རབ་འབྱམས་པ་བློ་བཟང་ཤེས་རབ་དང་བསྟན་འཕེལ་གཉིས་ཀྱིས་བསྐུལ་ངོར།
འཇམ་དཔལ་གཤིན་རྗེའི་གཤེད་པོ་དང༌། །དབྱེར་མེད་རྩ་བའི་བླ་མ་ཡིས། །དེང་ནས་བྱང་ཆུབ་སྙིང་པོའི་བར། །འབྲལ་མེད་རྗེས་སུ་འཛིན་གྱུར་ཅིག །ཕྱི་ནང་ཉེར་འཚེ་ཞི་བ་དང༌། །ཆོས་ལྡན་འདོད་དོན་འགྲུབ་པའི་ཕྱིར། །སྙིང་ནས་གུས་པས་གསོལ་འདེབས་ན། །འབྲལ་མེད་ཐུགས་རྗེས་བཟུང་དུ་གསོལ། །མ་འོངས་ཚེ་རབས་ཀུན་ཏུ་ཡང༌། །སྲིད་ཞིའི་འཇིགས་པ་ལས་སྒྲོལ་
ཕྱིར། །ཁྱོད་མིན་སྐྱབས་གཞན་མི་འཚོལ་བས། །འབྲལ་མེད་ཐུགས་རྗེས་བཟུང་དུ་གསོལ། །མདོར་ན་ལེགས་ཚོགས་ཀུན་གྱི་སྒོ། །ཁྱོད་ཞབས་གུས་པས་བསྙེན་པ་ལས། །མཆོག་ཐུན་དངོས་གྲུབ་མ་ལུས་པ། །བདེ་བླག་ཉིད་དུ་འགྲུབ་གྱུར་ཅིག །བླ་མའི་སྐུ་ཚེ་རབ་བརྟན་ཅིང༌། །རྒྱལ་བའི་བསྟན་པ་ཕྱོགས་བཅུར་རྒྱས། །འགྲོ་ཀུན་དགེ་ལ་སྤྱོད་པ་ཡིས། །རྫོགས་ལྡན་དཔལ་ལ་སྤྱོད་གྱུར་ཅིག །ཅེས་པ་འདིའང་སུ་ཉིད་ཤོག་ནས་དད་ལྡན་རབ་འབྱམས་པ་བློ་བཟང་ཤེས་རབ་དང་བསྟན་འཕེལ་གཉིས་ཀྱིས་བསྐུལ་ངོར་༸བཙུན་པ་དཀོན་མཆོག་བསྟན་པའི་སྒྲོན་མེས་སྦྱར་བའི་ཡི་གེ་པ་ནི་སྔགས་རམས་པ་དཀོན་མཆོག་ཀུན་དགའོ།། །།