པར་བྱང་སྨོན་ཚིག

པར་བྱང་སྨོན་ཚིག འདི་ལྟར་བགྱིས་པའི་བསོད་ནམས་དགེ་ཚོགས་ཀྱིས། །སངས་རྒྱས་བསྟན་པ་དར་ཞིང་རྒྱས་པ་དང་། །དེ་འཛིན་བྱེད་པའི་སྐྱེས་བུ་དམ་པ་རྣམས། །སྐུ་ཚེ་བརྟན་ཅིང་མཛད་འཕྲིན་རྒྱས་པར་ཤོག །འཇིག་རྟེན་བདེ་ཞིང་ནད་མུག་འཁྲུགས་རྩོད་ཞི། །འབྲེལ་ཐོགས་གཙོར་བྱས་མ་གྱུར་འགྲོ་བ་ཀུན། །ཚོགས་གཉིས་རྫོགས་ཏེ་སྒྲིབ་གཉིས་བྱང་ནས་སུ།། མྱུར་དུ་རྫོགས་པའི་སངས་རྒྱས་ཐོབ་པར་ཤོག །ཅེས་པ་འདི་ནི་ཞེ་ཆེན་དབོན་སྤྲུལ་ལྔ་པའི་མཚན་འཛིན་འགྱུར་མེད་གཞན་ཕན་འོད་ཟེར་ནས་སྨོན་པའོ།། །།