དེ་རྣམས་ཉིད་ཐུན་མཚམས་གཞན་རང་བཞིན་འོད་གསལ་གྱི་ཐུན་མཚམས་བཞིར་ཡང་བཞུགས་ཚུལ།
སྔར་བཤད་པའི་[འགོག་བདེན་དོན་དམ་གྱི་]ཐུན་མཚམས་བཞི་རྣམས་ཏེ། [འགོག་བདེན་དོན་དམ་གྱི་]སྔ་མའི་ཐུན་མཚམས་ནི་[དོན་དམ་གྱི་སྤྲུལ་སྐུ་སྟེ་]དཔྲལ་བར་རོ། །[འགོག་བདེན་དོན་དམ་གྱི་]ཉིན་གུང་གི་ཐུན་མཚམས་ནི་[དོན་དམ་གྱི་ལོངས་སྐུ་སྟེ་]མགྲིན་པར་རོ། །[འགོག་བདེན་དོན་དམ་གྱི་]ཉིན་མོའི་ཕྱི་མའི་ཐུན་མཚམས་ནི་[ཆོས་སྐུ་སྟེ་]སྙིང་ཁར་རོ། །[འགོག་བདེན་དོན་དམ་གྱི་]མཚན་ཕྱེད་ཀྱི་ཐུན་མཚམས་ནི་[ངོ་བོ་ཉིད་སྐུ་སྟེ་]ལྟེ་བ་ལའོ། །