ཤིང་རིས་འདོད་གསོལ།
ཤིང་རིས་འདོད་གསོལ་ནི༔ ནད་བདག་འགོང་པོ་སྤུན་དགུ་དང༔ སྣང་སྲིད་ལྷ་སྲིན་སྡེ་བརྒྱད་སོགས༔ སྲིད་འདིར་འཚོགས་པའི་མི་མིན་ལ༔ ནད་ཡམས་གོད་ཡམས་བཟློག་པའི་ཆེད༔ རང་མཐུན་ཡིད་འོང་ཤིང་རིས་འདིས༔ མི་མཐུན་འཕྲལ་ཕུགས་རྐྱེན་ངན་བཟློག༔ ཕོ་བདུད་དལ་ཁ་གཡས་སུ་བསྒྱུར༔ མོ་བདུད་དལ་ཁ་གཡོན་དུ་བསྒྱུར༔ སྤྱི་བདུད་དལ་ཁ་མཁའ་ལ་བསྒྱུར༔ བཟློག་བསྒྱུར་ཕྲིན་ལས་གྲུབ་པར་མཛོད༔ ཧོ༔ ནད་བདག་འགོང་པོ་སྤུན་དགུ་སོགས་སྣང་ཞིང་སྲིད་པའི་ལྷ་འདྲེ་རྣམས་ལ་རང་མཐུན་འདོད་རྫས་ཀྱི་ཤིང་རིས་སྣ་ཚོགས་འབུལ་ལོ༔ ནད་རིམས་གོད་ཡམས་སོགས་འགལ་རྐྱེན་མི་མཐུན་པའི་ཕྱོགས་ཐམས་ཅད་སྒྱུར་ཅིག༔