ཟློས་གར་གྱི་བསྟན་བཅོས་ཡང་དག་ལམ་དུ་བཀྲི་བའི་རོལ་རྩེད།
ས མྱ གྨ རྒེ ནེ ཡ སྱ ལི ལ ར མ ནཱ མ ནཱ ཊ ཀ ཤཱ སྟ བི ཛཱ ཧ ར མ྄།།
།ཟློས་གར་གྱི་བསྟན་བཅོས་ཡང་དག་ལམ་དུ་བཀྲི་བའི་རོལ་རྩེད་ཅེས་བྱ་བ་བཞུགས་སོ།།
ཚིག་དོན་སྤོབས་པ་ངེས་པའི་ཚིག །སོ་སོ་རིག་པས་འགྲོ་དོན་མཛད། །ཐུབ་པའི་དབང་པོ་ལ་བཏུད་ནས། །རྗེས་མཐུན་རྒྱུ་ལ་འཇུག་པར་འོས།། དེའང་རྒྱ་གར་གྱི་སློབ་དཔོན་པྲཛྙཱ། བོད་ཀྱི་བཙུན་པ་ཤེས་རབ། སོག་པོའི་བཙུན་པ་བི་ལིག །རྒྱའི་བཙུན་པ་ཚཻ་དཔཱེ་རྣམས་ལྷན་ཅིག་ཏུ་ཚོགས་སོ། །དེ་ནས་ཚཻ་དཔཱེ་ན་རེ། ཀྱིང་ཏ་ཡན་ཀྲི་ཡུ་ཝན་ཁྲུ་ཙི་ཡིན་ཏུ།.....རྒྱ་གར་ཆོས་ཀྱི་འབྱུང་ཁུངས་ཡིན། ཞིང་ཡུས་ཤི་ཧཱན་ཀྱི་ཧུ་མོང་གུ །.....དེང་སང་ཆོས་དར་ས་བོད་དང་སོག་པོ་གཉིས་བཟང་བས། ཡིན་ཏུ་ཏཱ་ཤི་ཡུས་ཚཱི་ཨཱེ་ལ་གྲེ་ཏང་ཝུན་ཅིང་གྲེ་ཤུ་ཝུས་ཧེ་གྲེ་ཤི་གྲེ་ཡུས་ཤིན།.....རྒྱ་གར་བླ་མས་འདི་གཉིས་ལ་ཆོས་ཀྱི་དྲི་བ་གནང་སྟེ་ཐུགས་ལ་གང་འབབ་བལྟ་དགོས། ༈ པྲཛྙཱ་ན་རེ། དམ་པའི་ཆོས་ནི་ཐོག་མཐའ་བར།.....སདྡྷརྨྨཿ པྲཏྱནྟརནྟ། གསུམ་དུ་དགེ་བ་ཞིག་ཡིན་པས།.....ཏྲིཥུཤུབྷསྶྱ་ཏིན། འཇུག་ཚུལ་ཡང་དེ་དང་མཐུན་པ་ཞིག་དགོས།.....ཨབཏརོགུམྥཤྩསཿ ཙསཱརྡྷཔྲེཡོཛན། ༈ ཤེས་རབ་ན་རེ། དམ་
པའི་ཆོས་ནི་ཐོག་མཐའ་བར་གསུམ་དུ་དགེ་བ་ཞིག་ཡིན་པས་འཇུག་ཚུལ་ཡང་དེ་དང་མཐུན་པ་ཞིག་དགོས་གསུངས་པ་ཤིན་ཏུ་ཐུགས་བདེན། ༈ བི་ལིག་ན་རེ། ཏེ་གེ་ཏུ་ནོམ་ཨནུ་ཐེ་གཱུནསེ་ཀུལ་ཏོ་མ་ཏ་གོར་བ་ཏུར་སའི་ན་མུན་ནུ་ཐུ་ལ།.....དམ་པའི་ཆོས་ནི་ཐོག་མཐའ་བར་གསུམ་དུ་དགེ་བ་ཞིག་ཡིན་པས། འོ་རོ་ཧུ་ཡོ་སོ་ཆཱུ་ཐེ་ཀུ་ན་ལུ་ཀེ་ཙོ་ཧི་ལ་ཏུ་ཧུ་ཁེ་རིག་ཐེ་ཀི་པི་ཆཱུ་མེ་ཏེ་ནེམ།.....འཇུག་ཚུལ་ཡང་དེ་དང་མཐུན་པ་ཞིག་དགོས་པ་ངས་ཀྱང་གོ་ལགས། ༈ ཚཻ་དཔཱེ་ན་རེ། ཤཱན་སཱས། ཤཱན་སསཱ།.....བཟང་བཟང། ཆོས་ཀྱི་འགོ་ནས་ཁྱེད་རྣམས་ཐུགས་མཐུན་བྱུང་བ་རྟེན་འབྲེལ་བཟང།.....ཁའི་ཅིང་ཀྱི་ཆུ་ཨཱེ་ལ་ཅུང་ཤིན་ཧེ་ཅི་ཝུས་ཅི་ཀྱོ། ཡཱན་ཏང་ཚེ་ཀྱིས་པི་ཤུས་ཤྱང་འུན་ཨཱི་མཱིང་ཧུ་ལྤ་ཙཽ།.....ཡིན་ཀྱང་ད་དུང་དྲི་བ་ཞིབ་མོ་མང་པོ་གནང་སྟེ་སངས་རྒྱས་ཀྱི་བསྟན་པའི་དག་ཐེར་བྱེད་དགོས། ༈ པྲཛྙཱ་ན་རེ། བྷོཊཤྩམཽངྒོལསྱབནྡེ་དྭིསུཤྲིཎུཿ།.....བོད་དང་སོག་པོའི་བཙུན་པ་གཉིས་ལེགས་པར་ཉོན། མམཔྲཤྣེདམིཀྲྀཏྭསུཔྲཤྣོཏྟརཔྲེཡོཛཱནཾ།.....ངའི་དྲི་བ་འདི་ལ་ལན་ལེགས་
པར་འདེབས་དགོས། ཨཱདིསྱདྷརྨྨམཱུལཡསྶྱཏྲ།.....ཐོག་མར་ཆོས་ཀྱི་རྩ་བ་གང་ཡིན། ༈ ཤེས་རབ་ན་རེ། ཆོས་ཀྱི་རྩ་བ་སེམས་ཡིན། ཆོས་ཡང་དག་པར་སྡུད་པའི་མདོ་ལས། བྱང་ཆུབ་ནི་ཆོས་ལ་རག་ལས། ཆོས་ནི་སེམས་ལ་རག་ལས་ཞེས་གསུངས་པ་ལྟར་ཡིན། ༈ བི་ལིག་ན་རེ། སེད་ཁེལ་ནོ་མོན་ཨུན་ཏུ་སུན་ཏུར་འོད་ཏུ་ཨུ་ལུ་འོད་ཧུ་ཨེལ་ཏེ་པ་པོའི་ཐུ་ལ།.....སེམས་ལ་ཆོས་ཀྱི་རྩ་བར་འགྲོ་མི་འགྲོ་སྣ་ཚོགས་ཡོད་པས། ཆི་ནུ་ཐེ་རེ་ཁེ་ལེ་ཁུ་ནིག་ཐ་པོ་ལག་སན་འུ་ཀེའི།.....ཁྱོད་ཀྱིས་དེ་བཤད་པ་ཞིབ་ཆ་མ་ཐོན་པར་འདུག །དཀོན་མཆོག་ཏ་ལ་ལས།.....ཨེར་ཏེ་ནི་ཛྭ་ལ་འ་ཆ། དད་པ་སྔོན་འགྲོ་མ་ལྟར་སྐྱེད་པ་སྟེ།.....སུ་ཙུག་འུ་རི་ཏ་ཡ་བུ་ཧུ་འེ་ཁེ་མེ་ཐུ་འེ་གུས་ཁེ་ཁུའི་པུ་ཀེད། ཁེ་མེ་ཁུ་ཐེ་རི་གུ་ཐེ་ན་ཁི་གཱེད།.....ཞེས་སོགས་དང། ཏུ་ར་ཤི་ལུན་འུན་ཏུ་སུན་ཏུར་སའི་ཐུར་འོ་རོ་ཤི་མུའི།.....འདུན་པའི་རྩ་བ་རབ་ཏུ་གནས། ཁེ་མེན་ནོམ་ལག་སན་མེ་ཐུ་ནོ་མོན་འུན་ཏུ་སུ་སུ་ཙུག་མུན།.....ཞེས་གསུངས་པ་ལྟར་ཆོས་ཀྱི་རྩ་བ་དད་པ་ཡིན། ༈ ཤེས་རབ་ན་རེ། ཁྱོད་ཀྱིས་ཞིབ་ཆ་ཐོན་པ་བྱས་ཏེ། ནས་ལའང་ས་བོན་རུང་མི་རུང་སྣ་ཚོགས་ཡོད་པས་ནས་མྱུག་གི་ས་བོན་ལ་ནས་མི་འཇོག་པར། ནས་ལས་གཞན་ཞིག་འཇོག་རྒྱུ་ཡིན་ནམ། ༈ བི་ལིག་ན་རེ། འར་པའི་ན་ཁུ་རུང་གེན་ཏུར་འར་པའི་འ་ཆ་པུ་སུ་ནི་གེ་ནི་ཐལ་པི་ཧུ་ཡུ་མ་འུ་ཀེ་པོ་ལ་ བ་ཆཱུ།.....ནས་ཀྱི་ས་བོན་ལ་ནས་ལས་གཞན་ཞིག་འཇོག་རྒྱུ་མེད་ཀྱང། འར 
་པའི་མུན་པུ་ཁུ་ནི་ཁུ་རུང་གེན་ཏུར་ཐལ་བི་ཧུ་ཁེ་རེག་འུ་ཀེའི་འ་མུའི།.....ནས་ཡིན་ཚད་ས་བོན་དུ་འཇོག་མི་དགོས་མོད། ༈ ཚེ་དཔཱེ་ན་རེ། ཧུ་ཕཱུ་ཧཱ་ས་ཀྱི་ཏཱཽ་བུ་ཁེ་སུ་ལྭ་ཅུང།.....ནས་རུལ་བ་དང་ཚིག་པས་ས་བོན་
མི་རུང་བ་ངས་ཀྱང་ཤེས། འུ་ལྭ་ཡི་ཇི་ཇཱི་སཱུས་ཟེ་ཡཱུན།.....ཡིན་ནའང་ནས་སྐྱེ་བ་ལ། ཡཱན།.....ནས་འདེབས་དགོས། མཱས།.....གྲོ། སྲན་མ།.....ཏུའུ། ཀུ།.....ཁྲེ། ཏོཨ་.....སོ་བ་སོགས་འབྲུ་གང་འདེབས་འདོད་ནའང་ས་བོན་ལ་འབྲུ་རང་རང་འདེབས་དགོས། ཡུས་ཏེ་ཧེ་ཅཻ་ཤུས་ཀེ་ཤི་ཅཱུང། ༈ ཤེས་རབ་ན་རེ། ངས་ཀྱང་སེམས་ཡིན་ཚད་ཆོས་ཀྱི་རྩ་བར་བཞག་པ་མིན། འགྲོ་བ་བཞིའི་ཆོས་ལས་མི་འདའ་བའི་སེམས་ཤིག་འཇོག་རྒྱུ་ཡིན། ཁྱོད་ཀྱིས་ཟེར་བའི་དད་པ་ཅན་གྱི་མཚམས་ཀྱང་དེ་འདྲ་ཞིག་དགོས་པར་རིན་ཆེན་འཕྲེང་བ་ལས་གསུངས་ཡོད། ༈ པྲཛྙཱ་ན་རེ། ཡཱུཡཾཔཱཏསྱཔྲཧཱུརྒུམྦཱབཱམཱཏྲཱཔརིགྲཧཱརྠསཱརྡྷཾདྲིཥྚཿ.....ཁྱོད་གཉིས་ཚིག་གི་ཟེར་ལུགས་མ་འདྲ་བ་ཙམ་མ་གཏོགས་དོན་ལ་མཐུན་པར་སྣང། མམཙམནཡོཔ་པཏྟིབྷབཏ།.....ངའི་ཡིད་ལའང་འཐད་པ་བྱུང། ༈ བི་ལིག་ན་རེ། ཏུར་པེན་འོང་ཧུའི་ནོམ་འ་ཆ་འུ་ལུ་ཏ་པ་ཧུ་ཡོ་སུ་ཐེར་གུ་ནི་འསུ་འུ་ཧུ་པུ་ཀེད།.....འགྲོ་བ་བཞིའི་ཆོས་ལས་མི་འདའ་ཚུལ་སོགས་དྲི་རྒྱུ་འདུག་སྟེ། ཁེ་རེག་ཀུ་འུན་ཏུ་སུ་འོ་ཡོ་ནུ་འུ་ཙུ་འུར་ཙོ་ཧིལ་ཏུ་བ་སུ་ཐེ་གུ་པཱེར་པོ་ལོ་མུའི།.....དོན་གྱི་རྩ་བ་བློ་རྩེ་མཐུན་ཡོད་ན་དེས་ཆོག །འུ་གེ་སཱུན་ས་ཚུ་རལ་འཡཱེར་སེ་གུ་ལའི་ཀི་འུ་ལུ་ཐ་སུ་ལ་མུའི།.....ཚིག་གི་སྤྲོས་པའི་མཐའ་མི་ཆོད། ༈ ཚེ་དཔཱེ་ན་རེ།...ཅིང་ཀྱཱི་ཀྱི་...ཆོས་ཀྱི་རྩ་བ་གང་ཡིན་ལ། ཏཱོ་ཏཱ་ཞི་སེད་ཅུད་མཱི་ཡ་པཱུ་ཧེ་ཧེ་ཁི་ལཱི་ཤིན་ཤཱ་ན།.....ཁྱོད་བླ་མ་དང་བཙུན་པ་རྣམས་མི་མཐུན་པ་མེད་པ་དེ་ཤིན་ཏུ་ལེགས། ད་དུང་ཡང་ཆོས་འདི་རྒྱ་ཆེ་གཏིང་ཟབ་པས་འཕྲོས་པ་དོན་ཅན་མང་དུ་གནང་དགོས།..... ཅི་ན་ཟེ་ཅིད་ཀྱཱི་ཀུལྭང་ཏཱ་ཤིན་ཨོ་ཤིན་ཨཱུན་མཱི་ཀྱཱི་ཡཱུ་ལྭན་དེ་ཕིན་ཤུལྭ། ༈ པྲཛྙཱ་ན་རེ། དྷརྨྨསྱཱཔཏཱ རམུཁཡསྶྱཏ།.....ཆོས་ཀྱི་འཇུག་
སྒོ་གང་ཡིན། ༈ ཤེས་རབ་ན་རེ། ཆོས་ཀྱི་འཇུག་སྒོ་སྐྱབས་འགྲོ་ཡིན་ཏེ། ཕྱི་ནང་གི་ཁྱད་པར་ཡང་སྐྱབས་འགྲོའི་སྟེང་ནས་འཇོག་པ་མཉམ་མེད་ཇོ་བོ་ཆེན་པོའི་དགོངས་པ་ཡིན། ༈ བི་ལིག་ན་རེ། ནོམ་བོ་ཡུ་ཤ་ཅིན་ནེའི་ཐེའི་ན་འོ་རོ་ཧུ་འི་གཱུ་ཏེའི་ཐེ་གེ་ལ་ཡ་པུ་འུ་ལ་ཧུ།.....ཆོས་སམ་བསྟན་པ་སྤྱིའི་འཇུག་སྒོ་སྐྱབས་འགྲོ། ཡེ་ཁེ་ཁུ་ལེ་གེ་ནུ་འོ་རོ་ཧུ་འེ་གུ་འུ་ཏེ།.....ཐེག་ཆེན་གྱི་འཇུག་སྒོ། བོ་དྷི་སེད་ཁེལ་འེ་གུ་སེ་ཁེ་ཁུ།.....སེམས་བསྐྱེད། ཐར་ནི་འིན་འོ་རོ་ཧུ་འེ་གུའུ་ཏེ་ཨ་བྷི་ཤིག་མུ་ན་ཁེ་མེ་ན་པུ་ཀུ་ཏེ་ཏུར་འལ་ཏར་ཤིགས་ན་འ་མཱུ་ཙ།.....སྔགས་ཀྱི་འཇུག་སྒོ་དབང་ཡིན་པར་ཡོངས་སུ་གྲགས་མོད། འེ་གུན་ཏུར་ཆུ་ཤིན་ཅི་ལེ་ཁུ་ནེ་གེ་ན་པུའི་པུ་ལེ་གེ །.....འདི་ལའང་དཔྱད་རྒྱུ་ཞིག་ཡོད་དེ། འི་ཐེ་གེལ་ཡ་བུའུལ་ཧུ་འ་ཆ་ཨང་ཁི་ཏ་པོ་ལོགས་ན་ཤ་ཅིན་ནི་གེའུ་ཀེའི་པོ་ལ་པ་སུ་ཐེ་གུ་ནུ་འེ་གཱུན་ཏེན་ཏུར་ཐལ་པི་ཧུ་ཡོ་སུ་འུ་གེའི།.....སྐྱབས་འགྲོ་ལས་ལོགས་སུ་གྱུར་པའི་བསྟན་པ་ཞིག་མེད་ན་འདི་དེའི་སྐོར་འཇོག་ལུགས་མེད། འི་ཐེ་གེ་ལ་ཡ་བུལ་ཧུའ་ཆ་ཐུ་སཱ་ར་ནི་གེ་ན་མུན་པོ་ལ་པ་སུ་ཐེ་རེ་ཐོ་ཐོ་གོའོ་ཐུའི་ན་ནོམ་པུ་སུའི་ན་ཀེམ་པོ་ལ་ཧུ་འུ་གེའི་པོ་ཡུ།.....སྐྱབས་འགྲོ་ལས་ལོགས་སུ་གྱུར་པ་ཞིག་ཡིན་ན་དེ་ནང་པའི་ཆོས་མ་ཡིན་པའི་སྐྱོན་དུ་མི་འགྱུར་རམ། ༈ ཚེ་དཔཱེ་ན་རེ། མོང་ཀུ་ཏཱ་ཤཱིས་ཤུ་ལྭ་ཤུ་ལྭ་ཟེ་ཤཱིས།.....སོག་པོའི་བཙུན་པས་ཟེར་བ་འདི་བདེན་པ་འདྲ་མོ་ཞིག་འདུག །ཆེད་མཱིན་ཡུས་ཆད་པཱཻ་ཟེ་ཡུ་ཡི་ཅིང་ཡུས།.....མཁར་གྱི་སྒོ་དང་མཁར་གཉི་ག་མི་གཅིག་པ་བཞིན་ཆོས་ཀྱི་སྒོ་དང་ཆོས་གཉི་གའང་སོ་སོར་དགོས་རྒྱུ་ཨེ་ཡིན།.....ཅིང་མཱིན་ཨི་ཏང་ཀེ་པཻ་ཡ་ཆི་ཤིན་ཡཱན་ཡུས། ༈ ཤེས་རབ་ན་རེ། དེ་ཁྱེད་གཉིས་ཀས་མ་གོ་བར་སྣང། སྒོའང་ཕོ་བྲང་གི་ཁོངས་སུ་འདུ་དགོས་པ་མ་གཏོགས། དེ་ཕོ་བྲང་ལས་ལོགས་སུ་ཡོད། ཕོ་བྲང་གི་རྩིག་པའང་ཕོ་བྲང་ལས་ལོགས་སུ་ཡོད། ཀ་བ་གདུང་མ་སོགས་ཀྱང་ཕོ་བྲང་ལས་ལོགས་སུ་ཡོད་ན་དེ་ཚོ་བསལ་ཤུལ་ནས་
ཕོ་བྲང་ཞིག་སྟོན་རྒྱུ་ཡོད་དགོས་ཀྱང་དེ་སྟོན་རྒྱུ་མི་རྙེད། དེ་ཐམས་ཅད་ཚོགས་ཙམ་ལ་ཕོ་བྲང་ཞེས་ཕར་བཏགས་པ་ཙམ་ཞིག་ཡིན། དེ་བཞིན་དུ་སྐྱབས་འགྲོའང་བསྟན་པ་ལ་སློབ་པའི་ཐོག་མ་ནས་འཇུག་པ་ཡིན་པས་ན་སྒོ་དང། ཞུགས་ནས་ཉམས་སུ་ལེན་རྒྱུའི་གཙོ་བོ་ཡིན་པས་ན་གཞུང་ཤིང་སོགས་སུ་བཏགས་པ་མ་གཏོགས། བསྟན་པ་ལས་ལོགས་སུ་གྱུར་པའི་དེའི་འཇུག་སྒོ་ཞིག་འཇོག་མི་དགོས། ༈ པྲཛྙཱ་ན་རེ། ཏདཏིསུཙིཏྟོཏྭཱདོམཧཱཡཱནསྱབརྔྡྷམུཁེབྷཱཥིཏཤྩ།.....དེ་ཤིན་ཏུ་ལེགས་སེམས་བསྐྱེད་ཐེག་ཆེན་གྱི་འཇུག་སྒོར་བཤད་ཀྱང་། མཧཱཡཱནསྱསརྦྦཾཔནྠཤྩཏྟོཏྤཱདསྱཔརཀརེསཾམབཱཡཔྲེཡོཛནཾ།.....ཐེག་ཆེན་གྱི་ལམ་ཐམས་ཅད་སེམས་བསྐྱེད་ཀྱི་ཡན་ལག་ཏུ་འདུ་དགོས། མནྟྲགུཧྱསྱབརྔྡྷམུཁཱབྷིཥཱིཥཱིཉྩཏིབྷཥིཏཥྩཏྱབཏརསྱཀརཎཔཱུརྦེགམཎཀརྻྻཎེཀཱནྟཾ།.....གསང་སྔགས་ཀྱི་འཇུག་སྒོ་དབང་ཞེས་བཤད་པའང་དང་པོར་འཇུག་པའི་ཚེ་སྔོན་འགྲོར་བྱས་པ་གཅིག་པུ་མ་ཡིན་པར། བིཔཱཙསྱཀརཀྲནྠཿ། ཀྲྀཏེམུཀྟསྱམཱརྒ།.....སྨིན་བྱེད་ཀྱི་རྒྱུ་གྲོལ་བྱེད་ཀྱི་ལམ། གྲོལ་བ་འབྲས་བུ་སྟེ་སྔགས་ཀྱི་ལམ་འབྲས་ཐམས་ཅད་དབང་གི་ཁོངས་སུ་འདུས་པ་ཡིན།.....མོཙནབྲིཧིཏམནྟྲསྱསརྦྦམཱརྒདྷམྱཤྩཥེཀསྱབྲགྦྷརཎསམཱཛན། ༈ བི་ལིག་ན་རེ། ཤ་ཅིན་ནུ་འོ་རོ་ཧུ་འི་གུའུ་ཏེ་འི་ཐེ་གེལ་ཡ་པཱུ་ལ་ཧུ་མུན་ནེ་ཆི་འུ་ནེན་པོལ་གོང་འུའི་ལེད་པཻ་ཆུ་ཐེ་རེ་ཐེ་ཏུའི་ཁེ་ནེར་ཐོ་འོ་ཚ་ཅུ་འུ་ལུ་བོ་ལོ་མུའི།...༈...བསྟན་པའི་འཇུག་སྒོ་སྐྱབས་འགྲོ་ཡིན་པ་ཁྱོད་བདེན་པའི་དབང་དུ་བྱས་ཀྱང་དེ་ཙམ་གྱིས་གོ་མི་ཆོད། སྐྱབས་སུ་འགྲོ་བའི་རྒྱུ་.....འི་ཐེ་གེ་ལ་ཡ་པཱུ་འུལ་ཧུ་ཤིལ་ཐ་གཱན་འི་ཐེ་གེ་ལ་ཡ་པུའུ་ལ་སན་ཁེམ་ཅི་ཡེ།.....སྐྱབས་སུ་སོང་བའི་ཚད། འི་ཐེ་གེ་ལ་ཡ་པཱུ་ལ་ཧུའི་མུན་ཆི་ནར།.....སྐྱབས་འགྲོའི་ངོ་བོ། ཐེ་རེ་ཆུ་ཡེ་རུང་ཁེའི་ན་འེརཁེ་པཱེར་འུའི་ལེད་པཱེ་སུ་འེར་ཏེ་མི་
མེ་ཏུ་ཁུ།.....དེའང་ཐུན་མོང་བའི་དབང་དུ་བྱས་ན་ཡོན་ཏན་ཤེས་པ། འི་ལ་ག་ལི་མེ་ཏུ་ཁུ།.....ཁྱད་པར་ཤེས་པ། ཁས་ལེན་པ།.....འ་མན་འབ་ཧུ། གཞན་དུ་མི་སྨྲ་བ་བཞི་དང་།.....པུ་སུད་ཐུར་འུ་ལུ་འུ་གུ་ལེ་ཁུ་ཏུར་པེ་ཁི་གཱེད། ཐུན་མོང་མ་ཡིན་པ་ཀུན་ཏུ་འགྲོ་བའི་ཁྱད་པར།.....ཡེ་རུང་ཁིའི་པུ་སུ་ཧོ་ཐོ་ལ་ཏུར་འོད་ཧུའི་ན་འི་ལ་གཱ་ལ། ཁས་ལེན་པའི་ཁྱད་པར།.....འ་མན་འབ་ཧཱུའི་ནའི་ལ་གཱ་ལ། རྟོགས་པའི་ཁྱད་པར།.....འོ་ནོ་ལུནའི་ལ་གཱ་ལ། ཟིལ་གནོན་གྱི་ཁྱད་པར་བཞི།.....སུར་འེ་ཡཱེར་ཏ་རུ་ཧུའི་འི་ལཱ་ལ་གཱལ་ཏུར་པེ། འི་ཐེ་གེལ་ཡ་པུ་གླུ་ལུག་སན་ཐུ་ས་འ་ེར་ཏེམ་ཐི་རི་གུ་ཐེ་ནི་སའི་ཐུར་ནོམ་ལ་ཏུ་ཁེ་རེག་ཐེའི།.....སྐྱབས་སུ་སོང་བའི་ཕན་ཡོན་སོགས་ལེགས་པར་བཤད་དགོས། ༈ ཤེས་རབ་ན་རེ། ཁྱོད་ཀྱིས་སྐྱབས་སུ་འགྲོ་བའི་རྒྱུ། སྐྱབས་སུ་སོང་བའི་ཚད། སྐྱབས་འགྲོའི་ངོ་བོ་དེའང་ཐུན་མོང་བའི་དབང་དུ་བྱས་ན་ཡོན་ཏན་ཤེས་པ། ཁྱད་པར་ཤེས་པ། ཁས་ལེན་པ། གཞན་དུ་མི་སྨྲ་བ་བཞི་དང། ཐུན་མོང་མ་ཡིན་པ་ཀུན་ཏུ་འགྲོ་བའི་ཁྱད་པར། ཁས་ལེན་པའི་ཁྱད་པར། རྟོགས་པའི་ཁྱད་པར། ཟིལ་གནོན་གྱི་ཁྱད་པར་བཞི། སྐྱབས་སུ་སོང་བའི་ཕན་ཡོན་སོགས་གང་ཡིན་ཞེས་དྲིས་པ་དེ་རྒྱ་ཆེ་མདོག་ཁ་པོ་འདུག །ཡིན་ཀྱང་དྲི་རྒྱུའི་གཙོ་བོ་ལུས་སྣང། རང་ཅག་ཐམས་ཅད་སྐྱབས་འགྲོའི་སྡོམ་པ་ཡང་ཡང་ཁས་བླངས་ཡོད་པ་ཤ་སྟག་ཡིན་དུས། ངེས་པར་རྩད་གཅོད་རྒྱུ་ཡིན་ན་ཁ་ནང་དུ་བསྐོར་ཏེ་སྐྱབས་འགྲོའི་བསླབ་བྱ་གཙོ་བོར་འདྲི་དགོས། སྐྱབས་འགྲོའི་ཁོངས་འདིར་གསུང་རབ་ཐམས་ཅད་འདུ་བས། སླར་འཕྲོས་པ་རིམ་པ་བཞིན་བྱས་ཆོག ། ༈ པྲཛྙཱ་ན་རེ། དྷརྨསྱཔྲཀྲྀཏེཡདྡྷབཏབཏྱཤོཤིཏེནཔརཱིཀྵཎཔརིཧཱརཔྲཱཔྟ།.....ཆོས་ཀྱི་གནས་ལུགས་གང་ཡིན་རིག་པ་ཕྲ་མོས་དཔྱོད་ལ་ལན་ཐོབ། ༈ བི་ལིག་ན་རེ། ནོ་མོན་ཨ་ཧུ་ཡོ་སུ་འ་
ནུ་ཀུན་ཧོ་གཱོསོན་ཆི་ནར་མུན།.....ཆོས་ཀྱི་གནས་ལུགས་ནི་ཟབ་མོ་སྟོང་པ་ཉིད་ཡིན། ཐེ་གུ་ནཱེ་ཆེ་པུ་སུད་ཐུར་ཏ་པ་ཧུ་འོ་རོན་འུ་ཀཱེ་ཐུ་ལ་ནོ་མོན་མུ་ཏྲཱ་ཁེ་མེ་ཁུ་མུན་པུ་ལུ་གེ །.....དེ་ལས་གཞན་དུ་འདའ་ས་མེད་པས་ཆོས་ཀྱི་ཕྱག་རྒྱ་ཟེར་བ་ཡིན་ལགས། ༈ ཤེས་རབ་ན་རེ། གནས་ལུགས་སྟོང་པ་ཉིད་ཅེས་ཐེག་ཆེན་གྱི་གྲུབ་མཐའ་སྨྲ་བ་ཐམས་ཅད་ཟེར་ཡང་སྟོང་ཉིད་ཀྱི་འཇོག་མཚམས་མི་འདྲ། ཁྱོད་ཀྱིས་ཅི་འདྲ་ཞིག་ལ་བསམ་ནས་སྨྲས་པ་ཡིན། ༈ པྲཛྙཱ་ན་རེ། སུཛྙེཤཱུནྱཏཾརུནྡྷྱཏཏཊིཔྲེཡོཛཱན།.....སྟོང་ཉིད་ལེགས་པར་གོ་བ་ལ་དགག་བྱ་ངོས་ཟིན་དགོས། ཏཛྙཱཡེནཏཱརུཎཏྲསྱསུཀརཤཱུནྱཛྙཱ།.....དེ་ཤེས་ན་དེ་བཀག་པའི་སྟོང་པ་ཤེས་སླ། ཡཱུཡཾརུནྡྷྱཏཀིམྨིཐསནཥེདྷཔྲེཡོཛཱཾཀཱམབན།.....ཁྱེད་གཉིས་དགག་བྱ་ཇི་ལྟ་བུ་ཞིག་འགོག་དགོས་པར་འདོད་པ་ཡིན། ༈ བི་ལིག་ན་རེ། ཧ་གཱ་ག་ཏ་ཧུན་ག་ཏ་གཱ་ཏུ་འུད་ཧ་ཐུ་རིད།.....དགག་བྱ་ཕྱི་དོན་བཀག་པའི། ཁེག་སེན་ཧོ་གཱོ་སོན་ཆི་ནར་སེད་ཧེ་ལུན་ཐེ་ཏུའི་ཁེན་ཐུ་པཱེར་ཐ་གཱ་ལག་སེ་ན་མེ་ཐུ་བཱོར་འུ་ལུ་ཐོ་གཱ་ཆ་མུའི།.....སྟོང་ཉིད་སེམས་ཙམ་པས་འདོད་པ་ལྟ་བུས་གོ་མི་ཆོད། ཐུབ་འུ་ཅེལ་ཐེན་ནུ་འེ་ནེ་ཡོ་སོན་ཏུར་ཧ་གཱ་ག་ཏ་ཧུན་འུ་ནེན་ཤིག་པུ་ཐུག་སེན་ནེ་ཧ་གཱ་ཧུ་ཁེ་རེག་ཐེའི།.....དབུ་མ་པའི་ལུགས་འདིར་དགག་བྱ་བདེན་གྲུབ་འགོག་དགོས། ཐོ་བ་ཆིལ་ན་ཧུ་རི་ཡ་པ་སུ་ནོམ་འ་ལིན་ཏུར་ཆུ་ཐཱེ་ན་འད་ཧག་འེ་ཡཱེར་ཆི་ནག་ཤི་ནེ་རེའི་ཏུག་སེན་ཐེ་ཏུའི་ནི་གེ་ནཱེ་ཆི་པུ་སུ་ཐེ་རེའུ་བུ་རུན་ཐ་ལྔ་ཆ་པུ་ཐུག་སེན་འུ་ཀཱེ་མུན།.....མདོར་བསྡུས་ན་ཆོས་གང་ལའང་རྣམ་རྟོག་གིས་ཕར་བཏགས་པ་ཙམ་ཞིག་མིན་པ་ཁོ་རང་གི་ངོས་ནས་གྲུབ་རྒྱུ་མེད་པ་ཡིན། ༈ ཤེས་རབ་ན་རེ། ཐག་རིང་ནས་མི་ཞིག་དང་ཐོ་ཡོར་ཞིག་གཤིབས་ཡོད་པ་ལ་མི་གཉིས་འདུག་བསམ་པའི་ཚེ། ཐོ་ཡོར་གྱི་ངོས་ནས་མི་མ་གྲུབ་པས་རྣམ་རྟོག་གིས་
ཕར་བཏགས་པ་ཙམ་ཡིན་མོད། མི་དེའི་ངོས་ནས་ཀྱང་མིར་གྲུབ་པ་མེད་པས་ཕར་བཏགས་ཙམ་ཡིན་ནམ། ༈ བི་ལིག་ན་རེ། ཧོ་ལོ་ག་ཅར་འི་ཆེ་ནེ་གེ་ན་ཁུ་མུན་ཀི་གད་ནི་གེ་ན་མ་ནཱུར་ལུ་གེ་ཧམ་ཐུ་བོའི་ཏུར་ཧོ་ཡར་ཁུ་མུན་པོའི་ཁེ་མཱེན་ས་ནག་སན་ཆག་ཐ།.....ཐག་རིང་ནས་མི་ཞིག་དང་ཐོ་ཡོར་ཞིག་གཤིབས་ཡོད་པ་ལ་མི་གཉིས་འདུག་བསམ་པའི་ཚེ། མ་ནཱུ་ར་རུའི་ན་ཅུག་འེ་ཆེ་ཁུ་མུན་འེ་སེ་པུ་ཐུག་སེན་ཐུ་ལ་ཐིའི་འད་ཧག་ཡཱེར་ཆི་ནག་ཤི་ནེ་རེད་ཏུག་སེན་ཐེ་དུས་མུན་འ་མོའི།.....ཐོ་ཡོར་གྱི་ངོས་ནས་མི་མ་གྲུབ་པས་རྣམ་རྟོག་གིས་ཕར་བཏགས་པ་ཙམ་ཡིན་མོད། ཁུ་མུན་ཐེ་གུ་ནི་ཅུག་འེ་ཆི་ཆཱུ་ཁུ་མུན་ཏུར་པུ་ཐུག་སེན་འུ་གཱེ་ཐུ་ལ་ཆི་ནག་ཤི་ནེ་རེད་ཏུག་སེན་ཐེ་དུས་མུན།.....མི་དེའི་ངོས་ནས་ཀྱང་མིར་གྲུབ་པ་མེད་པས་ཕར་བཏགས་ཙམ་ཡིན། ཐེ་རེ་ཧོ་ཡར་འུ་པེ་རཱུན་ཅུག་འེ་ཆེ་ཁུ་མུན་ཏུར་པུ་ཐུག་སེན་འེ་སེ་པུ་ཐུན་ནུ་ཡི་ལ་གལ་པོའི་པུ་གེ་སུ་ཧོ་ཐོ་ལུ་འུ་གེ་ལི་ཆེ་ཐེའི་ཡི་ལ་ག་ལ་ཡ་གཱུ་པུའི།.....དེ་གཉིས་རང་ངོས་ནས་མིར་གྲུབ་མ་གྲུབ་ཀྱི་ཁྱད་བྱུང་ན་དངོས་སྨྲ་བ་དང་ཁྱད་ཅི་ཡོད། ༈ པྲཛྙཱ་ན་རེ། སདཱིཔརམརྠཱཧསྭཱབྷབེནསཱདྷནསཱདྷསྱནབྷེདཤྩ།.....དེ་གཉིས་དོན་དམ་པར་རང་རང་གི་ངོ་བོས་གྲུབ་མ་གྲུབ་ཀྱི་ཁྱད་པར་མེད་ཀྱང་། བྱཱབཱཧརཎརཾསཱདྷནསཱདྷནརསྱཀརྟཀརཤཀཱེནཤཀླསྱབྷཀྟབྷབེནབྱཱབཱཧརསམཧིཏསཱཡམིདེཛྙཱཔརྻྻསྟ།.....ཐ་སྙད་དུ་མིར་གྲུབ་མ་གྲུབ་མིའི་བྱ་བ་བྱེད་ནུས་མི་ནུས་ཀྱི་ཁྱད་ཡོད་པས་ཐ་སྙད་ཀྱི་འཇོག་མཚམས་འདི་གོ་དཀའ། སདྭིཏམན་ཏཊིནབིརུདྡྷསཾསྟུཏ།.....དེ་གཉིས་ཀ་ཡིད་ངོར་འགལ་མེད་གྲོགས་སུ་སོང་བ་ཞིག་བྱུང་ན་རྒྱལ་བའི་དགོངས་པ་མཐར་ཐུག་རྙེད་པ་ཡིན་པས་ངོ་མཚར་ཆེ།.....ཀཾགཏསཧབྷབེཛཡསྱབྷིཔྲཡཔརྻཱནྟལབྡྷེནམཧཱཤརྨྨཎཾ། ༈ ཚེ་དཔཱེ་ན་རེ། ཚེ་ཟུས་ནན་མིང།.....དེ་གོ་བ་དཀའ་མོ་འདུག །ཨཱེ་ལ་ཨུན་ཆི་ཡཱན་ཤིང་ཧུལྭ་ལྭན་གྱིན་ཀུང་ཏེ་ཞིན་ཏཱ།.....ཡིན་ཀྱང་ཚིག་ཙམ་རྣ་བས་ཐོས་ནའང་གསེར་དངུལ་སྲང་ཁྲི་ཚོ་རྙེད་པ་ལས་དོན་ཆེན་པོ་ཡོད་པས་བཀའ་དྲིན་ཆེ།
༈ ཤེས་རབ་ན་རེ། འདི་གོ་དཀའ་བས་མིང་སྣ་ཚོགས་བཏགས་ཀྱང་དོན་ཐོག་ཏུ་འབབ་དཀའ་མཁས་གྲུབ་ཐམས་ཅད་མཁྱེན་པའི་ཞལ་ནས། ཇི་སྲིད་མིག་ལྡན་སྐྱེ་བོས་མ་དཔྱད་པ། །དེ་སྲིད་དམུས་ལོང་བརྒྱ་ཡིས་རབ་དཔྱད་ཀྱང། །གླང་ཆེན་གཟུགས་ལ་ལོག་པའི་ཐ་སྙད་བརྒྱ། །ཀུན་ནས་འདོགས་པའི་མུ་ཅོར་འཕེལ་བ་ཙམ། །ཞེས་གསུངས་ལ། དེ་ཉིད་ཀྱིས་སྟོང་ཐུན་སྐལ་བཟང་མིག་འབྱེད་ནའང་དེ་འདྲ་ཞིག་གསུངས་ཡོད། ལྕང་སྐྱ་ཐམས་ཅད་མཁྱེན་པས། ཨ་མ་ཐལ་དཀར་གྱི་གླང་ཆེན་གཟུགས་ལ། །གསུངས་པའང་འདི་ཚོ་དང་སྒོ་བསྟུན་ནས་གསུངས་པ་རེད། སྤྱན་སྔ་བློ་གྲོས་རྒྱལ་མཚན་གྱིས་ཀྱང། དམུས་ལོང་གླང་ཆེན་ཞིབ་ཕྱགས་བཞིན། །ཞེས་སོགས་རྩ་འགྲེལ་ཐམས་ཅད་ན་དཔེ་འདི་ཡང་ཡང་གསུངས་འདུག །༈ བི་ལིག་ན་རེ། འེ་ནེ་འུ་ལེ་གེ་རཱིན་འོག་ཏེལ་གེ་རེང་གུའི་འ་ནཱུ་ཧུ་རི་ཡང་གུའི་ཁུ་ལེ་གེན་ཏུར་བུའི།.....དཔེ་འདིའི་ཁུངས་རྒྱས་པ་ཐེག་བསྡུས་ན་ཡོད། འེ་གུ་ནི་ཙ་གཱ་ནུ་ཡེ་ཁེ་ཁུ་ཚུ་ནུ་འུ་ལེ་གེར་ལེན་འུའི་ལེ་ཏུག་སེན་ཏུར་པ་རིལ་ཏུ་ལ་གཱ་ཡུ་འུཆི་འུ་གེ །.....འདི་གླང་པོ་ཆེ་ཤེད་ཆེ་བ་དཔེར་བྱས་པ་ལ་འབྲེལ་ཅི་ཡང་མེད། ཏུར་སུ་ཡེ་ཁོ་ཐུལ་ནི་ཏུ་ཐེན་པཱེར་འུ་ཙེག་སེན་ཐེ་ཏུའི་འེ་ཆེ་ཐོ་ལོ་གོའི་སེ་གུ་ལི་པུ་རིན་འུ་ཙེ་ན་ཆི་ཏ་པ་ཆུ།.....གཟུགས་ཆེ་སོང་བ་མིག་ཅན་གྱིས་བལྟས་ཙམ་ནས་མགོ་མཇུག་ཚང་མ་མཐོང་ཐུབ་ཀྱང་། པ་ལའི་སོ་ཧོར་པཱེར་གཱརའི་ཡཱེར་ཐེམ་ཐུར་ཁེ་ལེན་འུའི་ལེད་པཱེསུ་ཁིརླིགི་མི་ཏེལ་འུ་ཀེའི་འེལ་ཏེ་བ་ནེ་རེ་ཧ་ཏ་མུའི།.....དམུས་ལོང་གིས་ལག་མྱོང་བྱས་ན་ཚོད་མི་ཟིན་པས་མིང་སྣ་ཚོགས་འདོགས་པ་རེད། ཡེ་ཁེ་ཐེར་ཀེ་ནུ་ཇི་རིམ་ནེ་ཀེག་ཆེད་དཔེར་འུ་ལེ་གེར་པ་རི་ཏུ་འུལ་སན་ཡོ་སུ་འེ་ནེ་ཐེ་ཏུའི་གི་མེ་ཏེ་ཁུའི་ཏུར་ཆུ་ཡེ་ཁེ་གཽལ་ནོ་གཽ་ཏི་སུ་ཏུ་ལུན་ཏ་ས་ཧུ་ཁེ་རེག་ཐའི།.....ཤིང་
རྟ་ཆེན་པོ་ཚོས་དཔེ་སྦྱོར་ཚུལ་འདི་ཙམ་གོ་བའང་གཞུང་ཆེན་མོ་རྣམས་ཀྱི་རྒྱུས་ཡོད་དགོས། འེར་ཐེ་ཐུ་བེད་ཤ་ཅི་ནུ་གར་ཧུའི་ན་འོག་ཁེ་མེ་བ་ཆུ།.....སྔོན་བོད་བསྟན་པའི་འབྱུང་ཁུངས་ཟེར་ཡང། འེ་ཏུ་གེ་མ་ན་གཱར་གཽ་ལ་ཡོ་སུ་པུ་གུ་ཏེ་ཏུར་ཏ་སུག་སན་ཁི་གེད།.....དེང་སང་གཞུང་ལུགས་ཐམས་ཅད་ལ་རྒྱུས་ཡོད་པ། ཨ་བྷི་ཤིག་འེ་ཤི་ཨུ་པ་དེ་ཤ་ནུ་འུར་གུལ་ཅི་ལེལ་བུའི་འ་ནུ་མ་ནའི་མོདྒོལ་སའི་ན་པོའི་ནམ།.....དབང་ལུང་མན་ངག་གི་རྒྱུན་ཡོད་པ་ང་ཚོ་སོག་པོ་བཟང་བར་འདུག ། ༈ པྲཛྙཱ་ན་རེ། ཤཱསནསྱབྷུཏབསྟཤྩཛནབདམདྷྱཙཱརྦུཏམསྨཏཱརྻྻབརྟསྱཛནབདཡ་ཏེ།.....བསྟན་པའི་འབྱུང་ཁུངས་དང་ཡུལ་དབུས་ཟེར་བ་དེ་ངེད་རྒྱ་གར་འཕགས་པའི་ཡུལ་ཡིན། ཡུསྨཀཾཔྲཏྱཱནྟརྦུཏབཱཡཏེཤྩ།.....ཁྱེད་ཚོ་ལ་མཐའ་འཁོབ་ཟེར་བ་ཡིན་ཡང། ཨདྷུནཱཀིམཽཔྲཏྱཱནྟཱརྦུཏཾཔྲཡོཛཱནནོཛྙཱནིཥཎྞ།.....ད་སུ་ལ་མཐའ་འཁོབ་ཟེར་དགོས་མི་ཤེས་པར་འདུག །ཛཱནབདམདྷྱཤྩཔྲཏྱཱནྟཱཙསྭབྷཱབེནམཱསཱདྷེནཤཱསནཔིསྟཱརཱབཙཡཱནམདྷཱིནཔཱརཱབྷྱཱཁྱནཾབྷཱུཡཏེ།.....ཡུལ་དབུས་དང་མཐའ་འཁོབ་ཀྱང་རང་བཞིན་གྱིས་གྲུབ་པ་མེད་པར་བསྟན་པ་འཕེལ་འགྲིབ་ལ་ལྟོས་ཏེ་ཕར་བཏགས་པ་ཙམ་ཡིན། ༈ ཤེས་རབ་ན་རེ། དོན་དམ་རྟོགས་པ་ལ་སྔོན་དུ་ཀུན་རྫོབ་པའི་རྣམ་གཞག་གཏན་ལ་ཕབ་སྟེ་ཐ་སྙད་ཚད་གྲུབ་ལ་མཁས་དགོས། རེ་ཞིག་ཀུན་རྫོབ་ཀྱི་རྣམ་གཞག་ཅིག་ཁྱོད་ལ་དྲི་དགོས། བདེན་པ་བཞི་ལ་གང་འདྲེན། ༈ བི་ལིག་ན་རེ། ཏུར་བེན་འུ་ནེ་ན་འིནུ།.....བདེན་པ་བཞི་ནི། ཙོ་པ་ལང་དུན་འུ་ནེན།.....སྡུག་བསྔལ་བདེན་པ། པུ་ཁུ་ནི་གར་གག་ཆིའི་ན་འུ་ནེན།.....ཀུན་འབྱུང་བདེན་པ། ཐུ་རེད་ཁུའི་ན་འུ་ནེན།.....འགོག་བདེན། མུ་རཱུན་འུ་ནེན་ལུ་ཀེ་ཏུ་ར་པེ་མུན།.....ལམ་བདེན་དང་བཞི་ཡིན། ༈ ཤེས་རབ་ན་རེ། ཕུང་པོ་ལྔ་ལ་གང་འདྲེན། ༈ བི་ལིག་ན་རེ། ཏུ་ར་སའི་ན་ཚོག་ཆ།.....གཟུགས་ཀྱི་ཕུང་པོ། ཚོར་བའི་ཕུང་པོ།.....མེ་
ཏེར་ཁུའི་ན་ཚོག་ཆ། ཧུ་རན་མེ་ཏེ་ཁུའི་ན་ཚོག་ཆ།.....འདུ་ཤེས་ཀྱི་ཕུང་པོ། ཧུ་རི་ཡཱན་འུའིལེད་ཁུའི་ན་ཚོག་ཆ།.....འདུ་བྱེད་ཀྱི་ཕུང་པོ། ཐེའིན་མེ་ཏེཁུའི་ན་ཚོག་ཆ་ལུ་གཱ་ཐ་བུ་མུན།.....རྣམ་པར་ཤེས་པའི་ཕུང་པོ་དང་ལྔ་ཡིན། ༈ ཤེས་རབ་ན་རེ། རྟེན་འབྲེལ་ཡན་ལག་བཅུ་གཉིས་ལ་གང་འདྲེན། ༈ བི་ལིག་ན་རེ། ཨང་ཧན་ཀེ་ཤི་གུན་མོང་ཧག །.....ཡན་ལག་དང་པོ་མ་རིག་པ། ཧོཡ་ཏུ་གཱར་ཧུ་རི་ཡཱན་འུའི་ལེད་ཁཱུ།.....གཉིས་པ་འདུ་བྱེད། གུ་ཐ་གཱར་ཐེའི་ན་མེ་ཏེ་ཁཱུ།.....གསུམ་པ་རྣམ་ཤེས། ཏུ་ཐུ་གཱེར་ནེ་རིན་ཏུར་ས་སུ།.....བཞི་པ་མིང་གཟུགས། ཐབ་ཐ་གཱང་ཐུ་རིན་ཐུ་གེ་ཁུ།.....ལྔ་པ་སྐྱེ་མཆེད། ཅིར་གྭ་ཏུ་གཱར་ཁུ་རེལ་ཆེ་ཁཱུ།.....དྲུག་པ་རེག་པ། ཏོ་ལོ་ཏུ་གཱར་མེ་ཧེར་ཁཱུ།.....བདུན་པ་ཚོར་བ། ནའིམ་ཏུ་གར་ཧུ་རི་ཡ་ཧུའི།.....བརྒྱད་པ་སྲེད་པ། ཡེ་སུ་ཏུ་གཱར་ཨབ་ཧུའི།.....དགུ་པ་ལེན་པ། ཨར་པ་ཏུ་གཱར་སནྶ་ར།.....བཅུ་པ་སྲིད་པ། ཨར་པན་ནི་གེ་ཏུ་གཱར་ཐུ་རུ་ཁཱུ།.....བཅུ་གཅིག་པ་སྐྱེ་བ། ཨར་པན་ཧོ་ཡ་ཏུ་གཱར་འུ་ཐུ་ལོ་ཁུ་འུ་ཁུ་ཁུའི་ན་ཤི་ཐུན་པ་རིལ་ཏུ་ཧུའི་ནོ་གཽ་ཏ་མུན།.....བཅུ་གཉིས་པ་རྒ་ཤིའི་རྟེན་འབྲེལ་རྣམས་ཡིན། ༈ ཤེས་རབ་ན་རེ། ཁམས་བཅོ་བརྒྱད་ལ་གང་འདྲེན། ༈ བི་ལིག་ན་རེ། ཏུར་སུ་ཏ་གཱན་འུ་ནུར་འམ་ཐན་ཁུར་ཐེ་ཁཱུ་ནོམ་ལཽ་གཱ་འོ་རོན་ནུ་ཅིར་གྭ་གཱན་ཨི་ཙ་གཽ་ར།.....གཟུགས་སྒྲ་དྲི་རོ་རེག་བྱ་ཆོས་ཏེ་ཡུལ་གྱི་ཁམས་དྲུག །ནི་ཏུ་ཆི་ཁེཧ་པར་ཁེ་ལེ་པེ་ཡེ་སེད་ཁེ་ལ་ལུ་གེ་འེར་ཁེ་ཐེན་ནུ་ཅིར་གྭ་འན་ཨི་ཙ་གཽ་ར།.....མིག་རྣ་བ་སྣ་ལྕེ་ལུས་ཡིད་དེ་དབང་པོའི་ཁམས་དྲུག །ནི་ཏུ་ནུ་ཐེའི་ན་མེ་ཏེ་ཁུའི་འེ་ཆེ་སེད་ཁུ་ལཱུན་ཐེའི་ན་མེ་ཏེ་ཁུའི་ཁུར་ཐེ་ལེ་ཡྤེ་འིན་མེ་ཏེ་ཁུའི་ན་ཅིར་གཱའན་ཨི་ཙ་གཽར་ལཽ་གཱ་འར་པན་ནའི་མ་པུའི།.....མིག་གི་རྣམ་ཤེས་ནས་ཡིད་ཀྱི་རྣམ་ཤེས་ཀྱི་བར་རྣམ་ཤེས་ཀྱི་
ཁམས་དྲུག་སྟེ་བཅོ་བརྒྱད་ཡོད། འེ་ནེ་ཐོ་གཽ་ཐོ་གོ་ལ་ཧུའི་ན་ཐེ་ཏུའི་མུན།.....འདི་གྲངས་འདྲེན་ཙམ་ཡིན། ཐེ་ཏེ་གཱེར་ཐུས་ཐུ་སུན་མུན་ཆི་ནར།.....དེ་དག་སོ་སོའི་ངོ་བོ། ཨུའི་ལེད་པུ་རི།.....བྱེད་ལས། པེལ་ཀེ་ཆི་ནར།.....མཚན་ཉིད། ཨི་ལ་གལ།.....དབྱེ་བ། ཧུ་རི་ཡལ་ག །.....བསྡུ་བ། མ་གད་ཐོ་གོ །.....གྲངས་ངེས། ཨུ་ཡེ་ཙེར་ཀེ་.....གོ་རིམ་སོགས་དཔྱིས་ཕྱིན་པར་ཤེས་པ་ལ་.....ཐེ་རི་གུ་ཐེན་ནི་ཐུའི་ལ་ཏུར་ཁུར་ཐེ་ལེ་མེ་ཏེ་ཁུའི་ཏུར་ཧོ་ཐ་ལ་ཐེ་གུའུ་མེལ་ཨ་བྷི་དྷརྨཱ་.....མངོན་པ་ཀུན་བཏུས་ལྟར་གཏན་ལ་འབེབས་དགོས།.....མེ་ཐུའི་གི་ནུ་ཐ་ཏ་པ་གཽལ་ག་ཧུ་ཁེ་རེག་ཐའི། ༈ ཚེ་དཔཱེ་ན་རེ། ཕཱི་ཏིང་ཀཽར་ཤྱན་ཤུས་ཛཱེ་ཆི་ས་ཤྱ་ཤྱུས་ཤྱུས་ཨཱེལ་ཤང་ཡུས་ཏེད་ལཱུ་ཀྱཱེ་བི་ཡཱུ་ཐིས་ཤྱ་ཡས་སཻ་ཨཱེལ་ཤིང།.....རི་མཐོན་པོའི་རྩེར་འགྲོ་བ་ལའང་རྩ་བ་ནས་ཡར་ག་ལེ་ག་ལེར་འགྲོ་དགོས། ཁང་སྟེང་དུ་འགྲོ་བ་ལའང་སྐས་ཚིགས་འོག་མ་ནས་རིམ་གྱིས་འགྲོ་དགོས་པ་བཞིན་ཆོས་ཀྱང་གོ་དཀའ་བ་རྣམས་ཤེས་པ་ལ་གང་སླ་བ་དེ་སྔོན་དུ་བསླབ་ནས་རིམ་པ་བཞིན་བྱེད་དགོས་པ་དེ་ངའི་བློ་ལའང་ཤིན་ཏུ་འབབ་པ་བྱུང།.....ཤྱེ་ཡུས་མི་ཧྭ་ཡུས་ཏེ་ཆི་ཇི་ཤྱིན་ཤི་ཆི་ཨཱིས་སཻ་ཏི་ཨཱེལ་ཅིན་ལུལ་ཤིན་ཅི་མིང། ༈ པྲཛྙཱ་ན་རེ། དྷརྨྨསྱཧྲྀདཡཡབྷུཡཏེ།.....ཆོས་ཀྱི་སྙིང་པོ་གང་ཡིན། ༈ ཤེས་རབ་ན་རེ། ཆོས་ཀྱི་སྙིང་པོ་སྟོང་ཉིད་སྙིང་རྗེའི་སྙིང་པོ་ཅན་ཡིན་ལགས། ༈ བི་ལིག་ན་རེ། ནོ་མོན་འུ་གེ་ཡེ་རུང་ཁེ་ན་ཐེ་ཏུའི་ཏུར་ཐེ་རེ་བོལ་བ་ཆུ།.....ཆོས་སྐད་ཐུན་མོང་བ་ཙམ་ལ་དེ་བྱས་ཆོག་ཀྱང། ཀུན་ཨོ་ནི་སུ་ནི་ཐུའི་ན་འེར་ཁེ་ཏུར་འུའི་ཡེད་པེ་སུ་ཐེ་གུ་པཱེར་འུ་ལུ་ཐོ་གོ་ཆ་མུའི།.....ཟབ་གནད་མཐར་ཐུག་གི་དབང་དུ་བྱས་ན་དེས་གོ་མི་ཆོད། ༈ ཨ་མོ་གོ་ལང་ཧོ་གོ་སན་འི་ལ་གལ་འུ་གེའི་བེལ་གེ་བི་ལེག་ཐུར་འུའི་ལེད་ཁུ་ཁེ་རེག་ཐེའི།...༈...བདེ་སྟོང་དབྱེར་མེད་ཀྱི་ཡེ་ཤེས་ལ་བྱེད་དགོས། ༈ ཤེས་རབ་ན་རེ། ཁྱོད་ཀྱི་གཏམ་དེ་ངའི་ཕ་མི་མིན་སོག་པོ་ཡིན་
ཞེས་པ་ལྟར་འབྲེལ་མེད་ཀྱི་ཅལ་ཅོལ་དུ་སྣང། སྟོང་ཉིད་སྙིང་རྗེའི་སྙིང་པོ་ཅན་ཞེས་པ་སངས་རྒྱས་ཀྱི་གོ་འཕང་སྒྲུབ་པའི་རྒྱུ་ཐབས་ཤེས་ཡ་མ་བྲལ་བ་དེའི་མིང་རེད། བདེ་སྟོང་དབྱེར་མེད་ཀྱི་ཡེ་ཤེས་ཀྱང་དེའི་ཁོངས་སུ་འདུ་བ་མ་གཏོགས་དེ་ལས་གཞན་དུ་གོ་ན་སངས་རྒྱས་ཀྱི་རྒྱུར་མི་འགྲོ་བའི་སྐྱོན་ཡོད། ལར་ཁྱེད་རྣམས་ཆོས་ལ་དོན་གཉེར་ཆེ་བ་རྗེས་སུ་ཡི་རང་ལགས་ཀྱང་། དང་པོ་ནས་ཟབ་ཟབ་མོ་དང། གང་མཐོ་གང་མྱུར་གྱི་མན་ངག་ཁོ་ན་ཞིག་དགོས་པ་འདིས་ཁ་གང་ལ་འཁོར་འགྲོ་མི་ཤེས་པ་འདུག །ད་ལྟ་རྙིང་ཆོས་ཕལ་ཆེར་ཡང་སོག་ཡུལ་དུ་སླེབ་འདུག་མོད། ༸རྒྱལ་དབང་ལྔ་པ་ཆེན་པོས་ཀྱང་བོད་ཀྱི་སྲིད་སྐྱོང་གི་དོན་དུ་གཏེར་ཁ་བརྒྱ་ལྷག་གི་ཆོས་གསན་ནས་རྙིང་ཆོས་ས་སྤེལ་རྡོ་སྤེལ་གནང་འདུག་ནའང། སོག་པོའི་ཕྱོགས་སུ་རྙིང་མ་བཀྲ་མི་ཤིས་གསུངས་ནས་བཀག་ཆ་ཁོ་ན་མཛད་པ་རྣམ་ཐར་དང་ཁོང་གིས་གསུངས་པའི་བསླབ་བྱ་རྣམས་སུ་བལྟས་པས་གསལ། དེའི་རྒྱུ་མཚན་ཡང་སྔོན་སོག་པོའི་དམག་ཡང་ཡང་སོང་སྟེ་རྙིང་མ་ལ་གནོད་འཚེ་བྱས་པས། རྙིང་མའི་བླ་མ་ཆོས་སྐྱོང་ཐམས་ཅད་དང་ཁོན་ཞུགས་ཏེ་ཧ་ཅང་དམ་སེལ་ཆེ་བ་དེའི་སྟོབས་ཀྱིས་ཡིན་པར་འདུག །༈ བི་ལིག་ན་རེ། ཀུན་ཐུབ་འུ་ཙེལ་ཐེ་རེ་གཱུ་ཐེན་བོ་དྷི་གི་བུ་ཐུ་གེ་ཁུའི་མུ་རིན་འོ་ནི་སུ་ཐུའི་ལ་པ།.....ཟབ་མོ་དབུ་མའི་ལྟ་བ་སོགས་བྱང་ཆུབ་སྒྲུབ་པའི་ལམ་གྱི་གནད་མཐར་ཐུག་དང། བུར་ཧ་ནུ་ཤ་ཅིན་ནུ་ཡེ་ཁེ་ནི་རོ་གུ་གཽ་ལ་ནོ་གཽ་ཏི་ཛུ་ཀེ་ལེན་ཨི་ཐེ་གེལ་པོག་ཏོ་ཙོང་ཁ་པའི་ན་ཐ་གཱ་ལ་ལུན་ཇི་རུམ་རི་བོ་དགེ་ལྡན་པའི་ན་ཡོ་སུ་འེ་ནི་ཆི་ལེན་འུའི་ལེད་ཁུ་ཁེ་རེག་ཐེའི་འ་མུའི།.....སངས་རྒྱས་ཀྱི་བསྟན་
པའི་འགང་ཆེས་རྣམས་འཇམ་མགོན་ཙོང་ཁ་པའི་བཞེད་སྲོལ་རི་བོ་དགེ་ལྡན་པའི་ལུགས་འདི་བཞིན་བྱེད་དགོས་མོད། འ་ཧུ་འུ་ཡེ་སུན་གར་ཤི་ནུ་གུ་ཆེ་ལ་འ་རིལ་ག་ཧུ་བ།.....གནས་སྐབས་ཀྱི་འགལ་རྐྱེན་སེལ་བ་དང། ཨི་ཏེ་གེ་མལ་འེད་ལེ་ལ་
འར་བིད་ག་ཧུ།.....ཟས་ནོར་ལོངས་སྤྱོད་སྤེལ་བ ། འེར་ཁེ་ཏུར་ཧུ་རི་ཡཱ་ཧུ།.....དབང་སྡུད་གཏོང་བ། འ་ཏག་ལ་བསུ་ཐུན་རྭ་ཐོ་ཁི་ཧུ་ཙེར་ཀེའི་ན་ཐེ་ཏུའི་ཏུར་ཆུ་རྙིང་མ་འེ་ནེ་ཆི་ཧུལ་ཁེ་རེག་ཐུ་པོ་ལོ་གཱེད་ཐེམ་ཐིག་གར་ཧུ་ཁིལེ་བར་ནི་གེ་ནེ་བུའི་ཐུ་ལ་ཐེ་རི་མེ་ཐུའི་ན།.....མ་མཐའ་ཐུན་རྭ་རེ་གཡུག་རྒྱུ་ལའང་རྙིང་མ། ཁེ་རེག་ཐུར་པ་ག་ས་ག་འང་ཧ་རུན་འབ་བ་ཆུ་ཀར་ཤི་ལ་ཧུ་ཡ་གྭན་བུའི།.....འདི་ཉེ་བར་མཁོ་ཞིང་རྟགས་ཐོན་སླ་བ་ཞིག་འདུག་པས་དེ་འདྲའི་དོན་དུ་ཅུང་ཟད་རེ་ཉམས་སུ་བླངས་ཀྱང་འགལ་བ་ཅི་ཡོད། ༈ ཤེས་རབ་ན་རེ། དེ་འདྲ་ཟེར་བ་དེ་ཆོས་ལུགས་གཉི་ག་ལ་བློ་མ་ཁེལ་བའི་སྐྱོན་ཡིན། སྔོན་ཡང་གཅིག་གིས་ཕུགས་དཀོན་མཆོག་ལ་རེ། འཕྲལ་པེ་དཀར་ལ་རེ་ཞེས་ཕྱོགས་གཉིས་ཀ་གནོན་རྒྱུའི་ཁུལ་བྱས་ཀྱང་བློ་རྩེ་གཅིག་དྲིལ་གྱིས་སུ་ལའང་གཏོད་མ་ཐུབ་པས་སྲུང་བ་བྱས་ཚད་གནད་དུ་མ་སོང་བ་དང་འདྲ། ༈ ཚེ་དཔཱེའི་ན་རེ། ཤུལྭ་ཤུལྭ་ཤིན་ཞིས།.....དེ་བདེན་པར་འདུག །ལཱུ་ལཱུན་ཧེ་ལཱུས་པི་ཏཱེ་ཅུལྭ་ན་ཤིན།.....བྱ་བ་གང་བྱེད་ཀྱང་སེམས་ལ་འཛིན་རྒྱུ་གཅིག་ཡོད་པ་དགོས། ཕི་ཡཱུ་ཤེད་ཏྭོ་ཀྱི་ཆིད་ཡཱི་ས་མཱ། རུལ་ཁྭུལྭ་ཤྭད་མཱ་པི་ཅྱུས་ཅཱུང་ཀྱཱན།.....གཞན་དུ་འགྲོ་ནའང་རྟ་གཅིག་ཞོན་པ་མ་གཏོགས་གཉིས་ཞོན་རྒྱུ་ཡིན་བྱས་ན་བར་དུ་ལྷུང་ཡོང་། ཕི་ཡུ་ཧུ་ལཱེང་འུ་ཡུང་འི་ཡཱ་ན་ཀྱཱེན་ཡུལྭ་ཡཱུང་ཤྭང་ཡཱེན་ཀྱི་པུ་ཁེ་ཤིང།.....བཟོ་བྱེད་ནའང་ཁབ་རྩེ་གཅིག་གིས་བཟོ་བ་མ་གཏོགས་རྩེ་གཉིས་ཀྱིས་བཟོ་ལུགས་མེད། ཧྭན་ཤི་ཀྱཱཻ་ཡཱན། ཅིང་ཡཱི་ཡུ་ཅཱིས།.....བྱ་བ་ཐམས་ཅད་དེ་འདྲ་ཡིན་དུས་ཆོས་ཀྱང་དེ་དང་འདྲ་མོད། ༈ ཤེས་རབ་ན་རེ། མངོན་ཤེས་རྫུ་འཕྲུལ་ཕྲན་ཚེགས་དང་ཉམས་སྣང་བན་
བུན་འབྱུང་སླ་བས། དེ་འདྲ་ལ་མགོ་འཁོར་ནས་བསྟན་པའི་གནད་མ་ནོར་བ་བསྐྱུར་ཏེ་སོང་ན་ཕན་ཆུང་ལ་གནོད་པ་ཤིན་ཏུ་ཆེན་པོ་འབྱུང་སྟེ། སྡོམ་གསུམ་རབ་དབྱེ་ལས། ལ་ལ་ལུས་དང་སེམས་ལ་ན། །ཏིང་འཛིན་ཅུང་ཟད་བསྐྱེད་ནས་ཀྱང། །དེ་ལ་ཡིད་ཆེས་སྐྱེས་པ་དང། །ལོག་པའི་ཆོས་རྣམས་བསྟེན་ནས་སླུ། །ལ་ལ་མངོན་པར་ཤེས་པ་དང། །རྫུ་འཕྲུལ་ཅུང་ཟད་བསྟན་ནས་ཀྱང། །བླུན་པོ་ཡིད་ཆེས་བསྐྱེད་ནས་ན། །ཕྱི་ནས་ཆོས་ལོག་སྟོན་པར་བྱེད། །ཆོས་གཞན་ལེགས་པར་སྟོན་ན་ཡང། །ཆོས་ཀྱི་གནས་རྣམས་བཅོས་པ་ན། །ཤིན་ཏུ་འཇིགས་པ་ཆེན་པོར་འགྲོ། །དེ་འདྲ་བ་ལས་སྐྱོན་བྱུང་མང། །དཔེར་ན་ཁ་ཟས་བཟང་པོ་ལ། །སྦྱར་བའི་དུག་གིས་ཕལ་ཆེར་གསོད། །དུག་རྐྱང་ཡིན་པར་ཤེས་ན་ན། །འགའ་ཡང་གསད་པར་ནུས་མ་ཡིན། །དེ་བཞིན་ཆོས་བཟང་འགའ་ཞིག་ལ། །ཆོས་ལོག་བསླད་པས་ཕ་རོལ་སླུ། །ཞེས་གསུངས། གཏན་གྱི་མདུན་མའི་རྩ་བ་ཡིན་པས་ཁེ་ཉེན་ལ་རྟོག་དཔྱོད་ཞིབ་མོ་བྱེད་དགོས་སོ། ༈ །བི་ལིག་ན་རེ། སྡོམ་གསུམ་རབ་དབྱེའི་ལུང་ཆི་པཱེར་ཐ་ཐ་ཧུ་ཁེ་རེག་འུ་ཀེའི།.....སྡོམ་གསུམ་རབ་དབྱེའི་ལུང་ཁྱོད་ཀྱིས་འདྲེན་མི་དགོས། ཆི་ནུ་ཐ་ཐག་སན་ཐེ་གུ་ནེ་ཆེ་ཆུ་ཐོ་ཏོར་ཧའི་ལེ་གེར་ལུ་གེ་སེལ་ཐེ་ནོམ་ལག་སན་བུའི་གི་པི་པཱེར་ཆུ་བུ་ཙེག་སེན་པུ་ལུ་གེ །.....ཁྱོད་ཀྱིས་དྲངས་པ་དེ་ལས་ཀྱང་གསལ་པོ་དཔེ་དང་བཅས་ནས་གསུངས་ཡོད་པ་ངེད་ཀྱིས་མཐོང་སྟེ། མུན་ཁུ་ཐེ་གུ་ནེ་ཆེ།.....དེ་ཉིད་ལས། ཐོབ་ཆི་ལ་པ་སུ་པུར་ཧ་ནུ་སའི་ན་ཙར་ལིག་ལུ་གའ།.....མདོར་ན་སངས་རྒྱས་གསུང་རབ་དང་། །
འོ་ལང་ཁི་ཀི་ཙོ་ཧིལ་ཏུགྭ་ལུན་འུ་ཅོ་གུ་ལེ་གེད།.....ཕལ་ཆེར་མཐུན་པར་སྟོན་བྱེད་ཅིང་། །འོ་ནི་སུ་ཧུ་ནོ་གཽ་ཏི་པུ་རུ་གུ་འུ་ཚེ་གུ་ལུག་ཆེ་ནོ་མ།.....གནད་རྣམས་ལོག་པར་སྟོན་པའི་ཆོས། །ས་འི་ནས་འིན་མེ་ཐུ་འུ་ཙེ་གུ་ལེབ་ཆུ།.....ལེགས་ལེགས་འདྲ་བར་སྟོན་ན་ཡང་། །ཤི་མ་ནུ་པཱེར་ཨ་དྷི་སྭ་ལ་ག་སན་མུན་ཁེ་མེན།.....བདུད་ཀྱི་བྱིན་རླབས་ཡིན་ནོ་ཞེས། །སུ་ཏུར་ཏནྡྲ་བུ་ཁུ་ནེ་ཆེ་ཐོ་ཏོར་ཧའི་ནོམ་ལ་པའི།.....མདོ་རྒྱུད་ཀུན་ལས་གསལ་བར་གསུང་། །འེ་ཏེ་གཱེ་སར་མ་པར་མེ་ཐུ་ག་རུག་སན་ཡོ་སུ་ནི།.....འདི་དག་ཇི་ལྟར་བྱུང་བའི་ཚུལ། །ཐོབ་ཆིའི་ན་ཐེ་ཏུའི་པི་པེར་འུ་གུ་ལེ་མུའི་སོ་ནོ་སོག་ཐུ་ན།.....མདོ་ཙམ་ང་ཡིས་བཤད་ཀྱིས་ཉོན། །རིན་ཆེན་བཟང་པོ་ཁེལ་མེར་ཆི་པའི་ཧུའི་ན་འུ་ཡེ་ཏུར།.....རིན་ཆེན་བཟང་པོ་བཞུགས་པའི་ཚེ། །སངས་རྒྱས་སྐར་རྒྱལ་ཁེ་མེག་ཏེ་ཁུ་པཱེ་ར།.....སངས་རྒྱས་སྐར་རྒྱལ་ཞེས་བྱ་བ། །མང་ལའི་འ་ཆའན་ཀེ་རེལ་གར་གཱ་གད།.....དཔྲལ་བ་ནས་ནི་འོད་འབྱིན་ཞིང། །ཀེ་གེན་ཙབ་སར་ཐུར་ཙ་པི་ལ་ཅུ།.....བར་སྣང་ལ་ནི་སྐྱིལ་ཀྲུང་འཆའ། །ཙ་རིམ་ཏགའང་ཏེ་རེ་སུ་ནུ་ཤི་རེ་གེན་ཏུར་ས་གྭན།.....རེ་འགའ་འཇག་མའི་ཁྲི་ལ་སྡོད། །ཧོ་གོ་སོན་ཆི་ན་རུ་ན་ནོ་མོ་ཏིའུ་ཙེ་གུ་ལུན།.....སྟོང་པ་ཉིད་ཀྱི་ཆོས་རྣམས་སྟོན། །ཡེ་ཁེ་ཏེ་འ་ས་རན་ནི་ལུ་ལེ་སེ་ཁཱུ་ཏུ་རི་བེར་འུ་ཙུག་ཏེ་པཱེ།.....བྱམས་དང་སྙིང་རྗེ་ཆེ་བར་སྣང་། །ཐེ་གུ་ནུ་ནོ་མཱར་ཙ་རིམ་མུད་ཐུར།.....དེ་ཡི་ཆོས་ཀྱིས་གཞན་དག་ལ། །ས་མ་དྷི་ཆཱུ་ཐུ་རུ་པེའི།.....ཏིང་ངེ་འཛིན་ཡང་སྐྱེ་བར་བྱེད། །ཐེ་གུ་ན་ཏུར་ཡིར་ཐིན་ཆུ་ཐ་ཁིན་བི་ཤིར་པེའི།.....དེ་ལ་འཇིག་རྟེན་ཐམས་ཅད་མོས། །ཤཱཀྱ་མུ་ནེའི་ན་ཤ་ཅིན་ལུ་གྭའ།.....ཤཱཀྱའི་རྒྱལ་པོའི་བསྟན་པ་དང་། །ཨ་ཏི་ལི་པུ་སུའུ་ཆུ་འེུན་ཁེ་ན་ཅ་ས་ཏ་ག་བཱེ་ར་ནོམ་ལ་པའི།.....འདྲ་མིན་ཅུང་ཟད་བཅོས་པར་འཆད། །ཏེ་གུ་ནུ་ཤ་ཅིན་མ་ཤི་ཏེ་ལ་ཀེར་པཱེའི།.....དེ་ཡི་བསྟན་པ་ཤིན་ཏུ་འཕེལ། །ཐེ་རེ་འུ་ཡེ་ཏུར་རིན་ཆེན་བཟང་པོ་པཱེ་ར།.....དེ་ཚེ་རིན་ཆེན་བཟང་པོ་ཡིས། །ཇིར་
གྭན་ས་ར་བུ་ཐུ་གེལ་འུའི་ལེད་ཆཱུ།.....སྒྲུབ་པ་ཟླ་བ་དྲུག་མཛད་ནས། །པ་ཐུ་ས་མ་དྷི་པཱེར་ཐེ་གུ་ནུ་ཏེར་གེ་ཏེ་ཙ་ལར་བའི།..... ཏིང་འཛིན་བརྟན་པས་དེ་དྲུང་བྱོན། །སངས་རྒྱས་སྐར་རྒྱལ་ཀེ་གེན་ཙ་པ་སར་ཐུར།.....སངས་རྒྱས་སྐར་རྒྱལ་བར་སྣང་ལ། །ཙ་བི་ལ་ན་ས་གུ་ཅུར་ནོ་མི་ནོམ་ལ་ཧུའི་ན་འུ་ཡེ་ཏུར།.....སྐྱིལ་ཀྲུང་བཅས་ནས་ཆོས་འཆད་ཚེ། །རིན་ཆེན་བཟང་པོ་པཱེར་འུ་ཙེག་སེན་ཐེ་ཏུའི་པཱེར།.....རིན་ཆེན་བཟང་པོས་གཟིགས་ཙམ་གྱིས། །གཅར་ཐུར་འུ་ན་ཅུ་ན་ཅུ་འུ་ཁུད་ཁེ་པཱེ་ཁེ་མཱེན་འལ་ཏར་ཤི་པའི།.....ས་ལ་ལྷུང་ནས་བརྒྱལ་ཞེས་གྲགས། །ཁེར་པེ་རིན་ཆེན་བཟང་པོ་ཁེ་མེག་ཏེ་ཁུ།.....གལ་ཏེ་རིན་བཟང་ཞེས་བྱ་བ། །ཏེ་གེ་ཏུ་བོག་ཏོ་ཐེ་རེའུ་ཡེ་ཏུར་འེ་སེ་འོ་རོ་ཤི་པ་སུ།.....སྐྱེས་མཆོག་དེ་ཚེ་མི་བཞུགས་ན། །སངས་རྒྱས་སྐར་རྒྱལ་ཁེ་མེག་ཏུ་ཁུའི་ན།.....སངས་རྒྱས་སྐར་རྒྱལ་ཞེས་བྱ་བའི། །པུ་རུའུ་ནོམ་ཤ་ཅིན་གར་ཧུ་ཁེ་མེན་ནོམ་ལགས་སན།.....ཆོས་ལོག་བསྟན་པ་འབྱུང་ཞེས་གསུངས། །ཧ་རའི་ན་ཙུག་ཐུར་པ་ཡ་སུག་ཆི།.....ནག་པོའི་ཕྱོགས་ལ་དགའ་བ་ཡི། །སྐར་རྒྱལ་ཁེ་མེག་ཆི་ནི་གེན་ཡེ་ཁེ་ཀླུས།.....སྐར་རྒྱལ་ཞེས་བྱའི་ཀླུ་ཆེན་ཞིག །མ་གུའུ་ཐུ་རུ་ལ་ཐུ་ནི་གེན་ཏུ་ར་འོ་རོ་ཅུ།.....སྐྱེས་ངན་ཞིག་ལ་ཞུགས་ནས་ནིས། །པུར་ཧ་ནུ་ཏུར་སུ་པཱེར་ཧ་གཱུ་ར་བཱ་ཁེ་མེ་ན་ནོམ་ལ་པའི།.....སངས་རྒྱས་གཟུགས་སུ་བརྫུས་ཞེས་གསུངས། །འེ་ནེ་མེ་ཐུའི་ན་ཙུའི་ལ་ཐུ་ཙ་རིམ་ཤི་མ་ནུའི་ཙ་གཽར་ཐུན།.....འདི་འདྲའི་རིགས་ཀྱི་བདུད་རིགས་འགའ། །ཁུ་མུན་བ་ཧུ་ཐུ་ག་ཐ་ནུ་ཏུ་རེ་གེ་པ་རི་ཅུ།.....མིའམ་འཕགས་པའི་གཟུགས་བཟུང་ནས། །པུ་རུ་གྭའུ་ཤ་ཅིན་ནི་ཏེལ་ཀེར་གཱུལ་ཁུའི་ན་ཐུ་ལ་ཏ།.....ལོག་པའི་བསྟན་པ་སྤེལ་བའི་ཕྱིར། །ནོམ་ལུ་གའ་ཧོ་ལི་ཅུ་འོ་ནི་སུ་ནོ་གཽད་ཐུར།.....ཆོས་དང་བསྲེས་ནས་གནད་རྣམས་སུ། །པུ་རུ་འུ་ནོམ་ཧོ་ལི་ཅུ་ནོམ་ལ་ཡུ།.....ལོག་ཆོས་བསྲེས་ནས་འཆད་པ་
སྲིད། །ཁེ་མེན་ནོ་མ་ལག་སན།.....ཅེས་གསུངས་ཡོད་ཅིང་དེ་ལྟར་དུ་ངེད་རང་གིས་ཀྱང་ཁས་ལེན་པས།.....པུའི་བུ་གེད་ཐེ་རེ་མེ་ཐུ་ཏུ་ར་བི་ཏ་པཱེར་ཆུ་འ་མན་འབ་ཧུ་ཐུ་ལ། སུ་ཏུར་ཐར་ནི་འལི་ནུ་མུན་པོ་ལ་བ་ཆུ་ཤ་ཅི་ནུ་འོ་ནི་སུ་ནོ་གཽ་ཏི་པོག་ཏོ་བླ་མའི་འེ་ནེ་ཡོ་སུ་ནའ་ཆུ་འུ་བུར་ནི་གེ་ནི་འོ་རི་ཁུ་ཁེ་རེ་ག་ཐུ་ས་འུ་ཀེའི།.....མདོ་སྔགས་གང་གི་ཡིན་ཀྱང་བསྟན་པའི་གནད་རྣམས་རྗེ་བླ་མའི་ལུགས་འདི་ལས་གཞན་ཞིག་བཙལ་དགོས་དོན་ཡང་མེད་ལ། ཧོ་ལི་ཅི་ཆུ་འུ་ལུ་པོ་ལ་ཧུ།.....བསྲེས་ཀྱང་མི་ཆོག །ཏ་རཱུན་ནུ་གུ་ཆེལ་འ་རིལ་གུ་ཧུའི་ན་ཐེ་ཏུའི་ཏུར་ཐུ་ས་ལ་པ་སུ་ཤིར་ཧན་ཏུར་ནོ་ཧའི་ན་འུ་གུ་ཁུ་ནི་ཤི་ཐུ་ཁུ་ཆག་པའི་ཐ་ལ།.....འཕྲལ་གྱི་རྐྱེན་སེལ་ཙམ་དུ་རྨ་ལ་ཕན་ན་ཁྱི་ཚིལ་ཡང་བསྟེན་ཆོག་དུས། རྙིང་མའི་ན་ནོམ་ཆུ་ཐེ་གུ་ནཻ་ཆི་ཏོ་རོ་ནི་གེན་པུ་སུ་པ་ོལ་ལ་ཐའི།.....རྙིང་མའི་ཆོས་ཀྱང་དེ་ལས་ཐུ་བ་ཞིག་མིན་འགྲོ། ༈ པྲཛྙཱ་ན་རེ། དྷརྨྨསྱབྲིཧིཡངྻཏེ།.....ཆོས་ཀྱི་འབྲས་བུ་གང་ཡིན། ཤེས་རབ་ན་རེ། ཆོས་ཉམས་སུ་བླངས་པའི་འབྲས་བུ་མཐར་ཐུག་སངས་རྒྱས་ཀྱི་གོ་འཕང་ཡིན་པ་ཡོངས་སུ་གྲགས་པ་ལྟར་ཡིན་པས། བླ་མས་ཀྱང་དེ་ལ་དྲི་བ་གནང་བ་མིན་པར་འདུག །གནས་སྐབས་ཀྱི་དབང་དུ་བཏང་ནས་ཆོས་ཉམས་སུ་བླངས་པའི་ལག་རྗེས་ཞོག་ཚད་གང་ཡིན་གསུང་བར་འདུག །དེ་ངས་ཞིབ་ཏུ་བརྟག་ན་ཚེ་འདི་སྣང་གི་བྱ་བ་སོགས་ཆོས་མིན་ལ་རྒྱབ་ཀྱིས་ཕྱོགས་ནས་བློ་ཁ་ཆོས་ཀྱི་ཕྱོགས་ཁོ་ནར་འཁོར་ཞིང་སྒོ་གསུམ་གྱིས་བྱ་བ་གང་བྱས་ཆོས་ཀྱི་ཕྱོགས་སུ་འགྲོ་བ་ཞིག་བྱུང་ན་ཆོས་ཐོས་བསམ་སྒོམ་གསུམ་བྱས་པའི་ལག་རྗེས་ཞོག་པ་ཡིན་པ་འདྲ་སྙམ། ༈ བི་ལིག་ན་རེ། ཆི་ནོམ་འུས་ལེ་ཏེག་སེན་ཀི་གེད་འུས་ལེ་ཏེ་ཁུའི་ན་འུ་རི་ཐེ་རེ་ཧོ་ཡར་ཤིལ་ཐ་གཱན་འུ་རཱི་མི་ཏེལ་ནི་ཆག་སེན་བུའི།.....ཁྱོད་
ཀྱི་དེ་ཆོས་བྱས་པ་དང་ཆོས་བྱས་པའི་ལག་རྗེས་གཉིས་པོ་རྒྱུ་འབྲས་གོ་བཟློག་པར་སྣང། འུ་ཡན་ནོ་མོའི་ན་ཅུག་ཐུར་ཅུག་གུལ་ཁུ་ནི་གེན་འུ་རི་ཏའི་སེ་གར་བ་སུ་ནོམ་འུས་ལེ་ཏེ་ཁུ་ནི་གེན་འ་ཤི་ཏ་འུ་ལུ་ཡེ་རེ་ཁུ།.....བློ་ཁ་ཆོས་ཕྱོགས་སུ་འཁོར་བ་ཞིག་སྔོན་དུ་མ་བྱུང་བར་ཆོས་བྱེད་པ་ཞིག་གཏན་མི་ཡོང་བས། ཐེ་རེ་ནོམ་འུས་ལེ་ཏེ་ཁུའི་ན་ཤིལ་ཐ་གཱ་ན་མུན་པོ་སུ་ནོམ་འུས་ལེ་ཧེ་ཁུའི་ན་འུ་རེ་ཏུར་འོ་ཏོ་ཧུ་ཡོ་སུ་འུ་གེ །.....དེ་ཆོས་བྱེད་པའི་རྒྱུ་ཡིན་པ་མ་གཏོགས་ཆོས་བྱས་པའི་འབྲས་བུར་འགྲོ་ལུགས་མེད། ནོམ་པོ་སུའི་ན་ཅུག་ཐུར་འུ་ཡཱན་དུར་བ་ཧུ་ཀེ་གེད།.....ཆོས་མིན་གྱི་ཕྱོགས་ལ་བློ་ལོག་པ་དང། ནོམ་མུའི་ན་ཅུག་ཐུ་ར་འུ་ཡཱན་ཅུ་གུལ་ཁུ་ཧོ་ཡར་ཆཱུ་ཅིང་ནེ་གུ་རུའི་ན་སོ་མཱིན་འེ་ཁེ་སུ་གུལ་འུན་ཏེར་པོ་གི་ནི་མེ་ཐུ་ཆག་ས་ཆི་གུ་ཡི་རེ་ཁུ་ཁེ་རེག་ཐའི་ཐུ་ལ།.....ཆོས་ཀྱི་ཕྱོགས་ལ་བློ་འཁོར་བ་གཉིས་ཀྱང་སྲང་མདའི་མགོ་མཇུག་གི་མཐོ་དམན་བཞིན་དུས་མཉམ་དུ་ཡོང་དགོས་པས། ཐེ་རེ་ཆཱུ་ནོམ་འུས་ལེ་ཏེ་ཁུའི་ཏུར་འུ་རི་ཏ་འོད་ཧུ་ཁེ་རེག་ཐེའི་ནེ་གེན་མུན།.....དེའང་ཆོས་བྱེད་པ་ལ་སྔོན་དུ་འགྲོ་དགོས་པ་ཞིག་ཡིན་གྱི། ནོམ་འུས་ལེད་ཁུའི་ན་སེ་གུལ་ཏུར་ཡེ་རེ་ཁུ་ནེ་གེན་པོ་སུ།.....ཆོས་བྱས་པའི་འཕྲོར་ཡོང་རྒྱུ་ཞིག་མིན། ནོམ་འང་ཧཱ་རན་འབ་ཧུའི་ན་འུ་རཱི་འ་གོལ་ཧུའིན་ཁེམ་ཅི་ཡེན་ཏུར་ཤཱི་གཱལ་འུ་གྭེ་ཤི་ལ་ཐ་གཱན་ཐེ་དུས་ཡ་གཱུན་ཁེ་རིག །.....ཆོས་ཉམས་སུ་བླངས་པའི་ལག་རྗེས་ཞོག་ཚད་ལ་ཐག་མི་ཆོད་རྒྱུ་དེ་ཙམ་ཅི་དགོས། སོ་ན་སན་འུ་ལེ་ཏུག་སན་ནུ་འུ་རཱི་ཡེ་ནོམ་ལ་ཧུ་ཐེམ་ཆི་ཧུ་ཐོག་གོར་བའི་ཁུ་གུར་བ་ཐུར་བེལ་འུ་ཀེ་ནི་གེན་ག་ར་བ་སུ་ཐེ་རེ་མུན།.....ཐོས་པ་བྱས་པའི་ལག་རྗེས་འཆད་རྩོད་རྩོམ་གསུམ་ལ་ཐོགས་པ་མེད་པ་ཞིག་བྱུང་ན་དེ་ཡིན། བི་ཤེལ་གཱན་བུ་ཐུན་འུས་ལེ་ཏུག་སེན་འུ་རཱི་ཡི་དམ་པུར་ཧན་ནུ་ནི་གཱུ་རི་འུ་ཅི་ཁུ་ཧི་གེད་བི་ལིག་པ་རི་ཏེ་ཧོ་
བི་གེན་ཐེརེ་གཱུ་ཐེ་ན་ཐུར་བེལ་འུ་གེ་ས་ཡན་མོ་གུའུ་ག་རན་པོ་ལ་ཧུ་བུ་གུ་ཧེའི་ན་གུ་ཧུ་ཆི་ལེན་ཧུ་མེ་ཏེ་གེད།.....སྒོམ་སྒྲུབ་བྱས་པའི་ལག་རྗེས་ཡི་དམ་ལྷའི་ཞལ་གཟིགས་མངོན་ཤེས་དང་རྫུ་འཕྲུལ་ཐོགས་པ་མེད་པས་ལེགས་ཉེས་འབྱུང་འགྱུར་ཐམས་ཅད་ཇི་ལྟ་བ་བཞིན་དུ་ཤེས་ཤིང། ཁི་ཅིག་འུབ་ཆིན་ཀི་གེད་འང་ཐོད་ཧར་ཐེ་རི་གཱུ་ཏེན་ནུ་ཆི་ཧུ་ལ་ཁུ་ནེ་གེལ་བུ་གུ་ཏེ་གི་འ་རིལ་གཅཱུ་འུ་བུ་རི་བོ་སུ་ཏུའི་ན་ཐུ་ས་འ་གཱུ་ཡེ་ཁེ་བུ་ཐེ་གཱན་ཆི་ཏ་ཧུ་ནི་གེན་གར་བ་སུ་ནོ་མུའི་ན་འུ་རུ་འ་གོ་ལ་ཧུ་མུན་ཡེ་ལེ་ཏེ་བུ་ཐུག་སེན་ཐེ་གུན་ཏུར་སེ་ཅི་གེ་ལེན་འུས་ལེ་ཏེ་ཁུ་ཡ་གཱུན་ཁེ་རེག །.....ནད་རིམས་གདོན་བགེགས་ལ་སོགས་པའི་ཉེར་འཚེ་ཐམས་ཅད་བསལ་ནས་རང་གཞན་གྱི་དོན་རླབས་པོ་ཆེ་སྒྲུབ་ནུས་པ་ཞིག་བྱུང་ན་ཆོས་ཀྱི་ལག་རྗེས་ཞོག་པ་ཡིན་པ་མངོན་སུམ་གྱིས་གྲུབ་པས་དེ་ལ་དོགས་པ་བྱེད་ཅི་དགོས། ༈ ཚེ་དཔཱེ་ན་རེ། ཤི་ཏེང་ཤུལྭ་ཧྭུ་ལྭ་ཏུ་ཀྱཱང་སཻ་ཅིན།.....ཁྱེད་མཁས་པ་རྣམས་ཀྱིས་བཤད་ན། གཅིག་གིས་བཤད་ཚེ་གཅིག་བདེན། ཏུས་ཤུལྭ་ཡཱིས་ཡན།.....གཉིས་ཀྱིས་བཤད་ཚེ་གཉིས་བདེན་པ་ལྟ་བུར་འདུག་པས། ཨཱེལ་ཤི་ཤུ་ལྭ་ཤུ་ལྭ་ཤུ་ལྭུས་ཤིཅེ་ཇཱི་ཡིན་ཏུ་ཤིས་ལྦ་ེས་ཅི་ཕིའི་ཕང།.....ད་རེས་ཁོང་རྣམ་གཉིས་ཀྱིས་བཤད་པ་དེ་གང་བདེན་རྒྱ་གར་གྱི་བླ་མས་ཐག་གཅོད་དགོས། ༈ པྲཛྙཱ་ན་རེ། ལོ་ཀ་སྱསཾསྟུཏཀཔྲཀྲྀཏེཙཱནུསུལཾམོངྒོལབནྡེནཱརྦུཏཏཏྲཤྩནཱསཏྱནགྲནྠབཱ།.....འཇིག་རྟེན་གྱི་གྲགས་ཚོད་དང་བསྟུན་ན་སོག་པོའི་བཙུན་པས་ཟེར་བ་དེའང་མི་བདེན་རྒྱུ་མེད་རུང། བྷོཊསྱགཽམིངྭཾསྭནཱརྦུཏཏཏྲཔྲམཱཎཾ་བི་ཤུདྡྷསྱཔྲྀཧྷནྷཤཱསྟགྲནྠ་བྷུཏབྷཱཥཡ།.....བོད་ཀྱི་བཙུན་པ་ཁྱོད་རང་གིས་ཟེར་བ་དེ་ལ་ལུང་རིགས་ཀྱི་ཁུངས་རྣམ་དག་སྟོན་རྒྱུ་ཡོད་ན་སྨྲོས་ཤིག །༈ ཤེས་རབ་ན་རེ། སོག་པོའི་བཙུན་པ་ཁྱོད་ཀྱིས་ཐོས་པའི་འབྲས་བུ་འཆད་རྩོད་རྩོམ་གསུམ་ལ་ཐོགས་པ་མེད་པ་ཟེར་བ་དེའང་གཅིག་ཤེས་གཉིས་ཤེས་ཐམས་ཅད་གཞན་ཞིག་ལ་བཤད་རྒྱུའི་
འཕེན་པ་བཏང་སྟེ་ཁ་ཕྱིར་བལྟས་སུ་སོང་བའི་རྟགས་རེད། སངས་རྒྱས་བཅོམ་ལྡན་འདས་ཀྱིས། མང་དུ་ཐོས་པ་ནགས་ནི་ནང་དག་ཏུ། །ལང་ཚོ་ཡོལ་བ་རྣམས་ཀྱིས་གནས་པ་བདེ། །ཞེས་ཐོས་དོན་དབེན་པར་ཉམས་སུ་ལེན་དགོས་པར་གསུངས། སྐྱེས་རབས་ལས་ཀྱང། ཐོས་པའི་རྗེས་འཇུག་སྒྲུབ་པ་སྙིང་པོར་བྱེད། །ཅེས་ཐོས་པའི་འབྲས་བུ་སྒྲུབ་པ་ལ་བརྩོན་དགོས་པར་གསུངས་པ་རེད། ཡང་ཁྱོད་ཀྱིས་སྒྲུབ་པའི་འབྲས་བུ་མངོན་ཤེས་དང་གྲུབ་རྟགས་སོགས་ལ་གཙོ་བོར་ངོས་བཟུང་བ་དེ། ཆོས་བྱས་ཚད་ཚེ་འདིའི་ལག་ཆར་སོང་བའི་ནང་རྟགས་ཕྱིར་བསྟན་པར་སྣང། ཐོས་བསམ་སྒོམ་གསུམ་ཇི་ཙམ་བྱས་ཀྱང་བློ་ཕུགས་ཚེ་འདིའི་མདུན་མ་དང་འཁོར་བའི་ཕུན་ཚོགས་ལ་ཤི་སྦར་འཐམ་ནས་བསྡད་ན་བློ་ཁ་ཆོས་ལ་མ་ཕྱོགས་པ་ཡིན་པས་མཚམས་འདི་ཤེས་མཁན་དཀོན་པར་སྣང་། ཁྱོད་རང་གིས་བློ་ཁ་ཆོས་ལ་ཕྱོགས་པ་དེ་ཆོས་བྱེད་པའི་སྔོན་དུ་འགྲོ་དགོས་པའི་སྒྲུབ་བྱེད་གཏོང་གི་འདུག་མོད་ཀྱང། མི་ཚེ་ཆོས་ལ་བསྐྱལ་བའི་ལག་རྗེས་ཀྱི་ཐད་ཀ་ན་ད་དུང་བློ་ཁ་མ་ཕྱོགས་པའི་ནང་རྟགས་བསྟན་འདུག་པ་རྒྱབ་འགལ་ཆེན་པོ་ཡིན། དེང་དུས་ཀྱི་ཆོས་བྱས་ཟེར་མཁན་ཕལ་མོ་ཆེ་ཁས་ཟེར་ལུགས་དང་ཕུགས་ཀྱི་ཞེ་འདོད་མ་མཚུངས་པ་འདི་འདྲའི་དབང་གིས་འབད་པ་ཆུད་ཟོས་སུ་སོང་བ་མང་བར་སྣང། ཆོས་ཀྱི་འབྲས་བུ་ངེད་ཀྱིས་བཤད་པ་དེ་བཞིན་ལོས་ཡིན། སངས་རྒྱས་བཅོམ་ལྡན་འདས་ཀྱིས་ཆོས་གསུངས་པའི་དགོས་པ་གནས་སྐབས་ཀྱི་རྐྱེན་སེལ་ཙམ་དང། མངོན་ཤེས་རྫུ་འཕྲུལ་
ཕྲན་ཚེགས་སྒྱུ་མ་མཁན་གྱི་ཟློས་གར་ལྟ་བུ་ཞིག་གི་ཕྱིར་དུ་གསུངས་པ་མིན། འཆིང་གྲོལ་ཐམས་ཅད་ཀྱི་རྩ་བ་རང་གི་སེམས་ལ་ཐུག་པས་བློ་སྣ་འདི་སྒྱུར་ཐབས་འབའ་ཞིག་ལ་གསུངས་པ་རེད། དེའི་གནད་ཀྱིས་འདི་ཅུང་ཟད་ཅིག་ཁ་ཡར་སྐོར་ཐུབ་ན་སངས་རྒྱས་ཀྱི་བཞེད་པ་བསྐངས་པ་དང་ཆོས་ཀྱི་ལག་རྗེས་ཞོག་པར་འགྲོ། མཉམ་མེད་ཇོ་བོ་ཆེན་པོས་ཀྱང། དངོས་གྲུབ་ཀྱི་མཆོག་ཉོན་མོངས་པ་ཇེ་ཆུང་ལ་སོང་བ་ཡིན། གྲུབ་རྟགས་ཀྱི་མཆོག་འདོད་པ་ཇེ་ཆུང་ལ་སོང་བ་ཡིན་གསུངས་ཤིང། དགོན་པ་བའི་ཞལ་ནས་ཀྱང། མན་ངག་གི་མཐིལ་གང་ལ་བྱེད་ཟེར་ན། མངོན་པར་ཤེས་པའམ་ཡི་དམ་གྱི་ལྷ་ཞལ་མཐོང་བ་ལ་བྱེད་ཟེར་མི་ཉན་པས། ལས་འབྲས་ལ་ངེས་པ་ཇེ་ཆེར་སོང་ནས་དམ་སྡོམ་ཚུལ་བཞིན་དུ་བསྲུང་བ་ལ་བྱེད་དགོས་པར་གསུངས། ཇོ་བོ་བཀའ་གདམས་པ་རྣམས་ཀྱི་གསུངས་ཚུལ་འདི་དུས་ཀྱི་སྙིགས་མ་དང་བསྟན་པའི་ཐ་མ་འདི་འདྲ་བའི་སྐབས་སུ་ཕན་ཤིན་ཏུ་ཆེ་བས། རང་ཅག་རྣམས་ཀྱིས་ཀྱང་དེ་འདྲ་རེ་ལ་བློ་རྩེ་གཏད་ན་ཉེན་ཆུང་ལ་ཁེ་ཆེ་བ་ཞིག་ཡོང། ༈ བི་ལིག་ན་རེ། ཆི་ནུ་མེ་ཏུག་སེན་ཡོ་སཱན་ཡོ་སཱན་ཐེ་གཱུ་ནི་པི་པེར་འེ་སེ་མེ་ཏུག་སེན་པོ་སུ།.....ཁྱོད་ཀྱིས་གོ་ལུགས་དེ་ང་ལའང་མ་ཤར་བ་མིན། ཆི་བ་ཆ་གུའི་འ་རད་པི་ར་འུ་ཆུ་ཁེན་ནུ་གུ་ངུའི་པོ་རུ་གུ་འང་ཧག་གུའི་འུ་ཆིའི་འུ་མུར་ཁཱུ་ཐུ་ལ་སེ་ཅིག་གི་ཧུ་ཏུལ་གེ་ཁུ་འར་ག་གི་འུས་ལེ་ཏེག་སེན་མུན།.....སྙིགས་དུས་ཀྱི་སྐྱེ་བོ་ཅོལ་ཆུང་རྣམས་ཀྱི་ལོག་རྟོག་གི་མཐའ་ཁེགས་པའི་ཕྱིར་དོགས་པ་སློང་ཐབས་བྱས་པ་ཡིན། ཆི་པེར་ནོམ་ལག་སན་ཐེ་རེ་ཏེ་གེ་རེ་ཧི་བཀའ་གདམས་པ་ནི་གུད་སུ་ཏ་ར་སའི་ཏི་རི་པུ་གུད་ནོམ་ལ་གད།.....ཁྱོད་ཀྱིས་བཤད་པ་དེ་བཀའ་གདམས་གོང་མ་རྣམས་སུ་མ་ཟད་མདོ་བསྟན་
བཅོས་ཐམས་ཅད་ནས་གསུངས་ཤིང། རྗེ་བླ་མའི་བོ་དྷི་མུ་རུའི་ན་ཅེར་གེ་ཏོ་ཐོར་ཏུར་ཆུ།.....རྗེ་བླ་མའི་བྱང་ཆུབ་ལམ་གྱི་རིམ་པའི་ནང་དུའང། བི་ཤེལ་ག་ག་སན་ནུ་གེ་ཏཱི་གི་ཆུ་མོང་ཧག་ཐེ་རེ་གཱུ་ཏེ་ན་ནིའི་པ་ནཱི་འུ་ལམ་འུ་ཆུ་ཧེན་ཏུར་འོ་ཏ་གཱུ་ལན་འུས་ལེད་ཁེ་མེན་ཅར་ལིག་པོ་ལིག་སེན་མེ་ཐུ་མེ་ཏེ་ཁུ་ཁེ་རེག་ཐའི།.....སྒོམ་པ་པོའི་དངོས་གྲུབ་ཀྱང་མ་རིག་པ་ལ་སོགས་པའི་ཉོན་མོངས་པ་ཇེ་ཆུང་དུ་སོང་བ་ལ་བྱ་གསུངས་པ་ལྟར་གོ་དགོས་སོ། །ཁེ་མེན་ཤིམ་ཏན་ནོམ་ལག་སན་འུ་ཆིར་ཤེལ་ཐ་གཱ་ན།.....ཞེས་ནན་ཏན་དུ་གསུངས་པའི་རྒྱུ་མཚན། ནོམ་ཧིང་འ་ཏ་ལི་ནི་གེན་འུས་ལེད་དེ་བ་ཆུ་ཐེ་རེ་ཀི་གེད་འེ་བུ་རུའི་ན་སེད་ཧིལ་ཧོ་ཡར་རཱི་པ་རིལ་ཏུ་གུལ་ཅཱུ་ཅས་གད་འ་རིལ་གག་སན་ཐེ་རེ་ནིས་པ་ནིས་སུའི་ཡུ་རུན་ཏེག་ཐུར་འོ་ཏོག་སན་པོའུ།.....ཆོས་ཇི་འདྲ་ཞིག་བྱས་ཀྱང་དེ་དང་རང་གི་སེམས་གཉིས་པོ་སྦྱར་ནས་ཞུ་དག་བཏང་སྟེ་ཉོན་མོངས་པའི་གཉེན་པོར་ཨེ་འགྲོ་ནིར་པཱན་ཀི་གད་ཧམ་གི་འའི་ལེད་ཏུག་ཆིའི་ན་ཤིལ་ཐ་གཱན་ཏུར་འོ་ཏོག་སན་པོ་ཡུ་འུ་ཅིལ་ནེ་གེན་གར་པ་སུ་སོ་ནག་སན་ས་ནག་སན་པི་ཤེལ་གག་སན་གོར་ཕ་ནི་གེན་ནུ་ནུ་ཁེར་.....ཐར་པ་དང་ཐམས་ཅད་མཁྱེན་པའི་རྒྱུར་ཨེ་འགྲོ་ལྟ་བ་ཞིག་བྱུང་ན་ཐོས་བསམ་སྒོམ་གསུམ་པོ་གཅིག །ཐུ་ནེ་གེན་འོ་ཏུ་ཧུ་ནི་གེན་པོལ་པ་སུ་ཡི་ལ་གུག་སན་ནུ་ཤ་ཅིན་འེར་ཏེ་ནི་གི་འེ་པུའི་པོ་སུ་ཏུའི་.....གྲོགས་སུ་གཅིག་འགྲོ་བ་ཞིག་བྱུང་ནས་རྒྱལ་བའི་བསྟན་པ་རིན་པོ་ཆེ་རང་གཞན་གྱི། འུན་ཏུ་སེན་ཏུར་མ་ག་ཏ་ལན་འ་རབ་གན་ཆི་ཏ་ཧུ་ནེ་གེན་ཡེ་རེ་ཁུ་མུན་བུའི།.....རྒྱུད་ལ་ངེས་པར་སྤེལ་ནུས་པ་ཞིག་ཡོང་བ་ཡིན་པར་འདུག །༈ པྲཛྙཱ་ན་རེ། ཨཏིཤུབྷཾ།.....ཤིན་ཏུ་ལེགས། དྷརྨྨསྱཀཐཱསརྦཀརྟཡཱརྠགམྦྷིརཾསུཁཛྙཱཧྲྀདཡསྱམརྨསཱཀདྦྷ། སཱཾཀཐྱོདརབུནརཔིཔྲསྟརེཎཀརྻྻལཉྩ།.....ཆོས་ཀྱི་གཏམ་བྱས་པ་ཐམས་ཅད་དོན་ཟབ་ལ་གོ་བདེ་བ་སྙིང་པོའི་གནད་
མཐུན་པར་བྱུང་བས་འབེལ་གཏམ་རྒྱས་པ་སླར་རིམ་གྱིས་བྱས་ཆོག་ཅིང། ཨདྷུནཱམདྐུཀརྟཡསྱཨིདཾཤུབྷཤྩནབིཔྲནཱཤཔཧིཤིཥྚཱགཏསྱཱརྠཾཔརིཎཱམསྱཡུཀསཱཡཾསཾཔྲཾཏེཔྲྀཙྪ།.....ད་རེས་ཅུང་ཟད་བྱས་པའི་དགེ་བ་འདིའང་ཆུད་མི་ཟ་བར་བྱ་བའི་ཕྱིར་བསྟན་འགྲོའི་དོན་དུ་བསྔོ་བའི་མཚམས་སྦྱོར་གནང་བར་ཞུ། ༈ ཤེས་རབ་ན་རེ། ཆོས་ཀྱི་རྒྱལ་པོ་ཙོང་ཁ་པའ། །ཆོས་ཚུལ་རྣམ་པར་འཕེལ་བ་དང། །གེགས་ཀྱི་མཚན་མ་ཞི་བ་དང་། །མཐུན་རྐྱེན་མ་ལུས་ཚང་བར་ཤོག །བདག་དང་གཞན་གྱི་དུས་གསུམ་དང། །འབྲེལ་བའི་ཚོགས་གཉིས་ལ་བརྟེན་ནས། །རྒྱལ་བ་བློ་བཟང་གྲགས་པ་ཡི། །བསྟན་པ་ཡུན་རིང་འབར་གྱུར་ཅིག །༈ བི་ལིག་ན་རེ། པི་པྭེར་ཆཱུ་བི་འུ་པུ་རུའི་ནའུ་གེ་ཡེར་ཡེ་རེ་གཱེ་ལ་འུས་ལེད་ཁུ་ཁེ་རེག་ཐའི།.....ངེད་རང་གིས་ངེད་རང་གི་སྐད་ཀྱི་བསྔོ་བ་ཞིག་བྱེད་དགོས། ན་མོ་མུའི་ན་ཧ་གཱནའི་ལ་གུག་སན་ཙོང་ཁ་པའི། །.....ཆོས་ཀྱི་རྒྱལ་པོ་ཙོང་ཁ་པའ། །ནོ་མོན་ཡོ་ས་ནིའི་ཐེ་ འར་བི་ཏ་གུལ་ཁུ་ཅུར། །.....ཆོས་ཚུལ་རྣམ་པར་འཕེལ་བ ་དང་། །ཐོ་ཏོ་གོ་ཏུའི་ཧར་ཤེལ་ཏ་ཧུ་ཐོད་ཧ་ར་པེལ་ཀཱེ་ཐེ་ཏུའི་ནི་འ་མིར་ལ་ཧུ་ཀེ་གེད།.....གེགས་ཀྱི་མཚན་མ་ཞི་བ་དང་། །ཅོ་ཁིལ་ཏ་ཧུའི་ནུག་ཆིལི་ཧོ་ཆིར་ལིའུ་ཀཱེ་བུ་རེད་ཀེ་ཁུ་པོ་ལ་ཐུ་གའི།.....མཐུན་རྐྱེན་མ་ལུས་ཚང་བར་ཤོག །འུ་པེར་ཀི་གེད་པོ་སུ་ཏུའི་ན་གོར་བན་ཆག་ལུ་གེ །.....བདག་དང་གཞན་གྱི་དུས་གསུམ་དང་། །པ་རིལ་ཏུག་སེན་ཧོ་ཡར་ཆི་གཱུལ་གཱན་ཏུར་ཤུ་ཐེ་ཅུའི།.....འབྲེལ་བའི་ཚོགས་གཉིས་ལ་བརྟེན་ནས། །ཡི་ལ་གུག་སན་སུ་མ་ཏི་ཀིརྟིའི་ན།.....རྒྱལ་བ་བློ་བཟང་གྲགས་པ་ཡི། །ཤ་ཅིན་འུ་ནི་འུ་ཏ་གཱན་ཏེལ་ཀེ་རེ་ཁུ་བོ་ལ་ཐུ་གའི།.....བསྟན་པ་ཡུན་རིང་འབར་གྱུར་ཅིག །༈ ཚེ་དཔཱེ་ན་རེ། འུལྭ་ཏེ་ང་ཡུས་སེ་ཀེ་ཅི་ཡཱུལྭན་ཡཱི་ན་སུ་ལྭ་ཨི་སུང་ཡཱུས།.....ངེད་རང་གིས་ཀྱང་ངེད་རང་གི་སྐད་ཀྱིས་བསྔོ་བ་ཞིག་བྱེད་དགོས། ཤི་ཅོ་ཧཱུ་ལྭ་ལྭང་ཙོང་ཁ་པཱ།.....ཆོས་ཀྱི་
རྒྱལ་པོ་ཙོང་ཁ་པའི། །ཆི་ཧུལྭ་ཡུས་ཅིན་ཤིང་ཤེན་ཤཱིས།.....ཆོས་ཚུལ་རྣམ་པར་འཕེལ་བ་དང་། །ཨིཆྱེ་ཧུལྭ་མཱུ་ཅེ་ཡ་ཤྱོ་མཱེ་ཡ།.....གེགས་ཀྱི་མཚན་མ་ཞི་བ་དང་། །ཧུ་ཧྭ་ཅི་ཤྱད་ཡུད་ཅིཇུས།.....མཐུན་རྐྱེན་མ་ལུས་ཚང་བར་ཤོག །ཡིན་ཀྱི་སཱན་ཤི་ཤུལྭ་ཀྱི་ཇུ་ཇུས།.....བདག་དང་གཞན་གྱི་དུས་གསུམ་དང། །ཨཱེལ་ཤྱན་ཡུང་ཧེ་ཀུང་ཏེ་ཡཱེ།.....འབྲེལ་བའི་ཚོགས་གཉིས་ལ་བརྟེན་ནས། །ཅེན་ཅིང་སུ་མ་ཏི་ཀིརྟི་ཅོ།.....རྒྱལ་བ་བློ་བཟང་གྲགས་པ་ཡི། །ཧེ་ཏཱང་ལྭང་ཡུང་པུ་ཇུ་ལྭས།.....བསྟན་པ་ཡུན་རིང་འབར་གྱུར་ཅིག །༈ པྲཛྙཱ་ན་རེ། མཡཱཡབཏསཾབྷྲྀཏེདཾཤུབྷེན།.....བདག་གིས་ཇི་སྙེད་བསགས་པའི་དགེ་བ་འདིས། །ཤཱསནཤྩསརྦྦཔྲཛཡཧིཏཉྩ།.....བསྟན་དང་འགྲོ་བ་ཀུན་ལ་གང་ཕན་དང། །བབཱིབྷཊརཱཀསྱསུམཏིཀིརྟི།..... ཁྱད་པར་རྗེ་བཙུན་བློ་བཟང་གྲགས་པ་ཡི། །ཤཱེཥྚཧྲྀདཾདཱིརྒྷཧསིཏཀརྻྻནྟུ།.....བསྟན་པའི་སྙིང་པོ་རིང་དུ་གསལ་བྱེད་ཤོག །སྐད་རིགས་རྣམ་བཞིའི་རིན་ཆེན་ཁམས་ལས་གྲུབ། །ལུང་རིགས་ཉི་ཟླའི་རྣ་ཆ་ཟུང་གིས་མཛེས། །སྔོན་མེད་ལེགས་པར་བཤད་པའི་ལྷུན་པོ་འདི། །ཐུབ་བསྟན་གླིང་བཞིའི་རྒྱན་དུ་གནས་གྱུར་ཅིག །དེའང་རིག་གནས་ཆུང་བ་ལྔའི་ཡ་གྱལ་ཟློས་གར་ཞེས་པ་རྒྱ་གར་ན་སྐད་རིགས་ཆེན་པོ་བཞིའི་སྒོ་ནས་སོ་སོར་འདོན་པའི་དབང་གིས་ཟློས་གར་ཤེས་ན་སྐད་རིགས་ལ་མི་རྨོངས་ཟེར་བ་ཡིན་ཞིང། བོད་ལ་སྐད་རིགས་གཅིག་ལས་མེད་པས་ཟློས་གར་མཚན་ཉིད་པ་མི་འོང་བར་གསུང། འོན་ཀྱང་དེང་དུས་རྒྱ་བོད་ཧོར་གསུམ་ཐམས་ཅད་དུ་བསྟན་པ་དར་ཡོད་པས་དེ་དག་སོ་སོའི་སྐད་ཀྱིས་བྱས་ན་སྐད་རིགས་སོ་སོའི་ཕྱོགས་གོ་ཞིང། འདི་འདྲའི་རྐྱེན་གྱིས་ཆོས་ཀྱི་གནད་འགག་གལ་ཆེ་བ་རྣམས་ལ་བློ་ཁ་ཕྱོགས་མཁན་ཡང་འབྱུང་སྲིད་དམ་སྙམ་པ་དང།
རང་ཉིད་སོ་སོ་ཡང་དག་པར་རིགས་པ་བཞི་འགྲུབ་པའི་རྒྱུ་མཐུན་དུ་བསམས་ཏེ། ༸ བཙུན་པ་དཀོན་མཆོག་བསྟན་པའི་སྒྲོན་མེས་རབ་བྱུང་བཅུ་བཞི་པའི་བགྲང་བྱ་བརྒྱད་པ་དངོས་པོ་ཞེས་པ་ཤིང་ཕོ་ཁྱིའི་ལོ་རྒྱལ་གྱི་ཟླ་བའི་ཡར་ཚེས་ལ་སྦྱར་བའི་ཡི་གེ་པ་ནི་སྔགས་རམས་པ་དཀོན་མཆོག་ཀུན་དགས་བགྱིས་པ་འདིས་ཀྱང་བསྟན་པ་དང་འགྲོ་བ་ལ་ཕན་ཐོགས་པར་གྱུར་ཅིག། །། བཀྲ་ཤིས།།