དབོན་གཞན་ཕན་ཀུན་དགའ་ལ་གདམས་པ།

བླ་མ་ལ་ཕྱག་འཚལ་ལོ། །དལ་བརྒྱད་འབྱོར་བཅུས་བརྒྱན་པའི་ལུས་རྟེ འཁོར་ལོ་བཞི་ལྡན་ཐོབ་པའི་གནས་སྐབས་འདིར། །ནམ་འཆི་ཆ་མེད་དྲན་པས་རྒྱུད་བསྐུལ་ནས། །རྒྱུ་འབྲས་ལས་ལ་བླང་དོར་ཞིབ་ཏུ་མཛོད། །ཁྱད་པར་སྲིད་ལས་བཅོས་མིན་ཅེས་འབྱུང་གིས། །ཇི་ལྟར་ཁས་བླངས་ཚུལ་ཁྲིམས་དག་པ་དང་། །སྡེ་སྣོད་རྒྱུད་སྡེ་ཟབ་མོའི་གསང་བ་ལ། །ཐོས་དང་བསམ་པས་རང་རྒྱུད་ལེགས་པར་སྦྱངས། །བྱང་ཆུབ་སེམས་དང་རིམ་གཉིས་རྣལ་འབྱོར་ལ། །རྩེ་གཅིག་ཉམས་སུ་ལེན་པའི་སྐལ་བཟང་གིས། །རང་གཞན་དོན་གཉིས་ལྷུན་གྱིས་གྲུབ་པ་ཡི། །དགེ་མཚན་མངོན་སུམ་མཐོང་བའི་བཀྲ་ཤིས་ཤོག །ཅེས་པའང་དབོན་གཞན་ཕན་ཀུན་དགའི་ངོར་འཇམ་དབྱངས་མཁྱེན་བརྩེའི་དབང་པོས་བྲིས་པ་དགེ་ལེགས་སུ་གྱུར་ཅིག། །།