ང་༽ གླེགས་བམ་བཞི་པ། བམ་པོ་དང་པོ།
སྤོང་དང་། དེ་ནས་ཚེ་དང་ལྡན། དེ་ནས་ཕྲེང་དྲུག་ན། མེད་པར་ལྟ་བ་རབ་ཏུ་སྤང་བ་དང༌། དེ་རྣམས་སྤངས་པས་གང་ཟག་བདག་མེད་པ་བསྟན་ཏོ། །དེ་ནས་ཕྲེང་དགུ་ན། ཚུལ་གྱིས་བགྱིད་དེ། དེ་རྣམས་ཀྱིས་ཆོས་ལ་བདག་མེད་པ་བསྟན་ཏོ། །དེ་ནས་ཤོག་གུ་གཉིས་ལ་ཕྲེང་གཅིག་ལྷག་ཆད་པ་ན། བལྟ་བ་བསྐྱེད་དོ། །ཞེས་པ་ནི་གཟུགས་ཀྱི་ཕུང་པོ་ལ་སོགས་པ་ལ་དམིགས་པའི་རྒྱུས་རྣམ་པར་རྟོག་པ་བསྐྱེད་པའོ། །ཞེས་དབུ་མ་པ་ཆེན་པོ་ནས་གསུངས། ཚོར་བར། དེ་ནས་ཤོག་གུ་བཞི་དང་ཕྲེང་གསུམ་ན། ཚུལ་གྱིས་ཆོས་སྟོན་ཏོ། །ཞེས་བྱ་བའི་གནས་བརྟན་ཤཱ་རིའི་བུས། ཆོས་ཐམས་ཅད་ཀྱི་ཡོད་པ་མ་ཡིན་པ་དངོས་པོ་མེད་པ། ཆེན་པོ་རྟོགས་པའི་ཕྱིར། སེམས་དཔའ་ཆེན་པོ་ཞེས་བསྟན་ཏོ། །རྟོགས་དང་གསུམ་པོ་ལ། །ཆེན་པོ་གསུམ་གྱི་རང་འབྱུང་གི །ཆེད་དུ་བྱ་བ་འདི་ཤེས་བྱ། །དེ་ནས་ཚེ་དང་ལྡན་པ། དེ་ནས་ཕྲེང་གཉིས་ཙམ་ན། མི་མཉམ་པ་བླ་ན་མེད་པའི་བྱང་ཆུབ་དང་མཉམ་པའི་སེམས། ཆོས་ཀྱི་དབྱིངས་རྣམ་པར་དག་པ་རྟོགས་པས། ཉན་ཐོས་དང༌། ཆེན་པོ་ཞེས་བགྱིའོ། །ཞེས་བྱ་བ་ནི་བླ་ན་མེད་པའི་བྱང་ཆུབ་ཆོས་ཀྱི་དབྱིངས་རྣམ་པར་དག་པ་རྟོགས་པའི་བྱང་ཆུབ་ཀྱི་སེམས་དེ་ལྟ་བུ་ལ་ཡང་ཆགས་པ་མེད་དེ། དེ་ལྟར་ཆགས་པ་མེད་པའི་སེམས་ཆེ་བའི་ཕྱིར་སེམས་དཔའ་ཆེན་པོ་ཞེས་བྱའོ། །ཞེས་བསྟན་པའོ། །ཞེས་འབུམ་ཏིག་གསུངས། ཐམས་ཅད་མཁྱེན་པ་འཐོབ་པའི་རྒྱུ་ཉིད་ཀྱི་སེམས་མཆིས་ཤིང༌། ཁམས་གསུམ་གྱི། ཁོངས། དེ་ནས་ཕྲེང་གསུམ་ཅུང་མེད་ན། སེམས་གང་ཡིན། ཞེས་བྱ་བ་ནི་བྱང་ཆུབ་ཀྱི་སེམས་ཀྱི་མཚན་ཉིད་འདྲི་བའོ། །བསྐྱེད་ཕྱིན་ཆད། ཆོས་ཐམས་ཅད་དངོས་པོ་མེད་པར་རྟོགས་པ། ཆོས་གང་ཡང༌། དེ་ནས་ཕྲེང་གཉིས་ཅུང་མེད་ན། རྣམ་པར་བྱང་བ་མེད་པ། ཀུན་བརྟགས་པའི་གནས་སྐབས་ནས་ནི། སྒྱུ་མ་ལ་སོགས་པའི་ཆོས་དེ་དག་སྐྱེ་བ་ལ་སོགས་པ་དང་ལྡན་པ་དང་འདྲ་བར་སྣང་ངོ༌། །ཞེས་སེམས་གང་གིས་རྟོགས་པ་དེ་མི་མཉམ་པ་དང་མཉམ་པ་དང་སེམས་དང་ཐུན་མོང་མ་ཡིན་པའི་སེམས་སོ། །ཞེས་དབུ་མ་པ་ཆེན་པོ་གསུངས། དེ་ལྟ་བུའི་སེམས། དེ་ལ་ཉན་ཐོས་ཀྱི་སེམས། སེམས་ཀུན་རྫོབ་པ་མེད་དོ། །དེ་ནས་ཕྲེང་ཕྱེད་དང་གཉིས་ན། ཁམས་གསུམ་དང༌། དུས་གསུམ་གྱི་ཁོངས་སུ་ཆུད་པ་མེད་པ། ཞེས་བྱ་བ་འདིས་ཀྱང་ཆོས་ཐམས་ཅད་ལ་ཁྱབ་པའི་མཚན་ཉིད་དུ་བསྟན་ཏོ། །ཞེས་དབུ་མ་པ་ཆེན་པོ་གསུངས་ཏེ། དེ་ལྟ་བུའི་སེམས་དེ་བས་ན། ཆོས་ཉིད་ཀྱི་གཟུགས་ཀྱང་ཆགས་པ་མེད་དོ། །དེ་བཞིན་དུ་སྦྱར་ཏེ། དེ་ནས་ཤོག་གུ་གསུམ་དང་ཕྲེང་ལྔ་ལྷག་ན། བྱིས་པ་སོ་སོའི་སྐྱེ་བོ་རྣམས་ལ་ཁྱབ་པར་བཞུགས་པའི་ཆོས་ཉིད་ཀྱི་སེམས་ཀྱང་སངས་རྒྱས་རྣམས་ཀྱི་ཆོས་ཉིད་ཀྱི་སེམས་དང༌། དེ་ནས་ཕྲེང་ཕྱེད་དང་བཞི་ལྷག་ན། ཁོངས་སུ་ཆུད་པ་མེད་དོ། །དེ་བཞིན་དུ་སྦྱར་ཏེ། དེ་ནས་ཤོག་གུ་གསུམ་དང་ཕྲེང་ལྔ་ལྷག་ན། བམ་པོ་གཉིས་པ། དེ་ནས་ཤོག་གུ་གསུམ་དང་ཕྲེང་ཕྱེད་བདུན་ན། གཟུགས་ལ་ཆགས་པ་མེད་དོ། །ཞེས་བྱ་བ་ནི་ཀུན་བཏགས་པའི་སེམས་ཀྱི་མཚན་ཉིད་དང་བྲལ་བའི་ཕྱིར་ཏེ། ཇི་ལྟར་ཡོངས་སུ་གྲུབ་པའི་སེམས་ལ་སེམས་མ་ཡིན། ཞེས་བྱ་བ་དེ་བཞིན་དུ། ཀུན་བཏགས་པའི་གཟུགས་ཀྱིས་མཚན་ཉིད་དང་བྲལ་བའི་ཕྱིར། ཆོས་ཉིད་ཀྱི་གཟུགས་ལ་གཟུགས་མེད་པ་ཞེས་བྱའོ། །གཟུགས་མ་ཡིན་པར་གྱུར་པ་ཆོས་ཉིད་ཀྱི་ངོ་བོ་ཉིད་དེ་ཀུན་བཏགས་པའི་གཟུགས་ལ་ཆགས་པ་མེད་དོ། །ཞེས་བྱ་བ་དང༌། ཚོར་བའི་བདག་ཉིད་མ་ཡིན་པའི་ཆོས་ཉིད་དེ་ཡང༌། ཀུན་བཏགས་པའི་ཚོར་བ་ལ་ཆགས་པ་མེད་དོ། །ཞེས་བྱ་བར་སྦྱར་བར་བྱའོ། །ཞེས་དབུ་མ་པ་ཆེན་པོ་དབྱིག་གཉེན་གསུངས་ཤིང༌། དེ་དང་མཐུན་པར་འབུམ་ཏིག་ཏུ་ཡང་གསུངས་ཏེ། ཇི་སྐད་དུ། ཡོངས་སུ་གྲུབ་པའི་མཚན་ཉིད་ཆོས་ཉིད་ཀྱི་སེམས་ལ་ཀུན་བཏགས་པའི་སེམས་མེད་པའི་ཕྱིར། སེམས་མེད་པ་ཞེས་བྱའོ། །གཟུགས་མེད་པ་ཡང་གཟུགས་ལ་ཆགས་པ་མེད་དོ། །ཞེས་བྱ་བ་ལ་གཟུགས་མེད་པ་ཞེས་བྱ་བ་ནི་ཡོངས་སུ་གྲུབ་པའི་མཚན་ཉིད་ཆོས་ཉིད་ཀྱི། གཟུགས་ལ་ཀུན་བཏགས་པའི་གཟུགས་ཡོད་པ་མ་ཡིན་པའི་ཕྱིར། གཟུགས་མེད་པ་ཞེས་བྱ་སྟེ། ཡོངས་སུ་གྲུབ་པའི་རང་བཞིན་གཟུགས་མེད་པའི་དེ་ཀུན་བཏགས་པའི་གཟུགས་ལ་ཆགས་པ་མེད་དོ། །ཞེས་སོ། །དེ་བཞིན་དུ་སྦྱར་ཏེ། དེ་ནས་ཤོག་གུ་ལྔ་དང་ཕྲེང་ཕྱེད་དང་དགུ་ན། སེམས་དཔའ་ཆེན་པོ་ཞེས་བྱའོ། །ཞེས་པས་རབ་འབྱོར་གྱིས་ཆགས་པ་མེད་པ་དང༌། ཐོགས་པ་མེད་པ་ཆེ་བའི་ཕྱིར་སེམས་དཔའ་ཆེན་པོ་ཞེས་བྱའོ། །ཞེས་བསྟན་ཏེ། དེ་རྣམས་ཀྱིས་ནི། ཆེ༷ད་ད༷ང་ནི༷། །ཞེས་པས་དོན་དྲུག་པ་གསུང་ཟིན་ཏོ།།
དེ་དག་སོ་སོར་སྦྱིན་ལ་སོགས། །རྣམ་པ་དྲུག་ཏུ་བསྡུས་པ་ཡིས། །གོ་ཆའི་སྒྲུབ་པ་གང་ཡིན་ཏེ། །དྲུག་ཚན་དྲུག་གིས་ཇི་བཞིན་བཤད། །དེ་ནས་ཚེ་དང་ལྡན་པ། བྱམས་གང་གི་བུས། དེ་ནས་ཕྲེང་གཉིས་ན། སེམས་ལགས་ཏེ། ཞེས་བྱ་བ་ནི་དང་པོའི་སེམས་ནས་བཟུངས་ནས་བསམ་པ་རྒྱ་ཆེ་བ་བསྟན་ཏེ། ཞེས་སེམས་ཅན་ལགས་ལ། ཞེས་བྱ་བ་ནི་མོས་པ་སྤྱོད་པའི་ས་ནས་བཟུང་སྟེ། ས་བདུན་པའི་བར་རྩོལ་བ་དང་བཅས་རྣམ་པར་རྟོག་པ་དང་བཅས་པའི་སྤྱོད་པའི་གནས་སྐབས་ཡིན་པར་བསྟན་ཏོ། །ཞེས་སེམས་ཅན་ལགས་ལ། ཞེས་བྱ་བ་ན་ས་བརྒྱད་པ་ཡན་ཆད་དོན་དམ་པའི་སྤྱོད་པ་ཡིན་པར་བསྟན་ཏོ། །ཞེས་པ་གསུམ་དབུ་མ་པ་གསུངས། དེ་ནས་ཕྲེང་གཅིག་ལྷག་ན། དེ་ལ་གོ་ཆ་བགོས་པ་ཡང༌། རྣམ་པ་གཉིས་སུ་བསྟན་ཏོ། །སེམས་ཅན་ཐམས་ཅད་ཀྱི་དོན་བརྩོན་པའི་ཕྱིར་བསམ་པ་རྒྱ་ཆེ་བ་དང༌། སྒྲུབ་པ་གཅིག་གིས་སྒྲུབ་པ་ཐམས་ཅད་ཡོངས་སུ་རྫོགས་པར་བྱེད་པས་སྒྲུབ་པ་རྒྱ་ཆེ་བའོ། །ཞེས་དབུ་མ་པ་གསུངས་པས། དང་པོ་བསམ་པ་རྒྱ་ཆེ་བ་ནི་གང་པོས་སྨྲས་པ། དེ་ནས་ཤོག་གུ་བཅུ་གསུམ་དང༌། ཕྲེང་གཅིག་དང་ཅུང་མེད་ན། བགོས་པ་ཞེས་བྱའོ། །གཉིས་པ་སྒྲུབ་པ་རྒྱ་ཆེ་བའི། ཚེ་དང་ལྡན་པ་ཤཱ་ར། དེ་ནས་ཕྲེང་གཉིས་ལྷག་ཙམ་ཆད་པ་ན། འཇུག་པ་རྣམས་ཀྱི་བདེ་བའི་རོ་ཡང་མྱོང་བར་མི་བྱེད་དོ། །མི་འཕྲོགས་པ་སྟེ། ཞེས་བྱ་བ་ནི་བསམ་གཏན་དང༌། ཚད་མེད་པ་དང༌། གཟུགས་མེད་པའི་སྙོམས་པར་འཇུག་པ་རྣམས་ཀྱི་ཏིང་ངེ་འཛིན་གྲུབ་ཀྱང་དེས་ཆོག་པར་མི་འཛིན་པར་གོང་ནས་གོང་དུ་བྱང་ཆུབ་སེམས་དཔའི་སྤྱོད་པ་རྒྱ་ཆེན་པོ་རྣམས་ལ་སྤྱོད་ཅིང་སྒྲུབ་བོ། །ཞེས་བྱ་བའི་དོན་ཏོ། །ཞེས་འབུམ་ཏིག་གསུངས། དབང་གིས་ཀྱང༌། ཁམས་གོང་མ་གཉིས་སུ་མི་སྐྱེ་བར་བྱང་ཆུབ་ཐོབ་པའོ། །དེ་ནས་ཕྲེང་གཉིས་ཅུང་མེད་ན། འཇུག་པ་དག་ལ་དངོས་པོར་མི་འཛིན་པས་དབེན་པ་མཐོང༌། དེ་ནས་ཕྲེང་གཅིག་ནས། དག་པའི་མཐའ་ཉན་རང་གི་མྱང་འདས་མངོན་དུ་ཡང༌། དེ་ནས་ཕྲེང་གཉིས་ན། བམ་པོ་གསུམ་པ། དེ་ནས་ཤོག་གུ་གཅིག་དང་ཕྲེང་བཅུ་གཅིག་ན། དབྱངས་རྗེས་སུ་སྒྲོག་གོ །དེ་རྣམས་ཀྱིས་ནི། གོ༷་ཆ༷། ཞེས་བདུན་པ་གསུངས་ཟིན་ཏོ། །
བསམ་གཏན་གཟུགས་མེད་སྦྱིན་སོགས་དང༌། །སྨྲས་པ། ཚེ་དང་ལྡན་པ། དེ་ནས་ཕྲེང་གཅིག་ན། གང་བོས་འདི་ནས་ཐེག་པ་ཆེན་པོ་ལ་ཞུགས་པ་དང་ཐེག་པ་ཆེན་པོའི་དོན། སྨྲས་པ། དེ་ནས་ཤོག་གུ་བདུན་དང་ཕྲེང་དགུ་ཅུང་མེད་ན། ཡང་དག་པར་ཞུགས་པ་ཞེས་བྱའོ། །ཞེས་པའི་བར་གྱི་ཕར་ཕྱིན་དྲུག་ཡོངས་སུ་རྫོགས་པར་སྒྲུབ་པའི་ཞོར་ལ་བསམ་གཏན་དང༌། ཚད་མེད་པ་དང༌། སྙོམས་པར་འཇུག་སྒོམ་པ་ཐེག་ཆེན་ལ་ཞུགས་པར་བསྟན་ཏོ། །དེ་ནས་ཤོག་གུ་གཅིག་དང་ཕྲེང་ཕྱེད་དང་གཉིས་ན། ཏིང་ངེ་འཛིན་ཏེ། ཞེས་བྱ་བ་ནི། དེ་ལྟར་བསམ་གཏན་དང༌། ཚད་མེད་པ་དང༌། གཟུགས་མེད་པའི་སྙོམས་པར་འཇུག་པ་རྣམས་མི་དམིགས་པའི་ཚུལ་གྱིས་སྒོམ་པ་དེ་ཉིད་བྱང་ཆུབ་སེམས་དཔའི་ཏིང་ངེ་འཛིན་ཡིན་ནོ། །ཞེས་བསྟན་བའོ། །ཞེས་འབུམ་ཏིག་གསུངས། དེ་ནས་ཕྲེང་གཅིག་ལྷག་པ་ན་འཇུག་པ་དེ་དག་གི་མིང༌། གཞན་ལ་བརྗོད་ཅིང༌། ངེས་ཚིག་འཆད་པ་དང༌། ཚིག་དོན་གཉིས་ཀ་སྟོན་ཅིང༌། ཞིབ་ཏུ་འགྲེལ་པ། དེ་དག་གི་ཡན་ལག་རྣམས། རྣམ་པར་འབྱེད་ཅིང༌། དཔེ་འཁྱུད་མེད་པར་གསལ་བར་བྱེད་དེ། ཕྱིན་པའོ། །སྦྱིན་པ་ཞེས་བྱ་བ་ནི་འདིར་ཆོས་སྦྱིན་པ་ལ་བྱའོ། །ཞེས་དབུ་མ་པ་གསུངས། དེ་ནས་ཕྲེང་གཉིས་ཅུང་མེད་ན། གོ་མི་འབྱེད་པ་དེ་ནི། བྱང་ཆུབ་སེམས་དཔའི་དམ་བཅའ་བ་མ་ཉམས་པས། བྱང་ཆུབ་སེམས། དེ་ནས་ཕྲེང་བཅུ་གཅིག་ལྷག་ཙམ་ན། སྤྱོད་པའི་ཐེག་པ་ཆེན་པོའོ། །ཞེས་པའི་བར་གྱིས་བསམ་གཏན་ལ་སོགས་པ་སྒོམ་པའི་ཞོར་ལ་ཕར་ཕྱིན་དྲུག་རྫོགས་པར་སྒོམ་པ་ཐེག་ཆེན་ལ་ཞུགས་པར་བསྟན་ཏོ། །ལམ་དང་། ཚེ་དང་ལྡན་པ། དེ་ནས་ཕྲེང་ཕྱེད་དགུ་ན། བྱམས་ལ་སོགས་པ་དང༌།། ཚེ་དང་ལྡན་པ་ཤཱ་ར་དྭ་ཏིའི་བུ། གཞན་ཡང༌། དེ་ནས་ཤོག་གུ་གཅིག་ན། དམིགས་པ་མེད་དང་ལྡན་པ་དང༌། །ཚེ་དང་ལྡན་པ་ཤཱ་ར་དྭ་ཏིའི་བུ། གཞན། དེ་ནས་ཤོག་ལོགས་གཅིག་ན། ཆོས་ཐམས་ཅད་ལ་སེམས་རྣམ་པར་གཡེང་བས་མི་འཁྲུག །དེ་ནས་ཕྲེང་གཅིག་ལྷག་ཙམ་ན། ཐེག་པ་ཆེན་པོ་ནི། གཉིས་མེད་པའི་ཆོས་ཉིད་ཡིན་པས། རྟག་ཅེས་བྱ་བར། དེ་ནས་ཕྲེང་གཉིས་ན། ཐེག་པ་ཆེན་པོའོ། །ཞེས་པས་མཐའ་གཉིས་སུ་མི་འཛིན་པ་ཐེག་ཆེན་དང་དེ་ལྟར་སྤྱོད་པ་ཐེག་ཆེན་ལ་ཞུགས་པར་བསྟན་ཏོ། །དེ་ནས་ཕྲེང་གཅིག་ལྷག་པ་ན། ཤེས་པ་ཡང་མེད་དེ། ཞེས་པ་ཡང་འདིའི་དོན་ནི་དབུ་མ་པ་ཆེན་པོ་ནས། ཁམས་གསུམ་མཉམ་པ་ཉིད་ཐེག་པ་ཆེན་པོ་ཡིན་པ་དང༌། དེ་ལ་ཤེས་པ་མེད་པ་དང༌། ཤེས་པ་མི་དམིགས་པ་ཡང་དག་པར་ཞུགས་པ་ཡིན་ནོ།། ཞེས་གསུངས་སོ། །དེ་ནས་ཕྲེང་གཅིག་ལྷག་པ་ན། མཉམ་བཞག་ཏུ་འཇིག་རྟེན་པའི་ཆོས། དེ་ནས་ཕྲེང་གཅིག་ན་མི་བྱེད་ཀྱང༌། རྗེས་ཐོབ་ཏུ་འཇིག་རྟེན་པ་དང༌། དེ་ནས་ཕྲེང་གཅིག་ལྷག་པ་ན། འཁོར་གསུམ་རྣམ་པར་དག་པ་དང༌། །སྨྲས་པ། ཚེ་དང་ལྡན། དེ་ནས་ཤོག་གུ་གཅིག་དང་ཕྲེང་ཕྱེད་དང་གཉིས་ན། ཆེད་དུ་བྱ་དང་། ཚེ་དང་ལྡན་པ་མ་འདྲེས་པས་སྒོམ་པ་མི་དམིགས་པ་རྣམ་པར་བསྒོམ་པའི། དེ་ནས་ཤོག་གུ་དྲུག་དང་ཕྲེང་ཕྱེད་དང་ལྡན། བམ་པོ་བཞི་པ། མངོན་ཤེས་དྲུག །ཚེ་དང་ལྡན་པ། དེ་ནས་ཕྲེང་ལྔ་ཅུང་མེད་ན། དེ་གཉིས་སུ་མེད་པའི་ས་བརྒྱད་པ། ལ་ལ་གནས་ཤིང༌། དེ་ཕྱིར་མི་ལྡོག་པས། ནམ་རྣམ་པ་ཐམས་ཅད། རྣམ་ཀུན་མཁྱེན་པའི་ཚུལ་ལ་ནི། །འཇུག་པའི་སྒྲུབ་པ་ཐེག་ཆེན་ལ། །འཛེག་པ་ཡིན་པ་ཤེས་པར་བྱ། །དེས་རྣམ་པ་ཐམས་ཅད་མཁྱེན། དེ་ནས་ཤོག་གུ་གཅིག་དང་ཕྲེང་བཅུ་གཉིས་ན། ཡང་དག་པར་གནས་ཤེས་བྱའོ། །ཞེས་པས་གང་བོས། གོ་ཆ་ཆེན་པོ་བགོས་པ་དང༌། སྒྲུབ་པ་ཆེན་པོ་དང༌། འབྲས་བུ་ཆེན་པོ་ལ་ཞུགས་པའི་ཕྱིར། སེམས་དཔའ་ཆེན་པོ་ཞེས་བྱ་བར་བསྟན་ཏེ། དེ་རྣམས་ཀྱིས་ནི། འཇུ༷ག་པ༷འི་བྱ༷་བ༷་ད༷ང༌། །ཞེས་པ་དོན་བརྒྱད་པ་གསུངས་ཟིན་ཏོ། །
བརྩེ་དང་། དེ་ནས་ཚེ་དང་ལྡན་པ། དེ་ནས་ཤོག་གུ་བརྒྱད་དང་ཕྲེང་ལྔ་ཅུང་མེད་ན། སྦྱིན་ལ་སོགས་པ་དྲུག །རབ་འབྱོར། གཞན་ཡང༌། དེ་ནས་ཤོག་གུ་དྲུག་ལ་ཕྲེང་ཕྱེད་དང་བཞི་ཙམ་ཆད་པ་དང༌། ཞི་གནས། རབ་འབྱོར། གཞན། དེ་ནས་ཤོག་གུ་དྲུག་དང་ཕྲེང་བཅུ་ན། བམ་པོ་ལྔ་པ། དེ་ནས་ཤོག་གུ་གསུམ་དང་ཕྲེང་ཕྱེད་དང་བཞི་ལྷག་ཙམ་ན། ལྷག་མཐོང་བཅས་པ་དང༌། །རབ་འབྱོར། འདི་ལྟ་སྟེ། དེ་ནས་ཤོག་གུ་གཉིས་ལྷག་ཙམ་ན། བགོས་པར་རིག་པར་བགྱིའོ། །ཞེས་བྱ་བ་ནི་སྔར་བཤད་པའི་གོ་ཆ་ཐམས་ཅད་ཀུན་བཏགས་པ་ཡིན་པའི་ཕྱིར། གོ་ཆ་དེ་དག་མེད་པའི་རང་བཞིན་ཏེ་དེ་བཞིན་ཉིད་ཀྱི་ངོ་བོ་ཉིད་ཀྱི་གོ་ཆ་བགོས་པའི་བྱང་ཆུབ་སེམས་དཔའ་ཞེས་བྱ་བའི་ཐ་ཚིག་གོ །ཞེས་དབུ་མ་པ་ཆེན་པོ་གསུངས། གཟུགས་ཀྱིས་སྟོང་ངོ༌། །ཞེས་བྱ་བ་ལ་སོགས་པ་བཤད་དེ། འདི་ལྟར་ཡོངས་སུ་གྲུབ་པའི་གཟུགས་ཀུན་བཏགས་པའི་གཟུགས་ཀྱིས་སྟོང་ཞིང༌། ཡོངས་སུ་གྲུབ་པའི་ཚོར་བ་ཀུན་བཏགས་པའི་ཚོར་བས་སྟོང་སྟེ། དེའི་ཕྱིར་དོན་དམ་པའི་གོ་ཆ་ཡང་ཀུན་བཏགས་པའི་གོ་ཆས་སྟོང་ངོ༌། །ཞེས་བྱ་བར་སྦྱར་རོ། །ཞེས་དབུ་མ་པ་ཆེན་པོ་སློབ་དཔོན་དབྱིག་གཉེན་གསུངས་ཤིང༌། དོན་དང་མཐུན་ལས་ངེས་དོན་མདོ་བཅུ། སྙིང་པོའི་མདོ་བཅུ་ལ་སོགས་དང༌། དུས་ཀྱི་འཁོར་ལོ་དང༌། སེམས་འགྲེལ་ལ་སོགས་པ་མདོ་སྔགས་ཟབ་མོ་མཐར་ཐུག་པ་རྣམས་དང་ཤིན་ཏུ་མཐུན་པས། དོན་དམ་པ་གཞན་སྟོང་གི་ཚུལ་དུ་འདི་རྫོགས་ལྡན་གྱི་ཆོས་ཚུལ་ཟབ་མོ་ཁྱད་འཕགས་ཡིན་ལ། ཐམས་ཅད་རང་སྟོང་ཉིད་དུ་འདོད་པ་རྣམས་ནི་རྫོགས་ལྡན་འདས་ཤིང༌། ཤིང་རྟ་ཆེན་པོ་རྣམས་ཀྱང༌། འདས་པའི་རྗེས་ལ་གསུམ་ལྡན་ལ་སོགས་སངས་རྒྱས་ཀྱི་བསྟན་པ་ལ་སྐྱོན་ཞུགས་ནས་བྱུང་བ་ཡིན་ཞིང༌། དེ་ལྟར་ཆོས་ཚུལ་སྔ་ཕྱི་དེ་གཉིས་ནི་གཡུ་རྙིང་དང༌། གཡུ་སར་བཞིན་དུ་ཁྱད་པར་ཤིན་ཏུ་ཆེ་སྟེ། གཤིས་ལ་གནས་མི་གནས་དང་ལུང་རིགས་རྣམ་དག་གིས་མི་གནོད་པ་དང་གནོད་པའི་ཁྱད་པར་ཤིན་ཏུ་ཆེ་བའི་ཕྱིར་རོ། །དེ་ནས་ཤོག་གུ་གཉིས་དང་ཕྲེང་གཅིག་ན། ཐམས་ཅད་མཁྱེན་པ་ཉིད་དང༌། དངོས་པོ་མེད་པས། མ་བྱས། གཞག་ཏུ་མེད་པས་རྣམ་པར་མ་བྱས། བཅོས་སུ་མེད་པས་མངོན་པར་མ་བྱས། རྣམ་པ་ཐམས་ཅད་མཁྱེན་པ་ཉིད་ཀྱང་གལ་ཏེ་འགའ་ཞིག་གིས་བྱས་པའམ། གཞིག་པའམ། མངོན་པར་འདུ་བྱ་བ་ཞིག་ཡིན་ན་ནི། དེ་ལྟ་ན་རྣམ་པ་ཐམས་ཅད་མཁྱེན་པ་ཉིད་ཀྱི་དོན་དུ་གོ་ཆ་བགོ་བར་འགྱུར་བ་ཞིག་ན། དེ་ལྟར་རྣམ་པ་ཐམས་ཅད་མཁྱེན་པ་ཉིད་ནི་མ་བྱས་མ་བཤིག་མངོན་པར་འདུས་མ་བྱས་པ་ཡིན་ཏེ། དེ་བས་ན་དེའི་དོན་དུ་གོ་ཆ་བགོས་པར་མི་རིགས་སོ། །དེ་བས་ན་གོ་ཆ་མེད་པའི་གོ་ཆ་བགོས་སོ། །ཞེས་བྱ་བ་རིགས་སོ། །སྙམ་དུ་དགོངས་པའོ།། ཞེས་དབུ་མ་པ་ཆེན་པོ་གསུངས། དེ་ནས་ཕྲེང་ཕྱེད་དང་གསུམ་ན། རབ་འབྱོར། བྱེད་པ་པོ་དམིགས་སུ་མེད། དེ་ནས་ཤོག་གུ་གཅིག་ལ་ཕྲེང་གཅིག་ཆད་པ་ན། དེ་བྱེད་པ་པོ་གཉིས་ལ། ཤིན་ཏུ་མེད་ཅིང་མི་རྟོག་པ་ཡིན་པས་གང་ཡང་མི་རྟོག་པ་དམིགས་པའི་ཕྱིར་རོ། །དེ་བཞིན་དུ་སྦྱར་ཏེ། དེ་ནས་ཤོག་གུ་གསུམ་དང་ཕྲེང་བརྒྱད་ན། མི་དམིགས་པའི་ཕྱིར་རོ། །ཞེས་བྱ་བ་གསུངས་སོ། །དེ་བཞིན་ཉིད་ཀྱང་གང་གི་ཚེ་གཟུགས་ཀྱི་དེ་བཞིན་ཉིད་དང༌། སྒྲའི་དེ་བཞིན་ཉིད་ཅེས་བྱ་བ་ལ་སོགས་པ་ཀུན་བཏགས་པའི་རྣམ་པར་འཛིན་པ་དེའི་ཚེ་དེ་ཡང་དེའི་རྣམ་པར་ཡོད་པ་ཡིན་པས་དེ་སྐད་ཅེས་བྱའོ། །ཞེས་དབུ་མ་པ་གསུངས། དེ་ནས་ཕྲེང་ཕྱེད་དང་བཅུ་ན། ཟུང་དུ་འབྲེལ་བའི་ལམ་གང་དང༌། །གསོལ་པ། གཟུགས་ནི་མ་བཅིངས་མ་གྲོལ་བའོ། །ཞེས་བྱ་བ་ལ་སོགས་པ་སྨོས་ཏེ། བཅིངས་པ་དང་གྲོལ་བ་གཉིས་ནི་ཡོད་པ་ལས་འགྱུར་ན། འདི་ལྟར་གཟུགས་ལ་སོགས་པ་ནི་ཤིན་ཏུ་མེད་པ་ཡིན་པས། ཡོད་པ་མ་ཡིན་པ་དེ་དག་ལས་བཅིངས་པ་དང༌། གྲོལ་བ་ག་ལ་ཡོད་དེ་མི་འགྲུབ་བོ། །ཀུན་བཏགས་པའི་དབང་གིས་ནི་བཅིངས་པ་དང་གྲོལ་བ་གཉིས་བསྟན་གྱི། དོན་དམ་པར་མ་ཡིན་ནོ། །ཞེས་བྱ་བའི་ཐ་ཚིག་གོ །ཞེས་དབུ་མ་པ་ཆེན་པོ་དབྱིག་གཉེན་གྱི་གསུངས། དེ་ནས་ཕྲེང་དྲུག་ཅུང་མེད་ན། གང་བོ་གང་འདི། ཡོངས་གྲུབ། རྨི་ལམ་ལྟ་བུ། གསལ་བར་སྣང་བའི་གཟུགས། འདུས་མ་བྱས་དེ་ནི་མ་བཅིངས་མ་གྲོལ་བའོ། །ཞེས་བྱ་བ་ལ་སོགས་པ་བཤད་དོ། །དེ་བས་ན་ཡོངས་སུ་གྲུབ་པའི་གཟུགས་ཀྱང་མ་བཅིངས་མ་གྲོལ་བ་ཉིད་དུ་བསྟན་ཏོ། །དབེན་པ་དང་ཞི་བ་དང་སྟོང་པའི་ཕྱིར་ཞེས་བྱ་བ་ནི་ནམ་མཁའ་བཞིན་དུ་གནས་པ་ལ་བཅིངས་པ་དང་གྲོལ་བ་གཉིས་མི་རིགས་སོ། །ཞེས་བྱ་བའི་ཐ་ཚིག་གོ །ཞེས་དབུ་མ་པ་ཆེན་པོ་སངས་རྒྱས་གཉིས་པ་ལྟ་བུའི་དབྱིག་གཉེན་གསུངས། དེ་ནས་ཕྲེང་གཅིག་ལྷག་པ་ན། གང་འདི་སྒྱུ་མ་ལྟ་བུ། རྣམ་པ་དུ་མར་སྣང་བའི་གཟུགས། དེ་ནས་ཕྲེང་ལྔ་ན། གཟུགས་བརྙན་ལྟ་བུ། རྣམ་པ་དུ་མར་སྣང་བ། གཟུགས། དེ་ནས་ཕྲེང་ཕྱེད་དང་གཉིས་ན། སྨིག་རྒྱུ་ལྟ་བུ། གསལ་བར་སྣང་བའི་གཟུགས་དེ་ནི། དེ་ནས་ཕྲེང་ཕྱེད་དང་བཞི་ན། འདས་པའི་གཟུགས། དུས་གསུམ་མཉམ་པ་ཉིད་དེ་ནི་མ་བཅིངས་མ་གྲོལ་བའོ། །དེ་བཞིན་དུ་སྦྱར་ཏེ། དེ་ནས་ཕྲེང་བཞི་ལྷག་པ་ན། བམ་པོ་དྲུག་པ། ཚེ་དང་ལྡན་པ་གང་པོ། ཡོངས་གྲུབ་ཀྱི། གཟུགས་ནི་ཀུན་བཏགས་ཀྱིས་གཟུགས་སུ་མེད་པའི་ཕྱིར་རོ། །ཆོས་ཉིད་ཀྱི་གཟུགས་ནི་མ་གྲོལ་བའོ། །དེ་བཞིན་དུ་སྦྱར་ཏེ། དེ་ནས་ཕྲེང་བཞི་ན། ཚེ་དང་ལྡན་པ་གང་པོ། དོན་དམ་པའི། དགེ། མ་གྲོལ་བའོ། །དེ་བཞིན་དུ་སྦྱར་ཏེ། དེ་ནས་ཕྲེང་གཅིག་ལྷག་ཙམ་ན། མི་དགེ་བའི་རྣམ་པ་ཅན་གྱི་ཆོས་ཉིད་ཀྱི་གཟུགས། མ་གྲོལ་བའོ། །དེ་བཞིན་དུ་སྦྱར་ཏེ། དེ་ནས་ཕྲེང་གཅིག་ལྷག་པ་ན། ལུང་མ་བསྟན་པའི་རྣམ་པ་ཅན་གྱི། ཆོས་ཉིད་ཀྱི་གཟུགས། མ་གྲོལ་བའོ། །དེ་བཞིན་དུ་སྦྱར་ཏེ། དེ་ནས་ཕྲེང་གཅིག་ལྷག་ན། འཇིག་རྟེན་པའི། རྣམ་པ་ཅན་གྱི། གཟུགས། དེ་ནས་ཕྲེང་ཕྱེད་དང་གཉིས་ཅུང་མེད་ན། ཚེ་དང་ལྡན་པ་གང་བོ། གདོད་ནས་རང་བཞིན་གྱིས། འཇིག་རྟེན། གཟུགས། འདུས་མ་བྱས་ནི་མ་བཅིངས་མ་གྲོལ་བའོ། །དེ་ནས་ཕྲེང་ཕྱེད་དང་གཉིས་ན། ཟག་པ་དང་བཅས་པའི་རྣམ་པ་ཅན་གྱི། གཟུགས། དེ་ནས་ཕྲེང་ཕྱེད་དང་གཉིས་ལྷག་པ་ན། ཚེ་དང་ལྡན་པ་གང་པོ། གདོད་ནས་རང་བཞིན་གྱིས། ཟག་པ་མེད་པའི་གཟུགས། དེ་ནས་ཕྲེང་ཕྱེད་དང་གཉིས་ན། ཆོས་ཉིད་ཀྱི་གཟུགས། ཀུན་བཏགས་སུ་མེད་པའི་ཕྱིར། དེ་ནས་ཕྲེང་ཕྱེད་དང་ལྔ་ན། ཚེ་དང་ལྡན་པ་གང་པོ། དོན་དམ་གཞན་སྟོང་གི །ཆོས་ཐམས་ཅད་ཀུན་རྫོབ་རང་སྟོང་གི། ཆོས་ཐམས་ཅད་མེད་པའི་ཕྱིར། ཀུན་རྫོབ་རང་སྟོང་གི་ཆོས་ཐམས་ཅད་ཀྱིས་དབེན་པའི་ཕྱིར། རྒྱུ་རྐྱེན་གང་ལས་ཀྱང་མ་གྲོལ་མ་སྐྱེས་པའི་ཕྱིར། མ་གྲོལ་པ་སྟེ། འདི་ནི་ཕྱི་མ་རྣམས་ལ་ཡང་སྦྱར་རོ། །གང་པོ། དོན་དམ་གཞན་སྟོང་གི །སྦྱིན་པའི། གྲོལ་བའོ། །དེ་བཞིན་དུ་སྦྱར་ཏེ། དེ་ནས་ཤོག་གུ་ལྔ་དང་ཕྲེང་དྲུག་ཅུང་མེད་ན། ཚེ་དང་ལྡན་པ་གང་པོ། འདུས་བྱས་སུ་མེད་པའི་ཕྱིར། འདུས་བྱས་ཀྱི་དབེན་པའི་ཕྱིར། རྒྱུ་རྐྱེན་ལས་མ་སྐྱེས་པའི་ཕྱིར། དེ་ནས་ཕྲེང་ཅིག་ལྷག་པ་ན། དེ་ནི་འདུས་མ་བྱས་ཀྱི། སྦྱིན་པའི། གྲོལ་བའོ། དེ་བཞིན་དུ་སྦྱར་ཏེ། དེ་ནས་ཤོག་གུ་གཅིག་དང་ཕྲེང་ཕྱེད་ན། དེ་ལྟར་རྟོགས་པའི་རྒྱལ་སྲས་ཆེན་པོ། དེ་མ་བཅིངས། ཕྱིན་པ། མངོན་དུ་བྱས་པ། ལ་གནས། དེ་བཞིན་དུ་སྦྱར་ཏེ། དེ་ནས་ཤོག་གུ་གཅིག་དང་ཕྲེང་གསུམ་ན། མ་བཅིངས་མ་གྲོལ་བའང༌། མངོན་དུ་བྱས་པའི་རྒྱལ་སྲས། དེ་མ་བཅིངས་མ་གྲོལ་བའི། སྙིང་པོ་ཅན་གྱི་སེམས་ཅན་རྣམས། དེ་ནས་ཕྲེང་དྲུག་ཅུང་མེད་ན། མ་གྲོལ་བའི། སྙིང་པོ་ཅན་གྱི་སེམས་ཅན་རྣམས། དེ་ནས་ཕྲེང་ཕྱེད་དང་གསུམ་ན། ཐབས་ལ་མཁས་པ་གང་ཡིན་དང༌། །དེ་ནས་ཚེ་དང་ལྡན་པ། དེ་ནས་ཤོག་གུ་གཅིག་དང་ཕྲེང་བརྒྱད་ན། ཐེག་པ་ཆེན་པོའོ། །འདིར་སྦྱིན་པའི་སྐབས་སུ་བསྔོ་བ་བསྟན་ཅིང་ཕ་རོལ་ལ་སྐུལ་བ་མ་བསྟན་ལ་ཚུལ་ཁྲིམས་ལ་སོགས་པའི་སྐབས་སུ་ཕ་རོལ་ལ་སྐུལ་བ་བསྟན་ནས་བསྔོ་བ་མ་བསྟན་ཡང་བསྔོ་བསྐུལ་གཉིས་ཀ་ཕར་ཕྱིན་དྲུག་ལ་སྦྱར་བར་བྱའོ། །ཡེ་ཤེས་དང་ནི། རབ་འབྱོར། གཞན། དེ་ནས་ཕྲེང་གསུམ་ལྷག་ན། ངོ་བོ་ཉིད་སྟོང་པ་ཉིད་དོ། །ཟ་བ་བཟའ་དང་དེ་བཞིན་ལུས། །གནས་ཀྱི་བཞི་ཡི་སྟོང་པ་ཉིད། དེ་ཡང་གང་གི་ཇི་ལྟར་མཐོང༌། །གང་ཕྱིར་དེ་ཡང་སྟོང་པ་ཉིད། །དགེ་གཉིས་ཐོབ་པར་བྱ་བའི་ཕྱིར། །རྟག་ཏུ་སེམས་ཅན་ཕན་བྱའི་ཕྱིར། །འཁོར་བ་གཏང་བར་མི་བྱའི་ཕྱིར། །དགེ་བ་མི་ཟད་བྱ་བའི་ཕྱིར། །རིགས་ཀྱང་རྣམ་པར་དག་བྱའི་ཕྱིར། །མཚན་དང་དཔེ་བྱད་ཐོབ་བྱའི་ཕྱིར། །སངས་རྒྱས་ཆོས་རྣམས་དག་བྱའི་ཕྱིར། །བྱང་ཆུབ་སེམས་དཔའ་སྒྲུབ་པར་བྱེད། །གང་ཟག་དང་ནི་ཆོས་རྣམས་ཀྱང༌། །དངོས་པོ་མེད་པའི་སྟོང་པ་ཉིད། །དེ་དངོས་མེད་པའི་དངོས་ཡོད་པ། །དེ་ནི་དེ་ལ་སྟོང་ཉིད་གཞན། །གལ་ཏེ་ཉོན་མོངས་དེ་མ་གྱུར། །ལུས་ཅན་ཐམས་ཅད་གྲོལ་བར་འགྱུར། །གལ་ཏེ་རྣམ་དག་དེ་མ་གྱུར། །འབད་པ་འབྲས་བུ་མེད་པར་འགྱུར། །ཉོན་མོངས་མ་ཡིན་མི་མོངས་མིན། །དེ་ནི་དག་དང་མ་དག་མིན། །ཞེས་རྡོ་རྗེ་འཆང་དང༌། རྒྱལ་བ་བྱམས་པས་གསུངས་ཤིང༌། དབུ་མ་པ་ཆེན་པོ་སངས་རྒྱས་གཉིས་པས་སམ་བྷུ་ཊིའི་རྒྱུད་ཕྱི་མར་ཇི་སྐད་གསུངས་པ། དེ་ཁོ་ན་བཞིན་དུ་བཀྲལ་བས་དེའི་རྗེས་ཞུགས་པས་འདིར་ཡང་སྟོང་ཉིད་ཀྱི་རྟོག་པར་ཕྱིན་ཅི་མ་ལོག་ཅིང་ཡང་དག་པ་ཇི་ལྟ་བ་བཞིན་དུ་རང་གཞན་རྒྱུད་ལ་བསྐྱེད་པར་བྱའོ། །ཆོས་ཞེས་བྱ་བ་ནི་ཟ་བའམ་ལོངས་སྤྱོད་བྱ་སྟེ། དེ་ལ་འདུས་བྱས་ཀྱི་ཆོས་རྣམས་མི་རྟག །འདུས་མ་བྱས་ཀྱི་ཆོས་ཉིད་མི་འཇིག་པའི་ཕྱིར། ཆོས་ཉིད་འདུས་མ་བྱས་ཀྱི། མིག་ཆོས་འདུས་བྱས་ཀྱི་མིག་གིས་སྟོང་ངོ༌། །ཞེས་བྱ་བའམ། ཡང་ན་འགྲེལ་པ་བཞིན་དེ་དེར་ཞེས་བྱ་བ་ནི། ཀུན་བཏགས་པའི་མིག་ནི་ཀུན་བཏགས་པའི་མིག་གིས་སྟོང་སྟེ། སྟོང་པ་ནི་མེད་པའི་དོན་ཡིན་པས། མིག་གི་དངོས་པོར་མེད་དོ། །ཞེས་བྱ་བའི་ཐ་ཚིག་གོ། གལ་ཏེ་ཡོད་པ་ཞིག་ཡིན་ན་རྟག་པ་ཐེར་ཟུག་ཏུ་གནས་པ་ཞིག་གམ། མི་རྟག་པ་འཇིག་པ་ཞེས་ཡིན་གྲང་ན། དེའི་ཕྱིར་ཐེར་ཟུག་ཏུ་གནས་པ་མ་ཡིན་ཞིང་འཇིག་པ་མེད་དེ། དེའི་ཕྱིར་ཐེར་ཟུག་ཏུ་གནས་པ་མ་ཡིན་ལ་འཇིག་པ་མེད་པས་ན་མེད་དོ། །ཞེས་བྱ་བའི་ཐ་ཚིག་གོ ། ཞེས་དབུ་མ་པ་གསུངས། དོན་དམ་གཞན་སྟོང༌། དེའི་རང་བཞིན། ཀུན་རྫོབ་ཐམས་ཅད་ཀྱིས་སྟོང་པའི་གཞི། དེ་ཡིན་པའི་ཕྱིར་རོ། །ཞེས་བྱ་བའི་མིག་ལ། མིག་གིས་དངོས་པོ་མེད་པ་ཉིད་དེའི། རང་བཞིན་ཏེ། ངོ་བོ་ཉིད་ཅེས་བྱ་བའི་ཐ་ཚིག་གོ། ཞེས་དབུ་མ་པ་གསུངས། དེ་ནས་ཕྲེང་གསུམ་ན། ཆོས་ཤེས་བྱ་བ་ནི་བཟའ་བའམ། ལོངས་སྤྱོད་བྱ་སྟེ། གཟུགས་དང༌། སྒྲ་དང༌། དེ་ནས་ཕྲེང་ཕྱེད་བཞི་ཙམ་ན། དེའི་ལུས་དེ། ནང་གི་སྐྱེ་མཆེད། ལྡན་པ་རྟེན་ཁོག་པ། འདི་དག་ནི། དེ་ནས་ཕྲེང་གཉིས་ཅུང་མེད་ན། གང་ཞེ་ན། དེ་ཡང་གང་གིས་སྟོང་པར་མཐོང་བ་སྟེ། སྟོང་ཉིད་ཤེས་པས་སྟོང་བར་མཐོང་བའོ། །དེ་ནས་ཕྲེང་གཅིག་ལྷག་པ་ན། གང་ཞེ་ན། གནས་ཀྱི་གཞིའི་སྟོང་པ་ཉིད་དེ། དེ་ནས་ཕྲེང་གཉིས་ལྷག་པ་ན། མྱ་ངན་ལས་འདས་པ་ཆེན་པོ། ཕྱག་རྒྱ་ཆེན་པོ། དབུ་མ་ཆེན་པོ། ཨེ་ཝཾ་ཡི་གེ །རྡོ་རྗེ་སེམས་དཔའ་མ་ནིང་གི་གོ་འཕང་དོན་དམ་གྱི་ལྷ་དང་སྔགས་དང་རྒྱུད་དང་དཀྱིལ་འཁོར་དང༌། ཕྱག་རྒྱ་དང༌། དངོས་གྲུབ་ཐམས་ཅད་དང༌། དོན་གཅིག་ཤིན་ཏུ་རྣལ་འབྱོར། སངས་རྒྱས་མཉམ་སྦྱོར། ལྷན་ཅིག་སྐྱེས་སྦྱོར་རྣམས་ཀྱི་དོན་ཤེར་ཕྱིན་མཚན་ཉིད་པ་སྟེ། རྣམ་པ་ཇི་ལྟར་མཐོང་ན་དོན་དམ་པའི་རྣམ་པར་མཐོང་བའོ། །འདུས་བྱས་ཐམས་ཅད་མི་རྟག ། བདེ་གཤེགས་སྙིང་པོ། མི་འཇིགས་པའི་ཕྱིར། དོན་དམ་གཞན་སྟོང་གི །མྱ་ངན་ལས་འདས་པ་དེ་ཡང༌། ཀུན་རྫོབ་རང་སྟོང་གི །མྱ་ངན་ལས་འདས་པས་སྟོང་སྟེ། ཞེས་བྱ་བ་ནི་དོན་དམ་པའི་མྱ་ངན་ལས་འདས་པ་ནི་ཀུན་བཏགས་པའི་མྱ་ངན་ལས་འདས་པའི་ངོ་བོ་ཉིད་ཀྱིས་སྟོང་ངོ༌། །ཞེས་དབུ་མ་པ་ཆེན་པོ་གསུངས། དོན་དམ་གྱི་མྱང་འདས། དེའི་རང་བཞིན། ཀུན་རྫོབ་ཀྱི་མྱང་འདས་ཀྱིས་སྟོང་པའི་གཞི་དེ་ཡིན་པའི། དོན་དམ་པ་རང་གིས་མི་སྟོང་ལ་དེ་ལས་གཞན་པའི་ཆོས་ཐམས་ཅད་ཀྱིས་སྟོང་གང་ཞེ་ན། འདུས་བྱས་ཀྱི་དགེ་བ་ཐོབ་པར་བྱ་བའི་ཕྱིར། བྱང་ཆུབ་སེམས་དཔའ་སྒྲུབ་པར་བྱེད་པ་སྟེ། ཡང་དེ་ལ་འདུས་བྱས་ཀྱི་ཁམས་གསུམ་མི་རྟག །ཆོས་ཉིད་འདུས་མ་བྱས་ཀྱི་ཁམས་གསུམ་མི་འཇིག་པའི་ཕྱིར། འདུས་བྱས་ཀྱི་འདོད་པའི་ཁམས། དེ་ནས་ཕྲེང་གཅིག་ན། འདུས་བྱས་དེའི་རང་བཞིན། རང་རང་ངོ་བོས་སྟོང་པ། དེ་ཡིན་པའི་ཕྱིར། གང་ཞེ་ན། འདུས་མ་བྱས་ཀྱི་དགེ་བ་ཐོབ་པར་བྱ་བའི་ཕྱིར། བྱང་ཆུབ་སེམས་དཔའ་སྒྲུབ་པར་བྱེད་པ་སྟེ། ཆོས་དབྱིངས། གང་ལ། སྐྱེ་བ་སྟེ་འབྱུང་བ་མེད་པ་དང༌། རྒྱུན་ཆད་པ། འགག་པ་མེད་པ་དང༌། རྒྱུན་གྱི་སྔ་ཕྱིའི་བྱེ་བྲག་མེད་པས། གནས་པ་ལས། འདུས་མ་བྱས་ཀྱི་དགེ་བ། ཤེས་བྱ་སྟེ། ཆོས་དབྱིངས་གནས་སུ་གྱུར་པའི་ཚེ་དྲི་བཅས་དྲི་མེད་དུ་གྱུར་པ་ལ་མི་རྟག་པ་ཞེས་བཏགས་ནས་གསུངས་པའི་ཕྱིར། འདིར་ཡང་མི་རྟག་པ་བཏགས་པ་བ་དང༌། མི་འཇིགས་པ་ནི་མཚན་ཉིད་པ་མ་ཡིན་པའི་ཕྱིར། འདུས་མ་བྱས་ཡོངས་གྲུབ་ནི་འདུས་མ་བྱས་ཀྱི་ཀུན་བཏགས་ཀྱིས་སྟོང་ངོ༌། །ཆོས་དབྱིངས་འདུས་མ་བྱས། དེའི་རང་བཞིན། དོན་དམ་པ་གཞན་སྟོང་དེ་ཡིན། རྟག་ཏུ་སེམས་ཅན་ཕན་བྱའི་ཕྱིར། གཞན་ལ་ཕན་པ། གང་ལ་མཐའ། དེ་ནས་ཕྲེང་གཅིག་ལྷག་པ་ན། གང་ཞེ་ན། འཁོར་བ་བཏང་བར་མི་བྱ་བའི་ཕྱིར། འཁོར་བ་དམིགས་པ་སྟེ། གཤིས་ལུགས་ལ་རི་བོང་རྭ་ལྟར་མ་གྲུབ་པ་ལ་ཀུན་རྫོབ་ཏུ་མི་རྟག་ཀྱང༌། དོན་དམ་དུ་མི་འཇིག་པའི་ཕྱིར། ཡོངས་གྲུབ་ཀྱི། ཐོག་མ་དང་ཐ་མ་མེད་པ། ཀུན་བཏགས་ཀྱི། ཐོག་མ་དང་ཐ་མ་མེད་པ། འཁོར་བ་དེའི་རང་བཞིན། རང་རང་ངོ་བོས་སྟོང་པ། དེ་ཡིན་གང་ཞེ་ན། དགེ་བ་མི་ཟད་བྱ་བའི་ཕྱིར། ཕུང་པོའི་ལྷག་མ་མེད་པའི་མྱ་ངན་ལས་འདས་པ་ན་ཡང་གང་ལ་དགེ་བ་གང་ཡང་དོར། དེ་ནས་ཕྲེང་གཅིག་ན། གང་ཞེ་ན། རིགས་ཀྱང་རྣམ་པར་དག་བྱའི་ཕྱིར། བྱང་ཆུབ་སེམས་དཔའ་སྒྲུབ་པར་བྱེད། རང་བཞིན་འོད་གསལ་བ། རང་བཞིན་ལྷན་སྐྱེས། རང་བཞིན་གཉུག་མ། རང་བཞིན་འགྱུར་མེད། རང་བཞིན་ཡོངས་གྲུབ། རང་བཞིན་བརྟན་པ། རང་བཞིན་བྱ་བ་བྱེད། རང་བཞིན་པའི་སྐུ་ལ་སོགས་པ་གང་ཡིན་པ་དེ་ནི། གང་གིས་ཀྱང་འདུས་མ་བྱས་ཡིན་པའི་ཕྱིར། ཉན་ཐོས་རྣམས། དེ་ནས་ཕྲེང་གཅིག་ལྷག་ཙམ་ན། མ་བྱས་ཏེ། མི་རྟག་དོན་ནི་མེད་དོན་དང༌། །སྐྱེ་ཞིང་འཇིག་པའི་མཚན་ཉིད་དང༌། །དྲི་བཅས་དྲི་མ་མེད་དོན་ཏེ། །རྩ་བའི་ཁོ་ནར་གོ་རིམ་བཞིན།། ཞེས་ངོ་བོ་ཉིད་གསུམ་ལ་མི་རྟག་པའི་ཚུལ་མི་འདྲ་བ་གསུམ་རྒྱལ་བ་བྱམས་པས་གསུངས་པ་ལས་ཡོངས་གྲུབ་ཀྱི་མི་རྟག་པ་ནི་དྲི་བཅས་དྲི་མེད་དུ་གྱུར་པ་ཙམ་པ་ཉེ་བར་བཏགས་ནས་གསུངས་པ་ལྟར། འདིར་ཡང་བཏགས་པ་སྟེ། མི་རྟག་པ་ནི་བཏགས་པ་བ་དང༌། མི་འཇིགས་པ་ནི་མཚན་ཉིད་པ་ཡིན་པའི་ཕྱིར་རང་བཞིན་གྱི། རིགས་ནི་ཀུན་བཏགས་ཀྱི། རང་བཞིན་གྱིས། དོན་དམ་དེའི་རང་བཞིན། ཀུན་རྫོབ་ཐམས་ཅད་ཀྱིས་སྟོང་པའི་གཞི། དེ་ཡང་གང་ཞེ་ན། སངས་རྒྱས་ཆོས་རྣམས་དག་བྱའི་ཕྱིར། །བྱང་ཆུབ་སེམས་དཔའ་སྒྲུབ་པར་བྱེད། །ཅེས་པ་ལྟར་རམ་ཡང་ན། དེ་ནས་ཕྲེང་དྲུག་ཅུང་མེད་ན། སྟོང་པ་ཉིད་གང་ཞེ་ན། མཚན་དང་དཔེ་བྱད་ཐོབ་བྱའི་ཕྱིར། །བྱང་ཆུབ་སེམས་དཔའ་སྒྲུབ་པར་བྱེད། །ཅེས་པ་ལྟར་རམ་ཡང༌། དེ་ནས་ཕྲེང་གཅིག་ལྷག་པ་ན། ཁམས་རྣམས་ནི་འཁོར་བའི་རྒྱུ་ཡིན་པས། གདུག་པའི་མཚན་ཉིད། དེ་ནས་ཕྲེང་གཅིག་ན། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ནི། བཟོད་པ་ཡོངས་སུ་ཕྱིན་པ་ནི། བདུད་ལ་སོགས་པས་ཐུབ་པ་མེད། ཕྱིན་པ་ནི་སེམས་རྩེ་གཅིག་ཏུ། ཡང་དག་ཕྱིན་པ་ནི། ཅི་ལ་ཡང་ཆགས་པ། འཇུག་པ་རྣམས་ནི། གཡེང་བས་འཁྲུག་པ་མེད། སུམ་ཅུ་རྩ་བདུན་ནི། འཁོར་བ་ལས་འབྱུང་བའི། སྟོང་པ་ཉིད་ནི། དངོས་འཛིན་གྱིས། དབེན་པའི། མེད་པ་ནི། མཚན་འཛིན། ཞི་བའི། མེད་པ་ནི། ཁམས་གསུམ་ལ་མི་སྨོན་པས་དེའི་བདེ་བ་ཐོབ་འདོད་ཀྱིས། སྡུག་བསྔལ། རྣམ་པར་གྲོལ་བ། རྣམ་ཐར་ནི་ཆགས་པ་ལས། རྣམ་པར་འགྲེལ། རྟོགས་ཤིང་ཤེས་པའི་མཚན་ཉིད། བརྟན་ཏེ་བསྒྱུར་དུ་མེད་པའི་མཚན་ཉིད་རྣམས་ནི། བདུད་ལ་སོགས་པས་བར་དུ་མི་ཆོད། དེ་ནས་ཕྲེང་གཅིག་ཅུང་མེད་ན། བཏང་སྙོམས་ཆེན་པོ་ནི་ཆགས་སྡང་དང༌། འདྲེ་བ་མེད། དེ་ནས་ཕྲེང་ལྔ་ན། སྟོང་པ་ཉིད་ཅེས་བྱའོ། །གང་ཟག་དང་ནི་ཆོས་རྣམས་ཀྱིས། །དངོས་པོ་མེད་འདིར་སྟོང་པ་ཉིད། །དེ་དངོས་མེད་པའི་དངོས་ཡོད་པ། །དེ་ནི་དེ་ལས་སྟོང་ཉིད་གཞན། ཞེས་བྱའོ། །གང་ཟག་དང་ཆོས་ཀྱི་དངོས་པོ་མེད་པ་ནི་སྟོང་པ་ཉིད་དོ། །དངོས་པོ་མེད་པ་དེའི་དངོས་པོ་ཡོད་པ་ཡང་སྟོང་ཉིད་དོ། །ཟ་བ་ལ་སོགས་པ་ཉིད་སྟོང་པ་ཉིད་ཅེས་ཇི་སྐད་སྨོས་པ་དེར་སྟོང་པ་ཉིད་ཀྱི་མཚན་ཉིད་བསྟན་པའི་ཕྱིར། དངོས་པོ་མེད་པ་སྟོང་པ་ཉིད་ཀྱི་མཚན་ཉིད་བསྟན་པའི་ཕྱིར། དངོས་པོ་མེད་པ་སྟོང་པ་ཉིད་དང༌། དངོས་པོ་མེད་པའི་ངོ་བོ་ཉིད་སྟོང་པ་ཉིད་དང༌། སྟོང་པ་ཉིད་རྣམ་པ་གཉིས་ཐ་མར་འཇོག་སྟེ། གང་ཟག་དང་ཆོས་སུ་སྒྲོ་འདོགས་པ་དང་དེའི་སྟོང་པ་ཉིད་ལ་སྐུར་བ་འདེབས་པ་བསལ་བའི་ཕྱིར། གོ་རིམ་བཞིན་ནོ། །ཞེས་རྡོ་རྗེ་འཆང་གི་བཀའ་བཞིན་དུ་དབུ་མ་པ་ཆེན་པོ་བྱམས་མགོན་དང༌། དེས་བྱིན་གྱིས་བརླབས་པའི་དངོས་སློབ་དབུ་མ་པ་དབྱིག་གཉེན་ཞབས་ཀྱིས་གང་གསུངས་པ་ལྟར་ངེས་པའི་དོན་དུ་དོན་ལ་གནས་པའི་དེ་ཉིད་ལ་མཆོག་ཏུ་གཅེས་པར་བཟུང་ངོ༌། །དེ་ནས་ཕྲེང་གསུམ་ན། རང་བཞིན་དང་ནི་བཅོས་མིན་དང༌། །གཞན་ལ་ལྟོས་པ་མེད་པ་ཡིན། །རང་བཞིན་གཞན་དུ་འགྱུར་བ་ནི། །ནམ་ཡང་འཐད་པར་མ་ཡིན་ནོ། །ཞེས་དང༌། རང་བཞིན་རྒྱུ་དང་རྐྱེན་ལས་ནི། །འབྱུང་བར་རིགས་པ་མ་ཡིན་ནོ། །རྒྱུ་དང་རྐྱེན་ལས་བྱུང་བ་ཡི། །རང་བཞིན་བྱས་པ་ཅན་དུ་འགྱུར། །རང་བཞིན་བྱས་པ་ཅན་ཞེས་བྱར། །ཇི་ལྟ་བུར་ན་རུང་བར་འགྱུར། །ཞེས་འཕགས་པ་ཀླུ་སྒྲུབ་ཀྱིས་གསུངས་ཤིང༌། དབུ་མ་པ་ཆེན་པོ་ཆོས་ཀྱིས་གྲགས་པའི་ཞལ་སྔ་ནས་ཀྱང༌། སེམས་དེའི་རང་བཞིན་འོད་གསལ་ཏེ། །དྲི་མ་རྣམས་ནི་གློ་བུར་བ། །ཞེས་སོགས་དང༌། རྒྱུད་བླར་ཡང༌། སེམས་དེའི་རང་བཞིན་འོད་གསལ་བས་ན་ཉོན་མོངས་ངོ་བོ་མེད་གཟིགས་པ། །ཞེས་སོགས་གསུངས་པའི་ཕྱིར། རང་བཞིན་ཞེས་བྱ་བ་ནི། རང་བཞིན་འོད་གསལ་བ་ལ་སོགས་པ། ངོ་བོ་ཉིད་ཀྱི་སྐུ་མ་ནོར་བ། དོན་དམ་གཞན་སྟོང་སྟེ། དེ་ལ་ཀུན་རྫོབ་ཐམས་ཅད་ཀྱིས། སྟོང་པ་ཉིད་མཐོང་བསམ་བྱས། གང་གིས་ཀྱང་མ་བྱས་པར་ཡུལ་དུས་གནས་སྐབས་ཐམས་ཅད་ནས་ངོ་བོ་ཉིད་ཀྱིས་ལྷུན་གྲུབ་ཏུ་ཞུགས་ཤིང་ནམ་མཁའ་ལྟར་ཆ་མེད་ཀུན་འགྲོ་ཀུན་ཁྱབ་ཏུ་ནམ་ཡང་བཞུགས་པ་ཉིད་དེ། འདི་ནི་རང་བཞིན་དུ་གྲུབ་ཅིང་རང་བཞིན་གྱིས་གྲུབ་པའི་དོན་དམ་པའི་སྟོང་པ་ཉིད་དོ། །ཀུན་རྫོབ་ཀྱི། དེ་བཞིན་གཤེགས་པ་རྣམས། འཇིག་རྟེན་དུ་བྱུང་ཡང་རུང༌། མ་བྱུང་ཡང་རུང༌། གང་ཟག་རྣམས་ཀྱི་རྟོགས་ཀྱང་རུང༌། མ་རྟོགས་ཀྱང་རུང༌། མཐོང་ཡང་རུང༌། མ་མཐོང་ཡང་རུང༌། ཐོབ་ཀྱང་རུང༌། མ་ཐོབ་ཀྱང་རུང་ངོ༌། །ཤེས་ཀྱང་རུང༌། མ་ཤེས་ཀྱང་རུང༌། ཡིད་ཆེས་ཀྱང་རུང༌། མི་ཆེས་ཀྱང་རུང༌། གློ་བུར་དྲི་མ་བྲལ་ཡང་རུང༌། མ་བྲལ་ཡང་རུང་སྟེ། ཡང་དག་པའི་མཐའ་ནི། ནམ་ཡང་འགྱུར་བ་མེད་པར་རྟག་ཏུ་དེ་བཞིན་དུ་གནས་པ་སྟེ། ཉེས་པ་གློ་བུར་དང་ལྡན་པས། །ཡོན་ཏན་རང་བཞིན་ཉིད་ལྡན་ཕྱིར། །ཇི་ལྟར་སྔར་བཞིན་ཕྱིས་དེ་བཞིན། །འགྱུར་བ་མེད་པའི་ཆོས་ཉིད་དོ། །ཞེས་རྒྱལ་བ་བྱམས་མགོན་གྱིས་གསུངས་པ་དང་དོན་གཅིག་གོ །ཆོས་དེ་དག་རང་བཞིན་གྱིས་སྟོང་པ། ཞེས་པ་ཡུམ་འགའ་ཞིག་ཏུ་ཆོས་དེ་དག་གཞན་གྱིས་སྟོང་པ། ཞེས་པར་བྱུང༌། བམ་པོ་བདུན་པ། བསོད་ནམས་དང༌། །རབ་འབྱོར། གཞན། དཔའ་བར་འགྲོ་བ་ཞེས་བྱ་བའི་ཏིང་ངེ་འཛིན་དང༌། འདི་ནས་བཟུང་སྟེ་ཏིང་ངེ་འཛིན་རེ་རེའི་རྗེས་སུ་གྲངས་ཡིག་རྣམས་ཚང་བར་གདབ་པར་བྱའོ། །དེ་ནས་ཤོག་གུ་གཉིས་དང་ཕྲེང་གསུམ་ལྷག་ན། གོས་པ་མེད་པ་ཞེས་བྱ་བའི་ཏིང་ངེ་འཛིན་ཏོ། །སྔར་ཆོས་མཆོག་གི་སྐབས་དང་འདིར་མདོ་ཕན་ཚུན་ཏིང་ངེ་འཛིན་མང་ཉུང་བྱུང་ནས་རྒྱ་དཔེ་ལ་མ་གཏུགས་པར་བྲི་བ་སུམ་མི་བྱའོ། །སྟོང་ཕྲག་བརྒྱ་པ་ལས། ལེའུ་བརྒྱད་དོ།། །། ༈ དེ་ནས་ཤོག་གུ་བརྒྱད་དང་ཕྲེང་དྲུག་ན། སྟོང་ཕྲག་བརྒྱ་བ་ལས། ལེའུ་དགུའོ།། །། ༈ ལམ་དང་། རབ་འབྱོར། ལམ་བདེན་དུ་གཏོགས་ཤིང་ལམ་ཤེར་ཕྱིན་དུ་གཏོགས་ལ་གཞན་འབྱུང་ཡེ་ཤེས་དང༌། ཡང་དག་ཡེ་ཤེས་དང༌། ཕྱིན་ཅི་མ་ལོག་གི་ཡོངས་གྲུབ་ཏུ་གཏོགས་པའི། དྲན་པ་ཉེ་བར་བཞག །དེ་ནས་ཕྲེང་ཕྱེད་དང་གཉིས་ཅུང་མེད་ན། ཆེན་པོ་ནི་ནང་གི །སེམས་ཅན་བགྲང་བའི་ལུས་ལ། འཇིག་རྟེན་གྱི་ཆོས་རྣམས་ལ་ཆགས་སེམས། སེམས་ཅན་དུ་མི་བགྲང་བ། ཕྱིའི་ལུས་ལ། དེ་ནས་ཕྲེང་ཕྱེད་དང་གཉིས་ན། ཕྱི་ནང་སྟེ། ཕྱིའི་སེམས་ཅན་དུ་བགྲང་བ་གཞན་དག་གི་ལུས་ལ། དེ་ནས་ཕྲེང་ཕྱེད་དང་གཉིས་ན། གོང་དུ་བསྟན་པའི། ནང་གི་ལུས་ལ། དམིགས་ནས། བྱུང་བའི་ཚོར་བ་ལ། དེ་ནས་ཕྲེང་གཅིག་ལྷག་པ་ན། ཕྱིའི་ལུས་ལ་དམིགས་ན་བྱུང་བའི། ཚོར། དེ་ནས་ཕྲེང་ཕྱེད་དང་གཉིས་ན་ཅུང་མེད་ན། ཕྱི་ནང་གི་ལུས་ལ་དམིགས་ནས་བྱུང་བའི་ཚོར་བ་ལ། དེ་ནས་ཕྲེང་གཅིག་ལྷག་པ་ན། མི་རྟོག་གོ །ཚོར་བ་ལ་བཤད་པ་བཞིན་དུ། སེམས་དང་ཆོས་ལ་ཡང་སྦྱར་ཏེ། དེ་ནས་ཕྲེང་བརྒྱད་ལྷག་པ་ན། རྣམ་པར་མི་རྟོག་གོ །དེ་ལྟར་བྱང་ཆུབ་སེམས་དཔའི་ཐེག་པའི་ཚུལ་དུ་དྲན་པ་ཉེ་བར་བཞག་པ་བཞི་བསྟན་ནས། ཉན་ཐོས་ཀྱི་ཚུལ་དུ་བསྟན་ནས། ཉན་ཐོས་ཀྱི་ཚུལ་གྱིས་ལུས་དྲན་པ་ཉེ་བར་བཞག་པ་ཉིད་རྣམ་པ་དྲུག་ཏུ་བསྟན་པར་བཞེད་ནས། ཞེས་པའི་མཚམས་སྦྱོར་གྱི་ཚིག་གནོད་འཇོམས་སུ་དབུ་མ་པ་གསུངས་ཤིང༌། དེ་ལ་རྣམ་པ་དྲུག་གི་དང་པོར་སྤྱོད་ལམ་གྱི་སྒོ་ནི། དེ་ནས་ཕྲེང་བཞི་ཅུང་མེད་ན། གཉིས་དང་ཤེས་བཞིན་གྱི་སྒོ་ནི། རབ་འབྱོར། དེ་ནས་ཕྲེང་ཕྱེད་དང་དྲུག་ན། གསུམ་པ་དབུགས་རྔུབ་པ་དང་འབྱུང་བའི་སྒོ་ནི། རབ་འབྱོར་གཞན་ཡང༌། དེ་ནས་ཕྲེང་དྲུག་དང་དགུ་ཅུང་མེད་ན། བཞི་པ་ཁམས་རྣམ་པར་བཞག་པའི་སྒོ་ནི། རབ་འབྱོར། གཞན། དེ་ནས་ཕྲེང་ཕྱེད་དང་དྲུག་ན། ལྔ་པ་ལུས་ཀྱི་རྗེས་སུ་ལྟ་བའི་སྒོ་ནི། རབ་འབྱོར་གཞན་ཡང༌། དེ་ནས་ཕྲེང་གསུམ་ལྷག་པ་ན། རུམ་སྟེ་མིག་རྣག་དང་རྣ་སྤབས། དེ་ནས་ཕྲེང་ཕྱེད་དྲུག་ཅུང་མེད་ན། གླང་རྒྱས་དང་རྔུམ་སྟེ་མིག་རྣག་དང༌། བམ་པོ་བརྒྱད་པ། དེ་ནས་ཕྲེང་གཉིས་ཅུང་མེད་ན། དྲུག་པ་མི་སྡུག་པའི་སྒོ་ནི། རབ་འབྱོར། དེ་ནས་ཤོག་གུ་གསུམ་དང་ཕྲེང་ཕྱེད་དང་དྲུག་ན། ཡང་དག་པར་སྤང་བ་བཞི་སྟེ། ཞེས་བྱ་བ་ནི་འདིས་སེམས། ཡང་དག་པར་འཇོག་པ་ན་ཡང་དག་པར་འཇོག་པ་ཞེས་བྱ་སྟེ་བརྩོན་འགྲུས་སོ། །ཞེས་དབུ་མ་པ་གསུངས། དེ་ནས་ཕྲེང་གཅིག་ན། ཚུལ་གྱིས། གོ་ཆ་བརྩོན་འགྲུས་ཀྱིས། མོས་པའམ་འདུན་པ་སྐྱེད་ཅིང༌། སྦྱོར་བའི་བརྩོན་འགྲུས་ཀྱིས་རྩོལ་ལོ། །མི་སྐྱེ་བའི་བརྩོན་འགྲུས་ཀྱིས། བརྩོན་འགྲུས། ཐབས་ཀྱི་བརྩོན་འགྲུས་ཀྱིས། སེམས་ཀྱི་མཐུ་བསྐྱེད་དོ། །དེ་ནས་ཕྲེང་ལྔ་ལྷག་པ་ན། རྫུ་འཕྲུལ་གྱི་རྐང་པ། ཉོན་མོངས་ཀྱིས་དབེན་པ་ལ་གནས་པ། སྲིད་པ་ལས། འདོད་ཆགས། སྡུག་བསྔལ། འགོག་པ། ཕུང་པོ་ཐམས་ཅད་རྣམ་པར་སྤོང༌། དེ་ནས་ཤོག་གུ་གཉིས་དང་ཕྲེང་བཅུ་གཉིས་ན། སྨོན་པ་མེད་པའི་ཏིང་ངེ་འཛིན་ཏོ། །ཞེས་བྱ་བ་ནི། དེ་ལ་བྱིས་པའི་སྤྱོད་ཡུལ་དུ་ཀུན་བཏགས་པའི་མཚན་ཉིད་གང་ཡིན་པའི་མཚན་ཉིད་དེ་དང་བྲལ་བ་ཡོངས་སུ་གྲུབ་པའི་མཚན་ཉིད་བརྗོད་དུ་མེད་ཅིང༌། སྟོང་པའི་རྣམ་པར་ཡང་དག་པར་རྗེས་སུ་མཐོང་བའི་སེམས་རྩེ་གཅིག་ཏུ་གྱུར་པ། གང་ཡིན་པ་དེ་ནི། སྟོང་པ་ཉིད་ཀྱི་ཏིང་ངེ་འཛིན་ཏོ། །ཡོངས་སུ་གྲུབ་པའི་དངོས་པོ་གང་ཡིན་པ་དེ་ཉིད་ཡོངས་སུ་རྟག་པ་དང༌། རྣམ་པར་རྟོག་པའི་སྤྲོས་པ་ཐམས་ཅད་མཚན་མའི་རྣམ་པ་དང་བྲལ་བ། ནམ་མཁའ་བཞིན་དུ་མཚན་མ་མེད་པའི་རྣམ་པར་ཞི་བ་ཉིད་དུ་ཡིད་ལ་བྱེད་པའི་སེམས་རྩེ་གཅིག་ཏུ་གྱུར་པ་གང་ཡིན་པ་དེ་ནི་མཚན་མ་མེད་པའི་ཏིང་ངེ་འཛིན་ཞེས་བྱའོ། །ཡང་གཞན་གྱི་བདག་གིས་ཡོངས་སུ་གྲུབ་པའི་དངོས་པོ་དེ་ཉིད་བཟུང་ནས་དེ་ལྟར་ཤིན་ཏུ་ཡོངས་སུ་དག་པའི་དངོས་པོ་ཡོངས་སུ་རྟོགས་པའི་སྤྲོས་པ་ལས་བྱུང་བའི་ཉོན་མོངས་པ་རྣམས་ཀྱིས་ཉོན་མོངས་པ་ཅན་དུ་གྱུར་པའི་སྨད་པ་ཡིན་ནོ། །སྙམ་ནས། དེ་ལ་མི་མཐུན་པར་འདུ་ཤེས་ཏེ་ཕྱིན་ཆད་ཁམས་གསུམ་པ་དེ་ལ་མི་སྨོན་ཅིང་གནས་པར་མི་བྱའོ། །སྙམ་དུ་བསམས་ནས། དེ་ལྟར་ཡིད་ལ་བྱེད་པའི་སེམས་རྩེ་གཅིག་ཏུ་གྱུར་པའི་གང་ཡིན་པ་དེ་ནི་སྨོན་པ་མེད་པའི་ཏིང་ངེ་འཛིན་ཏོ།། དེ་ལ་ཀུན་བཏགས་པ་རྣམས་མཚན་ཉིད་མེད་པར་མཐོང་བ་ནི་སྟོང་པ་ཉིད་ཀྱི་ཏིང་ངེ་འཛིན་ཏོ། །ཡོངས་སུ་གྲུབ་པ་ལ་ཞི་བའི་མཚན་ཉིད་དུ་མཐོང་བ་ནི་མཚན་མ་མེད་པའི་ཏིང་ངེ་འཛིན་ཏོ། །གཞན་གྱི་དབང་ལ་མི་མཐུན་པར་མཐོང་བ་ནི་སྨོན་པ་མེད་པའི་ཏིང་ངེ་འཛིན་ཏོ། །ཞེས་དབུ་མ་པ་ཆེན་པོ་སློབ་དཔོན་དབྱིག་གཉེན་གསུངས། དེ་ནས་ཤོག་གུ་གཅིག་དང་ཕྲེང་བཅུ་ཅུང་མེད་ན། རྟོགས་པར་མ་གྱུར་པ། ཉན་ཐོས་རྒྱུན་ཞུགས་ལ་འཇུག་པ་དང༌། རྒྱལ་སྲས་མོས་པ་སྤྱོད་པ་གནས་པ་རྣམས་ཀྱི་དང༌། དེ་ནས་ཕྲེང་གཉིས་ཅུང་མེད་ན། ཤེས་པར་མ་གྱུར་པ། ཉན་ཐོས་རྒྱུན་དུ་ཞུགས་ནས་ཕྱིར་མི་འོང་གི་བར་དང༌། རྒྱལ་སྲས་ས་དང་པོ་ཐོབ་པ་ཡན་ཆད་ས་དགུ་པ་མན་ཆད་གནས་པ་རྣམས་ཀྱི། དེ་ནས་ཕྲེང་ཕྱེད་དང་གཉིས་ན། བྱང་ཆུབ་སེམས་དཔའ་ས་བཅུ་པ་རྣམས་དང༌། དེ་ནས་ཤོག་གུ་གཅིག་དང་ཕྲེང་དྲུག་ན། བྱམས་པ་དང་ལྡན་པའི་སེམས་འཕེལ་བ་ཆེ་བའི་ཕྱིར། རྒྱ་ཆེན་པོ། བསམ་པ་རྒྱ་ཆེ་བས། ཤིན་ཏུ་ཡངས་པ། རྣམ་པར་མི་རྟོག་པ་དང་བྱམས་པའི་རྣམ་པར་གཅིག་པས། མི་གཉིས་པ། སེམས་ཅན་ཚད་མེད་པ་ལ་དམིགས་པས། ཚད་མེད་པས། ནང་གི་ཕྱིར་ཆོས་ལས་གྱུར་པའི་གནོད་པ་མེད་པས། གཙུགས་སམ་ཁོ་ན་མེད་པ། ཕྱི་རོལ་གྱི་འདུ་བྱེད་ལས་གྱུར་པའི་གནོད་པ་མེད་པ། ཕྱི་རོལ་གྱི་སེམས་ཅན་གྱིས་བྱས་པའི་གནོད་པ་མེད་པས་ལྡོང་པའམ་འགྲན་ཟླ་མེད་པ། དེ་ནས་ཤོག་གུ་གཉིས་དང་ཕྲེང་གཅིག་ཅུང་མེད་ན། དགེ་བ་ལས་བདེ་བ་འབྱུང་བ་ལ་སོགས་པ། གནས་ལ་ཡང་གནས་དགེ་བ་ལས་སྡུག་བསྔལ་འབྱུང་བ་ལ་སོགས་པ། གནས་མ་ཡིན། དེ་ནས་ཕྲེང་གཅིག་ལྷག་པ་ན། འཇིག་རྟེན་གྱི་བསམ་པའི་ཁམས། དེ་ནས་ཕྲེང་གཅིག་ལྷག་པ་ན། དབང་པོ་རྣོ་རྟུལ། རབ་དང་ཐ་མ། འགྲོ་བའི་ལམ་ཡང་དག་པར་ངེས་པ་དང༌། ལོག་པར་ངེས་པ་དང༌། མ་ངེས་པ་ཡང་དག་པ། དེ་ནས་ཤོག་གུ་གཉིས་དང་ཕྲེང་ཕྱེད་དང་བཅུ་གསུམ་ན། གཟུངས་དང་། རབ་འབྱོར། གཞན་ཡང༌། དེ་ནས་ཤོག་གུ་གཉིས་དང་ཕྲེང་ཕྱེད་དང་དྲུག་ན། སྟོང་ཕྲག་བརྒྱ་པ་ལས། ལེའུ་བཅུ་པ།། །། ༈ བམ་པོ་དགུ་པ། ས་བཅུ་དང༌། །གཉེན་པོ་ཚོགས་ཀྱི་སྒྲུབ་པ་ཡི། །རིམ་པ་ཡིན་པར་ཤེས་པར་བྱ། །རབ་འབྱོར། དེ་ནས་ཕྲེང་གཉིས་ན། འཕོ་བ་མེད་པས། ཞེས་བྱ་བ་ནི་དེ་བཞིན་ཉིད་ནམ་མཁའ་དང་མཚུངས་ཏེ། འཕོ་བ་མེད་པས་འཕོ་བ་མེད་པའི་ཡེ་ཤེས་ནི་ས་གཞན་དུ་འཕར་བའི་རྒྱུ་ཡིན་པས་བསྟན་ཏོ། །ཞེས་དབུ་མ་པ་གསུངས། དེ་ནས་ཕྲེང་ཕྱེད་དང་གཉིས་ན། ཡོངས་སུ་སྦྱོང་བ་རྣམ་བཅུ་ཡིས། །ས་ནི་དང་པོ་འཐོབ་འགྱུར་ཏེ། །དེ་ལ་བྱང་ཆུབ་སེམས་དཔའ། དེ་ནས་ཤོག་གུ་གསུམ་དང་ཕྲེང་བཞི་ན། བསམ་དང་། དེ་སྐད་ཅེས་བཀའ་སྩལ་པ་དང༌། དེ་ནས་ཕྲེང་ཕྱེད་དང་གསུམ་ན། ཕན་པའི་དངོས་ཉིད་དང༌། །སེམས་ཅན་རྣམས་ལ་སེམས་མཉམ་ ཉིད། །དེ་ལ་བྱང་ཆུབ་སེམས། དེ་ནས་ཕྲེང་གཉིས་ན། གཏོང་དང་། དེ་ལ་བྱང་ཆུབ་སེམས། དེ་ནས་ཕྲེང་གཅིག་ན། བཤེས་གཉེན་བསྟེན་པ་དང༌། །དེ་ལ་བྱང་ཆུབ་སེམས་དཔའ། དེ་ནས་ཕྲེང་ཕྱེད་དང་གསུམ་ན། དམ་ཆོས་དམིགས་པ་ཚོལ་བ་དང༌། །དེ་ལ་བྱང་ཆུབ། དེ་ནས་ཕྲེང་ཕྱེད་གཉིས་ཅུང་མེད་ན། རྟག་ཏུ་ངེས་འབྱུང་སེམས་ཉིད་དང༌། །དེ་ལ་བྱང་ཆུབ་སེམས་དཔའ། དེ་ནས་ཕྲེང་གཉིས་ཅུང་མེད་ན། སངས་རྒྱས་སྐུ་འདོད་དགའ་བ་དང༌། །དེ་ལ་བྱང་ཆུབ་སེམས། དེ་ནས་ཡང་ཕྲེང་གཉིས་ཅུང་མེད་ན། ཆོས་སྟོན་པ་དང་། དེ་ལ་བྱང་ཆུབ་སེམས། དེ་ནས་ཕྲེང་དྲུག་ལྷག་པ་ན། བདེན་པ་ཡི། །ཚིག་ནི་བཅུ་པ་ཡིན་པར་འདོད། །འདི་དག་རང་བཞིན་མི་དམིགས་པས། །ཡོངས་སུ་སྦྱོང་བ་ཤེས་པར་བྱ། །དེ་ལ་བྱང་ཆུབ་སེམས། དེ་ནས་ཕྲེང་ཕྱེད་དང་གཉིས་ན། ཚུལ་ཁྲིམས། དེ་ལ་བྱང་ཆུབ་སེམས། དེ་ནས་ཕྲེང་ཕྱེད་དང་གཉིས་ལྷག་པ་ན། བྱས་པ་གཟོ་དང་། དེ་ལ་བྱང་ཆུབ། དེ་ནས་ཕྲེང་གཉིས་ཅུང་མེད་ན། བཟོད། །དེ་ལ་བྱང་ཆུབ། དེ་ནས་ཕྲེང་གཅིག་ལྷག་པ་ན། རབ་ཏུ་དགའ་དང་། དེ་ལ་བྱང་ཆུབ། དེ་ནས་ཕྲེང་ཕྱེད་དང་གསུམ་ན། སྙིང་བརྩེ་ཆེ། །དེ་ལ་བྱང་ཆུབ། དེ་ནས་ཕྲེང་གསུམ་ན། བཀུར་སྟི་བླ་མ་ལ་གུས་ཉན། །དེ་ལ་བྱང་ཆུབ། དེ་ནས་ཕྲེང་ཕྱེད་དང་གཉིས་ཅུང་མེད་ན། བརྒྱད་པ་སྦྱིན་ལ་སོགས་ལ་བརྩོན། །དེ་ལ་བྱང་ཆུབ་སེམས་དཔའ། དེ་ནས་ཕྲེང་གཉིས་དང་?[ཐོས་པས་]མི་ངོམས་ཉིད་དང་ནི། །དེ་ལ་བྱང་ཆུབ་སེམས། དེ་ནས་ཕྲེང་གཉིས་ཅུང་མེད་ན། ཟང་ཟིང་མེད་པར་ཆོས་སྦྱིན་དང༌། །དེ་ལ་བྱང་ཆུབ། དེ་ནས་ཕྲེང་ཕྱེད་དང་གཉིས་ལྷག་ན། སངས་རྒྱས་ཞིང་ཀུན་སྦྱོང་བ་དང༌། །དེ་ལ་བྱང་ཆུབ། དེ་ནས་ཕྲེང་གཉིས་ལྷག་པ་ན། འཁོར་བས་ཡོངས་སུ་མི་སྐྱོ་དང༌། །དེ་ལ་བྱང་ཆུབ། དེ་ནས་ཡང་ཕྲེང་གཉིས་ལྷག་ན། ངོ་ཚ་ཁྲེལ་ཡོད་ཅེས་བྱ་བ། །རློམ་མེད་བདག་ཉིད་དེ་རྣམ་ལྔ། །དེ་ལ་བྱང་ཆུབ་སེམས། དེ་ནས་ཕྲེང་གཅིག་ན། ནགས་གནས། དེ་ལ་བྱང་ཆུབ། དེ་ནས་ཕྲེང་གཅིག་ལྷག་པ་ན། འདོད་ཆུང་། དེ་ལ་བྱང་ཆུབ། དེ་ནས་ཡང་ཕྲེང་ གཅིག་ལྷག་ན། ཆོག་ཤེས་དང༌། །དེ་ལ་བྱང་ཆུབ་སེམས་དཔའ། དེ་ནས་ཡང་ཕྲེང་གཅིག་ལྷག་ཙམ་ན། སྦྱངས་པ་ཡང་དག་སྡོམ་བསྟེན་དང༌། །དེ་ལ་བྱང་ཆུབ། གཏོང་བ་གང་ཞེ་ན། ཞེས་བྱ་བའི་སྒྲ་ཡང་རྣམ་པར་རྟོག་པ་སྤོང་བའི་རྒྱུར་གྱུར་པའི་ཡོན་ཏན་རྣམས་ལ་བྱའི་ཕྱག་དར་ཁྲོད་པ་ལ་སོགས་པ་ནི་མ་ཡིན་ནོ། །ཞེས་དབུ་མ་པ་གསུངས། དེ་ནས་ཕྲེང་གཅིག་ཅུང་མེད་ན། བསླབ་པ་ཡོངས་སུ་མི་གཏོང་དང༌། །དེ་ལ་བྱང་ཆུབ། ཞེས་བྱ་བ་ནི་རྣམ་པར་མི་རྟོག་པའི་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ལ་བྱའོ། །ཞེས་དབུ་མ་པ་གསུངས། འདོད་པ་རྣམས་ལ་སྨོད་པ་དང༌། །དེ་ལ་བྱང་ཆུབ། དེ་ནས་ཕྲེང་གཅིག་ན། མྱ་ངན་འདས་དང་། དེ་ལ་བྱང་ཆུབ། དེ་ནས་ཕྲེང་གཅིག་ལྷག་པ་ན། བདོག་ཀུན་གཏོང༌། །དེ་ལ་བྱང་ཆུབ། དེ་ནས་ཡང་ཕྲེང་གཅིག་ལྷག་ན། མི་ཞུམ་པ་དང་། དེ་ལ་བྱང་ཆུབ། དེ་ནས་ཕྲེང་གཅིག་ལྷག་ན། ལྟ་བ་མེད། །དེ་ལ་བྱང་ཆུབ་སེམས། དེ་ནས་ཕྲེང་གཅིག་ན། འདྲིས་དང་། དེ་ལ་བྱང་ཆུབ་སེམས། དེ་ནས་ཕྲེང་གསུམ་ན། ཁྱིམ་ལ་འཁྲེན་པ་དང༌། །དེ་ལ་བྱང་ཆུབ། དེ་ནས་ཕྲེང་ཕྱེད་དང་གསུམ་ན། འདུ་འཛིར་གྱུར་པའི་གནས་དང་ནི། །དེ་ལ་ཇི་ལྟར། དེ་ནས་ཕྲེང་ཕྱེད་དང་བཞི་ལྷག་པ་ན། བདག་བསྟོད། དེ་ལ། དེ་ནས་ཕྲེང་གཅིག་ལྷག་ཙམ་ན། གཞན་ལ་བརྙས་པ་དང༌། །དེ་ལ་བྱང་ཆུབ། དེ་ནས་ཕྲེང་གཅིག་ལྷག་པ་ན། མི་དགེའི་ལས་ཀྱི་ལམ་བཅུ་དང༌། །དེ་ལ་ཇི་ལྟར། དེ་ནས་ཕྲེང་ལྷག་ཙམ་ན། རློམ་པ་ཁེངས་དང་། དེ་ལ་ཇི་ལྟར། དེ་ནས་ཕྲེང་གསུམ་ན། ཕྱིན་ཅི་ལོག །དེ་ལ་ཇི་ལྟར་ན། དེ་ནས་ཕྲེང་གཅིག་ལྷག་པ་ན། བློ་ངན་དང་ནི་ཉོན་མོངས་བཟོད། །བཅུ་པོ་འདི་ནི་རྣམ་སྤངས་ནས། །ས་ལྔ་པ་ནི་ཡང་དག་འཐོབ། །དེ་ལ་ཇི་ལྟར། དེ་ནས་ཕྲེང་གཉིས་ཅུང་མེད་ན། སྦྱིན་དང་ཚུལ་ཁྲིམས་བཟོད་བརྩོན་འགྲུས། །བསམ་གཏན་ཤེས་རབ་རབ་རྫོགས་པས། །དེ་ལ་ས་དྲུག་ལ། དེ་ནས་ཕྲེང་བཞི་ན། སློབ་མ་དང་ནི། དེ་ལ་ཇི་ལྟར། དེ་ནས་ཕྲེང་གཅིག་ན། བསེ་རུ་ལ། །དགའ་དང་སྐྲག་པའི་སེམས་སྤངས་པ། །འདི་ལྟར་དེ་ནི་བྱང་ཆུབ། དེ་ནས་ཕྲེང་གཅིག་ཙམ་ན། བསླངས་ན་མི་ཞུམ། འདི་ལྟར་དེ་ནི། བདོག་པ་ཀུན། །བཏང་ཡང་མི་དགའ་མེད་པ་དང༌། །འདི་ལྟར་དེ་ནི། དབུལ་ཡང་སློང་བ་མི་སྤོང་བས། །ས་ནི་དྲུག་པ་ཡང་དག་འཐོབ། །འདི་ལྟར་དེ་ནི། དེ་ནས་ཕྲེང་གཅིག་ན། བདག་དང་། དེ་ལ་ཇི་ལྟར་ན། སེམས་ཅན་འཛིན་པ་དང༌། །སེམས་ཅན་དུ་འཛིན། སྲོག་དང་གང་ཟག ། སྲོག་ཏུ་འཛིན། དེ་ནས་ཕྲེང་གཅིག་ལྷག་པ་ན། ཆད། དེ་ལ་ཇི་ལྟར། དེ་ནས་ཕྲེང་ཅིག་ཅུང་མེད་ན། རྟག་དང༌། །དེ་ལ། དེ་ནས་ཕྲེང་གཅིག་ཅུང་མེད་ན། མཚན་མ། དེ་ལ། དེ་ནས་ཕྲེང་གཅིག་ཅུང་མེད་ན། རྒྱུ་དང་། དེ་ལ་ཇི་ལྟར། དེ་ནས་ཕྲེང་གཉིས་ཅུང་མེད་ན། ཕུང་པོ་དང༌། །ཁམས་དང་སྐྱེ་མཆེད་དག་དང་ནི། །དེ་ལ་ཇི་ལྟར། དེ་ནས་ཕྲེང་གསུམ་ན། ཁམས་གསུམ་པོ་ལ་གནས་དང་ཆགས། །དེ་ལ་ཇི་ལྟར། དེ་ནས་ཕྲེང་ལྔ་ཅུང་མེད་ན། དཀོན་མཆོག་གསུམ་དང་། དེ་ལ་ཇི་ལྟར། དེ་ནས་ཕྲེང་གཅིག་ན། མི་འགྱུར་བའི་ཕྱིར་ཏེ། ཞེས་བྱ་བ་ནི་ངས་སངས་རྒྱས་ལ་ལྟའོ། །སྙམ་ནས་སངས་རྒྱས་སུ་དམིགས་པའི་ལྟ་བས་སངས་རྒྱས་སུ་མངོན་པར་ལྟ་བ་ལ་གནས་པའི་ཕྱིར་སངས་རྒྱས་མཐོང་བ་མེད་དོ། །མི་དམིགས་པའི་ཡེ་ཤེས་ཉིད་ཀྱིས། སངས་རྒྱས་མཐོང་ངོ༌། །ཞེས་བྱ་བའི་ཐ་ཚིག་གོ །ཆོས་དང་དགེ་འདུན་ལ་ཡང་དེ་བཞིན་ནོ། །ཞེས་དབུ་མ་པ་ཆེན་པོ་སངས་རྒྱས་གཉིས་པ་དབྱིག་གཉེན་གསུངས། དེ་ནས་ཕྲེང་ཕྱེད་དང་བཞི་ཙམ་ན། ཚུལ་ཁྲིམས་ལ། །དེར་ལྟ་བ་ཡི་མངོན་ཞེན་དང༌། །དེ་ལ་ཇི་ལྟར། དེ་ནས་ཕྲེང་གཉིས་ཅུང་མེད་ན། སེམས་ནི་ཀུན་ཏུ་ཞུམ་པ་དང༌། །དེ་ལ་ཇི་ལྟར་ན། དེ་ནས་ཕྲེང་གཅིག་ན། སྟོང་པའི་ཕྱིར་ཏེ། ཞེས་བྱ་བ་ནི། འདི་ལྟར་གཟུགས་ལ་སོགས་པའི་ཆོས་རྣམས་གཟུགས་སུ་རུང་བ་ལ་སོགས་པ་ཀུན་བཏགས་པའི་མཚན་ཉིད་དུ་ནི་ཡོད་མ་ཡིན་གྱི། བརྗོད་དུ་མེད་པའི་མཚན་ཉིད་ནི་དོན་དམ་པ་སྟོང་པ་ཉིད་ཀྱི་ངོ་བོ་ཉིད་དུ་ནི་མེད་པ་མ་ཡིན་ཏེ། དེའི་ཕྱིར་སྟོང་པ་ཉིད་ལ་ཐམས་ཅད་ཆད་པར་ལྟ་བའི་རྒྱུ་ལས་བྱུང་བའི་སྒྱིད་ལུག་པར་མི་བྱའོ། །ཞེས་བྱ་བའི་ཐ་ཚིག་གོ ། ཞེས་དབུ་མ་པ་ཆེན་པོ་དབྱིག་གཉེན་གསུངས། སྟོང་པ་ཉིད་ལ་རྩོད་པ་དང༌། །དེ་དང་འགལ་བའི་ཉེས་པ་ནི། །ཉི་ཤུ་གང་ལ་རྣམ་ཆད་པ། །དེ་ཡིས་ས་ནི་བདུན་པ་ཐོབ། །དེ་ལ་ཇི་ལྟར། དེ་ནས་ཕྲེང་ཕྱེད་དང་གཉིས་ཅུང་མེད་ན། རྣམ་ཐར་སྒོ་གསུམ་ཤེས་པ་དང༌། །དེ་ལ་ཇི་ལྟར། དེ་ནས་ཕྲེང་གསུམ་ཅུང་མེད་ན། འཁོར་གསུམ་རྣམ་པར་དག་ཉིད་དང༌། །དེ་ལ་ཇི་ལྟར། ཡོངས་སུ་རྫོགས་པའོ། །ཞེས་བྱ་བ་ནི། ལུས་དང་ངག་དང༌། ཡིད་ཀྱི་འཁོར་གསུམ་ཡོངས་སུ་དག་པའོ། །ཞེས་དབུ་མ་པ་ཆེན་པོ་གསུངས། སྙིང་རྗེ་དང་ནི། དེ་ལ་ཇི་ལྟར། དེ་ནས་ཕྲེང་གཅིག་ན། རློམ་མེད་དང༌། །དེ་ལ་ཇི་ལྟར། མི་བྱ་ཞེ་ན། སྐབས་འདིའི་ཁྲི་བརྒྱད་སྟོང་པར། སེམས་ཅན་གྱི་ཞིང་ཡོངས་སུ་དག་པའི་ཕྱིར། ཞེས་པ་བྱུང་ཞིང༌། དེའི་འགྲེལ་པར་སེམས་ཅན་ཐམས་ཅད། དེ་བཞིན་གཤེགས་པའི་སྙིང་པོ་ཅན་ཡིན་པའི་ཕྱིར་སེམས་ཅན་གྱི་ཞིང་ཡོངས་སུ་དག་པའོ། །ཞེས་དབུ་མ་པ་གསུངས། ཆོས་མཉམ་ཉིད་དང་། དེ་ལ་བྱང་ཆུབ་སེམས། དབྲི་བ་མེད་པའོ། །ཞེས་བྱ་བ་ལ་སོགས་ཡོད་པ་ལ་སྐུར་བ་མི་འདེབས་པ་ནི་དབྲི་བ་མེད་པའོ། །མེད་པ་ལ་སྒྲོ་མི་འདོགས་པ་ནི་བསྣན་པ་མེད་པ་སྟེ། ཡང་དག་པར་ཡོད་པ་སྐུར་བ་མི་འདེབས་པ་དང༌། ཡང་དག་པར་མེད་པ་ལ་སྒྲོ་མི་འདོགས་པས། མཉམ་པ་ཉིད་དུ་མཐོང་བ། ཞེས་བྱ་བའི་ཐ་ཚིག་གོ ། ཞེས་དབུ་མ་པ་གསུངས། ཚུལ་གཅིག་ཤེས། །དེ་ལ་བྱང་ཆུབ་རྟོགས་པ་མེད་པའོ། །ཞེས་བྱ་བ་ནི་རྟོགས་པར་བྱ་བ་དང༌། རྟོགས་པར་བྱེད་པ་གཉིས་ཀ་མ་མཐོང་བའི་ཕྱིར། རྟོགས་པ་ཉིད་ཡང་དག་པའི་ཚུལ་རྟོགས་པའོ། །ཞེས་དབུ་མ་པ་ཆེན་པོ་གསུངས། བཟོད་ཤེས་དང༌། །དེ་ལ་བྱང་ཆུབ་སེམས། མི་སྐྱེ་བ་དང་། དེ་ལ་བྱང་ཆུབ། དེ་ནས་ཕྲེང་གཅིག་ཅུང་མེད་ན། ཆོས་རྣམས་རྣམ་པ་གཅིག་ཏུ་སྟོན། །དེ་ལ་བྱང་ཆུབ་སེམས། དེ་ནས་ཕྲེང་གཅིག་ལྷག་པ་ན། བསྟན་པའོ། །ཞེས་བྱ་བ་ནི། དཔེར་ན་ནམ་མཁའ་གཅིག་ཀྱང་ངོ་བོ་ཉིད་ཡིན་པས། ངོ་བོ་ཉིད་ལ་ཐ་དད་དུ་དབྱེ་བ་མེད་པ་དེ་བཞིན་དུ། དེ་བཞིན་ཉིད་དུ་རྣམ་པ་གཅིག་པའི་ཕྱིར། ཡོད་པ་དང་མེད་པ་དང༌། ཆོས་དང་ཆོས་མ་ཡིན་པ་དང༌། རྟག་པ་དང་མི་རྟག་པ་ལ་སོགས་པའི་ཆོས་གཉིས་ལ་ཀུན་ཏུ་སྤྱོད་པ་མེད་པས་ཚུལ་བཞིན་དུ་བསྟན་ཏོ། །ཞེས་དབུ་མ་པ་ཆེན་པོ་སངས་རྒྱས་གཉིས་པ་ལྟ་བུའི་དབྱིག་གཉེན་གསུངས། རྟོག་པ་ཀུན་ཏུ་འཇོམས་པ་དང༌། །དེ་ལ་བྱང་ཆུབ་སེམས་དཔའ། འདུ་ཤེས་ལྟ་དང་། དེ་ལ་བྱང་ཆུབ། རང་སངས་རྒྱས་ཀྱི་སའི་རྟོག་པ། རྣམས་སྤངས་པའོ། །ཉོན་མོངས་སྤོངས། །དེ་ལ་བྱང་ཆུབ། ཞི་གནས་ངེས་པར་སེམས་པ་དང༌། །ལྷག་མཐོང་ལ་ནི་མཁས་པ་དང༌། །དེ་ལ་བྱང་ཆུབ་སེམས། སེམས་དུལ་བ་དང་། དེ་ལ་བྱང་ཆུབ། དེ་ནས་ཕྲེང་གཅིག་ལྷག་པ་ན། ཐམས་ཅད་ལ། །ཐོགས་པ་མེད་པའི་ཡེ་ཤེས་དང༌། །དེ་ལ་བྱང་ཆུབ། ཆགས་པའི་ས་མིན་གར་འདོད་པར། །ཞིང་གཞན་དུ་ནི་མཉམ་འགྲོ་དང༌། །ཀུན་ཏུ་བདག་གི་ངོ་བོ་ནི། །སྟོན་པ་ཉིད་དང་ཉི་ཤུའོ། །དེ་ལ་བྱང་ཆུབ་སེམས། དེ་ནས་ཕྲེང་གཅིག་ལྷག་པ་ན། སེམས་ཅན་ཀུན་ཡིད་ཤེས་པ་དང༌། །དེ་ལ་བྱང་ཆུབ། དེ་ནས་ཕྲེང་གཅིག་ན། མངོན་པར་ཤེས་པས་བརྩེ་བ་དང༌། །དེ་ལ་བྱང་ཆུབ། དེ་ན་ཕྲེང་ཕྱེད་དང་གཉིས་ན། སངས་རྒྱས་ཞིང་བཟང་སྒྲུབ་པ་དང༌། །དེ་ལ་བྱང་ཆུབ། དེ་ནས་ཕྲེང་ཕྱེད་དང་གསུམ་ན། སངས་རྒྱས་བསྟེན། །དེ་ལ་བྱང་ཆུབ། ཡོངས་སུ་བརྟག་ཕྱིར། དེ་ལ་བྱང་ཆུབ། དབང་པོ་ཤེས་དང་། དེ་ལ་བྱང་ཆུབ། རྒྱལ་བ་ཡི། །ཞིང་སྦྱོང་། དེ་ལ་བྱང་ཆུབ་སེམས། དེ་ནས་ཕྲེང་གཅིག་ན། སྒྱུ་མ་ལྟར་གནས་དང༌། །དེ་ལ་བྱང་ཆུབ། དེ་ནས་ཕྲེང་གཉིས་ན། བསམ་བཞིན་སྲིད་པ་ལེན་པ་དང༌། །ལས་ནི་རྣམ་པ་འདི་བརྒྱད་བཤད། །དེ་ལ་ཇི་ལྟར། དེ་ནས་ཕྲེང་གཉིས་ལྷག་པ་ན། སྨོན་ལམ་དག་ནི་མཐའ་ཡས་དང༌། །དེ་ལ་ཇི་ལྟར་ན། དེ་ནས་ཕྲེང་ཕྱེད་དང་གཉིས་ན། ལྷ་ལ་སོགས་པའི་སྐད་ཤེས་པ་དང༌། །དེ་ལ་ཇི་ལྟར། དེ་ནས་ཡང་ཕྲེང་ཕྱེད་དང་གཉིས་ན། སྤོབས་པ་ཆུ་བོ་ལྟ་བུ་དང༌། །དེ་ལ་ཇི་ལྟར། དེ་ནས་ཕྲེང་གཅིག་ན། མངལ་དུ་འཇུག་པ་མཆོག་དང་ནི། །དེ་ལ་ཇི་ལྟར། དེ་ནས་ཡང་ཕྲེང་གཅིག་ཅུང་མེད་ན། བརྫུས་ཤིང་སྐྱེ་བ་སྟེ། ཞེས་བྱ་བ་ནི། ས་བརྒྱད་པ་ཡན་ཆད་ནི་མངལ་ནས་གནས་པ་མེད་དེ། སེམས་ཅན་ཡོངས་སུ་སྨིན་པར་བྱ་བའི་དོན་དུ་ནི་དེ་ལྟ་བུ་ཡང་སྟོན་ཏོ། །ཞེས་དབུ་མ་པ་གསུངས། རིགས་དང་། དེ་ལ་བྱང་ཆུབ། དེ་ནས་ཕྲེང་གཅིག་ལྷག་པ་ན། ཆོ་འབྲང་དང༌། །དེ་བྱང་ཆུབ། དེ་ནས་ཕྲེང་ཕྱེད་དང་གཉིས་ཅུད་མེད་ན། རུས་དང་། དེ་བྱང་ཆུབ། དེ་ནས་ཕྲེང་ཕྱེད་དང་གཉིས་ལྷག་ན། འཁོར་དང་། དེ་ལས་བྱང་ཆུབ། དེ་ནས་ཕྲེང་ཕྱེད་དང་གཉིས་ན། སྐྱེ་བ་དག་[དང་]ནི། །དེ་ལ། དེ་ནས་ཕྲེང་ཕྱེད་དང་གཉིས་ན། ངེས་འབྱུང་། དེ་ལ་བྱང་ཆུབ། དེ་ནས་ཕྲེང་གཉིས་ན། བྱང་ཆུབ་ཤིང་རྣམས་དང༌། །དེ་ལ་བྱང་ཆུབ། དེ་ནས་ཕྲེང་གསུམ་ན། ཡོན་ཏན་ཕུན་སུམ་ཚོགས་པ་ཡིན། །དེ་ལ་བྱང་ཆུབ། དེ་ནས་ཕྲེང་གཉིས་ཅུང་མེད་ན། ས་དགུ་འདས་ནས་ཡེ་ཤེས་ནི། །གང་གིས་སངས་རྒྱས་སར་གནས་པ། །དེ་ནི་བྱང་ཆུབ་སེམས་དཔའི་ས། །བཅུ་པ་ཡིན་པར་ཤེས་པར་བྱ། །དེ་ལ་བྱང་ཆུབ། དེ་ནས་ཤོག་གུ་གཅིག་ལྷག་ཙམ་ན། དཀར་པོ། རྣམ་པར་མཐོང་བའི་ས། ཞེས་བྱ་བ་ནི་མོས་པ་སྤྱོད་པའི་ས་སྟེ། དེ་ལ་ཡང་དག་རིགས་ཀྱིས། ཞེས་བཟོད་པ་ཆེན་པོའི་ས་སྟེ། དེ་ལ་ཡང་དག །བརྒྱད་པའི་ས་ནི། རྒྱུན་དུ་ཞུགས་པའི་འབྲས་བུ་ལ་འཇུག་པའི་ས་སྟེ། དེ་ནི་དགྲ་བཅོམ་པའི་འབྲས་ལ་གནས་པ་ན་བཟུང་སྟེ། བགྲང་ནས་བརྒྱད་པར་འགྱུར་རོ། །དེ་ལས་ཡང༌། མཐོང་བའི་ས་ནི། རྒྱུན་དུ་ཞུགས་པའི་འབྲས་བུ་ལ་གནས་པའི་ས་སྟེ། དེ་ལས་ཡང༌། འདོད་པའི་འདོད་ཆགས་བསྲབས་པའི་ས་ནི། ལན་ཅིག་ཕྱིར་འོང་གི་ས་སྟེ། དེ་ལས་ཡང་འདོད་པའི། འདོད་ཆགས་དང་བྲལ་བའི་ས་ནི་ཕྱིར་མི་འོང་གི་ས་སྟེ། དེ་ལས་ཡང་དག་པར་འདའ། བྱ་བ་བྱས། ཞེས་ཁོངས་སུ་ཆུད་པས། བྱས་པ་རྟོགས་པའི་ས་ནི་དགྲ་བཅོམ་པ་སྟེ། དེ་ལས་ཡང་དག་པར་འདའ། ཞེས་པ་རྣམས་དབུ་མ་པས་གསུངས་བཞིན་བཀོད་པའོ། །དེ་ནས་ཕྲེང་གསུམ་ན། བམ་པོ་བཅུ་པ། མཐོང་དང་གོམས་པའི་ལམ་དག་ལ། །གཟུང་དང་འཛིན་པའི་རྣམ་རྟོག་རྣམས། །ཉེ་བར་ཞི་བར་བྱ་བའི་ཕྱིར། །གཉེན་པོ་རྣམ་པར་བརྒྱད་ཅེས་བྱ། །མཐོང་བའི་ལམ་གྱིས་བཟུང་བའི་རྟོག་པ་དང་པོའི་གཉེན་པོ་ནི། རབ་འབྱོར། དེ་ནས་ཕྲེང་གཅིག་ན། གནས་པར་འགྱུར་རོ། །ཞེས་བྱ་བའི་ནི་ཉན་ཐོས་དང༌། རང་སངས་རྒྱས་ཀྱི་དག་ལས་ཡང༌། ཁམས་གསུམ་ནས་ངེས་པར་འབྱུང་བའི་ཡོང་བས་དེ་བསལ་བའི་ཕྱིར། ཁམས་གསུམ་ནས་བྱུང་ནས། རྣམ་པ་ཐམས་ཅད་མཁྱེན་པ་ཉིད་ལ་གནས་པར་འགྱུར། ཞེས་བྱ་བས་ཐེག་པ་ཆེན་པོ་ལ་བྱ་བ་གཉིས་ཡོད་པར་བསྟན་ཏོ། །ཞེས་དབུ་མ་པ་གསུངས། དེ་ནས་ཕྲེང་གཅིག་ན། མི་ལྡན་པ་ཡང་མ་ཡིན། ཞེས་བྱ་བ་ལ་གཅིག་པ་མེད་པའི་ཕྱིར། ལྡན་པ་ཡང་མ་ཡིན། ཐ་དད་པ་མེད་པའི་ཕྱིར། མི་ལྡན་པ་ཡང་མ་ཡིན། འཇུག་པར་མི་བྱེད་པའི་ཕྱིར་གཟུགས་མེད་པའོ། །བསྟན་པར་མི་ནུས་པས་བསྟན་དུ་མེད་པའོ། །འདི་གཉིས་ཀྱིས་ནི་འཛིན་པ་དང༌། གཟུགས་པ་མེད་པར་བསྟན་ཏེ། གང་གི་ཕྱིར་འཛུགས་པས་མི་བྱེད་པ་དེའི་ཕྱིར་འཛིན་པ་མེད་པའོ། །གང་གི་ཕྱིར་བསྟན་པར་ནུས་པ་དེའི་ཕྱིར་གཟུང་བ་མེད་པའོ། །ཐོགས་མ་མེད་པ་སྟེ། ཞེས་བྱ་བ་འདིས་ནི་དབང་པོ་དང༌། ཡུལ་ལྟར་ཐོགས་པ་མེད་པའི་ཕྱིར། ཡུལ་དང་ཡུལ་ཅན་མེད་པར་བསྟན་པའོ། །དེ་ལྟར་མཚན་ཉིད་མེད་པའི་ཕྱིར། མཚན་ཉིད་མེད་པ་སྟེ། གཉིས་ཀ་ཡང་མཚན་ཉིད་མེད་པར་མཚན་ཉིད་གཅིག་པའི་ཕྱིར། མཚན་ཉིད་གཅིག་པའོ། །ཞེས་བྱ་བ་གསུངས། བྱུང་བས་གྱུར་པ་མེད་དོ། །ཞེས་བྱ་བ་ནི་འདི་ལྟར་ཡོངས་སུ་གྲུབ་པའི་ཆོས་ནི་ཀུན་བཏགས་པའི་མཚན་ཉིད་ཐམས་ཅད་དང་བྲལ་ཞིང་རང་བཞིན་གྱིས་ཡོངས་སུ་དག་པ་སྟེ། དེའི་ཕྱིར་དེའི་རང་བཞིན་གྱིས་ངེས་པར་བྱུང་ཟིན་པས། དེ་ལ་གློ་བུར་གྱིས་ངེས་པར་འབྱུང་བ་མེད་དོ། །དེ་ནས་ཕྲེང་གཅིག་ལྷག་པ་ན། འདོད་དུ་ཟད་དོ། །ཞེས་བྱ་བ་ལ་སོགས་པས་གློ་བུར་གྱི་ངེས་པར་འབྱུང་བ་མེད་པ་དེ་ཉིད་རྒྱ་ཆེར་བསྟན་ཏོ། །དེ་བཞིན་ཉིད་ནི་རང་བཞིན་གྱིས་ཞེས་ཀྱང་མ་གོས་ཤིང༌། ནམ་མཁའ་ལྟ་བུ་ལ་ངེས་པར་བྱུང་བ་མེད་དོ། །ཞེས་པ་རྣམས་དབུ་མ་པ་ཆེན་པོ་སངས་རྒྱས་གཉིས་པ་ལྟ་བུའི་དབྱིག་གཉེན་གསུངས། དེ་ནས་ཕྲེང་ཕྱེད་དང་བཞི་ན། འབྱུང་བར་འདོད་པ་དེ་ནི་སྲིད་པ་གསུམ་འདོད་ཆགས་དང༌། བྲལ་ཞིང་འཇིག་རྟེན་ཐམས་ཅད་ལས་འདས་པས། འདོད་ཆགས་དང་བྲལ་བའི་དབྱིངས་ཏེ་དེ་འབྱུང་འདོད་པ་དེ་ནི། སྡུག་བསྔལ་ཐམས་ཅད་འགག་པའི་རྒྱུ་ཡིན་པས། འགོག་པའི་དབྱིངས་ཏེ་ངེས་འབྱུང་བར་འདོད་དུ་ཟད་དེ། དེ་ནས་ཤོག་གུ་བཞི་དང་ཕྲེང་དྲུག་ན། མཐོང་བའི་ལམ་གྱི་གཟུང་བའི་རྟོག་པ་གཉིས་པའི་གཉེན་པོ་ནི། རབ་འབྱོར། གང་མཚན་ཉིད་མེད། དེ་ནས་ཤོག་གུ་ལྔ་དང་ཕྲེང་དགུ་ན། མཐོང་བའི་ལམ་གྱི་འཛིན་པའི་རྟོག་པ་དང་པོའི་གཉེན་པོ་ནི། རབ་འབྱོར། གང་མཚན་ཉིད་མེད་པའི། དེ་ནས་ཤོག་གུ་གཅིག་དང་ཕྲེང་ལྔ་ཅུང་མེད་ན། མཐོང་བའི་ལམ་གྱིས་འཛིན་པའི་རྟོག་པ་གཉིས་པའི་གཉེན་པོ་ནི། རབ་འབྱོར། གང་མཚན་ཉིད་འདོད་པ་དེ་ནི། བ་ལང་ཞེས་པ་ལྟ་བུ་ཀུན་བཏགས་ཀྱི་མི་འབྱུང༌། འདོད་པ་དེ་ནི། ལྐོག་ཤལ་ལ་སོགས་པ་ལྟ་བུ། མཚན་མ་ཟལ་མོའི་བུ་ཞེས་བྱ་བ་ལ་སོགས་པ་ལྟ་བུ། བརྡ་འབྱུང༌། འདོད་པ་དེ་ནི་བུ་ཁྲིད་དེ། ཤོག་ཞེས་པ་ལ་སོགས་པ་ལྟ་བུ། ཐ་སྙད་འབྱུང༌། གདགས་པ། སྟེ་བརྗོད་པ་ཐམས་ཅད། འབྱུང༌། དེ་ནས་ཕྲེང་ལྡན། སྟོང་པའི་ཕྱིར་རོ། །མིང་དང་མཚན་མ་དང༌། བརྡ་དང༌། ཐ་སྙད་དང༌། གདགས་པ་ཞེས་བྱ་བ་དང༌། ཚིག་ལྔ་པོ་དག་གིས་ནི་ཀུན་བཏགས་པ་བསྡུས་ཏེ། ཞེས་དབུ་མ་པ་གསུངས། དེ་ནས་ཕྲེང་ཕྱེད་དང་གསུམ་ལྷག་པ་ན། འབྱུང་བར་འདོད་དུ་ཟད་དོ། །སྐྱེ་བ་མེད་པ་དང༌། འགག་པ་མེད་པ་དང༌། ཀུན་ནས་ཉོན་མོངས་པ་མེད་པ་དང༌། རྣམ་པར་བྱང་བ་མེད་པ་དང༌། མངོན་པར་འདུ་བྱེད་པ་མེད་པའི་ཚིག་ལྔ་པོ་དག་གིས་ནི་ཡོངས་སུ་གྲུབ་པ་བསྡུས་ཏེ། སྐྱེ་བ་མེད་པའི་ཕྱིར་མི་སྐྱེ་བའོ། །འགག་པ་མེད་པའི་ཕྱིར་མི་འགག་པའོ། །གོས་པ་མེད་པའི་ཕྱིར་ཀུན་ནས་ཉོན་མོངས་པ་མེད་པའོ། །རང་བཞིན་གྱིས་ཡོངས་དུ་དག་པའི་ཕྱིར་རྣམ་པར་བྱང་བ་མེད་པའོ། །རྣམ་པར་དག་པའི་རྒྱུར་མངོན་པར་འདུ་བྱེད་པ་མེད་པའི་ཕྱིར། མངོན་པར་འདུ་བྱེད་པ་མེད་པའོ། །ཞེས་དབུ་མ་པ་གསུངས། ངོ་བོ་ཉིད་ཡོངས་སུ་གྲུབ་པ་ནི། ཁམས་གསུམ་ནས། གདོད་ནས་རང་བཞིན་གྱིས་བྱུང་ཟིན་པའི་ཕྱིར་གསར་དུ་འབྱུང་བ་མེད་དོ། །རྣམ་པ་ཐམས་ཅད་མཁྱེན་པ་ཉིད་དུ། གདོད་ནས་ངོ་བོ་ཉིད་ཀྱིས་གནས་པའི་ཕྱིར་དེ་ལ་ལྷག་པར་གནས་པ་མེད་དོ། །དེ་བཞིན་དུ་སྦྱར་ཏེ། འགག་པ་མེད། དེ་ནས་ཕྲེང་ལྔ་ཅུང་མེད་ན། ངོ་བོ་ཉིད་ཀྱིས་སྟོང་པའི་ཕྱིར་རོ། །འདི་རྣམས་ཀྱི་དགོངས་པ་ནི་འདི་ཡིན་ཏེ། ཀུན་བཏགས་ཀྱི་ཆོས་ཐམས་ཅད་རང་སྟོང་པ་ཡིན་པས་གཤིས་ལུགས་ལ་མ་གྲུབ་པའི་ཕྱིར། ཁམས་གསུམ་ནས་འབྱུང་བ་དང༌། རྣམ་མཁྱེན་དུ་གནས་པ་ཡང་གཤིས་ལ་གྲུབ་པ་མེད་ལ་སྟོང་གཞི་ཡོངས་གྲུབ་ཀྱི་ཆོས་ཐམས་ཅད་ནི་གདོད་ནས་རང་བཞིན་གྱིས་ཁམས་གསུམ་ནས་བྱུང་ཞིང༌། རྣམ་མཁྱེན་དུ་གནས་པའི་ཕྱིར། གསར་དུ་ལྟུང་བ་དང༌། གནས་པ་མེད་ཅེས་པའི་སྟོན་ཏོ། །རྣམ་མཁྱེན་གྱི་གནས་དེ་ནི་མི་མཐུན་ཕྱོགས་ཀྱིས་བསྐྱོད་དུ་མེད་པའོ། །དེས་ན་རིག་པ་གང་དུ་ཡང་མི་བསྐྱོད་ཅིང༌། གང་དུ་ཡང་མི་གནས་ལ་རྟོག་པ་དང༌། སྤྲོས་པ་ཐམས་ཅད་ཉེ་བར་ཞི་བའི་ཤེར་ཕྱིན་ཟབ་མོ་ལ་མན་ངག་བཞིན་དུ་མཉམ་པར་བཞག་པར་བྱ་སྟེ། མི་རྟོག་ཡེ་ཤེས་ཀྱིས་རྣལ་འབྱོར་ཉམས་སུ་མྱོང་བ་རྣམས་ཀྱིས་ཡུལ་ཡིན་གྱི་རྟོག་གེའི་རྣམ་ཤེས་ཀྱི་སྤྱོད་ཡུལ་ནི་མ་ཡིན་ནོ། །བསྒོམ་པའི་ལམ་ལ་བཟུང་བའི་རྟོག་པ་དང་པོའི་གཉེན་པོ་ནི། རབ་འབྱོར་གཞན། འགྱུར་བ་མེད་དོ། །ཞེས་བྱ་བ་ནི། ཇི་ལྟར་ནམ་མཁའ་གང་ནའང་མི་གནས་པ་དེ་བཞིན་དུ། ཐེག་པ་ཆེན་པོ་ཡང་མཐར་ཕྱིན་ཅིང་ཆོས་ཀྱི་སྐུའི་བདག་ཉིད་ཡིན་པས་གང་དུ་ཡང་གནས་པར་མི་འགྱུར་རོ། །ཐེག་པ་ཆེན་པོ་འབའ་ཞིག་གནས་པར་མི་འགྱུར་བར་མ་ཟད་ཀྱི། ཀུན་བཏགས་པ་དང་ཡོངས་སུ་གྲུབ་པའི་ཆོས་རྣམས་ཀྱང་གང་ན་ཡང་མི་གནས་སོ། །ཞེས་བྱ་བར་སྟོན་ཏོ། །ཞེས་དབུ་མ་པ་གསུངས། མི་དམིགས་པའི་ཕྱིར། ཞེས་བྱ་བ་ཀུན་བཏགས་པ་ནི་མེད་པའི་ཕྱིར། གང་ན་ཡང་མི་གནས་སོ། །ཡོངས་སུ་གྲུབ་པ་ནི་རྟེན་དང་རྟེན་མེད་པའི་ཕྱིར། གང་ན་ཡང་མི་གནས་སོ།། ཞེས་དབུ་མ་པ་གསུངས། དེས་ན། མི་གནས། ཚུལ་གྱིས་གནས་སོ། །ཞེས་བྱ་བ་ནི་གནས་མེད་པ་ཉིད་དེའི་གནས་པ་ཡིན་པར་ཐ་སྙད་གདགས་པར་བསྟན་པའོ། །ཞེས་དབུ་མ་པ་གསུངས། ཆོས་ཀྱི་དབྱིངས་ཆོས་ཐམས་ཅད་ལ་འབྲེལ་ཏེ། གནས་པ་ཡང་མ་ཡིན། མ་འབྲེལ་བཞིན་དུ་ཁྱབ་པར་མི་གནས། ཆེན་པོ་དེ་ཡང༌། ཆོས་ཐམས་ཅད་ལ་འབྲེལ་ཏེ། གནས་པ་ཡང་མ་ཡིན། མ་འབྲེལ་བཞིན་དུ་ཁྱབ་པར་མི་གནས། མི་གནས་པ་ཡང་མ་ཡིན་ནོ། །ཞེས་བྱ་བ་གསུངས་སོ། །དོན་དམ་པར་རྟེན་པའི་མཚན་ཉིད་མེད་པའི་ཕྱིར་གནས་པ་ཡང་མ་ཡིན་ནོ། །མི་གནས་པའི་མཚན་ཉིད་དུ་གནས་པའི་ཕྱིར། ཐ་སྙད་དུ་མི་གནས་པ་ཡང་མ་ཡིན་ནོ། །དེ་བཞིན་དུ་གནས་པ་དང༌། མི་གནས་པའི་མཚན་ཉིད་ཐམས་ཅད་ལ་ཡང་སྦྱར་བར་བྱའོ། །ཞེས་དབུ་མ་པ་ཆེན་པོ་གསུངས། དེ་ནས་ཕྲེང་ཕྱེད་དང་ལྔ་ན། དེ་བཞིན་ཉིད་ཀྱི་ངོ་བོ་ཉིད་ཀྱིས་སྟོང་པའི་ཕྱིར་རོ། །ཞེས་བྱ་བ་ནི་དེ་བཞིན་ཉིད་ལ་དེ་བཞིན་ཉིད་ཀྱི་ངོ་བོ་ཉིད་ཅེས་བྱ་བ་ཀུན་བཏགས་པ་གང་ཡང་མེད་ན་གང་གི་ཕྱིར་ཏེ། དེ་ལས་ངེས་པར་འབྱུང་བར་འགྱུར། ཞེས་དབུ་མ་པ་གསུངས། དེ་ནས་ཕྲེང་ཕྱེད་དང་བཅུ་གཅིག་ན། བམ་པོ་བཅུ་གཅིག་པ། དེ་ནས་ཤོག་གུ་བཅུ་གསུམ་དང་ཕྲེང་བཅུ་ན། བམ་པོ་བཅུ་གཉིས་པ། རབ་འབྱོར། རྣམ་གྲངས་དེས་ན། ཐེག་པ་དེ་ནི་ཀུན་རྫོབ་ཐམས་ཅད་ལ་འབྲེལ་ཏེ། མི་གནས་པར། མ་འབྲེལ་བཞིན་དུ་ཁྱབ་པར། གནས་པའི་ཚུལ་གྱིས་ཀུན་རྫོབ་གང་དུ་ཡང་འབྲེལ་ཏེ། གནས་བསྒོམ་པའི་ལམ་ལ་གཟུང་བའི་རྣམ་པར་རྟོག་པ་གཉིས་པའི་གཉེན་པོ་ནི། རབ་འབྱོར། དེ་ནས་ཕྲེང་གཅིག་ན། འབྱུང་བར་འགྱུར་བ། གང་ཟག་དང༌། འགྱུ་བ་ལམ་དང༌། འགྱུར་བ་སྲིད་པའི་ཆོས། དེ་ནས་ཕྲེང་ཕྱེད་དང་བཞི་ན། བདག་དམིགས་སུ་མེད་དོ། །ཞེས་བྱ་བ་ནི་གལ་ཏེ་བདག་ལ་སོགས་པ་དང༌། གཟུགས་ལ་སོགས་པ་ཡོངས་སུ་ཟིན་ན། ཡོངས་སུ་གྲུབ་པ་ཤིན་ཏུ་རྣམ་པར་དག་པ་གང་ཡིན་པ་དེ་ཉམས་པར་འགྱུར་རོ། །ཞེས་སྟོན་ཏོ། །ཞེས་དབུ་མ་པ་གསུངས། དེ་ནས་ཕྲེང་གཉིས་ལྷག་པ་ན། དག་པའི་ཕྱིར། ཀུན་བཏགས་ཀྱི། དེ་བཞིན་ཉིད། དེ་ནས་ཤོག་གུ་གཅིག་དང་ཕྲེང་ལྔ་ན། བསྒོམ་པའི་ལམ་ལ་འཛིན་པའི་རྣམ་པར་རྟོག་པ་དང་པོའི་གཉེན་པོ་ནི། ཤིན་ཏུ་རྣམ་པར་དག་པའི་ཕྱིར་རྒྱུན་དུ་ཞུགས། དེ་ནས་ཕྲེང་ཕྱེད་དང་གསུམ་ན། བསྒོམ་པའི་ལམ་ལ་འཛིན་པའི་རྣམ་པར་རྟོག་པ་གཉིས་པའི་གཉེན་པོ་ནི། ཤིན་ཏུ་རྣམ་པར་དག །དེ་ནས་ཕྲེང་བདུན་ལྷག་ཙམ་ན། མི་དམིགས་པའི་གཏན་ཚིགས་བསྟན་པ། གང་མི། ཆོས་ཀྱི་དབྱིངས། རྣམ་ཤེས་ཀྱིས། མི་དམིགས། དམིགས་སུ་མེད་པ་ནི། རྣམ་ཤེས་ཀྱིས། དམིགས་པ་ཡང་མ་ཡིན། ཡེ་ཤེས་ཀྱིས། མི་དམིགས་པ་ཡང་མ་ཡིན་ནོ། །དེ་བཞིན་དུ་སྦྱར་ཏེ། དེ་བཞིན་ཉིད། དེ་ནས་ཕྲེང་བཞི་ཅུང་མེད་ན། རབ་འབྱོར། ཆོས་ཉིད་ཀྱི་ཕུང་པོ་དང༌། ཁམས་དང༌། གཞུང་འདི་དང༌། ཕལ་ཆེན་དུ་འདུས་མ་བྱས་ཀྱི་རྟེན་འབྲེལ་བཅུ་གཉིས་གསུངས་པ་དང་དོན་གཅིག་ཅིང༌། གསང་སྔགས་རྣམས་སུ་བདེན་དོན་བཅུ་གཉིས་དང༌། གནས་སོགས་བཅུ་གཉིས་དང༌། ཕྱག་བཅུ་གཉིས་དང༌། སྒོ་བཅུ་གཉིས་དང༌། རྟ་བབས་བཅུ་གཉིས་ལ་སོགས་པ་གསུངས་པ་དང༌། དོན་གཅིག་པ་ཆོས་ཉིད་ཀྱི་རྟེན་ཅིང་འབྲེལ་བར་འབྱུང༌། དེ་ནས་ཕྲེང་གཅིག་ན། མི་དམིགས་པ་ཡང་མ་ཡིན་ནོ། །མདོར་ན་ཆོས་ཐམས་ཅད་ལ་བདེན་གཉིས་རྣམ་དབྱེ་ཤེས་དགོས་ཤིང་དོན་དམ་གྱི་གཟུགས་ནས་རྣམ་མཁྱེན་གྱི་བར་ཐམས་ཅད་གཞན་སྟོང་ཡིན་པ་དང༌། རྣམ་ཤེས་ཀྱིས་དམིགས་སུ་མེད་ཅིང༌། ཡེ་ཤེས་ཀྱི་དམིགས་སུ་ཡོད་པ་དང༌། ཀུན་རྫོབ་ཐམས་ཅད་ལ་འབྲེལ་ཏེ་མི་གནས་ཀྱང་མ་འབྲེལ་བཞིན་དུ་ཁྱབ་པར་གནས་པ་དང༌། རྟག་ཅིང་བརྟན་ཐེར་ཟུག་མི་འགྱུར་བའི་སྟོང་པ་ཉིད་སྙིང་པོ་ཅན་སངས་རྒྱས་རིན་ཆེན་ཟ་མ་ཏོག་ཆ་མེད་ཀུན་འགྲོར་བཞུགས་པ་ལ་སོགས་པ་དང༌། ཀུན་རྫོབ་ཀྱི་གཟུགས་ནས་རྣམ་མཁྱེན་གྱི་བར་ཐམས་ཅད་གཤིས་ལ་མེད་པ་དང༌། རང་རང་ངོ་བོས་སྟོང་པ་ལ་སོགས་པ་གནས་པས་བཤད་པའི་ཚུལ་ཡང་སྔ་ཕྱི་ཐམས་ཅད་དུ་དེ་ལྟར་ཤེས་དགོས་སོ། །དེ་ནས་ཤོག་གུ་བཅུ་གསུམ་དང་ཕྲེང་གསུམ་ཅུང་མེད་ན། ཆོས་ཐམས་ཅད་ཅེས་བྱ་བ་ལ་ཆོས་ནི་རྣམ་པ་གཉིས་ཏེ། ཀུན་བཏགས་པའི་ཆོས་རྣམས་དང༌། ཡོངས་སུ་གྲུབ་པའི་ཆོས་རྣམས་སོ། །ཞེས་གསུངས་པའི་ཕྱིར། ཀུན་བཏགས་པའི་ཆོས་རྣམས་ནི་གཤིས་ལ་ནམ་མཁའི་མེ་ཏོག་ལྟར་ཅིང་ཡང་མ་གྲུབ་པས་ཅིར་ཡང་དམིགས་སུ་མེད་དོ། །ཡོངས་སུ་གྲུབ་པའི་ཆོས་རྣམས་ནི་ཀུན་རྫོབ་གང་དུ་ཡང་མ་གྲུབ་མོད་ཀྱི་རང་བཞིན་གཉུག་མ་འོད་གསལ་ཆོས་སྐུ་འགྱུར་མེད་བདེ་བ་ཆེན་པོ་བཅུ་གཉིས། དེ་ཉིད་བཅུ་དྲུག །རྡོ་རྗེའི་ཟླ་ཉི། ཨེ་ཝཾ། ཡི་གེ་རྡོ་རྗེ་སེམས་དཔའ་མ་ནིང་གི་གོ་འཕང༌། རྡོ་རྗེ་དབྱིངས་ཀྱི་དཀྱིལ་འཁོར་ཆེན་པོ་ཤེས་བཅུའི་རྣམ་དག་བདག་ཉིད་ཅན། དེ་བཞིན་ཉིད་བདག་དག་པའི་བདག །དཔལ་ལྡན་རྒྱུ་སྐར་དཀྱིལ་འཁོར་ལ་སོགས་པར་ནམ་ཡང་གང་ན་ཡང་ཁྱབ་པར་བཞུགས་ཤིང༌། སྐད་ཅིག་དང་རྟེན་འབྲེལ་དང་རྟོག་གེ་དང༌། རྣམ་ཤེས་ལས་ཤིན་ཏུ་འདས་པའི་ཕྱིར་རྣམ་ཤེས་ཀྱིས་ནི་དམིགས་པའི་ཚུལ། ལེའུ་བཅུ་གཅིག་གོ། །། ༈ དེ་རྣམས་ཀྱིས་ནི། ཚོ༷གས་ནི༷། ཞེས་པ་དོན་དགུ་པ་གསུངས་ཟིན་ཏོ། །བམ་པོ་བཅུ་གསུམ་པ། ཆེད་དུ་བྱ་དང་། དེ་ནས་ཚེ་དང་ལྡན། དེ་ནས་ཕྲེང་གཅིག་དང་ལྷག་པ་ན། བཅོམ་ལྡན་འདས་ཇི་ལྟར་ནམ་མཁའ་གང་ནའང་མི་གནས་པ་དེ་བཞིན་དུ། ཐེག་པ་ཆེན་པོ་ཡང་མཐར་ཕྱིན་ཅིང་ཆོས་ཀྱི་སྐུའི་བདག་ཉིད་ཡིན་པས། ཞེས་གསུངས་པའི་ཕྱིར། མཐར་ཐུག་གཞི་འབྲས་ཀྱི་ཐེག་པ་ཆེན་པོ། དེ་ནི། དོན་དམ་ཆོས་སྐུ་ཡིན་པས་ནམ་མཁའ་དང་མཉམ་པ་སྟེ། དེ་ཅིའི་ཕྱིར་ཞེ་ན། ཆེ་བ་གསུམ་གྱི་ཕྱིར་ཏེ། དང་པོ་སྐབས་འབྱེད་པ་ཆེ་བ་ནི། ཇི་ལྟར། དེ་ནས་ཕྲེང་གཉིས་ན། གཉིས་པ་སྐྱེ་འགག་ལ་སོགས་པ་མེད་པའི་ཆེ་བ། བཅོམ་ལྡན་འདས། ཐེག་པ་ཆེན་པོ། འདུས་མ་བྱས་ཀྱི་དབྱིངས། འདི་ལ་ཡང༌། མི་དམིགས། གློ་བུར་དུ་གནས་པ་ཡང༌། གསུམ་པ་དུས་ཀྱིས་མ་བསྡུས་པའི་ཆེ་བ། བཅོམ་ལྡན་འདས། དེ་ནས་ཕྲེང་གཅིག་ན། ཐེག་པ་ཆེན་པོ། དོན་དམ་བདེ་གཤེགས་སྙིང་པོ། འདི་ཡང༌། དུས་གསུམ་དུས་མེད་རྟོགས་པ་པོ་ཡིན་པར་བཀའ་སྩལ་པས། དུས་གསུམ་མཉམ་པ་ཉིད། དེ་ནས་ཤོག་གུ་གསུམ་ལ་ཕྲེང་ཕྱེད་དང་གཉིས་ཆད་པ་ན། འདི་ནས་གནས་བརྟན་གྱི་ཚིག་དེ་དག་སོ་སོར་སྨོས་ཏེ་རྒྱ་ཆེར་བསྟན་ཏོ། །རབ་འབྱོར། གང་ཡང༌། དེ་ནས་ཕྲེང་ཕྱེད་དང་གཉིས་ལྷག་པ་ན། རབ་འབྱོར། གལ་ཏེ་ཞེས་བྱ་བ་ལ་སོགས་པས་ཇི་ལྟར་བསྟན་པར་འགྱུར་ཞེ་ན། གལ་ཏེ་འདོད་པའི་ཁམས་ལ་སོགས་པ་ཆོས་ཐམས་ཅད་ཀུན་བཏགས་པ་དང༌། ཡང་དག་པ་མ་ཡིན་པ་མ་ཡིན་ཏེ། ཡོངས་སུ་གྲུབ་པ་དེ་ཁོ་ན་ཉིད་ཀྱི་ངོ་བོ་ཞིག་ཡིན་དུ་ཟིན་ན། ཐེག་པ་ཆེན་པོ་འདི་དེ་དག་ལ་ངེས་པར་འབྱུང་བར་མི་འགྱུར་ཞིང༌། དེ་དག་ཡོངས་སུ་སྤོང་བར་མི་འགྱུར་བ་ཞིག་ན། འདི་ལྟར་དེ་དག་ཐམས་ཅད་ནི་ཀུན་བཏགས་པ་སྟེ། ཡང་དག་པ་མ་ཡིན་པས་དེའི་ཕྱིར་ཐེག་པ་ཆེན་པོ་འདི་དེ་དག་ཡོངས་སུ་སྤོང་བར་འགྱུར་རོ། །ཞེས་བསྟན་པ་ཡིན་ནོ། །ཞེས་དབུ་མ་པ་གསུངས། འདོད་པའི་ཁམས། ཕྱིན་ཅི་ལོག་མ་ཡིན་ལ། སྐབས་འདིར་དེ་ཁོ་ན་ཞེས་པ་གཅིག་ཁྲི་བརྒྱད་སྟོང་པ་དང༌། དབུ་མ་པ་ཆེན་པོ་དབྱིག་གཉེན་གྱིས་འགྲེལ་པ་གནོད་འཇོམས་སུ་བྱུང་ཞིང༌། གཞུང་འདི་དང་ཉི་ཁྲི་ན་མེད་དོ། །བདེན་པ་ཡང་དག་པ་སྟེ། ཞེས་བྱ་བ་ལ་སོགས་པ་ནི་གལ་ཏེ་འདོད་པའི་ཁམས་དངོས་པོར་ཡོད་པར་འགྱུར་རོ། །དངོས་པོ་མེད་པ་ལམ་ཡིན་ན་ཞེས་བྱ་བ་སྦྱོར་ཏེ། གལ་ཏེ་འདོད་པའི་ཁམས་ཡོད་པར་གྱུར་ཏེ་མེད་པ་མ་ཡིན་ན། ཡོངས་སུ་གྲུབ་པའི་མཚན་ཉིད་དང༌། བདེན་པའི་མཚན་ཉིད་དང༌། འདུས་མ་བྱས་ཀྱི་མཚན་ཉིད་དང༌། རྣམ་པ་གསུམ་གྱིས་ཡོད་པ་ཉིད་དུ་འགྱུར་ཏེ། དེ་ལ་དེ་བཞིན་ཉིད་མ་ནོར་བ་དག་གཞན་མ་ཡིན་པ་ཞེས་བྱ་བའི་ཚིག་གསུམ་གྱིས་ནི་ཡོངས་སུ་གྲུབ་པའི་མཚན་ཉིད་བསྟན་ཏོ། །ཕྱིན་ཅི་མ་ལོག་པ་དང༌། དེ་ཁོ་ན་དང༌། ཡང་དག་པ་དང༌། བདེན་པ་དང༌། ཇི་ལྟ་བ་བཞིན་ཞེས་བྱ་བའི་ཚིག་ལྔས་ནི་བདེན་པར་བསྟན་ཏོ། །རྟག་པ་དང༌། བརྟན་པ་དང༌། ཐེར་ཟུག་དང༌། མི་འགྱུར་བའི་ཆོས་ཅན་ཞེས་བྱ་བ་ཚིག་བཞིས་ནི་འདུས་མ་བྱས་ཀྱི་མཚན་ཉིད་བསྟན་ཏོ། །དེ་ལ་ཡོངས་སུ་གྲུབ་པའི་མཚན་ཉིད་ནི་འདིར་རྣམ་པ་གསུམ་སྟེ། མི་འཇིགས་པར་ཡོངས་སུ་གྲུབ་པ་དང༌། ཕྱིན་ཅི་མ་ལོག་པར་ཡོངས་སུ་གྲུབ་པ་དང༌། མི་འགྱུར་བར་ཡོངས་སུ་གྲུབ་པའོ། །དེ་ལ་དེ་བཞིན་དུ་འགྱུར་ཞེས་བྱ་བས་མི་འཇིགས་པར་ཡོངས་སུ་གྲུབ་པ་བསྟན་ཏོ། །མ་ནོར་བ་ཞེས་བྱ་བས་ནི་ཕྱིན་ཅི་མ་ལོག་པར་ཡོངས་སུ་གྲུབ་པ་བསྟན་ཏོ། །གཞན་མ་ཡིན་པ་ཞེས་བྱ་བས་ནི་མི་འགྱུར་བར་ཡོངས་སུ་གྲུབ་པ་བསྟན་ཏོ། །བདེན་པའི་མཚན་ཉིད་ཀྱང་ཕྱིན་ཅི་མ་ལོག་པའི་མཚན་ཉིད་རྣམ་པ་ལྔ་སྟེ། དཔེར་ན། སྨིག་རྒྱུ་ལ་ཆུར་ཕྱིན་ཅི་ལོག་ཏུ་གྱུར་པ་མེད་པ་ལྟ་བུ་སྟེ། དེ་ནི་ཕྱིན་ཅི་མ་ལོག་པ་ཞེས་བྱ་བ་བསྟན་ཏོ། །ངོ་བོ་ཉིད་ཀྱི་མཚན་ཉིད་ནི་དཔེར་ན་སྒྱུ་མ་ལ་ངོ་བོ་ཉིད་མེད་པའི་དངོས་པོ་ལྟ་བུ་སྟེ། དེ་ནི་དེ་ཁོ་ན་ཉིད་ཅེས་བྱ་བ་བསྟན་ཏོ། །ཡོད་པའི་མཚན་ཉིད་དཔེར་ན། སྐྲ་ཤད་འཛིངས་པ་ལ་སོགས་པ་ཡོད་པ་མ་ཡིན་པའི་མཚན་ཉིད་དུ་གྱུར་པ་མེད་པ་ལྟ་བུ་སྟེ། དེ་ནི་ཡང་དག་པ་ཞེས་བྱ་བས་བསྟན་ཏེ། མི་སླུ་བའི་མཚན་ཉིད་ནི་དཔེར་ན། ཟླ་བ་ནི་གཉིས་སུ་གྱུར་པ་ལ་སོགས་པར་འཁྲུལ་བའི་མཚན་ཉིད་མེད་པ་ལྟ་བུ་སྟེ། དེ་ནི་བདེན་པ་ཞེས་བྱ་བ་བསྟན་ཏོ། །རིགས་པའི་མཚན་ཉིད་ནི་དཔེར་ན་རྟག་པ་དང་བདེ་བ་དང༌། བདག་ལ་སོགས་པ་འཐད་པ་དང་བྲལ་བར་གྱུར་པ་མེད་པ་ལྟ་བུ་སྟེ། དེ་ནི་ཇི་ལྟ་བ་བཞིན་དུ་ཞེས་བྱ་བས་བསྟན་ཏོ། །འདུས་མ་བྱས་ཀྱི་མཚན་ཉིད་ནི་རྣམ་པ་བཞི་སྟེ། མདོར་བསྡུས་ན་ཆོས་ཀྱི་དབྱིངས་དེ་སྐྱེ་མ་ཡིན་ནམ་ཡང་འགག་པར་འགྱུར་བ་མེད། དུས་རྣམས་ཀུན་ཏུ་ཉོན་མོངས་མེད། ཐོག་མ་བར་མཐའ་དྲི་མ་བྲལ། སྐྱེ་བ་འགག་པ་མེད་པའི་མཚན་ཉིད་ནི། འདི་ལྟ་སྟེ། རྟག་པ་ཞེས་བྱ་བར་གསུངས་སོ། །རྟག་ཏུ་གནས་པའི་མཚན་ཉིད་ནི། འདི་ལྟ་སྟེ། བརྟན་པ་ཞེས་བྱ་བ་གསུངས་པའོ། །ཆད་པ་མེད་པའི་མཚན་ཉིད་ནི། འདི་ལྟ་སྟེ། ཐེར་ཟུག་ཅེས་གསུངས་པའོ། །མི་འགྱུར་བའི་མཚན་ཉིད་ནི། འདི་ལྟ་སྟེ། མི་འགྱུར་བའི་ཆོས་ཅན་ཞེས་གསུངས་པའོ། །ཞེས་དབུ་མ་པ་ཆེན་པོ་ཀུན་མཁྱེན་གཉིས་པ་དབྱིག་གཉེན་གསུངས་སོ། །དེ་ནས་ཤོག་གུ་བཅུ་གཉིས་དང་ཕྲེང་ཕྱེད་དང་བཅུ་གཉིས་ན། ཟིལ་གྱིས་མནན་ཏེ་འབྱུང་བ་ཡིན་ནོ། །སྐབས་འདིར་ཁྲི་བརྒྱད་སྟོང་པ་དང༌། དབུ་མ་པ་ཆེན་པོའི་གནོད་འཇོམས་སུ་དེ་བཞིན་ཉིད་ལ་སོགས་པ་ཡོངས་གྲུབ་དགུ་བྱུང༌། གཞུང་འདི་དང་ཉི་ཁྲིར་མ་བྱུང༌། བམ་པོ་བཅུ་བཞི་པ། རབ་འབྱོར། གལ་ཏེ་བདེན་པ་གཉིས་བསྡུས་པའི། སྦྱིན་པའི་ཕ་རོལ། དེ་ནས་ཤོག་གུ་དགུ་དང་ཕྲེང་དགུ་ན། འཇིག་རྟེན་ཟིལ་གྱིས་མནན་ཅིང་འབྱུང་བ་ཡིན་ནོ། །ཆོས་ཀྱི་དབྱིངས་ལ་སོགས་པའི་ཡོངས་སུ་གྲུབ་པ་བཞི་པོ་འདི་ཉིད་ནི་ཉི་ཁྲིར་བྱུང་ཞིང༌། ཁྲི་བརྒྱད་སྟོང་པ་དང༌། གནོད་འཇོམས་སུ་མ་བྱུང༌། དེ་ནས་ཤོག་གུ་གཉིས་ན་ཕྲེང་གཉིས་ཆད་པ་ན། གསུངས་ཡན་ལག་དྲུག་ཅུ་དང་ལྡན་པ། འགྲེལ་པ་གནོད་འཇོམས་གཉིས་དང༌། ཉི་ཁྲི་སྣང་བ་ལ་སོགས་པར་གསུངས་པ་རྣམས། དངོས་པོ་ཡོད་པ། དེ་ནས་ཕྲེང་གཉིས་ཅུང་མེད་ན། སངས་རྒྱས་ཀྱིས་གསུངས། མཉེན་འཇམ་ཡིད་འོང་ཡིད་དུ་འཐད། །དག་པ་དྲི་མེད་རབ་ཏུ་གསལ། །སྙན་ཅིང་འཇེབས་ལ་མཉན་པར་འོས། །མི་ཚུགས་སྙན་པ་དུལ་མི་རྩུབ།། མི་བརླང་རབ་དུལ་རྣ་བར་སྙན། །ལུས་སིམ་བྱེད་དང་སེམས་ཚིམ་བྱེད། །སྙིང་དགར་བྱེད་དང་དགའ་བདེ་སྐྱིད། །ཡོངས་སུ་གདུང་མེད་ཀུན་ཤེས་བྱ། །རྣམ་པར་རིག་བྱ་རྣམ་བསལ་བ། །དགའ་བར་བྱེད་དང་མངོན་དགར་བྱེད། །ཀུན་ཤེས་བྱེད་དང་ཀུན་རིག་བྱེད། །རིག་པ་འབྲེལ་བ་བློ་སྐྱོན་མེད། །སེང་གེའི་སྒྲ་ཡི་ཤུགས་ཅན་དང༌། །གླང་ཆེན་སྒྲ་སྐད་འབྲུག་སྒྲའི་དབྱངས། །ཀླུ་དབང་སྒྲ་དང་དྲི་ཟའི་གླུ། །ཀ་ལ་པིང་ཀའི་སྒྲ་དབྱངས་དང༌། །ཚངས་པའི་སྒྲ་དབྱངས་བསྒྲགས་པ་དང༌། །ཤང་ཤང་དེའུའི་སྒྲ་དབྱངས་གྲག །ལྷ་ཡི་དབང་པོའི་དབྱངས་ལྟར་སྙན། །རྔ་སྒྲ་མ་ཁེངས་མི་དམའ་བ། །སྒྲ་ཀུན་གྱིས་ནི་རྗེས་སུ་ཞུགས། །ཚིག་ཟུར་མ་ཆགས་མ་ཚང་མེད། །མ་ཞུམ་མི་ཞན་རབ་དགའ་ཁྱབ། །ཆུབ་དང་རྒྱུན་ཆགས་འཕེལ་བ་དང༌། །སྒྲ་ཀུན་རྫོགས་པར་བྱེད་པ་དང༌། །དབང་ཀུན་ཚིམ་བྱེད་མ་སྨད་པ། །མི་འགྱུར་མ་བརྡབས་འཁོར་ཀུན་གྲགས། །རྣམ་པ་ཀུན་གྱི་མཆོག་དང་ལྡན། །ཡན་ལག་དྲུག་ཅུ་དང་ལྡན་པ། །དེ་ནས་ཕྲེང་དགུ་ཅུང་མེད་ན། འདའ་བར་འགྱུར་རོ། །མཉམ་ཉིད་དང༌། །རབ་འབྱོར། གང་ཡང༌། དེ་དེ་བཞིན་ཏེ། གཞི་འབྲས་ངོ་བོ་དབྱེར་མེད་ཀྱི། ཐེག་པ་དེ་ནི་སྟོང་གཞི་དོན་དམ་ཆོས་སྐུ་ཡིན་པའི་ཕྱིར། ནམ་མཁའ་དང་མཉམ་མོ། །དེ་ནས་ཕྲེང་གསུམ་ལྷག་པ་ན། ཐེག་པ་ཆེན་པོ། རང་བྱུང་ཡེ་ཤེས་མཁའ་ཁྱབ། དེ་ཡང་ཀུན་རྫོབ་ཀྱི། རིང་པོ་མ་ཡིན། མི་མཉམ་པ་མ་ཡིན་ཏེ། དཔལ་ཀྱེའི་རྡོ་རྗེར། དེ་ནི་རིང་མིན་ཐུང་བ་མིན། །གྲུ་བཞི་མ་ཡིན་ཟླུམ་པོ་མིན། །དྲི་དང་རོ་དང་མྱ་ངན་འདས། །ལྷན་ཅིག་སྐྱེ་དགའ་བྱེད་པ་དང༌། །ཞེས་པ་གང་གསུངས་པ་དང་དོན་གཅིག་ཉིད་དུ་བྱ་རྒོད་ཀྱི་བལྟ་ལུགས་བཞིན་གསང་སྔགས་གནམ་འཕང་མཐོན་པོ་ནས་བལྟས་པས་མཐོང་བ་ཡིན་ནོ། །དེ་ནས་ཕྲེང་གཅིག་ལྷག་པ་ན། ཐེག་པ་ཆེན་པོ་དོན་དམ། དེ་ཡང༌། ཀུན་རྫོབ་ཀྱི། སྔོན་པོ། དེ་ནས་ཕྲེང་ཕྱེད་དང་གཉིས་ལྷག་པ་ན། ཐེག་པ་ཆེན་པོ། མྱང་འདས་ཆེན་པོ། དབུ་མ་ཆེན་པོ། ཕྱག་རྒྱ་ཆེན་པོ། རང་བཞིན་ལྷན་སྐྱེས་ཀྱི་བདེ་བ་ཆེན་པོ། སྟོང་པ་ཆེན་པོ། འགྱུར་མེད་ལྔ་དང་ཐིག་ལེ་སྟོང་པ་འགྱུར་མེད་དྲུག་དབྱེར་མེད་པ། དོན་དམ་པའི་ཨཱ་ལི་ཀཱ་ལི། ཐིག་ལེ་གྲུ་གསུམ། རྡོ་རྗེ་བྷ་ག །རྡོ་རྗེ་སེམས་དཔའ། རྡོ་རྗེ་བདུད་རྩི། རྡོ་རྗེ་འཇིགས་བྱེད། རྡོ་རྗེ་ཕག་མོ། རྡོ་རྗེ་བདག་མེད་མ། རྡོ་རྗེ་མཁའ་འགྲོ། རྒྱ་མཚོ་ལ་སོགས་པ་རང་བཞིན་གཉུག་མ་རང་བཞིན་ལྷུན་གྲུབ་ཆོས་དབྱིངས་མཁའ་ཁྱབ་ཀྱི་ལྷ་དང་སྔགས་ལ་སོགས་པ་འདུས་མ་བྱས་ཀྱི་གཟུགས་ནས་རྣམ་མཁྱེན་གྱི་བར་གང་ཡིན་པ་དེ་ཡང༌། ཀུན་རྫོབ་ཀྱི་འདས་པ་མ་ཡིན། དེ་ནས་ཕྲེང་གཅིག་ལྷག་པ་ན། ཐེག་པ་ཆེན་པོ་ཤེར་ཕྱིན་འདུས་མ་བྱས་དེ་ཡང༌། དེ་ནས་ཕྲེང་ཕྱེད་གཉིས་ན། དེ་ལ་ཡང་ངོ་བོ་ལ། ཀུན་ནས་ཉོན་མོངས་པ་མེད། གློ་བུར་གྱི་རྣམ་པར་བྱང༌། དེ་ནས་ཕྲེང་གཉིས་ཅུང་མེད་ན། ཀུན་རྫོབ་གང་ལ་ཡང་འབྲེལ་ཏེ། གནས་པ། དེ་ནས་ཕྲེང་ཕྱེད་དང་གཉིས་ན། ཐེག་པ་ཆེན་པོ། གྲགས་པ་བཀྲ་ཤིས་སྙན་གྲགས་དགེ །ཞེས་དང༌། ཆོས་ཁམས་དགེ་བ་ཡང༌། ཞེས་གསུངས་པ་གང་ཡིན་པ། དེ་ཡང༌། འདུས་མ་བྱས་ཀྱི་དགེ་བ་ཡིན་པས། འདུས་བྱས་ཀྱི་དགེ་བ་མ་ཡིན། དེ་ནས་ཕྲེང་ཕྱེད་དང་གཉིས་ན། ཐེག་པ་ཆེན་པོ་དེ་ཡང༌། རྣམ་ཤེས་དང་རྟོག་གེས་མཐོང་ངམ། དེ་ནས་ཕྲེང་ཕྱེད་དང་གསུམ་ན། ཐེག་པ་ཆེན་པོ་དེ་ཡང༌། རྣམ་ཤེས་ཀྱིས་ཤེས། ཡེ་ཤེས་ཀྱིས་ཤེས་པར་མི་བྱ་བ་ཡང་མ་ཡིན། ཞེས་བྱ་བ་ནི། རི་བོང་གི་རྭ་ལྟར་ཤིན་ཏུ་མེད་པ་ཡང་མ་ཡིན་པའི་ཕྱིར་རོ། །ཞེས་དབུ་མ་པ་གསུངས། སྡུག་བསྔལ་ཀུན་འབྱུང་དུ་གཏོགས་པའི་ཤེས་པ་ཐམས་ཅད་ཀྱིས། རྣམ་པར་ཤེས། དེ་ནས་ཕྲེང་གཅིག་ལྷག་པ་ན། ཐེག་པ་ཆེན་པོ་དེ་ཡང༌། ཀུན་རྫོབ་ཀྱི་རྣམ་སྨིན་པ། འབྲས་བུ་ཡང་མ་ཡིན། རྣམ་པར་འགྱུར་བའི་ཆོས། དེ་ནས་ཕྲེང་ཕྱེད་དང་གཉིས་ན། ཆེན་པོ་དེ་ཡང་ཀུན་རྫོབ་ཀྱིས། འདོད་པའི། དེ་ནས་ཕྲེང་ཕྱེད་དང་གསུམ་ན། ཆེན་པོ་དེ་ཡང༌། ཐོབ་ཟིན་པ་རྣམས་ལ། འདོད་ཆགས། མ་ཐོབ་པ་རྣམས་ལ། འདོད་ཆགས། ཞེ་སྡང་དང༌། དབྱེར་མེད་དུ་ལྡན་པ་མ་ཡིན། ཞེ་སྡང་ཐ་དད་དུ་ལྡན་པ་དང་བྲལ་བ། ཡིན་པའི་ཚུལ་གྱིས། གཏི་མུག་དང་ལྡན་པའི་ཡང་མ་ཡིན། ཡོད་པའི་ཚུལ་གྱིས། གཏི་མུག་དང་བྲལ། དང་པོ་དང་བསྐྱེད་པ་ས་དང་པོ་མེད་དོ། །དེ་བཞིན་དུ་གཉིས་པ། དེ་ནས་ཕྲེང་གཅིག་ན། ཐེག་པ་ཆེན་པོ། དོན་དམ་བྱང་ཆུབ་ཀྱི་སེམས། དེ་ཡང་ཀུན་རྫོབ་ཀྱི། སེམས་བསྐྱེད་ཐམས་ཅད་དབྱེར་མེད་དུ་མེད་པས། སེམས་དང་པོ་བསྐྱེད། དེ་ནས་ཕྲེང་གསུམ་ཅུང་མེད་ན། དབྱེར་མེད་དུ་དཀར་པོ། དེ་ནས་ཕྲེང་ཕྱེད་དང་གསུམ་ན། ཆེན་པོ་དེ་ལ་ཡང༌། དོན་དམ་གྱི་འཕགས་པ་དང༌། འབྲས་བུ་ཀུན་འདུས་ཡིན་ཡང་ཀུན་རྫོབ་ཀྱི་འཕགས་པ་དང་འབྲས་བུ་ཐམས་ཅད་དབྱེར་མེད་དུ་མེད་པས། རྒྱུན་དུ་ཞུགས། དེ་ནས་ཕྲེང་གཉིས་ལྷག་པ་ན། ཆེན་པོ་དེ་ལ་ཡང༌། དོན་དམ་འདུས་མ་བྱས་ཀྱིས་ཐམས་ཅད་གདོད་ནས་དབྱེར་མེད་དུ་ཡང་ཀུན་རྫོབ་ཀྱིས། ཉན་ཐོས་ཀྱིས་དབྱེར་མེད་དུ་མེད་དོ། །དེ་ནས་ཕྲེང་གཅིག་ལྷག་པ་ན། ནམ་མཁའ་ནི་རང་གི་གཟུགས་དང་ལྡན་པ་མ་ཡིན། སྤྲིན་ལ་སོགས་པའི་གཟུགས་མེད་པ་མ་ཡིན། ནམ་མཁའི་ཁ་དོག་ལྟར་བསྟན་དུ་མེད་པ། ཐོགས་པ་མེད་པའི་ཆོས་ཉིད་མ་ཡིན། འདུས་བྱས་རྣམས་དབྱེར་མེད་དུ་ལྡན་པའང་མ་ཡིན། དེ་ཆོས་ཉིད་མི་ལྡན། ཆེན་པོ་དེ་ཡང་ཀུན་རྫོབ་ཀྱི་གཟུགས་དང༌། དབྱེར་མེད་དུ་ལྡན་པ་མ་ཡིན། དོན་དམ་པའི་གཟུགས། དབྱེར་མེད་དུ་མེད་པ་མ་ཡིན། དེ་གཟུགས་མེད་གཟུགས་བཟང་དམ་པ་ཡིན་པས་སོ། །རྣམ་རྟོག་རྣམ་ཤེས་ལ། བསྟན་དུ་ཡོད་པ་མ་ཡིན། རྣམ་རྟོག་ཡེ་ཤེས་ལ་བསྟན་དུ་མེད། ཐོགས་པ་ཡོད་པ་མ་ཡིན། ཀུན་རྫོབ་ཀྱི་ཐོགས་པ། ཀུན་རྫོབ་ཀྱི་ཆོས་དབྱེར་མེད་དུ་ལྡན་པ་མ་ཡིན། དོན་དམ་གྱི་ཡོན་ཏན་གང་གཱའི་ཀླུང་གི་རྡུལ་སྙེད་ལས་འདས་པ་ཆ་མེད་ཀུན་འགྲོ་ཁྱབ་པ་པོ་ཐམས་ཅད་དབྱེར་མེད་དུ་མི་ལྡན། དཔེར་ན། རྒྱན་ནམ་མཁའ་ལ་སོགས་པ་ནི་རྟག་པ་མ་ཡིན། འདུས་མ་བྱས་ནམ་མཁའ་ནི་མི་རྟག་པ་མི་རྟག་པ་མ་ཡིན། ཀུན་རྫོབ་ཀྱི་བདག་མེད་པའི་ཆོས་ཉིད་མ་ཡིན། ཆེན་པོ་དེ་ཡང༌། ཀུན་རྫོབ་ཀྱི་རྟག་པ་མ་ཡིན། འདུས་བྱས་ཀྱི་བདེ་བ་མ་ཡིན་ཏེ། བདེ་སྡུག་སེལ་བ་མཐར་གྱུར་པ་ཞེས་གསུངས་པས་སོ། །ཀུན་རྫོབ་ཀྱི་བདག་ཡོད་པ། དོན་དམ་གྱི་བདག་མེད་པ་མ་ཡིན་ཏེ། དེ་བཞིན་ཉིད་བདག་དག་པའི་བདག་ཡིན་པས་སོ། །ཀུན་རྫོབ་ཀྱི། ནམ་མཁའ་ནི་སྤྲིན་ལ་སོགས་པ་ཡོད་པས། སྟོང་པ་མ་ཡིན། རང་གི་ངོ་བོ་མི་སྟོང་པ། མཚན་མ་མེད་པའི་ཆོས་ཉིད་མ་ཡིན། མེད་པའི་ཆོས་དབྱིངས་མ་ཡིན་ནོ། །ཆེན་པོ་དེ་ཡང༌། རང་གིས་ངོ་བོས་སྟོང་པ་མ་ཡིན། དེ་ལས་གཞན་ཀུན་རྫོབ་ཀྱིས། མི་སྟོང་པ་མ་ཡིན། མཚན་མ་རང་བཞིན་གྱིས་མེད་པས། མཚན་མ་མེད་པ་གློ་བུར་དུ་བྱུང་བ་མ་ཡིན། ཡོད་པ་མ་ཡིན། སྨོན་པ་རང་བཞིན་གྱིས་མེད་པས། སྨོན་པ་མེད་པས་གློ་བུར་དུ་བྱུང་བ་མ་ཡིན་ཏེ། དེ་ནི་ཞི་བའི་ཡེ་ཤེས་མ་ཡིན། དབེན་པའི་ཡེ་ཤེས་མ་ཡིན། འདུས་བྱས་ཀྱིས་མི་དབེན་པ། དེ་ཡང་རང་བཞིན་གྱིས། ཞི་བ་ཡིན་པས། ཞི་བ། གློ་བུར་དུ་བྱུང་བ་མ་ཡིན། མ་ཞི་བ་མ་ཡིན། རང་གིས་དང༌། དབེན་པ་མ་ཡིན། གཞན་ཀུན་རྫོབ་ཡིན་པས། མི་དབེན། དེ་ནས་ཕྲེང་གཅིག་ན། དེ་ཡང༌། ཀུན་རྫོབ་ཀྱིས། སྣང་བ། ནམ་མཁའ་ནི་དབང་ཤེས་ཀྱིས། དམིགས་མ་ཡིན། ཡེ་ཤེས་ཀྱིས། དམིགས་དེ་ཡང༌། རྣམ་ཤེས་ཀྱིས། དམིགས་ཡེ་ཤེས་ཀྱིས། དམིགས་མ་ཡིན། དམིགས་སུ་ཡོད་མེད་འདིའི་ཚབ་ཏུ་ཁྲི་བརྒྱད་སྟོང་པར་འཐོབ་པ་ཡང་མ་ཡིན། དམིགས་སུ་ཡོད་པ་མ་ཡིན། ཞེས་པ་བྱུང་ཞིང༌། གནོད་འཇོམས་སྔ་མ་ཡང་དེ་དང་མཐུན་ཏེ། དེ་ཡང༌། ཚིག་གི་ལམ་དུ་མ་གཏོགས་པས། བརྗོད་དུ་ཀུན་རྫོབ་ཏུ་ཚིག་གིས་བསྟན་པར་བྱ་བ་མ་ཡིན་པས་བརྗོད་དུ་མེད། ནམ་མཁའ་དང་མཉམ་པ་སྟེ། འདིར་གཞི་འབྲས་ཀྱི་ཐེག་ཆེན་མཐར་ཐུག་ནི་དེ་བཞིན་ཉིད་དེ། ལམ་གྱི་ཐེག་ཆེན་ནི་ཐེག་ཆེན་གྱི་ལྟ་སྒོམ་སྤྱོད་པ་རྣམ་དག་སྟེ། འདི་ལྟར། སེམས་ཅན་དོན་དང་། རབ་འབྱོར། དེ་ནས་ཕྲེང་གསུམ་ན། རིག་པར་བྱ་སྟེ། ཞེས་བྱ་བའི་དོན་གང་ཡིན་ཞེ་ན། གང་ཟག་བདག་མེད་པས་ཆོས་བདག་མེད་པ་ལ་འཇུག་པར་འགྱུར་བའི་ཕྱིར་སྔར་སེམས་ཅན་མེད་པ་ལ་གནས་ནས་ནམ་མཁའ་མེད་པ་ལ་གནས་པར་འགྱུར་རོ། །ནམ་མཁའ་མེད་པས་ཐེག་པ་ཆེན་པོ་མེད་པར་ལ་གནས་པར་འགྱུར་རོ། །དེ་དག་མེད་པའི་དཔག་ཏུ་མེད་པ་ལ་སོགས་པའི་ཆོས་རྣམས་ཀྱང་མེད་པ་ཉིད་དེ་ཆོས་ཐམས་ཅད་ཀྱང་དེ་བཞིན་དུ་རིག་པར་བྱའོ། །ཞེས་དབུ་མ་པ་གསུངས། འོ་ན་སྔར་ཐེག་པ་ཆེན་པོ་ཆོས་སྐུ་ལ་བཤད་པ་དང་མི་འགལ་ལམ་ཞེ་ན། སྐྱོན་མེད་དེ། འདིར་མེད་པའི་དོན་དམིགས་སུ་མེད་པ་ལ་བྱ་སྟེ། མཉམ་བཞག་གི་དུས་སུ་ཆེད་དུ་ཡང་མི་རྟོག་ཅེས་པ་གཞུང་གི་དགོངས་པའོ། །དེ་ལྟར་ཡང་འོག་ཏུ་དམིགས་སུ་མེད་པའི་ཕྱིར་རོ། །ཞེས་འབྱུང་བས་སོ། །འདི་འདྲ་བ་དག་ལ་དགོངས་ནས། བཅོམ་ལྡན་འདས་ཉིད་ཀྱི་རང་འགྲེལ་གྱིས་འཁོར་ལོ་གཉིས་པའི་སྐབས་སུ་བླ་ན་མཆིས་པ། སྐབས་མཆིས་པ། དྲང་བའི་དོན། རྩོད་པའི་ཚིག་གིས་གནས་སུ་གྱུར། ཞེས་པ་ཡང་དྲན་པར་བྱའོ། །དེ་ནས་ཕྲེང་བཅུ་གཉིས་ལྷག་པ་ན། དེ་བཞིན་ཉིད་མེད་པར་རིག་པར་བྱའོ། །ཞེས་བྱ་བ་ནི་སེམས་ཅན་མེད་པས། ཀུན་བཏགས་པའི་གཟུགས་ཀྱི་དེ་བཞིན་ཉིད་དང༌། སྒྲའི་དེ་བཞིན་ཉིད་ལ་སོགས་པ་མེད་པར་རིག་པར་བྱའོ། །དེ་ལྟར་ཆོས་ཐམས་ཅད་མེད་པའི་ཕྱིར། ནམ་མཁའ་དང་མཚུངས་པས་གོ་སྐབས་འབྱེད་དོ། །ཞེས་བྱ་བར་དགོངས་པའོ། །ཞེས་དབུ་མ་པ་གསུངས། དེ་ནས་ཕྲེང་ཕྱེད་དང་བཅོ་ལྔ་ན། བམ་པོ་བཅོ་ལྔ་པ། དེ་ནས་ཤོག་གུ་བཅུ་བདུན་ལ་ཕྲེང་ཕྱེད་དང་གསུམ་ཆད་པ་ན། འབད་མེད་དང༌། །རབ་འབྱོར། གང་ཡང༌། དེ་ནས་ཕྲེང་གཉིས་ན། གནས་པར་འགྱུར་བ་མེད་དོ། །ཞེས་བྱ་བ་ནི་མཐར་ཐུག་པའི་ཐེག་པ་ཆེན་པོའི་གནས་སྐབས་ན། ཆོས་ཐམས་ཅད་དེ་བཞིན་ཉིད་ཙམ་དུ་ཟད་པའི་ཕྱིར། སྐྱེ་བ་དང༌། འགག་པ་དང༌། གནས་པ་མེད་པས་མི་གཡོ་བར་སྣང་ངོ༌། །ཞེས་དབུ་མ་པ་ཆེན་པོ་གསུངས། དེ་ནས་ཕྲེང་གསུམ་ལྷག་པ་ན། འགྱུར་བ་མེད་དོ། །ཞེས་བྱ་བ་ནི་མཐར་ཐུག་པའི་ཐེག་པ་ཆེན་པོའི་ས་ལ་ཆོས་ཀྱི་དབྱིངས་དེ་ཉིད་རང་བཞིན་ཉིད་དང༌། དེ་བཞིན་ཉིད་དང༌། ངོ་བོ་ཉིད་དང༌། མཚན་ཉིད་ཁོ་ནར་བཟུང་སྟེ། དེ་ཉིད་རང་བཞིན་གྱིས་གཞན་ནི་མེད་དོ། །དེ་ནི་དེ་བཞིན་ཉིད་ཡིན་གྱི་གཞན་མ་ཡིན་ནོ།། དེ་ནི་ངོ་བོ་ཉིད་ཡིན་གྱི་གཞན་མ་ཡིན་ནོ། །དེ་ཉིད་མཚན་ཉིད་ཀྱི་གཞན་མ་ཡིན་ཏེ། དེ་ལ་ཕྱེ་སྟེ། སྨོས་པ་ཙམ་དུ་ཟད་དོ། །ཞེས་དབུ་མ་པ་ཆེན་པོ་གསུངས། དེ་ནས་ཤོག་གུ་གཉིས་ན། བམ་པོ་བཅུ་དྲུག་པ། དེ་ནས་ཤོག་གུ་བཅུ་དགུ་དང་ཕྲེང་གསུམ་ན། བམ་པོ་བཅུ་བདུན་པ། དེ་ནས་ཤོག་གུ་གཉིས་ལ་ཕྲེང་གཅིག་ཆད་པ་ན། མཐའ་ལས་འདས་པར་ངེས་འབྱུང་དང༌། །རབ་འབྱོར། གང་ཡང༌། དེ་ནས་ཕྲེང་དྲུག་ན། རྣམས་ཀྱི། དུས་གསུམ། མཉམ་པ་ཉིད་ཀྱི་ཐེག་པ་སྟེ། ཞེས་བྱ་བས། མཇུག་བསྡུས་ཏེ་བསྟན་པ་ཅི་ལས་དགོངས་ཞེ་ན། དུས་གསུམ་མཉམ་པ་ཉིད་ཀྱི་ཐེག་པ་ཞེས་བྱ་བ་ནི་མཐར་ཐུག་པའི་ཐེག་པ་ཆེན་པོ་ལ་བྱའོ། །ཐེག་པ་ཆེན་པོ་དེ་ཡང་ཐ་དད་དུ་བྱ་བ་ཐམས་ཅད་དང་བྲལ་བས་གཅིག་པུའི་བདག་ཉིད་དེ། དེ་ལ་ནི་དུས་བྱ་བ་དང༌། དུས་མཉམ་པ་ཉིད་ཅེས་བྱ་བ་དང༌། ཐེག་པ་ཆེན་པོ་ཞེས་བྱ་བ་དང༌། བྱང་ཆུབ་སེམས་དཔའ་ཞེས་བྱ་བ་ཐམས་ཅད་སྟོང་པ་ཉིད་ཙམ་དུ་ཟད་པའི་ཐེག་པའོ།། སྟོང་པ་ཉིད་ཙམ་དུ་ཟད་པ་དེ་ལ་ནི་ཀུན་བཏགས་པའི་ཆོས་དེ་དག་མེད་པའི་ཕྱིར་ཐམས་ཅད་སེལ་ཏོ། །ཞེས་དབུ་མ་པ་ཆེན་པོ་གསུངས། དེ་ལ་མི་མཉམ་པ། འདོད་ཆགས་དང་མཉམ་པ། དེ་བཞིན་དུ་སྦྱར་ཏེ། ཞེ་སྡང་དང༌། དེ་ནས་ཕྲེང་བདུན་ལྷག་པ་ན། འགྱུར་བ་ལྟ་ཅི་ཞིག་སྨོས། ཞེས་བྱ་བ་ལ་གཟུགས་ཀྱི་སྟོང་པ་ཞེས་བྱ་བ་གང་གི་ཚེ་གཟུགས་དང་འབྲེལ་བའི་སྟོང་པ་ཉིད་གཟུང་བ་དེའི་ཚེ། སྟོང་པ་ཉིད་ཀྱང་ཀུན་བཏགས་པ་ཡིན་པའི་ཕྱིར་ཡོད་པ་མ་ཡིན་ན། སྟོང་པ་ཉིད་དེ་ལ་གཟུགས་ཡོད་པར་ག་ལ་འགྱུར། ཞེས་བྱ་བའི་ཐ་ཚིག་གོ །ཞེས་དབུ་མ་པ་གསུངས། དེ་ནས་ཤོག་གུ་གཅིག་དང་ཕྲེང་བརྒྱད་ལྷག་ཙམ་ན། དེ་ལྟར་བྱུང་བའི་དུས་དམིགས་པ་ལྟ་ཅི་ཞིག་སྨོས། ཞེས་བྱ་བ་ཅི་ལས་དགོངས་ཞེ་ན། མཐར་ཐུག་པའི་ཐེག་པ་ཆེན་པོའི་ས་ལ་ནི་ཕ་རོལ་ཏུ་ཕྱིན་པ་ལ་སོགས་པའི་ཆོས་ཐམས་ཅད་རྣམ་པར་སྨིན་པའི་བདག་ཉིད་དུ་གྱུར་ནས། སྟོང་པ་ཉིད་ཀྱི་ངོ་བོ་ཉིད་ཀྱི་རྗེས་སུ་ཞུགས་ཏེ། དེ་བས་ན་དེ་ལ་དུས་གསུམ་མཉམ་པ་ཉིད་ཅེས་བྱ་བ་ཡང་མེད་ལ། དུས་གསུམ་དུ་གཏོགས་པའི་སྦྱིན་པའི་ཕ་རོལ་ཏུ་ཕྱིན་པ་ཡང་མེད་དོ། །ཞེས་དབུ་མ་པ་ཆེན་པོ་གསུངས་ཤིང༌། ལ་ཟློ་བ་མཉམ་བཞག་ཟབ་མོའི་སྐབས་ལ་དགོངས་པ་ཡིན་ལ། སྐབས་གཞན་ཤིན་ཏུ་མང་པོར་ཡང་ལ་ཟློ་བ་ལ་དགོངས་ནས་མེད་ཅིང་མི་དམིགས་ལ་སོགས་པ་གསུངས་པའི་དགོངས་པ་མ་ཤེས་པས་རྣམས་ཀྱིས། རྗེས་ཐོབ་ཤན་འབྱེད་པའི་སྐབས་ལ་སྦྱར་བ་ཐམས་ཅད་ནི་ནོར་བ་ལས་ཀྱང་ནོར་བ་ཡིན་པ། རྣམ་པ་ཐམས་ཅད་དུ་དོར་བར་བྱའོ། །དེ་ནས་ཤོག་གུ་བཅུ་ཐམ་པ་དང་ཕྲེང་དགུ་ན། རྣམ་པ་ཐམས་ཅད་མཁྱེན་པ་ཉིད་དུ་འབྱུང་ངོ༌། །ཐོབ་པའི་མཚན་ཉིད་ངེས་འབྱུང་དང༌།། དེ་ནས་ཚེ་དང་ལྡན། དེ་ནས་ཕྲེང་ལྔ་ལྷག་པ་ན། ཐེག་པ་ཆེན་པོའོ། །ཞེས་བྱ་བས་ནི་ཆེན་པོ་རྣམས་ཀྱི་ཐེག་པ་ཡིན་པས་ཐེག་པ་ཆེན་པོའོ། །ཞེས་བྱ་བའི་ངེས་པའི་ཚིག་བསྟན་ཏོ། །ཞེས་དབུ་མ་པ་གསུངས། དེ་ནས་ཕྲེང་གཉིས་ལྷག་པ་ན། ལེའུ་བཅུ་གཉིས་སོ།། །།
༈ བམ་པོ་བཅོ་བརྒྱད་པ། དེ་ནས་བྱམས་གང་གིས་བུས། འོག་ནས་བཤད་པའི་སྐབས་དབྱེ་བའི་ཕྱིར། བཅོམ་ལྡན་འདས། དེ་ནས་ཕྲེང་ཕྱེད་དང་གཉིས་ནས། ཙམ་དུ་སེམས་སོ། །ཞེས་པ་སྔར་ནི་ཤེར་ཕྱིན་སྟོན་པར་བསྐོས་ལ། ད་ལྟར་ནི་ཐེག་པ་ཆེན་པོ་བཤད་པ་བྱས་སོ། །ཞེས་ལུས་སོ། །དེ་ནས་ཕྲེང་གཅིག་ལྷག་པ་ན། ལགས་གྲངས། ཞེས་བྱ་བ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་དང༌། ཐེག་པ་ཆེན་པོ་གཉིས་ཐ་མི་དད་པའི་ཕྱིར་ཐེག་པ་ཆེན་པོ་བསྟན་པས་ཤེས་རབ་ཀྱི་ཕ་རོལ་ཏུ་ཕྱིན་པས་ཡང་བསྟན་པ་ཡིན་པར་དགོངས་པ་སྟེ། ཞེས་དབུ་མ་པ་གསུངས། དེ་ནས་ཤོག་གུ་དྲུག་ལ་ཕྲེང་ཕྱེད་དང་གཉིས་ཙམ་ཆད་པ་ན། མཐའ་ཡས་རིག་པར་བགྱིའོ། །ཞེས་བྱ་བ་ལ་སོགས་པ་གསུངས་ཏེ། གཟུགས་ལ་སོགས་པ་ཆོས་ཐམས་ཅད་ལ་སྔོན་གྱི་མཐའ་ལ་སོགས་པ་མཐའ་གསུམ་མེད་པས་ཀུན་ཏུ་མཐའ་ཡས་ཉིད་དེ། དེ་བཞིན་དུ་བྱང་ཆུབ་སེམས་དཔའ་ཡང་ཀུན་ཏུ་མཐའ་ཡས་པར་རིག་པར་བྱའོ། །ཞེས་བྱ་བའི་ཐ་ཚིག་གོ །ཞེས་དབུ་མ་པ་གསུངས། དེ་ནས་ཕྲེང་གཉིས་ལྷག་པ་ན། མི་དམིགས་སོ། །ཞེས་བྱ་བ་ལ་སོགས་པ་གསུངས་སོ། །དེ་ལྟར་དུས་གསུམ་ལ་བྱང་ཆུབ་སེམས་དཔའ་མི་དམིགས་པ་དང༌། གཟུགས་ལ་སོགས་པ་ཡང་བྱང་ཆུབ་སེམས་དཔའི་ངོ་བོར་མི་དམིགས་པའི་ཕྱིར། བྱང་ཆུབ་སེམས་དཔའ་དམིགས་སུ་མེད་དོ། །མེད་པས་གདམས་པ་དང་རྗེས་སུ་བསྟན་པ་གཉིས་ཀྱང་མེད་པའི་ཕྱིར། ཞེས་དབུ་མ་པ་ཆེན་པོ་གསུངས། དེ་ནས་ཕྲེང་བཞི་ན། མིང་ཙམ་དུུ་བས་ཏེ། ཞེས་བྱ་བ་ནི་དེ་ལྟར་དམིགས་སུ་མེད་པའི་ཕྱིར། བྱང་ཆུབ་སེམས་དཔའ་ཀུན་བཏགས་པ་ཙམ་དུ་ཟད་པར་སྟོན་ཏོ། །དེ་ལྟར་བྱང་ཆུབ་སེམས་དཔའ་དོན་དམ་པར་མེད་པར་བསྟན་ནས་དཔེ་བསྟན་པའི་ཕྱིར་ཞེས་དབུ་མ་པ་གསུངས། དེ་ནས་ཕྲེང་གསུམ་ན། བཅོམ་ལྡན་འདས། དེ་ནས་ཕྲེང་གཉིས་ན། ཞེས་བྱ་བ་ནི། དེ་ལྟར་དམིགས་སུ་མེད་པའི་ཕྱིར། བྱང་ཆུབ་སེམས་དཔའ་ཀུན་བཏགས་པ་ཙམ་དུ་ཟད་པར་སྟོན་ཏོ། །དེ་ལྟར་བྱང་ཆུབ་སེམས་དཔའ་དོན་དམ་པར་བསྟན་པའི་ཕྱིར། ཞེས་དབུ་མ་པ་གསུངས། ཞེས་བྱ་བ་མངོན་པར་གྲུབ་པའི་མཚན་ཉིད་མེད་པར་བསྟན་ནས། མངོན་པར་གྲུབ་པ་མེད་པའི་མཚན་ཉིད་བསྟན་པ། བཅོམ་ལྡན་འདས། གཟུགས་མ་ལགས། ཞེས་བྱ་བ་ལ་སོགས་པ་གསུངས་ཏེ། མངོན་པར་གྲུབ་པ་མེད་པའི་མཚན་ཉིད་ནི་ཡོངས་སུ་གྲུབ་པའི་མཚན་ཉིད་[ནི་[དེ་?]ཡོངས་སུ་གྲུབ་པའི་མཚན་ཉིད་ཡིན་གྱི་ཀུན་བཏགས་པའི་གཟུགས་ལ་སོགས་པ་ནི་མ་ཡིན་ནོ། །ཞེས་བྱ་བའི་ཐ་ཚིག་གོ །ཞེས་དབུ་མ་པ་ཆེན་པོ་གསུངས། དེ་ནས་ཕྲེང་གཅིག་ན། མ་ལགས་ཏེ། དེ་ལྟར་ཀུན་བཏགས་པའི་བྱང་ཆུབ་སེམས་དཔའ་མེད་པའི་ཕྱིར་གདམས་པའི་འོས་མ་ཡིན་པར་བསྟན་ནས། ད་ནི་དོན་དམ་པར་ཆོས་ཉིད་ཀྱི་བྱང་ཆུབ་སེམས་དཔའི་དབང་དུ་བྱས་ཏེ། བཅོམ་ལྡན་འདས། དེ་ནས་ཕྲེང་གཅིག་ལྷག་པ་ན། མཆིས་སམ། ཞེས་བྱ་བར་གསོལ་ཏོ། །དོན་དམ་པའི་བྱང་ཆུབ་སེམས་དཔའ་ནི་ཆོས་ཀྱི་དབྱིངས་ཀྱི་ངོ་བོ་ཉིད་ཡིན་པས། མངོན་པར་མ་གྲུབ་པའི་མཚན་ཉིད་ཡིན་ཏེ། དེ་ཡང་སྤྲོས་པ་ཐམས་ཅད་ལས་འདས་པའི་ཕྱིར་གདམས་པ་དང༌། རྗེས་སུ་བསྟན་པའི་འོས་མ་ཡིན་ནོ། །ཞེས་བྱ་བར་དགོངས་སོ། །ཞེས་དབུ་མ་པ་ཆེན་པོ་དབྱིག་གཉེན་གསུངས། དེ་ནས་ཕྲེང་ཕྱེད་དང་གཉིས་ན། ལ་སྤྱོད་དོ། །ཞེས་བྱ་བ་ནི་དོན་དམ་པའི་སྤྱོད་པ་བསྟན་ཏོ། །ཞེས་དབུ་མ་པ་གསུངས། དེ་ནས་ཤོག་གུ་གཅིག་ཕྲེང་ལྔ་ཅུང་མེད་ན། སྔོན་གྱི་མཐར་མི་དམིགས་སོ། །ཁས་མི་ལེན་ཏོ། །ཞེས་ཁྲི་བརྒྱད་པ་དང་གནོད་འཇོམས་སུ་བྱུང༌། དེ་ནས་ཕྲེང་གསུམ་ལྷག་པ་ན། དབུས་མི་དམིགས་སོ། །ཞེས་བྱ་བ་ནི་གང་ཟག་གི་བདག་མེད་པའི་ཕྱིར། བྱང་ཆུབ་སེམས་དཔའ་འདས་པའི་དུས་ན་བྱུང་ངོ༌། །བྱང་ཆུབ་སེམས་དཔའ་མ་འོངས་པ་ན་འབྱུང་བར་འགྱུར་རོ། །བྱང་ཆུབ་སེམས་དཔའ་ད་ལྟར་བྱུང་བ་ན་ཡོད་དོ། །ཞེས་བྱ་བ་དུས་གསུམ་ཁས་མི་ལེན་ཏོ། །ཞེས་བྱ་བར་བསྟན་ཏོ། །ཞེས་དབུ་མ་པ་གསུངས། དེ་ནས་ཕྲེང་བཞི་ན། གཉིས་སུ་བྱར་མེད་དོ། །ཞེས་བྱ་བ་ནི་ཐམས་ཅད་དུ་ཡོངས་སུ་གྲུབ་པའི་མཚན་ཉིད་དུ་གཅིག་པར་དགོངས་པའོ། །ཞེས་དང་མེད་པའི་ཕྱིར་ཞེས་བྱ་བ་ལ་སོགས་པས་ནི་ཆོས་བདག་མེད་པར་བསྟན་ཏེ། ཞེས་དབུ་མ་པ་གསུངས། བྱང་ཆུབ། དེ་ནས་ཤོག་གུ་བདུན་ན། བམ་པོ་བཅུ་དགུ་པ། དེ་ནས་ཤོག་གུ་བཅོ་བརྒྱད་དང་ཕྲེང་ཕྱེད་དང་དགུ་ན། བམ་པོ་ཉི་ཤུ་པ། དེ་ནས་ཤོག་གུ་བཅུ་དགུ་དང་ཕྲེང་དྲུག་ན། དབུས་གང་ཡིན་པ་ཐམས་ཅད་ཀྱང་གཉིས་སུ་མེད་དེ་གཉིས་སུ་བྱར་མེད་དོ། །འདི་ཡར་བཅད་ཀྱིས་ང་པ་སྟེ། པོ་ཏི་བཞི་པ་རྫོགས་སོ།། །།