༼མཁས་གྲུབ་ཆེན་པོ་ཨ་གྲོ་སྒྲ་རམས་པ་ལ་ཆེད་བརྗོད།༽
༈ ༼མཁས་གྲུབ་ཆེན་པོ་ཨ་གྲོ་སྒྲ་རམས་པ་ལ་ཆེད་བརྗོད། ཨ་གྲོ་སྒྲ་རམས་པའང་ཐོས་བསམ་སྒོམ་པའི་ཡོན་ཏན་བཀོད་མའི་ཆུ་ལྟར་ཡོངས་སུ་འཕེལ་བ་གཟིགས་ནས་བརྡ་སྤྲོད་ཀུན་བཤད་ཀྱི་མཚན་ཐོས་པས་གུས་པ་བསྐྱེད་ནུས་པ་དག་གིས་གཟེངས་བསྟོད་པ་ནི།༽ ༡ མགྲིན་པའི་དབུས་བཞུགས་སྒྲ༵་དབྱང༵ས་ལྷ་མོ་ཡི། །བློ་གྲོས་ཕུན་ཚོགས་ཟླ་༵བ༵་སྙིང་ལ་ཤར། ཕྱི་ནང་རིགས་ལམ་འ༵ཆི་མེད༵་བདུད་རྩིའི་ཟེར། །བྲན་པས་ཀུནྡའི་ལ༵ང་ཚོ༵་བརྟས་འདི་མཚར། །༢ བཟང་པོའི་ཡོན་ཏན་འབྱུང་ཁུངས་བླ་མ་རུ། །ཤེས་པས་མི་ལྡོག་དད་པ་བརྟན་པོ་ཡིས། །མཉེས་པ་སྒྲུབ་ལ་ལྷོད་མེད་དགེ་བའི་མཐུས། །རྒྱལ་བསྟན་ཉིན་མོར་བྱེད་ལ་སོམ་ཉི་བྲལ། །༣ ལྔ་བདོར་ཐོས་བསམ་སྒོམ་པའི་རྟ་བདུན་པས། །བླང་དོར་སྒྲིབ་པའི་འཐིབ་བུ་བསལ་བ་ལ། །སྲས་བཅས་རྒྱལ་རྣམས་ཐུགས་བསྐྱེད་སྨིན་པའི་འབྲས། །ཁྱོད་ཀྱི་དོན་གཉིས་འགྲུབ་པའི་རྒྱུར་གྱུར་ཅིག །
ཅེས་པ་འདི་ཡང་རང་སློབ་བླ་མ་འགྱུར་མེད་རྣམ་རྒྱལ་སྒྲ་སྙན་སྡེབ་སྦྱོར་སོགས་རྫོགས་པར། བརྡ་སྤྲོད་ཀུན་བཤད་ཀྱི་མཚན་དུ་སྒྲ་༵དབྱང༵ས་ཟླ་༵བ༵་འཆི༵་མེ༵ད་ལ༵ང་ཚོ༵་ཞེས་ཤཱཀྱའི་དགེ་སློང་ཞེ་ཆེན་པ་འགྱུར་མེད་མཐུ་སྟོབས་རྣམ་རྒྱལ་དཔལ་བཟང་པོས་ཆེད་དུ་བརྗོད་པ་དགེའོ། །ཞེས་པའོ། །