གཟའི་གསོལ་བསྡུས།

ཧཱུྃ་ཀྵ༔ སྲིན་པོའི་རྒྱལ་པོ་དྲང་སྲོང་རཱ་ཧུ་ལ༔ གཟའ་ཆེན་བརྒྱད་དང་གདོང་བཞི་རྒྱུ་སྐར་ཚོགས༔ འདིར་བྱོན་སྨན་གཏོར་རཀྟ་ར་གསུར་དང༔ དམ་ཉམས་དགྲ་བགེགས་ཕུང་ཁམས་སྐྱེ་མཆེད་འབུལ༔ རྣལ་འབྱོར་ལམ་གྱི་བར་ཆད་ཞི་བ་དང༔ མཐུན་རྐྱེན་འབད་མེད་ལྷུན་གྱིས་གྲུབ་པར་མཛོད༔ ཁྱོད་ཀྱི་མཐུ་སྟོབས་དྲག་རྩལ་གློག་ལྟར་མྱུར༔ དམིགས་པའི་དགྲ་བོ་གཞོམ་པའི་ཕྲིན་ལས་མཛོད༔ ཁམས་གསུམ་ཡིད་དབང་འགུགས་པའི་མཐུ་ནུས་བསྐྱེད༔ ཚེ་བསོད་སྙན་གྲགས་རྒྱས་པའི་ཕྲིན་ལས་མཛོད༔ ཞེས་སྤྲུལ་སྐུ་ས་ར་ཧི་ཏའི་ཐུགས་གཏེར་རོ།།