དེ་རྣམས་ཐམས་ཅད་ལུས་ཀྱི་འཁོར་ལོ་བཞི་ལ་བཞུགས་ཚུལ་ལ་བཅུ་བདུན། དེ་རྣམས་ཉིད་བརྗོད་དུ་མེད་པའི་ཨཱ་ལི་ཀཱ་ལི་ལ་སོགས་པར་བཞུགས་ཚུལ།

དེ་བཞིན་དུ། འཕགས་པ་རྡོ་རྗེ་སྙིང་པོའི་ཞལ་སྔ་ནས་ཀྱང༌། [དེ་བཞིན་ཉིད་ཀྱི་]དཔྲལ་བར་[འགོག་བདེན་དོན་དམ་གྱི་]ཨཱ་ལི[ཆོས་ཉིད་ཀྱི་སྤྲུལ་སྐུ]འོ། །[དེ་བཞིན་ཉིད་ཀྱི་]མགྲིན་པར་[འགོག་བདེན་དོན་དམ་གྱི་]ཀཱ་ལི[ཆོས་ཉིད་ལོངས་སྐུ]འོ། །[དེ་བཞིན་ཉིད་ཀྱི་]སྙིང་ཁར་[འགོག་བདེན་དོན་དམ་གྱི་]ཤེས་རབ་[ཆོས་སྐུ་གྲུབ་]བོ། །[དེ་བཞིན་ཉིད་ཀྱི་]ལྟེ་བར་[འགོག་བདེན་དོན་དམ་གྱི་]ཐབས་[ངོ་བོ་ཉིད་སྐུ་བཞུགས་]སོ། །