Nitartha Digital Library
Tibetan
བསམ་གཏན་ཡེ་ཤེས་གླིང་པའི་གཏེར་ཆོས་སྐོར།


   
སྒྲོལ་མའི་གསོལ་འདེབས་འཇིགས་བརྒྱད་གཡུལ་འཇོམས།
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   


 
no previousསྒྲོལ་མའི་གསོལ་འདེབས་འཇིགས་བརྒྱད་གཡུལ་འཇོམས།next

སྒྲོལ་མའི་གསོལ་འདེབས་འཇིགས་བརྒྱད་གཡུལ་འཇོམས།

༄༅། སྒྲོལ་མའི་གསོལ་འདེབས་འཇིགས་བརྒྱད་གཡུལ་འཇོམས་བི་ཧ་ར་ཏིསྨ༔ ཨོཾ་བདེ་ལེགས་སུ་གྱུར་ཅིག༔ རྒྱལ་ཀུན་སྤྱི་གཟུགས་ཕྲིན་ལས་དོན་ཡོད་གྲུབ༔ རྒྱ་བོད་མཁས་གྲུབ་གཙུག་རྒྱན་མཚོ་སྐྱེས་རྗེ༔ བོད་ཡུལ་གཏེར་གྱི་གཉེར་འཛིན་མཚོ་རྒྱལ་མ༔ གསོལ་བ་འདེབས་སོ་དབང་བསྐུར་བྱིན་གྱིས་རློབས༔ འཁོར་ལོ་རྒྱས་འདེབས་བཀའ་བབས་ཨ་ཙར་དབྱངས༔ བརྒྱུད་པ་ཀུན་འདུས་འགྲོ་འདུལ་ལུང་རིག་གླིང༔ ཆོས་དབང་སྐྱེས་ཐོབ་གཞན་ཕན་དཔལ་བཟང་པོར༔ གསོལ་བ་འདེབས་སོ་དོན་གཉིས་ལྷུན་གྲུབ་སྩོལ༔ དཀྱིལ་འཁོར་གཙོ་མོ་ཨཱརྱ་ཏཱ་རེ་མ༔ སྐུ་ཡི་སྐྱོན་སྤངས་མཚན་དཔེའི་ཡོན་ཏན་རྫོགས༔ གསུང་གི་སྐྱོན་སྤངས་ཀ་ལ་པིང་ཀའིི་སྒྲ༔ ཐུགས་ཀྱི་སྐྱོན་སྤངས་རྣམ་མཁྱེན་ཡེ་ཤེས་བརྙེས༔ བཀྲ་ཤིས་དཔལ་འབར་འཁོར་ལོ་རྒྱས་འདེབས་ཡུམ༔ ཏཱ་རེའི་གསང་གསུམ་ཡོན་ཏན་གསོལ་བ་འདེབས༔ ཉོན་མོངས་སྐྱོན་བྲལ་སྡུག་བསྔལ་སྒྲོག་ལས་གྲོལ༔ ཤེས་བྱའི་སྐྱོན་ཟད་མི་རྟོག་རང་ངོ་འཕྲོད༔ གཟུང་འཛིན་འཇིགས་ཚོགས་གཡུལ་ངོ་དབྱིངས་སུ་དག༔ བྱར་མེད་བློ་འདས་རང་གཞིའི་ཞལ་མཐོང་ཤོག༔ ཅེས་པའི་སྒྲོལ་མའི་གསོལ་འདེབས་འདི༔ སྔོན་སྦྱངས་ལས་ཀྱི་རྟེན་འབྲེལ་མཐུས༔ བདག་དང་འབྲེལ་བའི་སློབ་བུ་ལ༔ མིག་སྨན་མཁྱེན་ལོ་ཞེས་བྱ་བར༔ རྣལ་འབྱོར་ས་ར་ཧི་ཏས་བྲིས༔ དུས་གསུམ་དགེ་བའི་ཤིས་པ་སྩོལ༔


no previousསྒྲོལ་མའི་གསོལ་འདེབས་འཇིགས་བརྒྱད་གཡུལ་འཇོམས།next