་དང་(སྨད་ཆ།༤༦༧)གདན་ས་ཡུན་རིང་བསྐྱངས་ཤིང། ཕྱག་རྗེས་ཀྱང་ཆེ་བས་གཞན་འགྲན་དང་བྲལ་བ་ཡིན་ནོ། ཞལ་སློབ་ཀྱི་གཙོ་བོ་ནི་རྫོགས་ཆེན་མཆོག་སྦྲུལ་རིན་པོ་ཆེ། ཉི་སྦྲུལ་སེམས་དཔའ་ཆེན་པོ། མཁས་བཙུན་ནམ་མཁའ་ཚེ་དབང་མཆོག་གྲུབ། ངེས་དོན་གྱི་རྟོགས་པ་མངོན་དུ་གྱུར་པའི་གྲུབ་ཆེན་སྐལ་བཟང་དོན་ཡོད་སོགས་མཁས་པ་དང་གྲུབ་པའི་ཚོགས་ཀྱི་ནོར་འཛིན་གྱི་ཁྱོན་གང་བར་གྱུར་པས་ཐམས་ཅད་བརྗོད་པར་མི་ནུས་སོ། མཆོག་སྦྲུལ་རིན་པོ ་ཆེ་ངེས་དོན་བསྟན་འཛིན་བཟང་པོ་ནི། སྦྱིར་སངས་རྒྱས་དང་བྱང་ཆུབ་སེམས་དཔའ་རྣམས་དམིགས་པ་མེད་པའི་མཁྱེན་བརྩེ་དང་ནུས་པ་ལ་དབང་འབྱོར་བས་དུས་སྐད་ཅིག་མ་རེར་ཡང་མཐའ་ཡས་པའི་ཞིང་རྣམས་སུ་འཇིག་རྟེན་དང་འཇིག་རྟེན་ལས་འདས་པའི་ཚུལ་ཅི་ཡང་སྟོན་ཅིང་གདུལ་བྱའི་ཡུལ་དང་མཐུན་པར་འཇུག་པས་སེམས་ཅན་གྱི་དོན་བྱེད་པ་ལ་གཡེལ་བ་མེད་ཀྱང་རེ་ཞིག་ཞིང་འདིའི་གདུལ་བྱ་ཚུར་རོལ་མཐོང་བ་དག་གི་སྣང་ངོ་སྐལ་པ་དང་འཚམས་པའི་སྐུའི་བཀོད་པ་སྣང་བར་མཛད་པའི་ཚུལ་བསྟན་ཏེ། དེ་ཡང་སྐུ་འཁྲུངས་པའི་ཡུལ་ནི། ཤར་ཕྱོགས་ཟླ་བའི་ཆུ་ཀླུང་ཆེན་པོ་དལ་གྱི་འབབ་པའི་ཡུལ་གྱི་བྱེ་བྲག་ཧོ་པ་ཞེས་པའི་སའི་ཆར། ཡབ་ཚེའི་རིག་བྱེད་ལ་བྱང་ཆུབ་ལ་བྱང་ཆུབ་པའི་མཁས་པ་འགའ་ཞིག་བྱོན་པའི་བརྒྱུད་ལས་བཀྲ་ཤིས་འབུལ་ཞེས་པའི་སྲས་སུ། མྱོས་ལྡན་ཞེས་པ་ས་མོ་ཡོས་ཀྱི་ལོ་ལ་སྐུ་བལྟམས། གསུང་ངག་བྱེ་བ་ནས་རྗེ་གོང་མའི་ཐུགས་ཀྱི་བག་ཆགས་མ་བརྗེད་པར་མཆོག་སྦྲུལ་གོང་མ་དེ་ཉིད་ཡིན་ཚུལ་དང་གྲ་པ་ཡང་མིང་པདྨ་ལས་གྲས་པ་གསུམ་ཡོད་ཚུལ་སོགས་ཡང་ཡང་གསུངས་ཤིང། དེ་སྐབས་དབུས་གཙང་བླ་མ་ལྷ་བཅས་ཀྱི་གསུང་བརྟག་རྣམས་དང། དམ་(སྨད་ཆ།༤༦༨)ཅན་སྐྱེས་བུ་ཆེན་པོའི་གསང་བའི་ལུང་བསྟབ་དང། གྲུབ་པའི་དབང་ཕྱུག་རྗེ་དཔོན་རིན་པོ་ཆེ་ཉིད་ཀྱི་གསང་ལུང་རྣམས་གུང་མཐུན་པས། ཆེ་བགྲེས་རྣམས་ཀྱིས་ངོས་འཛིན་ཕུལ་བས། སྦྲུལ་པའི་སྐུ་རིན་པོ་ཆེའི་སྔོན་གནས་རྗེས་དྲན་གྱི་རྣམ་པ་ཐར་པ་བཟང་པོའི། ཕྱག་དཔེ། རྡོར་དྲིལ། ཕྱག་ཕྲེང། གསོལ་ཞལ་སོགས་ཉེར་སྦྱད་རྣམས་ངོ་འཛིན་གནང་བ་དང་སྔོན་གྱི་མཛད་ཚུལ་སོགས་གསུང་ངེས་ཤེས་འདྲོངས་པ་མང་པོ་སྩལ་བས་ངོ་མཚར་ཡིད་ཆེས་ཀྱི་ས་ལ་སྦྱོར་བ་མཛད། དེ་ནས་སྣ་ཚོགས་ཞེས་པ་ཆུ་རྟ་ལོར་ངུ་ངམ་གདན་ས་ཆེན་མོར་སྦྱན་དྲངས། ཉི་སྦྲུལ་རྡོ་རྗེ་འཆང་བསྟན་པའི་རྒྱལ་མཚན་གྱིས་ཐོན་མཐིང་གི་ལྕང་ལོ་བསིལ་ནས་མཚན་ཀུན་དགའ་བློ་གྲོས་ཀྱིས་ཀྱང་ཆབ་ཤོག་གི་ལྕང་ལོ་བསིལ་ནས་མཚན་ཀུན་བཟང་ཐེ་མཆོག་བསྟན་པའི་མགོན་པོར་གསོལ། རྗེ་དཔོན་རིན་པོ་ཆེས་ཁྲིར་བཀོད་པའི་ཞབས་འགྱུར་དང་བཅས་མཚན་ངག་དབང་པདྨ་རྣམ་རྒྱལ་དུ་གསོལ། ས་སྐྱ་གོང་མ་རིན་པོ་ཆེ་བདག་ཆེན་ངག་དབང་ཀུན་དཀའ་བློ་གྲོས་ཀྱིས་ཀྱང་ཆབ་ཤོག་གི་ལམ་ནས་ཞབས་བརྟན་དང་བཅས་རིག་འཛིན་ཕྲིན་ལས་དབང་ཕྱུག་ཨ་ཏི་བསྟན་པའི་རྒྱལ་མཚན་དུ་མཚན་གསོལ། ཐོག་མར་རྟེན་འབྲེལ་གྱིས་ཁྱད་ཀྱིས་གྲུབ་དབང་རིན་པོ་ཆེའི་གཟིམ་ཆུང་དུ་བཞུགས་སུ་གསོལ། དེ་སྐབས་དམ་ཅན་ཆེན་པོ་སྐུ་ཆུང་དུ་ཞིག་གིས་སྲུང་བའི་ཚུལ་གྱིས་ཡང་ཡང་སྐོར་བ་བྱེད་པ་གཟིགས་གསུངས། དེ་ནས་སློབ་དཔོན་བླ་མ་པདྨ་ཐེག་མཆོག་བརྐོས་ནས་ལྗགས་ཀློག་སྦྱོང་བར་མཛད། དེ་སྐབས་གཟིམས་ལམ་དུ་གཞི་བདག་ཀུ་ར་ཡིན་ཟེར་བའི་གཡག་དཀར་པོ་ལ་ཞོན་པའི་མི་དཀར་བོན་ཞ་གྱོན་པ་ཞིག་ཡང་ཡང་འོང་བ་གཟིགས། རྗེ་དཔོན་བླ་མར་ཞུས་པས་ཡུལ་ལྷ་ཡིན་པས་ཁྱེད་ལ་འཁོར་བ་ཡིན་པར་སྣང། འོན་(སྨད་ཆ།༤༦༩)ཀྱང་དེ་མི་ལེགས་པས་ངས་ཐབས་བྱའོ་གསུངས་ནས་ཐུགས་དམིགས་གནང་བས་དེ་ནས་འོང་རྒྱུ་མི་འདུག། སྐབས་ཤིག་མི་མང་ཚོགས་པའི་གསེབ་ཞིག་ན་འདུག་པ་གཟིགས་གསུངས། དགུང་ལོ་བདུན་བཞེས་པའི་དུས་ཀུན་མཁྱེན་ཀློང་ཆེན་པའི་བསྟན་བཅོས་ཡིད་བཞིན་མཛོད་དང་ཉི་གྲགས་གཏེར་ཆོས་ཡོངས་རྫོགས་མདོ་སྒྱུ་སེམས་གསུམ་སོགས་བཀའ་གཏེར་ཆོས་ཚུལ་དུ་མ་དང། ཁྱད་པར་ཉི་སྦྲུལ་རིན་པོ་ཆེ་ཀུན་བཟང་ཐེག་མཆོག་རྒྱ་མཚོའི་ཞལ་སྔ་ནས་མཁན་པོ་དང། རྗེ་དཔོན་ཉིད་ཀྱིས་ལས་སློབ་མཛད་ནས། དགེ་འདུན་ལྔ་ཚོགས་ཀྱི་དབུས་སུ་ཚིག་སྔ་མ་དགེ་ཚུལ་གྱི་སྡོམ་པ་བཞེས་ནས་རབ་ཏུ་བྱུང། མཚན་སྔོན་མའི་འཕྲེར་ངེས་དོན་བསྟན་འཛིན་བཟང་པོ་ཞེས་གསོལ། ངུར་སྨྲིག་འཛིན་བརྟུལ་ཞུགས་ལ་གནས་པར་མཛད། རྗེ་དཔོན་རིན་པོ་ཆེ་ལས་ཉིང་ཐིག་རྣམ་གཉིས་སོགས་ཉམས་ཁྲིད་དང་བཀའ་ཆོས་མང་པོ་དང། ཀ༔ཐོག་དྲི་མེད་ཞིང་སྐྱོང་ལས་བདུད་འདུལ་རྡོ་རྗེའི་གཏེར་ཆོས་ཚང་མ་དང། བཀའ་གྱུར་བ་བཀྲ་ཤིས་རྒྱ་མཚོ་ལས་རྒྱལ་བའི་བཀའ་འགྱུར་རོ་ཅོག་གི་ལུང་དང། དགེ་བཤེས་བསྟན་འཛིན་ལས་རྙིང་མ་རྒྱུད་འབུལ་གསན། དགེ་སློང་སྐལ་བཟང་དོན་ཡོད་ལས་སྙིང་ཐིག་ཉམས་ཁྲིད་ཟབ་བཞེས་གནང་ཞིང། གཞན་ཡང་དཔའ་བོ་ལས་རབ་རྩལ། གུ་རུ་བླ་མ་བསྟན་འཛིན་སྙིང་པོ། མཁས་བཙུན་ཆེན་པོ་ནམ་མཁའ་མཆོག་གྲུབ། རྡོ་བླ་མ་ཀུན་བཟང་གཞན་ཕན་སོགས་ལས་བཀའ་ཆོས་མང་དུ་གསན། ས་ཕོ་ཁྱི་ལོར་དབུས་ལྗོངས་སུ་ཆིབས་སྐྱོད་(སྨད་ཆ།༤༧༠)གནང་ནས། ཇོ་ཤཀ་རིན་པོ་ཆེ་རྣམ་གཉིས་གཙོ་བོར་གྱུར་པའི་བོད་ཀྱི་རྡོ་རྗེ་གདན་གསུམ་ནས་ལྷོ་བྲག་ཚུན་གྱི་གཙུག་ལག་ཁང་རྣམས་སུ་མཆོད་སྦྲིན་དང་བཅས་བསྟན་འགྲོ་ཕན་བདེ་འབྱུང་བའི་ཐུགས་འདུན་བསྔོ་སྨིན་ཕྲིན་བཅོལ་གང་འོང་གནང། ཐམས་ཅད་མཁྱེན་པ་འཇམ་དཔལ་རྒྱ་མཚོ་དང། ཁྲི་ཆེན་ནོ་མི་ཧན་གཉིས་ལ་དངོས་རྫས་གཏོས་ཆེ་བ་དང། དགའ་ལྡན་ཤེ་རྩེ་བྱང་རྩེའི་མཁན་པོ་ཟུང་དང། སེ་འབྲས། རྒྱུད་སྡོད་སྨད་སོགས་ཀྱི་མཁན་ཁག་རྣམས་ལའང་འབུལ་མཚོན། སྨོན་ལམ་ཚོགས་ཆེན་ལ་མང་ཇ་དགུ་དང་དངུལ་ཞོ་རེའི་འགྱེད། དེ་མཚུངས་ཚོགས་མཆོད་དང། སེ་འབྲས་རྒྱུད་སྟོད་སྨད་སོགས་ལ་མང་ཇ་རེ་དང་དངུལ་ཊམ་ཀ་རེའི་འགྱེད། རང་ལུགས་རྡོར་སྨིན་དཔལ་རི་ལྷོ་བྲག་རྣམས་ལ་དགེ་འདུན་འདུས་པར་མང་ཇ་ལན་ཁ་ཡར་དང་དགེ་འདུན་རེ་ལ་བཟང་ཇ་སྦག་རེ་དང་རས་དངུལ་སོགས་ཀྱི་འགྱེད་ཀྱང་འོས་འཚམས་ལམ་འགའ་རེ་བཅས་དང། བླ་མ་རྣམས་ལ་འབུལ་བ་གཏོས་ཆེ་བ་ལན་ཁ་ཡར་དང། མཚིམས་ཕུ་ཤེལ་བྲག་སྒྲག་ཡང་རྫོངས་རྣམས་ལའང་མང་ཇ་འགྱེད་བཅས་གནང། ལྷོ་བྲག་ཐུགས་སྲས་ལས་པདྨ་གླིང་པའི་ཆོས་སྐོར་དང། གྲུབ་ཆེན་པདྨ་བཤེས་གཉེན་ལས་ཀྱང་གཏེར་གཙོར་གྱུར་རྙིང་ཆོས་འགའ་དང། སྨིན་གླིང་མཁན་པོ་ལས་སྨིན་གླིང་གཏེར་ཆོས་དང་བི་མ་སྙིང་ཐིག་སོགས་གསན། ཁྱད་པར་དུ་སྨིན་གླིང་མཁན་པོ་ལས་ཚིག་ཕྱི་མ་དགེ་སློང་གི་དངོས་པོར་བསྒྲུབས་ནས་བསྙེན་པར་རྫོགས་པར་མཛད། ས་སྐྱ་བདག་ཆེན་ངག་དབང་ཀུན་དགའ་བློ་གྲོས་ཡབ་སྲས་ལྷ་ལྡན་དུ་ཕེབས་པ་དང་འགྲིག་པས་འབུལ་ནོད་རྒྱ་ཆེན་དང་དབང་ཆོས་ཕྲན་བུ་གསན། ངོར་པ། ས་སྐྱ།(སྨད་ཆ།༤༧༡)བཀྲ་ཤིས་ལྷུན་པོ་རྣམས་ལའང་མང་བཀོལ་བྱེད་པར་མངགས། དེ་མཚུངས་མཚུར་ཕུར་ཀརྨ་པའི་མདུན་དུ་པར་མང་ཇ། འབྲི་གུང་སྟག་ལུང་རྣམས་སུའང་དེར་མཐུན་གནང། མདོར་ན་སྐབས་འདིར་ཟང་ཟིང་གི་ཡ་བྱད་སྟོང་བརྒལ་བ་དང་ཤན་གཞུ་བརྒྱ་ཕྲག་གསུམ། གསེར་དངུལ་རྡོ་ཚད་ཉིས་བརྒྱར་ཉེ་བ། རྡ་དྲེལ་ཉིས་བརྒྱ། མཛོ་ཁལ་སུམ་བརྒྱ། གཅན་གཟན་ལྦགས་རིགས། གོས་དར་སོགས་མཐའ་ཡས་པས་མཆོག་སྦྲུལ་གིང་མའི་དུས་ལས་ལྷག་པའི་ཚོགས་བསགས་རྒྱ་ཆེར་མཛད་ཚུལ་ཞིབ་པར་རྣམ་ཐར་དུ་གསལ། གཞན་ཡང་འདི་ཕྱོགས་སུ་གཙུག་ལག་ཁང་གསར་བཞེངས། ཕྱག་ཚ་དགོན་ལྷ་ཁང་རྟེན་བརྟེན་པ་དང་བཅས་པ་དང། སྟག་དགོན་ཀ་ཐོག་དགོན་གཙུག་ལག་ཁང་རྟེན་བརྟེན་པ་དང། སྙིང་ཁོག་ཏུའང་གཙུག་ལག་ཁང་གསར་བཞེངས་ཀྱི་མཐུན་རྐྱེན་པོ་བྱད་རྒྱ་ཆེར་སྩལ་བ་དང་སྒྲུབ་གྲའི་འདུ་ཁང་བཀོད་ལེགས་པ་དང་གདན་ས་ཉིད་དུའང་གཙུག་ལག་གསར་བཞེངས་མང་དུ་མཛད་ཅིང། དེ་དག་རྣམས་སུ་སྐུ་གསུང་ཐུགས་རྟེན་བྲིས་འབུར་རྒྱུ་བཀོད་ཚོན་གསེར་སོགས་དངོས་གཙང་བ་དག་དང། གཞན་ཡང་གསེར་ཟངས་ལས་གྲུབ་པའི་ལྷའི་སྐུ་བརྟན་མང་པོ་གསར་སྐྲུན་མཛད་པ་དང། གཞན་ནས་བླུས་པའི་རྟེན་གསུམ་འགངས་གང་ཆེ་བུམ་དང། དེ་མོ་གོང་གཤམས་སོགས་ཤིན་ཏུ་དངོས་གཙང་ཁོ་ནའི་བྲིས་ཐང་ཀྱང་བརྒྱ་ཕྲག་ལས་བརྒལ་བ་དང། གསུང་རྟེན་ཡི་གེའི་རིགས་ཀྱང་དཔེ་རྒྱུན་དཀོན་རིགས་གསར་བཞེངས་པུ་ཏི་བརྒྱ་ཕྲག་མང་པོ་བསྒྲུབས་པ་དང། བཀའ་གཏེར་དཀྱིལ་འཁོར་མང་པོའི་(སྨད་ཆ།༤༧༢)འདོན་ཆའི་རིགས་དང་ཉིད་ཀྱི་ལྗགས་རྩོམ་ཆོས་སྦྱོད་སོགས་ཀྱི་བར་ཡང་ཤིང་ལྡེབ་སྟོང་ཕྲག་ལྷག་པ་སོགས། རྟེན་བཞེངས་ཀྱི་རིགས་གྲངས་ལས་འདས་པ་དང། ཁྱད་པར་རྡོ་བྲག་རིག་འཛིན་ཆེན་པོའི་ལུང་བསྟན་དང་རྗེས་སུ་མཐུན་པར་རྙིང་མ་བཀའ་མ་ཚོགས་ཆེན་འདུས་པ་དང་སྒྱུ་འཕྲུལ་གཙོ་བོར་གྱུར་པའི་དཀྱིལ་འཁོར་བཅུ་གསུམ་གྱི་སྒྲུབ་མཆོད་ངོ་མཚར་ཆེ་བ། གར་ཐིག་དབྱངས་རོལ་བཅས་བཤམས། སྒྲིག་ལམ་ཐམས་ཅན་ཨོ་རྒྱན་སྨིན་གྲོལ་གླིང་པའི་ཕྱག་བཞེས་ཇི་ལྟ་བ་བཞིན་གསར་འཇུགས་དང། དེ་དག་ལ་ཉེ་བར་མཁོ་བའི་མཆོད་པའི་ཡོ་བྱད་དཀྱིལ་འཁོར་རེར་ཡང་སོ་སོར་རྔ་སྣུབ་སིལ་སྙན་སོགས་ཆ་འགྲིག་ཤིན་ཏུ་དངོས་གཙང་བའི་སྦུས་ལེགས་ཁོ་ན་དང། དེ་མཚུངས་དུང་ཆེན་གླིང་བུ་དུང་དཀར། སྦོས་ཕོར། འཕན་གདུག་རྒྱལ་མཚན་ཡོལ་བ་ཐང་སྐུ་སོགས་དངོས་གཙང་གསར་བསྒྲིགས་དང། ཞཱ་ནག། ཕོང་ཀ། གར་གོས། ཟངས་འབག། ཞལ་བརྙན་བྷན་ཕུར་སོགས་འཆམས་ཆས་རྣམས་ཀྱང་གོས་ཆེན་རྒྱུ་བཟང་ཁོ་ན་ལས་གྲུབ་པ་མང་པོ་སྦྱོར་འཇགས་མཛད། དགོན་ཕུར་བསམ་གཏན་བསྒོམ་པའི་སྒྲུབ་གྲ་མི་བཅུ་གསུམ་རེར་སྒྲུབ་རྒྱགས་མཚམས་གཡོག་བཅས་གསར་འདེབས་དང། གཞན་ཡང་ཡིག་དྲུག་གཅོ་བོར་གྱུར་པའི་གཟུང་སྔགས་ཟབ་མོའི་རིགས་ཀྱི་འཁོར་ཆེན་མང་པོ་དྲུག་བསྒྲུབས་ནས་ཚུ་ལ་བསྐོར་བ་དང། སྐོར་དུ་འཇུག་པ་སོགས་རྣམ་དཀར་གྱི་དགེ་བ་སྟོབས་ཆེན་དམིགས་སུ་གང་འགྲོ་ཆེད་དུ་བསྒུབ་པར་མཛད་ཅིང། ཆོས་སྡེའི་བཅའ་ཁྲིམས་སོགས་ཀྱང་ཆོས་མཐུན་གྱི་བསླབ་བྱ་ནན་ཆགས་ཀྱིས་ལེགས་སྦྲེལ་ཉེས་འགོག་མཛད་པ་ལས། རྩུབ་(སྨད་ཆ།༤༧༣)སྦྱོད་དྲག་ཐལ་ཡིག་སྔར་མི་མཛེས་པའི་ཁྲིམས་གཅོད་སོགས་གཏན་ནས་མི་མཛད། ཉེས་ཆད་ཅུང་ཟད་བཅད་པའི་དངོས་རྫས་དེ་དག་ཀྱང་གནས་མིན་དུ་ཟག་པར་ཆོས་ཕྱོགས་སུ་འགྲོ་ངེས་མཛད་པ་སོགས། མདོར་ན་རྣམ་པར་དཀར་བའི་ཕྲིན་ལས་ཐམས་ཅད་ཆོས་མཐུན་ཁོ་ན་བསྐྱངས་ཤིང། གྲ་རིགས་སློབ་ཚོགས་ཡིན་བདག་རྣམས་ལའང་ལས་རྒྱུ་འབྲས་ཁོ་ན་གཙོ་བོར་གྱུར་བའི་གསུང་དང་མཛད་པས་སྐྱོང་བ་ལས་གཞན་པའི་རང་ཉིད་ཆེ་ཐབས་ལྟ་བུའི་ཆོས་བརྒྱད་འདུ་འཛིའི་གསུང་དང་མཛད་པ་ཡེ་ནས་མི་མངའ། སྐར་རྩིས་སྙན་ངག་སོགས་རིག་གནས་ཀྱང་འགའ་ཞིག་གསན་སྦྱོང་མཛད་ཅིང། ཁྱད་པར་གསུང་རབ་དང་བསྟན་བཅོས་རྣམ་ཐར་དེབ་ཐེར་ལོ་རྒྱུས་སོགས་ལ་སྦྱོད་བརྟར་ཕུལ་དུ་ཚུང་ཅིང་མཁས་པར་མཁྱེན་ཀྱང་གཞན་ངོར་མི་མཁྱེན་པའི་ཚུལ་ལྟར་མངོན་ཆུང་ཁོ་ན་མཛད། དོན་དུ་གཉེར་པ་དག་གི་གང་དང་གང་དྲིས་ཀྱང་དེ་དང་དེའི་ལན་ཐོགས་བརྟུགས་མེད་པར་སྩལ་ཞིང། རྒྱབ་བརྟེན་གྱིས་ལུང་བཀའ་བསྟན་བཅོས་ཀྱི་ཚིག་མང་པོ་ཐལ་བྱུང་དུ་གནང་བས་ལུང་ཕྱག། རིག་པ་རྣོ་མན་ངག་གི་གནད་དང་འབྲེལ་པ་ཤ་སྟག་སྩལ། གཞན་ཡང་སྐུ་འཕྱོར་དང་མཐོང་སྦངས་ནས་བཟང་འདོད་དང་ཆེ་འདོད་མི་མཛད་ཅིང། ན་བཟའ་སོགས་ཀྱང་མཐའ་གཉིས་སུ་མ་ལྟུང་བ་ཙམ་ལས་འཕྱོར་སྒེགས་ཀྱི་རིགས་གཏན་ནས་མི་མཛད། རྒྱུན་དུ་ནམ་གྱི་སུམ་གཉིས་ནས་བཞེངས་ཏེ་ཐུགས་དམ་ཞལ་འདོན་གྱི་རིགས་ཤིན་ཏུ་མང་པོ་དང། དགོང་མོའང་བསྐྱེད་རྫོགས་ཀྱི་གཞུང་བསྲང་བའི་གཏོར་བསྔོ་སོགས་གང་(སྨད་ཆ།༤༧༤)རྒྱས་གནད་རྟིང་ཟབ་མོའི་ཐུགས་དམ་ལ་མཉམ་པར་བཞག་པས་ནམ་གུང་བར་ཏིང་འཛིན་ལ་བཞུགས་ནས་ཅུང་ཟད་མནལ་ཙམ་ལས་དེ་མ་ཐག་ནས་ཐུགས་དམ་ལ་འཇུག། གཞན་ཡང་ཡར་ངོ་མར་ངོའི་ཚེས་བཅུ་སོགས་དུས་ཆེན་རྣམས་ལ་དཀྱིལ་འཁོར་མང་པོའི་ལས་གཞུང་བསྲང་བ་རེས་མོས་ཀྱིས་ཚེ་ག་ཚོགས་མཆོད་བསྐང་བཤགས་སོགས་ཀྱང་མང་དུ་སྩལ། དུས་རྟག་ཏུ་དབེན་པ་ལ་དགྱེས་པ་དང་སྒྲུབ་པ་ལ་ཐུགས་སྦྲོ་བ་ཁོ་ན་ཡོད་ཀྱང་གདན་སའི་ཁུར་བཞེས་ཀྱིས་དབེན་པ་བསྟེན་པ་སོགས་རྒྱུན་རིང་མཛད་རྒྱུ་མ་བྱུང་ཡང་གདན་ས་རང་དུ་ཐུགས་གུ་ཡངས་དང་གྲོས་དལ་ལྟ་བུར་མི་བཞུགས་པར་བསྙེན་སྒྲུབ་མང་དུ་ཧུར་ཐག་མཛད། གནས་ལུགས་ཟབ་མོའི་རྣལ་འབྱོར་ལ་ནམ་དུའང་མི་གཡེལ་བར་བཞུགས་ནའང། ཕྱག་དང་སྐོར་བ་སོགས་འདུས་བྱས་ཀྱི་དགེ་བ་ཕྲ་ཞིང་ཕྲ་བ་ལ་ཡང་བརྙན་པ་མི་མཛད་པར་ཉམས་སུ་བཞེས་ཤིང། གཞན་ལའང་བསྐུལ་བ་དང། བྱས་པ་ལ་རྗེས་སུ་ཡི་རངས་པ་གནང་བར་མཛད། སྐུ་མདུན་དུ་འདུག་པ་ཙམ་གྱིས་འཇིག་རྟེན་གྱི་བྱ་བ་ལ་བློ་སྣང་ཐུང་ཞིང་ངེས་འབྱུང་སྐྱེ་ནུས་པ་ཡོད་ལ། སྦྱིར་ཡང་ཆོས་སྲིད་ཀྱི་བྱ་བ་གང་དང་ཅི་སྒྲུབ་ཀྱང་ཐུགས་མྱུར་ཞིང་བཙོན་འགྲུབ་ཆེ་བལ་ལེ་ལོར་མི་ནུས་པ་དང། ཐུགས་སྒམ་ཞིང་བློ་འཛངས་པས་གྲུབ་མཐའ་མི་གཅིག་པའི་མཆོད་གནས་དགོན་པ་ཆེ་ཕྲ་གང་ལའང་ཆགས་སྡང་གི་བསྙན་རྩེར་མི་མངའ་ཞིང་ཐུགས་བསམ་དག་པས་སྒོ་དུ་མ་ནས་ཕན་པ་བསྒུགས་པར་མཛད། རང་ལུགས་བསྟན་པའི་འཕེལ་རྒྱས་ལའང་ཐུགས་བསམ་ཆེ་ཞིང་སྦྱན་རྒྱང་མི་ཐུང་བས་ཉེ་འཁྱད་པར་མའི་དགོན་གནས་གྲའི་རོགས་ཙམ་ལའང་ཞལ་སྐྱོང་གནང་ནས་ཕན་སླེབས་གང་ཆེ་མཛད། དངོས་རྫས་ཆེ་ཕྲའི་རིགས་གང་(སྨད་ཆ།༤༧༥)ཡང་འཕྲན་དགོས་ཙམ་ལས་ཕལ་ཆེར་ཚོགས་གསོག་རྟེན་བཞེངས་སོགས་ཀྱི་ཕྱོགས་སུ་བཏང་བ་ལས་ཕྱག་མཛོད་ཕུག་མའི་སྒོ་ལྕགས་བསྡོམས་པ་དང་གནས་མ་ཡིན་པར་ཟག་པ་སོགས་མི་མཛད་པར་ཕྲལ་བྱུང་ཕྲལ་དག་ལྟ་བུའི་དགེ་བའི་ཕྱོགས་སུ་ཅི་ཐེངས་མཛད། བཀའ་ཆོས་འཆད་སྦེལ་གནང་བའང་ལྗགས་ཀློག་བདེ་བས་རྣམ་པ་དག་ཅིང་ཚིག་གསལ་ལ་འགྲོ་མྱུར་ཞིང་དབང་ཁྲིད་ལྟ་བུར་ཡང་ཕྱག་ལེན་གཙང་ཞིང་རྣམ་དཔྱོད་ཆེ་ལ་ལྗགས་བཤད་མཛད་པའང་ལུང་རོགས་དང་འབྲེལ་བའི་གསུང་མཐའ་རྒྱ་ཆོད་ངེས་ལས་འབྲེལ་མེད་སྦོམ་ཡོར་མང་པོ་མི་མཛད། མདོར་ན་སྐྱོན་མེད་ཡོན་ཏན་དུ་མ་དང་ལྡན་པའི་མཛད་པ་ངོ་མཚར་ཅན་བསམ་གྱིས་མི་ཁྱབ་པ་མངའ་ཞིང། མགོན་པོ་བྱམས་པས། ཡི་གེ་འདྲི་མཆོད་སྦྱིན་པ་དང། ཉན་དང་ཀློག་དང་ལེན་པ་དང། འཆད་དང་ཁ་བཏོན་བྱེད་པ་དང། དེ་སེམས་པ་དང་སྒོམ་པ་སྟེ། སྦྱོད་པ་འདི་བཅུའི་བདག་ཉིད་ཀྱི། བསོད་ནམས་ཕུང་པོ་གཞལ་དུ་མེད། ཅེས་གསུངས་པ་ལྟར། ཆོས་སྦྱོད་བཅུའི་མཛད་པ་ཁོ་ན་ལྟུར་བཞེས་པས་བསྟན་པ་དང་སེམས་ཅན་གྱི་ཕན་བདེ་སྦེལ་བའི་མཛད་པ་བླ་མ་མེད་པ་ཉིད་མཛད་དོ། དེ་ཙམ་དུ་མ་ཟད་སྦྲུལ་པའི་སྐྱེས་མཆོག་རིག་འཛིན་ཆེན་པོ་འཇིགས་མེད་གླིང་པ་དང། རྡོ་རྗེ་བྲག་ཞབས་དྲུང་རིག་འཛིན་ཆེན་པོ་སྐལ་བཟང་པདྨ་དབང་ཕྱུག། གྲུབ་པའི་དབང་ཕྱུག་དཔའ་བོ་ལས་པར་གྱུར་ཅིང། ཁྱད་པར་དུ་རིག་འཛིན་ཆེན་པོ་ཉི་མ་གྲགས་པའི་དག་སྣང་ཐོར་བུའི་ལུང་བསྟན་ལས། འགྲོ་དོན་འདི་བྱང་གི་ཕྱོགས་སུ་འབྱུང། ཞི་བ་འདི་རྒྱས་པའི་ལས་འགྲོ། དེ་བྱང་ཆུབ་སེམས་ལྡན་(སྨད་ཆ།༤༧༦)རིག་པ་འཛིན། པདྨའམ་ངག་དབང་མིང་གིས་སྦེལ། ཞེས་གསུངས་པ་ནི་རྗེ་འདིའི་མཚན་ངག་དབང་པདྨ་རྣམ་རྒྱལ་ཞེས་མཚན་སྒྲ་དང་མཐུན་ཞིང། སྔར་སྦོང་བ་བསམ་གཏན་གྱི་སྡེ་སྦྲོས་པ་ཉེ་བར་ཞིང་ཡང། དེང་སང་མཆོག་སྦྲུལ་རིན་པོ་ཆེ་འདིས་བསྒྲུབ་མཆོད་སོགས་སྦྲོས་བཅས་སྦྲོས་མེད་ཟུང་འཇུག་གི་མཛད་པ་བསྐྱངས་པས་བསྟན་པ་འཕེལ་རྒྱས་ཆེ་བ་འདི་བཞིན་ཞི་བ་འདི་རྒྱས་པའི་ལས་ལ་འགྲོ། ཞེས་པ་མངོན་དུ་གྱུར་པ་འདིའོ། གཞན་ཡང་རྗེར་དཔོན་རིན་པོ་ཆེའི་བཀའ་ལས། བདག་གི་མཆོག་སྦྲུལ་རིན་པོ་ཆེ་འདི་དུས་གསུམ་ཀུན་མཁྱེན་གུ་རུ་པདྨ་འབྱུང་གནས་དང། པཎ་གྲུབ་ཆེན་པོ་བི་མ་མི་ཏྲ་ཟུང་གི་ཐུགས་རྗེ་གཅིག་ཏུ་བསྡུས་པའི་རང་གཟུགས་ཡིན་པས་བསྟན་འགྲོར་ཕན་བདེ་སྦྲེལ་བ་ལ་གཞན་གྱི་འགྲན་ཟླ་དང་བྲལ་བ་ཡིད་བཞིན་གྱི་ནོར་བུ་དང་འདྲ་བ་ཞིག་འབྱུང་ངེས་ཞེས་ཡང་ཡང་བཀའ་སྩལ་བ་བཞིན་ངེས་དངོན་སྙིང་པོའི་བསྟན་པ་རིན་པོ་ཆེ་འཛིན་སྐྱོང་སྦེལ་བ་ལ་བཞིན་ངེས་དོན་སྙིང་པོའི་བསྟན་པ་རིན་པོ་ཆེ་འཛིན་སྐྱོང་སྦེལ་བ་ལ་གཞན་དྲིང་མི་འཇོག་པ་དང། སྐྱེ་དགུ་ཡོངས་ལ་སྨན་པ་དང་བདེ་བའི་ཐབས་ལ་ཐུགས་བསྐྱེད་ཟླ་མེད་པ་ཞིག་སྟེ། སྐྱེས་རབས་དཔག་བསམ་འཁྲི་ཤིང་ལས། ཟླ་བའི་ཀུན་དགའ་ཉི་མའི་རབ་གསལ་དང། མེ་ཡིས་ཚ་བ་རླུང་གི་འགྱོགས་པ་དང། གཞན་དོན་དགའ་བ་སྐྱེ་བོ་ཆེ་རྣམས་ཀྱིས། གཞན་ཡང་ཕན་པ་ལྷན་སྐྱེས་རང་བཞིན་ཡིན། ཞེས་གསུངས་པ་དང་ཚུལ་ཐུན་པར་དམིགས་པ་མེད་པའི་བརྩེ་བ་དང། དྲི་མ་མེད་པའི་ཡེ་ཤེས་ལ་དབང་འབྱོར་བས་སེམས་ཅན་རྣམས་གནས་སྐབས་དང་མཐར་ཐུག་གི་ཕན་བདེ་ལ་སྦྱོར་བའི་ཐུགས་བསྐྱེད་བླ་ན་མེད་པས་དངོས་དང་བརྒྱུན་ནས་ཕན་བཏགས་ཤིང། ཐ་ན་བྱ་དང་རི་དཱགས་རི་དཱགས་རྣམས་ལའང་སྐྱེ་(སྨད་ཆ།༤༧༧)བདུན་མྱོང་གྲོལ་སོགས་ཁལ་ཅི་ཐེངས་མཛད། གཞན་ཡང་སྐུ་ཚེའི་ཕྲེང་བ་དུ་མ་ཐུབ་བསྟན་རིན་པོ་ཆེ་གསལ་བར་བྱེད་པའི་མཁས་པ་དང་གྲུབ་པའི་སྐྱེས་རབས་མུ་ཏིག་གི་ཕྲེང་བ་བསྟར་ལ་རྒྱུས་པ་ལྟ་བུ་དང། སྐུ་ཆེ་འདིར་ཡང་ལྷག་མང་པོ་ཞལ་གཟིགས་པའི་ལུང་བསྟན་ཐོབ་པ། རྡོ་རྗེ་ཆོས་སྐྱོང་རྣམས་བྲན་དུ་འཁེལ་བའི་ཕྲིན་ལས་བསྒྲུབས་པ་། ས་ལམ་གྱི་ཡོན་ཏན་དཔག་ཏུ་མེད་པ་མངའ་བ་སོགས་ནི། ཇོ་བོ་བཀའ་གདམས་པ་དག་གིས། སྦས་པའི་གཏེར་སྲུང་སླ་བའི་དཔེ་བཞིན་བདག་གི་ཡིན་ཏན་མཐའ་དག་རྒྱ་མཚོའི་གཏིང་གི་རྡོ་བ་ལྟར་མི་མངོན་པ་གཙོ་བོར་འདོར་ཅིང། ཁྱད་པར་གསང་འཕྲོས་ཀྱི་ཟུར་ཙམ་ཡང་ཆེར་མ་གསུངས་མོད། སྔགས་ཀྱང་གདན་སར་ཕེབས་ཉིན་དབུ་རྩེའི་སྟེང་ན་དཔལ་མགོན་མ་ནི་དང། སྔགས་སྲུང་ཨེ་ཀ་ཛ་ཊི་བཞུགས་འདུག་པ་དངོས་སུ་གཟིགས་པ་དང། ཡང་ཕེབས་མ་ཁད་ལ་གྲུབ་དབང་རིན་པོ་ཆེའི་གཟིམ་ཁང་དུ་བཞུགས་དུས་དམ་ཅན་ཆེན་པོ་ར་སྐྱེས་ལ་ཞོལ་པ་མཛུབ་གང་པ་ཙམ་ཞིག་རྗེ་ཉིད་སྲུང་བའི་ཚུལ་དུ་ཡང་ཡང་འོངས་པ་གཟིགས་པ་དང། ཡང་སྐབས་ཤིག་དཔལ་མགོན་མ་ནི་མངོན་རྟོགས་དང་མཐུན་པ་ཞིག་ཞལ་གཟིགས། གྲུབ་ཆེན་པདྨ་བཤེས་གཉེན་ལས་དབང་གསན་དུས་བདུད་རྩི་དངོས་སུ་འཁོལ་བ་ཀུན་གྱིས་མཐོང་བ་དང། དགུང་ལོ་ཉེར་གཉིས་བཞེས་དུས་ཡེ་ཤེས་ཀྱི་མཁའ་འགྲོ་མཚོ་རྒྱལ་དཀར་མོ་ཕྱག་ན་མདའ་དར་དང་བུམ་པ་ཐོགས་པ་ཞིག་གིས་འབྱུང་འགྱུར་གྱི་ལུང་བསྟན་དང་ཆོས་བཀའ་མང་པོ་འབེབས་རྒྱུའི་བརྡ་གྲོལ་བྱུང་(སྨད་ཆ།༤༧༨)ཡང་བདག་གིར་མ་མཛད། ཁྱད་པར་དུ་ཨོ་རྒྱན་ཆེན་པོ་པདྨ་འབྱུང་གནས་ལན་དུ་མར་ཞལ་ ཡང་ཡང་གཟིགས་ཤིང། གཞན་ཡང་པཎ་ཆེན་བི་མ་མི་ཏྲ་དང། རླང་དཔལ་གྱི་སེང་གེ། རྒོད་ཚང་བ་སྣ་ཚོགས་རང་གྲོལ་རྣམས་ཡང་ཡང་ཞལ་གཟིགས་པ་དང། གསུང་གླེང་དུས་ཇོ་བོ་རིན་པོ་ཆེ་མཇལ་དུས་བཅོམ་ལྡན་འདས་ཤཱཀྱའི་རྒྱལ་པོ་ཉིད་དངོས་སུ་གཟིགས་ཤིང་ཞལ་འཛུམ་པར་མཛད་པ་དང། འཁོར་གྱི་ལྷ་རྣམས་ཀྱང་ལྷ་མངོན་སུམ་ལྟ་བུ་སྣང་སྟོང་སྒྱུ་མའི་རོལ་བར་གཟིགས་པ་དང། གཡོ་རུ་ཁྲ་འབྲུག་ཏུ་ཕེབས་དུས་སྒྲོལ་མ་ཞལ་ཟས་མའི་ཞལ་འཛུམ་པ་དང། ཁྲོ་བོ་མི་གཡོ་བའི་རལ་གྲི་ལས་མེ་འབར་བ་རྣམས་བྱུང། སྒྲུབ་མཆོད་འཛུགས་དུས་རྒྱུད་མགོན་ལེགས་ལྡན་གྱིས་སྡོང་འགྲོགས་བྱེད་པར་ཞལ་གྱིས་བཞེས་པ་དང། སྐབས་ཤིག་ལྷ་མོ་ཚེ་རིང་མ་གཙོ་འཁོར་གསུམ་མདའ་དར་དང་མེ་ལོང་བསྣམས་པ་ཞིག་གཟིགས་ཤིང། དེའི་སྒྲུབ་སྐོར་ཞིག་ཕེབས་རྒྱུ་པར་དུ་མ་འཁོག་གོང་དུ་རྗེ་ཉིད་ཀྱི་ཞབས་རིང་ཞིག་དང་བུད་མེད་རྒྱན་ལྡན་མང་པོས་རྒྱུད་ཀྱི་དཔེ་རྣམས་གབ་དཀྲུག་བསམ་ནས་ཞུས་དག་བྱེད་ཚུལ་མནལ་ལམ་བྱུང་བར་རིང་པོར་མི་ཐོགས་པར་བར་དུ་འཁོད་པ་འདྲ་གསུངས་པ་ཐོག་ཏུ་ཁེལ་སོགས་དང། གཞན་ཡང་དག་པའི་སྣང་བ་བསམ་གྱིས་མི་ཁྱབ་པ་ཡོད་པར་འདུག་ཀྱང་ཡེ་ནས་མི་གསུངས། གཞན་ཡང་བརྟེན་བའི་ཆོས་སྐྱོང་མ་བཟའ་རྡོར་གསུམ། བཙན་རྒོད་ཆེན་པོ་འདོད་ཁམས་གཙོ་མོ་རྣམས་ཡང་ཡང་གཟིགས་ཤིང་དེ་དག་གིས་དགྱེས་པའི་ཕྲིན་ལས་བསྒྲུབས་(སྨད་ཆ།༤༧༩)ཚུལ་དང། གཞི་བདག་འགའ་ཞིག་གིས་དངོས་གཟུགས་བསྟན་ནས་དམ་ལ་བཞག་པས་མཐུན་རྐྱེན་སྒྲུབ་པར་ཁས་བླངས་པ་དང། གདུག་ཅན་གྱི་ལྷ་འདྲ་མང་པོ་དམ་ལ་བཏགས་ཚུལ་སོགས་མང་དུ་ཡོད་པ་སྣང་ཡང་ཟུར་ཙམ་ལས་ཞིབ་པར་ཡེ་ནས་མི་གསུངས་ཏེ་ཐུགས་ཀྱི་ཀློང་དུ་སྦ་བར་མཛད་དོ། ཕྲན་བུ་འདི་དག་ཀྱང་རྗེ་ཉིད་ཀྱི་ཞབས་རིང་བ་དགེ་སློང་ཤཱཀྱ་བཟང་པོའི་ངག་ལམ་ལས་བྱུང་བ་དང་བདག་རང་ལ་གསུངས་པ་རྣམས་གུང་བསྒྲིགས་ནས་ཐོར་ཙམ་བཀོད་པ་ལས་ཞིབ་པར་མ་འཚལ། སྐབས་ཤིག་ཉེ་གནས་ལ་ང་རང་ཚེ་རིང་པོ་མེད་པ་འདྲ། མི་མང་པོ་ཡང་ཡང་ཚོགས་ནས་གྲོས་བྱེད་འདུག་པར་ལྷ་འདྲེ་མི་གསུམ་སྒྲུབ་མཆོད་འདི་ལ་མི་མོས་ནས་བར་ཆད་བརྩམས་པ་ཁོ་ནར་འདུག་ཅེས་པའི་གསུང་འཕྲོས་ཀྱང་སྩལ། ཞལ་སློབ་ཀྱང་གཙོ་བོར་ཉི་སྦྲུལ་རིན་པོ་ཆེ་ཨོ་རྒྱན་བསྟན་པའི་ཉི་མ་མི་འགྱུར་ཕན་བདེ་རྒྱ་མཚོ་དང། ཟེ་ཆེན་རབ་འབྱམས་མཆོག་སྦྲུལ་རྒྱས་ཚབ་བཅས་དང། དཔོན་སྦྲུལ་ཀུན་བཟང་བསྟན་པའི་ཉི་མ། གུ་གུ་བླ་མ་བསྟན་འཛིན་སྙིང་པོ། གནས་མདོ་ཆགས་མེད་སྦྲུལ་སྐུ་ལྕགས་ལའི་རྒྱལ་སྲས། གྲུབ་ཆེན་པདྨ་བཤེས་གཉེན་སོགས་རྩ་བའི་ཡོངས་འཛིན་དེ་དག་ལས་ཀྱང་འགའ་ཞིག་མ་གཏོགས་ཕལ་ཆེར་གྱིས་གསུང་གི་བདུད་རྩི་མ་བཞེས་པ་མེད་ཅིང། གཞན་གྲ་རིགས་སློབ་ཚོགས་ཀྱི་འདུ་བ་མཐའ་ཡས་པའི་ཕྱིར་མཐའ་དག་ནི་བརྗོད་པར་ནུས་པ་མ་ཡིན་ནི། དེ་ལྟར་བསྟན་པ་དང་སེམས་ཅན་གྱི་དོན་རྒྱ་ཆེར་བསྒྲུབས་པར་མཛད། འདི་སྐབས་སུན་མའི་ལྟས་མང་པོ་རྒྱུན་ཆགས་སུ་ཡོད་འདུག་པར་བླ་ཆེན་ནམ་མཁའ་ཚེ་དབང་མཆོག་གྲུབ་ཀྱིས་སུན་ཟློག་(སྨད་ཆ།༤༨༠)མཛད་པས་ཡུན་རེར་ཟློག་འགྲོ་བར་ཀྱང། སླར་ཡང་སྔར་ལྟར་ཡོང་གི་འདུག་གསུངས། འདི་ནས་བཟུང་སྐུ་ཡང་ཅུང་ཟད་ལྟེམ་པ་ཡང་ཡང་བྱུང་ཞིང། ཇི་ལྟར་བུར་ཤིང་མེད་ན་མེ་ཡོངས་སུ་མི་གནས་པ་བཞིན། འདུལ་བྱའི་ཡུལ་མེད་ན་འདུལ་བྱེད་ཀྱི་སྟོན་པའང་མི་འབྱུང་བས། དེས་ན་རེ་ཞིག་གདུལ་བར་བྱ་བའི་ཡུལ་དེ་ཙམ་དུ་དགོངས་ནས་ཞིང་ཁམས་གཞན་དུ་དགོངས་པ་གཏོད་པར་མཛད་དེ། དགུང་ལོ་སུམ་ཅུ་སོ་ལྔ་པ་ཆུ་ཕོ་བྱི་བའི་ལོར་གཟུགས་སྐུའི་བཀོད་པ་ཆོས་ཀྱི་དབྱིངས་སུ་བསྡུས་ནས་ཞི་བ་ཆེན་པོར་མནལ་བའི་ཚུལ་བསྟན་པར་གྱུར་ཏོ། དེ་ནས་དགོངས་རྫོགས་མཆོད་སྦྲིན་རྒྱ་ཆེར་སྦྲོ་བ་དང། སྐུ་གདུང་རིལ་པོར་བཞུགས་པའི་དངུལ་འབའ་ཞིག་ལས་གྲུབ་པའི་མཆོད་རྟེན་ཐོག་ཚད་མ་བཞེངས་པ་སོགས་དགོངས་པ་རྫོགས་པའི་ཐབས་ཕུལ་དུ་བྱུང་བ་ཁོ་ན་བསྒུབས་པ་ཡིན་ནོ། སྦྲུལ་པའི་སྐུ་རིན་པོ་ཆེ་པདྨ་གསང་སྔགས་བསྟན་འཛིན་ནི། སྦྱིར་ལམ་རིམ་བགྲོད་ཀྱི་གང་ཟག་རྣམས་གཅིག་རྗེས་གཅིག་མཐུད་ཀྱི་ལུས་བླངས་པ་ལ་སྐྱེ་བ་ཞེས་པའི་སྒྲ་དོན་སྦྱར་བ་དང། འཕགས་པ་རྣམས་ངོ་བོ་ཆོས་ཀྱི་དབྱིངས་སུ་དགོངས་པ་གཅིག་ཀྱང། རྣམ་པ་གང་ལ་གང་འདུལ་གྱི་ཟློས་གར་གཅིག་དང་ཐ་དང་མང་པོར་བསྒྱུར་པ་ལ་སྦྲུལ་པ་ཞེས་བཞག་པ་ཡིན་ལ། དེས་ན་རྗེས་བླ་མ་འདི་གང་སྐྱེས་རབས་ཀྱི་ཕྲེང་བ་མང་པོར་བསགས་སྦྱངས་ཀྱི་རིམ་པ་མཐར་ཕྱིན་པ་དང། ཁྱད་པར་སྐུ་ཚེ་འདིའི་གོང་མ་དཔོན་སློབ་རིན་པོ་ཆེ་དེ་ཉིད་ཀྱིས་བསོད་ནམས་དང་ཡེ་ཤེས་ཀྱི་ཚོགས་མང་དུ་བསགས་པ་དང། འོད་གསལ་རྡོ་རྗེ་སྙིང་པོའ་ཟབ་མོའི་ཉམས་བཞེས་བར་མེད་དུ་གནང་ནས་ལམ་གྱིས་ཡོན་ཏན་ཐམས་ཅད་མཐར་(སྨད་ཆ།༤༨༡)ཕྱིན་པ་སོགས་ཀྱིས་སྐུ་ཚེ་འདིར་སྐྱེ་སྦྲུལ་གང་དུ་ངོས་བཟུང་ཡང་སྐྱོན་མེད་ཅིང་འགྲོ་དོན་འབད་མེད་ལྷུན་གྱིས་གྲུབ་པ་ཞིག་སྟེ། དེ་ཡང་མཚན་དཔེའི་མྱུ་གུ་བསྐྱེད་པའི་ཡུལ་ནི། མདོ་ཁམས་སྒང་དྲུག་ཏུ་གྲགས་པའི་ནང་ཚན་ལྷོ་སྦོ་འབོར་སྒང་གི་ཆེ་གཏོགས། གཙང་རིས་ཀྱི་དགེ་བསྙེན་ཆེན་པོ་ཁྲོ་ཟིལ་བྲོམ་རྡོ་རྗེ་གཡུང་དྲུང་རྩལ་གྱི་གཡོན་ཞོལ་གདན་ས་ཆེན་པོ་དང་ཧ་ཅང་ཐག་མི་རིང་བའི་སྐྱེད་ཚལ་དང་སྨན་ལྗོངས་ཉམས་དགའ་བའི་འབྲོག་སྡེ་ཞིག་ཏུ། དགེ་འཕན་ཞེས་པའི་རིགས་རུས་ལས་ཡབ་དཔའ་རྩལ་སྟོབས་གསུམ་དང་ལྡན་པ་བསམ་འཕེལ་ཞེས་པའི་སྲས་སུ་སྐྱེས་བདག་ཞེས་པ་ལྕགས་མོ་ཕག་གི་ལོ་ལ་སྐུའི་དཀྱིལ་འཁོར་གསལ་བར་གྱུར་ཏེ། ཇི་སྐད་དུ། སངས་རྒྱས་ཉི་མ་གདུལ་བྱ་ཡི། རི་ལས་ཇི་ལྟར་འོས་པར་བབ། ཅེས་གསུངས་པ་ལྟར། དཔོན་སློབ་རིན་པོ་ཆེའི་ཡང་སྲིད་དུ་ངོས་འཛིན་ཐེ་ཚོམ་མེད་པའི་ཐག་ཆོད་བྱུང་བས། ཆོས་ཀྱི་རྒྱལ་པོ་སྡེ་དགེ་བསྟན་པ་ཚེ་རིང་དང། རྫོགས་ཆེན་སྦྲུལ་དཔོན་ཟུང་བཅས་མཆོད་བཀའ་བགྲོས་ནས་གདན་ས་ཆེན་པོ་རུ་དམ་ཨོ་རྒྱན་བསམ་གཏན་ཆོས་གླིང་དུ་གདན་དྲངས། དཔོན་སློབ་རིན་པོཆེའི་བཞུགས་ཁྲིར་ཞབས་པད་བཀོད་ནས། རྫོགས་ཆེན་མཆོག་སྦྲུལ་རིན་པོ་ཆེའི་གཙུག་ཕུད་བཞེས་ནས་མཚན་པདྨ་གསང་སྔགས་བསྟན་འཛིན་དུ་གསོལ། ཁྲི་འདོན་ལེགས་འབུལ་སོགས་ཀྱི་ལེགས་ལམ་གྱི་སྣང་བ་དགུང་ཟླའི་དཔེ་འོས་པ་རྒྱ་ཆེར་སྦེལ། ཆུང་ངུའི་དུས་ནས་ཤ་ཁྲག་གི་དྲི་ཙམ་ཡང་ལྗགས་ལ་མི་འཇོག་པ་སོགས་བྱིས་པའི་སྦྱོད་པ་ལས་འདས་པའི་ངོ་མཚར་ཡ་མཚན་ཆེ་བའི་མཛད་པ་དུ་མ་མངའ། དགུང་ལོ་བཅུ་བཞེས་པ་ལྕགས་སྦྲེལ་ལོར་མཆོག་སྦྲུལ་རིན་པོ་ཆེ་དང་ལྡན་རྒྱས་དབུས་(སྨད་ཆ།༤༨༢)ལྗོངས་སུ་ཆིབས་སྐྱོད་གནང། རྡོ་རྗེ་བྲག་ཞབས་དྲུང་ལས་དགེ་ཚུལ་གྱི་སྡོམ་པ་བཞེས་ཤིང། གཞན་ཡང་སྨིན་གྲོལ་གླིང་རྒྱལ་སྲས་རིན་ཆེན་རྣམ་རྒྱལ་དང། ལྷོ་བྲག་ཐུགས་སྲས་འགྱུར་མེད་མཆོག་གྲུབ་དཔལ་འབར། དཔལ་རི་སྦྲུལ་སྐུ་བློ་བཟང་པདྨ་སོགས་ལ་བཀའ་ཆོས་མང་དུ་གསན། ཁྱད་པར་དུ་རྫོགས་ཆེན་མཆོག་སྦྲུལ་རིན་པོ་ཆེ་འགྱུར་མེད་ཐེག་མཆོག་བསྟན་འཛིན་གྱི་ཞབས་པད་གུས་པས་བསྟེན་ནས་ཟབ་གསང་རྫོགས་པ་ཆེན་པོའི་དབང་ཁྲིད་ལུང་གསུམ་མན་ངག་ཐམས་ཅད་མཐའ་རྒྱ་ཆོད་པར་གསན་ནས་ཐུགས་ཉམས་སུ་བཞེས། གཞན་ཀུང་བཀའ་འགྱུར་རོ་ཅོག། རྙིང་མ་རྒྱུད་འབུམ་ལུང་སོགས་མང་དུ་གསན། ཉི་གྲགས་མཆོག་སྦྲུལ་རིན་པོ་ཆེའི་དྲུང་ནས་ཟབ་མོ་དག་སྣང་རྒྱ་ཅན་དང་ཉི་གྲགས་གཏེར་ཆོས་ཡོངས་རྫོགས་སོགས་གསན། རྩིས་དཀར་ནག་སོགས་ཀྱང་གསན་ཚུལ་ཙམ་མཛད། གཙོ་བོར་སྒྲུབ་པ་བསམ་གཏན་གྱི་ཉམས་བཞེས་ཁོ་ན་མཛད་ནས་སྟོན་ཐོཏ་གཅིག་ཏུ་ལོ་མཚམས་བཅུ་གཅིག་ཙམ་མཛད། འགྲོ་དོན་གདུལ་བྱ་སོགས་ལ་ལྷོ་བྱང་གང་དུ་ཕེབས་ཀྱང་མང་དུ་མཛད། འགྲོ་དོན་གདུལ་བྱ་སོགས་ལ་ལྷོ་བྱང་གང་དུ་ཕེབས་ཀྱང་ཟང་ཟིང་ལོངས་སྦྱོད་ཀྱི་འདུ་བ་རྒྱ་མཚོ་ཆེན་པོར་ཆུ་བྲན་འདུ་བ་བཞིན་འབྱུང་ཞིང། དེ་ལ་བརྟེན་པའི་སྦྲོས་བཅས་བསོད་ནམས་ཀྱི་ཚོགས་ཀྱང། རྗེ་བླ་མ་འགྱུར་མེད་ཐེག་མཆོག་བསྟན་འཛིན་གྱི་དུས་དྲན་མཆོད་པར་ཟབ་ལམ་བདེ་གཤེགས་ཀུན་འདུས་ཀྱི་ཆོ་ག་ཉིན་གཅིག་དང། གཞན་ཡང་སཙྪ་འདེབས་པ། མ་ཎི་བརྐོ་བ་རྣམས་ལོ་ལྟར་ཆག་མེད་གནང་ཞིང། ཆུ་ཚན་འཕྲོད་བཞེས་སོགས་ཀྱང་ལོ་ལྟར་བཞིན་མཛད། ཁྱད་པར་མ་ཎི་རྡོ་མཁར་དཔོན་ས་མནྡའི་ས་བོན་(སྨད་ཆ།༤༨༣)ཙམ་གྱི་ཁར་རྗེ་བའི་ཉིད་ཀྱིས་ལོ་རེ་བཞིན་དུ་རྡོ་བརྐོ་བ་ཉི་ཤུ་རྩ་གྲངས་ཀྱིས་ཟླ་བ་རེའི་བར་དུ་བརྐོ་བའི་ཟས་ཡོན་ཡོ་བྱད་ཅིང་དགོས་དངོས་པོ་བཟང་ངེས་ཁོ་ན་གནང་ནས་ལོ་ལྟར་ཆག་མེད་མཛད་པས་ཡིག་དྲུག་གཙོ་ཆེ་བའི་གཟུང་སྔགས་ཀྱི་རིག་པ་ཡ་ཕྲག་ལྔ་ལྷག་བཅས་ཀྱི་གྲངས་ཡོད་པའི་པད་འབུམ་ཆེན་མོ་བྱིན་རླབས་ཅན་བཞེངས། གཞན་ཡང་འཕགས་ཡུལ་ནས་བོད་དུ་འགྱུར་རོ་ཅོག་གི་བསྟན་བཅོས་པར་མ་ཡོན་གྱིས་བླུ་བ་སོགས་མཛད། ཐུགས་སྦྲོས་བྲལ་རྣམ་པར་མི་རྟོག་པའི་ཡེ་ཤེས་དང་ཡོན་ཏན་ནི་མཐའ་ཡས་པ་མངའ་གཞིར་བཅས་མོད། འོན་ཀྱང་གསུང་སྒྲོས་བསྙེན་ཐོ་ཕྱག་བྲིས་མ་ལྟ་བུ་གང་ཡང་མཐོང་ཐོས་བྱེད་རྒྱུ་མ་བརྙེན་པས། འོལ་ཚོད་ཀྱིས་གཏམ་སྨྲ་བ་ག་ལ་སྦོབས། འཕྲལ་གྱིས་ཀུན་སྦྱོད་ཀྱང་ཉིན་གཅིག་ཁོ་ན་བཞིན་དུ་དུས་རྟག་ཏུ་ཡང་དེ་ཁོ་ན་ལས་གཞན་དབང་དུ་མི་བཏང་ཞིང། ཐ་ན་བཞེས་པ་དྲངས་ལུགས། ཆིབས་ལ་གཞོན་བབས་ཀྱིས་དུས་ཆིབས་ཁ་ལེན་ལུགས་ཚུན་ཧ་ཅང་ཐལ་བར་འགྲིགས་དགོས་ལ་ཕལ་ཆེར་གྱིས་མཚར་སྣང་དང་དད་ཅན་རྣམས་ཀྱི་གྲུབ་སྦྱོད་དུ་འཛིན་པའི་ཉམས་མཚར་ཞིག་ཡོད། ཕལ་ཆེར་སྦས་ཚུལ་དུ་བཞུགས་པས་དབང་ལུང་དང་ཆོས་བཀའ་ཕོན་ཆེ་བ་འཆད་སྦེལ་སོགས་མི་མཛད་པས་ཆོས་རྒྱུད་ལ་མི་བཞུགས་ཀྱང། ལོ་ལྟར་ཉམས་འཁྲིད་ལན་གཉིས་གསུམ་རེ་རྒྱུན་ཆགས་སུ་གནང་ནས་དད་ཅན་རྣམས་ལ་དབང་ཆོས་བུམ་སྒྲུབ་སོགས་གང་ལ་གང་འདོད་ཀྱི་སྦྱིན་པས་ཕན་བཏགས་ཏེ་གཞན་ཕན་མཐའ་ཡས་པ་མཛད། མངོན་པར་ཤེས་པ་ཕྱོགས་མེད་དུ་མངའ་བས་ཀུན་གྱིས་དཔོན་སློབ་རིན་པོ་ཆེའི་གསུང་བརྟག་ཅེས་ཚད་(སྨད་ཆ།༤༨༤)མར་འཛིན། གདན་ས་ལོ་གསུམ་ཙམ་མཛད་ཀྱང། རྗེ་འདི་ཉིད་བླ་མ་གོང་མ་རྣམས་ཀྱི་ཕྱག་སྲོལ་རྙིང་པ་ལ་ཐུགས་ཞལ་ཐལ་ཆེས་པས་སྒྲུབ་མཆོད་སོགས་གསར་འཛུགས་རྣམས་ལ་ཐུགས་གཉེར་ཆུང་ཞིང། ཐུགས་དམ་ཟབ་བཞེས་ཀྱི་རིགས་ཀྱང་བྱིངས་ཆེ་བ་སོགས་ཀྱི་རྒྱུས་དགོན་པའི་བཅའ་ཁྲིམས་དང་སྒྲིག་རྣམ་གཞན་སོགས་ལ་ཐུགས་སྩོལ་དང་གཟིགས་ཕྱོགས་སླེབས་རྒྱང་ཆེ་བ་རང་གནང་བ་ཐུབ་པ་ལ་བརྟེན། གདན་སའི་ཐུགས་ཁུར་བཞག་ནས་སྒྲུབ་གྲར་ཕེབས་སྦོང་བ་བསམ་གཏན་གྱི་ཉམས་བཞེས་དང་དད་འབྱོར་ཅན་གྱི་ཡོན་བཞེས་སྨོན་འབྲེལ་དང། དོན་གཉེར་རྣམས་ལ་ཉམས་འཁྲིད་སོགས་ཀྱིས་གདུལ་བྱའི་རེ་བ་བསྐོང་པར་མཛད། སྦྱིར་ཡང་རྗེ་འདི་ལུགས་གཉིས་ཀྱིས་གདུལ་བྱའི་རེ་བ་བསྐོང་བར་མཛད། སྦྱིར་ཡང་རྗེ་འདི་ལུགས་གཉིས་ཀྱི་འཇུག་པ་གང་ལའང་མཁྱེན་གཟིགས་ཀྱི་དཀྱུས་ཧ་ཅང་མི་རིང་བའི་ཚུལ་མཛད་ཀྱང། ཇི་སྐད་དུ་སྡོང་པོ་བཀོད་པའི་མདོ་ལས། དཔེར་ན་རྡོ་རྗེ་རིན་པོ་ཆེ་ཆག་ཀྱང་གསེར་གྱི་རྒྱན་ཁྱད་པར་འཕགས་པ་ཐམས་ཅད་ཟིལ་གྱིས་གནོན་ཅིང། རྡོ་རྗེ་རིན་པོ་ཆེའི་མིང་ཡང་མི་འདོར་ལ་ཐམས་ཅད་ཟློག་གོ། ཞེས་གསུངས་པ་དང་ཚུལ་མཐུན་པར་སྔོན་གྱི་སྨོན་ལམ་གྱི་སྟབས་ཀྱིས་འགྲོ་བ་མཆོག་དམན་གང་དང་གང་ཡང་ཞལ་མཐོང་བ་དང་གསུང་ཐོས་པ་ཙམ་གྱིས་འདུལ་བྱའི་ཤེས་རྒྱུད་དབང་མེད་དུ་གཡོ་ནུས་པས་འགྲོ་ཕན་གྱི་ཕྲིན་ལས་དང་གཞན་དོན་གདུལ་བྱ་སོགས་ནི་སུས་ཀྱང་འགྲན་དུ་མེད་དེ། ཇི་སྐད་དུ། ཇི་ལྟར་ཁབ་ལེན་མཐོང་བ་དང། ལྕགས་ནི་མྱུར་བ་ཀུན་དུ་འཁོར། འོན་ཀྱང་དེ་ལ་སེམས་པ་མེད། སེམས་ལྡན་བཞིན་དུའང་རབ་ཏུ་སྣང། ཞེས་གསུངས་པའི་དཔེ་དང་ཚུལ་མཚུངས་པར་མཐོང་ཐོས་དྲན་རེག་ཐམས་ཅད་དད་པས་དགེ་(སྨད་ཆ།༤༨༥)བ་ལ་སྦྱོར་ནུས་པའི་ཕྲིན་ལས་དང། ལོངས་སྦྱོད་ཀྱི་འདུ་པ་ཕུན་སུམ་ཚོགས་པ་ལ་འབད་མེད་ལྷུན་འགྲུབ་ཏུ་འབྱུང་བ་སོགས། དེ་ལྟ་བུའི་ཕྲིན་ལས་རྨད་དུ་བྱུང་བས་འགྲོ་དོན་དང་གདུལ་བྱ་ཡུན་རིང་དུ་བསྐྱངས་ཤིང། དེ་ནས་ཞིང་འདིའི་གདུལ་བྱ་རྫོགས་པའི་ཚུལ་བསྟན་ནད་དགུང་ལོ་དོན་བཞི་པ་ཤིང་མོ་གླང་གི་ལོར་ངོ་མཚར་བའི་ལྟས་དུ་མ་དང་བཅས་ཏེ་རུ་ངམ་གདན་ས་ཆེན་མོར་དགོངས་པ་ཆོས་དབྱིངས་སུ་ཐིམ་པར་གྱུར་ཏོ། གདུང་ཞུགས་འབུལ་བྱས་པས་རིང་བསྲེལ་མང་དུ་འཕེལ། དགོངས་རྫོགས་མཆོད་སྦྲིན་སྦྲོ་བ་གསེར་གདུང་ཐོག་ཚད་མ་བཞེངས་པ་སོགས་རྗེས་ཀྱི་བྱ་བའང་རྒྱ་ཆེར་ལེགས་པར་གྲུབ་པའོ། མཁས་བཙུན་བླ་མ་ནམ་མཁའ་ཚེ་དབང་མཆོག་གྲུབ་ནི། དེ་ཡང་འཕགས་པ་རྣམས་གཟོད་མ་ནས་རང་ཉིད་བྱང་ཆུབ་ཀྱི་བདུད་རྩི་བརྙེས་སུ་ཟིན་ཀྱང། ད་དུང་བྱང་ཆུབ་དོན་དུ་གཉེར་བའི་ཚུལ་གྱིས་སེམས་ཅན་གྱི་དོན་མཛད་པའི་ཕྲིན་ལས་ལ་དབང་འབྱོར་བས་སྨོན་ལམ་གྱི་དབང་ངམ་སྟོབས་ལས་གྲུབ་པའི་སྐྱེ་བ་གང་འདུལ་གྱི་འདྲེན་པར་སྣང་བས་གདུལ་བྱ་རྗེས་སུ་འཛིན་པའི་ཕྲིན་ལས་གཞར་ཡང་བརྟུལ་བ་མ་ཡིན་པས། རྗེ་བླ་མ་འདིའི་སྐུའི་སྐྱེ་བ་གོང་མ་ནི། འགྱུར་མེད་སྐལ་བཟང་འཕེལ་རྒྱས་བཟང་པོ་ཞེས་མཚན་དོན་དང་མཐུན་པའི་དགེ་བའི་བཤེས་གཉེན་སུམ་ལྡན་རྡོ་རྗེ་འཛིན་པ་ཆེན་པོ་ཞིག་ཏུ་སྐྱེ་བ་བཞེས་པ་ཡིན་ཞེས་ཡོངས་སུ་གྲགས་སོ། དགེ་བའི་བཤེས་གཉེན་དེ་ཉིད་ནི་ཏྲི་བོ་ཧོར་གྱི་དཔོན་ཨུ་ཆིང་ནོ་ཡོན་ཞེས་པའི་ནང་བློན་འབྲོག་སྡེ་དགེ་རྩེའི་རིགས་ལས་བྱུང་བ་ཞིག་གིས་སྲས་ཏེ། སྐུ་ཆུང་ངུའི་དུས་ནས་ངེས་འབྱུང་གི་ཕུགས་བསམ་དྲག་པོ་གཞན་རྐྱེན་གྱི་ལྡོག་ཏུ་མེད་པ་(སྨད་ཆ།༤༨༦)ཞོག་མངའ་བས་འཁར་བའི་གནས་མལ་མཐའ་དག་དུག་སྦྲུལ་གྱི་ཚང་ལྟར་གཟིགས་པས་གནས་གྲོགས་ཡོ་བྱད་ཐམས་ཅད་སྦྲུལ་གྱི་ཤུན་པ་ལྟར་དོར་ནས་དབུས་ཕྱོགས་སུ་ཕེབས་ཏེ་ཁྱིམ་ནས་ཁྱིམ་མེད་པར་རབ་ཏུ་བྱུང། གཏེར་ཆེན་ཆོས་ཀྱི་རྒྱལ་པོ་ཨོ་རྒྱན་གཏེར་བདག་གླིང་པའི་ཞབས་པད་མཉེས་པ་གསུམ་གྱིས་གཙུག་ཏུ་མཆོད་ནས་བཀའ་གཏེར་ཆོས་ཚུལ་གྱི་བདུད་རྩི་རྒྱ་མཚོ་ལྟ་བུ་བཞེས་ཤིང་བསྐྱེད་རྫོགས་ཟབ་མོའི་ཉམས་བཞེས་ཀྱིས་དངོས་འཛིན་གྱི་འཆིང་བ་ལས་གྲོལ་ནས་རང་རིགས་ཆོས་སྐུའི་རྒྱལ་སྲིད་ལ་དབང་འབྱོར། གཞན་ཡང་ཁམས་དབུས་རྣམས་སུ་ཡོངས་འཛིན་དུ་མ་ལས་གསན་བསམ་མཐར་ཕྱིན་པ་མཛད། ཁམས་སུ་ཕེབས་ནས་སྒྲུབ་པའི་རྒྱལ་མཚན་བཙུགས་ནས་སྐུ་ཚེ་འཁྲོལ་བ་མཛད་ཅིང། རྫོགས་ཆེན་མཆོག་སྦྲུལ་རིན་པོ་ཆེ། ཞི་ཆེན་དགུ་མང་པོས་རྗེ་འདིའི་ཞབས་ལ་བཏུང་ནས་བཀའ་ཆོས་ཀྱི་བདུད་རྩི་བཞེས་པས་མཚོན་བཀའ་ཆོས་ཀྱི་འཆད་སྦེལ་ཀྱང་མང་པོ་སྨིན་གྲོལ་གྱི་ལམ་ལ་བཀོད་པར་མཛད་ནས། ཚེ་འདིར་མཆོག་དམན་གང་ལའང་ཆགས་ཞེན་མེད། རིག་པ་འཆི་མེད་གཏེར་བདག་གླིང་པ་དང། དབྱེར་མེད་ཨོ་རྒྱན་པདྨའི་ཐུགས་ཀར་གཏད། ཅེས་གསུངས་ནས་མྱ་ངན་ལས་འདའ་བའི་ཚེ་ཞལ་སློབ་ཞབས་རིང་པ་དག་གི་གསོལ་བ་བཏབ་པ་བཞིན་ངེས་གསང་རྫོགས་པ་ཆེན་པོའི་བསྟན་པ་སྦེལ་བའི་ཆད་དུ་སླར་ཡང་སྦྲུལ་པའི་སྐུ་འདི་ཉིད་དུ་སྐྱེ་བ་བཞེས་པ་ཡིན་ཏེ། དེ་ཡང་རྗེ་འདི་ནི་འདོད་དགུ་འཛོམས་(སྨད་ཆ།༤༨༧)པའི་ཡུལ་བྱང་ཡིད་ལྟུང་ཞེས་པའི་ཆར། སྔར་ཆོས་རྗེ་ས་སྐྱ་པ་མངའ་ཐང་དགུང་ལོ་རེག་པའི་དུས་སུ་ཞབས་འདེགས་ལ་ལྷག་པར་བཙོན་པའི་ལས་འཛིན་པ་རྒྱལ་མཚན་གྱི་མིང་འཛིན་པ་བཞིའམ་བརྒྱད་དུ་གྲགས་པའི་ནང་གསེས་ཨ་རོ་ཡེ་ཤེས་རྒྱལ་མཚན་དུ་གྲགས་པའི་མི་བརྒྱད་ཕྱོགས་འདིར་ཆགས་པ་ལས་ཕ་མཚན་འགའ་ཞིག་བྱུང་བར། འཕགས་པ་རིན་པོ་ཆེའི་དབུ་ཞཱ་དེང་སང་ཡང་ཡོད་ལ། མི་བརྒྱུད་དེའི་ནང་ཚན་གྱི་ཡ་གྱལ་ཞིག་ལ་དཔའ་འཛངས་བློ་གྲོས་དང་ལྡན་པ་ཚོང་དཔོན་ཚེ་རྒྱལ་ཞེས་པ་ནི་རྗེ་འདིའི་སྐུ་སྐྱེས་པའི་ཡབ་ཡིན་ལ། ཡུམ་ཡང་རང་གྲོལ་གྱི་རྣལ་འབྱོར་མ་སེམས་མ་དགེ་བའི་ཐུགས་ལྡན་ཚེ་སྒྲོན་མ་ཞེས་པ་ཡིན་ཏེ། ཡབ་ཡུམ་དེ་གཉིས་ཀྱི་སྲས་སུ་མིག་དམར་ཞེས་པ་ཤིང་ཕོ་བྱི་བའི་ལོ་ལ་ངོ་མཚར་བའི་ལྟས་དུ་མ་དང་བཅས་ཏེ་སྐུ་བལྟམས་པར་གྱུར་ལ། གསུང་ངག་ཐོག་མར་བྱེ་བ་ནས་བཛྲ་གུ་རུ་ཕྱེད་ནས་རིལ་པོའི་བར་རིམ་པར་གསུངས་ཤིང། བརྡ་འཕྲོད་པ་ནས་བཟུང་བདག་བླ་མ་སྐལ་བཟང་ཡིན་གསུངས། མཚན་མགོན་པོ་ཕུན་ཚོགས་སུ་གསོལ་བ་མི་མཉེས་པའི་ཚུལ་མཛད། དེ་སྐབས་ལྗགས་ཀློག་མ་བཞེས་ཀྱང་དཀོན་མཆོག་སྦྱི་འདུས་ཕན་ཆེར་ཐུགས་ཐོག་ནས་གསུང་རྒྱུ་ཡོད་པར་གྲགས། དེ་ནས་ཁོ་བོ་འདིར་མི་སྡོད་རྫོགས་ཆེན་དགོན་དུ་འགྲོ་དགོས་རང་གསུངས། གཞན་ཡང་སྔོན་གནས་དྲན་པའི་གསུང་འགའ་རེ་གསུངས་ཀྱང། ཡབ་ཡུམ་རྣམས་ལ་དེ་དུས་བླ་མ་གོང་མའི་རྒྱུས་མེད་པས་ཅི་ཡ་མ་འཚལ་ཞིང། ཐུགས་ཀྱི་བག་ཆགས་དེ་བརྗེ་དུ་རེ་བའི་ཐབས་འདྲ་བགྱིས་ཀྱང་ཐུགས་རིག་སྒྲིབ་མ་ནུས། བླ་མ་ཞིག་གིས་སྐུ་སྐྱེ་ཡིན་པ་འདྲ་གླེང་བ་ན། རྗེ་དཔོན་པདྨ་ཀུན་གྲོལ་རྣམ་རྒྱལ་ཕྱོགས་དེར་ཆིབས་(སྨད་ཆ།༤༨༨)སྐྱོང་གནང་བ་ལ་གསོལ་ཇ་ཞུས་པས། ཐུགས་མཉེས་ནས་བླ་མ་དེའི་རྗེས་ལ་འགྲོ་རྒྱུ་ཡིན་ཡང་ཡང་གསུངས། དེ་སྐབས་རྗེ་གོང་མའི་ཞལ་སློབ་ས་སྐྱ་ཡིས་བླ་མ་ཀུན་དགའ་ལྷུན་གྲུབ་དེར་བྱོན་པས་ངོ་ཤེས་ཏེ་བླ་མ་གོང་མ་དེ་ཉིད་ཀྱི་ལོ་རྒྱུས་ཞིབ་པར་ཡབ་ཡུམ་གཉིས་ལ་བསྙད་ཅིང། རྗེ་འདི་རྫོགས་ཆེན་གདན་ས་གོང་གང་རེད་ཞིག་ཏུ་ཆོས་ལ་བཙུད་ན་ལེས་ཚུལ་མོལ་བས། ཡབ་ཡུམ་གཉིས་ཀྱང་ཐུགས་ཐག་ཚོད་ནས་རྒྱ་རོང་དུ་རྗེ་དཔོན་རིན་པོ་ཆེའི་དྲུང་དུ་ཕུལ། རྗེ་དཔོན་དེ་ཉིད་ཀྱི་བདག་གི་བླ་མའི་སྐུ་སྐྱེ་གསུངས་ནས་བསྙེན་བཀུར་ཕུན་སུམ་ཚོགསཔ་མཛད་ཅིང་ཐུགས་མཉེས་ཤིང་གཅེས་པར་བསྐྱངས། གཙུག་ཕུད་བཞེས་ནས་མཚན་ནམ་མཁའ་མཆོག་གྲུབ་ཏུ་གསོལ། ལྗགས་ཀློག་སྦྱོང་བདར་མཛད་པས་ཆོག་མེད་དུ་མཁྱེན། དགུང་ལོ་བཅུ་གསུམ་པ་མེ་བྱི་ལོར་དབུས་སུ་བྱོན་པའི་ལམ་ཞོར་ལ་སྲིད་རྫོང་འོད་གསལ་སྒྲུབ་སྡེར་ཕེབས། ཉི་སྦྲུལ་རིན་པོ་ཆེའི་དྲུང་ནས་ཁྲ་བྲག་ཕུར་པའི་དབང་སོགས་གསན། དབུས་ལྗོངས་བླ་མ་ལྷ་རྟེན་རྣམས་མཇལ་ཞིང་འབུལ་འགྱེད་མང་བཀོལ་སོས། ཐུགས་གྱི་བཞེད་པ་བཞིན་གྲུབ་ནས་ཕྱིར་ཕེབས། དེ་སྐབས་རྗེ་དཔོན་རིན་པོ་ཆེ་གདན་ས་གོང་འོག་ཏུ་རེས་མོས་བཞུགས་ཤིང། དགེ་བཤེས་བསྟན་འཛིན་ལས་རྩིས་དཀར་ནག་སྙན་ངག་སོགས་སློབ་སྦྱོང་མཛད་པས་མཁས་པར་མཁྱེན། ཉི་སྦྲུལ་རིན་པོ་ཆེ་ཀུན་བཟང་ཐེག་མཆོག་རྒྱ་མཚོ་ལྗོངས་འདིར་ཆིབས་སྐྱོང་གནང་སྐབས། རྒྱ་རོང་གདན་སར་ཕེབས་པར་རྗེ་འདིས་བསྙེན་རྫོགས་བཞེས། རྫོགས་ཆེན་མཆོག་སྦུལ་རིན་པོ་ཆེ་ཁྲིར་འཁོང་བསྟུན། ཉི་སྦྲུལ་སྐུ་ཞབས་ནས་མདོ་(སྨད་ཆ།༤༨༩)སྒྱུ་སེམས་གསུམ་སོགས་རྙིང་མ་བཀའ་མ་དང། བླ་མ་དགོངས་འདུས་། ཉི་གྲགས་གཏེར་ཆོས་ཡོངས་རྫོགས། བཀའ་བརྒྱད་གསང་རྫོགས་སོགས་མང ་དུ་གསན། རྗེ་དཔོན་རིན་པོ་ཆེ་དེ་ཉིད་ཀྱི་དྲུང་ནས་ཉང་གི་བཀའ་བརྒྱད་བདེ་འདུས་དང། ཞིག་གླིང། བདུད་འདུལ་རྡོ་རྗེ། འཇའ་ཚོན་པ་སོགས་ཀྱི་གཏེར་ཆོས་ཡོངས་རྫོགས་དང། ཁྱད་པར་རྫོགས་ཆེན་སྙིང་ཏིག་རྣམ་གཉིས་སོགས་ཀྱི་སྨིན་ཁྲིད་ཟབ་བཞེས་གནང་ཐོས་དོན་སྙིང་པོར་སྨིན་པའི་ཉམས་ལེན་སྐྱོང་བར་མཛད། གཞན་ཡང་ཁྲིད་རིགས་མི་གཅིག་པ་དུ་མ་དང། རྗེ་དཔོན་ཉིད་ཀྱི་གསུང་རྩོར་སྐོར་སོགས་བུམ་པ་གང་བྱོན་གསན། དེ་ནས་མི་རིང་བར་རྗེ་དཔོན་རིན་པོ་ཆེ་གཞན་དོན་ལ་དགོངས་པའི་དགོངས་རྫོགས་སོགས་གང་ཅིར་འགན་བཞེས་མཛད། དུས་སྐབས་ཅི་རིགས་པར་ལྷག་པའི་ལྷ་དུ་མའི་བསྙེན་སྒྲུབ་ཚུལ་ལྡན་མཛད། འདི་དུས་ཟར་ཆེན་རབ་འབྱམས་སྦྲུལ་སྐུ་རྒྱ་རོང་ཉེ་སར་སྐུ་བལྟམས་པ་ཁྲིད་བཀོད་པའི་ཞབས་འགྱུར་དང། དེར་མཚུངས་ཉི་སྦྲུལ་རིན་པོ་ཆེ་ཁྲིར་བཀོད་པའི་ཞབས་འདེགས་གང་དྲག་འགན་བཞིན་གནང། འདི་སྐབས་གྲུབ་པའི་དབང་པོ་དཔའ་བོ་ལས་རྩལ་གྱིས་ཟབ་མོའི་ཆོས་བདག་ཏུ་ལུང་གིས་ཟིན་པ་ལྟར་རྗེའ་དེའི་དག་སྣང་གི་ཆོས་སྡེ་ཐམས་ཅད་གསན་པས་ཆོས་ཀྱི་བདག་པོར་མངའ་གསོལ། རྒྱ་རོང་བླ་བྲང་གཙུག་ལག་བཅས་རྟེན་བརྟེན་པ་ཐམས་ཅད་གསར་བཞེངས་སོགས་བྱ་བ་ལས་ཀྱི་འཁོར་ལོ་མང་པོ་དང་དཔོན་སྦྲུལ་རིན་པོ་ཆེ་ཀུན་བཟང་བསྟན་པའི་ཉི་མ་ངོས་འཛིན་ཁྲི་འདོན་སོགས་མཛད། གདན་ས་གོང་མར་མཆོག་སྦྲུལ་རིན་པོ་ཆེ་སྐུ་ལྟེམ་པར་ཞབས་བརྟེན་འཕྲོད་བཞེས་མང་དུ་བསྒྲུབས། ཞིང་བརྗེས་ནས་དཔོན་(སྨད་ཆ།༤༩༠)སློབ་སྦྲུལ་པའི་སྐུ་རིན་པོ་ཆེའི་གདན་ས་ཡུན་རིང་ཙམ་མ་མཛད་པས། ས་སྐྱོང་མི་དབང་ཆེན་པོས་བཀའ་བསྐུལ་ཏེ་གདན་ས་གོང་མའི་ཁུར་བཞེས་མཛད། སྒྲིག་ལམ་ལ་བར་སེང་ཅུང་ཟད་བྱུང་བ་དག་སླར་ཡང་ཞིབ་གསེད་མཛད་ནས་མོ་ཁྲིམས་སོགས་ཀྱིས་གཙོས་པའི་བཅའ་ཁྲིམས་ཐམས་ཅད་གསར་དུ་འཆོས་པ་སོགས་མཛད་བཞེད་གནང་ཡང་རང་ཕྱོགས་སྔ་འཕྲུལ་གྱིས་དེ་དོན་ཐུགས་བཞེད་བཞིན་ཐོག་ཏུ་མ་ཁེལ་ཡང། ཀུན་མཁྱེན་འཇིགས་མེད་གླིང་པའི་གསང་ལུང་ལས། ལྐོག་གྱུར་འདི་དོན་ལྐོག་ཏུ་མ་གྱུར་ཏེ། རྡོ་རྗེ་གསུམ་སྦྲུལ་གཉིས་ནི་དབུས་མཐར་གབ། འགྲོ་དོན་དུས་བབས་དགས་ཆེན་ཐུགས་ཀྱི་སྦྲུལ། གནས་དེའི་ནུབ་ཕྱོགས་གནས་དང་ཉེ་བའི་ཆ། གངས་རིས་མིང་འཚམས་གསེར་ལྡན་ཀླུང་ཆེན་འགྲམ། ཁྱོ་བཙན་རིགས་བཙུན་གསུམ་ཤུལ་གཙང་མའི་རྒྱུད། བསོད་ནམས་པ་མ་ནོར་འཛིན་མིང་ཐོགས་པང། ཡོད་ཅེས་སྣང་ཤེས་འདྲེས་པའི་ངང་ནས་གོ། ཞེས་གསུངས་ཤིང། ས་སྐྱ་གོང་མ་ནས་ཀྱང། རྫོགས་ཆེན་སྦྲུལ་སྐུ་དེ་ཉིད་ཀྱི་སྐུ་སྐྱེ་དེ་གར་གནས་ཀློང་ཐང་ཟེར་བའི་ཉེ་འདབས་སུ་འོས་འགབ་ཅིག་ལ་འབྱུང་བར། དེ་ག་རང་ཡིན་པ་གཞིར་བཅས་ལ་མཆོག་གསུམ་བསླུ་མེད་རྣམས་ཀྱ་མཐུ་ལས་གཞན་དུ་སུ་མ་གྱུར་པས་ན། ངོས་རང་གི་རྨིས་མེད་རྣམས་ཀྱི་མཐུ་ལས་གཞན་དུ་སུ་མ་གྱུར་པས་ན། ངོས་རང་གི་རྨིས་ལྟས་སུའང་ཤར་བར། དེས་ན་ཐུགས་འདུན་སྐད་གཅིག་གི་རྩེ་ནས་ངོས་འཛིན་དེ་གར་མཛད་པས་མཐུས། ཞེས་སྩལ་འདུག་ཅིང། གཞན་ཡང་བསམ་ཡས་རྒྱལ་ཆེན་སོགས་ཀྱིའང་ལུང་བསྟན་ཤིན་ཏུ་གསལ་(སྨད་ཆ།༤༩༡)བར་གནང་འདུག་པ་ལྟར་དང། གཞན་ཡང་བླ་མ་ལྷ་བཅས་ཀྱི་ལུང་མཐུན་བྱུང་བ་བཞིན། མཆོག་སྦུལ་རིན་པོ་ཆེ་ལྡན་ཆོས་འཁོར་དཔོན་གྱི་སྲས་སུ་སྐུ་འཁྲུངས་པ་བསུ་བའི་བཀོད་བཤམས་བློའི་ར་བ་ལས་བརྒལ་བ་མཛད་ནས་གདན་དྲངས། གཞན་ཡང་སྦྱི་ཁག་སོ་སོར་དངོས་རྫས་སྦྱོར་འཇགས་སྔོན་ནས་ཡོད་རིགས་རྣམས་ལ་ཞིབ་གསེད་དང། གསར་བརྐོས་རྣམས་ལ་དངོས་རྫས་ཇི་སྙེད་སྦྱོར་འཇགས་གནང། ཁྱད་པར་ཆོ་འཕྲུལ་ཟླ་བའི་ཚེས་བཅུ་ཆེན་མོ་དང་འབྲེལ་བའི་བླ་མ་བདེ་མཆོག་གི་སྒོ་ནས་བདུད་རྩི་སྨན་གྱི་སྒྲུབ་པ་ཞག་བདུན་ཕྲག་གཅིག་ཏུ་དགེ་འདུན་སྟོང་དང་ཉིས་བརྒྱར་ཉེ་བ་ལ་འདུ་བའི་སྒོ་གྱ་ནོམ་པར་སྦྱོར་འཇགས་ཐོག་ཚེས་བཅུའི་མཆོད་པའི་གར་འཆམ་སོགས་བསམ་ཡས་རབ་བྱུང་གྲ་ཚང་དུ་ཀུན་བཟང་རྩེ་བའི་ལུགས་ཀྱི་འཆམ་སོགས་མ་ཉམས་པར་ཡོད་པའི་ལུགས་ལྟར་ལ་ཉི་དབོན་པདྨ་འཇིགས་མེད་སོགས་ཀྱིས། དག་ཐེར་ཁུངས་ཆོད་བགྱིད་པའི་ལུགས་ལྟར་གསར་འཛུགས་མཛད་ཅིང། དེ་དག་ཏུ་དགོས་པའི་མཆོད་རྫས་ཡོ་བྱད། ཞལ་འབག། འཆམ་ཆས། གར་གོས། ཟངས་འབག། རྟེན་ཐོང། རུས་རྒྱན་སོགས་མདོར་བ་གང་ལ་ཅི་དགོས་ཐམས་ཅད་ཤིན་ཏུ་དངོས་གཙང་བ་ཤ་སྟག་དང། ཐ་བ་ཉེར་སྦྱད་གདན་འབོལ་ཁྲི། ཁྲིའུ་རྐྱང་ཡུག་སོགས་ཀྱང་གསར་སྐྲུན་ཁོ་ན་དང། གསོལ་ཇ་འདྲེན་བསྐྱེད་ཟངས་སྐྱེམ་ཆ་འགྲིག་དུ་མ་སོགས་གསར་བསྒྲིགས་མཛད་ཅིང། འཆམ་དབྱངས་རོལ་མོ་སོགས་གང་ལས་ཀྱང་ལྷག་པ་འགྲན་ཟླ་བྲལ་བ་དང། བཀོད་བཤམས་ཁོ་ནའང་བློའི་ར་བ་ལས་འདས་པ་བསྟན་པའི་མིག་རྒྱན་དུ་བསྒྲུབས་པར་མཛད་ཅིང། སྔར་གྱི་དུས་མཆོད་རྙིང་པ་རྣམས་ལའང་དངོས་རྫས་(སྨད་ཆ།༤༩༢)རྒྱ་ཆེར་གསར་དུ་བསྣན་ནས། དེང་སང་རྒྱུན་དཀོན་པའི་དཀྱིལ་འཁོར་དུ་མ་རེས་མོས་སུ་འདོན་རྒྱུ་མཛད་པ་སོགས་དང། བླ་བྲང་གཟིམ་སྐྱིལ་སྟོད་ཤོད་ཕྱི་རྒྱ་བསྐྱེད་པའི་གསར་བཞེངས་ལྷའི་ཁང་བཟང་ལ་འགྲན་པ་སོགས་ཀྱིས་མཚོན། དེ་དག་ཀྱང་རྗེ་ཉིད་ཀྱིས་ཞལ་བཀོད་ལྟར་རྗེ་དཔོན་བསམ་འགྲུབ་ལགས་ཀྱིས་འགན་བཞེས་ཐུགས་གཉེར་གནང་ཁྱབ་རྒྱ་མི་ཆུང་བར་མཛད་དོ། འདི་སྐབས་གླིང་སྲས་གཏེར་ཆེན་ཀྱང་གདན་སར་སྦྱན་དྲངས་ནས་ཞབས་འདེགས་དང་སྲི་ཞུ་བླ་ན་མེད་པ་མཛད། ཟླ་སྟོད་ཡང་ཤར་གྱི་སའི་ཆར་བཀྲ་ཤིས་བརྟན་ཆགས་ཞེས་པའི་ཆོས་སྡེ་གསར་དུ་བཏབ་པ་སོས་མཛད་པ་རྒྱ་ཆེར་བསྐྱངས་ཏེ། མདོར་ན་གཟུ་བོར་གནས་པ་དག་ཐུགས་དཱངས་ཤིང་ངོ་མཚར་གྱི་གནས་ལ་སྦྱོར་ནུས་པའི་མཛད་ཕྲིན་དང་ཕྱག་བཞེས་ཤིན་ཏུ་ཆེ། དེ་ནས་གྲ་ཚང་གི་ཐུགས་འདོད་ལྟར་གདན་ས་ཆེན་མོ་མཆོག་སྦྲུལ་རིན་པོ་ཆེར་རྩིས་སྦྲོད་ཕུལ་ནས་རྗེ་ཉིད་རྒྱ་རོང་དུ་ཟུར་བཞུགས་མཛད་དེ། རྣམ་ཐར་སྙིམས་པའི་མེ་ཏོག་ཏུ། ཡོན་ཏན་ཅན་གྱི་མི་བྱུང་ན་ཞིང་དཀྱིལ་གྱི་ཕ་ཝ་ལྟར་འཇའ་ཕྱོགས་བཞི་ནས་འཇུག་ནས་འདོན་ཞེས་པའི་དོན་ལྟར། སྦྱིར་ཡང་རྗེ་འདི་ཉིད་བསྟན་པ་སྦྱི་དང་གྲུབ་དབང་རིན་པོ་ཆེའི་རིང་ལུགས་ལ་ཐུགས་བསམ་ཆེ་བར་མ་ཟད། རྣམ་དཔྱོད་གཙང་ཞིང་མཁྱེན་སྒོ་ཡངས་པས་ལུགས་གཉིས་ཀྱི་བྱ་བ་གང་ལ་ཡང་ལྷུས་ཐེངས་ཤིང་དཀྱིལ་ཆེ་བ་སོགས་ཀུན་གྱིས་བསྔགས་པའི་གནས་ཡིན་པ་དང། ཁྱར་པར་དུ་དམ་པའི་ཡོན་ཏན་གཞལ་དུ་མ་མཆིས་པ་མངའ་སྟེ། སྐུ་ཚོ་ཧྲིལ་པོར་གཞི་བྱེས་གང་དུའང་བསྙེལ་འབོལ་འཇོག་པ་སོགས་གཏན་ནས་མི་མཛད་ཅིང། མཚན་མོའི་ཐུན་ལའང་སྐུ་ཚག་མི་ལྷོད་པར་ཐུགས་དམ་གྱི་རིགས་མཐའ་ཡས་(སྨད་ཆ།༤༩༣)པར་ལྷག་པའི་ལྷ་དུ་མར་བསྐྱེད་བཟླས་མཛད་ཅིང། གུང་སང་ཙམ་ལ་མནལ་ཐུན་ཐུང་ཙམ་ལས་ནམ་ཉིན་མེད་པར་བསྙེན་སྒྲུབ་དུས་གྲངས་རྟགས་གསུམ་ཚང་བ་མང་པོ་འབོལ་བསྟེན་ལྗགས་བཟླས་གནང་བ་ཡིག་དྲུག་ཁོ་ནའང་དུང་ཕྱུར་གཉིས་ཙམ་དང། གཞན་ལྷ་སོ་སོའི་བསྙེན་པ་གྲངས་ལས་འདས་པ་རྒྱུན་བཟླས་མཛད། བསྐྱེད་རྫོགས་ཟབ་མོའི་རྣལ་འབྱོར་ལས་ནམ་ཡང་མ་གཡོས་བཞིན་དུ་ཆོས་སྲིད་ཀྱི་བྱ་བ་སྦྱི་དང་ཁྱད་པར་འཆད་ཉན་ཁོ་ན་ལ་ཐུགས་རྩོལ་ཆེ་ཐད་དུ་མཛད་ནས་ལོ་རེར་ཡང་གདན་ས་ཡས་མས་རྣམས་སུ་ཉམས་ཁྲིད་ལན་གཉིས་གསུམ་ནས་དབང་ཁྲིད་ལུང་གསུམ་མང་དུ་གནང་ཞིང། གསུང་ཆོས་སྨར་བས་ཆོས་རྒྱུད་ལ་བཀའ་དྲིན་ཆེ་ཞིང། སྦྱིར་རྗེ་འདི་ཉིད་འཆད་བདེ་ཞིང་བརྗོད་པ་གཙང་ལ་དངོས་རྣམ་དག་པ། ཐ་ན་ཆོས་གསུངས་མཚམས་སུ་འབྲེལ་གཏམ་ལ་བུར་ཡང་སྔོན་རབས་ཀྱི་ལོ་རྒྱུས་དང། བླ་མ་གོང་མ་རྣམས་ཀྱི་གསུང་སྒྲོས་སོགས་ཁུངས་དག་ངེས་ཤེས་སྐྱེ་ནུས་པ་དང། ལུང་གི་རྒྱབ་སྐྱོར་དང་བཅས་ངག་གསལ་ཁུངས་ཆོད་ཁོ་ན་སྩལ་བ་སོགས། ཇི་སྐད་དུ། འཆད་རྩོད་བརྩམས་པའི་ཁྱུ་མཆོག་གི། ཞལ་གྱི་གྲ་གཉིས་གཡོ་བ་ན། བྱང་ཆུབ་སེམས་དཔའ་དགའ་ལྡན་གྱི། ཁྲི་ལ་འཕོས་དང་ནོར་བར་གྱུར། ཞེས་པ་ལྟར་ཡ་མཚན་དུ་མ་དང་ལྡན་ཞིང་བསྟན་བཅོས་ལྗགས་རྩོམ་སོགས་ལའང་སྙན་ཚིག་ཉམས་འགྱུར་བརྒྱ་དང་ལྡན་པས་རྗེ་དཔོན་རིན་པོ་ཆེའི་རྣམ་ཐར་ལ་སོགས་པ་འགའ་ཞིག་མཛད་པ་ཡོད་དོ། ཐུགས་རྣམ་པར་མི་རྟོག་པའི་ཡོན་ཏན་ནི་བསམ་གྱིས་མི་ཁྱབ་པ་མངའ་སྟེ་སྙིང་ཏིག་ཟབ་མོའི་ཉམས་བཞེས་མཐར་ཕྱིན་པས་ཏིང་ངེ་འཛིན་བཟང་པོ་ལས་ནམ་ཡང་གཡོ་བ་མི་མངའ་བས་(སྨད་ཆ།༤༩༤)ཟབ་ལམ་གྱི་རྟོགས་པ་ཀླུང་དུ་གྱུར་ནས་ཀུན་བཟང་དགོངས་པའི་རྒྱལ་སྲིད་ལ་མངའ་དབང་བསྒྱུར་བ་ཉིད་དོ། དེ་ཡང། ཀུན་མཁྱེན་འཇིགས་མེད་གླིང་པས་རྒྱ་རོང་བླ་རྒན་དེ་ངེད་དང་མ་མཇལ་ཡང་རྟོགས་པ་ངེད་དང་མཉམ་པར་ཡོད་པ་ཡིན་པས་ཀུན་གྱིས་ཉམས་ལེན་གྱི་དོགས་གཙོད་ཁོང་ལ་ཞུས་གསུངས་འདུག་པ་ལ་དཔག་ན། རྗེ་དཔོན་རིན་པོ་ཆེའི་མནལ་ལམ་དུ་རུ་དམ་དགོན་ཕུར་རྣལ་འབྱོར་པའི་ཆས་ཅན་སྔོན་དུ་གཉིས་དང་དེ་ནས་རྗེ་དཔོན་ཉིད་དང། དེ་རྗེས་གཅིག་བཅས་འདུག་པ་རྫོགས་པ་ཆེན་པོའི་ལྟ་གྲུབ་གཙང་མར་འཛིན་པ་དེ་ཙམ་ཞིག་འོང་བའི་བརྡར་གཟིགས་པ་དེས་ཕྱི་མ་དེར་གོར་མ་ཆག་གོ་སྙམ་མོ། དེས་ན་ལམ་རྟགས་ཀྱི་ཡོན་ཏན་ཕུན་སུམ་ཚོགས་པ་མངའ་བ་ཆོས་ཉིད་དེ། འོན་ཀྱང་དགེ་བའི་བཤེས་གཉེན་པུ་ཏོ་བའི་ཞལ་ནས། རང་ཅག་ཆོས་ལ་ཅི་ཡང་མི་རྩི་བར་ཇ་ཡུན་རེའི་མཐོ་དམན་ལ་ཐུགས་བཏགས་ལ་བཏགས་རྩི་བ་དེ་ཕུགས་རུལ་བོང་བུའི་བློ་ཅན་དག་གིས་ལྟོ་འགྲང་འབའ་ཞིག་དོན་དུ་གཉེར་བ་ལས། བླ་མའི་སྐུ་གསུང་ཐུགས་ཀྱི་རྣམ་པར་ཐར་པ་ལ་ནན་ཏན་བགྱི་བ་ཅི་ཡང་མེད་པས་ཇི་བཞིན་འཆད་པའི་ནུས་པ་མ་མཆིས་སོ། དེ་ལྟ་ནའང་རྫོགས་པ་ཆེན་པོའི་ཆོས་སྦྱི་དང་ཁྱད་པར་ཐུབ་དབང་རིན་པོ་ཆེའི་ལུགས་དྲི་མ་མེད་པ་འཕེལ་རྒྱས་ཀྱི་ཐུགས་རྩོལ་ལྷོད་པ་མེད་པར་བཞུགས་བཞིན་པ་འདི་ཉིད་སླར་ཡང་བསྐལ་པར་ཞབས་པ་བསྟན་པར་གསོལ་བ་འདེབས་སོ། རྗེ་འདི་ཉིད་ཀྱི་གསུང་གི་བདུད་རྩི་བཞེས་པའི་ཞལ་སློབ་ཀྱང། རྫོགས་ཆེན་མཆོག་སྦྲུལ་རིན་པོ་ཆེ་གོང་འོག། ཉི་གྲགས་གསུམ་པ། དཔོན་སྦྲུལ་རིན་པོ་ཆེ། ཉི་གྲགས་དབོན་(སྨད་ཆ།༤༩༥)སྦྲུལ་ཨོ་རྒྱན་ཉི་མ་སོགས་བླ་མ་དང་སྦྲུལ་སྐུ་མང་པོ་དང། ས་སྐྱོང་སྡེ་དགེ་རྒྱལ་པོ་ཡུམ་སྲས་སོགས་མི་ཆེན་ཆེ་དགུ་མཐའ་ཡས་སོ། ཞར་ལ་རྒྱ་རོང་རྟག་བསྟན་ཕུན་ཚོགས་རྣམ་པར་རྒྱལ་བའི་སྒྲུབ་གྲ་འདི་ཉིད་ཐོག་མ་རྗེ་དཔོན་བླ་མ་དགུང་ལོ་སོ་བདུན་བཞེས་པ་ཆུ་ཕོ་ཁྲི་ལོར་ས་ཕྱོགས་འདིར་ཞབས་ཀྱིས་བཅགས་ཤིང་རིམ་པར་སྒྲུབ་སྡེ་བཏབ་པ་ནས་དེ་འདུན་ཉི་ཤུ་རྩ་གྲངས་ཙམ་བཞུགས་པ་ལ་རྗེ་དཔོན་དེ་ཉིད་ཀྱིས་གདན་སྒོ་ལེགས་ཤིང་བརྩེ་སྐྱོང་མཛད་པ་ལས་དེང་སང་དགེ་འདུན་པ་ཉིས་བརྒྱ་ལྷག་བཅས་བཞུགས་པ་བསྒྲིབས་ལམ་ཀུན་སྦྱོད་གང་ཡང་གདན་ས་ཆེན་མོ་ཇི་ལྟ་བ་འདི་བཞིན་འཕེལ་རྒྱས་སུ་གྱུར། དེ་ནས་རྗེ་དབོན་རྡོ་རྗེ་འཆང་དེ་ཉིད་ཀྱི་ཡང་སྲིད་རིན་པོ་ཆེ་ཀུན་བཟང་བསྟན་པའི་ཉི་མ་ཉིད་ཀྱིས་ཁུར་བཞེས་མཛད་དེ། དེ་ཡང་རྗེ་འདི་ཉི་གྲགས་མཆོག་སྦྲུལ་རིན་པོ་ཆེ་གཅུང་དུ་སྐུ་འཁྲུངས་ཤིང། སྐྱེས་བུ་ཆེན་རྡོ་རྗེ་ལེགས་པ་སོགས་ཀྱི་གསང་ལུང་དང། བོད་ཡུམ་བླ་མ་བཅས་གསུང་བརྟག་རྣམས་མཐུན་པར། རྫོགས་ཆེན་མཆོག་སྦྲུལ་རིན་པོ་ཆེ་དང། སྡེ་དགེ་ས་དབང་ཆེན་པོ། བླ་ཆེན་ནམ་མཁའ་ཚེ་དབང་མཆོག་གྲུབ་སོགས་བཀའ་སྒྲོས་མཛད་ནས། གདན་ས་གོང་འོག་སོ་སོར་ཁྲི་འདོན་བསྙེན་བཀུར་རྒྱ་ཆེར་མཛད་ཅིང། མཚན་ཀུན་བཟང་བསྟན་པའི་ཉི་མར་གསོལ། མི་རིང་བར་དབུས་ཕྱོགས་སུ་ཆིབས་སྐྱོད་གནང་ནས་ཀུན་མཁྱེན་འཇིགས་མེད་གླིང་པ་ལས་སྨིན་ཁྲིད་ཟབ་བཞེས་སོགས་བཀའ་ཆོས་ཀྱི་བདུད་རྩི་རྒྱ་མཚོ་ལྟ་བུ་བཞེས་ཤིང་མཚན་འཇིགས་མེད་(སྨད་ཆ།༤༩༦)ཆོས་དབྱིངས་རྡོ་རྗེ་ཞེས་པ་དང། རྫོགས་པ་ཆེན་པོའི་ཆོས་ཀྱི་རྒྱལ་སྲིད་ལ་དབང་སྒྱུར་བར་མངའ་གསོལ། ཨོ་རྒྱན་སྨིན་གྲོལ་གླིང་ནས་ཀྱང་བཀའ་གཏེར་ཆོས་ཚུལ་དུ་མ་དང། ཁྱད་པར་བསྙེན་པར་རྫོགས་པ་དགེ་སློང་གི་དངོས་པོ་བསྒྲུབས། གཞན་ཡང་ཐེག་གླིང་རྒྱལ་སྲས་སོགས་ལས་ཆོས་ཚུལ་མང་དུ་གསན། ཕྱིར་ལམ་སྲིད་རྫོང་དུའང་ཕེབས། གདན་སར་ཞབས་བཀོད་གྲུབ་ནས་རྟེན་བཞེངས་བྲིས་འབུར་མང་པོ་དང། སྒྲུབ་མཆོད་དང། བུམ་སྒྲུབ་ལོ་ལྟར་འཛུགས་པ་སོགས་མཛད་པ་རྒྱ་ཆེར་བསྐྱངས། གླིང་གཏེར་སྟོན་ཆེན་པོ་གར་དབང་རོལ་བ་རྩལ་དང། རིག་འཛིན་ཆེན་པོ་དཔའ་བོ་ལས་རབ་སྩལ། དགས་པོ་མཆོག་སྦྲུལ་སོགས་ཀྱིས་ཆོས་བདག་ཏུ་ངོས་འཛིན་མཛད། བླ་ཆེན་ནམ་མཁའ་དང། ཉི་སྦྲུལ་རིན་པོ་ཆེ་སོགས་ལས་བཀའ་རྫོགས་ཟབ་མོར་གཡེལ་མེ་དུ་ཐུགས་རྩོལ་འདོན་ཅིང། གདན་ས་ཡས་ཕྱིན་མཉམ་སྐྱོང་གནང་ཞིང་བཞུགས་གནས་ཕལ་ཆེར་རྒྱ་རོང་ཉིད་དུ་བཞུགས་པ་ཡིན་ཀྱང། བསྟན་པའི་གེགས་ཆགས་ཀྱིས་འབྲུས་ནས་འཆད་པས། མཆོག་སྦྲུལ་དེ་ཉིད་དང་རྗེ་དཔོན་བཅས་ཞིང་གཟིགས་པ་དང། དགོན་ཡས་ཕྱིན་ཟློས་གཞི་སོགས་ཀྱིས་སྒྲུབ་སྡེ་འདིར་ཡང་གེགས་ཆགས་ཆེ་ངེས་བྱུང་སྡེ། ཇི་སྐད་དུ། ཕན་པ་བྱེད་པའི་སྨན་པ་ལ། འབྱུང་པོས་ཟིན་རྣམས་ཤིན་ཏུ་ཁྲོ། ཞེས་པ་ལྟར་རྗེ་བླ་མས་དགོན་གོང་མར་ཆོས་མཐུན་གྱི་བསླབ་བྱ་དང་བཅའ་ཁྲིམས་བཟང་པོས་ལེགས་པར་བསྐྱངས་པས། ཐིག་སྐུད་དྲང་པོར་བཞག་པ་ན། ཡ་ཡོ་ཅན་གྱི་སེམས་(སྨད་ཆ།༤༩༧)ལ་གཟན། ཞེས་པ་ལྟར་བགྲེས་འགའ་ཞིག་གི་དགོངས་པར་མ་བདེ་བས་རང་བསྟན་སེང་གེའི་ཁོག་པའི་དཔེ་ལྟར་བགྱིས་མོད། འོན་ཀྱང་འདི་དུས་མཆོག་སྦྲུལ་རིན་པོ་ཆེ་ཉིད་ཐུགས་གཞན་དབང་དུ་མ་གྱུར་པས་གནང་སྒོ་ལེགས་པ་ཚོགས་ཆེ་ཞིང། སྔར་རྒྱུན་ལྟར་བཀའ་ཆོས་དབང་ཁྲིད་ཐབས་ཅད་གསན་པས་ཀུན་གྱི་མིག་ལམ་དུ་བཀྲ་ཞིང་བསྔགས་པ་བརྗོད་པར་གྱུར་ཅིང། དཔོན་སློབ་སེལ་མེད་ཐུགས་ཡིད་གཅིག་འདྲེས་ལེགས་ལས་གོང་འཕེལ་དུ་གྱུར་པས་ཆོས་བརྒྱུད་ལ་ཕན་པ་ཆེ་བར་གྱུར་ཏོ། མཆོག་སྦྲུལ་རིན་པོ་ཆེ་འཇིགས་མེད་མཁྱེན་བརྩེའི་དབང་ཕྱུག་ཕྲིན་ལས་རྣམ་རྒྱལ་རྡོ་རྗེ་ནི། སྦྱིར་ལོངས་སྦྱོད་རྫོགས་པའི་སྐུ་རྣམས་ཡེ་ཤེས་རང་སྣང་གི་སྐུ་དང་ཞིང་ཁམས་ལས་ནམ་ཡང་གཡོ་བ་མེད་བཞིན། སྦྲུལ་པ་གྲངས་མེད་པ་སྟོན་པ་ལྟར། བདག་ཉིད་ཆེན་པོ་འདི་ནི་རྒྱལ་བའི་དཀྱིལ་འཁོར་མ་ལུས་པའི་དབང་ཕྱུག་ཁྱབ་བདག་གདོད་མའི་མགོན་པོ་དང་ངོ་བོ་ཐ་དད་མེད་ཀྱང། ཚུར་རོལ་མཐོང་བའི་གདུལ་བྱ་དང་ཅག་སྙིགས་མ་ལྔའི་རང་མདངས་ལ་ཆེར་ཆེར་སྦྱོད་པ་རྣམས་ལ་ཐུགས་ལྷག་པར་བརྩེ་བ་དང། སངས་རྒྱས་ཀྱི་བསྟན་པ་རིན་པོ་ཆེ་སྦྱི་དང་བྱེ་བྲག་གསང་ཆེན་བླ་ན་མེད་པ་འོད་གསལ་རྫོགས་པ་ཆེན་པོའི་རང་ལུགས་གང་དུ་འཕེལ་ཞིང་རྒྱས་པའི་ཆེད་དུ་དབང་བཅུ་མངའ་བའི་རྫུ་འཕྲུལ་རྣམ་པར་རོལ་པས་བོད་ཆེན་པོའི་ལྗོངས་ཀྱི་བྱེ་བྲག། སྔོན་ཡིག་མཁན་ལྡན་མ་རྩེ་མང་གིས་བདག་གིར་མཛད་པའི་ཡུལ་གྲུ་ཆེན་པོ་ལྡན་ཡུལ་དུ་གྲགས་འི་སའི་ཆར་སྦྲུལ་པའི་ཟློས་གར་བསྒྱུར་བ་མཛད་ཅིང། མཚན་དཔེའི་དཀྱིལ་འཁོར་(སྨད་ཆ།༤༩༨)གསལ་བར་གྱུར་པ་ན། དྲི་བྲལ་མཁྱེན་པའི་མེ་ལོང་གཙང་མར་དུས་གསུམ་ཤེས་བྱའི་གཟུགས་ཀུན་སྒྲིབ་མེད་དུ་གཟིགས་པའི་རང་ཚུལ་སྔོན་གནས་རྗེས་དྲན་གྱི་རྣམ་པར་ཐར་པ་བཟང་པོ་དང། བོད་ཡུལ་བླ་མ་ལྟར་བཅས་ཀྱི་གསང་ལུང་གུང་མཐུན་དང། ཁྱད་པར་ཀུན་མཁྱེན་འཇིགས་མེད་གླིང་པའི་གསུང་གསང་ཉིན་མོར་བྱེད་པས་ཐེ་ཚོམ་སོམ་ཉིའི་མུན་པ་ཞིག་ཅིང་ཡིད་ཆེས་ཀྱི་པདྨོ་བཞེངས་པར་གྱུར་པས། གང་གི་བཀྲ་ཤིས་འཁོར་ལོའི་མཚན་དཔེའི་ཞབས་ཟུང། གྲུབ་དབང་རྫོགས་ཆེན་པ་ཆེན་པོའི་ཆོས་ཀྱིས་ཡང་དག་པར་མངོན་པར་མཐོ་བའི་སེང་གེའི་ཁྲི་ལ་བཀོད་པས་མི་མཐུན་པའི་ཕྱོགས་ཐམས་ཅད་ལས་རྣམ་པར་རྒྱལ་ཞིང། མཚན་དང་དཔེ་བྱད་ཀྱིས་བཀྲ་བའི་སྐུའི་སྣང་བརྙན་མཐོང་ན་མི་མཐུན་པ་མེད་པས་འབྲས་ལྡན་དུས་ཀྱི་ཟླ་བ་ལྟར་སྲིད་བསྐལ་པའི་བགྲོད་པ་འབུམ་ཕྲག་དུ་མར་ཞབས་པད་མི་བཤིག་རྡོ་རྗེའི་ཁམས་སུ་བྱིན་གྱིས་བརླབས་ནས་འཚོ་ཞིང་གཞེས་ལ་ཆོས་ཀྱང་སྟོན་པས་བསྟན་དང་འགྲོ་ལ་བདེའི་སྙིང་པོར་ཆེ་བའི་ཕྲིན་ལས་མཁའ་ཁྱབ་ཏུ་བརྡལ་བ་རྩེ་གཅིག་ཏུ་གསོལ་བ་བཏབ་པ་དེ་བཞིན་དུ་འབྱུང་བར་གྱུར་ཅིག་ད་ལྟར་གྲུབ་དབང་རིན་པོ་ཆེའི་ཆོས་ཀྱི་མངོན་པར་མཐོ་བའི་སེང་གེའོ་ཁྲི་ལ་ཞབས་ཀྱི་པདྨ་བཀོད་ནས་གསང་ཆེན་སྙིང་པོའི་རིང་ལུགས་འཛིན་སྐྱོང་སྦེལ་བའི་བཤད་སྒྲུབ་ཀྱི་ཕྲིན་ལས་རྒྱ་ཆེར་བསྐྱངས་པའི་རྒྱལ་རྔ་ལན་བརྒྱར་བསྒྲགས་པས་ཁམས་པ་རྫོགས་ཆེན་པ་ཞེས་ཡོངས་སུ་གྲགས་པའི་མཚན་གྱི་ཅོད་པན་རིང་དུ་དཔྱངས་པའི་རྡོ་རྗེ་འཛིན་པ་ཇི་སྙེད་ཅིག་རིམ་པར་བྱོན་པ་དག་གི་ལོ་རྒྱུས་གདན་རབས་ཀྱི་ཕྲེང་བ་མདོར་བསྡུས་ཆེ་ལངས་ཙམ་ཞིག་(སྨད་ཆ།༤༩༩)ལེགས་པར་བརྗོད་ཟིན་ཏོ། དེ་ལྟར་རྒྱལ་བ་ཀུན་དང་དབྱེར་མ་མཆིས་པའི་ལྔ་བརྒྱ་པ་རྣམས་ཀྱི་གཙུག་གི་ནོར་བུ་གནས་ལྔ་རིག་པའི་པཎྜི་ཏ་ཆེན་པོ་དྲི་མེད་བཤེས་གཉེན་ཉིད་སྙིགས་མའི་དུས་འདིར་ངེས་གསང་རྫོགས་པ་ཆེན་པོའི་བསྟན་པ་སྦེལ་བའི་སླད་དུ་ཐུན་མོང་གི་གདུལ་བྱ་རྣམས་ཀྱི་སྣང་ངོར་ངུར་སྨྲིག་གར་གྱིས་རོལ་པ་མཁས་པ་དང་གྲུབ་པའི་འཁོར་ལོ་བསྒྱུར་བ་གྲུབ་དབང་རིན་པོ་ཆེ་དེ་ཉིད་ཀྱིས་གདུལ་བྱའི་འགྲོ་བ་རྣམས་ཕན་པ་དང་བདེ་བ་བླ་ན་མེད་པ་ལ་འགོད་པའི་ཆེད་དུ་མདོ་སྔས་ཀྱི་ཆོས་ཚུལ་སྦྱི་དང་བྱེ་བྲག་མཆོག་གསང་རྫོགས་ཆེན་སྙིང་ཐིག་གི་བསྟན་པ་ཕྱོགས་དང་ཕྱོགས་བྲལ་རྣམས་སུ་རྒྱ་ཆེར་སྦེལ་བར་མཛད་པ་ལས། གྲུབ་པའི་དབང་ཕྱུག་རྫོགས་ཆེན་པ་ཆེན་པོའི་གསུང་གི་བདུད་རྩིའི་ལུང་རྟོགས་ཀྱི་ལུས་སྟོབས་བསྐྱེད་པས་རང་ཆོས་སྐུའི་གོ་འཕང་མངོན་དུ་གྱུར་པའི་ཞལ་སློབ་ཇི་སྙེད་བསྐྱེད་པས་རང་རིག་ཆོས་སྐུའི་གོ་འཕང་མངོན་དུ་གྱུར་པའི་ཞལ་སློབ་ཇི་སྙེད་ཅིག་བཞུགས་པ་ལས་ཀུན་གྱི་གཙོ་བོའམ་ཡོངས་ཀྱི་ཐུ་བོར་གྱུར་པ་ནི་ཨོ་རྒྱན་སངས་རྒྱས་གཉིས་པའི་རྡོ་རྗེའི་ལུང་གིས་ཟབ་མོ་གཏེར་གྱི་འཁོར་ལོ་བསྒྱུར་བར་དབང་བསྐུར་ཞིང་རྩོད་དུས་ཀྱི་སྐལ་པ་ངན་པའི་མུན་པ་འཇོགས་པ་ལ་མཆོག་ཏུ་བསྔགས་པའི་གཏེར་ཆེན་ཆོས་ཀྱི་རྒྱལ་པོ་རིག་འཛིན་ཆེན་པོ་ཉི་མ་གྲགས་པ་རྩལ་དང། གཞུང་ལུགས་རབ་འབྱམས་སྨྲ་བ་ལ་མཁྱེན་དཔྱོད་ཀྱི་རྩལ་རྫོགས་པའི་རབ་འབྱམས་པ་བསྟན་པའི་རྒྱལ་མཚན་དང། ངེས་དོན་གྱི་རྟོགས་པ་ཀློང་དུ་གྱུར་པའི་རྣལ་འབྱོར་གྱི་དབང་ཕྱུག་ཆེན་པོ་དཔོན་སློབ་རིན་པོ་ཆེ་དང་གསུམ་ལས། དཔོན་སློབ་རིན་པོ་ཆེའི་ལོ་རྒྱུས་གོང་དུ་གདན་རབས་ཀྱི་སྐབས་སུ་བརྗོད་ཟིན་ལ། འདིར་དང་པོ་གཏེར་ཆེན་ཆོས་ཀྱི་རྒྱལ་པོ་ཡབ་སྲས་བརྒྱུད་(སྨད་ཆ།༥༠༠)དང་བཅས་པའི་ལོ་རྒྱུས་ཅུང་ཟད་ཅིག་བརྗོད་པར་བྱ་སྟེ། དེ་ལ་དཔལ་ལྡན་བླ་མ་དམ་པ་རིགས་ཀུན་གྱི་ཁྱབ་བདག་རྡོ་རྗེ་འཆང་དང་དབྱེར་མ་མཆིས་པའི་གཏེར་ཆེན་ཆོས་ཀྱི་རྒྱལ་པོ་འདི་ཉིད་ཀྱི་རྣམ་པར་ཐར་པ་མཐའ་དག་ནི་བདག་ལྟ་བུའི་སྨྲ་བར་མི་ནུས་གཞི་དབྱིངས་འགྱུར་བ་མེད་པའི་ཀློང་དུ་རང་རིག་ཡེ་ཤེས་རྣམ་པར་གྲོལ་བས་མངོན་པར་བྱང་ཆུབ་པ་བརྙེས་ཏེ་སྐུ་དང་ཡེ་ཤེས་རྣམ་པར་གྲོལ་བས་མངོན་པར་བྱང་ཆུབ་པ་བརྙེས་ཏེ་སྐུ་དང་ཡེ་ཤེས་འདུ་འབྲལ་མེད་པའི་ཞབས་གཡོ་བ་མེད་པར་སངས་རྒྱས་ཐམས་ཅད་དང་རོ་གཅིག་ཏུ་བཞུགས་པ་ལས། གདུལ་བྱ་གཞན་སྣང་གི་ངོར་བྱང་སེམས་ས་བཅུ་བའི་ངོར་སྣང་བའི་ལོངས་སྐུ་དང། གདུལ་བྱ་སྣ་ཚོགས་ལ་སྣང་བའི་སྦྲུལ་པའི་རྣམ་རོལ་བསམ་གྱིས་མི་ཁྱབ་པས་གང་འདུལ་གྱི་མོས་ངོར་སོ་སོའི་སྐལོ་བ་འཚམས་པའི་ཕྲིན་ལས་ཚད་མེད་པས་གདུལ་བྱའི་དོན་མཛད་པའི་ཕྱིར་རོ། འོན་ཀྱང་བར་སྐབས་ཀྱི་མཛད་པ་གདུལ་བྱའི་ཆ་ཤས་འགའ་ཞིག་གི་སྣང་ཚུལ་དང་མཐུན་པའི་རྣམ་པར་ཐར་པ་ཅུང་ཟད་ཅིག་གླེང་བའི་དབང་དུ་བྱས་ན། ཨོ་རྒྱན་རྡོ་རྗེ་འཆང་གི་ཟབ་མོའི་ལུང་གི་བསྔགས་པ་བརྗོད་པའི་ཚུལ་ནི། འཕགས་མཆོག་སེམས་ཉིད་ངལ་གསོའམ། འཇིག་རྟེན་དབང་ཕྱུག་འཕགས་པ་སྦྱན་རས་གཟིགས་ཀྱི་རྣམ་འཕྲུལ་ཡིན་པར་གསུངས་ཏེ། རང་གཏེར་ཀླུའི་དབང་པོའི་སྐྱེ་ཕྲེང་ལས། གུ་རུ་རིན་པོ་ཆེའི་ཞལ་ནས༔ ལོ་(སྨད་ཆ།་བ་ཁྱོད་འཕགས་པ་སེམས་ཉིད་ངལ་བསོའི་སྦྲུལ་པ་ཡིན་པས། སེམས་བསྐྱེད་ཀྱི་སྟོབས་ཆེ་བས། རྩོད་ལྡན་གྱིས་ཡང་མཐའ། དམུ་རྒོད་ཀྱིས་སེམས་ཅན་འདུལ་དཀའ་བའི་དུས་སུ༔ ཟབ་ཆོས་འདི་དང་འཕྲད་ཅིང༔ འགྲོ་བ་མང་པོ་ཞིག་ཐར་ལམ་ལ་འཁྲིད་(སྨད་ཆ།༥༠༡)གསུང་སོ༔ ཞེས་དང། ཁྱོད་ཀྱི་བསྐལ་པ་མང་པོའི་གོང་ནས་བྱང་ཆུབ་ཏུ་སེམས་བསྐྱེད་ཅིང༔ སྨོན་ལམ་འགྲོ་དོན་དུ་བཏབ་པ་ཡིན་ཏེ། རིགས་དྲུག་གང་ནས་གང་དུ་སྐྱེས་ཀྱང། གཞན་དོན་སྣ་རེ་ངེས་པར་འགྱུར་པ་ཡོད་པས། སྔར་གྱི་སེམས་བསྐྱེད་ཉམས་སུ་མ་འཇུག་པར་གཞན་དོན་དུ་སྨོན་ལམ་རྒྱ་མ་ཆུང་ཞིག༔ སྐལ་ལྡན་རིགས་ཀྱི་བུ་ཁྱོད་ཐ་ལམ་གྱི་འགྲོ་བ་རིགས་དྲུག་གི་གནས་སུ་འཁྱམས་པ་དང་མི་འདྲའོ། ཁྱོད་ཀྱི་ལུས་ཇི་ལྟ་བུ་ཞིག་བླངས་ཀྱང་དོན་དང་ལྡན་ནོ༔ སྔོན་བསྐལ་པ་མང་པོའི་གོང་རོལ་ནས་བསོད་ནམས་དང་ཡེ་ཤེས་ཀྱི་འབྲས་བུ་ས་ལམ་གྱི་ཡོན་ཏན་ཐམས་ཅད་རབ་ཏུ་རྫོགས་ཀྱང༔ འགྲོ་བའི་དོན་དུ་སྨོན་ལམ་རྒྱ་ཆེ་རྒྱུན་མི་འཆད་པ་ཁྱོད་ཀྱིས་བཏབ་པ་ཡིན་པས་རྗེས་སུ་དྲན་པར་གྱིས་ཤིག། ལོ་ཙཱ་བ་ཁྱོད་འཕགས་པ་སེམས་ཉིད་ངལ་གསོ་དང་དབྱེར་མེད་དོ༔ ཞེས་གསུངས་པ་ལྟར་ཏེ། དེས་ན་འཕགས་པ་སྦྱན་རས་གཟིགས་དབང་ཕྱུག་གི་ས་བཅུ་རྒྱུན་མཐའི་བྱང་སེམས་གཞན་ལྟ་བུ་མ་ཡིན་ཏེ། དེ་ལྟ་བུའི་ཡོན་ཏན་ནི་སོ་སོ་སྐྱེ་བོའི་ལྟ་ཅི་སྨོས་བྱང་སེམས་འཕགས་པ་རྣམས་ཀྱིས་ཀྱང་རྟོགས་པ་དང་བརྗོད་པར་མི་ནུས་པས། སངས་རྒྱས་རྣམས་ཀྱི་མཁྱེན་པའི་སྦྱོད་ཡུལ་ཁོ་ན་ལམ་མ་འདས་ཏེ། ཇི་སྐད་དུ། རྒྱལ་བའི་མཛད་པ་རྒྱལ་བ་ཁོ་ན་མཁྱེན། ཕྱོགས་བཅུའི་འཇིག་རྟེན་ཤཱ་རིའི་བུར་གྱུར་ཏེ། མཐའ་ཡས་བསྐལ་པར་བརྗོད་ཀྱང་རྫོགས་མ་ཡིན། ཞེས་གསུངས་པ་ལྟར་རྒྱལ་བ་ཉིད་ཀྱིས་སོ་སོ་རང་རིག་པའི་ཡེ་ཤེས་ཀྱིས་ཀུན་ནས་མཁྱེན་ཅིང་གཟིགས་པ་ཉིད་དོ། དེས་ན་གདུལ་(སྨད་ཆ།༥༠༢)བྱའི་ཡུལ་ཇི་སྙེད་པ་དེ་སྙེད་དུ་གདུལ་བྱ་གང་དང་གང་གིས་འདུལ་བར་འདུལ་བྱེད་ཀྱང་དེ་དང་དེས་གཟུགས་དང་རྣམ་པ་རོལ་པ་མཐའ་ཡས་པར་སྣང་བས་འགྲོ་བའི་དོན་བྱེད་པའི་ཚུལ་དེ་ལྟ་བུ་ནི་བསམ་བརྗོད་ཀྱི་ཡུལ་དུ་མ་གྱུར་མེད། འོན་ཀྱང་ཞིང་འདིའི་གདུལ་བྱ་རྣམས་དྲངས་པའི་སླད་དུ་ཐབས་ལ་མཁས་པའི་སྙིང་རྗེ་ཆེན་པོས་འདུལ་བའི་ཡུལ་དུ་མཐུན་པར་འཇུག་པའི་སྐྱེ་བའི་ཕྲེང་བ་ཇི་སྙེད་ཅིག་བཟུང་བར་མཛད་པའི་ཚུལ་ཡང། རེ་ཞིག་གཏེར་ལུང་ལས་འབྱུང་བ་ལྟར། རགས་བསྡུས་ཙམ་བརྗོད་ན། ལོ་ཙཱ་བའི་སྐྱེ་ཕྲེང་ལས། སྔོན་སངས་རྒྱས་འཁོར་བ་འཇིག་གི་བསྟན་པ་ལ༔ རཱ་ཙ་དྷརྨ་ཀེཏུ་བྱ་བ་ཞིག་ཏུ་སྐྱེས༔ རྒྱལ་སྲིད་འབངས་མངའ་འཁོར་བཙུན་མོ་དང་བཅས་པ་སྦྱིན་པར་བཏང༔ རྒྱལ་པོ་ཉིད་སངས་རྒྱས་འཁོར་བ་འཇིག་ལ་ཆོས་ཉན་ནས༔ དགྲ་བཅོམ་པ་ཆེན་པོ་ཐོབ༔ དེ་ནས་སུམ་ཅུ་རྩ་གསུམ་ལྷ་ཡི་ཡུལ་དུ་ལྷ་ཡི་བུ་ནྱ་ཤཱི་བྱ་བ་ཞིག་ཏུ་སྐྱེས༔ དེ་ནས་ཧོར་ཡུལ་ཨནྟྲ་ན་ཐ་ཞེས་བྱ་བ་ཞིག་ཏུ་རྒྱལ་པོ་བྷི་ཧུ་ལ་ཀྲ་བྱ་བ་ཞིག་ཏུ་སྐྱེས༔ དེ་ནས་སངས་རྒྱས་གསེར་ཐུབ་ཀྱི་བསྟན་པ་ལ༔ རྒྱ་གར་བྷ་ག་ལ་ཡི་ཁྱིམ་བདག་གཅིག་ཏུ་སྐྱེས་ནས༔ སངས་རྒྱས་འཁོར་ དང་བཅས་པ་ལ་ཞབས་ཏོག་དང་བསྙེན་བཀུར་ཆེན་པོ་བྱས་སོ༔ དེ་ནས་ཡུལ་རྟ་ཐུབ་ཀྱི་རྒྱལ་པོ་ཏཏྠ་ཀོ་ཏྲ་བྱ་བ་ཞིག་ཏུ་སྐྱེས་ནས༔ མཐའི་རྒྱ་མཚོ་ནས་ནོར་བུ་དང། གསེར་དངུལ་རིན་པོ་ཆེ་སྣ་ཚོགས་བླངས་ཏེ་སེམས་ཅན་མང་པོ་ལ་སྦྱིན་པ་རླབས་པོ་ཆེ་བཏང་ངོ༔ དེ་ནས་སྟག་གཟིག་གི་རྒྱལ་པོ་བྷ་ལ་བྷ་ཏྲ་ཏི་བྱ་བ་ཞིག་ཏུ་སྐྱེས་ནས། རྒྱལ་པོ་ལ་བྲག་ཟེ་གཅིག་གིས་དམོད་བོར་བའི་རྐྱེན་གྱིས༔ བྱ་ངང་པ༔ ཕག༔ མ་ཧེ༔ ཉ༔ ར་རྒོད༔ གླང་ཆེན་ལ་(སྨད་ཆ།༥༠༣)སོགས་པར་སྐྱེས། འོན་ཀྱང་བྱང་ཆུབ་སེམས་དཔའ་ནི་དུང་འགྲོའི་ལུས་བླངས་ཀྱང་ཕན་པ་རྒྱ་ཆེན་པོར་ཡོང་བར་གསུངས་པ་བཞིན་རིགས་མཐུན་གྱི་སེམས་ཅན་རྣམས་ཀྱིས་དོན་རྒྱ་ཆེར་མཛད་དོ། དེ་ནས་བསིལ་བ་ཚལ་དུ་བརྟུལ་ཞུགས་སྦྱིད་པའི་རྣལ་འབྱོར་པ་ཞིག་ཏུ་སྐྱེས་སོ༔ དེ་ནས་སངས་རྒྱས་འོད་སྲུང་གི་བསྟན་པ་ལ༔ རྒྱལ་པོ་བྷི་ཏྲ་ཡ་བཛྲ་བྱ་བའི་བཙུན་མོ་གཞོན་ནུ་འོད་བྱེད་དུ་སྐྱེས་ནས༔ དགྲ་བཅོམ་མ་བློ་གྲོས་གྲགས་པ་ལས་ཆོས་ཉན་ཞིང། བསྙེན་བཀུར་ཞབས་འདེགས་དཔག་མེད་བྱས་སོ༔ དེ་ནས་ཤཀྱ་ཐུབ་པ་འཇིག་རྟེན་དུ་བྱོན་ནས་ཆོས་ཀྱི་འཁོར་ལོ་བསྐོར་བའི་ཚེ། དགྲ་བཙོམ་པ་བློ་གྲོས་རྒྱ་མཚོར་སྐྱེས་ནས༔ སྟོན་པའི་ཆོས་འཁོར་རྣམས་ཉན༔ དེ་ནས་བདག་ཉིད་པདྨ་འབྱུང་གནས་ཀྱི་སྡིག་སྦྱོད་ཀྱི་རྒྱལ་པོ་ནོར་བུ་འོད་ལྡན་བསྒྲལ་ཏེ༔ ཡུལ་དེར་མུ་སྟེགས་ཀྱིས་མིང་མེད་པར་བྱས་ནས་ནང་པའི་བསྟན་པ་ལ་བསྒྱུར་བའི་ཚེ༔ བྲམ་ཟེའི་བུ་མོ་དཔལ་སྐྱེས་མ་ཞེས་བྱ་བ་ཞིག་ཏུ་སྐྱེས་ནས༔ རྫོགས་པ་ཆེན་པོ་སེམས་སྡེའི་ཆོས་འཁོར་མང་པོ་ཉན་ཅིང༔ གསང་སྔགས་ཀྱི་ཆོས་དང་མཇལ་བའི་སྨོན་ལམ་མང་པོ་བཏབ་པས་འགྲུབ་པར་བྱུང་ངོ༔ དེ་ནས་སློབ་དཔོན་ཆེན་པདྨ་འབྱུང་གནས་བདག་ཉིད་ཀྱིས་བོད་ཡུལ་འདིར་ཆོས་ཀྱི་འཁོར་ལོ་བའི་སྐབས་ལོ་ཙཱ་བ་ཀླུ་ཡི་དབང་པོར་འཁྲུངས་ཤིང༔ མདོ་སྔགས་མང་པོ་བསྒྱུར་བ་དང། ཟབ་གཏེར་(སྨད་ཆ།༥༠༤)གྱི་ཆོས་གང་མང་གཏེར་དུ་སྦས་པ་དང་འབྲི་བའི་ཞབས་ཕྱི་བསྒྲབས་སོ༔ དེ་ནས་སུམ་ཅུ་རྩ་གསུམ་ལྷའི་ཡུལ་དུ་སྐྱེ༔ དེ་ནས་རྒྱ་གར་ཀ་མ་རུའི་གྲོང་ཁྱེར་དུ་བྲམ་ཟེའི་རྣལ་འབྱོར་བོ་དྷི་ཨཀྵི་བྱ་བར་སྐྱེ་སྟེ༔ རྗེ་བཙུན་འཇམ་པའི་དབྱངས་ལ་བསྙེན་སྒྲུབ་བྱེད༔ དེ་ནས་རྒྱ་ནག་གི་རྒྱལ་པོ་མཉྫུ་སོདྷི་བྱ་བ་ཞིག་ཏུ་སྐྱེ་སྟེ་རྒྱལ་མཚན་བྱ་བ་ཞིག་ཏུ་སྐྱེ་སྟེ་རྒྱལ་སྲིད་སྦྱིན་པར་གཏོང་ངོ༔ དེ་བས་རྒྱལ་མ་རོང་དུ་རྒྱལ་པོ་ལྷུན་གྲུབ་རྒྱལ་མཚན་བྱ་བ་ཞིག་ཏུ་སྐྱེ་སྟེ་བན་བོན་གྱི་བསྟན་པ་ཕྱོགས་མེད་དུ་སྐྱོང་ངོ། དེ་ནས་གཡོ་རུ་གྲའི་ནང་འདི་ན་རྣལ་འབྱོར་པ་སློབ་དཔོན་བསྟན་སྲུང་བྱ་བ་ཞིག་ཏུ་སྐྱེ། དེ་ནས་གཙང་གཡས་རུ་མཚམས་སུ་སྔགས་པ་གཉིས་ཀྱི་ལུས་ལེན༔ དེ་ནས་ཆོས་འཁོར་ལྷས་འདིར་སྨད་འཚོང་མ་དཔལ་གྱི་སྒྲོན་མ་བྱ་བར་སྐྱེ༔ གཏེར་སྟོན་ཀརྨ་གླིང་པའི་ཕྱག་རྒྱ་མ་བྱེད༔ དེ་ནས་གཙང་གི་ཕྱོགས་སུ་རི་ཁྲོད་པ་བཟང་པོ་གྲགས་པ་བྱ་བ་ཞིག་ཏུ་སྐྱེ༔ གཏེར་ཁ་འགའ་རེ་མཏོན༔ དེ་ནས་ཁམས་ཀ༔ཐོག་ཏུ་ཐུགས་རྗེ་ཆེན་པོའི་རྣལ་འབྱོར་པ་ཞིག་ཏུ་སྐྱེ༔ དེ་ནས་ཁམས་སུ་བུད་མེད་གཅིག་ཏུ་སྐྱེ༔ དེ་ནས་མདོ་ཁམས་སུ་བན་སྔགས་ཤིག་ཏུ་སྐྱེ༔ ཁྲོས་མ་ནག་མོའི་སྒོམ་བཟླས་ལ་བཙོན་པས༔ པདྨ་འབྱུང་གནས་དངོས་ཉམས་རྨི་ལམ་དུ་ཡང་ཞལ་མཇལ༔ དེ་ནས་བར་སྲིད་ཀྱི་སྐྱེ་བ་འགའ་རེ་རྗེས་པ་དང༔ གཏེར་སྟོན་ཉི་མ་གྲགས་པ་རྩལ་ཞེས་བྱ་བར་སྐྱེ་སྟེ་ཞེས་སོགས་གཏེར་ལུང་ལས་གསུངས་པ་དང། གཞན་ཡང་གཏེར་ལུང་དུ་མི་འབྱུང་(སྨད་ཆ།༥༠༥)ཡང། གཏེར་སྟོན་རིག་འཛིན་ཆེན་པོ་ཉིད་སྲིད་རྫོང་ཁམ་ཤག་ལ་བཞུས་དུས་ལུང་བསྟན་བྱུང་བ་དང། སྔོན་གནས་རྗེས་དྲན་དང་རྗེས་མཐུན་གསུང་མགུར་དུའང་གསལ་བ་ལྟར། གྲུབ་ཆེ་ནག་པོ་ཐོག་འཕེན་དུ་སྐྱེ་བ་བཞེས་ཏེ། དེ་ཡང་ཡུལ་རྒྱ་སྟོན་གྱི་བརླབས་པའི་མཚན་མ་ཙམ་ལས་འཇིག་རྟེན་མིའི་ཡབ་མེད་པར་སྐུ་འཁྲུངས། ཡུམ་གྱིས་རི་སུལ་ཞིག་ཏུ་བོར་ནས་བཞག་པས་བྱ་རྒོད་ཀྱིས་རུམ་པ་སོགས་དགེ་མཚན་མང་པོ་མཐོང་བས་པོར་མ་ཕོད་དེ་ཡུམ་གྱིས་ཁུར་ནས། ཡུམ་སྲས་གཉིས་ཁྱུང་པོའི་ཡུལ་དུ་བྱོན། བླ་མ་ཁྱུང་སྒོམ་པ་ལ་ཕྱག་རྡོར་གྱི་དབང་དང་གདམས་པ་ཞུས་ནས་བསྒྲུབས་པས་དངོས་སུ་ཞལ་གཟིགས་ཤིང་བྱིན་གྱིས་བརླབས་པས་མ་རུང་པའི་ལྷ་འདྲེ་ཐམས་ཅད་བཏུལ། ཁྱད་པར་དུ་ཡུལ་ཤོག་རྔུ་ཆུ་བརྒྱུད་དུ་ལྷ་འདྲེ་གནས་པའི་ཤིང་སྡོང་ཞིག་ཡོད་པ་བཅད་ནས་ལས་ཀྱི་མཁའ་འགྲོ་མས་རྔ་གསུམ་བཟོས་ནས་གཏེར་དུ་སྦས། བེར་ནག་པོ་ཞིག་མནབ་ནས་ནམ་མཁའ་ལ་འཕུར་བས་ནག་པོ་དགུང་འཕུར་བར་གྲགས། སོགས་སླ་ང་དམར་པོར་སྲིན་པོས་ཚང་བཅས་མི་རྣམས་རེས་མོས་སུ་ཟོས་པས། བུད་མེད་པོར་སྲིན་པོས་ཚང་བཅས་མི་རྣམས་རེས་མོས་སུ་ཟོས་པས། བུད་མེད་མ་བུ་གཉིས་ཀྱིས་བླ་མ་ལ་གསོལ་བ་བཏབ་པས་བྱ་རྒོད་ཅིག་ལ་ཆིབས་ནས་བྲག་སླ་ང་དང་དམར་པོའི་རྩེར་བྱོན། སྲིན་པོ་སྦུན་བདུན་སྐད་ཅིག་ལ་གནས་སྦར་ནས་ཀླུ་རབ་བཟའ་མ་བུ་སོགས་སྐྱེ་འགྲོ་མང་པོའི་སྲོག་སྐྱོབ་པར་མཛད། བུ་མོ་དེ་ཉིད་རིག་མར་བཞེས། རྡོ་རྗེ་སྙིང་རྫོང་ནས་སྲིད་མོ་རྫོང་གི་གནས་ཡིག་དང། ཕོ་བྲང་ཡུམ་མཚོ་ནས་གནག་ཕྱུག་བརྒྱ་ཕྲག་མང་པོ་གཏེར་བཏོན་ནས་ལོངས་སྦྱད། ཆགས་རི་ཁ་ཞིང་དུ་རྨོས་པས་ལྷ་འདྲེ་(སྨད་ཆ།༥༠༦)རྣམས་ཀྱི་ཐོག་འཕངས་པ་ཕྱག་སོར་གྱི་རྩེར་བཟུང་ནས་ལྷ་འདྲེ་རྣམས་ལ་ཕྱིར་འཕངས་པས་ལྷ་འདྲེ་མ་རུང་པའི་རྟེན་གནས་བྲག་རི་རྣམས་བསྙིལ་ནས་དྲག་པོའི་སྟབས་ཀྱིས་བརྟུལ་བས་ནག་པོ་ཐོག་འཕེན་དུ་གྲགས། སོག་འབོམ་མདའ་བས་བསོད་སྙོམས་ཕུལ་བ་ཚུར་རིའི་ཞིང་བཅད་ནས་ཕ་རིར་སྦྱར་བའི་རྗེས་དེང་སང་ཡང་ཡོད། རྫུ་འཕྲུལ་བསམ་གྱིས་མི་ཁྱབ་ཅིང་ལྷ་འདྲེ་གདུག་པ་ཅན་མང་པོ་བསྒྲལ་དུས་ཁ་ནས་ཁྲག་སྐྱུག་པ་མང་པོ་བྱུང་བས་ནག་པ་ཁྲག་སྐྱུག་པ་ཡང་ཟེར། དེ་ལྟ་བུའི་སེམས་ཅན་གྱི་དོན་མང་དུ་མཛད་ནས་སྐུ་ལུས་མ་སྦངས་པར་མཁའ་སྦྱོད་དུ་གཤེགས། ནམ་ཚར་སྦངས་ལྕིན་དགོན་དང་བ་དན་དགོན་གཉིས། ཀ་འོག་གི་སྔགས་གྲོང་སོགས་གདན་ས་གསུམ་དུ་གདུང་བརྒྱུད་དེང་སང་ཡང་མང་དུ་སྣང་ངོ། ཡང་གཏེར་ལུང་ནས། ཁམས་ཀ༔ཐོག་ཏུ་ཐུགས་རྗེ་ཆེན་པོའི་རྣལ་འབྱོར་པ་ཞིག་ལ་སྐྱེ༔ ཞེས་གསུངས་པ་དེ་ནི་ཀ༔ཐོག་པ་མ་ཎི་རིན་ཆེན་ཡིན་ཏེ་གོང་དུ་སྨོས་པ་བཞིན་མདོ་སྨད་བུ་འབརོ་སྒང་གི་ཆར་འཁྲུངས། རྟེན་དགེ་སློང་ཡིན་ལྷོ་བྲག་ཏུ་བྱོན་གུ་རུ་ཆོས་དབང་གི་ཆོས་བདག་ཏུ་གྱུར། ཐུགས་རྗེ་ཆེན་པོའི་ཞལ་མང་དུ་གཟིགས། ཀ༔ཐོག་གི་གདན་ས་མཛད། ཐུགས་རྗེ་ཆེན་པོའི་སྒོ་ནས་འགྲོ་ཕན་གྱི་ཕྲིན་ལས་བསྐྱངས་མཐར་སྐུ་ལུས་མ་སྦངས་པར་འཇའ་ལུས་གྲུབ་པ་ཡིན། རི་ཁྲོད་པ་བཟང་པོ་གྲགས་པ་ནི་གཙང་ལ་སྟོད་པ། གསོལ་འདེབས་ལེའུ་བདུན་པ་གཏེར་ནས་འདོན་མཁན་ཡིན་ཏེ། གཏེར་སྟོན་གྱི་སྐབས་བཤད་ཟིན་པ་དེ་བཞིན་དང། ཡང་གཏེར་ལུང་ལས། མངའ་བདག་ཀུན་དགའ་ལྷུན་གྲུབ་ཏུ་འཁྲུངས་གསུངས་པ་ནི།(སྨད་ཆ།༥༠༧)མངའ་བདག་ཉང་གི་གདུང་རབས་བཅུ་གཅིག་པ་ཡིན་ཏེ་ཆོས་རྗེ་ཀརྨ་གུ་རུ་སོགས་དང་དུས་མཉམ་ཡིན་ཏེ། འདི་ལ་དཔྱད་གཞི་འདི་ཡོད་དེ། རྣམ་ཐར་ཞལ་གསུང་མར་ཉང་གི་གདུང་བརྒྱུད་དུ་འཁྲུངས་ནས་སྐུ་ཚེ་མཐར་མ་ཕྱིན་པར་བྱིས་པའི་དུས་ནས་སྐུ་གཤེགས་པའི་སྐྱེ་བ་འཕོས་མ་ཐག་པ་ནི་གཏེར་སྟོན་རིག་འཛིན་ཆེན་པོ་ཉིད་ཡིན་པར་གསུངས་འདུག་པས་ཉང་གི་གདུང་བ་ལན་གཉིས་སུ་སྐྱེ་བ་བཞེས་པ་ཡིན་པ་འདྲ་སྙམ་པས་པྱད་པར་བྱའོ། ཡང་གཏེར་ལུང་དུ་མི་གསལ་ཡང་བོ་དོང་ཕྱོགས་ལས་རྣམ་རྒྱལ་དུ་སྐྱེ་བ་བཞེས་པར་གཏེར་སྟོན་ཉིད་ཀྱི་གསུང་ལས་བྱུང་སྟེ། པཎ་ཆེན་འདི་དཔངས་ལོ་ཆེན་པོའི་བརྒྱུད་དུ་འཁྲུངས། ཤེས་བྱ་རིག་པའི་གནས་ཐམས་ཅད་ལ་མཁྱེན་པའི་ཀློང་བརྡོལ་ཞིང། ཤེས་བྱ་རིག་པའི་གནས་ཐམས་ཅད་ལ་མཁྱེན་པའི་ཀློང་བརྡོལ་ཞིང། གསུང་རབ་རྒྱ་མཚོའི་ཕ་རོལ་ཏུ་ཕྱིན་པའི་མཁས་པ་ཆེན་པོར་གྱུར། དབྱངས་ཅན་མ་རྟག་ཏུ་ཞལ་གཟིགས། དེ་ཁོ་ན་ཉིད་བསྡུས་པ་ཞེས་པའི་བསྟན་བཅོས་མཛད་པ་འདི་ལས་མང་མེད་པར་གྲགས། མཚན་གྱི་ལུང་ལས་མདོ་ཁམས་སུ་བན་སྔགས་ཤིག་ཏུ་སྐྱེ་ཁྲོས་མ་ནག་མོའི་སྒོམ་བཟླས་ལ་བརྩོན། ཞེས་གསུངས་པ་ནི། གྲུབ་ཐོབ་འཕོ་ལུང་པ་ཆེན་པོ་ཀརྨ་བསམ་འགྲུབ་ཡིན་ཏེ། བར་ཁམས་སྒོམ་སྡེར་འཁྲུངས། འབྲི་གུང་པའི་ཆོས་བརྒྱུད་ཡིན་རྟེན་དགེ་སློང་ལ་སྔགས་ཀྱི་ཉམས་ལེན་ལ་བརྩོན་པ། ཁྱད་པར་ཁྲོས་མ་ནག་མོའི་བསྙེན་པ་དུང་ཕྱུར་ལྗགས་ཐོག་ནས་སོང་ཞིང་གྲུབ་པའི་རྟགས་མངོན་དུ་གྱུར། འཕོ་ལུང་གི་ཆོས་ཀྱིས་འགྲོ་དོན་བསྐྱངས་པས་མཚན་ཡང་འཕོ་ལུང་པར་(སྨད་ཆ།༥༠༨)གྲགས། ཤ་བ་ཡུ་མོ་ཤི་བའི་རོ་ལ་རྣམ་ཤེས་འགུགས་ཚད་མཛད་པས་དངོས་སུ་འགྲོ་ནུས་པ་བྱུང། ཆམ་བྱི་ན་བུན་རྫོང་དུ་རྡོ་ལ་ཞབས་རྗེས་བཞག་པ་སོགས་ངོ་མཚར་བའི་མཛད་པ་མཐའ་ཡས་པས་ཀུན་ལ་གྲུབ་ཐོབ་རྩོད་མེད་དུ་གྲགས་སོ། དེ་ལྟར་ཡོངས་གྲགས་འགའ་ཞིག་ཅུང་ཟད་བཀྲོལ་བ་ལས་ཐམས་ཅད་རེ་རེ་ནས་ཡི་གེས་ལས་སུ་ཆེ་ཞིང་རྒྱུས་ཀྱང་ཞི་པར་མ་འཚལ་བས་འབྲི་མ་ནུས་སོ། དེ་ལྟར་མཁས་པ་དང་གྲུབ་པའི་རྣམ་པར་ཐར་པའི་མཚན་གྱི་མེ་ཏོག་གིས་སྒེག་པའི་སྐྱེ་བའི་ཕྲེང་བ་ཇི་སྙེད་ཅིག་བྱོན་ཅིང། སླར་ཡང་སྙིགས་མའི་འགྲོ་བ་རྣམས་འདུལ་བའི་སླད་དུ་རིག་འཛིན་ཆེན་པོ་གར་དབང་འགྲོ་འདུལ་གླིང་པའམ་རིག་འཛིན་ཆེན་པོ་ཉི་མ་གྲགས་པ་རྩལ་ཞེས་ཡོངས་སུ་གྲགས་པའི་སྦྲུལ་པའི་གཏེར་སྟོན་ཆེན་པོ་འདི་ཉིད་ནི། ཐེག་པ་ཆེན་པོའི་བསྟན་བཅོས་རྒྱུད་བླ་མ་ལས། ཐུགས་རྗེ་ཆེན་པོས་འཇིག་རྟེན་མཁྱེན། འཇིག་རྟེན་ཀུན་ལ་གཟིགས་ནས་ནི། ཆོས་ཀྱི་སྐུ་ལས་ལ་གཡོས་པར་སྦྲུལ་པའི་རང་བཞིན་སྣ་ཚོགས་ཀྱིས། ཞེས་གསུངས་པ་ལྟར་སྐུ་གསུམ་གྱི་རང་བཞིན་ལས་མ་གཡོས་བཞིན་དུ་ཞིང་འདིའིི་གདུལ་བྱ་རྣམས་དྲངས་པའི་སླད་དུ་ཐབས་མཁས་པའི་མཛད་པ་བླ་ན་མ་མཆིས་པས། ངོ་མཚར་སྦྲུལ་པའི་རོལ་པ་བསམ་གྱིས་མི་ཁྱབ་པའི་རང་བཞིན་གྱིས་སྐྱེ་བའི་མྱུ་གུ་ཡོངས་སུ་འཛིན་པར་མཛད་པའི་ཚུལ་ཡང། ཨོ་རྒྱན་གླིང་པའི་བཀའ་ཐང་ཤེལ་བྲག་མ་དང། རྡོ་རྗེ་གླིང་པའི་གནམ་ལྕགས་མ། པདྨ་གླིང་པའི་བཀའ་རྒྱ་མ། སངས་རྒྱས་གླིང་པའི་བུ་རིམ་རྣམས་ནས་ཚོིག་གཅིག་དང་དབྱངས་གཅིག་གིས། མི་ལས་ལུས་ཆས་ཡ་མ་ཟུང་དུ་འོད༔ དམ་པའི་ཆོས་ཀྱང་ཡ་མ་(སྨད་ཆ།༥༠༩)ཟུང་དུ་འགྲོ༔ དགེ་རྒྱས་བྲིས་པའི་རོ་མོ་ཤུལ་རྗེས་འབྱུང༔ ཁམས་ཀྱི་སྲིང་མོ་རྫོང་གསུམ་གཏེར་ཁ་འདི༔ མི་བཞག་འདོན་པའི་རྟགས་དེར་བསྟན་ནས་འབྱུང༔ ཁམས་པ་ཉི་མ་གྲགས་ཀྱི་མིང་ཅན་འབྱུང༔ ཞེས་དང་གཞན་ཡང་ཐང་ཡིག་བདུན་ནས་གསལ་བར་གསུངས་པ་དང་རང་གཏེར་བླ་མ་བདེ་མཆོག་གི་ཀླུའི་དབང་པོའི་སྐྱེ་ཕྲེང་ཆོས་ཚན་ལས་ཀྱང། རྒྱ་གར་རྒྱ་ནག་མོན་བོད་བལ། ཧོར་དང་སོག་པོ་ལ་སོགས་པ༔ ལུས་གོས་སྣ་ཚོགས་ཡང་མ་ཟུང༔ རྒྱ་བོད་ཧོར་གསུམ་ཆས་གོས་འདྲེས༔ བསམ་ཡས་འདི་ལ་ཞིག་གསོས་ཡོང༔ ང་ཡི་སྦས་པའི་གཏེར་ཁ་རྣམས༔ སུམ་ཅུར་ཉེ་བའི་དུས་ལ་ཉེ། ཞེས་གསུངས་པ་ལྟར་མི་ནོར་བའི་ས་རྟགས་དང། མི་ཡང་གཏེར་སྟོན་གྱི་འཁྲུངས་ཡུལ་སོགས་ཁམས་ནས་འབྱུང་བ་དང། གཏེར་གནས་ཁམས་ཀྱི་སྲིད་མོ་རྡོང་དུ་ཤིན་ཏུ་གསལ་བར་གསུངས་པའི་ས་རྟགས་དང། ལྔ་པ་ཆེན་པོའི་རྣམ་ཐར་ན། ལུང་བསྟན་ཚོར་བོད་ཀྱི་མིང་བྱེད་སེར་ཆས་གྱོན་ཞེས་པའི་དུས་ལ་བབས་པས་སྡོམ་པ་མེད་པའི་སེར་གཟུགས་ལ་ཡ་མཚན་རྒྱུ་མི་འདུག། ཅེས་སྡེ་པ་ཕོན་མདོ་བ་སྐུ་ལུས་སྒྱུར་སྐབས་གསུངས་འདུག་པ་བཞིན། མི་རྣམས་ཆ་ལུགས་ཡ་མ་ཟུང་མི་སྐྱས་གཟན་ཤམས་སོགས་པ་ནི་ཆས་དང། བན་དེའི་སྐྱ་ཆས་བྱེད་པ་དང། བོད་མིས་རྒྱ་སོག་གི་ཆས་བྱེད་ཅིང། ཆོས་ལུགས་ཀྱང་སྒྲུབ་གྲས་ཉན་བཤད་དང་(སྨད་ཆ།༥༡༠)སྒྲིག་ལམ་གཙོ་བོར་བྱེད་བཤད་གྲས་མདོས་གཏོར་འཕེན་ཞིང་གྲོང་སྔགས་པའི་ལད་མོ་བྱེད་པ་སོགས་བསྟན་པ་དར་བ་ལྟར་སྣང་ཡང། སྙིང་པོ་ཉམས་ལེན་གྱི་སྲོལ་ནུབ་པ་ལྟ་བུའི་དུས་དང། འབྲོམ་བཟའི་ཐུགས་དམ་དགེ་བ་རྒྱས་པའི་ལྷ་ཁང་གི་ངོས་རིས་བརྗེ་བ་སོགས་དུས་རྟགས་ཐམས་ཅད་ཀྱང་ཤིན་དུ་གསལ་བར་འགྲིགས་ཏེ། དེ་དག་ཉི་མ་གྲགས་པ་འབྱོན་པའི་དུས་རྟགས་སུ་ལུང་བསྟན་པ་དང། རིག་འཛིན་བདུད་འདུལ་རྡོ་རྗེས་ཁོ་རང་གི་ཆོས་བདག་ཏུ་ངོས་འཛིན་གནང་ཞིང་ཁྱད་དར་ཕུར་པའི་ཆོས་བདག་སྒོས་ལུང་ལས། ལྕོག་རོས་སྐྱེ་བ་ཁམས་ཀྱི་ཕྱོགས་ནས་འབྱུང༔ ཀརྨའི་མིང་ཅན་སྙིང་ཁར་སྨེ་ནག་ལྡན༔ ཆོས་ཉིད་ཉམས་བླངས་ཞིང་བཅུའི་གདུག་པ་འདུལ༔ ཞེས་དང། གུ་རུའི་རྣམ་ཐར་གསང་བ་དྲི་མེད་ལས། གཏེར་སྟོན་ལུང་བསྟན་པ་དང། རིག་འཛིན་གཏེར་བདག་གླིང་པའི་གཤེན་རྗེའི་ཆོས་བདག་ཏུ། གསང་བའི་ཆོས་བདག་བྱང་བཏང་རིག་འཛིན་གཉིས། ཞེས་པའི་ཡ་གྱལ་གཅིག་ཏུ་གཏེར་བདག་གླིང་པ་ཉིད་ཀྱིས་ངོས་འཛིན་གནང་འདུག་པ་དང། མངའ་རིས་གཏེར་སྟོན་ཟླ་བ་རྒྱལ་མཚན་གྱིས་ཁོ་རང་གི་གཏེར་ཁའི་པདྨའི་སྙན་བརྒྱུད་གསང་བ་དྲི་མེད་ཀྱི་རྩ་བའི་ཆོས་བདག་ཏུ་གཏེར་སྟོན་དེ་ཉིད་ཀྱིས་ངོས་འཛིན་གནང་འདུག་པ་དང། ཀུན་མཁྱེན་ལྔ་པ་རིན་པོ་ཆེའི་རྒྱ་ཅན་ལས་ཀྱང་ཕྲིན་ལས་མིང་འཛིན་ཤར་གྱི་ཕྱོགས་ནས་འབྱུང། ཞེས་དང། གུ་རུ་བསྟན་གཉིས་གླིང་པ་དང། པདྨ་གླིང་པའི་ལུང་བསྟན་ལས་ཀྱང་ཤིན་ཏུ་གསལ་བ་ལྟར་ཨོ་རྒྱན་སངས་རྒྱས་གཉིས་པས་ལན་གཅིག་མ་ཡིན་པར་རྡོ་རྗེའི་ལུང་གིས་ཡང་ཡང་བསྔགས་པའི་(སྨད་ཆ།༥༡༡)གཏེར་སྟོན་ཆེན་པོ་འདི་ཉིད་འཁྲུངས་པའི་ཡུལ་ནི། གཏེར་ལུང་ལས། ཆོས་འཁོར་ལྷ་སའི་ཤར། དཔལ་གྱི་བསམ་ཡས་འདིའི་བྱང་ཤར༔ གནམ་ས་གྲུ་གསུམ་ཆོས་འབྱུང་གི་དབྱིངས་སུ་ཡོད་པ༔ བྲག་རི་ཐལ་མོ་སྦྱར་འདྲའི་མདུན༔ མདོ་ཁམས་ཟལ་མོ་སྒང་གི་སའི་ཆ༔ མཆོད་རྟེན་དཀར་པོའི་ནུབ། བན་རུ་གྲུ་བ་བྱ་ཞིག་ཏུ། བན་སྒོམ་མམ་སྔགས་བརྒྱུད་ཅིག་གི་བི་ལ་ཡོང། ཞེས་ལུང་བསྟན་ཤིན་ཏུ་གསལ་བ་ལྟར། མདོ་ཁམས་ཆུ་བཞི་སྒང་དྲུག་དུ་གྲགས་པའི་ནང་གསེས་ཟལ་མོ་སྒང་གི་ཆར་གཏོགས་པའི་ཡུལ་གྲུ་དགེ་མཚན་དུ་མ་དང་ལྡན་བསྒོམ་སྡེ་ནང་ཆེན་གྱི་སའི་ཆར་བྱེ་བྲག་བན་རུ་གྲུ་ཡ་ཞེས་པའི་ཡིད་དུ་འོང་བའི་ཡུལ་ལྗོངས་དུ་སྐྱེ་བོ་འབྱོར་པ་ཅན་དུ་མས་གང་བའི་གྲོང་ཁྲེར་ཕྱག་སྦལ་ཞེས་ཟེར་བར། རུས་ཆེན་དགྲ་དཀར་པོའི་བརྒྱུད་ལས་ནང་གསེས་བྱམས་མེ་འཕོ་ལུང་པར་གྲགས་པའི་གྲུབ་བརྙེས་རིམ་པར་བྱོན་པའི་དཔོན་བརྒྱུད་ལས། ཡབ་རོགས་གཟུགས་ལང་ཚོའི་དཔལ་གྱིས་མཛེས་ཤིང་བའི་ཐུགས་དང་ལྡན་པ་བྱམས་མེ་དཔོན་པོ་ཀརྨ་རྣམ་རྒྱལ་དང། ཡུམ་ཡང་ཆོས་ལ་དཀར་ཞིང་དང་བ་དང། མོས་གུས་ཆེ་བ་བླ་ཟ་བསོད་ནམས་མཚོ་ཞེས་པ་གཉིས་ཀྱི་སྲས་སུ་རབ་བྱུང་བཅུ་གཅིག་པའི་ནང་གི་བགྲང་བརྡ་ལས་ཐམས་ཅད་འདུལ་ཏེ། སྙིགས་དུས་ཀྱི་འགྲོ་བ་རྣམས་ཀྱི་དཔལ་དུ་གཟའ་ཚེས་སྐར་སྦྱོར་ལེགས་པ་ཞིག་ཏུ་ངོ་མཚར་བའི་ལྟས་སུ་མ་དང་བཅས་ལྷུམས་ཀྱི་འདབ་རྒྱ་གྲོལ་བ་ལས་མཚན་དཔེའི་དཀྱིལ་འཁོར་རྣམ་པར་གསལ་བར་གྱུར་ཏོ་ཞེས་གྲགས་སོ། སྐབས་དེ་དག་ཏུ་ཡབ་(སྨད་ཆ།༥༡༢)ཡུམ་གཉིས་ལ་དག་པའི་སྣང་བ་མང་པོ་དང་ཁྱད་པར་དུ་ཡུལ་ལ་རྨི་ལམ་ངོ་མཚར་ཅན་མང་དུ་བྱུང་སྟེ། འཕགས་པ་སྦྱན་རས་གཟིགས་ནམ་མཁར་བཞུགས་པའི་ཕྱག་གཡས་ནས་བུམ་ཆུ་དཀར་པོ་བབས་པས་ཡུམ་གྱི་ལུས་བཀྲུས་ཤིང་ཁ་རུ་འཐུངས་པས་ཁོག་པའི་ནང་ནས་སྦལ་སྦྲུལ་འབུ་སྲིན་མང་པོ་ཕྱིར་ལ་སོང་བའི་ཉམས་སྣང་དང། ཡང་ཡུམ་ཉིད་ཁྲི་ཆེན་པོ་ཞིག་གི་སྟེང་ན་འདུག་པའི། སྐེ་ལ་མེ་ལོང་ཆེན་པོ་ཞིག་བཏགས་པའི་མེ་ལོང་གི་འོད་ཉི་མའི་ཟེར་ལྟ་བུར་འདུག་ཅིང། ཁྲོམ་ཚོགས་མང་པོས་བསྐོར་ནས་ཀུན་གྱི་དེ་ལ་མོས་གུས་བྱེད་འི་རྨི་ལམ་གསལ་པོར་བྱུང། དེའི་ཚེ་ཡུལ་དེས་བླ་མ་འཁྲུལ་ཞིག་ཆེན་པོ་ཟེར་བ་ཞིག་གིས་ཁྱོད་ལ་སྲས་བསྟན། བཙས་ནས་ཟླ་ངོ་ཙམ་ལོན་དུས་སུ་སྐུ་ལུས་དྲང་པར་ལབཞུགས་ནས་། ཨོ་རྒྱན་མཁྱེན་ཞེས་ལན་གསུམ་གསུངས་པས་ཀུན་ཐེ་ཚོམ་དུ་གྱུར་པ་ན། ཡབ་ཡུམ་གཉིས་ཀྱི་སྔོན་གྱི་རྨིས་ལྟས་སོགས་དང་བསྟུན་ཏེ་སྦྲུལ་པའི་སྐུ་ཞིག་ཡིན་ངེས་སྙམ་ནས། ཡུལ་དེའི་སྔགས་འཆང་ཆོས་ཉམས་ཡོད་པ་ཞིག་ལ་བསྟན་ནས་ལོ་རྒྱུས་བཤད་པས། སྔགས་འཆང་དེ་བུ་ཁྱོད་སུ་ཡིན་ཅི་སྐད་སྨྲ་རྒྱུ་ཡོད་ཅེས་ཟེར་བ་ན་བདག་ནི་འཕོ་ལུང་པ་ཀརྨ་བསམ་འགྲུབ་པའི་ཡོན་ནོ་ཞེས་སོགས་གསུངས་པས་ཀུན་ག་ལས་ཏེ་བུ་ཆུང་འདིས་ད་ལྟ་ནས་སྐད་ཆ་འཕྲོས་པ་ངོ་མཚར་ཆེ་ཞེས་གླིང། སྔགས་འཆང་དེ་དད་པས་མཆི་མ་འཁྲུག་ཅིང་ཕྱག་འཚལ་ནས་རང་གི་བླ་མའི་སྐུའི་སྐྱེ་བར་འདུག་པས་སྐུ་ཚེ་ལ་བར་ཆད་མ་བྱུང་བ་དགོས་འདུག་གསུངས་ནས་དགའ་སྟོན་ཚོགས་འཁོར་མཛད། འདིའི་དུས་འགའ་ཞིག་གིས་ཅོ་འདྲི་དང་ཚོད་ལྟའི་ཕྱིར་དུ་དྲི་བ་སྣ་ཚོགས་ཞུས་(སྨད་ཆ།༥༡༣)པས་གསུངས་ལན་མང་པོ་ཐལ་བྱུང་དུ་གནང་བས་ཐམས་ཅད་ངོ་མཚར་ཡིད་ཆེས་ཀྱི་ས་ལ་བཀོད་པར་མཛད་དོ། དེ་ནས་ལོ་ངོ་གཉིས་ཙམ་ནས་སྐུ་ཚེ་སྔོན་མ་གྲུབ་ཐོབ་འཕོ་ལུང་པའི་དུས་ཀྱི་བག་ཆགས་ཅུང་ཙམ་ཡང་མ་རྗེད་པར་ཁར་སང་དེ་རིང་ལྟར་དྲན་ཅིང་ཀུན་ལ་ལོ་རྒྱུས་དལ་མེད་དུ་གསུངས་པས་གྲུབ་ཐོབ་འཕོ་ལུང་པའི་སྐུ་སྐྱེར་རྩོད་མེད་དུ་གྲགས་ཤིང་མཚན་ཡང་ཀུན་གྱིས་སྐུ་སྐྱེར་བོས་སོ། དེ་སྐབས་བྱིས་པའི་རྩེ་མོ་མཛད་པའང་དབང་བསྐུར་ཆོས་འཆང་རི་སྒོམ་སྒྲུབ་བྱེད་ཚུལ་སོགས་ལས་ཐ་མ་ལ་བྱིས་པའི་སྦྱོད་པ་ཡེ་ནས་མི་མངའ། དེ་ནས་ལྗགས་ཀློག་ཕུལ་བས་ཡི་གེའི་ཕྱིན་སློབ་སྦྱོང་གང་ཡང་མ་དགོས་པས་ཀུན་གྱིས་ཡ་མཚན་དུ་འཛིན་པ་བྱུང། དེ་དུས་ཙམ་ནས་གཏེར་གྱི་ཁ་བྱང་ཞིག་ཕྱག་ཏུ་བྱུང་ཡང་བྱིས་པའི་ཉམས་ཀྱིས་སྟོར། ཡང་བྲག་གསེབ་ཞིག་ནས་རྡོའི་ཁྲོ་ཕུར་འདྲ་བ་ཞིག་གཏེར་དུ་བཞེས་པ་ཡབ་ལ་གནང། འདི་སྐབས་འབྲི་གུང་ལྷོ་པ་སྦྲུལ་སྐུ་དང། སྟག་ལུང་སྒྲོར་ཆོས་རྗེ་སོགས་ལས་ཆོས་འབྲེལ་འགའ་ཞིག་གསན། འདི་ཙམ་ཐུགས་སྙིང་རྗེ་ཆེན་པོ་རྩོལ་མེད་འཁྲུངས་པ་དང། འདི་ཙམ་ཐུགས་སྙིང་རྗེ་ཆེན་པོ་རྩོལ་མེད་འཁྲུངས་པ་དང། སྲིད་པའི་བདེ་འབྱོར་ལ་སྐྱུགས་ནད་ཅན་གྱིས་ཟས་མཐོང་བ་ལྟར་གྱུར་ཅིང། འཁོར་བའི་གནས་མཐའ་དག་མེའོ་འོབས་སུ་ཚུད་པ་ལྟར་གཟིགས་པའི་ངེས་འབྱུང་དྲག་པོས་ཐུགས་རྒྱུད་བསྐུལ་བས་ཆོས་ཀྱི་སྒོར་གཞུགས་པ་ལ་ཤིན་ཏུ་རིངས་པ་ལྟར་མཛད་པས། ཡབ་མེས་འབྲུག་ལུགས་ལ་དང་པའི་སྟབས་ཀྱིས། ཁུ་བོ་བླ་མའི་སོ་བྱོན་ནས་ཐོག་བཞུགས་ནས་སྐྱབས་སྡོམ་ཞུས་པའི་མཚན་ཀརྨ་ཕྲིན་ལས་སུ་གསོལ། བླ་མ་སྦྱི་ཁུག་ས་ཀརྨ་བྱང་ཆུབ་ཀྱི་སར་ཡང་སྐོར་(སྨད་ཆ།༥༡༤)ཅིག་ཕེབས་བླ་མ་དེ་ལས་མ་ཎི་བཀའ་འབུམ་དང། རྗེ་བཙུན་མི་ལའི་རྣམ་ཐར། སྡོམ་བཙུན་མའི་ལུང་གསན། ཀརྨ་མི་ཕམ་ཕྲིན་ལས་རྒྱ་མཆོ་ཞེས་པའི་མཚན་གསོལ། ཁུ་བོ་བླ་མ་ལས་ཀྱང་བུ་སྟོན་ཆོས་འབྱུང་དང། འབྲུག་ལུགས་ཀྱི་འདོན་ཚོག་སྐོར་སོགས་གསན། སླར་ཡབ་ཡུམ་དུ་ཕེབས། རྗེ་ཉིད་བྱིས་པ་ཆུང་ངུའི་དུས་ནས་ཨོ་རྒྱན་རིན་པོ་ཆེ་ཡང་ཡང་ཞལ་གཟོགས་ཤིང་བྱིན་གྱིས་བརླབས་པའི་ལྟབས་ཀྱིས་ཁུ་བོའི་ས་དེར་ཨོ་རྒྱན་རིན་པོ་ཆེའི་མཚན་ཙམ་ཡང་གླེང་བ་མི་འདུག་པས་ཐུགས་འདུན་རྫོགས་པ་ཞིག་མ་བྱུང་བ་ཚུལ་གསུངས་པས། ཡབ་དང་གཅེན་གྱིས་འོ་ན་ད་ལྟ་ནང་ཆེན་པར་རྙིང་མའི་བླ་མ་ཞིག་བྱོན་ཡོད་པ་འདུག་པས་དེར་འབྱོན་པར་སྦྲོའམ་ཞུས་པས་ཤིན་ཏུ་སྦྲོ་གསུངས་ནས་བྱོན་པ་ཐུགས་ཐང་བཅད། དེ་སྐབས་གྲུབ་དབང་རྫོགས་ཆེན་པ་པདྨ་རིག་འཛིན་ནང་ཆེན་རྒྱལ་པོས་གདན་དྲངས་པའི་སར་མཇལ་དུ་ཕེབས། ཞལ་མཇལ་བ་ཙམ་གྱིས་མི་ཕྱེད་པའི་དད་པ་ཐོབ་ཅིང་ཚེ་རབས་ཀྱི་བླ་མ་ཡིན་པའི་ངེས་པ་ཐོབ། དེ་ནས་བཟུང་སྟེ་གྲུབ་དབང་རིན་པོ་ཆེའི་སྐུ་རྩར་འབྲལ་མེད་དུ་མི་ལོ་བཅོ་བརྒྱད་ཙམ་བར་དུ་ཞབས་ཕྱིར་ཕེབས། དེ་དུས་ཆམས་མེད་རིན་པོ་ཆེའང་ནང་ཆེན་པས་གདན་དྲངས་པར་མཇལ་ཞིང་དབང་ཆོས་འགའ་ཡང་གསན་པ་ཡིན་འདུག་དེ་སྐབས་སྦྲུལ་པའི་གཏེར་སྟོན་ཆེན་པོ་རིག་འཛིན་བདུད་འདུལ་རྡོ་རྗེ་ཤར་ཡི་ཕུག་ཏུ་ཕེབས་པ་དང་མཇལ། གྲུབ་དབང་རིན་པོ་ཆེས་གཏེར་སྟོན་ལ་འཕོ་ལུང་པའི་སྐུ་སྐྱེ་ཡིན་མིན་གྱི་དོགས་གཅོད་ཞུས་པར་སྐུ་སྐྱེ་འཁྲུལ་མེད་ཡིན་ཚུལ་དང་ཁྱད་པར་གཏེར་སྟོན་ཉིད་ཀྱི་ཟབ་གཏེར་གྱི་བདག་པོའང་(སྨད་ཆ།༥༡༥)ཡིན་པས་ལོ་གསུམ་བཞི་ནས་ངེས་པར་འཕྲད་པར་གྱིས་དང། ནམ་ཞིག་ན་ཤཱ་མོང་གིས་སྦང་བརྟོལ་བ་ཞིག་འོང་ངོ། ཞེས་གསུངས་ཤིང་གཏེར་སྟོན་ཉིད་དང་མཇལ་དགོས་ཚུལ་སོགས་གསུངས་ནས་ཚེ་སྒྲུབ་རྡོ་རྗེ་འཕྲེང་བ་དང། རི་ཁྲོད་ལོ་མ་ཅན་མ། དམ་ཆོས་དགོངས་པ་ཡོངས་འདུས་ཀྱི་དབང་ལུང་རྣམས་གནང། ཐུགས་དགྱེས་དགྱེས་དཔེ་མེད་མཛད་གཙུག་ཕུད་ཕུལ་བས་མཚན་ཨོ་རྒྱས་རིག་འཛིན་རྣམ་རྒྱལ་དུ་གསོལ། བྱིན་རྟེན་སྐུ་ཆས་སོགས་ཀྱིས་མཚོན་པའི་གནང་སྦྱིན་དང་བཅས་ལུགས་གཉིས་ཀྱི་བདག་རྐྱེན་ཚད་མེད་པར་མཛད་པས་ཐུགས་ལ་དད་པ་དང་མོས་གུས་དཔག་དུ་མེད་པར་འཁྲུངས། དེ་ནས་གྲུབ་དབང་རིན་པོ་ཆེ་ལས་ཡོངས་རྡོགས་དགེ་བསྙེན་གྱི་སྡོམ་པ་བཞེས་པའི། མཚན་ཨོ་རྒྱན་རིག་འཛིན་རྒྱ་མཚོ་ཞེས་གསོལ། དེ་སྐབས་སྐུ་ན་གཞོན་པས་དཀའ་སྦྱང་དང་འོ་བརྒྱལ་མང་པོ་སྨྱོང་བ་བྱུང། འོན་ཀྱང་འབྱོན་བཞུགས་སོགས་ཀྱི་སྐབས་དུ་མར་འོ་བརྒྱལ་བྱུང་བའི་ཚེ་ཕལ་ཆེར་དཔའ་བོ་མཁའ་འགྲོ་རྣམས་དང་གཞི་བདག་སོགས་ཀྱིས་བསྐྱེལ་བསུ་མཛད་ཚུལ་སོགས་མང་དུ་ཡོད་ཀྱང་འདིར་མ་བྲིས། དེ་ནས་ཤིང་ཕོ་འབྲུག་གི་ལོ་ལ་གྲུབ་དབང་རིན་པོ་ཆེའི་ཞབས་ཕྱིར་བོད་ཡུལ་དབུས་ཀྱི་ཕྱོགས་སུ་ཕེབས། སྡུག་བསྔལ་གྱི་འབྱུང་ཁུངས་ཕ་ཡུལ་སྦེད་ཐུབ་པ་ཡིན་དགོངས་པའི་ཐུགས་ལ་དགྱེས་པ་དཔག་ཏུ་མེད་པ་འཁྲུངས། ཁྱད་པར་གཞན་ཕན་འབའ་ཞིག་ཐུགས་ལ་བརྣགས་པའི་བྱང་ཆུབ་ཀྱི་སེམས་དང། བསྟན་པ་དང་སེམས་ཅན་གྱི་དོན་བསྒྲུབ་པའི་སྙིང་སྟོབས་དྲག་པོ་རྩོལ་མེད་དུ་སྐྱེས་པའང་བྱུང། དེ་ནས་རིམ་གྱིས་ཤིང་སྦྲུལ་ལོར་བོད་ཀྱི་གནས་དང་བླ་མ་རྟེན་གསུམ་རྣམས་མཇལ། སྟག་ལུང་ཟུར་པ་ལས་ཤར་ཆོས་འཆི་མེད་(སྨད་ཆ།༥༡༦)རྣམ་གསུམ་སོགས་གསན། ཇོ་འབྲོམ་གྱི་གདན་ས་ར་སྒྲེང་ལ་ཞབས་སྒོར་མང་དུ་མཛད། བསམ་ཡས་སུ་ཕེབས། དེ་སྐབས་གསུང་སྦྲུལ་ཚུལ་ཁྲིམས་རྡོ་རྗེ་ཕེབས་པ་དང་མཇལ་ནས་པད་གླིང་ཚེ་སྒྲུབ་རྡོར་ཕྲེང་སོགས་གསན། དབུས་གནས་རྣམས་གནས་གཟིགས་དང། རྡོ་རྗེ་བྲག་ཞབས་དྲུང་པད་ཕྲིན་ལས། བྱང་གཏེར་དང། བདེ་ཆེན་གླིང་པའི་སྦྲུལ་སྐུ་ལས་ཞིག་གླིང་ཆོས་སྐོར་དང། གུ་རུ་ལྷང་ཁང་དུ་ཐུགས་སྲས་རིན་པོ་ཆེ་ལས་འདུས་པ་མདོ་དབང་ཆེན་མོ་དང། ཀུན་མཁྱེན་ཀློང་རམ་པའི་མཛོད་བདུན་སོགས་གསན། མཁར་ཆུར་འབྲུག་པ་སྦྲུལ་སྐུ་ལས་རོ་སྙོམ་སྐོར་དང། ཆོས་དབང་རིན་པོ་ཆེའ་གདན་ས་ལྷ་བྲོ་རྣམ་པར་རྒྱལ་བར་ཆོས་དབང་གདུང་བརྒྱུད་ཀརྨ་དཔལ་འབྱོར་དབང་པོ་ལས་ཆོས་དབང་རིན་པོ་ཆེའི་གཏེར་ཆོས་འཕྱོངས་རྒྱས་དཔལ་རིར་མཚོ་རྒྱལ་སྦྲུལ་སྐུ་ལས་བླ་མ་དགོངས་འདུས་ཡོངས་རྫོགས་དང། ཨོ་རྒྱན་གླིང་པའི་གཏེར་བྱོན་བཀའ་ཐང་སྡེ་ལྔ་སོགས་གསན། རས་ཆུང་སྦྲུལ་སྐུ་ལས་རས་ཆུང་སྙན་བརྒྱུད་དང། དཱགས་པོ་བཟང་པོ་རྡོ་རྗེ་ལས་དཱགས་པོའི་བཀའ་འབུམ་ཡོངས་རྫོགས་དང། རྒྱལ་སྲས་ཆོས་ཉིད་ཀློང་གྲོལ་ལས་གསོ་རིག་རྒྱུད་བཞི་རྣམས་གསན། དཱགས་པོ་ལྷ་ཡུལ་བླ་མ་ལས་མཁའ་འགྲོ་ཡང་ཐིག་སོགས་ཀློང་ཆེན་པོའི་ཆོས་སྐོར་འགའ་ཞིག་གསན་ཅིང་གསན་བསམ་མཐར་ཕྱིན་པར་མཛད། དེ་ཙམ་དུ་མ་ཟད། གཤམ་ནས་འཆད་འགྱུར་ལྟར་སྐུ་ཚེ་དེ་སྲིད་དུ་གསན་བསམ་མང་དུ་མཛད་དེ། ཆོས་ཐམས་ཅད་ཀྱི་གནས་ལུགས་ཇི་ལྟ་བ་བཞིན་གཏན་ལ་འབེབས་པར་བྱེད་པ་ལ་ཐོས་པ་གལ་ཆེ་བ་དང། ཆོས་རྒྱུན་དཀོན་པ་རྣམས་(སྨད་ཆ།༥༡༧)ཀྱང་མི་ནུབ་པའི་ཕྱིར་ཐུགས་རྩོལ་ཆེར་མཛད་དེ། སློབ་དཔོན་ཀླུ་སྒྲུབ་ཀྱིས། ཤེས་རབ་རྒྱས་བྱེད་པ་ནི་ཐོས་པ་སྟེ། བསམ་པ་དང་ནི་གཉིས་པོ་ཡོད་གྱུར་ན། དེ་ལ་སྒོམ་པ་ཡང་ནི་རབ་ཏུ་འབྱུང། དེ་ལས་དངོད་གྲུབ་བླ་ན་མེད་པ་འཐོབ། ཅེས་གསུངས་པ་ལྟར་མ་ཐོས་པར་བསམ་དང་སྒོམ་པ་མི་ནུས་པ་ཚུལ་ལ་ཐུགས་ཀྱི་འཇུག་ཡུལ་དུ་བཅགས་པར་མཛད་དོ། དེ་སྐབས་གྲུབ་དབང་རིན་པོ་ཆེའི་ཞབས་ཕྱི་ཕལ་ཆེར་ཁམས་སུ་ཕྱིར་སློག་ཀྱང། རྗེ་ཉིད་གྲུབ་དབང་རིན་པོ་ཆེས་བཀས་བསྐུལ་ནས་འཕྱོངས་རྒྱས་དཔལ་རིའི་གྲངས་ལ་རྒྱང་ཙམ་བཞུགས། ཀུན་མཁྱེན་ཀློང་ཆེན་པའི་བསྟན་བཅོས་མེད་བཞིན་མཛོད་ལ་ཐུགས་གཉེར་མཛད་ཅིང་ཚོགས་རྒྱུག་ཕུལ། ཚོགས་དུང་འབུད་བའི་བར་ཙམ་ལ་བཟང་པོ་སྦྱོད་པའི་སྨོན་ལམ་ཚང་མ་ཐུགས་འཛིན་གནང་ཟིན་པས། ཀུན་གྱིས་ཐུགས་རབ་ཆེ་བའི་ཚད་དུ་གླེང། དེ་ནས་གྲུབ་དབང་རིན་པོ་ཆེའི་ཞབས་ཕྱིར་དགོངས་ཏེ་གྲངས་ནས་བསེང་ཁྲོལ་ཞུས་ཏེ་དཔོན་གཡོག་གསུམ་གྱིས་ཧོར་སོག་གི་ནང་དུ་འབུལ་སྡུད་ལ་ཕེབས་ནས་གདུལ་བྱ་བསྐྱངས་པས་རྟ་ནོར་བརྒྱད་ཅུང་ཙམ་དང་དངོས་ཆས་མང་དུ་བྱུང་བ་རྣམས་བླ་མའི་དྲུང་དུ་ཕུལ་ཞིང། བླ་མ་མཆོག་གི་བཀས་བསྐུལ་ནས་ལྷ་སར་གོང་ས་ཡས་ཕྱིན་མཇལ་པར་ཕེབས། ཡས་ཕྱིན་གཉིས་ཀ་ནས་བཀའ་དྲིན་བདག་རྐྱེན་གང་ཆེ་གནང། ཇོ་ཤཀ་རིན་པོ་ཆེར་མཆོད་འབུལ་དང་བསྟན་འགྲོའི་དོན་ལ་དགོངས་པའི་གསོལ་སྨོན་རྒྱ་ཆེར་མཛད། ས་ཕོ་སྦྲེལ་ལོར་གྲུབ་དབང་རིན་པོ་ཆེ་ཙ་རིར་ཞབས་སྐོར་ལ་ཕེབས་པའི་ཞབས་ཕྱིར་བྱོན། འདོ་དབར་མཚོ་མོ་ཆེར་རྒྱུད་སྡེ་བཞིའི་ལྷ་ཚོགས་རྣམས་དངོས་སུ་བཞུགས་པ་གཟིགས། ཕོ་བྲང་ཡུམ་མཚོར་ཕེབས་དུས་མ་ཎི་འབྲུ་དྲུག་(སྨད་ཆ།༥༡༨)དང་ཨ་སུམ་བརྩེགས་པ་དང། ཕོ་བྲང་སྐྱོག་མོར་འཇའ་དང་རོལ་མོའི་སྒྲ་སོགས་གཞན་ཡང་དག་སྣང་མང་དུ་ཤར། རྩ་རིའི་སྦ་ལུང། ཡང་དབེན་ཟབ་ལམ་རྡོ་རྗེའི་དྲ་བ་ཞེས་བྱ་བར་གྲུབ་དབང་རིན་པོ་ཆེའི་ཐུགས་དམ་ཟབ་ལམ་རྡོ་རྗེའི་དྲ་བ་ཞེས་བྱ་བར་གྲུབ་དབང་རིན་པོ་ཆེའི་ཐུགས་དམ་ཟབ་བཞེས་སུ་ལོ་གསུམ་བཅད་རྒྱ་གནང་བས་རྗེ་ཉིད་ཀྱིས་ཀྱང་གནས་དེར་སྒྲུབ་པའི་རྒྱལ་མཚན་བཙུགས་ཤིང་གྲུབ་དབང་བླ་མ་དམ་པ་ལས་རྫོགས་ཆེན་འབུམ་ཕྲག་དྲུག་ཅུ་རྩ་བཞིའི་ཡང་སྙིང་རྫོགས་ཆེན་གསང་བ་སྙིང་ཐིག་གི་ཁྲིད་གསན་ནས་དཀའ་སྦྱད་དང་ཐུགས་རུས་དྲག་པོས་སྨག་མུན་མི་འབྱེད་པ་ལྟ་བུའི་ཐུགས་དམ་ཉམས་བཞེས་གནང་བས་རྫོགས་པ་ཆེན་པོའི་གཞི་ལམ་གྱི་རྟོགས་པ་ཀློང་དུ་གྱུར་ཞིང། རྫོགས་ཆེན་རང་སྣང་རིས་མེད་ཀྱི་དགོངས་པ་ལ་དབང་འབྱོར་བས་བྱ་རྩོལ་ཐམས་ཅད་ཆོས་ཉིད་ཀྱི་དབྱིངས་སུ་ནུབ་སྟེ་རང་བྱུང་གི་རིག་པ་ཡེ་ཤེས་ཆེན་པོར་རྩལ་རྫོགས་པས་སྣང་གྲགས་ཐམས་ཅད་ཆོས་ཉིད་ཀྱི་རོལ་པ་གཟིགས་པར་གྱུར་ཏེ། རྗེ་ཉིད་ཀྱི་གསུང་ལས། མཚུངས་མེད་དམ་པ་རིན་པོ་ཆེའི་ཐུགས་རྗེས་བཟུང་བས། རང་རིག་ཀ་དག་གི་ཡེ་ཤེས་རང་ཞལ་མཇལ་ཏེ། འཁོར་བ་དངོས་སྦུགས། སྲིད་པ་ཕྱིར་བརྙིལ། བག་ཆགས་དྲུང་ཕྱུངས་ཏེ། ཀུན་བཟང་འཁོར་ལོ་ཚོགས་ཆེན་གྱི་སྦོ་ལ་འགྱིང་བར་གྱུར་ཏོ། ཞེས་གསུངས་སོ། གཞན་ཡང་ཀུན་མཁྱེན་ཆེན་པོས་གསུང་རབ་བསྟན་བཅོས་བཞིན་མཛོད། སེམས་ཉིད་ངལ་གསོ། སྒྱུ་མ་ངལ་གསོ། བསམ་གཏན་ངལ་གསོ། གུ་རུའི་གསང་ཁྲིད་རིམ་ལྡན་རྣམས་གསན། ལོ་འགར་ཟས་སྐོམ་གྱི་རྒྱུ་བ་བཅད་པའི་རླུང་གི་བཅུད་ལེན་བདུན་ཞག་རེ་དང། གླིང་ཆེན་ཟས། སྔོ་ཐུལ་བ། ཁུ་བྱུག་རྟ་ལྕགས། ཆུ་ཤ་ལ་སོགས་པའི་སྔོན་རིགས་མི་འདྲ་བ་དུ་མ་ལ་བརྟེན་(སྨད་ཆ།༥༡༩)པའི་དཀའ་ཐུབ་དང་དཀའ་སྦྱད་ལོ་མང་དུ་མཛད། ཡང་སྐབས་འགར་རྗེ་བླ་མའི་ཞབས་ཏོག་སྒྲུབ་རྒྱགས་ཀྱི་ཆེད་དུ་དཱགས་ཀོང་ཕྱོགས་སུ་གདུལ་བྱར་ཕེབས་པས་དངོས་རྫས་གང་བྱུང་རྣམས་གྲུབ་དབང་རིན་པོ་ཆེར་སྒྲུབ་པའི་མཐུན་རྐྱེན་དུ་ཕུལ། དེ་སྐབས་དགུང་ལོ་ཉེར་གསུམ་པ་ས་མོ་བྱའི་ལོ་ལ་ཨོ་རྒྱན་སངས་རྒྱས་གཉིས་པས་བྱིན་གྱི་བརླབས་ཏེ་གུ་རུ་རིན་པོ་ཆེ་མཁའ་འགྲོའི་ཚོགས་དང་བཅས་པས་དངོས་སུ་ཞལ་གཟིགས་ནས་ཟབ་མོའི་གཏེར་གྱི་ལུང་བསྟན་སྩལ་བ་དང། ཁྱད་པར་དུ་ཞིང་སྐྱོང་གྷ་ཡ་རྡ་རའི་བླ་མཚོ་དམར་ནག་རཀྟ་གྲགས་པར་ཞབས་སྐོར་ལ་བྱོན་པས་མཚོ་འགྲམ་གྱི་ཕ་ཝང་ཞིག་ལས་དུ་བ་འཐུལ་ཞིང་མེ་སྟག་དམར་ཕྲོམ་ཕྲོ་བ་གཟིགས་པས་དེར་ཕྱག་གིས་ཤིང་བུ་ཞིག་བཙུགས་པས་བུག་པ་ཟང་ཐལ་དུ་གྱུར་པའི་ནང་ནས་ཟབ་གཏེར་གྱིས་ཐོག་མའི་ཁ་བྱང་ཤོག་དྲིལ་གསུམ་ཕྱག་ཏུ་སོན་པས་མངོན་སུམ་མམ་རྨི་ལམ་མམ་སྙམ་པའི་དགྱེས་པ་དཔག་ཏུ་མེད་པ་འཁྲུངས། ཐུགས་སྣང་གཏད་མེད་ལ་སོང་སྟེ་ཐུགས་ཉམས་མི་ནོན་པ་ཙམ་བྱུང་བས་གྲུབ་དབང་རིན་པོ་ཆེའི་ཞལ་བཀྱོན་ཀྱང་བྱུང། དེ་ནས་ཞལ་འགའི་བར་དུ་གང་ཤར་གྱི་སྣང་བ་ཐམས་ཅད་བདེ་བ་ཆེན་པོའི་རང་གདངས་སུ་མ་འགག་པར་འཆར་བའི་ཉམས་བཟང་པོ་རྩོལ་མེད་དུ་འབར། འདི་སྐབས་མནལ་གྱི་འོད་གསལ་ཤས་ཆེར་ལྷ་དང་བླ་མ་མཁའ་འགྲོས་བྱིན་གྱིས་བརླབས་ཤིང་ལུང་བསྟན་པ་སོགས་ཀྱིས་དུས་འདའ་བར་བྱུང། དེ་ནས་གཏེར་སྟོན་རིན་པོ་ཆེ་བདུད་འདུལ་རྡོ་རྗེའི་ཞབས་དྲུང་དུ་བྱོན་པར་དགོངས་ནས་ལན་འགར་ཆས་ཀྱང་བར་ཆད་ཀྱི་དབང་གིས་ཕྱི་བཤོལ་ཁོ་ནས་ཕེབས་གྲུབ་པ་ཞིག་མ་བྱུང། དེ་ནས་གྲུབ་དབང་རིན་པོ་ཆེའི་གསུང་བཞིན་ཞབས་(སྨད་ཆ།༥༢༠)འདེབས་ལ་དགོངས་ནས་ལྕགས་མོ་ཕག་གི་ལོར་ཉང་པོ་བརྒྱུད་ཧོར་གྱི་ནང་དུ་ཕེབས། གདུལ་བྱ་དང་འགྲོ་དོན་དབྱར་དེར་གྲུབ་དབང་རིན་པོ་ཆེའང་ཙ་རི་ནས་གདན་དྲངས་ཤིང། ཕྱག་ཏུ་གང་ཡོད་ཀྱི་ནོར་རྫས་རྟ་ཕྱུག་གིས་མཚོན་པའི་དངོས་རྫས་གང་ཡོད་ཐམས་ཅད་རྩལ་སྦུགས་སུ་ཕུལ་ནས་སྦང་མཚོན་པའི་དངོས་རྫས་གང་ཡོད་ཐམས་ཅད་རྩལ་སྦུགས་སུ་ཕུལ་ནས་སྦང་དག་མཛད། གཞན་ཡང་ཐུགས་བསམ་དག་པས་བླ་མ་སངས་རྒྱས་སུ་མཐོང་བའི་མོས་གུས་ཀྱིས་ཞབས་འདེགས་གང་དྲག་ཞུས། འདི་སྐབས་སྔར་ཙ་རིར་བཞུགས་སྐབས་གྲུབ་དབང་རིན་པོ་ཆེས་ཞལ་ནས་ཁྱོད་ཀྱིས་ཁམས་ཀྱི་སྲིང་མོ་རྫོང་དུ་སྒོམས་ན་དངོས་གྲུབ་ངེས་པར་ཐོབ་པ་འདུག་ཅེས་ཡང་ཡང་གསུངས་པ་ཞིག་ཡོད་པ་དང། གྲུབ་དབང་རིན་པོ་ཆེས་ཞལ་ནས་ཁྱོད་ཀྱིས་ཁམས་ཀྱི་སྲིང་མོ་རྫོང་དུ་བསྒོམས་ན་དངོས་གྲུབ་ངེས་པར་ཐོབ་པ་འདུག་ཅེས་ཡང་ཡང་གསུངས་པ་ཞིག་ཡོད་པ་དང། གྲུབ་དབང་རིན་པོ་ཆེས་ཡེ་ཤེས་ཀྱིས་གཟིགས་པ་བླ་ན་མེད་པས་ལྐོག་གྱུར་ཇི་བཞིན་དུ་མཁྱེན་པའི་ལུང་དང་རྗེས་མཐུན། དེ་སྐབས་ཡེ་ཤེས་ཀྱི་མཁའ་འགྲོའི་ལུང་བསྟན་ཀྱང་གསལ་པོར་བྱུང་བས་ཐུགས་ལ་ངེས་པ་རྙེད་ནས་སྲིང་མོ་རྫོང་དུ་ཕེབས་དཔལ་གྱི་ཁམ་རྡོ་རྗེ་སྙིང་རྫོང་དུ་ལོ་གསུམ་གྱི་བཅད་རྒྱ་ལ་བཞུགས་པས་ཐོག་མར་མི་མ་ཡིན་གྱི་འཚུབ་ལྟོངས་ཤིན་ཏུ་ཆེ་བར་བྱུང་ཡུང་ཐུགས་དམ་གྱི་རྩལ་རྫོགས་པས་དམིགས་མེད་ཀྱི་ལྟ་པས་ཟིལ་གྱིས་མནན་ནས་བཞུགས་པས་ཐུགས་དམ་དང་རྟོགས་པའི་བོགས་ཐོན་ཏེ་སྣང་གྲགས་ཐམས་ཅད་རང་སྣང་རིས་མེད་དུ་ཤར། ལྟས་ངན་གཡང་དུ་ཁུག། བར་ཆད་དངོས་གྲུབ་ཏུ་ལོན། སྣང་སྲིད་ཐམས་ཅད་དག་པ་རབ་འབྱམས་སུ་ཤར་བས་རྩ་བ་གསུམ་གྱི་ལྷག་པའི་ལྷ་རབ་འབྱམས་དང་དངོས་ཉམས་རྨི་ལམ་རྣམས་སུ་ཡང་ཡང་མཇལ་ཞིང་བྱིན་གྱིས་བརླབས། སྣང་སྲིད་ཀྱི་དྲེགས་ཚོགས་རྣམས་བྲན་དུ་(སྨད་ཆ།༥༢༡)ཁོལ་བས་ཅི་བགྱིས་ཀྱི་ལས་བསྐྱངས་པའི་བཀའ་སྡོད་དུ་དམ་བཅས་ཤིང་ཆད་ཐོ་བོར། ཁྱད་པར་དུ་ཆུ་མོ་གླང་གི་ལོར་གུ་རུ་རིན་པོ་ཆེས་དངོས་སུ་ཞལ་བསྟན་ནས་ཟབ་མོའི་གཏེར་གྱི་ཁ་བྱང་ལུང་བསྟན་དུས་རྟགས་སོགས་ཀྱི་ཡང་བྱང་ཞིབ་པར་རྡོ་རྗེའི་གསང་གུས་བཀྲལ་ནས་སྩལ་བས། རང་ཉིད་སྐུ་བཞིའི་རྒྱལ་སྲིད་མངའ་དབང་འབྱོར་ཕྱིར་གཏེར་གྱི་དགོས་པ་བརྟུལ་ཡང་ལས་འཕྲོ་བཟང་པོས་ཟབ་མོའི་གཏེར་ལ་སྦྱོད་པའི་སྐལ་པ་ཅན་དུ་གྱུར་པས་ཐུགས་འཕྲོགས་ཏེ། མི་ཕྱེད་པའི་ཐུགས་དང་དང་བཅས་སྙིགས་མའི་དུས་ཀྱི་བསྟན་འགྲོའི་ཕན་བདེ་སྦེལ་བ་ལ་ཆེད་དུ་དགོངས་ནས་ཤིང་ཕོ་སྟག་གི་ལོར་སྲིང་རྫོང་རྡོ་རྗེ་སྙིང་རྫོང་ནས་ཁ་བྱང་དང་མཐུན་པར་རྫོགས་ཆེན་རྩ་གསུམ་གསང་བ་སྙིང་ཐིག་དང་སྐུ་ཚབ་དྲི་མེད་བཤེས་སོགས་གདན་དྲངས། དེ་ནས་བཟུང་སྟེ་དཀའ་ཚེགས་དང་འོ་བརྒྱལ་ལ་མ་གཟིགས་པར་ཚ་གྲང་བཀྲེས་སྐོམ་ཐམས་ཅད་ཆེད་དུ་བསད་ནས་དཀའ་སྦྱད་ཁུར་དུ་བཟོད་པས་གཏེར་བྱུང་བ་དང་གསང་ལུང་རྗེས་མཐུན་བྱུང་བས་གཙང་ལ་ཕེབས། འདི་སྐབས་ནག་ཆུའི་མཁར་བར་བསམ་གཏན་བྲག་ན་བཅད་རྒྱར་བཞུགས་པས་རིག་འཛིན་བདུད་འདུལ་རྡོ་རྗེས་ཡེ་ཤེས་ཀྱི་སྐུ་རྗེས་སུ་བཟུང་ནས་ལུང་བསྟན་ཀྱང་སྩལ། ལམ་ཞོར་ལ་རྟ་ནོར་སོགས་དངོས་རྫས་མང་དུ་བྱུང་བས་རྟ་ནོར་བརྒྱད་ཅུ་ཙམ་བསམ་ཡས་ཞིག་གསོས་ཐེབས་སུ་ཕུལ། གོང་ས་ལྔ་པ་རིན་པོ་ཆེ་དང་ཆོས་རྗེ་ཞཱ་དམར་པ་ལའང་འབུལ་ཆེན་མཛད། དེ་སྐབས་མཁའ་འགྲོའི་གསང་ལུང་ལྟར་ཁྲི་རྡོ་རྗེ་བློ་བཟང་ལེགས་ཕ་ལས་རྡོ་རྗེ་འཇིགས་(སྨད་ཆ།༥༢༢)བྱེད་དང་དབུ་མ་རྩ་ཤེ། པཎ་ཆེན་བཀའ་འབུམ་སོགས་གསན། སོགས་ཙནྡ་དགོན་གྲ་ཚང་བླ་མ་ལས། ནག་པོ་སྐོར་གསུམ། གསང་འདུས་སོགས་དང། ཤེས་རབ་མགོན་པོ་ལས་བཀའ་བརྒྱུད་པའི་ཕྱག་ཆེན་དང་ཆོས་དྲུག་ཀུན་རིག། ཆོས་སྦྱོད་སྐོར་དང། ཀརྨ་མཁས་མཆོག་དྲུག་ནས་ཕག་མོའི་དབང་ལུང་དང། ཚངས་ར་ཆོས་རྗེ་ལས་གཟུངས་འདུས་སོགས་དང། རྒྱལ་མོ་རང་པ་གྲུབ་དབང་བསྟན་པ་རྒྱལ་མཚན་ལས། གཡུང་དྲུང་བོན་གྱི་སྙན་རྒྱུད་བོད་ཡུལ་མ་དང། དྲན་པ་ཡབ་སྲས་ཀྱི་ཚེ་སྒྲུབ་སོགས་གསན། དེ་ནས་བྱང་གནམ་མཚོ་ནས་ཆིབས་ལམ་མཛད་ནས་གཙང་དུ་ཕེབས། བྲེས་དགོན་གསར་དུ་གྲུབ་དབང་རིན་པོ་ཆེ་དང་མཇལ། རྟ་ནོར་བརྒྱ་དང་ལྔ་བཅུ་སོགས་དངོས་པོ་གཏོས་ཆེ་བའི་འབུལ་མཛད་པས་གྲུབ་དབང་རིན་པོ་ཆེའང་ཐུགས་མཉེས་པའི་རྩེར་སོན། ཕྱག་ན་རྡོ་རྗེ་དྲེགས་པ་ཀུན་འདུལ་གྱི་དབང་ལུང་སོགས་ཞུས། བྲེས་པ་འཇམ་དབྱངས་ཆོས་རྒྱལ་རྡོ་རྗེ་ལས་ཀྱང་རྫོགས་པ་ཆེན་པོ་ཟབ་མོ་ཡང་ཐིག་དང། ཉི་ཟླ་ཀློང་གསལ་ལས་བསྟན་གཉིས་གླེང་པའིི་ཟབ་རྒྱ་དང། དྲི་མེད་ལྷུན་པིའི་དོན་ཏིག་འགྲོ་བ་ཀུན་སྒྲོལ་སོགས་དང། འོད་མཆོག་སྦྲུལ་སྐུ་ངག་དབང་འོད་གསལ་རང་གྲོལ་ལས། ཆོས་དབང་གི་དྲག་པོ་དང། ཕུར་པ་སྦུ་གྲི་སོགས་དང་ལེགས་ལྡན་རྗེའི་འཁོར་བ་དབྱིངས་གྲོལ་སོགས་གསན། དེ་ནས་ཤངས་ཀྱི་ཟབ་ལུང་དུ་གྲུབ་དབང་རིན་པོ་ཆེ་སོགས་དང་ལྷན་ཅིག་ཏུ་ཕེབས། ཟབ་ལུང་གཏེར་འདོན་དགོས་པའི་མཁའ་འགྲོའི་གསང་ལུང་དང་དུས་རྟགས་སོགས་ཤིན་ཏུ་གསལ་བར་མངོན་དུ་གྱུར་པས་ཡོས་ལུང་དང་དུས་རྟགས་སོགས་ཤིན་ཏུ་གསལ་བར་མངོན་དུ་གྱུར་པས་ཡོས་ལོ་སྦྲེལ་ཟླའི་ཚེས་བཅུའི་ནུབ་ཚེ་སྒྲུབ་བདུད་བཞིའི་གཡུལ་རྒྱལ་དང་ཟབ་ཆོས་པདྨ་དྲག་ཁྲོས་སོགས་(སྨད་ཆ།༥༢༣)མངོན་ཆུང་གིས་གསང་གཏེར་དུ་བཞེས་པར་གནང་བས། དམ་ཅན་སྐྱེས་བུ་ཆེན་པོ་ཁོག་ཞུགས་ཀྱིས་རིག་པ་འཛིན་པའི་སྐྱེས་བུ་དམ་པ་ཞིག་གིས་ཟབ་གཏེར་བཞེས་སོང་ཞེས་ཁྲོམ་བསྒྲགས་སུ་གསུངས་པས། ཀུན་གྱིས་འོད་མཆོག་སྦུལ་སྐུ་དང་གྲུབ་ཐོབ་རིན་པོ་ཆེས་སྒྲུབ་པ་མཛོད་གསུངས་ཀྱང་གངས་ཏི་སེའི་གཏེར་འདོན་པའི་དུས་རྟགས་རྣམས་མངོན་དུ་གྱུར་པས་དགོས་ཏི་སའི་གཏེར་འདོན་པའི་དུས་རྟགས་རྣམས་མངོན་དུ་གྱུར་པས་དགོངས་པ་ཞུས་ནས་རིམ་གྱིས་གངས་རིར་ཕེམས་ལམ་བར་དུ་འོ་བརྒྱལ་མང་པོ་བྱུང་ཡང་ཐུགས་ཞུམ་པ་སྦངས་ནས་བསྟན་འགྲོའི་དོན་ལ་དགོངས་ཏེ་དཀའ་བ་ཆེད་བསད་མཛད། དེ་ཡང་གཏེར་ལུང་ལས། དམ་ཉམས་འཁོར་གཡོག་རྩོད་འཇིགས་མང༔ ཁྲིམས་གསར་ལ་ཆུ་འཕྲད་གསུམ་བསྡམ༔ ཤེས་པ་གང་ལ་ཡང་གཏད་མེད་པར༔ རིག་པ་ངེས་མེད་ཆལ་པོར་འགྲོ༔ གསང་རྟགས་ཡིན་པས་གཏེར་ལ་སྦྱོད། ཅེས་གསུངས་པ་ལྟར་གངས་ཅན་རིའི་རྒྱལ་པོ་ཏི་སེར་ཕེབས་ཉིན་གངས་རིིའི་ཐད་ཀྱི་ནམ་མཁར་མཁའ་འགྲོ་མ་སྐུ་མདོག་ལྗང་གུ་ཞབས་གར་སྟབས་ཅན་ཞིག་གཟིགས་པས་རྩོལ་མེད་ཀྱི་ཐུགས་ཉམས་བཟང་པོ་སྐྱེས་གསུངས། དེ་ནས་བདེ་མཆོག་འཁོར་ལོའི་ཕོ་བྲང་བདེ་ཆེན་གསང་བ་ཕུག་ནས་ཤིང་ཡོས་ཧོར་ཟླ་བཅུ་པའི་ཡར་ཚེས་བཅོ་ལྔ་ལ་རིགས་ལྡན་གྱི་གྲོགས་དང་བཅས་ཏེ་བླ་མ་བདེ་མཆོག་དབང་གི་འཁོར་ལོའི་ཆོས་སྐོར་ཆ་ལག་དང་བཅས་པ་རྣམས་གཏེར་ནས་གདན་དྲངས། དེར་སྐུ་ཚུགས་མི་ཐུབ་པ་ལྟ་བུའི་བདེ་སྟོང་གི་ཐུགས་ཉམས་ཆེན་པོ་འབར་བས་ཏི་སེའི་སྐོར་ལམ་སྒྲོལ་མ་ལ་ཁར་ཞབས་རྗེས་ཤིག་ཀྱང་བཞག་པ་ད་ལྟ་ཡང་ཁམས་པ་གཏེར་སྟོན་གྱི་ཞབས་རྗེས་ཞེས་མཇལ་དུ་ཡོད་(སྨད་ཆ།༥༢༤)ཅིང། རྟེན་འབྲེལ་ཐམས་ཅད་ལེགས་ཚོགས་སུ་འགྲིགས་། དེ་ནས་མངའ་རིའི་ཕྱོགས་སུ་ཕེབས་སྐྱོད་གནང། འདི་སྐབས་རྣལ་འབྱོར་གྱི་དབང་ཕྱུག་གྲུབ་ཐོབ་རང་རིག་རས་པ་དང་མཇལ་བས་ཆོས་བཀའ་ཕལ་ཆེར་ཕུལ་ནས་ཆོས་བདག་ཏུ་མངའ་གསོལ་ཏེ་ཕན་ཚུན་ཐུགས་ཡིད་གཅིག་འདྲེས་སུ་གྱུར། རྗེ་ཉིད་ཀྱི་མཚན་ལམ་དང་མཁའ་འགྲོའི་གསང་ལུང་དང་མཐུན་པར་རིག་འཛིན་གར་དབང་རྡོ་རྗེ་མཇལ་དུ་བྱོན་པས། གཏེར་ཆོས་བཀའ་རྒྱ་གྲོལ་བ་ལ་ལོ་གཅིག་སྒུག་དགོས་གསུངས་པ་བཞིན་བཞུགས་པར་ཞལ་གྱིས་བཞེས། བར་དེར་རྗེ་བཙུན་ཆེན་པོ་བཞད་པའི་རྡོ་རྗེའི་སྒྲུབ་གནས་རྣམས་དང་བལ་ཡུལ་འཕགས་པ་ཤིང་ཀུན། མཆོད་རྟེ་གོ་མ་ས་ལ་གྷནྡྷོ་དང། ཁྱད་པར་ཨོ་རྒྱན་ཆེན་པོའི་སྒྲུབ་གནས་ཡང་ལེ་ཤོད་དང། ཨ་སུ་ར་སོགས་སུ་གནས་འབྲེལ་ཟླ་མཚམས་རེ་ཙམ་དང། བདུན་མཚམས་ཅམ་རེ་སོགས་སྒྲུབ་ཞག་གནང། བལ་ཡུལ་ཕྱོགས་ཀྱི་གནས་གཟིགས་ཞིབ་ཆ་མཛད་ནས་བསྟན་གཉིས་གླིང་པའི་གདུང་བརྒྱུད་གུ་རུ་ཤཱཀྱ་བདུད་འདུལ་ལས་བསྟན་གཉིས་གླིང་པའི་ཆོས་སྐོར་ལོངས་རྫོགས་དང་བོན་གསེར་ཞུན་སོགས་གསན། བླ་མ་དེས་ཤྲི་ཞེས་པའི་དགོན་པ་ཞིག་ཕུལ་ནས་དེར་བཞུགས་པར་ནན་ཞུས་མཛད་ཀྱང་བཞུགས་པར་མ་གནང། གཞན་ཡང་དངོས་ཉམས་ཐམས་ཅད་དག་པའི་སྣང་བ་འབའ་ཞིག་ལ་ལོངས་སྦྱོད་ཅིང། ཁྱད་པར་དུ་མཁའ་སྦྱོད་ཀྱི་ཌཱ་ཀི་ནི་ཚེ་རིང་འཛོམ་མ་ཟེར་བའི་ཡེ་ཤེས་ཀྱི་ལུས་ཅན་ཞིག་དངོས་སྣང་ཕལ་ཆེར་ལ་བྱུང་ཞིང། ཐུགས་དམ་གྱི་བོགས་དབྱུང་བར་མཛད་དེ་རིགས་ལྡན་དེ་ཉིད་ལམ་གྱིས་གྲོགས་སུ་བསྟེན་པ་ནས་བཟུང་ཐུགས་དམ་དང་རྟོགས་པ་(སྨད་ཆ།༥༢༥)གོང་དུ་འཕེལ་ཞིང། བདེ་སྟོང་གི་ཡེ་ཤེས་རྩལ་རྫོགས་པས་སྣང་གྲགས་ཐམས་ཅད་ལྷན་སྐྱེས་བདེ་བ་ཆེན་པོའི་ཡེ་ཤེས་ཀྱི་རང་བཞིན་དུ་ཤར་ཞིང། རླུང་སེམས་ལ་རང་དབང་ཐོབ་པས། རི་བྲག་ལ་ཟང་ཐལ་དུ་གཤེགས་པ་དང། བར་སྣང་ལ་བྱ་ལྟར་ཕུར་བ་དང། ས་མཁྲེགས་ཀྱི་རྡོ་ཡང་འདམ་ལ་བརྗིས་པ་ལྟར་ཕྱག་ཞབས་ཀྱི་རྗེས་སུ་མ་འཇོག་པ་དང། ལྐོག་གྱུར་ཕལ་ཆེར་སྒྲིབ་མེད་དུ་གཟིགས་པའི་མངོན་པར་ཤེས་པ་ཕྱོགས་མེད་དུ་ཤར་བས་གཞན་བརྒྱུད་ཀྱི་རྟོགས་པ་མཁྱེན་པ་སོགས་ས་ལམ་མཐོན་པོར་སོན་པའི་ལམ་རྟགས་ཀྱི་ཡོན་ཏན་བསམ་གྱིས་མི་ཁྱབ་པ་ཐུགས་ལ་འཁྲུངས་ཏེ་རྫུ་འཕྲུལ་དང་མངོན་ཤེས་མཐའ་ཡས་པ་མངའ་བར་བྱུང་སྣང། གཏེར་སྟོན་ཆོས་རྗེ་གླིང་པའི་རྣམ་ཐར་དུའང་ཌཱ་ཀི་ནི་འདི་བྱུང་ཚུལ་འདི་དང་ཕྱོགས་མཐུན་པར་ཡོད་པར་སྣང། དེ་ནས་རྗེ་བཙུན་བཞད་པ་རྡོ་རྗེས་སྒྲུབ་གནས་ལིང་ང་བྲག་དམར་དུ་རྒྱལ་ཐང་པ་ངག་དབང་ཟིལ་གནོན་རྡོ་རྗེ་ལས་རིག་འཛིན་རྒོད་ལྡེམ་ཅན་གྱི་གཏེར་ཁའི་རྫོགས་ཆེན་དགོངས་པ་ཟང་ཐལ་གསན། འདི་སྐབས་རྡ་ཡབ་པདྨ་འོད་ཀྱི་ཕོ་བྲང་དུ་བྱོན་པའི་དག་སྣང་བྱུང་ཚུལ་དང། སློབ་དཔོན་རིན་པོ་ཆེ་མཇལ་ཞིང། དབང་བསྐུར། ལུང་བསྟན། སྒྲུབ་ཆེན་མཛད་ཚུལ་སོགས་དག་སྣང་རྡོ་རྗེ་རྒྱ་གྲམ་དུ་གསལ་བ་ལྟར་དང། གཞན་ཡང་དག་སྣང་དང་ཞལ་གཟིགས་བྱུང་ཚུལ་ཤིན་ཏུ་མང་བས་དག་སྣང་དཔེ་ཚན་སོ་སོར་ལྟ་བ་ལས་འབྲིར་ལོངས་པ་མེད་དོ། གཞན་ཡང་བླ་མ་འདི་ལ་ཀུན་སྐྱོང་གླིང་པའི་རྡོར་སེམས་སྙིང་ཐིག། མ་གཅིག་རྒྱལ་ཐང་ལུགས་ཤོགས་ཆོས་མང་དུ་གསན། འདི་སྐབས་རིག་འཛིན་གར་དབང་རྡོ་རྗེ་དང། གུ་རུ་ཤཱཀྱ་བདུད་འདུལ། རྒྱལ་ཐང་པ་རྣམས་ཀྱིས་ཀྱང་རྗེ་འདིའི་ཞབས་ལ་(སྨད་ཆ།༥༢༦)བཏུང་ནས་དབང་ལུང་དུ་གསན་པར་མཛད་པའི་ཐུགས་བཞེད་བསྐངས། འདི་སྐབས་མང་ཡུལ་བྱམ་སྦྲིན་ནས་ཐུགས་རྗེ་ཆེན་པོ་མ་རིག་མུན་སེལ་གྱིས་གདམས་སྐོར་རྣམས་མེ་ཕོ་འབྲུག་ལོར་སྦྱན་དྲངས། སྦྱིད་གྲོང་སྡེ་དགོན་རྣམས་ཀྱིས་གུས་འདུད་དང་བུམ་སྒྲུབ་ཀྱི་སྦྱིན་བདག་དང་དབང་ཆོས་ཞུ་བ་མང་པོར་སྒྲུབ་ཆེན་མཛུགས་པ་དང། དབང་ཁྲིད་འཕོ་ལུང་སོགས་ཟབ་ཆོས་གང་ལ་གང་ཕན་གྱི་འགྲོ་དོན་བསྐྱངས་ནས་གཞན་ཕན་ཕྲིན་ལས་ཀྱི་འཁོར་ལོ་བསྒྱུར་བས་ཐམས་ཅད་དང་པ། དབང་ཁྲིད་འཕོ་ལུང་སོགས་ཟབ་ཆོས་གང་ལ་གང་གྱི་འགྲོ་དོན་བསྐྱངས་ནས་གཞན་ཕན་ཕྲིན་ལས་ཀྱི་འཁོར་ལོ་བསྒྱུར་བས་ཐམས་ཅད་དད་པ། མོས་གུས་དང་ངོ་མཚར་ཡིད་ཆེས་ཀྱི་གནས་ལ་བཀོད་ཅིང། འབུལ་བའི་དངོས་པོའི་དུས་རྟགས་གསལ་ཞིང། གཏེར་བདག་གི་བསྐུལ་མ་ལན་མང་དུ་བྱུང་ཡང་སྦྱིར་རྟེན་འབྲེལ་གྱི་སྒྲིག་ཕྱོགས་འགའ་ཞིག་ནི་རྐྱེན་མ་འཛོམས་པ་དང། སྒོས་སྐབས་དེར་གླི་བུར་བའི་རྐྱེན་གྱིས་སྒྲུབ་ཆེན་འཛུགས་པ་དང་འབྲེལ་གཞན་དབང་དུ་གྱུར་པས་ཐུགས་གཅོང་ཅུང་ཟད་བྱུང། དེ་ནས་རྐྱང་གི་ཇོ་བོ་དབང་དར་བས་གདན་དྲངས་པས་དད་ལྡན་རྣམས་ཀྱི་བསོད་ནམས་ཀྱི་ཞིང་དུ་རྐྱང་གི་ཡུལ་དུ་ཞབས་པད་བསྐྱོད། དེར་ཆོས་སྡེའི་སེར་སྦྲེང་སོགས་བཀུར་བཟོས་གང་ཆེ་ཕུན་སུམ་ཚོགས་པ་ཕུལ། རྐྱང་གི་ཇོ་བོ་སྐུ་མཆེད་དད་ལྡན་རྣམས་ཐུགས་རྗེ་ཆེན་པོ་ཡང་སྙིང་འདུས་པ་ལ་བརྟེན་པའི་མྱོང་གྲོལ་སྐྱེ་བདུན་བུམ་སྒྲུབ་སོགས་ཀྱིས་རྗེས་སུ་བཟུང་བཟུང་ནས་སྨིན་གྲོལ་ལམ་ལ་བཀོད། དེ་སྐབས་ཇོ་བོ་དབང་དར་དང་ཡོལ་མོ་གཏེར་སྟོན་གྱི་རིག་མ་(སྨད་ཆ།༥༢༧)སྒྲུབ་ཆེན་མ་སོགས་ཀྱིས་སོ་མཛུབ་མར་མེར་ཕུལ་བ་སོགས་དང་གུས་ཚད་མེད་པས་མཆོད་ཅིང། རྟ་ཐུག་དང་བལ་ཊཾ་གཏོས་ཆེ་བ་སོགས་ཀྱི་བརྒྱ་འབུལ་ཡང་མཛད། གཞན་ཡང་ཡུལ་ཕྱོགས་དེ་དག་ཏུ་ཆོས་ཀྱི་འགྲོ་དོན་དང་དགེ་སྒྲུབ་སྡིག་སྦོང་གི་ཁས་ལེན་དམ་བཅའ་བསྐུལ་བ་སོགས་ཆོས་ཀྱི་ཕྲིན་ལས་དང་གཞན་ཕན་རྒྱ་ཆེ་ཞིང་འབུལ་ནོད་ཀྱང་མང་དུ་བྱུང་བར་སྣང། དེ་སྐབས་སྟག་མོ་སྒང་གི་ཆོས་སྡེར་བཞུགས་པའི་ཨོ་རྒྱན་རིན་པོ་ཆེའི་གསེར་སྐུ་འདི་དང་སངས་རྒྱས་སྣང་མཐའ། སྦྱན་རས་གཟིགས། འཇམ་དབྱངས། ཕྱག་ན་རྡོ་རྗེ་སོགས་ཀྱི་གསེར་སྐུ་སོགས་རྟེན་བཞེངས་ཀྱང་མང་དུ་མཛད། གུང་ཐང་དུའང་དབང་ཆོས་ཀྱི་འགྲོ་ཕན་རྒྱ་ཆེར་མཛད་ཅིཻཾང་ཆས་ཀྱི་ཕྲིན་ལས་བསྐྱངས། བལ་ཊ྄ཾ་གཙོ་བོར་གྱུར་པའི་ཟང་ཟིང་གི་དངོས་པོའང་ཤིན་ཏུ་བཟང་བར་བྱུང། དེ་ནས་མིང་རིང་པར་སྦྲུལ་པའི་གཏེར་ཆེན་རིག་འཛིན་ཆེན་པོ་གར་དབང་རྡོ་རྗེའི་དྲུང་དུ་ཕེབས་པས་བྱིན་རླབས་ཀྱི་མཚན་མ་བཟང་པོའང་གཟིགས། གཏེར་ཆེན་དེ་ཉིད་ཀྱིས་གཏེར་བྱོན་རྡོར་སེམས་ཐུགས་ཀྱི་མེ་ལོང་དང། པདྨའི་སྙན་བརྒྱུད་ཡང་གསང་བླ་མེད། ཐུགས་རྗེ་ཆེན་པོ་རྩ་གསུམ་སྙིང་ཐོག་སོགས་དབང་ལུང་སྒྲུབ་ཆེན་དང་འབྲེལ་བར་ཞིབ་པར་གསན། དེ་སྐབས་གཏེར་ཆེན་དེ་ཉིད་ཀྱིས་ཁྱེད་འདིར་ཕེབས་བར་ཞིབ་པར་གསན། དེ་སྐབས་གཏེར་ཆེན་དེ་ཉིད་ཀྱིས་ཁྱེད་འདིར་ཕེབས་བར་ཞིབ་པར་གསན། དེ་སྐབས་གཏེར་ཆེན་དེ་ཉིད་ཀྱིས་ཁྱེད་འདིར་ཕེབས་དུས་མཚན་ལམ་དུ་གནམ་ལྕགས་ཀྱི་ཕུར་བ་གཉིས་རྙེད་པ་དང། ཆང་ཀ་པཱ་ལ་གང་འདུག་པ་ལ་ཧུབ་གཅིག་རྒྱབ་པ་ཕྱེད་ལ་སོང་ཚེ། ཀ་པཱ་ལའི་ནང་ཁྲག་འཐུང་རིགས་ལྔ་གཟི་བརྗིད་ལམ་ལམ་འདུག་པ་སོགས་ཀྱི་དག་སྣང་བྱུང་བས། ཁྱེད་དྲག་སྔགས་ཀྱི་ནུས་པ་ཆེན་པོ་ཐོན་པ་ཞིག་ཡིན་པ་གདའ། ཁྱད་པར་དུ་ཞི་ཁྲོ་དགོངས་པ་རང་གྲོལ་གྱི་འགྲོ་དོན་བཀའ་བབས་ཁྱོད་ལ་ཡོད་(སྨད་ཆ།༥༢༨)པས་འགྲོ་དོན་ལ་རེ་མ་གསུངས་པ་དང། ད་ལྟར་གྱི་མི་ཐོག་འདི་ལ་མདོ་ཁམས་སྒང་དྲུག་གི་འགྲོ་བ་ལ་སྨོན་ལམ་གྱིས་མཚམས་སྦྱོར་འགྲོ་དོན་གྱི་བཀའ་བབས་ཁྱོད་ལ་ཡོད་པས་ང་ཁྱོད་ལ་རེ་ཆེ་བས་འགྲོ་དོན་ལ་སེམས་བསྐྱེད་རྒྱ་མ་ཆུང་ཞིག་ཅེས་དང། ངའི་གཏེར་ཁ་འདི་རྣམས་ཀྱི་ནང་ནས་པདྨའི་སྙན་བརྒྱུད་ཀྱི་རྩ་བའི་ཆོས་བདག་ཁྱོད་ཡིན་གསུངས་ཤིང། བཀའ་ལུང་བཟང་པོས་རྗེས་སུ་བཟུང་ནས། རྡོ་དྲིལ། དབུ་པཎ། ན་བཟའ་ཆ་ཚང། སྐུ་བེར། གཞུགས་གདན་བཅས་དང། བྱིན་རྟེན་རྟེན་གསུམ་ཤོག་སེར་སོགས་དངོས་པོ་གཏོས་ཆེ་བའི་གནང་ཆ་དང་བཅས་རྡོ་རྗེ་རྒྱལ་པོར་མངའ་གསོལ་གཟེངས་བསྟོད་མཛད། ད་དུང་ངའི་དྲུང་དུ་ལན་གཅིག་ཤོག་སོགས་ནང་རྩར་གྱི་གསུང་ནང་མ་དང་བཅས་ཐུགས་ཡིད་གཅིག་འདྲེས་མཛད་ནས་དབུས་ཕྱོགས་ཕེབས་སུ་སྐྱོད་གནང། དེ་ནས་མ་ཁ་ལ་གངས་སོགས་བརྒྱུད་ནས་ལྷ་མཆོད་དཔལ་མོ་དཔལ་ཐང་སྙེ་ནམ་ལ་ཕྱི། དེང་རི་སོགས་གནས་གཟིགས་མཛད་པས་ལ་ཕྱི་གངས་རར་སྦས་ཡུལ་ཞིག་འདུག་པ་གཟིགས། ས་སྐྱར་ཕེབས་དུས་ས་སྐྱའི་རི་དེ་སྦྱས་རས་གཟིགས་སུ་གཟིགས་སྣང་བྱུང། འདི་སྐབས་དཔལ་མོ་དཔལ་ཐང་དུ་རྒ་ལོས་སྦས་པའི་གཏེར་ཕྲན་ཞིག་ཡོད་པ་དང། གཙང་རོང་ཁམ་བུ་ལུང་དུ་གཏེར་ཕྲན་ཟུང་ཞིག་ཡོད་པ་སོགས་ལུང་བསྟན་གསལ་ཡང་གོ་གལ་མ་མཛད་པས་བཞེས་མ་གྲུབ། དེ་ནས་རིམ་གྱིས་བྲེས་དགོན་གསར་དུ་ཕེབས། དེ་སྐབས་འཇམ་དབྱངས་ཆོས་རྒྱལ་རྡོ་རྗེ་དང། འོད་མཆོག་སྦྲུལ་སྐུ། གྲུབ་ཆེན་ཉི་ཟླ་ཀློང་གསལ་ཞབས་དྲུང་གདུང་བརྒྱུད་པ་སོགས་སྐྱེས་ཆེན་དུ་མ་དང་སྒྲུབ་སྡེའི་འདུས་པ་བཅས་ལ་རིག་འཛིན་གར་དབང་རྡོ་རྗེའི་གཏེར་ཆོས་གཙོ་བོར་གྱུར་བའི་(སྨད་ཆ།༥༢༩)དབང་ཆོས་མང་དུ་ཕུལ། དེ་སྐབས་བྲེས་དགོན་གསར་རྩ་འབུལ་ཞུས་འདུག་ཀྱང། བླ་མ་དམ་པའི་གསུང་གིས་མྱུར་དུ་ཕྱིར་བྱོན་དགོས་པ་དང་གསང་ལུང་ལའང་ངེས་པ་མ་བྱུང་བ་སོགས་ཀྱི་དོན་བཞིན་གང་ཅིང་དགོན་དེར་གཏན་ཆགས་སུ་བཞུགས་པར་གནང། དེར་མཚུངས་མང་ཡུལ་ལ་སྟོད་རྣམས་ནས་ཀྱང་དགོན་གནས་རི་ཁྲོད་སོགས་གདན་ས་འབུལ་བ་འགའ་ཞིག་བྱུང་སྣང་ཡ་མ་བཞེས་པར་འདུག་གོ། དེ་ནས་རིམ་གྱིས་ཕྱིར་ཕེབས་ནས་གྲུབ་དབང་བླ་དམ་པ་མཁར་པར་བསམ་གཏན་བྲག་ན་བཞུས་པ་མཇལ་བར་ཆེད་གཏད་ཀྱིས་ཕེབས། སྦུག་ཆོལ་སོགས་བལ་བོད་ཀྱི་ནོར་སྣ་ཁྱད་འཕགས་མང་པོ་ཕྱག་ཏུ་གང་ཡོད་རྩ་སྦགས་སུ་ཕུལ་བས། ཕྱིར་ཡང་རྟ་ལྔ། འཕྱིང་གུར་སོགས་གནང་ཆ་འགའ་ཡང་མཛད། དེ་སྐབས་གཏེར་ཆོས་གསང་ལུང་སོགས་ཀྱི་འཕྲོས་ཙམ་སྙན་འབེབས་ཞུས་པས། གྲུབ་དབང་རིན་པོ་ཆེས་གཏེར་སྟོན་ཉིད་ཐུགས་རྒྱལ་ཅུང་ཟད་མངོན་པར་གཟིགས་ན་བཀའ་བཀྱོན་དང་ཞལ་སྐུར་ཅོ་འདྲི་སྣང་ཚོགས་མཛད། འོན་ཀྱང་གཏེར་བཞེས་པ་ལ་ཐུགས་ངེས་འདྲོངས་པས་གཏེར་སྒྲུབ་དང་གསང་རྒྱ་སོགས་མཐར་ཕྱིན་མ་བྱུང་ན་བར་ཆད་ཀྱི་དབང་དུ་འགྲོ་བར་དོན་མ་བྱུང་བའི་ཚུལ་དང། གཏེར་སྒྲུབ་དང་གསང་རྒྱ་སོགས་མཐར་ཕྱིན་བྱེད་དགོས་ཚུལ་སོགས་ནང་རྩལ་གྱི་གསུང་མང་པའང་ལྷུག་རྩོལ་དུ་གནང་ནས་གཏེར་སྒྲུབ་ལ་བསྐུལ། དེ་ནས་གཏེར་སྟོན་རིན་པོ་ཆེས་ཀྱང་ལོ་གསུམ་དུ་སྒྲུབ་པའི་དམ་བཅའ་ཕུལ་ཞིང་རིམ་གྱིས་དགོངས་པ་ཞུས་ནས་སྒྲུབ་པ་མཛད་པ་བརྒྱུད་ཐུགས་འདུན་དང་བཅས་གྲུབ་དབང་རིན་པོ་ཆེ་འདི་ཉིད་རྩ་བའི་བླ་མར་(སྨད་ཆ།༥༣༠)བསྟེན་པ་བཟུང་སངས་རྒྱས་དངོས་ཀྱི་འདུ་ཤེས་ལས་ཐ་མལ་གྱི་སྣང་བ་སྐད་ཅིག་ཀྱང་འཆར་མ་མྱོང་གསུངས་ཤིང། བཀའ་འགལ་ཐུགས་དཀྲུགས་ལྟ་ཞོག་བཀའ་དང་འགལ་བ་ཅུང་ཟད་ཙམ་ཡང་མི་བྱེད་པའི་ཐུགས་ཀྱི་དམ་བཅའ་ཤིན་ཏུ་བརྟན་པར་བཞུགས་ནའང་གསང་ལུང་སོགས་ཀྱི་དོན་གྱིས་སྐབས་འགར་གསུང་བཞིན་མ་བྱུང་པའི་ཉེས་པ་ཞོར་སོགས་ལྟ་བུ་ཅུང་ཟད་རེ་བྱུང་བ་ལ་དགོངས་ནས་བླ་མ་དམ་པ་བཞུགས་པའི་རི་ལ་སྐོར་བ་བརྒྱ་རྩ་ཕྱག་བརྒྱ་རྩ་ཡིག་བརྒྱ་བཤགས་སྨོན་སོགས་ཞིབ་རྒྱས་ལན་དུ་མར་གནང་ནས་ཉམས་ཆག་གི་དྲི་མ་གྱིས་ཀྱང་མ་གོས་པར་མཛད། རྡོ་བ་ལ་རྡོར་སེམས་ཀྱི་སྐུ་དང་ཡིག་བརྒྱ་འབུམ་ཐེར་བསྐོས་པའི་ངག་རྒྱུན་ཀྱང་སྣང་ངོ། འདི་སྐབས་གནས་ལྔ་རིག་པའི་མཁས་པ་ཆེན་པོ་འཇམ་དབྱངས་ཧོར་གྱི་ལོ་ཆེན་དང་མཇལ། སྒྲུབ་ཐབས་བརྒྱ་རྩ་དང། ས་སྐྱ་པའི་མགོན་པོའི་སྐོར། སྨྱུང་གནས་དཔལ་མོ་ལུགས། པད་གླིང་དྲག་དམར་སོགས་གསན། དེ་ནས་བླ་མ་དམ་པས་དགོངས་པའི་བསེད་ཁྲོལ་བྱུང་ནས་སླར་ཡང་ས་ཕོ་རྟའི་ལོ་ཧོར་ཟླ་དྲུག་པ་ལ་སྲིང་རྫོང་དུ་ཕེབས། ཨོ་རྒྱན་སངས་རྒྱས་གཉིས་པ་དང། གྲུབ་ཆེན་ནག་པོ་རྡོ་རྗེ་སོགས་ཀྱིས་སྒྲུབ་གནས་ཆགས་རུ་ཕུག་ནག་ཏུ་བཞུགས། དེ་ཕྱོགས་ཀྱི་འགྲོ་བ་ལས་དང་སྐལ་བ་ལྡན་པ་མང་པོར་ཟབ་ཆོས་ཀྱི་གདམས་པ་དུ་མས་རྗེས་སུ་བཟུང། རིམ་པར་ལོ་གསུམ་གྱི་བཅད་རྒྱར་སྐུ་མཚམས་ཤིན་ཏུ་དམ་པར་མཛད། ལོ་དེའི་ཧོར་ཟླ་བཅུ་པ་ལ་གཏེར་སྒྲོལ་ཞལ་ཕྱེས་པས་ཐོག་མར་འཚུབ་ལྷོངས་ཀྱི་རྣམ་པ་ཤིན་ཏུ་ཆེ་ཞིང། མ་དག་པའི་བདུད་རོགས་རྣམས་ཀྱིས་གཤེགས་སྐུར་བྱེད་པ་སོགས་བྱུང་ཡང། རིམ་གྱིས་དངོས་གྲུབ་སྐྱི་ལྟས་ཡ་མཚན་ཅན་སུ་མ་(སྨད་ཆ།༥༣༡)ནམ་ཟླ་བ་དགུན་དུས་ཡིན་ཡང་འབྲུག་སྒྲ་དྲག་པོ་ལན་གསུམ་བྱུང་བ་དང་བཅས་ཆར་གྱི་རྒྱུན་ཡུན་རིང་དུ་བབས་པ་འཇའ་ཁ་དོག་ལྔ་པ་གུར་ཁྱིམ་ལྟར་ཟུག་པ་དང། མཐིང་ཞུན་ལྟ་བུའི་འོད་ཀྱིས་བར་སྣང་ལན་གསུམ་ཁེབས་པ་དང། མེ་ཏོག་གི་ཆར་ཟུང་དུ་བཏུབ་པ་མང་པོ་ལན་མང་དུ་བབས་པ་དང། ཚེ་བཅུའི་ཉིན་ཨོ་རྒྱན་སངས་རྒྱས་གཉིས་པ་ཉིད་མཁའ་འགྲོའི་ཚོགས་དང་བཅས་པ་མངོན་སུམ་དུ་མཇལ་བ་སོགས་ངོ་མཚར་བའི་ལྟས་གྲངས་མེད་པ་དག་པའི་གཟིགས་མོར་བསྟར་ཞིང། དཔའ་བོ་དང་མཁའ་འགྲོའི་ཆོས་སྐྱོང་རྣམས་ཀྱིས་དངོས་གྲུབ་སྟེར་བ་སོས་ཀྱི་ལྟས་ངོ་མཚེ་ཅན་དུ་མ་དང། ཁྱད་པར་དུ་སྣང་སྲིད་ཀྱི་ལྷ་ཀླུ་གཞི་བདག་མང་པོའི་སྲོག་སྙིང་ཕུལ་ཞིང་དམ་མནོས་པ་སོགས་དག་པའི་སྣང་བ་ཕྱོགས་མེད་དུ་ཤར་བའི་ཚུལ་ཞིབ་པར་དག་སྣང་ཆེན་མོར་གསལ་བ་ལྟར་དང། དེ་ནས་གཏེར་ཆོས་སྐོར་རྣམས་ཤོག་སེར་ལས་བོད་ཡིག་ཏུ་ཕབ་པར་གནང་ཞིང། བསྐྱེད་རྫོགས་ཀྱི་ཉམས་བཞེས་ལའང་ཐུགས་རྩོལ་ལྷོད་མེད་དུ་བརྩོན་པར་མཛད། ལོ་འདིའི་ནང་ཕུག་ནག་ནས་ཟབ་ཐིག་ཕག་མོ་ཁྲོས་མའི་ཆོས་སྐོར་རྣམས་གཏེར་འདོན་པའི་དུས་རྟགས་གསལ་ཞིང་ཁྱད་པར་རིགས་ལྡན་(སྨད་ཆ།་གི་མཁའ་འགྲོས་གདན་དྲངས་པའི་དུས་རྟགས་གསལ་ཞིང་ཁྱད་པར་རིགས་ལྡན་ཌཱ་གི་མཁའ་འགྲོས་གདན་དྲངས་པའི་ལུང་གསལ་ལྟར་གྱུར་པས། དམ་ཚིག་གཙང་བས་བླ་མ་མ་ཏི་ས་ར་ལ་རིགས་ལྡན་གྱི་ཆས་དང་མུ་ཏྲའི་ཧ་སྟ་དང་བཅས་གྲོགས་སུ་ཁྲིད་པས་ཕག་ནག་ཁྲོས་མའི་ཆོས་སྐོར་དང། ཕུར་པ་ཧཱུྃ་ཆེན་སྒྲ་སྒྲོགས་མ་བུ། ཕག་ནག་ཁྲོས་མའི་ཆོས་སྐོར་དང། ཕུར་པ་ཧཱུྃ་ཆེན་སྒྲ་སྒྲོགས་མ་བུ། སངས་རྒྱས་ཀྱི་འཕེལ་གདུང་སོགས་བར་ཆད་མེད་པར་ལེགས་པར་ཐོན་པས་ཐུགས་སྦྲོ་ཞིང་དགྱེས་པའི་རྩེར་སོན་པ་བྱུང། སླ་ཡང་འདི་ལོར་སྲིང་མོ་(སྨད་ཆ།༥༣༢)རྫོང་མཆོག་ནས་ནོར་བདག་རྣམ་སྲས་ཀྱི་གདམས་སྐོར་རྣམས་སྦྱན་དྲངས་ཀྱང་རིགས་མའི་སེལ་གྱིས་གཏེར་ཁ་འགའ་ཞིག་མ་ཐོན་པར་གྲགས། ཕྱིས་སུ་གཏེར་གནས་དེ་ཉིད་ཐོག་གིས་བཤིགས་པ་གཏེར་རྫས་འཐོར་བ་འགའ་ཞིག་གིས་རྙེད་པ་བྱུང་ཡང་ཟེར། དེ་ནས་ལོ་གསུམ་གྱི་སྒྲུབ་པའི་བཅད་རྒྱ་མཐར་ཕྱིན་པར་གྲུབ་པའི་ཚེ། ནགས་ཤོད་དབོན་འཚམས་ཤོག་བཞིའི་བཅད་རྒྱ་མཐར་ཕྱིན་པར་གྲུབ་པའི་ཚེ། ནགས་ཤོད་དཔོན་འཚམས་ཤོག་བཞིའི་སྔགས་པ་རྣམས་ཀྱིས་བསྐུལ་ནས། ཉང་གཏེར་བཀའ་བརྒྱད་བདེ་གཤེགས་འདུས་པའི་དབང་སྒྲུབ་ཆེན་དང་འབྲེལ་བར་བསྐུར་བར་མཛད། སྔགས་པ་རྣམས་ཀྱིས་དབང་ཡོན་དུ་སེ་ར་བཀྲ་ཤིས་སྟེང་གི་ས་རྒྱ་རི་སྐོར་ཐམས་ཅད་ཕུལ་བས་ཕྱོགས་དེར་བཞུགས་གནས་སུ་རྟེན་འབྱུང་གོ་རྩ་བ་ཚུགས། དེ་ནས་ཀྱང་སྐུ་མཚམས་བཅད་རྒྱ་འབའ་ཞིག་མཛད། ཉམས་རྟོགས་ཡོན་ཏན་གོང་འཕེལ་དང་དག་པའི་སྣང་བ་བསམ་གྱིས་མི་ཁྱབ་པ་གཟིགས། སྐུ་གསུམ་ཐུགས་རྗེན་གྱི་རིགས་ཀྱང་ཅི་རིགས་བཞེངས་པར་མཛད། འབྲི་གུང་ལྷོ་པ་སྐུ་སྐྱེ་དཀོན་མཆོག་ཕྲིན་ལས་རྣམ་རྒྱལ་ལས་དགོངས་པ་ཡང་ཟབ་ཀྱི་དབང་ལུང་དང་སྐད་གཉིས་སྨ་བའི་དབང་པོ་ཧོར་ལོ་ཆེན་ལས་སྨིན་གླིང་གཏེར་ཆོས་སྐོར་སོགས་གསན། ལོ་ཆེན་ལ་གཏེར་ཆེན་ཉིད་ཀྱིས་གཏེར་གསར་རྣམས་ཕུལ་ནས་ཆོས་བདག་ཏུ་མངའ་གསོལ་གནང། འདི་དུས་རྟེན་འབྲེལ་སྣེ་ཟིན་ལེགས་པར་འགྲིགས་ཀྱང་ཕྲིན་ལས་བར་ཆད་དབང་བཙན་པ་ཞིག་བྱུང་འདུག། འདི་ཙམ་ཞིག་ན་གོང་ས་མཆོག་རྩ་བའི་ཆོས་བདག་ཏུ་བཞུགས་པས་སྙན་འབུལ་ཞུའམ་དགོངས་ཀྱང་ཡུལ་གཉེན་པས་ཞུ་མ་ནུས་པས་རྟེན་འབྲེལ་ཅུང་ཟད་ཉམས། ཕྱིས་སུ་རྙིང་མ་ནང་ཁུལ་ཞིག་ལ་ཞུ་སྣ་བཙོལ་ཡང་སྙན་དབང་དུ་གསོད་པ་ཞིག་མ་བྱུང་འདུག་སྟེ། ཀུན་མཁྱེན་ཉིད་ཀྱི་(སྨད་ཆ།༥༣༣)གསང་ལུང་ལས། ཤར་རི་རྩེར་ཉི་མ་ཤར་ན་ཡང། སྦྲིན་དཀར་པོས་སྒྲིབ་ནས་གསལ་མ་འགྱུར། ཞེས། ཤར་ཞེས་པས་ཕྱོགས་དང། ཉི་མ་ཞེས་པས་མཚན་སྒྲ་དང་བཅས་ཤིན་ཏུ་གསལ་ཞིང། སྒྲིབ་བྱེད་ཀྱང་དཀར་པོ་ཞེས་ཀུན་མཁྱེན་ཉིད་དང་ཡང་ཐུགས་དཀར་བ་དེ་འདྲ་ཞིག་གིས་བྱེད་པའི་ལུང་གསལ་བྱུང་བ་དང། ཡང། སྦྲུལ་ལྕེ་གཉིས་བརྐྱངས་པའི་དུག་ལྕེ་རྣོ། ཞེས་ཞུ་ལོག་དབང་བཙན་པར་འགྱུར་ཚུལ་དང། ལུག་སྦྱང་ཀིར་བག་ཕེབས་སྡོད་པ་ལ། ང་རྫི་པོས་ཉེན་སེལ་ཅིང་རང་བྱེད། ཅེས་གཏེར་སྟོན་ཉིད་ཀྱིས་ཀྱང་ཐུགས་བློ་གཏོད་ས་ནོར་སྐྱོན་སོགས་བྱུང་བ་བཞིན། སྙིགས་དུས་ཆགས་སྡང་གི་དབང་གིས་གོང་ས་མཆོག་གི་སྙན་དབང་དུ་དཱངས་པ་ཞིག་མ་བྱུང་བས་རྟེན་འབྲེལ་གཞན་དབང་དུ་གྱུར་འདུག་ཅིང། དེ་ཡང་སྔར་གསང་ལུང་ནས་བཤད་པའི་རྟེན་འབྲེལ་སྒྲིག་ཕྱོགས་རྣམས་ཀྱང་ཇི་བཞིན་མ་བྱུང་བ་དང་རིག་འཛིན་ཆེན་པོ་བདུད་འདུལ་རྡོ་རྗེ་མཇལ་དགོས་པའང་ཕྱི་བཤོལ་དུ་སོང་བ་སོགས་ཀྱིས་རྟེན་འབྲེལ་གྱི་ཟུར་ཉམས་པའི་་སྐྱོན་དང། རྟེན་འབྲེལ་གྱི་བབས་ཕྱོགས་ཀྱང་འབྲིང་པོ་ཙམ་དུ་བབས་པ་ལུང་ནས་བཤད་པར་མངོན་པར་དབུས་ཕྱོགས་ཀྱི་རྟེན་འབྱུང། ཐམས་ཅད་བག་ལ་ཞ་བར་གྱུར་པའི་ཕྱིར་ཧ་ཅང་ཐུགས་རྩོལ་གནང་བ་ཡང་མཛད་པར་སྣང་ངོ། ཆུ་ཕོ་ཁྱི་ལོར་ནགས་ཤོད་མེ་འབར་ཕུག་ནས་རྟ་མགྲིམ་དྲེགས་པ་ཟིལ་གནོན་གྱི་ཆོས་སྐོར་རྣམས་གདན་དྲངས་པ་བར་ཆད་མེད་པར་ཕྱག་ཏུ་སོན། དེ་ནས་ལུང་ཟིན་ཐུགས་སྲས་རྣམས་ཀྱི་གཙོས་པའི་སྐལ་བ་དང་ལྡན་པའི་འུདལ་བ་བརྒྱ་ཕྲག་བརྒལ་བ་ལ་གཏེར་གསར་བཀའ་རྒྱ་གྲོལ་བསྟུན་དབང་ལུང་ལན་གཉིས་སུ་སྩལ་ནས་སྐལ་ལྡན་མང་པོ་སྨིན་(སྨད་ཆ།༥༣༤)གྲོལ་གྱི་ལམ་ལ་བཀོད། དེ་ནས་རྒྱ་གར་རྩ་མཆོག་གྲོང་གི་གཏེར་འདོན་པའི་དུས་ལ་བབས་པའི་ལུང་བསྟན་གསལ་བས་གནས་སྐོར་བ་ཕོ་མོ་སུམ་ཅུ་སོ་ལྔ་ཙམ་ཟས་གོས་ཀྱིས་བསྐྱངས་ནས་རྒྱ་གར་དུ་ཞབས་བཏེགས། དེ་དུས་མིན་ཕྱོགས་སུ་དགེ་འབྲུག་གི་འཁྲུག་ལོང་དང་བཀག་པོ་སོགས་ཀྱིས་ལམ་སྟབས་ཤིན་ཏུ་མི་བདེ་ཞིང་བགྲོད་དཀའ་བར་ཡོད་ཀྱང་རྗེ་ཉིད་ཀྱིས་ཐུགས་ཇེ་དང་ཕྲིན་ལས་ཚད་མེད་པའི་སྟབས་ལས་འཁོར་རྣམས་དང་བཅས་ཏེ་བདེ་བར་འཕགས་པའི་ཡུལ་སོན། རྒྱ་གར་ཡུལ་གྱི་གནས་རྣམས་གཟིགས་པ་ཙམ་གྱིས་ཐུགས་ལ་དགྱེས་པ་འཁྲུངས་པ་དང་ལྷན་ཅིག་གང་ཤར་བདེ་སྟོང་གི་ངང་དུ་གྲོལ་བའི་ཐུགས་ཉམས་ངོ་མཚར་བའང་བྱུང་ཞིང། གཞན་ཡང་དག་པའི་གཟིགས་མོ་ངོ་མཚར་བའང་ཀླུང་ཤིང། ཁྱར་པར་དུ་གྲུབ་དབང་རིན་པོ་ཆེ་མཇལ་ཞིང་འབྱུང་འགྱུར་གྱི་ལུང་བསྟན་འགའ་ཡང་སྩལ། དེ་ནས་གུ་རུ་རིན་པོ་ཆེའི་གསང་ལུང་བཞིན། ཤིང་ཕོ་བྱི་ལོར་རྒྱ་གར་རྩ་མཆོག་གྲོང་གི་བྱང་སྒོ་ག་ཅོ་ཞེས་པའི་གནས་ནས་དཔལ་མགོན་འཕགས་པ་ཀླུ་སྒྲུབ་ཀྱི་ཕྱག་བཟོ་རྒྱ་གར་ཤར་ནུབ་ཀྱི་ལི་སོ་སོ་ལས་གྲུབ་པའི་ཇོ་བོ་མི་སྐྱོད་རྡོ་རྗེ་དང་ཆོས་སྐུ་མི་སྐྱོད་རྡོ་རྗེ་སྟེ་འཕགས་པའི་སྐུ་མཆེད་གཉིས་དང། རྟེན་དེའི་སྲུང་མ་ལྷ་མོ་སྔགས་སྦྲུང་མའི་ཆོས་སྐོར་སོགས་གཏེར་ནས་སྦྱན་དྲངས་ཏེ་རིམ་གྱིས་ཚུར་ཕེབས། འདི་དུས་མོན་གྱི་ཕྱོགས་སུ་ཕྲིན་ལས་ཀྱི་སྒོ་བྱེ་བས་འགྲོ་དོན་བསམ་མི་ཁྱབ་པ་བྱུང། ཁྱད་པར་དུ་བླ་མ་རིན་ཆེན་རྡོ་རྗེས་མོས་གཟིགས་ཚང་རོང་དགོན་རྩ་འབུལ་ཞུས་འདུག་ཀྱང། བདག་འཛིན་གྱི་ཞལ་མ་གནང། མོན་ཡུལ་ཤ་འུག་གི་གཏེར་ཁ་དཔལ་མགོན་པོ་མ་ནིང་གི་ཆོས་སྐོར་སོགས་འགའ་ཞིག་འདོན་(སྨད་ཆ།༥༣༥)བའི་ལུང་བསྟན་གསལ་ཡང་ལ་ལ་རྫས་མ་འཛོམས་ཤིང། ཕལ་ཆེར་བདག་གིར་མ་མཛད། ཕེབས་ལམ་ལ་ལོ་རོས་དཀར་པོ་དོན་ལྡན་དུ་སྔགས་སྲུང་མའི་ཆོས་ཚན་འགའ་ཞིག་ཤོག་སེར་ལས་ཕེབས་པར་གནང་བས་རྟེན་འབྲེལ་ལེགས་པའི་དགེ་མཚན་གཟིགས། འོན་ཀྱང་ལོ་དགུར་གསང་རྒྱ་དགོས་པའི་ལུང་གསལ་བྱུང། འདི་སྐབས་རྗེ་འདིར་སྔར་སྦས་ཡུལ་སྐྱིད་མོ་གཤོང་དུ་བཞུགས་སྐབས་དག་སྣང་ལུང་བསྟན་བྱུང་བ་དང་རྗེས་མཐུན་རིག་འཛིན་གཏེར་བདག་གླིང་པ་མཇལ་བར་ཕེབས་པས་ཤསིང་བྱི་ནག་ཟླའི་ཚེས་བཅུ་གཉིས་ལ་སྨིན་གླིང་བླང་བྲང་ཆོས་འཁོར་ལྷུན་པོ་རྨང་འདིང་བ་དང་ཐུག་སྟེ་རྟེན་འབྲེལ་ལེགས་ཚོགས་གོང་འཕེལ་དུ་གྱུར་པས་རིན་འཛིན་ཆེན་པོ་དེ་ཉིད་ཀྱང་ཐུགས་དགྱེས་རྩེར་སོན་ཏེ་རྣམ་ཐར་དུ། ཁམས་པ་གནས་སྐོར་བ་འགས་རྒྱ་གར་གི་ཡལ་ལག་ངར་ཙམ་པ་ལོ་མ་མང་པོ་དང་བཅས་པ་ཕུལ་བས་རྟེན་འབྲེལ་གྱི་ལ་ཉེ་བཟང། ཞེས་གསུངས་ཡོད་དེ། སྐབས་དེར་རིན་འཛིན་གཏེར་ཆེན་ཉིད་ཀྱི་གཏེར་བྱོན་གཤིན་རྗེ་དྲེགས་པ་འཛོམ་བྱེད་ཀྱི་གསང་བའི་ཆོས་བདག་ཏུ་ངོས་འཛིན་གནང་ནས་དེའི་ཆོས་སྒོར་རྣམས་གསང་ལུང་དུ་གདམས་པ་བཞིན་རྗེ་འདིས་ཀྱང་གསང་རྒྱ་མཐར་ཕྱིན་དུ་ཉམས་བཞེས་གནང་བ་ཡིན་ཏེ། སྐུ་གཤེགས་དུས་སུ་ཉེ་བ་ཞིག་གི་དུས་སྒྲུབ་གཏེར་འགའ་ཞིག་དབྱེ་གསལ་མཛད་དེ་འདི་གཤིན་རྗེ་དྲེགས་འཛོམ་གྱི་སྒྲུབ་གཏོར་ཡིན། ཁོ་བོ་ལ་རིག་འཛིན་གཏེར་བདག་གླིང་པས་གསང་བའི་ཡི་དམ་དུ་གདམས་པ་བཞིན་ཁོ་བོས་ཀྱང་གསང་རྒྱ་མཐར་ཕྱིན་པར་བྱས་པ་ཡིན། ཞེས་གསུངས། ཡང་སྐབས་ཤིག་འདུ་བདུད་འདུལ་རྡོ་རྗེའི་སྒྲོལ་(སྨད་ཆ།༥༣༦)དཀར་གྱི་སྒྲུབ་གཏོར་ཡིན་ཏེ་ཁོ་བོས་གསང་བའི་ཉམས་ལེན་ཁྱད་པར་བ་ཞིག་ཡིན་གསུངས། གཞན་འགའ་ཞིག་འདི་ཡིན་མ་གསུངས་ཏེ། རྗེ་འདི་གསང་བ་སྲུང་བ་ལ་ཐུགས་ཤིན་ཏུ་སྒམ་པས་སུས་ཀྱང་དགོངས་པའི་གཏིང་དཔོག་པར་མི་ནུས་སོ། འོན་ཀྱང་གཏེར་སྟོན་གཉིས་ཆར་གྱི་རྣམ་ཐར་སོགས་སུ་མཚན་གྱི་གསལ་ཀ་སོགསས་ཞིབ་ཆ་མ་མཛད་པ་ནི་གསང་རྒྱའི་དོན་གྱིས་ཡིན་པར་མཇད་དུ་ཕེབས་བཞེད་གནང་ཡང། གྲུབ་དབང་རིན་པོ་ཆེ་མདོ་སྨད་དུ་ཆིབས་སྐྱོད་གནང་གྲུབ་པ་དང་འགྲིགས་པས་མཇལ་མ་ཐུབ། འདི་སྐབས་སོག་པོའི་རྒྱལ་པོ་པཱ་ཐུར་ཇིས་གདན་འདྲེན་བྱུང་བར་མཚན་མལ་སོགས་ལ་རྟེན་འབྱུང་ལེགས་པའི་མཚན་མ་གསལ་བར་འདམས་སྙིང་དྲུང་དུ་ཛུན་གར་གནམ་གྱི་རྒྱལ་པོའི་བཞུགས་སྒར་དུ་ཆིབས་སྐྱིད་གནང་བས་རྒྱལ་པོ་འཁོར་བཅས་ཀྱིས་གུས་འདུད་ཀྱི་བསྙེན་བཀུར་དང་སྲི་ཞུ་ཚད་མེད་པར་ཕུལ། རྒྱལ་པོའི་གདུང་བརྒྱུད་དཀོན་པ་ལ་ཐུགས་འདོད་བཞིན་གཉན་ཆེན་ཐང་ལྷ་གནང་ལ་བཀར་ནས་སྲས་ཀྱི་དངོས་གྲུབ་སློབ་བས་སྲས་གསུམ་འབྱུང་བར་ལུང་བསྟན། རྒྱལ་པོས་གུར་དཀར་མོ་སྟོང་ཤོང་སོགས་འབུལ་ཆེན་བསམ་གྱིས་མི་ཁྱབ་པ་མཛད་པ་བཞེས་ནས་རིམ་གྱིས་ཕྱིར་ཕེབས། གཞན་ཡང་འདི་དུས་སྔ་ཕྱིར་ཤིང་མོ་གླང་ལོར་ཕུག་སྔོན་རྣམས་ནས་ཕག་མོ་རིགས་བཞིའི་ཆོས་སྐོར་རྣམས་གདན་དྲངས་པར་མཛད་སྣང་ལ། ཁྱད་པར་དུ་ས་ཕོ་རྟ་ལོར་ཅི་མདའ་བྲག་དམར་ནས་གཏེར་བཞེས་པར་ཕེབས་དུས་ཤིན་ཏུ་མཐོང་བའི་བྲག་གཡང་ཐོག་སོ་བརྒྱས་ཀྱང་མི་ཚད་པའི་ངོས་བལྟར་མི་བཟོད་(སྨད་ཆ།༥༣༧)པའི་མཐོང་ས་དེར་ཐུགས་རིག་གཏང་མེད་དུ་བའི་མདོ་ལ་སྐད་ཅིག་གིས་ཆུ་བོ་སྦ་ཀློང་དྲག་ཏུ་འཁྲུག་པའི་ཕར་ཀ་ནས་བྱ་འཕུར་བ་ལྟར་གཏེར་གནས་དེར་ཕེབས་པས་སྔར་གྱི་ཐུགས་ཉམས་དེ་ཞིག་ནས་ཕྱིར་གཟིགས་པ་ན་ཤིན་ཏུ་ཡང་ང་ཞིང་བལྟར་མི་མངོན་པའི་གཡང་ས་ཆེན་པོ་དེ་གཟིགས་པས་ཐུགས་ལ་འཇིགས་སྣང་མི་བཟོད་པ་སྐྱེས་ཀྱང་སླར་ཡང་ཐུགས་རིག་གི་རྩལ་བསྐྱེད་ནས་གཏེར་མཚན་གསལ་བའི་གཏེར་སྒོ་དེར་ཕྱག་གི་ཕུར་བུས་བསྡིགས་ཀྱང་བེལ་སྐྱོན་ཞིག་གིས་གཏེར་སྒོ་འགག་ཏུ་ཉེ་བ་ན་དམ་ཅན་སྐྱེས་བུ་ཆེན་པོས་ཤོག་སེར་ཤོག་དྲིལ་གཅིག་ཕུལ་བས་དེ་མ་ཐག་ནག་ཆུའི་ཚུར་གར་ཕེབས་གྲུབ་པས་ཆུ་འགྲམ་གྱི་རྡོ་ཞིག་ལ་གཏེར་སྟོན་གྱི་ཞབས་གཉིས་ཀྱ་རྗེས་དང། སྐྱེས་བུ་ཆེན་པོས་ཆིབས་རའི་རྗེས་བྱུང་བ་དེང་སང་ཡང་མཇལ་དུ་ཡོད། གཏེར་ཁ་འདི་ལྷོ་ཕྱོགས་གཤིན་རྗེའི་གཏེར་ལ་སྦྱོད་པར་གཏེར་ལུང་ནས་གསུངས་པ་དེ་ཡིན་ཀྱང་ནཱ་ཀ་རཀྴའི་སྐོར་ཙམ་ལས་རྟེན་འབྲེལ་གྱི་འཚམས་སྦྱོར་མ་ལེགས་པར་ཕྱག་ཏུ་སོན་པར་མ་གྱུར། དེ་ནས་སྲིང་རྫོང་དུ་སྐུ་མཚམས་བཅད་རྒྱ་ཡུན་རིང་ཙམ་ཞིག་བཞུགས་ཙིས་གནང་ཡང། མདོ་སྨད་ནས་གྲུབ་དབང་རིན་པོ་ཆེས་ཆེད་གཏད་དུ་གདན་འདྲེན་ཞུ་བར་གཉེར་པ་དཔོན་གཡོག་རྣམས་བྱུང་སྟེ་གསུང་ཤོག་ནང་མ་རྟེན་དང་བཅས་གནང་འདུག་པའི་དོན་བཞིན་མེ་མོ་ཡོས་ལོར་མདོ་སྨད་དུ་ཆིབས་ཁ་བསྐྱོད་པར་མཛད། འདི་དུས་འབྲི་ཆུ་གྲུ་ཁར་ཇོ་བོ་སྒྱོགས་ཆེན་གདོང་རས་བསུ་བ་དང། གཉེན་ཆེན་གེར་མཛོས་རང་གནས་སུ་སྦྱན་དྲངས་པས་གཉེན་ཆེན་གེར་མཛོ་མི་དམར་ཕྲག་གི་རལ་པ་ཅན་དང། གླིང་རྗེ་གེ་སར་རྒྱལ་པོ་མི་དཔོན་གྱི་ཆ་བྱད་ཅན་ཞིག་དང་ཞུས་ལན་འགའ་ཞིག་མཛད་པའི་མནལ་ལམ་བྱུང།(སྨད་ཆ།༥༣༨)དེ་སྐབས་གྲུབ་དབང་རིན་པོ་ ཆེ་ཉིད་ཀྱིས་ཀྱང་རོག་གཏམ་དགོན་གསར་འདེབས་གཙུག་ལག་ཁང་རྟེན་བརྟེན་པ་དང་བཅས་པ་ལེགས་པར་བཞེངས་གྲུབ་ནས་དེར་བཞུགས་གདན་མཇལ་བས་དཔོན་སློབ་གཉིས་ཆར་གྱི་ཐུགས་ལ་དགྱེས་པ་དཔག་ཏུ་མེད་པ་འཁྲུངས། རྟ་ནོར་ལྔ་བཅུས་གཙོས་པའི་དངོས་རྫས་གཏོས་ཆེ་བ་དང་གུར་ཆེན་གུར་ཆེན་དཀར་མོ་སྟོང་ཤོང། བཞུགས་ཁྲི་རྒྱབ་ཡོལ་བླ་བྲེ་དང་བཅས་པའི་བཀོད་པ་མཛེས་ཤིང་དངོས་གཙང་བ་དང། མཁར་རྔ་བུ་དགའ་མ་སོགས་རྒྱ་བོད་ཀྱི་དངོས་རྫས་ཁྱད་མཚར་ཅན་དུ་མ་དང་ལྷ་སྐུ་རྟེན་གསུམ་སོགས་ནོར་རྫས་བསམ་གྱིས་མི་ཁྱབ་པ་ལྟོས་མེད་དུ་ཕུལ། གུར་ཆེན་དང་མཁར་རྔ་སོགས་དེང་ཡང་སྡེ་དགེ་ཅོས་ཀྱི་རྒྱལ་པོས་ཁྱད་ནོར་དུ་མཛད་པ་འདི་དག་དེ་དུས་གཏེར་ཆེན་འདིས་གྲུབ་དབང་རིན་པོ་ཆེར་ཕུལ་བ་ཕྱིས་སུ་སྡེ་དགེ་ཆོས་ཀྱི་རྒྱལ་པོའི་ཕྱག་ཏུ་གྲུབ་དབང་རིན་པོ་ཆེས་ཕུལ་བ་ཡིན་འདུག་གོ། མདོར་ན་འདི་ཡན་ལ་འཁོར་གསུམ་ཡོངས་དག་གི་འབུལ་བ་ལན་བཞི་དང། འབུལ་ཆེན་ལན་མང་མཛད། གཞན་ཡང་མཆོད་ཆ་རྟེན་གསུམ་གྱིས་གཅོས་པའི་ཡོ་བྱད་ཐུགས་བཞེད་གང་ཡོད་ཀྱང་དགྱེས་པར་ཕུལ། སྦྱིར་ཡང་རྗེ་འདིར་གྲུབ་དབང་རིན་པོ་ཆེས་བཀའ་བརྐྱོན་ཕྱག་འབེབས་སོགས་ཅི་ཙམ་གནང་ཡང་ཐུགས་ཁྲོ་བ་དང་མ་དང་བ་ཅུང་ཟད་ཀྱང་མི་མངའ་ཞིང། སླར་ཡང་ཉེས་པ་ཕྲ་མོ་རེར་ཡང་དེ་མ་ཐག་སྐོར་སོགས་བཤགས་སྦྱོང་གིས་དག་པར་མཛད་དེ་བླ་མ་བསྟེན་ཚུལ་འདི་ལྟ་བུ་སྔོན་རྗེ་མི་ལ་དང་འབྲོམ་སྟོན་པ་སོགས་དང་མཚུངས་པ་ལས་གཞན་སུས་ཀྱང་འགྲན་དུ་མེད་པ་ཞིག་ཡིན་ནོ། ཁྱད་པར་གཏེར་རྫས་ཀྱི་གཙོ་བོ་གངས་རི་ནས་སྦྱན་དྲངས་པའི་སྐུ་ཚབ་མ་མཐོང་བ་དོན་ལྡན་དང་གཏེར་ཤོག་(སྨད་ཆ།༥༣༩)གྲས་ཁ་མ་ཉམས་པའི་ཤོག་དྲིལ་འགའ་དང། ཨ་ཐམ་ཧྲི་ཐམ་མང་པོ་དང། གཞན་ཡང་གཏེར་རྫས་སྣ་ཚོགས་ཀོ་ཊོ་རའི་གང་ཙམ་དར་གྱི་ཆས་དང་བཅས་ཕུལ་བས་ཐུགས་དགྱེས་པའི་རྩེར་སོན་པར་གྱུར་ཅིང། གཏེར་རྫས་རྣམས་ལ་གྲུབ་དབང་ཉིད་ཀྱིས་དཔྱད་པ་གནང་བས་ཐུགས་ལ་ངེས་ཤེས་ཁྱད་པར་ཅན་འཁྲུངས་ཏེ་ཀུན་ལ་གཏེར་རྫས་འདི་རྣམས་ཁྱད་འཕགས་ཚད་མེད་ཚོད་མེད་དུ་འདུག་གསུངས་ནས་ཐུགས་གཙིགས་ཆེ་བར་གནང། གཏེར་ཆོས་རྣམས་ལ་གཟིགས་པར་མཛད་པས་ཀྱང་ཐུགས་ངེས་འདྲོངས་ཏེ་གཏེར་ཆོས་བཀའ་རྒྱ་གྲོལ་བ་རྣམས་དབང་ལུང་གསན་ཅིང། ཤོག་སེར་དབུ་ཐོག་ཏུ་བཞེས་པ་ལ་བཀའ་གཏད་ཕུལ། ཁྱད་པར་གྲུབ་ཐོབ་ཆེན་པོའི་བཀའ་ལས་ཁོ་བོ་བློ་ཟད་ཆོས་ཟད་དུ་སོང་བའི་རྣལ་འབྱོར་ལ་གཏེར་གསང་གྱི་དགོས་པ་མེད་ཀྱང་གུ་རུ་རིན་པོ་ཆེས་གསུང་དྲི་མ་མེད་པ་འདི་ལྟ་བུ་དང་མཇལ་བས་སྐལ་བ་བཟང་བཟང་གིས་རྟེན་འབྲེལ་ཙམ་དུ་ཆོས་འབྲེལ་བཀའ་གཏད་སོགས་འདི་ཙམ་ལས་ན་ཚོད་མཐོ་བའི་སྟབས་ཀྱིས་གཞན་ཕན་འཆད་སྦེལ་སོགས་ཀྱང་མི་ནུས་པས་གཏེར་ཆོས་ཐམས་ཅད་གསན་མ་གྲུབ་ཀྱང། ཁྱེད་ཅག་རྣམས་ཀྱིས་དབང་ལུང་ཞུས་ལ་ཉམས་ལེན་མཛད་དང་བྱིན་རླབས་ཀྱི་ཚན་ཁ་གཞན་ལས་ཆེ་བར་བྱུང་ངེས་གཏེར་ཆོས་གཞན་ལས་ཀྱང་ངོ་མཚར་ཆེ་ཞིང་ཁྱད་དུ་འཕགས་པར་སྣང། ཞེས་ཡང་ཡང་ཁྲོམ་བསྒྲགས་སུ་བཀའ་སྩལ། སྦྱིར་ཡང་ཁོ་བོ་གཏེར་གསར་གྱིས་རིགས་ལ་བློ་མི་འགྲོ་བ་གཏེར་ཁ་གོང་འོག་དང་རརྣ་གླིང་པ་སོགས་ཀྱི་གཏེར་ཆོས་དང་འདྲ་བ་སུ་ལ་མི་འདུག་པས་ཡིན་ཀྱང་ཁྱེད་རང་གི་གཏེར་ཆོས་འདི་རྣམས་ཚིག་དོན་ལེགས་ཤིང་བྱིན་རླབས་ཆེ་བ་སོགས་རརྣ་གླིང་པའི་གཏེར་ཆོས་རྣམས་དང་འདྲ་བ་འདུག་གསུངས་ནས་(སྨད་ཆ།༥༤༠)ཐུགས་དགྱེས་དགྱེས་དཔེ་མེད་པ་མཛད། འདི་དུས་ཀྱང་གྲུབ་དབང་རིན་པོ་ཆེའི་ཞབས་ཕྱིར་འབུལ་སྡུད་དུའང་ལན་འགར་ཕེབས་པར་མཛད་པ་འདུག་ཡང་གྲུབ་དབང་རིན་པོ་ཆེས་རུ་དམ་གནས་ཀྱི་མཚན་ཉིད་ཐམས་ཅད་གཏན་པ་ཕབ་པ་དང། གཏེར་འདོན་རྒྱུ་ཡོད་མེད་སོགས་ཞིབ་ཆ་གྱིས་ཞེས་སྩལ་བ་བཞིན་གཟིགས་སྣང་རྣམས་གཏན་ལ་ཕན་པས་སྦྱིར་བོན་གནས་སུ་འདུག་ཚུལ་དང། གནས་དེའི་ལྷོ་ཕྱོགས་ན་བོན་གནས་ཤིག་ཀྱང་གཏན་ལ་འབེབས་རྒྱུ་འདུག་ཚུལ་དང། བོན་གཏེར་ཞིག་ཕྱག་ཏུ་སོན་ཚུལ་སོགས་ཞུས་པས་གྲུབ་དབང་རིན་པོ་ཆེའི་ཞལ་ནས་བོན་གཏེར་ཕབ་པ་མི་འགབ་སྟེ། སྣེ་གཅིག་རང་དགའ་བ་ལས་བན་བོན་སྣ་ཚོགས་བྱེད་པ་ལ་ཡོན་ཏན་མེད་གསུངས་པ་ལ་བརྟེན་ནས་བོན་སྐོར་རྣམས་སླར་འདབས་གཏེར་དུ་བཞུགས་དགོས་པ་བྱུང་ཞིང། དེར་མཚུངས་གནས་ཡིག་སོགས་ཀྱང་ཞིབ་ཆ་མཛད་མེད། འོན་ཀྱང་གུ་རུ་རིན་པོ་ཆེ་དང་རྗེ་འབངས་རྣམས་ཀྱིས་སྨན་སྒྲུབ་མཛད་པའི་ཚུལ་དང་སྨན་གཞོང་སོགས་ཡོད་ཚུལ་གསུངས་པ་བཞིན་དུས་ཕྱིས་རྗེ་དཔོན་རིན་པོ་ཆེས་སྨན་སྒྲུབ་མཛད་དུས་རྡོ་གཞོང་ཁྱང་འཕགས་མང་པོ་ཕྱབ་ཏུ་སོན་པར་བྱུང་འདུག། འདི་སྐབས་ཀྱང་བཀའ་ཆོས་ཕར་འབུལ་ཚུར་གསན་འགའ་ཞིག་མཛད། དེ་དུས་གྲུབ་དབང་རིན་པོ་ཆེས་རུ་དམ་དགོན་གྱི་གདན་ས་མཛད་དགོས་པའི་བཀའ་ཕེབས་ལྕི་བར་གནང་ཞིང། ཁྱོད་རང་ཆེད་གཏད་ཀྱིས་གདན་དྲངས་པའི་དགོས་པའང་འདི་ལས་གཞན་ཅིང་ཡང་མེད་ཅེས་སོགས་གསུངས་པར་གཏེར་ལུང་གི་དོན་བཞིན་ཕྱོགས་འགྲོས་ཡང་མེད་ཅེས་སོགས་གསུངས་པར་གཏེར་ལུང་གི་དོན་བཞིན་ཕྱོགས་འགྲོས་མང་(སྨད་ཆ།༥༤༡)པོ་དགོན་པའི་སྟབས་ཀྱིས་གདན་ས་མཛད་ཐབས་མེད་ཚུལ་ནན་ཞུས་ཕུལ་བས། དེ་ལྟ་བ་གཏེར་ལུང་བཞིན་མཛད་པ་གལ་ཆེ་ཞེས་གསུངས་ནས། གདན་ས་མོ་དགོས་པའི་བསེད་ཁྲོལ་ཀྱང་ལེགས་པར་གནང། དེ་ཕྱིན་དཔོན་སློབ་གཉིས་ཆར་དགོངས་པ་ཕྱོགས་མཐུན་དུ་གྱུར་པས་གཏེར་སྟོན་ཉིད་ཀྱིས་གང་བཞེད་གཙོ་བོ་མཛད། དེ་ནས་གླིང་ཚང་ཕྱོགས་ཀྱི་གདན་འདྲེན་དང་བསྟུན་ལྕགས་ཕོ་རྟ་ལོར་ལྡན་གླང་ཐང་དུ་ཞབས་པད་བསྐྱོད་ཅིང་སྒྲོལ་མ་རང་བྱོན་བྲག་ནས་སྨན་ལྷ་དམ་ཆོས་བདུད་རྩྩི་ཐིག་པའི་སྐོར་དང། སྔོན་ཆོས་རྒྱལ་སྲོང་བཙན་སྒམ་པོའི་དུས་ཀྱི་སྒྲོལ་མའིི་སྐུ་སོགས་གཏེར་ནས་གདན་དྲངས། གླང་ཐང་ཕྱོགས་ཀྱི་རི་ཁྲོད་ཅིག་ཏུ་རྒྱང་ཙམ་བཞུགས་པས་ཀུན་དང་འདུན་གྱི་འུར་ལངས། གླིང་དབོན་རྡོ་རྗེ་མགོན་པོ་སོགས་མི་ཆེན་ཆེ་དགུ་མང་པོས་ཞབས་ནས་བཏེགས། ཁྱད་པར་གླིང་དཔོན་གྱི་རྫ་སྟོད་རི་འགུལ་དགོན་གྱི་ས་རིས་ཐམས་ཅད་ཕུལ་ཞིང་དགོན་པ་ཞིག་འདེབས་པའི་ཞུ་བ་ཕུལ་བས། རེ་ཞིག་ཞེ་ཆེན་རི་ཁྲོད་བཏབ་ནས་བཞུགས། དེ་སྐབས་མཐའ་དམག་གི་བླ་རྡོ་ཕྱག་ཏུ་སོན་པ་ཟླ་བརྒྱུད་དུ་མནན་ཅིང་ལྷ་ཁང་སོགས་བཞེངས་གྲུབ་ན་མདོ་ཁམས་སྦྱི་དང་ཁྱད་པར་གླིང་ཚང་གི་མི་བརྒྱུད་ཆོས་རྒྱུད་གང་ཅིང་ལེགས་ཚོགས་ཆེ་པའི་ལུང་བསྟན་ཡོད་པས། ལུང་བསྟན་དང་མཐུན་པཏར་མཆོད་ཡོན་གཉིས་ཀ་ནས་དགོན་པ་ཞིག་འདེབས་རྩིས་གནང་ཡང་གཞན་ཕྱོགས་གྲུབ་མཐའི་འཐེན་འཁྱེར་གྱིས་མ་གྲུབ་པས་མདོ་སྨད་སྦྱི་དང་ཁྱད་པར་གླིང་ཚང་སོགས་ཀྱི་ཆབ་སྲིད་ལ་ཅུང་ཟད་གཞར། འོན་ཀྱང་གཏེར་ལུང་དུ། ཤར་དུ་བབས་ན་རྟེན་པའི་སྒྲོན་མེ་སྦར། ཞེས་གསུངས་(སྨད་ཆ།༥༤༢)བཞིན་ས་ཆེན་ཆོས་བཞིན་སྐྱོང་བའི་རྒྱལ་པོ་སྡེ་དགེ་ཁྲི་ཆེན་སངས་རྒྱས་བསྟན་པས་ཆེད་དུ་གདན་དྲངས། ཞབས་པད་གཙུག་ཏུ་མཆོད་ནས་བསྙེན་བཀུར་ཕུན་སུམ་ཚོགས་པ་ཕུལ་བས། གཏེར་ལུང་ལས། གངས་ལྗོངས་ས་ཡི་དབང་ཕྱུག་དབུས་དང་ཤར༔ རྟེན་འབྲེལ་གར་བབས་ལེགས་བརྟག་ས་ཕྱོགས་སུ༔ ཕགས་པ་བཞུགས་གསོལ་ཆོས་ཀྱི་གྲ་སྡེ་ཚུགས། མཐོང་ཐོས་འགྲོ་རྣམས་འཕགས་པའི་ཞིང་དུ་གྲོལ༔ ཞེས་གསུངས་པ་ལྟར་གཏེར་ལུང་གི་དོན་བཞིན། དཔལ་གདོང་ཞེས་པ་ཆུ་མོ་བྱ་ལོར་སྟག་མོ་སྒང་བསྐལ་བཟང་ཕུན་ཞོགས་གླིང་གི་ཆོས་སྡེ་བཏབ། ཐོ་བཙུན་སུམ་བརྒྱ་ལྷག་ཙམ་སྐྲ་བཅད་དེ་དགེ་འདུན་འདུ་བའི་སྒོ་གྱ་ནོམ་པར་སྦྱར། ལྷ་ཆེན་ཐུབ་དབང་བདུད་འདུལ་གྱི་སྐུ བཞེངས་པའི་ཞབས་སུ་མཐའ་དམག་གདུག་པ་ཅན་གྱི་བླ་རྡོ་མནན་ཏེ་ནམ་ཡང་མཐའ་དམག་གི་འཚེ་བ་མི་འབྱུང་བའི་བཀའ་དྲིན་མཛད། ཁྱད་པར་དུ་ཐུབ་ཆེན་གྱི་ཐུགས་ཀར་ཇོ་བོ་མི་སྐྱོད་རྡོ་རྗེ་ཞེས་པ་རྒྱ་གར་ཤར་མི་ལས་གྲུབ་པའི་འཕགས་པ་ཀླུ་སྒྲུབ་ཀྱི་ཕྱག་བཟོ་ངོ་མཚར་ཅན་དེ་ཉིད་ཤར་ཕྱོགས་ཀྱི་འགྲོ་བ་རྣམས་ཀྱི་བསོད་ནམས་ཀྱི་ཞིང་དུ་བཞུགས་སུ་གསོལ། འདི་དུས་ངེད་ཀྱི་མེས་པོ་གུ་རུས་ཀྱང་དགོན་འདེབས་པའི་ས་རྒྱ་སོགས་ཕུལ་ནས་ཡོན་བདག་གི་ཐོག་མ་བྱས་པ་ཡིན་འདུག། གཞན་ཡང་ཁྲི་ཆེན་འདིར་གཏེར་རྫས་ཤོག་སེར་དུ་མ་དང་སྐུ་ཚབ་དྲི་མེད་བཤེས་གཉེན། ཕུར་པ་ཧཱུྃ་ཆེན་སྒྲ་སྒྲོགས། ཀླུང་དབང་ཕྱག་བྲིས་སྨན་མདོ་ཨ་རུའི་གླེགས་ཤིང་དང་བཅས་པ། ཁྱད་པར་དུ་འཁོན་ཀླུའི་དབང་པོའི་ཕྱག་སྨྱུག་གཏེར་ནས་བཞེས་པ་ཕྱག་ཏུ་ཕུལ་ནས་མ་འོངས་པ་ན་སྡེ་དགེ་ལྷུན་གྲུབ་སྟེང་འདི་ཆོས་ཐམསས་ཅད་ཀྱི་མཛོད་དང་ཆོས་ཀྱི་འབྱུང་གནས་སུ་གྱུར་བནས་གཞན་ཕན་(སྨད་ཆ།༥༤༣)མཐའ་ཡས་པ་འབྱུང་བའི་རྟེན་འབྲེལ་ཡོད་གསུངས་པ་བཞིན་དེང་སང་ལུང་བསྟན་ཐོག་ཏུ་འཁེལ་བ་འདི་བཞིན་དང། གཞན་ཡང་བསྟན་པ་དང་ཆོས་སྲིད་གོང་འཕེལ་དུ་འབྱུང་བའི་རྟེན་འབྲེལ་ཐམས་ཅད་ལེགས་པར་འགྲིགས་པ་ཡིན་འདུག། ཡང་གཏེར་ལུང་ལས། ཡ་གཅིག་ལུང་གསུམ་འདུས་པའི་འདུས་མདོ་ན༔ ཡུལ་དེར་ནད་མུག་མཚོན་གྱི་བསྐལ་བ་ཞི༔ ཞེས་སོགས་ལུང་བསྟན་གསལ་བ་བཞིན་ཝ་ཤུལ་འབུམ་སྐྱབས་ཡག་ཅེས་པའི་སར་དགོན་འདེབས་པར་གཏེར་ཆེན་གྱི་ཞལ་སློབ་ཨོ་ཀོ་བླ་མ་བསོད་ནམས་བཀྲ་ཤིས་མངགས་ཀྱང་རྟེན་འབྲེལ་གཞན་དབང་དུ་གྱུར་པས་མ་འགྲིགས་པར་སྣང། སྐུ་དེ་ཆོས་སྐུ་མི་སྐྱོད་རྡོ་རྗེ་ཡིན་ཏེ་ད་ལྟ་སྲིང་རྫོང་ན་བཞུགས་སོ། དེ་དུས་ཁང་དམར་རྒོད་ཚད་ཕུག་ཏུ་འདག་སྦྱར་མཛད་ནས་བཅད་རྒྱར་ལོ་གཅིག་བཞུགས་ཤིང། རྟ་མགྲིན་དྲེགས་པ་ཟིལ་གནོན་སོགས་ཆོས་བཀའ་རྗེས་མ་རྣམས་ཤོག་སེར་ལམ་འབེབས་པ་མཛད་ཅིང། འགའ་ཞིག་གནས་དེར་འདབས་གཏེར་དུ་བཞུགས་སུ་གསོལ་བར་ཡང་གྲགས། གནས་དེ་ནས་ཀྱང་གསེར་གླ་བའི་རླིད་བུ་གང་གཏེར་བར་ཡང་གྲགས། གནས་དེ་ནས་ཀྱང་གསེར་གླ་བའི་རླིད་བུ་གང་གཏེར་ནར་བཞེས་ཟེར་ཏེ་རྡོ་ལས་གྲུབ་པའི་གླ་བའི་གཟུགས་ཀྱི་གཏེར་སྒྲོམ་ཆུང་ངུ་ཞིག་ཡོད་པ་ཡིན་འདུག། གང་ལྟར་ཡང་སྟག་མོ་སྒང་དང་ཆགས་རུ་གཉིས་ཆར་གྱི་ལྷ་ཁང་ལ་གསེར་བྱིབས་བྱུགས་མཛད་བཞེད་གནང་བར་ལྷ་བཟོ་རྣམས་ཀྱིས་བཤོལ་ཡང་སྐུ་གསེར་ཕང་མེད་དུ་བྱུགས་རྒྱུ་བྱུང་འདུག། ཡང་སྟག་སྒང་དུ་བཞུགས་སྐབས་ཤིག་སྡེ་དགེའི་མཐའི་ཆ་ལས་འབྲི་རྒྱུད་དཔེ་རང་སི་ཐང་ཟེར་བའི་སར་བུད་མེད་ཅིག་ལོ་ཁ་ཤས་བོར་བ་ཕྱིར་སླེབས་པ་ནས་ལྷ་འདྲེ་མང་པོ་(སྨད་ཆ།༥༤༤)ཁོག་བཞུགས་བྱེད་རྒྱུ་དང་ཁྱད་པར་ནུབ་ཀྱི་རིང་ལ་ཨོ་རྒྱན་རིན་པོ་ཆེ་ཡིན་ཟེར་བ་དང། གླིང་གེ་སར་ཡིན་ཟེར་བ་སོགས་འདྲ་མིན་མང་པོ་མངོན་སུམ་དུ་སྟོན་རྒྱུ་ཡོད་པ་དང་ལེགས་ཉེས་ལུང་བསྟན་པ་དེ་འདྲ་ཞིག་བྱུར་བར་སྐྱེ་བོ་ཀླུང་མེད་རྣམས་ནི་དད་པའི་འུར་ལངས་ཤིང། གཞན་ཤེས་ལྡན་་རློམ་པ་འགའ་ཡང་རོ་བོང་གི་ཆལ་བཞིན་རྒྱུག་པ་ན། སྡེ་དགེ་སངས་རྒྱས་བསྟན་པས་བླ་མའི་རིགས་ཐམས་ཅད་ལ་བཟང་ངན་ཅི་ཡིན་གྱི་བཀའ་འདྲི་གནང་ཡང་ཐུགས་ངེས་འདྲོངས་པ་ཞིག་མ་བྱུང་ནས། གྲུབ་དབང་རིན་པོ་ཆེ་པདྨ་རིག་འཛིན་ལ་ཞུས་པས། གྲུབ་ཐོབ་ཆེན་པོའི་ཞལ་ནས། དེ་འདྲ་དེ་བདུད་འདུལ་རྡོ་རྗེའི་གཏེར་ལུང་དུ་གསལ་བར་ཡོད་དེ། མདོ་སྨད་འབྲི་རྒྱུད་བདུད་མོ་སྟོང་གི་མིང༔ ཁ་ལག་འབྲེལ་ཚད་རྡོ་རྗེ་དམྱལ་བར་འཁྲིད༔ ཅེས་དང། གཏེར་ལུང་གཞན་ཞིག་ལས་ཀྱང། འབྲི་རྒྱུད་ཕྱོགས་ནས་ལྷ་འདྲེས་དངོས་གཟུགས་བསྟན། བུད་མེད་ཟད་ཀྱི་འདབ་ཅན་མཁར་ལ་འཕུར། ཞེས་སོགས་གསལ་བར་ཡོད་དེ། དེ་ཉིད་འདུལ་བའི་གཉེན་པོའང་ཉི་མ་གྲགས་པ་ཉིད་ལགས་པས་དེར་ཞུས་ཤིག་གསུངས་པ་བཞིན། མཐུ་སྟོབས་ཀྱི་དབང་ཕྱུག་གཏེར་སྟོན་རིག་འཛིན་ཆེན་པོ་ཉིད་སྡེ་དགེ་ཁྲི་ཆེན་གྱ་བྱང་མེ་ལིག་དུ་བཞུགས་སྒར་དུ་གདན་དྲངས་ཏེ། འབྱུང་པོ་མིའི་རྒྱུད་དུ་རློམ་པའི་འདྲེ་ངན་གདུག་པ་ཅན་དེ་དག་ཚར་གཅོད་པར་ཞུས་པས། ལྷ་འདྲེས་རློམ་པའི་འདྲེ་ངན་གདུག་པ་ཅན་དེ་དག་འཁོར་གཡོག་སྡེ་དང་བཅས་པ་ཐམས་ཅད་དབང་མེད་དུ་བཟུང་ནས་གཏེར་སྟོན་རིན་འཛིན་ཆེན་པོ་ཉིད་ཀྱི་དམིགས་མེད་ཀྱི་ལྟ་བའི་ངང་ལས་སྟོང་ཉིད་ཀྱི་རང་གདངས་སྙིང་(སྨད་ཆ།༥༤༥)རྗེ་ཆེན་པོའི་རྩལ་སྣང་གཏུམ་དྲག་གར་དགུའི་རོལ་པའི་སྐུར་བཞེངས་ནས་རབ་ཁྲོས་རྡོ་རྗེ་འབར་བའི་ཏིང་ངེ་འཛིན་གྱིས་འདྲེ་ངན་དེ་དག་བསྐྲད་པ་དང་གནས་སྦར་བ་སོགས་ཀྱིས་དམིགས་མེད་དུ་རྒྱས་བཏབ་ནས་འདྲེ་ངན་དེ་དག་ཕྱིན་ཆད་མིང་གི་ལྷག་མ་ཙམ་ཡང་མེད་པར་མཛད་དོ། དེ་སྐབས་སྡེ་དགེ་རྒྱལ་པོའང་ཐུགས་བློ་མ་བདེ་སྟེ་གཏེར་སྟོན་བདུད་འདུལ་རྡོ་རྗེར་དེ་དོན་ཞུ་ཡིག་ཕུལ་ནས་གསུང་བརྟག་ཞུས་པས་དེ་དག་ལྷ་འདྲེས་ཚོ་འཕྲུལ་ཡིན་ཚུལ་གྱི་ལོ་རྒྱུས་སྡེ་དགེར་ཕྱིར་ཕུལ་བའི་ཆབ་ཤོག་དེང་སང་བདུད་འདུལ་བཀའ་འབུལ་དུ་ཡོད་དེ། སྡེ་དགེ་ཆོས་ཀྱི་རྒྱལ་པོའི་བསྟན་སྲིད་ལ་བར་དུ་གཅོད་ཅིང་གླག་ལྷ་མཐོང་བ་ཙམ་བྱེད་པ་ཞིག་ཡིན་གསུངས། དཔེ་ན་གཏེར་ཆེན་འདི་སྡེ་དགེའི་བསྟན་སྲིད་ལ་ལྷག་པར་བཀའ་དྲིན་ཆེ་བར་སྣང་ངོ། གཞན་ཡང་དེ་ཕྱོགས་ཀྱི་འདྲེ་ངན་མང་པོ་དམ་ལ་བཏགས་པ་དང། གཞི་བདག་རག་གི་ཡོན་གྱིས་མཆོད་པ་བཞེས་ནས་གདན་སར་ཐེག། འདི་སྐབས་རྩམ་ན་ཆོས་བདག་ལུང་ཟིན་ལྷ་རི་དཔོན་འབུམ་སྐྱབས་དང་མཆོད་ཡོན་འབྲེལ་ནས་རྟེན་འབྲེལ་ལེགས་ཕྱོགས་སུ་འགྲིགས་པས་དེང་སང་གི་བར་དུ་མཆོད་ཡོན་ཏན་སེལ་མེད་འདི་བཞིན་བྱུང་བ་ཡིན། དེ་ནས་གྲུབ་དབང་པདྨ་རིག་འཛིན་དེ་ཉིད་ཞིང་འདིའི་གདུལ་བྱ་རྫོགས་པར་གཟིགས་ནས་མྱ་གན་ལས་འདའ་བར་བཞེད་པ་གསན་པས་འགྱོགས་པར་ཆིབས་སྐྱོད་གནང་ནས་ཞལ་མཇལ་ཏེ་གསུང་འཕྲོས་ཞིབ་པར་བྱུང་སྟེ་བྱང་ཆུབ་བར་དུ་འབྲལ་མེད་རྗེས་འཛིན་སོགས་ཀྱི་གསུང་གླེང་ཐུགས་ཡི་གཅིག་འདྲེས་མཛད། མི་རིང་བར་གྲུབ་དབང་རིན་པོ་ཆེ་རྫོགས་ཆེན་ཆོས་བཟང་བློ་འདས་ཆེན་པོའི་གྲུབ་(སྨད་ཆ།༥༤༦)མཐའ་སྙེགས་ཏེ་གཟུགས་སྐུའི་བཀོད་པ་གཞོན་དུ་བུམ་སྐུའི་དབྱིངས་སུ་བརྡུ་བར་མཛད་པའི་ཚེ་སྐུ་གདུང་རིན་པོ་ཆེར་མཆོད་པའི་བྱེ་བྲག་བསམ་གྱིས་མི་ཁྱབ་པ་དང། ཉིན་རེ་བཞིན་ཡང་དབུ་དཔྲལ་ནས་སྐུ་མཚལ་འབྱུང་འབྱུང་གིས་ཕྱག་བརྒྱ་ཕྲག་མང་པོ་ཕུལ་བ་སོགས་བློས་མི་དཔོག་པར་མཛད། དེ་སྐབས་ཐུགས་སྲས་རབ་འབྱམས་པ་མཁར་མདོ་ལྷོ་ཁོག་རྣམས་སུ་ཕེབས་ནས་མི་བཞུགས་པས་དཔོན་སློབ་རིན་པོ་ཆེར་གང་ཅིའི་ཕན་འགྱུར་རོག་ལྡན་དང་ཕྱག་རྫས་ཅི་ཡོད་ཀྱང་རྩལ་སྦུགས་སུ་དགོངས་རྫོགས་ཐེབས་སུ་ཕུལ། དཔོན་སློབ་རིན་པོ་ཆེའི་གདན་སའི་ཁུར་བཞེས་གནང་དགོས་ཚུལ་ནན་གྱིས་གསོལ་ཡང་གྲུབ་དབང་རིན་པོ་ཆེར་བསེད་ཁྲོལ་ཞུས་པ་བཞིན་འདི་དུས་ཀྱང་ཞལ་བཞེས་མ་མཛད་དེ་སླར་སྟག་སྒང་དུ་ཕེབས། གྲུབ་དབང་རིན་པོ་ཆེའི་སྐུ་གདུང་མཆོད་རྟེན་ཐོག་སོ་གསུམ་དུ་སླེབས་པ་ཞིག་བཞེངས་ནས་རབ་ཏུ་གསན་པའང་རྒྱས་པར་མཛད། གྲུབ་དབང་རིན་པོ་ཆེ་འདི་མྱ་ངན་ལས་འདས་རྗེས་ཀྱང་ཡེ་ཤེས་ཀྱི་སྐུ་ལན་དུ་མ་མཇལ་ཚུལ་གསུངས་ཤིང་རྩིའི་ལུ་གུ་རབ་ཏུ། དེ་ནས་མི་རིང་བར་རྒྱ་ནག་གླང་ཆེན་དུ་ཕེབས་བཞེད་ཀྱིས་རིམ་པས་དར་རྩེ་མདོར་ཞབས་པད་བསྐྱོད་པས་སའི་ཚངས་པ་རྒྱ་ལྕགས་རྒྱལ་པོས་སྦུབ་ཚོལ་ཁམས་གསུམ་ཟིལ་གནོན་སོགས་དངོས་རྫས་བརྒྱ་ཕྲག་གི་འབུལ་ཆེན་བཏེགས། གཞན་ཡང་མི་ཆེན་ཨ་རྒྱ་སོ་སོ་ནས་ཟང་ཟིང་གི་འབྱོར་བ་དབྱར་མཚོ་ལྟར་བསམ་གྱིས་མི་ཁྱབ་པ་(སྨད་ཆ།༥༤༧)འབུལ་བར་བྱུང་ཡང། རྒྱ་ནག་གླ་ཆེན་དུ་ཕེབས་ལས་དུས་ཟིང་གིས་བཀག་ནས་ཕེབས་པར་མ་གྲུབ། དགུན་དེར་མི་ཉག་རི་ཁུག་དགོན་དུ་བཞུགས་འཚེར་གནང། རི་ཁུག་ཆོས་རྗེ་རིན་པོ་ཆེ་སོགས་འདུས་པ་བདུན་བརྒྱ་ཙམ་ལ་གཏེར་གསར་གཙོ་བོར་གྱུར་པའི་དབང་ལུང་ཁྲིད་སོགས་ཟབ་གསང་ཆོས་ཀྱི་བདུད་རྩི་ཅི་ཡང་སྩལ་བ་མཛད། རི་ཁུག་དགོན་དུ་ཐུགས་རྗེ་ཆེན་པོ་མ་རིག་མུན་སེལ་འཛུགས་རྒྱུའི་གར་འཆམ་དབྱངས་རོལ་སོགས་ཕྱག་ལེན་ཕྲ་རགས་རྣམས་ཀྱང་བསླབས། འདི་དུས་སྔ་ཕྱིར་ཚངས་པ་དང་རྒྱལ་ཆེན་བཞི་སོགས་གཙང་རིས་ཀྱི་མགོན་པོ་རྣམས་སོགས་དཀར་ཕྱོགས་སྐྱོང་བ་རྣམས་ལ་ཐ་ཚིག་བསྒྲགས་ཤིང་བསྟན་པ་སྲུང་བའི་གཉེར་གཏད་པས་ཀུན་གྱི་ཁས་བླངས་ཤིང། རྒྱལ་པོ་ཡུལ་འཁོར་སྲུང་གིས་ངེད་ཕྱི་རྒྱུད་སྐྱོང་བ་རྣམས་གཙང་གཏོར་ལ་དགྱེས་པས་གཏོར་མ་བཟང་དགོས་ཟེར་བ་བྱུང་གསུངས། གཞན་ཡང་རྒྱ་ཕག་བླ་མ་ཨོ་རྒྱན་ལྷུན་གྲུབ་སོགས་རྟ་འུ་མི་ཉག་རྣམས་སུ་སློབ་མ་མང་དུ་འདུས་ཤིང་བཀའ་ཆོས་འཆད་སྦེལ་དང་འགྲོ་ཕན་གྱི་ཕྲིན་ལས་རྒྱ་ཆེར་བསྐྱངས། དེ་ནས་ལི་ཐང་དུ་ཕེབས་སྐྱོད་གནང་ཞིང། འདི་དུས་གཤིན་རྗེ་མེ་རུ་རྩེ་སོགས་གཏེར་ཕྲན་འགའ་ཞིག་གཏེར་ནས་བཏོན་ཟེར་མའང་སྣང། ལི་ཐང་ཆོས་སྡེར་ཡམས་ཤིག་བྱུང་བར་ནད་ཀྱི་བདག་པོའང་བསྒྲལ་མ་ཞལ་གཟིགས་ཤིང་ལུང་བསྟན་ཀྱང་སྩལ་བ་བྱུང། དེ་ན་རྒྱལ་པོའི་གསུང་རབ་རིན་པོ་ཆེ་བཀའ་འགྱུར་རོ་ཅོག་གི་པར་བཞུགས་པས་ཚར་གསུམ་གྱི་བླུ་ཡོན་དངོས་རྫས་ཕྱག་ཏུ་གང་ཡོད་ཙལ་(སྨད་ཆ།༥༤༨)སྦྲུག་ཏུ་ཕུལ་ནས་གདན་དྲངས་ཏེ་གསུམ་ཆར་སྟག་མོ་སྒང་གི་གཙུག་ལག་ཁང་དུ་ཕྱོགས་འདིའི་སྐྱེ་འགྲོ་མཐོ་དམན་ཐམས་ཅད་ཀྱི་བསོད་ནམས་བསགས་པའི་ཞིང་ས་མཆོག་ཏུ་བཞུགས་སུ་གསོལ། དེ་ནས་རིམ་པས་སྟོད་ཕྱོགས་སུ་ཞབས་པད་བསྐྱོད་པའི་དགོངས་གཏད་གནང་བ་ན། ཐུགས་རྗེ་དང་ཕྲིན་ལས་ལ་ཐུགས་ཆེས་ནས་སྡེ་དགེ་ཁྲི་ཆེན་གྱིས་དབུའི་མཆོད་གནས་སུ་གཏན་དུ་བཞུགས་དགོས་ཚུལ་གསོལ་བ་བཏབ་ཀྱང། གསང་ལུང་གི་སྟབས་ཀྱིས་ཞལ་བཞེས་མ་མཛད། སྟག་སྒང་གདན་སར་བླ་མ་བློ་གྲོས་རྒྱ་སྟབས་ཀྱིས་ཞོ་བཞེས་མ་མཛད། སྟག་སྔ་གདན་སར་བླ་མ་བློ་གྲོས་རྒྱ་མཚོ་བསྐོ་བཞག་གནང་ཞིང། དཔོན་པོ་གཞོན་ནུ་སེང་གེ་བཏེགས་ནས་སོགས་ཟབ་ཁར་ཕེབས་སྐབས་གཞུང་ས་ཆེན་མོའི་སྐུ་ཚབ་བཀའ་བཅུ་ངག་དབང་དཔལ་མགོན་དང་གཞོན་བུ་བློ་གྲོས་གཉིས་དང་མཇལ། འདི་ཉིད་ཆོས་བདག་ལུང་ཟིན་ཡིན་པ་དང་བཅས་གཏེར་སྟོན་རིན་པོ་ཆེའི་ཞབས་ལ་བཏུད་པར་བྱུང་བས་གསུང་གླེང་མཛད་ཅིང། ཁྱད་པར་གཞུང་ས་མཆོད་ཡོན་སོགས་དང་རྟེན་འབྲེལ་བསྒྲིགས་དགོས་དེ་ལྟར་ཡིན་ཀྱང་དབྱིངས་ས་ཆེན་མོ་ཡུལ་གཉེན་པའི་སྟབས་ཀྱིས་ཞུ་མ་ནུས་ཚུལ་སོགས་གསུངས་པས། དེ་ལྟ་ན་ཁོ་བོས་དེ་གའི་ལོ་རྒྱུས་ཞུ་ཆོག་གསུངས་ནས་དབྱིངས་སར་སྙན་འབུལ་ཞུས་དོན་བཞིན་སྡེ་སྲིད་ཆེན་མོ་ནས་ལྷ་ལྡན་ཕྱོགས་སུ་གྱུར་དུ་ཆིབས་སྐྱོད་གནང་དགོས་ཚུལ་བཀའ་ཐལ་ཕེབས་དོན་ལྟར་ལྷ་སར་ཕེབས་སྐྱོད་མཛད། སའི་ཚངས་པ་སྡེ་སྲིད་སངས་རྒྱས་རྒྱ་མཚོའི་དབུའི་མཆོད་གནས་སུ་བཞེས་པའི་བཀའ་དྲིན་(སྨད་ཆ།༥༤༩)བསྐྱངས། རྟེན་འབྲེལ་དུས་ལས་ཡོལ་དུ་ཟིན་ཀྱང་ཐུགས་བཞེད་བཞིན་རྟ་མགྲིན་དྲེགས་པ་གཟིལ་གནོན་དང་ལྷ་ཆེན་སོགས་ཀྱི་དབང་ལུང་ཕུལ། འདི་དུས་ནས་རྒྱལ་པོ་མཆོད་ཡིན་ཐུགས་ནང་མ་བདེ་ཙམ་ཡོད་པ་འདྲ་གསུངས། སྡེ་སྲིད་ནས་ས་གནད་གསོ་དགོས་ཚུལ་དང་ཁྱེད་ཀྱིས་འདིར་བཏུང་ཀྱི་སོང་ལན་ཁ་ཡར་གསུངས། ཕྱིར་ཕེབས་ནས་སྲིང་རྫོང་དུ་ཞབས་པད་བཀོད་གྲུབ་མ་ཐག་གཏེར་ལུང་བཞིན་རི་བོ་ཁྱུང་ཆེན་ལྡིང་འདྲའི་ཞོལ་དུ་ཆོས་སྡེ་ཞིག་འདེབས་བཞེད་གནང་ཡང་བར་ཆད་ཀྱིས་ཐོག་ཏུ་མ་ཁེལ། དེ་ནས་ས་གནད་རྣམས་གསོ་ཐུབ་ནས་མདོ་སྨད་ཕྱོགས་ལ་ཕན་པའི་ལུང་བསྟན་ཡོད་པ་ལྟར་སྦོ་བོ་ཚུན་དང་མདོ་སྨད་ཡན་ཆད་ཀྱི་ས་གནད་གསོ་བའི་ཕྱིར་མཆོད་རྟེན་ལྔ་བཅུ་རྩ་གྲངས་ཙམ་བཞེངས་པ་དང་རྙིང་པ་རྣམས་གསོ་བར་མཛད། ཁྱད་པར་དུ་མདོ་ཁམས་མཆོད་རྟེན་དཀར་པོ་ཞིག་གསོ་གནང་སྐབས་བདུད་རིགས་རྣམས་ཀྱི་གཤེ་སྐུར་སྣ་ཚོགས་སྒྲོགས་པ་བྱུང་ཀྱང་བར་ཆད་ཀྱི་དབང་དུ་མ་སོང་བར་གངས་ལྗོངས་སྦྱི་དང་མདོ་ཁམས་ཕྱོགས་ཀྱི་བདེ་ཐབས་རྣམས་གུ་རུའི་ལུང་བཞིན་འགྲུབ། སྦྱིར་ཡང་གཏེར་ཆེན་ཆོས་ཀྱི་རྒྱལ་པ་འདི་ཉིད་ཕྱོགས་གང་དུ་ཞབས་པད་བསྐྱོད་ཀྱང་ཟས་ནོར་གྱི་འདུ་བ་རྒྱ་མཚོ་ཁ་ལུད་པ་ལྟ་བུ་ལས་མ་འདས་ཤིང། དེ་དག་ཀྱང་དེ་མ་ཐག་ནས་ཡར་མཆོད་མར་སྦྱིན་སོགས་འཕྲལ་བྱུང་འཕྲལ་དག་མཛད་པ་ལས་ཕུགས་ཀྱི་སྲི་ཆགས་སོགས་ཡེ་མི་མཛད་པའི་སྟབས་ཀྱིས་གདུལ་བྱ་དང་སྙན་གྲགས་འུར་ལངས་པས། རང་རེ་རྙིང་མ་བར་གཏོགས་པ་འགའ་ཞིག་གི་ཐུགས་ལ་ཕྲག་དོག་གི་ཟུག་ངུ་མ་བཟོད་པའི་ཝ་སྐད་ཤོར་ནས་ཡིག་འབུལ་བའང་འགའ་ཞིག་བྱུང་ལ། ཡང་ལྔ་མོ་ཞིག་གཏེར་ཆེན་འདི་ཉིད་ཀྱི་གྲ་བ་འགའ་ཞིག་(སྨད་ཆ།༥༥༠)ཚོང་སོགས་དོན་གཉེར་ལ་ལྗོངས་རྒྱུར་ཕྱིན་པ་དང། གཏེར་སྟོན་སྟག་ཤམས་པ་དཔོན་གཡོག་རྣམས་དང་ས་འཕྲང་དོག་པོ་ཞིག་ཏུ་འཕྲད་ནས་འཐབ་འཛིངས་བྱུང་བ་ལ་བརྟེན་སྟག་ཤམས་པ་ཐུགས་འཁྲུག་པས་གཏེར་ཆེན་འདིར་ཡང་ཐུགས་མི་དགྱེས་པའི་གསུང་སྒྲོས་ཡོད་པར་གྲགས་ཤིང། ཁྱད་པར་མདོ་ཁམས་མཆོད་རྟེན་དཀར་པོ་ཞིག་གསོ་ལ་ཕེབས་སྐབས། གཏེར་སྟོན་མི་འགྱུར་རྡོ་རྗེ་གཏེར་ཆེན་འདི་མཇལ་བར་བྱོན་པས། བར་ཆད་ཀྱི་དབང་གིས་གཞུང་གི་སྣེ་ཤན་རྣམས་དང་ཐུགས་ནས་སྐྱེ་བོ་མི་བསྲུན་པ་དེ་དག་གིས་རྡུང་རྡེག་སོགས་འོ་བརྒྱལ་མི་འཚམས་པ་ཞུས་པས་གཏེར་སྟོན་ཐུགས་ཁྲོས་ནས་ཉི་མ་གྲགས་པ་ཟེར་བ་དེ་བདུད་ཡིན་ཅེས་ངན་སྨྲས་བགྱིས་པའི་ལད་མོ། ཕྱོགས་ལྟུང་གི་གདོན་སྙིུང་ལ་ཞུགས་པའི་དམ་སྲིའི་རིགས་ཅན་འགའ་ཞིག་གིས་ནན་གྱིས་བསྒྲགས་ཤིང། སྒྲོ་འདོགས་པ་དང་སྐུར་པ་འདེབས་པ་སོགས་བྱས་པས་ཡུལ་མི་ཕལ་བ་རྣམས་ཀྱིས་ཀྱང་རི་བོང་གི་འཆལ་བཞིན་གླེང་བ་བྱུང་མོད། དེ་དག་རྣམས་ལ་ཀྱིས་ཀྱང་རི་བོང་གི་འཆལ་བཞིན་གླེང་བ་བྱུང་མོད། དེ་དག་རྣམས་ལ་ལེགས་པར་བརྟག་ཅིང་འཆལ་བཞིན་གླེང་བ་བྱུང་མོད། དེ་དག་རྣམས་ལ་ལེགས་པར་བརྟག་ཅིང་དཔྱད་ན་རྒྱུ་མཚན་ཅི་ཡང་མ་མཐོང་ཞིང། ཇི་སྐད་དུ། མཁས་པ་རང་གིས་སྦྱོད་ཤེས་ཅི། བླུན་པོ་གྲགས་པའི་རྗེས་སུ་ཀུན་རྒྱུག་ཉིད། ཟེར་བའི་དཔེ་ལྟར་གྱུར་མོད། འོན་ཀྱང་གཏེར་སྟོན་མི་འགྱུར་རྡོ་རྗེ་དང། གཏེར་ཆེན་འདི་གཉིས་མཇལ་འཛོམས་ལེགས་པར་བྱུང་ན་རྟེན་འབྲེལ་ཆེན་པོ་ཡད་རྒྱུ་འདུག་ཀྱང་བར་ཆད་ཀྱི་དབང་དུ་སོང་བ་ཡིན་ཞེས། སྟག་བླ་རིག་འཛིན་ཀུན་བཟང་རྣམ་རྒྱལ་སོགས་ཐུགས་ཕྱོགས་འཛིན་གྱིས་བསླད་པའི་ཐུགས་གཟུ་བོར་གནས་པ་དག་གིས་གསུངས་ཞེས་ཐོས་མོད། གཞན་(སྨད་ཆ།༥༥༡)དུ་བ་གཏེར་སྟོན་རིག་འཛིན་ཆེན་པོ་འདི་ཉིད་ནི་གཏེར་ཆོས་ཚད་ལྡན་མང་པོའི་གཏེར་ལུང་ནས་བསྟན་གསལ་བ་དང། སྦྲུལ་པའི་གཏེར་སྟོན་རིག་འཛིན་བདུད་འདུལ་རྡོ་རྗེ་དང། སྦྲུལ་སྐུ་གཏེར་བདག་གླིང་པ་མངའ་རིས་གཏེར་སྟོན་ཟླ་བ་རྒྱལ་མཚན་སོགས་གཏེར་སྟོན་ཚད་ལྡན་དུ་བཞེད་ཅིང། ཧ་ཅང་བདུད་དུ་ནན་གྱིས་བསྒྲུབ་ན་བསྒྲུབ་བྱ་སྒྲུབ་བྱེད་གོ་ལོག་པའི་སྐྱོན་འབྱུང་བའང་སྲིད་དེ། ཐང་ཡིག་ཆེན་པོ་སོགས་གཏེར་ཆོས་ཚད་ལྡན་མང་པོ་ནས་གཏེར་སོན་ཚད་ལྡན་རྣམས་ལ་ཕྲིན་ལས་ཀྱི་སྒོ་བགེགས་པ་དང། གཏེར་ཆོས་ཀྱི་སེལ་བྱེད་པ་རེ་འབྱུང་ཚུལ་གསུངས་པའང་ཡོད་དེ། ལུང་གིས་སྒྲུབ་བྱེད་མང་ཞིང་སངས་རྒྱས་གླིང་པའི་གཏེར་ལུང་སོགས་ལས་དམིགས་ཀྱིས་གསལ་ཡང་འདིར་དོ་གལ་མ་བྱས་མོད། དེས་ན་མེ་ཕར་བུས་པས་ཨ་ར་ཚུར་འཚིག་འི་དཔེར་དོ་གལ་མ་བྱས་མོད། དེས་ན་མེ་ཕར་བུས་པས་ཨ་ར་ཚུར་འཚིག་འི་དཔེར་བྱུང་ན་མི་ལེགས་པར་ཅུང་ཟད་སྨྲ་བ་སྐྱུང་ནས་བག་ཡོད་པ་མཛད་ནས་མཛངས་པར་སྣང་ངོ། སྦྱིར་ཡང་གཏེར་ཆེན་འདིའ་ཕྲིན་ལས་དུས་སུ་བབས་པ་ལ་ཉི་ཤར་དབྱུག་པས་འགོག་པ་མི་ནུས་པས་ཕྱོགས་གཏམ་སྨྲ་བ་དག་རང་ཉིད་གལ་བའི་རྒྱུ་ཙམ་དུ་ཟད་དེ། ཇི་སྐད་དུ། ཕུག་རོན་རིན་ཆེན་བརྐོ་འདོད་པ། མཆུ་ཏོག་གོག་ནས་ཤི་ཞེས་ཐོས། ཞེས་པ་ལྟར་རོ། གཞན་ཡང་གཏེར་ལུང་ལས། སྐལ་ལྡན་མཚོ་ལ་ངང་འདྲ་འདྲ༔ སྐལ་མེད་དགོད་ཁའི་གྲིབ་སོ་འདྲ༔ ཞེས་གསུངས་པས་སྔོན་གྱིས་སྨོན་འབྲེལ་དང་ད་ལྟའི་རྟེན་འབྱུང་གི་མཚམས་སྦྱོར་ཅི་རིགས་ཀྱང་ཡོད་པར་སྣང་བས་མཐའ་གཅིག་ཁོ་ན་ཡང་མི་འཛིན་ནོ།(སྨད་ཆ།༥༥༢)འདི་སྐབས་སུ་ལྷ་འདྲེ་རྣམས་ཀྱི་ཁེང་ལོག་ཡོད་ཚུལ་དང། སྦོ་བོར་བཞུགས་སྐབས་མཐའ་དམག་ལན་གཅིག་ཟློག་པར་གྱུར་ཀྱང། ཕྱི་ནས་འབྱུང་འགྱུར་གྱི་ལུང་བསྟན་ཀྱང་གསལ་བར་བྱུང་འདུག། དེ་ནས་གཞུང་སར་ས་གནད་མཆོད་རྟེན་སོགས་ལེགས་པར་མཛད་གྲུབ་པའི་སྙན་འབུལ་ཞུ་འཆིང་ཕུལ་བས་དགྱེས་པའི་བསླབ་སྟོན་དང་ལེགས་སྐྱེས་ཀྱང་སྩལ། གཞན་ཡང་གཏེར་ཆེན་ཉིད་ཀྱི་ཐུགས་བཞེད་བཞིན། ནང་ཆེན་ཕྱོགས་ནས་སྦང་ལྕིབ་དགོན་དང་བ་དན་དགོན་སོགས་ཙམ་ལས་གཞན་རྣམས་བདག་གིར་མཛད་པ་མ་བྱུང་འདུག་ཅིང། ཆུ་མོ་ལུག་ལོར་གཏེར་ལུང་ལས། གནམ་ས་ཟླ་ཕྱེད་འདྲ་བའི་ལུང༔ རི་བོ་རྒྱལ་བློན་ཚོགས་འདྲའི་མདུན༔ སྐུ་གསུང་ཐུགས་ཀྱི་ལྷ་ཁང་དང། སྒྲུབ་པའི་གང་ཟག་བདུན་སྡེ་ཚུགས༔ ཞེས་གསུངས་པ་ལྟར། ཆགས་རུ་འོད་གསལ་སྒྲུབ་སྡེ་བཏབ། གཙུག་ལག་ཁང་རྟེན་བརྟེན་པ་དང་བཅས་པ་ལེགས་པར་བཞེངས། སླར་ཡང་རྒྱ་སྟོན་བློ་བཟང་ལེགས་པའི་བཀས་བསྐུལ་ནས་དེ་དུས་སུ་གཏོར་རྒྱན་ལས་གུརུ་ཉི་མ་འཇིགས་མེད་རང་བྱོན་བྱུང། ཤིང་ཕོ་སྦྲེལ་ལོར་ཙ་རིའི་རོང་སྐོར་དང་ཕན་ཡོན་མཉམ་པའི་སྲིང་རྫོང་གནས་ཀྱི་སྐོར་ལམ་གཏེར་ལུང་བཞིན་རོང་སྐོར་ཆེན་མོ་ལྟར་གཤིན་པས་དུས་ཀྱི་འགྱུར་བ་སྣ་ཚོགས་དང། ཁྱད་པར་སྡེ་སྲིད་ཆེན་མ་གནམ་དུ་གཤེགས་པས་(སྨད་ཆ།༥༥༣)རྒྱལ་ཁྲིམས་སྔོན་མའི་ལུང་བག་ལ་ཞ་ཞིང་ཕྱི་མའི་ཁྲིམས་ཀྱང་མཁོས་སུ་མ་ཕབ་པས། སོག་པོས་རྒྱུ་འགྲུལ་མང་པོ་དང། བོད་མིས་སློང་མོར་བཏགས་པའི་བསྙིང་བཙེར་གྱིས་ཡུལ་ཁམས་ཐམས་ཅད་མི་བདེ་ཞིང་རྣལ་དུ་མི་ཕེབས་པ་དང། སྡེ་སྲིད་ཆེན་མོར་ཐུགས་འབྲེལ་ཡོད་རིགས་དང་གྲ་རྡོར་གཉིས་ལང་ནན་ཏུར་ཆེན་པོ་བྱུང་འདུག་པ་དང། གཏེར་ཆེན་འདི་ཞབས་སུ་ཡང། ས་གནད་གསོ་བ་མ་མཐུ་གཏད་ཀྱི་དོགས་གཞི་སོགས་ཀྱིས་ཕུགས་སུ་ཐུགས་ལ་གནང་བག་མེད་ནའང་འཕྲལ་དུ་ཟོས་མི་བདེ་བར་གྱུར་པས། ལྷོ་བརྒྱུད་གུ་རུ་རྡོ་རྗེ་རྒྱལ་པོའི་སར་སྐོར་ཙམ་ཕེབས་བཞེད་གནང་ཡུང། གསང་ལུང་རྩུབ་ཅིང་བརྟག་སོགས་ལེགས་ངོ་མ་ཤར་བས། ངོར་ཚང་ཕྲིན་ལས་རྡོ་རྗེ་བརྟག་བབ་ལེགས་པ་དང་བཅས་རྒྱལ་པོ་མཇལ་བར་མངགས་པས་རྒྱལ་ཞབས་ནས་ཀྱང་གཟིགས་ཕྱོགས་ལེགས་པའི་ཕེབས་སྒོ་དང། ཕྱོགས་བྲལ་གྱི་ཕྲིན་ལས་སྔར་རྒྱུན་ལྟར་གནང་ཆོག་པའི་བཀའ་ལུང་བཟང་པོ་དང་འཕྲལ་ཕུགས་ཟོས་བདེའི་བཀའ་ཐམ་ཀྱང་སྩལ། འདི་སྐབས་ལྷོ་རྟ་མངའི་ཡུལ་མི་རྣམས་ཀྱིས་ས་གནད་གསོ་བྱེད་མཆོད་རྟེན་བཤིགས་ནས་ལིང་ག་སྦྱན་འབེབས་ཞུས་པའང་འདི་བསྟན་པ་སྦྱི་རིམ་པར་འདུག་པས་མཆོད་རེན་བཤིགས་མི་རྣམས་ལ་ཉེས་ཆད་འབེབས་དགོས་པའི་བཀའ་ལུང་གནང། རྒྱལ་པོའང་ཐུགས་རྦད་སངས་པའི་ལེགས་ཚོགས་སུ་གྱུར། དེ་སྐབས་བར་ཁམས་དང་མདོ་སྨད་ཕྱོགས་ནས། རྟ་རྣ་པ་དང། བླ་རུ་བླ་མ། སྦམ་སྣེ་བྲག་དཀར་བ་སོགས་དང། རུ་དམ་ནས་དཔོན་སློབ་ནམ་མཁའ་འོད་གསལ་དང། སྡེ་དགེ་ཆོས་ཀྱི་རྒྱལ་(སྨད་ཆ།༥༥༤)པོ་སོགས་ཀྱིས་གདན་ཞུས་བས་མི་རིམ་པར་བྱུང་ཀྱང། སྐུ་ན་སྨིན་པ་དང་བསྙེལ་གཞི་ཡང་ཅུང་ཟད་ཡོད་པ་དང་བཅས་ཕེབས་པར་མ་གནང་ཡང། སྡེ་དགེ་ཁྲི་ཆེན་བསྟན་པ་ཚེ་རིང་གིས་ཡང་བསྐྱར་སྐུ་ཚབ་ཧོར་འདྲ་ཆིབས་དྲེལ་དང་བཅས་གདན་ཞུས་ནན་ཆེན་བྱུང་བས་མོད་སྨད་དུ་ཁྱུག་ཙམ་ཞིག་ཆིབས་ཁ་བསྐྱོད་པར་གནང་སྟེ། རིམ་གྱིས་དངུལ་མདའ་ལྷུན་གྲུབ་སྟེང་གི་རྒྱལ་ཁབ་ཆེན་པོར་ཞབས་པད་བཀོད། སྡེ་དགེ་ཁྲི་ཆེན་བསྟན་པ་ཚེ་རིང་གིས་བསྙེན་བཀུར་ཕུན་སུམ་ཚོགས་པའི་སྲི་ཞུས་མཆོད། དེ་ནས་ཐུགས་བཞེད་བཞིབ་རྗེ་ཉིད་ཀྱིས་བུ་ཆེན་པོའི་རྟེན་འཛུགས་ཀྱང་མཛད། འདི་དུས་སྡེ་དགེས་ལི་ཐང་དུ་སོག་པོ་སྒོ་མང་ཆོས་རྗེ་དཔུང་འཇུག་སྐབས་ཡིན་པས། གཏེར་ཆེན་གྱི་སྐྱེས་བུ་ཆེན་པོ་རྦད་བསྐུལ་གནང་བས་ཀུན་གྱིས་མཐོང་བར་མེ་རླུང་དྲག་པོ་དང་བཅས་སྐྱེས་བུ་ཆེན་པོ་བཙམ་འཁོར་མང་པོ་འཇིགས་རྡམ་དང་བཅས་དགྲ་ཕྱོགས་སུ་འགྲོ་བ་མཐོང་བ་བྱུང་སྟེ། མི་རིང་བར་དཔུང་ཚོགས་གཡུལ་ལས་རྒྱལ་ནས་དཔའ་རྟགས་ཀྱི་རུ་མཚོན་སྲིད་རྩེར་སྒྲེང་བ་དཔུང་ཚོགས་གཡུལ་ལས་རྒྱལ་ནས་དཔའ་རྟས་ཀྱི་རུ་མཚོན་སྲིད་རྩེར་སྒྲང་བ་བྱུང་བའང་བླ་མ་དང་ལྷ་སྲུང་གཉེན་པོས་ནུས་མཐུར་ཀུན་གྱི་ཡིད་ཆེས་པ་བྱུང། སྦྱིར་ཡང་བཙན་ཁང་འདིར་དམ་ཅན་ཆེན་པོ་འཁོར་ཉམས་ཆེ་ཞིང་མགོན་བླ་བྱེད་པ་རྣམས་ཀྱིས་མངོན་སུམ་དུ་མཇལ་བའང་བྷུང་སྣང། དེ་སྐབས་སྡེ་དགེ་བསྟན་པ་ཚེ་རིང་གིས་སྡེ་དགེའི་མངའ་ཞབས་ཀྱི་ས་ཆར་གཏོགས་པ་རྣམས་སུ་གཏེར་ཆེན་ཉིད་ཀྱིས་གྲུབ་པའི་རྟགས་ཡ་མཚན་ཅན་ཅི་འདྲ་བསྟན་དང་ཕྱག་ཞབས་ཀྱི་རྗེས་སོགས་ཅི་འདྲ་ཡོད་སོགས་ཞུས་པས། སྦྱིར་དབུས་གཙང་མངའ་རིས་མདོ་སྟོད་སྨད་རྣམས་(སྨད་ཆ།༥༥༥)སུ་གྲུབ་པའི་སྦྱོད་པ་རྨད་དུ་བྱུང་བ་དུ་མ་མཛད་ཚུལ་དང་ཕྱག་ཞབས་ཀྱི་རྗེས་སོགས་མང་དུ་ཡོད་གསུངས། ཁྱད་པར་སྡེ་དགེ་རང་རི་མངའ་ཞབས་སུའང། འབྲི་ཆུ་རྒྱུད་ཀྱི་རབ་བརྟན་གྲུ་ཁར་འདྲེ་ངན་ཞིག་གི་བར་ཆད་བརྩམས་པར་ཐུགས་འུར་ནས་དྲག་པོའི་སྟབས་ཀྱིས་ཞབས་འོག་ཏུ་མནན་པས་ཞབས་རྗེས་ཤིག་བྱུང་ཞིང། དེར་མཚུངས་སྐྱེས་པ་ལར་དེང་ཡང་གྲགས་ཆེ་བའི་ལྷ་འདྲེ་ཟླ་བའི་མིང་ཅན་དེས་ཐོ་བརྩམས་པར་བྱུང་བས་དབང་དྲག་འབར་པའི་ཏིང་ངེ་འཛིན་གྱིས་གཟིར་ཞིང། དེ་དུས་ཕྱག་ཞབས་རྗེས་འགའ་ཞིག་ཀྱང་ཡོད་ཚུལ་དང། འདྲེ་ངན་ཞིག་གི་རྒྱུན་ལམ་གཅོད་ཕྱིར་ཏུ་དམ་མངའ་དང། སྟག་མཛེས་མཚོ་བདག་ཀླུ་དེས་རུ་དམ་དགོན་པར་གནོད་པར་གཟིགས་ནས། སྟག་མཛེས་མཚོ་ཁར་ཡང་ཞབས་རྗེས་ཡོད་ཚུལ་དང། ཁང་དམར་མདོར་ཕྱག་ཞབས་ཀྱི་རྗེས་མང་པོ་དང་རུ་ཏྲ་བསྒྲལ་བའི་ཚུལ་དང། གླིང་རྡོ་རྗེ་ལར་མཆོད་རྟེན་བཞེངས་དུས་ཞབས་རྗེས་དང། ལྡན་གླང་ཐང་དུ་སྒྲོལ་མ་རང་བྱོན་གསལ་སྟོན་དང། གཏེར་ཆེན་ཉིད་ཀྱི་ཆིབས་པས་བཏོན་པའི་ཚེ་ཆུང་སོགས་ཡོད་ཚུལ་དང། འཛིང་ཡུལ་ནོབ་ཅེས་པའི་གྲོང་ཡུལ་ཞིག་ཏུ་ཕེབས་དུས་ཤིག་འཛིང་ཡུལ་གྱི་གཞི་བདག་མོ་ཤིན་ཏུ་མི་བསྲུན་པའི་གདུག་ཅན་སྲིང་རྫོང་རྒྱལ་མོ་ཞེས་པ་དེས་གཞན་ཕྱོགས་ཀྱི་བླ་མ་ཞིག་གི་མགི་དང་གློ་སྙིང་ཁྱེར་བྱུང་བར་གཟིགས་པར་དེ་མ་ཐག་བརྟུལ་ཞུགས་དྲག་པོས་ཐུགས་(སྨད་ཆ།༥༥༦)རིག་གི་རྩལ་མི་ནོན་པ་ལྟ་བུས་རྔམ་སྟབས་དང་བཅས་བྲག་འཕྲང་སོགས་ལ་ཐོགས་མེད་དུ་ཆིབས་རྒྱུག་གནང་ནས་བལྟས་པས་ཕ་ཝ་ཞིག་ལ་ཐིམ་སོང་བར་ཞབས་ཀྱིས་བརྗིས་ཤིང་བསྡིགས་པས་མོས་མ་བཟོད་ནས་དངོས་གཟུགས་བསྟན་ཏེ་སྐྱབས་གསོལ་བ་ན་དམ་འདོགས་མཛད་པས་སྲོག་སྙིང་ཕུལ་ཞིང་བསྟན་པ་སྲུང་བར་ཁས་བླངས་ཏེ། དེ་དུས་ཕ་ཝང་དེ་ལ་ཞབས་རྗེས་ཡོད་ཚུལ་སོགས་ཞིབ་པར་གསུངས། དེ་དུས་དབང་པོ་དེ་ཉིད་ཀྱིས་དེ་སྐབས་ཀྱི་ཡུལ་དུ་དེ་དང་དེར་རྒྱུས་ཡོད་ཀྱི་མི་ངོ་སོ་སོར་དྲིས་ཤིང་རྩད་གཅོད་གནང་བས་ཕལ་ཆེར་ངོ་འཕྲོད་པར་ཐུགས་ངེས་འདྲོངས་པར་བྱུང། གཞན་ཡང་ཆོས་རྒྱལ་དེ་ཉིད་མངའ་ཐང་གོང་འཕེལ་དང། ཆ་སྲིད་བརྟན་པའི་རིམ་གྲོ་སོགས་གུ་རུའི་གསང་ལུང་དང་མཐུན་པར་ཐུགས་བཞེད་བཞིན་བསྒྲུབས་ཤིང་རྟེན་འབྲེལ་ལེགས་ཚོགས་ཕུན་སུམ་ཚོགས་པས་ཆབཌ་སྲིད་གོང་འཕེལ་དུ་འབྱུང་བའི་ལུང་བསྟན་ཀྱང་མཛད་ཅིང། སླར་ཡང་གདན་ས་གོང་མར་ཆིབས་བསྒྱུར་གནང། དེ་སྐབས་གསང་ལུང་སྟབས་ཀྱིས་ཆིབས་ཁ་མྱུར་སྐྱོད་དགོས་པ་འདྲ་སྟེ་གདན་ས་འདི་དང་རུ་དམ་སོགས་ལ་ཞབས་པད་བསྐྱོད་དགོས་པ་འདྲ་སྟེ་གདན་ས་འདི་དང་རུ་དམ་སོགས་ལ་ཞབས་པད་བསྐྱོད་དགོས་པ་འདྲ་སྟེ་གདན་ས་འདི་དང་རུ་དམ་སོགས་ལ་ཞབས་པད་བསྐྱོད་པའི་ལོ་རྒྱུས་མི་འདུག། ས་སྐྱོང་ཆེན་པོ་འདིས་གཏེར་ཆེན་དེ་ཉིད་ལ་མི་ཕྱེད་པའི་ཐུགས་འདུན་ཚཻ་ཞིང་ཟབ་ཆོས་པདྨ་དྲག་ཁྲོས་ཀྱི་བསྐྱེད་བཟླས་ཐུགས་དམ་ཆགས་མེད་དུ་གནང་བ་དང། ལོ་ལྟར་(སྨད་ཆ།༥༥༧)བཞིན་དུ་གཏེར་ཁ་འདིའི་བུམ་སྒྲུབ་རེ་ཡང་ཆགས་མེད་དུ་སྟག་སྒང་བླ་གྲ་ཁོ་ནས་སྒྲུབ་དགོས་ཚུལ་སོགས་དེ་སྐབས་ཀྱི་ཞབས་ཕྱི་ཀུན་གྱིས་ངེས་པ་ལྟར་ཡིན་ཀྱང། ཕྱིས་ཀྱི་གདན་རབས་ཀྱི་ཡེ་གེ་རྣམས་སུ་དེ་རིགས་མི་སྣང་བས་ཐུགས་རྒྱུས་མེད་པ་ཡིན་པར་འདྲའོ། གདན་སར་ཞབས་པད་བཀོད་གྲུབ་ནས་ཀྱང་བརྩེ་ཆེན་ཡེ་ཤེས་ཀྱི་གཟིགས་པ་བླ་མ་མེད་པས་ཕྲིན་ལས་ཀྱི་འཇུག་པ་གང་ལ་གང་འཚམས་ཀྱིས་འགྲོ་ཕན་དང་གཙོ་ཆེར་བཀའ་ཆོས་འཆད་སྦེལ་མཛད། སྦྱིར་ཡང་ཤིང་བྱ་མེ་ཁྱི་ཚུན་ནས་བཀའ་ཆོས་འགྲོ་གང་ཆེ་གནང་ཞིང། གདུལ་བྱ་སོ་སོའི་སྣོད་དང་འཚམས་པར་ཟབ་པ་དང་རྒྱ་ཆེ་བའི་ཆོས་ཀྱི་འཁོར་ལོ་བར་མེད་དུ་བསྐོར་བར་མཛད་ཅིང། སྐལ་བ་དང་ལྡན་པའི་ཆོས་བདག་ལུང་ཟིན་རྣམས་ལ་རང་གཏེར་ཆོས་ཀྱི་ཕ་ཕོག་ལན་གཅིག་མ་ཡིན་པར་ཡང་ཡང་སྩལ་ཞིང་སྨིན་གྲོལ་གྱི་གདམས་པ་དུ་མས་རྗེས་སུ་བཟུང་པར་མཛད། དེ་དག་གི་དུས་དབང་བཀུར་དང་བྱིན་རླབས་མཛད་པའི་ཚེ་ཡང་གཏེར་ཆེན་ཉིད་ཐུགས་རྗེ་དང་བྱིན་རླབས་ཚད་མེད་པའི་མཐུན་བྱིན་གྱིས་བ་སྦུ་གཡོ་ཞིང་མཆི་མ་འཕྲུག་ནུས་པའི་མོས་གུས་རྩོལ་མེད་དུ་སྐྱེ་ནུས་པ་དང། བྱིན་རླབས་ཀྱི་ཟིལ་གྱིས་ཡེ་ཤེས་བཙན་ཐབས་སུ་ཕེབས་པ་གཏེར་ཁ་གསར་ངོ་མཚར་བསམ་གྱིས་མི་ཁྱབ། ཁྱད་པར་ཟབ་ཁྲིད་ཙམ་མ་ཡིན་པར་ལྟ་སྒོམ་གྱི་མྱོང་བ་མངོན་སུམ་རིག་ཐོག་ཏུ་ངོ་སྦྲོད་པ་ལ་མཁས་པས་སྐལ་ལྡན་མང་པོ་དང་རང་བྱུང་གི་ཡེ་ཤེས་རང་ཞལ་མཐོང་བས་རྟོགས་པ་ཀློང་དུ་གྱུར་བའི་སྒོམ་ཆེན་རྣལ་འབྱ་གྱི་དབང་ཕྱུག་ཀྱང་མང་དུ་བྱུང་ཞིང། གཞན་ཡང་བསྐྱེད་རྫོགས་གཏན་ལ་འབེབས་པའི་ཡིག་ཆའང་དབང་(སྨད་ཆ།༥༥༨)སྒྲུབ་དཀྱིལ་སོགས་ཀྱིས་མཚོན་པའི་གོ་བདེ་ཁ་གསལ་བ་ཉེ་བར་མཁོ་ག་འགའ་ཡང་མཛད་ཅིང། གཞན་བསྐུལ་གྱི་ངོར་རྩལ་བའི་ཞལ་གདམས་གསུང་མགུར་རྣམ་ཐར་སོགས་པུ་ཏི་གཉིས་ཙམ་བཞུགས་ལ། གཞན་ཡང་རྗེ་ཉིད་རང་དོན་སྦངས་རྟོགས་ཀྱི་ཡོན་ཏན་མཐར་ཕྱིན་པ་མངའ་ཡང། གཞན་དོན་མཁའ་ཁྱབ་ཀྱི་ཕྲིན་ལས་མཉམ་ཡང་ཕྱོགས་བྲལ་དུ་བསྐྱངས་པས་རིས་མེད་པའི་སེམས་ཅན་ཐམས་ཅད་ལ་ཐུགས་རྗེ་མཉམ་པར་འཇུག་པས། ཕྱོགས་གང་དང་ཡང་དུ་ཕེབས་སྐྱོད་སོགས་ཀྱི་སྐབས་ཀྱང་འགྲོ་བ་ཕལ་པ་རྣམས་ལའང་དགེ་སྒྲུབ་སྡིག་སྦོང་གི་དམ་བཅའ་བཟུང་འཇུག་པ་དང། སྐྱེས་པ་བུད་མེད་ཐ་ལམ་པ་རྣམས་སུའང་ཚེས་བཅུ་འཛུགས་པ་སོགས་ལ་བསྐུལ་བ་དང། གྲོང་ཡུལ་རྣམས་སུའང་ཚེས་བཅུ་འཛུགས་པ་སོགས་མདོ་ན་མ་ཎི་ཁོ་ནའང་དུང་ཕྱུར་བརྒྱ་དང་དྲུག་ཙུ་ཙམ་དགེ་བསྐུལ་གནང་འདུག་ཅིང། གཞན་མར་མེ། ཚེ་ཐར་ཇོ་དར་སོགས་ནི་བགྲང་ལས་འདས་ཤིང། དེ་དག་ཀྱང་གནས་སྐབས་བསྟན་འགྲོའི་ཕན་བདེ་སྦེལ་བའི་ཆེད་དང། མཐར་ཐུག་རྣམ་མཁྱེན་བླ་མ་མེད་པའི་གོ་འཕང་མཆོག་ལ་འགོད་པའི་ཐུགས་བསྐྱེད་ཟླ་མེད་པ་ཐུགས་རྗེའི་འཇུག་ཡུལ་དུ་བཅགས་པས་རྗེས་སུ་སྐྱོང་བར་མཛད་པ་ཡིན་ནོ། གཞན་ཡང་གཏེར་སྟོན་རིག་འཛིན་ཆེན་པོ་འདི་ཉིད་མཐུན་སྟོབས་དང་ནུས་པ་བསམ་གྱིས་མི་ཁྱབ་པར། མ་རུང་པའི་འབྱུང་པོ་ཀ་འོག་གི་རྒྱལ་ཞར་དང། སྦུས་མདའི་རྒྱལ་པོ་མེ་ལོང་གདོང་སོགས་གདུག་ཅན་མང་པོ་དམ་ལ་བཏགས་ཤིང། སྐབས་ཤིག་ནགས་སོགས་རྣམས་ཀྱིས་བཏུལ་བར་གསོལ་བས། གཏེར་ཆེན་གྱིས་བཀའ་ལས། འོ་ན་ཁྱེད་ཅག་གིས་(སྨད་ཆ།༥༥༩)ཁོ་བོ་ལ་འགྲན་སེམས་ཁོ་ན་བྱེད་འདུག་པས། ངེད་ཀྱིས་འགུགས་ན་ཁྱེད་རྣམས་ཀྱིས་སྒྲོལ་ཞིག། ཡང་ན་ཁྱེད་ཅག་གིས་ཁུག་དང་ངེད་ཀྱིས་བསྒྲལ་བར་བྱའོ་གསུངས་པར། དེར་སྔགས་པ་རྣམས་ཀྱིས་བསྒྲལ་བར་ཁས་བླངས་པས། གཏེར་ཆེན་རིན་པོ་ཆེས་ཐུགས་དམིགས་དང་བདེན་བརྗོད་གནང་བ་ཙམ་གྱིས་ཕུག་རོན་གསུམ་ཧོལ་ཁུང་དུ་བཙང་སྟེ་བྱུང་བར། སྔགས་པ་རྣམས་སྦྲ་ཡས་ཏེ་བསྒྲལ་རྔོ་མ་ཐོགས་པས། ཕུག་རོན་རྣམས་ཀྱིར་འཕུར་བ་ན་རྗེ་ཉིད་ཐུགས་རྒྱལ་དྲག་པོ་བཞེངས་ནས་མཐུ་སྟོབས་མི་ཟད་པའི་རྩལ་བསྐྱེད་ནས་ཐུན་ཞིག་འཕང་པས་ལྷ་འདྲེའི་འཁྲུལ་གཟུགས་ཕུག་རོན་གཉིས་སར་ལྟུང། གཅིག་འཕུར་ཤོར་བས་སྔགས་པ་རྣམས་ལ་བཀའ་བཀྱོན་དྲག་པོ་གནང། དེ་དག་ཀྱང་མཉམ་འགྲོགས་ཀྱི་དྲི་མ་སངས་ནས་དག་སྣང་གི་མིག་ཕྱེ་བའི་རྐྱེན་དུ་གྱུར་ཏེ། དེ་ཕྱིན་དད་གུས་ཚད་མེ་པ་བྱེད་པར་བྱུང། དམ་སྲི་མི་གཉིས་གནས་སྦར་དུ་ཟིན་ཀྱང་གཅིག་ཤོས་ཡོན་བདག་ཞིག་ལ་ཞུགས་ནས་གནོད་པ་ཡང་གཏེར་ཆེན་ཉིད་དཔལ་རྟ་མཆོག་ཧེ་རུ་ཀའི་སྐུར་བཞེངས་ཏེ་སྲོག་སྙིང་བླངས་ནས་དམ་ལ་བཏགས་ཚུལ་སོགས་ངག་སྒྲོས་ངོ་མཚར་ཅན་མང་ཡང་འདི་མ་ལས་མ་བྲིས། སྦྱིར་ཡང་རྗེ་འདི་མ་རུང་པའི་དམ་སྲི་འབྱུང་པོའི་ཚོགས་ཀྱི་གཉེན་པོར་ཆེད་དུ་སྦྲུལ་པ་ཞིག་ཡིན་ནོ། གཞན་ཡང་ཟབ་གཏེར་ཀྱང་མང་དུ་སྤྱན་དྲངས་པའི་ནཱ་ག་ཛུ་ནའི་ཚེ་སྒྲུབ་དང། མ་ར་ཏི་ཀའི་ཚེ་སྒྲུབ་སོགས་ཡང་གཏེར་དུ་སྦས་པའང་མང་དུ་ཡོད་པ་ཐོས་ཤིང། རི་བོ་དཔལ་འབར་གྱི་གཏེར་ཁ་དང། ལྷོ་ཕྱོགས་གཤིན་རྗེའི་གཏེར་དང། རྒྱ་ནག་ནས་བཞེས་རྒྱུ་སོགས་ནི་རྟེན་འབྲེལ་རང་དབང་དུ་(སྨད་ཆ།༥༦༠)མ་གྱུར་པས་བཞེས་པར་མ་གྲུབ་ཅང། མོན་ཤ་འུག། གཙང་རོང་ཁམ་བུ་ལུང། དཔལ་ཐང། སོག་བདུད་རྩི་འཕྲེང། ཁུ་རུ་འཕྲང་གཏེར་སོགས་གཏེར་ཕྲན་མང་པོ་རྫས་མ་འཛོམས་དང་ཆེད་དུ་བདག་གིར་མ་མཛད་པའང་མང་དུ་ཡོད་པར་སྣང། གཞན་ཡང་རྫས་གཏེར་སྐུ་ཚབ་གནམ་ལྕགས་ཀྱི་རྡོ་རྗེ་ཕུར་བུ་སོགས་དང། དམ་རྫས་ཨ་ཐམ་ཧྲི་ཐམ་སོགས་ནི་གྲངས་ཀྱིས་མི་ཆོད་པ་སྦྱན་དྲངས་པ་སོགས་ངོ་མཚར་གྱི་མཛད་པ་མཐའ་ཡས། གཞན་ཡང་རིག་གསུམ་རྣམ་འཕྲུལ་གདུང་སྲས་གསུམ་འབྱུང་བར་གཏེར་ལུང་ལས་གསུངས་ཀྱང་ཐུགས་སྲས་རིན་པོ་ཆེ་ཨོ་རྒྱན་བསྟན་འཛིན་གྲགས་པ་ལས་གཞན་རྣམས་གཞོན་ནུ་ནས་སྐུ་གཤེགས་པས་འགྲོ་ཕན་མ་བྱུང་ཞིང། ཨོ་རྒྱན་བསྟན་འཛིན་ནི་ཆེ་བའི་ཡོན་ཏན་དུ་མ་དང་ལྡན་པ་ཞིག་སྟེ་ལོ་རྒྱུས་བཤམས་ནས་འཆད་འགྱུར་ལྟར་དང། གསང་འཛིན་ཐུགས་ཀྱི་གཟུངས་མའང་ལུང་ཟིན་རྣམས་སོགས་གཏེར་ཆེན་ཉིད་ཀྱིས་གསུང་མགུར་ལས་འབྱུང་བ་ལྟར་དང། དབང་ཆོས་ཀྱི་བཀྲོན་ནོང་བའི་སློབ་མའི་ཚོགས་ནི་རྒྱ་མཚའི་རྡུལ་ལྟ་བུ་ལས་རགས་རིམ་འགའ་ཞིག་སྨོས་ན། སྦྲུལ་པའི་གཏེར་ཆེན་རིག་འཛིན་གར་དབང་རྡོ་རྗེ། མཐུ་སྟོབས་ནུས་པའི་མངའ་བདག་གཉག་རྒྱལ་ཐང་བ་རིག་འཛིན་ཟིལ་གནོན་རྡོ་རྗེ། གྲུབ་པའི་དབང་ཕྱུག་མངའ་རིས་འོད་མཆོག་སྦྲུལ་སྐུ། མཁས་གྲུབ་ཆེན་པོ་ཞབས་དྲུང་པདྨ་གར་དབང། ནུས་མཐའི་སྟོབས་ལྡན་ཆོས་རྗེ་རིག་འཛིན་བྲེས་པ། གནས་ལྔ་རིག་པ་ལོ་ཆེན་འཇམ་དབྱངས་བློ་ལྡན། མཁས་པའི་དབང་པོ་ཀོང་པོ་འགྲུ་ལ་མཁན་ཆེན། སྨྲ་བའི་སེང་གེ་རྒྱ་སྟོན་སྦྲུལ་སྐུ་བློ་བཟང་ལེགས་པ། པད་གླིང་གདུང་བརྒྱུད་རིག་འཛིན་ཨོ་རྒྱན་ཆོས་རྒྱལ། རྫོགས་ཆེན་དཔོན་(སྨད་ཆ།༥༦༡)སློབ་ནམ་མཁའ་འོད་གསལ། སྟོབས་ཀྱིས་ཆེ་བ་སྟག་ལུང་ཞབས་དྲུང། མི་ཉག་མཁན་པོ་ཤཀྱ་འོད་ཟེར་སོགས་ཕྱོགས་ཀྱི་བླ་ཆེན་མང་པོ་དང། ས་ལོའི་ལྗོངས་ཀྱི་རིག་ལྡན་ཆེན་པོ་སྡེ་སྲིད་སངས་རྒྱས་རྒྱ་མཚོ། གནམ་སའི་མངའ་བདག་བསྟན་འཛིན་ཇི་འགིར་རྒྱལ་པོ་དཱ་ལ་ཐུར་ཐེལ་ཇི། སའི་ཚངས་པ་རྒྱ་ལྕགས་ལ་རྒྱལ་པོ། རིགས་ཀྱིས་མཐོ་བ་གླིང་རྡོ་རྗེ་མགོན་པོ། སྟོབས་ཀྱི་འཁོར་ལོས་བསྒྱུར་བ་ཁམས་སྡེ་དགེ་རྒྱལ་པོ་སོགས་མི་ཆེན་ཆེ་དགུ་མང་པོའི་གཙུག་ཏུ་མཆོད་ཅིང་ཏི་ཤྲིར་བཀུར་ཞིང། གཞན་ཡང་བར་ཁམས་ཁོར་སོག་བདེ་འབྲོག་གི་མི་དཔོན་ཆེ་ཕྲ་དུ་མ་དང་སྲིད་ཞིའི་འབྱོར་ལྡན་དུ་མས་མཆོད་སོགས་མཐའ་ཡས་པའི་སློབ་ཚོགས་མཐའ་དག་ནི་བརྗོད་པས་མི་ལངས་ཤིང། རང་ལུགས་ཆོས་བརྒྱུད་ལ་བཀའ་དྲིན་ཆེ་བ་འགའ་ཞིག་གཤམ་སུ་འཆད་བར་བྱའོ། གཞན་ཡང་རྒྱ་གར་ནས། བལ་ཡུལ། མངའ་རིས་མན་དང། རྒྱ་གར་ཡན་ཞབས་ཀྱིས་བཅགས། མཐོང་ཐོས་ཀྱི་སྐྱེ་འགྲོ་མང་པོ་དང་སྐལ་ལྡན་མང་པོ་རྗེས་སུ་བཟུང་ནས་སྨིན་གྲོལ་གྱི་ས་ལ་བཀོད་པར་མཛད། མ་འོངས་པ་ན་བསྐལ་བཟང་འདི་ལ་རྒྱལ་བ་བཞི་བཅུ་པ་སྒྲ་གཅན་དུ་སངས་རྒྱས་པར་ལུང་དང་མཐུན་པར་ཞལ་གྱིས་བཞེས་ཤིང། ཚད་མེད་པར་ཏུགས་རྗེ་དང་དྲི་མ་མེད་པའི་ཡེ་ཤེས་ལ་དབང་འབྱོར་པས་འབྲེལ་ཐོག་ཐམས་ཅད་འཁོར་བ་མཐའ་ཅད་དུ་མཛད་པ་སྟེ། གཏེར་ཆེན་ཉིད་ཀྱི་གསུང་མགུར་ལས་ཀྱང། ད་སྟེ་ཆེ་འབྲེལ་ཆུང་འབྲེལ་ལས་ཀྱིས་འབྲེལ། འཚེངས་མདོ་རྒྱལ་མདོ་སྐྱེ་བུ་ཕོ་མོ་ཚོ། དད་གུས་གསོལ་འདེབས་མོས་པ་མ་ཞེན་དང། རྔ་ཡབ་པདྨ་འོད་དུ་བསྐྱེལ་ཏེ་གཏོད། ཞེས་ཞལ་གྱིས་བཞེས་པ་ལྟར་འབྲེལ་ཚད་པདྨ་འོད་དུ་(སྨད་ཆ།༥༦༢)སྐྱེ་བ་གདོན་མི་ཟ་སྟེ། ཅིའི་ཕྱིར་ན། གཏེར་ཆེན་དམ་པ་འདི་ནི་ཨོ་རྒྱན་ཆེན་པོ་དང་དབྱེར་མ་མཆིས་ཏེ། དེ་ཡང་གཏེར་ལུང་ལས། ང་སྦྲུལ་སྐལ་ལྡན་སྐྱེས་བུ་ནི༔ ཁམས་ཞིག་ཉི་མ་གྲགས་པ་སྩལ༔ པད་འབྱུང་ང་དང་ཐ་དད་མེད༔ གཉིས་སུ་མེད་ཅིང་དབྱེ་བ་མེད༔ བཟང་འབྲེལ་སངས་རྒྱས་ཐོབ་པས་འཚེངས་༔ ངན་འབྲེལ་འཁོར་བ་མཐའ་ཅན་བྱེད༔ ཅེས་གསུངས་སོ། དེས་ན་མང་དུ་སྨྲོས་པས་ཅི་ཞིག་བྱ་སྟེ། ཨོ་རྒྱན་རྡོ་རྗེ་འཆང་དང་སྐུའི་རྣམ་འགྱུར་ཙམ་ལས་དབྱེ་བ་མེད་པར་ཟབ་མོའི་ལུང་གིས་གསལ་བ་ལྟར་ཤེས་པར་བྱའོ། དེ་ལྟ་བུའི་གྲུབ་པའི་རྣམ་ཐར་ངོ་མཚར་བ་དཔག་ཏུ་མེད་པ་བསྟན་པའི་མཐར། རེ་ཞིག་སྐུ་དངོས་ཀྱིས་གདུལ་བྱ་དེ་ཙམ་དུ་གཟིགས་ནས་ལྕགས་སྟག་དཔོ་ཟླའི་ཉ་ལ་གཟུགས་སྐུའི་བཀོད་པ་ཕྱོགས་གཅིག་ཆོས་དབྱིངས་བདེ་བ་ཆེན་པོའི་དབྱིངས་སུ་བསྡུས་ནས་པདྨ་འོད་ཀྱི་ཞིང་དུ་གཤེགས་སོ། དེ་ལྟར་ཐ་མའི་ཕྲིན་ལས་ཀྱི་གདུལ་བར་འོས་པ་རྣམས་ཡོངས་སུ་གཤེགས་སོ། སླར་ཡང་སྦྲུལ་པའི་རྣམ་རོལ་མཐའ་ཡས་པས་མཁའ་ཁྱབ་སེམས་ཅན་ཐམས་ཅད་ཀྱི་དོན་ལ་ནམ་ཡང་གཡེལ་བ་མི་མངའ་བའི་ཕྲིན་ལས་འཇུག་པ་ཇི་སྲིད་དུ་འབྱུང་བ་ནི། སྔོན་གྱི་སྨན་ལམ་དང་ཐུགས་རྗེ་ཆེན་པོའི་ཆོས་ཉིད་དུ་གྲུབ་པའོ། དེ་ནས་སྐུ་གདུང་རིན་པོ་ཆེ་ཞལ་ཆེམས་ལྟར་རིལ་པོར་བཞུགས་པའི་གསེར་གདུང་ཁྱད་མཚར་ཅན་བཞེངས་པ་དང། དགོངས་རྫོགས་མཆོད་སྦྲིན་རྒྱ་ཆེར་སྦྲོ་བར་བྱས་ཏེ། དེ་ཡང་གཏེར་ཆེན་ཉིད་ཀྱི་ཞལ་ཆེམས་ལས་དགོངས་རྫོགས་གཙོ་ཆེར་དང་སྲས་ཀྱི་མགོ་འདྲེན་སོགས་རིན་འཛིན་གཏེར་བདག་གླིང་པ་ལ་ཞུས་གསུངས་པ་ལྟར། སྨིན་གླིང་དུ་མཆོད་བསྔོ་གང་དྲག་དང་བཅས་གསུངས་(སྨད་ཆ།༥༦༣)ཚུལ་སོགས་ཞུས་པས་གཏེར་ཆེན་རིན་པོ་ཆེའི་ཞལ་ནས། ངེད་རང་གཉིས་ལྟར་སྣང་མཐུན་འཇུག་མི་མཛད་པ་ལྟར་ཡོད་ཀྱང། དོན་དུ་ངེད་རང་ནི་གཤེན་རྗེའི་སྐོར་གྱི་གསང་བའི་ཆོས་བདག་ཁོང་པ་ཡིན་ཏེ་ཁོང་གིས་ཉམས་བཞེས་དང་གསང་རྒྱ་མཐར་ཕྱིན་མཛད་པ་དེས། ངདེ་རང་གཉིས་ཆར་གྱི་སྐུ་ཚེ་དང་ཕྲིན་ལས་ལ་ཕན་པ་ཆེ་ཞིང་བསྟན་པའི་གསོས་སུའང་གྱུར་མོད། ད་ཆ་ཁོང་པ་ཞི་བར་གཤེགས་པ་མ་ལེགས། འོན་ཀྱང་རྒྱལ་སྲས་ལ་བདག་རྐྱེན་གང་དྲག་འདི་ནས་ཕུལ་ཆོག་པ་བྱེད་ཅེས་དང། བསྟན་པ་ཕྱོགས་གཅིག་ཏུ་ཡོད་པའི་བཀའ་ལུང་བཟང་པོའང་སྩལ། གཞན་ཡང་རྡོ་རྗེ་བྲག་དང། སྐུ་ཞབས་རྣམ་རྒྱལ་གྲ་ཚང་སོགས་ཀྱི་གཙོས་པའི་ཁམས་དབུས་རྣམས་སུ་མཆོད་བསྔོ་མང་འགྱེད་སོགས་རྗེ་ཀྱེ་བྱ་བ་རྣམས་ཀྱང་ཕུན་སུམ་ཚོགས་པར་ཞིང་འདིར་སྐྱེ་སྲིད་མང་པོར་ཟབ་མོའི་གཏེར་ལ་དབང་བསྒྱུར་བར་འབྱུང་བ་ལུང་གིས་བསྟན་ཏེ། ཁྱད་པར་དུ་མ་འོངས་པ་ན་སྲིད་རྫོང་འདི་ཉིད་དུ་བྱང་ཆུབ་རྡོ་རྗེ་རྒྱལ་མཚན་ཞེས་པ་བྱུང་ནས་ད་ལྟའི་འགྲོ་དོན་ལྷག་མར་སྦྱོད་པར་བཤད་དེ། གཏེར་ཆེན་པོ་གྲོང་ཁྱེར་རྩ་ཅན་གྱི། མ་ཁྲག་འཐུང་མཁའ་འགྲོའི་གདམས་པ་དེ། ལྷ་ཕག་གདོང་ནག་མོའི་སྒྲུབ་གནས་སུ། རྒྱ་རིམ་བདུན་ཐངོབ་ལ་ཡང་གཏེར་སྦོས། གཏེར་སྲུང་མར་གཉེར་གཏད་དྲག་ཏུ་བཅོལ། དུས་མ་འོངས་རྡོ་རྗེ་རྒྱལ་མཚན་གྱི།(སྨད་ཆ།༥༦༤)དེ་སྦྱངས་ནས་བསྟན་འགྲོར་ཕན་ཆེར་འདོགས། ཞེས་དང། དེ་ཉིད་བྱོན་པའི་དུས་ཀྱང། མི་རབས་བདུན་རྟིང་སྲིང་རྫོང་དུ། བྱང་ཆུབ་རྡོ་རྗེ་རྒྱལ་མཚན་གྱིས། གདུལ་བྱའི་ལྷག་ལ་སྦྱོད་པའི་ཚེ། ཞེས་པ་ལྟར། རབས་བདུན་ནས་བྱང་ཆུབ་རྡོ་རྗེ་རྒྱལ་མཚན་ཞེས་པའི་མཚན་གྱི་ཅོད་པན་གྱིས་མཛེས་པའི་གཏོར་ཆེན་ཞིག་བྱོན་པར་གསུངས་ཤིང། དེ་དུས་ད་ལྟའི་གདུལ་བྱའི་ལྷག་མ་ཕལ་ཆེར་ཡང་ཡོངས་སུ་སྨིན་པར་མཛད་པའི་ཚུལ་དང། གཞན་ཡང་མང་ཡུལ་རི་བོ་དཔལ་འབར་གྱིས་གཏེར་ཁ་བཞེས་མ་ཐུབ་པས་སླར་གནས་དེར་སྐུ་ཡི་སྐྱེ་སྲིད་ཅིག་བཟུང་ནས་གནས་དེའི་གཏེར་རྣམས་གདན་དྲངས་ནས་འགྲོ་དོན་བྱེད་པར་འགྱུར་བ་སོགས་མཐའ་ཡས་པར་སྣང་བ་རྣམས་དག་སྣང་སྐོར་དང་གཏེར་ལུང་སོགས་ལས་ཤེས་པར་བྱའོ། དེ་ལྟར་སྦྲུལ་པའི་གཏེར་སྟོན་རིན་འཛིན་ཆེན་པོ་དེ་ཉིད་ཀྱི་ལོ་རྒྱུས་རགས་རིམ་ཙམ་ཞིག་བརྗོད་ཟིན་ཏེ། དེ་ཡང་གཏེར་སྟོན་ཉིད་ཀྱི་རྣམ་ཐར་ཞལ་གསུངས་མ་རྒྱས་བསྡུས་གཉིས་དང་བླ་མ་སྐལ་བཟང་དབང་ལྡན་གྱིས་མཛད་པའི་རྣམ་ཐར་ཆེན་མ་དང་གཏེར་འབྱུང་སོ་སོའི་ལོ་ཚིགས་སོགས་གོ་བསྟུན་ཞིང་དེ་ངག་ཏུ་མི་གསལ་བ་རྣམས་རྫོགས་ཆེན་དཔོན་རིན་པོ་ཆེའི་གསུང་རྒྱུན་གཙོ་བོར་གཟུང་ཞིང་གཞན་ངག་སྒྲོས་ཁུངས་མ་རེ་རེ་ཙམ་གྱིས་ཀྱང་ཟད་བརྒྱན་ནས་བབ་ཅོལ་དང་སྦྱི་བརྟོལ་གྱིས་འོལ་ཚོད་དང་གྱ་ཚོམ་དུ་བྲིས་པ་མ་ཡིན་ཏེ་ཞིབ་མོས་བློས་ཡང་ཡང་བརྟགས་ཤིང་དཔྱད་ནས་རང་བཟོ་མེད་པར་ལེགས་སཔ་བཀོད་པ་ཡིན་ནོ། དེ་ལྟར་གོང་དུ་རྒྱས་པར་སྨོས་པ་ལྟར་གཏེར་ཆེན་ཆོས་ཀྱི་རྒྱལ་པོ་དེ་ཉིད་སློབ་ཚོགས་རྒྱ་མཚོ་ལྟ་བུ་མངའ་བ་ལས། རང་ལུགས་གཏེར་གསར་(སྨད་ཆ།༥༦༥)སྐོར་གྱི་ཆོས་རྒྱུན་ལ་བཀའ་དྲིན་ཆེ་བ་འགའ་ཞིག་བརྗོད་པར་བྱ་སྟེ། དེ་ཡང། བླ་མ་སྐལ་བཟང་དབང་ལྡན་ནི། ཡུལ་སོག་རོང་དུ་ལྷ་གདོང་ཞེས་པའི་རིགས་སུ་སྐུ་བལྷམས། སོག་འཕེལ་རྒྱས་གླིང་པའི་གྲ་པ་མཛད། གྲ་སར་ཕེབས་ནས་འབྲས་སྦྲུངས་སུ་སྒྲིག་ལ་ཞུགས། ཐོས་བསམ་གྱི་སྒྲོ་འདོགས་ཆོར་པར་མཛད་ཅིང། རྟེན་དགེ་སློང་ཡིན་ཡང་སྔགས་གསར་རྙིང་མང་པོར་གསན་བསམ་མཛད། ཁྱད་པར་དུ་རྡོ་རྗེ་བྲག་སྨིན་གྲོལ་གླིང་སོགས་རྙིང་དགོན་རྣམས་སུ་ཕེབས་ནས་དབང་ལུང་མང་དུ་ཞུས་ཤིང། སྔོན་གྱི་སྨོན་ལམ་གྱིས་ཐུགས་རྒྱུད་བསྐུལ་ནས་གཏེར་སྟོན་རིག་འཛིན་ཆེན་པོ་དེ་ཉིད་སེ་ར་བཀྲ་ཤེར་སྟེང་དུ་བཞུགས་པའི་དུང་དུ་བྱོན་ནས་མཉེས་པ་གསུམ་གྱི་ཞབས་ཏོག་རྒྱ་ཆེར་བསྒྲུབས། གཏེར་སྟོན་རིན་པོ་ཆེས་ཀྱང་གཏེར་གསར་ཡོངས་རྫོགས་ཀྱི་བཀའ་ལུང་དབང་གསུམ་ཚང་བར་དགྱེས་བཞིན་དུ་སྩལ་བ་གསན། ཁྱད་པར་ཕྱག་རྫོགས་རླུང་ཁྲིད་དང་བཅས་པའི་གདམས་པ་ཐམས་ཅད་མཐའ་རྒྱ་ཆོད་ངེས་མཛད། ཁྲོ་ཕུར་རི་ཁྲོད་བཏབ་ནསཉམས་བཞེས་བསྐྱངས་པས་རིག་པ་ཚད་ཕེབས་ཀྱི་ས་ལ་གཤེགས། བཀའི་བདུད་རྩི་བཞེས་པའི་སློབ་མའང། རྫོགས་ཆེན་མཆོག་སྦྲུལ་་རིན་པོ་ཆེ་འགྱུར་མེད་ཐེག་མཆོག་བསྟན་འཛིན་དང། ཉི་སྦྲུལ་རིན་པོ་ཆེ་ཀུན་བཟང་ཐེག་མཆོག་རྒྱ་མཚོ་སོགས་བྱོན་ཞིང། ཁྱད་པར་ཉི་སྦྲུལ་རིན་པོ་ཆེའི་གཏེར་གསར་ཡོངས་རྫོགས་ཀྱི་དབང་ཁྲིད་ལུང་སོགས་གདམས་པ་ཐམས་ཅད་ཆེད་དུ་བཞེས་པས་རང་ལུགས་ཆོས་རྒྱུན་ལ་བཀའ་དྲིན་ཆེ། གཞན་ཡང་ཉམས་ལེན་ནུས་པ་དག་ལ་སྒོམ་ཁྲིད་དང། སྐྱེ་བོ་ཕོ་མོ་རྣམས་ལའང་བསྙེན་(སྨད་ཆ།༥༦༦)གནས་བསྙུང་གནས་བཟུང་དུ་བཅུག་པ་སོགས་རྣམ་དཀར་གྱི་དགེ་བསྐུལ་ཁོ་ན་མཛད། དངོས་རྫས་ཕྲ་མོ་ཙམ་ཡང་གནས་མིན་དུ་ཟགས་སུ་མི་འཇུག་གསོལ་རས་ཙམ་གནང་ཡང་དེར་བསྟུན་པའི་ཁ་བཏོན་ཕྱག་སྐོར་སོག་བྱེད་དུ་བཅུག་པ་སོགས་རྒྱུ་འབྲས་ལ་ཞིབ་པའི་ཚད་མཛད། ཐུགས་དམ་གྱི་གཅོ་བོ་ནི་རྫོགས་ཆེན་དང་བློ་སྦྱོང་ཁོ་ན་རྩལ་བཏོན་ཏེ་སྟོང་ཉིད་སྙིང་རྗེ་དབྱེར་མེད་ཀྱི་ཉམས་ལེན་ལ་བརྩོན་པར་མཛད་ནས་དགུང་ལོ་བརྒྱད་ཅུ་རྒྱ་ལྔ་ལ་གཤེགས་སོ། ཆོས་བདག་བླ་མ་བློ་གྲོས་རྒྱ་མཚོ་ནི། ཡུལ་ཀརྨ་དགོན་དང་ཉེ་བའི་ས་ཞིག་ཏུ་འཁྲུངས། ཀརྨ་ལྷ་སྟེང་བའི་བླ་མ་ཞིག་གི་སྐུ་སྐྱེ་ཡིན་པར་གྲགས། ཡུམ་དེས་སྐུ་ན་ཕྲ་མོ་ལ་ཁྲིད་ནས་མདོ་སྟོད་ཕྱོགས་སུ་ཕྱིན་པས་གཏེར་སྟོན་རིག་འཛིན་ཆེན་པོ་ཆོས་གྲ་མཛད་པ་ཞིག་ཏུ་ཐོག་མང་པོ་བླུག་ཡོད་པ་འཐོར་བས་གཏེར་སྟོན་རིན་པོ་ཆེ་ཐུགས་ཤིན་ཏུ་དགྱེས་ཏེ་བསྟན་པས་ཞབས་ཕྱི་གཞན་ལས་ཐུགས་ཟིན་ཆེ། ཕག་ནག་ཁྲོས་མའི་གཏེར་སྒོ་འབྱེད་པའི་དུས་སུ་གཏེར་འདོན་པའི་གྲོགས་ཀྱང་མཛད། དབང་ཁྲིད་ལུང་གསུམ་མ་ཚང་མེད་པ་ལན་མང་དུ་སྩལ། ཉམས་ལེན་ལ་འགྲུས་ཤིང་དམ་ཚིག་གཙང་བའི་ཚད་དུ་འཇོག་པ་བྱུང། དེ་ནས་གཏེར་ཆེན་མདོ་སྨད་ཕྱོགས་ཕེབས་སྐབས་ཞབས་ཕྱིར་བྱོན་པས། གཏེར་ཆེན་ཉིད་ཀྱི་རྒྱལ་ཚབ་སྟག་མོ་སྒང་གི་གདན་སར་མངའ་གསོལ། དེ་ནས་བཟང་སྟེ་དགོན་འདིར་སྐུ་ཚེ་དེ་སྲིད་(སྨད་ཆ།༥༦༧)དུ་བཞུགས། སྡེ་དགེ་ས་སྐྱོང་ཆེན་པོ་ཁུ་དབོན་གྱིས་ཀྱང་དབུའི་མཆོད་གནས་སུ་བཞེས། རྗེ་འདིའི་མ་བཅོས་ལྟུག་པ་ཁོ་ནས་ལས་བཅོས་མའི་མཛེས་འཁྲིགས་མི་མཁྱེན་པས་དབུ་བླ་གཞན་ལས་ཐུགས་དད་ལྷག་པར་ཆེ། ཁྱད་པར་བསྟན་སྲིད་ཀྱི་རིམ་གྲོར་གཏེར་གསར་དབང་ཕྱུག་ཆེན་པོའི་བསྙེན་སྒྲུབ་བགྱིད་དུ་སྩལ་བས། རྗེ་འདིའི་མནལ་ལམ་དང་ཉམས་སྣང་དུ་ཉི་ཟླ་ལ་ཞོན་ནས་གླིང་བཞི་བསྐོར་བ་དང། རྒྱ་མཚོ་འཐུང་བ་དང། རི་བོ་འདེགས་པ་སོགས་རྟགས་མཚན་ངོ་མཚར་ཅན་མང་པོ་བྱུང་བས་སྡེ་དགེའི་ཆབ་སྲིད་གོང་འཕེལ་དུ་འབྱུང་བའི་ལུང་བསྟན་ཀྱང་མཛད། སྦྱིར་ཡང་རྗེ་འདི་དབང་ཕྱུག་གི་ཆོས་སྐོར་འདིའི་ཆོས་བདག་ཀྱང་མཛད། སྦྱིར་ཡང་རྗེ་འདི་དབང་ཕྱུག་གི་ཆོས་སྐོར་འདིའི་ཆོས་བདག་ཀྱང་ཡིན་པས་ཡུལ་མི་ཕལ་པ་མི་རྒྱུད་དཀོན་པ་དག་ལའང་ལྷ་ཆེན་གྱི་དབང་སྒྲུབ་པ་རེ་མཛད་པས་མི་རྒྱུད་མ་བྱུང་བ་མེད། ལོ་ལྟར་སྡེ་དགེ་ས་སྐྱོང་ཆེན་པའི་བུམ་སྒྲུབ་དང། དེ་དུས་ཡུལ་གྲོང་མང་པོར་བུམ་སྒྲུབ་འཛུགས་པའི་སྲོལ་ཤིན་ཏུ་དར་བས། གར་འཛུགས་པར་རིལ་བུ་འཕུར་ཞིང། དེ་ཡང་སྦྱན་འདྲེན་བྱིན་འབེབས་སོགས་ཀྱི་དུས་ཆར་འབེབས་པ་ལྟར་འབྱུང་བས་གཞན་འགས་བྱ་རྒོད་ཀྱི་མཁྲིས་པ་བསྲེས་པས་ཡིན་ཞེས་ས་དབང་ཆེན་པོར་སྙན་ཕྲ་ཕུལ་བས་སྡེ་དགེ་ས་དབང་བསྟན་པ་ཚེ་རིང་གིས་དེ་འདྲ་ཨེ་ཡིན་ཞུས་པར། བྱ་མ་ཤི་གོང་འཕུར་ཡང་ཤི་ནས་འཕུར་རྒྱུ་ཡོད་དགོས་མེད། དེ་འདྲར་ཐུགས་མ་ཆེས་ན་མཁྲིས་པ་མ་བསྲེ་བས་ཆོག་ཞུས་པར། སྡེ་དགེས་ཀྱང་བརྟག་པའི་ཕྱིར་རིལ་བུ་སྒྲིལ་ལུགས་ཚུན་ཞིབ་ཆ་མཛད་ཀྱང་ལྷག་པར་འཕུར་སྟོབས་ཆེ་བར་བྱུང་བས་གཏང་རག་ལེགས་འབུལ་ཀྱང་མཛད། སྐབས་ཤིག་རྗེ་འདིའི་ཆིབས་པ་རྐུན་པོ་གཉིས་ཀྱིས་ཁྲིད་ནས་ཡུལ་གཞན་ཞིག་ཏུ་བསྐྱམ་ཕྱིར་མཚན་མོ་དེར་(སྨད་ཆ།༥༦༨)སོང་སོང་བ་ན་ནམ་ལངས་དུས་སླར་རང་གནས་སུ་སླེབས་འདུག་པས་རྐུན་པོ་གཉིས་ཤིན་ཏུ་སྐྲག་ནས་རྟ་གཏོད་ནས་བྲོས་སོང་བར། རྟ་དེ་ཡུམ་མི་རྒྱུས་མེད་ཞིག་གི་རཱ་བར་བཙུད་པས་ཁང་པ་གདུག་ལྟར་འཁོར་བ་སོགས་ཀྱི་ཚོ་འཕྲུལ་བྱུང། གཞན་ཡང་ལོག་སྒྲུབ་མཁན་གྱི་རིགས་ལ་ཆོས་སྐྱོང་བསྐུལ་བ་དང་དམོད་བཅོལ་ཙམ་མཛད་པས་ཀྱང་རྟགས་མཚན་ཤིན་ཏུ་མྱུར་བར་བྱུང་བའི་ལོ་རྒྱུས་མང་དུ་ཡོད་ཀྱང་འདིར་བ་བྲིས། དགུང་ལོ་བརྒྱད་བུ་གྱ་ལྔ་པ་ལ་ཞིང་གཟིགས་པའི་གདུང་ཞུག་འབུལ་བགྱིས་པ་ལས་ཡུང་འབྲུ་ལྟ་བུའི་རིང་བསྲེལ་གྱི་ཕུང་པོར་གྱུར། རྗེ་འདི་རྫོགས་ཆེན་དཔོན་རིན་པོ ་ཆེ་པདྨ་ཀུན་གྲོལ་རྣམ་རྒྱལ་གྱིས་ཡོངས་འཛིན་དུ་བཞེས་ནས་ཉི་གྲགས་གཏེར་ཆོས་ཚང་མའི་དབང་ལུང་ཁྲིད་བཅས་གསན་པར་མཛད་པས་ཆོས་བརྒྱུད་འདི་ལ་བཀའ་དྲིན་ཆེ་ངེས་ཤིག་ཡིན་ནོ། གནས་ལྔ་རིག་པའི་པཎྜི་ཏ་ཆེན་པོ་འཇམ་དབྱངས་ཧོར་གྱི་ལོ་ཆེན་ནི། བྱང་རྫ་དམར་དུ་ཆེན་པོ་ཧོར་གྱི་རིགས་སུ་འཁྲུངས། སྐུ་ཆུང་ངུ་ནས་རབ་བྱུང་མཛད། རྗེ་ཞ་ལུ་བ་རིན་ཆེན་མཆོག་གྲུབ་བསྟེན་ནས་ས་ལུགས་ལ་བསླབ་སྦྱང་མཛད། འབྲས་ཡུལ་སྐྱིད་ཚམ་དུ་ཚད་མ་སྦྱངས་པས་མཁས་པའི་ཁྲོམ་ཐོག་ཆོད། ཕྱིས་པོ་ཏ་ལར་སློབ་གཉེར་གྱི་གྲར་བཞུགས་ཏེ་སྒྲ་སྙན་སྡེབ་སྦྱོར་སོགས་མ་མཁས་པའི་ཕུལ་དུ་གྱུར། ཀུན་མཁྱེན་ལྔ་པ་ཆེན་པོ་ལས་ཟབ་རྒྱས་ཀྱི་གདམས་པ་འགའ་ཞིག་ཐོབ་པས་ཞལ་སློབ་ཏུ་གྱུར། གཞན་ཡང་དགེ་ལུགས་པའི་བདེ་དགྱེས་གསང་གསུམ་འཇིགས་བྱེད་སོགས་རྒྱུད་མང་པོ་དང། ཕར་ཕྱིན་དབུ་ཚད་སོགས་ཀྱང་མཁར་པར་མཁྱེན། སྨིན་གླིང་གཏེར་ཆེན་ལས་དེ་ཉིད་ཀྱི་གཏེར་ཆོས་སོགས་རྙིང་ལུགས་བཀའ་(སྨད་ཆ།༥༦༩)གཏེར་མང་དུ་གསན། ཁྱད་པར་དུ་རྫོགས་ཆེན་པདྨ་རིག་འཛིན་ལས་སྙིང་ཐིག་གི་ཟབ་ཁྲི་གསན་མང་དུ་མཛད། གཏེར་ཆེན་འདིའི་ཆོས་བདག་ཏུ་མངའ་གསོལ་ནས་གཏེར་ཆོས་ཐམས་ཅད་བུམ་པ་གང་བྱོན་སྩལ། གཏེར་ཆོས་ཀྱི་ཁ་བསྐང་དགོས་རིགས་རྣམས་ཀྱང་རྩོམ་པར་བསྐུལ་བ་སོགས་མཛད། ཉང་ཀོང་ཕྱོགས་སུ་ཕེབས་ནས་གཏེར་ཆོས་འཆད་སྦེལ་མཛད་པའི་ལོ་རྒྱུས་ཀྱང་འདུག་གཏེར་ཆེན་གྱིས་ལོ་འདིར་ཆོས་འཆད་ཕྱོགས་འགྲོས་སྦངས་ཏེ་བསྙེན་སྒྲུབ་མཛད་དགོས་ཚུལ་གསུངས་ཀྱང། ཁོང་གིས་ཤེས་ཕྱིན་རྒྱས་པ་འབུམ་པུ་ཏི་བཅུ་དྲུག་ཐུགས་ལ་བཟུང་བ་བརྗེད་ཀྱིས་དོགས་ནས་གཞུང་སར་རྒྱུགས་འབུལ་བ་ལ་རིངས་པས་གཅེན་རྡ་དམར་དཔོན་ཨེ་ཁེ་ཐེས་ཐེས་ཇིས་ཀྱང་ནན་གྱིས་བསྐུལ་བས་ལྷན་དུ་ཕེབས་ཀྱང། ཡུལ་དེར་འབྲུམ་ནད་ཡོད་པས་ཐོར་པ་བཞེས་ནས་སྐུ་ཚེའི་བར་ཆད་དུ་གྱུར། འོན་ཀྱང་རང་ལུགས་ཀྱི་འདོན་ཆོས་གསུང་རྩོམ་དང་ནང་ཀོང་རྣམས་སུའང་གཏེར་ཆོས་དར་བ་སོགས་བསྟན་པ་ལ་བཀའ་དྲིན་ཆེ་བ་ཡིན་ནོ། བཀའ་བཅུ་བ་དཔལ་ལྡན་བཀྲ་ཤིས་ནི། ཡུལ་མདོ་སྨད་ཨ་མདོའི་ཡུལ་གྱི་བྱེ་བྲག་རེ་སྐོང་ཞེས་པའི་སར་འཁྲུངས། དབུས་སུ་ཕེབས་ནས་དཔལ་ལྡན་འབྲས་སྦུངས་ཀྱི་ཆོས་སྡེ་ཆེན་པོར་གསན་བསམ་མཛད། དབུ་ཚད་ཕར་ཕྱིན་སོགས་ལ་མཁས་པར་སྦྱངས། དེ་ནས་སྔགས་ལ་ཞུགས་ཤིང་བདེ་དགྱེས་གསང་གསུམ་སོགས་སྦྱི་དང། ཁྱད་པར་རྙིང་ལུགས་ལ་མཁས། དེ་ནས་ཁམས་ཕྱོགས་སུ་ཕེབས་པར་བཞེད་པས་གཏེར་ཆེན་རིག་འཛིན་ཆེན་(སྨད་ཆ།༥༧༠)པོ་འདི་ཉིད་ཀྱི་སྙན་པ་ཐོས་པས་གཏེར་ཆེན་གྱི་ཞབས་པད་དུ་བཅར་ནས་གཏེར་གསར་དབང་ལུང་ཕལ་ཆེར་ཞུས། གཏེར་ཆོས་ཡོངས་རྫོགས་ནི་རྒྱལ་སྲས་ཨོ་རྒྱན་བསྟན་འཛིན་ལས་གསན་པ་ཡིན་འདུག། སྦྱིར་ཕྲིན་ལས་རྣམ་པ་བཞི་ལ་མངའ་དབང་འབྱོར་ཞིང་ཁྱད་པར་མངོན་སྦྱོད་ཀྱི་ལས་ལ་མཁས། ལྷག་པར་ཡི་གེ་འབྲི་བ་ལ་ལྷག་པའི་ལྷས་བྱིན་གྱིས་བརླབས་པ་ལྟ་བུ་ཞིག་སྟེ་ཉིན་རེར་ཡང་ཤོག་ལྡེབ་ཚ་ཆོས་ལྔ་བཅུ་ང་གྲངས་རེ་འབྲི་ཐུབ་པ་ཡིན་འདུག། དེའི་སྟབས་ཀྱི་གཏེར་ཆེན་ཡབ་སྲས་ཀྱི་ཕྱག་ངེས་ཡང་མང་དུ་བྲིས་ཤིང། དེའི་སྟབས་ཀྱི་གཏེར་ཆེན་ཡབ་སྲས་ཀྱི་ཕྱག་ངེས་ཡང་མང་དུ་བྲིས་ཤིང། ཁོ་རང་གིས་ཀྱང་ཉི་གྲགས་གཏེར་ཆོས་ཡོངས་རྫོགས་བྲིས་ནས་ཡབ་ཡུལ་དུ་ཕེབས། དེང་སང་ཡང་ཕྱོགས་དེ་དག་རྣམས་སུ་ཉི་གྲགས་གཏེར་ཆོས་རྣམས་ཅུང་ཟད་རེ་དར་བ་ཡོད་འདུག་གོ། ཇི་རོང་འོད་གསལ་ནི་གཏེར་སྟོན་རྩ་བའི་ཞབས་རིང་པ་ཞིག་ཡིན་ལ། ལག་པ་བཟོ་བས་གཏེར་ཆོས་ཚང་མ་འབྲི་བའི་ཞབས་འདེབས་དང་ཀྷ་སྐུ་སོགས་བཞེངས་པའི་ཞབས་ཕྱི་སོགས་མཛད་ཅིང། ཆགས་རུ་བདེ་སྐྱིད་གླིང་གི་བདེ་མཆོག་གི་སྐུ་དང། སྟག་སྒང་ཐུབ་ཆེན་སོགས་བཞེངས་དུས་གཏེར་ཆེན་ཉིད་ཀྱི་བྱིན་རླབས་ཀྱིས་ཞལ་རས་རང་བྱོན་དུ་བྱུང་བ་ཡིན་འདུག་སྟེ་ངོ་མཚར་ཆེ་བར་སྣང། གཏེར་ཆེན་གྱིས་ཀྱང་ཆོས་བདག་ལུང་ཟིན་ཞིག་ཏུ་བཞེད། དོར་ཚང་ཕྲིན་ལས་རྡོ་རྗེ་ནི་གཏེར་ཆེན་གྱི་ཞལ་སློབ་རྡོ་རྗེའི་མིང་ཅན་བརྒྱད་ཡོད་པའི་གྲས་ཡིན། གཏེར་ཆེན་གྱིས་ཞབས་ཕྱིར་སྐུ་སྲོག་གཏང་བ་ལ་ཡང་སྙིང་སྟོབས་དང་ལྡན་ཞིང་ཞུམ་པ་མེད་པ་ཞིག་ཡིན་ལ་པདྨ་དྲག་པོ་ལ་ཡི་དམ་དུ་མཛད་པས་མངོན་རྟགས་གསལ་ཞིང། རྒྱལ་སྲས་རིན་པོ་ཆེ་ཨོ་(སྨད་ཆ།༥༧༡)རྒྱན་བསྟན་འཛིན་གྱིས་རྗེ་འདི་དྲག་པོ་དབུ་དགུ་པ་མངོན་སུམ་གཟིགས་པ་ཡིན་སྐད། གཞན་ཡང་ཨོར་ཀོ་བླ་མ་སྐུ་མཆེད། ཆེའོ་ཆོས་མཆོག་བར་ཁམས་བླ་རུ་བླ་མ་ཁག་སོགས་དེང་སང་གི་བར་དུ་ཆོས་བརྒྱུད་འཛིན་པའི་ཆོས་བདག་ལུང་ཟིན་གྱི་རིགས་བསམ་གྱིས་མི་ཁྱབ་ཀྱང་ཐམས་ཅད་འབྲི་བར་མ་ནུས་པས་འདིར་དེ་ཙམ་མོ། གདན་རབས་གཉིས་པ་གཏེར་ཆེན་ཆོས་ཀྱི་རྒྱལ་པོ་མཚུངས་མེད་རིག་འཛིན་ཆེན་པོ་དེ་ཉིད་ཀྱི་སྐུ་གསུང་ཐུགས་ཀྱི་སྲས་མཆོག་ཁམས་གསུམ་ཆོས་ཀྱི་སྒྲོན་མེ། རྒྱལ་སྲས་སེམས་དཔའ་ཆེན་པོ་ཨོ་རྒྱན་བསྟན་འཛིན་གྲགས་པའམ་གུ་རུ་བསོད་ནམས་བསྟན་འཛིན་ནི། ཡབ་གཏེར་ཆེན་ཆོས་ཀྱི་རྒྱལ་པོ་དེ་ཉིད་དང། ཡུམ་རིགས་ལྡན་ཀྱི་ཌཀྐི་ནི་ཚེ་རང་དབང་མོ་ཞེས་པའི་སྲས་སུ་ཁྱུ་མཆོག་ཅེས་པ་ལྕགས་མོ་སྦྲུལ་ཀྱི་ལོ་ལ་ངོ་མཚར་བའི་ལྟས་བསམ་གྱིས་མི་ཁྱབ་པ་དང་བཅས་སྐུ་བལྟམས། ལྟུམས་ན་བཞུགས་པའི་དུས་སུ་ཡང་ཡུམ་གྱི་རྨི་ལམ་དུ། ཉི་ཟླ་ཤར་བ་དང། ནམ་མཁར་འཕུར་བ། ཤེལ་གྱི་མཆོད་རྟེན་བརྙེད་པ་སོགས་བྱུང་ཞིང། ཡབ་གཏེར་ཆེན་ཆོས་ཀྱི་རྒྱལ་པོས་ཀྱང་གཏེར་ལུང་དང་མཐུན་པར་དབང་ཆེན་རྟ་མགྲིན་གྱི་སྦྲུལ་པར་ལུང་བསྟན། གཏེར་ཆེན་ཉིད་ཀྱིས་མཚན་བཅས་མཚན་མེད་ཀྱིས་བསྲུང་བ་དང་དབང་དང་སྐུ་འཁྲུས་སོགས་སྩལ། སྐུ་བསྐྱེད་བསྲིང་ནས་རིམ་པར་ལྗགས་ཀློག་ཕུལ་བའང་ཚོགས་མེད་པར་མཁྱེན། སྐུ་གཞོན་ནུའི་དུས་སྔོན་གྱི་གནས་མང་པོ་རྗེས་སུ་དྲན་པ་དང། ཁྱད་པར་དུ་དཱགས་པོ་བཟང་པོ་རྡོ་རྗེའི་སྐྱེ་བ་ཡིན་ཚུལ་ཡང་ཡང་གསུངས་པས་གྲ་སློབ་རནམས་བླ་མས་ཕངས་པས་གཞན་ལ་མ་བསྒྲགས་ཏེ་གསངས་པས་གྲ་སློབ་རྣམས་བླ་མས་ཕངས་པས་གཞན་ལ་མ་བསྒྲགས་ཏེ་གསང་རྒྱ་དང་གསུང་འགོག་(སྨད་ཆ།༥༧༢)པར་བྱས་པའི་ཚེ་རྡོ་བླ་ལྷུན་རྡོར་ཞེས་པའི་དགེ་རྒན་གཡོ་ཆེན་ཞིག་ཡོད་པ་དེས་གྲོང་ཡུལ་ཞིག་ཏུ་བྱོན་དུས་ཤིག། རྒྱལ་སྲས་རིན་པོ་ཆེའི་རྟ་དང། དགེ་རྒན་གྱི་ཁལ་ཞིག་ཆིབས་ནས། དེ་རིང་ངེད་རང་དཔོན་སློབ་ཆིབས་རྒྱུག་ཞིག་བྱེད། སུས་འཇོག་པ་དེས་རྟ་ཆིབས་རྒྱུ་བྱེད་ཟེར་ནས་རྒྱུག་པས་རྒྱལ་སྲས་རིན་པོ་ཆེས་ཆེབས་ཁ་ལྷོད་མ་ཕོད་པས་དགེ་རྒན་སྔོན་ལ་ཤོར་བས་ཐུགས་ཚིག་ནས་བཤུམས་པ་ན། དགེ་རྒན་གྱིས་འོ་ན་དཱགས་པོ་ནས་ཡིན་ཟེར་ན་ངེད་ཀྱི་རྟ་འཕྲོག་རྒྱུ་ཡིན་ཞུས་པས་དེ་ནས་ཡེ་གསུངས་མི་ཕོད་པ་ཞིག་བྱུང། ཕྱིས་ཚད་ནགས་ཤོད་སྟོད་ཀྱི་འབྲོག་སྡེ་ཞིག་ཏུ་བྱོན་དུས་དུད་ཚང་ཞིག་གི་སེ་ཕེབས་པ་ན། ཁྱེད་ལ་ངེད་ཀྱི་ཡི་གེ་ཞིག་བཅོལ་ཡོད་པ་ཞིག་གི་སར་ཕེབས་པ་ན། ཁྱེད་པ་ངེད་ཁོ་བོས་བཅོལ་ཡོད་པ་དེ་ཁྱེར་ཤོག་གསུངས་པས། ཡོན་བདག་དེས་ཁོ་བོས་ད་རེས་ལས་ཉིད་ཀྱི་ཞལ་ཡང་མཇལ་མ་མྱོང་བས་ཡི་གེ་བཅོལ་རྒྱུ་དེ་ག་ལ་ཡོད་ཞུས་པས། ཁོ་བོ་ཕྱོགས་འདིར་གདུལ་བྱར་ཕེབས་དུས་ས་ཆ་འདིར་བཞུགས་སྒར་གནང་སྐབས་ཁྱོད་ལ་ངེད་འདིར་སླེབས་དུས་སྦྲོད་དགོས་ཟེར་བ་དེ་མི་དྲན་ནམ་གསུངས་པས། ཡོན་བདག་དེས་དེ་འདྲ་ཞིག་དཱགས་པོ་བཟང་པོ་རྡོ་རྗེ་གསུངས་པ་ཡོད་ཚུལ་ཞུས་པས། དེ་ག་ཁྱེར་ཤོག་གསུངས་པ་བཞིན་ཕུལ་བས་དགྱེས་ཚོར་དཔེ་མེད་མཛད་པས་ཀུན་གྱི་དཱགས་པོ་བཟང་པོ་རྡོ་རྗེའི་སྐུའི་སྐྱེ་བ་འཁྲུལ་མེད་དུ་གླེང་ངོ། དེ་ལྟར་གྱི་རྒྱུད་མཚན་ཡང་དཱགས་པོ་རིན་པོ་ཆེ་དེ་ཉིད་གཏེར་ཆེན་འདིས་ཆོས་བདག་ཏུ་ངོས་འཛིན་ཕུལ་ནས་གཏེར་ཆོས་འགའ་ཞིག་ཀྱང་འབུལ་བ་ཡིན་འདུག་ཀྱང་གཏེར་སྟོན་ཐུགས་དགོངས་རྫོགས་པ་ཙམ་ཞིག་ཕུལ་མ་ཐུབ་པས། སླར་ཡང་ཞབས་བསྐུལ་ཕུལ་བ་ན། ད་ལམ་རྟེན་འབྲེལ་མཚོན་བྱེད་ཙམ་ལས་རྒྱས་པ་ཞུ་མ་གྲུབ་ཀྱང། སླར་གཏེར་ཆོས་(སྨད་ཆ།༥༧༣)ཡོངས་རྫོགས་ཞུ་བའི་འདུན་པ་དང་ཐུགས་དགོངས་རྫོགས་པ་ཞིག་བྱེད་ཅེས་གསུངས་ནས་རིང་པོར་མ་ལོན་པར་སྐུ་གཤེགས་པས། གཏེར་ཆེན་འདིའི་བསྟན་པ་འཛིན་ཕྱིར་སྐུའི་སྲས་སུ་བསམ་བཞིན་དུ་སྐྱེ་བ་བཞེས་པ་ཡིན་འདུག་སྟེ། གཏེར་སྟོན་རིན་པོ་ཆེས་ཀྱང་དེ་བཞིན་ཡིན་པར་བཞེད། འོན་ཀྱང་སྦྲུལ་པའི་སྐུ་གཉིས་བྱོན་པ་མི་འགལ་ལམ་ཞེ་ན་སྐྱོན་མེད་དེ་ཀུན་མཁྱེན་ཀློང་ཆེན་པ་དང་གྲགས་པ་འོད་ཟེར་ཡབ་སྲས་གཉིས་ཀ་ལས་འབྲེལ་བའི་སྐྱེ་བར་བཤད་པ་དང་མཚུང་སོ། དེ་ནས་རིམ་པར་དགུང་ལོ་བདུན་བརྒྱད་ཙམ་བཞེས་པ་ནས་གསན་བསམ་ཅི་རིགས་མཛད། ཁྱད་པར་དུ་ཡབ་གཏེར་ཆེན་ཆོས་ཀྱི་རྒྱལ་པོའི་སྐུ་ཞབས་ནས་དབང་ལུང་ཇི་སྙེེད་ཅིག་གསན་ཅིང། རྗེ་ཉིད་ཀྱི་གཏེར་བྱོན་གཏེར་གསརེ་ཚང་བའི་དབང་ལུང་ཐམས་ཅད་ཆད་ལྷག་མེད་པར་བཀའ་རྫོགས་ལུང་རྫོགས་སུ་གསན་ཅིང་འགའ་ཞིག་ལན་མང་དུ་གསན་པའང་ཡོད་ལ། དགུང་ལོ་བཅུ་གཅིག་ཙམ་ནས་ཡབ་གཤེགས་པའི་གཤེགས་རྫོངས་དང་གསན་ལྷན་ཅིག་ཏུ་དབུས་ཕྱོགས་སུ་ཕེབས། ལྷ་ས་བསམ་ཡས་སོགས་ཀྱིས་མཚོན་པའི་བོད་ཡུལ་བླ་མ་ལྷ་བཅས་མཇལ་བ་དང་གནས་གཟིགས་མཆོད་འབུལ་རྒྱ་ཆེར་མཛད་ཅིང། ཁྱད་པར་གྲ་ཚང་ཕན་བདེ་ལེགས་བཤད་གླིང་དང། སེར་འབྲས། རྡོར་སྨིན་རྣམས་ལ་མང་ཇ་ཕྱག་འགྱེད་སོགས་གང་རྒྱས་དང། ཁྱད་པར་རང་ལུགས་རྡོ་རྗེ་བྲག་དང་སྨིན་གླིང་སོགས་ནས་བཞིས་ལེན་དང་ཤངས་ལེན་ཀྱང་གང་རྒྱས་གནང་འདུག་ཅིང། དེར་མཐུན་ཡར་ཡང་འབུལ་ཞབས་དང་ཆོས་བཀའ་ཞུ་བ་སོགས་མཛད་དེ། དེ་ཡང་སྨིན་གླིང་གཏེར་ཆེན་སྐུ་ཞབས་ནས་སྐྱབས་སྡོམ་དང་མཚན་ཨོ་རྒྱན་འགྱུར་མེད་བསྟན་འཕེལ་རྒྱ་(སྨད་ཆ།༥༧༤)མཚོ་ཞེས་སྩལ། བཀུར་བཟོས་གང་ཆེ་དང། བསྙེན་བཀུར་ཕུན་སུམ་ཚོགས་པ་མཛད། བསྟན་ཇུས་གཅིག་ཏུ་ཡོད་བའི་བཀའ་ལུང་བཟང་པོས་རྗེས་སུ་འཛིན་པར་མཛད་ཀྱང་ཕྱིས་དུས་འགྱུར་སོགས་ཀྱིས་འཕྲོ་མཐུད་པ་ཞིག་སྟབས་འགྲིག་མ་བྱུང་འདུག། དབང་ལུང་བཀའ་ཆོས་ཞུ་དགོས་ཐམས་ཅད་གདུང་སྲས་རིན་པོ་ཆེར་སྩལ་དུ་འཇུག་པ་སོགས་བཀའ་དྲིན་བདག་རྐྱེན་གཞན་འགྲན་མེད་པ་དང་དངོས་རྫས་ཀྱི་གནང་སྐྱེས་སོས་བསམ་གྱིས་མི་ཁྱབ་པ་མཛད། གདུང་སྲས་པདྨ་འགྱུར་མེད་རྒྱ་མཚོའི་སྐུ་ཞབས་ནས་ལུང་ཨ་ནུ་ཡོ་ག་འདུས་པ་མདོ་དབང་ཆེན་མོ་ཞེས་ཐེག་པ་རིམ་པ་དགུའི་དབང་བཀའ་ཡོངས་སུ་རྫོགས་པ་ཚད་ལ་མ་ནོར་བ་ཟབ་ཅིང་རྒྱ་ཆེ་བའི་རྒྱུད་ལུང་མན་ངག་གི་གནད་ཐམས་ཅད་ཕྱོགས་གཅིག་ཏུ་བསྒྲིལ་བའི་ཕྱག་བཞེས་གཏེར་ཆེན་སྐུ་མཆེད་ཀྱི་ཡིག་ཆའི་སྟེང་ནས་དབང་ལུང་ཡོངས་སུ་རྫོགས་པ་གསན་ཅིང། གཞན་ཡང་གཏེར་སྟོན་ཀརྨ་གླིང་པའི་གཏེར་བྱོན་ཟབ་ཅོས་ཞི་ཁྲོ་དགོངས་པ་རང་གྲོལ་གྱི་དབང་སོགས་ཆོས་བཀའ་མང་དུ་གསན། མཁན་ཆེན་ལོ་ཙཱ་བ་དྷཱརྨ་ཤྲཱིའི་ཞབས་དྲུང་ནས་ཞི་ཁྲོའི་པོད་ལུང་དང་གཞན་ཡང་བཀའ་ཆོས་མང་དུ་གསན། བླ་མ་ཆོས་རྫོང་བའི་དྲུང་ནས་གུ་རུ་ཆོས་དབང་གི་གསང་འདུས་སོགས་གསན། རྡོ་རྗེ་བྲག་ཟུར་སྦྲུལ་དྲུང་ནས་བཀའ་ཐང་ཤེལ་བྲག་མའི་ལུང་དང། པད་གླིང་དྲག་དམར། ཐུགས་རྗེ་ཆེན་པོ་འཁོར་བ་དངོས་སྦུགས་ཀྱི་དབང་ལུང་རྣམས་གསན། གཞན་ཡང་ཁམས་སུ་ཕེབས་སྐབས་རྫོས་ཆེན་དཔོན་སློབ་ནམ་མཁའ་འོད་གསལ་གྱི་དྲུང་ནས་འཇའ་ཚོན་པའི་དཀོན་མཆོག་སྦྱི་འདུས་དབང་ལུང་དང་(སྨད་ཆ།༥༧༥)རྫོགས་ཆེན་སྦྲུལ་སྐུ་རིན་པོ་ཆེ་འགྱུར་མེད་ཐིག་མཆོག་བསྟན་འཛིན་དྲུང་ནས་བསམ་པ་ལྷུན་གྲུབ་མའི་དབང་དང། སྨིན་གླིང་གཏེར་ཁའི་རིག་འཛིན་ཐུགས་ཐིག་གི་དབང་ལུང་སོགས་གསན། ཁམས་པ་སྦྲུལ་སྐུ་ངག་དབང་ཀུན་དགའ་བསྟན་འཛིན་གྱི་དྲུང་ནས་རརྣ་གླིང་པའི་ཕུར་པ་ཡང་གསང་བླ་མེད་ཀྱི་དབང་ལུང་ཡོངས་རྫོགས་གསན། བླ་མ་དམ་པ་སྐལ་བཟང་དབང་ལྡན་དྲུང་ནས་སྔ་ཕྱིར་ཆོས་བཀའ་མང་དུ་གསན་ཏེ། ཞིབ་པར་བཀའ་ཆོས་གསན་ཚུལ་མཐའ་ད་གསན་ཡིག་ཏུ་གསལ་བ་ལས་འདིར་སྨོས་ཀྱིས་མི་མང་ངོ། གཞན་ཡང་སྦྱོད་འཇུག་ལས། རྒྱལ་སྲས་རྣམས་ཀྱིས་མི་སློབ་པའི། དངོས་དེ་གང་ཡང་ཡོད་མ་ཡིན། དེ་ལྟར་གྱུར་པའི་མཁས་པ་ལ། བསོད་ནམས་མ་གྱུར་གང་ཡང་མེད། ཅེས་གསུངས་པ་ལྟར། རིག་གནས་ཀྱི་སྐོར་སོགས་ཀྱང་སྨན་དཔྱད་རྩིས་རིགས་སྙན་ངག་དང་ལན་ཝར་སོགས་ཡིག་རིགས་རྣམས་ལའང་སྦྱོང་བརྡར་ཆེས་ཆེར་མཛད། བརྡ་སྦྲོད་པའི་བཞུང་དབྱངས་ཅན་མ་སོགས་ལའང་སྦྱོང་བརྡར་ཅི་རིགས་མཛད་ཅིང་རྩིས་དཀར་ནག་དང་སྨན་དཔྱད་རྣམས་ལའང་སློབ་སྦྱོང་གནང་བས་མཁས་པར་མཁྱེན་ཅིང། སྨན་སྦྱིན་ཀྱང་ལོ་འགར་མཛད། མདོ་སྔགས་ཀྱི་གཞུང་འགྲེལ་མང་པོར་ཡང་མཁས་པར་སྦྱངས་ཤིང་སྐྱེས་ཐོབ་ཀྱི་རྣམ་དཔྱོད་ཕུལ་དུ་ཕྱིན་པས་ཤེས་བྱ་གང་ལའང་ལན་རེ་ཟུང་རེ་གཟིགས་པ་ཙམ་གྱིས་དོན་གྱི་གནད་ཐམས་ཅད་ལེགས་པར་མཁྱེན་པས་མཁས་པའི་རྩེར་སོན་ཏེ། དཔང་ལོ་ཆེན་པོས། སྔོན་ནས་སྦྱངས་པས་སྐྱེ་བ་འདིར། གཞུང་ཀུན་རྩེ་མོས་ཞར་ལ་ཤེས། ཞེས་གསུངས་པ་ལྟར་མཁྱེན་རབ་ཀྱི་རྩལ་ཆེ་བས་ཤེེས་བྱ་གང་ལང་གཞན་དྲིང་མི་འཇོག་པར་མཁྱེན་དཔྱོད་དང་ལྡན་པ་ཞིག་(སྨད་ཆ།༥༧༦)གོ། དགུང་ལོ་བཅོ་བརྒྱད་ཙམ་བཞེས་དུས་དབུས་ཕྱོགས་སུ་ཇུན་གར་གྱི་དུས་འགྱུར་ལ་བརྟྲེན་སྦྲུལ་པའི་སྐུ་རིན་པོ་ཆེ་དང་ལྷན་རྒྱས་སུ་ཁམས་སྡེ་དགེ་ཕྱོགས་སུ་ཆིབས་སྐྱོད་གནང། བར་ཁམས་རྡོ་ཤུལ་བླ་མ་རིག་འཛིན་དབང་ཕྱུག་དང། བླ་རྒན་བསྟན་པ་ཚང་སོགས་ཀྱིས་གདན་ཞུ་དང་གཞི་ལེན་བསྙེན་བཀུར་འབུལ་ནོད་རྒྱ་ཆེར་ཕུལ། གཞན་ཡང་འབྲོང་པ། དགེ་རྒྱལ། ནང་ཆེན་སོགས་ལམ་བར་དུ་འཁོད་པའི་ཡུལ་འབྲོག་སོ་སོ་གུས་འདུད་དང་བསྙེན་བཀུར་གྱིས་མཆོད་ཅིང། དེ་དག་ལའང་དབང་ཆོས་སོགས་ཀྱིས་ཕན་གདགས། རིམ་པར་སྡེ་དགེའི་རྫོང་སྒོ་འགའ་ཞིག་བརྒལ་བ་ནས་ཁང་དམར་རྒོད་ཚང་ཕུག་པར་བླ་མ་དབང་འཛིན་གྱིས་གདན་དྲངས་ནས་བསྙེན་བཀུར་ཕུལ། དེ་ནས་སྟག་མོ་སྒང་སྐལ་བཟང་ཕུན་ཚོགས་གླིང་དུ་ཆིབས་སྐྱོད་གནང་བས། ཆོས་སྡེ་ནས་ཀྱང་བསུ་བའི་བཀོད་ཤམས་རྒྱ་ཆེན་པོའི་སེར་སྦྲེང་དང་བཅས་གཏེར་ཆེན་བླ་མའི་ཆོས་ཀྱི་ཁྲི་ལ་ཞབས་ཀྱི་པདྨ་བཀོད་པར་གྱུར་ཏོ། འདི་སྐབས་སྡེ་དགེ་མཇལ་བར་ལྷུན་གྲུབ་སྟེང་གི་རྒྱལ་ཁབ་ཆེན་པོ་ཞབས་པད་བསྐྱོད་པས་ས་སྐྱོང་ཆོས་ཀྱི་རྒྱལ་པོས་ཀྱང་གཞི་ལེན་དང་ཤངས་ལེན་རྒྱན་པར་སྩལ་ཞིང། དངོས་རྫས་དུ་མའི་ལེགས་འབུལ་རྒྱ་ཆེར་བསྟབས། འདི་སྐབས་སྡེ་དགེའི་ཁོག་ཏུ་ལོ་གོ་ལྔ་ཙམ་བཞུགས་གདན་འཇགས་ཏེ། རྫོགས་ཆེན་གདན་ས་ཆེན་མོ་རུ་དམ་དགོན་དུའང་ཕེབས་དཔོན་སློབ་ནམ་མཁའ་འོད་གསལ། རྫོགས་ཆེན་མཆོག་སྦྲུལ། ཁམས་པ་སྦྲུལ་སྐུ་ངག་དབང་ཀུན་དགའ་བསྟན་འཛིན་སོགས་དང་མཇལ་འཕྲད་དང་དབང་ལུང་ཅི་རིགས་གསན། གཞན་ཡང་འབྲོག་སྡེ་དང་ཡུལ་གྲོང་རྣམས་སུ་ཆིབས་སྐྱོད་དང་བཀའ་ཆོས་ཀྱི་བྱིན་རླབས་སོགས་(སྨད་ཆ།༥༧༧)ཀྱིས་འབྲེལ་ཐོག་འཁོར་བ་མཐའ་ཅན་དུ་མཛད། སྟག་སྒང་དུའང་གཏེར་གསར་ཡོངས་རྫོགས་ཀྱི་དབང་ལུང་མཛད་མ་ཚང་བ་མེད་པར་སྩལ། རྗེ་འདིས་དབང་བཀུར་མཛད་ཚེ་བྱིན་འབེབས་སོགས་ཀྱི་དུས་སུ་ཡེ་ཤེས་པ་ཕེབས་པའི་རྟགས་མཚན་དངོས་སུ་འཕྱོ་བ་དང་འདར་བ་དང་འཁྲབ་པ་དང་སྨྲ་བ་དང་དགོད་པ་སོགས་བྱུང་བར་སྣང་ལ། གཞན་ཡང་ངོ་མཚར་བའི་ལྟས་ཁྱད་པར་ཅན་དུ་མ་བྱུང་བར་གྲགས། རྗེ་ཉིད་ཡབ་གཏེར་ཆེན་རིག་འཛིན་ཆེན་པོ་དེ་ཉིད་ཀྱིས་སྐུ་རྟེན་སྔགས་ཆས་མཛད་དགོས་པའི་བཀའ་ལུང་ཡོད་ཀྱང། སྡེ་དགེ་ས་དབང་ཆེན་པོའི་བཀའ་བསྐུལ་ནས་རྟེན་རབ་བྱུང་དུ་བསྒྱུར་བར་གནང། ས་དབང་ཆེན་པོ་དེ་ཉིད་ཀྱིས་ཀྱང་དབང་མང་དུ་གསན་ཕུན་སུམ་ཚོགས་པས་དབུའི་མཆོད་གནས་སུ་བསྐུར། ཞབས་ཏོག་དང་འབུལ་བ་རྒྱ་ཆེན་ལན་གཅིག་མིན་པར་ཡང་ཡང་ཕུལ་བ་སོགས་མཛད། སླར་ཡང་བོད་ཁོག་བདེ་འཇགས་སུ་གྱུར་ནས་གདན་ས་གོང་མར་ཆིབས་སྐྱོད་གནང། གདན་སར་ཕེབས་གྲུབ་ནས་འབྲག་ཡུལ་རྣམས་སུ་འགྲོ་ཕན་ཅུང་ཟད་མཛད་ཅིང། དེ་ནས་སྐུ་མཚམས་བཅད་རྒྱ་ཁོ་ན་ལ་ཚིག་སྒྲིལ་མཛད། སྒྲུབ་གནས་ཀྱང། མེ་འབར་ཕུག། ཕུག་ནག་རྡོ་རྗེ་སྙིང་རྫོང་རྣམས་སུ་གནས་འབྲེལ་རེ་ཙམ་ལས། གཙོར་ཆེར་སེར་བཀྲ་ཤིས་སྟོད་རང་དུ་ལོ་མཚམས་དང་ཟླ་མཚམས་ལོ་སྦྲེལ་མ་ལ་སོགས་པའི་བཅད་རྒྱ་ལོ་ལྔ་ཙམ་མཛད་ཅིང། གཏེར་གསར་ཕལ་ཆེར་གྱི་བསྙེན་སྒྲུབ་མ་སོང་བ་མེད། གཞན་ཡང་གཏེར་རྙིང་གི་ལྗགས་བསྙེན་ཀྱང་མང་དུ་གནང་ཞིང། མཚམས་བར་རྣམས་སུ་རྟེན་བཞེངས་ཀྱང་ཅི་འགྲུབ་མཛད། སྦྱིར་ཡང་བླ་མ་དམ་པ་དེ་ཉིད་ཐུགས་(སྨད་ཆ།༥༧༨)རྗེ་དང། མཁྱེན་རབ་ཚད་མེད་པ་མངའ་ཞིང། ལུང་དང་རྟོགས་པའི་ཡོན་ཏན་རྒྱ་མཚོ་ལྟ་བུས་ཐུགས་རྒྱུད་བལྟམས་པ་ཞིག་སྟེ། སྐྱེ་ཐོབ་ཀྱི་སྙིང་རྗེ་ཆེན་པོའི་གཞན་དབང་གིས་འགྲོ་བ་ཀུན་ལ་བུ་གཅིག་པ་ལྟ་བུའི་བརྩེ་བའི་སྙིང་རྗེ་དང་ལྡན་པས་སེམས་ཅན་དབུལ་ཕོངས་སོགས་སྡུས་བསྔལ་གྱིས་ཉམས་ཐག་པ་རྣམས་ལ་ཟས་གོས་སོགས་མཐུན་རྐྱེན་སྒོ་དུས་མས་ཕན་གདགས་པ་དང། ཐ་བ་དུད་འགྲོའི་རིགས་གྱུར་རྣམས་ལང་རྡོན་རྒྱན་སྲོག་བསླུ་སོགས་ཀྱིས་ཕན་གདགས། གཞན་ཡང་འགྲོ་དོན་བཞུགས་སྒར་ཕེབས་སར་ཡང་དགེ་སྒྲུབ་སྡིག་སྦོང་གི་དགེ་བསྐུལ་ཁོ་ན་མཛད་ཅིང། མནའ་སྦོང་བ། སྲོག་གཅོད་སྦོང་བ་རྐུན་ཇག་མི་བྱེད་པ་སོགས་ཁས་ལེན་དུ་བཅུག་ཅིང། དེ་བཞིན་དུ་སེར་མོའི་རིགས་ལ་ཐུགས་དམ་ཞལ་འདོན་སོགས་དང། སྐྱེ་བོ་ཕོ་མོ་རྣམས་ལའང་བསྙེན་གནས་བསྙུང་གནས། སྐོང་བ་ལྷ་ཕྱག་མ་ཎི་འདོན་པ། མར་མེ། ཚེ་ཐར། པཙྪ། ཆུ་གཏོར། ཇོ་དར་སོགས་དགེ་བ་ལ་བསྐུལ་ཞིང་དམ་བཅའ་བཟུང་དུ་བཅུག་པ་སོགས་རྣམ་དཀར་གྱི་ཕྲིན་ལས་བསྐྱངས་ཤིང། ཡོན་བདག་དང་སློབ་མ་སོགས་ཀྱི་ཕུལ་བའི་དངོས་རྫས་བྱུང་རིགས་རྣམས་ཀྱང། ཆོས་སྡེ་སོ་སོར་འགྱེད་མང་བཀོལ་སོགས་དང་སྔགས་གྲོང་དང་ཡུལ་པའི་ཚེས་བཅུ་བ་རྣམས་ལའང་དེ་རྟེན་དང་ཡོན་སྦྱོར་མཛད། ཐ་ན་མུ་ཏོ་བ་རྣམས་ལའང་ཕྱག་སྐོར་མ་ཎི་སོགས་འདོན་དུ་བཅུག་ནས་གནང་སྦྱིན་མཛད། དུས་རྟག་ཏུ་ཐུགས་དམ་བསྒོམ་བཟླས་སོགས་གཡེལ་བ་མི་མངའ་ཞིང། དེའི་སྟོབས་ཀྱིས་རྩ་བ་གསུམ་གྱི་ལྷག་པའི་ལྷ་རབ་འབྱམས་ཞལ་གཟིགས་པ་དང་ལུང་བསྟན་རྗེས་སུ་གནང་བ་སོགས་བསམ་གྱིས་མི་(སྨད་ཆ།༥༧༩)ཁྱབ་པ་ཡོད་ཀྱང་འདིར་ཡི་གེ་མང་བས་འབྲི་བར་མ་ནུས་པས་རྗེ་ཉིད་ཀྱི་ངག་སྣང་ཐོར་བུ་ཞལ་གསུང་མར་ལྟ་བར་བྱ་ཞིང། ཁྱད་པར་གུ་རུ་པདྨས་ཞལ་དངོས་སུ་བསྟན་ནས་གུ་རུ་བསོད་ནམས་བསྟན་འཛིན་ཞེས་པའི་མཚན་གསོལ་བས་དེ་ཕྱིན་མཚན་ཡང་དེ་ལྟར་གྲགས། གུ་རུ་ཡབ་ཡུམ་ཕལ་ཆེར་འབྲལ་མེད་དུ་གཟིགས་ཤིང། དག་པའི་སྣང་བ་ཕྱོགས་མེད་དུ་ཤར་བས། དག་སྣང་གི་ཆོས་སྡེ་ཚེ་སྒྲུབ་ཟླ་བའི་སྙིང་པོ་དང། གུ་དྲག་གི་ཆོས་སྐོར་སོགས་པུ་ཏི་གཉིས་ཙམ་ཡོད་ལ། གཞན་ཡང་རྡོ་རྗེ་ཆོས་སྐྱོང་རྣམས་དང་དཀར་ཕྱོགས་སྐྱོང་བའི་གཞི་བདག་རྣམས་ཀྱང་གུས་པས་བཏུད་ཅིང་འཕྲིན་ལས་བསྒྲུབས་ཏེ། ཇོ་བོ་སྒྱོགས་ཆེན་གདོང་རས་གསེར་ཐིག་པོ་ཞིག་ཕུལ་བ་དངོས་སུ་ཕྱག་ཏུ་སོན་པ་སོགས་ཡ་མཚན་ཅན་གྱི་རྣམ་ཐར་བརྗོད་ཀྱིས་མི་ལངས། མ་འོངས་འབྱུང་འགྱུར་གྱི་ལུང་བསྟན་གྱི་རིགས་རྣམས་ཀྱང་ཐོག་ཏུ་མ་ཁེལ་བ་མེད་པ་དང། གཞན་བརྒྱུད་ཀྱི་རྟོག་པ་མཁྱེན་པས་ཁྱོད་སྔར་འདི་འདྲ་ཞིག་ཏུ་སྐྱེས་པ་ཡིན་འདུག། ང་འདི་ཞིག་ཏུ་སྐྱེ་བ་འདུག་གསུངས་པ་རྣམས་ཀྱང་ཐོག་ཏུ་མ་ཁེལ་ན་མེད་པ་དང། ལྷག་པར་གཤིན་པོ་འགའ་ཞིག་གི་ལུས་ལ་མཚལ་དང་སྣག་ཚ་སོགས་ཀྱིས་ཕྱག་མཛུབ་ཀྱི་རྗེས་བཞག་ནས་འདིས་སྐྱེ་བ་ལ་རྟགས་འདི་ཡོད་པ་འོང་གསུངས་པ་རྣམས་ཀྱང་ཇི་ལྟར་གསུངས་པ་བཞིན་བྱུང་བར་མང་དུ་སྣང་ཞིང། དེ་བཞིན་དུ་སྐྱེ་བ་དྲན་པའང་དུ་བྱུང་སྣང་སྟེ་བདག་རྒྱལ་སྲས་རིན་པོ་ཆེས་འདིར་གཏོང་བ་ཡིན་ཟེར་བ་དང། བར་སྲིད་ཀྱི་སེམས་ཅན་རྣམས་གཟིགས་ཚུལ་སོགས་ངོ་མཚར་ཅན་མཐའ་ཀླས་པ་ཡོད། གསུང་རྩོམ་བསྟན་བཅོས་ཀྱི་རིགས་ཀྱང། བསྟོད་ཚོགས། ཞལ་གདམས།(སྨད་ཆ།༥༨༠)བསང་གསུར་སོགས་ཉེ་མཁོ་པུ་ཏིར་ལོངས་པ་ཡོད་ལ། དེ་ནས་རེ་ཞིག་གདུལ་བར་བྱ་བའང་དེ་ཙམ་དུ་གཟིགས་ནས་རྗེ་བཙུན་མཆོག་གི་སྦྲུལ་སྐུ་རིན་པོ་ཆེ་རིག་འཛིན་བསྟན་སྐྱོང་རྒྱ་མཚོར་ཞལ་ཆེམས་ཀྱི་ཚུལ་དུ་བསླབ་བྱ་དུས་གསུམ་ལུང་བསྟན་སོགས་སྩལ་ནས་ངེས་དོན་གྱི་བསྟན་པ་གཏད་དེ་དགུང་ལོ་ཉེར་བདུན་པ་ལ་གཟུགས་སྐུའི་བཀོད་པ་ཆོས་སྐྱི་དབྱིངས་སུ་བསྡུ་བའི་ཚུལ་བསྟན་པར་གྱུར་ཏོ། སྐུ་གདུང་རིན་པོ་ཆེ་ཞུགས་འབུལ་བགྱིས་པས་རྟེན་ཁྱད་པར་ཅན་མང་དུ་བྱོན། དགོངས་རྫོགས་མཆོད་སྦྲིན་སྦྲོ་བ་རྟེན་བཞེངས་སོགས་བོད་ཡུལ་ཕྱིན་མདོ་སྨད་ཡན་གྱི་རང་ལུགས་དང་འབྲེལ་བའི་བླ་མ་ཆོས་སྡེ་རྣམས་ལ་འབུལ་བ་མང་བཀོལ་སོགས་གང་རྒྱས་སྒྲུབ་པ་སོགས་མཆོག་སྦྲུལ་རིན་པོ ་ཆེ་ཉིད་ཀྱིས་ཐུགས་བཞེས་མཛད་ནས་ལེགས་པར་གྲུབ་པ་ཡིན་འདུག། རྗེ་འདིའི་སྦྲུལ་པའི་སྐུ་ནི་ཀ་འོག་ཏུ་སྔགས་བརྒྱུད་ཅིག་ཏུ་འཁྲུངས། རྗེ་བླ་མ་མཆོག་སྦྲུལ་རིན་པོ་ཆེ་རིག་འཛིན་བསྟན་སྐྱོང་རྒྱ་མཚོ་ཉིད་ཀྱིས་ངོས་འཛིན་སོགས་བླ་མ་ལྟར་བཅས་ཀྱི་ལུང་མཐུན་བཞིན་མཛད་ནས་གདན་སར་སྦྱན་དྲངས། གཙུག་ཕུད་བཞེས་ནས་མཚན་ཨོ་རྒྱན་ཕྲིན་ལས་རྒྱ་མཚོར་གསོལ། སྦྲུལ་པའི་སྐུ་ཐུགས་རིག་བཀྲ་ཞིང་རྣམ་དཔྱོད་གཙང་བས་སྐུ་ཡོན་གྱི་རིགས་རྣམས་ཀྱང་ཚོགས་མེད་དུ་མཁྱེན། རྗེ་བླ་མ་ཉིད་ཀྱི་སྨིན་གྲོལ་གྱི་གདམས་རྣམས་ཀྱང་ཚོགས་མེད་དུ་མཁྱེན། རྗེ་བླ་མ་ཉིད་ཀྱི་སྨིན་གྲོལ་གྱི་གདམས་ཟབ་ཡང་དུ་སྩལ་ཞིང། རྒྱལ་བ་སྐལ་བཟང་རྒྱ་མཚོ་རབ་ཏུ་བྱུང་བའི་མཚན་སྐལ་བཟང་རིག་འཛིན་ཞེས་པ་གནང། བསྙེན་སྒྲུབ་སོགས་ལ་ཐུགས་སྩོལ་འདོན་པ་སོགས་སྐྱེས་ཆེན་དམ་པར་འོས་པ་ཞིག་བཞུགས་ཀྱང། དགུང་ལོ་བཅོ་བརྒྱད་པ་ལ་དག་པའི་ཞིང་དུ་གཤེགས། དེའི་སྦྲུལ་སྐུ་ཡང་ཀ་འོག་ཏུ་སྔགས་འཆང་(སྨད་ཆ།༥༨༡)རང་གྲོལ་ཞེས་པའི་སྲས་སུ་འཁྲུངས། སྔོན་གནས་རྗེས་དྲན་གྱི་གསུང་གསལ་བ་དང་གསང་ལུང་མཐུན་པར་གདན་སར་ཕེབས། རྗེ་བླ་མས་གཙུག་ཕུད་བཞེས་ནས་མཚན་ཨོ་རྒྱན་དཔལ་འབྱོར་རྒྱ་མཚོར་གསོལ། འདི་དུས་མི་གཞན་ཞིག་གིས་ཁོ་རང་གི་བུ་རྒྱལ་སྲས་སྦྲུལ་སྐུ་ཡིན་པར་བསྒྲགས་པས་སྲུང་མས་མངོན་སུམ་དུ་སྒྲལ་བ་བྱུང། སྦྲུལ་པའི་སྐུ་མཁྱེན་དཔྱོད་ཀྱི་པདྨོ་རྣམ་པར་རྒྱས་པ་ཙམ་དུ་མ་ཟད། དག་པའི་སྣང་བ་རབ་འབྱམས་སུ་ཤར་བས་ལྷག་པའི་ལྷ་དུ་མ་ཞལ་གཟིགས་པ་དང། གནས་གཏེར་གྱི་སྒོ་འབྱེད་དུ་ཡོད་པའི་ལུང་བསྟན་སོགས་བྱུང་ཞིང། མངོན་པར་ཤེས་པ་ཕྱོགས་མེད་དུ་ཤར་བ་སོགས་ངོ་མཚར་བའི་རྣམ་པར་ཐར་པ་བསམ་གྱིས་མི་ཁྱབ་ཀྱང་དགུང་ལོ་བཅུ་བཞི་པ་ལ་གཤེགས། དེའི་སྦྲུལ་སྐུ་ནི་རྫོང་པ་སྲི་ཆོད་ཅེས་པའི་སྲས་སུ་འཁྲུངས། བླ་མ་བསྟན་འཛིན་སྙིང་པོའི་གདན་སར་སྦྱན་དྲངས་མཚན་ཨོ་རྒྱན་བསྟན་འཛིན་རྒྱལ་མཚན་དུ་གསོལ། སྦྲུལ་པའི་སྐུ་འདི་སྐུ་ན་ཤིན་ཏུ་ཕྲ་བ་ལྷ་དུ་མ་ཞལ་གཟིགས་ཤིང། བརྟེན་པའི་ཆོས་སྐྱོང་རྣམས་ཀྱང་འབྲལ་མེད་དུ་གཟིགས་པ་སོགས་ངོ་མཚར་ཆེ་བ་ཞིག་བྱོན་ཀྱང་དགུང་ལོ་བཅུ་གཅིག་པ་ལ་གཤེགས། དེ་ནས་ཀྱང་སྦྲུལ་སྐུ་གཉིས་ཙམ་བྱུང་ཡང་སྐུ་ཚེ་མཐར་མ་ཕྱིན་ཏེ། རྒྱལ་སྲས་ཨོ་རྒྱན་བསྟན་འཛིན་ཉིད་ཀྱི་གསང་ལུང་ལས་སྐུ་སྐྱེ་བ་བདུན་གྱི་བར་དུ་འགྲོ་དོན་རྒྱ་ཆེན་མི་འབྱུང་བས་སྐྱེ་བ་བདུན་པ་ནས་སྐུ་ཚེ་མཐར་ཕྱིན་དང་འགྲོ་ཕན་ཕྲིན་ལས་ར་ཆེར་འབྱུང་བར་ལུང་བསྟན་ཡོད་པ་བཞིན་ད་ལྟ་སྒམ་པོ་གཏེར་ཆེན་རིན་པོ་ཆེའི་སྲས་སུ་སྐྱེ་བ་བཞེས་པ་འདི་ལགས་སོ། གདན་ས་གསུམ་མཆོག་གི་སྦྲུལ་པའི་སྐུ་རིན་པོ་ཆེ་རྡོ་རྗེ་འཆང་པདྨ་(སྨད་ཆ།༥༨༢)ཐེག་མཆོག་བསྟན་པའི་རྒྱལ་མཚན་ནམ་རིག་འཛིན་བསྟན་སྐྱོང་རྒྱ་མཚོ་ནི། ཆོས་ཀྱི་སྐུ་དཔག་ཏུ་མེད་པ་གཞོན་ནུ་བུམ་སྐུའི་དབྱིངས་ནང་གསལ་རྒྱལ་བའི་སྦྱི་མེས་སུ་བཞུགས་པ་ལས། ཐུགས་རྗེ་ཆེན་པོས་ལོངས་སྦྱོད་རྫོགས་སྐུར་ཕྱིར་གསལ་དུ་བསྟན་ནས་དའི་སྦྲུལ་པའི་འདྲེན་པ་རྣམ་པར་བཀོད་པས་བསྐལ་བ་བཟང་པོ་འདི་འཛིན་པར་མཛད་ཅིང། དེ་ལས་བྱང་སེམས་འཕགས་པ་རྣམས་ཀྱི་མོས་ངོར་དཀྱིལ་འཁོར་འཁོར་ལོ་དང། ཐུན་མོང་ལ་མཆོག་གི་སྦྲུལ་པའི་སྐུ་དང། མ་དག་པའི་འགྲོ་བ་རྣམས་སུ་གང་འདུལ་གྱི་ཕྲིན་ལས་ཆུ་ཟླ་ལྟར་བཀོད་པས་འཁོར་བ་ཇི་སྲིད་དུ་སེམས་ཅན་གྱི་དོན་མཛད་པ་ལས། རེ་ཞིག་རང་ཅག་ཚུར་རོལ་མཐོང་བའི་གདུལ་བྱ་ཁ་ཅིག་གི་མོས་ངོར་སྣང་བའི་སྦྲུལ་པའི་སྐུ་འདི་ཉིད་ཀྱིས། གང་དུ་སྐྱེ་བའི་མྱུ་གུ་འཛིན་པའི་ཡུལ་ནི་ཤོང་ཆེན་བཅོ་བརྒྱད་དུ་གྲགས་པའི་ནང་གསེས་ནགས་ཤོང་ཞེས་དགེ་བཅུ་ལྡན་པའི་ཡུལ་གྱི་བྱེ་བྲག་ནགས་ཤོང་སྨད་པ་ཞིག་སྟེ། ཡུལ་དེར་དུས་སྔ་མོ་ཞིག་ནས་སྔགས་འཆང་མང་པོ་བརྒྱུད་མར་བྱུང་བས་གྲོང་པའི་ཆགས་ལུགས་ཀྱི་དབྱིངས་ཆོས་འབྱུང་བསྣོལ་མ་འདྲ་བ་ཞིག་ཡོད་པས་མིང་ཡང་བསྣོལ་མ་ནང་དུ་གྲགས་པ་དེར། སྔོན་ཨ་ཙ་ཞེས་པའི་གདུང་རུས་ལུས་སྦྲུལ་པའི་གཏེར་སྟོན་མ་ཧ་བཛྲ་ཞེས་བྱ་བ་ཞིག་བྱུང་ཞིང། གཏེར་རུས་ལས་སྦྲུལ་པའི་གཏེར་སྟོན་མ་ཧ་བཛྲ་ཞེས་བྱ་བ་ཞིག་བྱུང་ཞིང། གཏེར་ཆེན་དེའི་གདུང་བརྒྱུད་རིམ་པར་བྱོན་པའི་མི་རབས་བཞི་ཙམ་གྱི་མཐར། ལྷ་མོ་དར་ཞེས་པ་དད་པ་ཆེ་ཞིང་གཞུང་བཟང་བ་ཞིག་བྱུང་སྟེ། དེ་ནི་རྗེ་འདིའི་སྐུ་བསྐྱེད་པའི་ཡབ་ཡིན་ལ། ཡུམ་ཡང་བུད་མེད་དམ་པའི་ཡོན་ཏན་དང་ལྡན་པ་ངག་དབང་མཚོ་མོ་ཞེས་པ་ཞིག་སྟེ། དེ་སྐབས་ཡུམ་གྱི་རྨི་ལམ་དུ། ཕུ་ཏི་མང་པོ་འཁུར་བ་དང། ཤེལ་གྱི་བུམ་པ་བརྙེེད་(སྨད་ཆ།༥༨༣)དང། ཉི་ཟླ་ཞིང་འོད་སྔར་ལས་ལྷག་པར་ཆེ་བ་སོགས་རྨིས། དེ་ནས་རབ་བྱུང་བཅུ་གཉིས་པའི་ཆུ་ཕོ་འབྲུག་གི་ལོ་སྟེ་བཀྲ་ཤིས་པའི་ཟླ་ཚེས་བཟང་པོ་ཞིག་ལ་མེ་ཏོག་གི་ཆར་དང་འཇའ་ཚོན་གྱིས་དྲ་བར་འབྲེལ་བ་སོགས་ངོ་མཚར་བའི་ལྟས་དུ་མ་དང་བཅས་ནགས་ཤོང་སྟོད་དུ་རྒྱང་འབྲོག་ལ་ཕྱིན་སྐབས་སུ། མདའ་ཟླ་བ་ཞེས་པའི་སྨན་ལྗོངས་གཅང་ཞིང་ཉམས་དགའ་བ་ཞིག་ཏུ་མཚན་དཔེའི་དཀྱིལ་འཁོར་གསལ་བར་གྱུར། དེ་ཡང་ཆུང་ངུ་ནས་ཐ་མལ་བའི་བྱིས་པ་གཞན་དང་མི་འདྲ་བར་སྐུ་རྩེད་གནང་བའང་བསྐུར་བསྟོད་དང། ཆོས་འཆད་ཚུལ་དང། གཏེར་བཏོན་ཚུལ། སྒོམ་སྒྲུབ་མཛད་ཚུལ་སོགས་སྔོན་གྱི་ཐུགས་ཀྱི་བག་ཆགས་མ་བརྗེད་པའི་ངང་ཚུལ་ཤིན་ཏུ་གསལ་བ་ཁོ་ན་མཛད། གསུང་ངག་བྱེ་བའི་ཐོག་མ་ནས་བཟུང་གཏེར་སྟོན་རིག་འཛིན་ཆེན་པོ་དེ་ཉིད་ཀྱི་སྐྱེ་བ་ཡིན་ཚུལ་གསུངས་ཤིང། ངའི་མིང་ལ་ཨོ་རྒྱན་རིག་འཛིན་རྣམས་རྒྱལ་ཟེར་བ་ཡིན་ཞེས་དང། ང་རང་གཏེར་ཆེན་རིག་འཛིན་རྣམས་རྒྱལ་ཟེར་བ་ཡིན་ཞེས་དང། ང་རང་གཏེར་ཆེན་རིག་འཛིན་ཆེན་པོ་ཡིན་ཞེས་སོགས་གསལ་བར་གསུངས་ཤིང། གཏེར་ཆེན་དེ་ཉིད་ཀྱི་གདན་ས་སྲིང་རྫོང་འོད་གསལ་སྒྲུབ་སྡེར་བྱོན་དགོས། ཆགས་རུར་དཔེ་ཆ་མཆོད་བཤམས། ན་བཟའ། ཉེར་སྦྱོད། གྲ་པ། རྟ་དྲེལ་སོགས་ཡོད་ཚུལ་རྣམས་གསུངས། འོན་ཀྱང་ལོ ་ངོ་གསུམ་ཙམ་དུ་འབྲོག་ཁྲིམ་རང་དུ་བཞུགས། དེ་སྐབས་ཡབ་གྲོང་ཡུལ་དུ་སོང་བའི་ལམ་བར་ནས་ཆུས་ཁྱེར་སོང་བ་གཟིགས་ཚུལ་གསུངས་བཞིན། ཕྱི་ཉིན་སྐད་ཆ་ཐོས་བྱུང་བས། མངོན་ཤེས་ལ་ཆག་ཐོགས་མི་མངའ་བའི་ངེས་ཤེས་བསྙེད་པར་བྱུང། རྟ་ལོའི་སྟོན་ཀ་ནས་བཟུང་ཤུག་གདོང་དགོན་དུ་ཁུ་བོའི་སརེ་བཞུགས། འདི་སྐབས་(སྨད་ཆ།༥༨༤)ནས་ཡུལ་མི་ཆོས་སྡེ་མཐའ་དག་ནས་གཏེར་ཆེན་དེ་ཉིད་ཀྱི་སྐྱེ་བར་ངེས་ཤེས་ཐོབ་པས་བྱིས་པ་གཞན་ལས་རྩི་འཇོག་ཆེ་ཞིང་བསྙེན་བཀུར་ཕུལ། བཀའ་བཅུ་བ་ཞིག་གི་ཐང་ཀ་ཞིག་ལ་ཕྱག་ནས་འཐོར་འཇུག་པས། མེ་ཏོག་འགའ་ཞིག་འཛིན་པར་གྱུར་པས་ཀུན་གྱི་ངོ་མཚར་དུ་གླེང་ངོ། དེ་ནས་དགུང་ལོ་བཞི་པ་ནས་ཡིག་ཀློག་ཕུལ་བས་དཀའ་ཚོགས་མེད་པར་མཁྱེན། ཤིང་ལུག་ལོར་ཆོས་ཀྱི་རྒྱལ་པོ་རྒྱལ་བ་འབྲི་གུང་བ་ཆེན་པོའི་རིང་ལུགས་པ་བླ་མ་ལྷོ་བ་སྦྲུལ་བའི་སྐུ་དཀོན་མཆོག་ཆོས་ཀྱི་རྒྱ་མཚོ་འགོ་ཆོས་འཁོར་བྱམས་པ་གླིང་དུ་ཕེབས་པའི་དུས་སུ་རྗེ་ཉིད་ཁུ་བོ་དགེ་རྒན་ཆོས་དར་རྒྱས་དང་ལྷན་ཅིག་མཛད་དུ་ཕེབས་པས། མཇལ་ཁ་དང་བཀུར་སྟི་གཞན་ལས་ཆེ་བར་མཛད། གཙུག་ཕུད་ཕུལ་བས་མཚན་དཀོན་མཆོག་བློ་བཟང་དཔལ་འབར་དུ་གསོལ། བྱིས་པ་འདི་ཁྲོམ་གསེབ་ཏུ་མ་བྱིན་གྲིབ་ལ་འཛེམ་དགོས་པར་འདུག་གསུངས་ཤིང། བླ་བྲང་དུ་ཚེ་དབང་དང་དབང་བཀའ་ཁ་ཤས་གནང། དེ་ནས་གཏེར་སྟོན་རིན་པོ་ཆེའི་གདུང་སྲས་ཨོ་རྒྱན་བསྟན་འཛིན་གྱི་ཞལ་སྔ་ནས་གསུང་ཤོག་ཕྱག་བྲིས་རྟེན་བཅས་དང། གྲིབ་སོགས་མི་གཙང་བ་ལ་འཛེམ་ལུགས་དགོས་ཚུལ་གྱི་སློབ་སྟོན་སོགས་བཀའ་ཕེབས་བྱུང་ཞིང། རྒྱས་སྲས་ཉིད་ཀྱི་གསང་ལུང་ལས། བོད་ཡུལ་བླ་མ་ཆོས་སྐྱོང་སོགས་ཀྱི་ལུང་མཐུན་ཐག་ཆོད་བྱུང་བ་ལ་བརྟེན། དགུང་ལོ་ལྔ་བཞེས་པ་མེ་སྦྲེལ་ལོར། ཆགས་རུ་འོད་གསལ་སྒྲུབ་སྡེ་ནས་གདན་འདྲེན་པར་བྱུང་བས། ཐུགས་ལ་དགྱེས་པ་དཔག་ཏུ་མེད་པ་འཁྲུངས་ཤིང་སྲིང་རྫོང་འོད་གསལ་སྒྲུབ་སྡེ་རུ་ཕེབས། སྒྲུབ་སྡེའིའདུས་ཚོགས་ཀྱི་སེར་སྦྲེང་དང་བཅས་བླ་བྲང་དུ་སྦྱན་དྲངས། དེར་གཏེར་སྟོན་(སྨད་ཆ།༥༨༥)གྱི་གཟག་ཐུལ་དང། ཤོག་སེར་འབེབས་སྐབས་ཀྱི་སྣག་བུམ་དང། མཛོད་ཞལ། བཞེས་ཅན། དར་ཕོད་སོགས་ངོས་འཛིན་མང་རབ་ཙམ་མཛད། དེ་ནས་གདུངས་སྲས་རིན་པོ་ཆེ་དང་མཇལ་འཕྲད་དང། སྐུ་ཚབ་དང་ཤོག་སེར་སོགས་གཏེར་རྫས་ནང་རྟེན་གྱི་མཇལ་ཁ་མཛད་པས། གཏེར་ཆོས་ཀྱི་ཆོས་ཀྱི་ཕྱག་དཔེ་པི་ཏི་ཁ་ཤས་ངོས་འཛིན་ཅིང། ཁྱད་པར་ཤོག་སེར་གྱི་ཐོག་ནས་གཏེར་གྱི་བརྡ་ཡིག་ཐོགས་མེད་དུ་ཀློག་པར་མཛད་པས། རྒྱས་སྲས་རིན་པོ་ཆེ་ཉིད་ཀྱིས་སྦྲུལ་པའི་སྔོན་གྱི་གྱི་བག་ཆགས་མ་བརྗེད་པའི་ངོ་མཚར་འདི་འདྲ་སྟེ། གཞན་དུ་ན་ཀློག་བྱང་བ་དག་གིས་ཀྱང་གཏེར་ཡིག་ག་ལ་ཤེས། ཞེས་གསུངས་ཤིང་བསྔགས་བརྗོད་མཛད་ཅིང། རིག་འཛིན་བསྟན་སྐྱོང་རྒྱ་མཚོ་ཞེས་པའི་མཚན་ཀྱང་གསོལ་ནས། གཏེར་སྟོན་རིག་འཛིན་ཆེན་པོ་ཉིད་ཀྱི་ཁྲི་ལ་ཞབས་ཀྱི་པདྨ་རྣམ་པར་བཀོད་པར་མཛད་ཅིང། བསྟན་པའི་བདག་པོར་མངའ་གསོལ་ནས། བཀྲ་ཤིས་པའི་མེ་ཏོག་ཀྱང་འཐོར་བར་མཛད་དོ། དགུང་ལོ་དྲུག་པ་མེ་མོ་བྱ་ལོ་ནས་བཟུང་སྒྲུབ་སྡེ་རང་དུ་བཞུགས་ཤིང། ལྗགས་ཀློག་ལ་ཐུགས་རྩོལ་ངག་ཆེ་གནང། དགུང་ལོ་བདུན་བཞེས་ས་ཕོ་ཁྱི་ལོ་གསར་ཚེར་ཀྱི་མཚམས་ཤིག་ནས་སྡེ་དགེར་ཞབས་པད་བསྐྱོད། གདན་ས་བ་བླ་མ་བློ་གྲོས་རྒྱ་མཚོ་དང་ཆོས་སྡེའི་གྲ་ཚང་བཅས་ཀྱིས་ཆིབས་བསུ་དང་སེར་སྦྲེང་བསུ་བའི་བཀོད་ཤམས་གང་རྒྱས་མཛད་ནས་གདན་ས་ཆེན་པོ་དཔལ་ལྡན་སྟག་མོ་སྒང་སྐལ་བཟང་ཕུན་ཚོགས་གླིང་དུ་ཞབས་ཀྱི་པདྨོ་རྣམ་པར་བཀོད་པར་གྱུར་ཏོ། དེ་འཕྲལ་ནས་སྡེ་དགེ་རིན་པོ་ཆེ་མཇལ་བར་ཕེབས་པས། སྔར་ནས་ལུགས་ལེགས་པའི་བདག་རྐྱེན་དང་མཐོང་བཀུར་ཚད་མེད་མཛད་(སྨད་ཆ།༥༨༦)ཅིང། ཐུགས་དགྱེས་དགྱེས་མཛད། ཕེབས་ཆའི་ལེགས་འབུལ་དང་སྦྲུལ་སྐུ་རིན་པོ་ཆེར་ཁྲི་འབུལ་སོགས་གང་རྒྱས་གནང། སླར་ཆོས་སྡེར་ཕེབས་ནས་ཡུལ་སྡེ་སོ་སོའི་གདན་ཞུ་དང་ཞབས་རྟོག་རྒྱ་ཆེར་ཕུལ་ལོ། སྐབས་དེར་རྒྱལ་སྲས་རིན་པོ་ཆེའི་སྐུ་ཞབས་ནས། གཏེར་གསལ་ཁ་ཤས་ཀྱི་དབང་ལུང་གསན། སྐུ་ན་ཕྲ་མོའི་དུས་ཐུགས་བརྗེད་ངེས་ཆེ་བ་ཞིག་ཡོད་པ་ལ་ནུབ་གཅིག་མནལ་ལམ་དུ་ཆགས་རུའི་འདུ་ཁང་གི་ཕུག་གི་ཁྲི་ཁ་དེར་རིག་འཛིན་གཏེར་བདག་གླིང་པ་བཞུགས་ནས། སྐུའི་གཡས་ཕྱོགས་སུ་དཀྱིལ་འཁོར་ཚོགས་རྫས་དང་བཅས་བཤམས་འདུག་པར། རིག་འཛིན་དེ་ཉིད་ཀྱིས་གཤིན་རྗེ་དྲེག་པ་འཛོམ་བྱེད་ཀྱི་ལས་གཞུང་བསྲང་ནས་ཚོགས་སྐད་བཅས་བཏང་གྲུབ་པ་དང། ཚོགས་ཞུས་རན་པ་ན་གཏེར་ཆེན་དེ་ཉིད་ཀྱིས་གཤིན་རྗེ་དྲེག་པ་འཛོམ་བྱེད་ཀྱི་ལས་གཞུང་བསྲང་ནས་ཚོགས་སྐད་བཅས་བཏང་གྲུབ་པ་དང། ཚོགས་ཞུས་རན་པ་ན་གཏེར་ཆེན་དེ་ཉིད་བཞེངས་ནས་ཕྱག་གཡས་ན་བཟའ་བ་དང་གཡོན་པས་ཀཱ་པཱ་ལར་བཏུང་པས་གང་པ་ཐོགས་ནས། རྗེ་འདི་ཁྲི་ཁར་འཁོད་པ་ལ། ཚོགས་འཁོར་བཟའ་བཏུང་ཕྱག་གཡས་གཡོན་མ་ནོར་བར་ཕུལ་ནས། བསྟན་པའི་དཔལ་གྱུར་བླ་མའི་ཞབས་པད་བསྟན། སོགས་ཤིས་བརྗོད་ཤོ་ལོ་ཀ་དེ་གསུངས་ཤིང། སླར་མེ་ཏོག་འཐོར་བ་དང་བཅས་མཛད་སོང་བ་རྨིས་པར་དེ་ཕྱིན་བརྗེད་ངེས་དེ་མེད་པར་ཐུགས་ཟིན་ཆེ་རུ་སོང་གསུངས། དེ་ཡང་སྔོན་གཏེར་ཆེན་ཉི་གྲགས་ཀྱི་གསང་བའི་ཐུགས་དམ་གཤིན་རྗེ་དྲེག་འཛོམ་ཡིན་པའི་རྟེན་འབྱུང་ཞིག་ཡིན་ནམ་ཁོ་བོས་སེམས་སོ། དེ་དུས་རྫོགས་ཆེན་གདན་ས་ཆེན་མོ་རུ་ངམ་དུ་ཕེབས་ནས། དཔོན་སློབ་ནམ་མཁའ་འོད་གསལ་དང་མཇལ། རིག་འཛིན་འཇའ་ཚོན་སྙིང་པོའི་གཏེར་བྱོན་དཀོན་མཆོག་སྦྱི་འདུས་ཞི་དྲག་སེང་གསུམ་དང། ཉང་གཏེར་རྟ་(སྨད་ཆ།༥༨༧)ནག། རརྣ་གླིང་པའི་གུར་དྲག་སོགས་གསན་ནས། དགུང་ལོ་དགུ་པ་ལྕགས་ཕོ་བྱི་བའི་ལོར་སྲིང་རྫོང་དུ་ཆིབས་སྐྱོད་གནང། དེ་སྐབས་མཚོ་སྔོན་རྒྱལ་པོ་བློ་བཟང་བསྟན་འཛིན་བོད་ལ་ཕེབས་པ་དང། དེ་སྐབས་མཚོ་སྔོན་རྒྱལ་པོ་བློ་བཟང་བསྟན་འཛིན་བོད་ལ་ཕེབས་པ་དང། ཉང་ཁུ་མཚོ་བཟང་མངར་མཇལ་བས། རྒྱལ་པོས་ང་རང་གི་ཨ་ཕའི་བླ་མའི་སྦྲུལ་སྐུ་ཡིན་པ་ཨང་གསུངས་ཤིང། རྒྱལ་པོ་རང་བཞུགས་གདན་གྱི་ཟུར་ལ་བཞུགས་སུ་གསོལ་ཏེ་སོག་ལུགས་ཀྱི་བསྙེན་བཀུར་ཆེ་ཤོས་ཡིན་ཟེར། གསུང་བཟང་གནང་ཆ་བཅས་སྩལ་ཕྱི་ལམ་ཞིབ་ཆ་ཡོང་གསུངས་ཀྱང། འབྱོན་སྟབས་མ་འགྲིགས། འདི་སྐབས་ནས་སློབ་དཔོན་དུ་བླ་མ་བཅོས་ལྡན་རྡོ་རྗེ་མཛད་ནས་སྐུ་ཡོན་ཕུལ། ལར་ནས་སྐྱེས་ཐོབ་དང་སྦྱོར་བྱུང་གི་བློ་གྲོས་གཉིས་ཆེ་ཕུལ་དུ་བྱུང་བས་སློབ་སྦྱོང་གི་བཀའ་ སྦྱད་ལ་མ་ལྟོས་པར་ཐུགས་རིག་ས་ཀློང་བརྡོལ་བ་ལྟ་བའི་མཁྱེན་དཔྱོད་ཀྱི་རྩལ་རྫོགས་ཤིང། མདོ་སྔགས་དང་རིག་གནས་སོགས་གང་ལང་ཚེ་རབ་མང་པོར་སྦྱངས་པའི་བག་ཆགས་སད་པའི་ཉམས་ཀྱིས་ལན་རེ་ཟུང་རེར་གཟིགས་པ་ཙམ་གྱིས་ཐུགས་སུ་ཆུང་པ་ལས། རྗེ་ས་པཎ་གྱིས། མཁས་པ་ལ་ལ་མཚོ་བཞིན་ངང་གིས་གང། ལ་ལ་འབྲུ་མར་བཞིན་དུ་བཙིར་ལས་འབྱུང། ལ་ལ་ཕོངས་པའི་ནོར་བཞིན་འབད་པས་བསྒྲུབས། ལ་ལ་རྒྱལ་པོའི་བུ་བཞིན་ལྷུན་གྱིས་གྲུབ། ཅེས་གསུངས་པ་ལས། རྗེ་འདི་ནི་མཚོ་བཞིན་ངང་གིས་གང་བའམ་རྒྱལ་པོའི་བུ་བཞིན་ལྷུན་གྱིས་གྲུབ་པ་ཡིན་ཏེ། ཚེགས་ཀྱིས་སྦྱོང་བརྡར་སོགས་ལ་ལྟོས་དགོས་པ་མ་ཡིན་ནོ། ལྕགས་མོ་གླང་ལོར་བླ་མ་གསང་བ་འདུས་པའི་བསྙེན་སྒྲུབ་དང། ཆུ་ཡོས་ལོར། བདུད་རྩི་སྨན་གྱི་སྒྲུབ་པ་བདུན་ཞག་གཅིག་གནང་བའི་ཚོགས་(སྨད་ཆ།༥༨༨)དབུར་ཕེབས། སྒྲུབ་ཆེན་སོགས་ཀྱི་ཕྱག་ལེན་ཕྲ་རགས་ཐམས་ཅད་ཐུགས་འཇགས་མཛད། རྒྱལ་སྲས་རིན་པོ་ཆེའི་དྲུང་ནས་བཀའ་ཆོས་བུམ་པ་གང་བྱོར་སྩལ་བ་གསན། ཤིང་འབྲུག་ལོར་ཚེ་སྒྲུབ་བདུད་བཞི་གཡུལ་རྒྱལ་གྱི་བསྙེན་མཚམས་ཤིག་མཛད་པས་དག་པའི་སྣང་བ་བསམ་གྱིས་མི་ཁྱབ་པ་ཤར། ལྷག་པའི་ལྷ་དུ་མའི་ཞལ་གཟིགས་པ་དང། ཟབ་མོའི་གཏེར་ལ་སྦྱོད་པའི་ལུང་བསྟན་ཀྱང་བྱུང་བར་སྣང་ཞིང། རྟགས་མཚན་ཀུན་གྱིས་མངོན་སུམ་མཐོང་སུ་གྱུར་པ་འགའ་ཡང་བྱུང་བར་སྣང་སྟེང་ཟབ་གཏེར་ལ་སྦྱོད་པའི་ལུང་བསྟན་ཀྱང་བྱུང་བར་སྣང་ཞིང། རྟགས་མཚན་ཀུན་གྱིས་མངོན་སུམ་མཐོང་ཐོས་སུ་གྱུར་པ་འགའ་ཡང་བྱུང་བར་སྣང་སྟེ་ཟབ་གཏེར་གྱི་བདག་པོར་ལུང་བསྟན་སལ་ཡང་བདག་གིར་མ་མཛད་དེ། གཙང་པ་རྒྱ་རས་ཀྱིས། ཕ་ལས་རྒྱའི་ཆོས་ལ་མངའ་བརྙེས་ཀྱང། བུ་གཙང་སྒོམ་བྱེད་པའི་སྒོམ་ཆེན་ཡིན། ཞེས་གསུངས་པ་ལྟར། གཏེར་ཆེན་དེ་ཉིད་སྔགས་ཀྱི་ཟབ་ཁྱད་ཐབས་ལམ་ལ་མངའ་བརྙེས་ཀྱང། རྗེ་འདིས་བསླབ་གཙང་ཁོ་ན་ལ་ཐུགས་བཞེད་ཀྱི་སྙིང་པོར་མཛད་དོ། ལུག་ལོར་རྒྱས་སྲས་རིན་པོ་ཆེ་ཞི་བར་གཤེགས་པའི་དགོངས་རྫོགས་རྟེན་བཞེངས་སོགས་གང་རྒྱས་མཛད། དགུང་ལོ་བཅོ་བརྒྱད་པ་ས་སྦྲེལ་ཟླ་བ་དང་པོའི་ནང་དུ་སྲིང་རྫོང་མཐའ་སྐོར་ལ་ཕེབས་ཤིང་སྐྱེ་འགྲོ་མང་པོ་དགེ་བ་ལ་བསྐུལ། སྐབས་ཤིག་རྟ་མགྲིན་གྱི་བསྙེན་མཚམས་མཛད་པས་དངོས་སུ་ཞལ་གཟིགས། ལོ་འདིའི་སྟོན་མཇུག་ཟླ་བ་བརྒྱད་པའི་ནང་ལ་སྐུ་ཟླ་ཉུང་ཤས་དང་བཅས་དབུས་ཕྱོགས་སུ་ཕེབས། འབྲི་གུང་དུ་ཕེབས་དུས། བསྟན་སྲུང་ཆེན་མོ་ཨ་ཕྱི་ཆོས་ཀྱི་སྒྲོན་མར་གྲགས་པ་དེའི་སྐུ་བརྙན་བྱིན་རླབས་ཅན་དེས་མཇལ་དར་ཕུལ་བར་བྱུང་བས། དེ་འདྲ་འབྲི་གུང་རང་གི་ཞབས་དྲུང་རྣམས་ལས་གཞན་ལ་མི་འབྱུང་བ་ཡིན་ཟེར། དེ་ནས་སྦྲོ་ལུང་སུ་ཕེབས།(སྨད་ཆ།༥༨༩)དོན་གྲུབ་ཆོས་ཀྱི་རྒྱལ་པོ་དང། དཀོན་མཆོག་ཕྲིན་ལས་བཟང་པོའི་ཡང་སྲིང་བཅས་མཇལ་བ་མཛད། དེ་ནས་དཔལ་རི་བོ་དགའ་ལྡན་དང། ལྷ་ལྡན་སྦུལ་པའི་གཙུག་ལག་ཁང་ཆེན་པོར་ཇོ་ཤཀ་རིན་པོ་ཆེ་རྣམ་གཉིས་ཀྱིས་གཅོས་པའི་ཕྱི་ནང་གི་རྟེན་གསུམ་རྣམས་དང་གནས་མཇལ་ཞིབ་གཟིགས་དང་མཆོད་འབུལ་སྙན་ཤལ་སོགས་གཟབ་རྒྱས་སུ་ཕུལ་ནས་བསྟན་འགྲོར་ཕན་བདེ་འབྱུང་བའི་འདོད་གསོལ་མཛད། དེ་ནས་དཔལ་ལྡན་འབྲས་སྦྲུངས་ཀྱི་ཆོས་སྡེ་ཆེན་པོར་ཕེབས། དེ་དུས་སྐུ་ཞབས་རྒྱལ་བའི་དབང་པོ་འགལ་ཐར་ན་བཞུགས་སྐབས་ཡིན་པས། པོ་ཊ་ལར་རྒྱལ་ཚབ་ཏུ་འོན་ཆོས་སྡེང་གི་རྒྱལ་སྲས་སྦྲུལ་སྐུས་མཛད་སྐབས་ཡིན་འདུག་པས། མཇལ་བར་མཛད་པས་རྒྱལ་ཚབ་རིན་པོ་ཆེ་དེ་ཉིད་ཀྱིས་རྗེ་འདི་པདྨ་སམ་བྷ་ཝར་དངོས་སུ་གཟིགས་ཚུལ་གསུངས་ཤིང། བཀའི་གཟེངས་བསྟོད་དང་མཐོང་བ་ཀུར་བདག་རྐྱེན་ཚད་མེད་གནང། རིམ་གྱིས་ཞབས་བཏེགས། བསམ་ཡས་དང་ཡར་ལུང་སོགས་གནས་གཟིགས་རྣམས་གྲུབ་ནས་རྒྱལ་བ་ལྔ་པ་ཆེན་པོའི་ཞལ་སློབ་དགེ་བའི་བཤེས་ཀླུ་སྒྲུབ་ལགས་ཀྱི་དྲུང་ནས་ཟབ་མོ་དག་སྣང་རྒྱ་ཅན་མའི་སྐོར་གྱི་དབང་ལུང་རྣམས་གསན། དེ་སྐབས་དགེ་བའི་བཤེས་གཉེས་ཆེན་པོ་དེ་ཉིད་ཀྱི་ཞལ་ནས་ཁོ་བོས་སྔོན་ཆོས་རྒྱལ་གཏེར་པ་ན་ཁྱེད་རང་ལ་ཆོས་བཀའ་འདི་རྣམས་ལེན་པར་རྒྱང་རིང་ཕྱོགས་ནས་འོང་བ་ཞིག་ཡོད་པས་དེར་ངེས་པར་འཕྲོད་པར་གྱིས་ཞེས་བཀའ་ཕེབས་གནང་བྱུང་བར་དེ་སྦྲུལ་པའི་སྐུ་ཉིད་ཡིན་ངེས་སུ་འདུག་པས་ཆོས་བདག་པོ་ལ་འཕྲོད་པ་ཡིན་ཞེས་གསུངས། དེ་ནས་རིམ་པར་རྡོར་སྨིན་(སྨད་ཆ།༥༩༠)རྣམས་སུའང་ཕབས་སྐྱོད་དང་མཇལ་འཕྲད་སོགས་མཛད་ནས་གདན་སར་ཞབས་པད་བཀོད། འདི་ཙམ་ནས་བླ་མ་སྐལ་བཟང་དབང་ལྡན་ལས་ཆོས་བཀའ་མང་དུ་གསན། ལྕགས་ཕོ་ཁྱི་ལོར་མཚོ་ཁར་ཕེབས་དུས་གུ་རུ་རིན་པོ་ཆེ་དངོས་སུ་ཞལ་མཇལ་ཞིང་མེ་ཏོག་གི་ཆར་བབས་པ་ཀུན་གྱི་དབང་པོའི་སྦྱོད་ཡུལ་དུ་གྱུར་པ་བྱུང་ཞིང། དེ་ནས་ཞག་འགའི་བར་དུ་རྩོལ་མེད་ཀྱི་ཉམས་བཟང་པོ་སྐྱེ་བའང་བྱུང་གསུངས། ཤིང་ཕོ་སྟག་གི་ལོར་རྒྱལ་སྲས་རིན་པོ་ཆེ་ཨོ་རྒྱན་བསྟན་འཛིན་དེ་ཉིད་ཀྱི། སྦྲུལ་པའི་སྐུ་ཁྲིར་འདོན་མཛད་ནས་མཚན་ཨོ་རྒྱན་བསྟན་སྐྱོང་ཕྲིན་ལས་ཞེས་པ་གསོལ། ལོ་དེའི་སྟོན་ཀར་སླར་ཡང་དབུས་ཕྱོགས་སུ་ཞབས་སྐྱོད་གནང་སྟེ། འོལ་ཀ་སླེ་ལུང་དུ་རྗེ་དྲུང་རིན་པོ་ཆེ་བཞེད་པའི་རྡོ་རྗེ་མཇལ་ཞིང་ཟང་ཟིང་གི་འབུལ་ནོད་དང་བཅས། བདག་ཉིད་ཆེན་པོ་ཀུན་མཁྱེན་ལྔ་པའི་བཀའ་འབུམ་ནང་མ་སོགས་གསན། འདི་སྐབས་ཐང་འབྲོག་དབོན་སྦྲུལ་འགྱུར་མེད་པདྨ་མཆོག་གྲུབ་ལས་སྔགས་སྡེབ་དང་རླུང་དམར་སོགས་དྲག་སྔགས་མང་པོའི་ཕྱག་ཁྲིད་ཞུས། ཡར་ལུང་དུ་ཕེབས་ནས་སྐུ་ཞབས་གྲ་ཚང་གི་གྲ་བགྲེས་ལུང་དང་རྟོགས་པའི་མངའ་བདག་དགེ་སློང་ངག་དབང་མཐུ་སྟོབས་ཞེས་པ་དེ་ཉིད་ལས་ཆོས་བཀའ་མང་དུ་གསན། བསམ་ཡས་འཆིམས་ཕུར་དཔལ་རི་སྦྲུལ་པའི་སྐུ་རིན་པོ་ཆེ་ངག་དབང་བློ་བཟང་པདྨ་མཇལ་ཞིང་ཐུགས་བཞེད་ལྟར་ཞག་བཅོ་ལྔ་བར་དུ་ཉི་གྲགས་གཏེར་ཆོས་རགས་རིམ་གྱི་དབང་ལུང་རྣམས་ཕུལ། སྨིན་གྲོལ་གླིང་དུ་ཕེབས་ནས་མཁན་ཆེན་འགྱུར་མེད་དོན་ཡོད་ཀྱི་ཞལ་སྔ་ནས་དགེ་ཚུལ་གྱི་སྡོམ་པ་བཞེས་པས་མཚན་པདྨ་ཐེག་མཆོག་བསྟན་པའི་རྒྱལ་མཚན་དུ་གསོལ། དེ་ནས་རིམ་གྱིས་(སྨད་ཆ།༥༩༡)གདན་སར་ཕེབས་གྲུབ་བར་དུ་བཅད་རྒྱར་བཞུགས་པར་གནང། དེ་སྐབས་སྡེ་དགེ་ནས་གདུན་ཞུ་སླེབས་ཤིང། སླར་ཡང་སྡེ་དགེ་ས་སྐྱོང་ཀུན་དགའ་ཕྲིན་ལས་རྒྱ་མཚོ་དབུས་སུ་ཕེབས་པའི་ཕྱིར་ལམ་པེ་སྟོད་དུ་མཇལ་བར་ཕེབས་པས། སྡེ་དགེ་སྐུ་ཐོག་ན་རིམ་ལྟར་གྱིས་དད་དམ་འགྱུར་མེད་ཡིན་དོན་ལྟར་སྐུ་ཉིད་སྡེ་དགེ་ཕྱོགས་སུ་འདི་ལོ་རང་མ་གྲུབ་ཀྱང་ད་ཕྱིས་ཅིས་ཀྱང་མ་ཕེབས་ཐབས་མེད་ཡིན་ཅེས་གདན་འདྲེན་གསུང་ནན་མཛད་བྱུང་བར་ཕྱིར་ལོར་ཕེབས་རྒྱུ་ཞུས། དེ་ལོར་སྒྲུབ་སྡེ་རང་དུ་བཅའ་ཡིག་གསར་བཀོད་གནང་ནས་དམ་པའི་ཆོས་འདུལ་བ་དང་མཐུན་པར་ནག་ཆང་གིས་མཚོན་པའི་བཅའ་ཁྲིམས་ཤིན་ཏུ་དམ་པའི་བཀའ་ལུང་བསྒྲགས། ཀ་འོག་སྔགས་གྲར་ཕེབས་ནས་སྔགས་ཆུང་རྣམས་ལ་སྐྱབས་སྡོམ་དང་རྒྱན་ཅན་ཡང་གསང་རྡོ་རྗེ་གྲོ་ལོད་གནམ་ལྕགས་འབར་བ་རྒྱུན་འཛུགས་ཀྱི་སྦྱོར་འཇག་མཛད། དེ་ནས་རིམ་གྱིས་མདོ་སླད་ཕྱོགས་སུ་བཞུགས་སྒར་བཏེགས། འདན་ཁོག་ཏུ་ཕེབས་པ་དང་མཁན་ཆེན་དཔལ་ལྡན་ཆོས་སྐྱོང་དབུས་ནས་ཕེབས་པ་དང་མཇལ། སྡེ་དགེ་མཇལ་བར་དངུལ་མདར་ཕེབས་པས་ཕོ་བྲང་ཆེན་མོར་སྲི་ཞུས་མཆོད། དེ་སྐབས་རྫོགས་ཆེན་པ་ཡབ་སྲས་དབུས་སུ་བྱོན་སྐབས་ཡིན་འདུག་པས་རྒྱལ་ཚབ་དཔོན་པདྨ་ཀུན་གྲོལ་རྣམ་རྒྱལ་གྱིས་རུ་ངམ་དགོན་དང་རི་ཁྲོད་སོགས་སུ་གདན་དྲངས། རིམ་གྱིས་སྟག་མོ་སྒང་སྐལ་བཟང་ཕུན་ཚོགས་གླིང་དུ་ཞབས་པད་བཀོད། དད་འདུས་རྣམས་ལ་དབང་ལུང་དང་ཁྲིད་སོགས་སྩལ། རྫོགས་སྦྲུལ་རིན་པོ་ཆེ་དབུས་ནས་ཕྱིར་ཕེབས་བསྟུན་གསང་ཆེན་རྙིང་མའི་རྒྱུད་འབུམ་གཙོ་བོར་གྱུར་པའི་ཆོས་ཀ་བསམ་གྱིས་མི་ཁྱབ་པ་གསན། དེ་དུས་གཟིམ་(སྨད་ཆ།༥༩༢)གུར་ཕན་ཚུན་བར་དུ་འཇའ་ཁ་དོག་ལྔ་ལྡན་གྱི་ཐིག་ལེས་སྦྲེལ་བ་སོགས་ལྟས་ངོ་མཚར་ཆན་འགའ་ཡང་བྱུང། ཕར་ཡང་ཟབ་མོ་དག་སྣང་རྒྱ་ཅན་སོགས་ཕུལ། སྟག་བུ་བྲག་དམར་དགོན་ནས་ཁྱབ་གདལ་སྦྲུལ་པའི་སྐུ་རྡོ་རྗེ་དཔའ་བོ་གདན་དྲངས་ནས་བཀའ་བརྒྱད་བདེར་འདུས་བླ་མ་དགོངས་འདུས་སོགས་ཆོས་བཀའ་དུ་མ་གསན་པར་ཡང་ཉི་གྲགས་གཏེར་བྱོན་སྐོར་དང་རྒྱན་ཅན་སོགས་ཕུལ། ཁྱབ་གདལ་སྦྲུལ་སྐུས་རྒྱ་ཅན་དབང་གི་ཉིན་རྗེ་འདི་སྦྱན་རས་གཟིགས་འཇིག་རྟེན་དབང་ཕྱུག་ཏུ་གཟིགས། ཤིང་ཕོ་བྱི་ལོར་རྒྱ་རོང་དུ་བཞུགས་ནས་རྫོགས་ཆེན་དཔོན་རིན་པོ་ཆེ་དང་དབང་ཆོས་ཕར་འབུལ་ཚུར་གསན་མཛད། མཁན་ཆེན་དཔལ་ལྡན་ཆོས་སྐྱོང་དང་སི་ཏུ་རིན་པོ་ཆེ་སོགས་ལས་ཀྱང་ཆོས་འབྲེལ་ཙམ་རེ་གསན། སྡེ་དགེ་ས་སྐྱོང་བླ་མས་སྦྱན་དྲངས་དབང་ཆོས་མང་དུ་གསན་ནས་འབུལ་ཆེན་མཛད། དེ་ནས་སླར་ཡང་སྲིང་རྫོང་དུ་ཆིབས་བསྒྱུར་གནང། གླག་ལོར་སྒྲུབ་སྡེ་ཕྱོགས་འདུས་བཅས་ལ་དབང་ཆོས་མང་དུ་སྩལ། དེ་སྐབས་བཀའ་བརྒྱད་དབང་གི་དུས་ཕྱག་ནས་མང་པོ་ནམ་མཁར་ཡུན་རིང་དུ་ཆགས་པ་དང། ཕག་མོ་དབང་གི་དུས་དཀྱིལ་འཁོར་གྱི་དབུས་ནས་ཨ་ཧ་རི་ནི་སའི་སྒྲ་འབྲུག་ལྟར་སྒྲོགས་པ་བྱུང། སླར་ཡང་ལོ་དེ་ལ་དབུས་སུ་ཞབས་སྐྱོད་གནང། དེ་དུས་བརྟེན་མཁས་ཡོན་ཏན་འབུམ་ལྡན་ཐམས་ཅད་མཁྱེན་པ་སྐལ་བཟང་རྒྱ་མཚོའི་དྲུང་ནས་ཐུགས་རྫོགས་བཞེས་པས་མཚན་ཀུན་བཟང་ཐེག་མཆོག་རྒྱ་མཚོར་གསོལ། དེ་ནས་བཟུང་འདུལ་བའི་བཤད་རྒྱུན་སོགས་མ་གསན་ཀྱང་ཕྱག་ལེན་ཕྲ་རགས་ཐམས་ཅད་ལ་སྦྱོང་བརྡར་གྱིས་ཐུགས་སུ་ཆུད་པར་མཛད། བསླང་བྱ་ཕྲ་རགས་གང་ཡང་གནད་བཀག་(སྨད་ཆ།༥༩༣)གི་འཚམས་ལས་ནམ་ཡང་མི་འདའ་བར་སྐུ་ཚེ་རིལ་པོར་གདན་གཅིག་ཁ་ན་དང་ཆབ་ལན་ལྷམ་ཕུད་བྱིན་ལེན་སོགས་ལ་གཞི་བྱེས་གང་དུ་ཡང་སླ་ཆོས་དང་དེས་ཆོག་མི་མཛད། མདོར་ན་ལྟུང་བ་སྡེ་ལྔ་ཆར་གཏོགས་དང་བཅས་པའི་དྲི་མ་མཐའ་དག་དང་བྲལ་ཞིང། གཉེན་པོའི་ཁྲིམས་ཉིས་བརྒྱ་ལྔ་བཅུ་ཚར་གཏོགས་དང་བཅས་པ་ལ་གང་ནུས་གཡེལ་མེད་ནན་ཏན་དུ་མཛད་པས་སྐུ་བཙུན་པའི་ཚད་དུ་གྱུར། དེ་ནས་རྡོ་སྨིན་རྣམས་ནས་ཀྱང་བཀའ་ཆོས་མང་དུ་གསན་ཅིང། ཁྱད་པར་སྒྲག་ཡང་རྫོང་ནས་གྲུབ་ཆེན་ཐུགས་མཆོག་རྡོ་རྗེ་ལས་བླ་མ་དགོངས་འདུས་དབང་ལུང་ཁྲིད་བཅས་གསན། སླར་རིམ་གྱིས་གདན་སར་ཕེབས། མེ་ཕོ་སྟག་ལོ་ནས་བཟུང་རྗེ་ཉིད་སྐུ་མཚམས་ལོ་མང་པོར་བཅད་རྒྱར་གནང། དེ་ཡང་སྐུ་མཚམས་ཀྱི་དུས་སུ་ཞུ་དགོན་ཡོད་པའི་རིགས་དང། ཐ་ན་ཕྱག་དཔེ་བཙལ་བར་ཚུན་ཆོས་དང་སྒྲུབ་པའི་ཉེར་བསྔོག་གི་རྫས་ཆ་བགས་པ་ལ་སོགས་པ་ཐམས་ཅད་ཉིན་གུང་གསོལ་ཚིགས་དང་བསྟུན་ཇ་སྦྱོར་ཙམ་གྱི་རིང་ལ་གནང་བ་ལས། གཞན་ཕྱི་མཚམས་སེ་བ་ལ་ནང་དུ་བྱ་བྱེད་བྲེལ་གཡེང་མང་པོའི་འཁོར་ལོ་བསྐོར་ཞིང། ངག་གཏན་དུ་སྙན་པའི་སྦག་སྦུག་ལྡབ་སྡིབ་མང་པོ་སྨྲ་བ་སོགས་སྔར་ནས་ནམ་ཡང་མི་མཛད་ཅིང། སྐུ་མཚམས་ཀྱི་སྐབས་ཕལ་ཆེ་བ་རྣམས་སུ་ནི་ར་ཤག་སོགས་ཀྱི་བཅུད་ལེན་ཁོ་ན་མཛད། ཐུན་བཞིའི་སྔ་དགོང་ཉི་ཟེར་གྱིས་སྟབས་བསྟུན་ཐོད་རྒལ་གྱི་ཉམས་བཞེས་གནང་བས་འོད་གསལ་གྱི་སྣང་བ་གོང་དུ་འཕེལ། ནུབ་དགོང་ཐོ་རངས་རྣམས་སུ་རླུང་སྦྱོར་གྱི་ཉམས་བཞེས་ཀྱང་མ་ཆགས་པར་མཛད་ཅིང། སྐབས་སྐབས་སུ་འཁྲུལ་འཁོར་ཡང་གནང། གཞན་ལྷག་པའི་ལྷ་མང་(སྨད་ཆ།༥༩༤)པོའི་ལྗགས་བསྙེན་གྲངས་ཅན་གྲངས་ཅན་མེད་ཇི་སྙིད་གནང་སྟེ། བསྐྱེད་རྫོགས་རྣམ་པ་གཉིས་ཀྱི་བཞུར་ལས་དྲོངས་པའི་དུས་གྲངས་རྟགས་གསུམ་གྱི་བསྙེན་པ་རྫོགས་ངེས་ལན་རེ་ལན་གཉིས་གསུམ་ལྔ་སོགས་གནང་བའང་ཡོད་མ་མདོར་ན། ཇི་ལྟར་བཤད་ཚོད་ལྟ་ཕྱག་ལེན་དུ་ཐེབས་པར་མཛད་པ་ལས། དེས་ཆོག་དང་སླ་ཆོས་ཞར་ཞོར་དུ་ཟླ་པ་གྲངས་ལ་རྩི་བ་སོགས་ཅུང་ཟད་ཀྱང་མི་མཛད་པས་དེ་ལྟ་བུའི་སྒོ་ནས་སྐུ་མཚམས་ལོ་གྲངས་དུ་མར་བཞུགས། འདི་དག་གི་སྐབས་རྣམས་སུ་རྗེ ་ཉིད་ཀྱིས་དག་པའི་སྣང་བ་བྱུང་ཚུལ་དང། ཡི་དམ་ཀྱི་ལྷའི་ཞལ་གཟིགས་ཚུལ་སོགས་ནི་གསང་སྒྲོག་ཏུ་འགྱུར་གྱིས་དོགས་ནས་ཟུར་ཙམ་ཡང་མི་གསུངས་མོད། འོན་ཀྱང་ཀུན་གྱི་མཐུན་སྣང་དུ་གྱུར་པའི་གཟིམ་ཁང་སྟེང་དུ་འཇའ་གུར་འཁྱིལ་བ་དང་མེ་ཏོག་གི་ཆར་བབས་པ་དང། ཕུར་པའི་ལྗགས་བསྙེན་གནང་དུ་དུས་ཕུར་སྒྲོམ་ལས་མེ་སྟག་དམར་ཕྲོམ་ཕྲོམ་བ་དང་ཞག་སྔོ་འཁྱིལ་བ་དང། བདུད་རྩི་ཁོལ་བ་དང། བུམ་པའི་མཆུ་ནས་བུམ་ཆུ་ལུང་པ་ཕྱག་འཁྱོར་དུ་བཞེས་རྒྱུ་ཡོད་པ་ལན་མང་པོ་དང། སྨན་དང་སྦོས་ཀྱིས་དྲིས་མཚོན་དུ་མེད་པའི་དྲི་བཟང་པོས་སྒྲུབ་ཁང་ཕྱི་ནང་སྟེང་འོག་ཐམས་ཅད་ཁྱབ་པ་སོགས་བྱུང་བར་སྣང། འདི་སྐབས་རྒྱལ་སྲས་རིན་པོ་ཆེའི་ཡང་སྲིད་མི་ངན་ཞིག་གིས་ཁོ་རང་གི་བུ་ཡིན་པར་བསྒྲགས་པས། ས་ཟླའི་ཚེས་བཅུའི་ཉིན་གནས་སྲུང་མ་ཇོ་ཆེན་མོ་གཅོ་འཁོར་གསུམ་མངོན་སུམ་དུ་བྱུང་ནས་རྗེའི་སྐུ་མདུན་དུ་སྙིང་ཆུང་དུ་ཁྲག་དམར་ཙ་རེ་བ་ཞིག་སྐྱུར་སོང་བ་གཟིགས་པས། དེ་ཉིན་མི་ངན་དེས་བུ་བོར་ནས་མ་བརྙེད་དེ། རྦད་བསྐུལ་སོགས་གང་ཡང་མ་བགྱིས་ཀྱང་སྲུང་མར་ཕྲིན་ལས་བསྒྲུབས་པ་དང། གཞན་ཡང་བཀའ་(སྨད་ཆ།༥༩༥)འགལ་འགའ་ཞག་ལ་སྲུང་མའི་བཀའ་ཆད་བྱུང་ཆུལ་མང་དུ་ཡང་ཀྱང་འདིར་མ་བྲིས། ཡང་ལོ་གཅིག་སྟེང་གྲིབ་ཀྱིས་ཤི་བ་མང་དུ་བྱུང་བའི་སྐབས་ཤིག་རྗེ་ཉིད་ཏིང་ངེ་འཛིན་ལ་བཞུགས་པའི་དྲུང་དུ་མི་ནག་པོ་གཅེར་བུ་བཞིན་མི་སྡུག་པ་ཞིག་བྱུང་སྟེ་ཁོ་བོ་ནག་པོ་ཐོག་འཕེན་གྱིས་མནན་ནས་ད་བར་མ་ཐར་ཏེ་ཁོ་བོ་སྟེང་དུ་ཐོད་རྒལ་གྱི་འཆར་སྒོ་འདྲ་བའི་རྡོ་རྗེ་རྒྱ་གྲམ་ཞིག་གིས་མནན་སོང་བའི་ཉམས་སྣང་གཟིགས་ཏེ། དེ་ཕྱིན་སྟེང་གྲིབ་ཀྱི་འཚེ་བ་ཉུང་དུ་སོང་གསུངས། སྐབས་ཤིག་བཀའ་སྲུང་དྲང་སྲོང་ཆེན་པོ་དངོས་སུ་གཟིགས་པའི་ལྟོ་ཞལ་ནས་མཆེ་བ་དྲུག་འཛིན་གྱི་བཅོས་གྱིས་གསུངས་པ་དང། སྐབས་ཤིག་རླུང་ནག་ཚུབ་མའི་ནང་ན་དྲང་སྲོང་ཆེན་པོ་དབུ་ཉེར་གཅིག་ཡོད་པ་ཞིག་གཟིགས་པ་སོགས་དྲ་སྲོང་འདི་ལན་དུ་མར་གཟིགས་ཤིང། ཡང་ཨེ་ཀ་ཙ་ཏི་དམར་མོ་དབུ་དགུ་ཡོད་པ་ཞིག་གཟིགས་པ་དང། རྒྱལ་པོ་སྐུ་ལྔ་ཞལ་ཐང་གི་གཙོ་བོར་གང་འབྲི་དགོངས་པའི་ཚེ་ཐུགས་ཀྱི་རྒྱལ་པོ་གླང་པོ་ཆེ་ལ་ཞོན་པ་ཞིག་མནལ་ལམ་དུ་བྱུང་བ་དང། མང་ཡུལ་རི་བོ་དཔལ་འབར་གྱི་གནས་སྲུང་ཞིང་སྐྱོང་ཇོ་མོ་རྒྱ་གར་མ་རྒྱང་ནས་རྨ་བྱའི་གཟུགས་དང་གོམ་པ་སླེབས་དུས་རང་གཟུགས་ཀྱིས་ཡང་ཡང་འོང་བར་འདུག་གསུངས་པ་དང། གཞན་ཡང་ཆོས་རྒྱལ་དང་རྡོར་ལེགས་སོགས་ཆོས་སྐྱོང་མང་པོ་དུས་རྒྱུན་དུ་དངོས་ཉམས་མནལ་ལམ་རྣམས་སུ་བྱུང་ཚུལ་མང་དུ་སྣང་ཞིང། འབྲི་གུང་མཆོག་སྦྲུལ་རིན་པོ་ཆེ་ཞིང་གཟིགས་ཤིང་སྐུའི་སྐྱེ་བའང་འཇང་དུ་འོངས་གསུངས་པ་དང། རྫོགས་ཆེན་མཆོག་སྦྲུལ་རིན་པོ་ཆེ་འགྱུར་མང་ཐེག་(སྨད་ཆ།༥༩༦)མཆོག་བསྟན་འཛིན་ཞིང་གཟིགས་ཚུལ་དང། ཐམས་ཅད་མཁྱེན་པ་སྐལ་བཟང་རྒྱ་མཚོ་ཞིང་གཟིགས་ཚུལ་སོགས་ཇི་ལྟར་གསུངས་པ་བཞིན་བྱུང་པ་དང། གཞན་ཡང་བར་སྲིད་མང་པོ་དངོས་སུ་གཟིགས་པ་སྣང་ཡང་དེ་དག་ཉེ་དུ་རྣམས་དགའ་སྡུག་ཆགས་སྡང་སོགས་ཀྱི་རྒྱུར་འགྱུར་བ་གཟིགས་ནས་ཡེ་མི་གསུངས་མོད། འོན་ཀྱང་མདོ་པ་ཨོ་རྒྱན་སྐྱབས་ཟེར་བ་ཞིག་ཤི་བའི་བར་སྲིད་དེས་ཁྱེད་ལ་གྲ་པ་འདི་དང་འདི་རྣམས་ཀྱིས་བསམ་སྦྱོར་བཟང་པོ་བྱེད་ཀྱི་མེད་ཟེར་བ་དེ་བཞིན་དུ་བྱུང་ཞིང། ཁང་ཁྱིལ་སོགས་ལ་ཐོགས་མེད་དུ་འགྲོ་བ་གཟིགས་ཏེ། བར་དོའི་འགྲོ་བ་ལ་ཟག་བཅས་ཀྱི་མངོན་ཤེས་དང་གདོས་བཅས་ལ་ཐོགས་པ་མེད་གསུང་བར་ཤིན་ཏུ་བདེན་པར་འདུག་གསུངས། དེ་རིགས་མང་དུ་ཡོད་ཀྱང་འདིར་མ་བྲིས། འདི་སྐབས་ལོ་སྔ་ཕྱིར་གྲུབ་པའི་དབང་ཕྱུག་བླ་མ་སྐལ་བཟང་དབང་ལྡན་ཞི་བར་གཤེགས་པ་དང། སྦོ་བོ་ནས་རིག་འཛིན་ཐུགས་མཆོག་རྡོ་རྗེ་སྐུ་གཤེགས་པའི་དགོངས་རྫོགས་བསྒྲུབས་པ་དང་གདུང་རྟེན་ཀྱང་བཞེངས་པར་མཛད་ཅིང། ཟླ་བ་བྱུང་རེ་ལ་འདས་མཆོད་ཀྱང་རྒྱུན་ཆགས་སུ་མཛད། གཞན་ཡང་རྗེ་ཉིད་བཅད་རྒྱའི་ཁོག་ནས་རྒྱལ་སྲས་རིན་པོ་ཆེའི་ཡང་སྲིད་ཁྲིར་འདོན་ཛང་རྟེན་བཞེངས་ཀྱི་རིགས་མང་པོ་བསྒྲུབས་པ་དང། སྒྲུབ་སྡེའི་བཅའ་ཁྲིམས་བསྡོམ་པ་དང། སློབ་གསར་རྣམས་ལ་གར་ཐིག་དབྱངས་རོལ་ཡི་གེ་འབྲི་བ་སོགས་བྱེད་དུ་བཅུག་ལ་སོགས་ཞལ་ཏ་ཕེབས་ནས་བྱ་བ་ལས་ཀྱི་འཁོར་ལོ་ཡང་ཞོར་ལ་བསྒྲུབས་པར་མཛད་དེ་གཅིག་གོ་གཅིག་གིས་མ་བཀག་པར་ཁྱབ་མཉམ་དུ་གྲུབ་མཛད། དེ་ལྟར་མེ་ཕོ་སྟག་ནས་ལྕགས་མོ་སྦྲུལ་ཡན་ལོ་རིལ་པོ་བཅོ་ལྔ་བཅད་རྒྱ་མཐར་ཕྲིན་པ་མཛད་ནས། འབྲུག་ལོར་སྡེ་(སྨད་ཆ།༥༩༧)དགེ་ས་སྐྱོང་ལྕམ་དྲལ་གྱི་སྐུ་ཚབ་དང་སྟག་སྒང་ལས་སྣེ་བ་སོགས་གདན་འདྲེན་སླེབས་པའི་དོན་གྱིས་སྦྲུལ་ལོ་ནས་སྐུ་མཚམས་བཞེངས་པ་དང་མདོ་སྨད་དུ་ཆིབས་སྐྱོད་གནང་བ་སྟབས་གཅིག་མཛད། འདི་སྐབས་རྒྱན་ཆེན་རྣམ་སྲས། གནོད་སྦྱིན་སྐྱ་བརྒྱད་སོགས་གཟིགས་ཚུལ་དང། ཟླ་བ་བརྒྱད་པའི་ཚེས་དགུར་དཔལ་ལྡན་རྟ་རྣ་དགོན་དུ་ཕེབས་སྐབས་དཔལ་འཁོར་ལོ་སྡོམ་པའི་དཀྱིལ་འཁོར་གྱི་འཁོར་ལོ་མངོན་སུམ་དུ་ཞལ་གཟིགས་བྱུང་གསུངས། འཇའ་ཚོན་གྱི་དྲ་བས་འབྲེལ་ཞིང་མེ་ཏོག་གི་ཆར་བབས་པ་དང། གནས་དེར་ཕེབས་ནས་ཞག་འགའི་བར་དུ་རྩོལ་མེད་ཀྱི་ཉམས་བཟང་པོ་སྐྱེ་བ་བྱུང་གསུངས། ཟླ་བ་བཅུ་པའི་ཚེས་བཅོ་ལྔ་ལ་དངུལ་མདའ་ལྷུན་གྲུབ་སྟེང་དུ་ཕྱག་ཕེབས། སྡེ་དགེ་ཁྲི་ཆེན་མིའི་དབང་པོ་ལྕམ་དྲལ་མཇལ། ཟླ་བ་བཅུ་གཅིག་པའི་ཚེས་གསུམ་ལ་དཔལ་པོ་ལྕམ་དྲལ་མཇལ། ཟླ་བ་བཅུ་གཅིག་པའི་ཚེས་གསུམ་ལ་དཔལ་ལྡན་སྟག་མ་སྒང་སྐལ་བཟང་ཕུན་ཚོགས་གླིང་གི་གདན་ས་ཆེན་པོར་ཕྱག་ཕེབས། ཆུ་ཕོ་རྟ་ལོར་རྫོགས་ཆེན་དགོན་དུ་མཆོག་སྦྲུལ་རིན་པོ་ཆེ་ཁྲི་འདོན་མཛད། གཙུག་ཕུད་བཞེས་ནས་མཚན་ཀུན་བཟང་བསྟན་པའི་མགོན་པོ་ཞེས་གསོལ། ཕྱིས་རབ་བྱུང་བསྒྲུབས་པའི་མཁས་པོའང་མཛད་ནས་མཚན་སྔ་མའི་འཕྲོས་ངེས་དོན་བསྟན་འཛིན་བཟང་པོར་གསོལ། ཆུ་ལུག་ནས་གཙུག་ལག་ཁང་ཞིག་གསོས་གསར་བཞེངས་ལྟ་བུ་དང། མགོན་ཁང་རྟེན་བརྟེན་པར་བཅས་པ་གསར་བཞེངས་མཛད། སྟག་སྒང་འདུས་སྡེར་དབང་ལུང་མང་པོ་དང་ཕྱག་ཆེན་གྱི་ཁྲིད་སོགས་སྩོལ། འདི་དུས་ལོ་སྔ་ཕྱི་རྣམས་སུ་མཁས་ཤིང་གྲུབ་པའི་དབང་ཕྱུག་ཀ༔ཐོག་ཞིང་སྐྱོང་རིན་པོ་ཆེ་དང། རྨོག་ཚ་གྲུབ་ཐོབ་ཆེན་པོ། ཐམས་ཅད་མཁྱེན་པ་སི་ཏུ་རིན་པོ་ཆེ།(སྨད་ཆ།༥༩༨)མཁན་ཆེན་ཐམས་ཅད་མཁྱེན་པ་ཀླུ་སྡིངས་རིན་ཆེན་མི་འགྱུར་རྒྱལ་མཚན་སོགས་གདན་དྲངས། གཞན་ཡང་གཏེར་ཆོས་ཡོངས་རྫོགས་འདོན་ཆའི་སྐོར་དང་སྡོམ་གསུམ་རྩ་འགྲེལ་སོགས་པར་བསྐོ་བ་མཛད། སྡེ་དགེ་ས་དབང་ལྕལ་དྲལ་གྱིས་སྔ་ཕྱིར་ལན་མང་པོར་ཕོ་བྲང་དང་བཞུགས་སྒར་སོགས་སུ་སྦྱན་དྲངས་ནས་དབང་ལུང་གསན་ཅིང་འབུལ་ཆེན་ལན་མང་དུ་མཛད་ཅིང། ས་སྐྱོང་ཆེན་པོའང་བཞུགས་སྒང་འཛིང་ལ་ཕེབས་སྐབས་གདན་དྲངས་ནས་བསྙེན་བཀུར་གྱིས་དགྱེས་པར་མཛད། འདི་སྐབས་ལོ་མཚམས་གཉིས་བཀུར་གྱིས་དགྱེས་པར་མཛད། འདི་སྐབས་ལོ་མཚམས་གཉིས་དང་གཞན་ཡང་སྐུ་མཚམས་ཁོ་ན་མཛད། གཞན་ཡང་རྗེ་འདི་ཐུགས་རབ་ཀྱི་རྩལ་འབར་པས་གཞན་དྲིང་མི་འཇོག་པའི་མཁྱེན་དཔྱོད་ཀྱིས་ཕུལ་དུ་བྱུང་བར་མཁྱེན་ཏེ། རིག་གནས་སྐོར་སྐད་རྩིས་སྙན་ངག་སོགས་དང། བཟོ་རིགས་སུ་གཏོགས་པ་ལྷ་རིས་ལ་ཆེས་མཁས་ཤིང། ལན་ཝར་སོགས་རྒྱ་བོད་ཀྱི་ཡིག་རིགས་མང་པོ་དང། གར་ཐིག། འཆམ། དབྱངས་རོལ། གཏོར་བཟོ་སོགས་ལ་གང་ཅིར་མཁས་པའི་རྩེར་སོན་པ་དང། གཞན་ཡང་མདོ་སྔགས་སོ་སོའི་ལ་གང་ཅིར་མཁས་པའི་རྩེར་སོན་པ་དང། གཞན་ཡང་མདོ་སྔགས་སོ་སོའི་ལམ་གྱིས་འགྲོས་དང་གྲུབ་མཐའ་སོ་སོའི་བཤད་ཚོད་སོགས་ལ་བློ་གྲོས་ཀྱི་འཇུག་པ་ཤིན་ཏུ་ཡངས་པས་ཆེས་མཁས་ཤིང། གྲུབ་མཐའི་ཁས་ལེན་ཡང་ཀུན་མཁྱེན་ཆེན་པོའི་ལུགས་ལྟར་མཛད་པ་ཡིན་ནོ། གྲུབ་མཐའི་ཁས་ལེན་ཡང་ཀུན་མཁྱེན་ཆེན་པོའི་ལུགས་ལྟར་མཛད་པ་ཡིན་ནོ། སྐུ་ན་གཞོན་ནུ་ནས་བསྙེན་སྒྲུབ་ཀྱི་རིགས་ལ་ཆིག་སྒྲིལ་གནང་བ་ཡིན་ཏེ། སྔར་ཆུ་བྱི་ལོར་ལོ་སྒྲུབ་རིལ་པོ་གཅིག་དང། དེ་རྗེས་མེ་འབྲུག་ནས་ས་ལུག་བར་ལོ་གསུམ་དང། སླར་མེ་སྟག་ནས་ལྕགས་སྦྲུལ་བར་ལོ་རིལ་པོ་བཅོ་ལྔ་དང། སྟག་སྒང་(སྨད་ཆ།༥༩༩)དུའང་ལོ་མཚམས་རིལ་པོ་གཉིས་དང་བཅས་ལོ་མཚམས་རིལ་པོ་ལོ་ཉེར་གཅིག་དང། གཞན་འབྱོན་བཞུགས་སོགས་ཀྱི་བར་གསེང་ཅུང་ཟད་བྱུང་ནའང་པོས་དལ་བག་ཡངས་སུ་ནམ་ཡང་མི་བཞུགས་པར་སྐུ་མཚམས་ཁོ་ན་མཛད་དེ། གཞན་ཟླ་བ་བརྒྱད་དགུ། ཟླ་དྲུག་མ། ཟླ་བ་གཉིས་གསུམ་ཚུན་དང། ཐ་མ་བདུན་ཞག་རེས་མཚོན་པའི་ཁྱོན་དྲིལ་རགས་རྩིས་སུ་ལོ་ངི་སུམ་ཅུ་ཙ་གྲངས་ཤིག་ཏུ་ངེས་པར་སྐུ་མཚམས་ཁོ་ན་བཞུགས་པ་ཡིན་འདུག་གོ། དེ་ན་བདག་ཉིད་ཆེན་པོ་འདིའི་ཐུགས་ཉམས་དང་རྟོགས་པའི་ཡོན་ཏན་ཀྱང། དེ་ན་བདག་ཉིད་ཆེན་པོ་འདིའི་ཐུགས་ཉམས་དང་རྟོགས་པའི་ཡོན་ཏན་ཀྱང། རྫོགས་ཆེན་སྣང་རིག་གཉིས་ཀྱི་རྣལ་འབྱོར་དང། རླུང་སྦྱོར་སོགས་དུས་གནད་དང་བསྟུན་ཏེ་ཉམས་བཞེས་གནང་བས། མ་དག་པའི་སྣང་བ་འགོག་པར་ནུས་པའི་བསྐྱེད་རིམ་ལ་གསལ་བརྟན་གྱི་ཉམས་མཐར་ཕྱིན་ཏེ། སྣང་སྲིད་ཐམས་ཅད་དག་པ་རབ་འབྱམས་རྒྱལ་བའི་དཀྱིལ་འཁོར་ཆེན་པོར་རྒྱས་ཐེབས་པས། ཕྲིན་ལས་རྣམ་བཞི་གང་ཡང་ཐོགས་མེད་དུ་གྲུབ། རྫོགས་རིམ་རྩ་ཐིག་རླུང་གསུམ་དབུ་མར་ཞུགས་པས་བདེ་བ་ཆེན་པོའི་ཡེ་ཤེས་ཆེར་རྒྱས་པའི་ཐུགས་ཉམས་ཤིན་ཏུ་གསལ་བ་དང། ཀ་དག་གཞི་རྫོགས་འཕོ་འགྱུར་མེད་པའི་དབྱིངས་སུ་བྱང་ཆུབ་པས་འཁོར་འདས་ཐམས་ཅད་གཞི་མེད་རྩ་བྲལ་དུ་གྲོལ། སྣང་སྦྱོད་ཐམས་ཅད་རང་སྣང་རིས་མེད་ཤར་བས་གཟུང་འཛིན་གྱི་མཚན་མ་དབྱིངས་སུ་དག། མཉམ་བཞག་འདོ་གསལ་རྣམ་པར་མི་རྟོག་པའི་ངང་ནས་རྗེས་ཐོབ་གང་ཤར་རང་གྲོལ་གྱི་ཡེ་ཤེས་གསལ་ལ་མི་རྟོག་པའི་དགོངས་པ་རང་བྱུང་བཞེངས་སུ་འཁྲུངས་པས་མཉམ་རྗེས་རེས་འཇོག་གི་ཤུན་པ་བུད་ནས་རིས་མེད་འོད་གསལ་འཁོར་ཡུག་གི་ཏིང་ངེ་(སྨད་ཆ།༦༠༠)འཛིན་ལ་དབང་འབྱོར། མཚོ་ཁར་པདྨ་སམ་བྷ་བས་ཞལ་མངོན་སུམ་དུ་བསྟན་ཏེ་བྱིན་གྱིས་བརླབས་པ་ནས། དཔལ་རྟ་མགྲིན། རྡོ་རྗེ་ཕུར་སོགས་ལྷག་པའི་ལྟ་དུ་མའི་ཞལ་གཟིགས། རྡོ་རྗེ་ཆོས་སྐྱོང་སྦྱི་དང་ཁྱད་པར། མ་མགོན་། གཟའ། རྡོར་ལེགས། རྒྱལ་ཆེན། བཙན་རྒོད། གནས་སྲུང་མ་མོ་ཡང་མ་དང་སྲིང་རྫོང་རྒྱལ་མོ་སོགས་ཀྱི་ཕྲིན་ལས་སྒྲུབ་པའི་ཁས་བླངས་ནས་དམ་ནོམ་ཤིང་བྲན་དུ་ཁོལ་བ་དང། ཡུལ་དུས་གང་ལའང་ཆགས་ཐོགས་མེད་པའི་མངོན་པར་མཁྱེན་པ་མངའ་རེ་རེ་ནས་བརྗོད་པར་མི་ལངས་ཡང། ལྕགས་ར་མཆོག་སྦྲུལ་རིན་པོ་ཆེ་དང། བན་སྒར་བ་སྐལ་བཟང་ཉི་མ། འབྲི་རུ་མཁན་པོ། རྫོགས་ཆེན་མཆོག་སྦུལ་རིན་པོ་ཆེ་སོགས་རང་ལུགས་དང་གཞན་ཕྱོགས་ཀྱི་དགེ་བའི་བཤེས་གཉེན་ཆེ་དགུ་མང་པོའི་གསང་ལུང་འཕྱུགས་མེད་ཐོག་ཏུ་ཁེལ་བས་ཕྱོགས་ལྟུང་མེད་པའི་གསུང་གིས་ཆེད་དུ་བསྔགས་པ་དང། གཞན་ཡང་གདོན་གྱིས་བརྩེས་པ་དང་འབུ་སྲིན་གཅན་གཟན་གྱི་གནོད་པ་སོགས་པ་ཐུགས་དམིགས་གནང་བ་དང། ཕྱག་ནས་འཐོར་བ་ཙམ་གྱིས་ཆོག་པ་དང། ཀྱང་ཆར་ཆེ་བ་དང། ཆར་འབེབས་པ་སོགས་ལ་དབྱིངས་གཏོང་བ་ཙམ་གྱིས་གྲུབ་པ་དང། དད་ལྡན་འགའ་ཞིག་གིས་སྐུ་ལྷག་པའི་ལྟར་མཐོང་བ་དང། ཕྱག་ནས་ཟང་ཐལ་དུ་གཤེགས་པ་སོགས་སྨོས་ཀྱིས་མི་ལངས། རྟག་ཏུ་ཟུང་འཇུག་གི་རྣལ་འབྱོར་ལས་གཡོ་བ་མེད་ཀྱང་ཐུགས་དམ་གྱི་རིམ་པའང་དགུང་ཐུན་ལ་ཇ་སྦྱོར་གྱི་ཡུན་ཙམ་ལ་སྐུ་ཚགས་མི་ལྟོད་པར་མནལ་དུ་བཞུགས་པ་ཙམ་མ་གཏོགས་དབུ་སྔས་ལ་སྙེས་པ་སོགས་ནི་སྐུ་ཚེ་རིལ་པོར་མི་མཛད་ཅིང། ལྷག་་པའི་ལྟ་དུ་མའི་སྒོམ་བཟླས་དང་མཚན་(སྨད་ཆ།༦༠༡)བཅས་མཚན་མེད་ཀྱི་རྫོགས་རིམ་སོགས་ལ་བཙོན་པར་མཛད། རྗེ་ཉིད་ཀྱིས་དམ་པའི་ཡོན་ཏན་གྱིས་ཐུགས་འཕྲོགས་པས་བླ་ཆེན་དང་མི་ཆེན་ཆེ་དགུ་མང་པོས་བཏུད་ཅིང་བཀུར་བསྟི་དང་སྲི་ཞུས་མཆོད་པར་ཐོབ་ཀྱང་ཁེངས་དྲེགས་ཀྱི་རྣམ་པ་རྡུལ་ཙམ་ཡང་མི་མངའ་བ་དང། ཆོས་དང་མཐུན་པའི་སྦྱོད་ལམ་རྣམ་བཞི་ཤུགས་འབྱུང་འགོགས་མེད་རང་བབས་སུ་སྐྱོང་བ་ལས། ཆེད་དུ་བཅོས་མའི་མཛེས་ཁྲིགས་སྦར་ཁབ་ཀྱི་མཐུན་འཇུག་དང་གཡབ་མོ་མི་མཛད། གཞན་ཡང་བསྙེན་བཀུར་གྱི་ཆེད་དུ་སྡེ་དགོན་དང་ཆོས་ལུགས་གྲུབ་མཐའ་སོ་སོའི་ཁ་འཛིན་དང་དགེ་བའི་བཤེས་གཉེན་གཞན་དག་ལ་ཞལ་སྐུར་རིས་སུ་གཅོད་པ་སོགས་ཅུང་ཟད་ཀྱང་མི་མཛད། རང་སློབ་གྲ་རིས་ལྟ་བུས་གཞན་སྐུར་འདེབས་པ་གཟིགས་ནའང་དེ་མ་ཐག་ནས་ཚར་གཅོད་གནང་ཞིང། ནམ་ཡང་གཞན་གྱི་ཉེས་པ་གླེང་དུ་མ་བཅུ་དྲུག་རང་ཉིད་ཆོས་ཀྱི་གནང་ལ་མཁས་ཤིང་སྒྲུབ་བརྒྱུད་གནས་ལུགས་སྟོན་པ་ལ་ཐུགས་འགྲོ་ཞིང། ཕྱི་ནང་རིག་གནས་བྲིས་འབུར་གྱིས་མཚོན་གང་ལ་ཡང་འགྲན་དུ་མེད་ཀྱང་གཞན་ལ་ཅོ་འདྲི་མེད་པར་མཉམ་པར་སྐྱོང་བ་དང། གྲ་སློབ་ཡོན་བདག་སོགས་ཀྱི་སྐུར་འདེབས་དང་ལོག་སྒྲུབ་བགྱིས་པ་རྣམས་ལའང་མནར་སེམས་དང་མ་མཉེས་པ་མི་མངའ་བར་བྱམས་པས་རྗེས་སུ་སྐྱོང་བར་མཛད་པ་དང། ཐུགས་སྒམ་ཞིང་དཀྱེལ་ཆེ་བས་གཞན་ཟེར་གྱི་ཕྲན་མས་ཐུགས་མི་སྐྱོད་པར་སྙན་ཁུང་འཐུགས་ཤིང་བརླིང་ཆ་ཆེ་བས་གཞན་སྣང་ཟིལ་གྱིས་ནོན་པར་མངའ་བ་དང། གཞན་ཡང་ཉེ་བར་མཁོ་བའི་བསྟན་བཅོས་ཀྱང་པུ་ཏི་གཉིས་ཙམ་མཛད་པ་ཡོད་ལ། མདོར་ན་བསྟན་པ་རིན་པོ་ཆེ་སྒོ་དུ་མ་ནས་ཕྱོགས་ཐམས་ཅད་དུ་སྦེལ་བར་མཛད་པ་ལ་(སྨད་ཆ།༦༠༢)ཐུགས་ཀྱི་དམ་བཅའ་བརྟན་ཅིང། རང་ཉིད་མཉམས་རྗེས་ཁོར་ཡུག་གི་ཏིང་ངེ་འཛིན་འོད་གསལ་ཡེ་ཤེས་ཀྱི་ཐུགས་ལས་ནམ་ཡང་མི་གཡོ་བཞིན་དུ་བཤད་སྒྲུབ་ཀྱི་ཕྲིན་ལས་མདོ་སྨད་ཐམས་ཅད་དུ་གདུལ་བྱའི་ཡུལ་དུ་གྱུར་པ་མཆོག་དམན་མཐའ་ཡས་པ་རྣམས་ལ་སོ་སོའི་བློ་དང་འཚམས་པའི་དབང་ཁྲིད་བཤད་ལུང་ཡོངས་སུ་རྫོགས་པ་དང། དབང་ཀྱང་ལུང་རྐྱང་ཙམ་གྱི་ཆོས་སྒོ་དུ་མས་ཀྱང་བསྟན་པ་རིན་པོ་ཆེ་གསལ་བར་མཛད་བ་ཡིན་ནོ། དེའི་ཕྱིར། སྐྱེ་བོ་དམ་པའི་ཡོན་ཏན་རྣམས། སྐྱེ་བོ་དམ་པས་ལྷག་པར་སྒྲོགས། མ་ལ་ཡི་ཙན་དན་དྲིར། རླུང་གིས་ཕྱོགས་བཅུར་རྒྱས་པར་བྱེད། ཅེས་གསུངས་པ་དང་མཐུན་པར། ཡོངས་ཀྱི་དགེ་བའི་བཤེས་གཉེན་ཆེན་པོ། འོ་ན་ཆོས་སྡིང་གི་རྒྱལ་སྲས་སྦྲུལ་པའི་སྐུ་རིན་པོ་ཆེ་དང། ལྕགས་ར་ངག་དབང་སྦྲུལ་སྐུ། སྟག་ཕུ་སྦྲུལ་པའི་སྐུ། ལྷ་མགོན་སྦྲུལ་སྐུ་སོགས་དང། ངོར་མཁན་ཆེན་དཔལ་ལྡན་ཆོས་སྐྱོང། ཤར་ཆེན་རྡོ་རྗེ་འཆང་རིན་ཆེན་མི་འགྱུར་རྒྱལ་མཚན། ཞུས་ཆེན་མ་ཧཱ་པཎྜི་ཏ། ལྡན་ལོ་ཚུལ་ཁྲིམས་རིན་ཆེན་སོགས་དང། རྫ་སྔགས་རམ་པ་འགྱུར་མེད་བསྟན་འཕེལ་དང། ཟེ་ཆན་རབ་འབྱམས་སྦྲུལ་སྐུ། ༔ཐོག་པ་དྲི་མེད་ཞིང་སྐྱོང། དཔལ་ཡུལ་བླ་མ་ཀརྨ་བཀྲ་ཤིས། རྡོ་རྗེ་བྲག་མཆོག་གི་སྦྲུལ་པའི་སྐུ་སྐལ་བཟང་པདྨ་དབང་ཕྱུག་སོགས་རིས་མེད་པའི་བསྟན་པ་ཡོངས་རྫོགས་ཀྱི་དགེ་བའི་བཤེས་གཉེན་མཁས་ཤིང་གྲུབ་པ་བརྙེས་པའི་ཚོགས་མང་པོས། རྗེ་འདིའི་བསླབ་པ་གསུམ་དང་མང་དུ་ཐོས་པ་སོགས་ལུང་དང་རྟོགས་པའི་ཡོན་ཏན་གྱི་ཕུང་པོ་ཇི་བཞིན་གཟིགས་པས་ཐུགས་འཕྲོགས་ཏེ་ཕྱོགས་ལྟུང་མེད་པར་གཟུང་བོར་གནས་པའི་(སྨད་ཆ།༦༠༣)གསུང་གིས་དངོས་དང་སྦྲིང་ཡིག་གི་ལམ་ནས་ལན་གཅིག་མ་ཡིན་པར་ཡང་ཡང་སྔགས་པ་བརྗོད་པས་མཆོན་ཏེ་སྐྱེས་ཆེན་དམ་པ་འདི་ནི་གཞན་གྱི་འགྲན་བྱའི་ཡུལ་ལས་འདས་པ་ཡིན་ནོ། དེ་ལྟ་བུ་མ་བྱས་ངོ་བོ་ཉིད་ཀྱིས་གྲུབ་པའི་ཕྲིན་ལས་བསམ་གྱིས་མི་ཁྱབ་པས་སེམས་ཅན་གྱི་ཁམས་རྒྱ་མཚོ་ཡོངས་སུ་སྨིན་པར་མཛད་ནས། རེ་ཞིག་ཞིང་ཁམས་གཞན་གྱི་གདུལ་བྱར་འོས་པ་དག་འདུལ་བའི་དུས་ལ་བབས་པར་གཟིགས་པ་སོགས་ཀྱི་གདུལ་བྱར་འོས་པ་དག་འདུལ་བའི་དུས་ལ་བབས་པར་གཟིགས་པ་སོགས་ཀྱིས་ཟུང་ཟད་ཞིང་འདིར་ཐགུས་སྐྱོ་བའི་ཚུལ་དང་རིང་པོར་མི་བཞུགས་པའི་གསུང་གྱ་མ་དོ་འགའ་ཡང་སྩལ་ཞིང། སྐུ་ལ་བསྙེལ་གཞི་སོགས་མེད་ཀྱང་སྐུ་ཤེད་ཞན་ཉམས་ཙམ་བྱུང་ཞིང། འདི་སྐབས་རྒྱལ་རོང་དགེ་བཤེས་རྒྱལ་པོས་གདན་འདྲེན་བྱུང་ཡང་ཕེབས་པར་མ་གནང་ཞིང། མཛད་པའི་འཕྲོ་གཞན་དག་ཀྱང་བརྟུལ་བར་མཛད། དེ་སྐབས་ཆེ་ཡོ་རིག་འཛིན་ཆེན་པོ་སོགས་ངེད་ཅག་ཉུང་བསྡུས་ཤིག་ལ་ཟབ་གསང་མཁའ་འགྲོ་སྙིང་ཐིག་གི་དབང་ཁྲིད་ལུང་བཅས་སྩལ་ཞིང། དབང་གི་དུས་སུ་རྗེ་ཉིད་རིགས་ལྔ་བྲོག་ཞུ་གར་གོས་སོགས་ལོངས་སྦྱོད་རྫོགས་སྐུའི་ཆས་མཛད་ནས་དབང་བསྐུར་བ་སོགས་མཛད་དེ། དེ་ནི་རྗེ་ནིད་སྦྲུལ་པའི་སྐུ་ལས་ལོངས་སྐུར་བཞེངས་པའི་བརྡ་ཡིན་པར་འདུག་སྟེ། སྐུ་ཚེ་འི་འདུ་བྱེད་ནི་གཏང་ནས་འཚོ་བའི་འདུ་བྱེད་ནི་བྱིན་གྱིས་བརླབས་པར་སྣང་ལ། དེ་ནས་རྡོ་རྗེ་བྲག་མཆོག་སྦྲུལ་མདོ་སྨད་ནས་དབུས་སུ་ཕེབས་པར་མཛད་ཕྱིར་རུ་དམ་དུ་ཆིབས་སྐྱོད་དང་དབང་ལུང་ཕར་འབུལ་ཚུར་གསན་ཞིབ་རྒྱས་གྲུབ་ནས་ཕྱིར་ཕེབས་པ་ནས་སྐུ་ཅུང་ཟད་ལྟེམ་ཚུལ་བྱུང་བར་སྐུ་རིམ་ཞབས་བརྟན་གང་རྒྱས་ཕུལ་ཡང་བཞུགས་པར་མ་གནང་བར་དུ་དམ་བླ་བྲང་དུ་(སྨད་ཆ།༦༠༤)གཞན་སྣང་གཟུགས་སྐུའི་བཀོད་པ་ཕྱོགས་གཅིག་བསྡུས་ནས་ཆོས་དབྱིངས་བདེ་བར་ཆེན་པོ་མནལ་བའི་ཚུལ་བསྟན་པར་གྱུར་ཏོ། དེ་ནས་རྩ་བའི་ཆོས་སྐྱོང་གི་གསུང་བཞིན་གསེར་གདུང་སྲིང་རྫོང་དུ་བཞེངས་པ་སོགས་ཕྱི་ནང་གི་རྟེན་བཞེངས་པ་དང་དགོངས་རྫོགས་མཆོད་སྦྲིན་སྦྲོ་བ་སོགས་རྗེས་ཀྱི་བྱ་བ་ཡང་རྒྱ་ཆེར་གྲུབ་པ་ཡིན་ནོ། རྗེ་འདིའི་གསུང་གི་བདུད་རྩི་བཞེས་པའི་བཀའ་སློབ་ཚོགས་ཀྱང། རྡོ་རྗེ་བྲག་མཆོག་སྦྲུལ་སྐུ་བཟང་པདྨ་དབང་ཕྱུག་དང། རྫོགས་ཆེན་མཆོག་སྦྲུལ་སྐལ་བཟང་པདྨ་དབང་ཕྱུག་དང། རྫོགས་ཆེན་མཆོག་སྦྲུལ་གོང་འོག་སོགས་སྐྱེས་ཐོབ་སྐྱི་ཆེ་བའི་སྐྱེ་སྦྲུལ་མང་པོ་དང། སའི་ཚངས་པ་སྡེ་དགེ་རྒྱལ་བློན་སོགས་མི་ཆེན་ཆེ་དགྲ་མང་པ་དང། རུ་དམ་ཨོ་རྒྱན་ཆོས་གླིང་སོགས་བཤད་སྒུབ་ཀྱི་སྡེ་མང་པོ་སོགས་ཐམས་ཅད་སྨོས་ཀྱིས་མི་ལངས་ཏེ། དེ་དག་ལས་རང་ལུགས་ཆོས་བརྒྱུད་འཛིན་པ་འགའ་ཞིག་བརྗོད་པར་བྱ་སྟེ། དེ་ཡང་རང་རྩའི་སློབ་ཚོགས་ཡོངས་ཀྱི་གཙོ་བོར་གྱུར་པ་ནི་རྗེ་དཔོན་དམ་པདྨ་འཇིགས་མེད་དང། བླ་མ་བསྟན་འཛིན་སྙིང་པོ། གྲུབ་ཆེན་དཔའ་བོ་ལས་རབ་རྩལ་རྣམས་ཡིན་ལ། རྗེ་དཔོན་དམ་པ་དེ་ནི་རྗེ་ཉིད་ཀྱི་བཅེན་བསོད་ནམས་མགོན་པོའི་སྲས་སུ་འཁྲུངས། བྱིས་པའི་དུས་ནས་རྗེ་ཉིད་ཀྱི་བཡ་ཀྱི་སྐྱེ་བ་གསལ་པོར་དྲན་པས་ཆོས་སྒོར་བཅུག་སྟེ། མཆོག་སྦྲུལ་རིན་པོ་ཆེ་ཉིད་ཀྱི་གཙུག་ཕུད་བཞེས་ནས་མཚན་པདྨ་འཇིགས་མེད་དུ་སྩལ། དེ་ནས་ཡི་གེ་འབྲི་བ་ལ་འབྲུ་དཀྱུས་ཚུགས་སོགས་གང་ནས་ཀྱང་གཞན་འགྲན་དང་བྲལ། ཐམས་ཅད་མཁྱེན་པ་སྐལ་བཟང་རྒྱ་མཚོའི་ཞབས་ནས་བསྙིང་རྫོགས་བཞེས་པས་མཚན་རྒྱ་མཚོ་ལེགས་བཤད་དུ་སྩལ། རྩིས་དཀར་(སྨད་ཆ།༦༠༥)ནག་སོགས་ལ་མཁས་ཤིང་ཁྱད་པར་གསུང་སྐད་དང་སྐུ་གཟུགས་ཤིན་ཏུ་བཟང་ཞིང་མཛེས་པས། གར་ཐིག་དབྱངས་རོལ་སོགས་ལ་མཁས་པའི་ཕུལ་དུ་གྱུར་པས་དགོན་ཡས་ཕྱིན་གྱི་སྒྲིག་ལམ་སོགས་ལ་བཀའ་དྲིན་ཤིན་ཏུ་ཆེ། བསམ་ཡབ་རབ་བྱུང་གྲ་ཚང་ནས་ཚེས་བཅུའི་མཆམས་སོགས་ཞིབ་སྦྱངས་ཁུངས་ཆོད་ཡང་མཛད། གཞན་ཡང་ཀུན་མཁྱེན་ཆེན་པོའི་བསྟན་བཅོས་ཡིད་བཞིན་མཛོད་དང། གཞན་ཡང་ཀུན་མཁྱེན་ཆེན་པོའི་བསྟན་བཅོས་ཡིད་བཞིན་མཛོད་དང། སྦྱི་དོན་ལེས་བཤད་རྒྱ་མཚོ་བཤད་རྡོ་རྗེའི་སྒྲ་དབྱངས་སོགས་ཐུགས་འཛིན་མཛད་པས་མདོ་སྔགས་སྦྱིའི་ལམ་གྱི་འགྲོས་དང་བསྐྱེད་རྫོགས་སྨིན་གྲོལ་གྱི་གནད་གསང་ཐམས་ཅད་མི་མཁྱེན་པ་མེད་ཅིང། ཁྱད་པར་དེ་དག་གི་ཕྱག་ལེན་ཕྲ་རགས་ཐམས་ཅད་བྱང་ཆུབ་པས་བསྟན་པའི་མིག་རྒྱན་དུ་འགྱུར་ལེན་ཕྲ་རགས་ཐམས་ཅད་བྱང་ཆུབ་པས་བསྟན་པའི་མིག་རྒྱན་དུ་འགྱུར་བའི་ཁུངས་དག་དངོས་གཙང་ཁོ་ན་ལས་གཞན་པའི་བབ་རྩོལ་དང་གྱ་ཚོམ་དུ་འཇུག་པ་གཏན་ནས་མི་མངའ། འདུ་བའི་བཅའ་ཁྲིམས་ཀྱི་བསླབ་པ་གཙང་ཞིང་ཚུལ་ཁྲིམས་ཀྱི་ཕུང་པོ་ཡོངས་སུ་དག་པ་དང། ལྷག་པའི་ལྷ་དུ་མར་བསྙེན་སྒྲུབ་གནང་ཞིང་རྒྱུན་དུ་ཡང་སྒོམ་བཟླས་སོགས་ལ་ཐུགས་རྩོལ་གཞན་ལས་ཆེ་ཞིང། བསྐྱེད་རྫོགས་སྨིན་གྲོལ་གྱི་པའི་ཡོན་ཏན་དང་ལྡན་པ་དང། ཁྱད་པར་དུ་སྐུ་ཞབས་མཆོག་སྦྲུལ་རིན་པོ་ཆེ་ཉིད་ཀྱི་ཐུགས་ཀྱི་དགོངས་པ་བསྒྲུབས་ཤིང། ཕྲིན་ལས་རྒྱ་ཆེར་སྦྲེལ་བ་ལ་གཞན་དྲིང་མི་འཇོག་པས་བཀའི་ཕྲིན་ལས་པ་ཆེན་པོ་ཡིན་ཏེ། ཇི་སྐད་དུ། གྲུབ་པ་བརྒྱད་དང་ཕྲིན་ལས་བཞི། མངོན་ཤེས་སྦྱན་མངའ་རྫུ་འཕྲུལ་གྱི། གཞན་དོན་ཕྲིན་ལས་བྱེད་པ་ཡང། བླ་མའི་བཞེད་པ་བསྒྲུབས་ལས་བྱུང། ཞེས་གསུངས་པ་ལྟར་ལས་རབ་(སྨད་ཆ།༦༠༦)འབྱམས་གང་ལ་ཡང་ཐོགས་པ་མེད་པ་དང་འཆང་ཉན་སོགས་འགྲོ་ཕན་གྱི་ཕྲིན་ལས་ཀྱང་ཤིན་ཏུ་ཆེ་ཞིང། གདན་ས་གོང་འོག་ཏུ་བསྟན་པའི་བྱ་བ་དང། མཆོག་སྦྲུལ་རིན་པོ ་ཆེ་སྐུ་གཤེགས་རྗེས་ཀྱི་དགོངས་རྫོགས་སྟག་སྒང་དུ་ཚེས་བཅུ་ཆེན་མོ་མཆམས་བཅས་གསར་འཇུག་དང། སྲིང་རྫོང་དུ་གསེར་གདུང་བཞེངས་སོགས་ཕྱག་བཞེས་རྒྱ་ཆེ། དེ་ནས་ཤིང་ཕོ་རྟ་ལོ་དགུང་ལ་ཞེ་དགུ་པ་ལ་འཇའ་ཚོན་གྱི་དྲ་བས་འབྲེལ་པ་སོགས་ངོ་མཚར་བའི་ལྟས་དུ་མ་དང་བཅས་ཏེ་དག་པའི་ཞིང་དུ་གཤེགས་སོ། རིག་འཛིན་ཆེན་པོ་དཔའ་བོ་ལས་རབ་རྩལ་ནི། ངེས་པའི་དོན་དུ་གདོད་ནས་ཡོངས་སུ་གྲུབ་པ་ཆོས་ཀྱི་དབྱིངས་སུ་མྱ་ངན་ལས་འདས་པའི་འཁོར་འདས་སྦྱི་མཉམ་ཆེན་པོ་རོ་གཅིག་ཀྱང་དྲང་པའི་དོན་ཙམ་དུ་དག་པའི་རྣལ་རོལ་ཡང་འཆར་བ་ཆོས་ཉིད་ཀྱིས་བདག་ཅག་གི་སྟོན་པའི་དྲུང་དུ་ཤེས་རབ་ཅན་རྣམས་ཀྱི་མཆོག་ཤཱ་རིའི་བུ་དང། དགེ་བསྙེན་རྡ་རྨ་ཏཱ། དགེ་བསྙེན་ཞི་བའི་གོ་ཆ། ལང་གྲོ་དཀོན་མཆོག་འབྱུང་གནས། རྡོ་བོད་མཚམས་སུ་བོ་རྡི་ར་ཛ། ས་སྐྱ་བླ་མ་དམ་པ་བསོད་ནམས་རྒྱལ་བའི་དབང་པོ་རང་བྱུང་རྡོ་རྗེ་དང། ཆོས་རྒྱལ་རརྣ་གླིང་པ། ཨ་མཁར་རྟོགས་ལྡན་ཀརྨ་ཕྲིན་ལས་སོགས་བསྟན་པ་དང་གདུལ་བྱའི་དོན་དུ་བསམ་བཞིན་སྲིད་པ་ཉེ་བར་བཟུང་བའི་རྒྱལ་བའི་སྲས་པོ་དུ་མའི་རྣམ་རོལ་བརྒྱུད་མར་འཁྲུངས་པ་ཡིན་ལ། སྐུ་ཚེ་འདིའི་སྐྱེ་བའི་མྱུ་གུ་བསྐྱེད་པའི་ཡུལ་ནི་མད་སྡེ་དགེའི་ཡུལ་གྱི་བྱེད་བྲག་ཆེ་ཡོད་ཅེས་པའི་འབྲོག་སྡེ་ཆེན་པོ་ཞིག་ཏུ་རིགས་རུས་མཐོང་ཞིང་བཙུན་པ་ཇིང་འགིར་གནམ་གྱི་རྒྱལ་པོའི་(སྨད་ཆ།༦༠༧)རིགས་སུ་འཁྲུངས། སྐུ་བྱིས་པའི་དུས་ནས་སྔོ་གནས་རྗེས་སུ་དྲན། ཡི་གེ་འབྲི་ཀློག་སོགས་བསླབ་སྦྱངས་མ་དགོས་པར་མཁྱེན། དགུང་ལོ་བདུན་གྱི་དུས་གཏེར་སྟོན་རརྣ་གླིང་པ་ཡིན་པར་སྐྱེ་བ་དྲན་ཅིང་གཏེར་གྱིི་བརྡ་ཡིག་ཀློག་པ་དང། ཆོས་འཆད་ཤེས། དགུང་ལོ་བཅུ་པ་ནས་ཉི་སྦྲུལ་རིན་པོ་ཆེས་རྗེས་སུ་བཟུང། སྲིང་རྫོང་འོད་གསལ་སྒྲུབ་སྡེར་ཕེབས། ཉི་སྦྲུལ་རིན་པ་ཆེས་བཀའ་ཆོས་ཐམས་ཅད་བུམ་པ་གང་བྱོར་སྩལ། སྲིང་རྫོང་བཞུགས་སྐབས་རང་ཡུལ་ནས་བླ་རྒན་ཆོས་མཆོག་འདས་པ་མངོན་སུམ་དུ་གཟིགས་ཏེ་དེ་ལྟ་བུ་གཟིགས་པ་མང་དུ་བྱུང། དེ་སྐབས་སྦྱན་རས་གཟིགས་ཀྱིས་བསྙེན་ཞི་བའི་གོ་ཆ་དང། རྡོ་བོད་མཚམས་སུ་བོ་རྡི་རཱ་ཛ་དང། གུ་རུ་ཆོས་དབང་གི་སྲས་པདྨ་དབང་ཆེན་ཡིན་ཚུལ་སོགས་བྱུང། རྗེ་ཉིད་ཀྱི་གཏེར་ལུང་ལས་ལུང་གྲོ་ལོ་ཙཱ་ཡིན་ཚུལ་དང་གཏེར་གྱི་ཁ་བྱང་ཀྱང་ཕྱག་ཏུ་སོན། དེ་ནས་རང་ཡུལ་དུ་ཕེབས་པས་ཐོ་བརྩམས་པ་དག་ལ་སྲུང་མ་རྣམས་བསྐུལ་བས་མངོན་སྦྱོད་ཀྱིས་བསྒྲལ། སླར་ཡང་སྲིང་རྫོང་དུ་ཕེབས་ནས་བཀའ་འགྱུར་གྱིས་མཚོན་པའི་འབུལ་ཆེན་མཛད་ནས་ཕྱིར་ཕེབས། སླར་ཉི་སྦྲུལ་རིན་པོ་ཆེ་མདོ་སྨད་ཕྱོགས་ལ་ཕེབས་ལ་ནས་ཞབས་པད་མཉེས་པ་གསུམ་གྱིས་མཆོད་ནས་བཀའ་ཆོས་བསམ་མི་ཁྱབ་པ་གསན། རྗེ་དེ་ཉིད་ཀྱིས་ཀྱང་དོན་གྱི་རྒྱལ་ཚབ་ཏུ་དབང་བསྐུར་ཞིང། དོན་རྒྱུད་སྙིང་པོའི་བསྟན་པ་གཏད་པ་མཛད། དེ་ནས་མཚོ་སྔོན་ཕྱོགས་སུ་ཕེབས། དེ་དུས་རྡོ་རྗེ་ལེགས་པས་ཀརྨ་པ་རང་བྱུང་རྡོ་རྗེ་ཡིན་ཟེར་བ་དང་དམ་ཅན་པུ་ཏྲས་བླ་མ་དམ་པ་བསོད་ནམས་རྒྱལ་མཚན་ཡིན་ཚུལ་ལུང་བསྟན་བྱུང། དད་ལྡན་འགའ་ལ་རྫོགས་ཆེན་གྱི་ཁྲིད་གནང་བས་ངོ་(སྨད་ཆ།༦༠༨)མཚར་དུ་མ་དང། མཚོ་སྔོན་པོ་ནས་ཡིད་བཞིན་ནོར་བུ་ཞིག་གཏེར་ནས་བཞེས། རང་ཡུལ་ཕེབས་ནས་ཕུར་སྒྲུབ་མཛད་པས་ཕུར་པ་རྣམས་འཕུར་ཁྲབ་ལྡིང་བ་སོགས་དང་ཕུར་བ་འགའ་རི་རྩེ་རྣམས་སུ་འཕུར་བ་དང་ཕུར་གཏོར་ལས་མེ་འབར་བ་སོགས་བྱུང། སྙིང་དུས་ཀྱི་རྒྱ་འདྲེ་འགོང་པོས་ཚ་དཔལ་གཅོག་བྱེད་ཁྲོ་རྒྱལ་ཡཀྴ་མེ་དབལ་གྱི་ཆོས་སྐོར་ཞིག་དངོས་སུ་ཕྱག་ཏུ་བབས། སྐྱེ་བདུན་མྱོང་གྲོལ་གྱི་སྒྲུབ་ཆེན་འཛུགས་པའི་དུས་ཐམས་ཅད་དུ་རིལ་བུ་འཕུར་བ་དང་དྲི་བཟང་འཐུལ་བ་སོགས་གཞན་འགྲན་མེད་པར་བྱུང། ཉི་སྦྲུལ་སྐུ་རིན་པོ་ཆེ་སྐུ་གཤེགས་ནས་ཀྱང་ཡེ་ཤེས་ཀྱི་སྐུས་ལན་དུ་མར་རྗེས་སུ་བཟུང་ཞིང་ལུང་བསྟན་གདམས་པ་སྩལ་བ་སོགས་བྱུང། ཟླ་བའི་སྔ་མ་ཆེན་ལུང་པ་ནས་གནོན་བྱ་འདྲི་བདུད་ཀྱི་བླ་རྡོ་དང། གནོན་བྱེད་གུ་རུའི་ཞབས་རྗེས་རྣམས་ཕྱག་ཏུ་སོན། དེ་ཙམ་ནས་ས་སྐྱ་གོང་མ་རིན་པོ་ཆེ་ངག་དབང་ཀུན་དགའ་བློ་གྲོས་ཀྱིས་གསུང་གིས་བསྐུལ་ནས་སྡེ་དགེ་ས་དབང་བཟང་པོ་དང་རྗེ་བཙུན་དབྱངས་ནས་སྒྲོལ་མས་རྒྱལ་ཁབ་ཆེན་པོར་གདན་དྲངས་ནས་དབུའི་མཆོད་གནས་སུ་བཀུར། བདུད་འདུལ་ལྷ་ཁང་དུ་འདྲེ་བདུད་ཀྱི་བླ་རྡོ་མནན་པའི་སྟེང་ནས་གུ་རུ་རྡོ་རྗེ་གྲོ་ལོད་ཀྱི་ཞབས་ཀྱིས་མནན་ཏེ། དེའི་སྟེང་དུ་གུ་རུ་སྣང་སྲིད་ཟིལ་གནོན་སྐུ་ཐོག་ཚད་མ་གཅིག་བཞེངས་ནས་རབ་ཏུ་གནས་པ་སོགས་ལུང་དོན་བཞིབ་འགྲུབ་པས་མི་ལོ་ཉི་ཤུ་ཚུན་ལ་མཐའ་མིའི་གནོད་པ་མི་འབྱུང་བར་ཞལ་གྱིས་བཞེས་པ་བཞིན་ཐོག་ཏུ་ཁེལ། དག་པའི་སྣང་བར་རྔ་ཡབ་དཔལ་རིར་གཤེགས་པས་རྒྱལ་ཡུམ་ཡེ་ཤེས་མཚོ་རྒྱལ་གཤིན་རྗེ་གཤེད་ཀྱི་སྐུར་བཞེངས་ནས་དབང་བསྐུར་ཞིང། གཤིན་རྗེ་གཤེད་དམར་ཡི་དམ་དུ་སྩལ། ཟབ་གཏེར་(སྨད་ཆ།༦༠༩)དང་དག་སྣང་ཟུང་དུ་འབྲེལ་བའི་གདམས་ཟབ་མང་པོ་ཡི་གེ་བཀོད་པར་མཛད་ཅིང། ས་སྐྱོང་མིའི་བདག་པོའི་བསྟན་སྲིད་ཀྱི་རིམ་གྲོ་ཕྲིན་ལས་བཞི་གང་ལ་གང་འཚམ་གྱིས་དུས་ཀུན་བསྒྲབས་པར་མཛད་པས་ཐུབ་བསྟནབ་ནོར་བུ་གླིང་གི་དགོན་པ་རྟེན་བརྟེན་པ་དང་བཅས་གསར་འདེབས་གནང་ནས་དགེ་འདུན་འདུ་བའི་སྒོ་སྦྱར་བ་སོགས་མཛད་ནས་བདག་རྐྱེན་ཚད་མེད་པའི་སྲི་ཞུ་ཕུལ། ས་སྐྱོང་དབང་མོར་སྲིང་སྦེལ་གྱི་ཟ་ཡིག་བསྲེགས་ཐལ་ཕུལ་བར་བདུད་རྩིའི་བཅུད་དུ་འཁྱིལ་བའི་དགེ་མཚན་མངོན་དུ་གྱུར། འདི་སྐབས་ས་སྐྱོང་ཆེན་མོའི་རྒྱལ་བུར་བླ་བསླུ་མཛད་པས་མར་གྱི་བླ་ལུག་བལ་དངོས་སུ་སྐྱེ་བ་བྱུང། སླར་ཡང་བོད་ལྗོངས་སུ་ཐེག་ཤཱཀྱ་མུ་ནེའི་ཐུགས་ཀ་ནས་དེ་བཞིན་གཤེགས་པའི་རིང་བསྲེལ་ཞིག་ཕྱག་ཏུ་བབས། བསམ་ཡས་མཚིམས་ཕུར་རྩ་གསུམ་སྒྲུབ་པའི་གདམས་སྐོར་སོགས་དགོངས་གཏེར་དུ་བབས། སྲིང་མོ་རྫོང་ཕྲག་ནག་བདེ་བ་ཆེན་པོ་ནས་ཨ་མྲྀ་ཏ་དང། དབུར་སྟོད་ཏི་སྒྲོ་བྲག་ནས་རརྣ་གླིང་པས་ཡང་གཏེར་སྦས་པའི་གུ་རུའི་སྐུ་ཚབ་པདྨ་གུ་རུ་སོགས་སྦྱན་དྲངས། འདམ་རྒྱལ་ཆེན་བཅོ་བརྒྱད་སོགས་དམ་ལ་བཏགས་ནས་རང་གནས་སུ་ཕེབས། སྔ་ཕྱི་ཀུན་ཏུ་ས་གནད་གསོ་བ་དང་ས་དམིགས་གཟེར་གང་ཆེ་རྣམས་སུ་དམ་སྲི་འགོང་པོ་མནན་པའི་ལས་ལ་སྦྱར་བའང་མང་དུ་མཛད་ཅིང། ཁྱད་པར་དུ་གཞི་བདག་དཀར་ཕྱོགས་སྐྱོང་བ་རྣམས་ལ་དམ་ཚིག་བསྒྲགས་ཤིང་བསྟན་འགྲོའི་ཕན་བདེ་བསྒྲུབ་པའི་གཉེར་གཏད་ཅིང་གཟེངས་བསྟོད་པ་དང་ནག་ཕྱོགས་འབྱུང་པོ་རྣམས་བཀའ་ནན་རབ་རྗིད་ཀྱིས་ཟིལ་གྱིས་མནན་ཅིང་དམ་ལ་བཏགས་ཤིང། རྒྱ་འདྲེ་དམ་སྲིའི་རིགས་རྣམས་གནས་ནས་བསྐྲད་པ་(སྨད་ཆ།༦༡༡༠)སོགས་ཀྱི་ཕྱིར་མེ་ལུག་ཟླ་བ་ལྔ་པ་ནས་རི་འགྲིམ་མཛད་ནས་རྒ་སྟོད་ཚུན་ཞབས་ཀྱིས་བཅགས་ནས་བསྟན་འགྲོའི་བདེ་ཐབས་མང་དུ་བསྒྲུབས། དེ་སྐབས་ཙམ་ནས་རྗེ་འདིས་བླ་ཆེན་འབྱོར་ལྡན་ཇི་སྙེད་ཀྱི་ཐུགས་མཚོར་ནམ་ཡང་ཤར་མ་མྱོང་བའི་ཐུགས་བསྐྱེད་པའི་ལྷག་བསམ་ཟླ་བ་ཚེས་པ་ལྟ་བུའི། སྦྱིར་གསང་ཆེན་སྔ་འགྱུར་འདི་ཀུན་མཁྱེན་ཉི་མའི་གཉེན་གྱིས་བསྟན་པ་ཐམས་ཅད་ཀྱི་སྙིང་ཁུ་ཡིན་ཡང་གསར་ལུགས་རྣམས་རང་ཕྱོགས་འདེགས་པའི་དབང་ཆ་སྟག་ཆོད་ཀྱིས་རྙིང་རྒྱུད་རྣམས་དབྱེན་བཅོས་ཏེ་མ་བུ་སོ་སོར་ཡ་བྲལ་བ་ལྟར་གྱུར་པས་དཔེ་རྒྱུན་རྣམས་བཀོན་པ་དང། རྒྱུན་ཡོད་པ་རྣམས་ཀྱང་ཚང་མི་ཚང་སྣང་ཚོགས་ཡི་གེ་དག་པོ་མི་འོང་བར་འདུག་པར་སོགས་ལ་གཟིགས་ནས་སྦྱིར་རྒྱལ་བའི་བསྟན་པ་རིན་པོ་ཆེ་ལ་གཅེས་སྦྲས་སུ་བྱ་བ་དང་ཡང་སྒོས་སྔ་འགྱུར་གསང་ཆེན་རྡོ་རྗེ་ཐེག་པའི་ཆོས་ཚུལ་མི་ཉམས་ཤིང་གོང་ནས་གོང་དུ་འཕེལ་རྒྱས་སུ་འབྱུང་བའི་སླད་དུ་དངུལ་སྲང་སྟོང་ཕྲག་ལྷག་པའི་དངོས་རྫས་གསེར་དུངལ་རྟ་ནོར་སོགས་རྩལ་སྦྲུགས་སུ་ལྷ་ལྕམ་ངང་འབྱུང་རྒྱལ་མོའི་རྣམ་འཕྲུལ་སྡེ་དགེ་དཔོན་མོ་ཚེ་དབང་ལྷ་མོ་ལ་ཕུལ་ནས་རྙིང་རྒྱུད་རིན་པོ་ཆེ་པར་དུ་བརྐོ་དགོས་ཚུལ་བཀའ་ནན་ཟློག་ཏུ་མེད་པར་ནན་ཞུས་ཕུལ་བ་བཞིན་ས་སྐྱོང་དབང་མོས་ཀྱང་དགྱེས་བཞིན་དུ་གནང་ནས་པར་དུ་བྲལ་བ་བསྒྲུབས་མཛད། གཞན་ཡང་རྗེ་ཉིད་ཀྱི་དགོངས་གཏེར་སྐོར་རྣམས་འདབས་གཏེར་དུ་བཞུགས་པར་དགོངས་པའི་ཚེ་ས་སྐྱོང་དབང་མོ་འདི་ཉིད་ཀྱི་སྲི་ཞུ་དང་བཅས་ཐུགས་སྣ་བསྲིངས་དགོས་ཚུལ་གསོལ་བ་བཏབ་པ་བཞིན་གནང་ནས་ལུང་ཟིན་ཆོས་ཀྱི་བདག་པོ་རྣམས་ལ་རྒྱ་ཆེར་(སྨད་ཆ།༦༡༡)སྦེལ་བ་མཛད་པ་ཡིན་ནོ། གཞན་ཡང་ངོ་མཚར་བའི་མཛད་པ་མཐའ་ཡས་པ་ཡོད་ཀྱང་ཞིབ་པར་རྣམ་ཐར་ལས་ཤེས་པར་བྱའོ། དེ་ལྟར་བསྟན་པ་དང་སེམས་ཅན་གྱི་དོན་རྒྱ་ཆེར་མཛད་ནས་རེ་ཞིག་གདུལ་བའི་ཡུལ་དེ་ཙམ་དུ་གཟིགས་ནས་ཆོས་དབྱིངས་བདེ་བ་ཆེན་པོའི་རང་བཞིན་དུ་གཤེགས་པར་གྱུར་ཏོ། བླ་མ་པདྨ་བསྟན་འཛིན་ནི་དོར་ཚང་ཕྲིན་ལས་རྡོ་རྗེའི་སྐྱེ་བར་དྲན་ཞིང་རྗེ་ཉིད་ཀྱིས་ཀྱང་ངོས་འཛིན་གནང་ནས་པདྨ་བསྟན་འཛིན་ཞེས་པའི་མིང་གནང། གོང་ས་ཐམས་ཅད་མཁྱེན་པ་ནས་དགེ་གླིང་གི་དངོས་པོ་བསྒྲུབས་པའི་མིང་རྒྱ་མཚོ་ཆོས་དར་དུ་སྩལ་ངག་ནུས་ཆེ་བས་གཞན་ལ་ཕན་ཐོགས་ཆེ། སྟག་སྔསྒང་གི་གདན་ས་ཡུན་རིང་དུ་མཛད་ནས་སྦྲེལ་ལོར་དག་པའི་ཞིང་དུ་གཤེགས། རྒྱ་ཕག་བླ་མ་འཛིན་ཆོས་འཕེལ་ཡང་ཉམས་རྟོགས་བཟང་ཞིང་རྟའུ་ཕྱོགས་སུ་ཉི་གྲགས་ཆོས་སྐོར་གྱིས་འགྲོ་དོན་རྒྱ་ཆེར་བྱུང་འདུག་ཅིང། གཞན་ཡང་མཁས་ཤིང་གྲུབ་པའི་ཡོན་ཏན་དང་ལྡན་ཞིངེཾ་ཉམས་དང་རྟོགས་པའི་མངའ་བདག་ཆོས་ཀྱི་ཕྲིན་ལས་ཅན་དགེ་རྩེ་ཁྲོ་ཤུལ་བླ་མ་རིག་འཛིན་རྒྱ་མཚོ་སོགས་མང་དུ་བྱོན་ཀྱང་ཐམས་ཅད་སྨོས་ཀྱིས་མི་ལངས་སོ། གདན་རབས་བཞི་པ་བླ་མ་བསྟན་འཛིན་སྙིང་པོ་ནི། ཡུལ་སོག་རོང་སྟོད་དུ་ཀུ་གུ་ཞེས་པའི་སྔགས་བརྒྱུད་རིམ་པར་བྱོན་པའི་རིགས་སུ་སྐུ་འཁྲུངས། དེ་ཡང་སྔོན་ཡབ་ཚང་དེ་གར་ཀུ་གུ་བླ་མ་ཆོས་དར་ཟེར་བའི་གཏེར་སྟོན་རིག་འཛིན་ཆེན་པོའི་ཞལ་སློབ་ཏུ་གྱུར་པའི་སྔགས་འཆང་ནུས་ལྡན་ཞིག་ཡོད་པ་དེའི་སྐུའི་སྐྱེ་བར་སྔོན་གནས་རྣམས་རྗེས་སུ་དྲན་པའི་(སྨད་ཆ།༦༡༢)གསུང་བྱོན། དགུང་ལོ་ཆུང་ངུའི་ནས་བྲམ་ཟེའི་ཁྱེའུ་རྫུན་མི་ཤེས་ལྟར། རྫུན་གྱི་རིགས་བསླབ་ཀྱང་མི་མཁྱེན་པའི་ངོ་མཚར་ཅན་ཞིག་སྟེ། གཞོན་ནུ་ནས་ཆགས་རུར་ཕེབས་སྲིང་རྫོང་སྒྲུབ་སྡེར་སྒྲིག་ལ་བཞུགས། རྗེ་བླ་མ་མཆོག་གི་སྦྲུལ་པའི་སྐུ་རྡོ་རྗེ་འཆང་པདྨ་ཐེག་མཆོག་བསྟན་པའི་རྒྱལ་མཚན་གྱི་ཞབས་པད་མཉེས་པ་གསུམ་གྱིས་སྦྱི་བོར་མཆོད། གཙུག་ཕུད་ཕུལ་བས་མཚན་བསྟན་འཛིན་སྙིང་པོར་སྩལ། འདི་དུས་ཤིག་ན་མར་ལ་དུང་དཀར་བཟོས་པས་སྐད་བཟང་བ་ཐོན་པར་བྱུང་སྟེ་རྗེས་བླ་མས་རྟེན་འབྲེལ་བཟང་ཞེས་པས་སྐད་བཟང་བ་ཐོན་པར་བྱུང་སྟེ་རྗེ་བླ་མས་རྟེན་འབྲེལ་བཟང་ཞེས་བསྔགས་བརྗོད་མཛད་ཀྱང་གྲུབ་པའི་མཚན་རྟགས་སུ་མངོན། དེ་ནས་ཚིག་ཕྱི་མ་དགེ་སློང་གི་སྡོམ་པ་རྣམས་རིམ་པར་རྗེ་བླ་མ་དོན་སླད་མཚན་ནས་སྨོས་ན་མཁན་རིན་པོ་ཆེ་ཀུན་བཟང་ཐེག་མཆོག་རྒྱ་མཚོའམ་པདྨ་ཐེག་མཚོག་བསྟན་པའི་རྒྱལ་མཚན་གྱི་ཞལ་སྔ་ནས་མཁན་སློབ་སྦྲེལ་ཞིང་དགེ་སློང་བཀའ་བཅུ་ཡར་འཕེལ་གྱི་གསང་སྟོན་པ་མཛད་ནས་དགེ་སློང་གྲངས་ཚང་གི་དབུས་སུ་བསྙན་པར་རྫོགས་པ་མཛད། བསླབ་པ་བཞེས་གྲུབ་པནས་བཟུང་སྐུ་ཚེ་དེ་སྲིང་དུ་དམ་པའི་ཆོས་འདུལ་ནས་ཇི་སྐད་གསུངས་པའི་པ་ བཞིན་གཞན་བཀག་གི་རིགས་རྣམས་ལས་ནམ་ཡང་མི་འདའ་བའི་བརྟུལ་ཞུགས་བརྟན་པོར་བཟུང་བས་དབྱར་གནས་དགའ་དབྱེ་སོགས་ཡུལ་དུས་ཀྱི་ཚུལ་ལྡན་མཛད་པར་མ་གྲུབ་ཀྱང་སྲུང་སྡོམ་གྱི་བཅས་པའི་མཚམས་ལས་ནམ་ཡང་མི་འདའ་ཞིང། ཆབ་ལེན་ལྷམ་འབུད་སོགས་ཕྱག་ལེན་ཕྲ་རགས་ཐམས་ཅད་ལ་ནན་ཏན་དང་གསོལ་ཚིགས་ཕྱིན་ཕྱི་དྲོའི་(སྨད་ཆ།༦༡༣)ཁ་ཟས་ཀྱང་མི་བཞེས་ཏེ་གདན་ཅིག་ཁོ་ན་མཛད་དེ། རྗེ་འདི་ཚུལ་ཁྲིམས་དང་ལྡན་ཞིང་བསླབ་པ་རྣམ་པར་དག་པའི་ཚུལ་ལ། དཔལ་རི་བོ་དགེ་ལྡན་པའི་བཀའ་རམ་མང་པོས་ཀྱང་ཆེད་དུ་བསྔགས་པ་བརྗོད་དེ། ཀུན་གྱི་བཙུན་གཅིག་མར་གླེང་ངོ། དུས་རྟག་ཏུ་སྐུ་ལུས་གནད་ལས་ནམ་ཡང་གཡོ་བ་མེད་པར་དྲངས་པོ་ཁོ་ནར་བཞུགས། མཚན་མོ་ཡང་དབུ་སྔས་ལ་མི་འཇོག་ཅིང། སྐྱིལ་དཀྲུང་ཁོ་ན་བཞུགས། རྫོགས་ཆན་ཀ་དག་དང་ལྷུན་གྲུབ་ཀྱི་ཉམས་བཞེས་ཟུང་འབྲེལ་ལ་སྐད་ཅིག་ཙམ་ཡང་གཡེལ་བ་མེད་པར་ཤིན་ཏུ་འགྲུས་པར་མཛད། ཁྱད་པར་རྩ་རླུང་གི་ནུས་པ་ཐོན་པས་རབ་བྱུང་གི་རྟགས་དང་མི་འགལ་བའི་གཟན་ཤམ་འབྲལ་སྦང་ཙམ་ལས་ན་བཟའ་མཐུག་པོའི་རིགས་དང་ཤ་ཅན་སོགས་ནམ་ཡང་མི་བཞེས། རས་རྐྱང་སོགས་བཞེས་པའི་ཚུལ་འཆོས་ཡང་མི་མཛད། རྩ་རླུང་གི་འདྲེན་འགྲེམས་འཁྲུལ་འཁོར་སོགས་དང་ཁྱད་པར་མདུན་རྒྱབ་ཀྱི་ཐུར་མ་སོགས་ལ་རང་བྱན་ཆུད་ཀྱང་མངོན་ཙན་ཅན་དེ་འདྲ་གཏན་ནས་མི་མཛད་ཅིང་ཤིན་ཏུ་མངོན་ཆུང་གིས་གསང་སྦྱོད་ཁོ་ན་མཛད་དེ། ཇི་སྐད་དུ། གང་ཞིག་གསེར་དུ་འགྱུར། ཞེས་པ་བཞིན་རྗེ་བླ་མ་མཆོག་སྦྲུལ་རིན་པོ་ཆེ་དེ་ཉིད་ཀྱི་ཕྱག་སྲོལ་བཟང་པོའི་སྦྱན་ལྟོས་སུའང་སྣང་ངོ། སྐུ་ཡོན་སློབ་གཉེར་ཡང་འབྲིང་ཀློག་དང་རྩིས་དཀར་ནག་ཙམ་ཞིག་སྦྱངས་ཚུལ་ལས་ཐ་སྙད་སྨྲིག་སྒྱུའི་ཆུ་ལ་ཞེན་པར་མ་མཛད་པར་ངེས་དོན་བླ་མའི་གསུང་གསང་རྡོ་རྗེའི་སྒྲས་དོན་གྱི་སྒྲོ་འདོགས་ནང་ནས་ཆོད་པས་མདོ་སྔགས་ཀྱི་ལམ་སོ་སོའི་(སྨད་ཆ།༦༡༤)བཞེད་ཚུལ་ཐམས་ཅད་མ་བྲིས་པར་ཐུགས་སུ་ཆུད་ཅིང། སྨིན་གྲོལ་གྱི་གདམས་པ་གང་དང་གང་ལའང་ཟབ་མོའི་གནད་སྟོན་པ་ལ་མཁས་ཤིང་ལུང་རིགས་ཀྱི་རྒྱབ་སྐྱོར་དང་བཅས་པའི་གསུང་བཤད་སོགས་ལ་ཆག་ཐོགས་མི་མངའ། དད་ལྡན་རྣམས་ལ་ཆོས་འབྲེལ་སོགས་དགོས་གལ་ཆེ་ངེས་ལས་ངེས་མེད་ཁ་དལ་ ལྟ་བུ་ངག་འཆལ་ཡེ་ནས་མི་གནང། ཁྱད་པར་བླ་མ་གྲ་རིགས་སོགས་ལ་གཤེར་སྐུར་ལྟ་བུ་ཟུར་ཡང་མི་གནང། སྨེན་གྲོལ་གྱི་གདམས་པ་ནོད་པའི་བླ་མ་ཡང་གཙོ་བོར་ཉི་གྲགས་མཆོག་སྦྲུལ་རིན་པོ་ཆེ་དེ་ཉིད་དང། རྫོགས་ཆེན་པ་གསུམ་པ་ངེས་དོན་བསྟན་འཛིན་བཟང་པོ། རྒྱ་རོང་མཆོག་སྦྲུལ་ནམ་མཁའ་མཆོག་གྲུབ། གྲུབ་པའི་དབང་ཕྱུག་དཔའ་བོ་ལས་རབ་སྩལ། བླ་མ་སྐལ་བཟང་ཐེག་མཆོག་སོགས་ལས་ཟབ་རྒྱས་ཀྱི་ཆོས་ཚུལ་མང་དུ་གསན་ཅིང། དེ་དག་ཉམས་བཞེས་སུ་ལོ་གསུམ་ཕྱོགས་གསུམ་གཅིག་གཙོ་བོར་སྨོས་པའི་ལོ་མཚམས་ཟླ་མཚམས་དུ་མ་མཛད་དེ་མདོར་ན་བཞུགས་སྒར་ཕེབས་སྐྱོད་སོགས་ཀྱི་དུས་མ་གཏོགས། རྒྱུན་དུ་སྐུ་མཚམས་ཁོ་ན་ལ་ཐུགས་རྩེ་ཆིག་སྒྲིལ་མཛད། བསྙེན་འཚམས་གྱི་སྐབས་རྣམས་སུ་ནི་བླ་མ་དམ་པ་ཉིད་སྦྲུལ་རྡོ་རྗེ་འཆང་དེ་ཉིད་ཀྱི་ཕྱག་བཞེས་ལྟར་ལས་བག་ཡང་ཡེ་ནས་མི་མཛད། གཏེར་གསར་ཡོངས་རྫོགས་ཀྱི་བསྙེན་སྒྲུབ་མ་སོང་བ་མེད་པ་དང། གཞན་ཡང་རྡོ་རྗེ་ཕུར་བ་སོགས་ལྷག་པའི་ལྷ་དུ་མར་ལྗགས་བསྙེན་མཛད། ལམ་རྟགས་ཀྱི་ཡོན་ཏན་ཀྱང་ཉམས་གོང་འཕེལ་རྫོགས་པ་ཙམ་ཞིག་ཡོད་ཚུལ་བདག་ལ་གསུང་འཕྲོས་སུ་སྩལ་ཏེ། རིག་པ་བུང་བ་བཅུད་ལ་འཁོར་བ་ཙམ་དང། ཉམས་ལེན་རྐྱེན་དང་བསྲེ་ཐུབ་ཙམ་ཡོད་གསུངས། གཞན་རྨིན་ལམ་དག་(སྨད་ཆ།༦༡༥)སྣང་ཞལ་གཟིགས་སོགས་བྱུང་ཚུལ་གསུང་སྒྲོག་ཏུ་འགྱུར་གྱིས་དོགས་ནས་ཟུར་ཅམ་ཡང་མི་གསུངས་མོད། འོན་ཀྱང་སྡེ་དགེར་མ་ཕེབས་པའི་དུས་ཡུལ་དེའི་བཀོད་པ་ཐམས་ཅད་གསལ་བར་གཟིགས་ཤིང་མྱུར་དུ་དེ་ཕྱོགས་སུ་འགྲོ་དགོས་པོ་འདྲ་གསུངས་པ་བཞིན་མཆོག་སྦྲུལ་རིན་པོ་ཆེ་ཁྲི་འདོན་དུ་སྡེ་དགེར་ཕེབས་དགོས་བྱུང་བས་མཚོན་ལྐོག་གྱུར་གྱི་གཞས་རྣམས་གཟིགས་པ་དང། མི་འགའ་ཞིག་ལ་འཕོ་ལུང་གནང་སྐབས་རྣམ་ཤྀཾེས་སྦར་ཚད་མཛད་པས་ཡུན་རིང་དུ་དབང་པོ་ཤོར་བ་བྱུང་བ་སོགས་ངོ་མཚར་གྱི་མཛད་པ་དང། རྗེ་འདི་དགུང་ལོ་ཉེར་ལྔ་བཞེས་དུས་ཉི་སྦྲུལ་རྡོ་རྗེ་འཆང་དེ་ཉིད་སྡེ་དགེར་ཞབས་པད་བསྐྱོད་པའི་སྐབས་རྒྱལ་སྲས་སྦྲུལ་སྐུ་ཨོ་རྒྱན་དཔལ་འབྱོར་རྒྱ་མཚོ་དང། རྗེ་འདི་གཉིས་ལ་གདན་སའི་བསྐོས་འཇའ་གནང་ཡང། དོན་གྱིས་རྗེ་འདི་ལས་རྒྱལ་སྲས་སྦྲུལ་པའི་སྐུ་རིང་པོར་མི་བཞུགས་པ་དགོངས་ནས་མཁྱེན་པས་ཆོད་པ་ཡིན་འདུག་ཅིང་རྒྱལ་ཚབ་ཏུ་མངའ་གསོལ་ལོ། དེ་ནས་བཟུང་ཆོས་སྲིད་ཀྱི་བྱ་བ་བསྟན་པའི་ཞབས་འདེགས་སུ་དགོངས་ནས་ཐུགས་འགན་བཞེས་ཤིང། བར་སྐབས་འདིར་བླ་མ་རྣམས་མི་བཞུགས་ཤིང་བསྟན་པ་ཕྲག་ཉག་གི་སྐབས་་སུ་གདན་སོའི་འཕེལ་རྒྱས་མ་ཉམས་པ་དང་རྟེན་གསུམ་སོགས་འཐོར་གོད་མ་ཤོར་ཞིང། སྒྲིག་ལམ་རྣམས་ཀྱང་སྔར་ལས་བཟང་བ་སོགས་རང་བསྟན་ལ་བཀའ་དྲིན་ལྷག་པར་ཆེ། རྒྱལ་སྲས་སྦྲུལ་པའི་སྐུ་ཨོ་རྒྱན་དཔལ་འབྱོར་རྒྱ་མཚོ་ཞིང་གཤེགས་པའི་རྗེས་སྒྲུབ་དང། སླར་ཡང་སྦྲུལ་པའི་སྐུ་ཁྲི་འདོན་དང། མདོ་སྨད་སྡེ་དགེར་པེབས་ནས་ཉི་གྲགས་མཆོག་སྦྲུལ་གསུམ་པ་ཁྲིར་འདོན་པ་སོགས་མཛད། སྡེ་དགེ་ས་སྐྱོང་ཆེན་པོས་གདན་དྲངས་ནས་དངུལ་(སྨད་ཆ།༦༡༦)མདའ་ལྷུན་གྲུབ་སྟེང་གི་རྒྱལ་ཁབ་ཏུ་ཕེབས་ནས་ཚེ་དཔག་མེད་ལྷ་ཆེན་བཞེངས་པའི་རབ་གནས་ཀྱང་མཛད། གསང་ཆེན་རྡོ་རྗེ་ཐེག་པའི་ཆོས་གྲ་ཆེན་པོ་ཀ༔ཐོག་ཏུའང་མཆོག་སྦྲུལ་རིན་པོ་ཆེ་དྲི་མེད་ཞིང་སྐྱོང་ཞིང་གཟིགས་པའི་སྐུའི་དང་དུའང་ཕེབས། སྐུ་གསུང་ཐུགས་ཀྱི་མཛད་པ་ཤིན་ཏུ་ངོ་མཚར་ཆེ་བས་མདོ་སྟོད་སྨད་སོགས་གང་དུ་ཕེབས་ཀྱང། སྐྱེ་འགྲོ་མཐོ་དམན་ཐམས་ཅད་དད་འདུན་གྱི་འུར་ལངས། ཉི་གྲགས་མཆོག་སྦྲུལ་རིན་པོ་ཆེ་གདན་ས་གོང་མའི་ཁྲིར་ཞབས་པད་བཀོད་པའི་ཞབས་འགྱུར་མཛད། དེ་ནས་རྗེ་ཉིད་སྟག་སྒང་གི་གདན་ས་ལོ་བདུན་ཙམ་མཛད་ནས་ལྕགས་ཕོ་ཁྱི་ལོར་གཟུགས་སྐུའི་བཀོད་པ་བསྡུས་ནས་པདྨ་འོད་ཀྱི་ཞིང་དུ་གཤེགས་སོ། ཞལ་སློབ་ཀྱང་རྫོགས་ཆེན་གསུམ་པ་ངེས་དོན་བསྟན་འཛིན་རྣམས་ཀྱིས་ཀྱང་བཀའ་ཆོས་ཀྱི་བདུད་རྩི་མ་བཞེས་པ་མེད་ལ། གཞན་སྒོམ་ཁྲིད་ཉམས་ལེན་སྐྱོང་བའི་སློབ་མ་རྟོགས་པ་དང་ལྡན་པའང་མང་དུ་བྱོན་ནོ། དེ་ལྟར་གཏེར་ཆེན་ཆོས་ཀྱི་རྒྱལ་པོ་ཡབ་སྲས་བརྒྱུད་པ་དང་བཅས་པའི་ལོ་རྒྱུས་མདོ་བསྡུས་ཆེ་ལོང་ཙམ་ཞིག་བརྗོད་ཟིན་ཏེ། དེ་ཡང་རྣམ་ཐར་ཡོད་པ་རྣམས་སོ་སོའི་རྣམ་ཐར་ལས་བཏུས་ཤིང་མེད་པར་རྣམས་རང་ཉིད་ལ་ཆ་རྒྱུས་ཡོད་རིགས་དེ་བཞིན་དང། གཞན་ངག་སྒྲོས་ཁུངས་མ་དག་ལ་བརྟེན་ཏེ་བབ་ཅོལ་མེད་པར་སྲོང་པོའི་ལམ་ནས་སྦྲུལ་པའི་བབས་སྟེགས་སུ་ལེགས་པར་དྲངས་པར་བྱས་པ་ཡིན་ནོ། ༀ་སཱ་སྟི་ཨ་ཡུ་སིདྡྷི། གང་མཚན་ཉིན་བྱེད་འོད་བརྒྱའི་གཟིས། འཆི་བདག་མུན་པ་དྲུང་འབྱིན་པའི། བླ་མཚོ་མཐའ་ཡས་པ་ཡེངས་ཤིས་(སྨད་ཆ།༦༡༧)པའི་དཔལ་གྱིས་རིང་དུ་སྐྱོང་མཆོག་གི་སྦྲུལ་སྐུ་རིན་པོ་ཆེ་ཨོ་རྒྱན་བསྟན་པའི་ཉི་མ་མི་འགྱུར་ཕན་བདེ་རྒྱ་མཚོའི་འཇིགས་མེད་བསྟན་པའི་སྡེ་ནི། ཇི་སྐད་དུ། སྐྱེ་བ་སྐྱེ་མོས་ཚལ་འགྲོ་ལྟར་རྟོགས་ནས། སྦྲོ་བའི་སེམས་དྲངས་དགའ་ཞིང་དེ་ལ་འཇུག། ཅེས་རྒྱལ་སྲས་འཕགས་པ་རྣམས་སེམས་ཅན་གྱི་དོན་དུ་བསམ་བཞིན་དུ་སྲིང་བར་སྐྱེ་བར་ལེན་པ་ལ་པདྨའི་མཚོ་ལ་ངང་པ་འཇུག་པ་ལྟར་སྦྲོ་ཞིང་སྦྲུལ་པ་གྲངས་མེད་པ་དུས་གཅིག་ཏུ་སྟོན་པ་ལས། ཐུན་མོང་གི་གདུལ་བྱའི་མོས་ངོར་སྣང་བའི་སྦྲུལ་པའི་གཏེར་ཆེན་ཆོས་ཀྱི་རྒྱལ་པོ་ཉི་མ་གྲགས་པ་ཉིད་སྙིགས་དུས་ཀྱི་འགྲོ་བ་རྣམས་ཕན་པ་དང་བདེ་བའི་སར་འགོད་པའི་སླད་དུ་སྐུའི་སྐྱེ་བ་རིམ་པར་བྱོན་པ་ལས་སྐུ་ཕྲེང་གསུམ་པ་གྱུར་པ་སྟེ། དེ་ཡང་གཏེར་ཆེན་དེ་ཉིད་རིག་འཛིན་པདྨའི་བཀའ་རྟགས་འཛིན་པར་གཏེར་ཁ་དུ་མ་ནས་ལུང་བསྟན་པར་མ་ཟད། མཆོག་གི་སྦྲུལ་པའི་སྐུ་རིན་པོ་ཆེ་འདི་ཉིད་བྱེད་བྲག་ཏུ་ལུང་བསྟན་པ་ཡང། རིག་འཛིན་པདྨ་གླིང་པའི་ལུང་བསྟན་ཀུན་གསལ་ལས། ཡང་རྒྱལ་པོས་ཞུས་པས༔ སློབ་དཔོན་ཆེན་པོ་ལགས༔ གནས་ཆེན་པདྨ་བཀོད་པ་དེ༔ སྒོ་འབྱེད་པའི་སྐྱེས་བུ་ཇི་ལྟར་འབྱུང་ལགས་ཞུས་པས༔ སློབ་དཔོན་གྱི་ཞལ་ནས༔ ཆོས་རྒྱལ་ཆེན་ལགས། ད་ལྟའི་ལྟ་ལྕམ་ཁྲོམ་པ་རྒྱན༔ སྐྱེ་བ་ལྔ་བཅུ་ཙ་ལྔ་འདས་པ་ན༔ མདོ་ཁམས་ཤར་ཕྱོགས་རྣམ་པར་རྒྱལ་བའི་ཡུལ་ཕྱོགས་ན༔ གླིང་གི་བརྒྱུད་ལ་བསྔགས་འཆང་བརྒྱུད། ཆོས་རྒྱལ་ཁྱེད་ཀྱིས་སྦྲུལ་པ་གཅིག༔ དྲག་སྔགས་ནུས་པ་ཐོབ་པ་ཡིན༔ བཟང་པོ་གྲགས་པའི་མིང་ཅན་དང༔ ཨང་ཆུང་སྦྲུལ་པ་སྒྲོལ་མའི་མིང༔ རིགས་བྱེད་རྩིས་ཀྱི་བཀའ་བབས་འབྱུང༔ དེ་ཉིད་རིགས་ཆད་དབང་གི་མིང༔ )༦༡༨)ཉི་མ་གྲགས་ཞེས་བྱ་བ་གཅིག༔ འབྲུག་སྦྲུལ་རྟ་སྦྲེལ་ལོ་པ་གཅིག༔ ཁམས་སུ་སྐྱེས་ནས་ཕྱོགས་སུ་འཁྱལ། བློ་ཤོ་རྒོད་ཅིང་བློ་སྣ་ཐུང༔ སྦྲོ་ཐུང་སེམས་དཀར་དང་རྒྱུ་ལྡན༔ ལེ་ལོ་ཆེ་བ་ལྷ་ཡི་རིགས༔ གནས་ལྔ་དག་ལ་ཤ་སྨེས་བརྒྱན། བརླ་གཡས་ཤ་སྨེ་མཁའ་འགྲོའི་སྦྱན༔ རྟགས་བརྒྱད་ལྡན་པའི་སྐྱེ་བུ་ནི༔ དམར་སྨུག་ངང་སེར་ཞབས་དང་རྟགས་བརྒྱད་ལྡན་པའི་སྐྱེས་བུ་ནི༔ ལྟུན་སྡུག་དང་བརྗིད་ལྡན་ན་ཡང༔ ཡུན་གྱི་བརྟགས་ན་བྱིས་པ་འདྲ༔ མདོ་མེད་སྙིམ་ལས་བརྫུ་བག་སྨྲ། སྦྱོད་པ་ཅིང་རྩུབ་གང་འཐད་སྐྱོང། ཚོ་རོལ་ངེས་མེད་བརྟག་པར་དཀའ། མཐོ་མཐོས་བྱམས་ཤིང་དམན་པོས་སྔང༔ མི་ཁ་སྨྲ་མཆུ་གཞན་ལས་མང༔ ངེས་མེད་རྣལ་འབྱོར་ཆ་ལུགས་གཅིག་༔ སུས་ཀྱང་ཚོད་འཛིན་མེད་པ་འབྱུང༔ སྦས་པའི་ཡུལ་འཛིན་སྐྱེས་བུ་ནི༔ འབྲེལ་ཚད་དོན་ལྡན་དེ་ཡི་བྱེད། དེ་ཡང་རྟེན་འབྲེལ་ཚོགས་གལ་ཆེའོ༔ ས་ཡ་མ༔ རྒྱ་རྒྱ་རྒྱ༔ ཞེས་གསུངས་བ་འདུག་སྟེ། དེ་ལྟར་སྦས་གནས་ཀྱི་བདག་པོར་བསྔགས་ཤིང། གཏེར་ཆེན་རྡོ་རྗེ་རྒྱལ་པོས་ཀྱང་སྦས་གནས་སུ་ཕེབས་དགོས་པའི་ཞབས་བསྐུལ་ཕུལ་ཡང་སྐུ་བབ་ལྕི་བས་ཞབས་སྐྱོད་གནང་མ་གྲུབ་ཀྱང་དོན་གྱིས་སྦས་གནས་ཀྱི་བདག་པོར་རྡོ་རྗེའི་ལུང་གིས་བསྔགས་ཤིང། ཀུན་མཁྱེན་འཇིགས་མེད་གླིང་པས་ཀྱང་ཁོ་རང་གི་ཆོས་ཀྱི་བདག་པོར་མངའ་གསོལ་ཏེ། ཅེས་གསུངས་པའི་ཡ་གྱལ་ཞིག་ཏུ་ངོས་འཛིན་གནང་བ་དང། དཱགས་པོ་བཟང་པོ་རྡོ་རྗེའི་གཏེར་བྱོན་གསང་བདག་དྲག་པོ་ཆེན་པོའི་ཆོས་སྐོར་ཡང་གཏེར་དུ་བྱོན་པ་ལས་ཀྱང།(སྨད་ཆ།༦༡༩)ཤར་ནུབ་བྱང་གི་ཕྱོགས་དག་ནས༔ བཛྲ་ཙནྡ་སུརྨའི་མིང༔ ཟབ་ཆོས་སྐོམ་པས་ཆུ་འདོད་བཞིན༔ ལན་གསུམ་བསྐུལ་མ་བྱུང་ལ་སྦྲོད། ཅེས་གསུངས་པའི་ས)འི་མཚན་ཅན་དུ་གཏེར་ཆེན་ཉིད་ཀྱིས་ངོས་འཛིན་ཅིང། ཆོས་བདག་ཏུ་མངའ་གསོལ་བ་དང་གཞན་ཡང་རིག་འཛིན་ཆེན་པོ་དཔའ་བོ་ལས་རབ་རྩལ་དང། གླིང་སྲས་གཏེར་ཆེན་པདྨ་དགྱེས་པ་རྩལ་དང། གླིང་སྲས་གཏེར་ཆེན་པདྨ་དགྱེས་པ་རྩལ་དང། རིག་འཛིན་ཆེན་པོ་ཀུན་བཟང་འདོ་ཟེར་སོགས་སྦྲུལ་པའི་གཏེར་སྟོན་ཚད་ལྡན་མང་པོས་ཆོས་བདག་ཏུ་མངའ་གསོལ་ཞིང་རྡོ་རྗེའི་ལུང་གིས་བསྔགས་པ་ལན་གཅིག་མ་ཡིན་པར་ཡང་ཡང་ལས་སྐུ་ལྷ་གཉེན་པོ་ཟིལ་ཁྲོམ་རྡོ་རྗེ་ཡང་གསུང་དྲུང་རྩལ་གྱི་བདེ་བར་བསྐྱངས་པའི་ཡུལ་སྨན་ལྗོངས་དང་སྐྱེད་ཚལ་ཉམས་དགའ་བའི་འབྲོག་སྡེ་ཞིག་ཏུ་ངོ་མཚར་སྦྲུལ་པའི་རང་གཟུགས་མངོན་པར་གསལ་བར་གྱུར་ཏེ། དེ་ཡང་ཆེན་པོ་གླིང་གི་རིགས་ལས་ཡབ་ཡུམ་འབྱོར་བ་དང་ལྡན་པའི་ཁྱིམ་དུ་འཁྲུངས་ཏེ། ཡབ་ཡུམ་གཉིས་ལ་ལྟས་ངོ་མཚར་ཅན་དུ་མ་བྱུང་ཞིང། ཁྱད་པར་ཡུམ་གྱི་རྨིན་ལམ་དུ་མི་དཀར་པོ་ཞིག་གིས་དྲུང་གི་མེ་ཏོག་དཀར་མཛེས་ཤིག་བྱིན་པ་ཁོང་དུ་མེད་པས་བདེ་བ་ཆེན་པོའི་ཉམས་བཟང་པོ་རྩོལ་མེད་སྐྱེ་བ་བྱུང་ཞིང། དེ་ནས་རིང་པོར་མ་ལོན་པ་ནས་སྲིད་ཆགས་པར་སྣང་ཞིང། བཙས་ནས་ཀྱང་སྦྲ་ཐོག་ཏུ་གཟའ་འོད་ཀྱང་ལན་མང་དུ་འཁྱིལ་བ་བྱུང་བས་རྫོགས་ཆེན་དཔོན་རིན་པོ་ཆེ་པདྨ་ཀུན་གྲོལ་རྣམ་རྒྱལ་སྐུ་མཚམས་བཅད་རྒྱ་དམར་པར་བཞུགས་མདོ་ཀྱང་ཕེབས་ཙམ་ཨེ་ཐུབ་ཞུས་པས། ཐུགས་དགྱེས་ཉམས་(སྨད་ཆ།༦༢༠)དང་བཅས་ཕེབས་ཞལ་གྱིས་བཞེས་ཤིང། དེ་མ་ཐག་ནས་ན་བཟའ་བརྡ་མཚན་ཞིག་བཟོ་བར་གནང་བ་བརྣམས་ནས་ཕེབས་ཏེ་ཞག་ཁ་ཤས་བཞུགས་ནས་དབང་ཁྲུས་མཛད་ཅིང། སྐར་ཚེས་ལེགས་ཞིག་ལ་ན་བཟའ་གསོལ་ཏེ་གཙུག་ཕུད་བཞེས་ནས་མཚན་མི་འགྱུར་ཕན་བདེ་རྒྱ་མཚོ་ཞེས་གསོལ། ཡབ་ཡུམ་ལ་བུ་ཆུང་འདི་རིགས་མ་ངེས་པ་ཞིག་འདུག་པས་གཙང་སྦྲ་བཟང་པོ་བྱེད་པ་གལ་ཆེ་གསུངས། འདི་ལ་ནམ་ཞིག་ཡིན་གསུངས། ཡབ་ཡུམ་གྱིི་བླ་མ་ཞེ་ཆེན་པའི་སྦྲུལ་སྐུར་དོགས་ཚུལ་ཞུས་པས། བླ་མ་ཞེ་ཆེན་མིན་ཐག་ཆོད་འོན་ཀྱང་སྦྲུལ་པའི་སྐུ་ཞིག་ཡིན་ངེས། གཟའ་འོད་འཁྱིལ་བའང་རྣམ་རྟོག་བྱེད་མི་དགོས་ཁ་རང་ཆོས་སྐྱོང་གིས་བདག་པོ་བྱེད་པ་རེད་པས་ད་ཕྱིན་དེ་རིགས་མི་འབྱུང་གསུངཤ་ནས་ཞལ་བཀོད་རྒྱས་པར་སྩལ་ནས་གདན་སར་ཕེབས། གྲ་རིགས་རྣམས་ལ་གསུངས་འཕྲོས་སུ། སྦྲུལ་པའི་ཆོས་སྐྱོང་ཆེན་པོ་སྐུ་ཕེབས་ཀྱི་དུས་ཉི་གྲགས་མཆོག་སྦྲུལ་རིན་པོ་ཆེ་ངེད་དང་ཞལ་མཇལ་བ་ཡོད་གསུངས་པས། ད་ལྟ་ཚེ་དབང་འཕེལ་ཚང་གི་བྱིས་པ་དེ་ཨེ་ཡིན། གཞན་དུ་ཁོ་བོ་རྒས་པའི་མཐར་ཐུག་པ་ཞིག་དང་ཞལ་མཇལ་འོང་བའི་རེ་བ་ཅི་ཡོད་ཅེས་གསུང་འཕྲོས་གནང་སྟེ་དོན་གྱིས་ངོས་འཛིན་གནང་བ་ཡིན་འདུག། དེ་ཕྱིན་གཟའ་འོད་འཁྲུག་པའང་མ་བྱུང་ཞིང། བསྙུན་པ་སོགས་ཡེ་ནས་མ་བྱུང། དེ་ཡང་སྦྲུལ་པའི་སྐུ་གོང་མ་ཞི་བར་གཤེགས་ནས་ས་སྐྱ་གོང་མ་རིན་པོ་ཆེ་སོགས་བོད་ཡུལ་བླ་མ་ལྟར་བཅས་ལ་གསུང་བརྟག་ཞུས་པ་ཐམས་ཅད་ལུང་མཐུན་མདོ་སྨད་རང་དུ་འབྱུང་ཞིང། ལོ་རྟ་སོགས་ཕལ་ཆེར་(སྨད་ཆ།༥༢༡)མཚུངས་པར་འདུག་པ་དང། སྟག་སྒང་ནད་གདན་ས་བ་བླ་མ་པདྨ་བསྟན་འཛིན་གྱིས་མཁན་རིན་པོ་ཆེ་ཀླུ་ལྡེངས་རིན་ཆེན་མི་འགྱུར་རྒྱལ་མཚན་ལ་སྦྲུལ་སྐུ་གང་དུ་འཁྲུངས་གསུང་བརྟག་ཞུས་པས། མཁས་དང་གྲུབ་པའི་སར་བཞུགས་པའི་དམ་པ་གང་དེའི་ཡང་སྲིང་རིན་པོ་ཆེ་ས་ཆ་འདི་སྐོར་ཞིག་ཏུ་ཕེབས་ངེས་ཤར་བས། ཞེས་དང། རིམ་གྲོ་འགའ་ཡང་སྩལ། ཕྱིས་སྦྲུལ་སྐུ་འཁྲུངས་ནས་བྱིས་པ་འགའ་ཞིག་དང་དོགས་སེལ་ཕྱིར་ཡང་བསྐྱར་ཞུས་པས་རུ་དམ་ཚེ་དབང་འཕེལ་ཚང་བུ་ཆུང་འདི་ཡིན་ངོས་གཡལ་ཡང་ཆོས་སྐྱོང་གསུང་བརྟག་དང་ངོས་འཛིན་ཕུལ་ལུགས་ཤོགས་ཞིབ་ཆ་མཛོད་གསུངས་པ་དང། ཆོས་སྐྱོང་ཆེན་པོའི་ལན་གཅིག་མ་ཡིན་པར་འདི་ཉིད་དུ་ཐག་ཆོད་གནང་ཡང། སླར་ཡང་སྲིང་རྫོང་ནས་དབུས་གཙང་ཕྱོགས་སུ་ཐག་ཆོད་ཀྱི་གསུང་བརྟག་ཞུ་བར་མཆོད་དཔོན་པདྨ་དབང་ཕྱུག་གི་ཞལ་སྔ་ནས་མཁའ་འགྲོའི་གསུང་ལུང་ལས་སྦྲུལ་པའི་སྐུ་དེ་དང་འཁྲུལ་མེད་ཡིན་ཚུལ་ཕེབས་ཤིང། གསང་ལུང་ཤིན་ཏུ་རྒྱས་པར་འདུག་ཀྱང། ད་ལམ་དཔེ་མ་འབྱོར་བས་འབྲི་བར་མ་བྱུང། འོན་ཀྱང་ངོས་འཛིན་ཁྲི་འདོན་སོགས་ཚ་བའི་ཆོས་སྐྱོང་གི་གསུང་བཞིན་བྱེད་དགོས་གསུངས་པ་འདུག། དེ་བཞིན་དུ་བསམ་ཡས་རྒྱལ་ཆེན་ནས་ཀྱང་འཁྲུལ་མེད་ཡིན་ཚུལ་སོགས་བྱུང་བས་རྫོགས་ཆེན་མཆོག་སྦྲུལ་རིན་པོ་ཆེ་ངེས་དོན་བསྟན་འཛིན་བཟང་པོ་དང་རྒྱ་རོང་སྦྲུལ་སྐུ་ནམ་མཁའ་མཆོག་གྲུབ། གདན་ས་པ་བླ་མ་བསྟན་འཛིན། རྗེ་གོང་མའི་གསོལ་དཔོན་དགེ་སློང་མཁས་གྲུབ་རྒྱལ་མཚོ་བཅས་ཀྱི་ངོས་འཛིན་ཕུལ་ཏེ། རྗེ་གོང་མའི་གསོལ་དཔོན་དགེ་སློང་མཁས་གྲུབ་རྒྱ་མཚོ་བཅས་ཀྱི་ངོས་འཛིན། རྗེ་གོང་མའི་ན་བཟའ།(སྨད་ཆ།༦༢༢)མཆོད་ཆ་སོགས་དང། རྫོགས་ཆེན་པའི་ན་བཟའ་སོགས་ཆ་རེ་རེ་བཅས་བསྒྲིགས་ནས་ཕུལ་བས། རྗེ་གོང་མའི་ཆོས་གོས། པད་ཞུ། ཕྱག་ཕྲེང། གསོལ་ཞལ། འགུལ་རུ། བུམ་པ། མེ་ལོང། བཟེད་ཞལ་བཅས་ངོས་འཛིན་གནང་ཞིང། ཁྱད་པར་རྗེ་གོང་མ་དེས་རྫོགས་ཆེན་མཆོག་སྦྲུལ་རིན་པོ་ཆེར་བྱེ་ཟླུམ་ཆེ་ལེགས་ཤིག་གནང་ཡོད་པ་དེ་ཕྱག་ཕྲེང་གི་ནང་ན་ངོས་འཛིན་པ་དང། གཞན་ཡང་སྔོན་གནས་རྗེས་དྲན་གྱི་གསུང་ཡང་མང་དུ་གནང་བས་དེར་ཡོད་ཀུན་དང། ཁྱད་པར་རྫོགས་ཆེན་མཆོག་སྦྲུལ་རོན་པོ་ཆེ་ཉིད་ཐུགས་ངེས་འདྲོངས་ཤིང་དགྱེས་པའི་རྩེར་སོན་པར་གྱུར་ཏོ། འདི་སྐབས་སྦྲུལ་པའི་སྐུ་ཙད་གཙོད་ངོས་འཛིན་སོགས་ཞབས་འགྱུར་གང་དྲག་རྒྱ་བོད་སྦྲུལ་སྐུ་ནས་ཀྱང་ཐུགས་འཁུར་བཞེས་པ་ཡིན་ཏེ། དེ་ཡང་རྗེ་གོང་མ་དེ་ཉིད་ཞི་བར་གཤེགས་ནས་རྗེ་དཔོན་བླ་མ་པདྨ་འཇིགས་མེད་དཔོན་གཡོག་རྣམས་གདན་ས་གོང་མར་ཆིབས་བསྒྱུར་གནང་སྐབས། སྟག་སྒང་གཟིམ་ཆུང་དུ་རྫོགས་ཆེན་དཔོན་རིན་པོ་ཆེ། རྒྱ་རོང་སྦྲུལ་སྐུ། རྗེ་དཔོན་བླ་མ་པདྨ་འཇིགས་མེད་སོགས་ཀྱིས་གསུང་སྟབས་སུ་ཆོས་སྐྱོང་སྐུ་ཕེབས་ཞུས་ནས་སྦྲུལ་པའི་སྐུ་མདོ་སྟོད་སྨན་གང་དུ་འཁྲུངས་དང། རིགས་རུས་ཡབ་ཡུམ་སོགས་ཇི་ལྟར་འཁྲུངས་སོགས་ཞིབ་པར་ཞུས་པས། ཆོས་སྐྱོང་ཆེན་པོའི་རྫོགས་ཆེན་དཔོན་རིན་པོ་ཆེ་དང་ཞལ་མཇལ་ཡོང་ཚུལ་ཙམ་སོགས་གསུངས་ཤིང། ཉི་གྲགས་ཀྱི་ཕྱག་དྲིལ་དེ་རྗེ་དཔོན་རིན་པོ་ཆེའི་ཕྱག་ཏུ་ཕུལ་ནས་ལམ་གསུམ་བཀྲོལ་བར་ཞུས་ནས། རྫོགས་ཆེན་དཔོན་ཆེན་པོ་ཆེས་ཕུལ་བའི་སྙན་ཤལ་དང། ཉི་དཔོན་གྱིས་ཕུལ་བའི་སྙན་ཤལ་དར་ཁ་གཉིས་བསྡུས་ཏེ་རྒྱ་སྐུའི་ན་བཟའི་(སྨད་ཆ།༦༢༣)གསེང་དུ་རྫོང་བ་མཛད་སོང། དེར་རྫོགས་ཆེན་དཔོན་རིན་པོ་ཆེས་ངེད་དང་མཇལ་བ་གསུངས་པས་ཕྱོགས་འདིར་འཁྲུངས་པ་ལ་ཐེ་མི་ཚོམ་སྟེ། དེ་ལྟར་མིན་ན་ངེད་རང་དཔོན་སློབ་རྒན་ཐལ་གཞན་ཐལ་ན་སོའི་མཐར་ཐུག་གཉིས་འཕྲད་པའི་རེ་བ་ག་ལ་ཡོད། དྲིལ་བུ་དཀྲོལ་བཅུག་པ་དེ་ཡང་སྦྲུལ་སྐུ་ངེད་ཀྱིས་གསལ་ཆ་བྱེད་པའི་རྟེན་འབྲེལ་དང། སྙན་དར་རྣམས་བསྡུས་ནས་སྐུ་སྐྱེར་གནང་བ་དེ་ངེད་རང་གཉིས་ཀྱི་བྱ་བའི་འཕྲོ་རྣམས་ཁོང་གིས་བྱེད་དགོས་པ་ཞིག་ཡོད་ངམ་སྙམ། ཞེས་བརྡ་བགྲོལ་ཡང་ཕྱོངཤ་ཙམ་གནང་བ་དེ་བཞིན་ཕྱིས་ཐོག་ཏུ་ཁེལ་བ་ཡིན་ནོ། དེ་ནས་ཆོས་སྐྱོང་ཆེན་པོའི་ལུང་བཞིན་སྦྲུལ་པའི་སྐུ་རིན་པོ་ཆེ་དགུང་ལོ་ལྔ་བ་བཞེས་པ་མེ་ཕོ་སྦྲེལ་ལོ་སྦྲེལ་ཟླའི་ཚེས་བཅུ་པ། སྲིང་རྫོང་ནས་བླ་མ་བསྟན་འཛིན་བཟང་པོ་དང། རྒྱ་རོང་མཆོག་སྦྲུལ་སོགས། གཞི་བྱེས་ཀྱི་བླ་མ་ལྷན་རྒྱས་དང་ས་སྐྱོང་སྡེ་དགེའི་སྐུ་ཚབ་སོགས་དང་བཅས། བསུ་བའི་བཀོད་པ་ར་ཆེན་པོས་མདུན་བསུས་ནས་སྟག་མོ་སྒང་སྐལ་ལབཟང་ཕུན་ཚོགས་གླིང་གི་གཙུག་ལག་ཁང་དུ་གཏེར་ཆེན་ཆོས་ཀྱི་རྒྱལ་པོའི་རྡོ་རྗེའི་ཁྲི་ལ་ཞབས་ཀྱི་པདྨོ་བཀོད་དེ་མཚན་ཨོ་རྒྱན་བསྟན་པའི་ཉི་མའམ་མི་འགྱུར་ཕན་བདེ་རྒྱ་མཚོ་ཞེས་པའི་མཚན་སྔ་མའི་ཐོག་གསར་དུ་སྦྱར་བ་གསོལ་ཏེ། ཡོངས་ཀྱི་འདྲེན་པར་མངའ་གསོལ་ནས་རྫོགས་ཆེན་པོས་བཀྲ་ཤིས་པའི་མངའ་འབུལ་དང་བཅས་བཀྲ་ཤིས་པའི་མེ་ཏོག་འཐོར་ནས་ཞབས་བརྟན་ཚིགས་བཅད་ཀྱང་སྩལ། གཞན་ཡང་རྫོགས་ཆེན་དང་སྡེ་དགེས་མཅོས་པའི་ཁྲི་སྟོན་ལེགས་འབུལ་སོགས་ཟང་ཟིང་གི་དངོས་པོ་ཡང་མཐའ་ཡས་པ་འབུལ་བ་བྱུང་(སྨད་ཆ།༦༢༤)ཞིང། དེ་ནས་རིམ་གྱི་ཞབས་རིང་པ་དགེ་རྒན་པདྨ་དབང་ཕྱུག་གིས་ལྗགས་ཀློག་ཕུལ་ཞིང་སྦྱོང་བརྡར་མཛད། རྒྱལ་དབང་པདྨའི་བཀའ་རྟགས་ཀྱི་ཕྱག་རྒྱ་འཛིན་པ་རིག་འཛིན་ཆེན་པོ་དཔའ་བོ་ལས་རབ་རྩལ་གྱི་དྲུང་ནས་བཀའ་བརྒྱད་བདེ་གཤེགས་འདུས་པའི་དབང་ལུང་ཡོངས་རྫོགས་དང། ངེས་དོན་བསྟན་པའི་བདག་པོ་རྫོགས་ཆེན་མཆོག་སྦྲུལ་རིན་པོ་ཆེའི་ཞབས་ནས་ཉི་གྲགས་བྱོན་ཆོས་སྐོར་ཡོངས་རྫོགས་དབང་ལུང། རྫོགས་ཆེན་མཁའ་འགྲོ་ཡང་ཏིག། འཇའ་ཆོན་པའི་སྦྱི་འདུས། ཚེ་སྒྲུབ་འཆི་མེད་དཔལ་སྟེར་སོགས་ཟབ་རྒྱས་ཆོས་ཀྱི་བདུད་རྩི་ཇི་སྙེད་ཅིག་བཞེས་པར་གནང། དེ་ནས་དགུང་ལོ་བཅུ་པ་ལྕགས་མོ་གླང་གི་ལོར་གདན་ས་གོང་མར་ཆིབས་ཀྱི་ཁ་ལོ་བསྒྱུར་ནས་རྒྱལ་དབང་པདྨས་བྱིན་གྱིས་བརླབས་པའི་གནས་མཆོག་ཆེན་པོ་སྲིང་མོ་རྫོང་དུ་ཕེབས། སྒྲུབ་སྡེའི་སེར་སྦྲེང་དང་བཅས་བསུ་བའི་བཀོད་པ་དུ་མས་མདུན་བདར་ཏེ་གཏེར་ཆེན་བླ་མའི་ཆོས་ཀྱིས་མངོན་པར་མཐོ་བའི་ཁྲི་ལ་ཞབས་ཀྱི་པདྨ་བཀོད་པར་གྱུར་ཏོ། དེ་ཚེ་ཕྱོགས་དེའི་ལྷ་སྟེ་མི་དཔོན་ཐམས་ཅད་ཀྱིས་ཀྱང་མཆོད་པའི་ཡོ་བྱད་ལྷ་མའི་འབྱོར་པ་རྒྱ་མཆོས་མཆོད་ཅིང་གུས་འདུད་བསམ་མི་ཁྱབ་པའི་བསྙེན་སྐུར་འབུལ། དེ་སྐབས་གྲུབ་པའི་དབང་ཕྱུག་བླ་མ་བསྟན་འཛིན་སྙིང་པོས་བཀའ་བརྒྱུད་གསང་རྫོགས་ཀྱི་དབང་སོགས་དབང་ལུང་ཕྲན་བུ་འགའ་ཞིག་ཕུལ། འདི་ནས་བཟུང་མཁྱེན་རབ་ཀྱི་དབང་ཕྱུག་མཁས་ཤིང་གྲུབ་པའི་ཁྱུ་མཆོག་སྟག་ཕུ་སྦྲུལ་སྐུ་རིན་པོ་ཆེ་དང་ཡས་ཕྱིན་མཇལ་འཕྲད་ཐུགས་ཡིད་གཅིག་འདྲེས་དང་དབང་ལུང་ཕར་འབུལ་ཚུར་གསན་མང་པོ་མཛད་ཅིང་སྔ་ཕྱིར་ཕེབས་བསྐྱོད་ཀྱང་ལན་དུ་མ་མཛད། དེ་ནས་ས་མོ་བྱ་ལོ་དབུས་ཕྱོགས་སུ་(སྨད་ཆ།༦༢༥)ཕེབས་པདྨའི་རྒྱལ་ཚབ་འབྲི་གུང་པ་པདྨ་བསྟན་འཛིན་ཆོས་ཀྱི་རྒྱལ་མཚན་གྱི་དྲུང་ནས་རས་ཆུང་ལུགས་ཀྱི་རྟ་མགྲིན་སོགས་དབང་ལུང་ཕྲན་བུ་གསན། རྡོ་རྗེ་བུག་དང་སྨིན་གྲོལ་གླིང་རྣམས་སུ་ཕེབས། སྨིན་གླིང་ནས་གཏེར་ཆེན་འགྱུར་མེད་རྡོ་རྗེའི་གཏེར་ཆོས་ཚང་མ་དང། ཕུར་པ་བཀའ་མ་ཡང་དག་སོ་ལུགས། གསང་བདག་དགོངས་རྒྱན་སོགས་ཆོས་བཀའ་མང་དུ་གསན་ཅིང། སྨིན་གླིང་མཁན་པོ་ལས་ཚིག་སྔ་མ་རབ་ཏུ་བྱུང་བ་དགེ་ཚུལ་གྱི་སྡོམ་པ་བཞེས། དེ་ནས་དོན་མཁར་ཚེ་རིང་ལྗོངས་སུ་ཕེབས་ནས་ངེས་པ་དོན་གྱི་ཐམས་ཅད་མཁྱེན་པ་ཀློང་ཆེན་ནམ་མཁའི་རྣལ་འབྱོར་རིག་འཛིན་འཇིགས་མེད་གླིང་པའི་ཞབས་པད་ལ་བཏུད་ནས་རྫོགས་པ་ཆེན་པོ་རྒྱུད་འབུམ་ཕྲག་དྲུག་ཅུ་རྩ་བཞིའི་ཡང་སྙིང་རྫོགས་ཆེན་ཀློང་ཆེན་སྙིང་ཐིག་གི་དབང་ཁྲིད་ལུང་དང་བཅས་པ་དང། ཕུར་པ་རྒྱུད་ལུགས་སོགས་རྗེ་དེ་ཉིད་དགོངས་གཏེར་གྱི་སྐོར་ཐམས་ཅད་དང། གཏེར་སྟོན་ཤེས་རབ་འོད་ཟེར་གྱི་གྲོལ་ཐིག། རྒྱལ་བ་ལྔ་པ་ཆེན་པོའི་དག་སྣང་རྒྱ་ཅན་གྱི་སྐོར་སོགས་དབང་ལུང་མཐའ་ཡས་པ་གསན། ཀུན་མཁྱེན་དེ་ཉིད་ཀྱིས་ཆོས་བདག་པོར་མངའ་གསོལ་ནས་མཚན་རིག་འཛིན་འཇིགས་མེད་བརྟན་པའི་སྡེ་ཞེས་པ་གསོལ་ནས་རྒྱལ་ཐབས་སྦྱི་བླུགས་ཀྱིས་ཆོས་ཀྱི་རྒྱལ་པོར་དབང་བསྐུར་ཞིང་གཟེངས་བསྟོད་པར་མཛད། ལྕགས་ཟམ་པ་བསྟན་འཛིན་ཡེ་ཤེས་ལྷུན་གྲུབ་ཞབས་ནས་ཀྱང་གྲོལ་ཐིག་ཚར་གཅིག་སོགས་བཀའ་འགའ་ཞིག་གསན། རྡོ་རྗེ་བྲག་ཐུགས་སྲས་ཞབས་དྲུང་ནས་ཀྱང་ཟབ་ཆོས་རྒྱ་ཅན་སོགས་དབང་ལུང་མང་དུ་གསན། ང་ཕོད་དགེ་རྒན་པདྨ་དགྱེས་པ་ལས་ཀྱང་འཛོམ་བྱེད་ཉི་ཟླ་དམར་ནག་སོགས་དང་ཆོས་རྗེ་གླིང་པའི་ཆོས་སྐོར་ཕམ་ཆེར་གསན།(སྨད་ཆ།༦༢༦)དེ་ནས་རྒྱལ་བ་བརྒྱད་པ་འཇལ་དཔལ་རྒྱ་མཚོའི་ཞབས་ཀྱི་པདྨོ་ལ་བཏུད་ནས་ཚིག་ཕྱི་མ་བསྙེན་པར་རྫོགས་པ་དགེ་སློང་གི་དངོས་པོར་སྒྲུབ་པར་མཛད་ཅིང། ངུར་སྨྲིག་གི་རྒྱལ་མཚན་འཛིན་བརྟུལ་ཞུགས་ཀྱིས་སྦ་བར་མཛད། དེ་དག་གི་སྐབས་སུ་གཙོད་ཆེར་ཇོ་ཤཀ་རྣམ་གཉིས་ལ་མཆོད་སྦྲིན་སྦྲོ་བ་དང། བླ་མ་ཆོས་སྡེ་སོགས་ལ་འབུམ་ནོད་མང་བཀོལ་སོགས་རྒྱ་ཆེར་མཛད། དེ་ནས་རིམ་གྱི་ཞབས་བཏེགས་གདན་སར་ཕེབས་གྲུབ་པ་ནས་ལོ་གསུམ་ཕྱོགས་གསུམ་གྱི་བཅད་རྒྱར་ཐུགས་དམ་ཟབ་མོའི་ཉམས་བཞེས་ལ་ཐུགས་རྩོལ་གནང། དེ་སྐབས་གདན་ས་འོག་མ་ནས་སྡེ་དགེ་ས་སྐྱོང་ཆོས་ཀྱི་རྒྱལ་པོས་གདན་འདྲེན་དུ་སྡེ་དགེའི་སྐུ་ཚབ་དང་སྟག་སྒང་བའི་ལས་སྣེ་རྣམས་བཅས་སླེབས། འདི་སྐབས་རྒྱ་དང་གོརྵའི་དུས་ཟིན་ཀྱང་ཆེ། དེ་ནས་ཆུ་ཕོ་བྱི་ལོར་རིམ་གྱིས་སྐུ་མཚམས་གྲོལ་ནས་སྡེ་དགེར་ཆིབས་བསྒྱུར་གནང། ཐུབ་བསྟན་ནོར་བུ་གླིང་དུ་ཞབས་པད་བསྐྱོད་པ་ནས་དེར་རེ་ཞིག་བཞུགས་སྒར་ཕན་ནས་གྲུབ་པའི་དབང་པོ་དཔའ་བོ་ལས་རབ་རྩལ་གྱི་དྲུང་ནས་གྲུབ་དབང་ཉིད་ཀྱི་དག་སྣང་གི་ཆོས་སྡེ་ཚང་མ་དང། གཞན་ཡང་ཟབ་རྒྱས་ཀྱི་གདམས་པ་མང་དུ་གསན། དེ་སྐབས་རྫོགས་ཆེན་མཆོག་སྦྲུལ་རིན་པོ་ཆེ་ངེས་གོན་བསྟན་འཛིན་བཟང་པོ་དེ་ཉིད་སྙིགས་དུས་ཀྱི་གདུལ་བྱ་ལ་ཐུགས་སྐྱོ་བའི་ཚུལ་གྱིས་རེ་ཞིག་དག་པའི་ཞིང་དུ་གཤེགས་པའི་སྐབས་སུ་མཆིས་པས་དགོངས་པ་རྫོགས་ཐབས་སུ་མཆོད་སྦྲིན་སྦྲོ་བ་དང་སྐུ་གདུང་རིན་པོ་ཆེ་བཞེངས་པའི་མཐུན་རྐྱེན་དུ་དངུལ་རྡོ་ཆད་གཅིག་དང་རིན་པོ་ཆེ་གཡུ་བྱི་རུ་སོགས་ཕྲན་རྒྱན་གྱི་རྒྱུད་དངོས་རྡོ་ཚད་གཅིག་དང་རིན་པོ་ཆེ་གཡུ་བྱི་རུ་སོགས་ཕྲན་རྒྱན་གྱི་རྒྱུ་དངོས་གཏོས་ཆེ་བ་སྩལ་ནས་རིམ་གྱིས་རྒྱ་རོང་དུ་ཞབས་པད་བསྐྱོད། ཆོས་སྡེའི་སེར་སྦྲེང་དང།(སྨད་ཆ།༦༢༧)བཅས་བླ་བྲང་ཆེན་མོར་དབོན་སྦྲུལ་རིན་པོ་ཆེ་དང་བླ་མ་ནམ་མཁའ་སོགས་དང་ཞལ་འཛོམས་གསུང་འཆིད་དགྱེས་དགུར་སྦྱོད་པར་མཛད་ཅིང་སྐུ་སྐྱོས་སོགས་ཀྱང་རྒྱ་ཆེར་སྩལ། འདུས་སྡེར་ཡང་ཚེ་དབང་ཞིག་བཀའ་དྲིན་བསྐྱངས། དེ་ནས་རིམ་གྱིས་ཞབས་པད་བསྐྱོད་ཅིང་སྟག་སྒང་བ་རྣམས་ཀྱི་ཆིབས་བསུ་རིང་ཐུང་དང་བཅས་གཟའ་ཚེས་སྐར་སྦྱོར་ཕུན་སུམ་ཚོགས་པའི་དུས་སུ། ཆོས་སྡེའི་སེར་སྦྲེང་སོགས་བསུ་བའི་བཀོད་པ་དུ་མ་ད་བཅས་གདན་ས་ཆེན་མོར་གཙུག་ལག་ཁང་གི་འཇིགས་མེད་སེང་གེས་བཏེགས་པའི་ཁྲི་ལ་ཞབས་ཀྱི་པདྨ་བཀོད་པར་གྱུར་ཏོ། དེ་ནས་བླ་མ་ཆོས་སྡེ་བཅས་ཀྱི་གདན་སར་ཕེབས་གྲུབ་པའི་གསོལ་སྟོན་ལེགས་འབུལ་བསྟབས་པ་དང་རྗེ་ཉིད་ནས་ཀྱང་གང་ལ་གང་འཚམས་ཀྱི་སྐུ་སྐྱོས་གནང་སྐྱེས་སོགས་དགའ་སྟོན་གྱི་ལེགས་ཚོགས་དུ་མས་དདགྱེས་དགུའི་དཔལ་ལ་སྦྱོད་པར་གྱུར་ཏོ། དེ་ནས་རིམ་གྱིས་སྡེ་དགེ་ས་སྐྱོང་ཆེན་པོ་མཇལ་བར་ཕེབས། ས་སྐྱོང་ཆེན་པོ་ཡུམ་སྲས་ནས་སྔོན་གྱི་སྲོལ་བཟང་ལྟར་ཆིབས་བསུ་གསོལ་སྟོན་ཆེ་ཆུང་མཇལ་དར་སོགས་སྲི་ཞུ་དང་བསྙེན་བཀུར་ཚད་མེད་པས་མཆོད་ཅིང་དབང་ཀ་འགའ་ཡང་གསན་པར་མཛད། དབུ་ཐོན་དངོས་རྫས་ཀྱང་རྒྱ་ཆེར་ཕུལ་བ་བཞེས་ནས་གདན་སར་ཆིབས་བསྐྱེལ་དང་བཅས་ཆིབས་བསྒྱུར་གནང། གླང་ལོའི་དཔྱར་ཐོག་ས་སྐྱོང་རིན་པོ་ཆེས་ལྕང་རའི་བཞུགས་སྒར་དུ་གདན་དྲངས་ནས་བུམ་སྒྲུབ་ཆེན་མའི་དབུར་བཞུགས་དང་བཀའ་ཆོས་ཟུར་བ་མང་པོའང་གསན་ཅིང་འབུལ་ཆེན་དང་བཅས་བསྙེན་བསྐུར། གདན་སར་ཕེབས་ནས་རེ་ཞིག་འབྲོག་སྡེ་རྣམས་(སྨད་ཆ།༦༢༨)སུ་ཞབས་སྐྱོད་དང། སྟོན་དུས་གྲུབ་པའི་འཁོར་ལོས་བསྒྱུར་བ་ཆེན་པོ་ཆེ་ཡོ་རིག་འཛིན་ཆེན་པོ་གདན་དྲངས་ནས། ཚེ་སྒྲུབ་བདུད་བཞི་རྣམ་རྒྱལ་དང་ཉི་ཟླ་སྦྱོར་ཟུང་འབྲེལ་གྱི་སྒྲུབ་ཆེན་སྐྱེ་བདུན་དང་འབྲེལ་བ་ཞིག་འཛུགས་པ་འདུས་པ་ཉིས་བརྒྱ་ལྷག་བཅས་ལ་ཕྱག་འགྱེད་གྱ་ནོམ་པ་དང་བླ་མར་གསེར་དངུལ་རྟ་ནོར་གྱིས་མཚོན་པི་འབུལ་ཆེན་སོགས་བསྙེན་བཀུར་རྒྱ་ཆེར་ཕུལ། ཤིང་ཕོ་སྟག་ལོར་རྒྱ་རོང་དུ་ཕེབས་ནས་རྣམ་འདྲེན་དམ་པ་ནམ་མཁའ་མཆོག་གྲུབ་ཞལ་སྔ་ནས་བླ་མ་དགོངས་འདུས་སོགས་ཆོས་བཀའ་མང་དུ་གསན། གདན་སར་སྡེ་དགེ་ནས་བསྟན་འགྱུར་དངོས་གཙང་ཞིག་བསླུ་ཡོན་རྟ་ནོར་གསར་དངུལ་སོགས་རྒྱ་ཆེར་ཕུལ་ནས་གདན་སར་སེར་སྦྲེང་དང་བཅས་ཏེ་གདན་དྲངས་ནས་མཆོད་པའི་ཡོ་བྱད་ཀུན་དགའ་རབ་བླ་བྲེ་སོགས་དཔེ་བྲལ་དུ་བཞེངས་པ་མཛད་ནས་རབ་ཏུ་གནས་པའི་ཆོ་ག་དང་བཅས་ཏེ་ཏོག་འཐོར་ཞིང། གསུང་སྒྲོགས་ཀྱང་རྒྱས་པར་མཛད། སྟོན་དུས་རྒྱ་བོད་བླ་མ་ལྷན་རྒྱས་ལ་དངུལ་སྲང་བརྒྱས་ཐོག་དྲངས་པའི་འབུལ་ཆེན་དང་འདུས་པར་ཡང་ཕྱག་འགྱེད་དངོས་གཙང་སྨིན་རྒྱས་མཛད། རྗེ་གོང་མའི་ཞལ་སློབ་མཁས་གྲུབ་ཆོས་ཀྱི་སྦྱན་ལྡན་དགེ་ཙེ་བླ་མ་རིག་འཛིན་རྒྱ་མཚོ་ཡང་གདན་དྲངས་ནས་སྔ་ཕྱིར་དབང་ཁྲིད་སོགས་མང་དུ་གསན། གཞན་ཡང་ཤིང་མོ་ཡོས་ལོ་ནས་བཟུང་ལོ་ལྟར་བཀའ་བརྒྱད་གསང་རྫོགས། བླ་མ་དགོངས་འདུས། ཕུར་བ་ཡང་གསང་བླ་མེད་ལས་རབརྩལ་གྱི་ཕྱག་རྡོར། མཁྱེན་བརྩེའི་སེང་གདོང་མ་བཅས་ཀྱིས་སྒྲུབ་མཆོད་བདུན་ཕྲག་གཅིག་ཏུ་འཛུགས་རྒྱུའི་རྟེན་དངུལ་(སྨད་ཆ།༦༢༩)སྲང་བཞི་བརྒྱས་གཙོས་པའི་རྟ་ནོར་ཞིང་ཁང་སོགས་རྒྱ་ཆེར་སྦྱོར་འཇགས་མཛད། སྡེ་དགེར་གདན་ཞུ་བྱུང་བ་བཞིན་ལན་ཁ་ཡར་ཕེབས་ནས་དབང་ཀ་སོགས་ཀྱིས་ཐུགས་ཀྱི་དགྱེས་པ་བཀང་ནས་གདན་སར་གོང་མར་ཆིབས་སྐྱོད་གནང་ཚོག་པའི་བསེད་ཁྲོལ་ཀྱང་ཞུས། དེ་ནས་མེ་ཕོ་འབྲུག་ལོ་ནས་རིམ་པར་གྲུབ་པའི་གནས་ཆེན་སྲིང་རྫོང་དུ་ཆིབས་ཁ་བསྒྱུར་བ་མཛད་ནས་གདན་ས་གོང་མར་ཞབས་ཀྱི་པདྨ་བཀོད་པ་མཛད། སྒྲུབ་སྡེར་སྐུ་སྐྱོས་དང་སྦྲེལ་མྱོང་གྲོལ་སྐྱེ་བདུན་གྱི་སྒྲུབ་ཆེན་ཞིག་འཛུགས་པར་གནང་ནས་ཕྱག་འགྱེད་སོགས་གང་རྒྱས་གནང། ནག་སོགས་རྣམས་སུ་གདན་ཞུས་བིན་སོ་སོར་ཞབས་པད་བསྐྱོད་པ་དང། ཡུལ་གྲོང་སོ་སོར་དབང་ཆོས་སོགས་ཀྱི་བཀའ་དྲིན་སྩལ། དེ་ནས་སྐུ་མཚམས་བཅད་རྒྱ་ཁོ་ན་ལ་ཡུང་རིང་དུ་བཞུགས་པར་གནང། སླར་ཡང་ས་ཕོ་རྟ་ལོར་དབུས་ཕྱོགས་སུ་ཆིབས་བསྒྱུར་གནང་ནས་བླ་མ་ལྷ་རྟེན་རྣམས་ལ་མཆོད་སྦྲིན་སྦྲོ་བ་དང་ཁྱད་པར་ཀུན་མཁྱེན་འཇིགས་མེད་གླིང་པའི་ཞབས་ལ་བཏུད་པར་བཞེད་ཀྱང་མཁྱེན་ཉིད་འགྲོ་དོན་ལ་གཤེགས་ཚར་བ་དང་འགྲིགས་པས་གདན་ས་དེར་འབུལ་སྐྱེས་གང་རྒྱས་དང་སྐུ་གདུང་རིན་པོ་ཆེའི་མདུན་དུ་དེ་གའི་སྒྲུབ་ཞལ་གྲངས་དུ་བཞུགས་དང་སྒྲུབ་ཆེན་ངག་དབང་ཆོས་གྲགས་ལགས་ཚོགས་དབུར་སྦྱན་དྲངས་ནས་རྗེ་ཉིད་དང་བཅས་ཀྱིས་འཆི་མེད་བདུད་ཅི་སྨན་གྱི་སྒྲུབ་པ་ཞག་བདུན་ཕྲག་གཅིག་གནང། དེ་སྐབས་ངོ་མཚར་བའི་ལྟས་དུ་མ་དང་ཁྱད་པར་ཀུན་མཁྱེན་དེ་ཉིད་ཀྱི་སྐུ་གདུང་ཤིང་སྒྲོམ་དུ་གདུང་ཚས་བར་མཚམས་མེད་པའི་གཏམས་ཏེ་གསེང་མེད་པར་བྱས་ཡོད་པར་འདུག་ཀྱང། མཆོག་སྦྲུལ་རིན་པོ་ཆེ་ཉིད་ཀྱི་སྐུ་(སྨད་ཆ།༦༣༠)པང་དུ་ཀུན་མཁྱེན་དེའི་ཞབས་སེན་གཡས་པ་ཚེག་སྒྲ་དང་བཅས་གདུང་སྒྲོམ་ནས་ཕེབས་བྱུང་བར་ཀུན་གྱིས་ངོ་མཚར་བླ་ན་མེད་པར་འཛིན་ཅིང། གྲུབ་ཆེན་ལགས་ཀྱི་ཁྱེད་དམ་ཚིག་གཙང་བའི་རྒྱུ་མཚན་གྱིས་དངོས་གྲུབ་ཏུ་གདའ་བས་གཞན་ལ་མ་བསྟན་པར་ཐུགས་ཚགས་མཛད་གསུངས་ནས་སྐུ་ཤ་འབྱར་བ་དེ་ནས་ཅུང་ཟད་བཞེས། སྒྲུབ་ཆེན་གྲོལ་ནས་རིམ་པར་ཞབས་བཏེགས་ལྷ་ལྡན་དུ་ཕེབས། ཞབས་དྲུང་རྟ་ཚག་རིན་པོ་ཆེར་བཏུད་ནས། ཀུན་མཁྱེན་དེ་ཉིད་ཀྱི་དགོངས་པ་རྫོགས་པ་དང། ལྟོས་བཅས་འབྲེལ་ཐོག་ཐམས་ཅད་ལམ་ཞི་བ་ཆེན་པོར་གཞོལ་བ་དང། འཇིག་རྟེན་གྱི་ཁམས་རྣམས་སུ་སྐལ་པ་ངན་པ་གསུམ་གྱིས་མཚོན་པའི་དུས་ཀྱི་འགྱུར་བ་ཐམས་ཅད་ཞི་ཞིང་རྫོགས་ལྡན་གྱི་དགའ་སྟོན་གསར་པ་ལ་ལོངས་སྦྱོད་པ་འགྱུར་བ་སོགས་ཀྱི་ཕྱིར་དུ་ལྷག་པའི་བསམ་པ་ཐུགས་བསྐྱེད་ཟླ་བ་ཚེས་པ་ལྟ་བུའི་བསྐུལ་ཏེ་ཁོ་ཤཀ་རིན་པོ་ཆེའི་འདྲ་འབག་ཞིག་བཞེངས་པའི་ཐུགས་རྩོལ་མཛད་དེ། དེ་ཡང་རྒྱ་དངུལ་རྡོ་ཚད་བརྒྱ་ལྷག་གི་ཡོ་བྱད་རྣམས་གཞུང་ཤར་ཕུལ་ནས་སྒྲུབ་གྲོགས་ཞུས་པ་བཞིན་གཞུང་ས་ཆེན་པོ་ནས་ཀྱང་བཀའ་དྲིན་འགྲན་བྲལ་དུ་བསྐྱངས་ཏེ་བལ་པོ་མཁས་པ་ཉི་ཤུ་ཙམ་གྱིས་བཞེངས་པའི་ཤིན་ཏུ་དངོས་གཙང་ཞིག་བཞེངས་གྲུབ་ནས་བལ་པོའི་བཟོ་བོ་རྣམས་དང་བཅས་གདན་སར་དྲངས། སླར་ཡང་མཆོད་རྫས་དངུལ་གྱི་མནྡལ་སོགས་བརྡུང་སར་གནང་ནས་བཟོ་བོ་རྣམས་ཡོན་གྱིས་མཆོད། དེ་དུས་ལྷ་ལྡན་དུ་བཞུགས་སྐབས་དེར་བཀའ་བྱོན་པ་ལྷ་ལས་དཱགས་པོ་གཏེར་ཆེན་གྱི་སྙན་པ་གསན་པས་ཞུ་མཆིད་འབུལ་བ་སོགས་མཛད། འབྲི་གུང་དུ་རྒྱང་(སྨད་ཆ།༦༣༡)ཙམ་བཞུགས་ནས་ཆོས་ཀྱི་རྒྱལ་པོ་རིན་ཆེན་ཕུན་ཚོགས་ཀྱིས་གཏེར་བྱོན་དགོངས་པ་ཡང་ཟབ་སྐོར་དང་ཡང་ཟློག་མེ་ཡི་སྦུ་གྲི་དྲང་སྲོང་ལོག་ཏྲི་སོགས་དབང་ལུང་མང་དུ་གསན་ནས་གདན་སར་ཕེབས། ཇོ་བོའི་འདྲ་ཅོག་ལ། སངས་རྒྱས་བཅོམ་འདས་ཀྱི་ཚེམས་ཀྱིས་གཙོས་པའི་རྟེན་གསུམ་ཁྱད་པར་ཅན་ཇི་སྙེད་དང་རིང་བསྲེལ་རྣམ་པ་བཞིའི་ཕྱུར་བུར་གཏམས་ནས་བཀྲ་ཤིས་པའི་དུང་དཀར་གཡས་འཁྱིལ་ཞིག་ཕྱག་ཏུ་སོན་པ་ཐུགས་ཀར་རྒྱན་གྱི་ཚུལ་དུ་ཕུལ། ན་བཟའ་སྙན་ཤལ་མཆོད་རྫས་སོགས་བཀོད་ལེགས་མཛད་གྲུབ་ནས་བླ་མ་བདེ་མཆོག་གི་སྒོ་ནས་རབ་ཏུ་གནས་པའི་ཆོ་ག་བཀྲ་ཤིས་དཔལ་འབར་ལྟར་རྒྱས་པར་མཛད། དེ་ནས་སླར་ཡང་བསྟན་འགྲོའི་དོན་དུ་དགོངས་ནས་ལྕགས་ཕོ་སྦྲེལ་ལོར་གཙུག་ལག་ཁང་རྒྱ་ཆེན་ཀ་བ་ལྔ་བཅུས་བཏེགས་པའི་བཟོ་བཀོད་ཕྱི་ནང་ཐམས་ཅད་བཀོད་ལེགས་ཤིང་དངོས་གཙང་བ་འགྲན་ཟླ་དང་བྲལ་བ་ཞིག་བཞེངས། རྗེ་ཉིད་ཀྱི་སྟག་ཕུ་རིན་པོ་ཆེའི་ཡོངས་འཛིན་དགེ་བཤེས་བློ་བཟང་བསམ་གཏན་ལས་རྒྱལ་འབི་བཀའ་འགྱུར་རོ་ཅོག་གི་ལྗགས་ལུང་མཐར་ཆགས་ཚང་བ་ཟླ་བ་བདུན་གྱི་བར་དུ་གསན་པ་ལེགས་པར་མཐར་ཕྱིན་ནས་སྐུ་ཡོན་རྒྱ་ཆེར་ཕུལ། སླར་ཡང་ཟུར་མཁར་ལྷ་སྡེངས་ཞབས་དྲུང་སྦྱན་དྲངས་ནས་སྐུ་ཡོན་རྒྱ་ཆེན་ཕུལ། སླར་ཡང་ཟུར་མཁར་ལྷ་སྡེངས་ཞབས་དྲུང་སྦྱན་དྲངས་ནས་གསང་ཆེན་རྙིང་མའི་རྒྱུད་འབུམ་ཡོངས་རྫོགས་དང། གཞན་ཡང་བཀའ་ཆོས་མང་དུ་གསན་ནས་ཡོན་གྱིས་མཆོད། དེ་འཚམས་ནས་ས་སྐྱོང་སྡེ་དགེའི་གདན་འདྲེན་ཞུ་ཤོག་དང་སྟག་སྒང་བ་སོགས་སླེབས་པས་ཆུ་ཕོ་ཁྱི་ལོར་སྡེ་དགེར་ཕེབས། ཐུབ་བསྟན་སྟག་མོ་སྒང་གི་གདན་ས་ཆེན་པོར་བཀྲ་ཤིས་རེ་ཁས་མཚོན་པའི་ཞབས་ཀྱི་པདྨོ་བཀོད་པའི་བཀའ་དྲིན་བསྐྱངས། རིམ་པར་ས་སྐྱོང་ཆོས་ཀྱི་(སྨད་ཆ།༦༣༢)རྒྱལ་པོ་ཡུམ་སྲས་མཇལ་འཕྲད་སྔ་སྲོལ་ལྟར་གང་རྒྱས་གནང། ཕན་ཚུན་སྐུ་སྐྱེས་ལེགས་འབུལ་སོགས་རྒྱ་ཆེ་བསྟབས་པར་མཛད། སྟག་སྒང་འདུས་སྡེར་སྐུ་སྐྱོས་ཀྱི་ཚུལ་དུ་སྒྲུབ་ཆེན་ཞིག་འཛུགས་པའི་ཚོགས་དབུར་རྒྱ་རོང་དབོན་སྦྲུལ་རོན་པོ་ཆེ་གདན་དྲངས། ཚོགས་སར་ཕྱག་འགྱེད་དང། བླ་མར་འབུལ་ཆེན་སོགས་རྒྱ་ཆེར་མཛད། ས་སྐྱོང་ཆེན་པོའི་ལྕང་རའི་སྐྱེ་ཚལ་གྱི་བཞུགས་སྒར་དུ་བུམ་སྒྲུབ་ཀྱི་ཚོགས་དབུར་ལན་གསུམ་གདན་དྲངས་པའི་སྔ་མ་ཕག་ལོར་བཀྲ་ཤིས་ཆོས་རྫོང་དུ་གཡང་གྲུབ་བདུན་ཞག་གཅིག་གནང། སྐབས་ཤིག་འཛམ་ཐོག་ཏུ་བསྟན་སྲིད་ཀྱི་རིམ་གྲོར་གདན་དྲངས་པས་སྲི་མནན་སོགས་ལུང་བཞིན་བསྒྲུབས་པར་མཛད། དེ་ནས་ཕོ་བྲང་ཆེན་པར་ཕེབས་ནས་ས་སྐྱོང་ཡུམ་སྲས་ལ་དབང་ཀ་སོགས་ཕུལ། སྐབས་དེར་གདན་ས་འདིར་ཡང་རྟེན་བཞེངས་ཤིག་མཛད་བཞེད་ཐུགས་ལ་སྣང་ཡང་གཞན་དབང་གིས་གྲུབ་མ་སོང། དེ་སྐབས་རྫོགས་ཆེན་མཆོག་སྦྲུལ་རིན་པོ་ཆེ་གདན་དྲངས་ནས་བསྙེན་བཀུར་ཕུན་སུམ་ཚོགས་པ་ཕུལ། རིམ་གྱིས་མེ་ཕོ་སྟག་ལོར་གདན་ས་གོང་མར་ཆིབས་ཁ་བསྒྱུར་མཛད་ཅིང། གདན་ས་གོང་མ་ཆགས་རུ་འོད་གསལ་སྒྲུབ་སྡེར་ཕེབས་གྲུབ་པ་ནས་སྔར་སྲོལ་ལྟར་ལུང་བ་ཕན་ཚུན་དུ་གདན་ཞུས་ཡོང་བ་ལྟར་ཕེབས་སྐྱོང་བཀའ་དྲིན་ཆེ་བ་དང་ལྷ་ཁང་ཆེན་མོའི་ངོས་རིས་སོགས་རྟེན་བཞེངས་རྣམས་ཀྱི་མཛད་པའི་འཕྲོ་རྣམས་བསྐྱངས། དེ་ནས་སྔ་ཕྱིར་སྦས་མང་དུ་ཡོད་པ་བཞིན། འདི་ལོར་ཆེེད་གཏད་ཀྱིས་རྟ་དྲེལ་དང་བཅས་གདན་འདྲེན་པར་འོང་བས་སྦོ་བོར་ཕེབས་པ་དང་འགྲིགས་པས་རིམ་(སྨད་ཆ།༦༣༣)གྱིས་ས་མོ་སྦྲུལ་ལོར་གནས་ཆེན་སྲིང་རྫོང་དུ་གདན་དྲངས། གཏེར་ཆེན་རིན་པོ་ཆེ་དེ་ཉིད་ཀྱིས་རྒྱལ་སྲས་ཆོས་སྐྱོང་ཆེན་པོ་ལུང་བཞིན་ཉི་གྲགས་རྒྱལ་སྲས་ཀྱི་སྐྱེ་བར་ངེས་པས་ཁྲི་འདོན་ལེགས་འབུམ་དང་ཡབ་སྲས་གཉིས་དང་བཙུན་མོ་གྲ་འཁོར་ཐམས་ཅད་དགུན་ཟླ་གསུམ་དང་གཏེར་ཆེན་ཡབ་སྲས་ལྕགས་རྟ་ཟླ་བ་ལྔ་པའི་བར་བཞུགས་གདན་ཆགས་པར་བསྙེན་བཀུར་གང་རྒྱས་ཕུལ། བདུད་སྨིན་གྱི་སྒྲུབ་གྱི་སྒྲུབ་པ་ཁྱད་པར་འཕགས་ཤིང་འཛུགས་ཕྱིར་བོད་ནས་སྨན་སོགས་ཉོ་བར་ཆེད་དུ་བཏང་ནས་གཏེར་ཆེན་ཡབ་སྲས་རྗེ་ཉིད་དང་བཅས་དབུར་བཞུགས་མཛད་ནས་གཞི་བྱེས་ཀྱི་གྲ་ཚང་ལྷན་རྒྱས་ཀྱིས་འཛུགས་པར་མཛད་པས་སྒྲུབ་པའི་རྟགས་མཚན་སོགས་ངོ་མཚར་བློའི་ར་བ་ལ་བརྒལ་བ་བྱུང། དེ་སྐབས་རྒྱ་རོང་དབོན་སྦྲུལ་ཞིང་གཟིགས་པའི་ཡེ་གེ་འབྱོར་པས་ཞི་བར་གཤེགས་པ་དེ་ཉིད་དགོངས་རྫོགས་སུའང་གཏེར་ཆེན་དབུ་བཞུགས་ཀྱིས་སྐྱེ་བདུན་མྱོང་གྲོལ་གྱི་སྒྲུབ་པ་ཞག་བདུན་དུ་གནང། འདི་སྐབས་གཏེར་ཆེན་དམ་པ་གང་དེའི་དྲུང་ནས་རང་གཏེར་གསར་བྱོན་རྣམས་དང། ས་སྐྱའི་རྗེ་བཙུན་དྲུང་ནས་གཡུ་ཐོག་སྙིང་ཐིག་སོགས་ཅོས་ཀ་མང་དུ་གསན། ཕར་ཡང་གཏེར་ཆེན་ཡབ་སྲས་དང་ས་སྐྱའི་རྗེ་བཙུན་སྐུ་ཞབས་སོགས་ལ་ཉི་གྲགས་གཏེར་བྱོན་སྐོར་གྱི་དབང་ལུང་ཅི་རིགས་དང་ཆོས་ཀ་གཞན་ཡང་མང་དུ་ཕུལ་ནས་ཐེག། ལྕགས་མོ་ལུག་ལོ་ནས་གསེར་ཟངས་ལས་གྲུབ་པའི་ཨོ་རྒྱན་རིན་པོ་ཆེའི་སྐུ་མི་ཚང་སུམ་འགྱུར་ཚམ་དང་རྡོ་རྗེ་སེམས་དཔའི་སྐུ་མི་ཚང་གཉིས་འགྱུར། མགོན་པོ་ཚེ་མཐའ་ཡས་པའི་སྐུ་ཚད་གཉིས་འགྱུར། མགོན་པོ་ཚེ་མཐའ་ཡས་པའི་སྐུ་མི་ཚད་བཅས་ལེགས་པར་གྲུབ་པ་ཡིན་འདུག། སྦྱིར་ཡང་རྗེ་(སྨད་ཆ།༦༣༤)བླ་མ་མཆོག་གི་སྦྲུལ་པའི་སྐུ་རིན་པོ་ཆེ་འདི་ཉིད་སྔོན་གྱིས་དགེ་བའི་བཤེས་གཉེན་སྦྱན་སྔ་བ་ཆེན་པོ་དང་སྟག་ལུང་ཐང་པ་ཡབ་སྲས་སོགས་བཞིན་སྐུ་གསུང་ཐུགས་རྟེན་བཞེངས་པ་ལ་འགྲན་ཟླ་དང་བྲལ་བ་ཞིག་སྟེ་སྔར་ཕྱིར་ཞལ་ཐང་གྲངས་མེད་དང། གཏེར་གསར་ཡོངས་རྫོགས་ཞལ་ཐང་སུམ་ཅུ་སྐོར་གྱི་པར་བརྐོ་བ་དང། ལྡེར་སྐུ་ཆེ་ཕྲ་དུ་མ། སྨན་འདམ་ལས་གྲུབ་པ་དང། དངུལ་ལས་བརྡུངས་པ། གསེར་ཟངས་ལས་གྲུབ་པ་སོགས་གྲངས་ཀྱི་མི་ཆོག་པ་དང། བཀའ་འགྱུར་རིན་པོ་ཆེ་ཚར་ལྡ། བསྟན་འགྱུར་ཚར་གཉིས། རྙིང་རྒྱུད་ཚར་ལྔ་སོགས། གཞན་ཡང་ཡི་གེ་འབྲིར་བཅུག་པ་དང། ཀློང་སྙིང། གསང་བདག་སྐོར། གཏེར་སར་ཁ་སྐོར་སོགས་པར་དུ་བརྐོད་པ་སོགས་བགྲང་བ་ལས་འདས་ཤིང། ཐུགས་རྟེན་མཆོད་རྟེན་ཆེ་ཕྲ་མང་པོ་བཞེངས་པ་སོགས་རེ་རེ་ནས་སྨོས་པར་མ་ནུས་ཏེ་བསམ་གྱིས་མི་ཁྱབ་པའི་རང་བཞིན་ཅན་ནོ། ད་ལྟ་རྡོ་རྗེའི་ཁྲི་ལ་ཞབས་པད་བསྟན་པར་འཚོ་ཞིང་གཞེས་པ་ནས། ཆུ་མོ་བྱ་ལོ་འདིར་ཚེའི་རྟེན་འབྲེལ་དུ་རྣམ་རྒྱལ་མཆོད་རྟེན་མི་ཚང་བཅུ་གསུམ་གྱི་དཔངས་དང་ལྡན་པ་ཞིག་བཞེངས་པའི་སྐབས་སུ་ཡོད་པར་སྣང་ངོ། མཆོག་གསུམ་བླ་མ་མཁའ་འགྲོའི་བྱིན་རླབས་དང། འཆི་མེད་ཚེ་མཐའ་ཡས་པའི་གཟི་བྱིན་གྱིས། མགོན་ཁྱོད་གསང་གསུམ་རྡོ་རྗེའི་ཁྲི་འཕང་ལས། ནམ་ཡང་གཡོ་མེད་ཞབས་པད་བརྟན་གྱུར་ཅིག། སླར་ཡང་འཕྲོས་དོན་གླེང་འོས། མཆོག་སྦྲུལ་རིན་པོ་ཆེ་འདི་ཉིད་རང་སྐལ་གཏེར་ལ་དབང་ཚུལ་དང། སྔགས་ཆས་མཛད་དགོས་ཚུལ་གྱི་ལུང་བསྟན་ཡང། ཆོས་རྗེ་གླིང་པའི་སྐྱེ་བ་རིག་འཛིན་ཆེན་པོ་འཆི་མེད་རྡོ་རྗེ་ཡེ་(སྨད་ཆ།༦༣༥)ཤེས་རོལ་པའི་རྩལ་ལམ་རིག་འཛིན་ཆེན་པོ་ཀུན་བཟང་འོད་ཟེར་གྱི་ཕུང་བསྟན་སྔ་ཕྱིར་སྩལ་བ་རྣམས་ལས་གང་ཟག་དགོས་ལུང་གཏད་རྒྱ་མུ་ཏིག་ཕྲེང་བ་ལས། ཨོ་རྒྱན་འཁོན་ཀླུ་རྡོ་རྗེ་བདུད་འཇོམས་རྩལ། དབྱེར་མེད་རྒྱལ་བསྟན་སྲིང་རྫོང་ཕྱོགས་སུ་འབྱུང༔ ཨོ་རྒྱན་གར་དབང་བསྟན་པའི་མིན་ཅན་འབྱུང། སྦྱོད་ཚུལ་ངེས་མེད་མདོ་སྔགས་བསྟན་སྲོག་འཛིན༔ ཞེས་དང། ཡང་གཏེར་ཆེན་དེ་ཉིད་ཀྱིས་ལུང་བསྟན་ཁོལ་ཕྱུང་ལས། གནུབ་ཀྱི་བནྡྷེ་ནམ་མཁའི་སྙིང་པོ་ཡི༔ གསེར་གྱི་མཎྜལ་གཡུ་ཡི་འཕྲ་བཀོད་དེ༔ ཨོ་རྒྱན་ལ་ཕུལ་གུས་ཕྱག་དགུ་སྦུག་འཚལ༔ ཆོས་འདིའི་ཡོན་ཏན་ཆོས་བདག་གང་དུ་འབྱུང༔ བདག་ཅག་རྗེ་འབངས་གང་གི་སྐལ་བར་བསྔགས། ཨོ་རྒྱན་དགྱེས་པའི་མདངས་ཕྱུང་འདི་སྐད་གསུངས༔ ཨོ་རྒྱན་གསུང་སྦྲུལ་ནམ་སྙིང་ཐུགས་ཀྱི་སྦྲུལ༔ སངས་རྒྱས་ཡེ་ཤེས་ཡོན་ཏན་སྦྲུལ་པ་དང༔ འཁོན་ཀླུའི་འཕྲིན་ལས་སྦྲུལ་པ་བྱང་ཤར་འཚམས༔ ནགས་ཤོད་སྲིན་རྫོང་རྨ་བྱ་གར་བྱེད་འདྲའི༔ ཆུ་བོ་ཧཱུྃ་ཧཱུྃ་སྒྲོགས་པའི་ས་ཕྱོགས་སུ༔ བསྟན་པའི་མི་ཉམས་ཉི་མ་དབང་དྲག་མཚན༔ བརྟུལ་ཞུགས་སྦྱོད་པས་འགྲོ་བ་ཐབས་ཀྱིས་འདུལ༔ སྐབས་སུ་བཟང་ལ་མི་རེ་ངན་མི་དོགས༔ སྐབས་སུ་ཐེ་ཚོམ་དྲ་བའི་ཟབ་ཏུ་ཚུད༔ དེ་རྣམས་སྐྱེས་དབུས་རྩ་རླུང་ཆོལ་འཕྲུལ་ཏེ༔ གྲོ་ལོད་ལ་སོགས་ཆོས་བཀའ་ཕྱི་ནང་རྣམས༔ སྐྱེས་མཆོག་འགྲོ་འདུལ་དེ་ལ་གཏད་རྒྱ་གྱིས༔ ཞེས་དང། ཁྱད་པར་ཟབ་མོ་གཏེར་གྱི་བཀའ་བབས་ཡོད་ཚུལ་ཡང། བདག་འདྲ་པདྨ་འབྱུང་གནས་དང༔ འགྲོ་རེའི་སྣང་ངོར་སྦྲུལ་པ་འགྱེད༔ ཁྱད་པར་ཉི་ཤུའི་དམར་ཐག་ཉེར༔ འགྲོ་རྣམས་ཐུགས་རྗེས་སྐྱབས་པའི་མགོན་༔ བྱང་ཤར་(སྨད་ཆ།༦༣༦)སྲིང་རྫོང་ཕྱོགས་སུ་འབྱུང༔ དབང་ངམཀ་བསྟན་པའི་ཉི་མ་དེ༔ སྲིང་རྫོང་ཤར་གྱི་སྒྲུབ་ཕུག་དང༔ མདོ་ཁམས་གླང་ཐང་སྒྲོལ་མ་སོགས༔ སྦྲ་དུན་རྩེ་ཡི་གཏེར་ལ་དབང། གཏེར་སྟོན་ཆོས་བདག་གཉིས་ཀ་བྱེད༔ ལས་བཞིའི་སྦྱིན་སྲེག་ཟབ་ལུང་ནམས་པ་གསོ༔ ཞེས་དང། སྦྲུལ་པའི་གཏེར་ཆེན་སྒམ་བུ་པ་རྡོ་རྗེ་རྒྱལ་པོའི་གཏེར་ལུང་ལས་ཀྱང། བྱང་ནས་པདྨ་བདག་དང་འཁོན་ཀླུ་དབང། ཟུང་འཇུག་སྦྲུལ་པ་སྔ་ཕྱི་གཉིས་སུ་འབྱུང། སུ)འམ་ནི་སུ་ཁའི་མིང་འཆང་བ༔ འབུག་མ་ལོ་དམར་སྨྱུག་ཞི་ཁྲོའི་ཉམས༔ བློ་ཆེ་ཁོག་ཡངས་སྙིང་སྟོབས་སྡུག་སྲན་ཆེ༔ དམ་སྲིའི་བར་ཆད་དབང་དུ་མ་གྱུར་ན༔ སྦས་པའི་གནས་དང་ཟབ་མོའི་གཏེར་ལ་དབང༔ དྲག་ཆོས་བཀའ་བབས་འགྲོ་མང་བདེ་ལ་བཀོད༔ སྐལ་ལྡན་སྐྱེས་ཊ་དེ་ལ་གཏད་རྒྱ་གྱིས༔ ཞེས་དང། གཏེར་གྱི་འཇུག་སྐྱོང་བྱང་ཕྱོགས་ནས༔ ཨོ་རྒྱན་ན་གརྫུ་ན་ཡི༔ ཞུང་འཇུག་སྦྲུལ་པ་སུ)འཾ༔ བདེ་བའི་མིང་ཅན་སྐྱེས་བུ་འབྱུང༔ ཞེས་དང། མཚོ་རྒྱལ་ཁྱེད་འདྲེན་ཤེལ་དཀར་བཟའ༔ སྲིན་བྲག་ཁྲོམ་རྒྱན་སྦྲུལ་པ་ནི༔ རིགས་ལྡན་ལྔ་དང་རྟེན་འབྲེལ་ན༔ སྲིན་བྲག་ཁྲོས་མ་ནག་མོའི་ཕུག༔ ཨེ་གསང་འབར་བའི་ལོན་ཅིང་སིརྡྷི་རྙེད༔ གཏེར་གྱི་འཇུག་སྐྱོང་གཏེར་གསར་སྦེལ་༔ སྦས་ཡུལ་སྒོ་འབྱེད་གྲོགས་སུ་འགྱུར༔ ཞེས་དང། ཟུར་མཁར་ཐེག་གླིང་རྒྱས་སྲས་གསང་ལུང་ལས་ཀྱང༔ གངས་ལྗོངས་ལྷ་ས་བསམ་ཡས་ནས༔ ཁྲ་འབྲུག་གུ་རུའི་སྒྲུབ་གནས་ལ། རིམ་གཉིས་རྟེན་འབྲེལ་འགྲིག་གྱུར་ན། ཕྱི་ནང་གསང་གསུམ་དངོས་གྲུབ་ཀྱི། དགེ་མཚན་གཏེར་ལ་(སྨད་ཆ།༦༣༧)སྦྱོད་པར་འགྱུར། ཞེས་སོགས་གསུངས་པས། སྔགས་ཀྱི་རྣལ་འབྱོར་ཡང་དག་པ་རྣམས་ཐེག་དམན་ལ་གོལ་བའི་ལྟ་སྦྱོད་བགྱིས་ན་མཆོག་གི་དངོས་གྲུབ་མི་འཐེབ་ཐེག་པ་ཆེན་པོའི་རྣལ་འབྱོར་ཚུལ་ལྡན་རྣམས་དང། ཁྱད་པར་རྣམས་གསུམ་ཟབ་རྒྱའི་བཀའ་བབས་ཡོད་པ་རྣམས་གསུམ་ལྡན་རྡོ་རྗེ་འཛིན་པའི་སྔགས་ཆས་ཅི་ནས་མཛད་དགོས་ཞེས་དཱགས་གཏེར་རིན་པོ་ཆེ་དང་ཀུན་བཟང་འོད་ཟེར་སོགས་ཀྱིས་ཞབས་བསྐུལ་ཡང་ཡང་ཕུལ་ཡང། རྗེ་ཉིད་ཐུགས་དཀྱིལ་བསླབ་པ་རིན་པོ་ཆེར་གཅེས་སྦྲས་སྙུན་གཞི་གཅིག་སང་གཉིས་སླེབས་ལྟ་བུར་གྱུར་པས་བསམ་ཡས་ཆོས་སྐྱོང་ཆེན་པོས་ཀྱང་གཏེར་ལུང་བཞིན་མ་མཛད་ན་བར་ཆད་སེལ་དཀའ་ཚུལ་དང། ཁྱད་པར་གཏེར་ཆེན་སྒམ་པོ་པ་དེ་ཉིད་ཁམས་ཕྱོགས་དབེན་གནས་ནམ་མཁའི་མཛོད་ཅེས་པར་ས་གནད་གསོ་བ་དང་བསྟན་འགྲོའི་ཕན་བདེ་སྦྲེལ་ཆེད་དུ་སྐུ་མཚམས་བཅད་རྒྱ་བཞུགས་ཡོད་པའི་མནལ་ལམ་ལྟ་བུར་ཞིང་སྐྱོང་རྒྱལ་བ་ཐོད་དཀར་གྱིས་བསྐུལ་མ་བྱུང་ཚུལ་བཞིན། མཆོག་སྦྲུལ་རིན་པོ་ཆེ་ཉིད་སྔགས་ཆས་སོགས་ལུང་དོན་པ་བཞིན་མྱུར་དུ་མ་བསྒྲུབས་ན་བར་ཆད་ཀྱི་དབང་དུ་འགྲོ་ངེས་པས་དཔེ་བ་རྟེན་ཅིང་འབྲེལ་འབྱུང་གསང་སྔགས་ཟབ་མ་ཐབས་ཀྱི་ཆེ་བ་ཡིན་པས་སྐུ་ཚེའི་འཕྲེང་གེགས་སེལ་བ་དང། རང་སྐལ་ཟབ་མོའི་གཏེར་ལ་སྦྱོད་པའི་རྟེན་འབྱུང་མི་འགོག་པའི་ཕྱིར་ཞབས་བསྐུལ་དགོས་ཚུལ་ནགས་སོགས་གཉིས་གྱི་མི་འགོག་པའི་ཕྱིར་ཞབས་བསྐུལ་དགོས་ཚུལ་ནགས་སོགས་གཉིས་ཀྱི་མི་དཔོན་རྣམས་དང་ཡུལ་དགོན་སོ་སོར་བཀའ་ཐམ་དང་ཁྱད་པར་སྲིང་རྫོང་སྒྲུབ་སྡེ་དང་མཆོག་སྦྲུལ་རིན་པོ་ཆེ་ཉིད་ཀྱི་དྲུང་དུའང་ཞུ་ཡིག་ནན་(སྨད་ཆ།༦༣༨)ཅན་གནང་བས་སྡེ་དགོན་སྦྱི་དང་སྟག་ཕུ་རིན་པོ་ཆེའི་འཛོད་པ་དཔོན་ཚང་སོགས་བེ་ཧུ་ཅང་རྣམས་དང་སོག་འཕེལ་གླིང་བླ་གྲ་རྫོང་སྡོད་སྡེ་པ་སོགས་ཡུལ་སོ་སོའི་བླ་མའི་དཔོན་ཆེ་དགུ་ཐམས་ཅད་ཀྱིས་འདུན་པ་རྩེ་གཅིག་གིས་གསོལ་བ་བཏབ་པ་དང། སྒྲུབ་སྡེ་ནས་ཀྱང་ཞབས་བསྐུལ་ཡང་ཡང་ཞུས་པ་ལ་བརྟེན་ནས། དད་ལྡན་ངོ་མི་ལྡོག་པ་དང་བསྟན་འགྲོའི་ཕན་བདེ་སྦེལ་བའི་དྲེན་འབྱུང་བ་དགོངས་ནས། འདུལ་བ་རང་ལུགས་དང་མཐུན་པར་རབ་བྱུང་གི་ཆས་སོགས་ཇོ་བོ་རིན་པོ་ཆེའི་འདྲ་ཅོག་དང་དགེ་འདུན་པའི་སྦྱན་སྔར་ཕུལ་པར་མཛད་དེ་གསང་ཆེན་རྡོ་རྗེ་འཛིན་པའི་ཆས་ཀྱིས་སྦ་བར་མཛད་པ་སྣང་ངོ། འོན་ཀྱང་མཆོག་སྦྲུལ་རིན་པོ་ཆེ་ཉིད་གང་དུ་སྨོས་པའི་པདྨ་གླིང་པའི་ས་གཏེར་ལུང་བཞིན་སྦས་གནས་པདྨ་གླིང་གནས་བདག་སོ་ལྔའི་གཙོ་བོ་ཡིན་པར་རྒྱལ་དབང་པདྨ་ཀཱ་རས་རྡོ་རྗེའི་ལུང་གིས་བསྔགས་པ་ལྟ་ལགས་ཀྱང། གདོང་ནས་སྔགས་ཆས་དང་སྦས་གནས་སུ་ཕེབས་གྲུབ་པ་ཞིག་དགོས་རྒྱུར་འདུག་ཀྱང། དེ་སྐབས་ལུང་བསྟན་ཀྱང་མ་གཟིགས་ཤིང་རྗེ་ཉིད་བསྟན་པའི་མིག་རྒྱན་ཐུགས་རྫོགས་བཞེས་པ་ལ་རིངས་པ་དང་བཅས་མ་གྲུབ་མོད། དབུས་ཕེབས་པར་མའི་སྐབས་དེར་སྦྲུལ་པའི་གཏེར་ཆེན་དཱགས་པོ་རིན་པོ་ཆེས་ཞུ་ཡིག་ལམ་ནས་བསྐུལ་མ་བྱུང་བས། ཕེབས་བཞེད་ཆེ་རུང་ཇོ་བོའི་འདྲ་ཅོག་རྟེན་བཞེངས་ཀྱི་འཕྲོ་སྐྱོང་དགོས་པ་དང་སྡེ་པ་ཇོ་ལྷ་ཁང་སོགས་ཀྱིས་ཀྱང་བཤོལ་ཞིང། སླང་ཡང་དཱགས་གཏེར་རིན་པོ་ཆེ་ནས་སྐུ་ཚེ་མཛད་ཕྲིན་འགྲོ་ཕན་སོགས་གང་ཅི་ནས་མ་ཕེབས་མཐུ་མེད་ཡིན་ཚུལ་ནན་ཞུས་བྱུང་ཀྱང་སྡེ་དགེར་ཕེབས་པ་དང་འགྲིགས་པས་སྡེ་དགེ་ཆིབས་སྐྱོད་གྲུབ་ནས་ཡར་ཕེབས་སྐབས་བཞིན་གནང་ཡང་དེ་(སྨད་ཆ།༦༣༩)དུས་ཞབས་འབམ་སོགས་སྙུང་གཞི་ཆེས་པ་དང་གྲ་འཁོར་སྦྱིན་བདག་རྣམས་ཀྱིས་ཀྱང་བཤོལ་བས་ཕེབས་མ་གྲུབ་ཅིང། ལུང་དོན་བཞིན་ཕེབས་གྲུབ་པ་དང་སྔགས་ཆས་སོགས་ཀྱང་གདོང་ནས་མཛད་གྲུབ་ན་སྐུ་ཚེ་དང་ཕྲིན་ལས་རྒྱ་ཆེ་ཡོང་རྒྱུ་དང་རྙིགས་དུས་ཀྱི་རྒུད་པ་སེལ་ཞིང་སེམས་ཅན་ལ་བདེ་སྐྱིད་ཕུན་སུམ་ཚོགས་པ་ཞིག་ཡོང་རྒྱུར་འདུག་ཀྱང། བར་ཆད་ཀྱི་དབང་གིས་རྟེན་འབྲེལ་ཐམས་ཅད་གཞན་དབང་ཁོ་ནར་སོང་ཤིང། ཕྱིས་ཚོད་གོང་དུ་སྨོས་པ་ལྟར་བཞིན་སྒྲུབ་པར་གནང་ནས་གནས་སྒོ་འགའ་ཡང་གསར་ཕྱེས་མཛད། དེ་སྐབས་གཞུང་ས་ཆེན་པོ་ནས་གདན་ཞུ་བྱུང་བསྟུན་དབུས་ཕྱོགས་སུ་ཞབས་བཏེགས། ཆིབས་ལམ་དུ་ཞུགས་རྩ་ན་བསམ་ཡས་ལ་ཞུགས་ཀྱི་གནོད་པ་བྱུང་ཚུལ་གསན། ལྷ་སར་ཕེབས་ནས་ཐོག་མར་བསྟན་རྒྱས་གླིང་དུ་བཞུགས། ཀློང་ཆེན་རོལ་པ་རྩལ་དང། ལྷ་སྡིངས་ཞབས་དྲུང་སོགས་དང་དབང་ལུང་ཕར་འབུལ་ཚུར་གསན་དང། གཙོར་ཆེར་བསམ་ཡས་རྟེན་བཞེངས་ཀྱི་གེགས་སེལ་སྒྲུབ་དགོས་མང་བ་དང་གཞུང་གི་སྐུ་རིམ་སྒྲུབ་དགོས་སོགས་ཀྱིས་ལུང་དོན་པྲ་དུན་རྩེའི་གཏེར་བཞེས་རྒྱུ་དང། ཟབ་ལུང་ཉམས་གསོ་སོགས་མ་གྲུབ་ལོ་ངོ་གསུམ་ཙམ་ནས་ཕྱིར་ཕེབས། སྔར་ཕྱིར་ལུང་དོན་ཕལ་ཆེར་བར་ཆད་ཀྱི་དབང་གིས་ཕྱི་ཐལ་དུ་ལུས་པའི་སྐྱོན་གྱིས་རྟེན་འབྱུང་ཟབ་མོ་དུས་ལས་ཡོལ་བས། མེ་གླུང་ཟླ་ཚེས་མ་པདྨ་འོད་ཀྱི་ཞིང་དུ་གཤེགས་པར་གྱུར་ཏེ་བསྟན་འགྲོ་སྦྱི་སྒེར་བསོད་ནམས་ཀྱིས་མ་འཁྱོངས་པར་སྣང་ངོ། ཡང་མཆོག་སྦྲུལ་རིན་པོ་ཆེ་ཆེ་ཉིད་ཀྱི་ཞལ་སློབ་སྦྲུལ་པའི་གཏེར་སྟོན་(སྨད་ཆ།༦༤༠)ཀློང་ཆེན་རོལ་པ་རྣམས་ལམ་རིག་པའི་རྡོ་རྗེ་ནི། འཁྲུངས་ཡུལ་ཤོད་ཆེན་བཅོ་བརྒྱད་ཀྱི་ནང་ཚན་བགས་ཤོད་ཡར་ཐང་ཞེས་པ་ས་ཕོ་བྱིས་བའི་ལོ་ལ་སྐུ་འཁྲུངས། སྐྱེས་མ་ཐག་ནས་ཨོ་རྒྱན་མཁྱེན་ལན་གསུམ་གསུངས། དགུང་ལོ་བདུན་པའི་དུས་རྡོ་ལ་ཕྱག་གི་རྗེས་ཤིན་ཏུ་གསལ་བ་བྱུང། ལོ་བཅུ་པ་ལ་ཡེ་གེ་བསླབ་པས་བརྔ་སྟོན་ཙམ་གྱིས་མཁྱེན། སྲིང་རྫོང་སྒྲུབ་སྡེར་བྱོན་པས་ཞིང་ཁམས་ཤིག་ཏུ་གཟིགས། གུ་གུ་བླ་མ་བསྟན་འཛིན་སྙིང་པོར་སྐྲ་ཕུད་ཕུལ་བས་དགེ་བསྙེན་གྱི་སྡོམ་པ་གནང། གཚན་བསྟན་འཛིན་ཤེས་རབ་བྱ་ཆུང། དག་པའི་སྣང་བ་མང་དུ་ཤར། དགུང་ལོ་བཅུ་དྲུག་པ་ལ་བཀའ་འགྱུར་ཚར་གཅིག་ལྗགས་ཀློག་མཛད། ཉི་སྦྲུལ་རྡོ་རྗེ་འཆང་ཉིད་རྩ་བའི་བླ་མར་བསྟེན་ནས་ཉི་གྲགས་གཏེར་བྱོན་གཙོ་གྱུར་དབང་ལུང་མང་དུ་གསན། དགུང་ལོ་ཉེར་ལྔ་བཞེས་དུས་ཉི་སྦྲུལ་རིན་པོ་ཆེ་མདོ་སྨད་སྡེ་དགེར་ཕེབས་པའི་ཞབས་ཕྱིར་བྱོན་མཆོད་དཔོན་གྱི་ལས་འཛིན་མཛད། དེ་སྐབས་ཆེ་ཡོ་རིག་འཛིན་ཆེན་པོ་དཔའ་བོ་ལས་རབ་རྩལ་གྱི་དྲུང་ནས་ཁོ་རང་གཏེར་ཆོས་ཡོངས་རྫོགས་དབང་ལུང་དཔའ་བོ་ལས་རབ་རྩལ་གྱི་དྲུང་ནས་ཁོ་རང་གཏེར་ཆོས་ཞབས་ཕྱིར་བྱོན་མཆོད་དཔོན་གྱི་ལས་འཛིན་མཛད། དེ་སྐབས་ཆེ་ཡོ་རིག་འཛིན་ཆེན་པོ་དཔའ་བོ་ལས་རབ་རྩལ་གྱི་དྲུང་ནས་ཁོ་རང་གཏེར་ཆོས་ཡོངས་རྫོགས་དབང་ལུང་ཐམས་ཅད་དང། ཆོས་དབང་གི་ཡང་དག་སོགས་གསན། ཁྱོད་ཀྱི་བསྟན་པ་འཛིན་པ་འོང་གསུངས་ནས་དགྱེས་དགྱེས་མཛད། དེ་ནས་སྟག་སྒང་རང་དུ་མཆོག་སྦྲུལ་རིན་པོ་ཆེ་ནས་ཕྱོགས་ཀྱི་བླ་ཆེན་མང་པོ་གདན་ནས་ཆོས་ཀྱི་འཁོར་ལོ་བར་མེད་དུ་བསྐོར་བས། རྒྱ་རོང་སྦྲུལ་སྐུའི་མདུན་ནས་བླ་མ་དགོངས་འདུས་སོགས་ཆོས་ཀ་མང་པོ་དང། རྫོགས་ཆེན་པ་ཚེ་དབང་མདུན་ནས་པད་གླིང་གཏེར་ཆོས་གཙོར་གྱུར་དང། ཟུར་སྦྲུལ་རིན་པོ་ཆེ་ནས་བྱུང་གཏེར་གཙོར་(སྨད་ཆ།༦༤༡)གྱུར་དབང་ཆོས་ཅི་མང་ཞུས། དེ་སྐབས་ཁོ་བོས་ཀྱང་ཉང་གི་དྲག་དམར་སོགས་ཕུལ་བ་ཡིན་ཏེ། ཉིད་ཀྱི་གསུངས་ལས་རིག་འཛིན་རྒྱ་མཚོ་གུ་རུ་བཀྲ་ཤིས་དང། དབོན་སྦྲུལ་བཅས་ནས་དབང་ལུང་མང་དུ་ཞུས། ཞེས་པ་ལྟར་བླ་མ་རྣམས་ནས་དབང་ལུང་མང་དུ་གསན་ཅིང་དབང་དོན་ཉམས་ཀྱི་ར་རི་མང་པོ་ཤར། དེ་སྐབས་ཐང་སྟོང་ལུགས་ཀྱི་ཚེ་སྒྲུབ་ཞིག་མཛད་པའི་མནལ་ལམ་དུ་རི་ཟླུམ་པོ་ཚོགས་ཀྱི་དབྱིབས་ལྟ་བུ་ནང་ཐམས་ཅད་རྩི་དམར་པོའི་ཡེ་གེས་གང་བའི་དབུས་ན་ཆེ་ཡོ་རིག་འཛིན་ཆེན་པོ་ཉིད་ཨོ་རྒྱན་ཟ་ཧོར་མའི་ཆས་ཀྱིས་ཕྱག་གཡས་དུས་གསུམ་ལུང་བསྟན་མང་དུ་སྩལ་ཞིང། ཡང་རིག་བྱེད་མའི་བསྙེན་པའི་སྐབས་སྐྱེ་བ་སྔ་ཕྱིན་མང་དུ་དྲན་ཅིང། ཁྱད་པར་དུ་སྡེ་སྲིང་སངས་རྒྱས་རྒྱ་མཚོ་ཡིན་པར་ཤེས་གསུངས། ཉི་སྦྲུལ་རིན་པོ་ཆེའི་བཞུགས་སྒར་མདོ་སྟོད་དུ་བཏེགས་པ་དང་ལྷན་ཅིག་ཡར་ལམ་ནོར་བུ་རིར་ཆེ་ཡོ་རིག་འཛིན་ཆེན་པོ་མཇལ་དུ་བྱོན་པས། ཐུགས་ཤིན་ཏུ་དགྱེས་པར་མཛད་ནས་ཟབ་མོ་གཏེར་གྱི་སྐབས་ཡོད་ཚུལ་དང་འགྲོ་དོན་རྒྱ་ཆེན་འབྱུང་ཚུལ་དང། དུས་གསུམ་གྱི་ལུང་བསྟན་མང་པོ་སྩལ་ལནས་རྗེས་སུ་བཟུང་བས་སངས་རྒྱས་དངོས་ཀྱི་འདུ་ཤེས་ཀྱི་དད་འདུན་སྐྱེས། དེ་ནས་སྲིན་རྫོང་དུ་ཕེབས་གྲུབ་ནས་གང་ཅིར་མཆོག་སྦྲུལ་རིན་པོ་ཆེས་ཞབས་ཕྱི་དང། དགུང་ལོ་ཉེར་བརྒྱད་ཀྱི་དུས་དཱགས་གོང་སོགས་ཀྱི་གནས་གཟིགས་དང། ལྷག་པར་ཉི་སྦྲུལ་རིན་པོ་ཆེས་བསྐུལ་པ་ལྟར་ཡང་ཀླུང་དོན་མཁར་དུ་རིག་འཛིན་ཆེན་པོ་འཇིགས་མེད་གླིང་པའི་དྲུང་ནས་ཀློང་ཆེན་སྙིང་ཐེག་སོགས་གསན་པས་ལྟ་སྒོམ་རིག་རྩལ་དགོངས་པ་ན་འཕར་ཏེ། ས་ལམ་གྱི་འཆིང་(སྨད་ཆ།༦༤༢)བ་ལས་གྲོལ་ནས་ཀ་དག་རང་བྱུང་གི་རིག་པ་མངོན་དུ་གྱུར། ཕུག་ནག་ཏུ་མཚོ་རྒྱལ་གྱི་ལུང་བསྟན་ཡང་ཡང་བྱུང་ཞིང། དབྱར་མཚོ་དཀར་དུ་བཞུགས་སྐབས་རྣམ་དཔོན་འཁོར་སྟོང་ཕྲག་མངོན་སུམ་དུ་ཞལ་གཟིགས། དེ་སྐབས་དཔའ་བོ་རྔོ་ཡི་ཐོང་བའང་ཕྱག་ཏུ་སོན། འདི་དུས་ཉི་སྦྲུལ་རིན་པོ་ཆེ་བཅད་བརྒྱར་བཞུགས་སྟབས་ཀྱི་རྗེ་འདི་རྒྱལ་ཐེབས་སུ་མངའ་གསོལ་ནས་ནགས་ཤོད་ཕྱོགས་སུ་འབྲུ་ཕུད་བཞེས་པ་དང་ཁྲོམ་ཆོས་དང་འགྲོ་ཕན་གྱི་ཕྲིན་ལས་ཅི་རིགས་བསྐྱངས། དགུན་ཕུར་པའི་བསྙེན་པའི་དུས་སྒྲུབ་ཕུར་བཞད་པ་སོགས་བྱུང། དྲག་པོའི་བསྙེན་པའི་སྐབས་བན་དེ་གཞོན་ནུ་ཞིག་གིས་རི་སཙྪའི་དབྱིངས་ཅན་ཞིག་ལ་ཁྲིད་བྱུང་བའི་བར་ཁང་ཞིག་ན་རིག་འཛིན་ཆེན་པོ་འཇིགས་མེད་གླིང་པ་དེ་ཉིད་ཞལ་ཤར་དུ་གཟིགས་ནས་ཁྲི་ཆེན་པོ་ཞིག་ལ་བཞུགས་འདུག་པའི་མདུན་དེར་ཤེས་དཱངས་པའི་དཀྱིལ་འཁོར་ཞིག་མཇལ་ཞིང་ཕྱག་འཚལ་བས་དེར་བསྡད་པ་དང་ཉི་མ་ཤར་ཞིང་ཕྱག་ན་ཤེལ་རྡོ་རིང་མོ་འཕྱར་ནས་དཀྱིལ་འཁོར་དེ་རྡོར་དབྱིངས་དང། སྐུའི་ནང་ཁྲག་འཐུང་གི་ལྷ་ཚོགས་སུ་བསྟན་བྱུང་བའི་མདོ་ལ་གནས་འགྱུར་ནས་ཨོ་རྒྱན་ནོར་ལྟར་སོང། གྲིབ་སོགས་འཛོམ་དགོས་པའི་ལུང་བསྟན་སྩལ། གཞན་ཡང་སྒྲོལ་དཀར། ན་ག་རཀྴ། འཇམ་དབྱངས་དཀར་པོ། རྣམ་འཇོམས། གུར་བྲག། ཕྱག་རྡོར། དྲག་པོ་རྟ་ཁྱུང་སོགས་ཀྱི་བསྙེན་མཚམས་གནང་སྐབས་བུམ་ཆུ་ལུང་པ། དྲི་བཟང་བྲོ་བ། རྔ་རོལ་མང་པོ་ཐོས་པ། རྒྱལ་འགོང་བསྒྲལ་བ་ཕྱག་འཕྲེང་མེར་འབར་བ། རྟ་འགྲིན་ནག་པོའི་ཞལ་གཟིགས་སོགས་མཚན་རྟགས་ངོ་མཚར་ཅན་མང་པོ་བྱུང་གསུངས། དེ་ནས་སྟག་ཕུ་བློ་བཟང་ཆོས་ཀྱི་དབང་ཕྱུག་གི་དྲུང་ནས།(སྨད་ཆ།༦༤༣)བསྙེན་རྫོངས་བཞེས་ནས་དགེ་སློང་གི་དངོས་པོ་བསྒྲུབས། དཔྱིད་དུས་མཚམས་ལ་བཞུགས་པས་ནུབ་གཅིག་པཎ་ཞཱ་གྱོན་པའི་བན་དེ་སྣུམ་བག་ཅན་ཞིག་གིས། བྱེ་མའི་མཆོག་རྟེན་བརྒྱད་དང་ཤེལ་གྱི་མཆོད་རྟེན་གཅིག་རྣམས་མདུན་དུ་བཞག་སོང་བས། ལག་ཏུ་བླངས་པས་རིམ་བཞིན་བྱེད་མའི་མཆོད་རྟེན་རྣམས་འོད་དུ་བཞུ། ཤེལ་གྱི་མཆོད་རྟེན་དེ་ཁ་རུ་ཐིམ་སོང་བས་བློ་འགྱོད་ནས་ཉར་ཚགས་བྱེད་པ་མ་བྱུང་སྙམ་པ་དང་མནལ་སད། ཉི་སྦྲུལ་རིན་པོ་ཆེར་ཞུས་པས། འདི་ལོར་སྟག་ཕུའི་དགེ་བཤེས་ནས་བཀའ་འགྱུར་གྱི་ལུང་ཞུ་བསམ་པ་ཡིན་པས་ཁྱེད་རང་ཡང་ཞུ་ན་དེ་འདྲའི་ལྟས་འདྲ་ཡིན་ཤས་ཆེ་གསུངས། དེ་ལོར་བཀའ་འགྱུར་གྱི་ལུང་ཞུས་ཤིང་ཚར་གཅིག་བཀླགས་ཀྱང་ནུབ་གཅིག་གཡུ་སྒྲོན་མ་ཡིན་ཟེར་བའི་བུད་མེད་བོད་མོའི་ཆས་བྱས་པ་ཞིག་གི་སྐྱེ་བ་བདུན་ལུང་བསྟན། ཚེ་འཕྲང་ཉམས་གྲིབ་སོགས་འཛེམ་དགོས་ཚུལ་སོགས་བཀའ་ལུང་ངོ་མཚར་ཆེ་བ་མང་པོ་གནང། ཡང་སྐབས་ཤིག་ཆབས་རུའི་འདུ་ཁང་ཤར་གྱི་ཉི་མ་གྲགས་པའི་སྐུ་དེ་ཆེ་ཡོ་རིག་འཛིན་དགོས་ཚུལ་སོགས་བཀའ་ལུང་ངོ་མཚེ་ཆེ་བ་མང་པོ་གནང། ཡང་སྐབས་ཤིག་ཆགས་རུའི་འདུ་ཁང་ཤར་གྱི་ཉི་མ་གྲགས་པའི་སྐུ་དེ་ཆེ་ཡོ་རིག་འཛིན་ཆེན་པོར་སོང་འདུག་པའི་ཞལ་ནས་འདི་ཁྱེད་ཀྱི་ཡིན་ནོ་གསུངས་ནས་གླེགས་བམ་ཞིག་གནང་བྱུང་བ་ཞལ་ཕྱེས་པས་ཤོག་སེར་ལ་གསེར་ལ་གསེར་གྱི་བྲིས་པ་སྐབས་སུ་མཚལ་གྱི་བརྡ་རིས་ཕྲ་མོ་ཡོད་པ་དྲི་བཟང་པོ་བསམ་གྱིས་མི་ཁྱབ་པ་འདུག། མགོ་དེར་སངས་རྒྱས་སྨན་ལྷའི་ཆོས་སུ་འདུག། དེ་འོག་མཚལ་གྱི་བརྡ་རིས་དང། མགོ་དེར་སངས་རྒྱས་སྨན་ལྷའི་ཆོས་སུ་འདུག། དེ་འོག་མཚམ་གྱི་བརྡ་རིས་དང། གཟབ་ཆུང་གཅིག་པ་རྟེན་འབྲེལ་རིམ་པ་གསུམ་དུ་ཡོད་དེ། རབ་ལ་རྫོགས་པ་ཆེན་པོ་ཡོད། འབྲིང་ལ་བསྐྱེད་རིམས་སྐོར་ཆེ་ཡོད། ཅེས་དང། ཏེ་སེར་རོང་ཆེན་གཉིས་ལ་ཡོད། མཁའ་འགྲོ་གར་སྟབས་བྱས་འདྲའི་འོག། བྷ་ག་ཁྲག་གི་ཐིག་པ་ལ། གསེར་གྱི་ཡི་གེ་དུམ་(སྨད་ཆ།༦༤༤)བུ་ཡོད། ཅེས་སོགས་གཟའ་ཆུང་དང་བརྡ་རིས་འདྲེས་པ་ཞིག་འདུག་ཤོག་སེར་དྲི་དེས་ལུས་ཆོས་པ་སྙམ་བྱེད་པ་དང་ཉམས་དེ་ཞག་ཁ་ཤས་བར་མ་བརྗེད་པར་གསལ་པོར་བྱུང་སྣང་སྟེ་གཏེར་གྱི་ཁ་བྱང་ཡིན་པར་འདུག། དེ་ནས་ཉི་གྲགས་གཏེར་བྱོན་བླ་མ་བདེ་མཆོག་གི་བསྙེན་མཚམས་ལ་བཞུགས། ནུབ་གཅིག་མནལ་ལམ་ལ་ཨོ་རྒྱན་རིན་པོ་ཆེ་དངོས་སུ་ཕེབས་ཡོད་ཟེར་། མ་ཡིན་སྙམ་པའི་བུད་མེད་ཅིག་གི་དར་དཀར་གྱི་གཡབ་མོ་དང་བཅས་རྟ་ལ་ཆིབས་པའི་དཔོན་གཡོག་མང་པོའི་དབུས་ན་སྐུ་ཤ་རྒྱགས་ལ་སྒོམ་ཞཱ་བཞེས་པ་དབུས་ཞཱའི་གསེབ་ཏུ་མི་ལ་ཡོད་པ་ཞིག་གིས། བརྩེ་བརྩེ་དུང་དུང་གི་ཚུལ་དུ་ལག་པ་བཟང་གསུངས་གཟན་ཐུ་བཟང་པས་ཤིན་ཏུ་ལྕི་བ་དང་དམར་གྱི་དྲིལ་བ་ཞིག་གནང་བྱུང་ཞིང། འཕངས་པའི་ཚུལ་གྱི་ལན་མང་པོ་གཟིགས་ནས་བོར་ཡོང་གསུངས་པ་རྨིས། གང་ཡིན་ཆ་མ་ཆོད་པར་ཡོད་ཐོཔག་ཉི་སྦྲུལ་རིན་པོ་ཆེར་ཞུས་པས། ད་ལོ་ལྷ་སྡིངས་ཞབས་དྲུང་ཕེབས་རྒྱུ་ཡིན་པས་དེའི་ལྟས་ཡིན་འོངས་གསུངས། ད་ལོ་ལྷ་སྡིངས་ཞབས་དྲུང་རིན་པོ་ཆེ་བྱོན་བྱུང་བས་རྙིང་མ་རྒྱུད་འབུམ་ལུང་དང་ཁྲིད་སོགས་གསན། དེ་སྐབས་ཞབས་པདྲུང་རིན་པོ་ཆེ་འི་མཚན་ལམ་དུ། ཤེལ་གྱི་མཆོད་རྟེན་ཐོག་སོ་གཅིག་ཙམ་ཡོད་པ་ཞིག་གི་བུམ་སྒོར་གསེར་གྱི་ཡེ་གེ་དུབ་ཅན་གྱིས་བྲིས་པའི། རས་ཆུང་རྣམས་སྦྲུལ་ཕྲིན་ལས་ཕྱོགས་མཐར་ཁྱབ། ཞེ་བཞིའི་འཕྲང་དོག་གྱ་བཞིའི་བར་དུ་བདེ། འགྲོ་བ་གདུལ་བྱ་དབུས་ཀྱི་ཕྱོགས་སུ་ཡོད། སྙིང་མ་རྒྱུད་གྱི་བུ་ལ་ཨ་ཐཾ་རྒྱ། ཟེར་བ་འདུག་གསུངས་ནས་ཤིན་ཏུ་དགྱེས་པས་ཕ་བུའི་འདུ་ཤེས་ལྟ་བུ་གནང་བྱུང་གསུངས། ཟླ་བ་བཅུ་དྲུག་ཙམ་ནས་བདེ་མཆོག་བསྙེན་པ་ཡང་ཚར། དེ་སྐབས་བླ་བྲང་ནས་ལྷ་ཁང་ཆེན་མོ་བཞེངས་པའི་ལས་གྲའི་(སྨད་ཆ།༦༤༥)དབུ་ཚུགས་པས། བཞུགས་ས་རི་ཁྲོད་ངེས་མེད་དུ་གནང་སྐབས་སྟག་ཕུ་སྦྲུ་སྐུ་མཇལ་དུ་བྱོན་པས། མཆོག་སྦྲུལ་ཞལ་ནས། མང་དུ་ཐོས་པ་ནགས་ཀྱི་ནང་དག་ཏུ། ལྟར་མི་མངོན་པ་ས་འོག་མ་ཎི་ཀ། སྦས་ཚུལ་ལུང་རྟོགས་མཛོད་འཛིན་ཤེས་རབ་མཚན། སྒྲུབ་པའི་རྒྱལ་མཚན་སྒྲིང་ཁྱོད་དབུས་སུ་བཞུགས། ཞེས་སོགས་དབུས་ཕྱོགས་སུ་བྱོན་ན་ལེགས་ཚོགས་ཆེ་ཚུལ་གྱིས་གསུང་ལྟར་དབུས་ཕྱོགས་སུ་ཕེབས། སྡེ་པ་ཕ་ཇོ་ལྷ་ཁང་པ་སྔར་ནས་ཉི་སྦྲུལ་རིན་པོ་ཆེ་དང་ཡོན་མཆོད་ཡིན་གཤིས་སྣེ་ལེན་འཚམས་སྦྱོར་མཛད་ནས་ཡེར་པར་བཞུགས། ཞེས་སོགས་དབུས་ཕྱོགས་སུ་ཕེབས། སྡེ་པ་ཕ་ཇོ་ལྷ་ཁང་པ་སྔར་ནས་ཡེར་པར་བཞུགས། དེ་ནས་མི་རིང་བར་བོད་ཀྱི་མི་ཆེན་ཆེ་དགུ་ཐམས་ཅད་ཀྱིས་ཞབས་ལ་བཏུད། སླར་ཡང་ཡུལ་ནགས་ཤོད་དུ་ཁྱུག་ཙམ་ཕེབས། སྟག་ཕུ་རིན་པོ་ཆེ་མཇལ། ཆགས་རུ་སྒྲུབ་སྡེ་དང་ནགས་སོགས་རྣམས་སུ་ཁྲིད་ཀྱི་འགྲོ་དོན་བསྐྱངས། འདི་སྐབས་མ་ཁྲོ་འབུམ་དེལ་གྱི་གནས་སྒོ་གསར་ཕྱེས་བྲག་མེ་ལོང་འདྲ་བ་ཞིག་བཤིག་པའི་ནང་ནས་སྒྲུབ་ཕུག་ངོ་མཚར་ཅན་ཆུང་དང་བཅས་པ་བཏོན། ཟབ་གཏེར་ཞིག་ཀྱང་ཕྱག་ཏུ་སོན། སླར་ཡང་ཉི་སྦྲུལ་རིན་པོ་ཆེ་མདོ་སྨད་ནས་ཕེབས་བ)ན། སྲིང་རྫོང་སྒྲུབ་གྲུར་ཉི་སྦྲུལ་རིན་པོ་ཆེ་དབུར་བཞུགས་པའི་བུམ་སྒྲུབ་མྱོང་གྲོལ་ཆེན་མོ་གྲུབ་ཞག་བདུན་བར་ཟས་ཡོན་ཏན་རྒྱ་ཆེར་ཕུལ་བས་སུམ་ཚོགས་པ་སྦྱར་གནང་མཛད། བླ་གྲ་ཐམས་ཅད་ལ་སྐུ་ཡོན་རྒྱ་ཆེར་ཕུལ་བས་ཐུགས་ཀྱི་དགྱེས་པ་བསྐངས། སྦྲེལ་ལོ་ཤར་མཚམས་ནས་རྩ་རིའི་བཞུང་སྐོར་ཆེན་མོར་དཔོན་སློབ་མ་ཉུང་ཙམ་དང་བཅས་ཕེབས། གཞུང་ས་ནས་ཞབས་འདེགས་དང་བཅས། བདུད་རྡོ་སྨན་གྱི་སྒྲུབ་པ་བདུན་ཕྲག་གཅིག་སྒྲུབ། དེ་སྐབས་མི་རོང་ནས་ཟབ་གཏེར་ཞིག་གདན་དྲངས། དེ་ཡང་མཁའ་འགྲོ་བཞིས་རྡོ་ཞིག་(སྨད་ཆ།༦༤༦)བཏེགས་བྱུང་བ་དེ་བཅག་པའི་ནང་ནས་བཀའ་འདུས་ཆེན་མོ་སོགས་ཟབ་ཆོས་གཏེར་རྫས་བསམ་གྱིས་མི་ཁྱབ་པ་བྱོན། དེ་ནས་ལྷ་མོན་བརྒྱུད་ནས་མཁར་ཆུང་ཕེབས་པས་ལོ་ ཆེན་བཻ་རོ་ཙ་ན་དང། ནམ་མཁའི་སྙིང་པོ་སོགས་མཇལ། རླུང་ཆེན་དཔལ་སེང་ལྷ་ལུང་དཔལ་རྡོར་དང། རྡོ་རྗེ་གྲགས་པའི་ཐུགས་ཀྱི་འོད་ཟེར་འཛིན། ཤེས་རབ་མཚན་ཅན་སྦས་པའི་རྣལ་འབྱོར་པ། ཞེས་སོགས་ཀྱི་ལུང་བསྟན་ཤིན་ཏུ་གསལ་བ་མང་པོ་བྱུང། སྐབས་ཤིག་ལྷ་སྡིངས་ཞབས་དྲུང་མཇལ་དུ་བྱོན་པས། རྗེ་དེའི་གཏེར་ལུང་ལས། ཤར་ཕྱོགས་རྡོར་སེམས་རིག་འཛིན་དཔལ་གྱི་སེང། རྡོ་རྗེ་གྲགས་པ་ས་བྱི་ཤེས་རབ་མཚན། ཐུགས་ཀྱི་རྡོ་རྗེའི་རྟགས་མཚན་སྙིང་སྨེ་ནག། ལས་ཀྱི་འཕྲོ་སད་སྐལ་ལྡན་བུ་དེར་སྦྲོད། ཅེས་སོགས་ཀྱི་ལུང་བསྟན་སྩལ། དེ་ནས་དེའི་ཆོས་སྐོར་རྣམས་ལོ་གསུམ་དུ་གསང་རྒྱ་དང་བསྙེན་སྒྲུབ་མཐར་ཕྱིན་མཛད། དབང་ལུང་སོགས་ཕར་ཕུལ་ཚུར་གསན་མང་དུ་མཛད་ཐུགས་ཡིད་གཅིག་འདྲེས་སུ་གྱུར། ཤར་ཕྱོགས་སྦ་ཞེས་གསེར་ཉ་འཁྲིལ་འདྲའི་དབུས། ཞེས་སོགས་ལུང་བསྟན་ཡང་མང་དུ་སྩལ། གཞན་ཡང་འདི་སྐབས་གནས་ཅེན་མང་པོ་བགྲོད་ཅིང་བསྟན་འགྲོའི་བདེ་ཐབས་མང་དུ་བསྒྲུབས། དེ་ནས་གཙང་དང་གངས་རི་སོགས་ལ་ཕེབས་སྐྱོད་གནང། ས་སྐྱ་བ་དང། དཔལ་སྡིངས་སོགས་ཀྱིས་ཞབས་ནས་བཏེགས། སྐུ་རིམ་སོགས་ཐུགས་བཞེད་བཞིན་སྒྲུབ་པར་མཛད། སླར་བོད་དུ་ཕེབས་ནས་ཀུན་བཟང་འོད་ཟེར་དང་ལྷ་སྡིངས་ཞབས་དྲུང་སོགས་ལ་རང་གཏེར་དབང་ལུང་རྣམས་ཕུལ། དེ་སྐབས་གནས་ཆེན་མང་པོར་ཞབས་སྐྱོང་གནང་(སྨད་ཆ།༦༤༧)ནས་བསྟན་འགྲོའི་ཕན་བདེ་སྦྲེལ་ཕྱིར་ལྗགས་བསྙེན་སོགས་གང་ལ་གང་འཚམས་ཀྱིས་འཕྲོ་ཕན་བསྐྱངས། དཔལ་རིང་དགོངས་འདུས་དབང་དང། བསམ་ཡས་དཀོན་གཉེར་ལ་ཀློང་སྙིང་སྐོར་ སོགས། གཞན་ཡང་བཀའ་འགྱུར་སྙིང་རྒྱུད་སོགས་ཀྱིས་རྙིང་མ་བཀའ་གཏེར་དབང་ལུང་ལན་མང་དུ་གནང། ཁྱད་པར་ཆོས་བདག་ལུང་ཟིན། བསྟན་པའི་བདག་པོ་དེ་མོ་རིན་པོ་ཆེ། མདའ་དཔོན་ཕ་ལྷ། ལྕགས་ཟམ་མཁན་པོ། བཀའ་བློན་ཁྲི་སྨོན་པ་སོགས་པ་རང་གཏེར་ཆོས་རྣམས་བཀའ་རྒྱ་གྲོལ་བསྟུན་མང་དུ་ཕུལ། བཀའ་བློན་ཁྲི་སྨོན་ལམ་གཏེར་ཆོས་རྣམས་པར་དུ་བཀོད་པའི་ཞབས་འདེགས་ཕུལ། འདི་སྐབས་ཀྱང་གནས་ཆེན་མང་པོར་ཞབས་པད་བསྐྱོད་ནས་བསྟན་འགྲོའི་བདེ་ཐམས་ལུང་བཞིན་བསྒྲུབས་པའི་ཐུགས་སྩོལ་གང་ཆེ་མཛད། དེ་ལོར་ནོར་བུ་གླིང་ཁར་འཕེལ་གདུང་གི་འགྲོ་དོན་གདུང་ཡིད་བཞིན་གྱི་ནོར་བུའི་དབྱིབས་ཅན་ཕྱི་ནས་འཕེལ་བ་རྣམས་ཀྱིས་འབྲས་ཀྱི་ཕྱུར་བུ་ལྟར་ངོ་མཚར་ཅན། དེ་ལས་མང་དུ་འཕེལ་བ། བཞུགས་ཁང་ཤེལ་གྱི་མཆོད་རྟེན་ངོ་མཚར་ཅན་བཅས་གཏེར་ནས་བཞེས་པ་བྱིན་རླབས་དང་མཇལ་བའི་ཕན་ཡོན་བསམ་གྱིས་མི་ཁྱབ་པ་དེ་ལས་འཕེལ་བ་རྣམས་བདུན་ཕྲག་བདུན་ལྔ་གསུམ་སོགས་ཀྱིས་མཚན་པ། ཕྱག་ན་པདྨོ་རྒྱལ་བ་ལུང་རྟོགས་རྒྱ་མཚོ་དང། རྒྱལ་ཚབ་དེ་མི་རིན་པོ་ཆེ། ལྷ་སྡིངས་ཞབས་དྲུང། ལྕགས་ཟམ་སྦྲུལ་སྐུ། གསང་བདག་ཐུགས་སྲས། རྒྱལ་བའི་བསྐྱེད་བྱེད་ཡབ་ཡུམ་སོགས་ལ་གང་ལ་གང་འཚམས་སུ་ཕུལ་ཞིང། གཞན་ཡང་སྐྱེ་འགྲོ་ཐམས་ཅད་ལ་གང་ཁྱབ་དང། ཆུ་བ་བཏབ་པ་སོགས་འགྲོ་དོན་རླབས་(སྨད་ཆ།༦༤༨)ཆེན་མཛད་ཅིང། ཁྱད་པར་དུ་ཕོ་བྲང་པོ་ཏ་ལའི་ཙེ་མོར་ཐུགས་རྗེ་ཆེན་པོའི་སྒོ་ནས་མཐོང་གྲོལ་ལས་སྦྱོར་མཛད་ནང་མཐོང་ཐོས་ཐམས་ཅད་ཐར་ལས་མཆོག་ལ་གཞོལ་བའི་བཀའ་དྲིན་སྩལ། གཞན་ཡང་དམ་རྫས་མྱོང་གྲོལ་གྱི་འགྲོ་དོན་ལྷོ་བྱང་དཱགས་ཀོང། སོག་པོ་མོན་འབྲུག་ཁམས་གཙང་སོགས་གང་དུ་གང་དུ་ཁྱབ་གང་ཆེ་མཛད། མདོར་ན་གྲུབ་པ་བརྒྱད་དང་ཕྲིན་ལས་རྣམ་པ་བཞི་ལ་དབང་འབྱོར་ནས་བསྟན་འགྲོའི་ཕན་བདེ་སྦྲེལ་བའི་མཛད་པ་གང་ལ་གང་འདུལ་གསང་ལུང་བཞིན་གང་འགྲུབ་མཛད་པ་ཡིན་འདུག་སྟེ་སྨོས་གྱི་མི་ལངས་སོ། གཞན་ཡང་རྟེན་དགེ་སློང་ལ་མཁས་ཤིང་གྲུབ་པའི་ཡོན་ཏན་དུ་མ་དང་ལྡན་པ་ཞིག་སྟེ་གཏེར་ཆེན་ཉིད་ཀྱི་གསུང་ལས། ཤཱཀྱའི་དགེ་སློང་བསྟན་འཛིན་ཤེས་རབ་ཞེས། མིང་གཞན་ཁྲག་འཐུང་བཞད་པའི་རྡོ་རྗེ་དང། གསང་བའི་མིང་ནི་ཀློང་ཆེན་རོལ་བ་སྩལ། མདོ་སྔགས་མ་ཐོས་མེད་པའི་མང་ཐོས་པ། ཉམས་ལེན་མ་བྱས་མེད་པའི་རྣལ་འབྱོར་པ། ངེས་མེད་རི་སུལ་མྱུལ་བའི་རྫོགས་ཆེན་པ། རྟོག་འཇུག་ཀུན་ལ་བྱེད་པའི་རྟོག་གེ་པ། ཞེས་སོགས་གསུངས་པ་དང་རྗེས་སུ་མཐུན་པ། ཁྱད་པར་དུ་ཆོས་ཉིད་ཟབ་མོའི་དགོངས་ཀློང་མངོན་དུ་གྱུར་པས་མཚན་ཡང་ཀུན་གྱིས་བསྒོམ་ཆེན་པ་ཞེས་ཡོངས་སུ་གྲགས་སོ། མེ་ཕོ་བྱི་ལོར་ཉི་གྲགས་མཆོག་སྦྲུལ་དབུས་ཕེབས་ཀྱི་ཤངས་ལེན་དང་གཞེས་ལེན་གྱིས་མཚོན་པའི་ཡོད་དགུ་རྩལ་སྦྲུགས་ལྟ་བུ་མཛད་ཅིང་ལན་གཅིག་མ་ཡིན་པའི་ཞབས་འདེགས་གང་དྲག་ཕུལ་ཞིང། དབང་ཆོས་སོགས་ཕར་འབུལ་ཚུར་ཞུས་སོགས་དང་གཏེར་རྫས་མང་པོ་ཕུལ་ཞིང་ཐུགས་ཡིད་གཅིག་འདྲེས་སུ་གྱུར། དགུན་དེ་རྒྱ་གར་རྩ་མཆོག་(སྨད་ཆ།༦༤༩)གྲོང་དུ་ཞབས་སྐྱོང་གནང་ཞིང་གཏེར་ཆོས་དང་གཏེར་རྫས་མང་པོ་བཞེས་པར་གྲགས། དབུས་ཕྱོགས་སུ་བཀའ་བརྒྱུད་ཆོས་སྡིངས་དང། ཟངས་རིར་ཡང་སྒྲུབ་བ་གྲ་ཞིག་བཏབ་པ་གནང་བ་སོགས་མཛད་དོ། དེ་ལྟར་སྦྲུལ་པའི་གཏེར་ཆེན་འདི་ཨོ་རྒྱན་ཆེན་པོའི་རྣམ་འཕྲུལ་བསྟན་འགྲོའི་ཕན་བདེ་སྦྲེལ་བའི་བྱེད་པོར་ངེས་ཀྱང་སྙིགས་དུས་ཀྱི་སྐྱེ་བོ་ཁ་འཁྱལ་སྨྲ་བ་ངག་གི་སྒྲོ་སྐུར་ལ་ཐུགས་སྐྱོ་བའི་ཚུལ་གྱིས་མེ་གླང་ཟླ་ཚེས་ལ་ཟངས་རིར་དགོངས་པ་ཆོས་དབྱིངས་སུ་ཐིམ་པར་གྱུར་ཏེ་སྐུ་གདུང་གི་ཞབས་འདེགས་སོགས་རྗེས་སྒྲུབ་གང་དགོས་ཐམས་ཅད་རྒྱལ་ཡབ་སྡེ་པ་དང་བསྟན་རྒྱས་གླིང་པ་སོགས་ཀྱི་ཞུས་པ་ཡིན་འདུག་གོ། རྗེ་གཏེར་ཆེན་འདི་ཕྲིན་ལས་ཀྱི་སྒོ་དབུས་ཕྱོགས་སུ་ཕྱེ་སྟེ་བསྟན་པའི་བདག་པོ་དེ་མོ་རིན་པོ་ཆེས་ཏི་ཤཱིར་བཀུར་བ་དང་བོད་ཀྱི་མིི ་ཆེན་ཆ་དགུ་ཐམས་ཅད་ཀྱིས་གཙུག་ཏུ་བཀུར་བས། ཕྱིས་ཚོང་སྲིང་རྫོང་ཕྱོགས་ལ་ཕེབས་གནང་མ་གྲུབ་ཀྱང། ཐོག་མར་སྲིང་རྫོང་སྒྲུབ་གྲའི་གྲ་རྒྱུན་ཡིན་པར་མ་ཟད། ཉི་སྦྲུལ་རིན་པོ་ཆེ་ཉིད་ཀྱིས་མཆོད་དཔོན་ནས་རྒྱལ་ཐེབས་ཀྱི་བར་མ་ཟད། ཉི་སྦྲུལ་རིན་པོ་ཆེ་ཉིད་ཀྱིས་མཆོད་དཔོན་ནས་རྒྱལ་ཐེབས་ཀྱི་བར་དུ་སྐུ་དྲིན་གྱིས་བསྐྱངས་ཤིང་བཀའ་ལུང་དབང་གསུམ་ཐམས་ཅད་སྲིན་རྫོང་རང་ནས་བཞེས་པ་སོགས་ཀྱི་འདིར་འོས་འབྲེལ་ཤིན་རུ་ཆེ་བས་གཏེར་འབྱུང་མདོར་བསྡུས་ཙམ་འདིར་བྲིས་པ་ཡིན་ནོ། སྦྱིར་ཡང་གཏེར་ཆེན་ཆོས་ཀྱི་རྒྱལ་པོ་ཉི་མ་གྲགས་པའི་ཆོས་བརྒྱུད་འདི་ལས་སྦྲུལ་པའི་གཏེར་ཆེན་ཆོས་ཀྱི་རྒྱལ་པོ་ཉི་མ་གྲགས་པའི་ཆོས་བརྒྱུད་འདི་ལས་སྦྲུལ་པའི་གཏེར་སྟོན་ཚད་ལྡན་འགའ་ཞིག་བྱོན་པར་གོར་མ་ཆག་གོ་སྙམ་དུ་སེམས་སོ། གཞན་ཡང་མཆོག་སྦྲུལ་རིན་པོ་ཆེ་དེ་ཉིད་ཀྱི་ཞལ་སློབ་དཔོན་སྦྲུལ་རིན་པོ་ཆེ་ཨོ་རྒྱན་ཉི་མ་དང། གྲུབ་པའི་དབང་ཕྱུག་བསྟན་འཛིན་སྙིང་པོའི་ཡང་སྲིད་འགྲོ་མགོན་ཕྲིན་ལས་བསྟན་དར་དང་བླ་མ་པདྨ་བསྟན་འཛིན་གྱི་ཡང་སྲིད་(སྨད་ཆ།༦༥༠)ཨོ་རྒྱན་ཆོས་རྒྱལ་སོགས་མཁས་པའི་ཡོན་ཏན་གྱིས་མཛེས་ཤིང་གྲུབ་པའི་ཉམས་རྟོགས་དང་ལྡན་པ་བསྟན་པ་རིན་པོ་ཆེ་འཛིན་སྐྱོང་སྦེལ་བ་དང་འགྲོ་ཕན་གྱི་ཕྲིན་ལས་རླབས་སོ་ཆེ་མངའ་བ་འགའ་ཡང་བཞུགས་ཤིང་ཆོས་བརྒྱུད་ནི་དབྱར་མཚོ་ལྟར་ཕྱོགས་ཀུན་ཏུ་དར་ཞིང་རྒྱས་ཏེ་ཆོས་ཀྱི་རྒྱལ་པོ་ཉི་མ་གྲགས་པའི། ཆོས་ཀྱི་བརྒྱུད་འཛིན་དང་གཏེར་ཆོས་ཀྱི་འཕེལ་རྒྱས་བྱུང་ཚུལ་གྱིས་མཆོན་པའི་གདན་རབས་ཀྱི་རིམ་པ་བརྗོད་པ་སྟེ་རེ་ཞིག་དེ་ཙམ་མོ། ཡང་གྲུབ་དབང་རིན་པོ་ཆེ་པདྨ་རིན་འཛིན་དེ་ཉིད་ཀྱི་ཐུགས་སྲས་མཚུངས་པ་མེད་པ་རབ་འབྱམས་པ་ནི། རྫོགས་པའི་སངས་རྒྱས་མྱ་ངན་མེད་ཀྱི་ཐུགས་རྗེའི་སྒྲུབ་ཕྲུལ་འགག་པ་མེད་པའི་རོལ་པ་ལས་འཕགས་པའི་ཡུལ་དུ་གྲུབ་ཆེན་ཧཱུྃ་ཀཱ་ར་དང། བོལ་ཡུལ་དུ་རྗེ་འབངས་ཉེར་ལྔའི་ནང་ཚན་འབྲོག་བན་ལོ་ཙཱ་དང་བསྟན་པ་ཕྱི་དར་གྱི་དུས་སུ་རྔོག་ལེགས་པའི་ཤེས་རབ་དང། གཏེར་སྟོན་ཆེན་པོ་གནམ་ལྕགས་མེད་འབར་དང། རིག་འཛིན་ཆོས་ཀྱི་གྲགས་པ་སོགས་སྐྱེ་བའི་ཕྲེང་བ་ཇི་སྙེད་ཅིག་བརྒྱུད་པའི་མཐར་ངེས་དོན་རྫོགས་པ་ཆེནཔོའི་བསྟན་པ་རིན་པོ་ཆེ་སྦེལ་བའི་ཆེད་དུ་བསམ་བཞིན་དུ་སྐྱེ་བ་བཞེས་པ། རིགས་པ་དང་གྲོལ་བའི་སྦོབས་པ་དགེ་བ་ཅན། འབོམ་དན་གཉིས་འཐུང་འཛོམས་པའི་ལུང་རིགས་སྨྲ་བའི་སེང་གེ་མདོ་རྒྱུད་རིག་གནས་དང་བཅས་པ་ལ་གཞན་དྲིང་མི་འཇོག་པའི་མཁས་པ་ཆེན་པོ། བསྟན་པ་ཡོངས་རྫོགས་ཀྱི་དགེ་བའི་བཤེས་གཉེན་ངེས་དོན་ཟབ་མོའི་ཉམས་རྟོགས་ཀློང་དུ་གྱུར་པའི་རྣལ་འབྱོར་གྱི་དབང་ཕྱུག། ལུང་དང་རྟོགས་པའི་ཡོན་ཏན་དུ་མ་དང་ལྡན་པའི་སྐྱེས་བུ་ཆེན་པོ། རྫོགས་ཆེན་རབ་(སྨད་ཆ།༦༥༡)འབྱམས་པ་ཆེན་པོ་བསྟན་པའི་རྒྱལ་མཚན་དུ་ཡོངས་སུ་གྲགས་པ་སྟེ། འདི་ཉིད་སྐུ་འཁྲུངས་པའི་ཡུལ་ནི་དབུ་རུ་འཕན་ཡུལ་དུ་འབངས་མི་ཁྱིམ་མང་པོའི་བདག་པོ་སྡེ་བ་མཐོན་པོའི་རིགས་སུ་འཁྲུངས། ཁྱིམ་ཐབ་ཀྱི་གྲ་སྒྲིག་ཀྱང་ཐུགས་ལ་མ་བཞེད་ནས་དགུང་ལོ་བཅུ་གསུམ་གྱི་དུས་མཚན་ཉིད་ཀྱི་གྲ་ས་ཆེན་པོ་འབྲས་ཡུལ་སྐྱེད་ཚལ་དུ་བྲོས་ནས་ཆོས་ལ་བྱོན། སྐྱེད་ཚལ་མཁན་པོ་ལས་བསྟན་པ་རིན་པོ་ཆེའི་སྒོར་ཞུགས། ཐུགས་འཛིན་གྱི་བསླབ་སྦྱངས་ཕལ་ཆེར་རྫོགས་པར་མཛད། ཁྱད་པར་སྡེ་བདུན་རྣམས་ངེས་སོགས་མཚན་ཉིད་ཀྱི་གཞུང་མང་པོ་ལ་མཁས་པར་སྦྱངས། དཔལ་འཁོར་ཆོས་སྡེ། རྟ་ནག་ཐུག་བསྟན། གསེར་མདོག་ཅན། ངོར་པ་སོགས་ཀྱི་སྐྱེས་ཆེན་དམ་པ་མང་པོ་བླ་མར་བསྟེན། སྨིན་གྲོལ་གྱི་གདམས་ཟབ་མང་དུ་ཞུས། ཁྱད་པར་ས་སྐྱ་གོང་དུ་རྒྱུད་བཤད་མཛད་པས་དཔལ་ས་སྐྱ་པའི་ལུགས་ལ་མཁས་པའི་གྲགས་པ་ཐོབ། འཇམ་མགོན་ས་སྐྱ་གོང་མ་རིན་པོ་ཆེས་ཀྱང་ཐུགས་རྗེ་གཟིགས་པ་ཚད་མེད་པ་དང། བསྔགས་བརྗོད་དང་དབུགས་དབྱུང་སྩལ། སླང་ཡང་གངས་དན་གྱི་ཁྲོད་ན་ཚད་མ་རིག་པའི་འབྱུང་གནས་གསང་ཕུར་བཞུགས་ཏེ་མཚན་ཉིད་ཀྱི་མཐའ་རྒྱ་ལེགས་པར་བཅད་དེ་ཚད་མ་རིག་པ་ལ་མི་འཇིགས་པའི་གོ་འཕང་བརྙེས། གསང་ཕུ། ར་བ་སྟོད། འབྲས་ཡུལ་སྐྱེད་ཚལ་སོགས་པའི་མཚན་ཉིད་ཀྱི་གྲས་རྣམས་སུ་གྲ་སྐོར་མཛད་ཅིང་པན་གྱིས་མཛེས་པར་མཛད། སེར་འབྲས་དགའ་གསུམ་རྒྱུད་སྟོད་སྨད་སོགས་ཀྱི་ཁྲི་གདན་ཟུར་གྱི་སློབ་དཔོན་ཐམས་ཅད་བླ་མར་བསྟེན་ནས། གསང་བདེ་འཇིགས་གསུམ་གྱི་གཙོས་དཔལ་རི་བོ་འགའ་ལྡན་པའི་བཀའ་(སྨད་ཆ།༦༥༢)སྲོལ་ཕལ་ཆེར་བདག་གིར་མཛད། ཀུན་མཁྱེན་ལྔ་པ་ཆེན་པོའི་སྐུའི་ཞབས་འབྲིང་པ། རྗེ་དེའི་ཞབས་སློབ་ཡོངས་ཀྱི་གཙོ་བོར་གྱུར་པ་དགེ་སློང་འཇམ་དབྱངས་གྲགས་པའི་ཞབས་ཕྱིར་འབྱོར་བས་གྲ་འཁོར་གྱི་ནང་མར་གྱུར། རྗེ་ཐམས་ཅད་མཁྱེན་པ་ལྔ་པ་ཆེན་པོ་དང་གནས་བསྟན་འཇམ་གྲགས་པ་ཡབ་སྲས་གཉིས་ཀ་ནས་གསརེ་རྙིང་གི་ཟབ་གནས་གང་ཆེའི་བཀའ་ཆོས་མང་དུ་གསན་ནས་ཐོས་བསམ་གྱི་སྒྲོ་འདོགས་གཅོད་པར་མཛད་པའི་ཚེ། སློབ་དཔོན་འཇམ་དབྱངས་གྲགས་པའི་ཞལ་ནས་ཁྱོད་སློབ་དཔོན་འཇམ་དཔལ་བཤེས་གཉེན་གྱི་རྣམ་འཕྲུལ་དུ་སྣང་ཞིང་སྔོན་གསར་མ་ལ་མཁས་གྲགས་ཆེན་པོ་ཐོན་འདུག་ཀྱང་ད་ཕྱིན་སྔགས་རྙིང་མའི་རྫོགས་ཆེན་གྱི་རིང་ལུགས་ཆེན་པོ་ཞིག་ཡང་ཚོད་དུ་འདུག་གསུངས་ཏེ། རྗེ་དེ་ལ་མངོན་མཁྱེན་ལ་ཆག་ཐོགས་མི་མངའ་ངེས་ཤེས་བསྙེང་ཅིང་དག་སྣང་ཐོབ། འདི་དུས་གྲུབ་པའི་དབང་ཕྱུག་རྫོགས་ཆེན་པ་ཆེན་པོ་ཡེ་པར་བཞུགས་སྐབས་ཡིན་ཏེ། དེ་སྐབས་གནས་བརྟན་གྱིས་གཅོས་པའི་རྒྱལ་དབང་ཐམས་ཅད་མཁྱེན་པ་ཆེན་པོའི་དྲུང་འཁོར་འགངས་ཆེ་བ་ཕལ་ཆེར་རྫོགས་ཆེན་པ་ལ་ལྐོག་ཆོས་ཞུ་བར་བྱོན་པས་རྗེ་འདི་ཡང་དེའི་གྲར་འབྱོར། ཉམས་ཁྲིད་གསན་པས་ཉམས་རྟོགས་རྩོལ་མེད་དུ་ཏུགས་ལ་འཁྲུངས་པས་ཁྲིད་ཞུ་བ་ཀུན་གྱི་ཡང་རྩེར་སོན། གྲུབ་རིན་པོ་ཆེ་ཡང་ཐུགས་ཤིན་ཏུ་མཉེས་པས་ཐུགས་ཡིད་རོ་གཅིག་ཏུ་འདྲིས། རྗེ་ཉིད་ཀྱིས་ཀྱང་ཆེ་རབས་དུ་མ་ནས་སྨོས་ལམ་གྱི་འབྲེལ་སྔོན་གྱི་བག་ཆགས་བཟང་པོ་སད་ནས། མོས་གུས་ཀྱི་གདུང་བས་འབྲལ་མི་ཕོད་པར་གྱུར། དེ་ནས་གོང་ས་ལྔ་པ་ཆེན་པོའི་བཀས་ལུང་བསྟན་ཏེ་རྫོགས་ཆེན་པ་མདོ་ཁམས་ཕྱོགས་སུ་གཞན་དོན་ལ་བསྐུལ་བར་མཛད་པས། དཔོན་(སྨད་ཆ།༦༥༣)སློབ་གཉིས་ཆར་གྲ་འཁོར་དང་བཅས་པའི་སྒར་མདོ་ཁམས་སུ་བསྐྱོད། ནགས་ཤོད་མཁར་བར་བསམ་གཏན་གྲག་ལ་རྒྱང་ཙམ་ཞིག་བཞུགས། དེ་ནས་རིམ་བཞིན་མདོ་སྨད་དུ་ཆིབས་སྐྱོད་གནང་ནས་ས་སྐྱོང་ཆེན་པོ་སྡེ་དགེའི་མངའ་རིས་ཀྱི་ས་ཡི་ཆ་རུ་དམ་སྐྱིད་བསྐྲམ་ལུང་པ་ཞེས་པའི་སར་ཕེབས་པ་དང་ས་དེར་རྫོགས་ཆེན་པས་བཤད་སྒྲུབ་ཀྱི་སྡེ་ཨོ་རྒྱན་བསམ་གཏན་ཆོས་གླིང་གི་ཆོས་སྡེ་བཏབ་ཅིང་གཙུག་ལག་ཁང་བཞེངས་པའི་ས་འཚོལ་བ་སོགས་གང་ཅིའི་ཞབས་འདེགས་ཕུལ་དུ་ཕྱིན་པར་བསྒྲུབས་པར་མཛད། གྲུབ་དབང་ཉིད་ཕྱོགས་དང་ཕྱོགས་མེད་དུ་བསྟན་པ་སྦེལ་བ་ལ་ས་དགེ་སོགས་ལྟ་གྲུབ་ཕྱོགས་འཛིན་ཅན་གྱི་ཆག་སྡང་གི་ཚེར་མ་སྙིང་ལ་ཟུག་པ་འགའ་ཡིས་ཕྲིན་ལས་ཀྱི་སྒོ་འགེགས་པའི་ཀུན་སློང་མི་ཟད་པས་ལྟར་སྣང་གི་རྩོད་པ་བཙུགས་པ་རྣམས་ཀྱང། རབ་འབྱམས་པ་སྨྲ་བའི་སེང་གེ་འདིས་ལུང་རིགས་ཀྱི་ང་རོ་མཐོན་པོའི་གད་རྒྱང་གིས་ཉེ་འཚེའི་རི་དཱགས་ཕྲ་མོ་དེ་དག་རྨེག་མེད་པར་བཙོམ་པས་བསྟན་པའི་རྒྱལ་མཚན་གཡོ་མེད་དུ་ཚུགས། རྫོགས་ཆེན་རབ་འབྱམས་པ་ཞེས་མཚན་ཉི་ཟླ་ལྟར་གྲགས། སྐུ་བསོད་དང་སྙན་གྲགས་རྒྱས་པས་ཕྱོགས་ཐམས་ཅད་དུ་རྫོགས་ཆེན་པ་གཉིས་པར་གྲགས་འདི་ཡན་བླ་སློབ་འབྲེལ་མེད་དུ་མཛད་ཅིང། སྙིང་ཐིག་ཡ་བཞི་མཛོད་བདུན་ངལ་གོས་སྐོར་གསུམ་དང་གཏེར་ཆེན་མཆོག་གཉིས། ར་གླིང། ཀར་གླིང། འཇའ་ཚོན་སོགས་ཀྱི་དབང་ཁྲིད་གདམས་པ་མཐའ་དག་སྨིན་རྒྱས་སུ་ནོས་ཏེ་དབུས་ཁམས་ཀུན་ཏུ་སྒྲུབ་པ་ཉམས་བཞེས་མཐར་སོན་པར་བསྟར་ཏེ། ཞལ་གདམས་ལེ་ཚན་རེ་ཟུང་གནང་བ་ཡང་རྫོགས་ཆེན་པ་རང་གི་མགུར་འབུམ་དུ་གསལ་ལྟར་ལ། དེ་སྐབས་སྡེ་དགེ་ཁྲི་ཆེན་སངས་རྒྱས་བསྟན་པ་(སྨད་ཆ།༦༥༤)དང། གཉེར་ཆེན་ལྷ་ལུ་སོགས་ཀྱིས་རྫོགས་ཆེན་པ་ཡབ་སྲས་རྣམས་ལ་བཀུར་སྟི་མི་དམན་པར་ཞུས་ཤིང། ཁྱད་པར་སྡེ་དགེའི་བཀས་རབ་འབྱམས་པ་ཁྱེད་རང། སྔོན་རྒྱལ་སྲས་སྦོམ་བྲག་པའི་གདན་ས། དེང་སང་ཁྲ་སྦོམ་བྲག་ཏུ་གྲགས་པ་འདི་དགོན་གོག་ཏུ་སོང་གཤིས། ཁྱེད་རང་དེ་གར་སྒྲུབ་པར་བཞུགས་ན་ལེགས་ཚུལ་ཕེབས་པ་ལྟར། སྒྲུབ་ཁང་གསར་འདེབས་སོགས་མཛད་བྱུང་བ་བཞིན་ལོ་ཤས་སྒྲུབ་པར་མཛད་ནས་བཞུགས་ཀྱང། གྲུབ་མཐའི་ཀུན་སློང་གིས་གྲ་རྒན་ཁ་ཤས་ནས་ཀར་བསྟན་རྙིང་མར་འགྱུར་དོགས་བསམ་སྦྱོར་རྩུབ་མོས་རྒྱུད་བསྐུལ་ནས་ཆགས་སྡང་གསོག་པ་བྱུང་བས། རྩོད་པ་ཅན་གྱི་ཡུལ་སྦངས་ནས་ལྷོ་ཕྱོགས་ཀེ་རྒྱུད་ཀྱི་འབྲོང་ས། ལྷ་ཐོག་སོགས་ཡུལ་མ་ངེས་པ་རྣམས་སུ་ཕེབས་ནས་ཕྱོགས་བྲལ་ཀྱི་གདུལ་བྱ་བསྐྱངས་ཤིང། འབྲེལ་ཐོག་མང་པོ་ཞིག་བྱང་གྲོལ་ལ་བཀོད་པར་མཛད། ལས་འཕྲོ་དང་ལྡན་པའི་སློབ་མ་ཡང་མང་དུ་བྱོན་པས་སློབ་རྒྱུན་ཡང་དུ་མར་འཕེལ་ནས། སླར་འབྲི་རྒྱུད་མཁར་མདོའི་ཕྱོགས་ཀྱི་གཙང་རོ་ཤར་རྫོང་རོ་ཁྲོད་དུ་སྐུ་ཚེ་བསྒྲིལ་ནས་རྩེ་གཅིག་ཏུ་སྒྲུབ་པར་འབད་པའི་དམ་བཅའ་མཛད་ནས་བཞུགས་སྐབས། གྲུབ་དབང་པདྨ་རིག་འཛིན་འོག་མིན་དུ་གཤེགས་པའི་གཏམ་དང། རྗེ་ཉིད་རྫོགས་ཆེན་པའི་གདན་སར་ཕེབས་དགོས་སོགས་སྡེ་དགེའི་བང་མི་འབྱོར་འཕྲལ་རུ་དམ་དུ་ཕེབས་ནས། དཔོན་སློབ་རིན་པོ་ཆེ་དཔོན་གཡོག་གིས་དགོངས་རྫོགས་ཕལ་ཆེར་གྲུབ་ཟིན་ཀྱང་སླར་ཡང་རྒྱ་ཆེར་བསྒྲུབས། དེ་ནས་ལོ་ཤས་དབང་ཁྲིད་སོགས་ཀྱིས་གདུལ་བྱ་སྐྱོང་བ་ཙམ་ལས་གདན་པའི་ཁུར་ལེན་མ་མཛད་པར་འགྲོ་དོན་ཕྱོགས་བྲལ་དུ་བསྐྱངས། འདི་སྐབས་གྲུབ་དབང་རིན་པ་ཆེའི་(སྨད་ཆ།༦༥༥)སྦྲུལ་པའི་ཡང་སྲིད་སོག་པོའི་རྒྱལ་པོ་ཀུན་དགའ་བ་ཅིང་ཞེས་པའི་འབངས་ཞིག་ལ་འཁྲུངས་པ་ངོས་འཛིན་དང་གདན་སར་འཁོད་པའི་ཞབས་འགྱུར་གང་དྲག་ཕུལ་ཞིང། བཀུར་སྟི་དང་ཞུ་མི་དང་དམན་པར་བསྒྲུབས་པར་མཛད། ཤིང་སྦྲེལ་ལོ་དགུང་གྲངས་ལྔ་བཅུ་རྩ་ལྔ་པ་ལ་རྟག་འཛིན་ཅན་རྣམས་ཆོས་ལ་བསྐུལ་བའི་ཕྱིར་འདིར་སྣང་སྦྲུལ་པའི་རོལ་གར་བསྡུས་ཏེ་གཞོན་ནུ་བུམ་སྐུའི་ཀློང་དུ་དགོངས་པ་བསྡུ་བའི་ཚུལ་བསྟན་པ་མཛད་དོ། དམ་པ་དེ་ལ་སྒེར་གྱི་གྲ་ཚང་སྦྱིར་ཉེར་ལྔ་ཙམ་ཡོད་པ་ལས་ཐུགས་སྲས་མཆོག་ཏུ་གྱུར་པ་ཧོར་རུང་པ་ཚ་བ་བླ་མ་པདྨ་རྒྱལ་མཚན། གླིང་ར་རྟགས་བླ་མ་ཨོ་རྒྱན་སྐལ་བཟང་སོགས་རྫོགས་ཆེན་སྙིང་པའི་ཉམས་བཞེས་མཐར་སོན་པས་རང་གཞན་དོན་གཉིས་སྒྲུབ་པར་ནུས་པའི་རྒྱུན་འཛིན་ཉེར་ལྔ་པོ་དེ་རྣམས་ཀྱིས་གོང་མའི་སྐུ་གདུང་མཆོད་རྟེན་སོགས་རྫོགས་ཆེན་དགོན་དུ་བཞེངས་གྲུབ་འཕྲལ། གཏེར་ཆེན་ཉི་གྲགས་ཀྱི་སྒྲུབ་གནས་ཞེ་ཆེན་ཨོ་རྒྱན་ཆོས་རྫོང་གི་ཉེ་འདབས་སུ་སྒྲུབ་སྟེ་གསར་དུ་བཏབ་ནས་སྒྲུབ་པའི་རྒྱལ་མཚན་འཛིན་པའི་ཐུགས་སྲས་ཀྱི་ཐུ་བོ་ཧོར་བླ་མ་དམ་པ་པདྨ་དབང་ཕྱུག་ཅེས་རྫོགས་པ་ཆེན་པོའི་ལྟ་བ་མངོན་དུ་རྟོགས་ཏེ། ལྷག་པའི་ལྷ་དུ་མ་ཞལ་གཟིགས། བདུད་བཙན་ཀླུ་གསུམ་གྱིས་ཅི་བགྱིའི་བཀའ་ཉན་པས་ཕྱག་ཐལ་མོ་བརྡབ་པ་ཙམ་གྱིས་དགྲ་བོ་ཐལ་བར་རླུག་ནུས་པ་སོགས་གྲུབ་པའི་མཚན་མ་མངོན་དུ་གྱུར་པས། དཔོན་སློབ་ནམ་མཁའ་འོད་གསལ་ནས་ཀྱང། རྫོགས་ཆེན་གྱི་ལྟ་སྒོམ་མཐར་ཕྱིན་པ་ལ་ཧོར་བླ་མ་ཁོང་ལས་(སྨད་ཆ།༦༥༦)ལྷག་པ་མེད་ཅེས་བསྔགས་བརྗོད་ལན་དུ་མང་དུ་མཛད་པ་སོགས་མདོར་ན་དམ་པའི་ཡོན་ཏན་མ་ཚང་བ་མེད་པ་དེ་ཀས་གཅོར་མཛད་དེ་བསྐྱེད་རྫོགས་ཉམས་ལེན་གྱི་བྱ་བ་ཁོ་ནས་དུས་འདའ་བར་མཛད་ཅིང། ཕྱིས་སུ་རྡོར་བྲག་པར་འཕྲིན་དང། སྨིན་གླིང་གཏེར་ཆེན་སོགས་ཀྱི་ལུང་བསྟན་པ་ལྟར་རབ་འབྱམས་པའི་སྐུའི་སྐྱེ་སྲིད་རུ་དམ་གཡང་འཁྱིལ་དུ་རྫོགས་ཆེན་མཆོག་སྦྲུལ་རིན་པོ་ཆེའི་གཅུང་དུ་སྐྱེ་བའི་མྱུ་གུ་འཛིན་པར་མཛད་པས། ལྷུམས་སུ་བཞུགས་ཚེ་ཡིག་དྲུག་གི་སྒྲ་སྒྲགས་པ་དང། འཁྲུངས་མ་ཐག་ཏུ་ཚེམས་དཀར་ཤེལ་གྱི་མཆོད་རྟེན་གཅལ་སྩལ་ཞིང། གསུང་བྱེ་བ་ཙམ་ནས་རབ་འབྱམས་པའི་ཡང་སྲིད་དུ་ཞལ་བཞེས་གནང་བ་སོགས་ངོ་མཚར་བའི་མཛད་དུ་མ་སྟོན་ཅིང། དམ་པའི་ཡོན་ཏན་མངོན་གྱུར་དུ་གསལ་བ་ལ་སྨིན་གླིང་ནས་མཚན་འགྱུར་མེད་ཀུན་བཟང་རྣམ་རྒྱལ་དུ་སྩལ་ཏེ་གོང་མའི་བུ་སློབ་རྣམས་ནས་རང་གནས་ཞེ་ཆེན་དགོན་རྙིང་གསང་སྔགས་ཆོས་གླིང་དུ་གདན་དྲངས། གོང་མའི་ཐུགས་སྲས་ཨོ་རྒྱན་སྐལ་བཟང་གིས་གསན་སྦྱོང་སོགས་ཀྱི་དགེ་རྒན་པ་མཛད་དེ། དམ་པ་གིང་མ་ནས་སྩལ་བའི་དབང་ཁྲིད་གདམས་པ་སོགས་རྒྱལ་ཚ་བླ་མ་པདྨ་དབང་ཕྱུག་ནས་ཕུལ་ཞིང། ལོ་ཤས་ནས་བོད་ཡུལ་དབུས་སུ་དུས་ཀྱི་འགྱུར་པས་སྨིན་གླིང་རྒྱལ་སྲས་ཁྲི་ཆེན་རིན་ཆེན་རྣམ་རྒྱལ་ཁམས་འདིར་ཕེབས་སྐབས་རྫོགས་ཆེན་དགོན་དུ་གདན་དྲངས་པའི་ཚེ་ཞེ་ཆེན་དགོན་དུའང་གདན་དྲངས་ནས། མཆོག་སྦྲུལ་དང་བླ་རྒན་སོགས་ཀྱི་གཅོས་དགོན་སྦྱིར་དབང་ལུང་ཁ་ཤས་གནང་ཞིང། དམ་པ་དེ་ཉིད་ནས་ཤེལ་བྲག་གཏེར་བྱོན་དྲེགས་འཛོམས་ཀྱི་ཆོས་བདག་ལུང་བསྟན་ནང་ཚན་ནང་གི་ཆོས་བདག་(སྨད་ཆ།༦༥༧)སྔགས་སྦྱོད་རྣལ་འབྱོར་ལྔ། ཞེས་པའི་ནང་ནས་གཅིག་ཁྱེད་རང་ཡིན་པས་འདི་ཉིད་ཡི་དམ་དུ་མཛད་ན་སྐུ་ཚེ་མཛད་ཕྲིན་ཡར་རྒྱས་སུ་འོང་བའི་ལུང་བསྟན་གྱི་དབུགས་ཕྱུངས་ཏེ། གཏེར་ཆེན་རིན་པོ་ཆེའི་ཕྱག་ཕྲེང་རུ་རཀྴ་བྱིན་ལྡན་ཡང་སྩལ་ཏེ་སྔགས་བརྗོད་རྒྱ་ཆེན་མཛད། སྐུ་ཡོན་སློབ་སྦྱོང་སོགས་ཀྱང་བཀའ་ཚོགས་མ་དགོས་པར་སྐྱེས་ཐོབ་ཀྱི་བློ་གྲོས་ཕུལ་དུ་ཕྱིན་པས་མཁྱེན་རྟོགས་ཀྱི་རྩལ་རྫོགས་པས་མདོ་སྔགས་རིག་ལམ་དང་བཅས་པ་ལ་གཞན་དྲིང་མི་འཇོག་པའི་རྣམ་དཔྱོད་དང་ལྡན་པས་མཁས་པའི་རྩེར་སོན། སླར་ཡང་རྫོགས་ཆེན་མཆོག་སྦྲུལ་ཐེག་མཆོག་བསྟན་འཛིན་གཙོ་བོར་མཛད་དེ་དབུས་ཕྱོགས་དང་ཁམས་ཀྱི་བསྟན་འཛིན་གསར་རྙིང་རིས་སུ་མ་ཆད་པ་དུ་མ་ལས་མདོ་སྔགས་ཀྱི་ཆོས་ཚུལ་མཐའ་ཡས་པ་གསན་ཞིང། ཡི་དམ་དུ་མའི་ལྗགས་བསྙེན་སོགས་ཚད་ལྡན་དུ་བསྒྲུགས་ཤིང་ཉམས་དངོས་གཟིགས་ལམ་སོགས་སུ་རྩ་གསུམ་ལྷག་དུ་མ་དང། ཨོ་རྒྱན་ཆེན་པོ་སོས་ཀྱི་ཞལ་ཡང་ཡང་དུ་བསྟན་ཅིང། ཆོས་སྲུང་ཐམས་ཅད་ནས་ཀྱང་ཕྲིན་ལས་སྒྲུབ་པའི་བརྡ་རྟགས་མངོན་དུ་སྟོན་པ་དང། ཨོ་རྒྱན་ཆེན་པོ་སོགས་ཀྱི་ཞལ་ཡང་ཡང་དུ་བསྟན་ཅིང། ཆོས་སྲུང་ཐམས་ཅད་ནས་ཀྱང་ཕྲིན་ལས་སྒྲུབ་པའི་བརྡ་རྟགས་མངོན་དུ་སྟོན་པ་དང། འཇིག་རྟེན་ན་ཆེ་བར་གྲགས་པའི་དྲེགས་ཚོགས་རྣམས་ཀྱང་བཀའ་ལ་མངོན་དུ་ཉན་ནུས་པ་སོགས་ཞིབ་པར་རྗེ་ཉིད་ཀྱི་དག་སྣང་འཇའ་ཚོན་གྱི་རི་མོའི་རྣམ་འགྱུར་དུ་འཁོད་པ་ལྟར་ཏེ། གཞན་ཡང་འཆད་པ་ལ་རྡོ་རྗེའི་ལྗགས་དང་ལྡན་པས་མདོ་སྔགས་བཀའ་གཏེར་གྱི་ཆོས་སྒོ་ཐ་དག་གི་དབང་ལུང་དག་གི་དབང་ལུང་ཁྲིད་སོགས་ཟབ་གཏེར་གྱི་ཆོས་སྒོ་ཐ་དག་གི་དབང་ལུང་དག་གི་དབང་ལུང་ཁྲིད་སོགས་ཟབ་རྒྱས་ཀྱི་གདམས་པས་གདུལ་བྱ་མཐའ་དག་སྨིན་གྲོལ་ལ་བཀོད་ཅིང། རྩོམ་པ་ལ་ལྷག་པའི་ལྷས་བྱིན་གྱིས་བརླབས་ཤིང་དངོས་གྲུབ་བྱིན་ལྟ་བ་ཚིག་བརླིངས་ཤིང་རྟོགས་དཀའ་བ་ལ་ཉམས་(སྨད་ཆ།༦༥༨)འགྱུར་བརྒྱ་ཕྲག་དང་ལྡན་པ་ཁོ་ན་མཛད་དེ། ཡི་དམ་དུ་མའི་གྲུབ་ཕྲིན་ཆོག་བསྒྲིགས་སོགས་གསུང་རྩོམ་པུ་ཏི་ཀ་དྲུག་གི་གྲངས་ལྡན་དུ་བཞུགས་པ་སོགས། མདོར་ན་མཁས་བཙུན་བཟང་གསུམ་མཁྱེན་བརྩེ་ནུས་གསུམ། འཆད་རྩོད་རྩོམ་གསུམ་སོགས་དམ་པའི་ཡོན་ཏན་དུ་མས་ཀུན་ནས་ཕྱུག་པའི་མཁས་གྲུབ་དམ་པ་སྟེ། ཤིང་སྟག་ལོ་ཞེནཆེན་བསྟན་གཉིས་དར་རྒྱས་གླིང་གི་ཆོས་སྡེ་གསར་དུ་བསྐྲུན་ནས་བཤད་སྒྲུབ་ཀྱི་བསྟན་པ་རྒྱ་ཆེར་སྦེལ་ཏེ། དགུང་གྲངས་ང་བརྒྱད་པ་ས་གླང་ཟླ་༡༠ཚེས་༡༨་དགོངས་པ་ཆོས་དབྱིངས་སུ་ཐིམ་པའི་ཚུལ་བསྟན་པ་སོགས་རྣམ་ཐར་རགས་བསྡུས་ཞེ་རྫོགས་སྐུ་མཆེད་ཐུན་མོང་གི་སློབ་མ་ཕྲོམ་བཟའ་བླ་མ་ངག་དབང་པདྨའི་གསུང་རྩོམ་ཞིག་ཡོང་བར་གྲགས་ཀྱང་ཁོ་བོས་མ་མཇལ་བས་མཛད་པ་མཐར་ཆངས་ཚང་བར་བརྗོད་པར་མ་ནུས་ཤིང། འདི་ཙམ་ནི་རྗེ་ཉིད་ཀྱི་ཡང་སྲིང་རིན་པོ་ཆེའི་ཕྱག་བྲིས་སུ་གནང་འདུག་པར་ཅུང་ཟད་ཚིག་སྣང་བསྲིངས་ཏེ་བྲིས་པ་ཡིན་ནོ། སློབ་མའི་རིམ་པའང་རྒྱལ་ཚབ་མཆོག་སྦྲུལ་པདྨ་གསང་སྔགས་བསྟན་འཛིན་ཆོས་རྒྱལ་དང། སྒོ་མེ་དང་སྐྱ་ཆོས་རྗེ་ཀུན་བཟང་སྙན་གྲགས་རྒྱ་མཚོ། སིབ་སྦྲུལ་ཀུན་བཟང་པདྨ་དབང་རྒྱལ། རྡོ་བ་གྲུབ་ཆེན་ཀུན་བཟང་གཞན་ཕན་སོགས་བླ་རྒྱུད་སྟོད་སྨད། ལྷོ་ཁ་བྱུང་བ་ནི་སྨོས་ཀྱིས་མི་ལངས་ལ། དེ་ནས་གདན་རབས་གཉིས་པ་ནི་དམ་པ་གང་མའི་སྐུ་གསུང་ཐུགས་ཀྱི་རྒྱལ་ཚབ་ཏུ་མངའ་གསོལ་བའི་མཆོག་སྦྲུལ་པདྨ་གསང་སྔགས་བསྟན་འཛིན་ཆོས་རྒྱལ་ནི། གོང་དུ་སྨོས་པ་ལྟར་བླ་མ་པདྨ་རྒྱལ་མཚན་གྱི་ཡང་སྲིད་ཡིན་ཏེ། དེ་ཡང་གྲུབ་དབང་པདྨ་(སྨད་ཆ།༦༥༩)རྒྱལ་མཚན་ནི། དགུང་ལོ་བཅུ་གསུམ་པར་རབ་འབྱམས་པ་བསྟན་པའི་རྒྱལ་མཚན་དང་མཇལ་ཏེ་གཙུག་ཕུད་ཕུལ་བས་མཚན་པདྨ་རྒྱལ་མཚན་དུ་གསོལ། དེ་ནས་བཟུང་དགུང་གྲངས་ཉེར་དགུའི་བར་དུ་བླ་མ་དང་འབྲེལ་མེད་དུ་སྲི་ཞུ་བསྒྲབས་ཏེ། ཕྱིས་རབ་འབྱམས་པ་གཤེགས་རྗེས་སུ་རྫོགས་སྦྲུལ་དོགས་གཅོད་དུ་རྡོར་སྨིན་སོགས་སུ་བྱོན་ཏེ། དམ་པ་དེ་རྣམས་ནས་ཀྱང་སྨིན་གྲོལ་གྱིས་གདམས་པ་ཁ་ཤས་མནོས་ཤིང། རང་ཡུལ་དུ་སླེབས་འཕྲལ་ལྷོ་ཕྱོགས་ཀེ་ཆུའི་རྒྱུད་དུ་གཤངས་ནག་རི་ཁྲོད་ཅེས་པའི་སའི་ཆར་གཞོལ་བ་དང། སྐུ་ཚེ་རིལ་བ་ལ་གསོན་གཤིན་གྱི་དད་རྫས་ཆེར་མི་བཞེས་ཤིང་སྐྱབས་འཇུག་རྟེན་ཕྲན་བུ་བྱུང་བ་རྣམས་ཀྱང་ལོ་ཤས་རེའི་མདོར་ན་དངུལ་ཆུའི་རྡུལ་དང་མི་འདྲེ་བའི་དཔེ་ལྟར་དམ་པ་གོང་མའི་རྣམ་ཐར་ལ་རྗེས་སུ་སློབ་བཞིན་པ་དང། ལྷག་པའི་ལྷ་དུ་མའི་ཞལ་གཟིགས་ཤིང་རྗེས་སུ་འཛིན་པའི་བསྟན་ཡང་ནོས་ནས་རྫོགས་ཆེན་སྣང་བཞིའི་ཉེ་ལམ་མཐར་ཕྱིན་པས་དགུང་གྲངས་དོན་ལྔ་པར་ངོ་མཚར་བའི་ལྟས་དང་བཅས་དཔོན་བླ་མ་སངས་རྒྱས་རབ་བརྟན་ཡང་སྐུ་ཚེ་རིལ་པོར་སྒྲུབ་ལ་རྩེ་གཅིག་ཏུ་བརྩོན་པ་སོགས་གོང་མའི་རྗེས་སུ་སློབ་བཞིན་ནས་ཁུ་བོ་བླ་མའི་ཡང་སྲིང་རིན་པོ་ཆེ་ངོས་འཛིན་ཞབས་ཕྱི་སོཔགས་ཞུ་བ་ལས་གཞན་དུ་ཆོས་བརྒྱད་ཀྱི་འཆིང་བ་དང་བྲལ་བས་རྟོགས་པའི་གདེངས་ཚད་བརྙེད་ཏེ། དགུང་གྲངས་དོན་བདུན་པར་ཞིང་གཞན་དུ་གཤེགས་པའི་ཚུལ་བསྟན་པ་(སྨད་ཆ།༦༦༠)ཡིན་ལ། མཆོག་སྦྲུལ་རྒྱལ་ཚབ་དམ་པ་ནི་འཁྲུངས་ཡུལ་ལྷོ་ཀེ་ཆུའི་རྒྱུད་དུ་ཡོད་གཏེར་ཆེན་མི་འགྱུར་རྡོ་རྗེའི་དབོན་རྒྱུད་དུ་སྐུའི་སྐྱེ་སྲིད་བཟུང་ནས་གྲུབ་དབང་དམ་པའི་ཡང་སྲིད་དུ་རྗེ་ཞེ་ཆེན་མཆོག་སྦྲུལ་དང་སི་ཏུ་ཆོས་ཀྱི་འབྱུང་གནས་ཀྱིས་ངོས་འཛིན་གནང། རྗེ་དཔོན་སངས་རྒྱས་རབ་བསྟན་པས་ཐུགས་རྩ་མཛད་དེ། དགུང་གྲངས་བདུན་པར་རྗེ་ཞེ་ཆེན་པ་ཆེན་པོར་གཙུག་ཕུད་ཕུལ་བས་མཚན་ཀུན་བཟང་བསྟན་པ་རབ་རྒྱས་སུ་གསོལ། དགུང་གྲངས་དགུ་པར་རྡོར་བྲག་རིག་འཛིན་ཆེན་པོ་སྐལ་བཟང་པདྨ་དབང་ཕྱུག་གིས་གསང་སྔགས་བསྟན་འཛིན་ཆོས་རྒྱལ་ཞེས་པའི་མཚན་གསོལ་ཏེ་གནུབ་ནམ་མཁའི་སྙིང་པོ་སོགས་སུ་དག་པའི་སྐྱེ་སྲིད་བཟུང་ཚུལ་དང། བསྟན་འགྲོའི་རྒྱ་ཆེན་འགྲུབ་འགྱུར་གྱིས་ལུང་བསྟན་གནང་བས་དབུགས་དབྱུང་སྩལ། དགུང་ལོ་བཅུའི་བར་དུ་རྗེ་བླ་མར་རབ་འབྱམས་སྦྲུལ་པའིསྐུའི་སྐུ་མདུན་ནས་སྒོ་མེ་དང་སྐྱ་ཆོས་རྗེ། རྡོ་བ་གྲུབ་ཆེན་སོགས་དང་ལྷན་དུ་གཅོ་བོར་མཛོད་ཆེན་བདུན། ངལ་གསོ་སྐོར་གསུམ། ར་གླིང་ཆོས་སྐོར། སྨིན་གླིང་གཏེར་ཆོས་སྐོར། བདེ་གཤེགས་ཀུན་འདུས་སོགས་ཀྱི་དབང་ཁྲིད་དང། རྗེ་རང་གི་བཀའ་འབུམ་ལྗགས་ལུང་སོགས་སྨིན་རྒྱས་སུ་སྩལ་བས་རྗེས་སུ་བཟུང། དགུང་གྲངས་བཅུ་པ་ས་གླུང་ལོར་རྗེས་བླ་མ་དག་པའི་ཞིང་དུ་གཤེགས་སྐབས་སུ་ཀུ་གསུང་ཐུགས་ཀྱིས་བྱིན་གྱིས་བརླབས་ནས་རྣམ་དཀར་ཕྲིན་ལས་ཀྱི་བྱེད་པོར་རྒྱལ་ཚབ་ཏུ་མངའ་གསོལ་ཞིང་དགོངས་རྫོགས་ཀྱི་བགྱི་འོས་མཐའ་དག་གེགས་མེད་དུ་གྲུབ་འཕྲལ། དབུས་ཕྱོགས་སུ་ཆིབས་བསྐྱོད་དེ་སྨིན་གླིང་མཁན་ཆེན་ཨོ་རྒྱན་བསྟན་འཛིན་རྡོ་རྗེ་དང། ཁྲི་ཆེན་འགྱུར་མེད་(སྨད་ཆ།༦༦༡)ཕྲིན་ལས་རྣམ་རྒྱལ་སོགས་ལས་བཀའ་ཆོས་མང་དུ་གསན། སླར་གདན་ས་ཕེབས་ནས་རྗེ་དཔོན་པདྨ་ཀུན་གྲོལ་རྣམ་རྒྱལ་གཙོ་བོར་གྱུར་པའི་ཁམས་བོད་ཀྱི་ཡོངས་འཛིན་ལྔ་བཅུ་ཙམ་བསྟེན་ནས་གསང་སྔགས་བཀའ་གཏེར་གྱི་དབང་ལུང་གདམས་ཁྲིད་སོགས་དཔག་མེད་གསན་རེ་བསྟན་པའི་སྲོག་མཐུད། རིས་བྲལ་གྱི་སྐྱེས་ཆེན་དུ་མས་ཀྱང་བསྔགས་བརྗོད་བཅས་གྲུབ་པའི་དབང་ཕྱུག་ཏུ་ཞལ་བཞེས་གནང་ཞིང། ཕྱོགས་ཀྱི་འདུས་པ་མཐའ་དག་ལའང་མ་འདྲིས་པའི་མཛད་བཤེས་ཆེན་པོ་གྱུར་ཏེ་རྒྱུད་སྨིན་གྲོལ་གྱི་གདམས་པས་སྦྱོད་སྟེ་རྣམ་གྲོལ་གྱི་ལམ་ལ་བཀོད་པར་མཛད། རྒྱལ་འབི་བཀའ་འགྱུར་རོ་ཅོག་སོགས་བཀའ་ལུང་དབང་ཆོས་ཀྱི་རིགས་མཐའ་དག་ལ་སླ་ཆོས་དང་སྲོལ་ངན་དུ་མ་སོང་བར་མཛད། ཨོ་རྒྱན་རིན་པོ་ཆེ་དང། ལྷག་པའི་ལྷ་རྣམས་ཀྱིས་ཀྱང་ཡང་ཡང་ཞལ་གཟིགས་ཤིང་ལུང་བསྟན་མནོས་པ་དང། གཞད་ཡང་ལྔ་བོདོའི་འགྲོ་ལ་སྨན་པའི་སྒྲུབ་གནས་གསར་འབྱོན་གྱི་གནས་སྒོ་འབྱེད་པ་སོགས་བསྟན་འགྲོར་སྨན་པའི་ཐུགས་བསྐྱེད་གཞན་དྲིང་མི་འཇོག་པར་ད་ལྟ་ཡང་ཞལ་མཚོ་ཞིང་གཞེས་པ་འདི་ཉིད་ཡིན་ལ། རྗེ་རབ་འབྱམས་མཆོག་སྦྲུལ་གསུམ་པ་ནི་རྗེ་བླ་མ་དམ་པ་ཆོས་དབྱིངས་སུ་གཤེགས་རྗེས་ལྕགས་སྟག་ལོར་སྣ་ནམ་ཡང་སྲིད་རྡོ་བྲག་རིག་འཛིན་ཆེན་པོ་ཁམས་དར་རྩེ་མདོ་ནས་ཡར་ཐེག་སྐབས་ཞེ་ཆེན་གདན་སར་ཆིབས་སྐྱོད་གནང་དུས། རྗེ་དཔོན་བླ་མ་པདྨ་ཀུན་གྲོལ་རྣམ་རྒྱལ་དང། ཕྱག་མཛོད་བླ་མ་དཀོན་མཆོག་དར་རྒྱས་སོགས་དགོན་པའི་གྲ་སློབ་རྣམས་ནས་རྗེས་བླ་མའི་ཡང་སྲིད་ཀྱི་དོགས་གཅོད་ཞུས་ཚེ། རིག་འཛིན་མཆོག་དེར་རྒྱལ་ཡུལ་ཡེ་ཤེས་མཚོ་(སྨད་ཆ།༦༦༢)རྒྱལ་ནས་ལུང་བསྟན་སྩལ་བར། རིག་པ་འཛིན་པ་རྡོ་རྗེ་ཐོགས་མེད་རྩལ། ཁྱོད་ཀྱི་བསྐྱབ་བྱ་གསང་སྔགས་བསྟན་འཛིན་པ། ཞིང་འདིའི་གདུལ་བྱ་རེ་ཞིག་རྫོགས་ན་ཡང། དགོན་གནས་ཉིད་ནས་འཇལ་བའི་ཤར་ལྷོ་མཚམས། ལུང་པ་ཁ་ལྷོ་ནུབ་བསྟན་པ་ན། རྩི་ཤིང་ནགས་ཚལ་དྲ་བ་འཁྲིགས་པའི་དབུས། པ་མ་པདྨའི་རིགས་སུ་གྱུར་པའི་སྲས། ཡོས་འབྲུག་མཚམས་སུ་འབྱུང་བའི་ངོ་ཞིག་མཆིས། པདྨ་དྲག་པོའི་སྒོ་ནས་སྨིན་གྲོལ་གྱིས། དམ་སྲི་འབྱུང་པོའ་ཚོགས་ལས་རྒྱལ་བར་ངེས། དེ་ཙམ་ཡེ་ཤེས་མཁའ་འགྲོས་གཏམ་འཆའོ། ཞེས་པའི་ལུང་བསྟན་དང་རྗེས་སུ་མཐུར་པར་རྒྱ་རོང་སྒྲུབ་སྡེ་དང་ཉེ་བའི་ཕྱོགས་སུ་ཡབ་རྟ་མགྲིན་ཞེས་པའི་སྲས་སུ་སྐུ་འཁྲུངས་ཤིང། སླར་ཡང་ཡོས་ལོར་དབུས་ཕྱོགས་ནས་ལྕགས་ཟམ་པ་བསྟན་འཛིན་ཡེ་ཤེས་ལྷུན་གྲུབ། སྨིན་གླིང་ཁྲི་ཆེན་པདྨ་བསྟན་འཛིན། རྡོར་བྲག་རིག་འཛིན་ཆེན་པོ་ཡང་བརྟག་ཞུས་ཡང་བསྐྱར་དང། ཁམས་ནས་ཤར་ཆེན་ཀླུ་ལྡིང་རིན་ཆེན་མི་འགྱུར་རྒྱལ་མཚན་སོགས་ཡེ་ཤེས་སྦྱན་གྱིས་ཤེས་བྱའི་ཆོས་ཀུན་མ་འདྲེས་ས་ལེར་གཟིགས་པ་ཐམས་ཅད་ནས་ཀྱང་དམ་པ་གོང་མའི་ཡང་སྲིད་འཁྲུལ་བྲལ་དུ་ལུང་བསྟན་པ་བཞིན་གོང་མའི་གདན་སར་མངའ་གསོལ་ཏེ་རབ་འབྱམས་སྦྲུལ་པའི་སྐུ་རིན་པོ་ཆེའོ་ཆོས་ཀྱི་ཁྲི་ལ་ཞབས་པད་བཀོད་པ་དང་ལྷན་ཅིག་རྫོགས་ཆེན་མཆོག་སྦྲུལ་རིན་པོ་ཆེ་ཨ་ཏི་བསྟན་པའི་རྒྱལ་མཚན་ནས་གཙུག་ཕུད་བཞེས། ཕྱིས་སུ་སྨིན་གླིང་ཁྲི་ཆེན་འགྱུར་མེད་ཕྲིན་ལས་རྣམ་རྒྱལ་ནས་མཚན་རིག་འཛིན་དཔལ་འབྱོར་རྒྱ་མཚོ་ཐུབ་བསྟན་རྒྱས་པའི་ཉིན་བྱེད་དུ་གསོལ་ཏེ། ཡོངས་འཛིན་དམ་པ་རྒྱལ་ཚབ་རིན་པོ་ཆེ་དང།(སྨད་ཆ།༦༦༣)རྫོགས་སྦྲུལ་གསུམ་པ། སྨིན་གླིང་ཁྲི་ཆེན་སྐུ་མཆེད། རྡོར་བྲག་རིག་འཛིན་ཆེན་པོའི་ཡང་སྲིད། ཀུན་མཁྱེན་འཇིགས་མེད་གླིང་པ་དང། ཉི་གྲགས་མཆོག་སྦྲུལ་གསུམ་པ། རྡོ་བ་གྲུབ་ཆེན་ཀུན་བཟང་གཞན་ཕན། ཀ༔ཐོག་པ་ཡབ་སྲས། བཤེས་གཉེན་རིག་འཛིན་བཟང་པོ། རྣམ་འདྲེན་བླ་མ་འཇིགས་མེད་གོ་ཆ་སོགས་དམ་པ་མ་ནས་དབང་ཁྲིད་ཀྱི་གདམས་པ་མཐའ་དག་གནང་ཞིང། བཤད་སྒྲུབ་ཀྱི་བསྟན་པ་ལ་འཛིན་སྦེལ་སྐྱོང་བའི་ཕྲིན་ལས་ལ་གཞན་འགྲན་དང་བྲང་ཞིང། ཁྱད་པར་རང་ལུགས་ཨོ་རྒྱན་སྨིན་གྲོལ་གླིང་པའི་ཕྱག་བཞེས་ལྟར་གྱི་ལོ་སྟར་དུས་མཆོད་ཆེ་ཁག་བཞི་དང། ལོ་ངོ་གསུམ་རེའི་མཚམས་ནས་བཀའ་བརྒྱད་བདུད་རྩོ་ཆོས་སྨན་གྱི་སྒྲུབ་པ་སོགས་ཁུངས་ལྡན་དམ་པའི་ཕྱག་བཞེས་རང་བཟོའི་དྲི་མ་མོས་བཅོས་སླད་ཀྱིས་མ་གྲིབ་པར་གར་ཐིག་དབྱངས་རོལ་སོགས་ཕྱིས་སྦྲོས་བཅས་སླད་ཀྱིས་མ་གྲིབ་པར་གར་ཐིག་དབྱངས་རོལ་སོགས་ཕྱི་སྦྲོས་བཅས་མཆོད་པའི་དུས་མཆོད་ལ་ནང་བསྐྱེད་རྫོགས་དམིགས་པའི་ཏིང་འཛིན་གསལ་ཞིང། གསང་བ་སྦྲོས་བྲལ་ཀ་དག་གི་ལྟ་བར་ལ་ཟློ་ནས་སྒྲུབ་སྡེ་བདེ་ཆེན་པདྨ་འོད་གླིང་རྟེན་བརྟེན་པ་དང་བཅས་པ་གསར་དུ་བསྐྲུན་ཏེ་རྩེ་གཅིག་སྒྲུབ་ལ་གཞོལ་བའི་མི་གྲངས་བཅོ་ལྔ་ཙམ་གྱིས་སྙིང་ཐིག་ཟབ་མོའི་ཉམས་ལེན་ཙ་རླུང་ཐོད་རྒལ་སོགས་ལ་སྦྱངས་པ་གནད་དུ་སྨིན་པར་བྱེད་པ་ལས་རྣམས་ལེན་རྩ་རླུང་ཐོད་རྒལ་སོགས་ལ་སྦྱངས་པ་གནད་དུ་སྨིན་པར་བྱེད་པ་ལས་རྣམ་གཡེང་དང་འདུ་འཛིར་མ་སོང་བའི་སྒྲུབ་གྲ་དངོས་གཙང་བར་བཞེངས་ནས་སྒྲུབ་རྒྱགས་ཀྱིས་མཚོན་པའི་མཐུན་རྐྱེན་གང་དགོས་རྩོལ་སྒྲུབ་མི་དགོས་པར་སྦྱོར་(སྨད་ཆ།༦༦༤)བར་མཛད་པ་དང། ངོ་མཚར་བའི་མཛད་ཕྲིན་དང་གསང་བ་གསུམ་གྱི་ཡོན་ཏན་གྱི་ཕུང་པོ་གཞལ་དུ་མ་མཆིས་པ་རྒྱ་མཚོ་ལྟ་བུ་མངའ་ཡང་གདུལ་བྱའི་བསོད་རྣམས་ཀྱིས་སྐལ་བས་མ་འཁྱོངས་རེ་ཞིག་དག་པའི་ཞིང་དུ་གཤེགས་པའི་ཚུལ་བསྟན་པར་གྱུར་ཏོ། གཞན་ཡང་ཕྱོགས་མཐའི་འདུས་ཚོགས་མཆོག་སྦྲུལ་ཟུང་གི་སློབ་འབངས་སུ་གཏོགས་པའང། གོང་སྨོས་ལྟར་གྱི་རྗེ་དཔོན་སངས་རྒྱས་རབ་བརྟན་གྱི་ཡང་སྲིད་དབོན་སྦྲུལ་འགྱུར་མེད་མཐུ་སྟོབས་རྣམ་རྒྱལ་ལམ། མིང་གཞན་ལྔ་རིགས་སྨྲ་བ་འཇམ་དཔལ་དགྱེས་པའི་བློ་གྲོས་མཚོ་སྐྱེས་བཞེད་པའི་སྒྲ་དབྱངས་སུ་འབོད་པའི་གནས་ལྔ་རིག་པའི་མཁས་པ་ཆེན་པོ་དང། སྒོ་མེ་དང་སྐྱོ་ཆོས་རྗེའི་ཡང་སྲིད་འགྱུར་མེད་བསྟན་པའི་ཉི་མ། ཕུག་དགོན་བླ་མ་རིམ་གཉིས་རྡོགས་པའི་གདེངས་ལྡན་པདྨ་རིན་ཆེན་གྱི་ཡང་སྲིད་འགྱུར་མེད་ངེས་དོན་བསྟན་འཕེལ། སིབ་སྦྲུལ་ཀུན་བཟང་པདྨ་དབང་རྒྱལ་གྱི་ཡང་སྲིད་མཁྱེན་རབ་བསྟན་པ་རྣམ་རྒྱལ། ཀ༔ཐོག་ཉིན་དགོན་བླ་མའི་སྐྱེ་ཕྲེང་བཞི་པ་མཆོག་སྦྲུལ་འོད་གསལ་རྡོ་རྗེའི་སྙིང་པོས་གཅོས་ལྷོ་བྱང་ཀུན་ཏུ་བཤད་སྒྲུབ་ཀྱི་བསྟན་པ་ལ་འཛིན་སྐྱོང་སྦེལ་བའི་སློབ་མ་ནི་བསམ་གྱིས་མི་ཁྱབ་སྟེ་འབྲིར་མ་ལངས་སོ། དེ་ལྟར་ཞེ་ཆེན་བསྟན་གཉིས་དར་རྒྱས་གླིང་གི་གདན་རབས་ཀྱི་ཕྲེང་བ་མདོར་བསྡུས་ཙམ་ཞིག་བཀོད་ཟིན་ཏེ་དེང་སང་ཞེ་རྫོགས་གཉིས་ཞེས་ཕྱོགས་འདིར་གསང་ཆེན་རྙིང་མའི་བསྟན་པའི་རྩ་ལག་གཞན་འགྲན་དང་བྲལ་བར་ཡོངས་སུ་གྲགས་ཤིང་གྲུབ་ལ། དེ་ག་ལས་འཕྲོས་པའི་བཤད་སྒྲུབ་ཀྱི་སྡེ་མང་པོ་གསར་འཕེལ་དུ་མས་ཕྱོགས་ཐམས་ཅད་གང་བར་གྱུར་ཏེ་ཐམས་ཅད་ནི་བརྗོད་པར་མི་ནུས་ཏེ་གྲུབ་(སྨད་ཆ།༦༦༥)དབང་རྫོགས་ཆེན་པ་ཆེན་པོའི་ཆོས་ཀྱི་ཕྲིན་ལས་དང་བསྟན་པའི་འཕེལ་རྒྱས་བྱུང་ཚུལ་རགས་པ་ཙམ་ཞིག་བྲིས་པ་རེ་ཞིག་དེ་ཙམ་མོ། སྡེ་དགེ་རིན་པོ་ཆེའི་གདན་རབས་མདོར་བསྡུས་བརྗོད་པ། གདན་འཇིག་རྟེན་གྱི་ཁམས་རྣམས་སུ་ཕན་པ་དང་བདེ་བའི་དངོས་པོ་ཇི་སྙེད་པ་ཐམས་ཅད་ནི་སངས་རྒྱས་ཀྱི་བསྟན་པ་རིན་པོ་ཆེ་འབའ་ཞིག་ལས་འབྱུང་བ་ཡིན་ཏེ། དེ་ཉིད་ཡུལ་དུ་གནས་པ་དང་འཕེལ་ཞིང་རྒྱས་པ་ནི་བསྟན་པའི་རྩ་ལག་ཆོས་ཀྱི་རྒྱལ་པོ་རྣམས་ལ་རག་ལས་པ་སྟེ། དེ་ཡང་བོད་ཆེན་པོའི་ལྗོངས་འདིར་སྟོབས་ཀྱི་དཔུང་བས་རྒྱལ་པའི་བསྟན་པ་འདེགས་པ་ལ་སྟོབས་འབྱོར་གྱིས་ཁེངས་པའི་རྒྱལ་ཕྲན་གཞན་སུས་ཀྱང་འགྲན་དུ་མི་བཟོད་པ་ནི་ས་སྐྱོང་ཆོས་ཀྱི་རྒྱལ་པོ་སྡེ་དགེ་རིན་པོ་ཆེ་ཉིད་ཡིན་ལ། དེ་ཡང་གདུང་བརྒྱུད་རིན་པོ་ཆེ་བྱོན་ནོ་ཅོག་ཐམས་ཅད་དཀོན་མཆོག་གསུམ་བླ་མར་བྱེད་པ་དང། རིས་མེད་པའི་བསྟན་པ་ལ་སྲི་ཞུས་མཆོད་པ་དང། ཆབ་འབངས་བྱམས་པས་སྐྱོང་བ་དང། ཅི་མཛད་ཐམས་ཅད་ཆོས་ཀྱི་བྱ་བ་ཁོ་ན་མཛད་པས་ཆོས་ཀྱི་རྒྱལ་སྲིད་ཆེན་པོ་ལ་མངའ་དབང་འབྱོར་ཞིང། ཁྱད་པར་གསང་ཆེན་རྙིང་མའི་བསྟན་པའི་རྩ་ལག་གཅིག་ཕུ་པར་གྱུར་པས་འདིར་ཡང་གདུང་རབས་ཀྱི་ཕྲེང་བ་ཇི་ལྟར་བྱོན་པའི་ཚུལ་མདོར་བསྡུས་ཙམ་ིག་བརྗོད་པར་བྱ་སྟེ། དེ་ཡང་ཐོག་མར་བོད་འདིར་མིའི་འགྲོ་བ་ཆགས་ནས་རིང་ཞིག་ན། ཤར་མི་ཉག་བཞག་དཀར་པོའི་རི་ཙེ་ལ་སྟེང་འོད་གསལ་གྱི་ལྷ་ཞིག་བབས་པ་ལས་མི་རྣམས་ཀྱིས་གནམ་ནས་བབས་པས་མཚན་མགར་གནམ་ཚ་འབྲུག་ཅེས་བཏགས་པས། དེའི་བརྒྱུད་པ་མགར་བླ་མཁྱེན་ཆེན་(སྨད་ཆ།༦༦༦)པོ། དེའི་སྲས་མགར་སྟོང་མེས་ཁྲི་ཆགས། དེའི་སྲས་མགར་སྟོང་བཙན་ཡུལ་བཟུང་ངམ་ཆོས་བློན་རིག་པ་ཅན་དུ་གྲགས་པ་སྟེ། འཕགས་པ་སྦྱན་རས་འཟིགས་རྒྱལ་པོའི་ཚུལ་དུ་སྦྲལ་པ་སྲོང་བཙན་སྒམ་པོའི་དུས་མེད་ཐབས་མེད་པའི་བློན་པོ་བཞིའི་ཡ་གྱལ་ཕྱག་ན་རྡོ་རྗེའི་སྦྲུལ་པ་འཕྲུལ་བློན་རིག་པ་ཅན་འདི་དང། འཇམ་པའི་དབྱངས་ཀྱི་སྦྲུལ་པ་ཐོན་མི་སམྦྷོ་ཊ་གཉིས་ཀྱི་རྒྱ་བལ་ནས་འཕགས་མ་རྣམ་གཉིས་དང། ཇོ་བོ་རྣམ་གཉིས་སོགས་སྦྱན་དྲངས་ནས་བོད་ཁམས་ཀྱིས་འགྲོ་བ་རྣམས་དཀར་པོ་དགེ་བའི་ལམ་ལ་བཀོད་པས་དུས་དེར་བཅས་པ་མང་པོ་དངོས་སུ་ཞལ་འཛོམ་པའི་དུས་ཡིན་ཞིང། ཆོས་བློན་འདི་ཉིད་ཀྱིས་རྒྱ་ཡུལ་སོགས་སུ་རིག་པའི་འཕྲུལ་ཡ་མཚན་པ་མཛད་པའི་ཚུལ་ལྷ་མི་ཀུན་ལ་དེང་སང་གི་བར་དུ་གཏམ་རྒྱུད་དུ་གནས་པ་འདི་དག་བྱུང་ཞིང། འདིའི་སྲས་བཙན་པོ་ཡོན་ཏན་རྒྱལ་བཟུང་ནས་ལྷ་གཅིག་སྙན་ལྡབ་བུ། ཁྲི་ཟངས་དུམ་བ། འདི་ལ་སྲས་གཅིག་ཀྱི་མགར་ཨ་མྱེ་དགེ་བ་དཔལ་ནི་འོག་འཆད་འགྱུར་གྱི་སྡེ་དགེའི་གདུང་རབས་ཀྱི་ཐོག་མའི་གྱེས་མཚམས་ཡིན་ཞིང། དེའི་མཆེད་ཡ་ཁྲི་གཉེར་ཁྲི་ལྕགས་ནས་རིམ་པར་བརྒྱུད་པ་ནི་ཚལ་པ་ཁྲི་དཔོན་རྣམས་བྱུང་བ་ཡིན་ཏེ་ལོ་རྒྱུས་གཞན་ཡང་དུ་ཤེས་སོ། མགར་ཨ་མྱེ་དགེ་དཔལ་གྱི་སྲས་ལྷ་རྗེ་བྱམས་པ་དཔལ་ཏེ་འདི་ཉིད་ཕྱིས་སུ་ཁམས་ལ་ཕེབས་ཏེ་འདན་གྱི་བྲག་ར་གླིང་ཆེན་དུ་གདན་ཆགས་(སྨད་ཆ།༦༦༧)པ། དེ་ནས་བཟུང་གདུང་བརྒྱུད་ཁམས་ཕྱོགས་སུ་ཆགས་པ་ཡིན། དེའི་སྲས་མགར་དཔལ་གྱིས་ཡོན་ཏན། དེའི་སྲས་མགར་དཔལ་གྱི་ཕུར་བུ། དེའི་སྲས་མགར་དཔལ་གྱི་འབྱུང་གནས། དེའི་སྲས་མགར་དཔལ་གྱི་ཤེས་རབ། དེའི་སྲས་མགར་དཔལ་གྱི་བཀྲ་ཤིས། དེའི་སྲས་མགར་དཔལ་གྱི་བླ་མ། དེའི་སྲས་མགར་དཔལ་བཀྲ་ཤིས་བླ་མ། དེའི་སྲས་མགར་ཡོན་ཏན་བླ་མ། དེའི་སྲས་མགར་ཤེས་རབ་བླ་མ། དེའི་སྲས་མགར་བྱང་ཆུབ་བླ་མ། དེའི་སྲས་མགར་གྲགས་པ་རྒྱལ་མཚན། དེའི་སྲས་མགར་དཀོན་མཆོག་རྒྱལ་མཚན། དེའི་སྲས་མགར་དགེ་འདུན་རྒྱལ་མཚན། དེའི་སྲས་མགར་བྱམས་པ་རྒྱལ་མཚན། དེའི་སྲས་མགར་ཡེ་ཤེས་རྒྱལ་མཚན། དེའི་སྲས་མགར་དཔལ་གྱི་བྱམས་པ་ཕྱི་མ། དེའི་སྲས་མགར་དཔལ་འབུམ། དེའི་སྲས་མགར་དཔལ་གྲགས། དེའི་སྲས་མགར་དཔལ་གྱི་རྡོ་རྗེ། དེའི་སྲས་མགར་དཔལ་གྱི་བསོད་ནམས། དེའི་སྲས་མགར་དཔལ་གྱི་ེརྩེ་མོ། འདི་ནས་བཟུང་དེ་མ་ཤོད་དེ་མ་མདོ་ཟེར་བ་འདིར་བཞུགས་གཞིས་ཆགས་པ་ཡིན། དེའི་སྲས་བསོད་མས་འབུམ་མམ་མགར་ཆེན་ཡེ་ཤེས་བཟང་པོ། དེའི་སྲས་དངུལ་སྐུ་རུ་སྟེའིའ་ནས་དངུལ་སྟོང་དཔོན་དུ་གྲགས། དེ་ནས་ཀྱང་རིམ་བཞིན་སྟོང་དཔོན་ཟླ་བ་བཟང་པོ། རྒྱལ་བ་བཟང་པོ། པདྨ་བསྟན་སྲུང། དཀར་ཆེན་བྱང་ཆུབ་འབུམ།(སྨད་ཆ།༦༦༨)བདེ་ཆེན་བསོད་ནམས་བཟང་པོ་འདི་ནས་སྡེ་དགེའི་མཚན་ཐོབ། སྡེ་དགེ་བོ་ཐར་རམ་བཀྲ་ཤིས་སེང་གེ། རྒྱལ་མཚན་འབུམ་ནམ་མཁའ། ལྷུན་ཐུབ། ཀླུ་འཕེལ། ཨོ་རྒྱན་བཀྲ་ཤིས། དབང་ཆེན་མགོན་པོ། ཆོས་རྒྱལ་བསྟན་པ་ཚེ་རིང། ཁྲི་ཆེན་བློ་གྲོས་རྒྱལ་མཚན་ལྕམ་དྲལ། སའི་ཚངས་པ་ས་དབང་བཟང་པོ། དེང་སང་གི་ལྷ་སྲས་མིའི་ཉི་མ་རིན་པོ་ཆེ་མཆེད་ལྕམ་དྲལ་ཡན་ཆད་ཆོས་བློ་མགར་རིག་པ་ཅན་ནས་བཟུང་སྟེ་གདུང་རབས་བཞི་བཅུ་ཞེ་ལྔ། དེ་དག་སོ་སོའི་སྐུ་མཆེད་སེར་སྐྱ་སོགས་ཀྱི་རྣམ་གྲངསདང་སྐུ་ཆེ་བའི་མཛད་ཕྲིན་སོགས་སོ་སོའི་སྐུ་མཆེད་སེར་སྐྱ་སོགས་ཀྱི་རྣམ་གྲངས་དང་སྐུ་ཆེ་བའི་མཛད་ཕྲིན་སོགས་སོ་སོར་བརྗོད་དུ་མ་ལངས་ཤིང། མགར་ཆེན་ཡེ་ཤེས་བཟང་པོས་མཛོ་དྲུག་གི་སའི་ཆ་བདག་གིར་མཛད་དེ། དེའི་སྲས་གཉིས་ཀྱི་བསོད་ནམས་རིན་ཆེན་གྱིས་འགྲོ་མགོན་ཆོས་རྒྱལ་ཕགས་པ་ཞབས་པད་བསྟེན་ནས་གསོལ་དཔོན་གྱི་ལས་ཀ་བཟུང། གོང་མ་སེ་ཅེན་གན་གྱིས་ཐམ་ག་དང་འཇའ་ས་སོགས་བྱིན་ཏེ་ཆེན་པོའི་གོ་སར་དབང་བསྐུར། སྐུ་ཚེའི་སྨད་ལ་ས་དམར་ཡང་དགོན་དུ་ཚོགས་པ་སྟོང་ཕྲག་ཙམ་བསྐྱངས། དེའི་དཔོན་པོ་རྡུ་རྒུ་རུ་ལ་སྲས་དགུ་བྱུང་བའི་ནང་ནས་སྟོང་དཔོན་ཟླ་བ་བཟང་པོ་ཞེས་པ་ལ་གོང་མ་མཆོད་ཡོན་གྱིས་ས་དམར་སྟོང་དཔོན་གྱིས་ལས་ཀ་གནང་བས་མངོན་པར་མཐོ། དེའི་སྲས་གཉིས་ལས་རྡུ་རྒྱལ་བ་བཟང་པོའི་སྲས་པདྨ་བསྟན་སྲུང། དེའི་སྲས་དཀར་ཆེན་བྱང་ཆུབ་འབུམ། དེའི་སྲས་རྡུ་ཆོས་རྡོར་བ་ནི་གསང་ཆེན་རྙིང་མའི་གྲུབ་ཐོབ་ཆེན་པོར་གྱུར། དེའི་མཆེད་ཡ་དགེ་འདུན་རྒྱལ་མཚན་གྱི་སྲས་མགོན་པོ་གཟུངས་སོགས་ལས་བརྒྱུད་དེ་དེང་སང་གི་བར་དུ་ས་དམར་ཕྱོགས་སུ་ཡོད་(སྨད་ཆ།༦༦༩)ལ། དཀར་ཆེན་བྱང་ཆུབ་འབུམ་གྱི་སྲས། བདེ་ཆེན་བསོད་ནམས་བཟང་པོ་ཞེས་པ་ཡུམ་འདས་པའི་དགོངས་རྫོགས་བསྒྲུབ་པར། ཀ་ཐོག་རྡོ་རྗེ་གདན་དུ་བྱོན་ནས་ཕྱིར་མ་བྱོན་པས། མཆེད་གཞན་གྱིས་སླར་འགུགས་པར་བཏང་རྩིས་ལ། རྗེ་ཆོས་རྡོར་གྱིས་ཁོ་པས་ཀྱང་འོང་བ་མི་ཡོང་མོད། འོན་ཀྱང་ཁོ་རང་ས་བཙན་གྱི་གོང་བ་བཟུང། སྡེ་ཆེན་གྱི་དཔོན་པོ་བྱེད་དེ། བརྒྱུད་པ་རྗེ་བཟང་དུ་འགྲོའི་ལུང་བསྟན་མཛད། བདེ་ཆེན་བསོད་ནམས་བཟང་པོ་དེ་ཉིད་རིམ་གྱིས་ལྕས་ར་ན་གླིང་ཆེན་པ་བདག་དྲུང་གི་སྦྱན་སྔར་འབྱོར་ཏེ་ནང་བློན་དུ་གྱུར། སྡེ་དགེ་ཞེས་པའི་མཚན་ཡང་འདི་སྐབས་ཙམ་ནས་བྱུང་བར་གྲགས་ཏེ། སྡེ་དགེ་ཞེས་པའི་མཚན་ཡང་འདི་སྐབས་ཙམ་ནས་བྱུང་བར་གྲགས་ཏེ། ཆེན་པོ་བདག་དྲུང་གིས་བློན་ཆེན་འདི་བྱུང་ནས་སྡེ་དང་བསྟན་སྲིད་ལ་དགེ་བར་གྱུར་པས་མིང་ཡང་སྡེ་དགེར་བཏགས་ཟེར་ཏེ་མཚན་འདི་ནི་གནམ་གྱིས་བྱིན་པར་གྲགས། དེ་ལ་སྲས་བཞི་བྱུང་བའི་གཉིས་པ་བཀྲ་ཤིས་སེང་གེའམ་བོ་ཐར་དུ་གྲགས་དཔེ་གླིང་དབོན་ལས་བུ་མིའི་རིན་དུ་བྲིས་རྒྱུད་ཐམས་ཅད་གཡི་ཐབས་ཀྱི་བླངས་ཏེ་ཁྱབ་འཇུག་གི་སྒྱུ་ཐབས་ལ་འགྲན་བར་མཛད། གྲུབ་ཆེན་གྱིས་དངུལ་མདའི་བསུབས་ནས་དེར་གཙུག་ལག་ཁང་རྟེན་དང་བརྟེན་པར་བཅས་པ་བཞེེངས་ཏེ། ཆོས་སྡེ་ཆེན་པོ་དཔལ་ལྷུན་གྲུབ་སྟེང་དུ་གྲགས་པ་འདིའི་བསྟན་པའི་རྨང་ཐོག་མར་ཚུགས། གཚུག་ལག་གཉིས་ཀའི་རྟེན་འབྲེལ་གྱི་སྒོ་ལྷུན་གྲུབ་ཏུ་འགྲིགས་པར་གྱུར། དེའི་སྲས་གཉིས་ལས་བླ་མ་དཔལ་ལྡན་སེང་གེས་སྔར་གྱི་གཙུག་ལག་ཁང་ཡོད་པའི་ཉིན་རེའི་ཕྱོགས་སུ་འདུས་སྡེ་བཙུགས་(སྨད་ཆ།༦༧༠)ལ་དེང་སང་ཉིན་དགོན་དུ་གྲགས། ཅིག་ཤོས་རྒྱལ་མཚན་འབུམ་ལ་སྲས་བཞི་བྱུང་བའི་ཨ་སྔ་ཟེར་བ་ལ་སྲས་བདུན་ཙམ་བྱུང་བའི་ཇོ་ལྡན་ནམ་མཁའ་ལྷུན་བཟང་གིས། རྡོ་རྗེ་འཇིགས་བྱེད་ལ་ཐུགས་དམ་ནན་ཏན་དུ་མཛད་པས། ཉེ་འཁོར་བ་རྣམས་ཀྱིས་རྡོ་རྗེ་འཇིགས་མེད་བྱེད་དུ་མཐོང་བ་དང། བཟླས་པ་དུང་ཕྱུར་གྲུབ་པའི་ཚེ་ལྗགས་ཐོག་ཏུ་ལྕགས་ཀྱི་རིལ་དུ་རང་རྡོལ་དུ་བྱུང་བ་སོགས་གྲུབ་པའི་མཚན་ལ་བརྙེས། དེའི་མཆེད་ཡ་རྒྱལ་འཕེལ་ལ་སྲས་གསུམ་བྱུང་བའི་སྡེ་དགེ་ཀུན་དགའ་རིན་ཆེན་ནི་ལྷུན་གྲུབ་སྟེང་གི་བླ་བྲང་གི་ལྷ་ཁང་བཞེངས་པ་སོགས་སྐུ་བསོད་རྒྱས། བསྙེན་བསྒྲུབ་གནང་བའི་ཚེ་གཟིམས་ཁང་ཐམས་ཅད་མེའི་ཕུང་པོར་གྱུར་པ་ཐམས་ཅད་ཀྱིས་མངོན་སུམ་དུ་མཐོང་བ་བྱུང། དེའི་གཅུང་དཔོན་ནམ་མཁའ་དང་རྡོ་རྗེ་ལྷུན་གྲུབ་གཉིས། སྔ་མའི་སྲས་ལྷུན་ཐུབ། དེ་ལ་སྲས་དྲུག་བྱུང་བའི་དང་པོ་ནི་རིག་འཛིན་རྒོད་ལྡེམ་གྱི་སྦྲུལ་པའི་ཟློས་གར་དུ་གྲགས་པ་གུབ་ཐོབ་ཀུན་དགའ་རྒྱ་མཚོ་སྟེ། འདིས་གསང་སྔགས་གསར་རྙིང་སྦྱི་དང། ཁྱད་པར་དུ་སྔགས་རྙིང་མའི་ཆོས་ཀྱིས་གྲུབ་པའི་མཚན་མ་བརྙེས། ཁྱད་པར་དུ་སྔགས་རྙིའི་མའི་ཆོས་ཀྱིས་གྲུབ་པའི་མཚན་མ་བསྙེས། སོག་ཟློག་པ་དང་རིག་འཛིན་འཇའ་ཚོན་སྙིང་པོ་སོགས་བསྟེན། འཇའ་ཚོན་པས་ལུང་བསྟན་པ་བཞིན་བསྟན་པ་བཞིན་བསྟན་སྲིད་རྒྱས་པའི་འགོ་ཚུགས། ལྐོག་གྱུར་གྱི་གནས་ལུང་སྟོན་པ་དང། སྣང་བ་བདེན་མེད་དུ་གཟིགས་པས་ས་མཁྲེགས་ཀྱི་རྡོ་བ་འདམ་ལྟར་རྗི་བ་དང། འབྱུང་པོ་གདུག་པ་ཅན་མང་པོ་འདུལ་བ་སོགས་ངོ་མཚར་གྱི་མཛད་པ་སྣ་ཚོགས་ལྷུན་གྲུབ་བམ། འཇིག་རྟེན་གྱི་མེས་པོ་བླ་ཆེན་བྱམས་པ་ཕུན་ཚོགས་ཞེས་པ་དེས་སྔོན་གྱི་བསོད་ནམས་ཀྱི་ལས་ཤུགས་ཆེས་ཆེར་བདེ་(སྨད་ཆ།༦༧༡)བས་ཆབ་སྲིད་སྐྱོང་བའི་བྱ་བ་གཙོ་བོར་མཛད་ཅིང། རྫོང་སྒོ་བཅོ་བརྒྱད་ཕྱག་ཏུ་བཞེས། འབངས་མི་ཁྱིམ་སུམ་ཁྲི་དྲུག་སྟོང་དང། རིས་མེད་ཀྱི་ཆོས་སྡེ་མང་པོའི་བདག་པོར་གྱུར། ས་སྐྱའི་ལྷ་ཁང་གཡེར་མོ་ཆེ་ལ་དཔེ་བླངས་ནས་གཙུག་ཁང་བསམ་འགྲུབ་མཐོང་གྲོལ་བཞེངས་ངོར་མཁན་ཆེན་དཔལ་མཆོག་རྒྱལ་མཚན་སྦྱན་དྲངས་པ་སོགས་མཛད་པ་རྒྱ་ཆེ་སྟེ་བླ་ཆེན་དཔལ་མཆོག་རྒྱལ་མཚན་སྦྱན་དྲངས་པ་སོགས་མཛད་པ་རྒྱ་ཆེ་སྟེ་བླ་ཆེན་འདི་ནས་གདན་རབས་ཀྱི་ཐོག་མར་འཛིན། ལྔ་པ་བླ་མ་ཀརྨ་བསམ་འགྲུབ་ཀརྨ་ཀམ་ཚང་གི་གྲུབ་མཐའ་འཛིན་པ་ཞིག་སྟེ་དཔོན་ཀླུ་འཕེལ་གྱི་བྱམས་པ་ཕུན་ཚོགས་སྐུ་གཤེགས་ནས་གདན་ས་གཉིས་པ་མཛད་ཀྱང་སླེབས་རྒྱང་མི་ཆེ་ཙམ་བྱུང། དེ་རྗེས་གདན་ས་གསུམ་པ་དཔོན་ཆེན་ཀརྨའི་སྲས་ཆེ་མཆོག་གིས་ལ་ཤས་ཤིག་མཛད། དེ་ནས་གདན་ས་བཞི་པ་དཔོན་ཀླུ་འཕེལ་གྱི་ཟུར་སྲས་ཀམ་བཟའ་ལྷུ་གུར་འཁྲུངས་པའི་གཏེར་ལུང་འགའ་ཞིག་ནས་ཅོག་རོ་ཀླུའི་རྒྱལ་མཚན་གྱི་སྦྲུལ་པའི་ཟློས་གར་དུ་བཤད་པའི་སའི་ཚངས་པ་ཁྲི་ཆེན་སངས་རྒྱས་བསྟན་པ་ནི། ཆོས་སྲིད་གཉིས་ཆར་གྱི་མཁྱེན་སྒོ་དང་སྐུ་བསོད་འགྲན་ཟླ་མེད་པར་གྱུར་ཅིང། བླ་ཆེན་གྱིས་རྗེས་སུ་བསྟ་སྲིད་ལ་བར་གསེང་ཅུང་ཟད་ཀྱིས་ཕྱིར་གྱེས་པ་ལྟ་བུའི་ས་སྨད་སྒང་དཔལ་སྦོ་ལུ་སོགས་མང་པོ་ཤིག་སླང་ཡང་མངའ་ཞབས་སུ་ཚུར་འདུས་ཤིང། ཕྱོགས་ཐམས་ཅད་མངའ་ཐང་གྲུབ་བཞི་ལམ་མེ་བ་བྱུང། རྙིང་ལུགས་ཀྱི་དོན་གནས་མངའ་གྲུ་བཞི་ལམ་མེ་བ་བྱུང། རྙིང་ལུགས་ཀྱི་དགོན་གནས་མང་པོའི་ཉམས་གསོ་མཛད། གྲ་སར་བྱོན་སྐབས་ས་སྐྱ་བདག་ཆེན་(སྨད་ཆ།༦༧༢)ངག་དབང་ཀུན་དགའ་བཀྲ་ཤིས་ཀྱི་སྐུ་སྐེད་ནས་མགུལ་ཕུར་བཏོན་ནས་ཁྲི་ཆེན་བླ་མ་འདི་ལ་གནང་ཡང་སྟེ་འདིའི་རྟེན་འབྲེལ་ཁྱོད་ལ་ཡོད་གསུངས་པ་བཞིན། ས་ལུགས་ཀྱི་ཕུར་བསྟོད་ལས་སྨད་ལས་སྒྲུབ་མཆོད་ཆམས་དང་བཅས་པ་གདན་ས་གོང་དང་ཁྱད་པར་མེད་པ་འདི་བཙུགས། རུ་ངམ་རྫོགས་ཆེན་དགོན། འཛིན་སྟག་མོ་དགོན། དཔལ་ཡུལ་རྣམ་རྒྱལ་བྱང་ཆུབ་གླིང་སོགས་རིས་མེད་ཀྱི་ཆོས་སྡེ་མང་པོ་བཏབ། ངོར་མཁན་རབས་ཉེར་བཞི་པ་ཐམས་ཅད་མཁྱེན་པ་སངས་རྒྱས་ཕུན་ཚོགས་དང་རྟ་ནག་མཁན་ཆེན་བཟང་པོ་རྒྱལ་མཚན། ཀ༔ཐོག་ཀློང་གསལ་སྙིང་པོ་རྫོགས་ཆེན་པདྨ་རིག་འཛིན། གཏེར་ཆེན་ཉི་མ་གྲགས་པ་སོགས་ཕྱོགས་བྲལ་གྱི་སྐྱེས་ཆེན་དུ་མ་གཙུག་གི་རྒྱན་དུ་བསྟེན་ཅིང། རྒྱལ་སྲིད་ཆོས་བཞིན་དུ་བསྐྱངས་པས་སངས་རྒྱས་ཀྱི་བསྟན་པ་དང། སེམས་ཅན་གྱི་བདེ་སྐྱེད་ལ་སྐུ་རིན་བསམ་གྱིས་མི་ཁྱབ། དེ་རྗེས་ཁྲི་རབས་ལྔ་པ་བླ་མ་བསོད་ནམས་ཕུན་ཚོགས་ཀྱིས་ཆོས་སྲིད་ཉམས་པ་མེད་པ་སྔར་བཞིབ་བསྐྱབས། འདི་སྐབས་རྒྱལ་པོ་ལྷ་བཟང་གིས་ཁོ་རང་གི་བུ་རྒྱལ་དབང་དྲུག་པའི་སྐུ་ཡིན་ཟེར་ནས་མཚན་ཡེ་ཤེས་རྒྱ་མཚོ་བཏགས་ཏེ་ཁྲི་འདོན་ཚེ་བའི་སྐབས། རྒྱལ་བ་སྐལ་བཟང་རྒྱ་མཚོ་ལི་ཐང་དུ་སྐུ་འཁྲུངས་པ་ཐོས་པས། ལྷ་བཟང་གིས་ཨུར་སྐེ་ཇུ་ནང་གཡོག་དང་བཅས་ལི་ཐང་དུ་རྒྱལ་དབང་སྦྲུལ་སྐུ་བཀྲོང་བ་ལ་བཏང་བས། རྒྱལ་དབང་དཔོན་གཡོག་རྒྱལ་ཁབ་འདིར་བྲོས་ཚུལ་གྱིས་བྱོན་པར་ཞབས་ཕྱི་ཞུས་ཏེ། རྒྱ་བོད་ཀྱི་གཙུག་ཏུ་བཀོད་པས་གཞང་དགའ་ལྡན་ཕོ་བྲང་དང་འབྲེལ་ཟབ་ཆེ་བ་འདི་ནས་བྱུང། གདུང་རབས་ཞེ་གཉིས་དང་ཁྲི་རབས་དྲུག་པ་ཆོས་རྒྱལ་བསྟན་པ་ཚེ་རིང་ནི། ས་གནས་ཀྱི་བྱང་སེམས་སྐྱེས་ཆེན་(སྨད་ཆ།༦༧༣)དམ་པ་ཞིག་མའི་རྗེ་བོར་སྦྲུལ་ནས་བྱོན་པ་སྟེ། འདི་ཉིད་ཀྱིས་བསྟན་པ་དང་སེམས་ཅན་ལ་ཕན་པའི་ཕྲིན་ལས་དང་མཛད་པའི་ལོ་རྒྱུས་ཡེ་གེ་སོགས་ལ་མ་ལྟོས་པར། ངོ་མཚར་བའི་ཕྱག་རྗེས་ཕལ་བའི་བློ་ལ་མི་ཤོང་བ་ཐམས་ཅད་ཀྱིད་མིག་གི་སྦྱོད་ཡུལ་དུ་བསྐལ་པའི་བར་དུ་གསལ་བ་འདི་རྣམས་བརྗོད་མ་དགོས་ཤིང། སོག་པོ་ཨོ་རང་རྒྱལ་པོ་འཇམ་དབྱངས་གོང་མ་ཆེན་པོ་གཡུང་ཅིང་གི་དཔུང་གིས་མིང་མེད་དུ་བརླགས་ནས། མདོ་ཁམས་སྨད་ཕྱོགས་ཀྱི་སྡེ་དཔོན་ཁོད་སྙམས་ལ་གོང་མ་ཆེན་པོའི་ཁེ་རྩེ་འཛིན་ཅིའུ་ཏཱ་ལོ་ཡེས་ཕེབས་པར། ཆོས་རྒྱལ་འདི་ཉིད་ཀྱི་མཛད་པ་འདི་ཕྱིའི་རྣམ་དཀར་གྱིས་དགེ་བ་རྒྱ་ཆེན་ལ་རྗེས་སུ་ཡི་རང་བའི་ཚུལ་འཇམ་དབྱངས་གོང་མ་ཆེན་པོའི་གསེར་སྙན་དུ་དངས་པས་མདོ་ཁམས་སྨད་ཕྱོགས་ཀྱི་དཔོན་པོ་ཆེ་ཤོས་ལ་གསེར་སྙན་དུ་དང་པས་མདོ་ཁམས་སྨད་ཕྱོགས་ཀྱི་དཔོན་པོ་ཆེ་ཤོས་ལ་བསན་ཡུ་སིའི་ཐམ་ཀས་དབང་བསྐུར། གན་གོས་ཡུག་བརྒྱ་དང། དངུལ་སྲང་སྟོང་ཕྲག་གི་གནང་སྦྱིན་སོགས་ལུང་དང་ལག་རྟགས་འགྲན་ཟླ་མེད་པས་ཕྱོགས་ཐམས་ཅད་ལས་རྣམ་པར་རྒྱལ་བ་བྱུང། དེར་མ་ཟད་ཅིའུ་ཏཱ་ལོ་ཡེས་ཀྱིས་འདམ་སོགས་ལ་སྐྱེ་བོ་ཡན་ཆད་རང་དབང་བསྒྱུར་ཆོག་པའི་བཀའ་ཕེབས་ཀྱང། སྔར་ཕན་གྱི་རང་སྲིད་ཀྱིས་ཆོག་ཤེས་མཛད་ནས་བདག་གིར་མ་མཛད། འོན་ཀྱང་དགེ་རྩེ། ཁྲོམ་ཐར། ལྷོ་ཁོག་སོགས་འབྲོག་སྡེ་དང་དཔོན་ཆུང་མང་པོ་མངའ་ཞབས་སུ་འདུས། གཏེར་ཆེན་ཉི་མ་གྲགས་པ། དཔལ་རི་རིག་འཛིན་ཀུན་བཟང་འདོ་ཟེར། རྫོགས་ཆེན་འགྱུར་མེད་ཐེག་མཆོག་བསྟན་འཛིན་སོགས་དང། ངོར་མཁན་ཆེན་བཀྲ་ཤིས་ལྷུན་གྲུབ་དང། ཡར་ལུང་དཔོན་རིན་པོ་ཆེ་ངག་དབང་ཀུན་དགའ་ལེགས་པའི་འབྱུང་གནས། ཀུན་མཁྱེན་བསྟན་པའི་ཉིན་བྱེད་སོགས་(སྨད་ཆ།༦༧༤)དབུའི་མཆོད་གནས་སུ་བཀུར་ནས་བཟང་ཆོས་མང་དུ་གསན། མཛད་པ་ཐམས་ཅད་ཀྱི་གཙོ་བོ་ནི་དམ་པའི་ཆོས་ཁོ་ན་ལ་ཐུགས་རྩེ་གཅིག་བརྣགས་པས། ཐུགས་དམ་རྒྱུན་གྱི་ཉམས་བཞེས་ཀྱང། དཀར་ཆ་བཞི། གཏོར་མ་བརྒྱ་རྩ། ལམ་ཟབ། ལམ་འདུས། ནཱ་རོ་མཁའ་སྦྱོད། ཐུགས་རྗེ་ཆེན་པོ་དང་ཕྱག་ཆེན་ཟུང་འབྲེལ། སྒྲོལ་དཀར། བྲག་རྫོང་མ་རྣམས་ཀྱིས་བསྒོམས་བཟླས་དང། ཉི་གྲགས་གཏེར་བྱོན་དྲག་ཁྲོས་བསྐྱེད་ཟླས་བཀའ་སྲུང་དམ་ཅན་གཏོར་བསྔོ་བཅས་དང། ཐུན་མཚམས་རྣམས་སུ་དཀོན་མཆོག་རྗེས་དྲན། ཡན་ལག་བདུན་པ། བླ་བརྒྱུད་གསོལ་འདེབས་རིགས། ཉིན་རེར་འཇམ་དཔལ་མཚན་བརྗོད་ཚར་བདུན་རེ། གང་བློ་མ་ཉེར་གཅིག་རེ། སྒྲོལ་བསྟོད་ཕྱག་འཚལ་ཉེར་གཅིག་ཚར་ཉི་ཤུ་རྩ་གཅིག། ཤེར་སྙིང་ཚར་དགུ་རེ་དང་གཞན་ཡང་གཟུངས་སྔགས་བསྔོ་སྨོན་གྱི་རིགས་དང་ཕྱག་བསྐོར་སོགས་ཆག་མེད་དང། ཞལ་ཐོག་ནས་མ་ཎི་དུང་ཕྱུར་གཅིག་དང། འཇིགས་བྱེད་ཀྱི་ཡིག་བཅུ། མགོན་པོའི་ཡིག་བདུན། སེང་གདོང་མིའི་བསྙེན་པ་རྣམས་དུད་རེ་རེ། གཞན་ཡང་གོང་དུ་སྨོས་པའིི་བདག་བསྐྱེད་ཆག་མེད་རྣམས་ཀྱི་སྙིང་པོ་བྱེ་བ་ས་ཡ་དུ་མ་སོང་བ་བརྗོད་ཀྱིས་མི་ལངས་ཤིང། གཙུག་ལག་ཁང་བསམ་འགྲུབ་མཐོང་གྲོལ་གྱི་རྒྱ་ཕིབས་གསེར་གྱི་རྒྱལ་མཚན་གསེར་འཕྲུ་སོགས་དུ་མ་དང། གཞན་ཡང་གཙང་ཨི་ཝ་ཆོས་ལྡན་གྱི་གླིང་པ་སྦྱི་ཁང། ལྷུན་གྲུབ་སྟེང་གི་ལྷ་དཔྱད་ཁང་གསར་པ་མགོན་ཁང་ཤར་བདུད་དཔུང་ཟིལ་གནོན་རྟེན་དང་བརྟེན་པར་བཅས་པ། པར་ཁང་ཆེན་མོ་གཙུག་ལག་ཁང་མགོན་ཁང་དང་བཅས་པ། ལྕགས་རའི་འདུ་ཁང་རྒྱལ་མཚན་བཅས། གཞན་ཡང།(སྨད་ཆ།༦༧༥)ཛམ་ཐོག་དགོན། ཡེ་ན། རབ་བསྟན། དུམ་མདོ། སྦོམ་འཛོང། སྒོ་ལེན་སྟེང། རྣམ་རྒྱལ་གླིང། ལྡན་དྲན་ཐང། དཔལ་དཔུངས་སོགས་སུ་གཙུག་ལང་ཁང་བཅུ་བདུན། ལྷུན་གྲུབ་སྟེང་དུ་གསེར་ཟངས་ལས་བསྒྲུབས་པའི་སངས་རྒྱས་བྱང་སེམས་རྩ་གསུམ་ཆོས་སྲུང་གི་སྐུ་བསྟན་བཟོ་བཀོད་དུ་མས་ཁྱད་པར་འཕགས་པ་སུམ་བརྒྱ་ལྔ་བཅུ་ཙམ་དང། ཙནྡན་དཀར་དམར་ལས་བསྒྲུབས་པའི་སངས་རྒྱས་སྟོང་གི་སྐུ་བརྙན་ཚར་གཉིས་གསེར་སྲང་སུམ་བརྒྱས་བསྒྲུབས་པའི་ཙནྡན་གྱི་བདེ་གཤེགས་མཆོད་རྟེན་བརྒྱད་ཐོག་ཚད་རེ་ཡོད་པ་བཟོ་བཀོད་ཁྱད་པར་འཕགས་པ། གསེར་བྲིས་ཀྱི་བཀའ་འགྱུར། དངུལ་བྲིས་ཀྱི་བསྟན་འགྱུར་དང། བཅོམ་ལྡན་འདས་དུས་ཀྱི་འཁོར་ལོ་བུ་སྟོན་ལུགས་ཀྱི་སྒྲུབ་མཆོད་གསར་བཙུགས་ཀྱིས་མཚོན་པའི་སྒྲུབ་མཆོད་དུ་མ་ལོ་ལྟར་འཛུགས་པ་དང། བསྟན་སྲིད་ཀྱི་རིམ་གྲོར་དཔལ་རི། རྡོར་བྲག་སོགས་ནས་ཀྱང་བླ་མ་རེ་གདན་སྲོལ་དང། ཁྱད་པར་དུ་ཆོས་ཀྱི་སྦྱིན་པ་དང། བསྟན་པའི་བཙས་སུ་དགོངས་ནས། ཁྱད་པར་དུ་ཆོས་ཀྱི་སྦྱིན་པ་དང། བསྟན་པའི་བཙས་སུ་དགོངས་ནས། རྒྱལ་བའི་བཀའ་འགྱུར་རིན་པོ་ཆེ་པོ་ཏི་བརྒྱ་དང་གསུམ། ས་སྐྱའི་བཀའ་འབུམ་པོ་ཏི་བཅོ་ལྔ། གཞན་ཡང་འདོན་ཆོག་སྐོར། རྣམ་བཤད་ཆོས་འབྱུང། བླ་བརྒྱུད་རྣམ་ཐར་སོགས་པོ་ཏི་དྲུག་ཅུ་སྐོར་གྱི་བར་དང། བསྟན་འགྱུར་རིན་པོ་ཆེའི་བར་གྱི་ཐོག་མ་ནས་པོ་ཏི་ཉི་ཤུ་ཙམ་གྱིས་དབུ་ཚུགས་ཤིང། བསྟན་འགྱུར་བར་གྲུབ་མཚམས་ནས་ཆོས་ཡིན་ཐམས་ཅད་ཀྱིས་ལྷ་ཁང་བརྒྱ་དང་བརྒྱད་བཞེངས་པའི་དམ་བཅའ་མཛད་དེ། མདོར་ན་སངས་རྒྱས་ཀྱི་བསྟན་པའི་བྱ་བ་ལ་བསྟན་འཛིན་གྱི་སྐྱེ་བུ་རྣམས་ཀྱ་ིཀྱང་འགྲན་ཟླ་མེད་པ་ཡིན་ནོ། ཆོས་རྒྱལ་དེ་ཉིད་ཀྱི་སྲས་འབྲིང་པོ་ཁྲི་རབས་བདུན་པ་(སྨད་ཆ།༦༧༦)ཁྲི་ཆེན་བླ་མ་ཕུན་ཚོགས་བསྟན་པའམ་བླ་ཆེན་ཀུན་དགའ་ཕྲིན་ལས་རྒྱ་མཚོ་ནི། འཕྲལ་གྱི་བློ་རྒྱ། སྙིང་ཤེད། གསུང་བརྗོད་སྒྱུ་རྩལ་མཐའ་དག་ལ་ཆོས་བློན་རིག་པ་ཅན་སླར་ཡང་བྱོན་པ་ལྟ་བུའི་མཚན་གྱི་སྙན་གྲགས་ཀྱི་ཟིལ་གྱིས་ཀྱང་ས་ཆེན་པོ་གཡོ་ཞིང་འདར་ནུས་པའི་ལས་དབང་བཙན་པོའི་སྟོབས་དང་ལྡན་པ་སྟེང་གསར་རྙིང་རིས་མེད་ཀྱི་བླ་མ་མང་པོ་བསྟེན། གཙོ་ཆེར་ངོར་ཨེ་ཝ་པའི་རིང་ལུགས་མཛད། ཡབ་རྗེ་ཆོས་ཀྱི་རྒྱལ་པོའི་རྟེན་བཞེངས་ཀྱི་འཕྲོ་སྦྱི་དང། ཁྱད་པར་བསྟན་འགྱུར་རིན་པོ་ཆེ་ཏི་ཉིས་བརྒྱ་དང་བཅུ་གསུམ་གྱི་པར་མཐར་ཕྱིན་པ་དང། གཞན་ཡང། རྒྱལ་པོ་བཀའ་ཆེམས། པདྨ་བཀའ་ཐང། ཐང་ཡིག་སྡེ་སྔ། བཻ་ཌཱུ)་དཀར་སྔོན། གཡའ་སེལ། ལྷན་ཐབས། སྙན་འགྲེལ་སོགས་པོ་ཏི་སུམ་ཅུ་སྐོར་གྱི་བར་བཞེངས་པ་སོགས་རྣམ་དཀར་གྱི་མཛད་པ་བློ་ལས་འདས་ཤིང་དེ་རྗེས་ཁྲི་རབས་བརྒྱད་པ་ཆོས་རྒྱལ་བློ་གྲོས་རྒྱ་མཆོ་ནི་ཕྱིའི་དགྲ་ལ་བློ་ཤིང། དེ་རྗེས་ཁྲི་རབས་བརྒྱད་པ་ཆོས་རྒྱལ་བློ་གྲོས་རྒྱ་མཚོ་ནི་ཕྱིའི་དགྲ་ལ་བློ་ཤེད་ཆེ་ཞིང། ནང་གི་མི་ལ་སྙིང་ཉེ་བ་གཙུག་གི་མཆོད་གནས་ཀྱང་དཔལ་ས་སྐྱ་པ་འཇམ་མགོན་ངག་དབང་ཀུན་དགའ་བློ་བྲོས་སྐུ་མཆེད། ཐང་ཙེ་མཁན་ཆེན་ནམ་མཁའ་བསམ་འགྲུབ། ཐམས་ཅད་མཁྱེན་པ་དཔལ་ལྡན་ཆོས་སྐྱོང། ཤར་ཆེན་རྡོ་རྗེ་འཆང་རིན་ཆེན་མི་འགྱུར་རྒྱལ་མཚན། ཞུ་ཆེན་མ་ཧཱ་པཎྜི་ཏ་ཚུལ་ཁྲིམས་རིན་ཆེན། མཁས་དང་གྲུབ་པའི་ཁྱུང་མཆོག་ཀརྨ་སི་ཏུ་བསྟན་པའི་ཉིན་བྱེད། སྔ་འགྱུར་བསྟན་པའི་སྲོག་འཛིན་རྫོགས་ཆེན་པ་འགྱུར་མེད་ཐེག་མཆོག་བསྟན་འཛིན། རྒྱལ་བ་ཀ༔ཐོག་པ་དྲི་མེད་ཞིང་སྐྱོང་མགོན་པོ། རིག་འཛིན་ཉི་མ་གྲགས་པའི་སྦྲུལ་སྐུ་པདྨ་ཐེག་མཆོག་བསྟན་པའི་རྒྱལ་མཚན་སོགས་གུས་པས་བསྟེན་ཅིང། གསར་རྙིང་རིས་མེད་(སྨད་ཆ།༦༧༧)པའི་ཟབ་ཆོས་རྒྱ་མཚོ་ལྟ་བུ་གསན། གསེར་ཟངས། བ་སོ། ཙནྡན་སོགས་ལས་སངས་རྒྱས་བྱང་སེམས་སོགས་ཀྱི་སྐུ་བརྙན་ཁྱད་མཚར་བརྒྱ་ཕྲག་མང་པོ་དང། ཁྱད་པར་གཟིམ་ཆུང་གསར་པའི་ལྷ་ཁང་དུ་གསེར་ཟངས་ཀྱི་གྲུབ་ཆེན་བརྒྱུད་ཅུ། ཐུབ་པ་གནས་བརྟན་གཙོ་འཁོར། སྒྲོལ་མའི་སྐུ་སོགས་ཁྲི་རྒྱབ་ཡོལ་གཞུགས་ཁང་བཅས་བཟོས་བཀོད་ཡིད་འཕྲོག་པ་མང་པོ་དང། རྒྱལ་བའི་བཀའ་འགྱུར་རིན་པོ་ཆེ། མཐིང་ཤོག་ལ་གསེར་ཞུན་མས་བྲིས་པ་དང། སླར་ཡང་ངེས་དོན་སྙིང་པོའི་མདོ་རྣམས་དང་སཻས་རྩིན་སྐོར་རྣམས་སོགས་གསུང་རབ་མང་པོ་གསེར་དངུལ་གྱིས་བྲིས་པ་དང། ཁྲོམ་རྡོ་ཁོར་དགོན། འཛིན་སྟག་མོ་སྒང། ཡིད་ལྟུང་ལྷ་བྱ་དགོན། རྫོགས་ཆེན་དགོན། རྡོར་བྲག་དགོན་གསརེ་སོགས་ཀྱི་གཙུག་ལག་ཁང་མང་པོ་གསར་བཞེངས་ཞིག་གསོས་བསྒྲུབས་པ། མཁན་ཆེན་དཔལ་ལྡན་དངུལ་གྱི་མཆོད་རྟེན་མང་པོའི་མཐུན་རྐྱེན་དང། མཁན་ཆེན་དཔལ་ལྡན་ཆོས་སྐྱོང་གི་གསེར་གདུང་ཆེན་མོ་ཡིད་བཞིན་ནོར་བུས་གཙོས་པའི་གསེར་དངུལ་གྱི་མཆོད་རྟེན་མང་པོའི་མཐུན་རྐྱེན་དང། རྙིང་མའི་མཛོད་བདུན། ཞུ་ཆེན་རིན་པོ་ཆེའི་བཀའ་འབུམ་པོ་ཏི་བཅུ་དྲུག་སྨན་ཡིག་གཡུ་ཐོག་ན་ལག་བཅོ་བརྒྱད་དཔལ་སྦུངས་པའི་སྨན་བསྡུས། བྱེ་བ་རིང་བསྲེལ་དར་མོ་སྨན་རམས་པའི་བཀའ་རྒྱ་མ་སོགས་པོ་ཏི་ལྔ་བཅུ་ལྷག་པའི་བར་གསར་དུ་བཞེངས་པ་སོགས་རྟེན་གསུམ་གྱི་ཕྱག་རྗེས་ཤིན་ཏུ་རྒྱ་ཆེ་བ་དང་ལམ་དང་དབང་བཙན་པོའི་རང་ཤུགས་ཀྱིས་གཞན་སྡེ་ཁས་དྲག་དཔུང་ཆེན་མང་པོ་འབད་རྩོལ་མ་དགོས་པར་མངའ་ཞབས་སུ་འདུས་པ་སྔར་རྫོང་སྒོ་བཅོ་བརྒྱད་ཟེར་ཡང་དེང་སང་རྫོང་ཁག་ཉེར་ལྔ་དང། གཞན་དཔོན་ཆུང་མང་པོ་དང། འབྲོག་སྡེ་ཁྲི་ཕྲག་གསུམ་དུ་ལོངས་པ་སོགས་བརྗོད་ཀྱིས་མི་ལངས་ཤིང་མཛད་ཕྲིན་རྒྱ་ཆེ་(སྨད་ཆ།༦༧༨)བ་ཡིན་ནོ། དེ་ནས་སྡེ་དགེ་ས་དབང་བཟང་པོ་སྐུ་ན་མ་སོན་པའི་བར་དེར་རྗེ་བཙུན་དབྱངས་ཅན་སྒྲོན་མས་རྒྱལ་སྲིད་ཀྱི་བྱ་བ་སྔ་སྲོལ་ལྟར་མཛད་དེ། རྗེ་བཙུན་མ་འདི་སྐུ་གཞོན་ནུ་ནས་ངོར་ཨེ་ཝཾ་པ་ཆེན་པོའི་རིང་ལུགས་ལ་རབ་ཏུ་བྱུང། གོང་དུ་སྨྲོས་པའི་གསར་རྙིང་རིས་མེད་ཀྱི་བླ་མ་མང་དུ་བསྟེན་སྨན་དཔྱད་སོགས་ལས་མཁས་ཤིང། ཐུགས་དམ་ཉམས་བཞེས་སོགས་གཞན་འགྲན་དང་བྲལ། ལུགས་གཉིས་ཀྱི་ཚུལ་ལ་བློ་གྲོས་ཀྱི་འཇུག་པ་ཡངས་པས་ལེགས་སྦེལ་ཉེས་འགོག་གོ་ཚུལ་ལ་ཐུགས་གཟུང་བོར་གནས་ཤིང་མཁས་པས་རང་སྡེར་བྱམས་སྐྱོང་དང་གཞན་སྡེ་གནོན་པ་ལ་བློ་སྟོབས་ཆེ། སྦྲ་མཐོ། རྫོང་སར། འཁོར་ལོ་མདོ་རྣམས་ཀྱི་ཀྱི་ཁང་རྟེན་བརྟེན་པར་བཅས་དེར། ཐུབ་བསྟན་ནོར་བུ་གླིང་གི་དགོན་གསར་འདེབས་དང། བཞེངས་མང་པོ་དང། ཐུབ་བསྟན་ནོར་བུ་གླིང་གི་དགོན་གསར་འདེབས་དང། ཟངས་གསེར་ལས་གྲུབ་པའི་ཀུན་རིགས་རྩ་ལྷ་སོ་དྲུག་གིས་མཚོན་པའི་རྟེན་བཞེངས་མང་པོ་དང། ལྕང་རང་བཞུགས་སྒར་ཕེབས་བསྟུན་བུམ་སྒྲུབ་ཆེན་མོ་ལྟར་འཛུགས་པ་སོགས་རྣམ་དཀར་གྱི་ཕྱག་ རྗེ་ཆེ། ཁྲི་རབས་དགུ་པ་ས་སྐྱོང་མིའི་དབང་པོ་ས་དང་བཟང་པོ་ནི། སྐུ་ན་ཕྲ་མོའི་དུས་ནས་རྣམ་དཀར་གྱི་ལས་ལ་ཐུགས་ཀྱི་བག་ཆགས་པད་པས། བྱིས་པའི་དུས་ནས་ཐོ་རངས་ཀྱི་དུས་ནས་བཞེངས་ཏེ་ཐུགས་དམ་གྱི་རིགས་བསམ་གྱིས་མི་ཁྱབ་པ་མཛད་ཅིང། ཕྱིས་ནས་སྐུ་ཆས་ཀྱང་དཀར་ཆས་སུ་བསྒྱུར། ས་སྐྱ་བདག་ཆེན་འཇམ་དབྱངས་དབང་སྡུད་སྙིང་པོ་གཙོ་བོར་གྱུར་པའི་རིས་མེས་ཀྱི་དམ་པ་མང་པོ་ལ་བསྙེན་བཀུར་དང་སྲི་ཞུས་མཆོད་ཅིང། བཀའ་ཆོས་ཀྱི་བདུད་རྩི་བཞེས་ཆབ་སྲིད་མངའ་འབངས་ཡུལ་འཁོར་ཐམས་ཅད་ཐུགས་གཉེན་གཤིན་པོའི་བྱམས་སྐྱོང་ལས་མ་ཉེས་པའི་ཆད་པ་སོགས་ཡེ་ནས་མི་(སྨད་ཆ།༦༧༩)མཛད། ཚེ་དཔག་མེད་ཀྱི་སྐུ་ལྷ་ཆེན་གྱི་ཐོག་སོར་སླེབས་པར་ཟངས་གསེར་ལས་བཞེངས་པ་སོགས་རྟེན་བཞེངས་ཀྱང་མང་དུ་མཛད་པ་དཡོད་ལ། དེ་ནས་ལྷ་སྲས་རིན་པོ་ཆེ་སྐུ་ན་ཕྲ་བས་བར་འདི་དཔོན་མོ་ཚེ་དབང་ལྷ་མོ་ཉིད་ཀྱི་རྒྱལ་སྲིད་མཛད། ས་སྐྱོང་དབང་མོ་འདི་སྒ་རྗེ་དཔོན་གྱི་སྲས་མོར་འཁྲུངས། རྒྱལ་ཁབ་ཆེན་པོར་ས་སྐྱ་བདག་ཆེན་གྱིས་ལུང་བཞིན་སྡེ་དགེའི་དཔོན་སར་ཕེབས། ཀརྨ་པ་བདུད་འདུལ་རྡོ་རྗེས་སྒྲོལ་མ་བཀྲ་ཤིས་དོན་འགྲུབ་མའི་སྦྲུལ་པར་ལུང་བསྟན། ཆབ་འབངས་མངའ་རིས་ཐམས་ཅད་ས་སྐྱོང་གོང་མ་རྣམས་ཀྱི་མཛད་སྲོལ་བཞིན་ཕན་བདེའི་དཔལ་གྱིས་ལེགས་པར་བསྐྱངས། རྒྱ་ནག་གོང་མ་ཆེན་པོས་ཀྱང་མིང་དང་ལས་ཀའི་ཐམ་ག་གནང་སྟེ་ཆེན་པོའི་གོ་སར་དབང་བསྐུར། རིས་མེད་པའི་བསྟན་པ་ལ་སྲི་ཞུ་དང་ལྷག་པར་གསང་ཆེན་རྙིང་མའི་རིང་ལུགས་ལ་ཐུགས་འདུན་ཆེ། གསར་རྙིང་གི་བླ་མ་དུ་མ་བསྟེན་ནས་བཀའ་ཆོས་བཤེས་ཤིང་བསྙེན་བཀུར་ཕུལ། རྙིང་རྒྱུད་པུ་ཏི་ཉི་ཤུ་རྩ་དྲུག་གི་པར་དང། རིག་འཛིན་འཇིགས་མེད་གླིང་པའི་བཀའ་འབུམ་ཡོངས་རྫོགས་པུ་ཏི་དགུ། ཀློང་ཆེན་པའི་ཡང་ཐིག་རྣམས་གཉིས། ངོར་ཆེན་ཀུན་དགའ་བཟང་པོ་དང། ཐམས་ཅད་མཁྱེན་པ་དཀོན་མཆོག་ལྷུན་གྲུབ་ཀྱི་བཀའ་འབུམ་སོགས་པར་དུ་བརྐོ་བ་དང། རྫོགས་ཆེན་སྙིང་ཐིག་ཡ་བཞི་མཐིང་ཤོག་ལ་གསེར་གྱིས་བྲིས་པ་དང། གཡུ་འབྲུག་གདོང་ལྷ་ཁང་རྟེན་བརྟེན་པརེ་བཅས་གསར་བཞེངས། ཁྱད་པར་དཔོན་མོ་རང་གི་སྐུ་རྒྱན་རྣམས་ལས་ཨོ་རྒྱན་རིན་པོ་ཆེའི་སྐུ་གཙོ་འཁོར་གསུམ་ཐོག་ཚད་མ་རིན་པོ་ཆེའི་ཕྲ་རྒྱན་དུ་མས་བྱོན་ལེགས་པར་བཞེངས་པ་དང། རྫ་སྟོང་གི་ལུང་དུ་དགོན་རྟེན་བརྟེན་པས་བཅས་པ་(སྨད་ཆ།༦༨༠)གསར་འདེབས། བསམ་ཡས་ཀྱི་གཙུག་ལག་ཁང་ལ་མར་མེས་རྒྱུན་འཛུགས་འབྲི་སྟོང་ཕྲག་ལྷག་བཅས་དང་དངོས་རྫས་བསམ་གྱིས་མི་ཁྱབ་པ་སྦྱོར་འཇགས་མཛད་པ་སོགས་རྣམ་དཀར་གྱི་ཕྱག་རྗེ་ཆེ། ཐུགས་དམ་ཟབ་བཞེས་བསྐྱེད་ཟླས། སྒོམ་ཉམས་སོགས་ཀྱང་འགྲན་ཟླ་དང་བྲལ་བ་ཡིན་ནོ། དེང་སང་གདན་ས་བཅུ་པར་ཁྲིར་བཞུགས་པའི་ཆོས་ཀྱི་རྒྱལ་པོ་ལྷ་སྲས་ཡིད་བཞིན་ནོར་བུ་ཚེ་དབང་རྡོ་རྗེ་རིག་འཛིན་ཞེས་སྦྲུལ་པའི་ཆོས་རྒྱལ་ས་ལ་སྦྱོད་པའི་དབང་པོ་འདི་དང་ལྕམ་རྟ་མགྲིན་དབང་མོ་བཅས་པས་ལྕམ་དྲལ་ཟུང་གིས་ཆབ་འབངས་ཐམས་ཅད་བྱམས་བརྩེས་བདེ་བར་བསྐྱངས་ཤིང། གཙུག་ལག་ཁང་རྟེན་གསུམ་གསར་བཞེངས་ཐུགས་དམ་ཟབ་མོའི་ཉམས་བཞེས་སོགས་རྣམ་དཀར་གྱི་ལེགས་མཛད་གོང་འཕེལ་དུ་བཞུགས་པའི་འདི་བཞེས་སོགས་དཀར་གྱི་ལེགས་མཛད་གིང་འཕེལ་དུ་བཞུགས་པ་འདི་བཞིན་ལ་སླར་ཡང་ཆབ་སྲིད་འཕེལ་ཞིང་ཞབས་པད་བསྟན་པར་མཆོག་གསུམ་བླ་མ་མཁའ་གནོན་པ་ལ་དཔའ་ཆེ་ར་བ་ཎ་ལྟ་བུ། རང་སྡེ་ཐབས་ཀྱིས་སྐྱོང་བ་ལ་ཚངས་པ། གཙུག་ལག་རྟེན་གསུམ་བཞེངས་པ་ལ་ཆོས་རྒྱལ་མེས་དབོན་ལ་འགྲན་ནུས་པ། ཡངས་པའི་ས་ཆེན་པོ་ལ་སྟོབས་ཀྱི་འཁོར་ལོས་བསྒྱུར་བ། སྡེ་དགེ་ཆོས་ཀྱི་རྒྱལ་པོའི་གདུང་རབས་ཇི་ལྟར་བྱུང་བ་དང་གདན་རབས་ཀྱི་ཕྲེང་བ་ཅུང་ཟད་ཙམ་ཞིག་གླེང་བ་སྟེ། ཇི་སྐད་དུ། རྒྱལ་པོ་རྣམས་ནི་མང་གྱུར་ཀྱང། ཆོས་བཞིན་སྦྱོད་པ་ཤིན་ཏུ་ཉུང། མཁའ་ལ་ལྷག་ནས་མང་ན་ཡང། འོད་གསལ་ཉི་ཟླ་ལྟ་བུ་མེད། ཅེས་དང། མགོན་པོ་ཀླུ་སྒྲུབ་ཀྱིས་བློ་ལྡན་གང་ཞིག་བྱ་བ་གང། དམ་ཆོས་(སྨད་ཆ།༦༨༡)གཙོ་བོ་བྱེད་པ་ནི། དེ་ལ་འདི་དང་གཞན་དུ་ཡང། བདེ་བར་འགྱུར་བ་ཐེ་ཚོམ་མེད། ཅེས་གསུངས་པ་ལྟར། གདུང་བརྒྱུད་རིན་པོ་ཅེ་ཐམས་ཅད་ཀྱིས་མཛད་པའི་གཙོ་བོ་ནི་དམ་པའི་ཆོས་ཁོ་ན་ལ་ཐུགས་བརྩེ་གཏོད་པ་ཤ་སྟག་ཡིན་ཏེ་ཆོས་ཀྱི་རྒྱལ་པོ་ཞེས་མིང་དོན་མཚུངས་ཤིང་གྲགས་པ་དོན་དང་ལྡན་པ་ཏེ། དེ་ཡང་འཕྲུལ་བློན་ཆེན་པོ་འགར་སྟོང་བཙན་ཡུལ་བཟུང་ནས་ད་ལྟ་ཡན་ལ་ལོ་སྟོང་ཕྲག་གཅིག་དང་བརྒྱ་དང་ལྔ་བཅུ་ང་གྲངས་འགྲོ་བ་ལ། ཆེ་རྒྱུད་ཀྱི་ལྷ་གྲལ་མ་སྟོང། མཐོན་པོའི་དབུ་འཕང་མ་ཉམས། མི་བརྒྱུད་ལྷ་ལས་འཆད་པ་དང། ཆུ་རྒྱུད་གངས་ལ་ཐུག་པའི་ལོ་རྒྱུས་ཞིབ་པར་བརྗོད་དུ་མི་ལངས། ཁྱད་པར་དུ་རིས་མེད་པའི་བསྟན་པ་རིན་པོ་ཆེ་སྲི་ཞུ་དང་བསྙེན་བཀུར་གྱིས་མཆོད་པ་ལ་འགྲན་ཟླ་དང་བྲལ་ཞིང། ནང་གསེས་དཔལ་ལྡན་ས་དོར་གཉིས་དང་གསང་ཆེན་རྙིང་མའི་བསྟན་པའི་རྩ་ལག་ཏུ་གྱུར་པ་ཡིན་ཏེ། དེ་ལ་ས་དོར་གཉིས་དང་འབྲེལ་ཚུལ་གདན་རབས་ཀྱི་ཡིག་ཚང་རྣམས་སུ་གསལ་ཞིང། གསང་ཆེན་རྙིང་མའི་བསྟན་པའི་རྩ་ལག་ཏུ་གྱུར་པ་ཡིན་ཏེ། དེ་ལ་ས་དོར་གཉིས་དང་འབྲེལ་ཚུལ་གདན་རབས་ཀྱི་ཡིག་ཚང་རྣམས་སུ་གསལ་ཞིང། གསང་ཆེན་རྙིང་མ་དང་འབྲེལ་ཆེ་ཚུལ་ཅུང་ཟད་ཅིག་གླེང་ན། གདུང་བརྒྱུན་རིན་པོ་ཆེ་འདིའི་ཐོག་མ་མགར་སྟོང་བཙན་ཡུལ་བཟང་ཆོས་ཀྱི་རྒྱལ་པོ་སྲོང་བཙན་སྒམ་པོའི་ནང་བློན་དུ་གྱུར་པ་ནས་བཟུང། གདུང་བརྒྱུད་དྲུག་པ་ཨ་མྱེ་དགེ་བ་དཔལ་གྱིས་སློབ་དཔོན་རིན་པོ་ཆེའི་ཐུགས་སྲས་དམ་ལམ་རྒྱལ་བ་མཆོག་དབྱངས་དང། ལོ་(སྨད་ཆ།་བ་གཡུ་སྒྲ་སྙིང་པོ། མཁོན་ཀླུའི་དབང་པོ་སོགས་བསྟེན་ནས་གྲུབ་པ་བསྙེས། སྐུ་ཚེའི་སྨད་ལ་ཁམས་སུ་བྱོན་ནས་འདན་བྲག་གླིང་ཆེན་ན་བཞུགས། འཕགས་པ་བྱམས་པས་བྱམས་ཆོས་ལྔ་དངོས་དུ་གནང། རྫོགས་ཆེན་གྱི་མངའ་བདག་ཏུ་གྱུར། ཡི་དམ་རྟ་མགྲིན་(སྨད་ཆ།༦༨༢)དང་རྡོ་རྗེ་གཞོན་དུའི་ཞལ་གཟིགས། རྟ་མགྲིན་གྱི་སྒྲུབ་རྟེན་དྲིལ་བུ་སེར་པོ་རྟ་སྐད་ཅན་བྲོལ་བ་ཙམ་གྱིས་ཡི་དམ་གྱི་ལྷ་དངོས་སུ་བྱོན་པ་དང། ཕུར་པའི་སྒྲུབ་རྟེན་དྲིལ་བུ་ནག་པོ་ཧཱུྃ་སྒྲ་ཅན་ཁྲོལ་བ་ཙམ་གྱིས་བསྟན་དགྲའི་མིག་འབྲས་ཐང་པ་ལྷུང་བའི་ནུས་པ་ཅན། དམ་ཅན་ཆོས་སྐྱོང་སྦྱི་དང་བརྒྱད་ཅུ་བཞུགས་ནས་དྲིལ་བུ་སེར་པོ་རྟ་སྐད་ཅན་བསྣམས་ནས་སྐུ་ལུས་དེ་ཉིད་ཀྱིས་མཁའ་སྦྱོད་དུ་གཤེགས། དྲིལ་བུ་ནག་པོ་ཧཱུྃ་སྒྲ་ཅན་ནི་དེ་རྗེས་གདུང་རབས་ལྔ་ནས་མགར་བཀྲ་ཤིས་དཔལ་གྱིས་བསྣམས་ནས་ལྕང་ལོ་ཅན་དུ་གཤེགས། དེ་རྗེས་གསུང་རབས་ཉེར་གཉིས་པ་ཨ་མྱེ་བྱམས་པ་དཔལ་ཕྱི་མས་ཀྱང་བྱ་རྒོད་ཀྱི་ཐུལ་པ་མནབ་ནས་དགའ་ལྡན་དུ་སྐུ་ལུས་མ་སྦངས་པར་སོང་བར་གྲགས་ཏེ་འདི་ཡན་རྙིང་མའི་གྲུབ་ཐོབ་ཁོ་ན་བྱོན་པ་ཡིན་ལ། དེ་རྗེས་མགར་དམ་པ་ཆོས་སྡིངས་པའང་རྡོ་རྗེ་ཕུར་བའི་ཞལ་གཟིགས་པ་དང། ཕུར་སྲུང་རྣམས་བྲན་དུ་ཁོལ་བ་ཞིག་ཡིན་ལ། དེ་རྗེས་གདུང་རབས་སོ་གསུམ་པ་བདེ་ཆེན་བསོད་ནམས་བཟང་པོ་དང། རྔུ་པ་ཆོས་ཀྱི་རྡོ་རྗེ་མཆེད་ཀྱི་ཆོས་ཀྱི་རྡོ་རྗེ་ནི་གསང་སྔགས་རྙིང་མའི་གྲུབ་ཐོབ་ཡིན་ལ། བདེ་ཆེན་བསོད་ནམས་བཟང་པོའང་ཐོག་མར་རྒྱལ་བ་ཀ༔ཐོག་པ་དང་མཆོད་ཡོན་འབྲེལ་ཞིང། དེས་སྲས་སྡེ་དགེ་བོ་ཐར་གྱི་དུས་སློབ་དཔོན་པདྨའི་རྣམ་འཕྲུལ་རྩོད་མེད་དུ་གྲགས་པ་གྲུབ་ཐོག་ཐང་སྟོང་རྒྱལ་པོ་དང་ཡོན་ཡིན་ལ། དེ་རྗེས་སྡེ་དགེ་ཀུན་དགའ་རྒྱ་མཚོ་ཞེས་གྲུབ་པའི་དབང་ཕྱུག་མི་དམ་གྱི་ཞལ་གཟིགས་ཤིང་ཆོས་སྲུང་བྲན་དུ་འཁོལ། སྲ་མཁྲེགས་ཀྱི་རྡོ་ཡང་འདམ་ལྟར་(སྨད་ཆ།༦༨༣)བརྗི་བར་ནུས་བ། གནས་གཏེར་གྱི་སྒོ་འབྱེད་པའི་གྲུབ་ཆེན་དེ་ཉིད་ལ། རིག་འཛིན་འཇའ་ཚོན་སྙིང་པོས་ལུང་བསྟན་ཏེ། ཚོགས་གཟན་ལ་སྡིག་པའི་གཟུགས་བརྙན་བཅོས་ནས་གནང་སྟེ། འདི་སྣང་སྲིད་ཟིལ་གནོན་ཡི་དམ་གུ་རུ་དྲག་པོའི་ཕྱག་གཚན་ཡིན་པས་ཁྱེད་རང་ཚང་གི་རྟགས་ཐེའུ་ལ་འདི་རྒྱོབ་ལ། ས་ཆ་སྟོད་ཐམས་ཅད་ས་སྐྱ་བ་དང། སྨད་ཐམས་ཅད་རྙིང་མ་བས་ཟུང་དང་བསྟན་སྲིད་ཕྱི་རྒྱ་ལ་གས་མེད་པ། ནང་རྒྱ་ལ་སྲུབ་མེད་འོང་གསུངས་ནས་ལུང་བསྟན་པ་བཞིན་མཛད་པས་བསྟན་སྲིད་རྒྱས་པའི་དབུ་ཚུགས་ཏེ་ཆེན་རིག་པ་འཛིན་པ་དེ་གཉིས་རྟེན་འབྲེལ་ལེགས་ཚོགས་སུ་འགྲིགས་པ་ལས་བྱུང་ཞིང། དེའི་སྟོབས་ཀྱིས་ལྷ་ཁང་ཆེན་མོའི་གཙང་ཁང་དང་པོར་གུ་རུ་མཚན་བརྒྱད་སྐུ་བཞེངས་པ་དང་འདུ་ཁང་གི་གཡས་ཐམས་ཅད་རྙིང་མའི་ལྷ་དང་གཡོན་ངོས་གསར་མའི་རྒྱུད་སྡེ་རྣམས་བྲིས་ནས་ཡོད་དེ་གསར་རྙིང་མའི་ལྷ་དང་གཡོན་ངོས་གསར་མའི་རྒྱུད་སྡེ་རྣམས་བྲིས་ནས་ཡོད་དེ་གསར་རྙིང་ཁྱད་མེད་མཛད་པ་ཡིན་ལ། བླ་ཆེན་བྱམས་པ་ཕུན་ཚོགས་ཀྱིས་ཀྱང་སྦྲུལ་སྐུ་མི་འགྱུར་རྡོ་རྗེ་དང་གཏེར་སྟོན་བདུད་འདུས་རྡོ་རྗེ་དང་གཞན་རྐྱེན་གྱིས་རྟེན་འབྲེལ་གྱི་ཟུར་ཅུང་ཉམས་པས་བསྟན་སྲིད་ཁ་བར་བསེད་ཕྲན་བུ་བྱུང་ཀྱང། སླར་ཁྲི་ཆེན་བླ་སངས་རྒྱས་བསྟན་པས་བདུད་འདུལ་རྡོ་རྗེ་ཉིད་ལ་ཞུས་པའི་བཀའ་བཞིན་གཏེར་སྟོན་ཀླུང་གསལ་སྙིང་པོ་ཀ༔ཐོག་གི་གདན་སར་མངའ་གསོལ་ནས་བསྟན་དུས་ཀྱི་སྐུ་རིམ་བསྒྲུབ་ཏུ་བཅོལ་བས་རྟེན་འབྱུང་སོར་ཆུད་ཅིང། ཁྱད་པར་དུ་གཏེར་སྟོན་རིག་འཛིན་ཆེན་པོ་ཉི་མ་གྲགས་པ་དང་རྟེན་འབྲེལ་ལེགས་པར་འགྲིགས་ཤིང་(སྨད་ཆ།༦༨༤)གཏེར་ཆེན་གྱིས་སྲིད་གསུམ་བདག་པོ་ལྷ་ཆེན་དབང་ཕྱུག་ཆེན་པོའི་དབང་བསྐུར་ནས་ལྷ་འདྲེ་མི་གསུམ་ལ་དབང་བསྒྱུར་ནུས་པའི་རྟེན་འབྱུང་བསྒྲིགས་ཤིང། ཕྱིས་ཆོས་དང་བླ་མ་བློ་གྲོས་རྒྱ་མཚོས་ཀྱང་བསྟན་ཇུས་ཀྱི་རིམ་གྲོང་ལྷ་ཆེན་བསྒྲུབས་པས་བསྟན་སྲིད་གོང་དུ་འཕེལ་བའི་ལུང་བསྟན་བྱུང། གཏེར་ཆེན་གྱིས་མཐའ་དམག་གི་བླ་རྡོ་སྟག་སྒང་ལྷ་ཆེན་ཞབས་སུ་མནན་ནས་མཐའ་དམག་གི་བླ་རྡོ་སྟག་སྒང་ལྷ་ཆེན་ཞབས་སུ་མནན་ནས་མགའ་དམག་གི་འཚེ་བ་མི་འབྱུང་བར་མཛད་ཅིང། བཀའ་བསྟན་ཆོས་ཀྱི་མཛོད་དུ་འགྱུར་བའི་ལུང་བསྟན་སྩལ་བ་སོགས་བསྟན་སྲིད་རྒྱས་པའི་རྩ་ལག་ཏུ་གྱུར་པ་དང། ས་སྐྱོང་བསྟན་པ་ཚེ་རིང་གིས་གོང་དུ་སྨྲོས་པ་ལྟར་གཏེར་ཆེན་ཉི་གྲགས་གདན་དྲངས་ཤིང། ཁྱད་པར་དུ་དབུས་གཙང་དག་པའི་ཞིང་གི་འཕྱོངས་རྒྱས་དཔལ་རིའི་སྒྲུབ་སྡེ་ནས་གྲུབ་པའི་དབང་ཕྱུག་རིག་འཛིན་ཀུན་བཟང་འོད་ཟེར་བྱོན་ཏེ་ཆོས་རྒྱལ་འདི་ཉིད་ཀྱི་ཞབས་བརྟན་བསྒྲུབས་པས་ཚེ་ཆུའི་རྒྱུན་བབས་པ་དང། སྲིད་སྦེལ་གྱི་བུམ་པར་མར་གྱི་རིལ་བིུ་སྲས་ཀྱི་གྲངས་མཚུངས་དངོས་སུ་བྱུང་བ་དང། སྒྲུབ་ཁང་དྲི་བཟང་གིས་ཁེངས་པ་དང། དྲེགས་པ་སྡེ་བརྒྱད་ལས་ལ་འཁོལ་བ་དང། མངོན་ཤེས་ལ་ཆག་ཐོགས་མེད་པ་སོགས་ཆེ་བའི་ཡོན་ཏན་དུ་མ་དང་ལྡན་པ་དེ་ཡང་བསྟན་སྲིད་ལ་སྐུ་དྲིན་ཆེ་བ་དང། གཞན་ཡང་བསྟན་སྲིད་ཀྱི་རིམ་གྲོ་བསྒྲུབ་པར་དཔལ་རི་དང་རྡོ་བྲག་ནས་རིམ་པར་དེང་སང་བར་བྱོན་སྲོལ་དང། ཁྱད་པར་སྡེ་དགེ་བློ་གྲོས་རྒྱ་མཚོ་ཞིང་གཤེགས་ནས་རྗེ་བཙུན་དབྱངས་ཅན་སྒྲོལ་མས་སྲིད་སྐྱོང་མཛད་སྐབས་ས་སྐྱོང་གོང་མ་རིན་པོ་ཆེ་བདག་ཆེན་ངག་དབང་ཀུན་དགའ་བློ་གྲོས་ཀྱི་ལུང་བསྟན་པ་བཞིན་གྲུབ་པའི་དབང་ཕྱུག་དཔའ་བོ་ལས་རབ་རྩལ་ལ་བསྟན་དུས་ཀྱི་སྐུ་རིམ་བསྒྲུབ་ཏུ་(སྨད་ཆ།༦༨༥)སྩལ་བས་ལེགས་ཚོགས་གོང་དུ་འཕེལ་ཞིང། ཁྱད་པར་ལུང་དོན་བཞིན་གུ་རུ་སྣང་སྲིད་ཟིལ་གནོན་གྱི་སྐུ་བཞེངས་པའི་ཞབས་སུ་འདྲེ་བདུད་ཀྱི་བླ་རྡོ་མནན་ནས་ལོ་ཉི་ཤུ་ཚུན་ལ་མཐའ་མིའི་འཚེ་བ་མི་འོང་བར་ཞལ་བཞེས་པ་ཐོག་ཏུ་ཁེལ་བ་བྱུང་བ་སོགས་བརྗོད་དུ་མི་ལངས་ཤིང། སྦྱིར་བོད་གངས་ཅན་གྱི་བསྟན་འགྲོའི་བདེ་སྐྱིད་ཐམས་ཅད་ཨོ་རྒྱན་དུས་གསུམ་མཁྱེན་པའི་ཐུགས་རྗེ་དང་སྦྲུལ་པའི་གཏེར་སྟོན་རྣམས་ཀྱི་རྟེན་འབྲེལ་གྱི་འགྲིགས་ཕྱོགས་ལེགས་པ་ཁོ་ན་ལས་འབྱུང་བ་ཡིན་ཞིང། ཁྱད་པར་སྡེ་དགེ་ཆོས་ཀྱི་རྒྱལ་པོའི་བསྟན་སྲིད་ཀྱི་ལེགས་ཚོགས་ཐམས་ཅད་གསང་ཆེན་རྙིང་མའི་རིང་ལུགས་ལ་བརྟེན་ནས་འཕེལ་རྒྱས་བྱུང་བ་མངོན་སུམ་ཚད་མར་གྱུར་པ་དེ་བཞིན་ཡིན་ཀྱང་རང་ཕྱོགས་འདེབས་པ་ལས་ལོ་རྒྱུས་ཤེས་པའང་དཀོན་པར་སྣང་བས་འདིར་ཟུར་ཙམ་སྨྲོས་པ་ཡིན་ནོ། དེ་ལྟར་ས་ལ་སྦྱོད་པའི་ཚངས་པ་ཆོས་ཀྱི་རྒྱལ་པོ་སྡེ་དགེ་རིན་པོ་ཆེའི་གདན་རབས་མདོར་བསྡུས་ཙམ་ཞིག་ལེགས་པར་བཤད་ཟིན་ཏོ། བོད་ཡུལ་དབུས་ཀྱི་ཕྱོགས་སུ་རྒྱལ་བོ་ཇི་ལྟར་བྱུང་ཚུལ། བོད་ཡུལ་དབུས་ཀྱི་ཕྱོགས་སུ་རྒྱལ་པོ་ཇི་ལྟར་བྱུང་བའི་ཚུལ་ཡང། ཆོས་རྒྱལ་གྱི་གདུང་བརྒྱུད་ཡུམ་བརྟན་འོད་སྲུང་གཉིས་ལས། ཡུམ་བརྟན་བརྒྱུད་མ་དག་པར་བཞེད་མོད། འོན་ཀྱང་བསྟན་པ་ལ་བྱ་བྱེད་པའང་མང་དུ་བྱུང་སྣང་ལ། འོད་སྲུང་གི་སྲས་དཔལ་འཁར་བཙན་དང། དེའི་བཙུན་མོ་ཆེན་མོའི་སྲས་ལ་སྐྱིད་ལྡེ་ཉི་མ་མགོན་འདི་མངའ་རིར་བྱིན་པས་སྟོད་མངའ་རིས་རྒྱལ་བ་བརྒྱུད་རྣམས་བྱུང་སྟེ་སངས་རྒྱས་ཀྱི་བསྟན་པ་ལ་སྲི་ཞུ་(སྨད་ཆ།༦༨༦)ཆེ། ཆུང་མའི་སྲས་ཁྲི་བཀྲ་ཤིས་བརྩེགས་པ་དཔལ་ནས་ལ་སྟོད་དང། བོད་ཁམས་མདོ་སྨད་རྣམས་སུ་གདུང་བརྒྱུད་བྱོན་པ་རྣམས་ཀྱང་རྒྱལ་བའི་བསྟན་ལ་བྱ་བ་བྱེད་པ་ཤ་སྟག་བྱོན་མོད། འོན་ཀྱང་བོད་སྐྱི་ལ་དབང་བསྒྱུར་བའི་རྒྱལ་པོ་ནི་མ་བྱུང་སྟེ། དེ་ནས་རྗེ་བཙུན་ས་སྐྱ་པ་ཆེན་པོ་ཧོར་གྱིས་གདན་དྲངས། བོད་ཐམས་ཅད་ཧོར་འོག་ཏུ་ཡོད་པ་འགྲོ་བའི་མགོན་པོ་ཆོས་ཀྱི་རྒྱལ་པོ་འཕགས་པ་རིན་པོ་ཆེ་དགུང་ལོ་ཉི་ཤུ་པ་ལ་ཕུལ་བ་ནས་བོས་མངའ་དབང་དུ་གྱུར་ནས། བླ་མས་ཆོས་ཀྱི་བྱ་བ་དང། དཔོན་ཆེན་རྣམས་གླང་བར་བསྐྱངས་ཀྱང། དཔོན་ཆེན་རྣམས་འཇམ་ཐལ་རྩུབ་ཐལ་གྱིས་ས་མོ་གླང་བར་བསྐྱངས་ཀྱང། དཔོན་ཆེན་རྣམས་འཇམ་ཐལ་རྩུབ་ཐལ་གྱིས་ས་མོ་གླང་ལ་དབུས་ཕྱོགས་ཕལ་ཆེར་ཏའི་སི་ཏུ་བྱང་ཆུབ་རྒྱལ་མཚན་པས་བཟུང། དེ་ནས་ལོ་དྲུག་པ་ཤིང་ཕོ་རྟའི་ལོ་ནས་གཙང་གི་ས་ཆ་ཕལ་ཆེ་བ་ཡང་སི་ཏུ་བྱང་ཆུབ་རྒྱལ་མཚན་གྱིས་བཟུང་ནས། ས་གླང་ནས་ལོ་བརྒྱད་ཅུ་གྱ་བདུན་པ་ཤིང་ཡོས་ཀྱི་བར་དབུས་གཙང་གི་མཐིལ་ཕལ་ཆེ་བ་སྡེ་པ་ཕག་མོ་གྲུབ་པས་བསྐྱངས། ཤིང་ཡོས་ལོ་ལ་རིན་སྦུངས་ནོར་བཟང་གིས་བསམ་འགྲུབ་རྩེ་བཟུང་སྟེ། དེ་ནས་བརྩམས་གཙང་གཞུང་ཕལ་ཆེ་བ་རིན་སྦུངས་པས་བསྐྱངས། སྡེ་པ་རིན་སྦྲུངས་པ་སྒར་བ་དོན་ཡོད་རྡོ་རྗེས་དབུས་གཞུང་ཡང་བཟུང། ཤིང་ཡོས་ནས་བརྒྱ་དང་ལྔ་པ་ཤིང་ཕོ་གླང་ནས་གཙང་བ་ཞིང་གཤེགས་ཚེ་བརྟན་རྡོ་རྗེ་ཡབ་སྲས་ཀྱིས་བསམ་འགྲུབ་རྩེ་བཟུང་ནས་གཙང་གཞུང་ཕལ་ཆེ་བ་དབང་མཛད། དེ་ནས་ཞིག་གཅིག་པ་ཤིང་སྦྲུལ་ལ་(སྨད་ཆ།༦༨༧)ཀརྨ་བསྟན་སྲུངས་པས་འཕན་ཡུལ་དུ་དམག་བཏེགས། དེ་ནས་ལོ་དྲུག་པ་ལྕགས་ཁྱི་ལ་མརྐ་ཕུན་ཚོགས་རྣམ་རྒྱལ་གྱིས་ཡར་རྒྱབ་གཞུང་བཟུང། ཆུ་ཕོ་བྱི་བའི་ལོ་ནས་བྱང་དང་རྒྱལ་མཁར་རྩེ་སོགས་དབུས་གཙང་གི་སའི་ཆ་ཐམས་ཅད་ཕྱག་ཏུ་བཞེས། ས་རྟའི་ལོ་ནས་དབུས་ཐམས་ཅད་ཕྱག་ཏུ་བཞེས་ནས་མཐའ་དམག་ལྷག་པ་རྣམས་ལན་དུ་མར་བཟློག་སྟེ་བོད་ཐམས་ཅད་ལ་དབང་མཛད། དེའི་སྲས་ཀརྨ་བསྟན་སྐྱོང་དབང་པོ་སྟེ། འདི་དུས་ནས་བྱང་ཕྱོགས་སོག་པོའི་རྒྱལ་པོ་ཨོ་རོང་སྒོ་བཞིའི་རྒྱལ་པོའམ་མཚན་གཞན་བསྟན་འཛིན་ཆོས་ཀྱི་རྒྱལ་པོས་བོད་ཁམས་ཐམས་ཅད་ཕྱག་ཏུ་བཞེས། རྗེ་བཙུན་ཕྱག་ན་པདྨའི་རྣམ་འཕྲུལ་རྒྱལ་དབང་ཐམས་ཅད་མཁྱེན་པ་ངག་དབང་བློ་བཟང་རྒྱ་མཚོ་ལ་མཆོད་གཞིས་སུ་ཕུལ་ཏེ་དགའ་ལྡན་ཕོ་བྲང་མཆོད་ཡོན་གྱི་ཆུ་ཕོ་རྟ་ལོ་ནས་བཟུང་སྟེ་ས་ཐམས་ད་ཆོས་བཞིན་དུ་བསྐྱངས་ཏེ་འདི་ཉིད་ཀྱི་ལོ་རྒྱུས་ཞིབ་པར་ཤེས་འདོད་ན་རྒྱལ་རབས་རྫོགས་ལྡན་དཔྱིད་ཀྱི་རྒྱལ་མོའི་དུ་དབྱངས་གཞོན་ནུའི་དགའ་སྟོན་ལས་ཤེས་པར་བྱའོ། སྡེ་སྲིད་བསོད་ནསམ་རབ་བསྟན་དང། གུ་ཤྲི་བསྟན་འཛིན་ཆོས་རྒྱལ་ཟུང་ལ་རྒྱལ་པོ་མཆོད་ཡོན་དུ་གྲགས་ཏེ་སྲིད་སྐྱོང་དང་རྒྱལ་ཐབས་ཀྱི་བྱ་བ་མཛད། གོང་ས་ཐམས་ཅད་མཁྱེན་པ་ལྔ་པ་རིན་པོ་ཆེའི་འཕགས་པ་རིན་པོ་ཆེའི་དུས་ལྟར་ཆོས་ཀྱི་ཕྲིན་ལས་བསྐྱངས་ཏེ་ཆོས་སྲིད་ཉི་ཟླ་ཟུང་འབྲེལ་གྱིས་བོད་ཁམས་ཐམས་ཅད་བདེ་བར་བསྐྱངས། རྒྱལ་པོ་དང་སྡེ་སྲིད་འདས་ནས། སླར་ཡང་སྡེ་སྲིད་ས་སྐྱོད་ཕྲིན་ལས་རྒྱ་མཚོ་དང། བློ་བཟང་སྦྱིན་པ། བློ་བཟང་མཐུ་སྟོབས་རྣམས་བསྐོས། དེ་ནས་སྡེ་སྲིད་སངས་རྒྱས་རྒྱ་མཚོ་བསྐོས་ཏེ། སྡེ་སྲིད་འདི་རྒྱལ་པོ་པཎྜི་ཏ་ཤེས་བྱ་རིག་(སྨད་ཆ།༦༨༨)པའི་གནས་ལྔ་ལ་མཁས། ལྔ་པ་རིན་པོ་ཆེ་གཤེགས་ནས་ལོ་བཅུ་གཉིས་བར་དུ་གསང་རྒྱ་མཛད་ནས་གསེར་གདུང་འཛམ་གླིང་རྒྱན་གཅིག་ཞབས་བརྟན་ལྷ་ཁང་དང་བཅས་བཞེངས་པ་དང་ཚོགས་མཆོད་ཆེན་མོ་འཛུགས་པ་དང། རྒྱལ་བ་དྲུག་པ་ཁྲིར་འདོན་པ་སོགས་ཕྱག་རྗེས་ཆེ། འོན་ཀྱང་ཟློག་མེད་ཀྱི་ལས་ཀྱིས་རྒྱལ་པོ་ལྷ་བཟང་གིས་སྟོད་ལུང་སྣང་ཙེར་བཀྲོངས། དེ་ནས་རྒྱལ་པོ་ལྷ་བཟང་རང་གིས་ལོ་བཅུ་གཉིས་སུ་རྒྱལ་པོ་མཛད་ཀྱང་ཇུན་གར་གྱིས་བཀྲོངས། རྙིང་བསྟན་ཐམས་ཅད་དམིགས་མེད་དུ་རྒྱས་འདེབས་པའི་རྩ་བའང་རྒྱལ་པོ་འདི་ལས་བྱུང། ལོ་སྔར་ཇུན་གར་གྱི་དབང་མཛད། དེ་སྐབས་སྡེ་སྲིད་སྟག་རྩེ་སྡེ་པས་མཛད། དེ་ནས་ཤར་ཕྱོགས་གོང་མ་ཆེན་པོས་དཔུང་གིས་ཇུན་གར་བསྐྲད་ནས་ཆབ་སྲིད་ཐམས་ཅད་རྒྱལ་བ་སྐལ་བཟང་རྒྱ་མཚོར་ཕུལ། དེའི་རྐྱེན་གྱིས་གཙང་དབུས་འཁྲུགས་པས་གཙང་དཔུང་གཡུལ་ལས་རྒྱལ་ནས་མི་དབང་བསོད་ནམས་སྟོབས་རྒྱལ་གྱིས་ཆབ་སྲིད་མངའ་འབངས་ཐམས་ཅད་ཕྱག་ཏུ་བཞེས། རྒྱལ་སྲིད་ཡུན་རིང་མཛད། མི་དབང་སྐུ་གཤེགས་ནས་སྲས་ཆིང་ཝི་ཏཱ་ལས་པཱ་ཐུར་གྱིས་རྒྱལ་སྲིད་མཛད་ཀྱང། རང་གི་གཅེན་གུ་སྐུ་གཞོག་བཀྲོངས་པ་སོགས་ཧ་ཅང་སྐུ་སྐྱོད་རྩིང་ཐལ་གྱ་གོང་མ་ཆེན་པོས་བཀའ་བཀྱོན་བྱུང་སྟེ་རྐྱེན་ལམ་དུ་གཤེགས། ཆོས་སྲིད་གཉིས་ཆར་རྒྱལ་བའི་ཕྱག་ཏུ་བཀའ། རྒྱལ་བ་ཐམས་ཅད་མཁྱེན་པ་མྱ་ངན་ལས་འདས་ནས་རྒྱལ་ཚབ་དེ་མོ་རིན་པོ་ཆེ་བསྐོས། རྗེ་འདི་མཁན་པོ་བོ་དྷི་ས་ཏཱའི་སྦྲུལ་པར་གྲགས། དཔལ་བསམ་ཡས་སྐོ་འགྱུར་ལྷུན་གྱིས་གྲུབ་པའི་(སྨད་ཆ།༦༨༩)གཙུག་ལག་ཁང་རྟེན་བརྟེན་པར་ཞིག་གསོས་གསར་བཞེངས་ལྟ་བུ་ཁྲི་གདུག་འོག་ན་འགྲན་ཟླ་དང་བྲལ་བར་བསྐྲུན་པར་མཛད་ཅིང་ཆབ་སྲིད་མངའ་ཐང་རྒྱས་པ་དང། དམག་འཁྲུག་མུ་གེ་སོགས་མེད་པར་བདེ་སྐྱིད་དང་ལྡན་གྱུར་ཅིང། རྗེ་འདི་དག་པའི་ཞིང་དུ་གཤེགས་ནས་ཆོས་སྲིད་གཉིས་ཆར་ཁྲི་ཆེན་ནོ་མི་ཧན་གྱིས་ཕྱག་བཞེས་མཛད། འདི་དུས་རྒྱ་དང་བལ་པོ་འཁྲུགས་པས་བོད་ཡུལ་སྟོད་སྨད་ཐམས་ཅད་དུ་རྡབ་གསིག་ཆེ་བར་བྱུང་ཞིང། ཁྲི་ཆེན་ཉིད་ཀྱང་ཆིང་ལ་ཕེབས་པས་དཔུང་ཐོག་ཏུ་གཤེགས། དེ་རྗེས་རྟ་ཆག་རྗེ་དྲུང་རིན་པོ་ཆེ་བོད་ཀྱི་སྲིད་སྐྱོང་དུ་ཕེབས་པ་ནས་བདེ་སྐྱིད་རྫོགས་ལྡན་གྱི་དགའ་སྟོན་ལ་སྦྱོད་པ་བྱུང་སྟེ། ལོ་ཆེན་ཅོག་རོ་ཀླུའི་རྒྱལ་མཚན་ཀྱི་སྐྱེ་བར་གཏེར་ལུང་མང་པོ་ནས་ལུང་བསྟན། དེ་ཉིད་གཤེགས་ནས་དེང་སང་བྱང་ཆུབ་སེམས་དཔའ་ཞི་བ་འཚོ་ཉིད་སླར་ཡང་བོད་རྗེར་ཕེབས་པ་དེ་མོ་རིན་པོ་ཆེའི་ཡང་སྲིད་ཀྱིས་བོད་ཡུལ་བདེ་བར་བསྐྱངས་པས་བདེ་ཀྱིད་ཀྱི་ཉི་མ་དགུང་དུ་འཆར་བའི་ལེགས་ཚོགས་གོང་འཕེལ་དུ་བཞུགས་པ་འདི་ལགས་སོ། དེ་ལྟར་བོད་ཡུལ་སྲིད་སྐྱོང་གི་ལོ་རྒྱུས་འདི་དག་དགོས་ཆེད་ཆེན་པོ་མི་འདུག་ཀྱང་ལོ་རྒྱུས་ཤེས་འདོད་དག་ལ་ས་བོན་ཙམ་ཞིག་གླེང་བར་བྱས་པ་ཡིན་ནོ། དེ་ལྟར་སྟོན་པ་བཙོན་ལྡན་འདས་འགྲོ་བའི་བླ་མ་ཐམས་ཅད་མཁྱེན་པ་དེས་དཔལ་གྱི་མགུར་ནས་བསྟན་པ་རིན་པོ་ཆེ་བྱང་ནས་བྱང་གི་ཕྱོགས་སུ་དར་ཞིང་རྒྱས་པར་འགྱུར་བའི་ལུང་བསྟན་གྱི་རྔ་བོ་ཆེ་བསྒྲགས་པའི་བདེ་ཚིག་དུས་སྟེང་དུ་སོན་ཏེ། གངས་ཅན་བོད་ཀྱི་ཡུལ་འདིར་གནའ་བོའི་དུས་ན་རིགས་གསུམ་རྣམ་འཕྲུལ་ཆོས་ཀྱི་རྒྱལ་པོ་དབོན་རྣམས་ཀྱི་རིང་དང། ཁྱད་པར་ཁྲི་སྲོང་གི་དུས་ན། ཨོ་རྒྱན་གྱི་སློབ་དཔོན་པདྨ་སམ་བྷ་བ་དང།(སྨད་ཆ།༦༩༠)མཁན་ཆེན་ཞི་བ་འཚོ། པཎ་ཆེན་བི་མ་མི་ཏྲེ་སོགས་རྒྱལ་བ་གཉིས་པ་ལྟ་བུའི་པཎ་གྲུབ་དང། ས་ཆེན་པོ་ལ་བཞུགས་པའི་བྱང་ཆུབ་སེམས་དཔའ་མང་པོ་བསམ་བཞིན་དུ་སྲིད་པ་ཉེ་བར་བཟུང་པའི་སྦྲུལ་པའི་ལོ་ཙཱ་བ་གྲངས་མེད་པ་བྱོན་པ་དེ་རྣམས་ཀྱིས་བོད་ཡུལ་མཐའ་འཁོབ་མུན་པའི་གླིང་འདིར་སངས་རྒྱས་ཀྱི་བསྟན་པ་ཉི་མ་ཤར་བ་ལྟར་ཕྱོགས་ཐམས་ཅད་དུ་གསལ་བར་མཛད་ཅིང། ཁྱད་པར་གསང་སྔགས་རྡོ་རྗེ་ཐེག་པའི་སྨིན་གྲོལ་གྱི་ལམ་ཡོངས་སུ་རྫོགས་པ་རྒྱ་ཆེརསྦེལ་བར་གྲུབ་བརྙེས་དུ་མས་ས་སྟེང་ཁྱབ་པར་མཛད་པས། བསྟན་པ་འཕེལ་འགྲིབ་ཀྱི་དུས་དུ་ཡང་རིག་སྔགས་འཆང་བ་གིས་དཀར་ལྕང་ལོ་ཅན་དུ་མང་དུ་བཞུགས་པ་དག་གིས་ལེགས་པར་བསྐྱངས་ཤིང། གཙོ་བོར་ཟུར་གནུབ་སོགས་གྲུབ་བརྙེས་དུ་མས་བཤད་སྒྲུབ་ཀྱི་རྒྱུན་མ་ཉམས་པར་བསྐྱངས་པའི་བཀའ་དྲིན་ལས་གསང་ཆེན་རྙིང་གྲགས་པའི་རིང་ལུགས་དྲི་མ་མེད་པ་འདི་བྱུང་སྟེ། ཁྱད་པར་རྒྱལ་དབང་པདྨའི་ཐུགས་བསྐྱེད་དང། སྦྲུལ་པའི་རྗེ་འབངས་རྣམས་ཀྱི་སྔོན་སྨོན་གྱི་འཚམས་སྦྱོར་གྱིས་སྦྲུལ་པའི་གཏེར་སྟོན་གྲངས་མེད་འབྱོན་པ་རྣམས་ཀྱིས་ཟབ་མོ་གཏེར་གྱི་སྒོ་འཕར་རྒྱ་ཆེར་ཕྱེ་བ་ལས་རྙིང་མ་བཀའ་གཏེར་དུ་གྲགས་ཤིང། བོད་ཡུལ་ཁ་བ་ཅན་གྱི་ལྗོངས་ཆེན་པོ་འདི་དགོན་གནས་དང་ཆོས་སྡེ་ཆེ་ཕྲ་དུ་མས་མ་ཁྱབ་པ་མེད་པ་ལས། དབུས་གཙང་ལྷ་བྱང། ཨེ་གཉལ། དཱགས་ཀོང། ལྷོ་མོན། སྦོ་བོ། མདོ་སྟོད་སྨད་སོགས་ཡོངས་སུ་གྲགས་པའི་གདན་ས་རགས་རིམ་འགའ་ཞིག་སྨོས་པ་ལས། ཐམས་ཅད་ནི་བདག་ལྟ་བུས་བརྗོད་པ་ག་ལ་ནུས་ཏེ་རྒྱུས་ཀྱང་མ་འཚལ་བས་རང་བློས་ཇི་ཙམ་དཔོག་པ་དེ་ཙམ་ཞིག་བརྗོད་པར་བྱས་ཟིན་ཏེ་རེ་ཞིག་དེ་ཙམ་མོ།(སྨད་ཆ།༦༩༡)བསྟན་པ་ཐམས་ཅད་ཀྱི་སྙིང་པོ་གསང་ཆེན་སྔ་འགྱུར་ངེས་དོན་ཟབ་མོའི་ཆོས་དང་བརྒྱུད་པའི་བྱུང་བ་གསལ་བར་བྱེད་པའི་ལེགས་བཤད་མཁས་པ་དགའ་བྱེད་ངོ་མཚར་གཏམ་གྱི་རོལ་མཚོ་ལས། དགོན་གནས་དང་གདན་རབས་ཀྱི་བྱུང་བ་བརྗོད་པའི་སྐབས་ཏེ་སརྒ་དྲུག་པའོ།།(སྨད་ཆ།༦༩༢)