དེ་རྣམས་ཉིད་དོན་དམ་འགོག་བདེན་གྱི་བྱང་ཆུབ་ཕྱོགས་ཆོས་རྣམས་སུ་ཡང་བཞུགས་ཚུལ།

[འགོག་བདེན་དོན་དམ་གྱི་]བྱང་ཆུབ་ཀྱི་ཕྱོགས་ཀྱི་ཆོས་[ཁྱབ་བྱེད་བཏང་སྙོམས་ཡང་དག་བྱང་ཆུབ་ཡན་ལག་གི་ལྷག་མ་]སུམ་ཅུ་རྩ་དྲུག་རྣམས་དང༌། [འགོག་བདེན་དོན་དམ་གྱི་]ཁམས་སུམ་ཅུ་རྩ་དྲུག་རྣམས་སྔར་བཤད་པའི་ཆ་[བཞི་]བཞིར་བྱས་ནས་ཐམས་ཅད་བཞི་བཞིར་གྲངས་ཇི་ལྟ་བར་རིགས་ཀྱི་དབྱེ་བས་[འགོག་བདེན་དོན་དམ་གྱི་]འཁོར་ལོ་བཞི་རྣམས་ལ་[དབྱེར་མེད་དུ་]སྦྱར་བར་བྱ[ཞིང་སེམས་ཅན་གྱི་ལུས་ཀྱི་འཁོར་ལོ་བཞི་ལ་དབྱེར་ཡོད་དུ་བཞུགས་པ་]འོ། །ཞེས་གསུངས་ཏེ།