རིགས་ལྡན་བྱིས་པ་ལ་གནང་བའི་ལུང་བྱང་།
དཀོན་མཆོག་གསུམ་ལ་གསོལ་བ་འདེབས༔ དཀོན་མཆོག་གསུམ་གྱིས་བྱིན་གྱིས་རློབས༔ ཀྱེ་ཧོ་རིགས་ལྡན་བྱིས་པ་ལགས༔ ཁྱེད་སྔོན་ཚོགས་བསགས་དུས་སྨིན་པ༔ སྨུག་སངས་མི་འགྱུར་རྡོ་རྗེའི་དྲུང༔ བཙུན་པ་རང་རིག་ཡེ་ཤེས་མཚན༔ དེ་འོག་སྐྱེ་བ་ལྔ་གསུམ་བདུན༔ དེ་མཐར་མི་ཉག་ལུང་པའི་སྤོ༔ གྲུབ་སྲས་དྲི་མེད་གསང་སྔགས་ལྡན༔ དེ་ནས་ད་ལྟའི་སྐྱེ་སྲིད་འདི༔ བར་ཆད་གསུམ་གྱི་འཕྲང་བ་ཤར༔ དེ་བཟློག་རྡོ་རྗེ་ཕུར་པ་དང༔ འོད་ཟེར་ཅན་མ་གནད་དུ་སྣུན༔ མཁའ་འགྲོའི་སྤྲུལ་པའི་གཏེར་མིང་འཛིན༔ གང་དེའི་ཞབས་པད་གཙུག་བསྟེན་ན༔ བར་ཆད་ངན་པའི་འཕྲང་སྒྲོལ་སྲིད༔ རྣམ་གཡེང་ལེ་ལོའི་བདུད་སྤང་ཞིང༔ སྟོང་ཉིད་སྙིང་རྗེས་རྒྱུད་སྦྱོངས་དང༔ ཆོས་སྤྱོད་བཅུ་ལ་འབད་པ་ན༔ ཆོས་སྲིད་དཔལ་གྱི་རི་ལ་མངོན༔ དེ་སོགས་གནད་དང་མི་ལྡན་ཚེ༔ བཟང་ངན་ཅི་འགྱུར་ལས་ཀྱིས་བྱེད༔ སྐལ་ལྡན་བསམ་པ་ཆོས་བཞིན་འགྲུབ༔ ས་ར་ཧི་ཏས་སོ༔