འཁོར་ཕུན་སུམ་ཚོགས་པ།
― GTN003_Page_0143 ―
[མ་དཔེ་གཟིགས་ན་འདིར་གནོན།]
འཁོར་ཕུན་སུམ་ཚོགས་པ་ནི། འདིར་ཚོགས་ཀྱི་དགེ་འདུན་འདུས་པ་རྒྱ་མཚོ་སྟེ། ཕྱི་སོ་སོར་ཐར་པས་བསྟན་པའི་རྩ་བའི་གཞི་བཟུང་། ནང་སྨོན་འཇུག་ཟུང་གིས་བྱང་ཆུབ་སེམས་ཀྱི་རྒྱལ་སྲས་སྤྱོད་པའི་ལམ་བསྲང་། གསང་བ་བསྐྱེད་རྫོགས་རིམ་གཉིས་ཀྱིས་རང་གཞན་དོན་གཉིས་ཀྱི་གོ་འཕང་བསྒྲུབ་པའི་དགོངས་སྤྱོད་རྣམ་པར་དག་པ། དད་ལྡན་དང་བ་འདྲེན་པའི་མིག་རྒྱན། འབྱོར་ལྡན་བསོད་ནམས་གསོག་པའི་ཞིང་ས། སྐལ་ལྡན་མཐོ་རིས་སྟོན་པའི་ལམ་མཁན་དམ་པ་ལྷ་
དང་བཅས་པའི་འགྲོ་བ་ཐམས་ཅད་ཀྱིས་མཆོད་པའི་འོས། ཚོགས་ཀྱི་མཆོག་ཏུ་གྱུར་པ་ཡང་། དཀོན་མཆོག་གསུམ་གྱི་ཤིས་བརྗོད་ལས། ཚོགས་ཀྱི་དམ་པ་ལྷ་མིའི་མཆོད་འོས་པ། །དགེ་འདུན་ཕྱག་འཚལ་དེང་འདིར་བདེ་ལེགས་ཤོག །ཅེས་གསུངས་པ་ལྟར་དང་།