དང་པོ་ལུས་ཀྱི་ལས་གསུམ་གྱི་དང་པོ་སྲོག་གཅོད་ནི།
སྲོག་བཅོད་པ་ནི་བསམ་བཞིན་དུ་མ་ནོར་བར་ནི་གཞན་བསད་པའོ། །ཞེས་འབྱུང་བ་ལྟར། གཞི། བསམ། སྦྱོར་བ། ཉོན་མོངས། མཐར་ཐུག་པ་སྟེ་ཡན་ལག་ལྔ་ལས། དང་པོ་ནི། གང་གསད་བྱའི་གཞི་དེ་རང་ལས་རྒྱུད་ཐ་དད་པའི་སེམས་ཅན་དུ་གཏོགས་པའོ། །གཉིས་པ་ཐོ་ཡོར་ལ་མིར་སེམས་པའམ། ལྷའི་སྦྱྀན་ལ་མཆོད་སྦྱིན་དུ་འདུ་ཤེས་པ་ལྟ་བུའི་འཁྲུལ་བ་མ་ཡིན་པར། གང་བསད་བྱ་དེ་མ་ནོར་བར་གསོད་འདོད་ཀྱི་བསམ་པ་སྦྱོར་བའི་བར་དུ་རྒྱུ་འབྲེལ་བ། གསུམ་པ་དུག་མཚོན་དང་རིག་སྔགས་སོགས་ཀྱི་སྦྱོར་བས་སྲོག་གཅོད་རང་གིས་བགྱིས་པ་དང༌། གཞན་བགྱིད་དུ་བསྩལ་བའོ། །བཞི་པ་ཉོན་མོངས་པ་དུག་གསུམ་དང་འབྲེལ་བ་ལས། ཁྱད་པར་རྫོགས་བྱེད་ཉོན་མོངས་པ་ཞེ་སྡང་ངོ༌། །ལྔ་པ་ནི། བསམ་སྦྱཽར་དེ་ལྟ་བུས་གསད་བྱ་དེ་རང་མ་ཤི་བའི་སྔ་རོལ་ཏུ་སྲོག་གིའི་དབང་པོ་འགགས་ནས་ཤི་བ་སྟེ་སྲོག་གཅོད་ཀྱི་ལས་ལམ་རྫོགས་པའོ། །